ᴋᴀ ʟᴇɪ ᴠᴀɴᴛɪʀʜᴋᴏʜ by Famkimi chenkual (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

Re: ᴋᴀ ʟᴇɪ ᴠᴀɴᴛɪʀʜᴋᴏʜ by Famkimi chenkual (Completed)

Unread post by Ngaia » January 17th, 2021, 12:24 pm

KA LEI VANTIRHKOH


CHAPTER - 7


Kimkimi...... POV


"Hmeichhe chak tak leh huaisen tak lawm i nih" ka hnung a ben dat dat pah chuan a ti a.



"I hria em ka thinglung hi hmun tam tak a sah sawm vek ang hian a na asin. Kha thil thleng kha hmu lo in thleihnghil ila ka ti mahse ka hmu miau si. Mahni nu ka mit hmuh ah pawngsual a ni a mahse atan pawh dik na ka hmu theilo nia" in hnit feih feih chung chuan ka ti a.



"Shitttt" ka hnung a ka chul pah chuan a ti a.




Rei ngial ka țah hnu chuan ka bang a



"Engtin nge i hriat" min kuahna laksawn pah chuan ka ti a



"Thil rawn pek che ka tum a i vin kha ka hria a" inthlahrung deuh chuan a ti a



"Unmm min hua em" ka ti sup a



"Eng vang chuan maw ka huat ngawt ang che" mit melh kar pah chuan a ti a.



"Mi dawihzep tak ka ni sia , mahni nu dikna pawh hailang ngamlo ka nia" hnuai lam en pah chuan a ti a.



"Mi dawihzep i ni reng reng lo" min kuai dak pah chuan a ti a



"Nula hmelțha tak leh fel tak i ni" a ti sup a




Ka lu ka thing nawk nawk a.



"I hria em phuba lak chakna in min tuam a mahse ka puitlin lo leh țhin ka dawihzep luat vangin" ka ti leh sup a



"Phuba reng reng la suh tih a nih kha. I dawihzep lo i huaisen ber zawk lawm. I nu dikna chu dan in a pe em em ang" rilruih chuan a ti a



"I tan ka awm reng ang" a ti leh sup a





"Ka lawm e" ka ti sep a.




"Sawi hun a ni em ka hrelo mahse Kimkim ka duh che ni" ka mit a en pah chuan a ti a



"Min khawngaih vang" ka ti sep a.



"A ni lo ka duh che" a ti leh sup a.


"Aih... aih... nilo min khawngaih vang" ka lu thing nawk nawk pah chuan ka ti a.




"Kimkim ka mimeng ah hian en teh ka duh che dawt ka sawi lo" ka dar tawn tawn a vawn pah chuan a ti a.



A mitmeng ah chuan dawt a sawi lo tih ka hria mahse mahse hi a awm leh țhn


"Ka phulo che nang chu pastor ni a hun pum a rawngbawl tur i ni keichu zan in race ching zu in ve thei reng hmeichhia ka ni ka phu lo che ; mi in engtin nge sawi se i tih" zuai ruih chuan ka ti a



"Mi thusawi ah kan buai chhung chuan kan nun a nuam nang. Bakah Pathian tan kan thawk dun ang chu" nuih suk pah chuan a ti a



Ka lu ka thing nawk nawk a.



"Min duh ve em???" a ti sep a.



Ka duh ka duh lutuk a lawm mahse hi a awm a ni.


"Aih" hnuailam en pah chuan ka ti a.



"Ka mitah hian en la min duh loh thu sawi rawh" min kuaih dak pah chuan a ti a.

Ka ngawi reng a

"Kha i sawi theilo tiraw i ngawihreng na khan chhanna min pe a ni. Kimkim eng ang thil pawh tawng tawh mah la ka duh tho che. I hun kal tawh ka ngai pawimawh lo i hun lo la awm tur pawh hriat ka duh hek lo mahse i tun hun zel hi ka duh a ni. I tun hun chauh ni ka duh" rilruih chuan a ti a




Ka kuah ta tawp a




Ni e, ka phulo mahse ka duh a ni.



"Kan țha tiraw" a ti sup a.


Ka bu ngauh ngauh a.



"Kimkim in chhungkaw chungchang sawi theih chu ka neilo mahse va haw tawh la i pa nen i be ru aw" rei fe kan inkuah hnu chuan ngenngawm aw deuh hian a ti a.



"Mahse...." ka ti sep a.



"Ka sawi tawh kha saw lo pa i neilo. I nu thih dan chungchang ah pawh a țhawng viau ang chuvangin va haw la in be ru aw...." a ti leh sup a.



Ka duh lo viau nang a a tih tlat vang chuan kan haw ta a




Inchhung ka lut chu a lo reh țhiap a.


Choka lam ka en chu Nu Muani lo la awm.


A mittui a hru deuh reng a. .

"Awii ka naute" min rawn hmu chu a ti nghal a.



"Ka naute i va han tuar nasa tak em , mi â tak ka ni tiang a i awm chhan te kha lo zawng chhuak ila țha tur" țap pur chung chuan a ti a.



"Nu Muan inthiamlo suh" kuah pah chuan ka ti a



"Ka naute...." in hnit hlawp hlawp chung chuan a ti a



"I pa lehkha chhiar na pindan ah a awm va be rawh i chhuah hnu khan a tlu lo chauh a ni a țhawng ve lutuk a ; chuan a lehkha chhiar na room ah a lut lehnghal daih a a lo la chhuak lo" ka kuah na phelh thawl pah chuan a ti a



"Ummm ka va bia ang" ka ti sep a.


A hlim hmel teh e.



Ka pa lehkha chhiar ah chuan ka lut a.




Ka hmu chu ka nu thlalak kuah pah hian a mittui a hru zeuh zeuh a.



"Pa" ka ti sep a.



"Bawihte" rawn dah chhuan pah chuan a ti a.

"Pa ka tihpalh" mittui parawl kuang chuan ka ti a.



"Bawihte keimah zawk hi sin ngaihdam dil tu tur che chu. Khang i danglam chhan te kha chhui in i nu thih dan te kha lo chhui ila. Bawihte pa nep tak i nei a ih hi tiraw" țah aw deuh țuau hian a ti a.



Ka pa pa insum thei tak kha a țap ve a ni.



"Pa chutiang sawi suh ka thiamloh a ni ve tho lawm up bo lo in lo sawi ila" insut pah chuan ka ti sep a.



"Aw....... ka fanu i nu nen khan in mi ngaihdam ka ngai ni" min rawn kuah pah chuan a ti a. .


"Pa...." țap chung chuan ka ti a.




Keima thiamloh vek a ni lo sawi chhuak ta ila tiang em em hian kan na lo tur , hmeichhe dawihzep tak kha lo ni lo ila.











Zan ah chuan ka mu lo chiang teh e ,ka pa pawh a mu lo tih ka hria



Chaw ei dawhkan kan kil chu kan ngawi țhap a.



"Vawiin ah ka lawyer ka bia ang" kan ngawih reng lai chuan ka pa chuan a rawn ti a. .


"Umm" ka ti sep a.



Ka nuhrawn leh a fanu erawh an ngawi kar a.




"Ka tho mai nge" tih leh kham ka rual nghal a.


.
Thil ei a harsa takzet a ni.


Rilru tih thawen nan hrim hrim pawn college kal tur chuan ka chhuak a.



Andy a lo ding leh reng chu ni in.



A hmel ka hnu chu ka thinrim thar leh a



Hmun fal deuh ah chuan ka pen pui hlawp hlawp a.



"I hre vek tiraw" ka ti nghal tawng a.



"Aih nizanah ka hre ve chiah a" inthlahrung deuh chuan a ti a.


"Kan innei thei lo tih i hriatthiam ka ring" ka ti leh nghal run a.



"Ka hria ka hria ka hria e.... mahse ka eng hi nge i duhloh em em a" a ti sup a.



"Andy tlangval fel tak leh nula care thiam tak i ni mahse mi tupawn duhzawng kan nei hrang țheuh a chutiang chuan midang duh ka nei ve a ni. Nangmah ah chuan țhatloh na engmah ka hmulo mahse duh ka nei ve ni" ka tisep a.



A beidawng hmel hle. Mahse pawm ngei se ka duh ni.



"Tu nge i duh chu min hrilh thei em. Nge ni a kha Bd zir Albert-a in tih kha" a ti a



Ka bu ngauh a



"Awle a țhat chu" tih leh kalsawn a rual a.



Ka hrihhai lek lek a ni.




#note : a sei lo leh pek mahse min pawm sak hram hram dawn nia. Kan hnatlang dar 11 pelh ah kan bang chauh a , ka haw a ka type sawk sawk a ka rawn vawm lut rawih mai ni.
Chuan tawi viau mahse click hram ru aw.. mi fel ho

chuan comment kha lo uar deuh deuh ru aw comment hian min ti phur ve a.

💜💜💜💜💜💜💜💜💜



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » January 17th, 2021, 12:24 pm

KA LEI VANTKOH


LAST CHAPTER
CHAPTER-8



KIMKIMI..... POV



"Bawihte nizan a kan thil sawi kha ka ngaihtuah a court ah kal ka duh a ni" ka pa chuan chaw ei dawhkan kan kil lai chuan a ti a.



Engmah kan sawi lo kan ngawi țhiap a.



"Mahse Liana chu checkup in Delhi lamah an kal a vawiin lamah an rawn haw chauh ang" a ti leh dap dap a.



Ka pa ka hriatchian ngei kha a lo kir leh ni mai in ka hria.


Ni e , ka nu thihna chungchang a hriatchhuah avang khan a na lo nilo a tuar lo a ni lo mahse pa insum thei tak kha a ni reng a ni.


A tawrhna engmah a ti lang lo reng a ni.




"Mahse Liana chu a cancer a ni" chuai reih hian a rawn ti leh a.



Ka thaw hlalh a.



"Ka kham mai ang" ti sup in ka tho ta daih a.



Ka rilru a buai takzet a ni.










"Albert engtin nge tise min tih maw... cancer thi țep tawh chu hremna pe se min ti em" chuai reih chuan ka ti a.


"Ka hrelo le. Mahse ngaihtuah teh hremna in pek ngailo in Pathian in hremna a pe a nih hi. Khang chhung zawng khan nun nuamin a nun bik ka ring lo. I awm nuamlo ang chiah khan a awm ka ring ve ni" a ti sup a.



"I hria em Pathian kha ka dem em em a tiraw" inthlahrung tak chuan ka ti sup a.


"Ni e , Pathian hi chu kan dem fo lawm kan tisual țhin reng mahse i hria em kha kha a sual ta lua a ni hlei hnem kan sim a Ama lamah kan kir leh kha lawm țha ber. Hei vang hian alawm kan tan a fapa neichhun min pek" min kuah pah chuan a ti sup a.



"I hria em ka tawng lo ang che tih ka hlau. Hmeichhe fel hi mipa hian vantirhkoh in ti fo in ka hria chutiang deuh chuan nang hi KA LEI VANTIRHKOH i ni" melh chhoh pah chuan ka ti sep a.


"Vantirhkoh chu ka ni bik lo e" kiai suk pah chuan a ti a.



"I ni tho tho" nuih pah chuan ka ti a.



A nui ve suk a.












Thla thum a liam leh tawh ka pa nen pawh kan in pawh sawt ka nuhrawn pawh ngaih hram hram ka tum a chuatiang bawk in Mary pawh.



Albert vangin Pathian ka hmu let ka ti lo theilo a ni.



Khang hun chhung kha Pathian dem nan leh sual rawngbawl nan ka lo hmang kha ka inchhir takzet a ni.



Kohhran ah ka inhmang chho leh țan a.


Mi te chuan min sawi țhin ka hria mahse ka khing let duh tawh lo a ni.



Ni e ; ka tuar ve tur reng ah ka ngai a ni.








"Pa... pa Liana chu kan va tlawh dawn mi a hun tawp lam a ni tawh si a" chaw ei lai chuan ka ti a.


An rawn hawi țhap a.



"Ni e ; he thu hi hun rei tak chhung ka ngaihtuah reng a ni. Kan tlawh ve a ngem tih hi , chuan a tawp ah kan tlawh tur a ni tih hi ka thutlukna a ni ta a. Pa kan chungah thil nasa tak a tisual in ngaihdam tlak a ni lo tih ka hria , a tuartu ber pawh ka ni mahse hun kal tawh a ni a ; ka nu kha kan ko let thei lo Pa Liana kan ngaihdam theihloh chhung chu kan hrehawm.ve ni mai in ka hria" ka ti sup a.


"Nia Bawihte keipawn ka ngaihtuah nasa mahse i ngaihdan a nih loh ka hlau deuh a" ka pa pawh chuan a ti ve sup a.



"A nih chuan vawiin chu hna țul kalsan in va tlawh ang hmiang" ka ti leh sep a.


"Ni e" a ti ve leh sup a..













Pa Liana kan va tlawh chu amah kha a ang tawhlo zawk ruh hlang hi a ni ringawt.


Kan va lut chu a lo harh a a meng phawk chiang teh e.


A khuh bawrh bawrh a.



In lama in enkawl tawh an nih vangin nurse an ruai tawp a.


Nurse chuan en zung zung in kan nghak deuh rih a.




"Va hmu ru a lam tawh che u a" nurse chuan rawn chhuah pah chuan a ti a.


Kan lut nghal a.



A hmel ka hmuh hian hun kal tawh kha ka hrechhuak lo theilo mahse ka tawrhchhuah a ngai a ni.



"Min ngaidam rawh u" kan țhu chiah chu aw khur beuh beuh in a ti a.



"Min ngaidam mawlh teh u ; Kimkim Bawihi ka tihpalh takzet a ni ngaihdam tlak ni lo mah ila min ngaidam mawlh teh u" thaw hlawi hlawi chung chuan a rawn ti a.


"Hahdam phawt teh" ka pa chuan a ti sup a.



"Pa Lian i hria em keichuan ka ngaidam a ngaihdam theih loh na che ka neilo mahse Pathian ațang a hmangaih na leh khawngaihna țang chuan ngaihdam kan ni vek a ni lawm ni" a thawk pangngai deuh hnu chuan ka ti sep a.



"Pa inbiak na hun ka pe ang che u. Albert'n min lo hruai dawn a" ka ti sep a.



Ka chhuak nghal a.





"I ti țha lutuk e" in ațang ka chhuak chiah chu a lo ti nghal a.




"Engtin nge i hriat" nuih pah chuan ka ti a.


"I hmel ah khan a lang renv alawm" nuih suk pah chuan a ti a.



"Chutia law ka hmel chu engtin nge awm a" ka hmai khawih pah chuan ka ti a.


"A eng phet phet a lawm" ka lu a rawn tuai zeuh pah chuan a ti a..



"Kal teh ang i che romantic țan tlat" ka lai lutuk chuan ka ti daih a.



Kan in phur chhuak a ; kan spot ti tawh mai ang ka nu nen a kan picnic na țhin ah chuan kan kal a.




"I hria em ka hringnun ah hian ka tawng lo ang che tih ka hlau ngawih ngawih a ni" Albert-a en pah chuan ka ti a.



"A ti leh țan dawn ta" chal chuar tup chung chuan a ti a.




"He BD zirlai tlangval hmelțah tak pro pastor ni mai tur hi KA LEI VANTIROHKOH a nih hi" ring leng lawmg a auh pah chuan ka ti a.




Ni e KA LEI VANTIRHKOH a ni.









I hringnun ah khan miten ngaihdam theih loh khawp a sual nasa an ti tawh em. Țap hial khawp leh nun hlauh hial khawp in an siam tawh che em. Khang hun ah khan hei hi lo hrechhuak ta che kan Pathian lakah pawh hian sual nasa leh pawi nasa tak kan khawih ve țhin a mahse Ani chuan min ngaihdam leh țhin tih hi

Ngaihdamna hi thil hlu tak leh uihawm loh tak a ni. I hmelma kha hmangaihin han țawngțai sak teh i khawvel thlirna a danglam ngei ang.






#note : awle KA LEI VANTIRHKOH chu a hmawr kan bawk leh ta. Țhahnem ngai deuh a min chhiar sak tu te chungah ka lawm em em a , in mi support na vang chauh in he story pawh hi ka complete thei a ni. Ka readers duh tak e chungah ka lawm em em a ni.
Chuan zanin hi last chapter a nihna angin comment la pe miahlo te pawh khan min lo comment sak hram dawn nia. In tan story thar nen ka lo kir leh ang



💜💜💜💜💜💜💜💜💜💜💜💜💜💜💜💜

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)