LANTERN BY Tee Cey (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

Re: LANTERN BY Tee Cey (Completed)

Unread post by Ngaia » February 7th, 2021, 6:39 pm

Puipuii nen pawh chuan kan inzirtir chho zel a,kan inmil phian mai,amahte hi mi hriatthiamna a ngah em em a,thu a awihin a inthlahrung thei ropui siii,a nui sen sen hmel ka hmuh tawh hi chuan awm hi a nuam em em zêl tawh mai nii....




"Wow,Da Boys a an guitarist kha i ni tiraw,a taka ka hmu thei che chu ka van lawm em em"tiin hmeichhe pathum vêl chuan min chibai an lo tum a,lar kan khelh vang leh midangte hriat kan duh em em vang pawh nilovin nuam tih vâng leh harhvan luata kan band din ve mai mai helai Mizoram ah daih an lo hre ve hi chu ka zak zawk e a.




Kan in chibai a thla velte kan lâk zawh hnu chuan ka kalsan ta a,nuam ka ti lo,mite hriat deuh nih hi ka peih lo,lar khelh peih deuhte hi an taima ka tiin ka chhuang zawk mah,milâr nun hi la tem lo mahila anmahni en mai hian a nawmna chin a awmin a nawm lohna chin a tam dawn lutuk,private life ah lo inrawlh phet an tum a,kan ngaihzawng turte thlengin min thlansak an tum anga,an lawm loh zawngin awm ila min sawisel hrep anga,milâr mahni inthat tam takte pawh hi heng vangte hi a nih ka ring thin,mahni inthat ni mahse a chhan takah chuan fans te nawrna te,haters te sawiselna zawng zawngte khan pressure na tak a siam sak a nga,rilru lam natna nasa tak a thlen thei dâwn chiang lutuk,thil tha kan ti emaw ti lo emaw mi sawisel chak hrim hrim mihring an awm thin si a,private taka khawsak hi ka duhdan a ni,midangte tih lawm ngai reng a nun hman hi ka peih zawng a ni ve lo.




Milâr kan nih chuan kan zalenna neih ve kha a bo tiin ka ngaihtuah thin,chuvang chuan a kil a lungte pa1 lo nih ve mai mai kha ka duh zawk,hotu nihte hi ka peih lo,a sir a lo ṭhu ve mai mai kawhmawh bâwl ching ni chuang lo ila,tu vak man min hre lo se tih ka duh.






Mahse hei ka hmelin a lo zir nge hmeichhia min lo betute pawh an awm ve nual,min ngaizawngtu neuh neuh pawh ka luhna la rei loh nen ka nei nual ta mai,chuan Mizoram ah ngei pawh ka nihna ang hi a lo mikhual teh chiam lo,gay chuan a gay pui vek hi chu a hre thei ve lutuk,mipa pangai anga lang,min beisei vetu pawh ka tawng ta zeuh zeuh mai,Mahse Elias ah chauh ka rilru pêk ka duh a,chuvang chuan tumah ka be let ngai lo,lo be let ila beiseina beidawn thlâk bak ka siamsak awm tawp silo,mi pahnih inlaichinnaah hi chuan fair taka kal pui hi ka duh dan a ni.









Inelna kan buaisaihna ni pawh chu a thleng a,an tiṭha ve hlawm khawp mai,an thiam tlang hlawm viau,zir thar te te mah nise,inlawmluhna ni a lo thleng ta reng mai,keimah ang lo takin ka phur ve hle,picnic spot kan hauh a,chutah chuan kan kal dawn a ni. kan innghah khawmna hmun tur ka thlen chuan Elias te pawh an lo awm vang tawh.







Puipuii te nên chuan an lo ti ti a,ka va pawh ve vat a,Puipuii tawng lai chu a tawp hmak a,he nau hi tinge maw min pawh theih miah loh ni,min pawh viau a mawni ka tih pawh hian a inla hrang tlat zel hian ka hria,ka hlauhawm viau em maw ni,ho emai,ani inpawh tîr vak a ṭûlna ka hre love,bus chu kal tho Mahse mimal a lirthei a kal duhte chuan mimalin kan kal mai a,bus hi vawikhat mah ka la chuang ngai lova,chuan pawh ka tum hek lo,hetiang lirthei lian pui puite hian min tizam thin,ka ngainat zawng a nilo.






Elias chu bus in a kal dawn bik,aw.. tinge le bus a kal ka lo tum ve mai loh le,Puipuii nen khan an chuang dun dawn sia,ka ven a ngai sin mawle,aaa.....nidangah pawh an kal dunin an haw rual fo a,tun ṭum chu awm dûn tîr leh phawt mai ang,bus chuang tur a va in sacrifrice kha ka peih lo.






A hmun kan thleng chu a nuam reuh viau,Mizoram hi a lo pui ve hle a ni,kan ramin thawhchhuah nei ve lovin châwm hlawm mai mai mahniila hetiang ang hmun nuam lutuk din theihnate hi kan lo nei ve tho a,i han chen ve hrep teh ang.








Hlim takin kan hun kan hmang a,tui kan cheng a,tuiahte ball kan beng a,a nuam phian,Brandon erawh a ninawm sek mai,a rui deuh a mawni,ka bulah tal tam a tum,a ninawm riau,inla no vel lutuk,zu rim,Shikhar rim,a rimtui inhnawih zawng zawngte nen,ni sa bawk si,ka nuam tihna te a bo zo vek,ka ning ta lutuk chu tui atang chuan ka chhuak daih a,min auh zui lauh lauhna pawh chu ka ngai pawimawh peih lo,polite vel vak hi ka tum lo,ka nih lohna a ni miau a.







Puipuii chu pool sir deuh hlek a amah tê chauh a lo ṭhu chu ka va hmu a,min lo hmu chiah chu a lai deuh emaw ni a kûn daih a.
"Tinge tuiah i chen ve loh a?"
"Ka cheng lo mai mai,tinge i lo chhuah daih a? ?"
"Tuiah rawn namthla tûr chein ka rawn kal"
"Hei timiah suh aw,ka duh miah lo nia"hlauhthâwn hmel ang reng tak chuan a ti a,tuiah han paih thla ila a nawm ka ring tlat pek a.







"Elias in lo cheng ve rawh a ti che lawm"tiin dawt chu ka han hrilh a,Elias tih ka sawi tak vang nge meng deuh kawkin
"U Elias maw,ka van awih chiah lo"min rinhlelh hmel tak chuan a ti a. A tih vel danah chuan Elias chuan a duat hmel ka ti ngawih ngawih, engtin emawni ka awm leh zawk
"Tak tak lawm,nangman i chhuk thla hreh viau a nih pawn ka vawm thla thei che"ka tih zawng chuan ka mitthlaah ka vawm thlâk laia a au vel tur hmel chu a lo lâng a,ka nui suk a.





"Ka awih lo e,u Elias chuan lo intihuh miah suh min tia sin"hmmm an va in care vel ve,nge nia tui chen kawr vel sexy deuh a hak khan,nilo he nau hian a ha sexy lul lovang,ti zawk hian han suangtuah ṭha lawk teh ang,tui chenna thawmhnaw bul lam,leh a taksa leh thawmhnaw tuiin a tihhuh vanga a bet tur vel a ngaingam lova nga a chen ve a phal lo em ni,chen ve chak hmel deuhvin min lo thlir reng tho sia,ka vawm thla lui tho tho dâwn a ni tawp .





"I rawn kal dawn nge ka vawm thla dâwn che?"mit ko tihsan khum zeuh chuan ka ti a,
"Aih,ka rawn kal dawn lo"
"Nih chuan vawm thlâk i duh tihna"ka tih rual chiahin ka chawi a,tuiah chuan ka vawm thla nghal pawp a,a pil bawk a,a rawn chhuak leh,tui a hak deuh ni ngei tûr ni ka nuih hak a,midang ho pawh chu an lo nui ve dar dar hlawm a,a rawn hleuh phei ta mai,a hleuh thiam reng sia,tinge mawni a chen duh loh vel ni.





"Puipui,i tha em? Chhuak nghal la,intihul nghal vat rawh,hmanhmawh in"tiin Elias chuan a rawn hleuh phei nghal a.
"Kristopher,i va â ve,khatiang kha fiamthuna chi a ni miah lo a nia"tia thinrim hmel takin Puipuii chu restroom lamah a hruai phei ngal a,ka hrilhhai ngei mai,min en ṭhup hlawm a,awmzia ka hrethiam lo e a,tuiah ka theh thla ringawt a,tlemin tui a hak a,chute mai chu,hrilhhai takin ṭhuṭna lamah chuan ka phei hnak hnak a.





Ka inngaihtuah nasa mai,eng ber khan nge a thin tirim ang aw.....elias thinrim ka vawikhat hmuhna,chupawh ka chungah leh nghal,a van hreawm tak emm... Restroom lam chu ka va pan ve ta ringawt a. Elias pawn a lo chhuak chiah nen chuan kan innang fuh chiah a,ka inthiam lo lutuk chu a hmel pawh ka en ngam lo,Mahse ka inla confi lui tang tang a.






"Pawi ka ti lutuk,ka lo ṭawngkhum na deuh hlek mai thei che a,Mahse ka hlauthawng lutuk a,engmah i hre ve lo tih pawh ngaihtuah lek lovin ka lo an khum che a,min ngaidam dawn nia"a rawn ti chu ka bo tulh tulh.





"A ho tuk,ngaihdam dil tur chu keimah zawk a lawm,Mahse tinge i hlauhthâwn em em a?"
"Puipuii hian tui elergy a nei a,chuvang a nia,ka hlauhthawn em2,Mahse engmah a thleng hman love,va lût rawh,an bag vel ka va lâksak a nge"tiin min kalsan ta a.







Agnes(Puipuii thiannu)chuan a lu a lo chhêm ro sak mek a,Puipuii chu a mit a lo chhing diar diar a,aw thian kharhin ka va pên lût a. Agnes chuan ṭhu tur a min hrilhin chhuanlam siamin min chhuahsan ve nghal daih a,sawi tur a van vang,hreawm tak a ni.






"I ṭha a maw?engtinmah i awm lo tiraw"ka ti nghal Tlawng a,ka tihpalh lutuk tih sawi dawn khan ka awmah min hnawh tlat
"Min hmuh ang hi ka ni mai,ka ṭha lutuk e"nui sângin min lo chhang leh tawh.
"Elergy i nei tih ka lo hre miah lova,pawi ka ti takzet"
"A ho lutuk,hriat lohte chu awm ve thei lawm,keima thiamloh a ni,ka lo hrilh lo che kha"henu hi chu duhawm titu tan hian chuan a va han duhawm chungchuang dâwn em....,a neitu chu mi vannei tak a niang,tun ang dinhmunah pawh amah a inthiamlo zawk a nia.






"Hreawm ka ti takzet,Elias thinrim ka la hmu ngai miah lova"
"Animaw,nia a thinrim khat,a thinrim chuan a den lutuk a sin"tiin a nui zui hak a.
"Min ei zo vek dâwn a maw ka tia,ka hlau lutuk,ka khur nasa mai"tia ka inla khur der vel chu a lo nui nasa hle.





"Hmanah maw kan tet deuh hlek lai hian kan kawmthlang a dilah hian cheng turin thian hovin kan chhuk hlawm a,kan cheng zo kan haw tur kha ka taksa hi a thak neuh neuh a,a hreawm ka ti reuh lutuk a,Mahse naupang na na chuan kan ngai pawimawh lem lo,Mahse a hnu khân a lo zual zêl a,a vual lian tulh tulh a,ka chhah lûk a,thawkte thleng khan a hreawm ṭan ta a,ka hmuite kha a pawrh vêkin ka hria,chuan nikhua ka hrelo chawpchilh nghal deuh mai a,chuan u Elias hi kan zîngah khan a upa ber a,chuan min paw chho a,an hlauthawng hlawm lutuk,khatatang khan tui chu ka cheng ve tawh ngai lo,a nuam ti ber ka ni sia,a hreawm thei lutuk"tiin min hrilh a,Elias chu a ngaihsan hmelin a chungchang a sawi ringawt pawn a tihlim tih ka hria.







"A zia lo eeee,hei tlemin i vual deuh chu a nih hi,a nasa lo hlauh a,,a lawmawm"
"Nia,ka lawm e,tui hleuh lehna chance min pe hrim hrim a"tiin a nui sen sen a,a eng zawng a thil thlir thin mi maw.....
"Mak ka tih deuh ka zawt thei che ngem?"
"Aw,min zâwt la"






"Tui elergy i nei a,Mahse i inbualte a ngai ve tho awm sia,tui lovin mihring kan awm thei silo,i inbual ngai lo zawk em ni?"mak tih hmel fe chuan ka en a,ka ngaihtuah thiam nei nuai lo, tui hi nikhatah vawi1 mah khawih lovin kan awm thei tlat lo hian ka hre ve a,mak ka ti em em a ni,a nui hak a,min en zeuhin
"Inbual te chu bual ve ziah e,chutiangah chuan ka ro lehnghâl vek a,ka vual lem lo,ka huh rei hian lawm ka vual thin"tiin a nui a,keipawh chu ka nuih za,inbual ngai lo se a hmel hi a fai vengin a rimtui viau lo tawp ang, lalhriata phei chuan sil fai lova ei theih chi a tih hial kha. A sawidan kalphung vel hian Elias chu a hriatchian hmel hle mai.







"Chuan thil zawh duh che ka nei leh a"inthlahrung tak chuan ka ti a
"Aw,i duh duh min zâwt la,ka chhan theih zawng che chu ka chhang zêl ang che"tiin min chhânga
"Elias nen hian in inhriatna rei tawh hmel"
"Aw,tette aṭangin"
"Nau angin a en che tiraw"
"En chiang e,min duat lutuk,ka mamawh engkim,ka mamawh nia ka hriat loh Mahse a hnua min tihsaka ka lo mamawh em em tih ka hriat site chenin min tihsak vek thin, vantirhkoh thla nei lo ang vel a ni ka tan chuan"fiamthu ti tak deuh chuan a lo ti a.








"Nih chuan nangin u angin i en ve em?"
"Enge i sawi awmzia?"
"Nangchuan nau anga a en ang che hian i en ve lo tiraw,Elias hi,u ang mai chuan i en ve lo tiraw"ka sawi dawt ngam bik lo,mak tih hmel deuhin a min en a,a chhânna chu hriat ka huphurh takzet,ka tan chance a ṭha vak lo tih ka hrechiang leh zual bawk si.






"Ka duh leh duh loh min zâwt tihna em ni?"ka bu ngat a,a rawn nui hawk.
"Ani chu ka harsat leh mangan laite,ka hlim laite a ka kianga awm reng thin a nia,chuan keipawh hian ka u ang bakin ka en lo,unau pianpui ka neih loh vang hian ka unaupa dik tak,ka unau neih chhun ang mai a ni"ka hlim veng veng mai,u leh nau ang bakin an inen lo a nih chu,ka dam sawt e.






"Nih chuan thil ka hrilh che nga,min pui la"ka hrilh dawn,ama ṭang hian hma ka la thei ngei ang.
"Sawi phawt la,ka theih zawngte nih chuan ka pui ang che"
"Chiah maw,intiam phawt la"tiin ka kut zungte chu ka va pe a,a nuih a zat hmel reuh lutukk.
"Mahse mak i ti viau dâwn a nia,i thihdan loh nan bang kha nghêng la,nghet takin ṭhu rawh"ka ti te2 phawt a,sawi chu ka tim leh deuh,min lo ngainep viau anga,min tenin ka bulah a awm duh tawh lo ang tih chu ka hlau pah.






Mahse rilru zau deuh a nei tih chu rei lote kan awm dûn ve zawk zawkaj pawh khan ka hrechiang a,chuvang chuan i han hrilh dawt mai teh ang.
"Elias hi ka duh a,min pui rawh"mak ti hmel pawh a pu lo,a nui vak vak a.
"Tinge i nuih a,?"min chhang mai lova a nuih char char takah chuan ka hrilhhai bawk si chu ka thin a rim tan leh der tawh.






"Nuizatthlâk a awm a mi?"lungni chiah lo deuh chuan ka ti a.
"I fiamthu thawh dan te hi a mak thei e,i dangdai e ka ti"ehe ka fiamthu a a ngaih vang maw,mai mai a,ka thutak ve teh reng nen a.






"Ka ti tak tak a lawm,middle School kan kal lai ata tawh ka lo duh tawh a sin"ka hmêl a thu tak tak êmah chuan a nui chu a reh riai riai a.
"Ih.....i tih awm...zia chu nang .....ih ....gay i ni tihna maw?"
"Aw"a hmel awmdan chu ka chhiar thiam chiah lo,rilru na hmel a pu ti dâwn ila a rilru nat chhan tur ka hre chiah silo,Mahse a u chu bialpa nei tûrin a duh lo pawh ni thei tho.






"Mak i ti viau em ni?a awm tho e,Mahse ngaihtuah la,hmeichhia ka biak lai pawh i hmu ngai miah lovang,Elias ngawt ka zui kual thin hi"a hriathiam theih nân leh ka nihna a chian theih nân chuan ka hrilhfiah a.






"Min pui thei hram a ngem? Bansan tumin ka bei ve fo a,Mahse ka thei lo,chuvang chuan khawngaihin min pui hram la,Mahse i u chu bialpa nei tûr chuan i phal bik lovang ang tih chu ka ring tho,Mahse min pui hram la,hei chen ka lo tawrh tawhnate ngaihtuahin"ka inthlahrung e,ka thusawite hi mi pangai ngaihthlak atân chuan an tenawm deuh mai thei a.






"Ka tihpalh lutuk,sawi lo tawp tûr ka nia,Mahse ka rin vâng che nia,min ten phahin ka bulah pawh i awm duh tawh loh phah ngei ang,khawngaih in Elias bulah chuan zêp hram rawh aw,chuan tuiah ka vawm vang che pawh khan tihpalh"tiin a ṭawng tak lohah chuan ka tho a,kawngkhar lam ka pan hnak hnak a.







"Lawk,ka sawi duh ka la sawi ve hleinem"ka ding dawt a,
"Ka ten reng reng lo che,min rin vangin ka lawm e,chuan ka theihtawp chhuahin puih che ka tum dawn nia"a lam ka va hawi chu a tap deuh a mawni,a mit a sen,Mahse tah hman nan hun a awm awm ka hre silo,tuia ka vawm na vang kha niang,engpawh nise a thusawi vang chuan ka lawm takzet.Keimah mai chuan Elias ang hneh chu a har emai,ka lawm takzet. A bulah chuan ka va phei leh a,ka lawm em vang chuan ka chawi a,ka vir pui ngei a.







"Ka van lawm tak, engtinnge lawmthu ka hrilh ang che"
"Hei hei,ka lu hai nia,min thlah rawh"a rak chul mai
"Oh....ka tihpalh lutuk,ka lo phur lutuk a,min hrethiam rawh"nui sang chuan a samah chuan ka va chul a.



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » February 7th, 2021, 6:39 pm

Aw thian ri kharh chu hriaiin kan hawi phei chu Elias leh Agnes te chu an lo ding reng mai, Agnes chu a nui deuh tet tet a, Elias erawh a tak run mai.








"Enge in lo tih a? In va hlim bik ve a? " Tiin Elias chu a rawn tawng chhuah takah chuan a hmel tak run kha a rawn fiamthu deuh tih ka hre chiah bawk. Kan lai dun ang reng khawp mai. Engmah thleng lo mahse kan awmdan kha a ngaih kawi theih viau tlat a.







"Ahh... Ihhh... Eng vak mah" Tiin kan riat nawi kual vel ta mai mai a, ei rawngbawlna vel panin kan chhuak ho ta dial a, Agnes lah chuan min la nuih deuh tet tetin ka hria, min fiam a chak hmel riau a ni.







Engpawh chu nise tlem chuan hma ka sawnah ngai ang, Elias chuan bialnu a nei lo va, a bula awm reng thin hmeichhe tleirawl chhelo ve tak nen an inkarah in unauna bak a awm lo bawk a, chutah min la pui dawn zui leh nghal a, ka van lawm kher tak, he Puipuii te reuh ka lo tawng leh ka lo hrilh kher kher hi chu a tirin ngeih lo viau mahila a fuh phian ang, Elias a hrechiang dawn ropui siiii.....






Ei rawngbawlnaah chuan mi tlem a zawng an lo awm a, ruat deuh bik pawh nei lovin a peihin bawl mai tur a nia, bawl pawh an lo awm vak lo, hotu deuh bik kan nih vangin kan bawl ve ngei hi a tha ka ti, a awmziaah chuan Elias duh dan a ni ngei ang.






Tlai pawh a tlai ve deuh tawh a, chaw an chhum hmin tawh a, sa leh antui vel an lo chhuang mek, chutney chiah siam a ngai tawh, kan pali chuan kan siam ho a, purunsen kan chan chu Puipuii chu a mittui a tling pam mai, ka nuih a za reuh lutuk, a mit leh hnar velte chu a sen deuh hlur a, a duhawm reuh lutuk tlat, mipate tek sawk sawk theihna khawp a duhawm chu a ni vein ka hria.

Purunsen chan a mittui tlak theih loh dante chu kan han in hrilh leh te te phawt a, fiamthute thawhin kan han nui leh ang bawk bawk a, Agnes a lo awm hlauh chu a zia, ani tawng duh deuh hlek bawk a, sawi tur a hre phian mai.






"Pui... I la tha vak lo mi? " Tiin kan ti ti lai chuan Elias chuan ngaihtuah hmel takin a zawt a.
"Aih, tha e, hei purunsen vang hi lawm" Hnar pik tawng deuh tak chuan a lo tichhuak a, a mak reng reng, keini pawn kan khawih ve tho a, tiang em em hian kan mittui a tling bik silova, purunsen allergy te hi a nei leh reu reu nge mawni aw.....







"Kha i that loh hmel tak tak, kan tizo tep tawh, lo ti ve duh tawh suh" Agnes pawh chuan a lo tihzawm ve zat a, mahse a pha ve nasa, chutia ti duh tlat, keichuan dan ka tum teuh lo, a peih chhung chu ti char2 rawh se....

"Kan zo ta'm, chaw ei pawh a theih tawh, kan ko khawm tawh mai dawn mi,Sangpui, Elias, enge midang ho kha in ngaihdan? " Tiin kan club a hotu ber Ruatpuia chuan min han zawt hlawm a.







"Nia, ei ila, ei zawhah a peih chu cheng leh zawk ila, inpeih hma vat vat kha tha zawk ang"tiin Sangpuia chuan a lo chhang ve bawk a.
" Ka han ko hlawm a nge aw"tiin Elias chu a tho nalh a, ka va han chhuang leh tak em...a mawngte hi a z*ng vah bik mai ni....midang tawng lama an chak em em laiin ani chuan a sawi chu a ti thlap thlap a, a sawi loh pawh a tul leh tha tur chu midang pawh phut lovin a ti mai zel si a, midang ko tura a kal chu chhuang takin ka lo thlir liam ve vang vang bawk a.








Chaw ei tur kan siam fel a, kan ei ta hlawm a, hlim takin kan ti ti a, kan phu ve mur mur hlawm mai,picnic tih velahte hian ka phur lovin ka kal mai mai ngai lo kha nia, hei Elias te a lo awm ve bawk nen nuam ka ti khawp mai, ka hringnun hman tawh a nuam ka tih pawl tak a ni ve ngei ang....








Chaw kan ei kham hnu chuan a peih chu tuiah an cheng leh hlawm a, Elias leh Agnes te pawh chu an cheng ve daih, keichu ei kham puar tawh hnuah ka cheng ve peih tawh lo, kan eina hnawk velte chu ka seng fel pui ta daih a, ka seng fel zo pool lam pan a ka kal chu Puipuii chu amahte chauhva zawi deuhva a thu kun deuh ngiai chu ka hmu a, ka va pan phei a, a mit a lo chhing daih, a samin a hliah vang chuan a hmel pawh ka hmu chiang chiah lo, mahse a hnar ngul invuah dik takte, a hmui sen no deuh maite leh a mit hmul buk sei ve deuh tak chu ka hmu thei vek, makeup pawh a inhnawih hauh lo, mipa dik tak tan chuan he nau te reuh hi chu tha tih loh phal rual a ni lovang, a nu tet dan reuhte hi a duhawm em em tlat a ni, lasi nula kha a ni tak tak a nihte pawh ka ring e a.










"Ehem, helai a lo mutthlu hi tunge aw? " Ka tih rual chiah chuan a rawn meng a, min rawn en chho zawk a, a kun leh nghal daih bawk a, nichin vel khan kan inkawmngaih ve viau khan ka hre sia, mahse tunah chuan a inla hrang leh riau tawh a ka hriat tlat pek chu leeee....












"I la nuam sam vak na nge a? " Ka va kal min lo be mai silo chu lai kual deuh takin a bul hnaih lutuk lohvah chuan ka thu thla ve a
"Aih, nuam mah mah tawh hi a nuam lo zawk" Tiin a rawn khi ve seih a, a tawngtlemin a zakzum reuh hle tih ka hre thova, min ngei vang em em chu a ni bik lovang, chuvang chuan ngaih ti tha phawt ang.











"I nuam mah mah a, i nawm tawh loh zawk chuan.......tuiah khuan ka theh thla leh mai dawn che miii? "
"Maw!!!? Hei a chi miah lovang aw, ka duh lo nia, inthlak leh vek ka ngai dawn nia"mangan hmel tak chuan a lo ti chul a, ka nuih a za, ka lawm reuh riau, ka tih duh tak tak a ring mawnle. Ka fiam chak zawng tak a ni.









" Khawi, lo kal rawh, ka chawi ang che"tih leh va chawi chu ka rual nghal a, a lo tang nasa, a chet nasat vangin ka kal chu ka pai deuh nawk nawk a.
"Hei hei min dah thla vat rawh, u Elias in a hau hrep che ni mai aw.... "
"Elias maw, ka hlau teuh lo, ka thlak thla dawn che ni tawp mai" Tia nui sukin ka kal luih pui vel a, ani lo tal nasa deuh bawk si ka slipper chu ka rap lek palh ta hlauh, leiah chuan kan tlu ta thlawp a, rem lo zet chuan Puipuii chungah chuan ka bawk ve ta vung mai, ka hamhaih lutuk lai bawk si chu ka van buai tak, thawh mai ngaihna pawh ka hrelo, kei vala hi ka zam lutuk, ka thate a han khur thei mawle, hmeichhia chutianga ka vawikhat awm puina a ni bawk si, ka che chang thei lo hrim hrim, ani pawh chuan min en kur a, kan in en chhung hi vai film a siam dawn chuan dar kar chanve vel a tlin thuak ka ring.










Thawm kan hriat takah chuan rang tawkin ka tho vut a, Puipuii pawh chu ka kaitho ve nghal bawk a. Agnes chu lo ni rengin, awi he nau bawk chu, a hma tang khan a nuihzat hmel tawh sia, heiha......









"Engthil nge in lo tih a, in va lai tet tut ve? School naupang inzawh tir turte pawh in va ang ve a" Ehe Elias pawh a lo tel ve reng nimaw, aaaa tinge an rawn thlen fuh loh theih em em le.... Hun hi an hrelo thei lutuk, Puipuii lah chuan min sawi sak palh hlauh ang tih chu ka hlau thawng pah bawk a, ka lo fiam kher kher a ni.







"Na i nei em? " Lai rut chuan ama hriat tawk tur leka zawite chuan ka va ti de de a, a lu a lo thing nak nak, ka that leh that lohte min zawt ve bawk a, sawi a tum lo niang, ka lawm khawp mai.








"Nangni pahnih hi in inkawmngaih sawt riau, enge maw kan hriat ve lohte hi a awm ni lo maw? " nui ruh ruhin Elias cuan a lo ti a
"A ni chiang, in laih vel dan em em hi" Tiin Agnes pawh chuan a lo tih zawm zat al, han sawi vak dan kha awm silo, Puipuii lah ngawi tlat si,tawng loh lah ni theiin ka hre silo.









"Engmah awm nang, kan Inkawm ve mai mai lawm"
"Ni chiah, nangni pawh in rawn inzui ve thova, engmah kan sawi bik loh hi" Puipuii chuan a lo ti ve bawk a.
"Mahse keinite chu kan lai ve tet tut hleinem, nangni awmdante chu kan hriat ve loh tur chi ti zo chiah in ang em a lawm, in sen tawn tawn dante pawh" Agnes chuan a la ti hram a,kan tlu tur tang kual vel, kan awmdan lai kual vel lutuk chu kan lo sen vek a ni ngei ang. Elias nen chuan Puipuii nen a min entawn in an nui ruh ruh a, ka fiam tawh miah lovang, ti hi chuan min ngai dik lo palh mai ang.







Khua pawh a thim dawn hnai tawh, haw chu a hun ve tawh viau, haw turin kan insiam fel a, kan chuanna teuh panin kan kal sang sang a.








"Sangpui, Puipuii hi kal lam pawh khan bus kha a rui a, hawn lam chu i motor ah phur ve mai la" Tiin Elias chuan Sangpuia chu a lo be mawlh mawlh a.
"Ngawi teh aw, an full a, mahse an inchuan thleng thei ang chu, lawkin aw....motor a chuang ho kha lo thleng kim phawt se,rui thin lo an awm a lawm,an inchuan thleng mai dawn nia" Tia a chhang chu ka va hre leh hman a.








"Enge ni ta? " Tiin an bul chu ka va pan ve a, Elias, Puipuii, Agnes, Sangpuia leh midang tlem chu motor bulah chuan an lo ding hlawm a.
"Hei, Puipuii hi bus a rui sia, Sangpuia motor a chuan tir mai kan lo tum a nih hi" Tiin Elias chuan min lo chhang a.







"Chute chu tinge min hrilh loh, bike ah keimah chauh ka chuang dawn a, ka bulah lo chuang ve se ni mai lawm tiraw, Puipui" Tiin Puipuii chu ka va en leh daih a.
"Ahh.... Sangpuia hi chu kan veng a mi tho a nia, nangma tan khan kan veng a lo kal leh daih kha a buaithlak ang ka ti deuh a, chuvang chu mawle, hei lo thleng kim se Sangpuia rual chuan haw mai rawh se"








"Ho lutuk, ka thlah kawi leh mai dawn lawm, tiraw Puipui lo chuang mai rawh, nge i hreh zawk? " Tiin Puipuii chu ka va en a
"I tan a hahthlak a lawm, khua kan luh chuan a tlai ve tawh viau dawn a"Elias chuan a la rawn ti hram, midang chu nise ka ngei reuh viau ang, mi tlawmngai thei in tiin kan sawi ve em em a, min hnial talh ni, mahse Elias a nih vangin ani chu midangte ngaihtuah thei tak leh ngai pawimawh mi tak a ni vangin ka hrethiam leh mai a niang chu, nge maw Lalpuipuii pawh chu a ngawih vei tlat ni..









"Nia, u Elias, u Krist hian thlah zawk mai se a tha zawk ang, midang nen a inthleng vel kha a buaithlak mai mai" Tiin Agnes chuan a lo sawi a, ka van lawm tak, kan thu khel ho tak a rawn pawt chat ngei ang chu.
"Nih leh i thlah theih dawn tho chuan......(puipuii chu enin) Puipui Krist bulah chuan chuang mai rawh aw"a bu nghut ringawt a, a chang hi chuan tawngthei lo hi a ang thin, engkimah Elias a awm ve phawt chuan a thuthlukna hi a nghak tawp zel em mawni......








Bike chu tinungin kan chhuak a, bus nilo mahni a lirthei keng zawngte chu kan chhuak hmasa vek a, kan inzui diah diah hlawm a, Puipuii pawh chu ka hnungah chuan a thu ve vang mai, bike mai maiah kan chuang a, min hlat takah thut tum ni awm takin a hmawr tawp a invawnna tur laiah chuan a va thu thleng daih ni maiin ka hria, a va han mak thin e aw, tinge le min hlau thin nite hian ka hriat chu le, keimah zawk hian hlau tur ka ni, hmanni a a lo chhuah tawp dante leh ka mumang vel ngaihtuah khan ka tim sung sung dawn tlat. Huizz.....ka ngaihtuah peih lo e a, tiang hmeichhe naupang mai maite chu hlauhawm loh tawp ang........










Kan ngaihtuahna kan kawm ve ve niin a lang, ka rilruah ngaihtuahna thar a lo lut thuta.
"Heiii...... I van a tak, ka hlau a nia, ka tla a nge" Ka khalh chak thut chu a rawn ti chul a, fiam kha ka chak leh tlat a lawm, bakah min kuah ngei ngei turin ka siam dawn a ni, hla tawkah a inmanna a chuan daihte chuan khawnge a man tawh reng ang.







"A tlai tawh, ka thlah kawi leh dawn che sia, ka khalh chak dawn, min lo vuan mai rawh" Tiin ka au deuh lauh lauh a, a reh vang vang, a thim si, ka hmu thei silo, engemaw a ngaihtuah chu, khawnge a awm daih aaaa...????









A hnu chuan ka kawng a kut vawt deuhin a rawn rawlh lut ka phu deuh zawk a, ka tshirt chhanah pawh a dai duak a lawm le.
"Min thlah dawn chuan i tlai phah vek dawn sia, mahse maw vawt ka ti lutukk aaaa, bakah a thim sia, mahse ka hlau lo nia aw" A rawn ti chu ka khi seih a, a kut a vawt reuh lutuk chu ka hlau hman tep a, mahse a rawn tawngdan vang chuan ka nuih a za leh deuh siiii,vawt chu a lo tireuh tak tak a nih dawn hi, ka hlau a tizo chiah sia, ka fiam leh vak a hlau niang, tiang hi ka fiam chak chi tak a ni hrim hrim....







"Nghet tawk khan min vuan la, i tla lo nga, kan thleng vat a nimai, chuan a vawt chu a reh mai ang" Ti mahila bike chu ka khalh muang sawt a.....







"Kan thleng e, khawilai vel nge in in ni hrim hrim? " A reh tlawk tlawk, a muhil mawnle aw.... A thaw ri deuh sak sak chu ka hre thei,a lo muhil hman chu niin, Kaihthawh ka va hreh e aw, mak takin ka hnung a bei chung a a muhil chu nuam ka tiii.... Ka kiangah chuan a thla a muang tih ka hria a, a nuam veng veng...... Elias te in bul velah an awm tih ka hre tho a, ding phawt mai ang.....








Rei vak lo ka nghah leh deuh ren rawn hnu chuan, hreh deuh tak chuan"Puipuii, harh tawh laaa...kan thleng tawh nia, i khumah mu la a nuam zawk daih ang" Tiin ka dar chuan ka sawi ne ne a.






"Ahhh, ka lo muhil daih nimaw??? Ka hlau lo ka tih reng kha maw, ngaihngam takin ka mut theih hi" Intithei tak chuan a ti vel a....
"Aw, hei kan thleng tawh,khawilai nge in in?Nge bike a la chuan reng a riah nghal law law hi i duh zawk???" Fiam nuam ka ti ka tih tawh kha, a lai velte hi hmuh a nuam riau a....








"E aw.... Ahhh.......khi kan in chu nia" Tiin ka din lohna lam zawk kawng chhak a assam type lian vak lo chu a kawk a. Chhuk nghal pah chuan a samte chu a han tuai mam sawk sawk a.
"Min thlah vangin ka lawm e aw, mangtha le" Ehe leng lut tura min sawm pawh a tum miah lo mawni chu le.....








"Thingpui tal in tur ten min sawm ve dawn lo em ni a"lut turin min sawm pawh nise ka kawi peih tawh lo hrim hrim, min sawm lo chu ka zawt lui vel kher a ni.
" Ahh.... A tlai tawh reuh sia, haw vat i duh zawk ka ring a,a bul tang ka'n titha leh nge aw....."tiin Bike ah chuan a rawn lawn leh a, a chet dan chuan min tihrilhhai hle mai,chhuk leh nghalin "Min thlah vangin ka lawm e, chuan thingpui talte in turin lo lut ve laaa......."ka nuih a za lutukk chu ka insum nasa, a van duhawm reuh tak...... Ngawiteh keihian he naupang chimawm zet hi duhawm ka ti zo chiah law........ Ka va inawih lo e aw.... Keimah ka nilo a niang, aaaa.... Ka ngaihtuah peih lo e a, ka haw dawn.....







"Ka hmanhmawh ka haw phawt mai ang"
"A..... I lungawi lo mi??? Lo in rawh"
"Aih, haw nghal ka tum hrim hrim, nula pui i hawihawm lo em a, engtinnge tite chuan ngaihzawng i hmuh nga?? Insiamtha nasa hle ang che, e chuan i phone number..."tiin ka phone chu ka phawrh nghal a.
"Maw, ahh..... Enga tan? "
"Phone number chu enga tan nge an tih thin? Ka ei hmel silova, engatan nge niang? "Lai ang reng takin a nui a, phone number vel kan in pek fel hnu chuan ka tlan chhuahsan ta a...

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » February 7th, 2021, 6:39 pm

Puipuii's POV






Krist a tlan liam chiah chu rang tawkin inchhungah ka tlan lut nghal a, kawngkhar chu khar ri khapin ka bag pawm chungin ka ngheng vang2 a, ka nui vur vur, ka sa hat hat bawk, ka biangte chu ka dawm vel thul...... Engtinnge ka lo mutthluk theih zawk le..... Ka van ui tak..... Zahthlak bawk siii......Ka hmalam sam chu ka tham nawk a.







Ka ngaihtuah a, ka zak leh bawk siii, kan ṭawng dan leh awmdan velte chu ka han zir ṭha leh vel a,.... A bike a ka chuang ve maite kha a van mak em...Ka mumang a ni em le..... Ka ringhlel mahse insih chu sawi loh, ka in thing duh lo hrim hrim,ka mumang a lo nih tak hlauhin ka harh chhuak palh ang,harh chhuah hi ka duh tawh lo ni,'min lo vuan rawh'a tih lai zawng zawngte kha, a rimtui inhnawih rim thliin a lo chhem len zawng zawngte nen lam,a van rimtui ber kher emmm.....ka au chak lutuk chu ka kut chu ka seh vak ringawt...... (Helai hi chu in feel pui ve tho ka ring😁)









"Enge i siam a, i a ta mi? " Ti ri ka hriat chuan ka phu chiang lutuk chu ka au chhuak ṭhawt a.... Ka nutei chuan mawl min tih hmel zetin min lo en kar a....
"Ate... En teh, tun hi ka mumang vek a ni em? "
"I kalnaah i va che sual a mi a? I hriatna i hloh ta mi? " Tiin a kut a rawn lek kang chiah chu ka lo man bet chawt .
"Nilo, min kaitho suh, ka duh lo, ka harh duh lo, ka duh miah lo nia" Ka ti chul a, ka nutei chuan chek tlakin
"Khaw maw?" Tiin ka kut chu thing thlain ka chal a rawn dek
"I khua chu sik si lo, enge i awm zia? Min ti mangang a nia"
"I phone number" A sawi dan ang chiah chuan ka zir vel a,a nuih hak lai velte ka mitthlaah a rawn lang chiah chu ka nui chhuak hawk a, min sawi nawk nawktu an awm,
"Hei, min sawi suuuu, tunge min sawi, ka harh duh lo, ka muhil hlen dawnnn.... Heyyy"
"Mawli,i mumang a ni lo, i ngaihtuahna ṭang khan harh zawk rawh" Tiin min sawi nawk nawk chu ka harh chhuak zawk, ka zak lutukkk....
"Enge i awmzia hi?"
"Ah... Ih.... Engmah, ka chau ka mu dawn" Tih leh ka room a tlan luh ka rual a. Ka van zak veee... Ka awmdan chu a, tiin ka lu ka thing nawk a, mahse ka ngaihtuahnaah Krist a rawn lut leh tawh,nui vur vurin towel la chhuakin bathroom ah ka lut ta a, ka inbual chhung zawng pawn ka la ngaihtuah reng mai....








Ka inbual zo room a ka lut chu ka phone a lo ri tlang tlang a,SOTUS a an OST 'Soh Sut Soh Say'(opening song) ngei mai kha a rawn zai vang vang a, a lo ri zo hman ṭep tawh, Krist a nih ka ring chu ka dahna hmun ka thlen hmain a tawp hman ang tih ka hlauh vang chuan ka va zuang thleng zawk a, phone ka en chu,....ka hnap thleng ka hnar a ti bet zeuhin....



"Hello"
"In thleng tawh tiraw....." Tiin u Elias chuan min lo zawt var a
"Aw, kan thlenna rei leh deuh tawh, nangni in thleng tawh em? "
"Aw, kan thleng fel deuh chiah, a ṭhat chu, chawl hahdam veng veng rawh le, ka'n intifai ve nge....e chuan i damdawi kha i ei theihnghilh nge aw..."
"Awle,theihnghilh lovang, nangpawh chawl hahdam rawh, mangṭha aww"
"Awle,mangṭha a ni ziah lo,muttui tur. muttui aw..." Ti zawm leh zatin phone chu a dah ta a.....










U Elias in min lo be chiah chu thil ka hrechhuak zawk, Krist in a duh chu kei ni lovin U Elias, ka hlimna kha chu vawm bo ang hmak a ni, ka rilru vawiin a na deuh kha a rawn kir leh..... Min ring taka min hrilh laite ka mitthlaah a lo lang zawt zawt a, ka mittui rawn hnai mai dawn chu duh lovin ka lu ka thing sawk a, 'film en daih ang' tiin ka in ha ṭha sawk sawk a, laptop a ṭha mangkheng a ka lock thlapah chuan password atana ka hman 'Krist'tih ngei mai chu ka ch$ lut a, amah min tihrechhuaktu mai mai a ni, ka password hman mai mai chu tun ṭum hi chu min van tilungawi lo chiang ve leee......











"Lalrinpui..... Khatiang film kha i lo en leh nimaw???" Tiin ka favourite Bl 'Addicted' ngei mai chu tui ti takin ka lo en mawlh2 lai chuan ka nutei chuan min rawn nem bu lawp a, ka laptop chu ka khup hmak a,hmalam a kut suihin ngil mangkheng a thuin ka hmalam en chuan ka khap fak fak a, ka zak lutukk, ka inthiam lo bawk siiii......










"Khangtiang thil i en i en chuan i hnawng ang ka tih kha i hre tawh lo mi???, kum 20 lai i ni ve tawh a,(ka rilruin'21 ka tling dawn zawk a lawm'tiin ka lo chhang a) hei bialpa chu sawi loh star tak ngial pawh i la nei lo nia, bakah pasal lo nei pawh ni reng la, i en nasa lutuk, i fate an piangsual vek mai ang" Tiin min zilh a.....










"Ka hrethiam eeee...... " Ka ti duai a.
"'ka hrethiam e, de dei dei'hi i ti dei duai a, i awih tak tak mang silo, bakah engtin nge i en theih reng reng a? Khatiang tenawm lutuk, mipa leh mipa inkeih mawlh mawlh te chu, sap ho duhthawh taka an infawp hlawih hlawih pawh kan en ṭha ngam lova, a zam awm kan lo tih tawh naklaiin mipa leh mipa phei chuu..... Ui.... Ka suangtuah ringawt pawn ka za vel vek thei,ka ten lutukk....."tiin a han in thing vel a.....



(Khawngaihin he Chapter hi BL ka promote tumnaah min lo ngaihsak lo hram turin ka ngen e,Puipuii POV a nih angin a thil thlir dan ka rawn ziak a ni e)





Ka rilruin 'suangtuah lo mai la'ka lo ti vat a"Ate...... Chutin ti ngawt suh aw.... "Tiin ka tawngchhuak thung
"An hmuh zawh loh vangin a lawm an inlak gay a, lesbian te pawh an awm ṭhin, chuvang chuan en ve tawh miah suhh.... I lo les ve reng nge aw.... Ka vaw phar vek che ni mai.... " A ti leh hlawih hlawih a, ka mittui chu a tling dawn dawn mai.









"Ate.... Chutin ti ngawt suh aw.... I hriatthiam loh vang mai mai nih kha, Gay, lesbian tih velte pawh hi pathianin duh taka a siam ve tho sin an nih......engmah i hriat loh vang mai mai nih kha, hre ve lang chuan eeee..... Khati khan i ti phal bik hauh lovang"sawi ngaihna pawh ka hrelo, inhnial ngaihte hi ka hre ve thlawt lo, ka tihsual ni miah loah pawh min puh se in sawi fel ngaihna ka hre ngai lo lutuk ka ṭap tawp zel kha nia......








"Mipa leh hmeichhia chu inkawp tura siam kan nia, mipa leh mipa, hmeichhia leh hmeichhiate chu a rem thei dawn lo, he khawvelah hian vawi sing sang sawm maktaduai vaibelchhia tluk leh dingawn sawm sarih paruk×7+9-2 oh minus(-)chu a tel leh lo,plus(+) zawk tur, piang nawn mahla inkawp tur an ni ngai lovang, same sex te hi chu ka do bur, ka ten hluah hluah,..an bul a awm tak ngial pawh ka duh lo,a pawmpui tute pawh hi ka ten, nangpawh i en leh nih chuan au(ka nu) hnenah ka sawisak tak tak tawh ang che"uar tawk chuan a rawn ti leh a,a ṭawng zawm par par lutuk chu niang a chil hak ṭhawt a, a khuh kharh kharh chu a hnung a beng turin zaizirin min lo hrilh a,a va han ṭawngthei zet zawt tak em.....uii..... Ka hnial hneh dawn chuang lo, ka nutei te chu thumal pakhat ka lam ve hman hma pawh a thumal sing chuang lam hman kha a ni ve tlat a.... Bakah ka sawisak ang che ti mahse min sawisak dawn lo tih ka chiang tho emai.










"Hei, engthil emawni ka keah hian awm a nia, vawt diak mai" Ka tî a za reuh lutukk, a rawn vak chho ang deuh reuhin ka hria, ka rak ṭhawt a.
"Dawi lutuk, armawnghawlh mai mai a nih hi" Tiin a rawn man zui nghal a.
"Ehe, hei a ke vel a bung deuh fur anih hi, a na ngawt ang, tah hian lo awm lawk mai rawh se" Tiin chhuatah chuan a dah thla a. Ka nute hi chu ṭawngthei viauin ni pawp pawp ṭhin mahse rannungte hi a ngai pawimawh reuh lutuk, vawikhat pawh kan chaw ei laiin a hmaah tak maimawm a lo uai thla a, kan chawhmehah a tla mai ang tih hlauhawm si a beng phei tur chu'lalpa min ngaidam rawh'tia rang tawka chhamin a beng leng sawk a nih kha, kan naupan deuh lai phei chuan chukchu kan rah hlum tâkte a phum thlap ṭhin.







"Gay bulah ka awm duh lo i ti vel sia" ei lo tawk chuan ka va ti a.
"Gay bulah ka awm a mi???? Ehe nangmah hi i lo gay reng a law??? Hmeichhia an gay ngai mi a??? " A rawn tih zawm leh nghal par par a.










"Hmeichhiate chu gay lo e....... Ka tih zawk chu khu khu mawle" Tiin chhuat chu ka kawk zeuh a
"Armawnghawlh khu...."
"Ni chiang e"
"Engtin nge a gay tih i hriat a??? A nu nge a pa pawh i hrethei ngawt a mii?? "
"Hre love... Mahse armawnghawlh a nih chuan ar mawngah a hawlh ṭhin a, a gay tihna ni mai lawmm" Intithei fahran chuan ka ti nghal hmak a.







Ka lu a min rawn nem bu leh lawp chung chuan
"I va han a tak e aw,.....ar mawng an hawlh tak tak I ring a mi a???? Mawl viau suhhh, armawnghawlh tiin an phuah ve mai mai lawm"
"An hawlh tak tak turah ka lo ngai ṭhin a sinnn.... An hawlh ngai lo nih chuan a hming chu a van pu vanduai....., khawvelah hming mawi lo ber leh put chak awm lo ber a ni hrim hrim, eng rilru pu a phuah nge an nih reng reng ang aw....."
"Chutiang ngaihtuah buai duh suhh..... A chhanna i hre dawn chuang lo, I en ṭhin kha en tawh lo la nimai, mu hmak rawh"






"Ate.... Ihmaw hmangaihna i hriatthiam loh vang mai mai a nih kha, mihringte hi mipa an nih vang emaw hmeichhia an nih vang emaw hian kan inhmangaih bawk lo, him taka kan awm theihnate,zalen taka kan awm theihna te, hlim tak leh nuam taka an bul a kan awm theihna chu tupawn kan hmangaih vek a lawm,, a story ṭhat hlawm ziate hi en ve lang chuan e.... I sawisel phal teuh lo, sawisel a hnekin a sawiseltu zawng zawng chu rawt chimih vek i duh hial ang(a mizia en hian),uṭawk hmelchhe tawk lunghlu pai tel ang vel hi a nia sin.... Mahse i en ve duh loh chuan en turin ka tilui lo che,a ṭha lutuk hi a en ve duh lo a sawisel sawiseltute en ve atan chuan ka phal lo, vawk ek zinga lunghlu chu an hmu ve lo nga ni mai"ka ti ve ngei a, min thlek vang vang a.











"Hmangaihna te i sawi vel aaaa???!!! I zak lawm nii????I hrethiam ve tawh ringawt a mi aaa???? Star tak ngial pawh la nei lo hian 'ka hrilh fiah e' te min tih ve chu leee" Tiin a hmui chu ei loh hmel tawk chuan a han siam ki kawi vel a.











"'En la, nuai sawm ka pe ang che'pawh min ti sing sang sawm mah se e ka en chuan kei ka ni lovang,hrilh fin theih loh, ṭang ve em em a, i duh zawng rawn sawisel sak che lah hian ṭah tum ringawt zel leh nghal a.... " Tiin ka luah min rawn tauh bawp a, keilah ka hnap thleng ka hnara ti betin hmalam ka en kar a.












"Tak takin maw.... Ka ngaihtuah vang che nia, i hlimna a nih chuan en mai teh, keipawh ka thiltih ka sim thei bik chuang hleinem le tiraw, in hau tur bik pawh kan awm lo" Tiin a nui zui sak a, ka nutei hian meizial a zu ru ṭhin a, chu chu a ni ta ve ang....









"En leh tawh rawh, mahse mengrei lo la, keipawh ka spot ah ka'n kal lawk" Tiin a tho zui nghal a, verandah ah meizial a zu ru leh dawn a ni ngei ang.....








"Aw, mangṭha aw"
"Awkhe, mangṭha ṭha leee" Tia mawi tawk a min rawn nuihin a chhuak tur chu a lo intih duat ve em em armawnghawlh chu a rap palh ta hlauh mai,











"ui..... Ka duh thei lo, ka tih palh lutukkk, engtinnge ka tih ang"a ti chul a, keichuan ka lo nuih duh lek chauh
"Va phum leh la ti nia"
"Tualthatah ka in ngai"
"Aaa.... Chhuak tawh mai teh, ka tih tur min ṭhulh tir rei tawh mah mah"
"Ka chhuak dawn reng a lawm, laptop kha ka chhuh nghal palh ang che......mangṭha" Tih zawm leh zatin armawnghawlh a kut zungchal leh zungpui hmawr a khai va va chung chuan a chhuak ta a.












Ka film en laite min ti tui lo vek a lawm le, ka en leh peih tawh lo chu mu turin ka inpuahchah a. Ka nutei thilsawi chu ka ngaihtuah neuh neuh a, a sawi dik lohna a awm pawn ka hrelo, mahse ka hlimna leh ka mit ti tleitu a nih vangin ka en a ni mai a, chuvang chuan bansan pawh ka tum lo, LGBT+ te hi ka do lova, ka pawmpui chu ka ti dawt ngam a ngem ka hrelo, ka bulah hian a takah awm se engtinnge ka awm ang ka hre lo, mahse a hmuhnawm ka ti a, lehkha bu pawh 'a kawm aṭangin teh suh' an tih ang hi a ni ve tlat ka ti, a chhung a thu awm, thil inphum ru tam tak, thil an thlir dan zawng zawngte hi ṭha ka ti tawp a, same sex an inkawpna tak kha chu entirna ṭha lo lam chu a ni meuh mai, mahse mi an hmangaihna zawng zawngte, an ṭawngkamte hi ka van duh thei tak, ṭha ka ti ngawih ngawih a, ka en aṭangin keipawh thil ka zir nasain hriat tam tak ka neih phah a,mihring mize kalphungblehban thlir dante ka hriat zau phah a, midang chuan an story romantic na ngawr ngawr kha an châng mai thei, kei ve thung chuan a chhung a inphum ru zawk kha, an thil en tir tum kha ka châng zawk ṭhin.










Ka BL fans nih dan chu a dang daih, midangin a changtute an ship viau laiin keive thung chuan ka ship thei der lo, ship ai mah chuan BL khawvel kha chhuahsan daih se..... Eizawnna dang dap se ka duh pui thei lutuk, a chhan chu miten an damchhung a BL star ti a an hriatreng kha ka lo phal lo ve em em ringawt.....











A tir chuan keipawn ka en ngai bik lova, a awm tih pawh ka hre ngai lo hrim hrim, mahse kum 16 ka nih laiin ka pa, kan chhungkaw innghahna berin motor accident in min boral san avangin ka nunphung a buai vek a, he khawvelah hian hlimna ka hmu zo lo, ka ṭhiannu pakhat hian BL chungchang hi a sawi ṭhin a,en ve turin min ti ṭhin, a tir chuan ka hlau a, miten an ten laiin keichuan mipa leh mipa an lo in k*ss tur chu ten a hnekin ka hlau tlat pek a, ka en ngam lo hrim hrim, mahse ka pa boral lungngai vel nen inhnemna tur ka hre silo chu film vel en mai mai ka tum lai hian 'Addicted' tih Chinese drama hi ka hmu ta hlauh mai a, ka en chian vel khan a changtute an lo hmelṭha bawk si kha min hip tlat a,









'Addicted(Heroin) 'tih a lo ni kher bawk nen khan a changtute mipa hlang an ni bawk si,insual lamte, mysterious lamte, romantic lam nilo, crime lam angte hi hmuhnawm ka tih chi a lo ni kher bawk nen heroin chu an rui vel anga, insual lamte a tel turah khan ka ngai a, ka en ta a, mahse ka rin ang leh duhdan ang kha a lo ni ta hauh lo mai.......









Mahse an drama kha hmuhnawm ka ti ta lutuk a, ka atchilh tawp a, chutaṭang chuan BL chu ka en ṭan ve ta a ni...... Hlimna ka lo zawn ve ṭhin chu BL ah chuan ka hmu ta a, anmahniah chuan ka bei ta chawt a, straight movie vel ka en peih ta lo, mahse he ka POV lo chhiar vetu zawng zawng te ka chah duh che u chu BL i la en ngai lo a nih chuan lo en ve reng reng suhh, a story te ṭhain zirtir neibṭha viau mahse,mihring nunphung zir chianna ṭha tak ni mahse mihring chuan thilṭha aiin ṭha lo lamin min hnehin kan âwn hma zawk ṭhin si a, chuvang chuan en ve lo turin ka ngen duh che a ni..... I en a nih chuan i chhuak mai mai thei tawh lovang, vawikhatin vawihnih a hring an tih kha.... Thil ṭha lo chu vei a lo awlin chin dawk lak a awl si a.......










Chuan reilote hun kal tawhah khan ka'n let ve hret a nge......


"Hming ziah tir ve ka duh a" Tia ka bul a mipa lo ding chu ka en zeuh a, ka hriat tawh hnu a ang ngei mai..... U Siamsiami'n a full thu a sawi chuan awm ve ngei ngei a ngaih thu a sawi a. Ka va hawi chhuah leh nak chuan min lo en tih ka hria chu ka zam ru ang reng hle mai, dancing club lama awm turin min han rawn deuh a, mahse min tihdan vel chu ka ngaihdan a ni vak lo, hmelṭha viau mahse a chapo hmel ka ti tlat, ṭha deuh chuan min sawm se chu ka 'aw' ngei ang, music hi ka ngaina lova, hlate hi ka ngaithla khat khawp, mahse awm chakna leh tih chak pa1 mah ka nei silo U Elias leh Agnes te an awm ve dawn tho vangin ka inziak lut ve mai mai a ni. Ani pawh chuan a ṭawngdan ṭang chuan min ngaih theih hmel vak bik chuang lo.














Chutia kan lo inbiak vel mek lai chuan U Elias a lo lang a, ka bul a ding pa nen chuan an lo in hre reng mai, 'Kristopher'tiin a koin ka hria, tuemaw ka hrechhuak zawk a,a hming ziak lut ve tura U Siamsiami U Elias in a hrilh lai pawh chuan ka lo la ding ve reng a, a chhan pawh U Siamsiami nen kan luh rual dawn vang a ni. U Siamsiami thilsawi avang chuan ka hawi chhuak vat a, Da boyz a an guitarist a nih leh nih loh a zawhna chu 'Imm'tiin a chhang.....








Ka mumang a mi le????? Krist kan bulah lo awm ve reng maw...... Awm mai pawh nilovin kan inbia, hre lovin ka hnial vei kha nia, ui ka van inchhir em..... He pa hi ka lo star ve em em, beisei phak a ni lo tih hrereng chung a ka lo rinawm ve em emna chu ka bulah hian a ding.....a vunte chu a van nalh tak......U Siamsiami anga au chul chi ka ni ve silo, ka thinglung chu a in thum rawn tluk tluk a, ka sa chhuak vek....... Ka thinlung chhungril chu a au chiam chiam mai.......







--------- ×××××××××× ___________






Krist ka hriat ṭanna chu Agnes in ram pawn a awmm laia party na a an kalna video min lo thawn aṭangin a ni..... Krist te chu stage ah an perform a, guitar a perh a, music mil chuan a su lauh lauh a, a hmelṭhat hmel ka ti lutuk, chuan SOTUS a changtupa Krist Perawat nen an inangin ka hre tlat a, mahse a lang chiang lutuk thei bawk silo, vanneih thlak takin Agnes te chuan thla an lakpui hlauh a, min lo thawn ve a, ka en, ka'n zoom vel nak chuan Krist Perawat nen chuan an lo in ang phian a, an type zawng zawngte nen chuan inang tak an ni...... Ka duh nghal tawp a ni mai....








Duh ka nei ngai lo lutuk, bialpa pawh ka nei ngai lo, ka BL enah ka buai a, mipate hi nga tan mah ka ti lo, miten min lo star ve ṭhin pawh nise mitmei ka hmuh ngai lo hrim hrim, BL ka en tirh chuan mipa leh mipa ka hmuh dunte hian ka lo ship hman hram ṭhin a, mahse ka lo upat deuh hnu khan ka ni ta lo, e.....leh lawkin kum 13 ka nih lai hian bialpa ang reng deuhva sawi tur chu ka nei ve ngei tak, keiaiin a upa zawk a, kum 3 kum 4 vela kan inthlauh ka ring,apa hna vangin hmundangah an awm a, chawlh lai hian an lo zin ve ṭhin, zakzum deuh mai hi a nia, a hunlai khan hmelṭha ka ti thei khawp a, a hming ka sawi lo ang ka ti zet nain sawi a buaithlak dawn tlat a,ka sawi mai nge..... Hmingmuanpuia a nia, Boys over flower rawn lar chhuah tawh hnu daih kha nia, khatah khan Kim Bum kha hmelṭha ka tiin ka duh ve viau thin a, in ang ka ti hle ṭhin.....










Star nei rual, harh vang rual, thawveng rual kan lo ni ve tawh bawk nen ka star ve ṭhin, mak deuhvin min lo star ve ni ngei tur a ni, ka ṭhiante hnenah a lo sawi a, eng khaw sawi set set lovin ka ṭhianten min lo 'aw' sak ve tawp a, ngaihzawng nei tur em chuan ka la nau deuh chuan ka hria, mahse phat chi ni tawh silo, ni ang chuan kan awm ve tawp a, kan inhmuh pawn ṭhian hovin kan nia, kan zakzum dun si...... Biak pawh kan inbe ṭha ngam ngai lo hrim hrim, ngaihzawng nei angah pawh ka inngai lo hrim hrim bawk a. A tuk maia an awmna khua an pan tawh dawn vangin inhmuh falna hun ṭhianten chance min siam ve ngei a,a falin kan lengdun ve ta, heng hunlai vel hi hritlang hri len lai vel niin Hmingmuanpuia pawh a hritlangin hnap a ngah khawp mai, a insut ri leh hlawih hlawih ṭhin a, kal maina tur pawh hrechuang lovin kawngah chuan kan tei mai mai a.kan lai dun hle., kha kha engtinnge ni ta pawh ka hre ta lo, kan lo kal sir lutuk nge side drain ah chuan ka tla palh ta hlauh mai, ani nuih za si kha niang chu a rawn phuh chhuak ṭhawt a, chumi zawng chuan a hnap a rawn puar pap chu eeee....... A nui tawp chiang a sin aw......








Kan zak dun lutuk chu kan haw nal nal a, kawngtluanin kan inbe lo, kan inah gentleman tak chuan min thlah thlap thova, 'mangṭha' tih leh 'tluang takin'tih chiah kan sawi, a haw nal nal a, ta ṭang khan kan inbe leh tawh ngai lovin kan inhmu leh tawh ngai lo a ni, chuvang chuan kan awmdan sawi tur a awm loh em vangin ka bialpaah ka chhiar ngai lo.




Star pawh ka nei ta ngai miah lova, Hmingmuanpuia hnu a star ka neih leh hmasak ber chu Krist hi a ni, zah pawh dawn lo chuan Agnes hnenah chuan a hming ka zawt ta tawp a, keimah hi mi anti-social an tih ang hi ka ni ve aniang, social media lam hi ka khawih ngai lo hrim hrim a, mahse Krist ka duh em vang chuan Fb chu ka install ve tawp a, account te siamin ka zawng a, mahse ka hmu hauh lo, Instagram hi chu milar, hausa leh chhelo deuh deuhte chauh khawih turah hian ka ngai a, khawih ka tum ngai lo hrim hrim,mahse Fb a ka hmuh tak loh avang chuan hreh deuh hlek chuan Ig chu ka install veleh a, nikhat leh zankhat tawp ka zawng a, ka hmu mai lo, ka beidawn dawnah a nihnihna tur zanah chuan ka hmu ta hram a, ka lawm lutuk chu ka ke ka leng vak vak a, ka nutei chuan min melh rum hle.......








Tichuan ka stalk ta a, thlalak vel chu a post hnem vak lo,ama thlalak ai mah chuan guitar tih vel, a thil in leh ei tur leh music mawi a tih deuh a niang chu a post hnem zawk a,mi nung lo a post nasa ber a nih chu, followers pawh Mizo ah chuan a ngah pawl tak a ni ngei ang, a thlalak post ve chhunah chuan hmeichhia an lang ve ngai lo hrim hrim a, emoji a hmang leh zeuh ṭhin tih loh chu caption a nei lo hrim hrim bawk, ka duh leh zual sawt,a chhan chu social media a relationship pho lang zut leh an nitin hun hmandan post zut ṭhin ang hi ka ngaina lova,ka duh chu ka hmu ta a, nitin ka stalk ziah a, zantin a thlalak chu ka mangtha a, zingtin ka wish bawk ṭhin, ka va DM ngam lo hrim hrim na chungin Youtube velah star ten an duh ngei ngeina, lo biak letna tih velte enin spell te ka cast fo ṭhin. .....









Hmingmuanpuia kha ka star ve ngei a,bialpa tan ka duh em pawh ka hre lo, mahse Krist hi chu star mai pawh nilovin ka duh lutuk ni hialin ka hria, ka lo ngaih ve dan chuan star, duh leh hmangaih hi dang vek niin ka hre ve tlat a, star ah chuan ngaihzawng tana kan duh chuan loh star satliah kha a awm thei a, kan duh chu ngaihzawng atan kan duh a, kan hmangaih chu nupui pasal atan.






_________ ×××××××× _________






Hotuten thu pawimawh an sawi hnu chuan kan chhuak dial a, U Elias nen guitar kan lei dawn a ni, Krist kan lam pan a a lo phei chu ka mit sirin ka lo hmu ru reng a, ka lo zam ve em em ringawt, U Elias thil ei puiah a lo sawm a, U Elias lah chuan engmah hre lo lekin chhuah ho puiah a lo sawm leh daih sia, aaaa..... Ka zak a sin leeee, a bulah ka awm ngam lo, kan inhmelhriat dan fuh lo bawk siiiii, ani lah chuan a la 'aw' leh ta nghal a.








Kawngtluanin U Elias chuan min ti ti pui zel a, Krist pawh a rawn ṭawng ve zeuh zeuh, min ngainat loh hmel ka ti em em a, a bultir a ka lo ngei ve viau kha ka inchhir hle..... Kan inhnawh puar hnuah Guitar zawrhnaah kan kal a, amah ngeiin min thlansak chu ka lawm takzet, ka pawisa a lei mahnila a thlan kher ka kawl tur ka lawm zia mai chu....







_______ ××××××××××× __________






Mahni a awm chet chet hi ka nuam tih zawng a nih vangin class ka nei dawn lo bawk a,class ka neih lova ka awm ziahna ṭhin hmun dai nuam leh hring mawi em emah chuan hawi khaw thawng leh mai mai turin ka kal a, classroom a ka let leh tur chu mi pakhat ka su teuh hle, ka phu chiang hle bawk, mahse Krist a lo ni reng a, ka biakna chu chhan pawh min chhang tha peih lo. Ka awmdan vang khan min lo ngei viau maw ni le??? 🥺










A hawi khawthawng em ni? Tia ka zawh chuan enge ka tih min lo zawt let daih a., Ka kalna hmun a a kal ve duh leh duh loh ka zawh chuan
"Lasite, unicorn te an awm nih loh chuan ka kal ve duh lo" Tiin min chhang a, min chhan dan chu ka duh reuh lutuk, a hmel en aiin a nuihzatthlak, a cute ka ti lutuk bawk chu ka nui a, a thinrim nge a kal tur thu rum tawkin min hrilh a, kal mai a tum chu a banah ka vuan a,a thinrim leh rim loh ka zawh chuan ka vawnna chu a melh zuk a, ka zak lutuk chu ka dah thla leh riai riai a, class a neih tur thuin min chhang daih a, a rualin ka let ve ngei a, ka hlim lutuk chu inthup har ka ti, a pen rual zela ka pen ve thei chu ka hlim lutuk.








Ka nuin ka nute damlo in entirnaah a hruai dawn vangin dawr ka nghah a ngai sia, music zirnaah pawh ka kal thei dawn lova, ka hurphurh hle, Krist ka hmu chak zek zek si a, mahse vanneih thlak takin ka haw tur ka kal lai chuan Krist leh U Hriata chu an inbiak lai ka hmu hlauh a,U Hriata chu a hmelthain a lar bawk a,kan hriat vek ka ring, Krist chuan a kuai kun pawp a, U Hriata zawk chuan pawt nawk nawkin engemaw a sawi zui nang nang a, Krist chuan a zui ve hnak hnak a, ka lawm dun reuh lutuk, 'an naupang chhia reuh hle mai..... ' Tia nui sukin ka kalsan ta a.....







_________ ××××××××× ___________







Vawiin chu inrinni a ni a, Agnes nen bazaar pahin kan leng chhuak ve a, restaurant ah chuan U Elias leh Krist chu an lo awm ve vang mai, Agnes chuan Krist ka star ngun thluk ve zia hriaiin min pawt nawk nawk a, ka kal duh lo, ka zak leh dawn lutuk, mahse a tlai zo tawh, U Elias chu a ko hman hram a, ṭang ṭun ngaihna awm tawh lo, an bulah chuan kan ei ve ta ringawt a.... Kan ei zawh chuan kan hawna tur velte min zawt a, taxi kan lak tur thu kan sawi chuan Krist chuan bike an lo ken vanga pawi a tih thu velte chu a sawi ve ngei a, ka hlim lutuk, a polite der mai mai pawh nise ka thinlung tê hian nuam a ti lutuk tlat.






_________ ××××××× ________





Guitar perh chu ka thiam lo takzet, a ngaihna thlawt ka hrelo, mahse vanneih thlak takin U Elias in min zirtir a, ka thiam chak viau thu min hrilh a, kan piah deuh lawkah chuan Krist pawn Brandon a lo zirtir ve mek, Brandon nen hian class khatah kan awm a, a tawngthei zawt zawtin mi rel a hrat hle a, hmeichhe chhelo deuhte phei chu a ngeiin a rel chhuak vek tawh an ti, chuan mipa star loh pawh a nei tawh lo an ti bawk a, Krist pawh saw a star chiang lutuk, a chhanchu kan class ah emaw eng eng emaw tihnaah pawh guitar perhin a zai fo ṭhin tih ka hre tlat a, Krist chuan ṭhahnemngai tawka a hrilh ve te pawh chu ka en reng a, a duty chu a hlen ve hle mai.







_____________××××××××___________








Library ah haw hnua kal leh ai chuan tiin club a ka kal hma chuan ka kal hmasa phawt a, ka rinaiin ka lo tlai deuh hret, hmanhmawh ru deuh taka ka kal chu kawngkhar bulah chuan Krist lo dingin
"I va tlai ve, i thiam loh loh nen" Min rawn ti a, ka lai leh lutuk chu sawi tur pawh ka hrelo, ka lut tlang tawp chu ka hnungah ke pen ri a awm zel vang chuan ka zam reuh hle, ka ṭhu thla chiah a lo ṭhu ve lehnghal a.







U Elias awmna ka zawh chuan aman min zirtir tawh dawn thu min hrilh a,aaaa ka thiam lo bawk sia, ka zak dawn lutuk, ka perh ṭhat theih ka ring lo tawp, mahse min zirtir se chu ka ti tho bawk siii,...., mahse U Elias bulah khan ṭha tak leh zam lova ka zir theih zawk ka rin vangin a zirtir ka duh loh thuin ka chhang chu a ngaihdan nih loh hmel rap...... A kut chu ka lamah a rawn lek kang vu a, min kuk dawn a maw ka ti hman,mahse a la thla leh ta a, U Elias in ka thiam theih loh em vanga a kut a min dah thu min hrilh chuan ka awih lo lutuk, U Elias in music thiam tur chi tak leh man chak tak ka nih thu min hrilh tlat a, duh loh ṭung theih ni tawh hek lo le, min zirtir ta a.








Homework velte min pein kan haw tur chu U Elias hnenah Brandon chungchang vel chu a zawt a,U Elias in a bula a awm duh vanga a thiamloh der thu a hrilh chuan a lawm lo hmel lutuk,a ṭawngdan vang chuan ka nui suk a,ngaihdan nih loh hmel tawk a min rawn enin ka nuih chhan min zawt a,a duh vang tih ka hrilh chuan a thinrim hmel leh zual,Brandon chu Tetea'n Bike in a lo phur a,flying kiss pein a rawn bye lauh lauh chu a ngei hmel lutuk, U Elias nen chuan kan nuih char char a.









A zirtir chu a nuam reuh lutuk,a sawifiah thiam sia,a bula awm hi a hlimawm reuh lutuk,thu tak hmel deuh deuh hian thu nuihzatthlak deuh a phuh chhuak ṭhinte hi ka lawm tawp,a hmel en aiin a naupang chhia daih mai.... kan inzirtir rei ve tak deuh hnu phei chuan ka nel ve tawh lutuk,guitar perh chu hnehsawh tak a ni,kan zai vel chhinte chuan a zaithiamin a aw a nalh ka ti reuh tawp. An band a an singer ai pawh khan a aw a nalh ka ti daih zawk.







Intihsiakna kan neih zawh hnuah picnic turin kan kal a, Krist chu bike in a rawn kal bik, U Elias chuan tui bul hnaih a awm ve miah lo turin min chah ngun hle a,cheng ve chak viau mahila thu ka awih a ngai,ka bul a awmte ka tibuai mai mai dawn tlat a...









Bus chu ka rui leh nghal a,ka luak hrep chu ka chau ve deuh bawk a,kan thlen fel hnuin ka hmaite ka phih chuan ka zia ta deuh,pool sir daihlim laiah chuan pool a chengte chu ka lo thlir reng a,nuam an tih hmel lutuk....ka chak ve takzet a ni,Krist pawh chu a hlim hmel hle mai,ball te an beng vel a,Brandon a bulah a tal tam hle a,kan thlen hlimin Tetea te nen zu in tura hmun fal an pan kha ka hmu hman a,boruak chu a ngam leh zual sawt ngei ang, Krist chuan a ngaithei vak lo a ang,a hnu phei chuan a rawn chhuak ta daih a,ka bulah chuan a rawn ṭhu thla ve a.







Tui a ka chen ve loh chhante min zawt a,keiin a rawn chhuah daih chhan ka zawh chuan U Elias in cheng ve tura min duh thu a sawi chuan dawt a sawi tih ka hrethei a,ka nuih a za reuh viau bawk,ka awih loh thu leh cheng ve lo tura min tih thu ka hrilh chuan "nangman i chhuk thla hreh nih pawn ka vawm thla thei che "min tih chuan a tih duh tak tak ka ring lo,chuvang chuan alergy ka neih pawh chu ka hrilh duh lem lo,mahni a kal nge vawm thlak ka duh min zawh chuan ka kal dawn loh thuin ka lo chhang a,"nih chuan ka vawmthla thei che"tiin ka inrinloh lai takin min rawn chawi thut a,min vawm thla pawp chu tui ka hak a,rang tawka ka chhuah nghal vat a ngai,ka mualpho hmain ka hleuh phei nghal a,U Elias pawh rawn chhuak ve nghalin Krist chu a hau deuh a,a ṭawngkam chu a na vak lo mai thei,mahse a thinrim khat avangin a thinrim ṭawngkam hi chu a thluk hi a na reuh lutuk a,Krist chu ka khawngaih hle,a hrilhhai hmel bawk si,restroom ah chuan Agnes te nen kan awm a,ka inhruk hul vek hnuah ka sam min chhem ro sak a,ka ruih vang nge ka lu a na,ka zawi deuh viau.... U Elias kan bag vel la turin a chhuak a,aw thian ri kharh ka hriat chuan ka hawichhuak a,Krist a lo ni,a inthlahrun hmel deuhvin ka hria, Agnes pawh chuan chhuanlam siamin min chhuahsan daih a,kan pahnih chauhva room a lo awm chu ka nawm dan chu a nuam lem lo,a zam awm.....










Tichuan a inthiam loh thu velte a sawi a,U Elias thinrim a hlauh ziate chu uang tawkin a sawi vel a,ka nuih a za reuh lutuk,tui elergy ka neih vang a buaina kan tawh velte chu ka hrilh a,tuia min paih thlak avang chuan ngaihdam min dil a,mak tih hmel deuhvin ka inbual ngai leh ngai loh thu min zawh chuan ka nui phuh ṭep a ni,ka inbual ve ṭhin thu leh ka ro vek a,ka alergy a chhuah thin lem loh thu ka sawi chuan a bu ve vat a, U Elias in nau anga min en leh en loh min zawt a,min ngaihtuah zia velte chhuang takin ka sawi a,keiin u anga ka en ve leh ve loh min zawt ta tlat mai,a zawhna hi a van mak thei tak,a thil hriat chak zawng lah hi,ka unau pianpui ang mai a nih thuin ka chhang chu thawveng suai suai hmel a pu.








"Thil ka hrilh ang che nga,min pui la"a tih chuan tihtheih ka neih chuan puih ka inhuam thu ka hrilh a,'min tiam phawt rawh' tia a kutzungte a rawn lek chhuah chuan ka nuih a za takzet,naupang chhia reuh lutuk,chutah nghet taka ṭhu a bang ngheng turin min la hrilh deuh deuh chu eng tak sawi ang maw????
"Elias hi ka duh a,min pui rawh"tia a sawi mai chu mak ka ti lo,amah hi fiamthu anga lang miah lo hian fiamthu sia chinn tlat vang hian ka nui vak vak a,ani chuan ka nuih chhan min zawtin thu tak hmel fein U Elias a duhna rei tawh thu leh a bansan theih thlawt loh vanga pui tura min duh thu a sawi chuan a ti tak tak tih ka hre ve chiah,a hmelah fiamthuna reng a lang tawh si lova.










Keihian LGBT+ te hi ka hmusit lova,ka en hran pawh ka ring vak lo,mahse maw helai hi,ka thin zawnte hi a na lutuk,a phu rang bawk,kum 3 chhung ka lo duh a ka vei ve em em chu GAY a ni,chuan U Elias a duh,a va'n na kher em....ka ṭap chhuak mai ang tih ka hlauh em vang chuan ka ngawi reng a,ani chuan inthlahrung taka ngaihdam min dil lehin U Elias bula zep turin min ngen bawk a,a thova,ka mittui a tla ang tih ka hlauh em vanga ka insumnaah ka sen vek ka ring,kawngkhar a thleng ṭep tawh tih chuan ka sawi tum ka la sawi ve loh thu ka sawi a,ka puih tur thu ka sawi chiah chu rawn let lehin lawmthu sawi chul chungin min pawm kang lawp a,min vir pui a nih chu...... U Elias a duh tih ka hriat hma kha chu nise nuam ka ti dawn lutuk,mahse nuam ka ti lo,ka lu hai vangin min dah thla tura ka hrilh chuan ka phur lutuk vang a nih thu min hrilhin min dahthla a,ka sam a chul ta zawk a.







Agnes leh U Elias te an lo lut a,kan lai ang reng hle mai,kan awmdan kha hre fum fe ve lo tan chuan a ngaih kawi theih viau dawn tlat, Agnes lah chuan kan awmdan chu hriatchian a chak hmel hle mai,mahse engmah ka sawi oeih lo,mahni a awm rih mai mai pawh ka duh zawk,mahse ei rawngbawlna lamah chuan ka phei dial a,a ṭul tur ang an lo siam zawh nual tawh avangin chutney tur purunsen kan chan a,ka ṭahchhuak chhuanlam atan a ṭha hle mai,ka mittui chu a tla zel a,mahse ka ṭah chhuah chu ka hlauh em vangin ka hnar pawh ping tak a ni tawh,min lo hmutu tan chuan hmuh ka nuam lem fahran lovang.










U Elias chuan min ngaihtuah hmel takin ka ṭhat leh ṭhat lohte min zawt a,ka ṭhat thu leh purunsen vang a nih thuin ka chhang a,purunsen chan a mittui tlak loh dante Krist chuan min zirtir a,chemte hmawr a purunsen dah turin min hrilh ang chuan ka dah ve thova,mahse purunsen vang pawh a ni em em silova,ka mittui chu a tla tho.









Agnes pawhin chawl tawh turin min hrilh ve bawk a,mahse ka chawl duh bik lo, U Elias leh Krist infiam velte chu ka en reng a,an nui leh huah huan ṭhin a,ka awt ve lutuk,lo intawng hmasa zawk ila min duh ve ngem le???? Mahse gay ni na na hmeichhia duhthu chu awm theiin ka hre silo,chaw ei a hun tawh,U Elias in midaag ko tura a kal chuan Krist chuan a thlir zui vawng vawng a,a bul a awm khan a hlim takzet tih ka hre thei,chuvang chuan ka puih ngei ang,kan duh takte kan bul aia hlimna dang an nei a nih chuan kal tir mai chu ka duh zia lan tirna a ni ve bawk tih ka hriat avangin ka puih ang,mahse a van har tak em...... U Elias hi ka thik a ni,a vawi1 nan thik ka nei ve a,chupawh min hmangaih a min duat em emtu ka tan englai pawh a awm thin mi ngei mai chu,ka rilru a van chhe tak e aw.....mahse a har bawk siiii.....








Kan ei khawm fel hnu chuan tuiah an cheng leh hlawm a,Agnes pawh cheng turin a kal ve leh daih avang chuan chaw eina chhak lam deuh bul atanga hmuh theih lutuk silovah chuan ka ṭhu a,ka mit ka chhing vang vang a,Krist hmel ka hmu,mahni mah zawi tawh sa naklaiin ka zawi belhchhah leh vek,aw thian ri ka hriat chuan ka hawi chho chu Krist a lo ni reng a,ka mittui tla chu a hmu ang tih ka hlau lutuk chu kunin ka hru zeuh a,ka bulah lo ṭhu vein min ngaihtuah hmel ve deuhin ka ṭhat leh ṭhat loh min zawt a,ka ṭhat tawh lutuk vanga a hreawm zawk thuin ka chhan chuan tuiah ka vawm thla mak dawn mi?tiin min zawt a,a duh leh tak tak dawnin ka hria,rinaiin a mawl reuh bawk sia,ka duh loh thuin ka lo chhang vat a,ka vawm thla leh dawn tho tho che min tiin min chawi kang lawp a,ka tal nasa mai,ka tal nasat lutuk vang nge min tlukpui ta nge nge a,ka chungah a rawn tlu ve chiah chu kan mit leh mit a intawng,ka zam lutukkk,engtia awm chi nge ka hrelo,ka mit ka chhin chuan min kiss turah ka ngai emaw a ti ang tih ka hlau si,kan inhnaih mah mah lutuk chu en hreawm ka ti bawk siii,heng tianga chiang hian tu mipa mah ka la hmuin ka la hnaih lo,amah chu mit khap miah lohvin ka en kur ringawt,ani pawh chu a hamhaih lutuk nge a tho mai bik silo,ka ṭang lutuk chu ka taksate na vek thei mawle......











Thawm kan hriat takah chuan hmanhmawh tak ma thovin min kaitho ve nghal a,zawitein ka ṭhat leh ṭhat loh thu min zawt a,a gentleman ve reuh hle mai,Agnes leh U Elias te chu an lo inzui phei a,min fiam tak chuan thilte min zawt vel a,Krist ka en chuan a sen vek,ka khawngaih reuh lutuk,ngaih sual nih kha atan chuan a pawi thei dawn tlat a.












Kan haw dawn chuan Bus ka ruih nasat em vangin car a chuang zawk turin U Elias in U Sangpuia hnenah chuan min dil sak a,Krist chu lo phei vein chin changte a zawh hnuin a bula chuang ve turin min sawm a,aw ka pawh mai ngam lo,bakah a bula awm kha nuam ka ti vak tawh lo,U Elias pawh chuan atan a buaithlak a rin vangin U Sangpuia rual chuan chuang zawk turin min ti a,Agnes lah chuan inla zei fahranin Krist bike a chuan chu a rem zawk thuin U Elias chu a lo râwn ve a,a bula ka chuan chak a ring niang,ka aw mai ngam lovah a ngaite pawh a ni mahna,U Elias pawh chuan tia a tih takah chuan a lo aw ve mai bawk a,a vawi1 nan a bike ah chuan ka chuang ve dawn ta......









Bike a ka lawn turte chu ka khawr tut mai a,a hmawrte invawnna lai hnaih takah chuan amah hlat thei ang berin ka chuang a,rei tawk fang kan ngawih hnu chuan vawi leh khatah a rawn khalh chak thut chu ka au vak a,invawnnaah chuan rem.leh rem lovin ka invuan a,ka lo ṭhu hmawr lutuk nge ka vuan rem hlei thei lo,amah lah chuan a hmanhmawh thu leh amah vuan tur chuan min hrilh leh ta nghal a,ka vuan ngam mai silo,mahse ka ṭannaah ka kutte na vek tawh duhthlan tur dang nei hek lo,a kawngah chuan ka kut ka va rawlh lut chu a phu deuh zuk a,a vawt ka tih thu leh ka hlauh loh thu velte chu ka hrilh a,kan veng a inhnaih vak silova,chuvang chuan a tlan chak chu a ngai ka ti ve tho a ni.










A tira hreh deuhva kuah si kha ka thla a muangin nuam ka ti lutuk tlat,a hnungah chuan ka hei hle hle a,a rimtui bawk si,rim na deuhva tui nilovin hnaih chiah a hriat theih ang chi rim hi a nam a,a rim chuan zun a nei ngawih ngawihin ka hria......









Min sawitu an awm tlat a ka hriat vang chuan peih lo tawk chuan ka mit ka meng a,bike ah ka lo la chuang reng,kan inthlang lamah chuan kan lo ding reng tawh a,ka zak khawp mai,ka ui bawk si,engtinnge ka lo mutthilh theih zawk le......chhuk nachang pawh chu ka hre lawk lova,Krist zawk chuan kan in min zawtin pahin bike a mut chu ka duh aa mi?tiin fiamthu deuhvin min zawt a,ka zak hle....











Kan in chu kawkin ka chhuk vat a,lawmthu hrilhin ka mangtha hnuin luh mai ka tum chu 'thingpui tal in turin min sawm ve dawn lo em ni" a rawn tih chuan ka harh chhuak zawk,in leng ka nei ngai lo lutuk a,ka thiante lo len chak viau pawh nise chhuanlam siamin ka len tir ngai lo kha nia,'a bul ṭang ka'n tiṭha leh nge'tiin bike ah chuan ka lawn ṭha leh a,a van ṭul lo tak,bike a lawn kher kha a ngai lo,Lalrinpui engvangin nge i chet ṭhin theih em em a????? Thingpui in tur a ka sawm chuan a hmanhmawh thuin min chhang leh daih sia,a lungawi lo em mawni chu le aw ka tih chuan haw nghal a tum hrim hrim thu leh nula pui ka hawihhawm loh em vang chuan ka hnawn a rin thute chu a sawi vel a,ka rinloh lam takin ka phone number min dil thut chu 'enga tan?'tiin mawl takin ka zawt he haw a,ani lah chuan
"Phone number chu enga tan nge an tih tih?ka ei hmel silova,engtan nge niang?"tia min zawh chuan ka nui zui a,phone number kan inpek fel hnu chuan a tlanchhuak chu ka thlir vung vung a,ka hlimin nuam ka ti takzet,a rimtui takte chu ka hnarah a la cham reng .











Tun hun.



"Puiiii....tho teh,i ṭhianpa a lo kal nia"tiin ka nutei chuan min lo kaitho a,ka awih lo lutuk,ṭhianpa rawn kal tur ka neih pawh ka hrelo, tumah kan in a rawn leng turin pawh ka nei lo,U Elias leh Agnes bak kan inah an rawn kal ngai lo hrim hrim,ka nutei hian min bum leh niang,peih lo tawkin ka tho chhuak a.,ka room aṭanga mit nuai nak nak chung a ka chhuak chu ka mi hmuh vang chuan ka meng kawk a.....


(Ekzam ka neih dawn avangin naktuk velah ka lo dah thei lo mai thei a,min lo ngaithiam dawn nia,chuvang chuan nidang ai pawhin ka rawn dah thui deuh hlek zawk a ni e,chuan like kha theihnghilh mai lovin min lo pek sak ve hram hram ula,comment pawh a theih chuan ka lawm ngawt ang,mutttui vek ule....)

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » February 7th, 2021, 6:39 pm

"Nu....tinge min kaihthawh loh,thawh ka hai leh tawh nia"ti deuh nang nangin choka chu ka pan a,ka u chuan ka nu eirawng a lo bawl pui a.
"Nizan i lo haw tlai ang reng sia,i chauh ka ring a"
"Chauh chu chau lem lo,mahse thawh tlai deuh hi chu ka zak ve lawm...."kan nui ho dar dar a,ka u leh ka nu eirawngbawl chu ka tem char char a,chaw ei an peih meuh chuan ka intem puar hman vek.







Chaw kan ei dawn lai tak chuan ka pa phone a ri a,chaw ei laia phone hman vel hi a mawi loh em avang hian emergency a nih loh chuan kan hmang ngai lo,chuvang chuan chaw rawn kil hmasa lovin a phone chu a la phawt a,a rawn let leh a a ṭhut hnu chuan


"Mama,i zirlai....tunge a hming ka han theihnghilh chu......"ka u chuan rang tawkin "Mawitei" a rawn tivat a,"Aw.....Mawitei chu karleh lam aṭang hna ṭan nghal turin an ti nih chu aw"
"A va lawmawm ve....interview te pawh neih a ngai lo maw????ka patea thawhna an hotu pa chu mi fel tak a nih dawn chu.... Mawitei chu ka hrilh a nga,a lawm ngawt ang"a tih chhunzawm leh vat a,a hmelah saw chuan hna hmu zawktu a ang hle mai,awm chu a awm a lawm.....Midang ho pawh chuan Mawitei an tih chu an lawmpui hmel hlawm hle,keipawh chuan ka lawmpui tho mai,an khawngaihthlak ka lo tih ve bakah ka u hlim hmel siamtu a ni reuh tlat a,ka u hi hmel hlim sang reng pu a ni ngai lova,mahse biak hreawm khawp a inhmuam up erawh a ni lo thung,mahse Mizoram ka awm leh tâk hnu hian a hmel hi a nung sar reng a,Mawitei chu la hmu ve miah lo mahila mi fel tak a nih ka ring a,ka u hlim put tir theitu a nih chuan a lawmawm lamah ngai phawt ang.








Chaw kan eikham inpeih fel vek tawh hnu a ka room a nimin a kan thlalak vel ka lo en mai mai lai chuan ka u chuan kawngka lo kikin"Ka lo lut thei ngem?"a lo ti a,lut tura ka hrilh hnu chuan ka khum bul ṭhutphahah chuan ṭhuin Iron man lem dawhkan a ka dah chu lain a en kual vel a.







"Enge i tih a??"
"Hei nimin a kan thlalak vel ka lo en kual mai mai a nih hi,chhuah i tum nange?"
"Tlai lamah chiah ka chhuak ang"
"Mawitei chu hrilh vat vat i chak lo mi a? Chhuah tlai i van tum"
"Phone in ka hrilh tawh lawm,tlai lamah zanriah ei turin min sawm a,ka kal chauh ang"
"Aw.....,i van zei lo tak"
"Timaw??"
"Tinge tunah i hrilh thawt thawt,phone ah lehnghal"
"A nghakhlel tawh dawn em a ka hrilh tawp mai"
"Awi"tiin ka lu chu ka thing zui a,ka u val senior bialnu pawh nei ngai lo hi zei viau turin ka beisei chu ka mawl bawk....
"Aaa...a tak ngeiin i hmu chak ve lo mi??"
"a.....tlaiah ka hmuh dawn chu"beidawn hmel tawka thaw hawkin
"Nilovin hna a hmu tih i hrilh lai vela a awmdan,a lawm hmelte kha i hmu ve chak lo mi??"
"A ni dawn tak,i hmu leh lo tiin ka va hrilh mai teh ang,tlaiah ka hrilh ṭha leh zawk mai nga"tiin a phone chu a phawrh chhuak a,call a tum chu rang tawkin ka va chhuh sak a.Mak tih hmel tawk a min enin
"A awihawm dawn tawh lo em a sin,hlim deuhvin i awm tir tawh a,awm tir law law rawh,tlaiah chuan puar tawkin chaw va ei la,a tawk a ni mai"
"A tirah min hrilh vat tur lawm,ka van ui eee"a ti vawng vawng chu ka nuih a tiza,a hetia a awm reng chuan hmeltha,hausa in chhelo viau mahse a leng tar dawn....









"Uuu...Mawitei hi i duh tiraw"
"Maw????haaa....awihawm loh lutukk,ka zirlai a nia,ngaihtuah leh buaipui ngaiin an awm a,ka pui mai chauh a lawm"a mitmeng chu a pha buai hle.
"Ka awih lo eee......zirlai satliah mai chu a ni lo tih ka hria nia aw....,Mawitei chuan i duh tih a hria em? A duh ve che i ring em?"
"Aaaa.......ka hre bik lo"
"Ee....i duh tak tak tihna nimaw??? Engtik ṭang nge i duh a?"tiin phur tawkin ka va ṭhut hnai sauh a.
"Kan college a a rawn luh tirh ṭang hian ṭha ka ti reuh hrim hrim a,mahse ka zirlaite lo ni ve bawk nen ngaihzawn enah pawh ka en lo,amah chu a inkiltawihin ahrang bik riau hian ka hre thin a,khatia anu nena kan inhmuh takah khan a inkiltawih chhan chu ka hrechhuak ta a,ka khawngaih reuh hlein amah chu belhchian a dawl ka ti bawk a,ka ngaina telh telh a,tunah chuan ka duh tawhin ka hria"
Nui sukin"ka hria lawm,i awmdanah a hriat rap.....i duh tih hrilh vat rawh,i upa tawh,nupui i neih vat loh chuan i ching hman mai ang,Paula'n a sai che ni mai"ka ti a.
"Ka lo tilang mah mah law ....ka nuten an hre ve ngem? Hriat tir ka duh rih lo nia,Mawitei chuan min duh ve pawh ka ring lova,chuvang chuan engmah hrelo law law rawh se aw...."









"I van confi lo tak,mipate chu....a tirin min duh lo mahse kan hel kan hel chuan min duh leh zel tho,'hmeichhia leh uite te chu a chul nel peih peih'an tih kha,chuvangin lungngai suh,bakah a duh dawn che tih ka hrethei mai,tunah pawh hian a duh tawh che ka ring,mahse an Sir kha i ni ve tlat a,a zak pawh a ni maithei"
"Nia,a ni thei ngawt ang,,....hma chu lak ve ngei ka ngai tawh niii....,chuan vawiin enge i tih dawn?"a tih zawm lehnghal a.
"Engmah tih ka tum pawh ka hrelo,tinge a min tih tir duh i nei em ni??"
"Aw,vawiinah chuan i bike tur chu i han en hman a ngem?tih zawh che ka tum a"
"Eiiii.....chutiangte chu nge min zawh?ka hman lutuk,ka phur lutuk ringawt"
"Pawisa ka lo transfer tawh kha,i duh ber i thlang dawn nia,a deih loh leh min lo hrilh leh nga,ka lo transfer leh nghal ang"
"Yes.....ka u hi khawvelah a ropui ber,ka superhero i ni tih kha hrereng rawh aw.."ka ti chu ka u chu a nui huah huah a.
"Kal pui i ngai em?"
"Aih ngai lo,nangmah kha inbuatsaih zawk rawh,zei tawkin i va che dawn nia"
"Awle,nuam deuhvin"tiin kan style chuan kan han ti vel a,a chhuak ta a.










Ka hlim hle ni,phur tawkin ka insiam a,ka nute hnenah ka uin bike min leisak tur thu chu chhuang fein ka sawi a,ka chhuahsan ta hlawm a. Ka tlan zel a,Elias te veng ka thleng hlawl,mahse ka rilru a awm hi....ka bike ka din tirna kawt chu ka enin Elias te in a nilo,Lalpuipuii te in a ni daih,engvang a an in a ding hi nge ka nih ringawt le.....e.....Elias laka hma ka lak nan mawle...ka van lut hreh reuh,aaa....ka kal ta sa sa lut tawp teh ang tiin kawngkhar ka kik chu hmeichhe pakhat ka u rual vel turin kawngka a lo hawng a,Puipuii chungchang ka zawhin a la thawh loh thu a min chhangin lut turin min sawm a,kaitho turin room ah a lut zui nghal a,a rawn chhuah leh chuan a hna lama kal a ngaih thu min hrilhin min chhuahsan ta a.








"Enge i lo tih dawn???"tiin Puipuii chuan min zawt a,ka va lan thut chu a beisei hmel loh hle mai,tho chiah tih hriat takin a phak chual a,mahse a duhawm.....aa.....duhawm loh,kha kha chu ka sawi lohah ngai ru.....









"Ka lo leng,......inlengte hnenah chutin an ti ngai a mi?"
"Ah....i rawn kal thut sia,..."
"Ka rawn call nasa lutuk che,i la tho lo tih ka hriat vangin kaitho tur chein ka rawn kal a nih hi,inpeih vat la,kalna tur kan nei"
"Maw??? Ah....kalna tur kan neih awm ka van hre lo ve....."
"Inpeih vat mai rawh,a tlai tawh nia,hei dar 10 a ri tawh nia,nula pui tho tlai em em lehnghal"ka ti chu a sir lamah a lei chhak zeuhin
"Ka thawhna rei tawh aw.....,kan kalna turte sawi ve phawt la,engtinnge ka inchei ang tihte pawh ka hriat ve theih nan"
"Mitthi vuinaah kan kal dawn,dar 11 rik hmaa kan thlen loh chuan kan tlai chhe vek ang,traffic a tawt dawn si,hmanhmawh rawh le...."









Engmah sawi lovin hmanhmawh deuhvin a room ah chuan a tlan lût lehnghal a,an in chu a lian hran lo,mahse a fel faiin hmuh a nuam reuh lutuk,an inah chuan pangpar emaw incheina lampang tar mawi vel a awm lo hle mai,an in chu luh chiah chuan sitting room a ni nghal a,choka a hran em em a awm chuang lovin parda pan tê an zar tawp a,chuan sitting room sir lamah chuan room pahnih a intlar a,sitting room leh choka inkarah chuan verandah kal pawhna a mi aw....kalkawng zim tê a awm a,a awmzia chu room leh room inkarah a awm tihna a nih chu,chuan room pathum an nei tihna.....ka hawikual vel a,an thil tar velte ka en kual dan dan a,thlalak pakhat chu an tar ve ngei a,tah chuan mi pali hlim hmel takin an nui a,pakhat hi chu ka kal tirh a min lo chhâwntu kha ni....a dang pahnih hi chu a nu leh pa an ni ngei ang,an chhungkua chu an lian lo ve hlawm hle a,mahse chhungkaw hmeltha ve tak chu an ni nih hi tiin ka nui suk a,chokaah chuan tui in turin ka lut ve tawp a,frigde ṭang ka la chhuak ka kâ a ka khawhluh tir la lem hman chiah siloin ka hawi let chu ka thil hmuh vang chuan ka tui in chu ka phuh chhuak ṭhawt a.,tlem chu ka hak zui bawk a.










"Eng...engthil nge i tih a??? Tunge i nih??"tiin ka hmaa hmeichhia dum hlang vek a inthuam,sam sei hnuang kun chung a a sam hmalam a thlakthla vek chu ka zawt a,a sam chu a hmet tawm vek a,a rawn hawichhuak tur chu ka lo huphurh lutuk,an in hi a reh reih rawih bawk si....engtin emaw ka za chem chem.....Chil lem kawlhin ka tawlh hnung deuh hrut a,mahse....mahse awi....











"Lalpuipuii,....Enge kha tia i rawn awm vei a,tinge a dum hlangte chuan i rawn inthuam,khawlum vei vei nen a"min tihhlauh em vang chuan ka hrawk deuh ṭhawt a ni mai.
Ani lah chuan awlsam tawkin"ka sam ka ṭawn ṭha,....tinge tuite chu i phuh chhuah a?i va hlauh hmel ve.....??"ka ngei lutuk mi hlauh ve ve nen a.









"I room ah te pawh ṭawn ṭha mai la ti nia"
"Aw,....hreawm i lo ti ang tih ka hlau a lawm,kan tlai ang i tih kha,kal tawh ang"chu a tih zawm leh zat a
"Tinge a dum hlang kherin i inthuam a,ngatan nge puante kha i bih?a lum lum nen,tikha chuan i bulah ka kal peih lo"









"Mitthi vuinaah kan kal dawn i tih kha....a var hak chi a nia mi?lawk lo nghak lawk,puan hi chu ka khai zawk mai ang,tinge nangpawh mitthi vuinaa kal tur si kawr varte i hak a?"Ka nui phuh teuh a sin aw....a van mawl tak,bum nuam lutuk mai.room a luh leh a tum chu ka lo pawt ding chawt a,hnai deuhva enin ka kun hniam chu a mitmeng ka chhiar thiam lo,a mit chu lian tawk a mengin chiang fahranin min en chu keimah zawk chu ka lai chhe ṭhelh a lawm le,tihlaih ka tum chu ka lai zawk tlat,a chalah beng zeuhin
"Mawli....va inthlak leh nghal rawh,ka fiam che nih kha,hmanhmawhin"
"Mitthi vuina a kal turin min lo sawm tak tak lo,i van mawl tak,ka van ning e, ka inthlak leh peih tawh lo sin leeee"zawite a sawiin a lut zui daih a,aie ka va zam chhe teuh ve,tinge tivel khan ka chhaih kher kher le aw....tiin ka insawh khawk nawk nawk a.









"Kal ang le...tun a ka incheina hi chu sawisel tawh miah suh ang che,sawisel pawh nila ka inthlak tawh dawn lo" sitting room a ka lo ṭhut lai chuan a rawn tichhuak deuh nang nang a,a inhmeh reuh mang e,tshirt var lian ṭha deuh mai hain jeans kekawr grey lam lek lek thawl lam chu hain pheikhawk var a bun a,a kawr hmalam chu tlemin a thun deuhva,a inchei dan chu simple reuh viau mahse amah a fai veng reuh,a mawi pui lem lo khawp mai....aih ka dawt vek a nih kha,a mawi pui lutukkk hi ka sawi tam duh lo zawk.


IMG_20210121_164120.jpg
IMG_20210121_164120.jpg (95.08 KiB) Viewed 548 times




"Le..chuang rawh le,...e chuan a hmawr tê a i chuan leh
chuan kein i rawn kal a ngai ang"
"Zak lo eee,nangmah min chhuah puitu tur zawk i nih kha aw...."A tawngkam vang chuan ka nui hawk a.bike ah chuan lawn mai lo chuan a bag chelhin a ding reng chu
"A ṭha e...chuang rawh lee....i duh duh dan khan chuang rawh,i tlak chuan mawh ka phur lovang"ka tizui hram a.









"Ehe....hetah maw nge kan tih dawn?"bo hmel tak chuan a ti hu a,
"A ziak khi i chhiar thiam lo mi?Ka ril a ṭam,thil ei ang"
"Thil ei pui turin maw min rawn sawm a"
"Ni chiang e,lut vat ang"









"I duh duh kha chah rawh.."
"Mahse ka rilṭam i tih kha,ka duh zawng ka chah daih ten"
"Ei duh loh ka nei lo,chah mai rawh,mahse puar theihna lam kha chah ang che"
"Awle"tiin hnial en a min en tawh loh vang niang a duh chu a ziak thla zui nghal a. A thil chah ber kher chu ka ei chak thlawt lo,ka ei duh zawng pawh a nilo,bakah ka rilṭam lo hrim hrim,mahse amah hi a tho chiah insiam a min zui nghal kha a nia,a rilṭam dawn chiang lutuk. Ei mang lo chuan ka thai kawi vel mai mai a.







"ka rilṭam i ti sia,van ei tlem,i duh loh zawng a mi a?"
"Aw"a inthiam loh hmel rap.
"ka fiam a,....ṭah tum leh nghal ringawt,ṭahbelh lutuk,naupang chhia pawh i nih tawh loh hi"ka ti chu a hmui a tipawrh nasa mai.








"Tihian kan haw tawh dawn tihna mi?"tiin bike a kan chuan lai chuan min lo zawt a.
"Haw dawn nang,i haw tawh dawn lo"
"Nihchuan khawnge min kalpui leh i tum a?"
"Ka kidnap dawn che......"
"Hei mawl viau suhhh.....fiamthu reng lo teh"kan tlanna lam a fal tawh deuh vang chuan nge mawni a hlau deuh tak takin ka hria.
"Kan thlen hunah i hre mai ang"ti chauhvin ka chhang a.A ngawi ve hle hle tawh mai.










"Kan thleng,chhuk tawh rawh,i lo muhil leh hman em ni a?"
"Muhil bawk lo,chhuk tur leh tur lo ka hrelo lawm..."tiin bike zawrhnaah chuan kan lut a.
"Enge kan tih dawn a???"a ti leh haw mai.
"Bike zawrhnaa kan kal chuan nge kan tih dawn hrethiam ve mai lo mi??"
"Aih,hrethiam lo"
"Mawli"tiin a luah ka khawng a.
"Bike zawrhna dawr a kan kal chuan bike kan lei dawn tihna ni mai lo mi?"
"Mahse bike i nei tho sia"
"Bike pakhat chauh neih phalh tih thu awm mi?"tiin ka kalsan zui a,ka bike duh ber ka thlan fel hnuin kan haw ta a.








"Vawiin chu innel nan hun ka hman pui che a,naktuk atang chuan ka puarakah i ṭang char char tawh ang,chu chu i hre dawn nia"tiin an inkawtah chuan kan ding a.
"Hmm....i phakar e ahhh...."tiin a hmui a pet sawi zeuh a.
"Anih aw...."
"Awle a nih leh mai le...."a tih hnu a tlanchhuah ka tum zet chu,ka ding leh rih.
"Ka thil hrilh che kha tinge i zawm miah lova,naupang thuawih lo tak i ni"
"Eng ber chu....??"
"Miin an thlah che emaw a nih chuan a mawiah tal leng lut turin sawm ve ta che"
"E...aw....ah zingah i lo len tawh tho kha,rawn kal tawh lo mai rawh"chu a la ti deuh deuh a,a va han kawm tak.








"Rawn kal tawh lo mai rawh i tih vang chiahin ka rawn kal ang"tiin bike ṭang chuan ka chhuk leh a......hmanhmawh tawkin lei min chhuah zeuhin min tlan luh san daih chu...
"Lalpuipuiii,hei Lalnunpui,lo ding nghal rawh"ka ti vak a,a tlan lut kawngkhar a khar nghal hmak chu a van naupang chhia reuh tak,bakah nge maw len a phal loh viau nii.....an inchhungah ro phum ruk an nei a mawni.....mahse lei min chhuah zeuh a a tlan lut zawk kha ka nuih a za chu ka nui zui suk a,'mawl reuh lutuk'ti sapin ka inher chu ka mi hmuh vang chuan ka phu chiang hle....

(Ekzam ka neih vangin ka mumal lutuk thei lo hi hreawm ka tiii.....min hrethiam hram ru aw.....)

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » February 7th, 2021, 6:39 pm

(Ka rawn dah hman hram ee.....min lo chhiar sak leh vek dawn nia,induh khawp lo maithei a,mahse hun hian min deih thei thaawt lova,min lo hrethiam dawn nia,chuan ekzam ṭha taka ka tih theih nan pawh min lo ṭawngṭai pui ve ṭheuh dawn nia)







"Enge i tih a?"
"A.....ih...hei Puipuii hi ka lo thlah lawk a,nang zawk enge i tih dawn..??."Tiin bah deuh takin min en rengtu Elias chu ka chhang a
"Gym ṭang ka lo haw chiah a,haw nghal i tum em ni?"
"Aw haw nghal mai ang"
"Kan vengah,chu pawh kan in bul maiah i lo kal a,min tlawh lova haw nghal daih i tum a maw?"lungawi loh hmel deuh chuan a ti a..
"A....inah i awm ka ring vak lova,chuvang nia,nidangah a hran pa liau liauin ka lo leng ang"inthiam loh deuh chuan ka ti chhuak sap a.








"Puipuii nen hian in inkarah awm a awm mi a? In inhnim hnai sawt riau mai"
"Haa....awm teh nang aw....ti awm ang lo emai,naupang leh nghal"
"Naupang mai mahnise hmeichhia tho a nia,chuvang chuan fimkhur viau ang che,min tlawn hle a ngai ang,ka enthla reng dawn bawk che nia aw...."kut kuangkuah chung a hawisang vah chuan a ti a.














"Ka duh lo ka tih chuuu,tiang lamah chuan lungngai suhhh,ka kal dawn.."ka thusawi a awih thei silo chu ka ti vak ringawt aaa.....ka helmet a full in ka khum sauh sauh a."Mangtha"titau ṭawng deuhva ti sukin ka tlanchhuak ta vang vang a,darthlalang aṭang chuan lu thing nar nar chung a a nui suk ka hmu phei chu ka lawm lo leh zual,naupang nghal lutuk Lalpuipuii angte duh angah min ngai a,min ngaikawi tur zinga ka duh loh ber Elias ber kherin min ngaikawi leh nghal,huiha.......










"Ka lo haw e...."phur lo taka ti lutin ka pi la phiarna bulah chuan ka ṭhu khawk awk a,ka pi chuan min en deuh vang vangin
"awi....i hmui chu khuaiin a zuk che mi a?"
"Aih,zuk nang,tinge a?"
"Nihchuan i va tûm lian awm ve a"
"Pi....ka rilru hah"ka ti thawp sap a
Ka pi chuan nui chungin"ka tupa duat hi a rilru hah ve thei nimaw???"tiin ka biangah a piai vak a.
"Piiiiii.....tikhan min ti tawh lo teh u,naupang chhia ka nih tawh loh hiii,room ah ka luh san daih dawn che"tiin lian leh zual a tûm chungin ka room ah ka chhoh san ta a.











Khumah zawi tawk a letin tinge Lalpuipuii ber kher bike lei pui a ka lo sawm le...Hriata emaw Elias emaw tal kha lo sawm zawk ila aw.....a......ninawm,ka ti laklawh tawh,ka siamtṭha thei tawh dawn chuang lo,a ṭha vek e.....kan nih loh miau chuan min ringhlel mahse thudik chu a lang chhuak leh zel tho.....mahse a pawi e...min ringhleltu Elias ber kher ni leh nghal....











"Ehe....enge i lo tih a?"tiin ka room ṭang ka chhuk chu ka pi bulah Hriata chu a lo ṭhu a,la phiar dan vel an lo inzirtir malh malh chu niin..
"Kan inah ka lo haw a,enge i lo tih?tih min zawh daih a"
"hahhaaa, va awihawm ve.....room ah lo kal teh,hna i nei"tiin room lam chu ka pan chho lehnghal a.









"Enge a????ka phiar thiam ṭep a sin"a rawn ti lut lawng lawng a.
"Phiar thiam thiam a ngai mi a?ṭhu phawt teh"ṭhu rawh tih hi chu mu rawh tihna tluk,a mut leh hmak tawh hiiii....
"I duh chu sawi rawh"a rawn tinghal a.










"Maw?????Puipuii hnenah i hrilh maw?aie.....i van huai ve....."tiin a au vak a,chek tlakin
"Au vak kha ṭul lo,ka sawi ang kha nimai"
"Chuan a puih dawn bawk che a,van mak ve..."
"Nia,mi rilru zau tak a ni,nangin hma min lakpui i tum silova,ani nen chuan a sawt deuh ang chu...."ka va tiel vel a.
"A.....tum lo pawh nilo,ka tactic hman ṭhin leh i tactic hman tur hi chu a danglam hlak sia,chuvang mawle"zam hmel deuh chuan a ti leh a.









"Pawilo,mahse koh theih leh tirh theih reng khan awm la,i tihthei chhunah chuan inpeih at ang che"
"I va han thu tak....awle,boss,boss thawuih leh zahpuiawm"
"Ka beng ang che....."kan inhnial vak vak a,a hnu chuan kan nui leh ringawt.
"Khawi,in picnic na in thlalak vel chu ka lo en"
"Kha ta kha,la ve mai rawh"tiin laptop awmna chu kawkin phone ka khawih san a,ka mi zawn ber lah chu ka hmu mai lo lehghal....










"Ai......"tiin a rawn au thut ka phu nasa lutuk chu ka phone ka thlauh ṭhelh a lawm le....
"Enge,i au vak a?"thinrim tawkin ka ti hrawk a,laptop ka hma a rawn dah phei sawk sawkin
"Heihi tunge a?"a rawn ti chu ka'n en ve nak chuan ka ngei reuh lutuk.
"Agnes a nih kha,hlauhawm i hmu maw tih nak laiin"
"A van hmelṭha ve.....ka van single fuh e,ka bem nghal dawn,khawi department a mi nge?"
"Lalhriatreng,lera leh.....nangmah vangin ka lungphu chawl lo chauh a,,chu chauh chu maw sawi tur i neih"ngei tawk chuan ka ti a.









"Tihpalhh....chhelo ka ti lutuk a....ka lo insum hman lo nih khaa....,maw....sawi vat laaa...."
"Puipuii ṭhiannu nih kha,an department ka hrelo"
"E....ka hria lawm....a......a van pawi em....Brenda vang vek,music club ah ka lo kal ve mai lo kha"
"Haha.....kha kha nimai,.....ka sawi i awih duh lova....i ler thak vangin dancing club ah i awm vel a,chhelo an awm leh reuh silova,music club ho chu a hmei apain kan chhelo sia maw...."tiin ka nuihsawh vel vak vak a lehlam min hawisan hmak.








"Taka maw....kan class a mi Phoebe ten i number min dil nasa lutuk,i chanchinte min zawt vak vak a"
"Engtinnge min hriat a?"
"Da boyz a mi i ni tih an hria lawm"
"Taka kha thil kha ka hrethiam lo,engtinnge an hriat theih a?"
"In video a lar vak tawh a lawm.....tu post nge phei chu ka hrelo,i langsar bik mai sia maw...."
"Video a?eng video maw?i la nei em?"
"Nei nang.....chu chu pawimawh lo emai"
"Lar nan a kan tih ni hleinem.....mak ka ti reng a,min zawttu an awm ve ziah a"
"Da Boyz a mi i nih leh nih loh min zawttu an tam mai,i number min diltu pawh"
"Chuan Ka number chu i pe em?"
"Pe e.....min dilte chuan .....ka pe zel mai"
"Pek loh tur lawm,ka chhanglet dawn chuang lova,an khawngaihthlak mai mai"
"I sual e....biak ringawt chu nge pawi?"
"Be let ve ta ila,beiseina ka siam sak a nga,an tum ang leh beisei ang a thleng lo nga,an rilru a na mai mai dawn,chu chu a ṭha i tia mi?lo pe tawh hlawm miah suh ang che"ka ti let deuh salh a.











"A.....midang rilru tihnat sak chu a ṭha chuang lova,mahse i biak let ve loh khan induh an ti dawn che sinn"
"Induh chu min ti mai mai se.....bakah mahni tal kan induh ve loh chuan khawvel hi a hreawm dawn emai,mahni chu induh tâk tur"
"Haaaah.....lo nih tak chu.....tinge anu hi chaw ei turin min va rawn ko har em em,ka rilṭam tawh e...."
"Chaw ei nghal i tum leh ringawt law???chaw kan chhum kep hleinem che...."
"Ve a,anu hian maw tuktin tlaitin hian ka lo kal emaw kal lo emaw chaw min chhum kep loh lai a nei ngai lo"intithei fe chuan a ti a,ka nuih liam san ta mai mai,a sawi dik em a,ka dang der......










"Nu,khawnge U Mama hi...???"tiin Hriata chuan kan chaw ei laiin ka nu a zawt a.
"Nia,a thianten chaw eiah an sawm a"
"E....a ngaihawm reuh em a....kan inhmu khat sia,a awm lo chu a reh hle mai"ve ngei a,ka u hi a zah lutuk a,kan ngaisang dûn bawk a,pawlawh deuhvin a bulah chuan a awm ngam ngai lova,ka nui tet tet mai.....









Ka phone ri vang chuan peih lo tawkin ka tho chhuak a,khawilam a phone call dawn chu eng day emawni a lo nia,ka phone in min lo hrilh mai mai a lawm mawle....ka mutui lai ka harh phah ringawt,mahse a hma vak tawh chuang lova,ka tho chhuak ta tho a.









"Zinglam chibai le.....ka nu"tiin chokaah chuan ka lut a.
"Ehe!,i van tho hma ve a,i va tlangval tawh ve...."tiin ka nu chuan min lo fiam zeuh a.
"Nu.....tikhan min tiziah su.....,val senior ka nih ṭep tawh hi aw....."ka ti chu a nuih a za hle.....thingpui ka in lai takin ka u exer la a rawn haw ve chiah e....Lalhriata haw hnu khan ka mu zui nghal a,nizan khan kan inhmu ta miah lova,chanchin ka hre chak riau,ka zawh loh chuan sawi tawp lovang,thingpui lam a in ve ngai loh vangin ka nu rawn be zeuhin a room lamah intifai turin a kal chu ka zui ve nghal a.








"U...."
"Aw,enge ni ta..."
"Bike chu ka la tawh sinnn...."
"E. Aw...zingah khan ka hmu lawm...a nalh lutuk,i thlang thiam hle mai,ka khalh ve ṭhin ang aw...."tiin min fiam zui nghal a.
"Aih,ka phallo,ka ta a nia,ka pawisa a ka lei a ni bawk a,tuma min khawih pui ka duh lo reng reng"tiin fiamthu zetin ka chhanglet chu a nui huah huah a.









"U.....chuan..."
"Chuan enge?
"I va kalna lam chanchin i sawi miah lova,atluang maw?"min ko ti san khum zeuh zeuhin fiam zetin ka zawt a,thuphahah chuan ṭhuin,thu tak hmel fe hian
"A..... Bawiha.... pa lo pawh min ti viau mai thei a,sawi tumin ka kâ ka ang zuau pawn ka sawichhuak thei thlawt lo,ka zam lutukkk,Minister sawm sarih hmaa awm ai pawn a zam awm a lawm le....min duh ve ang nge ve lo ang?tih takngial pawh ka hre silo,ka hrilh thei thlawt lo"a ti chu ka khawngaih reuh mang e,ani mi inchengvawng,mi smart lutuk leh inringtawk tak pawh duh tak tak a tawn hnu chuan a zam chhe ve hle tih ka hrethei a,ka lawmpui rualin ka khawngaih bawk.










"'kan duh tak takte chu kan zah em em ṭhin a,kan mit a an en chiah phei hi chuan a zam awm,mipa tan pawh'an tih ṭhin kha,ka hrethiam che,mahse maw U.....lungngai suh,a duh che tih ka hrethei a ni.....mahse an Sir i nih ṭhin avang khan a zah dawn che a,bakah a aiin kum tamin i upa bawk nga,a sawi ngam mai lovang,beidawng miah suh,mahse hmanhmawh lo la,muangchang chuang suh,tunlaiah mi fate an nghal a nia aw..."tiin ka fiam zui nghal a....
"Ehe,...kan naute chu thil a va hre reuh ve.....i zei hmel riau mai a....."tiin ka samah a rawn chul a....
"Ka u.....ka ning,naute ka ni ziah lo,inbual rawh,thlan rim i nam"tiin ka chhuak zui nghal hmak a,a nui hawk ri chu ka hre hman,'naute ka ni ziah lo,ninawm lutuk mai,tlangval dik tak,val senior ni pha ṭep tawh ka nih hi',tiin ka phun zui nang nang a.








University ka thleng chiah chu ka mi hmuh vang chuan ka nui suk a,hmanhmawh taka chhukin a hnungah chuan ka kal zel a,....a kal chak reuh phian ka ti.....









"Lalnunpuiii,lo ding teh"rawn hawi eih lovin a kal hmawk hmawk chu ka thinrim dawn lawm le.....
"Lalnunpuiii,lo ding teh ka tih chu,i va induh ve a"tiin a bag ah laiah chuan ka va khai nawk a,phawk fein a rawn hawi a.








"Hei,min thlah vat rawh,a hreawm a nia"
"Sawi phawt rawh,tinge i rawn hawi duh miah lohva?,ka koh vak vak che kha"
"Min koh awm ka hre lo reng reng"
"Lalnunpuii,tiin ringtawk,building khawk rum rum khawpin ka koh che kha"
"Min thlah vat rawh,min en ṭhup a nia,bakah Lalnunpui,tia min kohte chuan tinge ka rawn hawi anga?"









"Tinge i hmingpum a koh chu i haw viau a mi a?"
"Bahadur tiin ko che ila i rawn hawi bik dawn a mi?"
"Mawl......ka hming nilova min kohte chuan tinge ka hawi ngawt a nga?"tiin a luah chuan ka nam zeuh a.
"Khatiang chiah kha nimai"
"Maw? Awmzia chu Lalnunpuii i ni lo tihna maw?"
"Ni nang"Tiin ner nangin min en a,ka inthiamloh leh sia.









"Nihchuan enge i hmingpum chu???"
"Ka hrilh dawn bawk lo che,min ko ziah palh ang"
"Hmingpumte chu inkohna tur a an phuah a ni lo mi a???"
"Nia,mahse nangma min kohna tur a phuah chu a ni ve lo"chek tlaka ka va hnaih phei chu lei min chhuah khum zeuhin min tlansan daih a,a va han nghal ve chiang tak em.....Enge a hmingpum chu niang aw??"......a hmel a nu em vang khan Lalnunpuii tih hming chu a nu reuh a,a inhmeh phian ka ring kha nia,a.....pawimawh lo,ka kal daih dawn......








Tunah chuan inzirtir em em pawh kan ngai tawh lova,ṭul leh pawimawh tur en fel a a chang a en pui leh zeuh kha a nimai,tih tur em em a awm tawh chuang lo bawk a,Elias bulah chuan free deuhvin ka awm thei tawh,guitar kan perh a,kan zai a,kan nui a,a nuam khawp mai,group te tein kan inṭhen a,intihsiak neuh neuh chu awm leh dawn thova,inthlahdah thei chu kan ni hauh lo mai.










"Lalnunpuiii.....enge i lo tih a??"tiin amahte chauhva a lo ṭhutna bulah chuan ka ṭhu thla ve a.
"Hei....he hla hi perh thiam ka tum a,ka lo zir mai mai"
"Thiam tawh em?"
"Aih"
"Ka awih lo,han tichhin teh"
"Ka thiam lo tak tak lawm...."
"Tichhin la,i thiam lohna lai kan en dawn lawm....."
"Nih leh"tiin a perh chhin a,a tihdik loh velte chu ka hrilh ṭha vel a,kan infiam nui vel chu a nuam reuh,a bul a ka awm hian engtin emaw tak hian ka thla a muang riau,ka hahdam sawng sawng ṭhin.....









"Elias,thil ei ila..."tiin Puipuii nen chuan Elias awmna lam chu kan pan a.
"Ah....vawiin chu inbulah ka rawn ei thei dawn lo a ang hle mai,hei kan tifel hleithei lova,min lo va ei san phawt mai ula...."
"Aw pawilo,mahse thil ei ngei ngei ang che"ka ti zeuh a.
"Awle....ka hria e..."
"Kan kal a nia"tiin kan chhuak zui nghal a,canteen kan thlen chuan kan duhzawng kan chah zui nghal a.










"Khawnge Agnes hi???"
"Vawiin chu a lo kal lo"
"I mal dawn a nimaw???"
"Aw,....Agnes awm loh chuan keimah chiah ka ni mai..."
"'I awm thova,ka mal lo'te ti ve che,zei lo thei ee....."ka ti chu a nui hawk a.
"E..taka thil ka zawt thei che ngem?"
"Khati khan polite tak khan min be vel lo teh.....i zawh duh chu min zawt bawrh bawrh la,ṭhian inkarah khatiang kha chu a ninawm"ka ti deuh ngei a.
"Ṭhian maw?"tia ngaihtuah muk hmel deuhvin a nui deuh suk a,ṭhian angin min lo en ve miah lo a nih dawn hi,.....na ka ti deuh vawng vawng a mawni......ka awmdan mai mai chu....








"Enge min zawh duh chuu?"
"E...aw....U Elias chu ....engtinnge hma lak i tum a???"
"E....chu chu maw min zawh duh chu"tiin ka nui suk a
"A hmasa berin a mi duhzawng min hrilh hmasa phawt la"
"Ah.....smart lampang a nia"
"Aw...ka smart a"
"Chuan hmelṭha...."
"Aw....ka hmel pawh a ṭha a"nui hawk a min melhin
"Chuan zei"
"Zei a?a va duh tenawm ve....?"
"Aih,hei khatianga va zei deuh hawr hawr ang kha a nilo,thil engkim zei dik thlarh a tithei zel ang hi....i hrethiam em?"ka ngaihsual chu hlau ve lutuk ,hahhaaa.....









"Aw,ka hrethiam,engkimah zei dik thlarh chi chu ka ni bawk a"a nui zel a nih chu.....thildik lo ka sawi reng reng silova.
"Mahni inringtawk...."a sawi apiangah chuan ka nihna a ni tih sawiin ka lo bu nghat nghat zel a
"Ka sawi kim deuh vek tawh,.....e chuan mi rinawm loh hi a haw lutuk"
"Kan inang chiah nih chu....kan inmil dawn e,ṭha lutukkk,a mi duhzawng mizia zawng zawng chu ka nei kim vek a nih chuu"intithei fahranin ka nui a.
"E....pakhat sawi hmaih ka la nei...nû hnap hi a duh zawng a ni bawk a"
"Aw,chu pawh chu ka nihna tho lawm....keite chu midang pawn ka nû....hei.....van....shhhh....engtinnge mipa ka nih hi ka nû hnap theih nga?mawl viau suh...."ngaihdan nilo tawk chuan ka ti vak a,canteen a ṭhu ho chu an rawn hawi ṭhap chuh.....










Puipuii chu a nui vak a,kan chhuah leh thleng pawh chuan a la nui char char a,ka ngei lutuk chu chak tawkin ka pen san pawk pawk a,min um deuh ti tihin ka bulah chuan a lo kal a,converse a bun a,a converse chu bun pum vek lovin a hnung lam chu a rap daih a, waiting shed a lo ṭhu ho kan lam hawiin an lo nuih nasat hlawm lutuk vanga ka hawi let chu Lalpuii chu pheikhawk lehlam chauh bunin a lo ding reng a,a pheikhawk pakhat zawk chu a lo thlawk daih a,a bun mek zawk chu a lo tang bawk a,ani ka kal rual zel a kal tum ve si hmanhmawh bawk si kha thir lo inkham awmah chuan engtin tin emaw ni a inbat kual ni ngei tur ni......a zah hmel lutuk sen awp awp tawh chu ka khawngaih lutuk,ka va let leh a,a pheikhawk inbat lakchhuah pui ve ka tum chu
"A ngai lo,ka pheikhawk kha min lo chhar sak zawk rawh"tiin zak aw khur vekin a lo ti a,a pheikhawk chu ka zawng a,kan chhak lamah chuan a lo thlawk phei daih chu niin ka laksak a,ani pawn a pheikhawk tang chu a lo la chhuak ve thei tawh,a pheikhawk chu ka buntir a,a zak lutuk nge a lo indawh ve mai.....










Waiting shed aṭang chuan
"Ui....a uih zia chu....U Krist engtinnge i buntir theih zawk a?a uih i ti ve lo mi?heta ṭang pawn kan hrethei nia"no deuhva rawn ti deuh lang langtu chu Brandon a lo ni.midang chu an nui vak vak a. Ka thin chu a sa leh zak mai.
"A uih ka va hre ve love.....nangma pheikhawk uih rim kha in hria ni zawk lo maw?"ka va ti let ve kher chu a bul a awm ten an lo nuih sawh veleh chhawng a,zak tawkin min melh hraw ringawt....Puipuii chu ka kai a,ka kal phei pui daih a,ani chu a kun ngul mai....











Thildang ka sawi pui a,tihhlim tumin ka bei a,mahse awmzia awm lem lo hle mai,hetia a awm tlat hian ka awm thiam lo,hreawm ka ti.....
"Kan haw ang aw....."ka ti ta ringawt a.
"Mahse class ka la nei dawn sinnn"
"Class vawikhat ṭhulhte chu a ho e....."
"Aih,ka haw duh lo,Brandon ten ka zah vanga ka tlanchhiaah an ngai ang,min nuihsawhna ka tuar dawn a nih pawn tunah ka tuar duh,kan ko a tla tur chu tlanchhiatsan ka duh lo,tlanchhiatsanin awmzia awm lo,tihian a ral leh vat zawk mai ang"a ti chiah chu e....ka thinlung hi a van hneh tak em....a hmel ka en a,a tumruh hmelte chu....ka va ngaisang si em......











"Nihchuan,classroom ah ka thlah ang che aw...chuan banah ka thlah leh bawk dawn che nia,pawn a ka lo awm lo nih pawn min lo nghak dawn nia,tha em?"
"Ah....thlah kher ka ngai lo,bus in ka haw mai ang"
"I rui leh ang,'aw'ti mai mai rawh,a leinaa min zui manah ka bike tharah i chuan hmasak ber a ngai,min hnial suh"tiin lehlam hawisanin ka ban ka vai zeuh a,ka kal ta nal nal a......









Kan ban hnu chuan text message ka dawng a,ka en chu Puipuii chuan
"Pawi ka ti lutuk,ka haw mai aw.....thil hmanhmawh thlak deuh a awm thut a,inla ban mai hmel silohva,nidangah min phur zawk mai dawn nia"inthlahrun hmel deuh sticker a dah tel bawk a....ka lungawi lo tlat mai,min lo hawsan kher kher chu....
"Nidangah chuan a ruak tawh lovang,chuan chu inbeisei tawh lo mai rawh"ka va tihkhum hmak a,a na ngem,na lo ngem?pawh ka ngaihtuah tawh lo,.....ka lungawi lo ni tawp mai ni......









Lungawi lo taka in ka thleng ka lut tur chiah chu hmanhmawh takin ka nu leh ka pi an lo chhuak a,ka phu zawk nghe nghe.....an hlauhthawn hmel em em mai lehnghal
"Enge awmzia?tinge in va hlauhthawn hmel ve......"
"Bawiha,i u police station ah a awm,ka kal nghal a ngai,i pi hi lo awmpui rawh aw...."tiin biak mumal hman lohvin a chhuak zui nghal daih a..... Ka pi chuan hlauhthawn hmel tawkin ka nu chu a thlir liam a....

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » February 7th, 2021, 6:40 pm

(Rawn dah hram ka duh sia,min lo chhiar sak ṭhintute ka van lawm em....in tello chuan engmah ka ni hauh lo,naktuk maiah ekzam ka nei leh dawn a,mahse rawn dah hram ka duh sia,khawngaihin a ngaihnawm loh oawn lo chhiar hram hram ru aw.....chuan ka rawn dah regu loh vangin min chhiarsak lo mai lo ula,dah regu ve thei ṭep tawh ang,muttui suk suk bik riau ule....invai chungah ka lawm nawn leh vek eeee)








"Pi...enge awmzia?ka u chu tinge police station ah a awm a?"
"Bawiha...engtinnge kan tih tak ang???Mama.,mi pawisawi hreh em em ṭhin kha a nia sinn"tiin a ṭap ta mai,thil awmzia sawi mumal thei tawh silo.....ka mawng chu a za sek tawh mai,awm ngaihna ka hrelo,ka u police station ah awm si..a chhan ka hre silo,ka pi lah a ṭap a ṭap tawh mai si...ka pi chu ka kuah a,a chhan leh vang hre hauh silo chuan a ṭhat leh vek tur thu sawiin ka hnem ka hnem ringawt a......









Zan dar 10 vel a ni tawh ang ka chhungte chu an lo kir ve chauh a,ka u chu a mit a sen ram a,a kamis hak dan pawh a phuailuai hle,a kut pawh chu thil hnekna tih hriat takin a pilh thi nei nuai a,Ka pi chuan a lo kuah vat a,a ṭhat leh ṭhat lohte a zawt a,ka u chuan a ṭhat thuin a chhang a,ka pa chuan
"Mama,i chau ang chawl hahdam rawh le...." zaidam takin a ti a,ka u chuan a room lam a pan nghal a.
"Ka nu nangpawh hahdam tak khan va mu tawh rawh le....rilru hahna tur a awm tawh love....i chau ang"a tih chhunzawm leh zat a.
"Bawiha,chawte in ei em?"Tiin ka nu chuan min lo zawt lehnghal a.
"Aw,tlem chu kan ei ve luk lak kha"
"Nihchuan ka nu....lo kal rawh le...."tiin ka nu chuan ka pi chu a room ah a hruai phei a.









Ka pa chu ṭhutphahah inngaihtuah mûk hmel tawkin a ṭhu thla nghal a,hmanhmawh taka choka a tlan lutin tui in tur ka la a,ka pa chu ka pe nghal a. Ka pa chuan
"Bawiha,lo ṭhu ve teh"tiin min lo hui phei zeuh a,ka ṭhut hnu chuan ka nu pawh lo kir vein a lo ṭhu thla ve nghal a.








"I u kha police station a a awm chhan i hre lovang tiraw..?" 'Aw'tih nan ka bu nghat a.
"Mawitei hnathawhna thar a an pu ber kha,i patea te pu tihna nih chu,kha pa khan Mawitei chu lo khawih a tum a ni awm e....i u khan a hmu sia,chu chu a thinrim lutuk a,an pu chu a lo khawih hrep a,an pu lah chuan 'ka tum lo,aman min thlem'tiin a ṭang ve nasa sia,i u lakah case file a tum a,chu chu rei tak kan buai chhan chu,mahse hei engtin tin emaw kan insawifel thei hram a ni e....."a ti hap a.












"I u chu a lungawi thei ngang lova....buaina a thleng leh ang tih chu a hlauhawm hle mai"tiin ka nu chuan a lo tuihnih ve bawk a.
"A va ngeiawm ve a,khawih hrep a phu nih chu....mai mai a,tar tenawm lutuk"ka thin chu a sa zak a lawm le...ka nu leh pa hmaah pawh ṭawngkam mawi pawh ka hmang thei lo....Hmeichhia mahni aia chak lo zawk tih hria a,an retheihna leh awmnem zawkna hmang ṭangkai a chet la ṭhin ho hi chu ka haw alh hluah hluah,ka u ang mi zaidam leh insum thei chutia a awm a nih chuan thil dik lo chu a ti ngei tihna a ni mai.









"Mawitei te chu an khawngaihthlak dawn hle mai,hna a hmu ta an lawm ve dawn nen...mahse tiang thil kha a thleng leh ta sia aw...."ka nu chuan a ti vawng vawng mai a....
"Ngaihtuah zui chu a ṭha khawp ang,Mama tan hian mi namai an ni lo tlat,bakah hna pawh kha keima lo sawi hmawr hmuh a ni a,mawhphurhna nei ve tlatin ka in hria a ni..."ka pa chuan a lo ti ve bawk a.....
"Ka nu....kan inah nangmah puih tur chein lo awm ve se nimai lawm....hmundangah chuan a him tawh lo"ka lo ti vat a,kan inah a awm duh nih chuan emaw hna a rawn thawk duh a nih chuan ka u tan chance a ṭha dawn tlat.,Yes....ka ngaihtuah chhuak ṭha tlat.....hahaaa......










"Nie....Thiani a ṭha ngawt tak ang a,nangpawh tlem a chawlh hahdam ve deuh tawh chu i mamawh niii"ka pa chuan a lo ti ve vat bawk a,in enkawltu tur chhawr tura pawisa nei lo pawh kan nilo,ka nu hian 'kan tlem tham a,midang chhawr chhawr a ngai lo,keiman ka la tithei a lawm' a ti tlat ṭhin kha nia....ka nu chu ka en kar a
"Nie....kan bula a awmin a hahdamin a him ber ang chu,...Mama pawh sawi pui ve ila...an pawmte chuan kan ti mai a niang chu...."Yes.....ka u tan chuan 'bel chhung a sa ang' a ni tawh mai,....mahse Mawitei zawkin a pawm a ngem?tih kha ni....










"Nihchuan Pa... ka patea tan a hna lamahte nghawng a nei lo ang maw??"ngaihtuah chhuak thutin ka ti a.
"Nei lovang,i patea te chu an company tan chuan a hlu em a lawm....engtinmah a ti ngam lovang,i patea an tan a lo hlu bawk a,keini chapo thu nilo se hetiang kan lo nih takah chuan a ṭang na ngam ta lo a ni ber e...engtin tin emaw a tu amah case file lo zawngin kan intifel thei hram a,i u erawh a lungawi lo khawp mai...."
"A....mit ngei a hmutu tan phei chuan lungawina chi a ni lovang,a la khawihna tawk lo hle a nih chu..."ka ti zui hlak a.
"Bawiha...i u hian Mawitei hi a zirlai ang lo deuhvin a en tiraw...??"tiin ka nu chuan min lo zawt a...ka chil ka hak ṭhat a lawm le....









"Ka nu...deuh teh phawng a!!Nakinah amah zawt mai ru....keia lo sawi ve chi em em pawh a ni pawn ka hrelo"ka ti chu ka nu leh ka pa chu an nui a.
"Chutia ka sawi vang chuan i lai ringawt a law a? I chilte chu i hak tâk mai"tiin ka nu chuan min fiam zui a.
"Lai teh nang aw...lai rual ka nih tawh loh hi.....a tlai tawh,ka'n mu ve tawh te'ng....muttui u aw..."
"Awle,muttui le...."










Ka room ka pan dawn chu balcony ah hlimthla ka hmuh vang chuan balcony chu ka pan a,ka u nen inchungah hian room kan nei a,chuan mikhual room tur pakhat a awm bawk a,inchungah avaiin room pathum a awm tihna...balcony hi kal pelh ngei ngei ngaiin kan dinglamah hian a awm a,kawngkhar chu ka vuan ren rawn a,ka va pawh mai ang nge pawh mai lovang aw???ama awm lo duh ta se....ka ngaihtuah vang vang hnu chuan ka aw ka thian kharh a....










"I mut la chhuak nange?"
"La chhuak lo a nih hi....nangpawh chu i va mu har ve???"tiin zawi tawk chuan ka u chuan min lo chhawn a.
"Hlimthla ka hmu a,ramhuai a nih tâkin ka tia,ka rawn en fiah nih hi"ka ti chu a nui hawk a,mahse chhungril tak chuan a nui lo,a nui ro hulh a.










"Tihian rei lote thlifim ka dawng a nga,ka rawn mu nghal ang,nangpawh mu tawh rawh"
"U....i duh ber tan i bei thei a,ka chhuang lutuk che,an duh berte tana bei thei lo hi an tam a nia aw..."tiin a darah chuan ka va beng zeuh a,lut tura ka inher lai tak chuan...
"Ka haw lutuk,kha putar kha...ka that lo kha a vannei,Mawitei khan min ngen nasa viau lo se ka that tawh ang"a rawn ti rum ul a,a la thinrim hle tih ka hria,a kut chu a lo hum ngat ngat a....a bulah chuan ka va ding ṭha leh a,a thusawi ngaithla tur chuan inpeih atin ka ding a.











Thaw hawkin"Mawitei kha a hna ṭanna hmasa ber a ni si a,lawmpuina ni pah fâwmin chaw ei turin ka hruaichhuak ang ka tia,'kan puin min hmuh lawk a duh a,keipawn a hranpa liau liauvin lawmthute pawh ka hrilh ve phawt nga,ka rawn chhuak ang'tiin hlim takin min hrilh a,an office kawtah ka nghak reng a,ka rin aiin a rei ta lutuk chu ka call a,a la thei mai bawk silo chu ka ngaih a ṭha thei ngang lova,an office ah chuan ka lut ve ringawt a,midang an lo awm tawh lo,au ri leh inchei buai ri ka hria chu hmanhmawh takin thawm awmna lam chu ka pan a,an pu office a lo nia,tah chuan...."a sawi chhunzawm mai thei lo,a darah chuan ka va vuan a.
"Lo sual a tum a nih chu,tar tenawma chuan,keipawn ka kut hmawr pawh a ka khawih phal loh kha lo khawih a tum a nih chu.....khawih hrep ka tum chu Mawitei chuan min lo dang hman a,chutah kha putar mai mai khan security a phone a,chumi hnuin police an lo kal a,police station ah lah chuan Mawitein a thlem zawk angin an retheihna beh chhanin a la ṭang sauh lehnghal a nih chu.....ka thinrim lutuk...."a thaw vak vak a,a insum nasain a la thinrim hle tih ka hrethei,keipawh ka bang bik lo.....mahse awlsam taka nula la naupang tak,college degree pawh nei lo company lian a a lo chhawr ve duh ngawt kha a rinhlelh awm hrim hrim e.











"Mahse i lo awm hlauh a,thil pawi engmah a thleng hman lova,a lawmawm lutuk a lawm....u tunah chuan a him tawh e......Mawitei chuan a tawng che hi chu a vannei takzet a ni.....chuan nangpawh i vannei lutukkk"
"Bawiha,ka duh mai pawh a nilo,ka hmangaih ni hialin ka hria,kha putar khan a duh kha lo tihlawlhtling hman se engtin nge ka tih ang pawh ka hre lo.... Mawitei hi a him ka duh ber a ni....,tun aṭang chuan ka venhim theih nan engpawh ka ti ang"a tichhuak sap a,thlawp takin a darah ka vuan a,ka lu ka lo bu ve nghat nghat a.
"Ka u....i hmangaih ngei niin ka hre ve a ni....ka u ka lawmpui lutuk che,hmangaih i tawn vangin"ka tichhuak phawng a,
"Ka lawm e....e.....ka rilru a awm up upte ka sawichhuak chu ka thawl hawk a lawm le....mut pawh a hun tawh takzet a nih hi,ka mut a chhuak der mai,mu tawh ang aw...."tiin kan inkuah chhuak a,kan inmangṭha hnuin kan mutna tur ve ve kan pan ta a.



(U Mama te story hi sawi thui viau a chakawm khawp mai,....an in enkawltu tur a a sawm dan zawng zawngte,an inbiak dante leh an inchhai kual vel dan ziah thui vel duah a chakawm,mahse he thawnthuah hi chuan an chanchin hi kan tum ber a ni si lova,....)





Ka mut hnu pawh chuan tlai tawh viau mahse ka mut a chhuak thei hauh lo....ka let tawn sek a,ka u thusawi kha ka bengah a ri nawn zel'ka hmangaih niin ka hria'a tih lai mawlh kha,ka u kha ka awt ve a ni....ka awt ve lutuk....a vawikhat nan ka u ang khan hmangaih tawn ve a damchhung a a nuamah pawh,a hreawmah pawh ka kawppui zel tur tawn ve ka duhin ka chak ve tlat.....mahse ka nihna nen hian chuan damchhung a kawppui tur tih hi chu a va inhnaih lo em ve aw......tunah hian Elias nei turin hma ka la a,Elias hian min lo duh ta lo a nih chuan midang pawh neih leh ka tum tawh lovang,keimahin ka nun chu ka chen ve tawh zawk anga,mahni inhmangaih nan hun ka hmang tawh ang,ka sawi tawh ang khan tar hnuah tar chawmna emaw vela awm tawp kha a nimai,chu chu ka thiltum a ni tawh ang tiin ka rilru chuan ka intiam hmak a,midang bulah sawi kual a intiam vel duah ai chuan mahni rilru hian hria ila,kan lo tihlawlhtling thei leh ta lo a nih pawhin keimahni bakin kan zawm lo tih kha kan hre lova,midang bul a kan sawi miau loh chuan rinawm loh leh thutiam a ding lo kha kan nih leh nih loh an hre chuang lo....









"Zing chibai vek ule....."tiin inhnuaiah chuan ka chhuk a,ka piin eng emaw a lo khawih a,ka pain chanchinbu a lo chhiar mek bawk a,chokaah ka lut a,ka nuin thingpui min pe vatin thil min lo sawipui liam liam a....ka u pawh a zing tlan a lo haw rih lo aniang chu.....mahse chaw kan ei dawn thleng pawn a rawn la haw lo,mak ka lo ti deuh viau a.
"E.....ka mutui lutuk a,thawh ka va hai chiang ve....zinglam chibai vek u...."ka u chuan a rawn ti thla nuah nuah a,thawh a lo hai ve tak tak a nih dawn hi a.....










"Mama"tiin chaw kan ei lai chuan ka pa chuan bul a han ṭan a
"Awih"
"Mawitei chungchang chu kan lo ngaihtuah dan mai maiah chuan keini a lo sawi theih chu a awm hauh lo nain hei i nu pawh a lo upain a lo hrisel lo chho ve ta zel a,inchhung chette pawh harsat chang a nei tam ta a,chuvang chuan i nu puitu tur kan lo zawn ruk lai tak a ni bawk nen Mawitei chungah tiang a lo thleng leh ta zel sia,a hun a innang fuh chho nen,in lo inhrechiang tawh bawk a,nula fel tak a ni bawk a,midang zawn buai buai ngai lovin kan inah i nu pui turin rawn thawk mai sela kan ti deuhva,enge i ngaihdan?amah ten a duh ngem?"
"Ka pa....."a ngawi leh daih a,a hnuk a ulh ni deuh berin ka hria,a hnu chuan
"Ka pa.....nu.....in zavai chungah hian ka van lawm.tak...chu leh zel chu min lo ngaihtuah pui a,a chhungte nen hna a hmu thar chu an lo lawm ve em em a,mahse tiang hi a chungah a thleng leh ta sia,a chhungte bulah chuan engmah a sawi ngam dawn hauh silova,mahse a rilru tur ka hrethiam lo,ka lo hrilh ve chhin hrim hrim nga...."
"E....ngawi teh..tihian ti zawk ang u....kan inah hian lo hruai la...i nu nen lo sawi dun zawk se,i nuin ṭawngkamte pawh a thiam zawk a,an sawi fuh thei zawk ang ka ring"ka pi chuan a lo ti ve vat a,ka nuih a za....ka uin a sawi ve chuan khawngaih vanga la tur ang thaw thangin a sawi leh nga,chu chu dik dawn tho mahse Mawitei tan pawm a nuam dawn lo lutuk tlat a,ka pi chuan a ngaihtuah chhuak ṭha hle mai.












"A dik chiah,chaw eiah rawn sawm la,chuan ka lo sawi pui anga,a hming hi kan hre hlur a,a hmelte pawh kan hre ve chak lawm le...."ka nu chuan phur takin a lo ti sauh sauh a.
"Awle,ka lo hrilh ang,tunah chuan a rawn ei duh nghal lo maithei"
"Nie,tunah tut tut a ngai lo,amah pawn hun thawlte pawh a mamawh ve ang chuu"ka nu chuan a lo ti leh vat a,chawte kan ei kham fel hnu chuan kan tualchaina chu kan pan leh sang sang a.












"Hei.....Lalmuanpui,tinge min lo kalsan daih a,hahthlak thlakin ka lo sawm ve che a"tiin ka hnungah chuan Hriata chuan min lo bawh pawp a.
"Kal teh....tikhan inrinloh laiin awm ṭhin lo teh"a awih duh teuh lo,ka hnungah chuan a uai tlat a.
"Kal teh,i rit....ka khawng ang che....Lalhriatreng chhuk vat rawh"tiin ka thing nawk nawk a,a luahte chuan ka pawt vel a,kan bul vela mi kal vete chu kan care lem lo hle.....













"Ai!"tiin a chhuk vat a,insiamṭha sawk sawkin hmalam enin kekawr ipte zen chung chuan a ding a,ei loh hmel tawka enin a enna lam ka hawi phei ve chiah Puipuii te ṭhiandun chu kan lam panin an lo kal chu niin,helai vel hi chu boruak a chawl ṭhupin ka hria,Puipuii chu nui sen senin a ṭawng a,ka mumang a lasi kha a ni,lasi dik tak kha....






Tuemaw min nghawk sawktu awm avang chuan ka suangtuahna ram ṭang chuan ka harhchhuak zawk a,Puipuii te pawh kan hmaah an lo ding fel than tawh,
"I va vang ve.....Lalnunpui"ka ti tawp ringawt a
"Vang a mi?? Niminah pawh kan inhmuh reng kha...."laih hmel deuh tak chuan a ti sap a.
"Agnes maw??? Chibai le....Hriata ka nia"in la zei fe chuan a kut chu a phar a.
"Ka hria che lawm..."Agnes pawh chu a lai deuh reuhin ka hria.
"Min hria maw??? A va lawmawm e.....nang ang nula hmelṭhain min han hria chu ka insawi thei ngawt ang"in la zei fahran chuan a ti zeuh a,hmeichhia chu niila ka ten ang chu aw....mahse an ten lo chu niang,hei a luck emai....
"Nangte chu hre lo che an awm hleinem....."nuisang chuan a ti a.
"Tak tak maw....a va mak leh zel ve....a lawmawm bawk si....,chung zawng zawng zinga i lo tel ve chu ka lawm hle mai"a ti leh deuh ngeite chu a luah hian ben fawk ka chak,kan awm ve reng lai lehnghalin a flirt vel a,nghal reuh lutuk....








Hriata leh Agnes chu an inbe phei zel a,kei leh Puipuii chuan ṭawng lem lovin kan zui ve mai a.
"Thil ka lo zawt lawk che u....khawnge Office hi a awm lee..???"titu chu ka en nghal vat a.
"Ehe.....Kristopher lo ni reng chein.....a va tihzia ve aw...."
"Bazil???..."tiin kan in set zeuh a.
"Ni chiang e....hetah i lo lut ve reng a nimaw???"
"Chiang e....ngawi teh,i lut ve zawk em ni?"
"Aw,vawiin aṭangin,chuan hei i ṭhiante em ni?"tiin min lo en rengtu mi pathum chu a thlek zeuh a,inhmelhriattirna te ka nei zo a,office awmnate kan inkawhhmuh hnu chuan inhmu leh turin kan inthlah ta a...












"Nih phawt u aw..."Agnes chuan mawi taka nuiin a rawn ti a,Puipuii chu ka en zawk a,mahse a hmel hi engemaw a awm,chuan min hlat riau,min hlat leh zualll.....
"In classroom tur a law....???inhmu leh ang u aw....thilte pawh kan la in ho ang chu..."Lalhriata chuan a lo ti var a.....kan room tur lam pan chuan kan phei ve ta....







Class pawh kan nei zo tawh,chawhnu lamah pakhat ka nei leh nga,club a awm zuai a,haw leh nghal kha ka tihtur chu a ni mai.....hmun fal lamah phei leh lawk mai ang tiin ka kal phei a.













Ka pen lai chu ka ding chawt a,thil ka hrechhuak zawk,tahhian Lalpuipuii nen kan inhmu a nih kha,chuan ka mumangah ka hmu leh zel bawk a,Puipuii rawn chhuahnaah chuan enge maw awm reng reng le.....ka'n lut ve chhin hrim hrim nge,ah....mahse.....ka'n tawi khaw muang leh rih a....hnah lo uai thla nuai chu ka keu hawng chu.......








"Wow"ka ti chhuak sap a,a van nalh ve.....a hmun teh hrep chu a,ka mumang ang em a eng chu nilo mahse a hmun mawi zia chu,a hmun chu a romantic lutuk tlat,a hmun a hring mawiin pangparte pawh a awm a,in chhai vel nana duhthusam a ni....Yes...ngaihzawngte hruainan chuan a romantic lutuk mah mah,inhmangaih miah lo,nilo in haw em emte pawh he hmunah hian lut dun se....inhuat chu khawilam,inhmangaihna nasa tak neiin an chhuak dun leh zawk ang chu le....chutiang khawp a hmun thawveng leh hahdamthlak leh suai nei chu a ni.....mitchhingin thaw ka han la vang vang a,ka hmangaih tak hruai veila.....a va nuam dawn em....tia ka han suangtuah vel chhin a,ka hmangaih tak ka hruai luh chuh!hrep taka Lalpuipuii hmel nui sang ka hmuh pek chu le.....ka lu ka thing sawk a,ka dar a min lo khawihtu an awm,ka phu zuk a,ka han mengchhuak chu.....









"Lalnunpuiii....min tiphu viau ṭhin lo teh....enge i rawn tih dawn??"ka ti hrawk a.
"Ih....class ka nei lova,rawn hawi thawveng turin ka lo kal a,nangzawk?a nuam i ti em?"tiin a nui sei a....a hmun leh a hmel zawng zawng nen a va han inrem thlep thlup ve a.....unicorn han awm phei se chuh! WOW a ni ringawt....het,mai mai a,mipa ve si engemaw thil i lo suangtuah vak vak hman ṭhin le....tiin ka inbeng sawk a,a phu zawk nghe nghe,mak ti takin min en a.
"Enge i tih a???"phawk hra chuan min zawt a.
"Thosi,...thosi kha i hmu ve lo mi??"
"Aih,a thak viau em?"
"A pawimawh lo,kal ang"tih rualin ka pen pawk pawk a,helai hmun a ka awm hian kan pahnih chauh leh nghal,ka rilru hi engtin emaw a awm tlat,ka awm peih tawh lo,min lo zui ve hnak hnak tho a.

********-----*******

"Hei...Krist,..."tiin Bazil chuan min lo kuah pawk a,
"Hei...."
"Enge maw in lawk ila...."
"okay"tiin kan phei zui nghal a....



******----*****



"I haw hnu khan i reh ta vang vang a....,khu lama i ṭhiante hre chang lo lek a i awm thei hi a mak"
"A...chutiang pawh a ni lo,i hriat kha,keichu phone vela mi be vak chi ka ni lo tih chuu"phone hian mi biak hi ka peih thlawt lo,a ṭul leh pawimawh a nih loh chuan,in text phei phei chu 'nahi'a ni tawp mai,ka awmna hmunah hi chuan ka bet tawp a,ka kalsan tâkte v be zui a,ngaihven zui chi kha ka ni lem lo....










"Ni tho mai tiraw....e taka Rudy nen inla inbe ṭhin em?"Ehe...Mizoram ka awm aṭang thla li a liam leh tawh.....Mizoram ka luh ṭang Rudy ka ngaihtuahnaa a rawn lan leh vawikhatna a ni,ka lo theihnghilh hmin der mai,chuan he ramah hian Hriata,Puipuii,Bazil leh ka chhungte chauh gay ka ni tih hretu chu an ni ta.....






"Be nang aw....i hriat kha,ex te phei chu ka be leh tawh ngai lo tih"
"I mak ve e....nang hi chu aw......i kalsan hnu khan e....depression....ni leh chiah lo,anxiety leh stress nasa tak a nei a,inthahte a tum a sin,depression a nei ni hial zawkin ka ngai,mahse depression tih chu an sawi tel duh lova,an zak a niang....psychiatrist pawh an pan nasa a sin..."
"Ka hre ve reng reng lo,a ṭha mai turah ka lo ngai a,a va pawi ve...."inthiamlohna lian tak nei tur ka nih laiin chhete chiah ka nei...ka sual pawh intiviau mai thei,mahse a rilru a awm ngut ngut kha beilet ve turin a intichak tur a nia sin,mi chak tak nia ding chhuak leh tura bei tur chu amah hi a nia sin,tuman an din sak dawn lo,mahni inkhawngaihna chuan ṭhianah siamin chutiang dinhmunahte chuan a hnuklut a nia,hahthlak hian a,mipa inringtawk leh harhvang tak ni ṭhin kha,a nunna chan se hei ai hreawm a tuar zawk dawn tho tho,a......ka thiamloh a ni....inthiam lohna lian tak nei tur ka ni e.....







"Tidaih ila,vawiin a mite kha i ṭhiante a mi?"
"Yes..."
"E....ṭhat hlauh chu,tshirt grey ha zawk kha tunge a??"mit ko san zeuh a nui suk chuan min zawt a.
"Tshirt grey.......ka va hre mai lo...."
"Saw..... sawte saw..."tia a kawhna lam ka hawi chu Lalpuipuii,nui sukin
"Puipuii a nih saw...tinge a?"Fiam.zet chuan ka zawt a.






"A chhelo reuh,ka type a nih saw.....amah ang saw ka zawng thin a,tunah chuan ka hmu ta....min tih pui ang che"
"Hah....sawtiang saw i type maw???type i va nei ṭha lem love...."
"Hmeichhia a rilru i pek ve loh vang a nih kha,mipa zawng zawng deuh thaw mit fukna tur a piang a nih reuh saw....amah saw a tawk vel teu teu lutukk"
"E....chutia i tihte chuan kan ti ang chu...mmahse a nghal reuh teh a nia aw..."
"Haha...ka duh lehzual..."glass chhan a Puipuii te ṭhiandun inzui hnak hnak chu ka thlir vauh vauh a.....ka rilru a awm hi ka hrethiam lo......

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)