BIG BOSS BY MAY RENTHLEI (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

Re: BIG BOSS BY MAY RENTHLEI (Completed)

Unread post by Ngaia » January 17th, 2021, 12:31 pm

Big Boss
Chapter 20
May Renthlei

"Atheene chhawng 15 na, room no-1500 chhunga i thil thuhruk kha kan phawrh chhuak ho dawn em ni?" Huatthlala awm reuh fe chuan arawn ti a.

Ka patea pawh a hawi buai deuh hlek chu a ni. Delphine lah a confi em em mai bawk si.

"Damian ani hi ka be fal duh. Hun rei lo te chhung min pe thei a ngem?" Tiin ka patea chuan min rawn a.

"Ka thei lo." Delhphine ka ngaihtuah zawkna avang chuan kan ti a.

"A rei dawn lo. Biak fal lawk ka duh mai chauh alawm." An ti nawn leh a.

"Kan pahnih chauh a sawi dun lo in kan vaia hriattlan tur law law hian kan sawi dun zawk dawn lo em ni?" Delphine lah chuan cho em em in a lo la ti zui a. Eng chiah nge awm tih hriat chakna chin chu ka nei ve tho. Ka patea hmel awmdan dik lo tak avangte hian.

"Hun chu ka pe ang che u. Mahse Delphine chungah hian engmah i ti tur ani lo." Ka patea chu kan vau lawk a.

"Keimah i sawina anih chuan ka ngaihtuahawm lo. Ka mi thah chak tak nena kan awmdun dawn anih chuan a ngaihtuahawm zawk chu keini lo in Vladir zawk hi ani ang." Ka patea lam ngeiawm taka melh thip ram chuan Delphine lahin a lo ti duh lek a.

Ka patea zawk pawh a ti hawi lawl lawl mai alawm.

"Chhuak ang u." Ka naute ho chu kan ti a.
Delhphine leh ka patea chu kan chhuahsan ta hlawm a..Ka rilru erawh a nuam zan lo chu a nim

"I ṭha em?" Blaise hnenah kan chhuah hnu chuan ka ti a.

"Ṭha e. Min khawih na vak hman lo." Delhphine rehna hnu hma lang riak khawih pah chuan mi chhang a.

"A pawi kati hle mai. Doctor hnenah kal la aṭha ang."

"Ni e. Clara nun chu awihawm loh khawpin a inthlak danglam tawh a ni. Ka chunga a chet duhdan te hi awih harsa ka la tifan." Lungngai hmel pu tak chuan a ti chuai raih a.

"A thil tawn ṭha lo tak tak tekhan a nun a nghawng lian ve em a ni." Thaw zui hlahin ka lo chhang a. Delphine nun zel dan tur ngaihtuah hian minti lungngai.

"Eng vanga min haw em em nge maw anih le? Min thik tidawn ila a hriatna a hlauh vek tawh bawk si. Mak kati ngawt mai." An ti leh vang vang a.

"Ka hrethiam bik lo le. Melanie nen khan doctor hmu tur chuan kal tawh ula aṭha ang." Melanie mit mei nghal zauh chuan kan ti a.

"Awle. Zanriah kil dun ang aw." An ti zui a.

"Kan tum dawn nia." An kal liam tur chu ka nuih zui zauh a.

Ka patea leh Delphine te inbiakna lamah chuan ka rilru ka pe zui nghal. Darthlalang aṭang chuan an lang chiang hle a. An ṭawng erawh tumahin kan hre thei lo.

"Pawn lamah lo nghak ula aṭha ang." Ka patea ṭhuihhruai ho hnenah chuan ka ti a.

"Awle." Tiin min chhuahsan zui ta hlawm a.

"An ṭawng saw ngaih thlak ka duh." B.K leh Arthur hnenah chuan ṭhuṭ hmun rem zuiin ka ti a.
Keimah chauhin ka hriat theih turin headphone ka vuah zui a..

Ka patea leh Delphine lah chu an inmelh hlum dawn emaw tih mai turin an in melh rum nasa a. Delhphine chet ze han ngeiawm dan em em ziate lah chu. Hmana ṭanga lo hresa lo tan phei chuan ngeiawm duh tak tur chu ani ve hrim hrim..

""Damian hian hre chhuak ni ta se a ngaidam bik dawn che em ni?" Ka naute chuan a lo ti mek ri aṭang chuan kan ngaithla ṭan a.

"Chu lam ka sawi tum ani lo. Thliarkar lam mite chuan eng vanga kei kher min bitum tir che nge annih hriat ka duh." Ka patea lah chuan a lo ti ve chhek chhek thung a.

"Ka sawi tawh kha. Atheene Room No-1500 chhunga i thil neih kha an duh." Delphine chuan chu thu bawk chu asawi nawn leh a.

"Kan mi tenawm ho mai mai chu... Ka hrilh tlang law law ang che nula.." tih pah chuan Delphine lamah ka patea chu an awn phei deuh a. Kut a thlak mai ang tih hlauin che chhuak thei mai tur chuan ka lo inring sa run.

"Ka lam hawi leh min bei zawng hian pen khat pawh rawn pen zui tawh suh. A thleng nawn leh anih chuan he khawvel hi i chhuahsan vang vang tawh ang." Tiin ka patea chuan dur khuih a melh chungin an vau khur khur a.

Delhphine chu kan ngaihtuah viau dawn na chu ka patea vauna te chu hlau leh pawisa awmin a lang hauh lo nia. Hmeiche chak leh huaisen tak a lo ni ta anih hi...

"Ka chhungte chunga i tih ang chiah khan maw?" Delphine thusawi chuan kei leh ka patea chu min ṭhawng ve ve..

"Ngawi hmak rawh. Kha thu kha sawi lo turin kati che."

"Ni lo ve. Engkim ka hai lang vek ang a. Nang hi kati chhe vek dawn che. Ka chhungte chunga thleng ang chiah kha nang leh i chhungkaw chungah sawn ka thlentir ve dawn." Delphine in chu thu a sawi lai chuan ka patea chu thah nghal mai chak duh ut ut awmin a lang a. Huatna leh thinrimna techuan a tuam khat hneh lutuk..

"I theih chuan tum chhin la. He khawvel mite hian nang mi hnuaihnung nge kei ang mi ropui leh thilti thei hi an rin zawk ang. Dam ila duh chuan ngawi la, ka lam hawi zawngin chet rawn la vetawh suh." Delhphine ang bawkin ka patea pawh chuan ka naute chu thah mai duh hmel a pu ve tho.

Keini ho hi kan awm tih hre lo va inbia ni ta se thisen a luang ngei ang.

An thusawi vel avangte chuan kei chu ka lo buai mum mum. Pakhat lah ka mi ngaihsan em em leh ka patea ni bawk ani a. Delphine lah ka hmeiche hmangaih em em.

Eng tin nge annih pahnih inkar buaina saw ka chinfel tak ang?

"Vladir Thibault ngai thla teh... I thusawi zawng zawng tekha ka tan engmah lo mai a ni. Ka chhungte chunga thleng ang kha ka chungah hian ka thlen tir vedawn lo che. Damian Thibault hian engkim a hriat chhuak hunah chuan a ngaidam mai mai bik lo ang che." Ka naute thil sawi chuan ka beng verh leh zual ṭan.

Chhungkua tih a sawi khan thliarkar lam mite a sawina emaw ka ti mai a. A niin ka hre ta lo..

"Damian hian a ring che anga maw?" Ka patea chuan Delhphine hmusit taka nuih zui chuan an ti a. Ka naute a ṭawngkhum dan vel avang chuan ka rilru a lo na tel ve.

"Min ring lo pawh nidawn se a finfiahna zawng zawng nen chuan min dang thei bik dawn lo. A nin min rin leh rin loh lam ka ngaihsak lo. Blaise Brown nen inthu rualin ka nun intichhe vek a. A man ka la pe let ang che u." Ka naute chuan thinrim mit sen ramin ka patea chu an ṭawngkhum falh falh a..

Kei erawh zawhna tam takin mi rawn deng zui mawlh mawlh..

Clara Delphine hian kan rindan angin hriatna a lo hloh loh tihna em ni ang? Ka ṭhu mai thei tawh lo. Ka ding chhuak hluai a.

"Ngawi la awm hle hle rawh. A leh pekah chuan ka kutah ngei hian i thi tawh ang a. I ruang chu keimah ngei hian ka phum tawh bawk ang.." Ka patea thil sawi zawh tak chuan kei pawh mi ṭhawng hle.

Delphine pawhin ka patea chu han sawisak bawrh bawrh duh tawh mai ni awmin a lang. A insum ve ṭang ṭang hmel chu ka lo lainat hial.

"A thleng nawn tawh ngai lo vang. Blaise Brown nen hian ka la tichhe vek zawk dawn che u." Ka naute thin chuan a tuar ta nghang lo ania nge an inkara dawhkan awm chu ka patea lamah chuan a hnawl rawp a. Ka patea pawh a ṭhuṭ hmun aṭanga tla in a tlu chiang hle.

"Tumah va lut suh u." An ṭawng hre ve lo, an chet zia chiah hmu thei ka naute pahnih bulah chuan ka lo ti vat a.
Chet thawh an tum zui ta bik lo.

"Ka chhungte nang hian min thah sak vek tawh hnuah mi ṭha ber awm ang techuan ila nung chhunzawm zui a..Ka chhungte thah pawh duh tawk lovin kei leh zel min dah bo tumin chet ila zui leh bawk a. Mahse tunah erawh zawng ka lo la dam ta si a, i thiltih man te pe let tur che in." Delhphine chuan ka patea chu an pan hnai zui khar khar a.

A thinrim leh rilru na hmel mawlh mai chu...

"Chet thawh zui tum suh." Ka patea pana chet lak a tum lai chuan ka va inrawlh ta ngawt a.

Kei chu thinrim tak leh ngaihdan ni lo fe in mi rawn melh phei zui a. Minti na raih raih.

A hriatna te nei vek chungin min hre lo ang maiin nun a hmang chu ania. Heng te vang hi em ni? Kei hi min ring zo tawh lo chu ani phawt a. A mah lam thlir chuan a awm lutuk tho e. Mahse.....

"Duh tawk la. I ṭhuṭ hmunah let rawh." Ti a thu kan pek zui chu a lak nat hmel ngang mai. Kei pawh ka na ve tho.

Mahse a rukin kei hian chet ka la zui tawh ang. Tih lan erawh a rem ber rih lo ve..
Min la hria hi ka lawm tawk... A rinna te ka neih let leh theih nan theih tawp ka chhuah zui ang.

Ngaihngam taka ka kianga i awm leh theih nan leh ka kut vuan a, hlim taka kan len dun theih leh ngeina turin theih tawp ka chhuah ngei ang tih ka tiam a che. Ka rilru chuan kati mawlh mawlh a.

"He hmeichhia hi ṭha takin lo enkawl zui ang che u. Ka pawi nasa takin a sawi." Ka patea chuan a lo ti chhek chhek a.. Lungawi lo takin chu lai hmun chu a chhuahsan zui a.

Ka naute thung erawh ṭhuṭthengah chuan eng thil pawi mah a thleng lo ang maiin a lo ṭhu zui leh miah miah tawh. Inthunun thei ve tak chu a ni..

"Tuman tibuai zui suh ang che u." Tiin ka naute ho chu Delphine tibuai lo tur chuan thu kan pe zui a.
Kei erawh chuan ka patea kal liam tawh chu ka va um zui thung.

"Pate lo ding lawk teh." Ka va ti a.

"Eng nge ni?" Nidang ang bawka mi nuih varin a lo ti a.
Ka chungah hi chuan eng lai pawhin a ṭha em em reng a. Hnalamah nise ka pa tih loh a ka mi rin ni bawk a ni.

"Clara thil sawi, Atheene chungchang kha eng nge ni?" Ti a kan zawh chuan ka dara beng thukin a nui zui mai a.

"Engmah ani lo. Ka thil hlu neih te ka dah na hmun mai ania.. Thliarkar lam mi hrawkhrawl leh ruk hmang ho chuan lo hriain an lo it viau ani mahna. Chu vang leka beih tawk ka lo ni alawm mawle." Thiam tak mai chuan an insawi fihlim a..

Nidang ang chu nise ka patea thil sawi ang zawng zawngte chu ka ring lehnghal mahna. Tun aṭang chuan a inthlak danglam tawh ang.

"I ro hlute chu hmun him zawka i dah vat angai dawn anih chu. A hmun lam tur pawh ka lo ngaihtuah sak thei ang che." Kan ti a.

"Nang nghe nghe hi chu aw. I ṭha ṭhin mang e. Ka rawn be zawm dawn che nia." Mi chhuang tak leh nui zui huah huah chuan an ti a.

"Awle. Tluang takin i haw dawn nia. Buaina eng pawh i tawk anih chuan i tan ka awm reng ania." Kan ti zui a..ka thil sawi chuan ati lawm ngang mai.

"Ka hria e. Kan kalsan phawt ang che." Ka dara beng zui leh thawkin a ṭhuihhruai tenen chuan an kal zui a..

Indawpna hmuna an awm lai khan an ṭawng ka ngaithla tih hria pahnih chiahan awm. B.K leh Arthur te an ni. An ni chu ka ring tawk e

"B.K, Diego hrilh la tun aṭang chuan ka patea chetdan engkim en thla turin ka duh che u. Second tina a chetdan zawng zawngte hriat vek ka duh ang." Hmalam melh ngar ngar chuan kan ti a.

"Melanie pawh tun aṭang chuan Blaise Brown kiangah hun hmang tawh rawh se."

"Big Boss an inhaw hle tih i hriat kha a tih chi dawn em ni?" Arthur chuan a lo ti vethung a.

"A pawi lo. Ka patea chunga ka tih ang chiah kha Blaise chungah pawh kati ve dawn. Melanie ka pe anga, amaherawh erawh ka tana en thlatu ani pah thung ang." Kan ti ta rap rap a.

"Ka hrethiam e. Melanie chu ka lo hrilhfiah dawn nia." Arthur pawh chuan a ti zui veleh mai a..

"Atheene room no-1500." Tiin kan phun chhuak zui sup a.

Eng nge awm ka hre ngei tur a ni..

"Arthur."

"Eng nge ni Big Boss." A lo ti var a.

"Delphine chet sual tawhna ni kha ila hre reng a nga. Khami nikhan Blaise Brown nen an chhuak dun anih kha. Ruahman lawk ang vekin engkim mai kha hnuchhui let ngaihna awm lo khawpin sulhnu pawr hmuh tur a awm lo a. Chhui zui tura ka tihna ah che pawh khan en let tur i hre lo ani tiraw?"

"Aw engmah han hmuh thar leh tur pawh a awm chuang lo." Tiin mi lo chhang a.

"Blaise leh ka patea te hi Delphine buaina tawh chung changah khan an inrawlh niin ka hria." Kan ti chhuak halh a.
Arthur pawh a ṭhawng vekhawp mai. A lo ngaihtuah ngai bik lo ani mahna.

Kan mirin em em ten min phatsan tih hriat tluka hrehawm hi a awm dawn em ni?
Delphine lo nitawh bawk. Tunah Blaise leh ka patea lo inrawlh niin lang tel leh ta bawk. Rilru a hah ṭun. Mi del rit em em bawk.

"Engkim keimah ngei hian ka chhuilet leh vek dawn. Ka hriat miah lo hian thuruk a lo tam hle ani mah na." Ka hmai tuai zui pawk chuan kan ti a.

"He lai aia hmun himah hian Delphine sawn chhuah ka duh. Tumah in an hriat lohna tur hmunah." Kan ti nghet churh a..

"Tumah in an hriat ve loh na tur hmun chu i nei sa tawh reng alawm." Arthur lah chuan a lo ti mai a.

"A dik alawm. A ruk thei ang berin kan sawn chhuak dawn nia. Engkim lo peih fel sa la."

"Awle." Min chhuahsan zui nghal chuan a ti a..

Ka ṭhuṭ hmunah chuan thil thleng vel te chu ka ngaihtuah zui neuh neuh a.

Delphine nu leh pa thihna chung chang kha chu chingfel vek tawhin ka lo in ngai kha ani a. A inhnam hnawih nia lang ho pawhin jail bang an zut vek tawhah ka lo ngai a. Khang zo zai phenah khan ka patea chu a lo inrawlh reng em mawni dawn ni?

Inrawlh lo hram se. Delphine hriat sual mai nise kati hle a ni. Chu tiang chauh chu ani dawnin alang si lo..
***************

"Eng emaw tal chu ei la." Delphine kianga va ṭhu zui chuan ka ti a.

Mi rawn melh zawk a..A hawisawn lehnghal. A ngheng ngalh ngalh khawp mai. Mahse a lang sexy ka la ti tho.

"Clara Delphine." Chiang fawka ka ko chung pawh chuan a awm ngai rengin a awm.

Hriatna hloh vek ang maiin a lang chhunzawm zel mai chu ania. Eng tik aṭang khan nge a hriatna te hi arawn neih let leh ni ang..

Kiara sawi hmang kha chuan khawl hmanga a hriatna te tih bosak vek ni ngei khan a sawi si a.

"I ṭhiannu Kiara chung changah khan kanin be lawk thei a ngem?" Kan ti a.

"Sawi tur ka nei lo." Tih zawngin mi chhang bung vut.

"Delphine." Dawhkan chunga a kut dah chu ka va hum vang vang a..
A awm ngai renga awmin, a la sawn hmasa zawkah aṭang leh a.. Harsa fe chuan nui hmel kan hmuh lui hram a.

"Ka tihpalh. Engkim avang khan ka tihpalh. Ka thiamloh vek a ni." Ka aw pawh hrehawm tih luat tukna avangin a khur dar dar.

A thil tawn tur angte ka ngaihtuah hian minti na ve em a ni. Harsatna a paltlang tur zo zai te. Eng ang chiaha hrehawm leh natna nge a lo tuar ang tih ka ngaihtuah hian ka chhungril hi a rum vawng vawng ṭhin.

"Min ring thei ania. Hmana Damian Thibault kha ka la ni reng asin." Ngun thluk fe mai chuan kan ti a.. Min ngaithla awm ang pawhin a la lang duh chuang lo..

"Ti hian a chiang em?" A handcuff bun lai chu ka phelh sak a.

"I duhtawkin tihian min sawisa rawh le. I chhungril natna tekha bun chhuak la. I duhtawkin kut min thlak thei ang. Engtin pawn minti la, min haw rawh. Ka pawm vek. Mahse ka la hmangaih reng che tih theihngilh suh." Mittui tla lek lek chuan kan ti a.

"Kal bo rawh. Kha tianga i awm vel kha ka tan a ninawm tih ka hrilh tawh che kha.." kun ngar mai chuan mi chhang a.

"Ka tan chuan ka naute. Ka naute chauh kha i la nireng asin.. Midang zawng zawng aiin ka ring che.. Eng pawh sawi la i lamah ka ṭang ang. Ka tiam a che." Ka thinlung chhung ril zawng zawng aṭang a chu thu ka hrilh hnu pawh chuan a la khawih pha chuang lo niin a lang.

Dawhkan chu kal hualin Delphine ṭhuṭna kiangah chuan ka ṭhingṭhi thla a.
"Naute khawngaihin.. eng emaw tal sawi rawh." Tih tak meuh chuan kan ngen a. Tianga min awm khum reng hi tawrh har kati lutuk.

"Tiang hian min awm khum reng lo la. Hriatna i nei let tawh tih ka hria. Pate Vladir nena in thusawi pawh kha ka hria. Ka ring che. Puih che ka duh." A kut chu ka vuan zui leh a.. a la sawn ta em lo. Chu chauh pawh chu ka tan a lawmawm..

"Min ring tak meuh a maw?" Zawi fiah tak si chuan arawn ti a. A tawpah chuan arawn ṭawng chhuak ve ta.

"Ring tehreng mai." Ka lo ti thuai a.

"A nih eng vangin nge ka chhungte min thah saktu hi tun thlenga zalen taka a la dam?" Lungchhe aw lam mah chuan mi chhuahchhal zui a. A aw ri ah pawh chuan a nat zia chu a lang chhuak chiang hle bawk.

"Ka hre lo a ni.. Ka patea..."

"I humhim ani tiraw?" Ka sawi tur ka sawi zawh hma chuan a lo ti a.

"A teuh lo lutuk ringawt. A lo inrawlh ang tih ka ring pha lo..min ring rawh Naute." Min ring tura duh ngawih ngawih chuan kan ti a..

"A nih leh keimah zawk hi min ring em?" A hmel awmdan rawn inthlak danglam tial tial chuan an ti a.

Hmeiche sual leh ngheng ngawih ngawih ang khan a lang tawh lo. Naute pawisawi lo tak leh ṭanpui ngai ani a hmelah chuan ka hmuh tak ni.

"Ka ring che. Ka ring lutuk che. I thil tawn avang te leh ka tel lo va harsatna leh manganna i lo paltlangah zawng zawng erawh min ngaidam rawh." Bawm tawt aṭanga harsa taka pawh chhuah ang mai chuan kan ti a..

"Khang kum kalta chhung zawng khan..." Sawi zawm mai thei lo in angawi zui a....

"Khang kum kal ta chhung zawngah khan ka ngai thei lutuk che. Second tin mai hian ka mamawh ṭhin che asin." Tiin ka lo sawi zawm sak a...

A mittui rawn far thla zawih chu ka hmuh hmaih lo.. Kei pawh ka mittui a tlak mai loh nan ka sum hram ve tho..

"Ka ngai lutuk che ka Naute." Tih paha ka kuah rual chiah chuan arawn ṭap chhuak hak a. A ṭap ri chuan ka chhungril ber thleng hian mi fan rawih rawih..

"Eng tik lai pawhin ka mamawh em em reng ṭhin che." Lungchhe aw tak mai chuan arawn ti tham chhelh a.

"Ka tihpalh. Ka tlai lutuk a ni." Thlahlelh em em a kuah nghet zual sauh chuan kan ti a. Lungchhe taka a ṭah chhung zawng chuan ka kuah zui hle hle a.. kei pawhin insum chu har kati.

"I kiangah ka awm reng tawh ang." Ka hmui chu a chal ah chuan ka nghat zui vang vang a.
Tlema awm sawn hretin a mittui chu duat takin ka hruk sak a. Mittui kar aṭang chuan arawn nui sen sen a.. Duhawm lutuk mai. Ka naute dik tak kha ka hmu leh ta.

Ka insum hman hmain duhthaw leh thlahlelh em em in a hmui sen tekah chuan ka fawp zui vawng vawng a.

Hmana ṭanga ka lo suangtuah leh ka mangphan fo ṭhin chu a thleng dik ve thei ta

Ka mamawh leh ka kianga awm tura ka duh luat tuk chang phei chuan awm ngaihna ka hre lo hial ṭhin anih kha...

In ngaihdan te hi lo thawh ve ṭhin ta ula..😘😘
may ℛ...

Ads i la click ve lo a ni maw? A hnuaia ads milem khu lo click ve rawh le



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » January 17th, 2021, 12:31 pm

Big Boss
Chapter -21
May Renthlei

CLARA DELPHINE (AYA)POV

Che lo lekin ka thil ngaituah lamah ngawt chuan ka rilru ka pe a. Ka rilru hi a buai mum mum. Ka thil tih leh zel dan tur ngaihtuahin ka buai ru ngawih ngawih..

Hmana hmeiche awm nem leh Damian Thibault thla zar hnuaia nun hmang ve mai ṭhin leh a duh engkim a tih sak ṭhin ang hmeichhia kha ka ni tawh lo.

Tunah chuan keimaha inhai kaw chawp nun nei leh nun hrang hlak nei tawh ka ni a. Damian hnuaiah hian ka intu lut tawp thei tawh lo. Ka buaina ah hian inrawlh a, a nun hlauhawm a dah lah ka duh hek lo.

Tunah chuan Damian Thibault chiah hi ka neih chhun ani tawh a. A ni leh zel ka chan anih chuan dam chhunzawm zel turin theihna ka nei tawh lo vang.

Kiara keimah vangin ka chan tawh a. Damian leh zel chu keimah vanga buai tel leh zel turin ka duh lo.
Chu vangin heng ka buaina zo zaite te hi keimaha chinfel ka duh. Ka thei ngei tur a ni..

"Naute.." Ka dara mi rawn sawi dat takah chuan ka ngaihtuahna ram aṭang chuan ka harh chhuak a.

"Eng nge ni?" Damian za vak lo a khik khum sek chuan kan ti a.

"Vawi hnih lai ka ko chung che pawhin engmah i hre lo. Khati vaka inngaihtuah hah tur ani hleinem." Ka kianga rawn ṭhuin a kut lian leh dam tak mai chuan ka kut lian lem lo tak chu arawn hum bo zui a. A lum nghal thar thar..

"I kianga ka awm tawh hi chuan i taksa si lo hian ka awm thei lo." A lu a mi tauh zui bapin mit mi sia zui sak a.

"A dik ang." Ka lo ti mai a. Damian hlim ang a hlim hmel ka hmuh ve theih loh vang chuan hrehawm kati ru viau.
Ngaihtuah ka ngah em a ni.

"I hlim lo.." A ti ta reng a.

"Ka tihpalh."

"Ni lo. Chu tiang sawi suh. Ka hrethiam che alawm. Eng tin pawn min awm khum mah la pawi kati lo. Ka kianga i awm ringawt pawh hi ka tan a tawk. Ka hlim a ni." Hmangaihna mit meng mawi taka mi melh riai chuan an ti a.
Hmuh nuam tak zawng a ni.

"Damian..."

"Umm. Sawi rawh. Ka ngaithla che." A lo ti var a. Kei erawh ka thaw zui hak..

"He lai hmun aṭang hian min chhuah zalen thei a ngem?" Kan ti a. A hmel inthlak danglam nghal rawih rawih chuan ka awm a ti nuam lo leh zual. A nuihmel pawh a bo chiang khawp mai..


"Eng vangin? Eng vangin nge chu chu ka tih ang?" Pawm lo tak mai chuan an ti ban charh a.

"Hmana Clara Delphine kha ka nih tawh loh vangin. Tunah chuan engkim a danglam tawh alawm."

"Dawt anih chu. I aw ri te, i nui hmel leh i engkim mai hi ka tan chuan thil danglam leh thar ani lo. Ka tan chuan a la ngai vek asin. A hma ang tho in ka la hmangaih che a. Ka naute, keima naute chiah kha i la ni reng." Ka dar leh lam ve ve a vuan chung chuan thutak ruih leh hrethiam tura min duh tak mai chuan min ti a.

"Ka hria. Mahse ka nun erawh a danglam tawh.. A hma ang khan nun ka hmang zui thei tawh lo. Thil tam tak ka chungah a thleng a...." Ka ding zui hluai a..
Sawi duh tam tak nei siin ka sawi chhunzawm thei tawh lawi si lo...

"I chunga thil thlengte avang khan pawi ka ti. Ka thiam loh vek ani tih pawh ka pawm.."

"Ni lo Damian. Kha tiang zawng khan ngai miah suh." A ṭawng lak lawh lai pawt chatin ka lo ti thuai a.

"I thiam loh anga i ngaih khan minti hrehawm zual." Ka kut la kangin ka chal ka khawih zui zauh a. Ka rilru hah a ka tih fo danin.

"Ka thiamloh a nga ngai lo tura min duh anih chuan engkim ka siam ṭhaṭ leh theih nan hun min pe rawh." A ti veleh ta tlat thung a.

"Siam ṭhaṭ maw? A tlai tawh lutuk.."

"Ni lo. A la tlai lo. Nang leh kei kan awm dun phawt chuan engkim aṭha vek ani mai." Hrethiam tura min duhna mit meng mawlh mai chu.

Rei en ngam lo in ka hawisawn thuai a. A ni erawh ka dinna lam panin arawn pen thung.. Ka hnunglam aṭang chuan mi rawn kuah zui hlu hlu a.

"Naute.." Ngaihawm leh hriat nuam tak mai chuan mi ko dam dap a.. Mit ka chhing sawk..

Ka darah a khabe arawn nghat zui a. A thaw lum ham ham mai leh a taksa deh nuam tak mai techuan khawvel dang daih maiah mi chentir...

Ni e, Damian Thibault zet hi zawng ka tan hian a hlu em a ni. A ni bakin heng hahdamna leh ka taksa hriatna danglam tak te hi mi pe thei lo. Tu ma laka ka neih ve ngai hauh lo hmang hian ka taksa pum pui mai hi a tuam chhuak ṭhin.

"Khang kum kalta ah khan eng ang chiaha nun harsa leh hrehawm nge i lo tawn ang tih chu ka hre hauh lo. Mahse tun aṭang chuan ka kianga awm a minti chaktu nileh la.. I tana beihsak tur cheleh i mamawh engkim tih sak tu che kanih leh remti hram rawh." A thu sawi chu thuhran, a rik chhuah dan ringawt avang pawh chuan hnial chu harsa tak a ni...

"Hmachhawp tam tak ka nei asin. Ka kiangah i awm chuan harsatna hlir ka thlen ngei ang che." Lungchhe aw lam mah chuan kan ti a.

A lam hawi tur chuan dimtein mi kuai her a..
"Min en teh Naute." Ka hmai lehlam ve ve a a kut hlai taka mi vuan ran chung chuan an ti a.

"I mit a lungngaihna thuk tak in phum kha ka hmuh hmaih lo.." Duh tih hriat taka mi melh chung chuanan ti a.

A mit meng zawldawh leh min hriatthiamna a khat mawlh mai chuan mi ti hahdam sawng sawng.

"Tuna i ngaihdan ṭha lo tak tekha ka tan dah bo la. Ka ngaihtuah zia che leh i tana eng pawh ka huam zia te hi ngaihtuah zawk rawh. I tel lo chuan ka nun hian awm zia a nei lo tih hi theihngilh ngai lo bawk la. Chu vangin khawngaihin keimah chiah min ngaihtuah rawh... ummm..." Min thlem ti tih chuan an ti dam ruih a.

"Damian mahse..."

"Shhh.. Chhuanlam dang siam suh. Ka tan nung la. I tan engkim ka ti thung ang." A awm muanawm taka mi kuah bei zui hlu hlu chuan an ti a tak ruih a..

"Ka hmangaih che." Ka lu ah arawn fawp pah zui a. Ka thla a ti muang huai huai.

"Nangmah chauh chuan ka beihtir thei lo ang che. Kan pahnihin bei dun ang." Min kuahna aṭang a awm sawn hlek chuan ka ti a..

"Naute.."

"Khawngaihin Damian pawm mai rawh." Dawhthei vak lo chuan ka lo ti a.

"Pawm lo ta i la."

"I pawm lo anih chuan keimaha beih ka thlang ang. He lai hmun ka chhuahsan theih nan hian theih tawp ka chhuah bawk ang." A rilru hneh dan dang ka hriat miau loh avang chuan kan ti a..

"Chu tiang rilru chu pu miah suh Delphine." Aw chang bang mai chuan mi lo hnial thung a.

"Ka pu daih tawh zawk. Chu vangin ka duhdan hi pawm mai rawh. I duhdan dana i tih kual theih hmeiche naupang ang mai kha kani tawh lo." A mah hlat taka awm sawn zuia kan tih chuan ka ṭawngkam leh ka awmdan chuan a ṭhawngin a ti hrilhhai lutuk tlat.

"Ka duhdan danin kati kual ngai che a maw?" A biang pawng ṭalh ṭalh aṭang chuan a thinrim tih ka hai lo... A lang hlauhawm kanti thei ang..

"Ka sawi tum chu..."

"A tawk..." Dam lem lo tak chuan a lo ti nghut a..

"I duhdan angin engkim kanti ang. Ka pawm vek e." Mi tih el deuh zawk tak chuan a ti ta rup a.

Mahse a awmdan avang chuan ka duhdan a pawm ta chu ka hlim miah lo. Nuam kati hek lo.


"Damian kha tiang khan awm lo la." Kan ti dek dek a.

"Hahdam rawh. Ka kal phawt a nge." Kal zui tum nghal mai chuan a ti bung vut a..

"Damian..." A kal tur chu a kutah ka vuan a.. Inbengdaih tumin thaw a la zui hawk..

Ka kut a paihthla zui lawp lo chu ka lawm. Ka lakah hi chuan a dawhthei em em reng tih hi chu thu dik a ni.

"Muhil tawh rawh. A tlai tawh."Dam leh hriat nuam deuh zawk chuan an ti leh a.

"Awle.." A kut ka vawnna chu ka thlah thla zui hnak a.

Hmana ka duh tawh chu ka ngen zui ngawng ngawng ṭhin ang khan ka ngen luiin ka pangchang ngam tawh thlawt lo...

"Muttui le Damian." Aw zuai raih chuan ka ti a.

A kal zui chu ka thlir liam tawp. Ka mittui rawn tla ngawt chu ka haw lutuk. Ka hru zui tawk a.

Zan tam tak ram hnuai hmun hlauhawm leh hrehawm kara ka vahvaih ṭum te. Ei tur nei mang lo leh nun ral muang lo tak ka hman lai zawng pawhin ka ṭap ngai lo asin. Hliam na tak tuara kha thliarkar hmuna hun ka hman chhung zawng pawh khan mittui ka nei lo emaw tih mai tur khawpin ka mittui tla hi an hmu ngaiin ka ring lo.


Mahse tunah....... Damian an lungawi lo va mi chhuahsan vang maiin ka mittui a tla ania... Awm ang lo lutuk...

"Rilru no pu suh.. Aya leh thliarkar hmuna cheng ṭhin i nih tawh kha." Ti techuan kanin fuih thar vel a. Awm zia a awm lem chuang lo..

Ka mutna lam chu ka pan zui a....mu lo in khumah ka ṭhu zui a..

Ka awmna hmun thar hi chu ka hria..Tuma hriat loh tur leh ka him zawk nan he lai hmunah hian min dah tih ka hria. Mahse ka chhuahsan zui angai dawnin ka hria..

Capt. Salvador nena kan thutiam kha ka la theihngilh lo... Saw thiarkar hmun saw a boral vek a. Engkim mai saw ka tih chhiat vek hunah lo chuan ka nun hi a hahdam thei ngai lo vang..

"I la mu hil lo va." Rawn ti thum dut tu lam chu chhang lo in ka melh tawp...
Mi chhuahsan aṭang khan minutes 15 pawh ala liamin ka ring lo.

A rawn let leh chu lawm tur nge ni a lo ṭah zawk tur ni...

"Tiang khan min melh suh.." Ka bula rawn ṭhu thla zuiin a ti a. Ka lo melh no vak lo nge maw nidawn ni...

"Eng vangin nge i lo kir leh a?" Awm zui ngai renga awmin ka lo ti a.

"Ka ngai che." Mi kuah zui thawkin a la ti zui a. Kha tianga mi kalsan tawp kha a inthiam lo tih ka hre mai..

"A nih tak chu."

"Min ngai ve lo a mi?" Ka hmai bul seta kun hniamin arawn ti a...

"Ngai..... Vak lo." Chhang khat fe mai chuan ka lo chhang fiam.a.

"Damian Thibault." Na lutuka ka nghawnga arawn fawh zui vak avang chuan ka ti ṭhaṭ a.
A hmui chu a ti che kual zui na na a. .

"Awm ṭha rawh. Mut ka duh ania." A sam buk laia ṭham sak nak chuan ka ti a. A lang ṭha lutuk..

"Nia mu ang." Ka mutna tur khuma mu zuia a tih chuan a kuta man betin ka pawt nghal ṭang ṭang a.

"Tho rawh. Ka mutna tur anih kha." Ka ti zui lang lang a.

"I bulah ka mu dawn." A taksa si rawp khawpa mi pawt tlu zui chuan a ti a.
Nalh lutukin ala nui zui leh tanghal a. Hmelṭha leh lutuk mai. Min zem â zo dawn.

"Aṭha alawm." Hnial zui duh lo in ka inthawlh zui a..
A awm nghenga ka mut theih dan turin a lo insiam rem vat vat a..

A taksa lian leh nalh zet lakah chuan ka lang te rawih rawih. Mi kuah bo pil hneh lutuk tlat..

"Tui deuhin mu rawh aw." A hmui fawh nuam zet mai ka chala dah vang vangin arawn ti cool raih a...

"Nang pawh le." A taksa lum hiam mai leh a lung phu ri dat dat te ngaithla zui chuan thlamuang leh tui takin ka muhil zui sek sek a....

Tihian khawvel hi tawp daih mai se tih te ka ngaihtuah. Hmachhawp hahthlak leh huphurhawm tak tak hlirin mi hmuak ṭun mai si a..
******************
NI 12 HNU AH....
"B.K in en fel tawh em?" Damian chuan kan hnathawhte rawn en dik thuak thuakin arawn ti a.

"A fel vek tawh e." Tiin B.K chuan a lo chhang a. Ka lamah arawn phei zui a.

"Eng nge i an ve thung le?" Ka dara vuan zuiin arawn ti a.. A rim tui tak chu ka lo hip lut nghal vang vang a.

"Naute.." Aw ki san vaha a tih chuan ka chil ka lem dak.

B.K leh Arthur an lo nui nghal ṭhu. Kei pawh inthlahrung der fe in ka khi zui venghal ṭha...

"Hacker i ni lo. Kha virus tei vet pawh kha hmang tawh teh suh." Damian chuan mi ti zui hluk a.

"Awle. Big Boss." Thluk fan zui raih chuan kanti deuh kher a.

"Eng thil emaw ṭha lo tih hi i ching reuh a." Zawite a ka lu nem pah ngatin a ti zui a.

"Thil ṭha tih ai a nuam." Ka lo la ti zui a.
Mi melh rum zui em a vang chuan ka nuih tlawn lehnghal vat.

"Clara in mi hack nana virus a hman ang kha ka duh ve. Ka mamaw lutuk ringawt." B.K an a lo ti vethung.

"Tu hman mah ka phal lo. Thil ṭha lo tak a ni." Damian lah chuan a lo ti bur a.

B.K nen chuan kanin nuih tawp..Kei lah a awlsam chi in ka che duh mai zel si a. Damian tih dan takah thil ṭha lam ai chuan a ṭha lo lam zawngin thil ka lo ti ru bik ziah....

Thliarkar lam aṭang a ka lo chin ṭhan tawh ani a. Ka sim mai thei tawh lo. Thil tih a lo awlsam zawk ṭhin nen...

"In hah tlang viau tih chu ka hre tho na a kan vawin tih tur erawh ṭha taka hlen chhuah kan tum dawn nia." Damian chuan mi rawn melh bik kherin a ti a.

Vawin hian Atheene lama Vladir thil hlu leh thuruk pawimawhte sawn chhuah ani dawn a. Damian hian a hmun lam turte a lo ngaihtuah sak vek a. A patea lamah a ṭang ta tihna ni lo in, keinin chung thil te chu an sawn chhuahna tur hmun a thlen rualin kan lo endik vek thung dawn a ni.

Eng nge awm a, eng thuruk pawimawh te nge lo inthup tih kan hre vat ang..

Khang kar kalta chhung zawng khan tu pawh kan hahtlang anih kha.. Thil chhui leh endik reng rengin hun kan hmang liam a. Vawin aṭang hian kan che chhuak ṭan dawn a ni. Ka phurna leh huphurhna chu a inzat vel ang.

DARKAR 1 HNU AH.....

"Melanie hnen aṭangin report thar a awm em?" Damian hnenah chuan ka ti a.

"Awm lo."

"Awle." Ngaih ṭha chiah lo chuan ka ti a.

"Eng nge ni?" Ka hmel dik chiah lo hrethiamin Damian chuan a lo ti vat a..

"Engmah ni lo e." Nui zuiin ka lo ti mai a.

"A ṭhaṭ chu." Ka samah a fawp zui zauh a... Minti hahdam leh sawt tawh..

"Big Boss kanin peih e." Arthur chuan a thuam famkim nena inbel chhuak vek tawhin arawn ti a..

"A ṭha e. I inpeih vetawh em le?" Ka kawrchhung hak sawi deuh hlek mi siam ṭhat sak pah chuan a ti a.

"Peih mah mah tawh." Kan thiltih tur ngai awlsam tak mai chuan ka lo ti a..

"Hei khum la. Ka kiangah, ka bul hnaiah awm reng ang che." Lukhum dum mi khum tir leh pah chuan an ti a.

A chet zia leh a ṭawngkam chhuakah te chuan min ngaihtuah zia a lang chhuak vel vek.

"Min ngaihtuah suh. He tianga chet vel te chu vawi tam ka lo ti tawh ṭhin alawm." A ngaihṭhaṭ nana nuihmel hmuh sangin ka lo ti a.

"Awle. Che chhuak ṭan ang u le." An ti a.

Vladir Thibault leh a thil hlu pawimawh ho lo thlenna leh an dah sawnna tur hmunah keini ho chuan kan lo nghak dawn a ni.

Diego, B.K leh Arthur tenen pa5 kan nidawn a. Hmeiche awm chhun tur ka ni..Melanie awm ve se ṭha tur. A ni lah Blaise Brown kianga hun hman a ngai rih si..

"Tun a i awmdan kha ka hua tih i hria em?" Damian chuan mi rawn ti ringawt a.

"Eng vangin maw?" Ti a ka zawh lah chuan lu mi lo thin khum ngawt a..

"I sam kha zuah tawh ang che. Hmeiche sam tawi hi ka hua. Ka duh lo." A ti leh hmuk a.
Ka sam tawi hmar chu ka khawih zui a. Ka sam tihdanglam a phal loh zia kha ka la hria.

"Ka zuah tawh dawn nia." Ṭha tak chuan ka lo ti ve mai a.

"Big Boss dik lo a awm. Mr. Vladir ten kawng lakah beih an tawk." Arthur chuan arawn ti a.

An rawn tlan dan vel leh an thlen chin chu kan en chiang nghal vat a.

"A ṭha lo hle mai." A beitu tur te ho hrethiam nghal mai chuan kan ti a.
Ka inseh ruh nghal ṭalh ṭalh.


"Big Boss eng tin nge nidawn?" Arthur chuan an ti leh a.

"Khalh let rawh. Puih an ngaiin ka ring." Damian chuan a lo ti a.

Kawnglak, an buaina tawhna hmun lam pan chhuan kan tlan let ta vang vang a.

"B.K car hi tiding rawh." Manuela ka hmuh rual chuan kan ti ṭhawṭ a.

"Khaw nge kal i tum?" Car aṭanga chhuah nghal mai ka tum chu Damian an rang takin ka banah arawn vuan nghal chawt a.

"Min ngaihtuah suh." Min vawnna kut chu thin thlak sak mai ka tum a. A phal hauh lo..

"Nangmah chuan i tla fal lo vang." Mi tih mek lai chuan kan car hmalam chu silaiin arawn deng zui dawt a..

"Fimkhur ru." Damian chuan an ti nghal ṭhaṭ a.

Car aṭang chuan inveng tawn ṭhamin kan chhuak a..

"Manuela.." Ka hmui phun chuan kan ti sap a.

Min rawn hmu ve tih hriat takin kan lamah ngeiawm lutuka nui chungin silai arawn tin zawn vah a..

A hnunglam aṭangin Vladir ṭhuihhruai ten an rawn beih zui tak avangin a duh angin a che zui thei ta bik lo.
Keiin chu chu remchangah la in a lam pan chuan chak fe in ka tlan phei a...

"Kanin tawng leh ta nghe nghe a." Kut ka thlak hma chuan arawn inpeih leh hman tlat.. Nidang ang bawkin a ngeiawm leh ngawih ngawih tawh.

"A nih hi." Ka pan phei zui a..
Kan ri nghal fua fua. Hmuhnawm tham ve tak tur kan ni, Manuela nena kanin bei zet hi chu..
Kanin cho tawk vang vang bawk a.

"Eng vanga Vladir bawk rawn bitum leh nge in nih?" Ṭawngna hun remchang ka neih hmasak berah chuan kan ti a.

"Lo buai suh." Mi ti duh lek a.

Kawng thlang lama ka thil hmuh chuan ka rilru a hruai peng zuai a. Chu mi lai techuan Manuela pawhin mi rawn pet thlu zui tawp a. Ka lu a hai cham cham.

"Tunah a tan chuan nih phawt le." Kawngpui thlang lam phei ruah, a sira tlak dal an dahna lai aṭang chuan a zuang thla zui a.

Kei pawhin ka um zui venghal zat a.
An bungraw phurhna ber motor pawh tlan zui ngaihna hrelo in a ding zui a. A kiang velah chuan thliarkar lam leh Vladir ṭhuihhruai te ho chu an lo buai nuai nuai a.. Silai a ri ve chhen bawk nen...

"Tumah kha che tawh suh u." Ring tak mai chuan thliarkar lam aṭangin aw arawn chhuak a.

Vladir ngei mai chu silaia tin chungin mi pakhat hian a rawn chhuahpui zui a.
Vladir silaia tin mektu chu vawitam ka lo inbeih pui tawh ṭhin mipa hruanghrau na tak mai a ni.

"Nang pawh chetawh suh." Capt. Salvador aw rum tak ngei mai chuan ka kiang maiah dingin mi rawn ti chhuk chhuk a..

"Salvador.." Rum takin ka melh zui a. Ka hlauh loh ber ṭum ani hial ta ve ang.. Silaia mi tin miau vang erawh chuan ka che zui mai thei tawh lo thung.

"Sawi pa saw that rawh.. I chhungte zawng zawng leh nangma nun ngei pawh tichhe vek tu saw." Vladir lam hawi phei chuan silaia kap tur chuan mi ti ta chhek chhek mai le..

"Kap rawh. I chhungte that a, nang pawh thah tum hial duhtu che anih saw. Kei hian kha hmunah khan chhanchhuak lo che ni phei i la chu tun hunah hian saw pa nunna laksak tur che sawn hun i nei hauh lo vang." Salvador lah chuan nasa takin mi nawr chiam a..

Vawi tam thah ka duh leh ka mi huat em em mai chu thahna hun ka nei ta chu ania. Ka chhunglam aṭang hian thah duh maina rilru chuan mi rawn tur ut ut.

Thliarkar hmuna nasa taka mi train phur ṭhintu khan tunah hian mi fuih pawrh thar leh mek a ni a. Keimaha a thawhdan chu dang tak a ni.. Pawisak nei lo leh nunna lak pawh hreh lo tura mi zirtirtu kha ani tlat miau a.

"Saw pa vanga i hun tawn hrehawm tak tak tekha ngaihtuah ta che." Capt. Salvador lah chuan a kuta a silai ken chu ka kuta hmehbel chawtin Vladir lam hawiin silai chu mi tin tir sauh sauh a..

Kap per mai lo turin keilah nasa takin ka insum vethung. Damian hmel tur ka mitthla a. Tunah hian ani lah chu ka hmu thei si lo. Khawiah chuan nge maw a awm le?

"Ka patea hian i pawi tam tak chu a lo sawi tawh tih ka hria. I chhungte leh i chunga a thiltih zawng zawngte avang hian hremna chu keimah ngei hian ka pe ang tih ka tiam che. A nunna erawh khawngaih takin zuah rawh." Tiin Damian Thibault khan mi ngen anih kha. Chu vang tak chuan ka that thei lo. Ka inbengdaih angai.

"Ka thei lo. I silai hi la sawn rawh." Salvador, min si cheta dinga. Ka kut a silai nena hmeh bel chawt tu hnenah chuan insum nasat vanga ṭawng pawh ring thei lo in kan ti hriam hraih a.

"I ṭhiannu Melanie pawh Blaise Brown zarah kan kutah a awm mek asin. Ti tura ka tih ang che hian timai rawh. Anih loh chuan Kiara chunga thleng ang chiah kha Melanie chungah pawh a thleng ve ang.." Mi dang hriat loh tur si chuan mi vau ta khu khu a.

"A chungah engmah ti suh." Thinrim lutuk chuan kan ti a.

Midang lahin keini pahnih chu min ngaichang ṭhap a.

"Ti lo tura min duh chuan Vladir Thibault saw that rawh." Na taka mi tur zui chuan an ti ṭhawt a..

"Ka that thei lo...." Ka tih lai mek chuan ka kut chu silai hmet per turin a kut hmang chuan arawn nawk a..

Kan hmeh per hma chiah chuan kan hnunglam aṭang zawkin silai arawn kal fua a. Vladir a tlu zui tawp.

Chiang taka lo en tan lo phei chuan Vladir chu ka kah ang chiahin alang ngei ang. Chu chu ka chiang.
Ka thahah an ngai ngei ang le...

"Tunah chuan an hmelma i ni ta e." Salvador lah chuan minti zui a.

Damian, Damian mawlh kha khaw nge a awm? A patea hi ka kah anih loh zia hre turin nge a awm ang a. Ka kah ngeia ngai thei turin a awmna hmun a lo dik lo zawk ang.

"Min zui rawh. Melanie dam taka hmuh let i duh chuan." Salvador lah chuan dimlo lutuka mi nawr kal nghal nawk nawkin mi ti a.

"A ni kha kaltir nghal rawh." Damian aw pa tak mai chuan arawn ti veta thung.. A rawn inlar ta nge nge e.

A hmelah chuan thinrimna hlir ka hmu zui.. A lang hlauhawm hliah hliah.

"Duh i thlang ang chu. Keini hi min zui dawn ani lawm ni?" Salvador lah chuan minti vel a.

A hmelah chuan min warning la hlir ka hmu thung.. Ka zui loh chuan Melanie an that tak tak ngei dawn tih ka chiang. Chu chu ka thlen tir thei dawn em ni? Kiara ang a chan ka duh tawh si lo.

"Naute.." Damian chuan a kianga kal tura duhtak mai chuan min ngen a.
B.K leh Arthur pawh an rawn lang zui ve a..

"Min ngaihtuah suh." Ngaihsam hmel tak chuan ka chhang a..

Ka chhunglamah erawh kal ka hreh lutuk.. Hrehawm kati hluah hluah. Kal ngei ka ngai si. Thliarkar hmuna kir leh hi ka duh tawh lo. Kha mangchhe rapthlak tak hmunah khan...

"Damian Thibault i naute ho saw hrilh rawh. Keini ho hi min rawn tibuai emaw min rawn bei zui anih chuan he nu hi a thi nghal ang." Salvador chuan an ti pawr chhuai chhuai a..

Damian thinrim lutuk hmel mawlh mai chu. Salvador chu thah chak hliah hliah hmel a pu.

"A nih phawt u." Manuela lah chuan Damian te ho chu ngeiawm takin a lo ti ve mek bawk a.

Kei lah chuan loh theih lohin ka zui ngei angai bawk si. A theih chhung chu Damian nen chuan kanin melh zui ṭawk ṭawk a..

Keimah ka inkhawngaih ai chuan Damian saw ka khawngaih fe zawk... Tih theih anei bawk si lo. Ka nunna hlauhawma dah ai chuan eng pawh tih a thlang ngei awm si a..

Comment lamah i thinrim tlang ang u....😁...
may ℛ....

*** KAN WEBSITE A FAKNA LAM THIL MILEM LANG THIN I LO HMEH ZEUH HIAN KAN WRITER TE HLAWH KAN TUMSAK ZEL TIH KAN HRE THEUH DAWN NIA, KAN LAWM E***
Ads i la click ve lo a ni maw? A hnuaia ads milem khu lo click ve rawh le

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » January 17th, 2021, 12:31 pm

Big Boss
Chapter -22
May Renthlei

DAMIAN THIBAULT POV

"Tuman chet la zui suh u." Ka naute din hmun hlauhawm a awm miau si avang chuan kanti a..

Ka awmdan hrehawm zia mai chu. Ka puak keh lo chauh. Ka tlawm rih lo thei si lo.

Ka naute chan nawn leh dawn ai chuan engmah tih loh ka thlang. Ka chan nawn leh anih chuan ka tuar zo tawh lo vang. He khawvelah hian damchhan leh dam hian a tel lo chuan awm zia a nei dawn si lo.

"Big Boss Mr. Vladir nunna an chhan hman ta lo." Arthur lahin lo ti veleh chiah bawk.

Dik lo takin a nun leh a hausakna te chu hmangin, a tawp dan chu a phu viau pawh ani mahna. Mahse ka tan chuan ka patea, ka pa tih lo a ka mi ngaihsan ber leh thil tam tak min zirtirtu kha anih miau avangin ka patea thihna chuan min deng na lutuk tho.

Ka nu leh paten engtin tak ngai ang maw?

Delphine din hmun hlauhawm ah ding bawk. Ka rilru a hahin ka tawt mup mup. Ka naute tal ka kiangah awm nise ṭha tur.

"Clara kah kha ani tak tak thei dawn em ni?" Silai kal dan vel en nawn leh vat vatin B.K chuan an ti a.

"A ni lo em ni?" Arthur chuan a lo ti vethung..
Ni ngeiin alang tlat alawm. Kan awmna hmun leh silai kal dan en thawi fua hman chauh tan chuan.

Clara leh Salvador awmna hmun aṭang ngei khan silaia kah chu ani ngei mai. Mahse Delhphine chuan a ti dawn em ni? Salvador khan a hmeh luih tir ani tal ang..

"Delphine kah ani lo. Chu chu thu tawp a ni. Thu than leh dan turah pawh Delphine hming vawikhat pawh alang tur a ni." Kan ti bur a..

"Kan hrethiam e." An ti zui nghal thlap.

"He lai hmun hi kan chhuansan vat aṭha ang. Delphine chhanchhuah dan turah chiah rilru kanin sawrbing tawh ang." Kal zui nghal chuan ka ti vut vut a. Ka patea ruang chu naktuk lamah kan vuiliam dawn chauh a. Tuna tan chuan ka hmu rih lo mai a nge.

"Big Boss, Clara location kan hlauh." B.K lah chuan a lo la ti zui a...

"Ram chhunga security camera awm zawng zawng en chhuak vek rawh u. Tlem talin hma kan sawn phah mahna." Kan ti zui hawp a..

Ka naute mawlh kha.. Thliarkar hmun hlauhawm leh rapthlak taka an han let pui tur ka ngaihtuah ringawt pawh khan ka ngaihtuah lutuk hian minti damlo thei tak ngial dawn. Kal a hreh zia mawlh kha. Lainat awm reuh lutuk.

"In hah tlang hle tih chu ka hria. Mahse hna leh tih tur tam takin min hmuak leh ta si a. Pawi kati khawp mai." Ka naute ho hnenah chuan kan hnathawhna hmun bi ru leh tumahin a an hriat veloh na hmun kan thlen hnu chuan kan ti a..

"Big Boss kan tih tur alawm. Inthlahrun angai lo. Theih tawp kan chhuah ang.' Min hrethiam tlang tak chuan an lo ti ve bawk a.

"Nangni ho ka nei hi ka vanneih tak zet." Ti a ka hrilh hlawm chu ka thusawi vang chuan ka inchhir lo ngawih ngawih.

Chu ka thusaw temai chuan an ni ho chu chakna thar a pe tih an hmel aṭang pawh chuan a lang thei nghal vek.


"Thliarkar awmna hmun hi kan zawn chhuah hmasak ber angai dawn a ni." Ka tih mek lai chuan Blaise Brown hnen aṭangin video mak tak kan dawng zui a.

A number hman lah chu chhuizui theih miah loh ani leh tanghal a..

"Blaise Brown phone la rawh.." Ka dawhkan chum zui bur chuan kan ti a.

A video min lo thawn chuan ka thin a ti rim phat phat. Tun dinhmun chhe takah hian min lo phatsan thei ania. Kum kha leh chen ka lo rin leh ka ṭhian ṭha ngawih ngawihin hun harsa tak ka tawh mek laiin min lo phatsan veleh bawk...

"Big Boss hei vang hi ani ngei ang Clara khan thliarkar lam mite thuawih tak leh chet la zawm miah lo va a lo zui tak chhan." B.K chuan arawn ti nghal ta reng a.

"A dik ang. Melanie nunna hmangin an lo vau anih ngei dawn hi." Inhum ruh ṭawlh ṭawlhin ka lo ti ve bawk.

Ka naute tel ve tawhna anih hi chuan ka buai zo ṭhin. Thil dang leh buaina dangte hi chu chiai hauh lo leh mahni inthun thei takin ka chingfel mai ṭhin. Amaherawh chu ka naute chungchang anih tawh hi chuan ka tal buai zo ṭhin.. Ka inbengdai in, ka inthunun ṭha thei tawh ṭhin lo...

"Blaise Brown mai mai chu..." Diego mi zaidam pawh thinrim takin a lo inseh ruh ve bap bap a..

Kan mi ri em em leh kan ṭhian nibawkin min phatsan ta mai hi an rilru a na tlang a ni. An unaunu ang hiala an lo ngaih Melanie lah din hmun hlauhawmah a dah zui bawk a. An mi ngainat leh ngaihsak rawn Delphine lah chuti bawk. Kei ang tho an ni, tun din hmuna an rilru put hmang nitlang hlawm chu.. Kan mangang tlang ani e...


"Rei lo te tal mut tum rawh u." Kan tih hlawm pawh chuan a vawikhat nan ka thusawi an hnial vek.

An hahdam thei bik lo.. Khaw rawn var dawn thleng pawh chuan kan hma zawn ṭheuhah kan la buai tlang map map. Tumah mut zai rel reng kan awm lo.. Kan hah tlang leh deuh dawn anih hi...

"Big Boss, Mr.Vladir chanchin zawng zawng kha media lamah a darh nasa tawh khawp mai. Khawvar hun aṭang chuan buaina nasa takin min hmuak zui ngei dawn anih hi." Diego chuan a laptop ka lama kuai herin arawn ti a.

Ni e, buaina hlir mai. B.I.G Galx thlengin mi rawn nghawng pha dawn chiang a ni. Ka duh loh dan tawpin thu lah thliarkar lam mi ten an theh darh zui ta chiam mai si a.


Khawvel ram pum puiah darkar1 chhung lekin a darh zui chuai chuai a.. In sawifiah tura phutna tam tak ram dang hrang hrang hruaitu te aṭangin kan dawng mawlh mawlh ani ber e. A lu hai thlak.

"Diego thupha chawina ram hrang hrangah lo thawn darh ta che." Kati ta ngawt a..
Buaina leh thil tam tak chinfel ngai chuan mi bawh khat luk ani ber e..


"Clara chung chang leh zela a lo inhnawih hnawih kher chu a mak hle mai." B. K chuan a lo ti ve mek bawk a.

Kei pawhin thil awm zia thliarkar lam thu rawn theh darh aṭang chuan ka hrefiah zual..

Ka patea khan Chinese ho tenen dan lo anga insumdawn tawnna nasa takin a lo neih pui a. Hlawkna pawh a tel hnem narawh.

Delphine pa leh pate Vladir telah sum dawnna kalpui dun an lo nibawk nen, Vladir sum dawnna kalpui dan chu duh lo in Delphine pa khan a do dal a.. In hmu thiam lo in kal hran hial an duh phah a. Chu ta ṭang chiah chuan ani buaina arawn inṭan chhoh tak.

Delphine pa, pa ropui tak mai chuan microsoft lama indin chhoh a rel a. Engkim a ti fel vek tawh a, chutih lai chuan ka patea hian ani aia a thleng sang tur leh a thil tih dik lo te hre vektu anih avang chuan an nu pa in rua hmanna fel fai tak hnuaiah a that zui ta a.

Delphine pa thah mai ala duh tawk lo, a thil siam chhuah leh ruahmanna angte chu ruk sak leh vekin tun din hmun arawn thlen chhoh theih nan hian a hmang zui leh bawk a.

Delphine pa thil hmuh chhuah leh duan chhuahte avang chauha millionaire rawn ni chho thei ta pawh a ni.

An chhungkuaa that mang vek angin an tar lang a.. mahse hei chu thu dik lo a ni. Delphine a la dam miau avangin.. Delphine pi leh zel pawh kha mahni mu hlum ni lo in, Ka patea dah ṭhaṭ tho a ni. Em em kati vethlawt. Eng tin nge a theih zawk??

Kum 4 kal ta a, Clara Delphine chunga thleng pawh kha ka patea leh Blaise te ruahmanna vek ani leh bawk a.


Salvador khan a lo chhanchhuak hlauh zawk a. A chhanchhuah chhan lah kei min beih theihna hmanraw ṭangkai tak anih theih dawn avang chauhin.. Tenawm lutuk.. A ruahman ang chuan ati ta reng bawk a.

Ka thil hriat chhum bung ang reng tak tenen chuan thliarkar thu rawn chhuah ho te chu kan belhbawm khawm a. Engkim ka hmu fiah ta kuar mai.

"Awih a harsa." Arthur meuh pawhin a ti ve hial.

Blaise Brown hian kei min hmangaih vang maia ka naute dah bo leh thah hial a lo tum tih ka ngaihtuah chang phei hi chuan eng tin nge ka kianga awm a, ka lo thawhpui theih zawk? Tiin ka inngaihtuah thinrim pup pup ṭhin.

"Blaise chung chang engmah tarlan ani ve lo anih hi. Clara thih dan chung changah khan a inhnawm hnawih ve ngei si a." B.K chuan lungawi lo em em in a lo ti ve bawk a.

"Blaise chu an lam ṭang ani a. Chu vang ani mahna." Tiin ka lo chhang a.

"Ka hlauhthawn zawk chu thliarkar thu thehdar duh dan aṭang hian Delphine hi an lam ṭanga siam nawn tum an ang kati..An chhungkaw chung chang aṭha thei ang ber leh khawngaih thlak u chuak tak angin an chhuah a. Delphine lungawi leh zualna turin ka patea lah mualpho theih tawpin an puh chhe zui bawk a. Delphine phuba an lak sak ani ringawt alawm. Hei tak hian ka awm a ti nuam lo zual." Ka ngaihdan chu khun khan takin kan sawi chhuak teh deh duah a..

"I sawi chhuah takah chuan kei pawh Clara tlawn lungawi tum an ang chu kati. An lama ṭang nawn leh tura hneh an tum ani ngei ang. A ṭha lo hle mai." B.K pawhin ngaihṭha lo takin a lo ti ve bawk a..

"A rilru an hnehsak loh beisei ang." Rilru dam lo tak chung si chuan kan ti a...

"Big Boss i nu leh pa pawh minutes 10 hnuah private jet hmangin arawn ṭum dawn." Diego in arawn tih chuan America aṭanga an rawn thlawh chhuah dawna mi rawn hrilh kha ka hrechhuak leh chiah.
Kan buai lutuk a, ka lo theihngilh hmin der alawm mawle.

France hi a ngaina vak lo hle a. Kei leh Delphine in Paris(France khawpui) hi kan ngainat nen. Ottowa(Canada) tih loh ah chuan Delphine hmun ngainat ber a ni..


Ka pa in Delphine chung chang angaih dan tur chu ka hriat chak rualin ka huphurh. Ka hmeiche hmangaih hi ka patea chunga thleng vang hian an pawm lo zui mai ang tih te ka hlauh ru deuh...

Ka pate vangin an rilru a na dawn lutuk bawk nen. Ka ngaihtuah dun khawp mai..
********************************

CLARA DELPHINE (AYA) POV....
"A kut phuarna kha phelh sak rawh u." Salvador an atih takah chuan ka kut an phuarna chu mi rawn phelh sak vat a..
A duk ruih thei. Min phuar rei tawh bawk a.

"I hmaa ei tur kha ei rawh." Minti zui a.

"I ei tur min pek ei ai chuan thih pawh ka duh zawk." Ei tum hauh lo chuan ka lo ti ngat a..

"Ei mai rawh. I inchhir lo zawk ang. I unaute ho khuan infiam pui che an chak lutuk tawh. I borei tawh bawk a." Salvador chuan minti zui leh a. A sawiawm zia chu ka hrethiam teh meuh mai..

"An ni ho laka chauh chhiat leh tlawm chu i duh dawn em ni?" Thiam taka mi fuih zawm chuan an ti a...

"Melanie min hmuhtir rawh." Rum taka melh ramin ka lo ti thung.

Ka hlau lo ta lutuk leh ka khawsa zia vel chuan Salvador chu a ti lawm lo hle tih pawh ka hria. Pawi ka ti lo nasa. Ka hriatna tih bosak kanih lai kha chuan ani hi khawvela ka hlauh ber ani ṭhin kha ania. A sualin, a tawhkhirh bawk si. Mi nun rawng leh pawisak nei lo kha ani miau a.

"I ei tur kha ei phawt rawh. Ka thu hnial ṭhinte chunga thleng ṭhin kha theihngilh suh Aya." Salvador chuan mi ti ta khur khur a. Ka la hre teh meuh mai.

"Melanie hmuh ka duh." La zam hauh lo chuan kan ti nawn leh a ngat a.

"Hmu mawlh rawh." Kan hma taka Big Sreen awm chu an on zui a.

Kanin beihna tual zual lian leh ṭih baiawm tak, mi tam takin nun an lo chan tawhna hmun chu arawn lang zui a..Melanie pawh tiamin.

"La chhuak nghal rawh." Ka ṭhuṭna hmun aṭanga tho zui nghal lawp chuan kan ti ṭhaṭ a.

"Ni lo e. I unaute ho nen infiamna hlimawm kan neihtir lawk ang chu." Salvador lah chuan ngeiawm taka nui sungin a lo ti duh lek a..

"Nang pawh i unaute ho in infiampui che an chak tawh lutuk tlat." Minti zui leh bawk a.

Ka hmaa ei tur awm chu ei rawh tih hranpa leh chuang ka ngai tawh lo. Ka ei zui mawlh mawlh. Chakna thâ ṭha tak ka neih ngei ngei angai..

"Kan nau fel leh thuawih thei tak. Hmanraw hriam leh ṭha bawk si kha i lo la nireng e." Mintih leh takah chuan ka thil ei lai chawl meuhin Salvador chu ka melh a.

"In zinga mi ka ni lo ve. Ka ni ngai bawk hek lo." Fiah fek fawk chuan kan tih khum a.

"Hei hi en rawh. Khawvel chanchin thar lar leh langsar ber ania sin. I tana i chhungkua tena kan tih sak che hi." Tiin a laptop inchhawp chu ka hma lamah arawn nawr phei zui rawk rawk a.

"I phuba chu kan laksa che asin. Vladir Thibault chuan nang leh i chhungte zawng zawng a thah vek cheu avangin hremna chu a hmu asin. A nunna kan laksak ani satliah lo, in chungkaw hming ṭhaṭna tarlangin Vladir erawh hmingchhhe tawp khawpin he khawvel aṭang hian kan pet chhuak asin." Ka rilru hneh tum tak chuan an ti nghauh nghauh a.

"I tana kan tih te hi han ngaituah teh. An ni ho khan an tihsak thei dawn che em ni? He lai hmunah chuan chhungkua angin kan awm a. Puih ngaihnaah kanin pui tawn ṭhin. I theihngilh ta em ni?" Thiam leh zei tak chuan minti vel a...

Khawilama chhungkua... A nuihzatthlak zawk. Hmelma awm khawm kan nih zia chu a hrechiang ber ani zawk awm si a.

"Aya..Kan kiangah lo kir rawh.. Canon din hmunah khan kan dah ang che." Minla thlem zui cheu a.

"Thu atthlak min hrilh kha i duh tawk thei tawh a ngem?" Ning fe mai chuan ka lo ti thung.

Ka rilru min suk thlek sak zo dawn. An tana thawh leh a, he lai hmuna kir leh ka duh tawh lohna hi min tih rehsak mai ang tih ka hlau.

"Aya. Ka nau duhtak. Ka hmanraw hriam leh ṭha tak mai chu nileh ngei rawh. I tan thil pek ka nei asin. I duh tawka sawisakna hun ka pe ang che." An ti leh ta sur sur a..

"Eng thil pek?"

"Blaise Brown." Ti fuh inti fe in a nui zui hawk a..

"I thawhpui nu chu ka sawisak turin min pe anga maw?" Awih lo fe maiin ka lo chhang a.

"Min ring lo em ni? Inbeihna tual zawl in mawi dun ang chu... I tan techuan eng pawh katih sak thei che alawm." Blaise Brown ṭawngkama phatsan leh der tawh chuan an ti a.. Tenawm lutuk.

"Ka rilru tiang zawnga hneh chu tum buai duh suh. Eng ti kawng mahin kei hian he thliarkar hmun tenawm tak tan hian ka tha ka seng leh tawh ngai dawn lo." Ka lo la tih tak cheu a vang chuan a thinrim ṭan ta khawp mai.
A hmel rapawm tak mai chu a rawn thim ṭan leh muk muk tawh..

"Chhanchhuaka nunna pe tu che ka nih hi theihngilh ngai suh. Blaise Brown leh Vladir ten thi tura an hnut chhiahna che hmun aṭang khan chhanchhuak lo che ni ila tunah hian nungdamin ila awm dawn em ni?" Minti zui ta khur khur a. A thinrimna a dah bo thei ta ngang lo ania nge.

"Ka lawm. Ka nunna min chhanhim sak avang khan lawmthu ka hrilh che. Mahse kha lai hmun aṭanga min chhanchhuah chhan ve kha le. Hmanraw ṭangkai tak ka nih dawn vang chauh anih kha. Ka tan ni lo in i tana ti i ni. Chu vangin i lakah hian leiba ka nei lo."

"I nei tehreng mai Aya. Vladir ka dah ṭhaṭ sak ringawt che leh..."

"Vladir kha keimah vanga dah bo i ni lo. In in sum dawn tawnna tih tawp a tum vang leh a phatsan vang zawk cheu anih kha." Kan tih takah chuan mak ti hmel a pu zui.

"Khang thute kha khawi aṭanga hria nge i nih?" A thinrim lutuk hmel chu rapawm tak a ni.

"Blaise Brown hnen aṭangin. I lama ka ṭan nawn hi a duh lo anih ka ring." Blaise hek ta zaih chuan kan ti a.

Heng thu te hi Blaise chuan mi hrilh lo nasa, ka virus hmanga ka hack ṭum daih tawhah khan Vladir, Blaise leh thliarkar ho inthu rual leh thawh ho dan chu ka hre daih tawh.

"Blaise Brown mai mai chu...." Kut hum ruh zui nawk nawk chuan an ti a. Ka lo nui ru sak..
An inkara hemthlak hi a fuh duh viauin ka ring...In ring lo tawn ṭham an ni bawk a.

"I lakah ba ka nei anih pawhin khang kum kalta chhung zawng khan ka tlak zo tawh tho in ka ring. Thil tam tak katih sak che. Nun hlauhawmah i tan vawi tam ka ding bawk." Khang hun kal ta hrehawm leh rapthlak tak tak te ka rilru a rawn thar leh uai uaiin kan ti a.. Ka ngaihtuah zui pawh hian hmul thi a ding sung sung thei.

"Thliarkar tan ke i pen zui thei dawn ta lo anih chuan he tiang kawng hian hma ka la tho ang. Damian Thibault hnenah i nunna leh vawi tam kan lo hlawhchham tawhna thil ngei kha inthleng dil ta ila." An ti ṭan chho ta a...ka hlauh ang ngeiin.

"Ti hauh suh." Meng alh chho nghal papin kan ti a.

"Ti ngei dawn e. Kan naute nunna tam tak kan lo chan tawhna thil ngei kha ka la duh nawn leh. Damian Thibault chuan min pe phal ngei ang. B.I.G Galx a tlak chhiat phah a nga. Keinin he khawvelah hian par chhuakin ro kan rel vetawh thung ang.." Suangtuah zui tih hriat takin hlimaŵm fe chuan an ti vel a.

"Damian chuan a pek duh che i ring a maw? Atthlak lutuk."

"Pe duh dawn tehreng e.. Nang hian min va laksak duh dawn tak si lo ah chuan i nunna hmangin Damian Thibault chu kan vau zui tawh mai dawn a ni. Ar talh dan chi khat chauh a awm hleinem.."

"Chu ti khawpa thil hlu chu awlsam taka pe tur che in i ring a maw?" Za lo fahranin kan nui lui a.

"Ring tehreng e. Damian Thibault tana hlu ber kan nei che alawm. I tan chuan eng pawh a huam tih lah ka chiang. I tel lo a nung thei lo leh nun dan hrelo pa sawn i nunna aia thlan a nei lo." In ring tawk leh a tuma chiang tak mai chuan an ti a.

"I ngaihtuahna anih chu." Ka beidawngin ka hlau ru viau tho.

"Ni lo e. A hmangaih che alawm. Chu chu kan hre ve ve. Damian Thibault chak lo na kan hrechiang, chu chu nang ngei hi. Nangmah hmang ngei hian kan thil duh te chu kan nei ngei bawk ang."

"Ni lo ti miah suh."

"Kan ti ngei ang. Blaise Brown ngei pawh a vawikhat nan a hlawhchham ve asin. Chu pawh Damian Thibault lakah. Nang bak ngaihtuah che nei hek lo.." A tih zui leh takah phei chuan Salvador chu sawisak bawrh bawrh mai ka duh tawh. Minti hlauthawng bawk si.

An thil duh chu Damian hian a pe duh mai ang tih ka hlau a ni.

"Ka lakah thinrim viau teh suh. Hei hi en dun zawk tawh i la aṭha ang." Melanie te insual mek chu min hmuh zui a..

"Tawp tir rawh..." Ṭhu mai thei tawh lo in ka ding ngil nghal zawt a.

"Ti khuan muang changin a nunna chu a ral mai dawn a ni." Nunna hlutna reng hrethiam lo chuan nuamtih hmel takin a la sawi thei zui a.

"Keiman ka bei ang. Melanie khu la chhuak rawh. Ka ngen a che." Kan ti a..

Chhanna ka hmuh miau loh avang chuan an inbeihna tual zawl lam pan chuan chak takin ka tlan thla zui a. He lai hmun leh a chhehvel hi chu ka bel lutuk tlat.

"Ka duh thei lo...." Manuela nen an lo inbei mek chu ka zuk nang ching a.

Manuela chuan a that ngei ngei dawn. Chu chu ka hre chiang. A beihpui te reng rengin an hneh lo anih chuan a that zui mai ṭhin. A tan appla ei leh mi thah te chu a awlsam dan a in ang reng.


"Manuela duh tawk rawh.." Ring tak mai chuan kan ti a.
Inbeihna hung tual zawlah lah chuan an kalh tlat avangin ka lut mai thei si lo. Melanie chu mi tam tak a beih tawh avangin a chau tawh dawn tih lah ka hrereng mai si. Ka ngaihtuah lutuk tawh.

"Kawngka hi hawng vat rawh Salvador." Tiin thir kawngka chu kan sawi chiam a. Awm zia lah a awm lo nasa.

"Manuela mi chau tawh lam beih chiah hi em ni i ngam a? Mi dawihzep nu keimah hi min bei ta che." Melanie chu a that thei tawh tak ngial dawn a ka hriat vang chuan kan au el khum zui a. A hriat phak ngei turin.


"Manuela keimah hi min bei rawh. Ka aia chunga awm ah i inngai a. Chu chu fiah ta che." Melanie a la sawisak chhunzawm zel si avang chuan theih tawpin kan ti zui leh a.

Manuela pawh ka ṭawngkam hman avang chuan a thiltih lai a tawp zui ve chawt. Meng alh phut phutin ka lam arawn hawi phei a. Min cho zek zek tih leh ka thusawi khan a ngheng a chhun hle tih lah a lang chiang..

"Gate hawn sak rawh u." A ti ṭeng ta chhuai a. Ngeiawm takin a huat lehzual ngei turin ka lo nuih khum mek bawk a.. Ka cho thinrim thiam alawm. He nu zet hi chu..

"Melanie i ṭha em?" Gate inhawn rual ruala tlan lut rawk rawk chuan ka va ti a.

"Ka ṭha..." Chauh lutuk vanga ṭawng pawh ṭawng ṭha hlei thei lo chuan mi lo chhang a. Nikhawhre lo in a awm hman lek lek tawh.

"Tuar hram hram rawh aw.." Laitnat tak chuan kan ti a.

"Um.." Meng lui peih zawkin an ti leh a..

"In peih ta che..." Dawhthei lo lutukin Manuela lah chuan mi lo ti chhen a.

"I beih kher angai lo. Keiman ka bei ang..." Thei leh thei lo in Malanie lah chuan a lo ti ṭawk ṭawk a.

"A ni saw chu ka chanpual alawm."

"Venghim che hi ka hna..." Ka kal tum chu mi rawn la vuan zui a..

"Insualna hung chhung hi i theih ang angin chhuahsan i lo tum dawn nia..." Manuela bei tura inring zui nghal ṭha chuan kan ti a.

"Vawin ni hian a tawp chu kan thleng ang." Manuela pawhin mi rawn tih khum chhek chhek a..

"Kan hria ang chu." A lam pan a tlan phei zuiin kan ti a.

Min lo en tu, thliarkar mi ho pawh phur leh kan che vel chu thlir chak tawhin thawm an rawn nei zui nghal dar dar. Keini pahnih hi chuan engtik lai mai pawhin boruak kan nei lian hat zel..

"Clara ṭang rawh." Melanie aw pawh ka hre vuai vuai...

Kanin bei hneh tawk bawk a, kan boruak pawh ṭang ṭha at at tak a ni.

Tlawm zawk kan awm thei lo. Chu vangin rei tak chhung kan han inbei fua fua a. Chauh pawh kan chau ṭan tawh.

"Eng nge a awm zia?" Ti a phun ri mar mar arawn ri chhuak a...

Insualna tual chhunga Blaise Brown rawn lut mek pawh chu ka mit sirin ka va hmu.

"Ka hun a thleng ve tawhin ka hria." Blaise aw ngei chuan arawn ti a..

Hah vanga din pawh ding ngil ṭha thei tawh lo chuan kan melh phei a. Dawihzep lutuk, ka chauh hnuah chiah min bei turin hun arawn insiam a maw...

"Ni lo ve, a tawp thlengin ka bei dawn." Manuela chuan a lo ti khar khar a..

"Ṭang dun kan ni alawm. Kan bei dun mai aniang chu." Blaise lah chuan phur leh kha fe si chuan a lo tileh mai a.

"Dawihzep. Ka chauh hnuah chiah min beih i ngam chung pawhin, a mala min beih i la ngam chuang lo chu ania." Thlan tuiin mi bual huh hnep tawh chung chuan ka lo tih el khum ve mek bawk a.

"Nep lutuk..." Kan ti zui leh a.. A thinrim leh ka ṭawngkhum dan vel vanga a la na hmel vel mawlh mai chu. Ka tan chuan hmuh a nuam.

"Nang nu kha chhuak rawh..." Manuela chu an ti zui tuar a..

"Ka chhuak dawn lo..." A lo ti ve thung.

"Salvador he nu hi hruai chhuak rawh." Blaise brown chuan chunglam, Salvador ṭhuṭna zawn lam hrechiang tak mai chuan an ti zui veleh ṭhaṭ a..

Manuela pawh a thupek hmuh zui angin hreh tak chuan a chhuak zui ta bur bur a. Kei min bei tur chuan a la za tawk hle ani mah na...

"Hmanah khan ka kut zal ngei hian i hrawk hrui kha lo chat ni ilang chuan tun hunah hian Damian nen hlim takin kan awm dun tawh ngei awm si a." Huatna hlira khat mit menga mi melh de ral ral chung chuan min ti a..

Ka chau tawh hle na chu Damian tih arawn sawilanna techuan chakna thar mi rawn pe leh ta deuh. Ka ding ngil thei ve leh ṭan tawh.. Thlan erawhin mi bual huh zui...

"Damian hian ka dam emaw ka thi pawh ni se a hmangaih ngai chuang lo vang che. Nang ang hmeiche nalh satliah, pawn lam chauh ṭha. Chhunglam rim chhe tak si ang hi a hmangaih thei ngai lo ang che. Damian tan chuan chhunglam hi a pawimawh tel asin."

"Ngawi hmak rawh. Eng chiahin nge hun kan lo hman dun tawh i hre lo. Nang lo lang lo ni la chuan inneih zungbun ka bun tawh ngei ang." A thinrim mai piah lamah, rilru natna lang chhuak chiang em em mai chuan min tih khum leh kha kha a.

"Nang hi ka that ngei dawn che. A hma ang khan nung damin ka chhuah leh tawh lo vang che." Ti zui leh tuarin mi rawn pan hnai zui a..

Kanin bei ṭan nghal ta a. A vawi thum nan. Vawikhat mah mi la hneh ngai lo, tun ṭumah erawh tha ka nei tlem tawh hle si a. Ka chan chu a ṭha lem lo tak zet...

"Thi ngei rawh..." A theihna zawng zawng sawm khawma mi bei hmiah hmiah chung chuan an ti a..

Ka awm a arawn pet zui leh chiah chuan ka tlu hnawk a. Thawk a harsa lutuk. Ka lo chau tawh bawk nen. Manuela te ang mi thiam chung chuang tak beih kha mi pa6 vel beih rawn ai pawhin a hrehawm zawk ani a. Tunah Blaise mi thiam tak bawk nen kanin su zui leh ani a....Ka chau tawh..

Ka thin ah tak ka tlu zui chu arawn pek leh nghek a. La duhtawk mai lo in ka awm ah a rawn hnek zui leh a..

"A na em?" Kun hniam leh ka ngawnga reh beh zui rual chuan an ti hriam leh hruk a.. Ka thawk a buai ṭan der... ka khaw hmuh a fiah lo bawk..

"Damian..." A mah bawk ka ngaihtuah chhuak leh ta...
May ℛ

*** KAN WEBSITE A FAKNA LAM THIL MILEM LANG THIN I LO HMEH ZEUH HIAN KAN WRITER TE HLAWH KAN TUMSAK ZEL TIH KAN HRE THEUH DAWN NIA, KAN LAWM E***
Ads i la click ve lo a ni maw? A hnuaia ads milem khu lo click ve rawh le

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » January 17th, 2021, 12:31 pm

Big Boss
Chapter -23
May Renthlei

"Damian..." A mah bawk ka ngaihtuah chhuak leh ta...

Blaise Brown mi reh behna aṭang chuan theih tawpa tal chhuah tumin kan bei a. A duh ang ngawt chuan mi ti thei ta bik lo.

Ka awmsawn rual chuan ka thaw zui hrawk hrawk. Ka thawk a pangngai mai thei lo.

"Blaise duh tawk rih rawh. A ni kha kan la mamawh theihngilh suh." Capt.Salvador chuan arawn ti rum hruk a.
Kei erawh chau tak chungin harsa ti takin thawk ka lo la hram hram.

"Hrep a." Ka nakah arawn pet zui leh hram a..

Ka awmdan chu mak tak a ni. Tun ang chiah hian ka awm tawh tlatin ka hria..Eng hun emaw laia zaipui tawk tawh ang maiin ka awm nia. Ka che zawm thei der lo. Ka mithlaah inzaina room a ka awm lai leh doctor rual niawm tak tak te ka hmu phe nuai nuai.. Ka hmu chiang lo in, ka hrechiang thei tawh si lo.

"A rawn lang chhuak leh ani maw?" Salvador an a ti ri te chu ka hre vuai vuai. Nikhawhre lo in ka awm zui tanghal a.

"Enkawlna pek hi a phu lo. A awm awmin awm rawh se." Tih ri chu ka harh chhuah leh riai riai hnua ka hriat chhuah leh hmasak ber a ni.

"Blaise i ngaihdan chu ka hriatthiam pui che. Mahse ani hi kan la mamawh. A hmanna tur dik taka hman anih hma hian boral ta se kan chhe vek ang. Hriatthiam tum ta che." Salvador ni ngei chuan a lo ti ve bawk a..

Ka taksa na lutuk avang chuan engmah ka hre chhunzawm leh tawh lo...
*****************************
"Clara, Clara.." Dam diaia min koh ri chu ka hre chho leh ṭan a..

"Lo harh rawh.. Minti hlauthawng ania." Melanie chuan ka harh diar diar chu mangan hmel takin mi lo ti a..

"I tel lo va Big Boss hmuh ai chuan thih pawh ka thlang zawk." A bianga mittui rawn tla nghal pap chuan an ti ṭap ṭiau a.

"Ka ṭha." Tham chhelh leh hriat tham mang lo chuan kan ti a...

"I mutna hi a hrehawm ngawt ang. Hliam i tuar bawk nen."

"Engmah anih loh hi. Kum tam he tiang khumah hian ka lo mu tawh alawm." Nasa lo tea nui zuiin kan ti a.

"Tho chhuak suh. I nakah leh i awm lamah khan hliam i tuar nasa lutuk." Ka thawh tum chu mi lo dang vat a.

Mu chung chuan theih ang angin kan hawi kual a. Thliarkar hmuna an mi tangte an dahna hmun, lei hnuai thim rep rupah kan lo awm mek a...


"I ṭha em Melanie? Hliam kha i tuar ve nual si a." Khawngaih leh lainat let zawk tak chuan kan ti a.

"Ka ṭha. Engmah na lutuk tia han sawi tur ka nei lo. Clara, tianga i awm chhan hi keimah vang tih ka hria, ka tihpalh lutuk. Pawi pawh ka ti. Big Boss nen chuan min haw ngawt ang." Hrehawm ti em em chuan an ti zui leh a.. A kutah a mah hnem nan leh kan huat loh zia tih lan nan ka vawnsak zui vat a.

"In thiamloh suh. Thiamlohna leh indem chhan tur i nei lo. Dem tur an awm anih chuan Blaise Brown ani ang."

"Blaise Brown... Kha nu kha ka haw lutuk. Eng tin nge he tiang hi kan chungah a tih theih zawk?" Thinrim em em in an ti a.

"An sawi ka hriat danin vawin hian Mr. Vladir pawh an vuiliam ani awm e..Big Boss pawhin hun harsa tak a tawk mek ngei ang.. "

"Ni e. A tawk ngei ang le.."
Damian thil tawn te kan ngaihtuah zui a. Ka khawngaih veleh chhawng. Ka ngaihtuah em em bawk.

Ka hnathawhna dawhkan bik kha en na chang a hria anih chuan Thliarkar hmun awmna leh kal dan te, luh awlsam dan leh thliarkar hmun kim chang takin ka lehkhabu leh ka laptop ah khan ka hnut chhiah a. En na chang a hria anih chuan min chhanchhuak tur hian eng ruahmanna emaw tak chu a siam ngei tawh ngeiin ka ring.

"Clara, Blaise nena in inbeihna avang khan hliam chu i tuar ngei a. Mahse in inbeihna vang chauh kha a niin ka hre lo. I chungah hian eng emaw thleng tawh chu a awm." Melanie chuan ngaihṭha chiah lo in an ti a.

"A dik alawm. Kanin beihna vang chauh kha ani thei lo. Khati taka ka che buai thut kha mak kati khawp mai. In zaipui emaw, eng thil dik lo tak emaw chu ka chungah hian thleng a awm tawh. Ka hre chhuak mai thei tawh bawk si lo." Rilru nuam zan bik lo chuan ka lo ti ve bawk a.

"Kum4 kal ta a accident i tawhna vel thil kha ani thei asin."

"Ni e, a dik ang.." Eng emaw ka hrechhuak zui zawk.

"Melanie ka kawr hi hlim chho la inzaina hnu hma a awm em tih lo en lawk ta che. Eng ser emaw nasa vak lo a inrin chu ka nei ngei mai." Kan ti a.

Inbual pah vel hian ka en thuak ṭhin a. A nasat loh em avangin en thuak phei chuan a hriat loh.. Kanin beihna vel vanga ka neihah ka ngai mai a. A lo ni lo pawh ani thei.

"Awm ang deuh chu a awm." Melanie chuan arawn ti a.

"A nasa lo em a inzaina hnu hma tih pawh a hriat loh. Mahse an sawidan hmang leh i ngaihdan ka hriat takah hi chuan eng inzaipui emaw chu i lo tawk tawh anih ka ring. He lai hmun hi kan lo chhuansan thei te anih ngai chuan doctor hmuh vat i ngai dawn anih kha." Min ti a.

"A dik alawm. Kei pawhin hriat chian vat ka duh." Ka lo ti ve bawk a.

Kan ti ti a dai ṭan a. Zan pawh a rei ta. Melanie pawh a chau tawngkhawng bawk aniang a muhil zui bam a. A hmai vel leh a ban tepawh chu a duk thleh thluah a. A hliamte chu mi pangngai tan chuan na chhawkna te ei a mut bo hmakna tham a ni. Mahse na nei awm angin a lang duh bik miah lo chu ania. Hmeiche tuar fei tak chu a ni. Ka ngaisang khawp mai.

"I ṭha em?" Damian, ka kiang awm ve hauh si lo chu kan be ringawt a.

"I ṭha lo tawp ang. Hahdamna hun pawh nei lo lekin i buai phili awm si a. I kianga awm a lo hnem thei che ni ila ka inti ngawt mai..." ka bianga mittui rawn luang thla zui ngiai ngiai chung chuan kan ti a..

"Damian....Ka mamawh lutuk che. Min mamawh ang tho khan." Mu zui tawm tepin kan ti a..A awm nghenga mut hahdam veng veng te ka chak. Nghet leh thlahlelh takin a ang chhung muanawm takah khan mi lo kuah bo zui leh than bawk ang a.. Ka kianga awm turin ka van duh ngawih ngawih tak em... Ka ngai a ni, ka ngai lutuk..

CHAWHNU LAM....

"Kha in vawin nileng tla ei tur. " Kan tanna kawngkhar, thir chu arawn inkhawng ri bal bal a..
Canon daih minti hrechhuak. Na sawi thei lek lo khan kan mutna thir tui ek lam tawh rawn khawng ri bal balin mi rawn kai tho ṭhin anih kha.

Tunah erawh Manuela daihin ani thir chu rawn khawng ri..

Zing lamah khan eng ei tur mah mi rawn pe lo va, tunah chawhnu lam dar2 a ri dawn tawh a. Mi rawn pe chauh chu ania.

"Tun thlenga i la dam hian minti lawm lo." Tih thu Manuela hnen aṭangin kan dawng zui a. Ni hman a ti nuam lo zual nghal ngawih ngawih..

"Ka ti lawm lo che chuan kei minti lawm thung." Ka lo ti vethung a. A meng rum zual sawt. Tih let dan tawk hi chu a awm ve zel.

"Ohhh. Eng nge thleng." Kan awmna a rawn nghing zui dur dur a. Lu a hai nghal muai muai..Lei arawn tla khû ur ur a. Kan khuh zui nghal bawrh bawrh.

"Lirh chu a va nghing na em em ve.." Melanie in lirhnghing a reh hnu chuan hlauthawn hmel takin arawn ti.

Manuela pawh a lo invuan bet ve ṭai a.
"A chhe nasa viau em ni? Ka lo kal nghal ang." Tih zawng sawiin a tlan liam zui a.

"Eng emaw lirhnghing khan tih chhiat a nei ani ngei ang. Chu vanga hmanhmawh taka rawn ko an nih i ring em?" Melanie chuan min zawt a.

"Ni se ka ti. Han buai rap rap se aṭha ang. Keinin he lai hmun chhuahsan dan tur hi lo dap bawk ila."
Ka tih mek lai chuan a aia nasa zawk fe in lirh arawn nghing nawn leh a. Rang takin khum hnuaiah kan tlan lut rawk rawk a. Ka nak leh awm vel na nen a van hrehawm duh tak.

"After shock a thleng mek anih hmel. Melanie in veng rawh. Lei arawn tlak belh leh dawn ania. Kan awmna hi chim thei din hmunah a ding." Kan ti a.. A mangan thlak viauna chu kan tana kawl rawnti eng tu ni hlauh se kati lutuk..

"Melanie in veng rawh. In chung khi arawn tla dawn ania." Theih tawpa ring chuan kan au a.

"Ka hria e..." Lei tla ri rum rum kar aṭang chuan arawn ti a....

A khu bawk si, men leh thawk a har a.. Eng mah kan hmu fiah mai thei lo. Thawm a reh a. Kan han ngai chang zui vang vang a..

"Clara i ṭha em?" Melanie chuan arawn ti a.

"Ka ṭha. I ṭha zawk em?" Ka lo ti a.

"Ṭha e. Kan che chhuak dawn em ni?" Arawn ti let a.

"Awle." Tia ka lo chhan chuan muang changin kan khum hnuai aṭang ve ve chuan kan vak chhuak a. Lei khû in mi ti bal vek. Hliam kan tuar lo chu a lawmawm. Kan tanna hmun chu lei tlain a lo hnawh nual a..

Tuna kan tanna hmun hi lei hnuai anih miau avangin lei hi chu arawn tla ur ur lo thei lo. In hlui rei tak a lo nitawh bawk nen.

"Kan en chiang a nge." Lei tla hai phei chung chuan ka ti a. A khu bawk nen ka khuh deuh bawrh bawrh a..

"Melanie..." Ka makti leh lawm bawk si chuan ṭawng zawm ngaihna pawh minti hre lo zawk.

"Awii leh.. Lawmawm lutuk.." Melanie pawhin arawn ti ve chung bawk a.

Kha lirhnghing na tak khanin kan tanna hmun kawngkhar, thir hmanga siam chu arawn ti chhe hlauh a. Kan lenna khawp tur velin thir pahnih vel chu an char behna lei arawn chim miau vangin a lak sawn theih a. Kan tan vanneih na nasa tak a ni..

"Min lo zui zel dawn nia." Fimkhur takin Melanie hnenah chuan kan ti a.
Heng lai hmun hi chu ka hrechiang vetawk alawm.

"Security camera saw lamah sawn an dah vek a chu vangin helna tur kan zawn angai. Kun deuh chunga kal kan ngai ang he lai hmun aṭang zawk hian." Kal kawng pahnih lo awm te chu kan hrilhfiahn zui a. Kan zawh zawk chu kawng tia sawi tham pawh ani lo, tui chhe luan kawr a ang zawk mah ang chu. Fimkhur tak chuan kan zawh dun a..

"Melanie min ngaithla rawh. Ka sawi hi ngun takin lo ngaithla bawk ang che." Fiah leh zawi tak si chuan kan ti a.

"Tuna kan zawh mek lai hi zawh char char la, in lian tak i hmu zui a nga. In awm lohna lam, ramhnuai lam zawk kha i zawh dawn nia. Fimkhur la tumah inhmuh tir tum lo ang che.." kan ti a.

"Nang vethung.."

"Tih tur ka ngah lutuk kei chuan.. Kal rawh, keiin an ni ho hi ka lo tibuai ang.."


"Aih ni lo, kan pahnihin ti dun ang. I tel lo chuan ka kal duh bik lo." Min kalsan tum lo tak chuan an ti a.

"I kal ngei angai. Kei chuan he lai hmun hi ka hrechiang ka ngaihtuahawm lo."

"Ka kalsan thei lo che." Lu thing zui nar nar chuan an ti a.

"Hun a kal zel. Kan awm lo tih an hre vat dawn. Kal vat mai rawh khangawihin.. Kan awmna hmun hi Damian ka hrilh angai alawm. Anni ho chuan mi rawn chhanchhuak thuai ang. Chu vangin ka sawi ang chuan kal vat mai rawh."

"Mahse..."

"Kal rawh. Min ngaihtuah suh." Nuilui hram chuan kan ti a.

"A nih leh.. Kanin hmuh leh vat ka beisei." Mittui tling pamin mi rawn kuah zui a. Hreh em em chuan mi kalsan a.

Keiin Thliarkar mi ho chet buailai chu chuhin chet ka la ṭan ve ta thung.

A hmasa berin fimkhur tak chuan Control room lam chu ka pan a.
An computer ka hmanruk sak thei anih chuan Damian kan location ka thawn thei a nga. Chet zui dan arawn hre mai ang...

"A hmun pumpui deuh thaw a chim alawm..." An tih lawng lawng ri ka hriat rual chuan rang takin ka bi ru zui a.

A khawilai tak chu chim dawn ni maw...
Control room ka thlen rualin a lo awm mi pahnih te chu ka dah ṭha nghal hmak a. An ral thuam kenlai chu ka chhuhsak hnuah Computer ka khawih zui a. Net signal chhelo chuan minti lawm.

Control room aṭang chuan thliarkar hmuna an security camera dah ho a hmuh theih vek a. Chhia a awm ve nual mai. Inhliam nen...

Thliarkar hmuna an security camera dah zawng zawng ka off zui vek a. An buai rih em a chu chu ka tan hun lawmawm ani thung..

"Damian check vat rawh..." Ka awmna hmun ka thawn hmu vat vat tura duh em em in kan ti a....

"Lawmawm lutuk..." ka thil thawn chu arawn man thiam zui vat a.. Signal mi rawn pe zui ve a.

"Minutes 26 vel lo thlen nan hun kan mamawh. Thliarkar chanchin i ziahna kha ka hmu alawm. Ruahmanna fel fai tak nen lo chuan din hmun hlauhawm a i din zual phah kan hlauh avangin kan rawn che chhuak zui rum rum thei lo va, min hrethiam rawh." Tih thu arawn thawn zui ve a.

Damian nena kanin biakna zawng zawng ka paih bo leh vek hnuah Control room chu hmanhmawh leh fimkhur tak siin ka chhuahsan zui a.

"Minutes 25 ka nei.." Chet ka lak chhunzawm leh hma chuan ka kal zeldan tur ka rilruin ka ruahman zui zung zung a..

"Ralthuam dahna lam.." Ka phun sap a..Thliarkar hmun pawimawh ber tih hiala chhal theih hmun lam chu ka pan zui ta a.

Thliarkar hmun venhimna khawlpui ber chu kan shut down zui a. Electir Current a awm lo zui bawk. Lirhnghing vanga thlengah an ngai ngei ang. Mahse en dik tur an rawn kal thuai dawn tih ka hriat vang erawh chuan chet sawn zui vat ka ngai tho..

Thliarkar hmun pawimawh ber, data an lak khawmte an dahna hmun pui. Thuruk tam tak awm khawmna lam panin ka kal zui leh ta ṭham ṭham a. Ka tih chhiatsak thei te anih ngai chuan din leh siam ṭhaṭ leh nan kum tam an mamawh ngei dawn a. Thliarkar hmun tan channa leh chhiatna nasa tak ani dawn bawk a ni.

"A ṭul phawt chuan ka thih chilh mai ang." Tih rilru ka pu daih tawh bawk.

"Ka tih chhiat theihna chance awm chhun a ni. Ka hloh thei lo vang." Ka rilru chuan ka infuih sauh sauh a..

Sana lian tak tual zawla intar ka hmuh chuan minutes 23 Damian te lo thlen nan ala awm tih ka va hrethei...

"Damian ka tihpalh. Ka lo thi ta anih pawhin ka hmangaih reng tho vang che..." Thih mai pawh inringrin ka silai ken lai chu kan lek kang zui a, fimkhur takin kan veh zui phei ṭham ṭham a..

Venhimna a khirhin a turu hle tih ka hria. Kum tam ka lo chen tawhna leh a ruka ka lo chik em ṭhin anih vang erawh chuan ka hmang ṭangkai thei dawn ta thung a ni.

"An la buai hmel hle mai." Mipa ṭawng thum dut ka hriat rual chuan ka pil lehnghal zuk a..

"An chingfel thei thuai ang." Mi dangan la awm tih hriat theihna tur chuan ṭawng dang ka hre zui leh a.

Silai ka la hmeh puah ngam loh vang erawh chuan ri awm lo thei ang bera dah ṭhaṭ ka ngai ngei dawn thung a ni..

"Tunah..." Ka bul hnaia awm zawk nghawngah tak chuan nikhawhre lo va awm nghal thei ngei tur chuan ka kutin ka sat tlu zui nghal hnawk a.

"Tu nge i nih?" Tih bak a ṭhianpa pawh chuan a sawi hman lo. Nikhawhre hre lo ka siam chhunzawm zui venghal a....

Nidang angin vengtu an tam lo. Data pawimawh te chu Copy emaw Damian va thawn nan hun nei hek lo. Hard disk ka la chhuak a... Thil ṭangkai tlem a zawng tal te chu a awm mahna..

A khawlpui tak tak kan khawih che ṭan a. Engkim mai chu kan delete sak ṭan ta a..

"Hmanhmawh rawh... Hmanhmawh rawh." Ṭang lo thei lo, ṭanin awm zia vak nei si lo chuan ka thil delete mek te chu lungphu su dup dupin kan nghak a..

Rilru a hmanhmawh tawh si. A tam tham em vang erawh chuan a kal chak thei thung si lo..

"Okay...."
Rilru dang ka pu thut. Data lak khawmte awm na hmun in him bera an ngaih chu bo bang awm lo turin ka hal ral dawn a ni..
Bomb ka mamawh.. Vawi leh khata an bo ral vek theihna turin.

"A ṭul chuan ka thihchilh ang." Tih bawk chu ka rilru ah a rawn awm nawn leh tawh.

Ka hmanraw mamawh tur hote chu ka thil delete mek chhung chuan kan lam khawm a.. Ka mamawh engkim mai awmna ka lo hrechiang leh ka che buai hauh lo chuan nasa takin min pui.


"A zo e..." Ka thil delete mek zo ta ka hmuh chuan ka nui sak a.

Engmah an restored theih lohna turin backup a mi zawng zawngte chu kan paih leh ṭan ta a.. Hun lah ka nei tlem tawh si.

"Oh sh*t.." Alarm arawn ri ta tlat. Dik lo a awm tih an hre chhuak...

"Zo teh.." Hmanhmawh fe mai chuan ka thil delete chu awm ze nei lo in kan tur leh thul..

Bomb pawh tih puah mai turin ka peihfel ta bawk a. Tih puah mai loh chu duhthlan tur ka nei tawh hek lo..

Backup a mi ho, ka delete nawn leh mek la zo lo chu kan en nawn leh thuak a.. Min rawn nang ching ṭep tawh si a, la zo lo mahse ka nghak thei tawh lo. Hun ka nei tawh bawk hek lo. Ka inthiarfihlim zui a. Ka tana bomb puak tur a hlauhawm loh chinah chiah remote control hmangin kan ti puak zui a..

"Ti kha chuan indin thar leh tur pawhin kum tam tak in mamawh ngei ang le.. A nih loh vek pawhin ngai in awh leh thei kher tawh lo vang." Bomb puak na tak ral khat a ṭanga lo thlir vang vangin kan ti nui sak a.

Buaina tak tak erawh a inṭan ta chiah thung. Thawm aṭang chuan Damian Thibault leh a ṭhuihhruai te ho pawh an rawn thleng ani tih ka hria.. Silai leh mangang au thawm te, ri hlauhawm chi tinrengin Thliarkar hmun chu a luah khat ul ul mek a ni.. Indo na tual zawl dik tak a ni..

Kan tanna hmun aṭangin kan tlan chhuak thei tih Damian hian rawn hre lo ni se, a rawn pawngpaw nuai hauh lo ang tih ka chiang... Thliarkar hmun nuai chhiat vek tum tih hriat takin chet arawn thawhzui ta chu ania.


Thiarkar lam mite chuan an choh loh tawp tur, an cho rual ni lo mihring an cho sual ta tih an hrechhuak rum rum tawh ngei ang.. An hriat chhuah rualin an tlai zo tawh si. Mangan leh inchhirin awm zia reng a nei dawn tawh si lo.

"Zawng rawh u.. Aya ngei a ni. Zawng hmu ngei ru." Salvador au ruai ruai thawm chu ka hre chiang hle.

Thah ngei tumin tupawh mai chuan min zawng zui tih lah ka hai lo. Ka thiltih chuan an lakah nghawng a nei nasa in, pawisak rengan nei lo zual. Min thah ngei chakin an sa hal huam huam ngei ang.

Kei erawhin Damian leh a naute lam pawh tumin ka che chhuak zui ṭan...

Vanneihna erawhin min tlin reng thei bik lo chu anih hi. Ka duh leh tum loh zawk thliarkar lam mite nen kanin nang ching ta tlat..

"That nghal rawh u." Min hmuh rual chuan an ti zui tuar a. Min thah chakin an sahal huam huam hlawm ani ber e..

Mi rawn beih rawn zui nghal hlawm a. Ka din hmun chu a chhiain a hlauhawm hle a ni... Ka bei hneh loh vat dawn tih lah ka chiang. Ka hliamte an la dam fel lo bawk nen..

"Clara he lamah..." B.K aw kan hria chu thla a muang huai huai nia..

Ka duh ang ngawt lahin an awmna lamah chuan ka kal zui thei der lo, ka mi beih mekte avang chuan. An ni zawk chuan mi rawn hnaih hret hret a. Silai arawn puah rualin thliarkar lam mite chu na tuarin an let zui leh tawp bawk ṭhin..

"Fimkhur rawh.." B.K an tih pah chuan mi rawn bawh thlu zui hnawk a..

"B.K.." Hlauthawng tak chuan kan ko a.

"Ka ṭha." Hliam tuara ṭhen zui tlawk tlawk chung si chuan an la ti thei hram a..

"En kawlna dawn vat i mamawh. I thisen a chhuak nasa lutuk." Kan ti a..
A taksa pawilaiah ni lo in, a ban puam laiah silai chuan a fuh a. A zia hlauh zawk. Nunna tana pawi thei turte ani lo hlauh zawk a.

"Inveng rawh.." B.K chuan silai arawn kal zui fua avang chuan lei lamah mi kuai zui leh a..

"Naute."

"Damian.." Keiin lungchhe aw lek lekin a aw ka hriat rualin ka lo ti thung.

"Lo kal rawh le.." Dimte a mi kai tho zuiin an ti a. Thla a muang huai huai.

B.K pawh Arthuran a rawn kai sawn zui a. Kanin tawng dawn ta lo emaw tih hnuah kanin tawng leh ta hlauh chu ania...

"I ṭha em Naute?" Damian chuan duat leh hmangaih em em in min ti a. Rem leh rem lo in ka biang chu min thlahlelh em em in a nul zui thuak a.

"Umm. Ka ṭha.." Ka tih mek lai chuan...

"Clara Delphine.." Rawn ti tuar ri ah chuan khû chum chum kara silai rawn puah zui ṭhawṭna lam chu kan hawi phei zui a..

"Blaise Brown.."
Silai chu keimah ngei min tinin arawn hmet puak ngei si a.. Mahse kei lah ka him pial thung si..
Tu nge Blaise Brown kah chu nita ang??

A TLEM LO AW....😊😊

*** KAN WEBSITE A FAKNA LAM THIL MILEM LANG THIN I LO HMEH ZEUH HIAN KAN WRITER TE HLAWH KAN TUMSAK ZEL TIH KAN HRE THEUH DAWN NIA, KAN LAWM E***
Ads i la click ve lo a ni maw? A hnuaia ads milem khu lo click ve rawh le

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » January 17th, 2021, 12:32 pm

Big Boss
Chapter -24
May Renthlei

"Blaise Brown.."
Silai chu keimah ngei min tinin arawn hmet puak ngei si a.. Mahse kei lah ka him pial thung si..
Tu nge Blaise Brown kah chu nita ang??

"Damian?" Ka rilru a rawng lang nghal ruakin kan melh vat a..

"He lai hmun hi kan chhuahsan thuai angai." Na tuar hmel pu hauh lo chuan a lo ti a. Ka ngaihdan ang kha a thleng lo anih ka ring. Ka thawveng huai..

Blaise erawh chu kap zuiin B.K leh midang ho chuan an um zui a.
Keini pawh kan duh ang maiin kan che zawm thei lo. Manuela leh midang pa2 lai kan hmaah silai kengin an rawn inlar zui avangin .. Silai hmanna hun erawh a awm lo. Kanin tawmchilh zui rap rap a.

"Damian i ṭha em?" A awmdan dik hauh lo avang chuan ka va ti a..

Min rawn beih zawm lehnghal avang chuan ka va ngaihven zui leh hman tawh bawk si lo. Nidang ang chu nise amah hian min cover vek tur anih rualin keimah zawkin puih angai tlat..

"Min that ta che..." Manuela chuan min ti tuar a.
Che thei tawh lo tura siamin a nghawngah chuan vit mai thei turin ka tin ran tawh a. Mahse ka thei thlawt lo. A nunna chu ka kuta awm tawh ni mahse ka that thei thlawt lo. Ka tum viau pawhin.

"Nep lutuk." A hmui leh a chhehvel thi nuai kar aṭang chuan a nui sawng a.

"Nang ang ka nih lo..." Ka chemte chu a lu bul maiah ka vit bur zui chawt a..

Damian leia tlu hnawk ka va hmuh avang chuan Manuela chu hnek zui sawkin rang takin ka kalsan a...


Damian sawisak belh tum a pan mek tu pa chu sang taka invawrhin ka pet thlu zui hnawk a.. Pan hnaiin nikhawhre lo turin ka siam chhunzawm nghal a.

"Damian i ṭha em?" A tlukna bula ṭhu hniam thla rawk rawk chuan ka zu ti a. A lo dang bal a. Hliam na tak tuar tih hriat takin..

"Ka ṭha." Nui hmel min hmuhin a lo la ti hram a.

"I ṭhaṭ loh hi.." Ka kuahna kut aṭanga thisen rawn kai ka hmuh zui avang chuan hlauhthawnna nasa takin mi rawn tuam zui nghal hlawp hlawp...

"I thisen a chhuak nasa lutuk.." Ka chiai nghal..

"Blaise Brown khan a kap che ani tiraw? Ti nge engmah thleng lo ang maia i awm?" Hlauhthawng thinrim deuh bawk si chuan kati mawlh mawlh a.

"Enkawlna pek vat i ngai.." Ṭap lo chauh chuan kan ti a..

A dar hnuai deuh chiahah hian kah ani a. A taksa pawilai lutuk chu ni lo mahse ka hlauhthawnna a reh chuang lo.. Ka ngaihtuah dan lah a ngai reng tho bawk.

"Ṭanpuina kan mamawh. Big Boss in hliam a tuar." Inbiakna bik a tana an hman, Damian kawllai aṭang chuan midang ho chu kan hrilh a.

Silai kan bul lawka rawn puak ka hriat rual chuan hnunglam ka hawi let vat a. Manuala lo awn thla ruai ruai chu ka va hmu a. Leiah chuan duh lo teh mahse a tlu zui rawk a.. Khawvel a chhuansan ta nghal..

"Big Boss chu eng nge a an?" Melanie leh Arthur chu silai rikna lam aṭang chuan an rawn lang zui vat a..
Damian chu kei ang bawkin an rawn ngaituah ve...

Melanie rawn inlar leh dan tak chu ka hre bik mai lo. Rin loh takin ka hmu.

"Blaise silai kah khan a fuh anih ka ring. En kawlna pek vat angai." Ka lo ti a...

"Kal nghal ang u.." Tiin Arthur chuan Damian chu a din theih nan a pui zui a..
A dar lehlamah keiin ka lo chelh ve vat thung.

"Ka ngaituahawm lo." Chau aw tak chuan a lo la ti ṭawk ṭawk zui a. Silai kahna avangin thisen tam tak a hloh a, an insualna lamah hliam neuh neuh a nei bawk nen a chau lutuk tih a lang reng. A mah pawh a vai ruai tawh..
Chuti chung chuan na nei lo ang taka lan telah chu a la tum hram hram ania. Tawrhchhel thlak leh lutuk mai..

"Khaw nge midang?" An pahnihah chuan zawh bik pawh nei chuang lo chuan ka ti a.

"B.K ho in tlem tlemin an rawn tawlh kir ṭan ang.. He lai hmun hi chhuahsan fel vat aṭha." Arthur chuan a lo ti a.

"Melanie, Damian hi khawngaihin lo chelh lawk ta che." Kan ti a.

"Clara khaw nge kal i tum?" An pahnih chuan minti dun ṭhawṭ a.

"B.K rualin ka rawn let ang. Min lo ngaituah su.. Damian hi enkawlna ṭha tak lo pe vat ula." Kan ti a.. Ka let leh tur chu an remti lo hle tih an hmel aṭang chuan hai rual ani lo.

"Delphine.. " Damian pawhin zawite in arawn ti a.

"Ka ngaihtuahawm lo. Nangmah i ṭhaṭ chuan a tawk. Ka lo let leh vat ang." Min chelh beh hma chuan hmanhmawh takin ka tlan let a..

Dam ṭha ni se, Damian chuan min let tir a phal hauh lo ang. Anih loh tal pawhin min zui ngei ang....

"Khaw nge Blaise Brown i awm?"Hawi kual vat vatin ka rilru chuan ka ti a.

Kiara chunga a thiltih man kha a la hmu reng reng hleinem..Zanin hian a tawp kan thleng dun ngei tur a ni.

Kum4 kalta a ka chunga thilhtih zo zaite pawh ka mitthla ah arawn lang zui chuai chuai a.. Ti mai chuan ka tawp san thei lo. Tunah amah vang bawkin Damian hliam na tak tuarin a awm mek bawk a. Awlsam taka en liam mai ka thei tawh bik lo.

"Clara." B.K aw niawm tak chu thlithaw fua fua kar aṭang chuan ka hre vuai vuai..

"Min zawng em ni?" Blaise aw ngei mai chuan arawn ti a.

"Tehreng mai." A aw ka hriatna lam hawi chung chuan a hriat loh hlau takin kan chhang thuai a.

"A nih tak chu.." In her thutin Thliarkar hmuna kan man building chunglam pan chuan a tlan chho zui ta daih a.

Rang takin kei pawh chuan ka um chho ve a...
NC hall zau taka ka tlan luh rual chuan ka fimkhur zui sawt. Eng hmanrua emaw nen min lo chang reng thei si a..

Ka rindan chu sec3 pawh a ral hmain arawn thleng dik chat. Ka hma zawnah chem sei tak arawn lek thawi fua a. Lo bum hman hlauh lo chu ni ila pial ralah ka liam tawh ngei ang.

"Zanin hian tuemaw zawk zawk chauhin he lai hmun hi damin kan chhuahsan ang." A chemsei tak, hriam tih hriat leh hlauhawm tak nena mi veh zui chuan an ti a.

"Damian hi ka nei thei dawn lo anih chuan nang pawhin i nei bik lo vang.." Ti zui tuarin a chem nen chuan mi rawn bawh zui a.

Nula smart tak, vice president nihna hial chelh thei tura an lo rin hmeichhia a nihna kha alang tawh lo. Hmeichhe nalh leh invawng tak, hna thiam leh hmeichhe entawn tlak tak ang kha ani tawh bawk hek lo. Tunah erawh chuan sa huai ang maiin a tal nu but tawh. Ramhuaiin an chenchilh nasa lutuk tawh ania nge..

"I thil tih avang te khan eng inchhirna mah i nei miah lo em ni?" Hmanraw remchan hman tur melh zui ve in ka lo ti a.

"Inchhirna turin eng thil mah tih sual ka nei lo. Ka tih sual lian ber chu i hnuk chah sec thlenga i kianga ka awm lo kha a ni."

"Tunah hian han tum chhin la.."

Keiin ka lo ti ve thung a, NC Hall lian tak chhung, eng ka tih chhiat tawh vanga thim ruai hnuaiah chuan a tawp thlen ve ve inpeihin kanin veh ta ṭham ṭham a..

Tu emaw zawk zawk chuan he khawvel hi kan chhuahsan ngei ngei dawn pawh nise, tlawm tum kan awm lo ve ve..

"Thih thlengin.." Blaise aw chu a ring lo na in, ka hrefiah tawk hle thung..

Mi rawn bei zui a, chu zan thim ruai hnuaiah chuan engmah reng pawisak nei lo in, theih tawp chhuahin kan han inbei zui ta a.. Chu hmun leh kan awmdan zawng zawngte chu mangchhia rapthlak tak ang mai a ni.

"Eng vangin nge Damian Thibault nunah hian i rawn luh ve? Nang hian hmeiche fing leh fel tak niṭhin kha sakawlh koham leh sual takah min chhuah tak hi." A chemken lai hmanga mi nawr tawlh dawt dawt chuan a chhia tinreng chu min puh bawrh bawrh a.

"I nundan tenawm tak vang khan min puh tum suh. Mi pangngai leh rilru pangngai pu i nih loh vang zawk anih kha. I chhungril nun chhe lutuk vanga i thiltih ah khan tel ve na ka nei lo." Ka chair ken laia lo indang ve ṭawk ṭawk in ka lo ti thung a..

"Ka duh ang zawng zawng chu ka nei ngei ngei ṭhin. Nang ang mi hnuaihnung hian ka duh pakhat lek ka neih theih loh vanga ka nat zia hi i hrethiam pha lo vang.."

"Mi hnuaihnung zawk chu a chiang mai alawm. Hlawhtlinna chan dan chiah i hria a, i duh ang neih theih loh hun a lo thlen a hmachhawn dan i thiam leh si lo. Mi khawngaih thlak tak chu i ni." Kan tih leh chuan thing alh mek kara, thing ṭha leh ro tak vur belh ang maiin a thinrim lutuk chu arawn alh par leh zual sawt sawt a..

"Engkim hi i thiam loh vek a ni." Ti chungin a aia nasa chuan min thah ngei tumin a theihtawp chhuah chuan min bei zui leh chiam a. A duh ang ngawt lahin mi khawih thei chuang der si lo.

A duh anga min khawih mai theih loh avang chuan a dawhtheihna ten an thlawh bosan a, a mah zawk a che buai ṭan der. A nu phut a, rilru pangngai a pu pha tawh lo.

"Che tawh suh Blaise Brown hual beh mek i ni tawh." B.K leh a ṭhian pa4 vel lai tur chu silai keng chungin an rawn lang zui ṭhawṭ a.

"Ka pawisa lo..." Mi rawn beih zui leh a tum lui chu a mah si deuh thawin silai a kal thawi fua a.

"Auhhh.." Thinrim lutuk leh kei mi thah chak bawk si chuan an au zui tuar a.

"Ka kutah thi ngei rawh. Damian hi engtik ah mah i chan ka phal ngai lo vang." Ti chungin mi rawn sual lui leh a.

"Kap suh u.." Blaise lo bei let chung chuan kan ti a.
A chhan chu nung damin ka duh, tuna thi mai tur hian kei chuan ka duh ve lo. Ka chunga a tih ang chiah khan damlai hun hrehawm tak hman tirin, lung in thim leh hrehawm takah tan tir ve ngei ka duh. Mangchhe rapthlak chu tem ve turin a la dam ngei angai..

"Lo inrawlh suh u." B.K leh a ṭhianten an rawn hual zui chu a lo ti tuar a...

"Man rawh u. Nung damin ka duh. " Ka lo ti thung. Kanin bei zui zel anih chuan tuemaw zawk hian nunna kan chan tak tak ngei dawn..

"Min thlah ru... Thih law law pawh ka duh zawk..." Tiin a theihtawpa min la bei letin a sapa tal zui chiam a..

Nung dama ka la duh miau avang chuan tumahin an bei pawngpaw ngawt ngam bik si lo. Chuti ni lo se, pialrala thawnna hun tam kan nei tawh.

"Nang nu..." A kut chala mi kawk va va in mi rawn ti bing chat a.

"Min rawn bei ta che. In thih chilh law law ang hmiang." Hah tawh tih hriat lutuka thaw hlawp hlawp si chuan min la ti kha kha a.

"He lai hmun aṭang a chhuah vat vat hi kan ngai. He lai hmun pawh hi arawn kang kai ve vat dawn." B.K chuan mei khu in mi rawn chim ṭan a vang chuan a ti a...

"A tawp thlen vat angai anih chu." Blaise chu theihtawpin kan bei zui leh a..

B.K arawn che ve bawk a. Che thei lo va ka siam laiin ani vethung chuan nikhawhre lo turin a lo siam ve thung.

"A kutah phuar ula, he lai hmun hi chhuahsan vat ang u." Ka ti zui nghal a..
Mei khu na tak avang chuan ka khuh zui bawrh bawrh a.

Blaise chu kan zinga lian ber tur chuan a pu zui nawlh a.. NC hall chu rang takin kan chhuahsan zui a.

Kan hawi thlak chuan thiarkar hmun chu nasa takin a lo kang hluah hluah tawh a. A tlu chhe dawn ta. A tawpa tawpah chuan.. Ka mangchhia te chu an ral thuai tawh dawn e.

"Kal ang le Clara.. Kan awmna building chiah hi kang lo awm chhun ani tawh. A rawn kang ṭan mek ania." B.K chuan ka hawi thla lai chu arawn ti a..

Midang ho pawh Blaise hruaiin ka hmaah hmanhmawh takin an lo kal thla mek tawh a. Ka rilru a rawn kal bing thut a tin ni..

"Awle kal ang.." Ti a B.K lam ka hawi rual chiah chuan mei khu nasa tak karah hlim thla lian tak arawn lang thim muk a.

"Ahh.." Ka pumah chemte hriam tak a lut tlang hrawih..
A na lutuk a, ka taksa te chu a â chhuak vek. Ka che zawm thei tawh lo. Thisen tak ṭha tak arawn chhuak nghal nguai nguai a.

B.K an min rawn vit tu pa a bei zawm mawlh mawlh chu ka hmu ruai ruai. Mei khu nen engmah ka hmu chiang thei lo.

"Clara, Clara. Eng tin nge i awm?" B.K aw te chu ka ral khat hriat ruai ruai..

"Sal...Salvador em ni?" Harsa ti em em chuan kan ti a.

"Aw... Ṭawng zawm suh.." A tih chiah chu pangngaiin ka hre tawh.

A ṭhiante ho rawn tlan kirin min rawn pui bawk. Kei erawh chu thliarkar thisen leh mei alh in a a kan ral mek rual chuan mit ka chhing ve riai riai thung..

He thliarkar leh a mite zawng zawngan boral rual hian kei pawh ka boral vedawn ta anih hi....

Ka mittui ka biangah arawn lum thla pap a. Ka biang nasa lo te a ti che in kan nui lui hram a..

A tawp ta, engkim chu a tawp ta tak tak e.. Ka tih tur engkim ka hlen chhuak ta bawk a. Thlamuang takin ka thi thei tawh ang chu.

Duhthu ka lo sam ṭhin ang ngeiin ka chhungte kiangah ngei kalin ka hahdam ve thei dawn ta. Ka ngaiin ka hmu chak tawh hlawm hle si a. An ni pawhin min ngaiin min lo duat chak vetawh ngawt ang le..

Mahse.....
Mahse, Damian kha..Ka tel lo chuan eng tin nge a lo awm tak ang? Mal leh khawhar tak bawkin em ni ka kalsan leh dawn? A tuar hnem tawh mah mah lo maw.....

A tan ka kir leh thei zawk si a ngem?

*************************
DAMIAN THIBAULT POV....
"Big Boss che suh. Mut hahdam ila ngai.." Min tih pawh chu ka ngai pawimawh thei tawh lo.

Lu hai chhulh chuan kan tho chhuak lui a. Ka tlu tur chu Arthur chuan mi lo dawm ding vat a..

"An lo la let lo, ka kal angai." Thawsa huam huam chuan kan ti a.

"Awle.." Arthur pawh chuan mi hnial hneh dawna a inhriat loh vang chuan lung si zan lo in a ti ban churh a.

Kanin zui let leh ta nghe nghe a. Mei khu rim hlirin chu lai hmun chu a luah khat tawh.

"Big Boss saw lama saw.." An main building niawm tak kang ṭan ve mek mi kawhhmuh chuan an ti.

Kan theih ang anga rang chuan kan inzui chho a..Ka lu hai lutuk leh ka taksa na avang chuan ka kal ngil hlei thei lo. Chuti chung chuan ka la kal lui hram hram.

Mahse anni ho kan han pawh meuh chuan kan tlai hman lutuk tawh. Ka naute na tuar mek ka hmuh rual chiah chuan ka taksa pumpui mai hi current chak takin a fan chhuak ang mai hian a mur chhuak vek.

"Naute..." Ka pan zui rawk rawk a.

"En kawlna pek vat angai." B.K chuan a lo ti thuai a.

Ka naute chu ka pawm kang zui lawp a..Hmanhmawh lutukin ka kal pui zui mawp mawp. ..Ka bing mup mup bawk..

Salvador, ka naute tianga siamtu pawh kha khawih chu chak teh mah ila ka naute ngaihtuah hmasak phawt angai miau si.

"B.K, Salvador kha nungdamin dah ang che." Kan ti rap rap a. A la hrekhawp ang, a nunna in a la tuar ngei bawk ang. Ka kut ngeiah hian a thi ngei tur a ni.

"Big Boss i hnung kha.." Arthur chuan arawn ti a.. Silaia min kahna hliam thar tak aṭang khan thisen a put chhuak tih chu ka hre thei.
Ka tih chet zawng chuan na tak a ni bawk. Ka pawisa lo. Ka hliam ngaihtuah thei din hmunah lah ka ding hek lo.

"A pawi lo." Ka naute hlir ngaihtuahna a khat chuan ka lo ti a.

"Thisen arawn chhuak nasa lutuk. Clara kha ka lo pawm dawn em ni?" Arthur chuan min ngaihtuah bawk si in a lo ti vethung a.

"A ngai lo." Phal lo nasa lutukin ka lo ti hluk a. Ka lak aṭanga lak hran hlek pawh ka phal dawn tawh teuh lo mai.

Nikhawhre lo khan awm lek lek lo chu ni ila ka zui ngei tur. Ka lu hai em avang khan engmah ka hmu chiangin, ka ti thei lo atin ni..Pawi kati vawng vawng.

A hun takah ka private jet pahnih tepawh arawn ṭum zui vung vung a.. He thliarkar hi tuiin a hual avangin kal lamah kha chuan lawng kan hmang ani a, tunah erawh lawng ni lo vin jet hmangin kan thlawk haw tawh thung ang.

"Arthur mi dang ho kha let dan turah ruahmanna lo siam pui la. Ka ai lo awh rawh." Mi dang ngaihtuah zui thei a ding tawh lo chuan kan ti a.

"Awle." A ti khawng zui vah a.

Ka naute chu jet ah kan dah lut a, B.I.G Galx doctor rual, inhliam an awm takin ti a kan chah luh tel techuan an lo buaipui nghal sawk sawk a.

Kei chu ka â zo vek tawh. Rilru mu leh mal pawh ka pu hlei thei lo..

"Eng nge a an doctor?" Ka naute an enkawl mek lai chuan hlauthawng leh ngaituah em em in ka lo ti a.

"A din hmun hi a ṭha lo. A hmain accident na tak tuara zaipui lo tawk tawh anih hmel a. Kan chhan thei kher angem ka hre lo." Tia min chhan chuan ka insum hman lo, chu doctor chu ka ṭham nghal lawp a.

"I thu sawi kha la let la, Ka naute nunna hi chhanhim nghal rawh." A awma ṭham chung chuan thinrim em em in kan ti a. Min hlau ngang mai.

"Ka theihtawp ka chhuah ngei ang tih ka tiam che."

"Bis Boss inbengdai la." Melanie pawhin ka dara vuanin a lo ti ve bawk a.

"Chhanhim ngei rawh. I chhanhim lo anih chuan ka kut ngeiah hian i thi ve ang." Thlah zui hnawkin ka ti a.

Ṭhu kun zuiin, thawpik em em ka samah na tak chuan ka ṭham zui tawk a..

"A ṭha leh em em ang. A tawrhchhel zia chu kan hriat kha." Tiin Melanie chuan mi lo hnem zui ve a..

Ka tan awm zia vak a awm lo. Na tuar nawn leh tur hian ka phal tawh lo asin. Ka chungah te thleng zawk nise ṭha tur..

"Min kalsan suh aw.." Ka naute kianga ṭhu zuiin a kutah chuan nghet takin ka va vuan a.

A dang bal a, engmah hre lo in a mu bam a. Minti na ve vawng vawng. A na tuar hmel chu hmuh hrehawm kati lutuk.
MINUTES 20 HNU AH...

"I lo lut vethei lo vang..Pawi kanti lutuk.." Tiin inzaina room kawngkhar bulah chuan min lo dang a.

Harsa ti lutukin ka naute kut chu ka thlah riai riai a..An nawr luh thleng chuan ka thlir zui vawng vawng. Ka tliak zui hnawk..

Awm ngaihna pawh ka hre lo in ka kal kual zui chhen a... Silaia min kahna chuan min rawn tur ut ut a. Ka ngai pawimawh thei lo..

"Ka fapa, Delphine chu a ṭha leh mai dawn alawm." Ka nu aw dam diai chuan ka hnunglam aṭangin arawn ti a.

"Nu.." Pan hnaiin ka va kuah zui chawt a. Nute nghe nghe...

"Ka venghim zo leh ta lo." Ka mittui arawn far thla zui zung zung a.
Ka nu pawhin lainat leh ka din hmun tur hrethiam takin mi lo kuah let ve sauh sauh a..

"A pawi kati hle mai. A ṭha leh em em ang." Ka hnunga beng thek thekin a lo dam thlap a.

"Ka fapa aṭha leh vat dawn alawm. I hliam tekha enkawl vat i ngai anih kha." Ka pa pawhin patling takin a lo ti ve bawk a..

Ka naupanlai zawng pawha ṭap ngai lo, mittui leh na tawrh awm zia pawh hi a hre lo tiin ka nu leh pate hian ka naupan lai chuan minti fiamthu fo ṭhin.

A vawihnih nan ka mittui tla, Clara Delphine vang bawkin an hmu leh ta...

"I pa sawi ang chuan i hliam tekha enkawl ve phawt ang." Ka nu chuan a lo ti ve bawk a.

"Ka ṭha. Enkawl ka ngai lo." Kal sawn tum lo takin ka lo ti thung.

"Kha tianga i awm ten aṭha nang, Delphine lo harh chhuah leh hunah bawrchhawr taka hmuh che chu nuam a ti hauh lo vang. Intifaiin i hliam tekha enkawl phawt rawh." Ka pa chuan min lo ti ve bawk a.

Ka pa kher chu ni lo se a thu sawi hi ka pawm lo hul hual ang.

"Kal ang le. Delphine kal san rei angai dawn hleinem..." Ka nu chuan min kalsawn pui pah chuan min ti ve bawk a.

"Ka lo awm ange." Ka pa in a ti thung.

B.I.G Galx hospital bikah kan awm avangin ka thawmhnaw leh engkim a awm sa a. Thil tih a harsa lem lo.

"Ti khawpa hliam i tuar chung hian Delphine ngaihtuah vang ngawtin enkawl pawh i duh lo chu ania." Ka nu chuan insut hraih hraihin min ti a..

"Kan fapa neih chhun, kan engkim i nihte hi hre ve ṭhin la. Kan tana i hlut zia te hi i hre ṭhin lo." Minti leh malh malh a. Kei erawh ka ngaituahna kil khatah chiah a la awm tho.

Ka naute chiah ka ngaihtuah bing ngur a. Mi luah khat vek.

"Ka ṭha. Eng mah tham anih loh kha." Ka nu hnem nan chuan ka lo ti ve thung a.

"A zo tawh e." Doctor in ka hliam en kawl zo va arawn tih rual chuan ka tho nghal a.

"Mut hahdam i mamawh khawp mai. In enkawl zui i ngai ania." Doctor chuan a lo ti vat a. Ka nu pawhin a lo pawmpui nasa.

"Ka mamawh lo. Intihfai ka duh."

"A nih leh i intihfai zawhah tal hahdam rawh aw." Ka nu chuan minti a.

"Awle." Tiin ka chhang na chu, ka tum chuang lo.

Duh anga che ṭha thei chiah lo chuan theih ang angin ka intifai a. Ka inthlak pawh ka nu in min pui vek.

Ka intihfel rualin ka naute an zaina lamah kan kal zui leh a. Ka nu pawh chuan ka hahdam chu duh hle mahse min dang zo lo..

Kan van thlen phei leh chuan an lo la zai zo lo.
A na tawrh mek saw keima tawrh vek nizawk se tia ka ngaituah a bang thei lo bawk.

"An zo ṭep tawh a ngem?" Ka tih mek laiin kawngkhar arawn inhawng a.

"Eng nge a an?" Doctor ho leh nurse ṭhenkhat inzaina room a ṭanga an rawn inzui chhuak ka hmuh rual chuan ka lo zawt thuai a.

"A ṭha chiah lo. A thin thlak vat anih loh chuan a nunna saw kan chelh reng thei lo vang. A rawn harh chhuak anih pawhin rei a dam lo vang. A thin kan thlak vat te anih loh chuan....."

"Damian inbengdai rawh.." Ka nu leh pa leh midang lo awm ho chuan mi rawn vuan bet zui nghal ṭhup.

Ka nu bulh bulh... Ka theih tawpa au chhuah chiam mai chu ka duh.

"Naute.." An rawn nawr chhuak ka hmuh rual chuan an kut vai kiangin ka pan zui rawk rawk a.

A hmel dang(pale) bal mai ka hmuh techuan lung a awi mawlh lo... A tana hmun ka pa in a lo buatsaih lamah chuan kan dah lut zui a.

"Naute." A kut ka vuan a, a biangah techuan ka chul vel thul.

"Rawn harh chhuak vat la." A chala ka hmui dah zui vang vangin kan ti a.

Ka ngaiin kanin thlahlelh a, hlim taka awm dun ve tawh tepawh kan duh asin.

"I rawn harh chhuah veleh nupuiah ka nei ang che.." ka inthlak laia Delhphine tana ka zungbun siam tir daih tawh ka lak chu ka ipte aṭangin ka phawrh chhuak a.

"Hun awm veleh he zungbun hmang hian inneih puia sawm che ka tum asin..." Na tih hriat tak chuan kati chuai ruih a.

Delphine kut zawi ngiai chu la kangin a tana zungbun ka siam chu ka bun tir a.
Ka nu lo inhnit hlap hlap ri chu, chu lai hmun reh tlawk tlawkah chuan a chiang khawp mai...

Ka pa in a hnem mahna.. Ka hnunglama awm annih avangin ka hmu thei chiah lo.

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » January 17th, 2021, 12:32 pm

Big Boss
Chapter -25/Last
May Renthlei

"Engkim tluang takin kanti thei e. Kan damlo pawh a lo harh thuai kan beisei." Tia ka naute thin thlaktu doctor ten min hrilh chuan min delh rit luk tu kha lak bo ang huai a ni..

Chung doctor leh nurse rual ho te chu kuah nawk nawk hlawm mai ka nap. Ka lawm lutuk hian..

"Kan lawm lutuk. Kan hmu thei nghal a ngem?" Ni tam tak hnua ka nuihmel an hmuh lehna ani hial ta ve ang.

"Thei e. Va hmu rawh u." Mintih rual chuan mi dang pawh ngaihtuah hman tawh lo vin ka lut zui thuai thuai a..

"Ka lawm e.. I tuarchhel tak zet. Ka chhuang lutuk che." Ka naute nikhawhrelo va la awm bam mai chu ka va be mawlh mawlh a. Han nuah nawk nawk mai te chu chak viau mah ila a rem ber rih si lo.

"Lo harh chhuak thuai rawh aw." A chal dai daka duat lutuka fawp pah vang vang chuan kan ti .

"A lo harh chhuak thuai dawn alawm. A tawrhchhel tak zet ani kan fanu nghe nghe." Ka nu pawhin hlim leh lawm takin a lo ti ve bawk a.

Hnunglam ka han hawi chuan ka nu leh pate chuan Delphine nen chuan lungdam tih hriat tak hian mi lo melh dun vawng vawng a...

"Lo harh thuai rawh. I mo kawrhak turin a hmuak tawh che.." Lungchim tak chuan kan ti a..

Kar kalta chhung zawng khan ka mu mumal lo, ka naute kianga awm reng ka duh rualin donor zawn lo ngai bawk. He khawvel hi donor tur zawngin ka dap chhuak vek hmanin ka ring.

Vanneih thlak takin sum lamah harsatna awm lo leh khawvel mi thilti thei zinga mi te lo nih ve bawk vang tepawh aniang chu, donor kan hmu harsa lo hlauh a. Vanduaina leh harsatna tam tak karah kan tan hun ṭha arawn inher chhuak ve thei ṭan ta hram hram a ni. A tawp a tawpah chuan...

"Ka fapa hlim taka in awm dun zel tawh ka beisei. Eng harsatna leh inṭhenna mahin a tih buai tawh loh nan cheu Pathian hnenah pawh theih tawpin ka dil reng ṭhin ang." Ka nu chuan kan hun tawnte hrethiam a, hlim taka hun hmang dun thei tawh tura min duh tak mai chuan an ti a.

"Ni e, hmahun hlimawm tak hlirin a lo hmuak ngei tawh ang che u." Ka pa pawhin ka nu kut vuan vang vangin a lo ti ve bawk a..

"In chungah ka lawm lutuk." Tiin lawmthu chu thinlung takin kan hrilh a.

"Family hug." Ka nu chuan ṭah nuih deuhin an ti a. Kan vai chuan kanin kuah zui a.

Chhungkuaa thlahlelh leh inhmangaih taka kanin kuah khawm lohna chin hi kum7 vel lai a liam tawhin ka ring.

A lum nuamin, a lo hahdam thlak hle si a. Kan lo ti fo tawh lo chu pawi kati hnu hnawh hle a ni...
THLA1 HNU AH....

"I inpeih em?" Ti a min zawh chuan kei chu ka inthuam dan leh ka engkimah chuan inpeih tawh hle mah ila, ka va zam ru si em...

"Aw ka inpeih e." Thaw la ru huai chuan kan ti a.

"Hawng rawh u le.." Kan inneih thuam min buaipuite techuan phur leh nui sanga tiin ka naute hliahtu puanvar inzar chu an han hawng ta delh delh a.


Ka lungphu rawn rang dawt dawt chu ka thunun zo teuh lo. Khawdang hawisawn thei lo lekin ka naute kawrfual var mawi tak ha a lo ding nui sen sen chu ka melh tlawk tlawk.. A inhmeh in, mawi lutuk tlat.

He khawvelah hian a mah chauh chu a awm ta emaw tih mai turin ka mit chuan a mah chiah chu a hmu. Thil dang engkim chu a bo vek nia...

"Ka inhmeh lo viau em ni?" Ka naute aw mawi leh no takin nùr deuh nanga mi rawn tih chuan ka harh chhuak ram ram..

"Ahh.. I nalh lutuk." Lawi deuh rut chuan kan ti a..
An vai mai chuan an nui ta vek. Ka naute hlim taka rawn nui chhuak sen sen chuan kei pawh chawp leh chilhin minti nui venghal. Khawvela mi hlim ber kani hialin ka inhria...

"Ka inhmeh viau tak tak chuan ka kut hi mi vawnsakin ka dinna hmun aṭang hian min hruai thla ta che khawngaihin." A kut rawn phar chhuakin an ti no hnalh a.

"Tehreng mai." A dinna lama pan chho zui nghal chuan ka lo ti var a.

Ka naute chu Angel ang maiin a eng de sat sat nimaiin ka hria..A nuihmel mawi tak te chu ka en ning thei mawlh lo.. Ka hmeiche hmangaih leh ka engkim ani chu ka lawm zual.

"Moris kan lawm lutuk aw. A nalh tak zet." Kan inneih thuamhnaw zawng zawng min buaipuisak vektu Moris hnenah ka naute chuan hlim vanga nuisangin lawmthu an hrilh a..

"Kei fe hi ka lawm. Ka buaipui thei cheu hi ka lawm fe zawk ania. He hun lo thlen hun nghakhlelh ber te zinga mi hi ka nia lawm. Hlim taka awm turin duhsakna ka hlan mawlh mawlh che u." Min lawmpui tak zet tih hriat takin a lungchhe lek lek hial a..

"I nalh lutuk. Nupa hlim tak ni mawlh ang che u." Moris chuan ka naute kuah zuiin an ti a.

"Ka lawm lutuk." Ka naute pawhin hmel eng sat sata kuah letin a lo ti ve bawk a.

Ka naute mawlh chu... Ka en ning thei lo. Min hip bet tlat. Ti khawp hian ani maw a lo hmelṭhaṭ.. Lung a awi hliah hliah.

"Clara i fiamthu ani lo maw? Eng vangin nge kawrfual hak kher ka ngaih ang.. Suit mawi tak nen lo kalin ral khat aṭang a lo venhim cheu ka thlang zawk." Melanie chuan kawrfual sen dang no tak ha chhuakin arawn ti hnawk hnawk a..

Melanie kawrfual ha vawikhat kan hmuhna ani ngei ang. Nui lo turin insum angai hial.

"I nalh lutuk Melanie. I nalh tak zet. Kha kawrfual kha i ha ngei ngei tur a ni." Delphine lah chuan phur em em a lo ti ve thung.

"Ni lo, ka inhmeh hlawl lo."

"I inhmeh lutuk. Ni lawm ni Damian?" Ka naute chuan ṭha taka ka chhan beiseia mi rawn melh pah riain an ti a. Duhawm lutuk.

"Melanie i inhmeh lutuk. Kan inneih ni ah chuan kha kawr ngei kha i hak a ngai." Ka naute support in ka lo ti ve bawk a. Ka naute chuan lawmtakin sir lam aṭang chuan mi rawn ngheng zui dat a. Keiin ka lo kuah ve vat bawk.

"In inhmeh lutuk." Chu laia awm ho lah chuan minlo ti ve tlawk tlawk hlawm bawk a.

"Kan lawm e." Ka naute chuan hlim vanga nui hmel pu sang rengin a lo chhang hlawm a..

A hlim nuihmel chuan kei chu hlimna nasa leh zual min pe thung. Nui satliah ngawt ani lo va, chhunglam tak tak aṭanga hlim nui tak tak a ni. Chu thil chuan a hmel a ti ṭha zualin a lang eng sat sat.

"Ka hmangaih che." Insum zo lo in kan ti ta thlawt a.

"Kei pawhin ka hmangaih che." Rawn dak chho vahin mit meng nung sarin arawn ti a.

Kun hniamin a hmui sen tai tekah chuan ka zu fawp zui zauh a. Hmeiche ho thawm aṭha ngang mai.

"Zahthlak lutuk." Ka naute biang chu arawn sen tai tek zui a.

"Ka ta i nih zia ka pho lang anih kha.." A chala tauh zui bapin mit ka siai zui sak a.

Heng mi ze nghal tak te hi a hnen aṭanga ka neih vek a ni.

CLARA DELPHINE POV
"Lut rawh le." Damian chuan ka luhna tur car kawngkhar min hawnsakin a ti a.

Kei ang bawkin ani pawh a khi vereng mai. Damian Thibault mi rorum lutuk pa kha ani ta lo emaw tih mai tur a ni. Mahse ka duh zual telh telh tho nia..

"I ṭha em Naute? I chauh hmel lutuk." Damian chuan car a rawn ṭhuṭ luh rual chuan min ngaihtuah takin arawn ti a.

"Ka ṭha. Ka chau deuh a tlemin." Nuih sekin ka ti a.

"In kan thlen veleh i hahdam dawn nia.. Boruak ni hut hut leh chet hah deuh hlek ila zo lo anih ka ring." Ka lama ṭhu hnaiin a taksa bet thlap chuan mi kuah zui a. Hahdam takin ka bei zui hle hle.


"Kan inneih ni tur pawh hi phur hle tawh mah ila kan sawn thei reng ania. I taksa lam a la inpeih loh chuan."

"Ni lo ve, sawn lam chu ngai lo tehreng mai. Ka kianga i awm chhung chuan ka ṭha." Ti a ka chhan chuan arawn nui nghawr dat a. Kei pawh ka nui zui venghal.

"Vawin atan chuan i hahdam vang vang tawh dawn nia. Naktuk lamah i hah dawn si." A khabe ka lu ah nghatin a ti che pah ralh ralh a.. A lungphu ri te, a taksa deh nuam leh lum hiam ka hre leh thei te hi ka lawm ṭhin..

A rimtui tak hip luh vang vang tur awm te, naktuk aṭang phei chuan nitinin kan awmdun thei tawh a nga. Zing a lo niha ka harh ruala ka kianga a lo mu ziah tawh tur ka ngaituah te hian mu mang a ang zawk hial kati a. Lung a chhe lek lek thei zawk hial dawn alawm mawle.

"Eng nge i ngaituah tak vung vung a?" Nasa lo te a mi nek che datin arawn ti thum bal a..

"Nangmah."

"Tak zet."

"Tehreng mai.." Uar taka ka lo chhan rual chuan arawn nui hak a.. A nui ri mawi tak chuan ka khawvel arawn ti famkim...

"I nuih laia i hmelṭhaṭ zia hi i hria em Damian?" Awm sawn hretin, a hmel hmu thei tura melh chho kiau chuan ka han ti a.

A ka reh nalh leh a hmui chhah tap fawh nuam zet chu nuih insum tih hriat takin a pet sawi nak a. Tuna ka thil hmuh mek hi a sexy mah mah lo maw.. Ka zep lo, fawh a chakawm hliah hliah..

"Ka thil sawi vang khan nuih insum kher angai lo." Ti a ka sawi zawh rualin a ha var nalh leh rual ṭhaṭ langin arawn nui zui a.
A hmel hmu thei tawh lo turin ka awm rem nghal.

"Ka ril aṭam." Chhuanlamah kanti nghal zaih a.

"A vaa pawi ve. Sawi hma deuh ni ila chuan kan ei nghal tur ania." Rilṭam ka lo awm chu inthiam lo takin an ti a.

"A rawn ṭam deuh thut alawm."

"Ka awm nawm nana sawi mai i nih chu. Mahse ka inthiam theih phah deuh tho e."

"Chu tiang vang ani lo. A hmain a ṭam lo tak tak." Ka ti nang nang a.

"Okay. Ka hrethiam e.. Thlen veleh kan ei ṭeuh dawn nia." Ka biang na lo te a piai pak hlakin an ti. Keiin ka biang khawih duh lo in a kut ka lo nam kiang vat a. Min runluih nan a khawih nawn leh phah kher a.

"Chimawm lutuk." Ka lo ti hlak a. Ngainatawm takin a nui thung.

Thliarkar hmuna ka chen hma daih tawha ka lo chen tawh na, ka ngainat em em chu kan thleng a. He in leh a chhunga chengte zawng zawng hi ka ngaina vel vek.

"In lo thleng der a, i chau viau lo maw?" Karenin min hmuh rual chuan a lo ti thuai a.

Kanin hmuh hmasak leh bera min ṭah khum nasat zia chu. Kei pawhin ka lo ngai hle a, ka pi ang hiala ka ngaih kha ani miau tlat a.. Dam leh hrisel ṭha taka ka hmu leh thei hi ka lawm.

"Kan chau lo ve." Lo nuih let sangin ka ti a.

"Karen, Delphine ril hi a ṭam a ei tur min buatsaih sak thei a ngem?" Damian erawh chuan ka rilṭam thu mawlh mai kha lo la vei runin arawn ti a.

"Tehreng mai. I ngainat zawng hlir ka lo siam alawm. Lo kal rawh u." Phur tak mai chuan a ti ta thuai thuai a.

Hman ang tho khan a la ngainatawm a. Min ngaihtuah dan lah a ngai reng bawk.

"Ei duh bik te i nei em?" Thil ei tura kanin zui phei laiin Karen chuan min zawt a.

"Eng pawh ani mai. I siam anih tawh phawt techuan ei duh loh pawh ka nei hleinem." Tia ka chhanna chuan ati lawm ngang mai. A nui zui hawk hawk a.

"I ti lawmawm ṭhin ngawt mai. Lo nghak rawh u, a rei lo vang." Tiin a che zui suah suah a.. Midang ho in an lo pui ve vat bawk.

"Naute, Arthur ania kan chhang lawk. Lo ṭhu rawh." Ṭhuṭna tur min pawh chhuah sakin Damian chuan a ti a.

"Awle." Damian phone hmanga kal sawn zui chu kati a.

"Pu ber chu a buai leh tawh em ni?" Ei tur min chhawpsakin Karen chuan arawn ti a.

"Ka hre bik lo le." Ka lo ti a.

In ngaihtuah hah lo leh hahdam taka awm tura min duh luatah hian engmah min hrilh duh lo tunlai chu.

Ka ring tawk a, engkim a chingfel em em ang.
Blaise Brown leh Salvador tepawh tanin hrehawm takah dam chhungin hun an hmang tawh dawn a, an tan chuan chhun leh zanin awm zia anei ngai lo va nga, mangchhe rapthlak tak chuan nang chingin chu mangchhia rapthlak tak chuan a chenchilh kum khua tawh mai dawn a ni.

"Karen iti lawmawm e. A tui dawn lutuk." A ei tur min chhawp ho te chu ei chak hmel taka thlir dauh dauhin ka ti a.

"Awle.. Tui deuhin i ei dawn nia." Nui sanga minti in a kalsawn zui a.

Rilṭam miah lo chungin Damian bulah khan rilṭam angin ka insawi mai kha ania. Ei tur kan hmuh chiah erawh chuan ka kawchhungah ka hnawh liam thla zung zung. Keimahin ka inchuh lo chauh a ni.

Ka thil ngaituah avang chuan keimahin ka nui chhuak sek a.

"Ei tur hi chuan a ti hlim che mawle. Muangchang khan ei la." Ka lu ah arawn chul pah zauh a. Ka hmaah arawn ṭhu zui bawk.

"Ei tur ai chuan Damian Thibault an minti hlim zawk.." In la thu tak fe chuan ka lo ti vel a.

Damian pawh kati lai lek lek. A nuihmel mawi zia leh hmelṭhaṭ zia chu.

"Reuh che hian aw." Ka duh loh dan takin ka biangah arawn piai a. Ka lo ner nang a.

"Tui deuhin ei rawh." Ka biang a piaina chul dam zauhin a kut a la let a.

Ka hmaa ei tur awm chu ka ei zawm mawlh mawlh a.

"Damian ka..." Duh tih hriat lutuka ka thil ei lai mi lo melh reng avang chuan ka sawi tur pawh minti sawi zawm thei lo.

"Eng nge ni?" Ka ngawih zui daih avang chuan ngainatawm taka mi la melh reng chuan a ti a.

"Ti nge i ei ve loh?"

"I thil ei lai kha hmuhnawm kati lutuk che a. Ei na chang pawh ka lo hre lo." An lo ti ngei a.. Ka duh zual dan tur lah hian a awm thiam mai si.
Ka hmangaih zual zel dawn chu anih hi mawle...

"I puar tawh em ni?" Ka fork kenlai ka dahthlak rual chuan a lo ti vat a.

"Umm.. Puar tawh." In la babe zetin ka bu pah nghet a.

"Anih chuan kan chho dawn em ni? Intifai ila mu hahdam vat ang."

"A ṭha alawm." A mah ang bawka kan ṭhuṭ hmun thawhsan zuiin ka lo ti a.

"Ohh. Damian.." Ka hmalam aṭanga zo lutuka mi rawn pawm kan nawlh avang chuan ka lo ti ṭhaṭ a.

"Min vuan nghet la." A tih rual chuan a kawngah nghet leh zualin ka kherh bet a. A nghawngah kuah zui hnalhin a awmah ka bei zui thlap.

"Ka rit i ti lo em ni?"

"Ti tehreng mai." Uang taka min chhang chuan a ti fiamthu a.

"Kha kha ani mai." Nui hak hakin ka lo ti a.

Min zo lutuk leh duh tawka min pawm kual thei hi ka ngei zawk ṭhin.. Tuna kan landan te hi pafa kan ang zawk mah dawn alawm mawle...

DARKAR 1 HNU AH....
"Ka mut a chhuak tawh lutuk." Ham bai baia ti chungin khumah chuan ka lawn kang a.

"Lo kal teh." Damian chuan thlahlelh lutukin a taksa nalh leh lian ṭha tak ang chhungah chuan hneh takin mi lo kuah bo zui hlu hlu a.

"He tia kan awm dun leh mai thei hi mu mang ang zawk tih hial changte i nei ṭhin em?" A awma bei kek chung chuan ka han ti a.

"Umm..I lo bo leh daih ang tih ka hlau ṭhin. Chu vang ania ka mit hmuh a awm reng tura ka duh che." Ka chalah a hmui lum vang vang chu arawn nghat zui a.

"Eng tikah mah ka kalsan tawh dawn hleinem che. Engkim a fel vek tawh.. Thlamuang takin hun kan hmang thei tawh alawm.." Tiin ka lo hnem a.

"A dik alawm." Hahdam taka thaw la zui suai suain a ti a.

"Muhil tawh rawh le. Naktukah hmabak duhawm tak kan nei si a." Hriat nuam em em in an ti a.

"Awle. Big Boss muttui le." Ka tih chuan a nui che dat a.

Kei pawh hlim leh thlamuang em em in mit ka chhing zui riai riai.
Tun ang reng hian hun kan hman dun tawh ka beisei tak zet.

IN NEIH NI.....
"I zam em ni?" Melanie chuan thaw ka la ham ham chu arawn ti a.

"Ka phur rual hian ka zam." Darthlalang hmaa in en vang vang chuan ka lo ti a.

"I nalh lutuk. Zam reng reng suh." Mintih chuan kei pawh mawi chu ka inti lutuk mah mah.
Ka hlimna tehian minti mawi zual.

"Nang pawh i nalh lutuk." Tia ka lo chhan chuan innuih dunin kanin kuah zui a.

"Khawvela mo hmelṭha leh nalh ber chu ka hmu chak tawh lutuk a, inneih inkhawm ṭan hun ka nghak thei tawh thlawt lo. Ka rawn pan tawp che.." Rawn ti ri ka hriat rual chuan ka hawi phei vat a.

"Nu..." Damian nu lo kal chu ka lo ko no hnap a.

"I mawiin i nalh tak zet." Min en fiah velin an ti a.

"Ka lawm e, nang pawh i nalh lutuk." Hlim nui var varin ka lo ti a.

"I pa phal lo chung ka rawn kal lui a, ṭan a hun ṭep tawh sia ka let lehnghal mai ang." Min kuah zuiin an ti a.

"Awle. Kal rawh."

"I nalh lutuk.. Zam hauh suh aw." Kawngkhar bul aṭang chuan arawn la ti hram hram a.

"Awle.."

"I inpeih em?" Melanie leh midang awm ve ho chuan an ti tliar tliar hlawm a.

"Peih e.." Thaw ka la zui halh a.

Ka phur em em rualin, ka zam ru tho bawk si... Huiish..

"Vawikhat chiah ka en nawn leh ang che. Kan monu hmelṭha leh vanneih em em hi." Min endik leh thuak thuakin Moris chuan an ti a.

"I nalhin i ṭha lutuk tawh mah mah. Kal ang ule." An ti liam zui puat a.

"Awle. Kal ila." Ka lo ti a..

Inneih thutiam chhamna lam pan chuan kanin zui chhuak a. Mi tam takin nghakhlelh leh lawmpui em em in mi lo nghak ṭhap tawh a..

Diego, Arthur, B.K tepawh coat var in ang ha ṭhapin min hmuh rual chuan phur em em in kut mi lo vai khum lauh lauh hlawm a. An nalh hlawm hle a ni. Coat dum tawp ha lo in kanin neihni em ah chuan ka hmu ve ta chu nia..

"I mawi lutuk." Ka pa(Damian pa) bul ka thlen chuan nui var varin mi lo ti a.

"I kut chu le." Min ti zui a. Ka kut chu pe in muang changin white carpet mawi leh nalh tak chu kan zawh dun a.... Kanin neihna hmun leh a chhehvel an cheidan techuan lung a dum ngawih ngawih.

"Hun kal tawha hrehawmna leh harsatna in lo tawh tak zawng zawng tekha theihngilhin hmalam hun hlimawm tak inneih chiah kha tun aṭang chuan thlirin in ngaihtuah tawh dawn nia." Kan kal dun lai chuan duhsak takin ka pa chuan lungchhe aw lek lekin minti a.

"Awle ka pa." Ka va melh phei deuh a. A tarmit kara lawmna mittui chu ka va hmuh hmaih lo..

Ka hma lawka ka pasal nimai tawh tur leh ka hmangaih em em nghakhelh taka mi lo thlirtu lam chu kan melh phei leh a.

Kan hun tawn hrehawm leh mangan thlak tak tak. Thliarkar nun hrehawm tak hmanga ka nun khawchhuah dante ka mitthlaah arawn lang zui uar uar a..

Mak taka kanin tawn dan leh beiseina zawng zawng ten min thlawh bosan ta vek emaw tih mai tur a thlen hnu pawha he tiang hun kan tawng leh thei ta te hi a mak hial zawk.

Thi lek lekin hunte kan hmang leh thul. Hun kalta te thlir chuan he tiang din hmun kan thleng leh thei hi awih a har hial zawk..A lawmawmin, a ropui bawk si.

"Hlim takin awm dun ang che u." Ka pa chuan Damian bul kan thlen dawn chuan an ti leh sup a.

Damian kiang kan thlen chuan hmel nung leh eng sarhin mi lo hmachhawn a. Mahse vawileh khatah a nuihmel chu lungchhiatna in arawn chim a. Ka kut a vawn dawn lai chuan mipa ah pawh pa ber nisi kha a mitah mittui zu tling pam a.

"Ka chan dawn tawh che emaw katih hial lai che khan he tiang hun duhawm hi kan thleng leh theiin ka ring lo." Hmui pet zui fan fanin an ti a..

Kei pawh Damian rilru leh awmdante hrethiam lutukin ka mittui ka dang zo bik lo. Midang tepawh an ni ve vek.. Keini pahnih maicham hmaa kan ding dun min hmuh chuan an lo insut ve tliar tliar a.

Mahse inneih thu tiam kan chham zawh rual chuan kut beng leh hlim thawm hlirin chu lai hmun chu a luah khat zui mam mam.

"I nalh lutuk. Khawvelah i hmelṭha ber." Inneih thu tiam thinlung zawng zawnga kan chham dun zawh chuan a hmui phunin an ti sup a.

"Nang pawh." Midang hriat tham loh tur si chuan ka lo ti let ve a.

"Kum khuain ka ta, ka ta chauh i ni reng tawh ang." Tih thu min hrilhin mi tam tak hmaah chuan hmangaih leh lungchim em em in mi fawp zui vawng vawng a.

Au thawm leh kut beng thawm hlirin a khat zui hluah hluah.

Kan lam dun lai techuan kan thlawk delh delh zawk nimaiin ka inhria.. Khawvel hrehawm leh lungngaihna hlira khat nia ka lo hriat ṭhin khan kan tan par arawn chhuah veleh ta a. Mawi takin midangte tan eng kan chhuah dun vethei tawh dawn a ni.

"Ka hmangaih che Ka naute.."

"Kei pawhin ka hmangaih che Damian Thibault." Ka lo ti let ve a.

"Fa duhawm tak tak min pe ngei ang che. Nangmah anga duhawm.." Nui var varin an ti a.
Kei pawh a nuihmel mawi lutuk chuan minti nui lo thei bik lo.

"Tehreng mai nangmah chhun deuh deuh tur hlir kan nei zawk dawn nia." Ka nui ri in ka thil sawi chu a zui nghal a.

"Eng pawh a ṭha vek ani mai. Ka kianga nang i awm chhung chuan. Ka engkima ka engkim i ni si a." Ka chala mi fawp zui vang vangin a chhungril tak aṭang chuan an ti a.

Hla lungrun tak in play riai riai hnuaiah chuan taksa in si chial leh inhmangaih em em in kan lam dun a..
Kan hma hun eng leh duhawm tak suangtuah zuiin..

Darkar a liam leh meuh chuan Honeymoon nuam leh hlimawm tak hmang dun tur leh, tuman min chim buai loh na tur hmun, eng harsatna temahin mintih buai lohna tur lam pan chuan kan tlan chhuak zui ta vang vang a....

Hlim taka awm dun tur leh fa duhawm tak tak te nei a, chhungkaw ṭha leh nuam tak din ngei turin...
A tawp ta..
👇ka zawhna khu min chhansak dawn nia u..

(A tawp thlenga ka story ziah ngaihnawm nge nawm loh chu ka hrechiah lo va😁. Min lo chhiarsak avangin ka lawm e.. A last epi hian induhthu a sam lo hle ang tih ka ring.. Kei ang bawkin...

Sad ending tura dah ka tum viauna a, sad ending ka ngainat loh bakah chhiar a hrehawm duh lutuk a. Ka dah hlim ta mai. In ngaihdan ani ve em tih phei chu ka hre law.)

ZAWHNA: MIZO STORY LAM NGE IN NGAIHNAT A, TUNA KA ZIAH ZAWK TAK RAM DANG STORY ANG HI?? Min lo hrilh theih chuan ka lawm hle ang..

Ka hmel tihlan leh tu nge kanih pholan hi ka duh chiah loh vanga fake ac hmang chiah kani aw..
La tihlan hun te chu ka nei mahna..
Kanti teh duah teh ang....🙈

*** KAN WEBSITE A FAKNA LAM THIL MILEM LANG THIN I LO HMEH ZEUH HIAN KAN WRITER TE HLAWH KAN TUMSAK ZEL TIH KAN HRE THEUH DAWN NIA, KAN LAWM E***

Website story link ho awlsam zawka in zawn hmuh zung zung theih nan STORY FB group siam a ni a. Whatsapp group pawh siam a ni e. Complete tawh ho zawng zawng leh story kallai kan dah vek avangin avangin in lo join theuh dawn nia..
Group link : https://www.facebook.com/groups/991354610918230/

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)