SOMEONE TO YOU by NUTTY GIRL (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

Re: SOMEONE TO YOU by NUTTY GIRL (Completed)

Unread post by Ngaia » February 21st, 2021, 1:59 pm

SOMEONE TO YOU


BY:


NUTTY GIRL


CHAPTER-31


💜There is an attraction between us called LOVE ATTRACTION💜



"I ti ṭha lutuk tho ania,kei ai pawn," Zonunsanga chuan nui suk chung chuan a ti sap a,za lo zet chuan ka nui tawi tak ringawt. Ina haw nghal pawh ka peih lo a,librarya lehkhabu hawh ka duh thu sawiin library-ah kan tawi khawmuang a. Thil lei ngai ka neih thusawiin bazarah ka inhruai tir bawk a,ina ka haw hreh lutuk chuan tih tur ka zawng kual ruai mai.



"An hau dawn che mi? Tinge ina haw i hreh em em a?"


"Maithei,"tih zawng chauhin ka chhang. Result chhe tak nen chuan ina haw huphurh awm tak a ni,an beisei a sang ropui si."An hauh che chuan ngawi reng mai rawh chuan roomah i lut daih dawn nia,"Zonunsangan a tih sup chuan ka nuih a za let ling zawk. Ka huphurh lutuk hi min huphurhpui ve zo vekin ka hria. Ina haw ai mah chuan ka nu biak ka huphurh zawk.



"Lut phawt la,ka haw ang,"inkawta kan awm hnu chuan a ti ta sap a,ina ka haw loh hlau hmel a pu. "Umm,zanah ka lo bia ang che. Chak deuhin khalh lo la aw,"ka ti z*ng ta vah. "Umm,"ti sapin in lam chu ka pan a, kawngkhar in hawng huau a ka luh hma chuan Zonunsanga chu ka va en leh a,ka ban ka vai lauh lauh,a kut a rawn phar chhuak ve zuk,ka luhsan ta a.



"Engnge i result le,Remremte,"ina ka luhrual chuan Papuia chuan a lo ti nghal a,inthlahrung tak chuan ka result chu ka hrilh a. Papuia pawh chuan mak a ti tih a hmelah a lang vek.



"A har viau a ni maw?Emma-i kan lo zawt a top 10 ah chuan i lang lo tih chu kan hre sa a. A hma aia zir ṭhat i ngai a nih chu,thildang ngaihtuahnaa dah lo in,"Papuian a tih chuan ka kun ngal ringawt. 'Thildang' a tih khan Zonunsanga bak a sawi chhan lo tih ka hria.



"Emma-i pawh a pass bik chuan loh kha,a hma ai ṭha a in zir a ngai a ni mai,"Ni Puitei chuan nuam ka ti chiah lo tih a hria nge maw ni,kan bula rawn phei in a ti ve a. Thudang an sawi leh hma chuan in chungah ka chho ta daih.Khumah chuan Emma-i lo ṭhu ngui ve ngia. Kawngkhar ka khar rik chuan a rawn hawi chho nghal vat.



"Rem,"ngawi renga ka kal pel mai tur chu min lo ko a,a lam chu ka hawi nghal a.Kan inbiak khat zia ka hrechhuak ve ta chiah.



"I phone ka lo hmang thei ngem? Min laksak a,"a tih chuan ka bu nghauh a,ka phone chu ka pe vat a. Nelson a call dawn a nih ka ring.Kei aiin a dinhmun a chhe leh chhawng zawk. Kei chu ka phone tal min la laksak lo a mahse ka nu hian engtinnge min tih ang ka hre lo.A..ngaihtuah pawh ka ngaihtuah peih tawh hrih lo.



"Kha le,"Emma-i chuan ka phone min rawn pe let chuan a ti a,a mit pawh a sen ram mai.Min pek rual chuan Zonunsanga call a rawn lut nghal. "Nelson biak ka tum sia,vawikhat ka decline ania,"nui suk a a tih chuan ka bu nghauh.Kan inbe ṭha leh hi ka lawm takzet,a hma anga awm reng kha chu a nuam lo..



"Tinge i decline a,a busy leh char char bawk sia,"ka lak rual chuan a rawn ti pawr lutuk. "Emma-i phone an laksak a,a hmang a lawm," ka tih chuan a rawn thaw deuh hawk.




"I chhungte chu..."



"Umm,engtin vak mah Papuia te chuan min ti lo,ka nu biak leh a ni mai.Ani pawn phone aṭang te chuan engvak mah a ti thei lo ang," zangkhai thei tur ang ber chuan ka ti mahse chhungrilah erawh chuan ka huphurh ru hle thung.


"A ṭhat chu mahse i nu biak i huphurh tih chu zep buai tum duh suh,dawt sawi i thiam lo,"nui deuh hawk chuan a ti a,ka nui ve suk. Awmawman chaw eisiam tura min rawn koh avang chuan kan dah ta thuai.



Ni Puiteii chuan chaw ei lai chuan min zilh malh malh a. "In subject bakah subject dang lak in neih vang a ni maw?"U Nupuii chuan Emma nen chuan min rawn fiam zak zak a, inthlahrun tawh sa mah nak alai,inthlahrun a ti zual. Hawi pawh ka hawi chhuak tawh chaw chu ka bar mawlh mawlh ringawt.



"Aw,tleirawl nawm chen ve theih hun lai alawm,a ho e,"U Maman antih chuan Ni Puitei chuan a lo khap vat,Papuia erawh ngawi rengin chaw a ei a,ngaih a ti ṭha lo zawk. Min hau bawrh bawrh se,min zilh se lung a muang duh daih zawk ang.



"Ṭhu leh la,i chaw thleng ami kha bar zo rawh,"Papuian pawr chhura a tih chuan ka phu zawk thei.Emma chu ṭhu let zal zalin chaw chu a ei ṭha leh a,Papuia thinrim hi hmuh a khat bawk a,a thinrim chuan a hlauhawm hle.



"Naupang fuihpawrh zawnga ṭawng te kha awm lo lutuk.Keini chuan in zirlai ngaihsak ula kan duh ber. Remremi pawh i laka kan beisei a san vang a ni a,in unau en ila a lrhkhathiam awm chhun i ni. Ngaihzawng neih vang a he heu kual mai mai hi a hlauhawm. Lalrindik nang pawh i lakah ka dam mah mah a,hetiang ngawt hi chuan i ṭha dawn lo,i phone pawh hi ka pe let tawh kher lo ang che. Remrem nang pawh hauh i huat loh ka beisei,fanu zilh a ka zilh che hi hrethiam ang che,"ti nghut nghutin min thawhsan ta daih.U Mama chu Ni Puitei chuan a hauh zawm bawrh bawrh.


Emma nena thleng kan sil zawh hnu chuan roomah kan chho a.Ka nu min lo call chu huphurh viau mahila ka nghak fan fan tho."Ka lo let har lo ang,"Emma-in a tih chuan ka phone dahin ka hawi chhuak a,chhuah ruk a tum a ni ngei ang.Ka phone hman min dil a,ka pe a.Rei tak a hmang tawh lem lo.


"Papuia ten an hrechhuak ange,"ka ti sap,a thinrim lai a ni sia,ka lo hlauhthawn pui. Bakah kei chu a dawih chi hrim hrim ka ni..oh tunah chuan tlemin Zonunsanga vang leh Zonunsanga tan chuan ka ngam ve tawh chauh.



"Hrechhuak lo ang,"tiin balcony aṭang chuan a chhuak a,room kawngkhar ka kalh nghal sawk sawk.



Ka nu chuan dar8 rik dawn chuan min rawn call,lungphu dep dep in ka la a. Min zilh nghal malh malh. "Ka innghahna i ni ka tih tawh kha,heti mai mai a i awm te chuan,hah taka i tan ka thawh man hi a awm nang,"a rawn ti dap dap,ka tana a hahzia ka hai lo.Ka nawmsak loh a hlauh vanga mutmu pawh tuah ṭha hman ngai lo khawp a a thawkrim hi ka hai bik lo,hrehawm ka tih chhan em em a ni.


"Nu,tihpalh,"ka ti zuai raih.



"Bawihte i ngaihzawng neih hi ka remti vak lo ania,in induh tak tak a nih pawhin school in kal zawhah in in kawp dawn nia. Tun hi chu ngaihzawng neih nan a la hma,tunah tihchhiat phah nan i hmang nghal bawk a.Ani pawn a duh tak tak che a nih chuan i tana ṭha tur bak a ngaihtuah lo ang,a nghak thei em em ang che,"a ti dap dap.Ka rin ang ngeiin Zonunsanga a lo puh leh vek bawk.



"Nuu,a mak e,amah vang a ni lo ka tih tawh kha,ani chuan min pui nasa lutuk zawk.Ka tihchhiat chhan hi amah a ni hleinem,"ka ti vak,ka nuar ti tih bawk. Ka nu lungngaih tir ka duh lo,Zonunsanga ṭhen ka duh lo bur bawk.



"Amah vang a nih loh pawhin a la hma hrim hrim. I Papuia khan zana i chhuah ruk pawh kha min hrilh a nia,ka fanu fel tak kha i nia i insiamṭhat vat ka ring a,ka rawn sawi lang duh lo bawk a. Mahse i ngaihzawng nei hi ngaihtuah la,i ṭhatpuiin i hria em?"a tih chuan ka ngawi reng.



"I lehkhazir hun tur tam tak kha ani biak nan i hmang ngei anga,hun i khawh ral mai mai. Chuvangin tun dinhmunah chuan neih loh a ṭha ber,"a rawn ti leh dap dap.



"Nu,ka ṭhen dawn chuang lo,amah vang a ni lo ka tih mawlh mawlh chu ka thusawi te ngaithla ve phawt la,"ka ti leh deuh halh. Ka nu thusawi zawm loh har ka tih zia hrechiang tu bawk chu amah hi a ni.



"Kha lai hmun kha chu a zalen mah mah niin a lang,zanah pawh i chhuah ruk theih chuan tihdan ka ngaihtuah ngei a ngai dawn a nih hmel,"ka nu chuan a thusawi ka hnial avang chuan lungawi lo tak chuan a ti a. Ka nu hi chu nelawmin fel viau mahse a tih loh chin chu a ti lo bur.



"I tan chuan nu ka nih mai bakah pa nih ka kawp tih i hriat kha.Khatianga i awm mai mai a nih chuan keimah bak ka in dem dawn lo,hostelah awm la a ṭha ang,"a tih chuan ka mangang nghal ruai mai.Hostela ka awm a nih chuan Zonunsanga..



"Ka duh lo,Nelson pawh kha engtinmah i tih chuan loh kha,"ka duh aiin ka vin,ka nu ka vin khat hle mahse tunah chuan pawi ka ti tawh lo.



"Ani chu mi fel tak a ni lawm,tuna i kawp lak chuan."Huh..fel maw?"A fel lo,Emma nen min kawp kual a,amah vanga lehkhazir ṭha thei lo zawk a lawm ka nih,"ka sawi zawh rual rual chuan ka inchhir nghal mahse awmzia a awm tawh lo. Ka nu chuan a awmzia chu min zawt nghal vat,sawi lo thei lo dinhmunah ka ding bawk a,ka sawi ta vek.Hostela min dah chu a la tum bur tho,engnge dik lo pawh hi ka hre tawh lo e a.


Zonunsanga bulah chuan engkim ka va sawi vek,Zonunsanga ka biak meuh chuan ka mittui a luang zung zung mahse ani a tel ve thu kha engmah ka hrilh duh chuang lo."I nu thuawih rawh,nitin kan inhmu thei dawn tho a,"ti mahse ka lungawi chuang lo. Anin buaina a tawh lai ber kherin tiang hi a thleng a.Rui lo tura ka hrilh mawlh mawlh chunga ti hlei thei lo hi ngaihtuah a nat dan tur chu.



Emma pawh chu a lo let har lo a,kan room ah chuan kan ṭhu ngui bam mai.


~Next Morning~


School kal pawh chu a phur awm loh kher mai. Phur lo zet chuan ka insiam a,in aṭanga kan chhuah chuan Zonunsanga chuan min lo nghak ran tawh."I inpeih ami?"a tih chuan ka bu nghauh a,kan tlanchhuak zui nghal.


"Lawk aw,tan min lo nghak lawk rawh,"tiin kawngsirah chuan min dinpui a. Dawr te pakhatah a lut a,bike bulah chuan amah nghakin ka lo ding char char.A rawn let chuan ka hmaah tak a rawn ding.


Munch nuts awm ang pahnih leh munch pangngai pahnih chu a lo lek chhuak va a.Hrilh hai zetin ka melh chho ha."I nuih loh chuan a hrehawm,"a ti sup a,ka nui deuh hak. Munch chu ka kutah a lo hmeh bel nghal.A theih ang tawka min ngaihtuahtu hi min mamawh ber hunlai hian ka kalsan duh lo,ka kalsan ngai lo ang.


Chocolate dang zawng aiin Munch ka ngaina tih a hria a,min tih hlim nan a lei bawk a. Heti khawp hian Zonunsanga hi a duhawm a,a duhawmzia leh a ṭhatzia an hmu lo mai mai chauh a ni.



Inthlahrung lo in ads click ula aw😂💜



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » February 21st, 2021, 2:00 pm

SOMEONE TO YOU


BY:


NUTTY GIRL


CHAPTER-32


"Engnge i ngaihtuah leh vung vung tak a?" Zonunsanga chu ka va en a,a la maimitchhing reng tho sia."Engmah ka ngaihtuah lo,i muhil emaw ka tia,"class lak lai a nih vang chuan ka va ti sa sa,a nui deuh suk. Classah hetia a bawh loh leh min tibuai a,ka lehkhabua thil a ziak hnawk bawk a. A fail ṭhin hi mak ka ti lo, han pass na se chuan a fair lo zawk ngawt ang.Hostela awm mawlhin ka rilru a luah.



"Ṭha deuhin i zir anga,ṭha deuhin i pass leh mai ang,"rawn tho chhuak deuh hluai pah chuan a ti sup a. Hetia ka lungngaih viau hi ka pass chhiat vang chauhah a ngai mahse a bak a hre ve lo chu a ṭha zawk.



"Nia mahse hostela awm kher chu,"miss chhuah hnu chuan ka ti nang nang. "I tan a nuam zawk ang chu,Emma hmuh i ngai lo anga,"a tih chuan ka nui deuh sak a. "Emma nen kan boruak a ṭha leh tawh dawn in ka hria,"tiin nizana kan inbiak vel chu ka hrilh a.



"Hmeichhe ho tak hi chu,"tiin a phun hluk.



"Engnge?Kan boruak a nawm te chuan a ṭha daih zawk tihna a ni mai lawm,"ka tih chuan a chal a ti chuar nung. "A ṭhat chu,"a ti hmuk duh chauh leh nghal a,ka laka lungawi lohna nei emaw tih mai tur a ni mahse a hnuah chuan min tibuai leh tho.



"Remi lo phei rawh,canteen ah chhuk ang u,mi an tam thei si,"Melody chuan min rawn au lang lang."Ka phei dawn,"tiin Zonunsanga chu ka melh chho ha a,a bu ngauh.



"Tinge i van nguai em em?"ka ṭhiante bul ka thlen phei chuan Ruatpuii chuan a rawn ti a. Hostela ka nuin min dah a tum thu chu ka sawi sap.



"Yess,keipawh ka awm dawn lawm. I awm ve tur chu ka van lawm tak midang daih kawm ka ngai lo anga.Kan riak dun ṭhin bawk anga,"tiin Fiona chuan min rawn kuah chung chung. An ni anga thawveng taka awm reng theih hi ka chak ṭhin.



"Mahse hostel awm i ngai lo e,vawikhat i tichhia a ni ve mai a. Keini aiin i ti ṭha leh nghal,"Nutei chuan a rawn ti ve bawk. "Aa,lo sawi buai pui tum su,keimah chauhin hostel ka awm peih bik lo. Remrem,engkimah ka ring vek che nga,a van nuam dawn,"Fiona chuan thawveng takin a ti zui ham ham. Ka ṭhian thawveng zet te bula ka awm chu ka thawl ve deuh hawk mai.



Zonunsanga chuan min thlah haw leh a,ka nu thuzawm a hostel a awm turin min ti leh tawh.



"Nang pawh i pa thu awih ve tawh la,keipawh ka nu thuawih turin min duh ang tho hian i chhungte thuawih turin ka duh che,"tiin ka nuih deuh ver ver a mahse min chhanna vang chuan ka sawi ta kher kher chu ka in chhir vawng vawng.



"I nu chuan a hmangaih che lawm. Ka pate erawh an danglam lutuk,"a ti hluk.A chhungte hi ka dem ngawih ngawih ṭhin,keimah pawh hi ka lo tawt ve vek zel.




"Nih,runluih zel i tum ami?"



"Umm,ka theih chhung chu,"a ti hmiah,hetiang a nih te chuan engtinnge ngaihngam takin ka awm ve theih ang? Mahse tih theih dang ka nei chuang si lo.Ngawi renga thlir tawp a,amah ngaihtuah reng renga awm tih loh chu.


"Va lut tawh rawh,thil ngaihtuah ngut ngut zel lo la,"a tih chuan ka bu nghauh a,phur lo zet chuan ka lut.In chhung ka luh dawn chuan inhnial thawm ka hre nghal thei. Tim dai chuan inchhungah chuan ka lut a,Papuia a lo haw der tawh.


"Remi,nang pawh lo ṭhu ve nghal rawh," Papuia chuan nelawm vak lo chuan a ti a. "I nute nen thil kan sawi ho tawh a,in pahnih hian hostel ah in lut ang. Hetah zalen takin in awma awm ngaihna in hre lo a nih hi,ngaihzawng ka nei e in ti thul. Lalrindik,engtinnge i unaunu chungah hetiang te hi i tih. A zahthlak zo zai lutuk,Nelson pawh chu kawp tawh suh ang che,mipa ṭha tak a ni dawn lo.I phone pawh hi i hmu let tawh lo ang,"Papuia chuan thinrim zet chuan a ti hmarh hmarh,Emma chu ka va en a rum fe in min lo melh.Ka nu bul aṭang bak a hre lo ngei ang.



"In chungah chho ru,"Pupuian a tih chuan kan chho nghal a,nuam ka ti lo tak zet.



"Tinge tuna taka i sawi chhuah kher?Nangmah vangin hetiang hi a thleng a nih hi hre reng ang che. Ka hua che,ka haw lutuk che,"Emma-i chuan a lo luh chuan min tih khum tawn tawn. Nizanah ka him theih beiseiin engkim ka sawi chhuak a,ka beisei loh lam daihin Emma ka hnuk lut bawk.



"Engvanga haw em em ṭhin che nge ka nih i hria em?Lehkhathiam thei tak i ni a,ka pi leh pute in lamah pawh kal ila nang hi en tawn tur che in min ti a. Ka nu leh pate pawh an bang chuang lo,engkimah nang nena tehkhin ka ni te hi ka hne ngawih ngawih. Chuan..Nelson ka duh ruk lai rengin in lo inngaizawng bawk a,ani bak kha ka lam ṭang ka nei ngai lo. Engkim hi i thiam loh vek a ni,tuna ka chunga thil thleng zawng zawng hi i thiamloh vek.Hetah awm kher lo lang chuan tiang hian kan awm lo ang.Ka ngaidam tawh ngai lo ang che,"mittui tla phung chuan min enina a ti phiar phiar.



"Emma,"ka ko a bathroomah min luh san hmiah. Ka rilru a hrehawm lutuk chu ka mittui pawh a rawn luang ve ngia ngia tawp.Nizana ka nu bula thudik ka sawi kha ka inchhir ta ber.


Zanriah kan kil pawh chuan ka ṭhu kun lap mai.Ka thiamloh a ni lo tiin keimah leh keimah chu ka inhnem ve mawlh mawlh tho a mahse ka hrehawm tihna a reh thei chuang lo.Chhungkaw boruak chu a ni churh mai. Awmawma tak ngial pawn a hrethiam a ni ngei ang,a ngawi reng a. Min en kual leh zak zak ṭhin,chaw pawh chu ka ei tam lo kher mai.



Lehkhazir turin ka in chhawp chhuak rum a,ka rilruah erawh engmah a lut thei der lo.A lan dan chuan ka thiam lohna a awm lo ngei mai mahse ka unaunu leh ka ṭhianṭha ber tina tu ber ka lo ni reng bawk si a. Heta ka awm hi ka inchhir ngawih ngawih mai.



Zonunsanga chu biak ka tum a mahse a phone a la thei lo. Ka nuin min rawn bia a,hostela luh pawh chu ka hnial buai peih tawh lo bakah heta awm chu nuam tih lohna chin ka nei ve tawh bawk.Midang dem ka tum a,dem tur ber pawh chu ka hrechuang lo.



Zonunsanga chuan hma lutuk loah chuan min rawn call a,heta rawn kal turin ka ti tawp.A rawn kal vat tur thu chu a sawi a,a phone a dah a. Ber thla kan chuan kai tawh avang pawh chuan pawn chu a vawt suk mai.Papuia te an mut tawh avang chuan inhnuaiah chuan chhukin kawngkapui aṭang chuan ka chhuak a. Zonunsanga chu bike ngheng chungin a lo ding vang tawh.


A bul ka thlen chuan Zonunsanga hmai khem nuai chu ka va hmu nghal a.Ka rilru a lo hah sa nen chuan ka na ngawih ngawih a ni mai. "Tinge phone i chhan theih loh?Tinge i insual leh kher a?"ka ṭawng chhuah rual rual chuan ka mittui a luang nghal zawih zawih.


"Keimah vang tal pawn ṭha takin i awm thei lo ami? Mawh?Keimah vang talin i tum thei lo ami?Ka rilru i tihhah theihzia i hria em?Engtinnhe hetianga i awm reng chuan ngaihngam takin ka awm ve theih anga,"tiin ka inhnit nghal hlawp hlawp.Ka rilru a na tawh sa nen chuan ka rilru na chuan eng eng nge ka sawi pawh ka hrechiang lo,ka rilru a awm awm chu ka sawi bawrh bawrh. Zonunsanga chu ka hau ni berin ka hria. Mak tih hmel tak chuan min en ngawih ngawih a,ka banah chuan chelhin a lam hnaih turin min pawt a a awmah min bei tir hle hle,ka ṭap uar tulh tulh mai.


"Sorry,ka tina ṭhin che tih ka lo hre lo a,"natna tuar hmel pu a a tih chuan lu ka thing leh nak nak tho.



"Keimah vangin i ṭap fo em?"ka ṭap ka ban hnuah chuan a ti leh a,lu ka thing nak nak. Awih hmel a pu chiah lo,a hmel chu a chang fak leh nghal a. "Ka ti tak tak,ka rilru i ti hah ve ṭhin tih chu ka zep lo mahse nangmah vangin ka ṭap ngai lo,i bulah chuan ka hlim a lawm,"ka ti sap a,a nui suk a,hmun dang a hawi daih thung,thil a ngaihtuah a ni ngei ang.



"Sorry,min ngaihtuah em em tu rilru hah zetin ka siam ṭhin tih ka lo hre lo a. Insiamṭhat ka tum ang,"harsa zet chuan a rawn ti a,a sawi a a sawi ringawt pawh chu ka hlim lutuk. "I ti tak tak em?"amah la kuah reng chung chuan ka ti a,a bu nghut. Ni e,a tum a nih chuan a thei em em ang Zonunsanga a lawm a nih. Mahse a harsa viau ang,a pa runluih nan a a tihna kha a rei tawh lutuk tlat a,a thiam kher lo ang.


"Chuan,hetia min ṭah khum tur hian ami min rawn call?"nui deuh chung chuan min fiam a. Zonunsanga hi a ṭawngkam pawh thlak danglam tawh a,a nunhlui te chu engtikah emaw chuan a la kalsan thei em em ang.



"Aih,ka ngai che a,"ka tih chuan a nui deuh suk."Keimah vangin Emma pawh hostelah an dah lut dawn a,"tiin thil thleng chu ka sawi thuak thuak. "I thiamloh a ni lo ania,thudik a lawm i sawi,"ka dara chelh chuan a ti a,ka bu nghauh a,ka rilru la nuam pumhlum lo mahse tlemin a zia deuh tawh.


Karleha hostela lut turin min ti a,Fiona pawh ka luh rualin a lut dawn a. Zonunsangate ṭhianho leh kan ṭhianho chu kan hostel luh hma,min thlahna ni pah fawm kan leng ho a,nuam an ti leh hlawm khawp mai. Zonunsanga pawhin ṭha taka a awm tur thu min tiam ve thlap a,Dominic pawh ka ngaihtuah dan tur a hrethiam khawp mai,a kuta dan turin min hrilh ve ngei bawk.



~time skip~


Hostel pawh thlakhat dawn lai kan awm tawh,a hrehawm em em loh. Hostelah chuan Fiona nen kan awm deuh chawt ṭhin. "Zonunsanga a lo la thleng na nge?"Dominic rawn lutin a tih chuan ka bu nghuah a,Melody homework copy chu a awmzia ka hrilh zawm mawlh mawlh. Zonunsanga pawh a hma ang em em chuan a insual regu tawh lo a,apa nena thil thleng a awm leh ṭhin hi a buaithlak ber chu a ni.A tum ve nasa tih ka hria a,ka sawisel ngai lo.Emma nen pawh kan boruak a ngai reng,kan inbe ngai lo.Nilo a hmelhriat ang pawn min en tawh lo zawk,amah ka hmuh hi chuan ka inthiam lo leh tho zel.



ZONUNSANGA POV.



"Biak lawk che ka duh,"school gate a hmeichhe dingin a rawn tih chuan ka ding deuh chawt. Ka hmelhriat anga a awm pawh hi ka duh lo,hrep hian."Biak nachhan tur che ka nei lo,"ti hmukin classroom lampan chu ka tum a,a thusawi vang chuan ka ding dawt.



"Mi zawng zawng hian i nu ka ni tih hria se i duh ka ring lo. A dik em?"



"Duh lo mai pawh ni lo in,i ni lo zawk mawle,"in herin ka nuih suk.


"Ka fapa i nihna a bo chuang hauh hleinem,tuna i hmeichhe kawp pawh ka hriaa. Tunge a nih i hrechiang ve duh lo maw?"nui sanga min melh chuan a ti a."Ka nuna lo in rawlh turin ka tan tumah i ni lo,lo in rawlh suh,ka hmeichhe kawpah i buai a ngai lo,"in hum ruh chuan ka ti chang fak.



"Oh,i pa hmei fanu a ni tih i lo hre reng tawh zawk ani maw?"a thusawi vang chuan ka ner nawk.


"Dawt i hrilh kual theih mipa naupang kha ka ni tawh lo,"pan hnai ruak chuan ka ti a,a nui hmel hi ka hua.


"Anu a chhun a nih chuan a bum che anga,mipa dang lakah a kalsan ngei ang che"



"Ngawi rawh,"ti hrawk chuan gate chu ka tlawh pawp. Dawt a ni,dawt bak a sawi ngai lo."I pa ang mai i ni,sakawlh chuan sakawlh bak a hring chhuak ngai lo,ani pawh khan a nu hnung bawk a zui ang,"tiin a nui leh suk. Ani lo,a ni thei lo. Remruatkimi hi khanu fanu kha a ni thei lo.


In khaikhinna te hian rilru a ti na fo. I ṭawngkam hotea i ngaih pawh khan midang nun a tihnual vek thei a.Tumah famkim kan awm lo a,engkimah a ṭha ber kan ni vek thei lo bawk.Ṭha se i tih luat vanga midang nena i khaikhinna khan na tak a tawrh tir ve thei tho ania. I tum reng vang pawh ni loin ṭanpui i duh lutuk na lamah khan chem hriam tak in vit ve sawk sawk thei tho ania. A chang hi chuan hmelma anka aiin hmangaihtu anka hi a kha zawk thei tho ania.



Ads kha click leh hram hram ang u aw💜

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » February 21st, 2021, 2:00 pm

SOMEONE TO YOU


BY:


NUTTY GIRL


CHAPTER-33



Ani lo,a ni thei lo. Remruatkimi hi khanu fanu kha a ni thei lo.



"I pa fa a ni ve lo ang tih tunge sawi thei."



"Ngawi tawh rawh,i thu sawi hi pakhat mah dik a awm lo."Khanu fanu kha a ni lo a,ka unau phei chu a ni thei lo hrim hrim. "Ani thei tih chu i hrechiang a lawm. I la hnaih duh ṭalh a nih chuan i thu a ni e,i unaunu a lo nih hlauh phei chuan unau inngaizawng in ni bawk anga."



"A tawk tawh,lo in rawlh suh.Ani kha hmuh pawh hmu suh ang che,ka tan engmah i ni lo ka tih tawh kha,hre reng ang che,"in seh ruh ṭun chuan ka ti chhuak thei hram.


"Zonunsang,khawnge i kal dawn?School kal tur i nih kha,"tia min auh zui lawm lawmna chu ka hre lo der. Remruatkimi hi kha nu fa kha a ni thei lo,thudik a sawi thei lo ang. Bike chuan chak zetin ka tlanchhuak a,khanu thusawi kha a dik ka hlau a ni.Kha hmeichhe raipuar nen khan eng in zawmna mah an nei thei lo.



REMRUATKIMI POV.



First bell a rik pawh chuan Zonunsanga a lo la thleng lo. Dominic ka zawh lahin engmah a sawi lo a ti bawk si,a pa nen an inhau leh tawh ah ka ngai rum rum.



"In pa a lo kal loh kha lo ṭhu phei daih rawh,"ti a Ruatpuiin an bula ṭhu tura min sawm chuan ka hnial ta bik lo,mahni chauh a ṭhut chu ka peih lo,Nutei a lokal lo bawk nen.Class ah pawh chuan Zonunsanga ka rilruah a awm deuh reng mai.Engnge maw tal chu a ṭhiante bulah sawi se a ṭha tur.



"Dom,phone i keng em?"ka tih chuan a bu nghauh,ka lawmzia chu a."Zonunsangan a lo be hrim hrim tawh che em?"ka ti nghal zat a,midang chu ka dil duh chuang lo. Dominic hi chuan kan in kar a hrechiang a,ka ngaihtuahzia pawh.Ani hi awm lo se chuan ka buai thei viau ang.



"Aih,engmah a rawn sawi lo.Ngaihtuah lutuk duh suh,a fel sawt em hi,"tiin a nui sak a. "I duh leh va be rawh,"tiin a phone chu a rawn lek kang zeuh a,lu ka thing nak nak.



"Aih,a ngai kher lo,a lo biak leh biak loh che ka hre duh mai mai,"ka ti sap a,ka ngaihtuah lutuk mah mah in ka hria."Chutia ngai lo i tih te chuan,"tiin a phone chu a ak ṭha a. "Nitin deuh tho in awm dun a,in in ngaihtuah em em reng bawk a. Zonunsangan chawl lek lo a hmeichhia a ngaihtuah hi chu a awih awm loh lek lek a ni,"tiin a nui a,keipawh ka nui ve tho.



~~~



Zonunsang ni hnih lai a lokal Dominic ka zawh chuan a rawn kal peih lo mai mai a ti a. Ka awih lo rum rum a mahse a ṭhianpa berin dawt min hrilh chu ka ring chiah si lo.Kar leh lawk ah kan test dawn sia,Zonunsanga ringawt ka ngaihtuah ta lo deuh.Zir tur chu tam lutuk a ni lo mahse a hmaa ka cover phak loh ho kha cover vek ka duh a,zan pawh ka men rei phah ṭhin a,taksa a chau ve duh hle.


Vawiin pawh Zonunsanga a lokal ka ring lo leh tawp,bell rik a hun leh ṭep tawh miau a. Dawhkan bawh chuan ka mu a,Zonunsanga chu ka ngai reuh tak zet,min tibuai tu tur an awm lo chu a khaw har thlak ngawih ngawih. Nutei a lokal tawh avang chuan nimin lamah pawh ka ṭhu phei tawh lo,Zonunsanga nena kan ṭhutnaah chuan keimah te in ka ṭhu.



"Ehe,Zonunsang,i lokal dawn lo emaw ka tia,"Dominic an a tih chuan ka tho zawk a,Dominic chuan ipte zen chung chuan min lo nuih ṭiah ṭiah. A van ngeiawm mai mai tak. "Engnge?I van sual tak,"ka ti deuh sap. Hepa hi chu awm lo se chuan class pawh a khawharthlak zual viau ang,kan titi nasa thei mai.



"I lung a len hmel em a lawm,khatia han fiam che kha ka chak a,kha ti em em khan i phur ang tih ka lo hre hleinem,"a tih chuan ka ner nghal nang. Hepa hi a nghal lo ti a sawi tur chu a ni miah lo.



"I ngai bawk sia,a lokal dawn,"a tih chuan nuih pawh ka nui peih lo. "I van sual tak,min tihder mai mai tawh lo ang,"ka ti a. Kan inbiak lai chuan ka hachhiau deuh ṭhat ṭhat. "A changtupa school kal lo hi i tuar na e,i damlo nghal ringawt a,"tiin a chek tlat tlat.Hnial pawh ka hnial peih lo,ka hnial hneh dawn lo sa a ni hi chu.



Ni thumna atan Zonunsanga a lokal leh dawn lo. Bell a ri a,an lo lut sang sang.Zanah biak tur a awm lo ringawt pawh kha ka awm thiam lo ṭhin ania,tunah ve thung chuan nithum lai ka hmu dawn lo a,a thla chu ka tihtauh khum leh bawrh bawrh ṭhin.



"May I come in,Sir,"ti tu aw ka hriat chuan ka hawi chho rang lutuk Zonunsanga ngei a ni. "Tinge i hmai te chu?"Sir Ricky chuan a ti a,min lo en ve chiah,a hmai khem deuh chu ka hmu ve nghal.Thil thleng chu a awm leh chiang a lawm.Sir in a ṭhutnaa ṭhu tur a a tih chuan min en reng chung chuan a rawn phei a. A rawn ṭhut rual chuan bag a dah ṭha sawk sawk,hmalam a en ngar a,Zonunsanga ngawt chu ka en.


"Tinge i lokal loh?I ṭha em?"Sir chhuah rual a ka tih chuan a bu nghauh. "Tinge i lokal loh? Thil thleng a awm ami?"ka ti leh nghat,a mit hnuai lam dum phei ralh aṭang chuan a mu ṭha lo tih a hriat lutuk.


"Hmanzanah ka insuala,min hmuh chuan i rilru a na leh dawn sia,"tiin a ṭhen sak,a hliam chu nizana mi a ni tawh lo tih chu a hriat theih. "I van â tak,ka hmuh loh che in ka ngaihtuah zawk che,"ka ti sap a,Miss a lo chhunzawm nghal avang chuan ka be tawh lo,ka ṭhu ṭha sawk sawk a.Tunah chuan a lokal tawh a,ka rilru a hahdam deuh tawh.



Dawhkan bawh chuan min en leh ngar ngar zel,class kan lak chhung zawng chuan ka kal bo hlau ni awm fahranin nghet takin ka kut a hum a,ani pawn ka ngaih ang hian min ngai ve takzet aniang.



"Vawiin chu ka bulah awm char char rawh,"lunch break a ka ṭhiante bula ka kal tur chu a ti deuh tlat a,nidanga a awmdan nen a danglam viau mahse a chhan erawh ka hre lo. Ka hritlang dawn aniang ka hachhiau leh ṭhat ṭhat ṭhin a.



"Tinge i dam lo ami?"canteen lama kan kal chuan a ti sap a.



"Aih,ka dam. Mahse ka hritlang dawn aniang,"ka tih chuan "In enkawl ṭha ta che,"a ti hmuk,vawiin a awmdan hi a dang riau a hriatna ka nei. Ka chet dan zawng zawng chu chik zetin min en vek in ka hria. Rilru hahna a nei a nih ka ring a,a neih loh thu a sawi bawk si. A lokal loh chhunga thil dik lo a thlen leh thlen loh ka zawh pawn a insual thu bak a awm lo a ti bawk si,a awmdan hi a mak tak zet.



Ka thil ei lai chu min en reng aa,a ei ve awm pawh ka hre lo. "Ei ve ta che,"ka tih takah chuan a ei ve ta chiah.



"Rem."



"Umm,"ka thil ei lai ei pahchuan ka ti a.



"I nu,"a ti sap a,a ngawi leh vang vang avang chuan amah en tumin ka hawi chho ha. "Engnge?"a sawi zawm tak loh avang chuan ka ti sap a. "I...in inbe ṭhin em?"a ti bah deuh nak.



"Aih,be ngai lo phone ka ken luh loh hi,"tiin ka nui deuh sak a mahse thil ngaihtuah ngun hmel deuh chuan hmalam a en ngar ngar.



"I nau kha a boral khan kum a la tling lo i ti tiro?"a tih leh chuan ka bu nghauh a,engmah min zawh zawm tawh lo. Thlanmuala min lo lam khan ka hrilh vek tawh ania.Nileng chuan kan in zui chawt a,ka awm a nawm chiah loh avang chuan chawhnu pum chu ka bawk deuh tawp. Tlaiah chuan Zonunsanga chuan kan dome thleng min thlah. Girls dome hi kan school nen a in zawm ti tih a ni mai,school nena a in pawhna step tawi te a awm a,school kal dawnah pawh hman hmawh deuh a kal a ngai ngai lo.



"Damlo suh aw,"ka luh hma chuan ka chal a fawp vang vang chuan a ti a,ka nui deuh sak.Midang an awm leh awm loh chu ka en kual zak zak bawk. Ka thu pawh a ni tawp si lo a,min ngaihtuahzia ka hmuh phei hi chuan damlo reng pawh ni ila pawi ka ti tawp nang.



"Umm,damdawi ka ei nghal dawn a lawm,"ka tih chuan a bu nghauh a,zanlamah meng rim tawh lo turin min ti bawk. A kal tur chu ban vai lauh lauh chuan ka thlah a. "Naktukah school lokal ngei ngei tawh ang che,"tiin ka au zui a,a bu va nghat.Ka ngai nghal em em ringawt a.


~~~


"Remrem,i nawm sam loh chuan school kal kher lo mai rawh.Warden bulah ka va sawi sak ang che,"Fiona-in a tih chuan lu ka thing nak nak. "Nizana ka nachhawkna ei kha a la thawk,bakah ka ei leh mai ang nakinah,"ka ti a. Nizan lamah ka khua a sik ser ser avangin ka awm a nuam lo hle. Khaw vawt vin tek tuk nen chuan inhmeh lo tak a ni.



"School kal loh i hreh bawk si,I nawm viau loh leh teacher te bulah kan sawi mai dawn nia,"Fiona chuan lungawi vak lo chuan a ti hlak hlak. Class ka thlen pawh chuan ka bawh deuh char char,Zonunsanga pawh a lo la thleng lo.



"Remrem,Zonunsangan ka lokal dawn lo atia,"Dominic chuan classroom chhunga a lo luh rual chuan a rawn ti nghal a,ka lungawi lo ru hle. Niminah a lokal tur thu a sawi reng sia.




"I dam ṭha na nge?"



"Ṭha e,ka hritlang mai mai,"ka tih chuan a bu nghauh. "E,taka Dom,Zonunsangan thil hrilh che a nei em?"ka tih chuan lu a thing nak nak. Nimina thil thleng ka ngaihtuah hian thil zep a neiin ka hria. A nu emaw a pa chungchang a nih ngei ka ring.


"Remrem,zu mu daih rawh,i pang pawh a lum leh ṭan ania,Sir te chu kan lo hrilh mai ang,"tiin ka ṭhiante chuan min tur sek. Lunch break ah chuan ka vai deuh ruai mai."Min lo nghak rawh,hei ka copy zawhah ka zu hruai thla ang che,"Fiona in a tih chuan ka lo hnial vat.



"Aih a ngai lo,ka chhuk mai ang. Tikhan lo copy mai ru,dar a ri hman ang,"tiin ka tho chhuak a,dome lampan chuan ka chhuk a. "Rem,i ṭha em?"mi pakhat ka su dawt a,ka han melh chho ha a,Nelson a lo ni.



"Aw,ka ṭha,"tih zawngin ka chhang.



"I ṭha lo,i damlo ami? Khawnge i kal dawn,ka hruai ang che,"a tih chuan dome a kal ka duh thu ka sawi ta ringawt. Ka lu a hai muai muai avang chuan ka kal thlen peih pawh ka ring lo.
Khumah chuan min mut tir a,lawm thu ka hrilh sap a,khum bula damdawi chu ka dah chu ka ei nghal.



"Han chho tawh rawh,ka lawm e,"Nelson bulah chuan chau zet chun ka ti sap a,ka maimitchhing nghal vang vang.


"Rem,ka ngai tak zet che,"a rawn ti sup a,ṭawng pawh ka ṭawng hma chuan ka hmuiah min rawn fawp nghal tawn tawn.Min bawh run a,ka pawnfen inhlim chho aṭanga ka mal a rawn zut thuak thuak chuan ka hlauthawng tak zet.Nam sawn ka tum ṭang ṭang a mahse ka thei lo.Ka ṭah a chhuak ut ut tawh.



"Engthil nge in tih kha?"kan warden aw ka hriat rual chuan min bawhtu chu a awm sawn dawrh a,Nelson pawt sawn tu chu Zonunsanga a ni,thinrim.tih hriat takin Nelson chu a khawih a.Miss chu a rak deuh chul a,midang an lo pung khawm sap sap niin ka hria.Zonunsanga te insual an ṭhelh hnu chuan Miss thusawi chuan min ṭhawng tak zet.



"Remruatkim,dome chhungah mipa hruai luh phalloh tih i hre reng awm si a. Mipa i lo tawm pui ngam a maw?"Miss chuan a rawn ti a,chutiang chuan maw a lan a. Ka hrawk te chu a thip hlur a,ṭawng pawh ka ṭawng chhuak thei lo. Zonunsanga chu ka va en a,Zonunsanga hmel ka hmuh rual chuan ka mittui chu chawp leh chilhin a luangthla nghal. Thinrim hmel zetin min en a,ani pawh chuan min ring hmel a pu lo.Hrilhfiah ka duh takzet.




Ka va hul si em🤧khua a vawt tek tuk bawk si.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » February 21st, 2021, 2:00 pm

SOMEONE TO YOU


BY:


NUTTY GIRL



CHAPTER-34



Zonunsanga chu ka va en a,Zonunsanga hmel ka hmuh rual chuan ka mittui chu chawp leh chilhin a luangthla nghal. Thinrim hmel zetin min en a,ani pawh chuan min ring hmel a pu lo."Zonunsang,"ka ti sap a,ka aw pawh chhuah pawh a chhuak thei lo ,min en ngur tu erawh chuan ka hmui phun aṭang a hre chiang hle ang."Han chho tawh rawh u,hetah engmah tih tur a awm lo. Nang tih loh chu,"Miss chuan a ti a, Nelson leh Zonunsanga tih loh chu an chhuak vek.



"Zonun,nang pawh han chho rawh," Zonunsanga en chung chuan a ti leh a. Ka ṭhut ngaiin ka la ṭhu reng a,ka taksa chu a zawi ngawih ngawih. "He thil thleng vang hian Principal inhmuh ngei angai ang,hnawhchhuah hial pawh tawk thei dinhmun ah in ding tihhria ang che u,"Miss chuan a ti leh nghal hmak a,miss thusawi chhan let ai chuan Zonunsanga chhuak auh let chu ka chak ngawih ngawih.



"Thil thleng a awm em ni?"rawn ti tu chu Principal a ni.Engmah tihsual nei lo mahila ka hlauthawng nghal ngawih ngawih."A ṭhianten an class teacher bulah a damlo a,dome a mu hahdam tur angin an sawi a,ngaihven tumin ka chhuk a,ani nen a an awm dun lai hi kan zu hmu a."






"Miss,i ngaihdan ang kha a ni lo,"ka aw chu a chhuak chang chang a ni.Ka rilru chu a mangang takzet.



"Mitdel emaw min ti em ni?Ka hmu chiang viau che u,min bum thei lo ang,"a rawn ti chang fak a,Nelson kun ngur chu ka melh tlawk tlawk ringawt.



"An chhungte ve ve call la,an chhungte lo thlen hunah an rualin ka office ah kan sawi ho ang. Dan in bawhchhiat avangin hremna in pum pelh hauh lo ang,"Principal chuan tiin a chhuak zui vut a. Ka dikna ngei ngei ah pawh ka insawifiah thei lo hi a na ngawih ngawih.




"I chhungte thlen hma tah awm la,nang pawh class ah awm ang che. I chhungte lo thlen hunah kan lo hriattir ang che,"Miss chuan a ti a, Nelsom nen chuan an in zui chhuak a,chau zet chuan ka mit ka chhing vang vang a,ka mittui chu a luangthla nghal pap.Zonunsanga khan min ring angem? Tinge huat hmel taka min en?Ka mu a,ka hrawk te chu a na ut ut mai. Ka mittui chu a luang leh ngia ngia ṭhin.Hru tur pawn tha ka nei lo,ka chau takzet.



"Remrem,Remrem,Remi,"min sawi nawk nawk tu an awm chuan ka meng chhuak riai riai,Fiona leh Melody an ni. Mangan hmel takin min rawn en.



"Engnge thleng a?Midang thusawi kha engnge awmzia,"Fiona chuan a ti vat a,thil thleng ka sawi rual chuan ka mittui a far zawih zawih."Awi,avan buaithlak leh zel tak. Nelson chu avan zak lo tak,ka ngei lutuk.Hmanhmawh deuhin Zonunsanga a lo kal a chuan i awmna min zawt a,i nawm sam vak loh vanga dome a i chhuk thu kan sawi a,"Melody chuan per tan tan pah chuan a ti.



"In hmu leh em Zonunsanga?"ka ti nghal vat,ka aw pawh chu a tham chal a,a ri chang chang.


"Aih,hmu lo.Miss Mamawii chuan engtinnge chutiang chuan a ngaih theih. Principal bula a sawi chuan Principal in a fanu thusawi a awih vek ngei ang mahse thudik sawi ṭang ṭang rawh. I chhungte lo thlen hunah pawh lo hrilh vek rawh,Principal an sawi pui thei em em ang. Lalfakawma pawh chu a chak lo ang,a zak lo e,"Fiona chuan a ti ve hlak hlak.


"Zonunsanga chu hmuh ka duh asin,Melo phone i keng em?"Melody melh chuan ka ti a,Zonunsanga bak ka rilruah a awm thei tawh lo. Vawikhat ka call a a ring ral ṭhak.


"Kan lo call mai ang,zun dilin kan lo chhuak a bakah Miss Mamawii a lo let thut ang. I tan buaina a tam mai mai,"Melody chuan a ti a,ka bu nghauh. "I rilru tibuai duh suh,Zonunsanga chuan chutiang chuan a ngai ve lo ang,"tiin Fiona chuan min kuah vang vang.Ka ṭhiante pahnih pawh chuan min en ngawih ngawih ringawt.



"Lungngai reng reng suh,Lalfakawma chu a chak lo ang,"Melody boruak tih zangkhai tum tak chuan a chhuah pah chuan a ti a,ka bu nghauh ringawt.



Ni Puitei a lokal a,thil awmzia min zawt a. Ka hrilh fai vek,min rin leh rin loh ka hre lo. "Principal office ah chuan han chho ila,"a tih chuan ka tho chhuak a,ka khup pawh chu a khur der der mai. Mahni pawn ka ding hlei thei lo,ni Puitei rinchhan chuan ka kal hi a ni ringawt.


"I kut a va sa ve,i khua a sik deuh a ni maw?"tia a kut ka chal a a rawn dah te chuan ka mittui bawk a far thla leh kauh.Principal office aṭanga Zonunsanga rawn chhuak ka hmuh chuan ka lawm tak zet.



"Zonun.."a hming pawh sawi pawh ka sawi zo hman lo,min kal pel nghal hmiah.Ka kuta min vuanin engkim a ṭhat leh tur thu sawi se ka ti takzet mahse a thleng lo nasa lutuk. Vawikhat te pawh melh pawh min melh lo,hmelhriat loh ang maiin min kal pel a.Ka en zui vawng vawng.Nichina thinrim taka min melh te kha ka mitthlaah a rawn lang uai uai.



"Lut ila,"ni Puitei a tih takah chuan phur lo zetin office ah chuan min luh pui a. Kan chhuah hunah Zonunsangan min lo nghah ka la ring fan.Principal office chhungah chuan Nelsona nu leh Nelsona,Principal,Miss Mamawii leh hmeichhe pakhat an lo awm. Puitling ho chuan thil an sawi mawlh mawlh a,an sawi ber pawh ka hre lo. Vai ruaiin an zingah chuan ka ṭhu ve a ni mai.



"Sir,Miss in rindan kha engmah a dik lo,ani hian dome a ka chhuk lam min hmu a,min hruai a. Ka duh lo chung..."Miss Mamawii chuan bawk chuan ka thusawi lai a rawn pawt chat leh.



"Engkim ka zu hmu vek a lawm,i duh loh chunga khawih che a ni lo. Dawt i sawi zel a nih chuan he schoolah hian i awm thei lo tawp ang,"Miss Mamawii chuan a lo ti hmak.



"Lalfakawm sawi ve rawh,engmah ka thiam loh a awm ve lo,"ka ti hak a,Nelson chuan engmah sawi a tum lo,a kun ngur ringawt. Hepa vang vek hi a ni,min hruai thlak a tum ka duh mai kha ka thiam loh vek a ni. "In inkawp ṭhin a ni lawm ni?"Miss Mamawii chuan a lo ti khauh,Nelson chu a bu nghat.


"Mahse tunah chuan engmah a awm tawh hleinem,"ṭawng chhuak tur chuan ka chak na zawng zawng ka hmang zo vekin ka hria.Tuman min awih lo chu hrehawm ka ti takzet.


"He school aṭanga hnawh chhuah hial theih i ni a,in hmakhua kan ngaih vanga ti lo zawk mai chauh kan ni.Dawt sawi a,phat buai chu tum lo mai rawh,"Principal chuan a ti chang fak a. Ka thaw hak,ka thil tih ni lo pui ti a min puh an tum chu ania.


"Duh tawk tawh rawh,"ni Puitei chuan ka kuta rawn vuan chuan a ti a,ani tak ngial pawhin min awih lo chu ania. "Naupang dang pawhin inthil tihsual an hmu che u a,hremna chu in pum pelh lo ang ka tih kha. Kar hnih suspend in ni ang,"Principal chuan a ti a. Ka dikna ngeiah ka in sawifiah angai a,ka insawifiahna ve lah an awih si lo. Anni hian min awih lo mahse Zonunsanga a la awm tho tihna rilru chu ka la nei det det. Ni e,ani chuan midang zawng zawngin min rin theih loh lai pawn min rin tlat kha. Midang aiin min hrechiang bawk, hetiang ka tiduh dawn lo tih chu a hre lutuk tlat.



Principal office kan chhuah aṭanga school gate kan pelh thleng chuan Zonunsanga ka zawng ru char char a mahse hmuh tur a awm lo. Ni Puitei nen chuan ngawi rengin Taxi chhungah kan ṭhu dun a,tumah kan ṭawng lo. Ṭawng chhuak tur chuan chakna ka nei pawn ka hre tawh lo.


"Ti khan inthlak la,mu hahdam hrilh rawh,Bawihpuia ka va lam leh lawk ange,"ni Puiteii chuan a ti a,min chhuah san zui nghal a. Inthlak lo chuan khumah chuan ka mu hnawk a,ka chau tak zet.Thil hrechhuak thutin drawer a ka phone dah ṭhat chu ka la chhuak a,ka switch on vat.A in on chhungte chu rei ka ti ngawih ngawih.


Zonunsanga chu ka call a,a decline zel. Ka beiseina la awm ve det det chu Zonunsanga ah a ni. Wifi ka connect a,whatsapp message chu a lo thleng nghal zung zung.


*I morning wish hmuh tur a awm lo hi chu a khawharthlak.*Zonunsanga message a lo awm nual,a hnuhnung ber chu heihi a ni a,chu chu nimin piah lawk ami a ni.Message chu type ka tum uk uk a mahse sawi dan tur ka hre lo.


*Min ring ani tiro?Miss sawi ang kha engmah a ni lo tih i hria tiro?*tih chu ka va thawn a,a hmuh tawh leh tawh loh chu ka en sek.Min rin mai ka ring a mahse lehlamah ka hlauthawng thung.


Message tone a ri a,ka en vat. Ka thil hmuh chuan min deng dawt ni mai hian ka hria.


*Heihi kan tawpna ni rawh se*


*In sawifiah tura min duh pawh ka in sawi fiah ang. Khawngaihin,nangmah talin min rin ka bei asin Zonunsang,ka insawifiahna i ngaithla phawt duh lo ami?*voice chuan tiin ka inhnit hlap hlap. A ngaithla ngei a mahse engmah chhanna a awm lo. Message ka va thawn leh a,a dp a hmuh theih loh nghal a. Ka message dang zawng zawng pawh chu engmah a thleng thei tawh lo.


Beidawng zet chuan ka phone chu khumah chuan ka theh thla a,ka bawk nghal thlawp. Nichin kha chuan ka mittui tla mahse ka ṭap chhuak thei lo. Rizaia ka ka hup bet chuan nasa zetin ka ṭap hawm hawm. Engvangin nge Zonunsanga khan min rin theih loh,midangin min rin loh pawn pawi ka ti lo. Ani rinna chauh kha a lawm ka duh.Tinge min rin theih loh?


A tawi viau mai,in beisei pawh a pha lo viau ang. Ka dam sam lo lutuk a a mood ah pawh ka cheng tak tak thei lo. Ni hnih em han dah loh zawn chu ka duh vak si lo a,inthlahrung tawkin tawi deuh ka rawn dah mai😅💜

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » February 21st, 2021, 2:00 pm

SOMEONE TO YOU



BY:


NUTTY GIRL


CHAPTER-35


"Bawihte,"ka nu aw ka hriat rual chuan ka meng nghal riai riai. "Ka lo thleng chiah a,"a ti nghal sap,ṭhu chhuakin ka kuah vang vang."Ka kalsan tawh ngai miah lo ang che,"tiin ka hnungah chuan a beng thek thek.


"Keimah vangin i lo haw duh kher a,ka dam leh ṭep tawh asin,"ka nu ka hmuh lohna a rei tawh bawk a,ka ngai takzet. "Chawlhsan ka tum tawh hrim hrim a lawm,pawisa khawl ka ngah ve tawh a,Thenzawl lama dawr siam ka duh tawh a lawm."


"Nu ka ngai tawh lutuk che,"ka ngai tawh takzet a ni."Tunah chuan i bulah ka awm char char tawh dawn a lawm,thil ka lo hawn ṭeuh che ania,"a tih chuan ka nuih sak.



"I lo thlen lai ka hre lo reng reng."



"I mutui em a lawm,ka inbual diam tawh. Ti khan mu leh rawh,i eitur ka va siam ang,"a tih chuan ka chau zet chuan ka nui sak a. Tlang hrileng mai emaw kan ti a mahse ka dam theih loh vang chuan nimin piah lamah khan ni Puitein damdawiinah min hruai a,ka hb a hniam bakah Malaria te nen ka kawp ṭun mai.Ka damdawi ei hian ka mut a tichhuak thei lutuk mahse a zia phian zawk, Zonunsanga ka ngaihtuah reng lo deuh. Mahse ka men chhung na na na chuan ka rilru luah ber tu a ni.



"Kha le,ei ṭeuh rawh. I damloa i cher lutuk,"ka nu chuan a rawn luh pah chuan z*ng vahin a ti a. A chhang ur leh coffee chu tray in a rawn keng lut bawk. "Ka ti dai tawh,ei nghal rawh,"tiin side table ah chuan min rawn chhawp sak a,khumah chuan a lo lawn ve a. A hmel ka en chuan a hma aiin a upat ve hmel tawh zawk in ka hria.


"Hostel ah khan dah lut lui tur che ka ni lo asin le,"thaw deuh hak chuan a ti a. Kha thil a thlen zana ka nu ṭap hlawp hlawp a ka va call te kha ka mitthlaah a rawn lang uai uai mai. Ka nu khan min rinloh ve tho ka hlau lutuk khan ka thiam loh a nih loh thu ṭap zawih zawihin ka sawi kha ania. Ka ngaihtuah let zawng ringawt pawh chuan ka mittui a rawn hnam deuh sawk.



"Nu,i thiamloh a ni hleihnem,"ka ti ve ngial.



"Heta awm turin kalsan lo che ila chuan a thleng lo tawp ang. I duh lo chung hostela lut tur che in ka nawr bawk che a,hetiang thil a thleng hi ka rilru avan na tak em,"a ti ngawih ngawih. Ka mittui chu a luang thla leh pap ṭhin,ka nu pawh a bang bik lo mittui tling pam chuan min en a.A fanu dawta an puh chu hrehawm a ti ve em em ang.


"I dam vat vat a ngai ania,eitur kha ei ṭeuh ṭeuh phawt rawh,"tiin a mittui chu a hru sawk sawk.


"Ka thil lo hawn che ka lo phawrh ang,"a tih chuan ka bu nghauh a,ka nu eitur rawn ken pawh chu chak lo viau mahila ka ei lui hram hram.


"Heihi,ka chhuk tirh khan ka lei sak che a. Bazara ka chhuah hi chuan i thawmhnaw tawk tur ang ka hmuh hi chuan en loh har ka ti ṭhin. Chhuak khat viau mahila ka chhuah hi chuan ka lei leh nge nge zel,"a tih chuan ka nuih deuh sak. Ka nu lo thleng chu tlemin ka zia phah ve hawk mai.



"Hei,i pi ta tur a nih hi,nalh i ti em?"tia min rawn zawh chuan ka bu nghauh a. Ka nu chhungkaw hmangaih em em tu hi ka lo ngai tak zet a ni.Heta min dah ringawt pawh hi ka tana a tih vek a nia,Thenzawlah pawh ka kal thei ngei mai mahse school ṭha taka lut a,ṭha taka exam turin min duh miau a.Ka rilru tih zangkhai tumin min tihhlim a tum lutuk chuan ka rilru a ti na zawk hial.


~~~


Ka harh chuan ni tla tur chuan room chu a lo chhun at mai. Ni tla tur chu chhum kar aṭang chuan a lo lang det det a,tun ang hunah hian Zonunsanga ka ngai ngawih ngawih zel. Tukverh chu ka hawng a,ni chuan ka hmai chu a lo chhun nghal a. In kawt vel ka en hi chuan Zonunsangan min lo nghak a rinna ka nei ziah. School kal dawn awm ah ka en a,school ban lai hun velah nen mahse ka en rual rualin ka beiseina chu a bo nghal riai riai zel. Hmuh tur a awm ngai lo.



"Zonunsang,ka ngai tak zet che,"tiin ka phun chhuak sap. Ka mamawh huna lo in lan chat chat ṭhin kha tunah hmuh tur a awm lo hi hrehawm ka ti.



Tunah chuan ka taksa chu zia lam a pan ve tawh mahse ka rilru erawh a hma aiin a na ni mai hian ka hria. Rilru a dam miau loh chuan taksa chu dam mawh tak a ni.Zonunsanga ka ngaihtuah chang phei chuan kha tih lai hun ang mai khan ka na,ka thawk zawng te hian ka kaw chhung hi a na vawng vawng zel.



"Hey Remrem,"titu aw ka hriat chuan ka in her a. Melody,Nuteii leh Ruatpuii te chu an lo lut hlawl. "Awii,ka ngaihzia che hi e,"tiin Ruatpuii chuan min rawn kuah nawk nawk.



"Kawngka ka kik nasat teh reng nen hriat pawh i hriat loh,"tiin Melody chuan a ti ve hlak hlak."Thil sawi tur ka ngah tawh zia hi e,zawh tur che pawh,"tiin Nutei chuan a rawn ti ve bawrh bawrh a. Khumah chuan kan ṭhu a.Tukverh bulah ka ding reng ania,an lo kal lam pawh ka lo hmu lo reng reng.




"I van cher em em,a hma kha chuan i chum deuh a. I chum deuh khan hmuh i nuam zawk,"Nuteiin a tih chuan ka nui hak,ka ngai haw lem lo."Ti hian in diet pahna ṭha tak a ni mai lawm mahse tlemin in ei thau leh deuh hlek rawh,"Melody chuan a lo ti ve thung.


"Lokal kan tumna a rei tawh. Tunlai chu kan school hi an strick thar tawp,class pawh ectra kan kal zak zak,"Nuteii chuan khuma muthlawp chuan a ti a. "Principal thar kan nei bawk,i awm loh chhungin thil a danglam hman teh ania. Chuan nih leh Zonunsanga?"Ruatpuiin a tih chuan lu ka thing mat mat.Kan inṭhen thu chu ka hrilh vek tawh,chanchin min lo zawt ve ṭhin mahse tunlai ka active loh em avang hian min zawh leh zawh loh pawh ka hre lo.



"School a lokal tawh em?"ka tih chuan a bu nghauh. School a kal tawh ber chuan a pangngai tawh a ni ngei ang.




"Kei chu Zonunsanga hi ka ngei tlat. A lo ṭhen dan teh tawp che kha.I rilru ṭhatzia hre chiang tur a nih laiin a la be duh lo khanglang che a,ka ngei tlat. Ka thin a rim tak zet,em em ana.Rui thle ber bur a awm a,a insual hrat lai zawng zawng pawn iai loin a bula i awm tlat a.Ani ve in buaina i tawk ve a,i bula awm aiin kalsan che a thlang zawng a. A hmel te hi ka ngei zo vek tawh,"Melody chu a ang bawrh bawrh.



"Dikchiah keipawn ka haw ngawih ngawih. Ṭhalungmawla a nih hi,"Nutei chuan a ti ve leh hlak. Ka thlavang an hauh vang a ni tih ka hriat avang chuan ka lo nui sak ringawt.



"Dominic aṭang biak i tum leh hrim hrim em?"Ruatpuii chuan pangngai tak chuan a rawn ti a,ka bu nghauh.



"Mahse engmah awmzia a awm chuang lo. Zonunsanga a bula a awm loh thu bak a sawi ngai lo.."



"Aa...Zonunsanga te ringawt sawi lo ang u. Karleh aṭang chuan school i lokal ve thei tawh ang tiro?"Melodyin a tih chuan chhan ngaihna ka hre lo. Kar hnih chu a ni leh der tawh a,ka kal thei ngei ang mahse ka ngam a ngem ka hre hrih lo.


"Lokal ngei ngei rawh,test an ti reng bawk si. Ka hne ania,i tello chuan test pawh a nuam lo,"Ruatpuiin a tih ve thung chuan ka nui deuh sak.A tlai tawh em avang chuan an awm rei lo,an haw thuai a. Ka lung a leng veng veng mai.


"I ṭhiante chu kawm hlim tur che a an lokal chu an fel hle mai,i hlim hmel sawt bawk a lawm,"chokaa ka luh chuan ka nu chuan a lo ti nghal vat a."Hlim sawt tehreng mai,"tiin ka nu chu ka kuah vang vang.Ni Puiteii nen chuan eirawng an bawl chhunzawm malh malh.


~~~


"Bawihtei board exam thleng awmpui ka duh dawn sia,inluah tur ka zawng deuh a,"ka nuin chaw ei laia a tih chuan Papuia ngaihdan a ni lo khawp mai. "Kan awm ve reng a,in luah hran a ngai lo. I awmpui duh leh hetah lo awm ve mai rawh,in luah hran a ngai lo reng reng,"Papuia chuan a ti charh charh a.



"A..kan tibuai nasa tawh che u a,hetianga tihbuai reng che u chu,"ka nu chuan a ti ve tlat bawk mahse Papuia chuan a phal lo nasa mai.Ka chaw ei a la tui vak loh avang chuan ka kham san thuai a. Roomah chuan ka lut a,study table hmaah chuan ka ṭhu ran a.Ka school bag chu ka hawng a,a hmaa ka dah ngai ngai khan a la awm vek.Lehkhabu chu ka keu a,phek hmasa ber ah Zonunsanga kut ziak ka hmu nghal.



"Someone to you,"tih chiang zet a in ziak chu ka khawih zeuh. Tunah chuan engmah ka thusawi pawh ngaithla duh loin a awm chu a nia. "Ka damlo ania min hmu turin i lokal dawn lo tak tak ami?"tiin ka phun chhuak sep a,atthlak ti zetin za lo zet chuan ka nui chhuak hak bawk. "Ka thlakhlehzia che hi hria la lang chuan heti hian min awm khum miah lo ang,"tiin ka phun chhuak leh sap. Midang thusawi a ngaithla duh lo a nih pawhin ka thusawi tal chu a ngaithla tur asin.Ka mittui lung ngia ngia chu ka hru tawk.



"Lehkha chu la zir duh suh,i la dam chian loh em kha,"ka nuin a rawn tih chuan ka mittui ka hru sawk sawk.



"Nu,school ka kal tawh dawn em?"ka ti ringawt.


"I dam chian hunah te chuan i la kal ang chu,"tiin min nuih sak a. "Nu,midangin engtinnge min ngaih ang?"he thil hi ka tawrh theih ka ring lo. "Bawihte,engtin pawn ngai che sela dawt a ni dawn a lawm. Dawt hian kan nun a tichhe thei tih ka hrechianga ka tawrh ang kha tuar ve turin ka duh lo che,"ka nu chuan a ti sap a,min kuah hlu hlu.


"Nu...mahse chutiang veka min ngai a nih chuan engtinnge ka awm ang,"ka ti hap a. He thil vang hian vawi engzat nge ka mittui a tlak dawn.


"Ka fanu,hmaṭha leh chak tak i ni a lawm. An ka an hman laiin nang chuan i rilru zawng zawng i hmang dawn a lawm. Dawt sawi mahse i thinlung erawh chuan thudik tak kha a hai lo. I ṭhianten an ring che a,keipawhin midang rinna kher a ngai hleinem. I hlim hmel ka hmuh khat zia hi i nuih loh chuan a nuam lo,hrehawm ka ti ania,"ka nuin ka sam tuai pah chuan a ti a. Kha thu kha Zonunsanga pawh khan a sawi ngei tawh,Zonunsanga bawk ka hrechhuak leh ṭhin hi hrehawm ka ti. Ka hriatna aṭanga peih chhuah hial ka duh.

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » February 21st, 2021, 2:00 pm

SOMEONE TO YOU


BY:

NUTTY GIRL


CHAPTER-36



"Bawihte,i in peih em?"ka nu chuan rooma rawn lut chuan a ti a."Umm,ti hian ka insiam zo a ni mai,sam ṭawn chiah a ngai tawh,"tiin ka sam chu ka khuih mawlh mawlh. "I Papuia a in peih tawh a,a nghak reng tawh che. I nawmsam vak loh chuan haw i rawn dil mai dawn nia,"a tih chuan ka bu nghauh a. Ka sam thur lai chu timam in min rawn kilh sak a.


Darthlalangah chuan ka in en a,ka hmai chu tlemin a hma aiin a la cher deuh mahse a hma ang em em kha chu a ni tawh bik lo. School kal chu ka huphurh lutuk mahse huphurh eng ang mahila exam ka duh chuan ka kal a la ngai ngei ngei dawn. Bakah attendence a pawimawh tawh a,internal ah ka hmu chhe lutuk ang tih ka hlau.


"Ka sawi kha aw,i nawmsam vak loh chuan,"ka nu chuan kan chhuak tur chu a ti leh a,sawi pawh a sawi zawh hma chuan ka lo chhang vat.



"Ka hria lawm,haw ka lo dil ang." Ka nui suk a,Papuia pawh a rawn nui ve huk tho. "A hriat chian khawp hi a,Remremte hrethiam rawh nu ho dan a nih hi,"Papuia chuan a ti a,Ni Puitei pawh chu choka aṭang a rawn ri ve nghal hlut mai.



"Kal ang,i ni Puitei phun kan ngaihthlak chuan kan tlai zo ang,"Papuia chuan fiamthu bawk chuan a rawn ti a,kan in zui chhuak a.School kal ka hreh lutuk chu kalkawng te chu ka hre tawi vek. School gate lianpui hmaah chuan kan ding ta ruah mai.



"Fel deuhin awm la,i nu thusawi i hriatchian em kha,"Papuia chuan fiamthu deuh a ti chuan a nui deuh hawk,ka bu nghauh a. Papuia tlanchhuah hnu chuan gate lianpui in hawng lam chu ka pan ta a.Min en duh riau bik a hriatna ka nei tlat.Ka kal te chu min en zui a min sawi zui hrep angin ka hria. A hrehawm tak zet.


Classrooma ka luh chuan ka ṭhiante chu an ri hlut. Helai hmunah hi chuan min ringtu awm chhun an ni tih ka hrechhuak nghal rum rum mai.Ka ṭhiante hi awm lo se chuan haw leh pawh ka duh hial ka ring rum rum mai.


"Awii,ka ngaih tawh zia che hi. Ka bula mu ṭhin ber i awm lo a,ka awm thiam lo teh mai a nia aw,mut pawh ka muhil thei lo,"Fiona chuan ka bana kai chuan a ti nang nang. "Zingah chuan thawh i hre leh awm chuang lo e,"nui rah rah a ka tih chuan midang ho pawh chu an lo nui ve hak mai.


"Aa...i awm lo a,zanah ka mu ṭha thei lo a. Zingah chauh hian ka muhil ṭhin a,kaih thoh ka ngai mai mai chauh a lawm,"buai map lo chuan a ti nghal zat zat,an nui dar dar a. Keipawh chu ka nui ve sak tho. Ani hi chu a duhnaah chuan a rilru a chak lutuk. Lehkhazirah a rilru a pe lo mai pawh a,tlema class a a ngaihthlak deuh chuan a hre zung zung zel.



"Ka bulah lo ṭhu rawh,"titu chu Fiona a ni.


"Khawnge ka ṭhut ve anga?Nangmah ṭhu chhuak zawk rawh,"Melody chuan a lo ti ve hlar bawk. "I ṭhutna ngaiah hian ṭhu leh rawh,kei Jessica bulah ka in sawn chho ang,"Nutein a tih chuan ka Ruatpuii bulah chuan ka ṭhu thla a. Ina tawm ngawt ngawt ai kha chuan ka ṭhiante bulah awm chu a hahdamtglak daih zawk. Helai hmun hi ni lo ngat phei se chuan.



Ka ṭhiante titi barh barh chu ka ngaithla a mahse ka rilrua awm erawh kawngka a lut mek chu a ni thung. Dominic leh Bena te beb an lo in zui lut a.Hma lam a en ngur a,a hmai pem deuh nuai chuan a hma ang bawkin a khawsa leh tawh tih a ti chiang mai. Ka zawn a rawn thlen pawh chuan melh pawh min melh lo,ka thinzawn chu a na leh ngut ngut mai.Mahse chuti chung pawh chuan ka ngai em em tho chu ania.


Vawikhat tal biak ka la duh tho. Vawikhat tal ka insawifiahna ngaithla se ka la duh fan, min rin mai ka beisei bawk.


Class chu an la mawp mawp a,zir loh ka lo ngah ve tawh bawk nen chuan ka bo deuh hu zel.Course kan zo ṭep tawh bawk a,course zawhah law law ka zir ve ṭan chiah ang. Lehkhazir boruakah pawh ka cheng lo hle,nidang ang lo takin thildang daih ka lo ngaihtuah zel.


Short break a ni a,bathrooma kal turin an chhuak sang sang. "Ka zun a chhuak,bathroomah in kal ve duh em?"Melody in a tih chuan ka kal ve duh thu ka sawi vat.Midang chuan an peih ve loh avang chuan kan pahnih chuan kan in zui chhuak rial.



"Aiii,zir tur a tam tawh bawk sia,engmah ka la thiam bawk si lo a. Engtinge ka tih ang le?"Melody chuan a tih chuan ka lo nuih deuh hak.Thatchhe zeta kalin ka banah min kuah a,min rin chhan ti tih.


"Aaa...Grography hi ka hne,"a ti leh nang nang a,Sir a hne thu a sawi zawm leh bawrh bawrh. "Tikhan min lo veng rawh,ka inthlak lawk ang,"a tih chuan ka bu nghauh a,a inthlak chu ka lo nghak ran.


"Hmania dome a thil thleng an sawi kha i hria i em?"tih ri ka hriat chuan ka ip chawi.An sawi zawm barh barh a,a kil bera kan awm vang chuan an hmel ka hmu lo mahse kan lampan chuan an lo kal tih ka hrethei.


"A ngam reng reng e,hostel ah te a tawm pui ngam ania,"a ṭhianten min rawn hmuh chuan an khap vat a,nuam lo a tih hmel ve viau.Melody a lo chhuak ve chiah bawk An zinga pakhat chu ka hriat ve deuh avang chuan Class 11 Arts ami a ni tih ka hre mai.


"Thudik tak in hriatloh chuan ngawi ngam ve rawh u. Dawt phuah belh in in han sawi leh a,phei ang Remrem,"Melody in a tih chuan an inthiam loh hmel kher mai. Classroom pana kan kal pawh chuan ka ngawi reng,ani thleng thlenga an hria a nih chuan hretu an tam viau ang. A zahthlak tak zet,ka ṭah te chu a chhuak ru ṭun mai.



"Engah mah ngai duh suh,dawt a ni tih hretu kan awm tho a. A hma ang kha a ni leh tho ang,tuman an sawi rei peih tak tak lo,"Melody chuan min hnem tum zet chuan a ti ve a. Hemi hmanga inhnem hi ka tum ve keipawn mahse a tuar tu tan chuan a har lutuk.



Classrooma kan luh pawh chuan min en hrek hrek ni berin ka hria.Ka confi lo tak zet. Ka ṭhutna ah chuan ṭhu indawhkanah chuan ka bawk ta daih.A har takzet,dawt a ni tih chiang viau mahila ka na tho. Ka tawrh tur tih ka hrian chian sa tho mah ni se,a taka han tawn chuan natna tawk chu ka la nei tho.

~~~

"Remrem,lokal ve ru,va vak harh ang u,classroom chu a ninawm e. A vawt si,intihlum pahna a ni mai,"Nutei chuan kawngka aṭang chuan min rawn au lung lung.
"Yes,lokal rawh va kal ang,"Ruatpuiin min pawh thawh a tum chuan ka lo hnial vat.



"Va kal mai ru,ka peih ve vak lo."



"Ok,a nih chuan kan rei vak lo ang. Zun ve lawk te ka duh a,"tiin ka hnung aṭang kher chuan a chhuak a, va tlan phei that that. Short break a thil thleng vang khan ka ngam tawh ngang lo. Bathroomah ka va kal zawk a,classroomah ka let leh nghal.



Dawhkan bawh chuan ka mu mai mai. Dominic aw ka hriat chuan ka tho vat a,Zonunsanga nen an rawn in zui lut. Vawikhat tal biak ka duh,tun aia hun ṭha hi a awm lo ang. Classroomah chuan mi tlem te chauh kan awm.



"Zonunsang,inbia ang,"ṭhutnaa an ṭhut fel hnu chuan an bula kal chuan ka va ti ta tawp. "Biakna tur che ka nei lo,"a ti hmuk,a awmdan chuan min ti na takzet.


"Keiman ka nei a lawm,khawngaihin,"ka ti leh hram.


"Biakna tur che ka nei lo ka ti mawlh mawlh chu,"a ti leh hluk,mittui tling pam chuan ka en. Ka rilru tawt zia chu hria se hetiang hian min ti kher lo ang. "Tun chiah hi a ni mai,"ka tih pawh chuan ka thusawi chu hria ang pawn a awm lo.


"Classroom chu a bengchheng emai,"Dominic bula ti deuh hmuk chuan a chhuak nghal nal nal.Zonunsang,m ti beidawng takzet.



"Nidangah biak leh i tum zawk dawn nia,a duhloh chuan tihluih a har zia i hriat kha," Dominic chuan a rawn tih chuan ka bu nghauh a. Ka mittui chu ka khap per sak sak,ka ṭah chhuah hlau zetin ka ṭhutnaah chuan ka ṭhu thla a.Ṭah mualpho ka duh lo.



Class kan lak chhun zawma mahse engmah ka ngaithla lo ti ila a dik ber. Hrawk thip rum chung chuan class ah chuan ka ṭhu ve char char,ka hah takzet.Extra kan kal leh avang chuan kan bang har takzet,last bell a rik meuh chuan kan chauh hmel nak nak tawh hle.


"Rem,taxi in nangmahin i haw dawn mi?"Ruatpuiin a tih chuan ka bu nghauh a. A tlai tawh ang reng si a,ke a haw chuan khua a thim hman ang.


"In con pui tur zawng la a ni mai lawm,"Nutei chuan a lo ti ve vat a. Gate aṭang kan chhuak chiah tih chuan Zonunsanga leh hmeichhe pakhat in phur chhuak chu ka hmu a.


"Remrem,kan hrilh duh lo che a,"Ruapuii chuan a inthlahrung tak chuan a ti a.


"Tlaiah a lo nghak ziah zel a,in in a kan lo kal pawh khan hrilh che kan tum deuh a mahse i dam ṭha si lo kan hrilh leh lo che,"Melody in a ti ve thung. Ka thu hriat chuan min deng dawt dawt a ni ber. Ka ni khat ni chauh mah nise ka natna tur bak vawiinah hian ka hmu lo.


"Vawiin chu nuam i ti em?"in ka thlen chuan ka nuin a rawn ti nghal a,ka bu liam ringawt. Room ka thlen rual rual chuan insum lek lo in ka ṭap hlawp hlawp.


Zonunsang,i laka ka beiseina hi tihmih vek i tum em ni?Ka ṭah chhuah chuan ka kawchhunga min hnawh tup tup hi a kian mai ka beisei a mahse chu pawh chu a thleng lo. A hma aiin ka na.Hmeichhe dang nena hmuh khan ka na takzet.


Ka nu a lo luh chuan ka kuah thlawp,nasa zetin ka ṭap. "I kal duh tawh loh pawn a pawi lo ania,"tiin ka nu chuan ka hnungah chuan a chul heuh heuh. Ka ṭah chhan ber pawh hi ka hre lo,chhuak zetin ka nu kuah chuan ka ṭap hlawp hlawp.


~~~


Chawhnu lamah Parent's Meeting an nei dawn a. Ka nuin school kal lo turin min ti zet a mahse kal luih ka tum tho. Ka tawrh ve hram hram a ngai.Tuna ka thei lo a nih chuan engtikah mah ka thei ngai lo ang.Zonunsanga lakah beiseina engmah ka nei tawh lo.Tlai tin kha hmeichhia nen khan an in phur chhuak ziah,nat duh lo viau mahila na tak bawkin ka thlir liam leh ṭhin.A hmel ka hmuh apiangin nat tawp lovin ka na a.



Min tina hle chung pawn ka la ngai ṭhin tho.Classa a rawn luhin ka chik lo thei lo a,ani chuan melh pawh min melh tawh ngai lo. A hmaa Zonunsanga kha a ni leh tawh. Min hre ngai lo ang mai in a awm a,kan inhlat ta lutuk chu ka awm thiam lo.



Chawhma lam chiah class kan la a,a ṭhen chu an haw tawh. Nutei nen chuan kan nute ve ve kan nghak ran thung. Midang chu an lo chhuak a,ka nu ka hmu mai lo. Nuteite chu an hmanhmawh deuh avang chuan min haw san nghal a.



"Nu,"ka nu lo chhuak ka hmuh rual chuan a bulah ka va phei vat.



"In Principal nen kan in bia a,"tiin a thaw deuh hak. Thil dik lo a awm emaw ni le,ka nu hmel chuna dik vak lo. "Thil dik lo a awm ami?"tia ka zawh chuan lu a thing nghut.



"Awm lo ve,"a ri sap a mahse ka awih chiah lo,a awmdanah hian a hriat vek.



"Thenzawlah kan phei daih mai.dawn em ni?I piten an lo ngaihtuah sak che a. Pu Ropiangate school hmingin i exam thei dawn a. Hetah ai chuan i hahdam zawk ang,"rilru hah hmel zet chuan a ti halh a. Keimah vangin a rilru a hah tih ka hria,ka tan rilru a sen nasat zia pawh.



"I duh em?"



"Ka..ka hre lo,"ka ti bah nawk. Ka hrethiam lo takzet mahse heta awm reng ai chuan ṭhat chu a ṭha daih zawk ang. "In ngaihtuah phawt rawh a hmanhmawh thlak loh,"a tih chuan ka bu nghauh. Zonunsanga ka hmu lo anga,midangin min sawi sep sep lo bawk anga a nuam zawk ngei ang. Mahse ka phei a nih chuan ka ṭhiante hmel vawikhatmah ka hmu thei tawh kher lo anga,ka tuar chhuak ṭep tawh bawk. Ka rilru chu a buai nuai nuai mai.


🎶 I just don't wanna meet her
Are you gonna keep her
Cause I don't wanna see you with her
I don't wanna see her face
Resting in your embrace
Her feet standing in my place
I don't wanna see you moved on
I don't think that I'm that strong 🎶



Nizanah transformer a puak a,nileng in current kan nei lo sa bawk nen, battery ka nei lo a ka rawn dah thei lo. Karleha ka exam dawn vang in ka rawn dah regu thei lo maithei aw😚💜

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)