SOMEONE TO YOU by NUTTY GIRL (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

Re: SOMEONE TO YOU by NUTTY GIRL (Completed)

Unread post by Ngaia » February 21st, 2021, 1:55 pm

SOMEONE TO YOU



BY:


NUTTY GIRL


ABOUT US


💜To love is nothing,to be loved is something. To love and be loved is everything~ Bill Russel💜


CHAPTER-13


"Nimin ang khan lo haw tlai lutuk tawh suh aw,"Papuian damthluama a qatih chuan ka bu nghauh nghauh ringawt. "Vawiin lamah in result a chhuak dawn bawk a,Remrem i result ka hre chak ania. Nang pawh Bawihi i pass ngei ka beisei ania,"Papuia chuan chaw ei pah chuan a ti deuh charh charh. Kan result a chhuak dawn tih pawh ka rilru kal dinna lamah ka lo ngaihtuah tawh lo hrim hrim.



"Aa,ka tih ṭhat vak pawh ka inbeisei lo,"ka ti sap a.



"I ti ṭha em em ang,subject zawng zawng a letter mark i khum vek chuan i duh duh thil ka lei ang che. Nang pawh bawihi i pass chuan i duh duh a ni mai,"nui deuh huah huah chung chuan a ti a,ka lo nuih ringawt. Ka nu ang mai Result chhuah dawn chuan a phur thei lutuk tlat.


"Pa,a mak,ka fail dawn ka tih vang mai a khatia i tih kher. Ka pass ka in rin ve a,ka confi em em chuan engmah min lei leh duh awm tawp si lo,"Emma chuan ti tau ti tih chuan a rawn ti a,Ni Puitei nen chuan kan nui hak hak.Emma nen kan inhauh hnu a in lama ka mood fuh ve ber ṭum a ni ngei ang."Ni e,i pa hi chu a phakar ve ngawt mai,"ni Puitei chuan fiamthu zet chuan a rawn ti ve a.



"Vawiin chu keipawh ka lo haw hma dawn,nangni pawh leng kawi suh ang che u," Papuia chuan phur zet chuan a ti sawt sawt. Ti hi chuan haw hma loh na chi pawh a nih loh tawp hi a.Chaw kan eikham chuan inchungah ka chho a,ka phone ka bih a ka nui var var.



Zonunsangan a phone a ka thlalak ho min rawn thawn hlawl a. Kan class group ah tak ngial pawn a awm ve lo,ka ṭhiante ho sawi dan chuan midangina a number an neih a duh viau lo,a chhungte leha ṭhiante lo chu.Engvanga a number ka neih vanga lawm viau nge ka nih pawh ka in hre lo mahse ka hlim veng veng.



Ka nuin school kal hma deuh chuan min lo call a,kan result chungchang bawk a rawn sawi. Ka rin ang chiahin Pa Puia ang bawkin a phur. Ka duh aia rei min bia a. "Nu,school ka tlai ange,"ka tih chuan a dah ve thei hram chauh a ni.



"Pa,thlah kan ngai lo aw,"tiin Emma-i chuan a ti a,kan in zui chhuak nghal. Inah chuan kan inbe tam lo naa boruak tichhe tur zawngin kan la awm lo. Mahse min chik deuh tan chuan a hmaa angin kan awm lo tih chu hai rual a ni lo.



"Engnge thil thleng kha,Zonunsanga pa zia kha.Engvanga ka message seen lo nge i nih? In in hre ṭha hle a nih loh chuan khatiang khan Zonunsanga kha a che lo tawp ang. Engnge in inkarah awm?"class ka luhrual chuan Ruatpuii chuan a rawn ti nghal chung a,a ṭawng ring ṭha leng lawng bawk a,midang pawh chuan min melh deuh ṭhap.Nizana a message ho kha chhan dan tur pawh ka hre hlawm lo.Fiona Melody leh Nutei chuan ka chhanna hriat chak zetin min rawn pan hnai bawk.



"Engmah thleng a awm lo."



"Awih awm loh lutuk,Remruatkim. Khatianga Zonunsanga a che a nih chuan in zawmna thuk tak....oh nangni hi in inngaizawng chiang,"Fiona chuan a rawn ti a,an phi cheng mai.


"Engmah a awm lo,ṭhian ang a ni mai,"nimina kan awmdan ka ngaihtuah pah chuan ka ti a,ka nui sak. "Awihawm loh lutuk,sawi mai mai teh.Hmeichhia pawh hnai ngai loin khatiang khan i chungah a lo che teh thut te kha,in inkarah engmah a awm lo a nih chuan a thleng lo tawp ang,"Nutei chuan a rawn ti ve bawk a.



"Ka ti tak tak,Zonunsangan hmeichhia a huat zia hrechiang tu in ni a,engtinnge kan inngaihzawn in rin theih,"ka tih takah chuan an bu tliar tliar a. "Nia,mahse a mak e,"Melody chuan a ti sap. Pa an tih zia leh mak an tih zia pawh chu an sawi bang thei lo,a khat tawkin an sawi chhuak leh phawng phawng ṭhin.Bell a rik rual deuh tho chuan Zonunsanga a rawn lut a,ka ṭhiante ho chuan min melh deuh ṭhap. Ruatpuii pawh chuan hnuailam aṭang chuan min rawn kheuh leh zeuh zeuh ṭhin,ṭha fe a awm ka tum ve nen min rawn kheuh nat em avang chuan ka ṭhen tlawk tlawk,Zonunsanga chu kan lam hawiin a rawn nui sak a,thawm a la ri hak zui.



"Chawhnu lamah Games vel in ti leh anga,last period angah School Hall ah kal tur a ni anga, result puanna hun neih a ni ang,"Miss Ruatfelin ati lauh lauh chuan an ri deuh mur mur.



"Awi,kei chu ka zam e,"Ruatpuii chuan ka kut sik neuh neuh chung chuan a ti halh a,"A ka zam leh lo,a ho e first chauh a lawm le,"a ti leh ṭhin. A awmdanah chuan a zam zia chu hairual a ni lo.



"Ho e,fail leh kan zir ṭhat loh man kan hmu a ni mai a,pass tak hlauh leh vanneih thil thu liau liau a ni mai. Exam laiin in vawn sem ang u ka ti mawlh mawlh a,induh lo a nih kha,"Fiona chuan hnunglam lo hawiin a ti sa sa bawk.Lunch brake bell a rawn rik chuan an tho nghal suau suau. Kan kalna apiangah Zonunsanga nena kan chungchang sawi sap sap an awm reng bawk,Zonunsanga ang chiahin engmah thleng lo angin ka awm ve tawp.



"Chawhnu lam chu volleyball beng nghek ila maw,result chau hnapin kan han ngaithla anga,a ṭha dawn lutuk,"Fiona chuan a rawn ti a,kan nui dar dar reng. Nimina thil thleng vang kha a ni ngei ang,ka zia deuh hawk mai. Ka ṭhiante bulah pawh thinlung leh tih tak zetin ka nui thei tawh.



ZONUNSANGA POV.


"Zonunsang,a fair lo hle mai zanah engkim ka hrilh ang che min ti a mahse ka message tak ngial pawh i seen lo a. Min hrilh fiah tawh rawh,"Doma chuan ka bul a lo thlen thlak rual chuan a ti a,kan class hmeichheho volleyball beng ka en lai chu en vein a nui ve suk.Ni dawn tak,niminah khan Remruatkimi nena kan chhuak kha mak a ti viau,a chhan ka hrilhfiah tur thu ka sawi hnu chauha bag pawh a rawn la thla ve duh chauh kha a nia.



"A chhan ka hre bik lo,a bula awm ngai tlatin ka in hria. Tihpalh thil thuin kan in hmu fo a,ka hnaih tawh lovang ka ti ve a mahse thil engnge maw vangin a bulah ka awm a ngai leh a,"ka ti sup a,ka ṭhianpa nui ṭhaw a min en tu chu ka melh zeuh. Melh zeuh chauh a ni,hmeichhe ho ball beng chu ka en a. Hmeichhe pakhat a theih tawp a zuang ve leh ak ṭhin chuan ka mit a la fal nalh mai. A chet dan engkim mai chu chik takin ka en.


"Ka hre tawh a lawm a laka i rilru put hmang chu. Tih palh thil thu emaw thil thleng palh a ni lo,ruatsa a nih kha. Keini hmangaihna lama mi ril chuan khuanu ruat kan ti ṭhin,"ka ṭhianpa mit siai saka min nuih tu chu ka melh hrawk.
Keiin a lakah engnge ka duh ka hriat loh laiin a ni hian a hre lo ange.



"I dawt sawi a tal awk ṭhin hmeichhe â tak ang ka nih ve loh hi,"ka ti hluk.



"Engmaw i awih loh? Khuanu ruat kan ti ka tih kha maw? Kan ti miau sia lawm keini hmangaihna lama tlan par par thei chin te chuan."



"Engmah hriat i nei lo."



"Kan Zonunsanga hi hmeichhe pakhat vangin a lo hawi â ve reng tih hi ka hai lo nasa ania,i ka aṭanga i sawi chhuah hun ka nghak mai chauh.Dude,ka sawi sual lo ang ani pawh sawn a duh che tih ka chiang,"tiin ka darah chuan min rawn beng thak thak. "Le, Remruatkimi hmangaihna zunzamin a bual at vel pa,game an ṭan ṭep tawh.En kham lo hle mahla field lamah va phei ang le,"ṭul teh duah lo lutuk. Dom nen chuan Field lamah chuan kan in zui phei a,Remruatkimi laka ka rilru put diktak hi keimah ngeiin ka la fiah ang.



REMRUATKIMI POV


Kan volleyball beng Zonunsanga te ṭhian dunin min en vang chuan a tirah ka lai ṭut mahse a hnuah erawh ka confi phah em em thung. Kan game pawh chu kan khel mumal thei hauh lo,Zonunsangate meuh khan min lo en miau a. Hmeichhe ho an phun leh sap sap ṭhin,game ah aiin Zonunsanga lamah an rilru an pe zawk tlat.



"Le,nangni ho chu in duh chuan in chawl thei tawh ang,"Sir in a rawn tih chuan bathroom ah an lut sang sang. Kan ṭhianho chuan bathroom lampanin kan in zui phei diah diah."A hmain a ṭhiannu bialpa a lo ngaizawng ve a,tunah lah Zonunsanga. Engtinnge mipa hi a thlem thiam em em le,"bathroom kan luh hmaa hmeichhe rual ho thusawi ka hriat chuan ka ding deuh dat. Engah mah ngai lo ang chuan ka lut hmiah.Kan luh chuan engmah an sawi zawm bik lo.



"Rem,an thik vang mai mai che a nih kha,thik tham khawpin i ṭha a an rilru i tibuai hneh tihna a nih kha,"Ruatpuiin a rawn tih chuan ka nui ve sak. Hetianga sawi sep sep nih hi ngaiah ka la nei thei meuh lo,ka la na ru ve fo mai. Mahse a hma ang em em chuan ka nat pui tawh lo.Mipa ho inkhel kan en zawh chuan last period a ni nghal ti tih der,school hall lamah chuan kan phei duah duah. 9 aṭangin an puang a,top 3 an la ko chhuak zel leh nghal a rei duh khawp.



"Tun ṭum Arts1 ah hian pakhatna chu Remruatkimi.." ka hming an lo lam chuan ka ṭhiante chu an phusa nasa hlawm ngang mai. Keipawhin ka awih lo mahse a ni miau.



"Va chhuak vat rawh,"tiin a nawr in min nawr chhuak. Stage a lawn chu ka zak deuh,tih ṭhan a ni lo bawk nen ka lai deuh ṭut mai. Kan section ho ṭhutna ka va en chuan Zonunsangan nui suka min melhna chu ka va hmuh hmaih lo nasa mai.



"Oh..Arts1 hian pakhatna pakhat chauh a nei hauh lo mai Section A lam aṭangin Nelson Lalfakawma,"Miss Ruatfeli chuan zei takin a puang a,kut an lo beng dar dar. Ka bula Nelson a rawn din chuan ka nui tawi tak ringawt.


"Awi,i van bawn em em. I rawn lut thara pakhatna i hauh nghal ringawt.Ka van chhuang tak che. Section A ho hi lehkha an thiam em em a,pakhatna hi an hauh char char zel ania. A dawtah phei chuan ṭang nasa rawh aw,avan nuam tak. Section B nih man hi a van awm dawn tak,"Melody chuan function kan hman zawh velah chuan a ti siam siam a. Ka lawm ang chiah hian min lawmpui tih ka hriat hian nuam ka ti tak zet.



In mi hriatthiam ka rawn dil leh ta tawp 😂 Inneih vel hian tih tur a lo tam thei lutuk a,ka rawn type tha hman thawt lo a ni e,😘



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » February 21st, 2021, 1:56 pm

SOMEONE TO YOU


BY:


NUTTY GIRL


CHAPTER-14


CAN YOU DRIVE ME TO SOMEWHERE?


💜Whatever our souls are made of,his and mine are the same💜





Class ah kan lut khawm leh nak nak a,min lawmpui ve liam liam bawk,ka lo nui ringawt ṭhin. Ka zak deuh ti tih nghal der,miin min fak vak te,min sawisel vak te hian ka awm thiam lo. Mihring hi chu huat ai chuan fakduh ṭheuh ni mahila kei chu ka hmaa min fak hian ka awm a nuam lo rum rum zel a,han chhan let ngaihna hi ka hre ṭhin lo hrim hrim.



"Awi,ka nu ka pass ve nia mawle,"Fiona chuan mak ti deuhin a rawn ti vak a,Melody leh Ruatpuii pawh chuan an pass thu an rawn sawi ve. "Awii,a nuam e,ka huphurh ve tehreng nen,"Ruatpuii chuan thaw deuh huai chung chuan a ti a,ka lo nuih sak.



"A awl em a lawm,"Melody chuan nui har harin a rawn ti a,an pass tih an hre ta chu awlsam an ti leh viau lawi a.



"Ayy,kei aiin ka chhungte an lawm dawn sia," Ruatpuii chuan nuam a ti lutuk,a nui leh hak hak zel. Zonunsanga ṭhutna lam ka va hawi phei chuan a lo bawk daih. "Hei,hei Zonunsanga result i hre chak ami?"Fiona chuan ka va melh a ni tih hrechiang zetin a ti a.



"Ka hrechiang sa,saw pa saw a pass lo,"nui vur vur chuan a ti a.



"Awihawm loh e,engtinnge i hriat?" A pass ka ring bik lo mahse huai taka a pass lo tih a sawi chu mak ka ti deuh.



"Saw pa saw chu hmelṭha viau mahse lehkha zir hi chu a peih thlawt lo mahse a hunah chuan a pass na tham chu a ziak leh thei tho zel,"a rawn ti sa sa a,a dik viau ang.



"Remrem,i lo thiam thei hle mai. Zanin chu kan lawm dawn mi?"Dominic chuan an lam ka hawi lai chu min rawn hmu fuh a rawn tih chuan an ṭhianho titi chu an tawp hmak a,min lonuih vur vur hlawm.



"Nia,lawm ila,"Bena chuan a rawn ti ve a,ka lo nuih ringawt.



"Nia,kan la lawm dawn nia,lawm thamni teh ual lo mahse."



"Chu ai pui lawm tur kan nei nang tiro,Dom? Keini ho chuan fail te a lawm kan lawm ṭhin," Vena chuan a rawn ti ve a,a nui ho dar dar. An infiam nghal sap sap a,Zonunsanga bawk ngar vang chuan tlemin ka hnual ringawt leh nghal a. Sir lo luh chuan kan ngawi nghal ṭhap.


"Rin aiin fail in tam a,in exam hmasak berna a ni kan ti a,kan ti awl mai mai zawk a,"Sir in a tih chuan an ri nghal hak."Fail in tam em a, monthly test kan nei char char tawh ang,kum tawpa sports pawh kan ṭhulh leh ang,"a tih leh chuan an phun nang nang hlawm a.


"Remremi pawh i theih tawp i chhuah zel dawn nia,"a tih chuan ka lo bu nghauh. Sir Ricky hi chu a fel a,a nelawm ve reng bawk.



"Rem,leng kawi ila vawiin tlai chu,i pass lawmna a ni mai,"Ruatpuii chuan gate kan pan lai chuan a ti a,zingah Papuian haw hma tura min tih tawh avang chuan ka hnial nghal a



"A ho e,an hrethiam tho ang. Bakah kan rei dawn lo,thil kan ei zawk dawn nia,"Fiona chuan a rawn ti ve nghal zat a,hnial ka tum pawh chuan hnial theih loh khawpin min tur nasa. A vau in min vo ti tih.



"Awle,mahse darkar chanve ai rei awm lo ang u,"a tawp a tawpah chuan ka ti ta nge nge. "Yess,i lo tel ve ngai si lo a,kan sawi reng zel che aw,"tiin Melo-i chuan min rawn kai sawt sawt. Papuia pawh a la haw chuang lo ang,a haw hma chuan ka thleng hman hrim hrim.An sawi ang ngeiin kan awm rei lutuk lo,taxi ka la a,ka haw nghal thuai. Nidang a ka haw hun aiin a tlaichhe em em dawn lo,nidangah chuan ke hlirin ka haw miau a.Ka rin ang tak takin ka thleng tlai lutuk lo.



Ina ka luh chuan ka mi hmuh tum lutuk loh ho ka hmu a ka phu deuh zawk. "Emma-i ṭhiante chaw ei ka lo sawm a,in pass lawmna ni pah fawmin. I ti ṭha hle mai,Nelson nen hi chuan in ngaihtuah awm loh,i unaunu chu a pass ve chang chang hi chuan kan lawm em em mai a ni,"Ni Puitei bula ka thlenrual chuan a rawn ti siam siam.



"Ummm,a ṭhat chu,sawm duh em em ka nei ve lo,"tiin Emma-i te ṭhianhoa chu ka melh zeuh,Nelson chuan min lo nuih sak a,ka nui tawi tak ringawt. Ka ṭhiante chuan chaw lo ei se chu ka ti ve reng mahse anni ho nen hian kan in khak fek fek a ni anga,boruak a chhe zual mai mai ang.


"Remrem,i lo thleng tawh a ni maw?I van lo thiam thei em em,ka lawmpui tawp che,"Emma-i ṭhiannu Debbie chuan a rawn ti var a,nui sawng mahse a mitmeng chu a thip deuh hlar mai."Umm,ka lawm lutuk e,"ka ti a,ka nuih suk. "Ka han inthlak ange,"tiin Bawihpuia chu ka piai zeuh a,inchungah chuan ka chho nghal. U Mamate nupa an lo haw hma chu Ni Puitei hian a lo awm char char zel.



Ka inthlak zawh chuan result hrilh turin ka nu chu ka call a,a la lawk lo. Vawithumnaah chuan a ring ral dawn tawh emaw ka tih hnuah a rawn la ve hram.



"Aw,Bawihte."


"Nu,i dam ṭha lo ami?"



"Dam ṭha e,ka buai deuh a,engnge i result chu?"a rawn tih takah chuan ka thaw deuh huai. A rawn ṭawng tirh khan a aw a zuai riauin ka hria a,ka hlauhthawng hman lutuk tlat.



"Han ring chhin la."



"Ka va ring thiam lo e,pangana aniang,"a rawn tih chuan ka nui hak hak a.



"Nu,ka vannei tawp,ka lawmzia chu pakhatna kan nia Nelson nen,Arts pumpuiah erawh chuan pahnihna ang kan nia,Arts2 a pakhatna kha keini aiin mark khatin a sang a,"ka tih chuan a rawn ri nghal hlut.



"Awi,Bawihi ava lawmawm ve. Pathian malsawmna vang liau liau che a nih kha,khatah chuan lo awm ve ila chuan kan lawm tur ania. Ṭha deuhin zir zel rawh aw, Nelson pawh kha ka lawmpui lutuk tih lo hrilh la. Emma engnge a an,"a rawn ti dam dap a,a awah chuan a lawmzia ka hrechiang ve lutuk tlat.



"Umm,ih a pass ve aw,Nelson pawh ka lo hrilh dawn nia. Nu,ka ngai tawh lutuk che,ka lokal ve mai dawn,"ka ti a,ka mittui a tling nghal pam. "Aw,Bawihi keipawn.12 kha ṭha deuhin ti la,hetah ka bulah i awm tawh dawn a lawm.Hrehawm i ti deuh ami? Ka buai deuha ka rawn be leh ang che mahse naktuk lamah aw," inthiamlo aw deuh chuan a rawn ti a.



"Umm,nu. Ni Puiteiin kan pass min lawm sak dawn a,a nuam dawn lutuk,chaw kan eikhawm dawn a,"ka nu awm nuam lo deuha siam ai chuan tiin ka ti ta a. "A ṭhat hlauh chu, nuam ti deuh khan lo awm la.Ka dah mi aw, Bawihi,"a ti a,kan in mangṭhaa a dah zui nghal. Ka mittui far kauh pawh chu ka hru hul peih lo. Inhnuailamah nuam ti takin an nui har har te chuan ka nu ngaih a ti zual. Awm se chuan min bazar pui anga,"I duh ber ka lei ang che,"a ti leh ngei awm sia.



Kawngkhar a lo in hawn chuan ka mittui ka hru sawk sawk,Nelson lo lut chu ka melh kar ringawt. Tun ang chu ni lose chuan hepa pawh hian duat takin min kuah anga min lawmpui thu leh min chhuan thu a sawi ngei bawk ang. Ni lo,ani leh zel hi chu ka ngai duh lo,min tina tu mai mai chauh a ni.



"I nu i bia chu i lung a leng leh hle tawh a ni maw?"ka bula rawn kal chuan ka hnung chu a rawn beng dat dat a,ka mittui chu a hnai leh nghal kuar mai. Ani bulah hi chuan ka nu ka ngaih zia hrilh angai lo,ka awmdanah engkim a hre vek emaw tih mai tur ani.



"Umm,ka nuin a lawmpui lutuk che a,lo hrilh tur chein min ti,"ka in ngaihtuah harh hnuah chuan ti vutin ka tho nghal hluai a. Khuma ṭhu chuan min melh chho ran."Nang pawh i ti ṭha lutuk,"tiin min nuih suk,ka kut chu rawn banin a rawn chelh a,ka chhunglam erawh chuan bumna thang mai a nih thu ka inhrilh mawlh mawlh thung.



Ka kut chu thin thlak ka tum a,min chelh nghet lutuk tlat."Nelson,"Emma aw ka hriat rual rual chuan a kut chu ka theh per nghal lawp. Emma-i pawh chuan min melh no lo fahran hle,ka inthiarfihlim nghal vat.



"Tinge ani bulah khan i awm leh a?"ka chhuah hmaa Emma-i sawi chu ka hre hman fua a mahse inhnuaiah ka chhuk zui nghal.Reife hnuah Emma te pawh chu inkai rialin an lo chhuk a,ka tan a nuam lo duh ngei mai. U Mamate leh Papuia te lo haw hnu chuan chaw kan ei nghal a,kan ri nak nak hlawm mai.



"Thleng ka lo sil ang."



"Aih,a ngai lo Remrem,Debbie te khan sil ho an tumin ka hria,"Ni Puitei chuan a tih chuan ka bu nghauh,an buai buaiin a buai a,ka awm ve ber Bawihpuia lah U Mama te nupain inhnuailamah an roomah an la thla tawh.Mal riaua inhriatna ka neih chu ka duh lo hle bawk.


Inhnuaiah engmah tih tur ka neih tawh loh avang chuan room ah ka chho a. Room ka hawng chiah chu ka thil hmuh vang chuan ka tawlh hnung nghal dawrh. Nelson leh Emma chu khumah ṭhuin an lo in fawp nghawng nghawng.


"Ah..ih.."ka ti bah deuh nuai a,Emma chu min lo melhin a nui suk."Inthiamlo duh suh,lo lut rawh,"Emma chuan min nuih var var chuan a ti a,Nelson pawh chuan min nuih ve sak. An pahniha hmelah chuan min nuih sawhna a lang.


"Nel,ka sawi kha tu pawh hi an awmna hmun lo a an awm chuan an hnawksak duh teh ania,"Emma chuan a ti sap a,ka ding deuh dawt. Keimah bak min sawi chhan ka ring lo,ka na leh hle bawk. Ka ṭhianṭha ber in min lo ngai thei lo viau chu a na ka ti. Engtik lai pawha ka ngaih ngawih ngawih kha a ni si a.


Ka phone charge chu ka la sawk sawk a,ka che pawh chu ka buai nuai mai. Room aṭanga an chhuah chuan ka thaw nghal huai huai thei. Tukverh bulah chuan ding thla chu ka en a,helai hmuna ka awm hi ka inchhir tawh lutuk. Ml ngawih ngawihin ka in hre bawk.Ka nu ka call a,a la thei lo. Tlaia a buai tur thu a sawi chu ka hrechhuak a. Ka tawt up up a,ka ṭah a chhuak ut ut bawk. Biak mai tur ka hre lo a,phone a contact list chu ka scroll thla zung zung.Zonunsanga hming ka hmuh chuan ka tawp chat.



'Ka venghim ang che,'tih a sawi kha ka bengah a lo ri tlut tlut.Engmah pawh ngaihtuah chiang lo chuan ka call a,rei vak pawh a ring hman lo,a rawn pick rual chuan "Umm"a ti sup a,chumi ka hria ringawt pawh chu ka hahdam lutuk.



"Zonunsang,min lo hruai rawh,"ka ti a,ka inhnit deuh nghal hraih. Ka tuar a zuau lutuk chu ka in haw lek lek mahse tunah chuan inbunruahna ka mamawh lutuk tlat.



"Umm,i chiang maw?"tiin thatchhe zetin a rawn tih chuan min hruaichhuak turin ka ngen leh. "Awle,lo in ha lum deuh la. Ka lo thleng a ni mai,"a ti sup a,a dah nghal a. Kawrlum lum lutuk lo chu ka la chhuak a,ka ha nghal sawk sawk. Helai hmuna hrehawm deuh a awm ai chuan ka inhumhimna leh ka inbunruahna tur ka pan duh zawk.


In hnuaiah chuan ka chhuk a,sitting roomah an awm khawm laih. An hriatloh tur ber chuan a rukin ka chhuak ṭham ṭham a. "A harsat lutuk loh hi,"pawn ka thlen chuan tiin ka phun sap.Zonunsanga chu ka nghah a ngai dawn emaw ka tih laiin in pengah chuan a lo ṭhuran tawh.A bul ka thlen chuan chik zetin min lo melh ngar.


"Helai hmun ni lo. Khawi hmun emaw ah min hruai thei angem?"ka tih chuan a bu nghauh a."Lo lawn rawh,"a tih hma ngei chuan ka lawn vat a,a kawngah chuan kuahin a hnungah chuan ka bei nghal hle hle.


Naktuk zan atang rawn regu leh theih ka inbeisei aw💜😘

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » February 21st, 2021, 1:56 pm

SOMEONE TO YOU



BY:

NUTTY GIRL


CHAPTER-15


DO I LIKE HIM?


💜 Love is something sent from heaven to worry the hell out of you~DOLLY PARTON💜



Bike a tih din dawt chuan ka hawi chhuak a,kan awmna pawh ka hre lo. Rin aiin a vawt phian a,ka kuahna ka thlah a ka awm sawn chu a vawt nghal vur mai. "I ṭha em?"
hnunglam rawn melh zeuh chuan a ti a. "Ka hre lo,"ka ti hap ringawt. Ka ṭha miah lo mahse engtinnge ka sawi chhuah ang. Ka ṭhat leh ṭhat loh min zawh vang chuan nge ni ka ṭah a chhuak nghal ṭun a,ka tawt deuh up up mai.



Bike aṭang chuan ka chhuk a,ka chhuk ve nghal vat bawk. Bike ngheng deuh si,ṭhu deuh si chuan ka awm a,ka hmaah Zonunsanga chu a ding run thung.



"Thil thleng min zawt dawn lo ami?"ngawi renga a ding tak reng avang chuan ka ti sap a,a bula insawi thawl ka duh a,bul ṭan dan tur mai ka hre lo.



"Ka hre lo,i sawi duh chuan sawi la,"a ti mai chu ka han melh chho ha a,en pawh min en chuang lo.



"I van sual tak,min zawh loh chuan sawi a nuam hleinem. Sawi ṭan dan tur ka hre hleinem,min zawt ve mai la,"tiin ka tum deuh bur,engtik aṭang nge hepa lakah hian tihtauh ka ngam tak pawh ka hre lo.Ani lak aṭang tal hian ngaihsakna dawn ka phut niin ka hria.



"Ok,nih leh engnge thleng a?"min nuih deuh sak sak chung chuan a ti a,keipawh ka nui ve tho mahse chhunglam erawh a tawt ru ṭun thung. "Ih..ka nu ka ngai a,"tih ringawt ka sawi,thil theng kha sawi ngaihna ka hre lo,thudik sawi chu ka zak deuh tlat. "Chu te chu maw?"tiin min kan ak chuan a ti sap a,min nuih deuh vur vur bawk.Ka bu nghauh.



"Chu te vang chuan maw in aṭanga chhuah i chak,ka awih chiah lo,"min en lo chuan a hawisawn daih thung. Ka inthiam lo ve reng, thil thleng min zawt turin keimah zawkin ka nawr lui a,engmah ka sawi ṭha duh leh si lo. Ka ṭhian ṭha ber anga ka ngaihin min ning ru viau tih leh hmusit taka min ṭawng khum dan te hi hrilh ta ila ani hian min hmusit phah ve mai angem? Ka ṭhianṭha ber pawhin chutianga min ngai a nih chuan ani reilote ka hriat chuan ka ṭhianṭha ber min ngaihdan vang chuan min hmusit ve mai lo angem ni? Ka sawi ngam thlawt lo mahse insawi thawl ngei ka duh bawk si.



"Ni leh engvangin nge i nu chu i ngaih?"A zawhna vang chuan nichina thil thlengte kha ka mitthlaah a rawn lang nghal zut zut.



"A chhan chu...ih..a chhan helai hmunah hian mal ngawih ngawihin ka in hria,"tiin ka inhnit chhuak hlap hlap. "Shh,ṭhianṭha tak tak i neih kha,"tiin min rawn kuah hlu hlu,a awmah chuan beiin ka inhnit hlap hlap.




ZONUNSANGA POV.



"Aih,aih chutiang pawh a ni lo. Ka ṭhian ṭha ber pawn min phatsan a,min nuih zatin min hmusit ania. Engtinnge an ni chuan chutiang thil an ti ve lo ang tih i hre thei ami? Min la phatsan anga min la kalsan leh vek thei tho asin,"ka awma bei chung chuan tiin a theih tawpin a ṭap ri hlawp hlawp. He hmeichhe ṭap lai hi ka hmu thei lo,ana lai hmel pawh mahse tihdan ka thiam lo.


"Emma khan sawi dawt lo mahse hnawk min tih thu a sawi a,atan chuan ka hnawksak viau ani ngei ang. Khatianga midang ṭawngkhum ching a ni lo,a tawp khawkah lo chuan engmah..midang a chhe zawng leh ṭawngkam mawi loin a ṭawngkhum ngai miah lo,"a ṭawngkamah chuan a ṭhiannu thlavang a la hauh ve ṭawk ṭawk ni berin ka hria. Thil thlen dan chu min hrilh a,ka thinrim em vang chuan ka in hum ruh ngat ngat. He hmeichhia hian min ti â zo tak ngial dawn.



"An tan hnawksak ah ka in ngai tawh. Papuiate sawn chutiang chuan an ngai ve angem?A nih loh pawn i tan pawn..i tan pawn hnawk sak mai ka ni em? Min lo ning viau em?"rawn tiin ka mitah min melh chho kiau a,lu ka lo thing nghut. 'I hnawksak chu sawi loh,ka ngaihtuahna aṭang pawh hian i bo thei lo,i bo ka duh lo hial zawk,'ka rilru chuan ka ti a. Hetianga a awm hi ka duh lo takzet,ka paltlang hnu kha paltlang ve lo se ka duh. Midang rin ngam lohnate,midang aṭanga natna bak hmuh in rinlohnate kha,khang tawrhna te kha he hmeichhe tan hian ka phal lo.



"Khatiang khan ngaihtuah suh,ka venghim ang che ka tih kha."



"Ka lawm e,"tiin a mittui kar aṭang chuan a nui suk. A hmaia a sam mittui vanga bet deuh nuai chu ka hui kian sak a,ka awmah chuan a rawn bei vang vang a. "Ka nu ka ngai takzet," ti sapin ka awmah chuan beiin a thaw hle hle.



REMRUATKIMI POV.


"Ah,ih ka lawm e aw,"Zonunsanga taksa aṭanga ka inlak hran hnu chuan ka ti a,a bu nghauh. "I bula ka awm hi chuan tlemin ka zia deuh hawk ṭhin a,ka hrechhuak hmasa ber bawk che,"awi eng thu nge ka sawi tak,ka rilrua awm awm hi sawi chhuah ka ching a,min ngai dik lo vek mai ang ti hi chuan.Lai zet chuan dingin ka che deuh sek mahse a ni chuan chutiang vakin a ngaih hmel loh.



"Ka ti buai viau che em? Ka rawn call ringawt che sia,"Zonunsanga chu inthlahrung ru taka melh chung chuan ka ti a. Nichina ka ngaihtuahna fim lo lutuk kha a bo deuh tawh a,a awma bei a ka kuah lai ka mitthla phei chuan ka biang hi a sa deuh nghal hat hat thei nia.



"Aih,tibuai lo. Kan ṭhianhoin kan leng a,tunah i haw duh tawh em?"a rawn ti leh deuh hmuk tawh,nichina a aw zaidam viau kha a bo leh ṭan tawh. "Aih a la hma lutuk mahse i ṭhiante bula i let duh chuan let rawh,kein ka haw anga ka tei khawtlai bawk thei a. Thlah kher ka ngai tawh hran lo,ka lawm lutuk ania,"tiin ka sawi nghal zung zung. Ka tihbuai hian ka tibuai thei mah mah lutuk in ka in hre ṭhin.



"A ṭullo,"a ti leh hmuk.



"I lokal ve duh em?"



"Maw?"



"Awww,ka ṭhiante bulah,"thaw deuh haka a tih chuan ka bu nghal nghauh. Ani pawn nuam a ti zawk ang,an ṭhianhoa an awm theih hun chance ka tihchhiat sak a ni ringawt dawn asin.



"Ehe,Zonunsangan hmeichhia a rawn hruai ve..ah Remremi a la ni zui ah,"an ṭhianho awmna kan thlen chuan Sawmtea chuan a rawn ti nghal lauh lauh,harhfim hmel an pu hlawm hlawl lo.In pakhatah an lo awm khawm laiha,Dominic-a te in a niin an sawi. "Len khawmnaa hmeichhia hruai phal lo ber in hmeichhia a rawn hruai chu ania tiro,Sawmte,"Vena chuan min nuih vur vur chung chuan a ti ve a,Zonunsanga a phun hluk.



"Tah khan ṭhu ve tawp rawh,"a ti a kal sawn deuhin a ipte a zen ruk ruk a,lighter a talh ri khauh khauh a,meizial a zu nghal put put.A ṭhiante ho chuan min be bawrh bawrh a,kan titi char char.



"Remrem,lehkha i zir char char zel ami? Pakhatna hial i ni thei a?"Dominic an a tih chuan ka lo nuih suk. Ani hi Zonunsanga tih lohah chuan a harhfim ve ber. "Aih, zir reng bik nang,mahse ka hun tam zawk chu zir nan ka hmang ang,"ka tih chuan a bu ngauh ngauh.



"Kei chu Zonunsanga pass hma chu pass ka tum lo,"Bena chuan a rawn ti mauh mai,ka lo nui nghek. Midang pawh chu an lo nui ṭhaw hlawm mai. "Engnge maw in nuih le, Zonunsanga tih hi class 10 board exam khan copy chhuak zel lo ila chuan class10 hi ka bei nawn zak zak ang chu,Zonunsanga ta tak ngial copy ngaia hringnun kan hman chu le,"a tih chuan ka lo nui hak,ve leh chhawng ana.



"Pathum hmun ruk sawm pahnih tih a ziah khan mak ka tih zia mai chu,a rui in a hmu phi chiai a maw ka ti hman hial a ni,awm lo ila chuan tun theng hian a pathum hmun a la piangsual nawk nawk ang mawle,"tiin a nui vak vak a,Zonunsanga tum hmuk kava hmuh chuan keipawh ka insum thei bik lo.



"Ka ziah sual a nih kha,ka zara pass chauh i nih kha,"a lo ti hmuk duh chauh. "Pa tawkin i pathum a piangsual deuh a ni,"tiin a ṭhiante chuan an fiam hlawm nak nak.


"Sawmtea pass chhan ve chu a bula ṭhu kha hmeichhia a lo ni a,a bem a. An ni a,a answer a copy sak char char a,exam zawhah a la ṭhen hmak leh nghal,"Dom chuan a lo ti ve thung a,nui chung chuan lu ka lo thing nak nak ringawt. Hemite ṭhianho hi chu an dangdai bik viauin ka hria. An titi chu ka ngaithlaa ka nui leh var var ṭhin. Miin sual tiin ngai thei lo hlawm viau mahse an bula awm chu nuam ka ti riau.



A hnuah chuan bathlar nuam zetah chuan ka chhuak a,van ka thlir vauh vauh. Zonunsanga ringawt ka rilruah a lo lang,ani bula awm hi engvanga duh em em a,thlahlel ngawih ngawih ka nih ṭhin ang le. Kei hian ka duh a niin ka hre ta rum rum. Thil theih loh a ni lo,ni e ka laka awm se ka tih anga a awm lohin ka lungawi lo a,ka nat lai ber a ka kianga a awm ka duh a,ka thlamuanpui bawk. Ka nat laia min venhim tur thu sawi tlat tu hi ka duh ani thei mai angem?Ani hian engtinnge a ngaih ve ang le?



"Ka thlah tawh ang che,"rawn ti sup tu vang chuan ka in her zawk a,sana ka en a ka bu nghal nghauh. A ṭhen chuan PUBG an lo khel a,an ṭawng leh lawng lawng ṭhin.


"E,Remrem haw i tum a law?"Dominic chuan a rawn tih chuan ka bu nghauh. "Taka nakukah Nunsanga te huanah picnic kan tum asin,lo kal ve la,"a rawn tih leh chuan ka phur nghal kher mai. Ka mitthlaah an huan nuam zet kha a rawn lang nghal uar uar.


"Naktukah maw,umm,an huan kha a nuam e. In phal chuan lokal ve ka duh,"phur taka ka tih chuan a nui suk. Naktuk school kal a ngai tih ka hria mahse Zonunsangate huana kal chu ka chak fe zawk.



"E..i kal tawh tak,naktuk chu lokal ve ngei ngei rawh aw."



"A ṭullo,"ka chhan hma chuan Zonunsanga chuan min rawn chhan khalh a,ka ham haih chiang kher mai. "Timo? A phur em kha,kan tam pauh leh a nuam ting a ni mai,"Dominic chuan nuam ka ti chiah lo tih hria chuan Zonunsanga melh ran chuan a ti sap,min lo melh leh zawk ṭhin.



"Ani lo kal a ngai ve zel lo,"Zonunsangan a tih leh chuan ka zak ru deuh chem chem. Midang ho chu kan ṭawng hria awm pawn an awm lo,games an la khel mial mial a,a zia hlauh zawk. "Nia,a ngai kher lo. Ka lo kal ve lo mai ang,"Dominic nuih sak chuan ka ti thei hram. Zonunsanga hi ka hnaih tawh lutuk emaw ka inti ringawt a,a ni lo a la danglam lo. Nichina Bena te sawi ang khan hmeichhe haw tlat ṭhin Zonunsanga kha a la bo hauh lo ang.



Kawng tluan chuan ka ṭawng tawh lo hrim hrim. Ka rilru chu ana ve tho mai. Ka duh a ni tih hi hre ta phei se chuan hei ai hian min haw ngei ang. Ani hi ka hnaih lutuk hmaa hlat ka mamawh ve ngei ang.


"Zanin vang hian ka lawm lutuk,mangṭha le,"tia nuih lui sak chuan in lam chu ka pan a. Ka hahdamna ka pana mahse rilru na bawk in ka haw leh tho si. Zonunsang i awm dan hi ka hrethiam lo tak zet.


Ads click kha hmaih lo hram ang u aw💜

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » February 21st, 2021, 1:56 pm

SOMEONE TO YOU


BY:

NUTTY GIRL


CHAPTER-16

SHE IS MY GIRL


💜Some pain can only recover by LOVE💜



DOMINIC POV.


Zonunsanga,Remremi thlah tura a chhuak a rawn let leh chuan biak tumin a bulah chuan ka va kal vat a,a ṭhutna bulah chuan ka ṭhu thla ve nghal a. "Remremi kha lo kal ve se i ti tih chu ka hrethiam reng mahse engvanga ka sawm laia khatia min hnial kher kha nge i nih?"Remremin nuam a ti vak lo tih kha a hrethiam leh tawp lo ang hepa hian.



"Naktuk ania a rawn kal ve kher kha a ṭul lo,"a ti hmuk,heihi chu a ṭawngkam ve reng a ni.



"Lokal ve se i ti lo em ni?"



"Ti lo,naktukah pawh kan pinic thei lo a tuk leh ah kan picnic mai dawn nia,"a rawn ti sup,ani hian ruahmanna dang a nei ami le? "Engvangin maw? Ngati teh thut nge kar hmasa aṭang khan naktuk hi kan tin zawn ve ber emaw ka tia,"Zonunsanga hi a ruahmanna chu tih tum bur ang chi mihring a ni a,a thlak leh thut chu a mak a ni.



"Remruatkimi lokal ve theih nan,naktuk a nih chuan school kal a ngai a lawm." Maw? Ka thu hriat chu Zonunsanga ka aṭanga chhuak chu a ni ngei sia maw mahse a awmlo hran lo Remruatkimi vang hian a danglam tawh lutuk ringawt. He hmeichhia hian a chungah eng dawi nge a hman ka hre lo mahse ka hriat ṭhin ka ṭhianṭha ber,ka unaupa ang hiala ka ngaih Zonunsanga kha a ni tawh lo. Kha mihring hmeichhe haw em em ṭhin Zonunsanga kha a bo telh telh tih ka hai lo.



"I ti ṭha hle mai mahse i thil tih atan chuan a romantic mah mah lo maw?"ka tih chuan a nui sak. "Kan awmdan mai mai a awm ve thei a ni hleinem,kan lakah chuan a danglam lutuk tlat,"a ti sup a,a bak engmah sawi tumna nei hmel a pu lo. A ngaihdan leh a rilru put hmang inthlak mahse he a mizia leh a ṭawngkam bul nghut hi chu a thlafel har viau ang.Ka ṭhianṭha ber mahnise a chang hi chuan ka lakah pawh nelawm lo tak takin a ṭawng fo mahse a thuruk engkim hre tu ka ni a,engmah hi awm lo tih ka nei lo. A sualna ni a an sawi te hi kha
hmeichhia leh a hringtunu leh apate ngei in a an tuh sak a ni mahse ka hmuh danah ve thung chuan mihringa zawnga fel leh ṭhianṭha ber nih tlin em em a ni thung.



A nat lai ber pawhin kei a ṭhian ṭha ber hi min ko ṭhin mahse ngawi rengin amahin a tuar a, a bula ṭhuin ngawi reng in kan awm dun tluk tluk a,chu chu kan hun hman dan ber a ni a. Khang hun tam tak ngawi renga ka a bula ka ṭhut lai hun kha kan inṭhian ṭhatna ti nghet tu leh ti zual tu a ni bawk.



"Engnge a lak aṭanga i duh chu i hrechhuak tawh em?"Ka ṭhiana hian Remruatkimi a duh a ni tih hi a hrethiam thei lo,amah ngei a a hriathiam hi ka duh. Hrethiam lo hle mahse kei chuan ka hriatsaka,kha hmeichhia vanga a danglam tawh zia hrechiang ber tu ka ni ngei ang.



"Aih ka hre lo mahse ka khawngaih vang a niin ka hria. A ṭhianṭha ber leh a bialpain an bum kha ka hmu thei lo,"a ti deuh hmuk. A khawngaih vangah a la ngai cheu mai.



"Nih leh engvanga an bum kual kha hmu thei lo nge i nih?"



"Ka sawi tawh kha,ka khawngaih vangin,"min rawn en deuh haw chuan a ti leh sup. Huh,hepa hian amaha a hriatthiam ve mai ka ring ania,ti hi chuan a hrechhuak mai lo ang. Engnge maw ka tihsak ngei chu a la ngai dawn a nih hi.



"Nih leh Saturday picnic tur chu Remremi i hrilh tawh em?"ka tih chuan lu a thing nghut, hepa ṭhin hi chu. Ka puihna a mamawh leh ngei dawn e,Remremi rilru a ti hrehawm tih pawh a hre lo ang ka tih tawh kha,hria se chuan ti ringawt hi chuan a ṭhu mai mai tawh lo ang.



"Ka sawi kha aw,hmeichhia ho chu care viau an ngai ania."



"In la zei viau lo teh,"a ti hmuk,hetiang kawngah engmah hre lo si hian a confi em em a. Engnge maw ni tal chu min zawt leh ngei ang,hmeichhe ṭap thlem dan ang chi te. Kha thil min zawh ṭum a mak ka tihna leh ka nuih a zatna kha chu a in zat reng ang.


"I ngaihsak zia ti lang ang che."


"Engtin?"ka tih kha maw a beng verh zawng sawi chuan min zawt leh tho zel. Nidang chu nise hmeichhe chungchang kan sawi hlek chuan a kalsawn daih ṭhin mahse tun hnu Remremi a nuna a lo lan hnuah erawh chuan ngaihsak angin lang lo mahse kan thu sawi hi a lo ngaithla ve run a,kan bulah a tap ve chat tawh zel.


"I thiam ang tawkin ngaihsak la a ni mai,thil har a ni lo. Hotea i ngaih pawh ani tan chuan thil lian tham tak a ni thei,ngaihsak tawp rawh,"ka tih chuan a bu ve nghauh.


"Chu te chu maw?"a tih chuan ka bu nghauh.



REMRUATKIMI POV.



Awm nuam lo zet chuan school ka kal a,nizanah ka haw tlai tih Papuia ten an hre lo. Emma a la haw lo bawk nen,kei aiin Emma a haw tlai zawk. In ka thlen hnuah ka mu thei lawk lo a, ka thil tawn vangni mahse Zonunsanga vang a ni pakhat,ka mut ṭhat loh vang nge ni ka lu a na ngut ngut mai.



Bell rik dawn hnaiha Zonunsanga te ṭhianho lo im zui lut ka hmuh chuan mak ka ti hle. Zonunsanga lakah saw chuan beidawng nghal tawp turah ka in dah,engmah beisei dang ka nei lo tawp tihna a nih chu. A mizia leh a khawsak dan enin min duh ve rinna chhe te mah ka nei lo.


Class kan lak chhung chuan ka va hawi phei zeuh zeuh ṭhin mahse nidang ang bawkin Zonunsanga chu a bawk run ringawt. Keipawh ka lu anat em avang chuan ka bawk nghal hle hle. Brake ah pawh chuan an ṭhianhoin an chhuak daih a,vawikhat mah min be lo. A laka ka rilru put hmang danglam ta ka hriatchhuah vang hian a lakah ka phut sang viau ni ta berin ka hre ta.Ka awmdan chu duh loin ka thaw hak,engtik aṭang khan nge hetiang zawnga Zonunsanga ka en tak ni.



Canteena thil kan ei zawh chuan toilet ah ka kal a,class a luh hma chuan kawtah chuan dingin in hnuai lama zirlai dang che tla vel chu ka en kual a. Hmun tlema biru lai ve deuh leh thawm tam lohna a ni bawk a a zia lutuk.Ka lu na ut ut chu nidanga ka tih ṭhin dan chuan ka bek chu ka hmet a,ka tui bottle ken chuan ka dep pah bawk.



"Ti nge? I nuam sam meuh nange?" rawn titu aw ka hriat rual chuan ka meng phar ak. Nelson chu ka bula ding ran chuan min lo nuih suk. "Umm,ka lu a na deuh a,"tih ringawt chuan ka chhang a,luhsan mai ka tum lai chuan ka banah min rawn chelh.



"Ka lo hmeh sak dawn che mi?"a tih chuan ka ang pham ringawt,nidang chu nise aw ka ti anga min hmeh sak fo dan angin ka hmeh tir leh ngei ang mahse tunah chuan a danglam tawh. "Aih,a ngai lo mai keiman ka hmet mai ang,"ka ti a,ka kut min vawn sakna chu ka melh zeuh.


"Ti teh,i chungah thil ka tisual tih ka hria mahse i ṭhian ka la ni tho. A ni lawm ni?"tiin min nuih suk chu ka en haw. Ka chunga a thil tih avang pawn ka la ngaidam thei lo chu ania,engtinnge ṭhian angin ka pawm leh theih ang.



"Ka..ka hre lo,"ka ti bah nawk a min chelh na aṭang chuan tal chhuah ka tuma ka thei mai lo."Tiang mi i nih loh kha,"a rawn to leh sap. "Nelson,ka thei lo,"tiin a kut chu lak sawn ka tum a. "Engthil nge in tih a?"rawn ti ṭhat tu ka hriat chuan aw chhuahna lam chu ka va en a,thinrim tih hriat tak hian Emma chu kan lampanin a rawn kal.Thip fe in min melh bawk.



"Ka bialpa ko a,tibuai reng tur hian tunge maw i nih le? Ka nun tihchhiat vek hii duh tak tak a ni ro?"tiin min kawk sawk sawk. "I..i ngaihdan ang kha a ni lo,"ka ti chhuak sap a,a nui deuh hak. Emma,ka hriat ṭhin kha a ni tawh lo.



"Tinge ka neih zawng zawng hi min laksak i tum em ni?"a rawn tih chuan ka melh tlawk tlawk ringawt. Ani hian a nih khaka bialpa lo ngaizawng ve chu mahse a ni chauh hi ka dem lo Nelson pawn a lo duh ve mai bawk a. Ka hawi chhuak ngam tawh lo midang an lo pung khawm tua tua a,Emma chuan an inkar tibuai a Nelsona be buai ṭhin angah min puh char char.



"Nelson,hrilh rawh kei hian ka tibuai lo che u,ani hi ka bulah lo kal zawk a ni....Nelson hrilh..."sawi pawh ka sawi zawh hman hma chuan min nam deuh rawk,"Dawt sawi tum tawh suh,i lo lan leh hma kha chuan kan ṭha vek,unau ang pawn ka en thei tawh lo che ka tan chuan hnawksak mai mai chauh i ni,ka haw lutuk che,ka haw tak zet che,"tiin min nem rawk a,ka in ring lo nen ka tlu mai dawn emaw ka ti a mahse mi pakhat hian ka darah min lo chelh,mittui tling pam chuan ka melh chho ha a,Zonunsanga a ni. Midang ho chu an phun sap sap.



A hming lamin ka phun chhuak sup. "I ṭha em?"a tih chuan ka bu nghauh. "Ani hian kha mi tenawm kha a be tawh ngai hauh lo," Zonunsanga chuan a ti sup. "Eng..engtinnge chu chu i hriat,Nelson hian a sawi vek a lawm. Fiahna i nei ami?"Emma chuan zam hmel zet chuan a ti a,a mitmeng chu nichin ang lo tak khan a tlanchhe du,Zonunsanga chu a nuichhuak hawk. Nichin a thawm ri huai huai pawh kha a reh duk tawh.



"I bialpa chu a daw heh hle tihna a nih chu. Ka bungrua emaw ka thil neih tawh phawt chu khawih ka duh lo a,ka phal hek lo tih in hriat kha. Henu hi ka hmeichhia a ni a,ani pawh hi tuma tihnat leh khawih ka phal lo,"Zonunsanga chu mak ti zetin ka melh chho ha a,ka hmaa mipahnih te pawh chuan mak an ti ve tho. Ka awih lo hial zawk,an phun sap sap hlawm.A aw lah chu a chang fek fuk hle bawk. Zonunsanga chuan ka hmaa mipahnih te chu ngeiawm fe in a nuih sak bawk.


"Kal ila,"ti supin min kai nghal dawr dawr. Midangin hmusit taka min ṭawngkhum leh en lai a vawihnih min kaih hranna a ni. Mahse tun hi vawikhatna ang mai chuan ka ngai thei tawh lo,tuna mi chuan ka lung a ti phu dup dup a min tidanglam lutuk tlat bawk.


Classroomah min hruai luta tumah an lo awm lo. Hepa lakah hian bat tam tak ka nei a ni,ka mamawh hun apianga ka ko emaw ko lo emaw a rawn in lan chat chat zel.



"Ka lawm e aw,"ka tih chuan nidang ang bawkin ka bu nghauh.



"I na em?"



"Ka taksa chu a dam mahse ka rilru erawh a na,"hepa bulah hi chuan engmah zep ka ngai lo,thil pakhat ka duh tih thu chauh lo chu thil zep ka nei lo."Emma in midang hmaa khatianga min tih duh kha rin ngaihna ka hre lo,ka ham haih deuh niin ka hria,"tiin za lo zet chuan ka nui chhuak hak. Mahse ka rin aiin ka na lo,ni lo ka nat tur ang chu nizan khan ka na ṭhen tawh zawk in ka hria.



"Engvanga min haw viau nge a nih ka hre lo mahse a unau min haw viau thei chu ka khawngaih zawk. Hrehawm a lo ti ṭhin ngawt ang."



"I mawl a nih chu,nangmah ti na tu che i khawngaih a,"Zonunsanga chu a phun hluk.



"Mawl min tih lohna chin pawh a rei ta viau mai,"tiin ka nui hak hak a,ani chuan min melh run thung."I rilru ana tih ka hria ania,nuih luih kher a ngai lo,ni chin anga i din mai mai chuan engtinnge phuba i lak ang?"a ti leh deuh hmuk,ṭawngkam no lo a a nih hi.



"Ni e,ka na lutuk a lawm mahse theihngilh ka duh zawk. Phuba lak ka chak ve ṭhin a,tihnat ve ka chak ṭhin mahse tunah chuan ka duh tawh lo. Khatianga Emma thinrim leh na hmel kha ka hmu ngai lo,ka lo tina viau aniang,tihnat belh ka ngam chuang lo.Ka ṭhianṭha berin min hua tih leh atan hnawksak mai ka ni tih ka theihnghilh theih nan min pui zawk thei angem?"ka ti sap a ka mittui a luang nghal ngia ngia bawk. Hriatthiam har tih hmel zet chuan min en a,a bu ta nghauh. Ka nuih suk,keimah zawk chuan zah pawh dawn lo chuan ka va kuah. Nichin a a hmeichhia anga min sawi kha ka bengah a ri nawn a ka lai lek lek,tunah hian na viau mahila hepa ka duhna vang hian ka dam leh ngei a rinna ka nei tlat bawk.



An ni ṭep tawh😂🤧Ka duh aiin he story ka kal muan tir,a bul ka tan chauh emaw ka tia. In lo ning viau tawh lo maw?

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » February 21st, 2021, 1:56 pm

SOMEONE TO YOU



BY:


NUTTY GIRL


CHAPTER-17


💜I am happy,when they say my name while talking about you💜



Bell a rawn ri a,"Ka lawm lutuk,"tiin ka kuahna aṭang chuan in la hrangin ka nuih sen sen. Kawngkhar rawn in chum ri bur bur ka hriat chuan ka va hawi phei a,a lo in kalh chu niin. Zonunsanga khan a kalh lai ka lo hre lo reng reng.


"Naktukah kan picnic dawn nia,ka lo lam ang che,"kawngkhar hawng tura a kal chu dinga rawn hawi let in a rawn ti sup a. "Tinge vawiinah in kal dawn emaw ka tia?"ka hrechhuak leh thuta ka zawt nghal vat. Nichin lawka thil dang thlen hma kha chuan a lakah ka lungawi lo hle kha a nia,ka bula a awm chuan ka lo theihnghilh leh hman tawh.



"Kan sawn,"tih chauhin min chhang a,kawngkhar an lo chum rik dawt dawt tak avang chuan engmah ka sawi belh ta lo. Kawngkhar a hawn chuan lo lut apiang chuan mak tih hmel zetin min en a,hmeichhe ho an phun sap sap bawk.Ka ṭhiante rawn lut chu hmanhmawh tak an ni,min nam phei nghal rawk rawk.


"Nang hi,kan lungawi lo ania aw,a hmaa kan zawh che khan engvanga thudik min hrilh lo nge i nih?"Melody chuan thinrim hmel tak chuan a ti kha kha. An ngaihdan ang hi a ni tawp si lo a.



"Kha kha...ani lo l,thudik a ni lo,Zo.."



"Dawt sawi tum tawh lo teh,ngawi mai mai rawh. Awii,Emma pawh kha ka ngei tlat,i ṭhianṭha ber angin a awm a,tikhan dawtin a puh bawk che a. Khatah khan kan awm ve lo a,Nutei sawi dan hmang ringawt pawh khan ka ngei tawp. In inṭhen hun chang rana Nelson nih pui tu zawk kha ania,"Fiona chuan a ti phiar phiar a,thinrim hmel takin a in hrosa vel bawk a. Chutia min chhan chu hmuh a nuam lutuk tlat.Thudik tak hre hlawm phei se chuan Emma an ngei dan tur chu ka hrethiam mai mahse thudik sawi kher ka duh lo.


"Kan ngaidam hram ang che mahse engmah zep tawh suh,"Ruatpuii chuan a ti a,thudik sawi ka tum ka ang zuau a mahse ka ṭawng hman lo.



"Awii,Zonunsanga kha a pa zia kha e. Kan pathum hian kan awm ho a nih chu maw chuan in buaina a awm tih vela an rawn sawi a,i hming a rik chiah khan Zonunsanga kha a che nghal phut,a rawn phei rang lutuk. Awi,ka luangliam zawih zawih a ni ber,a bialnu i nih thu a sawi lai phei kha chuan awi keimah zawk ni ila ka tih zia mahse thinrim suh aw. I bialpa mahnise ka la star tawp thei lo,"Fiona chuan a ti leh zar zar,chutia an fak chu ka lo hlim veng veng mai. Keimahah anni ang chiah hian keimah hna a thawk ve tho,ni lo nichina a lo chet dan kha chu hmeichhia zawng zawng duhthusam a ni ve ngei ang.



"Awii,kan ṭhiannu hi hmeichhe vannei ber i ni tih i in hria em? Zonunsanga ang bialpa i nei thei a. Engtinnge Zonunsanga rilru i hneh theih mai le? Mak ka la ti tho a chhan chu hmeichhe ho em em ṭhin kha ania,"Ruatpuii chuan min rawn kuah nawk nawk chuan a ti ve a,nuih suk suk ringawt bak tih tur ka hre lo.



"Zonunsanga pawh saw a vannei ka ti ve tho kei chuan,ngaihtuah ula. Zonunsanga chu a pa a,a hmelṭha bawk,in nghahna tlak ngawih ngawih pawh a ni ngei ang. Mahse kan Remremi pawh a duai bik hleinem,vawikhat kan schoola a exam naah pakhatna a nia. Tih bikah te chuan Zonunsangan lehkhathiam lamah a tluk bik teuh lo mai. Zonunsanga hi a vannei ve tho,Remremi a thlan chat danah a chhunglam ṭhatna leh mawina a hmu tihna a ni mai a,"Melody chuan a rawn ti dap dap a, hmaichhana min fak viau chu ka lai ru hle.



"Dikchiah,a ni ve tho asin.Leh lam leh lam an vannei anih chuan a dik chiah chiah tihna a ni mai. Zonunsanga hi chu ka van duh ngawih ngawih tak,"Fiona chuan a ti a,min rawn melh a. "Oh,ka duhpui che ka tihna,"a tih chuan kan nui chhuak hak hak hlawm a,class lak chhungin Zonunsanga chungchang an sawi char char. An ngawi hlei thei lo,vawiin a thil thleng kha ha hip in an sawi. Teacher ten min hauh phah lo chauh leh nghal a.



"Vawiin chu kan rualin haw leh ang che,zawhna kan nghah teh mai ania,"Ruatpuiin a tih zawh rual deuh tho chuan last bell a ri nghal a. Kan in khung nghal sap sap a,kan ṭawngṭai zawh hnu chuan an chhuak hlawm sang sang a. Tlai danga True Beauty lo sawi tur nei ngai lo kha Zonunsanga chungchang hlir an sawi.



"Ti khan i haw nghal thei em?"tia ka bula rawn ding chu ka meih chho ha a,nui hmel a pu hran lo mahse ka hmu ṭha leh em em tho. Ka ṭhiante ka va en chuan min lo en dun zak zak a,Melody phei chu a lo lai nasa mai.



"Aw,haw nghal thei tho mahse ka ṭhia..."



"Va kal rawh,va kal rawh. Pitei te inah pen kawi kan ngai leh si,ka hrechhuak thut,"ka ṭawng lak lawh lai chuan Ruatpuiin a lo ti vat a,min nam dat Zonunsanga ka la nek deuh rawk zui.



"Kan kal dawn mi?"a ti leh sup ka lo bu nghauh,kan chhuak nghal a. Nidanga kan awmdan ṭhan a nih loh vang chuan ka ni deuh hu mai. Midang chuan min en duh bawk a,in ngaizawng ang vekin min la ngai leh nghal.


"Tinge tiang hian i tih kher a? Midangin inngaizawng anga min ngaih vang in maw?" a bike park na lama kan kal lai chuan ka zawt a. "Nih pawh ka hre chuang lo,"en pawh min en lo chuan ngaihsam zet chuan a ti a,ka lo ner nang ringawt.


"Lawn rawh,"a rawn ti deuh hmuk. A lawn hnuah ka lawn duh lawk lo,ka run luihna a ni pakhat. Hetia 'Lawn rawh,'a ti deuh hmuk hi hmuh a nuam. Nui sak sak chung chuan ka lawn a,chak mang khengin a la tlan chhuak zui. A kawngah nghet takin ka kuah zui nghal,in pawh chu kan thleng hma hle leh nghal.


"Naktuk kha,lo insiam lawk rawh,"ka chhuk rual rual chuan a ti sup a. "Ka kal ve i phal ami? Niminah chuan ka kal ve i hlauh em kha,"tum deuh bar chuan ka ti a,ka fiamthu ni mahse ka ti tak tak deuh reuh bawk.


"Chutiang a ni lo,"tiin a sam a khawih deuh niap niap,naupang fel deuh thil zawha lai deuh te pawh a ang a lawm le. Ka nui deuh put put min hmuh chuan a tum leh deuh hmuk.


"Lo insiam la a ni mai,"a ti a,a in turn a a tlanchhuak nghal vang vang. Tunah khan a chhan min hrilhfiah chu nise Zonunsanga a ni lo ngei ang. Ka hlim lutuk chu ka nui deuh vur vur reng.Pa Puia ten an phal ngei turah ka dah deuh tawp,an phal hram ka beisei.


"I puteinah chaw kan ei phei dawn ania aw,"ni Puitei chuan a ti a. "Umm,ka tlawh khat zia hi an veng a hla lutuk a,"bawihpuia la pah chuan ka ti a. Tuna kan sawi hi ka pa pa a ni a,ka pate unau zinga naupang ber te nen an khawsa ho a an inthlau lutuk hran lo,a hma ka pa damlai chuan kan cheng ho. Ka pate unau hi mipa pathum an ni a. Pateate chhungkua hi sual lem lo mahse Papuia te chhungkua ai hian ka nel lo zawk. Chuvang ania Papuia te ina awm hi ka duh zawk,la naupang viau mahila Nute Hmingi khan ka nu a ngeih vak lo tih ka hre ve thiam. Ni Puitei pawh hi ka nu tur a nih laiin ka tet laiin ka ni tlat a,ka ni lak lawh vek.


"I pute chuan in result a lo hria a,a lawm viau ania. Nangmah niin hrilh na chang in hre lo mai pawh a,"a tih chuan ka lo nuih ringawt.Pa Puia leh U Mama te nupa lo haw hnu chuan kan chhung phei a,Bawihpuia pawmin U Mama carah ka chuang daih thung.


Kan thlen chuan kan ri hlut mai,ka pi leh Nu Kimite chu an lo ri nghal chul. Emma hi chu ka pi naute ania kei chu ka pu hi ka nel zawk thung. "Engmah chanchin pawh min hrilh ve duh lo a,Remremte min lo tlawh duh bawk si lo,"ka pu chuan a ti charh charh a.


"In in a hla em a lawm mahse pu ka lo leng ṭhin tawh ang aw,"tlawn ti tiha ka tih chuan a nui deuh huah huah. "Examnaah i ti ṭha bawk si,i nu a dam em?"a tih chuan a dam thu ka sawi ve mai bawk. Pate Zira te chhung nen chuan kan ri chuah chuah mai.


Bawihpuia a awm avangin tlai deuha kan haw thei lo.Emma chu riah a tum avangin kan rual pawn a haw ve lo,tlemin ka rilru a nuam deuh. Vawiin boruak nen khan room khata awm chu a nuam viau lo ang,a riak tur chu ka lawm ru hle zawk.Ka pute chuan riak ve turin min ti a mahse naktuka picnic ka duh avang chuan ka hnial.



Kan haw lamah chuan Papuia te bulah ka chuanga,picnic tura chhuah chu ka dil nghal. "I pass ṭha bawk a ka phal sak ang che mahse i nu dil ve phawt la,"a tih chuan ka dil tawh thu ka sawi a,tlaiah khan ka dil tawh a Papuian a phal chuan a ti a,ka kal thei tur chu ka hlim lutuk bawk. Ka phur lutuk chu ka mu ṭha thei lo,ka in let sek a. Vawiina thil thleng ngaihtuah chuan ka nui leh vur vur ṭhin.



Zing ka harh chuan dar 7 a lo ri der,nidang ai daihin ka muttui a,vawiin a ka thil tur ngaihtuah chuan ka phur lutuk ringawt. Chokaah chuan Ni Puitei chuan eirawng a lo bawl a,a thilsiam rim chuan ka ril a ti ṭam nghal rawih rawih mai.



"In picnic dawn sia ka tia,lo kaih thawh che ka tum lai tak,"min hmuh velah chuan a lo tin var var a. Awi,vawiin saturday a ni tak,nidangah chuan Emma nen kan bazar ṭhin ania,a van buaithlak tak.


"I u Katy(U Mama nupui) a bazar aw,"ka rilru hria ni awm tak chuan a tia ka thaw deuh huai huai. "Awi,i buai viau awm sia ka lo ti deuh a,ti hian chawhmeh i siam zo tawh ami?"tiin chawhmeh chu ka en kual dun dun.


"Aw,zo a ni mai. Alu kan chauh a ngai tawh,han insiam rawh vawiin a i ken tur te han pack la,"a tih chuan ka hawi deuh ha mai. "Engnge ka pai chuan ang? Insiam dan tur pawh ka hre lo e a,"ka ti deuh sap,nizanah ngaihtuah lawk nachang ka hre lo, Zonunsanga vang vek,amah chauh ka lo ngaihtuah a tin ni.



"Aw,inthlakna tur te tui te i cheng ve duh ang chu,"a rawn ti a.



"Mahse swimming pool a awm dawn hleinem huanah ania kan picnic dawn.Min lo insiam pui la."



"Aww,luite pawh a awm maithei asin,a hmunah te pawh i inthlak duh maithei a. Nula i nih ve tawh kha,mahni inthlakna tur buaipui rual i ni ve tawh,I tiffin pai tur ka lo siam ang,"nui deuh hak hak chung chuan a ti a,inchungah ka han chho ve tak na a ken tur ka hre lo hle.



*Tiffin vel pai angai lo aw,thlamah eitur kan siam dawn* Zonunsanga message ka hmuh chuan ka nui deuh sak,niminah te khan sawi daih tawh tur a lawm.



*I hman tawh em?Kawtah ka ding tawh ania* Zonunsanga message ka hmuh rual chuan a tlan deuh thoin ka tlan chhuak. Ka duh aiin min melh rei a,ka lai lek lek mai. Kan tlanchhuak nghal a,Dominica te inah chuan a ṭhiante chuan min lo nghak ṭhap. Keimah lo hmeichhe dang pahnih an awm chu ka thaw deuh huai mai.Mahni chauh chuan a nuam lo.



"Eitur va lei ila,Zoa a lo thleng lo a,"a tih chuan ka bu nghauh a,dawr lamah chuan kan in zui phei. "I duh duh la rawh,"a tih chuan lak tur pawh ka hre lo ka hawi kual ruk ruk."Heihi a ni mai,"tiin munch paakhat chu ka la. Min enin za zetin a nui,ka lo en chiang lutuk. Za taka a nui ka vawikhat hmuhna a ni.



"Vawiin ni atan kha kha i kham khawp ang maw?"a tih chuan ka lo nui ve ringawt. Midangte nen a ei theih tur Lays leh chips chi dang dang vel chu ka la nual a. Pawisa pek ka tum chuan a duh leh ṭhak tawh lo.



An la inngaizawng hman thlawt lo🤔mahse in nghak rei tawh lo ang aw.Vawiin ka che chu ka buainuai mai.



Online class kal bakah,thlaleha ka exam na tur coaching class ka kal kal ṭan dawn bawk a mahse story chu lo dah zel tho ka tum dawn aw.Ka lo dah hma vak theih loh chang a awm takah ti hian ka lo sawi lawk tawp.

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » February 21st, 2021, 1:56 pm

SOMEONE TO YOU


BY:


NUTTY GIRL


CHAPTER-18


JEALOUS


💜 Jealousy is the first step of man to fall in love~Nick Bateman(The Matchmaker Playbook)💜


"Khatiang ringawt i ei chuan i ha a dum vek ang,"ka kuta munch ka ken en zeuh chuan a ti a,ka nui deuh hak. Ha muat te tive mai se,Zonunsanga tak hi chu aw. "Ha ka nawt ṭha mai dawn lawm. Mizoah mark i hmu chhe ber ziah lo maw?"ka tih chuan a bu nghut.



"Engtinnge i hriat?"



"Khamaw ka ring dik tak tak,ṭawngkam i thiam em a lawm,"tiin ka fiam a. "Mizo ka nia,mizo ṭawng te chu ka thiam ve hi,"a kal lai ding deuh dawt chuan a ti hmuk,ṭawngkam thiamlo nih chu a duh lo hle.



"Mizo ṭawng i thiam lo ka ti lo,ṭawngkam a lawm ka tih."



"Chu pawh ka thiam,"ti leh hmukin a kal chak vut,a huat thu chhiat zia nitinin ka hmuh belh dawn a nih hi,thaw deuh hak chuan a hnungah ka umzui dat dat. Ṭawng mawh viau mahse a ṭawng chhuah chhun chhun hian min ti hlim takzet thung.



Dominic te in kan thlen leh chuan Zoa pawh a lo thleng der tawh a mahse Sawmtea leh a bialnu an lo chhuak leh hman. Bena leh a bialnu chu sitting roomah an lo ṭhu duna ka ṭhu ve a,Zonunsanga khawnge a kal hman ka hre lo.A sir kil khatah chuan ka ṭhu ve ta kar ringawt.


Ka zun a chhuah deuh avang chuan bathroom a kal ka tum. Tuna ka zun a chhuak hlauh chu ka lawm takzet,bike a kan tlan lak lawh laiin ka zun a chhuah veih chuan a chi loh viau ang. Zun ip thei lo mi ka ni bawk si.



"Ben,khawnge bathroom hi?"tihbuai duh lo viau mahila,ka bulah anni bak ka hmuh miau loh avangin tih ngaihna dang a awm lo. "E,saw saw tah sawn,choka luh dawnah sawn a awm. Kawngkhar i hmu anga,i va hrethiam mai ang,"a tih chuan ka bu nghauh a,a sawina lam chu ka pan.



"Remremi saw i duh lo tak tak maw?"choka ka pelh dawn a ti ri ka hriat chuan ka ding deuh dawt. "Aw,ka khawngaih vang ka tih tawh kha,"ti deuh hmuk tu chu Zonunsanga a ni. Min rawn hmuh hlau zetin ka kalsawn nghal a bathroom ah chuan ka lut nghal vat ,ka sawifiah thiam lo ka na ve ringawt.Nimina thil thleng vang khan ka beiseina a lo san ve tawh nen,tun lawka ka thu hriat erawh kha chuan a thai bo hneh hle.Min khawngaih vang lekin ti khawp hian ka chungah a ṭha ania.



"Zonunsang,hriatthiam i har hle mai,"tiin ka phun deun sap a,reife bathroomah chuan ka awm. Ka chhuah leh hnu chuan engmah thleng lo ang maia awm ka tum nasat zia chu.


"An lo let tawh,kan chhuak tawh dawn," Zonunsangan a tih chuan "Umm,"tih zawngin ka chhang a. Nichina ka phurna kha an thusawi khan a la bo ta vek emaw tih tur ani ka phur lutuk tawh lo. Zonunsanga nen pawh chuan kan in be tam tawh chuang lo. Ngawi rengin a hnungah ka chuang ringawt.


Kan thlen chuan midang ho chu an lo thleng fel diam tawh. Gate lo in hawng huauah chuan kan lut thla a,an titi thla bawrh bawrh chu ka lo ngaithla ve a. Zonunsanga chu a tihdan ngaite in a ngawi leh run bik tawh. A hmaa min kalpui lohna zawk kawngah chuan kan chhuk thla a,hla vak loah chuan thlam hi a lo awm.Chutah chuan kan innghat a. Khum a lo awm vei thlap bawk,a nuam phian mai.



"Tui zu cheng hmasa ang u chuan kan rilṭam awm velah kan chho leh anga,"Dominic an a tih chuan mipa ho chu an phur hlawm khawp mai. "Inthlakna tur khutah keng thla ila,chhuk nghal ang u,"tiin Dominic chuan ka darah min lo kuah a,min kal nem pah dat dat. Zonunsangan min ngaihven zui lo chu ka run kher mai,nimina min sawmtu chu amah zawk a ni reng sia.Lui awmna pawh chu a hla vak lo,a nuam reuh em em mi leh nghal a.



"I inthlak ve dawn lo ami?"Dominic an a rawn tih chuan lu ka thing nak nak. "Half pant ka ha tho a,bakah ka cheng thiam lo. Ti hian ka lo dai ve mai mai chu ka ti,"tiin ka nuih sak a. "Lungngai suh,ka chen pui ang che,kekawr bul ha la nuam i ti zawk ang mawle,"a rawn tih leh hram a.


"A ho lutuk,ti hian nuam ka ti zawk,"ka tih takah chuan a bu nghut. In lamah pawh kekawrbul ka ha khat viau a,mi zinga kekawrbul hak ka inthlahrung du zel mai.



"Lokal rawh,lo ṭhu ve rawh,"min hui zeuh chuan Kci an tih zawk Bena bialnu chuan min lo hui a,an bulah chuan ka ṭhu thla ve a. "I inthlak ve dawn lo ami?"Kci bawk chuan a rawn ti a,ka tum loh thu chuan ka chhang mai.



"A ho e,i zak a ni maw? Zak tur te chu picnic ve loh mai tur ania,"Lesley chuan ngeiawm zetin a rawn ti a,ka nui tawi tak ringawt. "A ti ve mai mai a nih kha,ani hi chu a ṭawng duh dan ve ania,mi hi a fiam nghal bawth bawrh zel a,"Kci chuan a rawn ti vat a,ka lo nuih lui sak. Anni pahnih chu an in hresa a ni ngei ang an in be bawrh bawrh thei.Kan ṭhutna aṭang chuan Zonunsanga te ho tui cheng chu kan lo en a,nuam an tih hmel ngang mai.



"Zonunsanga nen hian engtik aṭang nge in in kawp a?"Kci zawk a ni.


"A,awih awm loh e,kan in kawp hleinem. Kan in kawm satliah ve ringawt,"nui deuh hak chung chuan ka ti a,nimina a chat dan ka mitthlaa lo lang chu ka duh lo ngei mai. "A mak ka ti reng a,Zonunsanga hian bialnu a neih ka ring lo reng ani,"Lesley chuan a rawn ti ve a.


"Tui va dai ve mai mai tawh ang u,"Kci chuan min nuih var var chuan a ti a,min in kai phei nghal a. A nelawm reuh a,min be nghal bawrh bawrh thei. Lesley pawh chutiang lutuk a sual a ni bik lo mahse ka ngaina lutuk lo.Lesley chuan tui a chen thiam avang chuan Sawmtea nen chuan an cheng a,mahni hlim hlim in an hlim ṭheuh a ni mai.Kci nen chuan ṭhu dunin eitur kan ei a,kan titi pah malh malh bawk.Kan khup vel thleng tui chu kan dai mai mai.



"Ka bialnu hi ka lo hawh lawk,"Bena chuan kan bul a rawn thlen chuan a ti a. "Hawh rawh hawh rawh,tah hian lo awm mai ru. Saw lampang saw ka va enkual vel teh ang,"tiin ka thawh san thuai a. Zonunsanga ka va hmuh chuan ka phun nghal nuah nuah.


"Lung te hi a nal ve tho ania aw,"Dominic chuan a rawn ti sup a,nichin lawk khan Zonunsangate bulah tui a cheng reng sia engtiklaiin nge a lo thlen hman ni.



DOMINIC POV.


Remremi chu ka titi pui a,Zonunsangan tur fe a min lo melh ṭhin chu ka hmuh hmaih lo chiang kher mai,ka thil tum hi a fuh dawn tih ka chiang reng bawk. Kan kal hma khan a duh loh thu a sawi a,tunah chuan zawt ila a chhanna a dang tawh maithei ani.


"I duh lo a nih chuan kei hian chhelo ka ti viau ania. Ka bialnu nih tir ngei pawh ka tum ang,"ka ti kha ania. "I thu thu a ni mai lawm,infiamnana i hman loh chuan,"tiin min chhang,min chhan hma khan a hreh ve deuh tih ka hria a,a thusawi hmanga chuan a ngaihtuah a ni tih ka hrethiam bawk.A duhna hi hriatthiam tir ka tum ber,vawiin hian ka hlawhtling ngei bawk ang. Kan awm chhung zawng chuan Remremi ka buaipui char char.


"Chhoh hmain Couple race nei ang u,"Benan phur zeta a rawn tih chuan ruahmanna ka nei nghal a. "Tehreng mai,kei leh Remremi kan ṭang ang,"tiin Remremi chu ka siai zeuh. Zonunsanga hi a mi duh lakah chuan a thik thu a chhe dawn lutuk tih kei hian ka hming ka hriat chian tluk zetin ka hrechiang.Kan mi duhte kan duh tih hre tur chuan thikna leh hlauhna tluk a awm lo.



"Aw,a ṭhat chu chuan Zoa leh Vena ni rawh se chuan Zonunsanga chu tuihleuh a hneh sawh ber bawk a min lo en dik se,"Sawmtea chuan a ti nghal zat zat. "Kan kut khing khat chauha hleuh tur,chuan lehlamin kan kawppui te kan kuah anga. Saw laia lungpui thleng saw ania nga,kan kawppui te nen ve ve kan dek tur ani a,Zonunsangan lungpui aṭang sawn min lo enfiah bawk ang. Phakar loh tur,a chak lo berin zanina kan in tur a tum ang,"ka ti lauh lauh,min pawmpui hlawm tliar tliar hle.



"Ka hlau ania aw,tui ka hleuh ve thiam lo ania. Min thlah miah suh aw,"Remremin hlauthawng zeta a tih chuan ka bu nghauh a. 'Zonunsangan a veng hneh dawn lutuk che,'ka rilru chuan ka ti a,ka nui deuh suk.



Tui chu kan hleuh a,kut khing khat chuan hleuh chak a har kher mai. Lungpui zawn kan thlen chuan Zonunsanga chu ka han melh zeuh,min lo en chiang lutuk tlat.Kan let leh tur chu Remremi ka chelhna chu ka thlah a,min chelh nghet lutuk lo ni ngei tur a ni,ka thlah rual rual chuan ani pawh chuan min thlah ve nghal.A tal buai rei lo Zonunsanga a rawn zuang thla vat a,vaukam lam panin a hleuh pui nghal a,ka zui ve nghal.


"I ṭha em?"Zonunsangan hlauthawn hmel zeta Remremi tui hak bawrh bawrh a zawh lai chuan ka thil tum ka hlawhtling tih ka hre chawp chilh nghal. Ka nui deuh suk.


"Remrem,ka tihpalh lutuk,"ka tih chuan nui lui suk chung chuan "A ho lutuk,"a rawn ti ṭham ṭuak. Zonunsangan hmeichhe tam tak zinga a thlang hi ka dem hauh lo,ani hi ka duh ve tihna a ni lo ania.Zonunsanga chuan rum fe in min melh.Kci chuan hruk puan a lo pe vat bawk.


"Dude,va phei pui la, inthlak pui rawh. Keini pawh kan rawn chho ve ang,"ka tih chuan a bu nghut a,inhru hmasa thuak thuakin shirt a ha sawk sawk.An kal liam chu ka zui reng.


"I tilui tih ka hria ania,"Zonunsanga ka bula a rawn thlen chuan a ti hmuk,ka lakah a lungawi lo hle tih a lang. "Nichina i hlauhthawn tluk zetin min thik tih ka hria ania,"a thusawi chhang lo chuan nui sakin ka ti a.Min chhan dan tur a hre tawh lo,a ngawi reng.



"Vena te pawn kan class hmeichhe chhelo leh bialnu tlak sawi dawn se Remremi hi a hmasa ber ah a lang ngei ngei ang. Muan channa chi a ni lo ania,han chhoh pui la,i duhthu sawi rawh. Nge ka sawi pui dawn che mi?"



"Keiman ka sawi ve thei,"a ti deuh hmuk a,in ring tawk ve lutuk.



"A ṭhat chu han hrilh rawh. Nichina thil thleng kha chu i inngaihtuah harh nana tih ka nih kha." Rei pawh ni lo ah chuan amah ngaihven turin a phei a. Remremi pawh khan a duh ve tih ka hre tho a,theih sa ah ka ngai tho.Ka ṭhianpa mahnise nerd(mi chut) chu ka ti hauh lo mahse hmeichhia leh hmangaihna lamah chuan mi chut dik tak a ni.

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)