BIG BOSS BY MAY RENTHLEI (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

BIG BOSS BY MAY RENTHLEI (Completed)

Unread post by Ngaia » January 17th, 2021, 12:25 pm

h2tu7uo9.jpg
h2tu7uo9.jpg (30.09 KiB) Viewed 34251 times
BIG BOSS
Chapter -1&2


TH : Ka phu lohin request a tam em em a. In duh ang vek erawh ka rawn tichhuak vek mai thei bik lo a. Hun neih a tih hlawhtlin sak vek theih cheu erawh ka chak tak zet. Tunah erawh min lo hrethiam rih hram rawh u.


Hmeichhe nun pangngai nei vemai, a engkim leh a mipa hmangaih em em kianga nun hlim taka chen ve mek. A mipa hmangaih lahin he khawvel thil dang zawng zawng aia a thlan ni bawk..

A hmeiche hmangaih leh a ro thil tam tak, he khawvela a hausakna sum leh paite zawng zawng aia a thlan, chhete pawha a nat phal lo tu chuan a hmeiche hmangaih tak chu damin he khawvelah hian hrehawm takin nun ala hmang vemek tih hria ni ta se la, eng tin tak ngai ang maw??

👇👇👇: A tir lam leh atawp lam a inpersan deuh dawrh ang..😉😉

******* MAY RENTHLEI *******

Chau tawh tak chung chuan chak ngei tumin ka tha la neih ve chhun ang ang te chu harsa ti tak chungin ka sawm khawm lui leh ngial a. Chuti chung pawh chuan ka taksa in a tlin tawh thlawt lo. Mi tam tak, keimah ang bawka training hautak tak tak paltlang ṭhah tenen theih tawp chhuahin kan inbei zo chiah ani a. Eng tin nge ka tlin bik zo zai tehlul ang ni?

Tunah hiah thih mai hmabakin ka awm ta chu ania. Ka rilru chuan beihlet la tum nasa viau mah i la, chhete pawha che leh tak ngial tur pawhin tha reng ka nei tawh lo.

"Hei hi i tawpna hun tur chu a ni. Rei tak chhung ka lo nghah tawh ngei chu." Tiin ka mi beihpui mek Manuela-i chuan huatna tûr kha tak leh min thah chak hliah hliahna mit meng de sawr sawr chung chuan a hmanraw ken lai nen chuan min lo pan hnai chha chha a.

"Thi mawlh rawh." Min deu sawh lutuka nui lui sawk chuan rapawm takin a ti a.
Sual ve hle mah ila Manuela ang em em a nunrawng kani ve lo deuh hian ka hre ṭhin. A ni chuan tu chungah mah zahngaihna a lantir ve ngai lo.


Che sawn thei tawh miau hek lo. Thaw dep dep chunga thil thleng tur mit chhinga lo nghak tawp mai loh chu.

"Manuela a tawk." Facundo, mi nunrawnga chuan a rawn ti vin ṭhawṭ a.
Zahngaihna nei lo leh he lai mipa awm ve zinga ka huat ber hial chuan min rawn chhan teh tlat.

Kei erawh nikhawhrelo in ka awm zui nghal a.
Ka harh leh meuh chuan ka khum ruh zet, a mawia puan var inphah ve mai chungah chuan ka lo mu tawh.

Thil thleng tekha ka hmaah arawn lang lehnghal zut zut a.
Ka mi beihpui leh na tak taka ka sawisak ho kha ka mitthlaah an rawn lang a. Hrehawm kati ngawih ngawih. He tiang thiltih hi nuam tihna chhete mah, Manuela te angin ka nei ve lo. Duhthlan tur dang ka nei lo mai chauh a ni.

Ka beilet lo anih chuan keimah zawkin ka tuar let dawn si a. Dam ka la duh ve anih chuan theihtawp tak meuha sual let mai loh chu tih theih dang ka nei lo.

"I harh tawh anih chuan mu khawr reng suh. Tih tur i nei ania." A tiang ken laia ka mutna thir ban tui ek lam tawh rawn khawng ri bawl bawlin Miss Canon chuan arawn ti hriam hraih a.

"Eng nge ka tih tur chu?" Ka taksa na lutuk avang chuan thawh mai pawh ka harsat ngei mai. Na tih lan ngam ani si lo.

He lai hmunah hian mihring ang pawhin min en lo hialin ka hre ṭhin. A chang erawh chuan min duhsak ber niawm hian an awm leh ṭhin lawi bawk a. Min enkawl dan hi ka hrethiam lo fo mai.

"Intifai hmasa la. NC Hall ah zan dar 8 ah min rawn hmu dawn nia." Ti bung hmukin a pen zui ri nghal kauh kauh a.

Kei pawh chu tho zui nghalin, khawr ru ang reng tak chuan ka che zui nghal a.

"I vanneih hle mai. Mahse i vanneih rei lo vang." Manuela inbual zo chiah nen chuan kanin tawk a.

"He lai hmunah hian ka ṭha ber tih theihngilh ngai suh. Mi chauh tawh hnu bei tawk lek ngam i nih kha." Kati khum let ve fak a. Min huatna mit meng chu a alh zual sawt a.

"Kei hi a ṭha ber zawk chu ka ni. He lai hmun dama chhuak tur kan awm anih chuan kei hi kani ang." Khat pharh leh chiang fawka a sawi hnu chuan min su lui nawkin a pen chhuak zui nghal a.

Thaw la hawkin ka inbualna tur pindan tereuhte chu ka hawng a. Ka hriat theih aṭang ringawt pawhin he lai thliarkarah hian ruang phum bo tam tawh zia ka hai lo. Ka la dam hi mak kati zawk hial ṭhin.

Kan awmna thliarkar hi tuiin a hual cham put a. Hmanraw ṭha leh hlauhawm tak tak a thuam vek ani bawk a, he lai hmun aṭanga tlan chhuah tum chu ka thi duh tih nen danglamna a awm lo.

Tui hik tek tawk tak chuan ka taksa arawn phuh sang sang a. Ka taksa hliam hmun tin mai chu arawn na thip sup sup a. He tiang lek hi chu ka tuar ṭhang tawh lutuk. Hliam neih loh lai pawh hi ka nei lo. Insual reng renga hun hmang ṭhin tan chuan.

"I ṭha maw Aya?(Hei hi ka hming chu a ni) I thi dawn emaw kati hman tawh a." Kan mutna room lam ka va thlen leh chuan Kiara in a lo ti hul hak a.

"Ka ṭha e." Ka sam huh hruk mawlh mawlh pah chuan ka chhang a.

"Aya, keini hi engtikah nge kan thih ve ang le? A hma kha chuan he lai hmunah hian kan mu khat dul ṭhin kha ania." A aw ah chuan beidawnna leh lungngaihna thuk tak a ri chhuak tel.

Mutna tam tak ruak ta huai chu ka melh kual ve a. Kan thil zir hautak tak tak paltlang zo ve lo teleh kanin beihna lama hliam tuar lo va thi te annih nawk hlawm bakah. Ṭha tawk tawha an ngaih hnalama an tirh chhuah, dama helai thliarkar rawn thleng leh ta lo tam tak hi an awm ve bawk.

"Thi tura piang alawm kan nih." Ngaihsam âw fe chuan kati a.

Ka hriat theih zawng zawng chu he lai hmuna ka awm hnu chauh hi a ni. Ka naupanlai hun hmandan engmah ka hrechhuak zo tawh lo.

He lai thliarkar hmun bi ru takah hian insual dan mai bakah, hmanraw hmandan chi hrangte, a ruk a rala midang va beih emaw, va thah tih vel chu kan harsat lo vek ang. Chuti khawpa thiamna nei ṭha leh tawrhchhelh chu kan ni.

Midang zingah chuan cheng ve lo mah i la, khawvel hmun dang hrang hranga thil thlengte hi kan hre hneh sawh lutuk tho.

Midang va beih nana virus chak leh hlauhawm tak tak siam te. Khawvel inbiak pawhna han chawh buai tih vel chu kan thiam zawng tak a ni. Kan thiamna te hi midang va beih nan kan hmang ti i la, ka sawi sual vakin ka ring lo.

"He lai hmuna i lo awmdan ngawt hi i hria em? Kiara."
NC Hall a kal tura in ha mawlh mawlh chung chuan kati a. Thawmhnaw in ang vek, kan thiltih a zira hak danglam kan nei e tih lohah chuan thawmhnaw dang kan nei lo.

"Kum 17 mi ka nihin min la a ni. An ni hian min la ta lo se, kum6 kalta khan ka thi daih tawh ang. Hrehawm viau mahse ka nunna chhantu te annia sin. Mahse a chang hi chuan lo thi zawk daih i la tih chang chu ka nei ngah tho." A ti zui nuap nuap a.

"A nih leh he lai hmuna ka lo awm vedan ngawt hi i hria em?" Kati leh a. A hma kha chuan ka nundan verengah ka ngai ṭhin. Mahse tunah chuan thil tam tak hian ka rilru anti buai a ni.

"Hre hauh lo. Kei ang bawka an chhan chhuah i nih vetho ka ring. Tuna kan tih theih awm chhun chu ṭha taka an thu zawm chiah hi a ni."

"Kal ang." A ti zui nghal a.

"Aw le."
Darthlalang ka kal pelh thuak lai chuan ka cher belh nasa hle tih ka hrechiang leh zual.

NC Hall kan thlen chuan dawhkan sei pui, hlui tawh lampang kilin an lo ṭhu ṭhap tawh hlawm a.
Khawl lian tak tak kan velah chuan a awm ṭhahnem hle bawk.

He lai hmuna hotu lawk deuh leh training rapthlak min neihpui ṭhintu teho pawh an kim khawp mai.

"Miss Aya leh Kiara tepawh an lo thleng veta alawm." Miss Canon chuan inringtawk leh pawisak neih loh hmel hliah hliahin min lo ti a.

Ṭhuṭna awl awmah chuan kan ṭhu zui venghal a.

"In hma a computer awm ṭheuh kha in lo en dawn nia." Hmel bum roh leh nelawmna reng nei lo. Captain. Salvador chuan a ti rum ngut a.

"B.I.G Galax avang hian kan mite 10 lai kan chan tawh a. Kan thiltih tum lah a hlawhchham chiang hle bawk. Tunah hian kan thar thawh leh dawn a. Chuta kan mitirh tur te chu nangni ho hi in ni."
Capt. Salvador thil sawi avang chuan keini pa6 chu thip ramin kanin melh rawn nghal ṭhap a.

Training lai aṭang reng tawhin Kiara tih loh hi chuan min haw vek. Kei pawhin ka ngaina bik chuang lo.

"Kan fimkhur hle a ngai dawn a ni. An man dawn che u anih ai chuan mahni intihhlum mai tur." Facundo an chu thu a sawi rual chuan. B.I.G Galx bei tura an mitirhte thi lai. Kei ngei pawhin ka mihriatte, damdawi hmanga intihlum tih hriat takte thlalak chu min entir pah nghal a.
He damdawi hnathawh dan hi ka hrechiang hle bawk.

B.I.G Galx beihna ah hian mi pahnih chu a hmunah an thi a. Midangte erawh an man hnua intihlum te anni hlawm. Kan thiltih tur hlauhawm zia chu a chiang hle a ni.

"Mipa pathum (3) leh hmeichhe pathum kanni dawn a. Manuela, Pedro leh Aya ten a chhung inluhchilh ang." Chiang taka min rawn melh bik kher chuan a ti a.

"Facundo in leader ani anga, in chetvel dan tur engkim a thlithlai ang." Miss Canon in min melh kual pah zawk chuan ati a.



Kiara-in ka kut arawn hum sawk thung. Hmelma hlang ṭhah han thawhpui dawn chu. A phurawm chiam lo.

Chetdan tur leh a hmun hma chu chik takin kan zir ho a. B.I.G Galx bei tur hian kum3 chuang teh meuh an lo inbuatsaih tawh a ni.

Keini ho pawh B.I.G va bei tur hian thla1 lai a bik tawpin kanin sawr bing dawn a. Chumi zawh lamah chuan he thliar kar hi kan chhuahsan dawn a ni. Kiara tel vetur chuan ka thla ati muang deuh.

********** MAY R ************

THLA 1 HNU AH....

"Kanin ring vek tawh em?" Car aṭanga kan chhuah hnu lawkah Facundo chuan arawn ti a.


B.I.G Galx hmunpui, kan thil ruk chhuah tum awmna hmunah tunah hian kan awm mek a ni..
He kan thil ruk chhuah tumah hian kan hlawhtling thei ngat anih chuan he khawvel pumpui deuh thaw hi kan thunun thei ngei dawn a ni.


Manuela nen chuan inmelh dun zawkin kan bu rual nghat a..

"Kanin peih tawh e." Kanti rual ṭhaṭ a. Ka hmaikawr vuah chu ka siam ṭha zawm nghal zat bawk a.

Venhimna a khauh em em a, chu vangin a ruk a luh theih anih loh avangin an mi leh sate a nga incheiin kan lut a ni. Darkar chanve chiah hun kan nei. Kan tlai anih vaih chuan min hrechhuak hman dawn chiang a, khawvel chhuahsan vang vang ani nghal mai.

"Fimkhur ang che u." Facundo bawk chuan arawn tileh a.
Kalna min hrilhna lam pan chuan kan kal zui nghal a. Ka zam ve tak zet.

"Kha chu khawih suh." Manuela hnenah chuan zawi fiah tak siin kati ṭhaṭ a.

Darthlalang ang maia kan awmna hmun fim ral leh eng phut maiah hian khawih loh tur kan tawk palh zeuh anih pawhin, curren chak tak kal reng hian sec1 chhung lekin minti hlum nghal thei a ni.

"I thu vek alawm. Mitthi tho leh nu.." Ngeiawm zeta min nuih khum lui sawk chuan a ti a.

Khin letna hmun ani rih lo. Team khatah kan awm dun leh tlat tawh.

"Min lo zui rawh. Tho leh ngai tawh lo tura thih i duh loh chuan."
Fimkhur taka chet la chhunzawm nghal chuan kati kha fak a.

MINUTES 8 HNUAH..

"He lai hmun hi anih hi. Kan zawng hmu e." Kan thil duh kan zawn hmuh rual chuan ka ṭhiante kanin biak pawhna hmang chuan ka hrilh kual nghal a.

"Hmet sual suh ang che." Ka code ch$ lut tur chu Manuela in a lo ti rum al a.

"Ka hria."
Ka hmet sual anih vaih chuan a hmunah la la hian kan thi nghal ngei dawn tih chu an hmanraw hman aṭang hian ka chiang lutuk tlat. Thlan a tla bat bat thei.

"Aya dik lo a awm. Ri chu i hre ve em?" Manuela chuan a beng tum hrain a ti a.

"Lo chhuak nghal rawh u. Kan hlawhchham." Facundo chuan hlauthawng leh hmanhawh lutukin arawn ti a.

Benga kan thil vuah chu a kiu nghal vawng vawng a. Beng a ti na vek. Ka pawtthla hman lo chauh.

"Tu hrep nge lo che sual ni." Manuela chuan thinrim zetin a ti chhuak ṭhawṭ a.

"A inkhar dawn ania." Tih leh bang lian tak che ruah ruah lam pana tlan phei chu ka rual a. Manuela pawh a bang bik lo.

Hmun tinah alarm a ri ruai ruai a. Vengtu kil tin aṭangin an rawn chhuak tup tup bawka.

"Pedro anih saw." Tih leh tlan phei nghal ka tum chu. Manuela in min pawt ding pawp a.

"He lai hmun hi kan chhuahsan angai."

"Kan puihna a mamawh." Ka tih mek laiin silai a puak ṭhuai a. Pedro chu a tlu hlawm nghal nawk a.

"Tlan ang."
Manuela tlan chu bing ruaiin ka um zui venghal a. Kan tlanna hma takah mi pa4 lai an rawn lang ṭhawṭ a.

Keini ai lian eng ang mahse, min bei hneh lo nasa. Kan ṭha vetawk a ni.

"Facundo khawi lamah nge tlan tur?" Kal leh mai ngaihna tur hre tawh lo zet chuan thawhlawp hlawpin kan ding dun chawt a.

"Chhanna ka dawng lo. Inbiak pawhna a chhe vek." Thinrim zet chuan kati a.
Kan awmna hmun lah min zawngtu techuan an rawn thleng ṭep tawh bawk si

"He laia kan luh mai hi angaih hmel." Manuela min kawh hmuhna lam chu ka hawi vat a.

"I chiang maw?"

"Chiang lo. Duhthlang tur dang kan nei chuang em ni?" Pipe awm thla zul an pin danna kaw sep sep chu a pet thlawn hlawk a.

"Hmasa rawh." Pipe chhunga lut tur chuan min mit mei zauh a.

Muanchanna hun a awm tawh loh avangin, hnial zui duh lo in pipe chhungah chuan ka lut zui nghal a. Ka tawlhthla zui hawn hawn a. Ka taksa te chu kang ang maiin a sa thla hum hum thei.

"A fuh lo lem lo e." Pipe hmawr tawp ka thlen rual chuan kan kawrhak lai chu kan hlip nghal mawlh mawlh a.

Eng tih pawh hriat loh rim chhe tak kan kai ṭeuh a, taksa lah a ti sa ham ham bawk si. Kawr phelh nghal loh chi rual ani lo. Ka hmailawr leh lukhum erawh a him hram.

"Building leh lamah sawn kan lawn kai angai. Kan ṭhiante ho pawh hi khaw nge maw an awm le?"
Rilru hah zet chuan kati a. Kiara ka ngaihtuah a ni. Kan hmuh phak chiah si lo va silai puak ṭhuai ṭhuai reng chu an mahni an nih ka ring si.

"Midang ngaihtuah hman kan ni lo." Hneh sawh leh intha zo tih hriat tak chuan thil zum inkar awm thleh thluahah chuan a ban kai nghal zai zai a.

"Che tawh suh, i che leh hlek anih chuan ka kap ang che." Hmeichhe aw zo veh vawh tak chuan arawn ti hman ta tlat mai.

"Kal rawh." Manuela hnenah chuan hmui phunin kati sap a.

"I ban kha phar la, rawn inher rawh. Dam i la duh anih chuan chet thawh tum hlek bawk suh ang che."
Chu hmeichhe aw chu ka tan a mikhual tlat lo. Khawilai emawah chuan ka hretawh ṭhin a ni.

Ban phar chung chuan muangchangin ka hawi let phei a.

"I hmai kawr kha la thla rawh." A ti fiak leh ṭhak a.

Ka hmaa ding mek hmeichhe hmel chu hmuh tawhna ka nei ngei a ni. Mahse ka hrechhuak zo tawh lo.

"Ka sawi chu i hre lo em ni?" A thil sawi hreawm lo taka ka din khawng reng avang chuan dawhtheihna a neih tawh loh hmel hle bawk.

A benga a thil vuah aṭang chuan an rawn bia tih hriat takin a vuan zauh a.

"Aw ka ṭha. Mi man ka nei e. Puihna ka mamawh bawk. Ka awmna chu." A sawi zawh hmain, Manuela chemte arawn thlawk phei fua a.

Rem leh rem lo va chemte chu rawn vawm anih avangin, a tum ber a nghawng a fuh lo ve tlat. A silai ken lai erawh a thlauh thung. Chu chu remchangah la in rang takin ka pan phei nghal a. Mahse ka duh ang ngawtin ka khawih hman bik lo. Mipa tam tak ai pawha thiamna nei ka hmachhawn tih ka hrethei nghal. Manuela erawh a bo zui nghal.

"Aya i puihna ka mamawh." Kiara awi ngeiin kanin biak pawhna aṭang chuan arawn ti a.

Ka beipui mek nu pawh nikhaw hre lo in ka siam zui nghal a. Thah kher erawh ṭul kati lo.

"Kiara khaw nge i awm? Kiara Kiara." Ka ṭawng a hre let leh thei tawh si lo.

Ka pen leh tur chiah chu ring taka thil puak ri chuan ka beng a rawnti kiu vawng vawng a. Kal leh ka tum chu ka pai nawk a. Ka lu chu a puak dawn emaw tih tur khawpin arawn na vawt vawt a. Na theihtawpin ka vuan ngal tlawk tlawk bawk a.

Ka mitthlaah thil tam tak arawn inlar zut zut bawk. Ka naupanlai hun. Ka college kal lai leh ka mipa hmangaih hmelte. Ka thil theihngilh tawh hote kha chiang em em in ka hmaah arawn inlar zut zut ani ber e.

"Melanie.." Ka hmaa hmeichhe let reng chu tu nge anih ka hrechiang takhawp mai.

"Ka duh thei lo. Eng nge ka tih tak?" Ka ka ka hup chawt a. Tuna ka mi beih mek te hi ka hmelmate anni reng reng lo.

B.I.G Galx... Ka awmna hmun hi ka tan thil thar lah ani hek lo.

He tianga min siamtu hi zawng chhuaka, phuba ka lak theih nan ka nun hi zuahsak kani thei hram a ngem?

Thawm arawn awm a, rang takin ka silai ka lek kang nghal va a.


Mahse tu nge ka hmaa rawn inlar ta hi!! Khawvel hi thawm leh ri hriat tur awm lo lekin a chawl ta ṭhup nimaiin ka hria. Ka bing nghal mum mum.


Ka mitah mittui arawn tling khat nghal pam a. Eng tin nge he thil hi a thlen theih zawk? Ka mu mang mai nise ka van ti tak em..

"I silai kha dahthla rawh." A aw mawi leh pa tak mai chuan a ti rum hruih a.
Melanie nikhawhrelo va a awm a hmuh phei chuan a thinrim zual sawt tih hai rual ani lo. Saw tiang mit meng rothap leh pawisak nei reng reng lo hmel hian min melh ang tih ka ngaihtuah pha ngai lo.

Mi 10 dawnlai silai keng ṭhah an rawn lang tel nghal zui bawk a. Ka chan chhiat zia chu rapthlak tak a ni. Ka nunna derthawn zia lam ai mah chuan thil thleng mek hriatthiam lohna leh mak tihna in ka khat zawk.

"BIG BOSS." Ka rilru chuan ka ko mawlh mawlh a. Ka hmaikawr kar aṭang chuan ka melh tlawk tlawk bawk. A ni lah chuan tu nge kanih a hre der si lo.

He pa ngei hi a ni khawvela, a lehpek awm leh chuang tawh lo tura ka hmangaih ngei mai chu. Tunah lah min thah chak ngawih ngawihna mit meng hlir, hmangaihna a khat mit meng mawi taka min melhna niṭhinah khan ka hmu ta si.

"Ka sawi chu i hre lo em ni? I silai kha dahthla rawh." Dawhtheina nei lo zet chuan a tivin leh hrawk a.

"Keimah ka ni." Ka phun ri chu an hre pha kher lo vang.
Ka na tawt ngawih ngawih.

Silai dahthlak riai riai pah chuan ka tawlhhnung hrat a. Building leh lama pakaina hman a awm tawh si lo va. Ka zuanthlak mai angai dawn a ni. Min kap hlum hman mai thei bawk.

"Che tawh hlek suh."
Ti ri chu hre lo ang maiin ka che phut a, silai arawn puak zui ṭhawṭ bawk a. Ka dar a kahna hliam aṭang chuan thisen tharlam tak dan rual lohin arawn chhuak nghal bawk.

Boruakah chuan ka tla thla zui vawn vawn a.

Tun ang deuh chiah hian thil a thleng tawh.
Kha meialh zuai zuai kar aṭang khan tuemaw chuan min chhan chhuak tawh ngei mai a.. Chhanchhuah kani leh kher a ngem?

KA NUN HMASA LAMAH CHUAN......

Kum 21 na hmang mek kani a. Fit 5/5 a sang. Mite chuan hmeichhe hmelṭha leh piang vanneih tak ka nih thu min hrilh ṭhin a. Mi hip theihna bik riau i nei minti fo bawk.. Mit meng paw chia leh sam sei ngil nalh tak mai ka nei a. Han tihdanglam vak dan pawh ka hre lo. Fashion lam ka ngaihsak lem lo bawk. Hmeichhe nun ngil leh enkawl hautak lo tak ka ni.

In hual vela tal kual mai mai nuam titawk ka ni a. Khawvel thil dang hian minti buai veteh chiam lo. Thing hlim hnuaia thifim thaw heuh heuh kara lehkhabu chhiar paha ka mutthuk veng veng theih hi chuan ka lungawi tawk a ni.

"Ka pi i inpeih tawh chuan kan kal dawn em ni?" Min lam tura Damian Thibault rawn tirh, zahawm leh pa lian tak nibawk siin arawn tih thum deuh dut chuan ka ngaihtuahna ram aṭangin ka harh chhuak veleh chiah.

"Aw le kal i la."

Zam ru ang reng tak chuan thaw ka la pah halh a. chhuahsan ka hreh a ni. Ka la kal ngai miah lohna ramah ka hun pum hman a ngai tawh dawn chu ania.


Ka pi nena kum 10 dawnlai kan lo chen tawhna in chu lungleng lawk ngawih ngawihin ka chhuahsan ta hnak hnak a. Hawi kir lo turin ka insum nasa viau a ni.

Kum 12 mi ka nihin ka nu leh pate hian car accident avangin min boralsan tawh a. Chuta ṭang chuan ka pi hian min enkawl chho ta char char a. Min enkawl tu ber, ka mi ngainat leh ka hmangaih em em lah chuan thla1 kalta mai khan min boralsan leh ta bawk si a.

Chu vangin loh theih loh na avang leh, ka pi thi tur duhthusam leh min ngenna avang liau liauin mi hausa tawntaw, Damian Thibault(Billionaire) kianga ka chen ve angaih phah ta a ni.

"Kan lo tlan mek. Minutes 10 hnu velah Airport chu kan lo thleng hmanin ka ring."
Damian rawn tirh pa chuan phone aṭanga a mi biak hnenah chuan a ti a. Car erawh a khalh lo. Min hruai tur ringawtin Damian hian mipa 3 ngawt arawn tirh ka beisei lo.

Mihring chu sawi loh, he tiang car nalh leh man to a ka chhuang pha ringawt pawh hi ka ṭhiante chuan hriase min thik hlum thei ang.


"Aw le, ka hrethiam e." Tiin phone chu a dah zui nghal a.
Tu tak chu bia ang maw?? Damian ani mai thei.. Ka rindan ngawt pawh chuan ka lungphu a ti danglam nghal thei..

Tu mihring mah hian Damian hi ṭha katih loh thu leh mihring pangngai vemai anih thu sawi ni ta i la, an awih hauhin ka ring lo. Awih chu sawi loh mi mawl leh chhaw lutuk ang maia min ngaiin, min nuihsawh hrep duh zawk ngei ang.


He pa hi chu mihring pangngai ni ve awm pawha mawi ani lo. A ni ang mipa a lo piang ve hi chu mihring nih tinuamtu a ni. Ngaihtuah chhunzawm tawh lo teh ang. A hmel ka mitthla ngawt pawhin ka hmul thi a ding ur ur thei tlat.

DARKAR 4 HNU AH:

"Ka pi kan thleng tawh e." Tih ri ka hriat rual deuh thawin ka ṭhuṭna zawn kawngkhar chu arawn inhawng a.

Car in Airport thleng kan kal a. Chuta ṭang chuan B.I.G Galx tih inchhut kulh na private jet changkang takah kan chuang leh bawk a. Ka tan private jet arawn tir ang tih hi ka mu mangah pawh ka mang pha lo nasa. A hausa tih chu ka hria, mahse ka lo rindan leh thil kal dan hi a inpersan ṭan riau.

Paris kan thlen hnuah car in minutes 15 dawn kan tlan leh ani a. Tlemin ka chau ve tadeuh.

"Hello Paris."
Car aṭanga chhuakin, mit chhing meuhin ka zi mar nghal ar ar a. Ka zam vak lo vechiang alawm.

"Ka pi kan lo lawm a che." Kum 52 bawr vel tur, car kawngkhar min lo hawn saktu chuan nuihmel ngainatawm tak min lo hmuh a.

"Ka lawm e." Nuih let sakin ka chenna hmun tur chu ka melh kual nghal a.

A pawnlam landan ringawt pawh heti khawpa ropui hi anih chuan a chhunglam phei chu..

In chhunglam hmuh chakna thlarau chak lutuk tak mai chuan min zem chhuak nghal vek.

"Khawngaihin min lo zui ta che Miss Clara. Hubert tiin min ko thei bawk ang." Hawihhawm tak leh chapo lo tak chuan a ti a. Ka hmingin min ko chat thei nghal bawk.

"Aw le, pu Hubert." Kei ai fe a upa anih avang chuan kati a. Nelawm takin a nui zui a. A incheisa smart thlarh chuan ati lang zahawm viau bawk.


Kawngkhar lian leh nalh tak chu arawn inhawng ruah ruah a. Kawngkhar inhawn rual chiah chuan hmeichhe pahnih, kawrfual var leh a dum inpawlh ha an lo lang rual nghal ṭhawṭ a.

"Kan lo lawm a che." Kei vemai min lawm nan chuan an chet zia leh an ṭawngkam, an hmel hmai landan zawng zawngte chu aṭha mah mah.

"Wow." Chu bak ka ka aṭangin chhuak tur thumal dang a awm lo.

Chu inchhung mawi leh ropui lutuk chuan ka ka a ti chih. Sawi tur ber pawh minti hre lo. Mu mang ramah fan ngai loh ram nuam lutuk ka lo dai darh vel nimaiin ka hria.

Hmanlai lal in ropui tak anga lang siin, tunlai leh changkang thei ang ber tura duan ani thung a.. A chhan pawh an hmanraw hman tinreng chu a bik tak vek a ni. Eng tin nge maw he tiang in an sak theih tih palh awl a ni.

"Keini hi nangmah enkawl bik tura a hranpa liau liau a rawih kan ni."
Nula la ningei tur leh, kum 50 vel ralkai tawh te thil sawi chuan ka mak tih a ti zual.

"Kan pu thupek angin kawng engkimah ṭanpuiin a kut ke ber inni tur a ni." Pu Hubert chuan a la ti tak ang deuh deuh a.
In chhung enkawl lama thuneitu ber anih ka ring ta.

"Awle. Khawngaihin i room tur lamah kan chho tawh dawn em niang." Nula pakhat zawkin a tih chuan ka bu nghata.

In chhung hmun tinreng mai chuan ka mit an la em em vek a. Hmuhnawm tia thlir kual tlawk tlawk tham vek a ni khawilai mai pawh chu.

Pen hnih khat lek kan pen rualin kan awmna hmun chu a lo danglam hman em em ziah.

"Ka pi inchunglamah zawk hian ania i room tur chu a awm." Ti a min biak zuina pawh chu ngai pawimawh hran chuang lovin, ka thil hmuh chian chak em em awmna lamah chuan ka tlan phei dat dat a.

"Ouchh." Ka thil sut thluk keh darh chuai avang chuan inthiam lo zetin ka ding chawt a.

An pangpar khawi tepawh chu a bawm ber a keh chhiat avang chuan chhuat phah man to leh fai em em ah chuan an tla darh nghal nuai a.

"Eng thil nge thleng?" Vin fe a rawnti tu aw ka hriat phei chuan nuam lo kati zual ngei mai.

"Ka kalna tur en chiang lo in."
Nu lian ṭha fe mai, sam kir buk bawksi kara rum taka min melh kurtu hmel ka hmuh takah chuan ṭawng zawm lo in ka ngawi a. A hmel chu a rapawm lam mah zawk.

"He lai hmunah hian bengchheng siam phal ani lo. Kha tiang nungchang kha rawm chhawmlut lo bawk la aṭha ang." Rum ul a min la melh ngur chung chuan a ti chhuk chhuk a.

Ka awmna leh ka chet ve hlek hriat tak mai, thil han tih rik bur te. Kal mai mai thiam lo, tlan ti tih, lam pah deuha kal ah ah ṭhin ka ni a. In chhung leh a chhelvelah tehian bengchheng siamin ka tlan kual nasa hle bawk ṭhin.

Mahse hetah chuan chung nungchang zawng zawngte chhawm luh a rem hmel lo khawp mai. Bengchheng hlek pawh siam phal anih hmel si lo va.

A in a ropui a, a nawm hmel daih ai hian chen a nuam leh vak dawn pawhin ka hre leh ta lo.

"Pi Barsot, pu ber minutes 5 hnu maiah hian in arawn thleng tawh dawn ania." Awmpui dang lo lan belh leh nu chuan hmanhmawh hmel takin arawn ti a.

He lai hmunah hian mi eng zat chiah nge mawni hnathawka chhawr a neih ni?

"Aw le, hmanhmawh takin kha lai hmun kha thianfai nghal u la, lo inpeih fel nghal ang che u." Ti hmukin, a pen sawn nghal lawi lawi a. Ka thaw huai.

"Khawngaihin min lo zui ta che. Pu ber lo thlen laia hmuak tura kan awm hman loh chuan hremna kan hmu mai ang."
Ka room lama min hruai tura tih nu chuan hlauthawng hmel pu lek lekin a ti a.

Ka thil tih chhiat leh tih hnawk nghal ringawt pawh chu rang takin an rawnti fai nghal zung zung a.

"Hmuah kher angai ṭhin em ni?" Mak ti ang reng tak chuan kati a.

"He lai hmunah hian pu ber hi arawn haw ngai zen zen lo va. Thla2 lai a thang bo hnuah arawn haw veleh dawn chiah a. Chu vangin kanin buatsaih nasa leh zual a ni.."

Pu ber tih a sawi lai ringawt pawh khan zahna leh zam hmel a lang thei. Midang ho pawh hi an ni vek ang. An hlauh hmel hlawm hlein ka hre bawk. A rawn awmchilh hunah phei chuan....

"Kha nu sual hmel deuh kha tu nge ni?" An hmanhmawh anga hmanhmawh veduh miah lo chuan zawhna ka la zawh belh tak ang deuh deuh a.

"Pu Hubert ai awh rihin, in chhung enkawl lama thuneitu ber nihna a chelh rih ang. Pu Hubert khan naktuk aṭangin chawlh a la dawn a." Ti a min chhan chuan hrawn ka peih lo zia chu.

Toronto, ka seilenna hmun leh ka pi min duat em em tu tekha ka ngai vawng vawng..

Regu thei ang berin lo dah ka tum dawn nia...
MAY RENTHLEI ....



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » January 17th, 2021, 12:26 pm

Big Boss
Chapter -3

Kei misual leh in tana tling lo (😂) hi theihngilh lovin minlo la hriat reng avangin ka lawm pawp pawp☺.....
Ṭha taka minlo dawnsawn avangin pawhin ka lawm lutuk e..😍

***** ---- MAY RENTHLEI---*******

"Min chhuksan ru. Keimahin ka lo inbuaipui mai ang." Ka room tur kan thlen choh hnu chuan kati a.

"A nih chuan le, mamawhna min neih phawt chuan min hrilh zel dawn nia."
Tiin min chhuahsan zui nghal a. Damian lo thlen laia awm hman loh hlauin hmanhmawh taka an chhuk thlak hlawk hlawk ngei ka beisei.

"Ka room tur atan chuan a ṭha mah mah anih hi." Ka room tur chu melh kual velin ka khi vei suk a. Ka kal kual nghal thuak thuak a. Mu mang mai tepawh a ang rum rum dawn alawm mawle. In pakhat tham lawih chu ani ve.

Duhthusam ang thlap a ni e. Hmeichhe room tih en mai pawhin a hriat ngawih ngawih. An cheidan rawng leh an bungraw hman nalh tak tak te avang chuan.

"Mahse hei hi eng nge ni ngai?" Ngaihna hre lo takin thawmhnaw bawma thawmhnaw nalh leh changkang tih hriat tak tak lo inkhai tlar dul chu ka en kual dan dan a.

Ka thawhchhuaha ka lei tur chu nise a enga mah hi ka lei ngam dawn lo chu thuhran. Ka thawhchhuah nen a inmilh pha lo hrim hrim.
A changkan bakah a nalh hlawm hle a. Ka ngainat tur zawng chi hlir lehnghal.

Kylie Jenner leh milar dang tam tak closet hi show eng emaw ah te kalo hmu ve nel nual tawh a. Mi hausa fa sum hlutna leh hmandan tawk thiam lo room tour ang chite ṭhiante ngaihven zawng anih miau avangin an phone kal tlangin kalo hmu vetawh a.. Ka va ngaihven ve pawh ani chuang lo. Ṭhianten phur taka hmai hma takah phone keng chunga an sawi siam siam tawh hi chuan lo hnar thu awm hek suh. Tui vak lo pawha kalo enliam pui ve thuak tawh ṭhin tenen khan tehkhina ralah pawh a ropui zawk fein ka hria a ni. A dah nil kanti zawk dawn em ni ang?

"Ka room tur hi min hrilh sual ani ngei ang." Thaw la hakin ka ngaihtuah chik pah hle a.

Kan melh kual thui leh deuh a, thawmhnaw mai bakah inbel tel chi, chi hrang hrang chu awm ze nei takin a lo la inrem tlar phei dul a. An light chhit rawng eng paw phek chuan chu lai hmun chu a ti lang mawi leh zual tak zet...

"Wow.. Shopping mall changkang tak, lei chu sawi loh melh pawh ka melh ṭhaṭ ngam loh tur hial hmunah ka ding mek anih hi mawle."
Pheikhawk chi hrang hrang, a sang leh a hniam deuhte bakah pheikhawk pum nalh tak tak a lum chi leh lum chi lo deuhte, awm ze nei taka inrem tlar dul chu ka khawih kual dan dan a.

Bag store, shoes store, purse leh incheina chitin reng nen. Bag ringawt pawh chu bag dawr lianpui ang mai ani a. Chu tiang bawkin thil dang zawng zawng tepawh. Thawmhnaw ho mawlh mai chu. A takah ka hmuh phak ka ring hlawm hleinem.

"Ka room tur chu ani thei lo chiang sa. Ka zu zawt fiah leh a nge." Ti chhuak sapin kawngkhar lam panin ka pen zui nghal a.

"Leh lawks" Ka hawi buai nghal. Khawi lam nge chhuk dawn khan pan tur tih ka theihngilh nghal tlat.

"He in ropui zetah hian ka cheng dawn chu ani sia, hrebel tur chuan hun ka duh deuh dawn anih hi." Ka sam tuaithur nak chuan keimahin ka phun sap a.

Kan chhohna lam nia ka hriat lam pan chuan ka kal phei tawp a. Ka kal sual lo hlauh. Chu step lian leh ropui zet chu red carpet, milar ho zawh chi ang deuhah hian ka chan a..
Kawrfual hnalh mai ha in, lal fapa in ka kut a min kai hnap chungin han zawh dun ta hnalh hnalh mai ila.. Ropui dawn lutuk tlat.

"Thawnthu chhiar tam leh lutuk pawh hi a." Ka nui chhuak seih a.

"Wow" Lung man tam, fim mawi tak ang maiin ka dinna hmun aṭang chuan hnuailam chu mawi leh chiang takin a lang kual thla ruih mai.


Ka pen leh hlek takah chuan he in a hnathawk ho lo ding ngil tlar pat chu ka hmu a. Zah hmel takin, lu tikun deuh hlek chuan an ding ṭhap a. Eng thawm ri bengchheng mah hriat tur a awm lo. A reh hian a reh tlawk tlawk.

"Damian Thibault" Ka lungphu chu rawn ring ta sauh leh su deuh dup dupa kan hriat tak chu. Midang ang tho khuan Damian Thibault hmuh vang ringawtin ka zam ve ani ngei ang.

Thawm nei lo tur ber chuan ka let leh ṭham ṭham a..

Ka hmaah dinga biak ngei angaih hunah eng nge ka sawi ang? Lawmthu ka hrilh dawn nge ni a he lai hmunah, a kianga chen ve hi ka duh dan anih loh zia leh duhthlan tur dang ka neih rih loh vang mai anih ziate ka hrilh hrep mai dawn.

"Huiham" Thaw ka la hliaia. Ka lu ka chet pah avang chuan darthlalang lian taka ka thla chiang taka lo lang chu ka va hmu a.


"Hmeichhe piang vanneih tak chu ini mawle. Hmelṭha si, i pian lah tunlai mite neih chak, cher nisi lo thau tih tur nimiah bawk si lo. In vuah fuh thlap mai." Pi Ruby in nui huah huah chunga min hrilh fo ṭhin kha ka hre chhuak a.

"Ṭhiannu ṭhin hi mite reu reuin hriain an lo nui palh ange. A sam ngil tle siau bak chhuan tur dang anei hleinem ani techuan." Ka piin min chhuang ru tak siin nui chung bawkin alo chhang let ṭhin anih kha.

Ka sam ngil, sei nalh zet.. Rawn tla uai siau chu ka khawih a. Kei pawn ka chhuang. Minti lang nu hnap a, mi ṭhenkhat chuan ka pianpui anih an ringhlelh ṭhin. Mahse keimah hian ka hrechiang. Ka pianpui ngei ani tih hi.

Kawngka in kik ri kauhah chuan harhvang zetin ka ding ngil nghal zata. Zawhna ka nghah lutuk hi ka mawng a za tawh tlat.

"Miss Clara kalo lut thei angem?" Tiin a zui nghal a..

"Tehreng mai." Nui sangin ka room a nula la ningei tura ka rin rawn lut mek chu kalo chhawn a.

Ka room min kawhhmuhtu leh keimah min enkawl bik tur ni a insawi kha ani bawk.

"Mamawh i neih leh neih loh zawt tur che in pu berin min rawn tir a ni." A hmel, a thawmhna hak zawng zawng a felfai ang bawkin aṭawng pawh a fiah felfai.

Damian Thibault hian a hnathawk tur tehi a duhtui hle anih dawn hi.

"Min hrethiam la, ka room tur min kawhhmuh sual niin ka hria. He room hi chu tu emaw luah lai sa ang maiin engkim a awm felsa thlap si a. Ka room tur niin ka hre thei lo."

"Miss Clara he lai hmun hi i room tur ngei ani e. Tih sual he in ah hian engmah a awm thiang hleinem." Nui hmel pu lek lek chuan min chhang fel leh thlap a.

"Mahse... Heng thawmhna zo zaite hi." Ka ban pahnih phar kang ak in ka vai kual thuak a.

"Ka la ringhelh cheu ania. Min fiam chu ani em lo maw? Prank ka ngaina lo tak zet ania." La ring zo lo hle chung chuan kati a.

"Khawngaihin Miss Clara min ring rawh. Eng fiamthu mah a awm lo ve. He lai hmunah i rawn cheng dawn tih kan hriat rual khan pu ber thupek ang vekin engkim hi peihfel vek ania sin. Aṭha thei ang berin mawle."

"Ohh tak zet." Ka makti hmel thup zo lo fe chuan kan ti a.

"Tehreng mai. I tan vek ani e. I ngainat loh zawng eng pawh a awm anih chuan kanti danglam leh nghal thei vek ania."

"Angai lo ka lawm. Hei pawh hi a tawk tawh lutuk mah mah. Ka ha seng dawn em ni? Ka thawmhnaw rawn ken ve tehi khaw nge ka rem vetak ang?" Ti deuh duah chung chuan ka la remfel lemloh ka thawmhnaw luggage a ka la khung khawm thlap melh phei pah ralh in kati a.

"Hei chu kan kutah dah rawh. Engkim kalo tifel..."

"Nilo ve. Keiman ka tifel thei alawm. Buaipui ka ngai reng reng lo."

"Kan hna ani alawm. I mamawh engkim tihsak tur chea tih ka ni." In pe zo zetin alu a kun pah zauh a.

"Lal fanu pawh kanih loh hi." Ka nui zui chhuak hawk a.

"Lal fanu te ai pawha chungnung zawk leh anni ai daiha ṭha a enkawl tur che a tih kan ni." Ala ti tak deuh deuh a. Ka dang leh ta der mai.
Thil mak hlir kala tawng char char. Ka dik lo zo vek dawn tawh zawkin ka hria.

"Damian Thibault chuan heng thil zo zaite hi ka tana buaisaih tur cheuin ati ang tih hi rin harsa kati deuh mai ania. Ka rinloh vang che pawh ani lo ania. Thupha ka chawi e."

"Chu tiang engmah angai lo ve. Ka hrethiam alawm. Amah erawh chu pu ber hming kha ti deuh tawp loh khan i sawi tawh dawn nia."

"Damian Thibault tia ka koh kha maw?" Kanti nawn leh kher a.

"Khatin sawi tawh teh suh." A sawitu keiai mah pawh chuan zu hlauthawng zawka mawle.

"A hming ania lawm mawle." Kan la ti ṭalh a.

"Khawngaihin. Pu ber hi ila hre chiang lo a ni." A mah kan kiangah ading ve pawh ni chuang tawp loh chu a sawi zawng ringawt pawhin a zah tih a hriat hluah hluah tho nia mawle.

"Awle. Kalo hre dawn nia." Kati ve ta hram a. An hlau nge an zah lutuk zawk chu ka khawngaih hlawm tadeuh..

Eng ang mizia chiah nge maw i neih le? Damian Thibault...

A maha ka hriat vechhun chu khawvel mipa sexy leh hmelṭha ber nihna vawitam a hauh tawh tih te. Billionaire nithei naupang ber anih bakah he khawvel ram rorelna ah hian thuk takin a inrawlh ve tih a ruka an sawi pawh kalo hre ve nel nual.

Khawvel pa thil tithei ber pawl ani tih chu chanchinbu mite thu chhuah kur dep dup zinga mi ani tel bawk.

"Aw. Miss Clara room ah chuan kala awm e." A benga a thil vuah khawih pah zauh chuan ati a.
Secret service tepawh minti hrechhuak alawm mawle. Security Guard techauhin anlo hmang lo anih dawn hi.

"Miss. Clara."

"Aw sawi rawh." Kalo tivar a.

"Pu berin tun aṭanga darkar2 liam hnuah hmuh che aduh anih chu." A sana bun lai abih zui nghal a.
"Tunah dar5:31 ani a. Dar7:30 ah hmuh che aduh dawn a. Zanriah kilpui che aduh ani ngei ang." Atih zawm zata.
Ka zam nghal ringawt nia mawle.

"Ti nge tunah min hmuh nghal mai loh?" Nghaknghlelh ber ang mai chuan kanla tizuia.

"Hahdam turin a duh rih vang che nia."

"Umm. Ka hrethiam e."

"Mamawh eng pawh i neih chuan min hriattir vat dawn nia. Hahdam tawh rawh."

"Awle. Ka lawm e."
Nuihmel min hmuh zui leh sakin a chhuak zui tanghal a..

"Damian Thibault hmuh ka hmabak." Ka kut pahnih a ka kawng dawm dun meuhin ka ding khawng lah a.

Tih hmasak ber tur ka ngaihtuah mek a ni. Hahdam turin min duh phawt nimaw kha?
'A teuh lo! Ka hahdam thei dawn lo chiang.'

"Eng pawh nise intihfai hmasak phawt ka ngai a ni."

Kawngka bul deuh maia ding kanih vang leh ka room thar chu a len tham em avang chuan bathroom awmna lam tur zawng chuan ka hawi kual leh te te phawt a..

Hmuh a harsa vak lo hlauh. Ka room ah te mai pawh ka bo lek lek ania. He in chhung pum hrechiang tur phei chuan hun ka mamawh deuh ngei ang le.

"Wowww.." Ka ka ṭangin he thu hi ava han chhuak ngun tawh tehlul em..

Vanity counter ah chuan mamawh enngkim alo inchhawp diam a. Face towel, hand towel leh bath towel extra thlengin..

Bathtub fai tle sar tlang kual chu ka zut phei dalh dalh a. Bathtub a inbual erawh ka tum rih lem lo.

Shower area lamah chuan pheiin, a kawngkhar darthlalang a Bath towel lo in hang(khai) nem thep chu ka khawih pah zauh a.

Conditioner, shampoo leh shower gel rimtui tak tak lo inrem phei tlar ṭhaṭ hmuh chuan ka nui sen sen lo thei lo..

"7* hotel ang mai alawm. A fai nuam bawk si." Thlamuang fe a katih vang vang lai chuan eng emaw sik palh ka nei ani ngei ang tui hit lutukin min rawn phuh zui ṭhawṭ a. Ka phu nasa ngei mai.

Tih tawp tumin ka hawi kual ruai a. Min phuhna katih tawp rual chiahin a chunglam aṭang chuan ruah sur ang mai hian arawn tla thla veleh thung chiah lawi si. Mahni tawkah ka van buai chiang tak..

"Shower area pakhat chhungah ringawt chi hrang hrang dah tel nuai a ngai kher em mawni?" Ka kawr huh zawr vek tawh thing nawk nawk chung chuan ka phun nang nang a.

Chiang deuh zawka control dan ka en hnu chuan thlamuang tak chuan ka inbual zui veleh mai bawk a.

Rimtui ram ram tak ka ni.. Bathrobe inkhai zinga pakhat chu banin ka ha chhuak zui tanghal a..

Dressing table hmaah chuan ka ṭhu vang vang a. Zanriah ei naa thawmhnaw hak tur ka ngaihtuah mek a ni. Ka thawmhnaw sa hi ha ta ila ka confi zawk ngeiin ka ring.

"Darkar khat1 lai hun kala nei alawm."

Ka khum nawm hmel zet ka mit la ngawih ngawihah chuan ka bawk zui thla thlawp a.. Min lo zem bet tlat ang maiin ka tho thei tawh reng reng lo. Eng eng emaw ngaihtuahin, mut chhuakin arawn zuia. Mit ka chhing ta riai riai a..

"Damian Thibault." Ka mumangah hmuin minlo tiduhdah nasa lutuk..Peih lo zetin ka menga.

"Zanriah ei pui ka ngai." Chu thu ka hriat chhuah leh rual chuan rang lutukin khum aṭang chuan ka inperh tho nghal..

Bed side table chunga sana intar kan en chuan zan dar 7:30 rik nan minutes 6 chiah alo awm tawh. Ka meng phar ak a..

"Ani thei lo." Ka au chhuak ṭhaṭ a.
Hmeichhia tih takah insiam nan darkar chanve chu ka mamawh tlangpui ṭhin asin. Thawmhnaw hak tur tak ngial pawh ka la la chhuak bawk si lo. Bathrobe nen sam huh hnuangin ka mu thlawp kha ania. A tih chiloh tak zet.

Ka sam tuamna ka lak thlak rual chuan ka lu ana nghal ut ut. Lu huh chunga rei tak lu ka tuam hian lu na ka nei ngei ngei ṭhin. Mahse tunah chuan chutiang ngaihtuah thei kani tawh lo.

"Miss Clara kalo lut thei angem?" Kawngka aṭang chuan ka aw hriat tawh hnuin arawn ti a. A hma a nula bawk kha a ni.

"Tu nge?" Lo lut rawh katih mai theih loh avang chuan hrelo nimiah lo chuan kan zawt vel a.

"Keimah Thelma kani e."

"Lo lut rawh." Katih takah chuan arawn pen lut nghal a.

Kalo hmachhawn dan min hmuh chuan thidang tur ang maiin zuk dang lawp lawp a mawle..

"Miss Clara eee enga enga ti nge ila inpeih loh?" A ṭawngte chu a bahlah nawk nawk tamai alawm.

"Ahh nia.. eng lo." Sawi zawm mai lovin za lo fe chuan kan nui lui zuia.
Hlim chhan tur avang rih em a ni. Ka inthiamlo ve tho.

"I inpeih hman ngei ngei ania." A hamhaih rehin minlo pan hnai ruak a.

"Nia, pawi kati. Hun lo lutukah kalo muhil daih alawm mawle." Kati niah niah a.

"I thawmhnaw hak tur kalo ngaihtuah a nge. Khawngaihin darthlalang hmaah khan ṭhuin i sam leh i hmel vel tekha ilo chei thei a ngem?"
Ka closet lam pana ke pen phei nghal thuai thuai chuan ati a.

"Thelma ka hmu thei lo rih mai lo em ni?" Katih chuan ding datin arawn hawi let a.

"Thei lo. Chhuanlam i siam thiang lo. Kan hnial tur ani hleinem. A sawi ang chu kan ti mai tur a ni." Ati bur leh tanghal a.

"Eng vangin? I hmu ang hian ka inpeih hman hauh dawn hleinem"

"I inpeih hman angai." A hmel landan reuh chu keimah zawk ang mai ani tawh. Kei ai a hlauthawng leh fe tawh nia.

"A nih chuan ka tlai deuh mai ang." Min chhang tawh lo..
Ka hmu zui thei ta lo bawk. Ka hak tur a zawng ani mahna.

Ka sam chu ka khuih buaipui peih vel loh avang chuan sang takah ka ṭawn vah a. Ka lang naupangchhia hlein ka inhria. Kum ai daiha lang naupang chi ka lo nivei nen. Lip stick pink ka thlan chu dahthlain, a brown ka inhnawih leh ta zawk a. Makeup hi chu ka hmang nasa lem lo hrim hrim a. Foundation lam chi hi ka hmaiah hian vawi khat pawh ala kai chhin lo.

"Hei i thawmhna hak tur chu le." Thelma chuan arawn ti a...

"No." Ka thawmhnaw hak tur arawn khai chhuah ka hmuh rual chuan kati nghal tawp.

"Kha tiang thawmhnaw kha chu nalh viau mahse tun atan chuan a nalh mah mah lo maw?"

"Nalh mah mah lo ve. A dang thlan nan hun a tam tawh lo Miss Clara." Ha se min duh tih hriat zetna mit meng chu ka hmuh hmaih lo.

"Red carpet zawh hun anih rih loh hi." Victoria secret model ho thawmhnaw hak tur ang mai han hak chhuah nghal tawp chu ka hreh deuh a ni.

"I duh zawng ani lo viau em ni?"

"A nalh lutuk tlat. Mahse tunah ni rih lo." Ka luggage pan phei ngal chuan kati a.
Hmanhmawh taka hawngin ka thawmhnaw thleh ṭhaṭ sa techu ka hai hnawk tawp tawp a. Minlo pui vebawk a.

"Hei ka ha ang." Ka kawrfual khup khuh lo deuh hlek simple taka ṭhui. Ka kawng fek tilang rat thei, a kawng hnuai aṭanga arh thla hret chu ka ha nghal nawk nawk a..

Ka sam tawn sang lang nen chuan high school kal lai ang maiin ka lang naupang. Pawi tirih lo phawt ang..

"I inpeih maw?" Thelma chuan min siam ṭha thuak chuan ati a.

"Peih lo."

"Peih lo a?" Thelma hmel zet chu. Ka nui chhuak teuh lutuk. Nuih hun ani rih silo.

"Kal ang." Kati leh lawi a. Hmanhmawh zetin ka hnungah min rawn zui a.

"Miss Clara kha lam ani lo." A tih zawh rual chuan rang zetin ka leh hawi lehngal zat a. He in ropui zetah hian ka bo deuh reng mai ang tih a hlauhawm khawp mai.

Kar 1 emaw, thla1 emaw zawk vel aral hun chuan duh tawkin ka tlan kual vel thei tawh turah ngai ang.

"Thelma ka room bul leh a chheh vel kha eng hmun nge ni zo zai?"

"Mr. Thibault room anih kha."

"Ka room bulah kher."

"A room bulah i cheng zawk dawn alawm"

"Ahh nia." Kati leh lawi a. He in zau zet, room tam tak awmnaah hian a room bul khera min awm tir han tum teh tlat chu.

"Keini pawn mak kanti lawm." Ka rilru hria niawm tak chuan arawn ti a.

"A room awmna bik floor pumpuiah khi chuan amah chauha chen aduh emaw kan lo ti vek vetho a."

"A nih leh...."

"Shhh." A hmuia a kut dahin, ṭawng lo tur chuan min zaizir a.

"Zawhna dang chu nakinah.. A leh pekah chuan i tlai tawh dawn lo hram nia. Sec1 khat lek pawhin kan tlai anih chuan pu ber hian min ban nghal ṭhin ania. A hnuaia thawk zawng zawngte chunga thleng ṭhin ka hrilh che anih chu."

"A hnuaia thawk kani lo."

"Ni e. I ni lo hlauh. Mahse keimah hi tuna i tlai vang hian ka ban phah mai thei a ni." Ati ngui raih a.

"Tak zet." Ka inthiam lo nghal.

"Lut phawt rawh. Kan thleng tawh e." Ka lutna kawngkhar tur a kut chuan min kawhhmuh pah zauh va.

"Awle. Kanin hmu leh thuai dawn nia."
Kanin nuih dun a.

"A leh pekah chuan Minutes5 talin hma i tum tawh dawn nia." Min buk khum zauhin kan kalna lamah chuan a let zui lehnghal a..

"Kan zanriah kilna tur lam chu a mak hle mai. Choka lam kha chu helam niin ka hre si lo." Ti rilru nauh nauhin hreh ru bawk si chuan kawngkhar chu ka hawng a..

Marble nalh tak lo inphah phei tle zarh leh pangpar nalh tak tak lo inkhawi tlar phei tiar chuan ka mit ala nghal chat. Zan lam nitawh mahse chu lai hmun chu ala eng dawn chauh emaw tih tur khawpin alang nalh. Rangkachaka luan kanti thei ang.

"He lamah hian khawngaihin." Chu lai hmuna lo duty chu anlo dang leh daih tawh. Ka zui ve mai a..

Kan zanriah ei na tur dawhkan nalh tak leh ei tur chi hrang hrang lo intlar duat ka hmuh rual chuan mi pahnih, inkawp tur renga khuanu duan emaw tih tur khawpa mihring nalh leh hmelṭha dun lo awmsa tawh te chu ka hmu a..

"Ilo thleng ta maw?" Min hmuh rualin a hmeichhia zawk chu a ṭhuṭ hmun aṭangin a lo ding var a. Nelawm takin min nuih san san bawk.

"Khawngaihin lo ṭhu rawh. Kan lo nghaknghlelh dun tawh lutuk che alawm Miss Clara." Ka ṭhuṭna tur min kawhhmuh var a. Ka hming a hreleh thlap tawh. Ka hmuh hnu a ang hle bawk.

Damian Thibault lam ka hawia, min nghaknghlelh tih lai thu kha awih a harsa. A hmelṭha zetah chuan lawm lo hmel em em chu alang lo. Mahse a landan hi chu a nelawm surh ngai reng reng lo. Kum tam kalo hre vetawh a, hlim nui hmel tak tak ang a put hi kala hmu lo.


"Clara Delphine." Damian Thibault arawn ṭawng chhuak ve ta.
Ka hming a lamdan techu a nalh bik riaua kan hriat chu.

A coat suit dum hak to hmel fe chuan ati lang zahawmin, en mai pawhin mi pangngai chunglam tih a hriat hliah hliah awm e.

"I chau viau ani ngei ang." A kuta, a sana nuai chuang man bun melh pah zauh chuan anti kher a. Min ngaihtuah vanga sawi ani lo tih chu alang chiang viau. Ka tlai tih min hrilh hriat a tumna lek fang a ni.

"Chau lo ve. Ngah ngaia ka awm chu pawi kati hle mai."

"Pawi i tih ka ring." A landan sexy zet chu ka tan chuan a ngeiawm lek lek ṭan.

"Miss Clara kei hi i designer tur Moris Gray kani e." Tiin a kut nalh zet chu arawn lek chhuakin arawn inrawlh vat a..

"Ka designer tur maw?" Ka hresual hial ani lo maw?

Moris Gray... Aw ni e, ka hmuh hnu kha ang kati hle kha ania. Tu nge tih ka hrechhuak chiang takhawp mai.

Milar tam takin a thawmhna design an hak sak nasa hle tak alawm. A Design kher hak duh vanga milar kara buaina awm leh zeuh ṭhin pawh ka lo hrevetawh tak alawm..

Kei thawmhna lama hawiharh lo vetak pawh hian Moris Gray kher chu ka hriat vechhun kanti thei ang. Kei ang tak ngial pawhin ka hriat vehial chu alar thawkhat hle tih chu a chiang awm e.

"Mr. Damian hian a bik takin i tan liau liau he lai hmunah hian min ko a ni." Ala ti tak deuh deuh a.

Chhan mai ngaihna hrelo chuan Damian Thibault lam chu ka hawi ta ngawt a.
Alo khi suk duh chauh lehnghal a.

"Kei hian designer neih ka mamawh em ni?" Mamawh lo tih hre bawksi chuan kan zawh let phah ngawt a.

"Mamawh tehreng mai." Inthurual zetin ṭawngkam in ang chiahin minla chhang dun zui a.

Moris Gray thawmhna hak mek leh tuna ka thawmhnaw hak inthlauh tur zia chu ka hmu thiam veṭawk ngei mai. Thlema kawr min kawhhmuh kha lo ha tazawk ni ila kan landan a intluk tlang deuh tur. Kha lah ka hnawl fithla ṭhak a. Moris nalh taka induangin hetah alo awm vedawn tih hre hek lo.

Amaherawh chu he ka thawmhnaw hak hi ka sit reng reng lo. Thawmhnaw nalh leh to pui pui, taksa lang tam ai chuan confi taka ka hah theih simple te te hi ka thlang zawk fe ṭhin tih an hrelo ani ngei ang.

"Kei chuan mamawh lovin ka inhria." Mahni inringtawk tak chuan kanti a.


"I rin lawk ani lo tih chu ka hria a. A ṭhawn rih vang che maiin kha thu kha i sawi ni bawkin alang." Damian chuan arawn ti a. A mit meng nalh leh pa zet chuan min melh fiah ṭha kak kak hle bawk.

"He lai hmuna ka lo thlen dan leh ka thil paltlang zo zaite hria ni ila i hnarin ka ring lo." Moris chuan alo ti ve bawk a.

Ni e, ani ang mimal thila rawih chu a har hle ta ve ang. Mi ropui tam tak a thawmhnaw ha chak arawn kalsan ngei bawk anga.

"Ka mamawh chu eng vangin nge i rin ngawt a? Eng vanga heng thil zo zaite hi ti nge i nih?" Damian mit taka en let chuan kati a..
A step tin hian min ṭhawng dawt dawt reng mai chu anih hi...

"A chhan chu..." Tih zawng sawiin ka mit aṭanga a mit la sawn chuan thil dang a melh ta daih a.

"A chhhan chu." Dawhthei lem lo tak chuan ka lo ti vat a.

"I mamawh tur anih vang. I mamawh lo tur tihsak che kanei hauh lo vang Delphine." A tih tawh chu a dik vek anih hmel. Tih dik loh nei ve ngai lo ang maiin.

"Ka lawm. Mahse hriat sual i nei anih ka ring."

"Eng chu maw Delphine?" Min koh bik dan tehkher chu leh!!

"Sawi tur tam tak a awm?"

"Anih chuan pehhel kual lovin sawitlang ta che." Chu thu a sawi veleh lah chuan sawi tur tam tak awm si kha sawi ber dan tur ka bo deuh map lawi si.

"I nei leh lo a ang hle mai." Mi inringtawk tak tih chu a ṭawngka chhuak aṭang reng reng pawh chuan a hriat.

"Moris hi he lai hmunah hian cheng ve turin i duh chuan iti thei ang? Kha tawh chu i duhthlanna ah ka dah ang." A sawi tawp lamah chuan Moris lam a hawia.

Moris chuan in hawng tih hriat takin alo nuih sanga. Damian tan chuan eng pawh a phal tih ati lang hreh lem lo.

A melh vawi hnih khatah hmeichhia tawh phawt chu an tui ral zawih zawih ṭhin tih hi a nemnghet nghal niten ka hria.

"Moris min hrethiam la chenchilh ngai tur khawpa designer mamawh niin ka inhre lo."

"Awle. Ka hrethiam e." Nui sang chuan min chhang let a. Mi ze changkang tak nei ani ngei ang.

"Mr. Thibault kanin remna ala kal tluan ka beisei." Damian lam hawi chuan ati no ngalh a.

"Tehreng mai. I kal thei tawh ang. Delphine chungchangah chuan ka secretary in arawn be ṭha leh dawn che nia." A ṭhuṭ hmun aṭang chuan Moris thlah turin arawn ding zui nghal a.

"Ka hmuh leh thuai cheu ka beisei." Moris chuan Damian kut chu pe in an inchibai zauh a.

"Anih phawt le Miss Clara. Ṭha taka kan thawh dun theih ka beisei." Arawn tih chuan nui lui hramin lu kalo buk khum nghat a.

Moris te ang hial ka designer ani tur chu ropui hle mahse ka duh chiahin ka hre lo.

"Diego hian a thlah ang che." Damian an atih rual deuh thaw chuan Moris thlah tur nia a sawi ngei tur chu arawn lang zui nghal a.

Kan awmna hmun an chhuahsan thleng chuan a tu amah kan ṭawng lo.

"A lawmawm viauna chu Moris kha ka mamawhin ka hre lo." Kati chhuak ta nghe nghe a.

"Mamawh dawn lo ni la itan khawvel pum huap pawha mi ṭha ka ngaihtuah sak buai lo vang che."

"He lai hmuna kalo chen vedawn tak avanga thawmhnaw lama hma han sawn vak tumna ka nei lo. Moris chu ka hnawl nirawh se."

"Ka thil pek hnial awm chhun ila nihial ta ve ang."

"A lawmawm anih chu."

"Ka sawi chiang tawhin ka hria. I thlenga ei tur kha ei phawt rawh." Rilṭam loh naklai chuan ala tizui a.

"Ei san ngaiin awm tawh bawk suh ang che." Moris nen khan min lo eisan hman tih ka hre vechiah bawk.

"Ka puar tawh."

"I thleng a phai miah lo chung khan i puar a maw? Mahni taksa tana ṭha tur thil ei na chang hre rual ini tawh chuan ka hria."

"Hre tehreng e."

"A nih chuan ei la."

"Ka puar tawh miau techuan." Luhluh chhuahin kati ve fan a. A duh dan danin min kawkkawi vedawn lo hi ani tawp mai.

"Delphine ka hmuh hnuhnun ber che ai kha chuan i landan a puitling vetawh viauna chu, i rilru erawh kha tleirawl kum 17 mi ang lek kha ala nitho anih dawn kha.."

"Karen." Chu hming a lam rual chuan kum 54 bawr vel tur nutling tawh tak mai chu lehkha eng emaw kengin arawn lang zui nghal a.

"Lehkha kha Delphine pe rawh." Karen hnenah chuan ati a.

"Eng lehkha nge ni a?" Ti chung chuan kalo ban a.

"Heng thil..." Damian lam chu rum zetin ka melh phei a. Ka awi thei lo zawk a ni. He tiang thil leh zel ka tan a ruat ang tih hi..

Ka tlu der tawp mai zawk dawn nge ni a? He lai hmun hi chhuahsanin ka chenna hmunah ka let leh zawk dawn??

"Lehkha dang pawh ala awm?" Ala ti tak deuh deuh zuia. Lungphu ṭha lo nikhat ni aṭanga min neihtir hi a tum em mawni zawk le aw....

Min lo chhiarsak ve ani tih ka hriat theih nan fb lamah min lo comment sak ve ngei dawn nia....
MAY RENTHLEI...

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » January 17th, 2021, 12:26 pm

BIG BOSS
CHAPTER-4
MAY RENTHLEI


"Scheduled time min siam sak amaw?" Chu lehkha chu hlawm nawk nawka amah vawm nana hman mai ka duh.

"Ka eng ang fakauhah nge i inngaih?" Ti a an khum phiar phiar lo turin ka insum hram hram a ni.

"Lehkha dang chu khawi maw?" Thinrim thaw hlah chuan kanti leh hram a..

"University a ka luh leh theih nan engkim min lo tihfel sak bawk tihna em ni?"

"I hmuh ang khan ni e." Awlsam fe chuan ati duh lek lehnghal a.

"Min rawn leh min hrilh hmasa miah lo vin maw? Ka kal duh leh duh loh pawh i hria em ni?" Ngaihdan nilo zet leh biang sa hat hat tawh chuan kati a.

"Ka hriat angai em ni? I tana ṭha ber tur vek chauh ka duh. Chu chu heng thil katih chhanah hian atawk mai lo em ni?" Ati fiah kalh a. A ṭawngka chhuak reng reng lah hi amah ang maia nghet churh lah hi ania.

"Ka duhdan min rawn hmasa phawt ni ta la ka lawm zawk ngei ang." Aw no lem lo tak chuan kanti a.

"French ram pumpuia university ṭha ber anih piah lamah, he khawvel pawhin university ṭha athlan zinga tel ngei ngei ṭhin ania sin. A duh apiang luh theihna leh luh awlsam tak niin i ngai em ni?" Ka ngaihdan pawisa thamlo fe chuan anti leh dap dap a. Sum dawng tawh khirh lutuk mai pa hian.

"A chanchin chu ka hre ve bawk e. Tuna ram hruaitu pawimawh tak tak leh mi hlawhtling tam tak lo chher chhuak tawh ṭhin leh la chherchhuak mektu university ṭha tak tih chu ka hai bik lo."

"A nih chuan eng thilin nge la dal cheu che? Interview pawimawh leh he university a lut tura i tih ngai zawng zawng tih fel ani tawh bawk a. Ka hnena lawmthu sawi chiah hmabak i nei tawh." A tih tawhah chuan sut luih tlang har tak ani dawn tih hriat takin kut suih nghet churhin aṭhuṭ hmun an siam rem hlek a.

"Zir zawm tumna ka nei tawh lo. Rilru ka siamfel tawh. Keimaha inchawm ngai kanih tawh hi." Thil dang sawi zawm leh ka tum na in hnuk a ulh dawn tlat. Chhungkaw nei tawh lo leh he khawvela mal tlat tawh mai kanih thu hi sawi chhuah kher ka duh lo ve.

"I rilru put hmang i thlak leh angai dawn anih chu?"

"Ka thei lo."

"I thei."

"Ka thei lo katih chu. Ka zir zawm dawn tawh lo."

"I rilru put hmang thlak rawh?"

"Eng vang ngawtin?'

"Ka rilru put hmang ka thlak dawn loh vangin?" A tum dan kaltlang ruh pui chu a tum hle a ni. Mi dang ngaihdan pawisa lo lutuk mai..

Tu nge anih lam pawisa zo tawh lovin ngeiawm thei ang ber tur chuan ka melh ram ram a. A pawisak hmel lo nasa mai lehnghal a. A awm kati nuam zawk emaw tih mai tur a ni.

"He thil phei hi chu ka pawm lo bur. Ka zawm chuang lo vang." schedule min lo siam sak diam chu kan hmet khawr nak a.

"I duh leh tichhe rawh. A copy dang ala tam alawm." A kiai pah suk a. Ka ngei tawk atling.

"Eng anga tam pawh nei rawh. Ka zawm dawn chuang lo." Ka ṭhuṭ hmun aṭanga tho nghal hluai chuan kati a..

"Kan hria ang." Min cho zetin ka thinrim ding hluai tawh chu mi rawn melh chho a.

"I duhdana tih kawi turin ka lo kal lo. Puitling mahni a inngaihtuah thei kani tawh, chu vangin he in ah hian ka chen chak em avanga lo panah che min ngai suh. Ka pi vang chauh zawk a ni. A ṭul anih chuan chhuahsan lehnghal ka hreh dawn lo." Ka thil sawi zawh tak chuan a ngheng a chhun pha veta deuh aniang, hmuh theihin a mit meng a thim ta khap khap a. A phu vereng.

"He lai hmunah hian i rawn lut tawh a ka thu lo chuan i chhuak lo vang. Theihngilh suh." Ka hriatchian loh hlau niawm fahrana fiah fek fawk chuan an ti khur khur a.

"Ka duh dana awm turin zalenna ka nei."

"I nei ngei e. Rahbet sak che ka tum reng reng lo. I tana ṭha ber tur angin kati mai a ni." A ṭhuṭ hmun aṭang chuan arawn ding chhuak ve a. Kanin len hleih ta hle mai.

Ft6 /2 anih piah lamah taksa inphut nalh tak nei anihna hian ati lang lian zual kanti thei awm e.

"University i kal zawm hian keimah nge nangmah hian future ah hlawkna tel dawn ngaihtuah la, pawm mai rawh." A kut chu alu zawnah keng kagin sign eng emaw a siam zauh a Karen arawn lang thuai a.

"Delphine hi a room ah hruai chho rawh." Tiin thu a pe nghal a.

"Khawngaihin minlo zui ta che." Karen chuan nelawm taka min nuih sangin ati zui a.

A hmel chu a ngainatawm tak zet. Kum upa lam anih hmel tawh si a. A la in fit hmel hle tho mai.

"Karen, Delphine hun hmandan tur chungchang kha lo enpui bawk ang che." Damian aw mawi leh pa zet, ka ngei ruk ṭan viau si chuan a rawnti zuia.

"Tehreng mai."Karen chuan zah takin a chhang let a.
Kei erawh ka thinrim ṭun reng mai.

"Hrilhfiah ka ngai lo vang." Ka lo tideuh hmak a.

"Delphine min hnial suh." A aw anem lem lo. Ka kal chhuah tum pawh ka ding leh dat.

"Hnial i duh loh chuan ka awm ang angin min en rawh." Hawi letin ka chhang zui lehnghal a.

"A thleng lo vang. Ka duhdan ang erawh chuan a thleng ang. Tumah hian a te ber aṭangin ka thupek hi an zawmin, an hnial ngailo asin Delphine." Hlauhawm eng emaw a aw ah chuan a inphum ri tel.

Chhang tawh lovin chu lai hmun chu ka chhuahsan hlawk hlawk a. A thil mintihsak chu ropuiin lawmawm hle mahse awlsam takin ka pawm mai thei lo. A harsa a ni.

"Miss Clara khawngaihin min lo nghak rawh." Karen aw chuan arawn ti a. Thelma pawh arawn lang zui venghal.

"Khathil kha ka zawm dawn chuang lo." Ka hun hmandan tur Karen kuta awm chu melh pahin kati a.

"Inbengdai la." Karen chuan ati dam diai a.

"Aih. Ka thei lo. Min kalsan ru keimaha awm ka duh."


"Mahse." Thelma in atih mek lai chuan Karen in alo khap vat a.

"Awle hahdam rawh. Mamawh eng pawh i neih chuan min hriattir vat dawn nia." Hriat nuam tak chuan ati dam leh thlep a.

"Umm." Ka bu zui nghat a.

Ka room lam pan chuan ka chho zui nghal a. Damian nen floor khatah kan pahnih chauhin kanla chengdun dawn zui ania.

Ka room kawngkhar bul aṭang chuan Damian Thibault room lam chu hawi pheiin rum fe chuan kan melh ṭhuai a. Awmzia a va awm lem lo tak.

Ka room ka luh rual chuan khum ka pan nal nal a. Mu zui thlawrhin celing nalh zet lam chu ka hawi chho a. Thil tam tak ka ngaihtuah nasa ve hle a ni.

Damian Thibault minlo welcome dan hian min ṭhawng vel vek. Private jet, lal fanu ang maia cheibawl kani a. Ka room leh thawmhnaw zo zaite, min enkawl biktu tur a ruat thlap a.

Stylist thlengin ka nei a. Schedule ah khan car, driver leh guard kala nei tel cheu zui bawk dawn ania..

"Eng din hmunah nge ka din tak?"

Sana kan en chuan alo tlai raih tawh mai. Mut thilh ngial ka tum pawh chuan tlai lama ka lo mutthilh sek vang ani ngei ang, ka muhil thei reng reng lo.

Ka khum nalh leh dup nuam zet aṭang chuan ka tho chhuak ta nghe nghe a.. Kawngkhar pawt tawlhin ka dak chhuak a. Balcony nuam leh mawi zet aṭang chuan compound mawi leh nuam zet chu alang zau zek a. Khawilai pawh chu enkawl ngun tih hriat takin an mawi em em vek mai. Nalh leh awm ze nei tak taka thing kung chi hrang hrang ding thleh thluah hmuh chuan minti hahdam sawng sawng.

Light hmun chi tinrengah a inchhi thleh thluah bawk a. Dil mawi tak ka hmuh fuh takah chuan kal lo turin ka insum thei ngang lo. Ka room aṭang chuan thawm nei lo thei ang berin ka chhuak zal zal a.

Chu in ropui tak chu zanlai anih tawh bawk avang chuan a reh tlawk tlawk a.. Gate lamah erawh security guard pahnih vel an la duty in ka hria. He in hian vengtu eng zat chiah nge aneih ka hre lo. An tam viau mai thei a ni.

"Fairy tale a cheng ang mai alawm kanih." Lungawi zet chuan kati ham ham a. Thlifim thaw heuh heuh chuan tilang fairy lehzual tur rengin ka sam ngil, sei mawi tak chu arawn chhem leng siau siau bawk a. Kawrlum ka hak chhuah loh vang erawh chuan avawt reuh phian mai.

"I mut hun a pel nasa viau tawh asin." Chu aw ri pa zet mai ka hriat rual chuan nasa fe in ka phu.

"Minti phu lutuk." Ka awm dawm meuh chuan ip te zan ap a pa lian zet ka hnunga rawn ding run chu ka melh a. Coat suit ha zuih lo va ka vawikhat hmuhna, a awm hmun thawmhnaw pawh a inhmeh hle tho mai.

"Zan dar10 hnulamah chuan i room ah chauh awmin i muhil tawh tur ania sin. He lai hmunah ni lovin." A thil sawi chu ngei ru viau mah ila, chu zanthla eng no ruai kara a landan sexy lutuk chu hmuh hmaih a har..

"Kha thil ka zawm loh tawp tur chungchang kha sawi chhuak teh suh." Hnim siam chawp chunga ṭhu sawp thla nuai chuan kati a..

"Khatin ṭhu ngawt suh. Hmeiche naupang..." Sawi zawm lovin a thawri hak a.

"Ding rawh. I hnung lawkah khan ṭhuṭna tura siam chu a awm." Ka ṭhu ngawt chu ngaithei lem lo tak chuan an ti a.. A va han khirh mai mai tak.

A ṭhuthleng sawi awmna lam chu ka hawiphei zawk a.
"Ka ṭhu peih lo." Ti deuh hmakin kan hawilet lehnghal hmak a. Kati lawm lo leh tawh khawp ang.

"I duh miau techuan le." Rinloh taka min chhan tak daih avang chuan ka melh chho vat a..

Ka lam panin arawn kal vechiah. Chelo in kalo melh tawp. A kawrhak lai chu phelhin arawn kun hniam a, ka darah bangin ka hak theih nan asiam rem nghal bawk.

"Ha rawh. Vawt iti anih kha." A kawrlum deh nuam zet leh a rimtui lutuk mai chu kan boruak nen chuan a inrem thlap.

"Angai kher hleinem. Nangman..." Ka sawi zo thei lo. Ka hmai si lo chauhin a hmai arawn dawh hnaia. Tianga chiang hian vawikhat mah kanla inmelh ngai lo. Hun kal lai a ding deuh dawt niin ka hria. A reh lehzual sawt bawk.

"Min hnial reng lo la. Ka ngaithei lo ania."

"Ahh..." Ka rinchhan ka kut chu phet thutin hnunglamah ka awn dat a. Chutih lai chuan Damian nui niawm tak ka hmu phe zuaiin ka hria. Ka ring chiah si lo.

"Eng vangin nge ilo chhuah vengawt a?" Ka kut bal lem chuang lo chhuanlama hmang chung chuan ka bengfai pah nak a.

"I room i chhuahsan tih ka hriat vangin?"

"Awihawm lo anih chu. Thawm ka dim lutuk tlat."

"Ka hrethei alawm. I chhuaklai hmu kher lo pawh ni ila. Thleng nawn tawh lo bawk rawh se." Hmel thutak run reng mai. A nuihmel ka hmu emaw katih kha chu ka hmu phe sual vel mai mai anih dawn hi.

"Min ngaihven vak ka ngai lo vang." Ka ṭhuṭna hmun aṭanga tho chhuak chuan kati a. A rawn ding zui venghal bawk.

"Ka thu hnial ching leh ka duh loh dana awmte chunga thleng ṭhin tem chhin tir chhe ka duh hauh lo Delphine."

"Tem chhin ka chak bik lo."

"Anih chuan tuna thleng mek ang tehi thleng tawh suh se. Shedule kha chiang takin vawng bawk la. Keiin ka hriatchian tluk ang zet hian." A thusawi vang chuan ka melh chho deuh kawk.

"Min hriatsak thlap a maw?" Mak kati.

"Tehreng mai." Dam thlup chuan min chhang a.

"Ka awih thei lo.. Khang schedule, university leh Moris chungchang tepawh tiamin dawt vek nirawh se. Ka mumang mai an ni." Lu thing meuh a chu thu ka sawi zawh rual chuan inher hmakin in chhunglam panin ka tlan vak a...

"Clara Delphine " Damian Thibault min kohna aw pawh ka hre lo zui der hmak..

Kan room awmna floor ka tlan chhoh thlen chuan Damian room lam chu rum theih tawpin kan melh ve ngei tak na in, ava sawt lem lo tak.

"Ka â zo dawn!"
Couch dup nuam leh cute zeta ṭhu thla hnawk chuan kati zuai raih a..
Ni khat thil thuah ka nunah thlil tam tak arawn thleng a. Lo dawnsawn thiam a har kati rih. Muangchangin kala insiam rem vethei mahna.

Ka phone la chhuakin en teh kan tum na a engmah pawh ka en tui thei chuang lo. Mutthilh lah a chhuak lo tulh tulh lehnghal a.

Khumah insawnin ka leh kual vel fe hnuah zinglam dar4 rik dawn thuakah ka mutthilh arawn chhuak ve ṭan riai riai chauh mai.

"Miss Clara khawngaihin tho hram teh." Thelma aw ngei mai chuan ka mutui vedawn ṭan dawn chiah emaw tihah minla rawn kai tho leh tanghal a.

"Eng eng ni?" Mut chhuak aw fe chuan kati a.

"Breakfast ei hun ani dawn tawh ania." Atih pawh chuan ka mut ngai rengin ka la mu. Ka lo tho peih lo lutuk ringawt.

"Ka ei lo mai ang. Ka la mu duh." Inkhup zui thak chuan kati a. Damian an hun a vawn dik zia ka hre tawh a. Runluih tepawh a chakawm alawm.

"Pu ber thin tihrim a chi lo vang. Khawngaih lo tho hram rawh."

"Thinrim mahse pawi kati lo." Rizai hnuai aṭang chuan ka pawr ve ngam lutuk..

"Miss Clara." Min tih vak ngaihna hrelo zet chuan mi ko fan raih a.

"Kal tawh rawh." Ala din zui reng avang chuan kala ti tak deuh deuh a.

"Pu ber ngaihdan ani lo viau ang."

"Pawi hleinem. Min kai tho zo lo angin minlo sawi mai dawn nia." Thawh tumlo fe chuan kati zui leh a.
Min tih luih vak hreh deuh bawk si chuan lung si zan lo in a chhuak hna hna a.

Nimin zanriah ei tura ka inpeih hun tawh nia a hriatah alo luta, ka lo la inpeih lo va. Tunah breakfast ei turin ka lo la inpeih lo zui bawk a. Schedule time engmah zawm reng kala nei lo. Mut hunah lah ka la vak chhuak de de zui bawk a.. Ka thil ngaihtuah avang chuan ka mut hmunah ka nui var var a.. Nui reng thei tak ang i maw?


Zing dar7 a pel awrh chauh a min kaitho hma leh lutuk hrim hrim. Zing dar9 thleng te alawm ka mutthilh bawrh bawrh ṭhin ni. Breakfast mut bo ṭhak theih te chu ei tur leh sum save na ṭha lutuk anih veinen te chu kala ti rilru ṭhuai ṭhuai zui a.

Tho ila inphih harh ve phawt teh ang." Ham bai bai chung chuan peih lo zetin ka ṭhu chhuak a.

Ka thawh chhuah rual chuan ka hma zawna darthlalangah chuan chiang zetin ka thla arawn lang venghal a.

"Ka hmelchhe lutuk.." Kati chuak sep a. Ka sam thur zet chu ka han khawih a.

"Ahhh...A na." Ka sam zai sin, alandan nalh viau leh ther ru ve zek ṭhin si ah chuan ka kut ka rawlh tang leh der tawh..

"Ther em em reng mai." In chhiat khum pah zauhin darthlalang hma aṭang chuan ka hawisawn a.

Ka rizai chu thehhlim pawpin khum aṭanga ke ka thlak thlak rual chiah chuan ka room kawngkhar in hawng ri leh ka khum lam pana ke pen rawn ri zui nghal chu ka melh phei vat.


Damian Thibault ngei mai chu ka khum lam panin arawn pen phei chheu chheu mai le. Chutih lai taka ka posi laih zia mai chu. Ka nizan muhil thei lovin ka pyjama hak lai tlawh phelhin kekawr bul te mai chauh ka ha teu ani si a. Kawrlam ka lo phelh tel lo ka lawm zia mai chu.

"Clara Delphine." Chiang taka min melh tlang rawt ang bawkin a aw pawh a no lo.

"Ee... Eng vangin nge ka room ah min rawn hmasa lova i rawn luh vengawt." Ka ṭawngtir lam bah nak chuan kati a. A mah ang bawkin kan meng no lo vengawt bawk a.

"A pawimawh lo." Ti ngutin a bana a sana bun lai chu a melh pah nghal a.

"Breakfast ei turin 7 minutes ka nghak tawh che. Kha hun chhung ringawt kha nangmah vangin hmangral lo ni ta ila, maktaduai chuang ka hmuh theihna tur contract cancel angai kher lo vang." Thil thleng chu pawi hmel viauin lang mahse, a hmelah lah chuan pawiti hmel vak lang hmuh tur a awm chuang miah lo nia.

Chu zawng ai chuan ka hun vawngdik thei lo chuan a sum chan tur ai chuan atih lawmloh hmel zawk.

"Min nghak lo thei i ni a, min nghak lo nila i chan miah lo tur. Min mawhpuh tum miah suh." Darthlalangah ka hmel ka va hmu nawn leh kher a.
Damian Thibault an heti khawpa ka lang hmelchhelai min hmu chu ka zak ve ṭep.

"A hun taka thiltih leh zawm mai hi tutan pawh hmasawnna anih bakah thil harsa ani lo. He lai hmun ilo thleng ta bawk a, thil ei peih loh mai mai leh thil hote avanga hun vawn dik loh fo ang te hi i chin chhunzawm loh atan aṭha ang." Pa in a fanu thuawih lo awmdan mawi leh ṭha a zirtir ang mai hian ka inchan.

"Thelma hnenah ka sawi chian viau kha min nawrluih tum viau suh. Ka ril a ṭam miau loh techuan ei turin minti lui ngawt thei lo vang." Naupangchhia zet chuan kati ve nai nai a.. Kan meng nûr pah vel bawk a.

"Tho la intifai rawh. minutes 4 hun ka pe ang che." Bathroom lam hawi pah zeuh chuan ati a. Ka chhuanlam vete chu sir lamah a hnawl darh chuai chuai.

"Nang chu.."

"Tunah i hun a inṭan." Chimawm lutukin a sana a bih zui nghal.

"Naa ninawm. Min eisan mai la, enge min nghah kher?" Lungawi lo aw fe a ka chhan let hnu pawh chuan rilru thlak loh tih hriat zetin minla melh chhuk ngur ringawt a.

"3 minutes." Ati thum leh bal a.
Ka thu i awih loh chuan a pawi khawp ang tih melh takin mi melh khui bawk si.

"Ninawm." Ti nang nangin hmanhmawh lutuk chuan ka che zui sawk sawk a.

Bathroom ka luh dawn ṭepah chuan ala ding nge ding lo tih hriat nan ka hawi let leh zawk a.

Ka chevel chu ngun lutukin min lo la en zui reng chu niin. Ka melh let tih a hriat chuan a hmelṭha zet aṭangin nuihmel deuh reuh arawn lang chhuak a. Ka thinrim ati dai suai suai nghal mai dawn a.. Amaherawh chu ka rilru lam let leh vatin..

"Ka ngei lutuk pa." Ti chhuak ngatin bathroom lamah chuan ka lut zui nghal nawk a..

Hmanhmawh thei ang berin ka hmai te chu kan phih sawk sawk a. Face towel awmze nei taka an thleh fel than te chu la chhuakin ka hmai te chu kan hru nawk nawk a.

Bathroom aṭanga ka chhuah chuan Damian hmuh tur alo awm tawh miah lo. Min chhuk thlaksan ani ngei ang.

1 minutes chiah ka nei ta. Ka kekawr bul hak chungah chuan kekawr lian leh thawl hnek hnawk chu hak thuak tawpin choka lamah hmanhmawh fahranin ka tlan thla a.

"Miss Clara he lamah." Ti ri ah chuan ka tlan thlakna dik lo lam chu thlakin rang fe chuan ka tlan let leh a.
Hmanhmawh nak laiin ka kalna lam tur kala hai zui.

Kalna lam tur min lo hrilhtu kha nimin lama ka hmuh Karen ngei kha niin ka hria. Ei tur lam buatsaihtu ani ngei ang.

"2 minutes leh 12 sec in i tlai leh ta." Damian Thibault chuan thlamuan hmel fe a dawhkan lo kil tawh bik chung chuan min lo ti a.

"Nia i hrethlap chu ka lawm." Runluih pah nifawmin hah chung chuan kan nui lui hram a. Ka hah bawk aniang ka thawri pawh a zawi lem lo. He in hi alian tham ve bawk em a ni..

Ka hmaa ei tur tuihnai chi tinreng inchhawp chuan min hip nghal zar mai. Ka ban nghal mai a.

"Reilo te tal ṭhu hahdam phawt la i ei dawn nia. Tuman an ei khalh lo vang che."

'Ka awmdan apiang sawisel reng mai.' Ka lo ti rilru hmanhmawh..

'Lawks.' He pa hi min ngaihven viauin, min melh ru zui reng tihna em ni ang? Chu rilru ka put rual chuan Damian ka melh phei vat a.

Minlo melh chu sawiloh, thianghlim leh felfai fahranin a hma a ei tur awm chu landan hahdam fe chuan alo ei mek a.

A suit hak leh a pian nalh lutuk tak mai inrem zaih chu melh sawn leh mai atan chuan a uiawm.

Kei ve hi, ka pyjama hak lian leh thawl hek hawk chu kan melh thla riai riai a. Mihring ke pahnih nei rau rau hi ava inthlauh theih ngai em!!!

Pafa chawei dun, a fanu school kal rual pawh la nichiah lo leh inkhual telem hnawk vel mai mai tawk. A pa erawh hna zahawm tak nei, a hnathawk kal tur nalh taka induang zaih tawh nena chawei dun mek tepawh kan ang alawm.

"Vawin lam chu ilo hahdam thei anga naktuk lam aṭang erawh chuan i zirna i chhunzawm ṭan tawh ang. Ilo hrelawk dawn nia." Dawhkan thawhsan inpeih tawh tak chuan ati a..

"Ka kal dawn lo."

"Karen i kutah Delphine hi ka dah ania." Ka thil sawi ngai pawimawh lo tak chuan Karen min biak san hmak a.

"Yes sir." Zah takin Karen chuan alo chhang let vat a. Eng tik lai khan nge Karen chu kan thil ei na hmunah arawn din ka hremiah lo.

Kan hawi zau leh takah chuan mi pali lai an lo duty reng tih ka hrechiah.

"Ni hman nuam Delphine." Ti a min thlah pawh chuan ka chhang let lo.
Zirzawm leh tir ṭalh min tum chu ka duh lo tak zet a ni.

Ni leng mai chuan ka chenna hmun thar zir chian nan hun ka hmang a. Venhimna khauh zia chu mak kati hial zawk. Ka duh hun hunah ka chhuak ru thei dawn lo ang bawkin, tu tan mai pawh rawn luh ruk tih vel chu theih loh ang tluk tur a ni.

Dik lo eng emaw a awm leh, mi an lo lut ru palh vaih anih chuan rang takin alarm a ri nghal vat dawn a ni.

"Eng zata tam tak motor nei ang maw?" A garage bul lawka ding chung chuan kati vang vang a..

A password ka hriat loh avangin ka lut thei mang si lo va..
***********--------------------************
Paris a ka chen nithum(3) ni chiah alo thleng ta.. Ka van peih lo ber kher tak em..

Damian nen ka university kaldan tur chungchangah kan thu ala inhmuh theih loh avangin kan la indinchilh rap rap mai le.

"Guard ka mamawh lo. Thil zir tura kalin eng vang tehlulin nge guard ka mamawh ang? Driver pawh tih tawh naklai." Ka bag nghet taka vuan chung chuan kala ti ve ṭang ṭanga.

Heng ka bag, ka lehkhabu tur leh ka mamawh thildang zawng zawng tur lah minlo tihsak leh diam tawh bawk a. Kal tlawng leh theihtawpa zir chiah hmabak ka nei tawh.

"A hma anga i nundan ang ngawt kha helai hmunah hian i chhawm thei tawh lo. A danglam tawh, i hriatthiam angai." Karen chuan a theihtawp chhuahin anti leh kauh kauh a.

Damian ṭawngkamin a tlin tawh lo ania nge, ip te zen ap in alo ding ngawi ngul tawh..
Thelma pawh mangan hmel takin alo ding sawi chhen tawh bawk a.


Damian Thibault car hman tur leh ka car hman tur ding reng tawh bawk. Chung tebakah security guard pa lian tak tak an la ding khup zui.

"Keiman ka thlah ang che okay." Damian Thibault chuan arawn ti ta nghurh a.

"Ka duh lo. Min thlah dawn ai chuan ka kal lo ani mai." Ka inkheng khawng zui thlap...

"A nih chuan lut vat rawh." Thawri hakin car kawngkhar min hawn zui sak hmiah a.

Hreh zet chuan ka lut veta nghe nghe a.

"Ni nuam tak i hmang dawn nia." Tiin car kawngkhar chu khar zui mai a tum a.

"Lawk.." Khar mai lovin arawn hawilet leh a.

"Guard..."

"I nei lo vang." Ka sawi zawh hma chuan min chhang a.

"Vawin aṭangin B.K hi i kalna hmun apianga hruai tur che ani tawh thung ang."

"Guard ka neih loh tur thu i sawi zo chiah sia." Ka hmel a nur lehnghal.

"Chu vangin i driver nihna chelh mai rawh se."
Ṭawng tuma ka ka an leh lai takin a khar zui hmak a.

"Phakar lutuk mai. Guard neih ang reng tho alawm ka nih."
Lungawi chiah lo chuan kati nai nai a.

A hma seat aṭhu driver chu ka hmuh tawh hnu a ni. Ka chenna hmun aṭanga he lai hmun min hruai thlengtu zinga mi ngei kha a ni.

University a ka kalpui tur ten ka chuanna car an lo hmuh loh nan ka ṭawngtai ru hial mai. A chhanchu mi hausa tak emaw tiin minlo chim buai nghal huk ang tih ka hlau a ni.

He khawvelah ah hian fake friends mamawh lo ber kani hial te ve ang..

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » January 17th, 2021, 12:27 pm

Big Boss
Chapter -5
May Renthlei

"B.K. university thleng min thlah angai kher em ni?" Awm nuam zan lo chuan kanti dak dak a.

"Ngai kher tehreng mai." Nasa lo te chuan a nui zui sek a. Tlangval hmelṭha ve pangngai tak chu a ni.


"Thupek em ni?"

"Aw ni e."

"Kum eng zat nge inih tawh B.K?"

"Kum 27. Big boss hnuaiah hian kum 4 ka thawhna chiah ani bawk. Hriat duh dangte ila nei em? Min zawt zel thei ania." Ati zui bawk a.
A hmel a nelawm ang bawkin a aw pawh a dam thlap..

"Nei em em lo ve. Min lo nghah kher ka ngai lo vang aw. Keimahin ka lo haw thei ania." Katih chuan alu a thing nak a.

"Ka tih tur chu ṭha taka ka hlen angai."

Damian Thibault hian a hnuaia thawk tehi eng tiang chiaha ṭhain nge a enkawl bik em em le? Kati rilru hial mai. Ka la awm rei lo chung pawhin an zah zia leh, mahni hna ṭheuh chu rinawm taka hlen ṭheuh tih tak zetin an tum hlawm tih ka hmu thei tlat.

"Minutes 26." University kan thlen rual chiah chuan ka phone chu hmet engin kawnga kan thang chhung ka chhut nghal vat a.

"Ohh. Min hawnsak kher ka ngai hleinem." B.K an car kawngkhar min rawn hawnsak a tum mek chu lo hawn khalhin posi lai ang reng tak chuan ka siam a.

"A leh pekah chuan min tih tir vetawh dawn nia." Nui zui sekin ati a.

"Ni hman nuam B.K" Ka kut la khawng kang at in kati che a.

"Hman nuam le. Buaina eng pawh i neih chuan i tan ka awm reng dawn ania."

"Ka hria e." Tih pah chuan a darah na lo te in ka beng thek a. A lainghal deuh ringawt anih chu. A landan a pa rem rem nen, a zakzum phian a. Fiam nawn fo chakna min neihtir..

B.K chu ka kalsan zui a. Ka kal liam dawn thleng chuan min la en zui. Ka nui ringawt.


"A lawmawm. Tuvak mahin min hmuin min ngaihven lo hlauh a." Hawi vel chuan kati chhuak sap a.

Ka thawmhnaw hak en fel leh zauhin ka pen lut a. A zau tham em avangin ka kalna tur lam hre mai lovin kan kal risk deuh pawp a..

High school kal laia hun thawveng tak kan hmang a, kanin tlan pel suau suau hunlai ang kha chu ani ta lo deuh. A reh deuh ruih mai. Mahni nuna buai tham tak tak tawh. Hlawhtlin ngei tuma mahni hmakhaw ngai rual tawh kal khawmna anih tawh avangin a dan a dang ta raih mai.

"Min lo hrethiam lawk, computer science zirlaiho awmna room min kawhhmuh theih chuan ka lawm khawp ang." Zawh tur lo awm reng chang ber, mipa phone lo khawih mawlh mawlh chu ka bia a.

"Luh thar tur em ni i nih a? Computer science la ve tho ka nia..Ka hmu ngai tlat lo che. Nge ni a ṭhian hmuh lawk tur i nei zawk?" A phone enlai dah thla chuan ati ta duah a. Biak anuam reuh hle mai.

"Rawn lut thar tur ka nia. Vawin aṭangin."

"Anih tak chu, Axel ka nia. Ka lo lawm a che." Hawihhawm takin a kut arawn phar chhuak vat a. A nuihmel nen minla hmachhawn char char.

"Clara Delphine. Kei pawh ka lawm e." A kut chu ka vuan let a..

A hmel chu aṭha vut lem lo na in hmel pa tak, a sual hmel hle mai tih tur hmel nei ang hi ani a. Han biak takah erawh chuan a landan ang chu ani hauh si lo.

"He lamah hian min lo zui rawh. Laklawh deuh taka kan university i rawn zawm thei chu mak kati deuh..Luh harsa tak ani si a. Mi special tak ini ngei ang." Atih chuan chhan mai ngaihna hre lovin ka nui deuh tawp. A chhan chu sawi a chakawm teh chiam lo.

A rin anga mi special em em chu kani lo. Ati ṭha pawlah erawh ka lang vethei ziah thung.

"Basketball khel ṭhin ka nia. Naktuk chawhnulam hian management team lam nen kan khel dawn a, min en ngei ka phut nghal ania..Nang ang hmeichhe hmelṭha takin min en anih chuan kan chak ngei ka ring." Min fiam tih hre tho mah ila, hriat a nuam lo lem lo.

"Ka theih chuan le." Tih zawngin ka chhang a..
Thawm a awm ṭan nak nak a. Kan mi hmuh ho chuan min en zui duh deuh riau hian ka hria. Ka bula kal mek hi mipa lar ve thawkhat ani mai thei. Nge ni a mithar kanih vangin min en duh zawk?

"He lai hmun hi ani e. Hriat reng i tum dawn nia." Kawngkhar hawn pah chuan ati a..

Kawngkhar ahawn rual chuan thawm arawn ring sawt a. Class ṭan ala nih loh avangin innel hmel takin eng emaw an lo sawi ho nak nak hlawm a.

"Hey Axel nimin lam khan i va khel ṭha em em ve." Mipa khat hian alo tinghal lung lung a.

"Wow. Khawilam hmeichhia nge ni a?" Keimah min rawn hmuh ve rual chuan ati zui leh a.

"Hi Clara Delphine ka nia." Ka nuih sek a.

"I hmelṭha hle mai. I single em?" A ṭawng ring ṭha bawka. Mi rawn melh rawn ta ṭhup a.. Ka lai ṭhelh alawm.

"Alias insum rawh. Iti zak anga sin. Mi thar anih hi." Axel chuan mi lo chhan khalh vat a..A lawmawm.

Luh thar tirha thawm a tam nen a reh zui ṭhuap a. A bik takin mipa ṭhukhawm laih ho chuan min hmu duh. Mi thar kanih vang aniang. Nge ni a ka landan ngawt aṭang hian ka hip lehnghal tawh hle zawk? Hei chu ka tawn ṭhan loh pawh ani lo ve.

"Clara tah hian ṭhu ang." Axel chuan a ṭhuṭna bul maia ṭhuṭna ruak chu min kawhhmuh zui a.

"Eng tin nge tun ang hunah mi thar alo luh theih? Chhan bik a awm ngei ang." Tlar hnung lama ṭhu hmeichhe ho chuan anti ru sep sep a.

Ka chungchang chu hriat ṭhaṭ theih si loh, hriat theih deuh rauh si chuan an zeldin zui char char kanti thei ang.

"Zep lohah chuan ilo luh chhan chu ka hreve chak. Mahse min hrilh kher ka phut lo ania." Axel chuan la nelawm zui zel leh mi vengthawng ru deuh si chuan an ti a.

"In hresa em ni in nih a?" Axel chhanna ka pek hma chuan Alias arawn inrawlh hlauh a. Axel hnaih tetah chuan arawn ṭhu zui bawk..

"Kal sawn teh. Ka cousin anih hi." Axel lah chuan thutak zetin, awiawm fe chuan alo chhang a.

"Kum4 ka hretawh che. He tiang khawpa cousin i nei hmelṭha chung hian min hrilh lo va maw." A nghawnga kuah zui nawk nawk chuan ati a. An innel hmel bawrh bawrh khawp mai.

"Duh tawh teh Alias. Ka hair style iti chhia ania.." Alias nam sawn nawkin a sam chu siam ṭha zui mawlh mawlh a.

"Ka rawn hriat thar vetho anih hi. Kan rawn inhmu fuh a. Ti raw Clara." Mit ti sang ak in arawn ti a.

"A dik alawm." Kalo ti zui ve mai a.

"A lawmawm chu. Alias tiin min ko thei ang." A hming ka hrereng sa tawh tho na chu min hrilh nawn leh kher a, a thawven ve hmel vet vet khawp mai. A sam kir chiat chuan ati lang cute viau lehnghal a.

Zirtirtu arawn luh zui avangin kan reh zui ta ṭhiap a. Ka ni hmasa ber ani bawk a, ka rilruah eng tehchiam a lut lo.
Sana vawi6 vel ka en hnu chuan ban pawh a hun vethei ta hram e.

"Ka awm tawh e." B.K a rawn in report nghal thap.

"Kan leng chhuak dawn asin lo kal ve ta che."

"Dik chiah lo kal verawh. I tel chuan anuam zual khawp ang." Axel min sawmna ka chhan hma hma chuan Alias an arawn chhunzawm zat a.

"Ni dangah nimai rawh se. Min hrethiam rih ru." Katih chuan an bu zui venghal maia.

"Nidangah chuan kati lui dawn tho tho che ania. I ni hmasa ber anih vangin ka la dim rih mai mai che anih hi." Alias an atih chuan Axel nen in en in kan nui tawp.

"Tih luih ngai lovin ka zui dawn cheu nia." Nui zui pah hakin kati a.

"Ka hrereng ang." A tarmit kar aṭanga fiah zeta min melh lui ngei chuan ati a.
An chhuahpui tur ten an rawn ko zui a.

"Chhuak rual tho ila." Axel chuan minti a.. A caring hmel thawt. Ani khat ni aṭang pawhin ka hre thei.

"Aṭha lawm." Ka bag ak in kanin zui chhuak ta hlawm a.

"Group ah pawh i lar zui khawp mai. Hei en la." Alias an ka hmai zawn takah a phone arawn lek kanga.

Ka hming, ka number leh ka chungchang dang neuh neuh zawhna a awm tlar thla dal mai. Ka nui tawp. Hmeichheho erawh chuan min thik deuh niin ka hria. Mipa ho chu an khak deuh fak fak.

Ka engah mah a thawk pha ve lo. Mi dang nuna va inrawlh emaw, buai vel ka peih lo ang bawkin mi dang min ngaihdan ka ngai pawimawh tehchiam lo. Ka theih tawpa ṭha erawh a nun duh mi ka ni.

"An fiamthu mai anih kha Alias." A phone nem sawnin kati a.

"I hmel leh i nungchang tur awm ang en hian an fiamthu chuan ka ring lo. Kei pawn hmelṭha kati che." Uang pah deuh tak chuan ati a.

"Tu emaw duh tak pawh alo inpeih leh at tawh e." Atih zawm zata. Kei pawhin kan hmalam pana hmeiche pathum no zet zet, in ha chhing tei tawi tak leh an pian nalh tak lan loh hlau zeta thawmhnaw ha ṭhin tih hriat tak. Rawn model kal hawh hawh hlawm chu ka hmu zui vengal.

"Alias min hrilh lawk miah lo." Axel chuan ati deuh hluk a.

"I hlim lutuk awm ngaihna hre lo anih chu." Alias lah chuan alo tiduh lek a.

Kan mipa kal pui dang ho chuan thawm an rawn chhuah raih raih hlawm a..Axel chu an zinga tu emaw ber chu an chhaih chiang a ni.

"Duhtak." Ti no hlaiin sam buang ngo zet, khalh nalh zet chuan Axel biangah arawn fawp zauh a..

Alias leh mipa dang ho chu an lo 'eeee' dual a. Axel an bialnu a nei. A pawi ka lo ti rilru vedeuh tawp. A chhan ka hre bik lo..A zia hi a tawk hmel reuh em a ni.. Chutih rualin Damian Thibault rilruah arawn langa. Ani phei chu khawilamah. Ka bialpa ani thei ngai lo vang.

Khawilai nula chhelo tak emaw, duh ang zawng zawng thlang thei din hmuna ding ania. Khawvel hmeichhiate ngaihven rawn leh, zah pawh dawn lo va an bawh zui huam huam kha ani miau a.

"Khawilam mi nge ni?" Axel bialnu lo zawk, a bula ding. A ṭhiannu ningei tur chuan ka ke ler aṭanga min melh chhuak dap chuan aw ki sang deuh vahin minti a.

"Clara anih hi. Vawin aṭanga lo zawm anih hi." Axel an alo tivat a.
Za vak lo in anni ho chu ka nuih a..

"Anih tak chu. A chhiat lemloh hi." An pathum chuan inmelh tawn zui hlawmin ngeiawm ang rek tak chuan an han nui zui ngei a. An nui ri ah chuan inhmuh sitna a ri tel..

Mi hausa fanu duat sual, duh duh nei thei. Chapo vetak tak inkhawm khawm anni hlawm ngei ang.

"Ka duhtak pawh alo thleng e." In la nui zeii kati mai dawn em ni ang, chu nu chuan bike nalh zet rawn inhung su dat lam pan chuan tlan pheiin ava kuah cheng a.

Ka biak mek ho hi chhungkaw pangngai vetak anni hlawm ani ngei ang. Car leh a chhehvel an nei changkang hlawm mah mah.

"Duhtak lut ila." Axel bialnu chuan a car chahbi ni ngei tur lek vah vah chuan ati a.

Axel hian car anei lo tihna em ni ang? A bialnu car a chuan angaih mai bik.

"Lut ta che." Alias bawk chuan arawn ti a.
Axel erawh chuan mi rawn melh thung.

"Eng in nge i haw dawn? I chenna sawila kan thlah haw pah theih tepawh ilo ni mai thei asin." Axelan mi tih chuan ka duh lo nasa mai.

B.K an kan piah maiah mi nghak tawh...Ka zaizirin min lo nghak lawk turin ka hrilh vek tawh zawk..A ding piah deuh ani bawk a, midang hian an la hmulo hlauh zawk a..An hmu ang tih ka hlau ru tak zet a ni.

"Kal ru. Kei chu ngaihtuah ka ngai lo." Kati thuai thuai a.

"Ellen kal ang u." Bike a chuang vang tawh, Ellen ṭhiannu chuan an ding reng chu ngaithei lo fe in arawn ti a..

Axel bialnu hming chu Ellen. Ka hre ta e. Hausa zawk pawh nimah se Axel hi a phu chuang lo. Mizia hi a pawimawh ber.

"Ni e kal vat teh ang u." Ellen chuan no lo fe leh hmusit rawngkai lek lek chuan mi melh deuh kher a.

Min milh loh nghal tawp chu a chhan ka hrethiam bik lo.

"Woohh woow.. Saw lai car ding saw a va nalh hmel ve a." Kan hnung deuh hleka rawn kal thar, a hming pawh ka hriat loh pa chuan rawn ti hlut a..

An hawi phei nghal ṭhap a. An ngaihven zui hlawm teh asin. Va pan nghal mai duh pawl an awm rualin B.K car bula ding ran chuan va hnaih ati inthlahrung deuh hlawm niin ka hria.

University kal nana an lirthei hman ho hi a theuneu vak hlawm bik lo. Chung ho zingah pawh chuan Damian car ala chungnung larh bik tho mai.

A tan bik liau liaua car company in an duansak midangin an neih ve hauh loh te, mipa hnih khat, chu pawh mihausa tawntawin an neih ve chin angte ani nawk hlawm.

"Saw tiang car nei pha tur chu Millionaire chung lam emaw, Damian Thibault te anga billionaire annih ngei angai ang." Alias an atih chuan ka lung a phu rang zawih.
Min rawn lamna tur car ngei kha ani si a.

"Damian Thibault car chu ani tak tak angem? Awii hepa zet hi chu ka dam chhung hian vawikhat tal ka hmuh theih ka inbeisei asin." Ellen ṭhiannu, bike a la chuang lo zawk chuan ati chul a.

Ellen pawh a hmela phurna lo lang aṭang chuan Damian duhtu leh ngaisang pawla mi ani ngei ang tih ka ring. Damian melh vawikhat pawh dawl zo lo tur.

Mipa ho pawh chuan an ngaihsan hmel hlawm viau bawk. Damian Thibault hi chu tupawhin an hria anih hi..

"Ani kher lo vang. Entir nan kan sawi mai ania." Alias chuan ati leh hlauh a.

"Ni se ṭha tur ania aw." Ati zui nang nanga.

Eng emaw sawi zui leh hlawmin an tlan chhuak ṭan ta hlawm a..
Axel pawhin mi bye zauh va. Ellen alo meng nur hman leh tawh.

Ka vai liam hlawm hnu chuan B.K lo dinna hmunah chuan ka tlan phei vat a. Midangin min hmuh hlau ru fe chuan ka lut rawk rawk a. B.k nuih a za leh tawh tawp.

"A va hahthlak dawn tak." Ṭhuṭna hnung ngheng rawk chuan ka ṭhu lut hnawk a.

Hahdam thei ang bera ṭhu chung chuan video neuh neuh ka en kual a. Kan thlenlai pawh ka lo hrelo hial...
Gate duty ten kan luhna tur kawng an lo hawng ruai ruai tawh.

"I ni hmasa ber chu eng nge a an le?" Karen chuan hahdam thlak zeta mi lo nuih var var chuan alo ti a.

"An fel hmel hlawm khawp mai. A zia ani mai ang chu. Minlo nghak em ni? Pawnlama ilo din a?" Ring deuh, chiang ngam em em si lo chuan ka zawt a.

"Aw ni e. Ka lo nghak che alawm. I ni hmasa ber ani si a."


"Ka van lawm." Hlim zetin a darah chuan ka kuah zui thak a. A hrilhhai lek lek na in a rei lo, a nui zui leh ta tho va.

"Mahse nidangah chuan minlo nghah kher angai tawh lo ania, i tan a buaithlak lutuk palh ang." A sir zawnga la kuah rengin kan lut dun zui ral ral a. Ka vawikhat hmuhna aṭanga ka ngainat nghal kha ani reng a.

"I thu thu le. In leng i nei a, Moris gray. Minutes 27 dawnlai anghak tawh che."

"Awle. Khawihmunah nge min lo nghah ber le?"

"Infinite pool lamah inchiah dai turin a chho in ka hria. I lo thlen hunah hriattir mai tur che in min chah a."

"Keiman ka pan mai ang. Mahse khawi hmunah nge infinite pool i sawi chu a awm reng reng a?

"In chungah. Ka hruai dawn che nia..Intihfai te i duh hmasa angem?"

"Duh lem lo ve. Han hmu vat zawk ila, a hun ka lak hek sak hnem lutuk ang. Mi buai tak ani awm si a."

"Awle. Thelma Miss Clara bag hi ilo laksak dawn em ni ang? A intihfaina tur leh a thawmhnaw hak tur lo han ngaihtuah sak bawk la." Reception hall aṭanga lo chhuak chiah, kan lam pana lo kal mek Thelma chu alo be nghal mawlh mawlh a..

He reception hall hian mikhual 200 vellai a thleng thei a ni.

"Ka bag hi chu ka room ah minlo dahsak la, thildang chu tihsak ka ngai lo vang." Ka bag ah lai Thelma pe thuai chuan kati a.

"Awle." Nui sakin, a bu zui nghat a.

Karen nen chuan elevator lam ah kan chuansan zui tanghal a.

In chung ber kan thlen chuan in chunga awm ang ni lovin beach a awm ang hialin a inngaih theih zawk zu nia.. Bang aṭanga tui rawn khawhthla lah chu a pawl phut mai bawk si.

Paris kawtthler chu mawi lutukin alang cham phut a, khawhawina nuam tak a ni..Ka room aṭang kha chuan he in leh a chhehvel chiang takin a lang ruih a, he tiang khawpa zau erawh a hmuh vetheih loh anih kha.

"Moris chu sawlama saw a awm alawm."Karen in atih chuan ka hmu vechiah.
Underwear chauh ha in, pool sira ṭhuṭna tur awmah chuan ṭhuin phone alo hmang mawlh mawlh a. A sam a huh phang dan aṭang chuan alo hleuh kual ziai ziai tawh ani ngei ang.

Mi hmuh chuan ban arawn vai lauh lauh a.. A phone hmanlai adah zui bawk.

"Ka rinai ilo thleng hma leh si a. Pan ngai lo tur zawk kani asin mawle." Inthiamlo ang reng tak chuan alo ti a.

"A pawi hleinem." A bul maia ṭhuṭna hlim hnuaiah chuan ka ṭhu zui ve a.

Pool duty zinga pakhat chuan Moris chu bathrobe arawn pe a. Lawmthu alo sawi sap a. Keiin Karen chu min kalsan turin ka lo ti vethung.

"Tunah khan Mr.Thibault nen kanin be zo chiah a.. Vawin atan chuan ka let rih dawn lo a ang khawp mai. Gues house lamah ka awm rih angaih hmel..Ka bungraw lam chu a hnathawk ten an lo buaipui ang. Ka buaive ngai lovin. Hahdam thlak hian." Nalh parh mai chuan an ti a. Han bahlah eih hi a awm lo.

"Anih chu."
Tuna ka rilru put hmang deuh nita chu, keimah lam pawh ni lovin Damian leh Moris te inkarah hian ri ret ret a awm anga, chu chu hliah khuh nan chhuanlamah min hmang vel niten ka ngaihtuah.


"Pawi itih loh ka beisei. Mr. Thibault khan a vengthawng khawp mai che a. Mi dang ngaihdan a venthawn vawikhat ka hriatna ani hial ang.." Ka lam arawn hawi parh deuh tarh a..Chik fe chuan min melh te te a. Angaihna ka lo hrelo khawp mai..

"Damian tan hian eng ang chiaha mi special nge maw i nih bik le?" Minti teh hluai a.

"A awm ang lo e mai. A tan techuan..."

"Ni lo, ni lo ve." A kut vai meuhin ka ṭawnglai chu min pawt chat a.

"Kum heti zat Damian hi hriain kalo buaipui vetawh. Min en ta che." Thla la tur ang mai chuan a awmdan a han siam rem harh a. Hmeiche nalh tak chu a ni.

"Ka pian tehi han en chiang la, ka hmel pawh tiamin.. Han sawisel vak tur i hre dawn em ni? Talent ropui tak neiin ka hausa em em mai bawk a. Hetiang khawpa chhelo kani chung hian hepa ren run hi theih patawpa ka chhai ala ngai zawk zui ania. Chuti chung chuan ka hmel a hre ṭawk mawle." Thinrim, lungawi lo fe chuan an ti a. Mahni tawk mai ni lo, mipui vantlang chin chunglam nipha nula chuan ala na tham vekhawp mai. A awm lutuk e.

"Mahse nang chu i danglam." A hmel landan thlak hlawkin, awm ze nei fe a min melh chung chuan eng emaw ka sawi phut tak chuan mi melh tlawn harh a.

"I ngai dik lo anih kha." Nuih letin kati duh lek a. A ngai dik lo reng bawk a.

"Rawih ka harsa viauin nang pawhin mi ring ngei ang. Mahse maw." Ka lamah arawn thle phei bak a.

"Damian hnuaia thawh loh ka hlauh zia chu." Arawn ti sa sa a.. ka nui lo thei lo. A ze tlang tak avang chuan.

"I hria anga." Atih rual chuan ka rilruin hrelo kalo ti hmanhmawh a. Damian chungchang ka hriat loh zia mai chu.

"A hnuaiah hian amah hmuhna leh a kianga awm theihna chance an neihna tur anih phawt chuan hlawh nei lo pawhin an thawk duh ang chu. Ka chan hi chhe viauah i ngai mai thei, mahse midang ngaihtuah chuan a chhe lo ania. Min en hniam suh ang che." Ring tak chuan a nui chhuak pah hawk a, A ṭawng tira a aw key a hniam em avangin kalo phu zawk.

"En hniam lo tehreng e. Kan chhuk dawn em ni ang?"

"Lutuk e. Khawi nge ka phone kha." A ṭhuṭna bul khawih kual nghal thuak chuan ati a.

"Aw ka hmu e. Lawk aw." A phone chu a khawih mawlh mawlh a.

"Kendal Jenner hnen aṭangin text ka dawng a..Ka puihna tlem azawng a mamawh deuh anih hmel." Nui deuh har hara atih chuan kalo bu nghat a.
Kanin zui thla dun nghal a.

"Kendal Jenner hian M.r Thibault hi tih tak zeta a mipa at chilh awm chhun niin kala hria asin. Mr. Thibault hi nikum Victoria Secret fashion show ah khan tel tura sawm zingah a tel a. Rinloh takin arawn tel thei bawk a, thilthleng a rapthlak teh asin aw." A sawizawm zel dawn emaw katih lai chuan angawi zui daih lawi a.

"Eng nge thleng?" Ka beng ati vir lak lawh.

"Eng lo ania.." Ka beng ka lo ch$ var nasa.

"Ka hrilh lo mai ang che." Nui zui chiam chuan ati a. Ka hawihil der mai.

"Fashion chungchangah thurawn ka pek che a hun tawh. Ho takin hun ka khawhral pui reng che anih chuan Mr. Thibault hian min thehchhuak mai ang tih tepawh ka hlau e."

"Aṭha lawm." Ka room kawngkhar hawng zui chuan kati a.

Ka thawmhnaw inkhai tlar del dul techu entir nan hmangin thil tam tak min hrilh a. Ka hlawkpui ve viau mai. Fashion vela hawiharh lo vetak tan chuan thil thar hriat tur a tam lua e.

"I bag saw thlak la. Hei hi naktuk aṭang chuan i ah tawh ngei ka beisei. Hei kher lo pawh. Heng ho tehi han en ta la." Chanel bag intlar phei put chu mi kawhhmuh zui a.

"I ah tura ka thlan deuh berah hian hei hi ka khung nghal bawk ania. Chanel bag ah chuan, chanel lip gloss an khung tel zauh a.

"I makeup chungchangah hi chuan." Ka sam chu dressing table hmaah chuan eng tin tin emaw anti sik sawi kual vel a.

Ka rilrem zawng ani vak lo na chu mintih ang ang chuan ka dawh ve mai zel a. Han tih lunghnur viau ka hreh ve si a.

"I sam hmawr lam hi tlemin kanti kir deuh dawn em ni ang. Ati lang sexy dawn riau che asin."

"A sam kha chu khawih danglam angai lo vang." Tih rawn rikna lam chu kan hawi phei rual dun ṭhawṭ a.

Damian Thibault chu a kekawr ip te a a kut thun ap chung chuan alo ding run a. Nidang ang bawkin a mit meng mawi zet chuan fiah takin mi melh leh kalh tawh. A zam awm duh rum rum ṭhin.

"Ahh niaa.. I sawi dik alawm. A pianpui sam nalh zia leh a mawipui em em zia hi. Ati lang nu hnalh mai bawk si." Moris chuan athu sawi zawh chiah sutin, Damian thu sawi chu awlsam tein a pawmpui lehngal zung zung daih lawia.

A thil min hrilh nen, ka ngaihbelh pah deuh nipah fawmin a chelai nghal rutin ka hria. Zirtirna min pek laia a chet dik thlarh thlarh nen.

"Tih danglam reng angai lo." Nui pah har harin anti zui leh a.

"Tih danglam chu ka duh alawm." Kanti tlat leh tawh a. Ka pianpui sam hian fak a hlawh em avangin tihdanglam tumna rilru kala pu ngai lo. Mahse tunah chuan a danglam tawh.

"A ṭul lo." Damian chuan ati leh hmuk tawh.

"A ṭul. Ka sam alawm." Aw ki san deuh larh chuan ka chhang let a.

"I sam anih loh phah dawn em ni? Ka sawi anga tih vang khan"
Hnial khan lah hi a hre mai sia.

"Ka lang nalh dawn asin. University thara lut ka nih hi. Ṭan ka ngai alawm. Duh deuh tepawh a nikhat ni aṭangin ka tawng deuh der tawh a. Chu vangin...."

"I ti danglam lo chiang khawp ang." A aw teh hrep chu.. A aw hi a no lo ve hle a. Tuna a ṭawngka chhuak ngat phei kha chu.
Moris lah a ding zum zat tawh. Kei pawh ka hrilhhai.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » January 17th, 2021, 12:27 pm

Big Boss
Chapter -5
May Renthlei

"B.K. university thleng min thlah angai kher em ni?" Awm nuam zan lo chuan kanti dak dak a.

"Ngai kher tehreng mai." Nasa lo te chuan a nui zui sek a. Tlangval hmelṭha ve pangngai tak chu a ni.


"Thupek em ni?"

"Aw ni e."

"Kum eng zat nge inih tawh B.K?"

"Kum 27. Big boss hnuaiah hian kum 4 ka thawhna chiah ani bawk. Hriat duh dangte ila nei em? Min zawt zel thei ania." Ati zui bawk a.
A hmel a nelawm ang bawkin a aw pawh a dam thlap..

"Nei em em lo ve. Min lo nghah kher ka ngai lo vang aw. Keimahin ka lo haw thei ania." Katih chuan alu a thing nak a.

"Ka tih tur chu ṭha taka ka hlen angai."

Damian Thibault hian a hnuaia thawk tehi eng tiang chiaha ṭhain nge a enkawl bik em em le? Kati rilru hial mai. Ka la awm rei lo chung pawhin an zah zia leh, mahni hna ṭheuh chu rinawm taka hlen ṭheuh tih tak zetin an tum hlawm tih ka hmu thei tlat.

"Minutes 26." University kan thlen rual chiah chuan ka phone chu hmet engin kawnga kan thang chhung ka chhut nghal vat a.

"Ohh. Min hawnsak kher ka ngai hleinem." B.K an car kawngkhar min rawn hawnsak a tum mek chu lo hawn khalhin posi lai ang reng tak chuan ka siam a.

"A leh pekah chuan min tih tir vetawh dawn nia." Nui zui sekin ati a.

"Ni hman nuam B.K" Ka kut la khawng kang at in kati che a.

"Hman nuam le. Buaina eng pawh i neih chuan i tan ka awm reng dawn ania."

"Ka hria e." Tih pah chuan a darah na lo te in ka beng thek a. A lainghal deuh ringawt anih chu. A landan a pa rem rem nen, a zakzum phian a. Fiam nawn fo chakna min neihtir..

B.K chu ka kalsan zui a. Ka kal liam dawn thleng chuan min la en zui. Ka nui ringawt.


"A lawmawm. Tuvak mahin min hmuin min ngaihven lo hlauh a." Hawi vel chuan kati chhuak sap a.

Ka thawmhnaw hak en fel leh zauhin ka pen lut a. A zau tham em avangin ka kalna tur lam hre mai lovin kan kal risk deuh pawp a..

High school kal laia hun thawveng tak kan hmang a, kanin tlan pel suau suau hunlai ang kha chu ani ta lo deuh. A reh deuh ruih mai. Mahni nuna buai tham tak tak tawh. Hlawhtlin ngei tuma mahni hmakhaw ngai rual tawh kal khawmna anih tawh avangin a dan a dang ta raih mai.

"Min lo hrethiam lawk, computer science zirlaiho awmna room min kawhhmuh theih chuan ka lawm khawp ang." Zawh tur lo awm reng chang ber, mipa phone lo khawih mawlh mawlh chu ka bia a.

"Luh thar tur em ni i nih a? Computer science la ve tho ka nia..Ka hmu ngai tlat lo che. Nge ni a ṭhian hmuh lawk tur i nei zawk?" A phone enlai dah thla chuan ati ta duah a. Biak anuam reuh hle mai.

"Rawn lut thar tur ka nia. Vawin aṭangin."

"Anih tak chu, Axel ka nia. Ka lo lawm a che." Hawihhawm takin a kut arawn phar chhuak vat a. A nuihmel nen minla hmachhawn char char.

"Clara Delphine. Kei pawh ka lawm e." A kut chu ka vuan let a..

A hmel chu aṭha vut lem lo na in hmel pa tak, a sual hmel hle mai tih tur hmel nei ang hi ani a. Han biak takah erawh chuan a landan ang chu ani hauh si lo.

"He lamah hian min lo zui rawh. Laklawh deuh taka kan university i rawn zawm thei chu mak kati deuh..Luh harsa tak ani si a. Mi special tak ini ngei ang." Atih chuan chhan mai ngaihna hre lovin ka nui deuh tawp. A chhan chu sawi a chakawm teh chiam lo.

A rin anga mi special em em chu kani lo. Ati ṭha pawlah erawh ka lang vethei ziah thung.

"Basketball khel ṭhin ka nia. Naktuk chawhnulam hian management team lam nen kan khel dawn a, min en ngei ka phut nghal ania..Nang ang hmeichhe hmelṭha takin min en anih chuan kan chak ngei ka ring." Min fiam tih hre tho mah ila, hriat a nuam lo lem lo.

"Ka theih chuan le." Tih zawngin ka chhang a..
Thawm a awm ṭan nak nak a. Kan mi hmuh ho chuan min en zui duh deuh riau hian ka hria. Ka bula kal mek hi mipa lar ve thawkhat ani mai thei. Nge ni a mithar kanih vangin min en duh zawk?

"He lai hmun hi ani e. Hriat reng i tum dawn nia." Kawngkhar hawn pah chuan ati a..

Kawngkhar ahawn rual chuan thawm arawn ring sawt a. Class ṭan ala nih loh avangin innel hmel takin eng emaw an lo sawi ho nak nak hlawm a.

"Hey Axel nimin lam khan i va khel ṭha em em ve." Mipa khat hian alo tinghal lung lung a.

"Wow. Khawilam hmeichhia nge ni a?" Keimah min rawn hmuh ve rual chuan ati zui leh a.

"Hi Clara Delphine ka nia." Ka nuih sek a.

"I hmelṭha hle mai. I single em?" A ṭawng ring ṭha bawka. Mi rawn melh rawn ta ṭhup a.. Ka lai ṭhelh alawm.

"Alias insum rawh. Iti zak anga sin. Mi thar anih hi." Axel chuan mi lo chhan khalh vat a..A lawmawm.

Luh thar tirha thawm a tam nen a reh zui ṭhuap a. A bik takin mipa ṭhukhawm laih ho chuan min hmu duh. Mi thar kanih vang aniang. Nge ni a ka landan ngawt aṭang hian ka hip lehnghal tawh hle zawk? Hei chu ka tawn ṭhan loh pawh ani lo ve.

"Clara tah hian ṭhu ang." Axel chuan a ṭhuṭna bul maia ṭhuṭna ruak chu min kawhhmuh zui a.

"Eng tin nge tun ang hunah mi thar alo luh theih? Chhan bik a awm ngei ang." Tlar hnung lama ṭhu hmeichhe ho chuan anti ru sep sep a.

Ka chungchang chu hriat ṭhaṭ theih si loh, hriat theih deuh rauh si chuan an zeldin zui char char kanti thei ang.

"Zep lohah chuan ilo luh chhan chu ka hreve chak. Mahse min hrilh kher ka phut lo ania." Axel chuan la nelawm zui zel leh mi vengthawng ru deuh si chuan an ti a.

"In hresa em ni in nih a?" Axel chhanna ka pek hma chuan Alias arawn inrawlh hlauh a. Axel hnaih tetah chuan arawn ṭhu zui bawk..

"Kal sawn teh. Ka cousin anih hi." Axel lah chuan thutak zetin, awiawm fe chuan alo chhang a.

"Kum4 ka hretawh che. He tiang khawpa cousin i nei hmelṭha chung hian min hrilh lo va maw." A nghawnga kuah zui nawk nawk chuan ati a. An innel hmel bawrh bawrh khawp mai.

"Duh tawh teh Alias. Ka hair style iti chhia ania.." Alias nam sawn nawkin a sam chu siam ṭha zui mawlh mawlh a.

"Ka rawn hriat thar vetho anih hi. Kan rawn inhmu fuh a. Ti raw Clara." Mit ti sang ak in arawn ti a.

"A dik alawm." Kalo ti zui ve mai a.

"A lawmawm chu. Alias tiin min ko thei ang." A hming ka hrereng sa tawh tho na chu min hrilh nawn leh kher a, a thawven ve hmel vet vet khawp mai. A sam kir chiat chuan ati lang cute viau lehnghal a.

Zirtirtu arawn luh zui avangin kan reh zui ta ṭhiap a. Ka ni hmasa ber ani bawk a, ka rilruah eng tehchiam a lut lo.
Sana vawi6 vel ka en hnu chuan ban pawh a hun vethei ta hram e.

"Ka awm tawh e." B.K a rawn in report nghal thap.

"Kan leng chhuak dawn asin lo kal ve ta che."

"Dik chiah lo kal verawh. I tel chuan anuam zual khawp ang." Axel min sawmna ka chhan hma hma chuan Alias an arawn chhunzawm zat a.

"Ni dangah nimai rawh se. Min hrethiam rih ru." Katih chuan an bu zui venghal maia.

"Nidangah chuan kati lui dawn tho tho che ania. I ni hmasa ber anih vangin ka la dim rih mai mai che anih hi." Alias an atih chuan Axel nen in en in kan nui tawp.

"Tih luih ngai lovin ka zui dawn cheu nia." Nui zui pah hakin kati a.

"Ka hrereng ang." A tarmit kar aṭanga fiah zeta min melh lui ngei chuan ati a.
An chhuahpui tur ten an rawn ko zui a.

"Chhuak rual tho ila." Axel chuan minti a.. A caring hmel thawt. Ani khat ni aṭang pawhin ka hre thei.

"Aṭha lawm." Ka bag ak in kanin zui chhuak ta hlawm a.

"Group ah pawh i lar zui khawp mai. Hei en la." Alias an ka hmai zawn takah a phone arawn lek kanga.

Ka hming, ka number leh ka chungchang dang neuh neuh zawhna a awm tlar thla dal mai. Ka nui tawp. Hmeichheho erawh chuan min thik deuh niin ka hria. Mipa ho chu an khak deuh fak fak.

Ka engah mah a thawk pha ve lo. Mi dang nuna va inrawlh emaw, buai vel ka peih lo ang bawkin mi dang min ngaihdan ka ngai pawimawh tehchiam lo. Ka theih tawpa ṭha erawh a nun duh mi ka ni.

"An fiamthu mai anih kha Alias." A phone nem sawnin kati a.

"I hmel leh i nungchang tur awm ang en hian an fiamthu chuan ka ring lo. Kei pawn hmelṭha kati che." Uang pah deuh tak chuan ati a.

"Tu emaw duh tak pawh alo inpeih leh at tawh e." Atih zawm zata. Kei pawhin kan hmalam pana hmeiche pathum no zet zet, in ha chhing tei tawi tak leh an pian nalh tak lan loh hlau zeta thawmhnaw ha ṭhin tih hriat tak. Rawn model kal hawh hawh hlawm chu ka hmu zui vengal.

"Alias min hrilh lawk miah lo." Axel chuan ati deuh hluk a.

"I hlim lutuk awm ngaihna hre lo anih chu." Alias lah chuan alo tiduh lek a.

Kan mipa kal pui dang ho chuan thawm an rawn chhuah raih raih hlawm a..Axel chu an zinga tu emaw ber chu an chhaih chiang a ni.

"Duhtak." Ti no hlaiin sam buang ngo zet, khalh nalh zet chuan Axel biangah arawn fawp zauh a..

Alias leh mipa dang ho chu an lo 'eeee' dual a. Axel an bialnu a nei. A pawi ka lo ti rilru vedeuh tawp. A chhan ka hre bik lo..A zia hi a tawk hmel reuh em a ni.. Chutih rualin Damian Thibault rilruah arawn langa. Ani phei chu khawilamah. Ka bialpa ani thei ngai lo vang.

Khawilai nula chhelo tak emaw, duh ang zawng zawng thlang thei din hmuna ding ania. Khawvel hmeichhiate ngaihven rawn leh, zah pawh dawn lo va an bawh zui huam huam kha ani miau a.

"Khawilam mi nge ni?" Axel bialnu lo zawk, a bula ding. A ṭhiannu ningei tur chuan ka ke ler aṭanga min melh chhuak dap chuan aw ki sang deuh vahin minti a.

"Clara anih hi. Vawin aṭanga lo zawm anih hi." Axel an alo tivat a.
Za vak lo in anni ho chu ka nuih a..

"Anih tak chu. A chhiat lemloh hi." An pathum chuan inmelh tawn zui hlawmin ngeiawm ang rek tak chuan an han nui zui ngei a. An nui ri ah chuan inhmuh sitna a ri tel..

Mi hausa fanu duat sual, duh duh nei thei. Chapo vetak tak inkhawm khawm anni hlawm ngei ang.

"Ka duhtak pawh alo thleng e." In la nui zeii kati mai dawn em ni ang, chu nu chuan bike nalh zet rawn inhung su dat lam pan chuan tlan pheiin ava kuah cheng a.

Ka biak mek ho hi chhungkaw pangngai vetak anni hlawm ani ngei ang. Car leh a chhehvel an nei changkang hlawm mah mah.

"Duhtak lut ila." Axel bialnu chuan a car chahbi ni ngei tur lek vah vah chuan ati a.

Axel hian car anei lo tihna em ni ang? A bialnu car a chuan angaih mai bik.

"Lut ta che." Alias bawk chuan arawn ti a.
Axel erawh chuan mi rawn melh thung.

"Eng in nge i haw dawn? I chenna sawila kan thlah haw pah theih tepawh ilo ni mai thei asin." Axelan mi tih chuan ka duh lo nasa mai.

B.K an kan piah maiah mi nghak tawh...Ka zaizirin min lo nghak lawk turin ka hrilh vek tawh zawk..A ding piah deuh ani bawk a, midang hian an la hmulo hlauh zawk a..An hmu ang tih ka hlau ru tak zet a ni.

"Kal ru. Kei chu ngaihtuah ka ngai lo." Kati thuai thuai a.

"Ellen kal ang u." Bike a chuang vang tawh, Ellen ṭhiannu chuan an ding reng chu ngaithei lo fe in arawn ti a..

Axel bialnu hming chu Ellen. Ka hre ta e. Hausa zawk pawh nimah se Axel hi a phu chuang lo. Mizia hi a pawimawh ber.

"Ni e kal vat teh ang u." Ellen chuan no lo fe leh hmusit rawngkai lek lek chuan mi melh deuh kher a.

Min milh loh nghal tawp chu a chhan ka hrethiam bik lo.

"Woohh woow.. Saw lai car ding saw a va nalh hmel ve a." Kan hnung deuh hleka rawn kal thar, a hming pawh ka hriat loh pa chuan rawn ti hlut a..

An hawi phei nghal ṭhap a. An ngaihven zui hlawm teh asin. Va pan nghal mai duh pawl an awm rualin B.K car bula ding ran chuan va hnaih ati inthlahrung deuh hlawm niin ka hria.

University kal nana an lirthei hman ho hi a theuneu vak hlawm bik lo. Chung ho zingah pawh chuan Damian car ala chungnung larh bik tho mai.

A tan bik liau liaua car company in an duansak midangin an neih ve hauh loh te, mipa hnih khat, chu pawh mihausa tawntawin an neih ve chin angte ani nawk hlawm.

"Saw tiang car nei pha tur chu Millionaire chung lam emaw, Damian Thibault te anga billionaire annih ngei angai ang." Alias an atih chuan ka lung a phu rang zawih.
Min rawn lamna tur car ngei kha ani si a.

"Damian Thibault car chu ani tak tak angem? Awii hepa zet hi chu ka dam chhung hian vawikhat tal ka hmuh theih ka inbeisei asin." Ellen ṭhiannu, bike a la chuang lo zawk chuan ati chul a.

Ellen pawh a hmela phurna lo lang aṭang chuan Damian duhtu leh ngaisang pawla mi ani ngei ang tih ka ring. Damian melh vawikhat pawh dawl zo lo tur.

Mipa ho pawh chuan an ngaihsan hmel hlawm viau bawk. Damian Thibault hi chu tupawhin an hria anih hi..

"Ani kher lo vang. Entir nan kan sawi mai ania." Alias chuan ati leh hlauh a.

"Ni se ṭha tur ania aw." Ati zui nang nanga.

Eng emaw sawi zui leh hlawmin an tlan chhuak ṭan ta hlawm a..
Axel pawhin mi bye zauh va. Ellen alo meng nur hman leh tawh.

Ka vai liam hlawm hnu chuan B.K lo dinna hmunah chuan ka tlan phei vat a. Midangin min hmuh hlau ru fe chuan ka lut rawk rawk a. B.k nuih a za leh tawh tawp.

"A va hahthlak dawn tak." Ṭhuṭna hnung ngheng rawk chuan ka ṭhu lut hnawk a.

Hahdam thei ang bera ṭhu chung chuan video neuh neuh ka en kual a. Kan thlenlai pawh ka lo hrelo hial...
Gate duty ten kan luhna tur kawng an lo hawng ruai ruai tawh.

"I ni hmasa ber chu eng nge a an le?" Karen chuan hahdam thlak zeta mi lo nuih var var chuan alo ti a.

"An fel hmel hlawm khawp mai. A zia ani mai ang chu. Minlo nghak em ni? Pawnlama ilo din a?" Ring deuh, chiang ngam em em si lo chuan ka zawt a.

"Aw ni e. Ka lo nghak che alawm. I ni hmasa ber ani si a."


"Ka van lawm." Hlim zetin a darah chuan ka kuah zui thak a. A hrilhhai lek lek na in a rei lo, a nui zui leh ta tho va.

"Mahse nidangah chuan minlo nghah kher angai tawh lo ania, i tan a buaithlak lutuk palh ang." A sir zawnga la kuah rengin kan lut dun zui ral ral a. Ka vawikhat hmuhna aṭanga ka ngainat nghal kha ani reng a.

"I thu thu le. In leng i nei a, Moris gray. Minutes 27 dawnlai anghak tawh che."

"Awle. Khawihmunah nge min lo nghah ber le?"

"Infinite pool lamah inchiah dai turin a chho in ka hria. I lo thlen hunah hriattir mai tur che in min chah a."

"Keiman ka pan mai ang. Mahse khawi hmunah nge infinite pool i sawi chu a awm reng reng a?

"In chungah. Ka hruai dawn che nia..Intihfai te i duh hmasa angem?"

"Duh lem lo ve. Han hmu vat zawk ila, a hun ka lak hek sak hnem lutuk ang. Mi buai tak ani awm si a."

"Awle. Thelma Miss Clara bag hi ilo laksak dawn em ni ang? A intihfaina tur leh a thawmhnaw hak tur lo han ngaihtuah sak bawk la." Reception hall aṭanga lo chhuak chiah, kan lam pana lo kal mek Thelma chu alo be nghal mawlh mawlh a..

He reception hall hian mikhual 200 vellai a thleng thei a ni.

"Ka bag hi chu ka room ah minlo dahsak la, thildang chu tihsak ka ngai lo vang." Ka bag ah lai Thelma pe thuai chuan kati a.

"Awle." Nui sakin, a bu zui nghat a.

Karen nen chuan elevator lam ah kan chuansan zui tanghal a.

In chung ber kan thlen chuan in chunga awm ang ni lovin beach a awm ang hialin a inngaih theih zawk zu nia.. Bang aṭanga tui rawn khawhthla lah chu a pawl phut mai bawk si.

Paris kawtthler chu mawi lutukin alang cham phut a, khawhawina nuam tak a ni..Ka room aṭang kha chuan he in leh a chhehvel chiang takin a lang ruih a, he tiang khawpa zau erawh a hmuh vetheih loh anih kha.

"Moris chu sawlama saw a awm alawm."Karen in atih chuan ka hmu vechiah.
Underwear chauh ha in, pool sira ṭhuṭna tur awmah chuan ṭhuin phone alo hmang mawlh mawlh a. A sam a huh phang dan aṭang chuan alo hleuh kual ziai ziai tawh ani ngei ang.

Mi hmuh chuan ban arawn vai lauh lauh a.. A phone hmanlai adah zui bawk.

"Ka rinai ilo thleng hma leh si a. Pan ngai lo tur zawk kani asin mawle." Inthiamlo ang reng tak chuan alo ti a.

"A pawi hleinem." A bul maia ṭhuṭna hlim hnuaiah chuan ka ṭhu zui ve a.

Pool duty zinga pakhat chuan Moris chu bathrobe arawn pe a. Lawmthu alo sawi sap a. Keiin Karen chu min kalsan turin ka lo ti vethung.

"Tunah khan Mr.Thibault nen kanin be zo chiah a.. Vawin atan chuan ka let rih dawn lo a ang khawp mai. Gues house lamah ka awm rih angaih hmel..Ka bungraw lam chu a hnathawk ten an lo buaipui ang. Ka buaive ngai lovin. Hahdam thlak hian." Nalh parh mai chuan an ti a. Han bahlah eih hi a awm lo.

"Anih chu."
Tuna ka rilru put hmang deuh nita chu, keimah lam pawh ni lovin Damian leh Moris te inkarah hian ri ret ret a awm anga, chu chu hliah khuh nan chhuanlamah min hmang vel niten ka ngaihtuah.


"Pawi itih loh ka beisei. Mr. Thibault khan a vengthawng khawp mai che a. Mi dang ngaihdan a venthawn vawikhat ka hriatna ani hial ang.." Ka lam arawn hawi parh deuh tarh a..Chik fe chuan min melh te te a. Angaihna ka lo hrelo khawp mai..

"Damian tan hian eng ang chiaha mi special nge maw i nih bik le?" Minti teh hluai a.

"A awm ang lo e mai. A tan techuan..."

"Ni lo, ni lo ve." A kut vai meuhin ka ṭawnglai chu min pawt chat a.

"Kum heti zat Damian hi hriain kalo buaipui vetawh. Min en ta che." Thla la tur ang mai chuan a awmdan a han siam rem harh a. Hmeiche nalh tak chu a ni.

"Ka pian tehi han en chiang la, ka hmel pawh tiamin.. Han sawisel vak tur i hre dawn em ni? Talent ropui tak neiin ka hausa em em mai bawk a. Hetiang khawpa chhelo kani chung hian hepa ren run hi theih patawpa ka chhai ala ngai zawk zui ania. Chuti chung chuan ka hmel a hre ṭawk mawle." Thinrim, lungawi lo fe chuan an ti a. Mahni tawk mai ni lo, mipui vantlang chin chunglam nipha nula chuan ala na tham vekhawp mai. A awm lutuk e.

"Mahse nang chu i danglam." A hmel landan thlak hlawkin, awm ze nei fe a min melh chung chuan eng emaw ka sawi phut tak chuan mi melh tlawn harh a.

"I ngai dik lo anih kha." Nuih letin kati duh lek a. A ngai dik lo reng bawk a.

"Rawih ka harsa viauin nang pawhin mi ring ngei ang. Mahse maw." Ka lamah arawn thle phei bak a.

"Damian hnuaia thawh loh ka hlauh zia chu." Arawn ti sa sa a.. ka nui lo thei lo. A ze tlang tak avang chuan.

"I hria anga." Atih rual chuan ka rilruin hrelo kalo ti hmanhmawh a. Damian chungchang ka hriat loh zia mai chu.

"A hnuaiah hian amah hmuhna leh a kianga awm theihna chance an neihna tur anih phawt chuan hlawh nei lo pawhin an thawk duh ang chu. Ka chan hi chhe viauah i ngai mai thei, mahse midang ngaihtuah chuan a chhe lo ania. Min en hniam suh ang che." Ring tak chuan a nui chhuak pah hawk a, A ṭawng tira a aw key a hniam em avangin kalo phu zawk.

"En hniam lo tehreng e. Kan chhuk dawn em ni ang?"

"Lutuk e. Khawi nge ka phone kha." A ṭhuṭna bul khawih kual nghal thuak chuan ati a.

"Aw ka hmu e. Lawk aw." A phone chu a khawih mawlh mawlh a.

"Kendal Jenner hnen aṭangin text ka dawng a..Ka puihna tlem azawng a mamawh deuh anih hmel." Nui deuh har hara atih chuan kalo bu nghat a.
Kanin zui thla dun nghal a.

"Kendal Jenner hian M.r Thibault hi tih tak zeta a mipa at chilh awm chhun niin kala hria asin. Mr. Thibault hi nikum Victoria Secret fashion show ah khan tel tura sawm zingah a tel a. Rinloh takin arawn tel thei bawk a, thilthleng a rapthlak teh asin aw." A sawizawm zel dawn emaw katih lai chuan angawi zui daih lawi a.

"Eng nge thleng?" Ka beng ati vir lak lawh.

"Eng lo ania.." Ka beng ka lo ch$ var nasa.

"Ka hrilh lo mai ang che." Nui zui chiam chuan ati a. Ka hawihil der mai.

"Fashion chungchangah thurawn ka pek che a hun tawh. Ho takin hun ka khawhral pui reng che anih chuan Mr. Thibault hian min thehchhuak mai ang tih tepawh ka hlau e."

"Aṭha lawm." Ka room kawngkhar hawng zui chuan kati a.

Ka thawmhnaw inkhai tlar del dul techu entir nan hmangin thil tam tak min hrilh a. Ka hlawkpui ve viau mai. Fashion vela hawiharh lo vetak tan chuan thil thar hriat tur a tam lua e.

"I bag saw thlak la. Hei hi naktuk aṭang chuan i ah tawh ngei ka beisei. Hei kher lo pawh. Heng ho tehi han en ta la." Chanel bag intlar phei put chu mi kawhhmuh zui a.

"I ah tura ka thlan deuh berah hian hei hi ka khung nghal bawk ania. Chanel bag ah chuan, chanel lip gloss an khung tel zauh a.

"I makeup chungchangah hi chuan." Ka sam chu dressing table hmaah chuan eng tin tin emaw anti sik sawi kual vel a.

Ka rilrem zawng ani vak lo na chu mintih ang ang chuan ka dawh ve mai zel a. Han tih lunghnur viau ka hreh ve si a.

"I sam hmawr lam hi tlemin kanti kir deuh dawn em ni ang. Ati lang sexy dawn riau che asin."

"A sam kha chu khawih danglam angai lo vang." Tih rawn rikna lam chu kan hawi phei rual dun ṭhawṭ a.

Damian Thibault chu a kekawr ip te a a kut thun ap chung chuan alo ding run a. Nidang ang bawkin a mit meng mawi zet chuan fiah takin mi melh leh kalh tawh. A zam awm duh rum rum ṭhin.

"Ahh niaa.. I sawi dik alawm. A pianpui sam nalh zia leh a mawipui em em zia hi. Ati lang nu hnalh mai bawk si." Moris chuan athu sawi zawh chiah sutin, Damian thu sawi chu awlsam tein a pawmpui lehngal zung zung daih lawia.

A thil min hrilh nen, ka ngaihbelh pah deuh nipah fawmin a chelai nghal rutin ka hria. Zirtirna min pek laia a chet dik thlarh thlarh nen.

"Tih danglam reng angai lo." Nui pah har harin anti zui leh a.

"Tih danglam chu ka duh alawm." Kanti tlat leh tawh a. Ka pianpui sam hian fak a hlawh em avangin tihdanglam tumna rilru kala pu ngai lo. Mahse tunah chuan a danglam tawh.

"A ṭul lo." Damian chuan ati leh hmuk tawh.

"A ṭul. Ka sam alawm." Aw ki san deuh larh chuan ka chhang let a.

"I sam anih loh phah dawn em ni? Ka sawi anga tih vang khan"
Hnial khan lah hi a hre mai sia.

"Ka lang nalh dawn asin. University thara lut ka nih hi. Ṭan ka ngai alawm. Duh deuh tepawh a nikhat ni aṭangin ka tawng deuh der tawh a. Chu vangin...."

"I ti danglam lo chiang khawp ang." A aw teh hrep chu.. A aw hi a no lo ve hle a. Tuna a ṭawngka chhuak ngat phei kha chu.
Moris lah a ding zum zat tawh. Kei pawh ka hrilhhai.


Big Boss
Chapter-6

"I ti danglam lo chiang khawp ang." A aw teh hrep chu.. A aw hi a no lo ve hle a. Tuna a ṭawngka chhuak ngat phei kha chu.
Moris lah a ding zum zat tawh. Kei pawh ka hrilhhai.


"Ka sam thleng thleng chuan control tum suh. Ka duhthlanna a ni." Pangngai tak chuan kati a.

"Moris min lo va chhuahsan mai ta che." Atih takah chuan Moris pawh a chhuak rang khawp mai.

"Min hnial hi i chak ve hrim hrim em ni?" Minlo pan hnai tial tial chuan ati a.


"I ring a maw?" Chhunglamah ka talbuai ṭan. Kati lang lo hram hram.

"Ring mai ni lovin anih dan zawk."

A rawn awm hnaih tak em avang chuan ka ṭhuṭna aṭang chuan ka ding zawt a. Ka awmdan chu ka duh chiah lo na in, ka in control mai thei lo.

"Min lo pan hnai vak lo khan i sawi tur chu sawi mai la." In la zam lo vel lutuk chuan kanti vel a.

"Kati zam che em ni?" Min chhaih ti tih. Ka hnar chu nasa lo tein katih chuar khum a..

"Moris chungchang zawk hi." Zawm lo fe chuan kati a.

"Eng nge ni?" A ṭawng zawha ka melh chu ka inchhir lek lek. Min lo melh dan mawlh kha. Ka duh loh chi. A hmelṭha mah mah.

"Regular turin ka mamawh lo."

"I la mamawh dawn chauh min ring rawh." Ngun thluk fe chuan anti a.


"Aih. Mamawh hun chu ka nei ngei ang. Entir nan, eng hun pawimawh emaw ang bik teleh...."

"Eng hun pawh hi hun pawimawh a ni." Alo tileh bauh a.

"Ania mahse..." Ban ka vai nak a. Damian chu ka melh chho a.

"Chance ah min hman i tum em ni? He in ah hian Moris a cheng anih chuan i hmu tam thei deuh anga. Chhuanlama min hmang siin." In la fing fe chuan kan vehthlem e. Kati fuh lo chiang teh e.

A hmel a dur khap khap. A nuihmel vedeuh pawh kha a bo hmak.

"Chu tiang ngaihdan tehhrep chu engin nge neihtir che?" Kal hnaiin min si deuh thaw chuan arawn ding a.

A rim tui zet leh a taksa lumna pawh ka feel thei nghal.. Ka che ngam eih tawh lo.

"Minhrilh teh. Kha ngaihdan kha khawi aṭanga lo piang nge?" Hriat nuam leh deuh hlek tawh chuan an ti leh hap a.

"I awmdan hian.."

"Eng nge ka awmdan?" Ka taksa si chiah chiahin arawn ding a.

"Aw...awm sawn rawh." Ka ṭawng bah nak chu ka haw lutuk.

"Duh lo ta ila." Ka bengbul maiah arawn kun hniam a. A ṭawng zawng chuan a lum pap pap.

"Damian Thibault"

"Yes." No lo fe a a hming pum lawla ka ko chung pawhin ati dam thlap duh chauh.

"Kal sawn rawh."

"I kalsawn bik em ni?"
A va han ngeiawm mai mai ṭhin tak. Minti zak lutuk ringawt.


"Mi sual pa." Awm sawn ka tum a, rang fe in ka kawngah vuanin min dang leh lawi si.

"Awmsawn rawh kati chuang miah lo che."

"Nang.." Awm sawn tuma ka chetna lamah chiang zetin ka han melh chho palh a. A mit meng nung sarh chu ka la hmu ngai miah lo.
Ka awmdan vel avang chuan nuihza hmel a pu bawk.

"Damian Thibault awmsawn vat rawh." Min fiam nasa mah mah tawh.

"Okay." Engtin mah minti lo ang mai chuan a ding fel fai nghal thlup a.

"Moris chungchanga i ngaihdan kha i thlak vat dawn nia. Regular anga thawk turin i duh lo anih chuan aṭha alawm." Ati ve mai a.

"Ka hrilhsa vek tawh che kha." Ka lo ti vebawk a. Moris a duh lo tih chu amah Moris ngei khan min hrilh chiang tawh lutuk tlat.

"Ka hria alawm. I inthlahrun vangah ka ngaia."

"Ni lo tehreng mai." Uar fe chuan kanti a.

"Ka hrethiam e. I duh dan dan le. Mahse." Tih paha ka sam rawn khawih a tum chuan ka lo awm sawn vat a. A kut chu ala thla leh ruai ruaia. Ka inthiam lo leh deuh.

"Ti danglam suh ang che." Ati nawn leh ngata.
Hnial lovin thuawih tak chuan ka bu veta ngat a..

"Naupang fel. Tiang khan awm zel tur." Amah lo ang tak chuan minti vekhiah a. Ve ngei a.


"Naupang kani lo. A nikhat ni aṭangin bialpa tur pawh ka hual fel nghal." Axel ngaihtuah chhuah pah chuan kanti ngei a.

Mahse bialnu anei. A pawi ṭhin khawp mai. Damian phei chu hrilh chi ani lo. Ani ang mipa luck lutuk hian min nuihzat dawn lutuk asin.

"Clara Delphine." Tih ri deuh fakah chuan ka thil suangtuah zuina aṭang chuan ka harh chhuak chiang hle.

"Eng nge ni?" Tih pah chuan kan melh chho a. Kanin san hleih deuh lua chu a ni. Len lamah pawh.

"I sawi duh chu sawi la." Angawih zui leh hmak avang chuan kati a. A landan aṭang chuan sawi duh anei tih ka hrethei tlat bawk si.

"Chu pa chu aṭha viau em ni?" A sehchilh deuh nak a. Ka rinloh tak zawhna min zawt a ni. A ngaihthlak liam mai ka ring ania.

"Umm. Ka tana ṭha tak tur a ni." Kanti deuh hlah a.

"Vawikhat. Vawikhat i hmuhna leh i hriat ngai pawh nilo chu i tana ṭha turin i ring nghal ngawt amaw?" Tih el na a ri chhuak tel.

"Lo buai ve suh. Ka buaina lawm." Pen sawnin couch ah chuan ka ṭhu ting thla auh a.. Pangngai taka ka ṭhu thla vemai lo chu a ngaihdan a nih loh viau ka ring nghal.

"Delphine."

"Umm." Phone ka khawihsan zui avangin pawlawh ang reng tak chuan ka chhang a.

"Ka biaklai che in phone khawih suh."

"A pawimawh alawm." La dah miah lo chuan ka chhang a.
Axel hnen aṭangin text ka dawng miau a. Ka thlen tluan leh tluan loh mi rawn zawt thlap.


"Eng thil pawimawh teh hrep chu maw?" Tih pah chuan ka ban arawn ti che zauh a, ka phone kenlai ka thlauh zui nghal. Chu lai hun chu remchangah la in ka phone chu rang taka lo dawngin a en zui nghal hmak a.

"Damian Thibault." Ka phone chu chhuhsak tumin ka ding sang ar ar a. A lakah chuan ka lang te rawih rawih.

"Min pe vat rawh."

"I sawi pa kha em ni i biak mek hi? Nikhat thilthuah i number i pe nghal hi ka awih thei lo zawk."

"Kan subject a in ang alawm, ka hmelhriat awm chhun ani rih bawk a. Eng nge ka number ka pek chu a pawi viau na?" Phone laksak tum chuan kala ti ve ṭang ṭang a.


"Mipa ṭha lo tak awlsam takin i nunah an lut thei tih i hre lo em ni?"

"Ka hriat vang alawm tun thlenga ngaihzawng pawh kala neih loh?" Ka ṭan lutukna thilah ka duh loh tawp ka sawi chhuak palh ta..

"Tak zet?" Ka rin ang rengin min nuihzat nghal niin ka hria.

Ka rualpuite ah pawh kei chiah ngaihzawng nei lo awm chhun kani hial tawh ang chu. Ka ṭhiante ho kati beidawng fo ṭhin reng a. Mipa ka ngaihsak loh lutuk avangin. Ka ṭha tih vezawng pawh hi an hriat lovin ṭha kati a. An hriat loh bawk hian ka ban leh a. Chu tiang vel mai mai chu ka ni.

"I duh leh min nuih rawh.. Ka nei peih lo ani ve mai a." Ka phone pawh chhuhsak zui tum tawh lo chuan ka ṭhu thla leh hnak a. Ka indawm bawih nghal.

"Ka nuih che em ni?" Ka bul maiah arawn ṭhu thla ve a. Ka melh duh lo lui tlat thung.

"Umm. Ka ring."

"Teuh lo lutuk. Nang ang naupang hian ngaihzawng lo nei va ta ni la ka nuih a za zawk fe ang."

"I van sual tak." Tih pah chuan insum zo lovin ka kut humruh chu ka tin uai a.

Tu nge anih ka hrechhuak hman leh hlauh..Ka kut ka la let leh riai riai. Ṭhiante dang anga fiam ka tum hman ṭhelh alawm mawle.

"Naupang tih pawh chu i lak nat viau reuh le." Nuih za aw lek lek chuan an ti a.

"Kum 34 pawh ila tlin bik loh kha. Naupang minti turin." A hmaa ka ṭhuṭ zawih hnak ang chiah chuan ka ṭhu ṭha leh a.

"Thla 1 chiah kum 34 ka tlin nan angai tawh."

"Hmm.."

"Hmm" Ka tih ang chiaha arawn tih ve avang chuan ka nui chhuak hak a..
A hmel awmdan hrechak viau mah ila, ka melh ngam lo. Ni e, mi dang nen mit taka in en chunga awlsam taka thil ka sawi mai thei ṭhin ang kha ani ah hi chuan ani lo. Thil danglam eng emaw a awm tel zawk bik ziah.

"Delphine."

"Eng nge ni?"

"Min en la ka thusawi ngaithla teh."

"Sawi la, ka hrethei tho alawm." Katih chuan a rum deuh ngut a.

"Kha tianga duhdah taka mi hmachhawn anih chuan engmah ka sawi tui dawn hleinem. Mi tupawh ka bia anih chuan keimahah chiah a rilru a pe tur a ni."

"I khirh lutuk." Zawite chuan kati sep a.

"Delphine." A tih nawn leh takah chuan.

"Okay. Ka ṭhu ṭha e." Tih pah chuan indawm kun ngiaia ka ṭhu chu hawi chhuakin a nghenna nghen chhan meuh chuan bawp lehlama ke hlang arh chuan ka ṭhu ṭha a.

"Kha kha hmeiche ṭhuṭ dan tur em ni anih?" Ala ti leh ta tho va. Ka ṭhu pa em tak bawk a.

"Mipa ṭhuṭ tih vel a awm hrang kher lo. He tia ṭhuṭ hi nuam katia lawm." Ngaihsam aw fe chuan kati et a. A ngaihdan ani lo nasa.

"Ṭhu ṭha leh rawh." A duh dan anih hma chu lungawi tum bau lo chuan ati ṭha leh ngat a. Han sut luih leh a thil duh dan thlak hi chu a harsa ve a ni.

"I hmaa hmeiche dang tam tak lo ṭhu tawh. An pian nalh tak tak tih lan lo hlaua awm pauh leh mawng bawr ti arh turh a ṭhu ṭhin ho nen khan min khaikhin lo mai rawh." Ning tawh fe chuan kanti a.

"Tu hmeichhia nen mah ka khaikhin lo che. A thleng ngai bawk lo vang." Dam thlup chuan ati lawi a.

"A nih chuan ka awm dan ang ang hian min en rawh." Ngaihdan ni chuang vak lo chuan ka melh chho zuaia.

A nuihza hmel chu chiangin takin ka hmu. Ka rin phak bak a ni. Mahse he tiang hmel a pu ka hmuh fo chuan.... ngaihtuah zui ngam pawh va nisuh.

"Okay. Thil ka dawn thui lutuk vang mai ania." Inbengdai hmasa zawkah arawn ṭanga.

"A hun leh hmun a zirin ṭhuṭ dante chu ka thiam lutuk tho alawm." A ngaihtuah tur awm ang hria chuan kalo ti vat a.
Pangngai takin Damian awm tinuamah tal pawh ka ṭhu ṭha veta nghe nghe a.


"Good girl." Ka ṭhu ṭha chu alo ti vat a. Ka ngei leh deuh ṭhin si. Ka ṭhu duhdah lehnghal ṭep a ni.

Ka hma zawn takah kher chuan ṭhuṭ hmun a rem ṭha a. Ka huphurh nghal ṭung mai. Midang nen mit taka en chunga eng emaw han sawi vel chu ka tan thil har ani lo. Mahse, Damian mita awlsam taka en erawh harsa kati. Eng emaw hi a awm bik riau ṭhin.

"I zirlaiah eng emaw harsatna i neih chuan min hrilh ngei ngei dawn nia. Thupek anih chu. Hrethiam em?"

"Umm."
Khawvel pa thil tithei ber berte zingah pawh hming lang ngei ngei, pa zahawm leh hmelṭha em em bawk si nena khunkhan taka ti ti han ṭan takah chuan awlsam taka hnial zung zung chu a har ta ṭalh mai.

"Delphine."
Min ko leh ta kher e. Kati rilru a.

"Min en rawh le. Mi tupawh ka biak lai reng reng chuan keimah chiaha insawrbing turin ka duh katih tawh kha" Anti nawn leh ta kher a.


"I khirh lutuk." Ring vak lo chuan kati thlûk raih a. A hmaa kanin biak tawh dan chiah chuan.

"I zirlaia pui tur che mi ṭha leh thiam tak ka hmelhriat tir vat dawn che nia." A awmdan han sawisel engah mah ngai lo tih hriat tak chuan a sawi tum lamah a kal zui lehnghal hmiah a.

"Awle."

"Zanriah riah ei turin lo tlai tawh lo la."

"Ka tlai lo vang." Tlai tawh loh chu ka tum tak tak. Ka chungah khirh viau angin lang mahse min ngaihsak riau a, chu vangin tlem tlem tal chuan a thuzawm chu a phu ve alawm.

"Hun vawn dik tur." A kut zung ṭang sei nalh zet chu a lek kang pah zauh a. Eng zungbun mah a kutah hmuh tur a awm lo. Pa kati zual.

"Ka hria." Ka aw a zuai raih..

"Ka nawr lutukah che i ngai mai thei. Mahse hahdam takin thil thleng pangngai ve ang maiin i hmachhawn dawn nia. Hrehawm ti taka awm turin ka duh lo che." Chu thu a sawi zawh chuan a ding zui nghal a..Ka thawveng nghal huai nia.

He pa huhang ngah em em zia hi. A awm chin leh thlen chin tawh hi chu a luah phui mup mai zel chu anih hi.

"Ka phone." Hrechhuak thut chuan kati teh hluai a. Damian an ala kawl reng tak alawm.

"Ta hi ka dah. Lo la mai rawh aw." Tih pah chuan ka ban phak lo tawp tur khawpa sangah chuan ka phone chu a dah chho a.

"Chimawm lutuk. Ka la pha nang." Taksa sawi nak pah chuan kan ti a.

"Hmang mai rawh." Ka dressing table bula ka stool hun, a pink hmul thip thiap lam chu a kawk pah zauh va.

Ding nuih sukin a chhuak zui nghal a. A hnung lam aṭang chuan ka en zui tawp.

"Heihamm.." Ti fahran chuan ka phone la tur chuan ka intintuah zawm nghal a..

Ka stool dup nuam zet chunga ding kang meuhin ka la thla veta hram a.

"An va che rang ve." Ka phone ka lakthlak hnua ka en chuan kati a. Group ah min add thar der mai..
Eng eng emaw chhiarsen loh a awm thla dul a. Class off hnua an lenna hmun thlalak ṭhenkhat tepawh an rawn dah nual.

"In in zui leh tawh em ni?"

"In inṭhen hlen tawh kan lo ring asin."
Tih ang reng velte chu Ellen leh Axel thlalak an rawn dah zawnah chuan an lo sawi zui hlawm a. Lawmpuina ṭhenkhatin an lo hlan ve bawk.

"Ka hrethiam ve lo." Lu thing nakin kati chhuak sep a.

Kan vawin zirlai ka keu kual thuak thuak zuia. Laptop thar avang hian lawmthu ka sawi theihngilh tih ka hrechhuak leh chiah.

Ka inbual chhung leh thawmhnaw ka en fel vel hnu chuan zanriah ei hun pawh alo nidawn der tawh.

"Miss Clara."

"Ka hman e. Ka lo kal." Thelma min kohna chu kalo chhawn vat a.

Inpeih diam a kawngkhar ka va hawn chuan lawm lutukin min lo nuih var var.

"Lawmawm lutuk." Ati chhuak hial a.

"Ka fel alawm." Ka lo tivat a. Fak chawp vak ngai lo ang kha.

"A dik lutuk. Chaweina tur hmun thleng ka hruai thei dawn lo che a pawi kati. Karen in alo nghak ang che."

"Angai hleinem. I buai hmel hle mai." Kati zui a.

"Naktuk atan pu ber thawhpui ṭhenkhatin in hi fan kual pahin zanriah an rawn kil nghal dawn a. Chumi tur atan chuan vawin hian engkim peih fel vek kan ngai a." Hahhmel pu hauh lo chuan ati a.

"A nih tak chu. Ṭha deuhin le."

"Lutuk. He lamah." Ka bo leh hlau deuh chuan min fiam pah zauhin ati a.

"Ka hreve tawh lutuk." Uar deuh tak chuan kati a. Han bo vel ngaihtuah chhuah leh chuan nuih a za viau. Kal ṭha pangngai mai lo chuan ka tlan thla zui a.

"Miss Clara i tlu ange. A nal viau ania." Thelma chuan arawn tizui a.
Hawi let lovin ban ka vaikhum duh chauh.

"Miss Clara."

"Clara tih kha atawk mai Karen. Thelma pawh kha lo hrilh la. Ka sawi theihngilh daih." Ti liam puatin Karen mi nghaka lo ding pawh chu ka tlan pel lehnghal zuai a.

Moris hrechhuakin Karen lam hawi chuan ka inher leh thut a. Anin thei leh thei lovin hmanhmawh tak chuan mi lo zui ve hlawk hlawk chu niin, ka inher let leh thutah chuan a phu chiang teh asin.. A hmel leh a posi lak dan chiang taka hmu tan chuan nuih loh a har.

"Karen, Moris kan zanriah ei naah alo tel ve dawn em?" Nui deuh pat pat chuan ka zawt a.

"Ani chu hmun dangah a ei dawn." Ati dam thluam a. A nuih ala za ve viau.
He in hian choka pahnih anei tih ka hrechhuak leh chiah.

"Anih tak chu." Ka inher lehnghal a. Karen hmel nuih zatthlak tak mitthla zuiin thawveng lutukin ka nui phei a.

"Nang ai ṭhuṭ hma ka tum nen." Damian Thibault lo ṭhu khur tawh hnenah chuan ka va ti a.

"Ka tlai chuang lo ve." Kang lang fe chuan kan ti zui leh a. Ka thawveng ve em em ringawt.

"Woww. A tui hmel hlawm hle mai." Dawhkana chawhmeh tui hmel tak tak lo awm dul chuan ka mit an la nghal vek. Ei tur hi chu ka hmangaih ve hliah hliah em..

Ngawi teh. Damian hi robot ang maiin ala ṭhu ngawi kur reng nia. Muangchangin kan melh phei de de a. Min lo melh chiang nasa mai. Ka phu hlum mai dawn alawm.

Ei inpeih tawh tak si chuan ala ṭhu ngil at a. A ṭhuṭ dan felfai leh zahawm thlarh ka hmuh takah chuan thil ka hrechhuak.

"Ni tak." In la fel fe chuan kan ṭhu ṭha zuia. Ka nuihtlawn pah nghal bawk.

Ka awmdan vang chuan a nui vêi suk a. A ei zui ve tanghal a. Hahdam thlak e.

"Dar 10 hnulamah."

"Sawi zawm suh." Ka lo tivat a. A sawi tum chu ka hre lutuk. Keiai mahin ka tih tur hun ruat telah hi a hrechiang a.

"I duh zawng ani em? Kan zanriah chaw chu" tiin min zawt zui ve mai bawk a.
Ka thu sawi a zawm ve nia. Ropui lutuk.

"Tehreng mai."

"Mr. Alexandre. French ramah pawh hian ani tluk hi chu an vang khawp ang." Tih pah chuan min kawhhmuh zui a.

Chef tih hriat tak, kawrvar ha leh lukhum var lo khum bawk lam chu ka melh vat a. Nelawm tak leh bu nghatin mi lo nuih sang a. Pa lian leh zahawm veng vawng tak a ni bawk.

"Hi. I siam tui hle mai." Ka ha lang ṭhaṭ chuan ka nuih let a.

"Tui taka i ei chu ka lawm e." Alo ti ve bawk a.

Kan ei kham hnu erawh chuan ka hmu zui tawh lo. Ei siamna lamah a lut ani mahna.

"Hnathawh zawm ngai ka nei a. Ka kalsan phawt mai ang che." Tiin Damian chuan a hnathawhna room lam chu zanriah ei kham aṭanga rei lo te ah chuan min pansan zui a.

Library room awmna lamah ka lut zui ve bawk.

"Wow. Ropui lutuk." Kati chul a. Bang sang tak tak ang maiin lehkhabu te chu a lo inrem tiang erh urh a.

Khawvel lehkhabu pawimah leh lar zual te chu a awm kim vek ngei ang. A maktaduai tel teh meuh chu lehkhabu manah hian a seng ngei bawkin ka ring. Mi changkang apiangin lehkhabu ṭha an ngai hlu tih hi chu a dik ngei ang. Nun kawng ṭha tam tak min kawhhmuh theitu ani tlat a.

Lehkhabu duh zawng ka ngah lutuk a, ka ṭhuṭna bulah chuan ka chhawp hnawp hnur a. Chhuat lawnga ṭhu diai chung chuan ka chhiar ṭan a.

Darkar2 vel ka chhiar hnu chuan mut chhuakin mi rawn zem chiai chiai a. Lehkhabu nghen chhan meuh chuan ka chhing ta riai riai a. Ka muhil sam lutuk ṭhin hi chu aw.

A TUK.....
"Thawh a hun tawh ngei ngei ang." Chu chu ka rilru ah rawn awm ṭan a. Ka harh ṭan tial tial a. Kan tal deuh chuan rizai nem thep ka lo sin a. Ka mutna chu a dup nuam em em bawk.

Ka khumah ngei chuan ka lo mu diam a. Kan ngaihtuah let neuh neuh a. Khuma ka mut lai awm reng ka hrechhuak zo lo. Ngaihṭha lo ang reng tak chuan ka tho chhuak a..

"Vawin chu keiman insiampui che ka duh a. Naktuk lam aṭang chuan Paris Fashion week neihna tur atan ibuatsaih ṭan ka ngai tawh dawn si a." Ka room kawngkhar ka va hawn chuan Moris in alo ti zangkhai vah a.

"Aṭha lawm. Lo lut la." Kawng kian nghal chuan kati a.

"Hei hi ha la aṭha ang."

"No" kalo tinghal vat. Ellen te ṭhianho zinga mi ka ang dawn hlein ka hria, Moris kawrthlan ka hmuh chuan.

"Anih chuan hei chu i hnar thei tawh lo vang." A kawrfual thlan chhuah chu khai lang va in an ti a.

"Awle. Ka nalh mah mah dawn anih kha." Ka lo tifiam thu a.

"I ti dik. Hei a chungah i ha bawk anga. Vawin atan chuan Chanel fakna nimai rawh aw." Ka bag ah tur thlenga chanel anih avang chuan ati a.

"Ka ngainat deuh ber ani tho alawm." Kalo ti vat a.

"Aṭha e." Ka kawrhak tur nena inhmeh tak pheikhawk mi rawn tlanchhuah sak bawk a.

Chungho zawng zawng nena ka han inthuam takah chuan ka nalh pui ngei alawm. Mahse eng emaw chhunglamah hian nuam tihna lohna riau ka nei. Ka ta nilo ang maia hriatna ka nei tlat hek.

"I nalh lutuk. Kanin peih chuan kanin zui thla dawn em ni?" Duhthusam tih hriat taka mi melh pah vang vang chuan ati a.

"Awle." Ka bag chu ak zui nghalin kanin zui thla a.

Damian pawh inpeih thlapin alo awm leh run tawh. Ka incheidan a lo en uluk lutuk chuan ka awm ati nuam lo hret.

"I nalh lutuk." Engtin emaw a sawisel leh mai ang tih ka lo hlauh ruk lai chuan ati ta hlauh a.
Ka inrin hma hmain ka nui chhuak nghal sen sen. Awm ati nuam nghal veng veng tlat, a ṭawngkam hote pawh chuan.

"Nang pawh." A hma chiaha ṭhuṭna awlah chuan ka ṭhu thla pah thak a.

"Ka pawm zawng tak."

"Ṭha hi chu i inti vengawt mai." La nui chung chuan kati a.

"Ṭha intih leh chuan ka ngai em ni?"

"Mr Chef." Alexandre ka hmaa ei tur chawpa lo kal chu ka lo ko nghal chul a. Damian lam chu ka theihngilh nghal hmak.

"Good morning my Princess." Thiam taka mintih phei chuan ka ṭe raih a.

"I tan liau liau ka lo siam sak che a." Tih paha ka hmaa ei tur a lo chhawp ho chu an duhawm hlawm lutuk tlat.

"Ei atan pawh an uiawm hial alawm. Ka lawm e. A tui dawn lutuk." Ka ka chip thei meuh lo.

"Kei pawh ka lawm e."

"Hi '5' " Tih pah chuan ka kut kala kang a. Zei takin arawn beng khep a. A kalsawn zui ngal.

"Siam dan min zirtir ve rawh aw." Ka la tizui hram a. Alexandre ei siam ho chu en in ka la nui zui sen sen.

"Duhawm hlawm lutuk." Tih pah chuan ei tumin kala kang a.

"Nangmah ang mai an ni." Damian an arawn tih chuan ka thil ei tum ṭhulh ṭhakin ka melh nghal.

Eng mah sawilo ang hmiah hmiahin alo la awm zui.

"Ei tawh rawh. I tlai ang." Min en chuang miah lo chuan arawn ti a. A lai deuh hanti dawn ila a awiawm chiah si lo.

"Awle" lungawi fe chuan ka ei zui a.

"Naupangchhia lutuk." Ka ke then lap lap arawn hmuh chuan ati vei sup a.
Ka ṭhu ṭha vat a. A nui.

Nia, a nui chiang alawm tunah khan.

"I nui ve mi?" Insum zo lo chuan kanti nghal vat a. A nui lo awm lehnghal.

"Nangmah anih kha naupangchhia chu." Kati let ve a. Ka van nuih nghek chak tak. Ka insum hram a ni.

"Tlai suh ang che." A ṭhuṭna hmun aṭang a tho zui nghal chuan ati daih a.

"Awle awle." Keia pawh chuan ti chung siin hnungah chuan ka zui chhuak dat dat lawi a.
Nidang ang bawkin ṭhuihhruai pa4 lai alo nei leh tawh.

"I puar hman a mi?" Ka zui chhuak tih a hriat chuan ding meuhin mi lo zawt a.

"Tehreng mai." Ti liam puatin,
"Hi.. B.K" Damian hawisanin B.K mi lo nghak mektu lamah chuan ka thlephei nghal bak a. Mi lo nuih let venghal.

Damian hmel ka han en leh chuan ngaihdan ni lo hmel deuh hi alo pu a. A lang naupang chhia kati zawt dawn em ni?

"Eng nge?" Ka ban pahnih phar harhin, ka dar ka san pah ak a.
Min chhang ta lo chuan guard ho lo din khawng ṭhahna lam chu min hawi phei san vah a.

"Arthur, Delphine hi vawin atan i kutah ka dah e. B.K min zui rawh."
A sawi zawh rual chuan a kal ding nghal vuh a. Minti hrilhhai alawm mawle.

HE MI CHAPTER BIKAH HIAN AN THIL EI LAI KA LO TARLANG TAM HRET A. MIN LO HRETHIAM MAI RU.. 🤗
ℳ@ⴁ ℛenthlei.......

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » January 17th, 2021, 12:27 pm

Big Boss
Chapter-7
May Renthlei

Action a awm dawn em?
Tih zawhna kha. "YES AWM DAWN TEHRENG MAI."
CLARA NUN HMASA LAM KAN LA HRUT RIH MAI ANIA. LO DAWH THEI HRAM HRAM RAWH U..

Damian Thibault chu che buai vehauh hlawm lovin car kawngkhar an lo hawnsak vat a..B.K pawh tiamin min tlan liamsan ta hlawm a..

"Miss Clara kan kal thei tawh em?" Hawihhawm takin Arthur chuan mi rawn zawt a.

"Aw thei e." Pen lut zui venghal chuan kati a.

Arthur chu B.K ai chuan a hmelṭha lo zawk a, a landan pawh a nelawm lem loh. Mahse anihna leh a landan zawng zawng chu inhmeh thlup thlup tak ani thung. Damian ang bawka palian, taksa invuah nghet tlet tlut tak a ni. Kawnga kan thang chhung zawng pawh chuan kanin be lo.

"Lo chhuak kher duh suh." Kan thlen a, car a din dat rual chuan kati vat a. Ka thusawi hreawm lo takin arawn chhuak zui venghal tho.

"Ni hman nuam." Car kawngkhar hawn khalh thakin kanin tawh rual chuan ka kut phar chhuakin kati a.
B.K angin a lai ve eih lo.

"Ohh noo." Axel leh Alias rawn inzui ka hmuh rual rual chuan cara lut hman kanih tawh loh avangin Arthur phenah chuan ka biru zui nghal. A va han chiloh theih tak.

"I ṭha em?" Arthur pawh arawn ṭawng veta alawm.

"Che lovin tihian awm lawk rawh." Axel te pa2, Arthur phena ṭanga va bih pah dak dak chuan kati a.

"Huishh. Ka lawm e." An kal liam hnu chuan kati hliai a.

"Hruai lut tur che in min duh em?" Ka awmdan avang chuan angaih aṭha chiah lo ani mai thei.

"Angai lo. I kal thei tawh ang."

"Buaina a awm lo maw?" Chik tak chuan mi zawt zui leh a. A hnaah chuan a rinawm tlek tlek khawp ang.

Damian kiangah hian ka hmu deuh reng ṭhin renga. Vawin taka ka bula a kaltir daih phal pawh hi thil mak a ni.

"Awm lo tehreng mai." A ngaih ṭhaṭ theih dan ber tur chuan ka chhang z*ng vah a.

"Big boss hian a himna aiin i himna hi a ngai pawimawh zawka, chu vangin buaina hote nia i hriat pawh chinfel sak tur chein kan awm reng ania." Chu thu a sawi zawh chuan min buk khum zauh a. Car ah chuan a lut zui nghal bawk.

"A himna aiin ka himna a ngaipawimawh zawka maw?" Kanti chhuak nawn leh ngat a.

"Eng vang nge?" Ka thluak ati buai phla tlat.
A chhan tur awm ang ngaihtuah chung chuan ka kal a. Tu emaw nen kanin su zui chawrh bawk.

"Ka tihpalh." Kati nghal vat a.

"I mawl em ni? Fimkhur ta che." Pawr leh ring zet chuan mi vin zek a. A thil inlai niawm tak chuan a kawr chu tlemin a buak a. A pawilai ta ber chu a ni.

"Nang hi mithar nu kha i nimaw?" Thinrim mitmeng ling phat phatin mi melh zui bawk.

Tu nge anih ka hrechhuak vechiah, nimin tlaia bike a inphur, Ellen ṭhiante zinga mi kha a ni.

"He kawr hi eng zat man nge anih i hria em ni? I hak phak loh tur khawpa.." atih mek lai chuan ka kawrhaka chanel tih inziak chu arawn hmu ta aniang. A ngawizui tlat.

"Eng nge thleng a? Babe." Ellen chuan buaina hmachhawn inring tak chuan arawn ti a. An ṭhian pakhati khan arawn zui vebawk a. An kim leh ta e. Chu mai ani lo, an rual chuan nimin lama an len chhuahpui mipa hausak ve hmel tak tak tepawh kha an rawn tel.

"Lut thar nu fimkhur lo zet hian ka kawr ati chhe vek anih hi." A kawr huh thing nak nak chuan anti pawr thar lehvel a.

"Anih kha. Moris kut chhuak kan pahniha kan lei dun ngat lehnghal kha." Ellen chuan a ṭhiannu kawr chu rawn khawihin arawn tivel chul a. A ninawm takhawp mai.

Moris kut chhuak ha ve tlak pawh an ni ve emawni?

"Ngawi lawk teh u. Lut thar nu hian eng thawmhnaw duplicate nge arawn hak chhuah hi." Tih paha ka kawr arawn khawih chuan a ori ngat alo ni sia.. Khawngaihthlak zawk asin aw. Anni ang thawmhnaw buaipui tak chuan eng nge lem ni i a, a tak nibawk chu an hrechiang khawp ang chu.

"I kut kha dahthla rawh. Mi khawih bal ange." Ka mi ze chhelai cho chhuak tur khawpin an che over tawh alawm mawle.

"Nang nu hi.." Mi ti ban charh a.

"Tu chiah nge i nih a? Nge ni a keimahni anga lansarh duh vang hian thei leh thei lovin thawmhnaw ilo hawh chawp kual vel." Ellen chuan mi rawn tileh kher a.

"I lo buai angai lo vang. Ka kalna tur i dal ania. Awm sawn rawh." Damian aw phawi hmang hawhin nelawm lo fe chuan kan ti ve fak a.

"Siam chawpa mawi ve chauh." Tih pah chuan ngeiawm takin kan nui ve vel a..


Ellen chu su lui deuh ngatin ka kal pel a. Chunglai lo ding khawm ve ṭhap ho chuan min ngaihsan hmel hlawm tawh lutuk tlat.

"Clara i ṭha em?" Axel chu mi kal pel zawnga kalin, hmanhmawh hmel tak chuan mi rawn bia a.

"Ka ṭha. I bialnu saw va ngaihven zawk rawh." Kal ding lui vah chuan ka ti a.

"Ka bialnu ani lo, kanin ṭhen tawh alawm." Ellen te lamah kal tum niawm taka lang si kha mi zui venghal ta daiha.

"Ka awih i ring ami?"

"Thu dik alawm. Nimin khan kan chhuak ho dawn tih ka hre reng reng lo." A tih takah chuan Alias kha avin deuh hluk tak e.

"Car ah pawh in chuan dun kha."

"Bike ka ken loh vang alawm. Workshop ah dah angai leh tawh a. Min nawrhsan reng mai."

"A thar lei mai ta che."

"Nangni anga thil thar nei zung zung thei ni ila chuan ka lei mahna." Atih takah chuan kan kal lai chu ding meuhin ka melh chho a.

"Pawi kati. Ngai kawilo hram la." Ka ṭawngdan vanga inthiamlo tak chuan kati leh vata..mi hausa kani bik tawp bawk si lo.

"Ngai kawi lo ve, i ngaihdan i sawi ve ani mai a." Nui zui mai chuan ati a.
A hahdam thlak huai e.

"Mi ṭha tak ini in ka hria."

"Kani lo mai thei." Tih pah chuan kal tura mintih nan ka tukhum hnuai maiah chuan a kut dahin mi nem kal pah dat a.

"Mizia hi ka hre dik .... lo zeuh zeuh a." Ngawi detin a rin loh ang chuan ka zawm daih a.

"Nang pawh hi ka rindik lohte zinga mi ini mai thei a ni." Katih zui chuan kan nui dun hak hak a.

Nimin ang bawkin kan ṭhu dun zui leh a, kanin nel zual ta bawk. Eng emaw sawiin kanin be deuh reng bawk a. Fiamthu duhtak ani a. Minti nui thei reng.

"Khawi hmunah nge i chen a? Ka bike aṭha tawh a, ka thlah thei che in ka ring." Class off hnuin Axel chuan mi ti a.

"University aṭang hian a hla lo. I inhuamna chu alawmawm viaunain ka pawm lo nimai rawh se. Vawin atan chuan."

"Pawm hun ila nei em ang chu maw?" Mit tisang aka mi melh pah zauh chuan ati a.

"Nei dawn tehreng e."

"Kal ila." Atih chuan chhuanlam tur ka dap nghal.

"Bathroom lamah luh kawi lawk ka duh a. Min lo va kalsan mai ta che." Kati ta ringawt a. A pawm lo dawn viauna chu a bu veta nghat a.

"Bye Clara." Alias an kawngkhar aṭang chuan arawn ti a.

"Bye."
Axel nen pawh kanin nuih leh zauh.

Arthur rawn in report aṭangin minutes5 vel kala ṭhu kawi leh rih a. A chhan chu midang hi chhuak rem deuh se ka duh vang a ni.

Hmanhmawh fahran lo chuan ka chhuak zui ve a. Arthur car bula lo ding vauh vauh tawh ka hmuh rual chuan hmeichhe naupang school bangin a ngaih em em tawh apa in alo nghak a hmuh veleh a atlan phei chan chan ang maiin a kiangah chuan ka va tlan phei vat a.

"Haw vat vat ang le." Phur tak chuan ka va ti a.
A vawikhat nan anui ve suk. Min be let lem lo thung. Damian kianga hnathawk awm reng pawh a ni.

Vawin chu zingkar aṭang khan a fuh vak lo va, Axel ang mipa fel hmelhriat nei lo phei ila chu hrehawm kati ngawtin ka ring.

"Arthur."

"Eng nge ni? Miss Clara." Tiin milo chhawn vat a.

"Damian bulah ngawr ngawr hian i awm ṭhin deuh lo maw?" A hnunga ka ṭhuṭ vang chuan a hma lama zu ṭhu thla pah deuh ha in ka zu bia a.

"Awm ṭhin e. A hnuaia ka thawh tirhte aṭangin a hnung ka zui chawt. Tun hi ka kalhran vawikhatna a ni."

"B.K pawh a awm reng si a." Ka ti niah niah a. A tana mi pawimawh tak ka kianga a awmtir phal chu a lawmawm reng reng e.

"Kum 12 mi kanihin ka nu leh pa ka chan a, chuta ṭang chuan Damian nu leh pate hian min enkawl chho a. Damian hi ka boos anih ang bawkin ka unaupa ani tel bawk." Atih chuan ka lo bu ngat ngat a.

"Kum naupangtea nu leh pa chan hrehawm zia chu ka hria lawm." Ka lo ti ve bawk a.
Kum 12 mi kanihin ka nu leh pa ka chan vetho anih kha. Mamawh ngawih ngawih chang leh ngaih changte hi atam ṭhin asin aw..

Ka pi khan min boral san dawnin Damian Thibault bula ka chen ngei ngei angaih thu a sawi anih kha.

A chhan ka zawh lahin a kiangah lo chuan ka him loh tur thuin min chhang ziah a.. Ka nu leh pate, ka pi tiam pawhin an thih danah khan dik lo eng emaw a awm anih chu ka ring ve ṭhin. A chhan dik tak hi eng tik emaw chuan Damian Thibault ka aṭang ngei hian hriat ka la inbeisei a ni.

Kan ngawih vang vang hnu chuan in pawh kan thleng vemai a. Garage a car lo inhun belh nual ka hmuh chuan mikhual kan nei dawn tih ka hrechhuak lehnghal..

"Karen.." Ka hmuh rual chuan ka ko nghal vat a.

"Ilo thleng tawh maw? I chau em?" Minlo ti sawk sawk a. Ka pi angah khan ka chan deuh ṭhin. Arthur nena kan thil sawi vang khan ka chhungte ka ngaiin, tunah hian ka lungleng viau lehnghal.

Ka pi nena kan chenna in kha ropui lua lem lo mahse ka ngai tho bawk.

"Chau vedeuh." Eng dang ngaihtuah set set tawh lo chuan ka va kuah thlawp a. Kati hrilhhai viau bawk.

"I ṭha em?" Ka hnung zanga lo chul hauh hauh chuan min lo ti a.

"Umm. Ka pi ka ngai thut a." Lungchhe aw deuh tak chuan kati a.
Hmeichhe no leh rilru nem vetak, pawnlama thawven hmel leh hlim thei tak anga ka lan ai hian, chhunglama rilru na hma leh chhungte ngai thei em em ka ni.

"Ni e. I ngai ngawt ang. Khawngaih thlak reuh hian." Aw dam thliam chuan mi lo hnem a.

"Ka zia tawh e." Rei vak lo ka kuah vang vang hnu chuan awm sawnin kati a.
"Khaw nge kan mikhual ho chu." Tiin ka zawt zui lehnghala.

"Movie threatre lamah hun an hmang mekin ka hria. A ṭhen erawh bar lamah an awm thung." Tiin min chhang a.

'BAR' lian leh changkang tak, duh tawk aia tam in na tur hmun anei tak alawm. Khawvel zu ṭha mi tinreng a tlar del dul mai bawk si. Mipa ho lawm zawng tak tur.

"Ka room lamah kan chho ange." Kati zet tawh na in, ka rilru ka lam let thut a.

"Karen aquarium lamah awm an awm em?" Kati leh ta zawk a.

"Awm lo vang. I kal duh deuh em ni?"
"Aw duh e."

"Ei tur ka rawn chhawp dawn che nia."

"Lutuk." Ti a chhangin aquarium lamah chuan ka kal chho va.

Aquarium room ka luh chuan Tuifinriat hnuaia cheng mek ang mai niin ka inhria.

A chhan chu bawm chhunga sangha khung ang lek kha ani ve lo va, a bang leh a chung tui lang pawl ruiah chuan sangha chi hrang hrang an len delh delh vang a ni..

Khum nuam tak inhungah chuan ka mu z*ng thal arh a. Ka chung zawn darthlalang chhhah tak chhunga sangha nalh tak tak leng ziai ziai ho chu ka thlir pah a. Tuiin mi hual pup avangin tuipuia hun hmang ang reng ka ni.

"Delphine."
Ka mutna aṭang chuan Damian aw rinloh taka ka hriat avang chuan ka tho vat a.

"I ṭha em?" Ka kiang maia rawn ṭhu zui chuan ati a.

"Ṭha lutuk. I buai lo em ni?"

"Buai lo ve. Karen hnen aṭangin i lungleng ani tih ka lo hria a." Chutih laia a landan cool reih ruih zia chu.

"A dik alawm. Mahse tunah chuan a leng leh tawh lo." Nuih pahin ka insiam chhe pah zeuh a.

"Tunah i lung leng der ania. Eng tin nge kan tih reh ang aw." A khi zui suk a.

"Ka awm rei anga a reh vemai ang. Ngaiah ka nei ṭan der tawh alawm."

"Hrehawm iti ang tih ka hlau ani Delphine." A aw ril ruihah chuan min ngaihtuahna tak tak a ri chhuak. Ka hria a ni.

"Lungngai suh. Ka ṭhiante dream ṭhin ah ka cheng mek alawm." A ngaih tih ṭhaṭ nan chuan kati a.

"I dream anih ve si chuan loh chuan i tan engmah ani dawn lo tihna ania.."

"Chu tiangin ngai lo la. I thil mintih sak..." Katih lai mek chuan min si lo chauhin ka lamah chuan arawn thle phei a. Ka khawng nghal vek lo chauh.


"I dream ang chu thlentir a, chu tiang nuna chen tir tur che chuan i tan eng nge ka tih sak ang che?" Thawlum ham hamin arawn ti thawp sup a.

Zawi muangin amit taka melh tur chuan ka lu chu kati che a. A mit meng mawi lutuk tak mai chu tuifinriat ang maiin alang pawl ruih a. A dam riai bawk..

"Delphine." Sawi duh pawimawh tak nei, hunlo la tideuh niawm tak si chuan thaw ala zui ham ham a.

A awm sawn hret takah chuan thaw kala ṭan ngam vechiah nia.

"Zan in ah movie en dun i duh angem?" Ka rinloh lutuk zawhna min zawh avang chuan ka hamhaih vedeuh.

"Hna i thawk leh dawn lo em ni?" Keimah vanga a hna ṭhulh tur chu ngai ngam chiah lo chuan kan zawh hmasa te te a

"Movie en dun chu i duh nge duh lo?" Ka zawhna chhang ta lo chuan ati nawn leh ngat a.

"Duh tehreng mai." Ka phur em vangin ka aw ki pawh a sang lah.

"A ṭha e. Dar8 ah aw." Ka samah chul zauhin min chhuahsan zui nghal a.

"Movie en dun." Ka nui zui var var a..Ka lu a khawihna hnu chu kan chul nawn leh kher bawk a.

Damian Thibault hian movie a en ve ṭhin ang tih han ngaituah chuan a nuihzatthlak lek lek dawn hial a. Mahse ka tana alawmawm zia hi.

Ka nghakhelh deuh viau nge ni zan dar8 te chu ri har hi kanti em em khawp a. Vawi eng zat nge darthlalang hmaah ka in en nawn tawh ang tih pawh hriat sen va ni suh.

"Karen" A mah pawh ka hmuh hma hauh chuan kan ko pawngpaw vak ringawt a.

"Eng bengchheng nge mawni helaiah i rawn siam le?" Pi Barsot zawk arawn lang hlawl a. Ka va han hlau tak he nu tak hi chu.

"Eng mah ni lo ve. Khaw nge Karen hi?" Tlanchhiat nghal daih chu duh viau mah ila kan zawt lui hram a.

"Heta hi ka awm e." Karen aw dam duamin arawn tih chuan ka thaw huai huai.

"Movie en na tura i mamawh ho chu ka peihfel tawh a. Ka chhawp thlap tawh bawk e." Arawn ti a.

"Lo lam ka tum asin. I van fel thei tak." Pan hnaiin lawm tih hriat zetin ka va kuah zui thuak a.

"Awle awle. Ka hria e." A nui pah huau huau a.

"Dan lo ang ani, danlo ang." Pi Barsot chuan lo ti ve hmuk hmukin min kalsan zui hnuang hnuang a.

"Ani kha chu ngai pawimawh duh suh." Karen chuan pi Barsot kal liam nuihsan mai chung chuan ati a.

"Thelma hi vawin nilengin mikhual ho lo chhawnin a buai em ni?" Damian awmna zawh tlang nghal dawt hreh deuh si chuan kanti vel a.

"Aw buai nileng e. Pu berin nangmah chauh ngaihven tur chea mintih vangin ka pui ve thei ta si lo va. Ka hahdam phah khawp mai."

"Anih khaw nge Damian hi a awm?" Kanlo ti pah nghal ta zauh a..

"A mikhualho kha a garage lam thlengin a thlah a. A rawn let ṭep ang." Atih chuan banga sana inkhai lam chu ka melh pah nghal a.

Kan movie en dun nan minutes4 chiahin a dang tawh..

"Ka tlai chu ring duh suh." Ka sana melh mek chu hmu tih hriat takin Damian chuan arawn ti a.
Thawm nei miah lo hian arawn lang leh thut zel.

"Tlai la kati sin." Insiam chhe pah zeuh chuan kalo ti a.

"Kal teh ang." Kal zui nghal vut chuan ati a.
Ka zui venghal dat dat a.

Movie threatre thim reih ruih anga lang, a eng lai tur tak lo eng kulh hmun chu a romantic kati lutuk. Kan pahnih chauhin kan la en dun dawn zui a.

"Heng ei tur zo zai hi." Tih pah chuan zawhna mit mengin mi rawn mit mei pah nghal a.

"I ngainat zawng ani lo em ni?"

"Anih loh pawh ka hre lo. Karen, Thelma, Arthur tih vel emaw i sawm tel ve em ni?" Nuihzat hmel tak chuan ati a. Ka sawm tel dawn lo tih chu a hrechiang.
Ei tur ka lo buaisaih hnem lutuk min chhaih nana sawi mai a ni.

"Ka ei zawh vek tur anih kha." Tih leh ei tur ho chu pawm beh ṭun ka rual a.
Ka duhna lai berah chuan ka ṭhu zui thla hmak a. A mah pawh ngaihven zui lovin ei tur chu kan hmawn nghal mawlh mawlh a.

"Ti khan movie pawh en lovin thil i ei ringawt dawn em ni?" A aw aṭang chuan anuih a za chiang alawm.

"Min en pui vat mai rawh." Ka lo tihlar thung a.

"Awle awle." Ti ve maiin a set zui nghal a.

Eng tak chu min en pui dawn nimaw?

"I duh zawng anih ka beisei." Ka bul maia rawn ṭhu zui chuan ati a.

"After life"
Yes... he film hi ka duh lutuk ringawt. A trailer chiah ka la en kha ani a.

"Ka en chak lutuk tih eng tin nge i hriat a? Netflix ah pawh en tur kala hmu zo lo asin." Hlim zet chuan kati chhuak raih a.

"A lehkhabu i chhiar kha ka hmu alawm."

"I hmu maw?" En phei nghal ha chuan ka zawt a.

A chhan chu library a ka kal ṭum khan alo kal ve awm ka hre si lo.

"Mut thluk tawh loh bawk tur ania." Atih zawm daih a.

"Khami zan kha..." Ka ngaihtuah leta, library ah khan ka muhil ngei maia. A hnuah ka khumah ka lo mu zui daih anih kha. A awm zia chu... A fiah ta kuar mai alawm.

"Bar ah zu in tawh suh ti ta che ila a in ang vel reng ang."

"Library ah chuan i muhil ziah tih i sawi tumna maw?" Mi lo zawt let thunga.

"Hun tam zawk chu. Thil ka chhiarna hmun hmunah hi chuan ka riahchilh thei nghal deuh mai zel." Nui deuh tat tat chuan ka chhang a.

"Zawhte."

"Zawhte ka ngaina lo min tehkhin suh." A sawi tum hriain kalo ti vat thung a.

"Okay.. En tawh rawh le." Sreen lam mi kawhhmuh pah zauh a, ka ei tur pawm ṭun chu mi ken ṭhensak tabawk a. A nuam huai e..

"Damian." Ngawi rei thei lo vetak chu ka ni.

"Eng nge ni?"

"Action movie, thriller, romantic, comedy, sci- fi, cartoon eng ber nge i ngainat?"
Hrechak fe chuan ka zawt a.

"Ka hre lo."

"Ti nge i hriat loh theih? Kei chu ka enkual vek thei asin."

"En nan hun ka nei lo alawm." A In tur ken chu ka in theih nan a straw chu ka ka bulah arawn dah hnai pah a.

"Movie threatre nei tho vin i en ngai leh si lo." Katih chuan anui duh lek a.


A in compound chhungah hian golf leh tennis khelhna hmun zau nuam tak ala nei tel cheu bawk a. In chung zawl, infinte pool piah maiah khian a private jet in entik lai pawhin arawn lam thei reng bawk. In chung ber pawh ang pawhin alang lo hial zawk.

"A changtunu chan khi an ti mah mah deuh a ni." Kan movie en laiah chuan ka cheng tak zet.

A kal phung tlangpui chu a changtunu chu thi tawh hial tura an lo ngaih hnuah rawn let lehin a changtupa erawh chuan duh dang alo neihsan tawh tih lam vel a ni. A changtunu chu a khawngaihthlak lutuk ringawt.

"Mipa ho tak hi chu aw." Kanti vang vanga.

"Mipa zawng zawngte hi kanin ang vek lo." Alo tihlur thung a.

"Ni rawh se." Pop corn ka khat ṭuna bar zui chuan kati a.

"Naupangchhia." Ti supin ka ei tur ka kawra ka tihtlak chu arawn tifai a.

Movie lamah chuan kanin sawr bing ṭha leh a. 'Kan' kanti tak na chu, keimah deuh chauh chuan ka en in ka hria. Damian chuan movie ai hmuhnawm minti mah zawkin ka hria.

"I mut a chhuak tawh em?" Movie tawp veleh chuan arawn ti a.

"Aw." Ka ham zui bai bai.

"Muhil rawh."

"Tah hian maw?" Mut chhuak tawh fe chung chuan kan khi sek a..

"Ni lo ve, tah hian." A awm si chet chuan mi kuah bei zui vang vang a.

A lungphu ri dat dat leh a taksa lum hiam, rimtui veng veng ka hriat rual chuan mi dang taksa ka sik reng reng pawh ka la neih vengai hauh lo, eng emaw mak leh danglam bik riau chu keimahah a thleng.

A taksa nalh leh lian ṭha tak. Enkawl ngun tih hriat taka sek phiar fat. Han chuang bang pawh awm lo khawpa inphut nalh lutuk tak mai chu sik anuam lutuk tlat..

Taksa sik hlek ngaithei lo tak kani a. A bikin mipa in. Ani hi chu ka lakah hian a danglam.
******************
Clara in Aya anga nun a hman hun ala thleng lo deuh hlek a.. Lo nghak hram rawh u. An la inkap ṭhuai ṭhuai hman rih lo tlat 😂😂...

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)