ONLY YOU By Hmuaktei Fanai (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

ONLY YOU By Hmuaktei Fanai (Completed)

Unread post by Ngaia » February 14th, 2021, 2:45 pm

qh3pkm0s.jpg
ONLY YOU







CHAPTER-1







*Zorinpuii pov*


" Mahni hmeichhiatpui kawp hi i zak miah na nge? Khaw en laiin ka rawn rui haw ngam e ila ti zui a" Ka pa aw rawl vin zet chu kan inchhung pumah a khawk rum rum thei! Din pawh ding ngil hlei thei lova ka bu lawk lawk chu ka chhipsama ṭham chungin ka bekah min beng zui nghal chawrh a, chhuatah min thehthal nghal tawp. Patling kutthlak tawrh chu na tak a ni tawp, ka lu ahai nghal vek. Ka ruih a reh vek hialin ka hria.






Hmeichhia ka kawp ṭhin angin ka pain min ngai anihchu! Heihi chu thil theih loh hulhual a ni. Hmeichhe inti pa fe fe chu kawm ka nei ngei mahse kawp ang zawng chuan tumah ka kawp lo chiang lutuk. Ka fel lo hle chung pawh hian hmeichhiat mipatna kawngah hian ka tlan ngai miah lo bawk. Bialpa vawikhat pawh kala nei lo bawk. Chuan ka hmeichhiatpui kawp hi kala ngaihtuah chhin ngai miah lo ang bawkin mihring nunna nei ka nih chhung chu a thleng ngai lovang tih hi ka chiang.






Hmeichhe fel ka ni loh vangin vawitam ka chhungte kati mangangin kati zak ti pawh ka hria. Mahse nun a hoh laklawh chuan insiamṭhat thut hi a har em bawk a ni.






"Pa a iti lutuk ṭhin" ka nu in tim dek a a rawn tih rualin.






"Nang hmeichhia kha lo ngawi rawh. I enkawl fuh loh anih hi i hria em" khauh fur hian ka pain ati zui nghek a. Ka nu pawh a ka a chip zui hmak. Ka pa a thinrim tawh hichuan tuman kan chhang ngam lo ṭhin ania, college banin kan lo in ve deuh bawk nen a thinin a tuar lo a ni chek ang chu a pawr ṭha ṭhak ṭhak khawp mai. Chhun en lai hian ka rui ngai miah lo mahse vawiin zet chu engin nge min mawlh ni ka tum loh lutukin ka in vak ringawt a.





Ka ṭhu chhuak a, chhuata ka ṭhu bu luk luk chu ka tukhumah a rawn beng leh nghal pawp a. Ka tukhum a hit chhah mup a ka mittui a hnam nghal sawk thei. Zan danga ka ruih viau pawh hian hetiang em em a nasa hian ka pa hian kut min la thlak ngai miah lo. Ka phu tawk tih chu hre tho mahila pa te kutthlak han tuar chiah hi chuan rilru hi alo na hma bawk em a ni.





Ka pa thinrim thaw ri sawk sawk chuan min ti ṭim deuh sung sungin ka hria. Ka nu lah chuan min chhan ngam tawh der bawk silo. Ka ṭhutna aṭanga din ka tum chu ka luhai lutuk avangin chhuatah bawk ka thal leh hawn. Ka nu chek tlak tlak ri ka hre zawm nghal zat bawk.





"Nangmah vang hian khawhawi ngaihna pawh hi ka hre tawh lo. I zahpuiawm lutuk" ti chhur chhurin sofa ah a ṭhuthla nghal hmuk chu meng phi chiain ka melh ve reng.






"Zorinpui, pasal nei turin i rilru ruahman ang che" hnial ngam miah lo tur khawpa khauha a tih hluk rualin ka meng nghal kawk. Ka hawi â nghal vek.





"Pasal ka nei dawn maw?" Ka ṭhutna aṭangin ka ding nghal hluai a ka aw ki pawh a hniam fahran lo, mak ka tih lutuk vangin ka insum hman lo ani mah zawk. Min ṭhawng ve em atin ni. Ka nuin a kutin min rawn zap vata kapa a melh zak zak bawk. A thin ka tihrim zual ahlau animahna. Mahse mak ka ti em asin! Pasal min neihtir dawn anihchu! Tunah ka hre ve chiah bawk a. Chung chu thleng turin ka duh lo. Ka duh lo satliah mai pawh a ni lo ka tan chuan a theih loh bur.





Ka pa thusawi khan min ṭhawng lutuk hi ka harhfim zawt thei hial! Sawi lawkna pawh awm miah lovin thuthlukna anlo siam vek tawh anihchu!






Pasal min neihtir an tum nghal ngawt hi a fair thlawt lo. Nu leh pa thuhnuaia la khawsa ka nih vang hian an thu awih tur ka ni tih ka hria mahse ka duh anga zalen a nun hmang tur hian dikna ka nei ve bawk. Tunah college kum hnih chiah kala rap a, kum 21 chiah kala ni bawk pasal nei turin min tirh liam an tum, ngaihtuah pawh ka ngaihtuah zawm ngam lo zawk. Hmalam hunah tih chak leh tih duh kala ngah lutuk chung chu engmah min ngaih pawimawhsak miah lo.






"Ka nei dawn lo" ka dinna hmun aṭangin ka ti nghal tuarh. Ka nuin ka kawrhnung lamah a rawn pawt nghal nghek pawh chu ka ngai pawimawh peih buai lo. Kapa remote kenlai a rawn thlawk phei fua a ka hnarah ari zui chawrh. Ka hnar ka hup zui vat chu ka kut lum deuh papah a thi tih ka hre nghal . Nidangah pawh kut min thlak ziah mahse thisen chhuah khawpin min la thlak ngai lo.






"Puitlinga chhiar theih ka nih ve tawh hi...pasal ka neih duh leh duh loh chu ka thu a ni ve" ka hnar hup chungin aw ki sang fahran hian kati zui tan tan a. An fanu hi min enkawl peih lovin midang kuta min dah an tumah keichuan ka ngai hmiah.





"I nu leh pa kan la dam chhung hichuan ṭha kan tih ang hi zawm la aṭha animai" nekluih ngam miah loh tura khauh hian a ti hmuk a. A aw a ring hran lo mahse a rik chhuah dan a hlauhawm thung.






"Zorinpui" ka nuin a rawn ti zui vata, ka chhan let leh a hlau tih ka hrethiam mai Ka rilru a buai nuai vek tawh. Engtin nge hetiang chuan thlamuang takin rilru ka hman theih tawh ang. Thinrimna ka kawchhung aṭang hian a in lumlet but but tawhin ka hria. Ka pa in atih tawh chu ka nu hian ahnial ngai lo. Kapa phal loh zawng anihchuan nawr ngawr ngawr mahila atilui ngai lo hrim hrim mahse kei hian ka tilui ṭhin thung. Engtik lai pawh a an ṭang dun ṭhin lutuk hi ka hne.






"Ka nei dawn chuang lo. Ka neih ai chuan thih pawh ka thlang zawk" ti hmakin ka dinna aṭangin ka tawlh deuh hrat a, ka pa meng tal nghal tap tap chu ka tim leh hnuhnawh a mahse tun ṭum hi chu hmin takin aw ka pawh thei tlat lo. Ka khawsa ho fe chung hian thildang ti tura min tihin an thusawi hnial ka nei ngai lo.






"Zorinpui" ka room lam pan ka tumlaiin ka pa in a rawn ti chang nghal bawl. Ka luhlul chhuahin ka kallui a, thui pawh ka thlen hmain ka kawr hnunglamah a rawn ṭham tawk a. Living room lamah min hnuk phei nghal dawt dawt.






"Ṭhu rawh" ti hmukin ka nu bulah min nem ṭhu nghal hnawk a, ka nu ka nek nghal rawk rawk. Ka hma a ka pa athu ka hnial vanga lungawi lo ding ngur chu ka melh chho kar a.





"Tihmawh viau lo la i tan aṭha animai" ti leh hmukin a ṭhutna lam a pan a. Ka kut hum nghekin thawk ka la hak. Engtin nge ka tih ang?





"Pa, khawngaihin" ka pa ṭhutna lam pan phei rawk rawkin chhuata ṭhingṭhi chungin ka ti nghal ṭiau.





"I mittui kha hmang ṭangkai duh suh a sawt dawn chuang lo" a kut vawn ka tum chu amalchunga a kut dah lasawnin ati nghal hmiah. Bei ava dawng duh tak. Eng chhuanlam nge ka siam tawh ang. Ka nu lam beisei nei zetin ka hawi a, ka pa thusawi pawmpui zetin alo bu nghauh nghauh anihchu!






"Ka nei dawn lo hulhual" ti bak hlarin ka pa ṭhutna lam aṭangin ka ding chhuak a, ka pa khawng at a rawn ding chhuakin ka inrin hmain ka kawrawmah min ṭham tawk a ka biangah a beng ri leh nghal sawk a ka chawmawlh zo vek tawh. Ka kawr aṭhamna a thlah rualin ka kat zui dawrh chu ka nuin hnunglam aṭangin min rawn dawm zui vat. Ka sam hnawk nuai kar aṭangin ka pa lam ka hawi a, a thinrim beng daih tum niawm takin a ṭhutna bulah a vei kual thuak thuak.





"Pa-a" ka nuin tim dai hian ka hnunglam aṭangin a rawn ti vat chu
"Lo inrawlh suh" ka pa bawkin ati leh hluk.






"Ka thusawi zawm la i tan aṭha animai" A kut hlai zet lek uaihin ati chang bul chu ka mit ka chhing zui sawk. Na lutukin thawk ala hawk a, min beng leh dawn amaw ka ti hman tawh.





"I neih dawn leh dawn loh chu ka ngaihtuah tur" ka pa bawkin tak ngul a min melh khuiin min pawt nawk a. Din pawh ka ding ngil hlei thei lo. Ka kaihza tha a zawi vek.






"I fanu hi a room ah luh bo pui rawh palai turte hmel lo lan hma hian" ka nu dinna lamah min nem zui dawrh chu ka pai phei nghal ṭuang ṭuang. Ka nuin min lo dawm nghal vat. Ka ban a kai chungin ka room lam min panpui atum chu ka ṭang ve ta tlat.






"Pa, pasal neih ka duh lo. Aw khawngaihin ka fel tawh ang" ka ti nghal bual bual a ka la chian vak loh vang nge ka mittui a sur zung zung bawk.






"Lut bo vat mai teh" ti hlukin a ban avai thuak a. Ka hnunglamah ka nuin min nem dawt dawtin ka room ah min nawr lut nghal hmak. Room kawngka khar atum chu ka ke a dang vatin ka nu kawrah ka vuan a.






"Nu, pasal neih ka duh lo khawngaih takin kapa saw sawipui hram rawh" ka ke per dat datin ka ti nghal hliam hliam.





"Fel tak khan awm phawt mai teh" chek tlak tlakin room kawngka a khar bur a, a lock zui nghal hmak bawk.





Ka hnar thi chhuak chu ka kawrin ka hru tawk a, ka sam a ṭham vakin ka khek chhuak nghal tuarh. An fanu hi hmundanga nungchang zir turin min tirh an tum amaw?






Thinrim lutukin ka thawmhnaw ka phelh tawp tawp a towel lain bathroom lam ka pan zui hmak a. Tuivawt lutuk a ka inphuhtir rualin ka harh nghal kawk kawk. Ka rilru buai lutuk hi engtin nge ka tih dawn. Eng chhuanlam nge ka siam tak ang. Hmeichhe fel pangngai angin khawsa ila pasal min neihtir an tum awm silo. A chang leh keimah leh keimah ka indem a, asawtna a awm chuang bawk silo.





Bathroom aṭanga chhuakin t-shirt pan deuh ka malte khuh tawk chen vel ka inbel zui malh malh a a hnuaiah engmah ka hak belh tawh lo. Darthlalang hma aṭhuin ka hnar ka en a a sen deuh hlar thei. Khawih zawng ringawt pawn a na. Chuan ka biang leh ka bek vel pawh a na tel bawk a. Ka lu tuamna towel balbawma vawmlutin khumah ka inthawlh nghal hmak. Sam huh chunga ka mut hian hritlang kala ngei ngei zel mahse ka ngai pawimawh peih lo. Duhleh ka dam lo vak zawk anga min khawngaih mai thei asin.





Nula fel leh enkawl nuam ka nilo tih ka hria mahse chumi vanga min rawn vena pawh awm miah lova kum naupangtea ka hriat ngai loh laka min tirhliam an tum hi ka rilru ana tawpkhawk. Ka mittui hnai leh ringawt chu dan tum eng ang mahila a sawt lo khawp mai. Blanket a inkhuh thawkin ka inhnit chhuak hlawp hlawp. Ka pa min benna ka biang a sa ham ham a a tur deuh ut ut bawk. Thuneihna ka nei lo lutuk techu ka thin arim hlur.


,,,,,,,,,,,


Ka meng chhuak diar diar a khua alo eng ut tawh. Ka pain min hrawk hrep ka thinrim insawh tau vel kha kalo muhil tlang ṭhak anih hmel. Nimin tlaiah chaw ei miah lovin ka mu kha nizan zankhuain harh miah lovin ka mu tlang ṭhak thei chu mak ka inti viau mai. Chuan ka ril aṭam viau bawk. Ka lu na deuh ngut ngut leh hnarping deuh ṭup pawh ngai pawimawh hran lovin ka ṭhuchhuak a. Ka khumsir sofa a mipa lo ṭhu run ka hmuh rualin ka rak chhuak chiam.





"Tunge i nih a? Hetah engtin nge i awm theih?" Ka awrawl ring lutuk chu a ner deuh sak. Sawmkima a ni tih chu ka hria, heti bak hian a hming pawh ka hre chuang lo. Engtin chiah nge a insawi ka hriat duh vanga zawt kher ka ni. Kan inah pawh alo kal fo mahse ka nel hran lo. Min be ngai lova keipawn ka be ngai hek lo. Kan inhmelhriatloh en tawp tihna anih chu.





"I pasal tur" ti supin a ṭhu rem sauh sauh.






"Nangmah maw?" Ka ti nghal nghek. Hepa hi engtin nge anih theih zawk. Hepa hi ka pain ka pasal tura a duh chu maw? Tlangval senior pui min neihtir a tum amaw? Min ṭhawng dawt dawt hi ani ber. Engtin nge kapa hian atih theih zawk?





"Hmela pasal ka nei dawn lo" ti nghekin khum aṭangin ka chhukthla a. Min melh run reng chhan ka hriat loh avangin ka taksa ka enkual a ka kawrhak pan lutuk chhanah ka hnute a lo lang vek ka hmuh rualin rang lutukin khumah ka inthawlh leh nghal hmak. A nui deuh suk suk lehnghal chu vawm chawrh mai hi ka chak hluah hluah.






"Mihurpa chhuak rawh" ti leh nghekin blanket-in ka inkhuh ṭha sauh sauh thung. A hmel en reng reng pawhin kei aichuan a upa fe ang tih chu ka hria mahse ka zaha ka biak dem dem nachhan tur bik ka hre lo.






"Nizanah kan inneih ni tur an ruatfel a" a kiu sofa bana nghatin a kuta a bek dawm chungin min melh run techu ka haw ngawih ngawih. Super power nei ngat ila chu ka melh alh puat duh ngei ngei ang mawle.





"Hmela ka nei dawn lo che" rum lutuk a melh chungin ka ti tuarh.





"Kan la hria ang chu" ati nghut duh chauh anihchu. Ka thinrim dan tawk tura ṭawngkam hman a ṭhiam leh lutuk techuan ka kawchhung hi ati sa pup pup thei hial.





"Ka neih ai che chuan thih pawh ka thlang zawk" ti nghekin khum aṭangin ka tho chhuak nawlh a. Ka kawrhak pan lutuk techu ka ngai pawimawh seng tawh lo. Slipper pawh bun lovin tukverh lampanin ka pen phei nghal hlawk hlawk.





Tukverh hawngin ka lawnkai a, aṭhutna lam hawiin ka inher rem nghal zat bawk. Ka thil tih tum techuan a englai mah a tawk pha lo tih hriat zet hian a ṭhut ngaiin a ṭhu ngur reng.





"Zuangthla la. Nikhaw hre lova awmchung pawn a inneih theih tho ania" ti supin a khi suk. Engmah hian awmzia tak tak anei pawhin ka ring tawh lo.





Ka sama ṭham tawkin ka au chiam a, tukverh aṭangin ka chhuk leh ta nge nge. Intih hlum em chu ka tum pawh a ni bik lo mahse hlauthawnga siam kha ka chak a, a engah mah athawk chuang bawk silo.





"Enteh hriat pawh min hre chiang lo, chuan hmeichhia i rawp viau a nupui tur i duh anihchuan khawlaiah mipa rawp em em i duh duh a i khawih theih an tam ang. Kei min tibuai lo hian chung chu engvangin nge i neih zawk mai loh" ngeiawm lutuk a ka tih rualin ka khum bul a rawn thleng chawpchilh ve nghal. A mitmeng aṭangin a thinrim leh rim loh pawh ka hrethiam chuang lo mahse ka thusawi khan hna a thawk. Kalo ṭhen khum ve sak bawk.






"Nangmah chiah hi ka khawih chak che ti ta ila" mitmeng ti zim sunin ka kawngah a ban hrawl zet a rawn rawlh lut a alama min pawh hnai hrawk rualin ka tal nghal phat phat.






"I taksa chiah hi ka chen chak awm chhun ni tase" a hmui liak hnawm zauh a a rawn ti leh sup chu abiangah ka beng nghal sawk. Misual leh mi rapthlak.






"Kut min thlak amaw?"ka hmai bul chet a rawn kum hniamin ka hmuiah a hmuiin a rawn tawk zauh chu ka ding khawng nghal awt.





"Mihurherhpa min thlah rang rawh" ti ṭhatin a sama ka ṭham rualin khumah min bawhbet zuizat anihchu! Ka bawp inkarah a rawn tla zep nghal zat chu panty chauh ka ha bawk si nen ka awm ati nuam lo hu thei. A sam ka ṭhamna pawt phelhin ka kut tawna man kawp lawpin ka luchungah a nambet nghal hmiah. Keiin ka hrechiang lo ani pawn min hrechiang lo chung hian min neih ṭalh a tum hi ka hrethiam thei thlawt lo.





"Min thlah rawh" ti chiamin ka tal dawna mahse ka thei der lo min delhtu hi a rit mah mah chuan ka thawklak atisak vek thei hial.





"Min khawih i tum amaw?"





"I awmdan azirin" ti supin ka kawrhak pan lutuk chhanah ka hnute a hmuiin a rawn nawr tawk chu ka khawng vek thei. Ka hlau pawh a ni chiah lo ka awmdan amak lutuk.





A hmui rawn sawn chhoin ka hmui a rawn kharchilh hmiah a. Ka kut a dawmbehna thlahin ka bek tawn tawn a dawmin ka lu che thei lovin a siam nghal hmak bawk.





Ka kut lekkangin a samah ka ṭham a a taksa remlai laiah ka chum zui dawt dawt bawk mahse a engahmah a thawk pha lo tih hriat zet hian a chetdan a ngai reng thung. Chu chuan ka thin atirim viau tawh bawk.





A sam ka kehna tha ka pek nat apiangin min fawhna a tina zual ve zel bawka. Min thlah miah lo nen ka thawk a chham lo chauh tawh.





"Tho rawh" min fawhna athlah rualin ka ti nghal nghek. Ka hmui a fawhna a sa ham ham thei hial. Ka awm sep dawrh dawrha thawk kala chu ka awmbawr ala melh ngur zui bawk a rapthlak hian.






"Ka ta ila ni ang" ti supin ka hnute ka kawrchhanah a ṭham tawk chu ka ṭe chhuak ṭhat. A ding chhuak ve nghal mai pawh chu melh pawh ka melh peih tawh lo. Min delh beh ang ang khan kala mu reng a ka mit chhingin thawk ka la halh halh reng.






"Kan inneih zana ka duhtawka ka khawih tho tur chu ka khek zawk mai ange" a thusawiin min phih harh nawk hi ani ber. Khum aṭangin ka ṭhu chhuak zawt a. Ka hma mipa lian lutuk ding chu thinrimna nen ka melh ta thung. Hetiang ṭawngkam tehi ka vawikhat dawnna vek, hmeichhiat mipatna kawngah hian ka tlan ngai loh vang nge ka awm ati nuam lo nghulh thei.






"Min chhuahsan rawh" au khum leh chiam ka tum viau a chu ka insum leh ta zawk. Mahse a dinna ngaiah ala ding ngul reng tho.





"In zavai hian ka haw vek che u. In hria em ka duh ang pawn ka nun ka hmang ve thei lo. Engpawh ti ila min control in tum vek hi ka haw lutuk che u" ti chhuak tawn tawnin ka ke ka per zui dat dat chu min melh ngur thung.





"Ka room aṭang hian chhuak rawh tumah ka hmu peih lo che u" ti zui ṭhatin kawngka lam ka kawk va a. Hahthlak min tih hmel fe a thaw chhuak hawlhin a sam a tuai zui puat.





"Thuawih ang che"ti hmukin min chhuahsan zui nul nul chu a hnunglamah pheikhawk brush lo awm hnai berin ka vawm zui nghal dawp. A ding deuh dat a, rawn inher ruai ruaiin chhuata brush tla a melh zauh a ka lam a rawn hawi zui leh vut chu ka melh let ve kar. A thinrim leh rim loh pawh ka hre thei lo mahse hmeichhiain kut ka lek hmasa chu a lawm viau ka ring hran lo.





"Ching tawh suh ang che" ti hlukin a inher a ka pindan a chhuahsan chu tih theih nei bawk si lovin rum lutukin ka melh ngawt ngawt.Tumah hian ka duhdan pawh hi min zahsak velo. Ka thinrim tihngaihna hre lo lutuk chuan ka dressing table darthlalang ka vawm keh chhuai a, ka kut hum ngawt ngawtin chhuatah ka ṭhuthla nuaih. Ka mittui lo hnai ve sek pawh hi ka haw lutuk.


,,,,,,,,,,,,



Rilru mumal lo zetin hun ka hmang liam ve ta zel. Kha misual kha a rawn lang zauh zauh a, kan inhmuh tawh apiang chuan boruak ṭha kan nei ngai lo. Hmuh chakna pakhatte pawh ka nei lo. Hmuh chak chu sawi loh ka ngei hluah hluah zawk. Ka pain college kal tih loh chu khawlai chhuah min khap tlat avangin duh ang pawn ka chhuak hlei thei lo. Class kal dawnin min hruaia banah min rawn lam leh thlap ṭhin avangin ka tan penbo ngaihna a awm ṭhin lo. College ka kalloh chuan hmeichhe pangngai ang takin ka nu bulah ka tawlh ve hrat hrat zel tawh.





Kan inneihni karkhat chiahin a dang tawh a ka pik tulh tulh. Tih vak ngaihna ka hre der bawk silo. A changin ka thin arim a, ka pa hnenah min ngaihtuah ṭhatsak tura ka ngen apiangin thinrim hmaisen min hmuh zel bawk si. Ka khawvel hi a hrehawm ngawih ngawih.





Kalo suangtuah ve dan chuan hmangaih tak ka tawng ve anga, chu ka hmangaih nen chuan pumkhata insiamin hmalam hunte hlim takin kan hmang dun ve ang. Chung ka suangtuah ve zawng zawng techu ka pa rorel vangin vawm bo ang hmak a ni tawh. Kum naupangtein ka hmangaih loh kiangah ka nunpum ka hmang tawh dawn anihchu!





Chaw ka ei hlei thei ṭhin lo bawk nen a hma zawng aiin ka taksa a tla a ka dang diau bawk. Vun ngo chi ka ni bawk nen ka dang tel leh lek phei hichu ka chhe ngawih ngawih viau ang.





"Nu, zanin chiah chu min chhuah tir ve hram ula" ka nu eirawngbawl chu ka zui kual dat dat reng a. Zan ka chhuah lohna pawh hi eng chen nge ka hre tawh lo. Chhuah ka phur zek zek pawh a ni hran lo Remsanga nau birthday anih vangin kal ve ngei ka duh bawk si.





"I pa thu thu"






Awi engkimah i pa thu thu tih zawh vek hi ka ning tawh lutuk.





"A ninawm ee...i pa thu thu ti ziah bik mai. Anih min dilsak tal rawh" aw ki hniam vakin lovin ka ti zui leh hram.





"Aw le thuawih la" tomato chan mawlh mawlh pahin a rawn ti sap chu ka ner nghal nang. Tunah pawh a thu ka awih vang alawm ka duh lo chung pawh pasal ka neih dawn tih nghek ka chak zawk.






"Min dilsak rawh" ka ti leh hram.






"Nu kha misual kha a hausa viau ami?" Chair pawtchhuakin ka nu bulah ka ṭhuthla ve nghal vat. Remsanga sawi hmangah hotel lian tawk a nei tih ka hria chumai bakah school anei ala ti cheu bawk a. Keini pawh hi khawsak harsa kan ni hran lo mahse keini ai thlawt chuan a hausa let tihna ania.





"Misual ti ziah suh, usawmkim ti ve mai ṭhin rawh" ka nuin a rawn ti zui hlak hlak chu ka mit ka chetkual ralh ralh. A hmingpum takngial pawh ka hre eih lo. Ka pa hian Sawmkim atih hi chu ka hre fo mahse a hmingpum lam kalo ngaihven miah lo.





"A sual reng alawm hmela kha" ka nuin ka banah min beng nghal pawp chu ka melh nghal rawm rawm.





"I ṭawngkam hi uluk ṭhin rawh nula i ni ve tawh, nu leh pa nei lo ani tawh tih hria la a rilru natna tur zawng engmah chhak chhuak suh ang che" ti hmuar hmuarin a thil zai a chhunzawm mawlh mawlh. Ka nu thusawi vangin ka ang nghal phuau. Nu leh pa nei lo ani tih ka hre miah lo. Ka khawngaih ve hial dawnin ka hria. Keimah zawk hi nu leh pa nei lo nita ila engtin nge ka awm ang le. Mahse ka lawm loh hichuan ka ṭawngkam hman hi kalo care sise hman lo ṭhin mahse khapa laka ṭawngkam uluk vak kha ka tum chuang der lo.





"Nu enge a hmingpum?" Ka nu tomato zaisa hmawm zauh zauh pahin ka ti hliai.





"Tu maw?"






"Misuala kha" melh deuh hain ka ti vak. Kan thusawi laiah midang kan sawi lo tih hriata hriatthiam ve mai awm.





"I mak Zorinpui koh loh loh hian ko ṭhin suh" lehlam hawiin ka nu tihdan ka zir kual ta vel. Ka hriat miau loh techuan min hrilh ṭhat ve mai awm min hau duah kher lo hian.






"Malsawmkima, û ang che" ti hlakin bowl ka ban leh chu chemte fawngin ka kutah a khawng nghal fawk. Thinchhiatah hichuan ka nu chiah chiah anih hi kalo chhun ni.






"Misuala, khawvela misualbera" ka nuin min tin deuh uaih rualin nui hak hakin choka aṭangin ka tlan chhuak chu misuala ka hmuh rualin ka hmui ka chip zui hmak. Enge hetah rawn tih a tum ni? A hmel ka hmuh rual hian ka mood a chhe nghal vek.





Tum deuh hmakin ka pindan lam ka pansan chu a nui ri deuh suk ka hre hman tho. Ka tukhum lam za mer merah min en zui reng tih ka hria mahse hawilet ka tum chhete lo.






Ka pindan ka lut chiah a ka phone ri pawh alo tawp ve chiah. Remsanga anih ringin ka pan nghal rawk rawk a, alo nichiah reng bawk. A rawn ṭeng ṭha leh ṭhak ṭhak ang chu.





"Hey ka phone"






"Hmeli i thi tawh ami phone lakna chang pawh hre lo" ka sawi tum pawh ka sawi zawh hma a a rawn ti vak chu ka phone ka beng bula aṭanga lasawnin ka melh vak. Ka rinsa reng kha ania. A call pakhat lek pawh pick loh chuan hetiang hian a awm ve ziah. Mahse ka hlau hran lo min hmangaih tih hi ka hria alawm. Amah hi mipa ni tho mahse pa zan lo an tihchi hi ani ve deuh bawk nen midang tel vak lo hian kan pahnih chauh pawhin kan inkawm thei lutuk tlat.






"Rapthlak eltiang thinchhebawrlawkpa enge" ka ti fan ruih chu kei aimahin ala rawn pawr leh zawk. Kan inbiak vel hichuan kan aw ka hi anem vak ngai lo hrim hrim bawk nen.






A nau birthday lawmdan tur vel leh min rawn hrilh nghal char char chu kalo nuihpui ve hak hak. A thusawi zawng zawng hi a nuihzatthlak vek zel nimai hian ka hre ṭhin.





Phone sa vung vunga kan inbiak hnuin kan dah ve thei ta hram.






"Hepa tak hichu" ti hliaiin thaw deuh hak a ka inher chu Malsawmkima ka pindan kawngka nghengin alo ding run reng chu ka phu deuh zawk. A hmel chu a chauh hmel takzet hian ka hria. Enga? Ka va en chik awm em em ve, hetiang hi ka duh miah lo.





Hna athawh nasat vang zawk nge. Mahse ka nu thusawi vang khan ka lainat deuh tlat pek anih chu. Keimaha ka inchan hian ka khawngaih thar pek nge pawh ka hre tawh bik lo.






"Enge hetah i rawn tih dawn?" Ka rilru putdan nen a inmil lo zetin ka aw chhuak chu a chang deuh fak. Alo ngaithlatu tan chuan ngaihthlak nuam chu ani lo ang mahse ka pawisa hran lo.





"Ka rawn hmu dawn che" ti thawp supin pindan chhungah a rawn penlut nghal vut.





"Hey lo lut ringawt suh misual" kati nghek chu a a lu a thing deuh nghut. Hriat thiam loh hmel zeta ka melhna techuan a nuih atiza zawk amawni lehnghal a nui deuh suk a. Nuihna chhan tur ka sawi pawh ni tawp silo.






Min rawn panhnaih zel vangin khumah ka lawna asir lehlamah ka dingthla a ka kut ka kuangkuah nghal hmak chu aban a phar deuh hluai. Ani palian si kei ka lian fahran lo bawk nen zawhte leh sazu inchangtawn vel hi ka intehkhin deuh ber.





"I duh duh a ilo luh theihna dan pawh a awm lo. I hmeichhia emaw i nupui pawh ka nilo" tih khum leh siahin ka dinna aṭangin ka pensawn a. Kawngka lam ka pan chu ka chhuahfel hmain ka kawngah a rawn manin min chawikang nghal nawlh.





"Min thlah rawh" ka ke ka leng nghek nghek a min pawm nghet tulh tulh. Eng hi nge a hriat pawh hi ka hre hrep lo ve. Innel tak pawh nisi lo hian engvangin nge ka taksa tawh hi a tum ve ziah.






"Khawvelah nangaia huat leh ngei ka nei lo i hria em...chuvang chuan ka hmuh phak lovah kalbo daih rawh" min dahthlak rualin alam hawi zawngin ka ti tawn tawn chu hmuhnawm thlir hian min thlir nimaiin ka hria.






"Keiin ka nei dawn thung che"






"Urrrghhhh" ka tihngaihna hre lo lutuk chu ka rak chiam. Min ti thinrim tawka khawsak dan thiam leh lutuk mai. Hepa leh ka pa pawh hi khawi aṭanga intawng kher kher nge an nih chai le.





"Ka hua che" ti leh tuarhin ka pindan ka chhuahsan zui nal nal. Khapa bula awm kha chakna pakhat mah ka nei lo. A bula ka awm hian ka thinrimna hi a inchhem alh hluah hluah hi ani ber.






Ka nuin chaw ei alo siam mawlh mawlh pawh chu puih tumna ka nei lo reng reng. Chair pawt chhuakin ka ṭhu tum bar reng.






"Khawnge Sawmkima chu?" Ka nuin a rawn ti zat. "Sawmkima sawmkima ti reng mai" keima hriat tawk tur lekin ka phun nghal mawlh mawlh.





"Engmaw i sawi?"alo la hre pha ṭalh tho anihchu.






"E kha Sawmkima kha maw, ka pindanah ka thata ka phum nghal daih" ngeiawm zetin ka ti ve kher. Ka hne hepa ringawt hi sawi mawlh mawlh zel mai.






"Zorinpui i ṭawngkam hi fimkhur rawh"fianpui a lek uaih chu mit chhing sawkin kalo indang nghal vat. Mahse min khawng bik em lo.





Ka pa leh misuala rawn penluh rualin ka ban ka dahthla a ka ṭhu ṭha ve nghal.





"Rawn koh che u kalo tum chiah a" ka nu bawk. He misuala hian kan inah chaw a ei ve dawn tihna ami?






"In i nei ve reng si" kan kil ṭhap hnuin ka insum thei lovin kati chhuak ta phawng. Ka pa a meng rum nghal al mai chuan min ti tim leh hnuhnawh mahse ka sawi zo vek tawh.





"Zorinpui" a rawn ti hluk chu ka rinsa vel, an ṭan hlur zel. An duhleh anmahni hian nei zawk sela, hetianga an duh hiam techuan.





Ka chawah dal chawm bawrhin ka bar nghal tawn tawn. Chaw ei ṭawp hi ka ngai thei ngai lo mahse hepa laka lan ṭawp vel hi ka chak tlat. Nidanga chaw tep ri ngai miah lo kha ka tep ri chuap chuap chu ka nuin min rawn mitmei nghal vat. Ka mit san akin ka runluih zel tho. Chawhmeh techu ka kuta chawkai nuaiin ka kut ngalngatin ka bankual ta vel. Ten sela chaw ei thei lo rawh se chu chu ka duh ber.





Ka nuin dawhkan hnuaia ka ke a rawn tlawh sawka ka phu deuh zawk mahse ka chetdan ka ṭhulh phah chuang lo. Misuala lah chuan ten hmel a pu duh der lo lehnghal, a nuih aza zawk amawni.





"Zorinpui" ka pain a rawn tih leh fak takah chuan ka kuta chawmal kainuai thing per nawk nawkin ka thawhsan a, ka kutsil nawk nawkin ka pindan lam ka pansan ta nghal hmak. Ka puar em em lutuk chu ka awm a nuam leh silo. Ka dul ka chul ka chul ringawt. Ka thinrim emaw ka lungawi loh tawh phawt chuan thil eiah ka ṭuan vak zel chuan duhaia puar a awl bawk.


,,,,,,,,,,,



"Rawn haw tlai suh ang che" ka pa thusawi vangin ka bu deuh nghat mahse ka haw hma phah chuang hauh lovang. Pasal min neih luihtir an tum vanga runluih ka chak. Kala zalen theih lai hian ka theih tawpin ka chen dawn ani tawp mai.





Misuala a haw tawh thunga, mahse ka kalna tur ka nuin alo hrilh nge ka haw dawna min lam tur thu a haw hmain ala sawi ṭalh anihchu! Pawn ka thlen rualin Remsanga pawh a scooty nen kawtah alo ding vang tawh.





"Wow kan nu hausa tur chu ava chhelo ve" a rawn ti zat zat chu melh rawm rawmin abanah ka chum nghal ṭawlh. Mahse a thusawi hi thudik lo a ni hran lo. Ka nulian vak lo a chu keima tawkah ka chhelo ve alawm. Ka vun a ngo a chuan ka thau lo. Thau viau hi ka hlauh ber a ni bawk.






"Mawla khatianga inchhaih kha ka duh hlek lo ania" ti hmakin a hnungah ka lawnkai ve nghal hmak. Ka duh lo tak tak reng bawk. Mahni lo maha rilru hah nen a inmil thlawt lo.






Remsanga te in kan thlenin anlo awm ve nual tawh. A nau present ka pe chu a lawmthiam ve lutuk tlat. A nau birthday anih vangin a nu pawh a khirhin ualau deuhin kan in ngam lovang tih chu ka hre tho mahse Remsanga'n a kawl leh vek tawh ang tih ka hresa vek.





"Hey, in tur lamte" inchunglam pana kan chho chu a bengbulah ka ti deuh sar sar.





"Lungngai suh atam" a rawn ti veleh vat chu ka nui nghal var var. Intur tamna lam apiang hi ka tleina animai. Mahse ṭawphnawk deuh bula tihchu ka peih chuang miah lo.





Inchungah Remsanga hovin kan ṭhu a kan in leh miah miah tawh. Rinaiin a in thei pawh kan tam ta zek. Inchhunglamah naupang ho an awm avangin hmunfal deuh kan zawng kha ania. Anni naupang lutuk kara tih chi a ni bawk silo.






Ka inhnem lutuk bawk si nen ka meng hlei thei tawh lo. Ka ṭhu bu leh lawp lawp ṭhin. A tlai tawh leh tawh lo hre tur pawn ka chiang lo ruai hi a ni ber tawh.





"Saw enteh" Remsanga'n min sawi deuh nawk nawk chu a hawina lam ka hawi ve vat a. Misuala step tawpa a ding run chu ka hmu phe ruai.





Min rawn panrualin ka bula ṭhu ber mipa tunge anih pawh ka hriat loh chu ka fawp nghal tawp!





Thlipui rawn tleh thut ang mai hian chupa lak aṭang chuan min pawt hrang nghal nawlh a. Ka ding ngil thei bawk silo nen ka ngheng zui nghal rawk rawk chu ka kawngah a dawmbet zui hmiah!





Min dawm reng chungin ka fawhpa kawrawm aṭhamin a phih ding leh lawp chu ka nuih zui har har.






"Hetiang thil hi thleng nawn tawh suh se" ti chang bawlin a ṭhamna a thlah a chhuatah a thalthla nghal huang huang. Midang pawh an rui ve tawh tho bawk nen tuman ngaihsak tumna pawh an nei hran miah lo.






"Zahpuiawm" tileh hlukin ka kawng a dawmna ati nghet sauh a. A thinrim insum tum lang chang ṭawlh ṭawlh techuan ka nuih ati za tlat pek anihchu.





"Haw ang" tihleh min penpui a rual nghal. Ka kal hlei thei lo chu ka inpal phei nawk nawk bawk. Min dawm nghet fe lo phei se chu ka tlu daih tawh ang.





"Kala haw duh hleinem" ti nawk nawkin ka ding bu leh lawk ṭhin chu min pawmkang nghal nawlh a. Chet pawh ka che hlei thei lo chu inchhunglamah min penluh puia naupang rual deuh lo awmkhawmin mak ti hmel deuhin min lo en zui haw haw hlawm bawk a. Ka ban pharkualin eng eng emaw ka sawi nawk nawk a ka nui zui leh ar ar ṭhin. Eng ber nge ka sawia ka nuihpui pawh ka hre tawh bik lo.





"Che tawh suh" ka tal leh phat phat ṭhin chu a rawn ti zui hluk. Ngawi rengin a awm lum vung vunga ka beirualin a thaw chhuak ham ham. Vin chiam chiam turin ka harhfim lo tih tepawh a hre ve animahna.





A motor dahna a thlen rualin lock a hawnga min nghat lut nghal zat. Seat a ka tukhum nawr tawkin ka mit ka chhing deuh diar diar a. A chang leh ka nui leh hak ṭhin. Ka z*ng deuh huih hi a ni ber tawh.





A rawn ṭhulut ve a min thlek deuh vung vungin motor a ti nunga a tlanchhuak zui nghal. Seat ngheng reng chungin alam ka hawia mitmeng si sapa ka melh chu a rawn hawi ve chiah bawk. A hmel landan ka hmu sexy ta riau chuan ka taksa a siam danglam vekin ka hria.





A tlan laklawh lai pawh sawi lovin ka ṭhutna aṭangin ka tho a, amalchungah alam hawi zawngin ka inrawlh lut nghal hmiah chu motor ti ding tuarhin a thaw nghal hawlh.



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » February 14th, 2021, 2:46 pm

ONLY YOU









CHAPTER-2








"Eng thil nge i tih?" Hamhaih hmel tepawh a pu ve deuhin ka hria.





"I hmuh ang hi" ti zangkhai vahin ka ṭhut hnai sauh sauh chu a thaw leh hawlh. Hetianga ka awmchhan pawh hi ka hre bik lo. A taksa hian min hip tlat chu chu ka sawichhuah thiam dan ber.





A phone rawn ri chu phun deuh hlukin a kekawr ipte aṭangin a phawrh nghal vut a.





"Tunge?" ring lenglawnga ka ti vak chu ka hmuiah a kutzungchal a rawn nawrbet nghal hmak. Ṭawng lo turin min duh tih ka hrethiam a nuih sakin ka bu ve nghat nghat chu a nui ve suk.






"Aw, ka bulah a awm" ka nuin a rawn bia tih ka hre nghal mai. Chuti nilo se abula ka awm thu hi a sawi ngawt nachhan tur a awm lo.





Phone a hmang mual mual chu a biang velah ka kutin ka thai riak riak a. A awmzawna thaithla zelin a kekawr kawng ka vawn rualin ka kut a man beta hnunglamah min dahsak hmak chu ka tum deuh bar. An inbiakna vel chu ka ngaihven zawm tawh lo hrim hrim.





"Misual"






"Teiveta" ti hlukin a phone hmalamah a thehkaia min melh nghal ngur.





"Hetiang chuan engtin nge ka khalh zawm tawh ang" ti supin min melh deuh renga. Tunah tak hian a hmel hmuh a hahdam kati riau anihchu. Eng rilru chiah nge ka put pawh ka hre tawh bik lo.






"Tikhan khalh mai mai rawh. Ka tlanbosan daih tur che sin nupui tur i nei lo animai" melh rum ve al al a ka ti vak chu za lutuk hian a nui chhuak hawk hawk.






"Min vau tihna maw?" seat ngheng deuh runin hahdam hmel zet hian min melh chu ka hmui ka tih pawrh khum ta vak. Harhfim ni ila ka awmdan hi ka in ngei viauin ka ring. Mahse ka ngaih asam miau a lawm le.





"Ṭhu ṭha rawh aw" ti supa min chawisawn atum chu a nghawnga kuahbet tlatin a awmah ka bei nghal hmak.




"Nooo...tihian ka awm duh" ka ti nghal chiam.





"Ok, tihian kan khalh tawh mai ang chu" nuihzat hmel deuhin ati leh zat. Motor tinungin engmah sawi chhunzawm tawh lovin a tlan chhuak ve mai bawka. Ka lian lo bawka ka tibuai pha lo ani chek ang abuai phah viau pawn ka hre lo.





"A lum glass down rawh" ti sepin ka kuah nghet tulh tulh chu a thaw leh hawk ṭhin.





A awma bei reng chungin kawngka lam ka hawia, boruak rawn thawlut heuh heuhin min chhem rualin mitchhing reng chungin ka nui var var. Ka sam a chhem len dar dar vangin ka nghawng kualvel pawh a thaw hauh hauh thei. Boruak anuamin hahdamthlak kati viau bawk.





A nghawng ka kuahna phelhin ka kut ka chet deuh sek chu a phun leh hluk ṭhin. Ka kut hi a awm hle hle thei bik miah lo amak lutuk.





"Accident i duh loh chuan awm hle hle rawh" hmalam melh ngura ati sup chu ka kut ka dah fel nghal thak.





"Good girl" ti supin a nui suk chu a awm a khabe nghat chungin ka melh chho ve kiau. Ngatinge zanin hi ka hmu ṭhat tak em em? Ka thil in kha helamah hian a thawk vek tihna ami? Ka awmdan tak pawh hi ka hrethiam lo ka ngaih asam mai bakah ka z*ng deuh vawk bawk si mak tak a ni.





A awma bei leh thakin ka mit ka chhinga mut chhuakin min rawn zem nghal chiai chiai. Ka inhnem lutuk vang nge ka inthing harh thei thlawt lo chu anih hmel.





Luak chhuakin chhunglam aṭangin min rawn pump deuh pup pup chu meng mang hlei lovin ka ṭhuthmunah ka uak nghal tuarh tuarh.





Motor a din dawt rualin a hawnna ka ban rawk rawk a. Pawn ka thlen rualin ka luak nghal nghek. Ka hnung rawn chum deuh dat datin ka sam hmalama tla niai chu a hui kianga. Ka zawi nghal hnawkin ka hria.





Leia ṭhunuaiin chet pawh ka tum tawh chuang lo. Ka mittui tla phung chu a kutin a rawn tuai hul a ka dawh mawl ve tawp. Ka pum ri deuh rawk rawk bawk nen ka ril aṭam lutuk.






"Ka ril aṭam" ti sepin ka ka ding nghal hluai. Ka pen tur chiah ka awn ruai ruai chu ka darah a rawn chelh a, penluih ka tum ngial pawn ka tlu dawn zel. Ka kal thei lo chu anih ber hi.





"Ngati nge engkim hi a vir mup mup a?" Naupang chhia ang mai hian ka dilchhut em em bawk si. Ka zawhna apiang ṭha takin min chhang ve zel nen lawm zet hian ka nui leh har har bawk a.





"Enteh maw ṭhianpa, ka pain misual tawk palian deuh mai pasalah min neihtir a tum i hre ve em?" Ka kun deuh lap chu rang zet hian ka hawi chhuak vah a. A hmel ka melh chho kiau chu chik zet hian min lo melh reng.






"Ihmaw khapa kha misual deuh kha neih ka duh lo. Ihmaw min ru daih mai rawh, nangmah ka nei zawk mai ang che"






"Immm i duh em?" Beisei nei zeta ka melh deuh ha chu a nui deuh suk.






"Ngati nge i nuih ringawt. Min duh lo a mi" men pur hian ka ti ṭiau. Mahse min chhang chuang lo.





"Kal ang leee" ka kut beng thak thak a pen ka tum chu ka tlu hlawm lo chauh. Ka kal thei lo hahthlak hian. Min pawn kang nawlh a tlak hlau zetin a nghawngah ka kut ka suihbet ve ṭai bawk. Kan hmalama eng uarh lampanin a pen zui nghal pawk pawk.





"Nang chu i fel. Khapa kha chu a sual si" a awm a beng thak takin ka ti zangkhai vah a.





"Chupa chu i haw viau ami?" Ka bu nghat nghat chu a thaw deuh hawk.





"College pawh kala zo lo. Tih duh leh tih chak tepawh ka nei ve bawk a mahse engmah kati thei tawh dawn lo" ka ṭah rawn chhuak thut nen ka mittui a luang nghal zung zung. Aw rawl chhuah meuhin ka ṭap zui hlawp hlawp anihchu!





"I tih chak zawng zawng chu iti vek ang" ti supin ka chalah a hmui lum thur thurin a rawn nawr vang vanga ka thlamuanpui ve em em bawk.





"Bang rawh le" ka ṭap uar tulh tulh thung. Ka bang hlei thei der lo, ka mittui a tla zel bawk si.





"Ka ril aṭam" inchhung kan luh rualin zawi zet hian ka ti sep a. Ka irh fiak leh ak ak ṭhin.





"Enge i ei ang?"






"Ihmaw kha misualpa kha maw talh la asa zawng zawng ka ei zo vek duh chuan pasal ka neih angai lo anga" ka ban phar kualin phur zeta ka ti chiam chiam chu a nui hawk hawk anihchu.






"Enge i nuih?" melh ram ramin ka ti nghal hlar.






"Ok...ka nui tawh lo" a hmui a chip zui hmuk chu mittui tla phungin ka ṭah nuih ta vel.






"Ka meng thei tawh lo mut ka duh" ti sepin a awmah ka bei leh a.





"I ril aṭam kha"






"A ṭam tawh lo" ti hlarin a awmah ka beng nghal dawt.





"Ok...thichhe hlir hlernu i mu dawn nia" ti supin min penpui leh pawk pawk a. Ka mit ka chhing chial tawh. Ka meng thei tawh lo a ni ber. Khawiah nge min pawm luh ber pawh ka hre tawh lo. Ka taksa zawi vek bawk nen ka ni deuh huih. Tu emaw nen an inbe deuh reng chu ka hre ruai ruai mahse tunge abiak tih hre tur pawn ka inthing harh peih tawh lo.





Khuma min ngahthlak rualin ka meng ṭawk ṭawk a. Pensawn mai atum chu a banah ka vuan nghal tlat. A bak engmah mumal a hriat ka nei tawh lo.


,,,,,,,,,,,,


"Zorinpui tho rawh class i tlai dawn" ka blanket sin ka nuin a rawn hilm thawka ka mawngah a beng zui thlawrh chu meng mang lovin ka inkuah khawm ṭha sauh sauh.





"Tho vat rawh" ti vin hlarin min tung tho nghal nawlh a, ka mut ala chhuak ngawih ngawih.




"Nu reilote chiah" mutthlak leh mai ka tum chu ka hnung ari nghal dawp. Ka harh chiang khawp mai. Zing kar aṭangin ka nu thinchhetei hi alo meng ling leh hlar tawh.





"I rimchhiatzia kha i hria em?" a chal ti chuar a ner nawng nawng chu phak chuap hian ka melh reng.





"Engtin nge ka rawn haw?"





"Rapthlaknu khawiahmah i chhuak tawh ngai lovang..Sawmkima'n a rawn dah che. Zahpuiawm lutuk"





"I nundan hi sim tum ve tawh teh" kawng dawm ata a ti hlak hlak chu ka nuih tlawn ta vel. Enge ka la zalen theih laiin ka chen ani ve maia ka hurbo pawh ni hlei lo techu.





"Va intifai vat rawh. I pain a hriat chuan a thin arim viau ang" ti hlak hlakin ka pindan a chhuahsan chu khumah ka thalthla leh nghal tawp. Ka zawi ngawih ngawih bakah men ahar lutuk. Ka lu na deuh ngut ngut nen class kal ka phur hlawl lo. Mahse khawlai chhuah ka chak tho bawk si.





Washroom a lutin nizan ka kawr hak ka hlip chu ka luak lo chauh. A rimchhia tih piahlam a ni, luakrim anam deuh rum rum bawk si. Washroom kil lama vawm hlawm tawpin ka inbualsan nghal daih. Ka su peih teuh lo mai.





Chaw eikhamin hmanhmawh deuhin ka insiam zung zunga.Zing dang zawng aia ka thawh tlai vang nge hmanhmawh vet vet tak ka ni. Ka pa pawh a inpeih leh daih tawh ka ring. Mahse mihnuaia hnathawk anih lohna laiah ani chu a duh hun hunah a kal thei. Damdawi dawr hi hmun hnih laiah kan nei a pakhat chu ka pain a awmchilh rawt a, pakhat zawk erawh a tlawh ve reng thung dawr nghakte kuta a dah chang atam zawk bawk. Class chawlhin ka pa awm tam lohna lam chu ka pui ve zauh zauh ṭhin bawk.





Chaw eikham hnuin ka pa nen kan inphur chhuak a. College thlen hma chu min biak ka chhan zauh zauh bak keimah phei chuan ka be lo hrim hrim. Chawhnu lam kan bazar dawn avangin class pawh chawhma chiah ka kal dawn mahse ka phur hlawl lo. A chang chuan tlanbo daih maite ka chak rum rum.





Rilru pik ṭunin class-ah ka ṭhu veta reng. Remsanga min biakna pawh hriat mumal loh chang ka ngah, min vin leh ṭhat ṭhat ṭhin. Engmah hian min ti harh thei lo a ni ber. Khawilaiah pawh awm ila boruak rit churh hian min delh reng avang hian ka hah hluah hluah.





"Remsang chawhnu chu lo kal vela" zawi zet hian kati sep a. Min melh deuh ha reng chu a hmaiah ka nem nghal vak.





"Lo kal lo tawp rawh" ti hmakin ka hawisawn nghal daih.





"Hmeli ka rawn kal dawn lo tih pawh ka sawi loh kha" ti hlarin ka hnungah a rawn chum zui ve dawt a. Hepa nen hichuan kan inkhin tawk mai bakah hian kan thinchhe dun bawk si. Ṭawngkam ṭha a inbiak kan nei khat viau chung pawh hian kan inngai em em tho. Hmeichhe dang bula awm aichuan ka ṭhianpa thinchhe deuh bul a awm hi kala thlang fe zel. Mipa pangngai ni phei se chu kha misuala neih ai khan ka um daih duh ang mawle.





"Hey pa thut la min nei daih mai la" dawhkana bawh zawi ngiaiin alam hawiin ka ti zui sep chu a nui nghal uarh uarh. Hepa mak vak vak zia hi mi kan mangang em em a min hnem lo ve ropui si.





"Mawla nui vak vak la i khabe kha nuibal daih rawh" ti hlarin ka hawisawn hmak.





Chawhma kan hman liam meuh chuan lungawi tawkin bazar lamah kan inzui leh ta dat dat tho. Ka nu leh Lalpuiin min nghah tawh thu an rawn sawi a. Taxi lain bazar lam phur fahran lovin kan pan ve ta thung. Kha misuala ve thung kha chu hna angah vang aniang a rawn kal ve dawn lo, ka thawveng huai zawk. A hmel hmu renga awm kha ka peih lo.





Ka ṭhian atan ka cousin Lalpuii ka hmang dawn a. Amah hi ka nu nau chiah fanu ani thunga, kei aiin kum hnihin a upa zawk bawk. Hmeichhe ṭhian ka kawm chiam loh vanga ka cousin hmang tur pawh hi ka ni chiah.





A ni hichu hmeichhe fel leh kohhranah pawh a theih ang tawka inhmang ṭhin a ni. Kei ang lo takin chhungkaw duat rawn pawh a ni bawk. A puitling fe zawk. Duat tlak ka awm loh vang tepawh anih ka ring mahse ka thik ngai lo.





Mo kawr kan enlai tephei chuan ka huphurh leh mangang lutuk hi ka ṭap lo chauh. Ngawi rengin ha tura min tih ang ang ka ha kual ve mawp mawp tawp.





Nalh ka tih leh ka duh zawng thlang tura min tih pawn an duh duh anmahni zawkin a thlang turin ka hrilh mawl ve tawp. Ka chawmawlh vek, rilru pangngai pawh ka pu hlei thei lo. Remsanga lahin analh tih zawng a kawk kual char char a chung techuan min ti pik ngawih ngawih zawk. Engmah lah hi a hrethiam ve der silo.






"Zorinpui" ka phu nghal chiam! Min kohna kalo hre miah lo.





"Enge i ngaihtuah?" Remsanga'n hriatthiam loh hmel deuh a min rawn en chu za vakin lovin ka lo ṭhen sak.






"Ih Remsang....ah ngai leh lo" ti sepin a thil khai kala a ka kalsawn tur chu ka kawrhnungah a rawn pawt leh hram.





"I ṭha em?" Ka ṭah a chhuak ngawih ngawih. Engmah hian min ti phur zolo a ni ber.






"Min ngaihtuah suh ka ṭha" hawiletin ka ti sep mahse min awih loh hmel khawp mai. Min hrechiang a ka lawngawi loh pawh reilote chhung min en ringawt pawn a hrefai vek zel. Chutiang tur khawp chuan kan inzui nasa bawk.





Tihluihna tak tak nen ka nuih leh hram takah chuan min thlah ve ta hram. Ka nu leh Lalpuii chuan min rawn ngaihven lo hrim hrim thildang min ensan char char.





Changing room ka luh rualin duhthawh lutukin boruak ka hip nghal kawk kawk.






Ka thawmhnaw ka hlip a full mirror hma a ka thla lang dang diau chu enin ka thaw hak. Ka chauh hmel ngawih ngawih. Ka ngaihtuahna vah thuitir duh lovin ka lu ka thing zui nar nar. Ka ngaihtuah vak vak vang khan ka pain a thuthlukna a sawhsawn dawn chuang lo keimah ka inti hah thlawn mai mai zawk.






Remsanga'n mo kawr min kenluhtir chu ka inthawlh zui mawlh mawlh a, a hnunglam zipper ka zip tur chu ka ti thei der lo lehnghal. Ka mood nen a inmil lo lutuk ka thin arim hlur tawh zawk.






"Hetianga thil tih harsa techu engvanga min haktir chhin nge maw anih reng reng le" keimahin ka phun hlak hlak reng.






"Remsang"






"Lalremsang min rawn pui teh" hnunglam ban chawt chawtin kati bak hlar mahse chhanna ka dawng chuang lo.





"Lalremsang" kawngka a rawn inhawng a min pui turin ka ti nghal hlar.





Ngawi rengin ka hnunglam ka dawh ve mai chu full mirror hma a thla lo lang ve ka hmuh rualin ka meng nghal kawk.






"Hetah enge i rawn tih dawn?" ti nawk nawka inher ka tum chu ka kawngah nghet lutukin a chelh a ka inher thei lo chu a ni deuh der. Hnaah a buai tikhan ka nuin min hrilh a kalo lawm ve hman tawh nen a rawn lang leh ta tho.





"Min thlah rawh" sehchilh ranin ka ti hlak. Full mirror aṭanga min rawn melhin a nui suk chu ben pawp pawp hi ka chak. Ka hua tih pawh a hre reng engvanga min hnaih taka awm tum tlat hi nge anih pawh hi ka hrethiam hrep lo ve.





"Misual min thlah" ka sawi zawh hmain ka hmui a rawn hup a, alama min pawt hnai hrawkin ka beng bulah a rawn kun hniam nghal zat.





"Shhh...thawm chhuah suh eng emaw ti turah min ngai ang" ti supin amit ti zim sunin min melh reng.





Ka hnunglam ka zip theih loh lang ruak vek tawh chu a kutṭangin a thaithla riak riak a, ka ding khawng nghal zawt. Ka ṭawng dawn a ka hmui a hup bettlat bawk si, tal chiam ka tumlahin min kuahna ati nghet tulh tulh bawk. He misuala khawsak zia hi pakhatmah hriatthiam pawh ka nei lo.





Ka hnunga thaithla zelin ka kawrhak chhanah ka mawng a hrawm tawk chu inring hman lovin ka ṭe zui ṭhat. Ka hmui a hupna la sawnin a lam hawi zawngin min kuaiher lawp a ka biang tawn tawn a dawmin inrinna hman pawh awm miah lovin ka hmui a khar chilh hmiah.





Ngen ngawl zeta min fawp ngawng ngawng reng chuan ka thluak ati nu vekin ka hria. Engtik laiin nge ka chhanlet ve pawh ka hre lo. Rum chhuak nghutin a kut lehlamin ka kawngah a dawm a. Dingdihlip ak akin a nghawngah ka kut ka suihbet ve thung.





"Sexy" ti supin ka hmui si reng chungin a nui deuh suk, keimah zawkin duhthawh lutukin ka fawp hmasa leh anihchu! Eng rilru nge ka puttak pawh hi ka hre lo.





Banga min nawrbetin a nghawng ka kuahna min phelhsak a, ka kawrhak kala zip phui ṭhat loh chu ka dar tawn tawnah a huiliam a bra nen chauh ka awm tawh.






Ka dar ruak kang a hmui lum thur thura a nul kuailai techuan ka lamah kalo pawthnai ṭawk ṭawk zawk anihchu!





Ka hnunglama zenlutin ka bra kilhna a hmet phelh a, a kut lawnga ka hnute a hum rualin ka thaw nghal hak. Ka ngaihtuahna a nu vek. Tunah tak hichuan he misuala bak hi ka ngaihtuah hlei thei lo. Ka hnute hrawm tawn tawnin a rum deuh dur dur techuan min tiphur zawk mah.






Min fawp ngawng ngawng chungin ka kekawr chhungah a kut a zenlut chu vurtuia leih ang maiin ka harh nghal zawk. Ka awmdan hi ka inzahpui lutuk. Engtin nge heng thil hi ka thlentir theih zawk? Lo dan emaw pawh tum miah lovin a khawih ang angin ka awm zawk!





"Min thlah rawh" a awmah ka nem nghal dawt. A mitah tak ka melh ran,a ni pawh a pangngai tawh bik lo tih ka hria mahse a aia thui ka kalpui thei lo. Ka huat em em laiin min khawihna kha kalo dawngsawng ṭha em em lawi si techu rapthlak ka inti ngawih ngawih.





A awma nem leh dawtin ka tawlhsawn a, pangngai tumin ka mit ka chhing a thawk kala vak bawk. Min hmuhsitna tur thil ka tihtir thei lo. Ka hua chutiang anga awm reng chu ka duh zawk.





"Zorin" min hnungchhawn zawnga la ding rengin a rawn ti sup. Chhan pawh chhang lovin ka bra ka kilhṭha nghal mawlh mawlh.





"Enge i hriat a?" Ti nghutin min kuaiher lawp chu rum lutukin ka melh nghal rawm rawm.





"Ka hua che i hria em. Heta ṭang hian chhuak nghal rawh" sehchilh ranin ka ti hlak chu a ṭhen deuh sak.





"Min hua mahse i taksa chuan min mamawh thung" ben tumin ka kut ka lekkang nghal a, ka banrekah alo manbet nghal hmiah.






Ṭawng chhuah tuma ka ang ziau chu pawnlama Remsanga ṭawng lang lang ka hriat vangin ka ngawi leh ta zawk. Kan inhnialbuai leh vak anihchuan kan awmdan kha midangin an hriat ka hlau ve tho.






"Pawnah kalo nghak ang che" mit siai zauhin kawngka lam a pan nghal a. Huatna nen a hnung lam aṭangin ka melh ngawt ngawt thung. Engmah ngaihtuah miah lovin min khawihna zawng zawng kha kalo dawngsawng ṭha em em zawk chu ania. Keimah pawh hi ka inhaw hlur tawh.





Pawnlama ka nu tenen an inbe lawng lawng ngaithla chungin ka ding khawng reng. Mawl ka inti hluah hluah. Tunah khan a duh ang takin min khawih tase ka rilru afim rualin keimah inhuat lutuk vangin rilru mumal pu lovin ka che duh hial ang. "Mawli eng rilru nge i put?"ka lu ka thing nghal nawk nawk.





"Awi i nalh lutuk" Remsanga phur lutuk hmel chu ka ṭah a chhuak zawk. Malsawmkima ṭhutna lam ka melh zauh a hriatthiam har zetin min melh ve run reng chu rei pawh en duh lovin ka hawisawn nghal hmak. Nichina thil thleng vang pawha ka pangngai tawh loh nen min melhna ringawt pawh hian hriatthiam siloh hian chhunglamah min ṭham.





Kan inlei fela keini lam chu in lam kan pan a, Malsawmkima thung chu hna pawimawh a neih vangin hotel lamah a let leh ta thung. A awm lova z*ng hawk awm zawk hi ka pik tulh tulh.





Kan in lam pawh an inbuatsaih deuh mup tawh a. Lalpuii pawh kan inah a rawn riak deuh chawt tawh. Nuteite leh midang ho chu an hna ṭheuha anla buai vang nge an rawn lang tam vak thei lo zawk a. Mahse amawi tawk chu an rawn lang ve tho chuan ka hria.





A ṭhenin ka vanneih thu min hrilh cham chiin min lawmpui thu an sawi lawp lawp a. Chung takngial pawh chu ka nuihpui hlei thei lo. Ka dam lo thei dawn takngialin ka hria.





Ka nu leh pain engtik laipawn pasal telaka awmdan mawi min fah reng bawk. Ngaihthlak hneawm khawpa tam min hrilh tawh. Ka beng lehlamah aluta lehlamah a chhuak nghal zel hian ka hria. Engmah tak tak ka ngaihtuah thei lo. Ka ngaihtuahna a tawi tuk a ka hawina lamah ka hawi zo vek.



,,,,,,,,,,,


"Bawihte, Sawmkima alo thleng ania" ka nu ka pindan a penlut chu ka hmaa darthlalang aṭangin ka melh vang vang. Ka dinhmun hi hrethiamin min tirlui lo hram se ka van ti tak em. Ka pa hnenah lah engmah ka sawi ngam tawh bawk silo. Ka nu lahin ka pa thusawi apiang chu a pawm duak duak zel si.





"Imm ka hman" ti sepin ka ṭhutna aṭangin ka ding chhuak a, ka nu dinna lam ka hawi nghal vat.





"I nalh lutuk" ka nalh ka hria. Ka inchei chuan engtik laipawn ka nalh ziah reng a lawm. Min chawhphur nan a sawi tih pawh ka hre reng mahse ka nuilui thei thlawt lo.






Ka pindan aṭangin ka nu nen ka inzui chhuak a. Living room lamah misuala leh kapa an lo titi mawlh mawlh thung.






Living room kan thlenphei rualin an thusawilai tawp deuh hmukin misuala'n min rawn melh a a nui deuh suk bawk. Mahse nuih let eih lovin rum lutukin ka melh zawk. Theih nise hepa ber bur hi thawnbo daih ka chak. Ka nun hremhmuna chantirtu diktak anih hi. Ka haw hluah hluah.






"Nuam deuhin hun va hmang ula" ka pain a rawn ti chuar chuar a ngaihsak peih lovin kawngka lam ka pan ta nal nal. Ka pa ani a ka tette aṭanga tun dinhmun thleng ṭha taka min enkawltu a ni tih hre tho mahila ka chunga a roreldan avang hian ka haw ve tho.





Zanin pawh hian a nuteite chhungkua hmu turin min hruai atum chu ania. Ka bulah erawh a sawi hmasa lo thung. Ka hnial ngei ngei dawn tih a hria ani chek ang ka pa bula sawiin ka pain thu min pek chhunzawm nghal zat bawk.






A motor bula ka din reng tawh hnuin ka dinna bul a rawn thleng phei ve chiah.





Kawngka min hawnsaka ka ṭhulut tur ka kawnga rawn manin alamah min pawt hnai nghal hrawk chu ka tal zui laih laih. Ka kawng akuahna ka sik vak chung pawn min thlah chu khawilam min kuah nghet tulh tulh zawk anihchu. Ka huat zia hi hre ngat se hnaih pawh min hnaih peih lo zawk ang.






Ka dar lehlamah ka sam a hui liam a. Ka kawrin a khuh phak loh chin a hmuia arawn nul kual dun dun chu na lutukin a nakah ka nghawk nghal sawk a, a thaw hawk chauh lehnghal.






"I nalh takzet" ka benga seh zauhin a rawn ti sup a. Kei ka ding khawng at thung. Kei ang tho a nula la naupang tak rilru lakpendan chu a thiam khawp ang. Tenawm zawk hian!






"Misual min thlah vat mai rawh" ti nghekin min kuahna ka pawt nghal hlawk hlawk. A bulhnaia ka awm tawh phawt hichuan keimahah thinrimna hi a inmung khawm nghal tup tup zel.






Ka inrin hmain ka awmah a kut a rawn nghat a ka hnute a ṭham tawk chu ka rak deuh ṭhat.






"Min thlah rawh" ti tuarhin ka tal zui nghek a. Min rawn awm hnaih leh salh ruala ka kawng zawna min do runtu a awm takah chuan ka chelai pawh ka tawp nghal chawt.






"I thinrim hian i sexy zual tih i hria em" ti supin ka tukhum lamah a hmuiin a nawr tawk a. A thaw deuh hawlh hawlh chu che miah lovin ka ding ve ta reng. A khawsakdan phung hian ka awm ati nuam lo zo vek.





Ka ngawih reng takah chuan min thlah ve mai bawka. Ka thinrima ka ṭawngkhum chiam chiam hian ka chhaihkawlh zawk ni tehian ka hre hial.





Kawngka a hawn rualin ngawi rengin ka lut zui nghal vat. Hmalam aṭanga motor a rawn kal hual chu ngawi rengin ka melh ve reng. Mipa hmelṭha tak tia sawi tur chu nilo mahse hmeichhe rilru tibuai tur khawp a chhe lo a ni thung. Enga? Chung chu engtin nge ka ngaihtuah theih zawk. Mawl inti lutukin ka luah ka kuk nghal fawk chu hriatthiam loh hmel deuhin min rawn en.





"Enge?" Ti bak hlarin hmalam ka hawisan nghal hmak. Nakin zelah pawh hetiang rilru hi ka pu tawh tur a ni lo. Kan lo innei ta anih pawn hun remchang ka hmuh hmasak berah ka ṭhen nghal bawk ang. Hetiang in phuarbehna thila tan reng hi ka tum lo hulhual chupawh ka mipa hmangaih nilo nen ngat phei chuan.






Motor chhung boruak rit deuh churh chuan min ti chau vek. Inbiak chu sawi loh nelawm loh leh biak chakawm loh khawpin a hmel a rum leh vek tawh. A ṭawng chak lova keipawh ka ṭawng chak chuang lo. Mahni ngaihtuahna ve ve kan kawm tepawh animahna. Mahse kan inbiak loh hian ka lawm daih zawk. Ṭawngkam ṭhain engmah kan sawi ngai tak tak chuang lo.





Ka phone rawn ri deuh chur chur chu ka bag ka hai rawk rawk. Ka phone ka la chhuak a Remsanga hming lo lang va va ka hmuh rualin ka nui nghal sang. A hming ka hmuh zawng ringawt pawn ka mood a inthlak vek thei ania ka ṭhianpa hi chu ka hmangaih ve thlawt.





"Hey" phone ka benga ka nawr beh rualin ka ti nghal hliai. Malsawmkima rawn hawi zauh chu ka mitsirin ka melh ralh.





"Hmeli khawiah nge i awm?" Pawr lutukin a rawn ti nghal vak. Kan inbiak khat deuh pawh hian inngaih vanga nem taka kan inbiak pawh hi ka hre lo.






"Ka chhuak a"





"Engtikah nge kan inhmuh dawn?"





"Zaninah maw?!" Ka ti nghal vak. Zaninah chhuahna tur engmah min hrilh ve miah lo bawk nen ka bo deuh hu..





Min biak leh tur thu sawiin phone ala dah daih zui. Hepa han at em em zia hi. A bulah ka awm chak ve reng si. Tunah inah ka awm loh vangin chance ka neih ṭhat nen.





"Tunge i biak?" A ṭhutna lam ka hawi nghal vat. Steering her kual mawp mawpin hmalam a melh ngur chu ka chhang talo law law.





"Tunge i biak ka tih chu?" A rawn ti leh hmuk chu ka ner nak.





"Ka duh duh" ti deuh hmakin glass ka down a pawnlam ka hawi nghal vauh vauh. Ka duh duh ka bia ang a ni lo hriat ve zel aṭulna a awm lo.





"Zorinpui"






"I hriat ve zel angai thlawt lo"ti nghekin seat ka ngheng dawp a mit ka chhing zui hmak.






"Zorinpui"ti khur khurin motor a ti ding dawt a, ka meng nghal zawk. Kalo inring vak lo nen hmalamah ka bu phei lawp a mahse ka intauh em bik lo.






"Enge ilo thinrim ve vak vak a. Ka duh duh be turin zalenna ka nei ve. Chuan heihi hre rawh hmangaihna vanga innei tur kan nilo sawirem chawp anih hi. Ka nunah ilo buai ve vak angai lo" ka sawi zawh rualin min rawn hnaihchilh nghal rawk rawk.





"Tunge i biak chu sawi mai rawh" ka hmai bul chetah sehchilh run hian a rawn ti hluk, a hmaiah ka nem nghal vak! Ka mimal nun thleng thlenga rawn control theihna dan a nei lo hrim hrim.





Ka malchunga ka bag dah a la lawk a, a hai nghal rawk rawk chu ka ban ve nghal vat.





"Min pe rawh" ka ban a vaithla nghal lawp chu ka thinin a tuar tawh bik lo.





"Min pe nghal rawh" tileh nghekin a samah ka ṭham a, ngai pawimawh lo zetin ka phone ka hmai zawnah a rawn lek chhuak nghal va va chu lock ka hawnsak duh bik der lo.





"Hawng rawh" ti hrawkin ka bag motor hmalamah a thehkai zui hmak. Asam ka ṭhamna ka thlah a, ka phone a kenlai phihthla hlawkin motor kawngka ka hawnga ka chhuak zui nal nal.

💜💜 Ads i la click ve lo a ni maw? A hnuaia ads milem khu lo click ve rawh le 👇
💜💜 Ads i la click ve lo a ni maw? A hnuaia ads milem khu lo click ve rawh le 👇
💜💜 Ads i la click ve lo a ni maw? A hnuaia ads milem khu lo click ve rawh le 👇

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » February 14th, 2021, 2:46 pm

ONLY YOU









CHAPTER-3








"Rawn lut rawh" ti hlukin motor aṭangin a rawn chhuak zui vut a, ngai pawimawh lo zetin ka hmalam ka pan hlawk hlawk thung.





"Zorinpui" ka vir let nghal nawk!





"Min thlah vat mai rawh" ti nghekin ka ban ka vai zui pawp.






"Hmeichhe naupang huaibak zet thlem reng hi ka chak hran lo" ti nghutin motor lama min kaih phei a tum chu ka ṭang tlat. Hmeichhe naupang ka nih loh mai bakah a thlem pawh ka ngai bawk lo. Amah zawk thinrima bul ṭan hmasatu ni reng si min puhlet hlauh zawk ania.





"I zak lo. Min thlem ka ngai chhete lo, thinrima min khawsak khum hmasatu chu nangmah i nihkha" ka kutzungchalin a awmah ka kawk dawt. Ka hlauha a duh duh dana ka awmbik na chhan tur hi ka hre lo.





"Tunge i biak kha sawi harsa a ni em?"






"I lo hriat ve kilhkelh kha angai em?" A ṭawng chhuah ang kherin kati zui ve kher chu a hmai tuai puatin a thaw deuh hawk. Ka pasal ni nghal ang hrim a a khawsa vel ka huatzia chu pui tak a ni.






"Enteh ka chunga thuneih vak hi tum duh suh chung chu a thleng thei ngai chuang lovang" dak vahin kati ve kher.






"Ka nupui tur i ni, chuan i chunga thuneitu pawh kala ni thuai ang. Ka thu thu a awm tur i ni tihna nihchu!" Ngeiawm zeta a rawn ti hluk chu ka sa pup pup. Hah! Ka awih thei lo zawk zahna atlakchham em em zia hi sawingaihna pawh ka hre lo.





"Nang anga mipa zak thei lo hi an awm leh pawh ka ring tawh lo" ka sawi pangngai nge ka au pawh ka hre hrep lo.






"Zakthei lova hian a nei dawn thung che" nui sukin ka hmai bul chetah a rawn ti sup.





"Urghhhh" ka thinrim em em laiin min ti thinrim belh zawnga khawsak a thiamzia hi maw. Ka thinrim viau laia a nem leh lawi si hian min ti sa pup pup zawk.





"Hmela" melh rawm rawm a ti hlarin a keah ka rap nghal sawk. Na ti hmel pawh pu lo hian a khabe tuai zauhin min la melh zawk ania.





"Kal ang min nghaktu an awm"






"Aw i kal duhnaah chuan kal la, keipawh ka kal duhnaah ka kal ang"ti hmakin ka ban a vawnna ka thing nghek. Ka thingthla lem chuang lo.






"Luhlul chhuah suh" ti hmukin min kai phei nghal dat dat. Tha angah si ṭang ve eng ang mahila a sawt lo khawp mai.






"Thuawih ang che"ti hmukin kawngka a hawnga min nawr lut nghal nawk! Engvangin nge a sual thiam em em le. Ka ngei hluah hluah lutuk hi melh puah pawp ka chak.





"Tunge rawn betu che kha"a rawn tileh sup a, chhang lovin ka ngawi ngar reng. Luhlul min tih hmel fe hian min melh a a thaw deuh hawk bawk. A hriat ve zel aṭulna pakhatmah a awm lo.





"A ṭha e luhlulnu" ti hmukin motor a start a tlan chhuak zui nghal. Thuawih deuh chuan ka zui veleh mai chu ania.





A nutei te in kan thlenin min lo lawm chul a. Hetiang tawh a nelawm loh zeta awm thil dik a ni tawh bik silo ka ṭang ṭung reng hi a ni ringawt. A nutei leh a pasal leh an fanu nula senior hmel tawh deuh pakhat nen an pathum chauh chuan ka hmu. Midang awm an awm velo anih ka ring tumah hmuh tur an awm tawh lo. An inchhung en reng reng pawhin an khawsa thei fu tih a hriat ngawih ngawih. An inchhung bungrua engkim a felfaiin a changkang em em vek. Kan in nen ka khaikhin a kan in lakah chuan anuteite in pawh hi pui tak hi a ni tawp.






Inchhung kan luh aṭangin min care em em kalkawnga inhau buai tekha khawnge an awm tak tih tur khawpin kan inthup thiam ania. Ka kut hi athlah lo ani ber mahse a chhungte lam kianga kan awm vangin ka ngai pawimawh duh ta bik lo. A nutei zawkin min biak seuh seuh reng avangin rin ai tak chuan ka awm ve thei ta phian. Chaw pawh kei ang lo takin ka ei ve ṭeuh. Mi in a chaw ka ei hian ka ei mang ngai lo ania mahse helai hmun chu min tih tlangneldan an thiam vang nge nuam ka ti ve phian mai.






"Zorin hna pawimawh a awm thut a" chaw eina kan sengfel mawlh mawlh laiin choka lama rawn dak lutin a rawn hi hmuk chu a dinna lam ka hawi ve nghal vat.





Rawn penlutin ka hnungah a rawn dinga a kut lehlamin ka kawng a rawn dawm zui zat chu ka ṭang nghal ṭeuh. Midang awm ve rengna karah engtin nge a ngam zawk.




Ka kawng a dawmna pawh phelh ka tum chu "awm hle hle rawh" ka beng bulah a tizui sup a,ka beng aseh leh zauh rual phei chuan ka khawng vekin ka hria.






A nutein min lo fiam pah zauh phei chuan ka zak lutuk hi ka biang asa ham ham thei. Inhmu thei ngat phei ila chu ka sen vekin ka ring.






"Hna chu ngaih pawimawh ṭhin tur" a nutei bawkin a rawn ti zui leh vat a.





"Aw engtin nge niang?"zam lutuk a ka ti ve nawk nawk chu ala nui suk zui. Midang kianga kan awm vangin ka pawr hlar thei bawk si lo bakah min dinchilh run reng bawk si nen ka awm ati nuam lo vek.




"Hetah lo awm se, rawn hruai leh mai rawh" a nutei zawkin a rawn ti zui zat, tih vak ngaihna pawh ka hre lo. Tunah abula ka kal nghal chuan kan in a min dah leh phawt angai anga hna thilah ka pawt buai ang tih ka hlau ve tho. Khawia nupui fel ber ang zia zangin chung chu ka ngaihtuah a nia. Ka nuih te lam lam aza zawk. Bakah ka in awih thei hlawl lo.






"Hetah lo awm rawh aw, ka rei lovang" ti supin min kuahna a phelha min chhuahsan zui nghal.





A chhuah hnu rei vak loah living room lamah kan ṭhukhawm a. Eng eng emaw min zawt siam siam reng chu ṭha takin ka chhang ve zel. Nula pangngai tak tepawh ka ang ve ṭanin ka hria. Bakah an ṭawng duh chhungkua a an bula awm alo hahthlak vak lo nen ka tlangnel ta riau.






Ka phone rawn ri chur chur chu ka bag aṭangin kala chhuak vat a.





"Min lo hrethiam mai ru" ti sepin ka chhang nghal vat.





"Hmeli khawnge i awm?" Remsanga aw ka vin lutuk chu ka ner nghal nang nang. Hetianga bul a rawn ṭan tawh hichuan mizinga biak chi ani lo tih ka hriat avangin ka tho chhuak a choka lam bawk ka pan ta nghal.






"Hetah mi inah chaw ka ei a" inchhunga awm reng kala nih avangin ka aw ki kala san ve ngam ta chuang lo.






"I awmna lo sawi rawh ka rawn lam ang che kalna tur kan nei"






"Aaa avan buaithlak awm misuala khan min rawn lam dawn sia"





"Awileh engtik laiin nge i pasal tur chu ilo ngaih pawimawh tak a" nui kawr kawr chunga a rawn ti chiam chu ka vin nghal hlar.






"Chutiang engmah a awm lo"sehchilh ran hian kati hlak a. Ṭawng rinna chi a ni bawk silo a hahthlak zawk.





"I lo kal dawn nge dawn lo?"






"Dawn" inngaihtuah nawn eih lovin ka kal tur thu ka hrilh nghal hmiah. A nuteite bulah chuan chhuanlam ka siam tawh mai ang. Bakah min rawn lam har phei chuan ka tan a nuam dawn lo lutuk.





Ka awmna ka hrilh hnuin min rawn lam tur thu sawiin kan inbiakna kan ti tawp a. Choka aṭangin ka pen chhuak zui ve nghal.






"Ih ka ṭhianpain min lo lam dawn a"






"Mis...aw usawmkima khan a tlai tur thu min rawn hrilh a, chuan ka ṭhianpa rualin kalo va haw mai ang" ka ṭhutna a ṭhuthla lehin ka bag-ah ka phone ka thun zui nghal a. Mahse kal chhuah nghal vut vut ka tum lem lo achhan chu ala rawn thleng lawk dawn chuang lo.






"Aw anih techuan aṭha alawm" a nutei bawkin a rawn ti ve luam chu lehlam hawiin ka ṭhensak. Dawt ka sawi ringawt ania. Misuala khan hria se chu a lawm lo khawp ang mawle mahse ka care si se peih vel lo. A nipawn ka duh lo chung min neih luih a tum tho.






Reivak lo ka ṭhut lehhnuin Remsanga'n a rawn thlen tawh thu min rawn hrilh a, ṭha deuha in mangṭhain pawnlam ka pan zui ve ta nghal.





"Khawnge kan kal dawn" a scooty hnunga ka lawn rualin ka ti zui nghal zat.






"Hotel-ah" ati sam et. Engmah sawi lawk sa kan nei miah lo ania. Nge a ni pui hian min hrilh lovin kalna tur alo ruahman zawk ni.






"Hmela enge kan tih dawn?" a hnungah ka chum nghal dawp.






"Kan thlen hunah i hre mai ang" tlan chhuah pahin a rawn ti lawng lawng chu ka khi nghal var var.





"Tha lawm, mahse tlan chak deuh la" ka duh aia a tlan chak leh deuh si chu ka thaw a chham lo chauh. Tlanmuang deuh turin kati lehnghal chul.



,,,,,,,,,,,,,



"Hetah maw?" Hotel chhung kan penlut chu ka hawi nghal hu hu.





"Aw"






"Mawla misuala hotel ani tih sawi miah suh" a lam hawiin ka ti nghal nghek. Amah hmuh hlau lutukin ka hawi kual zuk zuk bawk. Hna pawimawh aneih vanga chhuak kha ania hetah a awm dawn tih a chiang vek bawk.






"A ni sia lawm" vei neih loh hmel zetin ala ti sam et zui ka van ngei tak.






"Min hmuh vaih chuan aw rapthlak khawpin ka chungah a thin arim dawn ania" sehchilh ran hian ka ti leh hlak a amit a chet kual ralh ralh chu ka khawng chak lutuk.





"A hmu dawn hleinem che" ti bui buiin min kaia min pen pui nghal hlawk hlawk.






Kan room awmna tur lampanin kan inzui dat dat a. Corridor a hmeichhia leh mipa rawn inzui phei ka hmuh rualin ka chiai nghal vek.






"Lalremsang engtin nge ka tih dawn?" Birukna mai tur ka hmu bawk silo chu min hmu ngei ngei dawn anih hi tihbak ka ngaihtuah tawh lo.






"Hmela kalo zui kher kher che hi ka inchhir" ka ṭawng ring ngam tawh bawk si lo. Eng emaw hi an rawn sawi phei mawlh mawlh a. A hmeichhia zawkin a bana a chelh deuh ran chu ka ner deuh sak bawk. Hna pawimawh chhuanlamin a nutei te inah min hnutchhiah a, khawilama hna pawimawh chu hmeichhia nen ka hmu dun lehnghal zat ania. A lo pawimawh viau anih hi.





Kan bul aṭanga hla vak lo an rawn thlenin Remsanga kawrawmah ka ṭham lawp a min hmuhchian theih lohna turin bang ngheng rawkin ka ding a, Remsanga hnukhnai rawkin a nghawngah ka kuah a ka fawp nghal hmiah. A palen ve tho avangin min hliah hneh lutuk a min en chik fe anih loh chuan min hriat mai bik ka ring hran lo.






"Hmeli eng thil nge i tih hi?" A hmel aṭang pawn a hamhaih tih ka hria mahse tihdan dang awm miau hek lo.






"Ngawi rawh" a hmuia seh chungin ka ti sep.






A nghawng ka kuahna pawh phelh a tum chu a keah ka rap nghal sawk. He mi mawla hi min hmu se ka chungah thinrim se ati zawk nge.






Kan zawn an rawn thlen rualin a rawn hawi zawk a. A ner deuh sawk chu ka hmu hman hram. Mahse min hre lo a ni chek ang chu min kalpel zui nghal. Nge helai hotel corridor a lo infawp ngawng chu kan ṭuah ve hle turah an ngai zawk a hmeichhe hruai phei chuan min rawn ngaihven lo hrim hrim.






An liam hnuin ka thlah a, Remsanga hmela mak tihna leh thinrimna lang chhuak zut zut chu ka nuih aza zawk. A awm ve tho mai hmeichhia aia mipa duh zawk kha a ṭhiannuin ka fawp miau a.





"Kal ang"a darah ka nem dat a, ala ding khawng reng chu a bengah ka pawt nghal vak, harh chhuak thutin min melh rawm rawm chu ka nuih deuh sak.





"Vawikhatmah khatiang khan che tawh hlek suh. Min ti hlau tih i hria em" ti nghekin min kalsan nal nal chu ka nui nghal hak hak. A hmel kha nuih loh theih pawh ani lo, thi mai tur hmel tepawh a puin ka hria.






"Hey kal rual ang fawh nuampa" a haw dawn tih ka hriat vanga chhaih leh kher pawh ka ni. Chuan a rawn hawilet rang kher bawk.






"Hmeli" a ke per datin a ti hlak chu kala nuih ta reng. A duhawm reuh lutuk.





"Aw min pui veah ngai mai la khatianga ka tih loh techuan min hmu dawn a sin misuala khan. Enge a hotel-ah min hruai kher ni" tihpahin a mawngah ka beng thawrh a a er deuh zawk lehnghal.






"Chu pawh nise kawngdang zawng mai ta che" vin hlar hian a rawn ti let ve leh.






"Kal ang ka fawh leh hma che hian" dingdihlip ak akin a hmui bula ka awm hnai vak chu ka hmaiah a rawn nem sawk anihchu! Fawh leh chu thih hreh hian a hreh tawh a nih hmel.






A bana vuanin lungawi tak chuan kan kal dun veleh mai bawka.





"Ehe Lawma!!" room kan penluh ruala ka mi hmuh vangin ka ti nghal hliai.






"Surprise" ti hluaiin aban aphar duai chu ka pan hnaia ka kuah nghal rawk rawk.






Remsanga lam ka hawia tifuh intih hmel zet hian min lo nuih vur vur. Hepa hian min surprise chiang takzet a ni.
Keini ṭhiandun leh Lawma hei bak bak a zan nuam hi a awm leh tawh pawh ka ring lo. Keimah chiah hmeichhia ka awm chung hian hrehawm tih emaw zah ṭitṭet chhan tur ka hre chuang lo. Ka hmelhriatsa te ve ve anni miau a.





"Engtikin nge ilo haw?" couch-ah ka pawt ṭhu a, ka ke hlang sauh sauhin ka zawt zui mawlh mawlh. Remsanga chu kan ep chiah aṭhu vein beer a dawm leh ran tawh.





"Niminah kalo"





"Chuti si enge min lo biak vat loh" a sawi zawh hma hmain lungawi lo zet hian ka ti zui bai bai. A ṭhutdan siamremin chik zet hian min rawn en a za vak loin kalo ṭhen sak.





"Pasal i nei dawn tih kalo hria a" ka dara tuai hauh hauhin a rawn ti sup a. Ka kut ka malchunga hum kawpin hnuailam ka melh ta reng. Pasal ka neih dawn thu hi hriatchhuah fo reng hi ka hne takzet. A hnai tulh tulha ka pik tulh tulh tih hi min hriatpui ve der bawk si lo.






"Remsang beer kha min lo pe ve" Lawma min biakna pawh chhang lovin Remsanga ka biaksan ta daih. Chutiang anih loh chuan ka ṭah khum chiam mai ka hlau.





Remsanga beer bottle a rawn theh phei chu chharin ka inzui nghal pawp pawp.





"Muangchang khan in rawh" Lawma bawk. A lam hawiin ka ṭhen leh sak.





"Sawi dun i duh em?" Min melh run reng chu ka lu ka thing nghal nawk nawk. Inneihna lamin a kaihhnawih hrim hrim engmah hriatbelh emaw sawi chak ka nei lo.





"Ok sawi i duh hunah ka awm reng ang aw" a thusawi ka chhan hmain a phone a rawn ri a, a tho zui nghal vut.





Couch nghenchhana ka lu nghatin chunglam ka melh a ka thaw leh halh halh ṭhin. Ka pik hluah hluah hi vai kian vekna tur ka mamawh takzet. Eng pawh hi ti ila kalo ngaihtuah leh ngut ngut a, a tawpah ka mittui bawk ahnai leh nge nge ṭhin.





"Ka hawsan mai ang che u" Lawma'n Remsanga nen min melh tawnin a rawn ti hluai.





"E ngati?" Kalo ti ve nghal vat thung.





"Ka pi leh pu anlo leng a nih hmel" a kekawr ipte zenin min melh nghal run a a nui deuh suk bawk.





"Ok...lo va haw rawh keini pawh kan haw har lovang" Remsanga'n ati zui ve vat.






"Inhnem lutuk lo la aw" ti supin ka luah a rawn tuai zeuh a ka melh chho ve kar thung.





"Anih u aw" kawngka lam apan zui chu hnunglam aṭangin ka melh ta reng.






"Hmeli i phone ri reng hi a ninawm aw" Remsanga'n a rawn ti bui bui chu ka nuih nghal nghek. Huat tawk chu ate tham tawh a nia.





"Aw" ka benga ka phone ka nawr beh rualin ka ti nghal vak.





"Khawiah tehhrep nge i awm?!" misuala'n a rawn ti ṭhawt chu ka phu nghal chiam!





"I hriat angai lo" thaw halhin ka ti nuah nuah chu a thaw hawk ri ka hre thei.






"Zorinpui" a rawn ti leh hrawk a, ka phone ka off a khum chungah ka thehkai nghal lawp. A duh duh a avin tur pawh ka ni lo.







**Malsawmkima pov**




"A awmna min hrilh duh lo ve khanglang amaw" ti hlukin ka phone khumah ka thehthla nghal nawlh.





Ka nutei khan min rawn hrilh lo nise ka hre dawn miah lo ania. Chutah puitling hmaah dawt alo la sawi ngam zui bawk a. Hrep hian! Keihian enkawldan chu ka thiam khawp ang. Min hmangaih ngawih ngawih turin kala siam ngei ang.





"Dear khanu kha i um zui mah mah lo maw" pangchang zeta rawn ti bai baitu chu melh runin ka nuih suk. Ni e, ka hnaih mah mah tih pawh keihian ka pha hauh lo mahse a ṭulna vang zawk a ni. Chuti ni lose keihian nupuia neih emaw hnaih chhan tur pakhatmah ka nei hauh lo. Hmeichhe khawsak hniam leh khawlo lutuk phei chu ka ngaihtheih loh mai bakah hnaih chakna ka nei ngai lo.






Ka hnenah hmin taka a intukluh theih nan ka thikthu pek chhiat emaw, a vei zui theih nan a khawsak kha ka tum ber a ni bawk. Tunah hrih chuan min haw viau mahse nakin lawkah min hmangaih lutukna kha natnaah kala chantir vek dawn. Chu chu ka tum vanga tilui zel pawh ka ni bawk. Ka ngaihtuahna avanga ka nui deuh suk chu hnuailama Hriatzuali thil tih avangin ka thaw deuh hawk.






"Ka rawn koh che khan eng chhuanlam nge i siam" ti sepin ka malchungah a rawn lawnkai a. A kawr a phelh zui nghal mial mial. A hnunglam banin a bra kilhna ka hmetphelh ve nghal hmiah chu a nui leh har har ṭhin. Kan pahniha kan awmdun tawh phawt chuan kan tawpna chu sex a ni ziah. Keihian ka hmangaih em tih chu ka hre lo, mahse ka duh tih ka hria. A taksain min hip em em reng mai bakah tisa thilah min tih lawm hneh em avang hian atel lova awm harsa ka ti ṭhin. Ka inah vawitam min rawn riahchilh chang a nei ṭhin a chhungten an khap ngai hran lo. Keiin ka duhtawka ka khawih theihna anih phawt chuan ka lungawi thung.





"Hna" ti hmukin ka lamah ka pawt hnai salh a ahmui ka khar chilh nghal hmiah.





Ka bialnu leh ka engkim ni bawk khang ka rilru buai chhung zawng zawnga min kalsan ngailotu Hriatzuali chauh hi ka neih chhun a ni tawh. Tuna ka ruahmanna pawh min hriatpui vektu a ni bawk. Mahse ka nuteite chhungkua erawhin an hre hauh lo thung.





Zeizeta a ka chhung a hman takah chuan ka tih tur ka hria insum tumna ka nei hran lo. Pawmkang nawlhin khumah ka nghat a, alamah min lo pawthnai ve ṭawk ṭawk chu ka nuih suk. A duh chu a hmu ngei ang. Pehhel rei viau pawh ka tum hran lo.





Ka kekawr haklai phelh nawk nawkin khumsirah ka thehthla a, drawer a cd pack chu la chhuakin ka seh hawnga a hmaah ka lek nghal va. A tihtur hriaiin a rawn bana ka buaipui chhunzawm ngai miah loin nui hak hak chung a avuah mial mial chu ka nuih leh suk.






"Zanin hian ka duh tawk ka hmuh hma chu i haw ka phal hauh lovang" a bengbula ti supin a hnute ka ṭham tawk chu a ṭe deuh ṭhat.





Khuma mut ṭhattirin ahmaah ka ṭhingṭhi run tawh bawk. Dawhtheih loh hmel zet hian min ban ṭawk ṭawk chu dimna pakhatmah nei lovin ka mi***na a taksa chhungah ka thunlut nghal pawp.





Chau hnapa kan chetdun hnuin kan inbual dun leh a, an in lamah ka dah ta chauh. Ka bula riah tum ruh viau mahse Zorinpuii buaipui kala ngaih avangin ka rem tilo thung.





Ka hotel lam ka panlaiin Zorini no ah bawk ka call zui leh zat a, a pick duh der lo reuh anihchu! Eng hi nge maw a hriat reuh ṭhin ni. Ama tawkah hian a luhlul ve em em ringawt a.





"Khawiah nge i awm" phone a pick ruala ka ti deuh hrawk chu a ṭhianpa aw ka hriatrualin ka thaw deuh hawk.





Ka hotel a an awm thu a sawi rualin za lo lutukin ka nui ro hawk bawk. Enge tih an tum tehhrep ni.





Ka phone hmalama thehkai nawlhin speed hniam fahhran loin hotel lam ka pan zui mawp mawp.





**ZAWMNA**


Ihmaw u, nimin tlai aṭangin current kan nei mumal thei reng reng lo mai a duh ang pawn a thui tawk thei lo a ni, min lo hrethiam hram hram turin ka rawn ngen che u...








**Zorini pov**



"Tunge?" Remsanga bawk.






"I mak ah hriat ve zel angai lo aw" ti vakin ka ding hluaia ka luhai deuh chhul chu chhuatah bawk ka ṭhuthla leh nuai. Ka phone rawn rileh sek pawh chu ka chhang peih buai tawh lo. A duh duhin lo thinrim kual ve mai mai teh se ka ngai pawimawh peih ṭhak lo.






"Hey Lalremsang chhang suh" Remsanga ṭhutna lamah ka tawlh phei a. Ka phone ka pawhthlaksak hmain ka awmna hmun alo sawifel der tawh anichu! Hepa mawl zia hi sawi ngaihna pawh ka hre lo.





"A ninawm alawm a ri reng kha" ka chhang buai peih tawh lo. Min rawn lam dawn tho tih ka hriat vangin alo thlen hma a chahthlak law law ka duh. A thinrim inhrosa kual vel kha ka hmu peih lo.






Bottle dang ka ban leh a ka in nghal pawp pawp. Bottle hnih lai chu ka inruak leh vek tawh. Ka lu chu ahai deuh chhulh tawh mahse ka ngaihtuahna a fim reng tho, ka hrethiam lo. Nidang ang chu ni ila ka thal tawp tawhin ka ring mahse zanin hi ka rui chhe thei der lo.





"Remsang boruak dawng turin ka chhuak lawk dawn" ti sepin ka ṭhutna aṭangin ka ding vat chu ka pai deuh dat.





"I ṭha em. Kalo kalpui ang che" ka bana chelhin Remsanga bawkin a rawn ti zui zat chu ka lu ka thing nawk nawk. Keimaha inngaihtuah harh ka mamawh. Bakah a inhnemin a ṭhu zawi ve ropui si tihbuai tel ve kher ka duh lo.





"I ṭha ang maw?" min ngaihtuah hmel deuh a min melh chu ka ṭhat thu sawiin ka ṭhen sak. Ngaihṭha deuh chuan min thlah ve mai bawk a.





Tlema thimlai deuha dingin inchunghungna hlai hlupah ka ban ka nghat a. Thlifimin min chhem heuh heuh rualin ka harh kawk kawk thei. Hnuailam kawngpuia motor tawlh dal dalte khawpui eng pe ut tehian ka ngaihtuahna an chawk buai tulh tulh zawk. Nidang ang chu ni ila mawi ka tih leh tur zia ka hria mahse zanin zet chu a mawina lam angin ka thlir thei der lo. Min nuih rawn zawk nimai hian ka hria.





"Pasal neih kala duh lo asin" van lam hawiin ka phun sep a. Vanlamah lah ka lungngaihna leh harsatna min hriatpui lo zetin arsi a lang pe tuar a thla a eng hle bawk.





"Engtin nge ka tih ang?" Tumah biak bik pawh nei lovin keimah leh keimah ka inbia ani ber. Ka bekah ka mittui a luang zung zung bawk. Ka pasal tura atan ka duh pawh thlang hlei thei lova ka pa min dan chepna hian min ti na ngawih ngawih.





Ka ban nghahnaah ka lawnkai a. Hnuailam kawngpui ka bihthla leh. Heta ṭang hian zuangthla ta ila ka thi chiang viau ang tih ka hria. Chuan tuna ka rilru hahna zawng zawng pawh hi a bo vek ngei ang. Motor horn ri chuah chuah leh thli thaw heuh heuh techuan zuangthla turin min sawm tlat ni hian ka hre bawk.






Ka rilru buai lutuk chu mittui tlaphungin ka nui leh hak ṭhin. Engmah mumal pawhin ka ngaihtuah thei lo. Tuna ka dinna aṭanga hmalam pan turin ka rilru zahvein min tura mahse a zahve erawh chuan inngaihtuah harh turin min duh thung. Hmalam pana ka pen rual apiangin zuanthlak duhnain min hneh tial tial tawh bawk.





"Zorinpui" ti ṭhawt ri ka hre chawpchilh nghal, min kotu chu tunge anih ka hria, hawilet tumna ka nei lo. A aw aṭang ringawt pawn alawm loh zia alang vek. An duh hun hunah min lungawi loh khum a mahse ka lungawi lohna leh ka rilru hrehawmna tehi tuman min hriatthiam pui velo. Thih law law ka duh zawk. An duh duha an tihkual tura dam reng hi chakna pakhat mah ka nei talo a ni ber. Nge ka ngaihtuahna ka hman hleih theih loh vang zawk.





"Lo hnai tawh suh!"





"Lo hnai tawh suh ka tih chu. I rawn pen leh chuan ka zuangthla ang! " ti tuarhin ka mittui kar aṭangin Malsawmkima ka melh ngawt ngawt a, ka thusawi vangin a ding nghal dawt.






"Nangang hmeichhe khawsa ho ka nei duh che hi lawm tur i ni" a thusawi vangin ka insehruh nghal ṭeuh. A hmelah min ṭawngkhum dan avanga pawi tihna pakhatmah hmuh tur awm lovin min la nuih suk zawk anihchu! Ka khawsa ho asawi ngai lovin ka hria. Keiin ka nei duh lova hmeichhe tenawm hmuh a min hmu anih chuan engvangin nge min neih ṭalh atum?





"Engvanga min neih ṭalh tum si nge inih?" Ti tuarhin ka mittui ka hru tawk a. Rum lutukin ka melh zui ngar bawk.





"Nupui ka mamawh vangin"ati hmuk chu za lo lutukin ka nui hak. Nupui a mamawh anihchu! Ka nun atihbuai phah vek bawk. Engvangin nge kei kher a nupui atan min duh chhan?





"Ka nun hremhmunah i chantir tih i hria em?" Khabe inkhawng dawt dawtin kati chhuak nawk nawk. Tunah hian thih hi ka hlau chhete lo, ka tan chuan dam aiin a thlanawm fe zawk bawk.






"Lo chhuk rawh" ti hlukin a rawn penhnai hrut chu ka tawlh ve zel. Ka tawlhhnun apiangin a hmelah hlauthawnna a rawn lang ve, mahse a hlauthawn tak tak pawh ka ring hrep lo.





Hepa hian min uina pakhattemah aneih pawh hi ka ring hrep lo. A hmeichhe khawi satliah ang bakin min en chuang lovang lo innei ta pawh ni ila. Ka thlarau chu hahdam dawn lo tih inhre mahila ka buaina hi kiang se engmah natna hre lova awm ka chak ber. Chu aia duh pawh ka nei chuang lo.





"Mawli enge tih i tum?" Remsanga'n Malsawmkima dinna a rawn thleng chawpchilh ve nghal. Remsanga hmelah hlauthawnna nasa lutuk lang chhuak chu mittui tla phungin ka ṭhen khumsak. Men purin chhuk turin min ngen lawm lawm bawk. Mahse ngaithla lovin ka inher riai riai a.





"Zorinpui" ka penliam tur chiah ban tha chak lutukin ka kereka dawmin min pawtthla lawp a, leiah ka thalthla ṭhuai tawh dawn amaw ka tihlaiin chutiang chu a thleng hauh lo.





A taksa hrawl zeta min pawmbet nghal hmiah chu ka manganna leh pikna rawn inmung khawm vel ṭah chhuah vek tum ang maiin a kawrawma ṭham chungin ka inhnit nghal hlawp hlawp.






"Misualpa min thihtir rawh" inhnit hlawp hlawpin ka ti ṭiau. Na lutuka thawk alak zawngin a thin phu dawt dawt pawh ka hre ve chiah. A hlauthawng ve tak tak tihna ami? Nge keimah ka nih vang pawh ni lovin thil thleng khan a ṭhawng ve hrim hrim zawk.





"Ka hua che i hria em. Ka thih i phal loh chuan engvangin nge nangmah i thih zawk mai loh" a awmah ka chum dawt dawt chu pik hmel zet hian a thaw ve hawk. Mahse engmah ala sawi chuang lo.






Remsanga'n min rawn panhnai a, a ni pawh hlauthawng lutuk tih hriat zetin a inhnit ve faih faih tho.





"Mawli khatiang kha ching tawh suh ang che" ti hlak hlakin ka banah a rawn chum taih taih a. Mittui luang ngiai ngiaiin ka melh let ve thung.






Malsawmkima'n min pawmkang nawlhin hnuailamah min chhukpuia Remsanga pawn kan hnungah min rawn zui ve dat dat.






Remsanga nen inbiak zui leh ngaihna pawh awm tawh miah lovin a parking lam min panpui nghal pawk pawk a. Remsanga khan annel vak lo nge a hlau zawk pawh ka hre lo zui pawh min rawn zui chhuak lo hrim hrim. Nge inchung alo thlen chhoh hma khan alo vau zawk pawh ka hre lo. Hlau tur tan chuan hlauhawm tham chu a ni ve reng a ni. A palian a a hmel a nelawm loh mai bakah ala rum tel cheu bawk a.





Motor min nghah luh rualin seatbelt in min hreng bet zui nghal a. Ngawi rengin hmalam ka melh ngar thung. Engmah sawi chakna pawh ka nei lo. Min rawn manbet lo nise heng thil tehi tunah chuan ka natpui tawh awm silo.






"Khatiang thil kha thleng tawh suh se" ti hmukin min melh ngur. Chhan pawh ka chhanglet lo hrim hrim. Thinrim khum chiam turin chakna ka nei tawh lo a ni ber mai.






Ka pa rorelnain ka nun a ching chau a, dam thlahlel lo hial khawpin min siam bawk. Chung zawng zawng ka ngaihtuah chuan ka â thei mai dawnin ka hria. Duh duh a thinphar tur si hi min lo enkawl seilian lo zawk se ni tur. Chutiang ngaihtuahna chu pu lo thei loin min siam miau.



,,,,,,,,,,,,


A hotel chungsang aṭanga zuanthlak ka tum ni aṭang khan aṭul tawp a awm anih loh chuan misuala hmel ka hmu tawh ngai lo. Ka zia a zawi a, engmah ngaihtuah tak tak pawh nei chuang silo hian kalo awm leh veuh veuh ṭhin. Class pawh ka kal mumal thei lo. Ka derdep ngawih ngawih ti ila ka sawi dik ber ang.





Ka nu chuan ka awmdan hrethiamin min lainat tih ka hria, ka pa bulah pawh ngaihtuah ṭha leh turin ati ngei mahse a thuthlukna sawhsawn tum ang pawn a awm tawh lo hrim hrim. Engin nge mawlha heti tak maia pasal min neihtir a tumruh bur chhan hi ka hre chak takzet.





Kan inneih ni a thlenga ahma zawng aiin ka mangang zual. Tih theih dang lah ka nei der bawk silo. Engang pawn duh lo mahila pasal neih luihtir chu ka ni dawn ta tho. Lo tlanbo daih ila ni tur.





Biakin dar rik rualin nasa lutukin ka phu zawk a. Ka awmchhung ami hi a che zui dawt dawt bawk. Ka khawvel a atawp vekah ka ngai hmiah tawh. Nunna nei tawh lo duh duh a an kaihkual vel nimai hian ka inhre tawh.





Ka pain biakin chhung min kaihluh lai techuan ka chiang lo ruai hian ka hria. Mipui pungkhawm min lawmpui hmel lutuk a min thlirnate chuan min tipik vek. Remsanga lah nise a phur ber berah aṭang amaw tih mai tur.





Hmeichhe fel ka nilo ka tih tawh kha. Kohhran dan thianghlima pasal ka nei ta mai techu kan vengchhung min hre ṭhang ho mak tih a hlawh viau bawk. Mahse engang pawn mak lo ti mahse ka ngai pawimawh hran lo. Ka tawt mup mup hi a ni tawp mai.





Pastor in inneih thu min chhamtir lai techuan ka aw pawh a ri chhuak chang chang. Tunah chuan inneihnain min phuar tawh dawn, ka duh duh a ka tal a rem tawh lovang mahse chu chu ka rilru kaptu ber anilo. Hmangaih tak ka tawng anga chu ka hmangaih nen chuan hlim taka chengdunin hmalam hun kan thlir dun ve anga chung ka suangtuah vena zawng zawng chu ka pa rorelna hian min vawmbo sak vek.





"I nalh takzet" biakin chhung aṭanga kan chhuah tawh hnuin ka bengbulah a rawn ti sup chu ka phu deuh zawk a, a phun deuh hluk bawk. Kalo inngaihtuah muk mah mah anih hmel.






"Min thlah vat mai rawh" ka nak nem a rawn piai chu sehchilh ran hian ka ti hlak.





"Thuawih ang che" ka bengbula rawn ti hmukin a hmuiin a nawr zui tawk chu ka inhum ruh nghal nghek.





Malsawmkima inah ka lawilut a, aṭhiante leh amah hnaivaiin min lawm thiam em em chungin ka thinlung takin ka hmin thei thlawt lo. Ka chian loh deuh ruai vang nge tu ate pawh ka phek en vek. Min hmelhriattir apiang kan kalpelh rualin ka theihnghilh nghal zel.





Ka nu leh pa leh nutei teho kan thlah a, an tlan liam hnuin inchhung lam kan pan ta chauh. Zui haw veleh nghal mai kha duh rum rum. Ka pa nise a ngaih angam tih a hmelah alang chhuak vek. Kha tichunga luhlul chhuah ṭalh kha mi heti zozai hmaah hian tih mualpho ka hlau ve tho. Keimah ka nita lo amaw ka inti hial zawk, pasal ka neih hma pawn kati mualpho reng ṭhin kha ania tuna takah an mualpho ka hlau ta viau chu mak ka inti ngang.




Ka nu erawhin in lam tlawh fo lo tur leh Malsawmkima thuawih turin min chah zui lawm lawm kha ania. Mahse a hmelah khan min ngaihtuah lutuk tih ka hmu thei. Ka mize zawiawi ta lutuk vang hian min lainat tih ka hre bawk. Nu leh fa inzawmna hi chu thuk tak alo ni. Hlim der kan tum viau emaw pawh hian nu tehian kan chetzia aṭangin min lo hre thei nghal vek zel chu ania.





"I va chau awm ve Zorin" Malsawmkima leh aṭhianpa Rinhlua pindanah an rawn penlut ve zat chu ka ṭhu chhuak ve nghal.





"Tlem tein" ṭhen sakin kati sep. Lalpuii dinna lam ka hawia ka thawmhnaw hak mai theih turin alo remṭha ve vat vat reng bawk a. Tunah chuan pasal nei ka ni tawh. Chu chuan engtiang chiahin nge min tih hrehawm tih hi tuman min hriatthiampui hauh lovang.





"Kan ṭhiana hi a thinchhe mah mah ṭhin ania aw ilo dawh viau angai ang" nui suk suk hian a rawn ti sup chu ka nui ve hak.





"Keipawh ka thinchhe ve tho lawm" ka ti ve hliai. Rinhlua hi reitak chu kala hre miah lo chung hian a hmel leh a ṭawngkamte ka nel zawng tak anih avang hian abulah pawh midang zawng ai chuan ka inhawng ve deuhin ka hria.





"Mahse hmangaihna angah ania. A duat viau ang che tih ka hre bawk" Malsawmkima dinna lam ka melh vata min lo en ve chiah chiah bawk nen ka lei ka chhuah khum ta vak chu a nui deuh suk lehnghal.





"I chau viau em?" Khum bula rawn ding hnaiin ka hmai bul chetah a rawn kun hniam a kalo bu ve nghat nghat. Ka zep buai vel peih lo ka chau ve thlawt.





"Intifai la i mu vat dawn nia" ka chala rawn fawp zauhin a rawn ti sup. A ṭhianpa leh Lalpuii an awm ve avangin engmah ka sawi duh ta bik lo.





Nilenga nuih luih ngai nen ka chau ngawih ngawih. Zan lam hun hmandan tur an ruahmansa pawh an cancel leh vek. Pawi pawh ka ti chiam lo, ka phur zawk zawk vanga pasal nei ka nih loh avang hian sapatal chiam kha ka peih tlat lo.





Pindan lama tawmbo tlat theih ni hek lo, inhnuai lamah ka intihfai zawh hnuin Lalpuii nen kan chhukthla leh a mahse tam anlo awm tawh lo thung.





Reife eng eng emaw sawiin an titi reng a. Malsawmkima ka bulah ṭhuin ka kalsawn hlau ang hrim hian ka kut a vuan char char bawk. Midang awm velo chu nise min tawh hlek pawh hian ka an khum leh phiar phiar tawhin ka ring. Kalo puitling ve viau tawh tepawh anih ka ring ta rum rum mai.





An haw dawn lamah a nutei pasalin ṭawngtainain min thlah a puitling zual ho chu an ṭin ta duak. A ṭhian tlem a zawng la awm ho chuan in tur lam nen an titi veleh ta thung. Lalpuii thung chu Rinhlua'n a thlah tawh thung. An zinga hmeichhe awm chhun chuan min ngaih theih loh hmel riau a hriatna ka nei tlat. A lam ka hawi zeuh tawh chuan sawithiam si loh hian min lo melh ve ngar zel.






"Zorin inpa hi a chena ṭhin ania rilru zau deuh i put angaih chang atam dawn ania" kan hmazawn taka hmeichhe ṭhu chu ka melh nghal vat. A thusawi awmzia hi ka hrethiam hrep lo ve. A mitmeng aṭang hian ka mil loh zawng a ni nghal tawp bawk a. Ka chunga sual lo telakah sual ka chhuah hmasa ngai lo mahse henu hi chu ahmel aṭang hian ka ngai thei lo ve nghal tawp.





"Bakah zan riah chhuah zauh zauh chang aneih pawh ka ring" a heh senhlar pet sawi zauhin arawn ti leh a. Amitah tak ka melh letkar mahse engmah sawi chiam tumna ka nei lo. Kan inneihna hi hmangaihna vang anih loh avangin engtiang pawn khawsa se ka ngai pawimawh hran lo.





"Hriatzuala" Malsawmkima'n a rawn ti nghal hmuk chu a mit achet kual nghal ralh. Midang awm ve ho lah chuan Hriatzuali thusawi ngaihven hmel pawh an pu der lo. Mi smart tak tak vek anni ang tih hriat tak hian an phusa chiam loh mai bakah sawi awm leh awm loh pawh an hre viau henu ang lo tak hian.





"Ka mut a chhuak" min nghenga Malsawmkima ṭhu chu melh chho deuh hain ka ti zui sep.





"Umm i mu dawn nia"tihleh thawhchhuah a rual nghal.





"Lo awm ru ka han muttir lawk ange" ka kuta kai chungin a rawn ti leh sep a. A ṭhianten an rawn fiam zui zauh chu nui sukin inchunglamah min kai chho zui nghal.





Pindanah min kai lut a a tih ang angin ka awm kual ve tawp. Ka zawi ngawih ngawih ka inthing harh peih thlawt lo chu mak ka inti hial zawk.





"Nangmaha awm i hreh lovang tiraw" ka dar tawn tawn a dawmin khum bulah kan indinchilh ran.




"Hreh lo" ti sepin min vawnna ka pawtthla a. Khumah ka ṭhuthla nghal dat.




"Ok lo mu la keipawh ka rawn mu ve vat ang"





"Engmaw? Hetah pindan khatah kan mu dawn maw?" Ti vakin ka melh chho deuh ha.





"I bula mut i phal dawn lo maw?" Rawn kun hniamin ka sam a hui kianga ka chalah a rawn tauh deuh dat chu ka lu ka thing nghal nghek. A theih lo bur a ni tawp mai. Ka pasal ni tawh mahse a bula mut ka duh chuang lo.





"Pindan ruak dang a awm chuan ka mu zawk ang hetah mu rawh" din ka tum chu min nem ṭhu lehnghal.





"Ok keimah pindan dangah ka riak ang mahse zan tam riah ka tum hauh lo" tisupin a ding ngil vuta a kekawr ipte zenin min melh nghal ngur. Melh pawh melh tawh eih lovin ka slipper bunlai ka phelh rawk rawk a khuma ka mutthlak rualin ka inkhuh zui hmak.





A nui ri deuh suk pawh ka hre pha tho mahse ka ngai pawimawh peih lo. Ka blanket sin chhanah ka chal zawn velah a hmuiin a rawn nawr a.





"Muttui le ka duat" ati thawp sup. Pen riin a zui nghal zat bawk. Kawngka a khar rualin ka inkhuhna ka hawnga ka thaw chhuak zui ham ham. Hetianga min duat hmel deuha min tihkual vel chuan keihi a zunah ka uai vat dawn tih ka hria. Chu chu thleng turin ka duh lo. Ka in control hle bakah ka pehhel hram hram angai dawn anih hi.





Ka awm a nawm loh deuh ṭun vangin ka tho chhuak leh a washroom lam ka pan zui leh vat. Damdawi ka ei a room light ti thim vekin khumah ka mu mengkar. Remsanga biak ka tum deuh ut ut a mahse ka ṭhulh leh ta zawk. Ka inbe lungleng anih chuan ka ṭah khum chiam mai ka hlau.






Dar 11 pelh hnuin khum aṭangin ka tho chhuak a, pindan kawngka hawng dem demin Malsawmkima mut tawh leh tawh loh ka thlir kual a mahse alo thim deuh ṭhiap tawh.





Inhnuai lama chhukthlain tui bottle khat fridge aṭangin kala chhuak a. Light ti thimin inchunglam ka pan zui leh vat. Pindana ka lut tur chiah pindan pakhat aṭanga hmeichhe awin ka hming alam ri ka hriat rualin ka hawi phawk nghal chiam.





Tun ang zanrei tawhah tunge la awm ang? Ka ngaihtuah ngial pawn tunge ni ang tih ka ring thiam der lo. Pindan lehlam kawngka bul ka pan a, tunge awm tih hriat hrim hrim ka duh vangin kawngka bulah ka ding ran reng.





Ka beng ka dawh deuh a mahse thawm a awmzui loh avangin letleh mai ka tuma mahse he pindan hian min pawt tlat zawk chu amak kati.





Kawngka ka nem deuh a alo inkalh loh hlauh. Tlemte a nem kau deuhin ka dak lut a mahse tumah hmuh ka nei lo.





Chhuah leh mai tuma ka inher tawh chu ka hming lam bawk ka hriat avangin ka inherlet leh a. Ka hawi kual nghal chiam bawk. Khum lam niawm taka hmeichhia leh mipa infawp ngawng ngawng ka hmuh rualin ka hmui ka hup zui nghal vat. A mipa zawk chu Malsawmkima ani tih ka hre thei mahse a hmeichhia zawk chu tunge anih rin ngaihna pawh ka hre lo.





Ka awm chhung sa deuh hut hut chu engvang nge tih pawh ka hrethiam der lo. He misuala hi kan inneih zanah pawh insum thei lovin a hmeichhia a rawn hruai lut tihna maw. Engtin nge kan inneih zan la la hian hetiang thil hi a tih theih zawk. Hmangaihna vanga innei kan nilo tih chu ka hria mahse ati mah mah a ni. An khawsak dan hian min ti zawi vek thei.





Pindana lut lehin khumah ka ṭhu deuh vang vang. Ka awm ka dawma ka thaw chhuak deuh halh halh. Inneih zan aṭangin min phatsan nghal ania. Min hmangaiha min duat turin ka phut lo mahse a khawsak dan hian ka chapo ve na zawng zawng pawh a vaw ṭhiat vek. Khum aṭanga tho chhuakin ka thawmhnaw tlailama Lalpuiin arem chhuahna lam ka pan sawk sawk a, ka hakthlak tur pahnih kala chhuak zui nghal. Bag inkhai pawtthla hlawkin ka thawmhnaw ka khung nghal zung zung bawk. Thawmhnaw lum deuh ka inbel zung zung a ka inthlak fel meuh chuan 12 a hnai thuak tawh. Ka taksa sil deuh ṭhem ṭhum chuan ka awm ati nuam lo takzet.





Ka bag akin pindan ka chhuahsan zui nghal vat. Thawmdim lutukin inhnuai lamah ka chhukthla ṭhem ṭhem. Kawngka ka thlen rualin ka hawng zui a, pawn ka thlen rualin ka thaw nghal halh. Hepa nena kumkhua a chendun ai chuan tlanbo hi ka thlang fe zawk. A beidawn hunah min ṭhen ve mial mai thei asin.






Malsawmkima in aṭanga hla fe ka thlen hnuin ka phone phawrh chhuakin Remsanga ka call zui zat.





"Hey in inah kalo kal dawn, i mu tawh em?" Phone a pick rualin hmanhmawh lutukin ka ti nghal sawk sawk. Thil thleng kha hrilh ka tum hran lo mahse thawvenna hmun ka mamawh takzet.





"Mut loh a hun ami zanrei anih tawh hi mawli" a rawn ti bak ve hlar chu ka nui sak. Mu tawh nise khatiang hler hlurin min chhang dawn lo tih ka hre ve kar. Bakah lo mu tawh tak tak mahse a tho leh dawn tih ka hre tho bawk. Engang pawn min vin chiam mahse a thinrim tak tak dawn chuang lo tih ka hriat vang nge ka hlau teh chiam lo.





"Zorinpui khawia kal nge i tum? " ka pen leh tur chiah ka hnunglama Malsawmkima aw thum zawi zet ka hriat rualin ka zuang nghal zawk, ka phone ka thlauh ṭhelh bawk. Min ti phu nasa lutuk. Ka awm dawmin ka thaw chhuak halh halh a, a dinna lam kala hawi ta chuang lo. Mahse engtin nge ka chhuak tih a hriat?Kha nu nen khan an awmdun in ka hre si. Nge a tawmpuinu kha a haw tawh zawk? Ngaihtuah zawm duh lovin ka lu ka thing deuh nawk nawk.





Ka sirlam melh tawn zak zakin ka phone ka jacket ipteah ka thun riai riaia, ka bag ah lai pawt nghet sauhin tlan ka tum chiah chu ka ban a vuanin min phih let dawrh anihchu! A awm khauh tungah ka intauh nghal dawt a, ka pai zui nawk nawk chu ka kawngah nghet lutukin a dawm zui hmiah!











💜💜 Ads i la click ve lo a ni maw? A hnuaia ads milem khu lo click ve rawh le 👇
💜💜 Ads i la click ve lo a ni maw? A hnuaia ads milem khu lo click ve rawh le 👇
💜💜 Ads i la click ve lo a ni maw? A hnuaia ads milem khu lo click ve rawh le 👇

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » February 14th, 2021, 2:46 pm

ONLY YOU








Hetah Only you aṭangin kumthar chibai leh vek mai u🤝




CHAPTER-4








"Khawia kal nge i tum?" Zawi fiah fakin ka hmai bul chetah a rawn ti bul hmuk. Ka awn deuh ruai ruai chu alamah min hnuk hnai dawrha lo ṭang ve tum hrang mahila a taksa ka hnaih rawk rawk lo thei lo. Thaw deuh halh chunga melh rawm rawmin min vawnna pawh phelh ka tuma a kut lehlamin ka kut ka hnunglamah a vuanbet tel nghal hmak.






"Khawia kal nge i tum?" A mitmu uk kharha min melhna chuan min ti zam ve lek lek. Mahse cho ar hian ka melh ve ngar thung. Mipa chu ni ve ngat ila cho leh cho chu kan insual ngei hian ka ring.





"I hriat angai lo nang..." a mitmeng thim khupah chuan ka chhandan avangin alawm lo tih ahriat ngawih ngawih. Ka sawilai pawh sawi zo lovin ka hmui ka chip zui ta hmak. Ka kawng avawnna tha apek nat rualin ka ban bul ana nghal zawk a, ka ṭe deuh ṭhat.





"Sawi rawh" ti hlukin ka ban aherh tel deuh a ka mit ka chhing sawk. Ka ban bul na lutuk chu ka taksa asa pup thei. Ka ke khai kangin a ke phahah ka theihtawpa nain ka per chawrha chuti chung pawn a awmdan phung pakhatmah a thlak phah chuang der lo lehnghal. Mipa niha lock ve bur mai ka chakdan chu pui tak a ni.





"Min thlah rawh ka ban a na" hmai zangthal ha a melh chho chungin ka ti ṭhat. Ka ban chu na viau mahse ahmuhlaia engahmah ngai lo anga lan tumin ka in thunun nasa. Hetianga in melh hi mi achaldelhthlak chu kati ve tho mahse hepa hian ka zah emaw ka pasal anga ka en hi a phu thlawt lo. Mipa tenawm nupui neih zan pawha hmeichhe dang awmpui thei mipa ka ngaihtuah chhuah zawng ringawt pawh hian ka kawchhung hi ten lutukna avangin a inlumlet but but thei. Ka uak khum vak lo hi lawm hle tur a ni bawk.





"Min thlah rawh ana ka tih chu" ka thusawi angaih pawimawh loh lutuk vangin ka tih khum leh nghek. Ana tak tak reng bawk, ana satliah mai pawh anilo ka ban bul aṭanga phihthlawn tum ang mai hian atur ut ut tawh. Ka hmelah na ka tihzia thup tum mahila ka thei tawh lo.





"Tlanbo i tum anihchuan tharum ka hman pawh ngai dawn se pawi kati hauh lovang" ti thum bulin min kuahna aphelh a taksa ringa ding ka ni deuh bawk nen ka kat dawrh thei. Ka ban bul na nghal ut ut chu ka dara dawm chungin ka ṭhen nghal chawt chawt mai. Ka ban a dawk dawn amaw tih tur khawpin a tur thei. Ka sa nghal pup pup bawk. Chuti chung chuan engmah tilo ang hmakin ka hmaah ala ding ngur zui. Ama anga lian leh tha ngah hi nih ve a tlawh thal tawp ka chak zia chu pui tak a ni.






Hetiang mipa hmeichhe dimna chang pawh hre lo misual lutuk hi ka vawikhat tawnna. Enge ka tih theih hi lo en ve rawh se, anun hi ka chawk buai ve thei chiang a ni tih hi ala hmuin ala hre ve ang. Pasal ka neih tawh vang maia ka nundan emaw thlak tumna ka neih loh ang bawkin azahawmna leh mi chunga leng anihna tehi tihmualphona remchangah ka hmang ve ang chu.





A nupui ka nih vang maia ka zah hleuh hleuh emaw hmeichhe pangngai tak anga khawsa tura min phut anih ngai chuan a tisual chiang viau ang. Pangngai taka khawsak techu ka tum lo bur bawk.





"Lut rawh"ti hmukin kan hmalam a in dingluah lamah a thle buk a. A thusawi hre lo ang hmakin ka ding ngawi reng thung.





"Luhlul chhuah hun ani lo zan arei tawh" ti bung nghutin amah zawk a inher a.





"Engvanga min nei nge i nih!?"






"Mawh engvang nge? Hmeichhe dang nei reng chungin engvangin nge min neih? I hmeichhia kha i nei mai thei lo ami?" A hnunglam rum theih patawpa melh chungin ka ti nghal tuarh. A ding nghal chawt. Rawn hawilet chuang lovin a taksa che awk khawpin thawk ala a kei ka dinna ngaiah kala ding reng thung. A in awmna hi afal avangin eng anga thawm bengchheng pawh chhuah mahila tuman an hre dawn lo tih ka hre ve kar. Bakah amah hi hlauhna chhete mah ka nei lo, hetiang mipa hi ka hlauh chhan tur ka hre lo bawk.






"I hmeichhe tawmpui kha ngaihsak zawk law law la keimahah rawn inham buai lo hian chuan ka ṭha tlang animai" ngeiawm lutuk in ka nui ri deuh haka ka lu ka thing zui nar nar bawk. A rawn inher ruai ruaia a kekawrbul hak ipte zen hmukin engmah sawi tum hmel pawh pu lo hian ading khawng luah. Ahmel ringawt pawh hian ka luak ati chhuak.






"Mihur hmeichhe tel lova khawsa thei lo. Zahpuiawm leh tenawm lutuk mai" ti hlakin ka sirlamah ka chil ka chhak nghal pharh a, ka kut kuangkuahin ka ṭhen khum leh sak.





Ka thusawi leh chetdan vang nge a hmel adur nghal khup khup mai. Chawpleh chilhin ka dinna hmun a rawn thleng zui nghal bawk.





"I kareh tereuh te hi i chip thei tawh em, nge ka chiptir dawn zawk" sehchilh ranin arawn ti hrawk. Ka nghawng hnunglamah a rawn hmer a ka khabe a dawm telin min kuaidak nghal awrh. Ngeiawm lutuka mit chetkual ralh hian ka nuih zui hak thung.





"Ngawi rengin rawn lut mai rawh" ka hmai bul cheta rawn kun hniamin a ti vawt ruih. Takzet hian.





"Thudik chuan ati thinrim che animaw" ṭap mai tur ang hian ka nur kual vel a. A mitah tak melh leh hrawkin ka khabe a dawmna ka vaiper nghal nawlh.





"Nang ang hmeichhe kawlh hlirhler hi zirtirna pek ka thiam khawp ania" ti hmukin ka bek tawn tawna dawmin ka lu che thei lova a siam hnuin ka hmui a rawn khar chilh nghal hmak.





A kut ahrawl bawk nen ka bek adawmna chenin a na thei. Ka lu hmeh keh atum amaw tih tur khawpin adawm nghet anihchu! He ramhuai mihring anga rawn inlar hian hmeichhia ka nihna anga min dimdawihna emaw min tihnat hrehna pakhatmah anei lo.





Ka hmui afawhna athlah rualin dingdihlip chungin akawrawmah ka ṭham a, ka lama hnukhnai dawrhin ahmaiah chil ka chhak nghal pharh a. A kawrawm ka ṭhamna aphihthlak rualin ka pai deuh dat.





"Hrep che hian" ti hlukin ahmai atuai puat a. A thinrim thawkhat bawk aniang chu abek kual vel apawng nghal ṭawlh ṭawlh thei. Ka chetdan kha ka chin ṭhan anih loh mai bakah keipawh hian mawi kati bik lo. Ka chunga thleng nise keipawh hi ka lawm bikin ka ring chuang lo mahse kati zo vek tawh pawi tihin awmzia anei lo.






"Hmeichhe nungchang mawi hre lo" aphih hian min phih, mipa tha chu kei hmeichhe lian lem lo tak chuan ka dawl zo lo kher mai ka kat zui dawrh.
A dinna lam ka hawia ka insiamrem rualin ka banbula vuanin in lamah min hnuk zui nghal dawr dawr.





"Min thlah rawh" aban rem lai laia chum chung hian ka au zui tuarh tuarh. Mahse apenkhatte pawh a bahlah phah chuang eih lo. Siamtuin hmeichhia leh mipa dinhmun inthlau lutuka a siam ka thinrim ber ṭum a ni hial ang, tha kan inngah hleih lutuk.





Ka pa khan min tirlui lo nise atu ve ve tan pawh dinhmun lak lawh lutukah hian kan din ka ring lo. Kan zan hmasa ber aṭangin hmelsen kan inhmuh ṭan a. Engtikah mah nupa pangngai anga kan khawsak dun theih pawh ka ring lo. Bakah mize in ang chu an awm dun thei lo an tihkha tu mah mah indawh tumna emaw tlawm zawka ṭan tumna kan nei lo. I ngam ngam ka ngam chutiang vel chu kan dinhmun a ni.





Kawngka thleng ahnuh hian min hnuk phei a ni hrim. Kawngka ahawnga apenlut chiah kawngkhar vawnna ka hum ta tlat.





"Zorinpui" ti hrawkin ka kut aphihthla sawk a, athip zawk thei. Ka dar tawn tawna vuanin min thing nghal nawk. Hmeichhe tam tak chu nise an mittui atla pur tawhin ka ring, hmeichhe luhlul ve thawkhat tak ka nih vangin mittui tih tlak tumna keichuan ka nei lo. Mahse a thinrim hmel leh insehruh kual vel chu hlau lo ka ni bik lo, ka hlauhna in hnehtira lanchhuahtir ka tum lo mai chauh a ni. A ruk tak chuan ka tiril a khur ve tho.





Step-ah min kai chhova, kalo ṭang ve chhen chu aning deuh nge thaw hawk hian adarah min pu nghal nawlh. Keiin a hnunglam rem lai laiah ka chum zui bawk a.





Pindan kawngka chhir hawng rawpin khum lam min panpuia dimna tel hauh loin min thehthla zui dawp a. Sirlama ka tawlhliam tur chu min kuaiher lawpin ka dul chungah ka kut khinghnih chelh kawpin min karchehin arawn ṭhingṭhi nghal run.





"Min thlah rang rawh mihurpa." Ka thusawi hre lo ang hmakin arawn kunhniama min fawp zui nghal tawn tawn. A kut lehlamin ka kut ka dul chunga chelh kawpin lehlamin ka nghawngah arawn rek a, dimna tel hauh loin min fawp ngawng ngawng reng.






Ka nghawnga akut awm reng chu zawimuangin ka awm lamah asawnthla a, ka hn*te zawn athlenthlak rualin ka tal zui nghek. Mahse awmzia a awm tam lo. Min ṭhut bet mektu hi ka duh duha ka chetkualtir theih turin ka tiatpui a ni miau silo.





A kut sawnthla zelin ka dul zawnah atawp chawt a, ka kawr chhung azenluh rualin ka thawk ka hip let nghal chawih mai! Ka taksa aṭanga awmsawn tir turin thaah ka hneh lo. Ṭawng chhuah tum eng mahila ka hmui afawhna a thlah miah lo bawk. Ka thawk achham lo chauh tawh! Ka taksa pum a sa pup pup thei hial!






Ka kut achelhbehna athlah rualin achhip sam buk laiah ka ṭham zui nghek a! A rum nghut duh chauh anihchu! Hetiang mipa zankhatah pawh hmeichhe pakhat kham khawp lo hi inkhawihtir ka tum reng reng lo. Ka hmui afawhna athlah a, ka awm chet awk khawpin ka thaw chhuak hawk mai!





"Min thlah rawh"






"Chu chauh chu maw i sawi theih" ngeiawm lutuka hian arawn ti a, ka hmai bul chetah a nui hawk bawk.






Pawisak neih loh hmel zeta min melh ngur chung hian inrinna hman pawh awm miah lovin ka kekawr chhungah akut azenlut hmiah! Ka phu chiang kher bawk! Ka awm chhung ami thleng hian a phu rang lutuk. Luhlul chhuahin ka bawp ka chip zui tlat chu lawm loh hmel fe hian arum chhuak nghut.






"Duh tawk rawh" ti tuarhin achhipsamah bawk ka ṭham leh nghek! Mahse ka thusawi hria ang pawn a awm lo hrim hrim. Ka bawp ka chip ve ngar ngar techu akutphah hrawlpui tan chuan pawh kau har lo lutuk tih hriat ngawih ngawih hian aduh dan danin a kuaisawn thei!





"I cho chhuah liau liau" ti sup hian akut ka kap lama awm chu vawilehkhatah a chet thut a, ip chawih chung hian ka thawk ka hip let nghal tlat!





Ka bawp adelhbet hneh bawk si nen ka tan chet ngaihna a awm tawh lo. Ka fel lo hle chung hian hmeichhiat mipatna kawngah hian ka chet tenawm ngai loh vang nge hlauhna leh thinrimna in min ṭham kual vel nawk nawk tawh. Akut achet leh dat rualin ka tukhumin khum ka nawr zui tawk. Hei aia thui akal chuan ka inten hle bawk ang tih hre reng mahila chet kala ve thei bawk silo.






"Pathian hmingin ka ngen a che duh tawk hram rawh" au chhuah chiam tum mahila ka aw achhuak hlei thei tlat tawh lo. Ka hrawkah min hnawhtu a awm tlat. Ka hmui hnuailam khur deuh dar dar chu pet fanin thawk ka la hawk a. Han ṭan leh tumna pawh ka nei tawh lo, tum pawh ni ila ka thei chuang lo achak lo zawk ka ni miau a.






Ka mittui rawn hnai ve ringawt chu duh loin ka mit ka khap sak sak a, mahse awmzia a awm tam lo ka bekah aluang chhuak nghal pap.






"Min khawih tawh suh khawngaihin ka ngen che" ti tiau hian a chhipsam ka vawnna ka thlahthla hnak a. Ka heh hnuailam pet fan hian ka insut ri nghal hraih.






Thaw hawk hian ka kekawr chhunga a kut awm ala chhuak a, ka thaw huai thei. Ka awm chunga a chal nghat datin na lutuk hian thawk ala leh hrawih. Keiin ka thawk ka chelh tlat thung. Ngawirenga ka taksa aṭanga inla hrangin ka kawr ka hnute bawr lang lo deuha ahlim chhoh siamṭhain ka taksa aṭangin a letsawn nghal vut a. Chetsawn tumna pawh nei ve chuang lovin khuma mu chung hian mit ka chhinga thawk kala halh halh reng.






"Nungchang mawi hria ang che" ti zui hlukin pindan achhuahsan zui nghal nul nul a, ka taksa che awk khawpa thawk ka lak rualin ka hrawk chhung aṭangin arawn ri chhuak hrawih insum tumna pawh nei lek lovin ka inhnit nghal hlawp hlawp. He mihring hi ka haw lutuk. Engtikah mah ka huatna hi areh thei tawh ngai pawhin ka ring lo. Hmeichhe chak lo zawk ka nihna hmang ṭangkaiin tharum hmangin ka taksa chhungah aduh hmuh atum a. Ka ngaihtuah zawng ringawt pawh hian ka kawchhung thlengin thinrimna leh tlawm intihnain min ṭham kual vel a, ka rilru a na tawpkhawk bawk.






Ka mutdan siamremin ka inkuah khawma ka ṭap nghal hlawp hlawp. Ka mittui chu dan tum eng ang mahila dan ngaihna awm lo khawpin a luang chhuak zung zung. Ka pa ka dema heti tak maia a fanu mal neihchhun thinlung na tawpkhawka min siam thei hi ka haw ngawih ngawih. Ka hmangaih pawh nilo ka hmelhriat ṭha pawh nilo kianga damchhung hun hmang tura min tir liam thei hi amak kati ngawih ngawih bawk. Ka fel lo tih ka pha lo mahse engtin nge heng thil hi athlentir theih zawk. Hmeichhia a kalo piang hi vanduai ka inti hle tawh bawk. Mipa lo ni hlauh ila chuan heng zawng zawng hi ka paltlang angai lo tur.



""""""'''''''"



Curtain inzar phui lo aṭanga ni zung lang riak hian ka hmaiah a rawn chhuna, ham bai bai chungin ka meng chhuak siar siar. Nizan ka mutdan ngai ngai khan ka in ṭap muhil ani ngei ang engmah puan sin pawh ka nei lo. Nizan thil thleng ka ngaihtuahna a arawn lan rualin duh lo lutuk hian ka lu ka thing ngheka ka bengah ka pawt nghal vak bawk.






Ka jacket haklai dap rawkin rawkin ka phone ka phawrh zui nghal. Remsanga missed call atam hle bawk. Ka phone silent a ka dah vang a ni ngei ang engmah ka hre miah lo. Nizan khan Remsanga kha an in a ka kal tur thu ka hrilh anihkha. Mahse kan dinhmun kha khati teh nuai anih avang khan engmah pawh ka hrilh leh ta silo, a lungawi lo viauin ka ring.






A no hmet chhuakin ka call zui nghal zat a. A ring ral ral reng chu ka ngaithla kar.






"Hmeli" vin lutuk hian arawn ti nghal tuarh. Ka mood nen a inrem chiam lo nen ka ner nasa kher bawk.






"Nizan khan ka nghak tlaivar lo chauh che tih i hria em? Phone chhang thei bawk silo" a hmel hmu thei ngat ila chuan a ṭawng chhung zawngin athinrim lutukna lamah ahrawk aphiar ṭawn ṭawn theiin ka ring.






"Sorry aw" abak sawi tur dang ka hre miah lo. Ka inthiam lo tak tak reng bawk. Malsawmkima khan min rawn hmu lo nise tunah hian an inah ka awm vang tawh ang.






"Hmeli nangmah vangin ka hmelchhe vek i hria em" ka nui chhuak hak. A sakhmel hi aduat ve thei sia.






"Nakinah ka rawn be leh ang che" min chhanna pawh nghak lovin phone ka dah zui nghal.






Muangchangin khum aṭangin ka tho thla a, ka ṭhu leh ren rawn phawt. Nizan ka mut ṭhat loh chhinchhiahna ka luin arawn lantir chu ka beka dawm chung hian ka hmet zui a. Ka mitmen anawm loh mai bakah ka chal thleng hian asa vek thei.






Ka slipper khum bula mumal lo zeta let reng chu dahremin ka inthawlh zui nghal thak a, washroom lam ka pan ta chauh. Washroom darthlalang hma a ka hmel lo lang ka hmuh rualin ka ner zui sak. Ka sam apawr em em mai bakah ka mithnuai aval kulh mai! Zankhat lek pawh ka mut ṭhat loh chuan ka mit hnuaia val thei hian ahna hi ahre khawp. Lan loh hlau ang hrim hian alo phe ve vat kati mai alang nghal kuau zel. Ka hmel dang diau nen ka chhe ngawih ngawih hi a ni tawp.







"Good morning" washroom aṭanga ka chhuah rualin Malsawmkima'n pindan kawngka ngheng runa inkuangkuah chung hian arawn ti sup a, nizan kan boruak nena inmil lo zetin ahmelah thinrimna emaw hmuh tur a awm lo. Ding deuh datin ling hlara melhin ka kutzunglai ka tihpir khum vang chu anui suk anihchu. Vuakthluk tawp ka chak zawk. A ni chu kei ang lo takin zan menreiin a hrem ve lo animahna ahmelah hmuh hrehawm tur engmah alang ve eih lo.







"I zing hmasa berah i tho tlai nghal ringawt a" ti sup hian a kekawr ip zen chungin ka dinna lam arawn pan zui zat. Ngai pawimawh duh miah lo hian ka thawmhnaw dahna lampanin kawngka ka hawk rawk a,ka thawmhnaw hak tur la chhuaka ka khar zui bur chu a inhem ri nghal ṭhak mai.






"Kan tho fu vak lo nge" nuihza insum hmel zeta min melhnate chuan ka thinrimna ka bengdaih tawh chu arawn chhem alh ṭha leh hi a ni ber. Hmanraw chuh lawka hem bawrh bawrh ka chak lutuk. A engkim hian ka pawi asawi ngawih ngawih.







"Thlawk bo rawh" ti hlar hian washroom lamah ka luhbosan nghal daih. Zingkar aṭanga ahmel ka hmuh ringawt pawh hian ka kawchhung a inum let but but thei. Ka luak khum nghek lo chauh zawk.





Ka intihfaia ka inthlak zawh vek hnu pawn washroom-ah kala tawm ta tlat. Pindan aṭang khan lo chhuak tawh se ka ti takzet bawk. Zingkar aṭanga ahmel hmuh kha sawithiam loh thinrimna hian min fan, ka sawithiam dan berin.







"Zorin" ti thum dut hian washroom kawngka arawn kik kauh kauh a ka hawi nghal hra. Ngawi rengin toilet chungah ka vaipa ṭhut ran reng. Inneih tukah chuan achhungte pawh anlo lang ang tih chu ka hre tho a mahse ka mood chhe ngawih ngawih lutuk hian luhlulna ahring, engmah ka ngai pawimawh peih vel lo.






"Rawn chhuah ahun viauin ka hria" ti hmuk hian arawn chum zui dawt, ka phu chiang em em zui bawk a.






"Luhlul i chhuah tlat leh nangmah i inhrem tih hria la"






"I hmel anihchu" kati zui nghek. A nui deuh hawk pawh ka hre chiang ngang.






"A intifai ami?" Lalpuii aw ani ta thung. Toilet chung aṭangin ka chhuk rang lutuk. Lalpuii hi ka û anih vang leh amah afel em avang hian kan unau zingah rau rau chuan ka hlauh ber a ni hialin ka ring. Mahse athu ka awih avang hian min duat bertu a ni bawk.






"Rini" kawngka kik dat hian arawn ti veleh. Kawngka lam ka pan nghal rawk rawk. Ka chetzia chuan ka nuih atiza tlat pek anihchu. Naupangchhia nghal lo chuan washroom-ah ka tawm tlat ania.






"I intihfai zawh chuan rawn chhuak rawh" fiah fak hian arawn ti zui leh zat, thu min pe hi a ni ber. Tawm zui tlatna chi a ni tawh lo.Muangchanga kawngka hawngin ka pen chhuak nghal zal zal. Lalpuiin chik em emin min lo melh reng chu tihngaihna hre lo lutukin ṭul lo puiah ka ban chetsekin ka hawikual ralh ralh. Huaibak ka chhuah arinsa vang tepawh animahna arawn lan vat ni.






"Tun chen chen pindan lama tawmbo tlat chi a nilo" ti ram hmarhin min melh nghal hrawk. Nuam lo kati ve ta deuh. Malsawmkima dinna lam ka melh a inkuangkuah run chung hian a nui suk suk.





"Helai hmunah hian pre-school hi kan hawng mai dawn a mi" mit siai zauh hian a rawn ti. Ka vawm pawp chak lutuk. Theih nise ka kezungpui hi a hmuam tawt ang.





"Hmela"






"Zorinpui"





"Aw" Lalpuii dinna lam rang zet hian ka hawi nghal. Ka chhang rang viau mai. Lalpuii hi ka û ni tho mahse kei aia a upatna atam loh vangin ka û tiin ka ko ngai lo,amah pawh hian ka kohdan hi pawi ati vak chuang lo nge engmah asawi ngai lo.





Inhnuai lamah kan pathumin kan inzuithla a, ṭhutkhawmna lama Malsawmkima nuteite chhungkaw ṭhu tlang dial chu ka hmu hmasa ber. Nizana hmeichhe heh sen zet pawh kha alo ṭhu ve ran mai, Rinhlua a awm tel bawk.





An ṭhutna lamah kan pathumin kan inzui phei a, a nutein min lo be nghal luam. Hehseni vete chuan min ngaih theih loh hmel ram ram khawp lehnghal. Nizan aṭang tawh khan min la melh ling tluang zel bawk a, ka engah teh vak athawk chiam lo khawp mai.





Min biakna ka chhan har deuh apiangin Lapuii mitmeng rum al ka hmachhawn nghal siah zel. Hmeichhe pangngai tak a ni a anau ka nihna angin ka lan mawina tur azawng tih hre tho mahila ṭhat der, nuih der ka ning hluah hluah. Kan inneih ni maha nin tawh sa nen chhungpuinu, hmeichhe puitling tak anga han lan chu kei ngei pawh hian inhmeh ka inti hlawl lo. An thusawi lai chuan lehlam hawi hian kalo ner leh nak ṭhin. Puitling kara awm ka hne nachhan ber a ni bawk. Remsanga nen kan awmdunin thu un pui pui kan vaivir ngai lo mahse kan hlim ve tho.






Rei pawh kan ṭhut ho hmain choka lam aṭangin nu pakhatin chaw ei a peih tawh thu arawn sawi lang lang a, min nghah rei vangin an ril aṭam hlawm nge pawh ka hre lo an ding chhuak nghal dial. Din ve mai nachang pawh hre loin kala ṭhu ta reng. Kei, Malsawmkima leh hehseni tih chauh lo chu choka lam an pan vek tawh.





"Nizan chu i mutui thei meuh maw?" Ngeiawm zet hian a mit tung it et a chetkual ralh. A ṭawngkam aṭang chuan min deusawh tih ka hre chiang viau bawk. Malsawmkima ṭhutna lam ka melha ngaih pawimawh loh hmel zet hian a phone a hmet mual mual.





Ka aw ka thian kharh a. Hehseni lam dak deuh vah a hawi chung hian ka nui hmasa leh phawt.





"Muttui tehreng e...ka muttui lovin tunge muttui chuang ang" mit siai zauh hian kati let ve hmak. Za lo tih hriat zet hian arawn ṭhen leh sak a kalo nuih let ve thung. Ka chunga an ngeiawm thiam zawh poh leh ka thiam ve zia ka lantir chu a pawina awmin ka hre hran lo.






"A nih ka ring" a ṭhen zui sawng.






"I ril aṭam lo ami?" Malsawmkima'n a phone kenlai a kekawr haklai ipte a thunin min rawn melha, choka lamah a lu athle buk bawk. Nimin khan thil tih tham ka ei lo, ka ril chu ṭam tak a ni tawp. Engpawh ka hmaah rawn chhawp se ka ei buan buan thei vek hian ka ring.






"Ṭam lo" ka sawi zawh rualin ka pum a ri nghal rawih rawih. Ka dawm rang kher bawk. Hun lo lutuk mai. Mitmeng tizim sun a min melh chung hian a nui deuh suk. Ka pum ri kha aring bawka hriat loh der chi a nilo.






"Ṭam lo takzet" nuihza insum hmel zet hian arawn ti leh kher. Chhan pawh chhang lovin ka inher hmaka choka lam ka pansan ta nal nal.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » February 14th, 2021, 2:47 pm

ONLY YOU






Edit lovin ka rawn dah tawp... Chhiar tui vek ule🥰💜



CHAPTER-5









He in a ka vawikhat chaw eina, chupawh Lalpuii chiah ka hmelhriat ṭha ala awm zui, chuti chung chuan zahnain ahneh zawh loh khawpin ka ril aṭam miau a ka eihnem ang reng. Chaw kan eichhung zawngin Malsawmkima'n pasal ṭha ber lawmman dawng tlak hial khawpin min care. Ka hawichhuah apiangin hehseni'n min lo melh deuh kham kham zel chu ka ṭhenkhum leh sak ṭhin. A ni ve mai mai hi ka hlau bik hian aring amawni.






"I puar em Zorin" kan eina kan sengfel zawhhnua ṭhutkhawmna lam ka pan chu Malsawmkima nutein alo ti nghal vat. Nula fel ber ang zia zangin ka puar thu leh engkim atui thu ka sawi ve deuh duah. Aruk tak chuan ka inla puitling vel lutuk chu ka nuih aza. Lalremsanga'n ka kam chhuak hi hria se mak tih lutuk vangin ahawi lawl lawl hian ka ring. Malsawmkima leh hehseni hmuh zui tur an awm lo nghal pang bawka, mahse ka thawveng huai zawk. An bulah khan ka nuam lo ru ṭun zawk. Mahse nizana ahmeichhe awmpui kha hehseni hi ani dawn amawnle tih ngaihtuahna ka nei nghal.





"Zorin i phone" ka dara rawn beng dat hian Lalpuii'n arawn ti sep.






"Hah" ka hawi nghal haw.







"I phone" ka phone hum reng arawn melh zauha. Alo ri char char chu niin ka hre der lo lehnghal.







"Ah....aw" ti nuai hian ka phone ka melh a. Ka kianga ṭhu ho ka melhkual leh min lo en ṭhap. Ka awmdan chu ka at hmel dawn hian ka van hre tak. Ka hum lai reng ri pawh ka zu han hre miah lo thei anihchu! Hahthlak hian!







"Min lo hrethiam ru" tihleh thawh ka rual nghal. Pawnlam ka pan nghal hlawk hlawk bawk.






"Aw" ka tinghal tawl. Remsanga anih vangin ka hello buaikual vel peih lo.






"Nizan i hmang nuam em? I na ṭhem ṭhum lo maw?" Ngeiawm fahran hian arawn ti nem duai anihchu! Ala nui uarh uarh zui bawk a.Hepa han nghal em em zia hichu.






"A duat che maw in pa chhelo deuh chuan" ka chhan hmain arawn ti zui leh zat.






"Aw hei ka na lutuk a e tiang hawl lo chuan inchhungdung pawh ka kal hlei thei lo" a aw tihnem kual aia ngeiawm leh nem zawk hian kati let ve kher. A aia uarin ka nui zui tel kher bawk.






" E chuan maw min duat zia chu maw, nizanah pawh min awi muhil. Tukinah pawh keimaha chaw bar aphal lo min barh thlap" A thin arim ang chu.






"Hmeli zak rawh" arawn tilet hlar. Angeiawm hmasa zawk chu amah a ni reng si. Thinchhe leh lutuk mai.






"I ngeiawm hmasak man" ka nui zui leh hak.






"Tak takin ahrehawm em? I lung aleng viau lo maw?" Pangngai zawkin arawn ti leh a. Ka ngawi zui vang vang. Pasal nei lo ila chuan tunah tehian Remsanga nen college-ah kan inzui leh khat khat tawh ang. Vei nei miah lo khan kan duh duh sawiin kan nui dun anga. Remsanga nen tak phei hichuan zan ka mutlai zawng hi ka inhmuh loh chhung tak tak a ni. Ka kianga awm tam ber leh ka ṭhianṭha ber anih vangin reilote ka hmuh loh chhung pawh hian ka ngai ngawih ngawih, ka nu tih lohah.






"Hey" ka mittui hnai nghal ringawt chu duh lovin ka mit ka khap sak sak a. Ka thaw deuh hak.






"I lung aleng ami"






"Immm ka ngai che. I hria em zankhat lek pawh ka hmuh loh che chuan ka ngai ziah che tih i hriat kha" ka mittui ka kutphah chungah afar nghal kauh. Thaw deuh hak hian ka vanvadaka za lo zetin ka nui deuh hak bawk. Ngati nge ka zuau tak em em chhan pawh hi ka hre tawh bik lo. Ka naupang ṭha leh hi a ni ringawt.






"I ṭap ami hmeli" pawr fe hian arawn ti nghal. Ka ṭah emaw chang hian atihngaihna hre lo lutuk mi thlem thiam bawk silo hi a pawr hlar zel.






"Aih" ka ti zui ṭiau. Ka mittui tuaihul nawk nawkin ka aw ka thian zui kharh a. Ka ṭhianpa ve em em hian ka ngaih aphu ngawih ngawih. Chuan ahma zawng ai nasain hun reilote ka hmuh loh chhung pawh hian ka ngai bawk.






"Keipawh class ka kal lo a"






"Tinge" ka chhang rang lutuk chu arawn nui thler leh nghal duar.






"I kal dawn si lova ka peih bik lo"






"Hmm nangpawh min ngai khawp anihkha. Nizan tekhan i ṭap kuk kuk lo maw"






"Zak teh ka ṭap bawk lo" atih hlar rualin ka nui chhuak nghal hak hak. Remsanga vang hian lawm lovin ka nuia velh lovin ka ṭap bawk ṭhin. Chu chuan ka tana ahlut zia a phawkchhuak chiang viau mai.






"Tunge i biak?" hnunglam aṭanga min rawn kuahtu chu tunge anih hrilh chawp ngai lovin ka hre chiang ngang mai. Chuan ka phu hle bawk. Ni reilote chhung hian ka duh aiin ka taksa a si tam mah mah bawk. Kan inah arawn kal chang khan ka hmu ve zeuh zeuh ṭhin. Inhmelhriat ṭha ti a sawi tur kan ni ngai lo chuti chung chuan mi duh hluam hluam anga a awm thei hi eng ang mizia nge pawh ka hre hrep lo ve. Nge thil tum dang hi anei zawk. Nula anei tihchu ani leh keihian kan hre chiang viau bawk. Oh! Nizan aṭang chauhin alawm ka hriat ni.






"Min thlah vat mai teh" ṭawng rin hlau bawk si sehchilh ran hian ka ti hlar. Ka phone hum lohna lamin ka dul zawna akut suihbeh ka phih nghal dawrh bawk. Hetiang anga awm fo hi ka duh hauh lo.






"Asshole!" Ka ṭawngkam mawi lo zet ngai pawimawh miah lo hian ka naknema arawn piai zauh chu ka ṭe deuh ṭhat.






"I ṭha em" Remsanga'n arawn ti zui ve chat a, ka hmui ka hup rang lutuk tlat.






"Aw ṭha, ka tlusual ṭep a" buh nuai hian ka ti ta ringawt. Ka tal nghek a, engmah sawi lo chuan min thlah zui ve mai bawk. Induhna tel lova innei kan ni a, chu chu hmang ṭangkaia tisa inzawmna siampui hi ka tum reng reng lo. A mil loh zawng hlira khawsaka ṭhen vat vat hi ka duh ber. Min mil lo sa tihchu hre tho mahila a thin tirim zawng leh angaihtheih loh tur hlirin khawsa ila min ning vat se ka duh ber.






"Tunge i biak?" Ka hmalamah arawn dinga min melh chhuk run. Ni chhun zawnga ding ka nih vangin ahmel en chho tur pawn ka meng set set ngam chauh. Mahse ahmelah lawm lo hmel emaw engmah hmuh tur a awm lo.






"I beng avir anihchu!" ka phone ka bengbul aṭanga lasawn deuh hlek hian ka ti zui hmak. A nui chhuak nghal hawk hawk anihchu. Nuihzatthlak ka sawi pawh ni tawp silo.





"Ka nupui hian kan inneih tukah mipa dang min biaksan nghal tihna a ni thei angem?" Nui suk hian arawn ti leh sup. A ve tak chuan ah. A zah theih loh dan em em hi khawi aṭanga achhar chhuah nge ni. Min lo biak buai ve chhen avangin Remsanga nen kan inbiakna lamah pawh rilru ka pe hlei thei lo.






"Kalo nghak ang che" hmui phun hian arawn ti zauh a, ka phone humna lam kut rawn banin ka dah hlat hret chu zawimuang hian ka bengbulah arawn nawr bet zui nghal zat. A khawsa zia hi amak ve ngawt mai. Eng chiah hi nge ka lak aṭang hian a duh ni.






Malsawmkima hnungchhawn zawnga dingin Remsanga ka be zawm mawlh mawlh a. Eng eng emaw sawiin ka nui leh hak hak ṭhin. Achangin ka pawr hlara achang leh fiamkualin ka aw kati ngeiawm thul. Heihi kan pahnih inbiak dan hrim hrim anih vangin huat enah pawh kan en ngai lo.






Kawngka bula aṭanga min au lang lang ka hriat rualin ka inher vat a. Verandah-ah haw mai tum niawm tak hian Malsawmkima nuteite chhungkua leh midang ho pawh anlo ding ṭham tawh. Lalpuii'n min rawn hui zauh chu kalu ka bu nghat.






"Nakinah kalo be leh ang che aw. Bye" ka phone ka hmui bula lekhnai chungin "muuuaaaaahhhh" ka ti zauh a. Min chhanlet hun pawh nghak miah lovin ka phone ka dah nghal daih. A sa leh phat phat ang chu. Hotel a ka fawh zan pawh khan aling hlar anihkha! Mahse ahuat zawh poh leh hetinga fiamkual hi nuam kati tlat pek anihchu.






Ka phone hum ranin hmanhmawh zet hian an dinna lam ka pan phei zui nghal hlawk hlawk. Malsawmkima'n min rawn zui ve nghal tihchu hawilet kher lo mahila ka hre thei tho. Kei aiin a pen thawm ana zawk miau a. An haw dawn em em a thlahliam veloh techu thil mawi a ni nang. Puitlin lam ka pan ve zel chu anih hi khawsa ho ṭhin viau mahila. Mahse Malsawmkima laka ṭhat chhuah chu ka tum chuang der lo.






An dinkhawmna kan thlen phei rualin ka darah arawn kuah zui nghal zat chu ka melh chho deuh haw. Mahse anuteite dinna lam amelh run thung. Midang an awm ve avangin suahsual rawngbawl ka tum hran lo. Kan pahnih kan nih hunah erawh chuan kan inkar chu ahla vang vang viau ang.






Malsawmkima nutei techhung kan thlahliama. Rinhlua buaipui tur aneih vangin rei pawh awm lovin a ahaw zui ve lehnghal mai bawk. Kei Lalpuii leh Malsawmkima chauh kan awm tawh, hehseni kha ka hmuh zui loh avangin ahaw tawh anih ka ring.






Lalpuii nen kan pindan lamah nimin lama ka bungraw dah fel loh la awm ho kan dah fel a. Eng eng emaw sawi hian kan nui leh hak hak ṭhin. Pasal la nei lo niin ka nitin nundan chu hetiang reng hi nise tih ka ngaihtuah kual rauh rauh mai. A nuam dawn riau hian ka hre bawk a.






"Zorin" Malsawmkima aw thum dut ka hriat rualin ka inher nghal vat. Pindanah arawn penlut ve chiah bawk.






"Hna thilah chhuah lawk ka ngai dawn a" tak ngula min melh chung hian ati sup. Pasal neiha kan pasalten an hna pawimawh vanga an chhuah tur thu min hrilh te, thildang dang nupa inkar thil pawh aniang chu ngaiah ka nei thei ngai pawhin ka ring lo.






A closet hawngin a thawmhnaw hak tur ala chhuak mual mual a. Keiin ngawi rengin kan thil tihlai ka tih chhunzawm mial mial thung. Inchhung sekrek khwih hi kan inah khan engmah kati ngai lo. Ka thawmhnaw takngial pawh ka nu chinfel vek a ni ṭhin. Eirawngbawl phei chu artui kan, alu kan abak dang thiam ka nei lo hrim hrim. Pasal nei chu ka ni ve der bawk si thil mak a ni thil mak.






Lalpuii bawlhlawh ṭhenkhat paih turin achhuak zui deuh nal nal bawk si nuam lo kati thar riau pek a. Min biak loh chuan hepa hi han biak tumna ka nei hran lo. Mahse aboruak ken tel hian ka awm ati nuam lo hu thei. A thawmhnaw hak tur emaw han enkualpui vel phei chu tih ka tum loh mai bakah ka zei dawn lo lutuk.






"Vawiin a khawih zawh vek intum ami?"






"Maw?" Ka hawi chhuak deuh haw. Ka bul maia inpeihsa vek a ding chung hian a nui deuh suk, ka awmdan vang a ni ngei ang. A inthlak fel lai reng reng ka hre miah lo.






"I chau lutuk ange ka ti anihchu" ka bulah arawn ṭhuthla nghal zat.






Ka sam tla hnawk niai ka benga zep hian akut lehlamin ka chhipah atuai zauh a. Ka meng phawk nghal hru thei. Inlak cool vel chu a hnehsawh zawng tak anih hmel.






Ka khabe a arawn vawn leh rualin akut ka vai per nghal nawlh a, ka ding chhuak nghal vat. Hetianga khawsak vel hi keichuan ka peih ve lo. Mahni awm awmin awm ila inngaihsak lo tawn ila chu chu ka duh ber.






"I hman chuan kan kal dawn a mi" Hehseni bawk pindan kawngka bulah alo ding ran tawh. Alo la awm ve reng chu niin. A haw daih tawh amaw tih nak alaiin.






"Ka rawn bia ang che" ti sup hian a tho chhuak vut a. Kawngka lam apan zui nul nul.






"Zorin anih aw, kan inhmu leh dawn nia" Malsawmkima bana chelh chung hian a heh apet sawi zauh. A mitmeng adera nunnem hmel zet phena min ngaih theih lohna chu ka hmu chiang ngang mai. Lem achang peih hi kan ti khawpa. Lemchang nun, ṭhaawma lang si chhungril khakna hlira khat kalo hahpui zawk. Chhan pawh ka chhang let peih lo.







"In chhuak dawn der a" Lalpuii'n pindan chhung rawn penluh pah hian arawn ti lut lang lang. An awm ve tih pawh hre lo ang hmak hian ka thawmhnaw ka remfel nghal zung zung.






"Aw, ka rawn har lo ang" ti supin an inzui chhuak nghal. A duh chen chen va thang se pawi kati lo ber. A awm loh hian nuam kati daih zawk. Hnathawk achhuak tur nge fawr tur annih pawh tu hriatpui va ni suh. An awm awm khan awm rawh se ka buaina tur a ni lo ve chiang emai.



""""""""""""



"Fel deuhin thuawih deuhin awm ang che aw. Chuan harsatna i neih chuan min rawn hrilh vat la" kawngkharpui bula ding chungin Lalpuii'n ati zui mial mial a. Fel, thuawih chung zawng zawng ai chuan haw veleh daih ka chak zawk. He inlianpuia khawhar deuha awm hi ka chak hlawl lo. Mahni duh dan dana talkual ṭhang khungbeh reng ang vel hi ka ni nghal der hian ka hria. Bakah Malsawmkima nen chauh awm hi ka chak hlawl lo.






"Helai thleng bak hi lo chhuak duh suh" ti hliai a min nuih ver ver chungin gate lam apan zui nghal nal nal. Lalpuii kal hnunglam aṭangin ka thlir zui reng. Zui haw ve mai ka chak zia chu ka sawi seng lo zawk. Ka lung aleng nghal ngawih ngawih.





Lalpuii kalliam hnuah chauh inchunglam ka pan ta chauh. Awmpui emaw anei bawk silo akhawharthlak ngawih ngawih hi animai. A in afal bawk si nen anuam ka ti chiam lo. Mi hausa nilo mahila kan inah kha chuan pathum tal kan la chenga. Ka pa dawrah kal daih ṭhin mahse ka nu tal khan in ala nghak ṭhin a, mahse hetah ve chuan Malsawmkima a awm loh chu keimah teh tlawng. Inah awm se ka tihna ni lovin mahni a he inlianpuia awm hi nuam kati lo.






Ka thawmhnaw hak tur muangchanga thlangin washroom lam ka pan a. Kan indah felna lamah ka thlan atla nasa bawk nen ka ban deuh chuap thei. Intihfai vat vata mut hahdam veng veng ka chak ber tawh kawm tur an awm chuang lo.





Shower-a inphurh tir sar sarin ka taksa ka chulkual a, ka harh deuh sawng sawng hian ka hria.







Reife uluk zeta ka inbual hnuin washroom ka chhuahsan ve thei hram. Towel chauh veng chungin ka thawmhnaw awmna lam ka pan a ka inthawlh zui nghal mial mial. Ka hawikuala engkim hi areh ṭhuap vek, ka khua ahar ngawih ngawih bawk chhuahvahna tur awm se ka ti takzet.






Mut mai ka tum deuha chu zan lamah mut ṭhat theih loh ka hlauh vangin inhnuai lam ka pan leh ta zawk. Inchhungdungah ka vei tawn sek a, biak lumlam tur awm bawk silo ahrehawm dan hi ka sawithiam lo zawk. A khawharthlak ngawih ngawih.






Pawnlama chhuakin inhnunglam ka pana. Tlema tlangpawng deuh laia thingbuk hnuaia ṭhutna ka hmuh rualin khek deuh ṭhatin ka pan nghal. Ṭhuthla nghal thakin mit ka chhinga thawk ka la ham ham. A hahdamthlak viau mai. Khawthlir anuam em em bawk.






Ka nundan ṭhin te ka ngaihtuah a ka thaw leh hak ṭhin. Kan vengchhung min hrechiangtu chuan pasal ka neih ngai an rinloh thu kan inneih ni thleng pawn anla sawi anihkha. Awm lo kati hran lo khawsa ho ve thei takin kohhran dan thianghlima pasal ka nei ta mai kha amak ve dawn em asin. Nula rui thle kawi mai mai ṭhin nu leh pa thu ṭha sawi pawh pawm lem lo, duh duha talkual ṭhin, nu leh pa pawhin an ngaihtheih loh tur khawlaia ṭawp hnawka la tal kual mai mai tur ti a an sawi ṭhin Zorinpuii khan pasal ka nei ta mai chu ani si a keipawh hian awihhar kala ti fan.






Nulat ka hriat aṭangin mipa pangngai tak phei chu inngaihzawnna lam thilah hian ka hnimhnai ngai lo. Keiin ka neih zawng chu Remsanga hi animai. Ka nu leh pa chu sawi ngai lova ka ta sa ka hmangaihte anni.






Hmeichhe naupang duhawm leh fel tak ti a an sawi ṭhin kha ka ṭawng ta em em a. Mahse ka nundanah hian tumah dem tur an awm lo keima thlan a ni. Ka nu leh pa chuan fanu fel tak ni tura min duh avangin ṭhu ṭha tinreng techu min hrilh ve bawk mahse keimah hian ka zawm lo. Ka nundan hi hrehawm kati ngai lo, ka hlim tawk. Mamawh dang ka nei ngai lo bawk. Mahse he inneihna hian engkawngah nge min hruai anga eng ang miah nge min chhuah dawn tihchu keipawh hian ka hrethiam tawh bik lo.







Ka inhak bulh deuh vang nge vawt ka tih deuh er er vangin inkuahkhawm ṭai chung hian ka ṭhutna hmun aṭangin ka ding chhuak a inchhunglam ka pan nghal vat. Inchhung khawharthlak, mi tangah ka inchan deuh rum rum mai.






Inchunglama chho hnak hnakin pindan lam ka pan a, kawngka ka hawn rualin ka thaw deuh hak. Khawhar ngai thei miah lo ka ni ṭhin, chuvang anih ka ring hrehawm ka tih bik em em.





Ka slipper bunlai tlawhphelhin khumah ka inthawlh nghak kak. Mut mai loh chuan tih tur dang thlawt ka hre lo. Remsanga ni se areh deuh hmak bawk si. Ka nu techu ngai tho mahila biak hmasak ka hreh ve tum hrang bawk a.



"""""""""""



"Zorin" ka mang hriat ruai ruai mai. Ka dara rawn sawi deuh dat dat an awm tak avangin ka meng chhuak set set. Ka lo inngaihtuah muhil a ni ngei ang. Ka mit chhing sawkin ka meng chhuak a Malsawmkima khum bula cheta chair hungin alo ṭhu run mai. Chik zetin min melh ngur bawk. Ka muttui viau a ni ngei ang alo haw lai pawh ka hre miah lo ania.






Lukham sira ka phone dah banin dar zat ka en nghal a a missed call a awm tih ka hmu zui nghal zat, zan dar 7 alo pel duai tawh bawk. Ka van mu rei em em ve mawle. Zanah ka mu thei miah lovang tih ka hre nghal.






"I ril aṭam em?" hriat nuam zet hian arawn ti sup. Ka bu deuh nghat. Zingah khan hma deuhin chaw kan ei lo chungin chhunah engmah ka ei leh ta miah lo ka ril chu aṭam ve reng mai. Ka pum rawn ri rawih rawih chu ka dawm nghal vat a, akiai deuh suk mai.






"Lo tho la" ti sup hian akut ka lamah ka vawn turin arawn lek a, ngai pawimawh duh loin aṭhut lohna lamah ka tho chhuak nghal daih. Nupa ang tak taka khawsak hi ka duh reng reng lo. Min ngaihsaka min duat chiam tur pawn ka phut lo bawk. Mahni tal tala tal ka duh zawk.






Aṭhutna aṭanga tho ve vutin ka slipper ka dinna lamah arawn khai phei a ka bun rem turin chhuatah adah zui nghal zat a. Inherin pindan achhuahsan nghal vut bawk.






Ka sam tuai mamin ka slipper ka buna. Ka ril ṭam vanga ka pum ri leh rawk rawk chu dawm chung hian ka nui hak.






Choka ka penluh rualin ei tur dawhkanah alo chhawp chhuak vek tawh. Mahni chauha awm a ni bawk nen eisiam chu athiam phianin ka ring.






"Lo ṭhu la" ti sup hian chair pakhat ka ṭhutna turin apawt chhuak a hnialna pawh nei lovin ka ṭhu thla nghal thak a ka chil ka lem zui dawk mai. A ei tur siam zawng zawng hi ka duh chi vek a ni lehnghal.






A rawn ṭhut ve pawh nghak lovin eitur ka bana ka ei zui nghal mawlh mawlh mai. Rawn ṭhuthla vein inbe miah lovin kan ei dun mial mial. Ka muhil kha min lo nghak ve ngar ngar anih ka ring.





"Eirawngbawl i thiam em?" Ka khuh nghal bawrh bawrh. Ka plate bul maiah tui arawn dah hnai a, melh pawh mg lovin ka ei zawm lehnghal.






"Thiam ṭep" ka aw thian kharhin kati zui sep. Hetiang lam min zawh ka ring miah lo mahse ka zak ve dawn dawnin ka hria. Nula pumpa engmah tih thiam pawh ka nei lo.






"Nula kan neih angai dawn animaw" nui suk hian arawn ti sup. Ka thil eilai hmuam ṭun chungin ka plate ka chawia ka tho zui nghal daih. Innel tawn theihna tura ti ti dun vel hi ka peih lo.






Kan thil eina ka tifela. Helam chu ka thiam ve mai. Ka tihfai chhung zawngin chokaah alo awm ve char char tho anihchu. A peih hi ka ti zawk khawp.






"Enge tih i chak?"ka kut ka hruk fai mawlh mawlh laiin arawn ti teh thut. A bula awm nuam ka tih theihna turin ṭhat achhuah tihchu ka hrethiam ve mahse tilo se ka duh zawk.





"Engmah" ti hmakin choka aṭangin ka pen chhuak zet tawh mahse ka let leh.






"Eng lo...." ka ngawi leh dat.






"Eng lo" a rawn ti nawn ve sup.






"Room khi"





"I hmang thei ang" a sawi zawh rualin ka chhuahsan zui nghal.



"""""""""""



Ka sam ka chhem ro laiin ka phone arawn ri a ka dryer dahthlain ka phone dahna lam ka pan zui vat. Ka phone screen a Remsanga hming lo lang va va ka hmuh rualin thawveng huai niawm zeta thaw suai suai hian ka khek chhuak nghal ṭhat.






"Hey" ti hliaiin ka bengah phone ka nawrbet zui nghal.






"Chhuak ila" vei neih loh hmel zet hian arawn tizui nghal phar phar mai.






"Khawiah?"






"Lo insiam tawp rawh i thei ang tiraw?" Pasal nei tawh ka nih vangin ka pasal aveng thawng ve deuh animahna. Mahse keihian ka veng thawng hran lo. Tunah pawh keimah chiahin inah min hnutchhiah a, alo haw chin tur pawh hriat hleih loh techu venthawn ngaiin ka hre ve lo.







"Thei" ka ti chhuak nghal tawl.






"Anihchuan ka rawn lam ang che, chuan hmeichhe pangngai angin rawn inchei thlap ang che i hria em. Mumal lo phengphung khan i rawn chhuak ange" arawn ti tel ta duah. Nidangah pawh ka inchei pangngai ziah si enge tun ataka chutia min tih ni.






"Ka inchei pangngai ziah aw hmela" kati bak hlar thung. Lehlam aṭangin alo nui nghal kawr kawr anihchu. Ngeiawm thiam leh lutuk mai.






"Tak takin Lawma û birthday party ani dawn ania"






"Atirin sawitlang ta che. Ka kalpui lo tawp mai tur che asin" ti hlar hian ka phone ka off zui nghal hmak. A rawn phone leh rang kher bawk. Ka nui deuh hak. Aduh a sawi zawh hma a dah tau ka nih vangin arawn pawr dawn tih ka hretlang nghal vek bawk.






"Enge?"







"Enge ilo dah thawt thawt. Sawi zawh hma hma hian" pawr tawkin arawn ti zui ṭhat. Ka phone kenghla deuhin ka melh nghal vak. Thinchhia leh thinchhia hi chu pangngai tak hian kan inbe rei thei thlawt lo. Mahse kan inngai viau bawk si.






Ka thawmhnaw hak tur aduhdan arawn sawikual zat zat a, keiin thuawih em em hian kalo aw zung zung thung. Mipa a ni chung hian keimaha mawi leh nalh tur hi kei ai fein ahriat zawk avang hian ka ring thlap.






Lawma kei Remsanga hichu kan inkawmna arei tawh. Lawma hi chu higher kan kallaiin kan senior a ni ṭhin. Remsanga leh kei ang lo takin afel em em bawk. Ruihtheih thilah a fihlim vek e ka tihna niloin Remsanga leh kei ai thlawt chuan alaktlak zawk. Keini aia akum upat deuh vang tepawh anih ka ring. Mahse phai lama lehkha zira a awm hnu hichuan kan inbe mumal thei ta vak lo. Hmanzana hotel a kan inhmuh kha akalbo hnua kan inhmuh lehna hmasa ber chu animai. A chhungte lam chu tumah hriat ka nei chuang lo, amah zawng hi animai ka hriatchhun chu an inah takngial pawh ka la kal lo. Mahse chhungkaw khawsak nuam tak anni tih chu ka hria Remsanga khan a sawi tlat.






"In pain chhuah a phalsak che ami?"






"Phal e phal e" ti lar lar hian a hnungah ka lawnkai nghal zat. Dil pawh dil hawt lo chuan. Amah a awm lova keipawh ka chhuak a ni ve mai. A awm loh chuan a phal ani tawp mai, buai chiamna tur awmin ka hre lo. Ani pawh tun thleng thlengin achhuak alo la haw bik chuang lo.





Remsanga nen Lawma te in lampanin kan inphur a. Ka inpeih fe hnuah pawh Remsanga ala rawn thlen mai loh vangin tlai tawh tak kan ni. Birthday present pawh engmah kala keng velo zui bawk a, Remsanga ken ka ṭawmpui ve tawh mai aniang chu.






Lawma te in kan thlenin kan tlai ber amaw tih tur khawpin anlo awm nual tawh. Lawma'n kawngka bula kan ding reng min hmuh rualin min rawn pan nghal vat a. Mahse ka rin lohlam daihin a boruak hi nuam kati dawn hauh lo an muk hmel lutuk tlat.







"Ka û ka hmelhriattir ang che u"







Inchhunglamah kan pathumin kan inzui lut ṭham ṭham a. Rui nawi tur pawh an awm loh hmel an smart tlup vek hian ka hria. Hetiang boruak hi ka nuam tih chi a ni lo. Mahse kan huaihawt anih tlat loh avangin sawisel theihna ka nei chuang lo. Rei ka awm peih kher pawhin ka ring miah lo.







"Û" kan hmalam a nula chhelo zet mai chu Lawma'n a hui zauh a. Kan pathum dingtlang min hmuh rualin kan dinna lam arawn pan zui nghal zat. A pawnlam landan aṭang ringawt pawhin hmeichhe fel leh smart tak a ni dawn tih ka hre mai.






"Hei ka ṭhiante Zorini leh Remsanga" ka dinna arawn thlen rualin Lawma'n alo ti zui nghal zat. Nuisang hian akut arawn phar chhuak a kalo vuan ve nghal vat mai. A hmel hmuh anuamin a fel hmel takzet. Hmeichhe kawm nuam tak ani ang tih ka hre thei mai. Remsanga'n present a kensak a pe a. A lawm thiam em em lehnghal.







"Nuam deuhin hmang ru aw ka kalsan ang che u" midangin an rawn koh tak avangin rei pawh ding lovin min kalsan zui lehnghal.






Party boruak a ril ruih hi ka ti mai, a nuam hlawl lo. Remsanga pawh aning deuh nge a aṭhu thle nguai reng. Min rawn hrilh tirha a phur tehlul nen ka nuih ati za zawk.






"Inchung lamah kan chho dawn a mi" Lawma'n a rawn ti a. Remsanga phur lutuk a inperh tho nghal vat. Kan kalhrana thil thleng tur ahrechiang ve em a phur pawh a awm tho mai.






Remsanga nen kan pahnihin inchunglamah kan inzui chho khat khat a. Lawma thung chu a room lama in tur adah ala thung.






"Teh inpa kha chhelo kati"






"I duh leh nei la ti nia" kalo tiram hmarh thung. Boruak nuam tawn dawn laia inpa lo tihrik chhen hian min ti pik ka hne hluah hluah bawk. Theihnghilh veka hlim ka tum ve tehlul nen.







"Min duh se chuan" nui awr awr hian ati nem diai.






"Kalo tihpui dawn che nia" tih hlak pah hian ṭhutna awmah ka ṭhuthla nghal zat a, ka hmalamah Remsanga bar nghengin a ding thung. Thla a en mai bakah thlifim thaw heuh heuh nen zan boruak chu nuam tak a ni. Boruak lum lutuk a awm lo nen nuam tak a ni tawp mai.







"A hmel arum sia a palian bawk sia awi ahnek anat hmel ee" fan raih hian arawn tih zawm leh zat. Chhan pawh chhang tawh chuang lovin hmalam ka thlir a ka ṭhen sak ringawt. Ka sam thliin achhem len dar dar ka hmai zartu ka hui kiang leh zauh ṭhin.






"Awi i induh ve sia e min chhang tawp suh. Inti pasal nei lutuk mai" ti hlarin min hnungchhawn nghal hmak anihchu. 'PASAL' he thumal hi sawichhuah fo hi ka duh lo ngaiah ka neih theih loh chu thuhran nise ka beng hriata an sawi fo hian keimahah inkhawngaihna, rilru natna zawng zawng hian min fan rawih rawih zel. In a ka awm tihloh chuan pasal nei ka ni tih hriat nawn fo ka duh lo.






"Enge inlo sawi a?" Ka sirah Lawma arawn ṭhuthla a alam ka melh nghal vat.






"Hmeli induh zia kha ka be peih lo" vin hlar hian Remsanga'n a rawn ti a, ka nui chhuak hak. Kan ṭhutna lam pawh arawn hawi duh der lo lehnghal. A thinrim tak tak anih dawn hi.






"Ngati nge" hmui phunin Lawma'n arawn ti zauh, ka lu kalo thinkhum nar nar thung. A thinrim chhan hre mahila sawichhawn leh vel kha ka peih lo a ni ber.






"Khawi in ang" ti sap hian a ṭhutna sira whiskey adah hmalama awn deuh hlek hian ka ban a. Ka ṭhutdan ka siamrem leh rualin ka mithmul ka kan zauh.






Dispo cup arawn phawrh nghal zat a. Kan inkarah tui bottle arawn hung zui leh vat bawk.







"Hey Lalrem i in dawn lo ami?" Ka intur ken tem hlak hian Remsanga kawr hnunglama pawtin ka ti nghal var.






"btc! khatiang khan min ko ve ziah suh" ti vin hlar hian whiskey um ka ken arawn pawtthla nghal hlawk. Tihtauhnain a hneh theih loh a rohlu kha a ni miau a, atauhsan rei kha ka ring lo reng a ni. Lawma nen kan ṭhutna hmaah ṭhutna tur pawt rem khut khut hian arawn ṭhuthla ve nghal zat bawk.






Inbe mang miah lo hian kan tlak pap hlawm mai. Ka inkhat deuh vang nge keimahah athawk hma deuh riau hian ka hre bawk a. Nidanga ka dose ngaihtuah chuan kala intlem lutuk mahse ka lu ahai lutuk tawh tlat. Inzawm zel pawh tum lovin ka inna cup ka sirah ka dahthla a, ka ṭhu zawi nghal ngiai mai. Ka chhehvel vir mup mup chu irhfiak ak ak hian ka nuih leh hak hak ṭhin.






"Lawma"






"Lallawmtluang" ka ṭhutna lam arawn hawi mai loh vangin kati pawr nghal hlar.






"Ngati nge pasal hi ka duh zawng ka neih theih loh bik" ka lung achhe leh ta tlat pek. Ka mittui arawn hnai nghal vek bawk. Ka ruih apiangin pasal ka neih hma pawhin ka rilru kaptu ber chu hei tho hi anih ṭhin kha. Ka rilru zawng zawngin pasal nei tawh ka ni tih hi kala inpawm hlei thei lo.






Ka dara rawn kuahin ka banah atuai hauh hauh a. Min hnem dan athiam bik lo nge angawi ngur reng mai. A inhnem ve thawkhat tho bawk nen a rum deuh nghut nghut lehnghal. Alam hawi zawnga ṭhu remin anghawngah ka kuah a ka ṭah khum ta nghek. Remsanga alo phun bual bual bawk a pathum lek awm khawm ni mahila kan ri chel chul hian ka ring a ni. Ka ruih vang nge mittui ka ngah em em mai bawk si aluang chhuak zung zung hi a ni ber.




""""""""""""




Ka mit nuai chawt chawt hian ka ham zui bai bai a. Meng mang lo hian ka mutna ka dap kual dan dan bawk. Meng set chung hian ka ṭhu chhuak hlawl. Mahse hetah Malsawmkima inah a pindanah ngei kalo awm reng tawh tih ka hriat rualin ka meng nghal kawk thei. Ka mumang ala nih ringin ka mit ka nuai leh chawt chawt, ka men leh hnu pawn ka awmna ala ngai tho.






"Engtin nge nizan khan ka haw? Tunge min hruai haw?"Ka hriat tur tawk lekin ka phun chhuak sap. Ka puansin lai thehhlimin ka thawmhnaw ka en a nizan ka chhuah dawna ka hak vek kha kalo la inbel. Lawma ka ṭah khum nghek chin bak kha engmah hriat ka nei tawh lo. Ka beka dawm chungin nizan kan awmdan ngaihtuah ngial ka tuma mahse pakhatmah ngaihtuah chhuah tur ka hre der lo. Ka bianga beng nawk nawka ka ngaihtuahna ka sawrbing chung pawn awmzia a awm lo. Ka lu a na hle tihbak tunah hian hriat ka nei lo.






"Nizanah khawnge i kal?" Malsawmkima aw nelawm loh zet ka hriat rualin ka phu nghal dawrh! Khum sira sofa a ṭhu run chung hian min lo melh ngur. Ahmel lang chang vekah chuan ka awmdan hi alawm bik chiam lo tih ka hrethiam nghal mai. Zingkar aṭanga thinrim hmel inhmuh nghal ringawt hi chu nuam ka ti chuang bik miah lo. Mahse kan inhmuh tho chu anih hi.






Chhan tumna pawh nei lovin khum aṭangin ka chhukthla a, ka slipper awmna lam ka pan zui nghal zat. Nizana ka haw dan chu Lawma emaw Remsanga pawh ka zawt tawh mai ang chu.






"Min tibuai sek suh" ka dinna aṭanga min kawih her lawp rualin ka ti vin nghal ṭhat.






"Ka zawhna chhang rawh" a aw aring lo mahse ngaihthlak anuam ta miah lo.






"I hriat ve zel ngai thil ani lo ve" ti hmaka inher ka tum chu ka banreka vuanin sofa hunna lamah min kai phei nghal dawr dawr.






"Min thlah rawh" ka banrek avawnna pawh phelh tum hian kati veleh ṭhat. Mahse angai pawimawh miah lo.






Glass table hlai zet chunga a laptop hun hmaah tak min dintirin min kuaiher lawpa, a laptop a panty chauh ha chunga ka thlalak lo lang ka hmuh rualin ka hmui hup chawtin ka meng nghal kawk!






"He....he...he thil hi engtin" ka ti bah nawk nawk! Engtik laiin nge he thil hi athlen!?













Sinus damdawi ṭha deuh hria in awm chuan khawngaihin min lo hrilh ve teh uu😭🙏

*** KAN WEBSITE A FAKNA LAM THIL MILEM LANG THIN I LO HMEH ZEUH HIAN KAN WRITER TE HLAWH KAN TUMSAK ZEL TIH KAN HRE THEUH DAWN NIA, KAN LAWM E***
Ads i la click ve lo a ni maw? A hnuaia ads milem khu lo click ve rawh le

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » February 14th, 2021, 2:47 pm

ONLY YOU







CHAPTER-6







"Engtin?" Ka ṭawng chhuak hlei thei lo. Ka hrawkah hnawhtu a awm tlat. Engtik laiin nge heng thil hi athlen ka hre lo takzet! Lawma leh Remsanga ka bulah an awm ve reng si. Engtin nge athlen theih zawk. Keimah ka nilo anga an siam chawp zawk nge? Engmah ka hrethiam lo, ka ngaihtuahna abuai nuai nuai bawk. Amak tihbak ngaihtuah theih ka nei miah lo.






"Hetiang hmeichhia hi ilo ni a" Malsawmkima'n arawn ti hrawk. Min bia nge amah leh amah a inbia tih pawh ka hrethiam hrep lo ve. A hmingin a nupui chu ka ni ve ngei, a mualpho dawna ahriat vangin azak veah ka ngai hmiah bawk. Mahse azah emaw amualpho letin kei hi ka zakin ka mualpho zawk. Ka khawsa ho tihchu phat ngai lovin ka inhria mahse hetiang em em hmeichhia hi chu ka ni bik lo asin. Mipa hian an kuthmawr pawn vawikhatmah min la khawih lo, kala thianghlim tihna anihchu!







"I tih a ni tiraw" Malsawmkima dinna lam hawi tura insiamrem hian dak deuh vahin kati hlak a. Amah pawh melh tawh lovin ka nui ro leh hak bawk. Atih anih hi ka ring pawh a ni lo ka rilru buai lutuk leh ka sawi tur hriat awmchhun a ni.






A sam tuaipuatin na lutuk hian thawk ala a, kan indin hnaih bawk nen ka chhip zawn pawh alum pap thei. Mi chunga leng leh mi zahkai a ni, heng thlalak hian a ti thinrim dawn lutuk tih pawh hmutlang thiam lo tur khawpa mawl ka ni bik lo. Mahse min neih luih tlat avangin a mualpho tel ve angai ta tho chu a nia. A dinhmun tur chu ka hrethiama hrehawm ka ti ve tho.







"Hetiang ti duh tur khawp hian ka hniam em" takngul a min melh chung hian ati hrawk. Min thing nek mai ang tih hlauhawm khawpin ahmel alang chang ṭawlh ṭawlh bawk.






"Hetiang hmeichhia hi" thawk la hak hian ka ngawi leh dat. Ka sawizawm nghakin min melh ngur tu chu ka ṭhenkhum sak.






"Hetiang hmeichhia hi ka ni tih i hriat kha"






"Min nei duh tho a ni lawm ni" din hnaih hretin ka ti hmak a. A hmel chiang taka hmu thei turin ka melh chho deuh ha bawk. Tunah hian ka rilru mai pawh ni lovin ka taksa thlengin he thlalak hian min ti na vek, mahse hepa mit hmuhah hian mahni buaina pawh chingfel thei lo tur khawpa hmeichhe chak lo leh der dep anga lan ka tum bau lo.






"Engtin nge i chinfel ang?" Min melh run reng. Ka hmelah chuan ka hrehawm tihzia ka thup thei a ni mai thei mahse ka taksa dang ka thunun thei lo, a khur deuh dar dara ka kut ka hum ruh nghek bawk.






"Ka pasal vawikhat pawh la mualpho ngai lo hi ka ti mualpho hle anih hi tiraw" ka mit ka chetkual ralh. Tunah tak hian insang mar viau lo ila ka kaihza tha hi athlep hnawk hialin ka ring. Chuan min hrechianga ka hmel chik em emtu chuan ka awmdan thununna phena chiaina, manganna, natna zawng zawng hi an hmuthiam vek bawk ang. Mahse Malsawmkima hichuan ahmuthiam ngai lovang.






"Vawikhat...."






"Vawikhat lek tihsualah pawh adarh hluai a!" ka dar ka san ak. ka mit ka meng lian kual vel bawk chu hawisawn lek lo leh enge angaihtuah tih pawh hriat theih loh tur khawpin min melh ngur thung. A mitmeng a nelawm loh hle bawk.






"Thil tisual ṭhin tehian an thup thiam em vang anih hi tiraw an mualphopui ve ngai loh,entirnan....mahni nupui neih zana hmeichhe lo awmpui tepawh...keichu hmeichhe fing lo tak hi ka ni reuha chuvang alawm vawikhat tihsual hlek pawh hri leng ang mai a adarh tak hluai ni!" ka chek zui tlak tlak a, ka khabe a dawm chung hian ka nui lui leh hak.






"Hetah hian hmuh ka nei" a hmel lang chang vek nen a inrem lo zetin a aw ngaihthlak anuam em em lawi si. Min din hnaih hrut hian ka biangah arawn dawm a, a kut lehlamin ka mit atawk de de bawk. Chu chu duh lo lutukin akut ka phihthla aka lu ka thing zui nghek bawk. Ka inthunun fe chung hian ahmu thiam vek maw!?






"I khawngaihna ka mamawh lo chuan ka mamawh ngai lo bawk ang" ka ti fiak nghal ṭhat.






"Nang ang mipa lak aṭanga khawngaihna dawn ngat phei chu" ten hmel zet hian ka melh zui a. A hmel alang rum nghal ul mai. Ka pawisa lo, a ni khawngaih hi ka ngai lo tak tak reng bawk.






"Ka puihna i mamawh hauh lo" ti hlukin a laptop a khup a, inherin min chhuahsan zui nghal hmak bawk.





Tihngaihna hre lo lutuk hian ka hawikual ruai. Ka rilru na lutuk lanchhuahtir dan thiam bawk silo hi ka â chhuih hi a ni ber. Ka kawchhung thlengin min fan a, min hnawh hlum thei mai dawnin ka hria. A khat tawkin ka tihngaihna hre lo lutuk chu ka nui leh hak ṭhin. Tun ang hunah chuan mittui tla zawih zawihin awm ila ka hahdam deuh zawk ngeiin ka ring mahse, ka mittui ahul hlauh thung anihchu.





Kha thlalak bawk khan ka thluak bur arawn luh a, ruih hmel lutuka ka muthle nguai mai kha. Mangang zeta khek chhuak tuarin ka hma a glass dawhkan hlai zet chu ka tlawh sawn nghal dawrh. Ka beksam tawn tawna ṭham chungin ka khek chhuak tuarh tuarh.






Mi sawikai sa, mi pangngai ang pawha an hmuh loh sa ka ni chung hian min hmu hniam leh zual ang. Mahse chu chu ka buaina a ni lo. Tunge heti taka ka mualpho zualna tura rilru chhia ka chungah pu duh? Ka ngaihtuah ngial pawh hian chutiang tur chu ka hre hlawl lo. Hmeichhe fel lo tak ka ni ka hria, mahse mi pawisawi zawnga ka khawsak hi ka hriat theih chinah ka nei lo. Ka duhdan danin ka talkual mahse mi tibuai tur emaw hian ka khawsa ngai lo. Chu chu kei aia hrechiang Remsanga a awm bawk.






Khuma ka phone dah arawn ri ral ral a, chhang turin pan mai nachang pawh ka hre lo. Tumah biak ka chak loh mai bakah ka pik mup mup lutuk. Khawihmunah pawh chhuak ila mi kawh rawn ka ni vek tawh dawn tih ngaihtuahna nen ka â thei mai dawnin ka hria, chu chu ka care lo viau amaw ka tichung pawh hian ka rilru tak chuan angam hlawl lo.





Ka nu leh pa rilru na leh zak hmel tur ka mitthla a. Awm ngaihna ka hre lo a ni ber mai. Tuna ka awmna hmunah hian ral daih thei ila kati takzet.





Mitchhingin ka awm chungah ka kut ka dah a thawk kala zui ham ham, awmzia a awm chuang lo. Ka sam hui mam thuakin khum lam ka pan zui nghal zat. Ka phone ka bana Remsanga missed call a awm. Ka call let angem tih ka ngaihtuah laiin a rawn ri leh nghal zat mai.






"Hey" kati nghal hliai. Mahse ka kut ka hum ruh em em thung.






"Kalo hmu a" ka mit ka chhing nghal sawk!






"Eng chu? Teh nizan ka haw dan ka hre miah lo. Lawma nge nangman min hruai haw?" Zangkhai vaha ṭawng chhuak tur hian ka taksa aṭang mar vek. Eng vanga inlak zangkhai ṭalh tum nge ka nih pawh hi ka hre tawh bik lo.






"Lawma te motor-in kan dah che aa" a rawn ti fan raih. Kha thlalak khan a chawkbuai ve vek tih ahmel hmu thei lo mahila a aw aṭangin ka hre thei. Kan inbe reng anihchuan ka puakdarh thei mai ang.





"Vawiin chu class kal tawh ang aw, ka ngai leh tawh che a" ka sawi zawh rualin ka heh ka pet zui fat fat. Ka hrawk chhung a na ut ut a, ka mittui atlingpam tawh bawk. Mahse mittui chak lohna lantirtu hmanraw lian ber hi ka mit bak pel turin ka duh lo.






"Zorinpui" Remsanga'n aw khur dar dar a arawn tih rualin ka dan beh ve ṭang ṭang mittui chuan ka biang aluan lum nghal pap.






"Engtin nge ka tih ang?" Mangang lutuk hian kati chhuak nghal ṭiau. Ka insut ri nghal hraih bawk. Ka rilru natna hian ka kawchhung afan kual rawih rawih mai bakah pawnlam lang thei zawng zawng pawh a thunun vek. Ka hmui hupin ka taksa che hlawk hlawk khawpin ka khur thei anihchu! Hetiang em em a thinlung natna liamtham hian min la luhchilh ngai lo, chutiang bawkin heng natna do tur hian ka chak tawk angem ka hre lo. Ka hre lo takzet.






"I ṭha tiraw?" A ni pawh a aw a pangngai hlei thei tawh bik lo. Ka pang lehlam ang maia ka hmangaih ka ṭhianpa ve em em hian ka nat ang tho hian min natpui ve dawn tih ka hria.






"Imm ka ṭha lawm, chuan min rawn lam rawh aw. Kalo nghak ang che" min chhanlet hmain ka phone ka dah zui nghal hmak.





Ka phone khuma thehthlain washroom lam ka pan nghal vat. Shower hnuaiah ka thawmhnaw haklai pawh hlip lovin ka ding dir tlawk tlawk. Keihian tu pawi nge ka sawi ṭhin? Tu thinlung nge kalo tihnat tawh? Hetiang taka min chingchau thei tura ka chunga chetlak duh tu hi tunge? Ka kut hum ruh ngawt ngawtin hmalam ka melh a. Achang leh mangang lutuk tihngaihna hre silo hian ka thaw chhuak leh hak ṭhin.





"Nu min pui rawh!" ka ti chhuak tiau. Ka awm ka chum zui dawt bawk! Ka awma min hnawh tlattu hi achhuak lo anih chuan ka thi thei mai ang.



"""""""""""""



"Khawia kal nge i tum?" Malsawmkima aw chang zet ka hriat rualin ka ding dat a, ṭhutkhawmna lam ka hawi nghal vat bawk. A kutin abeng bulah a phone adawm bet ngur bawk. A thinrim leh rim loh chu ka hre lo mahse a hmel a nelawm loh hle thung.






"Ka pi lungngai suh ka buaipui vek ang" ka nu abia tih ka hre thei mai. Mahse amit keimahah a fu tlat thung.






"Khawia kal nge i tum?" A phone sofa a thehthlain arawn ti zui leh hluk.






"I hmuh ang hian ka chhuak dawn. Oh! Class ka kal dawn mawle" luhlul hmel zet hian kati zui hmak.Hepa mit hmuha kehchhe lutuk hmel put ka duh reng reng lo. Ka theih chin chinah inthunun zel ka duh bawk.






"Chhuah loh a finthlak zawkin ka hria" a rawn ti nghut.






"Chu chu ka buaina tur a ni. Lo inham buai duh suh" ka ṭhenkhum sak a, kawngka lam ka pan zui nghal nal nal. Kawngka hawngin ka pen chhuak a, kut hum ruh ṭeuh chungin ka pen khur deuh dar dar mai. Gate ka thlen dawnin ka ding leh dat.






"Zorinpui hmeichhe nep tak angin khawsa hlek suh" mahni leh mahni infuih mawlh mawlh chungin gate lam ka pan ta chauh.






Gate pawn ka chhuah hnuin ka bag aṭangin phone ka phawrh a. Remsanga lo thlen chin hriat ka duh vangin biak ka tum deuh bawk.






"Kalo thleng" phone a pick rualin phone ah leh ka dinna aṭanga hla vak lova a au lang lang ka hre nghal. Ka benga phone nawrbet reng chungin a a aw lo chhuahna lam ka hawi a, nuisang chung hian ban ka vai zui lauh lauh.






"I lo thlenna arei tawh em" abul ka thlen rualin ka ti zui nghal zat. Ka hmelah engmah lanchhuahtir lo turin ka ṭang ru viau mai.






"Enge khati khan min en reng?" Min khawngaih hmel zet a min melh vung vung reng chu a banah beng thlawrh hian ka ti zui hlak. Thaw deuh ham ham hian za lo tih hriat ngawih ngawih hian a rawn nui a.






"Ka rawn thlenna arei tawh lutuk" a awmdan siamṭhain arawn ti nghal hlar. Tiluihna zawng zawng nen a nui deuh sak bawk.






"Imm kal ang leee" ti lauh lauh hian ahnungah ka beng dat dat a, scooty a alawnkai hmain ding lutukin ka dinna hnunglam amelh ngar mai.






"Enge i en?" Ka sawi zawh rualin ka dara dawmin muangchang hian min kuaiher a. Malsawmkima car gate pawnah arawn tlan chhuak ve chiah tih ka hmu zui nghal zat.






"A thin arim em?" Ka bengbulah arawn ti zui nghal sar sar a.






"Ka hrethiam bik lo" ti sep hian Remsanga dinna lamah ka inher zui a. Malsawmkima car-in chak lutukin min rawn tlanpel nghal fua chu ka thaw deuh hak. Tlailam aṭang chuan kan boruak achhe zual viau ngei ang. Boruak ṭha kan neiin kan inngaihsak em em ka tihna ni lovin kan boruak achhe zual ang tihna anihchu.






Remsanga nen kan inphur chhuaka, nizan chanchin engmah ka zawh loh vangin a ni pawn a sawi ta bik lo. Hriat chu ka chak viau nangin ka zawt ngam lo a ni ber. Lo zawt ta pawh ni ila khang thil kha ahriat kher pawh ka ring chuang lo. Hria nise min hrilh daih tawhin ka ring. Ka mumal lo nuaih chu anih ber hi.






Vawiin ni hian hlim ka duh. Ngaihtuahna chhe pui pui neih a vahkualtir chiama indawm kun aichuan engmah hre lo ang hmaka awm hi ka duh zawk. Miten eng ang pawn min sawi mahse ahma ang khan ka hre lo der leh zel bawk ang. Sawikai ngai lo pawh ka ni chuang hleinem. Ahma zawng pawha ka ignore thei anih chuan tunah hian theih loh chhan tur ka nei lo.




"""""""""



"Ka ril aṭam tawh" Remasanga dawhkan bawha ṭhu zawi ngiai reng chu adarah ka sawi deuh dat dat a, ka sawina hria ang pawn zu han awm duh ṭhak lo va.






College kan thlen tirh aṭangin mi en rawn ka ni nghal pang a, mahse engah mah ka ngai lo lui zel. 'Hmeichhe zak thei lo,engtin nge class ala rawn zawm ngam zawk' chu chu ka hriat tam ber a ni bawk. Chawhma zawng ka tuar thei anihchuan chawhnu lam pawh ka tuar leh thei em em ang. Hmeichhe chak lo tak ka nih ngai loh kha. Khang thil kha chuan rei adaih lovang thla aliam anga atam zawk chuan an theihnghilh zui ve mai ang. Mahse chumi chhung ringawt pawha haider ang hmaka awm chu ka huphurh lawi si anih hi.







Hetiang anga nasa a ka mualpho hma a min be ṭha em em tute, duh in ang min tlawn reng ṭhin tute pawh min sawi zuitu nih an bang chuang lo. Mihring rilru ngheh loh zia leh kan duh kan hmuhna tur anih phawt chuan ṭhat der kan lo thiam zia ka hrechiang ta viau mai. Hetiang mizia hi ka pu ngai lo, ka duh ka hmuhna tura mi chunga ṭhat der pawh ka thiam chuang lo, ka nih ang ang hian ka ni tlang rawt zel. Mahse mihring mizia a in ang vek thei tlat si lo.







Remsanga nen canteen lampanin kan inzui dat dat a, canteen thlen hma hauh aṭang pawn rilru na a indawm kun tlawk tlawkna tham chu ka tuar hman tho. Kan mak ve ngawt mai, mi chanchin achhelam hi ka sawi duh zawk hi a ni tlat zel. A ṭhalam tawna lawmpuitu awm ngai mang silo achhelam anih tawh phawt chuan atawngtu tana hrehawm tur pawh dawn miah lo hian kan sawi vul chuk zel.






Canteen kan penluh ruala an mit fukna pawh keimah a ni nghal pang. Min hmuh rualin an ri nghal mur mur mai. Hrehawm kati ka zep lo mahse lanchhuahtir lo turin ka insehruh nghek. Remsanga thaw hakin eng emaw sawi tum hian a ka a ang ziau a mahse rang lutuka akut ka chelh rualin min rawn melh nghal vat, ka lu ka lo thinkhum zui nar nar. Keimah min chhan avanga mi kawhrawn anih ve kher hi ka duh lo.






Remsanga'n eitur alama, keiin akillama ṭhutna awl ka pan ta thung. Ka ṭhutthlak rualin ka ṭhutna ep chhiah aṭhute an ri nghal sar sar mai. Min melh deuh zak zak bawk a.






"Enge in sawi ka hre ve thei angem" ka insum zo ta ngang lo an dawhkan lampanin ka ti nghal tawl. An mahni melh kual dan dana hawisang vahin ka nui tel kher bawk.






"Hmeichhe zak thei lo" akillama ṭhuin arawn ti zui leh hram chu amah melhin mihmul ka kan khum ak.







"Engtin maw min koh kha" an dawhkan ka kik tel kauh kauh bawk. Min sawi duh ta sa sa sawi belh nuam an tih theih dan tur berin ka awm leh mai aniang chu.






"Engmah a ni lo" ti nawk nawk hian a ṭhiante a melh kual zak zak a, keiin ding lutukin ka melh ngar thung.






"Enteh ṭhiannu i puar tawh em?" A hnunglam adingin adar zawna kun hniamin ka ti zui sap.






"Aw.....aih" a ti nghal nuai mai. Ka nui lui leh sak a.






"Ka sawi awmzia chu....." midang melhin ka mit ka chet kual ralh ralh a. Nuisang hian ka bu deuh nghat nghat bawk.







"Ka chanchin i sawi khan i pumpui puarna a pe em?" Ka ti zui hlak. An chaw bar khat pawh len phah tur ni chuang silo hi an rak peih lutuk tlat.






"I ka i an i an a eitur aluh chuan siloh chuan i pumpui khan atuar vat mai ang" ding ngil chung hian ka kut ka beng deuh thak a, mit siai zauhin ka ṭhutna lam ka pan zui nal nal.






"Principal-in a ko che" dawhkan chunga eitur rawn dahin Remsanga'n a rawn ti zui nghal zat. Amah pawh melh duh lovin ka nui chhuak hak. Ka rin aiin abeng athleng hma daih.






"Lo awm rawh" rilṭam viau e tilo chuan eitur pawh ngaihsak lovin canteen ka chhuahsan zui nal nal.






Principal office hma a dingin kawngka kik ka tum a, ka kut ka lek uaih tawh chu ka dahthla leh hnak mai. Ka zam ve deuh a nih ka ring. Kawngka melh chungin hahdam tum zet hian thawk kala ham ham a, ka kut hum ruh ṭeuhin ka kik ta chauh. Chhunglam aṭanga lut tura min rawn hrilh rualin ka penlut zui nghal zat.





*Malsawmkima's pov*

Hnathawhna hmun pan hmasa lovin Hriatzuali te in lamah ka inkhalh phei a. Zorini chungchangah hian inrawlhna aneih ka rin vang a ni pakhat. Hmangaihna avanga innei ni lo mahila ka nupui a ni tawh, engpawh tawk se ka thlazar hnuaia awm anih angin ka buaipui tur a ni bawk. Keiin kehchhe veka ka siam hma chu tuman an khawih hmasak ka duh lo bawk.






Inneih ka sawi rik tirh pawh khan a pawm lovin alawm lo viau anihkha. A lawm lohna hrikthlak nan heng thil hi ati anihchuan ka lawm loh zia hrechiang bertu a ni ngei bawk ang. Ka mizia a hrechianga ka lawm loh zawnga khawsak hlau ber tur a ni bawk.






"Hey" kawngka a ka lan rualin alo ti nghal var. Tak ngul a melh chung hian an inchhungah ka pen lut a.






"Ka chhungte an awm lo" ka kawngah kuah chungin ka hnungah arawn bei nghal chial. Hetiang mood-ah hian ka cheng rih lo.






Min kuahna phelhsakin alam ka hawia, a hmelah alawm lo tih ka hmuthiam nghal mahse tunah hichuan ka ngai pawih rih lo tlat. Ka kalchhan hi pehhel miah lova ama sawi ngei hriat vat ka duh.






"I tih a ni em?" chik zeta melh chung hian ka ti sup. Ahmelah danglam hmuh ka tum ruh viau nge engmah ka hmu silo chu ka thawveng ru deuh huai bawk.






"Eng thil?" Hriatthiam loh hmel zet hian arawn ti let ha a, min melh chho deuh kiau bawk. Min chhan hma khan abangbo lutuk hmelah khan a ni lo tih ka hre fel der tawh. Kan inzuina arei tawh vang hian ahmel awmdan aṭangin engkim ka hrethiam ṭhin. Hmeichhe nasa leh mi hauh pe na ve thei tak anih vang hian ka ring chhe nghal ngawt kha ka inthiam lo leh lawi si.







"Thil tih ka nei ami?" Min zawt let hlauh zawk chu ka nui deuh suk.






"Enge?" A hmui ka khar chilh nghal hmiah. Dingdihlip ak ak a ka nghawnga kuah chungin a duhthawh tan tan viau mai. Ka fawhna thlahin ka nghawng akuahna ka pawh phelhsak a, a hamhaih viau mai. Lawm lo tih hriat zet hian min melh ve kham kham.







"Ka ngai tawh che. I hria em duh duh hunah pawh kan inhmu thei tawh lo" a hmui ti pawrh tarh hian min rawn din hnaih leh hret a, a kut achet nghal zat. Ka kawrhak chhunga zenlutin ka awm a chul kual ruaiin mit achet kual ralh. A awmbawr kawhlahin min nek deuh talh talh bawk. Thaw deuh hawk hian ka ding khawng luah a, engtin nge chet alak zawm dawn tih ka ngai chang a ni ber zawk.






A heh hnuailam pet fan a mit min siai khum zauh chungin ka kekawr kawngah azenlut nghal zat a. A kut nem leh lum ham ham chu hnuailam pawn a hre rang ngang bawk. Ka mipatna ahum rualin ka thaw chhuak nghal hawk. Thaw deuh ham ham leh mitmeng si sap a min melh chungin a kut achet a ka rum chhuak hrawih thung.






A banreka dawm chungin akut ka phih chhuah sak a, ameng nghal awk chu ka nuih leh suk. A kut achet chhunzawm reng anihchuan tawp dan ka thiam dawn hauh lo, chu chu thleng turin ka duh lo bawk.






Hriatzuali lungawi lo zeta ka chhuahsan hnuin hotel lam ka pan zui ta nghal. Tunlai hna kan ngah vangin zanah tlai tak tak thleng hotel a awm chang ka nei ṭhin. Nupui ka neih hma chuan room ruaka ka riah mai chang lah atam. Tunah chuan riah bo ngawt a theih tawh loh, nula kan nei lo va Zorini mal tlattir ngawt ṭha ka tih loh vangin ka inkhalh haw hram hram ṭhin.
Nula pui tawh eirawngbawl takngial pawh thiam lo khan ka haw hma chu rilṭamin alo inhrek ve ziah bawk a. In ka thlen hnuah engkim buaipui leh vekin lo muhil tawh mahse rilṭama awm ṭha ka tih loh vangin ka kaitho hram hram ṭhin.






Saruak lo chauh leh rui tih hriat zeta khuma amulai thlalak khan ka lu bur arawn luhchilh rualin ka pen humlai dawhkanah ka thehthla nghal bawl. Ka hmai tuai puatin thawk kala a, ka ngaihtuahna abuai ve map mai. Kei min hria chuan ka nupui a ni tihchu ka sawi ngai lovin an hre vek, ka mualphopui ta viau bawk a.






Hotel ka thlentirh pawh khan kha thlalak vang kha a ni ngei ang hnathawk hoin min en duh viau reng bawk. Mahni nupui pawh thunun zolo mipa ka ni ta der mai chu ania.






Ka ṭhutna thawhsanin hnunglam ka pana a, ka kekawr ip zen hmuk hian hnuailama motor tawlh dal dal chu glass bang chhah zet chhanah ka thlir ngur reng. Zorini hmel ka mitthla a, hmeichhe khawsa ho tak ni mahse awmherh tak chu a ni hran lo tih ka hria. Tukin a thlalak ka hmuh rual khan a chiai em em, mahse reilote chhungin engah mah ngai lo ang hmakin a awm leh thei reuh anihkha. Na lo anga lan atumna phenah khan manganna ka hmuhsak thiam leh lawi si. An college lamah buaina atawk zui angem tih ngaihtuahna hial ka neih phah ta bawk a.







Ka phone dawhkan lama ami arawn rik rualin ka inher vut a, pan mai lo hian ka melh chhuk ngur. Zorini nu a ni tih ka hre chungin ka be chak hran lo tepawh a ni mahna.







Ka ring zawhtir ṭhak hnuin ka inhersan leh a, rei pawh ka din hma a arawn ri zui leh zat chu phun hluk chung hian ka ban ta chauh.






"Aw ka pi" ka duh aiin ka aw achang lam hret, mahse ka ngai pawimawh lo.






"I pu hian hmuh che aduha, i rawn kawi hman ang chu tiraw" arawn ti dam diai mai. Ka hman thu a ka chhan hnuin engmah sawi zui lovin ka dah zui nghal hmak.



""""""""""""'



Tlai lutuk lem loah hotel ka chhuahsan a, Zorini te in lam ka pan zui nghal zat bawk.






"I lo thleng der a, rawn ṭhu phawt la thingpui kalo siam ang che" inchhung ka penluh rualin ati dam thlap, a nui tel sang bawk. Zorini hian a nu achhun ka ti viau mai. A nu hmelah pawh engmah tibuaitu a awm lo emaw tih tur khawpin a thup thiam tlat. Rilru natna hmela lanchhuahtir duh ngai lo, hmeichhe chak tak zawng an ni ang.






"Ka pu chu abiak mai theih chuan" ka sana bun ka bih vut a.






"Zorini lam kual leh ka ngai dawn bawk a" Zorini nu mita melh ngur hian kati zui sup.






"Aw ni dawn teh tak e, a lehkha chhiarna pindanah a awm kha va pan mai ta che."






Kan inneih hma pawhin an in hi ka chuangkai fo tawh. Inlian lem lo tak anih vang hian ka bel ve viau tawh bawk.






Zorini pa lehkha chhiarna pindan lam ka pan zui vut a. Kawngka kik mai ka tum chu chhunglam aṭanga ṭawng thawm ka hriat vangin kik ta mai lo chuan ka ngai leh ta phawt.






"Ka fanu hi i khawih tel loh tur thu min tiam a" zawi sehchilhran a sawitu chu Zorini pa a ni. Mipa nui huah huah riin azawm nghal zat. Kawngka lam hnaih hrutin hriatchian zual ka tum a an thawm areh leh vang vang lawi si. A nu khan inlengdang anei tih hi ahre lo nge min hrilh hauh si lo.






"Ka fanu hian engmah tih a nei lo chuvang chuan hnuklut tel hauh suh" ati leh hrawk. Zorini thil tawn mek chungchang ani tih ka hrethiam ta mai. Apa hian a titu chiang takin ahre bawka ka inrawlh ngaiin ka hre talo. An mahniin chingfel rawh se. Ngaihthlak reng ṭula ka hriat tawh loh avangin ka inhersan ta vut.






"Inleng anei anih hmel" choka ka penluh hnuin Zorini nu hnenah ka ti sup. Apa lehkha chhiarna pindan lamah ka thle zauh bawk.






"Aw lo ṭhu la ilo nghak mai dawn nge?" A chawhmeh chanlai dah meuh hian min rawn melh a.






"Nidangah inbiakna chu nimai rawh se" ti sup hian ka inher nghal vut. Zorini pa min sawipui duh chu anuin min rawn biak tirh khan ka hrethiam tawh. Engtiang chiaha chinfel nge aduh tih hriat ka duh vanga kal ka ni bawk. Mahse apain ati tu ahre vek chuvang chuan aman chingfel rawh se. A fanu mualpho theihna tura bulṭantu chu amah anih ang bawkin aman thianfai rawh se. Mahse hei erawh ahre lo, he thil hian a fanu engtiang takin nge a nghawng ang tih hi!






Kawngka thleng min rawn thlah a, eng eng emaw asawi luam hnuin ka chhuahsan ve thei ta chauh.






Car a ṭhulutin Zorini ka call zui nghal zat. A pick thei lo lehnghal. A haw tawh emaw haw lo pawh nise an college lama tlan tlang chu ka tum ta tho.






An in aṭanga thui fe ka thlen hnuin ka phone hmalama ka dah chu arawn ri a. Ka kut lehlama steering hum run chungin lehlamin ka phone ka ban ta thung. Zorini a ni, min rawn phone let ka ring lo hulhual kha ania. Nui sukin ka bengah phone ka nawr bet zui nghal zat.






"Zorini bike in a su!" a sawi zawh rualin ka car ka tiding nghal dawt!










Induh anga alo thui tawk ṭhin lo anih pawhin hriatthiamna sang tak nen min lo chhiarsak hram dawn niaa....Tunlai chu sinus a zual nen ka hahchhiau nasa lutuk hi mittui nen mithnuai lama tui nen ka meng bui chuk renga a mumal lo nuai mai thei bawk aw, abuaithlak char char khawp mai...

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)