LANTERN BY Tee Cey (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

Re: LANTERN BY Tee Cey (Completed)

Unread post by Ngaia » February 7th, 2021, 6:42 pm

"Keipawn ka duh niin ka hria"ka tichhuak phawng a.
"Tak tak maw?"Hriata chuan phur fein a lo ti chul a.
"Aw,...ka bul hnai a a awmte hian keimahah danglam a awm ṭhin,danglamna nasa tak amah hian min thlen tih chu i hre ve thovang,mahse ka chiang ngam lo,naktuk lo thleng phawt se...."confi lo tak chuan ka tichhuak leh sap a.
"Awle....,yes....lungngai leh rilru na taka ka lo awm ruk ṭhinna chu a kiang dawn ta....,lalpa ka lawm e"Hriata chuan a ti vak a.
"Hei,....keimah vang hian rilru na leh lungngaiin i lo awm ṭhin a maw?"
"A...ih...,dik tak chuan aw,ka awm ṭhin,ka bestfriend i ni a,ka bestfriend in ka rilru ang a pu ve lo tih ka hriat khan ka rilru a na takzet,chuan miin an hriat hunah i hnunglam a an sawi zui tur che kha ka ngaingam lova,ka lungngai takzet ṭhin a ni,mahse ka zahpui ngai lo che a,hmuhsitna leh ngaihhniamna che ka nei ngai lo... "a rawn tichhuak sap a.
"Ka lawm e.....,Lalhriatreng,ka ṭhian ni tura i lo pian avang hian"ka hnuk a ulh tlat,ka sawi chhunzawm thei tawh lo,hetiang em em a ṭhian ka tana mi inpe leh min hmangaihtu ka nei hi ka phu lo takzet a ni.


-----------------



Brandon in ngaidam dilna a lo post ka hmuh chuan ka khi seih a,ti turin kan hrilh miah lova,mahse amah a inthiam lohin post kha a lo siam a nih dawn hi,anu leh pate nen ngaihdam dilin kan inah an lo kal bawk a,lungdam takin kan ngaidam a,sualna chu ṭhatnain kan chhanglet a nih chuan a rah chhuah chu mi pangai rilru pu mi tan chuan a chhe lam a ni thei lo hrim hrim,kan zavaiin kan lung a dam ta.....kan chhungkua pawn ngai kan awh chho leh ṭan dawn e......tunah Puipuii laka ka rilru put hmang hi a dik a nih phei chuan kan chhungkua chu hlimna hlirin min hmuak dawn a ni.



---------------




Puipuii club lam pan a a lo phei ka hmuh chuan ka phur hle,ka bul a lo thlen chuan a dar tawn tawnah chuan ka vuan a,a hmel chiang takin ka en a,ka lungphu ka khawih leh a,hetiang hian tumah bulah,Elias pawh tiamin ka la awm ngai lo,ka lung a phu rang em em a,nasa takin amah chuan min hip a ni,zawitein 'ka lawm e'ka ti sep a,a hrilh hai hmel lutuk,concert a hnai tawh a,practice nan leh inbuatsaih nan kan hun tam zawk kan hmang tawh a,kan ban theih veleh chuan tih fel lawk tur ka neih avangin Puipuii chu pawnah min lo nghak turin ka hrilh a,chuan he hunah hian ka bialnu ni turin ka sawm dawn a ni,min lo pawm ngut a nge maw chu...,ka zam ru hle nghe nghe....,bialnu tura mi ka sawm vawikhatna a ni dawn si a....





-----------------





Elias nen chuan tum loh deuhvin kan inhmachhawn ran a,Elias hi ngaihdam dil tum tho kha ka ni a,mahse tun hi a hun a la nilo,pawnah Puipuii'n min nghak reng si....


"Elias,engkim ka la sawifiah vek ang,mahse tunah chuan tihtur pawimawh tak ka neih avangin ka kal phawt mai ang"tia kal ka tum chu
"Ka duh che"a rawn ti thut a,ka bengchhe ri mai a nih ringin ka en ho.Thawm kan hriat avangin kan hawi zawk a,mahse tumah kan hmu lo.
"Kristopher keihian ka duh che a ni"a rawn ti nawn leh a,vawikhat mai nilovin vawihnihna a ni ta,....ka bengchhe ri mai mai chu a nilo tlat.
"Maw??"mak tih hmel tak chuan ka tichhuak sap a.
"A mak pawh i ti viau ang tih ka ring"
"Ih,....pawi ka ti lutuk,i bul a ka awm ṭhin dan vang khan,rilru dik lo tak ka put tir vek che vangin min ngaidam dawn nia"ka inthiam loh takzet,keimah vangin mi pangai chu mi pangai loah a chhuah phah dawn a nih hi.















"I thiam loh a awm lo,keihian ka hmuh hmasak ber ni che aṭang khan ka duh tawh che ni"a thilsawi chuan min ṭhawng takzet....,amah chu ka melh tlawk tlawk a,ka lungphu a inthum rawn tluk tluk(ka ziah lai pawh hian ka lungphu a rang hle).
"Engtin? Enge a awmzia?"ka tichhuak thei hram a.
"Middle school a kum lak lawh taka ka lo insawn kha i la hrereng em? I hmelṭha ka ti em em a,lo awm ve zawng zawng zingah khan ka mit i la bik hle, in bul a ṭhu turin sir khan min hrilh a nih kha,nangchu lungawi loh hmel takin i phun deuh sap sap a,kan han inkawmchho a,mipa ve tho i nih avang khan i lak a ka rilru put hmang kha ka hrethiam lova,mahse hmuh i nuam ka tiin i bul a ka awm khan engemaw riauin ka awm ṭhin,mahse keimahah danglam a awm tih ka hrechhuak a,ṭhian satliah ang mai chu i nilo,ani telin ka nihna chu ka hrechiang zel a,ka duhna che chu a zual zel bawk,midang bula i awm hlekte khan ka thik thei takzet,Hriata ngei pawh kha ka thik ṭhin a sin,ka rilru put hmang chu a dik theiin ka hre lova,High School kan kal khan bialnu ka nei ta tawp a nih kha,chuan ka hlat tial tial che a,a hreawm thei takzet a ni,chuan nangpawn min hlat tial tial a,school i rawn kal lohte pawh khan rawn kan che tumin in inkawtah vawi engzat nge ka din a,rawn lut lova ka haw leh tak pawh kha ka hre tawh lo,mahse ka thei lo,ka nu leh paten min pawm thei ngai dawn lova, tui thlar hial ka tawk thei a ni,anmahni tih hmingchhiat kha ka hlau ber a,nasa takin ka tuar a,naupang ve mai tan khan chuan a har ve lutuk a sin"tiin hun kal tawh a cheng tih hriat zetin a nui seih a.
"Class i rawn ṭan leh a bialnu i nei tih ka hriatte khan ka thik ngawih ngawih,in awmdun ka hmuhte khan pawh ṭhen che u kha ka chak takzet a ni,vawi tam tak i lakah khan ka inpuang ṭhleh a sin,ka chhungte ka tihhmingchhiatna tur chu thuhran nise chan che kha ka hlau a ni,a chang chuan min duh ve ni ang maite hian ka hre ṭhin a,mahse nangchu i pâ em em a,tuai lo star ve tu che pawh i hau a,i ten zia i sawi ṭhin kha....,chuvang chuan ngawih ka chuh leh ta zawk a,khatih lai khan ka na thei takzet a sin.....,ka rilru a awm pai a tawt up up a awm kha a hreawm takzet a sin....,nangchuan min hlat hle tawh tih ka hria a,beiseina engmah ka nei tawh lo,chuan 'High School kan pass chhuah hunah eng pawh huamin ka hrilh ang'tiin thutlukna ka siam a,mahse nangchu engmah sawi lawk lovin chin hriat lohvin i bo hmak a,Hriata ka zawh lahin ram pawn a i awm thu chiah min hrilh a,biak pawhna theihna che ka dil lahin chhuanlam a siam zel si,tleirawl thawven lai a lo ni ve bawk a,tleirawl lai duh mai maite chu tiin ka theihnghilh ve mai che pawh ka ring,ka theihnghilh che niin ka hre bawk a,mahse Ig te kan lo uar chho ṭan a,i hmel ka hmuh leh tâk aṭang chiah khan nanghi ka tleirawl lai a ka lo hmel duh satliah mai mai chu i ni lo tih ka hrechhuak ta a ni,ka theihnghilh theih nan che theihtawp ka chhuah a,bialnu pawh ka nei leh a,kan senior a ni nghe nghe,mahse hmeichhiateah hian ka rilru ka pe eih lova,mipaah pawh ka rilru ka pe hek lo,i laka ka rilru put hmang ang hi tu mihring bulah mah ka pu lo a ni,ka bialnu chuan mi vawt tak ka nih thu min hrilh a,inṭhen chuang silovin min rinawm loh san reng a,na tihna chhete pawh ka nei lo,a hming a ka bialnu mai mai a ni tlat a.,tichuan rin loh lutukin nangpawh kan university ah i lo insawn ve hlauh a,i hmel ka hmuh phei kha chuan keihian ka duh satliah mai mai lo che tih chiang takin ka hria,ka bialnu pawh chu ka ṭhen a,ṭhian aia thuk inzawmna neih kjha ka duh lo,ka nihna hi ka duh lo,theihtawp ka chhuah a,ṭhian ang chuahva en tur chein nasa takin ka bei a sin,mahse Puipuii nen in inhnaih hle tih ka hmuh a,a bulah i hlim hmel kha,khatiang khan tu bulah mah i nui ngai lo,a bul a i ṭawng duh em em laiin midang bulah chuan sawi mai tur i hre leh lova,midang neiin min kalsan daih ang tih kha ka hlau em em a,ka duham tiraw....."hmalam en chungin chhungril nat hmel takin a khi seih a.
"I hria em? Midang min neihsan ang tih kha ka hlau em em a,ka ṭhianpa keima tan chuahva awm ṭhin,ka lakah chauh rilru pe kha ni leh la tih ka duh a,mi duham tak ka ni tiraw....,"a thaw hak a,a hmel chu ka en a,khawngaihnain ka khat,ka tawrh ang tho kha a lo tuar ve reng a maw...???














"Hmanah khan ka duh thu che kha lo hrilh ve che niila chuan hlim takin kan inkawp ve mai thei a sin tiraw...."nui seihin a ti a.
"Kristopher...."min en chungin a ngawi leh ren rawn a.
"Puipuii pawh hian a duh che a ni.,hun rei tak ata tawh a lo duh tawh che,chuvang chuan hlim takin awm dun rawh u aw....,hun hreawm leh harsa tak a paltlang a,rilru na taka siam loh hram i tum dawn nia,....."chunglam enin a khap fak fak a.










"Kristopher.....,keihian ka hmangaih che a ni,he khawvelah hian ka hmangaih hmasak ber chu nang i ni a,ka hmangaih awmchhun i ni bawk a ni,....ka hmangaih lutuk che tih hi min hriatsak dawn nia,mahse keini chu i hria tiraw....,mipa ve ve kan ni a,kan inkawp hi a rem thei ngai dawn lova ni tih hi,...,inkawp tur a duan kan ni velo a ni,ṭhian tih piah lam baka inzawmna kan neih ve hi a thiang silova,piannawn lehna hi a awm a nih ngai chuan chumi hunah chuan kan inkawp rem ve theih tawh ngei ka beisei,....hlim takin awm zel rawh aw....,ka tana min tihsak zawng zawngte hi ka theihnghilh ngai lovang,i bul a hun ka hman tak zawng zawngte kha,he khawvel a ka hringnun ka hman tawh zawng zawng zinga ka hlim ber ṭum a ni,ka tawng che hi ka lawm takzet a ni,..,he khawvel a ka mi hmangaih awmchhun chu...........,kaahmanhaih awmchhun chu.... nang.....nangchauh hi i ni reng ang,kal tawh rawh,...Puipuii'n a lo nghak reng che"a sawi zo thei hram a,ka kuah thawk a,min lo kuah let ve bawk,tun a kan inkuah dan hi chu friendzone dik tak a ni.






--------------------------





Hmanhmawh takin ka tlanchhuak a,Puipuii chu min lo nghak tur a ka tihnaah a awm mai lo,ka zawng vak vak a,ka hmu silo,Hriata ten club aṭanga chak tak a a rawn tlanchhuah thu an sawi chuan ka hre chiah,thawm kan hriat kha amah hi a ni ngei ang,kan thusawi hre fum fe lovin a kalsawn daih a nimaw....,an inah ka kal a,a lo inkalh ṭhiap bawk si...,beidawng takin ka let ringawt a.





----------------------------





Ka call a,message ka thawn bawk,mahse a eng amah chu min chhanglet lo,message chu a seen tho bawk si,a hnu phei chuan switch off a in ti hmak a.




---------------------




Agnes hnenah chin chang ka zawh chuan a damloh thu bak min hrilh tur a hre lova,mahse ka tan a thu pawimawh tak chu min hrilh tur a nei tho e,hman ata tawh Puipuii'n a lo duh tawh chu 'keimah' ka ni tih min hrilh a,ka awih mai lo hial a ni,a chhanchu min duhna chhete pawh a tilang eih ngai lo,mihring insum thei tak a ni,ka lawm takzet bawk,hmeichhe ṭha leh duhawm takin keihi min duh chu a nia leh. Engkim min hrilh fai vek a,chuti khawp chuan min lo duhin ka tan a lo rinawm a maw...keihian duh ka phu lo takzet a ni,mahse min duh chu ka lawm takzet bawk,engmah hrelo lekin hma min lakpui turten ka lo sawm vel kha nia,a rilru chu a na viau ang.











Bazil,Hriata,Elias leh Agnes ten nasa takin min buaipui a,Puipuii hnen a inpuanna ka neih theih nan ruahmanna an siam zung zung a,Bazil chungah hian ka lawm.takzet bawk a ni,a duh ve viau kha nia,mahse a ṭhianpa tan chuan lawm takin a duh tak chu a kalsan ta a ni.



An ruahmanna siam ber kher lah chu,concert naa zai turin min ti a ni,zaithiam nih pâ lo ka tih zia chu ka sawi vek tawh kha,mahse ka ngaihtuah chianin Puipuii hnena inpuanna ka neih dawn chuan chu aia ṭha chuan ruahmanna siam tur ka hrelo,chuvang chuan Justin Bieber hla Change me tih chu ka thlang a,ka hringnun a min thlak danglamtu tur a ka duh chu Puipuii ngei hi a ni.he hla hian ka rilru chu a pholangin a inhmeh ber ka ti a ni.









Mahse kan buaina ber chu concert naah a lo kal a ngem?tih kha ni,Agnes puihna zarah a nutei number chu ka nei thei hram a,zah pawh dawn lovin ka call tawp a,thu tam tak min zawt a,interview ka nei hi a ni ringawt,a tawpah chuan Puipuii rilru ka tina a nih chuan min ngaihdam miah loh tur thu sawiin min biak tir ve hram,concert naa kal ngei turin ka ngen ta tawp a,mahse a risky takzet a ni.




-------------------


Tun hun

"Chu zawng chu maw?"tiin Puipuii chuan Elias chuangchang ka hrilh chuan min lo zawt vat a.
"Aw,chu zawng chu a ni e,tunah chuan i chhanna chiah ka nghak tawh a ni,Puipuii,khawngaihin ka bialnu ni rawh,i bialpa atan min pawm thei ngem?"ka zam takzet a ni.
"Aw"zawite chuan ti sep a. A ṭawng zawih em avang chuan ka hriat sual a nih ringin
"Engtin maw i tih?"ka ti nawn leh ngat a.
"Aih,ka sawi nawn tawh dawn lo,ka sawi i ngaithla ngun lo a nih kha"a rawn ti vak a.
"A....a nilo....,ka ngaithla ngun lutuk a,mahse i ṭawng zawi lutuk a,leh lam thawm nen,ka hrechiang lova,khawngahin sawi nawn leh hram la...."khawngaihte chu ka va dil nasa em.....,midang ang chu nise ka kal hmak tawh ang,min umzui leh dawr dawr zawk ang chu,mahse he nau hi chu a danglam a lawm...,engtinnge ka kalsan phal teh lul ang ni....











"Ngun takin ngaithla ang che,tun chiah hi ka sawi tawh dawn a nia"tiin min rawn en a.
"Ka duh che,Kristopher"ka kuah hnawk a.
"Ka lawm e,....ka lawm lutukkk"
"Tikhan min kuah thei ang pawh ka tilo reng reng,min thlah vat rawh"a rawn ti chul a.
"Ka thlah dawn lo che,ka bialnu ka kuah a ni mai lawm...,"tiin a ai nghetin ka kuah sauh sauh a.
"Min thlah vat rawh,tilo chu ka sut leh dawn a nia..."a rawn ti vak a.
"I fair lo lutuk,sut leh pawh nila i sawi vek tawh,tui baw hnu a ruh theih tawh loh"intithei takin ka tih khum a. A tho nalh a,a kal nal nal a,ka hrilhhai a sin aw.....rawn hawi let lehin
"Hremna dawng turin in peih ang che"a rawn ti hmuk a
"Eng hremna maw???"ka lo ti hu a
"Khang hun chhung zawng a hreawm leh na tak a min siam avang khan hremna hmu turin i lo inring dawn nia"tiin a kal zui daih a.
"Hei...,Lalnunpuiii,min lo nghak rawh,i induh lutukk"tiin ka va um zui a,ka kuah pawk a,ani chuan min lo kuk chawrh a.
"Ka phalna la lovin min khawih tawh miah suh,....ka hrem dawn che ka tih kha"
"Awle...,awle....,mahse i bulah tal chuan ka kal ve ang aw..."tiin ka tlawn a,a in la strict ve sia aw,...a tet reuh reuh nen hian ka kalsan daih mai tur sin,....ka ti mai mai a nih kha,ka kalsan phal teuh lo,amah ka neih theih nan khang zawng zawng kha ka paltlang a lawm le...,zum.leh hriam kar a leng nen kan in ang vel reng a lawm le....




-----------------------




Kum hnih hnuah chuan





Mo kawr var thianghlim tak leh coat suit dum mawi tak ha chungin Pathian leh Mipui hmaah chuan ka u duhtakte chuan 'tiam tlat e'tiin thu an chham ve thei ta,Mawitei'n an deuh a nei ka tih ka hriatchhuah theih miah loh kha,ka piah maiah hian a ṭhu ve bawk,a bulah ṭhut chak viau mahila mo neitu chhungte kan nih miau avangin ṭhutna bik an siamah chuan ka ṭhu a,Mawitei leh Puipuii chu an type pawh a in ang reuh lutuk,an te dun hle a,an nu hnapin an thianghlim sar a,an nui mawi viau bawk,mahse ka 'Lalnunpuii'hi chu tuman an tluk ngai lovang,he khawvela ka chhungte tiam loh a ka hmangaih awm chhun a ni tlat a,amah hian nun hlutzia min hriattirin hmangaihna awmzia min hriat tir a,hmangaihnaah chuan thiknate lamin a tel tih ka hrechhuak bawk. Thik thu chhia kha ka ngaithei lo hle kha nia tiraw,...ka thik thu chhiat zia hi e.....a mak a ni tawp,a zahthlak hial zawk,amah hi ka hauh bur a ni ber mai,tihtauhte hi ka han hrat em em bawk a,mahse keiai naupang fe zawk mah se a puitlingin min hrethiam em em a,engkimah min thlawpin min ṭawiawm zel ṭhin a ni,thikthu chhe dun viau mahiila thu chiang hre hmasa lovin kan thu kan titawp mai ngai lova,hriatchian vek hnuah thuthlukna siam chauh ṭhin mi kan ni,kan inringtawk em em a,mahse midang bul hnai a a awm erawh ka ngaithei lem lo, midangin an hnimhnaih kha ka phallo a ni tawp mai.









Monu leh moneitute thlalak pui a hun chuan Puipuii bulah chuan ka ding ve thei hram a.
"An mawi tiraw...."hlim takin a ti chhuak sap a.
"Immm,mawi tak an ni,mahse ka bul a mi hi chu a tluk lo nasa....."uar fe chuan ka ti a
"Hei,....i uar thei emai,a zahthlak"tiin min lo nghawk sawk a.
"Dawt ka sawi hleinem,khawvelah nangaia ṭha an awm lo"uar tawkin ka ti leh vak a.
"Over suh...."
"Saw tiang sawn..,.ah,saw aia mawi sawn ka siam ve thei ṭep tawh che nia,lo nghak la...."ka ti leh a.
"Ka duh bawk lo"hmmm...a han duh lo der ngei a.
"I duh lo maw?? Ka nupui turin min duh loh thu a sawi a nih chu....,engtinnge ka tih tak ang?"ka ti vak a
"Hei...,i ṭawng ring lutukk"tiin min lo beng pawp a.kan bul a dingte chu an nui char char a.
"I duh lo maw??? Min nei duh lo maw?"
"A na a nia"zawi deuh chuan a rawn ti hlak a.
"Na ang chu...,ka sik che lawm,....min neih duh thu i sawi hma loh chu ka sik char char dawn che...."ka tih chuan kan thlalak pui hun a lo thlen avangin min ko daih a,intithei fahranin lei min chhuah khum zeuh a.





---------------------






"Ehe,helai hmunah hian maw min hruai i lo tum a?"
"Immm,nichiang e...."
"Ui,..ka lung a van leng tak,ka hmuh lohna rei tawh zia hi"University kan kal lai a hmun nuam leh romantic zetah khan ka hruai a ni.
"Ni chiah e....,he hmun hi ka tan chuan a pawimawh takzet a ni"kan graduate hnu hian hna kan nei ve ve a,hna kan thawk rim em em a,inhmuhna hun mumal pawh kan nei thei lo,ka hmu chak lutuk ngai tawh bawk siin minute rei lo te te hmu tur a ka kal zuai bak chu inhmuhna hun kan nei meuh lo,inngaizawng dangte angin in date na hun tak ngial pawh kan nei lo,a chhanchu ka duh berin hausak a duh tlat a,hausa tak ka nih hunah chauh nupui a tan neih ka duh a ni,nupui a neih vat ka duh avangin awl hun pawh nei mumal lovin hna nasa takin ka thawk a,ani pawn ṭhahnemngai takin kan hmalam hun tur ngaihtuahin a thawk ve bawk,vawiin hian chawlh la ve vein hun rei tak hnuah inngaizawng dik tak angin in date turin kan chhuak ve a nih hi. E....,ka sawi hmaih ṭep,Hriata leh Agnes te pawh nikum khan inneiin fapa duhawm tak an nei ve tawh a,Bazil leh Siamsiami pawh kan rinloh lutukin an inkawp ve bawk a,ka lawmpui hlawm hle....




------------------------




"He hla hi ngun takin ngaithla rawh aw...."tiin hla chu ka play a,Ka duh lai chang tak chu guitar lain ka zai pui a.

That you are the only one I'll ever love
(I gotta tell ya, gotta tell ya)
Yeah, you, if it's not you, it's not anyone
(I gotta tell ya, gotta tell ya)
Looking back on my life, you're the only good I've ever done (ever done)
Yeah, you, if it's not you, it's not anyone (anyone)
Not anyone


"I hria em? Ka nun i en let chuan,....engmah chhuan tlak leh thilṭha tih reng ka nei lovang,mahse ka nunah ka la lut che a,ka thlang che hi ka nun a ka thilṭha tih ve awmchhun chu a nia sin,mi pangai ni pha ve thei turin min siam a, ...,"Ka ngawi ren rawn a,thawk la kawkin
"Puipuii,ka hmangaih che....,"hmangaih tih ṭawngkam hi ka kâ ngei a ka sawichhuah vawikhatna a nih vangin ka zam hle,ka hmalam chu ka melh ngar a,in sut ri ka hriat vang chuan ka hawi phei a.
"Tinge i ṭah a,ṭap suh...,a hreawm ka ti nia"tiin a bianga mittui luang chu ka hruk sak a,ka kut chu lo manin
"Krist,....keipawn ka hmangaih che....." a tichhuak thei hram a. A mittui chu duat taka hruk sakin ka fawo vawng vawng a.





------------------




"Helai hmun hi ka tan chuan a ṭangkai takzet"
"Tinge a?"
"Ka vei ṭanna che a nia"mak tih hmel.takin
"A ni maw? Engtin?" A lo ti vat a.
"Helai a kan inhmuh hmasak ber kha i hria em"hria tih nan a lu a lo bu nghat a.
"Lasi leh unicorn an awm a nih loh chuan ka kal ve duh loh thu ka hrilh che kha,khami hnu khan ka mumangah ka hmu che a,lasi chu lo niin unicorn chungah chuan i lo chuang a,hmangaihna a khatin ka lo thlir reng che a."
"A..,...a van mak em em....,Lasi leh unicorn"tiin a nui hak a
"Nanghi ka lasi nula chu i ni,ka lasi duhawm te...."tiin a hnarah chuan ka piai zeuh a,A hachhiau lo ve teh mial,a hnar chu tuai zeuhin
"Mahse unicorn a awm silova"naupang chhia zet chuan a rawn ti a.
"Unicorn maw.......,unicorn chu keimah hi ka ni mai...,ehe,kan inhmeh dawn lutuk,lasi nula hmelṭha tak leh unicorn nalh leh dangdai tak"
"Aih,i chungah ka chuan zel a ngai dawn sinnn,unicorn i nih chu ka phallo"
"A nih leh.....lal fapa hmelṭha tak ka ni mai ang"
"Aw...,yes...,chu chu pawi miah lo,aṭha dawn lutukk"
"E....mahse lasi nula chu i ni thei tawh lovang"
"Ngati maw???"
"Aw...,lal fapa nupui i ni tawh dawn a,lasi pitar....a...chu chu a ni thei silo,e...lasi nutling,ṭha dawn lutuk...."
"Hei...,a ṭhing lutuk ka duh lo"
"Duh lo mahla i ni tho"
"Lalnunpuii, tiin min ko tawh miah suh,... Ka nutei hming a nih kha aw..., a sawisa hrep mai ang che"

"Oppps🤭"



*** KAN WEBSITE A FAKNA LAM THIL MILEM LANG THIN I LO HMEH ZEUH HIAN KAN WRITER TE HLAWH KAN TUMSAK ZEL TIH KAN HRE THEUH DAWN NIA, KAN LAWM E***

Website story link ho awlsam zawka in zawn hmuh zung zung theih nan STORY FB group siam a ni a. Whatsapp group pawh siam a ni e. Complete tawh ho zawng zawng leh story kallai kan dah vek avangin avangin in lo join theuh dawn nia..
Group link : https://www.facebook.com/groups/991354610918230/


__________________






"Heihi ka hringnun thawnthu chu a ni e,ka hringnunte i enlet a i chhiar chhuah chuan engmah entawn tlak leh thilṭha tih ka nei lovang,ka nuna ka thilṭha tih ve awmchhun chu....thlalak hmeichhia khi in hmu em? Hmelṭha,nui mawi leh duhawm em emte khi in hmu tiraw... Lalnunpuii,....oh.....pawilo..,ka tan bik chauhva Lalnunpuii kumkhuaa ka kawppui tur a ka thlang hi a ni....,hla phuahthiamte hi an hlu a sin,kan hlim laite,lungngaih leh kan boruak tawn ang zel a kan rilru mil tura hla an phuahchhuak thiam ṭhin hi ka ngaisangin ka hlut takzet a ni.....,chuan ka chanchin min lo chhiarsak vetu zawng zawngte in chungah thinlung takin lawmthu ka sawi e.....,in zavaiin mangṭha muttui vek u.....


(Story min lo chhiarsaktu zawng zawngte inchungah thinlung takin lawmthu ka sawi e,.... In zavaiin muttui mangtha vek u... 😇🥰)



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)