BIG BOSS BY MAY RENTHLEI (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

Re: BIG BOSS BY MAY RENTHLEI (Completed)

Unread post by Ngaia » January 17th, 2021, 12:29 pm

Big Boss
Chapter-14
May Renthlei

"An la inneih vat ang." Facundo thil sawi ka hre chhuak zawk.
Thinrim leh natna, huatna thlipui tinrengte chuan mi rawn tuam hlup hlup a. Ka ngaihtuahna arawn nu ṭan bawk..

Ka bag ah laia ka silai ken chu la chhuakin Blaise chal zawn takah chuan ka tin ta vang vanga. Ka boruak tawn rih zia leh chunglai thilawm reh ta vung vung nia ka hri

Thli rawn thaw vuk chuan eng tik laia tla nge tih pawh ka hriat loh mittui ka bianga luang mek chu arawn chhem hit sawng sawnga. Ka ngaihtuahna ram aṭang chuan minti harh tel thei veta hram bawk.

Harsa tilukin ka silai ken chu ka thlak thla riai riai a. Ka thisen sang, lum pup pup mai bengdaih ka tumna lamah chuan ka taksa pumpui mai te chu ana vek thei hial.

"A la hun lo." Kati chhuak hraih a. Thaw ka la zui hawk hawk bawk.

Mit chhing zui vang vangin ka rilru nu but chu tihreh tumin ka bei a. A awlsam lo. Chet bawrh bawrh mai duhna in min tur ut ut si a.

"Khawiah phiangsen nge i awm?" Ka benga inbiak pawhna tereuhte ka vuah aṭangin Facundo chuan angai te ang bawka vin ang reng fe chuan arawn ti a.

"Ka rawn let dawn." Tia chhanna ka pek zawh hnuin Blaise lam chu rum takin ka melh nawn leh ngat a.

"Lo nghak rawh. Kan la intawng dawn chauh alawm." Kha fe chuan kan tih khum a. Ka hnung chhawn zui tanghal bawk.

Tunah ka that nghal mai anih chuan khang Damian ṭhuihhruai zo zaite khan ka awmna an hre hre vat ngei ngei dawn a. Ka chan a chhe dawn lutuk. Damin ka chhuak thei kher lo vang.

"Min lo hrethiam lawk." Tiin ka hlauhthawn ruk ang ngeiin mi rawn be ding ta tlat mai. Ka kal kiang hman teuh tawh asin mawle..

Muangchangin ka hawi let a. Ka kal tlang lui anih chuan min ringhlelh zual ngei ngei dawn chiang.


"He lai hmunah hian eng nge i rawn tih?" Tia min zawh nawn leh hnu chuan a aw ringawt aṭang pawhin tu nge anih ka ring thiam.

"B.K" Chu chu ka rilru a lo awm a ni. Mi fing chung chuang leh hriatna nei ṭha tak ani a.. Chu vanga ka kianga Damian pawhin dah a ni.

Min ringhlelh thiam pawh hi a awm lutuk e.. Min lo hmu hman erawh a pawi.

"Puih theihna che ka nei em?" Kun deuh ngalin kan ti a.
Amaherawh chu muang changin ka khabe kati sang riai riai a. A hmel pawh chiang takin mask phen aṭang chuan ka hmu thei ta. B.K ngei ani e.

"Ka hmanhmawh viau ania." Inringtawk tak chuan kan tih zawm leh a. Thawven hmel takin, hlauthawng anga lan chi ni hek lo.

"I .... aw chu...." A ti ban ta charh mai le. A hmelah chuan min hmuh chian chakna arawn lang chhuak tup tup bawk.

"Sawi tur dang i neih loh chuan ka kal ange." In her zui vutin ka kal chhunzawm nghal hmawk hmawk a.

A hrilhhai viau lai chhung chuan ka lo inthiar fihlim hman. Min ko let zui lo hlauh bawk. Mi dangin an rawn be zui bawk nen.


"Khawiah tehhrep nge i lo kal hman?" Facundo chuan mi hmuh rualin alo ti chhur chhur a.

"Lo buai suh. Khaw nge ka thawmhnaw tur chu." Ka ti let zui hmuk a.

"Kha la rawh." Min pe ṭha mai lovin, ka taksa si rapin arawn nem bet a.

He pa nen hi chuan kanin milh lo vethlawt. Kei a hmeichhia zawk lah hian eng tik lai mai pawhin ka en hnuai run reng a.. Ka cho em em reng bawk a. A ni ang mipa in la vetawk tak tan chuan ngaih theih ngaihna pawh a awm chuang lo. Minti let ṭha ngam tak tak chuang bik der si lo va.

"Kiara in min nghak tawh." A kal zui nghal vut a..

"Eng nge midang chanchin?" Zui venghalin ka zawt a.

"Manuela leh Rios te an rawn tel ve bawk dawn. Fimkhur ang che. Canon arawn inrawlh tel vebawkin ka ring. Ka duh dan phei chuan zanin atan tak chuan inrawlh lo turin ka duh che."

"I duhdan anih chu." Ka lo tiduh lek a.
"Canon meuh inrawlh angaih chhan pawimawh tak a awm ngei ang." Kati zui a.
Hmeichhia ka hriat tawhah chuan Canon leh Manuela te bak baka rothap leh nun rawng hi ka la hre ngai lo.

"Pawimawh chu awm tehreng mai. B.I.G Galx software siam chhuah an tlang zarh tur hi Chinese ral thuam lam siamtu te nen inbe remin an indawr tawn leh ngei ngei dawn a. Chinese lam zawk chu keini lamin lo dawr kan tum vethung ang. B.IG Galx hian insum dawn tawnna min neih pui duh si lo va."

"B.I.G Galx te ang nena indawr chi kanni reng reng em ni?"
Kha thliarkar hmun ṭihbaiawm tak. Mihring hmang pawha sum dawn hreh lo, sum dawnna tenawm leh thianghlim lo tak neite nena Damianan indawrna neih a duh lo chu ka lo lawm.

Chu vanga kan el zia leh tih chhiat tuma kan beih nasat zia kha ka hria. Ka hriatna ka hloh miau a, Damian tih chhiat anih nana ka tha hmanral tak zo zai tekha pawi tiin inchhir hle mah ila awmzia a awm tawh si lo. Ka la siam ṭha thei em ang chu maw?

GRAND BALLROOM
"He thil hi aṭha lo tak zet." Facundo chuan zam deuh hlekin arawn ti chhuk chhuk a.

"Ngawi la. Pangngai takin awm rawh." Dah sang vahin ka lo tiduh lek a..

Tlem chuan ka zam vedeuh alawm. A amaherawh chu zam lo lutuk ang chuan ka lang tlat thung.

"I sam thar chu i mawipui hle mai."

"Ngawi la kan thiltih turah chiah i rilru pe rawh." Ka lo tih khum hlak a.
Heng mi ze ngeiawm tak tak te hi ka nunah hian an bet tel tawh chu anih hi.

"Camera hmaa lang tam lo thei ang bera awm turin ka duh che."

"Ka hria. Ka kalsan dawn che." Ti zuiin Kiara niawm tak ka hmuhna lamah chuan ka kal zui a.

"Ka be lawk duh che." Pangngai thei ang bera ka va biak chuan mak lo tideuh hlek hmel a pu.

"Tu nge i nih?" Ti a min zawh chuan ka lawm mah zawk. Ka inchei danglam ve em bawk a ni.

"Kiara, keimah." Kan tih leh takah chuan a hmel a danglam lawp lawp.

"Kha tiang hmel kha pu suh. Min lo zui bawk la."

"Ahh. Aw.. awle." A wine in lai chu dahthla in ka kalna lamah chuan mi lo zui ve vat a.

Wash room, camera awm lohna hmun berah chuan ka luh pui zui a.

"Eng nge thil awm zia? I thi tawh niin Facundo an a sawia. Ka awi lo reng a ni. Kan hotu lam pawhin an ringhlelh a. A chhan chu i ruang hmuh tur a awm bawk si lo. I chanchin ngaihven turin Manuela leh Canon te dah an ni. An naute ho nen an hmuh vaih che chuan aṭha lo viau ang." Thawchham lek lek chuan an sawi par par a. Hlauthawng leh awlsam taka min hmu leh mai bawk si chuan a ṭhawng deuh bawk a ni.


"Facundo hnen aṭangin B.I.G Galx kan beihna hmunah khan thi tura tirh luh kanih thu min hrilh asin. Thil awm zia teh nuai hi ka hrethiam tawh lo."

"Thi turin a?"

"Aw ni e."

"Chu tiang lam thu engmah hriat ka nei lo. Facundo chuan dawt a hrilh che ani lo maw?"

"Ka hre lo le. Nangmah chiah hi rin theih che ka nei.." ka tih chuan mi hnem nan ka kutah arawn vuan vat a.

"Facundo chu ka ring lo." An ti hap a.

"Kei pawhin ka ring bik lo." Ka lo ti sap a.

"Canon sawidan chuan nang hian kan mi leh sate phatsanna tlan bo ta angin a sawi bawk si che a. Kei chuan ka lo ring lo reng a. Chu vang ania nang hi kan zawn zui tak che. Fimkhur rawh aw..An man che anih vaih chuan i chan rapthlak tur zia chu." Min hlauhthawn pui hle chuan an ti a.

Ka chan chhiatzia tur leh min phatsantu te an ngaisak dan rapthlak zia chu ka hre teh meuh mai. Thih law law chakawm khawpin, thisen kang rat khawpin mi an sawisa phawt a. An nunna chu zawi muangin a ral ṭhin.

"Thliarkar lama kan mi leh sate tumah ka phatsan lo che u. Facundo dawt sawi ani ngei ang. Mahse kei min that turin an ni lam chuan Facundo chu an lo ti tak tak reng em tih chu ka hre bik lo le. Min tih chhiatan duh vanga chung thu thangte chu Canon chuan thehdarh ani mahna." Ka dinna bang ngheng zui datin. Ka chunga thil thleng mek te chu ka ngaihtuah zui a.

Ka tang hnawk nuai mek a ni. Khawilam ve ve ah pawh. Enga pawh chu nise saw thliarkar hmun ṭihbaiawm tak saw ka la tichhe vek ang. A zung chawpa phawi a, tih bo ral vek anih theih nan ka thawk tawp thlengin ka bei ang.

"Aya eng tianga hmalak zel nge i tum? Kei chuan ka thlawp reng dawn che ania." Kiara chuan min ngaihtuah takin min zawt a...

"Ka hre bik lo le. Tunah chuan Facundo nena ṭan dun rih bak tih theih ka nei lo."

"Facundo a? Ni lo, ani chu i thu rualpui thei lo vang. Mi bum hmang, mi le lo anih saw. Kei aia pawn i hrechiang ani lawm ni?"

"Thlan tur dang ka nei lo. Kei anga hmun ral muang lo va awm ve turin ka duh lo che. Chu vangin ka chungah eng pawh lo thleng se min hawisan ang che i hria em?" Kan tih chuan pawm lo takin lu min thin san a.

"Ka thei lo vang."

"I theih angai. Facundo hi thu rualpui angin ka lang ringawt dawn. Nihna leh thu neihna duh vang ringawtin kei hi min hmang ṭangkaia.. A duh ang ngawt hi pek ka tum lo. I puih ka ngai dawn. Mahse alang lo thei ang berin. Eng hun hlauhawm emaw a lo thleng palh thei a, chu mi hunah chuan hmelhriat loh angin min en dawn nia. Chu chu ka hrilh duh che."

"Aya.."

"Ka kal angai." A ṭawng zawm leh hma chuan ka lo ti a.

"Awle. Puih theihna che ka neih phawt chuan i tan ka awm reng ang." A ti zui ve ta a.

"Fimkhur ang che." Tiin min kuah zui vang vang a.

"Nang pawh le." Min kuahna aṭang chuan awm sawnin ka kal zui ta a.

"Aya. Ka ṭawng hi i hrethei em?" Ka benga ka thil dah ruk in biak pawh theihna aṭangin Facundo aw chuan arawn ti a.

"Sawi rawh." Ka lo chhang let thuai a.

"Hnung lam chhuahna kawngkhar bulah khan Canon a ding mek. A kianga a dinpui Chinese tenena an indawr dan kha hriat tum rawh. Kan dan angai ania." Arawn ti a.

"Awle."
Kan hawi kual zui a. Chung mihring lo kal khawm zo zai, hlim hmel taka nui teleh ṭhenkhat khun khan em em a lo ti ti hote chu kan en kual a. Han en mai chuan mihring pangngai ve mai anga nun chen hmel tepawh an pu. Mahse heng kal khawmte hi an lan ang ngawt hi an ni hlawm dawn lo. Chu chu ka hrechiang.

"Hrep chuan." Thinrim ru zetin ka kal tumna lam aṭang chuan ka inher zui leh a. A chhan pawh Manuela arawn lan thut vang a ni.

Canon vengtu rinawm tak angin arawn che vel mek a ni.. Hmeiche dang ang lo takin kawr fual pawh arawn ha ve lo. Coat suit nen arawn induang zaih.

"Hun serh an ṭan dawn. I beng chhi rawh." Facundo chuan a mit meiin arawn ti a.

Kiara nen an lo ding dun daih tawh. A tir bak kha kan awm dun lo. Awm dun theih kan ni bawk hek lo.

"Zanin ah kan sawmna te ngai pawimawha in lo kal theih avangin kan lawm e." Damian Thibault ngei mai chuan arawn ti a.

A lak aṭang chuan hawisan leh mai harsa kati. Ka lungphu arawn inthum rawn tluk tluk a. Ka hna leh tih tur zawng zawngte chu rei lo te atan ka hriatna aṭangin arawn hnawt bo vek.

"Khawvela la awm ngai lo, khawi ram pawhin a a mamawh em em ka nauten a an siam chhuak thei hi ka chhuang a ni. An chungah ka lawm." A hmelṭha tak mai erawh a lang chang bang a. Nuihdan pawh hre ve lo hmel ang mai kha a pu leh tawh. A hlim lo a ni. Chu chu chiang takin ka han hmu thei.

An thil siam chhuah a tlang zarh lai chuan kutan lo beng hluah hluah a..

"Arthur." Ka va hmuh tel chuan ka khi sek a. Angai te ang bawkin Damian kiangah a ding leh run tawh.

B.K, Melanie leh Diego te ho erawh ka hmu tel ta lo.

"Canon in a ringhlelh che ania. He lai hmun hi chhuahsan vat rawh." Kiara chuan a ruka kanin biak dan ṭhinin kut zung ṭang hmangin mi rawn signal a.

"Blaise leh Canon." An lam ka hawi zui avangin kanti chhuak sap a.
In pawh hmel taka ka hmelmate pahnih lo in be dun mawlh mawlh chu ka va hmu zui a. Ka sa leh phat phat tawh.

"Hmanhmawh rawh." Kiara bawk chuan arawn ti a.

"Facundo he lai hmun hi ka chhuhsan dawn ania." Kanin biak pawh rukna aṭang chuan kan ti a.

"I tlai ṭep tawh zawk. Hman hmawh la chhuak vat rawh." A rawn ti khur khur a.

Canon naute ho in min hual chep mek tih chu ka hre zui thei nghal. Buaina awm lo thei ang berin, a ruka chetan tum vangin ka la him hram chauh a ni.

"B-1" tih chu elavator a ka luh rualin ka hmet nawk nawk a..

Hmanhmawh naklai chuan B-2 ah mi dangin min lo la tiding zui a.

"Nula min hrethiam la. Kawng i bo em ni? Hei chu hnathawk ho hman bik ania." Chu pa lah chuan ala rawn ti zui tak deuh deuh a.

Ka hre teh meuh mai. Mikhual ho hman bik tur lam aṭangin ka chhuak anih chuan ka tan him lo leh zual hek.

"Ka tisual palh a ni." Kan nuilui hram a.

"A pawi hleinem. Keiman ka hruai let thei che alawm." Hawihawm takin an ti leh a.

"Angai, ka lawm. Keimahin ka inbuaipui thei ang."
B-1 kan thlen tak avangin ka chhuak zui hmawk hmawk a.

"Kha lam chu hnawthawk ho bik parking lot alawm." Arawn tih zui pawh chuan ka chhang tawh lo.

He lai hmunte chu ka hre lutuk alawm. B-2, tuna ka awmna chung chiah khi parking lot tho ani a. Chu erawh mi khual ho tan bik a ni. Car ka la chhuak thei angem ka hre lo. Anih loh chuan B-1 aṭang hian chhuahna ka zawng ang.

"Khaw nge i awm?" Facundo an arawn ti leh a.

"B- 1 ah ka awm mek. B-2 ah ka rawn chho dawn."

"Rawn chho suh. Ta ṭang khan chhuah dan tur lo zawng la. Um zui tum ang chein pawn lamah ka lo nghak ang che." Arawn ti a.

"Awle." Chhuah dan tur ngaihven zuiin kati a.

He lai hmunah hian ka lo kal fo tawh a. Han chhuah rukna tur erawh ka hre mai lo. A vang duh lutuk ringawt.

Tih theih dan dang a awm tawh lo. Motor tlan chhuahna lam pang chu him lo hle mahse pan ngei ngei ka ngai ta.. Fimkhur thei ang ber chuan ka pen chhuak a.

"Mit thi tho leh nu. Nunna eng zat fakoh nge maw i neih le?" Manuela ngei chuan mi lo tileh ta chhek chhek a.

"Kanin tawng leh ta maw." Zam hauh lo chuan kan chhang let a.

Midang hmuh turan awm lem lo. A hmalam daiah min zawng ani mahna. Manuela erawhin thluak a vawrh vir leh tlat tawh. Kanin chan dik leh thlap tawh hi.

"Min kaltir mai la a finthlak lo ang maw?" Ngainep fe chuan kanti vel a. A run leh ngang tawh mai

"Nang bei hneh lo tur che hian inring lo ni ta ila chu he lai hmunah hian kan lo chang khep khup ang che chu." A sawi zawh rualin ka lamah arawn tlan phei zui fua a.

Kanin sual zui chu ani tareng mai. Kei nen hian thiamna lamah pawh kan filawr hle a. Ka el pui ber ṭhin a ni. Ka duh ang thlalin ka theh thal mai thei bik lo. Ani lahin min cho tawk ve bawk nen.


"Phatsantu." Ka tluk thal tawp lai chuan ti tuarin mi rawn pan zui a.

Keiin a ke lamah tlu chungin ka lo tlawh vethung. Awmzia chiam a awm lo. Minutes 3 vel kanin sual hnu chuan thawm arawn awm a.

"Tu te nge in nih?" B.I.G Galx hnuaia thawk security guard te an rawn lang zui a.

Chu lai hun chu remchangah la in ka tlan chhe zui a. Manuela pawhin mi rawn um zui nghal.

Facundo car lo dahah chuan ka tlan lut a. Manuela mai ni lovin a naute ho pawhin mi rawn um zui a. Ka chan aṭha lem lo khawp mai.
Mahse Kiara leh Facundo an rawn che a. Ka tlan bo zui thei hram.

Mahse chutah chuan ala tawp mai lo. Chinese ho leh Thliarkar lama ka mite ni ṭhin ho inbiakna tibuai tura thawh chhuah lehnghal ka ngai.

Zanin dar12 ah hian indawrna a ruk thei ang berin an nei dawn a. Chu an indawrna tur chip pawimawh tak chu ka ru chhuak anga. Chinese sum dawng ho chu chu thil hmang chuan indawrna ka neih pui zui ang.

"Ka lo thleng tawh." Ka lukhum khum ṭhaṭ pah zauhin Facundo chu ka va bia a. Chiang takin car nghenga fal deuh hleka a ding chu chiang takin ka va hmu thei.

"A ṭha. Minutes 4 hnuah i rawn che chhuak dawn nia. Mi pa6 lai kan ni." Arawn ti a.

"Awle."

An mahni awmna lam hawi phei vang vang tawhin an awmna hmun leh chet lak dan tur ka lo ruahman fel vek tawh..

Mi pali chu car pawn lamah an ding a...mi pa2 te erawh car chhungah an la awm anih ka ring.

"Kiara in zingah khan a awm ve em?" Tih ka va zawh lehna chu chhan letna ka hmu tawh lo.

Muang changin ka pan hnai telh telh a. Hmun fal reh ruih mai, silai han hmeh puah mai pawh pawi lo tura ngaih a ni..

Chinese ho rawn thlen hmain chip saw kan ruk bo hman ngei ngei angai. Chuti chuan an indawrna chu a tawp dawn ang a. Keinin a hranpa liau liauin Chinese ho dawr nan kan lo hmang veleh thung ang.

"Kha lamah khan kal rawh." Tiin Facundo chuan mi lo mit mei a.

Kan beih tur te ve ve kanin sem fel tawh, a ruala che thei turin a ruk thei ang berin kanin tiam rual a.

A kianga ding mek chu eng khaw sawi set set lo vin nikhawhre lo thei nghal turin a nghawngah chuan a kut hmangin an sat zauh a. A tlu zui nghal. Chu mi rual chiahin midang ka lo ti ve bawk.

A ruk a rala mi beih te chu vawi eng zata tam nge kan lo tih tawh ang..Keini ang tan chuan harsa tawh lo tak a ni.

"Eng nge thleng." Car aṭanga Manuela rawn chhuak tur chu dan nan car kawngkhar arawn hawn rualin ka lo pet khar leh bur a.

Silaiin ka tin zui nghal bawk.

"Che tawh suh. Nang ang mihring hi thah ka chak lo ania." Huatthlala awm zeta ka hmel siam pahin kan tih khum a. A thinrim hmel chu rapthlak tak a ni.

"Ka la that zawk khawp ang che." Sehchilh nak leh zam map lo chuan min lo la chhang let thei ta tho a.

"Ṭawng tawh lo zawk la aṭha ang." Ka silai kan kau zui rap a. Kah hrehna pakhat mah ka nei lo. Amaherawh chu minti buai zawngin a che te anih loh chuan silai hman kher erawh ṭul kati ber lo.

"Chip kha min pe rawh." Facundo pawhin Kiara a lo vau ve khur khura.
Car chhungah Manuela nen an lo awm ngei a ni.

"Nangni hian min phatsan a maw?" Thinrim awm fe in Kiara chuan an ti vel a. Ka lo nui ru sak.

"Min pe vat mai rawh." Facundo chuan a lu si rap rapin silai chuan an vau zui a. Facundo a thinchhe si a a kap mai ang tih chu ka lo hlauthawng ru deuh.

"In la chak lo khawp dun khawp ang." Minti ve khar khar a. Facundo chuan chip a chhuhsak zui a..

"Aya car ah lut rawh. Nang kha lo chhuak rawh." Kiara hnenah Facundo chuan an ti ṭhaṭ a. Ani pawh zam lo leh Facundo rum taka melh khai khai chungin arawn chhuak a.

"In la hre khawp ang. Min phatsantu te damin kan chhuah ngai lo." Manuala chu a chan chhe zawka ding e ti lovin min la vau zui ve khanglang a.

"Anih tak chu." Tia ka chhan mek laiin Facundo chuan nikhawhre lo turin a silaiin arawn ch$ thlu a.

"Mi kut thlak i hreh thei lutuk. I nunna i chan zawk thei asin." Mintih khum zuia.

"Kap suh. Thah kher angai lo." Manuela kah zui a tum chu ka lo dang vat a.

"Kan tan an la hnawk thei. Ni lo, tunah pawh hian a hnawksa reng tawh." A ti chhur chhur a.

"A ṭul rih lo. Kal vat zawk ang." Tih leh car a ṭhuṭ luh ka rual a.

"Tihpalh." Kiara nikhaw hrelo a awm mek lam chu melh zauhin kati a.

Manuela nen kanin biaklai daih tawh khan Facundo an nikhawhre lo in alo siam tawh.

"Kiara kha a rintlak i ring chu ania. Tuna thil thleng mekte kha i lo hmu em?" Car ka khalh chhuah hnu pawh chuan a ang zui tun tun a.

"Ka hmu e." Ka lo chhang dam dap.

A chhan chu Kiara kha ka lam ṭang a ni. Facundo hian a hriat kher a ṭul lo ve.

"Chinese ho nen a rang thei ang bera indawrna kan neih theih nan ruahmanna ka lo siam ang."Kan chet dan vanga la lungawi zan lo tih hriat tak chuan an ti a..

"Kan phatsan tih an hre vat dawna. Nanglah i dam tih an hre ta bawk a. Eng vangin nge anni kha min thah tir mai loh?" Ban phar meuhin min chhuahchhal a.

"I hlau em ni?" Ngai nep zetin ka lo ti a..

"Hrep a che. Anni ho kha ka hlauin i ring a maw? Ka hnuaia la thawk mai mai turte an nih kha." A ti pawr leh viau lawi si.

"Anih chuan ti khan ṭhu ngawi mai ta la." Tia ka chhan chuan a run ngang mai..min tih vak ngaihna a hre chuang si lo. Min chin phar vel hi chu a chak ṭhin mawle.

Keiin ka mamawh ai daih hian min mamawh miau si a. A tum ram thleng tur chuan ka puihna a mamawh tih a hrechiang. Chu vanga kan mite phatsan tura min siam pawh a ni.

"Naktuk hi khang ram hruaitu lawk tak tak kal khawm tawpna ni tur kha ani a. Kanin rawlh leh ngei ngei angai dawn. Naktuk bak erawh kan chawl tawh rih ang. Hahdam kan mamawh." Facundo chuan a ti ngut ngut a.

"A ṭha alawm."
Ka car khalh mek chu kawnglaiah kan hnut chhian tawp a. Motor dang la in kan tawm buk lam kan pan thung..

A TUK.....
"I inpeih em?" Facundo hnenah chuan ka va ti a.

"Tehreng mai." Tiin min lo chhang a.

Kan hmel hliah nan mask leh lukhum kan hmang ve ve a. Tun ṭumah erawh a ruk tak meuhin kan lut dawn a ni.

"B.I.G Galx lam aṭangin tu nge rawn kal dawn i hria em?" A hriat tak tak pawh ring chuang lem lo in kan zawt a.

"Blaise Brown." A tih chuan ka khi zui sak.

"Kanin hmachhawn ngei dawn e." Kati rilru zui nghal..

"Kal hrang ang." Facundo hnenah chuan kati a.

"A ṭha alawm." A lo ti ve mai a.

Ka kal hran rualin Blaise ka zawng zui nghal. Venhimna a khauh lutuk a duh ang thalin chet a har.

Private dining thawmhnaw ru chhuakin ka inthuam zui mawlh mawlh a. Ei tur nawrin Blaise room lam ka pan zui. Hriat harsa ni hek lo.

"Lo ding rawh." A room bul a duty ho chuan min lo tiding a.

"Miss Blaise in tur order pe tur a lo kal ka ni." Tiin kan chhang a.

"Luh tir rawh. A order alawm. Miss Blaise buailaia heng thil hote thila kan va tibuai anih chuan aṭha lo zawk ang." Duty pakhat zawk chuan a lo ti a. Ka thawhuai huai.

"Luh rawh." Minti zui a..

Ka luh hnuchuan a ruka ka hmai tuamna ah ruk chu ka phawrh a. Hmai ka tuam zui nghal. Ka la dam tih hre turin ka duh lo.

"Private dining." Kan ti a. A reh ṭhap.

Bathroom lamah a awm tih hriat takin tui herh haw ri ka hria.

Khum bula laptop a hun chuan ka mit ala nghal chat. Ka pan pheia pendriva lo in vuah chu ka phawi zui nghal.

"I lo kal theih loh tur thu i sawi ani lawm ni?" Blaise aw chuan arawn ti chhuak lang lang a..
Bathroom aṭangin a lo chhuak chiang a ni. Ka silai ka la chhuak zui a. Ka lo tin ran sa.

"I lo thleng tawh zawk maw? Damian." Nui har harin an ti a. A thil sawi zawh tak chuan ka beng a vih zar mai.

"Pawi lutuk." Thinrim lutukin kan ti a.

Kawngkhar lamah thawm arawn awm zui a. Ka ngaihtuahna a buai nghal mup..

"Damian ka hmachhawn thei rih lo."
Eng tin nge katih tak ang??

In tawn tir hram ka tum viau ania, a sei tawh lutuk a. In hmu rih lo mai rawh se....



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » January 17th, 2021, 12:29 pm

BIG BOSS
CHAPTER -15
MAY RENTHLEI
Kawngkhar lamah thawm arawn awm zui a. Ka ngaihtuahna a buai nghal mup..

"Damian ka hmachhawn thei rih lo."
Eng tin nge katih tak ang??

Blaise lah ka lam panin arawn kal ve mek bawk. Kawngkhar lam aṭang nen hual chep mek ka ni.

Kawngkhar lam aṭang sawn ka chhuak lo anih chuan ka lut lai min hmutu te khan thil dik lo a awm tihan hre hma lutuk dawn si.

Duh thlan tur dang ka nei ta lo. Balcony lamah chuan ka tlan phei zuai a. Chawng 13 na ah kan awm mek ani a. Han zuan thlakna atan chuan a sang lutuk mah mah a ni. Chhawng hnuai lamah chuan harsa takin ka pakai hram hram a..

A hnuai chiah chuan balcony a lo nei ve hlauh a. Ka pakai thei hram. Chuti ni lo se he building lian lutuk aṭang hi chuan chhuak ruk a harsa ve ṭalh ang. Hrui leh hmanraw dang ka nei te anih loh chuan.

"Khaw nge i awm?" Kanin biak pawhna bik aṭangin Facundo chu kan zawt a.

Corridor a ka kal lai chuan ka dar an kahna kha arawn na nawn leh tak zet bawk. Ka zuan thlakna lamah khan ka ti che nasa deuh ani ngei ang.

"Facundo ka ṭawng i hrethei em?" Kanti nawn leh a. Elevator ah chuan chau lutukin ka lut zui hnawk a..

Damian leh a hote khan min rawn um zui dawn tih ka chiang. He lai hmun hi kan tum lawk loh danin ka chhuahsan angai a ni. A rang thei ang berin.

"Hello, Aya..."
Chu aw ka hriat chuan ka khawng awt.. Facundo nena kanin biakna bik hmangin ani mi rawn biak ni..

"I ṭhianpa hmu tur hian i rawn kal dawn nge ni a? Keini min phatsan ang bawk khan he pa pawh hi i phatsan leh dawn?" Canon aw ngei chuan nidang ang bawka zah ngaihna nei leh map tawh lo chuan arawn ti puam leh ṭalh ṭalh tawh a. Ka van haw ber kher tak em....

"Eng nge a chungah thleng?" Inseh ruh nghal ṭeuhin kan zawt a.

"Lo kal la i hre mai dawn alawm. Chip kha ka duh. " Kanin biakna chu a ti chhe zui ani mahna. A ri zui phawt phawt a. A tawp zui hmak.

"Hrep a." An location en zui chuan kan ti a.
Kei ai tala chan ṭhaah a awm ang chu tia. Thil thleng engmah hi aṭha lo.

Blaise pendrive ka ruk sak chu kan hum vak a. He thil vang hrim hrim pawh hian kei hi B.I.G Galx ho hian min rawn um zui ngei ngei dawn tih ka chiang..

Eng pawh chu nise Facundo pui tura kal phawt ka ngai. Kan zanin plan chu engmah ṭha reng a awm lo anih hi...

Chinese ho kha Canon tenena kanin hmuhna tur hmun chu kawhhmuhin, chip chu an kuta hlan chhawn ka duh thu ka hrilh a. Duh in ang ṭheuh ṭheuh te chu kanin hmu khawm ṭhap ṭhap ang chu le..

Facundo an manna hmunah chuan ngheng fe in kan pen lut zui nghalh nghalh a.

"Wow wow.. Ka awih thei lo hial zawk." Canon chuan ka inlan ring lo fe in kut a lo beng hial a..

"A hmanraw ken ho kha lak sak ru." A naute ho hnenah chuan thu an pe zui a.

Dim lo lutukin min ṭhingṭhiṭ zui tir hnawk a. Silaia min tin chungin ka chemte pai chu min lak sak a. Silai erawh he lai kalna atana ka bike ruk ka hnut chhiahna hmunah ka thuk ru. Tiang thil hi a thleng dawn tih ka hre lawk tlat a.

"Khaw nge chip i dah?" Ti a min zawh chuan ka lo khik khum sak a.

"Facundo nen hian min kaltir phawt la, ka pe ang che. He lai hmunah hian ka rawn keng lo."

"Awlsam takin ka kal tir ang cheu maw.. Nuih a za pha lo hial zawk mai. Kan lak aṭang a awlsam taka tal hrang thei a in in ngai pawh hi a ropui hrim hrim e." Min kal hual riai riain ka samah min kek dak zui lawp a.

"Eng vanga min phatsan ngam nge i nih?" Rapawm lutuka min melh dur khuih chuan mi zawt a. Ka sam a ṭham na chu na tak a ni bawk.

"Eng vanga ka thih duh viau nge i nih?" Ka lo chhuahchhal rap rap thung.

"Ka duh a maw?" A aia na zawkin min ṭham zui leh a..

"I thih duh ni ila hman hmanah khan ka that daih tawh ang che chu. Saw mihring lak tlak loh thu sawi saw ringin kan mi leh sate i phatsan ani lawm ni?" Minti zui kha kha a.

"Eng tik laiin maw ka phatsan che u? I dawt thu thang theh darh anih kha." Ka tal zui vak a. Ka lu chuan a hmaiah ka han tauh zui bur bawk. A na tham ve bawk aniang a ni pawh a pai sawn nawk.

"Nang nu ve mai mai hian kut min thlak ngam ta a maw?" Ka hmaiah arawn hnek let pawp a. Na tiawmin ka awm duh chuang lo. Ngeiawm takin ka lo nuih khum zui a. A na ve reng mai.

"Ka hnuaia awm a ka zirlai vemai hian min lo cho tham vetawh a maw?" Kut min thlak zui tum a min tin mek lai chuan Rios an a lo dang a.

"Capt. Salvador an nungdamin a duh. A kuta hlan turin thupek arawn chhuah." A rawn ti hlauh a.

"An nautelem, duh duha thu an pek kual vemai i ni kumkhua dawn anih hi." Kan lo tih khum zui a.. a thinrim alh pup pup chu hmuh nuam kati.

"Lo ngawi hmak rawh. Khaw nge chip chu i dah?"
Kut min thlak zui chak lutuk hmel mawlh chu...

"Khaw nge Facundo?'"

"Lo chhuah rawh u." An ti zui a.

Facundo chu kawngkhar rawn inhawng ruai ruai aṭang chuan hliam nei chek chukin an rawn kai chhuak a. An lo sawisa nual tawh tih a lang reng. A kut chu kei lo ang takin an phuarsak bawk.

"Hey Facundo, he nu hnen aṭang chauh hian nge ni a, Capt. Salvador hnen aṭang zawkin min that tura thupek i hmuh?" Kan ṭhiante ho awm lai ngei chuan ka lo zawt lang lang a.

Rios leh midang ho pawh an phawk hru vek mai.

"Ngawi hmak rawh." Canon chuan mi rawn pan hnai ruakin an ti tuar a.

"Capt. Salvador hriatpuina a tel lo. A ni chuan tunah pawh nungdamin ala hmuh duh che hi." Tiin ka zawhna chu Facundo chuan mi lo chhang a.

"Ka rin dan chiah. Ka phatsan ang che in thu i theh darh bawk a. Ani lawm ni?" Hriam tek tawk chuan kan melh ding vah a..

A hmel chu a mah lo ang takin a buai deuh nak. Midang an lo awm ve nual bawk nen.

"Nangni pahnih hian min phatsanna, chuti chung chuan kei hi min hnuh luh ve ṭalh in tum amaw?" Ban vai kual meuhin a thiam thu chu an sawi a.

"Rios leh midang ho khan ngaithla teh u kei hian ka phatsan lo che u. Tal awh tir ka ni." An ni ho lam hawi chuan kan ti a. An ngawi dak hlawm.

"Ngawi rawh. I ṭawng leh vaih chuan i thluak kha ka kap darh chuai tawh ang." Canon chuan ka lama silai rawn lek kang vahin thinrim tak chuan an ti a.

Min that hreh dawn lo. Ka chiang alawm. Mahse Chinese ho an rawn thleng mek ani tih ka hriat chuan min thlamuan.

"Eng thawm nge?" Tia inzawtin an hawi phawk hru hlawm a.

Chinese ho pawhan rawn lang zui a. Silaiin an intin hlawm ta ran mai le.. A nuam dawn e..

"Kei hian in thil duh chu ka nei." Chinese ho hnenah chuan kan lo ti vat a.

"Tenawn nu leh.." Canon chuan ka ruahmanna hrethiam zuiin an lo ti hluk a.

"Ani nen sawn he lai hmun aṭang hian min hruai chhuak thei anih chuan hei hi ka pe ang che u." Ka sana kara ka thil thuhruk chu la chhuakin kan keng lang va va a. Muangchangin Facundo lam ka pan hnai hrat hrat bawk.

"Idea chu a chhiat lem lo hi." A bula ka va din chuan a lo ti a.

"An intih buai laiin sawlai hmun aṭang sawn kan zuang chhuak ang." Tukverh lam chu ka kawhhmuh zui a.

"Eng tianga sang nge?"

"Ka hre bik lo." Tia ka lo chhan let chuan nep tih hmel zetin mi melh nghek a.

A sang zawng chu ka hre teh meuh mai. Ka hrilh chak lo mai ania. A sang tehchiam lo.

"Anni pahnih hi kan naute an ni. Min pe mai rawh u. He chip hi induh anih phawt chuan kan pe ang cheu. Mahse anni pahnih erawh hi chu kan duh." Canon lah chuan Chinese ho hnenah chuan a lo ti ve bawk a.

"Nang ni ho hian min phatsan tawha kan ring thei lo che u." Lehlam ho lah chuan an lo ti ve tlat tawh si a.

"Kha thil thleng kha chu he mite vang hi a ni..." a tih lai mek chuan.

"Ring suh u, kha nu thil sawi kha. Ka kut ngei aṭang hian ka pe ang che u. Ka intiam e." Chu thil ka sawi zawh rual chiah chuan ka chip ken lai chu Canon lam hawiin ka theh phei a..

Chinese ho in lo lak tum vebawk. An in su buai ta reng a. Chumi chhung chuan keini kan lo che ve thung.

"Um zui ru. That nghal bawk rawh u." Canon aw ngei mai chuan a ti tuar tuar a. Keini erawh kan tlan chhuak leh daih tawh.
Ka bike ruk chhuah ka hunna lamah chuan kan tlan zui a. Mi rawn nangching lek lek tawh.

"Khalh rawh. Ka lo veng ang che." Facundo zawk chuan minti a.

"Silai i nei em ni?"

"Hrep a. Min laksak daih alawm. Tlan chhuak vat mai rawh." Thinrim taka a tih lai mek chuan ka bike hunna bula ka silai dah ṭhat ruk chu ka lo pe zauh a.

"Mi zawt buai loh khan min pe ṭha mai ta che." A ti zui hluk a. Ka nui suk.

Kan tlan chhuak zui a. An ni pawhin mi rawn um zui a. Silai mu arawn leng phei fua fua a..Facundo pawhin a lo kap let ve bawk.

"Petrol a zo Facundo." Bike tiding zui chuan kati a..ka bike ruk chhuah ani a petrol lam ka lo ngaihtuah tel lo a ni.

"Hahthlak lutuk. Kal ang." Bike aṭang chuan kan chhuk rawk rawk a. Ram ngaw lamah kan tlan lut zui nghal.

Kan training laia ramhnuaiah thla khat lai mai min dah te, mahni a nun khawchhuah dan kan zirlai tekha ka hre chhuak rum rum. Kanin tawng palh anih vaih chuan duh duh kan that thiang. A huai leh chak lalna leh dam khawchhuahna hmun ani tawp mai.

"Heng lai hmun angah hi chuan i laktlak tih ka hria." Facundo chuan mi rawn ti a.

"Laktlak loh na hmun ka nei em ni?" Ka lo ti duh lek a.

"Kan lo bei dawn nge kan kal zel dawn?"

"Bei ang." Ka rindan chiahin Facundo chuan mi lo chhang..

Remchang kan dap zui nghal. Zan khaw thim hnuaiah techuan kanin bei rap rap fo alawm le.

"Silai hmet puak rih suh ang che." Facundo chu kanti a.

"Ka hria." A lo tihluk a.

"Canon khu ka chanpual." Ka hauh nghal tawp.

"Lutuk e." Lo bei tur chuan kanin ring dun ve ve..
An ni pawhin mi rawn veh ṭham ṭham a. A thim deuh avang erawh chuan duh ang takin a inhmuh fiah theih loh.

Manuela, Facundo, kei leh Kiara te hi aṭha fal thlan chhuah kha kanni hrim hrim a.

Manuela leh Kiara te an awm lo va.Rios leh Canon techiah khu beih huphurhawm deuhan awm.

"Le." Kan che chhuak dun ṭhawṭ a.

Zan thim tak hnuaiah chuan a tla fal a piang chu thawm chhuah hman lo lekin kan siam zui hmiah hmiah..

Rios leh Facundo erawh an inbei tawk lutuk mah mah. Canon erawh ka zawn ngial pawhin hmuh tur a awm lo.

"Dawihzep lutuk." Thinrim fe chuan kanti a...

Min train tu ani a, kan thiamna te a hrechiang bawk a, an chan a chhe zui dawn tih hriain a inthiar fihlim zui ani chiang. Phakar lutuk mai.

"Facundo he lai hmun hi chhuahsan ang." Rios, a insual pui mek nikhawhre hrelo va zu siamsak zuiin kati a.

"Thah kher angai lo." Khawih zui a tum leh chu ka lo dang vat a.

"Min dang ziah suh. Kan dinhmunah hian anni hi ding se nung damin min chhuah bik lo vang." Silaia kap lui zui ṭhawṭ chuanan ti a.

Mit ka chhing sawk. Nunna lak em hi chu harsa katih ang bawkin, midang tilai pawh hmuh harsa kati. Hrehawm kati thei lutuk. Tun ang bawk hian.

Kan tawm buk lamah kan let a. Vawikhat mah Facundo chu ka be leh tawh lo..


"Ngawi reng lo khan ka hmaah hian rawn ṭhu teh. Sawi dun tur kan nei." Facundo chuan ka awmdan ngaithei lo tak chuan mi ti a.

"Ralthuam kan nei chhe lutuk. Ral thuam lei nan sum kan mamawh. Chu mi tur chuan naktukah hian kan chet chhuah angai dawn." A ti a.

"Eng nge i ruahmanna?"

"Hacker ṭha tak ka nei che alawm. A harsa dawn lo." Thawveng fe chuanan ti a.

"Hahdam phawt ka duh leh si e. Naktukah kan sawi ṭha dawn nia." A mutna lam min pansan leh daih lawi si chuan ati a.

Hliam a nei nual a. Tawrh anuam ta chiah lo ania nge. Hahdam a duh tak thut.

Facundo kal hnu chuan Blaise pendrive ka ruk chhuah chu laptop ah ka vuah zui a. Ka hawng thei lo. Password a dah vek tlat. Mahse ka virus siam chi khat, mi computer vel tepawh hack nana ka hman fo hmangin ka hawng thei thung..


"A va pawimawh lem lo ve." Ka en kual hnu chuan kati a. Hnathawhna thil chungchang eng emaw vel mai mai a ni.

"Hei chuu." Folder pakhat kan hawn leh chuan Damian leh Blaise thlalak tam tak a lo intlar thla put a.

Blaise nena an lakdun ai mah chuan Damian thlalak hlangin a khat tih theih hial zawk a ni. Kut ka hum ruh a, thikna leh thinrimna in min tuam zui hlawp hlawp.

"Damian Thibault." A hmelṭha tak chu ka en ngawih ngawih. Sawisel bo a ni. Ka laptop hmai chhanah chuan kan khawih vel thul.

"Ka ngai lutuk che." Ka mit aṭangin mittui arawn hnam a. A hmel chu ka en ning thei mawlh lo. Ka thlahlelh hluah hluah.

Laptop screen ah chuan ka chal ka nghat a. Damian hmel leh ka hmel chu a in si ang maiin ka feel. A lungchhiatthlak.

Ti nge he tiang hringnun hi kan chungah a thlen tak mai le?

"Ka tihpalh? He tiang hringnun ka neih hi i phal bik lo ang tiraw?" Tiin a thlalak chu lungchhe aw takin kan zawt a.

"Tuna ka nundan hi eng nge i ngaihdan? Minla hmangaih thei tho angem? Nge nia min huain, mi tenawmah mai min lo ngai tawh zawk dawn." Ka ṭap chhuak hak lo chauh. Chhunglam aṭang hian mi rawn hnawh chho leh tup tup tawh.

"I nun tlemte ah tal khan min la hre ve a ngem? Kei chuan ka la hmangaih lutuk che asin." Dawhkanah chuan ka bawk zui thlawp a. Mittui luang ngiai ngiai chung chuan ka muhil zui bam a.

Mi khawngaih thlak tak niten ka inchan. Ka nun mintih chhiatsak vek hlawm ta si a. Ka duh thlan leh ka duhdan nimiah lo va nun hman ka ngai ta si.

Ka hmangaih em em, ka nat hlek pawh phal lo tu. Chintawkawm lo va min hmangaih tu leh a engkim min hlantu khan eng tin tak rawn ngai ang maw?

CYBER CAFE...
"Ka hack fel tawh e." Zi mar ar ar chuan kanti a.

"Sum kan nei ta e. Tikha chuan a ruka ral thuam tawlh ru ṭhin ho dawr chiah kan hmabak tawh. Naktuk lamah hun ka lo ruat ang." Facundo chuan ati zung zung a.

"Aṭha alawm..Tih tur dang ka la nei a..Zan lamah chiah ka lo let ang." Ka ṭhuṭ hmun aṭanga ding zuiin kati a.

"Eng tih tur maw?"

"I hriat vekher angai lo." Ti a ka chhan chuan mi melh zui rum rum a.
Ngai pawimawh lo in ka kalsan zui lah lah a.

Blaise Brown chenna hmun pendrive aṭang khan ka hretawh a. Chu lam pan chuan ka kal zui nghal.

Pendrive hi ka pe let dawn a ni. He pendrive ka pek let duhna chhan chu a hman lehna tur hmun hmunah ka virus dah luh sak hmang hian a data pawimawh ho ka lak khawm theih dawn vang a ni.

Ka virus ang nei hi tumahan awm lo. Han thehdarh chi rual lah ani hek lo. A hlauhawm lutuk. A chhelama hmang duh tan phei chuan. Midang nun awlsam te a phawrh mualpho theihna hmanraw hlauhawm lutuk a ni.

"Vengtu te chu a nei khauh ṭha phian a." Blaise Brown in lan theihna hmun aṭanga thlir thla vang vang chuan kan ti a. Gate lam pan chuan ka kal zui ta a.

"Min lo hrethiam lawk ru." Security guard lo duty mekte hnenah chuan kan ti a.

"Puih theihna che kan nei em?" An lo ti thuai a.

"Hei hi Blaise Brown in lo pe thei angem?" Pendrive lek kang va chuan kan ti a..CCtv a ka hmel lan loh theih dan tur ber chuan ka awm char char.

"La ru. Hlauhawm ani hleinem. Blaise chu lo pe ula a hrethiam mai ang." Lak an hreh deuh em avang chuan kan ti.a.

"Lo nghak lawk rawh." Pendrive chu an han scan phawt a. Keimah chawpin. Fimkhur tak an ni.

"Miss Blaise thawn rawh." pendrive thla an laksak hnu chuan an la ti te te a.

"Hneawm." An hriat phak loh tur chuan ka lo phun ru sep a.

"Nula, Miss Blaise in hmuh che a duh a..Lo nghak lawk rawh." Security ho chuan minti zui a.

An awmdanah chuan thil dik lo a awm..A hma zawnga min hnaih pawh duh lo ho khan mi rawn pan hnai hret hret hlawm tlat.

Inthiar fihlim vat ka ngai a ang... Blaise hnen aṭang eng thu pek emaw an dawng tih hai rual ani lo ve.


"Lo ding nghal rawh." Minti zui tuar tuar a. Kei erawh rang takin ka bi bo leh daih tawh. Pendrive erawh ka thlauh lui. An hmuh ngei turin..
************
"Atheene ah lo kal rawh. Kan dawr tum tekhan vawinah indawr an duh leh thut si a." Facundo chuan hah thaw hlawi hlawia ka awm lai chuan arawn ti a.

"Okay." Ning ru fe chuan kan ti a.

A thlalak rawn thawn erawh chuan phurna min pe zui nghal..Blaise Brown a awm ve tlat. In lamah khan a awm lo reng a.

"Library bar ah ka awm. Nula hmelṭha Blaise Brown leh Damian Thibault tenen ngat.. Damian Thibault nen hian eng inzawmna emaw inneih tih ka hrilh tawh bawk che kha." Thalak min lo thawnna bulah chuan arawn thai lang tel a.

"A nawm dawn hi." Ka nui zui sek a. Ka kal zui venghal...

Lukhum nidang ang bawkin ka khum a. Damian a awm vedawn tih ka hriat vang nge mawni ka zam ru ang reng.

"I lo thleng a." Facundo chuan tih pahin Damian te ṭhuṭna lam chu mi mit mei pah zauh a.

Private deuh hlekin an lo ṭhu a. A kiangah chuan vengtu a lo nei leh khep khup tawh bawk..

Arthur leh B.K pawh tiamin..B.K tak phei chu Damian ai awhin an mi dawr mekte chu a lo be mawlh mawlh.

"Blaise Brown sexy zia saw.." Facundo an chu thu a sawi zawh rual chuan hnek tluk tawp mai ka lo duh.

"Ngawi la. Kan hnaah hian rilru pe rawh." Ka lo tihlak a.

Kei tak hian rilru phei chu pek har kati. Ka mipa hmangaih em em leh ka hmeiche huat berte ka piah maiah an ṭhu dun ania. Ka awmdan chu min hriatthiam pui phak bakin a hrehawm ang.

"Kan duh ang sum innei thei si lo va. Kan ral thuamte min leisak induh tho bawk si chuan kawng khatah hman ṭangkai cheu kan duh." Kan mi dawr pa, sum mi leh nunrawn sual hmel zet chuan Facundo nen chuan minti a..

"Eng kawngah?"

"Damian Thibault he lai hmuna alo awm ve chhan chu min en thlak a duh vang a ni." An ti te te phawt a.

"Chuan eng tin?" Dawhthei lo fe chuan kan lo ti a..

"Aya." Facundo chuan hlauthawn hmel fe in mi rawn kheuh a.

"Capt. Salvador." A rawn ti ru sup a..
Facundo an khawvela a mihring hlauh ber arawn lang tlat.. kei pawh kani tel tho. Kan thaw dun ṭawk ṭawk tawh. Keini pahnih hi min hrechhuak anih vaih chuan kan tawp nghal vek ani mai.

"Eng tin nge kan tih dawn?" Arawn ti zui leh a.

"Chhuak vat ang." Chu bak chhanna ka nei lo.

Capt. Salvador chu Damian te kiangah chuan a ṭhu ve a..Thliarkar lama kan mi leh sate rawn hnuai a nei ngei ngei dawn chiang. Chung ho chu kan paltlang thei a ngem?

"Nangni pahnih chu ti nge inthawh tak mai? Kanin dawr dawn chauh ani lawm mi?" Kan mi dawr pa lah chuan ring takin an la ti lung lung zui a.

Mi lo maha hlauhthawn naklaiin..Canon emaw midang chu an pawi lo. Mahse Capt. Salvador ber kher chu....

A lakah chuan naute ang mai kan ni. Kan hlau lutuk ringawt. Kan lang te chem chem.

"Ni dangah kan indawrna chu kan chhun zawm leh dawn nia. Kal ang." Facundo nghawk zui nawkin kan ti a. A ni phei chu a che nawi vek tawh.

"Lo ding ru. Chuti maiin in kal thei hleinem." Chu pa lah chuan buaina chawhchhuah chak takin min la tiding dun zui a.. Ka hawi chhuak ngam tawh lo. Min rawn melh rawn ṭhup tawh tlat a. Kan nunna chu second tinin a hlauhawm telh telh.

"Lalpa lehhh...." Manuela in mi rawn pan ding nghal nalh. Hlauhthawn ang ngeiin thil a thleng ṭan.

"Nangni pahnih chu..." Kan hmaah huatthla awm lutukin arawn ding nghal nalh.

"Capt Salvador tu te nge kan hmuh tak hi."
Nuam ti lutukin an ti zui ham ham a. Ka haw lutuk..

"Capt Salvador man nih ai chuan tunah hian thih chilh ka duh zawk." Facundo chuan a lo ti rum ve al a.

"Beidawng hma viau suh." Kei erawh chuan ka lo tih khum hlak a.

"Ka kawng lo dal suh." Manuela hnenah chuan kan ti a.
Midangan rawn lang zui venghal. Kiara pawh a tel. Hual chep mek kan ni.

"Damian min pui rawh." Ka rilru chuan kati ruai a..Beisei chi rual ani si lo..

"Buaina siam lo zawngin in pe mai ru." Minti tu ber chu tu nge pawh ka hre lo.

"He lai hmunah hian buaina siam ka duh lo. Ngawi rengin mi lo zui rawh u." Capt Salvador pawh rawn inrawlh ve in, mi rawn ṭawng khum khur khur a.

Nidang ang bawkin a lang hlauhawm leh hluah hluah tawh. A nunrawn zia chu rin phak bak a ni. A hmelte thleng hian a sual ani tih hi a lang nghal ngawih ngawih.

"Dik lo a awm em ni?" Blaise aw in arawn tih rualin Blaise lamah ka silai ka lek phei zui..

An phu zui suau a. Damian ṭhuihhruai ho pawh an inring ru nghal vek.

"Damian." No hlaiin Damian hmingan lam zui a. Ka mipa hmangaih hming a lam avang chuan ngaihtuah zui lo leka kah thluk tawp mai chu ka duh.

"Kiang rawh u. Anih loh chuan he nu hi ka kap ang." Tiin kan vau hlawm a.

"Tih theih i nei lo." Manuela leh midang ho chuan silaiin min tin zui venghal zat.

Damian ṭhuihhruai ho erawh chuan silai an la la chhuak ve lo. Damian thupek an nghak mek a ni.

"Buaina siam ka duh lo. He lai hmun hi him taka chhuansan chiah kan duh." Kanti leh a.

"Silai kha dah thla ru." Damian chuan an tihlawm a.

"I thupek zawmna chhan tur kan nei lo." Manuela chuan a lo chhang chang fak a.

"Salvador i naute ho hi thu pe rawh. Nangmahni chawpa ka thah hma cheu hian." Ka Damian ngei maia chuan keinin a kan lo hlauh ve ngawih ngawih maia chu khauh takin thu an pe zui hrawk a.

"Dahthla rawh u." Capt Salvador chuan a ti zuai ruih a.
A ngam loh a tawng ani chek ang chu..

"Nula inbengdai rawh. He lai hmun aṭang him takin i chhuak ang." Damian chuan min bengdaih tum takin ka dinglam sir aṭang chuan arawn ti a.

Blaise lahin in no leh hlauhthawn hmel fe in Damian chu puih beisei takin a melh riai a.

Mask leh lukhum hmangin ka hmel ka hliah daih a. Facundo zawk hian lo hmang se ṭha tur.. Ka hmel hmu hlawm nise..............

"Facundo kal ang." Blaise la tin zui ngar ngarin kawngkhar lam panin ka inher riai riai a. Damian nen hma zawnah kanin hmu rem tial tial bawk.

"Tuman min lo um zui suh ang che u." Facundo chuan an tih khum ṭhaṭ hlawm a.

Kan chhuah dawn ṭepah Damian Thibault lam chu hawiin chiang takin kanin melh a. Ka nuih zui sek a..ka mit bak hmu thei lo mahse ka nui tih erawh a hre tho vang.

#An va inhmu hman teuh em😂.
Next epi aṭang chuan an intawng tawh tak tak ang.
Damian Thibault ' POV ' ka rawn dah tel dawn nia.. A ngaihnawm dawnn....
Han chet buai tir tak tak ang hmiang..kan mi ro rum eng mahin a tih buai phak loh hiala an ngaih ni si hi..hmeiche pakhat vangin kan buaitir rap rap ang chu.
May R...😘

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » January 17th, 2021, 12:29 pm

Big Boss
Chapter -16
May Renthlei

"Min lo um zui dawn chiang ania." Facundo hnenah chuan ka va ti a. Ka sawi zo hman ṭawk, an rawn lang zui nghal.
Elevator ah kan lut hman hlauh. Kan him tihna erawh a la ni lo.

"Hrep a."
Elavator chu Basement 2 ah an rawn tiding hman tlat. . Elavator chhuk thla zui vang vang chhungah chuan kanin sual zui nghal rap rap a..

"Blaise ka thah hma chu ka thi bik lo vang." Tuna ka rilru mek anih chu. Ka la beidawng chhin eih chuang lo.

"Aya i mask kha phelh rawh." Facundo chuan arawn ti tuar a.
Ka chanchin hrelo a nga a awm chu a tawp khawkah chuan a zep thei ta ngang lo ania nge.

"Awmzia a awm tawh lo."

Elevator a dinga, Capt Salvador leh mi pa2 dangin silaiin min lo tin ṭhap tawh. Tih theih dang kan nei tawh lo.

"Thuawi takin min zui ang che u." Capt. Salvador chuan an ti rum hruih a. Nidang ang bawkin a hmela ser nung awm thleh thluah te chuan a ti lang rapawm leh hliah hliah tawh.

"An kutah khan phuar rawh u." Khauh tak chuan a naute ho chu thu an pe zui ṭhak a.

Facundo chet tum leh chu a kaihza ah tak chuan a pet thlep zui hnawk a.. Kei erawh ka che zui lo. An nun rawn zia leh nunna lak an awlsam zia hrechiang tan chuan thuawih rih mai hi a finthlak.

"Vawikhat pawh chet in tum leh chuan kut mai ani tawh lo vang, silai in hmachhawn tawh zawk ang. Manuela, Aya kha buaipui rawh." An ti zui khu khu a.

"I chantawk i hmu e." Manuela chuan ngeiawm chhuah leh nghal pangin mi ṭawng khum leh hlak a.

Dimlo lutukin ka kut a phuar zui mawlh mawlh bawk. Kan hma hun chu a thim zual mup.

"Salvador eng nge thil awm zia?" Chu aw chu hawi chhuak kher lo mah ila Arthur aw ngei a ni. Midang pawh thawm aṭang chuan an rawn thleng zui vetih ka hre thei.

"Lo inrawlh suh u. Hei chu kan buaina a ni. Kan naute pahnih hian kawhmawh an han bawl deuh mai ania." Capt. Salvador chuan nui deuh huah huahin a lo chhang a. Ka lo run ngang mai.

"Puih theihna cheu kan nei em?" Tiin Arthur bawk chuan a zawt zui leh a.

"Nei lo nimai rawh se." Ti a a chhan rualin Manuela hnenah keini pahnih chu min kalpui zui turin an mit mei zui zauh a..
Dim lo fe in mi kuai her zui nawk a. He nu hi chu zal zan khawpa la sawisak hi chu a phu ve a ni.


"Lo ding lawk teh u." Melanie aw ngei chuan arawn ti ve ta thung a.
Manuela nena kan hma takah chuan inring tawk tak mai in arawn ding zui zat bawk.

"Nang hi... Ka hmu tawh che." Minti ta khawlh a..

"Thla hmasa a B.I.G rawn beitu zinga mi kha i ni." A silai ken lai rang taka la kangin zam hauh lo chuan mi tin zui nghal vah a.

Engkim kan tana a ṭha tur zawngin buaina chu arawn in her chhuak leh ta. Damian naute ho lah in Melanie in silai a ken kan rual chiah khan rang takin an lo lek kang zui venghal tlat bawk si.

"He nu hi ani tih ka hre chiang lutuk. Min pe rawh u." A ti ta tlat mai le.

Thliarkar lam mite leh B.IG ho chu kei minin chuhin an intin tawn leh ta ṭham a.. Tu te mah mah chu hnung tawlh tum bik pawh an awm chuang lo.

"Kan thei lo. Thil hriat sual innei a ni. An ni hi chu kan naute zinga mi an nih hi." Capt. Salvador chuan mi hauh burin a lo chhang let hmuk a.

"In naute zinga mi maw anih? A awmzia ah chuan nangni ho hian kan hmunpui rawn luhchilhin a ruk a rala mintih chhiat tumin min bei tihna anih hmel hle mai." Athur chuan ati ta chat chat a.
An thinrim zui hmel hlawm hle a. Kan boruak chu a ṭang ṭha nghal at at hle bawk.

"Hriat sual a awm ka ti ani lawm ni. Keini ho hian a rukin kan bei cheu anga maw?" Capt. Salvador an atih lai mek chuan...

"Nia, insawi dik. Keini ho hian a rukin B.IG Galx chu kan rawn bei. Kei pawh an tirh luh zinga mi ka ni." Facundo chuan Athur lam hawiin a lo ti veleh thung ta tlat a..Mahse chu thu chu a sawi zo hman ṭawk.

Silai a ri ṭhuai a. Facundo na tuar thawmin a zui nghal. Boruak chu ṭang ṭha zual et et tak a ni.

"Tumah kha che tawh suh u. Silai inhmet puak leh anih chuan keini pawhin kan hmet puak vetawh ang." B.I.G lama tu emawni ber chuan arawn ti vin ṭhawk a.

"Salvador an ni kha nung damin ka duh. Kan pawi sawi in nei lo tak zet anih chuan an ni pahnih kha nung damin min pe rawh." Damian aw ngei mai chuan thunei aw leh ngen hmel zetin arawn ti a.

Eng tik lai khan nge kan kiang arawn thlen ve ka hre lo.

"An ni hi kan mamawh. Kan pe ngawt thei lo che u." Capt.Salvador lah in a lo ti bur mai si.

Kan boruak chu a alh vut vut.. Damian Thibault, a duh tawh chu neih ngei tum. Tu laka maha tlawm duh bauh lo hi an hrechiang lo deuh a ni.

"Min pe lo anih chuan nung damin he lai hmun hi in chhuahsan bik lo ang." Capt. Salvador lu ah tak mai chuan a duh chu neih ngei tumin a tin zawn ve ta vah a..

A inchei dan leh a ralthuam zawng zawngte nen chuan a lang pa hliah hliah. En mai pawhin a thlamuanthlak.

"Heng ho lakah hian min chhanchhuak thei anih chuan induh ang information ka pe ang che u." Facundo chuan na tuar thaw hrawk hrawkin arawn ti a. Sual hle mahse a na tawrh mek avang chuan ka khawngaih ru khawp mai..

"A ni saw in enkawlna lamah hruai rawh u." Damian an an tih rual chuan thliarkar lam mi ten Facundo chu an hliah nghal ṭhup a.

Capt. Salvador an Manuela chu Facundo kap tura a mit mei lai chu chiang takin ka va hmu. A ruka kah a tum lai mek chuan Manuela silai chu B.IG lama mi tu emaw berin arawn kap thla tawp a..Ka lo thawhuai.


Mahse, chu chuan buaina ati pulun zual sauh..Silai a rik nawn rualin an inbei zui chu ani der mai. Facundo nen chuan a lai laklawhah kan ding.

"Kal rawh. Facundo chu buaipui zui angai lo." Kiara chuan hmanhmawh taka ka kutan phuarna phelh ru zui mawlh mawlhin an ti a.

"A nih nang ve." Kal zui a tum chu a darah ka vuan bet a.

"Ka ṭha ang." A khi lui sak a.

Min puih avang hian din hmun hlauhawmah ka hnuk lut daih tih ka inhria. Pawi pawh kati.

"Kiara." A tho tur an rawn pet let pawp avangin ka lo au ṭhaṭ a.

A tho zui veleh mai a.. Kut rawn thlaktu lam chu ding ngil nghal zawtin ka bei zui nghal a. Ka tuk zal harsa lo.

"Kal rawh. Ka lo veng ang che." Kiara chuan a kianga ding mek kick thlu zui pawp chuan an ti a.

"Awle." Mahse ka kal mai thei bik lo, ka hmaa lo awm remchang a piangte ka dah ṭhaṭ hmasak zel an ngai miau si a. Ka kal sawt thei lo.

"Aya fimkhur rawh." Kiara mangang au rawl ka hriat rual leh silai puak zui ṭhawṭ ri chuan ka chhunglam thleng hian a nghawr dawt.

Hlauthawng tak chuan kan hawi let a.
"Kiara." Ka au ri chu te chu hla taka ri vuai ang mai hian ka hria.

Silaia kah anih vangin woolen carpet chungah chuan a lo tlu thla zui rup tawh a.
A lamah chuan hlauthawng thin phu dup dupin ka tlan let phei leh a. Min thihsan mai ang tih hlauhna chuan mi tuam chhuak nghal hlawp hlawp.

A kaptu pawh tudang ni lo in Blaise Brown bawk a ni. Kei min kah tum zawk ani a, Kiara in min chhannan a lo in pe tawp ani tih alang reng..


"Kiara ti nge?" Ka ṭhu zui thla rawp a. Thil dang engmah ka hre chang tawh lo. Kiara in keimah vangin na a tuar mek anih hi. Ka hlauhthawn ang ngeiin.

"Ti nge. Mawh ti nge?" Ṭah aw ṭiau leh thinrim bawk si chuan kan ti a. Thei leh thei lo in arawn meng ṭawk ṭawk a.

"Kal rawh." Harsa ti fe in arawn ti ṭiak a.

"Min hre lo anga awm mai turin katih che kha." A dul hliam aṭanga thisen rawn chhuak zel tur chu ka dan beh sak a. Ka mask vuah lai chu la thlain thisen rawn chhuak tur dan beh nan kan hmang zui a. Ka kut leh ka kawrah techuan Kiara thisen ka kai nei nuai tawh.

"Harh rawh. Kiara harh rawh." Nikhawhre lo va a awm zui chu ka sawi nawk nawk a.. A ni hi keimah vanga nun chan turin ka duh lo.
" Ka neih chhun tak meuh ania sin."

"Blaise Brown." Huatna leh thinrimna a khat vek chung chuan ka hawi chhuak a..

Mahse Damian mit leh ka mit a intawng ta sak zawk...Ka mi hmuh tak avang chuan ka awmdan zawng zawng a inthlak danglam nghal vek.

Ka mit aṭang chuan ka natna min hriatpui turin mittui arawn luang chhuak zui a.

"Min pui rawh." Khawngaih thla la ngawih ngawih chuan kan ngen sap a.

Ka hmel a hmuh ruala a landan inthlak danglam nghal dawrh dawrh mai chu ka mittui kar aṭang pawh chuan ka hai lo.

Hmuh thiang lo hmu ang mai a ni. A khawng vek a. A mah lo ang takin a awmdan phung zawng zawng a hlauh vek.. Chet mai nachang pawh a hre lo.

"Naute." A che hrut a. Mi rawn pan tumin.

Tlema hawisawnin a silai chuan ka hnunglama mi tuemaw chu a kap zui ṭhuai a..Min kah tum tu emaw min chhan nan a kap ani mahna.

Alarm a ri ruai ruai a. Eng khu emaw arawn zam chum chum a. Chu chu remchangah la in kei chuan hreh tak chungin Kiara chu ka kalsan a..

Pawn ka thlen a, boruak thianghlim ka dawn hnu chuan ka khuh zui bawrh bawrh. Ka chau lutuk. Thaw pawh ka la ṭha mai thei lo..

DAMIAN THIBAULT POV......
Khu rawn leng chu vai kiang nawk nawkin ka naute hmel ang chiah pu hmeiche lam chu ka pan phei nawk nawk a..

Mahse tumah reng hmuh tur an lo awm tawh lo. Ka mumang emaw, ka hmu sual hanti dawn ila hmeiche na tuar nikhawhre lo va awm erawh kha chu a lo awm ngei si..

Khú a kianga kanin hmuh chian theih meuh chuan ka naute ho leh lehlam ho na tuar, insa seng thei lo ho chiahan lo bang tawh.

"Khaw nge he lai hmeichhia kha?" Tiin ka theihtawpa nasa in kan au nghek a.

Ka á thei mai dawn. Tuna ka awmdan hrep chu. Ka taksa zawng zawng hi kha ka naute hmel ang chiah pu hmeiche zungzam khan a luah khat vek. Ka taksa te chu arawn puak darh mai dawnin ka hria.
Tu nge anih ka hrechhuak vat lo anih chuan ka â thei mai ang. Nun pangngaiin ka nung zawm thei tawh lo vang.

"Ka zawhna chu chhang ta che u. Khaw nge helai hmeiche hliam tuar buaipuitu kha a awm?" Van ruai ruai chuan kan zawt kual hlawm a.

Ka awmdan vanga makti leh min hlau bawk si chuan an ngawi duk hlawm.. Kei lah ka in bengdai mai thei tawh si lo. Ka in control thei lo ani ber e.

"Kha nu kha... kha nu mawlh kha.. Ka hmu leh duh." Awm ngaihna ka hre lo. Ka sam te chu ka tuai thur zo vek tawh. Ka taksa pumpui mai hi a za chhuak vek..

"Damian inbengdai rawh." Blaise chuan mi rawn ti dak dak a.

"Ka thei lo." Ka lo ti ṭhawṭ a.

"Eng hmeichhia nge i sawi chu." Ka kut chu rawn vawn mai a tum a.

Ka lo nam kiang lawp thung. Kha nu chiah kha ka mamawh. Blaise pawh kati hrilhhai hle tih ka hria. Ka ngai pawimawh hrep lo ve..

"B.K kha hmeichhia kha nungdamin ka duh. Eng ti kawng pawhin a dam tur a ni." Ka naute ang takin a hliam tuar a lo buaipui sak nu(Kiara) an zawn sawn dawn lai chuan ka lo ti a.

"Yes sir." Min chhang khawng vah a.

"Arthur vawin thil thlen dan zawng zawng lanna video la khawm nghal rawh. A bo a bang awm lo in ka hmu duh." Thupek khauh tak chu kan pe zui a.

"Tehreng mai." A che chhuak zui nghal vut a.
Ka awmdan avang chuan tupawh mai chu kati phawk lek zo vek. An hawi tang hru hlawm a. Ka hmeiche sawi chu hmuh ngei tumin an che chhuak nghal sang sang bawk.

"Big Boss he lai hmun hi chhuahsan phawt mai ang u. Tumah hmuh zui tur an awm lo." Melanie chuan arawn ti dam thlap a.

"Thinrim thlak lutuk." Bang ka hnek zui bur a.
Ka so bulh bulh ani ber e. Eng tin nge ka inbengdaih theih tak ang?

******************
Kan hawn kawnga mit chhing chunga kan ngaihtuah let ngial pawh hian ka naute ngei nia hriatna ka la nei tlat.

Ka hmu rei lo. Mahse ka thinglung hian a hria a ni. Kha mit meng no riai. Natna leh hlauhthawnna a khat mawlh mai kha. Ka ngaihtuah let pawh hian minti na ngut ngut thei.

"Naute." Kanti chhuak hawp a. . Ka khat mup mup. Eng emaw hian mi delh rit luk.

Heti khawpa min ti na theitu leh minti danglam vek theitu mihring hi he khawvelah hian mi pakhat chiah a awm.

Chu chu ka hmeiche hmangaih leh ka eng kima ka engkim. Heng khawvel thil dang zawng zawng, ka hausakna leh ka neih ro hlu tenena thlan tur pawh nidawn se ka thlan zawk tur chiang sa. Ka hmangaih ngawih ngawih hmeichhia..
"Clara Delphine ngei mai kha." A ni.
*************************
"Big Boss heng hote hi an nia, vawin thil thlendan zawng zawng lanna ho te chu." Athur chuan kan hnathawh ho na room a lutin arawn ti a.

"I ti ṭha e." Ka lo ban ruak ruak.. Hmuh ka duhna hian min tur na em bawk a ni.

Melanie, Diego, B.K leh Athur te ho nen chuan kan en zui ta hlawm a.. Ka awmdan phut phut vang hian an ni ho pawh an buai phili zo ve vek tawh.

"B.K lai tak kha zoom rawh.." Ka duh tak ka hmuh chat rual chuan ka lo ti a..

A ṭhiannu hliam tuar a buaipui hnu, a hmai tuamna a lakthlak hnu lam, ka lam hawia puih ngai taka mi rawn melh lai tak bik chu pause in a la hrang a. A tih fiah hnua kan en chuan tumah ṭawng chhuahna chang hria kan awm lo.

"Ka rei leh... A va mak em em ve." Malanie chuan hrilhhai zawk mah chuan an ti chhuak halh a.

"A mah ngei a ni." Ka kutin ka hmai chu ka tuai zui thuak a.. Kei in la pa vetak mai pawh hi ka khur ru dar dar nia. Ka naute hmel chuan mi fan chhuak rawih rawih..

Tuna a nun hmandan mek hi eng nge a awm zia ni ta? Eng harsatna leh eng natna zo zai te nge ka tel lo va a lo tawh ni ang?
Ka chhung ril hi a ti na zui ngut ngut.

"Melanie amah hi hmanni lawka kan hmunpui rawn beitu te zinga mi ni khan i sawi ani lawm ni?" B.K chuan arawn ti khauh a.

"Ni e, ka sawi ngei alawm." Melanie chuan zam aw ratin a lo chhang a.

"Tu te nge annih hriat tum khan security camera a an lanna awm chhun zawng zawng te pawh chiang takin kan en nawn leh vek si a. Mahse." Diego an atih lai mek chuan ka kutin ṭawng zawm lo turin ka lo vai zauh a.

"Ka en nawn leh duh. Khami ni a thlalak leh vawin a mi hi ka khaikhin duh." Kan ti a.
Arthur chu an che leh nghal vat vat a.

"Big Boss hei hi ani e." Chiang tawk tak maiin khami nia a lanna ngei nen chuan an khaikhin a. Hai rual ani lo thu hmun ngeian ni.

"Kha mi ni kha." Kan ngaihtuah let zui vang vang a.

"Ka kap a sin." Kun zui tlawk tlawk chuan kan ti a.
Ka samah chuan na takin ka ṭham zui tawk a..Inthiam loh na leh pawi tihna in ka khat zui mek anih hi.

"Big Boss inthiam lo lutuk suh..Clara Delphine ani ngei em tih pawh kan la hriat loh hi." Melanie chuan mi hnem tum takin arawn ti a.

"Ni lo, Delphine ngei a ni. A la dam. A la dam ngei tur a ni."
Ni tura ka duh zia mai chu pui tak a ni. Thil dang ka mamawh rih lo. Ka naute, ka hmeiche hmangaih kha nise kati ani tawp mai.

"Mahse Big Boss ani te chu..." Athur aw chu a zuih ral ṭhak.

Mahse a sawi tum chu ka hria. A thi tawh tih min hrilh a tum a ni. Mahse ka thinlung hian a pawm thei lo. A la dam a ni. Eng emaw hriat sual palh a awm ani mahna.

"Accident thlen dan leh Clara chunga thil thlen dan zawng zawngte kha ka lo en nawn leh dawn nia."

"Kei pawhin ka pui ang che." Arthur thil sawi chu B.K an a lo thlawp nghal zat a.

"Keimah ngei hian ka chhuinawn leh dawn..In mi puih erawh ka ngai ang." Ka tuma chiang tawk tak chuan kanti a. Ka la tawt up up.

"A tawp thlengin kan ṭang ho ang chu." Min thlawp zaih chuan an lo ti ve hlawma.

Kei ang bawkin an hmelah chuan engkim hriat chian duhna alang ve. Ka tana Clara Delphine pawimawh zia an hria a. Chu tiang bawkin an tan hian a pawimawh ve tho bawk a ni..

An ngaina tlang ve vek a. Hmeiche naupang kawhmawh bawl ching tak ang maia kan enkawl leh kan ngaihtuah tlan. Tu tepawhin a kan ngainat rawn em em, hmeiche nun nem leh nu zem mai kha. Tunah erawh eng din hmunah nge a din tak hi.

ZINGLAM DAR 4....

Nimin lam aṭang khan ka la muhil lo hrim hrim. Tunah pawh hian thil thlengte chhui chian tumin theih tawpin mi â ang maia chawlh hahdamna chang pawh hre lo lekin ka la thawk zawm char char chu anih hi.

Hahdam thei pawh kani lo, mit ka chhin rual hian.
"Min pui rawh." A ti lai hmel mawlh mai kha chiang takin arawn lang ṭhin a. Ka tuar thei lo.

Ka thawmhnaw hak leh ka sam techuan hawi lam leh awmdan tur pawhan hre seng tawh lo. Engkim ka hriat chian hma chu ka hahdam thei dawn mawlh lo.

"Big Boss ni a chhuak tawh ania. I muhil ve miah na nge?"
B.K, arawn harh hmasa ber chuan arawn ti a.

"Ka muhil thei lo."

"Ei tur ka lo laksak ang che."

"A ngai lo. I ṭhiante ho nen khan lo inhnawh puar rawh u." En chuang miah lo chuan ka lo chhang liam puat a.

Ka thil chhuilai ngawt chu ka la melh run a. Khawdang pawh ka hawisawn thei lo.

"Hmeiche hliam tuar pawh kha Dr. Mike an darkar1 hnu velah chuan a harh thei tawh mai ang ati anih chu." An tih zawm leh a.

"A ṭha..Mahni intihhlum a tum loh nan vengṭha ang che u."

"Awle." Tiin a chhuak zui a.

Heng kan mi man ṭhenkhat ho hi chu hmelmate kuta inpek ai chuan mahni nunna lak mai an duh ṭhin a. Chu tiang chu ka thlen tir thei lo vang.

Ka naute tana hmeiche pawimawh tak anih hmel si a. Eng emaw te chu a lak aṭagin ka hrethei mah na..

DARKAR 2 HNU AH..

"Big Boss i inpeih tawh em?" Arthur an arawn ti a.

"Peih tawh e.." Ka coat hak siam ṭha leh zauhin ka chhang a.
Nula damlo hmu tur chuan kan kal zui tanghal a.

"Dr. Mike a biak tlak meuh ang maw?" Tiin kan zawt hmasa te te a.

"Biak tlak turah chuan ngai ang. A thin ah silai mu in a fu lo chiah chiaha a vanneih khawp mai. Thisen a hlauh hnem vang erawh chuan ala chau deuh."

"Ka hrethiam e." Nula khum bul lam chu ka pan phei zui a.

Ka naute, Clara Delphine kha han ni zawk se aw tiin ka ngaihtuah.

"Min that law law zawk rawh u." Chauh hmel tak chung chuan a lo la ti pawr chhak thei ta tho mai.

A enga mah sawi hma aṭang chuan..A seh hel hmel vekhawp mai. A awlsam vak dawn lo anih hi. Eng emaw han zawh vel te chu.

"I thih duh ni ta ila damna pe tur che in he lai hmunah hian ka dah hauh lo ang che." Nelawm tehchiam lo chuan kanti deuh khu khu a..

"Arthur." Kan mit mei pah zauh a.
Chu nu lamah chuan Clara thlalak chu an lek phei zui a.

"Clara Delphine awmna chin hi hriat kan duh." An ti deuh nghal tawlh a.

"Chu tiang hming ka hre ngai lo." Tiin min chhang tak na chu Clara thlalak a hmuh ruala a mit de zawk kha ka lo hmuh hmaih lo nasa.

Eng nge Damian Thibault POV chu ang intih le?
In duh khawp loh na lai tekha sawi thiang ania...
MAY R***

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » January 17th, 2021, 12:30 pm

Big Boss
Chapter -17
May Renthlei

"Clara Delphine awmna chin hi hriat kan duh." An ti deuh nghal tawlh a.

"Chu tiang hming ka hre ngai lo." Tiin min chhang tak na chu Clara thlalak a hmuh ruala a mit de zawk kha ka lo hmuh hmaih lo nasa..

"I hria tih kan hria. Hre lo ni la a nun chhanhim tumin i in pe lo tawp ang." Kanti zui leh a.

He hmeichia, mahni tawka huaisar hmel vetak hi ka haw tak tak hauh lo, Delphine tana a nun hial pe thei hmeichhia chu a ruk takin keimahah hian zahna chin ka nei.

"Clara Delphine tih hming chu hriat pawh ka hre ngai lo hrim hrim." Inringtawk tak mai chuan an ti leh a.

"Ngaithla teh. Kan zawhna te hi ṭha takin i chhang anih chuan i lakah engmah ka thlen tir lo vang. He lai hmun aṭang hian him takin ka chhuah bawk ang che." Ngun thluk taka kan tih pawh chuan min nuihzat lek zawk a.
Midang ang chu nise kut ka thlak hial duh ang.

"Chu tiang zawnga biak thiam vak chi chu ka ni lo deuh ang. Hriat leh tawn ka lo ngah tawk vetawh e." Ka thusawi ring lo hul hual mai chuan an ti a.

A ṭhiannu chu humhim a tum tawk ve hle bawk a ni. B.IG Galx beihna zinga a tel ve vanga a chanchin hriat kan duh ah angai ani mah na. Chhan dang vak a awm thei lo.

"Ṭha taka ka zawh lai che hian engmah min hrilh i tum lo a ang hle mai." Ka ṭhuṭna hmun aṭang chuan ka tho zui a.

Arthur hnenah chuan mi dawp chhuah nana kan hman damdawi chak tak, taksa chhunga chiu luh ngai chi chu hmang mai turin kan ti a.

"Ti miah suh u." Nula chu a tal zui chiam a. Eng damdawi nge anih a hresa chiang a ni.
An ni ang ho hi chuan training laiin heng damdawi ho te hi an hmang chhin hialin ka ring.

"Eng mah ka hrilh phah chuang lo ang che u." A ti zal ruai ruai a..

Damdawi chu thawk turi rei lo te bak nghah angai ngai lo. Amaherawh chu he nu ah hi chuan engtin vak a thawk chiah lo tlat.

"Big Boss chi dang kan hmang leh mai dawn em ni? A taksa hian engah teh vak angai lo tlat. Heng test te hi a lo paltlang tawh ṭhin ani mah na." Athur chuan a ti a.

"A dang hmang ṭha leh mai rawh. A taksa erawh chuan a chauhpui deuh thung dawn anih kha." Thlan tur dang nei chuang lo chuan ka lo ti a.

Damdawi kan hman nawn leh takah chuan a rui deuh ṭan tih hai rual ani lo.


"I hming min hrilh rawh le." Arthur chuan an ti leh ṭan ta a.

"Hming a... Ka hre lo." Meng buai riai chuan a chhang bah nak a.

"I id number sawi rawh le." An ti leh a.

A la sawi duh mai chuang lo. A taksa in chuti khawpa damdawi a lo do hneh chu kei pawhin mak kati. Mi pangngai ang chu nise eng kim a sawi chhuak par par ngei ngei tur ani a.

Eng ang chiaha in enkawl ṭhin pawl mak leh nunrawng ni hlawm dawn maw?

"I id number sawi rawh le. Hman raw dang hman ngaiin min siam lo la." Arthur chuan an vau khui khui a. A ni erawh a la thle bak bak.

"Big Boss." Beidawng deuh hlek chuan arawn hawi phei a.

"Hmanraw dang ka hmang rih thei lo vang." Ka lo ti a.

Delphine chungchang nikher lo se chu ka naute kutah dahin a inpuang fel tawh mah na. Kut thawh lama dawp chiah ka duh lo ani keimah ber hian. Ka Delphine laka ṭhaṭ a chhuah miau avangin ka lo ṭha let ve lo thei lo.

"Nula, i id number chu min hrilh rawh le. Chuti chuan i ṭhiannu kha kan chanchhuak thei dawn alawm." Tih zawngin kan veh thlem ṭan a.

A rui ṭan ta bawk a. Thlem a awlsam sawt tawh ang.

"A chungah khan eng nge thleng? A ṭha em?" Ruih nei aw tak chuan a rawn ti ṭan ta reng a. A fuh chho ṭan dawn e.

"Kan zawhna te i chhan chauhin chungte chu i hre thei ang. I id number chu min hrilh tawh rawh le." Ṭha tak maiin kan ti nawn leh a

"6789773882887"

B.K chuan rang takin a lo ch$ lut a.

"I hming chu Kiara. Kiara tih chauh hi maw?" A hming tawi tak avang chuan kan ti a.

"Aw ni e."

Nu leh pa a nei tawh lo va. A id aṭang pawh chuan a chanchin chhui zui nidawn ila chhuizui dan vang tak tur hmeichhia a ni.

"Eng vangin nge id number lem min hrilh." Kan ti a. A chhan chu midang id kan lo endik tawhte nen a in ang lo.
Eng emaw fel hlel a awm.

"A dik alawm. Thliarkara kan chen hnuah id thar siamsak vek kan ni ṭhin."
A tih chuan ngaihtuahna dang min put tir nghal.

"A nih chuan ani hi a hming min hrilh rawh le. Kan chhanhim theih nan." Clara Delphine thlalak chu kan hmuh zui a..

"Aya."

"Aya." Ka lo ti nawn sup a.. A inhmeh hlawl lo ve. Ka ngaihdan a ni lo nghal hlur.

"A chanchin kim chang min hrilh rawh le. Khawngaihin. In pawl a lo zawm tak dan nen." Zawldawh tak leh a ruka thinrim ṭun si chuan kan ti a.

"A ni kha.." Thil eng emaw ngaihtuahin a ngawi zui a. Chu mi hun chhung reilo te ah pawh chuan sawi vat vat tura lo nawrhluih nghal duhna chuan mi tur ut ut.

"Aya. Kha hmeiche khawngaihthlak tak mai khan thliarkar hmuna a lo chen ngawt dan min zawt tawh tak asin. A nunhlui engmah hriat a nei lo, thawkleh khatah kan pawl arawn zawm thar thut a. Dan beh rual lohin engkima ṭha fal a rawn ni zui thei." A ṭhiannu chu chhuanhmel takin an ti a. A nui sawi zui nak a.

"Eng tik hunah nge Aya chuan in pawl arawn zawm?"

"Kum3, kum4 kal ta zawk khan niin ka hria."

B.K telam ka va hawiphei zui a. Clara ni ngeia kan lo rin chu a dik ngei dawn niin alang tlat. An hmelah pawh chuan beiseina ka va hmu ve.

"Eng vanga in pawlah chuan rawn lut nge anih?" Ka thil hriatte avanga ka taksa za mur mur chung chuan kan zawt leh a.

"Ka.. ka hre lo. Ani pawhin a hre bik lo. A nun hluite, kan pawla a rawn luh vedan zawng zawngte engmah hriat a nei bik lo." Zawi fe chuan mi chhang a.

"A hriatna tih bo sak anih ngei dawn chu." Mit chhing zui sawkin kan ti hawp a.

Kei ngei pawh Delphine boral hnu khan ka tal buai zui a, ka hriatna ṭhenkhatte khawl hmanga tih bo sak ngai hial khawpin ka nun phung ka hlauh. Muang changin, ka inbengdaih theih ang turin ka hriatna te ka nei leh leh tial tial anih kha. Ka tana a pawimawh em avang leh ka hmangaih em avangin eng hmanrua pawh ka chungah hmang teh mahse ka theihngilh hlen thei chuang lo chu anih hi...

"A nih leh kha mi ni, Aya leh mi pakhat te chunga thil thleng kha mi hrilh leh rawh le."

"Aya.. Mi khawngaih thlak." Ṭap zui mai tur hmel a pu zui a.

"Canon leh kha kan mi tenawm Facundo te vang vek khan a nun chu din hmun hlauhawm ah a ding a ni. Kan pawl phatsantu a pu ani a, chu vangin ani chu kan pawl a mi ten an um zui a. An man anih phawt chuan nasa taka sawisain a nunna an laksak ngei ang."
Kiara thil sawi chuan kei ngei pawh min deng na. Ka naute, ka ṭhiante ni ho bawk pawh chu an thil hriat avang chuan an mangang tlang ve tho..

Hmalak zui vut vut dawnin thil a harsa ṭalh mai bawk si a. Kei phei chu ka taksa pum pui mai hi a za vek. Thinrimna leh ka naute chunga thil thleng ka hriat chhuah mek te hian min delh rit lutuk.

"Khaw nge tunah Aya chu a awm ang? A chanchin kan chhuizui theih nan engti kawng emaw talin min pui rawh." Ṭhuṭ pawh ṭhu hle hle thei tawh lo chuan kan ti a.

"Ka hre bik lo. " chhanna beidawnthlak mai chauh lo chu min pe thei bik si lo.

"Arthur eng emaw chu hanti teh. Ka puak keh mai dawn." Kiara enkawlna bik room chhuahsan zui nghal chuan kati a.

"Damdawi kha i ei leh mai dawn em ni?" Arthur pawhin mi rawn um zui hlawk hlawkin arawn ti a.

"Aw min pe nghal rawh." Ka lu na ut ut leh ka taksa pum mai sa chhuak up up mai chu bengdaih nan ka mamawh vat vat a ni.

"Ka rei lo vang." Ka damdawi lak tum chuan a kal zui hlawk hlawk a.

Kei erawh ka ṭhu zui hnawk. Damdawi tel lo chuan ka nung thei tawh lo chu anih ber hi. Ka mamawh dik tak ka neih leh theih hunah chuan heng damdawi te hi ka thlah zui thei vetawh mah na.

"Big Boss hei damdawi chu." Arthur an arawn tih rual chuan ka lo ban vat a.

Ka ei hnu rei vak lo aṭang chuan ka ziawm chho ve ṭan. Mahse ka rilru luah khattu chu mi pakhat chiah ala awm tho.

Taksa na damdawi, thildang ropui leh ṭha tak tak te chu siam chhuak vethei bawk mah ila.
Ka mamawh ber rilru natna damdawi leh midang hmangaih reh theihna te hi he khawvelah hian a la awm ve si lo.

"Melanie kha Kiara lo en thla zui turin iti dawn nia. Nang leh Diego chuan Clara awmna chin lo chhui zui rawh u. Mihring in mamawh belh anih pawhin induh angin in che zui thei ang."

"Awle. Theih tawp kan chhuah ang." Min kalsan zui a.

Kei erawhin thliarkar lam chanchin chu theihtawpin ka zir chiang chhunzawm thung.

Engah maha ka lo ngaih loh ṭhin avangin ka lo ngaihven vak ngai lo. Pawl ding ve satliah mai ah ka lo ngai ṭhin. He ti khawp hian a rukin an lo kal thui tih lah ka lo hre hek lo. Mak kati zawk khawp mai.

B.I.G Galx an rawn beih ngam dan aṭang pawh hian pawl thilti thei tak chu anni phawt a.

An in enkawl dan mawlh mai chu.... Ramsa ang maiin engtin nge mihring an enkawl theih.
Tiang thil khi ka naute chungah pawh a thleng ngei a nga.

"Hrep hlawm tak hian." Inbengdai hman lo in ka hmaa dawhkan inchhawp chu ka nam leng sawn dawrh a. A ri zui nghal rum rum.

"Tiang khan maw ka naute in lo enkawl a?" Ka thaw ri zui sawk sawk.

Ka kawrhak lai phelh thawl sawt sawtin taksa sawi zawi turin ka lut zui a..

Hah hnep hnawpin kanin sawi zawi zui a.. Ka thlan pawhin mi bual huh zei zui tawh. Ka la tawpsan duh chuang lo.
Ka taksa za vek tih reh dan tur ka mamawh. Tunah hian tuemaw in minti buai emaw, minti thinrim zual hlek phei chu nise ka that nghal duh hial ang tih khawpin ka so sang.

"Damian duh tawk rawh." Blaise in ka kianga dingin dam thlapin arawn ti a.

Harsatna ka tawh laiin ka kiangah a awm ngei ngei ṭhin. Ka tana hlu leh ṭangkai tak ani a. Delphine tih loha ka mi hnaih ber pawl anih hial ka ring bawk.

"I awmdan avang hian ka lungawi lo hle ania. He tiang mi i nih loh kha." Face towel in mi vawm zui a.
Kei pawhin ka thiltih lai chu chawlin hah vanga thaw la hlawi hlawiin ka inhru zui a.

"Tah hian lo ṭhu hahdam rawh. Puih theihna che ka nei mai thei asin." Nidang ang bawka hmel hmuh nuam min hmuh leh sarh tawh chuan a ṭhuṭna bula ṭhu thla tur chuan minti a.

"Puitling lo takin eng vanga lo tal pawngpaw leh chiam tawh nge i nih a?" Thinrim tak tak chuang lo chuan mi melh zui ram ram a. Kei pawh ka khi ve suk.

"Ka tihpalh." A bula ṭhu zui chuan kati a.

"Inbengdai hmasa phawtin thil awm zia te hi ṭha deuhin min hrilh ṭhin rawh. Pui tura awm reng ṭhin che hi minti hnual ṭhin ania." Thutak deuh zawkin an ti leh a.

"A dik alawm. I puihna chu nidang ang bawkin ka mamawh leh dawn a ni. Ka intifai lawk anga, min lo nghak ta che. Ka rei lo vang."

"Tehreng mai. Kal rawh. Ka lo nghak ang che." Ka dara beng zui thak in a ti a.

A chunga ka ṭha viau pawh ni si lo hi ka kianga awm a, min puih reng ṭhin avang hian a chungah ka lawm a ni.

University kan kal dun lai aṭang tawhin kanin kawp niin mite hian an ring ṭhum a. A awmna chin pawh a awm tho. Ka tana mi ṭangkai tak ani a, kan chungchang an sawi pawh hi ka ngai haw lem lo.

Clara Delphine ngai leh thlahlelh ngawih ngawiha nun ka hman chang pawha ka kianga awm a,ka kut chelh ṭhin ani a. Ka tan hian a hlu.

"Blaise." Dawhkan bawha a lo muhil chu ka va khawih da da a.

"Harh rawh. Ka inpeih ania." Ka tih pawh chuan a la che chuang lo. A chau viau ani mah na.

"Hahdam i mamawh anih kha." Ti a kalsawn lehnghal mai ka tum chu rinloh takin mi lo kuah teh thut a.

"Eng nge maw i tih le?" Awmsawn ka tum a. A aia nghet zawk chuan mi rawn kuah zui chial a.

"Rei lo te. Rei lo te chiah." Ka kalsawn hlau tak chuan an ti a..

"Ka chau lutuk. Ti hian reilo te min hahdam tir la ngai ka awh leh mai dawn alawm." A tih takah chuan kei pawhin ka kuah let ve a..

A lakah ṭhian ang chauh rilru ka put vang chauha kuah let ka ni. Eng thil dang mah a awm lo.

"I hahdam deuh tawh em?" Ka kuahna thlah zuiin kan zawt a.

"Tehreng mai. Kal ila." z*ng vahin arawn ti veleh mai bawk a.
Mahni lu zo veh vawh tak, smart bawk si anih na hi a lang chiang leh ṭhin.

"Clara ang tak hmeichhia i hmuh ni aṭang khan engmah ila ei mu mal lo tih ka hria. Eng emaw ei dun hmasa phawt ila hnathawk turin kan chhuak dun dawn nia." Min ngaihtuah tih hriat taka mi melh pah ralh chuan an ti a.

"Ka ei chak lo." Ka lo ti hmuk a.

"Chu tiang ngawt ani lo. Kei tal ka ril a aṭam alawm. Min ngaihtuah vedeuh la ei dun ang." A ti deuh tlat mai si a.

"Awle. Aṭha lawm." Ka ti ve ta nghe nghe a..

Lawm takin a pian nalh tak nen chuan ka hmaah phur takin a pen zui nghal nghalh nghalh a. Hmeiche nalh tak chu ani alawm. Chuta karah mahni hna thiam leh mahni hmaa tih tur awm ṭha taka hlen chhuak mi a lo ni tel bawk nen.

"Blaise, Delhphine nena beih intawh ni kha ila hre reng em?" Thil ei tura kan ṭhuṭ hnu chuan nunhlui leh thil kal tawh chu kan zawt thar ṭha leh a.

"Hre tehreng mai. Hliam na tak ka tawrh ni leh kan tana mi pawimawh leh hlu tak kan channi te chu ka hrereng lo thei nang." A sawi zawng pawh chuan a rilru ala na tih hriat takin mi chhang zuai ruih a.

Ni e, khami ni khan Delphine nunna chhan a tumna lamah hliam natak a tuar ve a.. Damdawi in ah pawh hun rei tak a awm phah vehial anih kha.

"Kha mi nia thil thlendan kim chang kha hriat nawn leh ka duh a.. Ka naute ka ngaihven tir mek."

"Aṭha alawm. Pui tur che in ka awm reng ania." Min nuih zui sakin a ti a.

"Ka hria e. Thliarkar lam chanchin pawh theih tawpin ka lo zir zui ve a. Mi nunrawng tak tak leh pawisak nei lo ho awm khawmna hmun a ni. An in enkawl danin a zir miau loh avangin mi sual leh mi tawrawt tak tak an chher chhuah ṭhinna hmun ani. Kha hmeichhia, Clara ang tak nu pawh kha an zinga lo tal vetawh anih chuan a ngaihtuahawm khawp mai.. "

"Clara ang tak ni lo in Clara ngei anih kha." Ka lo ti hluk a.

"A finfiahna kan la nei lo."

"Kan nei tawh. Nizan khan B.K an a endik vek tawh alawm. Clara Delphine nen 99% in a in milh. A awmzia chu amah ngei ani tih na.'" Kan tih chuan mak tih vangin a thil ei lai pawh a chawl hmak.

"A mah ngei ania maw?" La awi chiah lo deuh tak chuan an ti nawn leh a.

"Tehreng mai. Clara Delphine ngei a ni."

"Thliarkar hmun angah te eng tin nge a dam khawchhuah theih zawk? An in enkawl dan a rapthlak si a." Hriat theih chang chang chuan an ti zui a.

A awmdan chu mak kati ang reng. Clara lo la dam chuan a ṭhawn viau vang ania nge.

"A la dam hi ka lawm. Ka lawm viau rual erawh chuan ka tel lo va harsatna leh manganna tam tak kha tih chhunga a lo tuar char char tur ka ngaihtuah erawh hi chuan ka taksa pumpui mai hi a puak darh vek dawn emaw tih mai tur khawpin a na." Ka sawi zawng ringawt pawh chuan thinrimna nen ka insehchilh zui rap rap.

"A ni lutuk ang. I la hmangaih viau ani maw?" An ti tham chhalh a.

"Aw. Eng anga nun chhia leh nun inthlak danglam pawh lo nei tawh nise ka la hmangaih reng tho." Ka sawi zawng pawh chuan ka la hmangaih zia chu a lang chhuak thei hialin ka ring.


"A nih kei ve hi. Chance ka nei ngai dawn lo ani maw?" Rilru nat hmel tak chuan an ti a.

"Ka tana mi pawimawh tak i ni a. Ka chunga i thil tih zo zai avangte pawh hian ka lawm. Mahse chu vang ngawt chuan..."

"Min hrethiam la ka kalsan phawt mai ang che." Ka sawi zawh hma chuan arawn ti a. A ṭhuṭna hmun aṭang chuan a pen sawn zui nghal bawk.

"Blaise." Ka koh zuina pawh min chhang tawh lo.

A lakah chuan ka inthiam bik chuang hauh lo. Mahse chu vang ngawtin Delphine ka duhna paih kiangin a lam ka pan thei tihna ani chuang lo..

NI 5 HNU AH...
Ni a ral bek bek a. Clara Delphine lah chanchin hriat tur awm lo in a reh zui vang vang mai bawk si.

Theihtawp chhuaha kan zawn zui ngial pawhin he khawvel aṭang hian a bo ta daih emaw tih mai turin a reh zui..

"Kiara chanchin eng nge ni?" Melanie hnenah chuan kati a.

"A ṭha tawh viau e. Clara chanchin han sawi belh pawh anei chuang lo. Eng tia enkawl zui zel turin nge min duh?"

"Tuna kan enkawl dan hi lo la chhunzawm phawt rawh u. Delphine in a chanchin arawn ngaihven zui mial mahna." Beiseina tlem la nei ve hram hram chuan kan ti a..

"Big Boss buaina a awm? Mr. Vladir Thibault(Ka pate-a)te annivarsary ceremony ah buaina a chhuak." B.K an Melanie nena kanin biak lai chuan arawn ti a..

"Ka rawn kal nghal ang.." Ka ṭhuṭna hmun aṭanga tho zui nghal chuan kati a.

"Blaise kha ka ai awha lo kal tir loh tur hi ania." Ka ti chhuak hluk a.

"Eng em a thleng lo turah ngai ang." Melanie chuan mi lo hnem vat a.

B.I.G Galx ai awh leh ka ai awh nipah fawmin ka patea te nupa annivarsary lawmna ah ka tir kha ani a. Ka tunlai nun hmandan nawm loh em vang a ni. Blaise chu ka ngaihtuah tak zet.

"B.K Kan lo thleng. Khawi hmun aṭang hian nge rawn lut ila ṭha ang." Melanie chuan kanin biak pawhna hman bik ṭhin aṭang chuan an ti a.

Chhanna kan dawng lo ve ve.

"Lut tawp mai." Ka silai la chhuak zui nghal chuan kan ti a.
Melanie pawh min thlawp zaihin arawn che chhunzawm venghal..Lounge lam chu a reh ṭhap. Royal ballroom lamah ceremony an hman vang ani mah na.

Royal Ballroom aṭang ngei mai chuan mihring taksa arawn tla thla lawng lawg a.

"Ka rei leh..." Melanie hawina lam chu kei pawhin ka melh chho venghal.

"Kal vat teh ang." Hmanhmawh taka Elevator lama luh pah chuan kati a.

Ceremony an neihna hmun chu inbeihna tual zawlah a ṭang a. Bungraw ho leh chu lai hmun chei mawi nana an thil hman tam tak te chu an thal nei nuai hlawm a. Hmuh hrehawm khawp a ni. Glass leh zu man tam tak te chu a luang vel zel zul bawk a. Ei tur an chhawp ho telah chuti bawk.

"Delphine." Ka rin leh beisei loh takin ka va hmu a..

A awmna lam pan chuan ka kal phei zui nghal ruak ruak.

"Big Boss a hlauhawm ania. Fimkhur rawh." Melanie chu theih tawp chhuahin rawn au ve bawk mahse Delphine chauh chu ka rilru ah a awm.

"Sawi rawh. Ka that hreh miah lo che ania." Clara in a lo tih mek chu ka va hre pha hman.

Ka patea ngei mai chu a hmaah lo ṭhingṭhi mekin silaiin thah chak hmel ngawih ngawih chuan a lo tin mek a. Saw tiang hmel leh mit meng pawisak neih lo hluah hluah hmel te saw eng tik aṭang khan nge a lo neih tak?

Ka naute duhawm tak, pawisawi lo hliah hliah hmel ang kha ani tawh lo. Kha tiang hmel kha chu a paih bo chiang bal tawh.

"Delphine." Va pawh mai tum a ka che hrut chu arawn hmu a....

"Min rawn pan hnai suh. Anih loh chuan he pa hi ka that nghal ang." Zam hauh lo chuan mi lo vau zui kha kha a..

Ka chhunglam hi arawn na chho ngut ngut. Ka naute nena kanin tawn dan hian lung a dum mawlh lo. Tu lung nge awi bik thei ang?

"I silai kha dahthla rawh." Ka patea vengtu te ho lah chuan Delphine chu an rawn tin zui vehlawm a.

"Tu man silai kap puak suh u. Delphine i silai kha dahthla rawh." Bengdaih tum tak chuan kan ti a.

"Eng tin maw min koh?" Huatthlala awm fe chuan a kiai zuk suk a.

Min hre tawh lo. A hriatna khawl hmanga tih bo sak ani tak alawm. Eng tin nge ka tih tak ang? Tunah chuan sakei huaisar tak angin nun a hmang mek tak hi.

"Big boss." Ka naute zinga pakhat chuan mi rawn bawh thlu zui rawp a.

Silai a ri zui ṭhuai ṭhuai a. Min rawn nam kiangtu khan kah hliam a tuar zui bawk..

"Clara Delphine." Ka au zui tuar a..Blaise bawh liam a hnuailama an tla zui tur chiah chu ka zu hmu hman.

A tu te mai pawh chu kan buai em em vek.

"Diego lo buaipui rawh." Blaise guard bik, keimah vanga hliam tuar mek chu ka kal san zui a.

"Clara Delphine lehhh..." Lungawi lo tak chuan kan ti ngawt a.

"Big Boss kan hawng thei lo." Melanie lah chuan lo ti bawk.


Clara leh Blaise te darthlalang hual vek chhunga an insual mek chu ṭang ṭeuhin kan lo en tawp. Kan hawng thei bawk si lo.

A tu ve ve mai pawh chu ka ngaihtuah..Na an tawrh ka hlauh te ve ve an ni.

An insualna hmun lah chu bullet proof vek a ni a. Silaia kah chhiat tumin awm zia a nei lo.

"A hawn dan ngaihtuah ru. Khaw nge pate Vladir a awm. Rawn hruai rawh u. Password hre awm chhun tur a ni." Ka sam tuai chho puat chuan kan ti a..
Ka ding hle hle thei lo.

Blaise leh Clara lah chu tu amah tlawm tum bau lo in an la inbei chhunzawm miah miah mai si.

Blaise insual thiam zia chu ka hresa tawh a..Mahse Clara Delphine sawn saw tiang em em in insual a thiam ang tih ka ring pha lo.
Kha thliarkar hmun tenawm aṭanga a zir chhuah kha ani mah na.

"Clara sawn thah a tum a ang hle mai." Blaise chu a bei hneh lo zawka a ṭan tak miau avangin Melanie chuan hlauhthawn hmel takin a ti chul a.

Kawngkhar an hawn theih tak avangin hmanhmawh takin kan tlan lut zui a.

"Clara Delphine duh tawk rawh." Blaise che thei tawh lo chemtea a tin a, eng emaw a zawt lai chiah chu kan va nang ching hman hlauh.

"That duh ta tlat ila." Meng alh phat phatin mi lo chhang let ar a.
A awmdan chu awih harsa ka ti.

"Tu man kap suh u." Delphine che zui hrat chu an bei zui mai ang tih hlauin thu ka pe zui hlawm a.

Ka patea hman bik ṭhin elevator lian lo tak, chu darthlalang hmuna awm hmang chuan chunglamah a chho zui a...

Kan man thei ngei alawm. Mahse chu tiang chuan ka thlentir thei lo. A chhan pawh hliam tawrh tir ngei a ngai dawn si a..Midang ho pawh chuan chu tia awlsam taka ka kaltir mai chu mak antih hmel hlawm khawp mai.


Ka theih pa tawpa chak erawh chuan rik rum thila hman tur step an siamna aṭang chuan ka tlan chho zui veleh vat tho.

In chhawng sang ber kan han thlen chhoh chuan a lo inbuatsaih lawk tih hriat takin chhuk nana a hmanraw hman chiah hmuh tur a lo awm tawh.

"Ka hlauh nawn leh ta che." A chhukna building sang tak chung aṭang chuan ka hawi thla zui vawng vawng a.

Thli vawt tak rawn thaw chho vawk vawk tih mai loh chu chantawk ka nei lo.

Ti nge ka patea kha thah tuma a beih tak mai?

A chhan hriat ngei ka duh. Ka patea hmu tur chuan ka chhuk thla zui leh tanghal a.

Zanin chu a sei ṭha ngar ngar khawp ania....😘
Naktuk zan ka awl dawn aw..

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » January 17th, 2021, 12:30 pm

Big Boss
Chapter-18
May Renthlei

CLARA DELPHINE(AYA) POV...

Lei ka thlen thlak rual chuan ding ngil mai thei lo in ka tlu zui hnawk a. Ding leh vatin ka bike hunna lamah chuan ka kal zui a. Ka tawmbuk lam chu chak takin ka pan zui ding nghal nal nal.

"Hrep a." Blaise Brown kut ka tawrhna ka nak nem lai chu kan hlim chho a. A duk mai bakah, a vung tel bawk..Kei ang bawkin a kut thlak a na.

A ni phei kha chu damdawi in lama luh pui angai hial ang. Ka duh ang thalin ka che hman lo erawh pawi ka ti.

Ka hliam tawrh neuh neuh chu ka theih ang angin ka enkawl zui ve a.
Damian Thibault hmel ka mitthla ah arawn lang leh ṭhin.. Blaise Brown kha rawn chhan hman lo ni se chu ka that duh hial tak tak ngei ang.

"Damin kha lai hmun kha i chhuahsan thei tih ka lo hria a." Phone ka lak rual chuan lehlam aṭangin nui huah huahin arawn ti a.

"Kha vang tak khan alawm ka duh em em che. Nung dama ka la dah chhan che dik tak chu ani e." An la ti zui leh tanghal a.

"Ka thil duh chu min pe tawh rawh." Aw no lo fe in ka lo chhang let vethung.

"Ni rih lo ve. Ka duh i la nei hleinem.. I neih hunah chauh le. Tun hun thlenga nung dama i la awm chhan hi ka ni tih theihngilh bawk suh." A ṭawngdan thlakin arawn ṭawng chang leh rum tawh.

"Eng vangin nge kei kher?" Ka dinna bul bang hnek zui chawrh chuan kan zawt let a.

"Vawin thil thleng kha i theihngilh nghal em ni? Nang kher ni lo ta la damin i chhuak kher dawn em ni?"
A rawn ti khur khur a.

Damian Thibault khan min kap lo tura thu pe in min humhim lo ni se damin kha lai hmun kha ka chhuahsan hauh lo vang. Chu tak chu heng ho hian remchanga hman an duh vangin ka nun mintih chhiatsak ta vek chu ani si a.
Tenawm hlawm lutuk.

"He hun hi a lo la thleng ngei dawn tih ka hriat vang alawm i nun na khang kum kalta chhung zawnga ka zuah ni. Tunah chuan a man i pek let a hun tawh."

"Hrep a."
Capt. Salvador nena kanin biakna chu lungawi lo takin ka titawp zui bur a.

Thliarkar hmuna lak luh kanih chhan chu Damian Thibault beihna hmanraw ṭangkai tak ka la nidawn tih an hriat lawk vang a ni.

Tal chhuah ka tum viauna chu an thangah bawk ka awk nawn leh ta tho chu ania. Ka thil duh, ka nu leh pate thihna chung changa finfiahna awm ho a kawl tlat miau si a. Keiin a thil duh, B.IG Galx kan beih ṭuma kan hlawhchhamna thil bawk kha ani a duh leh. Facundo pawh kha chuti chiah.

He thil hi eng tiang chiaha hlu nge maw nidawn ni?
Facundo chanchin lah ka hre zui tawh lo. Kiara erawh him takin B.IG Galx lamin an kawl tih ka hria a. A thawven thlak huai.

Ka hliam tawrh leh ka taksa na nen ka ṭhuṭna hmunah chuan ka mu thlu zui lawp lawp a.

"Nu... Nu khawngaih takin harh rawh. Pa kawngkhar hi hawng rawh." Theih tawpin ka nu leh pate car chhe nuai chhunga thisen bual hnuang chunga, nikhawhre lo va awm ve ve mai te chu ka au chiam chiam a.

"Nu, pa harh rawh u." Ka theih pa tawpin ka au chiam chiam a.. awm zia lah chu a awm si lo.

"Min kal san su... Khawngaih takin." Ṭap zawih zawih chung chuan ka au lawm lawm a..

"Ni lo. Ni lo." Ka muhil lai chu harh zui hlawlin ka lo ṭawngvai chhuak nghe nghe a.

Ka mumang ang chiahin thlan leh mit tuiin mi lo bual hnep a. Ka hliam tawrhte avang leh ka chauh luat tuk vangin nidang ang bawkin mangchhia chuan min bawh buai zui leh ta chu ania.

"Damian Thibault." A ni bawk chu min hnem turin ka rilru chuan a lam lehnghal ruai tawh.

A chhan chu chhawkna ei tur tak ngial pawhin thawh chhuah ka harsat. Ka ngaih mai piah lamah, ka mamawh lutuk a ni. Ka pi pawh kha la dam ni bawk se,an pahnihin tunah tehian duat takin min enkawl ngei awm si a.

Tunah lah he lai hmun khawhar takah hian keimah te in ka in enkawl ve rak rak chu ania. Ka chunga thlengte ka ngaihtuah chian hi chuan lung a awi thei mawlh lo.

Ka chhungte zawng zawng ka chan kha a tawk viau tawh lo em ni? Ti nge ka nun leh zelah tiang thil hi ka tawn. Ti nge ka thih ve mai loh?
Ka ti tlawk tlawk leh mai ṭhin zawng anih hi.

Damian Thibault ka va pan tawp mai dawn em ni? Mahse ani techuan hmeiche dang hmangaih a nei tawh si a. Kei te chu hnawmhne ang tluk lek bakin min lo ngai tawhawm si lo.. Ka na zual ting mah na.. Hmeiche dang hmangaih a lo neih tawh vanga pawi a tih thu min hrilh hunah ka ngaithla ngam dawn em ni?

Chu lai hmun khawhar leh reh tak maiah chuan mal takin, ka taksa chauh luat tuk vang chauh chuan ka muhil zui leh ta bam a.
Bianga mittui luang ngiai ngiai chungin.

A TUK...
"Ka awm tawh e." Capt. Salvador chuan arawn ti chhuk chhuk a.

"A ṭha. Ka hmanraw pawimawh tur ho kha lo hnut chhiah la, kal zui rawh." Ka awmna building sang tak aṭanga Capt. Salvador leh a ṭhuihhruai te pahnih che vel lo thlir ru reng tawh chuan ka zuk ti a.

"Rawn inlar rawh. Hmai hma ngeiah thil pawimawh i sawi dun teh ang." Min zawng kual tih hriat taka hawi kual zui vut vut chuan an ti leh a.

"Sawi duh i neih chuan tihian sawi mai rawh." Ka lo ti khauh ve fang thung.

"A ṭha e. Chet zui dan tur ka rawn hrilh ang che." A naute pahnih mit mei zuiin an inthiarfihlim a.

Kei pawh ka hmanraw mamawh tur min lo dahsak te la turin ka dinna building aṭang chuan ka chhuk zui ve ta thung..

"Ohh sh*t." A tih tur min hnut chhiahna lehkha chu ka paih zui hnawk.

"Kiara that turin thupek min pe ngam a maw?" Ka thinrim lutuk chu ka che kual ruai.

An enkawlna hmun leh an hun hmandan chikim arawn tarlang vek a. Ka hmanraw mamawh tur nen lam pek ka ni.

"Ka awih thei lo zawk." Ka inseh ruh zui bap bap...
Chet zui dan tur hre mai lo in chu lai hmunah chuan ka ding zui vang vang a.

Vladir Thibault ngei mai kha ka rilruah chuan a la awm reng zawk. Ka nu leh pate thihna a inhnawmhnawihna lian tak nei a ni. Damian hian a hre lo nge ni a? A hre lo der zawk. A patea anih vang hian em ni tun hun thleng a ka nu leh pate thihna pawh chhui chhuah theih lo va a la awm.

Hei vang hi ani pakhat Damian Thibault ka pawh theih loh na chhan dang leh chu Blaise Brown a nunah a awm tawh bawk si a.

"Eng tin nge ka tih zui zel dawn?" Mit ka chhing zui sawk a.
Ka neih chhun liau liau Kiara that tura tih ka la ni zui a. Ka nu leh pate thihna chung changa finfiahna awm angte ka neih theih nan..

Ka bike chuan chak mak khengin B.I.G Galx lam panin ka inkhalh chhuak zui fua a. Ka speed chak dan ngaihtuahin ka che sual lo chu a mak zawk.

"Hello Doctor." Ka damlo hmuh la naupan hmel tak chuan mi kal pelh pahin arawn ti a. Ka lo buk khum nghat ringawt.

Ka doctor thawmhnaw hak chu ka siam ṭha zui zauh a. Mask vuah chung chuan fimkhur tak maiin Kiara an dahna hmun lam chu ka pan phei a..

Capt. Salvador an duty inthlak hun a sawi kha ani chiah a. Kiara room kiang maiah ka ding zui..
An kal kian hun lai chu remchangah la in ka lut ru zui zauh a..

"Kiara." A lo awmdan avang a makti tak maiin a kiangah chuan hmanhmawh takin ka tlan phei thuai a.

"Enga ti nge kha tia i awm?" Hlauthawmg tak chuan kan ti a..Ka zawhna pawh min chhang mai thei lo chuan a hrawk dawmin a thaw zui hrawk hrawk.

"Ka rei lehhh.." Hmanhmawh takin a taksa a an thil khai luh mek chu ka phawi sawk sawk a. Chu damdawi rim chu ka hre fo tawh. Mi dawp chhuah nana kan hman fo ṭhin damdawi rim a nam. A tur thahna kan pe leh vat lo anih chuan an thi mai ṭhin. Chu tiang chiah chuan Kiara pawh hi tur thahna ka pe vat lo anih chuan a thi vat dawn.

"Kiara tu nge he tiang thil hi i chungah ti?" A thawk ṭhaṭ theih nan theih tawp ka chhuah zui a..

"Blai...Blaise....." harsa ti lutukin arawn ti chhuak hrawih a.

"Blaise Brown a?" Mak ti lutuk mai chuan kan zawt nawn sawk a.

"Ummm. Kal...kal vat rawhh... Tal...Tal awhtir che an tum." Hriat pawh harsa khawp chuan an ti zui leh hrawk hrawk a.

"Ka thei lo. Pui tur che ka ko dawn.." Ka kal tum chu thei leh thei lo in ka kutah chuan arawn vuan hram hram a.

"Aaa. A tlai tawh. He tah a damdawian kawl lo." A bianga mittui rawn luang ngiai ngiai chung chuan an ti a. Ka khawngaih lutuk...

"Ni lo..ka zawng dawn. I tan ka rawn la ang." Kut khur dar darin a bianga mittui luang chu kan hruk sak a. Kei pawh ka ṭap lo thei bik lo.. Minti na ngawih ngawih..

"Aya..." Ka hming chu a tawp nan harsa ti takin an lam leh hraih a.. A awmdan aṭang chuan hun tam a nei tawh lo tih ka hria. A tan tih theih lah ka nei si lo. A hrehawm lutuk ringawt.


" Ka hun tawpa ka hmu thei che hi ka lawm." A ṭawng chhuah theih tawh loh avangin chu thu chu kut zai zir meuhin harsa ti tak chung chuan min la hrilh ve hram hram a.. A nat zia hi..

Na tuar tih hriat tak mai chuan mittui luang zawih zawihin min melh ve hram hram a. . Ka insum thei bik lo. Ka mittui a tla ve zawih zawih tho..
A na tawrh lak aṭang chuan ka ṭanpui thei si lo. Minti na hluah hluah..

Ti nge ka mi neih ve chhun a piangin min kalsan bik... A tawk em em tawh lo em ni?"

"Kal rawh." A hmui phun sapin min la ti hram hram a. Mit chhing zui riai riain ka darah a lu chu a rawn nghat a. Zawi muangin a thaw chu arawn zawi tial tial a..A chat thla zui ta.

"Kiara..... Ka..ka tihpalh. Ka tihpalh tak zet a ni.." A taksa zawi ngiai mai chu ka theih tawpa kuah zuiin ka ṭap khur zui hlawk hlawk a.

Inthiarfihlim vat ka ngai tih ka inhria.. Mahse Kiara taksa vawt ngiai mai chu ka kalsan thei lo.
Ti nge keimah zawk hi ka thih mai loh?
A mah ṭanpui tuma kal zawk asin ka nih. Tiang thil hi thleng turin ka duh lo hul hual asin.

"Va endik rawh." Chu ṭawng ri pawh chu ka hre reng.. Room chhungah chuan a rawn lut ngei dawn tih pawh ka hria. Mahse ka awm ngai reng chuan ka la awm. Keimah hi ka mang vek. Ka nat luat tuk vang chuan ka á ruai.

"Dik lo a awm." Kawngkhar an rawn hawn rual chiah chuan ka silai ka lek kang phei zui nghal..

Tunah hian engmah pawisak ka nei miah lo. Tu nunna pawh nise ka la hreh dawn lo. A ṭul ang angin ka che dawn. Kiara chunga an thil tih ang chiah hi ka pe let dawn..

Capt. Salvador khan he thanga ka awh awh theih nan hian engkim, Blaise Brown nen an lo ruat dun anih ka ring. Phiar rukna tenawm. Ka ṭhiannu, ka neih chhun liau liau hi ka thahah an ngaih phah ngei bawk anga.

"Tu nge i nih?" Chu pa chuan min hmuh rual chuan arawn ti dut a.. Thil dik lo a awm tih hriain a ṭhianpa ni ngei tur chu arawn lang zui ve vat bawk.

"Ka kawng lo dal suh u." Kan ti chang dun fak a..

"A ni kha i that a maw?" Kiara melh zui chuan minti ta reng a..

"A chan ang chiah hi chan induh ve te anih loh chuan awm sawn rawh u." Silaia la tin ran chung chuan kan vau zui kha kha a.

Silai keng lo zawk an nih miau avangin an tawlh dun rem hret hret a. Chet hun remchang erawh an melh duh tih ka hria. B.I.G Galx a thawk an ni a. Mi namai mai anni dawn lo tih pawh ka hria.

"Che suh u." Kan ti leh ṭhaṭ na chu. A tlai hman, pakhat zawk chuan emergency thil a thlena an hmeh zeuh ṭhin a sana bun laia mi chu a hmet hman tawh tlat.

Room chhung ka chhuahsan lai chuan corridor ah midangan rawn pung khawm hman ta bawk.

B.I.G Galx damdawi in a awm mek kan ni a. Damdawi in dang ang ni hek lo. Ka din hmun chu a chhe lutuk tlat.

"Che tawh suh." Tih ri ka hriat rualin ka ding lama silai rawn hmeh per tum ka hmu hman tlat. Chu lam hawi chuan silai ka hmet puak zui ṭhawṭ a.

Na tuar riin a zui nghal. Ka silai chu a rem dan danin ka hmet puak zui tawp tawp a.Tunah hian Kiara chunga thil thlengte avang khan pawisak ka nei lo.

"Um vat rawh u." An ti ri chu ka hria.
In chung lamah ka tlan chho zui nghal a. Mi rawn nangching hman tlat tho.
Step ah techuan kan han inbei zui leh ta rap rap a. Tumah chu ka dim lo. Nunna lak ka hrehna a bo bawk..

"That suh u." Hmeiche aw in arawn ti ri chu ka hria. Melanie ani mahna...

Kah hliam ka tawrh loh phah. Kei erawh ramsa huai sar tak ang maiin ka che zui bawrh bawrh..

"Clara inbengdai rawh." Melanie in arawn ti te chu ka hre vuai vuai.

In chung sang bera awm kan nih tawh avangin thli arawn thaw vawk vawk bawk..

"Duh tawk rawh." A lo tih tuar tuar lai techuan ka silai ka hmet puak lui zui reng a.. Mihring na tuar thawmin a zui ve nghal bawk.

"Clara." Ti tuar ri ka hriat rual deuh thaw chuan ka kiang maiah min si deuh thawin Melanie chuan silai arawn kap phei fua a.

Min tih ngaihna a hre tawh lo ani mahna..

"Che tawh suh." Silai mi tin zui chuan an ti leh ṭhaṭ a..
A kianga mipa ding nen chiah chuan an ni tawh. Kei pakhat, an ni pahnih. Kanin tin hlawm ran a.. Ka zam lo nasa.

"I chet zui leh chuan i taksa ngeiah khan ka kap tawh ang che." Melanie chuan minti zui leh a.

"Min kap la ti nia." Ka lo tih khum kha kha a.
An vai hian ka haw vek tawh..

"Ti nge tiang hian i awm?" Dam deuh zawk chuan minti leh a...

"Min hria ang maia in ṭawng tak chu." Ka nui sawi zui nak a.

"Aw. Ka hria che. Ka hre lutuk che alawm." Min rin ngam tir tum takin a silai pawh a dah thla zui riai riai a.

"Tiang mi hi i nih ngai loh kha Clara." Ngun thluk fe chuan min ti a. A mit mengah pawh chuan kei min huatna ni lo in min lainatna ka hmu. Ka rilru ka lam let hman ṭep a. Mahse Kiara ka hre chhuak a, huatna leh thinrimna in ka khat zui lehnghal..

"Tu nge ka nih lam ka ngaihtuah lo. Chu tiang bawkin nang ni pawh." Ka tawlh hnung hrat hrat a..

A mipa zawk chuan min kah a chak hmel hle a.. Melanie lahin min kap lo turin lo ti ve bawk.

"I ti ṭha e." In chhawng sang tak aṭanga zuang thla zui chuan kan ti a.

Melanie hmel mawlh kha. Ka awmdan avang khan min kap lo chauh a ni. Ka chetdan vang khan a thinrim ve ngang ania nge. A awm lutuk. Ka chetdan pawh kha awm kati tho bawk...

Lei ka thlen thlak rualin hun rei tak chhunga ka lo sum tawh ka mittui chu arawn tla zui lehnghal. Ka hru zui tawk a.

Kiara mawlh mai kha... Khati tawpa thlah liam kha ka duh lo asin. Ka na vawng vawng. He tianga nun hman angai anih si chuan rilru na te tal hrethei lo mihring ni law law ila ṭha tur.

*********************************
Ka hmaa car tlan chu chak lutukin ka um zui fua fua a.
An ni pawhin um tu an nei tih an inhria ani ngei ang an tlan zui dan aṭangin.

An kiang deuh thaw a ka tlan rualin ka silai chuan ka kap zui a. An chuanna car lah chu bullet proof anih miau avangin awm zia a awm lem lo. A ke lam lah lah kah a harsa mai si..

An hma taka ka lo din rual deuh thawin an car chu a tlan kawi zawr a. Kawngsir lam chu an su zui dawt a. Car pawh a ding khu zui vut vut. Ka pan phei nghal ruak a.

"Hello Blaise Brown." A rawn dah chhuah meuh chuan silaiin ka lo tin ngar tawh..

A hmel ka hmuh rual chuan thah chakna in mi rawn tur ut ut. Ka haw lutuk hi a hrehawm hial zawk.

"I chet lui chuan hei hi i chan tur." A driver rawn chet tum chu ka kap zui ṭhawṭ a. Che leh tur a awm tawh lo.

"I thangkamah khan tal awkin ka thih mai i lo ring nghet hle anih dawn hi." Huatthlala awm fe chuan kan ti zui a.
Guard nei lo in thawveng takin a lo leng kual vel chu ania. Ka ṭhiannu a thah zui hnu ah.

"Nang nu hii..." A nui zui a.

"Ka awmna i rawn chhui thleng thei a.Salvador an a hrilh che chu ani em lo maw? Mahse kei chuan phatsantu ni lo in venghim tu Damian Thibault ka nei tlat. A rawn thleng ṭep ang." A tih rual chuan that nghal mai lo turin nasa takin ka insum.

Damian Thibault hnenah a buaina tawh thu hi ṭap ṭiauin a lo hrilh leh hman tawh anih dawn hi.

"I duh duh chu hanti ta che." Mi cho let fe chuan mi lo ti let ar ar a.

"I thih hun a la ni lo. Tuna i thih mai ten i nuamsa lutuk dawn asin." Insum hram hram chuan kan ti a.

"A let leh lam i tawrh ngam dawn loh vang ani zawk lo maw?"
Min hnuai chhiah fe chuan a la ti ham ham zui a. Hmeiche pakhat vetak hi chu ani alawm.

"A let lehlawm tawrh ila ngaih vang zawkin mawle. Blaise Brown nang hi...." kut ka thlak zui mai loh na turin ka insum a ngaih nasat em avang chuan ka ṭawng pawh ka tawp lak lawh angai hial.

"Ka ti chhe vek dawn che. I rin phak bakin i chungah thil kati ang." A khupah ka pek a, a tlu zui hnawk. A la nui thei tho. Ngeiawm vetak chu a ni.

"I rin phak bakin i chung chang thil hi ka hre zawk sin Aya.. Thliarkar hmuna i mite saw, a bik takin i mi hlauh em em Salvador thleng sawn maw ka thuhnuaia awm an nia sin. Min hlau la, min zah hle rawh. Tuna i thiltih avang pawh hian ngaihdam min dil la aṭha ang." Hmeiche fel tak ang techuan an ṭawng vel a.

"Aya tih khan min ko suh. Ka hming dik tak i hria ani lawm ni? Thliarkar hmuna ka awm tak chhante thlengin." A thumal tin chu chiang fek fawk chuan kan sawi a. A ni pawh a meng phar ak...

"Nang hi...."

"Aw ni e. Hriatna ka nei let tawh. Canon pawh kha ka thah anih kha. Engkim min hrilh vek." Ka thil sawi chuan a ṭhawng ve hle tih chu a thup thei bik lo.

"Thi turin nang chuan min hnut chhiah anih kha. Salvador khan kha hmun aṭang khan min chhanchhuak alawm. Thi tura min ngaih lai khan."

Kha hun kha ka mit thlaah arawn lang zui chuai chuai. Mei alh khu zui vut vut kar aṭangin Salvador khan min la sawn anih kha.

"Ka hria." A lo ti hluk a.

Ka dam tih a hriat na hi a la rei lo. Salvador khan ka la ṭangkai dawn tih a hriat vangin min chhan chhuak a. Damian Thibault laka tun ang chiah hian lek lam ber ni turin.

Canon lahin ka la dam tih Blaise Brown hnenah Salvador a hlauh luat vang hian a sawi chhuak ngam lo bawk a. Kei lah ka thiamna te avangin thliarkar hmunah khan hmanraw ṭangkai ber ka ni chho ta bawk a. Salvador pawhin min duh hle a.. Chu vangin Canon pawhin hun remchang te chu min thah nan nei teh meuh mahse Salvador vangin min that ngam ngai lo.

"I thiltih tenawm tak te hi ka hre vek. Damian hriat lo va i thurual pui te zawng zawng nen hian ka hre fai vek. Ka hriatna chhan chu maw hmanni lawka hack tu che kha ka ni." Nuamti takin kan sawi khum vel a. A hmel awmdan vel chu hmuh nuam kati lutuk.

Ka pendrive pek let a hman leh rual chiah khan keiin a thil pawimawh dah ruk khawm hote ka virus phum ruk hmang khan ka lo lak chhawn sak ta kha ania.

"Tenawm nu leh.." Kut thlak min tum tih hriat taka arawn chet rualin ka silai kawmin ka lo ch$ tlu hnawk a..
Thisen arawn chhuak nghal ṭiam ṭiam.

"Ka la dam hian a tih lawm viau che ka beisei." A samah chuan ka kek dak zui awrh a.

"Ka kut ngeiah hian ila thi dawn tho tho." Rum lutuka mi melh khui khuiin arawn la tipawr chhak a..

"Tum nawn leh chhin ta che. Tu nge atawpa chak tur kan hre vat dawn alawm." A sama ka ṭhamna chu ka thlah zui hnawk a. A bu zui lawp.

"Damian hian a hnunglama i thiltih tenawm tak tak tekha a hriat a hun tawh. Eng ang mihring chiah nge i nih tih nen."

"Thi rawh." Rawn che thutin kei pawh ka tlu hnawk.

"Damian Thibault arawn thleng ṭep tawhin ka ring. Kan lo nghak dun ang chu." Ngeiawm taka nui zui hak chuan kan ti a.

"Kal bo la. Thi rawh." Mi rawn bei zuiin an ti tuar a.

"Kan thi dun tal ang chu." Ti chungin ka lo bei let ve bawk a.

"Kal bo rawh." Ka silai tla chu chharin min tin zui khar a.

"Ni lo ve. Damian hnenah ka in pe dawn. Ka lam ṭang nia ka lo ngaih Salvador thlengin i lo thu rualpui si a. Thlan tur dang ka nei lo."
Ka plan thlak hlawkin ka lo ti ve ta tlat thung..
Tianga kal hi ka tum ngai miah lo. Mahse eng nge ka tih theih dang ni chuang.

Chu thil lah chu Blaise Brown hlauh zawng tak a lo nikher bawk nen

Kan bul velah chuan car a rawn ding khawm khup khup a. Damian leh a ṭhuihhruai te ho ngei an ni..

"A nuam dawn e." Blaise Brown hriat tham tur leka ngeiawm chuan ka va ti a.

Ka in pe tih hriat nan ban ka phar zui har a..

Damian Thibault pawh a car chuanna aṭanga rawn pen chhuakin mi rawn pan ding nghal ngur ngur..

Eng tin nge min tih dawn tih ngaihtuaha lo nghah tawp mai loh chu tih theih ka nei lo.

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » January 17th, 2021, 12:30 pm

Big Boss
Chapter -19
May Renthlei


Damian Thibault pawh a car chuanna aṭanga rawn pen chhuakin mi rawn pan ding nghal ngur ngur a..

Eng tin nge min tih dawn tih ngaihtuaha lo nghah tawp mai loh chu tih theih ka nei lo...

"Damian." Blaise Brown chuan a rilru hruai pen tum takin a lo ti no hlai a.

Blaise lam ka melh lai tak chuan vawi tam ka lo suangtuah ṭhin, harsatna leh mangangna ka tawh a piang a ka thlakhlelh ṭhin taksa ngei mai chuan hneh lutukin mi rawn kuah zui thlawp a.

A rim, a taksa deh nawm dan leh a engkim mai chu a la ngai vek. A thaw ri te. A ang chhung muanawm taka ka bei leh rual chiah chuan kan vela thil dang lo awm ve te chu a bo ta duak mai hian ka hria. Kan khawvel chu a chawl ta ṭhup nimai hian ka hria a. He ti khawp hian ani maw he mihring pa hi ka lo thlakhlelh..Ka na te chu arawn tuam dam sawng sawng thei hialin ka hria..

"Naute." Chu aw mawi leh ngil neihna a khat, rei tak chhung a ta hriat ka lo thlakhlelh ṭhin kan hre leh ta chuan mi fan chhuak raih raih..

Mahse ka khawvel ding ta ṭhuap nia ka lo ngaih tawh techuan ngaian rawn awh ṭan chho leh mek.

"Eng thil nge maw i tih le?" Nam sawn nawkin kan hnek zui bur a.
Chu tianga ka chet chu a ring lo viau ani mahna a hrilhhai hmel mawlh mai chu. Ka awm anuam lo nghal ur ur.

"Ka tihpalh." A hmui bul ka hnekna lai chul zui zauh chuan an la ti zawk zui a. Thinrim hmel a pu hek lo.

Kei erawh ka lo ding kawlh hra. A naute ho mi pan tuma lo tawlh hnai nghal hrut ho chu a lo vai ding zui a..

"Miss Blaise hi enkawlna pek vat angai ania." An ti ri ka hriat chuan ka hawi phei ve a..

Nikhawhre lo in a lo tlu fel der tawh. A lemchanna bak va ni suh. Midang ho chu Blaise buaipuiin an phu nghal suau suau a. Va sawisak zui nek mai chu ka lo duh zawk a..

"Big Boss ani hi eng tin nge kan tih dawn?" Mi pakhat chuan kei mintih dan tur chu an arawn zawt a.

Arthur erawh Damian kiangah chuan a ding ngawi ngul. Kei chu min en deuh tlawk tlawk kanti thei ang..

"Ka bulah chuang rawh se."

"Mahse Big Boss i tan a hlauhawm thei asin." Chu pa bawk chuan a lo ti leh a.

Kei erawh ngheng fe in ka ding kawlh hra. En mai pawh chuan ka tawrhhlelhawm hmel viauin ka ring. Min hresa lo tan phei chuan ka ngeiawm duh viau ta ve ang.

"I kut kha hma lamah dah thla rawh." Arthuran min tih chuan thu awih takin ka kut chu a phuar theih turin chapo vahin ka lo dah rem a.

"Arthur.."

"Big Boss hei chu i tan zawk ka tih angai." Arthur chuan Damian ṭawng leh tur chu a lo pawt chat vat a.
Damian tana thiltih a harsat dan tur a hrethiam pawh ani mah na.

"Lut rawh le." Ka kut phuar chung chuan car chhungah mi dah lut a.

Damian ka kiangah arawn ṭhu lut zui a. Arthur leh driver erawh a hmalamah an ṭhu thung.

"A hrehawm viau em?" Tia Damian min zawhna avang chuan a lam kan melh chho a.

A ni erawh chuan ka handcuff lam chu a lo melh thung..Ti nge maw min ngaihtuah viau le?

"Eng mah anih loh hi." Hmalam melh zuiin ka lo ti hmak a.

Arthur lah chu angaih aṭha thei thlawt lo ani mahna, hnunglam arawn melh awl lo.

Ka chet duhdan a hre tawh a. Hmana Clara Delphine kha kani tawh lo tih nen. Chu vang chu ani mahna.

Damian lahin tuna ka nundan hi a haider lui tlat emaw tih mai tur a ni thung si.
Arthur hian Damian hi ka tih nat mai a hlauthawng tih ka hrethiam. Damian lahin a ngai pawimawh der si lo.

"Clara Delphine.. He hming hi i hre tawh lo ani mai thei. Hriatna engkim i neih let leh theih nan theih tawp ka chhuah ang tih ka ka tiam a che. Tuna i nundan te hi i theihngilh vek theih nan leh hmana kan nun dan anga kan let leh ngei theih nan theih tawpin ka bei ang." Ka kut hit thlar chu a kut lian ṭha tak, lum veng veng mai chuan arawn hum zui a.

"I sawi awm zia kha ka hre lo. I nungchang mak tak kha i dah bo thei angem? Ka tan hian a ninawm." Min vawnna kut ata ka kut la hrang nawk chuan kan ti a. Ka hit nghal sawng sawng. Luhlul chhuahin hmalam ka melh lui ngar bawk.

Kati hrilhhai lutuk tur hmel ka hmu ngam lo. A mit meng mawi tak, tawrh har tak mai kha ka hmu nawn leh fo anih chuan a zun ah hian ka uai thar leh vat ang a. Mi chak lo takah ka let leh mai ang tih hlauhna te ka nei.

"Ti khawpa i inthlak danglam thei hi awih harsa ka la ti fan." Tawt hmel tak chuan an ti chhuak halh a.

Ka chhang zui tawh lo. Pawn lamah chuan ka dak chhuak zui vauh vauh a. Ka chet leh dan tur ngaihtuah zuiin ka buai ru hle a ni. Ka ruahman lawk loh dan lutukin ka che ta thut si a.

"Blaise kha eng nge a an?" Damian rawn ṭawng chhuah lehna hmasa bera a thil sawi chuan minti lawm lo nghal tawp.. A ngaihtuah hle anih dawn hi.

"Hliam na lutuk a tuar lo turah ngai ang.." Arthur chuan a lo ti a..

"Blaise a vawi hnih nan i bi tum leh chat tawh chu ania. Eng nge maw chu a awm ani tiraw?" Damian an atih pawh chuan ka ngawi ngal....

Ka thikthu tikhawp hian a lo la chhia chu anih hi. Ka mood a thlak nghal vek.

******* B.I.G GALX *********
An mi mante an dawpna ṭhin hmunah chuan ka ṭhu ta khar a..
Darthlalang lehlamah chuan tu te nge awm ka hmu thei lo na chu,a lehlama awm ho erawh chuan min hmu thei ngei ang.

"Ṭha taka kan zawhna te min chhan ka beisei." Tih paha ka hma chiaha rawn ṭhu pa chu ka lo melh thip vat a.

A ni pawh a nelawm chiam bik lo. A hmain ka la hmu ngai hauh lo bawk. Khawnge ka hmelhriat ve ho tekha an ṭin tak dial ni?

He tia min hmuh hi hrehawm tihna te annei ve mial ani mah na? Nge nia ka beisei sang zawk.

"Aya... I id number sawi rawh le."

"234477839317"

"B.I.G Galx beihna ah i tel a. Vladir Thibault hliam na tak i tawrh tir bawk a. Blaise Brown chungah rawng takin i che bawk a. Kan pawi i sawi nasat zia ngaihtuah hi chuan he ta him dam taka ṭhua zawhna kan la zawt thei che hi chu i phu lo hlein ka hria." Min huat hmel tak mai chuan minti a. Min sawisak deuh hlak chu a chak ani tih chu a thup lem lo.

"Ka hmaa ṭhuṭ hi i phu bik hleinem. Pawr viau lo la aṭhaṭ ka ring. Ṭha takin i hriat duhte chu min zawt mai rawh." An mi man ngei ngei zawk chuan hnuai chhiah fe maiin kan la ṭawngkhum ta zawk a. A la na ve ngang mai.

"Ka sawi tur awm zawk tak i sawi niin ka hria." A biang puar ṭalh ṭalh chuan an ti a.

"Sawi kual duah a ngai lo. I hriat duh chu min zawt vat mai rawh." Ka lo ti thip ram a. Ngeiawm tak khan min awm khum nghal lo nise chu ṭha takin ka hmachhawn thei ngei ang mawle. A awmdanin zir hmasa miau hek lo le..

"Eng vanga B.I.G Galx kha rawn bei nge in nih?" Thip ruma mi melh run chung chuan min zawt ṭan ta a.

"Mamawh kan neih vang." Ka nui sawi zui nak a. Min melh rum zual sauh.

"En teh nula..... Kut ka thlak hreh dawn lo che ania." A kut hum ruh zui ṭang chu ka hmuh hmaih bik lo.

"I kut thlak na tham lem vak lo tur dawn chu ka hlau teh vak hleinem." Cho ar chuan kan chhang let leh a.

"I tem chhin duh em ni?" A ṭhuṭ hmun aṭanga tho zui nghal zawt chuan an ti zui chhek chhek a.

"Tehreng mai." Zam chuang hauh lo chuan ka lo chhang fiah fak a.

Min tin uai tak na chu kan inkara awm dawhkan zawk chu a chum zui bur ringawt.
Loh theih loh tawpah lo chuan kut min thlak mai mai dawn lo tih ka hria. Venghim tu ka neiin ka in hre tlat. Chu vang tepawh chu aniang ka huaisar em em.

"Vladir Thibault kha eng vanga bei nge i nih?" A thinrimna te dah ṭhain min zawt zui leh a. Kan ve in milh lo ber kher em..

"Thu pek anih vang."

"Thliarkar lam aṭangin maw?"

"Ni e."

"Bei tur che a an tih chhan a awm ngei ang. Chu chu min hrilh rawh le."

"Ka hre lo. Thupek anih angin kati mai a ni. A chhan dang hriat ka nei lo." Tiin awlsam te chuan ka chhang mai a.

Ka beih chhan chu maw ka chhungte thihna a mawhphurhtu lian tak anih vang. Ka rilru erawh chuan ka ti rap rap. Chu erawh sawilan a la hun lo.

"I hre lo tak zet a maw?" Ka chhanna chu a ring lo hle tih a lang reng.

"Hre lo. Thupek zawm mai ka ni." Nghet charh chuan ka lo chhang zui leh mai a.

"Awle. Kan la hria ang chu.. Vawin lamah Blaise vang liau liauin he lai hmunah kan dah thei ta hram che a. A ni erawhin hliam na tak a tawrh phah a.."

"Damian Thibault bialnu kha maw?" Ngeiawm lutuk mai chuan kan nui zui a. Ka rilru erawh a ṭap thung. Ka sawi zawng pawh chuan a lai ril ber hi a na...

"I lo buaina tur anih loh chu." A ti hmuk a.
Tunah tehian Blaise Brown kiangah awmin a hliam tawrh tekha duat takin a enkawl sak awm si a..Ka hliam tawrh laia ka mamawh ngawih ngawih lai ang kha ani chuan a tawng bik ngei ang..

"Ka sawi chu i hria em?" Dawhkan a tih rik zui keuh keuhah chuan ka suangtuahna ram aṭangin ka harh chhuak zui a.

"Min zawt ṭha leh rawh.." Kati ta ngawt a.

"Kiara chung changah lut ang.. I thah tak hmeichhia kha." A tih takah chuan ka taksa hi a zawi nghal vek.

Thil thlengte ka mitthla ah arawn lang zui a. A thih chhante. Rilru natna leh hrehawm tihna in mi tlak buak zui.

"A ni kha tunah khaw nge awm?" Kan ti a.

"A thi ngei e. I lawm em?" A thi ngei tih ka hriat chian duh vanga zawtah chuan mi la ngai tak deuh deuh a.

"Khaw nge a awm tih ka zawt che?" Ka inrin hma chuan kanti vin ṭhak a.. Ka insum hman lo.

"Min vin khanglang a maw?" A tih mek lai chuan B.K arawn lut a.

Thinrim mit sen ram leh mittui tling pam si chuan ka lo melh a..

"Clara." A hmui phun sup chu ka hmuh hmaih lo.

Min hmuh dan avang chuan a lungawi lo in a lawm lo hle tih ka hre thei. A mitah chuan hman ang tho khan min ngaihtuahna leh lainatna ka hmu thei tlat.

"Keiman ka lo buaipui zui ang." Zawhna min zawt mektu hnen ah chuan an ti a.

"Mahse ti turin..."

"Big Boss rem tihna thlap ani e." Chu pa ṭawng zawh hma chuan an ti zui leh a. Ṭawng mai pawh chu a harsat..

"A nih chuan le." Ti zui ve maiin chu pa pawh chu a che chhuak zui a.

B.K pawh chu chet harsat ṭalh chung chuan ka hmaah arawn ṭhu a.
A rawn ṭhuṭ hnu pawh chuan zawhna min zawt turin a ṭawng chhuak mai thei lo. Lehlam hawi leh rihin a inseh ruh ṭalh ṭalh a.

Ka lam hawia kan mit a intawn hnu pawh chuan a mit sen ram mai chu ka hmuh hmaih lo..

"Aya..." Tih zawng sawiin rilru nat hmel tak chuan a chal a khawih zui leh rih a. Chu tianga min hmachhawn chu harsa a ti hle tih hai rual ani lo.

Ka khawngaih zawk. B.K fel leh lutuk hi chu...Kanin hrawn nasa ve bawk em a ni. Tih buai lah kati buai thei narawh..

"Kiara.... Kha nu kha tunah khaw nge an dah i hria em?" Kanti a.

"Aw." A bu zui nghat a.

"Ka hmu thei a ngem?" Ti a ka zawh chuan makti hmel a pu.

"Eng vangin? I kut ngeiah a thi ani lawm ni? Finfiahna awm zawng zawng pawhin a kawk vek che."

"Ka pawisa lo. A tawp nan vawikhat chiah hmuh leh ka duh." Phal ngei turin ka mit meng chuan kan ngen zui a.

He tianga ka melh hian B.K chuan ka thil dil tih hlawhtlin loh a hreh ngei ngei ṭhin.

"Lo nghak lawk rawh." A kil lama phei zuiin Damian ni ngei tur chu a rawn ani ngei ang.

"Min lo zui thei ang. Amaherawh chu chet lak emaw i tum anih vaih chuan..."

"Ka hrethiam." A sawi zawm mai loh avang chuan ka lo ti a.
Kiara a tawp nan hmuh an phal chu mak kati zawk.

Indawpna hmun chhuansana vengtu pa6 vel lai nen kanin zui chhuahna kawngah chuan Damian leh Blaise tenen kan la intawk zui a. Ka melh zawk ringawt a..mahse ka thik lutuk tho.

"Lut rawh le." B.K chuan kawngkhar min hawnsak zuiin a ti a.

Kiara riang tak maia puan var veka an lo khuhna hmunah chuan muang changin ka pen lut zui a.

Ka mittui chu dan rual lohin arawn luang thla zung zung. Chu lai hmun vawt tak mai chuan ka tiril hi a fan rawih rawih bawk.

"Kiara." Tiin kan ko sap a.
A hmel dang(pale) var pap tawh mai chu handcuff bun chung chuan kan khawih vel a.

"Ka neih chhun." Ṭap ring ngam si lo chuan ka ṭap khur zui dat dat a...

Min kalsan turin ka duh lo. Thi tur hian ka duh lo. Ka duh lo tak zet a ni. He tiang hi ti nge a chungah hian a thlen. Thleng lo tura ka duh ber ania sin


Awih harsa ka la ti fan. Thlah liam chu harsa kati lutuk. Kal sawn san pawh ka duh lo.

DAMIAN THIBAULT POV....

Ka naute lungchhe taka a ṭap lai thlir chu harsa ti hle mah ila hnem turin tih theih ka nei chuang lo. Ka khawih hlek pawh a duh si lo.

Tu nge kan nih lah a hre tawh hek lo.
Va kal a, a bianga mittui luangte chu hruk faisak a, hnem theih nise ka lo ti vawng vawng.

B.K an kal tura a tih pawh chuan Kiara ruang chu a kalsan mai thei lo. A la melh ve ṭang ṭang a. Khawngaih thla la reuh lutuk mai.
B.K pawh sawn kei ang bawkin hrehawm ati ve tih ka hria. A ṭah pui ve lo chauh.

"Lemchan chu a thiam hle mai." Blaise rawn ṭawng chhuah dan chu ka haw ru kher mai.

"Lemchang niin i ngai a maw? Ti khawpa rilru na a a ṭap lai hmu chung sawn." No lem lo tak chuan kan lo chhang let a..

"A mi thah ruang chu lungchhe takin a ṭah leh thei ania. Awi a harsa alawm." A ti ve tlat thung. A thusawi chu a awm tho mai.

Mahse ani saw chu ka naute a ni a. Rilru na taka a ṭah leh ṭah loh chu hre hrang tak ka ni. Lemchanna ani thei lo.

"Kiara kha a thah anih ka ring lo." Kanti ta khawlh mai a.

"Kei pawh." Arthur chuan a lo ti ve vat a..

"Hmeiche ṭap lai hmuh tak vang mai a. A thangkamah awk reng reng suh u." Blaise lah chuan a lo ti ve tlat thung a.

"A duh vang reng ni lo in an tih luih tir tepawh ani thei." Melanie chu kan kianga dingin arawn ti ve bawk a.

"Thil awihawm lo anih chu." Blaise chuan a lo tihlak a.

Eng tik lai mahin Blaise leh Melanie te thu hi a inhmu ngai lo. An in milh lo ani tawp mai.

"Thliarkar hmuna cheng tawh te reng rengin pawisak an nei ngai tawh hleinem. Mi tawrawt leh sual tak tak te chher chhuahna hmun hlauhawm leh ṭawp tak aṭang rawn kir ani a. Hmanna kan hriat ṭhin ang hmeichhia kha ani tawh lo." Blaise bawk chuan an ti leh a.

"Clara kha ala ni tho alawm." Melanie chuan a lo la ti fan a..Kei erawh ka ngawi thung.

Clara kan dawpna hmuna an rawn hruailet leh lai chuan min rawn kal pel hlawm ngei a. A rawn hawi chhuak eih lo. Keiin ka lo en nasat nen.

"Delphine in turah khan mutna damdawi in pawlh dawn nia." Arthur hnenah chuan ka ti a.

"Awle." Zawhna dang min zawt buai zui lo chuan a ti a.

"Eng vangin nge mut thilhna damdawi pe turin i tih a?" Ka kal sawn zui chu Blaise chuan mi zui ve in arawn ti a.

"Hahdam takin mu se ka duh vang. A nih loh chuan a muhil tui thei dawn si lo va." Ka lo ti mai a.

"I la ngaihtuah hle ani maw?" Thikna aw a ri chhuak tel chiang hle.

"Ngaihtuah tehreng mai. A nun chu entin pawn lo thlak danglam mahse ka hmeiche hmangaih kha ala ni reng tho." Tia chhanna ka pek avang chuan Blaise chu lungawi lo takin a kal kiang zui a.

Kei erawhin Delphine lam ka pan ding nghal nal nal...

"Engmah a ei duh na nge?" B.K hnenah chuan ka va ti a.

"Ei duh lo. Tui chiah a in." A tih chuan ka bu nghat a..

Tuiah khan damdawi an pawlh tho tih ka hria a. A mut a chhuak zui vatin ka ring.

DARKAR KHAT(1) HNU AH.....
Camera leh kan ṭawng an lo hriat theihna tur zawng zawngte chu ka off vek hnuah Delphine kan dahna room ah chuan ka lut zui a. Beisei ang ngeiin a lo muhil sek sek...A lang duhawm viauna chu ka lainat reuh bim bem lutuk..

"Ka naute." Tiin hre kher dawn lo mahse kan ko sap a...

A kut chu humin ka hmui bulah ka la kang chho va. Ka fawh zui vang vang. Ka duh tawk mai lo, a mutna khum lian lo takah chuan ka inthawlh zui ve a.

A taksa lo cher ta kuam mai te chu thlahlelh em em in ka taksa ah chuan nghet tak maiin ka kuah bei zui vawng vawng a. Min kalsan thut mai ang tih hlau niawm takin nghet tak mai chuan ka kuah zui sauh sauh a.

"Ka tihpalh lutuk. He tiang thil thlen tira ka venhim zawh loh che avangin." Inthiam lohna hlira khat mup mup mai chuan kan ti a.

"Ka naute..." Ṭawng zawm mai thei lovin a chalah chuan ka fawp zui vawng vawng a.
Ka mittui rawn tla lum pap mai pawh chu ka hai lo. Kei mipa ah pawh in la pa vetak mai mittui ti tla thei hmeiche awm chhun a ni. Ka sum thei ngang lo ani e. Ka naute duat tan hi chuan.

Chu zan lah chu a liam zung zung lehnghal a.. Zan dang rei tia ka nin ṭhin tehreng nen. Damdawi lah ka nghei thei tawh lo..Ka naute ka kianga a lo let leh theih hun chuan ka sleeping pills arawn nileh anga. Hahdam takin a kiangah ka muhil leh thei tawh mahna.

Lungchim taka ka melh vawng vawng lai chuan arawn che sat sat a. A pang a kham ani mah na. A hmui no chekah chuan ka zu fawp zauh a.

A hmelah chuan hlim hmel reng hmuh tur a awm hek lo.

"Kiara..." Chu hming bawk chu arawn lam chhuak a.

"Kal suh. Min kalsan suh." A bianga mittui luang ngiai ngiai chung chuan arawn ṭawngvai chhuak a..

"Ka naute i kiangah ka awm. Hahdam rawh le." A hmaia chul kual riak riakin ka lo thlamuan a.. A pangngai zui veleh mai a. Lainat awm reuh lutuk mai. Minti na rawih rawih.

"Kiara kha i thah ani lo tih ka hria alawm. Hahdam deuhin awm rawh.." Rinhlelhna nei hauh lo chuan ka lo ti a. Harh miah lo chuan a muhil zui sek sek a. A thawri ringawt te chu hriat nuam ka ti.

Zing lam dar4 arawn ri der a. Hreh viau mah ila ka naute chu ka thawh san angai miau mai si.

Khum ka thawhsan hnu pawh chuan ka kal sawn mai thei lo. A kut chu ka la hum zui vawng vawng a. Kan fawp vel thul. Ka kalna tur lama hruai chhuah ve mai chu ka duh ut ut.

"He tianga i chunga thlentir tu te ho hi hremna ka pe ang. Na an tawrhtir che man hi ka pe khawp ang." Inseh ruh zui bap bap chuan kan ti a.

A tawp nan a biangah chuan ka fawp zui leh vang vang a. Hreh tak maiin ka naute mutna hmun chu ka chhuansan zui ta a.. A kianga awm kha ka la kham mawlh lo.. Ka ngaiin ka thlahlelh hle si a.

"Big Boss nizan lamte i mutui em?" Arthur an arawn tih chuan ka lo bu nghut a.
Ka hmaa ei tur in chhawp ho chu ei chakna pawh ka nei lo.

"In lama i haw lohna rei tawh zia hi." An ti zui leh a.
Delphine ka chan ni aṭang khan in thlakhlelhna hi ka nei tawh lo. Zin bo leh hunawl nei hman lo lekin hun ka hmang liam lui char char kha ania.

A tel lo chuan nun hian awm zia a nei lo va, a hlu hek lo. He hmeiche pakhat vemai hian nun hlimna te, nun nawmzia leh khawvel mawina te min tem tir a. A tel lo chuan he khawvel leh a chhunga awm te hi eng mah lo mai, hmun khawhar tak mai chauh a ni..

"Big Boss... Clara in buaina a siam." Arthur chuan ban charhin inbiak pawhna aṭanga a thu hriat te chu an sawi chhawng a.

Ka chawei dawhkan ka thawhsan zui nghala. Hmanhmawh tak maiin ka pen chhuak zui hlawk hlawk..

Ka naute an lo vuan bet ṭhup ka hmuh rual chuan "Thlah rawh u." kan ti ṭhawṭ a.

Anni pawhin an thlah zui ve nghal a. Ka naute thinrim lutuk hmel mawlh mai chu. Kan vai mai chuan min that vek a duh nimai awmin a meng alh phat phat.

"Blaise eng nge ni leh ta?" Blaise lam zawk chu kan zawt a..
An pahnih bawkin an ni leh ta. Delphine kut an lo tuar leh nual hlawm tawh anih hmel. A kut lah hi a rang mai sia.

"Blaise Brown tuna i thil sawi zawh chiah tekha an hriat tur hian sawi nawn leh rawh." Ka naute chuan thinrim vanga sen zui pap pap mai chuan an ti chang fak a..

"Damian ka hrilh che ani lawm ni? Mi nun rawng pawisak nei lo anih hi. Thil thlendan en nawn leh mah ula inhre mai ang." Blaise lah chuan alo ti ve ṭawk ṭawk bawk a..

A nghawngah chuan Delphine rehna hnu hma niawm tak chu a lang zui kalh.

"Video ka en nawn leh duh." Kan ti a.

"Big Boss engmah a in record lo. A in off vek." Tih chhanna ka la dawng zui a.

Nizan lamah khan ka on leh ngeiin ka hre si a.. Eng pawh chu nise Delphine hi ka ti tipui deuh chu aṭha ang.

"Min lo dang suh u. Kha nu kha in kawltih ka hria." Pate Vladir lah chuan arawn ti lut bawng bawng mai bawk a..

"Nang nu hi hmanni lawka ka nunna lak tuma min beih tu kha ini tiraw? Kan chhungkaw monu hual i lo ti na zui bawk a." Ka patean tih paha Delphine a rawn pan zui chhut chhut chu ka lo dang thuai a.

"In bengdai rawh pate." Delphine humhim tum chuan ka lo ti a.

"Vladir Thibault." Tih sawi paha ka naute nui zui ri ka hriat chuan kei pawh ka hawi buai lo chauh.
Min ṭhawng deuh em a..

"Atheene chhawng 15 na, room no-1500 chhunga i thil thuhruk kha kan phawrh chhuak ho dawn em ni?" Huatthlala awm reuh fe chuan arawn ti a.

Ads i la click ve lo a ni maw? A hnuaia ads milem khu lo click ve rawh le

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)