LANTERN BY Tee Cey (Completed)

Episode nei ho a hlawm a dahkhawmna
Ngaia
Site Admin
Posts: 25793
Joined: April 30th, 2016, 4:07 pm

LANTERN BY Tee Cey (Completed)

Unread post by Ngaia » February 7th, 2021, 6:37 pm

dva3zuvq.jpg
dva3zuvq.jpg (29.18 KiB) Viewed 15492 times
'Hello,ka lo kal tep,thinrim lo la...
Maw,inthen a? Thuthlukna hi siam zung zung thin lo teh,kan sawi tha dâwn nia,ka rawn kal ang,min lo nghak ang che'tiin hmanhmawh taka chhuakin ka bike chu ka kuai her pawt a,ka chhass awmna lam pan chuan ramhuai speed in ka tlân ta vangvang vang a..

Richie Hotel tih in ziak kawtah chuan ka bike chu ka side leng phei sawk a,kan lo awm fo tawhna room no.123 ah chuan kawngkhar pawh kik lo chuan ka lut tlang nghal tawp a,awi ka rei,ka thil hmuh chuan min van ṭhawng tak emm,a tak a nih ring lovin ka chhing sawk a,Mahse a tak ngei a ni si,ka lut a ni tih pawh hre lo lekin khumah chuan inthlahlel leh induh tih hriat fahranin ka duhlai ngei mai chuan keimah nilo midang chu tui leh phur fahranin a lo fawp mial mial a nih chu,ka thinrim lutuk ka puak darh mai ang tih hlauhawm êm vangin thawk ka han la kawk a,ka lam an lo hawi,hlauh hmel takin ka duhlai,ka lo duat em em thin chuan min en kûr mai.

"Tinge tikhan i awm? I thik a ni tiraw?"hlau si thinrim bawk si chuan a lo ti a,"Hah,tian i lo awm vel a? Heihi maw inthen i lo duh chhan chu,okay tha lawm,i zalen e"tia kawngkhar pana ka kal lai chuan ka duhlai chuan "kha vang kha lawm tian ka awm,i chapo lutuk a,min duhnate,mi dang laka min hauh burnate i tilang ve ngai lova,chuvang chuan hriatchhuah tîr che ka tum a nih kha,inthen ka duh reng2 lo inthen lovang,lemchan vek a nih hii"tiin min au zui a.

Ngaipawimawh lovin ka chhuahsan hmak a,ka bike chu tinungin chak mangkhengin ka tlânchhuak lehnghâl a,kan lo kal fo tawhna thin,Bar ah chuan ka lut a,mi chu an lo tam leh hle mai,ṭhutna awlah chuan ka thu a,in tur chu ka thli a,keimah chuan ka in keuh keuh a,ka duhlai Rudy sawi kha ka ngaihtuah neuh neuh a,nie a sawi kha a dik a ni,ka ngaihzawngte midang nen an awmdun ka hmuhin tiang hunah khan ka thik ngai lo,insum theihna kan ti dâwn nge, chapona pawh ka hre tawh bik lo,ka duh em em te pawh nise an ex te bulah pawh awm se ka thik em? Ka hre ngai lem lo,chhanchu ka ex te chu eng ang pawn ka bulah awmin lo intheh ṭil vel Mahse ex an ni tawh,ka rilruah awm leh pawh nise neih let leh ka tum dawn chuang lo,keimah ang ve turah ka ngai mai,chuvangin midang anga lo thik vel a,tihtauh tih vel kha a zahthlâk ka ti tlat pek ah! Ka mak ve ngawt mai,ka chapona hian a tlin tlat lo,ka ngaihzawngte chu ka care em em a,ka tihtauh khum ngai lo bawk a,tihtauh te kha ka zak tlat bawk a,a pa loh thlak ka ti ve tlat a ni. Ka care a,Mahse an duh loh chuan ka tilui ngai lo bawk,mahni tawkah ka chapoin ka induh ve larh a ni ber eeee,tihtauh chîng ka ngaithei ṭhak lova,ka thlem peih hek lo,an lungawi hunah min lo be mai rawh se,chu chu ka thupui a ni,ngaihzawn chu nie ka hahthlâk ve khawp ang,boring an tih khat tlat ang kha ka ni ngei ang,Mahse engtinnge min duh em em theih thin hi ka hrethiam lo,ngaihzawng pawh ka nei rei ngai lo reng a,chhan chu inthen ka sawi hmasa ngai lo,an lungawi lo tih entirnan a inthen an sawite hian awlsam takin ka 'aw'mai a,an hrilhhai letling zawk thin,ngaihdam min dil mahse ka nih pui leh tawh ngai lo,Rudy hi chu a danglam a ni,,chhanchu min dawhthei a,min tihlawm a thiam a,min hrethiam em em tlat a ni,kum 3 chhûng kan inzui tawh reng bawk a,ka ngai ve dâwn riau a ni,ka ngaihzawng teah chuan ka duh ve ber a niang ka awmdan a dik tlat lo,Mahse nih pui leh tumna rilru ka nei lo,phatsan nih chu ka zakin mak ka ti bawk,zu chu kan tlak leh pawp a,ka thik em?tih erawh ka ngaihtuah fe pawn ka la hre chuang lo. Chu ai mah chuan ka thinrimna leh zahna a sosang zawk.

A tuk.
Ka phone ri rel relah chuan ka harh a,meng mang lo chuan ka la ve ringawt a,a aw ka hriat rual rual chuan "sawi tur awm tawh lo"tiin ka dah a,puan inlukhup tha lehin ka mu zui leh nghal a,a lo ri leh chu"sawi tur a awm tawh lo ka ti ni lâwm ni,i lo call leh chuan a pawi zâwk ang"ka ti vin thak a,lehlam atang chuan"Bawiha,engthil nge thleng a,engmaw pawi zâwk tûr chu"tiin ka nu chuan mak tih hmel takin min lo chhâng a,zahthlâk ngei mai,"aw enge ni ta,ka thian a maw ka ti che a""Eng ni love,i lo hawn tur chah duh che ka nei a,i la tho nange?""aw ka tho tep sawi la,i mamawh chu"a duh min chah fel hnuin kan inbiakna chu ka titawp a,peih lo tak chuan ka tho a,mi inlak heartbroken ve lai lai a hmeichhe thil tur leia han chhuah vel chu ka van peih lo tak emmm...tui in khawlh khawlh chung chuan Rudy chu ka ngaidam mai dawn mi le tihte ka ngaihtuah neuh neuh a,engkim min tihpui vek zêl a,ka hne zawk thin a nih kha,mahni chauhva kal ai chuan ani nen chuan tihdun pawh nuam ve deuh ang chu,aaaa ninawm,phatsantu ngaidam leh tûrin ka hniam tawk lo, chhuak phawt ang,bazaar lama chhuak tur chuan ka intifel ta a.
Bazaar ka thlen chuan mi an lo phu leh mur mur tawh,van ninawm chiang tak em....thlan tla phungin ka nu thil duh vel chu ka zawng a,a tawpah ka hmu kim thei hram,inhnawh puar tûrin restaurant ah ka chawl a,ka ei tur chah ka nghah vel mek laiin
"Krist,ka va lawm em...heta i lo awm chu."
Rudy chuan lawm hmel takin a lo ti a,huiz khawvel hi vân zîm em,chauh lai lai a tinge hetah kher a lo kal ni...a thian lo hruaite hnênah chuan a bialpa ka nih thute chu an sawi ta ang deuh deuh a,amah hi min phatsantu zâwk kha nia sia,inthen rawt hmasatu pawh amah tho,tûnah engthil nge a sawi tak hi,chauh leh riltam nak laiin,ka thin chu rim thar leh thut, a thiante hmai pawh ka zah buai peih tawh lo,ka ei tur chah pawh nghak chhuak hman lovin ka tho nalh a,counter ah ka ei tur man chu ka pe a,ka kal nal nal,an hrilhhai tlang ve khawp ang chuu,.....ka bike a ka chuan dâwn lai tak chuan Rudy chuan min lo um pha hman hram chu niin

"Krist,inbe lawk ang,khawngaihin ka sawi fiah vek ang,inthen ka duh lo ka tih khaa"
"A pawi ka ti,sawi tur a awm tawh lo,phatsantu chuan phatsantu nihna pawmin a kal bo mai tur a ni dâwn lâwm ni?"mit ko tihsan khum atin ka bike ah chuan ka lawn a
"Misualpa,hetiang vang hi lawm tuman an ngaihzawn rei theih loh che"ka bike chu tinungin a sawi zawh hma chuan ka tlanchhuah san daih a,ânchhia min lawh khum vak vak pawh chu ka hria,Rudy chuan ti mai hian min kal tîr lo tawp ang,a duh chu neih ngei a tum thin tlat,a nei thin ngei bawk,kei tih loh chu.....

A ngaite bawkin ka kal fo thinna Bar ah chuan ka kal leh a,keimah chauh chuan thli kerh kerhin ka ngaihtuahna ka kawm mai mai a,nge ni ta pauh le? In ve hrep ila nimai,rei lo teah ka chhûngte bulah ka awm tawh dawn a,tiang hian free takin ka awm leh thei tawh dawn hleinem leee
"Hey,Dude nangmahte chauh chuan i lo in kerh kerh le?"tia nui sângin ka thianpa Mike chuan lo ti a,kan in set zeuh hnu chuan ka bulah rawn thu ve a,hawi vauh vauh pahin "khawi nge changtunu ka va hmu lo ve"mit ko kan ak ak chuan a lo ti a,"Kan inthen"ti hmukin ka lo chhang a,"Ehiau,in inzui rei tawhsia,in inthen tawh dawn lo maw ka tia sin,a va mak vee"
"Min kawp a"khi seih chuan ka lo ti a,
"mak ve,a duh hlum lo chauh che kha ni sia, mihring hi chu kan lo mak a nih hi, midang an tam lutuk,zan in hian midang i nei lehnghâl ang," a sawi zo chiah thian dangte pawh an lo thleng chawp chilh nghal mai a,in set zeuh hnu chuan an rawn ṭhu thla ve nghal a,zu thlit pah chuan Mike chuan"Krist a single lawm nan khawng keuh ang u hmiang"
kan rui tan tawh hle,bu deuh nuah nuah chung chuan
"Bro,lungngai suh aww,hnem tur chein kan awm reng nia"Sid chuan lo ti leh tawh,a sawi chhen mai,chhan en a ka en loh laiin a sawi zing mah mah tawh chu,nuih hak pahin"Hei,hei,hei thiante hnem ka ngai reng2 lo,min hriatchian kha"
"Awihawm loh emai,midang kha chu rei lote i zui thin vang nia,Rudy chu kum thum chhung a lawm,kum thum chhûng"tia uar taka sawiin a kut zungṭang pathum chu an han lek kang ngei a,
"Kum thum emaw,kum sâwm pawh nise a danglam ngai lo vang he pa hi chu"min ngei hmel zetin Santosh chuan a lo ti a,ka melh kawk ringawt a,Rudy thianpa a ni chuan an inkawmngaih em em a,Rudy vanga inhria kan ni a,kan thian zingah a tal tam ve a,kan lo in ho fo tawh vangin ka thiante hian an lo sâwm ve niang,a tîr tang khan min be lo ka lo ti reng a ni,Santosh bawk chuan "Rudy in tia tihchhan hi i hria em? I chapo em vang a lawm"Mike chuan "Sawi tawh lo teh ang,midang chhelo deuh zawng zâwk ang u"tiin a lo khap vat a,Santosh erawh duhtawk mai a la tum lo tih hriat takin "kum thum chhung in inzui tawh a,vawikhat pawh thikna mitmengin i melh tawh ngai em?,in inhau ngai lo bawk a,couple dangte inkar a thleng thin ang pawh i tih pui ngai lo,hei care ringawt kha a tawk lo,i ex te bulah pawh,midang nangmah lo beiseitu che bulah pawh tha takin i awm thei zel a, relationship ah hian chuan tiang leh em em hi chu a ninawm a lawm,chapo viau tûrin engmah i ni bik lo"min hmuhsit hmel tak chuan a khi seih a.
"ka chapo tih hi sawi chhen a ngai lo,engmah ka ni lo tih pawh ka hre ve lutuk,a chungchang ka sawi peih tawh lo nia"ka ti chiah chu min lo hnêk nghal pawp mai,ka lo inring lo nen thutphah bânah chuan ka thal hnawk a,chu chu duh tawk mai lovin ka kawr awmah ṭhamin min rawn tung tho lawp a,thinrim seh chilh nakin
"Hei hmela,ka thianpa tiin ka lo ngai thin che a,Mahse Rudy tiang em em a i ngainep hi ka pal dai thei lo,ka thianpa te i ngainep vel maw,nangmah vangin a nih hi mi zawng zawngin an nuihzat a,a chhûngte pawn an ensan phah a,vawikhat pawh a bulah i lo kal leh nih chuan ka that ang che,nang gay ve mai mai,nu leh pate enkawl that loh tih hriat reng reng,"ka thin chu a sa zak mai,ka hnêk nghal pawp a,ka beihlet vak a ring lo niang,a thal thuai mai.
"Zawnga,i duh duh i sawi thei,ka chhûngte chungchang erawh vawikhat pawh i sawi tel leh a nih chuan dam ve turah in ngai tawh suh ang che"tia chhuih leh pawpin ka chhuak zui nghal a,ka ruihte reh vek tawh,bike chak mangkheng a khalhin ka nunhluite ka ngaihtuah let malh malh a.

Kan chhungkaw chanchin tlem.


Kristopher Lalmuanpuia ka ni a,tûnah hian kum 25 na ka kal mek,master kum khat ka zir ve tawh(haw tura min tur sek vangin Mizoram a chhunzawm tum ka ni),5'9 a sang ka ni,unau pa2hnih kan ni a,ka u hi Lalhriatpuia a ni,ani erawh 6'1 a sang a ni thung,ka pu hi Doctor niin hospital a nei a,boral tawhin tûnah hian ka pain hotu ber nihna a chelh mek bawk,ka nu erawh nurse senior niin civil ah a thawk thung,kan chhungkua chu kan hausa a,kan khawsak pawh a sang viau,chhungkaw in hmangaih leh in pawh tak kan ni thin,ka nu leh pate pawh an zaidam em em a,buai hle Mahse fate tana hun insiam hram hram thin nu leh pa an ni,ka u nen hian kan inthlau em em a,min duat hle bawk,naute chei a chei bâwl ka nih avâng pawh niang ka puitling hleithei lo,ka u chu perfect man an tih ang kha a ni a,mama boy an tih ang kha a ni bawk,keichu tunge ka chhun ni ka thu thu a awm ka tum a,ka thinchhe em em bawk,engkim ka thu a kawihher tum reng mihring ka ni,Mahse min duatin min âtchilh hlawm hle,ka thu chu a tawpah an pawm leh nge nge thin..

Ka chanchin bik

Ka tetlai chuan ka hrisel lovin ka te thei em em a,School pawh pangaiin ka kal thei lo,chuvang chuan ka pâwl puite aiin ka te zawk thin nain ka upa fek thin,ka hrisel loh em vangin duat rawn ka ni a,ka luhlul hle bawk,ka chhungten a naute chei a min cheibawlte kha ka ngaithei lo thin khawp mai,ka thu thu a awm a naupang dang anga tlân kawi zawr zawrte,lenchhuah a in ṭheng kahte, cycle khalh te,inbihruk siakte leh thildang tam tak tihte kha ka chak ve thin hle,Mahse an phal ngai lo,inah toys tam tak nei mahila thian kawm tûr ka nei lo,ka bul velah hian ṭawng thei pakhat mah an awm lo tiila a fiah ber ang,ka lung a leng ve thin hle,ka nuin a hna chawl meuhvin in min awm deuh chawt thin a,min infiampui ve fo nain keimah ang rual ngei kawmte kha ka chak ve a,puitling bula awm rengte chu ka hne ngawih2.

Middle School ka chhuahsan dawn kumah chuan ka phur tawh hle,chhanchu ka zalen tawh ang tiin ka chhungten min tiam tlat a,naute anga cheibawl ka ni tawh lo nga,ka duh danin ka awm ve thei tawh ang,thiante nen a infiam hote,len chhuahte,hmeichhe han lem velte ka thei ve tawh nga,intihtlangval hre ṭan ve tawh tan chuan chhungten School a thlah a hruai bik nihte,nu leh pa bula mut kukte kha ka zak hle thin,Mahse high School ka rah hun chuan khang zawng zawngte kha chu a ngai tawh lo ang tiin ka phur ve hle a,hrisel lo viau mahila lehkha thiam thei tak ka ni a,ka thluak a tha ve hrim hrim a niang,ngaithla miah lo angin awm mahila engkim ka hre ve vek thin,ka tih tawhnaah chuan ka bawn ve thei hle,ka peih rei lem lo zawk hi a ni,engpawh ka tih tawh chu thiam ngei turin ka zir a,ka thiam ngei bawk thin,chuan music lam hi nuam ka ti a,ka thiam hle bawk,thian kawm lova keimah chauhva ka awm tam vângin inkawm hlim nân ka hmang ber thin,ka tetlai pawn biak inah ka zai ve fo,ka pu sermon naahte ka zai sak ve fo thin,mahse ka lo intihtlangval ve hnu hian zaithiam nih kha pa lo ka ti tlat pek ah,in la pa chi nih ve nak laiin lo zai al al kha ka zak a,nasa takin leh thlêm chikimin min thlem Mahse keima hriat tawk bakin ka zai chhunzawm ta lo.Middle School ka chhuahsan dawn kum atang hian a lawm ka nunah thil thar,khawvel mi tam zawkin an pawm theih ngai loh tur,Pathian pawhin a rem tih hauh loh thil chu ka tawn tak ni.

Class VIII kan pass chhuak tep tawh ka hlim zia leh ka chhungten zalenna min pek ve tawh dawn vanga ka tihtur velte ka lo sawi mawlh mawlh lai chuan kan zirtirtu a lo lût a,mipa keimahni ang rual vel tur hi a lo hruai tel bawk,zirtirtu chuan lo lût thar tur a nih thute chu a sawi zung zung a,a sawi zawhah ka thian tha ber Hriata nên kan ṭhutna lam kawkin 'tah sawn i thu dawn nia' a ti a,ka ngaihdan a lo ni vak lo,'kan bulah kher,midang pawh pahnih chauh a thu an awm ve tho sia' tiin ka phun deuh nang nang a, Hriata chuan min lo nghawk zeuh a,mahni lo maha lo inlak private ve nak laia hmelhriat loh pui lo thut tîr chu ka ngaihdan ni lem lo khawp mai,hmeichhe ho chuan an en duhin an inhrilh ru sap sap a,an star leh tawh a ni ngei ang,a awm reng mai,hmeichhe star tur chi tak a ni,amah chu vun hang lam deuh a ni,vaiah chuan piang se Raju tiin emaw a hming an phuah ka ring,a hmel a Raja reuh tlat,hmeichhiain pa an tih chi ang kha a mithmul pawh a buk teh e,kan bulah chuan rawn kalin min rawn nuih seih pahin a lo thu ve a, Hriata chuan biak tlangnel tumin a hmingte lo zawtin tlai taka a lo insawn chhante chu a zawt vel a,a nui leh sun sun thin,a hate chu a vârin a rual reuh zêk lehnghâl a,'nui mawi reuh ve..''engthil nge maw ka ngaihtuah chu le' tiin ka lu chu ka hiat nuah nuah a.

Chutatang chuan kan pathum chuan kan inkawm chho tan ta a,a felin a polite a,a rilru a tha takzet,a zaidam em em a,mi zawng zawng hi a tilawm thei bîk hian ka hria,kan School hmeichhia star lotu an awm lo,a tira lo mil lo sa em em tu kei ngei pawn ka kawmngaih dan chu mak tak a ni,ka duhsak em em a,engpawh ti dâwnin thil thar pawh nei dawn ila amah ka hrechhuak hmasa ber a,duhsak hem hem tak ka ni ringawt,amah hi ka vei bur hi a ni ringawt mai,tiang em em hian ka bestfriend ngei pawh hi ka veiin ka duhsak awm ka hre lo,Hriata pawn 'in nu' tiin min fiam fo,luhlul viau e tilo hian a duh duhnaah min tikawiin a duh danin min kuai her hnehsawh lutuk tlat,'ti suh,ti rawh'a tih chu ka amen thlâp reng mai,thian dang a kawmte hian ka lo thinrim hlur a,amah star tute bula a awmte hian ka thinrim ngawih ngawih,tiang em em a ka kawmngaih a ka vei hi he Khawvelah hian an la awm lo.

Mak pawh ka inti ve thin hle,ka kawmngaih luatah ka puh a,'min control theih em em chhan pawh amah hian mi hneh theihna a neih em vang lawm,tupawn an ngainat saw'tiin keimah leh keimah chu ka inthiam chawp leh thin. Mahse kum tawp kan exam lai chuan hmeichhe pakhat in a bem a,ani pawhin a lo duh ruk ve tho thu Hriata chuan min hrilh bawk,mak takin khanu nên khân an ni ang tih hlau reng rengin ka za sek a,exam pawh ka chhan that theih loh phah,kan chhang zo chu ka u in min lo hruai a,ka ning takzet, kal lam leh haw lama a rual zêl a awm ve ka duh,ka kham tlat,bâkah haw kawngah kha nu nên khân an haw dunin an lo ni daih ngem aw??mahni tawka inla ṭangṭial man ve tak hi ka lungngai in ka va hre deuh ve....zanah ka mumangah lah ramhuai ka hmu hrep lehnghal a,ka lo tap chhuak thul,ka nu leh pate an mu mang lo leh ngei ang,ka harh a ka mutthilh leh hnu pawn ka hmu nawn leh zel bawk si,nia lungngaihna ka neihte hlauhna ka neihte hian ka mumangah ramhuai ka hmu thin tlat a ni.

A tuk.

School ah ka pain min thlah a,kawng tluanin an ni nge ni lovang ka ngaihtuah a,ka phur teh chiam lo, Hriata chuan min lo thlen khalh tawh a,kan inbiak fe hnuah ani chu a rawn kal ve chauh,a hmel chu rawn hlim leh sang tawh,a thusawi tur chu hriat ka lo huphurh lawk em em, Mahse engmah a sawi hauh lo, Hriata chuan a hre chak ve ngang a niang a zawt ta reng a,an nih loh thu leh ngaihzawng nei tûr chuan naupang a la intih thu a sawi a,kha mi ṭum a ka hlim zia kha,ka beng hi thla nise ka thlawk ngei ang,Mahse ka peih lo,mahni chauhva thlawh ai chuan a bula awm ka duh daih zawk.
Hlim takin kan inkawm chho a,high School pawh kan lut ho leh vek,keipawh ka chhungten min lo tiam ang takin ka zalen ve tawh a,a mimal in thil ka nei hrang ve thluah tawh,nuam tak a ni,hmeichhe chhelo tak takte pawh kan melh chho ve tan a,midang pawn ngaihzawng an nei fur tawh,kan thian ho lek phei chu min star thei hlawm hle,high School kal rual,a thak rual lek an lo ni ve bawk nen,keipawh ka luck chho malh malh hle,hmel pa deuh si hian ka cute an ti tlat a,ka sin hle bawk,Mahse tawi chhe tak chu ka ni bik lo,ka ngo veng reuh a,ka nui hmel mawi an tih lehzualna tûrin ka biang dinglamah biangsum ka nei bawk,mi chuan ka biangsum vang hian nui mawi min ti a,keive thung chuan tuai ka ti em em a,tihbo daih dan awm se ka ti em em thung,chuvang chuan ka nui khat a,ka nuih ve chhun pawn ka inhup ngei thin,Mahse awmzia a nei thui lo,ka tawng pawn a lang tlat a lawm,biangsum tihbo ka duh lutuk naah hmeichhe hovin ka biangsum an awt thei bawk sia,'mittui leh chil hmangin biangsum a inlak sak theih'tia an sawi kha ka hre ve khiau a,an chil hnawm tirin mahni uih vek khawpin ka lak tîr fo,in en mittui tlakte tiin ka mittui hmangin ka lak tîr thin,awmzia erawh a awm lem lo hle,chutia luck viau e ti lo chuan ngaihzawng chu sawi loh chhete a min hip vetu pawh an awm lo,ka duhtui vangah ka puh thla ringawt a.Kan thian ho pawh kan lêr ve tan tawh hle, Hriata phei chuan chhelo hi a'n hre thei mai mai khawp ah,nitin nilo minute tin hian star thar hi a nei reng maiin ka hria,ka thiana pawh chu a luck ngaiin a la luck reng a,ngaizawngtu pawh a ngah takzet,Mahse ngaihzawng chu a la nei em lo.ka vei ngaiin ka la vei reng a,nilo a hma aiin a nasa tawh zâwk,tûnah phei chuan midang bula a nui hmel ringawt ka hmuhte pawh hian engtin emaw ni hian ka awm tlat thin,keimaha awm hi ka hrethiam lo takzet,midang a biak a a nui ka hmuhte hian ka ko hrang a,thildang tihpui ka sâwm daih thin,Hriata phei chuan,'midangin an neih khalh hma che hian Bem tawh mai rawh'tiin min fiam fo,'hmeichhia chu nise ka bem tawh ang'tiin fiam let thin,a hmel ka hmuh lohte hian ka ngai em em a,hmuh hlan hi ka nghakhlel thin,amah vang khan School nuam ka tih leh zual phah takzet,a bulah chuan ui note pawisawi lo tak a puin duh duh a tihkual theih ang vel hi ka ni ringawt,weekend te ka huphurh thei em em a,Thawhtan a lo nih leh erawh chuan ka phur lutuk ka za sek tawh thin,a bula awm ka thlakhlelh zia em em hi chu,atan ui reng ka nei lo,engkim hi tihsak vek ka duh a ni,vawikhat pawh a kawrban kilh tla tep ka hmu a,inla pa tak ni ve mahila a tukah hriau leh khawlla ka pai ngat a nih kha,mahse chhungkaw smart tak atang seilian niin mi smart tak a ni bawk a 'a kawr kilh chu tha takin an lo chilh bet leh tawh nge a dang a lo ha' tih ai chuan inla pa ve tak chunga hriau leh khawlla zak chung chung a rûka ka lo pai ve thlawn ta chuan ka thin ti rim hle,chhungten thil thar min leisak chuan an lei kep ve zel tur a ni,ka nute pawn ka kawmngaih dan leh vei dan em em hi mak an ti ve tho.

Nikhat chu phur taka School lampan a Hriata nên kan kal lai chuan thiana leh hmeichhe pakhat chu an lo ding dun a,inhaw lo tih hriat takin engemaw an sawi dun a,an nui leh sen sen thin,an awmna a kil deuh avâng chuan tuman an hmu lo ang maw ti ni awm takin hmeichhia chuan a biangah fawp zeuhin a kalsan ta a,khata ka awmdan kha sawidan pawh ka thiam lo,sawi pawh ka duh hek lo,thiana chuan min lo hmuin a lo kal phei a,kan hmu tih a hriat vang chuan zah hmel ang reng tak hian a bialnu a nih thu leh Kar khat dawn lai an nih ve tawh thu a sawi ta mai,an awmdanah chiang vek tawh Mahse a ka atang ngei a ka hriat chuan min den dan chu sawi pawh ka sawi thiam lo.



Link:
BBcode:
HTML:
Hide post links
Show post links

Ngaia
Site Admin
Posts: 25793
Joined: April 30th, 2016, 4:07 pm

Unread post by Ngaia » February 7th, 2021, 6:37 pm

Hriata chuan nei hmeltha a tih thu leh kan laka a lo zêp rei theih em vang chuan a'n chhuahchhal deuh pah a.Keichuan engmah pawh ka sawi thei lo,ka khap fak fak ringawt,ka awmdan chu Hriata chuan a hrethiam a ni chek ang chu thildang sawi pui pahin class ah kan lut a,class ah pawh ka rilru ka pe thei lo,haw a puan a inlu khup hmak ka chak ber mai. Inngaihtuah chian ka ngai nasa ni,keihi ka dik lo,ka zawi vek,ka thin a rim hlur mai,dawhkânte chu hnêk pawp pawp ka duh. Thil awm ang angte chu paih thuai thuai ka duh a ni. A tira ka phûrna zawng zawngte chu bo hmak tawh,haw ka chak zek zek,tuma hmuh phâk lova awm ka duh takzet.
Class zawh hmaa hâwn maite chu ka duh,mahse mipa a zawng a pa nih duh ber hian tlanchhiatsan mai chu pa loh thlâk ka ti bawk sii,nidang a rei lo ka tih em emte chu rei hi ka ti takzet,min biak loh chuan ka tawng eih lo,hunte hian min phatsan ni maiin ka hria,a tawpah chuan ban dar pawh a ri ve hram e,hmanhmawh takin ka bag ka la a,ka chhuak nghal nal nal.

Hriata nên chuan min rawn ûm phakin,
'Thiana games kan khelh ho dawn kha,i theihnghilh mi?'tiin Hriata chuan min lo kuah a. Thiana chuan'pawi ka ti lutuk,keichu tih tur ka nei a'tiin a lo chhang vat a.Hriata chuan inla hrethiam fahranin 'eh,i thlah dawn nimaw?'mit ko ti kan euh euhin a lo zawt a,thiana chu lai deuh taka nuiin a bu nghat a,engtin emaw ka awm leh sawk tawh,engmah ka sawi ve miau loh vangin thiana chuan'Kristopher,i dam lo mi? I tawng tlêm bawk sia'tiin min zâwt var a,'nangmah vang phiangsen a nih hi' tia chhan maite chu ka duh,ka ha ka nawh hman loh vanga ka tawng that ngam loh thuin ka chhang ta ringawt a,an nui leh hawk hawk a,kei erawh ka thusawi khan ka nuih a ti za hlawl lo,thiana chuan min kalsan a,Hriata hnênah chuan haw vat ka ngaih thu sawiin ka kal nghal nal nal,a hrilhhai ve khawp ang,kan sawi lawk vek tawh sia,a duh duh danin lo awm ve mai rawh se,midang ngaihtuah hman ka ni lo,ina haw vat a enge maw ka nih chiah hi inngaihtuah chian ka ngai.

In ka thleng,ka nu min lo biakna pawh chu chhang mumal lovin ka room ah ka lut a,form pawh phelh lovin khumah ka let tawp a,ka inngaihtuah nasa,Zawhna hlirin ka khat,chhânna reng reng ka hre silo,nilo,keihi mipa pangai,mipaah pawh pa tak ka ni,ka kawmngaih em vangin kan thian zingah tal tam tawh lo nga,khanu bulah khan a awm tam zawk nga,ka duh duh ka tihpui theih tawh dawn loh vang a nih hi hetia ka awm tiin thuthlukna ka siam leh ringawt a,ka lung erawh a dam mawlh lo,ka ngaihtuahna kawmin ka lo muhil a ni chek ang,ka nuin chaw ei tura min lo koin form nena ka mut vangin min hau bawk a,mood fuh loh nen,ka puak pawp lo chauh a ni.
Hun a liam a,ka rinlawk ang ngeiin thiana chu kan zîngah a tal tam lo tial tial a,a bialnu nen chuan ka hmu dun fo,an hlim hmel em em a,ka in rinhlelh rukna chu a dik a ni tih a lang chiang telh telh, keihian Mippa Ka Duh tih hi ka pu hming Thabuanga a ni lo tih ka hriatchian tluk zetin ka chiang ta,ka rilru hi a na takzet,tinge kei kher,mipa dik tak nih ve ka duh a sin,biak inah pawh ka inkhawm ve thin,ka tawngtai ve ziah,ka tetlai pawn a fak hla sain ka zai ve ziah kha,ka chhûngte pawn a rawngbawl an thulh ngai lo,tha taka lo thanglian a chhungkaw duhawm tak din tûrin nasa takin min tawngtai sak fo,mahse tinge mi zawng zawng hmuhsit leh endawng tur nihna min pêk,ka thin hi a rim hlur reng mai,inlak ngen hunlai ka lo ni bawk nen,ka inla tawng tlêm hle thin a,tûnah chuan inla pawh ni tawh lo,min biak loh chuan ka tawng tawh ngai mang lo,ka nui khat hle,ka biangsum ka lo duh loh em em thin lan loh nan chuan a tha viau,mahse ka hlim loh vang a ni,ka thinrimna hian min tichau zo vek nimaiin ka hria. Chaw ka ei thei hlawl lo,ka mu thei silo ka dam lo ta nge nge a.
Inah ka ngaihtuahna kawm melh melh a ka awmlai chuan ka room kawngkhâr chu an lo kik a,Hriata chu lo niin,thiana a lo tel ve ringin ka thlek deuh ha a,ka ngai tawh takzet,nie a bula awm loh dan hlîr ka zawng a,a laka ka awmdan kha ka duh lo,kawm vak lo ila a zia deuh angte ka tia,Mahse a zual tulh tulh nimaiin ka hria,a bialnu bula a nui hmel ka hmuhte chuan ka inhum ruh nasa thin,tumah ka rilru a awm hi ka hrilh lova,keimahin ka tuar tlawk tlawk,ka pik takzet a ni,ni thum lai class ka kal tawh lo,a bul a awm loh dan hlîr zawng thin mahila a hmel tal ka hmu chak takzet,ka thlek ha danah Hriata chuan hrethiam takin 'A lo kal ve lo,tihtur pawimawh a nei a'tiin min chhang a,ka na zawkin ka hria mawle,ka damlo pawh ngai pawimawh zo lovin a bialnu nen an lengdûn a nih ka ring nghal ringawt.
Hriata chu ṭhutphahah thuin min en deuh vang vang a,thaw hawkin'Thiana,min hrilh tur i nei lo mi?'tiin min zâwt a,keichuan 'Enge ka hrilh che i beisei?'tiin ka lo zawt let a
'Thiana,zêp buai tum suh,i ka ngei a i sawi hun chiah ka nghak'min tih takah chuan ka insum thei tawh lo.'Thiana,min hrethiam teh,ka zak emai,i hria em?kei mipa a zawng a pa lo nih hlau ber hian ka.....'
ka sawi chhunzawm ngam tawh lo,ka zak a ni, Hriata chuan'ka hria lawm,ka hriatna rei tawh.' a rawn ti ta mai,'engtin?'tiin ka zawt a,'middle school kan kal lai atanga khan mak ka ti tawh che,Mahse ka rinloh em vangin ka ngaihven leh tawhh lem lo, kan exam lai bemtu a neih thu vel i hriat atang a i awmdan khan ka rinhlelhna che chu a dik ngeiin ka hre ta a,Mahse ka la nemnghet mai lo,a bialnu nen an awmdun i hmuh tang chiah khan ka nemnghet ta ni'
'maw?ka awmdanah a hriat viau em ni? A....aman a hria ngem?'
'ka hre lo le,mifing tak a nia,Mahse a ring phal bik lovang,chhanchu kan ramah chuan tiang hi chu a la mikhual a,i kawmngaih em vangah a ngaih ka ring'
'zahthlak takzet,thian tan pawh min duh tawh lo ang chu tiraw'
'Mawla'tiin ka luah beng zeuhin'engtinnge tiang chuan i ngaih theih,eng mi pawh nila,engtiang pawn awm la,ka bestfriend i ni reng ang,min va ring chhe ve,nang ni la min kawm duh dawn lo nimaw?'.
A thusawi vanga ka lawm em vang chuan ka thinlung a tap,tah duh ngai lo pawh kha thiana tawngkam nem ve lem lo tak chuan ka thinlung a vel thei lawm le.
'Tianga awm hi ka duh lo, engtin nge ka tih tâk ang?'
'I bialpa tan i duh em?'
'maw? I â mi? Bialpa ka duh loh vang lawm ka zawh che'tiin a tukhumah ka beng pawp a,a lo ner nang mai,ka awmdan turte min hrilhin straight a min siam a tum ngang mai,heihi lawm thiantha neih hlutna chu.
'Bialnu i neih ngei a ngai ang,bialnu i neih loh vang a niang tia i awm'keipawh chuan pawm pui takin ka lo bu ve nghat nghat a,nie straight ka nih leh theih nân chuan bialnu nei ila,he pa hi chu ka theinghilh hmak mai ang.
Hriata nên theihtawp kan chhuah,bialnu pawh ka nei ngei,Hriata'n min star tute zînga a tha tih ber a thlan chhuah,a hming pawh Duattei ngat,ka koh duat hran a ngai lo hrim hrim,a hming hi a duat lotu ber tân pawh a Duattei hlurh hlurh bik mai ni,Duattei chuan min duh hle,keichu ka eng the thuah a thawk lo,a hmel chu a tha meuh mai,min tihlawm pawh a thiam,mahse ka vei lo nasa,thiana chu ka kawm tlêm tial tial, a ngaih chu a tha vak bik lo chiang,a tira um dawr dawr thintu khan ka tlanchhiatsan a ni ber mai,mahse ka hlat a ngai,Duattei leh Hriatan straight a min siam leh hunah ka hnaih leh chauh ang chu,space ka mamawh a nih hi,hun a liam zêl,ka tum ang erawh a ni lo,a bialnu nen an awmdun ka hmu thei thlawt lo,ka mit hi a thi phah hial dawnin ka hria,a bialnu a laka in ti no vel hlurte saw ka hua,saw inla baby tawkin a dârah a delh leh hnap tawh saw,a bialnu saw mipa chu nise ka hnekna rei tawh ang,ka class kal ka tui thei thlawt lo,ka Duattei hian min tilawm zo lo,thiana bul loah chuan kei hi ka tlei zo mawlh lo ni e.
A tawi zawngin sawi tawh mai ila,thiana chu ka theihnghilh thei mawlh lo,a ni telin ka duh zia ka hrechiang telh telh, amah anga hote a min tilawmtu leh min tilungngai theitu,engkim a min control theitu ka tawng lo tlat,chuvang chuan Duattei chu felin hmeltha hle mahse ka duh thei hlawl lo,ka then ta nge nge a,a rilru ka ti na takzet tih pawh ka hria,mahse rilru uire reng chung chuan ka kawp thei lo,bet lo zet a awm reng hi ka thiam zawng a ni ve lo,thiana te pawh an la hlim zêl e. Thuruk zêp hlen theih a lo awm lo an tih kha a lo dik zia ka hrechhuak bawk,Hriata nên kan sawidun lai ka nuin a lo hria a,kan chhungkaw pumin an hre ta,an duat leh hmangaih em em,an thinlung kawltuin hmeichhia tam tak zingah mipa ka duh tih an hre ta si chu an rilru a na hle,ka chhûngte ka chhuanna em em chu min hau miah lo,min lainat em em zawk a ni,an hriatchhuah tum chuan Pathian hnenah ngaihdam dilin ka lu chunga kut nghatin ka puin min tawngtai sak a,ka chhûngte chuan ka tan nasa takin an tawngtai a,thu tha tak tak min hrilh bawk,High School kumtluan chuan ka tuar a,straight awmin ka awm char char a,a har takzet,ka thiana hlim hmel chuan min tihlim thin,Mahse keimah vang nilova a hlim erawh a na em em thung si.
Ka chhungte vangin ka tuar hram hram a,ka chhûngte chuan engmah an sawi ngai lo,mahse an rilru erawh a dam mawlh lo tih ka hria,chuvang chuan mipa dik tak nih leh ngei ka tum,a bik takin Mizoram ah chuan kan nihna ang chu a la mikhual a,a zahthlâk hle bawk,chuvang chuan ka tilang ngai lo,harsa hle mah se. Ka puin chak tawh lo tak chunga min tawngtai sakna te chu ka zah em em a,theihtâwpin insiamthat ka tum thin,Mahse bengngawng hi nasa taka i tawngtai sak vang ringawt khan a beng a rawn var ngawt thei lo,chutiang bawkin ka rilru put hmang hi a danglam ngawt thei bîk lo,min hmangaih em emtu bang lova min ṭawngṭaisak thintu ka pu chu High School ka chhuah dâwn kum chuan a boral ta nge nge a,ka tuar hle,ka thiana ka duhna pawh chu a reh theih loh vangin Mizoram chu nuam ka ti tawh hlawl lo,High School ka pass chhuah chuan ka chhuahsan ta nge nge a.
Ka free tawh a,tu khaw kha mahin min hriat tawh loh vangin inthup vak a ngai tawh lo,Mahse a chang hi chuan hreawm ka tiin ka zak ve thin,mipa dangte chu hmeichhe awm bawr leh hnute lian tha tak takte an hmuhin an hnuailam a lo tho ṭham ṭham thin a ni ngai a,keive zawng ka mipa tha tih zawng ka hmuhin ka hnuailam thiltih theihna hi thawh a lo tum uaih uaih thin si a,thil zahthlak tak chu a ni vein nuam lo zawk zawk erawh chu a ni mawlh silo,hmeichhiate itna chhete mah hi ka nei mawlh silo a leh!
Chutia mi hriat lem lohna a awm ta na na chu duh zawngte kan lo hmu ve a,ngaihzawng ka nei zut ta mai,mahse ka neih zut chhan chu a bul tirah ka sawi vek tawh kha,Rudy ka tawn chinah erawh ngaihzawng neih zut kha ka bansan ta ni.
Rudy chanchin tlem han zêp ve ila,Rudy nen hian college khatah kan lut a,Kan subject erawh a in ang lo,amah hi straight a ni a,a tîr chuan thian angin kan inkawm a,mahse a hnuah ka duh ta tlat a,ka care em em thin bawk,ani ngaihzawng lama tluang lo lo ni ve bawk nen,midang va care hran ngai lova care em emtu tawnte chuan tunge duh lo thei vak bik ang?a ti ni ang hmiang,kan inngaizawng ve ta rup mai,min tihlawm chu a hnehsawh ngang mai,amah hi a fel em em a,ka thiana nen pawh khan in anna deuh deuh chu an nei ve thin,mahrawh chu kan nih rei tak hnuin a titau peih em em a,a thik thu chhe hlur bawk si,mahse thlêm lem lovin a lungawi leh mai thin,hneawm khawpin min duh ti mai ila a dik zâwk ang,bialnu nilova bialpa a nei chu midangten an hmuhsit phah a,a chhûngte endawng pawh a hlawh phah reng a,min vuan ve tang tang a,mahse a bul tir a inhriat tak ang khân Kan inthen ta sia,a lo tawrh ve na zawng zawngte chu a thlawn ta a nih mai hmel e....he LGBT+ khawvel hi chhuahsan a chhûngte endawn san ni tawh lo tura theihtawp chhuah leh tûra duhsakna hlan chiah tih theih ka neihchhun chu a ni mai.
Tun hun
A tuk maiah Mizoramah ka kîr tawh dawn,mamawh ka lam khawmnaah ka chau zo vek,chawl hahdamin ka lo mutthilh siai siai lai chuan kawngkhar kik riin min tiharh,peih lo takin lût tur a ka hrilh chuan Mike a lo ni,ka zah em em chuang lova,a zak chuang bik lova,tho lem lovin ka lo chhawn a,Rudy chungchangte min sawipuiin ka haw hma chu be ve turin min hrilh a,Rudy chuan amah hmu tura min hmin tûrin a lo hmu a ni chek ang,ka peih loh thuin ka chhang a,beidawng duh mai lovin a thusawi tal ngaihthlâksak ve turin min hrilh a,a dik ka ti,bâkah a nun tihchhiatsak vektu a ka inngaih vangin ngaihdam dil tha ka tih ve tho vangin ka hmuh tur thuin ka thlah liam a.
Zan.
"Krist,min lo nghak rei tawh em? Traffic a tawt ang reng a"zanin hian Rudy chu inhmuh puiah ka sâwm a ni,ngaihdamte dilin engkim ka chingfel thei em turah ka ngai.
"Rei lo,lo thu rawh"
"Ka van lawm em,min hmuh i duh chu,i haw daih dâwn tih ka lo hria a,ka ngai dâwn che e,ka lo zui ve mai dâwn che mi?"tiin a ṭhu thla a.
"Rude,please in,kan inkârah engmah awm tawh lo tih i hriat kha"
"Krist,chutin ti suh,inthen ka duh lo"
"I duh leh duh lohah ka buai lo,min hriatchian kha,i insawifiahna ngaithla tur chauhin a ni ka lo kal,bum hmang tia ka hriatrengna tur che i nawhreh theih hlauh beiseiin mawle,midang tha lo taka hriatreng ka duh loh zia i hriatchian kha"
"Kan nih leh dâwn siloh chuan enge ka sawiin sâwt vak ang"ngaihdan nih loh hmel zetin a ti a
"I duh a thu le,bum hmang tiin ka lo hrereng tawh ang che,nih phawt"kal nghal mai ka tum chu min pawt thu leh.
"Nih chuan ka sawifiah ang,chuan kan nih leh theih nân ka bei bawk ang"awmzia awm lo ang tiin ka rilruin ka lo chhang mawlh mawlh a.
"Ka duh zia che i hria,ka chhûngte leh thianthate en san pawh huamin ka thlang che a,mahse nang chuan chutiangin min en ve lo,tumah i thik ve ngai lova,ka thik ngem tih pawh ngaihtuah lovin midang lakah i inlak hran phah chuang lo,khangte kha tihreh ka duh a,chuvang chuan midang kha ka kawp der ta a,kan inkawp chhûng zawng hian tu lakah mah ka rinawm loh san ngai lo che,ka rilru tak ngial pawn tha tih pawh ka nei ngai lo,chuvang a tia awm hi i nih ka ring a,midang kha ka kawp der ta a,midang bula ka awm laia i thik hmel kha hmuh ve ka chak a,mahse hei engkim ka tichhe zo vek niin a lang"
Awih loh vanga nuih hak pah chuan"va ho ve,chuan kan inkar chu i tichhe ta zawk a"
"Krist,pawi ka ti,min ngaidam rawh,i tello chuan ka awm thei lovang,inthen lo hram ang"
"Keihian pawi ka ti fe zawk,tiangte kha ti lo la chu tun ah hian hlim takin kan la awm mai thei sin"
"Tinge min ngaidam thei mai lo mi?"
"Ngaidam thei e,ngaidam thei lo tûr che hian mi famkim ka ni bik hleinem"lawm takin a ka a ang zua hman
"Mahse kan inzui thei tawh lo ang"hmel chu a dur thla leh riai riai"inzui leh pawh niila ka danglam dâwn lo,tiang buaina vang tho hian kan tawp leh dâwn,chuvang chuan thian tha tak kan nih hi a tha zawk ang"
"Ka thei lo,inthen hi ka duh lo,min pawm leh hma chu ka tibuai ang che,khawi hmunah pawh ka zui mai ang che"tumruh hmel tak chuan a ti a.
"Rudy,tian awm lo teh,khawnge Rudy mi hawisang vah kha awm tak,keimah vang chuan tian awm lul suh,tûn atang chuan bialnute nei leh la,i chhûngte ensanna i tihbo theih nan mipa dik tak ang khân nung leh zawk rawh,hetia awm hi hlawkna pakhat mah a awm lo,hlawk a hnekin midang ensan i hlawh zawk a nih hi,kan khawvel hi chhuahsan tawh zâwk rawh"Ka thusawi khan a thawng ang tih ka hria,a hmelah pawh hian a chiang viau e,ka thusawi turte ka theihnghilh fur lawm le,ka sawitha thei meuh lo,ka inthlahrung tlat.

"mi tenawm pa"a tih rualin min hnêk thal tawp a,beihlet pawh ka tum lo,a nun ka tihchhiatsak vek hnuah tiang tawrh hi ka phu takzet,thinrim seh chilh naka ka kawr awm a tham chungin"tiang mai mai hian maw min lo ngaih a,inthen i lo pawm ve chhan pawh kha i rilru nat vangah ka lo ngai a,mahse nang hian min duhna pakhat mah i lo nei lo,ka thiante sawi kha a dik,infiam nan bak min lo hmang lo,i hriam,nangmah vangin mi zawng zawng endawng ka ni a,ka hnunglam tangin mi zawng zawngin min nuih tawh hnu hian hetiang dinhmun a min hruai thlengtu hian min hmachhawn pui lovin min kalsan leh daih i tum maw? A hma khan ka thiante sawi kha lo awih ila tha zawk tur"a tawp lam chu a zuih ral a ni ber. Chhuat a thu thla hnawkin a tap a,mipa meuh a tah chuan a rilru chu a na ve hle a ni mai,sawi tur pawh ka hre lo.
Va hnaih hrut hrutin ka va ban de de a,min lo hnek leh tawp ang tih chu ka hlau pah,hlau chung chungin ka va kuah a,min lo hnek em love,a lo indawh ve mai a,hreawm ka ti,tap thlêm hi ka thiam hlawl lo,thlêm ai mah chuan ka buai thin,ka thaw tipikin kal bo san vang vang ka duh zawk thin,mahse a tah chhan ka nih vangin ka kalsan ngawt thei silo.
"Hmela,tinge hetia mi tih?midangte tihduhdahna pawh Ka tuarchhuak tep tawh sin,mahse"a sawi chhunzawm thei lo,vai tih takah a tap hluam hluam mai,ka hmuhsitna nilovin Mizo mipa chu niila kan rilru nat lai ber pawn midang hmuhah kan intah tîr duh ngai miah lo kha nia,a hnung a beng thek thekin ka ngawi reng a. A inbengdai thei ta hram e,ka thaw veng hawk mai.
"tumah hi infiam pui nan hmang tawh suhh,tiang a i awm reng chuan mi zawng zawngin an la kalsan ang che,tiang reng hi i ni dâwn lo,hmelthatna te hian chuai hun an nei nia,a tawpah chuan mal takin i la awm dawn"a ti chuai raih a,min huat vanga min vauna pawh ang lo min ngaihtuah tak tak hmel. Amah bawk chuan
"Krist,hei chiah hi min hrilh rawh,infiam nan min hmang mai mai lo tiraw"ringhlel deuh si chuan min zâwt leh a'aw' ti thut ila aw😂min hnêk leh duh hrim hrin ang,fiamthuna hun zia z*ng a ni silo
"Infiam nan a midang hmang mai mai tûrin engmah ka ni love"
"Min duh ve thin a ni tiraw"ninawm sek ve,zawhna hi ka hua,exam ka nin em em chhan pawh chhânna tel miah lova zawhna hlîr an zawh thin vang hi mawle,exam lai ang mai a mi zawh sek mai ni
"Aw"
" Mangtha le,Kristopher" a chhuak ta nal nal a,ka hrilhhai letling zawk a sin aw,Mahse engthawl hawkin ka awm thei tawh ang chu,huiha,haw ila,naktuk tlai lamah Mizoram lam ka pan dâwn si a,mu hahdam veng veng phawt ang.

Link:
BBcode:
HTML:
Hide post links
Show post links

Ngaia
Site Admin
Posts: 25793
Joined: April 30th, 2016, 4:07 pm

Unread post by Ngaia » February 7th, 2021, 6:38 pm

Harsatna tawkin vanduai bik viauin i inhre thin em? A dik a lawm, Tu pawn keimahni tawkah harsatna kan hmachhawn vek, indem thei kan awm lo, tin, kan inhriatthiampui vek thei lo, tumah rilru in ang nei kan awm lo va, kan thil ngaihdan leh lak dan a in ang lo vek, kan tawrhna in ang theuh pawh nise rilru a in an miau loh vangin tuar na bik leh bik lo kan awm thei tlat, rilru hi a pawimawh ber chu a ni mai.)


'Krist kan lo lawm a che'tih lehkha intar vu keng chung chuan airport ah ka thiantha ber Hriata chu a lo phar vu vu a,ka nuihza si,zahthlâk ka ti ang reng bawk si.
"Lalhriatreng,eka la thla vat rawh"tiin ka spin pawp a,a lu tuai vut vutin
"Hmela,mi tih loh dan deuhvin ka tia,lawm thu sawi a hnekin min la beng deuh deuh a"phun nang nangin car ah chuan kan inzui lût a,huiha Mizoram chu kum 6 hnuah ka hmu ve leh chauh a nia,danglam teh lua chu a awm lem lo,traffic pawh a tawt ngaiin a la tawt tluang zêl eeee.
"Ka nu chu tha lo viau mi? Motor chuang thei lo khawpin"
"Tûnah min zâwt chauh a maw? I awm loh chhûng zawng khan motor a chuang tawh ngai lo hrim2,hna pawh a kal tha thei tawh lo,ai kal a chhawr char2 tihte pawh hi i hre ve lo ang tiraw"
"Ngawi mai mai rawh,chûngte chu ka hre ve e,kum 6 hnuah an fapa rangkachak ka lo haw ve em em a,mi fing rawn kal lova mi mawl min hmuak tûr a an lo tîr hi ka lungawi lo deuh mai a ni"a ei loh tur ber a awm chuan ka va tih khum zeuh a.
"Lalmuanpui,pawnga ngawi mai mai rawh,i lo kalnaah khan ka dah kîr leh nghal mai tur che sin,i pa a buai si,i u chuti tho,tumah rawn kal hman an awm silova,i nuin min ngen nasat vang chauh a rawn kal ka nih hi aw,ka hmuak chak reng reng lo che,nang model tlachhe pa"sawi fuh inti fahranin a rawn hawi a.

Hmanah kan tleirawl laiin music video pakhatah ka kal lai lo lang fuh ve a,khami siamtu khan ka lan ve kha a duh hrim hrim ni zawkin ka hria,duh chuan min tilang lo thei reng🤭,chuta tang chuan min perh nan a hman ziah phah ta nih hi. Kawng tluanin kan inperh char char a,a bula ka awm hi chuan nuihna tur hlîr,a thawven ngaiin a la thawveng reng tih ka hria chu a lawmawm ka ti letling zawk.
In kan thleng chu ka titau der ang tih rilru ka pu a,midang bulah titau duh ṭhak lo mahila ka chhûngte bulah hi chuan ka titau ziah,ka duh ka hmuhna turte nih chuan,aaaaa,engpawhnise naute chei a chei tih takah ka tum miah loh pawh hian ka rilru a naupang chhia viau thin,tum bur chunga in chhûng kan lut chiah chu

'Kan lo lawm a che'ti rual ṭhawṭin Ka u,ka nu,ka pa leh ka pi chu an nui nghal hawk hawk a,ka lai thei mawle,ka hmuh lohna a rei tawh hlawm bawka ,an hmel ka hmu chu ka ngai ve hlawm hle tih ka hrechhuak chiang hle bawk,min rawn kuah hlawm a. Ka pi leh ka nu phei chu hmeichhia tih takah an mittui a tla leh pek.

"Ka tupa hi a lo hmeltha leh zual a nih hi,ka van ngai tâk che em"tiin ka chalah a fawp a,ka pu a boral ṭang ka chhuahsan tak vang vang in chu an lo chei danglam ve tawh hle nangin ka pu chu ka hrechhuak zawk bawk,keipaw'n ka ngaih thu ka sawi bawk a,ka nu pawh chuti tho.

A hnu chuan min lo lawmna banner an tarte chu ka hmu leh hnuhnawh,ka tetlai,tleirawl lai leh ka tlangval tawh hnu, IG tang an lak ni ngei tur ka thlalak hi an lo tar bawk a.'Kan lo lawm a che,Tekeleuh' tiin a lo inziak a,ka khi seih a,ka tetlaia ka têt theih em vangin ka pi min phuah kha nia,ka pi ziah tîr ni ngei ang.

"He thil in lo buatsaih vang hian maw Hriata hi in lo tirh a"tiin ka zâwt hlawm a,ka nu chuan ka u leh ka pa pawn ka haw dawn vangin chawlh an la a,hnual deuh hlek a min awm tir phawt a min surprise hluai kha an duh thu velte chu a sawi siam siam a,ka kutah min kai chawt a,min thlah phal lo a ni ber,tihtauh derte kha chu a lang tawh mawlh lo,Hriatthawnvenga lah ama surprise na ang hrimin nuam a ti leh em em tawh,ei turte kan ei fel hnu chuan ka thawmhnaw vel keng chhoin ka room lam panin ka chho a, Hriata pawn min lo zui lut ve a
"Engtik nge class i rawn tan ang"
"Tun kar chu ka peih lo"
"Nia,karleh tang rawn tan mai rawh,chhelo kan ngah teh mai nia aw"mit ko kan ak ak in a ti a.
"Mipa chhelo nge hmeichhe chhelo zawk?"tiin ka zawt zui kher a,ka nihna chiang tûrin ka duh a ni,keihi gay ka ni,hmeichhe hmeltha,chhelo,sexy tih velah ka mit ka len ve lo tih hi hrechiang se ka duh,sawi chhen kha ka tan a nuam lo,Mizoram a ka awm chhung khan ka inthup char char kha nia,ka chhuahsan atanga kum 1 hnuah chauh khan ka nihna hi ka tilang a nih kha,nasa takin insiamthat ka tum,lungrun taka lâk pui duh chu ka nei lo,an rilru ka tihnat leh mawlh ka hlau,chuvang chuan hmeichhia pawh one Night stand angte kha kawp ve pawh ka tum,changkang tak tak hmeltha leh chhelo an tam mai,mahse engmah ka feel hlawl lo,chuvang chuan ka nihna chu pawmin tlanchhiat san reng tum tawh lovin ka duhzawng ngei chu ka pan ve ta a ni. Tumah dem tûr ka hrelova,keimah pawh ka indem hran lo,ka nih dan a ni ve a nimai a,insiamthat tum eng ang mahila awmzia a awm lo,ka rilru ka thlak thei lo,chuvang chuan ka pawm mai loh nakah,nuam lo zawk zawk a ni bik der silova.

"Hei,ka sawi i hre nange?"tiin Hriata chuan min rawn nghawk sawk a,ka ngaihtuahna tang chuan ka harhchhuak zawk a.
"Enga tan mah ka tilo,i bengchheng,Haw teh,ka mu duh"ti nghutin towel lain bathroom ah ka lut san tur chu"model tlachhepa,ka haw khawp ang,i bula awm hi chu a hreawm ve ni,engtinnge ka bf i nih theih hi ka hrethiam lo"tih chu nuih sakin bathroom ah ka luh san a,nie ka duh duh danin ka ti a,inla thinrim mahse a thinrim rei ngai lo,kan mizia chu inpersan ve tak a ni,a tawng duh em em a,thian siam a thiam em em bawk,keive chu inla cool em em,thian siam thiam lo ve tak ka ni thung,tawngkam na tak takin intawng khum mahila kan inkawm ngaihna chu a ngai reng tho.

Monday.
"Babe,i hman tawh em?"
"Eka,ngawi hmak rawh,khatianga min ko leh nih chuan....".kawk sawk chunga chek tlak tlakin ka ti a, mi care viau mahila midangin min care hlukte,in koh duat em emte hi ka ten hluah hluah,ka luak a tichhuak thin,chu chu hriain Hriatthawvenga hian mi rawn fiam leh a nih hi.

"Babe,kan tlai nge aw"nui sawngin la ti ta deuh deuh.
"I hnawk,enge i rawn tih"tiin ka melh kawk a.
"Ka bike tlân loh ni nia,scooty chhe si,a dang an hmang chhuak vek sia,i rualin ka kal mai ang chu ka tia,Duat"in la meng no vel lutuk chuan min melh a.
"Khatianga min ko leh a nih chuan hre rawh tukverh atang hian ka thlawh thla ang che"a nui duh lek chauh.
"Ka rualin i kal lo bawk ang"ti nghutin rang tawkin ka tlân chhuak nghal a,ka hnungah min rawn ûm zui bawk.
"In kal tawh dawn mi bawiha? In va hmanhmawh ve"
"Nu,Krist hian maw a ruala kal ve a phal lo nia"inla no vel lutukin ka nu chu an pawm vel ngei a,keiin ka lo melh hraw thung.
"A va sual ve a,tiduhdah viau thin lo teh,in inngaih theih theih nen hian"ka nu chuan thlavang hauhin a lo ti bawk,ka melh hrawk a,Hriata te nên hian kan veng inang tho mahse kan in erawh in hnaih tak a ni lo thung. Kan inah a tal tam a,ka chhungte pawn ka unau pianpui angin an en tih chu ka sawi kher a tul pawn ka hrelo.
"Bawiha,vawiin chu bike kha ka lo khalh chhuak ang,car kha keng zawk mai rawh aw"ka u chuan a rawn ti a.
"I thu2 ni mai"
"I zirlaite inah khan i kal leh dâwn mi?"tiin ka nu chuan a lo zawt var a,
"Aw,chawhma lamah chiah class ka nei tho a,chawhnu lamah chuan ka va tlawh leh reng2 nge"tiin ka nu chu nuih sakin a kal nghal tur thu sawiin a chhuak nghal a,ka la sawi loin ka hria,ka u hi College ah lecturer hna a thawk mek. Ka u hi keiai a tawngtlem zawk a,hmeltha mahse a lêr lo hle,A zirlai damlo chu an awm fo ang,mahse a tlawh ziah ka ring lo,a mizia a ni lo tlat,tûnah a va tlawh kher a bike a ken kher dâwn chhan hrethiam lo zetin
"Enge awmzia?"tiin ka nu chu ka zawt hliai a
"Hman deuh khan nu pa1 khawlaiah a lo tlu reng a,a thil zuar kha niâwm e,ni a sa nasa sia,i u khan lo hmuin damdawi inahte a hruai a,a hnuin inah a thlah kawi leh a,a zirlai nu a lo ni reng a,vawihnih vel a kal tawh,zual lam pan lo mahse that lam a la pan tak tak thei lo a ni awm a sin,chu chu va tlawh leh a tum a nih dawn kha,an veng a tla birh ve a,bike lo chu a leng lova,chuvang aniang bike ken a tih ni"bu ngatin kan kal nghal tur thu sawiin ka chhuak zui nghal a, Hriatthawvenga pawn ka hnungah min lo zui a. Car a luh pah chuan"I u hi chu engah mah hian i tluk ve lo nih hi"
"Ngawi la tha zawk ang,ka ruala i kal duh chuan"ka va melh hrawk a,lalhriatrenga mi han ngam salh salh zia hi chu aw,kawngtluanin min perhna tur a zawn leh ngat ngat hi,

"Ou,ka theihnghilh chiang lutukkk,Brenda ka call reng reng lo,a thinrim leh hrim hrim ang"phone phawrhin a call nghal a,an inbiak dan tang a bialnu a ni ngei ang,hepa han lêr zia hi chu aw,Brenda tih hming pu lo bialnu a nei tih ka hre chauh a,Brenda tih nen an lo inngaizawng leh tawh nia.

University building kawta Ka mi hmuh chu ka mit vai a maw tiin ka mit nuai sawkin ka en nawn leh ngat a,mahse a la awm reng,a hmelthat ngaiin a la tha reng a,tlemin a lo lâng upa ve tawh tih mai loh chu,nie sawpa saw,amah vang saw ni lâwm ni,gay ka ni tih ka inhriat chhuah kha,mahse Mizoramah a awm tih reng ka hrelo,chuan ka luhna turah leh zêl a lût ve leh nghal a maw,ka hrethiam nuai love. Car ka tiding a, Hriata lam hawi chuan
"Elias Mizoram ah a awm tih tinge min hrilh loh? Chuan hetah a lût leh zêl tih pawh?"tiin ka zâwt a, Hriata chuan a phone biak lai ti tawpin mak tih hmel taka min rawn en in
"Hmanniah ka sawiin 'engtan mah ka tilo 'tiin min chhan kha"ni dâwn tak,tah khan enge a sawi hre hauh lovin ka lo hnawt haw a nih kha.
"Engtik tang nge a luh ve a?"
"Master chu hetah a zir a lawm"
"Tinnge engmah min rawn hrilh siloh"college ram dangah a zawm tih bak kha a chanchin engmah min hrilh tawh lova,ka zawt lem bik lo,ramdanga a awm char charah ka la ngai,Mizoram ka chhuahsan tang khan vawikhatmah ka be leh ta reng reng lova,a chanchin erawh ka ngaihven viau,mahse ngaihzawng te ka lo neiin ka buai ve neuh neuh a,ka ngaihtuah chhunzawm vak bik tawh lo,ka hmu chiah chu engtin emaw hian min tidanglam leh tlat.

"Move on kha i tum ve nasa sia,bâkah midang i lo nei nghet ve tawh nen ka rawn sawi duh lo nih kha,ngawi teh,a laka i rilru put hmang kha a rawn kîr leh tih min hrilh hlek suh"

Nui hakin" ka move on tawh tih ka sawi ka hre reng reng lo"ka chhan dan chuan a ti lungni lem lo tih a hriat hle
"Bialnu a nei sin,a tihbuai leh che ka duh tawh lo nia"
"Shhhh,englai mahin min tibuai ngai lo,keimah ka intibuai mai zawk a lawm,chuan ka intihbuai tawh loh na tûrin a rilru ka hneh theih nan min pui bawk ang"khi sêkin phur hmel tak chuan ka ti a
"Hei,bialnu a nei ka tih mawlh mawlh kha,chuvang chuan intibuai duh lo law law mai rawh"
"Nupui pasal kan inneih hma chuan tu ta bik mah kan awm lo,man a lei pawh kan ni lo,kan inneih sak thiang vek a lawm,hmangaihna leh indonaah chuan engkim a thiang vek"ka sawi atân chuan a mak deuh tih ngaihtuahin ka khi vei suk a
"Anite chu mi..."sawi hreh hmel deuhva min enin a ngawi leh ang ren rawn a
"Sawi la"tiin ka lo melh khiau a
"Anite chu mipa dik tak a nia,engtinnge a mipat pui a thian ni bawk chu a ngaihzawn duh nga?"tim deuh dai chuan min zâwt a,nui hakin
"Zawhna tha tak a ni,zam hmel kha pu suh,na pawh ka ti love,ka nihna nia lawm"a dar a ben thak pah chuan
"Ihmaw khawvelah hian... mihring hian min hmangaih a min duhtu,min duat a englai pawh a kan kianga awm thin mi chu kan hmangaih ve lo thei lo,mipa a ni emaw,hmeichhia pawh nise,a tha emaw chhia pawh nise min hlut em emtu an awm chuan kan kalsan mai thei bîk lo,chuan kan hriat loh karin kan lo hmangaih ve chawk,chuvang chuan a hma khan ka kiansan a,tûnah zawng kiansan ka tum tawh lo,chuan nangpawh min puih ngei a ngai ang"ka tih chhunzawm zât a,mangan hmel takin min en haw ringawt.

Nie ka sawi dik lohna ka hrelo,ram pâwna ka awm lai khan ka ngaihzawngte kha mipa pangai bialnu pawh nei thin an ni tlangpui,mahse kan han inkawm a,kan inhre chiang a,ka duh a,neih ngei tumin ka bei a,min duh ngei thin bawk,ta tang khan kan bul a awmte'n min treat dan a zir hian kan danglam thin,hmangaihna leh duhna hian mipa leh hmeichhe inkar chiah a huam lo tih ka hriatchhuah tak ni.Mipa a nih vang emaw hmeichhia a nih vang emaw kan va hmangaih lova,kan mi hmangaih tawp kha eng ang mi pawh nise an mihring mihrinna kha kan va hmangaih mai a ni tih hi ka hrechhuak bawk

Ti zawng hian han sawi ta ila, i bul maiah khan nangmah duat a hmangaih em emtu che, englai pawhin amah ai pawh a ngai pawimawh ziah thintu che leh nangmah ngaihsak ngai reng reng lotu,a mamawh hun chauh che a hrechhuak ve zuaitu che an awm a, tu zawk nge i thlan ang? Number 1 a dah thintu che chu I thlan ve tho ka ring, a chhanchu mihring chuan hmangaihtu,duattu,ngai pawimawhtu Kan mamawh em em si a.

Ka ngaihzawngte pawh chu kan inthen hnuah mipa dangah rilru an va pêk leh fu pawh ka hre ngai hlek love,chuvang a confi taka tawng pawh chu ka ni reng a ni,ka thiana hi tun ṭum chu ka chhuah tawh dawn lo,a hma khan ka nihna pawm tur khan huaisenna ka nei lova,tunah erawh ka huaisen ta mah maj zawkin ka hria,chuvang chuan ka chhuah tawh dawn lo ni tawp mai.

E...chuan....hmangaihna kha ka sawi ve tak tiraw,hmangaih hi ka neih awm ka la hrelo,ka duh a,neih ngei ka tum chu zawng chu a ni mai,hmangaih nei tûrin kan la naupang ka ti bawk,bâkah keive mai mai hian hmangaih neih hi ka phu lem lo,hmangaihna hi chu inneih hnu a chhia a tha tak tak kan inhriat pawh hnuah hian a pian theih ka ring chauh,mahse keive zawng ka dinhmunah chuan tumah ka neih hmel siloh,khawvel in a pawmpui famkim theih loh nihna dangdai leh chhuanawm lem loh tak ka nei miau a,hmangaih neih ve pawh ka tum lem lo. Tihian awm kual ila,duh hi nei tawpin ngaihzawng nei ila,ka upat hnuah chawmtu tûr ka nei ta lo a nih leh tar chawmnaah te ka va awm ve tawh nga nimai.

(Harsatna kan tawh changin hnemtu aiin ngaithlatu kan mamawh zawk fo thin, harsatna a lo thlen a mahni nunna hial la ta an awm chhan pawh hi dawhthei taka ngaithlatu leh hrethiam a, engkim hrilh ngamna tur khawp a mi rintlak leh inhawng an neih loh vang hi a ni mai lawng maw???? Han dawn ve teh...... Muttui vek ule😘)

Link:
BBcode:
HTML:
Hide post links
Show post links

Ngaia
Site Admin
Posts: 25793
Joined: April 30th, 2016, 4:07 pm

Unread post by Ngaia » February 7th, 2021, 6:38 pm

(Tun ang laiah dikna in la ngai pawimawh tak takin dik lo taka tite, eg:ei ru ang chite kan sawisel luai luai a, mahse a ei ru ve miah lo,sawiseltu kha ei ru thei dinhmun a a din ve loh vang a ni mai lawng maw??? )



Class pawh kar khat lai ka kal ve ta,Elias nen chuan kan la inhmu lo,nilo hmuh ka la duh rih lo zawk,karleh hian club then hrang hrangah kan duh duh naah kan awm thei tawh dawn a,music club ah ka awm ve ang, Elias pawh an hruaitu zingah a tel ve dawn a,chutatang chuan hma ka la dawn a ni.

"Hming ziah luh ve ka duh a"tiin music club a hming ziak luttu chu ka va be var a,hmeichhe pakhat a lo ziak lût mek.
"Ah....pawi ka ti lutuk,tûnah khan a lo full chiah a"club thenkhatah tlemte a awm siin,a ṭhenah leng lo dawn dawn khawpte a awm an awm thin vangin a bituk chin an siam thlap a ni awm e.
"Pakhat chiah chu ziak lût leh hrâm mai rawh,ka awm ve ngei ngei a ngai tlat"

"Pawi ka ti lutuk,a hnawh luih theih lohva"tiin a ziah lai chu a ziak leh mawlh mawlh a,ka bula hmeichhe ding ve mek chu ka en zawk a,min lo en ve chiah bawk
"I hmel leh pian en hian dancing club lamah awm zawk mai la,i inhmeh fe zawkin ka ring"tiin ka bula hmeichhe ding chu ka va thlêm ti tih deuh a,min lo enin
"Lam chu ka tih chi ni lova,bâkah music hi zir ka duh bawk a,ka kian thei lovang che"nui sang si chuan a ngeiawm reuh zêk a,min ken chungchang ka sawi miah lo chung a lo sawi lang kher chu ka kuk fawk chak.naupang te te.

"Chu,zir tur chauh lehnghâl,keichu ka thiam sa tawh a,chuvang chuan min kian mai teh"
"Thiam sa tan awm ve vak a ngai lo zawk lawm,ka kian thei mai lo che"nui sang chunga min la chhang chu ka thinrim leh tan der tawh. Elias vang chu nilo se he hmeichhe naupangte hi min kian tûrin ka ti hauh lovang,ka kal nal nal tawh ngei ang,mahse duh nei tûr chuan engkim dahthat rih a ngai.

Hming ziak luttu chuan "Ah,UElias i lo kal ni maw?"a tihna lam chu ka hawi nghal a,wow hei le heta ka kal chhan chu a lo kal lawm,hrelo angin ka lo awm der teh ang.

"Aw,ka rawn en fel mai mai ang ka tia,a full tawh em?"
"Ehe....Kristopher i ni tiraw"hriat hmel vak loh a en chhoin ka han meng buai vel deuh a
"Keimah, Elias i School kal pui thin kha"hrechhuak thut niâwm taka mengin
"Ehe,i dam a maw?nang lo ni reng chein"tiin ka kut chu ka pe a, kan han inchibai lawp lawp a.
"Dam chiang e,i reh lutuk a,i awm bo hnu khân mi rawn be leh ta reng reng lova,biak ngaihna che ka hre silo,insta vel tang ka rawn biak che lahin min chhang ngai silo"lungawi lo der vel chuan min ti a,nia insta vel DM ka en ngai lo hrim hrim tak,ram danga ka awmlai khan band te kha kan din ve ang reng a,kan college ah chuan kan lar ve phian,bar ah pawh inhlawh nân kan zai ve zeuh zeuh, chutiang vela min lo private pâwlte an awm a,ka en ngai lo hrim hrim kha nia,ka inchhir leh hnuhnawh.

"Nia,message ka seen ngai lo a,hming pe ve turin mi i rawn kal?hei a full tawh a,keipawh ka let mai a ngaih hmel"
Nui hakin"ni chiah lo,lawk aw lo nghak lawk"ka hre lo der aaa,aale ale
",ehe Puipui i hming i la ziah tîr lo mi?"ohh,kha hmeichhe inno hmel tak chaltlai ru zêk nên khân an lo inhria a maw,
"Ziah tir fel chiah,amah khan kian tûrin min dil a,kan lo inbe mek a nih hi"tiin min melh zeuh a,ka va kuk chak e aw,a ngeiawm thiam reuh lutuk.

"Siamsiam,a hming chu lo ziak lût ve la"
"Mahse,a full tawh sia,hotupa khan min hau lo ang maw"inthlahrun hmel deuh chuan a lo chhang a.
"Lungngai suh,ani chu music lama bawn lutuk a nia,member satliah angin a awm ve dawn hleinem,hotupa pawn a duh daih zawk ang"aw heihi lawm min vei tîr em emtu chu,a awmna hmunah hi chuan engkim hi a fel thlap zel mai ni.

"Awle,ka lo ziak lût a nge,i hming,in department leh sem vel lo sawi la,khawngaihin"min zah deuh chuan a rawn ti leh a. Ka hming vel ka sawi hnu chuan
"Ih,nang hi Da Boyz a an guitarist kha i ni tiraw"
"Imm"a ka hupin a mengkawk a,ka hrilhhai zawk a lawm,engtinnge kan band chhe vete ho lam tak a intihhlim nan mai mai a kan din chu a lo hriat ve zawk ni.
"A van mak em em, in band ah khan ka duh ber che,ka hmuh tawh hnu i ang ka ti rêng a,ka lo hre lawk lo che a,uiii....ka hmu che chu ka van lawm tak..."a ti deuh chûl a,ka lai deuh sawi tur ka hre lo chu ka nui ringawt a,kan band hi ka thian Mizo awm ve thenkhatte nen kan tihtur hrelo kan din ve mai mai kha ni sia,chuti le lu a Mizoram a an lo hriat ka ring lem lo.

"Hawh u,lût hlawm ang u, thil pawimawh sawi turte pawh an neih tak kha"Elias chuan nui sângin ka dar a kuah chungin a ti a,kan vai chuan kan lut ta diak a,a chhunga awm chu an lo thahnem ang reng, Lalhriatrengan a lêr thak vanga min zui duh lo chu ka ngei hle, hman tangkai duhnate ka la nei dâwn sia,engpawh nise a bulah ka awm tawh a,mipa ka ni a,mipa chuan a duh chu amah ngeiin a chingfel tur a ni mai,hmanhmawh chuk chuk ni lo muangchang bawk silovin hma ka la keuh keuh nga,min duh ngei tur hi a ni tawp mai niii....

Thu pawimawhte an sawi zawh chuan kan chhuak a,naktuk tang ngawrh deuh zawkin kan kalpui dâwn a ni awm e,an hruaitute chu ka va telpui ve avâng chuan an lo lawm phian,an lawm der nge ni,a pawimawh lai part pawh min chelh tîr ve dâwn hi. Class kan nei tawh dawn lo a,haw bak tihtur awm tawh lo,Elias thil ei chhuah puiah sâwm keuh ang tiin ka ngaihtuah lai mekin a lam ka va hawi phei chu kha hmeichhe naupang chimawm zet kha, Elias nen enge maw sawiin an lo nui dun vel,saw naute saw tunge maw a nih le? Nichin pawn Elias khan a hriat em kha.

"Elias,thil ei dun ila,kan inhmuh lohnate rei ve tawh sia,chanchin in hriat pawh nan pawh"
"Aw,..aaa that dâwn tehreng nen,hei Puipuii hi guitar lei pui tur in ka lo intiam tawh sia,a va rem chiah lo e aw,eee chhuak ho ila nimai lawm tiraw Puipui,keiaiin a tha pawh a hre daih zawk ang"

"Nia lo kal ve rawh"tiin Puipuii chuan a chhang a,a chhan danah chuan a hreh hmel,hmelhriat loh ka kal ve dâwn vang a a hreh hmel nilovin an awm fal theihna tur ka ti sukuk chu a lawm lo zawk a nih hmel khawp mai,hmmm he nau nen an inkar hi ka hriat a ngai,ka kal ve dâwn khawp.

"Pawi chuang hleinem,tih tur em em awm chuang lova,mahse i ai chuan a tha chu ka hre zawk kher lovang"nui hak pahin
"Music lama i bawn zia chu kan hre fur a lawm le,lo kal ru,i kal ang u"tiin a nui leh seih tawh,a ha pawh a la var rual reng e,he hmeichhe naupangte hi nakinah a la hnawk zêlin nia ka rin ni,min endan lah hi a chaltlai reuh zêk lehnghâl a,ka la kuk khawp ang,nghal reuh lutuk mai.

Car ah chuan kan thu kuk hlawm a,Elias chuan a khalh a,Puipuii nen chuan an ti ti siam siam a,keichu a hnungah ka thu a,ka ngei reuh mang e,tawngna hun pawh ka chang ve mang hleinem leee....an innel hle tih chu a hriat a, Puipuii hian a endan atang hian a duh niin ka hria,Elias hi chu ka hrethiam chiah lo,mahse a haw lem lo tih a hriat,ka hriatchhuah a ngai a ni. Thil kan ei zawhah guitar chu kan lei a,keiman ka thlansak tak thlap kha,ka duhsak vang pawh nilovin Elias thlan sak a kawl kha ka phal lo......

"Lumit,i rawn kal dâwn em?"
"Ka hming lo hian min ko reng suhh,ka rawn kal dâwn,min ngai tawh mi?"
"Rawn kal vat la nimai,zawh duh che ka nei"
"Hmmm,min mamawh hunah chiah hian min hrechhuak thin,ka rawn kal lovang"tia Hriata phun deuh nang2 chu phone ka dah zui daih a,a rawn kal dâwn tih ka chiang tho emai,kal mai nilovin zanriah pawh ei a tum leh ngei ang.

"Nu,.....i lo dam em?"tiin ka nu chal chu a fawp zeuh a,ka nu chu a nui leh ver ver tawh,a fapa hi ni zawk se a tilawm thiam thin dawn sia,ka nu chu vannei ngawt ang,zingah min rawn sâwm zo chiah a,ni rei tak rawn kal tawh lo ang mai a lem an chan leh vel chu ka nuih a ti za,ka tui in tur lak chu vawr pahin ka room lama chho tûr chuan ka mitmei zeuh a.

"Ka rawn kal lo ang i ti khan ka hre sia"a rawn lut chiah chu ka lo tiel vel a.
"Rawn kal chu ka tum lo reng,mahse i lo tap leh pur dawn sia"thu awihawm tak hi a ka tang hian a chhuah tir ve awm pawh hi ka la hre mumal lo.
"Engpawh nise thu teh,zawh duh che ka nei nia"

Ka khum a mu zangthal ṭhuai pah chuan
"Ka thu peih lo,ka kawng na,sawi mai rawh tian"
"Puipuii tih hming pu i hre ngai em?"
"Puipuii chu an tam eee,chutiang lo deuh chuan sawi la"
"Puipuii ti lovin ka hre lo,hriat lo tum teh a,a pawimawh"
"Vawiin a Elias nen a inchhuah pui kha mi i tih?"
"Min lo hmu law? Aw kha kha, enge Elias nen an inlaichinna ka hre duh nia"
"Tun ang laiah a thlawnin engmah an intih sak duh tawh lo"tiin a kut zungpui leh zungchal chu a nuai ne ne a,ka bin huk dawn mawnile.

"Sawi vat mai teh"a induh lui tlat.
"I duh chu sawi rawh,"ti vin hlakin ka melh hrawk a
"Khati mai tur kha sin,Brenda in min ringhlel a,min pui ang che"
"I lêr em lawm,a rinhlelh mai loh chein"
"I hriat kha,pawm lai neih laia in rinawm loh san ka huat zia chu"ni tak,Hriata hi a pain a uire san tawh a,chupawh kan hmuh lai ngeiin,chuta tang chuan uirêna hi kan haw em em a,lêr engang mahila rinawm tur,tiin kan intiam ngei a nih kha.nunhlui ka hriatchhuah tir,ka inthiam lo ang reng.

"Nihchuan tinge a rinhlelh che a"
"Zamtei vang mawle,kan la ni angin a lo sawi a"Brenda hma chiah a a bialnu a sawi kha,heihi lawm luck lutuk hi chu a buaithlâk thin.
"Ti tûr a min duh chu?"mit ko san khumin ka lo ti a
"Kan inthen daih tawh thu i hrilh ang"
"In inthen lai ka hre ve reng reng hleinem,in ni tih min rawn hrilh rei lo teah Brenda tih hming i lam leh daih a,engchu nge ka sawi vak a nga"
"Sawi dan tur ka hrilh dawn che lawm"
"Aw,ka ti ang,kan thu khel hi thlâk tawh ang"nin hmel zet chuan ka ti a.

"Enge ni khah,kan sawi tur kha?"a induh kual vel ka ti,ngawi teh ka bin huk tak tak dâwn,a ninawm emai.a ke a pet pawp pah chuan
"Lumit,sawi mai mai teh,chuti lo chu ka tih sak dâwn miah lo che nia"
"Aw,aw ka sawi dawn"rawn thawh pah chuan a ke chu a nuai vut vut a
"Puipuii chu kan junior a nia,a hmel kha tha tiraw,a nu hnap sia,cute bawk,nui mawi bawk,no bawk si,an star hlawm teh a sin"a han insawi muan tîr khanglang a.

"Chu chu ka zawt lo che, Elias nen an inlaichinna lawm le ka zawh che"
"Ka hre bik chiah lo, Elias nen hian ka hmu dun ngun ang reng,an inpawh fu chuan ka hria,veng khatah an awm bawk a,an veng a ka thianpa ka lo zawt dâwn nia"
"Bialnu a nei a ni lâwm ni?"
"Aw nei e,ani chu kan senior a nia,an chhuak daih tawh lawm"
"Nih chuan pawn lamah an inhmu thin dawn tihna nimaw...., Puipuii nen an inkar chu lo hrechiang ang che"
"Awle,model tlachhepa,chuan I thu tiam kha hre bawk la,naktukah kan club ah min rawn zui dawn nia"
"Haw rawh,a tlai tawh"
"I zak em? I nuin chaw ei min sawm,chaw ka ei nga ka riak nghal bawk ang"
"Sâwm lo che pawh nise i insawm leh dâwn tho tih a hriat vangin a mawiah a sâwm che nih chu,ka room a mut erawh tum suh ang che,hnar ring thei ropui siii"
"Ka thu thu nimai,he inah hian ka thu ber"mit lah chu min la siai khum ang deuh deuh a.

Hepa nghal ve zia hi chu aw,keiaiin a naupang hret a,tian inngeih loh deuh ang hian awm mahila kan inhmangaih hle,an in hi nuam chu a ti lem bik lo a ni,apa-in a uire san a,chutah apa chuan zak map lovin hmeichhia a la lut a,rilru na tuar lovin a nu chu a boral a,a hmei nen chuan an innei zuiin fate pawh an nei,sawi ngai lem lo mahse an inchhung chu nuam a ti lem lo tih a hriat theih,naupangte in khang harsatna zawng zawngte kha a tuar a,chumi hnuah a nau hmeichhhia,a unau neihchhun ni bawkin nat lawk em em pawh awm lovin a boral san leh a,hausa viauin duh duh nei thei mahse sum hian engkim a tithei lo tih lan chianna chu an chhûngkua hi niin ka hria,a hmuh lai ngeiin apa a uire a,anu chu a pasal ngeiin ngaihsak lova nuam tawlh sanin naupang maiin a dawm hlum a,a beiseina awmchhun a nauin a boral san leh bawk a,ngaihsaktu em em nei lovin a ṭhanglian tawp a,apa-in sumin vur mahse hmangaihna erawh a dawng lo.

Mipa a nih vangin a Nuhrawn chuan a tiduhdah ngam lem lo,mahse hnawk a ti ru tih a hriat,buaina neuh neuh hi chu an neih reng ka ring,nu rapthlak ve tak a ni reuh a,apa ro kha a chan ve a ngai dawn tlat a,ani lahin hmeichhia hlir pathum a nei bawk sii,hetiang zawng zawng a tuar chung hian a lêr tih mai loh chu sual lam kawng a zawh lo hi mak ka tiin ka ngaisang zawk thin,lêr pawh nise mi a kawp ngai lo tlat,'ka nu kha ka pa vangin rilru na takin a boral a,ka pa hnungzuiin hmeichhe rilru tihnat sakin ka nawm nân ka bum ve tûr a nilo'tiin a intiam a nih kha.

Chuvang chuan amah hi ka hmangaih em em a,puih theihna piangah chuan puih zel ka duh a ni,ka chhûngte pawn an hmangaihin ka nau angin an en tih ka sawi tawh kha. Amah hi ka ngaina a,sawiselna tûr ka neih pawh ka hrelo,ngaihsam tak leh thawveng takte hian awm thin mahse a chhûngril nun chu a tawt up upin nia ka rin ni,mahse a tilang ngai lo,naupangte si hian nasa takin ka tluk lo a ni.


(Mi dikte kan ngaisang a, mi rinawmte pawh, dik taka ti thinte kan fak a, dik lo taka ti thintute erawh kan sawisel nasa thin, mahse maw han ngaihtuah chiang la, dik taka ti thlap thlap thinte pawh 'a in la fair/in la piangthar chu ti kha ti'kan ti leh tho sia, he khawvelah hi chuan midangte ril rem zawng taka nun zawng a harsa a nih hi, pafa sabengtung kai ang vek kan ni a, chuvang chuan mi kha i tilungawi kim vek thei dawn lo, tha i tih ang khan che ve mai rawh.

Mahse maw heihi hrereng la, nangmah kha i pawimawh ber, i hlimna kha dah pawimawh ber rawh, midangte i ngaihtuah vangin nangma hlimna tur dah tha a i pen a nih pawn i ti lungawi famkim thei dawn chuang lo, chuvang chuan nangmah kha i damchhungin i hlimna kha a pawimawh ber a ni tih hre khiau ang che.

Mahse a chang chuan midang ngaihdan i ngaih pawimawh zawk chang pawh a awm ve a ngai thin ang, a awmziaah chuan a inbuk tawn chiaha thil thlir dan, lak dan leh tih dan thiam a ngai a ni mai.

Muttui bik riau u le😘)

Link:
BBcode:
HTML:
Hide post links
Show post links

Ngaia
Site Admin
Posts: 25793
Joined: April 30th, 2016, 4:07 pm

Unread post by Ngaia » February 7th, 2021, 6:38 pm

(Harsatna i tawhin indawm kun mai lo la, i tawrh ang kha mi pawn an lo tuar ve mai tawh mai thei, i tawrh aia nasa pawh,... Chu tawrhna chu an tuar chhuak thei a nih chuan tinge i theih loh bik ang????.... Pathian in duh taka a siam, tipalh thil thu mai mai a siam sual palh kan awm mawlh silo, 'Pathian chuan a thilsiam chu a en a, tha a ti em em a'tih zingah khan kan tel ve vek a sin)





"Tho rawh,model tlachhepa,kan tlai ang"tiin min rawn sawi nawk nawk vang chuan ka mang nuam tak atang chuan ka harh a. Zawi tawk a tho chhuakin ka mit ka nuai nak nak a,nizânah ka hmalak dan tur vel ka ngaihtuahnaah ka mengrei phian a,zîng lamah mumang ka la nei zui bawk nen,ka harh tlai phah,Hriata chu a lo inpeih fel at tawh. Nilo,he thil hi.....


"Lalhriatreng,engvangin nge ka kawr lei thar i hak? Ka kekawr..nilo ka pheikhawk leh zêl pawh bun i tum tih chu sawi lo hram ang che"
"Inhnuaiah ka dah vek tawh"lei min chhuah khum zeuhin a tlân chhuak nghal a,pawn atang chuan "chaw kan ei dâwn a nia"a rawn ti hram a,ka van ngei tak em,ka lei thar chiah,vawiin a ka hak tum a sin aw.....inphih faiin ka insiam ve nghal a. Chaw kan kil lai chuan ka u chuan
"Bawiha,bike ka keng leh mai ang aw,car kha keng leh mai rawh la,ka hman deuh hlek hunah i bike tur lak kan tum dâwn nia"tiin chawhmeh chu min lo suah sak zeuh a,ka va hlim ber kher em,ram pâwna ka awm laia ka bike kha hawn buai vel ka peih loh vangin ka tiral daih a,ka u,ka superhero chuan bike min leisak dâwn nih chu,tlangval tan chuan car a tlân ziai ziai ai chuan bike a tlân vung vung kha a nuam zawk tlat a ni.


"Mama,i zirlai nu chu enge a an a?"tiin ka nu chuan a lo zawt leh var a.
"Aaaa...eng an ang tak tak thei lo,anu kha thawkchhuaktu ber a ni sia,anu a thawh theih tak lohah chuan Mawitei(a zirlai)pawn a zirlai chawlhsan maite a rilruk a"
"Pa an nei tawh bawk si lova,a upa ber a ni a mi kha?"ka pi chuan a lo ti ve bawk a.
"Aw,nau pahnih mipa leh hmeichhia a nei a,zirlai ve tho an ni sia,bâkah an la naupang"
"A va zia lo ve aw,tanpui dan ngaihtuah a ngai a nih chu tiraw Paa"
"Nie,Engtin emaw tanpui dan ngaihtuah ka lo tum ang,nakinah kan sawi tha leh dawn a nia aw"tiin ka pa chuan dawhkan a thawhsan a. Tinge ka u hian a buaipui em em chhan hi ka hrethiam lo,a zirlai satliah mai mai chu a nih ka ring lo tawp mai.


Ka pa hi a chhuak hmasa ber thin a,a dawtah ka u,keihi ka chhuak tlai ber tlangpui thin a,ka ute an chhuah zawh vek hnu chuan Hriatthawvenga nen chuan kan inzui chhuak ve a.
"I tih tur kha i la theihnghilh lo tiraw"
"I theihnghilh bik lo tiraw"tiin ka va kiai sak a.
"Aw,vawiinah ka lo zawt ang,in club a i kal hmain kan club ah i lo tlang phawt nga,chuan Brenda hnenah chuan i sawifiah nga,chuan ......a dang chu i duhdan thlapin ka ti tawh mai ang"
"Mahse ka thusawi lo awih lo ta se"mit ko tih san khum zeuhin ka va hawi phei a.
"A awih em em ang,ka bf i ni tih a hria lawm"
"Mahse kan thiante chu an dik lohnaah pawh kan ṭân thei tho tih hi a hriat tel ka ring"
"Keimah chauha insawi fihlim tum ai chuan hriat puitu ka neih khan a awm ang ve zawk a lawm"
"In inthen lai ka hriatpui ve reng reng lo che"a ngei leh ang chu awww.
"Ka hrilh ang che khan sawi la tawk nimai,a rin ngang loh leh,kan tawp ve tawh nga nimai lawm"a ti deuh hmuk a,hetia a buai vel hmel ka hmuh hian ka nuih za ang reng.


"Kan thleng ta,class ka nei a,tlailamah kan inhmu dâwn nia"tiin hmanhmawh takin a chhuak nghal a.
Class ka nei ve rih lova,a hmun vel ka'n fang kual mai mai nge tiin ka phei a,a hmun chu nuam phian,a thengthawin a hmun a fal bawk a,ka phei zel a,tlêm a ngaw deuh chin ka thleng a,a ngaw chhah ve deuh tawh ka rin vangin let tûrin ka inher a,ka sir biru deuh hlek lai tang hmeichhe pakhat a lo chhuak hlawl chu ka phu chiang hle,ani pawh a phu zawk mai. Engemaw a tih ruk chu nimaw,oooo...hmeichhe naupang nghal deuh kha a nih hi,biak pawh tum lovin ka pên chhet a.


"Chibai le,i hawi thawveng ve mai mai em ni?"tiin min zah hmel takin min lo be sang a,a hmaa min ngam salh ang hmel kha chu a pu tawh lo,a inno hmel leh ngawih ngawih zual.
"Enge khatah khan i tih a"thil tha lo a ti a nihte ka ring deuh,rinhlelh hmel deuh chuan a zawhna pawh chhang lovin ka zawt let a.
"Class ka nei lova,ka hawi thawveng mai mai a nih hi"
"Khalaiah khan hawi khaw thawnna tur a awm a maw?"awih loh hmel taka en pah chuan ka ti zui kher a.
Nui hawkin"aw,a nuam lutuk a sin,i kal ve duh em?"min la ti deuh deuh....


"Unicorn te,lasi nulate an awm a nih loh chuan ka kal duh lo"a nui chhuak hak mawle,enge maw ka tawng elsen khum ve deuh chu a nuihzat le,ka kuk fawk ang ka tihna kha a rei tawh bawk a,ka kuk tak tak a la ngai ngei ang,naupang te te nghal riau mai.
"Ka lêt dâwn"ka ti a engmah sawi lova let tawp chu a mawi lo ti ve deuh vang chuan ka inher vut a,phei ka tum chu ka kutah lo vuanin
"Ka nuih vang khan i thinrim a mi?"tiin ka mit a min en khiau chuan min zâwt a,ka kut a vawnna chu ka melh zuk a,inthlahrun hmel takin a la thla riai riai a.


"Thinrim chhan tur awm mi? Class ka neih a hnai,ka kal dawn"a inthlahrun hmel em vang chuan ka khawngaih deuh hnuhnawh.
"Keipawh ka let ve nghal ang"tia nui sângin ka bulah a rawn kal ve nghal a. Building chhung kan thlen leh thleng pawn kan ṭawng tawh lo hrim hrim,mahse a nui sen sen reng a,hlim hmel hi a pu reng mai,ka ngaihte pawh a titha lo dâwn dawn a lawm le,nge ni a amah hi ramhuai nula a lo ni zawk le???.. kan classroom tûr ka thleng chu ka luhsan daih a,kan classroom ka thleng hmasa chu ka lawm hle.


Class kan zo chiah Hriatan pawn a min lo nghak vung tawh ka hmu chu ka nuih a za angreng,a serious ve hmel riau hian ka nuih a tiza
"I va bang har ve"
Sana en zeuh pah chuan"dar 2 chiah a la nih hi,i Hmanhmawh lutuk,kan chesual nge"tiin ka kuai kûn pawp a
"Mawla,Brenda a lo haw daih ang tih ka hlau lawm,lo tlân rawh"tih pah chuan min pawt nawk nawk a,ka zui ve hnak hnak tho.


"Bawihi,i kalna rei tawh em?"tiin a nuih sang a,Brenda chu a induh hmel ve ṭelh ṭawlh hle mai.
"Chu chu enge i ngaihven vak a,i bialnu kha ngaihven la tawk"lo ti deuh hmak,Hriatthawvenga hmel buai vel ka hmuh chuan ka nuih za chu ka insum ṭang ṭang a.
"Bawihi,hei ka thianpa ka sawi thin kha Krist a nih hi,in chibai ve ula"tiin min lo signal zeuh a.
"Brenda maw i nih? Thiana sawi ai daihin i lo hmeltha nih hi"tiin ka han fak khawmawi ve te te a. A lai deuh reuhin ka hria.
"Kan la ṭan mai hmel siloh a,coffee vel va in mai mai ila,i nuam tih berah khan"tiin a han tlawn deuh phawt a.
"Ka peih lo,i bialnu nen khan va kal ru"huiz titau ching hi ka ning,sawi vat ila ka kal daih ang.

A rindan a nih loh thute leh amah chiah a duh thute chu ka thiam ang tawkin hrawk tha hrui puar awk awk khawp a ṭangin ka sawi pui ve ngei a,a nem ve deuh ka beisei,a awih tâk loh leh ka thiam loh ni tawh lo,a tha fal bik teh lua chuang lova,a inchei nasa hle tih mai loh chu,a aia tha a hmu leh em em tho ang,ka ngaihtuah lohna lam tak a ni. Kan ṭan a hun ve tawh dawn vangin ka kal san ta a.


"Kristopher,i rawn thleng ve tawh maw,heihi min lo en fel pui ve dâwn em ni ang?"tia nui sângin Elias chuan a lo ti a,ka phur zawng tak,hremhmun thleng em em chu ka zui peih ka ring lova,mahse hmun dangah chuan a kianga ka awm theihna tur a nih chuan ka peih vek ka ring.

A thiam lo fal deuhte kan en fel pui hnu chuan haw chu a lo hun leh ta der mai,eeee ka hrechhuak kha hmeichhe naupang kha a rawn kal hauh lo,club a awm loh hlau ber ber kha a ni sia,tinge a rawn kal loh le? A ninawm ka ngaihtuah a ṭûl lo,Elias nen an awmdun loh phah a,a lawmawm a ni mai.


Ka motor dahna ka thlen chuan"Krist...."tia lunghnûr takin Hriata chuan min lo kuah a.
"I tenawm,kal teh"tiin ka lo nemsawn a,car a kan luh hnu chuan
"Min lo kawp zawk reng a lawm,Zamtei te kha chu chhuanlam mai mai"lunghnûr takin a ti hap a
"A tha zawk a nih chu,a hmeltha vak silo,a inla ve em em ringawt,a ai tha i hmu leh nghal dawn"ka ti a,ka hnemna mai mai a nilo,mi sawisel hi ka duh zâwng a ni hek lo,mahse a inla ve satliah,a hmel a tha teuh ringawt a lawm,thianpa hetia tikual mai mai tur chuan a tha vak bik lo.


"Nia tiraw,a ai tha an tam,mahse kawp nih hi chu a zahthlâk ve em a"ka inhrechhuak thut,nie a zahthlâk a lawm,keini thiandûn chu kawp kan nih a kan lâk nat aimah chuan zahthlakah kan la zawk a nih hi,hmangaih tawn tihte chu a la hnai lo hle a ni mai. A mood a fuh vak hmel loh em avangin ka hriat duh pawh chu ka zawt ta lo law law a.


"Naktukah kan sawi mai dâwn nia aw,a mood ah ka awm rih lo,chuan scooty a tha tawh nga,min thlah ziah pawh a ngai tawh lo ang"a inthiam loh ve deuh aniang,a ti ve ngei a,a ngui ve deuh hmel ka hmuh chuan ka khawngaih,mahse serious hmel hi Hriatthawvenga tih nen hian a inhmeh lo lutuk chu ka nuihte pawh a za ang reng.


"Nu,pi,ka lo haw e"ka ti lût deuh lang lang a,ka pi chuan la a lo phiar leh melh melh tawh,min hmu chu hlim takin a lo nui ver ver a,ka nu chu choka tang lo chhuakin
"I va lo haw hma ve a"min lo ti var a
"A...kan bang tawh lawm"tiin ka lo chhang ve vat a
"Midangte chu class bânah an lêng khawthawng ve thin a,lênna turte i hre ve nange?"ka nu thin hi inla tunlai ve thin a nia,nie ka chhûngte hi chu tunlai lo lutuk a fate an khuahkhirh ṭun ang tih hlau hian tunlai khawvel mil hian inher rem hram hram an tum thin tlat a ni,Pathianin ka chhûngte ni tur a min pe hi chu ka vannei ve ngawt mai.


"Hre ṭeuh e,mahse ka ngai che u a,ka lo haw hma nih hi"ti zeuhin ka nu chu ka kuah a,a nui ver ver a,inthlak tûrin room ah ka luh san a,khumah chuan ka mu mai mai a,Elias chu ka va text dawn mi aw.....Mahse mipa leh mipa in text vak chu a ni thei silo,vawi leh khata ka duh tih hriat deuha ka awm chuan min lo hnawl nghal mai dawn si,ka va buai ru reuh e aw.....ka lo chhing sek a niang chaw ei tûrin min rawn koh chuan ka muhil tih ka hre ve chauh.


"Mama,vawiin i va kalna lamte enge a an?"tiin ka pi chuan ka u chu a zawt a.
"Ni chiah mai,han sawi vat teh,i pi nen tih theih nei silo hian vawiin nilengin kan lo ngaihtuah ve em em a"ka nu chuan a lo ti ve bawk.
"Aaaa.....pi Nguri(a zirlai nu)kha chu a ngai reng mai,a zual lova,a tha chuang lo bawk,Mawitei pawh college chu chawlh a titlu ta a ni awm e"


"Chawl se enge tih a tum ber"ka pa chuan a ti a
"A hre bik chiah lo,hnate hi a vang sia,anu angin chawhmeh zawrh maite a ngaihtuah deuh a ni awm e"
"Vawiin khan hna vel tur chu ka lo en mai mai a,a thawh awm a rem tur chu kan hospital ah chuan a awm lova,mahse i patea te office ah ka lo zawt chhin a,awm chu a awm ngei a,a thawh duh dawn leh dâwn loh a ni mai ang" ka pa chuan a ti a.


"An dinhmun angah chuan thawh duh loh nei thei pawh an ni lo,a duh ngawtin ka ring"ka u chuan a lo ti let vat a
"Aw,nih chuan a that hlauh chu,i patea chu ka lo hrilh a nga,chuan ani pawh chu lo sawi pui la. "
" Awle, a lawm ngawt ang"ka u pawh chu a lawm hmel khawp mai, engemawni tak chu a awm a ni, ka hrechhuak dawn khawp.


"Pa ber nge nge hi chu rem i lo hre thin a ni e, keiniin ngaihtuah ngaihna kan lo hriat miah loh laiin" Tiin ka nu chuan ka pa chu a fak a, ka pa chu nui huah huah chungin
"A khaih, min tilai zo dawn, ka puar e, ka thawhsan phawt ang che u" A tho a, kan nui ho dar dar a.


Kan kham vek hnu chuan ka u nen chuan kan sengfel a, tih tur dang em em a awm loh chuan tlailamah hi chuan ka uin thleng a sil a, keiin dawhkan ka seng thung thin.
Kan insengfel hnu chuan ka nu thei zai lepte ei hoin thut khawmnaah thu khawmin kan ti ti ho a, kan nui leh dar dar thin, a rei tak hnu chuan ka room lam ka pansan ve ta a, Lalhriatrenga pawh hi a va han reh em em ve le aw.engpawh chu nise tih tur awm lo emai movie en mai teh ang tiin ka movie ngainat ber Nerve chu ka en leh ta ringawt a.


"A nuam lutuk a sin, i kal ve duh em?.......Lasi te unicorn te an awm a sin ka hruai ang che" Tiin naupang chimawmi chuan ka banah chuan min kai a, kan lut chiah chu a eng lutuk, engmah ka hmu thei lo, eng lutuk chu a reh tial tial a, ka hmaah chuan lasi nula an tih ngei mai chu unicorn vai hlang, sam sei mawi tak mai nei chungah chuan a chuang a, a hmelthat dan chu ka sawithiam lo zawk, a eng phet phet mai.

Mahse ngawi teh, kha naupang chimawm zet nen khan an va in ang ve, ka bul chu ka en zeuh a, a lo awm tawh miah lo, naupang chimawmi kha a ni tak tak a niang a,....., mahse a van hmeltha chiang kher em, mawi em em a nui chung hian unicorn chung atanga chhukin ka lam a lo pan a,thawmhnaw a ha pawn ka hrelo, mahse a en em vang chuan a hmel bak engmah pawh chu ka hmu thei chuang lo. min rawn hnaih dan a zir zel leh a ke pen tin maite chuan hmangaihnain min tikhat nghal zelin ka hria, a hnai telh telh, ka hmangaihna pawh a pung sawt sawt niin ka feel, ka hmaah tak chuan dingin a kut hmalam chuan ka biangah zut thlain hlim sang leh mitmeng zaidamnaa khat chung a mi enin


"Hei,i hmuh chak tak chu i hmu tawh tiraw,min la ringhlel cheu em?"zawi te chuan a ti a,ka lu thing nar narin a mitah tak chuan ka en a,a van tha chiang tak em...ka tuiral vek thei tak ngial dâwn a mawni,khawvela hmangaihna awm zawng zawng hi ka thinlungah hian a rawn tuh nimaiin ka hria.


"Awle,a nih chuan tun atang chuan Elias nen hian min thlah zalen tawh ang che,kan inkârah lo inrawlh tum ve tawh suh"tiin vawi leh khatah hlauhawm tawkin min rawn au khum nghek a,a hmel zaidamna a khat chu a bo nghal vek,thaw kawk kawkin ka harh nghal hlawl a,ka hlauh reuh zia chu a,ka dangte chu a ro huam huam mai,sana chu ka en zeuh a,dar 4 chiah a lo la ni,mu leh tûrin tlai deuh si,thawh nan hma bawk si,khumah ka mu meng kar a,ka mumang ka ngaihtuah let chuan mak ka ti,kha hmeichhe naupangte kha tinge ka hmuh ni,Elias hi ka duh tih a hria mi le??

Ka mumang kha lem viau mahse a tak a ang ropui siaa,khalai hmunah khân lût taila lasi leh unicorn te kha a lo awm tak tak ngem le? Khanu kha mihring a ni lo tak tak aniang a,a lo chhuah hlawl dan leh classroom lam pana kan kal laia a awmdan zawng zawngte kha,aaaaaaa ka ngaihtuah peih tawh lo,awihawm loh lutuk mai,tiin ka inlu khup hmak a,ka maimitchhin chuan a hmeltha em em mai kha ka hmu,a hmel inno takte kha,duh lovin ka lu ka thing zui a.

Ni chhuakin ka hmai a lo chhun chuan min tiharh a,ka lo muhil leh daih chu niin,sana ka en chu dar 9 a lo ri dawn hnai mai,hmanhmawh lutukin ka tho chhuak a,ka nu pawh hi tinge min kaihthawh loh niii,.....
"Nu,tinge min kaihthawh loh a ka tlai dawn a nia"ti nang nangin choka chu ka pan a,ka mi hmuh avang chuan ka ding chawt mai
"Weekend a nih hi,i hre lo mi?"tiin Elias chu a lo nui vur vur a,aaaa ni dâwn tak ka theihnghilh chiang teh e.
"Ka va theinghilh chiang ve,hmanhmawh tawkin ka lo insiam ve a,ka hairstyle pawh duh angin ka siam hman lo"ka tih chuan Elias chu a nui nasa ngang mai
"I la ngai reng a nih hi, i la lawmawm reng mai"lawmawm te min ti,cool in tih ve nak lai a
"Mipa an lawmawm ngai love,enge hetah i lo tih?"ka lo ti sak a.


Ka nu chuan"len chhuah puiah a lo sâwm che nih hi,Elias i thianpa hi i puitlinna thuruk hi hrilh ve teh"ti pahin thingpui chu min lo pe zeuh a.
"Ihmaw nute,puitling lo ang deuhin lang mahse kei aiin a puitling a nia aw,tluk lohna ka ngah mai"Elias thusawi vang chuan a rukin ka nui seih a,a nuam ve e lawm le,i duh deuhin a fak che chuan i tum hmuk thei bik lovang.


"A lo nimaw,nih chuan inah hian a in la pangchang mai mai a ni maw....bawiha chaw ei la,in tlai lutuk a nge,traffic a tawt leh awm siii"a lo ti zung zung a.
"Nie,i hairstyle siam chhung ringawt pawh darkar a tling awm si"tiin min lo fiam ve zeuh bawk a,ka tin uaih a,a nui vur vur mai,hmuh a nuam leh pek viau e.

Chaw ka ei fel hnu chuan ka pi pangpar tui pe lai chu a hnunglam tang kuah theuhin a biangah fawpin ka kalsan nghal a,a ban min lo vai ve lauh lauh a,Elias bike ah zawk ka chuang a,chhuak dun tur tho si,lirthei a hran ve ve a ken kha a hnawk,khawvelah boruak chhia pawh kan siam hnem lo anga,amah ka hnaih theihna a ni bawk nga,a nuam zawk daih...


"Engmah pawh min hrilh lawk lovin tinge min lo sâwm thut a"tiin a hnunglam tang chuan ka va zawt a
"Ka rawn hrilh lawk che chuan i mut theih loh ka hlau a"a fiamthu tih chu ka hria,mahse a sawi ang ngei khan ka mu thei lo tak tak ang.
"Tak tak ka fiamthu mai mai nih kha,ka rawn call che a,a tlang thei lova,ka rawn sâwm risk tawp che nih hi"ka ngawih reng vang chuan a rawn ti leh a.


"Tih turte pawh ka nei ve thei sinnn,ti awm ang lo hle mai"ka ti fiamthu leh hnuhnawh a.
"Ah,i bialnute pawh i lenchhuah pui ve duh ang tih chu ka ring thova,mahse pangai taka kan inkawm lohna a rei tawh em hi,chuvang chuan mawle"inthiam loh hmel tak chuan min chhang a.
"Ka fiam che nih kha,tih tur ka nei hleinem,nangmah zâwk kha i bialnu chhuah pui lovin mipa i chhuah pui daih a,a titau ngei ngei ang le"tiin ka va fiam leh zeuh a.


"Thinrim mai mai rawh se,vawiin chu ka thianpa nên kan in date dawn a lawm le,vawiin chu couple ang maiin hun kan hmang dun nga ni mai lawm"a fiamthu mai mai mahnise ka lo hlim em em,tiang zawng hian min en hauh lo tih hre mahila min la duh ve ngei ngei tûrin ka siam dâwn a ni tawp .


"Eng ber nge kan tih ang?"
"Ka thawmhnaw tur vel min en pui nga,chuan kan naute Birthday present turte pawh"
"Chute chu hmeichhia nen a tih chi daih zawk ang chu"tiin ka lo chhang ve vat a
"Min chhuah pui chu i hreh viau mi?"kan kalna hmun tur kan thleng tawh sia,a sawi zâwm ta lo,ka inthiam lo ang reng,a bula awm tluka thlakhlelh ka nei lo na chungin min chhuahpui a duh daih hi ka hriatthiam loh em vang a ni.


"Enge kan leii sak ang?"
"Kum eng zât? Mipa nge hmeichhia tihte pawh i la sawi lo"
"Ni dâwn tak,kum 4 a tlinna tur nia,hmeichhia a ni e"
"Nih chuan hmeichhia chuan naute lem lamte an lawm ve deuh a ni lâwm ni"
"Nih chuan sawlai panda lem saw kan leisak mai dawn mi?"
"A darkcircle saw a hlau lo ang maw?"kan nui leh ren rawn phawt a.

Kan en kual dan dan hnu chuan
"Kristopher,enge maw zawk hi kan ti mai dawn mi?"tiin Teddybear a uk leh a var hi a rawn keng lang vu a,mipa ve ve tan chuan thlansak chu a har ve khawp,ka ngaihtuah vang vang hnu chuan
A uk zawk chu kawkin"heihi tha zawk mai lawng maw?a bal pawh lang har zawk nga,bâkah a hmeltha deuh zawk"ka ti chu nui sukin
"Nia,a dik tak ang,naupang chuan an tibal hma thei emai"a ti ve bawk a.
"Fa neih hi i ngaihtuah ve tawh ngai em?"ka rin loh lam daih min zawh vang chuan nui sukin ka lu ka thing ringawt a.


"Keichu ka ngaihtuah tawh a sin,a hun lo zawk zawk kan ni tawh bik lova, tunah nei nghal mai dawn lo mahila ka fate tana entawn tlak tak pa nihte lamin ka lo ngaihtuah tawh sin...."tiin a ngawi deuh dat a.
"Keichu ka ngaihtuah ngai lo hrim hrim,free tawka awm hi ka duh ber"tiin ka rilru tak tak chuan ka chhang a,mahse keichuan eng fa ve lul chu nge ka neih theih ang tiin ka ngaihtuah thung.


"Fa ka nei dâwn a nih chuan fapa ka duh,ka enkawl tha ngawt ang,fapa tâna hero ka nih theih nan theihtawp ka chhuah bawk a nih hi". A thusawi chuan min tihnual raih,ka nuam tihna te a bo zo dâwn,engtinnge keihian fa ka pe thei dâwn der silo,mahse ka ta nilo tur chuan ka phal bik chiah silo. A thawmhnaw turte kan en zawh fel hnu chuan inhnawh puar tûrin restaurant lam kan pan ve ta a.


"Nidangah chuan ka lo hrilh lawk ziah tawh ang che,ka chhuahpui na che hi a ho ropui sia,ka inthiam lo pah"tiin inthlahrun hmel deuh chuan a rawn sawi
"Chutiang pawh nilo,min rawn sâwm kha mak ka ti mai mai, bialnu neih laite chuan chhuah dun kha a nuam daih awm sia,ka tih vâng mawle"
"Pangai taka kan inkawm lohna rei tawh zia i hria em? Ka ngai ve che a,hun hman dun leh mai mai kha ka chak a lawm,mahse kan tleirawl laia kan thawven ang khâ chu a ni thei tawh lo nih hi"a ti a,ka ngai che a tih chuan ka lo nuam leh veng veng tawh mai.hlim taka kan ti ti dun lai chuan Elias rawn kotu an awm tlat.
"Inlêng chhuak ve a law"tiin min lo melh dun a,hmeichhe naupang chimawmi kha a thiannu ni ngei tûr nen,ka mumangah pawh min tibuai a,a takah pawh min tibuai leh zêl a nih hi.


"Aw,thil in lo ei ve dâwn mi? Lo thu ve ula"Elias chuan a lo ti vat a.
"Awle"tiin an rawn ṭhu thla ve nghal a,Elias nen chuan an inbe leh siam siam tawh,ka ning,ka hun tha ka chân ziah mai,he nau vang hian,en loh tum eng ang mahila min hmachhawn zawngin a ṭhu ve miau si,a nui leh sen sen thin,a hmel chu ka mumang a mi nen khan a inang hle mai,mahse a eng phet phet ang kha a awm ve tawh lo a ni mai,Elias hi a duh chiang a lawm le,he nau ang hian mipa vêk tan chuan mi hipna ka ngah awm silova aw.....engtin nge maw ni dâwn ni????.....



(Mihringte chu duhamna hlir a khat kan ni, pakhat kan neih chuan pahnih neih leh kan duh a, a aia tam neih zel kan duh thin, chuvang chuan he khawvelah hian lungawina famkim reng a awm lo, hlimna zawngin tlan tlan mahila hlimna tluan tling tak tak a awm thei lo, kan hlim zin poh leh lungngaihnain min hmuak zing a ni mai.

Chuvang chuan i hringnun zin kawng kha midangin an zawh sak thei lo che a, nangma pual liau liau, he khawvel a midangin an tawmpui ve theih ngai loh tur che, nangma ta bik liau liau, van thleng a kan chhawm tur a ni si a, i hringnun zin kawng Pathian in duh taka a pek che chu nangmah ngeiin zawh la, han fight teh le💪

Fighting/ Su su na💪

Muttui mangtha vek uleeee👋🥰)

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25793
Joined: April 30th, 2016, 4:07 pm

Unread post by Ngaia » February 7th, 2021, 6:38 pm

Elias chuan"In haw hnai tawh em?"tiin a zawt a
"Aw,thil ei zawh hian haw nghal kan tum a"
"Êngin nge in haw dawn?"
"Taxi kan la mai ang kan tia"
"Kan rualin lo haw ru ti dawn ila bike a ni bawk sia,a va zia lo e aw"tiin ka lo in la polite vel a
"Pawilo,tihkawi tur kan la nei a"nui sen sen chuan min lo chhang leh tawh,a hmel hi chu tha an ti hlawm ang mawle,Elias hi ka vên uluk hle a ngai dawn a ni.




"Tluang takin inhaw dâwn nia aw,mamawh i neih chuan min lo hrilh leh mai dawn nia"
"Aw,ka lo bia ang che,ka lawm tuk,a nih phawt u"tiin keipawh chu min lo nuih ve leh sang a. Inbia tihte an sawi,enge maw an sawi thin ang aw...




"Kan thleng ta,vawiin chu ka lawm khawp mai,keimah chauh chuan hetiang zozai hi ka lei thei hauh lovang"
"Nia,kan inkawm lohnate rei tawh sia,hun hlimawm tak hman dun lehna chance a nia,a lawmawm hrim hrim,lo pêng rih la"
"Ngawi teh,ka tlai zo palh ang,i bula awm hi chuan ni hi kan indaih lo thin sia,chuvang chuan haw ila tha zawk ang"nui pah huah huah chuan min fiam zeuh a,kan in mangtha fel hnu chuan inah ka lut a,ka pite chuan min lo lawm nghal vat a,an lawm zawng tur tak eng eng emaw ka sawi pui zuai hnu chuan ka room ka pan san ta a.





"Ka lo lut thei ngem?"tiin ka nu chuan kawngka a lo kik a,ka lo chhawn hnu chuan a lo lût a,hawi kual vêlin ka khumah chuan a ṭhu a
"Lo ṭhu teh le"tiin min hui zauh a,ka ṭhu thla chiah tih chuan ka kut a lo vuan vat a,a ngaihtuah tur awm ang chu ka hria,a hmelah min ngaihtuahna a lang bawk.
"I ṭha a maw? Engkim a kal tluang em?a hreawm viau em?"tiin min zâwt a,Elias ka duh tih hi ka nu leh Hriata bakin an hrelo,ka chhûngte chuan mipa ka ngaizawng tih an hre ngei a,mahse ka ngaihzawn ber an hre lo a,bâkah kan inah hian ka nihna hi an sawichhuak ngai lo hrim hrim.




"Nu,min ngaihtuah suh,puitling ka nih tawh hi,ka ṭha lutuk"
"A laka i rilru put hmang hi a la ngai reng a ni tiraw"ka sawi ngam teuh lo,ka lu ka bu ringawt,a thaw hawk a,ka nihna hi min pawmpui lo mahse an sawisel ngai chuang lo.ka pianpui rilru kha a ni miauva, midangte angin an fapa an hmangaih a ngaihtuah em em chu an ensan ve thei lo a lawm, harsa ti tak chunga min en liam mai a ngai ngei ang.


"Ka lo ngaihtuah lutuk che a,i hmuhte hian nuam lo i ti viau ṭhin ang tiraw,mahse puitling takin awm rawh aw,i thian a nih kha,hrereng la"
"Awle,ka nu min ngaihtuah reng reng suh,engkim chingfel thei rual ka ni ve tawh lawm"
"Awle,bawiha nih chuan chawl hahdam rawh,ka naute pawh a lo puitling ve tawh a nih hi"ti zeuhin Ka biangah min piai zeuh a,'nu'ti vakin ka zuang tho zawk a,ka nu chu a nui hawk a,min chhuahsan ta a,min ngaihtuah ngawt ang,a chhanchu ka nuin a hriatchhuah khan ka nu hnênah khan rilru na takin ka nihna ka duh loh thu zawng zawngte ka sawi a,ka thianpa ngei ngaihzawnte ka duh lo zia pawh,ka nu chuan min hrethiam em em a,min khawngaih bawk,tûnah pawh keimah vangin a ṭap leh ngei ang,mahse Elias ngaihzawn ka tum thu ber chu ka sawi dawn lo hrim hrim,a na leh zual dâwn lutuk.





Engvângin nge maw Lalhriatrenga a phone call reng reng hi ka dawn loh awww,a rawn kal bawk silo,a lo tuarna viau em maw ni,ka'n be mai teh ang.





"Lumit,i lo kal dawn nange? "
"Min ngai tawh mi a?"a aw tang chuan mu a ang riau,ani hi a lo tuar na viau em maw ni le..
"Ngaihte chu hnai love,i reh sia,i lo tuar na lutuk a nih takin ka lo nuih ang che ka ti mawle"
"Zîng tang ka la tho lo hrim hrim,ka inti fai nga,zan riak nghal tûrin ka lo phei ang"tiin phone chu a dah nghal a,tiang hian a awm ngai lo,in lamah buaina a nei nge a tuar na viau zawk.




"Min ngai viau si,engtin nge i lo mutthilh leh theih zawk"ti a min lo sawi nawk nawk chu ka inkhuh tha sauh sauh a
"Ka chau lutuk,mi rawn tibuai lo teh"tiin ka nam sawn pawp a. Ka bulah chuan lo lêt thla ve tawp,nidang ang chu nise nasa takin min kaitho leh ngei ang,a ti tlat lo,min lo sawi leh nawk nawk hun chu ka nghâk tiila dik ber ang,a tih tak lohah chuan ka han meng diar diar a,a lo maimitchhîng daih.




"Hei,i va la na awm ve a,ani ai thate chu i hmu leh nghal ang ka tih mawlh mawlh kha"thaw hawkin a kut chu a lukham a.
"A....tiang lam pawh nilo,ka chau deuh mai mai mawle"aw...an inchhungah thil thleng a awm chiang,amah mai chuan a sawi leh hauh lovang.




"In lamah thil thleng a awm a ni maw?"
"Awm em em chuang lo,tunlai boruak hi ka ning deuh mai mai mawle"tiin a thaw deuh hlawi a.
"Sawi mai teh,tianga mahni a pai reng hi chu a tha lo tih i hriat ve reng kha"ka ti deuh salh a,nie mipa chuan kan rilru a kan thil paite kan sawi mai mai ngai lo,kan thiantha ber hnênah pawh,mahniin kan pai mai thin kha nia,keipaw'n min zâwt fe a nih loh chuan ka sawi ngai lo ang takin ka zawh fe a ngai,mahni a pai a tawp up up a awm ai chuan sawichhuah ve hi a hahdam thlâk fo si a.
"A.....englo nia"a ngawi leh ren rawn a,a lam hawia kut lehlama inbeng kangin a hmel chu ka en a,a la maimitchhîng tho nangin a zawi hle tih chu ka hre thei.





"Bethsebi(a pa nupui)khan in chhûng a ka nu thil awm ve zawng zawngte leh a sulhnu awm thei tur ang zawng zawng kha a paih bo vek tih chu ka hrilh tawh che kha,mahse keima'n ka room ah a thlalakte,a ngainat em em camera te ka lo dah that chu engtin nge a lo hmuh pawh ka hrelo,ka hriat loh karin a lo paih vek a,Bawipuiin(a pa leh a nupui fa tê ber)camera chungchâng vel chu a sawi a,ka hriatchhuah chuan a lo tlai tawh lutuk,bawlhhlawh paih motor in a lo paih hman tawh sia,chupawh keimah ngeiin ka paih a,ka thinrim lutuk chu ka an khum hrep a,kut hial thlâk ka duh,mahse hmeichhia em kutthlak chu ka ti bawk si chu kan bula no awm chu ka vawm pawp a,a khawk let chuan a chalah a fuh a,ka pain a lo hriat chuan min hau hrep a,kan inhnial hrep nghe nghe,ani(apa nupui)a tap hluam hluam tawh sia,ka pa chuan kut hial min thlâk a,nidang ang chu nise ka inthiam lo viau ang,hmeichhia tihnat hi ka duh reng reng lo,mahse tun ṭum chu khawngaihna leh inthiamlohna chhete pawh ka nei lo,chawh ka ti em em zawk,kha ai na kha tuar se ka duh,a luahlan a,engkim a ta zawng zawng a neih sak vek hnuah pawh ka room a ka lo dahthat ve tlat chu tinge a ngaihtheih loh em em ni,ka thinrim lutuk hi ka so bulh bulh mai,in chhuahsan daihte hi ka duh,mahse ka nu sulhnu awmchhun a ni tawh si"lungngai tak chuan a tichhuak hap a.




A sawi zawng pawh chuan a la thinrim hle tih ka hre thei,a thisen zam pawng ṭawlh ṭawlh aṭang chuan,keipawh chu ka thinrim hle,hmeichhia mai maiin a chutiang em em a thil a tithei chu ka thinrim,keichu niila hmeichhia a nih leh nih loh pawh ngaihtuah lovin kut ka thlak ngei ang,an thiamlohna pawh ni lova inla pa taka pasalin nupuite kut thak hnawih nana an hman hi chu ka ngaithei der lo,mahse an thiam lohnaah chuan mipa leh mipa pawh kan insual thin ang hian,kutthlak ve mai tur,hmeichhe thenkhat chu kut kan thlâk duh loh vang hian an huangtau ve thin bawk a.





"Bethsebi hi chu engtik niah emawni chuan kut ka thlak lovang tih hi a sawi theih loh,a huangtau mah mah a nih hi"ka tichhuak sap a.
"Engkim hi ka pa thiam loh vek,ka pa a nih tak tak pawh hi ka ring tawh lo"rilru nat hmel tak chuan a tizui sap a,a dar a beng thek thek pah chuan
"I inngaihtuah ngut ngut chuan tha lovang,bâkah cool taka awm kha i inhmeh ve lo nia"tiin a rilru lâk pen tumin thildang ka sawi pui a,games te kan khel a,a hlim leh phian,heihi lawm ka thiana ka chhuanna em em chu,rilru hahna tur chu nitin a nei ngei ang,mahse a inhneh tîr duh ngai lo,mi chak an tih fo thin chu ka thiana ngei mai hi a ni mai dâwn lâwm ni???......




Chawi ei pawh a lo hun ve ta reng mai,ka nuin min lo ko a,chaw eite kan siam fel hnu chuan chaw kan ei ho a,hlim takin kan ti ti tlang a, Hriata pawh a nui leh hawk hawk tawh,a nui hmel ka hmuh hian ka rilru a tina reuh e a.


Chaw kan ei kham kan seng fel vek hnu chuan chhungkaw ṭawngṭaina kan nei a,ka nu thei zai lêp kan ei ho leh te te a,kan ti ti a,kan infiam vel thul,chumi hnu chuan room lam kan pan san ta a.




"Taka,ka theihnghilh dawn lawm le,Puipui chungchang kha"tiin a mu zangthal thuai a.keichu ka lo phur ngang mai,ka hrilh atang buaina neuh neuh a awm a,ka hriat har phah,phur taka mu ve nghalin a sawi hun chu ka lo nghak a.



"Ka thianpa pawn a hrechiang vak bik lo,Puipuii hi khawtlang velah a vang ang reng a niang,mahse Elias te nên chuan an in chu a inhnaih a,chuan an inpawh em em bawk,hmeltha ve viau lo phei se chu an vengah chuan tuman an hre lovang a ti nih chu"a va ho e awww,ka lo phur ve tehreng nen a.




"Chu zawng chu,ho ve"ka tihnual rawih a.
"Nia,a khawvel mi lo ve em a,en mai pawh khan a hriat em kha,a chanchin chhui ngaihna vak ka hrelo,Elias nen hian chuan ka hmu dun ve ziah,an rawn kal dunin haw pawh an haw dun leh tlangpui,ka hmu ziah mai"ni tak,Elias ka hmuh hmasak ber pawh khan a bula lo awm ve kha a ni chiang lutuk.




"E,chuan maw Elias te chu an inthen tawhin ka hria"phone ka khawihsan daih chu rang tawka hmet thimin
"Enge maw? A bialnu nen maw,tinge le?"ka tinghal thuai a.




"Ka hre bik chiah lo,mahse buaina kha an nei ve zeuh zeuh thin a,a bialnu kha a khirh ve lutuk a,bâkah a lêr thak ve an ti,mahse an inthen chhan chu anni baka hrechiang tur an awm lo,i hriatchian duh chuan Elias zawt mai rawh"ka zawh ngam loh a rin vâng chuan a ti deuh kher a.





Elias ang mipa perfect lutuk laka lo khirh viau leh lo lerh san chu an inthen chu ka tan chance a inher ka rin vanga tha tih pawh nilovin a phu lo ve hrim hrim,heiha ka chance a tha dâwn,a single phei chuan mahse kha nau Puipuii an tih vâng hian ka chhe der thei bawk,naktuk tang chuan an awmdun tûr ka pawh then zêl a ngai ang,nasa taka hma ka lak a ngai tawh ni.





A tuk.

"Lumit,tho nghal rawh,i hnar ring ropui si,min timu thei lek lo a nia"tiin ka ke hmang chuan ka va sawi zeuh zeuh a,peih lo taka lo meng diar diar chuan
"Ehe,zing a lo ni tawh law?"
"Zîng mai pawh nilo,chhunlai a nih tawh hi"a meng kawk a,a mit nuai nak nakin a ding thut a,a luhai a ṭhu thla leh hnawk chu bangah chuan a intauh chawrh a,nuih vakin inhnuai lamah ka chhuk san a.




"Ehe,Lalmuanpui,min bum a ni maw,chaw kan ei dawn chauh hi,api Kristopher vang vek hian luhaiin khumah ka tlu tawp a nia aw,hei ka lu pawh ka tauh phah"a inla naute leh ngang mai,.
" A thluak thawl tawh tawh nen a thawl belh leh ngei dawn nih chu"tiin ka u chuan a lo fiam ve zeuh chu ka nuih vak vak a, ka u melh rum ngam silo chu keimah rum tawkin min rawn melh a, ka pi chuan a lu chu dawm sak vâtin min lo hau chu intithei fahranin lei min lo chhuah khum.



Vawiin chu Chawlhni a nia,kan ei kham chuan inkhawm tûrin kan insiam sang sang a,Lalhriata pawh ka thawmhnaw a hak mai loh chuan,a ngai ngaiin kal tawp theih hek lo,ka chhungte kohhranah an in hmang em em a, dam phawt chuan ka pa hian inkhawm ngei hi a tih tlat thin vang hian keichu Chawlhni chhun inkhawm bak hi chu kohhranah ka tel ngai lo,a chhanchu ka nihna leh Pathian tih hi a inmil tlat lo,chuvang chuan vawh chuan vawh law law ka duh zawk,Chawlhni inkhawm pawh hi inthiam vak lo chungin a ni ka tih thin. Chawlhni chu kan tlingtla ve leh hram e, Hriata pawh kan inah chuan a tal ve ang nawk nawk a,a chhungte pawn an rawn ngaihven zui ngai lo,a tellovin nuam ti zawk tlat hek.




"Pi khawnge Hriata hi"tiin ka pi bulah chuan ka thu thla a
"Ka va haw ve nge a ti nih kha,Krist nên kan ban hun a inrual lohvin innghah reng a ngai thin a,a ninawm emai,ka haw phawt nga ka lo kal leh ang a ti a nih awm kha a"tiin min lo chhawn var a. Chawte kan ei fel hnu chuan kan nitin tualchaina hmun lam chu kan pan leh sang sang a.




Class kan nei zo chu hmanhmawh ang reng takin kan club lam chu ka pan nghal a,a chhanchu Elias te chu hotu an nih vang hian an kal hma thin vangin Puipuii ai khan ka thlen hmat a ngai,an kal dûn a an haw dun fo chuan ka tan chance a chhe telh telh dâwn a,ka insiamrem ve zel a ngai.




"Hei....,i lo kal tawh nimaw,vawiin chu en pui leh kha a ni mai a,karleh leh pek hian inelna a awm anga,chuan inlawmluhna hunte kan hmang dâwn a,music club hi chuan kan tinuam thei bîk a nia aw,min lo tel pui ve hi chu i inchhir lo hrim hrim ang"tiin Elias chuan min lo hrilh siam2 a,tinuam lo mahse ka inchhir lo hrim hrim,a bula awmna chance tha tak ka neih phah a,chu chu nuam ka ti daih zawk.




Club member te pawh an lo kal leh sang sang tawh,anmahni zirin an zir ber a,a thiamlo falte kan thut chilh a,a zia deuhte chu an inzirtir veleh chhâwng.




Puipuii pawh vawiin chu a lo kal ve ngei a lawm,a han thiamlo laileng khawp leh nghal a,a ki dikin a perh eih lo,a bei ngawrh ve sia,ka nuih a tiza reuh lutuk,ka en vung vung a,a bei ve fan fan hmelte,a tumruh lutuk vanga a thlan lo bâwl ṭiam ṭiam te leh a biang tai tek te chu ka thlir vung vung a.




"Eng thil nge i lo ngaihtuah vung vung a?"tia Elias in min lo vai zeuh chuan ka phu zawk mai,a nui hawk a.
"Eng ni love,min bia em ni?"ka van che thing tak,engvanga saw nau pawh chu lo thlir veng veng nge maw ka nih reng reng ni. Ka lo thlirna lam en zeuh a nui suk pah chuan
"A,saw lai a ṭhu saw i lo va puih lawk mai dâwn em ni,ka tia,a ti fuh hleithei lova"tiin bang kil lama thu mipa pa1 chu a kawk a.
"Awle"tiin ka phei zui nghal a.




'Helai hi i hmeh chuan chumi kî chu a nia,heihi chumi khami chu' tia ka hrilh mawlh mawlh lai chuan hlim nui thâwm ka hria,ka va hawi phei chu Elias te lo ni rengin Puipuii kha a lo zirtir ni ngei tûr ni,an infiam nui vel chu lo niin,ka thinphu a rang nghal vek,ka awm pawh a nuam thei tawh lo,ka zirtir tui tawh hlawl lo,chutah ka zirtir ber kher lah hi tuai a ni lehnghâl Shikhar rim nam si,man thei hlawl bawk silo.




Nidangah pawh chuan kan inzirtir chhunzawm zel a,a thiam thei lo pawh a nilo,a thiam lo derin ka hre tawh zawk,min ngaizawng deuh reuh leh nghal a maw ni,ka ning lutuk,Shikhar rim nam huam huamin min han thawk khum phei hi chu ka ch$ zawt mai dawn mawni.



Elias te pawh an inzirtir ve fo a. An awmdun fo saw ka ngaithei lo,hepa hi ka lo ning tawh nen zir thleng pui daih a ngai a ni,mahse Elias ang mi fresh lutuk saw pa bula awm tir chu ka phal chiah bawk silo,a.....ho mai mai a tuar ve tawh nga nimai,Puipuii nen inhnim hnaih leh zualna chance ka siamsak dâwn lo a ni tawp,vengkhat,in inhnaih tê,kal lam leh hâwn lama a rual zêl chu chu a tawk chiah,helai hmunah leh zêl chuan ka pawh ṭhen a ngai.




Chawlh kan neih lai chuan.
"Aaa...Elias zirlai inthleng ila"tiin bul ka ṭan a,
"Tinge a?"
"Aaaa....kan inman hlawl lo niang,a thiam thei thlawt lo,nangin han zirtir ve la a man deuh mai thei sin,hei inelna pawh a hnai telh telh sia,a la thiam thlawt lo"tiin ka han ṭang em em a,a bul a awm ka nin chu thuhran,Puipuii bula a awm loh dan ka ngaihtuah a ngai.




"Animaw,nang mi Pro lutuk in i zirtir pawh a thiam theih loh chuan ka zirtir chu a thiam thei bîk dâwn em mawnile,mahse nie naktuk tang ka lo zirtir ve chhin hrim hrim dâwn nia"a ti a,ka van lawm kher emm,a Shikhar rim ka hip lo tur ringawt pawh ka lawm.......




"Pro deuh zirtir ai hian thiam ve deuh hlek zirtir hi a thiam hma zawk ka ring"inla confi vel lutuk chuan ka fiam zui nghal a,a nui huah huah a,naktuk atang ka pawt then thei tawh dawn eee,huhuiii.





"I va tlai ve,i thiam loh loh nen"Puipuii rawn kal mek chu kawngkhar bul tang chuan ka ti a. Min rawn en he haw ringawt. A hnungah chuan zuiin a ṭhuṭna bulah chuan ka ṭhu zui ve nghal a,mak a tih hmel deuh.




"Khawnge u Elias"
"Chu ah buai ngai lo,vawiin tang keima'n ka zirtir tawh dawn che"phawk fe chuan min lo en a,a guitar chu a melh zui lehnghâl a.
"Ngati maw?"
"Elias chuan i thiam thei lo lutuk a,a zirtir peih tawh lo che,chuvang chuan tan ang le"
"Ka awih lo,nimin pawn i thiam chak lutuk min ti,i zirtir ka duh lo e a"deuh deuh chuan a,kuk fawk ka tum kut ka han la kang deuh hlek,mahse ka kuk chuan tap ta se,Elias in a lo hriat chuan ka buai thui mai mai ang tih ngaihtuahin ka kut chu ka dah thla leh a.




"Duh lo eng ang mah la,ka kutah a dah fel tawh che,tan ang"nelawm lem loh tak chuan ka tih khum hmak a,tha tak chuan kan inzirtir ve mai a,a man chak reuh em em lehnghâl,hlate chu kan han sa chhin vela,a thiam reuh lutuk,ka chhuang ru phian mai.




Haw a lo hun leh ta reng mai,homework te chu ka han pe vel a,Elias te nên chuan kan chhuak ho a,a zirtirpa chanchinte chu ka han zawt vel mai mai a.




"A thiam lutuk a lawm le,kei zawk ka va kal daih kha a ngaihdan a lo ni lo lutuk a,'ka thiam vek,zirtir ka ngai lo,a bula ka awm duh vangin ka intithiam lo der mai mai a nih kha',a tia lawm,midang ka en pui daih"ka van thinrim eee,ka hun leh awte ka lo seng ve hrep a,thiam lo der na na na chu thiam theih ngaihna awm miau silova.




"Theihtâwpin ka sawi fiah ve a,a thiam lo der lek maw"tiin ka ner nang a,Puipuii chu a nuih lo za leh tawh lutukk
"Tinge i nuih a?"ngaihdan nilo deuh chuan ka zawt a.
"I nuihzatthlak reuh em a"
"Ka nuihzatthlak na ka hre ve lo e a"
"A star vang che a thiam lo der tih i hrethiam ve mai lo mi?"tia nui hawk hawkin min lo en a,Elias pawh a nui,ka ngaihdan nih loh zia mai chu.



Brandon(tuai pa)lah tu emawin bike ah phûrin mawng pauh er mang ta rain a thu a, min lo bye bye lauh lauh a,flying kiss te chu min la pe ang deuh deuh,ka thinrim zia mai chu aaa,ka ten lutukk,keihian mipa chu ngaizawng thin mahila tuai hi ka ten lutukk,a chhan ka hre bik lo,kal zaw zawte leh makeup inhnawih te,hmeichhia ang mai a awm hote hian ka luak an tichhuak,anni nen chuan kan danglam hlak ka ti mai.



(Lantern min lo chhiar sak ve hram hram thin tute chungah lawmthu ka sawi e, in duh ang leh ngaihnawm tih ang a ni lo mai thei a, gay lam a nih vanga hnawl nghal mai lo va min chhiarsak hram hram vangin ka lawm e. 🤗😘

Invaiin in awmna hmun teuhvah him leh dam takin lo awm ula, a leh pek leh zelah pawh min lo chhiar sak zel tur in ka ngen nghal bawk che u a, inngaihdante inthlahrung hauh lova min lo hrilh zel turin ka ngen bawk che u a, thurawn tha tak tak leh sawiselna chenin dawng turin ka inpeih reng e....

Invaiin mangtha muttui bik riau ulee..... 😘😘)

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)