BLEEDING LOVE BY CHRISTINA PACHUAU (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

BLEEDING LOVE BY CHRISTINA PACHUAU (Completed)

Unread post by Ngaia » February 21st, 2021, 2:39 pm

#PROLOGUE

"Denna hei vang hi ani ka u hi kalsan lo tura ka tih chhan che" a rawn tih chuan ka bo hle.Ani hian min mamawh lo,sum leh hausakna,hmeichhia engkim a nei.Eng nge neih loh a neih?

"I u hian min mamawh lo" ka ti a

"Nilo Denna,a mamawh lutuk zawk che asin.Andrew hi ka hmangaih lutuk mahse unaunu hmangaihna chiah chu a tawk zo lo" a thil sawi lai chu ka en kar.

"Andrew chanchin hi tlem tê chiah ila hria,nakinah chuan amah ngeiin engkim ala hrilh vek ang che.Denna I hre lo a nih kha Drew hi i lakah a danglam asin.Nang chu i zaidam a,I ngilnei em em bawk.Heihi ani Drew hian a mamawh chu.Amah hrethiamtu,ngilneihna leh hmangaihna nen a enkawl theitu hi ani" a ti a.Ka laka a danglamna pawh k hre lem lo.Mahse Leavy hmelah chuan hrethiam turin min duh tih ka hria.

mwf3h7p7.jpg
BLEEDING LOVE

Chapter-1


Denna Grande POV

Darthlalang hmaah chuan ka in en ran a, ka hmaiah chuan make up nasa lo tê in ka hnawih ve a. Kamis var sar ha in boyfrieng jeans ka ha bawk. Sneaker var bun in ka sam chu sang takah ka tawn a. Ka room atang ka chhuak chu, ka nu in min lo nuih ver ver, ka kuah nghal chawt.

"I chhelo hle mai ka fanu"

"Nu ka hmangaih che" ka ti a

"Kei pawhin" tiin ka lu-ah a rawn fawp zeuh, in hnuai ah kan chhuk nghal

Ka hming che Denna Grande ka ni a, business man hausa tak fanu ka ni. Ka pa chu George Grande a ni a, ka nu chu Olivia Grande a ni. Chuan unaupa hmeltha tak Matteo Grande ka nei bawk.

Ka chhungkua hi ka hlimpui a, kan inpawh tlang em em bawk. Ka nu leh pa fanu neih chhun ka ni a, min duat em em bawk. Ka unaupa pawhin a unaunu hi min duat a, engkimah min dah hmasa ber thin.

Vawiin hi colledge ka kalna hmasa ber a ni a, ka hlim hle bawk. Chuan kei hi kum 19 mi chauh ka ni.

In hnuai ka chhuk chu ka pa leh ka u chuan min lo en reng, ka nuih nghal seih.

"I hlim hmel hle mai" ka pa chuan alo ti a. Ka kuah nghal.

"Hlim lutuk" tiin ka nui sang

"Ka princess chuan min kuah ve dawn lo mi?" ka u chuan a lo ti a, ka va kuah nghal

"Min thlah ang tiraw" a lo nui suk

"Dawm tehreng mai, ka naute ni hmasa ber ah ka thlah angai alawm"

Matt hi ka pa rokhawmtu tur a ni a, Suit nen hian a induang zaih reng a, Company CEO ni turin a inzir mek bawk. A buai ve thei hle.

"Ka lawm e"

"Kan kal dawn mi?" ka pa chuan a lo ti a

"Ummm, nu bye aw..." ka ti a, ka kut ka vai lauh lauh bawk. Ani pawn nui sâng chungin a kut a lo vai. Keini pawh carah lut in kan tlan chhuak nghal.

Kei hi kan hausa viau e ti lo chuan, ka nung sang vak lem lo. Shopping te hi ka peih ve lova, ka chauh vat zel vang a ni. Bialpa lam hi ka ngaihsak vak lem lova, ka hmelchhiat leh luck loh vang pawh ni lovin mipa hi ka ngaihsak loh vang ani pakhat. Mahse rawng bawl chu ka thiam lutuk. Mi pun hlutna ah hian ka awm thei lova, ka hrisel vak loh vang a ni. Company thil tih te anih ringawt loh chuan party na ah pawh ka kal zem zen lo. Thian kawm lih pawn chhuah aiin in a awm a, lehkha chhiar leh music ngaihthlak hi nuam ka ti zawk.

"Kan thleng e" tih ri ka hriat chuan ka harh zawk. Matt ka melh ringawt, ka zam hle bawk.

"Kal ang le" a tih chuan "Umm" k lo ti vat.

Car atang kan chhuak a, ka pa chu car chhungah a awm a, ka kut ka vai nghal zat.

Matt chuan gate chhungah chuan min luhpui a, 1št semester tur ka nih avangin engmah pawh ka hre lo. Matt chu inrintawk hmel takin a kal thauh thauh a, notice board a thil tar chu en in

"Heti lam ah hian" tiin ding lamah chuan min hruai nghal zat, a kutah kaiin ka zui ve dat dat.

"Hetah hian aw" tiin room nalh leh lian zet chu a kawk a.

"Matt ka che sual ang tih ka hlau, ka zam lutuk" ka ti a, min la nuih vur vur zui.

"Hey...min nuih ringawt suh ka zam tehreng nen"

"Ka princess hi vawin chu a che chhe hauh lovang, ka naute hi ka hre chiang. Zam viau thin mahse, a kawng a awm zawng zawng a paltlang thei tih hi" a ti sap

Kei pawh thaw hawk in, Matt chu kut ka vai khum zeuh a, ka class room tur ah chuan ka lut nghal.

Ka lut chu tumah ka hriat ngai pawh ka hmu lo, tlar hmasa ber ah chuan ka thu ve nghal.

Rin ai daih in vawiin chu a nuam , introduction ka nei ve a, colledge rules te an sawi a, kan bang chu a ni mai.

Pawn ka chhuak chu mipa pakhat hian min rawn nek thlu tawp

"Oh!! Ka tihpalh lutuk" a rawn ti a

"A pawilo" ka lo ti vat. A kut ka vawn tura a rawn phar chuan ka lo vuan ve mai.

"I first day ani maw"

"Aw"

"Jeremy ka nia"

"Denna" ka ti a

A palian em em a, a hmeltha reuh phian lehnghal

"Nakinah ngaihdam dil nan ka la treat ang che" a rawn ti a.

"Aih, angai kher hleihnem" ka ti a

"Angai alawm, nakinah kan inhmu dawn nia" tiin a kal nghal a. Mak ti zetin ka en

Keipawh car ah chuan lut in ka haw ve nghal.



ANDREW LOVATA POV

"Ka hmaa hmeichhe mo kawr en mek chu ka en reng, ka nupui ni mai tur ani.

Andrew Lovata ka ni a. Hotel tam tak ka nei a, ka hausa hle bawk. Ka nu leh pate'n min thihsan tawh a, nau hmeichhia Leavy ka nei bawk.

Mahse kei hi business man ringawt ni lovin mafia pawl lian tak neitu ka ni a. Drugs, bar, silai tawlh ruk leh tualthah hi ka hna peng pakhat a ni. Ka inthup na hi a tha em a, tuman min hre lo.

Sheila hi ka nupui tur a ni a, chhungkaw hausa a ni lem lo a, mi fel tak pawh ani. Kei hian ka hmangaih chuan ka hria, mahse ka sawi ngai lo. Achhan chu kei hi mafia pawl hotu ka ni a, hmangaihna leh chhungkua hian min tibuai tur a nilo. Ni e, ka hmangaih tih chu ka rin dan a ni, mahse ka tilang ngai lo. Care tehchiam pawh ka tum lem lo, sex pawh vawi tam kan hmang tawh. Mafia pawl dang ho in an hriat ka duh loh avangin, a ruk thei ang berin kan innei dawn a ni.

A kawr duh a thlang fel tawh ani ngei ang pack turin a ti a, keipawh ka thutna atang tho in, pawisa ka pe vat. Ka tjlah fel hnu chuan keipawh ka haw ve nghal.

In ka thleng chu ka ui Bruno chuan min lo zuan nghal thauh thauh a. Min lo welcome ve dan tih ka hriat tawh avangin kei pawhin ka lo fiam ve nghal.
Ka in hi lian ve tak a ni a, ka nau nen kan awm.

Ka nu kha ka hmangaih em em a, ka khawvel entu ber a ni. Mahse ka pa in min thahsak hnu kha chuan mi nelawm loh leh thu duh tak ka ni a. Ka thinrim em em bawk, ka thil hmuh apiang khan min tithinrim thin. Leavy pawn thla khat vel zet kha chu min hlau in min be ngai lo.

Ka pa tihduhdahna kha ka nu khan tuar hram hram tur a min tih avangin ka tuar faan fan thin. Mahse ka nu a thah hnu khan thinsen chakna in ka khat a, ka pa min hringtu ngei pawh ka that a ni.

Heihi ka mizia a ni, ka thu pawm lo leh ka kawng daltu chu ka dah tha hmak thin.


(note: vawiin chu a khuh hawnna aw)
Naktuk atang chuan ka buai riap* dawn nia oo😂😂😂
Chuan mizo hman dik loh leh tih sual a awm chuan comment lamah sawi tur aw.
A story kal dan tur comment lamah inrin siak ang u oo



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » February 21st, 2021, 2:39 pm

BLEEDING LOVE


Chapter-2




DENNA GRANDE POV:



Zing ka tho chu ka harh tha hle, bathroom ah lut in ka intifai nghal a. Ka insiam zawh hnu chuan in hnuai ah ka chhuk ve nghal. Dinning room ka thlen chuan Matt chiah a lo awm lo.


"Nu, pa morning"

"Morning le" an rawn tirual that. Keipawh ka nui suk


A hnu deuh lawk ah chuan Matt pawh a rawn chhuk ve a, ka lu ah a rawn fawp zeuh.


Matt hian hmeichhia hi a buaipui vak ka hre ngai lo, mahse hmeichhia chuan an star thei hle tih ka hria. Ka unaupa hi chu ka chhuang ve chiang êm.


Matt chuan colledge gate thleng min thlah a, gate chhung ka lut chiah Jeremy chuan min lo nuih ver ver. Ka nuih ve seih a mahse be lovin ka class tur lam ka pan nghal.


"Denna ding teh" ka ding chawt


"Vawiin chu lunch ei dun ila" chhang dan tur ka hriat mai loh avang chuan ka ngawi deuh vang vang. A tawp ah chuan ka lu ka bu ve ta a.


"Ka treat ang che" ti sup in zui turin min signal zeuh a. Keipawh in ka zui ve mai. Kan class a hrang avangin ka kal hrang a.


Chhunah chuan a sawi ang tak tak in min treat ta ngei bawk. Ka inthlahrung deuh vangin ka chah tam ngam lo.


"I va chah tlem ve, I puar dawn em ni?" a ti ta reng bawk. A mitah ka en kar


"Hey, nang hi i inthlahrung deuh em ni a? Pawisa chu ka ngah a nia. Kan chah belh sak ang che" a tih chuan


"Aih.....aih angai lo, ka puar dawn lutuk, ka pumpui hi a te alawm" ka ti a. A rawn nui vak, makti takin ka en


"Oh!! Tihpalh. I tet vang hian i pumpui a te kher dawn em ni" a tih chuan ka thinrim ve deuh.


"Anih tak chu" tih pahin thawh ka tum a, mahse ka ban ah a lo man hman


"Ka ti tak tak hleihnem, thu la" hmel dam deuha a rawn tih chuan ka thu leh mai. Hepa hi ka rin ang em em hian a sual dawn em ni le?


Class ka bang chuan kan kawngkhar bula min lo nghak reng chu ka hmu a


"Ka lo thlah ang che" lu ka lo thing vat, zawhna mitmeng chuan min melh reng.


"Gate pawn ah sawn car-in min nghak a"


"Keipawn ka nghak ve tho che" a tih chuan ka lo kiai suk


"Aih thlah ka ngai lovang. Ka chhungte ka chunga an thinrim hi ka duh lo" nui deuh suk chung chuan ka ti a.


"Anih leh le" a ti ve mai.


"Mahse a dawt leh ah chuan" a tih chuan ka kalsan daih. Min nuih ri pawh ka hria, keipawh ka nui ve tho.


In ka thleng chu ka nu chuan ka that leh that loh thu min lo zawt a.


"Ka tha lutuk e Nu"


"Zanin chu i pa leh i u te an lo gaw tlai dawn nia" a tih chuan ka tum buau


"Ngatinge?"


"Hna hmanhmaw thawh tur an nei ani âwm e"


Ka chhungte hian min duatzia ka hria a. An bulah chuan ka pangchang thei hle. Ka chhungte bulah hi chuan ka tawng tam ber thin a, mahse midang bulah chuan tawng pawh ka tawng nang ngai lo.


"Eeee a nih chu"ka ti a


"Nu ei rawngbawl i la"


"Lehkha han zir rawh, rawngbawl chu Lily nen kan ti thei"


"Nu ka pui ve duh cheu lawm, chubakah lehkha zirna hun chu a la tam a, mawh nu.....plizzz"


"Anih rei lo tê" a tih chuan ka lo bu nghat nghat.



After 3 days


Colledge pawh ka kal tluang zel a, Jeremy nen pawh kan inpawh sawt viau. Ka rin ang em em a sual leh lerh chu a ni lo. Fiamthu a duh em em a, a bulah chuan ka nui deuh reng. Kei aiin kum nga laiin a upa a, a final year a ni tawh. Ka phone nunber pawh ka pe ngam tawh a. Chuan Jeremy hi an hausa hle bawk. Apa hian plastic siamna company lian tak a nei.


Gate pawn thleng Jeremy nen chuan kan inzui chhuak a. Ka pa chuan min lo nghak reng tawh, ban a rawn phar zeuh a, Jeremy chu mangtha in ka pa chu ka pan nghal.


Car chhung ka lut chuan ka pa chu a chauh hmel tlata ka hriat avangin


"Pa i chau deuh em ni? Khawnge i driver? Ngatinge nangman i khalh? Khawnge Matt?" tiin hlauthawng lutuk in zawhna ka zawt chiam.


Ka pa chu nui suk in "Ka lalfanu hian zawhna chhan sen loh min zawt a, khawi ber nge chhan tur pawh ka hre lo" a rawn ti a


"Pa..." ka lo ti vak


"Awle...awle, kan sumdawng na a kan thawhpui thar tur nen zu kan lem zeuh a, chu chauh chu" a ti a


"I chau em?" ka la ti hram


"Ka lalfanu driver ni tur hian ka chau ngai lovang"


Kalkawng ah chuan thil kan ei a, kan lei teuh bawk a, kan rei ta phian. A chauh tihreh sak ka duh vanga chawlh reipui ka ni pakhat. Kan haw dawn meuh chuan zan dar 7:00 pm a ni der. Mahse ka pa chu a chau tulh tulh mai in ka hria, tih har tum in ka be deuh reng a. Kan accident ang tih ka hlau lutuk chuan

"Pa..." ka ti leh vak thin.


Kan in lam kawng vel a ni tawh a. Dawr pakhat atang hian hmeichhe pakhat hi alo chhuak a, kawng kan tum a ang. Red light a rawn en chuan chunu chuan kan a rawn tum a, ka pa chuan mit tizim sun in car chu a kaltir zel a.


"Pa red light a en hi" ka ti vak a. Hmeichhia chu ka pa chuan a su ta pawp mai, ka te that. Ka pa chuan car a tiding nghal. Ka hlau lutuk chu pawn a chhuah nachang pawh ka hre lo, ka khur hluk hluk mai.


"Pa ....eng thil nge i tih hi" tiin ka phun sep. Inngaihtuah harh vat in pawn ah chuan chhuah ka tum a, ka pa chu a lo hawi kual vut vut thung. Chhuah a, a thil tih en pawh a tum loh hmel, nge a hre lo zawk.


Chhuah ka tum chiah tih ah chuan ka pa in ka chhuah na tur kawngkhar chu rawn bawh deuh pah chuan a rawn khal pawp.


"Pa eng thil nge i tih hi"


"Sumdawng mi ka ni a, tunah pawh hian sumdawnna lian zawk khawih tur ka nei. Chuvang chuan jail ah ka tang thei lo, tumahin min la hmu lo" tih pahin chak lutuk in a tlan chhuak nghal. Hnung lam ka hawi nghal dawr atang mi pakhat alo chhuak .


"Pa nilo kan thihtir thei lovang. Tanpuina a mamawh kha, tunge a nih pawh kan hre lo. Chhungkaw harsa deuh pawh an ni thei asin" tap chung chuan ka ti a


"Khatiang ngaihtuah suh, i hmalam hun hi ngaihtuah rawh. Jail a ka tan chuan kan hmingchhia ang a, kan tlachhia ang. Mi te endawng ni turin ka duh lo cheu" a tih chuan mak ti zetin ka en. Heihi ka pa kha a ni meuh maw, ka awih thei lo.


"Mahse pa, nunna a pawimawh zawk alawm"


"Tawng tawh suh ngawi hmak rawh. I hmalam hun ka ngaihtuah zawk a nih hi, tuma bulah sawi suh ang che" a rawn ti that.


Ka pa chu ka en ngawi ngawih, ka hmalam hun a ngaihtuah avangin hmeichhe pakhat nunna chu a chhan duh lo. Chu pawh a sut a nih avangin.


Ka pa hi ka hmangaih, a tan chuan ka nunna pawh ka hlam ngam mahse tuna mi hi chu ramhuai, a chhungte hmalam hun a ngaihtuah avang a mi a sut hnua kalsantu mai a ni.


Car break chu a ri tuarh, seat belt vangin ka intauh lo hlauh. Ka hawi chhuak chu kan in kan thleng der tawh. Ka la hlau a, ka khur nasa hle bawk. Tun a ka bula thu ka pa ngei pawh hi ka hlau tawh a ni.



Ani chuan ka hlauzia hria in ka tuk khum ah chuan a rawn fawp a.


"Ka vin vang che khan ka tih palh, mahse heihi kan tana tha tur a ni" a ti a, a mitmeng chu a la phi chiai.


"Mahse pa mi i su alawm" tap deuh pur chung chuan ka ti a.


"Ssshhh.....hahdam tum rawh. Anih heihi min chhang teh, i pa hi jail tang turin min duh em?" a tih chuan
Lu thing chungin "aih" ti in ka chhang vat.


"Anih chuan ka thusawi hi ngaithla rawh le" tiin ka kha be a chawi kang deuh a. A mit a en turin min duh tih ka hrethiam nghal.


"Heihi tuma bulah i sawi loh chuan tumah in an hre lovang. I hrethiam em? Tuma bulah i sawi lovang tih min tiam rawh le" tiin a kut a rawn phar chhuak a.








Ads click kha theihnghilh lovang ooo.......😊😊😊
In ngaihdan comment lamah lo sawi theuh ru ooo🌼🌼🌼🌼

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » February 21st, 2021, 2:39 pm

Bleeding love


Chapter-3



Ka pa hi jail ah a tan ka phallo. Mi a su a, a tlansan bawk a, hremna a nasa tak a tuar dawn tih ka hria. Ani chu a tar tawh a, jaila a tan chuan rei a dam lovang tih ka hriat ve kar avangin muangchangin ka kut ka phar chhuak a.


"Ka tiam e" ka ti sup. Kei hi mi sual tak ka ni ka pa a him theih nan midang nun ka tichhia.


Ka chalah a rawn fawp zeuh leh zeuh a


"Thil dang chu I u nen kan buaipui ang lungngai suh aw. Hahdam tum la. Hahdam tum la, in ah sawn lut ang le. I nu leh I u ten min nghak reng tawh a nia" a ti a


Keipawh chu thawk la hawk in motor seat chu ka ngheng dawt a. Ka hlauthawng a ni.


Ka pa chuan ka kut a rawn vuan a, a rawn bu zeuh. Car atang kan chhuak a, ka nu in min rawn pan vat.


"Ngatinge in rawn va haw tlai ve?" a lo ti nghal


"Kan fanu te hi a pumpui a lian lutuk a, kalkawng ah kan rawn inhnawh puar nasa alawm. Car ah pawh sawn a la tam mai" tiin ka pa chuan a lo chhang a.


Ka nu mit fing tak chuan ka thlan leh mittui a lo hmu nghal zat a.


"Ngatinge i tap a mi?" a ti ta reng bawk. Ka mittui leh thlan te hruk pah chuan zawhna mitmeng nen min en nghal ran.


"Nu, ka thil ei a thak lutuk a, ka thlan leh mittui a tlak phah alawm. Tun ah pawh hian ka pum a na" ka nui lui sak. Ka nu chuan ka pa chu a lo hau zui nghal hlak. Ka pa chu a nui mai.


In chhung ka luh chuan step ah ka chho nghal nghal. Ka nu chuan


"Khawi zu tui ka lo siam sak ang che" a ti a, ka lu ka lo bu nghat.


Ka room ka thlen chuan ka mittui a luang nghal zawih zawih, chhuat ah chuan ka thu dawt. Engtin nge ka tih thei zawk? Tual ka that nen a in ang reng. Theih ni se hun ka pawh kir ka chak ngawih ngawih.


Ka pa hi huat ka duh a, mahse ka haw phal si lo. Ka kâ hupin ka tap zawih zawih a. Ka thil tih hi inchhiar hun ka la nei dawn tih lah ka hrechiang. Pathian hian min ngaidam duh angem tih chiah ka ngaihtuah.



Bathroom ah ka lut a, ka inbual sawk sawk. Heng ka taksa bal te ka tihfai theih ang chiah hian ka thil tih sual te hi tleng fai thei ila ka ti.


Ka chhuak chu ka nu ka hmu nghal min lo nuih var var. Tlem in thla a timuang ve deuh, mahse he thu hi ka nu ka hrilh dawn lo. Achhan chu a buai nghal chung dawn tih ka hriat vang a ni.


"Heihi in rawh"


"Awle" ka tlak nghal vek.


"Thil thak ei vak vak tawh suh aw" ka biang a dawn pah chuan a rawn ti a. Ka lung a chhe tlat ka nu chu kuah in ka tap ta vak. Ka nu chuan a tir chuan mak a ti, mahse min kuah let nghal vat.


"Ngatinge? thil dik lo a awm em ni?" ka lu ka thing nghal vat.


"Aih, ni lo"


"Anih ngati nge?"


"Min hmangaih tih ka hriat hian ka tah a tichhuak alawm" ka nu chu a nui aniang a taksa a che dawt.


"Nu...zanin chu ka bulah lo mu ve rawh aw....zanin chauh" tiin ngenngawl zet in ka en a.


Achhan chu ka nu min hmangaih em emtu hmel hian hahdamna min pek vang a ni.


"Awle...awle, mahse I pa ka va hrilh phawt ang e aw" a tih chuan ka lo bu nghauh nghauh a, a ni pawh a chhuak zui ve nghal.



MATTEO GRANDE POV
(denna u aw)


Ka room inkik ri chuan min tiharh a, ka pa a rawn lut nghal. Ka office bang ka lo chhing sek a ni ngei ang.


"Intifai la, ka room ah min rawn hmu rawh, thil sawi dun tur kan nei" a tih chuan ka lo bu nghat.


Ka intihfai zawh hnu chuan ka kal ve nghal. A room kawngkhar chu ka kik ri a, lut tura min tih chuan ka lut ve nghal.


"Ka pa eng nge ni a? I hmanhmawh hmel sia" ka ti a


"Zanin chungchang sawipui che ka duh a" a tih chuan ka melh ran. A chauh hmel em em lehgnhal.


"Zanin khan kan rawn haw lamah mi ka su a, a thi nge dam ka hre lo" makti tak in ka en nghal. A sut hnu ah a kalsan tihna em ni?


"Eng nge awmzia sawifiah rawh" ka ti thawt. Denna hruai tura kal a ni si a.


"Company atang ka chhuah khan Denna lam turin ka kal nghal a. Ka zu in vang pawh a ni maithei ka khaw hmuh a fiah lo in, ka lu ana deuh bur a. Mahse ka hruai tho. Kan rawn haw kalkawng ah hmeichhe kawng kan tum a awm a, a kal mek laiin reg light a eng a. Mahse ka hai deuh bur avangin break kha ka rap thei lova, ka su ta a ni" a ti a


"Pa eng nge a awmzia? Nidang ah zu pawh i in thin tho a, mahse enga tinge tuna taka i lu a hai?" ka ti a.


"Chu chu alawm ka hriat thiam loh. Ka ei leh in turah pawh ka fimkhur hle si a?" tiin a ngawi deuh vang vang a


"Mahse thil pakhat a la awm" tiin min rawm melh a.


"I zu in" tiin ka lo chhang vat.


"Chuvang chuan ka ti ti na hmun a CCTV record kha en la ka duh. Chuan mi ka sutna hmun ah khan CCTV a awm ngei bawk ang. Chu chu tibo turin ka duh bawk che" ka pa chuan a ti a.


Hetiang hi ka pa a ni ngai lo, ka pa hi ka hrechiang mi rilru zau leh fel tak a ni. Mi rethei te pawh a duhsak em em. Tuna a thil tih pawh hi kan tan a ni ngei ang. Mahse chung zawng ai chuan Denna hi ka ngaihtuah a ni.


Ani chu mi rilru no tak a ni a, a thah ang ah a ngai ngei bawk ang.


"Denna a tha em?"


"Tha vak lo, a hlau lutuk" ka thinrim ve deuh.


"Denna hma hun i insam emaw i tih lai hian, a hringnun i chawk buai tih i inhria em?"


"Ngawi hmak rawh engkim hi atan a ti ka ni. Duh ka thlantir tawh jaila tang turin min duh lo.


Denna chuan a ti ngei ang chu. Achhan chu ka pa chak lohzia a hria a, jaila tang turin a duh ngai lovang. Mahse engtikah mah a hringnun hi hlim takin a hmang thei tawh ngai lovang. Kei pawh ka chhuak ve ta nghal.


Ka pa in mi a dutna hmun ka thleng chuan CCTV awmna tur vel ka melh kual vat. Hmun li ah a awm a, mahse CCTV record chu an lo la vek tawh.


"Tu in nge la?" ti a ka zawh chuan


"A pasal tur inti in a la tawh" an ti mai


"A hming i hria em?"


"Aih hre lo" an ti vek.


Car chhung ka lut chu steering ka chum pawp pawp. Denna hi engtin nge a awm ang? Ka pa chu patling a ni tawh a, a tuar chhuak thei mai ang, mahse ka princess hi


Denna hi ka unaunu a ni a, ka hmangaih a, ka duat em em bawk. A duh apiang ka tihsak zel thin. Mahse Denna chu kan chhung pum hian kan duat chung pawh hian sual a nei lova, kan bulah tih loh chuan a tawng tlem em em bawk.


Ka pa thusawi ka hrechhuak zawk, car chu company lam pan in ka khalh nghal. Ka thlen chuan security room lam ka pan nghal vat. CCTV record ka en chu Mr. Emberto ngeiin thil var phut chu no-ah chuan a thlak a, ka pa a pe chat bawk. Heihi anih hi, a original record chu ka la a. In ah ka haw nghal.


Ka pa chu alo mu tawh a, naktuk lamah ka ti ti pui mai ang. Denna room chu ka pan vat. Ka nu in alo mutpui a, ka princess chalah chuan ka fawp zeuh. Mangchhia nei tih hriat tak hian a rawn khur ta hlawk hlawk.


"Nilo.....Pa"
"Pa.... Tiding rawh" hlauthawng lutuk hian a rawn meng kawk, ka lo kuah nghal vat.






Zan in chu ka tlai sorry lutuk....vawi in nileng in ka buai char char a. Ka type hmen thlawt lo a ni. Comment lamah tang nasa zual ang aw...muttui vek ule.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » February 21st, 2021, 2:39 pm

BLEEDING LOVE



Chapter-4



"A tha vek, hlau suh" ka ti a. A tap nghal zawih zawih. Ka nu pawh a rawn harh nghal vat. A tir chuan mak a ti a mahse a hrethiam nghal.



"Bawihte ngatinge a?"



"Nu engmah a nilo, mangchhia a mang anih hi" ka lo ti nghal vat.



Ka nu hian a hre tur a nilo, a buai nghal vek ani mai.



"Nu Denna hi tui in tur laksak lawk la" ka tih chuan a ni pawh a tho ve nghal mai. A chhuah hnu chuan a mittui chu ka hruksak a, ka mita en turin ka ti nghal.



"Hey....tap tawh suh le. Engkim ka tifel ang. Min ring em?" ka ti a. A lu a rawn bu nghauh nghauh. Ka kuah lehnghal chawt.



A mutthilh leh hnu chuan ka nu nen kalsan in ka room lan ka pan nghal.




ANDREW LOVATA POV



"Boss miss Sheila car in a su" Rex chuan a rawn ti a.



"Khawi ah?" ka lo ti nghal vat.



"Madela street" ah a tih chuan "Car peih ru" tiin kan chhuak nghal.



A hmun kan va thleng chuan Rex chu a kal nghal, kal ve mai ka tum a mahse ka thei lo. Mi in min hre vek dawn, CCTV vel ka melh kual nghal vat.



Pali a awm, ambulance a lo thlen chuan Rex chu ka call nghal



"CCTV pali a awm, a original record la la, chuan a dang delete tir nghal vek rawh. A pasal ni mai tur angin in sawi ang che."



"Yess boss" tiin a hawi kual nghal a, a hmu a ni ngei ang a kal nghal, ka inhum ruh vak.



He thil titu hi ka that ngei ang, Sheila hi ka hmeichhe hmangaih a ni . Mafia boss ka ni a, mahse hmangaih ka nei thei lo tihna a nilo. Mahse ka hnaih apiang ten min kalsan zel, a hmain ka nu tunah ka hmeichhe hmangaih. Hrep hian, car kawngkhar chu ka chum pawp.



Mahse Sheila pawh hi nei mah ila, chhungkaw din chu ka tum chuang lo. Fa ka neih chuan ka nun hi a buai phah dawn.



"Boss hei" tiin pendrive min rawn pe nghal.



"Adang I delete tir vek em?"



"Aw, mahse ngatinge hetiang hian i tih?" a rawn ti a



"CCTV record hi an rawn zawng ngei ang, keiin ka kawl tih tunge ring pha ang!! Adang an delete chuan an hmu lovang. An zawn chhungin keiin a mal te tein ka that ang" ka ti a.



"Zawhna min zawh belh tawh lovin record ami hi tunge a nih zawng chhuak vat ang che" ka ti that. Rex hi thil chhui thiam tak a ni a, rei angai lovang.



"Yess Drew"



"Damdawiin ah kal rawh"



Damdawi in kan thleng reception a nurse chu ka zawt vat. A sawina lam chu ka pan nghal, nurse khan min hlau tih ka hria mahse nelawm taka awm hi ka thiam ve lo. Heihi ka nihna dik tak a ni. Thinlung vawt, sual, hlauhawm leh thinchhia.



Operation room atang a doctor lo chhuak chu
"Eng nge a an?" ka lo ti a.



"A chhungte i ni em?"



"A chhungte ka nih leh nih lohin awmzia a nei lo, sawi vat rawh" ka ti thawt.



"A pawi ka ti lutuk, kan chhan thei ta lo a ni."



Ka hnung lam atang Sheila nu a rawn te nghal that, a hnung ah Rex chuan a rawn zui ve nghal.



A fanu neihchhun a ni a, a tuar ve khawp ang. Ngawi rengin ka ding reng. Hmeichhe na tuar kalsan duhtu chu ka that khawp ang.



"Boss" tiin Rex chuan min rawn signal zat.



Hmun fal laiah chuan kal in "Tu nge a nih ka hre tawh" a rawn ti a. Dawntheihloh hmel fe in ka lo melh ralh.



"A khalhtu kha sumdawng hausa Mr George Grande a ni a, a fanu Denna Grande a phur bawk"



Hrep tak hian, ka that dawn khawp. Khawlaiah hmeichhia a su a, tanpui pawh tum lovin a tlansan a. A fanu pawh hi amah ang tho in puih a tum lo tih a chiang reng. Bang chu ka hnek chawrh.



Mal tak a min siamtu te hi ka that dawn khawp.



"An chhungkaw chanchin lo chhui chiang ang che" ka ti thawt.



A tukah chuan Sheila chu kan vui liam a, a kuanga rose par va dah pah chuan
"Phuba ka laksak ang che" ka tisup.




DENNA GRANDE POV



Zing ka harh chu ka nu chuan min lo kuah chial. Nizan khan mangchhia ka mang nasa lutuk a, Matt ka bula a awm khan ka thla a timuang hle, chutiang chiah in ka nu pawh.



Matt thusawi ka hrechhuak zawk, khum atang chuan tho in a room lam ka pan nghal. Kawngkhar pawh kik lem lo chuan ka lut tlang pawp, heihi ka tih thin dan a ni, ngai ah ka nei tawh. A inbual zo chiah tih hriat takin a sam a huh hlap.



"Matt" ka lo ti vat



"I zia tawh em?" ka lu ka lo bu nghat.



"Eng nge ka tifel ang i tih awmzia kha?"



"Nizan thil thleng kha ka hria" a tih chuan ka tap hawk, min rawn panin min rawn kual nghal.



"Min ring lo em ni?"



"Aih....nilo....ka ring che alawm. Mahse Matt tual ka that ang chiah ani asin. Ka tlansan.....ka tlansan alawm" ka ti bah nuai, ka khur nghal hlawk hlawk.



"Heyy....min en teh" min la hrang nghal, mittui nen a mitah ka en ve nghal.



"Tual i that lo a sutu chu ka pa a ni. Nang chu a hmutu chauh i ni" a tih chuan ka tap nasa zual. Tualthattu chu ka pa hei hian ka rilru a tina a ni.



"Ka pa hi engtin nge a awm ang? Jail ah a tang dawn em ni?"



Min kuah pah chuan "A teuh lo ka pa tihsual a ni hleihnem. Jail tan chhan tur a nei lo" a tih chuan ka en nghal vat. Eng nge a sawi awmzia hi.



"Eng nge a awmzia?"



"Nakin ah kan sawi dun dawn nia, va intifai phawt rawh. Colledge kal i nghaih kha" lu bu nghauh in ka kal nghal. Mahse vawiin chu colledge ka kal peih ka ring lo.



Ka roon ka lut chu ka nu chuan "I tha em?" a lo ti a.



"Aw... Tha tawh, kan intifai a nge aw" ka ti a. Ani pawh a chhuak ve nghal.



In hnuai ka chhuk chu an lo kil vek tawh. Kei pawh chuan ka kil ve nghal. Chaw pawh ka ei thei lo ka thai kual vel mai mai a ni.



"Pa, Matt ka be duh cheu" ka ti ta nge nge, ka â thei mai dawn



"Awle" tih pahin ka pa chu a tho nghal, Matt nen kan zui nghal. Room kan lut chu



"Nizan chungchang kha" ka ti sup



"Khanu kha a thi em? Tu nge a nih?"



"A thi tawh" ka pa chuan alo ti a, ka mittui a hnam nghal sawk.



"Miss Dixie Phantom fanu Sheila Phantom a ni" a rawn ti leh ka mittui a luang nghal, Matt chuan min lo kuah vat.



"Ngatinge kan puih mai loh Pa, tual i that asin"



"Hahdam tum hram teh" Matt chuan a ti a



"Chuan thil sawi tur ka nei" a tih chuan ka thlah a, a mit ah ka en kiau.



"In sutna hmun CCTV record kha a pasal inti in a la tawh" a ti a , ka khur nghal.



"Chuan pa, i thil in tur ah khan Mr Emberto khan thil a telh, chuvang a buai i ni" a ti leh a.



A awmzia chu tihluih a nilo tihna. Ka dam deuh huai, mahse a sutu kha ka pa a la ni tho.



"Emberto tenawm-a hrep chu"



"Denna" tiin ka pa chuan min rawn kuah nghal



"Tunah chuan i rilru tihahdam tawh rawh, i u nen kan buaipui ang ka tih kha. Min ring rawh" ka pa leh Matt chu an chhuak nghal.





Comment lamah inhmu ang aw...😂😂😂

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » February 21st, 2021, 2:40 pm

BLEEDING LOVE



Chapter-5



Nilengin in ah ka awm a, ka nu in min buaipui char char bawk.



Tlai ah chuan Jeremy an min lo call a, a rawn kal tur thu a sawi chuan mak ti deuhin



"Kan in i hria mi?" ka ti hu



"Engvangin nge ka hriat loh ang" tiin a nui hawk a, keipawh ka khi ve suk



Kan inkhawt a bike ri ka hriat chuan ka chhuak nghal, Jeremy chuan min lo nuih ver ver



"I lo kal tak tak pawh ka ring lova, eng nge i rawn tih dawn?"



"Ka sawi tawh chu ka ti ngei ngei" ka nui hawk



"Ni e" ka lo ti ve zat, kan inzui lut nghal.



"Ti nge colledge i kal loh? Ka z*ng char char che"



"Ka dam loh hi" ka lo ti hlak, min nuih hawk



"Damlo thinchhe ber i ni" a tih chuan ben tumin ka kut ka lo lek kang a, a lo man chat zui.



"A te te hi in thinchhia a" ka thin a sa zak. Te min tih hian ka thin a rim thin. Matt pawn min chhaih nan a hmang ziah.



"Haw rawh ka mu dawn" ka ti vak



"Duh lo ta ila"



"I duh leh duh loh ka zawt lo che, i sual ropui si ka kawm peih tawh lo che" tum deuh bur chuan ka ti a.



Nui hawkin "Naute min kawm hram rawh" a rawn ti reuh a, a inla duhawm vel. Keipawh ka nui ta hawk.



A haw hnu chuan chaw tlem ka ei a, Matt lo haw hun ka nghak.



Matt a lo haw chuan "Denna" tiin min lo ko nghal chung. A room ah inzui lut in



"Matt ka pa in a sut tak kha a address min pe thei angem? Khawngaih in"



"Eng atan nge i tih?"



"A chhungte ka hmu duh, hriatchian ka duh a, chuan ka thei ang tawkin tanpui ka duh" ka ti hluai, ka tap leh dawn, ka insum hram hram a ni.



"Awle" a rawn ti a, chhuah ka tum chu



"Denna" a rawn ti a, ka hawi let vat



"Pasal nei dawn ta la engtin nge i tih ang?" Matt thusawi chu mak ka ti lutuk. Pasal neih maw!! Ka la nghaihtuah ngailo hrim hrim.



"Pasal ka mamawh hleihnem" tiin ka chhuak zui nghal.



Pasal neih chu ka la duh lo hrim hrim ka la naupang lutuk tlat, bialpa neih ve chu ka ngaihtuah ve thin mahse a tak ram a thleng tur chuan ka la suangtuah lo hrim hrim.




ANDREW LOVATA POV



"Zanin ah kan bungrua a lo thleng dawn a, Rex lo buaipui ang che" ka ti a



"Chuan Mr Grande te chanchin i chhuina chu"



"He file ah hian a awm kim vek, fapa pakhat leh fanu pakhat a nei" a rawn ti a, lu ka buk khum hnu chuan a chhuak zui nghal.



File chu ka keu a, Olivia Grande a nupui, a hmelchhe hran lo. A fapa Matteo Grande, kan inrual. A tawp bera thlalak chuan ka mit a la nghal chat, a fanu Denna Grande, a la naupang hle mai, kum kua laiin kan inthlau. A hmeltha zek lehnghal, Hah....kei hi eng nge ka nghaihtuah hi, a nui hmel pawisawi lo tak kara a rilru bawlhhlawh lutuk saw.



"In tawpna tur ka kutah a awm" ti supin ka nui suk



Rex ka ko vat "Mr George nen kan inhmuhna turin appointment lo siam ang che. Chuan sumdawngna vang ti ang che"




MATTEO GRANDE POV



Ka pa nen chuan kan inzui chhuak a, a hmel ah chuan a thinrim ve hle tih a chiang. Mr Emberto te company kan thleng, a lut nghal vat.



"Emberto ka hmu duh"



"Ka pu appointment i nei em?"



"Appointment chuan pawimawhna a nei lo, a sumdawn pui ka ni a, ka hmu duh a ni mai" a ti that.



Ani pawh chuan hlauthawng tih hriat takin phone chu a hmang nghal a
"Ka pu Mr George Grande a lo kal a, ka rawn luhtir dawn em?" ka nui hak, mahse nuihzat vang reawh a nilo.



"In lut thei ang, ka tihpalh lutuk" a ti sap



Mr Emberto chuan min lo lawm nghal vat. Kan thil sawi tur hi hria se zawng a nui hauh lovang.



"Kan pahnih a he pendrive hi en dun ka duh a" ka pa chuan a ti nghat.


Ani lah chuan engmah hre lovin a lo pawmpui em em zui, hrep tak hian.



A thil hmuh chuan a thawng ve hle a ni ngei ang, makti takin ka pa nen min entawn zak zak.



"I lo tenawm hle mai Emberto" ka pa chuan a ti sup



"Engvangin nge hetiang hian i tih? Tha taka kan sumdawng turin ka ngai asin"



"A chhan chu thi tur in ka duh che, kei ai tha hi an awm ka duh lo" a rawn ti that.



Ka pa hi mi rilru tha tak ani a, Ni e...mi chu thi turin a kalsan ngei alawm mahse kha chu kan tana a tih vang a ni tih ka hriatsak. Mahse ka thiam vek chuang biklo



"Nang nena sumdawnna neih chhunzawm hi ka mamawh lo, tah hian titawp ang. Mahse he i thil tih pawizia hi chu i la hre dawn chauh. Keipawn thil ka tih sual ve tho avangin ka ngaidam ang che. Mahse kan nun a i lo inlan leh anih chuan he pendrive hian police hnen a thleng ang. Chuan he i thil tih pawi lian tham zawk hi a thleng ngei bawk ang" tiin a chhuak nghal daih, kei pawn ka zui ve nghal.



Car a kan chuan lai chuan "Tunah chuan Emberto kan buaipui tawh bawk a, kha CCTV record kha zawng bghal ang cheu"



"Awle" ka tisap



"Mahse midangin record an kawl chhung chu kei leh Denna nunna hi a him lo" a rawn tih chuan ka en vat.



"Denna hian pasal amah venghim theitu tur a neih angai a ni" a rawn tih chuan



"Engvangin? Denna chu ka venghim thei pasal a neih angai lo"



"Nang chu a unaupa i ni, a bulah i awm reng thei dawn lo. Chuvang chuan pasal a neih angai"



"A neih kher a ngaihna ka hre lo" ka lo ti ve nghat



"Kha CCTV kawltu khan min blackmail nan a hmang thei, chumi hunah chuan kei chiahin ka tuar ang ,Denna tel lovin. Chuvang chuan amah humhim theitu tur pasal hausa leh zahawm tak a neih angai"



Ka pa thusawi hi a dikna chen a awm. Engtik lai pawhin hremna tawk thei reng a ni. Mahse Denna , ka unaunu ka hmangaih em em, a duh lo chung a pasal neihtir chu ka thei dawn em ni? Ka pa hi awm lo ta se, kei hi ka buai ber dawn a, thil dang ngaihtuahna hun ka nei hauh lovang. Hrep tak hian duh ka thlan angai, ka princess himna nge a hrehawm tawrhna.



Ka pa chu chhang lovin ka ngawi reng. Company lama hna thawk turin kan let nghal.



Tlai ka haw chu Denna ka ko lang lang, ani pawh min chang tih hriat takin sitting room atang a rawn chhuak nghal. Tlai lam chu a hmel a zia deuh in ka hria.



Ka room ah min zui lutin Sheila address min zawt vat. A chhan ka zawh chuan hriatchian a, tanpui a duh thu in min chhang. Heihi chu ka rin lawk sa a ni, Denna hian khati mai kgan a thihtir lovang tih hi.



Pasal chungchang ka zawh chuan a mamawh loh thu in min chhang. Ni e...a duh lo reng ang, hetiang hi a buaipui ve tlat lo.



Khawi zawk pawh thlang mah ila ka princess hi ka tina dawn si.....





A tawi tih ka hria mahse min lo hrethiam hram mai teh u....ka buai lutuk a🤧🤧🤧, dah loh ai ah ka lo dah ani e...kar leh lam atangin tih sei kan tum dawn nia ooo😊😊😘😘🤗🤗

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » February 21st, 2021, 2:40 pm

BLEEDING LOVE



Chapter-6



DENNA GRANDE POV



Zing ka tho chu intifai in ka insiam sawk sawk a, in hnuai lamah ka chhuk nghal.



Ka nu in "Vawiin chu colledge chu i kal dawn em?" a lo ti a.



"Aih kal lovang thil pawimah deuh tih tur ka nei a." ka ti a



"Eng nge i tih dawn?"



"Ahhh....nu nakinah ka hrilh ang che" ka ti bah nuai a. Ka hrilh thei lo a ni.



"Colledge hi thulh reng lo la ka duh asin" a tih chuan ka ngawi tawp. Zirna lam ngaihtuah hman pawh ka ni lo. Chubakah zir pawh ni ila, ka rilru ka pe thei dawn chuang lo.



Kan driver nen chuan kan chhuak a, Matt address min pekna lam kan pan nghal. A hmun ka va thlen chuan Sheila kha ka khawngaih ngawih ngawih.



An in chu te ve tak a ni a, han en reng reng pawhin an khawsa thei vak lo tih a hriat. Ka mittui a rawn hnâm sawk, ka thil tihsual hi a pawi hle tih ka hria a ni.



An in lam chu ka pan a, kawngkhar chu ka kik khauh khauh. Pitar hmel dul tak, han en pawha rilru na tih hriat tak hian a lo hawng a.



"Chi....chibai le, ka pi"



"Chibai le. Eng nge ni ta?"



"Ahh....ka pi Sheila te in a ni em?" ka ti leh a, ka zam a ni. Thudik hi ka hrilh thei angem?



"Aw, ni e"




"Ka lo lut thei angem?" ka ti tawp



"Eee... awle" A tih chuan a awm sawn a, ka lut zui nghal



Thuthleng pakhat an nei a, bungbel pawh tam an nei lo. An in chu a ni deuh nuai mai. Ka tanpui hi a duh angem? Tih chiah ka ngaihtuah



"Tu nge i nih a?"



"Ah....Denna...Denna Grande ka ni e" Ka tih chuan thil ngaihtuah ni awm tak hian a ngawi deuh vang vang a.



"Ka lo kal chhan chu" ka ngawi deuh vang vang a. "Kei hian ka pa nen kan that" ka ti tawp thei si lo. Min ngaidam duh lo ta se engtin nge niang? Ka rilru tawt lutuk chu ka tap hawk. Mak tih hmel takin ka darah a rawn vuan a.



"Enga tinge à? I hmelthat tehreng nen"



"Miss Dixie ka tihpalh a ni, min ngaidam rawh"



"Engvang in maw ngaihdam min dil a?" a rawn ti hu. Kei hian ka sawi thei thlawt lo a ni, a mitah chuan ka en reng



"Ihhh...Sheila kha...ka thiannu a nia, ka venhim zawh loh avangin ka tihpalh a ni" ka ti a, sawi tur dang ka hrelo a ni. Chuan keihi mi dawihzep tak ka ni. Ka mittui te rawn hru in



"Tu ma tihsual a nilo, hei chu Pathian remruat a ni. Kan pawm thiam angai a nia, nangpawh indem reng reng suh" dam tak hian a rawn ti a.



"A thattu kha hmu chhuak ta la engtin nge i tih ang?" ka ti ta deih. He zawhna hi zawh ka duh takzet.



"Hmeichhe pawisawi lo a sut hnua a tlansan avangin hremna ka pe ngei ang. Ka ngaidam ngai hek lovang" a ti a, tap chhuak lo turin ka insum hram hram, mahse ka mittui erawh a luang char char thung. Ka nu in min hmangaih ang chiah in ani pawh hian a fanu a hmangaih a ni.



"Ahh...ka pi ka thiannu nu i ni a, kei hian 'nu' tiin ka ko ve thei che angem?" ka nui seih a.



Ni e..... Min ngaidam ngai lovang mahse ka nihna thupin a rilru natna ka chhawk zangkhai sak ve thei tih erawh ka hria. Ka hma ka sial alawm mahse heihi tih ka duh a ni.



Min en vang vang hnuin "Tehreng mai" a rawn ti a, ka kuah nghal chawt.



"Ka thei tak tak ang tiraw?"



"Engvangin nge i theih loh ang" tiin min nuih sen sen.



Ka haw dawn chuan pawn thleng min thlah a
"Heti lai hmun hi hrehawm i ti em?"



"Ti love, hetilai hi thing in chhe viau mahse a mi chengte hi kan inpawh tlang alawm" a ti a, nu fel tak a ni.



"Eeee ka phone number ka pe ang che o"



"Ah...ih... Phone ka nei lova"



"Eeee...mahse hei ka number chu ka pe tho ang che. Midang phone atang pawn min lo phone thei alawm. Sheila i nghaih chang apiangin min lo call ziah thin ang a" tiin a kutah chuan ka chelh a.



"Awle" car a ei tur ka dah vel chu ka la chhuak a, ka pe nghal. A tir chuan duh lo viau mahse ka tih luih tlat avangin a la ve a, ka dam ta deuh sawt.



In ka thleng chu a reh thuap mai, thutkhawmna room atangin thawm a awm avangin ka pan vat. Ka nu, ka pa, Matt leh mipa pakhat smart zet mai hi an lo inbia a.



"Eee..hei Denna pawh a lo thleng tawh alawm" ka pa chuan min hmuh velah a lo ti a. Ka nu hmel chu ka hriatthiam si loh hian manganna ka hmu, ka nui ringawt



"Bawihi heihi Mr Andrew Lovata a nih hi, Grand hotel zawng zawng neitu" a ti zui leh zat.



"Oh...chibai le" a lu a bu ringawt. A hmel chu a chang em em a, a induhtawk hmel viau bawk. Mahse a hmeltha reuh lutuk.



"Bawihi hei Mr Andrew hi a haw tawh dawn a, va thlah ta che" ka pa chuan a ti a



"Eee...ole.. Heti lamah hian o" tiin ka kal nghal a, min rawn zui ve mai. Pawnah chuan car dum nalh zet hi a lo awm reng tawh. A thut lai khan ka lo en chiang lova. A palian lutuk, a dar ka chen tawk, feet 6 chu a pel hrim hrim.



"Mangtha le" ka tih chuan ngawi rengin a lut hmak. A sual hmel hle mai.



In chhung ka lut leh chu ka nu leh pate inhau thawm ka hriat avangin ka tlan lut a ni ber.



"Hetiang hian i fanu i ti thei lovang, pasal a neih hi ka phallo, kum a tling ve chauh a, colledge êm pawh a la zawh loh hi" ka nu chuan a ti vak



Eng nge an sawi hi!! Pasal maw!! Ka bag ka thlauh ri dat an hriat avangin an rawn hawi rual that.



"Bawihi" ka nu chuan hlauthawng deuhin a rawn ti a, Matt chu a thu ngawi reng. A mit meng atang chuan min khawngaihna ka hmu.



"Nu eng nge i sawi kha?" ka awi chu a lawi rut mai, ka khur dut dut bawk.



"Pasal i nei dawn" ka pa chuan a ti chang bal. Ka mittui a tla hawk 'pasal' ka la ngaihtuah ngai lo. Eng thil mah ka sawi thei tawh lo, chhuatah chuan ka thu sawp hnawk.
Matt chuan min rawn pan in min kuah nghal.



Engtin nge ka pa hian hetiang thil hi a tih theih? Tun ah pawh hian ka rilru a tawt tawh viau asin. Hetiang karah hian pasal nei turin min ti a nia. Ka pa hian min lo ngaihtuah ve ngai miah lo em ni?



"Ka pa a tawk" Matt chuan a ti hrawk. Min pawm nawlh a, ka room ah min hruai chho nghal. Khumah chuan dim tein min nghat a.



"Matt...ka pa hian ngatinge hetiang hi a tih? Ka rilru buaizia leh natzia a hre vek sia, engtin nge pasal nei turin min tih theih?" tah aw tiau chuan ka ti a



"Ka pa hi i ring lo anih pawhin kei tal hi chu min ring rawh. Heihi i tana a tih anih hi" mak ti zetin ka en



"Pasal neih chu engtin nge ka tana tha tura in ngaih theih zawk? Nang pawh hi i sual lutuk, pasal neih ka duh reng reng hleihnem" ka tap ta vak. Ka tana a that na tur ka hre hlol lo a ni. Matt chuan min kuah vat.



"Hahdam tum rawh" tawng tum pawh ni ila ka tawng thei tawh lo.



Ka duh chen ka tah hnu chuan mutchhuak in min rawn zem chiai chiai a, ka muhil zui nghal.




ANDREW LOVATA POV




Mr Grande hotel ka thleng chu min lo lawm vat



"chibai le..Mr Lovata" a kut a rawn phar nghal



"Chibai le" ka vuan nghal vat



"Ka office lamah kan inbe dawn em niang" chhang lovin a kalna lamah chuan ka zui ve nghal.



"Chuan engvanga min hmu duh nge i nih le?" tiin min zawt nghal vat



"Ka thah duh vang che mawle" tih ka chak ngawih ngawih.



"Kan sumdawnna ah hian thawh dun ka duh vanga lo kal ka ni"



"Oh... Kan lakah hian eng nge i duh a?"



"Wine min suppy ve turin ka duh cheu" ka ti tawp. Nelawm taka awm hi ka thiam zawng a nilo.



"Sum lamah chuan buaina a awm lo" ka nui suk



"Tehreng mai...kan ti thei ang"



"Tha tak a kan thawh duh theih ka beisei" tiin ka tho zui nghal a.



"Lawk Mr Lovata zawhna zawh duh che ka nei" ka hawi let lo ka ding tawp.



"nupui i nei tawh em?" ka nui suk, ka hawi let nghal zat.





A thui deuh in ka hria vawiin chu.....chuan komen kha in theihnghilh ve ziah. Ngaihnawm in tih chuan komen ngei* aw...😁😁😁🤣🤣

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)