LOVE REQUIRES SACRIFICE BY Mamoii Hnialum
Posted: May 12th, 2016, 10:07 pm
LOVE REQUIRES SACRIFICE
'Angel..... Nang ka chan dawn ai che chuan in ram ah chuan lo kal in i nu leh pa hma ah thingthi in nang ka hmangaih zia che leh chan ka phal loh zia ka hrilh anga, ka dam chhung hun nang nen a hman dun ka duh thu ka hrilh mai ang"
Angel Lalruatkimi ka ni a, zarkawt veng ah kan khawsa a fanu mal ka ni a nuta pathum ka nei a kan unau zing ah a naupang ber ka ni nghe nghe a, rin tawh loh hnu a piang leh ka nih avangin hmeichhe awmchhun ka nih bak ah ka u te nen kan i thluh em avang hian kan upa ber phei chuan kan unau ah pawh min duat zual bik.
Kan upa ber in college a kal hian school ka kal tan ve chiah a ka nu leh pa te aiin ka u te pathum hian min buaipui nasa ka zun leh ek pawh ka u te hian engmah then hreh an nei ngailo tiin thenawm khawveng te hian ka len hnu aj hian min hrilh thin. Ka nu leh pa hi doctor an ni a, tun ah phei chuan ka u te pahnih in nupui an nei ve ve tawh a in hrang an chang tawh a ka u chiah erawh hi chu college lecturer niin nupui ala nei ve lo ka zirna sen so mai bak ah ka duh leh ka it zawng hi chu ka nu leh pa bul ai mah in ka u te bul ah ka sawi tam zawk a min tih sak loh an nei ngailo.
Class10 kan pass kum hian phai lama lehkha zir ka chak ve em em a ka ngen nasa khawp mai ka chhungte chuan an rem ti thei thlawt bawk silo chaw ei duh loh nan leh tawng duh loh nan ka hmang a kar khat tawp room ah ka in kalh khum a, a rukin an mut hnu ah thil ka ei leh thin... Class12 i pass vel ah i awm dawnnia min tih chu ka hre ru khiau mai a ka zirlai ah pawh ka tang nasa khawp mai, ka u te pahnih hi ka nu leh pa te an chhun a medical line lam ah an kal a kei leh ka u chiah hi chu arts line ah kan kal thung a.
Ka rual pui te zing ah pawh a lian pawl ka ni a, ka han tleirawl chho chu ka nu leh pa an hmel chhelo bawk a chhun tur ka nei tha a niang ka khawlai kal min en zui vawng vawng tu hi ka tawng ve nual mai, ka pian lam ah ka pa ka chhun a ka lian tha in ka pian pawh mipa duh chi tak a ni ve a niang pian nalh min ti tu an tam ve thin khawp mai ka pa hian min lo chhuang ru ve hle thin a niang miin in fanu hi chu ava han tha fuh chiang tak an lo ti ni awm tak a ni ka pa lah pek chuan kawi pawh a kawm a that chuan a rah pawh a tha alo ti deuh ngei zel a.
Ka duhtawk mai a ka han in chei hi chuan ka taksa ah hian sawisel lai tur pakhat chiah ka nei chu chu ka sam hi a ni, sam ngil hi ka awt ve thei khawp mai a ka sam kir ni ailo awmzei nei taka kawi chu miin nalh ti mahse nalh hi ka ti ve thei thlawt lo sam ngil zan nih hi ka chak an nu duh bik riau hian ka hre tlat pek a lawm. Class12 kan exam zo chu phai awm ngei tum in ka zir nasa bawk a ka thawveng mai mai a sin aw.... An phal leh lo nih chuan thla khat tawp room ah engmah eilo in ka tawm ang ka ti rilru a ka rin lawk ang ngei maiin result a chhuak a an phal lo leh ta tak tak a Top3 ah hial ka lang pha ve a phai awm ka tum vangin ka theihtawp ka chhuah a, an han phal leh lo chu ka rilru ana ngei mai. Ka sawi lawk ang ngeiin ka room ah ka tawm tlat a chaw pawh ka ei duhlo, zan ah engmah ka eiru ngai tawhlo tih ka nu in a hria chu a mangang a sin, ahma a ka tih tauh kha chuan ka ei duh zawng alo siam a fridge ah a dah a zing ah ka ei zo vek zel tih a hriat vang khan a rilru pawh a hrehawm lemlo mahse tun ah chuan eitur a siam pawh engmah ka ei ngai silo.
An hna lam pawh kal thei lo lek in min buaipui a, nithum hnu vel ah ka chhuah mai ka nu in a ring a mahse ka chhuah chuan siloh vang chuan, engmah eilo a ka awm an han ngaituah a an mangang tak zet a ka room kawngka an kik luai luai a hawn ka tum der silo, ka pa mangang lutuk chu ka nu nen ka room pawn lam ah an han in hau leh thul ka pa in a zir chak ve em em na hmun ah pawh zir i phal lo a, thu kha lo tiam lo law law zawk la tha tur class12 i pass vel ah i awm ang i tia theih tawp in a zir a tun ah i phal leh lo a, engvang in nge i tih hlawhtlin theih loh tur thu i tiam tiin ka nu chu ka hriat phak chin ah a vawikhat nan a hrawk tuar tuar a, ka u te pahnih an call bawk anni an rawn thleng a theihtawpin min thlem bawk ka luh lul zia an hre chiang bawk a ka hawn chu an ringlo hle a niang ka room kawngkhar chu an rawn ti chhe ta ringawt a khum ah chuan mu in puan pawh sin lovin mit bui luk in ka melh ngai chu ka melh tlawk tlawk a.
Ka pa in min rawn pan nghal a ka nu chu ka lak ah a inthlahrung lutuk nge mi pawh a rawn pan hnai ngam lo ka pa chuan khum atang chuan min pawm tho nawlh a, min kuah a ka tukhum sam ah chuan a chul a, chutia ka pa in hmangaih tak leh duat tak a min han kuah chu ka lungchhe thar sawt a ka theih tawp in ka tap ta ruah ruah a
A tawp a tawp ah chuan an phal ve ta hram a ka nu leh pa nen kan pathum chuan delhi ah kan kal a ka unaupa ka ni fapa alo awm sa nen a bul ah kan in nghat a, admission vel ka tih fel thleng chuan min awmpui a ka in admit fel hnu chuan min hawsan a, airport thleng chuan kan va thlah a, zep lo ah chuan ka chhungte tello a ka vawi khat awm bo na tur a nia ka duh zawng ka neih theih na tur a nih chuan ka nu leh pa ka be duhlo a ka ti tau a mahse an hmuh phak lova ka han awm tur chu ka hnuk a ulh ve reng mahse ka nu leh pa rilru tih hreawm ka duh loh vang chuan hlim hmel ka pu lui hram hram a ka nu zawk chu a in sum theilo min kuah a a mittui a rawn luang a ka pa leh Marvin ka cousin chuan an thlema min kal san ve ta a.
College ka kal tan tirh ni chuan kan department ah chuan ka mizo pui pathum an lo awm ve a mahse mipa bawk an ni leh a, kan unau ah hmeichhe awm chhun ka ni a, ka nu zawk zawk lo khawp mai ka nuta te bul ah ka tal tam a an duh zawng ang a piang ka ngen a kan thenawm ah lah ni se mipa naupang bak ka kawm rual pui an awm ngailo bawk nen
Mipa zing ah ka tal tam bawk a college ah pawh ka thian thar te mipa pathum pawh chu ka lawm ang reng zawk, Rca, Paul leh Ruata an nia kan in hmuh hmasak ber ni tang khan kan in thlah tawhlo an pathum hian in an luah a mahse kan in luah lam ah an rawn tal tam zawk ka u hi a hna lam ah a buai thei bawk nen zin kual reng nen keimah chauh a ka awm a ngaih chang a tam thin sia ka thian te pathum hian min rawn awm pui mai thin a ka nu leh pa pawn min ngaituah dan a nep phah thin. Shillong lam mi Anush hi kan kawm ve thin a a fel in mizo rilru pawh a hrethiam in a bul a awm a nuam thin khawp mai, kan panga chuan college lam ah kan in zui deuh chawt thin. Ka u hian thla khat ah vawi khat hi chu kan in ah a thiante leh kan thian ho hian party te nau hi a buat saih a a nih loh pawn club ah min hruai a kei lam hi nuam ka ti khawp a ka hobby a ni ve bawk nen ka nghak hlel thei khawp mai.
Kum chanve aia rei kan awm ve tawh a khawlum tih vel pawh ka tuar thei ve khawp mai, vun ngo chi ka ni hrim hrim bak ah delhi chu ka ngeih bawk a ka no surh a kanu thian hnamdang te pawh hian min duh thin thu te tha min tih thu hi ka u hi anlo hrilh ve thin mahse keimah hian ka uk sak vak lemlo bawk a hnamdang chu eng anga hmeltha pawh nise ka ngaizawng lo ang ka ti thin,ka thian te pawh hian hnamdang i ngaizawng a nih chuan kan vaw hlum nghal ang che an ti thin a ka mizo pui helai hmuna awm ve min ngaizawng ve tak tak pawh an tam khawp mai mahse ngaihzawng neih hi ka peih rihlo a niang, class12 ka zir lai khan ka nei ve a, ka duh lutuk ka hmangaih bawk mahse kei aia hmangaih a nei a niang rilru na takin vawi tam tak min siam a ngaihzawng dang min neih san a mahse ka ngaidam zel a ka hmangaih em vang khan ka rilru tina viau thin mahse ka pawm a amah chauh ka thlang leh thin mahse a tawp a tawp ah chuan ngaidam duh mahila a rwm tawh lo sawn a thlak a, nupui min neih san a kan inthen kha a nia, tun thleng hian ka la hmangaih lutuk mahse min hmangaih ve miahlo tu hmangaih zawng kan na thlawn mai a lo ni. Zan khat chu Anush hian a birthday a hming mai mai in lawm ang u a tia, in bialnu te theuh lo sawm ula a tia kei mah chauh ka single leh dawn a hruai lo mai rawh u ka tih pawh chuan min nuih thaw pah in single loh nawm zia kan hlep thei nang che an ti tlat bawk sia. Friday Tlai ah chuan beer kan lei a case3 reng kan in tlaivar ang kan tia kan phur ngei mai ka u a awm leh loh vangin kan in ah lawm kan tum a Anush chuan min lo call a a thian te ho a sawm nual thu a rawn sawi a mihrang nen a awm duah chu ka chak lem lo mahse thiante birthday a nia tiin ka pawm ve mai.
Zan dar10 vel ah chuan an rawn kal khawm tan a, mipa 15 vel an nia hmeichhia chu panga chauh kan ni thung a keimah chiah single ka nih vang chuan nuam an tih ang em em chuan ka ti lem lo a, ka thian te ho an chhas te nen an in kawp far hlawm a ka tan chuan han tih tur em em awm hek lo beer chu ka in char char a ligth kan off a hla kan play a ka in pah chuan ka lam reng bawk a kan han in tak tak mai chu mipa zawk ho pawh chuan min en leh deuh hrak hrak zel.
Ka rilru na hi a la rehlo James kha ka la hmangaih reng a a lo let leh te ka ring thin ka ruih a piang lah hian ka ruih hnan a ka tahpui ziah thin, kan zavai mai chuan kan lam mup mup a mipa ho in zu tak an in tel bawk a kan nawi teh nuai hlawm a nia,ka hmeichhe pui te pawn beer chu an in ve tak na in an in thei vak lo nge an bialpa te bul ah an in sum ka hrelo an in tam ve lo khawp mai keichu mipa ho ai pawn ka in hnem zawk ka rui har em em mai leh nghal a mahse ka phur tan tawh khawp mai, ka lam reng mai a kan zing ah chuan mipa pakhat lam ve miahlo a thutna ngai a thu a min lo melh leh zawk thin chuan ka mit ala deuh tlat a keipawh chuan ka melh pah chuan ka nuih ve leh zawk thin. Zing lam dar3 vel ah chuan hmeichhe dang zawng leh mipa thenkhat chu chhuat ah te room ah te chuan an mu phung hlawm a kei leh Rca leh Anush chuan an thianpa Samir leh a hming ka hriat loh chhelo zet mai chauh chu kan meng tawh a,kei ka lo zak zum vak tawhlo bawk nen Anush i thianpa cool deuh hi a hming te min hrilh ve dawn lo mi? "het.... Kan lo thlen tirh ah engkim ka sawi tawh tinge i hriat theih loh?" vawi khat chiah sawi leh chu a har viau mi ka tih lai tak chuan thutphah tang chuan a rawn tho a vhhuat a kan thutna ah chuan rawn thut thlak pah chuan a kut chu a rawn phar chhuak a "Akash, a vawi hnih na tan" a nui suk a ohhh i hming chu ka hre reng tawh ang Angel tih pah chuan ka nui ve sak a "tinge i va han in thei ve, i chau ve lo mi, hmeichhe dang chu an mu vek tawh bak ah i in tam dan a tang kha chuan mipa tan pawh muthilh na tur a ni tawh sin" Akash mipa nen danglamna vak ka nei hleinem mipa tih theih ang chu ka ti ve thei zel mahse nuam iti ve lo mi tinge i va cool ve? "ka cool vak mi aw? Nuam ka ti lutuk" a tih lai chuan Rca chuan "nang ni pahnih kha in pahnih chauh khan in in kawm reng dawn mi? Keini pawh kan la men ve hi" a rawn tih chuan midang an awm ve tih ka hre chhuak chiah mawle
Ka in hnem teh reng nen ka la kham chuang lo mahse ka pangngai tawhlo lutuk tih chu keimah pawh chuan ka in hre reng a, lak belh tura ka tih chuan a tawk lutuk tawh an ti chu kei rui lungpuam chuan in kal peih loh vang nihkha keimah in ka kal mai ang tih leh thawh ka rual a ka luhlul zia hre tu Rca chuan "kan peih loh vang nilo i in tam mah mah,kan ngaituah vang zawk che lawm" ka lungawi thei chuang lo pai chawn chawn chung chuan ka tho a kal luoh ka tum chu Akash chu a rawn ding vat a ka ban ah chuan a rawn chelh a "hmeichhe tan chhuah a hun tawhlo Anush kal rawh va la ang" a tih chuan ka purse chu ka pe nghal a mahse Anush hi chu a rui chhe ve thei khawp a kal chi zia zang a nih loh vang chuan Rca nem chuan an in zui chhuak a, Akash chuan ka purse chu min rawn pe let a "dah tha rawh kan vawikhat in hmuhna a nia keiman ka treat ang che" nui sak chung chuan a rawn ti a, in tih harh hram ka duh ka muthlu ve lup lup na in kei chu ka ruih viau pawh hian muthilh tak tak ka tum hian ka mut chhuak a reh a ka tawng char char zel chuvang chuan ka thiante hi chuan mu tur pawn min ti ngai lemlo.
An kal hlan chuan bathroom ah ka lut a tui ka herh hawng a chhuat ah ka thu a tui chuan ka in phuh char char a, tho kang leh tur pawn tha ka nei tawhlo Anush lah a lo chatthla daih bawk nen bathroom ah chuan ka thu ta ngat ngat a, Rca leh Akash te rawn haw leh chuan min au vak vak a bathroom lam ah ka thawm hria in an rawn lut a thawmhnaw nen huh hluama ka lo thu chu Rca chuan tui chu a off vat a towel la in min rawn tuam a, "ti hian in leh ila tum a maw? " in dawn e engzat nge in lo lak ka la ti sam et a, "va inthlak vat mai teh" ka inthlak hma khan kekawr dum khup khuh leh T-shirt ka ha a in ha bul thei viau mahila khawlai chhuah nan leh hmelhriat loh bul ah chuan in hak chhin lutuk ka duh ngailo mahse ka in thlak tur ka thawmhnaw ka haih chu ka hmuh hmasak sak kekawr bul chhing fahranmai ka pian nalh a ruk tak a ka chhuan ve em em ti lang chiang em em mai leh crop top ka ha a ka sam chu ka thlah deuh hnuang bawk a room atang a ka chhuak chu Akash chuan min rawn melh zawk a hawi sawn leh nghal vat a hnuai lam melh pah chuan a nui deuh sak a, in leh ila tih pah chuan ka hawng nghal a no ah pawh ka thli peih tawhlo a bur chuan ka in nghal a.
Dar5 vel ah chuan Rca pawh chu chhuat ah chuan a mu hlawm tel a kei leh Akush chiah chu kan meng ta a, ani pawh a tawng duh ve khawp mai love life min rawn zawt thut a ka 1st love nen a kan chanchin engkim ka hrilh a ka sawi pah chuan ka mittui a tla a ka tap leh thin "Poi ka ti lutuk zawt lo che ila tha tur mahse nang ang hmeichhe hmeltha leh nalh lutuk kal san tu mipa chuan a phulo zawk che a chuvang chuan a kal san che nihkha thil hlu leh mawi em em a dam chhung a a neih phak loh tur a chan a ni" min hnemna tawngkam chuan ka tah chhuak zawng zawng hi a ti reh vek ni ber in ka hria a mah ka melh lah chuan a mitmeng a tang chuan min fiam mai mailo tih ka hmu tel a ni. Akash ka lawm lutuk i thinlung ang kha pu ve se ka ti "ka thinlung put dan ang a put ve ka duhlo a pu lo hi ka lawm" tinge rilru na deuh a ka awm hi pawi iti lo mi? " nilo chutiang zawng chuan ka sawilo" a nih engtin nge i sawi? "engtik ni ah emaw ila hria ang,mahse tiang hian mipa pakhat vang mai mai in awm suh, kan ta nilo tur chu kan chelh reng theilo i past vang khan in ti lungngai suh i tun hun leh i future tur chauh ngaituah rawh, nangman i hmangaih ai chuan nangmah hmangaih tu che pan ang che, i nun a nia i hman dan a zir a ni mai tuman an ti chhe lo ang nangman engkim i siam tha in i ti chhe thei chuvang chuan nuam tak in i tun hun hmang rawh" ka lo nghak reng ang chu mihring chu ka tih chuan keimah pawh chu ka in ringlo zawk ka vawi khat hmuhna ah chu pawh hnam dang leh nghal,ka ruih vang a nih dawn hi. Mahse a hmel that zia kha ka en ning theilo khabe dawm meuh in mit tla lo chauh in a thusawi lai te chuan ka lo thlir reng a.
Hangover hi chu a hrehawm tak zet mahse thla khat ah vawi khat bak a ni hleinem chhun lam ah pawh ka mu thei chuang lo ka meng tlang thak a, thian thenkhat an hawng a kan thian original leh Akash chu chhun lam ah pawh chuan kan la awm ho a kan in belh reng a mahse Akash chu a rui ve lem lo ei tur vel order chuan Paula leh Ruata an chhuak a, ka chau ve bawk a ni ka mut chhuah vang pawh nilo in ka melh ngai ka melh leh tlawk tlawk zel chu an nuih a za ngang mai mu tur a min tih pawh chuan ka peihlo, thu chung chuan ka khup ah ka kut ka suih a ka kun a ka muthku a min khawngaih ve si chuan khum ah min dah phei a min mut chiah a ka harh tulh tulh a ka tawng reng a, a tawp ah ka tho leh nge nge zel. Ka mit ka chhin piangin Akash chu alo lang zel si kei hi eng ka ti zo ta nge le?
Thian dang te an hawng tawh si, diktak chuan tlem chuan ka thinrim ve deuh hmeichhe ho khan an haw hma in kan hmun tih hnawk vel te kha min tih fai pui ve dawn a maw ka ti ve em em a, an rawn tho a thil an ei a min la haw san vek zui ka thian mipa ho bul ah chuan ka ang ve deuh hlak a, tinge min tih fai pui tumna pawh an neih loh nep lutuk khatiang tur kha chuan rawn hruai tawh suh u tiin ka ang hmuar hmuar a, an ngawi deuh thap a ka u rawn haw hma in ti fai ang u ka tih chuan Paula chuan "in tih fel te chu hmeichhe tih tur lawm" ka thinrim kher mai Paula keimah chiah hmeichhia ni ilang chuan ka phut hauh lo ang che u in bialnu te pawh an awm ve a ti baltu zing ah khan hmeichhe tih fai tur a nih chuan va ko leh vek rawh u.... Rca leh Ruata chuan "a hmanhmawh thlak loh kan neih sa hi in zo ila kan ti fai dawnnia"
In tih fai pawh a ngailo keimah in ka ti fai vek ang mahse nidang ah chuan hre rawh u thil tih khawm kan neih apiangin keimah bak ka che ngailo tumah ka phut ngai heklo che u mahse tun tum chu ka chauh ve bak ah nula dang pawh an awm ve a ka lo beisei ve nen, mahse poilo nidang ah chuan hmeichhe awm dan tur hrilh ve rawh u in ti phai awm lutuk vang a in chhung chet vel tih tum miahloh an tih balh a tel ve tho kha keichu ka ngai theilo... Khatiang anga an awm leh dawn nih chuan rawn hruai tawhlo law law ru ka ti deuh hmak a. Bathroom ah in bual tur in ka luh san a ti tau chunga lut ka ni bawk nen ka inthlakna leh towel tak ngial pawh ka la lo tih ka in bual zawh chuan ka hre chhuak chiah a, thawmhnaw ho lah suk tur in machine ah ka chiah nghal vek bawk si..... Ruata ka towel min lo lak teh ka tih chuan rang fahran mai chuan a rawn la a engmah pawh ha lo chuan la tum vuau chung chuan ka chhuak a Akash chu ka va melh zawk a mahse min melh ve miahlo....
Room ah chuan ka lut leh nghala kawr fual khup chhuh chang chang ka ha a ka chhuak leh chu Akash chuan min lo nuih deuh suk a keipawh chuan ka nuih let ve seih a, hmun hnawk ka thian chu ka awihlo zawk Akash chu a rawn tho nghal vat a "khawngaih in va thu rawh heng te chu mipa tih tur lawm, kan lo ti fai ang" tih pah chuan hmun phiah chu min lak sak a rual a, ka ti thei lawm heng te chu ka tih tur lawm hmeichhia ka nia "Hmeichhia i nih vang tak khan a lawm i tih tur a nih loh, mipa chu tha kan ngah zawk a kan chak zawk bawk, hmeichhia chu kan duat tur a lawm" ka thian te thlir dan leh a thlir dan chu a in anglo tak zet mahse hepa hian mark that a tum mai mai a ni ka tih lai tak chuan Anush chuan "Angel Mipa kan awm reng a lawm dah rawh,mipa min ti mualpho" Anush hi chu nidang ah pawh hmeichhia in thil kan tih hi a phal vak ngailo mahse keichu mipa zing a ka tal tam em vang leh engkim mipa in an tih theih ang tih theih ve zel ka duh thu ka sawi tang kha chuan thil zawng zawng min tih sak hi a tum vek tawh bik lo mahse ka thian ngawih ngawih mizo mipa te hi ngati nge anni chuan hmeichhe tih tur ah an ngai a, thil harsa tak hmeichhe tih chi loh a awm chauh in lo ti suh an ti thin, anni pawh chu an zak ve deuh nge a hnam dang zawk in chet an tum tak ah chuan peihlo fahran in an rawn tih pui ve a, in kan tih fel hnu chuan Anush te pahnih chuan min haw san a ka u rawn hawn thleng chuan an ni pathum chu an la awm a, ka u in riak ve rawh u a tih tlat avang in an riak ve ta hlawm a.
A tuk Dar1 vel ah ka tho chu ka lu a na kher mai ka u chuan "hangover hi chu i in hmeh ve chiang ngawt mai" tih pah chuan juice in tur min rawn pe a Sunday tlai lam in khawm pawh chu ka peihlo kher mai mahse ka u hian in khawm loh a phal ngai loh avang chuan peih lo hle mah ila ka in siam ta tho a, ka in bual lai te chuan Akash chu ka ngaituah leh veng veng thin min care dan te ka past life a tang reng lo tur a min fuih na te chu ka rilru ah a awm reng a, khawi mi nge maw nih le? A hming chauh chu ka hre si mahse ka zep lo ka thinlung ngaituahna leh mitthla ah chuan amah bak chu an awm thei silo, kan in khawm lai te chuan amah lo tudang mah thil dang reng ka ngaituah thei hlawl lo, ka inthiamlo tak zet mahse ka thunun thei bawk silo. Hnamdang ka ngaizawng lovang tiin ka intiam thin a mahse hepa hi ka ngaizawng a ni ka vawikhat hmuhna ah ka ngaizawng a nia, amah lah chuan engah mah min ngai ve hauh lo ang mahse Love at first sight hi a awm tak tak a nih ngai chuan tuna ka awm dan hi a ni ngei ang. Anush chu a number dil mai te ka duh mahse amah zawk in engah mah min ngailo a ni mai a, ka rilru ang hi pu ni se chuan mipa zawk a nia bul a tan tur a ni bul tan tu zawk nih ka duh teuhlo.
kar khat a liam leh a, thildang reng ka ngaituah theilo ka thiante mizo ho lah chuan mizo hmeichhia hnamdang ngaizawng an hmuhsit zia leh an ngaih nep zia an sawi reng bawk si ka rilru chu sawi chhuah na tur ka hrelo ka u bul ah lah ka sawi ngam bawk silo kha pa kha ka ngai a ni ka ngai tak zet vawi khat tal hmuh leh ka duh, a veng awmna hming tal te lo hria ila, eng ti mi nge tih pawh ka hre silo bak ah a single ka ring hauhlo a mitmeng leh che zia atang kha chuan mipa lerh ve tak chu a ni ngei ang min biak dan vel atang te khan "bebe (baby) " tiin min ko a chu pawh ka phalna thlap in mipa dang nise khatia min koh kha ka duh hauh lo ang mahse "bebe" min tih te chu ka rilru ah a awm reng a kha pa kha ka ngai tak zet. Ka mutthluk lai te khan ka bul ah rawn thu in a dar ngheng tur in min ti a mahse ka ti ta em lova,ka in chhir zawk a ni tinge kan lam lai te khan a bul ah hlir ka lo lam loh le? Akash a hming te chu mawi ka ti thar em em a ka thinlung hian a lam reng a ka mit in ka chhuahna lam a piang ah a zawng reng bawk a. Tum khat Metro ah Paula nen kan chuan lai hian ka vei lam pang a tanga "bebe" min ko tu hi an awm tlat hian ka hria mahse kan tawt em avang leh ka ngaituahna mai mai a nih ka rin vang chuan ka hawi lem lo a, an rawn luh belh zel a kan tawt tawh nak laiin vai ho lah hi an chuh helh hlawm si min rawn nek luai luai a, ka thil chelh lai chu min rawn vawn khalh daih a,ka thinrim bawk si ka hne tak zet darkar chanve reng chuan kan la ngai zui. Ka hnung chiah atang chuan "Angel" ka hming ngei a min rawn ko tu lam chu rem leh rem lo hian ka va hawi phei a OMG kar khat chuang ka zawn tawh ka thinlung ngaituahna zawng zawng luah khat tu mihring ngei kha ka hmu leh ta ka hlim zia kha mahse in biak a remlo ka hnung a mi chuan min hliah zel bawk si, amah zawk chu chep tak kar ah chuan a rawn in hnawh phei zel a ka hnung chiah ah chuan a rawn ding a "kan in hmu khat hle mai, i tha em? " ka tha lo nangmah vang hian ti mai ka chak "ummm ka tha nang zawk i tha em? ka hmu leh ngai tawh dawnlo che maw ka ti sin "engvang in nge chutiang rilru i put a min hmuh leh i duh tawh na nge? " nui sak chung chuan a rawn ti a ,nilo chutiang a ni lo, ka beisei ngam lo zawk mawle ka tih chuan a nui deuh suk a enge i tih a khawnge i kal dawn "ka mi zawn ka hmu a, ka um ve tawp" oh a nih chu hetah hian a chuang ve mi? "ummm hetah hian ka hma ah hian a ding mek a" ka awihlo lutuk chu k thin a rim zawk ka ner khum deuh sak a "bebe ka fiamthu lo ka hmu thut che u a ka rawn tlan ve nghal lawm tak tak, a pawi viau em? " nangman pawi i tih loh chuan kei chuan pawi tihna ka nei miahlo ka tih lai tak chuan metro ding tur su luih ah chuan vawn tur ka nei bawk silo chu ka tawlh dawrh a Akash chuan rang fahran hian min lo chelh nghal a. Paula chu a rawn hawi phei a Akash a hmuh chuan a rawn be ve luam a kan chhukna tur kan thlen chuan Akash pawh chu a rawn chhuak ve nghal a "bebe pawi i tih loh chuan i number min pe thei a ngem" ka va han pe chiang tak em.
zan ah te chuan min rawn biak hun ka chang reng a mahse 11 a rik thleng chuan min rawn la be chuanglo tinge hepa hian hlimna Thamral mai tur beiseina min siam sak ziah le? Ka hlim ve tehreng nen beidawng tak in min siam leh si. Zai ka ngaihthlak lai tak chuan ka phone a rawn ri ral ral a phur tawk in ka en a unknown number a ni chu ka lawm teh a sin mahse pick nghal vat ka duhlo amah nghak reng tho mahila chutiang anga lan chu ka duh miahlo mahse ka nghak theilo phur tak chuan ka pick a "hey..... Bebe.... I buai m? " aih buai lo e "min lo la nghak a mi? " aw ka ti ang nge aih ka ti ang? aw ka tih chuan min ngai enge maw vek ang tih ka hlau bawk si "ka nghah che i ring m? Ka ti ve khauh a "aw ring e chuan ka ring dik chiah bawk tiraw? " ka zak deuh chem chem,ka rilru zawng zawng hrilh ka chak kher mai mahse ka ngam hlawllo. "party zawh hnu khan ka ngaituah reng che a nithum hnu ah khan Ruata leh Anush nen kan in hmu a i number ka dil a mahse Ruata khan i phone a chhiat thu min hrilh a, min lawm vak lovin ka hria a,ka dil nawn ngam ta lova" ka phone chu a chhe hauhlo mahse engvang in nge Ruata chuan chutia a tih le? min ven thawn pui vang a mi le aw? Ka hrethiamlo tak zet mahse engmah chu ka sawi duh chuanglo a, a hna thawh te ka zawt a businessman a nih thu a sawi chuan ka inthla hrung ang reng khawp mai ka te chem chem a, apa company a enkawl thu a han sawi chiah chu a Ka lo beisei na zawng zawng te kha ka zak zawk ka phu loh a ni si bak ah kei lo an hnampui a nu ten an duh zawk ngei ang, awi ka van zak lo tak chutiang thleng thleng ka lo ngaituah le? "bebe ka vawi khat hmuhna tang che khan ka thinlung ah i awm char char thil dang ka ngaituah thei tawhlo, ka duh tak zet che" keipawn ka duh tak zet mahse hnamdang val lak ah hian ka thinlung ka hlan mai dawn em ni? ka thutiam kha engtin nge ni ta ang?
Hmangaihna nge ka thlan ang ka hnam? Hnam dang ngaizawng ka lo dem thin em em te kha tun ah an dinhmun ka hrethiam ve ta.. Thil reng reng chu mahni in tawn ve phawt loh chuan mi hi dem ve vak vak hi a lo tha lem lo khawp mai. Mahse eng ang mihring nge a nih pawh ka la hre chianglo ka thinlung ngaituahna zawng zawng luah khat mahse ka past life a vang bawk chuan hma lam pen a harsa ka ti mahse ka dinna ngaia din reng chu ka tum biklo na in ka pen ngawt ngam loh ka mi zui tur chu ka hriat chian phawt a ngai a ni. Akash kan in hriatna ala reilo lutuk thian angin in kawm hmasa phawt ila? "Okay bebe ka nghak thei a lawm, mahse thutlukna diktak i siam ngei ka beisei" a tuk a tang chuan ka thinlung a khawharna leh lunglenna te chu Akash chuan mit mim lak ai maiin min hnawh bo sak vek a ka thinlung hmun ruak chu a luah khat hneh tak zet. Min ngaihsakna leh min ngaituahna ringawt te chuan dam hlut zia hi nitin min hriat chhuah tir thin weekend a piang in kan in ah a rawn kal a, Ka u nen ka in hmelhriat tir zawh chuan ka u chuan "Angel fimkhur rawh aw...." chu bak engmah a sawilo Anush hi hnam dang ber mah nise ka hrilh lo theilo a ka hrilh tum chuan "ka ring reng a, i number min dil a mahse Ruatan a pe phal tlat lova a chhan pawh ka hre bik lo, Akash pawh ka thianpa tho a nia nang chu ka farnu ang tluk in ka ngai che fimkhur rawh aw" Anush tinge fimkhur rawh min tih zel a, mipa hlauhawm a ni mi? "nilo e chutiang ang mi a nilo, i duh lo chung chuan engkawng ah mah a nawr lui ngailo ang che, hmeichhia a zah thiam lutuk a lawm, a thupui chu hmeichhe hmeltha leh kum upa zawk leh naupang zawk venhim leh zah hi ka mawhphurhna a ni a tia chuvang chuan physically chuan a tina ngailo ang che" mahse engkawng ah nge ka fimkhur ang? Ka ti leh hram a "zep lo ah chuan a hmeltha a,a zei bawk a, sum a ngah bawk a a luck lutuk hmeichhia a duh zawng tawh chu a neilo ngailo ang a ni, duh tak ka la tawnglo a ti thin a i rilru zawng zawng pe suh ka tihna mai a nia, ngaihzawng pakhat chauh a nei thiamlo a" chu thu ka hria chu ka thinlung hi a na vawng vawng ka ngawi hmak a engmah ka zawh belh tawh lo Anush chu a in thiamlo kher mai "Angel i rilru toh hnual ka tum miahlo i past life ah i tang reng a tal chhuak la nun hi nuam tak in chen la ka duh mahse i na leh a nih chuan tun ai hian i na dawn sia, chu thil a thlen chu ka duhloh vangin ka thianpa mah nise rilru pek dan tawk thiam la ka duh mai a nia, bansan turin ka ti hauh lo che" Anush ka hria lawm,ka hrethiam min ngaihtuahna ah ka lawm tak zet, engkim min hrilh avang khan ka in veng thiam zawk dawn a lawm inthiamlo duh suh ka tih chuan a rilru chu a nuam huai a mahse kei erawh ka ip pik ngawih ngawih tinge ka mipa duh ve te hi an lerh a rinawmna hi an hriatthiam loh le? Ka vanduai bik em ni? Ka be tawhlo tawp dawn nge enjoyment atan ka ti mai dawn thian angin in kawm mahila a hming chauh in thian kan ni si, ka hmangaih em em khan engtik lai mahin Akash a min ngaihsak ang hian min ngaihsak ngailo bak ah ka thiante ho pawn Akash an min ngaituah leh min ngaihsak ang hian an bialnu ngawih ngawih te pawh an ngaihsak ngailo mahse a mizia hrim hrim a nih dawn hi kei chauh lo pawh tupawh a ngaituah vek hmeichhia chu a dah pawimawh em a lawm, thikna tam tak a rawn pianga ka ti lang duh chuang lo hepa hian min ti a mai dawn.
kan in hmuh leh hmasak ber chuan tih lan loh hram ka duh mahse ka in sum thei thlawt lo a ni, ka rilru a na tlat in sum karna tel miahlo in engkim ka sawi chhuak ve ta a chhan pawh dinner ei pui ah min sawm a zan dar8 vel ah min rawn lam a, ka bag min chhuh vat a min ah sak a, motor kawng khar min hawn sak thlapa seat belt min vuah sak leh thlap bawk a, min ngaihsak na zawng zawng hian min ti na a ni, thian ang in awm mahila thian ang chuan ka en thei lo thian nihna engkim ah a hlen mahse min duh ve a nih si chuan tinge midang nen ang khat reng a min treat reng bik ka danglamna tinge a tih lan loh? Hotel nuam leh changkang tak ah min hruai a diktak chuan ka rilru nat vang nge in vhei pawh ka in chei peihlo ka awm hmun nen chuan ka zui tawp atana zahpui awm taka awm ka duh atan ka in chei thin mahse awmzia awm tawhlo zan in bak ka chhuahpui tawhlo anga ka be tawhlo ang tih rilru pu in ka awm a ni a, short jeans leh crop top leh sandal nen ringawt ka nia bag sin te fual fahran ka ak tawp a, min rawn lam lai a "i la in siam na nge?" min ti te kha tuna kan kalna hmun nen ka ngaituah hian awm ka ti hluah hluah, midang awm ve ho chu an smart in an nalh em em hlawm a, kan va thleng a an thutna tang chuan an rawn tho chhuak a kut an rawn beng hluah hluah leh nghal, a ngaihna ka hrelo tak zet ka hawi hai ang reng viau kan hnung lam ah midang an lo lawm a niang ti rilru chung chuan ka hawi kual a mahse keimahni bak tumah an awm lo Akash enge awmzia, helai hmun ah hian eng thil nge thleng a? "bebe khawngaih in lo nghak leh lawk rawh aw a rei tawhlo ang" tih pah chuan thutna min pawh chhuah sak a ka ban ah vuan in min thut tir a, a suit nalh tak ha chung chuan ka bag tereuh te fual deuh chu ak reng chung chuan a ding a, "zan in hian khawvela ka hmeichhe duh ber hmu tur leh ka birthday party a ka sawmna ngai pawimawh a lo kal ka thawhpui te zawng zawng in chung ah ka lawm tak zet" chu thu chuan min thawng ngei mai ka in sum hman leh pek lo a bul ah chuan ka va ding a kut an lo beng hluah hluah a ...Akash eng thil nge i tih a? Min tih mualpho hi nuam iti a mi? "bebe ka tihpalh lutuk surprise che ka duh a, tih mualpho che ka tum hauh lo, ka thil sawi ah khan sawi sual ka nei nih chuan min ngaidam rawh aw khawngaih in" a inthiamlo hmel chu ka khawngaih zawk, nilo Akash tinge i birthday a ni tih min hrilh loh? Ka dress ho en teh,miin min nuih dawn a sin tinge in ah khan smart tak a in chei tur a min hrilh ve loh? "chutiang lam ah chuan engmah buaina awmlo tuman i dress ah khan buaina an neilo an vai hian ka surprise dawn che tih an hre vek a lawm" mahse gift pawh ka keng ve silo lawm "i lo keng reng a lawm nangmah hi" nui sak chung chuan a rawn ti a hepa bul ah hi chuan ka thinrim theilo a hriat siloh in amah avangin ka rilru a na a, a hriat loh bawk in amah vek hian ka rilru na a tuam dam leh thin.
"bebe thil dangin ka surprise leh dawn che nia" eng thil maw? "ka hrilh che chuan surprise a ni dawn hleinem" music nen dim light hnuai a an lam mup mup lai chuan music chu ava off a rose par sen duk nen ka hma ah chuan a rawn thingthi a kut an beng a an au nasa mai hepa hian min ti mah mah lo maw? "Angel ka bialnu i ni duh ngem" aw ti rawh aw ti rawh tiin an lo au dual dual a, midang hriat ve siloh chuan "nang aiin ka mualpho zawk mahse pawi ka ti miahlo a, ka in chhir lova ka inchhir ngai hek lo ang" ka rilru natna te pawh a ti dam zo ta hepa hian a mai mai chuan min ti bik lo a ni ti rilru chung chuan rose par chu la in ka aw ve ta, a mitmeng mawlh mai kha a lawm zia chu ka hmuh hmaih hauhlo music an play a an lam chhunzawm leh a, a thenin thil an ei bawk a "i ril tam tawh em" aw a tam lutuk tawh mahse beer ka in chak zawk a nui sak a "ka lak hma in thil pakhat chiah aw"chuan enge? "ka kuah thei che ngem" tehreng mai min rawn kuah pah chuan "bebe ka lawm e aw, ka chal ah a rawn fawp zeuh a min thuttir hnu chuan beer leh ei tur chu ka bag la ak reng chung chuan a va la a, a duh chuan a hnuaia yhawk te annia ka ei tur la tur chuan a tir kual char char thei mahse engkim mai chu aman min tih sak vek a, hepa zuna uai lo hi tunge awm thei ang? A rawn let leh pah chuan a rawn su phei nasa mai a ka lo nuih nasa ngang mai "bebe tinge min nuih ka hlim lutuk a ka lam ve chak tawh nia" i lam vang khan ka nuih miahlo che i dress leh i bag ah in rem lo lutuk kha lawm ka nuih ka tih chuan "engmah ka zak lo ka bula i awm phawt chuan, mahse zan in chu in tam lutuk suh aw"
Balcony lam ah chuan kan chhuak phei a,ka rilru awm chu hrilh ngei ka duh Akash mipa lerh tak i ni tiraw "aw" teh tawl thin a a pha miahlo chuan min ti hrilh hai zawk a lawm. Min duh thu i sawi a mahse hmeichhe dang nen min treat dan ah danglamna a awm ngailo rin che hi harsa ka ti, ka rilru lo nat tawh thin dan i hria a min tina nawn leh duh tur khawp a mipa rilru chhia i nih chu ka ringlo mahse midang nen ang khat renga min treat hi ka hrethiam lo "bebe ka thinlung ah chuan midang nen in danglam lutuk midang ang lo tak en che ka duh thin ka in sum theilo tep thin mahse thian atan bak min duh silo a, ka ram ri ka pel ngamlo mai a ni, mahse tun ah chuan mi dang nen a ka tana in danglamna chu nitin i hmu in i hre tawh ang" han chhan leh dan pawh ka thiam tawhlo ka nui ringawt a beer chu pe in i in ve dawnlo mi ka tih chuan "thu ka in tiama ka birthday ah hian zu emaw beer emaw ka in lo ang tiin ka in tiam a, mahse ka chak ve thin ka thutiam hi ka bawh chhe ve ngailo" ohhh a nih chu tikhan min lo thlir reng mai dawnnia in chak deuh khan "in dan chi khat chauh a awm hleinem" tih leh ka hmui a rawn fawh chu a rual nghal a "ti khan indirect in ka in ve a ni mai a lawm" hepa teh hrep hi chu ava han zei ngawih ngawih tak tak em! Ka bottle ken lai chu min lak sak a a hma aia uar zawk in min rawn fawp leh a keipawh chuan ka chhang tha kher mai.
Tun ah chuan hnam dang bialpa nei ka lo ni ve ta reng mai ka rilru ah in thiam lohna tam tak a rawn lut a ka hnam ka phatsanna vang chuan hreawm ka ti thin mahse ka hlimna leh ka thinlung lawmna hi engdang maha thleng ka phal silo ka thian te ho phei chubka la hrilh ngam lo, an hriat hun hun ah hre ve rawh se mahse Anush chu ka hrilh ta tho a, ani chuan min dem chuanglo min propose dan ka hrilh chuan mak a ti lutuk chu a ka hi a ang leh phuau pek a, Anush enge khatia i awm vak kher a "i sawi ang chuan a ti tak tak maw? " umm ti tak tak e "hepa hian a duh lo che" engmaw i sawi a hlauthawng tak a ka tih chuan a kun ngur a hei enge awmzia ka thin chu a phu dup dup ni ber hian ka hria "Akash hian a duh lo che a hmangaih che" hei Anush min ti hlauthawng lutuk mahse min hmangaih thu min hrilh miahlo "a la hrelo a nih dawn chu mahse a hmangaih che tih hi ka hming ka hriat chian tluk in ka hrechiang Akash nen hian kum3 kan in hre tawh ka u thianpa a nia, ka u nen chuan hmeichhe lam ah rinawmna an nei lo hmeichhia an pan hmasa ngailo hmeichhia in an pan thin an duhzawng an hmaih ngai miahlo mahse duh tak tak an la tawng ngailo, i lak a a tih ang hian tu hmeichhia mah ala ti ngailo hmeichhia hi nawmchen nan bak a ti ngailo a serios ngailo mahse nagmah chu a serios lutuk mah mah" Anush thusawi chuan min ti lawm ngei mai mahse ka thian mizo mipa te hrilh lo tur chuan ka in tiam tir a, Akash nen chuan thla 6 lai kan in zui ve ta ka hawsan chang te hian rei hi a ti thei em em khawp a Mizoram a lo kal ve mai a duhthu a sawi chuan ka phal bawk silo, ka chhungten an hriat hun ah engtin nge an sawi ang engtin nge min tih ang le? Ka hlauthawng tak zet mahse Akash hi ka then thei tawhlo a tello chuan ka dam zo lovang. Christmas chawlh kan hmang zo ka chhuk leh tur chu kei ai mah chuan a phur a airport ah min lo hmuak a kan thlen hun tur hre reng chungin darkar chanve rengin alo kal hma a, kan han in hmu chu ka thiante ho tel ve lo se chuan tlan phei a va kuah nawk nawk ka chak mahse ka thiante vang chuan ka in sum hram hram a ni, ka u chu a hna vangin Mumbai lam ah a in sawn a ngai ta sia keimah chauh a ka awm tur chu ka chhungte chu an mangang kher mai mahse Paula nu te ka nu ten an lo bia a kan pahnih a in chu luah zawm mai tur chuan kan in rem siam a, Paula nen chuan kan luah tlang a a bialnu erawh a rawn riak tam khawp mai, nupa ang maiin an khawsa a chang chuan min zahlo hi ka ti lek lek thin mahse ka in luahpui a nia engkim a tum ve vek a ka sawisel ngam biklo, a bialnu lah chuan mizo hmeichhia hnamdang ngaizawng a hmuhsit zia leh a ten zia te chu a sawi vak vak ziah lehnghal a ben thluk tawp hi ka chak thin, a ruk hian kan in eilo ve ve a ni ber mai, hnamdang ka ngaizawng tih hria se chuan min huat a zual mai mai ang chu mahse a ni pawh ka ngaisang biklo mizo mipa a ngaizawng a mahse a thianghlimna leh a zahawmna pawh a vawng him zo hleinem nupa pawh ni uk lovin nupa ang maiin an khawsa a, ka ngaisang bik thak lo., hnamdang ngaizawng mahila kei chuan ka virginity ka ngaihlu a ka la in vawng him ve a lawm.
Ka thiante lak ah chuan in thup hram hram tum thin mahila kan in zui tam em vang chuan min ringhlel tih chu ka hria mahse engmah min zawt lem lo na in awmze nei tak tak in an tawng leh fak fak hlawm thin.... Anush erawh chuan min hrethiam em em a ka lam ah a tang tlat a mahse Akash chuan an hrethiamlo thin ka thiante hma a ka thup tlat chu midang ka nei emaw a ti tlat thin. Ka thiante zing a ka awm hi chuan ka rilru hian a pawh tawh loh vang leh keimah zawk a tisual tu ka nih vang jian ka inthlahrung a ka ti dui reng a hreawm ka ti thin anni pawh chuan thil diklo a awm tih chu an hrethiam thuai a minlo ringhlel sa nen an zing ah pawh chuan ka awm tam peih tawhlo mahni a ka awm loh leh Akash bul ah ka awm mai thin Anush a awm loh chuan kan thian ho bul ah a awm ka phal ngailo a rawn kal ve chuan Anush rualin Anush thian angin a rawn kal mai thin chutiang anga thian te zinga nun chu a hahthlak tak zet kei ai mah hian a ning a ni chuan engkim hria se free tak in enah ven tur awmlo in awm a duh keipawn ka duh mahse ka ngamlo a ni...
"bebe zan in ah kan in ah ka chhungte nen ka in hmelhriat tir duh che a, i confi dan tur ang ber in in chei rawh aw,nih loh chuan tinge min hrilh hmasak loh iti leh ang" mak ka ti hepa hi Anush sawi ang khan a serious tak tak nih dawn hi a nu leh pa hnen ah kei hnamdang zirlai ve mai lehnghal hi min in hmelhriat tir dawn a maw? Ka ring theilo ka lawm bawk si mahse a nu leh pa in engtin nge an sawi ang le? Minlo duhlo a ngem le? Hindi lah tlem tlem bak ka thiam silo han ti ti na tur khawp ka thiam silo English an thiam ve loh phei chuan engtin nge niang le? Akash i nu leh pa ten min duhlo ta se "an duh loh che chuan in ka luah anga kan awm daih mai dawn lawm" nilo chutiang in iti thei lo ang an fapa mal neih chhun inia i nu leh pa i kalsan thei hleinem "ka hmangaih neih chhun an pawm theilo nih chuan an bula ka awm reng thei bik lo mahse ka hmeichhe duh ka thlanna kawng ah rilru zau tak an pu a, engmah an sawi ngailo mahse ka lerh thin lutuk kha ka nu hian min hau thin pakhat ah rinawm rawh a tia, bebe an hmu chak tak zet che ka thiante hovin nangmah vanga ka inthlak nasat zia an hmu a an hrilh reng a i thlalak an en phei chuan ka nu chuan tha a ti tak zet che, ka nun thlak danglamtu hmeichhia hi ka nu hian a hmu chak tak zet" Aksah thusawi chuan min ti lawm tak zet a nu leh pa hmuh pawh chu ka chak tak zet tawh zan dar8 vel ah chuan min rawn lam a ka thawmhnaw ngainat ber kawrfual var khup khuh lek leh flat ka bun a bag ka khai a, ka sam la huh hniang chu ka thlah a make up ka hmang vak duhlo a lum lutuk bawk nen "bebe va inthlak leh rawh" tinge kekawr ka ha dawn a mi? Tianga in dress hi a mawilo mi? A rawn nui sak a "i nalh leh lutuk a ka chhungte mit a tla palh ang" a hnung ah chuan ka va beng a Akash min ti hlauthawng a lawm tikhan min fiam tawh suh "ole ole ka tihpalh lutuk, bialnu chhelo lutuk neih hi ka thiamlo ka la in adjust theilo, nitin ka hmuh apiang che in ka thinphu hi a normal lo ve ziah" tih pah chuan a car kawngkhar chu min hawn sak a,in thlen hun chu ka huphurh tak zet ka zam lutuk a ni tih a hriat vang chuan "bebe zam suh ka nu leh pa bul ah a bikin ka nu bul ah chuan i free viau ang kawm a nuam lutuk a nelawm lutuk, thawk la vak rawh english an thiam ve ve lawm in in kawm thei dawn lutuk" kawt zawl zau nuam tak kan thleng a hetiang em em a an hausak hi ka lo ring miahlo,an awmpui pa niang gate veng tu chuan kawngka min rawn hawn sak a, motor chahbi chu ala Akash nen chuan in chhung ah chuan kan in zui lut nghal a,ka khur dawn tlat ka nervous tak zet, ka beng bul ah chuan "bebe in thlah dul rawh engmah nilo nuam tak in awm rawh" Nu pakhat thau lam pang ngo suah mai chu kan lam pan chuan a rawn kal a a kut chu rawn la chhuak in "hello Angel Akash nu ka nia, ka hmu che chu ka lawm tak zet, hmeichhe hmeltha tak i ni, i nalh hle mai, lo kal rawh i chau em? " min be siam siam a chau love in in nei nuam hle mai keipawh ka hmu che hi ka lawm tak zet ka ti ve a.
"Ka nu khawnge ka pa hi? " Akash chuan a nu bul a thut pah chuan a ti a "heta hi ka lo kal e, khalai a vantirhkoh kha khawi tanga lo kal nge ka mit vai zawk a mi" tih pah chuan a mit te chu a han nuai vel a "ka fapa bialnu tan chuan a tha mah mah lo maw duhtak" Akash nu melh pah chuan min rawn pan phei a min rawn chibai a "Salim thusawi ka vawikhat rinna a ni (salim hi Anush unaupa" thil a sawi ve hi engmah ka awih ngailo hmeichhe chungchang ah a nia ka tih, hmeltha a tih ho hi tha ka ti ve ngailo a, mahse nang hi chu a sawi dik hle mai" han chhan ve vak ngaihna ka hrelo tak zet ka nui ringawt a, chhungkaw chanchin leh ka zirna thil te kan sawi a, ka nu leh pa hmuh ve an chak thu an sawi chuan hrehawm ka ti tak zet Akash chhungte hian min ngaina der in an fapa nupui atana min duh thu an sawi a mahse ka nu leh pa hi engtin nge ni ve dawn? Ka hrilh ve ngamlo a ni. Dinner kan neih zawh chuan Akash nu chuan an room ah min xhhoh san a amah nghak tur chuan min ti a, a ngaihna ka hrelo hle Akash ka va melh chuan nui sang chungin nghak turin min ti a, in chung lam ah chuan a chjo a, a tlereuh dahna bawm chu a rawn la chhuak a engmah a sawi ka bul ah chuan a rawn thu a "Angel ka fapa in kan in a hmeichhia min in hmelhriat tir vawikhat na a nia, ka fapa hian a hmangaih tak zet che tih ka hria, i hre ve mai thei ka fapa hi a lerh lutuk thin hmeichhia min hmelhriattir tur ber pawh a nei ngailo, ka duh tak ka tawn hun ah ka la rawn hruai ang a ti tjin a tun ah a rawn hruai che a, apa nen hian kan duh tak tak chr i chanchin hi nitin zan tin kan hre thin a,tun ah kan hmu ve ta che a ka fapa nupui tan ka duh tak zet che a chuvang chuan miin ka fapa nupui hi an lo melh tai ang tih ka hlau"tih pah chuan gold thi nalh zet mai hi a rawn phawrh a min awrh tir ta mai ka ham haih tak zet "ti hi chuan ka monu hual i ni tih miin an hre tawh anga tuman an ti buai ngam tawhlo ang che"
Lawmthu sawi ngaihna pawh ka hrelo, nuih ngaihna pawh ka hrelo a awmzia ka hrelo thi ka awrh vang hian an monu hual ka ni a maw? A awmzia ka hriat loh em avang chuan Akash pa zawk chuan "Angel kan tih dan a nia kan chhungkaw tih dan ka tihna nih chu kan pi leh pu te tangin mo atana kan duh a piang chu khami thi ang kha nu leh pa in kan awrh tir thin miin kan monu hual an lo melh ringawt pawh kan phal lo kan ta ni mai tur kan humhimna hmanrua a nih kha, nangpawh Akash nen fapa in neih hun ah kha thi kha i monu tur a i duh tak hnen ah i awrh tir ve dawnnia"Aw Lalpa ka duh thei lo tiang thleng thleng ka la ngaituah ngailo a sin Akash zawk chu kei ai mah chuan a ham haih leh nghal a mawni a mitmeng atang chuan hepa nen hian lo innei theilo ta ila engtin nge niang? Ka pawm ngawt theilo ang he thil hi mahse han hnar dan tur chhuanlam ka hrelo ka nu leh pa leh ka chhungte pawh ka ngaihzawng chungchang ka la hrilh ngam loh laia in hualna ang a chutiang thil lo pawm chu ka tan a harsa lutuk tlat.. Auntie he thil hi ka pawm theilo ang tih pah chuan phelh ka tum a Akash chuan ka kut chu a rawn chelh a, mitmei chuan phelh lo turin min ti a Auntie ka lawm lutuk mahse ka chhungte pawh kan chungchang ka la hrilh ve miahlo a, an hriat hma a hetiang anga thui kal chubka ngam rihlo a ni bak ah Akash nen hian lo innei lo ta ila in chhungkua ka ti mualpho in in rilru ka tina hle dawn a sin "Angel chutiang thil chu a thleng miahlo ang, kan malsawmna in hnen ah a awm zel dawn a lawm, thil i ngaituah thui leh lutuk a i buai nihkha nge ni kan fapa hi i hmangaih ve lova i nei duh ve lo zawk? zan in hian i rilru diktak min hrilh rawh kan thinrim lovang a kan haw ngailo ang che" Nilo nilo auntie chutiang a nilo nang ni nen chuan hnam leh sakhaw hrang kan ni a kan sakhaw dan ah chuan sakhaw dang kan nei thiang lova kan hnam dan pawhin a phal lo Akash hi ka duh a ka hmangaih tak zet mahse ka chhungten phal lo ta se engtin nge niang? "Angel hmangaihna hian maw sakhua leh hnam dan a sawi ve lo, in in hmangaih tak zet a nih chuan engmah hlau suh kan awm a lawm i nu leh pa te in hnam hruai tu leh sakhaw hruaotu te pawh kan be vek ang kan fapa hi i nei duh tak tak nih chuan" Akash pa in chutia a rawn ti chu ka lawm bawk si ka inthlahrung tak zet kei ve mai ti khawp hian min duh der ve a, Uncle ka tana in in huamna chu ka lawm lutuk ka tih chuan Akash nu chuan min rawn kuah pah in ka chal ah min rawn fawp a. Akash haw mai ka duh tawh ka tlai lutuk chuan a tha lovang Auntie,Uncle engkim ah ka lawm lutuk a nia ka haw phawt mai ang tiin kan in thlah liam ta a.
"Bebe ka nu leh pa khan tiang em em khan an duh che ka ring pha miahlo a bik tak in he thi hi maw an duh tak te lo chu tumah an pe ngailo tak tak a nia, he thi an pek tur te hi chu maw an thlang uluk thin lutuk thla tam tak an en thlak hnu ah an pe chauh thin mahse nang chu an vawikhat hmuhna ah an pe nghal che a, nang aiin mak ka ti zawk" Akash engtin nge ka tih ang? Ka chhungten an lo duh ve loh che chuan engtin nge ni ang mawh ka hlauthawng tak zet a chhan chu hnamdang leh sakhaw dang kan neih hi a thiang hlawl lo, chan che ka duhlo mahse ka nu leh pa leh kan hnam chu ka phatsan dawn a mi? "Hey bebe hlauthawng suh aw engkim a fel vek ang nangman i hrilh ngamlo nih pawn keimah ka awm lawm i hma ah ka ding zel ang" hui ham a ngaih anga awlsam hi a ni dawn silo ka sawi zawm peih tawhlo ka um e kual vel ta mai mai a,in kan thleng a ka thiante ho an lo awmkhawm a Akash nen kan in zui lut an hmuh chuan min lo melh hru hlawm a.
A HNUAI A FAKNA THLALAK LO LANG HI LIKE AIAH I HMET ZEUH DAWN NIA, PHEK DANGAH A KAL CHUAN BACK SAn LEH DAIH MAI RAWH, VAWI KHAT I HMEH TAWH CHUAN A TAWK DER, Ka lawm e, ngaia
'Angel..... Nang ka chan dawn ai che chuan in ram ah chuan lo kal in i nu leh pa hma ah thingthi in nang ka hmangaih zia che leh chan ka phal loh zia ka hrilh anga, ka dam chhung hun nang nen a hman dun ka duh thu ka hrilh mai ang"
Angel Lalruatkimi ka ni a, zarkawt veng ah kan khawsa a fanu mal ka ni a nuta pathum ka nei a kan unau zing ah a naupang ber ka ni nghe nghe a, rin tawh loh hnu a piang leh ka nih avangin hmeichhe awmchhun ka nih bak ah ka u te nen kan i thluh em avang hian kan upa ber phei chuan kan unau ah pawh min duat zual bik.
Kan upa ber in college a kal hian school ka kal tan ve chiah a ka nu leh pa te aiin ka u te pathum hian min buaipui nasa ka zun leh ek pawh ka u te hian engmah then hreh an nei ngailo tiin thenawm khawveng te hian ka len hnu aj hian min hrilh thin. Ka nu leh pa hi doctor an ni a, tun ah phei chuan ka u te pahnih in nupui an nei ve ve tawh a in hrang an chang tawh a ka u chiah erawh hi chu college lecturer niin nupui ala nei ve lo ka zirna sen so mai bak ah ka duh leh ka it zawng hi chu ka nu leh pa bul ai mah in ka u te bul ah ka sawi tam zawk a min tih sak loh an nei ngailo.
Class10 kan pass kum hian phai lama lehkha zir ka chak ve em em a ka ngen nasa khawp mai ka chhungte chuan an rem ti thei thlawt bawk silo chaw ei duh loh nan leh tawng duh loh nan ka hmang a kar khat tawp room ah ka in kalh khum a, a rukin an mut hnu ah thil ka ei leh thin... Class12 i pass vel ah i awm dawnnia min tih chu ka hre ru khiau mai a ka zirlai ah pawh ka tang nasa khawp mai, ka u te pahnih hi ka nu leh pa te an chhun a medical line lam ah an kal a kei leh ka u chiah hi chu arts line ah kan kal thung a.
Ka rual pui te zing ah pawh a lian pawl ka ni a, ka han tleirawl chho chu ka nu leh pa an hmel chhelo bawk a chhun tur ka nei tha a niang ka khawlai kal min en zui vawng vawng tu hi ka tawng ve nual mai, ka pian lam ah ka pa ka chhun a ka lian tha in ka pian pawh mipa duh chi tak a ni ve a niang pian nalh min ti tu an tam ve thin khawp mai ka pa hian min lo chhuang ru ve hle thin a niang miin in fanu hi chu ava han tha fuh chiang tak an lo ti ni awm tak a ni ka pa lah pek chuan kawi pawh a kawm a that chuan a rah pawh a tha alo ti deuh ngei zel a.
Ka duhtawk mai a ka han in chei hi chuan ka taksa ah hian sawisel lai tur pakhat chiah ka nei chu chu ka sam hi a ni, sam ngil hi ka awt ve thei khawp mai a ka sam kir ni ailo awmzei nei taka kawi chu miin nalh ti mahse nalh hi ka ti ve thei thlawt lo sam ngil zan nih hi ka chak an nu duh bik riau hian ka hre tlat pek a lawm. Class12 kan exam zo chu phai awm ngei tum in ka zir nasa bawk a ka thawveng mai mai a sin aw.... An phal leh lo nih chuan thla khat tawp room ah engmah eilo in ka tawm ang ka ti rilru a ka rin lawk ang ngei maiin result a chhuak a an phal lo leh ta tak tak a Top3 ah hial ka lang pha ve a phai awm ka tum vangin ka theihtawp ka chhuah a, an han phal leh lo chu ka rilru ana ngei mai. Ka sawi lawk ang ngeiin ka room ah ka tawm tlat a chaw pawh ka ei duhlo, zan ah engmah ka eiru ngai tawhlo tih ka nu in a hria chu a mangang a sin, ahma a ka tih tauh kha chuan ka ei duh zawng alo siam a fridge ah a dah a zing ah ka ei zo vek zel tih a hriat vang khan a rilru pawh a hrehawm lemlo mahse tun ah chuan eitur a siam pawh engmah ka ei ngai silo.
An hna lam pawh kal thei lo lek in min buaipui a, nithum hnu vel ah ka chhuah mai ka nu in a ring a mahse ka chhuah chuan siloh vang chuan, engmah eilo a ka awm an han ngaituah a an mangang tak zet a ka room kawngka an kik luai luai a hawn ka tum der silo, ka pa mangang lutuk chu ka nu nen ka room pawn lam ah an han in hau leh thul ka pa in a zir chak ve em em na hmun ah pawh zir i phal lo a, thu kha lo tiam lo law law zawk la tha tur class12 i pass vel ah i awm ang i tia theih tawp in a zir a tun ah i phal leh lo a, engvang in nge i tih hlawhtlin theih loh tur thu i tiam tiin ka nu chu ka hriat phak chin ah a vawikhat nan a hrawk tuar tuar a, ka u te pahnih an call bawk anni an rawn thleng a theihtawpin min thlem bawk ka luh lul zia an hre chiang bawk a ka hawn chu an ringlo hle a niang ka room kawngkhar chu an rawn ti chhe ta ringawt a khum ah chuan mu in puan pawh sin lovin mit bui luk in ka melh ngai chu ka melh tlawk tlawk a.
Ka pa in min rawn pan nghal a ka nu chu ka lak ah a inthlahrung lutuk nge mi pawh a rawn pan hnai ngam lo ka pa chuan khum atang chuan min pawm tho nawlh a, min kuah a ka tukhum sam ah chuan a chul a, chutia ka pa in hmangaih tak leh duat tak a min han kuah chu ka lungchhe thar sawt a ka theih tawp in ka tap ta ruah ruah a
A tawp a tawp ah chuan an phal ve ta hram a ka nu leh pa nen kan pathum chuan delhi ah kan kal a ka unaupa ka ni fapa alo awm sa nen a bul ah kan in nghat a, admission vel ka tih fel thleng chuan min awmpui a ka in admit fel hnu chuan min hawsan a, airport thleng chuan kan va thlah a, zep lo ah chuan ka chhungte tello a ka vawi khat awm bo na tur a nia ka duh zawng ka neih theih na tur a nih chuan ka nu leh pa ka be duhlo a ka ti tau a mahse an hmuh phak lova ka han awm tur chu ka hnuk a ulh ve reng mahse ka nu leh pa rilru tih hreawm ka duh loh vang chuan hlim hmel ka pu lui hram hram a ka nu zawk chu a in sum theilo min kuah a a mittui a rawn luang a ka pa leh Marvin ka cousin chuan an thlema min kal san ve ta a.
College ka kal tan tirh ni chuan kan department ah chuan ka mizo pui pathum an lo awm ve a mahse mipa bawk an ni leh a, kan unau ah hmeichhe awm chhun ka ni a, ka nu zawk zawk lo khawp mai ka nuta te bul ah ka tal tam a an duh zawng ang a piang ka ngen a kan thenawm ah lah ni se mipa naupang bak ka kawm rual pui an awm ngailo bawk nen
Mipa zing ah ka tal tam bawk a college ah pawh ka thian thar te mipa pathum pawh chu ka lawm ang reng zawk, Rca, Paul leh Ruata an nia kan in hmuh hmasak ber ni tang khan kan in thlah tawhlo an pathum hian in an luah a mahse kan in luah lam ah an rawn tal tam zawk ka u hi a hna lam ah a buai thei bawk nen zin kual reng nen keimah chauh a ka awm a ngaih chang a tam thin sia ka thian te pathum hian min rawn awm pui mai thin a ka nu leh pa pawn min ngaituah dan a nep phah thin. Shillong lam mi Anush hi kan kawm ve thin a a fel in mizo rilru pawh a hrethiam in a bul a awm a nuam thin khawp mai, kan panga chuan college lam ah kan in zui deuh chawt thin. Ka u hian thla khat ah vawi khat hi chu kan in ah a thiante leh kan thian ho hian party te nau hi a buat saih a a nih loh pawn club ah min hruai a kei lam hi nuam ka ti khawp a ka hobby a ni ve bawk nen ka nghak hlel thei khawp mai.
Kum chanve aia rei kan awm ve tawh a khawlum tih vel pawh ka tuar thei ve khawp mai, vun ngo chi ka ni hrim hrim bak ah delhi chu ka ngeih bawk a ka no surh a kanu thian hnamdang te pawh hian min duh thin thu te tha min tih thu hi ka u hi anlo hrilh ve thin mahse keimah hian ka uk sak vak lemlo bawk a hnamdang chu eng anga hmeltha pawh nise ka ngaizawng lo ang ka ti thin,ka thian te pawh hian hnamdang i ngaizawng a nih chuan kan vaw hlum nghal ang che an ti thin a ka mizo pui helai hmuna awm ve min ngaizawng ve tak tak pawh an tam khawp mai mahse ngaihzawng neih hi ka peih rihlo a niang, class12 ka zir lai khan ka nei ve a, ka duh lutuk ka hmangaih bawk mahse kei aia hmangaih a nei a niang rilru na takin vawi tam tak min siam a ngaihzawng dang min neih san a mahse ka ngaidam zel a ka hmangaih em vang khan ka rilru tina viau thin mahse ka pawm a amah chauh ka thlang leh thin mahse a tawp a tawp ah chuan ngaidam duh mahila a rwm tawh lo sawn a thlak a, nupui min neih san a kan inthen kha a nia, tun thleng hian ka la hmangaih lutuk mahse min hmangaih ve miahlo tu hmangaih zawng kan na thlawn mai a lo ni. Zan khat chu Anush hian a birthday a hming mai mai in lawm ang u a tia, in bialnu te theuh lo sawm ula a tia kei mah chauh ka single leh dawn a hruai lo mai rawh u ka tih pawh chuan min nuih thaw pah in single loh nawm zia kan hlep thei nang che an ti tlat bawk sia. Friday Tlai ah chuan beer kan lei a case3 reng kan in tlaivar ang kan tia kan phur ngei mai ka u a awm leh loh vangin kan in ah lawm kan tum a Anush chuan min lo call a a thian te ho a sawm nual thu a rawn sawi a mihrang nen a awm duah chu ka chak lem lo mahse thiante birthday a nia tiin ka pawm ve mai.
Zan dar10 vel ah chuan an rawn kal khawm tan a, mipa 15 vel an nia hmeichhia chu panga chauh kan ni thung a keimah chiah single ka nih vang chuan nuam an tih ang em em chuan ka ti lem lo a, ka thian te ho an chhas te nen an in kawp far hlawm a ka tan chuan han tih tur em em awm hek lo beer chu ka in char char a ligth kan off a hla kan play a ka in pah chuan ka lam reng bawk a kan han in tak tak mai chu mipa zawk ho pawh chuan min en leh deuh hrak hrak zel.
Ka rilru na hi a la rehlo James kha ka la hmangaih reng a a lo let leh te ka ring thin ka ruih a piang lah hian ka ruih hnan a ka tahpui ziah thin, kan zavai mai chuan kan lam mup mup a mipa ho in zu tak an in tel bawk a kan nawi teh nuai hlawm a nia,ka hmeichhe pui te pawn beer chu an in ve tak na in an in thei vak lo nge an bialpa te bul ah an in sum ka hrelo an in tam ve lo khawp mai keichu mipa ho ai pawn ka in hnem zawk ka rui har em em mai leh nghal a mahse ka phur tan tawh khawp mai, ka lam reng mai a kan zing ah chuan mipa pakhat lam ve miahlo a thutna ngai a thu a min lo melh leh zawk thin chuan ka mit ala deuh tlat a keipawh chuan ka melh pah chuan ka nuih ve leh zawk thin. Zing lam dar3 vel ah chuan hmeichhe dang zawng leh mipa thenkhat chu chhuat ah te room ah te chuan an mu phung hlawm a kei leh Rca leh Anush chuan an thianpa Samir leh a hming ka hriat loh chhelo zet mai chauh chu kan meng tawh a,kei ka lo zak zum vak tawhlo bawk nen Anush i thianpa cool deuh hi a hming te min hrilh ve dawn lo mi? "het.... Kan lo thlen tirh ah engkim ka sawi tawh tinge i hriat theih loh?" vawi khat chiah sawi leh chu a har viau mi ka tih lai tak chuan thutphah tang chuan a rawn tho a vhhuat a kan thutna ah chuan rawn thut thlak pah chuan a kut chu a rawn phar chhuak a "Akash, a vawi hnih na tan" a nui suk a ohhh i hming chu ka hre reng tawh ang Angel tih pah chuan ka nui ve sak a "tinge i va han in thei ve, i chau ve lo mi, hmeichhe dang chu an mu vek tawh bak ah i in tam dan a tang kha chuan mipa tan pawh muthilh na tur a ni tawh sin" Akash mipa nen danglamna vak ka nei hleinem mipa tih theih ang chu ka ti ve thei zel mahse nuam iti ve lo mi tinge i va cool ve? "ka cool vak mi aw? Nuam ka ti lutuk" a tih lai chuan Rca chuan "nang ni pahnih kha in pahnih chauh khan in in kawm reng dawn mi? Keini pawh kan la men ve hi" a rawn tih chuan midang an awm ve tih ka hre chhuak chiah mawle
Ka in hnem teh reng nen ka la kham chuang lo mahse ka pangngai tawhlo lutuk tih chu keimah pawh chuan ka in hre reng a, lak belh tura ka tih chuan a tawk lutuk tawh an ti chu kei rui lungpuam chuan in kal peih loh vang nihkha keimah in ka kal mai ang tih leh thawh ka rual a ka luhlul zia hre tu Rca chuan "kan peih loh vang nilo i in tam mah mah,kan ngaituah vang zawk che lawm" ka lungawi thei chuang lo pai chawn chawn chung chuan ka tho a kal luoh ka tum chu Akash chu a rawn ding vat a ka ban ah chuan a rawn chelh a "hmeichhe tan chhuah a hun tawhlo Anush kal rawh va la ang" a tih chuan ka purse chu ka pe nghal a mahse Anush hi chu a rui chhe ve thei khawp a kal chi zia zang a nih loh vang chuan Rca nem chuan an in zui chhuak a, Akash chuan ka purse chu min rawn pe let a "dah tha rawh kan vawikhat in hmuhna a nia keiman ka treat ang che" nui sak chung chuan a rawn ti a, in tih harh hram ka duh ka muthlu ve lup lup na in kei chu ka ruih viau pawh hian muthilh tak tak ka tum hian ka mut chhuak a reh a ka tawng char char zel chuvang chuan ka thiante hi chuan mu tur pawn min ti ngai lemlo.
An kal hlan chuan bathroom ah ka lut a tui ka herh hawng a chhuat ah ka thu a tui chuan ka in phuh char char a, tho kang leh tur pawn tha ka nei tawhlo Anush lah a lo chatthla daih bawk nen bathroom ah chuan ka thu ta ngat ngat a, Rca leh Akash te rawn haw leh chuan min au vak vak a bathroom lam ah ka thawm hria in an rawn lut a thawmhnaw nen huh hluama ka lo thu chu Rca chuan tui chu a off vat a towel la in min rawn tuam a, "ti hian in leh ila tum a maw? " in dawn e engzat nge in lo lak ka la ti sam et a, "va inthlak vat mai teh" ka inthlak hma khan kekawr dum khup khuh leh T-shirt ka ha a in ha bul thei viau mahila khawlai chhuah nan leh hmelhriat loh bul ah chuan in hak chhin lutuk ka duh ngailo mahse ka in thlak tur ka thawmhnaw ka haih chu ka hmuh hmasak sak kekawr bul chhing fahranmai ka pian nalh a ruk tak a ka chhuan ve em em ti lang chiang em em mai leh crop top ka ha a ka sam chu ka thlah deuh hnuang bawk a room atang a ka chhuak chu Akash chuan min rawn melh zawk a hawi sawn leh nghal vat a hnuai lam melh pah chuan a nui deuh sak a, in leh ila tih pah chuan ka hawng nghal a no ah pawh ka thli peih tawhlo a bur chuan ka in nghal a.
Dar5 vel ah chuan Rca pawh chu chhuat ah chuan a mu hlawm tel a kei leh Akush chiah chu kan meng ta a, ani pawh a tawng duh ve khawp mai love life min rawn zawt thut a ka 1st love nen a kan chanchin engkim ka hrilh a ka sawi pah chuan ka mittui a tla a ka tap leh thin "Poi ka ti lutuk zawt lo che ila tha tur mahse nang ang hmeichhe hmeltha leh nalh lutuk kal san tu mipa chuan a phulo zawk che a chuvang chuan a kal san che nihkha thil hlu leh mawi em em a dam chhung a a neih phak loh tur a chan a ni" min hnemna tawngkam chuan ka tah chhuak zawng zawng hi a ti reh vek ni ber in ka hria a mah ka melh lah chuan a mitmeng a tang chuan min fiam mai mailo tih ka hmu tel a ni. Akash ka lawm lutuk i thinlung ang kha pu ve se ka ti "ka thinlung put dan ang a put ve ka duhlo a pu lo hi ka lawm" tinge rilru na deuh a ka awm hi pawi iti lo mi? " nilo chutiang zawng chuan ka sawilo" a nih engtin nge i sawi? "engtik ni ah emaw ila hria ang,mahse tiang hian mipa pakhat vang mai mai in awm suh, kan ta nilo tur chu kan chelh reng theilo i past vang khan in ti lungngai suh i tun hun leh i future tur chauh ngaituah rawh, nangman i hmangaih ai chuan nangmah hmangaih tu che pan ang che, i nun a nia i hman dan a zir a ni mai tuman an ti chhe lo ang nangman engkim i siam tha in i ti chhe thei chuvang chuan nuam tak in i tun hun hmang rawh" ka lo nghak reng ang chu mihring chu ka tih chuan keimah pawh chu ka in ringlo zawk ka vawi khat hmuhna ah chu pawh hnam dang leh nghal,ka ruih vang a nih dawn hi. Mahse a hmel that zia kha ka en ning theilo khabe dawm meuh in mit tla lo chauh in a thusawi lai te chuan ka lo thlir reng a.
Hangover hi chu a hrehawm tak zet mahse thla khat ah vawi khat bak a ni hleinem chhun lam ah pawh ka mu thei chuang lo ka meng tlang thak a, thian thenkhat an hawng a kan thian original leh Akash chu chhun lam ah pawh chuan kan la awm ho a kan in belh reng a mahse Akash chu a rui ve lem lo ei tur vel order chuan Paula leh Ruata an chhuak a, ka chau ve bawk a ni ka mut chhuah vang pawh nilo in ka melh ngai ka melh leh tlawk tlawk zel chu an nuih a za ngang mai mu tur a min tih pawh chuan ka peihlo, thu chung chuan ka khup ah ka kut ka suih a ka kun a ka muthku a min khawngaih ve si chuan khum ah min dah phei a min mut chiah a ka harh tulh tulh a ka tawng reng a, a tawp ah ka tho leh nge nge zel. Ka mit ka chhin piangin Akash chu alo lang zel si kei hi eng ka ti zo ta nge le?
Thian dang te an hawng tawh si, diktak chuan tlem chuan ka thinrim ve deuh hmeichhe ho khan an haw hma in kan hmun tih hnawk vel te kha min tih fai pui ve dawn a maw ka ti ve em em a, an rawn tho a thil an ei a min la haw san vek zui ka thian mipa ho bul ah chuan ka ang ve deuh hlak a, tinge min tih fai pui tumna pawh an neih loh nep lutuk khatiang tur kha chuan rawn hruai tawh suh u tiin ka ang hmuar hmuar a, an ngawi deuh thap a ka u rawn haw hma in ti fai ang u ka tih chuan Paula chuan "in tih fel te chu hmeichhe tih tur lawm" ka thinrim kher mai Paula keimah chiah hmeichhia ni ilang chuan ka phut hauh lo ang che u in bialnu te pawh an awm ve a ti baltu zing ah khan hmeichhe tih fai tur a nih chuan va ko leh vek rawh u.... Rca leh Ruata chuan "a hmanhmawh thlak loh kan neih sa hi in zo ila kan ti fai dawnnia"
In tih fai pawh a ngailo keimah in ka ti fai vek ang mahse nidang ah chuan hre rawh u thil tih khawm kan neih apiangin keimah bak ka che ngailo tumah ka phut ngai heklo che u mahse tun tum chu ka chauh ve bak ah nula dang pawh an awm ve a ka lo beisei ve nen, mahse poilo nidang ah chuan hmeichhe awm dan tur hrilh ve rawh u in ti phai awm lutuk vang a in chhung chet vel tih tum miahloh an tih balh a tel ve tho kha keichu ka ngai theilo... Khatiang anga an awm leh dawn nih chuan rawn hruai tawhlo law law ru ka ti deuh hmak a. Bathroom ah in bual tur in ka luh san a ti tau chunga lut ka ni bawk nen ka inthlakna leh towel tak ngial pawh ka la lo tih ka in bual zawh chuan ka hre chhuak chiah a, thawmhnaw ho lah suk tur in machine ah ka chiah nghal vek bawk si..... Ruata ka towel min lo lak teh ka tih chuan rang fahran mai chuan a rawn la a engmah pawh ha lo chuan la tum vuau chung chuan ka chhuak a Akash chu ka va melh zawk a mahse min melh ve miahlo....
Room ah chuan ka lut leh nghala kawr fual khup chhuh chang chang ka ha a ka chhuak leh chu Akash chuan min lo nuih deuh suk a keipawh chuan ka nuih let ve seih a, hmun hnawk ka thian chu ka awihlo zawk Akash chu a rawn tho nghal vat a "khawngaih in va thu rawh heng te chu mipa tih tur lawm, kan lo ti fai ang" tih pah chuan hmun phiah chu min lak sak a rual a, ka ti thei lawm heng te chu ka tih tur lawm hmeichhia ka nia "Hmeichhia i nih vang tak khan a lawm i tih tur a nih loh, mipa chu tha kan ngah zawk a kan chak zawk bawk, hmeichhia chu kan duat tur a lawm" ka thian te thlir dan leh a thlir dan chu a in anglo tak zet mahse hepa hian mark that a tum mai mai a ni ka tih lai tak chuan Anush chuan "Angel Mipa kan awm reng a lawm dah rawh,mipa min ti mualpho" Anush hi chu nidang ah pawh hmeichhia in thil kan tih hi a phal vak ngailo mahse keichu mipa zing a ka tal tam em vang leh engkim mipa in an tih theih ang tih theih ve zel ka duh thu ka sawi tang kha chuan thil zawng zawng min tih sak hi a tum vek tawh bik lo mahse ka thian ngawih ngawih mizo mipa te hi ngati nge anni chuan hmeichhe tih tur ah an ngai a, thil harsa tak hmeichhe tih chi loh a awm chauh in lo ti suh an ti thin, anni pawh chu an zak ve deuh nge a hnam dang zawk in chet an tum tak ah chuan peihlo fahran in an rawn tih pui ve a, in kan tih fel hnu chuan Anush te pahnih chuan min haw san a ka u rawn hawn thleng chuan an ni pathum chu an la awm a, ka u in riak ve rawh u a tih tlat avang in an riak ve ta hlawm a.
A tuk Dar1 vel ah ka tho chu ka lu a na kher mai ka u chuan "hangover hi chu i in hmeh ve chiang ngawt mai" tih pah chuan juice in tur min rawn pe a Sunday tlai lam in khawm pawh chu ka peihlo kher mai mahse ka u hian in khawm loh a phal ngai loh avang chuan peih lo hle mah ila ka in siam ta tho a, ka in bual lai te chuan Akash chu ka ngaituah leh veng veng thin min care dan te ka past life a tang reng lo tur a min fuih na te chu ka rilru ah a awm reng a, khawi mi nge maw nih le? A hming chauh chu ka hre si mahse ka zep lo ka thinlung ngaituahna leh mitthla ah chuan amah bak chu an awm thei silo, kan in khawm lai te chuan amah lo tudang mah thil dang reng ka ngaituah thei hlawl lo, ka inthiamlo tak zet mahse ka thunun thei bawk silo. Hnamdang ka ngaizawng lovang tiin ka intiam thin a mahse hepa hi ka ngaizawng a ni ka vawikhat hmuhna ah ka ngaizawng a nia, amah lah chuan engah mah min ngai ve hauh lo ang mahse Love at first sight hi a awm tak tak a nih ngai chuan tuna ka awm dan hi a ni ngei ang. Anush chu a number dil mai te ka duh mahse amah zawk in engah mah min ngailo a ni mai a, ka rilru ang hi pu ni se chuan mipa zawk a nia bul a tan tur a ni bul tan tu zawk nih ka duh teuhlo.
kar khat a liam leh a, thildang reng ka ngaituah theilo ka thiante mizo ho lah chuan mizo hmeichhia hnamdang ngaizawng an hmuhsit zia leh an ngaih nep zia an sawi reng bawk si ka rilru chu sawi chhuah na tur ka hrelo ka u bul ah lah ka sawi ngam bawk silo kha pa kha ka ngai a ni ka ngai tak zet vawi khat tal hmuh leh ka duh, a veng awmna hming tal te lo hria ila, eng ti mi nge tih pawh ka hre silo bak ah a single ka ring hauhlo a mitmeng leh che zia atang kha chuan mipa lerh ve tak chu a ni ngei ang min biak dan vel atang te khan "bebe (baby) " tiin min ko a chu pawh ka phalna thlap in mipa dang nise khatia min koh kha ka duh hauh lo ang mahse "bebe" min tih te chu ka rilru ah a awm reng a kha pa kha ka ngai tak zet. Ka mutthluk lai te khan ka bul ah rawn thu in a dar ngheng tur in min ti a mahse ka ti ta em lova,ka in chhir zawk a ni tinge kan lam lai te khan a bul ah hlir ka lo lam loh le? Akash a hming te chu mawi ka ti thar em em a ka thinlung hian a lam reng a ka mit in ka chhuahna lam a piang ah a zawng reng bawk a. Tum khat Metro ah Paula nen kan chuan lai hian ka vei lam pang a tanga "bebe" min ko tu hi an awm tlat hian ka hria mahse kan tawt em avang leh ka ngaituahna mai mai a nih ka rin vang chuan ka hawi lem lo a, an rawn luh belh zel a kan tawt tawh nak laiin vai ho lah hi an chuh helh hlawm si min rawn nek luai luai a, ka thil chelh lai chu min rawn vawn khalh daih a,ka thinrim bawk si ka hne tak zet darkar chanve reng chuan kan la ngai zui. Ka hnung chiah atang chuan "Angel" ka hming ngei a min rawn ko tu lam chu rem leh rem lo hian ka va hawi phei a OMG kar khat chuang ka zawn tawh ka thinlung ngaituahna zawng zawng luah khat tu mihring ngei kha ka hmu leh ta ka hlim zia kha mahse in biak a remlo ka hnung a mi chuan min hliah zel bawk si, amah zawk chu chep tak kar ah chuan a rawn in hnawh phei zel a ka hnung chiah ah chuan a rawn ding a "kan in hmu khat hle mai, i tha em? " ka tha lo nangmah vang hian ti mai ka chak "ummm ka tha nang zawk i tha em? ka hmu leh ngai tawh dawnlo che maw ka ti sin "engvang in nge chutiang rilru i put a min hmuh leh i duh tawh na nge? " nui sak chung chuan a rawn ti a ,nilo chutiang a ni lo, ka beisei ngam lo zawk mawle ka tih chuan a nui deuh suk a enge i tih a khawnge i kal dawn "ka mi zawn ka hmu a, ka um ve tawp" oh a nih chu hetah hian a chuang ve mi? "ummm hetah hian ka hma ah hian a ding mek a" ka awihlo lutuk chu k thin a rim zawk ka ner khum deuh sak a "bebe ka fiamthu lo ka hmu thut che u a ka rawn tlan ve nghal lawm tak tak, a pawi viau em? " nangman pawi i tih loh chuan kei chuan pawi tihna ka nei miahlo ka tih lai tak chuan metro ding tur su luih ah chuan vawn tur ka nei bawk silo chu ka tawlh dawrh a Akash chuan rang fahran hian min lo chelh nghal a. Paula chu a rawn hawi phei a Akash a hmuh chuan a rawn be ve luam a kan chhukna tur kan thlen chuan Akash pawh chu a rawn chhuak ve nghal a "bebe pawi i tih loh chuan i number min pe thei a ngem" ka va han pe chiang tak em.
zan ah te chuan min rawn biak hun ka chang reng a mahse 11 a rik thleng chuan min rawn la be chuanglo tinge hepa hian hlimna Thamral mai tur beiseina min siam sak ziah le? Ka hlim ve tehreng nen beidawng tak in min siam leh si. Zai ka ngaihthlak lai tak chuan ka phone a rawn ri ral ral a phur tawk in ka en a unknown number a ni chu ka lawm teh a sin mahse pick nghal vat ka duhlo amah nghak reng tho mahila chutiang anga lan chu ka duh miahlo mahse ka nghak theilo phur tak chuan ka pick a "hey..... Bebe.... I buai m? " aih buai lo e "min lo la nghak a mi? " aw ka ti ang nge aih ka ti ang? aw ka tih chuan min ngai enge maw vek ang tih ka hlau bawk si "ka nghah che i ring m? Ka ti ve khauh a "aw ring e chuan ka ring dik chiah bawk tiraw? " ka zak deuh chem chem,ka rilru zawng zawng hrilh ka chak kher mai mahse ka ngam hlawllo. "party zawh hnu khan ka ngaituah reng che a nithum hnu ah khan Ruata leh Anush nen kan in hmu a i number ka dil a mahse Ruata khan i phone a chhiat thu min hrilh a, min lawm vak lovin ka hria a,ka dil nawn ngam ta lova" ka phone chu a chhe hauhlo mahse engvang in nge Ruata chuan chutia a tih le? min ven thawn pui vang a mi le aw? Ka hrethiamlo tak zet mahse engmah chu ka sawi duh chuanglo a, a hna thawh te ka zawt a businessman a nih thu a sawi chuan ka inthla hrung ang reng khawp mai ka te chem chem a, apa company a enkawl thu a han sawi chiah chu a Ka lo beisei na zawng zawng te kha ka zak zawk ka phu loh a ni si bak ah kei lo an hnampui a nu ten an duh zawk ngei ang, awi ka van zak lo tak chutiang thleng thleng ka lo ngaituah le? "bebe ka vawi khat hmuhna tang che khan ka thinlung ah i awm char char thil dang ka ngaituah thei tawhlo, ka duh tak zet che" keipawn ka duh tak zet mahse hnamdang val lak ah hian ka thinlung ka hlan mai dawn em ni? ka thutiam kha engtin nge ni ta ang?
Hmangaihna nge ka thlan ang ka hnam? Hnam dang ngaizawng ka lo dem thin em em te kha tun ah an dinhmun ka hrethiam ve ta.. Thil reng reng chu mahni in tawn ve phawt loh chuan mi hi dem ve vak vak hi a lo tha lem lo khawp mai. Mahse eng ang mihring nge a nih pawh ka la hre chianglo ka thinlung ngaituahna zawng zawng luah khat mahse ka past life a vang bawk chuan hma lam pen a harsa ka ti mahse ka dinna ngaia din reng chu ka tum biklo na in ka pen ngawt ngam loh ka mi zui tur chu ka hriat chian phawt a ngai a ni. Akash kan in hriatna ala reilo lutuk thian angin in kawm hmasa phawt ila? "Okay bebe ka nghak thei a lawm, mahse thutlukna diktak i siam ngei ka beisei" a tuk a tang chuan ka thinlung a khawharna leh lunglenna te chu Akash chuan mit mim lak ai maiin min hnawh bo sak vek a ka thinlung hmun ruak chu a luah khat hneh tak zet. Min ngaihsakna leh min ngaituahna ringawt te chuan dam hlut zia hi nitin min hriat chhuah tir thin weekend a piang in kan in ah a rawn kal a, Ka u nen ka in hmelhriat tir zawh chuan ka u chuan "Angel fimkhur rawh aw...." chu bak engmah a sawilo Anush hi hnam dang ber mah nise ka hrilh lo theilo a ka hrilh tum chuan "ka ring reng a, i number min dil a mahse Ruatan a pe phal tlat lova a chhan pawh ka hre bik lo, Akash pawh ka thianpa tho a nia nang chu ka farnu ang tluk in ka ngai che fimkhur rawh aw" Anush tinge fimkhur rawh min tih zel a, mipa hlauhawm a ni mi? "nilo e chutiang ang mi a nilo, i duh lo chung chuan engkawng ah mah a nawr lui ngailo ang che, hmeichhia a zah thiam lutuk a lawm, a thupui chu hmeichhe hmeltha leh kum upa zawk leh naupang zawk venhim leh zah hi ka mawhphurhna a ni a tia chuvang chuan physically chuan a tina ngailo ang che" mahse engkawng ah nge ka fimkhur ang? Ka ti leh hram a "zep lo ah chuan a hmeltha a,a zei bawk a, sum a ngah bawk a a luck lutuk hmeichhia a duh zawng tawh chu a neilo ngailo ang a ni, duh tak ka la tawnglo a ti thin a i rilru zawng zawng pe suh ka tihna mai a nia, ngaihzawng pakhat chauh a nei thiamlo a" chu thu ka hria chu ka thinlung hi a na vawng vawng ka ngawi hmak a engmah ka zawh belh tawh lo Anush chu a in thiamlo kher mai "Angel i rilru toh hnual ka tum miahlo i past life ah i tang reng a tal chhuak la nun hi nuam tak in chen la ka duh mahse i na leh a nih chuan tun ai hian i na dawn sia, chu thil a thlen chu ka duhloh vangin ka thianpa mah nise rilru pek dan tawk thiam la ka duh mai a nia, bansan turin ka ti hauh lo che" Anush ka hria lawm,ka hrethiam min ngaihtuahna ah ka lawm tak zet, engkim min hrilh avang khan ka in veng thiam zawk dawn a lawm inthiamlo duh suh ka tih chuan a rilru chu a nuam huai a mahse kei erawh ka ip pik ngawih ngawih tinge ka mipa duh ve te hi an lerh a rinawmna hi an hriatthiam loh le? Ka vanduai bik em ni? Ka be tawhlo tawp dawn nge enjoyment atan ka ti mai dawn thian angin in kawm mahila a hming chauh in thian kan ni si, ka hmangaih em em khan engtik lai mahin Akash a min ngaihsak ang hian min ngaihsak ngailo bak ah ka thiante ho pawn Akash an min ngaituah leh min ngaihsak ang hian an bialnu ngawih ngawih te pawh an ngaihsak ngailo mahse a mizia hrim hrim a nih dawn hi kei chauh lo pawh tupawh a ngaituah vek hmeichhia chu a dah pawimawh em a lawm, thikna tam tak a rawn pianga ka ti lang duh chuang lo hepa hian min ti a mai dawn.
kan in hmuh leh hmasak ber chuan tih lan loh hram ka duh mahse ka in sum thei thlawt lo a ni, ka rilru a na tlat in sum karna tel miahlo in engkim ka sawi chhuak ve ta a chhan pawh dinner ei pui ah min sawm a zan dar8 vel ah min rawn lam a, ka bag min chhuh vat a min ah sak a, motor kawng khar min hawn sak thlapa seat belt min vuah sak leh thlap bawk a, min ngaihsak na zawng zawng hian min ti na a ni, thian ang in awm mahila thian ang chuan ka en thei lo thian nihna engkim ah a hlen mahse min duh ve a nih si chuan tinge midang nen ang khat reng a min treat reng bik ka danglamna tinge a tih lan loh? Hotel nuam leh changkang tak ah min hruai a diktak chuan ka rilru nat vang nge in vhei pawh ka in chei peihlo ka awm hmun nen chuan ka zui tawp atana zahpui awm taka awm ka duh atan ka in chei thin mahse awmzia awm tawhlo zan in bak ka chhuahpui tawhlo anga ka be tawhlo ang tih rilru pu in ka awm a ni a, short jeans leh crop top leh sandal nen ringawt ka nia bag sin te fual fahran ka ak tawp a, min rawn lam lai a "i la in siam na nge?" min ti te kha tuna kan kalna hmun nen ka ngaituah hian awm ka ti hluah hluah, midang awm ve ho chu an smart in an nalh em em hlawm a, kan va thleng a an thutna tang chuan an rawn tho chhuak a kut an rawn beng hluah hluah leh nghal, a ngaihna ka hrelo tak zet ka hawi hai ang reng viau kan hnung lam ah midang an lo lawm a niang ti rilru chung chuan ka hawi kual a mahse keimahni bak tumah an awm lo Akash enge awmzia, helai hmun ah hian eng thil nge thleng a? "bebe khawngaih in lo nghak leh lawk rawh aw a rei tawhlo ang" tih pah chuan thutna min pawh chhuah sak a ka ban ah vuan in min thut tir a, a suit nalh tak ha chung chuan ka bag tereuh te fual deuh chu ak reng chung chuan a ding a, "zan in hian khawvela ka hmeichhe duh ber hmu tur leh ka birthday party a ka sawmna ngai pawimawh a lo kal ka thawhpui te zawng zawng in chung ah ka lawm tak zet" chu thu chuan min thawng ngei mai ka in sum hman leh pek lo a bul ah chuan ka va ding a kut an lo beng hluah hluah a ...Akash eng thil nge i tih a? Min tih mualpho hi nuam iti a mi? "bebe ka tihpalh lutuk surprise che ka duh a, tih mualpho che ka tum hauh lo, ka thil sawi ah khan sawi sual ka nei nih chuan min ngaidam rawh aw khawngaih in" a inthiamlo hmel chu ka khawngaih zawk, nilo Akash tinge i birthday a ni tih min hrilh loh? Ka dress ho en teh,miin min nuih dawn a sin tinge in ah khan smart tak a in chei tur a min hrilh ve loh? "chutiang lam ah chuan engmah buaina awmlo tuman i dress ah khan buaina an neilo an vai hian ka surprise dawn che tih an hre vek a lawm" mahse gift pawh ka keng ve silo lawm "i lo keng reng a lawm nangmah hi" nui sak chung chuan a rawn ti a hepa bul ah hi chuan ka thinrim theilo a hriat siloh in amah avangin ka rilru a na a, a hriat loh bawk in amah vek hian ka rilru na a tuam dam leh thin.
"bebe thil dangin ka surprise leh dawn che nia" eng thil maw? "ka hrilh che chuan surprise a ni dawn hleinem" music nen dim light hnuai a an lam mup mup lai chuan music chu ava off a rose par sen duk nen ka hma ah chuan a rawn thingthi a kut an beng a an au nasa mai hepa hian min ti mah mah lo maw? "Angel ka bialnu i ni duh ngem" aw ti rawh aw ti rawh tiin an lo au dual dual a, midang hriat ve siloh chuan "nang aiin ka mualpho zawk mahse pawi ka ti miahlo a, ka in chhir lova ka inchhir ngai hek lo ang" ka rilru natna te pawh a ti dam zo ta hepa hian a mai mai chuan min ti bik lo a ni ti rilru chung chuan rose par chu la in ka aw ve ta, a mitmeng mawlh mai kha a lawm zia chu ka hmuh hmaih hauhlo music an play a an lam chhunzawm leh a, a thenin thil an ei bawk a "i ril tam tawh em" aw a tam lutuk tawh mahse beer ka in chak zawk a nui sak a "ka lak hma in thil pakhat chiah aw"chuan enge? "ka kuah thei che ngem" tehreng mai min rawn kuah pah chuan "bebe ka lawm e aw, ka chal ah a rawn fawp zeuh a min thuttir hnu chuan beer leh ei tur chu ka bag la ak reng chung chuan a va la a, a duh chuan a hnuaia yhawk te annia ka ei tur la tur chuan a tir kual char char thei mahse engkim mai chu aman min tih sak vek a, hepa zuna uai lo hi tunge awm thei ang? A rawn let leh pah chuan a rawn su phei nasa mai a ka lo nuih nasa ngang mai "bebe tinge min nuih ka hlim lutuk a ka lam ve chak tawh nia" i lam vang khan ka nuih miahlo che i dress leh i bag ah in rem lo lutuk kha lawm ka nuih ka tih chuan "engmah ka zak lo ka bula i awm phawt chuan, mahse zan in chu in tam lutuk suh aw"
Balcony lam ah chuan kan chhuak phei a,ka rilru awm chu hrilh ngei ka duh Akash mipa lerh tak i ni tiraw "aw" teh tawl thin a a pha miahlo chuan min ti hrilh hai zawk a lawm. Min duh thu i sawi a mahse hmeichhe dang nen min treat dan ah danglamna a awm ngailo rin che hi harsa ka ti, ka rilru lo nat tawh thin dan i hria a min tina nawn leh duh tur khawp a mipa rilru chhia i nih chu ka ringlo mahse midang nen ang khat renga min treat hi ka hrethiam lo "bebe ka thinlung ah chuan midang nen in danglam lutuk midang ang lo tak en che ka duh thin ka in sum theilo tep thin mahse thian atan bak min duh silo a, ka ram ri ka pel ngamlo mai a ni, mahse tun ah chuan mi dang nen a ka tana in danglamna chu nitin i hmu in i hre tawh ang" han chhan leh dan pawh ka thiam tawhlo ka nui ringawt a beer chu pe in i in ve dawnlo mi ka tih chuan "thu ka in tiama ka birthday ah hian zu emaw beer emaw ka in lo ang tiin ka in tiam a, mahse ka chak ve thin ka thutiam hi ka bawh chhe ve ngailo" ohhh a nih chu tikhan min lo thlir reng mai dawnnia in chak deuh khan "in dan chi khat chauh a awm hleinem" tih leh ka hmui a rawn fawh chu a rual nghal a "ti khan indirect in ka in ve a ni mai a lawm" hepa teh hrep hi chu ava han zei ngawih ngawih tak tak em! Ka bottle ken lai chu min lak sak a a hma aia uar zawk in min rawn fawp leh a keipawh chuan ka chhang tha kher mai.
Tun ah chuan hnam dang bialpa nei ka lo ni ve ta reng mai ka rilru ah in thiam lohna tam tak a rawn lut a ka hnam ka phatsanna vang chuan hreawm ka ti thin mahse ka hlimna leh ka thinlung lawmna hi engdang maha thleng ka phal silo ka thian te ho phei chubka la hrilh ngam lo, an hriat hun hun ah hre ve rawh se mahse Anush chu ka hrilh ta tho a, ani chuan min dem chuanglo min propose dan ka hrilh chuan mak a ti lutuk chu a ka hi a ang leh phuau pek a, Anush enge khatia i awm vak kher a "i sawi ang chuan a ti tak tak maw? " umm ti tak tak e "hepa hian a duh lo che" engmaw i sawi a hlauthawng tak a ka tih chuan a kun ngur a hei enge awmzia ka thin chu a phu dup dup ni ber hian ka hria "Akash hian a duh lo che a hmangaih che" hei Anush min ti hlauthawng lutuk mahse min hmangaih thu min hrilh miahlo "a la hrelo a nih dawn chu mahse a hmangaih che tih hi ka hming ka hriat chian tluk in ka hrechiang Akash nen hian kum3 kan in hre tawh ka u thianpa a nia, ka u nen chuan hmeichhe lam ah rinawmna an nei lo hmeichhia an pan hmasa ngailo hmeichhia in an pan thin an duhzawng an hmaih ngai miahlo mahse duh tak tak an la tawng ngailo, i lak a a tih ang hian tu hmeichhia mah ala ti ngailo hmeichhia hi nawmchen nan bak a ti ngailo a serios ngailo mahse nagmah chu a serios lutuk mah mah" Anush thusawi chuan min ti lawm ngei mai mahse ka thian mizo mipa te hrilh lo tur chuan ka in tiam tir a, Akash nen chuan thla 6 lai kan in zui ve ta ka hawsan chang te hian rei hi a ti thei em em khawp a Mizoram a lo kal ve mai a duhthu a sawi chuan ka phal bawk silo, ka chhungten an hriat hun ah engtin nge an sawi ang engtin nge min tih ang le? Ka hlauthawng tak zet mahse Akash hi ka then thei tawhlo a tello chuan ka dam zo lovang. Christmas chawlh kan hmang zo ka chhuk leh tur chu kei ai mah chuan a phur a airport ah min lo hmuak a kan thlen hun tur hre reng chungin darkar chanve rengin alo kal hma a, kan han in hmu chu ka thiante ho tel ve lo se chuan tlan phei a va kuah nawk nawk ka chak mahse ka thiante vang chuan ka in sum hram hram a ni, ka u chu a hna vangin Mumbai lam ah a in sawn a ngai ta sia keimah chauh a ka awm tur chu ka chhungte chu an mangang kher mai mahse Paula nu te ka nu ten an lo bia a kan pahnih a in chu luah zawm mai tur chuan kan in rem siam a, Paula nen chuan kan luah tlang a a bialnu erawh a rawn riak tam khawp mai, nupa ang maiin an khawsa a chang chuan min zahlo hi ka ti lek lek thin mahse ka in luahpui a nia engkim a tum ve vek a ka sawisel ngam biklo, a bialnu lah chuan mizo hmeichhia hnamdang ngaizawng a hmuhsit zia leh a ten zia te chu a sawi vak vak ziah lehnghal a ben thluk tawp hi ka chak thin, a ruk hian kan in eilo ve ve a ni ber mai, hnamdang ka ngaizawng tih hria se chuan min huat a zual mai mai ang chu mahse a ni pawh ka ngaisang biklo mizo mipa a ngaizawng a mahse a thianghlimna leh a zahawmna pawh a vawng him zo hleinem nupa pawh ni uk lovin nupa ang maiin an khawsa a, ka ngaisang bik thak lo., hnamdang ngaizawng mahila kei chuan ka virginity ka ngaihlu a ka la in vawng him ve a lawm.
Ka thiante lak ah chuan in thup hram hram tum thin mahila kan in zui tam em vang chuan min ringhlel tih chu ka hria mahse engmah min zawt lem lo na in awmze nei tak tak in an tawng leh fak fak hlawm thin.... Anush erawh chuan min hrethiam em em a ka lam ah a tang tlat a mahse Akash chuan an hrethiamlo thin ka thiante hma a ka thup tlat chu midang ka nei emaw a ti tlat thin. Ka thiante zing a ka awm hi chuan ka rilru hian a pawh tawh loh vang leh keimah zawk a tisual tu ka nih vang jian ka inthlahrung a ka ti dui reng a hreawm ka ti thin anni pawh chuan thil diklo a awm tih chu an hrethiam thuai a minlo ringhlel sa nen an zing ah pawh chuan ka awm tam peih tawhlo mahni a ka awm loh leh Akash bul ah ka awm mai thin Anush a awm loh chuan kan thian ho bul ah a awm ka phal ngailo a rawn kal ve chuan Anush rualin Anush thian angin a rawn kal mai thin chutiang anga thian te zinga nun chu a hahthlak tak zet kei ai mah hian a ning a ni chuan engkim hria se free tak in enah ven tur awmlo in awm a duh keipawn ka duh mahse ka ngamlo a ni...
"bebe zan in ah kan in ah ka chhungte nen ka in hmelhriat tir duh che a, i confi dan tur ang ber in in chei rawh aw,nih loh chuan tinge min hrilh hmasak loh iti leh ang" mak ka ti hepa hi Anush sawi ang khan a serious tak tak nih dawn hi a nu leh pa hnen ah kei hnamdang zirlai ve mai lehnghal hi min in hmelhriat tir dawn a maw? Ka ring theilo ka lawm bawk si mahse a nu leh pa in engtin nge an sawi ang le? Minlo duhlo a ngem le? Hindi lah tlem tlem bak ka thiam silo han ti ti na tur khawp ka thiam silo English an thiam ve loh phei chuan engtin nge niang le? Akash i nu leh pa ten min duhlo ta se "an duh loh che chuan in ka luah anga kan awm daih mai dawn lawm" nilo chutiang in iti thei lo ang an fapa mal neih chhun inia i nu leh pa i kalsan thei hleinem "ka hmangaih neih chhun an pawm theilo nih chuan an bula ka awm reng thei bik lo mahse ka hmeichhe duh ka thlanna kawng ah rilru zau tak an pu a, engmah an sawi ngailo mahse ka lerh thin lutuk kha ka nu hian min hau thin pakhat ah rinawm rawh a tia, bebe an hmu chak tak zet che ka thiante hovin nangmah vanga ka inthlak nasat zia an hmu a an hrilh reng a i thlalak an en phei chuan ka nu chuan tha a ti tak zet che, ka nun thlak danglamtu hmeichhia hi ka nu hian a hmu chak tak zet" Aksah thusawi chuan min ti lawm tak zet a nu leh pa hmuh pawh chu ka chak tak zet tawh zan dar8 vel ah chuan min rawn lam a ka thawmhnaw ngainat ber kawrfual var khup khuh lek leh flat ka bun a bag ka khai a, ka sam la huh hniang chu ka thlah a make up ka hmang vak duhlo a lum lutuk bawk nen "bebe va inthlak leh rawh" tinge kekawr ka ha dawn a mi? Tianga in dress hi a mawilo mi? A rawn nui sak a "i nalh leh lutuk a ka chhungte mit a tla palh ang" a hnung ah chuan ka va beng a Akash min ti hlauthawng a lawm tikhan min fiam tawh suh "ole ole ka tihpalh lutuk, bialnu chhelo lutuk neih hi ka thiamlo ka la in adjust theilo, nitin ka hmuh apiang che in ka thinphu hi a normal lo ve ziah" tih pah chuan a car kawngkhar chu min hawn sak a,in thlen hun chu ka huphurh tak zet ka zam lutuk a ni tih a hriat vang chuan "bebe zam suh ka nu leh pa bul ah a bikin ka nu bul ah chuan i free viau ang kawm a nuam lutuk a nelawm lutuk, thawk la vak rawh english an thiam ve ve lawm in in kawm thei dawn lutuk" kawt zawl zau nuam tak kan thleng a hetiang em em a an hausak hi ka lo ring miahlo,an awmpui pa niang gate veng tu chuan kawngka min rawn hawn sak a, motor chahbi chu ala Akash nen chuan in chhung ah chuan kan in zui lut nghal a,ka khur dawn tlat ka nervous tak zet, ka beng bul ah chuan "bebe in thlah dul rawh engmah nilo nuam tak in awm rawh" Nu pakhat thau lam pang ngo suah mai chu kan lam pan chuan a rawn kal a a kut chu rawn la chhuak in "hello Angel Akash nu ka nia, ka hmu che chu ka lawm tak zet, hmeichhe hmeltha tak i ni, i nalh hle mai, lo kal rawh i chau em? " min be siam siam a chau love in in nei nuam hle mai keipawh ka hmu che hi ka lawm tak zet ka ti ve a.
"Ka nu khawnge ka pa hi? " Akash chuan a nu bul a thut pah chuan a ti a "heta hi ka lo kal e, khalai a vantirhkoh kha khawi tanga lo kal nge ka mit vai zawk a mi" tih pah chuan a mit te chu a han nuai vel a "ka fapa bialnu tan chuan a tha mah mah lo maw duhtak" Akash nu melh pah chuan min rawn pan phei a min rawn chibai a "Salim thusawi ka vawikhat rinna a ni (salim hi Anush unaupa" thil a sawi ve hi engmah ka awih ngailo hmeichhe chungchang ah a nia ka tih, hmeltha a tih ho hi tha ka ti ve ngailo a, mahse nang hi chu a sawi dik hle mai" han chhan ve vak ngaihna ka hrelo tak zet ka nui ringawt a, chhungkaw chanchin leh ka zirna thil te kan sawi a, ka nu leh pa hmuh ve an chak thu an sawi chuan hrehawm ka ti tak zet Akash chhungte hian min ngaina der in an fapa nupui atana min duh thu an sawi a mahse ka nu leh pa hi engtin nge ni ve dawn? Ka hrilh ve ngamlo a ni. Dinner kan neih zawh chuan Akash nu chuan an room ah min xhhoh san a amah nghak tur chuan min ti a, a ngaihna ka hrelo hle Akash ka va melh chuan nui sang chungin nghak turin min ti a, in chung lam ah chuan a chjo a, a tlereuh dahna bawm chu a rawn la chhuak a engmah a sawi ka bul ah chuan a rawn thu a "Angel ka fapa in kan in a hmeichhia min in hmelhriat tir vawikhat na a nia, ka fapa hian a hmangaih tak zet che tih ka hria, i hre ve mai thei ka fapa hi a lerh lutuk thin hmeichhia min hmelhriattir tur ber pawh a nei ngailo, ka duh tak ka tawn hun ah ka la rawn hruai ang a ti tjin a tun ah a rawn hruai che a, apa nen hian kan duh tak tak chr i chanchin hi nitin zan tin kan hre thin a,tun ah kan hmu ve ta che a ka fapa nupui tan ka duh tak zet che a chuvang chuan miin ka fapa nupui hi an lo melh tai ang tih ka hlau"tih pah chuan gold thi nalh zet mai hi a rawn phawrh a min awrh tir ta mai ka ham haih tak zet "ti hi chuan ka monu hual i ni tih miin an hre tawh anga tuman an ti buai ngam tawhlo ang che"
Lawmthu sawi ngaihna pawh ka hrelo, nuih ngaihna pawh ka hrelo a awmzia ka hrelo thi ka awrh vang hian an monu hual ka ni a maw? A awmzia ka hriat loh em avang chuan Akash pa zawk chuan "Angel kan tih dan a nia kan chhungkaw tih dan ka tihna nih chu kan pi leh pu te tangin mo atana kan duh a piang chu khami thi ang kha nu leh pa in kan awrh tir thin miin kan monu hual an lo melh ringawt pawh kan phal lo kan ta ni mai tur kan humhimna hmanrua a nih kha, nangpawh Akash nen fapa in neih hun ah kha thi kha i monu tur a i duh tak hnen ah i awrh tir ve dawnnia"Aw Lalpa ka duh thei lo tiang thleng thleng ka la ngaituah ngailo a sin Akash zawk chu kei ai mah chuan a ham haih leh nghal a mawni a mitmeng atang chuan hepa nen hian lo innei theilo ta ila engtin nge niang? Ka pawm ngawt theilo ang he thil hi mahse han hnar dan tur chhuanlam ka hrelo ka nu leh pa leh ka chhungte pawh ka ngaihzawng chungchang ka la hrilh ngam loh laia in hualna ang a chutiang thil lo pawm chu ka tan a harsa lutuk tlat.. Auntie he thil hi ka pawm theilo ang tih pah chuan phelh ka tum a Akash chuan ka kut chu a rawn chelh a, mitmei chuan phelh lo turin min ti a Auntie ka lawm lutuk mahse ka chhungte pawh kan chungchang ka la hrilh ve miahlo a, an hriat hma a hetiang anga thui kal chubka ngam rihlo a ni bak ah Akash nen hian lo innei lo ta ila in chhungkua ka ti mualpho in in rilru ka tina hle dawn a sin "Angel chutiang thil chu a thleng miahlo ang, kan malsawmna in hnen ah a awm zel dawn a lawm, thil i ngaituah thui leh lutuk a i buai nihkha nge ni kan fapa hi i hmangaih ve lova i nei duh ve lo zawk? zan in hian i rilru diktak min hrilh rawh kan thinrim lovang a kan haw ngailo ang che" Nilo nilo auntie chutiang a nilo nang ni nen chuan hnam leh sakhaw hrang kan ni a kan sakhaw dan ah chuan sakhaw dang kan nei thiang lova kan hnam dan pawhin a phal lo Akash hi ka duh a ka hmangaih tak zet mahse ka chhungten phal lo ta se engtin nge niang? "Angel hmangaihna hian maw sakhua leh hnam dan a sawi ve lo, in in hmangaih tak zet a nih chuan engmah hlau suh kan awm a lawm i nu leh pa te in hnam hruai tu leh sakhaw hruaotu te pawh kan be vek ang kan fapa hi i nei duh tak tak nih chuan" Akash pa in chutia a rawn ti chu ka lawm bawk si ka inthlahrung tak zet kei ve mai ti khawp hian min duh der ve a, Uncle ka tana in in huamna chu ka lawm lutuk ka tih chuan Akash nu chuan min rawn kuah pah in ka chal ah min rawn fawp a. Akash haw mai ka duh tawh ka tlai lutuk chuan a tha lovang Auntie,Uncle engkim ah ka lawm lutuk a nia ka haw phawt mai ang tiin kan in thlah liam ta a.
"Bebe ka nu leh pa khan tiang em em khan an duh che ka ring pha miahlo a bik tak in he thi hi maw an duh tak te lo chu tumah an pe ngailo tak tak a nia, he thi an pek tur te hi chu maw an thlang uluk thin lutuk thla tam tak an en thlak hnu ah an pe chauh thin mahse nang chu an vawikhat hmuhna ah an pe nghal che a, nang aiin mak ka ti zawk" Akash engtin nge ka tih ang? Ka chhungten an lo duh ve loh che chuan engtin nge ni ang mawh ka hlauthawng tak zet a chhan chu hnamdang leh sakhaw dang kan neih hi a thiang hlawl lo, chan che ka duhlo mahse ka nu leh pa leh kan hnam chu ka phatsan dawn a mi? "Hey bebe hlauthawng suh aw engkim a fel vek ang nangman i hrilh ngamlo nih pawn keimah ka awm lawm i hma ah ka ding zel ang" hui ham a ngaih anga awlsam hi a ni dawn silo ka sawi zawm peih tawhlo ka um e kual vel ta mai mai a,in kan thleng a ka thiante ho an lo awmkhawm a Akash nen kan in zui lut an hmuh chuan min lo melh hru hlawm a.
A HNUAI A FAKNA THLALAK LO LANG HI LIKE AIAH I HMET ZEUH DAWN NIA, PHEK DANGAH A KAL CHUAN BACK SAn LEH DAIH MAI RAWH, VAWI KHAT I HMEH TAWH CHUAN A TAWK DER, Ka lawm e, ngaia