ELECTRIC LOVE BY PAPUII SAILO (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

ELECTRIC LOVE BY PAPUII SAILO (Completed)

Unread post by Ngaia » February 21st, 2021, 1:39 pm

0f2ijson.jpg
ELECTRIC LOVE - 1


PAPUII SAILO




"Zirsangzel, vawi engzat nge min ti mualpho zawngin khawsa tawh suh ka tih" Ka pa chuan a ti fiak thawt a, chhan buai ka tum lem lo.





"Duhtak, a mak vak vak thin emai!, vin vak vak thin suh" Ka nu chuan a lo tidam thluam a, ani hi chu ka pa anglo takin tawngkam vin a hmang ngailo. Engkim a dam thei ang ber a sawiin min zilh thin. Mahse ka zawm ngai lo thung.





"Vin loh theih loh a ni thinlo a nih hi, i fapa hian enge a tih leh i hria em? Mi kut a lo thlak leh a, damdawiinah an dah lut anih chu ! " A ti leh hluk a, ka nu in min en nghal kawk chu ka ner nghal nawk. A phutawk chiah a hmu anih kha.




"Zira,i pa sawi chu a dik em? Engvanga mi kut thlak fo nge maw inih le? "




"Ka sawi tam tawk tawh, naktukah a patea bulah chhuk thla rawh se " Ka pa'n a tih leh rual chuan ka sa nghal zak, keihi khawiah mah ka kalbo dawn reng reng lo.





"Khawiah mah ka kal dawnlo, hnawk min ti viau anih chuan hotel a tam alawm ka riakbo zawk mai ang"





"I va han zak theilo ve le Zirsangzel ! I pa hi khatiang khan min chhang ngam amaw, kei hi awmlo phei ila chuan jail-ah i hun tam zawk hmang tur ini tih i inhria em? " A sawi dik, ani hi awmlo se chuan jail hi ka in tur diktak a ni. Mahse ani ang mi hausa lutuk hian a fapa thil sual tih chu sum tlem a thehchhuah tawh chuan a thai bo hneh lutuk.





" Ka chhuk dawn chuanglo, chu chu thu tawp a ni " Tih pahin ka khum a, ka jacket awm chu banin dawhkan a ka bike chahbi chu ka ban tel nghal a, in ka chhuahsan dawn thlengin ka pa in naktuk lam a ka patea te bula ka chhuk ngei ngei tur thu a au pui lawng lawng thawm chu ka la hre pha.Ka bike tinungin chak lutukin ka tlanchhuk zui nghal.





Ka patea ka pa nau chiah hi Mumbai lamah a hna avangin a nupui fanau te nen an awm a,nel pawh kan innelin ka nutei pawn min duat viau bawk. A fa te erawh naupang tê te an la ni thung. A duhloh dana ka awm apiangin an hnena chhuk turin ka pa in min ti ziah thin. Mahse Mizoram hi chhuahsan ka tumlo bur.




Ka pa hi College pakhatah principal a ni a,chu mi lo pawh kan chhungkua hian sumdawnna dang neuh neuh kan nei nual. Ka pa thawhnaah hian B.Com ka zir ve mek bawk,kan sumdawnna lam enkawl tur a min duh vang nge ka pa in ka tuilo chung chung min lak luih tir a,class kal aiin campus vela teihawi nuam ka ti zawk,mahse exam naah ka fail ngailo thung.Mifel tak ti a sawi tur ka ni lemlo, kan college lamah pawh buaina neuh neuh ka nei reng thin. A tam zawk phei chuan ka bul hnaiha awm ringawt pawh an duh thin lo.Buaina ka siam ngei ngei pawh ni se ka pa vangin hrem ka ni ve ngailo a, ka intihbuaipui te erawh suspend tawh phah tam tak an awm tawh. Ka buaina chawh chhuahah ngei ngei pawh keimah ber ka him lel thin avangin mi tam tak huat ka hlawh phah a,pa te zar zo min ti fo thin a dikna chen pawh a awm ve, mahse Chutianga min sawi khum chang chuan ka insum zo thin lo intihbuaipui ka nei leh nge nge thin.




Bike ka tih thih duk rualin ka phone phawrhin call ka siam zui nghal zat, reivaklo a ring hnuin a la nghal a, " Ummm... Hello "a rawn ti phak chuap a, ka nui ri nghal hawk. A muhil ka tiharh a ni ngei ang.



" Lo chhuak lawk la " Ka tih chuan a ri deuh nawk nawk. " Maw.. Maw.. Tunah i lokal maw nge ilo tih dawn " A rawn ti phawk nghal hra.



" Lawk aww.. Ka lo chhuak ang min lo nghak lawk la reilo te..ummm " A ti bah deuh nuai a, phone a dah zui nghal daih.



Rei vaklo hnuah a rawn chhuak a, min rawn hmuh rualin a nui nghal sen sen, Mu tho hlim tih hriat takin a sam a hnawk deuh niai a, mahse chu chuan a tilang duhawm zual tak zet. A chhelo a, ahmeltha hle bawk.A mize nu hnap mai leh a sam sei hniang hi amah ti tha zualtu leh min hip tu ka ti ngam sak.



"Tinge ka lokal hman dawnlo kha iti sia, chuvangin ka lo muhil daih alawm" Ka bul a rawn thlen rualin a ti sap a, ka awmah nghet lutukin ka kuah bet nghal tlat thung."Thil thleng a awm em? " Ti pahin min kuah let ve vat a,a samah hmai phumin ka thaw chhuak nghal halh.




"Insawi thawl i duh lo mi ? " Ka ngawih reng avang chuan in la hrang min melh chho kalh a, na lo te in a chalah ka kutin ka nawr chu a ner zui nang.



"Vawiin lama thil thleng vang khan ka pa in min khak deuh a " Ka thusawi avang chuan a mitmeng a danglam nghal vek a, a kun nghal tlat bawk.


"Min enteh" Ka tih pawh chuan a kun ngal a, ama thiamlohah a ngai leh vek dawn tih ka hria, chu chu ka duhlo.



"Lalramchhan min en rawh ka tih chu" Ka tih hluk rualin a inhnit zui nghal hraih,


"Khatah khan ka kallui kher a chuvang vek chuti nilo se khatiang khan i che awm tawp silo, ka thiamloh vek a ni. " A ti sep sep a,ka pa min hauh deuh thu chauh ka sawi chung pawn ti hi ania, Mumbaia chhuk tura min tih thu sawi phei ila chuan a inthiamlo nasa leh zual ang.



"I thiamloh a nilo ka tih kha, Khapa teh hrep khan khawih lo che sela chuan damdawiin a lut kher lovang" Khapa in Rci a khawih lai kha ka ngaihtuah leh avang chuan ka insehruh nghal tawlh tawlh.




Kan college hmun hi a rem a, campus pawh a zau tham viau a, zirlai kan tlem lemlo bawk.Rci hian science a lak avangin kan class neih dan a inang ngai lo va, vawiin chhunah pawh class a neih avangin an class thlang thutnaah ka nghak a, an rawn ban hnu khan an thianhoin thla an lak lawk dawn thu a sawi a, mahse ka bulah awm chawt se ka duh avangin ka phallo thung.Ka phallo chungin kan thutna thlang thing din ve deuh laih naah chuan a thiante rual chuan kal thla a,hmeichhe awmkhawm tih takah an bengchheng tha, ka hmuh phak tho avangin zu chhuk ve lemlo in ka awmna atangin ka thlir reng a, a thiante zingah pawh a tha fal nalh.Englai pawh a a hlim em em reng thei hi ka awt em em thin, kei erawh a bula ka awm chauhin ka hlim thung.




An rawn chhoh dawn lai takin mipa pakhat hi an awmna lam panin a kal a, Rci nen chuan an inbia a, enge an sawi chu ka zuk hre pha lo, mahse Rci inher tawh a darah mana a kawih her leh sawk rual khan ka tho nawlh a, a bul ka thlen thlak lai reng ka hre lo. Ka kut a dawng zui nghal mawlh mawlh a, vawikhat pawh min khawih ve hmanlo thung. Min rawn thelh an awm avangin ka duh angin ka sawisa hmanlo zawk a, damdawiin a awm thu phei kha chu ka pa in zanin a a sawi khan ka hre ve chiah.




Ka thik vang chu ni tho mah se, hmeichhia chunga a chet dan a mawilo ka tih vang pawh a ni tho. Hmeichhia te hi awmlo se he khawvel eng hi kan hmu ve kher lovang,harsa takin thla kaw chhung teh meuh min pai a, min neihna lamah hliam an la tuar tel zui, kan tetlaia min buaipui na zawng zawng ngaihtuah phei chuan chawimawi leh zah an phu hliah hliah, mahse mahni fa te duhlo a, kalsan te erawh khawvela ka mi huat leh ten ber an ni thung.




"Naktukah va kalin ngaihdam va dil ila" Khapa kha ngaihdam ka dil lul lo va nge, a chantawk atana khuanu remruat sa a tawng tihna a nimai. " Ka ngaihdam dilna a phulo " Ka ti nghal hluk




"Ka thiamloh chu a ni tho a,mahse nang pawh i kut a ram thin lutuk a "




"Ani nen khan enge insawi" Ka lo ti chhum hmuk thung.



"Ihh kan department a mi ve tho ania, note min dil a, ka pek tur thu sawiin rawn chhoh san ka tum a,chuan min kawih her leh kha chu a chhan ka hriat hmain khatin khan i rawn che ta buan buan sia " Min ngaichang deuh chung chuan a phun sep sep a.



Ka inhum ruh leh tawlh tawlh chu a hria nge "Sawi tawh lo ang, inchhungah lut ila" z*ng khai deuh hian a rawn ti ta daih a.



"A tlai tawh emai ka lo lutlo mai ang, va lut rawh pawn chu a vawt si"



"Nih chuan ka lo thlir liam ang che " A tih tlat vang chuan bike tinungin ka tlansan a, ka ngai zui nghal veng veng.




College kan luh tirh phat atangin hmeichhe tam tak zingah ka mit la nghal chat tu awmchhun a ni a,mipa chhe zek zawk ka nih loh avangin ani neih nan pawh hun ka duh reilo.Mahse hmeichhe dang angin min pák huam huam lo va, engkimah mim zah thiamin a tawk chin a hre em em bawk. Hei vangte hi a nimahna ngaihzawng thlak zung zung thin khan amah chauh kum khat chuang ka kawp ngheh ve chawt ni.




Inchhung ka luh rualin ka nu in min lo pan vat a, ka pa a mut tawh thu sawiin room lamah min tir zui vat. Ka pa nen kan inhmuh chuan kan inbauh leh a hlau a nia nge. Room kawngka kalh nghal khapin ka jacket hak lai khumah vawm tawm nawlh a, ka zu dahthatna lam ka pan zui nghal.No pawh la lo in a bottle chuan ka inzui nghal. Ka tan chuan zu hi thil thar a ni tawhlo.



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » February 21st, 2021, 1:39 pm

ELECTRIC LOVE - 2

BY PAPUII SAILO





Alarm ri bengchheng zet vang chuan ka harh hlawl a,off mai tumin ka ban chu ka ban fuh hleithei lo. Phun hluk chungin ka inbeng kang a, ka mut dan zawng ka hmuh rual chuan ka thaw hawk ringawt. Ka khumah avang zawngin ka lo bawk duai anih chu. Ka puan sin lah chhuatah a tla tawm daih lehnghal. Nizan a ka zu in zo mu mai mai kha ka lo muhil tlang daih anih hmel.Mai mai chuan ! Alarm amaw ka tih kha ka phone ri zawk a nih hmel bawk.Khum bul dawhkan chunga ka phone dah chu ka ban vut a, caller id ka hmuh rualin ka nui nghak suk.





Ka beng bula phone ka dah rualin "Tinge, class i kal dawnlo mi? Ka nghak ve che sin le..! "a rawn ti lang lang a, phone ka beng bulah vuan reng chung chuan banga sona in tar chu ka thlek vut, Shittt !!! Zing dar kua leh a chanve a ri tawh. "Ka tho chiah" Ka ti chu a rawn chak nghal tlak tlak. " First i nei mi ? " Ka ti leh nghal zat.




"Nei e,i ruala kal ka tum avangin scooty pawh ka nau ka kentir daih a" A lungawi loh hmel kher mai.



"Okay, ka rei lovang first class chu off mai rawh" Ka ti hap a, min lo nghah tur thu a sawi ve mai bawk.



Tho chhuakin washroom-ah ka lut nghal a, shower hnuaiah ka ding nghal vang vang. Engtin nge ka harh loh theih zawk. Nizan lama ka thilin kha a thawk tha a ni ngei ang. Tuk dang chu ni se ka insawizawi leh fe tawh awm si a.Zû chu in mah ila, athawk a phit a rûi chi ka ni lêm lo, thian ho awmkhawm ni khua leh châk chang a ni tawp mai. Ka taksa ka ngaihpawh mawh avangin ka insawizawi nasa a, ka duhdan thlapin a mawi bawk.




"Bawiha, i pa duhloh danin awm tawh suh aw" Inhnuai ka chhuak thlak rualin ka nu chuan a lo ti dam thlup. Ka pa ka hmuh loh danah a kal leh tawh a nih hmel. A hna hi a tlin khawp a, meeting ngai tih vel anih loh chuan a tlai khat khawp. Mi te fakna ber a ni ve bawk.Mahse pa tha ti a mi fakrawn luai luai hian kei ang fapa a nei chu nih si hi.




"Nizanah pawh i patea te bul a chhuk tirlo tur che in ka thlem lungawi thei hram anih kha"



"Nu, min chhuk tir tum eng ang mah ula ka chhuk dawn chuanglo" Ka lo ti hluk.



"Kan neihchhun inih hi tiang a awm tur i ni lo" A ti leh sap a, keipawh hian chungte chu ka hre ve tho. Fa neih chhun ka nih bakah ka pa te unau lamah phei chuan tu hmuh hmasak ber ka ni.



"Ka awm hlen bik tawp nang" Nui suk pah a ka chhang chu a run hmel kher mai." Ka kal dawn ania " Tih pahin kawngka lam ka pan nghal vut a, 'chaw i ei phawt dawnlo mi' ti a min au zui lawm lawm chu hawilet lo in lu ka thing nghut ringawt.




Rci te inkawtah ka bike ti ding a, pawnaha mah ka hmu mai silo chu ka phone a,ala la theilo zui leh nghal. Vawithum vel ka call pawh chuan ala thei chuanglo. Thinrim tunin college lam panin ka inkhalh thla zui nghal. A kal tawh anih te chuan min rawn call leh mai tur ania, enge maw a hriat phiangsen ni !.




"I meng ve lo mi ? " Ti thawt riah chuan ka hawi chhuak a, ka bula hmeichhia chuan rum lutukin min lo melh.Ngaihsak lemlo in ka bike chu ka park rem tha a.



"Hey.. Ka biak che chu i hria em? " A rawn ti leh chu ka rum nghal nghut. Mood fuh loh sa nen. "Va ninawm e aw, enge buaina i neih" Ka ti nghal hluk chu a sam chu a chhip lamah hui chho in a meng kual nghal ralh.



"Ka bike ka park tur kha min hmu lo em ni ? Nangmah vangin ka tluk tep phah kha i hria em ? " A rawn ti vin hlar a, kan bula ding ve ho chuan min melh deuh hrek hrek hlawm tawh.



"Mami, thiamlo chung chuan bike khalh loh tur aw, i tliak rep mai ang" Ka ti chu a thinrim hmel kher mai.



"Hmela.. Ka bike khalh leh khalh lohah i sawi tur a awm chhe te beuh lo ve, chak lutukin i rawn tlan lut a, ka ka park tha tur mi rawn sut tep kha i hre lo zawk anih kha, nang ang mimawl hi chuan khalh ve tawhlo zawk rawh u" Ti pah chuan a in her hmak a. Rapthlak reuh lutuk.



College gate a ka tlanluh khan ka hmu lo hrim hrim,ka tlan muanglo tih chiah ka hria, a khawilaiah nge a lo din pawh ka hre nek lo ve a. Thuhrimin hmeichhia anih te chuan Bike nilo in Scooty te khalh ve mai mai zawk rawh se. Chutiang ka ngaihtuah buai tullo lutuk. Lalramchhani zawn hmasak ber ka ngai, ka hmuh hunah a chaklo khawp ang le.




"Buddy, khawnge i naute ?" An lo thutkhawm luihna ka thlen rualin Hmunsanga'n a lo ti chu tullo ti lutukin ka phun nghal hluk.



"Rci chu i lo thlen hma deuh khan mipa pakhatin a rawn phur" Puii'n a lo ti chu ka kut ka hum ruh nghal tawlh tlawh. Kei min nghak zo lo in mipa dang a lo inphurh tir a maw, Lalramchhan leh!. Ka kaw chhungah hian thinrimna a in mung khawm tup tupin ka hria, a lo phurtu chu tupawh lo ni rawh se, ka hmeichhia a lo hnaih avangin a chan a chau khawp ang.




Class kan neih avangin avangin Hmunsanga nen chuan kan inzui chho a,kan thlen chhoh meuh chuan lecturer a lo lut leh hman tawh. Kan nitin dan a ni class kan kal khat tehlul nen kan kal ve chhunah pawh kan tlai ziah. A hnung ber a awl chu ka pan phei a, ka thu nghal chat.



Ka thufel chiah tih a "May I come in sir? " Ti ri ah chuan class chhung chu a ri nghal huk, keini aia tlai an awm vawikhatna a awri ah chuan hmeichhia a ni, mahse ka va hawi phei kher lem lo.Lecturer chuan " Saw.. A hnung ber a saw thutna a la awm, va thu ve rawh " A ti dam dap a,an hawi phawk hra hlawm. Ni danga tlai an awmin a strict theih teh lul nen. Tun ang hunah phei hi chuan luh a phal ngai tawhlo keini tih loh. Ka lam panin a ke pen ri a awm takah chuan ka hawichhuak a, gate bula hmeichhia kha.. Ani pawn min la hria a nimahna a hmui a pet sawi zauh a, tum bar chungin a rawn thlu tha hnak. Nichin khan ka be na chu a engmah ka lo ngaihtuah lo va, Bike a khalh pawh kha a awmlo hranlo, Mizo hmeichhiaah chuan a sang pawl tak a ni.





A hmain kan college-ah hian ka la hmu ngailo tunah 4th semester kan ni tawh a, course a zo tep tawh lehnghal, tun ang hun lâi lutukah engti teh hlawl a rawn lut nge anih, semester thar atang te chuan tan law law se thu hran. Class lak chhung zawngin a melh pawh kan inmelh lo ve ve. Lecturera chhuak a, rang lutukin a chhuak ve nghal. Chhungkaw black sheep a nih ve hmel e. Mipa ho lah chuan a chhiatloh thu an sep zui chiam a, a khawilai kha nge maw chhelo an tih ni. Mipa zahna a neih loh danah ramhuai nen danglamna an neilo sa.





Kan class pawna Lalramchhani lo ding reng ka hmuh chuan a kutah manin ka kai dawr dawr a,kan department building thlang lamah chuan ka chhuk thlak pui a,tumah an lo awmlo bawk.A hmun kan thlen thlak rual a, a ban ka theh deuh lawp chu a rak deuh thawt a, ka inthiamlo ru nghal veng veng. Mahse tihlan erawh ka tum lem lo.



"Eng vanga min lo nghak leh si loh nge inih ? " Ka ti hrawk chu a tim nghal chawih." Sawi vat rawh Lalramchhan dawt ka duhlo ania" Ka thusawi avang chuan enge maw sawi tum a ang zuau tawh chu a chip leh hmak.



"Tunge sawi rawh? Tukin a phurtu che chu tu maw ? " Ngeiawm lutukin ka nui ri nghal hawk. Min kalsan avang a lungawilo nge ka nih mipa dangin an phurh vang zawk pawh ka hre tawh teh hrep lo ve.Nilo a pahnih vang hian a ni, midang bula a kal dawn anih pawn tha takin min rawn hrilh leh thei reng phone chhanglo kual vel lo khan.Ka hmeichhia hi midangin a min tawmpui pawh ka duh lo.



"Hrep che hianin ! Engtia tih nge i duh" Ka bek tawn tawn chu ka tham tawk a, a dinna ngaiah a ding reng thung.Ka awmdan chu min en mawl tawp ringawt.



"A chhan min zawt hmasa lo in thinrim chiam zel suh ka tih kha" Ka bianga dawm chung chuan a ti dam thlap a, mak lutukin ka thinrim zat ve a kiang nghal duak. He kut tê ve tak, thiltithei zet si hi lawm midang tan a ka phal ngailoh tur chu.




"Midang ta ni turin ka phallo che tih i hria ti raw? " Ka tichhuak sup a, alu a bu nghal nghat nghat.



"Imm ka hria lawm, keipawn midang ta ni turin ka phallo che,mahse... " Sawi zawi lovin min kuah nghal chawt a, ka thaw chhuak nghal ham ham.



"Ka lo nghak reng che a,chuan kha kan CR Ramdina kha i hria em? Kha kha a lokal a,class thil tur vel mamawh lei angaih avanga a ruala kal turin min sawm a,ka hnial hreh ve sia, ka rawn hrilh hman tawhlo che a, tihpalh lutuk, min lo call na pawh nichin khan ka hmu chiah a, ka lo nghak char char che a nih kha, tihpalh tak tak. " Ka awm zawnah chuan a phun sep sep a.Dawt anih ka ringlo bawk. Kan inkawp chhungin rinhlelh awmin a awm ngailo, ka bialnu ni mah se,be tu erawh hmeichhia anih na angin a nei ve reng tho.




Library building kawt a lo ding chu eng khaw sawi set set lo in ka hnek nghal thuai a,a pai nghal nawk.




"Zawnga.. Ka hmeichhia ilo hnaih ngam a maw ! " Ka ti fiak thawt a.Muang changin a rawn hawi chhuak a,a kamsir ka hnekna avang pilh chu khawihin a ner nghal sawk.Tukinah khan thil pawimawh vang nilo in a tumvang reng zawk a Rci kha sawm a ni tih ka hria.A hma atang tawhin a duh ru tih ka hre daih tawh, mahse a hnaih em em ngai loh avangin ka kut ala tuar ve lo mai a ni.



"Chu ka laksak che i hlau deuh em ni? " A mit ko san ak in a nui ri nghal hak. Phiangsen chuan ! " Ka that dawn che " Tih pahin a kawr awmah chuan ka tham nghal chawt. Min ngaihnep hmel lutuk a min en chungin ka kut chu a phih thla a.



"Din, enge thleng a? " Ti ri ah chuan ka hawi chhuak a, student dang awm ve te chuan min lo thlir thap tih ka hre ve chiah.Chuan kha hmeichhia bike neitu nu khan Ramdinsanga chu a rawn pan vat bawk.




"Hre rawh, i lo hnaih leh chuan ka that khawp ang che " Ka ti leh hrawk a, ka aw pawh a chang tha beng bawng viau. Hmeichhia zawk chu a lo nui ri nghal hak.



"Wow Wow hmeichhia vangin i mipat pui i vau em ni ? Huhh.. Nep lutuk, eng vangin nge i bialnu chu ani hnaih tawhlo tur hian i hrilh zawk mai loh"



"Hmelii,, eng maw i sawi a" Ti vin thatin midang kar atang chuan Puii a rawn chhuak hlawl, Hmunsanga'na rawn zui bawk.



"Aww... Khawngaih thlak, uite in a pu thlavang a hauh sak em ni a" Puii chu ngaihnep hmel lutuk hian a melh a, a ner khum sak sak bawk.A tawngkam ngeiawm lutuk vang chuan ka inhum ruh tawlh tawlh. Hmeichhiachu nilo se a awmna ah sawn a let tawp tawh ang.Puii a te chhe hran biklo nen an inmelh dun kar a, hmeichhe pahnih chungah chuan library kawt vel a awm ho mit chu a fu thup tawh.



" Zawngii " Tih pah a Puii'n ben a tum chu a kut chu lo man chatin a hnung lamah a herh sak nghal vak a,Puii a rak nghal chul mai.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » February 21st, 2021, 1:39 pm

ELECTRIC LOVE - 3
__PAPUII SAILO




"Vawikhat pawh ka lam hawi zawnga i kut hi i lek leh anih chuan ka tih tliah sak hreh dawn lo che nia" A hmai zawnah chuan ka ti zawi sap a, ka aw ri chu a chang lam mah mah bawk. A kut ka herh sak chu na a ti nge a ner deuh sak sak reng a, thinrim hmel tak engmah tih theih nei chuang bawk silo hian min melh ve khai a.




"Asawm, kal ang" Ramdina'n a tih avang chuan a kut ka chelh sak chu ner sak pahin ka thlah a, a tuai zui nghal hauh hauh. Kut min thlak kha tum malek tur a ni reng a ni.



"Woww khatiang khan a mi khu lamah i chet thin a ?" Ramdina'n a tih chuan ka helmet in ka tin nghal uai a, a nui ri nghal hawk.



"Hmela, nangmah vang vek anih kha i hria em? " Ka ti chu a duh loh hmel kher mai.




"Nangman i tawng khum ve ringawt anih zawk kha a, taktak a Zira pawh kha i hneh hian ka ring tho i bawn emai !" Min fiam zui nghal zat.





"Nang pawh hi ka la khai ang che,nghal ropui si" Ka ti hlak chu a dar a kan uk ringawt. Canteen lamah thil ei turin kan inzui phei a, kan luh chuan min lo en thap. Mawl heng huang hlawm lutuk mai.Hawi deuh vah chung chuan thutna awl awm chu ka pan a, Ramdina'n eitur a lam thung.





Kan thenawm lawk a mi ania, tette atangin kan inhre tawh, mahse Pune lamah college ka tan tak daih avang khan kan inbe em em tawh lo va, ka pa in Mizoram lamah zawm tur a min tih teh thut avangin vawiin atang hian laklawh lutukin ka zawm a. Anih na takah chuan semester tan tirh khan zawm tur ka ni,mahse thil dang vangin ka zawm theilo a.Ka kawm ve ber Hriati an khawlamah apu thihna avangin a haw daih bawk si a, hmelhriat awmchhun tiin Ramdina hnenah ka pa in " Vawiin chu lo kaihruai deuh mai rawh" A ti kha ania, mahse amah vangin buainaah ka in tat lut der a ni ringawt.






"Kha le i kham loh chuan a dang ala tam ania" Nui suk paha ka hma zawna rice plate a rawn dah chu ka melh nghal rawm."Nang angin ka hap ve buan buan ngailo Ramdinsang" Ka lo ti hlar a.





"I tawngkam te hi a damlo ve ropui sia maw, bak hluk reng ringawt mai" Lu thing nghut pah a ti chu "Ka hmelthat chuan a tawk" Ka lo ti leh zauh a, chimawm min tih hmel lutuk hian phun nghal hluk.





Ka nikhatna chu ka hmang zo ve mai, mahse khanu ban ka herh sak vang nge mithar ka lo ni bawk si nen. Min hmuh rualin hmeichhe then khat chuan ei lo hmel lutuk hian min melh leh hrek hrek zel a, engah ka ngai chuang bik tawp silo."Zak theilo e, mithar ve si Zira te buainaah ala inrawlh zui, a nasa reuh ngawt ang" An ti ri te chu ka hre ve reng ka theng thawngah an thawk pha lo mai pawh a.





An sawi sup sup dan atangin kha pa Ramdina lo tibuaitu kha Zira anih hmel bawk. Khatiang mipa nep lutuk, hmeichhia vang mai mai a,mi awm tha hle hle lai hnek ringawt te chu'h duh leh a bialnu chu mipa dang bula awmlo turin a taksaah phuar bet ang hmiang.





Huiham chu zawng i buaina tur a ni lo ve Malsawmsang!




In ka luh ruala ka pa ka hmuh avang chuan ka hawi â ho,tunah dar thum chauh ala ni, nidangahte chuan hna atangin a lo la haw ngai silo a, a damlo zawk a maw ni le?




"Pa" Ka tih chuan " Aww.. Bawihte i lo haw tawh law, nge college thar chu a an"a lo ti var a.




"Atha nimai, tinge tun ang hunah ilo haw i damlo mi? " Ka zawhna vang nge a nui ringawt.Ka ngaih a titha lo zo vek.






"Ka fanu lo haw laia in a awm ka duh tihna a ni mai lawm" A tih chuan ka ner nghal nawng. "Tak tak a, I nu Mahumi te an lo haw dawn alawm"






"Maw.. Vawiinah an lo haw dawn maw ?" Ka ti deuh haw chu a lu a bu nghat. "Tinge, Lalhriatchhungi hian engmah min rawn hrilh ve loh " Ka ti hlar a, ka pa chu a nui suk suk ringawt.






"Han in tifai rawh an lo thleng tep tawh ang" A tih avangin phun nai nai chungin ka room lamah ka chho a. Lalhriatchhungi chu ava han chak dawnlo tak, min rawn hrilh that ve hle hle mai tur alawm le, a lo haw hun ka nghahhlelh teh lul nen.






Ka pa hi lawyer a ni a, a tuina lam tak anih vang nge a hna pawh a thiam hle. Ka nu erawh thlalak a ka hmuh bak atakah ka hmu ve hman lo.Ka pa sawidan chuan kum hnih ka nihin stroke avangin a boral a ni awm e.Ka pa hian ka nu thih hnuin nupui dang nei leh lo in min tulpui a, ka ni in min duat bawk nen nu ka neilo tih kha a hriat ngailoh hrim hrim.Ka pa hna vangin ka nu nen an inneih khan tun a kan awmnaah hian an indang a, a thih hnu khan ka pi(ka nu lam) te'n keimah min enkawl an tum khan ka pa in phallo in ka ni a chah chho ta zawk a, high school ka kal kum in Ka pi te an chaklo ve tan nen inpui lam Chhiahtlangah a chhuk thla ta chiah nghe nghe.






Ka ni chhuk hnu in Nu mahumi hi ka pa in inchhung sek rek vel min khawihsak turin a ruai a,a fel bawk nen kei nen pawh kan in ngaina a, a fanu Hriati nen pawh kan inkawm ngeih nghal viau.Kan thenawm lawkah Ramdina te inlam lo zawkah an awm a, nikum khan a pasalin a boral san a.An nufa in an hmeithai a,ka pa hian a theih ang angin a pui thin.





Ka inbual zo bathroom atanga ka chhuak chiah chu "Tei, Hriati te an lo thleng ania, lo chhuk rawh" Ka pa chuan ka room kawngka kik karh karh pah chuan a rawn ti a,ka thawmhnaw ka thlak nghal sawk sawk a,ka sam pawh khuih tha hman lo in rang lutukin room atangin ka chhuak nghal.





Sitting room-ah Lalhriatpuii leh Nu Mahumi chu min hnung chhawn zawng chuan an lo thu a, dim lutuk a kal pheiin Lalhriatchhungi ka va bawh nghal rawk chu a rak nasa mai.







"Lalrinfel.. Ana lutuk min delh tliak dawn, tho vat rawh" Ka beng bulah a theihtawp a ring a a au chu tawrh hlelhawm tak a ni.Tho duh lovin ka kuai kun a ka pawt bet tlat a, ka pa leh nu mahumi'n min lo nuih bawk bawk a, Hriati lahin ka vawnna chu phelh a tum tang tang bawk.Kan awmdan chu a nuih zatthlak ngawt ang, sofa hnung lamah ka ke a inbang liam a, ka taksa Hriati mal chungah awmin a lu ka kuai kun run bawk si.






"Engmah min hrilh loh man anih kha" Then sawng chung a tiin ka thlah hram a,a ner nghal nawng.A nghawng chu a tuai zui nghal hauh hauh.





"Ka thil lo hawn che pawh ka pe dawnlo che" A tum nghal bar a, ka thutdan siam remin ka kuah nghal vak.





"Tei khatin kuah vak vak zel suh, i thiannu kha a sawng nawi em kha" Nu Mahumi thusawi vang chuan kan nui nghal hawk hawk. Ni e, Lalhriatchhungi hi chu a derthawng ve em a ni.A sa hi a pan ve thlir thler a, mahse cher chhia a sawi tur erawh a ni lo. Ka pa in"Hetah chaw ei nghal rawh u"A tih avangin chaw an ei nghal ta nghal a.





"Duata, vawiin a intibuai an awm em ni? I hre ve em ? " Thleng kan sil lai a a tih chuan ka nui ringawt, ka hre ber zawk ang chu maw le.



"Ka tel ve ti ti ila i awih angem? " Ka ti chu a meng nghal awk.




"Malsawmsang dawt sawi suh " a ti hlar a,ka mit mengah a hrethiam nge "Nang hi i tel tak tak lo tiraw ? " A rawn ti leh sap chu ka lu ka bu nghat.



"Na.. Ka van hmu ve chak che, mipa ho in a bawn lutuk an ti che a " A rawn ti leh lawi si chu ka nui chhuak hak.




"Mahse tinge Puii nen teh daih, ka hrethiam lo" Atih chuan Khanu kha Puii a ni tih ka hre ve chiah.




Vawiin a ka thiltawn vel chu ka hrilh zuai zuai a "ka awm ve chak e" A lo ti leh rih thin chu ka nuih leh ringawt zel.





"Tlan chak thak suh aw" Min rin loh hmel lutuk a a ti chu ka thaw chhuak hak.




"I ninawm Lalhriatchhung chuang mai mai rawh, ka accident pui lul lo ang che" Ka ti hlak chu ngaihngam zan lo chuan a rawn chuang a. Ka bike khalhah ala chuang ngailo. Atir chuan muang changin ka tlanpui a, college thlen dawn hnaih motor veivak awm vak tawhlo na velah ka tlanchak pui chu min kuah nghal rawk rawk.





"Chhuk rawh le" Nuih insum lutuk a ka ti chu min chum zui tawlhin a chhuk a, a phun zui nghal hlak hlak. A dawih leh lutuk hi a khawngaih thlak zawk.



"Woww hmeichhia maw ka tia, i lo pa ru reng zawk tihna mi ? " Aw lo chhuahna lam chu ka hawi vat a, Zirsangzela khan ten hmel lutukin min lo melh. Nizan khan Hriati hnen atangin a chanchin ka hre nual. A sual zia leh buaina a chawh chhuah ngun zia te, A pa hi kan college principal ani tih a sawi bawk tak e.Pa te zara hawi chapo ve mai mai.Ka hlau reng renglo.




"Mipa mahni bialnu te pawh khuah khirh zo lo ai te chuan ka in ngaisang zawk" Ka ti ve sak.




"Duata, kal zawk ang" Hriati chuan ka bana chelh pah chuan a ti sap a, a lo hlau leh tawh a ni ngei ang.




Zira chu kan kalsan a, classroom kan pan pahin min hau chho char char. "Khatiang khan chhang tawh miah suh, hlauh i nei ve vaklo tih chu ka hre tho a, mahse a ni chu a dan adang apa bula a hek che chuan suspend ini ve palh ang. Bakah hmeichhia inih hi " A ti a, mahse pa te nihna hmachhuana vawkpui lal len ve ho hi ka ngaisang ve lo.A fapa vanga a zirlai te suspend thin pawh chu pa tha tak a ni lo va nge.





Kan subject lak a in an loh avangin an building kan thlen chuan min luh san a, keimahin kan class lam ka pan zui ve nghal a. Ka luh chuan an lo thu leh thap tawh.Zira kha a hnungberah a lo thu leh hman tawh. Engtik laiin nge a lo chhoh hman bik ni. A bul chiah a awl leh tawh nghal.




"A thut theihloh" Thut ka tum chuan a bag dahin a lo ti hmak a, en pawh min en chuanglo. Ka va han thu lui awm chiang tho tak.




"I pa ta a ni lo ve " Tih pahin a bag chu dawhkanah chuan ka dah chho hmak a, a ke a rawn hlang leh nghal hmak anih chu. Ava han che naupang chhia tak.



"Enteh, i pa principal a ni pawh a ni maithei mahse he thutphah kher hi chu a lei a ni lul lovang. Ka bula i thut duh loh leh hmundang zawng mai rawh" Ka ti vin hlar chu, kan tawng hre pha chin ho chuan min en nghal thap.Hmeichhe ho an phun nghal sur sur bawk.





"A lei chu ni lo ve, mahse ka phalloh vangin i thu theilo. I duh leh chhuatah khan thu rawh"A rawn ti hmuk a, ka ningzo zai e. A ke chu ka phih thlak sak pawp a. Dawhkan a a bag dah chu la in thutna bal chu ka hru fai thuak thuak a, ka thu thla zui nghal hmak.






"Hmeichhe kawp awm reng pawh inih kha maw le, i sam te kha ziat kawlh la mipa angin awm rawh" A rawn ti leh hluk chu ka nui chhuak hak.






"Ziat kawlh lo mai ang aw Bawiha" Mit siai sak pah chuan ka ti a, rapthlak min tih hmel zetin min melh nghal khui.






A duh dan danin min ngai mai mai teh se a, keimah hi ka nihna ah ka chian chuan a tawk midang hriatpuina ka mamawh kual vel lo.






Class laklai te chuan kan thutna lam chu an rawn hawi leh ha ha thin. Insual turah min ngai hlawm a maw ni. Mawl he hu hlawm lutuk lecturer awmlai te chuan tu fa lubawk in nge buaina siam duh ang ni. Zira pawh a thu ngawi kar a, teaching ngaithla awm pawn a awmlo a hmingin a thu ve mai mai ni berin ka hria.




"Min lo nghak teh" Ka ding uai tawh, Zira thusawi vang chuan ka zu melh vat a, a hmalam a en ngur avang chuan keimah min bia ni in ka hre lo va, ka bag siam tha in kal mai ka tum a.






"Thianpa min lo nghak rawh ka tih chu mawle" A rawn ti ram leh hmarh. Keimah min bia tih ka chiang ta chiah .





"Enge ni ta Bawiha nangmah a chhuah i hlau deuh em ni? " Amah zu melh haw pah a ka tichhuak kher chu a ner nghal sawk.





"Buddy pawnah sawn Rci a awm, a nghak che in ka hria" Kan bula rawn din pahin a thianpa ni ngei tur chuan a rawn ti sup a. Pawnlam a melh nghal vut.





"Oppss nghah i ngai dawnlo anih hmel ve Bawiha, innu chu mipa dang bula a kal leh hmain va kuah hlawm tel rawh. Keipawh kan nu bulah ka zuk chhuk ve nge min lo ngai tawh ngawt ang" Tih pahin ka chhuak zui a.





Arts department building kawt a Hriati leh Ramdina lo ding dun chu hmu in ka pan nghal vat a.Dar 11:30 ah daih subject ka nei leh tawh .





"Engtik nge next in neih leh dawn? " Ka thlen phei rualin ka va ti nghal tawng a, Hriati nen chuan kan inang, Ramdina pawh a awl tho nangin tihtur dang a neih thu a sawi a.Rei pawh a dinglo a kal zui nghal daih.




"Lokal rawh, campus ka enkual pui ang che"Atih avangin kan kal kual a, rinai daihin a nuam. Mizoramah chuan campus nei tha pawl anih ka ring. A fai bawk si.




Kan kal kual hrep hnuin library-ah kal ka rawt a, kan inzui chho leh a. Library pawh a changtlung tha. Ka lehkhabu duhzawng ka enkualin ka duh pakhat chu la in study room lam ka panpui a, Hriati pawn ka hnungah min zui ve det det. A hmelhriat sa te chuan "Tom and jerry in ang " Tiin an lo fiam zui hlawm a. Kan nih duh hmel tak tak viau.



Kan lut chiah ka thil hmuh vang chuan ka meng deuh awk tiang hmunah lehnghal thing reuh lutuk mai a. Chair chu ka ti ri lui kher a, an rawn hawi nghal vat. An hmel a inang lo ngei mai, Zira chu a khi deuh sawng a, a bialnu erawh a zak nge a sen deuh ap ap thung. Zah awm reng pawh a ni.



"Thianpa, innu chu i pe dak ve thiam dawn mi? " Nui sang chung chuan Zira chuan a ti a, a mitmengah erawh min hmuhsit zia a lang chiang hle thung.



"Keini te chu inlamah le, nangni ang a rawp kan ni ve hlei nem, tiraw duati ? " Ti sak pah a Hriati ka melh chhuk chu a meng tal tap a, za lo lutukin a then sak ringawt.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » February 21st, 2021, 1:40 pm

ELECTRIC LOVE - 4
_Papuii Sailo





Anni bula awm ka peihlo avangin Hriati chu ka kai chhuak leh nghal a, Zira'n min chhaih zui pawh chu ka hre reng. Mahse ka chhang zui peihlo.






"Amak thei hlawk hlawk e, nang ang a ngal sang ka nih ve loh hi" A rawn ti chhuak hap chu ka dinpui a, thawk ala zui nghal kawk kawk. Ka kal chak pui vak pawh ka hre silo a, a fit lo ve reuh ngawt mai.







"Ngati nge kan chhuah leh kher a" A rawn ti ang he haw chu ka chhuk melh nghek.






"An lo indawt ngawng ngawng kha i hmu ve lo mi? Awm zui na chi a ni hlei nem, chance te pawh an duh ve ang chu maw le" Ka ti hlak.





"Maw.. A ni maw ! Mahse.. Naa Rci chu avan mak reuh"A ti leh daih a





" Nge a mak vak na, a bialpa a thlahlel a ni ve mai a"Ka lo ti vat a





"Amak alawm tunah college miss ni lai ania, bakah EU-ah secretary nilai a ni bawk a, khatiang hmuna lo indut tih vel chu a nihna nen a mawilo ve e.. " A ti zui niah niah chu ka chhang tawh lem lo.








Class kan ṭan leh tawh dawn avangin kan class lam ka pan zui a,tlar hma lamah chuan ka thu nghal that,Zira bula thut ka peih tawh reng reng lo.In be em em lo mah ila a khat tawkin lecturer te thil sawi a lo sawi sel reng zel a,midang chuan an hre pha ve kher lo vang,mahse a bul chêtah thu ka nih vangin duh angin ka in sawr bing thei thin lo.







"Ka lo thut ve i phal em? Nge midang hauh sak i nei zawk" mipa pakhat hian a rawn ti dam thlup a,ka neih loh thu in ka chhang ve mai.







"Tetea ka nia,nang chu ka hria che"A tih chuan ka nui tawi tak ringawt.








"I va rawn ṭan laklawh ve, exam a hnai tawh bawk si a,mahse sawi nuamlo anih chuan min chhan kher angai lo ania"A rawn tih leh avang chuan ka insawn chhan vel chu ka sawi thuak thuak a,ngun deuhin a lo ngaithla ve mai.A thil sawi laia ka mitah tak min en chat danah mi pangngai tak ni chuan ka hria.








Eng eng a maw sawi a kan titi melh melh lai chuan Zira chu a rawn lut ve hlawl a,min rawn melh nghal khui ringawt.Ve thla rawk hian a!A thutna ṭhin lam a hnung lam chu a pan phei nghal a.Lecturer a rawn luh zui avangin Tetea nen pawn kan inbe chhunzawm tawh chuanglo.







Chumi ni aṭang chuan Tetea nen chuan kan thu dun ta ziah a,amah a nel awmin fiamthu a duh bawk nen a bulah chuan ka nuih deuh reng mai.







"Ka rin loh ang deuh mizia i nei "a thusawi vang chuan ka melh deuh ralh a,ka nui ringawt bawk.Midang ho pawh hian an ti chawk reng ania.






"Chu hmeichhe lepchiah deuh angin em ni min lo hmuh a?"ka tih chuan a lu a thing nasa mai.






"No..Hmeichhe ngeng ngalh tu emaw fanu duat sual,a bula mi te tumah mil theilo angin "Frank deuh chuan a ti ve mai a.






"Min hriat chian hma chuan mi min teh ṭhin dan vek alawm,mahse ka nel tawh te bulah hi chuan ka ṭawng ve duh barh barh teh mai ania" ka lo tih chuan a bu vei nghat nghat.







Hriati class a neih avangin an building bula thutna awmah kan thu a,kan thlang lamah ri deuh huk thawmah chuan kan hawi thla a,insual an awm anih hmel."Hawh Tete chhuk ve chhin ang"ka tih chuan aw min lo pawh ve mai a,kan inzui thla a,intibuai a te ka hmuh rualin ka ner nghal nawng.Zirsangsuala.





A insualpui pa chuan thaah a hneh vak lo nge, a ṭhut bet hmiah a,rem lâi laiah chuan a hnek ri dawt dawt,tuman ṭhelh tumlo in an en reng ringawt hlawm anih chu!





"Tete hawh va ṭhelh ang, a sawisa hlum thei mai dawn a sin " tih pahin a banah ka pawt a,kalpui mai ka tum chu min man ding chawt.





"Inrawlh loh a him zawk,buainaah kan intat lut mai mai zawk a ni." A ti sap a,kei ka ngaihdan a ni ve lo."Ka pawisa lo ṭhelhtu an awmloh chuan a sawisa hlum thei mai ang, mi nunna ka chhan avanga buaina ka lo tawk ta anih pawn thil ṭha ka ti tal alawm"Tiin min vawnna chu ka phelh sak a, an intihbuaina lam chu ka pan phei a.





"Zira,duhtawk rawh a chet pawh a chet theih tawhlo kha"tih leh a dar a va vawn ka rual a,ka kut chu a lo vai kiang nghal nawlh.A hnek zui mawlh mawlh a,a sawisak pa phei chu a hmai a thi hnuang tawh a,men pawh a meng tawh mang lo in ka hria.





"Khawi maw,duhtawk teh" ti lehin a hoodie hak lai lukhumah chuan ka pawt vak chu a tawp nghal chawt a,ka lam rawn hawiin rum lutukin min rawn melh.




"I lo inrawlh angai lo" a ti chhum hmuk a,ka melh nghal nghek.




"Chet pawh che theih tawhlo khawih zui chiam chu a pa loh thlak deuh iti ve lo maw ? Nge Mipa ini ve lo zawk? " Ka ti chang rât chu a phun nghal hluk.




"Mipa ka nih leh nih loh chu tah hian kan fiah dawn em ni?" Nui suk chung chuan a ti thum dut a,ka meng deuh awk.




"Duat,kal ang" tih leh a ban a rawn vawn chu Rci chuan a rual a,mak ka ti hle.A awm ve reng anih te chuan engtin nge a bialpa in midang a sawisa lai kha a thlir mai mai theih zawk.A hming a EU secretary ni ve ta fam chuan ṭawngṭai inkhawmah te hruai a,siamṭhat tum zawk tur a lawm le.






Lei char a let reng bulah chuan ka kun hniam vat a,a hmai chu a khem nian a,a thi deuh pheng phung bawk.A hmel chu hmuh a nuam lemlo kher mai.Alam panin a hmaia thisen kai niai chu ka scarf-in ka hruk fai sak mawlh mawlh a, Tetea pawn min rawn pui vat.




"I tho thei em? Ṭhianpa " Tiin a lu ah chuan ka chawi kang a, a ner leh sak sak ṭhin.Mipaah pawh asa ṭha pawl leh tha nei pawlin a sawisa ania na tur chu a ni.




"Hey..hey..engthil nge itih?" Min pawh sawn nawlh avang chuan ka ti nghal chul a,Zira nen kan inhmachhawn nghal ran.An kal daih tawh ang chu tih nak alaiin.





"I hmeichhiat pui tih mualpho tumtu chu i pui ang maw?"a tih hluk rual chuan ka melh chho nghal hâ.Lei a ṭhu reng chu ka zuk melh leh a,a lo kun nghal chhal.





Lei a ṭhu rengpa melh chung chuan "Huh i duh leh sawisa leh rawh" ka ti hmak a,ka kal zui nghal nal nal.Lo khawngaih ve tawh nen a phu tawk chiah a hmu nih kha ! Mai mai hianin, ngati nge maw mipa ṭhenkhat hian a awm nem zawkte hi min venghim tur an nih lai hian an mualpho na thlentu nih an chak zek zek zawk mai le.Social media lamah ni se a rak tam tamah an ṭang a,comment an duh tui tanglo thei ropui si.





"Engee?" Min pawh her sawk rual chuan ka ti vin nghal hlar.Ka sang ve viauin ka hria ania,hepa hi chu ka melh chhoh ala ngai cheu.A lo berah 6.4ft vel chu a ni hrim hrim.




"Thil hrechiang hmasa lo ṭawng ve pawng pawng loh tur tih i zirchhuah phah em ang chu tiraw?" Chumi sawi tur chuan maw min tih din.Amah hi ka hnek ve nghal loh ah!




" Ka zirchhuah chu maw tiang puipunna hmun a buaina siam ching hi an puitling lo tlangpui"Ngeiawm thei ang berin ka nui lui bawk.A thinrim nge maw ni a bek ruh a pawng ṭalh ṭalh. "Midang tih mualpho tum pawh ni se,kut thlak kherlo a sawifel dan mi puitling chuan a zawng ṭhin" Ka ti zui leh a.Ni e, a ni pawh khan a ti dik bik chuanglo kha tia kut inthlak bung bung loh khan sawifel dan kawng a tam ve tho.Mahse khapa pawh khan a phu tawk chu a hmu chu ka ti tho,naa kei hi ka â tawh a nih hi rilru mumal pawh ka neilo.





"Tunge 'i duh leh sawisa leh rawh'min titu zawk kha ?" Sawi fuh inti lutukin a mit ko a chet ralh,chhan let mai ka tum a,sawi tur reng reng ka hre lo.





"Ugghh i tawngthei zep zuap emai ! mipa ve si" Ka ti hlar chu a nui ri nghal hawk, hei chen ka hmu ve tawh, a nui ka vawikhat hmuhna,chuan a nuih hian a hmelṭha lutuk.A biang sum mawi em em mai lehnghal.Hett kei hi enge ka ngaihtuah hi !.




**


Kar lo ah kan exam hun a thleng a,class pawh kan kal mumal tawhlo.Kei phei chu nimin aṭang khan ka chawl tawh,Hriati erawh thil pawimawh an la sawi zeuh zeuh avangin ala kal thung.






Ka ngaihtuah chang chuan an tuarchhel nufa hi ka ti ṭhin.Apa kha mistiri a ni a,a hlawh tam vaklo kha an rin rawl ber a ni ve,Nu Mahumi pawh ka pa hian hlawh pe ṭha tho mah se,thla tin an chhungkaw mamawh atan an hmang ve ṭhin.Pa Rina'n a hlawh ve erawh Hriati'n zirna ṭha a dawn loh hlauin a school fee velah an hmang ṭhin thung.Thla tin fee kha private school-ah phei chuan a to thei em em a,Pa Rina hlawh ve ṭhin te kha chu zo hneh tak a ni.Chuta karah a hnathawhnaah chesualin a boral leh zui bawk si.






An nufa in an hmeithai dun a,An ei khawp an hmu ve ṭawk ṭawk a ni.Mahse an vui ka hre ngailo engtik lai pawn hlim hmel an pu reng a,mi pawi an sawi ngailo bawk.Ka pa pawn theihtawpin a pui a,Hriat pawh a fanu tak tak angin a en ṭhin thawmhnaw thar min leisak pawn Hriati ta tur a ti tel ziah, mahse vui en enah ka en ngailo keipawn unau ka neihloh avang hian unau tak tak angin ka hmangaih a,ka neih ang apiang nei se ka duhsak ve.Nu emaw pa emaw nei tawhlo ro ro ah pawh rethei leh hausa inkar hi chu hla tak a ni.Kei chu ka vannei a,ka pa in hna ṭha tak a nei a,rual awtin min siam lo.Mahse ka nu kha chu hmuh ve a,vawikhat tal nu ti a koh tur awm ve se chu ka ti ṭhin.




Dawhkana ka phone dah ri ral ralah chuan ka phu zawk,ka phu nasa lutuk chu kan innuih leh rih,min hmu chu awm se mak min ti ngawt ang.Lak ka tum chiah a a hmet tawp daih lehnghal.Number ringawt a ni, "a pawimawh chuan lo call leh mai rawh se" tiin .Inbual turin bathroomah ka luhsan daih a.




Ka inbual zo ka chhuah a,ka inthlak fel vek hnu a ka phone ka check leh chuan kha number aṭang khan call vawi thum ngawt a lo awm leh tawh.Whatsapp message a lo hnutchhiah bawk.Tutak chu nimaw tiin a message ka check a





"Ramhuainu" tih zawng tu teh hrep nge hetiang a min rawn ti ve ringawt hi.A profile ka check a,chat name-ah full stop chiah a dah.Tiang te chu a takah full stop tiin ko ila a duhawm tawp silo.A dp ka hmu theilo leh nghal.Reply lo tawp ang.Tu fa lu bawk tak ni ang maw ?




Zanah lehkha zir turin chaw eikham velah ka chho nghal a,ka pa erawh chanchinthar en in T.V hmaah a ṭhu run mai.Inkhel a chhuah phei chuan a meng rei leh ngawtin ania ka rin ni.Manchester United fans ruhkawl ania,an inkhelh tawh phei hi chuan amah chauh pawn en mah se a au lung lung zel.






Lehkha zir hmain ka phone ka check a,class groupah pawimawh vel an sawi chu ka chhiar zuai zuai a,a tawpah lan loh ai ka tia ka kutzungpui ka ti pir ve tawp. Ka out hma chiahin ka like na chu mi pakhat hian a rawn like leh kher.Lawkin a chat name hi vawiin chhun lam a min lo call chiamtu kha ni tlatin ka hria.A profile ka en leh a,a dp pawh ka hmu thei tawh a bike bulah a ding a, a hmek chu van lam a en daih avangin a lang chiang theilo mahse a pian leh a bike aṭang hian ka hre thei tudang nilo Zirsangzela.




Private message a rawn lut zawm leh zat bawk, chu pawh a hnen aṭang tho in,vawiin chhuna a rawn thawn ang tho kha.




"Full stop" ka va ti ve kher, ka chhan dan kher kher chu ka nuih te hi a za zawk.




A rawn voice a "Ramhuainu min ngai em ?" A aw thum dut chuan a rawn ti ril ruih a,ve thla rawk hianin nge maw ka ngaih ve ri ngawt ang ni a,zamlo ham ham lutuk.





"Kei chu ka zak a,Hmelhriat loh ka ngai ve ringawt ngailo" tih ka thawn let.A dawngtu nih chu a nuam fahran lovang.Mahse Zirsangzela a ni miau a,a zak leh chuang pawn ka ring lo ve a.




"Malsawmsangi Sailo B.Com Roll no-47, ka hrechiang tawk viau lo che maw ?" Deuh thlap thlap chuan ka hmingpum te hi engtin nge a hriat ni,aw nidawn tak ani anglo takin ka chat name-ah ka ziak full pap.





(A ngaihnawm loh inti ve tho em,keipawn ka ti,chuta karah ka la regu lo em em zui,Zirtawpni aṭang khian exam ka nei a,rilru ah a lut thei hlawllo.A tawi deuh pawn min lo hrethiam rih mai rawh u.Mahse naktuk zanah dah kan tum leh phawt dawn nia,chuan regu vaklo mah ila Comment te kha chu ka duh ve tho ania zawngte hmai hup hehe...)

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » February 21st, 2021, 1:40 pm

ELECTRIC LOVE - 5
_Papuii Sailo





"Duata,ih maw thil mak tawk ka hria" Hriati chuan khum a a mu reng rawn intung tho nulh pah chuan a tihliai a,a sawi tur ngai changin ka lo en reng ."Ih maw kha kan lecturer Sir Nundika kha i hria em?Hmelṭha ve deuh kha" a tih chuan ka lu ka lo bu zauh a,




"Student-ah hian ngaihzawng a nei an tia,mahse tunge anih chu ka hre lo.Hmanniah kan LDC upa ber khan an awmdun lai a phawk a ni awm e,tunge ani tih a hre bik silo a, an tia" A ti siam siam a.A mak teh ṭhin mang e





"Duata an ti tih ringawt hi chu awih rihlo phawt ang,a lo ni tak taklo maithei a sin.A hmuh sual te pawh a ni ve thei tho a"Ka lo ti chu "Nia ni ve tho,thil sawi hi kan peih ve ropui sia,mahse han ngaihtuah teh lo ni tak tak ta se,nupui nei lai a ni bawk sia ! " A sawi zawng chuan a ner sak,a ngaihdan a ni vak biklo a niang.






"Hawh chhuk ang eirawng inu zu bawlpui ang,chuan chaw in lo ei nghal daih dawn nia"Ka thutna aṭang a thochhuakin ka kaitho ve nghal a,"Ei leh ringawt lo vang" a lo ti hap.




"Ei ang ei ang,pahnih chauh a ei chu a nuamlo" tih leh kawngka a nawr chhuah ka rual a.Kan ri thla teng tung chu Nu Mahumi a lo nawi hawk hawk.




"Nu..chaw lo ei nghal ru aw, chaw hmeh tui tawk tawk kan siam ang a," Choka kan luh rual a ka ti lawng lawng chu a nui ringawt.Engtin mah min chhang lem lo.





Maian bai tur kan hih pah chuan Sir Nundika te chanchin chu kan sawichhuak leh a,thudik a ni em kan hriat loh avangin kan sawi huai ngam lo.Kawplai nei chunga ngaihzawng neih chung chang velah kan pakai chho a,Nu Mahumi'n sermon te nau min sawikhumin min zilh pah malh malh.Ka nu tak nilo mahse min zilhna thu te chu ka nu min zilhna tur nen a danglam vak bik chuangin ka ring lo.Chuvangin ka haw phallo hrim hrim.





"Enge?" ka phone ri chu banin ka ti bul nghal hmuk a.Ka aw ri bul lutuk vang chu nge ka bula mi te pahnih chu an lo nui ri hak.





"Note chu min rawn thawn rawh" A rawn ti thum chhak.





"I ninawm lutuk Zirsangzel kei aiin class i kal hmasa fe zawk"





"Ka nei chuang silo chu anih hi !" Ka va han ning ber bur tak,Class a kal regu ve ṭhin viauin ka hre sia.Engtin nge engmah a neih loh theih zawk.






"I pa.. aww i pa kha zawt ve mai rawh, pa thil ti thei deuh i neih kha"ka tih chuan a thawk la hawk ri chu ka hre pha.Ka sawi dik reng bawk.Hmanni a mi a sawisak pawh khan engmah a chungah action an la lo hrim hrim.





"Malsawmsang sawi nawi vaklo khan min rawn thawn nghal ang che " Ti leh phone off a rual nghal daih anih chu !. A neilo zawkin thu min han pek chu le,ka thawn awm hlei lo,ṭha deuh kha chuan min dil se pek ka tum ve tehlul nen.




"Tunge a,Zirsangzel i ti thanin ka hria a dik em?" Hriati chuan a lo ti vat,





"Imm note min dil a,Nilaini a test tur,class a kal regu ve nen engmah a nei ve eihlo a maw ni le ?" Ka ti chu a tuiin lai a hak nge a khuh nghal bawrh bawrh,a hnungah ka chum sak a,a mittui a tling nghal pam mai.






"Zira'n class a kal regu maw,awihawm lo ṭha"a rawn ti heu.





"Tak tak ka ṭan hnu chuan a kal regu chuan ka hria"





"Van mak em em,ka hriat chinah First semester kan nih lai aṭang khan class chhungah a awm ka hre ngai mang lo a sin".A ti chu ka chhang tawh lo.Ho emai a, a ni class kal leh kalloh ka sawi chhunzawm peih tawhlo ka pass chuan a tawk.Ka pa a lo hawng a,Hriati te pawh ka sawm luih tlat avangin chaw an ei ve leh ta nge nge a,mahse lehkha zir angaih ve tho avangin chaw eikham velah haw phei nghal thung.





***






"Lo ding teh" Ka kal chak sauh, a hmel pawh ka hmu peih lo ve a.Hre lo ang hmiahin ka kal char char a,ka bike dahna ka thleng dawn ṭep tihin min rawn nang ching.








"Enge ? I ninawm lutuk ka hmanhmawh ania" Ka aw chu a dawngsawng tu tan chuan ngaihthlak a nuam fahran lo vang.








"Engvanga min rawn thawnlo nge inih?" A ti hmuk chu ka melh nghal vak.








"Zirsangzel i note mamawh ang te chu zawng khawm ve mai ta che,class khat a ṭhu ṭheuh ṭheuh kan zir a inang vek a,mahni in hai kaw rual inih ve tho kha" Ka lu a rit luk bawk nen haw vat vat ka duh.








"Ka zawngkhawm dawn a,ka rawn dil reng che kha"A ti deuh hmuk.







"Khatiang indil anih loh kha thupek anih kha,ṭha te te in min dil la chuan ka pe ang che"







"Anih ṭha te te in ka dil ṭha che"Nui suk chung chuan a ti a,ka helmet hian ka khawng fawk dawn a mawni zawk le.








"Aw..i ninawm ka haw dawn, ka rawn thawn ang ang che ah lawm ang che " tih leh bike a lawn ka rual a,ka tlanchhuak nghal vat.








Subject khat chiah kan bak tawh,chu pawh a har vaklo an ti nge naktip lawk a ni.Exam zawh vat vat ka chak tawh Zirsangliana'n min tibuai reng hi ka ning tawh lutuk.Hrim hrimin keilo hmelhriat angah awm tho sia,nidawn tak a ṭhianpa pawh kha a awm ve reng sia ngati nge kei kher min dil.Min tihbuai a chak ve hrim hrim a ni.







*ZIRSANGZELA POV*




College gate-a inkhalh chhuak chu ka en zui reng.Mipa tur hmeichhiaah a piang zawk ni hialin ka hria.








"Rpa ten min nghak ania,kan kal mai nghal mai dawn mi?"Hmunsanga'n a rawn tih avang chuan bike tinungin kan tlanchhuak zui ve nghal a,kan ṭhiante min lo nghahna lam chu kan pan zui a,kan thlen chuan an lo awm ṭhap tawh.Exam lai kan ni tih pawh hi a hriat hlawm loh.







"Kha i va hmelṭha ser sawr ve"Hruaia a hmuh rualin Hmunsanga'n a ti nghal hlut.








"Hmela..Uanglo mai teh,nang chu nila i hmel hmuh tlak a awmlo ang" Hruaia'n a lo ti ve hluk bawk.









Hman zanah Zuia te ṭhianho a zuruiin a lo va tawng ve ringawt a,an lo khawih rawn a nih hmel.An khawih hnuah erawh ka vawikhat hmuhna a ni thung.Ka rin aiin a duk nasa lo zawk,a reh ṭhen tawh zawk nge chu ka hre lo va.








"Kei chu ni ila hliam ka nei hmanlo hrim hrim"Puii bula ṭhut thlak pahin pakhata chuan a ti leh khauh a,Puii'n a kheuh zeuh chu ka hmu ru reng.









Inkawm hi vek mah ni ila,Hmunsanga leh Hruaia hi chu an inmil hlei thei der lo.Hruaia ṭawng chuangliam ve deuh chi a lo nibawk nen.Hmunsanga hian fiamthu ti tak deuh a a lo chhan let zeuh tawh hi chuan an inhnial ngei ngei zel.









"Âpa fapa chu helaiah te enge itih a ? " Rawn ti tu lam chu ka hawi vat a,kan thlang kawngpuiah chuan Zuia te ṭhian ho chuan bike a chuang chungin min lo thlir ṭhap a, Zuimawia thusawi vang chuan an nui lui vak vak bawk.Tlak danna thir inkham phei chu nghet lutukin ka hum a,ka insehruh ngawt ngawt bawk.









"Haw vat rawh,i pa in a zawng ang che"a tih leh chuan alam pan chuan ka thlan thla nghal a,a bul ka thlen rualin a hmaiah ka hnek nghal bur.Ani bike a chuang a ni bawk si nen a bike nen chuan an tlu rup a,a kawrah ṭham tho in ka hnek zawm leh nghal.








"Hmela,vawikhat pawh ka pa sawi ri tawh suh ang che"Tih pahin ka theh leng dawr a,a nui nghal vak vak.








"Fa te vanga midang dikna rah beh ching kha pa ni tlak a ni hrep lo ve" A tawp lam chu a ring ṭha kher mai.A lam pan leh ka tum lai takin Hmunsanga'n min pawt let a,an rawn thlen thlak lai reng ka hre lo.








"Atawk tawh Bawiha,Hetiang mi nep hian kut thlak an phu lo,Ui â chu bauh chiah an thiam,engah mah an laktlak loh" A ti sup sup a,Zuia a melh kar bawk.Ala nui thei cheu anih chu !.









College ka luh ṭan tirh a, ka intihbuai pui hmasak ber a ni.Ama thiamloh a nih miau avangin suspend a tawk a,ka tawh ve loh avang khan ka pa'n min hûm angin a ngai tlat bawk.Mahse kha thilah kher kha chuan ka pa a inrawlh lo Staff meeting thuchhuak anih angin hrem a ni.College a kal chhunzawm lo va,mahse kan inhmuh apiang deuh thawin a ṭawngtheih lutuk avangin kan insual leh nge nge ṭhin.Englai mahin min hneh ngai lo.Mahse a â deuh nge min diriam a sim phah ngai chuanglo.









Zuimawia teh hrep vangin ka inkhalh chhuak nghal a,kal an tum hmel silo a,kan awmdun reng chuan a ṭawngkam ngaitheilo vin kut ka thlak nawn leh duh hial ang.Kan insual hnuhnun ber pawh khan a ban ruh dinglam a tliak nghe nghe.










"Vawiin i exam chu i chhang ṭha em?" Min ngheng rial chunga ti tu chu ka kuah nghet salh,exam chungchang a sawi rualin Malsawmi kha ka hrechhuak nghal zawk.Note min pe phal ṭhaklo anih kha,ka pa sawi ka hriat danin lehkha a thiam lutuk tih ka hria.Mahse engvang a note kha dil kher ka nih ka inhre hlek lo,ṭum dangah pawh ka zir ngailo mahse back paper ka la nei miahlo thung.








"Enge i ngaihtuah vung vung?" Ka awm zawn aṭanga min rawn melh chho ha chung chuan a ti a,a chalah ka lo fawp nghal zeuh ringawt.







"Nangmah"ka ti sup chu a awihloh hmel ngang mai,ahmui a tipawrh tarh a,ka nui chhuak nghal hawk.Hmeichhe naupang titau a ang lutuk.








"Zir, Nangmah nilo mipa dang nei ila i rilru ana angem?"A rawn ti sep a,a kawngah chelhin ka lam hawiturin ka siam rem zat.Ka mitah tak min en turin ka kuaidak salh a,








"Keilo mipa dang i nei theilo i hria em?Mipa dang nen ka hmuh ringawt che pawn ka chet dan i hriat kha,i neih phei chuan chupa chu ka that duh hial ang,chuvangin khatiang lam sawi ri ngai tawh suh."







"Ka fiamthu mai mai anih kha nangmah lo duh ka nei lo tih i hriat kha " ka biangah a fawp nghal zauh.









Rci hi midang ta niturin ka la suangtuah chhin ngailo.Ka hmangaih em chu ka hre lo mahse midang tan ka phallo.Aman min phatsana mipa dang a thlang anih loh chuan kalsan ka tumlo bur bawk.Chutiang chu thlenglo hram bawk rawh se.









Zana ka online chuan Whatsapp Message a rawn lut ṭak ṭak a,hmeichhe tam tak hian min be hmasa hreh miahlo nia,mahse an ni ka ngaihdan erawh khutah a ni thung.Rci nen hi chuan exam laiin kan inbe vak ngailo zingah leh zan mut dawnah a ni mai. A chung ber a mi ka hmuh chuan ka nui nghal suk,a hming ka save dan hi hria se a lawmlo ang chu ,lal pa ṭiap ṭiapi hi a,tun thlengin a tha ngah zia mawlh Puii titi a la ni.Ani pawh hi a nu zêm biklo ania.








Note chu min rawn thawn ve tak tak nia,ka zir awm chuang silo a ka lo dil mai pawh a.Mahse tihbuai kha a nuam ve hrim hrim a vin thei hlak hlak ropui si.







"Lawmthu hrilh i phut em, Ṭhianpa" ka va ti a,a seen nghal vat.







"Note pangngai tak neih tum ve tawhla a tawk mai"Tiin min rawn reply a ,a out zui nghal hmak.A ṭawngkam te hia no lo ve ropui si.Hmeichhe dang te chu ni se,ka va text hmasa ringawt pawh an lawm dawn teh lul nen.








Malsawmi hi chu a nilo ka call pawn ala ngailo a,a lakchhunah min chhang bul hmuk hmuk a,ṭek hmuami a ni ringawt.Mahse Tetea leh a bialnu Hriati bulah te kha chuan khawilama mi nelawm ber ang hrimin a awm leh daih thung zel.A mizia hi hriatthiam phak bak a ni.



{ Naktuk zan ka dah thei dawnlo aw ♡´・ᴗ・`♡ }

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » February 21st, 2021, 1:40 pm

ELECTRIC LOVE - 6
_Papuii Sailo







Exam zawh chuan kan ṭhian ho kan awmkhawm laih laih a,exam zo tih takah thawveng hlawm tak an ni.Nungho viau hlawm mah ila exam naah kan tichhe ngailo.Mi mak tih pawh hlawh phah reng,class kal ṭha pangngai ṭhenkhat aia kan tih ṭhat chang a awm fo bawk.Entawn anga min chhuah ṭhin tawk lah bo lo.Mahse kan zir ve ṭhin tho tih an hriat loh vang mai mai a ni.School ṭha chhuak vek kan ni a.Chuvangin class kal ṭha lem lo mah ila exam dawnah leh exam laiin kan ṭang ve ṭhin.Kan chhiar nel nual chuan zirlaibu mahni hriatthiamna hmanga chhang thei chin ṭhah kan ni.






"Buddy, naktuk chu engtin nge ni ta?"ka dara rawn ben thawk pahin Hmunsanga chuan a ti a,an khuaah tournament a tel turin min sawm tak kha maw !







"Ka hre lo,keimah chuan harsatna em em ka nei lo va,kal thei sa reng ka ni.Mahse zanah ka nu leh pa ka lo sawipui ve phawt ang a tiraw?"







"Nia,khual khuaa zin tur ini bawk nen,hrilh ve hrim hrim aṭha.Mahse an phalloh pawn kal luih tho tur "nui suk suk chung chuan a ti leh a,a ban puamah ka hnek zui nghal ṭawlh.






"Tak tak a,loh theih loh aw,team list-ah i hming a chuang ve vek tawh ania.Chuan naktukah chhoh nghal angaih dawn bawk kha ".







"Nia,an phal ang,zanah lo riak phei la.Zingah kal awlsam nan.Insawm kual ngai tawh lovin ṭha mai lo mi?"Ka tih chuan ani pawn min pawmpui mai a.







Rci'n Library a a awm thu min rawn text avangin library lam ka pan a,ka kal dawnin Hmunsanga'n min fiam leh hman hram.Ani nen hi chuan high school aṭanga inkawp chho tawh kan ni a,ngam pawh kan inngam fal.Kan ṭhian dangte erawh Higher aṭang chauha kan kawm chhoh te an ni.








Library ka thleng ṭep tihin min tawk zawngin Malsawmi a rawn kal phei a,thil ngaihtuah muk deuh a nei anih hmel.Lei lam melh ding ngar chungin a rawn kal phei chhat chhat a.A lam pan ve zelin ka kal chak sauh a,a kalna tur zawn tak a ka ding chu min hmu miahlo nge min rawn su dawt a,a phu nghal uih.Muang changin a rawn hawi chhuak a,ka mitah tak min melh nghal chat.A mit mengah chuan thil chu hrang hrang a inlar zut zut a,min lainatna ni awm deuh tak hmel ka hmu.Mahse min hmu chiang ta deuh nge a ner sak a, mitmeng te chu a danglam leh nghal vek lawi si.






"Kawng i en ve lo mi?" Engtin nge hetiang kawng zau lutukah min sut theih zawk" A rawn ti hlar chu ka ner nghal sawk.Zawk za mah hian a!.







"Nangmah zawk anih kha kawng enlo a rawn kal phei char char zawk chu "ka ti ve hluk.Henu bulah hi chuan a ṭawngkam ngeiawm lutuk ṭhin vang hian ṭawngkam ṭha a hman theih hlawl ṭhin loh.







"Chu ka rawn kal phei pawh min hmuh reng si chuan engvanga ka sut tur a awm kher nge inih?" A rawn ti leh chat, ka thing hrep zawk dawn a maw ni.






"Ka duh vang a nimai alawm"





"Engvangin nge i duh?" A sawi zo chiah a ner leh nghal sak,ka nui suk thung.A thil sawi kha naupang chumchiap sawi awm tawk lek alawm anih.






"Nang biak hian hun ka khawh ral mai mai a ni.Ka hun ka ui" tih leh kal a rual nghal a.A va han ngeiawm thiam tak.Kha vang anih chiah kha tun thlengin kan college-ah hian hmelhriat 5 chiah ala neih.







Rci awmna lam ka pan zui a,a bul ka thlen rualin ka rei a tih thu a lo sawiin a vui nghal niah niah.Mahse a ni thlem te chu ka thiam zawng tak a ni.A lungawi lo rei theilo.







"Naktukah ka zin san dawn che ania,min lo ngai dawn em?" Ka ti sap chu min melh nghal deuh ha.






"Khawiah? Enge itih dawn? Ilo haw har dawn em?"A ti nghal zung zung chu a hnarah ka piai sak zeuh a,a tum nghal bar.Duhawm lutuk.








"Hmunsanga te khuaah i hria tiraw an khua kha?"ka tih chuan a lu a lo thing nar nar.








"Chhiahtlangah,chuanin volleyball tournament an buatsaih a,apu hmingin club an siam a,min sawm ve a"








"Mahse, Hmunsanga te chu Aizawl khaw pangai a niin ka hre sia" A lo ti vat a,









"An chhungkua te chu an awm a,mahse Chhiahtlang lamah midang an awm vek alawm.An chhungin naktukah an chhuk ve nghal dawn a,keipawh ka kal ve nghal ang.Exam chawlh a ni dawn tho si nen." Ka tih chuan a huphurh ve hmel kher mai.










"Exam laiin kan inbe ṭha mumal silo a,exam zawh ka lo nghahhlelh ve tawh nen" A ti zui niah niah a.Keipawh hian ka thlahlel ve tho mahse Hmunsanga min sawmna ka hnial ngam bik silo a.





******




Zanriah kan kil laiin Ka nu leh pa bulah Chhiahtlang kal ka tum thu leh ka kal na chhan tur te chu ka sawi a,Hmunsanga'n min lo sawipui zeuh zeuh bawk.A dil thiam bawk a,an phal ve mai.







"Khual khuaah chuan buaina te zuk siam loh tur aw,infiam tur a kal inni dawn leh nghal a,zu te kha in zu in mai mai ang e,mawi deuh a zuk khawsak tum tur.Vawikhat kalnaah i zuk chet ṭhin viau chuan kal an phal sak tawhlo mai tur che ania.Chak ngei in tum bawk ang a"Tiin ka nu in thuchah a sawi thung.Buaina siamloh tihvel chu an awmdan a zir ani tawh mai ang chu.






Tukṭhuan ei kham dar 10 velah Chhiahtlang lam panin bike in kan inkhalh chhuak a,A chhungte erawh chawhnu lamah an lokal dawn thung.Kawng tlan hreawm a ni hranlo nen kawng lakah pawh kan dinglo a,kan speed asang dun bawk nen darkar 3 pawh kan tlan tlinglo ang.Khaw chhung kan luh chuan kawng ka hriatloh avangin Hmunsanga'n hma a hruai a.









Kan thleng a,min lo lawm thiam viau,kan inbualna tur tui te min lo lum sak thlap bawk.An khawsak a harsat vak hmel loh inpawh an nei nuam viau. A pu in an practice mekin ka hria atih avangin an practice na lamah chhuk thlak ve phawt ṭha kan tih avangin kan insiam a,kan chhukthla ve ta nghal zawk a.








An volleyball court pawh a nawm hmel viau e,An lo awm nak nak a,an thiam hmel hlawm viau bawk.An ball hlap pawh ana ṭhak ṭhak hlawm khawp mai.Rei kan ṭhut hmain a khel ve lo ho chuan min rawn pawh vat hlawm a,Hmunsanga an hre hlawm nen ani chuan a be nghal bawrh bawrh a,Mipa tih takah kei pawh ka tlang nel har chuanglo.







"Lo lut ve ula" an tih avangin kan lut ve a,tun hnaiah ka khel ngai vak tawh loh nen a tir chuan a har viau a,mahse kan khel rei telh telh a,taksa a lum chho ṭan nen a nuam tulh tulh.







Kan khelh zawh hnu chuan tui te in in kan ṭhu chawl a,field chhak lawk a concrete building inchung zawlah chuan Malsawmi ang deuh ka han hmu,puan a pho a,a hmel alang chiang theilo na chungin pian velah chuan Malsawmi a ang riau a hriatna ka nei,mahse a ni te chuan hetah enge a tih ve ngawt ang.A ṭawngkam ngeiawm deuh deuh nen khan an inah a tawm daih ang chu,nih loh pawn a theuleu kual vel daih ang.









Zanriah eikhamin Hmunsanga'n "Bike racing an nei ru ziah,mahse an tam vak ngailo va,an in race na pawh a thui chuanglo , kan kalve dawn nia "a tih avangin chulam pan chuan kan inkhalh chhuak dun a,khawi daiah mahse khawchhung aṭanga hla lutuk silo ah hian a lo ni a,mipa 7 vel chauh an lo awm a,an bike ah an lo ṭhu ṭhap a.Hmeichhia an kal ngailo tih thu Hmunsanga'na sawi sup bawk.










Kan thlen hnu reivaklo ah mipa pakhat hian hmeichhia hi a rawn phur a,Hmunsanga khan hmeichhia an tel ngailo a tizo chauh bawk si.Hoodie aha a,a lukhum a khum tlat avangin a thim bawk nen a hmel erawh ka hmu chiang theilo.Mahse bike light in a hmel a chhun chian chiah chuan ka meng deuh kawk,tudang nilo in Malsawmsangi ngei a ni.Hetah enge a tih ve,chu pawh mipa punkhawmna hmunah lehnghal.Henu hi chu a dangdai chiang a ni.









Bike aṭanga a chhuk min rawn hmu chu a meng deuh kawk a,min hmu chu mak a tih hmel viau.









"Saw saw Asawmi kha a ni tiraw?" Hmunsanga chuan a rawn ti ru sar sar a,anih thuin ka lo chhang vat.








"Misual pahnih chu hetah ka hmuh ve daih che u a,nge intih ve dawn?" kan bul a rawn thlen rualin a ti sap a,ka lo melh nghal khui.






"Kan leng ve anih hi i hmu reng ani lawm ni"ka ti nghut chu Hmunsanga'n min rawn nghawk zeuh.Ṭawngkam ṭha hian a daih ṭhinlo ka tih tawh kha.








"Anih chu maw le,hlim deuhin in awm dawn nia,inthlahrung reng reng suh u aw"Ti lehin rawn phurtu pa awmna lam chu a pan leh nghal daih a.








"Hemi khua hi a ni ve mi?"Hmunsanga bulah ka ti nghal hluk,







"Ka hre tawh biklo, ka chhuk hi chuan ka hmu ngai miahlo " A ti ṭha ve mai.







Chung mipa ho bulah chuan khawilama hmeichhe ṭha ber ang zia zangin a nui leh sen sen ṭhin a,ka lo thinur ve em em ringawt a nih chu! ka hriatve chinah ka bulah a nui pawn ka la hre lo ve a.







Zan rei lamah daih race anlo nei ṭhin tawh avangin rei pawh awmlo in kan haw leh nghal daih a,mak deuh maiin ka rilruah Malsawmi mawlh kha a awmzui reng,ka lo ngaihtuah leh veng veng ṭhin.Khang mipa ho zingah khan amah chauh hmeichhia a awm a,buaina te a lo tawk palh a ngem? Lo sual rawn te tumta se,kei hi enge maw ka ngaihtuahchiamchiam le a,amah duhthlanna a kal alawm anih.Bakah a ni te chu mipa ang chiaha nih kha ainveng zo lutuk ang.Mahse mipa 8 lai an awm si a.Kei hi ka â thut niin ka inhre rum rum.







Kan thlen hnuin Rci ka la be miahlo tih ka hriatchhuah avangjn ka be nghal vat a,ka be har lutuk chu a rawn thinrim ti tih a,kan inthlem leh hmasa te te phawt.Darkar dawn kan inbiak hnuin phone kan dah a,tih tur dang awm heklo,lenna tur kan hre bawk silo nen.Kan mu nghal daih,ka hriat theih tirh ata ka mut hma ber ṭum ala ni.







Zing dar 10 velah tournament hawnna an nei a,mipui pawh an ṭha hnem ve viau, hmeichhia in an khel hmasa dawn anih hmel.Min ṭhawngtu bawk ka tawng leh tawh,Malsawmsangi bawk chu volleyball player zingah chuan ka hmu tel leh tawh.A Jersey hak chuan a taksa a phuar deuh a, a sam a ṭawn kang vah bawk ,chung zawng ai chuan a kekawr bul chhing teng leh a mal mum nalh lutuk chu inchawih mawi tak a ni.A jersey var banbul hak chuan a vun nung lutuk chu a kap eng sar a,hmuh a nuam takzet,chulai a awm ve mipa tam tak mit chu amahah chuan a fu ṭhup tih ka hria.Mit ti tlai tham pian a nei miau a ni.








Game an ṭan a, a tir phat aṭangin game a ṭang nghal viau bawk.A pianin a zir a nibawk a,spiker a ni a,a hlap ṭha thei fu.A hlap tawh chuan lehlam pawlin an la ṭha theilo ang tluk a ni.Henu hi min ṭhawng thut thut niberin ka hria.An pawl lam an chak a,vawiin atanchuan game an nei tawhlo a nih hmel.








Haw an tum nge aṭhiannu pakhat nen bag ak chungin kan ṭhutna lam panin an rawn kal phei a,a nui leh sen sen ṭhin.A nuih zawng a a ha uingho lo lang tel ṭhin chuan a nui hmel chu a ti hmuhnawm ngawih ngawih.







"Asawm,Pa Zodina kha i pa a ni mial em?" Kan bul a rawn thlenin Hmunsanga chuan a lo ti a,a nih thu ina lo chhang ve mai.







"Engtinnge ka hriat loh theih zawk che, min hre tawh lo mi?" A ti leh hluai a,enge maw a sawi teh nuai ni ka ṭhianpa hian.Nizan lawkah a hriat loh thu min hrilh ve reng sia.








"Hre lo,min hria mi?" Atih sap rualin a ṭhiannu chuan enge mawni hia beng bulah a hrilh ru sar sar.








"Aww...ka hre leh si che.Ih..englo sava no kha.." a tih rualin a nui leh sen sen a,a biang a sen nghal ap ap bawk.Lawk in henu hi ka ṭhianpa vang hian a lai em ni a !.Chuan enge ni sava no chu a awmzia ni ta.






(Dah sei chu ka tum ve viau.Mahse Hei bak chu angaihna a awmlo,Ṭ pangai hman hian intan chhiar a nuamin ka ring zawk sia,chuvangin Mizo keyboard ka hmang hram hram a,mahse zanin chu a space hi a kal hlei theilo ka type ṭha zing malh malh lutuk.🤧Comment leh ads click kha min lo tihsak ve leh bawk ula.(≚ᄌ≚)ℒℴѵℯ❤Ka regu thei ṭep tawh e(✪ω✪)/

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)