BLEEDING LOVE BY CHRISTINA PACHUAU (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

Re: BLEEDING LOVE BY CHRISTINA PACHUAU (Completed)

Unread post by Ngaia » February 21st, 2021, 2:40 pm

BLEEDING LOVE



Chapter-7



"Mr Grande hian chu chu eng atan nge a tih ang le?" elhsen awka tak chuan ka ti a.



"Ka fanu hming hnung ah hian i hming hi chuang ve ta se eng nge i ngaihdan?" ka rin angin thil a harsa dawn lo khawp mai.



"Chu chu engvanga ngaihtuah nge i nih?"



"Ka fanu hi kum a tling tawh a, pasal chu a nei thei tawh alawm, chuan nang ai tha an awmin ka ring lo"




"Hah....thu min pe tihna em ni? Hmangaihna tello inneihna chu i fanu pawhin a duh hauh ka ring lo" ka tilet nghat




"Sumdawnna a kan thawh dun vang mai hian i fanu ka hming puttir i tum a" ka ti lehnghal zat.



"Ka fanu hi ka hmangaih, a tana tha tur ka duh bawk. Chuan amah humhin thei ngei tur neihtir ka duh bawk. Chutah chuan nang ai tha an awm dawn em ni?"



Ka nui suk ka bulah hian a fanu hi a him a ring reng reng em maw ni le? Mi â tak a ni



"Thuthlukna i siam hma hle mai, min hrechiang reng reng em ni?"



"Sumdawng hausa tak, hotel tam tak neitu hi ka hriatchian loh i ring em ni?". Min hre chiang lo lutuk zawk.




"I fanu humhim theitu ka ni lo maithei asin. Ka that lo ang tih tunge sawi thei" elhsen tawngkan tak chuan ka ti a. Warning a ni tih a hre tawp nang.



"Sumdawng hausa i nihna kar a tualthattu i ni te anih ngawt loh chuan i bulah hian a him ka beisei" a rawn tilet sup a. Ka nui hak



"I fanu ka hming tawp min tawmpui tura i duh chhan hi min chhang teh" ka ti ta kher a.



"Nge ni a min thah intum zawk?" ka ti zui zat



"Sumdawng mi ka ni, tualthattu nilo in. Chuan inbumna hi ka thil huat ber a ni" a nghawng a rek lo turin ka insum nasa hle.



"Keiin duh ila i fanu hian a pawm i ring em ni? Nge ni a sex a mamawh lutuk zawk?"



"Kha tin ka fanu sawi reng reng suh. A ni sawi hmeichhe pawisawi lo leh rilru thianghlim tak a ni"



Hrep tak hian 'thianghlim' bawlhlawh lutuk mai. Khawih tlatah pawh ka ngailo.



Chhang lo chuan ka en kar, thisen chakna a ka khatzia hi hria se chuan hetiang hian a sawi hauh lovang. Tun ah hian ka chhang anih chuan thil ka ti buaithlak vek a ni mai. Amah ngei hian min rawn pan zawk ang, ka nui suk.



"Awle...kan in ah min rawn zui rawh"



"Engvang in?"



"Ka fanu hmu turin" ka hmu chak nek love. Mahse ka nupui ni mai tur ang chuan ka hmuh angai. Ka chhuak a, ani pawn min zui ve nghal.



An in kan thlen chuan hmeichhe pakhat tar lam tawh hian min lo lawm a, a nupui a ni ngei ang.



"Ohh!! Inleng i nei ani maw?"



"Mr Andrew Lovata a nih hi, ka thawhpui tur chuan kan makpa ni mai tur a ni bawk" a sawi zo chiah chu a meng phawk nghal hra.



"Eng a!!?"



"Nakinah kan sawi dawn nia, Mr Lovata lo lut ta che" a ti nghal zat



Rei tawk fang kan titi a, a nupui erawh a tawng leh tawh lo. Matteo pawn min melh reng tih ka hria mahse hmu lo der hmak.



"Eee hei Denna pawh alo haw alawm" Mr George an a tih chuan a hawina lam ka hawi vat.



Hmeichhe tê lam deuh leh mitmeng mawi zet hi hrilhhai hmel takin a ding a. Coat fual ha in jeans a taksa phuar tang a ha a, a tê viau nangin a nalh tawk hle. A sam bawk chuan a nghawng var sar chu a tilang chiang hle bawk. Tualthattu tih hming a ri chiah chu ka inseh ruh nghal vak.



Heti hi chuan pawisawi lo tak a ang. Pawn thleng min thlah a, ka kal pel tur chiah chu ka dar a chen tawk tih ka hre thei. Min mangtha pawh chuan chhang lovin car ah ka lut nghal daih.



"Matteo leh Denna chung chang lo chhui chiang ang che. A bik in Matteo, ka kawng dal theitu an awm ka duh lo" Rex hnen ah chuan ka ti nghat.



"Awle, boss"



"Zan ah kan shipment a lo thleng dawn, Rex lo buaipui ang che, hna dang khawih tur ka nei"
A lu a bu nghauh



"Tihsual awm suh se"





MATTEO GRANDE POV



Denna muhil chu ka en ngawih ngawih, ka nau hi ka hrechiang pasal neih hi a duh dawn lo. Mahse heihi a himna tur a ni si!! Ka kaltlangpui angai a ni. Mahse nga tinge ka pa hian kha pa sual hmel zet kha a thlan le? An room lam ka pan nghal, ka nu nen an lo inhau.



"A himna tur i tih chu eng nge a awmzia? Pasal a neih avangin a him ang maw!! Kan kiang ah hian a him zawk" ka nu chuan a ti thawt.



"Livia, inbengdai teh. Denna hi pasal nei tur tho tho a ni chuan tun hi hun tha a ni" ka nu'n chhan a tum leh hma chuan ka va lut a.



"Nu, a tawk e" ka tih chuan thinrim takin a chhuak nghal.



"Ka pa, awlsam takin Denna leh khapa phiangsen kha i inneihtir thei lo" ka ti thawt.



"Chuvang chuan dawhthei teh, khatiang chuan thul i ti buaithlak zo dawn"



"Ka hria Matt, mahse muang thei kan nilo. Mr Andrew pawn a neih duh thu a la sawi chuang lo. Kha record kawltu kha 'engtikah nge', 'engtin nge' a rawn chet dawn kan hre lo." a sawi dik mahse Denna hi tur hmanhmawh chi a nilo.



"Denna rilru tur hi ngaihtuahsak ve teh, tual i that lai a hmu a, a hnu rei lote ah pasal neih leh angai a nia. I tur hmanhmawh mah mah a ni" ka ti sup.



A thaw hawk "awle" a rawn ti ve sap.



"Denna chu thil hrethiam tak a ni, insiam rem nan hun rei lote chauh chu pe rawh" ka ti hak



"Mahse zawhna ka nei, engvanga khapa kher kha thlang nge i nih? Nelawmna pakhat mah a neilo, Denna chu khatiang bulah a awm thei dawn em ni?"



"Kha a nelawmloh na avang tak khan mi in an hlau a, mi zah kai tak a ni bawk. A chanchin hi ka chhui vek tawh, Denna tan chuan a tha. Denna chuan a thatna a hmuhsak thei em em ang, chuan a ni chu hmeichhe tuarchhel tak ani a, a tuar chhuak thei ngei ang. An inhmeh hle bawk" tiin a nui a, ka nui ve suk.





DENNA GRANDE POV



Ka harh leh chuan ka nu chuan min lo en reng.



"Nu..."



"Bawihi, i tha em?" min ngaihtuah hmel zet chuan a rawn ti a.



"Ummm... Ka tha alawm. Ka pa kha..."



Lu thing nar nar chungin "Aih i duh loh chuan tha takin sawipui la, i duh lo chung chu a tilui lovang che" a ti sap.



Beidawn hmel zet chuan "Ka beisei" ka ti ve. Mahse ka ring lo hle, ka pa in thuthlukna a siam tawh chu Matt tak nghial pawhin a tidanglam thei lovang.



Ka room atang ka chhuak a, ka pa study room lam ka pan nghal, vawiin ni la la hian tifel ang. Kawngkhar chu ka kik khauh khauh a, lut tura min tih hnu chuan muangchangin ka lut a, min lo en kar.



"Pa..." min en reng



"Vawiin a i thil sawi kha, thu dik a ni em?" ka ti sup. A lu a rawn bu nghauh.



"Kei hian pasal neih ka duh lo"



"Mahse i neih angai sia lawm"



"Engvang in?"



"I himna tur in"



"Himna..... I kiang ah hian ka him alawm, ka hlim bawk asin" ka tap leh pur tawh, min rawn kuah nghal.



"Pa.... I sual em mai, min hmangaih ve tawh lo a mi?"



Min kuahna thlahin ka biang ah a rawn dawm
"Nilo... I pa hian ka hmangaih lutuk che alawm"



"Anih nga tinge i hlat taka awm tura min tih?"



"Ka hlat ah i awm dawn hleihnem, pasal i nei dawn lawm"



"Aih ka duh lo pasal neih hi ka duh lo" a kut ka thing thla hnawk.



"Denna hriatthian tum teh, kha record kawltu kha 'engtik ah nge', 'engtin nge' a rawn chet dawn kan hre lo. Chuvangin heihi i himna tur a ni, Andrew hi" ka meng kawk.



A mit atang chuan hrethiam turin min duh hle tih ka hria. Mahse pasal neiin ka him ang maw!! Ka hrethiam thei lo.





Ka pen tui a zo🤣🤣🤣pawi lutuk.....naktuk ah kan chhunzawn nghal ang. Chuan komen kha ooo....

In komen peih phawt chuan ka regu peih ooo😉😉😉

*** KAN WEBSITE A FAKNA LAM THIL MILEM LANG THIN I LO HMEH ZEUH HIAN KAN WRITER TE HLAWH KAN TUMSAK ZEL TIH KAN HRE THEUH DAWN NIA, KAN LAWM E***
Ads i la click ve lo a ni maw? A hnuaia ads milem khu lo click ve rawh le



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » February 21st, 2021, 2:40 pm

BLEEDING LOVE



Chapter-8



"Ka hrethiam thei lo....pa" ka ti hak



"Enteh ka thil tih hi miten lo hria pawh ni se kei chu jail pawh ka tang mai ang, a chhan chu thil ka tisual miau a. Mahse nang pawh police hnena i report loh avangin an man ve tho ang che. Chuvang chuan nangmah venghim theitu che i neih angai a ni. Kan kiang ah i awm chuan i him lo. Denna ka ngen che ni" a mit atanga min ngenna chu ka hmuthiam



"Pa, thil ka tisual ve tho a pawi ka ti hleihnem"



"Nilo i thei lo, chuvang chuan ka thusawi hi awih hrâm rawh bawihi. Jail ah ka tantir thei lo che" a ngawi vang vang a.



"I nu vang tal pawn"



Ka thil tih hi hremna dawng turin ka inpeih reng. Mahse ka pa min ngenna leh ka nu rilru tur hi ka ngaihtuah hian ka rilru a buai a ni.



Sheila kha anu in a hmangaihzia ka hria a, chutiang tho chuan ka nu pawn min hmangaih. Tuman an fate jaila tan an phal hi ka ring lo a ni. Tunah hian ka inthiam reng reng lo mahse ka nu hi!!



Ka pa pawh hi mi rilru zau leh hmangaihna ngah tak a ni a. A tirah chuan a hausa bik lo, ka nu nen an inneih thleng pawh hian a rethei hle. Mahse Matt alo piang a, a chhungkaw tan hian a bei nasa hle. Wine sawrna ah thawkin a tihdan vel a thiam a, loan puk in khawl leh ram zim te a lei ve a, chuta tanga ding chhuak chu a ni. Ka pa hi ka chhuang a, ka tan chuan ka super hero a ni. Min hmangaihzia pawh ka hria cguta karah chuan a mi ngenna hi ka tihsak ve theilo ang maw!!



Ka tap hawk, ka pa thil min ngenna hmasa ber hi!! Duhthlanna harsa tak a ni.



Mihringin hremna a pek thin ni lovin kei chu Pathian in min pe mai rawh se tih ka ngaihtuah a, ka pa mita en in



"Awle ka nei ang" ka ti ta hram. Ka thil tih hi a tha dawn nge dawn lo chu ka hre lo mahse risk ka lak angai a ni......ka pa tan hian



Zing ka tho chu ka nuam sam lo hle a, mahse vawiin ah hian Mr Andrew , ka pasal ni mai tur ka hmuh angai. Ka sam chu thlah in, kawrfual senduk simple zet ka ha a, make up tlem ka hmang bawk.



In hnuai ka chhuk chu an lo thu vek tawh. Ka nu chuan min en char char.



"Morning u" tih pahin ka thu ve nghal.



"Pa vawiin hian Mr Andrew ka hmu duh" ka nu chuan makti zetin min en.



"Awle ka lo hrilh dawn nia" hlim hmel tak chuan a ti a



"Tlai lamah aw" a lu a lo bu nghauh. Zawhna mitmeng nen ka nu in min en mahse ka hrelo der .



"Ka be duh che" ka chaw ei khan a ka nu in a tih chuan pehhel thei ka ni tawh lo tih ka hria, ka zui vat



"Eng nge i awmzia? Pasal neih i duh maw!!"



"Nu....."



"Sawi vat rawh" a ti that. Ka nu min vin vawi khatna



"Ka pa in a sawi kha, nakinah ka neih a la ngai dawn tho tho. Chuvang chuan......" ka sawi zo hman lo kkutah min rawn kai a.



"Bawihi, ngaihtuah chiang rawh, i hmalam hun.....colledge kal tir chauh i nih kha" ka nui lui hram



"Nu Andrew hi misual tak a nih ka ring lo, colledge ka kal lo ang tih ka sawi loh kha. Ka va sawi dawn alawm lungngai suh" hmahdam hmel zet chuan ka ti a mahse ka chhunglam hi a pik ngawih ngawih a ni.



"I tha ang maw? I duh dan anih chuan ka zahsak ang che. Mahse kan duhthlanna ah hian kan inchhir fo ania" a tih chuan en vang vangin ka bu zeuh.



Ka nu hi ka hriatthiampui lutuk, mahse heihi atan a ti ka ni si...... Duhthlanna dik ka siam chu ka ring hran lo, mahse beisei hi ka duh a ni.



"Nu, min nhaihtuah lutuk suh, Andrew hi mi sual a a ni lovang. Nu ka hmangaih lutuk che, nang chuan ka sual leh chhiat ber lai pawh in tlat a. Nu..... I chungah hian ka lawm a ni" mittui tla pur chungin ka sawi.



"Ka fanu hi a puitling tawh takzet, kei pawh hian ka hmangaih lutuk che. Keimah ngeiin ka hrin i ni a, thil tha ber nei la ka duh bawk. Ka thawk ve tek tek chhung chu hlim takin awm la ka duh a ni" ka lu ah a rawn fawp zeuh. Ka lo buk khum nghauh nghauh.



Motor ah chuan ka thu ran a, traffic zan karah chuan ka hawi kual a, phone dawr chu ka hmu a thil ka hrechhuak zawk. Phone dawr ah chuan ka lut nghal vat.



"Hii!! Phone khawih nuam deuh tur, tar lampang tana tha tur hi min lo thlansak ta che" a sir ber a mi chu a rawn la nghal vat.



"Heihi tar lam tan chuan khawih a nuam ber ang"



"A tha ang maw?" ka ti a. Nu Dixie tan chuan a tha ber ka duh a ni. A buk nghauh hnu chuan pawisa pe in ka chhuak nghal.



Nu Dixie in ka thlen chuan kawngkhar ka kik nghal vat. Nui sen sen in kawng min kian vat, kei pawh nui vur vur in ka lut nghal zat.



"Eng nge i rawn tih dawn a?"



"Ka rawn tlawh che. Hei ei tur ka rawn lei teuh a nia aw" tiin ka thil khai chu ka hmuh vat.



"Oiiii angai lo asin"



"Tunah chuan ka nu i ni ve tawh a, ka enkawl thei tawh che" fiam titih deuh paha ka tih chuan



"Ni e" a lo ti vat




"Eeee....lawk ooo......hei i phone thar tur" tiin ka keng lang vat.



"Aih hei chu ka la thei lovang. Chubakah ka hmang thiam ve dawn chuang lo" a ti a.



"Ni lo i lak ngei angai ang, min rawn biak nan i mamawh alawm. A khawih thiam lam kha chu ngaihtuah suh, keima'n ka zirtir ang che. A khawih awl deuh tur ka rawn thlantir a nih kha" ka nui sen sen



Mittui tla chungin min rawn en a "Bawihi hetiang tih angai lo asin. Min ngaihtuahna ringawt pawh hi ka lawm" ka bianga dawm chungin a ti a.



"Heyy...i mittui a tlak apiangin kei hian ka hruksak ziah tawh ang che. Sheila i nghaih chang apiangin min rawn call ziah ang a. I fanu ka ni ve tho a, i phal ang tiraw?" tap nui chung hian ka ti a.



"Umm...ooo....tehreng mai" ka tap nghal hawk.



"Ka fanu" ka kuah nghal chawt.



Chhunah chuan ka thil lei ho kha kan siam a, kan ei dun bawk a, a nuam takzet. Ka hawn dawn chuan kawngkhar thlen min thlah a.



"Ahhh....nu Dix...." ka sawi zo hman lo



"Nu min ti tawp rawh" nui chung chuan a ti a, ka nui ve hawk.



"Umm.. Nu i lunglen chang apiangin min lo call la, chuan natna emaw i damloh in min lo call ziah bawk la. Chuan mamawh i nei anih pawhin min rawn hrilh ziah rawh aw" ka ti a.



"Ummm...ka lo call ziah ang che"



"Keimah ka lo kal theilo anih pawhin ka driver ka lo tir mai ang" ka kalsan a, car chhung ah ka lut vat.



"Mr Andrew company lam pan tawh rawh le" ka tih chuan kan chhuak nghal vat.



A hmun ka thlen chuan a room an sawi lam chu ka pan vat. Mipa pakhat palian deuh hi a room ni ngei tur kawtah a ding.



"Andrew hi a awm em?"



"Aw...awm e"



"Denna Grande alo kal tih min lo hrilhsak ta che" ka tih chuan a lit nghal vat.



"Miss boss chuan meeting pawimawh deuh a nei a, zan dar 7 velah bak a hmuh theih lovang" a rawn ti a, ka pa khan a hrilh emaw ka tia.



"Dar 7 maw" ka ti chuai raih.



"Awle....Hetan hian ka lo nghak mai ang" ka tih chuan a bu zeuh. Dima(ka driver) chu ka call nghal vat.



"Dima...min lo va hawsan mai rawh. Taxi ka la ang a, ka rawn haw ve mai ang. Chuan ka nu te kha min lo hrilhsak la, ka phone kher a nih chuan zawhna a tam lutuk ang" ka tih chuan "awle" a ti ve mai.
Rei tawk fang ka nghah hnu chuan



"Miss a luh theih tawh e" a rawn ti a. Dar zat ka en chu dar 7 chiah chiah. A room ka va lut chu min lo en ran, ka zam deuh. Thutna ah chuan ka thu nghal, min la en char char, engmah sawi a tumlo anih hmel.



"Ka lo kal chhan chu" ka ngawi deuh vang vang



"Inneihna tih vel kha sawipui che ka duhl"



"Ohh!! I duh loh thu in min chhang dawn em ni?" A hmel nelawmna tel miah lo chuan min en ran a, eng nge a ngaihtuah pawh ka hre thei lo .



"Aih nilo inneihna hi ka pawm e"



"Mahse thil phut ka nei"



"Ka lakah hian i duh duh i phut thei angah i inngai em ni?" ka en tawp. Mahse ka sawi ngei angai a ni.



"He inneihna hi i duh chhan ka hre lova, mahse he inneihna hi ka duh vang reng anih loh avangin media ho hriattir ka duh lo" ngeiawm takin a rawn nui suk.





Ads click kha aw🐶🐶🐶😘😘ka edit hman lo....lo chhiar tawp hrih mai teh uu

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » February 21st, 2021, 2:40 pm

BLEEDING LOVE



Chapter-9




"Engvang in?" vawt ruih chuan a ti a. Ka hlau deuh mahse ka tih angai.



"Mi zawng zawng hriattir ka duh lo. Chubakah, ho tê a tih ka duh bawk, kan chhung hnai te nen chauh tih ka duh"



"Chuan" a mit vawt rui chuan min en reng, eng nge a ngaihtuah ang le tih ka lo ngaihtuah.



"Min hua a, min duhlo viau anih pawn khawngaihin ka nu hmaah chuan tilang suh. Min duat hmel tak angin lang la ka duh" a rawn nui hak.



"Ka lak atang hian i beisei tam mah mah lo maw!! I duh ang ka tihsak che anih chuan keipawn phut let ka nei ve a nia" ka mittui a tla leh tep tawh, a sual takzet.



"Umm.... I duh apiang ka ti ang, chuan ka ngenna ang chuan ti hram ang che. Ka nu rilru hah hi ka hmu duh lo a ni" nuih zat loh hmel takin a nui leh tawh, hei hian min tihlau.



"Chuan colledge hi...." ka ti dek dek a.



"I thei lovang, pasal nei tur i nih kha, nupui angin awm mai rawh" chutia a tih chu ka rin sa a ni.



"Ka hria e, mahse ka nu bulah chuan colledge ka kal thei ang ka ti a. Chu vang chuan colledge kal angin min sawi ang che" ka huaisenna zawng zawng sawm khawmin ka ti leh hram.



"Nangmah vangin dawt ka sawi teuh dawn a, a let a tha angem?" tenawm lutuk....hetianga a sual hi ka ring lo hrim hrim. Nelawm loh viau mahse a fel ka ring asin. Ka tap mai dawn, ka kalsawn vat angai. He misualpa hmaah hian ka tap tur a nilo.



"Awle ka kal tawh ang e" tiin ka chhuak nghal.



Taxi ka phar a, ka address ka hrilh nghal, ka mittui ka hru leh zeuh thin bawk. Colledge ka kal tirh atang khan engmah a dik thei lo. Ka phone a rawn ri a, Jeremy a ni. Lak loh ka tum zet a mahse a fiamthu kha ka mamawh a ni.



"Hey... Miss Pumpui tê nu" ka nui suk.



"Sual suh aw"



"Vawiin i rawn kal lova"



"Umm ka la nuam chiah lova, naktuk atang lo kal ka tum dawn nia" ka ti hap.



"Nang te hi i inentir em? I va damlo rei tawh ve, i pumpui kha a tet belh ang e aw" ka nui vak. Hepa bulah hi chuan a hlim loh rei theih ngailo reng a ni.



"A tet belh dawn hleihnem, a len belh zawk dawn lawm" ka tih chuan a nui ve tha tho.



"Umm...a tha, inenkawl tha rawh aw"



"Awle bye o" tiin phone ka dah nghal.



Kan in kan thlen chuan taxi fair pein ka chhuak nghal. In ka lut chu ka nu'n min lo en vat



"I tha maw?"



"ummm ka tha alawm"



Chaw pawh chu peihlo zetin ka ei lui tang tang, ka nu a rilru a hah ang tih ka hlau a ni. Ka ei zawh chuan ka room ah chho in, ka intifai a, ka mu nghal
"Ka chau takzet"




ANDREW LOVATA POV



Denna tah chhuah hmel taka a chhuak chu ka en reng, rilru thianghlim tak pu pawh a ang ve alawm. Ka inseh ruh vak. Hrep hian! In na dawn khawp.



FLASHBACK



Rex chu ka office chhungah lo lutin Mr Grande a lo kal thu a sawi a, a hmanhmawh hmel hle mai, ka nui suk. Min pan hnai zel zawk a nih hi.



Thut na a thut pah chuan
"Thuthlukna i siam tawh ngei ka beisei" a mitah chuan ka melh let kar.



"A tha e" ka ti vawt ruih, a rawn nui sen sen. A taksa chhunga ka silai mu kah luh bak a chak ka nei lo.



"Thuthlukna tha tak a ni. Chuan vawiin tlai lamah hian Denna in hmuh che a duh a" a tih chuan



"A tha lawm" ka tisup. Ani pawh lu bu nghauhin a chhuak zui nghal.



"In tawpna ni a thleng tep e"



END OF FLASHBACK




Zing ka tho chu ka mit a thip hle. Tunlai chu hotel leh a thil vel hian min tibuai hneh em a ni. Mafia lam hi chu Rex hian min pui thei zawk a, ka buai tam lo.



Ka office inkik ri ka hriat chuan lut turin ka ti nghal vat. Rex a rawn lut.



"Mr George alo kal a, ka lo luhtir dawn em?" ka nui hak, vawi hnih a rawn kalna a ni ta.



"Rawn luhtir rawh" a chhuah hnu lawkah chuan a rawn lut zui ve nghal.



"Chibak le" ka lu ka bu ringawt



"I fanu nen hian in rawn inkal chhawk anih ber hi" a nui hak.



"Denna chuan inneihna chu a pawm thu leh ho tê a tih a duh thu a sawi"



"A duh dan chuan engkim ti rawh se"



"Ka tan zahna in thlen loh ngei ka beisei"



"Lungngai suh, Denna hi i tan phurrit leh zahna thlentu a ni ngai lovang. A ti zahawm zawk ang che" ka nui suk, 'Zahawmna' hrep hian.



"Ka beisei"



"Engtik nge a ni tur thlang ve la" chutiang ka ngaihtuah peih lo



"Denna duh dan a ni mai" ka ti ta zawk a.



"Anih chuan ni 28 ah hian ti ila" hah...kar khat hnu ah!!



"In hmanhmawh hle mai, ka thil neih vat in chak tawh zawk nge" ka nui a, a thinrim hmel hle.



"I sum hi kan mamawh hleihnem, kan thawk ve tek tek chhung chu keini chu ka hlim tawk e, ka kal ang e"



Mangtha tawh lem lo chuan ka en reng. Ani hi chu ka kut ngeiin ka that ang, Denna erawh chu muangchang in a chhungril lamah a thi riai riai ang. Anu leh Matteo hi chu ka thah kher ngaiin ka hre lo, accident angin ka kaltir thei.




DENNA GRANDE POV



Vawiin colledge ka va kal chu, zir tur leh chhinchhiah tur hlir hi a ni. Jeremy nen pawn lunch kan ei dun a. Ani chu a hlim thei a, a bula awm hi a nuam takzet.



Ka pasal neih tur chung chang erawh ka hrilh duh lo, mahse chhuanlam tha tak ka neih angai ngei ang. Ani chuan min hrechhuak vat ang.



Dinner kan ei lai chuan ka pa in
"Vawiin ah Mr Andrew ka va hmu a"



Amah en kur chung chuan " Chuan " k lo ti a.



"In inneihna kha ho tê a tih i duh thu ka hria a"



"A dik alawm" ka lo ti vat.



Ka nu chuan "Mahse" a lo ti hmanhmawh, ka mit mei zeuh a, a ngawi ve mai.



"I duh ang chuan i ti thei ang. Thil mamawh i neih chuan sawi la, i pa hian ka tihsak vek ang che. Chuan in inneih ni tur kha ni 28 hi aw" a ti a, ka melh tawp.



"Kar leh maw"



"I ti hma mah mah lo maw" ka nu chuan alo ti ve a.



"Ahh... Denna hian ropui taka tih a duh chuang lova. Inbuatsaih vak pawh a ngai dawn hleihnem, chubakah muangchan angai em ni?"



"I fanu neihchhun a ni a, a tan chuan thil tha ber i tihsak tur ani asin. Ho tê in maw!! A tan hei bak a awm tawh dawn hleihnem. I neih luihtir tawh a, a tha ber tal tihsak ta che" ka nu chu a tap titih.



"Nu..."



"Tih chu ka duh alawm, ropui takin lawi lut se, monu nalh ber ni turin ka duh alawm. Mahse Denna duhdan hi zahsak ve la, heihi kan fanu duhdan a ni"



"Heihi nangmah vang anih hi.....kum sawmpariat a ni ve chauh a, colledge a kal chiah bawk. Pasal neihtir i tum ania, Pa chu i ni meuh maw!!"



Ka nu chu a tap ta zawih zawih, ka khawngaih takzet a ni. Ka tan a tha ber a duh thin. A hausak vang hian a chapo ngai lova, a hlim thei em em a, mi rethei te te pawh a kawm thiam vek thin. Ka nu hi rohlu man to tak ai pawn a hlu zawk a ni.



"I tih chhan lah ka zawh che in a himna tur in i ti ringawt zel a, i mak em mai. Ka fanu ka hlat a dahtu chu nangmah hi i ni. Zan kha lek a riah chhuah pawh in, zan pawh ka muhil thei ngai lova. Ka hmangaihzia i hria" keipawh ka tap hawk. Ka nu hian min hmangaih lutuk tih ka hria, keipawn ka hmangaih.



Pan hnaiin ka va kuah tawp, keipawh ka nu tello chuan ka awm tgeih ka ring lo a ni. Min duatna te, duhsakna leh hmangaihna te hi tu hnen atang mahin ka dawng dawn lo tih ka hria. Ka nu tih lohah chuan ka pa leh Matt hian min hmangaih em em bawk.



"Nu keipawn ka hmangaih che alawm, mahse nangpawh hmeichhia i nia, ka pa in ah i chhungte kalsan in i lawi lut ve tho alawm" nui chung chuan ka ti a.



"Nu.... Keipawn pasal ka nei ve dawn alawm, hlim zawk la. MrAndrew ka va hmuh pawh khan colledge a kal pawh a phal asin. Nu, min ngaihtuah suh kar tih ka lo tlawh ziah dawn che alawm" ka ti leh a



Ka nu hi hlim se, thlamuang takin awm se ka duh a ni. Chutiang bawk in Matt leh ka pa pawh. Hlim na zawng zawng nei se tih hi ka duh a ni.





Ka battery a low tlat mai a....😂😂😣🤪pawi thin. Chuan like leh comment kha o
Ads click nen😘😘❤❤❤

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » February 21st, 2021, 2:40 pm

BLEEDING LOVE



Chapter-10




"Nu nang pawn mittui nena inthlah hi a tha ngai lo i tih thin kha, heihi ka duhthlanna a ni a, ka pa hi hau tawh lo la. I lungngaih a, i mittui a tlak apiangin i mittui ka hru ang tih ka tiam che kha ka la vawng reng asin. Ka la hre reng" ka nuih ver ver. A mittui luang chu ka hruksak a.



"Kha i make up a pherh a nia, keima nu hi tuman a hmelchhia an tih ka phallo a nia aw....."



"Nu....nui rawh le" ngenngawl zet chuan ka ti a.



"Engtin nge hetiang em em hian i tuarchhel theih zawk le? Ka fanu ni awm lo tak i ni, i nui lui thei reng a" tiin a rawn nui ve a.Matt leh ka pa pawh an lo nui ve.



Chhungril lamah hian ka pik ngawih ngawih asin, chu chu ka nu pawh hian a hrethiam a, mahse a sawi lo mai zawk tih ka hria.



"Ka hmangaih te pathum hi engtik ah mah ka hlat ngai lovang" tiin ka kuah hlawm, chaw ei pawh kan ngaihtuah tawh lo.



"Ka princess hi mi puitling tak a ni ka tih tawh kha, a hmaa thil awm chu a paltlang zel thei" Matt chuan a lo ti a, ka pan vat.



"Matt...ka awm loh chuan ka nu leh pate hi lo enkawl tha rawh aw... An bulah ka awm reng thei tawh dawn lova, mahse lo tlawh ziah cheu ka tum ang" tiin ka kuah nghal. Ka unaupa hi ka chhung a, ka hmangaih em em bawk.



"Ka enkawl tha ang lo lungngai suh, ka princess lungngaih hi ka phallo. Min hlat takah awm mah la, min lo call ziah ang che" ka bu nghauh nghauh.



Ka nu te pawh an insawirem tawh aniang, room ah an lut dun, hnunglam atang ka nuih ver ver.



Ka nu leh pa ka hmuh chang hi chuan pasal neih te ka chak ve hial thin. Inngaih taka an awm te hian an hmuhnawm em em thin. Ka ngaihtuah lai chuan Matt chuan kut alo vai lauh lauh.



"Eng nge i ngaihtuah a?"



"I bulah ka mu thei dawn nge dawn lo tih ka ngaihtuah mai mai a" ka nuih sen sen.



"Thei tehreng e"tiin kan chho rual a. Kei chu ka room ah intifai turin ka lut phawt. A room ka va luh chuan a inbual zo tih hriat takin a sam a huh hlap.



A khumah chuan ka zuang chho nawlh, Matt pawh a rawn zuang lut ve, heihi kan tihdan a ni. Matt chu ka hnaih sauh a, ka kuah thlawp.




"Tui deuh in mu rawh aw, ka naute" ka lu ah a rawn fawp zeuh. Ka tah a tichhuak lutuk.



Heng ka mi hmangaih te leh min hmangaih em emtu te hi kalsan in, ka hmelhriat pawh ni lo bulah ka awm dawn a nia. Ka inhnit feih



"Naute ngatinge?" ka chhang thei mai lo.



"Matt.... Ka hmangaih che tih i hria tiraw? I tan nau tha tak ka ni ngai lova, i bulah chuan ka pangchang em em bawk. I bulah hian ka hlim a, ka thla a muang bawk a ni. Chuan ka awm loh hunah tha taka inenkawl turin ka duh che a ni" a tawp lam phei chu a ri chang chang chauh a ni. Matt chuan amah ka en theih turin ka biang ah a dawm a.



"Ka tan hian nau tha ber i ni asin, i lo piang hi ka lawm a. Nau hmeltha leh fel tak ka intithei fo thin zawk. Chuan keipawh hi i bulah chuan ka hlim a, ka chak loh ber lai pawhin ka chakna i ni thin. I nui hmel hian chakna min pe asin. Hetiang a i tah reng chuan ka chak loh phah vek mai ang. Ka chakna i ni tih hre reng ang che" a ti a, min rawn kuah vat.




Zing ka tho chu ka mit hi a na deuh luk mai, ka tap muhil a ni ngei ang. Thawh ka tim chu thil rit deuh in min delh...... Matt.....




A malah ka beng ri thlawrh
"Matt tho teh, i rit ropui si, ka na leh vek dawn" ka ti a, a rawn nui hak.




"I te ropui si, delh nat tham lek i nih hi" a rawn ti, ka thinrim lutuk chu ka melh hrep. A malah ka beng leh pawp.





"Eiii.....ahhh...... I kut thlak a na reuh zek a" a tih chuan ka nui duh silo, ka nuih a chhuak bawk si..




"Ka ti tak tak emaw i ti nge" ka insum thei tawh lo, ka ke ka chet rawk rawk a, khum atang ka tlawh thla deih, ka nui hak.




"Naute zing thawh atang min dim lo em mai"




"Ka kut thlak a na lo i tih kha, kha pawh a na miah lovang" a ni pawh a nui hak.




Ka room ka lut a, ka insiam nghal sawk sawk, Matt vang vek, colledge ka tlai ang tih ka hlau. Dar kar chanve chiah a awm tawh. In hnuai ah chhuk thla in, pawn lam ka pan nghal vat. Ka nuin min rawn au a.




"I va hmanhmawh ve, fimkhur rawh aw"



"Awle" kut ka vai zeuh




Colledge ka thlen chuan ka room lam ka pan nghal vat. Ka thu chiah chu ka hahdam huai mai, ka tlai love.




Colledge hi kal thei dawn lo mah ila, pasal ka neih hma zawng chu ka kal char char dawn. Ka phone a rawn ri zeuh




"Ka hmu che" Jeremy a ni. Ka hawi kual a, kawngkhar bula a ding reng chu ka hmu




"Lunch ei dun iila, ka treat ang che" ka type a, a lu a rawn buk zeuh hnu chuan a kal nghal.




Chhunah chuan thil ka ei dun a, chah teuh rawh ka tih avangin kan dawhkan chu a khat hnur mai.




"Ahhh...thil hrilh tur che ka nei a " a mit a rawn kan zeuh




"Ram dangah lehkha ka zir dawn a" ka tih chuan a thil ei lai chawl meuhin min rawn en.




"Ngati nge?"




"Uhhh..... Ka pa duhdan a nia. Chubakah keipawh kal ka duh ve hrim hrim a, ka tana tha tur a nia"




"Heti lai hi an zirtirna pawh a tha lutuk asin. Ram dang anih avangin a that phah lo asin. Kan ram ngeia zir chhuah hi a hlu zawk" a ti deuh duah.




"Dee ka tana tha tur a nia. Chubakah kan ram tawng ringawt lo, ram dang tawng pawh ka thiam phah dawn a, chuan ka zirtir ve dawn che nia" duhawm deuh a lan tum chuan ka ti a, a ngawih deuh vang vang hnu ah




"Nih ka thlah ang che" a ti a. Dawt ka sawi nasa tawh khawp mai. Mahse pasal ka nei dawn tih ka hrilh theilo.




"Aih thlah ka ngai lovang. Zing karah ka kal dawn a, ka private jet in, colledge kal tlang nghal ka duh dawn a, chawl rei ka duh lo" hriatthiam loh hmel fe chuan min en a.




"Nih zanin ah leng chhuak ila, ka thlah thei dawn silo che a" Jeremy hi ka thian tha ber a ni.




"Aw...." ka lo ti nghal vat




"Karaoke ang aw.....kan pahnih chauh in"




"Ummmm....tehreng"




Zan ah chuan min lo sawm hma khawp mai. Ka nu chuan a phal chiah lo nangin ka kal ta tho.




A hmun kan thlen chuan mi an lo zi nuai nuai mai, mahse chu chu kal pel in room fel thlap ah hian kan lut a. Kan zai a, thil kan ei teuh bawk. Jeremy hian zu a in thin tih ka hre miah lo.




Kan haw dawn ah chuan a rui tawh hle, motor khal chi pawh a nilo. Driver ka chhawr tawp. Hriat thei si loh hian a tawng bui bui. Mahse a thil sawi ka hriat chian deuh chu




"Ka hmeichhe hmangaih in min kalsan dawn" mak ka ti lutuk tunge a hmeichhe hmangaih chu!! Kei hi chu thian angin min en tih ka hria..... Nge ka ni zawk??




An in ah thlah in keipawh ka haw ve nghal. A thil sawi khan ngaihtuahna a tithui duh khawp mai.... Nilo nilo a zu rui thil sawi mai mai a ni.




28th wedding day




Vawiin ah hian pasal ka nei dawn ta. Pui taka tih ka duh loh avangin kan chhung tlemte chiah kan sawm. Andrew in ah kan innei dawn bawk. Media lam kan hrilh lo bawk.




Darthlalang hma ah chuan ka in en a, ka kawr var puk mawi zet chu lungngaihna tizualtu mai a ni. Midang te tan chuan vawiin ang hi an nun a an hlim ni ber a ni maithei mahse ka tan chuan kawl min buntirtu mai a ni. Kawngkhar ri ka hriat chuan ka hawi vat, Matt leh ka nu




"Ka fanu i mawi takzet" ka nu chuan mittui parawl chung chuan a ti a




"Princess dik tak i ni" Matt chuan alo ti ve bawk




"Min tizam a nia" tiin ka nui lui a, min lo nuih vur vur.




Red carpet ah chuan kalin ka pa chuan min kai a. Pen khat te te in ka pasal ni mai tur chu ka hnaih zel, min lo en reng, ka zam a ni. Ka hmel khuh mah ila, ka kut khur atang chuan ka hlau tih an hai hauh lovang. Ni ee.... Hepa neih hi ka hlau a ni.




"Pa leh Fapa leh Thlarau Thianghlim hming in",
"A nuam ah emaw a hrehawm ah pawh" ka chham pawh ka inrin ngailoh chu ka chham ta, tap silo in ka mittui a tla hawk. A zungbun min buntir chuan a ta ka nihzia a tilang chiang hle.




Ka veil chu rawn hawngin ka hmui chu a rawn tawk de de a, mit ka lo chhing sawk. A thlah dawn chuan a la liak zeuh zui ..... Tenawm lutuk..... A la nui.....ka hnek chawrh chak.




Dinner leh cake pawh a tui lutuk mahse ka ei hnem thei thlawt lo. Ka nu te an haw dawn chuan ka tap lo thei lo. Ka hmangaihte ka hlat ni tur, an vaiin ka kuah vawng vawng.






Ads click kha oo😘😘😘

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » February 21st, 2021, 2:41 pm

BLEEDING LOVE



Chapter-11




Ka pa bulah chuan kalin ka nuih sen sen
"Ka nu hi enkawl tha rawh aw" ka ti a. Ka lu a fawh pahin




"Tehreng mai, nangpawh inenkawl tha rawh aw" Andrew a en chuan ani pawh a lo bu zeuh. Andrew chuan ka darah kuahin




"Ka enkawl tha dawn" a ti tawp. Hepa hi hetiang em em a, a nelawmloh hi ka ring lo hrim hrim. A nuih pawh a nui eih lo.




Matt chuan "Ka princess hi enkawl tha ang che, i kutah ka dah a nia" a ti sep, a vawi khat biakna. Ka mittui chu ka hrufai a, tap lova thlah ka duh, chuti lo chu an mangan palh ang.




"Nu, pa, Matt ka tha dawn alawm, min ngaihtuah suh u. Thlamuang deuhin awm rawh u, in vaiin nitin ka lo phone ziah dawn cheu nia" ka nuih lui sen sen. Andrew chu a kawng a va kuah vat in, a mita en in min pui turin ka signal zeuh.




"In kal thei dawn lo in ka hria, kan kal hmasa mai ang e" tih pahin min kalpui deih, ka nu te pawh ka mangtha ta lo. Ka hawi let leh anih chuan ka let leh duh mai ang.




Step ah chuan min kal chhohpui hlawk hlawk a, ka kawr hak a fual tih a hre reng sia.




"He room hi min tawmpui i duhlo anih chuan ka room lehlam chiah hi i hmang thei ang. Mahse zanin chu ka chhuak dawn, ka rawn let har ang" a ti a.




"Mah.....mahse kan inneih zan a ni sia" ka tisup. Ka bula mu tura ka duh vang pawh ni lovin inneih zana chhuah deih chu ka tan pawh a zahthlak.




Nui sup chung chuan "Sex i mamawh viau anih chuan ka pe em em ang che, mahse zanin chu awl hrih mai rawh" min ngaihnep hmel zet chuan a ti a, ka nghing dawt. Sex ka mamawh vanga ka nei angin angai a maw!! Min khawih hi ka hlau tak zet zawk. Mak tih hmel takin ka en, ka mittui chu tap si lovin a tla char char.




"Chutiang chuan i ngai a maw!?"




"Ani dawn lawn ni, i varginity hawngtu ka nih ka ring hauh lo" ngriawm takin a nui zui. Ben pawp ka duh mahse kum naupang tê, colledge kal tir ve chauhin pasal nrih ka pawm a. Atan chuan a mak ve ang, mahse kei chuan heihi remchang ah ka la thung ang.




"Chutianga i rin chuan ka taksa khawih pawh hi i ten hle a ni, a dik em?" ka tih chuan




"Sawi pawh angai em ni?"




"Ka pasal i ni a, ka taksa khawih theihna dan i nei a, ka dang thei lo che. Mahse chutiang a i ten si chuan khawngaih takin min khawih ngai suh ang che" mittui far fap chung chuan ka ti a. Thinrim takin min chhang lovin a chhuak nghal daih.




Khumah chuan a dung zawngin ka mu a, enga tinge ka tah hi a chhuah em em, mi chaklo tak ka ni hi ka hua.




Heihi ka thil tih sual rah a ni a, ka tuar chhuak thei em em ang, min khawih lo ringawt pawh hi ka tan chuan vanneihna a ni. Mutchhuak in min rawn zem chiai chiai a, ka mit ka meng thei tawh lo.





ANDREW LOVATA POV




Room atang ka chhuak a, in hnuai ah chhukin tui vawt chu ka in khawlh.




Vawiin khan a nalh lutuk, a hmui a ka liah zeuh kha a hua tih ka hria mahse a tan chuan vawi khatna pawh a ni hrep lovang. Mahse a hmui kha fawh a nuam tak zet, hmel pawisawi lo tak a pu hi ka huatna tizualtu a ni. Tenawm hian..... f**k!!




Car chuan ka chhuak a, Rex chu ka call nghal
"Club ah min rawn hmu rawh"




"Yess boss" ka off nghal.




Club hi tam tak ka nei a, mahse Rex nen hian inhmuhna bik kan nei thin. Rex hi ka tan a rinawm a, ka thu a hnial ngailo bawk. Hna a tlin em em a, amah hian hian ka buai vak loh phah bawk.




Kan inhmuhna room ka thlen chuan ani chu a lo thu ran tawh, thutna awm ah chuan ka thu nghal.




"Vawiin lam thil eng nge chanchin?"




"A tha vek e, ka check tawh a, a kim bawk. Tunah chuan kan tluang rih"




"Club lam hi"




"Umm...police in chhui vak dan an hre lo, i inthupna hi a tha em a" tiin a nui suk, keipawh ka nui ve tho.




Police ho chuan business mah hausa tak angin min hria, club tam tak ka neih tih an ring pha lovang. Business lam tih lovah chuan ka thlalak ka hmang ngai hek lo.




"Kar leh lamah chuan keimah ngeiin ka buaipui ang, thil fel lo ka duh lohzia i hriat kha" a lu a bu nghauh.




"Chuan Mr George tun atanga thla khat hnu ah chuan vanah a kal tawh ang. Kan inneih thla khat ni ah chiah, kar hnih hnu ah a nupui in" ka nui sup




"George phiangsen-a hi chu ka kut ngeiin ka that ang, chuan police in an rinhlelh loh turin car accident palh ang in"




"Kar hnih hnu ah. Chuan ani hi chu i kutah ka dah a nia, sawi nawn ngai suh se"




"Awle"




In ka thlen chuan ka room ah ka lut tlang nghal, zing dar khat a ni tawh. Khumah hian Denna chu herh zetin a lo mu a, ka pan hnai nghal, thu hniam in a biangah ka zut a.




"Nang chu ka in chhung ah ngei muangchangin i thi riai riai ang" tisup in ka tho a, ka inbual nghal.

Thutthleng ah chuan ka mu tawp.





DENNA GRANDE POV




Ka harh chu ka lu ana bur mai, ka tho chiah chu ka phu zawk, Andrew chuan thutthleng a thu chung in min li en reng.




"Va intifai rawh, sawi dun tur kan nei" a ti sup. Ka mo kawr ka la ha reng. Bathroom ah chuan lut in ka inphelh sawk sawk a, ka intifai vat. Hak tur dang ka keng lut si lo, bathrope nen chuan ka chhuak tawp.




Ka thawmhnaw pawh ka la dah fel lo, tuma min khawih pui ka duh loh vang a ni. Ka suit case chu hmanhmawh lutukin ka hawng , ka hmuh hmuh chu ka la tawp.




"Midang hmuh tawh tho a nia, zah angai hleihnem" a lo ti a....ka haw lutuk.




Chhang ta lem lo chuan dressing room ah chuan ka lut vat. Ka mittui a luang nghal zawih zawih. Tap chung chuan ka inthlak mawlh mawlh, ka inkhawngaih a ni. Ka inthlak zawh hnu chuan ka mittui ka hru a, ka chhuak nghal. A hma a thutna awmah chuan ka thu a.




"Tunah chuan ka nupui i ni a, kan chhung hnai te tih loh chuan an hre lo che. Chuvang chuan ka phalna la hmasa lo chuan i chhuak thei lovang" a ti a, ka en kiau. Phalna lak maw!! Mihring ve tho ka nih hi, mahse ka ngawi reng.




"Chuan maid hi pakhat chauh ka nei a, i duh duh hunah i tir thei lovang, thil i duh anih chuan nangmah in ti mai ang che. Ani chuan hna pakhat chiah a nei, chu chu ka hna thawh hi a ni" a ti leh sup. Ka mit atang tui a chhuak leh tawh, he thil hi ka hua. Khawngaihna pakhat mah a nei lo. Ani chauh lo keipawh hian ka haw ve tho asin.




"Thil dang, he inchhung ah hian min hrilh lovin engthil mah i la lut tur a nilo"




A sawi duh a sawi zo tawh a ni ngei ang, a chhuak nghal deih. Hetiang mihring hi ka vawi khat hriatna, khawngaihna leh lainatna nei lo. Ka phone a rawn ri a, ka ni a ni. Ka aw ka thian kharh kharh.




"Aw, nu"




"Nga tinge min rawn phone i tum miah loh?"




"Nu, tihpalh ka tho ve chiah a"




"Tun ah dar kua a ri dawn tawh a, i tho ve chiah maw!"




"Mi hausa nupui ka nia, thawh hma kher angai em ni?" ka fiam zeuh. Mahse a ni chuan a rawn la thu tak lutuk.




"Bawihi, khatiang khan an awm ngai lo, tunah chuan pasal i nei tawh a, i nun kha i thlak danglam angai a nia. I colledge kal pawh a phal a, nang pawh nupui tha tak ni rawh. A tan pawh kha hmelhriat chawp ve mai, sumdawnna avang a nei ve tho che a nih kha" a rawn ti a.




"Awle" tiin ka lo chhang ve mai.




Ka nu hi min zilhtu ber a ni a, a sawi dan chuan kan pasal te hi kan lu leh kan zahawmna kawltu an ni a. Kan zah thiam pauh leh keimahni kan intizahawm a ni mai a ti thin.




"Engtiak ah nge colledge i kal tan dawn?"




"Ahhh....kar leh vel atang aniang" ka nu dawt ka hrilh hnem tawh hle mai. Thil eng emaw kan sawi leh hnu chuan kan titawp ve thei hram. Ka rilru a thil lo lang nghal chu.




"Thatna hian engkim a hneh thei" tih hi.
Chuan kei hian Pathian hma ah thu ka tiam tawh a, ka hlen ngei bawk ang.




Ni e, he mihring rilru vawt lutuk hi ka pasal a ni, chuan then leh mai mai tumna ka nei lo, ka nu min zilh fo na a ni.




In hnuai ah ka chhuk a, hmeichhe hmeltha zet hian table a lo kil a, Andrew nau a ni ngei ang. Min lo nuih sen sen, keipawn ka nuih let ve.




"Morning" a lo ti vat, a fel hmel khawp mai.




"Morning le" ka tilet ve a, ka hawi kual nghal.




"Ka u chu a chhuak tawh a" a ti a




"Leavy ka nia" tiin a kut a rawn phar a, ka lo vuan vat.




"Denna" a ni chu a u ang lo takin a fel hmel




Leavy chu a tawng duh reuh lutuk, kan innel nghal mai. Ka thawmhnaw te min tihfel pui a. Class 12 zirlai a ni a, kum 16 a ni.





Ka lo mutthilh san daih cheu a🤣🤣🤣mahse min ngaidam mai aniang chu....
Ads click kha ooo......chuan mizo tawng hman dik loh te kha comment lam ah rawn sawi ru aw..Image

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » February 21st, 2021, 2:41 pm

BLEEDING LOVE




Chapter-12




A tawng mai mai laia a thusawi chuan beng a verh zar mai.




"Hetiang a Drew a awm chhan hi chu ka pa vang a nia" ka en nghal vat.




"Eng nge a awmzia?"




"Ka pa rokhawmtu tur a nia, chuvang chuan ka pa hian hlauh neihtir a duh lova, mi rorum tak leh mite hlauh rawn" rilru nat hmel takin a nui a.




"A mak tiraw, mi in an hlauh theih nan a zirtir a nia. Drew hi chu mi fel tak a ni, ka pa khan a vaw vak vak zel. Keipawh ka bang chuang lo, ka pa khan hmeichhia ka nih avangin min tiduhdah thei lutuk a. Drew hian ka tan a tuar char char thin. A taksa ah pawh hian min chhanna avang in ser a tam ngawt ang" a tah nuih tawh, ka va kuah vat.




"Ka nu pawh khan a tuar nasa lutuk. Drew nen khan min duat a, min hmangaih em em bawk. Ka pa khan ka nu vawi khat chu a sawisa vak a, khata tang kha ka nu chu a dam thei tawh lo. A thluak a thisen zam hmun tam tak ah a chat a, a na chu tuar lovin a thi a ni. Ka nu kha ka pa vanga thi a ni" a insum thei tawh ngang lo aniang a tap ta vak. Chutiang em em a mihring rapthlak chu engtin nge an pian theih zawk!? Ka kuahna atang tal chhuak in, a thu tha a.




"A hnu lawk ah ka pa chu silaia an kah avangin a thi ve nghal"




"Hey....engmah sawi tawh suh. Hun kal tawh anih kha, i pa chu thi daih tlak anih chu" tiin a bianga mittui chu ka hru a.




"Denna ka u hian harsatna tam tak a paltlang a, chuvang chuan hetiang a nelawm loh taka a awm pawh hi ka dem lem lo. Tun ah chuan a nupui i ni tawh a, khawngaih takin a ni hi thlah ngai suh aw. A kut ah vuan tlat la, hmangaih reng la, a mal ngai loh thu hi hrilh ziah rawh aw" a ti a, ka khawngaih lutuk. Kan inkar ah hian hmangaihna a awm lo, chutiang a ka tih theih pawh chu ka rin lohna a tam zawk. Mahse hnem angai tih ka hria.




"Awle...ka hlen ang" ka ti ve hram.




"Min tiam rawh, Denna zaktheih lo min ti anih pawn pawi ka ti lo mahse Andrew hi hlim se ka duh lutuk a ni" ka en kar, ka tih theih a ring tlat hi ka hrethiam lo. Ka thrih loh ka hlau a ni, harsa ti tak chungin ka vuan a. A lawm lutuk chu min kuah chung.




"Drew bulah hian i awm tam telh telh ang a, a thuruk tam tak hriat i nei bawk ang. Tun a i hriat ang aia nasa hi" ka hrethiam lo hle mai mahse ka zawt zui duh ta lo.




"Ti rawh, rawng bawl ila" ka ti ta zawk a, phur takin min zui ve mai bawk.




Andrew duhzawng ka zawh chuan mushroom soup chiah a hriat thu a sawi. An awmdun sia engtin nge a hriat loh zawk le?




"Andrew hian in ah chaw a ei ngai vak lo. Pawn lama a ei hi a tam zawk" a ti a, a mak hran love.




Thil dang eng emaw pawh ka siam teuh a, a tui a ti êm ang chu maw!




Dar riat ah pawh a la rawn haw lo, Leavy chu a ril a tam tawh em avangin a ei tawh, kei chuan ka nghak thung.




Dar kua leh a chanve vel ah chuan car ri ka hria a, ka va chhuak vat.




"I va rawn haw....." ka sawi zo hman lo min kal pel hmak. Hnunglam atang chuan ka en tawp. In chhung ah ka lut ve a, stepa a chho tur chu




"Chaw i ei tawh em?" ka ti a.




"Ka ei tawh" a rawn ti hmuk, ka nghak ve char char asin. Keipawh chaw ei tawh lovin juice ka in a, room ah ka chho ve nghal.




A inbual a ni ngei ang tui herh haw ri ka hria. Khum ah chuan ka thu a. A lo chhuah chuan ka lo en nghal vat. Oiiii.....nilo....towel nen chiah a awm. Ka mit ka hup nghal




"Lemchan kher angai em ni?" tiin a nui hak




"Aih" tiin wardrobe chu hawng a, ka mut kawr la in, dressing room ah ka lut nghal. Ka chhuah chuan thutthleng ah thu in min lo en kar.




"Ka khum min tawmpui chu i dub a maw?" ngeiawm zet chuan a ti a.




"Mi tenawm tak angin min ngai tho a, min khawih duh dawn chuang hleihnem" ka ti a. Room hran a mut chu ka tum lo mahse min khawih thei tihna a ni chuang lo.




"Awle a tha alawm" tiin khum ah chuan a mu nghal. Keipawh a veilam hmawr tê ah, amah si lo tur chuan ka mu ve nghal. Mutna ka sawn thut avang chuan mutthilh chu a harsa ve deuh.




Zing ah chuan hma deuh ah ka tho a, rawngbawl hman ka duh vang a ni. Rawng ka bawl lai chuan Andrew pawh a rawn tho ve a, min en reng.




"Morning" ka lo ti a, min chhang lovin tui a la a, a chhuak nghal daih. A inchei dan atang chuan a work out dawn anih hmel. An in hi a lian lutuk a, chhawng thum nhawt a ni. Tualzawl nuam tak a nei a, chuan smimming pool liam tak a nei bawk. Ka hmuh dan chuan room pawh a tam ngang mai, a in chhung a buangrua te hi a man a to tih hriat takin a a nalh in, a changkang hle bawk. Chuan uite Bruno a nei bawk, a lian em em lehnghal. Ui hi ka hlauh deuh avangin ka hnaih ngam lo.




"Kum eng zat nge i thawh tawh?" tiin kan maid Celia chu ka zawt a. Andrew coffee tur ka siam mawlh mawlh bawk.




"Kum thum chhung ka thawk ve tawh"




"Anih chuan an chhungkaw chanchin pawh i hrechiang viau tawh ang tiraw?" ka tih leh chuan




"Aih engmah ka hre lo" a ti a, a van mak




"Tuman an chhungkaw chungchang an sawi ngai lo"




"Eee anih chu, heihi min lo chawhsak rawh aw" tiin ka chhuak nghal. Tual zawl ka thlen chuan Bruno nen an lo infiam a.




"I coffee tur" ka tih chuan a la ve mai. Bruno chu ka hlauh deuh avangin ka tawlh hnung hrut hrut.




"Bruno hi chaw pe teh" ka en nghal vat.




"Eng.....eng maw!?" ka ti bah nuai




"Chaw pe rawh" tiin a lut nghal daih, ka va han ngei tak. Mahse ka ti thei dawn em ni? Min seh ta se......




Hreh tak chung chuan a chaw tur chu ka la a, khur hlawk hlawk chung chuan ka pan a, a lo bauh vak lehnghal.




"Ihhh....chaw ka pe dawn che lawm. Min bauh tawh lo la" ka ti ta ringawt. A hrethiam a niang a bauh tawh lo.




Muangchang in a chaw thleng chu ka va ban a, a chaw tur chu ka dah chhuak a, ka dah hnai nghal. Tui ti takin a lo ei ve mai. 'Uite chu an fing a, duattu an hria' an lo tih hi a dik anih hi. Ui hi chu ka ngaina lo lem lo, kan vulh ve ngai loh avang hian ka hlau deuh mai a ni.




A lu a khawih ka tum chuan min lo en kar, muangchangin ka hnaih riai riai, a lu a ka khawih chiah chu nuam a ti ve aniang, a mit a chhing deuh diar diar a, min rawn hnaih hrat hrat. Ka mal chung ah a rawn bawk er er.




"Umm.... I fel hle mai, thian kan ni tawh tiraw?" ka ti a, ka chul heuh heuh. Thil ka ngaihtuah thut, Bruno biang ah chuan dawm in




"Bruno thian thar i duh em? Ka leisak ang che aw"ka ti a, ngaihtuahna tha tak a ni.




In chhungah chuan ka lut a, ka kut te ka silfai hnu ah chuan breakfast kan ei a. Ka rin ai deihin Andrew hian a ei hnem.




"U i van ei hnem" Leavy chuan a ti ta reng bawk.




"Denna siam vek anih kha" a tih leh chuan min rawn en a, a hawisawn lehnghal daih. A tho zui nghal, engmah sawi lovin a chho nghal daih.




"Denna hrethiam rawh aw, mahse khatiang em ema a ei hnem kha ka hre ngailo" a ti a, ka nuih sen sen.




"Celia lo tifai mai rawh" tiin ka chho ve nghal. A inbual zo alo chhuak ve chiah.




"I kawr tur ka lo thlansak ang che" tiin thawmhnaw bawm lam ka pan




"A hminga ka nupui chauh i nih kha, khatiang tih a tul lo" a rawn tih chuan ka ding chawt, amah ka en vat. Wardrobe lam rawn pan in a kawr tur chu a la a, dressing room ah a lut nghal. A rukin ka mittui chu ka hru zeuh, ka intihpaukhauh angai.
Room atang a chhuak tur chu




"Bruno thian tur uite dang ka lei thei angem?" ka ti a




"Aih he in hi i chhuahsan thei lovang" tiin a chhuak zui nghal. Beidawng zetin khumah chuan ka thu a, ka mittui ka hru leh zeuh thin. Saltang!! Matt ka hrechhuak zawk, ka call nghal.




"Hii....princess" a lo ti nghal vat, ka nui sen sen




"Chibai le.... Matt thil min tihsak teh" ka ti nghal tlawng




"Eng thil nge? I duh apiang a ni mai"




"Ahhh uite note ka duh a"




"Maw!! Uite note a!! Mahse i vulh ngai si lova"mak tih hmel takin a rawn ti.




"Bruno thian atan ka duh a"




"Eng rawng? A nu nge a pa?"




"A nu ka duh chuan a var, duhawm deuh aw" phhur tak chuab ka ti a.




"Awle, ka princess in a duh apiang ka pe ang" a tih chuan




"Ka lawm e Matt" tiin ka dah nghal.




Ads kha umm🎇🎇🎇IMG_20210113_103826.JPG

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)