SOMEONE TO YOU by NUTTY GIRL (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

SOMEONE TO YOU by NUTTY GIRL (Completed)

Unread post by Ngaia » February 21st, 2021, 1:52 pm

quj11z6k.jpg
SOMEONE TO YOU

by:

NUTTY GIRL


CHAPTER-1


FIRST DAY OF THE SCHOOL



💜She is the one.A person he has been waiting for. She has come to cure the pain💜



"Aw,nu," ka zi mar ṭalh ṭalh a,ka harh chiah vangin ka aw pawh chu a tham chal mai.Emma chuan a ning tih hriat zetin a beng a lo hup ka hmuh chuan ka nui nghal vur vur,henu em em hi chu kei aiin zing thawh a hreh daih zawk.



"I tho tawh em?" a rawn tih chuan "Aw," ka ti thla ve rawk a mahse ka nu chuan ka tho chiah a ni tih chu a hrechiang ngang mai. "I tho chiah a nih kha,iaw ah a hriat lutuk bawihi. Vawiinah school in ṭan tawh dawn a,rawn kaih thawh nan che ka rawn call che a,chhuah hma ka ngai dawn a. Mu leh lo in tho nghal la, i ni te pawh puih an ngai maithei ania,"a rawn tih chuan ka thawh nghal tur thu ka sawi a.



"Ka hmanhmawh deuha Bawihte,ka dah mai aw,"tiin phone a off a,khumah chuan ka muthla nghal duai. "Dar 7 a ri dawn ania," sai sirin ka ṭhianṭha ber,ka cousin ni bawk Emma chu melhin ka tia,phun nuah nuah chuan a rizai sin lai chuan a in khuh ṭha sauh sauh.



"Papui,good morning,"ka patea chanchinbu chhiar ka hmuh chuan ka ti z*ng vah a. "Remremte tukchhuah nuam le,khawnge i unaunu ve chu?"a tih chuan "Ala mu vum thur mai,"tiin ka lo chhang vat a. "Aw,kan Emma hi chu mut vum thur bak hi thiam a nei lo a nih hi,anu ang chiah,"a tih chuan kan nui dun hawk hawk.



"Min rel leh tawh a ni maw?"step aṭanga rawn chhuk a Emma-in a rawn tih chuan Papuia nen chuan in enin kan nui rah rah a. "Hei, a lo thochhuak ve ta lawm a chanchin kan sawi meuh chuan," papuia chuan a ti a.



"Nangni pahnih kha han insiam ru,nakinah hmanhmawh deuhin in insiam anga,in buai leh chung dawn," ni Puiin a rawn tih chuan Papuia chuan insiam turin min hrilh a,keini pawh chuan engmah sawi nawi lem lo chuan kan in zui chho a,kan insiam nghal malh malh.




Kei hi Remruatkimi ka ni a,kumin hian pawl 12 ka zir ve tawh dawn a. Ka pain min boralsan tawh a,ka nu nen kan khawsa ṭhin. Tunah erawh ka nu hna thila zin kual reng a ngaih avangin ka pate khuaah papuia(ka pa u chiah) te bulah ka awm ve ta daih.



"Rem,khawnge helaiah brush ka dah ṭhin kha,i lo hmu em?"



"Nimin te kha chuan dawhkanah a la awm reng kha,zawng chiang teh,"tiin make up vel a rem ṭhutna chu ka en pui a,a lo awm miah lo. "Nimin kha chuan a la awm reng asin,"tia phun niah niah chung chuan chhuat vel te chu ka en. "Lalawmpui,mipa naupang nghal lutuk,em em a,zawng ang mai,"tiin room aṭanga chhuakin a au nghal lung lung,ka lo nui khiah khiah.



"Amak e,Lalawm makeup brush a nih hi rawng a kai nuai hi," Emma chu a thinrim kher mai. Awmpuia chu roomah rawn tlan lutin ka hnungah a rawn biru a,thinrim takin Emma chuan a rawn zui bawk. "Vawikhat tal chu ka beng ang che,"tiin kan lamah a rawn kal a,pakhatin ka kawrah min pawt ṭung bawk.



"A u Remrem min chhan rawh."



"Ka that khawp ang che."



"Ka kawr nawh sa i pawt chuar vek tawh ania,"kan ri luih luih mai. "Khawilai indopui pathumna nge ni ngai,Lalawmpui i u makeup i khawih chhiat sak leh tawh em ni? Nang pawh u zawk i nih kha,school in tlai dawn va kal vat teh u,"Ni Puii chu lutin U Mama (Emma-i u) fapa naupangte paw chungin a rawn luta,Bawihpuia chu a ṭap rawng rawng bawk. Kan chhangchhe hle a ni.



"Nu,ka makeup brush a sawisa leh tawh,a thaar min lei a ngai ang,"Emma-i chuan thinrim tak chuan tiin a chhuak nghal a. "Ni, kan kal mai aw,"tiin ka um chhuak ve nghal a, keiin a in hnawih vel ka nghak ve ṭang ṭang a,min chhuahsan daih leh nghal a.



"Lalrindik,min lo nghak rawh,"tiin ka au vak a,a ding ve mai bawk. Tunah chuan ka hriat ṭhin hmeichhe cool reih ruih tak kha a ni leh tawh. "Ka thawmhnaw hi en teh,intih chuar vek hi,"ti chuan ka kamis hak lai chu ka en a,a lo chuar vek tak tak. "I inhmeh kha,"a tih chuan a luah chuan ka tauh pawp.



"Remruatkim i a thei lutuk emai,ka sam a chhe vek anga sin,"a tih chuan hawisang vahin ka lo nui sun sun. Ka cousin nen hian a letling thawk ang ka ni. Ani hi chu model awma mawi pian a nei a,a sam a ngilin a enkawl uluk em em a,kei erawh tlemin ka khal a,ka biang a puar deuh a chuan ka duhthusamin a kir ṭha bawk. Miziaah lah nise kan in ang lo hle,kei chu ka ṭawng duh em em a,ka titi reng zel ani ve hi chu inah pawh a makeup leh a incheina midangin an khawih a nih loh chuan a ri hlut ve ngai lo. Kei ang lo takin incheina a lawmin,inchei dan a thiam em em a. 'Mipa duhthusam' ang mizia a nei bawk.



Nelson min lo nghak reng tu ka hmuh chuan ka ban ka vai nghal lauh lauh,saw saw ka bialpa ve a nih saw.Kan veng a in anga,ka tet te aṭanga ka star ve ṭhin a ni a,nikum helama vacation ka hman aṭangin kan ni ve naw naw. "Ka message i seen lova," a bul kan thlen chuan lungawi lo zet chuan a ti a,tukinah ka nu min rawn biakna ka chhang tih loh kha chu phone ka khawih lo a ni tih ka hre chiah. "Sorry,phone ka khawih lo a,thawh kan hai a,"lei chhuah tut a ka tih chuan a nui suk a.



"Mut hi in duh ve reuh sia,"tiin ka darah chuan min kuah tharha,school lampanin kan kal a, ka titi bawrh bawrh a,chu chu Emma leh Nelson chuan an lo ngaithla ve thung. Tuna ka school luhna tur hi Emma leh Nelson te luhna ṭhin a ni a, Class 9-12 a awm a, 9 aṭanga ka nu nen kan in sawn a,an bulah ka lut ve hman lo reng bawk.


~~~


"Section khatah kan awm dawn lo ania,"ka hmaa ka ṭhianṭha ber leh ka bialpa te chu mittui tling pamin ka en a. Emma nen tala section khata min dah tur an nia sin,a fair lo takzet. Ṭhian thar siama han awm leh ai chuan ka ṭhiante bulah ka awm thei ang tih ve laiin,section khatah kan awm dawn lo ania.



"Aw,chhun chawlh lai leh short break lai te pawn kan awm ho thei dawn tho a lawm," Emma-i chuan a ti a,Nelson chuan min thlem ve bawk. "Va lut rawh le,class ṭan a hun ṭep tawh,"Nelson an a tih chuan lungawi lo tak chuan ka lut hna hna a. Tlar hnuhnung ber dawttuah chuan ka va ṭhu chawt. Bell a rawn rik chuan a rawn lut sang sang a. Hmeichhe pakhat hi ka bulah a rawn ṭhu a.



"Hi,Ruatpuii ka nia."



"Hi,Remruatkimi ka nia,"kan sawi rual chiaha, ka hming a sei deuh avang chuan ka sawi zo har bik.Kan nui dun nghal hak a,kan hma amite chu an rawn hawi chiang hle bawk. "Ruatpui min ti mai dawn nia,"a tih chuan ka bu nghauh a. "Kei chu...a Remrem tiin min ko ber a,min ko ve mai dawn nia,"ka tih chuan a bu ve nghauh. Nichina nuam ka tih lohna kha chu a bo leh vek tawh,Ruatpuii chuan heta a luh reng ṭhin thu te chu a sawi a,mipa chhelo tak tak an tam thu thlengin.



"May i come in Sir," class kan neih lak lawh lai a rawn ti tu a awm chuan class chu a reh duk a,kan hawi chhuak nghal ṭhap mai. Mipa ṭhenkhat rawn ri huk ka hriat chuan kan zawna mipa ho chu ka en phei a,an ṭhianpa a ni ngei ang.



"Come in,i roll No."a tih chuan a hriat loh thu a sawi a. "Pawnah an tar thlap sia,"ka lo ti sup. "Ka lo en mai ang che,va ṭhu rawh," Sir chuan a ti a,Sir chuan a thil tih lai a tih chhun zawma,phun ri a awm nghal mur mur. Kan lampana rawn kalin,ka zawn chiah ṭhutna awlah chuan a ṭhu a."Awi,a chhiat loh zia saw,"ka hnunga hmeichhe pakhatin ring leng lawnga a tih chuan keimah zawk hi ka lo ip chawi chawi thei. A hre phak tih chu a hriat reng mahse engmah hre lo ang maiin a awm hmiah.



"Chhelo i ti viau ami?"ka beng bulah chuan Ruatpuii chuan a rawn ti sa sa,ka phu dawrh thei nia.A thusawi chu awihawm loh ti zetin ka lu ka thing nak nak. "Ka awih lo lutuk, hepa hi chu hmeichhia zawng zawng mit fukna ber a nih hi,"a tih chuan ka awihlo hran lo.



"Dawt sawi lovin sawi vat teh,"a rawn tih chuan a thusawi ka pawm thu ka hrilh a.



"Ka pawm e,a chhe lo,a hmel a ṭha bawk mahse bialpa ka nei,ka bialpa aia a ṭhatna vak ka hre lo bawk,"tiin mit ka sia zeuh a. "Ani maw? Tunge?"a ti nghal cheng cheng. "I hre lovang,"ka tih pawh chuan min zawt lui ngar ngar tho.




"Nelson,i hre..."sawi pawh ka sawi zawh hma chuan ka ka a rawn hup nghal cheng.



"Nelson nen sawn in ni a maw?"a rawn ti hlia a,kan hmaa hmeichhe pahnih chu an rawn hawi phei nghal vat. "Nelson nen in ni maw?" hmeichhe pakhat sam sei zawk chuan a ti a. "In hria mi?"ka tih chuan an lu an bu nghauh nghauh.



"Section B ah chuan mipa hmelṭha 'Angels' ah a lang mahse keini 'handsome demons' ho saw chu an la tluk lo,"pakhat chuan an rawn tia ka bo hle. Handsome demons a? Chuan Nelson chu Angels ah? Engnge awmzia pawh ka hre lo.



"Awmzia i hriat hmel loh emai ka hrilhfiah ang che,"pakhat chuan a ti a,ka bu nghauh. "Class hrim hrim hi section A leh B ah min ṭhen vek a,chuan section A a i awm tawh chuan i awm char char ang chutiang chiah chuan B pawh,new comer an awm hian an sem leh ṭhin. Engkimah section in kan in el ṭhin, Section A mipa ho basketball khel ṭhin ho hi an fel a,hmelṭha tak tak an awm bawk, chuan an ni chu an class hmeichhe hoin Angels an ti a. Mahse keini hian kan phuah hmasa fe zawk,saw mi te ṭhian ho saw an sual a,an luhlula mahse an hmelṭha em em thung keiniin Handsome Demons kan ti thung. Section A ho chuan kan phuah thikin an phuah ve mai mai chauh,"a tih chun ka chil ka lem khalh.



"An sual viau em ni? Demons tih kher?"ka tih chuan an lo nui kar kar hlawm a.



"Zonunsanga tih lo saw chu an sual em em lo,an luhlula insual an hrat. Chumi tih lohah chuan an fel lutuk tho mahse Zonunsanga lakah erawh chuan in veng fimkhur hle ang che,"sam tawi zawk chuan a rawn ti sa sa a. He school hi amak a ni tawp.



"Timo ka fimkhur angaih? Engtizawngin?"min hrilhfiah an tum nge min tih hlauh an tum hrim hrim pawh ka hre lo.



"Hmeichhia a ngai thei lo,hmeichhiain an zar buai a duh lo hrim hrim. Class 10 kan zir laiin hmeichhe pakhat Section A ami hian a atchilh lutuk a,Zonunsanga saw va biak a tum ṭhin, Zonunsanga erawh chuan melh pawh a melh duh lo. Chuan V'day ah thilpek tumin kan class ah a rawn kala mahse Zonunsanga chuan lak chu sawi loh a bul hnaia kal tawh lo turin a ti a,class zawng zawng hmaah a ti zak a,"a tih chuan ka chet tlak tlak.



"Mahse hmeichhe ho hian an duh loh phah hauh lo,naktukah chuan ngai reng mah rawh a dawhkan hnuaiah sawn thilpek pakhat tal a awm leh hrim hrim,"a tih chuan Zonunsanga lam chu ka va hawi a,an ṭhian ho chuan an titi a,a nui a,a nui hmel chu a ṭha lutuk. An sawi anga sual hmel a pu lo,ka lam a rawn hawi chuan ka tih ngaihna hre lo chuan ka nuih suka a nui hmel a tawp nghal hmiah nia.



Nichina sual hmel a pu lo ka tih ka sawi kha ka ṭhiat leh nghal vek. A mitmeng rum al leh vawt ruih chuan min en a,ka hawisawn nghal daih. A mitmeng kha phi chiai mai,ruih nei hmel a pu. A bul hnaih te ah ka la ṭhu leh nghal a. Hmeichhia a haw teh tawp chu ka hrethiam lo lutuk tlat.



"Nelson nen in ni daih chu a mak e,"pakhatin a rawn tih chuan ka harhchhuak zawk a,ka nui ringawt. "Melody ka nia,"sam tawi zawk chuan a rawn tia,"Kei Fiona,"sam sei zawk chuan a tih chuan ka bu nghauh a. "Remrem tiin min ko mai dawn nia,"ka ti a. Sirin thu a rawn sawi avang chuan an ni chuan hmalam an hawi vata,sir thusawi chu uluk takin ka ngaithla.



Nichina ka ṭhiante pathum thusawi ka ngaihtuah chian chuan a mak ka ti tawlh tawlh mai. He school hi 'The Mak School'ni awm hiala mawi a ni.



Ka reh rei in lo ti em? Story ka type loh chuan ka lung a leng veng veng tawh ṭhin.In chhiar duh zawng a nih ngei ka beisei💜Hmelṭha ho ads te kha han click lek tliar tliar ula. SARANGHAE 💜



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » February 21st, 2021, 1:52 pm

SOMEONE TO YOU


BY:

NUTTY GIRL


CHAPTER-2

ANGELS VS DEMONS


💜He is cold as ice,but in the right hands,he wll melt💜



"Engnge a an? I rin aiin a nuam dawn em?" Nelson leh Emma te min lo nghahna ka thlen chuan Nelson chuan min nuih vur vur a. "Umm,ka rin aiin nuam ka ti daih,an fel hlawm em a,"ka ti a. "I luh hma kha chuan thih hreh in i hreh kha a ni sia,"tiin Emma-i chuan min rawn fiama,ka nui ta ringawt. First day a nih vang chuan class pawh kan kal mumal lo a,kan bang hma hle.



Zonunsangte ṭhianhoin min rawn tlan pel fua a,an tlan chak em em mai leh nghal,ka en vung vung ringawt. "In rawn peng dawn em? Motheri pawn a sawi a sawi che u ania,i rawn phei hnuah in lo la kal si lo a,"Nelson an a tih chuan "Peng zawk ila a ni mai lawm,Nu Manuni pawh a ngaihawm a lawm,"ka ti a,Emma pawh chuan min hnial bik lo. Keimah bawk ka titi barh barh a,ka thusawi ngawi rengin an ngaithla leh kar tawh.



Ani pahnih aia ka naupang avang hian kan tetlai aṭang tawhin min duat a,an bula awm nuam ka tih phah em em bawk. Ka nu pawhin fa mal ka nih vang hian a theih tawpin min duat bawk a,chuvang pawh a ni mahna ka rilru a na hma em em a,ṭah mai ka awlsam bawk.Hemi te pahnih hi chuan min hrechianga,an ni tluka kawm ngeih hi ka nei lo reng bawk.


Nelson te in kan thlen chuan Nu Manuni pawh a ri hlut mai,an in kha kan awm ṭhanna a ni bawk a,nu Manuni te nen pawh kan in nel viau. Tuna an in erawh hi chu vawithum vel bak ka la kal lo."Ka va inthlak lawk a nge,"tiin Nelson chuan room lamah min luh san a,Nu Manuni in chei dan vel chu ka enkual a. An ina ka kal loh chhungin an tidanglam hman fu mai.



"Nu Manunin,he laia vase in dah ṭhin kha inthlak daih a ni maw?"sitting room vel ka enkual chuan ka ti a,a hmaa ka kal khan a awm reng,a mawi ka ti reuh em a,a danga an thlak chu ka hre thei khawp mai.



"Aw,hmaniah in ṭhianpa sawn a ṭhiante a lo hruaia an ti keh daih lawm,"a tih chuan ka nui sak a,Lalfakawma pawh hi a che phel phual ve ṭhin reng a ni. Nu Manunin thinrim ang tur vel ka ngaihtuah phei chuan ka nuih a za ngang mai. Rei tak pawh chu kan awm lem lo a,nu Manunin thil ei tura min tih tlat avangin kan awm rei deuh mai mai zawk.



"Naktukah kan in hmu dawn nia,ka lo nghak leh ang che u,"Nelson chuan a ti a,Emma chuan "Nangni pahnih inthlah vel ka en peih lo,"tiin min luhsan a,Nelson nen chuan in enin kan in nuih ta ringawt.



"Min lo nghak duh tawh lo mai rawh,i tan a buaithlak mai mai. Bakah a hla ve ang reng si, vawiinah pawh kan tlai ṭep kha,"ka ti a,atan a buaithlak mai mai an in aṭang awlsam taka kal theih a nih laia,helam aṭanga lokal kawi duah kha a buaithlak mai mai. A hmaa an awmnaah kha chuan awm se kan in hnaih em em a ni mai tur.



"A ho lutuk,i tan te chuan,"tiin ka biang a rawn piai a,ka ṭeu nghal hlar. "Kha,ka biang a sen leh vek tawh kha,bakah naupang ang hian min ngaia ka biang hi in piai reng mai,"ka ti nghal hlar a,a nui duh lek chauh leh nghal.



"Naupang i la ni tho tho a lawm,lut tawh rawh. Keipawh practise turin ka kal dawn,"a tih a,a kal hnu chuan ka ban ka vai lauh lauh a. "Naktuk chu lo kal tawh lo mai rawh,"tiin ka au lang lang a,rawn hawi letin a ban a phar chhuak zeuh. "Sei zet zawt si,"tiin ka phun chhuak sup.



Ka nu chuan min rawn call a,school nuam ka tih leh tih loh te chu min zawt a. Lehkhazir ṭha hle turin min fuih mawlh mawlh. Board exam kumah hi chuan a zia ve reng a ni,ka tihchhiat a hlau lutuk tlat. Class 10 ah lah ka damloh avangin ka ti ṭha der lo lehnghal a,kumin chu ka theih tawp chhuah ngei ngei ka ngai.


~~~



"Hmanhmawh ve teh,ti khan i mawi tawk tawh,"tiin Emma chu ka tur chhen. Makeup a lo awm ta kher kher hi kei hian ka tuar ber dawn a nih a hi. "Bawihi,i pain a nghah reng tawh che u saw,hmanhmawh ta che u," ni Puitei chuan a rawn ti lang lang bawk. Emma-i kan nghah ber lah chuan hmanhmawhna chang a hre lo leh nghal.



Karkhat kan kal tawh a,assignment pawh a tam thei ngang mai. Kawng engkimah Emma puih a lo ngai bawk nen,ani hichu Papuia vanga lehkha la zir ve mai mai a ni. A thu nise chuan tunah te hian zir tawh loin a awm mai mai tawh ang. A tuina chu fashion lam daih a ni a.



"Ka in peih,"a tih rual rual chuan a banah kaiin ka tlan pui nghal rawk rawk. Thawh kan hai ve ve a,ni Puitei lah chuan kan tho daih tawh emaw a lo ti a, assignment ka tih zawhloh ka tih zawh hnuah kan insiam ve chauh a,kan tlai tawh chiang hle.



"Bawihi,zingah alarm set na chang hre tawh rawh u,"cara kan chuan luh rual chuan Papuia chuan a ti a. Sawi tur pawh kan hre lo,kan thaw hlawp hlawp ringawt. School tlai hi ka thil duh loh ber pawl a ni,class ho in min en ṭhap awm sia tiin ka huphurh hle,Geography class kan la nei hmasa ber zui.



Pa Puian motor a tih din rual rual chuan kawngkhar hawngin ka tlanchhuak nghal rawk rawk. "Ni hman nuam ule,"pa Puian a tih pawh chu kan chhang lo. "Hmanhmawh vak lo teh,ka sam a chhe dawn,"Emma chuan a ti a,henu hian engmah hi a ngai serious tak tak lo. "Kan tlai dawn tho tho,"a tih chuan tlemin ka pen pawh chu ka ti zim ta deuh.An class a awm hmasak avang chuan min luhsan a,keimahin kan class chu ka pan ve thung.


Step ka chhohna avang chuan ka hah lutuk tlat,ka dinga thawk ka la vang vang. Ka hnunga pen ri ka hriat chuan ka hawi vat a,Zonunsanga chuan min lo melh chhuk run mai. Engmah pawh sawi lo chuan min kal pel a,a hnungah chuan ka zui ve dat dat. Ka rilru chuan ngati nge hepa kher ka ti a mahse lehlawmah chuan a lawmawm hle,mahni chauha hauh ka tuar lo tur kha.



"May I come in Sir."



"May I come in Sir." Kan sawi rual chat chat khawp,class zawng zawng deuh tho chu an rawn hawi phei ṭhap,Sir lah chuan a ngeiawm chhuahin a thil explain laklawh lai chu a explain chhun zawm mawlh mawlh. A thusawi a zo ta maw tih chuan kan pahnih lam chu a rawn hawi a,a tarmit kar aṭang chuan min rawn en a.



"Zonunsanga leh bawk maw? Chuan Remruatkimi pawh a rawn tel ve tlat," a ti a,a sual hran lo a,a class pawh a nuam lutuk mahse a class tlai hi chu a duh lo khawp. Mahse he ka bula ding pa Zonunsanga erawh hi chu nitin a tlai ziah.



"Nge nangni pahnih hi i in ngaizawnga,in in hmuh duh vangin ka class in lo tlai zawk?" tia a sawi chuan hmeichhe ho chu an rawn phun sap sap. Zonunsanga ner nawk ka han hmu hman a,ka ngei hle. Keipawh hian ani nena min sawi zawm hi ka duh bik reng reng hleinem. 'Kei te chuan bialpa ka nei bawk,' tih mai ka duh.



"Sir,ani lo ang,"Bmi chuan a rawn ti lauh lauh a.



"A nih chuan a ṭhat chu,rawn tlai tawh ngai suh ang che u,in rawn tlai leh a nih chuan in duh aia rei school in kal ang,va ṭhu ru,"a tih chuan "Thank you Sir,"tiin ka lut vat. Ruatpuii bul ka thlen chuan min lo nuih var var. Thawh ka hai thu leh homework ka tih vanga ka tlai thu ka hrilh nghal mawlh mawlh.



"I tih hlauh chuan a ṭhat chu ka copy ve duh,"a tih chuan ka bu nghauh a.Sir explanation chu ka ngaithla nghal a,chhinchhiah ngai chu ka chhinchhiah nghal malh malh. "Nang hi chu exam naah i ti ṭha dawn tih ka chiang," Ruatpuii chuan a tih chuan ka nui ringawt.



"E,nichin khan engtinnge Zonunsanga nen khan in lo luh rual theih?"a rawn tih chuan ka thaw halh a,ani leh zel pawh chu a. "Kan in tawk a,kan rawn lut rual,"ka tih chuan a bu ve nghauh nghauh. "Ni e,kan mi sawi lai hi Zonunsanga a ni tih ka lo theihnghilh dawn a lawm,"a tih chuan ka nui ve suk. A eitur pai ruk chu first period aṭang a ei ru nghal malh malh.



"Vawiin chu chawhnu pum Games and Sports a ni dawn bawk a,ka phur e,"a ti a,a bulah hi chuan class ah hian engmah hi a ngaihthlak ṭhat hman lo mahse ka ning chuang lem lo. Class ti nuam tu ber a ni.



"Engnge khelh thiam ve te i nei em? Kan Sports teacher hian damlohna a nih loh chuan awm awl mai mai a ṭan hi a phal vak lo ania,"a tih chuan Badmintom leh Volleyball ben ka thiam thu ka sawi chuan a phur khawp mai. "A ṭhat chu volleyball ah Section A hmeichhe no zet zet ho saw kan sawp hrep dawn nia,"a ti a,a ṭang nghal em em ringawt.



"Game mai mai a lawm,"ka tih chu a lo pawm i khaw lo mai. "Ani lo,Emma nen sawn in in kawm tih ka hria,Emma saw chu a sual hran lo. Hmeichhe dang ho lehkhthiam thei deuh hlek leh chhelo inti a in hnawih nasa deuh deuh ho saw an nasa lutuk,an chapo bawk,"a ti a,kan thusawi chu Fiona leh Melody te beng
verh zawng tak a ni ngei ang,class kan la tih reng ngaihtuah loin rawn hawi pheiin an rawn sawi zawm a,Miss chuan min la hau zui bawk.



"I in peih maw,section A ho chu va phindarh ila a ni mai lawm,"Ruatpuii chuan ka lampana lokalin a ti a. "Khawi teh i sam ka lo ṭawn ṭhat ang che,"tiin ka samṭawn chu a phelh sawk sawk a,mar mang khengin ka chhipah chuan a ṭawn vah mai. Game kan ṭana,in melhrum tawk an awm bawk a.



"Yes,kan chak,kan chapo vah theih lai hian chapo vah tur,"Ruatpuii chuan a ti a. "School sport kan neih hunah phei chuan a nuam zual ngawt ang chu,"a ti siam siam a. Department dang ho inkhel turin an rawn lut ve a,kan kalsawn vat."Game khat kan khel tawh bawk a,mipa ho inkhel va en ve ila,Angels leh Demons ho an in khel dawn leh nghal a,"tiin phur takin min kai a,min tlan pui hlawk hlawk.Fiona leh Mercy pawh chuan min rawn zui ve a.



"Awi,Zonunsangan a khel tawh lo a nih saw mahse saw saw en rawh Dominic, Zonunsanga best a nih saw a chhiat loh si zia saw,"a ti a a rak nghal chul. Kan sira Zonunsanga ṭhu chu ka va en a,a thlan deuh hliama nidanga ka hmuh aiin ka hmu pa daih zawk.



"Ehe,khu Remrem,Remrem in pa a lut ve dawn nia, Nelson pawh hi a chhe lo maw le,"a rawn ti a,ka hawi sawn vat. Nelson chu ka zuk en a,min lo hmu ani ngei ang kan lam hawiin a ban a rawn vai zeuh a. "Ehh,"ka ṭhiante ho chuan an ti deuh dual. "Avan sweet reuh tak,Nelson khu chu,"Fiona chuan a rawn ti sap bawk,hemite hian ka bialpa ṭhatzia hi kei aiin an hre daih zawkin ka hria,Nelson ka bialpa a ni hi ka vannei hliah hliah ta ber hian ka hre ṭhin an bulah hi chuan.



"Ehe,"hmeichheho chu section A ami in Dominic a nek thluk chuan an ri nghal mur mur. Game a tawp ta chiah bawk. "An ngawih bo pui leh mai mai lo ang chu,Hmingsanga leh Dominic bawk an nih leh khu,"Ruatpuii chuan thinrim tak chuan a rawn ti a.



"Hetah i lo awm vang tawh a,"Emma chu ka bula a rawn ṭhu chuan a ti a,ka ṭhiante pawh chuan an be chbe bik chuang lo. "Kan haw thei tawh a,chhuah lawk ka ngai sia Nelson rualin lo haw mai rawh. I duh chuan a bulah ka zu kal pui ang che,"a tih chuan ka ṭhiante chu ka mangṭha thuai a,an ni chu veng dang an nih avangin duh viau mahila ka haw rualpui thei lo.



"Tah hian lo nghak mai la,chuan ka rawn haw har lo ang. Chhuanlam i duh duh lo siam mai rawh,"a tih chuan ka buaichhe nghal der. "Eng chhuanlam maw?"tiin a kal tawh chu ka au nghal lang lang. "I duh duh a ni mai,"tiin a kal leh nghal hmawk hmawk,ka phun nghal niah niah. Chhuanlam ka siam thiam loh zia a hre ve reng sia.



"Min lo nghak a,"Nelson leh mipa pathum chu ka lampanin an lo kal a,Nelson chuan min rawn be vat. "Umm,"tiin ka bu nghauh a,ka nuih nghal sen sen. A ṭhiante chuan a bialnu ka nih leh nih loh te chu min zawt liam liam a,ka lai em em ringawt.



"Nichin kha i tihpalh a ni lo tih kan hria lawm, kan inpeih reng e,"ka hnunglama rawn titu vang chuan ka inher zawk. Zonunsangate ṭhianho chu an ding khup mai.



"Tehreng mai,keini pawh kan in hawng reng," Nelson chuan ngeiawm zeta nui sak chung chuan a ti a,ka chil ka lem khalh a. An lian khup khup hlawm si a,ka hlauhthawng tak zet.



"Lalfakawm a ṭul lo ho ang,"tiin Nelson banah chuan ka kuah bet nghal ṭung a,saw mite rapthlakzia kar tluanin ka hre tawh a,ka bialpa nena an intihbuai hi ka duh hauh lo. Kal pui mai ka tum a Zonunsanga thurawn sawi vng chuan ka ding dat.


"Aw,hmeichhe thu thu a awm ṭhin maw i lo nih a." Rum takin ka melh a,ka haw lutuk ringawt. Nuihza hmel puin Nelson chu a en a,chu chuan Nelson chu a tithinrim zual sauh. "Ka rei lo ang,min lo nghak rawh aw,"ka dara rawn chelh chuan tiin a rawn kun hniam a ka lu ka thing nak nak. Ka hlauhthawn tluk zetin Zonunsanga ka haw bawk.


Kal lo tura ka duhna chu a hre lo der hmak a, Zonunsanga ka han leh a min nuih suk, Zonunsangate ṭhianho an kalna lamah chuan an in zui phei a,tih ngaihna hre lo zet chuan ka dinna ngaiah ka ding reng ringawt.



Sunday zan tih loh chu dam ṭhata,buaina dang ka neih loh chuan lo dah ka tum aw😘

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » February 21st, 2021, 1:52 pm

SOMEONE TO YOU



BY:

NUTTY GIRL


CHAPTER-3




THOSE BEUTIFUL EYES


💜He had beutiful eyes that kind you could get lost in💜


Ka lampana mipa ho rawn tlan pheiin min rawn tlan pel fua fua hlawm a,ahnungah hmeichhehoin an rawn zui bawk. "He thil hi chu a thlen ka ring reng a,""Zonunsanga a thinrim lek ngawt ang,"an rawn ti phei nak nak a.



"Remrem engnge khatah i din reng,"Ruatpuii chuan a rawn ti a,ka kutah min kai nghal dawr dawr.An din deuh tua tua naah chuan kan va in zep tawt tawt a, Nelson leh Nunsangate an lo in sual chu niin,tuman ṭhelh pawh an tum lo chu mak ka ti.


"Duh tawk tawh ru,"tiin ka au ṭhawt a,ka aw chu hre lo ang hmak an ni,an in sual chhun zawm mawlh mawlh. Ka hlauthawng bawk si,tuman ṭhelh an tum bawk si lo chu ka mangang tawh tak zet. Nelson a tluk chuan ka rak ṭhat a,rilru fim pawh ka pu hman lo ka va tlanphei a,Nelson chu a rawn tho chiah bawk.



Ka hawi chhoh chuan Zonunsanga chuan a kut a rawn lek chhuak a,ka mit ka chhing a. Mahse ka rin ang engmah a thleng lo. Ka meng leh chiah chu Zonunsanga thinrim taka thaw deuh halh halh ka hmu a,rum mang khengin min melh khui bawk.



"Hmeichhe mawl leh lutuk,mipa buainaah rawn in rawlh suh,"thinrim zet chuan a rawn ti a seh chilh nawk m a. Midang ho pawh chu an phun sap sap mai."Va kal rawh,"Nelson pawh chuan thaw deuh hawk hawk chung chuan a ti vin hluk aim a,ka lu ka thing nak nak.Ani pawh chuan thip ramin min en. Engvanga min vin vak kher nge maw a nih le?



"Nangni ho bawk maw lo intibuai leh tawh a," Sir Joseph aw ka hriat chuan kan hawi chho ṭhap. "Staff room ah min lo zui ru, Zonunsanga leh Lalfakawmate ṭhianho kha,"a rawn ti khui khui. Teacher ten engtinnge an tih ang tih ka ngaihtuah buai viau rualin an insual tawh lo tur chu ka lawm takzet.



Zonunsanga chu phun hlukin a bula bawlhhlawhbawm chu a chhir pawp,rapthlak ti zetin ka en ringawt."Ka lo nghak ang che," tiin Nelson chu ka melh zeuh a,nichin a min vin vak ka ngaihtuah chuan ka lung a awi lo, ka thusawi a zawm loh vang nen.



"Kan ho san mai dawn che sin,"Ruatpuiite chuan an tih chuan ka bu nghauh a."Naktukah kan in hmu leh dawn nia,"tiin ban an rawn vai lauh lauh a,ka ban chu ka phar chhuak zeuh ringawt. Ka rilru chu office chhunga an hruai luh tak te bulah a awm daih thung.



"Tunge maw ni a a in hriat le?"


"Zonunsanga nge chak ang Nelson ka hre chak asin le,"min rawn kal peltute chu an rawn phun phei niah niah a. Hmeichhe rualh hoin a ka chanchin an sawn te chu hre lo ang hmiah in ka awm.



"Nelsona bialnu a ni an ti."



"Aa,,a awih awmloh e,khatianga va chet reng reng. Lo lut thar chauh ani leh nghal a,"tia min sawi te chu ka hre vek. 'An ni ai chuan i ti ṭha zawk tho tho,anni midang insual pawh ṭhelh tum lo ai chuan,'tiin mahni leh mahni chu ka in hrilh a. Reife ka nghak a,ka ke pawh chu a kham ut ut tawh.Nichina thil thleng ka ngaihtuah phei chuan ka hlauthawng hnuhnawh,Zonunsanga kha in sum lo se chuan ka na viau ang. A mit vawt ruih leh rum al ka ngaihtuah phei chuan ka ngaihtuah thui ngam lo,ka lu ka thing nak nak.



Kawngkhar a rawn in hawn chuan ka thaw huai.



"Classroomah min lo nghak mai lo a nih kha, hetah i ding reng a,"a aw pawh nichin ai chuan a dam zawk a,a mitmeng pawh a dam leh ruih tawh. Hepa hi thinrim khum ka tum viau a mahse a hmaia hliam awm ka hmuh chuan ka hlauthawng lutuk,ka chiai nghal vek.



"Ana viau em?"tiin a biang chu ka khawih zeuh a,lu thing nghutin a nui vur vur. "Ṭhiana, nangmah ngaihtuah em em tu che bialnu i neia,nang chu ni ila ka insual zeuh zeuh ang," a ṭhiante chuan min rawn fiam sap sap a,ka laichhe lutuk ringawt.



Zonunsangate kan lampana lo kal chu ka melh khiau a,kan zawn a thlen chuan "Kan la zo vel lo ania,"a rawn ti sup a,Nelson nen chuan an in melh no lo hle. Nalson banah chuan ka chelh nghal vat a. "Nidangah kan chhun zawm leh ang,"Nelson pawh chuan a lo ti ve a,Zonunsanga chu ngeiawm zetin a nui suk.



"Kha hmeichhe mawl zet kha lo in rawlh tawh lo turin i ti dawn nia,"min melh chuan a ner sawk a,an kal nghal daih. 'Mawl' min ti ve ziah leh nghal a,engnge ka mawlna?A hnunglam aṭang chuan ka melh ngawt ngawt ringawt. Nelson chu a thinrim tih hriat zetin a kut chu a hum ran a,ka chelh vat.



"Haw tawh ang,"ka ti sap a,min en chuan a bu nghut a,kan kal vat. "Lawn rawh,"a tih chuan ka lawn vat a,tlan chak lo tur chuan ka hrilh nghal a. Bike chuan ka hlau hran lo mahse an tlan chak lutuk chuan ka thaw ṭha thei lo ṭhin.
Min rawn tlan pel fua tute chu an hmel hmu lo mahila Zonunsanga aṭang chuan tunge an nih ka hrechiang lutuk tlat.


Kan in kawta a din chuan ka zuangthla thurh. "Nel,insual tawh suh aw. Nu Manuni pawn a ngaihtuah leh ngawt ang che. Zonunsanga thusawi kha chu engah mah ngai duh suh,"ka tih chuan a nui duh chauh ringawt,ka thaw nghal hak. "Amak, nui ringawt lo la,vawiinah pawh ka thusawi awih loin i kal lui tho a,i hmaiah hliam i neih phah bawk a. Min tiam rawh i in,"sawi pawh ka sawi zawh hma chuan min chhang a.



"Ka tiam thei lo che,mipa buaina a ni. Kan insual leh dawn chuan min lo haw san daih ṭhin dawn nia,"a tih chuan tur zetin ka melh, mipa nih vanga insual kher tur tih dan a awm lo hrim hrim.



"Va lut tawh rawh,"a tih chuan ngawi rengin ka melh ngawt ngawt. Nichina midang hmaa min vin vang te khan ka thimrim thar leh vek tawh. Ka thinrim chuan ka ṭah a chhuak nghal ut ut ṭhin bawk,tun ang chiah hian. "Lut tawh rawh,"a rawn tih leh chuan "Min be tawh suh ang che,"tiin thinrim takin ka luhsan a,min rawn auh zuina pawh chu ngaihtuah duh loin ka kal hmawk hmawk.


"Remremte i lo va haw har ve,Emma chu a lo haw tawh asin," ni Puitei chuan a lo ti a. Nelson ka nghah thu chu ka hrilh a,a lo awih ve mai bawk. Lalrindiki pawh chu chhuanlam siam turin min ti ve te te a. Roomah chuan lutin ka pheikhawk ka phelh sawk sawk a,ka mu a ka inkhuh nghal hlun. Heihi ka thinrima ka tih ve dan reng a ni.


"Tinge a?" Emma-i bathroom aṭanga lo chhuak chuan a ti a. Rizai chu a rawn hlim sawk sawk. "Tinge i va haw hma ve?"tum bur chuan ka ti nghal a. "In haw nghal turah ka ngai a lawm,ka rawn haw in ka hmu si lo che a ka buai zia a,"a rawn ti a. "Nangni hi in in hau leh tawh ami?"a tih chuan ka bu nghauh a,ka thil tawn vel chu ka hrilh ve.



"Zonunsanga leh Lalfakawma chu an insual chakna a rei tawh bawk a,an nasa dun ang chu,"a tih chuan a banah chuan ka beng pawp.


"Ana,engnge?"



"A nat leh nat loh pawh min zawt loin chutiang thu mai mai i sawi chu nia,"ka ti hap a. "A in hauhpui leh theih che chuan a na lutuk lo ang,bakah mipa an ni a lawm,nang pawh thinrim lutuk suh,"a tih chuan ka melh khui khui.



"A lamah i ṭang dawn maw?"




"Aih,chu pawh a ni lo. Amak Remruatkim,i lam ka ṭang reng,"tiin min rawn nuih tlawn a. "Kha i form a chuar vek dawn,in thlak phawt rawh le,"tiin min kai tho a,peih lo zet chuan ka in thlak a,Awman chaw ei tura min koh chuan kan chhuk thla vat a.


~~~


"Vawiin tlai khan hrilh turin ka hrilh che kha, hetiang hi chuan ka tan a ninawm ve lutuk,ka hne ngawih ngawih ania. I sawi dawn lo a nih chuan tunah pawh hian ka hrilh mai ang," rooma ka luh chuan Emma chuan phone a bia a,ka lut tih a hriat chuan a phu dawrh a,ka lo nuih vur vur.



"Aw,ka..ka dah mai aw,"a ti bah nuai.



"Engnge a? Tunge? Nang hi ka hriat lohin bialpa i lo nei ami?"tiin a bula kal chuan ka kuah nghal chung. "Min thlah teh,min rek hlum dawn. Bialpa nei ilang chuan i hre hmasa ber ang chu,"a tih chuan ka thlah ta vat. Ni e bialpa nei se chuan a sawi em em ang.



"Rem,assignment in nei em?"



"Aih,nei lo."



"Yes,zanin geography assignment min tih pui thei,ka thiam chi a ni lo,"a tih chuan ka bu nghauh a,a tam avang chuan kan ti nghal mawlh mawlh.



~~~


Nimina thil thleng vang kha nge ni school ka thleng chu min en deuh hrek hrek in ka hria. "Hey,Remrem Nelson nen khan in ni tak tak ami?"kan class a hmeichhe pakhat chuan classroom ka thlen chuan min lo zawt a,ka bu nghauh ringawt. "Awi,a ni maw? A fel ve em? Engtinnge in in hriat a?"a tia min zawt nghal chung. Lalfakawma vang hian hmelhriat ka ngah phah hle dawn a nih hi.



Ruatpuiite pawh chuan ka chanchin an sawi vel chu an hre ve a ni ngei ang. "Engah mah ngai duh suh,kar khat hnu velah chuan an zia ve mai ang. Mahse nimin anga Zonunsanga a tel a nih chuan in rawlh ve tawh lo la a ṭha ang,ani saw hmeichhia a khawih hreh pawh ka ring lo a mahse niminah kha chuan a khawih hreh ve a ni tih alang,"a ti a,kawngkhar lam ka en chuan Zonunsanga a lo lut chiah a,a hnunga hmeichhe ho pawh chu an phun sap sap.


Kan lama a rawn kal chu ka en renga,a ṭhutna a thlen dawn chuan kan lam a rawn hawi a, kan mit a in tawng chat mai.A mitmeng thim khap leh vawt ruih chuan min en a,a mitmeng chu mawi tak a ni,tun ang em em a chiang hian ka vawikhat hmuhna a ni.Nimin khan ka hmu miah lo a,Nelson ang bawkin a hmaiah hliam a nei ve tho.A hawi sawn hmaka thatchhe zetin dawhkan chu a bawh nghal run. Teacher rawn lut apiang chuan a hmaikhem chhan an lo zawt ziah leh nghal.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » February 21st, 2021, 1:52 pm

SOMEONE TO YOU


By:


NUTTY GIRL


CHAPTER-4


BUMPING INTO SOMEONE


💜 There are no accidental meeting between souls because it is DESTINY💜


Nelson ka tihtauh khum nithumna chiah a ni,chu pawh vawiin a surprise ka tum vang liau liau chauh.A message pawh ka seen ringawta ka reply duh lo. "Engnge nangni hi in awmdan,ṭhen i tum ami in va in be ṭha lo ve,Lalfakawma lahin min rawn call sek bawk a,"Emma-i chuan insiam mawlh mawlh chuan a ti a.



"A teuh lo,nangmah chauh ka hrilh ang che. A hmasain vawiin a birthday a ni tih i hre reng reng em?"ka tih chuan a brush ken chu dahthlain min lo en zawk a. "Hre mai mai lo," tiin a insiam chhun zawm mawlh mawlh. Ka rin dan vel reng a ni,heihi chuan a birthday tak ngial pawh a theihnghilh thei ania.



"Ka rin dan vel reng a ni,a lungawi lo nasa leh mai ang. Vawiin tlaiah kan surprise dawn nia,haw velah cake lei turin min chhuahpui la. Chuan kan haw leh phawt anga,kan inthlak anga an inah kan tlang phei ang,a T-Shirt duh deuh ang kha ka lei a,mawza ka lei tel tawh bawk,"tiin ka remruatna ka sawi zung zung. Hmania an ina kan kal ṭum khan Nelsonan Nu Mathani bulah a sawisa vek a,a ṭhian dang tlemte te nen chaw kan eikhawm dawn.



"Pawisa i nei ami?"a ti hu a,ka bu nghauh.Ka nuin school leh thildang atana pawisa Papuia hnena a pek loh hi pocket money atan ₹2500 thla tin ka bank accout ah a rawn transfer zel a,tila thla hnih a rawn transfer tawh. Chu chu ka la lakchhuah loh mai bakah pawisa khawlsa tlema zawng ka nei bawk.



"I unaunu hian mascara leina tur tak ngial pawh ka neih lo a,nangin Nelsona tan pawisa i seng ṭeuh dawn bik a?"a tih chuan ka nui hak hak. "Aw,min kalpui dawn chuan ka lei em em ang che,lungngai suh,"ka tih chuan a nui nghal vur vur.



"Ka unaunu,lehkha i thiam thei bawk a,hna i neih hunah chuan in aṭang hian ka chhuak anga min enkawl daih rawh aw,"a tih chuan kan nui dun hak hak. Pa Puia hian a makeup lawm lutuk hi a hau fo a,tunah phei chuan a makeup leina turin pawisa a pe duh tawh lo. Ni Puitei hian a pe ru zeuh zeuh tih loh chu ama pawisaa a lei a ngai tawh ṭhin a. Ani lah pawisa hmang huau huau chi a nih avangin a buai thei hle.



Vawiin chu nidang ang lo takin kan inpeih hma phian. "Pa pocket money,"inhnuaia kan chhukthlak rual chuan Emma-i chuan a ti nghal a. Pawisa mamawh tawh hi chuan a miziaah zawng zawng hian a lang chhuak vek hial thei nia!



"Remrem,vawiin chu kha ka pe ve ang che, min hnial lo la,"ka lam hawia a tih chuan lu ka thing nak nak. "Aih,Papui a ngai lo,ka nuin min rawn thawn ṭhin a lawm,"ka tih chuan a ngaihdan a ni lo leh tawh khawp mai.



"I nu ṭhin hi a,pawisa min rawn thawn a ngai lo ka ti mawlh mawlh a,a rawn transfer leh tho zel si.Ka fanu chawmna tur te chu ka nei ve lutuk a lawm,"a ti a,lak chu ka inthlahrung tlat. La tura min duh tih min hriattir nan chuan a ti che dat dat. Emma chuan Papuia hnung aṭang chuan la turin hmui phunin min lo hrillh a,zai zir meuhin la luturin min ti.Ka la ve ta nge nge mahse nuam ka ti vak lo. Nidangah pawh min pek a tum fo a,ka hniala ka tlanchhe daih zel.



Papuia chuan min thlah a,school kan thlen chuan "Engnge pawisa kha l tura khatia min rawn tih vak vak," Emma bulah chuan ka ti a. "Khawi maw lo la la,"a tih chuan ka la chhuak vat a,"Tihian mascara leinan ka pawisa ka thawh belh anga ka hmang dawn," a lo ti then. "I la lo emaw kha a ni anga,kei amahmawh ngawih ngawih ka awm reng a. Ṭanpui ngai ṭanpui hi thil ṭha tak a ni ve hrim hrim a,"in kuangkuah fel ata a tih chuan kan nui dun hak hak.



"Tunah tak hi chuan 'Samari Miṭha,' ka ni ringawt,"tiin ka nui chiam a,


"Nui ring lutuk suh,min en leh ṭhap tawh saw."



"Ka nuih vang a ni lo,chhelo an ti che a nih saw,"tiin a ke chu ka va pal sak nawk nawk. "Ninhlei reng lo teh,"a ti hlak hlak,a sa leh phat phat tawh lutuk mahse a thinrim rei ngailo tih ka hria. Ka kalna pawh en lemlo chuan ka pal lui leh ngat ngat a,mi ka su dawt mai.



"Hmeichhe mawl leh lutuk,"ti hluk ri ka hriat chuan Zonunsanga a ni tih ka chiang lutuk tlat.Ka hawichhuak a,ka ring sual chhiava lo tih ka hre nghal,nidang ang bawkin min melhrum al al hle.



"Ka tihpalh lutuk,"tiin ka nuih sen sen a, engmah sawi loin zu han kal sawn nal nal a! Ka thlir zui vang vang,engnge maw tal sawi ve awm. Tinge maw ka chet chhiat deuh hian khapa kha a nih ngei ngei kher zel le. "Ka luhsan dawn che,chhunah kan inhmu dawn nia,"tiin Emma-in a rawn tih chuan ka harhchhuak zawk a,ka bu nghauh nghauh a,kan classroom lamah ka kal ve nghal zat.



"Vawiin hi Nelson birthday a ni tiro? Inpa hian thilpek a dawng nasa leh dawn sia e,"a tih chuan mak ka ti letling zawk. "Engtinnge in hriat theih zawk?"ka ti hu a,"He schoola mipa chhelote hi chu an D.O.B.(date of birth) thlengin kan hre vek. Hmeichhiate thiam thil a lawm heting hriatte mai mai chu mahse Zonunsanga saw kan hre thei lo,a diary khawih ruk sak ngam kan awm loh mai bakah a ṭhiante pawh hian an sawi ri ngai lo hrim hrim,"a tih chuan ka ang pham mai. Zonunsanga birthday an hrelo chu mak ka ti hran lo,midang ho birthday zawng zawng an hre thei chu a mak zawk. Midang ho hi an diary an en sak vek tihna em ni?Ka awih thei lo zawk.



Tlai lama ka thil tih tur ka ruahman lawk chu ngaihtuahin nilengin class ah pawh ka rilru ka pe thei lo.


*Min be tawh la.*


*Vawiin hi engnge a nih i hre miah lo ami?*


tih te leh message dang ho ka ngaihtuah let chuan ka nui leh sak sak ṭhin. Ka ruahmanna a hre der si lo a,ahriat hunah chuan a lawm ve tho ang.



ZONUNSANGA POV.



Ka hmaa hmeichhe pahnih rawn infiam phei bawrh bawrh ka hmuh chuan ka ner nawk a,kha hmeichhe mawl zet kha a ni tih hai rual a ni lo. Ka hawisawn hmaka rei pawh ka kallo tihah min rawn su a. Thinrim zetin min rawn su tu chu ka melh khai a,henu bawk chu.



"Hmeichhe mawl leh lutuk."


Ka thusawi hre lo ang maia awmin "Ka tihpalh lutuk,"tiin a rawn nui a,ka hawisawn nghal hmiah. Principal Office lampan chuan ka kal nghal a.He hmun hi chu ka chenna hremhmun ai chuan a nuam zawk fe a ni.



"Hey,dude zanin chu Dom(Dominic) te veng lamah aw,"ka ṭhiante bul ka thlen chuan Bena a ti nghal a,ka bu nghauh. "Kan veng tlangval ho han beng phe ila ni mai lawm,"Dom chuan a rawn ti a,ka ṭhen sak.



"Saw,saw en ta che u,a khal mawi tawk chiah ani," Miss Ruatfeli an tih emawni a rawn luh chuan Noa chuan a ti a. An sawi zui sap sap, Miss chuan thu duk dak loh deuh deuh a sawi avang chuan dawhkan chu ka bawh nghal zat a. Heng teacher thu duk dak lo tak tak sawi ṭhin ho hi awm lo se chuan helai hmun hi chu chawlhhahdamna nuam tak a ni ngei ang.



~~~


"Zaninah kan in hmu dawn nia,"tiin chak zetin ka tlanchhuak nghal a,kan pen kawi chhungin khua a lo thim fel hman der tawh. Hremhmun kawtchhuahah chuan reilote hnuah chuan ka ding van. He hremhmun hi ka awm duhlohna ber ni mahse ka seilenna hmun a ni miau a,ka let hun hi chu a thleng leh nge nge zel.



"Zonunsang,schoolah eng buaina nge i thlen leh tak,i putea hialin min lo biak leh tak,"in chhung ka luhruala ka pa aw fiak ṭhat ka hriat chuan ka ding dat a,ka pa thinrim taka min melhtu chu ka nuih suk.Ka pa thinrim hmel ka hmuh hian nuam ka ti.



"Kum 12 kal taa i thil tihsual ai kha chuan a nep ngei ang le."



"Engmaw i...Zonunsang,ka fapa i nihna ang hian nung rawh.Nangmah hringtunu ngei thil tih sual vang liau liau a ni,"a tih leh chuan thinrim zetin ka inhumruh a,a thusawi hrelo ang mai chuan ka room lam ka pan nghal a.



Inthlak sawk sawkin bathroom lam ka pana,ka inbual a. Chaw ei tur chuan ka chhuak a,chokaa ka luh chuan kan awmpui chuan chawhmeh a lo chhawp nghal mawlh mawlh a.



"A...englo puin phone a la lawk a,ih..amah nghak tur chein min ti a,"a tih chuan ka melh zawk a,min biak a huphurh hle a ni tih a hriat. "Chutiang ti turin ka hman lo,"ka ti hmuk a,thleng chu ka la vat a min dang ngam teuh lo.



"Min lo nghak turin ka ti che a ni lawm ni,"a tih chuan a sawi chu hre lo ang hmaka awmin ka ei chhunzawm mawlh mawlh.



"Ṭha te te a awm tum tawh rawh,he in hi hremhmun tluk zeta siam sak che ka duh lo ania,"a thusawi vang chuan ka nui hawk, mak ti taka min en tu chu ka melh a.



"I sawi fo ṭhin kha ramhuai ka nih thu,ramhuai awmna hmun chu hremhmun chauh a ni. Hremhmun i siam chawp a ngai lo,lo intihah buai duh suh,"tiin ka tho hluai a,he mihring hi ka hmu reng a nih chuan ka insum theih loh chin a thleng ngei ang.


"Engti tura chhuah leh nge i tum tak?" kawngkhar lampana ka chhuak tur chu ka pa chuan min au ding a. "Lungngai suh, Zothanzuala ka nih loh hi,ka nupui leh fapa awmlai ngeiin hmeichhe raipuar ka hruai haw ve lo tawp ang,"nuisawngin ka ti a,ka thusawi vanga a thinrimzia chu hmuh hmaih phal chi a ni lo. Ani tih thinrima tih buai hi ka hna pakhat a ni.In aṭang chuan chhuakin ka ṭhiante min lo nghahna lampanin ka in khalhchhuak leh ta a.



"Pua tithinrim hmasa te te in i lo chhuak chauh a ni maw?"Dominic chuan ka thlen chuan a rawn ti nghal chata ka bu nghauh. "E hei nula kan biak sak tur pawh a lo thleng ve tawh a lawm. Kei chu hmeichhiaah chuan Miss Ruatfeli tluk ka hre lo,a khal nalhzia kha,a kal te reng reng hi a mawng hi a khal khat tlat,"tiin Vena chuan a sawi ṭan nghal a, lu ka thing nak nak. A ṭawng dan aṭang chuan a kai ṭan tawh tih a hriat. An bulah chuan ṭhuin weed chu ka blow ve ham ham,heihi ka khawvel dik tak chu a ni.



"In vengah hian hmeichhe chhelo deuh te i hre lo ami?"



"E..kha sectiona awm Emma kha in veng,ka hria. Khanu kha kei chu ka duh chi ania,a nu zem reuh a,a cool ruih bawk,"Sawmtean a tih chuan an hau nak nak. "Nang bialnu nei kha chuan hmeichhia sawi lo mai teh,Zonunsang chunu chu i duh em?"Benan a tih chuan ka ner nawk,amah pawh chu ka hriat mi a ni lo ania.



"A pawi lo,a cousin pawh kan classah a awm kha,hmania in insualnaa hmeichhe lo in rawlh ve kha,e in khatah an awm leh nghal kan va rim dawn mi?In khatah hmeichhe pahnih,"a tih chuan ka ngaihtuah fe a,kha hmeichhe mawl zet kha an sawi tih ka hre nghal mai. "Mawl deuh ka ngaina lo,hmeichhia an nih leh lek phei chuan. Keihi min sawipui tum tawh su,"ka ti nghal hluk.



"Khami te kha cousin maw an nih?"tiin an sawi zawm nak nak a,an thusawi ngaih ven chhun zawm lo chuan ka thil blow ringawtah chuan rilru ka pe ta a.



"E,khu Emma te chu,hmelṭha koh chu sawi aiin a hnai an ti ami khah? Ni lo Hmelṭha sawi chu koh aiin an hnai an tia lawm,"tiin Sawma chu a ding hluia kan lo nui huk.



"Mi chhe sawi an ti a lawm,mawl leh lutuk. A,Aw,B a 'C leh W' nei pha chin kha i nia kan dem lo che,"tiin Dominic chuan a chhaih a,an in hnial laih laih.



"Khu en ru che u,pakhat khu chu te deuh mahse a khal phian a mahse bialpa a nei."



"Nei mai mai ang hmiang,keipawn bialnu ka nei tho lawm. Mi bialnu chhuhsak te chu a nuam a lawm,"Sawmtea chuan a ti a. "Khu chu keipawn ka thlem thlu hneh lutuk ang,vawiin a mit ka siai Miss Ruatfeli lai kha in hmu em? Napolean khan a ke khing khat a per khan khawvel chanve a nghing an ti a ni lawm ni. Keiin mit ka sia hian Mizorama hmeichhe zatve chu ka zunah an uai nghal thei ang,"tiin Zoan a sawi a,an in sawi theih khum laih laih chu ka ngaithla a,kan thlanglama hmeichhe pahnih kal liam chu ka zu melh zawk.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » February 21st, 2021, 1:53 pm

SOMEONE TO YOU


BY:


NUTTY GIRL


CHAPTER-5



BUNK THE CLASS



💜The eyes shout what the lips fear to say~William Henry 💜



ZONUNSANGA POV.



"Tinge tun thlengin engmah i la hrilh lo a?A be duh lo char char che a,hun remchangah i lak ve ka ring ania. Hetianga awm reng hi chu ka hne ve teh mai nia."



"Ṭhen ka tum a lawm mahse reilote min nghak leh rawh."



"Engtia rei nge ka nghah ngai dawn che? A ruka rala inngaihzawn reng hi ka peih tawh lo ania.A tirah hrilh vat tur che in ka ti reng che a,nang ai mahin ka tan a nuam lo ania. A chang hi chuan kei nge ani kha i duh zawk ka hre hrang thei lo.A chang hi chuan ani zawk kha i thlang fo zawkin ka hria."



"I hriat kha,nangmah ka thlang zawk zel che tih chu."


Ka hmaa hmeichhia leh mipa thusawi chu hriat tum viaulo mahila beng ka neih ve miau avang chuan an in biakna zawng zawng chu ka hre vek. He lai hmun hi kan ṭhianho suahsual rawngbawlna hmun chauh a lo ni lo a nih hi. Ka ṭhutna aṭanga ka thoh chuan a hmeichhia zawk chuan min lo hmu a,a hlauhthawn kher mai.



"Nang..nang hi,engtikah khan,,saw lai ah sawn,"a ti bah nawk a ka nui sak. Kha hmeichhe mawl zet kha a lo mawl tak tak a nih dawn hi,a cousin leh a bialpain duh tawkin an han bum kual ania.



"Zonunsang,lo in rawlh suh ang che,i buaina tur a awm ve lo ania,"ka kal lai chu tawpin ka va hawi phei a. An thil tihsual ka man chung pawn min la vau ngam zawk chu ania. "Tih buai che chu chak viau mahila hmeichhe hmanga infiam kual chu a nep thlak i ti ve deuh lo maw? Nge a nuam phian zawk, hmeichhe pahnih chu pawh inkhata cheng dun leh nghal i chhai kual zak zak ania,"tiin ka ner nawk,Nelson min lo auh zuina pawh chu haiderin canteen lam chu ka pan a. Tihbuai chhunzawm chi a ni pawn ka hre nek lo e.



REMRUATKIMI POV.


"Kar lemah kan sport dawn a,vawiin aṭanin in chawhnu lam period hnih,last leh second last hi 'Games&Sport' period anga lak a ni ang. Chumi zawhah erawh chuan class regu takin kan kal anga,board exam tur in ni tih kha hre reng ang che u,"bell a rik rual chuan Sir Hmaa chuan a ti lawng lawng a,kan ri nghal mur mur.



"Yes,nuam dawn lutuk. Nuam i ti ngawt ang Remrem,11 leh 12 ho zawng zawng kan ni vek dawn a class tlanbo pawh a awl thei lutuk. Attendance zinga an lak hi an duh tawk tawh ṭhin sia,vawikhatna reng reng chu kan la tlanbo dawn nia,tunkar pawh hi lehkha kan zir ṭha lo chiang sa," Ruatpuii chuan a rawn ti nghal bawrh bawrh a,keipawh phur tawh tak ka ni. Sir chhuahhnu chuan an chhuak sang sang.



Ruatpuiite nen chuan canteen lamah kan inzui thla ve a. Nelson leh Emmate chu ka zawng ru deuha mahse ka hmu mai lo. Nelson leh Emmate nen kan pathum hian kan ei rual fo a mahse a tam zawk hi chu Ruatpuiite bulah ka awm thung.


"Vawiin chu school leh a chheh vel chu fang tawh ila,"ka bula Fiona rawn ṭhut thlak rual chuan ka ti nghal vat a,he school hi ka la fang kual miah lo. Class 9 leh 10 pawhin building hran an neia mahse ka la kal lo hrim hrim.


"Awle,tehreng mai...lawks Education homework ka la ti lo,engtinnge niang? Midang hi in kal pui tir mai la,"a tih chuan ka bu nghauh. "Keipawn ka la ti lo," Melody leh Ruatpuii chuan an rawn ti a,ka nuih hak hak ringawt.Education kan hun hman chiah chiah chu an phun nak nak. Classah hian engkim an ti chawp vek.


"Pawilo,Emma ka sawm mai ang,"ka ti a. Thil pawh chu kan ei hmanhmawh vet vet hle. Brake hi a rei lutuk lo ve em bawk a ni. Midang an tam hmaa canteen ka thleng hman chu kan ti fuh lutuk tlat. Emma chu ka zawng ru deuh renga mahse ka hmu mai lo.



Thil kan ei zawh chuan Ruatpuiite chu classroomah an kal vat. Canteen bulah chuan Emma-i lokal hun ka nghak deuh ran. Ka duh aia ka din rei tawh vang chuan Emma-i infan pui tir loh mai ka duh rum rum. Hetia ka zawn kualna lamah hian bell a ri leh hman mai ang. Canteen bul vel chu ka en kual a,step lo awm chuan engnge a pawh ka hre lo mahse ka chhuk thla ve ringawt.


Thawm ri nuai nuai a awm lo a,a nuam phian leh nghal a.Kan school hi rin aiin kan tam phian,Arts pawh 1 leh 2 a awm a,section A leh B in min ṭhen leh mai bakah class khatah kan tam viau bawk. Chu lai hmun vel chu ka enkual a. "Helai hi a awm tih ka hre reng reng hleinem le.Avan nuam reuh tak,"maimitchhingin thawk ka la vang vang.



"Hetah engnge i rawn tih ve a?"rawn titu avang chuan ka phu deuh zawk. Keimah chauhin ka awm emaw ka tih vang vek a ni. A sir kil biru lam ka hawi phei chuan Zonunsangate ṭhianho chuan meizial an lo zu put put mai. A khu te hi teacher hoin an hmuh an hlau lo em mawni le? Nichin khan ka lo en lo reng reng a,thawm an van nei lo em em. Zonunsanga tih loh chuan min lo nuih vur vur hlawm mai.



"Engnge i lo tih ve a?"Dominic an tih emaw ni chuan a rawn ti a,min rawn bia a. "Ahh,school chhehvel hi ka fang kual a,ka rawn chhuk ve tawp,"tiin ka nuih sen sen. "Rin aiin a nuam phian leh nghal a,"ka tih zawm zat.



"E,kan class ami kha i ni maw? I cosin kha hepa hi i lo biak dawn,"pakhat chuan a bul ami koh va va pah chuan a ti a,nui chungin ka bu nghauh ringawt. Zonunsanga chuan min melh kur tih ka hriat avang chuan ka hawisawn vat. Hepa hian rum theih tawp hian min melh reng ringawt a,a pawi ka sawi awm ka hre tawp si lo a. Chutia awm ve reng nuam ka tih loh avang chuan kalsawn mai ka tum.


"Kha..khalaiah engnge in tih?"tih ri ka hriat ruak chuan Nunsangate ho chu an tho vata, railingah chuan lawn ta mai! Mak ti zetin an chet dan chu ka en tlawk tlawk ringawt. An ṭum thla a ni ngei ang a ri chu ka hre thei.



"Helai hmunah bawk meizial an lo zu leh ta,khang ho kha tute nge?"an liam ta maw tih chuan Sir Joseph-a a rawn thleng thla a. An kalna chu ka en zui a,ka va en ve a. A la sang phian leh nghal,an mahni hmuh tur an awm tawh lo hrim hrim nia.



"Khang ho kha tute nge?"sir in min melh khui mai. Sawi ta ila engtinnge an tih ang? tih chu ka lo ngaihtuah leh hmanhmawh. "Ah..Sir ka hre lo,"ka ti sap a,a awih hmel vak loh kher mai.



"Ka hriat ngai an ni lo a,"ka tih leh takah chuan a bu ta nghut. "Zonunsangate ṭhianho an nih leh ka ring a,"tiin an kal liamna chu a en leh vung vung,Zonunsanga hming a sawi khan ka dawt sawi a man chhuak nghal emaw ka ti hman!Ka hlauthawng lutuk chu ka lung a phu nghal zawih zawih thei.Ani hi kan sports teacher a ni a,Mizoah min la bawk,a fel hran lo a sualna ka hre hran lo bawk.



"Bell a ri ṭep,classroomah han kal rawh,"a tih chuan chil ka lem khalh,a tir chuan ka kal pangngai viau,stepah chuan a tlanin ka tlan chho tawh. Khamite ho an hrem ka hlauh lutuk vangin buaina ka insiam a ni ringawt. Classroom ka thlen chuan bell a ri vel chiah chiah,Zonunsangate ṭhutna ka va en phei chuan an bag chiah hi a lo awm.Kan miss lah chuan an awm lo tih a hre der lo leh nghal.An ni thilsual tih ka la thup bopui ṭang ṭang leh nghal a.



~~~



Canteen bula ka kalna ṭhinah bawk chuan ka kal leh a,he hmun hi nuam ka ti em em ringawt. A hmun a felfai tiha sawi tur ni lo mahse nawmna riau a nei.He hmun ka hriat aṭang khan nitin deuh tho keimahin ka kal ziah. Khamini tih loh kha chu Zonunsangate ṭhianho ka hmu tawh ngai lo hrim hrim. Khaw awmdan chu a nuam hle a,ka nu ka ngai veng veng mai.



"Hetah engnge i rawn tih leh a?"ka hnunglam aṭanga aw ka hriat chuan ka in her nghal vat. Zonunsangate ṭhianho chu ka lampan ni lo,hmannia an awmna lampan chuan an rawn kal phei a. 'Thil sual tih an tum leh tawh ani maw?'ka rilru chuan ka lo ti hmanhmawh.



"Hmani vang khan kan lawm lutuk ania."



"Maw?"



"Tute nge kan nih tih i sawi loh vangin mawle, ni lo se Sir Joseph khan Principal bulah min hek tawh ngei ang,last warning a ti tawh lehnghala,"tiin Dominic chu a ṭhen sak.



"Anih te chuan helai hmunah hian thilsual ti lo mai ula,canteen nen a in hnaih ropui,"an tana ṭha tur ka duh vang chuan ka ti leh hmanhmawh. Ka ka hi chu tu bulah mah hian ka veng seng thlawt lo,ka rilrua awm awm hi ka sawi mai ṭhin.



"I buaina turah chauh buai rawh,keini min ngaihtuah lo hian nangmah kha inngaihtuah rawh,mawl deuha che ṭhin lo khan i thluak kha hmang rawh. He lai hmunah hian lo kal tam lo bawk la,"Zonunsangan a tih chuan ka melh ngar,hepa hi huat loh ka tuma tinge maw ṭawngkam ngeiawm zet zet a min biak kher zel le?'Mawl' min tih leh kher avang chuan ka thinrim kher mai.



"Sir Joseph-a a lokal leh tawh ania,"tiin mipa pakhat hi kan lampanin a rawn tlan phei a. An ṭhianho chu an che leh nghal phut tawh. "Kan rualin lokal rawh,"pakhat chuan a ti a,ka kuta min pawt lawp tu chu Zonunsanga a ni.



"Lawn rawh,"nelawm loh tak chuan a ti hmuk.
A thusawi ang chuan ka lawn ve ringawt,a hnuai chu a sang tih ka hriat avang chuan ka hawithla ngam tawh lo hrim hrim.



"Kha kha laia lungrem kha va rap la,va kan rawh,"a ti a,a sawi ang chuan tih mai ka tum a,a inkar a zau lutuk tlat. "Ka rap pha lo,"ka khur ti tih nghal der,a phun nghal hluk.



"I chelhna kha thlah la,ka kutah hian chelh rawh,"a ti a. Dominic chuan hmanhmawh turin min tur sek bawk. Nimin khan awlsam takin an ni chu an kal asin le. "Min ring rawh,"a tih chuan ka thil chelh chu thlahin a kutah chuan ka chelh a,a kut khing khat chauhin a in chelh.



"Va zuang phei rawh,ka thlah lo ang che,"a ti leh hmuk,a aw ah min nin zia a lang chiang kher mai. Ka va zuang phei a ka tla lem lo,a ni chu awlsam takin a rawn kan thung. Midang ho chhukna ah chuan ka chhuk leh a,kalkawng a tawp.



"Zuang thla rawh,"a rawn ti leh hmuk,lei chu ka en a a la sang mah mah. "Zu chhuk hmasa la,a hnunglamah ka lo veng ang," Zonunsanga min vin kha kha chu Dominic chuan dam zawk hian a rawn ti a. Phun hlukin a zuang thla a,ka en vang vang. Thil tihsual ka nei pawh a ni tawp si lo a,engvanga hemite zui ve ringawt hi nge ka nih le?Ka ṭah a chhuak ut ut tawh.



"Zu zuang thla rawh le,Zonunsanga khuan a lo man chat mai ang che,a sang lutuk lo ania," Dominican a tih chuan ka maimitchhinga ka zuangthla tawp,Zonunsanga ka bawh rawk mai. Min kai thoin ka kutah min kaiin min tlanpui a,min bang phenah chuan min biruk pui a.



Hah zetin ka thaw hlawp hlawp a, ka hlauthawng bawk nen ka lung a phu rang lutuk tlat. Zonunsanga ka en chuan min rawn en ve chiaha,nidanga ka hmuh ngai loh chu a mitmengah ka hmu a ni.



Naktuk leh tuk leh zan hi ka awl ka ring aw💜Ka hman hram chuan naktukah a link ngaiah hian ka rawn zawm thung ang☺️ Merry Christmas 💜(Ka lo dah theih loh takin😁)

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » February 21st, 2021, 1:53 pm

SOMEONE TO YOU


BY:


NUTTY GIRL


CHAPTER-6


[HEART BEAT FAST

💜My heart is,and always will be yours~JANE AUSTEN💜
/b]

12-01-51-images.jpg
12-01-51-images.jpg (18.34 KiB) Viewed 3352 times


"In buaipui peih a nih loh chuan naupang chumchiap hi hruai ve rawt tawh suh u,"hawi sawn nghal hmak chuan a ṭhiante bulah chuan a phei ve nghal a. 'Naupang chumchiap' min tih kher avang chuan ka lungawi lo hle.



"Ka duh vanga rawn kal ka ni lo,ka bana min pawt a,ka awmdan tur sawi zel tu chu nangmah i nih kha,ka duh vanga rawn zui che u pawh ka nih loh kha,"a hnunglam aṭanga melh khai khai chuan ka ti a. Rum fe in min rawn melh a,sawi dawt lo mahse a hmelah chuan min nin zia a lang tlang vek.



"Bengchheng lutuk lo mai teh,khalai hmunah khan kalsan che ila chuan tunah Principal Office ah i awm tawh ngei ang,"a ṭhiante bulah chuan a ṭhu thla ve a,bag nen an awm far mai. Tlanbo hi an tum sa reng a ni maw?
Zonunsanga chuan meizial a zu put put a,a ṭhiante panga erawh chu an ṭhu bial laiha Dominic chuan card chu a suffle mawlh mawlh. Ka awm ve tih chu an hre tawh lo reng reng.



"School panna hnai ber khawiah nge?English class ṭan hmaa let ka duh sia,"tumah zawh bik nei lo chuan inthlahrung ru tak chuan ka ti a,an rual hian class tlanbo ka duh ve reng reng lo.



"School i pan duh a nih chuan nichina kan chhukna aṭang khan i chho leh thei ang,bengchheng reuh lutuk,"tiin a phun zui nghal hluk. "I nang hman tawh chuang lo,i tlanbo dawn vanga kha laia awm ve kha i ni emaw ka lo ti zawk a,"a hming ka hriat ve ber Dominic chuan a rawn ti a.



"Kan rawn chhuk khan bell a ri daih tawh." Maw? Khati laiah khan bell ri hre lo lekin ka lo ding reng a maw?Ka awih loh em vang chuan ka bana sana ka bun chu ka en a,class an lo ṭan tawh tak tak. Kei hi tinge sana en na chang ka hriat miah loh theih zawk. Engtinnge niang class ka tlanbo tih hrechhuak ta se engtinnge min tih ang? Ka zama ka tih dan fo ṭhin angin ka kuttin chu kheuh neuh neuhin ka awm hle hle thei lo,ka vei sek.



"Lo khel ve rawh,an hrechhuak chuang lo ang,"an zinga pakhat chuan min rawn melh zawkin a ti a. Ni e tunah chuan awmzia a awm tawh lo mahse ka hlauthawng tho. "Ka bag kha a la awm reng sia,"ka ti bah nawk a,sirin ka bag a hmuh chuan ka tlanbo tih a hrethiam mai ang tih hlauhnain ka khat.



"Hall an pan lai velin i lut dawn nia,tuna i let a, school gate aṭanga i lut a nih chuan an man zawk ang che. Nichina kan kalna hmun lo kh chu kawng dang a awm ngeia mahse gate paltlang a ngai thung,nichina kan kalna lam aṭang kha chuan i let duh tawh pawn ka ring lo. An man chhuak lo ang che,keini pawh min la man chhuah leh miah loh hi," Dominic chuan tiin min hrilhfiah dap bawk. Zonunsanga ang lo takin a ṭhiante hi chu biak an hrehawm loh.



An bulah chuan tih tur hre lo zetin ka awm ve reng a,Bena chuan tel ve turin min ti nasa viau a mahse ka hnial thei hram. Ka thiam ve miau lo a,mipa awm khawm tih takah an ri leh hluai ṭhin. Zonunsanga erawh a ṭhiante bulah pawh chuan a tel ve chuang lo,khua chu a en vauh vauh a,meizial a pak khu hlat hlat reng bawk. A awmdan en chuan khawvel dang daiha awm ang a ni,ka sawithiam lo,buaina liantham tak a tawk aniang ka ti ta ringawt. Mahse a ṭhiante bulah hi chuan a hlim hmel hmuh tur a awm ve thung.




"Ih..English class a zo ṭep tawh sia ka let tawh mai ang,a kalkawng min hrilh ula keimah pawn ka let thei ang,"reife kan ṭhut hnu chuan sana chu ka melh zawk a,ka ding nghal hluai. Mipa ho lah chu an la inkhel tui ngang,ka thusawi pawh chu hre awm an awm lo.



"Kha kha pa kha lo chelh bet ru,a lawmman kan pe ange,Miss Ruatfeli bialpa a ni bawk a,"tiin Zoa chuan Vena an tih luah chuan a theih tawpin bottle chuan a vua a,an nui dar dar. An in koh apiangin an hming ka lo chhinchhiah nghal zel.Zonunsanga ka en chuan huphurh zetin a lamah ka phei a.



"Ih..Zonunsang,nichina kan kalna lo school panna in sawi kha min lo hrilh,"hepa bulah hi chuan ka inthlahrung dek reng ang,a nelawm bawk si loh min melhrum thei bawk si.Ka zawhna chu hria awm ang pawn zu han awm duh ṭhak lo a.



"Zonun..."a hming pawh ka lam zo hman lo tihah chuan a rawn hawi chho a,a mengrum leh tawh hle. "Vena,i buaipui ve a hun tawh,"tiin a ṭhianpa chu a au a,ngeiawm leh lutuk. "Kan bula awmtir hi i rawt chhuah a nih kha,i mawhphurna a ni." Awlsam takin kal kawng te chu min hrilh ve thei reng sia,hepa hi ka mipa hriat tawh zawng zawngah a sual ber.



"Lo han hruai mai rawh,kan laklawh lutuk," awlsam zetin a ti a,a ṭhiante hi chuan a thinrim hi an pawisa fahran bik lo a ni ngei ang,a phun nghal hluk.



"Min lo zui rawh."



"Maw?Aih a ngailo tikhan kalkawng sawi mai rawh,chuan ka lut ve thei mai ang,"ka tih chuan ipte zen run chung chuan min melh chhuk run,diktak chuan ani tihbuai hi ka inthlahrung,amahin zir miau hek lo.



"Ka sawi tawh chu zawm hle hle zel teh,hmeichhe ṭawng thei zet hi ka hne,thil hrilhfiah reng ngai leh lek phei chu. Gate nangmaha i paltlang thei dawn a nih chuan i duh chuan i kal nghal thei ang,chutiang a nih loh chuan i ka kha chip hmak tawh ang che," a ti ram rap,nidang aiin a ṭawng hnem phian leh nghal.



"Aw..awle,ka lo zui ang che,"ka ti bahnawk, hepa bulah hian vawikhat mah ka awm tawh lo ang. A sawi ang chuan ngawi rengin ka zui mawl tawp,ka awm tih hria ang pawn a awm lo. A ipte a zen runa a kal pawk pawk a,a hnungah chuan ka zui dat dat. A bawp a sei zer zuar bawk a min ngaihtuah lek lo a a kal chu kal chak tak a ni,a pen pawk pawk mai. A hnung aṭang chuan a pian vel chu ka en a,a dik thlap,sawi selna lai tur ka hre lo. Mahse a mize ngeiawm leh sual ber bur vang hian a ṭhat tur angin a ṭha zo lo. A kalnaah chuan ka zui ve zel a,school banga ka lawn liam hi ka ring ngai lo hrim hrim!



"Lo zuang thla rawh,"a tih chuan ka zuang thla pawp,a rintlak tih ka hre tawh miau a. Ka rin ang ngeiin ka tlu tur min lo veng bawk. Tunah school hnung lamah kan awm der tawh. "Ka lawm lutuk e,"ka ti a,ka lakah sual viau mahse vawiinah hian ani hian min chhanhim a ni ringawt,ka mawl luatah keiman ka tuar ṭep a.



A bu nghauh a. "Hmeichhe toilet lam aṭang kal ang che chuan lawm viau a nih chuan ka hlat thei ang berah awm ang che,"a rawn ti sup a,ka hawi chho dawrh. Hepa hian tinge min ngainat loh em em a?A bula awm ka chak zek zek bik teuh lo mahseheti khawpa min haw ve ringawt hi a mak ka ti.



"Awle,"hnuailam bih ngur chuan ka ti sap a. Biak pawh ka be ngai tawh tawp lo ang che,ka rilru erawh chuan a ti thung. Ka in hera ka kal tur chu a thusawi vang chuan ka ding data,ka thinarim ve kher mai!



"Hmeichhe mawl tak anga awm kha sim ang che,tumah hian hmeichhe mawl tak hi an ngaina lo ania,"in herin Zonunsanga chu ka melh nghal nghek.Hetiang em em a min hmuhsit hi chu ka pai dam thei hle hle bik lo.




"Engnge i hriat? Ka mawl thu i sawi reng a,a chhan tal sawi ta che,"ka ti ve phiar phiar,fing tak chu ka ni bik lo maithei mahse hmusit taka min ṭawngkhum tur em em a mawl chu ka ni bikin ka hre lo.



"Chhan vak a awm lo,i mawl vang a ni mai," tum deuh hmuk chuan a ti leh nghut. A ṭawngkam tawh phawt hi a ngeiawm vek a mile?



"Min haw ve hrim hrim a ni tiro? I bul hnaiha ka awmin ṭha taka biak chu sawi loh 'mawl' tih bak ka hloh ngai lo. Nangmah hi i mawl fe zawk,i nelawm loh a sual ber bur ropui si," ka thinrim lak lawh ve em vang chuan ka ti ve tan tan.Mahse a mita ka en chuan nuam ka ti leh chiah lo.


"Hmeichhe dang phei chu ni la ka bulah i awm lo ang,"a ti a,nichina nelawm loh tak chu a ni tawh lo.



"Maw?"ka ti ha,a hmel chu sawifiah thiam si loh hian a danglam zawk mahse a in siamṭha thuai. Ka lung chu engvanga phu rang tawlh tawlh nge a nih ka hre lo.



"Min puih avanga rulh letna,keini ho min hlat thei ang ber hian awm ang che,"ti nghutin a kalsawn nghal pawk pawk,ka awm chu ka dawm vang vang.'Lungngai suh,hria ang che pawn ka awm nguar ang,'ka ti sup a. A hmaa a sawi ang chuan hmeichhe bathroom lam aṭangin ka kal a,bell a rik tawh avang chuan naupang ho pawh an lo chhuak sang sang. Khawiah mah peng kawi loin kan classroom lam ka pan ding nghal a.



"Hey,khawnge i awm a?""Kan buai hman zia aw mahse Melody hian a lo present sak che, sir khan a hre miah lo leh nghal a,"ka ṭhiante bul ka thlen chuan an lo ti nak nak. Sirin a classah ka awm lo tih a hre lo chu lawm tak ka ni.



"Thil pawimawh tih ngai ka nei thut a,kan chhuak ru,"tiin dawt ka sawi a,ka ṭhen sak. Ka dawt sawi chu an awih ve hmel khawp mai.Zonunsanga leh a ṭhianteho kha chu sawi chhuah ka tum teuh lo,zawhna an ngah dawn lutuk tlat. Bakah vawiin thil thleng kha chu theihngilh ka duh. "Euu,Nelson nen maw?"tiin min chhaih luai luai a,ka lai em em ringawt. Aw leh aih pawha chhang lo chuan Volley ball beng tur chuan kan chhuak a.



Volley ball kan beng chu mipa hoin min lo en a,Nelson te ho pawh an tel. Ka ṭhianten min chhaih leh zuk zuk ṭhin avang chuan ka che khawr hle. Kan khelh zawh chuan Nelson te bulah chuan ka kal phei nghal vat.Emma damloh avangin a lo kal lo a,Nelson rualin ka haw leh a ngai dawn. An pratice ka nghah a ngai dawn tihna.



"I hah hmel hle mai,i biang pawh a sen tai leh tek tawh,"Nelson chuan tui min lo pein min nuih vur vur a,ka sam thur tawh sa chu a rawn tih thur belh leh a,a ṭhiante rawn "Eh" dual a,an ni ṭhianho hian Zonunsangate bawk min hriatchhuah tir avang chuan lu ka thing nak nak. Khamite bula ka awm avang hian buaina ka tawk ṭep ṭep zel,nilo buaina lian takah ka in hnuk lut zel.



CHRISTMAS CHIBAI VEK U💜

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)