SENIOR BY ilefi imoz (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

Re: SENIOR BY ilefi imoz (Completed)

Unread post by Ngaia » January 17th, 2021, 12:38 pm

*Senior*
Chapter - 13
(ilefi imoz)



"Bawihi, vawiin tlai chu ka chhungten chaw ei ah an sawm che a"



Dave chuan arawn ti lut lâng lâng a, nui ver ver chungin kalo bu nghat..



"Nu marini (davea nu) a tha zel em? A thaw hah vel te chu enge a an tawh?"



Kalo ti vat..


"A tha ani deuh mai, natna em em a neilo a".



"A tihzia hlauh chu, tunlai chu i buai thei sia, kan inhmu khât reuh"



Kalo ti leh niah niah a, anui hak..


"Kan inhmuh reng te chuan inneih ka sawm rup mai dawn che sin"



Nui hawk hawk hian a ti a, a ban bulah ka beng chawrh, duhai hian a fiamthu hi a sang thin hepa hi chu..



"Tak takin, tlai ah kalo lam ang che aw, vawiin chu kal hma ka ngai a, ka thlah kawi lo mai ang che"



Tiin min siai zauh a, a chhuak ta anih kha..



Scooty in ka inkhalh phei bap bap a, dawr ka va thlen meuh chuan alo lun leh tawh hle, Pathian zarah customer kan nei tha thei em em a, ka lawm tak tak ani..




"Good morning vek u"



Choka ah chuan Ka ti lut hliai a, hnathawk ho chuan minlo nuih ver ver..



"Vawiin chu Laldave-an alo thlah lo vel che ni maw?"



U siami chuan arawn ti khauh a, ka sen awp awp..


"Nitin in a hman bik hleinem"



Kalo ti zung zung a, min nuih hlawm hak hak...an van sual ve chiang tak..




Vawiin chu lunch eipui tur ka nei silo a, keimahin, kan dawr piah a restaurant ah ka chawl phei ve tawp a, ka ei hnem leh awm chuang silova..




"Ehem, kan zawngi chu".



Thil ka ei mawlh mawlh laiin gracei leh a thiannu emily an rawn lang hlawl a, ka dawhkan min rawn t(r)awm ve nghal zat..



"Enge in duh a?"



"Kan duh maw?? Ha!! Kan duh chu maw, ka sum leh pai, chuan ka engkim, kha mipa tenawm lutukin min laksak tâk kha min pe kir leh turin ka duh che"



Arawn ti that a, kut ka humruh ngawt ngawt...



"I hria em Lalremruat,. Company a ka share, leh ka thil min chhuhsak zawng zawng kha ka nei let leh vek duh"



"Amah va dil rawh"



Kalo ti nghat a, min elsen zetin an nui dun hawk hawk anih chu!!



"Ohoo, ni tak e, amah kan va dil zawk tak dawn emawni le? Mahse maw sarah, vanduaithlak takin kha mipa, tenawmna hlira khat khan nang pawh hmanrua ah bak alo hmang miahlo che ani lawmni? Hei tunah pawh rapthlak takin a kalsan tâk che hii"



"Ngawi hmak rawh!!"



A au hian ka au tuar ani ber mai!!



"Ka hmangaih chungchang sawi tur khan dikna pakhatmah ineilo"


Khur dawt dawt hian ka ti a, anni erawh an nui leh anih chu!



"Sarah khawngaihthlak te, engmah lah hi i hre duh silova, kum khat mai pawh nilo, kum hnih, nia, kumhnih ngawt a liam mai dawn, i hmangaih em em khan vawikhat tal arawn bia che em?, A teuhlo, kha maw!! I hmangaih a, a hmangaih velo che, a chhan chu hmeichhe dang hmangaih anei alawm, nang erawh hmanrua mai mai atan bak a hmanglo che aw"



A thusawi mal tin te chuan ka thinlung hi an chhun sawk sawk a, mahse henu hian dawt bak engmah a sawi ngailo, chuvang chuan ka awih tur anilo tiin ka inhrilh ru nghal mawlh mawlh a..



Mahse ka awih si!! Ni e, nicka bo na kum hnih lai a liam mai dawn, vaiwkhat tal min rawn bia sela, a dam that thu tal emaw, enge maw tal arawn sawi ka beisei thin a..




Mahse thehhmeh ang maiin a reh vawng vawng?! Tunah chuan gracei thusawi hi a dik anih ka ring vek tawh! Ni e, a sawi hma daih tawh khan hetiang hi anih kalo ring sa ve hrim hrim bawk a!!



"Ka thusawi hi i ringlo ani maithei mahse, a dik zia ila hrechhuak ang, alo kir tawh dawn silo a, i hmuh phak lohna hmunah chhungkua din in, hlim takin a awm ngei ang tih ka tiam ngam sak che"



Gracei chuan arawn ti leh...



"Dik chiah sarah, bakah nick te chu ngatan mah pawh iti tawh lo ang chu, doctora nen khan in in duh hle tih kalo hria ania aw, nicka ai chu a awh zo khawp in ka ring"



Emily chuan arawn ti ve zat a, inherin min kalsan ta hmak anih kha..



An kalliam rual chuan ka inthlahdul riai riai a, ka lo in hum ruh nasat hman zia kha!!




Ni e, an sawi kha a dik lo hran miahlo, nick chuan hmun hran ah, hlim takin chhungkaw vanram a din anga, kei te chu vawikhat chauh pawh min ngaihtuah chhuak hauhlo vang!!




Dawrah ka let leh a, ka phur teh hawrh loh avangin ka tawng tam lemlo hle, u siami ngaih atha zánlo tih pawh hre mahila ka boruakin min chiah hneh em ani..



"Ilo hman tawh ngei ka beisei aw bawihi"



Dawra rawn penluh zan zan pah hian dave chuan arawn ti a, hnathawk ho anlo ehem leh nasa tawh, an mak thin..



"Hman ani mai",




Tiin ka zuichhuak ve tawp a, mahse vawiin kher chu ka phur leh hlawllo, ngawi rengin car a khalh a, nidang ang chu nise keimah zawk hi ka ri leh bawrh bawrh anga..



Ka thusawi te alo nuihpui leh bawk bawk tur hi ania!!



"Buaina inei emni bawhi"



Arawn ti chhuak ta nge nge!! Khawpui daifema kan tlan mek lai ani a, car a tiding dat a, chik zetin min rawn melh...



"Englo, dave...nick hi... Ka..alo let leh i ring em?"



Ka ti chhuak t(r)iau a, thaw hawkin ka darah arawn hmer ngar ngar..



"Bawihi, hriatthiam tum la, kum hnih ngawt a liam tawh a"




"Nia, kumhnih lai a liam tawh, mahse ka thinlungah erawh nimina thilthleng ang mai vek an la ni thung..dave, ka hrethiamlo, a thi angem? Nge ni a hmeichhe dang nen anlo tlanbo tak tak zawk ni ang?"




"Lalpa leh, bawihi, chutiang ngaihdan diklo lutuk chu tu in nge lo puttir che? A hmangaih che kha, a mitmeng ah pawh a hmangaih zia che a lang reng a, a..."





"Aih...min hmangaih lo, min hmangaih emaw ka tia mahse minlo hmangaih miahlo!! A chhan chu, a chhan chu maw dave, ani khan minlo hmangaih tak tak chu nise min tina reng lovanga, chhan awm lo in min kalsan hauhlo ang"



Ka mittui arawn dir zawih a, dan ka tum buailo, nicka vanga (tah/tap) hi chu ngai ah ka neih tawh tlat a..




"Engemaw thil a awm ani maithei asin bawihi"



Arawn ti leh hram a, he mipa hi ngati nge a fel em em a?? Min duh tih ka hria, kum 3 chhung ngawt!! Mahse hmangaih dang ka nei tih a hriat avangin eng thu mah a chhakchhuak ngailo a..




Chu mai nilovin mipa dang vanga ka nat mek lai pawh in min tuamhlawm tu ber ah a tang a, keimah ah phutlet engmah a nei chuang silo..




"A tello a nun dan hi zir ka ngai tawh te pawh aniange"




Ti leh hapin seat chu ka ngheng dat a, ka chau, ka chau lutuk tlat..



"Mutthilh tum la, kan thlen hunah ka kaitho dawn che nia"



Tiin seat belt min rawn hrén that tir a, kalo maimitchhing vang vang thung..



👣👣



"Bawihi kan thleng ania"



Tiin min sawi dat dat a, ka harh chuan khua alo thim chhulh tawh... Thaw hakin seat belt ka phelh a, ka chhuak nghal tharh..



"Anlo thleng e, bawihte tunlai i tha maw? I hnaah i tluang em?"




Nu marini (dave a nu kha) chuan minlo ti var var a, ani pawh hi a felin a ngainatawm teh e!!



"Lo lut ula, chaw ei kan lo peihfel tawh ania aw"



Tiin min kai lut dat dat a, an in ah hian ka mikhual tawh lemlo, u mipa pakhat anei a, a nu leh pa te nen, chu zawng chu anni mai..




Ka chuan kai ngun tawh avangin chhungkaw member ang tak tak ah min ngai a, a tirah phei chuan davea bialnu ka ni tak tak emaw an ti hial a..




Mahse dave-an a sawi fiah leh vek a, an fanu, an chhulchhuak ang maiin min en ta anih kha...




"Bawiha, sarahi nen hian engtin chiah nge awm zel in tum? Kan inngaizawnglo chu inti ve tak na in, hei in inzui danah hi chuan inngaizawng ang tluk reng inni si a, inneih lam te hi kan ti rup tawh mai dawn emni?"



Chaw ei laiin pa remtluanga (dave-a pa) chuan arawn ti hlawl a, ka thil ei ka phuh lo chauh!!



"Pa...amak thin, sarahi te chu ka bestfriend alawm, inneih tih lam kha chu sawi pawh sawi ri tawh suh u"



Ka mitmei veng zetin dave-an alo ti zung zung a, kei erawh kalo nui tawp, dave tan anuamlo ang tih ka hlauh vang leh, aa, engkim vangin ani ber mai..




"Ka pa thusawi kha chu ngatan mah ngai duh suh aw, mo a awt ve tawh a, kei lah hian neih mai ka la tum der silo a, chuvang mai mai anih kha"




Ka in kan thleng tep a, steering hum chung hian min rawn en vut a, kalo nuih..



"A ho emai a dave, a awm vetho alawm, nang lah hian hmeichhia hi i ngaihsak lo ve ropui sia maw"




Kalo ti ham ham a, a kiai vei suk, a hmel hi chu a chhe thlawtlo mawle!!! A fel az a fresh a, a engkim hi a inhmeh vek..





Nicka ai khan lo tawng hma hret ila chuan engkim hi a fuh vek tur ania, mahse nick a awm ve tawh tlat..




"Kalo lut kawi lo mai ang aw, tui deuhin mu la, muttui aw"



Tiin min thlah thlap a, lalfelbera hi chu..




Ka in ruak hiai ah chuan ka penlut a, dik tak chuan a ruak hlawllo, keima tawkah bungrua te pawh ka dah khat ve im em..



Mahse heta lo che tla fo thin, ka hmangaih nicka kha a telve tawh silo a, a chet rak rak thinna choka te chu an ruak a, an dai duk ni mai hian ka hria..




Intifaiin room ah ka lut nghal zat a, a vawi tamtakna atan ka diary bawk chu ka phawrhchhuak leh ta...



*Khawnge i awm senior? I naute hian a ngai tawh che, vawikhat tal chauh ka hmu leh duh che asin...i kalbo ta anti che a, mahse ka ringlo, ka ring hauhlo senior, i naute hmu tur hian ilo kir leh ngei ang*




Tiin vawitamtakna atan amah ka ngaih zia chu lehkhabu ah ka ziak leh a, a kalbo atang khan ziah loh zan pawh ka nei tawhlo..




*"Ka thih hunah chuan van lam lo hawi la, arsi zinga mawi khi irawn thlir thin dawn nia"*



Ti a a thu min chah te kha, a thih ring phal chuang silo in zantina ka tihdan ang bawkin tukverh bulah ka kalphei a, arsi lo pe un lam chu hawiin, ka mittui chu ka dang zo leh talo.




"Senior, 'nghahchhuah tur awm la aw' itih thin kha ila hria em? Nghahchhuah tur chu ka la awm a, nghakchhuaktu tur zawk i awm tawhlo mai pawh a, ka ngai che, lo haw tawh rawh, i tello chuan engmah a nuamlo"




Ti a phun sep sep chungin arsi zinga eng mawi chu ka melh a, ka hringnun anchhedawng lutuk hi ka hua a, nunna min petu Pathian te hi ka dem lek lek ta fo!!



👣👣



Christmass vuakvet a zo a, kum thumna kan hmang tan dawn ta reng mai...nia, a kalbo atanga a kum thumna ni turin kum chu alo thar a, ka nunah pawh a thar hmasa ber chu seniora leh bawk ani..



👣👣



*"Theihse nih ka chak,
I lawmna hlimna thlentu,
Khawvel tawp thlenga i kianga awm tur chu,
Mahse kan tan vana rah ang,
Engtikah mah, kan theihve loh tur,
Happy birthday*



Ni 23, january ah chuan he thu hi ka dawng nawlh a, ka birthday min wish hmasa bertu ani nghe nghe...



Minlo thawn tu hnenah chuan lawmthu sawina ka thawnlet vat a, mahse tick pakhat chauh a awm...min block nghal daih anih hi..



Mahse tunge tih rin chu ka nei chiang, laldave-a mawle, hetianga min bawl vak vak hi a chin dan thin pangai ani miau a..



"ilo kal pawh ka ringlo a"



Dawra dave rawn lut zal zal chu kalo be vat a, a kiai suk, nidangah te chuan alo kal dawn hian min hrilh ve ziah asin..




"Surprise...happy birthday rawn tih che ka tum a"



Nui hawk hawk hian ati a, kalo nuihpui, dawra hnathawk ve te lahin kan inngaizawng emaw an ti vek tawh, mahse insawifiah pawh ka tum chuanglo..




"I duh duh han chah leh la boss, tunlai chu thil i ei tlem riau in ka hria"



Nuih insum aw zet hian dave chuan arawn ti a, ka melhrum nek..




"Taka laldave, nangmah ani maw?"



Ka ti mawl tawp a, a nui hakk, engmah phei chu a sawi lemlo..




Dawr thleng min thlah leh thlap a, a kal leh hnu chuan chokaah ka lut a, present kawm mawi deuh hi anlo kilbial laih a, min hmuh chuan min rawn pe vat..



"Enge a?"


Tiin ka hawng a, a chhungah chuan thawmhnaw nalh zet zet leh pheikhawk nalh zet zet alo awm teuh a,..



*From : dave*



Tih alo inziak, ka birthday min surprise chiang teh e aw...




Call vat in lawmthu ka sawi a, alo nui leh mai, hepa lel lawl hi chu a tha leh lutuka ka ngei zawk..




👣👣



Hun a liam a, april kan chuangkai leh tawh, dave nen kan inhmu khat leh tawh hle a, hnaah kan buai em em ve ve sia, nicka te inah ka kal fo a, nu mafeli khawhar lutuk hi ka va chawk hlim thin ani ber mai..




Mahse anihna takah chuan, kan trap dun char char zel zawk..




"Vawiin chu enge aw kan tih ang? Sunday te ani sia"



Davea message chu ka chhiar a, ka nui hawk..sunday nuamti pa-a hi ani ringawt!!



"Lo thleng phei phawt la"


Tiin ka reply, ka reply zo deuh chiaha arawn lang nghal anih chu! Hepa em em hi chu!




"I tho tlai thei sia chaw te ilo ei ve hman meuh maw?"



Min nuihsawh deuh hian arawn ti leh nghal!!




"Ka ei ve tawh chiang e"



Tiin kalo hnial a, kan inhnial leh bap bap lai chuan ka phone arawn ri ral ral a, ka en chuan numafeli alo ni reng a.



"Aw hello nu mafel"



"Sarah..ka..sarah, bawihte, englo,...lo phei rawh khawngaihin"




Chu zawng chu a rawn sawi a, phone a dah nghal anih chu!!




"Dave, nu mafelin buaina a tawk anih ka ring, hawh phei nghal ang, a hlauhthawn hmel lutuk!!"



Tiin ka kai dawr dawr a, ngawi reng leh hmanhmawh tak siin car a start nghal..




Kawng tluan in ka tawnglo, ngati nge nu mafeli kha a hlauhthawn hmel em em? Eng buaina nge aneih?? Nicka ani angem??




A ruang an chhar tihna emni?? Ka ring theilo, ni lul suh se, ka phallo..



Car a tih din rual rual in ka chhuk a, inchhungah ka tlanlut, nu mafeli chuan kawngkhar bulah minlo chânga, min hmuh rual rualin min kailut dawt dawt anih chu..



Step bula mi pahnih lo ding te avang chuan ka ding chawt a, ka melh char char ringawt...




An rawn inher a, ani leh kei chu kan mit a intawng nghal siah!!



Ka hmaa mipa ding chu ka melh ngawt ngawt a, he mihring hi hmana ka hmangaih thin kha ani takmeuh em?



"Naute"



Ti thum sup chungin ka mitah chuan chiang em em mai hian min melh a, amah ka hmuh vang hian lawm tur ka ni, mahse ka hnuk a ulh a, a kianga hmeichhe ding hi a nupui anih ngei ka ring bawk si!!




"Naute"




Arawn ti nawn leh a, ka melh leh tlawk tlawk ringawt..



"Heihi remsangi, ka.."



"Aih, sawi suh, kalo sawi hmasa ange, hei, ka bula ding hi i hriat tawh tho ang in dave-a, ka pasal hual anih hi"




Tiin dave-a banah chuan ka kai a, kawngkhar lam panin ka kaichhuak dawt dawt....


*Nick Zothansanga P.O.V*




Thinrim lutuka nautei kalchhuak chu ka melh ngawt ngawt a, a pasal hual maw?? Dave nen khan anlo inhual tawh maw??





Nilo, enge ka beisei? Ka kir dawn pawh khan pasal alo neih tawh ngei ring chungin anih kha thuthlukna ka siam!



"Bawiha"



Ka nu chuan tah insum zet hian arawn ti a, a room ah a tlanchho nghal hlawk hlawk anih chu!




Remsangi chuan min rawn kuah a, ngawi rengin ka ding khawng tawp!!




"Ka hmu ta a, tunah chuan engkim ka ngam tawh"




Tiin ka phun sup...



"I kir leh duhlo takzet em?"



Remsangi chuan min enchho haw chung hian ati a, lu kalo thing mat mat..


End of chapter - 13



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » January 17th, 2021, 12:38 pm

a hmasa in, ka thawnthu minlo chhiarsak a, min ngaihhlut sak tu te zawng zawng chungah lawmthu ka sawi e, he story hi ka story ziah/post hmasak ber ani a, ka rin phak bakin minlo hlut sak a, lawmthu sawi sen loh ka ba che u tih ka hre reng ania aw💖


Chuan in, tihian ka chawl rih dawn a, mahse nakinah story thar nen kalo let leh dawn ania😘. Heti maia seniora leh nautei kan thlah mai tur hi a lunglenthlak ka ti hle mai😣 awle, chhiar nuam ule💖💖)





*Senior*
Chapter - 14
(ilefi imoz)
Last chapter.





*Sarah Lalremruati POV*




"Bawihi, ding teh"



Dave chuan min au tawk tawk a, mahse car ah ka lut hmak...arawn thu lut a, mangan hmel zetin min en.




"Dave, engmah ka sawi peih rihlo, hawh haw phawt ang".



Seat belt hren that mawlh mawlh pah chuan ka ti a, a thaw hawk a, kei erawh ka maimitchhing vang vang..




Kha hmeichhia kha!! A nupui kha!! Hun rei tak ka nghak a, alo kir leh hun ka nghak char char a, kalo rinawm reng a!!




Mahse a kalbo chhan chu hmeichhe dang vang zawk alo ni a!! Ngati nge alo kir leh?? Min tina nawn leh turin emni??




"Kan thleng aw bawihi"




Dave chuan arawn ti sup a, inchhungah kan inzui lut..tawng ka chaklo tih a hria ani mahna min be zui em em lo..




Couch ah ka thu thla dat a, ka sirah arawn thu ve..



"I tha em?"



"Ka tha, ka tha lutuk dave, enteh, kha nu kha..nilo, a nupui kha..aa, ka hrethiamlo dave".




Ka ti bah niaih a, min hrethiam zetin min rawn kuah vat a, ka insut hlawp hlawp..



"Dave, min theihnghilh takzet iring em?"



Ka ti t(r)iau a, ka maimitchhing vang vang..



"Theihnghilh che ni se arawn let ka ringlo"



"Mahse, ka nat belh nan mai mai alawm a rawn kir a, dave, ani kha kala hmangaih takzet...ka ngai lutuk, mahse tunah chuan engkim a tawp tawh tiraw?"



Tap chhuak leh hawk hawk in ka ti a, min kuah nghet sauh thung..




👣👣




Karkhat aliam a, ani vanga ka natna te chu reh chuanglo mahse, ani chuan nun bul tanin hlimna a tawng bik a, chuvang hrim hrim pawh chuan a mithmuh ah ka na lai hmel ka lantir tawh bik tur anilo tiin rilru ka siam fel vek tawh!!



"Bawihi"




Dawrah dave arawn penlut zal zal a, nui ver ver chungin kalo lawm vat..



"Damlo i ngah em?"



"Ngah lutuk lo, chawhnu lam ah clinic ah ka awm ang, i hman chuan kal ila"



Tiin lunch ei turin kan chhuak nghal zat a, kan dawr piaha restaurant, kan kal fo na ah kan thu leh ran tawh..



"Chah la...tunlai chu star deuh mai ka nei thar a"



Dave-an arawn tih chuan mak tih hmel lutukin ka en haw!!



A nui hawk hawk a, mahse ka hrechiang chak zual takzet..


"Sawi teh, tunge, hnapaaa, sawi vat vat teh, hma ka lakpui ang che"




Ka ti tet tet a, nui hawk hawk chungin..



"Nicka te hotel ami!!"



Arawn ti!! Uii, tunge niang?? Hepa hian star thar anei ve tawh maw? Ka awihlo zawk eee..



"Amah chu ka hre ngai em le?"


"Hre ngai aniang, amah chuan a hria che"



Arawn tih leh chuan ka ngaihtuah zui vang vang..



"David!!! Tetei ani chiang lutuk!! Ani tiraw??? Amah chauh ka hria an hotel ah, anilo tih min hrilh hauh suh"



Phur fahran in ka ti chiam chiam a, nui hawk hawk chungin ka hmui arawn hup..



Awi Lalpa leh, david-an hmeichhe duh tak a tawng ve ta anih chu!!



"Au vak vak suh, nakinah, chiang deuhin in hmelhriat tirna min neihpui ang che"



Ati hap a, kalo phur tawh em em lehnghal..



"Tehreng mai, awi ka phur lutuka kan thil chah alo thlen lai pawh ka hrelo, ei phawt teh ang"



Tiin ka hmaa eitur inchhawp chu ka ban nghal vat.



"Kanlo zawm ve thei cheu angem?"

Hmeichhe aw hian arawn ti a, ka hawichhuah chuan nicka mit leh ka mit a intawng nghal run mai!!



Ka khur dar dar tih hi tuman hrelo hram se ka lawm viau ang...



"Theihloh chhan tur a awm hleinem, lo thu rawh u"




Dave chuan polite tak hian ati a, nick chu ka hmaah tak arawn thu a, a nupui chu ka bulah...ka na nawn leh zawk..



"In hlim hmel hle mai"


Nick-an arawn ti chhuak phawng a, inlo kal hma kha chuan hlim e ka rilru in kalo ti hmanhmawh..




"Washroom ah ka'n kal lawk ange, minlo hrethiam ru"



Tiin a nupui chu a tho tharh a, dave-an a zui nghal anih chu!! Enge an hriat??



"I la ngai reng mai"



An kalliam hnu chuan nick-an arawn ti a, ka taksa chhung hi a sa zawk.



"Mipakhat vang mai maia danglam ka tum lo a, nang chu, innu in a enkawl tha lutuklo che a nih hmel khawp mai, i cher"



Ka ti sak, ni e, nick hi a hma zawng aiin a cher a, ei tha hmulo ang maiin a vun a dâng bei bawk si...




"I pasal hual chu a fel bawk em?"



"Fel e, ani chuan chhan awmlo in min kalsan ve ngawt ngailo a."



"A lawmawm e, engtikah nge inneih in tum?"



Zawhna pawh chu a va ngah seng ve!!



"Ka la hrelo le, kan innei har tawh lovang"



"Naute...ka"



"Aih, nautei ka nilo, ka hming chu sarahi ania"



Kalo ti sap a, a rum nghut...na tuar thawm a ri telin ka hria!



"S...sarah"



A ti sup a, keipawh ka awm anuam chiah chuanglo!!



"Min theihnghilh tawh em?"



Eng thu nge arawn sawi hi?? Theihnghilh maw?? A â emni? Engtin nge theihnghilh thei se min tih zawk?



"Ka hre reng tawhlo che, ka ngaih em em lai che a hmeichhe dang nen nun bul inlo tan tih ka hriatchhuah ni la la khan ka hre reng tawhlo che"



Ka tichhuak tuar a, ka tap thei takngial dawn in ka hria!!



"Mahse min la hre reng si chu anih kha!"



Ka âwm zawn en vung vung chung hian ati a, ka enthla ve vat..



"He th(r)i phiangsen vang hian ka hre reng che emaw iti anih chuan, i tisual khawp mai, la let leh nghal rawh"




Ti leh tuarin, a kalbo zana a thi lo hnutchhiah, vawikhat pawh ka phelh tawh ngailoh chu phelh tumin ka bei nghal vut a, ka phelh thei silo nen ka tah a chhuak teuh tawh..



"A tawk naute..ka. sarah, kha chu, nangmah tina tu che i hriatve reng nan awrh mai rawh"..




Tiin a tho nulh a, kawngkhar lam panin a kal nghal vut!! Enge a hriat a? Tinge a nupui pawh kha a ngaihsakloh em em a?



"Engkim a tha em bawihi"



Hnunglam atang dave-an arawn ti lang lang, nui lui hak chungin ka lu kalo bu nghat...




"Mahse i va that hmel siloh ve"



Ka hmaa rawn thut tharh pah hian a ti a, ka kut arawn hum vang vang...




"Dave, hawh innei ila"



Ka tichhuak phawng a!! A phu ve zawk in ka hria!!



"Bawihi, chutiang thu lawilo sawi suh"




A ti hluk a, kalo nui tawp...



"I thinlungah hmangaih pakhat inei tawh a, a reh mai mai tawh dawnlo tih ka hria bawihi, chuvang chuan khatiang lam kha chu sawi tawh miah suh"



Atih zawm zat..



"Dave, ani pawn hmalam a pan tawh, keipawh ka hnungtawlh reng bik tur anilo, innei ang, khawngaih takin, nupui tha tak ka ni ngei ang tih ka tiam a che"



Ka ti a, kan inmelh vawng vawng...




*Nick Zothansang POV*




"Bawiha, karleh monday ah sarahi te an innei dawn a, kan kal ve ngei a that ka ring"




Ka nu in arawn tih chuan ka thinchhung a sa zawk!! Ka kut ka humruh a, remsangin min rawn dawm bet vat..



"Kan kal dawn nia, mahse mo hruaitu ka nih ngei ka beisei"



Tiin ka nu chu kalo chhang... Ni e, nautei hian nu leh pa a nei tawhlo, inneihna ah pawh a bana kai chunga hruai tu tur anei lo!! Kei tihloh chu!



"I inpeih meuhin i hria em? I hriat kha nick, i duh chuan an inneihna hi i th(r)ulh tir thei"



Remsangi chuan alo ti sap a, nui lui hawk chungin lu kalo thing..


"Ka naute hi natna ka pe tam tawk tawh, tunah chuan hlim ve tawh rawh se, kan inhriat tirh atanga tun thlengin natna bak ka la pelo, a hlimna thlentu ka ni theilo anih pawhin a hlimna dâl tu ém chu ka ni tawhlo ang"



Tiin ka inthlahdul riai riai a, harsa chu ka ti alawm!! Khawvela ka hmeichhe hmangaih awmchhun in pasal min neihsan dawn chu ani si a!!



Mahse, a dam chhunga natna a tawrh ai chuan, ka duhpui zawk tho tho e..



*Sarah Lalremruati POV*




Kan inneihna min hriatpui tura mipui lo kal chu an tam takzet!!




Ka bana vuana pastor lam min panpui tu, he khawvela ka mipa hmangaih hmasa ber leh a awmchhun chu ka melh ngamlo!!




Ka mita en tur pawhin ka duh heklo!! Ka natna hi a hmuh hmaih dawn silo a!!



"Good luck aw naute, i hmeltha in, i chhelo takzet"



Ka beng bula rawn ti sup chungin min let san a, ka ruak nghal vek thei nia!!




"He inneihna hi a remlohna hria kan awm em?"



Pastor in atih chuan a reh thap a, a lawmawm lam anih tehlul nen ka hlim phah hauhlo!!



"Kan awmlo anih chuan, vawiin atang hian, Lalremruati leh lal.."




"Ka pawmlo"




Rawn ti tu lam chu kan melh haw hlawm a!! Nicka nupui, Remsangi kha!!!



"Keipawn ka pawmlo"



Ka sira ding, ka pasal hual ngei mai davida chuan arawn ti ve leh!! Enge thil thleng mek hi?? Ka hrethiamlo, ka hrethiamlo takzet!!



"Dave"



Ka ti hap a, ani erawh in hmalam a hawi ngur thung si!!



"Bawihi, ka ta tura khuanu duan inilo, ka tihpalh, ka hmangaih che emaw ka tia, mahse nickan a hmangaihna che nena khaikhin chuan nep tak ani"




Ka mit taka rawn melh in a ti anih chu!! Ka meng â vek a, sawitur ber pawh hrelo in ka awm..




Biakin a mipui phun sup sup thawm chu ka hria a, ka thluak erawh a chawmawlh vek thung!!




"Engvang nge?"



Mittui tling pam hian ka ti a,



"A chhan chu nick-an a kalsan chhan che kha a awm ani sarah"




Remsangi chuan arawn ti!! Ka hawiphei vat a, nicka chuan na tuar hmel pu chung hian minlo en vawng vawng anih chu!!



"Pi leh pu te u, kan tihpalh ani, khawngaih takin min ngaidam ru, inneihna chu thulh leh ani"



Dave chuan a ti a, an kalkiang nghal suau...




Biakin chu a ruak huai a, kei, dave, remsangi, nicka leh a nu chauh kan awm ta!!



"Engkim min hrilh vek rawh u"



Ka ti chang fak a, ka lawm viau lo..mak ka ti bawk..



"Sarah, kei hi nicka nupui ka nilo, a doctor ka ni"



Remsangin arawn tih chuan nu mafeli arawn au chhuak..



"Doctor a?? Bawiha, eng natna nge ineih?"



Mak ti lutuk hian arawn ti chhuak , nicka erawh ngawi rengin hnuailam a bih ngur..



"Nick hian brain tumour natna a vei ani"



Remsangin arawn tih leh chuan chhuatah ka thusawp niaih!!



"Naute"



Tiin min rawn pan a, lo dang turin tha ka neilo!!


"I tha em?? Ka naute"



Min pawm kâng lawp chung hian ati a, dave-a lam ka hawi vut..



"I lo hre vek amaw?"




Ka ti hap a, lu alo bu nghat,


"Ka hua che, ngati nge min hrilh loh?"



Tiin dave chu ka melh a, ka au nghek..



"Sarah, dave hi dem lutuk suh, restaurant a kan inhmuh ni khan, nicka remti lo chung chung ka hrilh a, zep turin ka ti bawk"



Remsangi bawk chuan alo ti leh...


"In zavai hian dawtsawi hmang vek innih hi!! Ka lakah engkim in zep a, chuan, nicka natna pawh hi dawt bawk ani leh ang, ka hua che u, tumah ka hmu duhlo cheu"



Ti tuar chungin nicka lak atang ka talhrang a, pawnah ka tlanchhuak nal nal..



Pan tur ber hre ta lo chu biakin sír a an huan siam ah chuan ka tlanlut rawih a, oak thing tar ve tawh tak hlim ah chuan thu in, ka natna zawng zawng hri thla turin ka tap ta hawm hawm anih chu!!




Ngati nge min hrilh loh?? Ngati nge engmah sawilo a min kalsan?? Alo let leh hnu pawh khan ngati nge a ngawih reng?? Ka hua!! Mahse thi a, ka hmuh leh tawh ngailoh tur atan erawh ka phal silo!



"Naute"



Ka dar a rawn vawnna chu ka phihthlak sak nawk!!


"Thlawkbo rawh, ka mithmuh ah hian rawn inlan tawh suh"



Kalo ti tuar..a thaw hawk a, ani pawh a mangang ve tho hian ka ring alawm!! Engtiklai pawha thi mai thei dinhmunah a ding miau si a!




"Naute, ka tihpalh, ka naute duat..ouch.."



A na tuar thawm ah chuan ka leh hawi vat a, a lu alo dawm vawng vawng anih chu! Na tuar hmel a pu bawk..


"Senior...i tha em?"



Tiin ka hnaihchilh rawk a, minlo pawmbet nghal hmiah!!


"Ti khan ka tha chiah naute, i taksa lum ther ther ka dai rual rual hian ka na te hi an reh thin"


Tawngchhuah harsa ti tak chung hian a then lui suk a, ka awihloh lutuk vang chuan kalo thaw hak..



"Naute, min haw viau tiraw?"


inthlahrung mitmeng taka min melh chungin arawn ti!!



"Hua che, ka haw lutuk che zothansang!! Engmah sawilo a i kalbo vang leh, engmah sawilo bawka ilo let leh avang te, min tihnat na zawng zawng vang hian ka haw lutuk che, mahse ka hmangaihna che a reh chuang silo"



Tap chhuak hawk in ka ti a, min kuah nghet sauh a, ka lungchhiatna zawng zawng te kha a hlawm in an rawn kir leh vekin ka hria..



"Ka kalbo ngei a, mahse i kiangah chuan ka awm reng thin alawm"



Tiin a âwm a a thi awrh chu arawn phawrh a, ka thi nen chuan a hmeh bel thlap!!




"Mahse tinge i natna ém pawh min hrilh loh?? Min hrilh la chuan, enkawl dan kan zawng dun anga, kan.."




"Naute, hrehawm i tawrh ka duhlo alawm, ka hriatchhuah tirh khan doctor in kum 3 chauh hun ka neih tawh thu min hrilh!! Kumthum chauh i kianga hman pawh kha ka thlahlel a, mahse khawvela ka hmeichhe hmangaih awmchhun pahnih, nang leh ka nu te khan ka thihna kha in tuar thiam in ka ring silo a, ka kalbo ta tawp alawm"


A tih leh chuan ka insum thei leh tawhlo.



"Mahse senior, vawikhat, vawikhat tal chu min rawn biak ve ka ring a..."



Kalo ti hrâm..



"Kumin i birthday khan kalo text che kha"


"Teuhlo, minlo text thlawtlo"


Kalo ti hlar a, a nui suk..


"Hla thu pakhat chu i dawng nawlh in ka van ring ve"


Atih chuan ka hrechhuak zawk!!



"Kha hla thu kha!! Nangma minlo thawn maw? Ka..dave emaw ka tia"



Kalo ti hap..


"Khatih lai khan ka zual deuh a, mahse i birthday em em chu ka theihnghilhlo naute"


Ti leh supin ka chalah arawn fawp vang vang a, kei erawh in mittui ka khap per sak thung..



"Naute, kum 2 chhung khan nang ngaihtuahlo che in hun ka hmang ngailo,,, enge itih ang? I hlim angem? Pasal ilo nei tawh angem? Tih zawhna hi nitina ka in zawh thin ania sin"



Tiin min pawm nghet sauh a, haw viau mahila he mihring hi ka hmangaih si!!


"Kei deuh hi ania senior..khatih chhung zawng khan ilo kal ka ring a, vawikhat tal i hmel hmuh kha ka chak thin a, mahse ilo let tak tak kha chuan ka ngei hluah hluah che a"



Ka ti niah niah a, anui mai...


"Naute, hringnun hi amak tiraw? A chângin kan nui a, a chang in kan tap a, mahse thil pakhat erawh a danglam ve ngailo ang, nang hi kumkhua a ka hmangaih tur ini..



Pathian in a bik taka ka tana a siam che ini a, ka dampui rei dawnlo mai che pawh a, mahse naute thil pakhat erawh hre turin ka duh che, ka kal hunah keimah vangin hmangaih dang tawnglo lekin lo na suh ang che, dave nen hian nun bul tan ang che u"



Arawn ti leh sup a, a hmui kalo hup..



"Chutiang sawi suh, i thih ka phallo, i thih vaih chuan ka that ang che"


Ka ti hmak a, a nui hawk thung...nia, tunge an thih tawh hnu ah in that ngai!!


👣👣



Kar aliam a, nicka vang chuan lungngai fo mahila, ka hlimna bulpui ani tho si!!




Nitin in ka hnathawhna ah alo lang ziah a, company erawh a buaipui tawhlo..



"Vawiin chu in pa alo lang har hle mai"



U siami chuan choka (dawr) a rawn luh pah hian arawn ti sa sa a, lei kalo chhuah khum nek..



Ka phone arawn ri a, nu mafeli..



"Hello"



"Bawihi, dave-a te hospitalah rawn tlanphei rawh, nicka a tlu a, tunah icu ah kan awm mek"



Thaw hlawp hlawp in arawn ti anih chu!! Phone ka thlauh tawp a, engmah ngaihtuah hman tawhlo in hospital ah ka tlan phei nghal hlawk hlawk..



A hmun ka va thlen chuan Remsangi, nicka nu leh dave anlo awm a, icu chu ka melh nghal a, nick chu engmah hrelo tih hriat takin a mu a, oxygen an pe mek bawk!!



"Ka lut dawn"


Tiin icu lam chu ka pan a, dave an minlo pawmbet..



"Dave min thlah teh, saw ti ringawt saw chuan ka awmtir theilo!"



Tiin ka t(r)e ruai ruai a, ka mittui a far zung zung bawk..



"Sarah bawihte, hriatthiam tum rawh"



Nu mafeli chuan alo ti ve bawk..




"Engtin nge a awm reng reng a?"



Tiin Remsangi chu ka melh..



"A zing tho kha a lu ana ngut ngut a, thisen in a luak leh bawk a, chuan, thu mak pui pui a sawi a, a hriatna a hloh/hlauh ni ber hian ka hria!!



*Ka naute..ka naute kha lo venghim ru*


Tiin a au vak vak a, chuan tihian a tlusawp nghal tawp"




Remsangi chuan alo ti vat a, a ngaih atha vak biklo tih chu ka hre reng..



Natna na tak tuar chung pawhin ka hming bawk ani a lamrik!! Ka hmangaih a, ani in min hmangaihna ai erawh chuan nep tak ani!



"Sarah bawihte, nick hian min kalsan vat dawn tih chu kan hriat ve ve kha, kum 2 a hmangral tawh a, kumkhat chauh anei tawh tih amahin a inhria a..



Nimin khan ka hnenah, *ka thih hunah nautei lo enkawl tha rawh aw, ka kalsan vat dawn si a, dave nen hmalam hun hlim awm tak rawn nei se ka duh, hlim hi a phu ve tawh ani* ati asin, chuvangin i rilru siamfel turin ka duh che..


Ka fapa hian rei a dampui tawh dawnlo che a, tunah pawh hian kan chân lovang tih tuman kan hrelo, kalsanin hmalam hun hlim awm tak nei turin ka duh che ani"



Tiin nu mafeli chuan min rawn kuah a, thudik a sawi!! Nia dawt a sawilo, nick chuan min kalsan vat dawn, chuvang chuan tun atang hian rilru ka siamfel angai ani!!



"A dinhmun a tha lutuklo a, ti sawn muhil rih sela, arawn harhchhuak chiah angem tih kan hrelo, pakhat te te in lut ula, chuti lo chu boruak a zo lo ang tih a hlauhthawn awm a"



Doctor rawn chhuak chuan ati zung zung a, min rawn en nghal thap bawk.



Thaw halh chungin ka pen lut a, ka hmangaih, natna khuma mu mek lam chu ka pan chhet chhet..



"Senior"




Sawi ber tur ka hrelo..



"Nu mafeli hnena i thuchah kha kalo hria a, i fairlo ve khawp mai, min kalsan daih i tum bik hi a fair ka ti miahlo...



I nu in duhthlanna siam turin min ti a, senior, ka siamfel chiah...ka kalsan ngailo ang che, ka thawk tawp thlengin ka hmangaih reng dawn che!!



Natna i tawh mek laiin ka hlim zawk nan i kalbo a, i dam hun chhung kum 2 kha keimah vang liau liau in hrehawm takin i hmangral, ka tihpalh, min hmangaih tlat hi a chhan ka hrelo senior!!



Ngati nge khatiang hun chhung zawng khan min hrilh mai loh?? Min hrilh la chuan i natna te hi kan tuar dun anga, kan tuarchhuak ngei awm si a!!




Senior, ka ta ini a, i hlatah hian ka awm leh tawh lovang, chu chu ka duhthlanna ani,, ka hmuh leh tawh ngailohna tur hmunah kalbo dawn mahla ka ngaihtuah phaklohna ah i kal ngailo ang..




Senior, ka ta, keima seniora chauh ini..."




Tiin ka phun sep sep a, a kut vawt ngiai chu ka vuan a, ka fawp vawng vawng..



*Pathian, he mihring, ka hmangaih hian eng em em nge a tihsual le? A pa i laksak a, thinurna nen khawvel i hmachhawn tir a, a pa phuba a la zo ve chiah a, ngati nge amah hi lak leh i tum??



Hlim hi a phu ve asin!! Mahse heihi lo hre rawh, kei chuan ka kalsan ve ngai dawnlo!!!



He ka mipa hi min laksan anih chuan, thih hnu piahlam ramah nuamsa takin ka siam bik hauhlo ang che*


Ti hrawkin chunglam ka melh a, seniora chu melh leh vawng vawngin..



"Senior, *nula pawh ila nilo, naute, ka naute chauh ini* ti a i fiam fo thin hian ka phatsan ngai lo ang che, ka thawk tawp thlengin ka hmangaih reng ang che"




Ti sep chungin ka hmangaih, natna khum a mu mek, a dam chhuak dawn nge dawnlo tih pawh hriat loh, ka seniora, keima seniora ngei mai chu ka fawp vawng vawng a...




*A TAWP TA😊*

*** KAN WEBSITE A FAKNA LAM THIL MILEM LANG THIN I LO HMEH ZEUH HIAN KAN WRITER TE HLAWH KAN TUMSAK ZEL TIH KAN HRE THEUH DAWN NIA, KAN LAWM E***

Website story link ho awlsam zawka in zawn hmuh zung zung theih nan STORY FB group siam a ni a. Whatsapp group pawh siam a ni e. Complete tawh ho zawng zawng leh story kallai kan dah vek avangin avangin in lo join theuh dawn nia..
Group link : https://www.facebook.com/groups/991354610918230/

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)