SOMEONE TO YOU by NUTTY GIRL (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

Re: SOMEONE TO YOU by NUTTY GIRL (Completed)

Unread post by Ngaia » February 21st, 2021, 2:01 pm

SOMEONE TO YOU



BY:


NUTTY GIRL


CHAPTER-37



Ka nu remruatna kha chhan dan tur ka la hre chiah lo. Thenzawla haw chu ka duh tawh zawk mahse ka ṭhiante hmuh tawh loh tawp chu hrehawm ka ti dawn.


"Bawihte,school i kal dawn em?"ka nuin a rawn tih chuan ka insiam fel diam tawh. Engmah min zawt zui tawh chuang lo.



"Hey,hey Remi i lo van kal har,lo ṭhu vat vat teh. Thil hrilh tur che u ka nei,nangmah chiah kan nghak tawh che,lo ṭhu vat vat,"classroom kawngka ka thlen chuan Ruatpuii chuan min rawn au lawng lawng. "Nizanah school lokal hma ru ka tia,message ka rawn thawn ve thlap che u a,tinge nizan ber kher ah i online loh. Fiona pawh dome a a awm kan zu au ru du du lawm,"a ti zui leh bawrh bawrh.



Ka ṭhut thlak rual chuan "Good news a ni deuh tho mahse a ṭha lo tho bawk,"a ti deuh hap a,a ngawi leh vang vang. Nutei leh Melody chuan sawi vat turin an tur chhen.



"Ih..Benan min bem a,"a thusawi vang chuan kan ri hak mai. "Engnge chu chu bad news a nihna,bialpa min neihsan dawn bawk a kal vang vang rawh,"Fiona chuan a ti nang nang.



"Ka chhang dawn lo a lawm,Zonunsanga vang hian ka ngei zo vek,"a tih chuan ka nuih sak. Keiai mah hian Zonunsanga hi an haw zawkin ka hre ṭhin. "I van ho tak,nih pui ngei ngei rawh,a fel alawm,"ka tih chuan 'Ka ngei a lawm,'a ti deuh tlat. Ava buaithlak ṭhin tak.


Class chu kan la mawp mawp a,Sir Ricky chuan result a hmaa ka test ve hman tak loh kha a rawn puang a. Internalah an la lut vek dawn a,min pawh hniam phah ngei ang.


"Tun ṭuma tichhe deuh ho pawh kha hnual lo ula.Test vaeikhat a la awm dawn a,chutah chuan ṭan la hle ula.Test mai mai ti lo ula,in internal markah dah luh vek a nih dawn kha," Sir Ricky chuan a ti charh charh a.


Lunch break ah chuan zung tura ka chhuak chu mi ka su dawt mai. "Mawl leh lutuk,"ti hluk tu chu tunge tih hre tura a hmel en buai ka ngai lo hle.


"Ka tihpalh,"ka ti sap a,ka en chho ha a. "Fimkhur ve ta che,"a ti leh hluk tho, a sual a chhuah duh chuan hepa hi chu tawhkhirh tak a ni. "Ka tihpalh ka tih kha,"tiin melh pawh melh tawh lo chuan toilet lamah chuan ka kalsan nal nal.Hepa ka hmuh hi chuan natna tur bak ka hmu zo lo.


Toilet aṭanga ka chhuah chuan kan principal thar chu ka lampanin a lokal a,ani hi a hma pawh khan Principal office a lo awm ve kha a ni.


"Thil zawh duh che ka nei a,office ah min lo zui chho rawh,"nui deuh sanga a tih chuan ka bu nghauh a,a hnungah chuan ka zui a.Engthil a min be duh nge maw a nih le? Ka hmaa kal chu kal ri thlauh thlauh mai.


"Ka fapa nen hian in inkawm ngeih viau em ni?"a tih chuan hrethiam lo zet chuan ka melh ha a."Zonunsanga,"a ti sup. Ani hi Zonunsanga nu maw? Amah kalsantu kha. "Ahh..aw kawm ve ṭhin e,"ka ti bah deuh nawk. Engtinnge ngaihtuah nachang ka lo hriat loh le? Principal hmasa zawk kha a putea a nih kha. "I nu i chhun hle mai,ka hmuh tirh che khan a fanu i nih ka ring reng a,"nui deuh sang chuan a ti leh sap.Ka nu nen an lo in hre leh zel a!


"Mak ti viau duh suh. Tuin nge a pasal hlui nen a an in ṭhen chhan theihngilh thei ang,"a tih chuan awmzia ka hre lo hle.A pasal hlui nena an inṭhen chhan ka nu maw? A nih chuan ka nu hi....A ni thei lo ang.



"Engtin maw i tih?"



"Aa..theihngilh daih rawh. Test hnuhnung ber kha i test ta si lo a,test lo awm leh turah hian ṭha deuhin i zir dawn nia. Bell a ri ṭep a,in class ah i let thei tawh ang,"a ti leh a,ka la ṭhu lui tlat tho. A thusawi khan ka ngaihtuahna hi a ti buai vek,ka nu chutiang ti duh tur mi a ni lo. Bakah a ni thei lo hrim hrim.



"I thusawi awmzia kha ka hrethiam lo,"ka ti mawl tawp.



"I nu ila zawt dawn nia,in classroomah zu chhuk tawh rawh,"a ti leh sap a. Nichin a nui hmel kha chu a bo vek tawh mahse thinrim hmel erawh a pu chuang lo.Office aṭanga ka chhuah hnu chuan thaw ka la hak hak. "A awih awm loh lutuk,"tiin ka nui chhuak hak. A ni thei dawn lo hrim hrim,ka nute chu ka pa nen an inneih reng a lawm. Khanu khan thudik a sawi thei lo hrim hrim.



Classroom lampan chuan ka kal a. Kha thil kha thudik ni ta se kha vang khan Zonunsanga hian min haw em em a ni thei angem? Ka ngaihtuahna vang chuan ka lu ka thing nak nak,a ni thei lo hrim hrim. Ka nu hi karing bur,hetiang thil a tih ka ring lo.Zonunsangan a huat em em kha chu a ni thei lo hrim hrim.



ZONUNSANGA POV.



"I ti mah mah i tive lo maw?Nuam lo a tih em kha,"Dom chuan a tih chuan ka kiai suk. Chhanna engmah ka pe lo. "Thinrim khum angin lang tlat mahla i ngaihven ru viau tih chu ka hre tho ania,in inti hrehawm tawn mai mai. Remruatkimi hian khatiang thil ka ti dawn lo tih i hrechiang lutuk,"chu pawh ka chhang chuang lo.


"Awle,a ṭha e. Nih leh i pa chu a lo haw tawh em?"a tih chuan lu ka thing nghut. A lo haw ka nghahleh ber ṭum a ni ngei ang. Thil pawimawh tak zawh duh ka nei,ani thurawn vang liau liau hian.


"Remremi hi anu vanga ṭhen chu i ni lo tiro?"Vawi engzat nge min zawh tawh,ka chhang mumal ngai lo. Kha thil thleng vang khan a tir chuan ka thinrim lutuk Remruatkimi pawh ka haw takzet.



~flashback~


Nihnih lai school ka kal lo a,Remruatkimi peh hel nana a ti ka ni mahse a hrehawm. Nimina a hmel ka hmuh khan ka hahdam zawk. Remruatkimi nena unau kan ni tur anga ka ngaihtuah ringawt pawn hrehawm ka ti,ka ring phal lo bawk.


Ka hmai niin a rawn chhun avang chuan ka harh a,nizana ka mut mang loh vang a ni. Khum bula phone ka dah chu ka ban a,chhun a lo ni der tawh. Remruatkimi message hmuh tur a awm loh chuan phone ka khawih khat khawp. Ni dawn tak,Remruatkimi nimin lamah nuamsam lo zetin vawiin lama school kal ngei tur in min tih kha.


Tho chhuak nghalin khumah phone chu ka theh thla a,lunch break ka la nang hman ngei ang. Remruatkimi hmu tur chuan school lampan chuan ka in khalhchhuak a. Henu hi chuan ka rilru a luah hneh takzet. School gate lo inkhar a mahse a chhunga luh ruk chu thil harsa tak a ni lo.



"Khawnge Remruatkimi?"classrooma Remremi ṭhiante lo ṭhu khawm ṭhap bulah chuan ka ti a. "Dome ah a chhuk,a damlo a," tarmit vuahin a tih chuan ka in her vut. Niminah pawh a nuamsam vak lo a nih kha.



"Zonunsang,khawnge i kal.dawn?"classroom aṭanga ka chhuak min rawn betu ka hmuh chuan ka ner sawk. Nelsona bialnu kha a ni,henu hi ka.ring hrep love.



"I hriat ve a ṭul lo,"ka ti hmuk,kalsan mai ka tum.



"I bialnu leh a bialpa hlui dome a an in zui lut kha a i hmuh ve chak ka ring a,"a thusawi vang chuan ka ding chat,ka hawi chuan min nuih suk. "Min rin loh leh zu en la,nge ni a i bialnu leh ka bialpa hlui han in duat vel chu i hmu peih vak lo,"a thusawi vang vhuan ka ner leh sawk.



"Remruatkimi hi nang anga mi tenawm a ni lo,"tiin ka hnaih ruak,a tawlh hnun dawrh chuan ka nuih suk. "Hmeichhia ni lo la chu ka chhuah hauh lo ang che,"ka ti sup.



"I..i duh leh awih lo la a ni mai lawm.Ani khan Nelson hi a la duh reng,an in be fo bawk. Chuvang a lawm keipawn Nelson ka.."



"Ngawih hmak rawh,"tiin ka thaw chhuak ham ham,ka insum nasat zia hria se a ṭawng ngam tawh kher lo ang. "A ṭha e,i ring lo a nih chuan. Dome an pan ka hmu miau a,bum kual i ni tih hria la ka ti mai chauh,"tiin zam lo zet chuan tiin a nui sak.Remruatkimin chutiang a ti dawn lo,henu hi ka ring bawk hek lo.



Remruatkimi ṭhat leh ṭhat loh hre lo a haw chu ka tum hauh lo. Girls dome lam chu ka pan a,a ṭul a nih chuan Mamawii bulah ka sawi mai ang,ani hi putea fanu a ni a,Remremi te warden a ni bawk.



Dome chhungah chuan ka lut tawp a,a chhung ka luha ka thil hmuh chuan ka kaw chhung chu thinrimna avangin a so bulh bulh mai. Che chhuak vutin Nelson chu ka pawt sawn lawp a,thinrim tak chuan ka khawih.



"Zonunsang a tawk,"min rawn chelhbettu an awm chuan ka thaw hrawk hrawk. Ani hi thah ngei ka duh a ni. Chhuata let reng an kaih thawh chuan ka kaw chhung chu a so bulh bulh mai. Hei aia naa khawih hi ka duh,ka la duh lo.Remruatkimi min rawn en tu chu ka en ngawt ngawt ringawt,tenawm lutuk. A mittui luang thla pap,he mihring nen hian engvanga awm dun nge an nih?



Chhuak tura min tih chuan ka chhuak mai lo,midang awm ve ho erawh an chhuak vek. Engtinnge he thil hi a thlen theih? Remruatkimi chuan phun sap chuan ka hming a lam a. Hetiang thil i tih vang hian ka ngaidam lo ang che. Nelson chu rum zeta melhin ka chhuak a.



"Ka thusawi kha awih tur i nia sin,bum nuam tak kan nih ngei dawn hi," Nelsona bialnu bawk kha a lo awm. Ka thinrim tawh sa nen chuan ka insum hman lo a awmah chuan kawr awmah ṭham a,bangah nawr betin ka rek bet nghal.



"Zonunsang,engthil nge i tih kha?"putean a rawn tih chuan ka thlah hram,ka hmaa hmeichhia chu a khuh bawrh bawrh. "Hmeichhiate kut i thlak a,i va nep ve. Office ah han chho rawh,"a bula hmeichhe dingin a tih chuan ka ner nawk.He hmeichhia hi ka nun chawk buai tur maiin em nina rawn let leh?



"Lokal rawh,min lo zui rawh,"tia a chhoh chuan zui ka tum lo."Zonunsang,luhlul chhuah reng suh,ka fapa i ni tih tuman an hriat i duh loh kha,ka thu hi chu i awih ngei a ngai ang,"a tih chuan a nui chhuak hawk. "I duh duh a vau beh tur ka ni lo,ka nu i ni ngai lo i ni ngai hek lo ang."



"Ka fapa nih duh viau loh mahla,tu hrin chhuah mah i ni lo,keima hrin ngei i nih kha." Putea leh Mamawii te an lo chho a,an thusawi chuan ka beng a verh zar mai.


"Engmah a chungah inti thei lo,"an thusawia inrawlh chuan ka ti a. Remruatkimi he school aṭang hian an hnawtchhuak thei lo.Ka haw viau chung pawn atan ka dil tho chu ania."Naupang dang mithmuha thil thleng a ni a. Hremna kan pe lo a nih chuan midangin an lo ching chho ve zel ang. Midang beng a thleng a nih phei chuan kan hmingchhe tam mai mai. Hnawhchhuah kha ka duh ber,"nui sanga min entu chu hnek chawrh tluk a chak ka nei lo.



"Lo inrawlh ve suh,pute i hnawtchhuak thei lo ang."



"Ka inrawlhna tur zawk a ni,kei hi he school principal thar hi ka ni. I patea hi a damloh avangin a chawl dawn,kei hi he school enkawltu thar ka ni.Hnawhchhuah ngei a ṭha ka ti bawk,"bawp khawkherh chuan nuam ti takin a ṭhu ar ar,hrep hian. "I mimal nun leh i hna thliar hrang rawh,"ka ti hrawk.



"Kan school tihmingchhe thei tu ka dah bo mai a ni.A bagah karleha in test na tur hmuh ni bawk,"huh..chutiang Remruatkimin a ti lul lovang.



"In hnawtchhuak thei lo ka tih chu,a chhuak lovang. I..I fapa ka nihna angin ka ngen che,"harsa ti zet chuan ka ti chhuak. He mihring hi ka ngaidam ngai lovang.



~End of flashback~


Office ka chhuah a Remruatkimi na hmel kha ka theihnghilh thei lo.Ka thinrimna a reh telh telh a ka thil tih atthlakzia ka hrechhuak nasa bawk. Kei hian Remruatkimi ka ti na takzet,ka ring lo bawk. A tir kha chuan Remruatkimi ringlo hle mahila tunah chuan a laka ka thinrimna a reh telh telh. Tihnat ve ka duh a,ana hmel hmuh erawh hrehawm ka ti.Remruatkim theihnghilh tumin ka bei nasa mahse a har lutuk.



In ka thlen rual chuan kan awmpui nula chokaa eirawng bawl chu ka pan nghal vut. "A lo haw tawh em?"ka va ti tawng.



"Aw,haw tawh e. Roomah a awm,"a tih chuan ka pa roomah chuan ka lut a. "Thil zawh duh che ka nei,"ka pa dawhkan bula ṭhu chu ka va bia a,chutia ṭha taka ka bia chu mak a tih hmel hle.Ka be ngai lo a,ka tih thinrim a nih hian ka chhang leta chuzawng chu.



"Eng chungchang nge ni a?"




"Fa dang i nei em? Keimah lo hi. Thudik chauh min hrilh ang che,"ka ti sup. Remruatkimi.hi ka unaunu a ni thei lo ang.



"Aw, nei e,"a ngawih vung vung hnu chuan a ti a.


Zan khat ka chawl zel tawh mai ang aw💜



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » February 21st, 2021, 2:01 pm

SOMEONE TO YOU



BY:


NUTTY GIRL


CHAPTER-38


"Aw, nei e,"a ngawih vung vung hnu chuan a ti a. Ka thaw chhuak hak. "Chu chu i nu ngaihdan a ni,I nu hnen aṭanga i hria a nih chuan fa dang ka neih chu i nu rindan a lawm mahse ka fa a ni lo,nang hi ka fa neih chhun i ni,"anih chuan Remruatkimi nen thisena in zawmna kan nei lo a,chutiang bawkin a nau nen pawh.Min kap ru ṭun a,ka awm ti nuam lo tu kha chu a lak kian vek a ni tawh.



"I duh duh min zawt rawh,i thil hriat duh chu,"ka pain a rawn tih leh takah chuan ka mitthlaah Remruatkimi nu kan ina a rawn lut kha a rawn lang nghal a.



"Kha naute kha i fa a nih loh chuan engvanga ka nu nena inṭhen nge i nih?"



"I nu nen khan kan in hmangaih vanga innei kan ni lo,chhungte sawi zawm mai chauh kan ni.Inṭhen mai kan tum a mahse a ruak lo tih kan hrechhuak a.Duh lo viau mahse ka nawr luih tlat avangin a paitlang che a,"a tih chuan ka nui chhuak hak.



"Hmangaih chawp tur neih chu a buaithlak,tum ve ngial mahila kan pahniha boruak chu a chhe telh telh zel.In lama awm ai chuan hnathawh kha nuam ka ti zawk a, kha hmeichhia kha ka tawng ta a.Ka hnuai a thawk mahnise a mizia khan min hip a,kan in kawm ngeih chho a.Ani pawh pawmlai nei leh fa hial nei tawh a ni. A pasal chhungte phallo chunga innei lui an ni a,in chhungah hrehawm tiin harsatna a nei ve tho. Kan harsatna kan inhrilh tawna,mipa leh hmeichhia na na na chu in hip tawnna chin kan nei a mahse pawmlai nei kan nih ve ve avangin engmah a laka ka rilru put hmang ka hrilh lo mahse a ni pawh khan a hai bik chuang lo,i nu pawn a laka ka rilru kha a hai lo a,kan in hau fo reng bawk.


Rintluangi chu a rai a,keipawhin bansan ka tum ta zawk a mahse kan in kawm reng tho. Khami ni a a rawn kal khan khatiang teh nuai a nih tak avang khan i nuin min ringhlel tih a hre ve a. Kar a liam ta maw tihah a banna a rawn theh lut,Rintluangi pasal chhungte bulah i nuin buaina a va siam tih ka hre leh zel a. Va biak pawh kha ka ngam tawh lo,i nu nen kan inṭhen ta a ni,"a ti charh charh.


"Tinge ka nu chu nau i tih tlak tir mai zawk loh?Buaina in tawk lo a ni mai tur." Ni e,kei hi lo piang lo ila,an buaina a kiang a ni mai tur ania. Midang kuta dah mai mai tur leh chhungkaw pangngai an sei len tir thei dawn lo a nih chuan tih nge an tih tlak mai loh ni.



"Keimah chauha enkawl che ka zuam lo,in sawi thiamna tur ka nei lo mahse ka inchhir a ni.Ka fa ka kianga awm reng ngaihsak ka duh ngai lo kha ka inchhir a ni,"a mitah tak chuan ka melh ngur a,a kun lap mai.



"I thil duh tak i neih theih loh chhanah min ngai a,i tan chuan hnawksak mai chauh ka ni a,"sawi tur hre lo chuan min en ringawt,za lo zet chuan ka khi suk. Engmah in sawifiahna tur a nei lo.



"Ka thil tih sual siam ṭhat ka tum meuh chuan ka tlai tawh lutuk.Ka fapa kha a kum phu lo a puitling khan engkim a hrethiam vek a,min huatna nena a sei lian chu ka thlir a ngai a mahse he thliah hian keimah bak dem tur ka hre lo. Ka thil tihsual rah vang liau liau a ni."



"I thil tihsual i hria chu a ṭhat chu,"ka ti hmuk,a inchhir tih ka hria a lungngai a ni tih ka hre bawk mahse ka hlim phah chuang lo.



"Min runluih i duh vanga tun anga khawsa kha i ni tih ka hai lo,min ngaidam.."a thusawi lai chu ka lo pawt chat vat.


"Ka ngaihtuah chhin ngai lo,ka theih ka ring lo,"tiin ka tho a,room aṭang chuan chhuakin helmet leh chahbi chu ka la a,ka chhuak a. Thinrimna nen he in hi ka chhuahsan ṭhin emaw ka ti a,ka lungngaih vang a ni tih erawh chu tunah hian ka hre ve chauh.



REMRUATKIMI POV.



In ka thleng chu ka chau hnawk mai,ka rilru ka siam fel tawh Thenzawla phei ka duh a ni. He lai hi chu ka awm ve na tur a ni pawn ka hre lo. "Nu,naktukah TC(transfer certificate) kan la dawn nia,Thenzawla phei ka duh,"choka ka nu awm ka hmuh rual chuan ka ti nghal vat,ka nu chuan mak a ti hmel deuh.



"Awle mahse ka nawr vang che ni loin i duhthlanna ngei a ni em?"ringhlel deuh chuan ka ti a,ka bu nghauh. Principal thusawi kha awih viau lo mahila daat min hrilh ngawt na chhan tur ka hre si lo.Ka nu hi zawh ngei ka duh a ni.


"Nu."


"Umm,sawi la. Saw ta phei chu i hreh leh si a mi?"a tih chuan lu ka thing nak nak,zawh ka tum uk uk a mahse ka zawt hreh deuh. Zawh dan tur ka hre lo.


"Ih,naktukah TC chu la nghal mai ila,saw ta ka luh har lutuk chuan ka buai zawk ang tih ka hlau a.Phei nghal vat vat ka duh zawk,"ka tih chuan ka sam rawn tuai chuan a bu nghauh. Roomah chuan ka awm a,Ruatpuiite nen pawh kan inbe reng mahse ka hrilh duh lo. Naktukah TC lak paha a tawp nana ka ṭhiante hmuh ka duh.


Naktuka Thenzawl lama phei nghal chu ka duh dan a ni a. Thenzawla kan ṭhenawm pa chawhnu lamah a phei dawn hlauh a,ka nu chuan 'A hmanhnawh thlak tut tut loh, a tuk leh ah emaw kan phei dawn nia,' chu a ti a mahse phei vat vat kha kei chuan ka duh zawk avangin phei nghal ka duh thu ka sawi lui tlat.Ka tih luih tlat avang chuan ka nu chuan a pawm ta nge nge,zana zanin kan insiam nghal chuk chuk.



"Remremte in ngaihawn dawn hle mai, min hne deuh tawh a ni lo maw? Phei i tum rang e,"inhnuaia ka chhuk chuan Papuia chuan min rawn fiam a,ka lo nuih liam ringawt. Ka la in siam zawh loh avang chuan insiam zawm turin ka chho leh a. Ka lehkhabu ka remkhawm ho chu ka la chhuak vek.


Lekhabu ka keu chuan Zonunsanga kut ziak a lo awm zel. Nangnen pawh hian khuanu ruat ka ni lo a ni ngei ang."Hlim takin i lo awm zel dawn nia,"tiin ka phun chhuak sep.Min hrethiam thei lo a,insawifiah ngaihna ka hre tawh lo.Min thlah tum lui ngar ngar tu hi ka chelh bet reng thei lo che a ni.



"Bawihte i in siam zo tawh em?"ka nu rawn lutin a tih chuan ka inpeih fel ve chauh a ni. "Umm,fel chiah chiah,"ka ti a. Mu turin ka in siam a,ka nu bulah chuan ka muthla nghal a.Ka mut a la chhuak lo kher mai.



"Nu."



"Ummm...I mut a la chhuak bik nange?"a rawn ti a.



"Aw,chhuak lo. Nu thil zawh duh che ka nei a,"ka ti sap. Ka rilru a awm reng hi sawi chhuah loh hrehawm ka ti ṭhin."Aw,min zawt la,"a tih chuan ka mu ṭha nghal sauh sauh.



"Nu,Principal thar nen khan in in hria ami?"a ngawi vang vang.



"Umm,hre ṭhin e. Hmanlai thil tawh,"a tih chuan ka thaw chhuak ham ham. Ka hlauthawng tulh tulh mai.Hre lo ti se chuan a thusawi ka awih hmiah anga engmah ka zawh belh tawh hek lo ang.



"Nih a pasal i hria em?"



"Aw,hria e. Ka ṭhian hlui a lawm a nih,"a ti sap a. "Mahse an chhungkua kha ka tihchhiat niin ka hria,"a ti. A nih chuan khanu thusawi kha a dik tak tak a ni maw? Chuan....Zonunsanga.. ka thaw chhuak hak hak.



"I..in..inngaizawng ami??"ka sawi chhuah lai pawh ka hre lo,ka hriat chhuah chuan ka lo.sawi zo vek tawh.



"Ngaizawng chuang lo e mahse kan harsatna kha chu ṭhian angin kan inhrilh tawn ṭhin. Ka laka a rilru put dan dang kha ka hai lo a chuti chung chuan ka la kawm lui tho. I pa nen hi chuan kan boruak ṭha reng mahse i pite hian min duh miau loh avangin a harsat chang kha a tam ve lutuk,ka inbunruahna ber khan khatiang khan min en tih chu hre tho mahila ka inla hrang chuang lo. An chhungkua khan an tawrh phah a,ka thil tih sual man chu ka tuar vein ka hria.I nau a boral a,a hnu lawkah i pa."



"Ngati nge Nautea kha an en hran em em?"



"Khapa fa kha emaw an ti a."



"Engvanga ti nge an nih?"dilchhut tak chuan ka ti a. "A nupui khan a pasal fa a nih kha a ring a,a thinrim khan i pite bulah a lo sawi a.I pa kha chuan min ring zo vek bik lo mahse i Papuia te nupa nen hian khatiang a nih an ring lo a mahse i pa khan min ṭhen a tum chuang lo. I pite nen erawh kha chuan boruak a awm tawh tlat a,ka nau neih dawn pawh khan i Papuia hian min buaipui a. Naute a pian kha chuan i pa pawn a fa a ni tih a hai bik lo mahse kan inkara khi a awm tawh vang khan engkim chu a ṭha thei bik lo." Ka nu chuan a tawrh natzia ka hriatpui avang chuan thilsual a ti ang pawn ka ngai thei lo.



"Avan sual em em Principal chu,"ka ti sap. A hrechiang tawp si lo a.


"Hun kal tawh a ni a,midang huat phah nan emaw hmang lo la ka duh. Puitling i ni ve tawh a ka hriat vang chauha hrilh che ka ni,tu pawn thil kan tisual thei vek a,inhriatthiam tawn kan mamawh. Mihring rilru hi chu a mak a,i hming a chhe tawh a nih chuan a hnuah engnge maw duhawm loh thil thleng se,kha kha tuman an theihnghilh tawh lo ang. An theihnghilh emaw i tih hnuah pawh nakinah chuan kha thil bawk khan an deng leh dawt dawt ang che.



Engpawh i tawk thei tih hria la,mi chhiatna leh an thil tihsual pho chhuah sak duh reng rebg suh. I chungah a thleng ve thei reng tih hrw bawk la aw,"ka nu chuan a ti duah.Ka nu chu ka kuah vang vang. Midangina an rin kha kei ang chiah khan a beisei ve ngawih ngawih dawn sia.Min hrethiam lutuk te kha mak ka ti ta hauh lo.Zonunsanga pawh ka ngaihtuah chhuak lo thei lo,ami huat em em kha ka nu hi a lo ni reng a. A ngaihdan ang kha ni lo mahse a ngaihdam theih ka ring chuang lo. Awm dun thei kan nih loh zia a chiang tulh tulh mai. Ka chunga thleng pawh kha na viau mahse kan inṭhen theihna tura khuanu ruat a niang.



~~~


TC la tur chuan ka nu nen chuan schoolah chuan kan kal a. Principal office a kan luh chuan nizana ka nu thusawi ka hrechhuak uai uai mai. Ka nu nen chuan an inbia a pawnah ka awm daih thung. Engnge an sawi pawh ka hre lo.Rei vak lo ah chuan ka nu chu a lo chhuak ve mai.



"Nu,ka ṭhiante ka hmu lawk ang aw,"ka ti a,kanu pawh chuan a lo phal lutuk. Gate pawna min lo nghah tur thu chu a sawi a. Lunch break lai a ni a,classroomah chuan ka va zawng hmasa.



"Hey,awi tinge school form nen lo te i lo kal,"Fiona chuan a rawn ti a,classrooma an awm lai chu ka nang,ka vannei takzet.



"TC kan lo la a,Thenzawlah kan phei dawn a,"ka tih chuan mak an tih hmel hlawm tawp. "Awii,a ṭullo Remruatkim,ka ngai dawn che asin,"Ruatpuii chuan a ti ṭiau. "Aa,kal lo mai rawh,"tiin min ui der ve hlawm lutuk.



"Ka ngai viau ang che mahse a ṭha ka ti zawk,"Melody chuan a lo ti khauh.



"Engtikah nge in phei dawn?"Nuteiin a rawn ti a.



"Tlaiah hian,inah kan haw phei zawk anga. Kan phei nghal a ngaih ka ring." Ka hrilh lawk loh avang chuan min hau reng.



"Aa,ka ngai ngawt ang che,kan lo zin ang aw December chawlh lai velin,"Ruatpuiina a tih chuan ka bu nghauh. "Ka hmanhmawh ka chhuk nghal mai ang,motherin min nghak sia,"ka tih chuan min rawn kuah chung chung hlawm. Class chu ka en kual a,ka la ngai ve ngawt ang.Classroom aṭang chuan chhuakin ka chhuk thla a.Ka lungngaihna hmun ber nu mahse hlimna tam tak ka dawnna hmun a ni dawn tho.


Ka nu gate pawnna min nghak ran tu pawh chu ka hmu thei tawh.


"Remruatkim,"ka hminga min rawn au tu vang chuan ka ding dat,ka in her a Zonunsanga chu ka lampanin a rawn kal."Khaw..khawnge i kal dawn?"ka bul a rawn thlen chuan thaw hlawpin hlawpin a khup a dawm."Kan khuaah ka haw dawn,"tiin ka nuih sak,ngawi rengin min en reng.


"Keimah vang ami?"a ti sup,a la thaw hlawp hlawp tho.



"Ni vek bik lo e,helai hi chu ka awmna tur hmun a ni lo,ka nuin min nghak tawh a. Kan hmanhnawh sia ka phei mai ang,"tiin ka in her vut,tuna ka hmaa i rawn in lan ang chiah hian a hma khan ka bulah awm la a ṭha tur ania.



"La,la kal suh. Mi..min ngaidam rawh khawngaihin,khawiah mah kal suh,"ka bana rawn chelh chuan a ti a.Amah en tur chuan ka in her a,a inthiam loh hmel hle.



"A pawi ka ti mahse haw ka duh tawh zawk,"ka ti ve sap thung.



"Remruatkim,khawngaihin kal suh ka tih chu. Min ngaidam rawh,"min melh ngur chuan a ti sup. "Ka mamawh ngawih ngawih lai che khan i awm hleinem,ka thusawi pawh i ngaihthlak duh loh kha..A..kha chu theihnghilh rawh,keini pahnih chu a rem dawn tawh chuang lo,hlim deuhin awm rawh,"tiin ka nuih lui sak,hepa ka biak hi chuan ka la na ziah tho.



"Ka thiamlo tih ka hria,min ngaidam thei lo a nih pawhin,khawiah mah min kalsan suh. I tello chuan a har takzet,"beisei nei zet chuan a ti leh sap.



"I awm thei lutuk,ka telloin i awm thei lutuk a lawm.Kha leh chen i awm kha. Dik taka sawi chuan helai hmuna awm hi ka duh tawh lo,"ka ti chhuak sap.


"I lokir leh ang tiro?"


"Ka hre lo,"ka tih chuan beidawn hmel zetin a thaw hak.


"Aih,kal lo mai rawh. Min ngaihdam theihnan engnge ka tih ang?"a ngen hian min ngen ni maiin ka hria mahse ka thei chuang lo. "Min kaltir rawh,ka ngaihdam i duh chuan i bul hnaia min awm tir tum tawh suh,"a mit natna chu ka hmuh hmaih lo mahse hemi let fe hian a ni min tihnat ni. Tunah chuan hun ka mamawh,a bula awm duhna leh chakna ka nei tawh lo.Ka thusawi vang chuan ka ban a chelhna chu a thlah riai riai.Ka nuin min lo auh tak avang chuan ka lawm ru hle.



"Mangṭha Zonunsang,"tiin ka nu bulah chuan ka phei a. Tawt ru ṭun mahila ka nat vangin ka mittui em chu a tla bik lo.Kan motor chuanna turin min nghah avang chuan taxi chuan kan phei vat. Zonunsanga a dinna ngaia ding reng chu ka mitsirin chuan ka va hmu tho.



Saturday zan hi ka rawn dah thei lo maithei aw. A tukah ka exam dawn avangin lehkhazir nan hun ka duh ve si a. K lo dah loh chuan Sunday zanah ka rawn dah ang aw. Ka lo sawi lawk nghal e

👇👇 a hnuaia ads khu click theuh ang u aw, khawngaihin 💚

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » February 21st, 2021, 2:01 pm

sSOMEONE TO YOU


BY:


NUTTY GIRL


CHAPTER-39


"Ehe,Bawihte in lo thleng thei maw?"in kawt kan thlen chuan ka pite chu an lo chhuak a,ka pi chu a rawn au chel chul mai."I damlo chu i va cher phah ve,hetah kan chawm thau ang che.I chawhmeh duh deuh pawh kha ka siam a nia,"ka piin a tih chuan ka nui ver ver."Ka nu chu puan tah pui ve tawh suh ka tih che kha,"in chhung kan luh chuan ka nu chuan ka pi lo in dah hnawk rum a hmuh chuan a ti nghal hlak. Ka pi a tar ve tawh si a,puan tah tawh lo turin a ti fo ṭhin a,ka pi lah hian a ti lo thei bik si lo.



"Nia,keipawh ka hau reng zel a ti lui zel a nih kha,"nutei chuan a ti a,ani hi ka nu cousin a ni a,a pasal nen inṭhenin ka pite bulah a lo awm ani.


"Nute,December chawlh lai vel hian puan tah chu min zir tir ve rawh aw,api te chu an sual lutuk a,min zirtir duh lo,"tiin nutei bulah chuan ka vui nuah nuah.Ka zirlai an tihbuai an hlauh avang hian ka dil ve pawh khan an phal ngai lo.


"Tehreng mai,ka zirtir ang che. In lo phei tur i pi a phur ania,bai pawh chi thum lai a siam hman tawh. Inbual ula chaw ei hma ang u,i pu zan inkhawm a duh leh dawn sia,"a thleng sil lai sil chuan a ti barh barh.Ka nu chu inbual hmsa turin ka hrilh a.



Thlanglam luhka ah chuan chhuakin a zawl laiah chuan ka ding vang vang. Ka pu hian inhnunglamah huan a siam a,ar leh vawk a enkawl bawk.Ram a zau thawkhat bawk a,thlai eikhawp leh ser tlem a zawng hi chu a thar ve reng zel.


"Remrem,naktuk chu serthlum lawh kan tum dawn nia mahse sunhlu pawh kumin chu a rah a ṭha ve tak tak ani,"ka puin a rawn tih chuan ka bu nghauh.



"Pu i fate chu an va lian tawh ve,"vawk nu pahnih chaw a pek laia ka tih chuan a nui huah huah. "Ni e,nakinah naute an neih hunah phei chuan fa ka ngah leh sawt dawn a nih hi,"a tih chuan kan nui dun leh hak hak ṭhin.Ka nuin min auh tak lawng lawng ah chuan a inbual zo a ni tih ka hrethiam mai a,inchhunga ka luh hma chuan tlai ni tla tur sen phut mai chu ka thlir vang vang.Tum loh deuhin Zonunsanga ka la hrechhuak leh nghal a,bialnu nei rengin ka kal a la phal chuang lo kha a nia,a hma a sial tak zet.Tunah chuan he lai hmun hi bul ṭan ṭhat nan ka hmang dawn a ni.


1 MONTH LATER



"Remrem,i ṭhianpain a lo nghak tawh che nia. I insiam zo dawn em?"nutei rawn au lawng lawng chuan ka thaw hak. Engnge maw a lo tih reng reng ni,niminah lokal suh ka ti ve vek sia.Room aṭanga ka chhuah chuan min lo nuih sun sun mai.



"Mama tu maw i pa i tih kha?"tiin ka pi chuan a lo be siam siam mai,ṭha takin a ni pawh chuan a lo chhang ve zel mai.



"Nu,kha an tlai ange va kal tawh rawh se,"ka nuin a rawn tih chuan ka pi pawh chuan kal tur chuan min ti ve thei hram. Malsawmzuala nen chuan kan in zui chhuak a.



"Engnge i lokal kher a?"



"Engnge ka lokal loh ang ke ka nei a lawm,"a ti awlsam et. Hepa ka hmuh hian Zonunsanga ka hrechhuak ṭhin mahse an mizia erawh a dang hlauh thung. Ani hi chu thawveng,mi hnial hrat bawk ang hi a ni.



"School hi i rawn kal peih ting tang e,thlakhat em pawh tunah i rawn kal hman lo a,winter vacation a ni leh ringawt dawn sia,"a kut pahnih a tukhum lama suihzawm chuan tiin van a thlir vauh vauh.Zonunsanga nen an in anna chu school kal an peih lem lo,an kal ve chang pawn an mu daih zel.Ani kha haw viau mahila ka theihnghilh vek thei bik lo.



"Thiam loh ka hlau a lawm mawle,"ka ti zui hlak. Class 12 Arts kan tam lo bawk a,ka hre deuh vek tawh mahse ṭhian erawh ka kawm tam lo thung. Na taka min siamtute hi ka ṭhian ṭha ngawih ngawih te anga ka chhal ṭhin kha an ni a,midang lakah ka in veng kar tawh a nih ber chu.Malsawmzuala erawh hi chuan min tihbuai loh leh min zui kual reng zel, ṭhian ka mamawh ve tho bawk nen,min zui kual reng takah chuan ngainatna chin ka nei ve ta deuh.Ka rilru a vak kual lrh hman tawh,kal kawng ka en lo nen ka in pal khut.



"Thil hi ngaihtuah vak vak zel suh,kawng mam pat ah pawh i in pal khut khut thei ania. Samkir ropui si miin zurui emaw an ti ang che,"a ti teh duah,ka ner nawng mai.Mipa ve si hi a phunchiarin,mi hnial a hrat em em mai leh nghal. A bulah chuan ngawirenga awm hian kan hlawk ber,kan chil per a uiawm mai mai a ni.Ka hnial hneh dawn chuang lo.Ngawi reng chuan school chu kan thleng ve vat mai. School kal nghal vat pawh hi ka duh dan a ni, course ka la zawh ve miau loh avangin zirtirtu hruaina hnuai ngei a tih ka duh.



Kumin a school tawp ber tur a nih vang chuan class kan la mumal lo hle.Chawhma chauh kan kal leh nghal a. Chawlh laia puantah zir ka tum avang chuan chawlh pawh chu ka phur hle.



"Hey,nang kha min lo nghak ta che mawle, zingah school tlai ṭep ṭep in ka nghak ve ṭang ṭang che a,min kalsan nal nal i tum,"ka bul a lo thlen chuan a thaw hlawp hlawp."I duha min nghak a nih kha aw,min nghak rawh ka ti reng reng lo che,"ka tih chuan a vawkhatna atan min hnial dan tur a hre lo.Intithei tak chuan ka hawisang vah mai.



"Haw ang,"tiin min kuai her lawp,he mihring hi chu hmeichhe dim nachang pawh a hre lo,mawl der dur lutuk.


Kan in piah lawkah hian an awm a,hla lutuk a ni lem lo. Kan kawtah chuan ka pu hi a lo awm a,kan thlen chuan min lo be vat. "E, vala naktuk chu ser min lo lawh pui la,i hman a ngem?"ka pu chuan a rawn ti,Malsawmzuala lah chu a lo phur khawp leh nghal. Min biak dan leh a aia upate a biak dan chu dang tak a ni.


"Apa a chhuna tlangval fel tak a nih dawn kha,a ṭawng tam bawk si lo,"ka piin a tih chuan a thu sawi chu ka helh kher mai,ka thil ei lai ka hak phah bawrh bawrh. A ṭawngthei kan tih zep zuap nen.


Malsawmzuala chu a rawn kal a,lukhum parh nen a rawn lang hlawl,ka lo nuih vak a a hrilh hai hmel hle. "Engnge i nuih?"huan lama kan chhuk thlak laia a tih chuan ka insum zo lo,za zetin ka nui chhuak leh hak.Ka ngaihtuahna awm hi hria se zawng a lungawi lo viau ang.



"Engnge?"a lu tuai vut chuan a ti a.



"I bengparh duh tawk mai lo a lukhumparh leh zel i lo khum a,"ka tih chuan a nui lo chiang hle,chak zetin min kalsan vuk vuk a. Kei lah ka nuih a za laklawh kal pawh kal ṭha thei loin a hnungah ka zui.Thenzawla ka awm hnua ka hlim leh ber ṭum a ni hial a.


Serthlum kungah leh ser dang kungah chuan a lawn a,keiin a hnuai lamah ka lo chang thung.Ka pute huan hi a ṭha thei phian,kum dangah pawh hian kan ei sen loh an thar chang a awm a. Ṭhenawm khawveng te hi an sem kual mai zel,an thilphal em vang hian Pathian malsawmna pawh an hmu tam niin ka hria.



A lawh tur tlema hmin deuh ho chu kan lo zo thuai a,tam vak lo kan la zuah bang. Malsawmzualate chu ka pute chuan ser vel chu an pe ve nual. Vawiin vang hian kan in pawh phah deuh sawt mai,keipawn alaka ṭawng ṭhat duh loh te kha ka ching tawh em bik lo.



"Remremtei chu ṭhian i kawm tam lo lutuk a,khaw vawiina i kawm meuh chuan i hmel pawh hmuh a nuam a lawm,"ka puin a tih chuan ka nuih sak ringawt. Ṭhian kawm chu nuam ti viau mahila keimahah hlauhthawnna a awm leh ṭhin ka hneh thei bik lo a ni.Chawhnu lamah chuan nutei chuan min tiam tawh ang ngeiin puantah chu min zirtir a.



~~~


Chawlh kan hmang chho a,a nikhatna aṭangin puantah ka zir nghal a. Ka nu leh ka pi chuan an phallo viau a mahse ka tilui tlat.Ka chem kalna a ni ve deuh nge ka thiam chak viau.Ka pi puan tah lai te chu uluk zeta enin ka in zir ṭhin bawk.Malsawmzuala pawh a in khel a lo peng zeuh zeuh ṭhin,ka chhungte pawn an hre ve ta hle. A hming an sawi lang leh zeuh zeuh zel.



Christmas pawh a hnai viau tawh a,zanah pawh an zaikhawm leh tlut tlut tawh. An tui bawk a,nuam an ti thei hle. Kei erawh chu Sunday chhun leh zan a nih ngawt loh chuan ka inkhawm khat viau thung.Ka nu pawh kum thar lama a sumdawnna buaipui tumin a buai ve tawh hle.


"Bawihte,i pu hi zaikhawm tura a chhuah hmain,thingpui lo lum rawh,"ka nuin a tih chuan ka tho tharh a,thingpui chu ka chhuang vat. Kawngkhar chu a lo in kik ri kauh kauh a, "Kawngkhar nam hawn theihin a awm,"ka ti lang lang.



Kawngka aṭanga Dominic,Zonunsanga leh Vena an lo in zui lut ṭham ṭham ka hmuh chuan ka meng phar ak.



Rawlkhawlhna dang a awm loh chuan a tawp hma chu zantin kan dah thei tawh ang aw.💜

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » February 21st, 2021, 2:01 pm

SOMEONE TO YOU


BY:

NUTTY GIRL


CHAPTER-40


"Ehe ..engnge in lo tih dawn?"ka ti haw,mi lo leng ve engnge in lo tih dawn ka ti chu nuam lo ka ti hnuhnawh hle."Ee,lo leng ru lo leng ru,"ka nu chuan a rawn ti vat a,kawngka bula an ding kual khup ka hmuh chuan ka nuih a za hle.



"Bawihi,i ṭhiante hi khawi ami nge?"



"E,,aw saw ta ka classmate te an nia,"ka ti bah deuh nawk. Hetah engnge maw an rawn tih le?


"Lo ṭhu ru,"ka nu chuan tiin a be siam siam."Bawihi hei a so tawh tho sia i pute hi lo pe hmasa mai rawh,a hruaitu tur a ni sia a hmanhmawh ang. I ṭhiante ta tur chu kha mi zawhah khan i chhuang leh dawn nia,"ka bula lokal a a tih chuan ka bu nghauh a,thingpui chu ka pute leh ka nu chu ka pe a. Ṭhuthleng sei lutuk lo pakhata an lo in hnawh vek ka hmuh chuan ka nui chhuak lo chauh.



"Thingpui ka va lum ang che u,engtinnge in duh ang?"ka tih chuan Dominic chuan a aw a thian kharh kharh. "I duh duh dan khan a ni mai,"a tih chuan ka bu nghauh a.Choka lama ka phei tur chu a sir bera ṭhu Zonunsanga nen chuan kan mit a in tawk salh. Ka pute awm ve vang chuan nuam an ti lutuk lo nge maw ni Dominic tak ngial pawh a ṭawng tlem hle.


Ka pute zaikhawm tura an chhuah hnu chuan kan pali chauhin kan awm tawh. Nutei chu room lamah a inṭhui daih thung.



"Hetah te engnge in lo tih? Chawlh hmang tur in in lo zin mai mai tihna mi?"



"A,,ni chiah lo ni deuh tho mai,"Dominic tho chuan a ti leh Zonunsanga leh Vena chu ṭawng pawh an la ṭawng lo. Zonunsanga lah chuan zahthlak khawpin min lo la melh char char zui,,melh pawh ka melh duh lo hrim hrim. Mit a intawnin tih ngaihna a vang emai mai.



"Khawilaiah nge in lo thlen a?"



"Bena chhungte kan lo hawh a,Bena ber a lokal ve duh si lo a,hetah chhungte kan nei lo vek sia,kan hawh tawp,"Dominican a tih chuan ka nui chhuak hak,hepa ṭawngkam han maksak theihzia hi.Tuin nge chhungte in hawhsak ngai ni a. Sawi tur vak ka hre tam lo khawp mai,Vena pawh a rawn ṭawng duh ve ta viau,Dominic nena an titi chu kan ngaithla a ni ber.



"Lokal rawh Vena cigarette min lei pui lawk rawh,"Dominic chuan kan titi karah chuan a ti zauh."A,ka van peih lo tak, keipawn ka nei tho a,"tiin Vena chu a phun nung nung. "I cigarette pawh kha kan zu zo vek tawh va lei ang,"tiin a kuah tho a,a chhuah pui a. Zonunsanga nen chauh chuan kan awm ta,sawi tur ka hre lo kher mai.


"I dam ṭha em?"a rawn ti chhuak hlawl.



"Umm,dam ṭha min hmuh ang hi a ni mai,"ti zawngin ka chhang a,sawi tur dang ka hre chuang hauh lo. "Tinge i lokal ve a,i bialnuin a ngai lutuk che anga sin,"tum lo deuhin ka rilrua awm chu ka sawi chhuak,a nui suk duh lek chauh a ni. Ka sawi ta kher kher chu ka inchhir hle.



"School thar chu nuam i ti em?"



"Umm,ti e."



"Lehkha i zir ṭha thei em?"



"Umm,thei."A thil min zawh chu rul tawk lek lek chauhin ka chhang a,a thaw leh deuh hak ṭhin.A bak sawi ve tur ka hre miau lo.Ngawi rengin ka ṭhu a,sawi tur kan hre lo kher mai. Dominic te pawh chu an let har lo a,len pawh an lo leng rei hran lo.Doma te lo let hnu lawk chuan an chhuak.


Mutnaah chuan Zonunsanga chu ka rilruah a awm ta reng. A hmaia pem awm khan a thil tih ngai a la sim chuang lo tih lantir vek.Zonunsanga ka theihngilh ṭan bek bek in ka in hria mahse a lo lang leh thut a ka ngei tak zet.


~~~


Zonunsangate ṭhian ho pawh zanah chuan an lo leng zeuh zeuh a,rei tak phei chu an lo leng ngai lem lo,an haw leh thuai mai zel. "Remrem,i chhuak khat si vawiin chu va tei chhuak ve ang,lo insiam rawh,"nutei chuan a ti zeta mahse ka chhuah khat zia ka ngaihtuah chuan vah chhuah ve pawh chu pawi ka ti lo.
Urlawk ni a ni tawh a,school chawlh aṭang vawikhat te mah ka la chhuak lo hrim hrim."I kawr pawh zaninah chuan ka khawih zo hman mai ang,i in peih em?"a tih chuan ka bu nghauh a.Insiam insiam pawh a ngai lo ti hian a chhuah nghal theih reng.Ka insiam buai peih lo.


Kan va chhuah phei chuan nutei chu an lo be nasa bawrh bawrh hle.Hmelhriat a hmuh hi chuan a hmelhriat zawng zawng biak a tum emaw tih mai tur a ni.


"Zaninah i ṭhiante nen hman in tum em? Lei duh te i nei em?"U Nghaktei dawr a kan luh chuan a ti a. "Tum pawh ka hre lo e a,ka mu mai mai ang chu ka lo ti,"ka tih chuan U Nghaktei chu a lo nui hak,"Ngaihzawngte nena hman ho nuam ti rual lek lek in nih kha,kei ang rual i nih hunah te chuan urlawk zan te chu chass te bulah ai chuan mut lum daih in chak tawh ang,"tiin a nui duai duai. Ani hi nula senior a ni a. 'Ani te zawng a senior tawh lutuk a,a duh khirh tawh a mipa a lungdumtu a hmu ,'heihi mite sawi dan a ni. Ani lah hian chu tia sawi te mai mai chu a lo ngai pawimawh bawk si lo.



"Remrem,Remruatkim,"tia dawr kawta min lo au tu aw ka hriat chuan ka hawi chhuak vat a. Malsawmzuala chuan a u scooty chu dawr kawta lo din puiin a lo nui vur vur.



"Kan va in hmu khat ve,zanin chu zaikhawm ve ila?"a rawn ti lung lung a,ka chhan ve hma hauh chuan "Awle,i peih te chuan ka lo.sawm ang che,"tiin a tlanchhuak hmak.Ka en zui vawng vawng ringawt.


"I ṭhiante zana lo leng ṭhin te khan hmanpuiah an sawm lo che ami?"nutein a tih chuan ka melhrum kher mai,a nui chhuak hak hak. Ka nu te unau hi pali an ni a mahse ka nu leh nutei te inkar ami hi chu a naupan laia boral an ni. Nutei hi tar lam fa a nih deuh reuh avang hian a la upa chhe zek zawk lo,rilru naupang chhia chi a lo ni bawk nen,mi han chhaih vel hi a peih hle. Zonunsangate lo leng pawh hi min chhaih min chhaih ṭhin.



"Aa,nulat nuam an tih lai hun ve a nih hi,rim tu neih ve te chu a hun tawh alawm,"U Nghaktei chuan a ti bawk a,an phawk dun bawk si a. Sawi hreh an nei bawk si lo,min chhaih an hrat em em mai leh nghala a.Ka nutei nena kan chhuak chu tlai eirawng bawl dawn velah chauh kan haw. Zan chhuah ka peih loh em avang chuan Malsawmzuala chu lokal lo turin ka hrilh a mahse a lokal tho tur thu a sawi tlat.



*Ka zaikhawm peih lo,ka ti tak tak.* tih chu ka va thawn a a seen nghal thuai.



*Umm,nih leh kan zaikhawm lo ang. Kan ṭhianho hman kan tum a lo kal ve zawk rawh. Aw,please.* a rawn ti leh hram. *Mipa hlang bulah ka awm peih lo*tih chu ka va thawn leh.



*Mipa hlang kan ni dawn lo,in kawm chhak ami Siamite pawh an awm dawn*


*Lokal rawh*



*Christmas gift a ni mai,aw*tiin message dang pawh chu a rawn type thla dul mai,a ngenin min ngen hi a ni mah zawk.*Awle mahse ka chhungte phal leh phal loh a ni mai*ka va ti ta hram.Zaikhawm tur te a nih loh chuan an phal vak ka ring lo hrim hrim.Kal tur pawh chuan ka in ngai hran lo,dil pawh ka dil buai duh lo hrim hrim.



Thleng ka sil zawh chuan sikri an lo aina bulah chuan ka va ṭhu ve vat. Tun ṭum thlasik lah hi a vawt em em mai leh nghal a.Ka pi leh pute chu zaikhawm turin an chhuak fel tawh,ka nu erawh a zin chauh deuh avangin zanin chu zaikhawm a tum ta lo law law.


Kawngka an kik karh karh a,Malsawmzuala a rawn lut a. Ka nu bulah chuan a dil a.



"Aw,Bawihi zan in chauh te chu va chhuak rawh mahse tlai lutukah chuan lo haw lo la aw,"ka rin loh zet chuan a lo.ti khauh mai. Malsawmzuala chuan lawm hmel zet hian min nuih vur vur a.Phur fahran lo chuan ka insiam a. Uggs ka buna,kawrlum lian zet lum em em tur chu ka ha ringawt bawk.


In aṭanga kan chhuah chuan Zonunsangate nen kan intawk. Lo len an tum a nih ngei ka ring.


"Khawnge i kal dawn?"bike aṭang chuan a rawn ti a,keimah pawh min en lo Malsawmzuala zawk chu a en ngur ringawt.
"Ka ṭhiante nen kan hmang dawn a,lo len in tum ami?"inthlahrung tak chuan ka ti a,a bu nghauh ringawt.Malsawmzuala zawk chu a en leh ngur ṭhin.Kan awmdan chu a lai vel vek.


"Umm a nih chuan,keini pawh phei leh mai ang u. Remrem,nuam ti deuhin in hmang dawn nia aw,"Dominic chuan a rawn ti a.Ka bu nghauh,nuam ka ti lo hle. Sawmzuala ka lo tiam hmasa bawk si,anni lo len an tum bawk a. Zonunsanga ka va en chuan rum zetin Malsawmzuala a lo melh chu niin.A thik ang tlata hriatna ka nei a mahse ka ngaihdan atthlakzia ka hre chawp chilh nghal. Ani te chu a bialnu nena nuam ti taka chhuak reng ṭhin kha ania lawm.


Sawmzuala nen chuan a ṭhiante in lam chu kan pan a,Malsawmzuala pawh amah ang lo takin a ṭawng tam lutuk lo hle.


"Rei lutuk lo ang aw,"kan luh hma chuan ka tia a bu nghauh. Tumah puitling an awm lem lo a,an lo ri ve hat hat mai.Kawtah chuan mei kan chhem hluah a,ka hmelhriat pawh an awm ve nuala nuam lo lutuk chu a ni lo."Hrehawm i ti em?"Malsawmzualan a tih chuan lu ka thing nak nak,zanin hi engnge maw a hriat ni,a awm dan a danglam tawp.



*I awmna ka hria,ka lo kal anga ka lo hruai ang che.*Zonunsanga message ka dawng hlawl mai. Min unblock lai ka hre lo a,tun hnua a vawikhat min rawn biak leh na chauh a ni.


*A ṭullo,ka ṭhiante bulah ka awm a lawm*tih zawng ka va thawn,a seen nghal vat.



*Ka lokal dawn tho tho*a rawn tih chuan hlauthawng zetin,midang awmlona lai deuhah chuan kalin, ka call nghal vat. "Lokal a ngai lo ka tih kha,lo kal miah suh,"ka ti nghal hlak. Hetah engmah tih tur a nei lo.



"Ka rawn hruai dawn che lawm,"a rawn ti leh ṭalh.



"Min hruai ka ngai lo,hetah ka la awm dawn a lawm,hetah engmah tih tur i nei ve lo,"ka ti chhuak sap,eng em em hi nge maw a hriat ni.



"Ka rawn kal dawn,"a ti hmuk.



"I van zak lo tak,i duh leh lokal la. Ka zui dawn chuang lo che a,"engvanga heta a lokal hlau em em nge a nih pawh ka hre lo e a.Buaina a siam ka hlau ni ber hian ka hria, Malsawmzuala a thik anga ka hriat vang pawh a ni ngei ang.


"Khapa kha tunge?"a rawn ti leh hmuk.Ka ring dik ngei ang,a thik mahse engmah thik chhan tur a nei lo. "I bialpa chu a ni lo tiro?"thaw chhuak hak chuan a rawn ti sup a. "Aw ni e,"ka tih chuan phone chu a dah hmak. Ni e ti hian ngaihzawng ka nei ang hian hria se,a ṭha zawk ang. A hnena let ka tum lo a,ka nu vang pawn ka duh bawk hek lo.



Bu luk luk chungin ka rawn ziakin ka hria🤣

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » February 21st, 2021, 2:02 pm

SOMEONE TO YOU



BY:


NUTTY GIRL



CHAPTER-41



"Engnge hetah i tih daih daih a?"Malsawmzuala aw ka hriat chuan ka aw ka thian kharh kharh. "Mi ka be lawk a,"ka tih chuan a nui vur vur. Nui hmel a put loh lai hi vang tak a ni.Zonunsanga chu ngaihtuah loh ka tum hram hram.


"A vawh vawh nen tinge scarf tal i awrh loh,"tiin a scarf awrh lai chu phelhin min awrh tir nghal mawlh mawlh. "Hey,..aa..ngai lo ania,"nuam lo ti deuh chuan ka ti chhuak sap. "Ti khan awrh mai mai teh a,meilum va ai ve ang,"tiin ka darah chuan a chelh a,min nam phei dat dat.



"Sawmzual,ar chu lo va kan pui la.Thil kan va lei lawk ang,"kan bulah chuan a ṭhianpa pakhat chuan a ti a,Malsawmzuala chu a bu nghauh a.A ṭhianpa chu hmeichhe pakhat nen chuan an in zui phei nghal nal nal.



"I lokal ve duh nge hetah i lo awm dawn?"



"Aww,ka lo zui ve ang che,"tiin ka tho tharh a,ka kekawr mawng chu ka beng fai thak thak.Mahni chauha heta awm ka duh teuh lo mai.In chhungah chuan kan in zui lut a,midang pawh an lo awm ve nual mai.



"Ka lo pui ve ang che,"Malsawmzuala bula ka tih chuan ka a ngaih loh thu chu a sawi a mahse nuam ka ti der lo. "A nuam lo alawm, tih tur min lo hrilh zel rawh,"ka tih luih tak tlat avang chuan purun leh thildang chan tur vel chu min lo pe ve ta chauh a.



"Ti hian kan zo tawh ami?"



"Ummm,zo tawh.Ti khan lo ṭhu la,heihi kan vil leh lawk ang an lo let hunah pawhah meilum kan ai leh daih dawn nia,"a ti a.Thlala turin an chhuak ta sup sup a,Malsawmzuala nen chauh kan awm tawh.Thawm ri nuai nuai a awm ta lo chu ka thaw hawk thei.



"Haw har lo ang ka tih kha aw,ka mut a chhuak ṭan tawh,"ka tih chuan ka lam hawiin a lo nui vur vur.Mi chhanna chang pawh hre lo a van mawl det dut tak.



"Engnge kha tia min en reng a?"engmah pawh sawi lo a min en vung vung tu vang chuan ka ti thlawt. "Enga ti mah,ka en ve mai mai che,"tiin a hawisawn hmak.Zanina a awm dan hi a mak thlawt.



"Remruatkim."



"Engnge?"amah en tur chuan ka hawi chho ha,a thu tak hmel lutuk ka hmuh chuan a ngaihna ka hre lo hle zawk."I laka ka rilru put hmang hi i hria tiro?"a tih chuan chil ka lem khalh."Maw?"ka ti deuh ha,ka duh aiin min din hnaih mah mah a ni."A..a..aih,engmah ka hre lo,i mak e ti khan awm lo teh,"tiin a lam lo zawkah chuan ka tawlh phei vat.



"I hre reng,hre lo der suh,"a tih chuan hmun dang ka melh kual zak zak.Tuna a sawi awmzia hi chu ka hre lutuk tlat mahse a hmain rilru dang a pu tih ka hre lo.Zonunsanga bulah ka bialpa ang chuan ka sawi ngei a mahse chu pawh chutianga ka ngaih vang ni loin,Zonunsangan min tihbuai chhun zawm loh nan mai chauh a ti ka ni.


"I van â tak,mihring angin min en a nih mai lo in,"tiin ka ban phar chhuak hliai chuan tiin ka nui chhuak hak. Chik zeta min en te chu hre lo derin phone ka khawih san daih. "An va lo let har e,"tiin ka phun nang nang,engmah a rawn sawi zawm bik lo.A rawn sawi leh hram ang tih chu ania ka hlauh zawk ni.Zanin helai hmuna ka kal hi ka ti dik lo der a ni,ka nu ten an phalloh ka rin vei nen an phal nasa mai leh nghal a. Ka awm a ti nuam lo zo vek,min biak hlek te chuan a rawn sawi chhuak leh ang tih mawlh ania ka hlauh. Ka lo ṭang ru ṭung zel. Hetiang zawng hian Malsawmzuala hi ka en lo hrim hrim,ni lo midang pawh nise tunah kher hi chuan inzawmna ka siam pui leh in ka ring tawh hrih lo.


Midang an lo luh ve takah erawh chuan ka thaw deuh huai. Midang an awm lai chuan a rawn sawi chhuak leh in ka ring tawh lo.Pawnlam ho an rik deuh hak chuan mi pakhat hi a rawn tlan luta engnge maw a rawn sawi,phone ka khawih daih avang chuan a thusawi ka hrechiah lo.


An chhuak deuh huk a,keipawh chu ka va chhuak ve.An lo insual chu niin,Zonunsanga ka va hmuh chuan mak ka ti hle.Ṭhelh an lo tum a,Zonunsanga chu a thinrim hmel kher bawk.Mi pahnihin an pawt bet chung pawh chuan talchhuah tumin a insualpui pa chu a va hnek leh hram.



"Zonunsang,duh tawk rawh,"ka ti vak a,ka mita min rawn en chuan a rui a ni tih ka hre nghal vek,ka thaw chhuak hak.



"Engnge thleng a?Engnge thil awmzia?"an ti deuh sap sap hlawm."Kan awm mai mai a,buaina a rawn siam ringawt a nih kha,zak lo lutuk a,"a mi khawih pa bula hmeichhia chuan a ti deuh hrep.A bul ami pa pawh chu a ṭawng dan vel aṭang chuan a rui tih a hriat rengZonunsanga thiam loh vek chu a ni bik hauh lo ang.A intihbuai pui pa chu tlangval pangngai a ni tawh.



"Ka la khawih leh hrep dawn che lawm,helai hmunah i lokal a huai ber emaw i ni ti ringawt.Naupang te te si i nu leh paten thu ṭha an hrilh lo che mi?"chu pa chuan a kut zung chala kawk sak sak chuan a ti a. Zonunsanga thinrim insehruh leh,a thisen zam pawng ṭawlh ṭawlh chu ka hmuh hmaih lo.


"Kan thiam loh a nih kha,buaina a siam avangin a aiawhin ngaihdam ka dil e. Lokal rawh Zonunsang,phei ang,"ka ti nghal zat,min ti thinrim tak zet."Ka thiamloh pawh a ni lo,engenge ngaihdam i dil ve ngawt?"min zui a hneh in,ding ngur chuan a ti chhum hmuk.Midang ho chuan min en hrek hrek tawh. Ka thaw chhuak hak,a lakah ka lungawi lo hle tih hria se zawng ti hian a luhlul a chhuak lo ang.Zonunsanga chuan ka nawr tak chhen avang chuan a ṭang ṭung pawh a zia deuh a,kal sawn pui nghal mai ka tum a.


"I van zak lo tak naupang leh,khawih leh hlak i ngai a nih kha,"a insual pui pa in a tih leh chuan Zonunsanga chu a che leh vut,a khawih leh hman dawn emaw ka tih laiin Malsawmzuala leh a ṭhianpa chuan an lo chelh bet hman."U Siamkim,nang pawh ngawi tawh rawh.I rui ve tho a,i ti bik lo.Ngaihdam an dil tawh a,kal tir rawh,"Malsawmzuala chuan a tih chuan engmah chu pa chuan a sawi ngam tawh teuh lo mai. Zonunsanga chu kaiin ka kalpui hlawk hlawk.



"Engnge i hriat a?Hetah engnge i lo tih?I rui a,buaina i siam leh nghal a. A zahthlak em mai,"ka ti hlak hlak."Hetiang lo hian i awm thei lo ami?"ka ti thlawt.Hetianga a awm hian ka rilru a la ti hrehawm ṭhin.Ngawi ngul a ka hmaa a din vang ringawt pawh chuan ka thinrim hlur mai."Kha pa nen khan in ṭhen rawh u,"a thusawi chhuah hmasak ber chu leh. Thinrimin zawhna ka zawt a,a thusawi chhuah hmasak ber nen chuan a in awm lo tak zet.


"I bialpa a ni tak tak lo tiro?In zawmna in nei lo tiro?"ka chhan loh avang chuan ka mita min en ngur chuan a ti deuh sap."I..buaina tur a awm lo,"hmun dang melh daih chuan ka ti a,a min en ngur tawh chuan dawt sawi a har ṭhin,ka thei lo a ni zawk.


"Helai hmunah hian engvanga lo kal nge i nih? Ni lo,kan khuaa lo zin tur pawh hi in ni lo. Nge ni a i bialnu nen in inṭhen a,helai hmunah ka rilru la nat leh nat loh en turin i lokal zawk,"ka ti chhuak hap. Min melh run chung chuan a thaw deuh hawk.


"Chutiang a ni lo,tumah bialnu dang ka nei lo,"a ti sup chu za lo zet chuan ka nuih a. "Ka sawi tam peih lo e a,"ka ti hmak,kha nu nena an in phur chhuak kha ka mitthlaa a lo lang leh nghal chu ka duh lo hle. Dik taka sawi chuan a hmel ka hmuh hian kha tih lai hun bawkah khan ka let leh a ka na nawn leh ṭhin.



"E,i sawi chu ka hria ka bialnu a ni lo,ka ti tak tak.I hmuh atan chauha hnaih ka ni,i thik tiro?"tiin min nuih,kei erawh ka nuih a za hauh lo.Ka rilru a tihnat nan leh ka thik a duh vang chauhin a phur chhuak a,ka haw tak zet.



"Zonunsang,kha tih lai hun khan i tihnat belh loh pawh khan ka na tawh sa lutuk.Min tihnat belh i tum lai khan ka mamawh che mahse min tihnat i thlang zawk.Ka natna ve kha hmuh hmaihin a aia min tihnat kha i tum a ni tiro? I hlawhtling chiang lutuk,khami vang khan min tina takzet,nat belh tur awm lo hialin min tina. A ṭha em? I lawm em?"in sum hman lek lo chuan ka ti chhuak a,ka awm chu kha tih lai hun ang mai khan a na ut ut a,thawk harsa khawpin a tawt bawk. Khatih lai ka mamawh em em lai khan ani chuan min tih nat chauh a lo ngaihtuah.


"Chutiangin ngai suh,i ngaihdan kha a ni lo,"a hmel awm dan chu a inthlak hlak,a nui hmel a tawp riai riai. A inthiam lo hmel tak zet mahse bialnu a nei anga ka ngaih lai ai khan ka na fe zawk,a hmel ka hmuh apiangin ka na tawh dawn angin ka in hria.



"Remruatkim,min ngaidam thei tawh em?I tello chuan a har takzet ka tih tawh kha. Ka mamawh che khawngaihin lo let leh rawh,min kalsan ve tak tak lo anh tiro?"a thusawi tin mai chuan ka natna chu a belh chhah sawk sawk mai. Thei ila ka ti mahse a hmel ka hmuh a ka na reng mai te ringawt pawh hi ka tan harsa tak a ni. Kan nu leh pate inkara thil thleng nen phei chuan in zawmna nei lo tawp tur kan ni.He thil.hi hria se chuan a ni pawn min zui duh kher tawh lo ang.



"Hetah engvanga lokal i nih?"a thusawi ngai pawimawh zawi zet chuan ka ti chhuak sap,ani ka hmuh hi chuan ka chakna zawng zawng hi a zo vek ṭhin ni ber hian ka hria. "Ka bula i lo let leh theih nan leh min ngaihdam theih nan,"a tih chuan ka nui sak."A pawi ka ti,ka thil theih loh a nih chu.Ka ngaidam thei che a nih pawn,i bulah chuan ka awm duh tawh lo.Ka mamawh ngawih ngawih laia min tina duh tu hi ka zui duh tawh lo.I bula miten an tihnat che chuan an natna hre lek loin tihnat i tum ṭhin. Chutiang mihring bulah chuan engtinnge ka awm theih tawh ang,"mittui parawl pam chhuak ka ti chhuak tawk.



Ka phone a rawn rik chuan ka khap per sak sak,Dominic a ni.



"Zonunsanga a lokal em?"ka lak rual chuan a rawn ti nghal a.



"Umm,"tih zawngin ka chhang.



"Awle kan lo kal ang,kal lo turin kan tia kan hriat loh laiin a lo chhuak a,"a tih chuan engmah pawh ka sawi tawh lo,phone chu ka dah a. Zonunsanga chu hnuailam enin a lo kun ngar.


"Ka bula awm hi a hrehawm viau em ni?Chuvang ami ka bula awm te hian min kalsan zel?Ka hrethiam e,engmah tihsak tlak ka ni lo,"rei tak ngawi renga a awm hnu chuan a rawn ti chhuak sap a.Kal sawn a tum chu auh pawh auh let hman lohin a kalsawn a. Bike chuan chak zetin a tlanchhuak nghal.



Ka ṭawngkhum na mah mah em ni? Khatiang anga in ngai tur em em kha chuan ka beisei lo asin,Zonunsang mi mawlpa ka rilru ti hah reng reng a nun hi i tum em ni?Rei pawh ka awm lo tihah chuan Dominic te an lo thleng a. A kalna lampang chu hrilhin zui ve vat turin ka hrilh.A thinrima a chet duh dan ka hriatchian avanga hlauthawng ka ni.



'Zonunsang,ka ti na che a nih pawh ka thiamloh a ni. Ka bulah pawh lo let tawh suh,keini chu awm dun tur kan ni lo,'ka ti chhuak sap a,ka awm erawh a nuam zan lo.
Ka let vat a Malsawmzuala bulah chuan min thlah turin ka hrilh a.Min hnial bik lo,helmet leh chahbi chu lain kan in zui chhuak nghal a.



In kan thlen chuan engmah pawh sawi lo in roomah chuan ka lut a. Ka luin lukham a deh rual chuan ka mittui chu a baw nghal zawih. Zonunsanga nen hian in tawng lo ila,in hre lo lek ila a ṭha zawk tur ania.Ka mutnaah te chuan Zonunsanga thusawi mawlh chuan ka rilru a kam a.Khatianga ṭawngkhum kha ka thiam lo ve tho mahse engtinnge ka tih chuan ang?Ka mu thei lo chu ka in let sek.



Zing ka tho pawh chu ka ni bur mai,ka nu chuan eirawng a lo bawl a. Ka nu ka hmuh chuan Zonunsanga ka hrechhuak nghal. Kristmas tuk mah nise dawt sawi lo chuan inkhawm pawh chu ka phur lo a ni. In khawm ban chuan thingpui pawh in loin,eng khaw sawi set set loin ka haw nghal vat. Ka nu chuan min lo call a an zaikhawm nghal tur thu a sawi a. Nutei a lo haw a,kan pahnih chuan in kan lo nghak a.



Khumah chuan ka mu a,nizan ka mut ṭhat loh vang nge ni ka mut a chhuak hle. Ka phone ri chuan min ti harh a,peih lo zet chuan ka tho a.
Dominic a ni.


"Umm,hello."



"Ih..Remrem,Zonunsanga a accident a,"ka lung chu a phu dep dep mai. Nizan thil thleng ka ngaihtuah phei chuan ka inthiam lo lutuk. Keimah vang a ni angem?



School luh te a hnai tawh bawk si a.A theih chuan naktukah tih tawp kan tum dawn nia aw. Hostel lut tur in awm bawk sia😚💜Ads hi click leh hram hram bawk ila.

👇👇A hnuaia ads khu min lo click sa ve hrawm dawn nia, khawngaihin 💚💚

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » February 21st, 2021, 2:02 pm

SOMEONE TO YOU


BY:


NUTTY GIRL

12-01-51-images.jpg


CHAPTER-42(LAST CHAPTER)


"A ṭha lo viau em?"ka ti bah nawk, hlauhthawnna in min tuam nghal hlup hlup. "Tunah chuan a muhil a.Nizan kha chuan engtinmah a awm lem lo mahse vawiin chu a rawn la tho chhuak peih lo,"a rawn tih chuan ka thaw chhuak hak."Nurse te emaw kha ko leh ta che u,kha tia a awm reng chuan a ṭha lo ange,"ka ti vak ringawt,ka inthiam lo bawk si,a awm dan chuan min ti hlauthawng zual zo vek bawk.


"Aman a duh tawh lo a lawm,haw a duh zawk a mahse tunah chuan a mu leh tawh,a rawn harh hunah chuan a haw a tum leh ringawt ang,"a rawn tih chuan ka thaw hak,hepa mai mai hi engnge maw a hriat le?



"Ka..ka rawn phei ang,"ka ti bah nawk,hmanhmawh deuh chuan ka insiam sawk sawk a.Engvanga haw tum lui tlat nge mawni le?Dominic te ringawtin an buaipui thiam ka ring chiah bawk si lo,ka hlauthawng takzet.


"Khawnge i chhuah dawn?"kawngka ka thleng ṭep tihah chuan nutei chuan choka aṭang a rawn ti lang lang a."Ka...ka ṭhian zana lo leng ṭhin kha a chesual a,ka va kal ve lawk,"ka hmanhmawh tawh bawk si chuan ka ti nawk nawk,min chhanna pawh nghak hman lo chuan ka chhuak zui a. Dominic damdawiin kawtah min chang turin ka ti a.



"Remrem,"ka hawi kuala Dominic chu ka va hmu nghal mai.



"Tunah tuin nge awmpui?"



"Venan a awmpui a,midang ho pawh rawn phei an tum,"a tih chuan ka bu nghauh a,room pakhatah chuan min hruai lut a. Zonunsanga chu lu tuam bur chungin damdawiin khumah chuan a lo mu a,a kut leh lam a in tuam bur bawk.A insualna kha a hmai tlemin a khem deuh bawk.


"A bulah sawn va ṭhu mai rawh,"a tih chuan ka bu nghauh a,Zonunsanga hmel ka hmuh chuan ka inthiam lo thar kher mai. Nizan khan a thusawi kha lo awih sak mai ila,ka natna kha chu theihnghilh mai ila ti hian a awm kher awm si lo a.


"Engtinnge a chetsual theih a?"Zonunsanga hi eng ang pawhin tlan chak mahse a khalh thiam lutuk,bike a a chesual hi mak ka ti."Ka hre bik lo,tlan liam tum hrim hrima a ang mahse a vanneia a na lutuk lo hlauh a,"a tih chuan Zonunsanga chu ka en ngawih ngawih.Ka thiamloh vek a ni,kha ti khan ka ṭawngkhuma, harsa ti zet chuan ka thaw chhuak hak.Kha thil thleng vang khan a nunna lak a tum tihna ami?Zonunsang,i van mawl tak.


"I ngaihdam theih beiseiin hetah a lo pan che a,i ngaidam thei mai lo ami?A nun hman dan engkim chu i hriat sak vek kha,"Dominican a rawn tih leh chuan hnuailam ka melh tluk tluk ringawt.A chungah thil ṭha lo tak a thleng a nih chuan ka inthiam thei tawh ngai lo ang.


"A van harh har tawh,"ka ti deuh chhen,a chunga thil ṭha lo a thlen mawlh ka hlau a ni.A thawk dan erawh engmah dik lo a awm hran lo mahse a harh har ka ti takzet.A harh hmaa kalsan daih ka duh bawk si lo.Ka inthiamlohna avang chuan ka tawt ru ṭun mai.'I chungah engnge maw a thleng a nih ngai chuan ka inthiam thei tawh dawn lo ania,'tiin ka phun chhuak sap a,Zonunsanga kut chu ka hum vang vang. Ka kut te chu a thlan huh dap mai,ka zam tak zet. Ka kalsan leh thei kherin ka ring tawh lo chutih rualin ka nute ka ngaihtuah thleng lo thei lo. Mahse Zonunsanga hian thil atthlak tak ti leh tase tun ang hian a vannei tawh kher lo ang. Rilru chu a vak kual duh kher mai.



A chet deuh hrat chuan ka hawi chhuak vata. "Engnge hetah i lo tih?"min hmuh rual chuan a ti chhuak sup."Ka rawn kal hmu tur che in,"ka tih chuan in nem kang deuhin a rawn ṭhu a,khum bula tui an chhawp chu a in khalh khalh."I..i.i ṭha em?Engvanga khatiang thil kha ti nge i nih?"ka aw chu a lawi rat mai. "Ṭha,helai hmunah tinge i lokal duh?"a ti deuh hmuk,ka lakah a thinrimin ka hria mahse a awm lo hran lo.


"Ti khan lo inbe ru,kan chhuahsan ang che u,"Dominic chuan tiin an chhuak zui a.


"Tihnat che kha ka tum ber a ni lo ania,ka ti tak tak.Khatiang khan ka tina dawn che tih hria ilang chuan ka ti hauh lo ang,"ngawi renga a awm hnu chuan a melh ngai melh reng chuan a ti chhuak sap a. Hetianga dinhmun hlauhawm a awm hnu pawh chu bawk chu maw?



"Ka hria Zonunsang,ka ring che.Engvanga khatiang thil ti kha nge i nih?"ka ti ṭha leh ngat.



"Mahse engvangin nge hetah i lokal,i bialpa khan a phal ami?"ka zawhna pawh min chhang lo a tih chuan ka ner nawng.



"Ka bialpa a ni lo,ka ṭhian mai mai chauh a nih kha."


"Tak tak maw?"a hmel chu a eng sawt sawt in ka hria.Ka bu nghauh,a nui suk. He mimawl hi,mimawl min ti fo mahse kei aiin a mawl zawk fe.


"Ka zawhna kha min chhang tawh rawh,"ka tih chuan a ngawi vung vung. "I tello chuan ka thei lo ang ka tih kha,nizan kha chuan thih pawh pawi ka ti tawh miah lo,"a ti thlawt,insum hmanloin ka kuah thlawp. "Khatiang thil atthlak kha tih tum tawh suh ang che. I hria maw Zonunsang. I chungah thil ṭha lo thleng se engtinnge ka awm anga. Vawikhat mah khatiang thil kha ti tawh suh ang che mimawl pa,"ka ti deuh ṭiau,ka hlauhthawnna ṭhenkhat kha chu a kiang hawk.


"Min ngaidam tawh tihna ami?"a tih chuan ka in la hrang vat a.



"Ngaihdam loh ngam pawh i ni hleinem,"ka ti hlak,a nui suk duh chauh.A lu tuam bur ka hmuh chuan a lu a na tih kha ka hrechhuak ve leh chiah. "I lu kha a na tawh lo ami?"tiin a lu chu ka kawk zeuh.


"Nizan aṭang a khat tawkin nachhawknain min lo chiui ṭhin a,engmah na ka hre lo hrim hrim." Maw??


"Doma khan nichin...hetiang intihderna chi a ni ngai ami?An van mawl tak,min tihhlauhthawnzia an hre lo ami le?"ka ti chhuak nang nang,Zonunsanga chuan thilawm dan chu a hrethiam a ni ngei ang a nui suk. "Tah lo ṭhu rawh,"tiin a khum chu a beng thauh thauh. Ka ṭhut thlak rual chuan a kut an tuam lohna lam chuan min rawn kuah a,ka darah a hmai a phum.



"Remruatkim,ka ngai che. Ka ngai takzet che,"a ti chhuak sup,a thusawi vang chuan ka danglam zawk. Ka lung chu a phu leh dup dup bawk,keipawn ka ngai takzet.



"Remruatkim kan ṭha leh tawh tiro?"ka mita min en run chung chuan a ti sup,ka nui hmel a tawp ta ruai ruai in ka hria. Ka nu leh a pa chu chang hi a hria em ka hre lo mahse tunah hian ka hrilh lo a nih chuan nakinah buaina kan la tawk leh dawn.



"Zonunsang,"ka thaw deuh halh,sawi ṭan dan tur ber ka hre lo.



"Ka nu leh i pa..ka sawi awmzia chu ka nu..i mi.."



"Ka hre vek tawh alawm,"a tih chuan mak ti zetin ka en. "I hre vek tawh maw?"ka tih chuan a bu nghauh,kan inzawm a rem tawh lohna chhan a hre vek mahse hetah tinge a rawn kal leh si?


"Ka nu i hua tih ka hria,haw lo turin ka ti thei hek lo che.Chutih rualin ka nu a nih na a bo bik lo chuvang chu a lawm inzawmna kan neih theih tawh loh,"ka ti chhuak hap a. A kut pakhat chuan ka banah min pawt dawr a,a awmah min kuah hlu hlu.


"Pawi ka ti lo,chan leh che ka duh lo.Min kalsan tawh suh.I nu ka hua em ka hre tawh lo,ka hriat zawng chu min kalsan nawn leh ka duh lo,engvang pawh nise,"min kuah chung chuan a ti sup.


"Mahse kan chhungten phallo ta se,"ka ti leh sap.



"Phal lo pawh nise,ka sawi tawh kha. Chan leh che ka hlau ber.Ka ta anga ka sawi theih awm chhun i ni,chuvangin nang leh zel chan che chu ka duh lo. Phallo pawh nise,ka tan chuan i thei ang tiro?"a tih chuan ka bu nghauh. A neihchhun anga min ngai tu hi ka kalsan thei bik lo a ni. Ka chalah chuan a fawp vang vang.A rawn kun hniam chuan ka hmuia min fawh a tum tih ka hria ka hmui ka lo hup vat.



"Engnge?"a ti hmuk.



"Khanu nen khan in in kiss em?"ka mitthlaah kha nu nena an in kiss tur ang khan ka ngai tlat,ka thik lutuk bawk.A nui chhuak deuh huk chu ner nawngin ka en."Kiss mai mai lo,Doma bialnu tura ka hauh lawk a nih kha. Thik thu ch$ reuh lutuk,"tiin ka hnarah a rawn piai vak,ka in rin hma hauhin ka hmui a rawn bawh thuah nghal.


"E,e,e..hemite pahnih hi thlah fal chi an ni reng reng hleinem. Zonunsang i damlo ve chu i va tenawm ve,"rawn ti lut lawng lawng tu chu Bena a ni.Rang zet chuan ka in la sawn vat,hemi te hian sawi hreh an nei si lo. Ka zah sa tawh nak alaiin min chhaih reng leh nghal.
An ṭhianpa ber a chetsual chuan Kristmas ni ni ah an lo phei suau mai a lawm le.



"Dominic,engvangin nge dawt min hrilh a,hmela,"ka tih chuan a nui duh leh chauh a ni. "Ni e,ngati nge i lo hrilh?"Zonunsanga chuan a lo ti ve thung."Nang kha ka ṭan e lo ti lo mai teh a,keimah vanga awmdun leh mai mai thei chauh in nih kha aw,"a rawn ti zek,engmah sawi tur kan hre ve tawh lo.


Ka tum aiin ka awm rei a,ka nuin min rawn call chuan ka haw nghal vat tur thu ka sawi a. "Ka nuin min lo call a,ka haw dawn," Zonunsanga bula ka tih chuan a ui hmel hle,ka nuih var var a nuih pawh min nuih let duh lo a tum hmak.Haw tur chuan ka in siam vek tawh,midang ho pawh chu an thlenna hmun lamah an phei rih a,Dominic te nen chuan kan pathum chiahin kan awm.


"Ka haw ang aw,"ka tih chuan min melh ngur.


"Lokal hnai teh,"tiin min hui a,ka va kal hnai mai. Dim lo zetin ka scarf awrh lai chu a phelh a a paih daih! "Engnge?"ka ti ha,scarf chu chhuatah a thehthla hnawk."Khapa scarf hi tinge i awrh?"a ti hmuk,ni dawn tak heihi nizana Malsawmzuala scarf min awrh tir kha a ni. Engtinnge a lo hriat leh hman,thik thu chhe bawk si. Chhar suh a ti chung chu ka chhar lui.


"Nizanah a vawt ka tia min hawh tir a lawm, nakinah ka pe let ang,"tiin leia a scarf thehthlak chu ka chhar a ka beng fai thauh thauh.Chutia ka hrilhfiah takah chuan a hma ang em em chuan min melh rum lo.


"I pek dawnah pawh a falin hmu lo la,ka awm laiin i pe ang,"a la ti hram,a lawmna a nih phawt chuan tiin ka bu nghauh a. Minute 15 tal awm tura min ngen tlat avang chuan ka awm khaw muang leh hram a.A damlo pangchang lutuk chu Zonunsanga a ang lo hial zawk.Phallo viau mahse tih ngaihna a awm lo,damdawiina riah chilh ngawt a tih chi si loh a ka haw ta nge nge.A kut khing khat chauhin message a type thiam si lo min lo call chhen bawk.Reife kan inbia a,darkar em pawh a ral hmain min lo call leh ṭhin,sawi tur hre lo zet chuan kan dah leh nge nge ṭhin.



~~~


Tunah chuan Zonunsangate pawh an phei leh tawh a,school pawh kan ṭan leh tawh. Zonunsanga chuan ṭha taka a awm tur thu a sawi ve thlap. Kan pahnih tan lehkha a zir tur thu nen. Kha Zonunsanga hmasa zawk hretu tan kha chuan a awm lo lek lek ang mahse ka Zonunsanga kha a ni miau a,a thei ngei ang tih ka chiang bawk.


Zanlamah kan in be awl lo a,kan lehkhazir hun tur tukin kan zir dun ṭhin. A tir chuan harsa a ti ve khawp,a ning thuai zel bawk 'Chawl tawh ila,'a rawn tih reng loh leh a lo muhil daih zel mahse a rei hnuah chuan ngaiah a nei chho ve bek bek.A pa nena an boruak pawh a hma ang em em a nih tawh lo thu a rawn sawi ṭum a ka hlimzia kha ka sawifiah thiam kher lo.


A pain a bula a sawi zawng zawng pawh min hrilh vek a,a ngaihdam a rin theih tawh loh thu pawh mahse thisena in zawm nge nge hi chu a dang a ni ngei ang.Mihring chu kan hma hun kan hre lo a,thil tihsual palh nei thei vek kan ni bawk. Ngaihdamna hi awm lose chuan tu mihring mah hian a mihring pui lakah inzawmna a siam thei lo ngei ang.Tute pawh thil tih sual nei vek kan ni a,inngaihdam tawn ngai vek.Mi haw reng reng a awm ai chuan mi tumah huat kan neih loh hian kan nun a nawm zawk ngei ka ring.


Zonunsanga ngaihdam ka tum hma kha chuan a thil tih sual vang khan ka na tlat a,ngaihdamna ka neih chinah erawh khang zawng zawng kha a bo vek.Kan inkar pawh duhthusamin a nuam leh tawh.A thil tihsual ka hrit run kha chuan tihnat let ve chakna ka nei lo thei lo a lo ni a mahse ka tihnat ve khan eng rilru nawmna mah ka nei chuang lo. Kawng awlsam zawk anga ka ngaih kha ka lo thlang mai chauh a ni.Mah se tunah chuan a harsa anga ka ngaih amah ka ngaihdam theihna kawng kha ka zawha ka hahdam phah hlauh thung.


~time skip~


"Ka awm tawh aw,i hman hunah lo chhuk rawh,"Zonunsanga message ka hmuh chuan rang mang khengin inhnuaiah ka chhuk. "Ni Puite kan chhuak tawh dawn aw,"ka ti a,ka tlanchhuak nghal.Board exam kan zo tawh a,kan result kan nghak mek.



"Min nghak tawh,"a tih chuan hmanhmawh zetin bike ah chuan ka lawn a. Dominic te in lam,kan innghah khawmna tur hmun lam chu kan pan ve nghal a. Kan thlen chuan an lo kim ṭhap tawh,Nutei leh Fiona chuan min hmuh chuan min kuah nghal chung chung.Nimin tlai lamah ka phei chauh a,kan la inhmu hman lo hrim hrim.


"Nangni pahnih hi inngaihzawn vang maia tlai tur a ni mi?"Dominic chuan thinrim si lo hian a lo ti hluk hluk. Kan hmanhmawh deuh tawh avang chuan Zonunsangate huan lampan chuan kan kal a,kan thlen meuh chuan ni pawh a sa ṭha tawh vawl vawl hle. Tui pawh ka cheng ve lo,ka thlatin hlawh ka lak avang chuan lung chungah ṭhuin ka dai mai mai.



"Sawmte,exam chu i ti ṭha em?"ka hnaih bera Sawmtea ṭhu chu ka zawt a. "Aw,Remrem ka hrilh ang che,ka hrilh ang che,"phur zet chuan Bena chuan a rawn ti a.



"Sawi kher a ṭul lo,"Sawmtea chuan a ti hmuk.



"Kan sawi dawn tho tho,hei kalsawn daih suh. Zoa lo chelh bet rawh,"Bena chuan a ti lang lang a,Zoa chuan a lo chelh bet bawk. "Board exam hmasa ah kha chuan a bula hmeichhia kha a bem a,a pass thei a.Khatiang kha a tawn leh a beisei mahse tun ṭum chu a bula ṭhu kha mipa tlema nu deuh chi hi a ni a. Sawmtea kan ṭhianhoa hmelṭha chhuanvawr hi a hmei a pa duh rawn a lo ni si a,chu pa chuan alo star hlauh a,"Benan a tih chuan sawi pawh a sawi zo thei lo,a nui leh ṭhin. Keini ho pawh chu za zetin kan lo nui.



"Mahse kan Sawmtea hian mipa chu a lo duh bik lo nasa mai,entawn loin a exam phah ta a,"a tih chuan a ṭhiante chuan kut an beng dar dar,hemite ṭhian ho zet hi chu.


"Khatiang ka duh teuh lo mai,entawn tur te kha min pek a tum a,ka duh teuh lo. Ani ta en tawn ai kha chuan fail ka thlang fe zawk," Sawmtea chuan a ti pawr chhur."Kei chu i bula nula ṭhu nen khan inhmeh ka lo ti viau che u asin,"Dominican thu tak deuh a tih chuan a thinrim kher mai."Zawng ho,sawi pawh sawi chhuak tawh su,"tiin a hleuh sawn hmak,ka nui lo thei lo.



"Kan spotah kal leh tawh ila,"ka benga rawn phun sur sur chu ka melh chho ha,nui suk chung chuan ka bu nghauh a. Kan spot thingkung nuam zet hnuai lampan chuan inkai rialin kan in zui chho a.



"Ala ngai reng a nih hi,"a hmun kan thlen chuan ka ti hap a,ka hnung aṭang chuan min kuah hlu hlu.Thingkung hlim chinah chuan puan phahin kan mu a,a ban chu min kham tir.



"Exam chu i pass i in beisei em?"tiin ka va en a,a lo maimitchhing leh vang vang tawh.



"Umm,ka pass chiang sa,"a ti sup. A confi lutuk tlat,a pass ka ring ngei bawk."A ṭhat nasat chu,hmun hrana awm tawh loin zir dun zel ang aw,"ka tih chuan thatche zetin 'Umm' a ti hram.


"Remruatkim,ka nun tifamkim tura i lo tel ve avangin ka lawm e,ka hmangaih che,"ngawi renga a tih chuan ka nui sak. Ka hlim lutuk chu ka sawi thiam lo zawk,Zonunsanga hian a ti lang fo a mahse a sawi hian a chiang leh zual a ni. Hmangaihna hi a awmzia min zawt a nih chuan ka sawi thiam dan ber chu Zonunsanga hi a ni mai.A bak sawifiah dan ka hre lo.


"Keipawn ka hmangaih che,"ka tih chuan ka chalah a rawn fawp zeuh. Ti hian kan awmdun tawh chuan engkim hi a famkim vel vek zel. Ngawi reng chuan kan mu a engmah kan sawi dun lo chung pawh hian ka hlim em em a ni.



"Zonunsang,nakinah engnge i zir zel ang? Engnge nih i duh?"a lam hawia sai sir chuan ka ti a,ani pawh ka lam hawi chuan a rawn mu ve a. "Ka hre lo,"tiin a nui suk. "Mahse ka duh ber chu i tana mi tuemaw nih kha a la ni reng,"a ti sup a. The Banners ho hla SOMEONE TO YOU chu kan ngaithla dun a,a hma ang chiah khan.


Tun hun leh khalai inkarah khan thil tam tak kan rin phak ngai hauh loh a thleng a,khang buaina kha kan tawk dawn tih kan hre hauh lo.Tunah pawh kan hlimna hian eng chen nge a daih dawn ka hre lo mahse kan hringnun zinkawng tawi teah khan thil pakhat ka zir chhuak a. Thihnain min ṭhen hma chu he kut ka chelh lai mek hi ka thlah tawh ngai dawn lo a ni.



A TAWP TA


SOMEONE TO YOU chu Pathian hruaina hnuaiah kan zo fel leh thei ta e.He thawnthu min ngaihhlut a min chhiarsak ṭhin tute in chungah lawmthu ka sawi e.In beisei pawh a pha kher lo maithei a,in zir chho ve bek bek kan ni tih min hriatsak ula.Pathian zara damtea kan awm chuan school te han lut phawt ila story thar nen inhmuh kan tum leh dawn nia💜

*** KAN WEBSITE A FAKNA LAM THIL MILEM LANG THIN I LO HMEH ZEUH HIAN KAN WRITER TE HLAWH KAN TUMSAK ZEL TIH KAN HRE THEUH DAWN NIA, KAN LAWM E***

Website story link ho awlsam zawka in zawn hmuh zung zung theih nan STORY FB group siam a ni a. Whatsapp group pawh siam a ni e. Complete tawh ho zawng zawng leh story kallai kan dah vek avangin avangin in lo join theuh dawn nia..
Group link : https://www.facebook.com/groups/991354610918230/

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)