SOMEONE TO YOU by NUTTY GIRL (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

Re: SOMEONE TO YOU by NUTTY GIRL (Completed)

Unread post by Ngaia » February 21st, 2021, 1:58 pm

SOMEONE TO YOU



BY:


NUTTY GIRL



CHAPTER-25


💜Cause all of me loves all of you
Love your curves and all your edges
All your perfect imperfections ~JOHN LEGEND💜


Hun a ral ve bek bek a,exam kan hma chhawn leh der tawh dawn. Internal mark ami tur anih vang chuan ka nu pawh chuan zir ṭha turin min hrilh mawlh mawlh reng. Diktak chuan inchhung boruak tiang tehnuai a nih vang hian zir pawh ka zir mang ngai lo. Exam hma nithum vel chauh a awm tawh a,zir tak taka ka zirna karhnih em pawh a la ni lo. Kan portion a tam ang reng si a,a buaithlak duh khawp mai.



Ka lehkhazir chawlh lai chuan ka phone ka en a,chhun lama Zonunsanga mesaage ka thawn kha a ngai ngain a la awm. Vawiinah school a rawn kal lo a,a chhan ka hre lo,tunah zan dar 9 a ni der tawh bawk si. Nizan lama kan inbiak pawn engmah a sawi lo a tukinah pawh ka lo nghak reng a nih kha. Ka lo nghah avangin ka la tlai zui bawk a,Dominic te ka zawhin engmah an hre bik lo a,call a chhang thei der lo leh nghal.



Ka call leh chuan a ring ral ṭhak ṭhak bawk si,a ṭhiante emaw call ka duh rum rum. Engmah chanchin hriat tur a awm loh chuan ngaih a ṭha vak bawk si lo. Dominic call ka tum uk uk a mahse over min ti ang tih ka hlau ve leh deuh tho bawk sia,ka call hreh ta deuh.
Chutia ka in ngaihtuah vung vung lai chuan ka phone a rawn ri thut,ka thlawk chhuak lo chauh a ni.



Zonunsanga a ni..



"Remrem,keimah,"Zonunsanga aw hriat kain beisei laiin Dominic a ni thung. "E,aw khawnge amah,"ka ti nghal tawng,a phone a min lo call teh daih chuan ka ngaih a ti ṭha lo,a tlai tawh ang reng si.



"Hetah kan inah,a muhil a,"a tih chuan ka thaw deuh huai.Mahse tun ang zan rei tawh ah tinge Dominic te inah a awm daih le.



"Tinge? Thil thleng a awm ami?"



"A...ih,ka hre bik chiah lo,vawiin tlaia an in a ka kal pawn a awm lo a. Chuan nichin deuh khan Venan min rawn call a,an veng lamah Zonunsanga a hmu a,an lo sual rawn a,"Dominic chuan inthiam lo deuh chuan a rawn ti zawi sup a,ka lung a phu nghal dawt dawt mai.



"A.amah a ṭha em?"ka ti bah deuh nawk,zan dangah pawh insual tho ṭhin mahse zanin erawh ka hlauhthawng sa bawk nen,'an sual rawn' a tih tak khan ka ngaih a ti ṭha lo lutuk.



"Remrem,ngaihtuah awm a ni lo,a ṭha,"a rawn tih pawh chuan ka awm a ti nuam der lo,a inthlagrun dan dek duk te chuan ngaih a ti ṭha lo zual sauh si.



"Ka rawn kal dawn,"ka ti tawng,tlai viau tawh mahse Zonunsanga hmuh ngei ka duh. Chuti a nih loh chuan mut pawh ka mu thei kher lo ang. "Aih,a ngai kher lo,a muhil hrim hrim a. I rilru ti hah duh suh,"a rawn tih pawh chuan ka lung a awi tawh chuang lo.



"Ka rawn kal dawn,"luhlul zet chuan ka ti ve tlat. Dominic hi a u te nena awm an ni a,a ute an zin tih ka hre bawk. Ka tih ngai zawng chu in aṭanga chhuah ruk a ni mai."Ok,a nih chuan ka lo hruai ang che,ka hrilh che tih hria se chuan a thinrim viau ang,"tiin a rawn nui deuh suk.Ka kawrlum hak sa pakhat chu la chhuakin ka ha nghal rawk rawk,Emma pawh chuan min en reng tih ka mitsirin ka va hmu a mahse ka ngaihven hman lo.Railing aṭanga chhuah ruk te chu hnehsawh tawh tak ka ni mahse room aṭanga ka chhuah vawikhatna tur a ni.Kan room awmna hi a chhawng ni mahse tui dahkhawlna an siam san bik hi va rah nghal theih mai a ni a,a bak chu leihlawn hmangin awlsam taka chhuk thlak a ni tawh mai. Ka vannei hlauh,engmah harsa a awm lo chhuah ruk leh luh ruk hi chu a harsa em em dawn lo a nih hi.


Dominic chuan min lo nghak ve ran tawh,Zonunsanga zawk ni se ka tih zia mai chu.


"Chutianga ngaihtuah awm a ni lo tak tak ania,a hmai vel erawh a khem nasa ve," Dominic chuan a ti deuh hmuk,a thinrim hmel ka vawikhat hmuhna a ni. A ṭhianpa an lo khawih rawn vang pawh a ni mahna le.Ka bu nghauh a,an in lampan chuan kan tlanchhuak nghal. Dominic te nen hian veng khat kan lo ni reng a,kawng hnuai aṭang phei chuan chutianga hla lutuk a ni lo.



"Ka roomah sawn a mu,"tiin a room lam chu kawk zeuh a,ani erawh choka lamah a lut daih thung. Rooma ka va luh chuan Zonunsanga lo mu bam chu ka va hmu nghal a,a hmai khem nasa lutuk ka hmuh chuan ka ner nghal nung. Tinge amah chauh a nih chuan ṭhian awmkhawm intihbuaipui lo a,a inthiarfihlim mai loh le.A mutui ngang mai,a mit veilam bul vel chu a la duk kual ruih leh nghal a.A hmai khem deuh nuai mahse a hmelṭha em em tho chu a nih hi.



"Rui lo se chuan tiang em em hi chu na a rawn hawn lo maithei a ni." Dominic chu ka bulah a lo ding fel der tawh,a lo luh lai pawh ka hre lo hrim hrim.Engtinnge rui chunga a insual kher kher le,chutah an la sual rawn zui. Ka ngaihtuah chian phei chuan a hmai khem te chu a tlem zawk ka ti ang reng mahse Zonunsanga kha a ni miau a. Insual hrat zet,thiam em em bawk kha.



"Hetiang te hi tihfai ve awm,"ka ti a,a hmai a thisen kai chu ka tuai a,a lo ro vek tawh. "A duh lo a nih kha,damdawi hnawih pawh a duh lo,"a tih chuan ka ner nghal nang. Zonunsanga in la pa leh lutuk ka ti dawn nge a pa lutuk hi a buaithlak a nih hi.



"Ih,damdawi chu a awm em?"inthlahrung deuh tak chuan Dominic chu ka zawt a,a bu nghauh a. Drawer lampan chuan a kal a,a va hai ruk ruk a,ear bud leh lapua nen chuan a rawn keng phei a. Lapua chu ti huhin a hmai a thisen kai awm deuh ṭhat ṭhat chu amah tih harh hlau zetin ka hru fai a,a hmai hruk fai sak chuan a hliam ringawt chu tlemin a zia deuh. Damdawi ka hnawih lai te chuan a harh ang tih ka hlauh ve tehreng nen harh chu sawi loh tui takin a mu reng ringawt.



"Apa nen buaina an nei leh a mahse engmah ka hrechiang bik lo. Apa chunga a lungawi loh emaw a thinrim chuan apa kalh zawnga chet a,a thinrimna hetianglamah hian a leih bo ṭhin,"a rawn ti sup.



"Engvanga apa hua nge a nih a?"



"I hnenah pawh a la sawi lo a ni ngei ang mahse a inpeih hun nghak rawh,ka ka aṭang ai chuan a ka aṭang ngei a a chanchin hriat chu i duh zawk ngei ang.Midang rin hi a tan chuan thil awlsam a ni lo ania,a inpeih ve ṭep tawh ang,nghak rawh,"a tih chuan ka bu nghauh. An boruak chu a ṭha vak lo tih an ina ka kal aṭang ka hre tawh,tun thlengin engmah ka zawt ngai lo.A in peih hun nghak tawp ang.



"Min va thlah leh peih em? A tlai tawh emai,"tiin sana chu ka bih zeuh a,a bu nghut. Dar 10 a lo ri der tawh.Dominic chuan in kawt thleng chu min thlah leh a,ka luh hma chuan a nghal a chhuah leh hman hmawh.



"Hruai haw tawh lo che hian inah khan lo riak ka a ṭha tur,in in ru a ni nghal mai a,"a ti a,lei ka chhuah khum zeuh ringawt. Dominic hi chu mi chhaih a peih a,a nelawm a a nghal em em bawk. Zonunsanga nen chuan an mizia a in ang lo lutuk tlat. In lam ka pan chuan ni Puitei chuan min ko thlir ran!!



"Kha kha tunge a?"chhan dan tur ka hre lo,thudik sawi ta ila Zonunsanga an lo hmu chhe lak lawh nen an hmuh dan a sual leh zual sauh dawn. Ka ngawi ta reng a,hnuailam ka bih ngur ringawt. Ngawi rengin kan in zui lut a,engtinnge min tih dawnah ka buai lem lo,ka buaina ber chu ka nu beng a thleng leh ngei anga,ka nuin min ngaihtuah zual sauh bawk ang.


"Han mu nghal rawh,"Ni Puitei a tih chuan roomah ka chho nghal vat,ka thaw deuh hak mai. Buaina a reh dawn chauh a,buaina dang bawk hi ka tawk leh a. Ka van hne tak.Rooma ka luh chuan Emma chuan mak ti zetin min rawn en. Ni e,ka tum danin thil theng se chuan he room tukverh aṭang ngei hian ka lut leh ang. Emma chu a ṭap a ni ngei ang,a mit a lo sen ram mai.



"I ṭha em?"ka tih chuan a bu nghauh mahse a bak han sawi tur em em ka hre chuang lo.




Ka thinlung takin ka ṭhianṭha ber hi ka haw thei lo,tun thleng hian ka 'ṭhian ṭha ber' nihna kha a la hauh char char tho.Min bumin,min haw hle mahse ani hmun ruak hi chu tunah chuan luah zo an awm chuang lo.Kan in biakloh reng te hi ngaiah ka la nei thei der lo.



Zonunsanga leh naktuka ka chunga thleng tur ngaihtuah rauh rauh chung chuan ka mu a,a hnuah chuan ka muhil ve thei ta tho.



~~~


"Nizanah khawiah nge i kal a?"inhnuaia ka chhuk rual chuan Papuia chuan a ti chang fuk a,tunhnai hian a hma ang em em khan a ṭawngkam a nem tawh lo. Emma nena kan luhlul em vang a ni."Ka chhuak lawk a,ka ṭhiante inah," thudik sawi thei lo mahila,dawt hlang hlak sawi ai chuan thudik famkim lo sawi hi a ṭha zawk.



"I ṭhianpa i kawp aṭanga hetiang i chin chhoh chuan a ṭha lo ania. I nuin a ngaihtuah ṭhin zia che i hriat kha,"min en lo chuan chanchin bu nih run chuan a ti a. Nelawm viau mahse a hlauhawmnaah chuan hlauhawm ther ther tak a ni. Mahse Zonunsanga chanchin an duh duh a an sawi erawh rem ka ti lo.



"In ngaih anga sual kha a ni lo,"ka ti hap.



"In la naupang lutuk,suahsual rawngbawl nana hman phah nan leh lek phei chuan, chhungte duh loh dana awm hi thil ṭha a ni lo,"a ti leh charh charh,ka ngawi ta reng a.



"In exam a hnai tawh a,hei hi chu duh tawk ang. Zann dangah chuan chhuak ru tawh suh ang che,hei hi a tawpna ni tawh rawh se,"min zilh fe hnuah chuan a ti a,roomah chuan chhoin ka thaw deuh hawk,ka va ning tak.



*Good Morning*Zonunsanga message ka hmuh erawh chuan ka nui ver ver.Study leave a nih vangin ka hmu thei dawn lo,nizana thil thleng vang khan vawiin lama chhuah pawh a tih chi viau loh ang. Inhmuh ka duh a nih chuan ka chhuah ruk leh ngei a ngai dawn mahse chu chu kei chuan pawi tihna ka nei lem lo,min man tawh lo maithei asin.



Zonunsanga call a rawn lut a,min rawn call hmasa khat khawp mai."Nizanah i lo kal ami?" ka pick rual chuan a rawn ti nghal tawng.



"Umm,tinge?"



"Dominican a sawi a,ka awih lo a,"a rawn ti sup. A ṭhianpa hriat a hlau em em a,keipawn nizana ka va kal thu ka sawi lo hrim hrim ania. A sawi duh lo tu zawk bawkin a sawi leh tho sia.



"I lo kal duh kher a,"a aw aṭang chuan a thawhna a la rei lo tih a hriat. A zing tho phang aw hi chu a aw pangngai ai mahin a sexy bik.


"Niminah ka be tlang thei si lo che a,ka ngaihtuah che,"ka tih chuan a nui ri deuh suk ka hre thei."Sorry,"a rawn ti sup. A exam theih nan a hliam enkawl ṭha turin ka hrilh a,rei tak pawh kan inbe chuang lo. A pa chungchang a sawi hran lo a,zawh pawh ka tum chuang lo mahse ka ngaihtuahna chu a luah ve hle thung. He ti taka a pa a huat chhan hi ka hre duh. Zonunsanga telna a nih phawt chuan engkim ka hre vek duh,in ni ve tho em?


Zonunsanga ka bia chu ka dam phah hawk a mahse ka dah rual rual chuan ka nu call a rawn lut nghal,lung phu dep dep chung chuan ka pick a.


"Aw,nu."



Hman hmawh lo tlang mai ang u aw😁😆Ads kha lo click leh keuh la aw😚💜



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » February 21st, 2021, 1:58 pm

SOMEONE TO YOU


BY:


NUTTY GIRL


CHAPTER-26


"Aw nu,"tim dai chuan ka ti a,ka lung a phu dep dep mai. "Bawihi,lehkha i zir ṭha thei em? Ka buai lutuk a,nimin lamah ka rawn call hman lo che a,"ka nuin z*ng vaha a rawn tih lang lang chuan ka thaw deuh hawk,mak ka ti hman hial zawk a ni."Umm,ṭha a ni mai,"ka ti a,zir ṭha turin min hrilh mawlh mawlh.



"Tun in exam zawh hian vacation in nei dawn tiro?"thu dang daih a sawi vang chuan nizan chungchang an hrilh lo tih ka hrethiam nghal mai,ka lawm rualin mak ka ti viau thung. Hria se chuan thil dang zawng aiin a rawn sawi hmasa ang mahse a ti tlat lo.



"Umm,mahse a rei lo lutuk karkhat vel ang chauh a ni mai. I rawn haw thei dawn ami?"phur tak chuan ka ti vat a. "Aih dawn lo e,rawn kal ve i duh angem? Ka tan chawlh lak ringawt chi a ni si lo a,"a rawn tih chuan ka in ngaihtuah vang vang. Karkhat leh nithum vel ang chauh kan chawl dawn a,a bula kal leh haw chhung nen kan awm dun rei thei chuang dawn lo,bakah Zonunsanga hi ka ngai dawn lutuk.



"Ka hre lo,i tih dan dan a ni mai,"ka ti zuai raih,ka nu ka hmuh chak rualin Zonunsanga nen hun awl kan neih a,kan chhuah theih hun ve tur ber a ni bawk si a.



"I chak vak lo a ni maw? Mahse a pawi lo,karkhat vel ang chauh a ni sia,engtikah nge in zawh dawn kha(h)."



"Ni 28 ah kan zo anga chuan ni 8 ah kan ṭan dawn."



"E,awle a nih chuan lo zin ve kher lo mai rawh,ni 30 i pa thih cham a nih kha aw,thlan te lo tlawh la,"a ti a. Rawn sawi lo se chuan ka hre tawh lo hrim hrim,ka lo theihnghilh hman leh tawh. Ka nu nen chuan rei tak pawh kan in be lo,Zonunsanga chungchang pawh engmah a rawn sawi tawh lo,khami hnuah khan vawi li nga vel bak a rawn sawi lo,a tira ka hnial let deuh khan a rawn sawi leh ṭhin a,a hnuah erawh a sawi ang ang kha ka ngaithla liam tawp a,a rawn sawi zui vak tawh lo.



Emma nen chuan lehkha zirin roomah kan tawm deuh chawt a,Emma awmdanah chuan a mood a fuh vak lo tih ka hrethiam a mahse engmah ka zawt lem chuang lo.



A mak ka ti,Zonunsanga nena kan inngaihzawn hnu khan Emma leh Nelson hmuh dun hrehawm ka ti ngai tawh lo. Nelson kha ka hmangaih angin ka ngai ṭhin mahse tunah chuan kha kha ka ringhlel rum rum zel. Nelson min kawp vang khan ka na in ka hre tawh lo mahse ka ṭhianṭha ber ka chan vang erawh chuan ka la na reng thung.



Ka lehkhazir chawlh lai chuan ka phone ka en a,Zonunsanga text a lo awm.Lehkha ṭha deuh a zir tura min tihna a ni.


*Umm,ka zir ṭha lutuk. Inah i haw tawh em?* tih chu ka va thawn a,ka rin loh deuh in a seen nghal zat. Online tih a lo lang nghal bawk.


*Aih la haw lo*



*Lehkha te i zir ve dawn lo ami?* ka tih chuan *Umm* tih zawngin min chhang,a zir dawn loh thu a sawi chuan a zir dawn lo tih ka chiang. Hepa tak hi chu(h). Nawr lui eng ang mahila a tih ka ring lo.


*Tinge?A pawi viau ami?*ka reply lawk loh avang chuan a message a rawn lut leh nghal. *Ka hre lo i thu thu a ni mai lawm,i tan vek ania*tih chu ka va thawn a,a reh vung vung.


*Kan chhuak dawn,ṭha deuhin zir rawh*tih a lo thlen rual chuan 'online' tih chu a bo nghal hmiah. Hmmpp a duh loh zawng ka sawi emaw tih mai tur a ni. Ka zir ṭan hma tiin status chu ka en kual dan dan a. Zonunsanga status rawn up ka hmuh rual chuan ka lut nghal vat.



'Mine' tih caption a hmangin huana kan kal ṭuma thla min laksak kha a rawn hmang,ka nui nghal vur vur a. Ka lung a phu dup dup bawk. Status a update ngai ka hre lo,a number ka neih hmaa a nei te a nih loh chuan. Ka lawm lutuk chu khuma zuan vak vak mai ka duh. Ka kâ ka chip hlei thei lo a,whatsapp ah lutin a status chu ka en deuh chhen bawk. Hmm..hetiang khawp hian min tihlim tih a hre awm si lo a.



Nileng deuh thaw chuan lehkha ka zir a,tlaiah chuan ka ni bur tawh mai,intih harh nan tiin ka inbual sawk sawk a,phone ka bih leh nghal ngat ngat. Kha status mawlh kha a ni ka en nin loh chu.


Exam dawn hnaih ni tawh mahse ka theih tawp ka chhuah ṭang ṭang.Tuna ka tichhia a nih chuan Zonunsanga ah bawk an let leh anga,buaina a chhuak tam sauh dawn tih ka hriat vang a ni. Ka tihchhiat chuan ka nu hian midang ni loin ka ngaihzawng neih bak hi a rawn dem dawn lo mahse chu chu thil awm lo hran a ni lo. Zonunsanga vangin ka zir ṭauh ṭauh a ngai tihna a ni mai.



Zanah chuan a ngai te bawkin ka zir ṭauh ṭauh a mahse ka zir lohna a rei tawh em avang chuan ka zir chak thei meuh lo. Zonunsanga vang talin tiin ka in nawr kal ṭauh ṭauh a ni.Ka phone a rawn ri der der a,lehkhazir lai hi chuan miin min tihbuai ka duh lo. Mahse caller id ka en chuan Zonunsanga a lo ni a,ka pick vat.



"Bathlarah khan lo chhuak rawh,"a tih rual chuan tukverh lam chu ka pan vat a,bathlar zau lem lo tak hi a awm ve a,tukverh aṭanga chhuah ngai a ni. Ka hawi thlak chuan kawngpui a Zonunsanga bike ngeng run a a ding chu ka zu hmu nghal,ka ban ka vai lauh lauh.A ban chu a rawn phar chhuak ve zauh.



"Engnge i lo tih a?Ka lo chhuk dawn ami?"ka ti nghal zat zat a,a thaw deuh ham ham chu phone aṭang mah nise a hriat theih. "Aih,a ngai lo,"a rawn ti sup."Lehkha i zir lak lawh em?"thil dang ka sawi hma chuan a rawn ti a,a inthlahrung deuh a ni ngei ang.



"Aih,laklawh lo e. I haw dawn ami?"ka ti vat a,haw ngei se ka duh. A chhan chu engpawh nise inah haw vat vat se ka ti ber,ngaihtuah a na lo zawk.



"Rem,saw in lo saw haw na tur awm se ka ti,"ngawi renga a awm hnuah chuan a rawn ti hawk a.A aw chu natna tuar aw a ang,a rilru a hah hmel ngawih ngawih. Kuah vawng vawng chakna in ka khat a ni.



"Zonunsang,"ka ti hap,ka rilru a buai nghal vek. "Umm,ka haw tawh dawn. Dominic a ute pawh an rawn let tawh,"tiin a rawn nui suk a. A aw chu chang deuh mahse nichina a aw thlawt ai kha chuan a dang tawh lutuk.Sawipui ka duh a mahse thudang a rawn sawi hnan avang chuan ka tim deuh a,a la inpeih lo niin ka hria.



"Lehkha zir rawh,ka lo men pui ang che,"tiin a phone chu a off nghal a. Hmanhmawh zetin Whatsapp ah chuan ka lut a.



*I ṭha tiro?*tih chu ka thawn a,a seen nghal.



*Umm,lut rawh. Ka haw dawn* tih chu a rawn thleng a,ka hawi thlak chuan a ban a rawn vai zeuh,a tlan liam thleng chu ka thlir a. Ka ruak nghal huai mai. Zonunsanga chu ka rilruah a awm reng a,hnem ka duh a ka thei hrih si lo. Ka ngaihtuah em avang chuan ka ṭawngṭai ta ringawt,ka ṭawngṭai zawh chuan ka zia deuh hawk mai.



In a thlen chuan min rawn hrilh ve thlap a,ka mut dawn a sawi turin min ti. Min nghah a tum tak tak a maw ni reuh le,min nghak lo a mu zawk turin ka ti. A online tawh loh avang chuan keipawn ka phone ka dah a,ka zir leh ṭauh ṭauh.Heihi ka tan,i tan a awmzia chu kan tana ti ka nih ber mai chu.


~~~


Exam kan zo a,ka ti ṭha lutuk lem lo khawp mai. Kan subject tih hmasak ber aṭang ka tichhe nghal a,khami ni phei kha chuan ka ṭap lo chauh. Zonunsanga a awm lo ang tih ka hlau ngawih ngawih. Ka nuin ka ngaihzawng neih vanga a tichhiaah min ngai ang tih ka hlau lutuk bawk nen khan ka buai nuai mai. Ka chhan dan ngaihtuahin ka tih ṭhat ka beisei tawh lo hrim hrim mahse ka theih tawp ka chhuah tih erawh kan sawi ve reng reng a nge.



Zonunsangan lehkha zir ve ngai lo mahse ka men thleng chu min men pui ziah a.Ka men rei zual chang phei chuan mu turin minntur chhen zel.Ka tih ṭhat viau loh pawhin *I zir nasat tho kha* tih hi min hnem dan a thiam ve ber a ni. Min hnem thiam lo lutuk chu a tawpah ka nuih pui leh tawp ṭhin.A ṭawngtam lo leh lutuk tih loh hi chu a dik thlap a ni mai. Tunah chuan a hmaa an insualna pawh kha hmuh tur a awm tawh mang lo.Apa nen buaina pawh an nei chhunzawm loah ka ngai tawp mahse kha zana a thusawi erawh kha chuan min la chhuahsan thei meuh lo.



"Hey,Remruatkim i thiam leh awm bik,"exam hall aṭanga ka chhuak chu Ruatpuii chuan min kuaiin a rawn ti nghal vat. "Thiam lo,minthlah teh,"tiin a kut chu ka lo beng a,min thlah ve mai. Ka sam erawh a ti thur hman hram.



"Ka thiam lo in ti velah,pakhatna emaw kha i ni leh ania nga,"Nuteiin a tih chuan nuam ka ti viau lo,ka result a dang hlak dawn sia."Awih rawh,"tih ringawtin ka chhang.



"Exam ti hian kan zo chu a ni der mai sia. Thiam lo viau mahila exam zoh chu nuam ka ti tho,"Melody chuan nui hak hakin a ti a,kan ti ti nghal bawrh bawrh. "Vawiin chu min hnial thei tawh lo ang,kan chhuah ho khat em hi aw,"Fionain a tih chuan ka bu nghauh. Exam hma hauh aṭangin min sawm tawh.



"Yess,leng zia zia ila tlai khaw thimah kan haw dawn nia,"titu chu Fiona a ni. Exam zoh hi chu anni aia nuam ti hi ka hre lo.Gate kan pel chiah chu Zonunsanga te ṭhian ho bikeah an lo ṭhu fur.Fer fur hlawm a.


"Remrem,kan lo nghak che,"Dominican min hmuh rual chuan a rawn ti vat a. Nuam lo.ti zet chuan ka melh nghal ha."Ih,ka ṭhiante nen len kan lo tum asin,"inthlahrung deuh tak chuan ka ti a. Hetiang hian lengah min sawm thut dawn tih ka hre hleinem.


"A nih chuan leng ho ila a ni mai lawm,thil harsa a ni chuang hleinem. Zoa pawh a single a,"tiin Dominic chuan min rawn siai zeuh,ka ṭhiante ho ka en chuan chhungril takin an phur tih ka hmu nghal thei nia.



"Pawi in ti em?"tiin ka zawt mawi ve a."Aih pawi lo e,"Ruatpuii chuan a lo ti vat a. Bena a star leh tawh a,ani pawh hi a phur khawp ang. An ṭhen deub ṭha hlawm,hetiang an ni dawn tih hria ilang chuan kei hian Zonunsangate ṭhian ho hi ka sawm hmasa duh hial ang mawle.



Ads kha aw💜

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » February 21st, 2021, 1:58 pm

SOMEONE TO YOU


BY:


NUTTY GIRL


CHAPTER-27


Ka ṭhiani te chuan nuam an ti khawp mai. Bena te ho an lo phawk ve bawk nen an in mil phian,an ri leh hluai ṭhin.Dominic te inah kan awm a,online game khelin an ṭhu khawm ṭhap,an au leh lung lung ṭhin. Ka ṭhiante ho tak ngial pawh chuan an khel vek.



"I khel ve dawn lo mi?"tiin ka bula ṭhu Zonunsanga chu ka ngheng ar ar. "Dawn lo,"a ti sup.



"I duh leh khel ve la,saw thleng sil ngai ho saw ka ve sil ang."



"Ka lo awmpui zawk ang che,"a tih chuan ka nuih suk a,chokaah kan in zui phei dun rial a.Chair nghenchhan chu bawhin ka titi chu min lo en kar.Ka thusawi chu min rawn zawm ve zeuh zeuh ṭhin.



"Nizan i zir rei si,i ti ṭha em?"a tih chuan ka tum nghal bur."Ti ṭha lo,vawiin ka che a buai vek. Freddy awm lo phei se chuan ka che buai ngawt ang,"ka apron hak hlih pah chuan ka ti a,Zonunsanga hmel ka en chuan ka sawi sualzia ka hrechhuak rum rum. Zonunsanga hian Freddy hi a thik! 'Ka thik vang a ni lo,'ti eng ang mahse a chetziaah a thik tih a lang vek.



"Paper ka theihnghilh ṭep a,dawhkan hnuaia ka dah a,awm lo se chuan ka theihnghilh chiang viau ang,"tiin ka in sawifiah nghal mial mial. "Umm,"a ti nghat duh chauh a ni.Apron chu khaiin Zonunsanga bulah chuan ka va phei a,a lo maimitchhing leh hmak tawh.



"A vawt,"ka kut vawta ka khawih chuan a ti hluk,ka nui chhuak hak hak. "I thik thu chhiat man a nih kha,"ka atih chuan la bawk reng chung si chuan min rawn melh chho run. "Ka thik lo ka tih tawh kha,"a ti hmuk,ka nui deuh rah rah.



"I sawi te chuan i thik lo a ni mai,"ka ti z*ng vah a,ka nuih erawh a za ru viau."Ka mut a chhuak,"tiin ka ham bui bui. "Roomah va mu rawh,"a tih chuan ka nuih tawp.



"A,,ka duh lo e a,"a ngai awlsam thei mai sia e. Midang an awm ṭhep ṭhawp a,ka duh lo hrim hrim. Rawn dingin min kuah hlu hlu,zawi zetin a awmah chuan ka bei hle hle mai. "Zan i mengrei thei lutuk a nih kha,"ka hawi chhoh chuan a ti sup a,a dik viau ang. Ka pawr pheng phung ani ka rin ni.



"Khel ve daih rawh,ti hian ka lo en ang che,"tiin a banah chuan ka ngeng a,a khel ve chak tho. Nidangah chuan ka awm chhung chu min khelh san ngai lo hrim hrim. An thil khelh chu a awmzia pawh ka hre lo hrim hrim. An in kap tih zawng ka hria a a ni mai. Ka mut a chhuah em avang chuan ka meng hlei thei lo reng reng. Ri deuh nawk nawk ṭhin mahse an thawm te chu ka mang hriat leh ruai ṭhin.



"Hey,Rem kan haw dawn nia,"min rawn sawi deuh ti tih a,ka meng nghal riai riai a, Lalruatpuii leh Nutei lek. "In haw dawn maw?"zi mar deuh ṭuah ṭuah chung chuan ka ti a."Ka haw ve nghal dawn lo mi?" Zonunsanga zu en a ka tih chuan lu thing nghut chuan "Nakin deuhah,"a ti sup.



"Min lo thlah rawh saw lai thleng tal saw,karkhat kan inhmu dawn lo ania,"Ruatpuii chuan min kaih thawh pah chuan a ti leh nghal zung zung. Ruatpuii leh Nutei te an zin dawn tak. An thawm kha ka mang hriat ruai ruai,ka muhil nghet lutuk lo aniang.



"Awii,kan rawn kai tho che kha kan inchhir, Zonunsangan min melh no lo rap mawle. Harh lo lang chuan kan rawn au ngam tawh miah lo ang che,"Nutei chuan kan kal hran hnu chuan a ti sa sa. Hepa tak hi chuh.



"Awii mahse Rem ka lawm e,i zarah Zonunsanga te ṭhianho nen kan inkawm theih phah a. Kei chu Bena hi ka hmu chhelo zual sawt,"Ruatpuiin a rawn tih chuan ka nui chhuak hak hak. "Zin chhungin ka dream veng veng dawn hi a ni tawp nge ka zin leh lo zawk dawn ami le?"Ruatpuii chuan a tih zawm leh zat,ngaihna hre lo zet chuan ka melh ringawt.
Fiona leh Melody pawh chuan nuam an ti lutuk mah mah a ni.


"Ka ngai ngawt ang che,"Ruatpuiin Bena bike a chuang chunga a tih chuan keimah zawk hi ka lo lai thei. Mahse ka ṭhiani hian a duhzia a tilang mai mai dawn lo tih ka chiang. Hmeichhia hi kan mak ve na em em chu kan duh viau a nih pawh keimah ni zawk hian kan induh khum daih thei.



Inchhunga ka luh chuan Sawmtea leh Zonunsanga chiah an lo awm tawh. An awm lo chu a reh duak mai.



"I mut a la chhuak em?"ka ṭhutthlak rual chuan Zonunsanga chuan a ti vat a,ka lu ka thing mahse ka la zawi tho. Amah ngheng ar ar bawkin ka ṭhu leh.




"I nu bula kal loh chu i tum ta mi?"



"Umm,dawn lo. Chawlh chhung a rei lo emai,"ka ti sap. A hma khan chawlh laiin ka zin maithei ka ti a,ka nu nen kan inbiak hnu khan engmah ka hrilh leh lo.



"A ṭhat hlauh chu,ka lo rim ṭhin ang che zanah,"a tih chuan Zonunsanga kan sitting rooma a ṭhu tur ka mitthla nghal zat,ka zak deuh e a. "Umm,i duh phawt chuan a ni mai,"ka ti sap a.



"Chance ka pe hman lo che u. In remchan dan dan khan lo inpe hmiah hmiah mai ru," phone bih ngura Sawmtea an a tih chuan ka nui hak. Hemite hian ho ah hian Zonunsanga tih loh hi phawk lo an awm a maw ni le?Rei tak pawh chu kan awm tawh chuang lo,dar a tlai ve deuh tawh avang chuan Zonunsanga chuan min thlah vat.



"Ka lo la rim dawn che ka tih kha aw,"ina ka luh hma chuan a ti leh ruih.



"Umm,i ngam te chuan,"tiin ka nuih suk."Engnge maw ka ngam loh ang le,"tiib a phun hluk mai.


"Aw,i lo la leng dawn nia,"ka tih nawn leh sup chuan engmah a sawi tawh lo. A tlan liam chu ka thir vang vang a,ka ngai leh der thei nia. Heti em em hian ka veiin ka duh ang tih ka ring pha lo hrim hrim.


~time skip~


Vawiin ka pa thih cham a ni a,ka pi leh nute Hmingite nen kan kal. Ka nuin ka nau thlan tlawh nghal turin min chah lawm lawm a,thlan cheina tur pawh min lo thawn a,ka lei kep nghal diam bawk. Ka nau hi thla li a nihin pneumonia vangin a boral a,khatih lai kha chuan ka la naupang em a,engvak mah ka hre tawh lo.




"Nu,kan haw tawh mai dawn mi?Thlan kan chei zo tawh tho sia,"nute Hmingin a tih chuan ka pi pawh chuan a lo aw ve mai a. "Nute,Notea thlan va chei ve lawk ang u,a nuin min chah ve a,"ka tih chuan nute i chuan ka pi enin chhuanlam a siam vat.



"In lamah an lo buai ang,duh leh taxi emaw kan rawn lam tir ang che,"nuteiin a tih chuan ka lungawi lo hle."A ngai lo,kein ka rawn chho mai ang,pen kawina tur ka nei,"ka ti zuai raih. Engvanga ka nau hi en hrang em em nge an nih ka hre lo. Kum dangah pawh a ni tho.Ka pa thlan an tlawh ruala thlawh a awlsam tehreng nen, ka nu nena kan awm loh chhung khan vawikhat pawh an tlawh ve lo. Ka nu an en hran ang bawk hian ka nau pawh hi an en hrang tih ka hai lo. Chuvanga ania ka nu en hrang lo a,sawisel pawh sawisel ngai lo tu Papuia te bula awm ka duh zawk ni.



Ka nau thlan chu ka pan hnak hnak a,rin aiin a bal lo bawk. Dam takin han awm se chuan unaupa ka nei a ni mai tur ania,ka hriatchian hman loh miau avangin rilru nat dan tur pawh ka thiam lo. Ka phiat fai sawk sawk a,pangpar ka lei ho chu ka thiam ang tawkin ka khawi ve bawk.



Thlanmual hi a hlat tham ve avang leh a chhoh em avang hian kea han chhuah chhoh mai a peih awm loh. Phone chu ka en a,Zonunsanga call ka tum lai tak chuan a rawn call.A hman leh hman loh chu ka zawt a,ina a awm mai mai thu chu a sawi a.



"Min lo lam hman a ngem?"



"I pite nen inkal emaw ka tia,"a tih chuan engomah pawh ka sawi lo. "Umm,ka lo thleng nghal a ni mai,"tiin phone chu a dah zui a. A sawi ang tak takin a rei lo,a lo thleng thuai mai lawm. Ka lo nui var var. Kan haw lam chuan kan leng kawi leh a,nuam ka ti ta phian. Ka lungawi loh ve nate kha chu a bo duak tawh mai.



~~~



"U Remrem,i zirtirtu leh mipa pakhat an lo leng," Awmawma chuan rooma lo lutin a ti a. 'Zirtirtu' a?? Kan teacher te an lo leng tihna a mi?Ka ring chiah si lo. Inhnuaiah chuan a ngaihna hre lo zetin ka chhuk a,Sitting roomah chuan Zonunsanga leh Dominic te an lo ṭhu run. Zonunsanga hi a lo len duh tak tak pawh ka ring lo ania.



"I nau khan sawi tura ka tih ang khan a lo sawi em?"Dominic chuan an bul ka thlen chuan a ti a. "Zirtirtu kha maw?"ka ti ha a,a bu nghauh.Hepa mai mai hi.



"In pahnih atan chuan zirtirtu ṭha tak ka ni a lawm hmangaihna lamah chuan. Nangni chu hmangaihnaah chuan in ke a bai a,kei hi in tiang ang vel ka ni,"nui deuh suk suk a tih chuan Zonunsanga ka va en thlawt.



Ti zawng hi ni phawt teh se,a ngaihnawm loh viau tih chu ka hria 😂Coaching class nen, assignment kan nei bawk ka buai lutuk ka indaih thlawt lo.Tih tur a tam thei sia ka meng rei thin sia ka mut te hi a chhuak ngawih ngawih. Min lo hrethiam mai ru aw.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » February 21st, 2021, 1:59 pm

SOMEONE TO YOU



BY:


NUTTY GIRL


CHAPTER-28


💜 Whenever i kiss her. My mind stop thinking and heart start feeling💜


"Thingpui ka va lum ang che u aw,"lai zet chuan ka ti.He tia han an rawn leng hi ka lai vek. Papuia a awm lo hlauh chu lawm tak ka ni. "Aw va lum rawh,"Dominic chuan a rawn ti a,Zonunsanga pawh chu a bu ve nghut.



"Engtiangin nge in duh?"



"I siam ang ang kha a ni mai,"Zonunsanga chuan a ti sup.



"Kei chu hmeichhia pawh nise a itawm thei tur ang ber,paw deuh phak ka duh," Dominic chuan a rawn tive thung,ka nui deuh hak Zonunsanga pawh a bang bik lo. Hepa hi chu a uang em em reng zel mahse chu chu a bula awm ti nuam tu a ni.Rei tak pawh an lo leng lem hlei lo a,Zonunsangan sawi tur thlawt a hre ve lo ti ila a dik ang. Dominic nen kan titi char char a,Zonunsanga chu ka bulah a lo ṭhu ngawi kar ringawt.



"Amah chuan lo leng se,i khawngaihthlak dawn a nih kha,"Domincan a tih te chu a duh bik teuh lo mai,a phun deuh hluk.



"Kawt thleng ka lo thlah ang che u,"tiin kan in zui chhuak a.



"I haw nghal dawn em?"Zonunsanga melh chho ran chuan ka ti sap a,lu a thing nghut. A hmaa an lo khawih rawn aṭang khan ka hlauthawng ve deuh ṭhin,biak theih loh a awm leh lek phei chuan. Ka ngaihtuahzia hi chu hria se ṭha takin a awm ngei ang mawle. Naktukah school kan ṭan leh tawh dawn bawk si a,hmai khem nuaiin a rawn kal leh ang tih ka hlau.



"Umm,"ka ti chuai deuh raih. A ṭhiante a kawm hi ka phallo a ni lo a mahse zana a chhuah reng chuan buaina a tawh ka hlau a ni. "A hmaa Nunsanga lo khawih rawn tu te vengah khan kan zu kal dawn,"Dominic chuan nui deuh vur vur a tih chuan Zonunsanga chu ka melh chho ha.Ka mitmenga kal lo tura ka ngen mawlh mawlhna hi a hrethiam a ngem le.


"In kal tak tak dawn ami?"kal mai an tum chu ka ngaihngam zan lo avang chuan ka ti ta thlawt. Zonunsanga chu a bu nghut,Dominic chu zialzuk chhuanlamin min kalsan a,Zonunsanga nen chuan kan in melh ran.e



"I kal lo thei angem?"



"Timo?"min melh run chuan a tisup.


"Ih...ka ngaihtuah che a,insual tawh lo turin ka duh che a.An vengah pawh chuan kal leh pawh ni ula in insual a ni leh ringawt anga, engmah tih tur innei chuang hleinem,"lei ka ke a thai deuh riak riak chuan ka ti a ,ngawi reng chuan a ipte zen run chuan hmun dang enin a hawisawn a. Beisei nei zetin ka lo melh reng thung.



"Umm,kan kal lo ang,"a tih sup chuan ka lawmzia a hrethiam kher lo ang. Nui sun sun in ka kuah deuh thlawp,ka chet dan vang chu nge ni a nui deuh huk bawk.



"I lawm viau ami?"a tih chuan ka bu nghauh.
"Ka lawm e,"ka ti deuh sap,ka samah a rawn chul deuh hauh hauh.Nui var var chung chuan ka melhchho ha a,a lo nui deuh suk. A ṭha chiang a ni. Ka khabe a min rawn dawmin min kuai dak deuh a,min fawp nghal dek dek.Ka hlimna nen a in chawhpawlh vang ani ngei ang,ka thlawk deng deng mai niin ka hria.


"Ka awm lo chu nuam in va ti ve,ka lo hnawksak viau dawn a nih kha,"khuh khurh khurh chunga Dominican a rawn tih chuan ka inla hrang chiang lutuk. Ka va en chuan min lo nuih vur vur leh nghal a,hepa hi nghal lutuk hi chu ka ning tlat. Lai zet chuan ka mangṭha a,Dominic pawh a mitah pawh ka en ngam tawh lo hrim hrim. Midang hmuha in kiss te chu zahthlak tak a ni. An tlan liam ta maw tih chuan ka lut ve ta chauh a.



"Eh,Remremi pawh chu i lo hung ve ṭat tawh a ni maw?A chhiat loh reuh em kha mahse khawvel nuam an tih hmel ve e,"inchhunga ka luh chuan U Nupuii(U Mama nupui) chuan a lo ti a. Lo laih sa tawh nen chhungte meuhina han inchhaih phei chu sawi tur vang duh tak a ni.



"Duhzawng a in ang lo a,an landanah ringawt kha chuan an tling sa mahse an mizia a ni mai. Pasal tlak tak tak lo hi chu ngaihzawn loh a ṭha,ngaihzawng neih dûm te hi a zahthlak. Tun hnua han ngaihtuah leh hian ka zak chem chem zel. Khawlaia ex hmuh nawlh nawlh chu a nuan vak lo,"nui hak hak chung chuan a ti a,ka bu deuh ngauh.Dik ka tih zawng tak,a nuam dawn lo lutuk ringawt.



Zonunsanga hi pasal tlak a ni angem? tih ka ka rilruah a lo lut nghal zat.Midang ngaihdan ka hre lo mahse kei chuan tuna a nun hi tlem tê tal han thlak se a tlin lohna tur ka hre lo mahse tun ang reng a nih erawh chuan a tlak fumfe lo.


'Venglai lamah chuan a kal leh a ngem le?'tih chuan ka rilru a luah hneh leh ta ber mai. A haw nghal lo ang tih ka hlau deuh a mahse a sawi avang khan ka awih lo phal bik chiah si lo. Text a va zawh ka duh rum rum a mahse nuam ka ti chiah bik si lo.Rilru bet lo zet chuan ka school bag chu ka siam fel mawlh mawlh a,form vel ka nawh zawh chuan mu turin ka insiam.



Ka rin loh lutuk in Zonunsanga message a lo awm va. *Inah ka haw nghal ania aw* tih a rawn thawn,ka nui nghal ver ver.Ka seen rualin video call a rawn lut nghal zat a. Zonunsanga khuma a mu chu a lo lang nghal zat.



"Ti hian dawt ka sawi lo tih i hriat nan,"tiin a nui deuh suk.



"I sawi kha ka ring a lawm,"ka ti deuh sap mahse a ni pawh chuan a awih chiah hmel loh.Eng dim deuh ruih hnuaiah chuan a lang pa tak zet. "Min ring lo mahla a awmlo hran lo ania,"tiin a rawn kiai deuh suk.



"Nia,a tir kha chuan i kal leh mai ka hlau a mahse ka ring tlat tawh ang che. I thusawi a nih vang hrim hrimin ka awih zel tawh ang."



"Nangmah vang chauh a ti ka ni,"a rawn ti chhuak deuh sup,hlim zetin ka nui chhuak a. Ka hlimna ka thup seng hlawl lo,ka phal hek lo.


ZONUNSANGA POV.


Ka hmaa hmeichhia hlim taka nui chu phone kaltlang chauh mah ni se a hlimzia ka hmu thiam a. Keimah avanga a hlim em em ka hmuh chuan nuam ka ti veng veng. Dominic nen khan an inah bawk kan let leh. Ruahmanna kan siamsa a ni a,kei Zonunsanga hian zanin ngeia phuba lak ka tum mahse ka thei lo.



Ka thlen leh hnu pawh khan kal chu ka la tum nghet bur. Mahse,kha hmeichhia hlim taka min nuih a,insual tura ka kal dawn loh vanga lawm thu min hrilh hialtu na hmel tur ka rilruah a lo lang a,ka thei lo a ni.Na taka ka siam a nih chuan inthiamlohna bakin ka khat dawn lo. Min ringtu hi ka bum thei lo a ni.


REMRUATKIMI POV.


Zing ka thawh rual chuan Zonunsanga message chu ka en hmasa ber. *Good Morning* tih te mai a ni mahse duh ber te hnen aṭanga dawn chuan a dan a dang khawp mai,min tihlim veng veng thei. Ruatpuiite nena kan grp siamah pawh chuan message a awm thla dul a mahse chu erawh nizan lam a mi a ni. Oh..a ṭhen chu zing dar 2 vel ami daih a ni.Ka chhiar thla thuak thuak,school kan an chak tawh thu leh Bena te ṭhian ho bawk a ni,chhiar pawh ka chhiar zo seng lo.School kal chu ka phur ve tawh reng mahse result chhuah huna a hnai telh telh hi ka zuam ngang lo.


School ka thlen ve chuan an lo phusa nuai nuai tawh mai. "Awii,Remrem ka ngaihzia che hi,"classroom ka thlen rual chun Ruatpuii chuan min pawt nghal dawr dawr. Kan ṭhutnaah chuan Zonunsanga a lo ṭhu run tawh mai.


"Khatah khan i ṭhu dawn mi?"lungawi lo zet chuan a lo ti leh hman hmawh tawh. "Aih dawn lo,hei thil min hrilh lawk dawn,"tiin ka bag chu dawhkan chungah ka dahthlaa,min lo dah ṭhat sak nghal vat.



"Awiia,Zonunsanga em em hi chu ka van duh tak. Tianga a awm ka hmu thei ringawt pawh hi ka lawm. A over dan hi a tawk chiah,"Fionain a tih chuan lu ka thing nak nak. Over hi tawk chiah a nih ngai pawh ka hre lo e a.


"Kei cu U Liansanga hi ka duh ber tawh mai,"Nutei chuan a lo ti halh a. "Tunge chu chu,"ka ti ha.



"Awiii,nizanah ka rawn sawi kha i en ve leh pek lo ami?"a tih chuan tih ngaihna hre lo zetin lei ka chhuah khum vat ringawt. A zinna ava tawn dan te chu duh tawkin a sawi a,nuam a ti em em ringawt. Karkhat aia rei mah kan inhmu lo bawk a,sawi tur kan ngah hlawm hle. Bell a rik tak avang chuan Zonunsanga bulah chuan ka ṭhu phei ta vat.



Zonunsanga pawh class ah chuan min en leh ngar tawh,kan in khak leh fek fek tawh.A ṭhianpa Dominic chhunna a nei ve tho,a ruk hian a nghal zek.Sir Dennis chuan class a rawn la mumal lo nen chuan nuam kan ti hle.



"Engnge i siam a?"Zonunsanga bawk runa a thil ziah chu dawhkan bawh ve chuan ka en pui a. Ka Geography phek hmasa ber ah chuan lianpuiin 'SOMEONE TO YOU,'tih chu a ziak kalh,ka nui deuh sak.In hmatawnin kan bawk dun rana,ka kut a rawn chelhin a nui deuh suk,a maimitchhing nghal daih.


A rui khat tawh a,nizanah pawh ka sawi avang chauhin insual lo turin a intiama,a tihlawhtling ngei bawk a. Ka hlim lutuk tlat,pen khata hma kan sawn bek bek a nih chuan a tawpah chuan kan hneh thei ngei ngei ang.


~~~


Lunch break ah chuan Zonunsangate nen chuan classroomah kan awm ṭhap. Ruatpuii leh Bena inkarah hian engnge maw thil thleng deuh chu a awm a ni,nuam an ti fal riau bawk. Zonunsanga ngeng ar ar chuan ka ṭhu a,kut in kaiin kan titi dun sap sap ṭhin. "Zonunsang, principalin a au che,"kan class CR Felkimin a rawn tih chuan a lo let leh vat tur thusawi chuan a chhuak a,ka ban ka vai lauh lauh.



"Nangni pahnih hi chu in va han ni ber tak,"Melody chuan a rawn ti a,lei ka chhuah khum vak ringawt.


ZONUNSANGA POV.


Principal office a ka va luh chuan khawvela ka mi hmuh duh loh ber chuan ṭhuthlenga ṭhu chung chuan min rawn nuih a. Kum tam tak liam tawh mahse a hmel hi chu ka theinghilh ngai lo ang.



A tir khan ka duh aiin ka tui a😂hei ka tumnaah ka lut thei chiah😝lo chhiar tauh tauh mai ru aw😄💜 kha click leh tliar tliar ila😚

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » February 21st, 2021, 1:59 pm

SOMEONE TO YOU



BY:


NUTTY GIRL


CHAPTER-29


💜When you love someone,you love the whole person,just as he or she is,and not as you would like them to be 💜



ZONUNSANGA POV.


Principal office a ka va luh chuan khawvela ka mi hmuh duh loh ber chuan ṭhuthlenga ṭhu chung chuan min rawn nuih a. Kum tam tak liam tawh mahse a hmel hi chu ka theinghilh ngai lo ang.



"I lo dam ṭha maw?..ka fapa."



Henu hi chu ka hrechiang lutuk,tuin nge khawvela a mi huat ber theihnghilh thei ang.


Ka kut chu ka hum ruh a,ka kawchhung chu huatna in a so bulh bulh.Ngeiawm zeta nui suk chuan ka hnunglam chu ka melh zawk a. "Ka pi,keimah hi em ni min biak?"ka ti sup,a hmel buai nak chuan nuam min tih tir sawt bawk.



"Sir,engvanga min ko nge i nih a?"tiin ka nu..oh chu nu bula ka patea,kan principal ni bawk chu enin ka ti sap. "Zonunsang,i nu hi zah takin be rawh,"patea chuan a ti hrawk. Nu maw?Ka tan chuan ka nun tichhetute zinga pakhat,khawvela ka mihring huat ber chauh a ni.Zah a la phun zui a,huh...hnai lo..



"Nu ka nei lo,"ka ti hmuk.



"Khawnge i kal dawn Zonunsang?"patea bawk a ni. Chhuah tuma ka inher chu ka hawi let leh a,minhringtunu hmel ka hmuh chuan ka nui leh suk. Zat pawh a za hrep love.


"Heta min hmuh duh chhan i nei lo a nih chuan helai hmunah hian ka awm peih lo,"ti hmukin kawngkhar lam chu ka pana. Thinrim taka patea min auh zuina chu ngaithla loin classroom lampan chuan ka kal nghal hmawk hmawk. Engvanga rawn in lan leh kher nge a nih? A kalbo tawh a nih chuan engvangin nge aa kalbo hlen mai loh?



REMRUATKIMI POV.



Zonunsanga rawn lut ka hmuh chuan ka lo nuih nghal sen sen,ka rin aiin a lo let hma. "Engnge.."ka bula rawn thlen chuan a bag ah chuan a lehkhabu vel chu a khung nghal rawk rawk.A thinrim tih chu a sawi ngai kher lo in a hriat vek.



"Hey,khawnge i kal dawn?"chhuah mai a tum chu a bana chelh chuan ka ti sap a,min melh a. A hmel a thim khap mai. "Ka haw dawn,"a aw pawh chu a khur hial nia. Tuna ka kal tir mai a nih chuan a thinrima a chet dan ka hrechiang lutuk. Ka phal lo,amah chauh chuan ka kal tir phal lo.Anni thinrim hian engmah tihhreh a nei dawn lo!



"Ka lo kal ve ang."



"A ṭullo,"ti hmukin ka kut a bana ka chelhna chu a rawn vai per lawp,ka lo in ring vak lo nen,ka kut chu dawhkana tauh in ka rak deuh ṭhat.



Lectern bula Dominic ṭhu chu ka va mitmei zeuh a,kan lampanin a rawn kal vat.Ka mangang tawh takzet.



"Dude,khawnge i kal dawn?"a rawn thlen rual chuan a tive nghal a,Zonunsanga chuan min chhan ang bawkin a lo chhang ve hmuk. Dominic pawh chuan a thinrim a ni tih a hrethiam a ni chek ang chu. "Keipawh ka lo kal ve nghal ang,class hi ka hne,"a ti ve sap. A ṭhianpa hi chu a ngaihtuah ve em em tho.



"A ngai lo,keimaha awm ka duh,"a ti hmuk,Dominic chuan engmah a sawi zawm lo mahse keierawh chuan chu chu ka thei lo. "Ka lokal ve dawn,phal lo pawh ni la ka zui dawn tho tho che,"tiin a kal lai chu a banah chuan ka va vuan leh. Engpawh ni se,ka zui dawn hrim hrim a ni mai.



Min melh chhuk run a mahse zam map loin ka melh chho ve kar thung.Engnge maw thil a thlen palh ai chuan tuar pawh pawi ka tih tawh lo."I bag va la rawh,"ka mit taka a melh vung vung hnuah chuan a tichhuak sap a. Lehkhabu vel chu khung ṭha sawk sawkin, hmanhmawh zetin ka bag chu ka ak nghal.



"Nang hi chu a hnial hneh ngang dawn lo che tih ka ring rengah,"Zonunsanga min nghahna lama ka phei dawn chuan Dominic chuan mit min siai zeuh chuan a ti sap a,Zonunsanga bulah chuan ka phei nghal vat.



Canteen thlang bawk aṭang chuan kan chhuak ruk kan tum a. Mipa pakhatin Zonunsanga a rawn sut chuan ka melh vat,a thinrim sa nen a tibuai leh duh mai ang tih ka hlau a ni. A sutu pa a en zui chuan a kutah rang takin ka lo chelh vat. Min rawn melh run a,ka kutah chelhin min kalpui hlawk hlawk. Engmah a thleng lo chu ka lawm lutuk ringawt,ka thaw deuh huai mai.



Bike ah ka lawn fel ta maw tih chuan chak zetin min tlanchhuah pui nghal vawn vawn. Nghet takin a kawngah chuan ka kuah a,a hnungah ka bet thlawp a ni ber mai. Khawiah nge kan kal dawn sawi lo mahse an huanah kan kal ka ring nghal. A hma khan a thinrim leh hrehawm a tih changa a hahdamna hmun tiin a sawi miau.



Kan tlan chak ka tih vangin ka ngaihbel nge pawh ka hre lo,rei lote chhungin kan thleng ni mai hian ka hria. Huan gate chu a lo in hawng sa a,Zonunsanga chu ngawi rengin a kal hmawk hmawk a,a hnungah chuan ngawi rengin ka zui ve dat dat. Thingkung awmna hmun kan thlen chuan ka thaw deuh hlawp hlawp mai,a umin ka um thleng hi a ni ringawt.


A bag chu leiah chuan a theh thla lawp a a ṭhu nghal hnawk a,a khup leh lam leh lamah chuan a ban nghatin a ṭhu kun ngur mai. A bag chu chhar sakin ka dah ṭhat sak a,ka bag pawh chu ka dah ve a. A bulah chuan ka ṭhu thla nghal zat,ngawi ngula a ṭhut kun ngar avang chuan han biak pawh ka tum chuang lo.



"Ka tihpalh,nichin vang khan,"rei fe hnuah chuan a rawn ti lawi rut. A aw tehhrep chu,Zonunsanga aw ni deub hmuk kha chu a ang lo kher mai.Ka kut nichina ka tauhna lampang chu lain a en kual dan dan a.



"Ka ṭha,engtin mah a awm lo...I ṭha tiro?"ka tih chuan ka kut chu nghet zeta humin a tho chhuak hak."Aih,"a ti deuh raih. Thingkung ngheng tur chuan a insiamrem a,ka insiamrem ve nghal zat.



"Khawvela ka mi hmuh duh tawh ngai loh tur ka hmu a,"tiin a tho deuh hawk a,thingkung ngheng chuan a maimitchhing vang vang. "Thil thleng min zawt dawn lo em ni?"a tih chuan ka han melh a,ani pawn min lo melh ve chiah tho.



"I sawi duh a nih chuan...mahse i sawi duh lo a nih pawn ka hrethiam lutuk,"ka tih chuan a nui deuh suk. "I chanchin a nih chuan engkim ka hre duh,ka chanchin engkim i hriat ang chiahin.Hriat chian ve che ka duh,"ka tih chuan "Umm,"a ti sap a,ka kut chu nghet takin a chelh a.


"Sawi ṭan dan tur ka hre lo,i duh duh min zawt rawh,"a rawn ti chhuak sup a. "Vawiina i hmuh chu tunge? Engvanga thinrim em em nge i nih?"


"Ka hmuh kha chu,khawvela ka mihring huat ber,min hringtunu a ni,"a tih chuan chhungrilah ka lo na ve ngawih ngawih. A pa a haw em em a,a nu pawh maw? Engvangin nge? Engvanga a nu leh pa vanga hetianga awm hi nge? A nu leh a pate chu khawvela a hmangaih ber tur te an ni lo em ni?A nu,amah hringtunu ngei a hua chuan min tina ngawih ngawih.



"Min buma min kalsana,min duh lo tu kha ka hua a ni,"a ti deuh hrawk.



"Nih leh i pa hi engvanga hua nge i nih?"



"Ani pawh kha nu ang tho kha a ni.A bul in ṭanna ber a ni a ni kha. A hma chuan chhungkaw hlim tak kan ni ve ṭhin in ka hria mahse a rei lo.A hnuah erawh chuan a hrehawm hle thung,kum 7 mi lek tan pawh khan engkim hriatthiam theih khawp khan an awm thei a,"a ti sap a,hrehawm tih hmel zet chuan a thaw chhuak leh hak ṭhin.



"In hau fo mahse chutiang em em in a la hrehawm loh. Mahse vawikhat chu kan inah hian hmeichhe reipuar hi a lo kal a,ka nu pawh khan a an khum hrep a. Khami ni aṭang khan kan in chu hremhmun tluk a ni. Khatih hunlai khan engmah ka hrethiam lo mahse tun hnuah hian kha hmeichhe raipuar a lokal kha ka pa hmei,a ngaihzawng a ni tih ka hrethiam chauh,"tiin a thaw leh hawk. A thusawi tih te chuan min deng ve sawk sawk a ni mai,ka na ve vek thei.



"Khatih lai khan ka nu leh pa in hauh chhan kha a chang chuan keimah vang emaw tiin hrehawm ka ti ve ṭhin. Ka hming kha a lang tel fo a. Ka pa khan ka nu kha chhuak turin a ti a,ka nu zui ka tum a ṭap chungin ka ngen a mahse awmzia a awm lo.Ka nuin ka pa bula awm turin min ti a,ka pa pawhin ka nu bula awm turin. An hnawl hnu mai ka ni tihna a nih chu,"tiin a nui ro hak,a nat dan tur chu ka hrethiam ta uar uar mai.



"Ka nu chuan i len hunah engkim i hrethiam mai ang tiin min hrilh a,min mamawh loh thu a sawi bawk. Kum sarih mi chauh mah ni ila kha lai hun kha ka theihnghilh ngai lo. Ka tan chuan mangchhia tluk a ni a,saw in saw in ni lo in hremhmun a ni tih ka hrethiam chho zel a.Mipa naupang kha anu ngaiin a ṭap fo a mahse ka upa zel a thudik chu ka hre chho zel.A chhuah dawn khan mipa pakhatin a lo hruai a,midangin an sawi ka hriat danah chuan khapa kha ka nu ngaihzawng a ni. Mipa a ngaih vangin min kalsan a,ka nu ka ngaihna kha huatnain a thlak a.



Kan chhungkaw tidarh tu ni a ka hriat hmeichhia pawh kha ka hua a,ka pa,ka nu. Tute pawh kha ha haw vek.Ka pa khan min ngaihsak ngai lo a,nu Lianpuii kan awmpui ṭhin khan min buaipui tawp ṭhin,"a ti hap a. A awma bei hle hle chuan mittui parawl puangin a chanchin a sawi chu ka ngaithla.Naupang kum 7 mi lek khan midangin an hnawl angin a ngai anga,a seilian dawn chu a ni si a.Midang ka aṭang a nu chu a uire tih a hre tur phei chu.Nu leh pa hmangaihna a mamawh tur zia chu kei naupang ni ve tawh tho,nu leh pa thlahlel thei em em hian ka hrechiang em asin.Ka mittui te chu ka khap per sak sak.



"Chuvang ami tun anga i khawsak a?"



"Umm,ka tihhrehawm ve theih dan a lawm. Keimah vangin a hmingchhia a,ka nat ang khan na ve se ka duh.Mipa naupang an duh duh dana an pawh kawih kha ka ni tawh lo tih hriattir a,phuba lak ka duh."



"Mahse i nun i tichhe vek dawn asin,"ka ti lawi rut. Ka nat pui a,ka hrethiam a mahse a nun a chan hlen anga,a nun a hlauh vek ang tih ka hlau a ni.



"Pawi ka ti lo,"a ti hmuk,a thaw chhuak nghal ham ham bawk."I pite emaw an bula awmna tur i nei lo em ni?"beidawng zet chuan ka ti leh hap.



"Awm ang mahse tuman min ngaihven lo,tumah an awm lo,"a ti a,amah en turin ka dak chho a,a maimitchhing leh daih thung. Tinge ka nat ve em em le? A huatna hi bo se,hlim takin awm se ka ti.



"Tunah chuan kan awm a lawm,ka awm a,i ṭhiante pawh an awm a,"ka tih leh chuan ka mittui pawh ka dang kir zo tawh lo,a luangthla pap. "Ka hria lawm,ka bulah awm reng rawh,"a tih chuan ka kuah nghal thlawp. Hmangaihtu a mamawh berin ka hria.A mamawh engkim chu ka ni em em ang.

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » February 21st, 2021, 1:59 pm

SOMEONE TO YOU


BY:


NUTTY GIRL


CHAPTER-30



💜Her angel eyes saw the good in devil like him💜


"Zonunsang."



"Zonunsang,."



"Ummm,"thatchhe zet chuan a rawn ti ve thei hram e. "A tlai tawh e,kan haw tawh dawn em?"ka tih chuan chhan pawh min chhang leh tawh lo. Hla ngaithlain in kai rialin kan ṭhu a,engmah a sawi zawm tawh lo.Kan ṭhut dun chhung khan ka ngaihtuahna a kal thui hman hle thung.La lang vak lo mahse a fel sawt viau a,vawiina thil thleng avang hian ruihhlo bawka a let a,insual bur bur a chin leh mai ka hlau rum rum.


Dan duhin engmah ti tawh lo turin duh viau mahila ka tih vang ringawt khan a natnate ka tih kian sak thei dawn hauh si lo.


"Haw ila,"rei fe ngawi renga a awm hnu chuan rawn tho chhuak chuan a ti a.A phur hmel fahran loh hle mai.Ina a haw chak lo ngawih ngawih hi ka dem tawh lo. In a thlakhleh na chhan tur a awm miau lo a,a din hmuna ding tura ka insuangtuah pawh chuan ka thei lo..ka tuar thei kherin ka ring lo.



"Inah i haw nghal angem?"ka ṭhutna aṭanga ka dinchhuah chuan ka ti nghal sap a. "Umm,min hnawla min bumtute bulah bak letna tur ka nei chuang hleinem,"tiin a kiai suk, a tawrhna zawng zawng huatna in a thlak thleng hi a pawi ngawih ngawih.



"Kei chuan ka kalsan ve ngai lo ang che,"tiin ka va kuah a,ka melh chho nghal ha a. "Ka hria alawm,a tir aṭang khan nang chu i danglam bik.Midang i ngaihsakna ka hmuh khan ka thik,a vawikhatna tan ngaihsakna dawn ve kha ka chak. Mahse chu chu a tirah keipawn ka hrethiam bik lo.In laichinna chuan rinawmlohna leh inbumna bak a thlen ka ringlo,mahse nang chu i danglam bik,"a ti ve leh sup. Ka tana a feelings a sawichhuah nasat ve ber ṭum a ni ngei ang,ka hlima ka lungngai bawk.A nu leh pa vanga chutianga inlai chinna a ngai ngawt tur te chu ka hriatthiam pui rualin,keimah zawk hi ka na ngawih ngawih.Heng zawng zawng hi atan a danglam bik a nih chuan atana mi danglam bik nih reng chu pawi ka ti lo,nih reng ka duh.



"Min khawngaih hmel deuh khan min en lo teh,khawngaihna ka mamawh lo,"a ti deuh hluk. Ni e,khawngaihna ai chuan hmangaihna a mamawh zawk.Khawngaihtu ni loin amah hmangaih ngawih ngawih tu a mamawh.A awma bei vang vang chung chuan ka kuah leh vawng vawng.



Khang zawng zawng a paltlang lai khan enngtiang takin nge a nat ang le? A chanchin ka hriat zawng pawn ka natpui a,a chhungril a rum ve vawng vawng ṭhin awm si a.


In kai rial chuan kawngpui lampanin kan chho a,ṭah ka insum lutukna lamah ka hrawk te hi a na bur mai.A hringnun thawnthu kha lungchhiat thlak mahse a ngaihnawm lutuk tlat. A hringnun thawnthu hi a la tawp mai lo a,hlim takin awm ngei tawh se ka duh mahse chu chu ka thu a ni si lo.



"A va tlai tawh ve,chak deuh hlekin tlan leh mai ang aw,"kawngpui kan chhuah chhoh chuan khua chu a thlir vang vang a,ka bu nghauh. "Chak tawk tawkin min tlanpui ṭhin a,tunah chuan hlauh ai mah chuan nuam ka ti lek lek tawh zawk,"fiam deuh paha ka tih chuan a nui ve suk.Khaw lampan chuan kan inkhalh chhuak a,chak ve deuh mahse kal lam ai thlawt kha chuan a muang tawh zawk. Kal lam te kha chuan ṭawngai mai hial kha ka duh rum rum.


In kawtah chuan min dah leh a,ina a haw hran hun a hnai tulh tulh a,ka huphurh telh telh mai. Ka ngaih a ngam leh zan tawh lo. "Chak deuhin tlan suh aw,"ka tih chuan a bu deuh nghat a,ka hlauhthawnna a kiam phah chuang lo.


'Va lut rawh,ka haw nghal dawn,"a tih chuan a kut ka chelhna chu ka thlah nghal ria ria a. Ka ban ka vai zeuh. "Umm,chak deuhin tlan suh ka tih kha aw,"ka ti nawn leh sap,a tlan chhuak chu ka thlir liam leh te te phawt.In chhunga ka luh chuan engmah zawhna min zawt lem lo,ka lawm zia chu a.



*Sir Ricky-a period an sawn thut a,chawhnuah a lo lut dawn antia,a hriatchhuah che u ka hlau sia.A bulah i damlo angin ka sawi che a.Haw pui mai rawh u a tia,Zonunsangan a haw pui che angin ka sawi ania* Ruatpuii message ka hmuh chuan a thaw hawk mai. Ṭhiante pawh hian ṭangkaina an nei ṭha tak zet,lawmthu chu sawiin inbual turin ka in siam nghal sawk sawk.Ka inbual hma chuan Zonunsanga message ka chang deuh ren rawn a,minute 15 vel ka nghah hnu chuan ina thlen leh thlen loh ka zawhna chu a lo chhang ve chauh. Mahse ka thaw nghal huai thei.



Vawiina kan ṭhut tawp avang khan ka pawnfen vel chu a bal hle a,ka su hmasa leh te te phawt.Ka thil tih lai te chuan Zonunsanga thusawi bawk ka rilruah a lo lang leh ṭhin,keimah hi ka hah vek thei nia.



Zanriah kan kil zawhah chuan message ka thawn leh thlap mahse deliver pawh a in deliver hrih lo. Fiona chuan homework min pek nghal thu a sawi a,min rawn thawn bawk. Harsa lutuk a awm lo bawk a ka ti nghal zung zung mahse a lo tam tham ve deuh a,hun ka hmang rei phian.


Ka zawh meuh chuan dar 10 a hnai tawh a Zonunsanga message ka la dawng lo mawlh chuan ka rilru a kap. Ka lehkhazir chawlh laiin ka call zeuh zeuh a,a pick bawk si lo. Dominica bulah tal awm se ka ti tak zet a ni


Rilru bet lo zet chuan ka mu a,ka muhil thei chuang hauh lo. Zonunsanga bak ka ngaihtuah thei lo.Ka phone a rawn rik chuan rang takin ka en nghal. Zonunsanga a ni, dar 11 a lo pel fel der tawh,Emma khum ka va en chuan a ni pawh a lo muhil der tawh. Thawm dim thei ang berin bathlarah chuan ka va chhuak ṭham ṭham a.



"Hello,"ka pick rual chuan ka ti nghal a.



"I message ka hmu chiah a,i miss call pawh,"a rawn ti deuh sap a. A aw aṭang chuan ka hlauh ang thil thleng tih hrilh chawp ka ngai lo,a rui tih ka hre nghal vek.Ka thaw chhuak nghal ham ham.



"I rui tiro?"a aw chu rui chhe zet aw a ni mai. "Umm,sorry,"a lo tih zawm nghal zat,a van hrehawm ṭhin tak."I in sual em?"ka tih pawh chuan zep nei loin a insual thu chu a sawi tlang vek. Thudik sawi mahse rilru a tih nawm phah kher si lo.


"Rem,tih loh chu ka tum ve reng mahse ina ka haw khan...ka pa nen.."a thaw deuh halh. A chhungte hi keipawn ka dem rum rum tawh nia."Sorry,"thaw deuh halh chuan a ti leh sap.


"Sual viau mahila nang chuan min kalsan ve lo ang tiro?"tiin a rawn phun nuah nuah. "Umm,dawn lo. Kei chuan sual pawh ka ti ve lo che,"mittui parawl pam chuan ka ti a,ka aw pawh chu a lawi rut mai. A reh vang vang,thli thaw ri vuk vuk chauh hriat tur a awm.


"Remrem,keimah Dominic,"rei fe hnuah chuan a rawn ti a."A rui chhe lutuk a,ka tihpalh tak zet mahse na deuha a awm hi hmuh a har em a.Harhfim lo hian khawvel nuam a ti ber tih hrechiang tu ka ni sia. Bakah tih pui lo pawh ni ila aman a ti dawn tho a,amah a awm tir ka duh si lo a,"tiin Dominic chu a rawn insawi fiah nghal a.


"A pawi lo,a bulah i awm a lawmawm lutuk. Awmpui tlat rawh aw."



"Umm,hetah riak leh phawt rawh se.I hriat kha a harhfim lai chuan mipa ṭawngmawh tak a ni tih i hriat kha. A ruih lai leh a rilru fim loh chang chuahin a chunga thil thleng hi a zawh theih,"a tih chu ka pawm khawp mai. A ṭul fe ah lo chuan a ṭawng mawh lutuk hi a buaithlak lek lek zawk.Phone chu ka dah a,Dominic bulah him takin a awm tih ka hre tho a,a chanchin hriat loh ngawt ai kha chuan a zia zawk.



~time skip~


"Vawiinah result a chhuak dawn sia,Remrem nang chu i phur tawh awm,"school ka thlen rual rual chuan Melody chuan a rawn ti a,za lo zetin ka lo nui sak ringawt. Tukinah ka nuin min lo call a,result nghak mek ka ni tih ka inhrechhuak chauh. Zonunsanga buai buai a ka buai vangin ka lo theihnghilh hman der.A result beisei ang ka pha dawn lo..ni lo ka pha lo lutuk dawn zawk. Ka rilru a buai mem mem hle.


Zonunsanga pawh chu khami zan ang em em a ngaihtuah awmin a awm ngai lo mahse regu takin a rui leh tawh. Ka lakah chuan ni lo mahse midang lakah chuan a ṭawngkam a ni leh hmuk hmuk tawh a,a ze ngaiah bawk khan a let leh tawh.Ka bulah chuan a inthiamlo tih chu a chetdan aṭang ka hre ve vek a mahse a sawi chhuak tawh ngai lo thung.


"Nizan kha message i van chhang thei lo,"Zonunsanga chuan ka bula a ṭhut rual chuan a rawn ti a. Nimin lamah ka pack a thi a,zanah ka hre chauh. Tunlai Papuia ten chhuah an phal vak lo nen,ka dah ringawt kha ania.



"Ka pack a thi a,min ngaihtuah ami?"ka tih chuan a bu nghauh.



"Khatiang chiah ni lo,kha ai nasa khan ka ngaihtuah ṭhin che,"ka tih chuan min chhang lo in a bawk zui daih.Tunlai chu hetiang thil hi sawi pui a har ṭalh mai. Mahse kan inngaihsak tawn lutuk tho.



Second period ah chuan school hall result an puang ta dum dum a,ka lang pha ve lo. Class a kan luh hnu chuan top 10 a lang pha lo ho result an puang a, ka result vang chuan min en hrek hrek a,phun sep sep an tam mai.



"Tinge Remruatkimi,i va tlachhe em em ve?"Sir Ricky pawh chuan a tithlawt mahse engmah ka sawi lo,Zonunsanga chuan mak a ti lo. Ka tihchhiatzia ka sawina ber kha a ni miau a.Kan sectionah chuan sawm pasarihna lai ka ni a. A pumpuiah phei chuan top 30 ah pawh ka lang lo.Educationah ka pass chang chang,language tih loh chu chutiang vek chu a ni.



Ka ṭhiante ngei pawh chuan ka result chu mak an ti lutuk mahse engmah an sawi lem lo. Midang erawh chuan hmaichhana min zawt nawlh nawlh tawk an awm nual. Ṭha deuha chhangin ka lo nuih lui thei mai. Ina ka haw hun chuan nuih pawh ka nui lui thei kher tawh lo ang.Zonunsanga chuan nidang ang bawkin min thlah haw a,a ni pawh chuan engmah min zawt lem lo.


Kan nun a chep telh telh dawn tih kan hre hauh si lo.


Duh aiin anni rualah chuan a puitling mah mah em ka ti deuh a🤔mahse anni kum ang hi chu puitlinna an zawh chhoh hun ang vel kha ania a awm ve tho in ka hre bawk sia😅Ho deuh a tih ai chuan ka ti ta law law💜Ads click kha ti leh hram hram ang u aw😚

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)