BIG BOSS BY MAY RENTHLEI (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

Re: BIG BOSS BY MAY RENTHLEI (Completed)

Unread post by Ngaia » January 17th, 2021, 12:28 pm

Big Boss
Chapter-8
May Renthlei

Awm sawn pawh ka tum buai lem lo. A awm lum nuam taka bei chung chuan thlamuang takin ka muhil zui ta siai siai a.

Mu mang ram nuam takah ka cheng zui bawk.

Ka zing tho pawh duhthusamin ka mood a fuh. Keima tawkah ka tho hma hle bawk

"Damian hi a tho tawh a ngem aw?" Ti rilru nauh nauh chung chuan ka room kawngkhar chu ka hawng dek dek a.

"Good morning Delphine." Rawnti ri ah chuan ka phu nasa lutuk ringawt.

"Ahh. Morning. I va tho hma ve." Lai ang reng tak chuan kati a. Ka sam telah chu a pheng nasa mai si a.

"Ka rualin taksa lo sawi zawi ve ta che." Atih takah chuan a incheidan chu ka melh zui nghal a.

A kekawr bul hak leh kawr body fit ṭang a hak chuan a pian zia a pho lang chiang lutuk tlat. En zawka, hai sawn san leh mai atan chuan a uiawm mah mah zawk.

"Nidangah le."

"Okay." Gym lamah min kalsan zui nghal a.
Gym hi a awm tih ka hre ringawt a, ka la kal miah lo tih ka hriat chuan ka rilru thlakin ka um zui leh ta zawk a.

"Excersice lak chu i duh leh ta si em ni?" Alo tidam dap a.

"Duh lo ve. Ka lo en ang che." Katih chuan a kiai zui suk a.

"Lo kal hnai teh." Tih pahin a hma takah chuan min din tir a.

"I sam hi i khuih ngai lo em ni?" Minla tizui. A ther ve bawk em a ni.
Ka enkawl ṭha peih lo chung pawh hian ala ngil nalhin, a lang tle siau thei reng hi chu vanneih zawk tak ka ni. Sam han khuih del del velte hi ka peih vak bawk si lo nen.

"A ther thei lutuk a." Kati niah niah a.

"Anih hi." Ka sam hnawklai chu a kutin mintih mam sak thuak thuak a.

"Khawih tawh suh." Tih pah chuan awmsawn ka tum a. Mi vuan bet nghal.

"A zo ṭep. Sam ṭawn i keng lo em ni?"

"Keng e." Ka pyjama hak aṭang chuan sawmṭawn tereuh te ka phawr chhuak tep a. Keng kang va va chuan ka han pe a.

Ka sam chu min phiarsak zui a. Damian an ka sam a phiar anih chu.
"Wow" tih mai loh chu sawi tur avang. A nuam veng veng.

"Eng tin nge sam phiarte i thiam zawk a?"

"Ka nu hian sam a phiar fo ṭhin alawm. A phiarlai ka hmuh aṭang chuan ka lo thiam ve mai."

"Tunah khaw nge i nu leh pate hi an awm a?"

"NYC ah. Hmuh che an chak tawh lutuk." Atih chuan ka khi sek a.

Naupangte kanih laia ka hmuh bak chu a nu leh pate hi ka la hmu leh miah lo.
Ka nu leh pate leh anu leh pate hi inṭhian ṭha tak anni a. Kum8, kum 9 kanih lai vel chuan ka nel thei lutuk.

Ka nu leh pate an boral aṭangin kan sumdawnna a tla chhia a. Chu ta ṭang chuan Canada khawpui, Ottawa a kan chenna in nuam tak pawh kalsanin thingtlangah kapi nen kan cheng zui ta a ni.

"America ah daih an awm si a, sum dawnna vang em ni?"

"Ka pa hi American alawm anih. I theihngilh ta em ni?" Min nem kal pah dat dat a.

"Ni tak e."

"Ka pi pawh Chinese ani lawm ni?"

"Keima pi." Kan lo ti nawn kher a.

"Aw ni e...Kei pawh Asian lam hmel ka put deuh hi. An chaw pawh ka ngaina alwm."

"Chu tia mawni?"
In warm up ṭan zui chuan ati a.

"Ni e." Darthlalanga ka hmel lo lang bih vel pah chuan kati a.

Taksa sawi zawina hmanraw chi hrang hrang lo inhung thleh thluahte chu a hmandan leh tih vel dan pawh ka hre lo.

"Tlem chuan insawi zawi hi peih ila chu abs hi chu ka nei vat ang mawle." Ka dul thep zaih a kut nghat chuan kati a.

Ka kawng fek rat leh ka mawngbawr thla vel hi chu insawi zawi ṭha peih si lo ah chuan a nalh ve viau a ni. Ka taksa phu lo in ka awm bawr hi alian a, chu chuan ka kawng leh ka dul hi ati lang thep a. Kawr fit deuh hak pawhin ka lan nalh phah viau ṭhin.

"Damian ka kalsan dawn che." A chhanna pawh nghak lo chuan ka tlan chhuak nghal a. A ngaihdan ani lo leh ngawt ang chu.

Ka melh ru ngun bawk a, thlanin a bual huh ṭan hnap a taksa nalh zia pawh ka hmu hman tho.

"Hi Alexandre." A kianga ka zuk ding thut leh ring taka koh kher kanih bawk avang chuan a phu nasa teh asin.

"Tihpalh lutuk Mr. Chef."

"Siam sak duh bikte i nei em ni?" Nui pah huau huau chuan alo ti a.

"Nei lo ve. Chhang siam min zirtir rawh. Tun weekend chhung hian." Ka kut pahnih suih zawm nghal thlap chuan ka ngen a.

"Zirtir che chu ka duh lutuk a. Mahse pu berin rem ati dawn em ni?"

"Ti lutuk ang."

"Aṭha alawm. Mahse tun weekend chu ka hman hmel lo hle mai. Pu berin ni3 chhung chawlh min lo pe tawh a." Atih chuan pawi kati hle a ni.

"Anih leh karleh lam nghah ka ngai anih chu. Ka zir duh list ka lo siam dawn nia." Kati zui vemai a.

"Awle.. Pawi kati hle mai." Ati zui bauh bauh a.

"Nuam deuhin chawlh i hmang dawn nia." A ei siam lai a chhunzawm leh mek chu chik lutukin kalo en a.

"Chocolate leh cake siam thiam tawk kanih hunah chuan ka fate tan cake tui tak takte kala siamsak ṭhin anga, bialpa ka nei ṭep tawh bawk si a. Atan chocolate ka siamsak bawk anga." Te chu ka lo tivel a.
Alexandre pawh a nuih a za khawp mai.

"Clara hetah ilo awm ani maw? Ka zawng nasa lutuk che." Karen in mi hmuh veleh chuan thaw huai huaiin ati a.

"Ti nge min zawn?" Darsan khum ak in kati a.

"Eng nilo ve. Lo kal rawh le." Atih chuan ka chhuak zui vemai a.

Thelma pawh arawn lang zui ve a..
Karenin Thelma chu room lama min zui tura atih avangin kanin zui chho va. Karen leh Alexandre erawh chuan eng emaw an sawi zuia.
Ka chungchang ani em lo ang chu maw?

"Clara chokaa ah eng nge ilo tih ve reng reng a?" Thelma chuan min zawta.

"Alexandre ka bia. Ei siam min zirtir turin." Kati awlsam mai a.

"Pu berin a remti dawn em ni?" Alexandre ang bawk chuan mi zawt veleh a.

"Ti nge a phal loh ang?" Ka zawt let thung.

"Eng lo.." sawi hreh hmel a pu zui. Keiin a hmel awmdan avang chuan ka hre chak zual sawt.

"Thelma min hrilh tawp rawh." Katih chuan thaw ala hak a.

"Pu ber hian ei siamna hmunah i kal a remti lo."

"Eng vang chuan?" Ka ngaihdan a pel lehnghal.

"I tana ei siam tur a bika rawih leh i mamawh apiang tihsak tur chein kan awm hi. Chu vangin.."

"Damian biak lawk ka ngai." Ka room aṭanga chhuan ka chhuak zui nghal a.

Damian chu gym a awm ka rin tawh loh avangin a room lamah ka phei zuia..

"Damian kawngkhar hi lo hawng teh." Kati zuinghal a.

Thelma erawh a lo kimki leh nasa tawh.

"Clara a thinrim viau ange.. A mamawhah min ko anih loh chuan tih buai a duh lo viau ania." Alo ti ve nuah nuah a.

Thelma ngaihtuah chu ka hriatthiampui lutuk. A hnathawk zo zai zingah hian a room tifaitu tur bik pakhat chiah a awm. Duh duh an lut thei miau hek lo.

"In bia ang." Inbual zo hlim tih hriat taka kawngkhar arawn hawn chuan ka lo ti a. A shower gel hman rimtui zet chu ka hip lut nghal sang sang.

"Lo lut rawh." A lo ti ve mai a.

A room chhung ka lut chiah chu nalh tih lutuk avangin ka ka, ka chip mai thei lo. A rawng aṭang ringawt pawh chuan mipa room tih hai rual ani lo. Ka room kha lian kati viau ania, Damian room hi ala lian fe zawk anih hi.

A fai zia leh a thianghlim zia chu bal eih hi hmuh tur a awm lo. Engkim chu a hmun tak veka awmin, anih dan tur ang thlapa rem leh inchawih mawi tawk vek an ni.

"Eng chung changah nge min biak i duh a?" Ṭhuṭna tur min kawhhmuh zui chuan ati a.

"Alexandre hnen aṭang ei siam zir ka duh." Kati tlang nghal pawp a.

"A theih loh."

"Eng vangin? Kati buai viau dawn lo. A kiangah dingin."

"Delphine chu tiang lam ani lo." Ka ṭawnglai rawn pawt chatin ati a.

"Anih leh eng nge?"

"Choka a chet i zei loh zia leh hmanraw hman i zei loh zia ka hria. Chu vang ani."

"Eng tin? Ka inzir dawn reng alawm."


"Ni lo Delphine. I tana ka mi chhawr tekhuan i mamawh engkim chu antih sak mai ang che." Ati nghet tlut a.
A hmel a tak leh ruih tawh bawk. Sum dawng khirh tak anih na zia kha a pholang mek a ni.

"Mintih sak thei pawh nise eng nge? Ka thiam duh tho alawm. Mahni ka inbuaipui theihna chinah chuan keimah ngeiin tiha mahni inbuaipui ngei ka duh." Kati ve tlat bawk a. Kan thu chu inhawisawi leh fur fur tawh tak a ni.

"I tana ka thil tihten awm zia an nei dawn lo tihna ania nga maw?" A rik chhuah dan chu a ngeiawm.

"Ngai kawi kher lo la."

"Delphine ka sawi chu zawm mai rawh. Thil ṭul lo itih vanga i na hmel hmuh ka duh lo ania."
A thusawi chu zawm mai turin min duh hle tih hairual ani lo. A hmelah zawng zawng nen alang.

"Tu te emaw tana ei siam chu zir duh mai alawm kanih. Ka inti na dawn lo."
Kala ti ve fan a.

"Kum 14 i nih kum kha ila hria em? I pi a damloh vak laia ka rawn kal ṭum a i pi tan leh i tana ei ilo siam ve ṭum kha." Atih chuan ka ngaihtuah zui nghal a.

Chumi ni ah chuan Damian hi arawn lang hlawl anih kha. Ka ei siamna lamah in kati kang lo chauh a, ka kut vel ah hliam ka tuar nel nual bawk.


Damian leh a driver ten damdawi in ah min kalpui a. Ka khuate a sik zui nasa anih kha. Karkhat lai an cham phah nge nge. Ka piin ei ka siam thiam loh zia thute, ka chemte hmanna lamah ka kutah hian hliam engtik lai pawha ka neih reng thute a hrilh nasa hle anih kha.

Ka khawsik dai ṭan tawh ka muhil emaw tia ka chungchangan sawi dun tepawh kha kala hrechiang hle..
Kan sum dawnna ka nu leh pa ka chan rualin a tla chhia a, nu leh pa chan rilru nat nen theih tawpa nun khawchhuah nan ka beih angaia. Lal fanu ang maia khawsa ṭhin, nu leh pate duat rawn niṭhin kha fahrah rethei takah ka tla thla a. Eng tiang chiahin nge ka tawrh nasat... Kha nun inthlak danglam kha.


"Kum14 mi lek nitawh lovin puitling kanih tawh hi." A hma ang ngawt chuan ka pawr viau tawh lo.. A phal loh chhan ka hretawh miau a.

"Ka tan chuan kha tiang reng kha ila ni." Ati ri chu ka tan a ring lutuk. Naupang angin min en lo se ka duh vang chauh nge ni a? Thil dang a tel zawk.

"Naupang kani tawh lo Damian." Ka aw a no lem lo.

"Eng pawh mamawh i neih chuan min hrilh rawh katih sak ang che. I shopping duh emaw, car thar i mamawh anih pawhin i sawi darkar ngeiah ka leisak ang che. I duh zata tam pawisa pawh min dil la ka pe ang che. Mahse nangmah leh Nangmah i intih nat theih lohna tur thilah chauh." Chiang kek kawkin chung thute chu min hrilh a.

"I sawi ho ai chuan ei siam zir kala duh tho." Ka ṭhuṭna hmun thawhsanin a room chu chhuahsan zui tumin ke ka pen zuia.

"I zir rual rualin Alexandre chu ban ani ang." A ti khauh fang avang chuan ka ding leh dat a.

"Kati ang katih tawh chu kati ngei ṭhin. Hrereng rawh Delphine ." Inring tawk taka arawn tih zui leh chuan chhang lovin ka chhuahsan zui ta tho va.

"Damian Thibault mi khirh lutuk pa..Manhi thuduh, luhlul si." Keimaha ka awm hnu chuan ka inhrosa chiam a. A bula tingam mang si lo.

"Rilru thlak mawh lutuk mai." Kanti zui leh hram a..

Weekend ani hlauh chu ka lawm. University kal ka peih lo ṭhin em mai..
Nilengin Damian erawhin hna athawk.. Hmuh tur a awm chuang lo. A room lamah nge a inkhung a, Board room lamah ka hre bik lo le.

"Thelma ka chhuak lawk dawn ania." Tih paha kal pelh ka tum chu rang fe in ka hmaah arawn ding a.

"Khawi hmunah?"

"Ei tur lei turin ka chhuak dawn?"

"Keiman ka leisak mai ang che. I duh sawi la." Atih chuan ka pawm lo nghal.

"Ka duh i hre lo vang." Hei chu thudik ani.
Ka pi hi Chinese ani a, chu vangin chinese food lam min ei pui ve zauh zauh a. Ngainat tak tak pawh ka nei ve nel nual. Chungho chu lei ka duh a ni.

"Pu berin i chhuah chu rem ati lo vang."

"Aw anih ka chhuak lo vang." Rang fe chuan ka lo ti a.
T hian a finthlak zawk.. A rukin ka chhuak mai dawn a ni. Damian thupek hmu lo chuan tuman min chhuah tir dawn lo. Ka dil duh teuh si lo va.

"In hnunglam huanah thlifim ka va dawng ange." In la fel fe chuan kanti vel a.

"I mamawh ho chu min hrilh la. Kan va.."

"A ngai lo. Ka lawm e. Nidangah nimai rawh se." Tlan zui nghal mai chuan kati a.. Angaih chu a ṭhaṭ hmel tehchiam lo.


"Chhuah ruk dan zawng ang." Tiin kan hawi vel a. A va vang ber kher tak em.

He in hian compound zau uchhuak tak aneih avangin, in hmalama gate ka paltlang theite anih ngawt loh chuan ke in km3 vel kal ka ngai dawn. Chu tiang vel chu ke in ka kal anih chuan nikhaw hre lovin ka tlu tawp thei ang chu.

"Ka pi khawi hmunah nge i kal dawn a?" Katih ngaihna hre lo in gate lam ka pan tawp hnu chuan rin ang ngeiin security guard techuan min lo tiding a.

"Ka chhuak lawk dawn?" Melh ṭha duh hlawm lo in ka kal zui a. Min tiding lehnghal.. Gate lian lutuk mai chu min hawnsak te anih ngawt loh chuan ka namchhe thei awm der si lo.

"Big boss kan biak phawt angai ang." Anni leh zel pawh chuan an lo ti a. Ka va ning lehzel tak em.....


"Biak kher angai lo." Gate hmaah chuan chhuak thei si lovin ka ding ran a. Kan melh ṭhin, ṭah hi a chhuak.


"Ka pi pawi kanti lutuk kan hawnsak thei lo ang che." Inthlahrung tak chuan anti a. Ka let leh hna hna.

Huan lamah ka kal zui leh a. Thing kar aṭanga ni tla tur rawn inkap lut seng te chu a mawi tak zet. Dil te chu a lang tle neuh neuh bawk a. Thilfim lah a thaw heuh heuh bawk si.

Ka phone chu a ri leh ṭhin a. Ka la duh bik miah lo. Ka duh hun huna ka chhuak thei lo chu ka lawmlo ve em a ni.

"Min lo phone hlawm teh suh u." Phone silent sauh sauh chuan kati a.
Hnim chungah chuan ka mu diai diaia. Pathian thil siam mawi ziate chu ka chhut neuh neuh a. An mawi mai ani lo, an ropuia. Nun awmzia hriltute an ni. Nature hi ka ngai hlu a, tuna kan chenna hmun ka ngainat chhan pakhat pawh hi heng a ram ngaw siam telte vang hi ani pakhat. Thil dang mawi tak tak awm loh phah si lo in.

Ka ṭhuṭna hmun aṭanga hla deuh tak chu golf khelhna hmun ani zui leh bawk a. Vawikhat mah ka la kal lo. Ka game ngainat zawng ani lem lo bawk a.

"Chu thil rim chu." Tiin kan hip lut vang vanga.

Cherry rim niawm tak chu thli beng zawngin arawn nam leh ṭhin..Ka mutna aṭang chuan tho in a awmna nia ka hriat lam hawi chuan ka kal a.

"Anih ngei saw." Hlim zetin ka pan phei nghal a. Cherry lo par vul chuk chu mawi kati lutuk.
A par ni lo, a fruit ang zawng pawhin ka duh viau bawk. A piah deuh a, plum leh apple kung lo awm ka hmuh phei chuan nuamti tak ka ni.

Mahse rinloh tak maiin ka phur luatah inchhuihin ka tlu bawk khup thlawp a. A rawn thip nghal vawt vawt bawk.

Thing zar ro tla hriam tak mai chuan ka kut chu a at pilh diai a. A thuk viau lo na in a at thui thung.
Kawrfual ka hak miau avangin ka khup hnuai chiah chu a pilh nian bawk a. Ka tlu na viau reuh aniang, thawh mai pawh harsa kati.


"A van thi duh reuh ve. Ka la haw peih lo asin." Kala ti niah niah zuia.
Han tuam maina tur ka nei mang si lo.

"Ka pi i inhliam em ni?" Hmanhmawh fe hian huan enkawltu zinga mi niawm tak chu ka lam panin arawn tlan hlawk hlawk a.

"Ho tham te mawle." Ka lo timai a.

"A zia lo hle mai. A thi kha tih reh vat angai anih kha. He laiah hian ani maw i inhliam. A ṭang tla bal ho hi tihfai tumin ka lo kal chiah asin, a zia lo hle mai." Inthiamlo tak chuan ati a.

"A na tham hle mai." Na ti ru reuh zek si chuan kanti khawmawi ve a.

"Ka lo hruai haw dawn che em ni?"

"Angai lo, i hna thawk zawk rawh. Ka lawm e." Ka kut nalai vuan ran chung chuan ka hnung chhawn zui a.

Ka kut lah chu a na telh telh a. Mi rawn tur ut ut ṭan. Ka ke hliam lam chu eng vak ani lo.

"Clara." Karen chu min hmuh veleh a a lo tlan thuai a.
"Eng engtin nge i intih nat theih?" Hlauthawng, thinrim deuh bawk si chuan mi lo ti a.

"Ka tlu. Karen damdawi hnawih ka duh lo. Tuam tawp ang." Kanti nghal tawng a. A thip vel lai kha tawrh belh ka peih lo.

"Hnawih loh te chu aṭha nang. First aid box kha min lo pe teh u." Lo awm remchang ve hlauh nu hnenah chuan ati a. A hming pawh ka hre lo. A tlan thuai a, alo let lehnghal vat a.

"Karen damdawi hnawih ka duh lo." Ka lo ti ve ṭang ṭanga. A nuih za deuh bawk si, min hnawih ngei duh bawk si chuan min melh rum der vel a.

"Karen khawngaihin." In la naute vel zet chuan ka lo ti no vei hnap a.

"Hnawih ngei angai alawm. A na rei dawn lo." Tia kanin thlem vel lai chuan Damian pawh arawn lang vehlawl.

"A na viau em?" A hmela hlauhthawnna lang chu kum 14 kaniha ka hmuh bak kha kala hmu leh miah lo.
Hlauh nei leh engmah pawisak nei ve hmel hi pu hek lo.

"A na lo, chu vangin damdawi hnawih kher pawh angai lo." Ka lo la ti ve fan fan a.

"Karen keiman ka lo tihsak ange." Ka kianga rawn ṭhu thla nghal chuan ati dam dup a. Karen tlemin alo awm sawn deuh thung.

Ka kut chu dimtea la kangin a engchiang hmasa phawt a.
"A hliam hi a thuk phian a, chu vangin damdawi hnawih ngei ngei chu angai." Atih chuan uar fe in lu ka lo thing a.

"Kan hnawih loh chuan a dam thei nang." Ati dam ruih a. Zûn nei fe chuan min melh pah raih a.

"Hnawih ang aw." A mit chuan min zâi pah ralh a.

"A thip dawn asin." Ka lo ti nûr nang a.

"A na rei dawn lo. Katih damsak zawk dawn che alawm." Rinai tak chuan min han thlem vel tepawh chu a lo zei viau mai.

"Tlem te aw. Tlemte chiah hnawih rawh."

"Lutuk." Min hnem nan chuan ngaihawm fe in mi nuih a. Chu chuan na tuar thei tur pawhin chakna min pe.


"Ahhhhh.." Damdawi a hnawih rual chuan ka lo ip chawih a. Ka rinai tak chuan ana vak lo. Mahse Damian min duat lutuk velna chuan minti no.

"A na rei dawn lo." A chhem zui hauh hauh a.
"A zia deuh em?" Arawn tih chuan lu ka lo bu nghet a.

"Fel reuh lutuk." A kut nel thep chuan ka biang a nul thuak a. Ka haw miah lo. Mipa dang kut chu nise ka beng per lawp emaw, ka seh sak duh hial ani awm si a.

"Karen a tuamna tur kha." Atih chuan anin a lo pe vat a.

Ka kut uluk taka min tuamsak lai chuan keiin a hmelṭha lutuk chu kalo en uluk viau vethung.

"A zo ta." Arawn hawi chhuaka. Ka hawisawn nghal. A hrethiam hman tho ang.

"Naktukah a tuamna kan thlak leh dawn nia."

"Awle." Ka kut atuam chu en in ka chul zauh a..

"Tunah chuan i kut kha engtin nge itih hliam tih sawi a hunin ka hria." Kan doctor ngilnei kha detective sual leh khirh takah a inlet lehnghal.

"Ka tlu. Ka kal na tur ka en ṭha lo va."

"Chu zawng chu maw? I tluk phah theihna chhan tur eng emaw tih fel loh leh chhan dang a awm lo tak meuh maw?" Chik fe chuan mi en pah run a.

"Awm lo. Keima thiamloh vek."

"Awle. Aṭha e. A leh pekah chuan fimkhur tawh la aw. I na lai hmel hmuh ka duh lo ania. Hrethiam em?'

"Hrethiam."

"Good girl." Ka lu ah a chul pah zauh a. A nui leh tawh. A nuihmel min hmuh ve ta fo mai.

A nuithiam lo emaw tih mai tur hmel midang bula a pu reng ṭhin ang hi ka kiangah chuan ani ve lo.

THLA THUM(3) HNUAH......
MAY RENTHLEI.....

Ka hmaia kut lum ther ther in arawn deh chuan tu kut nge ka hai lo.
Peih lo fe chuan ka meng a.. Ka thil hmuh hmasak ber avang chuan ka nui sek a.

"Good morning. Ka naute." Ka ri hriat hmasak ber pawh Damian aw. Ni hman anuam duh dawn mang e.

Coat suit ha leh thlap tawhin ka mutna bul maiah chuan hnathawh inpeih diamin alo insiam zo leh der tawh.

Kanin lan nalh hleih leh tawh mang e. Kei mut kawr nen, ani erawh suit nena lo induang leh zaih tawhin a lang ṭhain, a zahawm hliah hliah thung.

"Hnaah kal hma i ngai em ni?" Mit nuai nak chuan ka tho chhuak a.

"Hna hmanhmawh thlak thilah ka pa hmu turin America ah kal ka ngai thut a.Minutes 5 hnuah kan thlawk chhuak ang." Atih chuan ka mut chhuak a reh nghal vek.

"I hre lawk bik lo tihna maw?"

"Aw ni e."
A tih chuan ka ngai nghal deuh der mai. Khang thla kalta zawng zawngah khan a hun tam thei ang ber ka kiangah hmangin, hun hlimawm tak tak kan hmang dun ṭhin anih kha.. Ka ngaina lutuk mah mah tawh.

"I zin rei angem?" Ka huphurh tih chu ka hmelah alang ngei ang

"Ka hre lo le. Chinfel vat ka tum anga ka lo let leh thuai ang." A sana bun lai a bih pah zauh a.

"Ka kal angai. Fel deuhin lo awm la. Ka call chhanloh awih loh." Min kalsan a hreh vetho tih a hmelah chuan ka hmu thei.

"Tehreng mai."
Ka lamah rawn tawlh hnai hretin ka chalah a hmui lum leh nem thep chu arawn nghat a.

"Lo inti na suh ang che. Thil lo ei ṭha bawk la." A kut lian ṭha zet chuan ka biang a nul leh thuak a. Phur fahran lo chuan min kalsan zui a. Ka ruak nghal huai huai.

Kei erawh B.K nen university lam panin kanin zui chhuak leh ta vang vang thung a. Ka phur hlawl lo. Ka zawi ngawih ngawih. Damian ringawt ka rilruah a awm bawk si.

"Hi Clara. Vawin chu min en ngei ngei angai a nia. Min en loh chuan final kan lut thei lo vang." Axel chuan min hmuh rual rualin alo tinghal a.

"Kan tum ang chu."

"Yess.. I thu sawi kha sut lo ang che." Phur lutuk chuan ati nghal ruai a.

"Awle." Ṭhu zui nghalin kati a.

Nileng mai chuan Axel chu a basketball khelh tur ringawt mai chu a rilruah chuan a awm a. Axel chauh pawh ani lo, midang ho pawh anni vek tho.
Ellen bialpa thar teho nena intum tur an la nizui. Chak loh chu a duh miah lo ang le.

"Basketball court ah hmuh che ka lo inbeisei ang." A team teho nena inkhel ṭan tawh tura an chhuah pawh chuan ala rawn ti zui a. En loh chi pawh va nisuh.

"Alias nen kan rawn kal ang. Ṭha deuh khan khel la ani mai." Katih chuan nui chungin like mi rawn hmuh a. A kal liam zui tanghal a.


"Kal zui ve ila." Alias pawh a phur tawh mah mah a ni.

"Awle." Ka lo ti ve maia. Basketball court lam pan chuan kanin zui chhuak tanghal a.

"Axel chu ṭha taka a khelh ka beisei.. Tun kum chu kan university kan champion ngei ngei angai." Alias pawh chuan ati ve sauh sauh a.

"Ellen bialpa te university chu anni tak tak em ni?" Tiin ka zawta.

"Ni chiang e. Kan party ho na aṭanga in date alawm an nih." Atih chuan ka bu nghat a.

"Ohh hei chu.. Clara Delphine i ni ngei mai." Kan mitawh chu ka biak peih loh leh ka hmuh peih loh berte zinga mi ani hial ta ve ang.

"Hi Rhea." Biak let loh tawp chu mawi hek lo.

Canada a kan chenlaia ka high school kal pui ṭhin. Chopa zet mai, a ni aia lehkha ka thiam theih avang leh mipa ho laka ani aia ka lar ziah avangte hian min haw thei hle a ni.

"In inhria ani maw?" Rhea kianga ding mek Catherine chuan a lo tivat a. Ani hi computer science la ve tho, kan university ami a ni.

"Hre mah mah. Nunhlui tam tak tepawh mawle." Ngeiawm fe a min nuih sangin Rhea chuan a lo chhang vat a..

"Eng tik aṭang khan nge khang thawmhnaw man to hmel tak tak tekha inbel nan sum i lo neih tak a?" Tih zawhna min zawt ṭan ta ngei mai.

Lo dawh thei hram ula. A tira ka rawn thailan zawmna kha a ni ṭep tawh e...



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » January 17th, 2021, 12:28 pm

Big Boss
Chapter-9
May Renthlei

"Eng tik aṭang khan nge khang thawmhnaw man to hmel tak tak tekha inbel nan sum ilo neih ṭan a?" Tih zawhna min zawt ṭan ta ngei a.
Kan bula dingho chu an phawk nghal hru a. Alias pawh tiamin.

"Mahni buaina pawh chingfel ṭha thei lo hi chuan midang nun leh an awmdana lo buaive fo hi sim ila ṭha tur ania." A thil sawi chu ngai pawimawhawm lo fe chuan kan ti a.
Ka hmel landan thlakin hmeiche tihmawh leh anni aia chapo hmel fe chuan kan lang venghal a.

"I zia chu ilo la chhawm nung ṭha zel a." Ngeiawm tak chuan an nui zui hak a.

"Nia, nangmah ang mai kani. Ze ṭhalo lai paih hi a harsa ania nge." Pangngai tak chuan kati zui leh maia.

"Ṭan a hun dawn Clara.. Kan kal mai dawn em ni?" Alias chu arawn inrawlh hlauh a.

"Awle. Anih phawt u." Ṭha tak chuan ka thlah a.

"Ka awih thei lo hial zawk. Nu leh pa nei tawh lo fahrah vemai khan eng tin nge khang thawmhnaw manto tak tekha inbelin a mi hausak len ve vawk vawk theih zawk le?" Ati ri leh. Ka chanchinan zawt zui nawk nawk chu katan hriat zui nuam ani mawlh lo.

Aṭha lam zawng chu sawi loh, a chhe thei ber ang mai khan min chhuah zui ngei ngei dawn tih chu chiang sa ania.

"I ṭha em?"

"Ṭha lutuk." Alias zawhna chu awlsam leh rang taka ka lo chhan vat avang chuan anui zui leh rih a.

"An thil sawi kha chu engah mah ngai suh aw. Tun huna kan nun hi a pawimawh ber."

"Aww... Alias i van lo puitling tawh ve a." A sam kir chhapa han khawihsah pah chuan keimah zawkin kan boruak chu ka chhawk phul lehnghal ta vek a.

"I hre har lutuk." Lo tihlukin a kal tau nghal a.

Mahse a rei lo, Axel teho a hmuh rualin a ze ngai a chhuah lehnghal. A bengcheng lutuk ringawt.. Min kep leh vek tawh e.

Rhea leh Ellen teho chu an lo inhria ani ngei ang. An ṭhu ho zui bawk a. A bialpa thar telam anni bawk a,kan university lam phatsanin lehlam pawl ho a ṭan ani ngei ngei ang.

Ka chanchinan sawi tih hriat takin min rawn melhin an nui leh ṭhin a. An ngeiawm duh viauna chu hengho ngaihdan chin tawk leh lo hmachhawn dan chu ka thiam tawh lutuk alawm. Kei aia hniam an ni sa reng tawh a. Khin let thamah pawh ka ruat lo ve.

A nihna takah chuan ka nu leh pate boral hnu khan kan dinhmun chu a chhe sawt ngei mai. Mahse chuti takin kan pi nen khan kan harsa lem lo..Ka nu leh pate an awm ve ta lo kha a harsa lai ber zawk chu a ni.


Ka pi nena khawsa, nu leh pa nei tawh lo. Thawmhnaw leh makeup tih vel lungkham nei lo va nun simple tak nei kha kanih miau avangin ka lang rethei viau tepawh ani mahna. Anni aia sum nei lo viau chu kani chuang hauh awm si lo va. Nun tak tak hi an hrethiam lo a ni. He khawvela hlimna hi sum leh incheina, landan ang ngawt hi ani lo tih hi. A pawimawh lai ber an hre miau lo va, kei chuan ka khawngaih zawk a ni. Midang nun awt reng renga khawsa ho nun hi. A hahthlak dawn e mai.

"Clara au ve rawh. Kan chak dawn lo tak ngial." Alias chu a ṭang thinrim ṭan tawh.
Kan point kan en a, kan lo hniam zawk tlat. Hun lah atawp ṭep tawh bawk si.

"Axel ṭang rawh." Tiin ka au chhuak ve vat a.

Ka ṭang lutuk vetho. Ellen leh Rhea vangin chak ka duha. Chu aia nasa chuan Axel khuan a team tekhu chak pui se ka ti.

"Oh...S**t.." Alias chuan a bur kenlai a paih tau pawp a.
Lehlam ho tunah khan an chak zo chiah. Lawmin an au chel chul a, keini ho erawh kan ngui bar. Ka rilru lamin a na..

"Clara chhuk ang Axel bulah. A rilru na hmel khu ka thlir liam mai mai thei lo." Tiin Alias chuan min kai thla hnawk hnawk a.

"Alias hmela kan chak lo." Tiin Axel ṭhiante ho zawk chuan Alias lah chu an lo pawt hrang nghal a. An inhnem tak mawlh mawlh a.

Kei erawh mi tam tak karah chuan Axel ka lo zawng thung. Ka hawi kual ruai hnu chuan hmuin ka va pan hnai dawn a.. Ellen in min lo hmakhalh avang chuan ka ding leh rih a.

Eng emaw Ellen chuan a sawi a. Axel hmel landan thinrim leh inseh ruh ṭun ka hmuh chuan ka va pan hnai vat a.

"Nang ang rethei vetak ka date duh zawk che kha chu lawmin inchhuang viau ta che." Ellen in a lo tih khum mek lai chu ka va hre hman.

Ka thlen rual chiahin Ellen bialpa niawm tak arawn lang ve bawk a. Ka hriat nachhan pawh Ellen awmdan vang chu a ni.

"Duhlai iti ṭha lutuk." Tiin midang ngaihtuah lek lovin an in kiss nghal nghawng nghawng anih chu. Mipa pawh chu lerh hmel zet hi ani bawka. Axel te hneh loh anih vang leh Axel an rawn tihdan vel avang chuan ka lo thinrim hlur.

"Axel." Kati ti sep a.
Nuih chu a tum lui viauna a, a thei meuh lo. A rilru na lutuk hmel chu ka khawngaih tak zet.
An chak loh chu sawi loh, Ellen ṭawngkam khan ati na hle bawk dawn a ni tih ka hria.

"Clara.." Ṭawng zawm chu harsa atih lutuk avang in angawi leh rih a.. A thinrim leh rilru natna tilang chiang turin a mit pawh a sen ram.

"Pawi katih pui che u. Ka lak aṭang chuan engkim i chan zel ang." Ellen bialpa chuan Axel chu hmusit taka khik khum sukin arawn la ti tak deuh deuh zui a.

Inhre sa anni tih hai rual ani lo. Eng kawng emaw takah chuan lo inhuatna nasa tak an lo neisa tawh ani ngei ang.

"Hmela." Axel an pan phei a tum chu rang takin a hmaah ka lo tla zep vat a.

"Axel inbengdai rawh." A taksa sa pup pup tih reh tum chuan a hmaiah ka han khawih a.
Ala inbengdai mai thei lo. Insual peih at in a thawri sawk sawk a.

"Khin tlak an nih loh hi. I hnuaia awmte mai an ni." Tiin ka hrilh a.
Muangchanga inbengdaiin mi rawn melh thla a.

"Okay." Tiin ka lo nuih sek a.. A inbengdai deuh ni a hriain awm sawn ka tum chu ka rin loh tawpin a lamah chuan mi pawt hnaiin mi kuah zui thuk a. Ka mengphar ak.

"Axel." Awm sawn nghal ka tum a.

"Rei lo te chiah." Atih avang chuan min kuah ang chuan ka awm ta zawk a.

A thawkdan aṭang chuan inbengdaih a tum hle tih ka hrethei. Min kuahna muangchanga a thlaha a hmel ka hmuh leh theih hnu chuan a lo nui leh thei tawh. Ka chuang ania.

"Anni laka phuba lak let dan ṭha ber chu nunhlim tak nei la, i hlawhtling bawk anga ila nuih let zawk dawn nia." Katih chuan a bu zauh a.


"Min len chhuahpui rawh." Ati deuh thut a. Chhan mai ngaihna ka hre lo.
Tun aṭanga reilo te ah BK an lo thleng dawn tawh bawk si a.

"Khawngaihin Clara. Vawin thil thleng avang chauh pawh hian intih thawven ka ngai ania." Ngenngawl taka mintih chuan ka khawngaih vetho. Hnem a mamawh lutuk tlat..

"Ṭhianṭha tak inih kha." Min tlawn tak chuan an ti vel a.

"Ka rei hman lo ang." Kanti phawta.

"A pawi lo. Rei lo te pawh nise."

"Okay. Aṭha alawm."

"Yess." A au ring lutuk chu beng ka hup tawp. Midangho pawh an lo hawi ṭhup.

"I â lutuk.." Zahthlak ti fe chuan kan ti a.

"Kal ang." Ka kutah kaiin min tlan chhuah zui pui nghal.

A phur lutuk chuan keipawh minti nui lo thei lo. Nidangah pawh min sawm fo a. Ka len chhuahpui thei ngai lo. Mahse tun ṭum chu a khawngaihthlak reuh em a ni.

"I bike chu aṭha lo leh tawh tih i sawi emaw tia." A helmet min pek khum pah mawlh mawlh chuan kati a.

"Aṭha leh tawh zawk anih hi. I inpeih em?" Bike a lawn zui chuan ati a.

"Lawk aw." Ka phone chu en in B.K hnena chhuanlam siam dan tur ka ngaihtuah zuaia. Ka hre mai lo. Ka tlai deuh tur thu leh min lo lam lo tur chuan kati tawpa. Ka phone ka switch off zui nghal.

Anih loh chuan min lo chhan let hunah chhuanlam lo siam vel ting tang ka peih lo a ni. Damian a zin bo hlauh tho va a zia deuh ang chu.


"Ka inpeih e." Katih hnu chuan kan tlan chhuak zui ta vang vanga.

Kan tlan muang lem lo bawka ka sam techuan awm ngaihna pawh an hre lo. Mahse nuam kati. Thliin min chhem thawt vawk vawk teleh ka sam han leng vel siau siau te chu.

"Khawiah nge kan kal dawn?" Kati lang langa.

"Ka hre bik lo. Hmun reh deuh hleka kal ai chuan intihhlimna hmun ṭha deuh hriat ka neia tah chuan kal ang." Bike khalh chung chuan arawnti ve lawng lawnga.

"Ka pawm e." Phur takin ka lo chhawn a.
Rei tlan pawh angai lo. Kan thlen a, bike a hun zawh ṭhaṭ velah chuan chhunglamah chuan min pawt lut dawrh dawrh a. Kan tlan lut anih ber chu.

"In tur i duh hmasa angem?" Atih chhuan ka lo hnial lo nasa.

Len chhuah paha ṭhiante nena eng emaw han ei ho hun leh tianga hun thawveng ka hman lohna chin hi a rei tawh lutuk tlat.

Kan ei tur order ho chu Damian ei phal loh hlang ṭhah kanti thei ang. Ei leh in buaipui tu bik ka nei thlap a, ei phal leh phal loh bik thlengin. Damian khirh lutuk leh ka tana ṭha tur a duh luat vang chu nitho mahse. Ei chak dang ka ngah thei lutuk. Ka taksa tana ṭha lo tur anih hrim hrim hi chuan phal loh bur ani tawp mai.

"In ei puar ila game kan khel ṭan ang." Atih chuan ka lo pawm lutuk.

Kan thil ei chhung zawng pawh chuan thil hote te sawiin kan nui char char atih theih ang.

Games nuam tak tak chi hrang hrangte khel dunin dang ro vek khawpin ka au a. Ka nui hnem viau bawk.

"In tum ila min cho em?' Tia min kawhhmuhna lam chu ka hawi phei ve vata.

"Dancerush." Tih lo inziahna chu ka chhiar hmasa phawt a.

"Awle ka cho che. Lam te chu ka thiam alawm." Thiam tak tak hawt si lo chuan kanti pawr nghal ringawt a.

"Ti chiah ila."

"Okay..Mahse hei hi a tawpna tur nitawh rawh se."

"Awle." A lo ti ve mai.

Kan lam ṭanta alawm. Atu mah mah chu kan lam thiam lo. Kanin nuih char char ringawt. Miss tih a inlan chhawk char char bawk si.

"Ka hah lutuk." Kan lam zawh chuan thaw hlai hlaiin kati zawi hnap. Thlan a tla bat bat.

"In tur ka lo laksak ang che. Ice cream i duh tel angem?" Atih chuan chhang lo in ka bu nghat.

"Dance music ka hah phah lutuk." En zui zauhin lu ka thing zui nak a.

Axel pawh a lo let leh vata. Ice cream ei chung chuan kanin zui chhuak a.

"Nuam iti em?"

"Ti lutuk ringawt." Uar tak chuan ka lo chhanga.

"Aṭha anih chu. Kei pawh nuam kati lutuk. Ka lawm e."

"Eng vangin nge lawmthu min hrilh a." A hnunga bensak thuk pah chuan kati a


"Ṭhian inkarah lawmthu sawi angai lo." Katih chuan inmelhin kan nui dun tawp.
Mahse ka hmalam ka hawi ruala B.K lo ding reng ka hmuh chuan ka nui hmel atawp.

Engtin nge hetah ka awm tih a hriat le?
Damian an a hreve bawk anih chuan ka chhevek ani mai. A tel lo leh guard pakhat tal hruai lova ka chhuah a phal reng reng lo.

"Axel ka kalsan phawt mai ang che." Atih chuan a hawihai deuh a. Min thlah turin ruahmanna alo siamfel tawh ani mahna.

"Awle." B.K a hmuh chuan a hrethiam zui ve maia.

"Bye." Kut ka vai zeuh a.
BK lam panin ka kal zui nghal. Car kawngkhar min hawnsakah chuan ka ṭhu lut zuia.. Kawnga kal ve mek ho techuan car chu an hmu duh viau bawk.

"Miss Clara, big boss in a be duh che a. A biak tlang theih loh che avangin a mangang tawh khawp mai."
A lo tinghal tarenga. Hlauhthawn ang ngeiin.

"Ka bulah a awm tawh e." A benga a thil vuah chu off zuinghalin ati a..

"Damian em ni?" Ka lo ti ve vat a.

"In lam zawk. Big boss chuan ka hnena i awm tawh thu a hre tawh a. In kan thlen veleh be tur che in a duh che."
A hmela a dik lo hlein ka hria. Keimah vangin hauh a tuar anihte ka ring. Ka inthiam lo viau bawk.

"B.K ka awmna chin.."

"A pawimawh ber hleinem. I hima alawmawm." Ka ṭawnglai pawt chatin alo tivat a. Nidang ang bawkin a nui leh sek tawh.

"Eng vangin nge ka him loh ang?' Ngaihsam fe chuan ka zawt a.

"Big boss tana mi pawimawh tak ini a, chu vangin." Ati zet tawh na a.
"Engmah ani lo ve." Tiin a thil sawi chu a thlak leh ta zawka.

"Damianan ka lengchhuak tih hi ahria em?"

"A hun taka in i thlen loh vang leh a biak theih loh vang chein mi lo bia a. Chhuanlam ka lo siamsak ve ngei che a, mahse university lamah engmah tih tur pawimawh a awm lo thuin min lo chhang."
Ka hun hmandan lah hi keiai mahin a hre zawk anih hi. Ka lo ti rilru nghal.

"Eng tin emaw a hauh phah che em?"

"Hau lo ve." Ati ve tak na chu, ka pawm lo.

"Clara minti mangang alawm." In kan thlen a, Karen in min lo hmuh rual chuan a lo tinghal chung a.

"I ṭha em? Pu berin....." Thelma in atih lai mek chuan Karen in a lo khap nghal vat a.

Thil thleng awm ang tur chu ka hremai. A hun taka ka thlen loh vang maia chuti taka an lo buai chu a zia lo hle a ni.

"Lut ang, ti nge pawnah te min lo nghah." Ka kai dun nghal chawt a.

"Ni e. Lut vat teh ang u." Karen chuan a lo tinghal thuai a.

"Pu ber hi chu engmahin ati buai zo lo emaw kan lo tihman vek tawh a. A hun ah in i rawn thleng lo ve dek dek erawh kan buai nghal luih luih mai alawm." Thelma chuan nuih za deuh leh ka laka lungawi vak si lo chuan ati a.

"Eng vangin nge inbuai nghal kher? Accident emaw min ru bo pawh ni si lo." Ka lo tive thung a.

"Pu ber a mangan miau techuan keini te chu kan buai lo thei nang. Kan thin a phu zawk zawk alawm." Thelma chuan nui har harin ati a. Karen pawh anui ve thei ta bawk.

"I biak vat aṭha ang." Karenin atih chuan ka bu nghat a.

Ka room lama chhoh pah chuan ka phone chu ka on a. Missed call leh text arawn lut zawih zawih.

Damian Thibault hnen aṭang phei chuan tam tak a ni. Biak a huphurhawm duh lutuk ringawt.

Ka hreh viau lai chuan ka phone arawn ri a, ka la phu nasa em em zui. Rin ang ngeiin Damian ani e. Aw te chu kan thian hmasa te te a.

"Hello."

"Clara Delphine." Ava chiang fek fawk ṭhin em!!
"Eng thil hrep nge maw i tih le? Paris a rawn let turin jet kati fel hman tih i hria em?" Arawn ti chheu chheu mai le.

"Tihpalh." No hnepa katih chuan a thaw zui hawk a.

"I ṭha em?" Inbengdai deuh zawkin arawn ti leh a.

"Ṭha e. Min ngaihtuah vak ang tih rin ngaihna ka hre lo alawm." In la naute zetin ka aw te chu kanti no vel a.

"Minti mangang alawm. Thleng nawn tawh suh se." Aw thum bala arawn tih leh chuan ka chhang lo. Ka la chhuak ru leh mai thei si a.

"Naute ka sawi chu i hria em?" A rawnti nawn leh ngata.

"Hria e boss." A nui zui hakin a zawm nghal. Hriat anuam mah mah.

"Kar khat tal cham ka ngai dawn a. Ka ngai der tawh che ania." A aw mawi, pa lutuk leh a thil sawi inrem thlup chuan min fan chhuak rawih rawih..

"Ka nu leh pa ten hmuh che an chak lutuk a, ka lo hruai tel ve lo che chu inchhir tak tawh ka ni."

"I nu leh pate vang chauh chuan maw?" Kan fiam let zauh a.

"Chu aia nasa chuan ka kianga i awm lo hi hrehawm kati. Chu vang zawk chuan." A ril reih ruih hle mai. A aw ṭawng rik chhuah dan zawng zawng nen techuan.

"Kar khat chauh alawm nidawn." Katih chuan.
"Kar khat.." alo ti nawn bung nghut a. Ka nui lo thei lo. A lawmawm lutuk tlat.

"A leh pekah kar khat aia tam zin turin ka chhuak leh anih ngat chuan ka hruai tel ve ngei ngei tawh ang che." Ala rawnti zui deuh deuh a. Min ngai tak tak viau ani ngei ang.
A tan hrehawm deuh dawn mahse ka tan chuan angaih ṭhaṭ thlakin, awm ati nuam veng veng.

"Awle ka hria e." Nui aw deuh tak chuan ka chhang a.

"Thil lo ei ṭha la. A hun takah i mu bawk dawn nia. I mut ṭhaṭ loh chuan sakei ang maiin i kawlh leh awm si a." Atih chuan ka nui chhuak hawk a.

"Anih tak chu." Kati a.
Ka period dawnlai vel hian ka thinchhe tlangpui bawk a a man thiam hnehsawh tawh lutuk.

' Ka tan chuan keiai maha keimah zawk' emaw tih mai tur khawpa min hrechiang leh min hrethiamtu kati lo thei lo.

"Ka call chhanloh awih tawh loh. Hahdam tawh rawh le ka naute." Hriat nuam tak chuan ati dam leh thlup a.

"Yes boss. Nang pawh hahdam rawh."

"Awle. Phone kha dah hmasa rawh le." Atih chuan ka hmet tawp zui khep a.
Ka nui zui var var. Ka ngai nghal bawk.

KAR KHAT(1) HNUAH....

"Vawin chu i mood a va fuh hmel ve a?" Axel an ka kianga rawn ṭhu thla pah nghala atih chuan ka lo nuih maia. Thil dang ka ngaihtuah zui lehnghal.

"Eng nge maw i hriat le?" Mi nek nawka atih chuan.

"Minti buai suh. Thil ṭha ka ngaihtuah mek." Ka lo ti hlar a.

"Eng thil ṭha?"

"Ka hrilh dawn lo che." Nui zui raihin a darah ka beng thek a.
Vawin hi Damian lo haw ni ani a. Hmuh ka chak tawhin ka phur a ni. Paris ah hian a awm ve vel mek tawh mai thei bawk.

"Ka ril aṭam. Ei tur min lo lei." Axel chuan beisei nei zeta min melh chuan ati a.

"Awle. Ka lei ni che ani alawm." Katih chuan phur fe in kanin zui chhuak a.

"Mr. Ken class chu bang leh mai ang." Atih chuan ka lo zawm ṭha leh thlap tawh.

Kan thil ei zawh hma deuh chuan Axel phone chu a ri a.
"Clara ka wallet ka thlauh palh anih hmel, min lo call a a chhartu niawm takin. Locker lamah ka va kal lawk angai. Minlo nghak rawh aw. Ka lo let leh vat ang." Ding pah nghal hluai chuan ati a.

"Ka lo let venghal ang." Din ka tum chu min nem ṭhu lehnghal a.

"I ei ṭan ve chiah kha. Ei zo phawt la."

"Anih leh lo let kher duh tawh suh. Keimahin ka rawn let mai dawn nia."

"Awle. Nih phawt." Chhuak zui nghal chuan ati a.
Ei tur ka hmaa inchhawp chu ka ei zui ṭan leh maia.

"Ehmmm. Tu nge lo kal ve hi? Khaw nge i mei?" Ellen leh aṭhiante ho bawk maw.. Axel ruala ka chhuak lo chu ka inchhir nghal.

Ti nge maw kanin hmuh fuh theih viau ni aw??

"Woow. I bag chu an la tlangzarh hauh pawha ka hriat loh chu eng tin nge i neih theih bik?' Sam var ngo zet nu chuan ka bag chu la kangin an en vel chhin a. Ellen bak hi an zingah chuan hming hriat pawh ka nei lo. An hmel erawh ka hre hlei hlui.

"Heng incheina leh hausa tak anga nun a hman theih chhante hi chu kan hre vek ani lawm ni?" Tiin an nui zui ham ham hlawm a.

"Kha i bag man to leh nalh zet, mahse lak luhna thianghlim bawk si lo hi ka kuta awm reng atan ka duh hleinem. La vat teh." Ka bag chu ten hmel zetin an khai der der vel a.

Ṭha taka lak ka tum mai lai chuan an thlauh lui ta kher a.
"Tihpalh lutuk." Ngeiawm aw fan reih rawih chuan anti zui ngei bawk a.

Tlawmthlak chu ti vehle mah ila ka bag chu ka chhar a. Din mai ka tum tum rual chuan ka juice in lai chu Ellen in la kangin tihpalh niawm taka langin ka kawrvar hak thianghlim zetah chuan an leih baw lui a. Ka sa chhuak pup pup tawh. Buaina tih punlun ka duh loh avangin ka insum hram ania.

"Ohh. Ka tihpalh tak zet. A to awm tehreng nen.. Mahse i bialpa hausa zet khan a thar alei leh mai dawn che alawm." Ellenin atih rual chuan Damian nena kan chungchangan hre ta emaw kati hman hial.

"I bialpa hi tu nge anih tih ka hriat chhuah hun chu i hloh nitur ani nghal ang. Nang anga din hmun hniam tak, nu leh pa nei tawh lo. Rethei lutuk nge min thlan anga. Hausa leh kei ang nula sexy lutuk mai, mipa te hnar rual loh hi min thlan ang." Mahni in vaivung tak chuan an ti vel a. Nuih pawh ati zo pha lo.

Damian Thibault, an ngaihsan rawn leh an at chilh hlum loh chauh. A hming an lam rik rual ringawt pawha awm ngaihna hriat tir loh theitu hi nei theiin an inring amaw? Awm ze nei lo hul hual a ni.

Eng ang chiahin nge min hmangaihan hre lo a ni. Hmeiche nalh leh landan ngawt ngai pawimawhtu ni lovin, chhunglam en telna chang hria mipa ani tih an hre tlat lo.

"Vawin ni anga thil thleng hi a thleng nawn leh anih chuan ngawi renga en liamin ka dawh mai mai tawh bik lo ang cheu." Tiin lungawi lo leh thinrim ṭun chung chuan ka kalsan hlawm a..

Ka naupanlaia ka martial arts zir tepawh rilruah arawn lang alawm. Ka pa khan mahni invenna tal pawh thiam tir min duh avangin kum9 kanih aṭangin ka zir a.
Kum15 kanih thleng khan ka zir a. Ka thiam ve ang reng fu a ni. Ka zir zawm ngai ta lo mai pawh a.

"Clara lo kal leh..."

"Min thlah haw rawh." Axel chu kati nghal tawng a..

"Eng thil ṭha lo nge thleng? I kawrhak leh i hmel zawng zawng kha a dik lo fai vek." Ngaih ṭha lo lutuk chuan alo tinghal vat vat a.

"Ka haw duh. Nakinah i zawhna chu ka chhang ang."

"Ka hrethiam e." Ka landan aṭang chuan zawh zui chi niin min hre lo aniang.

A bike dahna lam pan chuan kanin zui a. A hmaah chuan ka kal deuh hmawk hmawk a.

"Clara."

"Eng nge?" Kati vin hlar a.

"Lo hawi la." Atih chuan ning zet chungin ka hawi let a. A chhe thei ang ber tur chuan a lo insiam chhe vak a. Thinrim lai laiin.

"I hmelchhe lutuk." Nuih za insum hram chuan kati a. Thinrim tih reh dan lah hi a hre mak thei sia.

"Hmelchhia i intihna ang anih chu. Tuna i hmel landan kha ania ka zir." Atih chuan ka kutin ka tin nghal uaia.. Hlauh hmel fe in a lo indang a.

"Ice cream ka lei ang che. I hmel alh lutuk tih daih nan. I sen vek." A kuta inhliah ṭa chung chuan khi hauhin ati a.

"Min lei vat rawh. Ka hmin zo dawn." Nui chung chuan ka chhang a. A bulah hian a thinrim rei theih loh.

"Awle. A rei lo vang." Tlan zuinghal chuan ati a.
Hmanhmawh tak bawkin arawn tlan let leh a. Ice cream ken arawn ti tla lo chauh.

"Kha le."

"Ka lawm e." Lo ban nghal chuan kati a.
Nangai ka ice cream atui tih mai maiah kanin hnial zui lehnghal a. Kan landan chu inngaihzawng tepawh kan angin ka ring.

A chang chuan Axel hian min duh nia hriat chang ka nei fo ṭhin. Alias pawhin min hrilh thawi tawh bawka. Ka haider lui mai a ni.

"Kan kal dawn em ni?" Kantih lai tak chuan kan bul maiah chuan car arawn ding zui ve a.

Car nalh chung chuang tak rawn ding mek chu tu ta nge ka hai lo. A mai maiin hmuh tur a awm tlat lo va. He khawvel car tam tak zingah hian. Damian leh a chhhehvel hi chu a langsar em em vek a ni.

"Damian." Ka phun chhuak sap a. He lai hmunah hian hmuh ka inring lo asin.

An hawnsak pawh a nghak hman lo. Arthur chu car aṭangin arawn chhuak zui vebawk.

A hmel landan chu ṭo haw tur ang maiin a thim khup a. A tawrhhlelhawm hluah hluah.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » January 17th, 2021, 12:28 pm

Big Boss
Chapter-10
May Renthlei

"Damian." Ka phun chhuak sap a. He lai hmunah hian hmuh ka inring lo asin.

An hawnsak pawh a nghak hman lo. Arthur chu car aṭangin arawn chhuak zui vebawk.

A hmel landan chu ṭo haw tur ang maiin a thim khup a. A tawrhhlelhawm hluah hluah.

"Car ah lut rawh." Ati chang bal a. A aw pawh a hmel ang chiaha chang leh hlauhawm a ni.

"Damian." Ka ṭawngzawm hmain ka kutah arawn vuan zui a. Min kalpui nghal.....

"Clara eng nge a awm zia?" Axel chuan alo ti bah deuh nuk a.

"Lo buai suh." Damian lah chuan a lo ti hmuk bawk si.

Axel hrilhhai lutuk chu ka khawngaih leh chhawng. Damian Thibault, a mi hriat lar leh a mi ngaihsante zinga mi kha ani tlat a. Ka bulah pawh hian Damian hnuaia thawh a chak thu a sawi fo ṭhin.


"Min thlah teh ana nia." Katih chuan ka kut lam en thlain ka ice cream ken zawk chu a melh fuh chat a.

"Ei ka phal lo ani lawm ni?" Tih leh ka kut aṭanga min laksak a rual a.
Kan bul maia hnawmbawmah chuan a theh lut zui bawk.

"Damian Thibault." Ngaihdan ni lo fe chuan ka lo ti ṭhaṭ a.
Ka thinrim pawisa lo fe in car kawngkhar chu hawngin min ṭhuṭluh luih tir zui a.

Kan tlan chhuah hnu thleng pawhin ka kut a vawnna chu ala thlah duh chuang lo. Hmalam a melh ngur a. A hmel chu a nelawm lo hluah hluah.. Biak chu huphurhawm duh tak a ni.

"Damian." Ka kut chu lak sawn tumin kati che hrat a. Thlah duh miah lo in a hre lo awm hmiah.

"A na ania." Katih takah chuan a ti thawl hlek a. Ala thlah duh chuang lo

A rawn chetdan vang khan ka lawm lo hle a, keiai daih lah chuan a thinrim hmel lawi bawk si.

Ṭawng lo chuan kan ngawi dun zui reng a. In kan thlen rualin car aṭang chuan a chhhuak nghal vut a. Kawngkhar min hawnsakin kan room awmna lam panin min kai chho zui hlawk hlawk a...Eng mah sawi hman pawn min dah lo. A room zawk chu hawngin kawngkhar chu dim lo takin a khar zui nghal a.

"Damian eng nge maw i hriat le?" Lungawi lo tawh tak chuan kan ti a.. Ka kut avawnna a thlah zui a, a vawnna lai chu sen ṭanin a na deuh hlek bawk.

"Ka awm lo chu nuam i lo tiviau aniang maw?" Tih el na hlira khat chuan mi la tizui a.
Ka ngaih tehreng nen. Vawin ka nghahlelh zia leh ka zing tho phat aṭanga ka hlim ziate leh ka phur zia tekha a hre lo a ni.

"I sawi awmzia ka hre lo."

"Zawm a har viau hlawm em ni?" Ka hriatthiam loh ṭawngin eng emaw a sawi zui hlak a. Ṭawngkam thlum tak chu ani lo vang.

"Kha pa phiangsen kha tu nge ni reng reng?" A sawi zawng ringawt pawh chuan a thinrim zual sawt emaw tih mai tur a ni.

"Ka ṭhianpa Axel anih kha."

"Mipa ṭhian i nei a. Mipa nel viau lo turin kati che. In chhuak dun vel bawk a. Ka thu zawm reng nei lovin i pal zut vek bawk." A sam buk lam lek lek tawh tuai chho puat chuan ati a.
A thinrim lutuk leh ka lakah lungawi lohna hlira a khat chu ka hrethiam lo.

"Axel te chu mipa dang ang ani lo. Mi ṭha.."

"I hre lo Clara Delphine." Ka ṭawnglai pawt chatin arawnti vin hluk a.

"Ka hria. Ka ṭhian alawm. Nangmah khan i hre lo zawk." Ka thinrim veṭan tawh tak zet.

"I tana ṭha thei ang ber turin engkim itan ka duhsak che. Chutih laiin nang erawh min palzut zawng leh ka tih loh dan hlirin i awm a? A harsa viau em ni?" Thawri zui hawk chuan ati a. Min thin nawk nawk chak leh a thu anga ka awm diak diak theih nana eng emaw tih mai duh hmel a pu.

"Ka awm ang angin min en mai la. Ṭhiante chu ka mamawh alawm. Ka kawmin ka len chhuahpui ve bawk ang chu."

"Ṭhian chauh maw?" Ngeiawm takin a khi zui sawk a.

"Basketball court a mi zawng zawng hmuh tura inkuah vel chung khan chung thute chu i sawi ngam amaw?" Atih chuan ka meng phar ak.

"Eng ...eng tin nge i hriat?" Mak tihna avangin ka ṭawng bah nak a.

Mi rawn pan hnaiin ka dar leh lam ve ve ah chuan a kut nghatin mi en chhuk du a.

"Clara Delhphine i inhriat chian ai hian ka hrechiang che. I chungchang hriat loh ka nei lo. Khang kar kalta chhung zawng khan class bang i hrat em em bawk." Minti ch$ ch$ a. A landan chu a hlauhawm mah mah tawh.
Awm sawn ka tum lahin ka che thei der bawk si lo. A thin kati rim zual mai mai.

"Khaa... kha te chu.." Ṭawng zawm mai dan ka hre lo. Duh aiin thil a hre mah mah.

"Ka mit takah hian en rawh." Tih pah chuan min kuai dak a.

"Khapa kha hlat rawh. Anih loh chuan a pawi ang. Ka duh loh zawnga awmte chunga ka chetdan hi hriattir kher che ka duh lo. Chu vangin khapa kha tun aṭang chuan i bul hnai teah pawh a awm leh tawh tur a ni."
A thil sawi chuan mintih thinur em avangin min vawn behna aṭang chuan tal sawn ka tum a. A aia nghet leh chiangin a taksa si rawk khawp chuan min pawt bei a.

"Damian Thibault min thlah rawh.. Ka ṭhiante leh zel chu min hnawh bo sak tum lo mai rawh. I thil sawi awm ze nei lo kha ka zawm lo vang." Ka aw chu a ringin a vin hran lo. Mahse ka aw aṭang leh ka hmel zawng zawngah techuan ka thinrim ve hle tawh tih alang thung.

"Mipa hrim hrim i hnaih tur ani lo." Ati bur a.

"Eng vangin? Mawh eng vangin?" Thinrim leh cho zeta melh chho vah chuan ka zawt a.

"A chhan chu hei vang hian." Tih leh ka hmui taka min rawn fawh chu a rual a.

Min ṭhawng lutuk chu chet lawkna chang pawh ka hre lo. Mahse chu hun chu a rei lo. Awm sawn tumin ka che laih a. Nghet lutukin ka kawng leh ka tukhuma chelh zawmin, min fawp uar sauh ta zawk a.

Ka che zawm thei tawh lo. A taksa lian tham tak chuan min khuap hneh sawh lutuk tlat. A lakah chuan kei ve lah chu engtham mah ka ni der si lo.

"Ti nge i hriatthiam loh fo." A aw hrep chu...
Nghet leh duhthaw zetin min kuah zui nghal vawng vawnga.

"Kum 14 i nih laia ka hmuh aṭang che khan midang ka ngaihtuah tawh ngai lo. I hriatthiam ve mai ringin ka nghak reng che asin." A aw te chu zâm lutuk vangin a khur thei hial a. Chuti takin min duh ang tih ka ngaihtuah pha ngai lo.

"Damian." Chu zawng chu sawi tur ka hria..

"A ṭhawng che tiraw? Ka hrethiam alawm. Mahse mipa dang bula i awm hi ka ngaithei lo. Ka duh loh anga ka chet loh nan keimah chiah min ngaihtuah rawh." Awm sawn hlekin a chalin ka chal a sik tir rap a.

"Khawngaihin Delphine. Ka naute chauh nireng rawh." Aw zawi thawp sup chuan ati leh hnap a.

"Damian. Ka ka hre lo." Ka ṭawng bah nak avang chuan anui che dat a.

"Ka nawrlui viau dawn lo che. Tuna ka kianga i awm ang reng hian awm tho turin ka duh bawk che. Mipa dang tel ve lo, ni lo tu mipa mah i hnaih lo hrim hrim tur a ni." Mahni hmasial thiam tak chuan ati nghet bur a. Ka nuih a za lek lek.

"Lo hnaih lui ṭal ta ila. A bik takin Axel chu ka ṭhian ania, vawi lehkhatah ka thlah tawp thei lo."

"Delphine min nawrlui suh." A aw a chang ṭha leh ṭan der tawh.

"Hriatthiam tum la." Dam raih a katih chuan.
"Ka duh lo. Ka ta chauh i ni tur ani." Ati bur a. Ka chalah a fawp zui zauh a. A awm sawn ta bawk. A taksa sik kha ka kham mawlh lo. Ka duh ani vethei mai angem?
A laka ka rilru put hmang ka hrethiam lo. Hrechiang turin hun reilo te tal ka la mamawh a ni.


"Mipa dang chu hnai lo thei lovin lo awm ta ila. Eng tin...."

"Shh.. Sawi suh. Kati chhe vek anga..Hma hun nei lek lovin ka siam ang." Ati duh tak tak ngei dawn tih chiang taka lang chhuak chuan ati khauh fur a.

"Ka fiamthu mai anih kha. Ngai thu tak vak suh." Melh no pah ralh a katih pawh chuan anui ṭha thei meuh lo.

Thik thu ava han pe chhe chiang tak em.. Keiman ka duh viau leh rei tak lo inkawp tawh kanni pawh ani chuang si lo.

"Zanin chu ka bulah riak rawh." Atih chuan a fiamthu anih ringin nui chungin ka melh chho a. A hmelah lah chuan eng fiamthu mah a lo lang der si lo.

"Fiamthu thawh i thiam lo."

"Ka ngai che. Chu vangin khawngaihin ka bulah riak rawh." Mipa naupang ngen ngawl tak ang maiin ani alan ni. A duhawm nge a pa lutuk kati zawk dawn..

"A awm ang lo." Ro halha nui zui chuan kati a. Chil lem pawh ati har ṭalh alawm.

"Khawngaihin naute." Ka kawngah ka inrin hma hauhin arawn vuan fel leh der tawh. A che rang thei mah mah a ni. Thawm awm miah lova a che thei ṭhin te hi. Insual thiam leh ramven him nana mi thiam pawimawh tak tehi a ang ṭhin.


"Ka duh lo. Ka duhdanin thil iti ngai bik lo." Tih leh tal pit ka rual a. A room aṭang chuan ka tlan chhuak nghal a.

"Kan hria ang." A rawnti zuia.

Mut dun, ngaihtuah ringawt pawn ka zak lutuk hi ka sa pap pap.

Ka room ka thlen chuan ka hmai sa ham ham chu ka kut pahnih chuan ka khawih a. Thil thleng zo chiah tekha ka ngaihtuah zui nghal bawk.

"Damian Thibault an min duh." Ka au chhuak teuh lutuk. Rin phak bak a ni.
Tun hnai mai ni lo, hun rei tawh tak aṭangin min lo la duh tawh zui a. A ropui lutuk mah mah.

Ka inbual fai sar zawh techuan darthlalang hmaah ka in en rei lutuk mah mah. Damian hmaa lan nalh loh hlauhna a awm tlat tawh. A rilru put hmang ka hriat tawh vang ania nge.

"Karen." Ka hmuh chuan ka kuah nghal thuak a.

"I va rimtui rem rem ve a." Min lo tih chuan ka nui zui sen sen a. He nu hi chu ka van ngaina ngawih ngawih tak em..

"Engkim aṭha vek em?" Tiin min zawt zuia.

"Aw ṭha lutuk." Zangkhai vahin ka chhanga.

"A ṭhaṭ chu. Pu berin zanriah ei turin a nghak tawh che. Kal tawh rawh le." Atih chuan bu nghat nghatin thawveng fe chuan ka kal zui ve maia.

"Hi Alexandre." Tih pah chuan nidang ang bawkin kanin hi'5' zuaia.

A nui pah rulh rulh a. A nuih dan chu nidang a ang lo. Ngaih ṭha chiah lo chuan Damian kiangah chuan ka ṭhu thla a.

"Sawi dun tur kan nghah khawp mai. Eng pawh nise kan ei zawhah kan sawi dun dawn nia." Damian chuan lang cool leh ruih tawhin a lo ti a.

A bula riak tura min sawmlai hmel nen kha chuan lei leh van ang vel ani leh tawh tuna a hmel put hi chu.

Alexandre ka va melh a. A lo la nui. Chet ziain zawhna ka va zawta, lu thing mutin ei siamna lamah min luh san daih a.

Eng an hria chu nimaw??

"Ka puar tawh i sawi duh chu sawi tawh la." Thil ngak thei lo vetak chu ka ni.

"Ila ei tlem lutuk. Ei belh leh phawt la." Ka thlenga ei tur min dah belh sakin, ani pawh chuan a ei zawm lehnghal a.

"Ka puar tawh." Kati thluk raih a.

"No. Puarna tham ila ei lo. I ei ṭhaṭ phawt loh chuan engmah ka hrilh lo ang che." Ati deuh tlut a.

"I sual." Insiam chhiat khum pah zauha katih lah chuan a nui suk duh chauh a.

Kan ei zawh hnu chuan ka rinloh takin pi Barsot chuan lehkha arawn chhawp a. Lehkha ka hmuh chuan ka phur lo nghal.

"Ka awm loh chhunga i thil ei dan report anih hi." Damianan atih chuan lehlam ka lo hawisan nghal.

"Tun aṭang chuan i thil ei tur leh ei dan chungchangah list ka siam thar tawh a. I zawm ṭhaṭ viau angai ang." Atih chuan ka meng hnual nghal ruih.

"Ka duh lo."

"I taksa tana ṭha lo tur i ngaina zawk tlat hi ka hrethiam lo." Damianan atih chuan han chhanlet hrep hi ka tum a. A sawi dik ang reng fu mai bawk si a.. ka chhang let ta lo.

A sawi duh ang pawh a sawi hma chuan Arthuran eng thu emaw sawiin a rawn ko a. A pawimawh viau ani ngei ang.

"Min hrethiam rawh Naute. Nakinah kan sawi zawm leh mai dawn nia." Ka hmaia nul thuak chuan ati a.

"Awle." Khi sekin ka chhang a.

An kal liam hnu chuan ka room a ei tur ei phal loh tam tak ka stock ho chu aṭhen la chhuakin library lamah ka luhpui a.
Ka ei ru mai aniang chu. Ei ruk pawn a tui tho.

Chu tia lehkhabu chhiara zawi chhe fe a ka lo ṭhuṭ dar dar lai chuan library kawngkhar lian tak inhawng thawm ka hria a. Ka thil ei lai leh ka thil chhiar lai pawh ka tawp chawpchilh nghal.


"Kan ralthuam hralh tur chungchang hi a put ru tur ani lo. Ram dangah a darh palh anih phei chuan a pawi thui thei viau dawn ania." Chu thu sawitu chu Damian ani tih va hmu thei kher lo mah ila a aw pa zet, ngaihawm ru tho si ah chuan ka hai chuang mawlh lo.

"Eng ralthuam chung chang nge niang aw" tih ka ngaihtuahnaah a lo lut nghal a.

Damian leh an chhungkua hrim hrim hian sum dawnna huang lian tham tak, chi hrang hrangan nei ṭeuh tih ka hria. Mahse ralthuam lam chu ka hre hauh lo mai nia.

"BK hi tun ṭumah hian kanin rawlh tir vedawn em? A zei zia man ber ani si a." Arthur ni ngeia ka rin chuan ati leh a. Aw ngainatawm lo leh Damian bula khawsa ber anih bawk avang chuan.

"B.K ai awh midang ruat rawh. A kutah Delphine ka dah tawp si a, thil danga inhnamhnawih tir ka duh rih lo." Tiin Damian chuan alo chhang leh a.

An ṭawng pah chuan zawn eng emaw an nei pah tihan thawm aṭang chuan a hriat theih bawk.
Eng tak chu zawng ang maw??

An hmu ta ania nge, an thawm a reh zui. Kei pawhin ka thiltih lai chu ka chhunzawm veleh a. Riah nghal tumin rilru ka siam. A chhan chu Damian khan a thil sawi kha a thlen tir duh leh tak tak mai ang tih ka hlau a ni.

"Ka van la tho peih lo tak." Ti niah niah chung chuan ka mutnaah chuan ka che deuh sek a.

Ka mutna hmun chu a danglam viau hian ka hria, a chhan chu a rim aṭang leh ka khuma mu ka ang tlat lo.
Chu mai ani nang nizan ka muthhilhna hmun chu library ani bawk. Khumah hian eng tin nge ka lo mut leh tak ngawt?

"Che reng lo la." Ka hnung aṭanga thatchhe aw lutukin arawn tih chuan ka lungphu hi a dik lo nghal vek.

"Damian Thibault." Ka au ring ṭha teh asin aw.. Thawh nghal ka tum chu a kutin min lo dang vat a, ka mu zui leh nghal thlawrh. Nghet lutukin a taksa si bet chât chuan min kuah bet zui hlu hlu a.

"Nizana eng nge thleng? Ti nge i khumah hian ka mut?" La tal zui lui char char chuan kati chul a.

"Che tawh lo la, ṭha deuhin mu leh phawt ila chuan ka hrilh ang che." Ani lah chuan thlamuang reih rawihin a lo ti a.

"Awle. A ṭha. Sawi tawh rawh le." Che lo zawm nghal chuan kati a. Thlahlelh zet hian mi la rawn si tal tal zui a. Lungawi lo ru viau mah ila a awm ngheng riala awm chu a thlamuan thlak.

"Min bi ruk san chu tum teh mah la ka hmu ta tho si che a." Ngaihawm fe hian ka nghawnga a hmai rawn phumin a nui a. Ka taksa hian chu chu a hre lutuk mah mah.

"Ka bihruk san lo che. Ka awmna hi i hre thei leh lutuk." Thinrim anga lang, thinrim tak tak chuang miah lo chuan ka chhang a.

"Min hipna hi a na em a chu vang zawk alawm. Nang tereuh hian min hipna hi a na em a ni." Ka nghawng leh a chhehvela a khabe leh a hmuia nawr kual na na chuan ati a.

"Tawp teh a za nia." Ip chaih chaih chuan ka lo ti a.

"Duhawm nu. Sawisak hrep che hi ka chak ṭhin. I dawl zo awm si lo." Awlsam taka chu thu asawi mai lai chuan kei erawh ka lo lai nasa. A lam hawi thei turin min la kuai rem zui lehnghal a.

"Eng tin nge maw kantih dawn che le?" Min duh tih hriat lutuka min melh vawng vawng chuan ati a.

A hmelṭha taka min hmangaihna hlir lo lang chhuak chuan min fan raih raih.

"Tho tawh ang." Lai vel tak chuan kati a.

"Reilo te chiah ka la kuah duh che." A awm lum hiamah chuan hneh sawh takin min kuah bei hlu hlu a. Ka chalah arawn fawp zui zauh bawk a. Ka lo nui sek a. A nuam lutuk mah mah.

UNIVERSITY...

Kan university kum 60 lawmna kan neihna tur atan thla kalta daih aṭang khan kanin buatsaih tawh a.

Mahse kei chu ka phurna leh peih lo na a inzat vel awm e. A chhan chu kan chief guest tur chu tudang ni lovin Damian Thibault anih vang a ni.


A hmei a pa in amah vang chuan an phur em em a. Zirlai chu sawi loh zirtirtu zawng zawngte pawhan ni vek..

Eng pawh sawiin, kan tih turte min hrilh reng reng hian" MR. Damian Thibault' alo tel ve dawna chu vangin engkimah aṭha ber vek ani tur a ni." Tih thupek khauh tak tak min pe reng mai a ni.

A bikin hmeiche ho lah an â lo chauh tawh. Damian suangtuah leh hisap reng rengin hunan hmang liam a. Khawi lai maiah pawh hian Damian hming leh chanchin bak sawi tur reng hriat tur a awm lo.

"Mr. Thibault hian eng vanga kan university sawmna hi lo pawm tehmial nge anih tih zawhna a tam hle a, a chhan hretu awm chhun kanni in ka hria." Axel chu ka bula rawn dingin a kuta in tur a ken chu min pe pah bawk a.

"Ka lawm e. I sawi chu ka hrethiam a, mahse ka pawm lo nimai rawh se."

"Thudik ani sia lawm. Ani ang mi buai leh thilti thei em em hian university a hun rawn hman hi a mamawh tehchiam lo. Chu mi tichiang tur chuan sawmna tam tham fe a lo hnawl tawh sawi tur a tam ang chu." Ka kalna university anih vang chauha pawm mai anih zia ring nghet tak chuan an ti leh a.

"Ani mahna le." Han hnial chiam dan hretawh lo chuan kati a.
A dikna chen a awm vetlat alawm.

A chanchin kan sawi lai reng chuan min lo la call zuia.

"Yes boss."

"Chimawm reuh." Arawn ti thum chhak a..ka nui thung.

"University ka lo thleng ṭep. Hmuh che ka duh dawn ania." Aw ki hniam ruihin arawn ti a.

"Ka hmu veduh lo che." Kalo tilet thung. A ngaihdan a pel leh ṭhak ang chu.

"Naute.." Ngen ngawl vel lutukin a thluk raih.

"Awle. Min hmu lutuk ang. Ka dah dawn ania." Min chhanlet hmain phone ka off zui.

Hmeiche makeup rim chi hrang hrang nam vel chek chuk techuan minti lu na zo. He tiang khawpa an vei rawn mek hi tu ta nge anih tihan hre lo a ni.

"Axel washroom ah luh kawi lawk ka duh a. Min lo va kalsan mai ta che." Katih chuan min kalsan zui ve maia.

Damian emaw a ṭhuihhruai ten min lo hmuh leh palh hlauh chuan ka chhe vek ani mai. Axel hma hunin a tuar ka duh lo bawk..

Darthlalang hmaah chuan ka in en vang vanga. Eng vangin nge Damian Thibault hian min duh viau theih? Tih ngaihtuahin ka nui sek a.

Mahse ka nui rei lo, a chhan chu Ellen leh a ṭhiante ho chapo ar leh inchei parh zeta an lo lan vang a ni.

"Kal sawn teh ka incheina tur i dal." Tih pahin Ellen chuan ka dinna hmun aṭang chuan min nek sawn lawp a.

Kut ka humruh nghal ṭang. Warning ka pe tawh asin mawle..

"En teh u. Ani meuh pawh a theihtawpa nalhin vawin chu alo kal ve anih dawn hi." Sam vari katih ṭhin mai chuan kawk meuhin min nuihlui chiam a. Midang ho pawh chuti tho.

Ka inchei reng ka hre lo. Anni ai hian ka nalh sa verengte anih ngawt loh chuan.

"Tuna a bialpa putar hausa deuh ai hian Mr. Thibault te chu hausain sexy dawn hek." An nui lui zui chiam a.

"En teh maw nang nu hi." Tih pah chuan Ellen chu ka hma takah arawn dinga.

"Mr.Thibault te ang hi chu lo beisei ve lo law law zawk la aṭha zawk ang. A chhan chu maw nangni ang mi hnuaihnung, sum annei anih tawh phawta kawp hreh lo ang ho hi chu eng atan mah ati dawn chuang lo che."

Mintih khum salh salh a. Tu te ho zawk nge sum vanga tupawh kawp hrep lo ho chu ka hrechiang. Anni ho ngei zawk hi an ni. Zahawmna nei lo hlawm lutuk.

"Ellen kei aia hniam khinglet peih lo kanih vang mai hian i duh duh sawi theihna dan i nei lo. Ka ngawih mai mai chhan hi ka dawihzep vang nilo vin, khin let tham pawha ka ruat loh zawk cheu vang a ni." Zamna nei hauh lo va melh fiah kak chung chuan kantih khum ve a.
An la na hlawm ngang mai.

"A thil sawi hi ka awi thei lo zawk." Awm ze nei lo fe a a kuta inzap vel chung chuan a kal kual a.

"I lo chawr chhuahna hmun, i high school kalna hmun aṭangin kan hrechiang khawp asin. Chuti chung chuan kei aia sanga awmah i inngai a maw?" Thinrim lutuk chuan a ṭawng bawrh bawrh a. Inthunun theihna nei lo leh lutuk...

"Nangni pawn inhre chiang khawp ang chu." Ngai pawimawh tham lo fe chuan ka nuih sak hlawm a.

An zinga la ṭawng ve lo awm chhun, mahse ngeiawm taka lo nui kawisawi vel mek thil tih tum chu ka mit sirin ka hmu a.
A bag aṭangin bur, a chhunga thil tuiril eng emaw a phawrh chuan ka kawra leih fuh leh ngei a tum chiang a ni.

"Ohh Sorry." A inrin hma hauh chuan tihpalh niawm takin chhuah tum pah chuan kan nek lui zauh a.

A thlauh chiang teh asin, a mah leh a mah a intih buak bakah chuan a tla per vel chuan Ellen kawrhak nalh tak pawh a per berh chuai a. An au ring teh asin.

"Nang mi hnuaihnung nu. Hei hi i tihpalh ania maw?" Ka sut luih nu chuan ati ṭeng chhuai chhuai a. Ka chunga thlentir an tum chu an chungah ka thlentir ani ve mai a. An phu tawk viau a ni.

"I chak lo khawp ang." Chhuah ka tum chu Ellen chuan mi pawt let nawkin Sam vari chuan kawngkhar alo kalh nghal hmak bawk.

"I indah sang viau a, Damian Thibault te angin a melh fuh palh mial tak chein tih thu maiah nalh tak techuan i rawn inchei vel bawk a, he lai hmunah hian i suangtuahna vemai te chu chhevek rawh se." Chhuata tla, bur a chharah chuan lo la bo zo lo a awm ani chek ang chu ka kawr hmaah chuan rawn theh atum a, ka lo indang vata. Ka indanna lama perh baw velah chuan sam vari, la kai ve lo awm chhun ber chu a per ve ta chhuai a.

"I chak lo khawp ang." Sam Vari chuan kut min thlak mai tumin kut arawn lek uai a. Hnehsawh takin ka lo dang a. A kut zawk a na ta ve ang.

"Nang pitar zakthei lo, sum vanga mite kawp kual ṭhin hnuaia selian hi eng teh ual ini lo va nge. Mipa eng zat nge i mutpui tawh ang?" Ellen thu sawi chu ka bengah hian bomb ring taka puak darh chuai ang mai hi a ni.

Ka pi chungchang kher kha eng vangin nge a sawi kai? Chu ta karah dawt ngial ngan lehnghalin.
Ka pi kha midangte pawisawi hlau, zaidam leh mi invawng fel em em ania sin. Nu zahawm leh nundan ṭha tinreng min zirtirtu ani bawk.

"Kei chu engtin pawn min sawi thei ka pi chungchang ni lovin." Ka pan hnai veta thung.

"Chuan eng tin nge mintih vak chuan ang?" Ṭhianho va awm zawk anni bawka a pawr ngang mai.

"Ngaihdam min dil rawh. Ka pi chungchang avang khan." Ka thinrim lutuk avangin ka aw pawh a sehchilh nak.

"I fiamthu ani lo maw?" A ṭhiante melh kual pah chuan anti a.

"Fiamthu pawh ani pha lo." Tiin an lo chhawn thunga.

"Ngaihdam chu min dil mai rawh." Kanti vin ve ta ṭhak a.
A chhan chu ka pi thi tawh chanchin mawi lo taka an sawi avang khan ka chhungril hi a na ngut ngut. A na lutuk hi ka kawchhung a chhe vek dawn emaw tih mai tur a ni.

"Nang fahrah, he khawvela engmah neih pawh nei lo leh chhuan tur tepawh nei lo hnenah hian ngaihdam ka dil che anga maw?" A sawi tawp lamah chuan min nam pah lawp a.

Ka nu bulh.. Thinrim leh rilru na inchawhpawlh nuai avangin ka chiang lo ruai. An ni ho chu ka khawih let buan buan tih ka inhria. An nin min sual rawn ve bawk.. Mi pali insual thawm chu ana tham vebawk ani ang. Washroom kawngkhar chu tichhiain an rawn hawnga.

Ellen te ṭhianho chu an pawr pheng phunga a tam zawk mah nise, kei martial arts lama chhuan tur lo nei ve nel nual chu min bei hneh chuang lo nasa.

"Clara i ṭha em?" Axel chuan min ngaihtuah lutukin arawn ti a.
Ka la thinrim em avangin chhan pawh ka chhang lo. Mi dang lo awm ve ho pawh chu ka ngaihven lo bawk.

Ellen te ṭhianho erawh engkima kei min mawhpuh dan vekan zawng thung. Chu lai hmuna rawn pung khawm ho pawhan pung chak viau.

"Tun ang hun pawimawha he tiang thil a thleng hi ka awih thei lo hial zawk." Professor Halette pawh lo thleng ve vatin arawn thinrim ngang mai.

"Kal darh vat rawh u..Programe ṭan nan minutes tam a awm tawh lo." Tiin chu lai hmuna lo pung khawmho pawh chu a hrawk khur khur a.

"Nangni pali kha hmuh fal cheu ka duh ang. Program zawh veleh hian." Tiin fiah kek kuk chuan min melh kual zui hlawm a.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » January 17th, 2021, 12:28 pm

Big boss
Chapter - 11

"Heti taka i thinrim phah hial khawpna tur thil a thlen danah hian Ellen leh aṭhian te ho chu an kal thui viau ani ngei ang." Axel chuan min hrethiam takin ati a.

A bulah chuan ka ṭhu ngawi ran a. Ka kawr telah chu a balin, ka lang nalh lem lo khawp ang.

"I hmaiah khan eng damdawi emaw kan hnawih dawn em niang? A thi ser ser ania." Ka lama rawn kun hnaiin ka hliam chu arawn bih hnai dek dek a.

"Angai lo. A na tham lo." Ngaihno bei lem lo takin ka lo chhang a. Ka la dik zan thei lo atin ni.

"Na lo mahse enkawl tho angai alawm."

"Tih tur i nei ani lawm ni? Kal tawh rawh." Ka lo ti thunga..Programme an ṭan tawh tih thawm reh duk aṭang chuan ka hrethei.

Keilah professor hmuh hmabak. A huphurhawm bakah ka hnual ruih.. Mahse Ellen te ṭhianho chunga ka thiltih avang khan ka inchhir chuang lo.

"Lut dun ang Clara."

"Nakinah ka lo lut ve ang. Intihfai hmasak phawtte ka duh a."

"Ka intihfai pui hmasa ang che."

"Angai lo. Ka lawm. Min kalsan zawk rawh,kei chu ka ngaihtuahawm lo." A ngaih ṭhaṭ nana nuihmel hmuh lui ṭalh chuan kati a.

"Anih chuan le." Ka dara beng thakin a kal zui a.

A kal liam hnu chuan ka mittui ka lo sum ve ngar ngar chu ka biangah arawn lum zui thla pap. Mi hmaa natna leh harsatna te tihlan hreh tak mi ka ni a, hei vang hi ania hun thawl ka mamawh fo ni.

"Pi ka ngai che." Ka chhunglam aṭang hian ka tawt hluah hluah a. A rawn inhnawh khawm tup tup nimaiin ka hria.

Ka khup ka kut nghah chhanna hmangin ka hmai phum kakin ka ṭhu tawm tap a.
Ka nu leh pate ka ngaihtuah chhuak tel lo thei ṭhin lo. Ka ngaia, eng tik lai mai pawh hian la dama ka kianga la awm ve tur hian ka mamawh hlawm ṭhin a ni.


"Miss Clara hetah daih ti nge ilo awm a?" Ti tu aw ka hriat rual chuan ka hmai phum bo kak aṭang chuan ka dak chhuak a.

Thli thawin mi rawn chhem zui avangin ka sam a leng sawn siau a, ka hmaia ka mittui luanna te chu a hit zui chem chem bawk.

"I ṭha em?" Ti a B.K an min zawh chuan ka lu ka thing nak a. Ngaihṭha lo tak chuan mi rawn pan hnai zual sauh tho a.

"Eng nge thleng? Tihsak theih che ka nei em?"

"Haw ka duh. Mahse ka la haw thei rih bawk si lo." Ka sawi zawng techuan ka la haw theih loh avang leh proffessor Halette pawh hmuh ka la ngaih zui avang techuan ka lungngai zual.

"Nia, i la haw thei rih lo. Big boss in i chin hriat a duh a. Kan lut dawm em ni ang?"

"Ka duh lo." Ka ṭhu kun zui lehnghal.
B.K hi chuan mintih vak ngaihna hi a hre ngai lo hrim hrim. A tih tur ang bak hian a farnu ang mai hian a chang chuan min ngaihtuahin ka hre ṭhin bawk.

Damian hnuaia hnathawk ni lo, ṭhian tak tak ang ni phei ila chu tun ai hian kanla in hnaih zual thei ngei ang.

"I kawr thlakna tur car ah a awm a, i thlak duh em?"
Ka kawr hi ho te te ah ka tihbalh reng ṭhin avangin engtik lai pawhin Damianan ka kawr thlakna tur hi min dah tir loh lai anei ngai lo..

"Car dahnaah pawh ka kal peih chuang lo."

"Anih Diego min lo pe turin ka hrilh mai dawn em ni?"

"Angai lo."

"Anih engtia tih nge i duh?"

"Eng tin mah." Tiin ka lo chhang awlsam leh mai a.
A nuih chu a zat deuh hmel viauna in, ka tihmawh lutuk ṭhin hi chuan a bei hi ati dawng deuh ṭhin chu a ni.

"Ka kiangah a awm mek." In biak pawhna bik atana an hman aṭang chuan tu emaw ber chu a bia a.

"Awle. Ka hria e." Ti zuiin min melh tlawn chhunzawm nghal.

"Miss Clara."

"Tu nge lo bia che? Athur em ni?" A ṭawng leh hma chuan ka lo tih khalh a.

"Ni lo ve Diego anih kha. I ṭhiante ho zingah i kal duh lo anih pawhin kan kiangah i lo kal thei angem?" Tiin min rawn a.

A sawi awmzia tak chu Damian hian vengtu tam tak arawn hruaite zinga awm ve turin min duh tihna ani ber ang chu.

Ka zirlaipuite leh midang tumah kal an phal lohna, Damian Thibault leh a mite tana hmun an lo buatsaihna lam bikah.

"University zirlaiten min hmu angem?"

"Hmu lo vang. Ka tiam a che."

"Okay. Kal ila." Kati ve ta nghe nghe a.
BK pawh hahdam huai hmel a pu..

University zirlaite chu hall lamah an awm vek ani bawka a reh huai. Hmuh tur pawhan awm lo.

"He lamah hian Miss. Clara." Diego chuan min hmuh veleh kalna lam tur min lo kawhhmuh vat a.

Kan awmna aṭang chuan chiang takin an lang thei a. Damian Thibault kiang leh a chhehvelah techuan guard an ding khep khup a. Athur pawh chung zingah chuan ka zuk hmu.

"Miss Clara i kawrthlakna tur ka rawn ken che a. Khawngaihin inthlak rawh." Tih paha inthlakna tur kawr min petu hmeichhia chu ka vawikhat hmuhna ani tlat mai.


"Awle."

"Kanin hmelhriattir ang che. Melanie ka ni e. Kei tak hi chu B.I.G Galx hmunpui tak taka thawk ka ni a, mahse vawin aṭang hian BIG BOSS thupek angin i kiangah i mamawhte tih sak tur chein ka awm tawh ang.." Ka hmela ani ka hmu chu mak kati deuh tih a hria ani ngei ang. A insawifiah ta khawp mai.

(Malanie- Ani hi ep1 a, Clara in nikhawhre lo khawpa a sawisak nu kha a ni.)

"A nih tak chu. I hreh viau ang a. I hnathawhna hmun nuam tak kalsan i ngai tur chu."

"Hna tam tham nangmah vang liau liauin ka kalsan thei a, i chungah hian ka lawm lutuk zawk." A ti kang vah a.

Hmeiche invawng fel tak. Mahni hna thiam leh a hmaa tih tur awm ang angte hnehsawh taka chingfel ṭhin mi ani ngei ang. Kei ai chuan kum6 velin a upa in ka ring bawk.

"Miss Clara. I tan." B.K an a kuta ei tur awm chu ka hmaah arawn chhawp zui a.

"Ka lawm e B.K" Ka tih chuan a bu nghat a. A kal zui leh mai a.

Melanie kawr min pek chu phawrhin ka inthlak a. Ka kawr bal ka hmuh chuan ka rilru a na thar. Min ṭawngkhum dan zawng zawngte nen khan. Ka rilru ala dam lo. Damian Thibault chiahin ati dam thei ang.

"Miss Clara Big Boss in hmuh che a duh a." Melanie in arawn tih chuan ka lo ner nghal nanga.

"Eng tin nge min hmuh theih ang?" Ka lo ti a.

"Min lo zui la." Ding ngil at leh tlema nuihmel pu deuh chung chuan ati a..

"Program a zo ṭep tawh alawm." Ka lo ti thung a.

"A hmu phawt lo che anih chuan a ṭhuṭna hmun khu chhuahsanin i bulah arawn kal tur thu asawi." An inbiak pawhna hmang chuan arawn hrilh tih chu ka man thiam zui mai.

"Damian Thibault ka ṭawng hi i hre thei em ni?" Ka ti a.

"A hrethei." Melanie chuan alo tivat a.
"Be rawh." Minti zui a.

"I hmuh theih turin ka rawn kal dawn." Inbiakna aṭang chuan kati ta zawk a.

"Min lo zui la." Melanie in a lo ti vethung a.

"Awle." Tiin ka zui venghal a.

Damian hmuh theihna tura ka va kal chuan lawm zetin mi lo nuih a. A hmelṭha takah chuan min hmangaihna ka hmu. Vawin thil thlengte avang khan va kal a, a awm ngheng sawn va ṭah hlawp hlawp maite ka duh.. Ka dam phah huai awm si a.

"I ṭha em? I landan a dik lo." Inbiakna aṭang chuan min ngaihtuah tih hriat lutukin arawn ti a.

Ka dinna aṭang erawh chuan a hmui phun chiah chu alang a. Ka landan avang chuan a nuihmel pawh a bo chawpchilh ve nghal.

Ani hi chuan tlem a ka awmdan dik lo te, ka hlim leh hlim loh teleh ka engkim mai hi a hrechiang hneh lutuk tlat. Duh loh leh a zuna uai loh chu thil harsa tak zawk a ni.

"Ka ṭha lutuk." Kati z*ng lui vah a.

"Ka rualin i haw dawn nia." Tih message a hnen aṭang chuan ka dawng zui a.

"Ka thei lo."

"Eng vangin? Tih tur dang engmah in nei tawh lo tih ka hria ania." Tih message mi rawn thawn leh a.

Ka phone chu hmet thimin ka dinna hmun aṭang chuan ka kal sawn zui a. A ngaihdan ani lo khawp ang.

"Miss Clara khaw nge i kal dawn?" Melanie chuan ka kal deuh vawh vawh chu um zuiin mi rawn ti a.

"Min lo zui suh u." B.K kan lam pana lo kal ve bawk ka hmuh avang chuan kati a.

"Function neih hun atawp tawh dawna.."

"Professor Halette hmuh lawk ka ngaia. Keimahin ka lo haw vemai ang." Melanie ṭawng pawt chatin ka lo ti a.

"Mahse." Atih lai mek chuan B.K an alo khap thung.

"Kan lo nghak dawn che nia." B. K chuan ati fel thlap a. Ka zia a hre tawh miau a. B. K thil sawi chu Melanie erawh chuan a pawm loh hmel hle a ni.


Professor Halette hmuh tum chuan ka kal zui nghal a.. Ellen te ṭhianho pawh an lo kal vechiah a. Anni ho hmuh hi ka kham hluah hluah.

"Ka hmela hliam i siam man hi a to khawp ang. Ka pa lawyer nen inchin fel hial angai ang." Ellen chuan min hmuh veleh thinrim lutukin alo tinghal tawn tawn a. A ṭhiante pahnih pawh tiamin hliam an nei ve nel nual hlawm.

"Tu nge Professor Halette hmaah hian ding chang dawn tih chu kan hrevat ang. I thil tih avang hian i inchhir khawp ang. Tu te nge kan nih ila hrechiang tawk lo deuh a ni." Sam vari pawh chuan hnehtu a chang ngei dawn ani tih chu chapo takin alo sawi ve bawk a. Min haw so bawrh bawrh hlawm tih lah an hmelah chuan alang reng hlawm a.

"Hnawh chhuah hial tawk turin lo inbuatsaih rawh. Chu tiang em thleng lo tura i duh leh tunah hian ngaihdam kan hmaah hian ṭhingṭhi meuhin min dilte anih ngai chuan tlemin kan rilru tepawh kan tih danglam phah ve mai thei asin. Ni lawm ni ṭhiante u." Tiin an zinga ngawichawi bera lang, nunrawng ru fe si chuan Ellen te pahnih melh dun ralh pah chuan anti a. Ngeiawm lutuk tak mai chuan an han nui zui hlawm bawk a.

Va sual leh bawrh bawrh mai hi an chakawm ṭhin.

"Nangni ho ngaihdam dil maw? A hnai lo vang. Tu nge ngaihdam dil ngaia awm tur chu kan hre dawn alawm." Mahni inringtawk tak chuan kanti ve ngat a. An zingah hian pangngai takin a awm theih loh chu anih hi. Ṭawng tam hlawm ropui si.

"Nang hian ngaihdam min dil lo va nga maw?" Tih pahin Ellen chuan mi rawn pan hnai lehnghal tawh a..Kei chuan inring ran leh awmdan tidanglam eih lovin ka lo hmachhawn thung.


"Dil dawn lo tehreng mai. A thiam lo zawk leh tu nge dik lo zawk chauhin ngaihdam chu an dil ṭhin. Ka sawi awmzia chu nangni ang hian." An mahni rul tawk tek tawk tak mai chuan kan nuih chhang let ve a.

"Eng chhuan tur mah nei si lo hi chapo vehle lo mai rawh aw. I lo kalna hmun, i pi nen rethei taka in lo chenna hmunah khan let leh rawh." Ellenin chu thu a sawi rual chuan ka nam thlu nghal tawp a.

"Ka pi kha vawikhat pawh sawi vetawh suh kati ani lawm ni?" Ellen chu pan hnai zawm lehngal ka tum a. A ṭhiante pahnihin an rawn chhan vethung.

"Miss Clara." Melenie aw ngei chuan arawn ti a.
Ellen ṭhiante pahnih chu hnehsawh lutukin ka kiang aṭang chuan arawn vai kiang a..

"A tawk." Ellen ka pan hnai leh tur pawh chu min lo danga. Ka haw lutuk.

"Keiman ka chingfel ang. Inbengdai hram la." Min thunun tum tak chuan ka dara kut nghatin arawn ti a.

"Min lo zui lo turin kati che." Lungawi lo leh la sa hat hat chuan kanti a. Ka hmel tepawh chu a sen ṭanin ka ring.

"Ka tihpalh. Mahse eng buaina pawh neila kan kutah dah rawh. Kan chingfel ang ka tiam a che." Inring mai tura duh mit meng taka min melh kalh chuan ati a.

"Eng vang teh hrepin nge kan buainaah ilo inrawlh a?" Ellen leh a ṭhiante ho chuan Melanie chu an han melh rum ve khanglang hlawm a. Kei ai leta insual thiam ani tih hre lo lek chuan. Duh nise hmel alawi nei lovin anni fanu duat sual leh no hlai ringawt te hi chu a chhuah thei ngeiawm si a.

"Kei hi tu nge kanih in hre duh hlawm a maw?" Kei min treat dan letling chiahin, nu ro thap tak leh sual hmel fe ang mai chuanan a hmachhawn zui hlawm a.

"Melanie duh tawk rawh. Tu nge inih an hriat kher angai lo ve."
Ka va tih chuan Melanie chu ka zai ngaiin a awmdan a siam rem lehnghal.

"Awle." Tih pah chuan min rawn melh a..

"B.K buaina tlem kan nei." Melanie chuan an inbiakna pawhna bik aṭang chuan a va ti a.

BK pawhin kan awmna arawn hre zui nghal mai dawn. A chhan chu kei pawh ka phone aṭang ringawt pawh hian ka awmna chin leh ka kalna zawng zawngan hrethei tlat a ni. Chu tiangin an ni pawh an sana bunlai aṭang ringawt pawhin.. Kan zavaia kan him tlan nan.

"In lo awm tawh chu a lawmawm e." Proffesor Halette pawh rawn thlengin ala lang nelawm lo ren run khawp mai.

"Lo lut rawh u." Prof Halette in atih chuan Melanie a meng buai deuh hlek. Kaltir min duh lo a ni.

A sana ah chuan eng emaw a type mawlh mawlh a. Tu nge a thawn erawh ka hre lo.

"Min lo hrethiam lawk rawh u." B.K chuan hmanhmawh takin arawn ti a. Diego pawhin arawn zui vebawk.

"Miss Clara eng nge thil awm zia? Big Boss in min nghak tawh ania." Arawn ti zui a.

"Eng lo..." Ka ngawi zui dat a. An ni ho lah hi an awm ve ṭhup bawk si, han sawivel dan a van bakah a nuam chiah lo.

Melanie chuan B.K pan hnaiin eng emaw an sawi dun zuia. Keini chuan kan hre pha chiah lo. Prof Halette chu ka ve melh a, lo ning ngawih tawh hmel a pu. Min koh luh ngawt chu ni em in a hre bik si lo ania nge.

"Min hrethiam ula, heng zirlai hote hi kawm lawkna hun chu ka nei thei tawh angem?" Arawn ti ta nghe nghe a.

"Kanti khawtlai che chu pawi kanti lutuk. Mahse Mr. Thibault zawkin Miss Clara chungchangah hian hmuh che a duh a ni." B.K an atih chuan Prof Halette hmel chu hmuh theih khawpin a dang lawp lawp.

"Mr. Thibault maw?" Thawchham mai tur hmel pu chuan an ti hak a.

"Aw ni e." B.K chuan a lo chhang vat a.

"In mihring sawilai mek hi Damian Thibault ani em lo ang chu maw?" Sam Vari chuan awi lo fe in arawn ti a.

"Ni tehreng e." Melanie chuan chu zawhna chu nuamtih hmel fe in alo chhang.

"He mi retheinu leh eng techiam mah ni lo, mi satliah vemai hian Damian Thibault tenen eng inzawmna mah an nei lo va nge. Ka mumangah pawh va thleng suh." Ellen chuan alo la ti hram hram a.

"Eng tin nge kha tiang khan Miss Clara chungchang i sawi ngam zawk?" Melanie chuan an ti ṭhaṭ a. B.K pawh a hmaa ka la hmuh ngai hauh lovin ka chanchin chu tianga sawitu lam chu a melh rum nghal âl a. Kut thlak duh mai hmel tepawh a pu.
Ellen te ṭhianho pawh an kim kit phah chawih.

"Nangnu hi eng ang mi chiah nge maw i nih le? Heng mite hi tu te nge ni ngaia?" Sam Varin chuan ngam leh ngam lovin ala rawnti hram a.

"Ka nupui la nimai tur leh ka neih zawng zawng neitu hmeichhia anih kha." Damian Thibault ngei chuan arawn ti fiak ta hrak mai le..

Damian Thibault ka hmuh rual chuan ka rilru no arawn chhuak nghal. Tuna a thil sawi zawh chiah tekha.

"Nang fahrah, he khawvela engmah neih pawh nei lo leh chhuan tur tepawh nei lo." Tia Ellen min ṭawngkhumna ka hrechhuak lo thei lo.

A ni hi he khawvela ka neih hlut ber leh ka neih chhun liau liau nitawh ang hialin tunah hian ka hmu. A awm nghenga va kuah thlawp mai chu ka duh tawh. Ka hahdam huai mahna..Ka natna tidam a, min chhawk theitu awm chun ani si a.

"Naute i ṭha em?" Mi rawn pan hnai ruakin arawn ti a.

"Umm." Ka lu ka buk khum pah zauh a.

"Eng vangin nge maw ka zawh kher che le? I ṭha lo tih i hmelah alang vek si a." Tih pah chuan min kuah bo zui hlu hlu a.
A taksa lian ṭha zet leh a awm muanawm takah chuan ka bo pil hneh lutuk tlat.

"Ka awih thei lo." Ellen aw in a ti ri te chu ka hre ruai ruai.
An maki lutuk chu an at phah lo chauh ngei ang. An landan leh a ṭhawng lutuk tur hmel uchuak taka an han tilang chhuak vel tur hmu thei lo va, Damianan min hliah daih chu ka lawm.

"Prof eng nge thleng min hrilh thei angem?" Tiin Damian chuan prof Halette lam chu a hawi a.
A kut lian tak mai chuan hneh takin ka kut chu ala vuan zui tlat bawk.

"Vawin lamah kan naute ho hi an lo intibuai deuh hlek a. Chumi chungchangah chuan an ni ho hi biak ka duh a ni." Prof Halette chuan an ti koh koh a. Damian hmaah meuh chuan ani pawh a zam vekhawp mai. Hai rual ani lo ve.

Ani lah a body guard te ho nen an rawn ri rup zui tawh bawk nen. A mah chauh pawh hi a zahawm tham viau tawh anih naklaiin.

"Anih tak chu. Ka lo tel vethei a ngem?" Damianan atih chuan ka lo pawm lo lutuk. Tel ve turin ka duh reng reng lo.

"Naupang buainaah nang meuh han hnuh luihtir che chu ka hreh hle mai. A thleng nawn tawh dawn lo te anih chuan tun ṭum chauh atan chuan ka ngaidam thei mai ang chu."

"Ni lo ve. Engkim hriat ka duh." Ka lam hawia duh tih hriat lutuka mi rawn melh chhuk lai tak chuan kei pawhin ka lo melh chho kiau a.

"Ka nupui la nimai tur buaina chu ka buaina a ni. Ka tan a te tham lo ve. A pawimawh lutuk mah mah zawk." Tiin prof Halette chu a chhang a. A ni pawhin tih vak ngaihna hriat tawh loh hmel takin a tarmit vuah lai chu chhuanlamah an ti chho deuh tawp a.

"A nih chuan le." Ati ve ta nghe nghe a.

"Damian." Tih pah chuan ka kut a vawnna chu kanti che nak a.
Ani nena prof hmuh dun ka duh loh chu sawi loh. Ellen te ṭhianho nen ngat phei chuan ka duh lo lehzual.

Damian an at chilh hlawm zia ka hria a. An kianga awm turin ka phal lo. Awm vedawn tho pawh ni ila, ka la phal chuang lo.

"Prof Halette biak chu i huphurh viau em ni?" Ti a min zawh chuan. Rang lutukin, " Aw duh lo." Tiin ka lo chhang tawp.

Hmuh chu ka duh ngei mai. Mahse a tel lo hian. Duh lo tia chhanna ka pek hi chuan minti lui dawn lo tih ka hriat vang a ni.

"Prof min hrethiam la vawin atan chuan kan duh tawk thei a ngem? Ka ai awhin ka asisistant ka rawntir dawn nia." Ati ta reng bawk a.

"Tehreng mai. Kan hetih nuai ta si a. Chu chu thu tlukna ṭha tak ani ngei ang le." Tiin Prof Halette chuan ṭha takin alo chhang a.

"Ka lawm e." Zahawm tak chuan an ti thlap a.

"Kei pawh le. He tiang thil a thleng hi pawi kati." Prof Halette ṭawng lehna chu chhansak tawh lovin min kal pui zui a..

A ṭhuihhruai tam tham tak tepawh chuan mi lo zui venghal a. Damian thlen chin boruak hi chu a phui mup reng zel.

Ellen ṭhiante bakah university zirlai lo pung khawmho tepawh chu zawhna hlir hlirin an khat.

Ellen te ṭhianho ber mai chu an khawngaihthlak letling zawk. Depression an neih phah mai ang tih hlauhawm khawpan ni..

"Eng nge thleng chiah le?" Car a kan ṭhuṭ luh hnu chuan ati ta chat a. A ṭawng ka chhuak erawh min vengthawng takin a ri chhuak dam thlap.

"Ellen leh a ṭhiante ho nen khan intih buaina tlem kan nei mai alawm. I inrawlhna tham ani lo." Car darthlalang lam hawi zui daih chuan kati a.

"Naute min en teh." A lam hawi thei turin ka hmaiah chuan a kut dam dapin arawn khawih a.

"I buaina chu ka buaina katih tawh kha. I chungchang anih tawh hrim hrim chuan katan pawimawh lo leh te tham a awm lo. Ka engkim, ka tana pawimawh ber i ni. Chu chu i hriat angai." Ka hmai lehlam ve ve a vuan runin chu thu chu min hrilh a. Kei erawhin a hmel pawh ka en ngam lo. Hnuailam ka melh ran tho.

"Naute ka sawi chu i hrethiam tiraw?" Tlema min kuai dak deuhin min zawt nawn ngat a.

"Aw." Kati zawi raih a.

"Anih chuan tuna i natna pai leh i rilru natna tekha ka hnenah bun chhuak tawh rawh le. I hlim lo, vawin thil thleng kha ho mai mai ani lo tih ka hai maih lo ania. Kei hian ka hrechiang mah mah lutuk che." Min hnem tum tak leh min thlem titih deuh si chuan anti a.

"Kei hi.." Sawi zawm mai thei lovin ka ngawi zui dat a.

"Awle. Ka ngaithla che." Ngilnei lutukin ka chalah mi hnem nan a hmui nem thep chuan arawn si vang vanga.

"Kei hi he khawvela neih engmah nei lo leh mi satliah ve mai minti alawm." Thinrim leh rilru na inchawhpawlh fe chuan kanti a. Ani pawh a inseh ruh ve ṭalh ṭalh tih ka hai lo.

"Kei hi min nei alawm. Keimah leh ka neih engkim hi i ta." A lo tizui vata.

"Chu zawng ai chuan ka pi chungchang mawi lo takin an sawi alawm." Tih pah chuan lungchhe fe in ka inhnit zui hlawp hlawp a.

"Mi ṭha tak ani tih ka hria.." A awma min kuah bei zui hlu hlu chuan an ti a. Kei erawh ka lung ala chhe lutuk tlat.

Ka ṭah rual chiah khan keiai mah chuan a lo na ve emaw tih mai tur a ni. A chiai buai lo chauh. Min ngaihtuah lutukna avangin.

"Neih eng mah nei lo leh mi khawngaih thlak ka nia mi?" Lungchhe aw ṭiau leh rilruna fe chuan kan zawt a.

"A teuh lo. Ka engkim neitu hi neih engmah nei lo ani thei dawn em ni?" Duat lutuka ka mittui min hrukfai sak chuan ati a. Dimtein ka hmuiah min hahdam tir tum takin arawn fawp zui bawk.

A awm nghengin min kuah bei zui leh hlu hlu a. Ka zia awm chho ve ṭan. Ka natna chhawktu lian dik tak a ni. *************
*Ka naute hi a ṭap anih pawhin keimah vang chauhin a ṭap tur a ni. Thil dang vang ni lovin." Tih sawitu hian a naute ti ṭap theitu te chu en liam mai mai tak ang i maw???

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » January 17th, 2021, 12:29 pm

Big Boss
Chapter-12
May Renthlei

Hun leh ni a liam a, Damian kiangah pawh kum chuang ka lo cheng veta reng mai.

University lam pawh in aṭangin ka zir zawm a. Ṭha takin ka zo fel tawh a ni. Thil thleng duhawm lo tak a thlen aṭang khan Paris University ka va tlawh leh tawh lo. In lam aṭanga zirna ka chhunzawm theih nan Damian Thibault an rem a ruat fel thlap a. Harsatna ka nei lo.

Ellen ṭhiante leh an chhungkua te chunga thil thleng erawh a duhawm lem lo. Ngaihdam dilna chu nitin mai hian arawn thleng reng mai a. An tlu chhe hlawm tawp tur erawh ngai ngam lovin Damian hnenah ka ngen sak an ngai zawk hial. Zirtirna ṭha tak pek an ni. An hmalam hunah pawh chapo ar in an nung zawm ngam vak tawhin ka ring lo.

"Karen min lo ei pui ve la."

"Nangmah khan tui deuhin ei rawh. Ka lo en che hian ka duhtawk." A lo timai a.

Chocolate cake, milk leh ice cream chi hrang hrang, banana cream pie, strawberry cream, caramel leh a hming ka theihngilh tak chihnih te chu a ṭhen mixed in ka hung tlar del dul a. Ei kual nuai duhlai hi ka nei ṭhin.

Damian hian ei hi a phal chiah lo viauna chu, ka duh em avangin min khap bur zui ta lo.

"A nih tak chu." Tui ti lutuka ei zui pak pak chuan kati a.
Ka rilru ka sawrbing deuh chawt ka thil ei tui lutukah chuan.

"Ehmmm." Ti ri ah chuan ka hawi chhuak a. Ka hma takah Damian Thibault chu lo ṭhu runin ka thil ei lai chu hmuhnawm ti lutukin min lo thlir reng a.

"Thawm i nei miah lo. Eng tik lai aṭang khan nge i lo ṭhuṭ tawh." Ka fian kenlai chu a lamah lek pheiin a hmui chhah tap, duhthusama fawh nuam bul maiah chuan a ei theih turin ka va dah a.

"Ei ve rawh." Kati zuia. A ngaina lo tih ka hria. Mahse ka barh anih phawt chuan a ei ngei ngei dawn.

"Tun chiah." Tih pah chuan a ei a.
A kutin ka hmuia katih kai chu arawn hrufai zuia. Min duat lutuk avang hian awmdan chin tawk a chang phei chuan ka hre lo lek lek ṭhin..

"Duhawm reuh lutuk." Hmangaih tih hriat ngawih ngawihin ka thil ei lai chu min thlir a.

"Ka thau phah vek mai thei a ni." Ei insum tumna nei chuang miah lo chuan kati thla rawk a...

"Nangmah i nih chhung chu ka hmangaih tho ang che." Ngaihawm lutukin a lo ti ril ruih a.

"Tak zet? Tuna ka landan ang lo deuh hian thawk lek khatah lo inthlak danglam thut pawh ni ta ila min la hmangaih viau tho ang maw? Tun ang reng hian." No hnepa melhin ka thil ei lai chu chawl meuhin kan zawt a.

"Tehreng mai. Ka ta chauh ni kumkhua tura ka duh awm chhun i ni. Ka naute, keima naute chiah i ni reng ang." Thudik tih hriat ngawih ngawiha chu thu min hrilh chuan rinhlelh chu sawi loh hlim lutukin ka nui chhuak sen sen.

"Ka lawm e. Damian Thibault." Ka ṭhuṭna hmun aṭanga ding kang ak in a lamah ka thle phei a. A vawikhat nan a hmui sexy lutuk, sen tak raiah chuan ka va fawp zauh a. A hrilhhai zawk mah. Mahse a rei lo, duh thaw zetin mi lo chhang let thuai a.

Lunglawm a kim. He khawvel hi ani nen chuan a mawia, a nuama, a hlimawm bawk.

A hausakna leh a thiltih theihna lam vang ani lo. A maha, amah dik tak hi ka hmangaih leh ka ta ni kumkhua tura ka duh chu a ni..

"Ka hmangaih lutuk che." Ka chala rawn si zui vang vangin a awmsawn leh vata. Kanin nuih zui var var.

Duh tih hriat lutuka min melh vawng vawng hian ka chhungril ber aṭang hian ka hlim chhuak veng veng ṭhin. Ka engkima ka engkim a ni.

"Intihfai ka duh tawh a, kan chho dawn em ni?" A mit menga mi rawn pah zauhin ati a.

"Heng ho hi tihfai phawt ka ngai."

"Ka pawimawh zawk." Mi rawn pan zui ngut a.

"Damian Thibault." Ka tih ṭhaṭ rual chuan zo lutukin min pawm kang nawlh daih tawh.

"Tiang hian min naupang chhe pawm ziah suh." Katih ve tan tan chung pawh chuan a nui ngawr dat duh chauh.

Min pawm takah chuan tlak hlauin a kawngah chuan nghet takin ka chelh bet a. A nghawngah ka kut pahnihin ka kuah hnap bawk.

A taksa lian nalh ṭha takah chuan duhthusamin ka leng thawl ṭha halh a. Duhtawkin min pawm kang vel thei chu anih hi.


"Ka room ah ka kal lawk duh." Ka room zawn kan thlen chuan kati a

"Tunah lo. Zanin pawh ka bulah i lo riah leh angai."

"Ka khumah ka mu veduh tawh." Ka lo ti nang nanga.

"I tel lo chuan ka muhil thei tawh lo. Zan khuaa muhil thei miah lo turin min duh em ni?"

"Duh lo ve."

"A nih techuan." Kun hniamin ka nghawngah arawn fawp zui zat a. A nuam lo lem lo.

Hnathawh tur angah changa ka room lama ka lo muthhilh san pawh hian a khum lamah min lo sawn tho tho zel. He pa hian damdawi ang maiin min addict tawh. Kei pawh kani tho.


A chang chuan mipa hrilsel ṭha na na na chuan mamawh anei ṭhin. Mahse inneih em pawh kan la ni lo va, min hip na chu chak hle mahse ka la inpeih lo. Harsa ti tak chunga insum hi angah ve ṭhin. Mahse eng tik lai pawhin ka duhdan min zahsak a. Min nawrluih viau chu a duh bik lo. Mipa dik tak angin.


"I phone a ri ania." A inthlak mek lai chuan ka va ti a.

"Khawngaihin lo la mai ta che." Atih chuan ka ban zui a.

"Melanie anih hi. Ka chhang dawn em?"

"Aw lo chhang rawh. Ka va inbual lawk ang." Tiin bathroom lam pan chuan a kal zui a.
A pian nalh zia chu, khawvel mipa sexy bera an thlang pawh kha a lo awm e.

"Big Boss buaina tlem a awm? Board room lamah kanin be lawk thei angem? Athur nen kan awm mek a." A rawn ti a.

"Sorry Melanie. Big Boss chu a inbual mek a..Ka lo hrilh mai dawn em ni?"

"Ahh. Miss Clara zawk elo, khawngaihin min lo hrilhsak mai dawn nia." Nidang ang bawka felfai thlap chuan arawn ti a.

"Tehreng mai." Tiin phone chu ka dah zui a.

Damian Thibault secret room lam luh duhna chuan eng emaw hian min mawlh tlat. A mah leh kei chiah kan lut thei. Chu pawh keimahin ka lut thei lo. A awm lai chiaha luh phalsak ka ni. Mahse tunah tak hian keimahin ka lut duh.

Damian Thibault ang bawkin ka finger print password ah hian add tel ani a. Chu vangin keimah pawhin ka hawng thei tihna anih chu.

"Pawi iti em lo chu." Ti chungin ka luta.

Computer hrang hrangah chuan in chhung hmun tinreng chu alang thei vek a.Hei chu ka hriat hnu ani a..Mak kati lem lo. Mak katih zawk chu ka nu leh pa thlalak lo awm zawk chu a ni.

"Hei eng nge?" File var phawrh a ka en chuan ka kut a khur nghal dar dar..

"A ni thei lo." Ka thil hmuh chuan min ṭhawng lutuka. Chhuatah ka ṭhu thla hnawk. Ka chhunglam aṭang hian arawn tawt chho pup pup.

"Ka nu leh pate kha accident vanga thi ni lovin thah an nia maw?" Ka lu hi a vih ngawih ngawih a. Ka lu te chu a hai muai muai.

Ka pi thil mi hrilh tekha ka hrechhuak uai uai. Thingtlanga min tawm bo pui chhan tekha tuma hriat lo va min thuhruk a, min venhim a duh vang ani tihna em ni?

"Damian Thibault kiang lovah chuan i tan awm a him lo." Ti a min hrilh tekha mipa ṭha lo tak laka min venhim a duhna satliah maiah ka ngaia. Mahse a lo ni lo. Thuruk inthup tam tak a lo awm reng a ni.

Nge ni a ka pi thleng khan thah a lo ni ve zawk?

Tlaikhat ka hawng kha a lo mu hlum ringawt anih kha. Tar thi ah min ruat saka. Khangte thleng khan ka ringhellh zo ta.

La pangngai zan lo chung chuan ka phone chu la kangin ka type khur dar dar a. Type dik tak ngial pawh chu a harsa. Ka vawm chhe hman lo chauh. Ka chiai em em mai bawk nen.

"Threatre room ah ka awm. Melanie leh Arthur ten Board Room ah hmuh che an duh." Tih Damian chu ka thawn a.

Seret room a alo luh loh nan leh an ṭawng ngaihthlak ka duh vang nipah fawmin.

"Okay. Min lo muthhilh san tawh lo la." Tiin mi rawn chhang zuia. Ka text a chhiar paha a nuihmel ṭha tak te chu chiang takin ka lo hmu thei.

"Ṭhu rawh u." Board room a luh veleha Arthur leh Melanie lo ding vat te hnenah chuan arawn ti a.

Huphurh ru takin an ṭawng chu ka ngaithla a. Ka thawk te hi a chham mai dawnin ka hria.

"B.K leh Diego te ko tel rawh u." Ṭhuṭ pah chuan atih zawm a..

"Awle." Arthur chuan lo chhangin kal nghal vat turin a hrilh zui bawk.

In a cheng rih ve ve te annih avangin an thleng har lem lo. An thil sawi khawmho chuan ka ngaihtuahna hi ati bing mup mup bawk.

Keimaha chhuah hlek phal kanih loh chhante, engtik lai pawha BK, Diego leh Melanie te ka kianga an awm chhan chu kei hi engtik lai pawha ka nun hi ka chhungte ang bawka a ralmuan loh vang a ni. Eng tin nge khang nun ral muang lo zet zet nei reng chunga khang kum zat kha ka lo dam theih? Eng mah hriat nei miah lo lehnghalin.


"Naute khaw nge i awm?" Phone ka lak theih miau loh avangin Damian hnen aṭangin text message ka dawng zawm mawlh mawlh. Threatre ah min zawng hmasa bera, min hmu ta si lo va. A hlauthawng zawm nghal.

"Tuman in hmu lo va maw? He in ah hian eng ti turin nge ka chhawr che u?" Ti a a hnuaia hnathawk ho a hrawk ri tepawh chu ka hria, security camera aṭang chuan alang chiang lutuk. Kei lahin a phone aṭanga ka awmna a chhuih zui theih loh nan ka off zui hmak bawk si.


"In leh a vel en kual vat rawh u." Thinrim leh min ngaihtuahna hlira khat chung chuan a lu a tuai thur zui bam a

Tu pawh chu an phe buai tih ka mittui kar aṭang chuan ka hmu rei ruai. Damian mawlh chu...
Khuti khawp khuan min ngaihtuah tih ka lo hre ngai lo. A che buai nghal vek. Mi che buai lo leh chiai mai mai lo ang kha ka lakah chuan ani ve lo.

A hnu deuhah chuan a room lamah a rawn chho tih ka hmu. Secret room aṭang hian ka awmna chin zawn hmuh tum ani ngei ang. Mahse a rin loh tak maiin kei chu mi rawn hmu a.

"Naute." Mi hmuh rual rual chuan ka lam panin arawn pen zui hlawk hlawk a..

"Heta i awm ka ring lo lutuk asin." Ti chungin ka bul maiah arawn ṭhu thla venghal a.
Min hmuh tak avang chuan hahdam hmel a pu zui hawk hawk.

Ka nu leh pate chungchang inziahna file ka lo pawm khawm ṭaṭ tih a hmuh chuan thil awm zia a hrethiam nghal mai.
Chiai emaw, pawiti hmel a pu lem lo. Min ngaihtuah tih erawh hai rual ani lo.

"Ka hmu tawh. Zawn chhunzawm angai lo vang." Tiin a sana bunlai aṭang chuan voice a thawn hlawm a. Min zawn pawh an tawpsan venghal mahna le.

"I lo hmu a? A ṭhawng viau ngei ang che.. i lakah hian zep hlen ka tum reng reng lo ania." Zawldawh tak chuan an ti a..Kei erawh ka chau hluah hluah.

"Tu nge that ? He thil hi tu tih nge?" Ka aw te chu a tham ṭiak a. A na bawk em a ni. Ka na nawn fo dawn chu anih hi.

"Shh.. In bengdai la. I kiangah ka awm reng tih hre phawt mai la.." A awma mi kuah zuiin ka inbengdaih theih nan ka chalah a hmui lum ther therin arawn si zui vang vang a.

"Eng tin nge anih theih? Ti nge engmah min hrilh ve loh?" A awm a nem dat datin lungchhe aw fe chuan ka chhuahchhal a.

"Hre tura i inpeih hun ka nghak mai alawm. Engkim ka chingfel ang ka tiam a che." Ati nghet churh a..

"I la chingfel lo va maw? Thil iti thei viau ani lawm ni?" Lungawi lo lutuk leh mittui tling pam chuan kan zawt a.

"Naute pawi kati lutuk. Ram hnuk khawih thil ani a awlsam takin ka chingfel thei lo. Kan ram chauh ani lo va, i nu leh pate thihna chungchangah hi chuan ramdang hruaitu te daih ani inrawlh." Ti a min chhan chuan ka bo lutuk mah mah.

"I nu leh pate kha i ngaih anga sum dawng satliahan ni lo..." A bak sawi duh lovin a ngawi zui a.

"Mi sual an ni tihna em ni?" Kan zawt tak na chu ka ring chuang lo, ka ring phal teuh lo mai.

"Ni lo ve. Kan ram tana mi pawimawh leh thuruk vawnghim tu te an ni. Awlsam taka an thihna chungchang hi kan puang zar anih chuan ram pahnihte inkarah buaina a piang chhuak anga. He khawvel hi indona mualah kan chhuah ang. Heng thil i laka ka thupna chhan thuruk pawimawh tak hi a awm Naute. Khawngaihin hrilh tur che in min nawrlui lo hram rawh." Tiin Damian Thibault, kan mi ropuia meuhin min ngen anih chu.

"Ka nghak thei ang. Mahse ka pi vethung kha. Mu hlum kha ani reng em?" Tiin sehchilh deuh nak nakin kan zawta. Ka hlauthawng em a ni.

"Pawi kati. 'Aw' tia ka chhan che angai." Ka zawhna a chhandan chu ka hrethiam hauh lo nia.

"Mu hlum dik tak maw?" Tiin kan zawt ṭha leh a.

"In la dam tih kha an hrechhuak a. I pi kha a thih dawn khan a mahah eng emaw danglamna a awm reng em?" Tiin min zawt let a. Ka ngaihtuah zui nghal a.

"Aw..awm..A hlauthawng hmelin nidang zawng zawng aiin min ngaihtuah zual. Ka ngaihtuah let khan min lo boral san hnaih dawn vangah ka puh a..mahse eng emaw hriat a lo nei ani mai thei." Khanglai hun kha ka ngaihtuahnaah rawn thar lehin ṭap lo tura insum hram hram chu har tak a ni.

"Ka hrethiam e. I ṭah a chhuak anih kha ṭap bawrh bawrh rawh ka naute. I natna kha ka hnenah lo bun ruak rawh." Rilru na taka ka awmlai chuan min lo thlamuan ve mawlh mawlh a.

Ka rualin a lo na ve tih chu ka hai lo. Ka ṭap lai hmuh te, na ka neih te hi khawvela a thil hlauh te chu an ni si a. Na hote ka neih pawh hi a phal lo.

Melanie hnena insual dan chi hrang hrang ka zir ṭan tirh dawn pawh khan a ka intih nat hlauh vangin a phal lo hle anih kha. Mahse ka tana ṭha tur anih miau vangin lung si zan lo in a pawm ta kha ania.

"I chhungte chunga thleng leh na taka an siam che avang hian hremna an hmu mawlh ang." Inringtawk tak chuan anti chhuak chang falh a..

"Eng pawh kati ang." Dam deuh zawk chuan anti zawm leh a.

Chumi zan chuan ka muhil thei lo. Ka muttheih miau loh avangin Damian pawh a mu thei bik lo. Min ngaih ven zan khua ṭhak. A ni hi ka nei lo vang tih ka hlau ṭhin.

A TUK ZING.

"Vawin atan chuan ka hrethiam ang che. Hahdam i mamawh." Damian chuan min ngaihtuah lutukin ka insiam lai chuan a lo tideuh chhen a.

"In sawi zawi ka mamawh alawm. Ka kal dawn." Ka lo ti ve tlat thung. Hah hnapa insawi zawi a, rilru tih thawl ka duh.

"Okay. I duh miau techuan le. Hliam i nei tur a ni lo.. Intih palh emaw..."

"Na hlek i nei anih pawhin i chawl nghal anga..Doctor hmuh vat tur." A sawi lai chu ka lo chhunzawm sak a. Min hrilh ngun tawh bawka, ka hre bel hneh tawh lutuk ringawt.

"Good girl. Kal tawh rawh le. In a awm i nin chuan min hmu turin i lo kal thei ang. Nangmah chauh ni lovin. B.K leh Melanie rualin. Okay."

"Ka hria e." Kal mai ka tum chu.

"Ehmm." Duh nei tih hriat lutukin an ti zauh a.

"Heiha" ti fahranin Damian lo kun hniam mek biangah chuan ka hmuiin ka lo si zeuh a.

"Ka hmangaih lutuk nu." Ka hmuiah tak arawn fawp zui zata. Nuih loh a har.

"Hmu tur che in ka rawn kal ang." Ka bye zui zauh a..hreh ang reng takin ka chhuahsan zui nghal.

"I ṭha em Clara?" Melanie in min hmuh rual chuan a lo tivat a.

"Tehreng mai. Ṭan nghal i la." In warm up zuiin kati a.

Insual zir leh taksa sawi zawi hi a awlsam lo. Hman raw hmandan hrang zir tel ngai nen.

"Ṭan ila ani mai lawm. B.K min lo pui la." Tiin a au zuia.

BK pawh thlan tla hnapin a lo insawi zawi tawh..
B.I.G Galx a thawk tam zawkte hian insual hi an thiam hial lo maw aw kati ṭhin. An mithiam chhawr bikte chu thuhran ni se.

Secret House antih mai ( data lak khawm leh thuruk vawn himna hmunpui) phei hi chu venhimna a khauh em avangin B.I.G Galx a thawk na zawng pawhan lut thei lo. A thawk ṭhenkhat, Damian mi rin bik, mi tlemte bakin a hmun pawhan tlawh thei lo chu thuhran, a awmna hmun pawh thuhruk vek a ni.

"Clara he thil hi hria em?" Hah hnapa kanin sawi zawi hnu a, tui in a kan hah chawlh laiin Melanie chuan anti deuh teh hluai a.

"Eng chu maw?" B. K face towel mi peka in hruhul zuiin ka chhang a.

"Big Boss chet buai awlsam tir dan mawle?" A nui zui pat pata

"Hre hauh lo."

"I chunga eng emaw a thlen palhin mawle. Nizan mai pawh khan a chiai hman nasa asin. A sum dawnna hian buaina lian tak tawk pawh nise che buai hauh lovin a lo dawngsawng thei ang..Mahse harsatna eng emaw lo tawk palh ve ta ni la sec1 chhung lekin a tal buai ang. Chu chu ani Big Boss tana i pawimawh zia lanna leh a engkim ber zawk chu nang i ni tih tichiang em em tu chu." Ṭawng rei telh telh paha aw ki san tial tial chuan an ti a.

"A lo nih tak chu." Fiamthu a lo ngaih luih sakin ka lo nuihsan mai a. A sawi erawh a dik vek tho.

"Kati tak tak ania. Big Boss tan hian hrisel leh damṭha, hlim varin awm reng rawh. Chu chu Big Boss tana ṭha ber a ni tiraw B.K?" An ti zui zata.

"Tehreng mai." B.K pawhin pawm fe in a lo chhang vat a.

"In ho dun." Katih chuan an nui zui dun hak hak a.. Ka tan an hlu a ni.
**************
"Big Boss chuan Chairman' s board room ah meeting anei mek a, minutes 10 chhungvel chu a office lamah i lo nghah mai angai dawn a ni." B.K an car hmaa ṭhu chung chuan arawn ti a.

"A pawi lo." Tiin ka lo chhang a.

B.I.G Galx hmunpui tak takah kan kal dawn a ni. A hmunpui tia ka sawina chhan chu hmun hrang hrangah sum dawnna a din thleh thluah a. Damian ṭhuṭ hmun tak tak leh chu lai hmun aṭang chuan engkim a thu hnuaihah dahin, a control vek bawk.

"Blaise." Tiin ka phun chhuak sap a. A rawn let leh tawh tih hriat chu ka tan anuam lem lo.

Damian nena thawk dun leh tleirawl chhoh aṭanga inkawm ṭan tawh an ni a. University an kal dun lai phei chuan an lar dun ṭhin hle a. Mi ṭhenkhat phei chuan an inkawp hial niin an ngaia. Ani lo tih erawh ka hria. Amaherawh chu Damian hmeiche kawm awm chhun leh tun thlenga Damian hnuaia thawh a duh zui tlat erawh hi chuan chhan anei a ni.

Hmeiche dang ang bawkin Damian hi a duh ve mai ni satliah lo in, a at chilh lutuk mah mah tawh..

"Hi Clara.. I lo dam ṭha maw?" Tiin Blaise chuan a kut no nalh tak chu arawn phar chhuak a.

"Ṭha tehreng mai." A kut chu ka lo vuan let a. A nuihmel phenah chuan eng emaw a awm a ni. Chu vang chu ania, Blaise ka ngainat theih miah loh.

Damian mi rin ber pawl erawh ani lawi si.
Hmeiche ropui tak chu ani teh meuh mai. B.I.G Galx ah hian nihna pawimawh tak chelh thei chin chu mi namai mai ani thei lo.

"Damian i nghak em ni?"

"Aw." Ka chhang tawi tak.

"Pawi i tih loh chuan i nghah chhungin in tur ka lo leisak dawn che em ni ang?" Zei nalh thlarh chuan min sawm a.

Model niawm reng pawh a ni. B.IG. Galx bik tan chauha model erawh a ni. Hmun dangah a inlan ngai lo. An tana hmeiche hlu tak tur chu a ni.

"Nidangah nimai rawh se." Mawihnai takin mi sawmna chu ka lo hnar a.

"Ti teh Clara. Eng vangin nge min peh hel reng ni. Ka seh dawn hleinem che." No tak chuan an ti vel a.

"Chu tiang lam ani lo. Damian lo nghah ka duh mai ania." Ti a chhanna ka pek chuan ka lamah arawn kun phei a.

"I chhungte chungchang eng emaw hriat ka nei ania." Zawitein ka beng bul maiah chuan arawn ti zawi sap a.
Ka beng a verh zar mai.

"Min lo zui rawh. He lai hmunah hian sawi dun i duh chiahin ka ring lo." An ti zui leh a.
Ring si, ring chiah lo inkarah chuan ka inkhap buai a ni.

"Aṭha alawm." Tiin a sawmna chu ka pawm zui ta a.

Ka chhungte chanchin ani daihin a lo hria erawh mak kati lutuk. Zawhna ka inzawt ru mawlh mawlh.

"Miss Clara?" B.K an ka chhuah tum arawn hmuh chuan arawn kal vat a.

"B.K, Clara hi in tur leisak ka duh mai ania." Blaise chuan a lo ti vat a.

"Mahse Big Boss..."

"A hriatpuina thlap ani e. Ni lawm ni Clara." Bahlah awm eih lo in Blaise chuan mi rawn melh pah ralhin a lo chhang thuai a.. A thluak han ṭhaṭ em em zia hi chu aw.

"Ahhh aw.." ka lo ti ban charh a.

"Ground floor ah coffe ka in pui mai dawn alawm. Ngaih ṭha takin lo awm rawh u.. Kal ang Clara." Ka bana mi kai zui nghalin ati a.

Kei lah ngaih ṭha zan lo, B.K leh Malanie lah nibawk. Ka zui ta tho va.

"Blaise, Ground floor ah i ti ani lawm ni?" Kan kalh pelh tak avang chuan hawihai ang reng takin ka zawt a.

"Min lo zui phawt mai teh. Pawnlama sawi dun chi chauh ani tlat." Mawng sawi lah laha kalin a lo tiduh lek a.

"Awle."

Kanin zui chhuak ta nghe nghe a.

"Clara fimkhur rawh." Blaise arawn au tuar a..

Motor chak lutuka rawn tlan chuan mi rawn su thawi fua a.
Mi chhan a tumna lamah Blaise erawh kawng char laiah chuan a tlu thal chiang hle a.. Chung ho chuan remchangah la in Blaise chu an man zui a.

Kei pawh chu tiang chiah chuan mi rawn bei zui venghal a. Lo beilet ve chiam mah ila mipa rual ṭhah panga(5) vel lai chu ka bei hneh lo nasa.

Nikhawhre hrelo in min siam zui a. Khawi nge kan kal, eng tin nge kan awm zui ka hre ta lo.

Ka harh chhuah leh meuh chuan Blaise in silaiin min lo tin mek tawh..A hrilhhai thlak....

NEXT EPI: AṬANG CHUAN EP1 A KA RAWN TARLAN ZUAINA AṬANG KHAN KAN CHHUNZAWM THEI TAWH ANG. AN TUN HMA NUN NITAWH LO VIN, AN NUN HMAN MEKAH KAN LET ANG.

24 LEH 25 HI CHRISMAS CHAWLH KA NEI ANG AW...

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » January 17th, 2021, 12:29 pm

Big Boss
Chapter -13
May Renthlei

"Che tawh hlek suh."
Ti ri chu hre lo ang maiin ka che phut a, silai arawn puak zui ṭhawṭ bawk. Ka dar an kahna hliam aṭang chuan thisen tharlam tak dan rual lohin arawn chhuak nghal bawk.

Boruakah chuan ka tla thla zui vawn vawn a. Lei ka thlen hma deuh hlekah chuan eng emaw hian min lo danga, chu thilah chuan harsa ti takin ka in man tang zui a.

Mahse ka ban an kah na hliam avang chuan na ti lutukin ka ṭhen zui sawk.. In vuan fuh reng thei ka ni lo. Lei lam chu ka hawi thla a, ft6 bawr vel tur chu ala ni. Ka tlakna lama tlema ka in balance theih nan chuan insiam rem hretin thaw ka la a, ka vawnna thlahin ka tla zui a..Hliam neisa tawh bawk kanih avangin ka ding chat thei lo, ka tlu zui hnawk a.
Thlan leh thisen nen ka inchiah piah nuai bawk. Ka taksa khawilai mai pawh chu a na tih theih a ni.

"He lamah rawn tlan ru." Ti ri ka hriat rualin thei leh thei lo chuan ka insa seng zui a.

Ka dar an kahna hliam chu ka kut lehlamin ka vuan a, kal chu harsa duh tak a ni..Ka tlu phei deuh nawk nawk a. Ka chau ṭan tawh.

"Damian... Damian Thibault." Kati rilru mawlh mawlh a. Ka taksa a hliam ang bawkin, ka rilru pawh nasa takin a hliam tel.

Ka mamawh a ni. Ka mamawh lutuk. Tunah tak phei hi chuan ka mamawh leh zual. Ka kut pem tereuhte ka neih pawh duh loh khan ama silai ngeiin min kap ta chu a nia.


Ka mittui arawn hnam sawk a. Heng thil thlendan leh awm zia zawng zawng hi ka zawng chhuak vek anga? Ka chunga heng thil thlentir tu te chungah hian aman ka la pe let ve ang.

"Ṭang rawh..In ti chak rawh. Hmabak hlen chhuah tur ila ngah lutuk." Ti a in fuih sauh sauhin hmalan panin ka la kal lui ve ṭang ṭang a. Nikhawhre lo a ka tluk mai loh nan theihtawp ka chhuah mek a ni.

"Aya, Car ah hian rawn lut vat rawh." Facundo aw ngei mai chuan arawn ti vin ṭhawṭ a.

"Hmanhmawh la." An ti ṭeng zui leh chhuai a. Thei leh thei lo in car dum ren run chhungah chuan ka tlu lut zui hnawk. Ka chau lutuk tawh.

"Khaw nge Kiara leh midang?" Thei leh thei lo in, ṭawng harsa ti zet chuan kan zawt hram a. Ka khawhmuh a phe vek tawh.

"Midang ngaihtuah nan hun a awm lo." Tih zawngin min chhang. Kan tlan liam zui nghal puat puat.
Kei erawh ka mit sulh a. Nikhua ka hre lo zui nghal.

"Blaise, Blaise min pui rawh." Thei leh thei lo in ka ti lawm lawm a.

"Thi tlak i ni. Damian Thibault nuna i lo luh vengawt avang hrim hrim pawh hian i thi ngei tur a ni." Tiin ka invawn tan ṭang ṭangna kut chu a pheikhawk sang tak chuan arawn rap zui a. A nat lutuk avang chuan ka au chhuak lo chauh. Na hle mahse thlah loh hram erawh ka la tum ve fan fan.

"Damian Thibault hi kumkhuain ka ta chauh ani reng ang." Huatthlala awm hluah hluahin mi nuih zui a.

"Mangṭha." Ti supin, arawn kun hniam a.

"Ni lo ti suh. Khawngaihin Blaise." Mittui tling pamin lu ka thin khum a. Ka ngen tak meuh a ni.

Rawn kun hniamin ka dar pahnihah tak a kutin mi rawn nem a. Ka tla thla zui vawn vawn. Chu tiang bawkin min kidnapped na car pawh chu a rawn lum zui ve a. Vanneih thlak takin min delh lo hlauh. Ka kiang maiah chuan nasa takin car chu a alh zuia. Chu car alh nasa tak mai chuan kei pawh min rawn hliau sa phat phat. Ka thi ngei tih ngaihtuahna nei chungin nikhua ka hre lo zui dawn a. Tu emaw hlim thla arawn lang ruai ruai..

"Min pui rawh." Thei leh thei lo in hmui phun ṭawk ṭawkin ka lo ngen a.
Ka dangte chu a ro huam huam a. Ka taksa khawilai mai pawh chu a na ngawih ngawih bawk. Chutih lai tak chuan ka mu mang ram aṭang chuan ka harh chhuak ta hlawl a.
Thlanin min bual huh zui a. Khawsik sang tak ka lo nei mek bawk. Ka mumang ang bawkin ka hrawk te chu a ro huam huam.

He tianga nun bul ka ṭan chhoh phah takna chhan chu, kha Blaise Brown vang vek kha a ni. Min bum chhuak a, silaia min tin chungin khamah min nam liam anih kha.

"I lo harh tawh maw?" Chu room thim rei ruaiah chuan Facundo hlimthla arawn lang zui a..
Kan awmna hmun tur chu ka hrethiam mai. Khawilai in chhe tawh tak, mi rauhsan tawhah kan awm mekin ka ring.

"Dar eng zat nge?" Khawsik sang tak ka neih avang chuan ka ṭawng zawng ringawt pawhin ka thaw lum huam huam.

"Tlai lam dar4. Darkar chanve vel chu nikhawhre lo in i awm. Damdawi hi ei rawh le." Ka lama a damdawi ken rawn dah hnaia a tih chuan ka lo ban vemai a.

"Silaia an kah hliamna che kha chu a hmuam hma a thuk lutuk lo va, a dam veleh vat mai ang." Atih chuan ka dar hliam chu ka melh zui a. Hrufaiin a lo tuam vethlap.

Ka hliam ka hmuh rual a ka thil hriat chhuah erawh chuan minti na zual.

"Ka lawm e." A vawikhat nan tak meuh lawmthu ka hrilh.

"Ka benga ka thu hriat hi a dik lo nge? I dik chiah lo zawk?" Ka lawmthu sawi ring pha lo fe in mi zawt tareng a.

"Lawmthu ka hrilh che angai hi ka awi bik lo." Ka lo ti chang fak a. Ngeiawm ang reng tak chuan a nui zuia.

Aya anga ka nun hnu a ka mizia chu hmeiche rothap leh nun rawng tak. Mi be mai mai ngai lo. Nel leh ngeih mihring pawh nei lem lo ang kha. Mahni a tal leh mahni chauh inring tawk, tu hmaah mah tlawm lah ka duh hek lo.

Kiara erawh ka nei ve hram hram. Chu pawh mi biak luih tlat te, ka kianga awm a thil eng emaw mintih luih pui tlat te a chin a vang chauh a kawm vedeuh mai ka ni.

"Kiara chanchin eng nge?"

"Aṭha. Manuela nen thliarkar lamah an let tawh. Mi pahnih erawh kan chan." A sawi awlsam hle..Midang thihna chuan a nghawng lem lo tih a chiang.

Facundo tan hi chuan apple ei leh mi thah hi chu a awlsam dan a in ang vel hial mahna.

"Pedro kha ka chhan hman ta lo a ni." Ka mitthlaah an kap thlu tawp lai arawn lang nghal a. A hrehawm ṭhin.

Ka landanah hian hmeiche nunrawng leh sual hmel tak chu ni ve ṭhin mah ila, ka chhunglam erawh chu tiang ani ve lem lo.

"Zanin atan chuan i hahdam thei ang. Thliarkar lamah a ruk thei ang bera let tura tih ka ni." Facundo an atih chuan mak ka lo tideuh hlek.

"Nangmah chauh maw? Kei ve hi?"
Ti a ka zawh chuan a lu a thing nuk a.

"Ka hre lo. Eng tia tih zui tur nge i ni tih?"

"I sawiawm zia ka man lo Facundo."

"Nang hi..." Chawlin thaw ala hawp a.

"Sawi rawh." Melh chang ratin kan hriam hraih a. Ka zam lem lo ve.

"That tur che a thupek ka hmu." Atih chuan awi lo lutukin ka nui chhuak hak.

"Ka awi i ring em ni?" Ngeiawm fe in kan ti a.

"Thudik a ni. A chhan ka hre bik lo. B.I.G Galx kan beihnaah khan thi tura tirh luh daih tawh zawk i ni." Ti a chhanna min pek leh chuan thudik ngei ani tih ka awi ve ta. Ka sa chhuak phut phut..

"Hey. La tho suh. Hliam i neih kha mawle." Thawh ka tum mek lai chu Facundo chuan mi lo dang vat a. Tuna ka rilruah hi chuan va phin darh vek hlawm mai duhna ka pu.

"Kal sawn rawh. Min lo dang suh." Kanti ve tak na chu ka rilru a ka thil tum mek leh ka taksa chakna lam chu inbuk tawk lo tak a ni..


"Eng mah tih thei i nei rih lo. Awm mai mai rawh." An ti vin leh deuh ṭhawṭ a. He pa thinchhiat em em zia hi chu.

Ka thinrim bawk nen hnek leh tawp a. Nidang ang bawka damṭha ni phei ila chuan ka insualpui leh daih tawh ang.

"A nih leh eng vanga min chhanchhuak si nge i nih?" Ka vin let deuh ṭhak a.

"Nang hi ka la mamawh che. I thiamna leh anni ho in thah che an duh rukna tak che hi ka mamawhna che." A ti ve tlat lawi thung a.

"Chu chuan eng hlawkna nge a pek ang che?"

"I la hre mai dawn lawm. A la hun rih lo." Rum taka mi melh run runa atih chuan ka sawisa chak tak zet.

"Ka puih che i beisei a maw?" Ka awih thei lo hial zawk.

"Min that la a ṭhaṭ zawk ka ring e." Puih tumna chhete eih pawh nei lo chuan kanti a.

"Ni lo ve. Ka tan chauh ani dawn hleinem. I tana thil pawimawh vetak pawh a awm asin. I chhungte chanchin engkim i hriat theihna tur leh i nun tak tak. Tu nge i nih tih te? Engkim i hriat theihna tur ania sin." Inringtawk tak chuan min sawi hmawr hmuh vel a.
A ring sual lo. Ka ngaihven zawng tak ani arawn sawi chhuah.

"Ka chhungte chanchin nang hian i hria em ni?" A kawr nghawnga ṭham zui sawkin ka zawt a.

"Inbengdai hmasa la mawle. Lawng pakhata chuang dun tur kan nih hi." A sawi zawh rual chuan ka thlah hnawk a.

He pa nen ber kher hian maw??Ka mihring huat berte zinga mi a ni...

"Clara Delphine." Tih arawn sawi chuan ka lungphu a rang sawt.

"I hming dik tak anih chu." A tih zawm a..
Hriatna ka nei let tawh tih a hre lo. Kei hian ka bum let dawn a ni. A duh ang ngawtin engmah a thleng dawn bik lo.


"Ka nunhlui i hria em ni nang hian?"

"Tlemte chauh. Miss Canon leh Capt.Salvador ten i chungchangan sawi hi ka hretawh alawm. I profile ka en ru bawk." Tifuh inti hlein an ti a.

"Chuan eng tin zel?"

"Insual thiam, kawng engkima filawr thei ziah. Eng tihnaah pawh hmantlak. Thiamna sang tak nei leh hacker bon tak chu ni lo la i thi daih tawh zawk ang chu. Hmanraw hriam ṭha tak inih vanga la dam liau liau ini ṭhin a. Tunah erawh keimah vanga dam chauh i ni tawh." Fiah fek fawka mintih khum chuan ka run ru hle a. Chu zawng ai chuan khang mihring ho, ramsa ang maia min enkawl a. Hmanrua vemai chauha min lo hmangtu tekha ka hua..

"An ni ho laka phuba lak leh i nunhlui kha neih let leh i duh chuan min thu rualpui rawh." Minti ta riap mai le.

"Duhthlan tur dang i nei lo Aya. Pawm mai rawh." An ti zui leh a.

"Hun tlem ka mamawh. A hmasa in ka zawhna chhang hmasa la."

"Min zawt la."

"B.I.G Galx hmunah kher khan eng vanga thi tura min duh nge an nih?" Kut hum ruh ṭangin kan zawt a.

"A nei tupa nen sawn inzawmna innei. Eng inzawmna tak nge inneih chu ka hre bik lo." Tiin min chhanga...

Damian Thibault nena kanin zawmna chu ka hre lutuk mah mah. Thliarkar hmuna minla a min thukru tu, kan hotu rual tekhan ka thuruk engkim an lo hria tihna anih chu.

Chhan neiin min la. Chu pawh Damian laka min hman ṭangkai duh vang lekin. An rin aiin an tan ka lo ṭangkai zui ta si a. Chu vang ani ngei ang tun thlenga nung dama min la zuah....

"Eng vangin nge ka nunhlui engmah ka hriat tawh loh?" Tiin ka zawt leh a. Tunah hretawh mah ila khang kum kalta chhung zawng khan ka hriatna a bo tlat a ni.


"I hriatna kha khawl hmanga tih bo sak i ni alawm. Mi ṭhenkhat ang bawkin. Muangchangin ngai i awh chho leh thei mahna. Min pui anih chuan.."

"Awle. Lo pui ta che ni ila eng nge i hlawkna ve tur le?"

"Thuneih na."

"Eng thuneihna tehhrep maw i chan ang?" Ka nuihzat hmel a hmuh chuan a thinrim ṭalh ṭalh.

"Saw thliarkar hmunah sawn ro ka rel dawn? An ni ho saw ka duh ka hmuh theih hunah chuan ka thu hnuaiah ka dah dawn a ni." Tum ruh fe chuan anti khu khu a.

"I thil duh i sawi chu B.IG. Galx aṭanga ruk chhuah kan tum kha ani tiraw?"
Ka zawhna chu ṭha ti zetin a bu zui nghut nghut.

"Ni tehreng mai. Nang chauh hian min pui thei dawn."

A thil sawi teh zet chu... Ka nunhlui leh ka chungchang a hresa tih ka hriatthiam phah uar.

Facundo hian dawt min hrilh a ni. Ka chungchang hre lo anga a insawi leh Damian nena kan chungchang pawh a hrelo anga a insawi kha. Engkim a hria. Chu vanga hmanruaa min hman duh a ni.


Ka hriatthiam loh leh ka zawhna ni ta chu.

Thliarkar lam mi ho hian min that turin anti tak tak reng em? Tih leh.
Nge ni a, Facundo hian a lama ṭang tura min duh vangin anni ho phatsana haw turin dawt thu min hrilh zawk ????
Ka la zawng chhuak vat ang..

"Min kalsan rih rawh. Hahdam ka duh." Ka mutna ruh zet lama mu thla zuiin kati a.

"Tehreng mai." Kal zui vemaiin ati a.

Ka chauin ngaihtuah tur chu ngah hle mah ila ka chhawkna ei vang chuan ka muhil zui vemai a.

Kar1 vel chu ka sil dawn anih hi. Min kap fuh khanglang lo se ṭha tur ania.
NI 4 HNU AH..
"Kan hmalak ṭanna tur anih kha." Facundo an a laptop ka lama rawn kuai herin ati a.
"B.IG Galx thu chhuah thar ber anih kha. Press conference naktuk hian Damian Thibault an anei dawn. Zan lamah an thil siam chhuah thar puan zarna hun anei dawn bawk. Canon hnen aṭangin kan mi leh sa lo tel tur an awm tih ka hre bawk. Kei leh Kiara pawh kan tel dawn. Sawmbik angin."

"Ka kal vedawn." Ka tum nghet bur hi ani tawp.

"Ka hre lo.. i tel vethei dawn nge dawn lohah ka la buai. Kan mi leh saten an hmuh che chuan aṭha hauh lo vang." Kan awmdan tura rilru buai hmel tak chuanan ti a.

"I rualin ka kal ang."

"A awlsam dawn lo. Kiara nen partner tur kan ni."
Atih chuan ka thawhuai.

"A ṭha. Kiara ah chuan buaina a awm lo vang."

"Eng vangin? Kan ring thei lo. I la dam tihan hriat rualin kei pawh ka dinhmun a derthawng venghal dawn tih i hre lo em ni?"

"Kiara chu kan ring thei."

"Kan ring thei lo. Tumah saw rin tur an awm lo." Ati hlur thung a.

"Ka hria. Chuti chung pawhin ka mi rinloh ber nang ka thawhpui dawn tho che ani lawm ni? Kiara chu ka ring fe nangai chuan." Kan tih khum vehmak a.

"Ka la pawm chuang lo." A la ti ṭung a..

"Pawm lo mahla ka kal tlangpui dawn tho. I duh leh lo inrawlh lo zawk mai rawh." Tihmawh leh luhlul fahranin kantih khum chiang bawl a.

"Awle. A ṭha." A pen ken lai dawhkana dah tau chawrhin a kal zui nghal.

Nidang ang tho in ka ruahmanna hmang bawkin kan che leh ang. Ani hian min hnuk kal dawn lo, ka hnuk kal zawk tur a ni.

**** A TUK.. ****
"Fimkhur ang che." Facundo an ka hmanrua tur min pek pah chuan minti a.

"Ka hria." Ka lukhum ka siam ṭha pah zauh a..
Kawr dum suit vek ka ha a. Ka hmel chu ka lukhum leh mask hmangin ka hliah zui bawk.

"I sam tan thar chu i inhmeh hle mai." Facundo an min tih chuan nuih der pawh ka peih lo.

Ka sam sei hniang, ngil leh mawi tak. Damian Thibault an tihdanglam hlek pawh a phal loh kha ka landan tih danglam nan ka dar chen lekin ka tan ta ania. Ka hlim mawlh lo.

"Zan dar7 aṭangin kan che chhuak ṭan ang. I thawmhnaw vel tur chu ka lo ngaihtuahsak mai dawn che nia." Facundo an a silai tifai hlarh hlarha atih chuan ka khi sek a.

Hlim taka ka nuih lohna hi avan rei tawh tak..Kum 3 kal ta chhung khan hlim taka ka nuih hi ka hre lo..minutes tin deuhthaw a nui ṭhin kha.

"I inpeih chuan kal ang." Facundo melh zauhin kati a.

"Awle."
Kanin zui chhuak nghal a. Facundo motor book a lo ding sa tawh bawk nen. Kan tum ram lam panin kan tlan zui vang vanga.

Heng kawng tehi ka hre bel lutuk. A lunglen thlak. Ka chhunglam hian nasa taka ngaisak leh hliam a tuar mek a ni. A rum vawng vawng.

"Kha hei hi en rawh." Facundo an a phone pe phei paha min tih chuan ka lo ban vat a.

"Kum 3 kalta khan i thi tawh. A chiang em?" Kan driver hriat phak loh tur si chuan arawn ti a.

Ka dang hi a ro halh halh. Kha car accident ah khan ka thi ah an ngai vek anih chu..

"La rawh." Facundo phone pe phei zuiin kati a. Chiang tak pawn ka chhiar duh lo.

Kha accident leh rin lawk loh taka beih kan tawh chhan kha, kha mihring nun chhe tak nei, Blaise Brown vang vek kha a ni. Kan la intawng fuh dawn alawm..A nuam khawp ang.

"Blaise Brown thlalak chu hmuh anuam mang e. Hmelṭha si, hmeiche nalh leh zahawmna a khat." Traffic jam a kan din zuai laiin kan driver chuan Blaise Brown thlalak lian taka an lo tar kulh lam chu melh vung vungin ati a..

A thlaklak te chu va pawhthlak mai ka duh thung. Chhinghne beram vun sin dik tak.

Kan ram mipuite lah chuan a nihna tak hre lo lekin ngaihsangin an zah em em chu ania.

"Blaise Brown hi chu hmeiche ropui tak ani alawm. Damian Thibault hnuaia hnathawh thlang reng lo hian a mahin politics line ah hian zuang lut pawh nise kan ram president emaw Vice President tal chu ani thei ngei ang mawle." Te chu kan driver lah chuan ala ti tak deuh deuh a.

Ka chunga a thiltih hria nise....
Zahawm tak anga han lan vel leh, ram mipuite bum kual vel chu a hnehsawh hmel khawp mai.

"Damian Thibault an a vanneih pui thung alawm. An la inneih vatin ka ring." Facundo lah chuan mi melh kher chungin an la tizui a.

Ka hre lo lui der hmak thung. He pa hian ka chungchang hi chu a hrechiang alawm. Hriatna ka nei let leh tawh tih erawh vanneih thlak takin ala hre lo.

"Tah hian min lo nghak rawh. Ka rei lo vang." Dawr lian tak chhung kan luh hnuin Facundo chuan minti a.

"Awle." Ka lo ti vemaia.
Amah erawh chu a kal liam rual chiahin chu lai hmun chu ka chhuahsan zui nghal.
Ka awmna a hre zui thei dawn tho. A pawi kati lem lo....
*************************
Damian Thibault press conference neihna hmun tur chu chiang takin ka awmna aṭang chuan a hmuh theih. An ni ground floor a an awm laiin, kei erawhin an piah chiah building chhawng5 na aṭangin ka lo thlir thung.

Damian Thibault chu lai hmuna arawn lut ka hmuh rual chiah chuan ka lungphu su dup dup leh rang zawih zawih chu ka control theih piah lam a ni.

"Ka ngai che.. ka ngai lutuk che."

A awm muanawm takah khuan min kuah lum leh veng veng se ka khawvel chu a famkim leh nimai tur. Khang harsatna leh buaina kan vela leng hnawk nuai kar aṭang khan hneh takin min hliah khuh ṭhin anih kha.

Mahse tunah erawh zawng. Tu nge a kianga dinga a kut chelh mektu nita khu... Ka kawchhung hi a chhe ta vek emaw tih mai turin ka na hluah hluah.

Damian leh Blaise te nui dun mek chu che lo lekin ka melh tlawk tlawk.

"An la inneih vat ang." Facundo thil sawi ka hre chhuak zawk.
Thinrim leh natna, huatna thlipui tinrengte chuan mi rawn tuam hlup hlup a. Ka ngaihtuahna arawn nu ṭan bawk..

Ka bag ah laia ka silai ken chu la chhuakin Blaise chal zawn takah chuan ka tin ta vang vanga.
Chrismas te inhmang nuam tlang ang chu maw?😊

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)