ELECTRIC LOVE BY PAPUII SAILO (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

Re: ELECTRIC LOVE BY PAPUII SAILO (Completed)

Unread post by Ngaia » February 21st, 2021, 1:41 pm

ELECTRIC LOVE - 13
_Papuii Sailo





"Tu ta nge sawi vat rawh " Malsawmi leh a thiannu washroom an luh rualin Ka bulah rawn thu sauh sauhin a ti sek sek a, hrilh tur a ni em pawh ka hrethiam lo. Malsawmi a duh ve tih ka hria a, chuvanga kan inkawp thu hrilh duh lo pawh ka ni.Mahse a hriat tho chu angaih hmel.




" Ka bialnu ta anih lo in tu ta nge ni se itih, sam ka tawn i hre ngai em ni? " Ka ti chh a run hmel kher mai.




"Hmela i va han lerh tak, Ramchhani nen in inthen zo deuh chiah a, midang i neih leh nghal a maw ? "





" Ka luck vang zawk ani mai lo mi? Chuan Ramchhani hming kha sawi lang tawh suh"




"Kha ti khawp khan i duh a, amah vanga midang kut i thlak hnem zia pawh ka hria. Engtin nge i then theih zawk ka ti, in inneih ka rin nen" A ti bul bul a, ka phun zui nghal hluk. Chhanna beisei deuhin min en reng a.Ka then chhan erawh hrilh kher ka tumlo.





"I thutna ngaiah thu vat rawh" Malsawmi te rawn inzui phei ka hmuh avangin ka ti zui hluk a, a insawn ve mai.





"I va rei ve, enge itih chen chen a " A lo thut rualin a beng bulah ka ti nghal sup a, a heh a pet zauh chu seh sak sawk ka chak kher mai. Kan pahnih chuan awm ila chu!. Ka ngaihtuah na avang chuan ka nui chhuak hak a, 'enge' tih melhin min melh zui nghal haw.





"Lawkin ka rin dan hi a dik em? Nang ni pahnih hi" Hmunsanga chuan a rawn ti hluai a, a hmuh theih turin kan kut insuih rial chu ka lek chhuak zui nghal vut a, a mak ti hmel chu a khawngaih thlak zawk. Malsawmi lahin a zah vang nge a malah a kut ka chelh lo lam a hum tawm tai.






"In va han tenawm dun tak, engtik atang"




"Karkhat "





" In thian ka ni maw ka tia " A ti ro halh a, a tho zui nghal nulh.





" I hrilh daih tawh maw ka tia " A rawn ti hâ chu nui sukin a kut ka chelh lai la kangin ka hmuiin ka nawr zui a.




" Ngati nge i hrilh loh, midang hriat chu ka duh vak chuanglo na in Hmunsanga te chu i best ania hrilh ve awm che.Hriati ka hrilh asin kei chu, amak Zirsangzel " A kut ka hmer vak chu duhlo in a pawt zui nghal vak a. Thip deuhin min melh zui nghal ram bawk.




"A thinrim lo a uang ve mai mai anih kha ngaihtuah zui vak duh suh, keimah chiah min ngaihtuah rawh "





Function a zo a, annual magazine chu kawngkhar bulah an lo sem a.Malsawmi erawhin 'ka lang ve dawn chuanglo ka duhlo mai' atih avangin ala ve lo a.Hriati leh kei Hmunsanga'n kan la thung.Ka keu dan dan a, couple page ka en rualin ka rum nghal nghut.




Ramchhani nen a kan thlalak a awm ve a, sport lai vel a mi kan volleybal beng zo keiin tui ka in a, ka hma a ding chungin duh hmel lutukin min melh chho thung. La inkawp ila chuan heng thil vang hian a nui leh ver ver tawh ang. A lawmna te kha a ho thei ania.




" Couple zawng zawng zingah hian an chhelo ber anih hi, i ti ve em duata ? " Malsawmi chuan keimah min en reng chungin a ti hliai a, Hmunsanga'n a lo sawi zuipui nghal teuh a, an nui zui nghal hak hak.A hmelah sawn a thik nge thik lo ka hrethiam lo.Thik se chu ka duh dan a ni.






" Hriati keiman ka thlah hawng ang che, an bulah khan awm tam suh. Inzep thei dun ropui si,an thianah pawh min ngailo " Kan haw dawn chuan Hmunsanga'n a ti hluk hluk a.




" Kei chu an nih zan atangin ka hre nghal asin, a hrilh ve na che nge i thianpa hian ava sual ve a " Hriati'n a lo ti bawk si chu rum lutukin min rawn melh nghal a, ka dar ka lo san khum ak ringawt.





" Kal hmasa ru kan lo zui ang che u " Ka ti chu awmze nei lutukin a mit ko a rawn san zauh.







" Duati, i mut a chhuak a law ? " Ka ti sup chu min rawn melh ralh a, a lai tih hriat takin a hmai a sen nghal tan.




Seat nghenchhanah a lu nghatin thlamuan hmel lutukin a mit a chhing chial a, tukverh atang a thli rawn lutin a sam chu a chhem tih hriat takin a hmaiah a zar leh zauh thin.





" Chhuak lo,mahse ka chau boruak kha ka zo lo aniang " A ti tha ve mai.




" Ka duat dawn che mi? "




" Tenawm suh " Nui rah rah chung chuan a rawn ti nghal hlak.





Ka phone connect-in zai kan play a, zawite te hian lo zawm leh zauh thin.A mal chunga a kut dah chu humin ka hmuiah ka nawr zui nghal vang vang a, a bulah hian ka kim bik riauin ka hre thin.





BORNS sak Electric Love a in play chuan ka then nghal suk " He hla hi ka duh tirh che khan zantin ka ngaithla ziah " Nui hak chunga ka ti chu a awm dan siamremin a volume a up a,a thu a hriat chuan rualin a nui ve suk suk tho.






Candy,
She's sweet like candy in my veins
Baby, i'm dying for another taste
And every my mind is running around her
Then its getting louder and louder
Baby you're like lightning in a bottle
I can't let you go now that i got it
All i need is to be struck is
By your electric love.





" Zir, tinge Rci kha i then ? " A rawn ti ta daih chu ka steering ka hum nghal vak. Kha mihring tenawm lutuk kha. Thil thleng ka ngaihtuah let ringawt pawh hian ka thinrim leh nghal teuh.




" Keimah vang a ni em? "




" Ni lul lo " Ka tichhuak hmuk chu tukverh lam a hawi nghal daih a, car ka tiding nghal chawt bawk.




" Min en teh, i ngaih ang kha a ni lo ania " Ka ti dam thlup a, ka lam hawi turin ka kuai her nghal zat bawk.





" Keimah vang a nilo chu ka lawm zawk daih alawm, a chhan chu inthiamlohna nei miahlo in ka kawp thei che tihna ania " Nui sen sen chungin a ti a, ka kut pahnih a a biang khuapin duhthawh lutukin ka fawp zui nghal hmiah. A hamhaih deuh nge min chhang mai lo,a hmui nawr kauin a ka chhungsa hiamah ka lei ka rawlh lut takah chuan a hmui rawn chet ve in a thiam ang tawkin min fawp let ve nghal tan tan.







" Engtik atang khan nge sawi vat rawh ? " In ka luh rualin ka nu thinrim aw vin thak ri ka hre nghal zat. An room lam atanga rawn chhuak a ni a, ka pa nen an inhau anih hmel.





" Engtik atangin nge hmeichhe dang i kawp ka tih chu ? " Ka nu bawkin a ti leh thawt chuan ka beng a verh nghal zawk. An room ka kal pel tawh chu let lehin kawngkhar ka hawng zui nghal hmiah a, ka thawmah ka nu a rawn hawi vat a, a mit a mittui tling pam ka hmuh rual chuan ka insehruh nghal vak.






"Bawiha" Hamhaih lutuk chuan a rawn tichhuak a, a biangah a mittui a luang thla nghal pap bawk. Ka nu tap lai hmel ka vawikhat hmuhna a ni a, ka thin chhung hi ana nghal ngut ngut.





" Enge i sawi awmzia kha nu ? " Ka ti ro halh a. Ka lam pana rawn pen pheiin kawngka lamah min nawr phei zui dat dat a.




"Min thlah teh, ngaihzawng i nei em ni pa ? " ka aw chhuak chang tha tak avang chuan ka nu pawh a ding nghal chat.




" Min chhang rawh ngaihzawng chu i nei em? " Ka ti zui leh hrawk. Ka thinrim lutuk hi ka kawchhung hi a alh hluah hluah ni berin ka hria.




" In â tawh anih hi " Ti hmukin bathroom-ah a lut nghal daih.




"Nu, ngaihzawng chu a nei em? " Ka nu en run chungin ka tichhuak sup.





" Kan inngaizawnglo chu a tia, mahse a phone ka check naah ka hmu vek alawm, an inbiakna zawng zawng ka chhiar chhuak vek a,inbe satliah atan chuan an tawngkamin awmzia a nei mah mah. An inhmu fo aniang dar zat an inhrilh thlap zel a, a hmun erawh call in an sawi nge an intext naah an sawi lang ngai lo, tun hnai te atang khan a chhuak reng a, a phone hi a hnaihah a dah reng thin bawk nen ka ringhlelin a inbual hlanin ka check a, a hmeichhia zawk khan an inhmuh avangin lawmthu pawh a rawn sawi nasat thin kha " A ti zui hlawk hlawk a, a thil hriatin a thawng deuh nge a hmai a dang var deuh pap bawk.






" I room lamah han chho rawh " Tih pahin room atang chuan min nawr chhuak a, kawngka a pawt khar zui hmiah. Nupa in ngeih tak an ni hran lo , an inhau fo bawk, ka inrawlh ngai lem lo. Mahse tun tum erawh an in hauhna kî a dan vang a ni.






Hmeichhe thenkhat incheina hi changkanna a ngai tlat ho an sum neihin a tlin siloh avanga an duh anga changkang in bel thei silo te leh mi pasal hmu tha riau te avangin mi nupa inkarah buaina sawi tur a awm ta fo. An taksa mawina hmangin officer lian chin deuh ho an lêm kual a, mipa sex nawmna lo pawh tawg tan chuan thalai ti tuai nalh zawk chu hnar mai a lo harsa thin bawk nen. Sum hmangin an ka an hup sak a, an nupui te hriat loh in nuam an tawl thin. Officer zawng zawng ka ti kher lo mahse a tam zawk hi chu tu emaw sugar daddy vek an ni. Chung zingah chuan ka pa a tel ve anih vaih chuan hrep hianin. Ka nu phatsana hmeichhe dang a kawp anih vaih chuan ka pa ani tih ka theihnghilh thei hial ang.







Pathum chauh ni mah ila chhungkaw inpawh tak kan ni ngailo. Ka pa hi englai pawn hnaah a buai em em reng a, ka nu lah chuti bawk. Ka tan hun an nei ngailo hrim hrim. Ka duhdanin ka awm tawp a. Engmah an sawi lem ngailo. Thenkhat chuan ka pa hian min ngaihsak viauah leh min duat viau turah an ngai maithei, kan college principal a ni a, thil ka tihsualin ka hming a lang ngailo a, hremna ka tawk ngai hek lo. A chhan erawh a dang daih a hming chhiat a duh loh vang chauh a ti a ni. Mahse vawikhat pawh ka nu phatsan turin ka la ngaihtuah chhin ngailo.





*


Ni a liam bek bek a, Malsawmi nen pawh kan la inkawp tha ve viau a, mahse amah a inringtawk lutuk leh engkimah min tibuai miah lo a thil a ti fel zung zung thin hi ka hrethiamlo thin viau. Keimahah a innghat ngamlo ni berin ka hria. Min mamawh hlawllo zawk nge mahse a ni theiin ka hre bik silo, min duh a min thlahlel thiam ve viau bawk. Amaherawh chu hmeichhia te'n an bialpa te thil ho te teah pawh an pawt buai thin ang hian min pur ve ngailo a, ka hriat meuh chuan a lo tifel then tawh zel. College-ah lah a bike khalh tawhlo a ka rual a kal turin tun thlengin ka la thlem thlu zo lo bawk.





" Puii, Duati kha khaw nge ? " Pink home-ah an thu khawm laih a, an bul ka thlen ruala Malsawmi ka hmuh tak siloh ah chuan Rinpuii chu ka zawt nghal sup.




" Hmunsanga nen canteen lamah an inzui pheiin ka hria " A games khelh lai bih ngur chung chuan a tiliam puat.





Ka pa a office-ah ka hmuh lawk avangin kan thianho bulah ka kalsan a, ka thiante a kawm ve bawrh bawrh thei hi hmeichhe rilru chhia a ni lo tih tichiangtu a niin ka hria, a hma a Puii laka a chet dan kha an bula ka hruai hmasak berin Hmunsanga'n a rawn sawi chhuak a, chutah pawh tha takin pawi a tih thu asawi mai. An inkawm zui thei nghal viau bawk.






Hmeichhe thenkhat an bititialpa te thian ngai thei lo a, an lak atanga kuai hrang tlat thin an awm a, Duati erawh kei ai mahin a tlthua tlum zawk a maw tih turin an zingah a ve bawrh bawrh a, an ngaina tlang hlawm viau bawkin ka hria.Keimah zawk ka dawn/dawng lel chang a awm thin.





Canteen ka thlen chuan ka hawi kual nghal ruai a, mahse an ni pahnih hmel reng reng hmuh tur a awmlo. Ka let leh lamah Hmunsanga nen kan intawk leh lawi si.




" Khawnge Duati chu, in awm dun maw tih a? "




" Ka hre bik nang " A tih chuan ka hrilhhai kher mai.




" Canteen-ah in kal dun nilawm ni? " Ka ti nghal nghut.




" Class-ah thil ka theihnghilh a tia, a chho leh daih alawm, hrim hrimin i hmuh loh hlek hian khu nghal ruai zel suh i zahpuiawm lutuk " Nui hawk hawk chung a a tih chuan a ban bulah ka hnek nghal pawp.




"Ka han chho chhin a nge, a phone a la thei si lo va " A dar a ben thuk pah chuan class lam panin ka chhoh san a, min la rawn chhaih zui hram.




Duati hi a first love a ni tih ka hriat ve vek avang khan a tir kha chuan ka thik thin viau a. An naupan lai chanchin an sawi chhuah a, an inhriatna rei tawh zia leh an inpawh zia ka hriat phei chuan ka thinrim hlur zel a.Ka thik tih sawi chhuah dawt hreh bawk si khan an pahnihah an awmdun loh dan mawlh ka ngaihtuah thin.An awmdun ka hmuh apiangin Hmunsanga'n a first love anih sawichhuakin Duati pawn a naupan lai atanga a hriat tawh chu a lo duh let ve mai a, kei min kalsan hlauhna hlirin ka khat thin miau.





Mahse ani hmeichhe dang aia fing bik chuan ka chezia atangin ka thik tih a hrethiam har lo.Thian ang baka Hmunsanga a en loh zia leh a ni pawn chutiang tho a a en thu te chu a sawi a, Hmunsanga chezia ka chik hnuah Duati a en danah danglam awm a ka hriat loh hnuah chauh thlamuang takin ka awm ve chauh.





Malsawmsangi pawh chu amah vanga ka tei kual phah hrep avang hian hremna a hmuh ngei angai ang, Na vek khawpin ania a hmui ka fawh dawn ni. Ka ngaihtuahna avang chuan ka nui chhuak nghal hawk.





Kan class thlen hma deuh a, washroom atang chuan Duati aw ri ang deuh ka hriat avangin ka pan a, kawngka kik a koh ka tum rualin an thil sawilai avang chuan ka kut ka phar chhuak tawh chu ka tawp chawt.





" Ka cheh hnu cheh chu i duh chiah ang maw ? " Titu chu Ramchhani a ni.





" Tu nge ka chep dawn ti? Nang ang a z*** mamawh huam huam ka ni hlei hnem " Nui hak chungin thamlo tih hriat takin Duati'n a ti kha fak, ka chungchang an sawi tlat a hriatna ka nei bawk. Chuan Malsawmi tawngkam hman dan atang hian Ramchhani nundan tenawm zet hi a hre ve tihna a ni thei mai a nge'm ?.





" Nang te chuan kei angin mipa anih zia lantir turin i chawk phur ve thiam tawp nang tiraw ? "




" Hei hi i hria em? Nang ang a hmai hnih nei ho vang hian alawm, khawlaia zu rui thle kawi mai mai pawn Kohhrana inhmang tam tak an hmuh hniam phah fo thin. Nangni ang nun tawp lutuk a langa kohhran a inhmang fianrial lama che ngap leh fu si ho hian Pathian hmel in ti bal. Evangelical Union leaders ni chungin i mipa mutpui chung chang min sawi khum ngam ania, khatiag te chuan khawilam a thlarau bo mah i hruai tha lo a nge, hremhmunah i nawr liam vek zawk ang. Chuan ka sawi theihnghilh Zira nen a in awmdun lai thlalak tih vel min rawn thawn thin kha sim hmak bawk ang che.Ka ti mualpho mai tur che nia " A ti ram hmarh a, kei erawh ka awm hmunah ka lo inhum ruh ngawt ngawt.





Lalramchhani'n kan awmdun lai thlalak a lo thawn thin a maw, engtin nge ka hriat loh.... Nilo Malsawmsangi'n min hrilh miau loh chuan engtin nge ka hriat ngawt ang. Teh hrep chuanin, engvanga min hrilh lo nge anih ?






Nau awm hmasak tur neih chuan a hma theih loh🤦‍♀️😆Naktuk ni 7/ 2 hian hun rei tak hnuah kan inkhawm leh dawn a ni a, in lo inkhawm vek dawn nia❤ a lawmnan ka awl maithei🤭



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » February 21st, 2021, 1:42 pm

ELECTRIC LOVE - 14
_Papuii Sailo





"Tinge i damlo mi ? I va nguai ve " Tih leh ka chal rawn khawih a rual a,ka khawsik leh sik loh hriat tum ni awm fahranin ka chal a deh lohna lamin a ma chal a dek ve vut bawk chu ka nui chhuak hawk. Ala ngaichang ang vung vung leh nghal.




"Ka khua sik lo " Ka tih sup rualin a kut a la thla nghal vat a, ka lo en reng bawk si nen a lei chhuah zauhin a hawisawn nghal daih.



"Duati"



"Imm" Tih pahin a rawn hawi a, lâi tih hriat takin a biang a tai tek bawk. A hmel hi chu a tha chiang alawm.




"Thil min hrilh tur i nei em? " Ka tih chuan a hmui pet sawi zauhin ngaihtuah ni awm tak hian a meng kual ralh a, a lu a thin zauh rualin ka rum chhuak nghal hak.





Tiang hi a ni dan ziah a ni, engmah ka bulah a thlen ngailo. Ramchhani nen a an inbiakna kha hre lo phei ila chu min hrilh a tum leh miahlo tih na a nia, hmeichhe dang chu ni se a thawn rual rualin keimah min ringhlel a nga, kan inhau chiam tawhin ka ring. Malsawmi erawh hi chuan a ngawih bo pui hmiah ania, enge a ngaihtuah pawh ka hre tawh lo,engah mah min ngaih loh vangin ka lakah thikthu a neilo hrim hrim tihna zawk nge, No... Chutiang chu ni lul suh se. Ka ngaihtuahna vang chuan ka insehruh nghal tawlh tawlh. Kal pah mai maia min kawp turin ka duhlo a, a mizia niin ka hre lo bawk. Mahse enga ti nge ka bulah engmah a sawi si loh, a rilru min pek tak tak loh vang a ni mai a ngem?. Zawhna hlir ka rilruah a rawn in mung khawm tup tup a, a chhanna erawh ka bul a mi chiah hian a nei lawi si.





"Zir, i dam tha tak tak tiraw ? " Min ngaihtuah hmel tak chuan a ti leh sap a, ka mitah tak a melh ran bawk.



"Dam tha ka titawh kha"




"Anih chuan enge i ngaihtuah ?, ka biakna che i hre miahlo a" Awm dam diai mahse lungawihlohna inphum ru si hian a ti sap.




" Thil min hrilh tur chu i neilo tak tak maw ? " A mit tak a en ngur chung chuan ka ti leh sup.




"Neilo ka tih tawh kha, engmah sawi tur a awmlo, ka ngai che a chu zawng chu " Min ngheng talh talh chung chuan a ti a, ve reuh hian a, chuan kan inkawp atanga pangngai tak a min ngaih thu a sawi vawikhatna a ni bawk a, ka chhungril hi a nui ver ver nimaiin ka hria. Nilo chutiang ngaihtuah rih suh Zirsangzel.





"Anih Ramchhani'n thlalak a rawn thawn chungchang che kha " Ka rilru chhungril hlimru veng veng thup chungin ka ti chang fak a, ka taksa atangin a in la hrang ruai ruai a kan inmelh nghal siah bawk.




"Chu chu engtin? " A rawn ti hâ anih chu.




"Malsawmsang ka hriat a tul iti ve lo em ni? "




" Hre turin duh che ila chu ka hrilh ang che " Henu zet hi chu'h




"Min lo zui rawh" Tihpahin a banrekah ka vuan lawp a, class atangin ka pen chhuahpui nghal pawk pawk. Class-ah kan awm avangin midang venthawn angai bawk si nen, duh ang tawk a ringin a tawng theih loh, chu thil chu ka thinrim laia ka thiamloh ber te zing a mi a ni bawk.




Ground-ah kai thlain ka bike dahna lam ka pan pui mawp mawp a, midang zingah chuan a ni luhlul bawk si nen mi tan ennawm kan siam mai mai dawnin ka hria. Bike ka start takah chuan tha takin a rawn thu ve mai a, ahmelah kei angin a thinrim ve lo tih ka hria.





College campus atangin ka tlanchhuah pui a, khawilai nge kalna tur ka hre lo. Tuma awmlohna a nih chuan a tawk mai.Class ala over miau loh avangin hla taka kalpui erawh ka tumlo, a bike pawh college-ah khan a la awm daih. Kan college piah deuh lawk khaw chhung thlen hma si ah chuan ka bike ka ti ding dawt a, kawng lun lai a ni lemlo bawk nen motor vei vak pawh a khat pharh. A chhuk nghal tharh a, bike ka hung rem a, ngheng deuh titihin ka hma a ding reng chu ka melh nghal ngur.






" Engvangin maw min hrilh tul itih loh ? " Ka tichhuak hrawk a,thawk ala nghal halh.





" Enteh hrilh chhan tur che a awm vak em ni ? Chutiang a pawimawh pawh a ni hlei nem" Ban phar hliai chungin a ti chhuak hap.





"Malsawmsang i bialpa ka nih hi, chuan ka bialnu hluiin kan awmdun lai thlalak a rawn thawn bawk che a, chu chu thil pawimawh a ni lo a maw? " Ka tum aiin ka aw a chang lam hret.






" Engah mah ka ngailo chu a lawmawm zawk daih lo mi? Nge i bialnu hlui chu i lo la duh reng a, ka thlalak dawn chungchang hrilh che in keiin ka thik a nga,nang ilo tang bawk anga ,inhnialna chhuakin min then phah nan hman i duh zawk " A rawn ti ve ta that. Kan ngaihdan inang lo lutuk vang chuan ka hmai ka tuai nghal pawk.





" Chutiang a ni teh hrep lo "





" Anih chuan enge ? I bialnu hlui ka thiklo chu lawm a zuang tawr tawr tur zawk inih laiin ka thiklo i thinrimpui zawk a nia "





" Ka thinrim chhan.... "





" Thlalak chungchang i hriat danah min then duh tawh sawi hreh bawk siin,nangma min rawn thawn tir hi a ni zawk hiallo maw " Ka thusawi lai pawt chat hmiahin nui ro hawk chungin a ti chang fak.





"Malsawmsang " Ka ti chhuak nghak hrawk. Engtin nge khatiang ngaihtuahna kha a neih theih zawk.






" Enge ni Zirsangzel ? Mipa a bialnu in a ex a thik loh avanga thinrim ka hriat awmchhun ila ni ". Ka thusawi a la kawi hneh lutuk chu chhan ngaihna pawh ka hre tawhlo, ka sawi tum ka sawi hmain ka thusawi la kawiin min thinrim khalh daih a, min hrilh lo ka lawmloh chhan sawi dawn mah ila tunah hi chuan ala kawi zel ang.






Kan bulah bike a rawn ding thi duk a "Tunge ni helai a ka hmuh hi ? Hmeichhia nen lehnghal " Rawn ti tu aw ka hriat rualin ka phun nghal hluk. Khawvela ka mi mamawh loh ber te zing a mi a ni.






"Lalzuitluang tlan tlang rawh ka hmu peih lo che ania " Ka ti nghal hmuk. A thiante pahnih nen an ni a, ka thusawi avang chuan nui hawkin a bike atangin rawn chhuk nghal vut.






" Hmela buaina i duh loh chuan rawn kal suh " Ka ti leh a, pawisa lo tih hriat taka nui suk chungin min la rawn pan ang deuh deuh. A tha e a duh anih chuan rawn kal rawh se, thinrim inhrikthlakna mamawh ka ni tih hriain Pathianin a rawn tirah ka ngai mai niang chu.Mahse kei min pan lo in Malsawmi lam a pan ta daih a, Duati'n a lo melh ve ngar bawk.






" Zirsangzela hnuh kawi mai mai atan chuan i va uiawm ve " Kei min melh reng chungin a ti chhuak hak a,bike a thu reng chungin a thiante pahnih chu an nui chhuak nghal hawk. Hepa hian ka thinrim mek tih a hre lo nge ka sawisak a chak hrim hrim zawk. Ka insum theih lai hian kal bo vat tur zawk a sin anih.





"Hmela min khawih hlek suh " Tih hlar pahin Zuia'n a khawih tumna kut chu Duati chuan a lo ben thlak sak hmiah a, ani pawh saw kei ang tho in a mood a tha vak biklo. Chuan hmeichhe dang ang a duh ang a khawih mai theih a ni lo bawk.






" Ka duh chi tak, kawlh reuh lutuk " Tih sup pah chuan khawih leh a tum a, ka che nghal hrut. Mahse Duati chuan Zui a kut chu a hma a Puii hnung a khirh sak ang chiah khan awlsam lutukin a khirh sak leh hmiah. Saw chu ka beisei piah lam a ni. Hmeichhia kha chu thuhran mipa leh zel chu a tih ngam ka ringlo lutuk.






" Min khawih suh ka ti nilawm ni " A ti chang fak a, " Hmeichhia te te si " Tih paha Zuia'n Duati hrawk a a rek chu engtik laiin nge an bul ka thlen phei hman ka hre lo. A hmai a ri nghal sawk a, leiah bawhthluin ka thutchilh hmiah a, ka hnek zui nghal mawlh mawlh.





" Hmela engvanga ka hmeichhia kut thlak ngam nge i nih ? " Tih hrawk pahin a rem lai laiah ka hnek mawlh mawlh a, a che ve hmanlo hrim hrim. Duati'n min ko ri ka hriat rualin Zuia ka bawh nghal rawk. A thiante khan ka hnungah min rawn tlawh a ni ngei ang. Ka kawr hnungah min tham tho a, ka in her rualin ka hnek zui leh nghal hmiah, Zuia erawh lei charah a let der.




Pakhatin ka hnunglam atangin min rawn man bet a, min rawn tham tho tu zawk khan remchangah la in ka dulah a rawn tlawh nghal pawp. Mahse min rawn tlawh leh dawn chiah tihin Duati'n a hnung lam atangin a rawn tlawh ve pawp anih chu! Ani inring bawk silo nen leiah a let thla nghal tawp a, " Mipa insual rawn thing lutuk " Tih pahin a tlawh zui nghal pawp pawp.






Ka hnung lam atanga min man bettu chu a ngalah ka tlawh sak rualin a awp hniam nghal rawk a, ka khawih zui ve lehnghal. Zuitluanga ka khawih na bawk a a che chang theilo a, pakhat zawk lah Duati'n a khawih ti ila a rem lai laiah a tlawh zui pawp pawp. Henu hi chu enge maw tak ani. Hmeichhe dang chu ni se an rak chel chul zawk ang.





" Enge he lai hmunah buaina insiam a ? " Rawn titu te chu police an ni. Khawi lam atang a rawn lang nawlh nge an nih. Helai hmuh rehah leh nghal.Zuia thianpa ka hnek mawlh mawlh lai chu min rawn tham san nawlh a. Duati pawh a lo ding tha then tawh.





" Engvanga insual nge in nih? Nang phei chu hmeichhia ini lehnghal " Police pa chuan a ti khauh fur a, Duati erawh a ngawi reng a, tim hmel leh a thiltih vanga inthiamlo hmel a pu miahlo bawk.





"Station-ah min lo zui chhoh angai ang " Tih pahin an zinga pakhat chuan Zuia chu panin ava kai tho a.





" Hruaia,hemi te pathum hi chu bike khalh chi an ni lo ang, lo khalh sak ula, nangni khan min rawn zui ang che u, tlanbo tum hlek suh ang che u " A ti zung zunga a naute ho chu an che nghal sap sap a, Zuia a kuah chho a, a thiante pahnihin a hnungah an zui bawk.






" Keiman ka lo khalh ang, i kut kha a na ang " Tih leh chahbi ka vuah lut tur chu min chhuhsak a rual a, alawn zui nghal hmiah. Engtin nge pangngai takin a la awm theih zawk. A hmelah danglam eih hmuh tur a awmlo reng reng hian min thawnglo ka tih chuan dawt ka sawi a ni ngei ang. A hnungah ka thu a, bolero chu a tpan hmasa ber a, keini a dawtah chuan kan hnungah Zuia te bike khalhin police pathumin min zui bawk.




*
"Sir, hengho hi kan rawn haw lampangin kawng sirah an lo intibuai kan hmu a "Nichina Police zinga thu pe tu ber khan a ai a lal ni ngei tur hnenah chuan a ti a, an sir chuan min en kual thuak thuak hlawm a, Duati zawnah a mit a tawp chawt. A thawng ve tho a ni mahna.




" Hmeichhia hi a tel ve em ni? " A ti deuh haw a.




"Sir, kan hmuh lai chuan mipa pakhat leia let reng hi a lo chhir vak vak a " Nui suk suk chuan a chhang a, an sir chu a chek nghal tlat tlat.




"Nula, mipa buainaah i inrawlh ve maw ? "




" Ka duhlo chung min khawih an tum vang mai ani, lo inveng turin dikna ka nei bawk. Ni lawm ni? " A zawt tupa mit a en ran chungin a ti fiah kalh a, police pa chu a thawng deuh a nimahna a meng zui deuh awk. Keipawh hian awih har ka la ti, engtin nge hmeichhe awm nem zawkin mipa khatiang khan a tih ngam zawk.





Eng eng a maw min zawh hnuaah min chhuah tir a, Zuia te thian ho erawh Duati'n " Ka duhlo chung min khawih a tum " A tih miau avangin an la haw ve theilo. India ram Dân in hmeichhe humhalh a ti na a, tawngkam mawilo in min bia ti ringawt pawh ni se case an nei thei.Tunah phei chuan inkhawih zawngin a kal leh nghal a, an case tur ka hre lo.





College-ah kal tawhlo in an in lamah ka thlah hawng a, a bike erawh a thianpa Ramdina hnenah khalh haw sak turin a ngen ta ringawt.




"Lo lut la, i kut kha damdawi kan hnawih dawn nia " A ti sep a, pawi ka ti hranlo. Ka hnekna lamah ka kut chang a pilh deuh niai a, bakah kan la inbe zo lo hrim hrim bawk.




Sitting room-ah kan thu a, ka kutah pemthar damdawi a hnawih mial mial a, keiin a chezia uluk lutukin ka lo en reng bawk.




"Ka rin aiin i bawn" Ka ti chu a rawn nui chhuak hak.




"Karate black belt ngat ka nih hi" A mit ko san ak pahin a rawn ti a, ka lo ner suk chu 'i awihlo mi ' tih melh hian min la melh zui reng. A chetdan zawng zawng ka ngaihtuahin ka awih nghal hmak bawk.




" Thlalak kha..."




" I sawi leh dawn nih chuan haw rawh " Ka thusawi pawt chatin a rawn ti nghal hmiah a, a tho zui nghal nulh a kalsawn a tum chu rang lutuk a tho in a dul zawnah ka ban ka rawlh lut nghal hmiah a. A chhip ka hmuiin ka nawr zui tawk a, a taksa a tang tung thung.




" Thlalak min hrilh loh ka thinrimna chhan chu i bialpa ka nih ang a engmah min hrilh ngai loh vang chauh a ni. Engkim ka tello leh ka hriatlohin i tifel vek thin a, Min mamawh lo ang maiin i awm thin. Min mamawh la, thil ho te teah pawh min tibuai la, keimahah innghat la ka duh vang a ni. Ramchhani i thiklo kha chu ka lawm lutuk zawk. A chhan chu thik tlak a ni miaulo a, ani vanga inhauh ka duhlo bawk. Ka sawi awmzia i hria tiraw?. I bialpa ka nih angin engkim min hrilh la duh mai a ni " Ka ti sup sup a, a darah khabe ka nghah rualin a thaw chhuak nghal halh.






"Haw tawh rawh" Ti sapin a dula ka kut ka suih beh chu a rawn pawt phelh a. Ka inrin hmain inchunglamah a tlanchho nghal daih a. Ka kut ka hum ruh nghal tawlh tawlh. Tha takin engkim ka hrilh hnuah 'haw tawh rawh' tih chiah ka hlawh anih chu. Hrep hianin! Ka bula sofa chu ka chhuih zui tawlh. Ka inher vut a Duati pa nen kan inhmachhawn nghal run.




"Zira, kan inbe lawk dawn mi? " Dam thlup, mahse hnial duh lo tih hriat tak hian a ti a. Sofa singla inhungah chuan a thu thla nghal zat.




" Ka fanu nen hian in inkawp tiraw? " A tih chuan ka bu nghut,a ngawi leh vung vung ang lawi si, a fanu tan min duhloh thu sawi a tum chu a ni êm lo maw?. A thusawi tur chu ngaichangin ka en reng a, a fanu ka kawp a phallo tih a sawi ang tih ka hlau lutuk chu ka kut te hi a thlan dup thei.




" In thusawi kha ka lo hre hman a, i lakah a innghat ngamlo niin i hre deuh tiraw ? ka sawi dik em? "



"Adik alawm"



"Thil ka hrilh che anga, ka fanu i kawp zui duh em tih chu i thutlukna ni rawh se, mahse hei hi hria la duh, ka thu hrilh tur ka hrilh hnuah che kawpzui i thlang anih chuan a rilru i tihnat sak ka remti dawnlo ania " A tawngka chhuakah pawh a fanu a duat zia a hriat theih.




"Ka hrethiam e "




*



An inkawtah Duati ka nghak reng a, ka hruai tur thu ka hrilh lawk lo. A rawn chhuak har phian leh nghal minute 10 dawn ka nghak tawh. A kal tawh a mawni zawk ni?



An in kawngkhar chu a rawn inhawng a, saw ngei saw a ni ka nghah chu, horn ka hmeh rik rualin a rawn hawi a, min hmu chu mak a tih hmel hle. Ka hrilh lawk miahlo a, nizanah apa nen a kan thusawi ka ngaihtuah ngawt ngawt avangin ka be ta lo bawk kha a nia. Gate pawn a ka ding chu min rawn pan phei chhat chhat a, hmuhnawm ti lutukin ka lo melh reng. Shirt buang a taksa phuar lam a ha a, high waist jeans dum ha in vans dum a bun leh tawp a, nidang ang bawkin make-up a hmang leh manglo.





"Enge i lo tih dawn? " Ka bul a rawn thlen rualin a ti sap.



"Ka lo hruai dawn che a"


"Mahse.. "



"Vawiin chiah Duati ka rualin kal rawh, nidangah chuan i thu thu, mahse vawiin chiah " Ka ngen ngawl em avang chuan engmah sawilo in a rawn lawn ve vat a. Kan tlanchhuah rualin ka hnungah a bei nghal then reuh a.




" Ramchhani khan in mu dun tawh tih a sawi a " Za lo tih hriat taka nui chung chuan a ti hap a, bike a tlan lai mah ni ila ka beng bul maia sawi anih vangin ka hrechiang hle thung.



A kut ka dul zawna a suih beh tai chu ka kut lehlamin ka hmer ngawt ngawt. Ramchhani chungchang sawipui tawhlo ka tum kha ania, mahse amah zawkin a rawn sawi leh sia, chu pawh ka rinloh lam daih. Washroom-ah pawh khan a sawi khum tak e, mahse thu dik a hre vat ang.




"Helamah enge kan tih dawn? Classroom i hai a nilo maw? " Nui hak hak chunga a ti chu chhhanglo in ka kalpui zel a,Ramchhani te class room ka pan pui mawp mawp. kan hma a Ramchhani ka hmuh rualin ka pan ding nghal chat.




"Ramchhan, nang nen hian kan mu dun tawh a maw? " A bul kan thlen rualin ka ti chhum hmuk a, ka nui ro nghal hawk bawk. Rc-i erawh thlahrang hmu ang maiin a dâng nghal awp awp.





A tlai tawh sia ka cut then ta nual mai😆

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » February 21st, 2021, 1:42 pm

ELCTRIC LOVE - 15
_Papuii Sailo




"Chutiang... Engmah... Ihh" Sawi tur ber hrelo in a ti bah nawk nawk a,ka nuichhuak nghal hawk.



" Sawi tur i hre lo, ni em? A chhan chu kan mu dun miau lo, dawt hmangin ka hmeichhe hmangaih tih nat ilo tum a,tenawm lutuk " Ka ti chhuak hluk a, Duati chu ding khawng nghal lahin keimah min en reng tih ka hria, Ramchhani lahin sawi tur hre lo in min melh reng bawk.





"Kan inkarah rawn tlak zeh tumin min neih let tum leh eng ang mahla, nang kher hi chu hnaih leh che ka tum tawhlo, chuvangin lo buai lo buai duh tawh suh" Ka ti leh hrawk a, Rci mitah chuan a thil tih sual avanga inchhir na leh ka tawngkhawm dan vanga na a tih zia ka hmu thei. Mahse chu erawh ka engah mah a thawklo.





Duati chu kai sawnin ka kalsawn pui hlawk hlawk a, ngawi rengin min zui ve zel bawk.Ramchhani'n kan mu dun tih a sawikhum kha a ring hmiah tih tukin a a sawi dan atang khan ka hria.Tunah engah mah ngailo in rilru nat nan hmanglo mah se nakinah buaina a thlen ka hlauh avangin thu dik hriattir a tulah ka ngai miau a, chuvanga Ramchhani hmuh pui ngat pawh ka ni.





Class kan la nei chiahlo bawk nen, library lamah ka chhoh pui a, study room kan luh rualin chhunglamah ka kalh zui nghal hmiah. Tuman min lo tibuai lo se ka duh. A ngawi reng a, ka tih ang angin a awm ringawt. A chhan erawh ka hre lo, mahse ka hre har lo ang. Chair-ah ka thut tir a, a hma zawnah thu hniamin a mal chunga a kut dah chu ka hum zui hmiah a, ka hmuiin ka nawr zui nghal vang vang.






"Ramchhani nen khan kan inkawp reiin ka lo atchilh ve viau pawh ani maithei, mahse vawikhat mah sex ka hman puilo.Min ring rawh, A nungchang zahawm lutuk vang khan ka zah a, khawihchhiat tumna rilru ka nei ngailo a, ka insum tang tang thin. Huhh... Kha thil kha Pathian remruat pawh a ni zawk mahna, mahse ka khawih chhiat phalloh a thianghlimna ka hlut pui tang tang khan a lo hlut ve miah lo. I hria em? A cousin ti a min hrilh thin ngei nen an sex video ka hmuh khan ka thinrim lutuk kha amah kha an in ava kalchilh a thah ka chak hial.Chu erawh min phatsan vang nilo in, hnung lama min lo bum reng vang zawk ani. Nang pawn i hriat kha nangmah ka duh tawh che a, Rci khan ka rilru a luah tawh lo tih " Ka ti sup sup a,a kut ka hum runna kut chu a rawn vawn hnan a.Dam raihin min melh bawk,a rilru a awm erawh ka chhiar theilo.





" Min hmangaih maw? " A rawn ti daih chu ka bu nghal nghut a, a mittui a rawn far nghal fap anih chu, hrep chuan! Awm kang vutin a bekah zen lutin ka chalin a chal ka nawr zui nghal tawk a, a rawn inhnit zui nghal hraih chu ka inseh ruh nghal ngawt ngawt.




" Zir, min hmangaih suh "




" Engvangin nge ka hmangaih lo ang che " Ka ti chhum hmuk a, a bek ka vawnna kut chu phelh tumin a rawn pawt zui chat chat a, mahse thlah ka tumlo.




" Ka hmangaih ve thei dawn hlei nem che, chuvangin min hmangaih suh" A ti tiau a.




"A pawilo, keiman ka hmangaih che chuan a tawk. Min hmangaih let kher ka phut lo, ka bulah chauh hlim la, ka hmangaihna hi pawm la chu zawng chu a ni mai, i thei ang tiraw? " Thaw chhuak ham ham chungin ka tichhuak sup a, kan hmai a in si chet bawk.




"I hrethiamlo anih kha, engmah i hre lo? " A rawn vin that chu a hmuiah ka fawp zui nghal hmiah, a tal zui nghal phat a, ka chelh hneh bawk nen a duh angin a tal hrang thei chuanglo.




"Ka hria, i bialpa hluiin a phatsan vang che " Ka inlakhran rualin ka ti sup chu a meng nghal kawk a. A thu hriatin a thawng viau pawh a ni mahna.




"Mahse.. Engtin.. Ka sawi awmzia... "




"I pa in min hrilh a " Nui suk chungin ka lo tihkhalh hmiah,a hmuiah ka nawr leh zeuh a, a thaw chhuak nghal halh.




" Mahse i hre kim vek hlei nem " A ti chhuak leh hap chu ka rum chhuak nghut a, " A pawilo, ka hmangaih che a, chu zawng chu " Ti leh supin ka kaitho a, a rawn ang leh ziau chu ka hmel a hmuh rualin a chip leh daih a, thawk ala leh halh halh thin.





Library atangin ka kaichhuak zui a, sawiduh neih hmelh zet hian min en reng tih ka hria. Mahse ka hrelo der hmak thung. A chhan pawh a luhlul chhuah a, ka hmangaihna a pawm duh loh tlat ka hlauh vang chauh a ni. Kha mipa amah phatsan a na taka siam a, hmeichhe tawhkhirh leh luhlul lutuk a siamtu vang khan a in kharkhip mah se ka hmangaih ang chiah hian min la hmangaih let vat ang tih ka chiang.






"Ka fanu hi hmeichhe nunnem leh mi tihnat hlau tak a ni thin. Kha mipa a nun zawng zawng thlak danglamtu a tawn hma zawng kha chuan. Pune a zirna a zawm kumin an intawng a, bawihteii pawn a duh viau a, phone-a kan inbiak chang pawn chu pa chung chang chu a rawn sawi tam ber thin. Mahse kei nen erawh vawikhat pawh hmel kan inhmu lo thung. Mahse a duh viau avang leh a hmangaih thu a sawi avangin ka fanu duh zawng chu î he lo in ka pawmpui nghal thlap.An hlim dun a, mahse chunglam remruat an ni lo nge, a mipa zawk khan bialnu dang a lo nei reng a, a mipa zawk pawn a pha lo bawk. An inthen a mahse Bawihteiin harsatna a neih phah thung.Schizophrenia a nei zui a.





A awmzia berah chuan kha pa a lo hmangaih lutuk kha a tello in a awm theilo a ni ber ang chu a suangtuahna ah a seng lut a, then tawh si khan a rilru lamin a thlah ve phallo a, a suangtuahna ramah an inkawp zui anih ber chu. Midang awm ve reng lai pawn a suangtuahna a mi kha a bulah mihring tak a awmve ang maiin a be zui a, a then phei chuan a â angah an ngai hial.Mahse hmangaihna in a sawp hneh lutuk vang chauh a ni.A bula a awm ve ang maia a biak thin kha a tak a nilo tih a hriatchhuah rualin a tap chhuak hawm hawm a, amah leh amah a indem fo thin. Sleeping pills tello in a muhil theilo a, psychologist hial a pan phah.Khu lamah mi â ang maia an treat avangin awmzui duhlo in Mizoramah kan rawn insawn chuk chuk bawk anih kha.Chu pawh mizinga awm a duhloh avangin laklawh lutukin semester tawp dawn ah a rawn join chiah bawk. " Tiin a pa khan niminah khan min hrilh anih kha. A thil tawn tawh avangin mipa lakah rinna nghat a, engkim a min rawn ang thlip thlep aneih tawh dawnloh avangin ka hriatthiam loh a hlau a, ka hrethiam dawnlo anih chuan thlah mai turin min ti bawk.






Mahse ka hmangaih tawh miau avangin ka thlah thei lo a, a nungchang danglam bik lutuk hi amah ti Malsawmsangi liau liau tu a ni bawk. Hmangaihna avangin hun harsa tak lo paltlang tawhin mipa lakah innghat pum hlum ngam tawhlo mah se la, hmangaihna avang bawkin ka lakah a innghat pum hlum ang, chu mi a thlen hma loh chu dawhthei tak a ka nghah a ngai tih ka hre bawk. A thil tawn tawh ngaihtuah phei chuan kei nen kan inkawp leh ringawt pawh hi thil mak a ni.






❃Malsawmsangi pov ✾




" Kha hei hi lo khum rawh " Tih pahin a cap khum lai min rawn khum tir nghal hmiah a, ka nuih nghal ver ver.




" Min lo au vak vak ang che, Duata i lo ti vak vak dawn nia " Nui suk chunga a tih chuan ka ner nghal nang.




" Ka duh teuhlo mai, pawisa min pe dawn pawh ni la ka ti lo ang "




" Min lo auh phur loh ten kan house kan champion lo nga sin "



"Ka au dawn tho lawm, mahse duata ka ti kher lo ang " Ka tih chuan a nui chhuak hawk a, ka bianga piai zeuhin field-ah a tlan lut nghal.




College week kan hmang a, kan tam tham bawk nen a nuam tham viau. Zira nen red house-ah kan awm a, anih na takah chuan white house ania Hmunsanga nen kan awmdun a, mahse ' i bulah ka awm tam theilo palha ang' a tih tlat avangin Hmunsanga a inawm thleng pui hmiah a, Hriati nen White house lamah an awmdun ta thung a. Tunah mipa ho football-ah an in tum dawn chiah bawk.





"White house kha tang ru, Red house kha sawp hrep ang che u "



" Lalhriatchhung in house awmna atangin va au rawh " Ka tih hlak rualin a nui nghal hawk hawk. Kan house leh an house an intum dawn apiangin ka bulah rawn kalin mi rawn au el ve ziah zel.




" Week chhung hian hmelmaah kan inchhuah mai ang tih a hlauhawm tiraw " La nui reng chunga a tih chuan ka nui ve nghal hak. Sawi awm ang thiam lutuk.




"Min rawn hauh leh hmain kan house lamah ka va tuan a nge " A ti a, an house lam a oan nghal nal nal. Tan a na thin bawk nen house hrang in awmpawlh an phal vaklo a, niminah pawh ka bulah a rawn kal daw daw a an hau tawh.




Lehlam goal hnaih deuh a ball a awm chuan an au leh dual thin a, a then lah bottle ruak an lo hlap ri thul. Thawm a tha mam mam viau. Au ve chiam chiam chi ka nih lem loh avangin thuthmunah ka lo tang ve em em ringawt. Zira ka en bik deuh ngar leh nghal.




Min hmangaih thu a sawi a, a tawngka chauh nilo a chezia ah a lang chhuak bawk. Min dawhthei em em a, ka pa in ka harsatna tawh a hrilh bawk nen, engahmah min nawrlui ngailo a, chu erawh ka inthiamloh phah thung. Amah a innghat tur leh a lakah hmeichhia anga pangchang turin min duh tih pawh ka hria. Mahse vawikhat tu emaw lakah ka rinna nghatin a lakah pangchang theih tawpin ka pangchang bawk. Chu erawh ka thil tihsual lian ber a ni. Engkimah ka ring a, chhungte bula awm ka nilo bawk nen amahah ka tlu lut tawp a ni ber. Min kalsan rual chiah khan alakah ka lo inghat nasa lutuk tawh kha a tello a awmdan ka thiam ta lo in ka buai phah a mi â nih ka hlawh phah bawk.





Tumah inzawmna ka siampui leh tawhlo turin rilru ka siam a, mahse mak tak maiin Zira ka duhna kha ka dang zo miahlo anih kha.Ka pa in a hrilh chin ka nunhlui avangin ka lakah dawhtheihna a ngah em em a, min care in ka rilru a nat leh a hlau a,a hriat loh a ka thil tihah pawh ka zâi ngai takin tha takin a lungawi lohna a sawi mai thin.




Mahse ka pa hriat chin kha chu a zahve chauh a ni, a hriat loh thil tam tak a la awm a, chu thil chu Zira hian hria se tuna a rilru hi a la pu reng a ngem? Min hmangaih thu sawi mah se a pawm zam theiin ka ringlo.




"Duati " Lawmlo aw ri deuh tak a ti ri avang chuan ka hawi chhuak a, ka hma zawna ding chungin min lo melh chhuk ngur.




" Ehe ! Inkhel an la zo silo a tinge? " A sir atang chuan field chu ka va melh zauh a, an la inkhel tak tak. Ngatinge a lo chhuah daih a hepa hi?




" Ka ke ka ti na der a, ka rawn chhuak " Ti hmuk chungin ka bulah min si chetin a rawn thu thla nghal.




"Maww ? Mahse engvang? " Ka lo ti ang he haw chu a ner leh suk. Tunge inkhelh laiin chhuah duh vangin na der ngai ?




" Min au miahlo a thil ngaihtuah ngut ngut ang mai a i thu ngawi reng kha ka rawn hmu che a"




"Chutiang vang mai maiin tumah an inkhelh laiin an chhuak ngailo "




"Keimah ka hmasa ber tihna a ni mai alawm, chuan i thil ngaihtuah lai kha ka hre ve chak hle bawk ania" Ka beng bulah a rawn tihsup rualin in ngei lutukin ka kut ka hum nghal vak.




"Engmah ka ngaihtuah lo , i pet goal a ngem tih ka lo ngaihtuah anih kha, pet goal la enge lawmman ka pek ang che tih nen " Ka ti zung zung chu a awihloh hmel kher mai.




" Chuti chu ka ke ana leh lo ka tia nga pet goal turin ka lut leh mai dawn asin " Nui suk suk chunga a ti chu a malah ka beng ri nghal thlup a, a nui zui nghal hawk hawk. Nghal thiam thei lutuk. Ka bulah a thu ve ta reng bawk nen, a thiante ho in an rawn hmuh chuan an rawn fiam leh zauh thin.





Inkhel an zo a, an indraw avangin penalty an pet a, kan house kan chaklo lehnghal.




Thil ei turin field chhak a dawr lamah Hmunsang leh Hriati nen kan pali in kan inzui chho tham tham a, Hmunsanga lahin Zira ke ana tak tak lo tih a hriat chuan " Bialnu te bula thut chak vang maia ke tih nat der, i zahpuiawm roh mang e " Nui duh miah lo hian a ti a, a ban bul a ri nghal dawp.





" Kut hi mi thlak ziah suh Zirsangzel, kei aiin i naupan kha " A ti nghal hluk a, pakhata lahin a darah kuahin a kuai kun nghal vak. Tlangval pui tawh si hi an pahnih a an awm dun hi chuan naupang chhe infiam hi an ang thin.




An pahnih in chhaih fiam pah reng chu Hriati nen an sirah kan lo nuih pui leh hak hak thin a. Ka hnung mai a min ko tu an awm rual erawhin pawh din chawt ang mai hian ka dung nghal chawt. Tunge anih ka hre chiang lutuk chu ka taksa chu a tang nghal tung a,ka bag hrui nghet lutukin ka vuan nghal vak bawk.



"Ms " A rawn ti leh sup a, Chutiang chuan amah chauh khan min ko thin.




Zanin chu comment lamah lo lang ve pheuh pheuh ula😆


Chuan ads ila click lo anih chuan a hnuai a milem khu lo click zauh bawk la👇

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » February 21st, 2021, 1:42 pm

ELECTRIC LOVE - 16
_Papuii Sailo




Ka hnunglam hawiin ka inher riai riai a, ka lung hi pawk chhuak tur mai angin a phu dup dup bawk. Mahse ka hmu miahlo, kan college student thenkhat kan thlang deuh a rawn chho ve bak midang an awmlo. Ka hriatsual ti dawn ila a aw kha ka hrechiang lutuk tlat bawk si.Kha a aw thum deuh ruihin a min kohna kha ka hai ngailo ang.






" Hmelhriat i hmu mi? Khatia i hawi vual vual " Hriati'n a rawn tih chuan ka phu deuh zawk a, mahse ka insiamrem nghal vat. " Min ko a maw ka tia, mahse keimah lo midang zawk aniang, kal ang u ka ril atam tawh teh mai ania" Ka ti sawk sawk chu mak tih hmel lutukin min en reng, a ban a kaih kuah that pah a, Zira ka va en chuan ngun lutukin min lo melh ngur a , ka awmdan chu mak a tih hmel hle bawk. An infiam avang khan min ko tu awm kha an hre ve lo a nimah na nge ni a keimah hian ka hriatsual zawk.





"Nang nu hi bialpa i nei a,i induh sawt riau " Tetea'n min hmuh rualin a lo ti hluk chu ka nui ringawt. Zira'n 'mipa dang bulah thu tawh suh, ka bulah thu zel tawh rawh' a tih miau avangin class-ah pawh a bulah ka thu tawh ngai lo va, break laiin kan inhmu ngai bawk silo.




" Khawnge? " Nui rah rah chung chuan a tih zawm leh zat a, order siamna lam ka kawk zauh. Hmunsanga nen order kan siam anga thutna lo va hauh ru an tih avangin Hriati nen kan inzui phei a Tetea te thutna piah chiah hi a awl avangin kan pan vat bawk kha nia, mahse min lo biak avangin kan ding khaw muang thung.





" Ka hual ber Zira'n a chang ta daih si che a, ka rilru na hi inawhhlum mai ka duh" Nui hawk hawk chung chuan a ti a, ka lo ner vak ringawt.




" A hrui ka lo suih sak dawn che mi? " Tih hmuk pahin Zira'n ka kawngah a rawn kuah a, alamah min pawt hnai nghal salh bawk chu mak ti lutukin ka melh vak a, a hmel a thutak em em mai leh nghal. Hepa hian Tetea kha a fiamthu mai mai tih a hrelo nge a hrelo der zawk. Ka banin ka nghawk zeuh chu hrelo ang hmiahin a awm zui leh nghal.




" Lo hnaih vak lo la him damin i chhuak a ni mai " A ti chang leh fal a, fiamthu a sawi a ni tih a hrelo tak tak a ni chiang mai. Nuamlo ti lutukin Tetea ka zuk en a, engah mah a ngaih hmel lem loh, min lo nuih suk ringawt. Zira mizia a hrechiang ve bawk a, chuvang te pawh a ni mahna.





Kan thutna tur lamah ka phei pui a, ka melh ram ramna chu hrelo ang hmiahin ka kawng a rawn hmer zui salh. Thutna min pawhchhuah sak thlap a, ngawi rengin ka thu thla nghal hmak. Kan awmdan chu Hriati leh Hmunsanga'n nuih insum tih hriat lutukin min lo en reng bawk.






Eitur kan order kan dawhkanah an rawn chhawp a, ngawi rengin a eizui nghal hmiah hmiah a, nichin a a rawn chet dan tullo lutuk mawlh kha. Mi pangngai tan chuan Tetea kha a fiamthu tih hai chi a nilo. Min hauh a pe na tih chu ka hria, ka sawisel ngai lem lo bawk. Mahse nichin kha chuan fiamthu a ni a,bakah Tetea te table-ah khan midang an thu ve bawk. Midang ka biak phallo ang hrim a a rawn tawng kher kha ka ngei hi a ni tawp mai.




"Zirsangzel.. "



" Duati thil ei laiin an in sermon khum ngailo " Tih leh a rice ei lai min rawn barh nghal hmiah anih chu! " Thing lutuk " Ti zui nghal hlukin a hma zawn a Hmunsanga thu chu a melh nghal khui a, Hriati'n Hmunsanga tui hak khuh bawrh bawrh chu nui hak hak chungin a hnungah a chum dat dat bawk. Zira chet dan vang khan a tui in lai a phuh a, a hma chiah a thu Zira a phuh per bawk. Ka thinrim ve tur a rawn ti bam vek, Zira hmel tum bur chu mipa naupang titau a ang lutuk bawk nen nuih loh har tak a ni.





" Week hi ni char char mai se tiraw ? " Bike atanga ka chhuk rualin a rawn ti fan ruih.



" Kei chu zo vat vat se ka ti " Amah melh ralh pah a ka ti chu a phun zui nghal hluk a, ka lo nui hak hak thung. Week chhung chu ka rualin kal rawh a tih avangin ni li zet chu a rualin ka kal tawh mahse week a zo tep tawh thung.




" I lo lut dawn em? Thingpui lo in la tui tawkin ka lo lum ang che "




"A tlai tawh emai lut kawi tawhlo mai ang, lut rawh ka lo thlir liam ang che " A tih avang chuan kan inlam pan a inherin ka kal nghal vat.1,2,3 ka chhiar a min koh let loh chuan a mak ang "1,2," Zawite te in ka sawi a 3 ka chhiar rual chiahin " Duati " A rawn ti hmuk a, nui ver ver chungin ka inher a, a lo tum deuh bar.





"Theihnghilh i nei ania " A tih chuan a sawitum hrelo derin ka bag ka dap der vel a, phun hluk chungin ka lam panin a rawn pen phei pawk pawk a, ka ban ka lo phar vat.






" Nghal lutuk " Tih pahin a taksa thlawp zaihin nghet lutukin min kuah bet nghal. Min thlah apiangin kuah a phut ziah zel a, ka kuah a nghet lutukin min kuah let ziah a, a tihchhan hre lo mah ila nuam ka ti ru veng veng. Vawiin tlai erawh fiam ka chak tlat avangin ka hre lo der a ni pakhat.






Naktukah volleyball kan khel dawn nen, zanah chuan mu hma rawh a ti tlat avangin zan dang ang lo takin kan inbe reilo viau. Zan dangah chuan darkar 2 chuang te kan inbe thin. Enge kan sawi tih erawh kan inbiak zawh hnuin ka hre leh tawh ngai der lo.




Kan inbiakna kan tihtawp hnuin ka mu zui nghal a, mahse ka rilru ah vawiin min ko tu kha ka mipa hmangaih thin Ramluahpuia kha a ni ang em tih ka ngaihtuah nghal vawng vawng






Pune a ka chhuk thlak niin flight-ah kan thu dun a, khata tanga inhria kha kan ni.Kan titi na lamah ka college kalna turah a thawk tih ka hre zui a, pune lama a awmna a lo rei tawh bawk nen kan thlen thlak hnu pawn a man min buaipui chawt a, hmelhriat sa ka neih lem loh avangin thil tul ang zawng zawng min buaipui sak vek bakah hostel ka awm na turah pawh min thlah thlap bawk. Mizo dang awm ve nual mah se amah kha ka hriat anih avangin sunday inkhawm velah pawh kan inzui chawt a, kan inhriat atanga thla khat hnu lawkah min duh thu min hrilh zui a, ka duh ve tho bawk nen kan in ngaizawng zui chu a ni mai.






Kei aiin kum 7 in a upa zawk a, min care thiamin min ngaihsak em em reng thin avang khan alakah pawh ka pangchang reng bawk.Mipa chhe zek zawk a ni lo a,hmeichhe duh chi tak a ni a, a hnathawhin a lo zir bawk nen hmeichhe dang vanga kan buai nawk nawk chang a tam bawk. Ka thinrim a ka tih tauh khum a, ni khat tawp te biak duh loh chang ka nei thin, chung hunah pawh chuan phun miah lo in min thlem ngat ngat zel a, keimahlo midang hmangaih leh duh a neih loh zia a sawi fo thin. Rinhlelhawmin a awm ngailo bawk. Mahse kha ti chung pawh khan alaka ka tihtauh changa min thlem thin kha nuam ka tih em avangin hmeichhia in an lo text na ka hmuh ringawt te khan ka titauh khum thin.






Kan inhmangaih ve ve a,kum hnih chhung midang inkawp san miahlo in kan inkawp chawt bawk. Hmalam hun tur kan suangtuah dun fo va,hna nghet nei sa a ni bawk nen inneih tawh mai ang tiin min sawm fo a, B.Com tal chhuah phawt ka duh avangin ka hnial tang tang a, " Ka chawm dawn tho che a,enge zir chhuah a tul kher na, nupui nei rual ka nih tawh hi" A ti hluk hluk zel. Mahse zir chhuah ka duh miau avangin min hnial zui lo a, ka zir chhuah velah min neih nghal tur thu erawh a sawi ziah thung.






Ka pasal tur ang hiala ka ngaih anih tawh avang leh kan inneih ngei ka rin bawk avangin hmeichhia ka nih na anga ka neih hlu ber ka thianghlimna ka hlan a, chu erawh khawvel a ka thil tih sual lian ber ka inchhir kumkhua na tur siam that duh ngawih ngawih mah ila theih tawh siloh a ni thung. Ka thianghlimna ka hlan khan ka inchhir lo, ni e ka inchhir miahlo a chhan chu ka hma hun ka suangtuahna zawng zawng amah nen vek anih vang a ni. Mahse a hnu lawkah a zia a danglam a, hmeichhia nen a an inzui ka hmu ta zeuh zeuh bawk a, ka zawh chuan a thiannu anih thu leh thik tur a awm loh thu bak a sawi ngailo.





Mahse enge thleng i hria em? Khanu a thiannu ni a a sawi thin ngei nen a, an mu dun lai ngei ka phawk a nih chu. Ka kehchhe vek a, ka kawchhung hi tham nawk nawk ang hian an na ut ut bawk. Thil thleng kha dawn sawn dan ka thiamlo a,min thawng lutuk kha ka â vek ani ber. Nikhaw hrelo hialin ka awm phah.





An mudun lai ngei ka phawk chung pawhin ka hmangaih em avang leh a tello a nun hman ka zuam ngang loh vangin tlawm inti tak chungin a thiltih sual ka ngaihdam tur thu leh min kalsan lo turin ka ngen lawm lawm a, mahse min hmangaih tawhlo tur thu min hrilh thung. Ka pasal tur ang hiala ka ngaih tawh leh ka thianghlimna ka hlan ngeiin min hmangaih tawh loh thu hmaichhan ngei a min hrilh kha a tlawmthlak zia leh a nat zia chu ka tawn ang tawng tawh chauhin min hriatpui ang.





Min hmangaih ve tawh miau loh avangin eng ang pawn neih let tumin beilet leh mah ila, awmzia a awm tawhlo a. Chuta karah min hrelo ang hmiahin a awmzui a, college-ah pawh min hmu reng mah se min be ngailo.Kan pahnih a kan sulhnu zawng zawng te kha hre ve ngailo ang hmiahin a awm a,a thiannu ti a a sawi nen an inzui chawt bawk.





Hmeichhe dang angin hlutna ka nei ve tawhlo tih ka ngaihtuah chhuah rualin lukhamah hmai ka phum a ka tap chhuak nghal hawm hawm. Neih let leh duhin ka nun pum thap mah ila van a rah ang a ni tawh.





*


"Bawihte, i mit ana mi? Ava bui em em ve ? " Ka zing tho min hmuh rualin ka pa in min zawt nghal chat, nizan khan muhil miahlo in ka tao zan khua deuh thak a, ka mit hrui te hi a na vek thei.




" Aaa.. Pa engmah a nilo nizanah ka muhil theilo a chuvang mai mai a nih hi ! " Ka ti liam puat a, ka thusawi chu a awih hmel lem loh, mahse engmah min zawt nawn tawhlo thung.





Chaw eikhamin room-ah ka chho a, ka insiam mawlh mawlh a, ka mit búi lutuk thup nan make-up ka inhnawih ve hlek bawk. Zira'n min lo sawm leh a, kan tlai tawh bawk nen vawiin a kan programme neihna tur R. Dengthuama hall lam kan pan zui a, enge maw sawiin min be leh zauh zauh thin a,a rul tawk bakin ka chhang ngailo.




Kha mi ni min hmangaih thu min hrilh ni khan hmeichhe thianghlim ka nih tawh loh avang khan ka na nawn leh anih kha, Rci thianghlimna a zah sak zia a sawi lai phei kha chuan ka chhunglamah ka khur ru hial. Ka dai sual tawhna khan min vilh ngut ngut a, kan hmangaih em em nen pawh ni se a hun hma a, mipat hmeichhiatna hman pawi zia ka hrechhuak nawn awn awn.







" Engthil hi nge maw i ngaihtuah thin le ? " Tih pahin a tukhumin min rawn tauh dat a,ka ner nghal nawng nawng chu min nuih nghal suk.



" Kan thleng tih ka hre miahlo" Nui tawi tak chung a ka tih chuan a nui ri nghal hawk.



"Ka bike khalh a chuan nuam iti em alawm,chuvangin class kal pangngai hunah pawh ka phur zel tawh dawn che nia"



" Min phurh tluk zetin ka lawm ni mai rawh se "



Hall kan lut a, Hmunsanga leh Hriati'n an awmna lam a kal turin min lo hui zauh,Zira ruala ka kal thin miau avangin Hmunsanga hian a lam ngat ngat zel, a thianpa in ti tur a hrilh vang a ni em phei chu ka hre lo, an inkawm thei phian leh nghal.




" Asawm i ke iti na leh a nga, tu emaw puak ngai khan i awm leh nge aw" Hmunsanga chuan a rawn ti zauh a, a hma a Chhiahtlanga ka ke nat tum khan Zira'n ka pu te inah min paw chho anih tak kha.




" A rih si zia kha " A tih sup rual chuan thip zet hian ka melh nghal vak. Nui suk chungin min kuh bet nghal hmiah.




Hmeichhia zawng zawng deuh thaw hian rit nih kan duh lo vek. Thau ve lampang hmel en a kg tam tih hriat sa reng reng pawn, a rit tih in hre reng mahse mi in i rit si an tih chuan a rilru ana tho.





*Thliah hnu pangpar chul tawh hnu ka hmangaih dawn em ni? *

A tawi ka ti keipawn,zanin chu ti zawng hi ni rih mai teh se,hrethiam hram🙈

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » February 21st, 2021, 1:42 pm

ELECTRIC LOVE - 17
_Papuii Sailo





Final a nih avangin kan tang bawk a, hall chhung au ri in a khat vek a ni ber. Court sir atangin Zira'n min lo fuih char char reng a, a rawn uang tel leh zeuh thin erawh tan ana bawk nen vawm tawk ania ka duh ni.





Kawngka bul ka va hawi zauh ka hawi let leh tawh chu ka mihring va hmuh thawi thuak vang khan ka en nawn leh ngat a, ani pawhin min lo melh ngur. Engtin nge a nih theih? Chuan hetah hian enge a tih ve ang?.Ka hminga min ko ri a awm rual chiahin ka thle nghal sawk a, ka lu a hai nghal mum mum. Ground-ah ka let thla nghal tawp a, min rawn hual nghal tuau bawk. Kawngka lam chu ka va melh leh a, chair ban vawnchhan vuan a a awm kang deuh hluai chu ka va hmu.





"Duati, a na em? I tha tiraw? " Zira chuan min rawn tung tho vat a, ka lu ka dawm nghal vang vang, a hai chhulh a, a na ngut ngut bawk. " Ka tha " Ka tih sap chuan a thaw chhuak nghal hawk, min kai tho a, thutna lamah zawi muangin min kuah phei nghal.





Chair-ah min thutthlak tirin ka hmaah a ding a, puanin min zap nghal heuh heuh, chair nghenchhanah lu nghatin mit ka chhung nghal daih thung




"Avan mak, engtin nge ball kha a infuh tir theih le"



"Game-ah rilru avan pe awmlo em em"



"Arini ball hlap kha a kawh bawk sia, ana ngawt ang a fuh chiang e mai"




Ka hnunglam ami te thil sawi chu ka hre pha vek, mahse chung zawng ai chuan Ramluahpuia sawn hetah hian enge a tih ve tih mawlh hi a ni. Pune a awm tur a ni a, mahse hetah a awm bawk si. Ka ngaihtuah kual chiam pawn heta a awm ve nachhan tur awm ang ka ngaihtuah chhuak zo lo.





" Engtin nge ball khan a fuh theih che a " Hriati chuan a rawn ti hlut a,a thiam ang tawkin ka lu a rawn hmet kual nghal bawk a,a zia nghal huai mai.Keipawn ka hre biklo, ti ila kha mihring ka va hmuh vang vek khan,ka buai vek a, a awm ve mak ka ti bawk nen ball lam ka melh tawhlo hrim hrim a, chuvang chu a nimahna.




"Washroom-ah kal lawk ka mamawh " tih pah chuan ka ding hluai a, Zira'n min kalpui tur thu a sawi nghal vat bawk.




"Ka tha, kalpui ka ngailo ka va inphih harh lawk anga ka lo let leh nghal ang"





"Mahse,luhai ten i va tlu ang e,Hriati tal hian kalpui che rawh se"





"Ka tha tak tak alawm,min ngaihtuah suh" Ka nui lui sak bawk. Tunah tak hi chuan keimah a awm ka mamawh tak zet a ni. Zira'n ngaihtuah hmel deuh a min enzui reng chu ka hre reng. Mahse keimaha awm a thawk lak ka mamawh tak zet.





Washroom ka luh rualin darthlalang hmaah dingin thawk ka la nghal kawk kawk a,wash basin tlang chu nghet lutukin ka hum ngawt ngawt bawk.Hetah hian eng ti tur a rawn kal ve nge anih tih mawlh chu ka ngaihtuah a, amah ka hmuh rual khan ka la theihnghilh loh zia ka in hrechhuak uar uar bawk. Ka lungphu a phu dup dup a, ka tha a tang tung bawk. Amah vanga ka tawrhna te leh min phatsan dan te kha ka mitthlaah an in rawn in lar nghal zut zut.





Washroom kawngkhar ri khepah chuan ka awmdan siamtha vatin tui ka ti haw a, ka kut ti huhin ka hmai ka phih a, ka din ngil ruala bang nghen chunga darthlalang atanga mit meng tak ngul a min lo melh run tu ka hmuh rual erawhin ka pai nghal khat, basin nghet lutuk a vuan chungin alam hawiin ka inher a, ka cheizia zawng zawng chu chik lutukin min en ngur thung.





"He.. Hetah enge itih ve ? " Ka ti bah nak a, ka aw khur ru teh hrep pawh chu ka haw hle bawk. Kiai suk chungin ka lamah a rawn pen hnai a, ka kut ka phar chhuak nghal vat.





"Min rawn hnaih hlek suh, ka sawi chu i hria em? Ramluahpui min rawn hnai hlek suh " A ke pen a tawp duh loh avang chuan ka ti zui chul a, midang awm ve an awm em tih ka ngaihtuah hman tawhlo. Hepa hi min hnaihlo turin ka duh a chu zawng chu a nimai.






"C'mon Bawihte, min ngai tih ka hria nia" Nuih insum tak a,a rawn tih hluai phei chuan ka haw hluah hluah. A hmaiah tak hian na tak a ben sawk ka duh, mahse aikhirh ang maiin ka che sawn thei map lo thung.






"Min hmuh ruala i game khelh lai i theihnghilh phah thak danah i lakah ka la tla na viau tih ka hre bawk " A sawi zawh rualin a nui ri nghal hawk bawk. Anih loh zia hrilh a, a tello a ka hlim zia leh ka mamawh tawh loh zia hrilh a ankhum phiar phiar ka duh a, ka ka atangin engmah a ri chhuak theilo. Ka insehruh ngawt ngawt a, thip lutukin ka melh chho vak ringawt.





" Khatin min melh teh suh bawihte,ka ngai teh mai che nia " Engtin nge chutiang ala sawi ngam zawk, zaktheilo lutuk. Ani tluka khawvel a huat hi ka nei lo , ngaih te chu khawilam ka haw so bawrh bawrh a ni mai. Titeh Malsawmsang inti chak la huaisen takin hmachhawn rawh, tuna i hma a mipa ding mek hi tu dang nilo in i nun tichhe vek tu leh na tak a siamtu che anih hi, a hmaah hian zam chhe tur ini lo. Ka chhunglam atang chuan a rawn ti mawlh mawlh a, mahse amah ka hmachhawn thut hian min thawng lutuk a ni ber.






"Duati, ila awm em? " Zira chuan kawngkhar kik karh karh chungin a rawn ti a, Rampuia chu a ner nghal sawk.





" Duati maw? Nichin a i tlu kaitho tu te che kha a ni em? " Thinrim tih hriat tak a insehruh ngawt ngawt chung chuan ka hmai zawnah a rawn tichhuak hrawk a, kei erawh a awmdanin min thawn lutuk avang chuan ka meng kawk thung.





" Duati " Zira'n a rawn tih leh chuan ka hrawk ka thian hmasa kharh a, ka chhuah tur thuin ka chhang a,Rampuia ka hmai si che che in a awm bawk nen ka aw a lawi deuh rat.






※ ZIRSANGZELA POV ※



"A ni em em tawhlo, a rei tawh lutuk a lu hai a tlu aniang, ka va en lawk a nge " Ka tih rualin Hmunsanga a chet zui tlat tlat.





"Aww Zirsangzel i va han mak hem huam tak, a kal atangin minute 3 pawh ala ral lo thu ve mai mai teh " Mit ti hnim khuiin a ti nghal hmuk.





" Washroom hlat loh zia saw, a rei berah minute 2 bak thang a ngailo " Ka ti hluk. Minute 5 hnuah pawh alo la phei loh avangin ka va kal ta nge nge a, min chhaih zui pawh chu ka hre reng. Mahse engah mah ka ngai hran lo. Chu ai chuan Duati kha lu haiin a lo tlu reng ang tih ka hlauthawng fe zawk. Hahh hmeichhia vangin ka hlauthawng anih chu. Hrim hrimin enge maw a ngaihtuah reng reng ni, a hlap pertu lah Mizoram ai awh a khel zak zak tawh thin Arini ber kher ala ni zui.







Kawngka ka kik a,ka koh chuan min chhang lo, hmeichhe washroom anih avangin ka lut ngawt thei bawk silo. Ani hi luhai a alo tlu reng anih chuan ! Hrep tak a, ka ko leh a, aw lawi rat hian min rawn chhang chu ka thaw chhuak nghal huai. Kawngkhar chu rawn nem hawng riai riaiin a rawn chhuak a,a taksa pawh a rawn chhuak kim hman angem tih tur khawp a rangin a khar zui leh nghal hmak. Ka lo en reng bawk si chu lei chhuah zeuhin rui nawi an awm thu a sawi a, a chezia duhawm lutuk chu ka nuih chhuah pui hawk.










" Kan lecturer thar chhiatloh zia hi, a pa ropui si, iti ve em? Asawm? ' Ka bialnu i ni duh em?' Min ti se inngaihtuah buai ka mamawh lo sa" Puii chuan a ti hluai a, Duati a nui ringawt.





Week a zo a, class pangngaiin kan tan leh tawh vanduai thlak takin kan house kan champion lo bawk. Kan department-in lecturer thar kan nei a,Hmeichhe ho in an star hlawm ngang bawk. Class a a lo luh dawn chuan darthlalang an phawrh a an in en sek zel, kan Lalrinpuii pawh hian a lo duh ve anih hmel. Duati erawhin midang a en ang tho in a en in ka hria, tun hnai te hian a zia a dang a, thil ngaihtuah leh vung vung a ching thin. Zanah lah ni se a phone ala theilo zeuh zeuh a,a chang leh a switch off daih thin avangin kan inbiak aiin kan inbiak loh a tawm zawk, ka zawh lahin " Final exam a hnai tawh sia, lehkha ka zir thin alawm, ka zir laklawh tawh hi chuan phone ka lo ngaihtuah tawh ngailo a" Tihin min chhang ziah a, awih loh ngawt chi a ni bawk silo.Mahse zan lamah inbe lo mah ila college-ah erawh ka bulah a awm deuh reng thung.






" Chhelo hi i hre hlur a,bialpa tur i hmu zo mang chuang silo, bakah Sir Rampuia te chu a kum chhiar a tam ve tawh hmel emai nupui a nei daih tawh ang " Hmunsanga'n a tih rualin hma lamah a bu zui nghal lawp.







" Mawla, tunlaiah mipa fingvarin nupui an nei mai mai ngailo,hna tha tak neiin an zir chhuah theihnana rim taka thawktu an nu leh pa te nuamsa takin an dah phawt a, chumi hnuah nupui chu an nei chauh thin. Ngaihtuahna neilo mipa leh chawmhlawm apiangin nupui neih an awlsam, nang pawh hi i nei ve tep tawhlo maw " Puii'n a ti let nek a, an intin nghal uai uai mai.






" Enge inih bik Lalrinpui,tuna i awmdanah hi chuan pasal nei mah la i nuam sa lo viau ang,lehkha i zir the peih silo ,beer i heh ropui si.Hmeichhia pawh hna nei mo nge nge chu hna neilo mo ai chuan an va lawina te pawn an zah nge nge tih hria la,lehkha hi zirtha hle rawh, mi kuva thelin i inhlawh tauh tauh anga, i pasal te chhungkaw chhehchhawl ini mai tur asin. "






" Ho e mai a, officer pasal a neih tur ka zawng mai dawn lawm "






" I thawveng ve sia maw, sawi ngawt hi a awlsam ania, tunah te chuan i la thalaia i la nalh viau a,officer pasal pawh i chhai thlu thei ang. Mahse i taksa a mawi reng dawnlo a,i lo upa anga i chul tulh tulh dawn, chumi hunah chuan kha officer a khan i taksa mawi lai ang reng khan a thlahlel teuh lo che. A chawmhlawm inih thu sawi khum che in nula tituai nalh zawk a kawpsan che nga, inchhuanna tur hna nei ve lo chu sawitheih nei silo in hreawm ti deuhin i tuar tlawk tlawk ringawt mai ang. Mipa phei chu kan tlangval rei ropui si."






" Lalhmunsang i piantirh ata i thusawi tha ber ala ni hiallo maw "ka lo ti fiam chu a phun nghal hluk.





" In va sawi ngaihnawm ve " Kan hnunglama atanga rawn titu vang chuan Puii a inher zawk a, " Sir " a ti chuai nghal raih. Hmunsanga erawh a lo nui dir char char.





" Tah khan i dinna a rei tawh em? " Nui lui sak chungin a ti ro leh halh, a zah hmel hle bawk.




" Rei vaklo ve, Hmunsanga thusawi tha deuh erawh ka rawn hre hman " Nui suk suk chungin a ti dam thlup a,Puii a thaw nghal huai, mahse a hmelah saw chuan Puii'n a duh tih a sawi lai vel kha a rawn hre hman vek tih a hriat mai. A zah lutuk loh nan dawt a sawi mai mai a ni.





" Asawmi tiraw kha'h " Duati ber kher a rawn be teh daih chu ka hre thiamlo. A rawn tawng tirh atang khan a rawn ngaihven ve lo hrim hrim lehnghal. Thutphah nghenchhanah kei ka thu a, ka mal inkarah a thu thung, nichina Sir Rampuia rawn tawng ve pawh khan a rawn inher ve lo va, hmalam a thlir daih. Rawn inherin "Yes sir " A tizawi sap chu Sir chu a nui nghal suk.






" Pune-ah khan ka class-ah i awm thin zanin ka hria, ka sawi dik em? " A tih chuan Duati ka zuk en a, Sir Rampuia a lo melh ngar thung a,ka bulah chuan a hriat hnu anih awm a sawi miah lo.






" Min hai aniang Sir, kan class a lo lut thin ho kha chu vai hlir an nia " Nui sang chungin a chhang a.






" Anih chu mawle ka zirlai naupang hmeltha deuh nen khan in inang lutuk a" Ner sak pahin a ti leh sup chu ka lo helh viau tawh.






" A hmelthat viau chuan ka nilo tawp tihna nih chu" Nui hak hak chungin a chhanga "Duata ka ril a tam tawh e, canteen-ah kal ang u " Ka malchung a a kut nghat pahin a rawn tih zawm zat chu Sir Rampuia ka han melh zawk a, ner sawk chungin a kal zui daih. Duati chhan vang khan a lawm chiahlo aniang. Chuan tunah khan engtin maw min koh kha.





" Engtin maw sawi nawn leh teh ? "




" Duata ka ti che, i duhlo mi? I duh loh chuan tumbai ka ti mai dawn che mi? " Nui ver ver chungin a mit ko a san euh euh a, a chalah ka zuk fawp zauh.





"Nizan i mumang a fuh deuh a ni maw " Ka tu zawi sup chu a rawn nui nghal hak hak.





" Awiii in va han tenawm dun tak, lokal rawh Lalrinhnap kalsan daih ang " Tih pahin Hmunsanga chuan Puii nghawngah a kuah lawk a, a kal sawn pui nghal nal nal. A kuahna deuh nge Puii a rak chul bawk.





Last period kan la zo class atanga kan chhuak chiah tihin ka pa in min lo phone a, office-ah lokal lawk teh min tih avangin Duati nen ka pa office lam kan pan a,lecturer te motor park na kan thlen rualin 'ka lo chho ve lo mai ang, tan ka lo nghak mai ang che ' atih tlat avangin ka reiloh tur thu sawiin principal office lamah ka chho zui nghal a.





Ka nu thil chah a lam sak,ala haw hman loh avangin dawrah pe kawi turin min duh thu a lo sawi a, bawm killi nei rit zet mai hi a ni a, a in pack vek bawk si nen enge anih pawh ka hre lo ka rucksack-ah khungin ka chhuak zui leh nghal. Hmeichhe dang kawp a a hriat avang khan an inbe tha lo reng kha ania, kha tih hunlai khan kan inchhung chu hreawm tak a ni,mahse engtin nge ka pa in ka nu a hrilhfiah ka hre lo, an inbe tha leh tawh viau.





" I duh loh a, i kalsan tawh hnu chu engvanga en liam mai mai lo nge inih ? Ngati nge min tihbuai reng " Duati aw ri fiak that ka hriat avang chuan ka ding dat a, a thinrim hmel em em mai lehnghal.






" Bawihte, keilo hmangaih dang i neilo tih kan hriat ve ve kha " Ti tu chu ka hriat hnu a ang riau.






"Ramluahpui i tello a ka hlim zia chu chhunah pawh khan i hmu nilawm ni? " Sir Rampuia maw?Mahse chhunah khan hre ngailo ang mai khan a awm si a.Engthil teh hrep nge ni thleng hi ?






" Min run luih tih ka hriatloh i ring em ni? " A tih leh hrawk rual chuan thil ka hrechhuak zawk. Nilo...kha mipa a hmangaih em em a nunzawng thlak danglam sak vektu leh natna tam tak nen a kalsantu kha Sir Rampuia hi maw? Mahse engtin ? Chhunah pawh khan a hriatloh thu a sawi kha, nge ni a Sir Rampuia sawi ang khan a run luih zawk? Nidang zawnga ka hming pangngaia min ko thin khan Duata min ti nih kha ! Ka ngaihtuahna a thil rawn lut zut zut avang chuan ka insehruh nghal tawlh tawlh a, ka thisen hi a lum nghal bulh bulh bawk.

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » February 21st, 2021, 1:42 pm

ELECTRIC LOVE - 18
Last Chapter
_Papuii Sailo




*Malsawmsangi pov*



Zira a pa in a koh avangin lecturer te parking area-ah ka nghah mai tur thu ka hrilh a,lokal tlang ve law law la min ti mah se ka hriat ve loh tur thil pawimawh sawi tur a lo neih theih avangin ka zui chho duh ta êm lo. Hmun khatah chuang dun chuanglo mah ila haw lam hi chu kan haw rual ziah zel tho. Kan In thleng a rawn tlan ve a, a rawn pen chang awm mah se, lo lut lo a a haw leh hi a tam zawk. A chang hi chuan a peih thin hi ka ti ngawt mai. Kan veng thlen hmain an veng a awm a, a inkhalh let leh ngat ngat zel a nia.





"Min lo nghak ni em ni? " Ka hma zawn tak a nui suk chunga rawn ding chu ka melh nghal vak. Ngati nge min tih buai reng mai le? Min rawn call loh leh min rawn text reng thin ka nin lutuk avangin phone ka switch off ringawt chang a tam a, zan lamah Zira nen kan inbiak theih loh phah ziah.




" I mumang thuah riat anih chu ! " Bul hmuk a ka tih chuan a nui chhuak hawk.




" I mizia a danglam tawh hle mai "




"Hetiang mizia nei tur a min siamtu chu tu nge anih tih ka hriat chian ve ve kha "




" Ka siamthat leh rem tirawh, bul tan tha leh ila, engkim ka siamtha leh vek ang tih ka tiam a che, vawikhat... Vawikhat chiah chance min pe leh la i natna te kha keimah chauhin ka ti dam thei tih i hriat kha " Ril ruih a a tih chuan ngeiawm lutukin ka lo nui chhuak hak, bultan that leh maw? A teuh lo lutuk , khawvel a mipa awmchhun pawh ni se a bulah kher hi chuan ka let tawh lo ang.





" I duh loh a, i kalsan tawh hnu chu engvanga en liam mai mai lo nge inih ? Ngati nge min tihbuai reng " Thinrim lutuk chuan ka ti chhuak that




"Bawihte, keilo hmangaih dang i neilo tih kan hriat ve ve kha"




" Ramluahpui i tello a ka hlimzia chu chhunah pawh khan i hmu nilawm ni? "




" Min runluih tih ka hriatloh i ring em ni?" Thinrim tih hriat lutuk chuan a rawn ti leh hrawk a, chhan buai ka tum tawhlo a duh duh danin ngai rawh se .Enge thleng ka hriatchian hma hauhin Ramluahpuia'n ka hmuiah a rawn fawp zui hmiah, ka hamhaih lutuk avangin chet mai na chang ka hre lo.




" Hmela.. Eng thil phiangsen nge itih kha? " Tih thawt pahin Zira chuan Rampuia chu pawt sawnin a hmaiah a rawn hnek nghal bur a, a pai zui nghal nawk. Nilo.. Engtik laiin nge Zira hi a lo awm ve ? Chuan Tunah khan Ramluahpuia khan min fawp bawk.





" Naupang le'h " A hmai tuai zauh pahin a ti nghal hluk,thil thleng hi a tha dawn miahlo! Ka dan vat angai, student thenkhat an la awm ve lehnghal.





" Zira haw ang " Tih pahin Zira che leh tur chu ka pawt a, ka kut a lo vai per nawlh. Ramluahpuia chu hnek leh tuma a pan leh rualin a kawngah ka man bet nghal tlat a, a thinrim tih hriat lutukin a taksa a tang vek a, a thawk lak a na hle bawk.





" Hawng ang, engkim ka sawifiah vek ang " A beng bulah chuan ka ti sap a, Ramluahpuia lo nui ri hawk chu thip lutukin ka melh nghal nghek.






" Zir..haw ila, In-ah ka hrilhfiah vek ang che.. Umm" A duhloh ka hlau lutuk chu ka ngen a ni ber, he ta kan awm reng chuan Ramluahpuia hian enge a tih duh ang ka hre lo, chu ai chuan keiman engkim ka hrilh vek zawk mai ang, principal fapa a ni a, pakhat lah lecturer, an insual buai anih chuan Ramluahpuia nilo in Zira hi an dem leh vek dawn, chu chu thleng turin ka duh lo.





A tha tang tung chu a thlahdul a, a thawk lak pawh a zia deuh tawh , a kawng a ka kuahna thlahin a hmaah ka ding a, a biangah ka kut pahnihin ka dawm nghal bawk. A taksa a sa ham ham a, mit meng sen ramin kan hma a ding Ramluahpuia a melh ngur bawk. Inbengdaih tum tih hriat zetin thawk a la leh hawk a, a biang ka dawmna kut rawn vawn hnanin min rawn melh thla a, nui sukin ka chalah a hmuiin a rawn nawr zui vang vang a, ka hahdam nghal huai thei.





"Lokal rawh le" Tih pahin ka banah a chelh a, kan bike park-na lam panin min kalpui a,





"Hmeichhia te hian an tan a mipa hmasa ber an theihnghilh mai mai tawh ngailo an tih hi i hria em? "





Ramluahpuia thil rawn sawi vang chuan a ding chawt a, ka kut a hmer nghet hle bawk. Ka tha a zawi vek a,ka awm zawn hi vih sawk angin ana nghal ngut ngut a,ka hrawkah hian min hnawh tup tup bawk. " Eng thil nge sawi i tum? " Ti nghutin a rawn inher let riai riai a, ka thaw tawh pawn ka hre lo, Ramluahpuia hian eng thil nge tih a tum ?





" Hmeichhia te hian an tana mipa hmasa ber hi an theihnghilh mai mai tawh ngailo, chutiang chiah chuan Msi pawh hian min theihnghilh thei tawhlo , ka bulah a lo let leh ngai bawk ang " Zira chu a insehruh nghal tawlh tawlh a, ka mittui a luang lum thla nghal pap, mi pangngai tan chuan Rampuia thusawi kha hriatthiam loh chi a ni lo.





"Malsawmsang saw mihring sawn engthil teh hrep nge a sawi kha ? " A rawn tichhuak thawt a,




" Min chhang rawh, saw pa saw i mutpui tawh em? " Ka dar tawn tawnah a rawn hmer a,a hmerna chu a nghet bawk a, a na nghal ngut ngut.Engtin nge Ramluahpuia hian kha tiang thil kha a sawi chhuah theih, min phatsan tu chu a ni, mahse kha tiang thil kha awlsam tak a a sawichhuah ka ring ngailo.




" Duati,tun chiah ka zawt leh ang che, ani saw i thianghlimna i hlanlo ti raw? A thusawi saw dawt anih tih sawi hram teh " Ka hmai zawnah a rawn phun sup a, ka mittui a luang thla leh nghal pap, In a kan haw hunah hemi chung chang hi ka hrilh ang a, min kalsan leh kalsan loh chu a duhthlanna ni rawh se ka ti kha ania,




Ka lu ka buk nghat rualin a meng deuh awk a, dawt a ni tih ka sawi beisei lutukin min la melh ngar bawk. A mit a beiseina lang te hi theih se hmeichhe thianghlim ka nih thu hrilh a tih hlawhtlin sak ka duh lutuk. Ka hrawk a min hnawh tlattu a awm avangin ka tawngchhuak theilo. Mittui tling pamin ka melh a, ka mitmeng a chhiar thiam ta nge a in la hrang nghal hlawk a, a sir lama building ban chu a chhir zui nghek nghek bawk.





" Hrep che hianin, Malsawmsang ! " Tih pahin a hnek zui leh chawrh a, a kut chang atanga thi rawn chhuak tiam tiam ka hmuh chuan ka pan nghal vat a, a kut a rawn pharh chhuah rualin ka ding nghal chawt a. Ner sawk chungin bang chu vawikhat a hnek leh chawr a, bike dahna lamah a pen zui nghal pawk pawk a, ka tap chhuak nghal hawk.



" Bawihte "



" I lawm tawh em? Mawh.. I lawm tawh em? Ka tih chu Ramluahpui, ka hmangaih em che avangin ka thianghlimna kha ka hlan che , mahse nang chuan enge i tih hi ? " Ka aw chu ka thinrimna avangin a sâi dar dar a, ka haw tak zet, a hmela inthiamlohna lang miahlo avang sawn ka haw zual sauh bawk.




" Chutiang.. "




" Engmah sawi tawh suh, i hria em? Min phatsan khan ka haw em em che a, tunah hian ka haw leh zual bawk che, ka ngaihdam che inring ngai hauh suh, i hmel hmuh leh hi ka duh tawhlo bawk tih i hre dawn nia "




**zzz***



" Asawm, Zira nen hian in inthen tihna mi? " Phone ka lak rualin Hmunsanga chuan a rawn ti chuai raih a, chhan vak ngaihna ka hre lo chu ka nui ringawt.





Thil thlen hnu atang khan a reh zui hmiah a, kar khat zet kan inbe tawhlo. Class a rawn kal ngailo a , zu a in ngawrh hle tih ka hria,biak chu chakin duh hle mah ila min rawn biak loh avangin va be hmasa turin huaisenna ka nei tam tawklo.Biak tum ringawt pawh ni ila aman min be duhin ka ring lo bawk.






"Amah ka zawhin engmah a sawi duh bawk silo, zû a in tlût tlût a, intihbuai pui tur a zawng reng ringawt bawk si "



" Hmunsang... Eng lo "



" A pawilo.. Sawi a nawm loh chuan sawi kher a ngailo ania , ka birthday party kha rawn theihnghilh lo la nimai " Nui suk suk chungin a rawn tih zawm zat.



" Ka rawn kal theih pawh ka ringlo " Ka ti zawih raih chu a chek nghal tlak tlak




" Rawn kallo na teh, thuruk ka hrilh miahlo ang che " A rawn ti hluk hluk a, engtak chu ni maw?




" Ka hre lo le.. "




" Rawn kal ngei ngei la nimai, lam i ngaih leh lo sawi la, ka rawn lam dawn che nia "




" Lalhmunsang " Lo ti tu chu phone chhan nimahse tunge anih ka hrechiang lutuk,a aw atang chuan a ruih hmel hle bawk.




" I rawn kalloh chuan ka lawmlo viau ang aw, ka buai lawk a, kan dah lawk ang e " A tih zawm zat a, adah hma chiah a thil ri rum rum ri leh " Va han che tawng e" A tih ri chu ka hre hman zuai, Zirsangzela chu ava han rui awm em em ve maw le?





Naktuk hi Hmunsanga birthday a ni a, zan lamah an inah party te nau a buatsaih dawn a, hmanni atangin a sawi tawh. Kal chu ka duh , mahse Zirsangzela a awm ve ngei awm si a,hmuh ka chak viau rualin ka hmu hreh ngawih ngawih.Ka tawn ang tawng tawh hi chuan tun a ka dinhmun hreawm zia leh laklawh zia hi an hriatthiam ka ring. A hranpa a inhau nilo in ka nunhlui vanga in be lo kan ni a, keima tan chuan va biak hmasak kha har tak a ni.






Ka pa'n min koh avangin darthlalangah inthlek leh thuakin inhnuai lam ka pan a, ani pawh a lo inpeih at tawh. Vawiin hian ka nu te unau zinga upa ber ka pu te kan tlawh dawn a, anmahniin min hmuh chak vang a ni zawk mah, a hna avangin phai lamah an awm char char a,kum 3 vel ka nih a kan inhmuh bak ka hmu leh tawhlo.Tunah erawh Mizoram lamah an awm tawh dawn a ni awm e.




An in kan thleng a, min lo lawm thiam khawp mai. Ka chhungte mah ni se ka hmuh vak ngailoh vangin ka zùm dû mai. Ka pa nen chuan an in titi bawrh bawrh a, an fa te an chhuah avangin an sirah ka lo thu ngawi reng ringawt.Kan awmhnu rei vaklo ah an lo hawng a, an ni pawh an fel khawp min be nghal bawrh bawrh thei. Mipa leh hmeichhia an ni a, an te ber erawh an awmna hlui lamah a hna vangin ala awm anih hmel. Kei aiin an upa vek bawk. Nau en in min en a, kei pawn thisen zawm na na na chu ka pawh nghal thuai.






Hna lamah emergency a awm thut avangin ka pa in min haw san a, haw ve ka tum chuan an phallo nasa mai. Chaw ei nghal rawh min tih tlat avangin ka ei ve a, ka pa a khawhar ka hlau bawk nen chaw eikham velah U Mama'n min thlah a. Lo leng ziah ang che min la ti zui lawm lawm. Ka nu awm tawhlo mah se, ka pa te lam nen an la inpawh em em hi mi pawn mak an ti fo.





*



" Rawn kallo la chuan ka rawn hnuk chhuak lui tho ang che ka ti ania " Min hmuhrualin nui rah rah chungin Hmunsanga'n a lo ti a, chhang lemlo in present ka lei sak chu ka pe a, lawmthu min hrilh nasa mai.




" Hey Duata " Rawn titu ka hmuh rualin ka ner nghal nang, a kal ve dawn tih a sawi miahlo.Kan bul a rawn thlen ruala Hmunsanga'n a lo kuah nghal hmiah phei chuan min ti hamhaih leh zual. Hemi te pahnih hi!.




" Thuruk ka tih reng kha " Ni e, nimin lama kan inbiak khan 'i lo kal loh chuan thuruk ka hrilh lo ang che' min tih tak kha.




" Lalhriatchhung eng vangin nge min hrilh loh " Ka ti hlak a, Hriati inthlahrung hmel ka hmuhin nui lo turin ka insum tang tang thung.




"Keiman hrilh rih suh ka ti nih kha" Chhan tih hriat tak a pakhatin a lo tih rualin ka nui chhuak hawk a, an in en dun he haw mai.





Kan titi mial lai chuan kil khat a, Zira leh hmeichhe pakhat inhnaih tak a thu dun hi ka va hmu a, ka chhunglam hi a na nghal vawng vawng.Zira chu hmeichhe beng bulah kun hniamin enge maw hi a hrilh a, hmeichhia chu a nui leh har har thin a. Awm hmunah tih theih neih silo in ka inhum ruh ngar a, ka thik tih ka hailo, mahse enge tih theih ka neih chuan kei ang hmeichhia hlutna nei tawhlo te chu tu mipa mahin kawp ngheh atan an duh hlei nem.






Ka lo en reng lai chuan Zira chuan min rawn hmu a, enge a ngaihtuah ka hre lo. A hmel chu a dur deuh khui a, min melh run bawk.Min rawn nuih sukin hmeichhe hmai zawnah chuan a kun hniam a min en reng chungin chu nu chu a fawp a nih chu! Duhthawh lutukin a fawp zui mial mial a, mahse ka lak atangin a mit ala sawi eih chuang lo. Hawisawn vat tur ka ni mahse eng in nge min mawlh ka hre lo, ka mit a phe nghal ruau a, ka mit ka khap chuan ka mittui a luang thla nghal a ni mai. Mahse ka khap ngai miahlo in a rawn luang thla ta tho. Insut nghal hraihin lehlamah ka inher vat a, ka kut hnunglamin ka mittui ka hru zui nghal tawk bawk.






Keimah zawk diklo ka ni miau a, va chhuahchhal a, ka thikna te tilang turin a ni chuan engah mah min ngai tawh lo bawk ang. Ka hma hunah tiang ka tawk dawn tih hriain Ramluahpuia nen kan inthen leh dawn tih hre lawk ila chu ka thianghlimna kha ka hlan lo ang a, Zirsangzela nen hian hetiangin kan buai phah miahlo tur. Mahse inchhir a sawt tawhlo, thil a nih tur ang ang a ni vek tawh a, ka hun kal tawh a ka ngaihsam lutuk leh ka ngaihtuah tawi lutuk vangin ka na mek bawk.





" Min lo zui rawh le.. " Ti dam thlup ri ka hriat rualin ka kut a vuanin min kaitho a, a hmel ka hmuh ruala ka hamhaih lutuk avangin hnial pawh ka hnial hmanlo midang awm ve ho kal pelin min kalpui zel a, step-ah kan chhoh dawn chuan ka thutna lam kha ka va en a, inkuah rial chungin Hriati leh Hmunsanga'n min lo nuih dun thaw.





" Engthil nge itih? Khawiah nge min hruai dawn ? "Min vawnna kut pawt pawt laih laih pah chuan ka ti a, min chhang lo in step-ah chuan a pen chho zel a, ka kut a vawn beh miau avangin ka zuilo theilo. Ka thu tawp te anih loh chuan a duhnaa min hruai tho a tum hmel , mahse chutiang chuan ti ila heng midang awm ve teuh hmaah hian ka mualpho mai mai ani. Inthenna mumal tak min neih pui a tum vangin tiang hian a che a ni mai angem? Ka thil ngaihtuah tullo lutuk avang chuan ka mittui a rawn luang thla leh nghal pap. Ani hi then ka duhlo, ka duh miahlo tak tak a zûnah hian ka tang nghet lutuk tawh pawh a ni mahna.




" Lo thu la" A thutna bul khum chu a beng thek thek a, room kawngka bulah ka ding reng thung.




"Duati"




" Engkim i hrechhuak tawh a, ka thianghlimlo tih nen lam, chuan kei hian ka phu lo bawk che, inthen i duh pawn ka pawm vek, nilo... Kan inthen tawh zawk tak e, mahse... Mahse maw Zira ka hmalam hun ka hriatloh lutuk avanga ka thiltih vang khan ka inchhir lutuk tih tal min hriat sak hram rawh aw " A thusawi tur ka ngaihthlak ngamloh avangin a sawi tur a sawi hmain ka tichhuak zung zung a, khuma thu run chungin min en reng bawk.




" Nupui tha tak, nangmah phu ngei tu che neila, hlimtakin i awm dawn nia, mahse i hriatrengna ata min nawt reh hlen biklo la tiraw ?" Ka tah nuih hawk, theih se a bula awm reng hi ka duh, mahse midangte anga 'ka siamtha leh vek ang, min kalsanlo hram rawh' ti a ngen chi ani lo a, chuvangin min theihnghilh lo tur tal a ngen theih bak tih theih ka nei tawhlo.





"I sawi zo tawh em? Ka sawi tur ngaithla ve tawh rawh aw " Ding chhuakin ka lam a rawn pan a, khum lamah min kaipheiin min thut thlak tir a, ka hmaah a rawn thu sawp nghal duai a, ka kut a hmuiin a nawr nghal vang vang bawk.





" A tir kha chuan min thawng a ka thinrim bawk, kalsan che erawh ka ngaihtuah thleng chuanglo,kar khat chhung ka biakloh che khan ka hmangaih zia che leh i tello a awm ka theihloh zia ka hriatchhuah phah bawk.I nunhluiah chuan engpawh lo tawkin i neih hlu ber i thianghlimna hial pawh chan tawh mah la ka hmangaihna che a danglam chuanglo ang."




"Zir.. " Ka tichhuak tiau a, ka kut a hum chu a rawn fawp leh vawng vawng.




" I thianghlimna kha ka hmangaih chhan che a nilo a, Malsawmsangi inih na tawp kha ka hmangaih chhan che a ni. Tu hliam hnu nge inih a pawimawh lo ka hmangaih che a i dam ang. (Tu tih atang khian Alef Fanai quotes kha aw). "




" Mipa chuan a nupui atan chuan hmeichhe thianghlim chu a duh thin ngei alawm, mahse amah pawh a thianghlim bik loh chuan hmeichhe thianghlim chu neih a phu bik reng em? " Tap chhuak hawkin ka zu bawh chilh rawk rawk a, min lo kuah nghal hlun bawk.



" Ka hmangaih che, chu chu engmahin a thlak danglam tawhlo ang, min duh tawhlo a min kalsan tawp anih loh chuan ka kaltir ngai bawklo ang che " Min kuahna ti nghet sauh pahin a tichhuak sup sup.





" Keipawn ka hmangaih che Zirsangzel " Insut hlawp hlawp chung chuan ka tichhuak tiau.





Zirsangzela anga mipa rilru tha leh hmangaihna ngah hi khawvel mipaah hian an tam lo ang, ani ang hi ka tawng dawn tih hria ila chu ka thianghlimna kha atan ka khek char char ang. Ka tleirawl ât laia ka kawppui kha ka mawl luat vangin ka pasal turah ka ngai a, ka thianghlimna ka hlan a,mahse ka hma hunah enge lo thleng dawn ka hre silo ka dawntawi luat vangin a hun hmain Pathian phalloh sual ka ti a, chu chuan a hnu a inchhirna chiah min pe.Duh viau mah ila, ka thianghlimna kha la letin Zira hnenah ka hlan thei tawh silo.






* A TAWP TA *







Ka thuziak tlawmte min lo chhiar sak tute chungah ka lawm em em e, ka hmangaih vek che u❤ Comment drop ziah tute phei kha chu ka chhinchhiah vek che u❤❤❤

*** KAN WEBSITE A FAKNA LAM THIL MILEM LANG THIN I LO HMEH ZEUH HIAN KAN WRITER TE HLAWH KAN TUMSAK ZEL TIH KAN HRE THEUH DAWN NIA, KAN LAWM E***

Website story link ho awlsam zawka in zawn hmuh zung zung theih nan STORY FB group siam a ni a. Whatsapp group pawh siam a ni e. Complete tawh ho zawng zawng leh story kallai kan dah vek avangin avangin in lo join theuh dawn nia..
Group link : https://www.facebook.com/groups/991354610918230/

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)