SOMEONE TO YOU by NUTTY GIRL (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

Re: SOMEONE TO YOU by NUTTY GIRL (Completed)

Unread post by Ngaia » February 21st, 2021, 1:57 pm

SOMEONE TO YOU



BY:


NUTTY GIRL


CHAPTER-19

SOMEONE TO YOU


💜Can you be mine if all i ever need is you💜


REMRUATKIMI POV.


Nichina thil thleng vang khan ka lung a la phu dup dup mai,ka hlauhthawng hman tak zet. Tlema hmun biru lai deuh ah chuan inthlak ka tum a,ka zei lo takzet. Midangin min hmuh ka hlau bawk nen chuan ka hawi kual leh ruk ruk ṭhin.



"Awi,ka nu ka duh thei lo,"ka thawmhnaw dahna chu ka hai nghal chiam. Bra ka keng lo! Ka hmanhmawh lutuk khan ka dah leh dah loh ka ngaihtuah lo reng ren. Bra ha lo a ka awm thiam loh avang chuan a huh chu ka ha leh ta ngawt.Ka kawr chu a var a nih avang chuan ka bra rawng a rawn tlang nghal mai. Ka vanduai ni hi a ni ringawt.



"I inthlak zo tawh em?"Zonunsanga aw ka hriat rual chuan ka phu deuh zawk. "Aw,thlak
zo mahse.."inthlahrung deuh tak chuan ka ti a,ka kutin ka awm chu ka hup ṭat. Ka hmaah a rawn ding run a,ka ṭhu bawk nen chuan ka te chem chem mai.



"Engnge?Na i nei ami?"ka awm ka hup deuh ṭat melh zeuh pah chuan a ti a,rawn kun hniam deuh a tum chuan ka rak chul mai."Aih,aih,aih,na ka nei lo,"ka ti nghal chul chu mak a tih hmel kher mai,a ding ngil leh nghal a.


"Ahh..ih..englo bra ka ken theinghilh a,ka shirt ken hi avar a ni bawk sia a lang tlang vek a,"ani lo chu hrilh tur ka nei chuang lo,lai zet chuan ka sawi ta nge nge.Tih dan kawng a hre mahna. Ka biang te chu a sa hat hat mai,vawiina helai hmuna ka kal ve hi ka inchhir tawh lutuk ringawt. Ka chet chhiat ni hi a ni ringawt.



"Kawrlum i keng lo ami?."a tih chuan ka bu nghauh. "I bra kha phelh rawh,"a lo ti awlsam et mai. "Ka kawr chhanah a lang vek dawn asin,"ka ti deuh sap. Tlema ka khal ve deuh avang hian ka hnute pawh a lang lian ve,bra ka hak loh chuan a hriat lutuk,bra ha lo a awm ka duh lo hrim hrim.



"Eng chu maw?"a tih chuan ka ngei ru kher mai.



"I hriatreng kha,ka hlip dawn bawk lo,"min chhaih kual vel mai mai ni a ka hriat vang chuan lungawi lo tak chuan ka ti a. "Phelh rawh ka tih chu,"a ti deuh hmuk,a thusawi ka awih duh loh vang chu nge ni min melh run bawk. Keilah chuan ka hawi san hmak,hlih ka tum mai mai lo.A thaw deuh hak.



"Hei,Zonunsang,rawn kal hnai suh,a mak,"ka lampana a rawn kal hnaih deuh chuan ka rak nghal chul. A rawn ṭhut hniam phei chuan "Min khawih chuan tuiah sawn ka namthla ang che,"tiin ka vau ta ringawt.


"Huh,ka khawih dawn lo che,heihi char ka tum,"tiin a towel nichina min tuam phei na lei a tla chu a chhar a,a thing fai. Ka thaw deuh huai mai."Mawl leh lutuk,khang thawmhnaw huh i hak reng chuan i hritlang ang,"a ti deuh hmuk. A lung a awi chiah lo tih ka hria.


"Ka hnute hmur a lang vek dawn asin,"ka ti ta nge nge,ka ṭah te chu a chhuak hlur tawh mai.
"Ka hoodie ka va la dawn,"a lu tuai deuh vut chuan a kalna lam tur chu a kawk leh a. "Aw..awle,"tiin ka bu nghauh. Ka bra phelh tura min ti ringawt lo khan,a hoodie ka hak theih tur te sawi se,ka hnial reng awm bik tawp si lo a.A kal chu ka en zui vang vang a,Dominica thusawi kha ka hre chhuak deuh zawk mai.


Zonunsangan ka tel ve loh a hlauh vanga Saturdaya picnic a sawn thu te,school ka kal loh a duh loh vang a nih thu te a sawi. Awih tur nge awih loh tur ka hre lo. Ka awih chiah lo a mahse ka awih lo phal bawk si lo.Min ngaihtuah ani tih ka hriat chuan ka hlim veng veng mai.A rawn thlen leh hma chuan tiin bra chu ka phelh sawk sawk.Reilote hnuah chuan a rawn thleng thuai.



"I shirt kha a hnawm kha,ha tawh suh,"a tih chuan ka hawi kual nghal ruk ruk. "Ka lo hliah ang che,"tiin ka towel ka sam tuamna chu a phelh nghal ringawt. Ka hawi chhoh chuan min en kur,engtinnge hetiang hian inthlak se min tih theih zawk?



"Nang pawh maimitchhing rawh,"ka tih chuan min hnial ka rin tehreng nen,min hnial lo. "Umm,"ti sup chuan a mit a chhing nghal,pa viau si hian a che hi a cute ka ti riau zel. "Ka zo e,"ka inthlak zawh chuan ka tia,a meng ve ta chauh.Ramhnuaiah hian vawikhat mah ka inthlak tawh lo ang.


"Avan lian,"ka dinga ka in en rual chuan ka ti nghal. Ka tan chuan a lian mah mah deuh a ni,a ban phei chu a sei ṭha kher mai,ka kut hmawr pawh a lang lo hrim hrim.Zonunsanga pawh chu min enin a nui hawk mai.



"Sual suh."



"Sual lo,"la nui deuh rah rah chuan a ti a,chhan dan tur pawh ka hre tawh lo. Ka thlep a,chu mi hnu ah chuan ka tug leh. A puan a chhah hran loh avang chuan a hrehawm tham lo. Chutichung pawh chuan a dar vel en chuan ka ta a ni lo tih a hriat lutuk tlat.



"I va siam te thiam ve,"Zonunsanga chuan min en vang vang chuan a ti a.Kain thlakna chu ka khung fel mawlh mawlh a,aman ka bag chu min ken sak daih. Thlam lampan chuan kan chho dun a,ka kawr hak chu in enin ka nui leh sak sak ṭhin. Movie velah a changtunu ten an bialpa te kawr an haksak ang hi a ang ka ti ber,chumi vang ringawt pawh chuan ka hlim ve em em.


"Nichin vang khan ka lawm lutuk ania aw,ka hlauthawng lutuk a lawmthu pawh ka hrilh hman lo che a,"ka ti a. "Lawmthu min hrilh reng dawn a nih hi,"fiamthua a rawn tih ve chuan ka nui hak hak.


"I lakah hian bat ka ngah tawh khawp mai,ka tan i pawimawh zia i hrethiam kher lo ang,"amah en chung chuan ka ti sap. Ka duh zia che ka hrilh ngam lo che mahse ka tan i pawimawh tih tal ka sawi thei a.



"Ka hre tawh a,"a rawn ti deuh tawp.



"Eng chu maw?"



"I bula awm ka duh tlat chhan,"a tih chuan ka ding dawt,vawiin zinga a sawi kha ka hrechiang viau. Min khawngaih vangin. Ka hmaah ngei chuan sawi lo se ka ti a mahse sawi tir lo turin engmah tih theih ka nei lo.



"A chhan min zawt dawn lo ami?"a ti leh sup, Zonunsanga chuan min en run mai bawk si.
"Ti..tinge?"nui lui sak chuan ka ti thei hram. Min khawngaih vang chauh tih sawi dawn mahse nat loh ka tum a ngai a ni mai tiin ka ṭang ṭung mai.



"Ka duh che,"ka lung chu a phu dawt dawt mai,zinga a sawi kha ka hrechiang viau bawk si. Tuna ka hriat hi ka hre sual a ni ngei ang. "Maw?"hepa ka duh lutuk na lamah hian a thusawi ka hriatsual ani maithei ani.


"Ka duh che,"a rawn ti nawn leh,ka hriatsual lo.Ka phi ru cheng mai,Zonunsangan min duh ve.


"I tana mi pawimawh nih ve ka duh. I tan tu emaw,ka ta liau liau anga sawi che ka duh chutiang bawkin nang pawn,i tana mi hlu tak engkiim i tih chhan nih ve ka duh,"a ti sup ka melh ngawih ngawih ringawt. Tun hunah hi chuan ka lungphu dup dup tluk a hriatchian ka nei lo,a thusawi chu chiang takin hre mahila ka vai ruai ni mai hian ka hria.


"Ka bialnu ni turin ka duh che,"tiin a hmui a pet zeuh. Zonunsanga thusawi atan chuan a inhmeh lo pawh a ni maithei mahse a ti pa thlawt.Sawi tur a hre vak tawh lo tih chu ka hrethiam mai. Ka lu ka bu nghauh,chik zetin min en.



"I bialnu nih ka duh,"ka tih chuan a nui suk. A hlim tih a hmelah ka hmu thei a nih chu. Keipawh chu ka nui chhuak hak,ka awmdan chu a lai ṭut mai mahse a nuam viau lawi si.



"Chho tawh ila,"ka tih chuan a bu nghauh a,a kuta min kaihna en chuan ka nui var var mai. Ka hlim lutuk hi sawi ngaihna pawh ka hre lo,zep buai ka tum lo a ka ti lang lo thei lo bawk. Ka thinlung hneh turin thu tam a sawi a ngai lo a,a thusawi vang ni loin amah a nih vang hrim hrim hian ka duh ngawih ngawih.


"Hlim bik riau kan awm in ka hria,"Dominic chuan kan awmdan a hrethiam tih ka hria,Zonunsanga nen chuan in melhin kan nui ringawt. Nuam ka ti ta lutuk chu ka nuih a za zawk. Pizza vel an lo keng lawk vek a,engtin tin emaw meichhemin an ti lum a,cake tih vel an lo lei vek tho.


"I puar tawh ami?Kha ei leh rawh,"Zonunsanga ka bula lo kal chuan a ti a. "Aih,ka duh tawh lo ka puar tawh,"ka pum ka dawm nghal vang vang. "Tak tak?"zawhna mitmeng deuh nen a min en chuan a tih chuan ka lo bu nghauh nghauh. Amah pui vang hian ka puma leng lo chung chung ka hnawh lui ṭeuh tawh. A thiam ang tawk a min ngaihtuahna a tihlan ve tih thlawn sak ka duh loh vang chauh a ni.



"Thing bulah chho leh ila,"Zonunsangan a rawn tih chuan ka phur khawp mai. A bag chu a siam fel mawlh mawlh."Nia han chho rawh u,eirawng bawl pawh keimahni'n kan lo ti vek mai ang,"Dominc chuan a ti a. "Nu ber hi kan ring vek mai ang che," Zonunsanga chuan a dara ben sak thauh thauh chuan a ti a. A ṭhianpa a fiam ve ngei chu a ni sia,ka nui deuh hak hak.


"Paa,kei aia duat lo nei lo la,,hmangaih che,"Dominic chuan a biang dawm chuan nu zetin a ti a,kan nui dar dar. Zonunsanga a tum bur mai. "I tenawm,"a ti hmuk.



"Ehe,ehe Remrem,i awma a in la pa mai mai a nih hi awm lo ang chuan ti hian a ti ang "Oppa keipawn hmangih che,'"tiin a kut zungpui leh kut zungchal chu dah kawpin love sign a siam a,kan lo nuih leh hak hak.


"Chho ang,"Zonunsangan a ti hmuk a,ka ka bag chu ka la hman awrh tihah min kai chhuak daih. Hmun nuam zet lampan chuan kan in zui chho leh hnak hnak.


"Khatiang khan ka ti ngai lo ania,"a rawn tih chuan insum hle mahila ka nui chhuak hak. Ka awih a ring reng reng emaw ni le. Zonunsanga chuan min lo melh chhuk ran mai."Ka hria lawm,a ti mai mai tih chu,"ka tih takah chuan thaw hawk hmel a pu.


A hmun kan thlen chhoh chuan ka hawi kual nghal ruai,a hma ang chiah kha a ni. Kan kal leh ngei tur thu a sawi a,hei tunah kan kal leh reng bawk."A van nuam tak,"tiin ka ban ka phar deuh hluai a,Zonunsanga chuan min nuih ringawt.



"Hmun dang enkual i duh lo ami?"



"Aih,duh lo. Helai hmun hi nuam ka ti lutuk,hmun danga kal ka duh hrih lo,"ka tih chuan a hmaa a ṭhutna bawk ah chuan ṭhut leh mai a tum.


"Lawk lawk lawk,"tiin zaizir meuhin la ṭhu lo turin ka ti. Ka bag chu ka hai rawk rawk a,ka puan pante pai chu ka la chhuak in ka phah duai. "Ti hian picnic kan ang bik dawn a lawm,"tiin ka nuih var var.Nalh ka ti deuh ang chuan a vei nuih suk a,a ṭhu thla nghal. Kei chu ka ṭhu hle hle thei rih lo,ka tlan kual reng a. Ka camera ken chuan thla ka la kual a.Zonunsanga awmnaa ka phei leh chuan a lo mu duai a,a ban vei lam chu a tukhum lamah a kham bawk.Ear phone a vuah a hla angaithla ni ngei tur a ni.


Hnah kar aṭanga nizung lo eng thla chuan a hmai chu a chhun riai riai a,a sam buk deuh chhap thur lek lek te vang chuan a lang ṭha tak zet.A pa ngawih ngawih ti ila ka sawi sual lo ang. A ruk chuan thla ka laksak a,a hmel en ringawt pawh chuan ka hlim veng veng mai.



"Zonunsang."



"Zonunsang."



"Zonunsang,"a vawithum ka kohna chiahah chuan a lo menga thla ka laksak bawk,ka nui deuh hak hak. "Khawi maw,"tiin rawn tho deuhin ka banah chuan a rawn pawt lawp a,ka zu bawh deuh rap. A in siam ṭha sawt sawt a,aban ngheng chuan min mut tir a,camera a thlalak chu a enkual.



"Ti hian mu mai mai ang,"tiin camera chu a dah thla a,ka bengah chuan ear phone a lehlam chu min vuah sak a. Ka hlim veng veng mai,a hla play ka ngaihthlak chian phei chuan ka hlim veng veng. Ka in ngaihbel nghal vek.



🎵And if the sun's upset and the sky goes cold
Then if the clouds get heavy and start to fall
I really need somebody to call my own
I wanna be somebody to someone
Someone to you
Someone to you🎵



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » February 21st, 2021, 1:57 pm

SOMEONE TO YOU


BY:


NUTTY GIRL


CHAPTER-20


💜He may not be the best but he tries his best to make her happy💜



"Zonunsang,Zonunsang,"tiin a banah chuan ka sawi dat dat. "Umm,"thatchhe aw zet chuan a rawn ti a,a la meng chuang lo. Ka lo muhil tak tak a,chutiang bawkin Zonunsanga pawh. "Chhuk tawh ila,eirawng zu bawl pui ang,"ka ti a ka ṭhuchhuak nghal hluai a.Dar 3 a lo ri der tawh,Dominic khan a ngai lo chu a ti tho nangin nuam ka ti lo. An thiam pawh ka ring lo ve ngawt,anni rawlthar hawklak tia an sawi hian an thiam pawh ka ring lo.


"Dominic a awm a lawm,"Zonunsanga chuan rawn meng diar diar in a ti a,a aw chu ka hre sexy em em mai leh nghal. "Chu pawh nise,pui ve ila. Bakah helai chu a vawt si,"ka ti thla ve rawk,chhuanlamah ka hmang a ni mah. Chutia ka tih takah chuan a rawn ṭhu chhuak vut a.


A thawh sawn chuan puan chu ka thlep ṭha mawlh mawlh a. Ka bagah chuan ka khung nghal a,ka inpeih der. "I ril a ṭam tawh em?"a rawn ti sup a,ka bag khai lai chu a rawn ban nghal zat bawk.



"Aih,ṭam lo. Nang a ṭam tawh ami?"ka tih chuan lu a thing nghal nghut.



"In huan hi a nuam e,kal fo ka chak. Helai hi a mawi tawp ni in a chhun hian,min lo nghak lawk aw. Thla kan la leh lawk teh ang,"ka ti sawk sawk,ka thil ken lai chu chhuatah ka dah thla a. Thing awm phei ṭhut niin a chhun ser ser chu thla ka la,ka en chuan ka hlim veng veng.



"He lai hmun hi chu a nuam e,"ka ti halh a,Zonunsanga lam ka va hawi phei chuan nui sukin min rawn en. "Kei aiin helai hmun hi nuam i ti zawkin ka hria,"a rawn ti sup. "Maithei a ni,"tiin ka lo nuih var var.



"Khawi thla ka lo lak ang che,"tiin min hui zeuh a,phur tak chuan camera chu ka va pe vat mahse a hmaa han in pose kual vel chu ka lai ru leh hle si. A rei hnu deuhah erawh chuan nuam kan ti duh hle.


"Saw,saw laiah pawh sawn a nalh ang,"tiin nitlakna lampang lang thei lamah chuan ka tlan phei a. Ka thleng rang ngei mai. Zonunsanga chu ka lampanin a rawn kal a,ka ban vaiin kal chak turin ka au lauh lauh. Kan titi a,kan inhnial leh bap bap ṭhin,kan hlim dun hle. Zonunsanga pawh amah ang lo takin vawiin chu a titi nasa ve a,a ṭawngtam ve tawh lutuk bawk. Nidang aiin a nui hmel ka hmu tam a,ka hmu ṭha bawk.


"Thlalak nuam ti leh lutuk,"a ti deuh hluk a, thinrima sawi a ni lo a, nui suk tho.



"A hmun hi a nuam em a lawm."



"Kan la kal leh dawn nia,"a tih chuan ka bu nghauh,kan dam a nih chuan kan kal leh dawn tih ka chiang. A sawi a nih vang hrim hrim hian a ti hlawhtling dawn tih ka hrechiang.Ka thlala la duh chu kan tlai phah ta vek. Thlam kan thlen leh meuh chuan a lo tlai ruih tawh.



"Nangni pahnih chu nuam in va ti ve,"tiin Kci chuan min chhaih a,ka lo nui ringawt."Khawi ka lo tihpui ang che,"Dominic chawhmeh lo chan mawlh mawlh chu chhawk ka tum a. "In pa sawn min thik leh palh ang,"nui ṭhaw chung chuan a ti a,an nghal hlawm phian a,buaithlak hian. Ka lai chu ka biang a sa leh hat hat tawh.



"Tak takah ramah chuan mipa an che zawk ṭhin an tih kha,thlam vela chet te chu mipa hna a lawm,"a lo ti awlsam eta,Kci te bulah chuan ka lo ṭhu ve ta mai mai ringawt. Zonunsanga pawh chuan a bawl pui ve a,a che vel chu hmuhnawm ti takin ka lo thlir. Thlamah hian a che ṭhang tawh a ni tih a hriat ngawih ngawih,an thiam lo tura ka ngai kha ka ring sual der a ni. An eitur siam lah chu tui tak ani,chaw pawh ka ei ṭeuh mai.



"Kan haw tlai ta sa sa,zai phawt ang u," Sawmtea chuan a ti a,thlam chhungah chuan bati leh phone a flash light chhi eng chung chuan kan zai ṭhat ṭhat a nuam phian. Dar 6:30 velah chuan haw turin kan insiam ve ṭana,Pa Puiate ka haw tlai dawn tih ka hrilh lawk tawh avang chuan ka rilru a hmanhmawh lutuk tawh lo.


"Vawt i ti tawh em? I kawrlum ka ha daih bawk sia,"kan chhuah hma chuan Zonunsanga bulah chuan ka ti a,lu a thing nghut. Hoodie nena ka awm chung chuan vawt ka ti lek lek ania,ani shirt nen chauh a awm a vawt tih loh ngaihna a awm lo.Kan tlan chhuak tih ah chuan a kawngah chuan kuahin a hnungah chuan ka bei nghal thlap,ti hian a lum deuh zawk ang. Keia reng reng pawh hi kawrlum ken na chang ka hre lo,ka phur lutuk vang vek a ni.



Khaw leh eng ut lampana kan tlan chu a nuam tak zet,kan tlan chak lutuk lo a. Thla a lo bial bawk nen lung a leng duh kher mai. Ka duh aiin in kan thleng hma,khua kan luhna pawh a la rei lo ania,kan thleng der.



"Ti khan i haw nghal dawn ami?"



"Umm,ka haw anga ka inbual anga mahse ka chhuak leh ang,ka ṭhiante nen kan leng leh phawt ang,"a tih chuan ka bu nghauh. "Tlan chak lutuk suh aw,"ka tih chuan a nui suk a mahse "Umm," chu a ti ve tho.


"Va lut tawh la,"sawi tur hre lo a lai zeta ka din lai chuan a rawn ti sup a. "Umm,"sawi tur ka haihchham tak zet,hetiang zet hian inthlah hi a lo harsa ang tih leh sawi tur a hriat loh theih ang tih ka hre lo hrim hrim.


"E,i kawr hi,"ka hrechhuak zawk a,ka in her leh a awm ngaiin a lo la awm reng.



"Ti khan lo kawl hrih mai rawh,a remchan hunah ka lo lam ang."


"Ka lo bia ang che,"ngawi renga ka in her a rawn tih chuan ka lawm ru nghal veng veng. Ka ban ka vai lauh lauh a,ani pawh chuan nui sukin a ban a rawn phar chhuak ve hluai tho.
In chhunga ka luh thleng chuan min pawt nui lui tu awm ang maiin ka la nui vur vur reng. Zonunsanga vangin ka tum hleithei lo chu a nih zet hi.


"Remremte,a va nuam awm vur vur ve,"Papuia chuan min hmuh rual chuan a rawn ti nghal vata,a nuam ka tih zia chu uar fe in ka sawi bawk."Tute huanah maw kan picnic i tih kha?Ka hriat zawng te an ni em?"a zawhna chhanna chu ka hre der lo,Zonunsanga chiah hi ka hria a,a chhungte sawi mai tur ka hre lo.




"Ka hre bik lo,kan class ami ania. Kan veng ami a ni si lo a,i hre kher lo maithei a ni,"tiin ka chhang mai. Emma ka pite ina a riah leh tur thu chu a sawi a,tui ka lum pah chuan an thingpui tur ka lum a,U Mama te chhungkua pawh chu T.V hmaah ṭhuin Bawihpuia en ṭhin Oggy an lo en leh ṭhap tawh.Bawihpuia vang hian Pa Puia thleng hian cartoon kan en vek,a naupang ber hi a thu ber emaw tih mai tur a ni.



Roomah chuan ka chho a,*In ka thleng chiah* tih Zonunsanga message ka hmuh chuan ka nui var var. A last seen ka check fo a a chang phei chuan nithum lai te a online lo tawp zel,thei hi kan ti mai mai khawp a. Online tih ka hmuh ringawt pawh chuan ka hlim nghal veng veng mai. Hmeichhe hlimna hi chu a ho an tih kha kei chu ka pawm khawp mai.


*Keipawh ka inbual dawn chiah* *I online ve teh tlata a mak e* tih chu ka va thawn a,a seen nghal. A message rawn thawn chuan ka hlimna chu a belh chhah nawn leh awn awn mai. Hepa bulah hi chuan 'hlim tawp' a awm ngai dawn lo a nih hi.


*Min lo chhan let hun ka nghak* tih chu ka chhiar nawn leh sap a.



*Inbual vat rawh,i len tlai lutuk chuan i haw tlai lutuk palh ang* ka tih chuan *Awle* a ti ve mai,ka phone chu ka dah a. Ka nui leh vur vur ṭhin. Mutnaah chuan vawiina kan hlimthla ho chu ka thlir a,ka nui leh var var ṭhin.


~~~


Zonunsanga chuan rin loh zetin ka school kal tur min lo lam a,min lo lam ti ila pawnah min lo nghak char char. Emma pawh khan a hmu thut chu mak a ti ve reng mai,kal rual ṭhin kan nih tawh loh avang chuan kalsan pawh ka inthlahrung vak lo.



Bike aṭanga ka chhuk midangin min en duh zia chu hai rual a ni lo. Zonunsanga chuan ka bag min la ken sak nal nal zui. School kan luh hnu pawh chuan mi kan kal pelh te reng reng chu an phun leh sup sup zel. Zonunsanga an hriat ṭhin kha chuan hmeichhia biak chu sawi loh hnaih pawh a hnaih ngai lo ania. Hetia kei kan awm dun an hmu mak an ti chu keipawn ka dem hran lo.



"Khawi ka bag kha min pe tawh la,"a ṭhutna a thlen hnu pawh chuan ka bag chu an dawhkanah a dah daih. "Vawiin aṭang chuan ka bulah i ṭhu tawh dawn,"a ti a nih chu,avan buaithlak tak. Midang zawng zawng hmaa kan inngaihzawn zia tih lan a tum ber niin ka hria.



"A ngai kher ami?"ka ti deuh sa sa,midang ho pawh chuan min en deuh tih ka hriat avang chuan nuam ka ti lo. Bakah an ṭhianhoa ṭhu ṭhang an ni a,a bula han ṭhut pawh ka inthlahrung ve deuh.



"I duh lo ami?"a ti nghut,a thinrim ka hlau ve tho bawk sia. I ṭhiante vang ti ngawt dawn ila a hnungah Bena leh Zoa an ṭhu bawk si. "Duh lo hran lo e,"tiin a bulah chuan ka ṭhu thla nghal a. Dominic chu kan hmachiahah chuan football an khelh pui ṭhin tho Jack nen an ṭhu dun. Ruatpuii ka ṭhutna ṭhinah a rawn ṭhu phei a,kan inbe zung zung thei tho. Midang pawh hmeichhia leh mipa inṭhutpawlh an awm nuk avang chuan ka zak lutuk bik lo.



"Nuam lo ti duh suh,Zonunsanga hian ṭha ber tura a ngaihin a ti tawp a nih hi. Mipa dang i hriat ṭhin ang ani dawn lo ania,a ngaihsak thiam lo ang che mahse theih tawp a chhuah ania. Tuna in ṭhut dun pawh hi ka thurawn pek a ni tho ania,a tih hlim theih dan tur che min zawt nasa ania,dawh a ngai a nih pawn dawh hram hram rawh. A zei thlurh lo a nih pawn i ngaih ti ṭha lo duh chuang suh,a duh che tih a hriat hma hauhin mi zawng zawng hmaah i thlavang a hauh ngam tawh,"Dominic chuan Zonunsanga thawh hlan chuan a ti deuh duah ka lo bu nghauh,tuna a thil tih pawh hi ka hlimna a duh vang a ni ngei anga,chu thu ka hria chu ka hlim tak zet bawk.



"Bakah Zonunsanga ṭhutpui hi ka hne hrim hrim. Plural ho rim hi a chhia ka tia,"fiamthu zeta a rawn tih leh chuan ka nui chhuak hak hak. Kan raw ah chuan hmeichhia pathum chiah kan awm,chu pawh mipa ṭhutpui vek kan ni. Zonunsanga lo let chuan ka lo nuih vur vur.



Kan ti ta sa sa bawk a,kal zel mai ang u aw. Ka rin aiin a chapter a hi a lo tam tawh a mahse chapter khat a tam ngai chuan loh kha😂Kan ning lo in ti bawk a,ka duh tawk ka rawn ziak hnuk ang😚a chapter a a thui tawh e tih awihloh😏😂 In lo hlut ve thina ka lawm takzet bawk aw😘

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » February 21st, 2021, 1:57 pm

SOMEONE TO YOU


BY:

NUTTY GIRL


CHAPTER-21


💜 Everytime i see you,i fall harder again ang again 💜


Zonunsanga nen kan in zui chho tam telh telh a,a nelawm loh hran loh tih ka hre chiang. Dominic sawi ang ngeiin min ngaihsak thiam lo mahse a theih tawp a tihlan ve a tum tih ka hmu thiam. A mizia chu a dang teh chiam lo mahse nitinin thil thar ka hmu nawlh nawlh reng zel.Miss Ruatfeli chuan thil a explain mawlh mawlh a,ka ngaithla kar.


Zonunsanga chu kan inngaihzawn hmaa a tih ṭhin dang ang bawk kha a la ching,class ah a bawk deuh reng zel mahse...Tunah chuan mahse a awm tawh. Ka lam hawiin a rawn bawk kher ṭhin a,min en char char zel. Chu chu keiin ka va melh fuh hian ka lai ṭhin si a,min melh lo tura tih chang lah ka ngah mahse ka sawi aṭang phei kha chuan a uar zual sauh emaw tih tur a ni.



Miss in a pawimawh lai a sawi chuan pencil a han thai mai ka tum a,dawhkana ka pencil dah chu a lo awm tawh lo. Chhuatah a tla a nih ringin ka bih kual a,a awm lo.



"Khawi min lo pe vat rawh,"Zonunsanga ngawi renga ka che vel min lo en tu bulah chuan zawi zet chuan ka va ti sa sa. "Eng chu maw?"nui suk a a tih chuan ka ngei lek lek. Nidangah hi chuan a mitmeng tih loh hi chuan min tibuai ngai lo mahse vawiin chu engnge maw a hriat ni,a nghal lutuk tlat.



"Ka pencil kha, min lo pe,"ka tih leh takah chuan thuawih tak chuan a kut leh lama a lo thuhruk ve ṭang ṭang chu min pe ta zal zal,ka nuih za lutuk pawh chu ka insum thei lo ka nui deuh hak ringawt. Dawhkan bawha muin ka lam a rawn hawi a,min en leh reng dawn tih ka hriat avang chuan ka hawi sawn rang lutuk. A nui ri chu ka hre lo der hmiah.



Lunch brake ah chuan ka ṭhiante ho bulah ka awm ve thung.Lunch brake lai leh in lama ka awm tih loh chu Zonunsanga bulah ka awm chawt a ni mai,zingah min lo lama tlaiah min thlah leh ziah bawk.Chawhnu lama Economics kan la test tur chu ka en deuh ngar,Eco hi chu kan Sir hian a set har thiam em a,zir dan thiam pawh a harsa,nizan lama ka lehkhazir ka mutthluk san avang chuan ka thiam chiang lo em em mai leh nghal.



"Nang hi i mak,chhun chawlh lai chiah kan bulah i awm ve a,lehkha chu min zir san lul lo teh,"tiin Ruatpuii chuan min lo ngheng ar ar. Tunah chuan Nutei te ho nen kan panga in kan inkawm deuh chawt tawh.



"Dikchiah,ka ngaih theih zia che hi e. Zonunsanga bialnu nih tak vang mai a hetianga han induh kher nangpawh hi,"Fiona chuan a rawn ti a,engnge maw hlekah Zonunsanga bialnu hi min ti thla rawk zel a.


"In ngam loh kha,"ka fiam chak chuan tiin lei ka chhuah zeuh a,an phun nasa teh e. "Awii, Zonunsanga hian a duat che em?A duat ngawt ang che,avan nuam dawn tak,"Melody chuan a rawn ti a,an sawi chhun zawm leh bawrh bawrh a,ka lehkha bih lai chu ka bih ngal thung. Bell chu nidang aiin a ri hma emaw tih mai tur a ni,engmah pawh ka ennawn hman lo.


Classroomah chuan kan lut a, Zonunsanga ka zawng nghal a,a lo la lut lo zui. Kan ṭhutnaah chuan ṭhuin lehkhabu ka en leh nghal mial mial,ka huphurh deuh bawk nen ka khup chu ka ti che dar dar.


"I thiam tawh ang,chawl ve tawh rawh,"tia rawn khuptu lam chu ka hawi nghal vat,a lo luh lai pawh ka hre lo hrim hrim. "Nizanah ka muthlu daih ka tih tawh kha,ka thiam lo lutuk,"ka tih chuan a nui sak.


"I thiam tho ang,dah hrih rawh,"a tih leh takah chuan ka bu nghauh a,ka nuih sak.


"Nang i thiam em?"tia a ka zawh chuan a lu a thing nghut,a thiam ka ring lo hrim hrim. Ka zawt vel mai mai chauh ani,nizanah pawh a leng chhuak daih.


"Engtia tih nge i tum?"


"Engtinmah,"a tih chuan ka nui tawp tih ngaihna ka hre bik lo. Exam lai chuan ka bula ṭhu chu ka va melh zawk zawk ṭhin,a thai mai mai chauh a ni engmah a ziak lo hrim hrim.Hetiang em em chu a nih bik ka ring lo asin le.Engmah ziak thei lo khawpa ka awm ngai loh vang chuan ka awm a nuam thei der lo.


"I copy duh em?"ka ziah laklawh lai chuan ka va ti thlawt.Nui sukin lu a thing a,ṭawngtuma ka ang zuau chu Sirin min lo hmu a ka chip nghal hmak,ka ziak nghal mawlh mawlh."Ka chhuah san dawn che aw,"zawi sup a a rawn tih ve chuan ka bu nghauh,a ṭhiante dang chu nichinah an chhuak tawh.Ka thiam deuh vek a rawn chhuak bawk a,a tawp a long note awm chu ka hriatthiam danin ka chhang leh zung zung.


Ka chhuah ve meuh chuan bell a ri ṭep tawh ang tih tur a ni. "Hey, i van rawn chhuak har em em ve mawle,"ka chhuak chiah tih chuan Nutei chuan a pawhin min pawt chhuak nghal dawrh.


"Engnge.."min kaia min tlanpui a tum chu ka ti nghal vat.


"Hmanhmawh rawh,min rawn zui vat mai rawh."Zonunsangate an in dinchilh leh ran tawh alawm,"a ti deuh hlak a,hmanhmawh tak chuan kei pawh chu ka che zui sawk sawk. Avan buaithlak thei tak,pawn lamah chuan a insual fo a,a hliam pawh ka hmu fo mahse school ah tak hi chuan buaina a siam khat viau tawh asin le.



Zonunsanga chu Nelson nen bawk an lo indinchilh ran,engnge maw a hriat le. Ani hi chu awm tir mai mai tawh tur asin le. Zonunsangan Nelson a hnek chuan an ri hak,ka va tlan phei nghal vat bawk. Ka va thlen phei meuh chuan Nelsona a lo bawh beta,a hnar a lo thi phung tawh.



"Zonunsang,a tawk,a tawk tawh,"hnek leh a tum chuan a au deuh tho in ka au. Zonunsanga chuan min rawn melh a,a thawk dan aṭang chuan a thinrim zia ka hria. "A tawk tawh,khawih tawh suh,"ka mita min en khui tu bulah chuan ka ti leh sap a,Nelson a awma a ṭhamna chu ti nghetin leiah chuan a nam chilh deuh rawk a,thlahin a rawn ding chhuak a,a in beng fai deuh thauh thauh.Emma chuan Nelson chu a rawn buaipui tih chu ka mitsira ka va melh zawk avang chuan ka hria a,Zonunsanga chu ka melh a,a banah ka chelh vat.


"Zonunsang,mi nep tak i ni. Keiin ka duh tawka ka tihkual theih engah mah ka ngaih tawh loh kha i lo ngaizawng chu ania,"Nelsona thu rawn sawi chuan ka thin a khei ve zak mai,Zonunsanga che deuh hrut chu a kutah chuan a hma aia nghetin ka chelh. A thinrimna a la reh lo tih ka hria,Nelsona ṭawngkam ngeiawm tak chuan a thinrim a ti zual phut ang tih ka hlau a ni. Min rawn en chhuk run chuan lu ka thing nghal vat.


"Mimawl chuan thil hlu hlutna an hre ngai hleinem,"seh chilh deuh rap chuan a ti a,a bana a vein pawng deuh ṭalh ṭalh leh a kut in hum ruh lutuk vang chuan a insum viau tih ka hria. Nelsona thusawi vang khan ka na viau a mahse Zonunsanga thusawi khan kha ka natna kha a lo tidam fel leh diam tawh! "Kal ang,umm,"ka tih chuan a bu nghauh. Midang chuan min en ṭhap mahse eng tehchiamah ka ngai lo.


Classroomah pawh chuan luhpui loin kan classroom pelh hleka midang pawh theih chiah si loah chuan ka kal pui a. Ani ai chuan te fe mahila ka kaihnaah chuan min hnial loin min zui ve zel mai.


"I ṭha em?"



"Khawih pawh min khawih ve hman loh kha,"tiin a nui deuh suk,nichin kha chuan a thinrim viau ania tunah min nuih leh suk thei tho si. "Ka lawm e aw,ka thlavang min hauh sak vangin,"ka tih chuan a thusawi tak hlriat hleih theih si loh chuan a phun sup.Min melh deuh ran chuan min rawn hnaih deuh a,min lo kuah thlawp.


"Amak lutuk,i bulah chuan ka thinrim hi a reh nghal vek zel,"a rawn ti sup,ka nui ringawt. A awma bei hle hle chuan a kawngah nghet takin ka kuah ve a. A ṭawngkam bul zet ringawt kha ka hre tawh ngai lo a,ka bulah chuan a chang hi chuan a nem ve deuh ṭhin in ka hria mahse a ṭawng tam zawk hi chu a la ni deuh hluk tho.


"I ṭha tiro?"in la hrang vuta a tih chuan Nelsona ṭawngkam kha a ni tih ka hria. Ka bu nghauh,ka bula i awm chhung chu ka ṭha a ni mai. Nelsona kha a langah chuan mifel tak a ni a,midang hmuhah pawh mi fel tak a ni ngei ang. Mahse kei chuan a khakna ka hmu fuh tawh a,khang a fel anga ka ngaihna kha chu a bo vek tawh. Mihring an landan ang an nih lo zia ka hre chiang telh telh mai. Hepa Zonunsanga pawh hian chu chu min zirtir a ni. Ani pawh hi misual,awm ṭha duh lo angin ngai mahse ka tan chuan ani aia inhumhimna ṭha a awm lo a,ani tluka mi fel an awm hek lo. Ka tan chuan angel dik tak ang a ni mai.


"Bathroomah ka va kal lawk ang,"a tih chuan ka bu nghauh a,classroomah chuan ka luh san ta a.


"A tir kha chuan Zawlaidi i tat emaw ka tia tunah chuan magic i neih hialka ring ania,"ṭhutnaa ka ṭhu fel chiah tihah chuan Dominic chuan min rawn fiam a,a sawi tum man pha chiah lo mahila ka nui deuh sun sun tho.



"Nui ringawt suh,ka ti tak tak ania. Dawi i thiam tak tak ani lo maw?"thu tak fe a rawn tih leh chuan a hma aiin ka nuih a za zawk,ka nui deuh hak hak.


"Ani hi a danglam ve deuh tawh ania,in in kawp reng a nih phei chuan Zonunsanga hi Pastor a ni lo ang tih tunge sawi thei,"Dominic chuan a rawn tih chuan za mang khengin ka nui Dominic pawh chuti tho. Zonunsanga khawvela mi ṭawngmawh ber,sawi tur a hriat pawh a ṭawng hmuk hmuk ṭhin Pastor ni tura ngaihbel pawh chu tun din hmunah chuan a in hmeh lo nasa lutuk.Zonunsanga lo lut melh pah chuan kan nui leh ṭhin Zonunsanga chuan mak a tihhmel hle.


"Engnge?"amah ena kan nuih miau avang chuan a ti ha a,"Engmah,"Dominic an a tih chuan a ngaihngam hmel zan loh. Min zawt ṭha leh ngat,"Dominican pastor ka ni dawn a tia chu chu mawle,"ka ti thla rawk.



"A thusawi ngaithlatute hremhmun an tla phiar dawn a nih chu,"tiin a nui ve suk tho. Amah kan sawina tih hre ta se,a huat thu a chhe leu luau sia a tum leh hmuk awm sia.

Ads mawlh kha aw😁 hmeltha ho lo click leh hram hram teh u💜

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » February 21st, 2021, 1:57 pm

SOMEONE TO YOU



BY:


NUTTY GIRL


CHAPTER-22

💜When a guy gets jealous over you, that's a guarantee he likes you💜


"I bialpa hi Nelson leh kei min tibuai tawh lo turin lo hrilh ang che,"Emma chuan thinrim zetin a ti a,a thusawi awmzia chu hrelo zet chuan ka en ha ringawt. "Zonunsangan a tihbuai hmasak ka ring lo,Nelsonan a ṭan hmasa tihna a ni mai,"ka ti ve nghat,Zonunsanga a puh chhe lutuk chu ka ngei.A hma kha chuan an intibuai ngei mai mahse kha kha chu karkhat dawn a liam tawh.



"Engvang ngawtin nge Nelsonan a tihbuai ang,khatiang anga awm ṭha duh lo mai mai kha tihbuai chhan tur a nei lo,"Emma-i chu a nui sak,kan intihbuai hnu a kan inbiak hmasak ber a ni ngei ang.



"Keipawn a tihbuai hmasak na chhan tur ka hre bik lo,"ka ti ve sap a,hetiang anga ngeiawm bur bur hi Zonunsanga lak aṭanga ka zir chhuah a ni ngei ang. Kan bialpa ve ve te ṭan chuan kan inmelhno lo kher mai.



"Kan hlim ve dawn chauh a,nang i lo lang a,tunah Zonunsanga "a tiin min melh no lo hle bawk. An hlimna dal turin engmah ka ti lo chiang lutuk,Zonunsanga pawh chuan a ti dawn lo tih ka chiang bawk.



"In thil tihsual vangin hremna in hmu anih dawn chu."



"Engmaw i sawi Remruatkim,"a thinrim hmel kher mai. "Ka chunga in thil tih vang khan in hlim thei lo aniang ka ti a nih chu,"ka ti ve khar khar,dawta puh reng nih te,a thiam lo zawk a ṭan reng te ka ning ve tawh takzet. An duh duha min ṭawngkhum ṭhin hi ka dawh thei tawh bik ngang lo.Thinrim tak chuan min rawn pan phei a,ka lo in ring lo nen khumah min bawh thlu rawk,kan insual chu a ni deuh der. Kan ri nghal chel chul mai.


"I bialpa kha mihring pawh a ni lo,Nelson school kal thei lo khawpin a sawisa a,"a ti deuh ṭhat,Zonunsanga mihring pawh ang lo khawpa a sawi chu ka duh lo a,ka theihtawpin ka ham buan buan a ni mai.


"Anu,a u leh au Remremi an insual ania,"Awmawma au lawng lawng pawh chu ka hria,kan samah kan inkek a,kan form hak a chuar leh chuar loh pawh kan ngaihtuah tawh lo,inthlah chu kan tum lo ve ve.


"Awi,nangni pahnih chu engnge maw in hriat le,inthlah nghal ru,"ni Puitei chuan a rawn ti nghal chul,inthlah a hnek in,a hma aiin a samah chuan ka ṭham nghet. "Nangni pahnih kha inthlah nghal rawh u,zahpui awm lutuk," Papuia phun hlukah chuan kan inthlah ta zal zal.


"Engvanga insual nge in nih?"Papuia chuan a ti khauh fur,ngawi rengin khumah kan ṭhu kar.
Ni Puitei chu a inthiarfihlim hmak thung. Pa Puia chuan min zilh nghal malh malh. Ka ban rek chu leh lam leh lamin a thi ser ser mai. Ka kutah a kuttin hmangin a ṭhamin min ṭham a,keiin a hmai ka tih khem sak ve thung. "Ngaihdam dil tawn ve vee ru,"a tih pawh chuan kan ngawi duh kar tho.



"Lalrindik,dil rawh."



"Pa...ka ning lutuk,ka dil dawn chuang lo. Tinge keimah kher hi min tihbik zel a,engmah i hre lo,"tiin Emma chu thinrim takin a chhuak a,papuia chuan a au zui a mahse a rawn let tawh chuang lo. Papuia hian a fanu neih chhun a nih na ang hian a theih tawpin a duat a,Emma pawn fanu neih chhun duat rawn ani tih chu a in hre ve vek.



"Class i tlai ang nang pawh va kal rawh,in lo haw hunah erawh hremna in pum pelh lo ang,"Papuia chuan a ti chang fak a,engtinmah chhang lo chuan ka bag la sawk sawk in room aṭang chuan ka chhuak nghal a. Ka rilru a hmanhmawh tawh lutuk Zonunsangan min lo kalsan daih ka hlau a ni.Kawtah chuan Zonunsanga chu thatchhe zetin bike ngeng chuan a lo ding a,a phone chu a en leh zeuh ṭhin.



"I sam chu(h),"a phone a ipteah daha a rawn hawi chhuah rual chuan a ti sup. Nidawn tak ka sam ka khuih mam tawh lo,kan insualnaa min keh thurna kha a ngai ngaiin a awm. Ka sam a lo kir bawk nen,a hnawk viau ta ve ang. A hmai khem deuh aṭang chuan nizan lamah a insual tih ka hre nghal mai,nichina Emma thinrim chhan nen khan ka ngaihbel deuh a,ani pawn na taka Nelson a sawi sak thu a sawi tak kha,kha kha a tak tak a ni maw.



"Nelson nen buaina in nei leh ami?"a bul ka thlen rual chuan ka ti sap.



"Kan insual,"a ti deuh hmuk.



"Tinge?Engvanga a insual nge in nih?" tunhnaiah schoola an intihbuai ngai loh avang chuan mak ka ti deuh.Chhanna a awm lo,a ngawi ngal ringawt. "I khawihna viau em ni?"school kal thei lo khawpa a sawisak chu ka ring chiah lo, chuvanga zawt nawn leh ka ni.


"I ngaihtuah viau a nih chuan amah zawt rawh."



"Chutiang..."ka thusawi tur pawh ngaihthlak a tum lo,thinrim tih hriat zet chuan a helmet chu a khum a,nelawm lo zet chuan a ti a. Ngawi rengin ka chuang a,ka ṭhu chiah tihah chuan vung zetin min tlanchhuah pui. Zonunsanga diktak kha a lo let leh tawh.


"Chhuk rawh,"a ti hmuk a,a ṭawng rin deuh avang chuan ka hnaiha mi awm te chu an lo hawi deuh ṭhup.Ka chhuk a,a awmdan tehthut vang chuan ka na. Ka nghak reng a,kan in melh fuh chat a mahse a rei lo,min kalsan nal nal. Ka chunga lungawilohna nei ang mai a ni,a kal chu ka en zui reng ta ringawt.



Classrooma ka luh chuan a la awm lo, ṭhutnaah chuan ngawi rengin ka ṭhu a. Diktak chuan awmdan ka thiam lo,a ngaihna pawh ka hre lo. Eng berin nge ti thimrim ka hre lo.
Bell rik dawn ṭepah chuan a rawn lut ve chauh,melh pawh min melh eih lo.A bawk renga hnuailam a bih ngur bawk, vawikhatmah a rawn hawi chhuak lo. Thlakhat dawn kan inngaizawng tawh a,kan vawikhat inhmuh thiamlohna a ni.Second period ah erawh chuan a rawn tho chhuak a,biak ka tum a ka ka a hman zuau tawh,kan hmaa Dominic chu ava be daih. Ka biak ve chuan chhan pawh min chhang duh teuh lo mai.


Chutia kan awm reng chu nuam ka ti lo,ani lahin midang mitmei a veng lo. Min biak pawh a tum lo a,ka zawhna pawh min chhang hmuk hmuk ringawt.



Second period zawh chu short brake a ni a, Zonunsanga chhuah hlan chuan ka bag ka la a,ka ṭhiante bulah ka phei hna hna. A thlavang hauhin vawikhat mah insual ngai lo ka insual phah a,ani lah chuan min thinrim khum char char a. Min thinrim khum hi chuan ka ṭah hi a chhuak ngawih ngawih zel,a ngeiawm thiam si.


"Engnge i rawn tih dawn?"Fiona chuan a rawn ti vat a,short brake ah tak ngial pawn an bulah hian ka awm ngai lo. Chutia ka va phei chu mak an ti deuh aniang.



"Ka ngai che u a,ka lo phei,"tiin ka nuih sen sen. An awih loh thu an sawi hlawm nak nak.
"In inhau a ni maw?"Nutei chuan man zetin a rawn ti a,ka nui tawi tak ringawt. An hrethiam nghal vek.Nutei chu kan hnungchiaha ṭhu ṭhin Jenny bulah chuan a ṭhu a,Ruatpuii bulah ka ṭhu leh kak thung.



"Han sawi teh,tinge in intih thiam loh a,"Melody chuan hnunglam rawn hawi in a ti a.Nutei pawh chu dawhkan bawhin a rawn kun hniam ve nghal vat. Nizana Nelson leh Zonunsanga insual thu te,Emma nena kan insual ve thu leh Zonunsanga thinrim thut dante chu chipchiar takin ka hrilh.



"Nelson a thik a nih chu,a thinrim chhan a hriat em chu,"Ruatpuii chuan chet tlak tlak chuan a ti. Nelsonan min tihnat zia hrechiangtu a ni a,thikna chhan tur a nei lo hrim hrim. "A ni lo,"ka ti a,"A ni,"an ti deuh tlat.



"Awiii,Zonunsanga a pa ngawih ngawih e,i bialpa hlui a sawisa a. A thik ngei bawk a,ka van duh hluah hluah tak,"Fiona chuan a rawn ti a,ka melh tlawk tlawk ringawt. Min thinrim khuma pa an lo ti em em a,ka run kher mai.



"Tikhan lo sawi suh,heti em em a a thinrin khum te chu a dik bik hleinem,"Ruatpuiin a rawn ti ve thung. "A rawn hruai hma che chu hetah lo ṭhu char char rawh,keinin kan ngai che lawm,hrem ve hlak rawh,"Ruatpuii chuan min rawn kuah ṭha sauh sauh.Zonunsanga lo lut chu ka hmu a,ani pawn min rawn en ve reng.



"Tinge khatah i ṭhut phei daih?"Bena chuan a rawn ti hu,Zonunsanga nen kan intithiamlo tih a hre ve reng tih ka hria.



"Kan ngai a,lo phei rawh kan ti deuh tlat a. Vawiin chu lo ṭhu phei rawh se,"titu chu Melody ani. Ka bulah anni ho saw duh viau angin awm mahse an bulah chuan min ṭan ve tlat tho dawn a nih hi. Duh viau mahse an hmuhah chuan an over ve chung lem lo.Bena pawh chuan engmah a sawi tawh lo.



"Enteh u,Remrem in awm dan hi a nuih zathlak e,nupa inhau in ang. Nang hi i lo tlan a ang e,"class lak lai chuan Fiona chu rawn hawiin a ti sap a,an nui leh kur kur ṭhin. Ka ṭhiante diktak kha an la ni,an rawn hawi chhen a,teacher te pawn an rawn hau. Ka lo nuih tawp.


Ka zawn chiaha ṭhu chu ngaihtuah reng mahila ka ngaihven duh lo. Ka ngaihtuah chian chuan ka titau ve daih chu ka nuih a za deuh mahse alakah ka lungawi bik lo. A ṭhiante zingah min ṭhutpuia min thinrim khuma,a ṭhiante min biak san char char a nih kha. A laka ka rilru no tak kha bo a hnehin a zual tulh tulh a chuvang a ni mahna le hetianga ka lungawi loh em em.



"Kan naute hi a pasal chuan ava ngaihven har tawh ve,rawn hruai che a tum lo aniang. A nih loh pawn palai Dominca a rawn tir dawn niang,"Ruatpuii chuan min rawn fiam pah chuan a ti a,an nui uar uar. Ka lo tum bur thung.



"A rawn ngaihven thuai ang,nichin pawh kha ka va hmu chiang lutuk Zonunsanga khan bawkin Remremi a en char char,"Nuteii chuan a rawn ti bawk a,an inhniala an ri nghal nak nak.



"Zonunsang,innu tlan i rawn hruai dawn mi?" Ruatpuiin a tih rual chuan a melhna lam chu ka hawi a,Zonunsangan min lo melh chhuk run mai.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » February 21st, 2021, 1:57 pm

SOMEONE TO YOU


BY:


NUTTY GIRL


CHAPTER-23



"Zonunsang,innu tlan i rawn hruai dawn ami?"


"Umm,"tiin Ruatpuii chu a chhang a,a nuih deuh suk. "Khutah in be lawk ang," Zonunsanga chuan min melh chhuk run chuan a ti sup a."Nia zu in be ru,"ka chhan mai loh avang chuan Ruatpuii chuan min nam tho sawk sawk chuan a ti a. Zonunsanga chuan ka kutah chelhin min kalpui dawr dawr,a bula kal ka duh leh duh loh pawh a hre tawp si lo.
Canteen thlangah chuan min kal pui a,brake laia kan awmdun tam tak lutuk loh avang hian ka kal khat viau.



A laka ka lungawi lohna kha chu thli chhem bo ang duak a ni tawh. Ka ṭhiante bula ka awm chhung ringawt pawh khan amah ngaihtuah lo in ka awm thei lo kha a nia. Mahse chu chu ka ti lang lo,ka inkuangkuah khum nghat.



"Tihpalh,"a ti deuh sup. A mitmengah chuan a inthiam lo a ni tih a hmuh theih. "Enga ti maw?"zaidam tak chuan ka ti a,hetia a inthiamlo hi chuan keimah ber ber hian nuam lo ka ti leh lawi si. "Ka be ṭha duh lo che a chuan ka thinrim khum bawk che mahse kha kha ka tum pawh a ni lo,"a ti a,a ngawi vang vang. Mahni thiamna pawh sawifiah thiam lo Zonunsanga kha a ni tih ka lo theihnghilh hman lek lek.


"Kha kha ka tum a ni lo,"ti nawn leh sapin a sawi tur hre lo chu a tukhum a tuai zeuh. A awmdan vel chuan ka nuih a ti za lutuk tlat,nui chhuak lo turin ka insum hram hram a ni."Ani kha ka thik,"reife ngawi renga a din hnuah chuan a ti ta tawp. Ruatpuiite thusawi kha a dik tak tak mahse thikna tur a neih loh zia in hre ber tu chu a ni asin.


"Engvangin maw? Min tina em em tu ani tih i hriat ve reng kha,"lungawi lo tak chuan ka ti a. "Nidangah ka ṭhat leh ṭhat loh min zawt hmasa ziah a,Nelson zawk a nih kha a ṭhat leh ṭhat loh i ngaihtuah,"a ti hmuk,a hawisawn deuh hmak bawk. Chuvang chuan maw Zonunsanga hi a lo thinrim em em.



"Nangmah ka ngaihtuah fe zawk che,Emmain school a kal thei lo atia,i khawihnat viau pawh ka ring lo a,chuvang a lawm ka zawh che,"tiin ka hrilhfiah dap dap.A tawpa tawpah chuan kan inrem leh ta,a chhan dik tak hriat hnuah chuan kan awmdan chuan ka nuih a ti za hnuhnawh viau.Nelson school kal thei lo chu engah mah a ngai lo 'A phu tawk a hmu a nih chu,'a ti duh lek chauh.Nelson lo chu ngaihzawng dang ka la nei bik lo,kan intithiamlo a nih pawn keimah zawk titau leh thlem ngai ka ni reng. Zonunsanga titau bur bur ka ngaihtuah let chuan ka nui deuh suk suk ṭhin. Thil lian thamah ni phei se chuan a titau chu a hlauhawm zawk khawp ang.Ka ngaihtuah ngam lo zawk.



"Bell a ri dawn,chho ang,"tiin ka banrekah min chelh a,ka ner nghal nak mai. "Tinge?"zinga Emma nen kan insualnaa pem kha a hmuh chuan a ti sup. "Emma nen kan insual a,"tiin a ka ṭhen deuh ṭha a.



"Tinge?"ka ban rek la melh run chuan a ti leh a. "A bialpa ka sawisak vang khan a khawih ve che mi?"a tih leh chuan lu ka thing nak nak."Aih ni lo,ih maw kan inhau deuh hlek a chuan nangmah kha a sawi tel kher che a,ka thinrim a ngeiawm deuhin ka chhanga,kan insual,"ka tih chuan a phun deuh hluk.


"Insual te chu a ṭha hleinem,"a ti ve ngei,a
insual hrat zawkin chutiang te a a tih le. "Nizanah nangpawh i insual ve reng kha,"ka tih chuan a nui ve suk a,"A ṭha chuang hleinem,"a ti leh sup a,in ngeih tak chuan classroom lampan chuan kan chho dun rial a,naupang hoin kan inngaizawng tih hre mahse teacher hmaah erawh classrooma kan ṭhu dun tih loh chu ka tilang duh bik lo.



"Ka bulah ṭhu tawh rawh,"Classrooma kan luh hma chuan a ti sup a,min en run bawk. Hnial ngamna a ni lo mahse ka hnial chak.



"Aaa...ka ṭhianten min ngai ve tho sia,vawiin te chu ka ṭhiante bulah ka ṭhu mai a nga,"ka tih chuan a lungawi hmel fahran loh. Ka ti tak tak lo,a awmdan ka hriat chak vang chauh a ni."Keipawn ka ngai ve tho che,"ti deuh hmuk chuan min luhsan nghal a,ka nui nghal vur vur. Zonunsanga a ṭawng mawh hle tih kan hriat ṭheuh kha,a ṭawngkam niloin a chetziain engkim a ti lang ṭhin. Min ngaihthu a ṭawngka ngeia a sawi vawikhatna a ni,ka hlim hle bawk.


Kei leh ka ṭhiante ṭhutna lampan chuan ka kal a,ka lehkhabu dahchhuah ho chu ka khung ṭha sawk sawk."I tlan i haw tawh dawn maw? Lo tlan zeuh zeuh rawh,kan ngai ve che mahse inhau zing lo ula,"Ruatpuii chuan a rawn ti daih,a ṭawng in kalh leh lutuk vang chuan ka nui deuh hak.


"In thup hle mahla heta i ṭhut chhung khann i ngai ve a ni tih ka hrethiam nghal ania aw," Fiona chuan min lo fiam nghal zat bawk. Kan nui deuh hak hak hlawm. Zonunsanga chu a bula ka ṭhutthlak rual chuan min rawn nuih suk a. "Welcome home,"a rawn ti sap. In melhin kan innuih deuh reng ringawt.Ka ṭhiante sawi kha a dik chiah period rei lote chhung pawh kha a bula ka awm loh chuan ka awm a nuam lo,ka ngai veng veng. A zûnin a ken tel pawh a ni mahna le.


~Time Skip~



"Aw nu,"ka nuin min rawn call rual chuan ka la vat a,a rawn sawi tur chu ka ring thiam deuh mai. "Bawihte,tunlai chu ka hman lo thei lutuk a,kan inbe khat hle mai,zanin chu ka hman bawk a kan inbe reng mai dawn nia"a rawn ti a. "I ni Puitein min lo hrilh a,engnge thleng a,ka fanu fel tak awmdan hriat chuan a mak ka ti hle mai,"a rawn ti dam deuh thlap a. Hei chu ka nu mizia ve hrim hrim a ni,a thinrim emaw lungawi lo pawh nise zaidam takin a ṭawng thei.


"Nu engmah a ni lo,i rilru tibuai duh suh,"ka ti sap. Khami ni Emma nen kan insual aṭang khan kan boruak a fuh hleithei lo. Pa Puiate bulah kan insual chhanah ka bialpa ṭhen tura min duh thu leh ka ṭhen duh lohvanga insual angah a sawi a. Zonunsangan Nelson-a ka bialpa hlui a nih vanga khawih a nih thu a sawi bawk. Engkim Zonunsanga leh keima thiamlohah min puh thla vek. He thil vang hian ngawih leh insum tumna ka nei tawh bik lo a,kan in khak fek fek reng zel.



"Nelson kha chu mipa fel tak a ni,in inṭhen tih pawh min hrilh lo a. Mipa sual tak i kawp chu Bawihte ka phal lo ania,'ka siamṭha mai ang,' tih ngawt chi a ni lo ania. Insiamṭha tur chuan a ni khan a duh ve hle che angai ania,"a rawn ti deuh duah. Ka nu nena Thenzawl lama kan awm aṭang khan ka nu hi engkim ka hrilh ṭhin,ṭhian ang maiin ka ngai bawk. Nelson nena kan inṭhen ka hrilh loh chhan chu a rilru tihhah ka duh loh vang chauh a ni. Nu dil chhut tak a ni a,min zawh leh keuh keuh chuan ka sawi leh dawn chiang lutuk tlat.



"Ka sawi chu i hria tiro? Mipa sual chu an ṭhalo,tunah i unaunu nen in inhmuhthiam lo der bawk a,"ka ngawih reng avang chuan a rawn ti nawn leh ngat a,ka thin a rim. Zonunsanga hi a sual lo,misual zawk chu ka nuin fel a tih em em pahnih te hi an ni.



"Nu,a sual lo,engtinnge a chanchin an hrilh che ka hre lo mahse a sual lo. A fel lutuk,"ka ti nghal vak,ka ṭah a chhuak nghal hlur mai. In lam boruak nuam lo sa nen,ka hne ngawih ngawih a ni ber. Zonunsanga misual ber angin an chhuah hlawm bawk a.



"Insual hrat tak chu a fel ka ring lo,"a ti leh sap.



"Nuuu,Nelson nena an insual chhan te kha chu thil dang daih a lawm,"ka ti deuh ṭuau. Thudik tak hrilh vek mai ka duh mahse chu chu tuna ka tih ber tur a ni em ka hre lo. "Chu lam chu dah ṭha ang,board exam tur i nih kha,ṭha takin leh kha zir la. Ngaihzawng neih nan te chuan a la hma lawm. Bakah hmel duh mai te chu a ho lutuk,i zirlai kha a pawimawh hmasa ber. I ni te ṭang khatiang thu hriat kha ka duh tawh lo ania,fel takin awm rawh. Ka neih chhun liau liau i nih kha ṭha deuhin zir ang che aw,"a rawn ti leh a,chhan pawh ka chhang ṭha peih lo.Biak pawh be rei ta lem lo chuan lehkha zir ka ngaih thu sawiin ka dah daih,Zonunsanga ka ngai veng veng mai, naktukah ah chauh kan in hmu leh awm sia.


Ka nuin phone a dah hmaa a thusawi ka ngaihtuah phei chuan a tawt ru ṭun mai. "Ka fanu ka thuawih em em ṭhin i nih kha,i zirlai chauh ngaihtuah rawh,ngaihzawng nei hman i ni lo,"a ti a. A hma khan Nelson nen kan inngaizawng tih a hre ve vek engmah a sawi lo,Zonunsanga a nih vanga khatianga han tih kher.


Zonunsanga ka text a a la online lo lehnghal. Mu chung chuan ka in ngaihtuah rauh rauh a,ka nu rilru va tihah reng ka duh lo. Zonunsanga vangin a lakah lungawi lo viau mahila,ka nu min hmangaih em em tu kha a la ni reng. Emmain sual a chhuah pawn chhuah let ve loh chu ka tithlu ta,engtiang pawhin awm se awm lo ang hmakin ka ngai tawh ang mahse Zonunsanga a chhe tawpa a sawi hian ka thin a rim ve phat zel.


Chhuatah chuan mutna siam fel sawk sawkin ka mu nghal a. Kan inhauh aṭang khan ṭhuthlengah emaw Awmawma bulah a mu ṭhin kha ania,Papuia ten kan inhau tih an hriat avangin Awmawma rooma luh pawh an phak sak tawh lo a,rooma ṭhuthleng an la chhuak bawk. Keini luhlul ve ta ngang chu mut dun kan duh si lo a,keiin chhuatah mat phahin a chungah blanket ka phaha ka mu ringawt bawk.


*Ka lo hmu chiah a,naktuk chawhnu kha aw* Zonunsanga message ka hmuh chuan ka dam nghal sawng sawng mai. Naktukah an inah project kan ti dun dawn.


A tawi si,ngaihnawm loh si in ti🙄keipawn ka ti ve tho ania😂Ka hman thlawt lo. Coaching class ban hi tlai lam chauh a ni bawk sia,haw velah online class a tih tur tih leh angai a,zanlamah assignment. Min lo hrethiam hram ru aw,hun hman dan thiam a har lutuk a💜

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » February 21st, 2021, 1:58 pm

SOMEONE TO YOU


BY:


NUTTY GIRL


CHAPTER-24

💜A woman can't change a man because he loves him,a man changes himself because he loves her~Steve Harvey 💜


"In kawtah ka awm,i hman tawh em?" Zonunsanga chuan hello pawh ka tih hma ngawt in a rawn ti nghal tawng a. "Umm,hman a ni mai,ka bag ka la lawk anga ka rawn chhuak nghal a ni mai,"ka ti a,ka bag ka la nghal sawk sawk a.



"Ni, project ti tur chuan ka chhuak nghal aw,"tiin ka chhuak nghal a,nimin lamah ka dil lawk sa vek tawh a,min zawt chipchiar lo in an 'Aw' ve mai. Kawtah chuan Zonunsanga chuan min lo nghak leh run tawh. He thil hi ngaiah ka nei tawh. Weekend a ka chhuah hi chuan ka mitthlaa lang hmasa ber chu Zonunsangan bike ngeng a min lo nghak ṭhin hi a ni. Mi nghah a ning em em tih ka hria mahse vawikhatmah a peih loh thu min sawi khum ngai lo,ning viau mahse nghaktu a ni zawk ziah.Zonunsanga hi ka hrechiang e chu ka ti lo mahse a chetziaah hian a thil nin leh nin loh hi chu ka hre ve thiam.


"I inbual rei si,"a ti deuh hluk,engmah hi a zep ve thiam thlawt lo. "Hmeichhia te chu kan inbual chhung a rei a lawm,"ka ti mai a,ka insuk hmasak avangin ka hmanhmawh thei lo. Zonunsanga pui hian chaw eikham aṭang khan a khat tawkin ka hman tawh leh tawh loh min zawt tawh,min nghahna a rei ve viau tawh.


"Kal nghal ang,"a tih chuan ka bu nghauh. A sam chu a inbual zawhna a la rei lo tih hriat zetin a hnawm ve chap mai. Minute 15 velah chuan kan thleng ve mai,an in kawta kan din chuan ka chhuk a,an gate kar aṭang a an in lo lang chu ka thlir vang vang. Ka kal hmasak ber,hnung ber ni bawk a a thusawi kha ka la hre reng.A ṭawngkam aṭang khan an in hi nuam a ti lo tih ka hria mahse ka zawt duh lem lo. Ka ngaihtuah ve fo thung.



A tirah pawh project hi tih tum na a nei lo. "Internal mark a chhe vek a nga sin,"tiin a thlemin ka thlem. "Midang ka tih tir mai ang,pawisa hlawha tiduh an awm leh tho ang,"a ti awlsam et a,project tih dun puiah ka sawm ṭang ṭanga a duh ve thei hram. An ina tih kan tum tirh pawn a duh lo hle,kan intihtauh khum leh lek lek bawk. Dominic a zarah a remti hram bawk.A tirah phur lo mahse ka hman tawh leh hman tawh lo min zawt rengtu a ni zawk tho si.



"Gate kha lo hawng la,"a tih chuan ka bu nghauh a,ka hmaa gate lian ve tak chu ka hawng a,an in chu chiang zetin an in chu ka hmu a nawm hmel hle mai. Zonunsanga chu a tlan lut a,garage ni awm takah chuan a tlano lut a. Gate chu kalh ṭha sawk sawk in an in kawtah chuan ka ding a,Zonunsanga in dah fel hun ka lo nghak a.



"Lut ila,"tiin ka darah chuan a rawn chelh a,min luh pui a. In chhung pawh chu a nuam tak zet,a simple a,a fel fai thlurh mai bawk sia."In in chu a nuam hle mai,"ka tih chuan a nui suk ringawt.Midang hmuh tur an awm lo,a reh ruih mai.



"Thil ei phawt ang,"lehkhabu ka dahchhuah mawlh mawlh lai chuan a ti a. "I la ei na nge?"ka ti heu mai,thingpui ka lo in lawk diam tawh."Ka nghak che,"a ti awlsam et.



"I ei tawh ami?"a tih chuan inthlahrung deuh tak chuan "Umm,"ka ti raih. "I ril a ṭam loh chuan nakinah a ṭam hunah kan ei mai dawn nia,"a ti sup a,ka hnial nghal vat."Ei phawt ang, nakinah chuan kan zirtui zawk ang. Ka thil eina a rei ve leh ṭep tawh,ka ril a ṭam leh tawh zawk,"ka tih chuan a awih chiah lo nge ni a chal a ti chuar nung.


"Kan chhum mai dawn mi?"tiin Maggie chu cabinet aṭang chuan a rawn lek chhuak va va a,ka bu nghauh.Waiwai nen chuan a rawn la chhuak nual.



"Chhum thiam hmel pawh i pu lo e a,"tiin ka nuih deuh rah rah. "Thiam loh ka nei lo,"fiamthu chuan a rawn tive a,kan nui dun hak hak Chhum tam a ngai lo ka tih pawh chuan ka thu a awih duh lo. "Kham loh khan a buaithlak mai mai,"a ti a pack6 lai min chhum tir,a ei ṭheuh thei turah ka ngai a a hnuah kha chuan ka hnial duh ta lem lo.Fridge ah chuan a pawlhsawp tur ka hmuh ang ang chu ka la a.


"A thak i ei thei em?"ka tih chuan a bu ve nghut.


Ka hmaa Zonunsanga thlantla deuh hluam a a thil ei chu nuih chhuah loh tumin insum hram hram in ka en. Hmarcha pawh ka telh tam tawp si lo a,han en mai chuan hmarcha hlang in ei siaka tel awm vel a ni. Tui chu a in leh deuh pap zel,tui pawh no thum lai a in na a ni tawh.



Ka insum thei tawh lo ka nui chhuak hak hak.



"Engnge?"a rawn ti deuh hmuk,a hmui pawh chu thak a tih vang nge ni a sen hlar mai. "Thak i van ngam lo em em,"tiin ka pum dawm meuhin ka nuih. "Ka ngam bawk,"a rawn ti leh hmuk,min chhanna avang chuan ka nuih a za leh zual. Hmarcha ka telh tam lo,kei chuan a thak ka ti ve tho mahse thak lutuk a ni lo.Lang chhuak khawpin thak a ti a,hmarcha ngam lo nih a duh bawk si lo chuan ka nuih a ti za zual.



"Ka ei peih tawh lo,"tiin fridge a tui vawt chu la in a lem khawlh khawlh. Bowl khat chu a ei zo ve hram chauh a ni. Cabinet pakhat chu a hawng leh a,chini bawm a rawn la chhuak a,a ei. A thak ti talbuai chu khawngaih viau mahila ka nui lo thei lo.


"Bawnghnute in rawh,bawnghnute. A thak a zia duh lutuk,"tia ka hrilh leh chuan bawnghnute chu a la chhuak leh rawk rawk,a in nghal khawlh khawlh bawk.



"Thil thak i ei ngai lo mi? Thak i van ti em em?"ka ti a,ka la nui ṭha tho. 'Thak i ngam lo ami?'ka ri duh tawh teuh lo,ngam lo nih chu a duh tlat lo."Ei ngai lo,"a tih chuan ka chek deuh tlat tlat.



"'A thak i ei thei em?'ka tih lai te khan ,'Ka ei thei lo,'tih mai tur che lawm."



"Ka ei thei reng a lawm,"a la ti ve ṭang ṭang,hepa pui hi chhan ngaihna pawh ka hre lo e a.Thleng chu ka sil a,sil a tum viau a mahse ka ti lui tlat.Thleng ka silna bulah chuan a rawn ding ve reng a,a thak ti hmel nuihzathlak zia ka sawi a,ka nui leh hak hak ṭhin. Ani pawn a haw tawh em lo,a nui ve suk suk tho.



"In va hlim ve,"aw thum chhakin a rawn tih chuan hnunglam hawiin ka in her vat. Pa la upa lam hian nui hmel pu chung chuan min rawn en a,Zonunsanga pa a nih ka ring. In anna pawh an nei. Upa lam ka ti ngawt a,papuia te awm rual vel a ni.



"I lo leng mai mai em ni?"



"Aih,ni lo e Nunsanga nen hian project kan ti dawn a,"tiin a zawhna chu ka lo chhang vat a. "Ti khan lo inkawm ru,ka chhuah leh nghal a ngai a,"a ti thum bul,Zonunsangan a chhun khawp mai,pa nelawm hmel tak a ni lem lo mahse a sual lem lo.Zonunsanga nen chuan biak pawh an in be lem lo.Reilote roomah a lut zawk a,a chhuak leh nghal daih.



Kan project chu google velah kan en dun a,Zonunsangan a lo copy char char a. Textbook nen kan en kawp bawk a,a hahthlak lutuk loh.


"I hawrawp a nalh teh reng nen,lehkha hi i zir peih lo ve e,"dawhkan bawh chung chuan ham bai bai chung chuan ka ti a. Zonunsanga thil copy mek chu ka en a,a hawrawp chu a nalh ṭhat ṭhat khawp mai."Lehkhazir a ti nuam chuang hleinem,"a tih chuan ka nui deuh suk,a dik ve reng.



"Kei chu ka hawrawp a chhe lutuk a,ka tet deuh lai phei kha chuan teacher ten min hau reng zel,ka hawrawp vang khan mark an cut ngei zel,"ka tih chuan a nui deuh suk.Zonunsanga lehkha zir ka vawikhat hmuhna a ni bawk a,ka en ning lo reng reng.A copy tur ang a copy zawh chuan kan chawl a,ṭhuthlengah chuan in kuah chaihin kan ṭhu.


"In inah hian engzat nge cheng che u?"



"Pahnih,kei leh ka pa,"tiin a ṭhen deuh sak,in a lian sia a khawharthlak thei ngawt ang. "Zantin i leng chhuak ziah bawk sia,i pa chauh a awm dawn tihna ania. A khua a har thei viau ang,"a awma bei thlap chuan ka ti sap a.



"A ti lo ang,a hmelma nena awm dun ai chuan nuam a ti zawk ang,"a ti sup a,a thusawi vang chuan ka hawichhuak a,Zonunsanga erawh chuan hmalam a en ngur a,a hawisawn lo. A thinrimin ka hria a mahse a na in ka hre bawk.
Engvanginnge a pa hmelmaah a in ngaih? He in hi hrehawm a tih em em chhan kha a ni thei angem? Mahse apa kha pa sual tak a niin ka hre lo.



"I pa kha a fel hmel,i chhun viau in ka hria. In landanah chuan in ngainatawm teh chiam lo,in ṭawngkam pawh mahse in sual lo,"tiin ka ṭhen sak. Za lo zet chuan a nui chhuak deuh hawk.


"Min la hrechiang tawk lo a nih chu,"a ti deuh hmuk. Midang zawng zawng leh amah ngei pawh hian sual a inti em em a mahse kei chuan sual ka ti lo,fel ka ti lutuk zawk. Zonunsanga hi a sual reng reng lo,a fel lutuk. A fel zia a inhmu thiam lo mai mai a ni. Mite angin thil ṭha tiin ṭawng duam duam lo mahse chutianga ti ṭhin thinlung kha tak te ai chuan a fel fe zawk.


Insual a ching te,zan chhuah a ching te hi duh loh phah loh a,a sual ka tih phah chuang hek lo.He in hrehawm a tih em em chhan te hi a awm ngei ang. A sual lohzia hre ngei se ka duh chutiang bawkin midang pawn hria se ka duh. Ka nu tiamin,ka nu hian a sual lo tih hria se,ka tana mi ṭha tak a nih zia te thlengin hria se ka duh.


"Kha ti zawng kha vawiin chu ti mai ila,a tlai tawh haw ka duh tawh,"ka tih chuan min rawn melh chhuk run a,ka hmuiah min rawn fawp bawrh bawrh,kan vawikhatna a ni bik lo. Atan a hmeichhe fawh hmasak ber,a ngaihzawn hmasak ber leh a duh hmasak ber ka ni tih ka in hria a,engkimah a hmasa ber ka ni chu ka lawm tak zet. A zei viau lo,a bu ang thlap a ni hek lo mahse ani hi ka duh em em,Zonunsanga kha a la ni reng tho.

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)