ONLY YOU By Hmuaktei Fanai (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

Re: ONLY YOU By Hmuaktei Fanai (Completed)

Unread post by Ngaia » February 14th, 2021, 2:50 pm

ONLY YOU








CHAPTER-19








"Kalo va chhuak ange" inthlahrun hmel lutuk a Lawma'n arawn ti chu ka khawngaih zawk. Hepa thikthu chhe lutuk vang hian ṭhian pawh ka kawm hlei thei lo chu anih ber hi. Abikin mipa ngat phei chu. Remsanga pawh rawn lang se athik duh hialin ka ring.




Lawma cabin aṭanga achhuah rualin Sawmkima kut tawn tawna vuanin couch lian lo te awmah ka nem ṭhu a. Enge tia tih nge ka tum tih ngai chang hian hmel hriam hrak hian min melh ngur bawk.




"I tan enge ka nih?" abiang tawn tawn a dawm chungin ahmaah ka ṭhingṭhi ran a. Ka zawhna chu atthlak tih hmel zet hian a ner nawk mai. Mahse kan inkara thil hote vanga buaina awm reng hi tun ṭum chu chingfeltu nih ka duh. Tlawm hmasa zawk kan awm anih loh chuan engtik lai mai pawhin hlim hmel hmuh ni kan nei ngai dawn lo chuvang chuan nupui ka nih angin ka pasal ka chunga athinrimna chu puitling taka zawldawhna zawng zawng nen dawnsawna sawifelpui vek ka duh bawk.




"Khapa kha hnaih lo la aṭha animai" ti hluka ka kut paihthlak atum chu awm hnaih hretin ahmuiah ka fawp nghal zauh. Ka chetdan chu mak ati ve a ni ngei ang thawk la hawkin arum nghut mai. Kan inneih hnulam hian mipa dang emaw hmeichhe dang vanga nat vawng vawngna khawpa buai khuk ruai hi kan la nei mang lo. Keipawh hmeichhe dang laka thikthu ka pek chhiat ang bawkin a ni pawh hian abikin Lawma lakah hian ape chhe ve tho. Chu chu nupa inhmangaihte kara thleng tur reng a ni tih ka hrethiam tawh. Tunge hmangaih loh tekiangah thikthu pe chhe ngawt ngai. Mahse chu thikthu chuan nupa kara khi nasa taka asiam hma a ti phui leh tur pawn nupa tho kan pawimawh. Anihna takah chuan tlawm zawka ṭan hreh lohna kan neih angai tihna anih ber chu.





"I tan enge ka nih?" Inla hrang hlekin ka ti leh sep.




"Ka nupui" min melh run run hian min chhang ve ta hram.




"Adik i nupui ka ni" ngawi dat hian ka nuih zui seih.




"I nupui ka nih chuan phatsan ngai lo tu tur che ka nihna akeng tel bawk ang" dam raih hian ka ti a. Ka dar tawn tawnah akut phah hrawl leh lum vung vungin arawn chelh zui ve hmiah a, thle deuh ngialin akut hnunglam chu mitchhing chungin ka biang hian ka nul a. Na lutuk a thawk alak hrawih rualin a inbengdai tih ka hre thei.




"Nupa karah chuan inrin tawnna hi a pawimawh ber tih i hria em? Chuan maw keichuan ka ring tawk che min phatsan ngai dawn lo tih ka hria, kan rin ang bawka min ring ve turin ka duh che i hrethiam tiraw" kei aia a upa fe chungin ka sawi tum hrethiam ngei tura ka duh vangin a mitah uluk takin ka melh tel bawk.




"Ka ring che, ka phatsan ngai lo ang che tih ka tiam e" nalh zeta kiai sukin min chawikang nawlh a tlak hlau em emin anghawnga kuah ve ṭai chung hian ka nui zui har har.




Couch hnunglam anghen dawt rualin a awm lum nuam zetah hahdam takin ka bei zui chial a. A thinphu dup dup ri pawh ka hre thei. He taksa chhunga mi nung a ni tih chhinchhiahna hi ka tan chauh kumkhuain a phu dawn tih hi ka chiang vek tawh bawk. Keipawh chutiamg tho ka nun zawng zawng atana hman let a ka theihna chin china ka duatna leh ngaihsakna ahmuh ka duh tel tho bawk.




"Ka hmangaih che!" Ka chhipah arawn fawp vang vang a. Keiin nghet lutukin ka kuah zui ve vat bawk a. Kan nupa inkar afel chhung chu keichuan a aia nuam thlan tur dang ka hre chuang lo. Ka pasal a ni a pahnih ni tawh lovin pakhat kan ni tawh tih hi vawn reng ka duh bawk.




"Lovie"





"Immm"




"I thinlungah hian tlemte tal pawh hmun chan ve hi ka duh ber a ni. Chumi hlawh chhuak tur chuan engpawh ka ti ang. Kan fa lo piang mai tur nen ṭha taka enkawl che u ka duh bawk a" ka thinlung zawng zawng neitu ani tih hi sawi lang ve kher lo mahila a ni lo midang ka tan an awm thei tawh kher lovang.





"Min hmangaih turin ka nawrlui thei lo che mahse" a thawk lak nat lutuk nalamah ka kang awk thei!




"Min hmangaih lo thei lovin ka siam thung ang che" thuk ruiha arawn tih rualin ka taksa pum aṭawngkam lum huam mai chuan a fan chhuak vek. Ka pasal Malsawmkima ang chhung tluka lum nuam leh thlamuanna hmun hi ka nei leh tawh ngai lovang tih ka chiang takzet tawh.




"Phone ilo chhan khan enge arawn sawi ka hre thei angem?" Min ngaichang zet hian min zawt sup chu khathil kha ka hre chhuak leh ta chiah. Reilote chhungin kalo theihnghilh hmin leh vek hman tawh chu niin.




"Ih.." ka ngawi leh dat. A nutei pasal hmel ka mitthla leta pasual tak ang chuan pawnlamah alang miah lo mahse achhunglam chu lung tenawm tak tak hlirin abawm thung alo nih hi. Nunleh pa hmangaihna dawng phak a awm tawh lo pamal ngawih ngawih hi engvanga achhiat vekna tur la duh fan nge anih tih hi ka hrethiam thei ngai lovang. Kan inhrawn viau tak hnu hian Malsawmkima mizia hi midang pawi va sawi ngawt zawnga khawsa chiam chi a ni lo tih hi ka hre hneh telh telh tawh.





Mihring hi pawnlam landan ngawt chauh thlir fo loh tur anih zia anutei pasal vang hian ka chian uar uar phah ta bawk. Tupawh mai hi rin chawt chawt zel loh tur annih rualin hmuhchhiat ngawt tur an nilo mahse fimkhur erawh aṭha thung si. Kan hnaivai te hlei hlei hi min itsika kan chhiatna zawnga min kher ngat ngattu chu anlo ni reng thei zawk hi alo ni.





"Hostel saklaia tla hlum kha tura hrai vanga talbuai tla hlum angin arawn sawi a, chuan i nutei pasal tih anih thu leh finfiahna apek theih thu che pawh a sawi. Chuan no hlang chauh ania alo biakna che no pawh ala awm ang" ti sepin ahmel en turin akhabe hnuai aṭang hian ka melh chho a. Nelawmna nei lo ang hmak hian ahmel lang chang zui ṭawlh ṭawlh chu ka thil hrilh vang a ni tih ka hrethiam.




"Lalpuii'n a rawn awmpui ang che aw" a hmel chang rum rut nena inrem lo zet hian a aw erawh adam em em lawi si. Mahse aṭawng chhungin min en miah lo thung.




"Khawiah nge i kal dawn?" Min kuahna athlah thawl rualin ka awm hla hret a, couch hnunglama atukhum nghat dawtin a mit achhing zui ta tlat. Tim diau hian abiang ka tawk de de chu rawn nul let vatin arawn menga. Mitmeng thuk ruiha min melhna chuan ka ṭah ati chhuak ngawt pek bawk a. Hahthlak zawk hian! Ka va zuau reuh tak!





"Rinhlua nen hna buaipui tur kan nei a, ka rawn let har lovang lo mu hahdam rawh aw" ka banreka vuan chungin ka kut arawn nul let ṭawk ṭawk chu nuih hakin abiangah ka piai zui vak a ani pawh anui nghawr ve dawt tho.





"Lo haw vat la, chuan ilo haw hunah thil ṭha deuhin alo hmuak ang che aw" ti sepin a chhipsam ka chul nghal heuh heuh.




"Tunah hian chu chu ka hre thei angem?" Mitko san uk uk a arawn tihpahin ka kawng akuahna tha ape na vak a ka thaw zui kawk thei. Min tiatpui chei leh ngawt ṭhin hi asim angai khawp mai. A ni palian lutukin aduh tawka min han sawngbawl kual hi chu sil ṭhumna tham atling zel.




"No tunah chuan atheih loh" ahmuiah ka fawp zauh a ka inla hrang leh tur ka biang tawn tawna dawm chung hian min rawn hnaih hruta ka hmui kau tiar mai chu ahmui fawh nuam leh ngawl ang mai vei awlsam zet hian arawn kharchilh zui hmiah. A lehpek awm thei tawh lo tur khawpa uara min fawp ngawng ngawng mai chu a na lam lek lek a ni. Mahse ka pasal ka thlakhlelh em em fawhna hi na ka ti phal teuh lo. Keimahah amah hi char beh hial mai hi ka duh rum rum zawk chuan khawihmunah pawh akiangah ka tel ve zel bawk anga.





"Ka ngai che" min fawhna thlahin a chalin ka chal arawn nawr a aṭawng zawngin ka hmui chu ahmuiin arawn si zauh zauh bawk.




"Kan awmdun reng chung hian maw" a nghawnga kuah tlat chung hian kati let ve sep.




"Hmmm"





"Engtianga nasain?"





"Nasa takin. A lehpek awm thei lo tur khawpin ka ngai che!" thuk ruih a atih rualin ka awmchhung ami ache zui nghal dawt dawt mai.




"Min ngaih viau chuan rawn haw vat rawh aw" ka mittui ahnai ringawt pek anihchu. Thil ṭha lo thleng tur ang mai hian ka taksaah hlauhthawnna hian min fan zui tlat chu amak kati hle bawk. Mahse hei vang vang mai mai a hmeichhe nep lutuk anga a hna pawhpen ka tum chuang hauh lo.





"Kalo haw vat ang, chuan min ngaih vangin ilo ṭap miah lo bawk ang" atih sup rualin ka insut ri nghal hraih.




"God! Lovie! I mittui tla hi hmuh nuam kati lo" a ti hluk. A thinrim vanga ṭawngkam nem lo hmang a ni lo tih ka hria ka ṭah vang zawka lawm lo anih tih ka hre chiang lutuk.




"Min en rawh" min nawr hlat hlek atum chu nghet lutuk a kuah zui ṭawk ṭawkin ka lu ka thing zui nar nar mai.





"Hna thawk thei lo turin min duh em ni?"





"Aih" ka ti tiau. Naupang ang maiin ka ngen vel hial nimai hian ka hria. Ka chetdan chu zahpuiawm inti viau mahila abula awm ka thlahlel ngawih ngawih.





Ka kuahna kut pawt phelhin min nawr hla a dam ruiha min melhna phenah chuan keimah chauh min hmangaihna ka hmunthei.




"Ka hmangaih che" ti supin ka hmuiah bawk arawn fawp leh chawt tawh. Keiin kalo dawngsawng ṭha em em bawk a.




"When our lips touch i can taste the next sixty years of our life lovie" kawchhung aṭanga chhuak tih hriat ngawih ngawih hian ati thuk zawi ruih. Amahah hian luangliam lo thei lo hian min siam ṭhin.





"Ehem!" Lalpuii aw ka hriat rualin ka inla hrang vat a. Ka lai ringawt bawk a. Ka biang thlengin asa hut hut thei.





"Ka tibuai che u animaw" nui rah rah a arawn ti zauh chu lei ka chhuah khum ta ngawt.




"Buai ṭep" Sawmkima'n arawn tih sup rualin melh rawm rawm chung hian a awmah ka beng thlawrha a nui chhuak hawk hawk mai.




Sawmkima malchung aṭanga ka chhuk rualin a ni pawh arawn ding zui vut.





"Lo enkawl rawh aw, ka rawn let leh vat ang" ti nghutin khum lama a jacket awm chu abpan vut a la kang nawlhin a inthawlh zui mawlh mawlh bawk.





"Lutuk lutuk naute duat techu ka thiam alawm, ka nutei pawh arawn thleng har tawh lovang" ka pa awmpui deuh angaih tho vangin ka nu leh Lalpuii nem cabin khata kan awm ho tur chu ka phur viau a mahse ka pasal ber akalbo tur erawh ka huphurh ru viau thung.





"Ka rawn haw vat ang" ka kawnga chelhin ka chalah ahmuiin arawn nawr vang vanga a jacket hmawr lamah ka vuan ṭung thung.




"Ka kal ania" Lalpuii lam hawia ti zauhin cabin kawngka nawr tawlhin achhuak zui vut chu ka ruak nghal vek thei anih chu. Ka ngai nghal ngawih ngawih bawk.



*Sawmkima's pov*



Hospital aṭanga pen chhuak mawp mawpin garage lam ka pan zui a. Pawnlamah Rinhlua'n min lo nghak reng tawh tih ka hmu zui nghal zat bawk.





"A chenna hmun chu kan hre thei em?" A dinna hmun ka thlen phei rualin ka ti zui vut.




"Hre thei, engkim kha phawrh thuai aṭha ber. I patea'n ahriata chet alak hmain" a ti zui ve bawk a.




Kawng engkima ka rin em em ka patea hian engvanga hnunglam aṭanga min bei hi nge anih ka hre der lo. Ka nu leh pa awm loh hnuah phei chuan ka pa ang hial a ka en a ni bawk. Ka ngaihhlut em em School pawh aman a enkawl vek bawk a. Mahse enge ka lakah hian duh ala neih cheu tih hi ka hrethiam ta hauh lo.





Ka nu leh pa kha car accident a boral ang khan ka ngai ngar ngar ṭhin. Mahse ka patea khan ka pa driver ni ṭhin tuna ka nupui ka hmangaih em em Zorinpuii pain tihluihna a car brake ti fail anga min hrilh dap dap hnu a phuba la tura che chhuak mai chauh kha ka nia.




Ka nupui hi kehchhe vek nu leh pa tan pawha hrehawmna thlen tham khawpa chhuah ka tum viau laiin hmangaihnaah ka intal awk a. Khang ka thil tum zawng zawng kha dahṭha a chhungkaw pangngai tak anga nun zawm ka tumlaiin thu dengkhawng lutuk hi ka hre zui leh ta si anih hi.





Ka nu leh pa boralna avanga ka huat em em ka nupui pa adawrah chhan leh vang chhui chhuah fak tur awm lovin kang vanga hliam na zet tuarin a awm zui leh nen ka patea thil tih vek hi anih ka ring zui ta bur tawh.





Lovie-in ka phone alo chhan hnu khan phone call no hlang bawk aṭanga ka dawn khan min hrilh chian leh viau avanga zanin rum rum a finfiahna min hrilh tur hi hre duh kher ka ni bawk. Ka patea beng athleng hman anih chuan a ka hup nan engpawh ati thei tih ka hriat vanga che rum rum kan ni.




Garage lampanin kan ṭhiandunin kan inzui mawp mawp a. Akhat tawka thawk kala leh hawk ṭhin chu ṭhianpa Rinhlua'n min melh leh zauh ṭhin.





"I ngai nghal der elaw?" Min fiam ti tih hian ati sup chu ka nui hawk.





"Ngai" ka zep lo ka nupui hi reilote chhung pawn ka ngai nghal miau a. Chuvang chuan heng hnawk hi chinfel vat vat a let leh thuai duhnain kan chinfel hma hawt aṭang hian min tur tut tut ṭan der tawh.





"Chhungkaw ṭangrual achhuak dawn ani maw" khi suk a arawn ti leh zauh. Thaibawih sawina a ni tih ka hria mahse thaibawih nih chu pawi ka ti der lo. Ka tan chuan ka nupui hlimna tluk a awm lo.





"Ni der mai, pawi ka ti hauh lo" ti let ve supin a banah ka hnek zui zauh chu a nui ve hawk hawk mai. A ni val senior hian nupui nei ve se nupuite ngaih natzia chu ahrethiam ve chauh ang.





Ka car dahna kan thlen hnuin ka nutei ka bia a ka patea biak ka duh chhuanlama va be ṭalh kher ka ni. In a a awm leh awm loh ka hriat duh vangin. Ka rin ang ngeiin in a a awm loh thu min hrilh chat bawk.





Michhiatna duh vek vek tawh hichuan engmah pawisak hi annei tawh ṭhin lo. Chutiang bawkin an hnuchhui tur a awm nge awm lo tiin thudik hriat chhuah an hlauh luatah an phet leh lutuk vangin an awk duh tlangpui bawk. Ka patea chetdan hi zanin a ka hrechhuak vek thei anih ngat chuan aman pe a inchhir ram ram turin ka siam zui dawn a ni tawp.





"Ka patea inah a awm lo" kan ṭhutluh rualin Rinhlua lam hawi hian ka ti hluk.





"A hria a ni ngei ang. Chuan a ka hup tumin bawh zui atum ngei bawk anga" arawn ti ve vat.





"Rawn betu che in lam chu pan phawt ila"a tih rualin car ka tinung a rilru hmanhmawh ru zet hian garage aṭangin kan tawlh chhuaka. Garage kan pehfel rualin hmanhmawh zetin kan dawk chhuak nghal zawk.



""""""""""""""""


"Helai hi a ni tih i chiang maw?" Fal ang reng taka assam type in lian vak lo hmaah kan ṭhiandunin kan dinga. Pawnlam light inchhi eng uarh chungin kawngkharpui erawh tala lian zetin a inkalh thung.




"Aw ka chiang" ati sup. Tala lian bur mai inkhai lauh mai thlek vut vut hian ngaihna hriat loh hmel zetin a khabe atuai zui hauh hauh mai.





Min rawn biak leh hnu khan zanin a kan kal tur thu kha kan hrilh chiang viau a alo awm tur thu pawh a sawi chiang viau bawk lehnghal. Mahse alo awm der lo, nge ka patea hian engkim hre ve vekin chet min lak khalh zawk. Ngaihtuahna abuai ve mup mai.





Kawngka lam panhnaiin ka beng ka dawha chhunglamah thawm hriat tur a awm loh mai bakah kawngka awng aṭanga thlir ngial pawhin eng rawn chhuak tur engmah awm lovin in chhung lam chu athim mup mai.





"Engtin nge ni dawn?" Rinhlua'n a rawn ti sup. A hmel aṭang hian atirte aṭangin abeidawn ti tih nghal der tih ka hrethiam mai.





"Sawlai in awmah sawn kan zawt ange" tiin hla lutuk lova in eng va va lam ka pan vut chu min rawn zui lo turin ka mitmei tel a.





Kawngka hma a ding runin kawngkharpui hlui lam tawh inkhar pelhsawlh deuh chu ka kik karh karh a. Chhunglam ri ka ngaichang pah bawk. Min rawn chhawn tawh dawn lo tura ka ngaih hnuin chhunglama pen ti tlak tlak ka hre zui zat.





"Puih theihna che ka nei em?" Hmeichhe tleirawlte mai kawngkhar hawnga rawn dak chhuak chuan arawn ti sap. Misual emaw min ti nge ameng pha dui lehnghal chu ka nuih atiza ru viau mai. A taksa rawn chhuak lovin alu chauh pawnlamah arawn dah chhuak a nia. Ka hnunglam a melhkual deuh ralh ralh bawk chu ka nuih ta suk.





"In ṭhenawm te saw an awmna chin i hre mial em" ka ti sup chu a thaw nghal huai reuh anihchu.





"Aurema chu nichin lawk khan putar pakhat nen hmanhmawh deuhin an inphur chhuak a" tim daia arawn tih sep rualin ka kut ka hum nghal viau.





"Amahin acheng tihna em ni?" Melh run hian ka ti zui nghal hluk chu a mitmeng a pha leh dui tawh. Min chhan mai tum lova ahawikual leh tete chu dawhtheihna tlakchham nen hrawk hluk mai chaknain min tur ut ut tawh lehnghal.





"Aw amah chauhin" muangban chalh hian rawn ti ve ta hram.




"Ka lawm e" tiin ka inher vut a. Rinhlua dinna lam ka pan phei zui mawp mawp. Kawngka akhar ri leh rup pawh chu ka la hre pha ta tho bawk.





"A chhuahpui hman" pawi ti lutuk hian car kawngka bula innem khalh run hian hnuailam bih ngurin thawk kala hawk.





" I patea chu call chhin teh"





Ka phone phawrhin ka patea no ah ka dial a a ring ral ral chu ka ngaithla reng mahse chhan tih a awm thei lo.




"Hrep tak hian!" Ti hlukin car chung ka chum zui dawp.





Ka phone rawn ri leh nghal pang chu ka lek kang a mahse Lovie a ni thung. Thaw suai suai hian ka chhang a.





"Hriatzuali alo kal" chiang lo ruai hian ka nupui aw chu ka hre thei. Ka phone ka beng bul aṭanga la thlain ka en a signal a awm mang lo.





"Lovie"





"Zorinpui ka ṭawng i hria em" phone chu lehlam aṭanga kiu nghal vung vungin atawp zui hmuk.














A lehpekah chuan kan last thei tawh ang aw🥰



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » February 14th, 2021, 2:50 pm

ONLY YOU








CHAPTER-20(LAST)









Ka call let a mahse atlang thei ta der lo. Hriatzuali'n buaina a lova thlen teh ngai anihchuan inchhir ram ram a a awm theih nan ka thawm azawi lo hle ang.




"Hrep hian" ti hlukin ka phone humlai hmet ngawt ngawtin ka hma a car chung chu ka beng dawp.




"Eng thil nge?" Rinhlua'n arawn ti zui vut.




"Hriatzuali"




"Eng thi nge atih?" Thawk kala zui hawk.





"Hospital lamah akalchilh anih hmel" ti hlukin ka hmai ka tuai zui puat.




"Let ang" tiin car kawngka ka pawt hawng tur chiah ka banah Rinhlua'n a hmer nghal chawt chu ka melh let nghal vut.




"Helai thleng kan chhuak tawh engmah ti lo a let leh chu uiawm iti ve lo maw, um zui la kei kalo va let ang" ti supin ka hnungah arawn beng dawp a, thawk ka la zui ham ham.




"Taxi ka hmu mai ang" ka ang zuau tawh chu ka hmui ka chip zui leh hmuk.




Kawngpui lamah kan ṭhiandunin kan inzui chho, taxi avan hmel fu mai. Lovie ka ngaihtuah viau vang nge ka thintirim fal deuhtu chu awm ngat se ka pawtsawm vek duhin ka ring. Ka nutei pasal chet tlatna buaipui zui ka ngai nen ka pik ṭun tawh.





Taxi pakhat rawn tlan kan lo phar dinga, passenger neilai lehnghal. Mahse adang chan chhuah mai tur a awm loh hmel viau nen Rinhlua chu a inhnawh lui ta tho.




"Chanchin min rawn hrilh ang che" taxi chung vuan chung hian ka dak lut a. Min biak tur thu asawi hnuin an tlan chhuak zui ta nghal.




Ka car hunna lam panin Lovie call tumin ka bei ngat ngat reng mahse atlang thei der lo lehnghal.




Car kawngka pawt hawngin ka ṭhulut a mahse khawilam nge ka pan ang tih ka hrethiam ta hauh lo mai. Finfiahna min pe thei tu chu ka nutei pasal chuan aphur chhuak ngei chu anih hmel mahse khawilam nge a panpui ka hre der si lo. Ka ngaihtuahna buai mup chuan ka thin atirim viau mai.




Hetiang mi rintlak loh leh rinawm loh hi ringin tlukluh nan engtin nge kalo hman theih zawk ni. Mi pangngai lo tak alo nih hi. Mahni neih zawngah pawh lungawi thei lo leh midang er ngat ngat nun neitu chu adamchhung hian a hahdam ngai lovang.





Phuba lak tuma ka nupuite chhungkua ka hnaih lai khan ka awm anuam ngai lo mahse khang thil ka hnungchhawn achin erawh nun alo nawm theih zia ka hre ta chiah bawk.




Steering hum runin ka sir lama in awm chu ka melh leh ṭhin a, tihngaihna avang hle a ni.




Kawngka hawngin car ka chhuahsan leh vut a, nichin bawka ka luhna kha ka pan zui leh mawp mawp. An tlanna lam tal ka hre thei anihchuan ngaihtuah dan pawh a awm mahna.




Kawngka bawk ka kik leh dawt dawt. A ngaite bawkin min chhang tawh dawn lo amaw tih fe hnuin hmeichhe tleirawlte bawk khan arawn hawng leh chu rum ul hian kawngka bianga indawm khalhin ka melh zui ngur.





"Khawilam panin nge an tlan?" Pehhel em em lo hian ka ti nghal tawng.





"Sawlam saw an panin ka hria" an in dinglam in pakhatmah awm tawh lohna lam a kawk va va a, keipawn chulam chu ka melh nghal vut. Thla eng chuan chiang lo ruai hian kawngpui chu achhun a mahse ramhnuai vek anih tawh vang nge fiah taka hmuh erawh ahar thung.





Lawmthu hrilh supin ka car hunna lam bawk ka pan leh a, ka ṭhutluh rualin hmalama ka phone dah ka ban vut. Rinhlua call ala awm chuang loh vangin nghah chi a ni em tih ka hrethiam ko. Nge helai hmuna signal chian loh vang hian min phone tlang thei lo zawk ni.




Car tinungin hmalam ramhnuai reh ruia kawngpui lam zawh chuan ka tlan pheia, mahse kawngpui aṭanga kawngpui motor tlanna leng tur vel peng lo awm chuan ngaihtuahna akal phirtir lo thei lo. Lehlam kawngpui metal dum hlurhah an hnu pakhat pawh hmuh ngaihna a awm lo. Lehlam nise tlanna ṭhanloh tih hriat zetin sirlama hnim ṭo kawngpui dalin a inzar hluai mai bawk si.





Ka phone kakekawr ip a akin car aṭanga chhukthlain kawngpui pangngai lo zawk ke a zawh tumin ka pan a. Ka kalna tura hnim awm chu ka kutin ka vai kiang phei zel. Thui pawh ka thlen hmain phone call alo lut zat. Ka phone phawrhin ka lekkang vut a Rinhlua a ni ta chiah. A hmasa zawka ka dinna hmun ai chuan signal pawh aṭhat tak deuh vangin kan inbe ṭha thei turah ka ngai ta hmiah bawk.





"Khalamah khan an kal lo, lo let rawh" phone ka benga nawr beh rualin arawn ti nghal thawr mai.




"Enge a awmzia?" Ti hlukin ka inher a, ka hmalama kawngpui tle rul chu ka thlir zui reng. Finfiahna min pek tur thu sawiin min ko chhuaka mahse tu amah hmuh zui tur an awm leh der silo. Min bum tihna a ni thei mai angem. Kha tleirawlte khan helam an pan thu kha min hrilh si.





"Hriatzuali hi buaina siam tura rawn kal a ni hauh lo"





"Hostel sakna lam an pan ahmunah min lo nghak rawh engmah tiloin, keini pawh kan rawn chhuak nghal ang" arawn ti a, ka chhanlet hmain phone ati tawp zui daih bawk. Eng thil chiah hi nge ka nutei pasal hian a ruahman tih ka hrethiam ta der lo mai. Tunah tak hichuan bumkual nuam tak chu ka ni ta phawt a mahse rei min tikual hauh lovang tih erawh ka hming ka hriatchian tluk zetin ka chiang.





Thinrim inhumruh ṭunin ka car hunna lam bawk ka pan phei leh mawp mawp a. Ka ṭhutluh vut rualin steering ka chum bur a ramhnuai reh ruiah horn ari nghal ṭhawt ṭhawt mai. Kawngka khar zui dawpin car ka tinung leh a steerung her kual mawpin ka tlanlet zui nghal vat.



""""""""""""



Schhol ground thinchim deuhah ka inhunga ka pen chhuak zui nghal vut. Duhthawh zeta boruak hip zui kawkin ka thaw chhuak leh ham ham phawt.




School leh a chhehvel ka hawikual a mahse areh duk si. Thawm hriat tur pakhat mah a awm lo. Thla a en vangin thim chhe lutuk a ni hran lem lo.




Girls hostel saklai mek lampanin ka lut zui a, phone hmet engin floor hmasa bera hmanraw awm hnawk rum lampanin chunglam panna step ah ka kai chho nghal zawt. Light engmah fit anih loh vangin athim ruih a mahse inpal rum rum tur khawpa mitchhia ka nih lem loh vangin chunglam panin ka kal chho thei zel. Beng chhi karin thawm nei lutuk lo hian inchung ber chu ka chho thleng ve mai bawk a mahse ala reh tlawk tlawk viau. Helai hmunah pawh thawm ri chu sawi loh tu mihring mah hmuh tur anla awm lo fan.





Inchung ber chhuak chhoin ka phone light ti eng pupin ka en kual a engmah hmuh tur a awm chuang lo chu mak tihlamah a kal tawh mah zawk. Helai hmuna kal tur khan engvanga min rawn hrilh nge anih ka hrethiam ta hauh lo. Kha tleirawlte thusawi kha adik mai zawk angem tih ka ngaihtuah zui tawh zawk.





Ka sam tuai puata thawk la hawkin ka inher a pen ka tum chiah tihin ka tukhum ri chawrhin a hik zui mup a, chhuat charah ka ṭhingṭhi thla nghal rawp. Ka luhai nghal chhulh mai chu tih reh tum hian ka lu ka thing nawk a awmzia a awm meuh lo.





Vawikhat ka tukhumah bawk an rawn hlap leh dawt rualin chhuatah ka bawk thla nghal rawp! Ka tukhum ka dawm a ahnawm nghal chup mai. Thisen a ni tih hai theih miah lovin ka nghawngah aluang nghal pap bawk!




Hmalam aṭangin phone engin ka mitah tak arawn chhuna mit ka chhing zui nghal sawk. Ka tukhum an vuakna a na zui viau nen ka che thei der lo mai.




Rum ṭuah ṭuahin thawhchhuah tumin ka inbengkanga, ka kut an rawn pet phet leh hmiah chu chal tauh zawngin chhuatah ka bawk thla leh rawp.




"Malsawmkim" ka nutei pasal aw thim chin aṭangin arawn ri chhuak a. Ka awmna lam hnaih zawngin pen khup khup thawm ari zui nghal zat bawk.




"I pa ang maia mipa tihmawh" tha nei tawh lova ka leh rengna bulah arawn ṭhuthla a ka chhipsam aṭhamin min kuai dak bawrh. Phone eng karah phe ruai hian ahmel chu ka hmu thei ṭawk ṭawk. Ka mitmeng phe mup leh ka taksa su dulh dulh chu tihreh tuma thawk ka la hrawih chung pawhin areh thei tawh der lo. Engmah na hre loin ka taksa pum hi achhah mup vek hian ka hre tawh bawk.





"Finfiahna kha i duh tiraw" hostel saklai khawk rum rum khawpin a nui huah huah.




"A awm reng reng lo" sehchilh ran hian ati zui hluk a, ka chhipsam aṭhamna athlah rualin sirlamah chil achhak zui pharh mai. Engvangin nge finfiahna hmu angin khapa khan min hrilh chhan hi kala hrethiam lo cheu. Nge keihi helai hmuna thi tel ve tur hian min duh zawk.





"Finfiahna lam ka rawn sawitir chhan kha ila hre lo ang chu tiraw" harsa zetin thawk kala zui hrawk a.






"Finfiahna neitu anga ka rawn biaktir che kha nuaibo tura an inlama kalchilh angin lantir che a police rawn nangchin tir che ka tum mawle" ka mit ka chhing zui sawk.




"Mistiri thi ta kha maw a ni nemthlak hi ania sin" mipa ruangam pakhat rawn hnai ve chu en tur hian ka hawi chhuak thei ṭawk mahse ahmel pakhatte mah ka hmu thei lo thung.





"Hostel sakna sum i hman chhuah ho kha kan khawih chet theih miau loh avangin midang ruai a pawhpen kha ka tum ber. Mahse kha mistiri khan ka phone hmang kha min hmuh fuh hlauh vangin i beng athlen hmain ka chawlhtir ta mai" a thil tihah inchhirna pakhat mah anei lo tih hriat zet hian a kamchhuak ala cham viau thei zawk anihchu. Eng ang chiaha rilru tenawm pu mi nge maw anih teh hrep ni.





"I nu leh pa accident thlen chhanah khan mawhphurtu ka ni bawk, i nupui i hmangaih hliau hliau pa saw tal awhtirin i neih zawng zawng laksak tum chein a fanu ka rawn tir luta mahse kha mi dawih zep khan thui pawh kan kal hmain ka thupek apawm duh ta tlat lo. Chuan a ni pawh atawpna chu ICU ah" laina hnai rilru hi hetiang teh hrep hian itsikna vangin akal sual thei ang tih ka ring pha lo. Nu leh pa nei tawh lo leh mi awhawm lo ber hi ka chhiat leh zualna duhin hnunglam aṭangin min lo veh ngat ngat duh anihchu.





"Helai hostel hi hal mai kan lo tum hman viau a chu aneitupa ber ilo lan takah chuan inkang dun tawh mai aniang chu" pawisak neih loh hmel zeta ti hlukin dinchhuah atum chu akawrhmawrah ka pawt bet ta chawt. Ngaih theih loh hmel zeta thaw hawkin keia na nei tha nei mang tawh lo kut chu aphihthla rang viau lehnghal.





"Hal darh vek rawh, an chhungkuain tawp vek rawh se" a thurualpui hnenah ati hluk a, building chhungah eng emaw aleih rualin petrol rim anam nghal rum rum mai.




A kalsawn leh tur chiah akerek a ka vawn rualin hnunglam aṭangin ka thukhumah bawk arawn hem zui dawt a, ka ka aṭangin thisen achhuak nghal nguai tawh.




Thawk la hrawihin ka taksa chettir ka tuma mahse pakhatmah ka thunun thei tawh lo.




"Lovie" ka nupui ka koh ṭhin dan lamin ka phun chhuak sup a.





"Ka hmangaih che" ka taksa lum pupin engkim athim zui ta hmuk.


*Zorin's pov*



"Phone ala thei lo" ka nu, Lalpuii leh Hehseni ṭhutna lam hawi hian ka ti ṭiau. Ka ṭap lo chauh tawh bawk. Rinhlua'n athlen huna min phone tura ka tih pawh nghak thei lovin Sawmkima phone ah ka cal zui ngat ngat reng.





"Bawihte lungngai suh alo haw leh ang" min hnem tum ngial mahse keimaha hlauthawnna rawn inzial tup tup chuan min ti mangang tulh tulh mai bawk si.





"Engvangin nge tunah a nutei pasal khawsak dan hi i rawn sawi lan chauh ahma khan min tibuai tur reng reng khan i hman hlel a ni lawm ni" mittui tlingpamin Hehseni hma taka ding chung hian ka au khum tuarh. Lalpuii leh kanu pawn min khap ngaihna an hre tawh bik lo a ni ngei ang ngawirengin min melh mawl tawp.





"Ka thiam loh a ni" ati zuai ve raih chu za lo zet hian ka nuih khum hak.





"Sawmkima'n min thlauhthlak tirh khan ka na a ka talbuai bawk. Engkim athlenna leh inhnemna ka ni ṭhin mahse nang anuna i rawn lan achinah khan min hlat a. Hun aliam zel min hlat mai pawh ni lovin min thlauhthla ta hmak kha ka na lutuk asin" a kawrawm ṭham tawkin ati fak.




"A nutei pasal khan Sawmkima nen kan inkar ahriat vek hnu khan kei a rilru na mumal loh lai remchanga lak atum bawk a Sawmkima tichhe vek turin" angawi leh data inthiam lohna nen min melh tlawk tlawk bawk. Keiin enge asawi zel dawn tih ngaichang chungin mittui tlingpamin ka melh bawk a.





"In ngaihtuahna hun min pe a, mahse a nutei pasal duhna lam kha zawh mai pawi tih lohna ka nei ṭan bawk. Mahse Zorin a nutei pasal ruahmannaah khan inrawlhna pakhat mah ka nei lo ka inrawlh lo mai pawh ni lovin ka tel lo hrim hrim zawk. Zanin zantir lam khan ka theih loh thu hrilh tum chuan an in lamah pawh ka lang ngei. A lehkha chhiarna pindan lamah annu khan a awm thu sawiin ka pan mai a, mahse chuta ka thil hriat chu girls hostel saklaia thi ta kha Sawmkima thah anga kaltira finfiahna amahin ahmuhchhuah leh vanga Sawmkima'n hostel saklai hal zui anga lantir atum thu mi pakhat hnena ahrilh ka hre zui a. A hrilh pa phei kha chu min hnungchhawn zawnga ṭhu anih vang khan ahmel ka hmu thei lo hrim hrim. A nutei pasal pawh hmu leh loin ka hawsan leha mahse ka rilru anawm theih ngang loh vangin hetah chanchin hrilh tur cheuin ka rawn kal mai chauh a ni" a sawi zawh rualin thawk ala zui kawk kawk chu mittui tlingpam hian ka melh phe ruai.





"Malsawmkim ka hnenah i rawn haw leh lo anihchuan ka ngaidam ngai lo ang che" ti sepin khum lam ka pana ka ṭhuthla nghal hnawk.





Lalpuii phone arawn rik rualin ka hawi chhuak zui dawrh! Ka tawrh zawh loh tur natna ka tawng mai ang tih hlauhna nen Lalpuii phone hmang chu ṭang ṭung hian ka thlir reng.





"Rini" ti sep hian abengbul aṭangin phone ala thla a lainatna mitmenga min melh rualin thil awmdan ka man thiam nghal.





"An rawn hawpui mek e aw"





"Aṭha tiraw, ka pasal chungah engmah athleng lo tiraw" tiin Lalpuii dinna lam ka pana. Ka zawhna achhan mai loh vangin abanah ka sawi zui dat dat.





"Nute" mit khap fak fak hian ka nu amelh a ka nu rawn ding chhuak chuan ka banah arawn chelh zui vat. Lalpuii cabin pawnlamah achhuak nghal vat chu ka thlir mawl tawp. Ka zawhna chhanin awm lo mahse Lalpuii awmdan aṭang khan ka man thiam vek tawh.


"""""""""""""



Kaihza tha khur dar dar chung hian ka pasal an dahna lam ka pan a, ka nuin ka banah achelh tlat bawk. Ka nu hi awm lo tase keimah a kal tur ka awmin ka ring lo.





Ka pasal an dahna chhungah nurse in min luhpui a, khum chunga mitchhing chunga amu reng ka hmuh rualin ka mittui ka biangah alumthla nghal pap.





A nutei pasal leh athurualpui pa khan hremna chu jail chhungah an hmu dawn tih chu Rinhlua khan asawi ngei mahse an thil min hnutchhiah hian ka kawchhung lam avilh ngut ngut si anih hi.





"I pasal tan hian ṭhat chhuah lehna chance a awm tawh lo" doctor thusawi chu ka bengah ari nawn tluk tluk mai.





"Papa rawn meng tawh la" abianga chul riak riak hian kati sep a, mahse chhanna ka dawn chhun chuan min va ti na tak em.





"Ka ngai tawh che a" ka mittui aluang zawih zawih.




Inrinna hman awm miah lo hian ka pasal kianga monitor an dah chu akiu vung vunga chiai zet hian monitor lam ka hawi zui dawrh! Nurse leh doctor rawn tlanlutin ka pasal awm sep dawrh dawrha thawk la chu an buaipui a. Nurse pakhatin pawnlama min kaih chhuah atum chu ka ṭang tlat mahse thaah ka hneh ngang si lo nen pawnlamah min hruai chhuak a.




Darthlalang chhah zet chhan aṭangin ka pasal awm sep dawrh dawrha thawk la an buaipui chu mangang zetin ka thlir a. Oxygen mask an hlip zui phei chu chiai lutuk hian darthlalang ka chum zui bur bur tawh.





"Ala thi thei lo!" ti tuarhin chhunglam ka pasal ruang sawngbawl tute te chu ka au zui lawm lawm. Mittui luang ngiai ngiai chung hian chhuatah ka ṭhuthla a ka nuin min rawn dawm zui vat. Mi â ang mai hian ka chawmawlh vek. Ṭah chhuah hawm hawm ka duh a mahse ka rawl ka chhuah hlei thei silo.





"Nu thih ka duh" ti sepin ka nu ka bula aṭhu chu ka ngheng zui rawk rawk mai. Ka mittui aluang char char chungin ka ṭap chhuak thei silo. Ka chhunglam tawt lutuk hi ka puak darh thei dawn takngialin ka hria.


"""""""""""""""""""


"Lokal rawh le Sawmkima i kalsan rei tawh lutuk a" Lalpuii'n khum aṭangin min tung tho va, tha reng ka nei thlawt lo. Kha thil thlen zan aṭanga vawiin aruang awm ni thleng hian ka kaah chaw ala lut leh miah lo tui chauh lo chu. Ei luih pawh tum ila ka thei thlawt lo. Naupai lai ka ni a mahse ka naute tan pawh hian anu hian ka tilui thei ngang lo a ni.




Slipper min buntirin kan nupa pindan aṭangin min kai chhuak a. Inhnuai chhukna kan thlen dawnin mangang zet hian Lalpuii ka melh nghal ruai.




Helai hmun aṭanga ṭhutkhawmna lamah a awm em tih ka bihthlak lai ka mitthlaah arawn lang zut zut a Lalpuii min kaihna kut ka hmer zui ngawt ngawt. Ka pasal tel lo chuan hmalam hun keimah chauhin ka paltlang zo lo ang. Ka kiangah a awm lo anihchuan ka huaisen tawk lo. Keimah hi ka inring tawk lo.




Step-ah min chhukthlakpui a mipui pungkhawm zingah anui hmel hmuh mai tumin ka hawikual a mahse hmuh tur a awm chuang lo. Min kohna ri hriat mai tumin ka beng ka chhi chung pawn areh tlawk tlawk si.





Min lainat taka min thlir ngawih ngawihtu techuan ka ngaihtuahna ati bing mup mup vek. Tunah hichuan thi ve tlukah ka inngai tawh.





Khuma ka pasal dang diau mai mu ka hmuh rualin khur hlawk hlawk chung hian ka ṭap chhuak hawk. Ka nu, Remsanga, Rinhlua leh Hriatzuali, Lawma te unau leh a nutei te nufain khum bulah anlo ṭhutpui a. Ding khur hlawk hlawkin ka thlir mawl tawp.





"Rini kal rawh le i pasal bulah" tiin Lalpuii'n bulah min nawr phei a. Ka â chhuih vek nimai hian ka hria.





"Papa" abiang dai duk mai chul chung hian kati ṭiau. Achalah ka chal ka nghatthla nidang zawnga ataksa lumna hmanga min ur ham ham ṭhintu kha avawt vek tawh.





"Ka ngai tawh che, lo meng tawh la"





 ruai hian ka hawikual a ka kiang hnaia ṭhu ho mittui hru fap fap chu mittui kar aṭang hian ka hmu phe ruai.





"Min hmangaih lo ami ngati nge ka kohna pawh i chhan duh tawh lo" ti sepin anghawng nghet zeta ka kuahna ṭhinah ka kuaha mahse a kuhphah hrawl zet leh lum vung vunga min kuahlet tu tur a awm tawh lo. Ngawi rengin melh pawh min melh duh tawh miah lo hian amu chawrh chawrh reng.





"Ka thinlunga hmun tlemte chang tura beih i tum a ni lawm ni i beih hma hauhin ka biakna pawh min chhang duh silo. Melh pawh min melh duh lo" a awm hahdam zeta ka beina ṭhinah ka beithla a amah chu ala ngai reng mahse min kuahlet tur a awm tawh lo.





"Papa kan naute lo pianchhuah hunah i awmna hmun engtin nge ka hrilh ang" ka khawchhung sa pup pup vang chuan thawk kala leh hak ṭhin mahse awmzia a awm thei silo. Chhunglamah hian natna thawpkhawkin min ṭham kual a anatdan chu eng nen maha tehkhin chi a ni lo.





"Min ngai tawh lo ami?" Ka biakna zawng zawng chhana awm tawh lo tur ka ngaihtuaha ka puakkeh lo chauh. Ka ṭah changin min hnem turin ka kiangah a awm ngai tawh dawn lo.




"Ka hmangaih che tih pawh hi i hnenah kala sawi veloh kha ka sawi hun i nghak thei lo ami" adar tawn tawna dawm chung hian ka sawi dat dat.





"Engtin nge keimah chauhin min kalsan theih zawk?" natna leh thinrimna inpawlh nawk hian ka ti chhuak hrak.





"Nu min hmangaih tawh lo aniang min chhang thei lo" ka nu lam mangang zet hian ka melha. A fanu mumal lo zeta apasal ruang kianga talkual chu natna nen min melh zui tlawk tlawk.





"Remsang" hnuailam chauh melh chung hian aṭap khur ngat ngat bawk chuan ka manganna abelh chhah tulh tulh tawh.





Kuang khum bula an rawn hun rualin ka khawng vek thei!





"Aih ka phal lo" a taksa dai vek tawh dah luh an tum rualin ka au nghal tuarh tuarh.




"Khata khung kha ka phal lo" anghawngah nghet zetin ka kuahbet tlat chu Rinhlua'n mitmeng sen rumin min rawn pawtsawn a. Tal chiam tum mahila tha ka nei hlawl si lo. Ka pasal ruang kuanga an khung chu tih theih nei bawk si lovin natna nen ka thlir tlawk tlawk.




"Khawngaihin!" Kuang chhin an tum rualin ka ti chhuak ṭiau. Rinhlua min pawm behna aṭangin ka talthla kuang ka bawh phei nghal rawk rawk.





"Khawngaihin reilote chiah" ti tiau hian abiang vawt thlerah chuan ka kut tawn tawn hian ka dawm a. Ka mittui ka pasal biangah afar nghal fap.





"Ka hmangaih che ka thinlung zawng zawngin" mit chhing chungin ka thlakhlelh em em ṭhin leh mumal nei lova min siam ṭhintu ahmuiah chuan ka fawp zui vang vang. Chhanletna ka dawmg tawh dawn lo tih inhre reng chungin kala beisei fan tho si chu beiseina beidawnthlak mai a ni.





"Ka hmangaih che, mangṭha aw" achala fawp leh zauhin ka inla hranga ahmel pawh ka hmuh zui theih loh turin an chhin phui nghal vek.




Ka nuin aṭhutna bula min pawt ṭhuin min kuaha ka awmna vin tuk chu ka ṭham leh tawk ṭhin. Hei aia natna lian tham leh tawrh hlelhawm hi ka tawrh leh theih pawh ka ring tawh lo. Mangang lutukin min siam a ka chau zo vek tawh.


"""""""""""


"Nu vawt ati ang abulah min hruai rawh" ti ṭiauin ka nu ka ngen a mahse mittui nen min thlir zui reng.





"Min ngai tawh ang, keipawhin ka ngai tawh" kan nupa khum chunga ṭhu chung hian ka ngen lawm lawm hi a ni ber mahse tuman ka ngenna min ngaih pawimaw sak lo.




"A bulah ka kal dawn" ti vin tuarhin khum aṭangin ka tho chhuak a mahse thui pawh ka pen hmain ka kaihza tha inthlep vangin chhuatah ka ṭhuthla hnawk a ka awm dawmin ka ṭap khur nghal dar dar.




"Bawihte" ka nuin ka hnunglam aṭangin min rawn kuaha, ka nu kut vuanin aw rawl chhuah meuh hian ka ṭap chhuak rawng rawng.




Ka bulah ka ṭah changa min kuah khawm vek turin a awm tawh lo. Mal taka awm turin min kalsan tawh. Mahse nitinin ka ngaihna azual tulh tulh si. Natna thawpkhawk atel loin ka hmachhawna chu chuan min kiansan atum si lo.





Vawikhat chauh hmuh leh a a aw leh a nui ri hriat leh ka duha mahse chu chu thil theih ani tawh silo. Thil theih ni tawh silo chu nitin zantin ka beisei reng fo si. Ka kehchhe hneh takzet.





"Malsawmkim i phuba lak dan hi min hmu em, ka kehchhe vek. I telo chuan nung reng siin ka thi mek anih hi" ka nu banah nghet lutukin ka hmer ngawt ngawt. Engvangin nge ka tana hlu ber hi laksak ka nih bik. Hriatthiam pawh tum mahila ka thei thlawt lo. He natna hi ka keimah mai chuan ka paltlang zo angem tih pawh ka hre tawh lo.





Ka hmangaih tih hi hrilhna hun takngial pawh ka nei lo. Ka hmaah vawikhat tal ka hmangaih thu ka hrilh theih nan rawn inlan leh se tih hi ka duhthusam a ni bawk.





After 1 yr...



"Ka tunu Thanzuali hi ahmelṭha ania" ka bula ka fanu ban vai lap lap a mu chu ka thlir reng a. Ka nu mita lawmna lang chhuak zut zut ka hmuh hian ka na azual a ka lawm a famkim ve thei lo.




Remsanga leh Lawma'n ka khawhar hlauin min thlahthlam ngai lo mahse ka pasal ber ka kianga a awm tawh miau loh avangin ka hlim akim thei tak chuang lo.




Kum khat lai aral tawh chuang hian ka pasal min kalsan hun kha nimin ang maiin keimahah nghawng ala nei lian em em si. Ka ngai a, hmuh leh mawlh ka chak ṭhin. A taksa lum nuam zetah min kuah betin hahdam takin awm leh thei ila tih ngaihtuahna nen hun ka hmang ṭhin.




Zan hun mittui nen ka hmang liam a, atuk khua alo varin khawharna leh natna ngai bawkin min chenchilh leh ṭhin. Hmalam pana pen harsa ka ti tulh tulh bawk. Achang chuan min kalsan tawh tih hi kala ringhlel hial ṭhin.




"Ehe ka fanu tereuh chu" Hriatzuali'n kan nupa pndan chhunga arawn luh rualin arawn ti lang langa Rinhlua'n ahnungah arawn zui nghal zat. Anni pawh ka chhawn thei chuang lo hmalam ding deuhin ka melh ngat ngat ringawt.




"Apa a ang hle mai" Rinhlua'n arawn tih sup rualin ka mittui tlingpam chu ka dan tumin ka khap nghal fak fak. Ka awmdan ahrethiam teh chek aniang chu inthlahrun hmel zet hian thupha arawn chawi a ka lo nuih hak ringawt.




Hriatzuali nen kan inkaraah innghirnghona a awm tawh ngai lo. Min ngaihtuah ber ber tute zing ami a ni tawh. A ni nen hian tun hun hi kan thleng ang tih ka ring pha lo chungin kan inkawm thei em em lawi si. Rinhlua nen an inzui tam viau tih pawh ka hria ka lawmpui em em chungin mipa leh hmeichhe inkara hmangaihna lo piang ṭan mek hian kei ang hian aching ve mai ang tih hlauhpuinain ka khat vek tawh.




"Rinhlu thlanah min hruai thei angem?" Tiin aṭhutna lam ka hawi a.




"Tunah hian maw?" Mak tih hmel deuh a min melhtu chu ka buk khum nghat nghat. Tunah hian ka pasal kianga kal ka duh miau. Min hruai thei lo pawh ni se keimahin ka kal tho ang.




"Bawihte chhuah chu itan ala ṭha viau lo asin" ka nuin arawn ti ve thung mahse ka ngai pawimawh peih lo. Ka pasal thlan a kal chiah ka rilruah alian ber.




Ka puan sinlai theh hlimin ka ṭhu chhuak a, ka nuin ka bun mai theih turin ka slipper arawn dah rem nghal vat. Min dang thei dawn lo tih ahriat vang tepawh a ni mahna.





Khum lulama kawrlum phiar fual ka dah chu ka bana ka inthawlh leh nghal hmiah.




" Bawihte ka hmangaih che" ka fanu hriatzuali'n apawm dar dar chu achalah ka fawp zauh.





"Kalpui in ngai lovang chu maw" ka fanu awi hliau hliau chung hian arawn ti var. Angaih loh thuin Rinhlua'n achhang nghal sup.




Pindan aṭangin kan inzui chhuak a. Step kan penthlak dawn chiahin Sawnkima ka bihthlak lai bawk khan min rawn luh chilh leha ka kut hum ruh ṭang hian ka heh ka pet zui fan mai.




"I ṭha em?"






"Ka ṭha" thawk la hakin step ah ka penthla zui nghal thuai.




Pawnlamah kan pahnihin kan inzui chhuaka, ka hawina lam apiang hian ka lung ati leng vek mai. Khawihmun pawh ka tan chuan hlimna a awm loh mai bakah ka ning vel vek. Thil remg reng ka pasal tel lo chuan achul vek nimai hian k hre bawk a.





"Zorin" Hlutei min kohna ri ka hriat rualin ka hawilet a. Rinhlua nen kan dindunna lampanin hmanhmawh zetin arawn pen phei hlawk hlawk mai.




"Kha heihi awrh rawh hritlang i kai palh ang" nuisang hian ka nghawngah shawl a rawn veta kalo dawh mawl ve tawp.




"Kal ru, keipawh ka lut dawn" ti sepin inchhunglam apan zui leh nghal.



"""""""""'"'""


"Kalo kal asin" ka pasal ka hmangaih em em thlan hmaah ṭhuthla chung hian ka ti sep a. Tawt ṭun hian thawk kala zui hak.





"Ka ngai che" ka mittui bawk ka biangah alumthla leh pap tawh. Amah ka ngaih vanga ka mittui hi engtikah tak hul ve ang maw. Theihnghilh hmin ṭhak tura ka dah hian ka phal si lo. Ka pasal hian ka ngaihte atana ka mittui sen tehi aphu fai vek.





"Min kalsan hi tun thleng hian awih har kala ti" ti ṭiauin athlan hmalam ka chul a ka hrawk chhung ana leh vek tawh bawk.





"I chedan hi a fair hlawl lo, i hria em i tel lova numdan thiam turin ka thinlung hi lo hrilh hmasa nila chuan inbuatsaih dan kalo thiam tur" za lo zet hian mittui nen ka nui ro hak a ka mittui ka kutah afar nghal fap mai.





"Ka thinlunga hmun ruak awm hi i tan chauh a ni. Tu tan mah ka phal lo ang bawkin i len ve lohna tura midang anlo luh hi ka rem ti ngai lovang" ka awm ṭham tawk hian ka ti leh ṭiau.





Huatnain bul kan ṭana nupain hmangaihna an tih rei tak chhung pawh chen lovin natna in kan nupa zin kawng chu kan khar leh si. Hetiang tawng tur tih inhre lawk ila chuan haw reng chung chein kan inneih zan khan ka tlanbosan ang che. Min danga hmangaihna a min tuam hlawmtu khan ka tana natdan tur dawn lovin min kalsan leh daih a, i nunrawng mah mah iti ve lo em ni. Engtin nge ka tawrh chhuah zawh ang. I tel lo chuan khawihmun mai pawh hi achul rup vek.





Pian nawn lehna hi a awm anih ngai chuan nang tho hi ka hmangaiha ka thlan leh tur i ni fan ang mahse chumi hunah chuan i kal hi ka phal tawh ngai lovang. Ka nunnain tuar hial dawn mahse ka chelh tlat tawh ang che. Malsawmkim ka hmangaih che. Ka thinlung zawng zawngin ka hmangaih che.











A TAWP TA











Ka thawnthu bei thamte min chhiarsak tu zawng zawngte in zavaia chungah lawmthu ka sawi tak meuh meuh aw. In beisei ka phak lo ang tihpawh ka hai lo mahse chapter tin ka dah apianga phu loh chhiartu ka nei cheu hi vannei ka inti lutuk. Chhungkaw lam rokhawlhna vanga regu theih loh chang pawha inlo nghah fan fan avangin ka lawm lutuk. Chuan min comment sak hram hram tute leh like min petute ka ngaihlu tak zet chu. In zavai chungah thinlung takin ka lawm em em vek aw. Chuan zanin chu silent reader awm lovin comment vek tum ang aw.



👇👇 a hnuaia ads khu click theuh ang u aw, khawngaihin 💚



KA LAWM EEE.....


*** KAN WEBSITE A FAKNA LAM THIL MILEM LANG THIN I LO HMEH ZEUH HIAN KAN WRITER TE HLAWH KAN TUMSAK ZEL TIH KAN HRE THEUH DAWN NIA, KAN LAWM E***

Website story link ho awlsam zawka in zawn hmuh zung zung theih nan STORY FB group siam a ni a. Whatsapp group pawh siam a ni e. Complete tawh ho zawng zawng leh story kallai kan dah vek avangin avangin in lo join theuh dawn nia..
Group link : https://www.facebook.com/groups/991354610918230/

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)