ONLY YOU By Hmuaktei Fanai (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

Re: ONLY YOU By Hmuaktei Fanai (Completed)

Unread post by Ngaia » February 14th, 2021, 2:48 pm

ONLY YOU








CHAPTER-13








Ram ngaw pilril lutuka ka aw thangkhawk rum rum chuan min ti khur nasa lutuk. Ka hma a mi pahnih inkai rialte lam kha pan ka tuma mahse engtik laiin nge min lo kalsan hman ka hre miah lo, an dinna lam ka hawi leh chuan anlo awm tawh lo.




"Pa khawiah nge i awm?" Ka tih leh tuarh a, mahse chhanna dawn ahnekin a reh ngawih ngawih vek.




Ka din mekna kawngpuia ṭhuthla hnawkin ka khup chungah ka chal ka nghat dat a, ka mittui afar nghal fap.




Hnahthel pal ri sun sun ri ka hriat rualin hlauthawng lutuk hian ka hawikual ruai a mahse ka hmuh theih chin zawngah phe zeuh takngial pawh hmuh tur a awm lo.




Thawklehkhatah thli na zetin arawn thaw vuk vuk a. Hnahthel ro kawngpui lamah an rawn leng chum chum thei. Mittui tling pama khur dar dar chung hian ka hawikual leh ruai. Thli thaw nasa lutuk kha reh tial tialin thlifim thaw heuh heuh hian ka sam arawn chhem len dar dar rualin ka ding chhuak a, ka mittui hru tawka hman lam pan ka tum zet tawh chu ka bengbula eng emaw sawi sep sep ri ka hria a. Ding leh datin ka hawikual leh mahse tumah hmuh tur an awm chuang lo.





"Fimkhur tak leh huaisen takin aw" thlifim kar aṭanga ka thil hriat chu a ni.




"Zorinpui" mipa aw rawl ring lutukin min ko ṭhawt ri ka hriat rualin ka meng nghal kawk! Awm sep dawrh dawrh khawp hian ka thawk arang thei!




"Khawiah nge ka awm?" Chiai zet hian kati chhuak ruai mai.




"Mang ṭha lo i nei em ni?" Malsawmkima mitmeng mumal lo nuai ka hmuh rualin ka ṭhu chhuaka thawk ka la zui vak. Ka awm vel thlanin alo bual huh vek bawk chu ka melh renga. Ka biang vawt thler chu ka khawih de de a, ka mittui luanna ani ngei ang alo huh hliam bawk.





"I ṭha em?" chhan mai nachang pawh hre lo hian thawk kala leh te te phawt. Malsawmkima athaw chhuak nghal hawk thei! Keihian kati mangang viau a ni ngei ang. A hmel landan pawh adanglam vek thei nia.




"Ka ṭha,,ka mumang kha atak amaw kati hman a" lawi rat hian ka ti a, atak amaw kati pawh nimai lovin kha mumang chhungah khan ka cheng thei anihkha, ka feel mah mah lutuk chu duh lovin ka lu ka thing zui nghek.




"Enge i hmuh?"





"Nangmah ang deuh" tih zawng hian ka chhang. Hriat belh chak hmel chu apu mahse mumang mai mai anih vangin min zawh zui atum bik chuang lo aniang chu angawi ta vang vang.





"Kalo muhil daih a" ka ṭhen deuh sak a.





"Min ti mangang hle bawk" takngula min melh chung hian ati sup. Ka ti mangang tih chu sawi chhuak kher lo mahse ahmelah hian alang vek, chu chuan nuam lo min tihtirna chen chu nei tho mahila nuam tihna ka nei tel tho bawk. Achhan pawh hetianga hmel landan zawng zawng inthlak hlawk khawpa a awm thei anihchuan min ngaihtuah ve tak tak tihna a ni.




"Ka tihpalh" ti sepin akut ka vawn sak a, mitchhing chung hian ka hmer zui vang vang.




Ka mumanga hmeichhia leh mipa kha Malsawmkima nu leh pa an nih hi ka ring tlat tawh. Car let rengte, accident vangin an boral tihna a ni thei mai angem. Ka nu kha chuan kan inneih hma khan nu leh pa aneih tawh loh thu kha min hrilh ngei mahse engvanga nei lo nge enge achhan tih lam kha kalo ngaihtuah ngai lo. Mahse tunah chuan khang thil ka hmuh zawng zawng khan ka ngaihtuahna hi an chhuahsan mai mai tawh dawn lo tih ka hria.




Ka pa thu min hrilh teleh, thlifim thaw heuh heuh kar aṭanga ka thu hriat zawng zawng khan min tibuai fai vek. Keihian thil thleng tur hi ka hmu lawk tihna ani thei mai angem. Mahse chutiang zawnga ka ngaihtuah chuan awihawm loh kati leh viau lawi si.




"I harh chiang em?" Ka mit zawna akutṭang ahmeh rik khap rualin ka phu zui dawrha a, a phun hluk mai.




"Aw ka harh tawh" a awm nawm nan ka ti nawk nawk. A awm tih nawm ka tuma mahse keimah zawk hi anuam hlawl lo chu anih si hi.




"I ril aṭam em?" Ka sam awm deuh nuai chu min tuaimam sak thuakin ka bengah azep a, za vak lo hian kalo nuih seih.




"Ṭam tho." Ka ril aṭam miah lo mahse boruak dang daih tawn ka mamawh. Ka mumang chhunga thil thleng kha ka ngaihtuah zui reng anihchuan ka buai zo vek mai ang.




"Lo ṭhu rawh" ti sup hian atho zui a, a closet lam apan nul nul chu khawdang hawi lek lo hian ka thlir zui reng. Nu leh pa nei lo anihna hian amah lainatna min neih zualtir a, ka hnuk ati ulh ṭeuh mai.




Tupawn kan puitling emaw kan tar emaw nu leh pa kan mamawh dan a inang vek. Nu leh pa thlazar hnuaia khawsak hahdamthlak zia kan hre vek bawk ang mahse Malsawmkima thung hichuan hun harsa atawh chang pawha tlukluhna tur leh inphenna tur a nei lo. Keimahah ka inchana ka thawk ati sak vek thei.




Tupawn duatna leh hmangaihna nu leh pa aṭanga dawn nuam kan ti vek. Mahse ani hichuan adam chhungin atawng tawh dawn lo.




Ka mittui rawn hnai ringawt chuan ka hnar chhung thlengin ati thip vek. Chunglam melh chung hian mittui dankir ka tuma awmzia a awm lo.




"Heihi ha rawh le" hriat nuam zeta arawn tih rualin ka melh nghal vat a, ka insum theihna zawng zawngin min kiansan vek. Ka inhit nghal hraih.





"Lovie" ti dut hian arawn ṭhuthla a, mitmeng dam lutuka min melhna tehian ka mittui a ko chhuak zel.





"Ngati nge i ṭah?" A kut lehlamin ka biangah arawn dawm a, mittui tling khat piau chung hian ka melh ve reng.





"I nu leh pa i ngai em?" insum thei thlawt lo hian ka ti tawl. A nu leh pa ka lam rik ruala amitmeng danglam chu ka hmuhhmaih lo chiang kher bawk.





"Ka bula i awm chhung chuan mamawh dang ka nei lo" thuk ruih hian min melh a, nui hak hian ka mittui ka hru thuak. Ka bula a awmin mamawh dang aneih loh thu min hrilh hi rin tur a ni em tih pawh ka hre lo. Mahse nuam kati veng veng thung.





"Heihi ha rawh le" a shirt lian zet hi ka lamah arawn lekhnai a, engmah sawi tawh chuang lovin ka ban ve vat.





"Lehlam hawi rawh" inthawlh ka tum zet tawh chu min la melh run reng vangin nuam kati leh ta chiah lo.





"Ka hmuh vek tawh tho kha" ka kut ka lek uaih chu ala nui hawk hawk zui.





"Hawisawn rawh" melh rawm rawm chung hian kati ta hlar.





"Aw le, in ha rawh" nuih insum zeta ti vutin min hnungchhawn zawng hian a inher rem a, hmanhmawh zetin a shirt hak tur min pek chu ka inthawlh zui nghal mawlh mawlh. Min fiamna vanga ka biang sa deuh hat hat chu ka dawm a, ka awmchhung ami chenin alo phu rang leh hman vek tawh! Hahthlak hian!





"Dar engzat nge ni tawh?" ka inhak zawh hnuin kati zui nghal zat. In kan thlentirh kha chuan khua ala eng vek, mahse ka muhil ka harh kha chuan alo thim vek tawh thung.





Malsawmkima min hnungchhawn zawngin adar asan uk a, ṭhen sak hian lukham sira ka phone letbal chu ka ban zui nghal zat, dar 8 alo pel fel der tawh. Ka thin athip deuh vang vang thei engmah ei lova ka mut vang pawh ani mai thei. Engmah ei lova muthilh tlang ka hrat ta viau mai hi sim vat angai a ni, hetiang chuan ka pumlam ka sawisel vat ka ring.





"I hman em?" Hmalam la hawi reng chung hian arawn ti sup a. Ka nuih atiza letling zawk. Thuawih deuhin ahawisawna ka hman tawh em tih min rawn zawt leh thlap bawk chu duhawm riau hian ka hre pek.





"Hman" ti zangkhai vahin aṭhutna lamah ka tawlh hnaia, a nghawngah ka kut suih liamin ahnung chetah ka ṭhu nghal zat.





"Ding rawh" a nghawngah ka piai tel zauh.





"Ok" ti dutin a ding mar vuta tlak hlau zet hian adul zawnah ka ke ka kherhbet nghal vek. Anin ka mawngah arawn dawm vat thung.





A hnung lum thur thurah ka beia, muangchamgin pindan kan chhuahsan ta chauh. Kan inneihtirh kha chuan hetiang boruak hi kan thleng ngai pawhin ka ring lo kha ania. Bakah keimana ka duhdan ber pawh ahuat zawng ang hlira khawsaka inṭhen vat kha a ni, mahse tunah chuan khang thil kha kala duh chiah em tih pawh hi ka chiang thei tawh lo. Min ngaihsakna hmu reng chunga abula awm hahdam zia ka hre tawh. Mipa rintlak tak ani tel cheu bawk a. A thusawi tawhah ading nghet dawn tih ka hriat vang tepawh animahna ka inthlak danglam vat chhan pawh hi.





"Enge kan siam ang?" Dawhkanah min nghat thla a keimah min hmachhawn zawng hian arawn innem khalh run bawk. Kawr ala hak ve loh vang nge nuam lo kati nghal pang.





"Awmsawn phawt rawh" ti nawk nawk hian a dar hlai zetah ka nem deuh dat a, khi suk hian a mitko asan uk.





"Hetah hian bul kan ṭan leh phawt dawn nge" chimawm zeta min melh reng chung hian min rawn hnaih hrut a. Ka kutin ka awm ka hup nghal chawih mai.





"I biang asen vek." Rang lutukin ka biang ka dawm nghal vat chu aw rawl chhuah meuh hian anui chhuak hawk hawk.





"Lai hma reuh lutuk" ti supin ka chalah arawn pen dat a, inher vutin fridge hunna lam a pan nghal daih. Ka awm ka hupna lathlain dawhkan tlang ka dawma ka thaw chhuak zui ham ham. Min hnaih tawh reng reng chuan kalo danglam zung zung thei zel hi mak ka inti hial zawk.





Boruak nuam tak hnuaiah zanriah kan kildun a, engkim asiam vek chungin atihfai lamah pawh min pui leh vek tho bawk.





Kan insingsak fel vek hnuin room lamah movie kan en dun leh thlap bawk. Hetiang nun hi nuam ka tiin ka hahdam bawk. Kan hlimna hi tuma tihchhiat phak loh nise tih ngaihtuahna ka nei a, mahse mihring chu innghirngho chang nei thei kan ni a engtik lai pawhin boruak azangkhai thei lo. Chumi vang ringawta inhmuhthiam loh reng tur pawh a ni chuang lo. Nupa chu kan inngaihsak tawn a, tlawm zawka ṭan angaih chang pawha tlawm zawk hreh lo mahni dikna ngeiah pawh kawppuite tih lungnih loh aichuan thiam lo zawk a ṭan thiam mai tehi hote anga lang ni mahse nupa kar hlimna thlentu vek a ni ṭhin. A vawikhat nan pasal nei ang tak takin rilru ka pu ve a hmeichhe pangngai khawsak anga khawsak chaknain min hneh ta chiah bawk.



""""""""""""""



Mumang rapthlak zet ka neih aṭang khan kar hial aral tawh. Kha mumang khan awm nuam lova min siam chang chu la nei tho mahse se ka ngaihtuahna hmun tam zawk achang pha meuh tawh lo. Mahse ka pa engmah kala zawt ta lo fan. Hun chu ka nei mahse zawh kha ka ngam chiah lo pawh a ni maithei. Chhanna ka duh amg dawn loh kha ka hlau a ni ber. Malsawmkima nen kan boruak a hahdamthlak em em a abak awm thei chuang lo tur khawpin keipawh ka hlim bawk.





College kallam min thlah vek zel bakah hawlam chenin min rawn hruai thlap bawk. A buai thei tih ka hriat ve tho vangin inthlahrun chang ka nei a mahse amah zawk hian atilui tlat ṭhin. Remsanga nen phei chuan college bak inkawm falna hun kan nei ngai ta mang lo. Vui nung nung chang nei ṭhin mahse pasal nei tawh ka nih miau avangin a hriatthiam ve tho angai. College kal a ka chhuak tih loh chu inah ka tawm deuh chawt.





Malsawmkima'n awmpui tur nula fel deuh mai a la a, ahnen aṭangin eisiam dan ka hman changin ka zir veta fo. Kei aiin kumhnihin a upa zawk a, a puitling em em bawk. Mahse û aduh miah loh avangin ahming hian ka ko ve mai zel. Pasal nei ka nih tawh vangin mawlmang lutuka khawsak reng kha nuam kati bik lo. Ka pasal tana nupui rintlak nih ka duh em vang a zir ka ni bawk.





"Hlute ka chhuak lawk ang aw" choka a lutin ka ti lang lang a. Ka pa hmuh ka duh vangin chawhnu lam class ṭhulhin ka haw hma a. Malsawmkima pawh ka hrilh lem chuang lo. A hna ban hma a inthlen hman leh tho ka inring vang a ni pakhat.





Ka nu ka be lawk a, ka pa ala nawm theih vak loh vangin in lama kal turin min hrilha hmanhmawh chiam ngaiin ka hre lo. Ka hmuh mai theih tura alo awm dawn tho vang a ni pakhat bawk.





"I pu lo haw hmain ka rawn let leh hman ang" fridge a eitur vel arem fel mawlh mawlh chu a rawn hawi chhuak zauh a.





"Puin tlaiah aṭhiante chaw an rawn ei dawn thu arawn sawi a"





"Engmaw?" Ka ti nghal haw. Min hrilh miah lo. Chuan vawiin hian vawikhat mah min la rawn be miah lo bawk ania. Nidangah chuan a office athlen rualin min rawn bia a, chhunah leh tlai lam arawn haw hmain mahse vawiin chu a phone call chan chhuah tur a awm miah lo.





"Phone ala thei lo ati che a" ti zangkhai vah hian atih tur a chhunzawm mial mial reng.





"Anihchu" ti tawi takin dawhkhan tlang ka nghenga ka thaw deuh hak. A phone call ahun ngaiah ka chang reng zawk. Ka pick theih tur pawn vawikhat pawh arawn call lo hrim hrim zawk. Ka phone ka phawrh leh ngat a a missed call reng reng hmuh tur a awm lo.





"Anih ka kal aw ka rawn haw vat ang." Choka aṭangin ka pen chhuak nghal nal nal. Vawikhat pawh min rawn call miah silo hian engvangin nge phone ka chhan theih loh thu asawi ngawt chhan hi ka hrethiam der lo. Zinglamah lah ṭha takin college thleng min drop thlap a hmuh nuam lo emaw thinrimna a neih awm ka hre miah lo bawk.





"Dawt sawi hmang leh lutuk" ti sapin ka phone bawk ka phawrh leh a, ka call zui nghal zat.





"Pick thei chuang bik tawp si lo" ti hmarh hmarh hian ka phone ka hmet thim a, ka bag a khung nawk nawkin kawngka lampan hian ka insawh tau phei nghawng nghawng. Ka pa hmuh zawh hnuah hotel lamah ka kal mai ang tia rilru siam chungin in chhung ka chhuahsan ta nghal.





Taxi ka phar a, alo remchang nghal mai chu lawm zet hian ka ṭhulut nghal thak a. Ka kal duhna lam ka hrilh hnuin kan tlan chhuak zui mai bawk a.





Ka mumang kha ka ngaihtuah let rauh rauh a, Malsawmkima nu leh pa chungah hian enge thleng ka hre chak takzet. Amah hi zawh chian ka chak ṭhin mahse ka zawt dawt ngam chuang bik silo. Atan a nu leh pa achandan sawi nuam tak anih ka rin chiam loh vang a ni tel tho bawk.





Kan tlan zel a, thlifim thaw heuh heuh karah chuan eng emaw hriat leh tumna hian min fan deuh tlat anihchu. Ka mumang ang mai khan aw ka hriat leh mai ka ring chu â inti ru viau mahila ka beisei ru reng tho.





"Fimkhur tak leh huaisen takin aw" khang thu min hrilh chhan kha ka hrethiam lo hulhual a, enge hmalam hunah kan tawn dawn tih ngaihdan pawh ka nei chuang lo. Nge Malsawmkima hian kan inneih hma hian hmelma alo nei zawk tih pawh ka hre chuang hauh lo.





Ka ngaihtuahna buai kual nuai chu vawm bo vek tum hiam mit ka chhinga muangchang hian thawk kala zui ham ham. Mumang mai mai a ni tiin ka infuih tel bawk. Mahse mumang mai mai ti a chhal tur chuan kha mumang chhungah khan ka cheng mah mah chu a ni.





"Ṭhiannu" Ka meng chhuak nghal zawk.





"Kan tlankual leh mai dawn em ni?" front mirror aṭanga khi suk hian arawn ti a, ka hawikual nghal vat. Taxi alo din feltir diam tawh chu niin.





"A...aw... ka tihpalh" buh nuaia tichung hian pawisa ka phawrh a, ka pekfel hnuin ka chhuk nghal thuai. Ka ngaihtuahnaah kalo chengrei mah mah a nih dawn kha.





Kan in lam ka pan khat khat a, pasal ka neih hnu hian mahni intlawh tluka nuam tih hi ka neih ka ring lo. Kan inkawta ka ding thei ringawt pawh ka hlimpui lutuk. Ahma zawnga duhthal a lo chen tawhna chu nuam lo ti tunge awm bik ang. Mahni in ngei tlawh tura kalchhuah chu tu pawn an hlimpui vek ang chu.





"Nu" kawngka hawngin ka nu ka au lang lang a, choka lam aṭang hian arawn dak chhuak nghal vat mai.





"Ka pa chu ala nuam lo viau em ni?" Tiin ka nu awmna lam ka pan ve vat a.





"Nuam lo chhia lutuk ni hran lo ve, a khawsik hi a awm leh zauh ṭhin a mahse hei vawiin chu zingkar aṭangin khawsik ala nei leh miah lo" ngaihthlak nuam zet hian arawn ti a, ka thaw huai mai. Ka pa emaw ka nu an nawm loh hian ka hlauthawng ṭhin. Achhan pawh chan ve mai ka hlauh vang a ni.





"Anihchuan ka hmu thei ang tiraw" Inthlahrung ang reng tak hian kati sap. Anuam lo viau chunga nawrlui tlattu nihkha ka duh bik lo.





"Aw, mahse bawihte i pa biak i duhna hi eng thil nge ka hriat ve chi a ni em" chik zeta min en chung hian a ti dam thluam. Ka nu hi hrilh chi a ni em tih chu ka hre hauh lo mahse thuchiang ka dawn hma chu engmah sawichhuah loh law law hi ṭha zawkin ka hria.





" Ka pa nena ka inkar thuruk" ka nuilui seih bawk. Ka hmel awmdan aṭangin thil dik lo a awm tih aman thiam mai ka hlauh vanga nui lui kher ka ni.





"Nangni pafa tak hichu" ati nang nang a. Kalo nui leh ringawt bawk.





"Va hmu rawh kan pindan lamah a awm kha" ati zui zat.





Choka chhuahsanin ka pa te pindan lam ka pan a, kawngka ka hawn hma hretin duhthawh zetin thawk ka la hmasa te te a, engthu pawh ka pain min lo hrilh se pachang taka dawngsawng thiam tura infuih ru mawlh mawlh chungin pindan chhungah ka penlut nghal zat.





"Pa" khuma ka pa mu chu ka ko va. Ka aw ahriat rualin arawn meng chhuak siar siar. Hmuh hahdam zet hian min nuih suk bawk.





"Dam vat tawh rawh" tiin khum bul deuha chair an hun chu ka pawt hnai hret a. Ka ṭhuthla nghal thak.





"Ka dam lutuk tawh alawm. Dawrah pawh ka kal thei thuai ang" ati dam dup.





"Immm i dam loh chuan anuam lo"





"Ka fanu hi alo puitling veta anih hi" a nui tel suk. Ka kut arawn bana kalo pe nghal vat chu a awmzawnah hian ahum bet a thawk ala vang vang mai. Keiin mit khap lek loin ka lo en reng thung. Ahmel dang diau mai chu hmuh nuam kati lo kher mai. A damlohna hian a sawp chau ve hle a ni ngei ang ka pa ang pa sa ṭha pawn khum abel rawk rawk chu a ni si a.





"Min biak duhna i neih thu kalo hria a." Mitchhing chung hian arawn ti a. Ka aw ka thian kharh kharh phawt.





"Ihhh...eng lo" sawi ṭan mai dan tur ka hre lo. Ka thlalak kha tih deuh tawng nuam ka ti chiah silo.





"Min zawh tur chu ka hre mai thei" a nui tel suk. Mahse ahmelah engmah danglam hmuh tur a awm lo.





"Ka fanu ka hmangaih lutuk che tih i hria tiraw" ka kut a dawm beh reng chu arawn hmer tel vang vang a.





"Pa" ka ngawi leh dat. Ka pain ka kut avawn loh lam chu ka hum ruh nghek bawk.





"Kha thil thlengah khan i inhnamhnawih tih hi adik em?" Ka huaisenna zawng zawng sawmkhawmin kati chhuak hlawl. Ka pa hnena thu zawt tura kal ni mahila ka tana sawi chhuah ahar tur zia chu min hriatthiampui ka ring. Eng emaw harsatna bik kan tawn chang pawha chhungte ngei ngei hnena sawichhuah ahar zia chu kan hre vek ang.





"Aih tiin min chhang hram rawh" ka rilru in ka ti zui mawlh mawlh.





"Ka fanu pawi ka ti. Pawi kati takzet!"






Chhanna ka dawn chuan chawp leh chilhin min ti ngawng nghal chhuih thei! Khawdang hawina chang reng hre lo hian ka pa ka melh ngawt ngawt bawk! Ka luh dawna ka infuih vena techu a rintlak loh takzet an thamral nghal vek.





"Engtin...."






"Engtin nge itih theih zawk?" ka aw chhuak chu kei ngei pawn ka hre thei chang chang. Thawk lehkhatah ka pa hnen aṭanga chhanna ka dawn hian min hmet chau nghal vek thei anihchu! Min hmangaihtu ka pa kha ni chung siin engtin nge atih theih zawk.





"Ka tihpalh takzet a ni" a awah pawh a inthiam loh zia chu ka hre thei mahse 'tihpalh' tih thumal hi ka pawm thei lo. Ka pa atel ve tih ka hriatna hian ahma aiin min ti na zawk bawk. Ka sawithiam loh hian ka kawchhung thlengin min fan vek.






"I fanu ka ni sia" tihngaihna hre lo lutuk hian ka pa chu ka melh tlawk tlawk. Ka mitmenga na ka tihzia pawh ahmuthiam ngei ang, thup tumna ka neih loh ang bawkin tum pawh ni ila ka thei kherin ka ring lo.





A awma ka kut avawn beh chu ka pawt dat a, muangchang hian arawn thlah riai riai.





"Mambawih engkim hi i hriat vek a remchang lo a ni" a rawn ti ṭawk ṭawk a. A hmelah nuam lo tihna emaw hmuh tur awm miah lo hian ala lang dam thlup thei chu mak ka ti lutuk.





"Ka kal aṭhain ka hria" eng emaw sawi tuma arawn ang leh zuau chu kalo tih khalh nghal hmiah. Ahmel hmu reng theia ka awm anihchuan ka thinrimna leh natna inmungkhawm puakdarh hian khaw hmu lo lekin ṭan min khawhtir thei mai ang. Chuvang chuan inthiar fihlim vat ka ngai.




Ka ṭhutna hmun aṭangin ka ding chhuak a, inhera pen mai ka tum chu ka pai deuh dat. Mahse ka kut hum ruha infuih mawlh mawlh chungin kawngka lam ka panlui ṭalh a ka thleng ve thei mai bawk.





"Mambawih" ka pa min kohna pawh bengkhawn duh lovin pindan kawngka ka pawt hawng lawka pemchhuakin ka khar zui nghal bur.





Kawngka nghengin thawk kala zui ham ham. Engtin nge hetiang chuan ka pa hi ka hmuh leh theih tawh ang. A fanu mualphona tura chet la duhtu pa hi ka ngaidam thei kher angem tih pawh ka hre lo. Mak kati lutuk hi ka â ruai vek.





Hmanhmawh zetin kawngkharpui lampan hian ka pen phei hlawk hlawk a, ka nu choka aṭanga rawn chhuakin min biakna pawh ka hre mumal lo. Ka ngaihtuahna zawng zawng hmun khatah an kal ding vek.





"Nu min hrethiam rawh ka kal angai" lawi rat hian ka ti thei hram. Hriatthiam loh hmel deuha min melhna chu rei pawh en duh lovin ka hawisawn a kawngkharpui hawngin ka chhuak zui nal nal.






Pan ber tur bik pawh hre lo hian kawngsirah ka hawikual ruai a, ka ngaihtuahna amang duk vek. Enge ti ila ṭha ber ang tih takngial pawh ngaihtuah turin ka fim hlawl lo.





Ka phone arawn ri a, chhan tumna ka nei lo. Ka bag aṭanga pawrh takngial pawh ka tum chuang lo. A tawp a reilote hnuah arawn ri lehnghal zat. Ka chhan hma chu an rawn phone dawn amaw tih tur khawp hian ari dawt zut a, mahse chhan tumna ka neih loh ang bawkin tumah ka be chak lo.





"I hawi nasa lutuk" ka hnunglam aṭanga aw ka hriat rualin ka vir zawk a, ka tlu ṭhelh bawk. Ka ding bu deuh luk chu ka banbulah nghet zetin Lawma'n arawn vuan zui vat a, a khi deuh suk bawk. Mahse ka awmdan ahmuh chian ruakin a nui hmel atawp zui riai riai.





"Thil thleng a awm em?" Min ngaihtuah ri ka hre thei.






"Ihh...." ṭawng chhuah ka tuma mahse engmah sawi tur ka hre thlawt lo. Ka awmah min hnawh ut ut avangin ka hah ngawih ngawih bawk.





"I ṭha miah lo, lokal rawh ka hruai haw ang che" ti supin ka banrekah arawn chelh a min penpui mai atum chu ka pai zui leh dat. Ka kawnga rawn dawn vatin akut phah hlai zetin ka ban bulah avuan tel bawk a. Muangchang hian min penpui ta chauh. Lawma hi awm lo se khawlaiah hian mumal pawh nei lovin ka tlu mualpho tawh ngeiin ka ring.





Ka dinna aṭanga hla lo teah a car alo hung reng chu niin. Ka ṭhut luhna turin kawngka min hawnsak a, muangchang hian ka ṭhuluta. Seatbelt min rawn hrensak lai chuan mit ka chhing zui ta ngawt.






"Lawma engmah sawi suh" arawn ṭhutluh ve rualin ka ti tawi tak. Eng emaw inzawh a titina tur mood-ah ka awm lo. Ngawih vang vanga ngaihtuahna fim hman ka duh vang a ni pakhat bawk. Ka thluak buai nuai leh ngaihtuahna fim lo lutuk hi a reh vat loh chuan kei hmeichhe luhlul ve tak hian nakin huna nghawng nei tur pawh ngaihtuah lek lovin ka che chhuak mai ang tih ka hlau a ni.





"Enge i chungah thleng tih ka hre lo mahse hahdam tum la aw" ngaihthlak nuam zet hian ati sup a. Chumi tur chuan beih ka tum reng a ni tihkhum chiam ka chak ut ut mahse ka insum hram a ni. Pawisawi lo ṭawngkhum chiam hian mi rilru kan ti na tam mai mai zawk. Rilru fim lohlaia chet chhuah bawrh bawrh tehi nakina kan inchhir lehna tur vek a ni. Mi rilru tihnat awlsam lai ber anih bawk avangin insum theihna neih hi ahim ber.





Ngawi rengin kan chuang dun tawp a, akhat tawk a thaw ka la leh hak bak thawm ka nei lo. Lawma phei chu angawi zui chawrh chawrh. Mi pangngai tak a nih vangin kei ka inbunruak ngawt anih loh chuan thil thleng hriat tumin min kar dawn loh tih ka hria chu chu abula awm hahdam chhan a ni bawk.


""""""""'''''


"Zorin" ka darah arawn sawi a, ka meng chhuak ve ta chiah.





"Kan thleng tawh ania" tiin ka ṭhutna lamah arawn awn phei a.





"Ka ti thei" tiin ka seatbelt hmeh phelh atum chu kalo hmeh phelh khat vat.





"Sawi dun i duh hunah itan ka awm reng ang aw" ka bianga dawm chung hian a kutzungpuiin arawn tuai zui hauh hauh. Keiin kalo melh kiau thung.





"Min thlah vangin ka lawm e aw"





Ka ṭhutna lam glass rawn kik ri kauh kauh ka hriat rualin ka hawichhuak vat a. Pawnlamah Malsawmkima alo ding run reng tawh, amitmeng rum ul aṭangin Lawma nen min hmu dun chu alawm lo tih ka hre nghal pang bawk. Engtik laiin nge hetah a awm ka hre miah lo. Lawma'n ka biang adawmna athlah a. Chhuah ve mai atum chu ka lu thing nar narin angaihṭhat nan tak tak ka nuih zui seih.





"Ka kal aw" ti sepin kawngka ka hawnga. Ka chhuahna turin Malsawmkima a tawlhsawn zui vut. A dinna bula ka din rualin boruak rit churh hian min chim nghal pang. Chuan kan pahnih inkar boruak tur chu ka hmu thiam nghal vek bawk.





Ka hawikual thuak a, a car pawh garage ah ala dah lut lo, tukin athawmhnaw hak chhuah pawh ala thlak loh danah kan thlen hma hretin in hi athleng anih hmel.





Lawma atlanchhuak zui mai chu ka thlir zui vawng vawng.





"Khawiah nge in inzui kual?" Ka rinsa rengin Malsawmkima aw chu achang ṭha viau.





"Khawiah mah" ti hlakin ka inhera in lampan tuma ka pen zet tawh chu min kuai her nghal lawp. Kalo inring chiah bik lo nge ka pai zui dat dat mahse ka tlu ta bik em lo.





"Ka call pawh pick lovin khapa kiangah khan nuam ilo tawl a" ti chang bawngin min melh tur khui bawk. Tunah hichuan a ni nena boruak neih kual leh vel hi ka tlin dawn hlawl lo.





"I ngaih dan dan le" ti hmakin in lam ka pan san nal nal. A thaw hawk ri chu ka hre pha tho mahse ka chau em a inhnial chiam ka chak lo.





In chhung ka penlut a, Hlutei thawm choka lam aṭanga ka hre chung pawn vawiin tlai chu puih tumna ka nei lo.





"I lo haw tawh maw" step ka kai chho tur chiah choka lam aṭanga rawn dak chhuak hian arawn ti var a.





"Aw haw chiah" tiin pen chhoh ka tum zui zat.






"Pu kha alo haw lai khan ilo awm si lova athin arim lutuk a, chuan a call i pick thei bawk silo. Keipawh i kalna ka hriat loh vangin min vin chiam a chuan a chhuak leh daih anihkha" a ti zui duah chu ka meng deuh awk. Hlutei hmelah pawh a puin aṭawngkhum laia ahlau hmel ala lang thei hian ka hria.





"Alo hawna arei tawh a mi"





"Aw rei ve tawh tho e mahse achhuah leh hnu a alo hawng hi chu ka hmu miah lo" ati sap. A thleng ve chiah tura kalo dah ve tawp a.





"Anih ka chho ang aw" tiin ka pen chho a, kawngkharpui arawn ri dawt a. Ka kut hum ruh ṭeuh chungin ka chho ta zel. Ka hnung maiah Malsawmkima'n min zui zel tih hriat zet hian a pen ri khup khup bawk.





Pindan ka penluh rualin ka closet ka pan ding nghal a, ka bag ah lai pawh chhuatah ka dahthla tawp bawk. Thawmhnaw ka hmuh hmasak sak ka la thla a, a kawngka ka khar leh rualin ka hnunglam lum hakah Malsawmkima bawkin min rawn dinchilh leh hman tawh tih ka hre thei.






"Engvang maw college aṭanga i haw hma chhan?" ka hnunga ding run hian arawn ti hluk.





"Pawimawh buaipui tur ka neih vangin"





"Pawimawh" sawi nawn ve sup. A hmel hmu lo mahila alungawi lo ngawih ngawih tih chu a boruak ken tel aṭang hian ka hrethiam mai. Chu chu ka hmachhawn chak loh ber a ni bawk. Amah si lo thei ang bera pensawn ka tum chu min kuai her nawkin ka closet-ah min nawr bet nghal hrawk a. Ka dar tawn tawnah a kut phah hrawl zetin a hmer zui ngawt ngawt.






"Zawhna chhan harsa ka zawt che em?" Mitmeng thim khupa min melh ngur chung hian a ti chang bawng a. Ka dara ahmerna na lutuk chu ka ner deuh sak thung.






"Pawimawh vangin ka chhuak tichuan ka chhang che em" Melh let khiau hian pangngai thei ang ber hian kati chhuak thei hram.






"Takzet che hian" ti hlukin a nui ro hawk a, ka hmaipum a lum hak thei.






"Pawimawh chu a ni nge kei" chhanna ka pe lo.






"Chhanna min pe rawh"






"Zorinpui a ni nge kei hi pawimawh sawi rawh" ka hmai bul chet a ti hrawkin a thaw hawlh hawlh a. Rap lutuk hian ka mit ka chhing zui chawt chawt. Lawma nena tehkhin chuan ka tan hian ka pasal hi apawimawh dan achungchuang larh. Lawma chu ka ṭhian mai chauh a ni mahse ka tan a pawimawh em em tho.





"Min ti na ania" ka dar chet ka tum rualin atiatpui emaw min ti a ni chek ang chu closet- ah min nembet zual sauh.






"Ka call zawng zawng pick lovin khapa nen khan nuam intawl a, engtiang chiahin nge ka ngaihtuah che i hre miah lo a mi" ati leh hrawk. A hmel pawh en duh lova mit ka chhing tlat chuan athin atirim zual a ni ngei ang.





"Zorinpui ka bia che" ti ṭhawtin ka khabeah a vuana min kuaidak nghal awrh anihchu! Ka sa ve ta phat mai. Ka thinrimna ka chungah ahrithla anga keiin ka lo dawh tawp ang maw? A teuh lo! Chu chu ka nihdan a nih loh ang bawkin a ni ngai lovang.





"I phone call ka pick loh chu thinrim pui chiam tur a awm em ni?" Ka aw chhuak chu kala control viau mai. A thinrim viau laia kalo pawr ve hlar anihchuan athinrimna ka chhem alh mai mai dawna ka hriat vang chauha ka awki san lo chauh ka ni.






"In ban hun hmain in inzui chhuak chu chu a dik em?"





"I ngaih ngaihin ngai rawh" ti hmakin ka khabe avawnna ka vai per nawlh a. Ka dar avawnna kut zawk banreka ka chelh chiah chu ka biangah a rawn hmer nghal sawk anihchu! A hmel en turin min kuai dak a, a mitmeng asen rum thei. A awmdan chu sakawlh nen hian an danglam chiamin ka ring lo. Min rum ṭhaih tum niawm fahranin a thaw hrawih hrawih bawk. Hetiang em em a thinrimna chhan tur hi ka chetdanah khan ka hmu lo. Ka pa hmu turin ka kal a chuan Lawma nen ahnuah kan inhmu fuh leh chu zawng chu a ni. Ka pa thil sawi avang khan engmah sawi chiam ka chak lova mahse a ni hi alo thinrim hlur si.





"A na ania" ti ṭhatin ka biang ahmerna lam akut ka vawn hnan a, rapthlak khawpin a kutphah techu asa vek thei. A kawrbanin a khuh phak loh chin akiu hnuailamah hian thisen zam an val kulh bawk. Hetiang em em a mipa thinrim an taksa thlenga danglam vek kala hmuh loh avang hian nuam kati ta bik lo.





"I luhlul hle mai maw" ka dar ahmerna athlah a, chunglam hawia thaw hawlh chung hian ahmai atuai zui puat a, a kut lehlamin a kawng a dawm run bawk.






"Hei chiah ka zawt tawh ang che. Khawiah nge in kal?" Chiang lutuka min melh chung hian ati bung vut. Chhan tuma ka ka ka ang ziau tawh chu athu rawn sawi vangin ka chip zui hmak.





"Kei lo mipa i mamawh tihna ami?" Huatthlala lutuk hian a rawn ti anihchu! Ka nghing dawt thei! A thinrim apiangin hetiang ṭawngkam hi engvangin nge min hman khum ziah.






"Ka pa hmu turin ka kal tikhan i lawm em?" Rum lutuka melh ngawt ngawt chung hian kati tuarh a, ka mittui chu vamduaithlak takin ka dang hman lo. Chhuatah ka ṭhuthla nghal hnawk.





A thinrimna leh min tihnat hreh lohna mitmeng kha inthiam lohnain a rawn thlak a, chumi rual chuan ka hmaah arawn ṭhuthla ve nghal vut.





"Lovie" ka khupa chal nghatin ka inkuah khawm nghal vek a ka mit ka chhing zui tlat. Mi aring chhe em em zel hi na kati...





"Lovie" ka darah arawn vuan a.





"Min khawih suh" ti ram hmarhin a kut ka pawtthla nawlh.





"Nang hian min thunun vek tih hi i hria em?" Ka ngawi ngar reng. Thinrim lutukin a che buan buan a tunah lem ahma lawka sakawlh kha khawiah nge a awm tak tih tur khawpa damin min be leh lawi si.





A phone rawn ri zawm zat chu a phun deuh hluk.





A phone phawrh atum a ni ngei ang chu ari sat sat reng.





"Sawi rawh" bul hmuk hian ati. Alo dawngsawngtu tana ngaihthlak hahdam loh tur zia kalo ngaihtuah a, kei ni ila ka be lo vang vang hian ka ring.






"Khawi aṭangin?"






Min ṭhut hnaih bawk nen lehlama ṭawng ri chu ka hre pha viai viai mahse enge a sawi tak ka hre thei lo.





"A thi maw?" Phawk hmel fe a atih hrawk rualin ka hawichhuak ve vat.






"Tunge ka pa a mi asawi" kati ta nawk nawk.





"Nilo, hostel mistiri zawk, inchung ber aṭangin atla hlum" thihna thu ni tho mahse ka pa a nihloh vang erawhin ka thaw huai thung.



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » February 14th, 2021, 2:49 pm

ONLY YOU








CHAPTER-14




*Sawmkima's pov*



Ka phone hmet hlumin chhuatah ka dahthla a, ka rilru abuai ta map mai. Ka hmai tuai zui puatin thawk kala vang vang.




Hnathawk lai anni a achesual palh ni turah ka ngai hmiah chung hian ka inthiam thei tlat lo. Ka chhawrlai anih angin mawhphurhna pawh ka lak tur a ni tih ka hria. A chhungte tana rilru natdan tur ka chhut thleng thiam kher lovang mahse keipawh hian nuam kati lo.





"Lovie" ka ngaihtuahna aṭanga inthing harhin ka hawi chhuak vut a. Min melh tumna pawh nei lo hian hmalam a melh ding ngar. A mitmeng aṭangin enge angaihtuah awm pawh ka hre thei lo. Hmeichhe luhlul tak anihna hian kar lovah ka thinurna hi a cho chhuak leh mai ṭhin. Mahse hmeichhe dang zawng zawk aiin alakah hian dawhtheihna ka ngah zawk tih hi ka chiang tawk. Hun reilote chhungin ka duh hman viau tawh tih hi ka pha lo, alakah ka thikthu achhe viau bawk. Abikin kha aṭhianpa kha ka ngai thei lo zual. Mipa ka nih angin ka mipatpuiin ahmeichhe duh a mitmenga atihlan kha ka hmuhthiam em vang a ni bawk.





A tana ka feelings neihte kaltlangpui ka duh rualin Hriatzuali'n min ep nghal tlat a, ka ngaihtuahna hi avak thui ṭhin. Ka thil tum ve zawng zawngte he ka nupui luhlul ve zet hian zawimuangin min vuakṭhiahsak zel.




Hriatzuali ka hup ka ngai tel cheu nen hian ka hah a ni. Engvangin nge ka harsatna hmeichhe hnenah ka thlen theih zawk tiin keimah ka indem hle. Mahse khang hunlai rilru buai leh mumal nei thei lova ka awmlai khan Hriatzuali chauh kha min hnem tura ka kianga awm ṭhin a ni miau a. Amah chiah kha ka neih chhun tak taka ka ngaih vanga inbunruah nana hmang kha ka ni bawk. Hmalam hun hriat lawk theihna nei ni ila chuan ka inbunruak ngai lo tur, mahse mihring famkim lo ka nih chhinchhiahna a ni ve miau si. Enge kan tawn tur kan hriat ṭhin loh vang a ni.





Hriatzuali hi tunah ka tan a pawimawh tawh lo ve ka tihna a ni lo. Ka ṭhianṭha tak ala ni reng anin ka chhiatna tura ke pen atum loh chhung chu achunga nunrawng lutuk ka tum hran lo. Amah erawh chu ahma ang khan ka en thei ta tlat lo hi abuaina ber anih vangin reitak a ka ka hup thei dawn lo tih ka hria. Chumi hun atana ka nupuiin min ngaihdam theihna turin hma ka lak angai tih ka hre tho chung hian ka thikthu chhe zetin boruak a vaw chhe leh ta vek a nih hi. A kianga mipa awm zawng zawng chu awihawm loh khawpin ka thikfai vek abikin aṭhianpa kha.





"Kalchhuah ka ngai dawn a" ti supin alamah ka kut ka lek a.




"Min khawih hlek suh" min melh chhin eih loh hian ati hmak mai.





College lamah lam tura ka thlen khan nghah chhuah tur a awm lo. Ka call a chhan tih anei lo bawk. In lamah ahaw tawh ringin ka inkhalh haw leha mahse hmuhtur alo awm chuang. Chuti chung chuan kala inbengdai thei mahse khapa nen motor khata ka hmu dun khan ka thinrimna leihbuak mai theih tura ka up beh kha up beh theih lovin a puakdarh ni ber khan ka hria.





Zing lamah ka buai vangin ka call lova chhunah ni se ka biak hunah ka be hek lo. Keima thiam loh hmasakah ka ngai tawh mai aniang chu. Tuna ka tih tur zawng chu a lungawina zawn a ni tawh mai.





An in lamah akal tih asawi rual khan, ka ngaihtuahnaah kha athlalak kha arawn lut zat a, chawp leh chilhin ka thinrimna control thei lova ṭawngkam ka hmang chhuak kha ka inthiam lo bawk. A chhan pawh a pa a inrawlh tih ka hriat ang bawkin Lovie pawh hian ahre tawh tih ka hre thei. A luhlul sa viau chungin natna emaw aneih chuan hriatthiam har khawpin a luhlul belh bawk. Ala naupan em avangin ka hrethiama ka dawh ve viau mai.





"Lovie" kati leh sup. Thinrim chunga kal chhuahsan ka hreh vanga lungawia siam ka duh.





"Ka tihpalh" a ṭhutna lamah ka tawlh hnai hrut a.





"Tihpalh" a nui hak a, min melh rawm rawm chung hian ading chhuak nghal zat.





Ding mar ve vutin apen tur chiah chu abanrekah ka hmer chawt.




Ka vawnna lai chu melhin a ner sak a.





"Min khawih reng reng suh" ti fak fakin ka kut vai per atum a ka chelh nghet sauh thung.





"Misual....."





"Min thlah vat mai rawh" a au chhuak ta ṭhat chu ka thaw hawlh. Keihi ka dik lo tih ka hria aduh tawkin ka chungah a thinrim thei chuan ka dawh vek bawk ang.





"Lovie" dul ruih hian ka ti a, ka ang leh zuau chu ka phone ri vangin ka phun tel hluk.





"Ka rawn kal" ka ti bung vut. Aw ka nem hmanna hman ka nei tawh lo, Pahluna anih vangin inthiam lohna ka nei chuang lo.





"Ka rawn haw hunah kan sawi fel ang" tiin a banrek ka vawnna ka thlah a kawngka lam ka pan zui mawp mawp. Ka tan ka nupui a pawimawh ber chungin kan hostel sakna lama thihna thleng hi ka buaipui tho angai bawk.





"I pi khi lo ngaihven ang che" choka lama dak lut zauhin Hlutei hnenah ka hrilh a, acchanna pawh nghak loin kawngka lam ka pan leh mawp mawp.





Garage ah motor kala dah lut hman lo erawh hun ka heh loh ber ṭum a ni hial ang. Ṭhulut vutin ka tinung a. Steering her kual mawpin gate aṭangin ka tlan chhuak ta vat.






Ka kekawr ip a ka phone ah chu ka phawrh a, ka kut lehlama steering hum chungin lehlamin phone ka hmet mual mual thung.





Pahluna biak mai ka tum chu achhang thei der lo lehnghal. Steering beng dawtin seat lehlamah ka phone ka theh phei nawlh. Traffic atawt loh vangin ka speed pawh ahniam lem lo.





School ka thlen rualin car kati ding dawt a, ka penchhuak nghal vut bawk.





Ka hawi deuh thuak a, principal office kawta anlo dingkhawm tuau ka hmuh rualin chulam chu ka pan phei mawp mawp mai.





"I lo thleng thei maw" Pahluna'n alo ti a, ka bu nghal nghut. Hnathawk ho hmel ka melh kual dan dan a an nguai nghuai hlawm hian ka hria. An hmelah pangngai lo hmuh tur a awm miah lo.





"Enge chanchin?" ka ti sup.





"A ruang chu an rawn la tawh e" arawn ti ve nghut a. A hmelah dik lo hlek a awm em tih hmuh tum hian ka melh chik viau chung pawn chutiang hmuh tur a awm hauh lo. Pahluna hi ka ringhlel teh hrep nge ka hre bik lo. Ahma pawh khan an hnathawh lai chawlhtirin midang alo be hman tawh tih min hrilh chung khan keiin ka duh vanga ruai nawn leh ka ni a. Kha kha athinrimpui dawn ti ila patling thinrima chetlakna tham atling lo mahse keimahah nuam lo asiam tho chu a nih si hi.





"Post-mortem achhungte lamin an rem ti lo" ka zawh hma hauhin ati zui vat.





"Report loin inlo inlak feltir vek a" ka thlen hmain ahmun vel anlo thlithlai fel vek hman tawh anih hmel aruang chenin lak alo nih vek tawh danah.





Accident thlen hma a school an bang hman chu athawventhlak takzet. Mahse rei tak chhung naupang an chiai dawn vangin nihnih-thum vel chu school khar rih ṭha kati viau mai.





"Thil thlendan kim chang hriat ka va duh ve" Pahluna office a lut zuiin ṭhutna awm hmasa berah ka ṭhuthla zui vat a. Ka ep chiah a Pahluna rawn ṭhuthla chu ka melh ding ngur bawk.





"School kan bangfel chiah a, keipawh haw tumin ka inbuatsaih mek lai ania, hnathawk pakhat ka office a rawn tlanlutin inchung aṭanga atlak thu arawn sawi a" pangngai takin ati ve mai.





Ka khup chunga ka bawp lehlam kham kangin ka ṭhutna bana kiu nghat chung hian ka kutphah hnunglamin ka biang ka do a Pahluna chet zia reng reng ka chik em em vek mai. Engvanga ringhlel ngawt hi nge ka nih pawh ka hre der lo.





"Engtianga na nge anih?" ka ti nghut.





"A ring ruh atliaka a bek veilam asawh dup mai bakah a kezungpui veilam tin hi a chhuihkhawk anih hmel a, chuan a pheikhawk dinglam hnuai kha rot taina a ni ngei ang athler deuh bawk. A pheikhawk veilam erawh inchungah khian ala awm e." dawhkana a kut nghah suih kawp chung hian a rawn ti a.





"Engvanga report lo nge annih?" Zawhna ngah min tih hmel zet hian a thaw hawk mai. Chesual palh antih chu hre lo ka nilo dik lo awma ka hriat vang chauha zawt ka ni bawk.





"Kha kha chu an chhungkaw lam thil anih vangin ka hriatpui hauh lo, mahse kan hnathawk lai anih angin zangna dawmna lam chu kan buaipui ṭhain ka hria" ati leh ta duah.





"Ka lo buaipui ange" tiin ka ṭhutdan ka siamrem vut a.




"Chesual palh anga an ngaih vang ani ngei ang maw police lam inrawlhtir an duh loh" ka ṭhutna bana kiu nghat reng chung hian ka kutṭang pahnih hian ka chal ka khawng zauh a.





"A ni mahna....Kan haw mai dawn em ni? An in lamah kan lan ve tepawh amawi ang chu" min ngaichang deuh nge ala ding chhuak mai bik lo.





"A pawi lovang" tiin ka tho chhuak vut a, arawn ding ve nghal zat bawk.





A office aṭangin kan inzui chhuak a, pawnah hnathawk pakhat chu alo la ding vang mai. School leh achhehvel chu areh ṭha ngial mai. Thli athaw deuh vuk vuk bawk. A chetsualna hnuhma vel en ve ka duh vangin haw hmasa turin ka hrilh a. Girls hostel sakna lam ka pan nghal vut chu hnunglam aṭangin min en zui reng tih ka hria. Eng emaw tak chu a awm ngei hian ka ring nghet hmak tawh bawk. Pa fimkhur tawpkhawk leh ruitheih thil ti miah lo a ni tih ka hriat vang hian a chetsualdan hi ka pawm lo niin ka hria.





"Ka pu ka lo kalpui ang che?" Hnunglam aṭangin hnathawk pakhatin arawn ti lawng lawng a. Nghah tumna nei chuang lo hian ka kal ngaiin ka kal zui mawp mawp.





Inchung zawl panin kan penchho a, kan thlenchhoh rualin ka hawikual nghal thuak a eng emaw hmuh ka tum tepawh animahna mahse hmuh tur chu a awm lawi silo.





Pheikhawk thingzai bunga an delh beh va va ka hmuh rualin chulam chu ka pan phei a, ka thlenphei rualin abulhnai vel ka thlek kual leh thuaka engmah hmuh tur a awm chuang lo.





"Helai hmun aṭanga tla hi anih hmel" Ahmawr lama kan din rualin hnathawk zinga pakhat chuan ati a. A tlakna lai chu ka dakthla zui nghal vut bawk. Asan em avangin thih lohna chi a ni lo. A tlakthlak laia a rilru mangang kual vel tur ka dawnpui a ka hrehawm ve vang vang thei.






"Inchungah hian amahin a chho ami?" Tiin ka bula ding chu ka thlek vut a.





"Aw, ka pu boruak dawng turin achho lawk anihkha"





"A chhoh hnuin thawm eng emaw tal hriat tur a awm em?" Chik zeta melh ngur chung hian ka zawt leh a.





"A awm miah lo ka pu" a ni pawh ahmelah danglam hmuh tur a awm lo. Keihian ka ngaihtuahna ka vahkual tir nasa mah mah em ni tihte ka ngaihtuaha, mahse he thil thleng hi palh a ni theiin ka ring si lo leh eng emaw tak min zemtu awm tlat mai hi amak a ni.





"Engtin nge a chesual tih hi inhriat?"





"A ruang hmutu ber kha chu.." a ngawi leh dat a. Sawi hreh hmel te pawh a pu deuh mahse keihian helaia thil thleng zawng zawng hi bo abang awm lovin hriatfai kelh ka duh.





"Rui nawi ve thei deuh hi ania." Inthlahrung deka arawn ti zauh chu ka thaw nghal huai zawk. Zep ṭhen an nei ang tih mawlh ka hlau a ni.





He thil thleng hian ka sundawnnaah nghawng a nei dawn em tih chu ka hre hauh lo. Mihring rilru puthmang athuhmun fo thei lo an tih ang deuh hian ka thiam loh ni silo min dem fe fe an tam dawn tih ka hre bawk. Ngaihtuahna a buai ve map mai.





Ka phone rawn ri chu ka kekawr ip aṭangin ka la chhuak a Rinhlua hming lo lang va va ka hmuh chuan zanriah an rawn ei dawn tih ka hre chhuak leh chiah. Keihian thil thleng vangin kalo theihnghilh hmin der anih hmel.





"Aw" ka benga phone nawr betin kati nghal tawng. Hnathawk lai ka bula ding mek inher vuta hnuailam apan chu ka mitsir zauha pheikhawk khing an delh behna lam ka melh lehnghal vut.





"Thil thleng ka lo hria a"





"A buaithlak khawp mai" ka ti tawi tuk. A buaithlak tak tak reng bawk. Ka ngaihtuahna achaih buai mup chu ania.






"In in lamah kan awm der tawh asin. Zanriah ei ho chu kan ṭhulh mai dawn em ni" ka zai ngai deuh tak hian arawn ti ve vut. Tih tur lo ruahman lawk tawh chu ṭhulh chi ni a ka hriat loh vangin lo awm tlang tura ka hrilh hnuin phone ka dah a. Ka phone hum ngur chung hian pik zetin ka thaw chhuak hawk.





Ka hmai tuai puata inher nghutin hnuailam pan turin ka chhuk ve ta chauh. Ruang awmna lam pan hmasak phawt ka rilruk a. Zanriah kil hma a in thlen hman ka duh bawk nen ka rilru chu a hmanhmawh viau mai.





School aṭanga an in ahlat tham lutuk loh vangin 15mins ka tlan hnuin ka thleng ve mai bawk a. Mipui an lo pung khawm mup mup tawh. Motor park-na remchangah ka in dah fela. Mipui karah in chhung lam ka pan ve thuai. In chhung lam chenin anlo khat vek tawh bawk. Ruang an dahna lam hnaih ṭhutna ruakah ṭhuthmun ka rem a. A nupui leh fanaute tap rawng rawng thawm chuan ka thin ati tawt ve takzet a ni. A fate pathum naupang tete chawmlai a ni a amah chauh hi eizawnna daptu anih bawk avangin a nupui rilru buaidan tur chenin ka ngaihtuah a. A fate pawh pa nei lo dinhmuna an han ding ta mai chu ka inthiam lo kher bawk. Lo chhawr zawm lo ni ila hetiang hi athleng kher lovang tih ngaihtuahna ka nei mahse chung ngaihtuahna chu engkim thlen vek tawh hnu a neih chu a sawt lo kher mai.





Nu emaw pa emaw chan hrehawm zia leh mihring rilru pangngai anghawng nasat theih zia hrechiangtute zing ami ka nih vang hian afate pawh ka lainat viau. Ka nu leh pa boral tirha ka talbuai dan zawng zawng ka mitthla leta min hnawh mup thei.





A fate pathum hmalam hun hi chu ka kutah a inghat tlat a hriatna ka neih vangin chhawmdawl zui ka tum ruh ta viau mai. An school luhna sawn an duh anih phawt chuan kan school a an zir theih chhung chu an zirna senso ngai miah lova zirtirna an dawn theih nan ka rilru ka siamfel zui hmiah.






Mipui an rawn luh belh zela an inchhung zim ve tak atawt tak emah chuan pawnlam ka pan ta chauh. Ka car hunna lam ka pan ding nghal a, ka ṭhutluh hma chiahin Pahluna motor ka hmu zui nghal zat. Han biak khawmuan ka chak lem loh vang tepawh aniang ka ṭhulut ta tho.





An inhun fel hnuin ka nutei nen an rawn pen chhuak ka hmu nghal zat a. Mahse han chhuah leh tumna ka nei chuang lo. Inchhung lama an inzui luh hnuin ka car hunna aṭangin ka tawlh chhuak a, rilru hmanhmawh zetin in lam ka pan zui nghal.





Kawng lakah ka nupui biak tumin phone ka lek vut vut renga, min be chaka ka rin loh vangin ka ṭhulh leh ta zawk. A ni tereuh thinrimna leh luhlulna inpawlh khan min biak duh ka ring lo viau chungin zaninah a thinrimna zawng zawng tihkiansak vek ka duh, ka thei ngut ange maw.





A thinrim viau chuan engmah sawiṭha duh miah lova a ngawi ngal reng hian kil khata ka thinchhiatna hi anawr chhuak leh nge nge ṭhin. Mahse hmeichhe dang ngaihtuah chuan alaka ka dawhtheihna hi a chungchuang lawr lak. Mipa nena ka hmuh dun erawhin dawhtheihna ka tlachham em em thung.



*Zorini's pov*



"Zorin pu ṭhiante anlo thleng tawh a" pindan kawngka a rawn dang chung hian inthlahrun hmel lutukin Hlutein arawn ti sap a. Ngawi rengin ka bu nghat. Pindan kawngka kharin a pen ri thlak thlak chu ka ngaithla zui reng.





Hehseni atel ve dawn tih ka chian em vangin lo chiauau chakna pakhatmah ka nei lo. Mahse pindan lama tawmbo tlat thil mawi niin ka hre bawk silo. Malsawmkima chhuak lo la let bawk silo nen ka thin a ur hlur mai. Rawn haw tawh ni se ka chhuak kher pawn ka ring lo.





Ka slipper inthawlhin muangchangin inhnuai lam ka pana, ka thlenthlak hmain step a ṭhuhniam deuhin ṭhutkhawmna lam ka thlek duk duk a, ka chetdan chu anaupangchhiatthlak kati mahse kati zo vek tawh.





Hehseni hmel hmuh tur a awm lo. Lawma û leh Rinhlua anlo titi siam siam tih ka hmuh rualin ka thaw huai mai. Khanu rapthlak leh ṭawngthei zitzet deuh ahmui ṭawn behsak a ni tawp lohchuan ṭawng tawpna chang hre lo kha hmuh chakna ka nei lo. Tun dinhmunah phei chuan hmachhawn ka chak loh berte zing ami ani ngei ang.





Ding mar leh vatin aw ka thian kharh kharh a, ṭhutkhawmna lam ka pan ta chauh.





"Inlo thleng der animaw, kalo chhing seka pawi kati hle mai" inti puitling fahrana ti luam hian Lawma û ṭhutna bulah ka ṭhuthla ve a. Ka ep chiah Rinhlua ṭhu chu ka melh zauh bawk. Ngainatawm deuh hian alo nui suk chu ka nuih let ve ringawt bawk a.





" A pawi reng reng lo kan rawn chhuak hma mai mai anih hi. I muhil lai kan rawn ti khawlhkham vek zawk awm sia" Lawma ûzawkin arawn ti zangkhai vah a. A pawi loh thu chu kalo sawi ve luam tho. Ka muhil tak tak miah lo. Malsawmkima chhuah hnu khan ka mu lo hrim hrim zawk. Choka lamah Hlutei kiangah ka ṭhu char char a anlo thlen hma hretin ka chho chiah zawk kha ania.





"A ho lutuk" ti zui sepin ka bawp ka khawkherha hnunglam ngheng zui ar arin ka inkuangkuah fel zui thak mai.






"In pa ka be tawha alo thleng ṭepin ka ring. Chuan thil thleng kha pawi kan ti hle mai" Rinhlua zawkin a rawn ti a. Han sawi zui mai tur ka hre ta der lo. Kha thilthleng kha mumalin engmah ka hre ve tlat lo. Engtia boral nge pawh ka hre miah lo zawk. Malsawmkima'n engmah asawi lo bawk nen.






"Nia apawi tak tak a ni" ka ti satliah ve leh tawp. Mi puitling tak kawm ngai lo ka nih vang hian an kianga awm hrehawm ni miah silo hian ka ṭang ṭung reng mai.





"Hriatzuali leh Sawmkima chu an rawn inthurual dawn anih hmel" Lawma û in a phone melh zauh hian arawn ti lar lar a. Ka su deuh dup thei. Hehseni kha ka hmachhawn chak loh ber mihring a ni chung hian arawn inlan dawn ta tho a, chuan Malsawmkima nen an rawn inthurual dawn bawk. Ka hriatthiam theih siloh hian motor khata an rawn chuang dun tur chuan ka awm ati nuam lo nghulh thei.





Kan inkarah eng emaw tak athleng leh ngei dawn tih ka ring thiam nghal vek bawk. Khawi hmunah nge tute nen nge kan awm tih ngaihtuah lo lekin min ṭawngkhum leh fek fek anga, keia insum thei lo ka che chhuak leh buan buan dawn tih hi ka hmutlang nghal vek. Bakah khatiang taka kan inkhawih hnu khan arawn lan ngam hi ka ring tawh miah lo ania mahse hmeichhe zak thei lo laklawh tawh hichuan engmah hi an pawisa lo anih dawn hi.





"Zorin"





"Haa" Rinhlua ṭhutna lam ka hawi haw mai. Ka van mawl hmel dawn ṭhin tak em.





"I va ngaihtuah muk awm ve ka biakna i hre miah lova" nui suk suk hian arawn ti a. Mawl hmel zet hian kalo nui ve tawp. Hetianga ngaihtuahna kawm hi ka hrat lutuk hi kala mualpho vat hian ka ring a ni. Mawl inti lutuk hian lehlam ka hawia ka rilruin ka inhau nghal mawlh mawlh mai.





"Lo sawi nawn leh la" nui seih hian ka ti a.





"A pawimawh hran lo ve" ati ve leh nghut chu ka ngaihven zui ta bik lo.





"Inva thleng hma ve" kawngkharpui lam aṭanga ṭawng ri lang lang ka hriat rualin ka hawi chhuak vat a. Rinhlua leh Lawma û pawh nui var var hian an hawi chhuak ve chiah bawk.






Malsawmkima leh Hehseni an rawn penlut a, Hehseni'n Malsawmkima ban achelhna chuan ka mit ati kham nghal pang. Malsawmkima hmel ka en a enge angaihtuah tih hriat theih miah lo hian min melh ding ngur. Hehseni'n aban achelhna melh leh zawkin ka ner sak a ka hawisawn ta daih.





"Thleng hma bik nang, hei Zorini mu lai kan kaitho lehnghal a a inthlahrunawm tak tak" Lawma û in arawn ti ve vat. Engmah sawi zui tawh loin Rinhlua ṭhutna lam ka melh ding ngar thung.





Lawma û nen kan ṭhutna dinglama an pahniha an rawn ṭhuthlak rualin ka ṭang nghal ṭung thei. An pahniha ka hmuh dun tawh phawt chuan ka taksa chhung kilkhawr ber aṭang hian ka tawt up up zel.





Tleirawl chhuahtirh aṭanga inkawm tawh sa anlo ni hlawm bawk nen an inpawh sarh sarh khawp mai. An school kallai chanchinte sawiin an titi zui chiam a, an infiam a an nui leh bawk bawk ṭhin. Kei engmah sawi tur hre ve lo chu ka ṭhu ngawi kur reng. Nuam lo kati ngawih ngawih tawh bawk.





"Sawmkima hi nupui aneih hnu hian ahrang ta nalh a" lei hmang thiamin chulam hawi bawk chuan bul arawn ṭan fel leh der tawh. Mi khei ngat ngat a ṭawngkam hman achak leh lutuk hi lehlam kawng zawng chuan chawimawina pek tham atlingin ka hria. A mizia lanchhuahdanah hian eng mi nge anih ang tih midangin an ngaihruat thiam tur hi pawi tihna anei lo amawni dawn le tih te ka ngaihtuah rum rum.





"Keini pawn kan la nei ve ang chu. Nulat tlangval lai ang reng khan kawppui neih hnuin a awm theih loh" Rinhlua'n a ti nghut a. Malsawmkima lam ka melh zauh chu ka hawisawn leh rang kher bawk. Ṭhu awn duai chung hian keimahah amit afu ngar ngar tih chu melh leh kher tawh lo mahila ka hre thei. Mahse biak tumna emaw ka nei chuang lo.





"Induh tawnna tello inneihna hichu rei adaih tak tak thei chuangin ka ring lo" Malsawmkima ngheng ar ar hian mei nei zetin a rawn ti kher.





"Ni lawm ni" Malsawmkima ṭhu ngawi ngul chu a chhoh melh zauha, kei min rawn melh veleh chiah.





"Lovie inthlak ka duh" Hehseni a nem sawna a ding nghal vut. A duh leh inthlak se aduh loh leh inthlak lo se ka buaina tur a awm lo ve e.





"Hriatzual sawiawm chin hi hriat aṭha" Lawma ú zawkin arawn ti ta fak mai. Malsawmkima'n akhap ka beisei deuh ania mahse engmah sawi tum lo hian ding khawng luahin ahmui achip hmuk reng. A mizia athlak leh hlawk tawh ani ngei ang.





Keipawh ka luhlul Hehseni pawh kei ang tluk thova luhlul a ni tih ka hre tawh. Kan inhmuh apiangin kan inkar ṭhatlai a awm ngai lo kut hial kan thawh chang athleng chung pawh hian ka huat zawng sawi chak hian akhat liam zawih zawih hi ka ti mai. Hetiang hmeichhia mi hmaizahna tlachham lutuk hi ka vawikhat tawnna a ni.





"Chho ang" a kut ka vawn theih tura rawn lek chhuak hian ati sup a. Ngaihsak tumna nei lo hian ka ṭhut ngaiin ka ṭhu reng chu hahthlak min tih hmel zet hian a thaw hawk mai.





"Zorin, keiman ka han buaipui mai dawn nge, in mut pindan ka luh lohna hi a rei tawh ania" a rawn ti ham ham anihchu! Midang awm ve reng hi a engah mah athawk pha lo nge a zak thei lo tur hrim hrimin a piang chhuak zawk nge tih pawh hi ka hre hrep love.





Hmeichhe zak thei lo tawh nalaileng hi chu an rapthlak tih hi chu ka hre ve fo mahse henu ang em em a zakthei lo fal hi kala hmu lo.





"I hehsen hlir hler mi pawisawi chak a phu zuap zuap kha chip la itan aṭha animai" ti hlakin ka ding chhuak a, Malsawmkima nui chhuak hawk chu ka melh zui rawm rawm.





"Lo inkawm ru" tiin choka lam ka pan zui nal nal. An kianga ka ṭhut reng kha nuam tihna pakhatmah ka neih lo. Bakah Hehseni dak zet zet reng kha hmuh ka peih lo.





"Kalo pui dawn che em ni?" Hlutei salad chan mawlh mawlh bulah chair pawt chhuakin ka ṭhuthla ve a.





"Angai lo ka zo vek tawh alawm hei chiah hi tih tur a awm tawh. Lo hahdam rawh" hriat nuam zetin arawn ti var.





Dawhkan chunga ka ban nghatin ka thaw hapa. Ṭhutkhawmna lamin min kap ṭun reng mai bawk nen reilote chhungin ka hah leh vek hman. An pahniha an awm fal lo anihchuan thil pawi athleng dawn lo tih ka hre chung hian ka awm anuam thei chuang silo anih hi.





An chhungkaw chanchin Hlutein a sawi siam siam renga, ka beng arawnga thun chuang hlei lo hian kalo bu liam vel mai mai. Ka ngaihtuahna chu hmun dang daih a awm tlat a tin ni.





"Zorin" ka hma zawna kut arawn vai zauh chu ka phu deuh zawk thei.





"Enge ilo ngaihtuah?" Mak tih hmel deuh hian min melh kar chu at hmel zetin ka nuih ta ringawt. Keihi enge maw hetianga ka awm chiam chiam le. Anni ho pawn min ngaihsak lo keipawn ka rilru a ka dah reng chhan tur a awm bik lo.






"Insuk ka han seng ang aw" tiin a ṭhutna aṭangin a ding chhuak nghal a, ka chhan let hmain choka aṭangin a pen chhuak fel der tawh.





Choka aṭangin ka pen chhuak ve a, ṭhutkhawmna lamah Rinhlua leh Lawma û chiah anlo ṭhu tawh. Khami te pahnih kha khawilamah nge an kal tak tih ngaihtuah ngaihna pawh ka hre lo. Mahse zawh tumna ka nei chuang lo.






"Ka han chho lawka ange" Lawma û nui var vara rawn hawi phei chu nuih let hian ka ti sep a. Step lamah ka thle zauh bawk.





Step lampanin ka pen pheia ka kai chhoh hma chiahin Malsawmkima lehkha chhiarna pindan aṭangin Hehseni arawn chhuak a, min hmuh rualin a mit chetkual ralhin ahmui a tawk a, ngai pawimawh lo zet hian ka pen chho nghal hlawk hlawk.






"Ka thusawi kha ila hria em?"ka kalpel zet tawh chu athusawi vangin ka ding leh dat.





"Ka hre lo animahna" sir zawnga melh zauh hian ka nuilui sak bawk. A hmai ka hamna la rang niai chu ka hmu deuh vuai bawk. Kalo ham nasa thawkhat hle a ni ve ang ahnuhma ala nasat danah.





"I pasal hi hauh bur duh suh. Nakinah lo theih lohin i kalsan ala ngai dawn tho tih hria la. Ka sawi awmzia chu i rilru tak tak kha pe suh ka tihna anihchu." min hnuaichhiahna ri chu ka hrechiang ngang mai. Mahse ka ngai pawimawh hran lo. A sawi chak zawng chu lo chhak chhuak ve mai mai teh se.





"Kalo vawng reng dawn nia" ti hmakin pindan chhung ka pen luhsan ta daih.






Kawngka nghengin mit ka chhinga thawk ka la zui ham ham. Engvangin nge kha ṭawngkam kha ahman ziah chhan hi ka hrethiam ta hauh lo. A office a Malsawmkima'n ka thlavang ahauh ṭum pawh khan kehchhe veka min siam tur thu asawi anihkha. Engthil emaw inphumru tura hriatnain min fan ta tlat bawk. Khum lampanin muanngchang hian ka pen phei a. Ka ngaihtuahna vak kual nasa lutukin min ti buai vek.





Ka phone khuma letbal lakangin Lawma phone ka tum a, hnunglam aṭanga lumna ka feel rualin ka kawngah kut hrawl zet arawn insuhibet nghal chawt. Hrilh chawp ngai lovin tunge anih ka hria. Ṭul lo tawpin ka thin aphu rang leh viau tawh bawk. Keimah a thinrimna inmung khawmsa leh thikna rawn kal nen ka khat vek hian ka hria.

💚💚💚 Ads click kha min lo ngaih pawimawhsak hram dawn nia. Thank you 💚💚💚

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » February 14th, 2021, 2:49 pm

ONLY YOU








CHAPTER-15









"Min thlah rawh" ka kawnga kut hrawl zet insuihbet chu ka phih deuh sawk a mahse a inphelh lem chuang hlei lo.






"Ka tihpalh...ka tihpalh....ka tihpalh...i duh zat zat ka sawi ang" tinawn mawlh mawlh hian min kuahna ati nghet sauh a nihchu. Hepa hian enge ahriat teh chai pawh hi ka hre hrep lo ve.






Min ti thinrim em em a, ahnu lawkah min ti thinrim chiamtu kha amah hi a ni chiah em tih pawh hriat loh tur khawp hian anem thei leh lawi si.






"Kalsawn nghal rawh" alam hawi zawnga inher hian kati ram hmarh a, nui nghawr dawt chung hian min kuahna athlahdul zet tawh chu atha pe nain amah si chetin min hnukhnai hrawk a, meng kawk chung hian a taksa ka ngheng rawk rawk thei.





"I thinrim hian i sexy zual tih i hria em" a mitmeng a inthlak zui hlawk thei anihchu! Min melh chhuk run chung hian ka sam hmalama awm hnawk nuai chu akut lehlamin hnunglamah anawr liam a.





"Z*****!" ka sawi zawh rualin rang lutuk hian ka hmui ka hup nghal chawt! He ṭawngkam hi kala hmang ngai lo chungin ka ka aṭang hian arawn chhuak ve ringawt chu ka inthiam lo nghal pang.






"Ṭawngkam mawi hi kan zir angai dawnin ka hria" mit siai zauh hian a nui tel suk. Ka titau tho chungin ka ṭawngkam vang khan athinrim viau chu ka hlau tho si.





"I thu lo" ti ṭhatin a ke chungah ka per sawk a, a rum nghut mai. Na ati ve ani ngei ang aṭhen ve sawk mai. Mahse pawi tihna ka nei lo. Nichin lawkah min pawtsawm vek duh ang ziazangin min thinrim khuma arawn kir leh veleh kalo lungawi mai anga angai hi atisual chhia va.






"Tunah chuan thu ka nei tawhin ka hria" thuk ruih ati hian arawn kun hniam ruai ruai a, a ban bullam ham tawk hian hnunglamah ka awn ruai ruai.





Pindan kawngka arik rawk rualin Malsawmkima hnunglam ka hawi vata Hlutei rawn dak lutin kan awmdan ahmuh rualin akhuh nghal kharh kharh mai.





"Min thlah rawh" sehchilh naka ti hian ka melh rawm rawm a min thlah tum hmel pawh pulo hian aphun deuh hluk.





"Pu, chaw ei kan peih tawh a" hnunglam aṭang bawkin Hlutein inthlahrung dek hian arawn ti sep.





"Kan rawn chhuk ang" Malsawmkima'n ati hmuk chu kawngka akhar nghal riai riai. Kan lo awmdan hian nuam lo atihtir lutuk tih chu ahmelah khan alang vek. Ka thiam lo hran lo keipawh ni ila nuam kati chiam chuangin ka ring lo.





"Min thlah la aṭhain ka hria" ka ṭhen khum saka, a kawrchhunga zenlutin anakah ka theihtawp a nain ka piai ta vak. Min thlah chiang hle bawk.





Tal hrang nawlhin Malsawmkima ka melh zui a mitmeng ti zim suna min melh chung hian akawrchhanah anak atuai zauh chu ka nuih atiza ang reng mahse ka lungawi lo laklawh nen nuihna chi a ni der bawk silo.





Inherin pindan kawngka lam ka pan a, ka chhuahfel hmain ka kutah arawn kai zui leh zat chu min kaihna melh zauhin ahmel en turin ka hawi chhuak leha hmalam chauh alo melh ngur chu ka thaw hak. Kei ang tho luhlul a ni tih hi kalo la hre miah lo. Midang chaw ei tur kan neih vangin buaina ka siam chhunzawm ta bik lo bakah Hehseni'n Malsawmkima a inti tatu lutuk runluih nan ka duh ve hrim hrim bawk.





Kailawnah kan inzuithla dat dat a, ka talchhuah mai hlau niawm fahran hian ka kut akaihna ati nghet tulh tulh bawk.






Ṭhutkhawmna lamah tumah an lo awm tawh loh vangin choka lamah min kaitlang phei a, eitur dawhkanah anlo chhawp chhuak vek tawh chu niin. Kan zanriah kilpui turte kan ngaihsak lo lutuk erawh nupui ka nihna ang chuan ka inthiam lo ve tho mahse chupawh Rinhlua leh Lawma û lakah chauh. Hehseni lakah hichuan inthiam lohna emaw va pah huam tumna ka nei lo. A hmel hmuh ringawt pawh hi ka kham thawkhat viau. Zakthei lo si awmna hmun pawh ngaihtuah miah lova thil sawi phawng phawng hrat bawk si. Theih ni se hremhmun thleng raka hnuh bawrh bawrh mai ka chak.




"Kan tibuai hle mai che u" a ve tak chuan. A rilru lo ang tak hi alei hian ava sep chhuak thiam ṭhin tak em.





"Min tibuai anga inngai chu kan va inthlahrung ve" a awki ang chiah chiah ti chhuakin Malsawmkima'n ka ṭhutna tur chair apawh chhuah saah ka ṭhuthla tharha. Midang pawn dawhkan an rawn kil ve nghal mai bawk.





"Hlute kan rualin ei rawh" choka aṭanga kilkhata zahzum hmel taka ading ngawi reng chuan khawngaihthla ala reuh lutuk. Hmeichhe nunnem tak leh polite tak anih vang hian ka ngaina awmpui ang pawn ka en hran lo mahse amah hi inthlahrung mi anih hrim hrim avang hian kan awmdun reng chung pawh hian awm ati nuam lo hu zel.





"Mahse...." a mit khap fak fak hian ati fan raih.





"Rawn kil rawh" Malsawmkima'n ati ve takah chuan bet loh hmel zet hian Hehseni bulah arawn ṭhuthla ve a, Hehseni lo ner nawk chu ka hmu chiang kher mai. A in pawh ni tawp silo hi alo inla eng emaw vel peih hi kati.






An ṭhian liin nasa ni miah lo hian chaw ei pahin eng emaw an sawi leh zauh ṭhin. Kei leh Hlutei erawh ngawi rengin kan hma a eitur kan ei mial mial thung. Sawi tur kan hriat ve loh miau chuan ngawih reng bak tih theih kan nei tlat lo. Heitak hi ṭhian rual innelsa zinga awm hrehawm ka tihna sawi ve tur avang ṭhin.





"Zorin i va puar hma ve" mitmeng hriam hrak mahse awki erawh dam em em lawi si. Ramhuai pitar hi ka tehkhin ber.





"Nia ka pumpui hi alian vak lova" ṭhen sak hian kati let ve hmak. Ka plate chawi nawlhin asilna lamah ka dah a choka lam aṭangin ka chhuahsan nghal daih. Ṭawng lova ei char char techuan eng aiah nge ka kham hma mai lovang ni. A rilru chhe lutuk pawnlama lan ṭhat phet atum lutuk tehian min ti hah hluah hluah. Ka nihdan anih loh vang nge a khawsa hi ka ngai thei lo hulhual. Nihna ang anga lang chhuak rawt mi ka nih vang hian chutiang mi vek bula awm chu nuam kati ber.



"""""""""""""""



Rinhlua leh Lawma û an inphur haw a Hehseni erawh haw ala tum velo nge ala ṭhu ngar reng. Min khei fek fek hian a awm chhung chu aṭawng char char dawn anih hmel.





"Lo inkawm ru lehkha zir ka duh" inti fel fahrana tiin kailawn lam ka pan zui zat. Tu mah mah chuan min chhang chuang lo pawi pawh ka ti chuang lo bawk a. Hehsen ka nin em vanga inthiarfihlim ka ni chiah bawk.





Pindanah ka pen luta, khum lampanin ka inthawlh nghal thak. Khawilama lehkha zir ka tum teuh lo, chhuanlam mai a ni.





Remsanga biak ka tum deuh ut ut a chu ka ṭhulh leh ta zawk. Vawiin lama ka pa thil sawi tenen intih zangkhai mamawh viau mahila mahni han awm meuh chuan rilru akal ding lo thei lo.





Engvanga khatiang thil a inrawlh nge anih ka hre chak takzet. A fanu hi min hmangaih thu asawi chungin mualphoin min siam tho chu ania. Eng buaina chiah nge awm ang tih ka hre chak a ni ber. Keihi eng emaw hmanrua atan min duh vanga pasal min neihtir anni thei mai angem tih ngaihtuahna chenin ka neih phah hial mai.





Pindan kawngka arik rak rualin sirlam hawia inlet thakin mit ka chhing zui daih. Khum lamah pen ri arawn hnaia nui suk ri ka hriat rualin khum bulah Malsawmkima arawn thleng fel der tawh tih ka hre thei. Hmu kher lo mahila a boruak kentel hian keimahah hian danglam asiam tlat ṭhin tih hi phat theih a ni lo.





"I muhil tawh em?" A rawn kun hniam tih hriat zet hian ka bengkual vel a lum pap mai. Hehseni kha ahaw ve tawh a ni ngei ang chuti ni lo se arawn kalsan ngawt ka ring lo.





"A thiamhnem tawh a ni ang chu maw" ka beksamah arawn chul a, ka ṭang leh ṭung tawh.





"Nge zir miah lovin a muhil zawk" ati leh sup. Mit kala meng ta chuang lo mahse muthilh der hi khawvela thil hrehawm te zinga chhiar tel theih a ni tih ka hre nghal, ahrehawm lutuk tlat.





"Thil tih chak ka nei" thum sup a tihleh ka bengkawm vel ahmui lum thur thura nawr arual nghal. Ka mu khawng nghal vek thei.





"Lovie"






"Engtianga rei nge i muthilh der theih chu en ila" khum arawn hniam sut rualin ka meng nghal zawk.





"Min tibuai reng lo hian i awm thei lo ami" ṭhu chhuak hlawl hian kati pawr hlar a, amit taka melh chung hian ka kut ka lek deuh uaih chu thawm chhuah meuh hian a nui hawk hawk.





"I chhe mai nih chu" kan ti leh hram pek bawk a. A nuih azat hmel tulh tulh lehnghal chu ka haw kher mai.





"Hriatzuali thlahin ka chhuah lawk angai dawn a"





"Engmaw?" Ka ti nghal haw.





"Kan thah lawk ang" khum aṭanga chhukin ati sup a, mitmeng dam lutuk hian min melh zui reng.





"A ngai bawk lo" ka ti ringawt anihchu! Keihi enge ka hriat a. Zawhna mitmeng hian min melh a ka puansin lai chhunglam aṭangin ka ṭham tawk ringawt. Engvanga phal lo nge ka nih pawh ka hre der lo.





"I phal dawn lo maw" mitmeng zim sun hian min melhna chu rei pawh en duh lovin ka hawisawn ta daih.





"Ka rei dawn lo" ati nghut.





"I kal chuan" ka ngawi leh dat.





"Ka kal chuan"





"I kal chuan keipawh ka kal chhuak ve ang" ka ti ta nghek! Khanu bula a awm kha ka phal lo a ni ta ber.





"Kal chhuak lovang" ti hmukin a inher a.





"I kal chuan ka kal ang" ti hlarin khum aṭangin ka chhuk chiah chu apen leh tur tawp chawtin arawn inher leh a a mitmeng a inthlak danglam leh vek tawh.





"I chhuak hauh lovang" min melh ngur ngur reng chu ngai pawimawh duh lovin ka closet lam ka pan ta daih. A kal chhuak anih phawt chuan ka kal chhuak ve dawn a ni tawp mai. Abikin Hehseni nen annih ngat phei chuan ka phal lo hulhual.





"Harsa zawng hian awm lo teh"






"Ka thlah anga ka rawn let leh dawn" ati zui nghut.





"Keipawh Lawma hmu turin ka kal dawn" athik tih ka hriat vanga Lawma hming lam tel kher ka ni.





"Zorinpui i chhuak lui a nih chuan tih hreh ka nei hauh lovang" nek luih ngam miah loh khawpa khauh hian arawn ti hluk chu engah mah ngai lo ang hmakin ka thuamhnaw hak tur ka hai zui mawlh mawlh.





"Luhlul viau ṭhin lo teh" ka closet bul aṭanga min nem sawn dawrhin ka closet a khar ri zui bur chu luhlul chhuah tlatin ka pan leh ngat.





"Zorinpui" a zaidamnain a tlin ta bik lo nge a a aw aw rawl aring ta lutuk.





"Kha....khanu nena in awm dun kha ka phal bik a mi" ka ti zui nghek chu a meng ve awk thei. Insiamṭha vatin min rawn dinhnaih hruta a thaw zui hawk.






"Hriatzuali bula ka awm i phal lova. Mahse mipa dang bula min awmsan i tum tho si" a thinrim hmel zawng zawng a bo chawpchilh nghal vek. Mitmeng de sawr sawra min melh reng chung hian ka biangah arawn khuap a a nui tel suk bawk.





"Ka chhuak lovang. Kan pahnihin kan awm ang aṭha em?" Tiin min din hnaih leh hrut. A mitah tak melh chho ve kiauin ka bu nghat a, rawn kunhniamin ka chalah a fawp zauh chu a kawr hmawr lamah ka vuan bet nghal ṭai.





"Chhuak ang"





"Engti turin?" rang zet hian ka chhanglet vat a.






"Ka nupui hian thlah aphal loh thu kan hrilh ang" nuih insum zeta arawn tih rualin ka ṭhen ta sak.





Ka kuta kai chungin kan inzui chhuaka hnuailam kan panthla nghal zat.






"Hruai tur che i ko mai dawn em ni?" Ṭhutkhawmna lama Hriatzuali ṭhu reng chu Malsawmkima thusawi vangin arawn hawi phawk nangiang mai.





"Engtin?" Ngawi dat hian min rawn melh a, a mitmeng ling hlar ka hmachhawn nghal siah. Ka mita amelhna sawnin Malsawmkima min kaihnaah a mit afu nghal chat bawk. Rapawm lam lek lek hian anui hak a, Malsawmkima'n ka kut achelh nghet tulh tulh bawk.





"Nangmaha i haw mai loh chuan, lovie hi ka chhuahsan thei silo" ati nawn sup.





"Lovie" deu sawhna lamkai lek lek hian alam nawn ve sup.





"Aṭha lawm, mahse Sawmkim i inchhirna tura i awm loh hram ka beisei. I call kalo chang ang" chang faka tiin a phone a beng bulah alek kang zauh bawk.





"Muttui ule" tiin a bag akhai lawka kawngkharpui lampana a pen phei hlawk hlawk chu kan nupain kan thlir zui reng.






"Enge kan tih ang le?" Ka lam hawi zawnga a rawn inher rem hrut rualin ka kut avawnna ka phihthla hlawka chunglamah ka chhohsan nal nal. Achhuah hma a min ṭawngkhum vang khan kala lungawi tawk reng reng lo. Hehseni bula kal lo tura ka duh vang mai chauha ṭhat chhuah ka ni. Ka awmdan chu naupangchhia viau mahse ka lungawina tura min thlemnate chhungril hian nuam ati veng veng lawi si.





Pindan chhungah ka phone hum chung hian ka veikual a, Malsawmkima'n rawn chhoh tih anei thei miah lo chu ka thin a ur hlur tawh. A thinrim veleh hnuhnawh anga a chhuak leh daih si ang tih chu ka hlau tho mahse ka titau ve leh laklawh tawh si nen ka awmdan alai vek tawh.






Kawngka hawngin ka dak dek deka ahmel hmuh tur a awm miah lo. Thawm nei lo thei ang bera chhuakin kailawn lam ka pan a, kailawn tawpa bawk titih hian ṭhutkhawmna lam ka thlirthla a mahse ahmel hmuh tur a awm chuang lo.





Ka kuta phone ka hum chu hmet eng papin call ka tum deuh ut ut a chu ka ngam leh ngang lo.





"Misual lutuk mi pawh ngaihsak duh lo" mahni a inbe mawlh mawlhin chhuatah ka chal ka tauh dat dat.






"Enge i tih?"





Ka phu nasa lutuk chu ka taksa a che dawt thei!





Ka lo awmdan zawng zawng nen ka zak bawk si. Chhuat lam bih ngar hian ka ding chhuak a, ka taksa pum hian zah vangin ka sa pup thei. Inchunglamah a awm reng kha hnuailamah chetdan maksak zet nen kalo zu zawnga. Tunah tak hichuan khuk ral daih ka chak.





"Min zawng maw?" Nui ri suk a rawn ti tu chu ka melh rum ngang mai. Ka thinrim hmel ka tihlan zawh poh leh anuihzat hmel tulh tulh lehnghal.





"Hmelchhepa" ka tita ringawt. Sawi tur dang ka hre der bawk silo nen ka zak ngawih ngawih a ni tawp.





Ka kut hum ruh nghekin ka inher a ka biang rawn sa chhuak ham ham dawm pahin pen ka tum chu hnunglam aṭangin nui hawk hawk chung hian Malsawmkima'n min rawn kuah khawm nghal vek.



"""""""""""""


*Sawmkima's pov*




Ka nupui naupangchhia zet chetdan engkim hian keimahah hlimna athlen. Min ti nui a min ti thinrim bawk mahse akianga ka awm tawh chuan keimaha ruak ngawih ngawih hnawkhahin a awm ṭhin.





Azah vanga kun ngal mai chu hnunglam aṭangin ka khuah khawm vek rualin aṭang ve ṭung reuh a. A taksa te ve tak hian hahdamna min pek tluk zetin ka sik tawh phawt chuam keimahah danglamna asiam ṭhin.





Zanin Hriatzuali thlah ka tum kal aphal loh thu asawi ve pang pang tekhan engtiang takin nge hlimna min thlen hi a hrethiam pha lovang. Hmeichhe dang bula ka awm ahmu thei lo anihchuan ka tan feelings anei tih ka hria chu chu ka duh ber a ni bawk. Ka nu leh pa tana ka thil tumte zawi zawiin min vuakṭhiahsaka eng ber nge ka tih dawn tih pawh hi ani tereuh vang hian ka ngaihtuah chang atam ta hle bawk.





"Kan mu mai dawn em ni" achhipa ka chal nghat chung hian ka ti sup.





"I duh em?" Min chhang lo. A awmdan vanga zak ṭawng chhuak ngam lo a ni tih ka hrethiam a azah belhna tura awm kher ka tum hran lo.





"Mut pahin movie en ang aw" ka ti leh sup chu alu arawn bu nghat a, ka kuahna phelhin akuta vuan chung hian pindan lam ka panpui nghal zat. Kan nupa inkar hlimna hi tuma tihchhiat phak lova nghet ni turin ka duh chumi tur chuan kei hian ka bei dawn. Atan pasalṭha tak ni ka duh tel bawk.






Lukham bula ka phone dah ri chur chur chu ka melh zauh a. Min ngheng chunga ka nupui hmuhnawm ti zeta ahma laptop melh kiau chu ka melh leh zauh.





"Kan chhang lawk ang aw" ti zauhin ka phone ka bana Muanpuii hming alo lang va va mai.





A thil enlaiah chiah arilru zawng zawng ape anih hmel ka sawi ahre miah lo. Achhipa tuai zauhin ka thawhsan vut chu arawn hawi rang ngang.





Ka phone ka lek kang zauh zauh chu bu nghatin a thil enlaiah bawk insawrbing tih hriat zet hian achal ti chuar nang mai. Nuih sukin tukverh lam ka pan a ka chhang ta chauh.





"Sawmkim"





"Hmm"






"Hriatzuali hi tihngaihna ka hre lo" a sawi zawh rualin ka thaw hawk. Hriatzuali chu engtin nge a awm sawi lo mahse ka thlah loh avanga alungawi lo lutuk hmel kha ka hmuh avangin a awmdan tur ka ngaihruat thiam mai. Mahse pan tumna emaw ka nei lo. Hmeichhe chak tak ani tih ka hria, ka tel lo pawn hmalam apan thei dawn tih ka chiang bawk.





Hriatzuali chunga ka chetdan hi a fair lo tihpawh ka hria mahse ka thinlung hi ka angai rengin akal thei tawh tlat silo.





"Lo buaipui rawh" ka ti nghut.





"Nupui nei tawh i ni ka hrethiam che mahse vawilehkhata i thlauhthla thut hichu atan hriatthiam ahar tur zia i hrethiam ang chu tiraw." A sawi ngai lovin keihian ka hrethiam lutuk tlat. Ka inthiam lo viau chung hian alam ka pan thei tawh tlat si lo.





"Tihdan kan zawng ange, mahse inveng ang che u amizia chu i hriatchian kha" tiin a dah zui a. Ka phone humlai hmet thimin ka kekawr ipah ka nawr lut zui nghal zat.





Engtik niah emaw chuan khang ka thuruk ahriat zawng zawng kha kan nupa inkar chhiat vekna turin ahmang dawn tih ka hria. Mahse khavang ngawt khan ka thinlungin athlan tawh lohlam ka pan ngawt thei tawh silo hi buaina a ni dawn ta anih hi.





Inher vutin khum lam ka pana, Lovie muthlu lawp lawp chu enin ka nuih suk. Laptop dahsawnin ka mut ṭhat tir a abulah ka inthawlh zui zat.





Ka Lovie hian Hriatzuali ka pan aphal lo, chuvang chuan atheih chhung chu Hriatzuali hmu tawh lo turin ka rilru ka siam fel tawh.



""""""""""""



Buaina awm lovin ni kan hmang liam ve zel a, kan nupa inkar pawh ahlim bawk.





Hriatzuali erawhin min hmuh apiangin min vau ta thung. Mipa ka ni a hmeichhe pakhat vauna chu ka ngai pawimawh tehchiam lo chungin Lovie nen kan inkar nghawng thei thil anih vangin awm nawm loh chang ka nei ṭhin. Chupawh Lovie vang chauh hi a ni. Keimah mimal min vaua min beihna ni se ka engah teh ual athawk lo mahse Lovie atel ve tawh tlat si.





"Sawmkim"






Ka pen humlai dahthlain ka hawi chhuak vut a, Hriatzuali ka ṭhutna lampana arawn pen phei chu ka melh zui ngur.





"Kan inhmukhat ta hle mai tiraw." Ka nuih suk chauh.






"Heihi i hria em" ngawi datin a awm che awk khawpin thawk ala zui a. Keiin enge asawi tum ka ngaichang ngar thung.





"Ka hnena ilo let leh mai ringin ka ngawi a tun thlengin kala ngawi ta zel" a mitmeng aṭangin chhun pachangah hian aharhfim hlawl lo tih ka hria.





"Mahse i thinlung lungtum ang mai sak min ngaihtuah ber ṭhintu khan midang a mamawh ta chu ania" ka hnunglama min kal hualin ka darah akut arawn suih liam a. Enge tih atum chiah hriat ka duh vangin ngawih ka chuh thung.






"I lo let leh mai thei lo em ni?" a inhnit ri nghal hraih. A sawi tum inpersan lutuk chu ka rum nghut thung. A chetzia reng reng hian ka engmah athleng pha tawh lo a ni ber mai.





"Ngati nge hetiang hian i awm tlat" hnunglam aṭangin ka khabeah arawn dawm a kala dawh ta zel.





"I chetdan hi a fair lo tih i hria em?" Ka thaw chhuak nghal hawk. Keihian ka ti na takzet tih ka hria mahse let tumna ka nei chuang hauh lo.





Ka khabe dawmna kut vawnhnanin zawimuang hian ka pawtthla a ka ding chhuak nghal vut.





"Kal la aṭhain ka hria"





A mitmeng hniam ruih kha thinrimnain arawn thlak chawpchilh nghal hlawk chu ka melh ngur reng.





" In nupa inkar tichhe vek thei thuruk kawltu ka nih hi i hria ang chu tiraw"





"Hetiang hian awm suh" ti tuarhin ka dawhkan a thil awm ho chu avaithla fai deuh vek. A chetdan hian min ṭhawng hran lo. A tur renga ka ngaih vang tepawh animahna.





"Khawngaihin hetiang hian awm suh" ti ṭuauin min pan hnaia ka kawrawmah aṭham zui bawrh. A mitmeng, achetdan rilru buai nen an danglamna atam lo viauin ka ring.





"Rilrufim hman tum rawh" ti hmukin ka kawr aṭhamna ka pawtthla hlawk a aharhfim chiah loh vang nge a kat zui dawrh chu abanrekah ka chelh leh hnuhnawh.





"I kal aṭhain ka hria" zaidam thei ang bera dawr hram hram ka tum tlatna chu ka puitlin lo teuh tawh kher bawk.





A banreka chelhin ka office kawngka lam ka panpui a, ka hawn hma hreta rawn kik ri kauhin a inherh hawng nghal a. Kawngkaah Lovie arawn penlut nghal zat.





Hriatzuali nen ka office a kan lo aqmdun chu mak atih hmel viau. Hriatzuali banrek ka chelhnaah amit fu chatin min rawn en leh a ahmel awmdan a inthlak zui nghal hlawk.





"I nupui hi heta kal tur hian ka phone tih i hre kher lovang"





"I kareh tereuh kha chip hmak rawh" sehchilh rana ti hlukin abanrek ka vawnna ka thlaha Lovie dinna lam pan tuma ka pen tawh chu Hriatzuali thusawi vangin ka ding dawt.





"Ngawi rawh" ti hrawkin ka inher a, Hriatzuali ka melh ding ngur tawh. Helai hmunah hian kan nupa inkar ti tawp vek turin arawn kal tih hria ni ila arawn thlentirh khan ka thehchhuahtir ang.





"Sawi rawh" hnunglam aṭangin Lovie-in arawn ti ve thung.





"Zorin, Sawmkima nu leh pa accident na thlentu hi i pa ani tih i hria em"





Hriatzuali hi khap tum viau mahila ka nupui luhlul zet hian engkim ahriat vek hma chu anawrlui ngar ngar dawn tih ka hria.





"Chuan Sawmkima hian phuba lak nan a nei che a ni tih tehi"














Angaihnawm lo viau chung pawn inlo comment vek ka beisei tlat ania aw mi fel em em lutuk ho🙈🤗Chuan chuan inphut zawk loh nan atawp thut mai thei ania aw🤭

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » February 14th, 2021, 2:49 pm

ONLY YOU









CHAPTER-16







*Zorini's pov*



"I thlalak darh hluai vanga i mualpho hrep lai khan i lakah a thinrim em?" A mitmeng chu rapawm khawpin ahlauhawm. Hetiang em em a hmeichhe nasa hi kala hmu lo.




"Aih...a thinrim miah lo anihkha" alu thing zui nar narin couch-ah aṭhuthla a, athusawi chu ka chhan hmain amah vekin min rawn chhang nghal vek anihchu.





Ni e, khami ṭum khan Malsawmkima hi ka chungah a thinrim hauh lo. Thinrim ahnekin ka pa a inrawlh ve thu min hrilh zawk anihkha. A phuba lak tum chet tlat kual vel nan pawh alo ṭangkai ta fu ve. Pafa inkara khi siamin kan chhungkua tih kehchhiat vek atum tihchu Hehseni sawi hmangah hian ka hrethiam kuar kuar.




"Amah aṭanga tal hrang thei lo khawpa i zawng zawng i pek hunah kehchhe veka kalsan che atum...amah pawh hi han zawt la" a mitmeng a chet kual ralh ralh a. Malsawmkima nena min melh tawn sek hian a chek zui tlak tlak bawk.





"Chu chu....." Hehseni thil sawi zawng zawng hian min ṭhawng lutuka enge sawi ber tur pawh ka hre lo. Sawi ṭeuh duh mahila ka thei kherin ka ring chuang lo.




"A....a...a thusawi hi adik em?"natna nena Malsawmkima melh chung hian kati tawi tak.




"Lovie....!" ti hrawihin athaw hawk a.





"Min rawn hnaih suh!" sehchilh ran hian ka ti tawk a, ka kut zungchal ka lek va bawk.





"A nu leh pa boralna vanga atawrhna zawng zawng hriatpuitu ka nih angin keichuan athu thlukna hi ka dem hran lo...." a bawp khawkherhin pawisak neih loh hmel zet hian arawn ti zawm zat. A mitmengah kan nupa inkar hi chhe vek mahse pawi tihna anei loh zia ka hmu chiang kher bawk.





"Mahse kei min thlang lova nang athlan chinah che hian a che chhuak hlei thei lo chu anih ber hi" achal ati chuar tap a, a awki chu dam diai anga lang si hian akha fak mai. A aw chhuak nena inrem zet hian a mitah huatna hlir hmuh tur a awm bawk a.





"I duh i sawi zo tawh em?" Malsawmkima'n ati hrawk a. Hehseni nui ri hak chuan ka chhungril hi aluh ngut ngut thei!





Engtin nge hetiang hi ka chungah atih theih zawk?





Ka pa chunga phuba alak duh vangin kei hi min la lut maw!? Ka awih thei lo zawk. Ka pa lahin Malsawmkima thil tum pakhat lek pawh hre lo hian makpa atan alo duh huam huam si, ka kehchhiat vekna turin he ramhuai tenawm lutuk pukah hian tihluihnain min nawr lut bawk. Mahse keilah chu!
Ka ngaihtuahna buai mup mup lutuk chu ka lu apuak mai dawnin ka hria.





Keilah chuan hmeichhe easy ber ang ziazangin ka thianghlimna ka hlan a, ka laka ṭhat achhuahnate, thikthu apek chhiat vena tekha atak emaw tiin ka laka feelings anei tih rilru puin kalo hlimpui zawk ṭhin anihkha! Khangkha lemchanna vek chu a ni si a! Ka mawl lutuk leh engmah ngaihtuah kual miah lova athangkama ka awk hma lutuk hi min nuihzat ta ve ang. Mawl ka inti ngawih ngawih lutuk.





"Ka â hle mai!" Ka ti ro hak. Abak sawi chiam tur ka hre miah lo.





"Ka kalsan ang che u, lo inchingfel mai ru" a bag khaiin pawisawi lo mithianghlim ang maia apen lawh lawh chu nidang ang ni se ka thinrimna tawk atling leh viau ang mahse tun ṭum chu Malsawmkima'n min tihchhiat vek tuma atur kha lutuk pai ka hriatna hian min vilh ngawl ngawl chu a nih ber hi!





"Lovie" ti hrawihin ka dinna lam a rawn pan a, kei ka tawlhhnung dat chu na lutuka thaw chhuak hawlhin ading dawt.





"Khang tur kha lutuk kha i pai chu a ni chiah amaw!?" Ka nat luatah ka hmui a khur dar dar a, ka tum ang pawn ka ṭawng chhuak hlei thei lo. Ka insehruh lutuk nalamah ka khabe kual chenin a na vek tawh!





"I pai em ka tih chu!" Ka kawchhung aṭang tak taka thaw hakin ka au khum ta tuarh!





"Sawi tur i hre lo maw" nat lutuk vanga nui hakin ka ti leh a. Engmah sawi tum hmel pawh pulo hian adinna ngaia ding ngawi ngulin min melh reng.





"I lei kha anlo pawh dawh sak hman che a mi" ti leh tuarhin ka hnai rawk rawk a, na lutuk hian a awmah ka chum dawt.





Dawt anih thu min hrilh se, athil tum zawng zawng kha dawt vek a ni tih min hrilh turin ka duh ber. Mahse ṭawng chhuah chu sawi loh ka mangang talkual vel chu min thlir ringawt.





"Phuba lak hmang mihring maw ilo nih, mi tih dik loh ngaihdam ahneka phuba lak ching" ka biamgah ka mittui aluang pap.





"Christian hi i ni chiah em? Nge setana tirhkoh zawk?"





"Engvangin nge i ngawih reng!" A awmah ka chum zawt zawt chu ka kiu bul a hmer chawtin min nawr hla hret a, ahmel pawh a pangngai bik chuang lo mahse a thusawi apiang hmeichhe naupang thuawih thei ang zet a lem duak duak tumna ka nei lo. Chuti chung chuan eng emaw tal sawi se kala ti fan tho anihchu! Kei ang em em a hmeichhe bum nuam tih hi anei tawh pawhin ka ring lo.





"I duh i hmu, chuan kan inṭhen thei tawh" rum lutuk melh chho hian kati rap rap. Ka ban ahmerna ka vaiper nawlha ka hnungchhawn zui nghal hmak.





"Lovie ka tihpalh" chhungril aṭanga chhuak tih hriat zet hian ati ṭuak chu ro zetin ka nui hak.





"Lovie...lovie...lovie khatianga min koh theihna nang misual hian i nei lo"





"Ka rawn haw beisei duh tawh suh" ti sapin kawngka lam ka pan a.





"Ka hmangaih che" thuk ruih a atih rualin ka tha azawi nghal vek. Kawngka vawnna hum ngawt ngawt hian ka hawilet ruai ruai a, a mitmenga manganna, hlauhthawnna inlan chhawk zut zut ka hmuh rualin insang hmar nghek hian kawngka ka pawt hawng pawp a ka chhuahsan zui nal nal.





'Ka hmangaih che' tih thumal khan ka natna zawng zawng hi abengdai theiin aring amaw. Hunṭha dang zawka min hrilh ni se ka luanliampui tur zia ka hria. Khati chung pawh khan ka awm chhung ami rang zaih zaih khawpa phu turin asiam hman anihkha. Mahse eng ang atam fakau lemchannaah nge min hnuh luh atum tih hi ka hrethiam thei ngai lovang.





"Thih i duh ami!?" Hnunglam aṭanga thinrim aw ṭeng chher lutuk ka hriat rualin ka hawi chhuak a kawngpui lai takah ka ding tih ka hre ve chiah. Ka dinglam leh veilamah motor horn ari chuah chuah bawk. Engtik laiin nge hotel kha ka chhuahsan hman pawh ka hre lo. Ka hriat leh zawng chu tuna ka awmna hmun chiah hi.




"Kalsawn rang rawh" ti ṭhawt ri ka hriat rualin ka phu zui chiam. Muangchang hian kawngsir lam ka pan chhet chhet a, kawngsir ka thlen rualin kawngpui lam hawi hian ka inher leh riai riai. Motor insulpel sup sup kara va inbarh chawta ngaihtuahna hman ngaih tawh lohna hmuna chawlh vang vang ka chak ber.





"Zorin" zangkhai vaha min kotu lam pawh hawi lovin kawngpui ngawt ka melh.





"Zorinpui" ti ṭhawtin min hnuk dawrh a, ka kat zui nawk nawk chu Lawma'n min rawn chelh zui vat.




"Thil thleng a awm em?" Min din ngiltir a ka dara dawm chung hian ati sup.





"I ṭha miah lo, enge thleng min hrilh rawh" min ngaihtuahna aw ri leh mitmeng ka hriata ka hmuh rualin ka mittui bawkin a hna athawk lehnghal zat tawh.





"Lawma" ti ṭiau hian a kawr hmawrah ka ṭham a, harsa zet hian ka thaw chhuak hraih. Ka kawchhung aṭanga rawn chhuah tum natna hoin min rawn tawn tlang an tum meuh chuan pawn lam thlengin ka sa pup vek tawh.





"Dik lo a awm em?" Ka biang tawn tawn a khuap chung hian ati leh sup a, insum hman lovin ka insut chhuak hraih. Ka mittui tehi ka upbet reng anihchuan ka â vek thei mai ang.





"Hetah hian a na lutuk" ti ṭiauin ka awm ka dawm a, hriatthiam hmel zetin mitmeng dam raiha min melh chung hian a awmah min kuah khawm vek. Ka thinlungin lainattu atawng tih ahai bik lo a ni ngei ang khawlai anih pawh hrechang tawh lovin ka inhnit nghal hlawp hlawp.





Lawma kawrhnung lama ṭham ngawt ngawtin ka ṭap khur dar dar reng.





"Hmundangah ka hruai ang che aw" min nawr hla hleka rawn kunhniam hian ati a, chhang lovin ka mit ka chhing sawk.





Ka kuta chelhin hmuh hahdam lutuk hian a kiai suk a. Hahdam turin min duh tih hriat zet hian amit achhing suk a min melh rualin a nui leh suk mahse ka nuih let ve thei lo erawh angai mawh hmel lem loh.





"Kal ang le" ti supin min penpui a, thui pawh kan kal hma a kawngpui sir lehlama Malsawmkima ding run mai ka hmuh rualin Lawma kuta hmer ngat ngatin ka mit ka chhing ta ngawt.





Motor-in adan vanga min rawn pawh mai lo a ni tih ka hria. Min rawn pawh hma a ahmel hmuh theih lohna tur hmun thlen thuai ka duh bawk. Min rawn nangchin hmaa kan kalsan lo anihchuan a hmel rum ul aṭangin kan boruak tur ka hmuthiam nghal vek bawk.





"Zo...." ti supin ka hawina lam arawn melh ve zauh a. Malsawmkima ahmu ve tih hriat zetin ka kut avawnna tinghet sauhin Malsawmkima hlat zawngin min penpui nghal pawk pawk.





Hawilet ṭawk ṭawkin Malsawmkima dinna lam ka en a, kan kalsan tak avanga hawihai hmel chuan ka awm ati nuam lo leh ta tho. Ka awmdan hi ka hrethiam tawh bik lo.





Enge hmangaihna hi a awmzia? Min ti na a mahse ahawihai lutuk hmel ka hmuh khan hetah ka awmchhungah hian che a awm tho si. Hnaih ka duh lo chungin hnaih lo tur ang tak taka ka rilru ka siamfel dawnin ka mangang hle tho bawk si. Heihi hmangaihna an tih chu a ni thei angem?





Mahse tunah rih chuan akianga awm ka duh lohna hian min pawtna zawk, achhan pawh kan chhungkaw chung ngeia athil tum tekhan ahmel ka hmuh rualin natna min pein mumal nei lovin min siam nghal dawn tih ka hria. A tum ahlawhtlin tak avanga a chhungril hlim si pawnlama min ngaihtuah ber anga alanna mitmeng vel kha hmuh ka chak leh silo.





Ka pa hi engtinga anu leh pa thihna inhnamhnawih nge a nih tih hriat ka chak rualin ka ngam chiah em tih ka hre lo. Thudik chu eng anga rei pawh thup ka pa hian tum mahse alanchhuah leh meuh chuan a pawisawi lo a fanuin ka tuar ta si.





"Lut rawh le" ka ṭhutluh theih nan a tawlhsawn hrut a, ka ṭhutluh rualin kawngka arawn khar dawpa hmalam aṭanga a car kal hualin Lawma pawh arawn ṭhulut ve zat.





Car seat a ka ke hlangkangin ka kupah ka ban hnihin ka nghata ka inkuah khawm nghal vek.





"Sawi dun i duh em?" Dam thlupin Lawma'n arawn ti a. Min ngaihtuahna mitmeng chuan min ti zuau ṭha leh ringawt bawk a.





"Lawma ka hmalam hun hi athim pik ka ti" ti sepin thaw hak hian hmalam ka melh ngar. Tlan chhuah mai tum lo hian ka lam hawi zawngin a rawn insiam rem a ka sama tuai hauh hauhin hahdam turin min hrilh sup.




"Lawma" ka bana ka lu nghatin Lawma lam ka hawi a.





"Keimah ah hian dik lo bik mi pawisawi ngawih ngawih tur a awm em ni" ka ti sep.





"No...ka hmeichhe hriat tawh zawng zawnga rilru ṭha leh tluang ber i ni."





"Enge thleng chu ka hre lo mahse Zorinpuii hmeichhe chak tak ang khan engpawh hmachhawn zel la ka duh" patlingin a fanu azilh ang mai hian nghet churhin atih zawm zat a.





"Ngati nge ka khawvel hi ahahthlak em em bik? Ngati nge buaina zawng zawng hi ka koah a innghah vek bik?" Ka mit ka chhinga mittui ka banah afap fap mai.





"Le min en teh" dam thlupa ti chung hian ka bekah arawn dawmkanga, ka mittui tuai hul thuak hian a nui suk.





" I khawvel hi ahahthlak bik reng reng lo"





"Min ti na ngawih ngawihtu thu ka hriat tekha adik lo dawt a ni, khatiang kha ka tum a ni lo tiin min hrilh se ka duh a mahse a ti miah lo" Malsawmkima hmel mitthla let zut zut hian ka ti chang fak.






" Nangmah ti natute emaw, i huat em em te emaw lakah khan tuna i natna hi lanchhuahtir suh ka ti thei lo che. Mahse hmeichhe chak tak Zorinpuii hian a paltlang theih zia hmuh tir turin ka duh che. Hun aliam anga engkim aṭhat vek hun arawn her chhuak leh dawn tih ka tiam che"





"Tun tut tutah i natna tawrh khan a kiansan nghal dawn lo che. Nangmah tihchhiat duhtu leh do zawnga awm tlatte an awm anih chuan heihi inhrilh rawh 'tunah hian min kiansan vek lo mah ula ka tuar chhuah hun ala awm ang chumi ni nghak thleng thei tur chuan ka bei anga ke ka pen zel ang' chuan i tih theih zia hmuh i tum bawk tur a ni" nghet churh hian ati zui ta duah. Lawma hian asawi dik a ni min tihchhiat vek tumtute hmaah hian ka tlawm bik tur a nilo. Ka na anih pawn ka hmachhawn zel anga beidawn ni an nei ve ngei ang tih ka hria.





"In tur i nei em?" Ka ṭhutdan siamremin ka ti tawi tak.





"No, tunah hian i mamawh ber a ni lo. A tel lova i hmachhawn theih kha aṭha zawk. Kan natna min chhawktu ber ni lovin nat lai ber hmang ṭangkaia a bawiha kan luhphahna a ni tlat" a lu athing zui nghut.





"Le khawia kal nge i duh le?"





"I duh duhnaah min hruai tawp rawh" ti sepin hmalam ka melh ta daih. Kal chakna bik pawh ka nei lo. Khawi hmunah pawh kal ila Malsawmkima bula awm aichuan ka thlang zawk vek.



"""""""""""""


Lawma bulah ka awm nileng ta ṭhak. Ka thawven phah deuhin ka hre bawka. Kei aia a upatna atam lo chung hian kei ai fein a puitlng ka tih tawh kha. Engkim chak taka hmachhawn tura min fuihna zawng zawng kha vawn tlat ka duh bawk. Mahse hei erawh ka chiang Malsawmkima hian aduh ang ngawtin min thunun kual dawn bik lo tih hi. Eng ang hmeichhia nge ka nih hi hmuh ve zel ka duh bawk ang. Chutih rualin min khei ngat ngata nun hmangtu Hehseni duh kan nupa inkar tihchhiat hi puitlintir ka tum lo. Malsawmkima ka ngaidam ta e ka tihna a ni lo. Akianga cheng reng chung hian ka tih theih chu ka hmuh tir ve ang chu!





Hehseni hian atirte aṭangin Malsawmkima vang hian min ngai thei lo tih ka hria mahse an inkara tlak zeh ve tlat ka tum ruh hle. Na taka ka siam hnuah ka dam thei chauh bawk ang.





"Ka lawm e aw" Malsawmkima inkawtah kan awm leh vang tawh. Lawma khan min fuih hle lo chu kan inah ka awm daih tawh ang. Min fuihna zarah ka tum ti ruhin anatna turin a inchhungah hian ka penlut ve thung tawh dawn. Mahse Lawma erawhin ahriat ve kher ṭul kati hran lo.






Hmeichhe thinlung na hi engtiang tak tum ruh leh pawisak nei loah nge achhuah theih tih hi hmuhtir ka tum bur tawh!





"Lut la thuawih deuhin awm tur aw" ka chhipa kut nghat chung hian ati sup. Nuih seihin lawmthu ka hrilh a kawngka hawngin ka pen chhuak ta chauh.





Lut mai loin Lawma tlan liam ka thlira vanlam hawia thawk la ham ham hian ka infuih a inchhung lampanin ka pen ta chauh.





"Lovie" in chhung ka penluh ruala Malsawmkima hmela mak tihna lang chhuak zut zut chu ka hmu rang ngang.





Be miah lovin choka lam ka pan a, Hlutei pawh be chuang lo hian fridge pawp hawng rawkin tui bottle la chhuakin ka khar zui dawp.




"Lovie sawi dun ang" ngenna mitmeng chu ka hrethiam mahse ka haider tlat thung. Ka tui bottle kenlai dawhkana nghat burin choka aṭangin ka pen chhuak a. Step ka kai chho dawn chiah tihin ka ban bulah arawn hmer chawt.





Ka hmalam melh nghek a pangngai thei ang ber alang turin thawk ka la vak a ka hawilet ta chauh.





Ka banbul lam avawnna melh zauhin chiang fek fawk hian amitah tak ka melh hrawk rualin a kut ka phihthal nghal sawk.





"Hriatzuali sawi kha dawt pum hlum a ni lo mahse"





"Mahse enge?" dak vahin ka melh let ve ngar. A mitah a inthiam loh zia hmu reng chungin luhlul chhuah ve tlat ka tum hi ka tum tlang thei ngei bawk a.





"Kehchhe veka siam che kha ka tum ngei alawm" a awm che dawt khawpin thawk ala hawk a, sawi zawm tuma a ka a ang zuau tawh chu ka phone arawn rik avangin atawp leh chawt.





Ka bag hai rawk rawkin ka phone ka phawrh a ka nu hming lang va va ka hmuh rualin ka chhang nghal vat.





"Bawihte" sawi zawm thei lo hian a isut ri hraih.





"Nu dik lo a awm em ni?" Ka ti nghal ruai. Ka hriat theih chinah ka nu ṭap hi kala hriat ngai loh vangin ka mangang nghal vek.





"Bawihte, dawrah kangmei achhuak a, i pa hospital lam kan panpui mek!" harsa tih hmel zeta sawi zawh rualin ka phone humlai chhuatah ka thlauh nghal bawl!







A thui lo🥺 chhun lamah type na hun ka nei miah lo nen dah hman loh ka hlau lutuk bawk si. Chuan vawikhat nan story pahnih kallai ka nei nen ka mitin atuar lo lutuka hemi chin zawng bak hi ka type zui thei thlawt lo min hriatthiam hram ka beisei aw🙏 Serendipity nen zan karthlakin ka dah zel tih min lo hriatsak bawk dawn nia aw😘💜

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » February 14th, 2021, 2:49 pm

ONLY YOU




Edit lohin ka rawn dah tawpa min lo chhiar mam sak hram mai dawn nia🥰💜




CHAPTER-17







Ka phone chhuata let reng chu Malsawmkima'n arawn chhar a, keive chu ka thu hriatin min ṭhawn lutuk vangin ka khawng vek. Ka ngaihtuahna a mang duk nimai hian ka hria.




"Lovie eng thil nge thleng?" Ka hmalama dingin arawn ti sup. Chhan tumna nei lo hian ka kut ka hum ruh ngat ngat a, ka pain ka ngaihtuahna zawng zawng aluah khat vek.




Tun ang thimhlim maiah engtin nge dawrah kangmei achhuah thut chhan hi ka ngaihtuah ngial pawn ka hrethiam thei lo. Wiring nise felfai taka tihvek a ni. Thil thleng palh ni lovin tu emaw vanga thlengah ka ngai nghet hmak. A ti tur awma ka rinah ka pasal ngei hi ka ngaihtuahna a lut hmasa ber a ni bawk.




Ka hma a ding khawngluah ka pasal ngei mai chu huatna nen ka melh tlawk tlawk!




A nu leh pa boralnaah khan ka pa inrawlha ahriat vangin kan chhungkaw laka phuba lak duhin kei min hruai lut a, tunah min ti na ta chiah bawk.




"I tih a ni em!?" Chang fak hian ka ti a rum lutukin ka melh zui reng bawk. Hriatthiam loh hmel deuha min melhna techuan keimaha thinrimna leh natna inzialkual vel hi achhem alh zel tih hi ahrethiam pha hauh lovang.





"Lovie"





"I tih ani em ka tih chu?" Inchhung khawl rum rumin ka au khum tuarh. Hlutein engkim alo hre ve vek anih pawn pawi tihna ka nei lo. Chutiang bawkin tun hunah hian insum tumna ka nei miah lo.




"Lovie" hriatthiam loh hmel zeta min melhna chuan ka pawi asawi ngawih ngawih.




"I hre lo der amaw?"




"I nu leh pa tan kan chhungkaw tihdarh vek hi i tum a ni lawm ni engtin nge i hriat loh der theih" khabe inkhawng dawt dawt hian ka tihkhum phiar phiar.





"I chhungte chungah thil thleng a awm em ni?" A aw chhuak la dam dup thei chu ka haw hluah hluah.




"Hremhmunah kal rawh" sehchilh ran a ti hlakin ka inher a hmanhmawh zetin kawngkharpui lam ka pan hlawk hlawk.




"Khawiah nge i kal dawn?" Ka chhuah hma chiah hian ka kawrhnungah arawn pawt a. A ni ang palianin min pawt ta tlat chu hmalama pen ngaihna a awm lo.




"Min thlah vat rawh" ka ngaihtuahna buai lutuk nen ka khek chhuak tuarh.




Ka hawilet chiah tihin ka phone arawn ri a mahse Malsawmkima'n alo hum run reng tawh. Ka ban hma chiahin a benga nawr betin a chhang zui nghal sup chu ka melh reng ringawt.




Ka phone kaltlanga athu hriat chuan aṭhawng ve ani mahna a mitmeng thlengin adanglam ve vek. Mahse keichuan lemchanna ang bakah ka ngai hlek lo. Mi chhiatna duh ngat ngat ho hi chuan inthup hi an hnehsawh khawp.





"Kal ang" ti hmukin ka phone a kenlai a kekawr ip a nawr lutin ka banrekah a chelh a, kawngkharpui hawng rawpin garage lam min panpui nghal dawr dawr.




Hospital thlen nan ka ke aichuan motor hi achak zawk dawn tih ka hriat vang chauha ṭan khawh lo mai chauh ka ni. Ka pa vang nilo se keihian a car a chuan tumna ka nei lo.




Garage aṭangin ka chuang lut ve nghal a, hmanhmawh hmel zet hian adawk chhuak nghal zawt.




Min biak tum tawh lovin a motor khalhlai chauh a ngaihtuah a keipawn biak tum chuang loin hmalam ka melh ding ngar. A thil tih anih ring em em siin motor khatah kan chuang dun leh ta tho chu ania.




Ka pa chu engtiang taka serious nge anih ka hriat loh vangin ka rilru a hmanhmawh tawpkhawk tawh.




"Engkim aṭha leh vek ang" min melh zauh hian arawn ti sup a, ka kut vawn tuma akut rawn lek chhuah rualin kawngka lam ka hnai zui hret chu thaw hawk hian akut ala let a a hmai atuai zui puat. Kei ka nei lo ang hmakin ka ngawi chawrh chawrh thung. A ni nena sawi dun chakna pakhat mah ka nei lo. Ka duh zawng chu ka pa eng ang dinhmunah nge adin tih hriat vat hi a ni tawp mai ni.





Hospital kan thlenga, adin fel hmain kawngka ka nem hawng bawrha ka chhukthla nghal vat. Malsawmkima nghah tumna nei lo hian hospital chhunglam chiai zet hian ka lut a, mahse khawilamah nge kal tur tih ka hre ta hauh lo. Ka ngaihtuahna mang duk aṭanga inthin harh tumin boruak ka hip lut kawk a, mahse eng ka ang thei tak tak chuang lo. Ka dinna kianga mihring inzul pel zut zut techuan min ti pik tulh tulh.





"Helamah" ka banreka chelhin dinglam corridor awm phei rul lamah min kai phei dat dat a. Mumal lo zetin min kaih ang angin ka zui mawl ve tawp.





Ka pa chanchin ka hriattirh kha chuan Malsawmkima hi thah ve nghal law law mai chakna khan min luah ut ut a, mahse tunah lem hmeichhe der dep ang zetin abuaipui ngaiin ka awm leh der tawh chu ania.




OT hmaah kan chhuak hlawl. A pawnlamah ka nu leh kan dawra thawk ṭhenkhat anlo awm nuk a. Lalpuii leh Rinhlua pawh ka hmu tel.




Ka nu bang nghenga ṭhu ngawi reng chu pan hnaiin ahmaah ka dinga thawk kala hap. A mit chhing reng chung hian a mittui abiangah aluang ngiai ngiai thung. Chu chuan ka taksa zawng zawng hi ati na vek thei. Ka pa hian min kalsan anih chuan Malsawmkima leh Hehseni hi ka ngaidam thei ngai lovang. Thinlung na tawpkhawk tuara an rum vawng vawng hma ka um zui zel bawk ang.




"Nu" adara vuan datin kati lawi rat.




"Bawihte" tiin arawn menga aṭap nasa thawkhat a ni ngei ang a mitmeng asen rum mai.





"Bawihte" harsa tih hmel zet hian ati tham chhel a, a mit chhing leh sawkin aheh hnuailam a pet fan fan chu hmuh hrehawm kati lutuk.





"Nu, ka pa chu aṭha dawn tiraw" hrawk na ut ut hian kati chhuak thei hram. Ka insehruh nasa hle bawk. Ka pa hian pasal nei tura min nawr luih lai leh ka thlalak vanga ka mualphonaah a inrawlh tih ka hriat lai zawng zawng kha chuan ka huain kan in lamah pawh ka kal duh miah lo a nihkha. Mahse na atawrh meuh chuan khang huatna khan fanuin pa ahmangaihna ahneh zo lo a ni ber.





"Bawihte ka hre lo" ti ṭiauin alu athinga abiangah mittui aluang zung zung bawk.





"Ka pa hian min kalsan ngawt thei lo" ka ti tham ṭiak. Ka â chulh thei. Ka mittui ka dan beh ṭang ṭang chuan ka biang athlen rualin chhuatah ka nu kut vuan chung hian ka ṭhuthla hnak. Ka inti pachang thei lo. Zorinpuii hian anihna ahlauh vek. Ka kianga midang awm ve ho te chu ka hmu phe vek. Ka awmna vir mup mup chuan ka khaw hmuh ati fiah lo tial tial a, ka hawi â ruai tawh.





"Nu" ti sepin ka nu kut ka vawnna ka thlah a, ka thin phu dawt dawtin ka khaw hmuh athim zui mup.


""""""""""""""


Ka mit ka meng siar siara, ka awmna hi khawilai hmun nge ka hre ta hauh lo.




Ka mit chhing sawkin ka meng leh a ka hmufiah thei ta chauh. Ka hawikual a hospital-ah ka pa ang thoin ka awm tih ka hmuthiam thuai. Mahse engvanga helai hmun dah ngai hi nge ka nih ka hrethiam lo.




Ka bana drip khaina hriau an char beh bur techu mak kati tual tual. Ka sirlama Malsawmkima ka kut chelh tlat chung hian khum bawha a ṭhu ka hmuh rualin ka kut ka chet dat. Ka kut lehlam lek chhuakin aluah ka nem dat chu arawn hawi chhuak rang kher bawk.





"Lovie" hahdam huai hmel pu hian arawn ti sup.





"Hetah hian engvanga awm nge ka nih?" Lawi rat hian kati sep.





Malsawmkima mitmenga lawmna chawpchilha rawn lang chhuak chu mak kati tulh tulh.




"Khawiah nge ka pa?" Ka ti leh sep.





"I pa chu ICU ah a awm mek" mit ka chhing sawk.





"Lovie lungngaihna tur a awm lo aw aṭha vek tawh ania" dam dupa arawn tih rualin ka kut achelh reng chu ka phih nghal sawk mahse achelh ngheh em vangin ka lasawn thei chuang lo.





"Khang thil itih vang khan i hlim ta sawt em?"





"Maw i hlim em, kan chhungkaw mangang tal buai i hmuh hian i hlim em?" Ka ti zui ṭhat. Natna ngai bawk thinrimna ngai bawkin min chenchilh leh meuh chuan ka thunun theih bakin ka taksa zawng zawng asa leh pup pup tawh.




"I hmel kha ka hmu peih lo thlawk bo rawh" sehchilh rana ti hlakin ka kut ka phih leh sawk a, athlah rualin ka bana an hriau char beh bur pawh ka pawtthla nghal hlawk. Thisen rawn chik deuh zuai chu ngai pawimawh miah lovin ka kut lehlama hupin ka ṭhuchhuak nghal zat.




Ka luhai deuh mup chu ka mit ka chhing zui sawk. Thawk la ham hamin ka meng chhuak leh a ka puansin lai theh hlimin khum aṭangin ka chhuka, Malsawmkima'n min dan tumna pawh nei lo hian ka che vel chu min melh run run reng. A ni khawngaihna emaw buaipui vel hi ka ngai chhete lo.




Khum aṭanga ka chhuk pen mai ka tum chu ka kaihza tha asai dar dar a,ka pen mai hlei thei ta tlat lo. Khum mawng lama thirkham hum chung hian ka kal dawna ka kaihza tha thlep hnawk vangin chhuatah ka ṭhuthla hnawk.




"I taksa achak tawk lo chuvang chuah luhlul chhuah suh" ti hlukin ka ṭhutna hmun aṭangin min chawikang nawlh a khumah min nghatthla nghal zat.





"Ngati nge ka pa kher a nih?"





"Ngati nge kan chhungkua kher hi i pawisawitu kan nih?"





"Min ngaidamin min en liam mai thei lo em ni"ka bianga mittui luang pap chu ka hru zui tawk. Ka hma a ka pasal min si lo chauha ding kawrhmawr aṭham chungin a dul zawnah ka hmaiin ka nawr tawk a.





"Tunah chuan i hlim tawh ang tiraw, kehchhe leh chuang tur kan awm tawh loh hi min kalsan tawh rawh" ti tiauin ka inhnit chhuak nghal hlawp hlawp.




Malsawmkima'n pik hmel zet hian thawk ala ham ham a, akawr hmawr ka chelhna ka kut chu akut lum vung vunga arawn hum khawm vek rualin rawl chhuah meuhin ka ṭap chhuak nghal hlawp hlawp. Ka natna tehi ka up bet reng a nih chuan ka tawt lutuk hi ka â thei mai ang.





"Lovie"





"Min en rawh" ka hma zawna ṭhuhniamin dam dup hian arawn ti a. Mit chhingin lu ka thing nawk nawk.





"Min en rawh le" ka bianga khuap chung hian ati leh sup.





"I pa chunga heng thil thlentir tuhi ka zawng chhuak ang" nghet churh a atih rualin ka meng ve ta chauh. Malsawmkima hian ka pa chungah engmah ati lo tak tak tihna em ni? Ngati nge engmah hi ka hriatthiam tak loh? Ka buaikual vek tawh.





"I tih a ni lo tak tak em?" Ti sepin amitah tak ka melh let a.





"Ka tih a ni lo" ti supin ka chalah achal arawn nghat dat.




"I'm the one who gets played" kan chhungkaw laka phuba lak tumin game a khel a keimah hi chu game chhunga a khelh kual vel mai mai chu ka ni bawk. Chu chuan min ti na lutuk. Chuan ka pa thlengin buaina khurah kan tang ta vek.




"Lovie, ka hmangaih che i hria em. Khang ka thil tum zawng zawng kha nangmaha feelings ka neih rual khan zawi zawiin min vuak ṭhiahsak vek" zawi sup hian arawn ti a, mahse awih harsa kala ti fan anihchu.





"Duh tawk tawh rawh, ka chau tawh. Kan tlawm e" ti tham chhalin ka biang adawmna ka pawtthla a, a hmel hmu thei tura ka hawichhuah rualin ka kut ka hum ruh nghek.





"Kalsawn rawh" ka awmdan siamṭhain pangngai thei ang ber hian ka sawi chhuak thei hram. He game chhunga tan hi ka duh tawh lo. Atawp thleng rawka min nawr chilh hun athlen meuh chuan keimaha ding chhuak tur awm leh tawh lovin ka kehsawm vek mai ang. Helai hmunah hian engkim hi tawp vek se ka duh.




"Awm sawn rawh" Ngawi rengin atawlhsawn hruta. Luhlul chhuah tlatin khum aṭang bawkin ka chhukthla leha,ka kawr haklai ṭham ngawt ngawtin hmalam ka pan chhet chhet.





"Kan inṭhenah kan ngai thei tawh ang chu" kawngka ka hawn hma a hawiletin ka ti sep.





"Lovie" ti hrawihin natna nen min melh ta thung.





"Kan fa lo piang mai tur tan pawh ka bulah awm hram rawh" aw khur ru hluk hian ati zui hrawih a, kawngka hawnna ka hum ngawt ngawt a minung kala nive tih chianna ka awmchhung ami a phu zui dawt dawt. Keihian nau ka pai tihna maw? Tun ang dinhmunah kei hian nau ka pai amaw!?




"Fa maw!?" Mak ti lutuk hian Malsawmkima dinna lam hawi turin ka inher a, ka hma a mipa ding khawng luah chu ka melh zui tlawk tlawk.





"Engtin nge anih theih?" Keimah leh keimah ka inbia a ni zawk mah. Nau ka pai thu hian min ṭhawng mah mah a ni. Malsawmkima nen kan khawsak dan ka mitthla let zut zuta thinrimna bawkin min tuam leh rualin ka mit ka chhing zui sawk.





"Ka paitlang duhin i ring amaw!?"ka men leh rualin kha fak hian ka ti hlak a, ka hmela natnate thupin rum lutuk hian ka melh zui hrak. Tun hi ka tihnat let ve theihna remchang a ni tih ka hria. Keihian ka fa ka pumchhunga ka thisen ringa rawn ṭhanglian tur hi engti kawng mahin ka paih phal lo hulhual chungin natna ka pe ve duh anih chuan helam kawng hi ka zawh mai tur a ni.





"Phuba lak hmang fa hi ka taksa chhungah hian ka awm reng tir duhin i ring em ni" ka sawi zawh rualin thlipui thawk thut ang mai hian min rawn hnaihchilh nghal.





"Sawi nawn leh teh!?" Ti hrawkin ka nghawng hnunglamah a kutphah hrawl zetin ahmer a ka khabe a vuanin min min kuai dak a bek pawng ṭawlh ṭawlh hian min melh chhuk ngur. Keiin zam map lovin rum lutukin ka melh let ve thung.





"Ka paih dawn ka tihna anihchu!" atirlam chu zawi viau mahse atawp lam erawh ka au khum hi a ni hrim. Ka nghawng hnunglam ahmer natzia chu pui tak a ni tawp mahse na tuar anga lan tum hlek lo hian ka nuih ro hak. Kan duh lo zawng anga kan hmangaihten chet an laka anat zia hre ve se ka tih vanga khang thu kha sawi khum kha ka ni. Keihian ka fa hi engtiang pawn min nawrlui mahse ka paih phal lo hulhual. Malsawmkima nat nan tak tak chauh a sawi chhuak ka ni.





"Han sawi leh teh!" Ti hrawkin ka nghawng hmalamah rekin kawngkaah min nawr beta. A chal sa vung vung hian ka chal anawr tel tawk bawk.





"Ka paitlang dawn lo!" ka tih tawn tawn rualin ka biang athip zawk a, ka beng akiu nghal vung vung thei!




Tunah khan kut min thlak!




Ka nghawng arehna athlaha min benna lam akuphah melh ngurin a tawlh hnung dawt. Ka nghawng dawm chung hian chhuat vawtthlerah ka ṭhuthla hnawka ka mittui tling pam chuan ka khaw hmuh ati fiah lo ruai vek tawh.





"Helai hmun hi chhuahsan tum hlek suh ang che!" sehchilh rana ti hlukin kawngka anem hawng bawrh a min chhuahsan nghal daih.




Ka mittui chu dan hman lovin ka biangah aluang lum nghal pap a, hmalam melh ding ngar hian ka heh ka pet a ka awm ka dawm zui ngawih ngawih.





Ka biang abenna lai sa deuh hat hat chu ka tawk de de a, ka biang ai mah chuan kutthlak duhna rilru apu khan min ti na let zawk.





Bang nghenga thawk la halh halh ka ṭhu tawm reng chu phone riin ka ngaihtuahna ril zet aṭangin min phih harh zawk. Ka hawikual a khum chunga Malsawmkima phone letbal chu ka hmu nghal zat. Lak tumna nei lo hian ka melh ngar ngar reng chu atawp zui ve mai. Mahse arik chhunzawm leh zat.





Inbengkangin khum lam ka pan a, a phone chu ka la kang nghal nawlh. Mahse no hlang chauh a ni thung.




Kalo chhan chi a ni em tih ka ngaihtuah rauh rauh laiin a tawpa. A rik ka ring tawh chiah lo khumah bawk dahthlak leh ka tum chu arawn ri zui leh zat anihchu.





Thinrim pik ṭunin ka pick a!





"Ka pu, girls hostel sakna hmun aṭanga tla hlum ta kha a eitura tur pawlhsak talbuai tla hlum anihkha" ka meng zui kawk! Eng thu nge arawn sawi hi?





"School principal thupek a ni tih chiang takin ka hria a finfiahna pawh ka pe thei ang che" arawn tih leh rualin khumah phone ka thehthla nghal bawl!





A nutei pasal thil tih vek tihna maw khang thilthleng zawng zawng kha!












Ahmawr kan bawk ṭep tawh aw... 🤧

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » February 14th, 2021, 2:49 pm

ONLY YOU









CHAPTER-18








Thil kal kual nuai dan hi ka rem khawm thiam hauh lo mai. Lehlamah anutei pasalin tual alo thata enge achhan leh vang tih hi keihian ka chhuichhuak thiam der lo. Ka ngaihtuah kual ngial pawn helai pindan zimteah hian ka ngaihtuahna a tawp vek.




Ka lu thing nawkin khumah ka ṭhukai a, Malsawmkima min benna sa deuh ham ham chu ka dawm zui vang vang. Kut min thlak duh hialna khawpa athinrim insehruh kual kha ka vawikhat hmuhna a ni. Keihian ka fa hi ka paih ngai dawn lo tih ka hre reng chung hian ka chunga athil tih zawng zawng vangin na ve se ka duh a, ka duh ang ngeiin ka fa pai lai mek hmangin a thinlung natna tur ka cho chhuak ta reng. Mahse ka dawnlet zawng chu ahma aiin ka pik zual zawk.




Midang pawh hi anni ve thoin ka ring. Miin an chunga thinlung nat vawng vawngna an thlena phuba lak duhna rilru pu a an tih puitlin rual hian phuba an lak hma aiin hrehawm tihnain a chenchilh nasat zawk ka ring ta tlat bawk.




Miin kan chunga thil ṭha lo an tih apianga lo chhanlet zel theihna nun neitu hi an hlim ngaiin ka ring lo. Chubakah engkawngah mah an tluang hian ka ring lo bawk. Tunah pawh ka ṭawngkam chhe zet avang khan ka inchhir der tawh chu anih hi.




Malsawmkima phone hum chungin ka awmna cabin pawn lamah ka chhuaka. Khawiah nge ka phone a awm tih takngial pawh ka hriat loh vangin hman remchan ka duh thut ka rin vanga keng chhuak chauh ka ni.




ICU awmna lam taksa chak loh tih hriat lutuk kaihza tha sai dar dar hian ka pan a. Ka khaw hmuh phe leh mup ṭhin chu ka mit ka chhing zui leh sawk ṭhin. Ka mumal lo nuai hi a ni ber. Ka naupai takngial pawh ka hre lo thei ania. Engtiang chiaha upa nge ka pumchhungah hian rawn insiam ṭan pawh ka hre der lo. Ka indem ve dawn dawn hial mai.




"Ka naute ka tihpalh lutuk aw mama hian engtikah mah apaih ngai lovang che" ka pum dawm chung hian keimah ka inbe phei mawlh mawlh a.




Ka dara min rawn su her sawktu an awm avangin mahni lo chak tawk loh sa nen chhuat vawtthler maiah ka ṭhuthla nghal hnawk. Ka mawng ana nghal ṭawlh ṭawlh thei.




"Awi zorin nang elaw, ka tihpalh lutuk" Hehseni ka hmachhawn nghal zat. A ka chuan atihpalh tih chu asawi ani mahna amitah erawh min sutthluk vanga inthiam lohna reng hmuh tur a awm map lo. A hawisang vah ringawt.





"Khawi kalo kai tho ang che" i hming putchhan tak a hehsen zet apet sawi leh ta zauh e. Mitmeng dam dapa melh chung hian akut rawn phar chhuah ka vuan a, ka tha tawpa din tuma ka pawh meuh chuan chhuatah amah pawh arawn bawk rawp rawp mai. Kei ka kut bengfai thak thakin ka ding chhuak nawlh thung. Angeiawm thiam zawh poh leh ka thiam ve zel ang.




"Hmeli!" sam hmalama tla nuai hian mitmeng thip lutukin min rawn melh chho a keiin kalo ṭhen khumsak thung. Amah ang chauha hmeichhe tawhkhirh ka nih zia hi ahmu thei thlawt lo anih hi. Midang awm ve chu nise hmeichhe thianghlim ang zia zangin apha leh zung zung anga. Henu nun hi chu ka hahpui ve thlawt.





"Inah tawm hle hle la ṭha nimai tur" ti dam diaiin ka chal zawnah ka kut ka vai zauha ka kalsan zui nal nal. Khanu hmel ringawt pawh khan ka chauh ati zual ngawih ngawih chungin a ni kiangah kher chuan tha kalo la neih zia ka hmu thar chiang kher bawk.




Ka theihtawpa chakin ka pa awmna lam ka pan phei hlak hlaka, kar lakah ka ding leh rawn ṭhin. Ka nulat lai zawngin hetiang taksa chak lo tihvel hi ka nei ngai lo mahse ka hun tawn mumal lo chho nuk leh ka naupai hian min uaibet tih chu ka hrethiam ve mai.





Ka pa awmna hmun ka thlenga pawnlamah pawh tumah ṭhu hmuh tur an awm miah lo. Ka nu takngial pawh. Khawiah an kal vek chu nimaw.





Baihvai zet hian ka dinga ka chhungte lo lan mai ringin ka hawikual chiam bawk mahse tu hmel mah hmuh tur eih a awm lo.





Ka pa ka hmu thei bawk silo nen ka ṭah achhuak ru ṭun tawh.





"Hetah enge itih?" Malsawmkima aw ri bung vut ka hriat rualin ka inhera mitmemg sen rumin keimah chauh min melh reng.




"Khawiah nge ka nu?"ka ti tawl ringawt.





"Intifai turin ahaw lawk" ati leh hmuk. A hmel lang rum ul nen biak achakawm loh ngawih ngawih tawp.




"Hetah enge i rawn tih?"





Zawh ngai lovin hetah enge ka tihchu hre tur a ni. Helai hmunah hian ka pa thichhawngin alet renga enge ka tih min la zawt zawk anihchu!




"Ka pa ka rawn ngaihven tih chu i hriat ka ring" ka ti let ve hmak.





"Let tawh rawh" Ati zui sup a, ka melh nghal nghek. Helai hmuna thuneitu ber ang ziazanga thu min pekual vel hi ka run hle mai.





"Ka thu...." ka sawi zo hman lo Hehseni'n Malsawmkima akohna lam kan pahnihin kan hawi zui vat. Kan lampana hmeichhe thianghlim anga lang ṭhin tur pai kha thei zet rawn pen phei hlak hlak chu ka melh ding ngar. Malsawmkima dinna lam ka melh leh zauha enge angaihtuah tih pawh hriat theih loh khawpin a lang rum ul ringawt a.





"In chanchin kalo hre miah lova" ti nem diaiin kan nupa dinna hmaah arawn dinga. Kei ni lovin Malsawmkima chauh amelh thung.




"I hre tawh alawm"amelh ber pa berbur hian alo ti hluk anihchu. Ka nui ṭep a chu ka insum thei hram. Inti polite fahranin arawn rak diai a a dawn zawng chu "i hre tawh alawm" tih zawng chupawh nem lem lo tak. Ava chawh ber tak.





"Ka cousin awm ve tho ka rawn kan a, chuan in chanchin Muanpuii hnen aṭangin heta ka rawn thlen hnuin ka hre zawm zat a ka rawn pan vang vang che u" ati leh zat zat.




"Kan va lawm vee" kalo ti fan raih chu min melh kham kham nai. Kei ka lo ṭhen sak thung.





Min chhanlet tuma a ang ziau tawh chu aphone rik vangin thip lutuka min melh chung hian ahmui sen lutuk tak mai chu achip zui hmak. A bag hai rak rakin a phone aphawrh a, a phone a lekkang rualin ahmel a hlauhthawnain a inthlak zui dawrh mai. Kan nupa ding ve reng chu min rawn melh tawn zak zak hian zalo tih hriat lutukin a nui tawi tak mai. Mahse a hmel awmdan siamṭha leh vatin a phone ri reng chu ahmet tawpa abag ah bawk adah zui leh daih. Atu tak chuan henu hi lo mamawh ve ang maw tih ka ngaihtuah rauh rauh mai. Abula awm a hahthlak thlak nen hian aṭhianṭha techuan anla kawm peih ve zel chu a ni sia.




"Sawmkim ka kal mai ang. Pawn thkeng min lo thlah lawk la" ava zak thei lo zar zar tak. Ka pasal hian athlah lo nasa ang chu.




"Kal rawh" arawn ti hmuk chu Malsawmkima ka melh nghal kawk. A office a thil thlen vek hnu pawh khan ala haw miah lo tihna em ni?





An bula ka ding ve reng chung pawn Malsawmkima hian min ngai pawimawh miah lo tih hriat lutukin zui chhuah atum anihchu. Keihian eng lemchanna nge ka hmuh dawn tih hi lo thlir tawp rawh se.




Hehseni hnungah azui zet tawh chu ka thawm chhuah vangin arawn inher nghal dawt thei.





"A na ka pum ana"chhuata ṭhingṭhi thla rawpin ka pum ka dawm a. Ka mit lehlam siai chung hian Malsawmkima hmel ka hmu phe ruai a. Min melh rualin kun chung hian ka kawrhak tlang na tuar niawm fahranin ka ṭham zui ngat ngat.





"Ka naute hi lo chhuah atum aniang a na tawh lutuk" ka aw ka siam kual vel a. Ka bula rawn ṭhuthla a Malsawmkima nui hawk chu ka melh nghal rawm rawm.




"Lova kal mai rawh" Hehseni dinna lam melh map lo hian ati supa, aṭhutna bula ṭhingṭhi chunga inbeng phei nawk nawkin nghet zet hian anghawngah ka kuah nghal hmiah.





Nui leh hawkin min chawikang nawlha keiin akawng nghet zetin ka kherhbet nghal tlat bawk.




Hehseni thinrim hmel chu pui tak a ni. A alh dawn amaw tih tur khawpin amit te chenin asen chhuak vek anih chu.




Malsawmkima'n ka cabin lamah min pen pui pawk pawk chu Hehseni mit siai zauhin ka kut ka vai khum lauh lauh chu a insehruh nasa mai. Ka pasal chunga thuneitu zawk chu tikhan alang mai alawm. Keihian Hehseni laka chan hi ka tum bau lo.





Cabin kawngkhar nawr tawlhin zo zet hian min pawmlut zela, keiin hahdam zet hian adarah ka lu ka nghat thung. Hetiang em em hian adar hlai leh hrawl zeta bei hi anuam tih ka hre ngai lo, mahse tun aṭang hian ka zawngchhang dawn tih ka chiang ta viau mai.





Khumah min nghahthlak rualin Malsawmkima din lohna hawiin puan ka pawt khawm nawk nawk a ka inkhuh zui hmak. Ka chetdan naupang chhia zet kha ka zak leh hnuhnawh. Chumai bakah nichin lawka kan inhnuthiam lohna zawng zawng nen nuam kati lo leh vek tawh.





"Lovie" ka mutna ahniamthla sutah arawn ṭhuthla tih ka hre thei.





"Na i nei lo tiraw" dam dup hian arawn tih zawm zat, akut lum vung vungin ka puansin chhanah ka ban bul ahmer lum vung vung bawk.





"Na neih chuan sawi tur aw" atih sup rualin ka mittui ahnai nghal ringawt anihchu.





Ka puansin lai keukauin arawn inthawlh ve a ataksa hrawl leh ngen nuam tawk chauha lumah hneh lutukin min kuahbeh vek rualin alam hawi zawngin ka inlet a awma hmai phum kakin ka insut ri nghal hraih.





"I tap ami?" Zawi ruih hian ati sup.





"Aih" ti ṭiauin thawk kala hap.





"Kut ka thlak vang che khan ka tihpalh" ati hrawih mai. Ahmel hmu thei lo mahila a aw ri ringawt pawh hian a inthiam lohzia anem nghet vek.





"I sual si"





"Kan naute chungchang khatianga i sawi kha ka duh lo. Keihian kan naute lo piang mai tur leh ka nupui hi khawvela hlimna zawng zawng pek vek che u ka duh" thlamuanpui ngawih ngawihna thama dam leh thuk hian ati zawi sup chu ka hmelah nilo ka thinlungah ka nui ver ver nimai hian ka hria. A sawi ang hian ati vek dawn tih hi ka ring nghet bur bawk.





"Ka tihpalh" lawi rat hian ka ti a. Amah hmu thei tur hian ka khabe adawmin min kuaidaka ka hnuiah arawn fawp zauh chu ka nuih seih. Amitmeng dam lutuk hi kei chauh hian hmu thei reng ika kati ṭhin chuan engtik lai pawn nuam kati veng veng ṭhin ang.




Tunah hian Malsawmkima ka nei hi ka inchhir em tih min zawt tase ka chhanna chu ka inchhir lo a ka inchhir ngai lo bawk ang tih hi a ni. Nupa karah intih thiam loh leh han inhauh buai rap rap chang chu a awm lo thei lo. Kum inthlau tak kan ni chung hian min dawh viau tih ka hria. Chuan achungah ka lawm em em bawk.




Ka pa chunga thil thleng zawng zawngte atih ani lo tih ka hriat ang bawkin tunah chuan asawi zawng zawng kha pakhatmah rinhlelhna nei miah lovin ka ring fai kelh tawh bawk.





"Ala na em?" Ka biang abenna lam dawm hian athaw chhuak hawk. A hmelah a inthiam loh zia ka chhiar thiam bawk.





"Aih" ti sepin ka lu ka thing zui nar nar.





"Ok muhil lawk ang aw" ti supin min kuah nghet sauh a, akawnga kuah let vein hahdam zet hian a awm zawnah ka thaw chhuak zui siai siai. Hetiang reng hi kan hmalam hun hman dun tur ni thei se kati chumi thleng thei tur chuan keihian theihtawp ka chhuah anga atana nupui ṭha ber nih ka tum tlat zel tawh dawn. Kan fa lo piang mai tur nen kan chhungkua khawvela chhungkaw hlim ber nih ka duh bawk.



""""""""""""""""



Meng mang lo hian Sawmkima mutna lam ka dap a mahse alo ruak vek tawh tih ka hriat rualin ka meng chhuak ta chauh.




Ham bai bai hian ka zi mar ar ar a, la mu reng chungin ka hawikual thuak. Khua athim vek tawh anih hmel. Ka rin aiin ka muttui daih anih hmel. Mahse Malsawmkima hmel hmuh tur awm miah lo chu angaihna ka hre lo ang reng.





Ka pa aṭha vak lo anga min kalsan daih nge tih ka ngaihtuahna a arawn luh rualin ka ṭhu chhuak nghal zawk. Chutiang thil chu thleng lo hram rawh se.




Ka muthnem vang tepawh animahna ka taksa zawi ngiai kha ka hre tawh miah lo.




Khum aṭanga chhukthlain ka slipper darh ram chu inthawlh rema ka dah hnuin ka inthawlha cabin washroom lam ka pan zui nghal zat. Kawngka hawngin ka dak luta Sawmkima hmel hmuh tur a awm chuang lo chu ka ngaih aṭha tawh lo. Khum lampan lehin kawrlum khum lulama inthlep fel thana awm chu ka ṭham bawrh a inthawlh zui nawk nawkin kawngka lam ka pan zui leh zat.





Kawngka ka hawn hma chiahin pawnlam aṭangin arawn inem tawlha Lawma hmel ka hmu nghal zat chu ka ang pham mai.





"Lawma" hamhaih zet hian ka ti hliai.





"Thlahrang ka nilo" nui suk hian ati sup.





"Hetah enge ilo tih dawn?"





"I pa chanchin ka hriat veleh ka rawn kal nghal, chuan heta i awm thu i nuin min hrilha ka rawn awmpui dswn che" ati zui luam.





"Khawiah nge Sawmkima?" A hre lo animahna adar a kan uk ringawt.





"Khawia kal nge i tum?" Ṭhutna inhung lam pana akal chu inherin ka melh zui a, thuthla thurh hian kawngka bula kala ding reng chu min rawn melh lehnghal thuai.





"Ka pa hmu turin ka kal dawn" tham chhel hian kati ṭiak chu ka aw rik chhuahdan vang nge a nui put put mai. Ka aw ka thian zui kharh kharh.





"Nge i nuih ngawt" ka ti bak nghal hlar chu anuih azat hmel tulh tulh.





"Khati phengphung khan kal chhuah i tum ania tupawn phung amaw tiin an hlau ang che" a sawi zawh rualin ka lan nalh loh dan tur ka hrethiam nghal. Ka sam tusi mam thuak thuakin Lawma ṭhutna lam ka pana abulah ka ṭhuthla ve nghal thak.





"I nu ka rawn menpui ve dawn a, nakin deuhah a ni pawh hetah arawn kal ve ang"





"Immm...Lawma kapa hian min kalsan mai i ring em?" ṭhutna a ka ke hlang chovin ka khupa khabe nghat hian ka inkuah khawm veka Lawma ṭhutna lam ka melh deuh ha bawk.





"Kalsan dawn lo chutiang ngaihtuah suh" ti dam dupin ka samah arawn chul hliau hliau a, ka mittui ahnai leh ringawt tawh bawk.





"Lawma ka pa hi khawvela pa ṭha ber chu a ni lo mai thei mahse ka tan chuan a ni tluk a awm lo asin" lawi rat hian kati sep. Ka ṭah chhuak chhunglan aṭanga rawn inhnawh up up chuan ka hnar ati thip vek nai bakah ka hmai asa pup pup thei.





"Min kalsan anihchuan ka inthiam thei ngai lovang" thaw hakin ka hmai ka hup thawk a ka khur nghal dar dar.





"A thleng dawn lo. I pa hi achak ṭha tawk tih i hriat kha. I nu leh nang kalsan hian khawiah mah akal dawn lo" ka dara rawn kuahin atuai zui heuh heuh a, min hnemna aw ka dam lutuk chuan ka ṭah ati chhuak tulh tulh. Ka heh petfan hian ka khup ka chalin ka nawr zui tawk.





"Lovie" cabin kawngka innawr tawlh rawp thawmah mittui tling piauin ka hawi chhuaka. Malsawmkima Lawma nen kan ṭhutna hma ading khawng luah chu ka hmu zui nghal zat. Lawma nen kan lo awmdun alawm loh zia chu sawi chhuak kher lo mahse ka hmuthiam lutuk tlat.





Lawma'n ka dar akuahnaah a mitmeng rum lutuk afu zui ngur chu nuam ti lovin Lawma kut ka dahthla a ka mittui hru thuakin ka ke ka hlangthla leha ka ding chhuak zui vut.





"Engvanga phone call ka dawn hi sawi lo nge i nih?" ati chang bawl mai. Phine call lam aimah chuan Lawma lo awm ve hi alawm lo lutuk tih ka hria chu chuan nuam lo min tih tir ngawih ngawih bawk. Mahse kha call adawn kha tuna arawn sawichhuah hian ka hre chhuak veleh chiah bawk a.





"Ihhh.....ka theihnghilh a" inthlahrung leh hrehawm ti zet hian kati sep chu a lung a awi hmel loh takzet.





"Helaia mipa tawmpui chung chuan i hriat reng abeisei awm hran loh" ngeiawm lutuka ati zui hluk chu mit ka chhing zui ta ngawt.





"Chutiang engmah a awm lo...ka theihnghilh tak tak" ti ruaiin adinna lam pan ka tum chu akut hrawl zet avai thuak vangin ka ding leh dat.





"Pasal pawmlai nei i ni tih hi i hre reng tawh lo a ni mai thei mahse inihna hi hria ang che" ti hrawka a inher vut chu akawr hnungah ka pawta mahse min vaithlu nghal tawp. Lawma rawn ding chhuak ve chiah ka bawh nghal rawk rawk.





"Usawmkim" Lawma'n arawn ti dek dek chu min nemsawn nawkin Lawma kawrawmah aṭham nghal tawk.





"Ti suh" ti tiau hian Lawma nen an inkara ding turin Sawmkima kut Lawma kawrawma awm chu ka pawtthla ka kutin ka hum khawm nghal vek. Mak zawk khawpin akut asa vek thei anih chu.





"Khawngaihin" ka ti leh ṭiau chu ka kut vaiper nawlhin a sam atuai puata rapthlak khawpa na hian chunglam melhin thawk ala zui hawlh hawlh.









A tawi intih vaih chuan in mumangah ka rawn hrang hrep dawn😝

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)