SERENDIPITY BY Hmuaktei Fanai (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

SERENDIPITY BY Hmuaktei Fanai (Completed)

Unread post by Ngaia » February 28th, 2021, 1:23 pm

rqjc69gn.jpg
SERENDIPITY








CHAPTER-1 (18+)





*Zodintluanga's pov*


"Zodintluang inbengdai rawh!" ka kawr awma ṭham tawkin ka hmaibul chetah Muanpuia arawn au ṭhawt a!





"Ka inbengdai ang maw!" ka nui ro hawk. Kha hmeichhe le lo khan keihi inbengdai hlei thei lo dinhmuna ding turin min siam miau.





"Keihi bum nuam tak mipa ka ni em ni?" Muanpuia melh ngur chung hian ka ti hrawk.





"Aduh pek loh enge ka neih?"





Muanpuia min ṭhamna phihthla hlawkin pik zeta thaw chhuak hawlh hawlh chung hian khum chungah ka ṭhuthla dawt a. Kha hmeichhia min hmangaihtu anga inchhal hmel khan ka ngaihtuahna chhung arawn luh rualin ka hmalam dawhkan chunga whiskey um chu bang den nan ka hmang ta bawrh!





Min hmangaih thu leh ka tan chauh a nun thu vawitam ka hnenah a sawi ṭhin. Keiin rinhlehna pakhatmah nei lovin a thusawi zawng zawng ka lo pawm vek bawk a. Dawithiamin ka thluak asu hneh bawka pasal aneih ni meuh chuan ka tal buai ta vek. A duhlai a pasal chu ka û Lalbiakdika ngei a ni bawk!






Ka taksa chhungrila thinrimna so bulh bulh hian ka khawhmuh thlengin a ti mumal lo fai vek! Biakin chhunga inneih thutiam Pastor-in achhamtir lai khan ka pik mup mup lutukin mumal nei lek lova khawsak chakna min siama mahse Muanpuia'n min bengdai zui anihkha.





Gentleman ka ni. Ni e, ka ni chiang alawm mahse kha bumna khan keimaha gentleman awm hi a up bo hneh em atin ni.





Ka hmeichhia ni ṭhin Lalbiakdika nupui nita nen hian kum 3 ngial kan inzui tawh. Hmeichhe smart tak leh mipa zeizia man hneh tak anih avang khan ka duh hluah hluah ṭhin viau.Tun thleng pawhin chu chu ala danglam lo. Nupa inkara thleng tur zawng zawng hi nupa a insiam hmain dai loh kan nei lo. Mahse an nupa inkara inrawlh hi ka tum chuang hauh lo chungin ka inbengdai hlei thei lo chu anih ber hi.





Engtik laiin nge Lalbiakdika nen hian an lo invehthlem hman teh hrep ni. Induh tak leh hmalam hun tur thlir chunga hun kan hmanlaiin hetiang hi athleng ta thut a. Lo dawnsawn dan ka thiam lo a ni ber.






Mahse hei erawh ka chiang hmeichhe pakhat vang hian ka tlu hlen dawn lo tih hi! Chu chu ka tum lo bur bawk!






"Bawiha, hmeichhe pakhat vanga indawm kun reng loh tur" ka ṭhu kun ngul reng chu ka dara beng thak thak hian Muanpuia'n arawn ti sup a, za vak lo hian ka ṭhen suk.





A sawi dik hmeichhe pakhat kumkhaw chawrchhuah loh nana hman hi ka dan buah a inziak velo! Tun tut tutah ka theihnghilh nghal ang chu ka ti thei lo mahse hunin aliampui hun tur ka nghak ve mai aniang chu. Khuareiin ka duh emaw duh lo emaw min chhawk zangkhai dawn tih ka chiang bawk.






"Heihi i hria em, i û hian i naupan tet aṭangin i ngaihhlut apiang achhuhsak ṭhin che tih hi" Muanpuia hian heihi a vawikhat sawichhuahna a ni. Ka kianga awm tam ber ka ṭhianpa anih angin ka dinhmun chiang takin ahria. Kei ngei pawh hian chiang takin ka hre reng chung hian ka û anihna angin ka ngawih bopui mai ṭhin. Mipa leh mipa inkara hmeichhia ang maia inkher nget nget dinhmun ang kha ka buaipui peih loh vang a ni pakhat.





Ka khup tawn tawna ka ban nghat chung hian ka kut ka hum kawp a, hmalam ka melh run bawk. Ni e, Muanpuia hian asawi dik ka ngaihhlut apiang chhuhsak ka ni ṭhin.






"Ka lak aṭanga zalenna mamawh chu zalen mawlh rawh se" nem lem lo tak hian ka ti ro hawk.





Lalbiakdika nen hian pa hmun nu hrang kan ni a. Ka pa hi nupui nei reng chungin ka nu laka chesualin keihi kalo piang chhuak a, ka nu boral hma zawng kha chuan ka nu kiangah ka khawsa ṭhin. Ka nu aboral takah erawh ka pain akianga awm turin ka pi leh pute hnen aṭangin min hruai hrang a. Ka nuin doctor ni tura min duh em avangin aduh tihpuitlin nana ka pa zui mai chauh kha ka ni. Ka pi leh pu kiangah kha chuan kan khawsak ṭawk ṭawk avang khan ka nu duh tih puitlin loh ka hlau a ni ber mai. A thih dawn thlengin doctor ni turin min la duh fan a. Lung lam natna vanga boral a ni a, khata ṭang phei kha chuan lung doctor nih kha ka thupui ber a ni. Ka pa kiang aṭang chuan awlsam takin engkim ka zir thei vek.





Ka nuhrawnin min ngai thei lo em em chungin hmeichhia ka nih loh vangin engkim ngawi rengin ka enliam mai ṭhin. Tun thleng pawhin chu chu anihdan a ni bawk.





"Lungngai lo phawt la, in khatah incheng ho dawn hleinem tiraw" ding chhuak vutin a ti leh sup.





Inkhatah kan cheng ho dawn lo, chu chu alawmawm lam a ni. Inkhatah cheng ho ni ila inthunun zawh loh chang ka nei zing viau mai thei.





Fapa naupang zawk ka nih angin inpui luahlumtu tur ka ni. Ka û erawhin in a nei hrang thunga, chutah chuan karkhat hnuah inpui aṭang hian an insawn chhuak leh dawn bawk.





"Zanin chu kan chhuak thawveng dawn em ni?"





"Ka chak hran lo" ka ti hmuk.





"Boruak dang dawn i mamawh tih i hria ang chu"





Za vak lo hian ka ṭhen suk. Boruak dang daih hip chu mamawh lo angin lang mahila ka mamawh chu anih si hi. Nupa tuak tharte kianga zan hun hmanral ka thei kherin ka ring lo bawk.





"Inring rawh kalo zu chhuakthla ang" tiin pindan aṭangin a penchhuak vut a.





Khumah azangthal zawngin ka mutthla dawt a thaw hawk hian chunglam ka thlir vang vang. Kei mipa hi hmeichhe pakhatin heti taka min tidanglam hneh mai hi thil amak a ni. Hmeichhia hian thil anlo ti thei takzet a nih dawn hi. Adam-a angin hmeichhe thuhnuaiah kan kun ta vek chu ania.





Ṭhu chhuak vutin washroom lam ka pana ka hmai phih thuakin ka chhuak leh vat. Ka closet hawngin ka thawmhnaw hak ka thlak a, zanin hian in a let leh ka tum tawh hran lo. Hotel ka pan lo anih pawn hospital-ah ka riak thei tho bawk. Hospital riahchilh ngai lo pawh ka ni hleinem.





"Din" ka pindan kawngka herhna ka hum ruh hle! Thawk la hawkin ka hawileta ka hma mai a hmeichhe pawisawi loh hmel zeta ding chu ka nuih suk.





"Ka tihpalh" ati zuai raih a, a heh hnuailam sexy ka tih ṭhin em em chu a seh a amitmeng liankiau chuan min melh reng. Pan lawka ka fawh mai lohna turin ka inthunun hle tih hi ahrethiam pha lo ang.





"Tihpalh" ti nawn ve supin ka ṭhen leh suk. Hmeichhe hmaah hian ka natna tehi lanchhuahtir ka tum hauh lo.






"Min haw viau em?" A kut ahum ngat ngat chu ka hmu chiang viau mai. A hmelṭha zet phena nuam lo atih zia pawh keihian ka hmuchiang ngang bawk. A thuthlukna siamah hian inchhir turin ka duh lo, inchhir thei pawh a ni hek lo.






"Ka haw hran lo che anih hmel" ti supin ka panhnai a, ahma taka dingin ka melh chhuk run. A rin loh dan deuhin ka chhang nge ameng awk. A tel lova hmalam hun ka hman theih zia hi ahmuh theih turin ka lantir zel dawn.





"Din" ṭap mai tur hmel pu chung hian arawn ti ṭiau.






"Hlim ang che" kati zui hmuk. Mi nupui ni tawh hian ka ngaihsakna hi aphu tawh lo. Kei ni lovin apasal apan zawk tur a ni engtik hunah pawh.





"Ka lawmpui che" a dar tawn tawn a chelh chung hian ka ti sup a, nuih sukin adar ka vawnna ka thlah a ka kalpel nghal vut.






Inhnuai lampanin ka penthla nghut nghut a, ka kekawr ip a ka phone vibrate chu chur chu la chhuakin ka chhang nghal zat bawk.






"Pawnah ka awm" ka benga ka nawr beh rualin Muanpuia'n a rawn ti a. Chulam pan chuan ka pen zui mawp mawp.






Inneihna lawmpuitu la awm hut hut chu be hlei lo hian ka kalpel phei zel a, pawn lam ka penchhuah rualin gate bula Muanpuia ban vai zauh chu ka hmu rang ngang.





Garage lampanin ka pen phei zel a. Kawngka pawt hawngin ka ṭhutluh hmain thawk kala leh hmasa phawt, ka lu thing nghutin ka ṭhulut ta vut. Muanpuia hian eng boruak dang nge min dawnpui dawn tih pawh hriat achakawm khawp mai. Doctor ka ni a ka hnaah ka tui mai bakah ka theihtawpa thawk ṭhin ka nih avang hian han inthinharhna hun pawh hi ka nei meuh ṭhin lo. Mahse zanin chu Biakdika nupui neih zan anih angin keiin ka rilru natna leh zalenna inchawhpawlh chu kalo chen ve aniang chu.





Garage aṭangin ka tawlh chhuak a. Tuman ka kalna tur an ngaihven loh hmel bawk a hrilh pawh ka tum hran lo. Gate bula ding leh datin Muanpuia arawn ṭhulut a.





"Kan doctor thinlung na hi zaninah kan thawidam vek ang" ati zauh chu ka ner nawk. Hmalama ka phone thehkai nawlhin steering ka herhkual mawpa kan tlan chhuak zui nghal.




*Rose Lalzemawii's pov*


"I hman tawh chuan kawngpuiah ka nghak che aw" ka phone ka chhan rualin lehlam aṭangin Nuhruaiin arawn ti lang lang a. Ngunthluk fein darthlalangah ka hmel ka thlek kuala, hetiang hler hlur hian make up ka hman ngai loh mai bakah thawmhnaw tawngchham lutuk ka inbel ngai lo. Ka mizia nen a inpersan hle bawk.





Mahni taksa hmanga sum lakluh hi ka mumangah pawh kala mang chhin ngai lo. Ka nu enkawlna tur pawisa tam tham zawk thawhchhuah dan kawng dang thlawt ka hriat ngang tawh loh vangin he kawng hi zawh tumin ka Nuhruaii zui tum ka ni.





Ka nu hmel dang diau mitthla chungin ka inhumruh nghek. A ṭhatlai chuan nu hmelṭha tak ti a sawi a ni ṭhin. Mahse natna ṭihbaiawm CANCER in a ei chhe zo vek. Cancer-in ka nu taksaah chiah hna thawk mahse kan chhungkaw nun thlengin min nghawng kual ta vek chu ania.





A fanu ka nihna angin ka nu enkawl hi ka ning ngai lo. Mahse tuna ka thil tum erawh ka hreh tawpkhawk thung chu anih si hi. In ngaihtuah chiam duh lovin kan in ka chhuahsan zui nghal. Ka inngaihtuah chiam anihchuan ka rilru alet leh mai ang.





Kawngpuia min lo nghaktu ka hmuh rualin thaw hap hian ka ding deuh vang vang a, min rawn hui zauh takah chuan an dinna lam ka pan nghal a.






"I chhelo lutuk tlat" ti chulin Nuhruaiin ka banah a rawn vuana taxi lo ding chhungah min nawr lut nghal rawk rawk.





Zanin hian mi hausa ho party-ah ka intheh dere dawn chu ania. Chutah chuan sum hmuhna tur ka nei dawn em tih pawh ka hre lo mahse beiseina nen Nuhruaii hi ka zui ve ta tawp.





Nuhruaii hi kan inbul lawka khawsa a ni a, a thil tih ṭhin avang hian a khawsa thei viau mai. Mahse ualau taka inzuar ani lo bawk a tuman enge athawh ṭhin hi chhun engah chuan an hriatsak hran lo. Amah hi mihring lam zawngah chuan kawm nuam leh thilphal tak a ni, a rilru atluang bawk. A tunhma nun chu ka hriatsak hran lo mahse amah berin hetiang lam kawng hi athlang anih chuan keiin lo sawi emaw khap theihna dan ka nei lo bawk.





Ka rilru buai lutuk khan ka pan tawp a hetiang lam kawng hi min lo kawhhmuh kha ania. Atir chuan ka hniala alakah pawh ka lungawi lo ngei mahse kawngdang thlan tur ka nei hlawl lo.





"Lungngai suh i nu enkawlna tam zawk chu zanin hian i thawk chhuak ngei ngei ang" ka ban bula tuai hauh hauhin a rawn ti sep, a lam ka hawia nuih luih ngial ka tum pawn ka thei thlawt lo. Ka lo hmuh hniam em em ṭhinte dai ang ka dai ve ta mai hian ka thinlung ati na vawng vawng. Mahse dem theih anlo nihloh zia ka hriat chian phah ta vek. Kei ang thova harsatnain a tirh luih annih ve tho ka ring.





Ka nu cancer kan hriatchhuah zan kha ka mitthla leta, khang hunlai kha chuan ka pa hoin kan la awm khawm vek a. Ka pa khan engkim aṭhat leh tur thu min hrilhin min hnem ṭhin anihkha. Mahse tunah ka pa a awm tawh lo, chuan chhungkaw khaidingtu ber ka nih aṭul dawn ta si.




Ka nu tawrh ai hi tawrh chhawk thei ila chuan a ni hian khawvel hi hlimna zawng zawng nen ahmangliam thei tur. Mahse chunglam remruat khi keinin kan duh duha ka thlak danglam theih a ni si lo.





Hotel lian zet mai kan hma a ding luah chu ka thlir chho vang vang a, duhthawh lutukin boruak ka hip lut kawk. Nuhruaiin ka kuta kai chungin chhunglamah min penluh pui hlawk hlawk.






Kal ṭhang tawh tih hriat zet hian buaina nei map lovin chunglamah min kai chho zel a. Ka zam luat vang nge ka thin a phu dup dup thei. Party na hmun tur rooftop kan chuan chhuah rualin ka kut avawnna ka pawtthla a ka in humruh nghal nghek. Thawm aṭha ang reng fu mai. Party na a kal ngai lo na na na chuan atir aṭangin ka zo lo nghal der dawn hian ka hre bawk. Mahse ka intih pachan angai tih ka hre tel tho bawk a.





Nuhruaiin tu tu te emaw min inhmelhriattira kan kalpelh apiang techu ka theihnghilh nghal zel. Bakah hriat chhunzawm ngaia ka hriat loh vang pakhat ani bawk, heibak chu kan inhmu tawh dawn lo ti a infuih ngar ngarin ka nuilui ve hram hram zel. Mi hausa hmelhriat angah bawka atlangnel fu mai.





Min it hmel zet zeta patling pui puiin min melh chu ka pum aṭang hian a inlumlet deuh but but thei. Nupui fanau nei chungin an nupuite phatsanin an khawsa dswn tih an mitmeng zauthau zet aṭang hian ka hmuthiam mai. Eng anga dinhmun sanga awm pawh nise ka hmuhdan khutah ani vek hetiang mihring rinawmna tlachham ho hi chu. Kan khawvel hi achhunga chengten kan tih ṭawp zia ka hre thar uar uar mai.





Ṭhutna awm hmasa berah min ṭhutthlakpuia in tur la turin min kalsan nghal zat. Ka awmna hmun tlema athim deuh avangin ka taksa ṭang ṭung pawh ka thlahdul ve thei chiah.





"Kha heihi inla i zia mai ang" Nuhruaii thil min pek chu enge anih pawh hre lovin ka ban ve tawp. He thil hi ka in lo anihchuan rilru fim kar chuan ka paltlang zo dawn lo hulhual tih ka hria. Nuhruaii thung chu a in tur keng chungin min kalsan leh ta daih a. Ka hmelhriat ve ber anih avangin ka bulah awm se chu kati ve tho, mahni chuan nuam kati thlawt lo.






Engmah ngaihtuah lovin ka no kenlaia awm zawng ka tlak pawp a, a tui lo lutuk chu ka ner sawk mai. Ka kawchhung asa thla ham ham bawk. Zan boruak nuam zet chu heti lam zawng anga hmang tur nilo ila chuan nuam ka ti viau mai thei.





Ka nu natna kan hriatchhuah hnu rei vak lovah ka pain nat lawkna awm miah lovin min boralsan a, ka nu taksa chak lo chho khan atuar hle bawk. A taksa chak lo sa nen a chhe chak em em mai kha ania. Mahse nu chhel tak anih vangin reitak khang natna thunhnuai kun kha atum lo. Ka pa asun lo tihna lam ni lovin afate tan pachang taka awm aduh vang zawk a ni. Ka nu aia nu ṭha hichu he khawvel pawh hi vel chhuak ila kan unau hichuan kan tawng tawh lovang. Kan tan chuan a ber a ni tawp mai. Pian nawn lehna hi a awm ngai anihchuan ka nu tho hi ka thlan leh tur chu a ni.





Ka pa boralna hi kum thum lai aliam tawh a. Khang hunlai khan keipawh colege kallai mai kala ni. Natna nei chung khan ka nuin min chhawmdawl chho hram hram ṭhin. Zirna ngaisang mi anih vangin chhunzawm tawh lova hnathawh ka sawi khan ka nu thinrim hmel ka hmu ziah. Ka nu zarah liau liau college chu ṭha takin ka zo ve thei hram a. Tunah ka nau hi azawh kum tur ahmang ve mek bawk a, ka nu duhdan ang ngeiin ṭha takin zo ve thei hram se tih hi ka duhthusam a ni bawk.





"Enge i ngaihtuah" Nui var var hian Nuhruaii ka bulah arawn ṭhuthla a, engtik laiin nge ka bulah alo awm leh hman pawh ka hre miah lo. Ka ngaihtuahna kalo vahkualtir nasa deuh animahna.





"Rose, hnuailamah lo zu chhuk tawh ta che" ka bengbulah a rawn ti nghal sar sara, ka awmna room tur no min hrilh zui zat bawk. Thaw hak hian ka ṭhutna bulah ka thil in na ruak ka daha, kal tura min tihna lampanin ka ke chu hreh zetin ka chhep zui nghal zat.





Ka nu damdawiin khuma a mu reng chung pawh hian thawk ala lak ve ṭek ṭek chhung chu kan unau hian uaplumtu kan nei kan la him ngawih ngawih ti a infuih chungin hmalam ka pan zel.





Room chhungah ka penlut a, khum zaupui chuan ka mit ala hmasa ber. Khum lampanin ka bag ka dah a ka ṭhuthla nghal thak. Nuhruaii hi zui lo ta ila keima neih sum chuan hetiang hmun changkang hi ka rah phak pawh ka in ring hlek lo. Engkim aṭha lam zawnga ngaihtuah lui hram hramin ka muthla a chunglam ka melh zui vang vang. Ka thil in khan hna athawk ṭan a ni chek ang chu ka lu ahai deuh muai muai tawh.





Room kawngka ri rakah ka ṭhu chhuaka mipa pakhat arawn penlut a, mahse ahmel kala hmu thei lo. Pindan kawngka pawt khar dawpin a rawn inher ruai ruai a a hmel pa zet mai ka hmuhchian theih rualin ka irhfiak nghal ak ak anihchu! Amah hi zanin a ka khawsakpui tur chu ani tihna ami?





"Nang....nangmah a mi?" Zam lutuk hian ka ti nawi nak. Ka ding chhuak ve zat bawk. A darsan ukin akekawr ipte a kut lehlama zen run chungin min rawn pana, chetsawn nachang pawh ka hre lo. Kalo ding mawl ve tawp.






"Hetah kan pahnihin maw?" Lalpa leh! Keihi ka â vek tawh. Hetiang tura kal si engvanga lo zawt let hu nge ka nih pawh hi ka hre hrep lo ve. Ka aw chhuak mumal lo lutuk vangin a nui deuh suk. Ka zam lutuk luatah keimah hi ka buaikual vel vek.






"I hmuh ang hian anih hmel" Ka hmai bul cheta rawn kun hniamin ati sup a, hnunglamah ka awn deuh vak chu inrinna hman pawh awm miah lovin ka kawngah akut hrawl zet rawlh lutin ataksa thlawp zaihin min hnuk hnai dawrh a, a taksa lum ham ham chu dingdihlip ak ak chung hian ka ngheng rawk rawk. Kan in awmhnaih lutuk techu hun reilote chhung ni siin ka khur deuh dar dar thei anihchu! Kan taksa a in nawk takah phei chuan ka thawk achham lo chauh. A mitmeng phi chiaiah a in ve nual tih ka hmuthiam thuai bawk.






"Ih...." ka ti fan raih a. Sawi ber tur hre leh lawi silo hian ka hawikual ruai bawk. A mitah tak ka melh let ngam miah lo chu mak ka inti hle zawk. Ngaihzawng lama infawm buai hman ka nih loh avangin mipa hmelṭha leh hmelchhia pawh ka phek en vek ṭhin. Mahse tuna ka hmaa mipa ding erawhin reilote chhungin ka taksa a thunun vek lawi si.





Bulṭan dan takngial pawh keihian ka hre lo. Ka bangbo thlawt a ni tawp mai. Hetiang ti chi ho hian mipa an khawsakpui hian engtiang miziaah nge an inthlak ṭhin pawh ka hre chuang lo, ka nihna ang anga kalo dawngsawng tawp hi chu hahthlak min ti dawn hian ka hre lutuk.





"Englo...."





""Englo..." ka kawng akuahna tinghet sauh chung hian arawn lam nawn ve sup. A thawk lum deuh hak hak chuan ka hmai a ur ham ham a, chu chuan eng emaw zawng tak chuan min tidanglam leh viau lawi si.





"In tur i mamawh niin ka hria"mitmeng ti zim sun hian ka bianga rawn dawm atum chu ka tawlhsawn vat.





"Aw....aw...mamawh" ti nawi nuaiin min rawn pan leh hrut chu khum hnaih chet chawtah ka ding khawng lah.





Zanin hian ka rui chhe viau anihloh chuan harhfim kar a ka thil tum ka hmachhawn theih dawn loh zia ka hria. Khumbul maia in tur inhung chu ka ban lawk a no a awm zawng chu ka fai nghal vek. Tui tilo lutuk hian ka ṭhen zui chawt chawt bawk.





"Nangin pawisa i duh a, keiin i taksa ka mamawh thung" a khabe ruhkual lian zet tuai zauhin chawp leh chilh hian ka taksa si dawn thaw hian arawn dinga, muangchang hian ka hmaitlang a akuṭṭangin arin riak riak.






"I nalh hle mai?" Ka bengbula kun hniam hian ati thawp sup a, ka beng hmawr lam arawn seh zauh chu ka mur sung sung thei. Mipa min tawhna avanga ka danglam vawikhatna. Vawikhatna nilo tur pawn mipa ka hnaih ngai miau lo.





Ka kawrbah sinte ka dara tang ve chang chang chu ka dar aṭangin ahuiliam a. Ka dar ruakkang mai chu ahmuiin a nul kual dun dun a. Ka taksa pawlam lang thei zawng chu a bawl ur ur hian ka hria. Ka hmelhriat pawh nilo tawhna avanga ka danglam nghal vek thei hi kei ngei pawn mak ka inti.






Tawlhsawn deuh hrutin a kawrhak lai a hlip tawk a chhuatah avawm hlawmthla tawp. Min rawn melh leh rualin ka kut ka hum ruh nghek. Nichina a mitmeng dam ruih kha pakhat mah hmuh tur a awm tawh lo, min pawtsawm vek duh ang tih tur khawpa thim khup hian min melha. Ka banreka chelhin alamah min hnukhnai hrawk. Ka bek tawn tawn akutphah hrawl zeta dawn chung hian min fawp zui ngawng ngawng.





Ka bek adawmna chu a na lam mah tih tur ni siin min fawhna erawh adam em em lawi si.





Min fawhna thlah miah lo hian khumah min nawr ṭhu a, ka hmui hnuai lam seh zauha inla hrangin a belt hrenlai phelhin a kekawr ahlip nghal vek chu ka meng nghal kawk. Ka zam ka zam takzet, ka tiril a khur deuh dar dar bawk. Ka thil in in ka taksaah hna athawk ṭan tih hriat zet hian ka kawchhung aṭangin ka sa pup pup a ka ngaihtuahna afim lo tial tial bawk. Mahse heihi ka duh zawk kha ani lawm ni, ngaihtuahna fim chunga hmachhawn ka theih dawn loh vanga in ve nual ka ni. Fim ngar chung leh ka hriatna ṭhenkhat chhunga ka chhungte mitthla let zut zut chung chuan ka thei dawn lo hulhual tih ka hria, chuvangin hetianga awm hi ka duh zawk.





Khumah min nem mu a, ka taksa chungah a rawn inbengkhalh nghal zat. Ka awm chhung che nasa lutuk chu ahre thei animahna a nui suk. Keiin engtin nge min tih zel dawn tih chechang lek lovin kalo nghak tawp thung.





Ka kawr ka malte khung chang changtu chu hnawr lam aṭangin arawn hlim chho a, lukham hmawr ka ṭham zui chawt.





Ka lu ka kan rualin lulamah apawt hlip nghal tawk. Ka awmbawr ka bra chiahin akhuh tawh chu a thlir vung vung a. A mita tisa chakna lang chhuak zut zut ka hmuh rualin chil ka lem zui dawk.






"I nalh takzet" ti thuk ruih hian ka awmbawrah a kutphah hrawl zet anghat a a hrawm zui tawk rualin ka thawk ka hip let nghal tlat.






Ka hmuiah bawk rawn fawp lehin ka awm bawra akut awm achet zel a, ka bra haklai hnawk tih hmel zeta rum chhuak nghutin chunglamah a nawr tawm chho vek.





A ka chhung sa huamin arawn hm*** a ka heh hnuailam pet fan chungin ka mit ka chhing ngawt ngawt. Kala tawn ngai loh leh hetiang hian ka awm ang tih pawh ka rin ngai loh chaknain chhunglam aṭangin min tur ngut ngut thei anihchu!






A zei a khawih chin tur a hre em em chu chuan min ti zauthau zual ni berin ka hria. Heng thil zawng zawng hi ka vawikhat tawnna vek anih miau avangin engtia lo chhanlet tur nge tih pawh hre lovin engtin nge chet alak zel dawn tih hnuailam aṭangin ka dawh mawl ve tawp.






A kutin ka h**** hrawm tawn tawnin ahmui asawnthla zela ka taibawr a thlen rualin ka ip chawih mai!





Ka tai zawn aṭanga rawn hawichhuakin mitmeng da va riai hian min nuih suk a, ka lu kan ṭawk ṭawk hian mawl hmel zetin ka melh let ve khiau bawk.





Ka lulama rawn insawm chhoin ka hmai bul chetah arawn inbengkhalh a, ka zamna zawng zawng paih bo tumin mit chhing chung hian thawk ka la leh nghek!





Meng chhuak riai riaiin ka hmui si lo chauh khawpa min hnaihtu ahmui chu ka liak zauh a. Anghawnga kuah chunga hnukhnai salhin ahmui hnuailam ka petkau a ka thiamdan tawkin ka fawp zui ve hmiah.





Thawk chham lo chauh khawpa reingial kan infawh hnuin ka inla hrang hlek a ka hmui seh zauhin ka nuih seih.






"F**k me!!" Lalpa leh!! Chu ṭawngkam chu ka ka aṭanga chhuak ngei chu a ni si amaw. Engthil teh hrepin nge min mawlh pawh ka hre hrep lo ve.





"I duh ang chuan le" ti thawp supin a nui suk. Ka ṭawngkam hman vang khan ka biang a sa hut hut thei mahse ka sawi zo vek tawh zah ala thei ka ni tawh lo. Ka duhdan ngeiin zanin hun hi kaltlangpui ka tum ruh bur bawk.





Mit siai zauhin ka panty akut leh lamin a ka mal lamah ahipthla riai riai a, ka bawp kuai kau deuhin ka mal inkarah a inzep lut nghal zat.





Ka h*********** a m******in a hrut kuallai phei chuan zauthau lutuk hian ka thaw chhuak ham ham.





A m***** ka taksa chhunga anawrluh tawk rualin ang pham chung hian abanah ka hmer ngawt ngawt a, ka mittui ahnam sawk bawk.






"I vawikhatna maw?" mitmeng phelh phanga min melh chung hian ati chhuak hrawih. Mak atih zia athup seng bik lo a ni ngei ang. Angaihdan tur chu ka hrethiam nghal vek bawk, mahni taksa hmanga sum lalut ṭhin chu engah aiah nge nula thianghlim ka nih arin tehlul ang. Mahse arin loh ang takin ka la thianghlim tlat si.



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » February 28th, 2021, 1:23 pm

SERENDIPITY




Edit loh aw... Chhunah ka daha zanin a dah tur hi chawpchilh deuhin ka type zui leh bawk sia maw awi ka meng phe zawk zawk hian ka hria😅chhiar tui ule😘




CHAPTER-2








After 4yrs......





"Mama...mama..." ka dara rawn sawi dat dattu chu tudang ni lovin ka fapa Vanlalmuanpuia ngei a ni.





Mitchhing tlat chung hian ka nui seih a, a saisir zawnga mu ka nih vangin ka hnunglam aṭang hian ka hmalamah arawn bawk liam uan uan mai. Ka thawh hma chu khumah hian min chaibuai reng dawn tih ka hria mahse ka ning ngai lo. Ka fapa ka hmangaih em em leh ka neihchhun kha a ni tlat.





Tunah hian kum3 leh achanvena ahmang ve mek a, lunglam hrisel lo tak anih vangin chhungkua pawh buai ram ram chang kan ngah ṭhin. Mahse vanneihthlak takin tun kumtir aṭang khan a hriselna azia ve ta viau mai.





Ka fapa lo pianchhuahdan hi thil thlendan tur pangngai nilo mahse tun thleng hian inchhirna ka nei lo. Chhungkaw tihlimtu leh kan duat rawn ber a ni ve tlat.





Ka fapa ka paitirh khan ka nu thichhawnga hospital lama enkawllai a ni nen kan mualphopui nasa.





'A nu heti khawpa bawrhsawma a awm chung hian sawn alo la pai zui a' he ṭawngkam hi ka dawn tam ber a ni. A dang pawh atam ang tih ka hria, ka bengchhu ngawng tlatin khang hrehawmna zawng zawng paltlang tur khan ka bei nasa. Rilru hah leh mumal nei mang lova ka pai anih vang erawhin a taksa lamah harsatna a awm ta thung a.





Mangang lutuka ka awm chang kha chuan apa kha zawn mai duh rum rum chang kha ka nei ṭhin mahse zankhat lek hun ka hmanpui mipa kha zawng chhuak ta ila a a fa ka pai tihkha alo pawm kher angem tih thlengin ka ngaihtuaha. Mahse khami zana ka hmuh bak kha ka hmu zui leh tawh lo hrim hrim. Keimahin fight ka tum em avang leh ka nau te nupa ṭawiawmna ka dawn ṭhat em avanga tun dinhmun thleng thei chauh hi ka ni.





Mualphona nasa lutuk leh mi kawhrawn ka tawk chung khan ka nau hian vawikhatmah min ṭawngkhum ngai lo. Naute pa pawh tunge tih min zawt ngai chuang lo. Min zawt pawh nise a hming takngial pawh sawi tur ka hre dawn miah lo. A rilru a hrehawm tih hmuthiam lo bik ka nilo mahse a û ka nihna angin min zah der mai zawk. Nau zawng zawnga nau ṭha ber leh mo ṭha ber ka nei hi vannei ka inti a tunah chuan buaina awm miah lovin chhungkaw nun tak tak kan nei ve thei tawh bawk.





Ka nu min boralsan erawh hrehawm ka tiin tun thlenga ka thinlung ti natu ala ni ber fo. Mahse hmalam pan ngai mihring kan ni a, hun kal tawha thil thleng kan in chenchilhtir chhung mi puitling tak angin kan chawrchhuak dawn lo tih ka vawn reng vangin chak loh phah nana hmang duh lo mai zawk ka ni.





Ka nu boralna hi na ka ti, ni e ahlimchhawn kha chuan dingchhuak leh thei tawh lo tur anga ngaih khawpin ka tuar miau a, mahse khang lungngaihna zawng zawng kha hunin aherliampui ve zel a. Tunah chuan hmun nuam zawkah natna awm tawh lohna hmunah ka pa nen hlim takin a awmdun tawh tih ka hriat tlat avangin a zuau zawnga ngaihtuahna hman fo ka duh lo.





"Mama..... tho rawh" fiah lo deuh tehian arawn ti ve hmuk mai. A pa hmel ka hmuh chin ang zawng kha ka mitthla leta a fapa hian achhunfai vek.






"Mama...mama" ka mitchhing tlat chu arawn keu rualin ka nui chhuak hak. Zing aṭang hian vawitam 'MAMA' tih thumal hi alam ṭhin, chhawnsen loh khawpa tam. He khawvela aneih chhun a nu hlu tak kha ka ni miau a.





"Ka ril aṭam tawh" min si chet hian arawn tawlh hnai seuh seuh a. Ka ban ka kuah khawm vek chu rawn pawt hrangin ka kawrchhungah azenlut nghal zat anihchu.





A hnute lawm hi abang thei der lo. Hnektir han tum ila aṭang ve tumhramg chung hian akhawih reng zel peih hi mak kati ṭhin.





"Mama.." a kut lehlamin ka hmui arawn tawk a ka ka ang thutin akutzunṭang pakhat ka seh zauh chu a nui ve hak hak mai. Keipawh ka mitmengin ka fapa hmleṭha zet hlim zeta a khek raih raih chu ka en a ka chhungril aṭang hian hlimna famkim lutuk hian min fan zui raih raih thei.





Nu tan mahni fate hlim taka an awm tluka hmuh nuam hi a awm lo. An damsam loh erawh chuan rilru zawng zawng nuam loin min siam leh lawi a. Khawvela inzawmna thuk ber kan neihpui hi kan fate annih ngei ka ring.





"Le tho ang le" ti zangkhai vahin ka kawrchhung aṭangin akut ka pawt chhuak a ka tungtho nghal nawlh.





Asam nem leh ngil ṭha zet a beng lang thei tawk vela ka cut sak chu ka tuaimam sak zauh a. Nuih var var chung hian khum aṭangin ka chhuk ve ta chauh.





Khum ka pawt mar zung zung a, ka blanket sinlai ka thleh dawnin arawn zuang auh auh chu ka melh nghal vak.






"Vanlala khumah awmhlei loh tur tih ka sawi ṭhin em" khauh deuh taka ka tih rualin azuanglai tawp chawtin mitmeng dul ruih hian min rawn melh nghal chu ka lainat leh hnuhnawh. Mahse a duhdan dana taltir hi ka tum chuang lo. Khauh taka enkawl chang a awm tur a ni. An duh ang zawnga taltir leh duh apiang tihsak annih zel chuan kawhmawh bawl mai an awlsam ṭhin chu chu ka duhdan a ni miah lo bawk.





"Ka sawi ṭhin em?" Chal ti chuar tap hian kati leh a.





"Aw mama....sorry" ti chung hian khum aṭangin arawn chhuka a slipper let ve ram chu inthawlhin pindan a chhuahsan hmak reuh anihchu. Achang hichuan aluhlul lutuk hi enkawl har tihchang ka nei ṭhin. Chuan athinchhe em em bawk. Mahse amizia zirchiang chung zelin enkawldan ka thlakkual ve reng tho.





Nui hakin ka sam zial tawm mawlh mawlh chungin pindan ka chhuahsan zui nghal zat. Ka fapa chu aputea ngheng ar ar hian phone alo khawih leh mual mual tawh. Naupang phone khawih nasattir lutuk hi ka phal ngai lo mahse aputea hian alo pe leh mai ṭhin.





"Bawihte" ka aw ahriat rualin lehlam ahawi ve hmak reuh anihchu.





"Phone ilo khawihtir leh ṭhin a, khawihtir chin tawk hriat tur aw" ka nau melh nghek hian kati zui hlak. Naupang lai aṭanga phone khawih nasat hi aṭhat loh mai bakah ka fapa phei hi chu mi nau anga hrisel anih loh vang hian hrisel lohna dang belhchhahtu hi nei tawh lo se tih ka duhdan a ni bawk.





"A rei lovang" ti supin vanglaini min bihsan ta daih chu ka melh leh nghek a, choka lam ka pan ve mai bawk a.





"Good morning ka û" chawi ei dawhkan thianfai mawlh mawlh chungin ka nau nupuiin a ti zangkhai vah a. Mitmeng nunnem lutuk a min melh chung hian anui zui var var.




"Morning, azia lo hle mai thawh ka hai palh hlauh a ni" ti sapin ka hmai ka phih zui nghal zat a.





"Pawi reng reng lo, nimin lam i chau em bawk alawm" hriat nuam zet hian ati var a. Hmai ka phih laklawh lutuk nen kutzungpui kati pir vang chu anui deuh hak.





"Vawiin chu kan pahnih kal dun ila"





"Ka hre lo bawiha hi engtin nge niang" face towel a hmai hru mawlh mawlh hian kati zui zat.





"Kan hruai mai anga" ngaihsam zet hian ati a. Ka fapa hi ahriselna aṭhat lutuk loh vang hian chhuak tam lo se tih hi ka duhdan a ni mahse le nikhat chauh hruai chhuah chu apawiin ka ring hran lo. Nidangah chuan kan damdawi dawr hi ka nghak deuh tlangpuia ka nau nupui hian in lamah alo awm thung ṭhin. A nawmsam loh viau erawhin ka kalsan ngai lo thung.





"Pawi chuang lovang, chaw ei i peih chuan kan ei mai dawn em ni" ka ti zui sap chu abu nghat nghat mai.



""""""""""""""""


Chaw ei khamin dawrlam pan turin kan inzui chhuak ta diah diah a. Ka nau erawh an school naupang ṭhenkhat te Hmuifang lama outing neihpui turin a chhuak ve thung.





"Mama" ka nau nupui nen akut tawn tawnah kai chungin muangchang hian kan kalpui a, a phur reuh lutuk chu apen ve pak pak mai.





"Mama" ka chhawn mai loh vangin akallai chawl meuh hian min rawn melh chho ve ha.





"Immm"






"Papa ka nei ve chak" ka phu zawk thei. Vawikhatmah 'PA' tih thumal hi ka hriat theih chinah ala lam chhin ngai miah lo. Chhan mai ngaihna hre lo hian ka aw ka thian kharh kharh.





"Bawihte papa techu i nei reng alawm, aputea hi papa animai alawm" ka awmdan hrethiam zet hian ka nau nupuiin arawn ti thuai.





"Aih papa tak tak ka duh" ati ve hlar reuh.





"Mama..papa tak tak ka duh" ati ṭiau. Akut ka kaihna athingthla a ṭap mai tur hmel apu nghal der anihchu.






"Le nizan i mumangah enge i hmuh?" A dinna kianga ṭhuthla chung hian asama chul zauhin ka ti a.





"Papa nen khumah kan mu dun alawm" a mit nuai chat chat chung hian ati ve sep sep. A mumang vang anih ngei dawn chu mahse ka dinhmuna ding mek nu tan chuan fate zawhna chhan hi tupawn har anti ṭheuh ang. Ka fapa lo pianchhuah dan ngaihtuah phei chuan ka tan ahar leh zual.





"Papa kha zanah kan mumangah kan hmu leh ang aw" zangkhai vah hian ka ti a. A mit anuaina kut ka lathla chu alo mengsen ve rum hman reuh ania. Keini ang puitling vek tawh pawh hian nu leh pa uapna hnuaia khawsak kan la chak ania, a ni ang naupang mai chuan pa te thlazar hnuaia infiamte a duh apiang tih achak tur zia ka chhutthiam ve ruak mai.





"Yes mama nangpawh papa hmu turin mumangah i kal ve dawn tiraw" a kut beng thak thak hian ati chul. A hmel nguai ve raih kha phurnain arawn thlak a khawlai leh khawlai lo pawh ngai pawimawh lo hian akhek raih mai.





"Dawn chiang" ti sapin ka pawmkang nawlha ka biangah arawn fawp zauh chu nuih seihin ahnarah ka piai ta zauh.





"Hmingte" ka mo an rawn auhna lam chu kan pahnihin kan hawirual ṭhawt a. Mahse hnunglama mi pahnih ding ka hmuh chian rualin chawp leh chilhin ka thin aphu nghal dawt dawt. Ka fapa doctor leh khapa kha anni. Chil lem khawlh hian rang fahranin hmalam hawi turin ka fapa ka inherpui nghal dawrh. Hmingtei kalsan mai na chi ni tawh lo hian kan bul maiah min rawn nangching zui chu a ni der.





Kum li hnuah avawikhat nana ka hmuh lehna hmasa ber a ni. Min la hria em tih chu ka hre lo mahse keihian kala hrechiang mah mah a ni. Ka thianghlimna ka hlan ka fapa pa hi engtin nge ka theihnghilh theih tehlul ang. Ka duh chu kati hran lo mahse ka ngaihtuahna hmun khatah hichuan acham ve veng veng ṭhin tihchu keihian ka hrechiang bawk.






"Inva hma ve" a Dr. Seni'n arawn ti dam thluam. Hmingtei cousin anih mai bakah ka fapa doctor anih vang hian kan inhrechiang ve fu bawk.





"Nia tukin chu kan hma ve anih hi" Hmingtein zangkhai vah hian ati let zat. Hmingtei pawh hian ka fapa pa hi tunge anih ahre lo. Ka nau pawn ahre lo, ahre awmchhun chu keimah chauh.





"Hey kan naute hmelṭha chu a damṭha tawh aniang maw ka hmukhat tawh em mai?" Naupang tana ngaihthlak nuam lutuk tura aw ki nem hian ati zui zat.





Hmingtein min rawn nghawk zauha hnunglam chhawn rengna chi ni tawh hek lo. Thin su dup dup chung hian ka hawilet riai riai a, Dr. Seni'n ka fapa samah arawn tuai nghal zauh a, ka fapa nui sen sen hmelah chupa mit chu a fu chat.





"Mama nen hian maw mumangah papa kan hmu dawn" phur lutuk hian a doctor hnenah a hrilh ve siam siam a. Mitchhing sawkin ka ip chawih mai!





"Mama a na" ka ṭang lutukin ka lo kuah nghet viau ani ngei ang. Ka kuahna ka thlahdul rualin khapa dinna lam kha ka melh zauha kan nufaah amit meng rum lam mah chu a fu ngur mai. Ṭawng tum hmelpu miah lo hian a hmui achip hmuk bawk.





"Nimaw, papa chu ka hmu ve thei angem?"





"No, mama nen chauh kan hmu thei" a kut vai lauh lauh chung hian ati hlar chu Dr. Seni pawh a nui tawp.





"Ziaawm lam apan zel chu alawmawm hle mai"





Hmingtei bawkin min rawn nghawk leh zauha, ka chil ka hak lo chauh!





"Nia alawmawm" aw thian kharh kharhin kati nawi nak. Helai hmunah hian kan indinchilh reng anihchuan keihi ka mumal lo zo vek dawn takngial.





"Kan kal mai ang" ti thawrin ka inher a hmalam panin ka fapa ka penpui nghal hlawk hlawk. Thui fe ka thlen hnuin ka taksa ṭang lutuk thlah dulin thawk kala zui ham ham mai.





He Mizoram zimteah hian inhmu leh lo hlawm tawp chuan kan awm ka ring lo chungin ka inring hman thlawt lo a ni ber.





"I ṭha maw?" Kan dinna Hmingtein arawn thleng chawpchilh nghal a. Ka awm ka dawma ka awmchhung ami chu aphu rang zaih zaih viau mai.





"Aw ṭha lutuk" ka nuilui ngial chung pawn kala pangngai thei chuang lo.





"Thlahrang i hmu amaw tih mai tur alawm i meng phawk nasa lutuk kha"





"Bakah Useni bialpa nen khan in inhre mial em?" Ati zui leh zat.





"Bialpa" ka hriat tur tawka ka phun chu Hmingtein alo hre pha tho anih hmel.





"Engtin maw?" Hriatthiam loh hmel deuha min melh chung hian ati ha mai.





"Hre nang" Hmingtei min biakna ki lo lutuk hian ka awki ka san vak chu mak min tih hmel ngawih ngawih lutuk. Za vak lo hian ka ṭhen sak. Ka inthunun fe angai dawn anih hi tih ngaihtuahna ka nei nghal pang.






"In inhria emaw tih tur khawpin in nufa kha amelh cheu mawle"





"Min melh ve mai mai anihchu" tihleh kan dawr lam pan ka rual nghal. Ka hnung maiah Hmingtei arawn pen ri ve tlak tlak a. Ngaihven pawh ka ngaihven zui tawh lo hrim hrim.



""""'''''''''''''


Nilengin kan dawr nghahah ka rilru ka pe thei miah lo. Ka ngaihtuahna zawng zawng khapa khan a pawtpeng fai vek. Customer kan neiha chet buai rap rap chang nei mahila Hmingtei lo awm ve hlauh hian min chhanhim hi a ni ber. A ni hi awm lose ka buai ngawt ta ve ang.





"Mama ka mut achhuak" customer damdawi lei ka funsak mawlh mawlh laiin ka kawrhmawra pawt dat datin ka fapain arawn ti sep sep.





"Lawk aw bawihte" tiin ka thil tihlai ka chhunzawma.





"U-rose bawihtea kha" Hmingtein arawn tih hluai rualin ka fapa dinna lam ka thlekthla a. Ka kawrhmawr pawt ṭai chung hian alo thle lawp lawp tawh anihchu. Vawiin chhunah reilote tak tak amut bak kha ala mut miah loh vangin mutchhuah viau pawh ahun tawh reng a ni. Bakah a awm hlei ve viau nen atal chau ve pawh animai thei.





"Lo buaipui zawm mai rawh" ti zauhin ka ṭhuhniama ka fapa chu ka dara bei thei turin ka pawmkang nghal nawlh.





Chair-ah ka ṭhutthlakpuia ka hmalama pawm chungin a chal bawr vel thlan ve hliam chu ka chem zui heuh heuh.





"I lo va hawpui mai dawn nge" tiin ka bulah Hmingtei arawn ṭhuthla a bawihtea muhil thaw sak sak chu thlek zauhin a nui var.






"Ka hre lo. I buai angem?"





"Buai lovang, tlailam boruaka awmpui reng chu achi ka ring chiah lo a" ka fapa hi min ngaihtuahpui lutuk tehi fel hi kati ngawih ngawih. Chunglam khian kan mamawh tur tak mo min pe ni ah ka ngai hmiah.





"Nia atlai duai tawh tho kalo va haw hmasa mai ang" sana sin zet ka bana ka bun chu ka thlek ve ngial a, dar4 alo pel fel der tawh. Ka nau a chhuaka keini dawr lamah kan kal vek nen kan awm rei lutuk chuan kan tlai buai vek pawh ahlauhawm tho.





Ka fapa ka puain inlam ka panpui ta hnak hnak.


""""""""""""""


"Ma...mama...mama" khumah ka mutthlak chiah rualin a rawn ti tham ṭiak. A mit ameng der lo lehnghal.





"Aw bawihte" abianga chul chung hian ka ti sep a.





"Mama a na"





"Bawihte khawilai nge na?" A kut ahum ruh ve ṭai chu ka vuan a.





"Mama" ti tham leh ṭiakin arawn menga. A mit asen ve rum anihchu. Hlauthawng zet hian apang ka khawiha alo sa vur chu niin.





"Bawihte a na lai mama hi hrilh rawh le" hlauthawng lutuk hian kati ruai. Ka fapa a nawm loh apiangin ka talbuai vek zel. Harsatna tam tak paltlang chunga ka hrinchhuah anih vang hian na aneih tawh chuan hrehawm kati ngawih ngawih ṭhin.





"Mama" aṭawng hlei thei lo chu a ni ber mai. A thaw ri hrawk hrawk tawh.





"Hetah" a awmah akut anghata a mittui abiangah aluang nghal ngiai mai. Fapa sual ani ngai lo na aneih pawn nawrh aching ngai lo. A kum ang ruala athawrhchhel ve lutuk hi ka lainatna tizualtu a ni bawk. Vawitam hospital ah kan luhpui tawh, azia a azia lo leh ṭhin hian min ti mangang a ni.




A mutna aṭangin ka pawmkang nawlha lukham bula ka phone awm chu banin Dr. Seni ka call ta vat.





"Bawihte a na rei lo ang lo nghak rawh aw" a chala fawp vang vang hian ka be mawlh mawlh a. Ataksa ṭang nasa lutuk chuan min ti mangang takzet tawh.





"Doctor ka fapa hi" phone achhan rualin ka ti nghal ruai. Anatdan sawi kilhkelh loh mahila a doctor anih miau avangin a man thiam vek dawn tih ka hria.





"Rawn kalpui rawh" lehlam aṭangin arawn ti zat a. Ka phone khuma thehthlain ka fapa ka pawm ṭha a pindan aṭangin ka pen chhuak nghal hlawk hlawk.





Kawngpui bul mai a awm kan nih avangin kawngsirah taxi ka changa. Ka phar fu hlei thei der lo chu ka lo chauh tawh. Rilru hmanhmawh nen ka thin a ur hlur bawk.





Taxi pakhat rawn tlan leh chu beisei nei zetin kalo phar veleh a atawp atawpah chuan ading ve ta hram.





Ka kal duhna sawiin ka fapa pawm bet tlat chung hian ka ṭhu lut rawk rawk a. Driver pawn mak min tih hmel zet hian front mirror aṭang min thlek haw mai. Mahse chutiang mi mak tih care sise hman ka nilo. Ka fapain na atuara chu chauh chuan ka ngaihtuahna zawng zawng aluahkhat fai vek.





"Mama a na" ati tham leh ṭiak ṭhin. A awm zawimuang hian ka chulsaka a nat ai zawng zawng hi nat chhawk thei ila ka ti ṭhin. A na tuar hmel ka hmuh hian kalo na ve ngawih ngawih ṭhin.





"Bawihte a dam tep tawh" ka aw chhuak pawh ṭah ka insum lutuk nalamah a lawi zo vek bawk a.





Hospital kawtah taxi ading dat a, kawngka hawngin kan inpawm chhuak nghal nawk nawk.





Dr. Seni'n pawnlama min lo chang ka hmuh rualin adinna lam ka pan zui hlawk hlawk. Ka chiai luatah hah pakhatmah ka hre miah lo thei anihchu .






"Lungngai miah suh aṭha leh vek ang" a cabin-ah kan in pawmluta. Ka fapa lak hran atum chu aduh ta tlat lo.





"Mama bulah ka awm duh"





"Mama" a mittui luang zawih zawih hian aṭap ta vak. Mittui tlingpam hian ka melh ve reng. Hetiang hian vawikhatmah sual achhuah ngai miah lo tih hrechiangtu a doctor pawh hian mak tiin a thlek tlawk tlawk mai.





Thlem ngial ṭhin mahse tihngaihna ngang a awm loh vangin ka pawmbet tlat chungin nachhawkna sang lo te akhawsik ti zia awm tur injection a pe a.





"Vawiin lamah atal hah deuh em ni?"





"Aw, a awmhlei ve lutuk bawk si hi khap ahar ṭhin a" ti sepin ka fapa chalah ka chul heuh heuh a.





"Chuvang anih dawn chu. Naupang hichu khap an har bawk a ni mahse lungngai lo phawt ang aw" nui var varin arawn ti zui zat a. Ka thlaamuang huai huai mai.





"Tui atheih ang tawk tawk atam intir ṭhin la" ka fapa kawrawm hlim chhoin a chul deuh thuak thuak a. Atira pawmsawn duh lo ṭap kha awm leh miah lovin ka fapa pawn thuawih deuh chuan adawh ve mai bawk a.





Darkar2 dawn kan ṭhut hnuin akhawsik areh a, a awmna pawh asawi chhunzawm tawh lo. Helai hmuna awm reng theih anih loh avangin haw tumin Dr. Seni nen kan inzui chhuak a, hospital kawt ka chhuah thlen meuh chuan khua athim vek tawh tih ka hre ve chiah.





"Ka ṭhianpa hi a haw hnai tawh tho asin lo nghak ila athlah haw nghal dawn che u nia" ti dam thluamin ka fapa a thlir dauh dauh reng.





"An deuh nei hian ka hre si mahse ka hrechhuak thei thlawt lo" nui seihin ati a. Kei kalo hlauthawng nghal em em thung. Ni e, an chu a nei ngei alawm, chu chu ka hrechiang kher bawk. Mahse abialnu anih angin akiangah hian sawi tumna ka nei lo. Mi inngaizawng ṭha hle hle lai inkar tizautu nih phei chu ka duh lo hulhual. Khachen pa tel lovin ka enkawl thei a tunah pawh enge ka theih loh lem ang.





"Saw a lokal alawm" ahawina lam ka hawi rualin ka fapa ka pawmna ka ti nghet ngawt ngawt! Vawiinah ringawt pawh kan vawihnih inhmuhna a ni tawh. Nuam lo ka ti ngawih ngawih bawk.





Helai hospital-ah hian athawk ve tihna em ni? Ka fapa vangin kan thleng ngun hle chung pawh hian hetah ka hmu ngai lo. Dr. Seni be tura ka ang ziau tawh chu kan dinna hmun arawn thlen hman avangin ka hmui chip zui hmakin ka pawmbeh mek ka fapa ka melh zui tlawk tlawk. Hetianga kan inhmu reng dawn anihchuan keihian nuam kati dawn hauh lo. Khazan kha ka mitthla leta ka awm ati nuam lo ngawih ngawih thei.





"I chau em?" Dr. Seni bula ding khup chung hian ati sup a. A kutphah hrawl zeta Dr-i biang anul ka hmu fuh lutuk chu ka mit ka la let rang kher mai. Awihawm loh khawpin ka taksa chhung khawi emaw laiah hian che asiama nuam lo kati nghal pang.





"Chau lo ve" Dr-i'n nui sang hian achhang leta. An induh hmel ngawih ngawih lutuk chu hmuh hrehawm kati.





"Indim la aw, in ka thlen veleh ka rawn bia ang che" ti thuk ruih hian Dr-i sam hnawk niai chu abengah azehsak a, ka awm anti nuam lo ngawih ngawih lutuk tawh.






"E hei i thlah haw turin kalo chelh a" kan dinna lam rawn hawiin ati zangkhai vah. A bialpa zawk pawh rawn hawi ve vutin kan nufa chuan min melh leh ngur tawh.





"Ih, ka nau ka be mai ang min lo hruai turin" ka ti nawi niai. Ka zam em em lutuk hi ka khur thei anihchu! Rapthlak zawk hian!





Ka thawmhnaw haklai ka dap kual a mahse ka phone reng reng ka ak lo chu za lo zet hian ka nui tawi tak. In kan chhuahsan dawn khan khumah ka hnutchhiah tih ka ngaihtuah chhuak nghal zat bawk.





Dr-i te dinna lam ka melh a, tihngaihna hre lo lutuk hian ka heh hnuailam ka seh ringawt. Phone keng ang zia zangin ka nau ka biak tur thu te ka sawi vel a, ka zak lutuk hi ka sa pup pup thei. Mahni lo maha mumal tawh lo nak alaiin.





"Mama ka ril aṭam" ka awma bei hle hle chung hian ati tham ṭiak a.





" Bawihte kan haw dawn aw inah i duh ber i ei ṭeuh dawn nia" Achalah ka fawp zui vang vang.





"Anihchuan hmanhmawh ru, Rose ka luhsan cheu aw" ti hluaiin dingdihlip ak akin akianga mipa ding biangah afawp zauh chu meng awkin thawk ka la hak, ka hma a mipa ding chuan chiang lutukin ka mitah min melh run thung.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » February 28th, 2021, 1:23 pm

SERENDIPITY









CHAPTER-3







Dr. Seni kal nal nal chu hnunglam aṭangin ka melh mawl tawp. Engtin nge hepa nen chiah hian min hnutchhiah theih zawk ni. Nuam lo kati ngawih ngawih. Hun kal tawha kan pahnih inkar thil thleng hi hre ngat se abialpa nen hian min tlatfal tir hauh lovang tih ka chiang.




Taxi a haw remchang lo pawh nilo a kalo nghak ve kher kha tunah chuan inchhir tawh tak ka ni. Hepa hi a ni dawn tih hre ngat ila chuan hospital kan chhuahsan rual khan ka fapa hi ka hawpui nghal vang vang ang.





"Mama ka ril aṭam" ka awm zawn aṭang hian ka fapain arawn ti tham ṭiak a, ka phu deuh zuk lehnghal.





"Aw....ka...kan...kan haw dawn aw" kati nawi nak mai. Ka zam ve ringawt chu thilmak pawh a ni lo. Hun kal tawhin nuam lo ti ngawih ngawih turin min siam miau a.




"Ih....keimah niin kan haw mai ang" in sehruh ṭeuh chung hian alam hawiin ka ti sap a. A mitmeng rum ul mai chu rei pawh en lo hian ka hawisawn leh ta daih. Vawiin zing lam aṭang tawh khan kan nufa a amit afuk rualin amitmeng rum ul zel hi nuam lo kati. Keimahah hlauhthawnna asiam ringawt bawk.





"Lo awm ru" ti hmukin garage lam a pan zui nul nul. Alo chhuah leh hma a lo biruksan daih tak mai ka nap mahse thil tih chi ni tawh hek loin. Dr. Seni ka ngei deuh rum rum tawh.




Kan nufain hospital pawnah kan ding ran a. Hospital damlohna avanga awmchilh pawnlama awm pawh an kat ve nuk tho mai.





"Mama" ka awm zawn ka melhthla a ka fapa lo nui sen sen chu abiangah ka chulsak thuak.





"Ala na em"





"No....mama a na tawh miah lo" tham ṭiak arawn ti chu ka nuih seih thung.





"Ok.... anat tawh loh chuan alawmawm. Mama iti mangang lutuk aw" ka chal ti chuar tap hian kati sap a.





"Mama...mangang chu enge" min melh deuh ha hian min zawt ve reuh anihchu. A ni ang rual tan chuan
'Mangang' tih thumal chu hriatthiam ahar dawn reng a ni.





"Hetah anat khan mama pawh a na ve ṭhin" tiin a awmah kut ka nghat dat a.





"Mama sorry a na tawh dawn lo" a lu athing zui mat mat chu ka nuih leh seih. Ka fapa hian hlimna nasa tak min pek tluk zetin a natna avang hian mangang tawpkhawkin min siam bawk ṭhin. Mahse ka fapa anihna angin ka hmangaiha na atuar apiangin ka thinlung hi a na vawng vawng ṭhin.





Kan lo ṭawng mawlh mawlh laiin kan bul lawkah scorpio var fai zet mai hi arawn ding thi duk a ka hawi chhuak nghal vat.





Chhunglam aṭangin khapa kha arawn pen chhuak a kan nufa dinna lam rawn pan pawk pawkin kan ṭhutluhna tur kawngka ahawng nghal vut.





"Lut ru" ti sup hian a lu chhunglamah athle buk a. Ka fapa bawm bet ṭaiin tim deuh tak chuan ka ṭhulut ve mai bawk a.





Kawngka arawn kharrik dawp rualin ka phu zawk thei! A hmel anelawm loh mai bakah athawm thlengin min tih hrehawm. Zinglam aṭang tawh khan abulhnaiah hian boruak apan riau hian ka hre pek.





Rawn ṭhulut vein a jacket haklai ahlip a hnunglamah atheh chho nawlh. A kawrhak lai ban athlep zui mual mual chu ka melh ve reng. A motor lian zet leh aneitupa nena inrem ngawih ngawih chu ati nunga muangchang hian hospital hlat zawngin kan tawlhchhuak a. Dam lo awmkhawmna anih angin helai hmun aṭanga tlan vawk vawk chi a nilo tih chu hre tho mahila hospital campus tlan pelh chhung pawh rei ka ti ngawih ngawih.





"Kum engzah nge anih tawh!?"





"Engmaw?" A ṭhutna lam ka hawi vat a, azawhna ngaihsak zui hmel pawh pu chuang lo hian steering hum runin hmalam amelh ngur thung. Ka phawk lutuk hmel ahmu lo erawh lawm ngawih ngawihna tham atling thung.





"Kum engzat nge anih ka zawt che" hmalam chauh la melh ngur hian a ti zui leh hmuk.





"Kum thumna ahmang ve mek" pangngai thei ang berin kati chhuak thei hram. Ka inthunun fe anihloh chuan chetbuai vek mai ka hlau a ni.





"Ih kan in"





"Ka hria" ka sawizawh hma hian arawn ti zui vut chu aṭhutna lam ka hawi leh dawrh! Kan in awmna chenin ahre vek maw!? Ka pawmlai mek hi afapa ani tih ahriat vek tawh ka ring nghet nghal bur bawk. Ka awm ati nuam lo zual ngawih ngawih tawh bawk a.





"Engtin?" Engtin nge ahriat chu zawh ka tum ber pawh a ni lo mak ka tih lutukna lamah ka ka aṭangin a chhuak ve tawp.





"Zawn hmuh i har vak lo" ti nghutin a khabe atuai zauh a mahse kan ṭhutna lam ala rawn hawi ta chuang lo cheu. Mipa hichu hmeichhia angin an phi ve chung chung ngai lo tih ka hriat vangin a awmdan hi mak pawh ka ti chiah chuang lo. Amak zawk erawh chu kan in thlenga a hre vek zawk hi.





"Pasal i nei tawh em?" Min rawn melh zauha mahse ahawisawn leh vut tho.





"Ka mimal nun hmelhriat loh hnenah ka hrilh ngai lo" ti hmakin ka fapa ka pawm nghet sauh. Kan in thlenhma hian ka mimal nundan zawng zawng min phawrhfai sak kelh ka hlauh vang tepawh animahna ka hahdam thei lo leh zual.





"Mimal nun" tinawn ve supin ngeiawm lam mah hian a nui suk. A motor a kan lo chuang ta kher kher hi ka inchhir hluah hluah. Garage a aluh lai tekhan lo hawsan nal nal ila ṭha tur.





"Mama ka ril aṭam haw vat vat ang" ka fapa bawkin arawn ti a.





"Aw kan thleng ṭep tawh aw" dam dap hian ka ti zui vat. Ka fapa aimah hian inthlen ka chak zawk. A car a kan ṭhut chhung chuan ka hahdam pawn ka ring lo. Min kam ṭun rengtu awm tlat hi nuam lo kati lutuk tawh.





"Enge i pek ṭhin?" Ti supin ka fapa ka pawmbeh mek chu mitmeng dam dup hian arawn melh a. A vawikhat nan a mitmeng rum lo ka hmu ve chiah.





"Chaw" tih zawngin ka chhang a, anuih azat hmel viau thung. Chaw lo pek ka nei lo reng bawk a. A hrisel loh vang hian a ei leh inah ka fimkhur em em a, chips vel pawh ei lo hlawm tawp chu a ni lo mahse ka eitir lo tluk a ni.





"Enkawl ṭha ang che" keimaha a mit afuk rualin ka fapa amelhna mitmeng kha a awm leh tawh lo. Min hua ti dawn ila ahuatthu emaw engmah sawi ka neih loh mai bakah tih ka nei lo. Mahse pawi tihna ka nei chuang lo, kan inhmu fo dawn tihna pawh a ni chuang hleinem. A fapa a ni tih hrechhuaka min rawn tihbuai atum loh chhung chu keipawn tihbuai tumna ka nei hran lo. Khachen keimahin ka enkawl tawh a, tunhnua arawn inlan mai avang hian hmeichhe maksak zet anga naupang enkawlna tur emaw dila nawr chiam chiam ka tum lo. Min ngaihven lo se keini pawn kan ngaihven lo anga tichuan kan ṭha tlang animai.





"Mama, papa chu mumangah arawn kal dawn a mi?" A mitmengah apa ahmuh chak zia ka hria mahse asawi chhuahna hmun ber hian min ti lawm lo zawk.





"Shhh!" Ka hmuiah ka kutzungchal ka nghat chu amen deuh puai puai anihchu.





"Papa bulah ka awm duh" ti ṭiau hian ka kawrawmah arawm vuana amitah mittui atling khat nghal vek.





"Papa ka duh ve Tlingtlingi te angin" ka melh rum deuh hlek vang nge a inhnit nghal hlap hlap anihchu! Hepa awmlai kher lova sawi chu ni se lawm lohna chhan tur ka nei lo. Tunah hian apa diktak bulah a awm tih hre ta se ahlim viau tur mahse ka sawichhuah arem lo.





"Van....."






"Bawiha papa bulah i awm chak maw?" Engmah sawi zawm lo hian ka mit ka chhing ta ngawt.





"Mama hian papa pawh min hmuhtir ngai lo" ka kuah lohna lam ka kut chu ka hum ngawt ngawt tawh!





A kut lehlama steering hum reng chunga kan nufa ṭhutna lama akut rawn phar chhuak vut chu ka hrethiam lo ngang. Enge tih atum kalo thlir mawl tawp. A kut phah hrawl zetin ka fapa samah arawn tuai zauh chu ka meng awk. Chumi rual chuan ka fapa inhnit hlap hlap atawp nghal chawt bawk.





"Khawiah nge apa?"takngul a min melh chung hian ati sup a. A sawi zawh rualin a thu rem vut a hmalam amelh zui leh daih.





"A thi tawh" ti hmakin hmalam ka hawia thawk alak hawk rualin bawihtea kawrhnung ka ṭham ngat ngat!





"A thi tawh!" Ti nawn ve sup hian a khi suk. Kum li hnua kan inhmuh lehna hmasa ber chu tukin mai kha a ni. Ka fapa hmel ahmuh rual hian a fapa ani tih ahrethiam nghal tihna em ni? Chutimaia ahriat nghal theih chu ka ring ngam chiah silo. Abula awm nuam ka tih loh sa nen ka dik lo hu vek tawh. A motor aṭanga chhuk hlan hi ka nghakhlel tawh.





Kan in bul mai kawngpuiah car ati ding dawt a, kan chhukfel hun nghak hian hmalam melhin amalchunga a kut hrawl zet nghat hian aṭhu ngul reng chu ka melh zauh.





Kawngka ka hawn hmain pawnlam aṭangin arawn inpawt hawnga Tetea hmel ka hmu nghal zat chu ka ang deuh pham mai. Ka fapa lawm lutuk hian akhek nghal raih bawk a.




"Engtin?" Ka ti hliai. Hospital lam kan pan thu hi ka chhungte takngial pawh ka hrilh miah lo. Ka chiai kual vel lutuk kha ka mangnghilh vek. Kan nufa a kan awm lo ringawt chu an mangang ve ngawtin ka ring.





"Pate" ti ṭung hian aban a. Tetea pawh nui sukin arawn kunhniama ka fapa ka malchunga ṭhu chu apawm kang nghal nawlh.





"Kan lawm e aw" ka chhuk hmain ka hawi let leh zauh, hmalam melh reng hian abu nghut. A scorpio aṭanga ka chhukfel ve rualin a dawk chhuak nghal zawk chu ka thlir zui vang vang mai.





"Dintluanga maw?" A tlanliam tawhna lam melh hian Tetea'n ati sup.





"I hria ami?"





"Tunge hre lo ang" nui suka ka fapa sam tuai zauh hian arawn ti a.





"Keiin ka hre hleinem" tisam et hian in lam panin ka pen zet tawh chu ka samah ka fapain khek raih raiha a pawh rualin ka ding leh dat.





"Hre loin a rawn thlah tho cheu a"





"Bawihtea doctor ṭhianpa anihkha, aremchanga kan rawn fin ve anihkha" zangkhai vah hian ka ti zui a. In lampamin kan inzui phei dat dat. Khapa chanchin sawi zui chiam kha ka chak hran lo.





"Chu i hriatreng chu maw"





"Zanin aṭang chauhin mawle"






"Engtik hunin nge hospital i panpui?" arawn tih zawm ta daih.





"Dawr aṭanga in kan thlen hnuin" ka ti sep a.





"I chiai viau a ni ngei ang maw i chhungte hrilh nachang pawh i hriat loh dan ah. Zawn che u tumin chhuah kan tum hman a" Tetea melh vatin inthlahrung deuh hian ka nuih seih. Ka mangang kual lutuk kha ka chhungte takngial pawh ka ngaihtuah chhuak lo hrim hrim. Mahse eng kan ti em bik lova aṭha vek animai.





"Nia" inthiam lo zet hian ka ti tawi tak.





In chhungah kan inzuiluta ka naute nupa hmela manganna ka hmuh rualin ka inthiam loh zia chu pui tak a ni tawp mai. Ka phone tal kha theihnghilh lo ni ila chuan engkim afel vek mai tur a nia. Ka indem leh hnuhnawha awmzia a awm tawh der silo.





"Pawi kati lutuk" eng amah hmain thupha ka chawi nghal ngawt. Nuam lo kati bawk em atin ni. Fate meuh na tuara an awm tawh chuan ngaihtuahna hi amang duk zel min hriatthiam ngei pawh ka ring.





"I phone hi awrhna siam ila aṭhain ka hria" ka nauin arawn ti hlur mai. Ava nuam lo duh tak em.





"Ka tihpalh takzet" ti sepin an nupa ṭhutna epah ka ṭhuthla a, ka hmela ka inthiam lohzia a hmuthiam a ni ngei ang min rawn nuih ta suk.





"Doctor-in enge alo sawi" Hmingtein arawn ti sap a.





"Angai animai, injection a pe chuan hei aziaawma ka rawn haw pui nghal" ka sawi zawh rualin ka thaw hap. Kum naupangte ani chung hian na atuar nasa tawk tawh lutuk hi anu thinlung rum vawng vawngin a siam ṭhin. Keiin adam nana tihsak theih ka nei der bawk silo. A na tuar lai hmel hi khawvela hmuh hrehawm ka tih ber a ni. Nu tana ahrehawm tur zia chu fa hrisel lo tak nei chuan min hriatthiampui vekin ka ring.





"Nidang aiin aziaawm hlauh chu atih zia e" ka nauin arawn tih zawm ve zat. Tetea nen an inchaih rak ṭung chu thlek vang vangin kalo nui ve var var. Ahlim hmel hmuh nuam kati a ka hlimna ber a ni bawk.





"Chaw ei ang aw" ka tihrualin Tetea malchung aṭangin min rawn ban ve vat a. Ka ṭhutna hmun aṭanga ding chhuakin ka pawmkang nghal nawlh.





Hmingtei thingpui lum tur nen choka lamah kan inzui lut a. Kan chaw ei tur ka siam zui mawlh mawlh chu athingpui lum nghah chhungin min rawn pui ve vat. Tlai buai ka hlauh vangin ka haw hmasa a mahse arawn haw hnuin amah vekin engkim arawn buaipui leh lawi si chu inthlahrun a na duh kher mai.



""""""""""""""



Karkhat lai chu khapa kan hmuh aṭang khan aral leh tawh. Ka fapa pawh na em em nei lovin atlei zui veleh em em tawh bawk a. Dawr lamah pawh kalpui lo hian in lamah kan in awm rawt. Tetea'n ahman changin min rawn tlawh zauh zauh bawk a.





Tetea hi tuna ka nau thawhna private school neitu hi a ni a. Kan inhriattirh phat aṭanga kan unau laka ṭhatchhuahtu anih vang hian kan chhungkuain kan ngaina vek. Abikin ka fapa phei hichuan angaina zual amaw tih tur khawpin kan in lama arawn lan tawh chuan nuam ati ṭhin.





Tlangval fel tak a ni. Nupui nei tase a nupui tur vanneih tur zia hi ka ngaihtuah fo ṭhin. Hmeichhe zaingai tete a kal athiam zia tehi hmeichhe tan chuan azuna uai ngawih ngawih tham atling hian ka hre ṭhin.





"Urose, Useni bialpa Dr kha nimin khan kan dawrah arawn lang hlawl asin" ka insuk seng tawh pawm ṭun chung hian Hmingtei dinna lam ka melh nghal ha.





"Eng nge arawn tih?" ka duh aiin ka awki achang lam hret chu Hmingtein hriatthiam loh hmel deuh hian min melh a, za vak lo hian kalo nuihlui ta ringawt.





"Bawihtea chanchin min zawta, mak kati" ngaihtuah zui vang vang hmel pu tak hian ati a. Kei kalo hlauthawng nghal ringawt bawk a.





"E....e...enge azawh che" bah nak hian ka ti zui. Ka awm tinuam lo vek khawp chhanna ka dawn ka hlau ber. Min chhang har ti lutuk hian Hmingtei chu ka thlek ngawih ngawih bawk.






"Sawi vat rawh"





"Apa chanchin min zawt aa...." ka hlauh ang ngeiin.





"Engtin nge i chhan" a sawizawm hmain chang lam mah hian kalo tihkhalh nghal fak.





"Aw englo....pa anei lo kati tawp" ka thaw nghal huai thei. Hmingtei pawh hian ka fapa pa hi tunge anih ahre lo chutiang bawkin mahse ka nau pawn ahre chuang lo chungin ka hlauthawng tho. A fapa ani tih hrechhuaka min laksak ka hlau ta ber niin ka hria.





"Mahse urose bawihtea hian useni bialpa hi a ang iti ve lo maw....an mizia leh an hmel hi..." ban chalh hian atih zawm zat. Mahse ngaihsak angin ka awm zui duh ta chuang lo.





"Ihmaw ka hmuhtirh aṭangin an in ang kati tawh" ka hma a thawmhnaw inzar dul chu ka seng zui mial mial. Apa a ni tih hrechiangtu tana ngaihthlak reng hrehawm dan tur ngaihtuah miah lo hian asawi zawm mial mial reng. Mahse ka khak hlek anihchuan engkim aman thiam vek ang tih ka hlau ve tho si.





"Chhuk ang" ti hmakin insuk ka seng ho dahkhawmna ka chawi nawlha inhnuailam ka pansan nal nal. Engmah an hre lo tih hre reng mahila a thusawi khan awm nuamin min siam chuang lo.





Ka thawmhnaw fai ho pindan lam panpuiin ka thlep fel mial mial a, ka fapa erawh a putea nen ṭhutkhawmna lamah an inchhaih rak ṭung thung.





Khuma ka phone dah arawn rik rualin ka phu deuh zawk. Ka nuih te lam lam aza zawk ka khawsa zia hi. Ka awm dawm vamg vangin ka lakanga Tetea hming alo lang va va. A sawi tur chu ka hrethiam nghalin ka hria. A ṭhiannu engagement party kalpui tur hian nizan aṭangin min sawm tawh mahse aw kala pawh lo. Ka fapa zan lama kalsan nuam lo ka tih vang a ni pakhat. Bakah nu fa nei tawh tan zanlam thila lo inpenparh vak kha ka hreh ve viau bawk. Min sawm nawn ka rin loh vangin ka chhungte hnenah pawh kala sawi chuang lo.





"Aw" ka benga phone nawr bet hian ka ti zangkhai vah a.





"Ka sawmna che kha" ka rinsa anih vamgin kalo nui hak.





"Enge i nuih ngawt?"





"Kei ang nuthlawi kalpui tura min sawm tlat hi mawle" nuih insum zet hian ka ti a. A nu pawh a nui ve hawk tho. Nula tam tak sawm tur techu ahme ṭeuh ang tih ka hria, chuta kara kei ang nu tawh min sawm teh tlat hi chu amak ve thlawt.





"Nula tam tak aiin ka kalpui chak che tihna anih chu. Lo inring rawh ka rawn lam ang che" ka chhanlet ve hma a phone adah daih chu ka thaw hap. Min kalpui duh phawt techuan ka kalpui mawlh ang. Keini akara min sawm ngawih ngawih techu lo hnial ṭung pawh thil nuam ani chuang lo.





"Mama, chaw ei ahun" pindanah arawn zuanglut thauha khumah atlan lawn nghal zat chu ka melh nghal rawm. Khuma ninhlei ka phal ṭhin loh vangin ka melhna chu ahrethiam ve ani chek ang chu tum bar hian khum aṭangin a chhukthla tharha a slipper let ram bunin pindan achhuahsan hmak reuh anihchu. Pindam kawngka akhar ri bur chu ka nui hak. A thinchhe lutuk hian nuihna tur hi ati tam ṭhin.




Ka indah fela pindan chhuahsanin choka lamah ka luttlang a, ei inpeih diam hiam anlo kil ṭhap tawh. Nui var hian ka ṭhuthla a, ka fapain athiamdan tawka ṭawngṭaina ahman hnuin chaw kan ei zawm nghal mial mial.





Tetea min sawmna ka naute pahnih kianga ka sawi chuan rin ai takin phalna min pe hma. Û ber chanchang mahila ka naute pahnih rawn lova thil ka tih hichu sawi tur hi a awm tam ka ring lo. A te emaw alian emaw chhungkua kan inrawn tlang vek zel.



"""""""""""""



"Mama, min hruai ve" apute kuahna aṭang hian min ban ṭawk ṭawk. Ṭah tum hian amen puai puai chu ka ṭhulh leh mai ka duh rum rum mahse Tetea'n pawnlamah min nghak tlat tawh si nen ṭhulhsan leh mai thil tih chi ni tawh hek lo.





"Kalo haw vat dawn" abianga tuai zauhin kati zauh.





"Mama hian pawimawh deuh tih tur anei alawm bawihte. Kala haw leh vat ang aw. Chuan enge ka sawi kha naupang thuawih lo chu nunna buah an hming an ziak ve dawn lo ka tihkha aw" dam diai hian kati zui a.





"Mama lo haw vat rawh" mittui tlingpam hian ati ve sep sep reuh chu ka haw vat tur thu hrilhin abiangah ka fawp zauha Tetea min nghahna lampanin ka chhuahsan zui nghal.





"I nalh hle mai" ka ṭhutluhna turin a car kawngka ahawn rualin ati sup a, hmuh nuam zeta min melh chung hian a kiai suk bawk.





"Ka nalh lo ngai em ni" chal ti chuar tapa ka chhanglet zauh chu za zet hian anui hawk hawk, keipawh ka nui veleh ta nge nge.





Kan kalna hmun tur pawh hre loin ka zui chhuak ve tawp a. Tetea hi mi rintlak tak anih vangin khawi hmunah pawh min hruai se ka ringngam vek achhan pawh rinngam a a awm ṭhin vang a ni. Mipa rintlak kiangah chuan tu hmeichhia pawh hahdam takin kan awm thei vek ang.


"""""""""""""


Hotel chhunga min penluhpui rualin boruak dangin min ṭham nghal er er!





He hotel hi ka thianghlimna ka hlauhna hmun kha a ni!





Ka kutah nghet zeta min kai chung hian chunglam min panpui zela kan thlensan rual zelin ka thinphu arang tulh tulh. Nuhruaii ka zuiluh zan kha mitthla letin ka hawikual ruai. Danglam pakhatmah awm lovin ala ngai vek.





Khapa nena kan khawsakdan te thlengin ka ngaihtuahna arawn luhchilha ka bawl zui ur ur thei anihchu!





Rooftop min kaihchhuah chho rualin Tetea min kaihna nghet lutuka hmer chawt chawt chung hian boruak ka hip lut kawk.





"I ṭha em?" Dam dup hian min zawta.





"Ka ṭha" mit ka chhing sawka, thawk la leh ham hamin ka meng a Tetea'n mak tih hmel deuha min thlek ngur chu ka nuih zui var var.





"Ok kal ang le" nui suk hian ati a, mi tam vak lo awm khawmna lampanin min kai phei zui dat dat.





"Tete" nui var var hian Dr. Seni'n Tetea nen kan dindunna lam arawn pan hlak hlak a.





"Rose nangpawh maw! Awi i van fel ve"a rawn ti zui hliai. A hmel hmuh anawm danah ahlim thawkhat tih ahriat vek. Nidang pawn ahmel hmuh anuam sarh tho chungin zanin hian hmuh anuam zual zawk hian ka hria.





"Awi i rawn hruaichhuah theih pawh ka ring lova" nuisanga ti hliai hian Tetea lam hawi hian amiko asan ak ak.





"Ka tum nge ruh sa ruh" an pahniha an nui dun hawk hawk chu hrethiam mang hlei lo hian kalo nuihpui ve tho.





"Rose heihi ka ṭhiannu chu ania" tiin Dr. Seni chalah apen zauh a. Ka meng awk thei. Dintluanga pawh kha ahre reng a ni. Dr. Seni nen ṭhian annih techuan engvangin nge ahriat loh tehlul ang. Chuan zanin a helai hmun kan kalchhan pawh an pahnih vangin. Keichiah hi mak ti awm chhun ka ni ngei ang achhan pawh engmah hre lova Tetea zuitu ka ni tlat. Mahse anlo inkungkaih kual vek hlawm chu ania.





"Din" a kohna lam ka hawi a, Dintluanga rawn hawi ve chiah nen kan mit a intawng nghal siah.





Reipawh en duh lovin ka hawisawn ta daih mahse kan dinna lam hnaih zawngin arawn kal tih hriat zet hian apen ri arawn hnai zel a, ka awm chhung ami chhan leh vang awm miah silo hian a phu rang zaih zaih tawh.





Dr. Seni bula arawn din khup rualin boruak apan lehnghal vek. Ka chhip aṭanga ke ler thleng hian takngulin min melh chhuak vek a chu chuan ka awm ati nuam lo takzet bawk.





"Heihi Rose, ka sawi ziah ṭhin naute nu kha" nuisang hian ati hliai a, a awki zangvah leh ahmel nung sarh aṭang hian ahlim ngawih ngawih tih alang vek bawk.





"Rose" ka hming thuk ruih a lam nawn sup hian ka vawn tura akut rawn lekchhuah chu tim dai hian ka vuan let a, mahse enge thleng hi ka kut pawhlet mai ka tum chu ahum nghet sauh anihchu!

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » February 28th, 2021, 1:23 pm

SERENDIPITY




Awi ka hmanhmawh zar zar zia chu aaa,,, ka type sual nasa bawk sia ka phone hi ka vawrh bingbilet tawp tawp lo chauh😂mistake alo awm nual anihpawn fimkhur zel nan min rawn hau ru aw..... Chuan chhiartui em em vek ule mifel em em ho😘💜




CHAPTER-4







A kut hrawl leh lum huam chuan eng emaw tak hi feel turin min siam ka ti mai ka tha akhur zui dar dar thei. Ka insangmar vek bawk. Inthunun tum fe hian thawk kala hap a, ka aw ka then kharh rualin ka kut ahmer reng pawh athlah ve thuai a, ka kut la let vatin ka hnunglamah ka hum ta nghek. Mahse ka taksa aṭangin amit ala sawn chuang hauh lo.




En let ve reng turin ka zam deuh bawk nen Tetea dinna lama tawlh hnai hretin abanah ka vuan a chumi rual chiah chuan keimah aṭangin a mit ala sawn ve chiah.





"Rose i fapa an kha ka hre tawh" mitmeng nung sarha min en chung hian Dr. Seni'n arawn ti hliai. Engmah sawi lo hian kalo nuih seih ringawt. Tunge a an tihchu keipawh hian chiang takin ka hria mahse ka tana sawichhuah nuam tak thil a ni miau lo.





"In pa tur nen hian an in ang viau lo maw" hrefuh intih hmel zet hian Tetea'n arawn ti zui khauh a. Ka awm chhung ami aphu rang ta zaih zaih mai.





"Oh! Thats it! An anei hi ka ti ṭhin i rawn sawi dik lutuk tlat" mit siai zauh chungin Dr. Seni'n arawn ti zui ta khauh mai. Dintluanga'n takngul hian min melh ta nghal bawk a. Ka pangngai lo lutuk awm ngaihna hre lo chu ka kawr haklai ka ṭham ṭung tawh. A pa ngei a ni tih hria se hlim hmel pu chung hian Dr. Seni hian a sawi zui chiamin ka ring lo mahse ahriat miah loh vanga phur sarha sawi a ni tih ka hre tel tho bawk.





"I fapa la nimai tur" Dr. Seni'n nuisang hian atih zawm zat. Dintluanga ka melh a deuh sawhna lang lam mah hian a ner sawk a, ka ip zui chawih.





"Fapa" ti nawn ve supin min melh zui ngur. Hepa hian a fapa anih thu hi ka sawichhuah hma hauh aṭang hian ahre tawh hi ka ring nghet bur tawh.




"Anu thinlung hneh hi ahar deuh a" Tetea'n fiamthu tih tak deuha arawn tih ve zat rualin Dr. Seni'n nui rah rah a min melhna chu ka nuih let ve ta ngawt. Sawi ve tur ka hre tlat lo.





Hnunglam aṭangin Dintluanga an rawn koh takah chuan a hawi vuta, hmeichhe pakhatin arawn hui zauh zauh.





"Inlo kala kan lawm lutuk, nuam deuhin aw" nui var var hian Dr. Seni'n ati hliai, an rawn kohna lampanin min kalsan zui nghal.





A kalsawn dawna min melhna mawlh khan keimahah hian che asiam ta tlat. Ka awmdan hi ka hrethiam chiah tawh bik lo. Zankhat kan awmdun vang liau liauin kan inkarah fapa apianga, abak inhmuh zuina kan nei tawh lo. Keiin va duh a alaka va inhambuai tumna ka nei lo chung hian eng emaw hian ahmel ka hmuh leh rual khan min chenchilh ta tlat hi a mak ka ti thlawt. Mahse Dr. Seni nen an inkar ti kak zawnga khawsak tumna ka nei lo. Khachen a tel lova kan nufa a kan lo khawsa thei anih chuan engvangin nge tuna takah kan theih loh lem ang.





Mizo pawh hi kan lo changkang ve ta hle mai tih ngaihtuahnaah a awm rauh rauh mai, Dr. Seni te hunbik ruat vang hian. Engagement party buatsaih apui hi an awm ve seng sung tawh. Mahse zanin zet chu hote anga lang si hian a changkang ru takzet.





Dintluanga leh Dr. Seni kan hmalama an ding dun chu an inhmeh kati kher mai. Dr ve ve engagement party
meuh buatsaih chu lawmpuitu an awm nuk. Mi hausa chhungkua ve ve tih hriat tur tawkin an mi sawmte pawh tam tak ni si lo hian an hawiher a changkang vah hlawm vek mai. Tumah han rui buai emaw a sahawk zawnga che hmuh tur awm miah lo hian an cool ruih hlawm.




An hnunglam sir deuhah Dr-i leh Dintluanga naupan hunlai aṭanga an inkawp chhoh hnu a an hun lo hman dun tawh an rawn kap chhuak a, kut an beng zui dar dar mai.





Dintluanga'n mitmeng de sawr sawra Dr. Seni amelhna chuan aduh hneh zia sawi lang kher lo mahse a ti lang chiang viau mai. A kawngah a kut hrawl zetin a chleh tlat bawk a. Dr. Seni'n Dintluanga a melh chhoh apianga mitmeng thuk ruiha alo melh letna techuan ka awm ati nuam lo ve ringawt bawk.





Zungbun an inbuntir tur erawh hmuh nuam kati ta hauh lo. Chhan sawi fak tur awm silo hian ka pik ve mup ringawt chu ka inzahpui zawk.





"Tete, washroom ka hmang lawk ang aw" ti sepin ka ṭhutna hmun aṭangin ka ding chhuak vat a.





"Kalpui i ngai em?" Polite zet hian arawn ti let ve vat chu ka ngaih loh thu achhangin ka lu ka thing zui nar nar.




"Ok, rawn let vat la kan haw thuai dawn nia"





Nuih seihin rooftop washroom lam ka pansan ta nghal.





Ka kut sil thuakin tissue pawtthla hlawkin ka hru zui nawk nawk. Ka hma a wash basin tlanga kut nghat datin chunglam melh hian ka thaw chhuak ham ham.




Engvanga khatianga awm ve ngawt nge ka nih ka hre der lo. Keihian ka thik ti dawn ila inhnimhnaihna pakhatmah nei lo leh kan inhmuh lehna pawh rei tak la ni silo hian thikna chhan tur ka neiin ka hre der bawk si lo mahse ka awm anti nuam lo em em lawi si.





Darthlalanga ka hmel lang chu melh chunga nui seihin keimah ka infuih mawlh mawlh. Hetiang rilru hi ka put atan a aṭha lo buainaah ka inbarh lut mai ang. Chuvang chuan fim taka ka ngaihtuahna ka hman angai tih ka hre tel bawk.





Washroom aṭanga pen chhuakin mi tam zawk awmna hmun pawh fin leh mai lo hian tlema thim chin deuhah railing vuan chung hian ka dinga. Khawpui pe ut lam chu ka thlir vauh vauh. Thlifim thaw heuh heuhin ka sam achhen len dar dar chu ka hui leh zauh ṭhin. Keima tawka ka pik ve hluah hluah lutuk hi thlifim thaw heuh heuh hian min len bosak vek mai se kati kher mai. Dintluanga hi hmu zui tawh lo ila hetiang rilru hi ka pu kher angem tih ka ngaihtuaha. Ka mit hmuha arawn inlan chiah chuan fate pa na na na chuan min lo pawt na viau tih ka hrethiam ve ta chiah bawk.





"Tunge awmpui?" Ka sira aw zawi ruih ka hriat rualin ka dinna sirlam ka melh zui vat. Dintluanga lo ding ve run reng ka hmunghal zat chu ka ṭang leh ṭeuh tawh. A penthawm takngial pawh ka hre miah lo.





"Ka sawi i hria em?" Ti dutin ka dinna lam hawi zawngin a ding rem hrut a.





"Aaa...in lamah an awmpui" ban chalh hian ka ti sep. Ka kalchhuahsan daih vangin nuam lo kati em em ringawt tawh. Tetea hi zui lo ni ila tun ang em em a boruak pik hi ka hap miah lo tur. Inchhirin awmzia anei thui tawh lem lo khawp bawk a.





"I chhuahsan fo em?" Nin hmel zet hian a ti hluk.





"Engmaw i sawi?" A sawi kha hre lo ka nilo. A thusawi kalhmang pawh ka man thiam lutuk tlat. Ahma a ka khawsak dan avanga hetiang ṭawngkam hi hmang kher a ni tih pawh ka hria. Haw tur ka ni chiah em tih chu ka hre lo mahse nuam lo tihnain min fan lawi si.





"I chhuahsan fo em?" Chiang fak hian ati hmuk a, ngeiawm zet hian aner zui nawk chu mit khap lek lo hian ka melh ngar thung. A thusawi khan eng ang chiaha nuam lo tiin nge min siam tih hi ahrethiam pha hauh lo tih hriat fahran hian a mitmeng rum ul chu adanglam map lo.





"Vanduaithlak takin ka chhuahsan fo lo tlat" rul tawk leka aw ki ngei awm hian ka chhang let a, hmalam ka thlirsan daih bawk.





Khami zana thil thleng vang khan min hmusitin kamchhe tleuh nan min hmang pawh ni se ka dem thei lo tih ka hre chungin a thil sawi duhdan hi ka ngei hluah hluah tho. Mahse hei erawh ka chiang khami zan khan inzuar hmingpu a awm dun kan ni chung khan asum pakhatmah kala lo anihkha. Zing khawvar hmain kha hotel kha ka chhuahsan tih chu a ni pawh hian aharh ruala ka awm lo tih ahmuh khan a hre ve bawk ang chu.





"Ka fapa hi thupbo hlen i tum em lovang chu tiraw" rum ul a min melh chung hian ati bul hmuk.





"Engtin maw?" Ka ti nghek! A hriat chu ka rinsa ni tho mahse a hria tih asawilan meuh chuan ka inthunun thei lo chu a ni ber.





"Sawi ngai sawi nawn fo ngai suh se" ti leh hmukin a kekawr ip a zen a. Hamhaih lutuka ka melhna chu ngai pawimawh lo zet hian a ṭhen suk duh chauh.





"Ka fapa ani tih hriat theih nan hunrei ka mamawh lo." A sawi dik doctor a ni tlat hunrei amamawh lo tawp ang.





"Min laksak ngawt thei lovang" kati tawl ringawt. Railing ka vawnlai ka hmer ngawt ngawt!





"Ka laksak dawn che tih ka sawi hauh lo"





"Mahse hei erawh hria ang che, nu nih tling lo chunga i enkawl aichuan ka bula a awm aṭha zawk ngei ang" min din hnaih hrutin khauh fur hian ka hmai bul cheta rawn kunhniam hian a ti zui leh hluk. Engtin nge kalo dawn sawn ve ang tih pawh ngaihtuah miah lova min ṭawngkhum sak saktu hi ben bawp chaknain min tur ut ut tawh.





"Ka...ka...ka theih tawka ṭha chuan ka enkawl ve asin" nawi nak hian ka ti a, ka kawr hmawrlam ka ṭham ngat ngat bawk. A thusawi mai bakah kan taksa inhnaih lutuk chu mumal pawn thawk kala ngam meuh lo. Mahse engvang tehlulin nge ka fapa ka hrin ngei chu ka enkawl ṭhat loh bik tehlul ang.





"Ok i enkawl ṭhat chuan aṭha" luhlul hmel lutuk hian aṭhen zui leh suk. A chal ti chuar tup hian min melh ngur reng, engtin nge ka chhan leh dawn tih angai chang tepawh animahna. Mahse chhan tumna pawh nei lo hian ka hma mipa ding chu ka melh tlawk tlawk ringawt. A mize mak leh luhlul hmel lutuk hian ka ngeng achhun tlat anihchu.





"Din" Dr. Seni aw ka hriat rualin a tawlhsawn vut a hmalam ka hawi nghal vat. Ka insehruh nghal ṭeuh.





"Hetah ilo awm daih a" zangkhai zet hian ati var a, kan dinna lampanin arawn pen ri tlak tlak chu hriat loh der chi a nilo.




"Rose nangpawh maw!" a aw aṭang chuan a pasal nimai tur nena kan lo ding dun mak atih zia chu mimawl ber pawn an hrethiam ang. Hmalam hawi rengna chi a nih tawh loh vangin thawk la hmasa te tein ka inher zui riai riai.





"Helai hmun hi khawthlir anuam reuh lutuk a" nui sen sen hian ka ti zui hliai. Kan thil sawi zawng zawng kha ahriat fuh lohna turin ka ṭawngṭai ru mawlh mawlh bawk.





"Phei tawh ang u" tihpah hian Dintluanga banah avuan zui zat a. Dintluanga mit erawh helai hmuna kan inhmuhtirh ang bawk khan keimahah afu leh ngur tawh.





"Lo va phei ru ka rawn zui ang che u" pangngai thei ang ber hian ka sawi chhuak thei hram. Min kalsan vat vat se ka ti ngawih ngawih. Hepa kianga boruak pan ṭhin lutuk leh boruak uap churh hian reilote chhungin min ti chau vek hman.




"Anih lo phei ve vat la"





Min hnungchhawn zawnga kal te pahnih chu hnunglam aṭangin ka melh tlawk tlawk. Ka tha zawng zawng tehi an zawi huai vek hian ka hria. Railing hmer ngat ngatin boruak duh thawh zetin ka hip lut vang vanga ka thaw chhuak leh hak.




Dintluanga lakah hian beisei tur ka neih loh zia chu zanin hian ka hmu chiang viauin ka hria. Ka beisei run tihna lam erawh a ni hran lo. Mahse nupui nei mai tur anihna hian keimahah nuam lo asiam chu chu phat theih a ni lo. Ka rilru puthmang chiah pawh hi ka hrethiam tawh bik lo.





An lan theih loh hnuin midang awmna lam fin turin ka phei ve ta chiah. Tetea min zawng niawm taka ahui deuh vut vut chu nui hak hian ka pan nghal hlak hlak.




"I va rawn let har ve" alo ti nghal zat. Ka lethar zia ka hria a ka inthlahrung ve tho.





"Sorry





"Tete haw mai ka duh atheih tawh chuan ka fapa ka ngaihtuah tawh aa" zuai raih hian kati a. Ka fapa chu ka ngaihtuah tho chungin helai hmuna awm ve reng hi ka tan aremchang ṭeuh lo.




"Pawi lo, Seni tekha kan va mangṭha dawn em ni?" Ati sup chu ka lu ka thin khum nar nar. Khapa hmachhawn leh kha ka duh tawh lo, zanin atan chuan tawk ka ti tawh viau.





"Hetah kalo nghak ang che" ka bula chair awmah ka ṭhuthla thak a, dik lo ka hmelah ahmu nge min en chik em avangin ka nuih lui var var.




"Ok, ka rei lovang" ti supin min kalsan zui nghal. Ka phone ka bag aṭangin ka phawrh a ka hmet eng nghal pap. Alo tlai ve duai tawh. Ka fapa chu amuhil tawh thoin ka ring a chu kalbosan reng nuam kati lo. Zankhat lek pawh tun ang thleng thleng hi kala kalsan ngai loh vangin ka awm anuam tawh vak lo bawk.





"Kal ila" Tetea arawn lang lehnghal vat ka rin aiin arawn let leh hma daih mai.





"Imm" ti sepin ka phone bag ah ka thun a, ka ding ve vat. Dr. Seni hmuh leh loh chu a polite loh thlak chu ka tive tho mahse a pasal nimai tur kha hmuh nawn leh ka chak tawh lo.



""""""""""""""



Haw kawng tluanin Tetea'n min bia anih loh chuan ka ṭawng tawh lo hrim hrim. Min biak pawn arul tawk lek bakin ka chhang lo.




Dik lo a awm leh awm lih min zawt chiah reng bawk a. Ka hmelah kalo tilang viau tepawh aniang mahse ka awm ti nuam lo hu tuhi Tetea bukah emaw midang bukah pawh chhak chhuah vek ka tum hran lo. Kum li kal ta chhung zawng khan keimaha ka pai thei anihchuan tuna taka ka pai theih loh tur thu a awm lo.





"Ka rawn kawi tawh lo mai ang" kan inkawtah a car a dintir rual hian ati sup. Ka hmel aṭangin kawm zui chiam chi ka nilo tih a hmuthiam tepawh animahna. Mahse zanin atan chuan sawm luih tumna ka neih loh mai bakah atlai ve tawh tho. Inthiam lohna vak ka nei chuang lo. Amah vanga zan hun nuam lo tak ka hman erawh lam rik kher ngai kati hran lo.





"Aw le tui deuhin i mu dawn nia" ti sepin kawngka ka hawnga ka chhuk nghal vat.





A tlan liam takngial pawh thlir zui lo hian in chhung lam ka pansan zui hlawk hlawk.





In chhung ka luh hnuin a car ti nung leh hlut hlut ka hre ve chiah bawk a.





"Û" ka phu nasa lutuk! Ṭhutkhawmna lamah ka nau alo la ṭhu reng chu niin.





"I la meng maw?"





"Aw kalo nghak che" min lo nghah ka beisei tawh miah lova. Nau fel tak hichu a ni ve chiang alawm.





"A nuam em?"





"Imm nuam lutuk, ka lut nghal ang aw" ka nau hmuh theiha awm reng chi pawh ka ni chuang lo. Ka mangṭha hnuin kan nufa pindan lam ka pansan ta daih.




Khuma ka fapa muhil thaw sak sak chu khum bula ṭhu chung hian ka thlir reng. Ka kut lekchhuakin a sam tle sar leh khawih nuam zet chu ka chul hauh hauh. Engkimah apa achhun fai vek. Keihi chu min chunna anei ve pawh hian ka hre lo.




"Bawihte papa bulah ka kal a mahse" ti sepin thawk kala zui hap.




"Nupui a nei daih dawn a" ka ṭhen sak. Engtikah mah kan nufa tan hian a thinlungah hmun a awm ngai dawn lo. Duh lo eng ang mahila hmeichhe zak thei lo ang zetin hrehawm ka ti teh hrep a. Nge keihian ka fapa pa hi kalo duh ru reng zawk pawh hi ka hrethiam tawh hrep lo ve.



*Dintluanga's pov*


Rose te inkawt aṭanga hla vak lo thim chinah chuan ka ding reng. Seni ka thlah zawh hnu a an in lam pan lo tura ka in thunun theih miau loh avanga pan ka ni bawk. Zanina ka ṭawng hman khum zawng zawngte ahmelah khan hrehawm atih zia hmu reng chungin khang thu kha ka chhak chhuak zel.




Khum li liam ta a hmeichhe thianghlimna ka laksak tak kha tun hnaiah ka hmu leh hlawl a. Keimah ang zet mipa naupang pawm chunga min melh kiau zing aṭang khan mipa rinawm loh zet ang maiin ka rilru akal phir ta vek. Seni naupang dam lo enkawl lai a ni tih hriain khami ni la la khan an veng leh an awmna lai ka zawt zui ta reng bawk a.





Hmeichhe taksa hmanga sum la lut ṭhin anga ka mutpui zan khan ka hmu hniam em em anihkha. Mahse ala thianghlim si khan min ṭhawng tel tho bawk.





Pawisa pakhatmah la lovin ka harh ve ve hmain min kalsan zui bawk a. Khang hun chhung khan ka duh em tih chu ka hre chiah lo chungin ka zawng ru reng ṭhin mahse ka hmuhah arawn inlar ngai lo.





Ka hmeichhia ni ṭhin tuna ka û nupui nita vanga ka natna chhawk nana ka hmeichhe kawp nen inneih lam kan tintuah hnuin an nufain ka hmu leh hlawl a. Ka ngaihtuahna abuai ve map mai.





An dawra kalin Seni cousin an monu ni bawk hnenah a fapa chungchang ka zawt tawl anihkha. Mahse Seni nau leh amah ngei ka aṭangin pa aneih loh thu ka hriat khan ka fapa ani tih ka hre thei nghal. Keimah ang chiahin a nghawngah kutchuk anei tih ka hmuh phei kha chuan ka fapa diktak a ni tih ka ring nghet bur tawh. Ka fapa ani tihchian nan DNA test ka mamawh lo pa chuan a fa chu chiang takin ahre thei.





Tun thlenga ka fapa hmanga min vau emaw atum loh danah hmeichhe nikhua lo ang taka ka ngaihna kha vawm bo ang hmak a ni tawh. Heti chung hian he inneihna hi ka kaltlangpui thei kher angem tih ka hre ta hauh lo bawk. Ka fapa nuhrawn hrawn tura ka duh loh ang bawkin pahrawn hrawn turin ka duh hek lo. Mahse engkim ruahman vek a ni tawh si. Lehlamah ka hmeichhe kawp lai, lehlamah ka fapa leh a nu. Ka thinlung hian abuk tawn ṭhin mahse ka thinlunga tla na zawk chu ka fapa leh a nu hi an ni chiang a ni.





Ka fapa hriselna aṭha lo leh zel nen ka bula awm tura ka duhna hi eng nen mah a khaikhin chi pawh a ni hek lo. Seni hnenah engmah kala hrilh lo. Sawi ni ila khachen kalo kawp ve tawh anih vangin natna ka siam dawn tih ka hre tho chung hian lehlama min kap ṭuntu awm reng hi ka vai kiang vek thei bik silo.





Motor hmalam a ka phone dah chu ban vutin zan tlai tawh sawi thei lovin Rose no ah ka call ta ngawt. A ring ral ral reng chu steering hum run chung hian ka ngaithla a, atlai deuh tawh bawk nen a pick lo chiang kher mai.





Ka phone a awmna ngaia thehkai leh nawlhin seat ka ngheng dawt a pik zet hian thawk kala zui hawk. Hmalak dan tur ka hre lo. Seni kalsanin ka ru tawp mai dawn em ni tih ngaihtuahna ka neih phah ta bawk.





Kha zan khan rilru fim puin lo inveng ni ila tun ang hian buk tawn ngaia rilru kal phir tur lakah hian ka fihlim nimai tur.




Helaia ka ngaihtuahna avanga engkim fel vek tur nilo chu ka motor ti nungin inlam ka pan ta chauh. Ka chhungte emaw Seni lakah pawh ka thup reng theih dawn loh vangin ka chhungte hrilh ngei tumin rilru ka siamfel thuai bawk a.




Thui fe ka thlen hnuin motor turn pawpin Rose te in lampan bawkin ka tlan let leh ta ngawt. Tun ang tlai tawhah enge va tih leh ka tum hrep ni ka inhrethiam ta hauh lo.




An kawtah tak motor ti ding dawtin ka phone bawk ka ban leh vut a ka call zui nghal zat.





A chhang tawh dawn lo emaw ka tih hnuin a chhang ta hram.





"Hello" thophang aw tih hriat zet hian arawn ti tham ṭiak a ka nui ta suk.





"Pawnah ka awm rawn chhuak rawh" thupe aw zet hian kati zui nghal tawk.





"Tunge?" Tlemin a aw pawh apangngai ta deuh.





"Dintluanga, rawn chhuak rawh" ti hmukin phone ka hmet hlum zui hmuk a. Alo chhuak ngei dawn tih ka hriat vangin kawngka hawngin ka chhuak zui vut bawk.





Zanrei tawh lam anih vangin khawlai pawh areh viau tawh.





Ka hmalama in awm chu melh ngur chung hian ka motor hmalam nghenga inkuangkuah chung hian Rose lo chhuah hun ka nghak run.




Rei vak loah kawngka arawn inhawng a, hmeichhe thophang hmel zet kawngka a rawn lang ka hmuh rualin ka pan zui mawp mawp.





"Enge ilo tih dawn?" Hmuhthiang loh hmu ang mai hian a hmel zawng zawng adanglam vek thei. A hriat miah loh chu a mutkawr pan zet chhunga ataksa hian min hip hle tih hi. Achhan pawh ataksa nalh zet bel chiang tawhtu kani miau a, belchiang satliah mai pawh ni lovin atana mipa hmasa ber ka ni tlat.





"Ka fapa nen ka ru dawn che u" ka tih sup rualin a meng nghal kawk a din hnaih hrut hian amak ti mengkual vel chu ka nuih suk thung!

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » February 28th, 2021, 1:25 pm

SERENDIPITY









CHAPTER-5







"E..ee...eee...engmaw...engmaw i sawi kha!?" Buh niai hian kati chhuak thei hram. A thusawi kha hre lo ka ni lo min ṭhawn lutuk vanga zawt let mai chauh ka ni. Ka mitmeng zawng zawng pawh hmuh theih khawpin a thusawi vang hian abuai vek ang alo hmu tan chuan.





Zanin maiah an engagement party-ah kan kala darkar tam pawh ala ral hmain hetah kan in bulah ngei min ruk tur thu arawn sawi anihchu! Hepa thluak hian hna athawk lo nge a duh duh arawn sawi ve ngawt. Nge rilru thlak zung zung ching mipa a ni zawk.





"Sawi ngai sawi nawn fo ngai suh se" ti supin min rawn dinhnaih hrut a ka kutin kalo indang nghal vat chu a nui ri suk. Hepa hian enge ahriat? Kan va tibuai pawh ni lova hetiang rilru mak lutuk hi engvanga rawn pu ringawt nge anih pawh ka hre der lo.





"Enge i hriat?" Ka ti tawl chu a khi leh suk. Awmdan mawi pawh hre lo, hmeichhia a duh duha apawh kual theih tura adah hi ben hrep mai ka chak zawk. Dr. Seni rilru tur ka dawn phei chuan kan inkarah engmah a awm thei lo hulhual. Hmeichhe zakthei lo zet anga mi inkar chawk buaitu nih hi ka duh bau lo.





"Nangmah leh ka fapa" a ti sup chu ka zawhna lo lutuka min chhan vang nge ka melh rum ta ngang.





"Enteh, kan nufa hian buaina kan duh lo" sawi zo lovin ka ngawi leh data.





"Tunah zanlai a ni tawha mi in a kalna chi a ni tawh lo tih nang ang doctor thiam chuan i hriat ka ring" ti hmakin khabe poh vah hian ka melh chho kham kham bawk.





"Kei ang doctor thiam hian zanlaia nupui ruk chu sualah ka ngai hran lo ani mahna" ti supin ka ngei tur tawk lek hian a kiai suk.





Awi hepa hi engtia tih chi nge? Ka beng hrep mai zawk dawn em ni? Mi hnial khan hre lutuk bawk si hian min tipik zawk.





"Khawngaihin i kal thei tawh angem?" Ti sapin ka tawlh hnung deuha mahse min rawn hnaih ve zel anihchu. A khawsa zia hi mak tak a ni.





"Khawilam nge in room?" Kan inchhung thlek kual thuak hian ati sup a. A sawi zawh rualin keimahah bawk amit a fu leh ngur tawh.





"I hriat atan aṭangkaina a awm lo" ṭawngrin hlau bawk si sehchilh ran hian ka ti zui hlak. Tun ang zanlaiah tawh ka chhungten mipa ka tawmpui emaw an tih ka hlau ve tho. Nu leh pa uap loha khawsa kan nih avang hian mualpho a awlsam tih hriain kan theihtawpin kan nundan phung kan uluk bawk. Chhungkaw retheite mah niila mi sawikai hian ka nu min boralsan hnu hian kan la awm lo. Ka fa paitirh kha chu thuhran ni se. Tun atan chuan khang kawhrawn ka nihna kha areh tawh mai bakah tuman min sawi peih tawh lo. Chuvang chuan khatiang dinhmun harsa paltlang leh kha ka ngam tawh lo.





"Ṭangkai mai thei" luhlul lutuk hian ala ti zui fan.





"Enteh" ka sawi zo hman lo min pawmkang nghal nawlh anihchu!





"Engthil nge i tih!?" Mangang bawk si thawm neih hlau bawk si ṭawngrin ngam bawk si loh chu ka hah vek.





"Ka ru dawn che tih ka sawi em?"ti supin mitko asan zauh a. Luhlul lutuk hian a motor hunna lamah min pen phei pui mawp mawp anihchu!




"Hey! Min dahthla rawh!" A chhip sam buk laiah ka kek nghal tawka ka leng zui nghek bawk. Engah mah angai lo tih hriat zeta dawhmawl tawpin min penpui pawk pawk. Keia kara ka tal ve na chu atan buaina tham atling map lo tih ahriat ngawih ngawih.





"Zodintluang!" Ka hnunglam adawmna ti nghetin ahmai zawn deuh thaw a min sep chho nawlhin ka ṭawng leh tur chiah chu min fawp ringawt anihchu! A chhipsam ṭham ṭung hian ka meng kawk!





"Thawm i chhuah leh anihchuan helai hmuna phelh ruak vek chein hmangaihna ka chenpui ang che!" Min fawhna athlah rualin ati zui hmuk. Min fawhna avang khan ka ṭawng chhuak thei tawh lo mai pawh ni loin ka sawi tum zawng zawng an mang duk vek.





"Thawm rawn nei suh ang che" seat-ah min nghat lutin kawngka akhar zui dawta a lock zui daih bawk.





"Hawng rawh!" Ti ṭhatin glass ka chum a, kawngka ka sawi nawk nawk chu engah mah ngai lo hian min hnungchhawn hmak. Kan in lam bawk pana apen phei leh pawk pawk chu insehruh ṭeuh hian ka thlir ta ngawt. Hetah min kalhkhum a engmah ka ti thei tawh bawk si lo chu ka thin arim ṭun tawh.





"Mi luhlul" ti nghekin a aṭhutna lam seat ka tlawh zui nghek ruala ka mal rawn lang chu ka mutkawr haklai hmawra pawt tawkin ka khuhṭha nawk nawk. Mutkawr pante bak engmah hak ka nei lo, heti chung hian min nawrlui ngar zawk chu ania. Rapthlak leh lutuk!




Hun kan hman dun zan bak kha kan la inhmuh leh miah loh vangin a mizia pakhat mah hriat ka nei lo mahse tuna ka hmuh theih chin zawng aṭang hian aluhlul thawkhat tih chu ka man thiam nghal vek.





Dr. Seni'n eng angin nge min ngaih ang. Zaninah inhualna aneihpui zo chiah a chuan keini nufa min ruk tumin ṭan arawn khawh lehnghal zat ania. Ka rilru tur min dawn pui miah lova chet arawn la ve ngawt chuan min ti puak keh lo chauh. Angaite bawkin ka fapa ka pai hunlaia mi kawhrawn ka dawn ang kha ka dawng leh dawn tih tehi achhut thiam miah lo nge achhut duh lo zawk pawh ka hre hrep lo ve.





"Awi!" Ti zuai raihin ka hmai ka hup zui thawk. Ka fapa muhil chu arawn pawm chhuak leh anihchu! Ka â thei dawn takngial.





"Chhuah tum duh suh" kawngka arawn pawh hawn rualin ati nghal a. Ka fapa ka malchunga dimdawih zeta nghatthlain a thlir zui vang vang. A sama tuai zauhin kawngka dimtein arawn khara, aṭhutna tur lampanin a motor a kal hual pawk pawk chu ka thlir reng. A rawn ṭhutluh rualin boruak apan leh nghal vek tawh bawk.





"Tum buai duh suh!" Kawngka hawnna ka dap zet tawh chu ka kut ka la let riai riai. A lock zui khap a. A motor tinunga steering herkualin kan inkawt aṭangin atlan chhuak zui nghal. Min ti â thei takngial dawn.





"I thil tih hi i hria em?" Ka fapa muhil tui em em ka pawm bawk si nen ka ṭawng ring ngam lo. Chuti nilo se ka au khum tuarhin ka ring.





"Ka hrechiang viau" hmalam chauh melh chung hian ati duh lek chauh. Pik zet hian thawk kala hap.




Ka rilru tur min dawnpui ni se hetiang hian chet ala miah lovang. A duh dan chauha thil kaltlangpui atumna hian mi hrang hrang nun phung ati danglam vek dawn tih ngaihtuahna anei miah lo tih ka chiang bawk.





"Chinfel theih loh a awm lo" nghet churha tiin min rawn melh zauh a. Rei pawh en let duh lo hian pawnlam ka melhsan ta daih. Eng ang pawn haw leh tum mahila kan thei tawh dawn lo tih ka hriat vangin tun aṭang hian nuam lo tihnain min ṭham ngat ngat tawh. A chhungten eng angin nge min ngaih ang. Hmeichhe nikhua lo zet hmuhin min hmu vek dawn tihlah achiang reng.





Ka fapain pa aduh em em leh mumang chauha hmuh theih emaw atihkha mifate angin ahmu ve reng tawh dawn chutih rualin anu hi mi kamchhe tleuhna ka ni nghal dawn bawka. Ka fapa ka hlimpui rualin nuam ka ti chuang silo anih hi.





"Enteh!"





"Hming ka nei" ati zui hluk chu ka ner nak. A nei lo pawh ka ti tawp silo.





"Nupui hual nei tawh i ni tih hi i theihnghilhin ka hria, bakah keini nufa hian buaina kan duh lo hulhual bawk" ram hmarh hian ka ti fak a.





"Ka fapa kha ka duh chu zawng chu" a ti hmuk. Ni e, keihian sawi kher lo mahse a fapa aduh tih chu nupui hual nei reng chunga zanin la la a akhawsak dan hian min hmuhfiahtir vek.





"Khawngaihin kan inah min dah let leh hram rawh"





"I fapa hi i duh hun hunah i hmuin i hruai chhuak thei ang, i riahpui duh ṭhin anih pawm sawi buai tumna ka nei lo. Khawngaihin hetiang hichuan awm lo hram rawh" engkim ka hmuh thiam lawk vek vangin ka ngen ngawih ngawih hi a ni ber.





"I ngawi thei tawh em?" Min melh zui hrawk chu beidawng zet hian thawk ka la hap. Eng pawh sawi ila aluhlul lutuk vang hian athawk dawn lo tih ka hria mahse chuti chung chuan haw kala duh zawk fan tho.





"Khawngaihin!" Ka ti leh sep mahse min chhan tuma aneih tawh lo hmel a hmui achip zui tlat tawh.





Ngawi rengin a motor ah kan ṭhu dun tlawk tlawk. Min biak atum lova keipawn engmah sawi tumna ka nei tawh bik lo. Ka mipa hriatchian loh ka fapa pa ni tho siin min ru chhuak chu chu ka ngaihtuah zawng ringawt pawn ka zak ngawih ngawih. Kum li liam ta a kan khawsak dun nghawng vek a ni bawk.





Kan hmalama in lian zet awm chu ka thlir vauh vauh a, ka zam em em ringawt bawk. A chhungte ka chungah an lawm dawn lo nasa si. Ka hah vek hi a ni ber.





Gate lian zet inhawng saah atlan luta, ka ṭang ru ṭeuh mai. Motor adintir rualin ka awm chhung ami a phu rang nghal zaih zaih tawh. Hrem hmuna hnuhluh tur ang vel hi ka inchan ta ber hian ka hria. Ka tawn ang hi tupawn tawng se nuamin an awm bik hian ka ring lo. Sawichhuah thiam si loh zamna leh zahna hian keimah min hnawh khat lutuk hi ka tawt phah vek bawk.





"An mu vek tawh" ka awmdan ahrethiam a ni chek ang chu arawn ti sup. Mu vek tawh pawh ni se nuam ka tih phah chuang lo.





"Khawngaihin min dah let leh hram rawh" mitchhing sawk hian ka ti zui sep a.





"Ka tum hran lo" ati hluk. Ka ṭah ati chhuak hlur tawh.





Motor aṭangin a pen chhuak vut a, kan nufa ṭhutna lam rawn panin kan chhuah theihna turin kawngka arawn hawnga ka malchunga ka fapa tui zeta muhil thaw sak sak chu apawm zui nawlh.





"Lo chhuk rawh" a tawlh sawn hrut a nuam lo ṭun chung hian ka chhukthla ṭhem ṭhem.




Ka thawmhnaw hak a thlehlep nen thifim athaw deuh her her bawk a, vawt ti deuh hlekin ka kawrhak lai ka pawt khawm ve ṭawk ṭawk bawk.





"Lut ang" akut ka vawn theih turin arawn phar chhuak a min melh tel run bawk.




Inthlahrung deka akut ka vawn rualin nghet lutuk a hum khawm vek chung hian in lam min pan pui ta chauh.





Kan hma a in lian zet mai ding chu kan hnaih tulh tulh a ka zam tulh tulh bawk. Helai hmunah hian ral daih mai te ka chak rum rum. Naktuk lam thil thleng tur ka ngaihtuah tel phei chuan ka ṭim sung sung thei. Kan hmachhawn tur hi ana mai lo tih sawi ngai lovin alang tlang vek bawk a.





In chhungah kan penlut a eng dul ruai chauh alo inchhi va tawh, chu chuan tlemin ka awm ati nuam ve deuh. Thim ṭhiap vek anih loh vangin an in chhung pawh ahmuh kual theih vek bawk. Ka hmuh theih chin chin a an furniture hun chu achangkang em em vek. An in pawnlam landan aṭang pawh khan an hausa thawkhat tih chu ahriat vek mahse an in chhung luh chiah hian an khawsak san zia ka ngaihtuah rauh rauh chu nem nghehin a awm chiah bawk.





Min kai zelin ṭhutkhawmna kan kalpel a, choka niawm tak kan kal pelh sirah inchunglam chhohna tur kailawn nal fahran a awm chho zui.




Dintluanga chu akai chho tawh mahse ka kai chho hreh ta tlat ka ding dat chu arawn leh hawi vut a. A mitko asan uk.





"Tah hian kan ding tlaivar dawn ami?" A ti zui sup chu rang zet hian ka kai chho nghal dawrh a, a taksa ka hnaih leh lutuk chu ka tawlh hla leh hnuhnawh. A nuih azat hmel viau lehnghal.





A kut lehlama kan fapa adara bei thei tura kuah khawm vekin akut lehlamin min kai bawk a, kan pathumin kan inzui chho ta ṭham ṭham mai.





A pindan chhungah kan inzui luta switch a hmeh khap rualin a rawn eng iar mai, ka mit avai deuh rum rum chu mit chhingin ka meng leha men anuam ta deuh.





Khum lam pan vutin a bawihtea khuma mutthlak tirin puan asintir vek bawk. Keive kawngka bulah ran khawi ngam theih loh an sawi ang mai hian kala ding ngar.




A pindan chhung ka hawi kual a, mipa pindan tih takah hmeichhe han hiptu tur engmah dah a nei lo mahse afai thlupin anuam em em thung. A mutna hmun ni se engkim adum vek ahmang bawk.





"I ding tlaivar dawn ami?"





"E..eng.eng maw?" Bah niai a ti chung hian a dinna lam ka melh a. Khum bula a kekawr ip zen chunga ding luah hian min lo melh ngur reng.





"Sawi ngai...."





"Ka hria" ti sepin khum lam inthlahrung dek hian ka pan phei ve a, mahse keimaha amit la fu reng chuan ka awm ati nuam lo.





Ka nightgown var chawn khuh lo vel chiah ka hak chu ahmalam suihna ka pawt ngheta khum bula inkuangkuah thana ding hian ka fapa muhil thaw sak sak chu ka thlirsan ta daih. Ka awm anawm loh em avangin ka kaihza tha asai deuh dar dar thei.





"Mu rawh, ka intifai anga ka rawn mu ve nghal ang" ti hmukin a inher a washroom awmna lam ni tura ka ngaih chu apan zui nul nul.





Washroom a aluh bo hnuin ka awm dawm meuhin thawk kala ham ham. A bula ka awm apianga boruak apan tawh tehlul nen keimaha amit afuk ngat phei hichuan ka zam zual ngawih ngawih ṭhin.




Khuma ṭhuthlain ka fapa samah ka chul a. Ka ngaihtuahna buai nuai nuai nen ka pik kher bawk. Zanin la la hian bo daih thei ila kati kher bawk. Eng ang rilru chiah nge apa hian aput ang tih hi ka hre chak hluah hluah bawk. Nupui hual aneih zanin keini nufa min lalut a, lo dan chu ka tum ve ngei anihkha mahse pa luhlul zet hian angai pawimawh silo.





Ka slipper bunlai phelhin khumah ka inthawlh zui ve vat. Ka fapa mutna lama tawlh pheiin amah si cheta mu remin ka awm zawnah ka kuah khawm nghal vek.





Washroom kawngka arik rak rualin ka mit ka chhing zui vat. Tun ang zanlai tawha harh kara inhmachhawn leh chu ka zuam tawh lo a ni ber.




Eng emaw ahawng ri rawk thawm chu ka ngaithla kar. Enge atih tih hre tur pawn ka meng ngam tawh teuh lo.





Khum lamah apen ri arawn hnai zel a, zep thu a awm lo akiangah hian namen lovin ka zam ṭhin. Ka fapa ka kuah lohna lam ka kut chu ka hum ruh ngat ngat.





Ka mutna lam puansin arawn keu a, arawn mutthlak rualin a taksa lumnain min ur ham ham mai. Ka taksa si chetin arawn tawlhhnai a ka kawngah arawn kuah rualin ka mu khawng nghal vek. Zanin hian chhinkhat mah ka chhin zui tawh pawh ka ring hlek lo.



""""""""""""""



Ham bai bai chung hian ka zi mar ar ar a, zangthal thak hian mit ka meng siar siar. Ka awmna hmun ka hriatchian rualin ka ṭhu chhuak nghal zawk mahse keimah chauhin ka lo mu reng tawh chu niin. Khawiah nge ka fapa a awm? Pindan ka hawikual a an pafa hlimthla takngial pawh hmuh tur a awm lo.





Engtin nge tun ang hunah helai hmun hi keimahin ka chhuahsan ngam ang. Nizan khan muhil tawh miah lo turin ka inngai kha ania mahse vanduaithlak kati dawn nge ka muttui hle chu anih hi.





Pindan kawngka ri rawkah ka hawi zui vat a, an pafa rawn in pawmlut ka hmu nghal zat bawk.





"Mama good morning" ka fapain nui sen sen hian arawn ti lauh a. Kei erawh ka nuih aza lo khawp mai.





"Mama, zanah ka papa tak tak bulah ka mu" inti thei lutuk hian ati lauh lauh chu an pafain ka melh reng ringawt.





"I muttui em?" Dintluanga'n atih zawm ve zat bawk. Chhang lo hian ka melh leh kham kham tawh.





"Mama hi a tumlian iti em?" A fapa melh zauh hian ati a. Ka ner nghal nawk chu anuih azat hmel ngang lehnghal.





"Mama, papa bulah hian ka awm char char duh tawh" apa nghawnga kuah bet ve ṭai hian arawn ti reuh anihchu. Zing kar aṭangin ka thluak anti buai nghal vek.





"Lo tho la" ka mutna lam a rawn pen phei hian a ti dam dup. Ka fapain apa awm bul aṭangin min melh kiau bawk a.





"Engtin?"





"Ka nu leh pa i hmuh ve pawh angai ang chu" ati leh vut. Chu thil chu ka huphurh ber kha a ni reng a ni mahse tunah hetah ka awm tawha tawm bo tlatna chi a ni tawh silo.




"Heti hian maw?" Ka ti vin hlar.





"Nope, i thawmhnaw kan la tawh" a closet lamah athle zauh chu ka melh ve nghal vat. Kil lamah ka lugage alo inhung vek tawh.





"Awi i mak!" Ka ti tawk ringawt. Zing karah kan in a kalin heng hi alo va la vek chu nia. Nizan ata tawh min ṭhawng dawt dawt reng mai anih hi.





"Inthlak rawh kan lo zu chhuk ang" a inher zui vut.





"A theih loh, keimahin kalo chhuk ngam reng reng lo" an pafa hma a dinkhalh vatin ka ti nghek. Ka ngam lo tak tak reng bawk. Keimaha ka chhuk aichuan helaia tawm nilen pawh ka thlang zawk.





"Ok inthlak la"





"Mama nghak lawk ang aw" a fapa hnara piai zauh hian ati sup.





Ka lugage an hunna lam ka pana, ka thawmhnaw hak thlak tura min laksak chu arem rem pawt chhuakin washroom lamah ka luhpui nghal a.




Ka nightgown hak lai hlip sawk sawkin ka thuamhnaw kenluh ka inthawlh zui nghal mial mial. Ka hmai phih tuakin ka sam ka chul mam sawk sawk a washroom aṭangin ka chhuak lehnghal vat.





"I hman em?" Ka bu nghat.






"Chhuk ang ule" khuma a fapa ding chu a pawm nawlh a, ka dinna lam rawn panin ka vawn theih tur hian akut arawn phar chhuak a, zungbun kha alo lathla daih tawh. Nizan kan in a arawn kal kha chuan ala bun reng kha ania.





"Enge i ngaihtuah?" Ka hawi chhuak vat a mitmeng zim sun hian min lo melh reng chu ka aw thian kharhin akut ka vawn tura aphar chhuah chu ka vuan zui ve vat.





"Ka thidang dawnin ka hria" ka ti sep. Ka awm chhung ami hi a insep dawrh dawrh tawh nimai hian ka hre bawk.





"Lungngai suh" arawn ti awlsam et chu ka haw letling zawk. A luhlul luat vangin buainaah ka inbarhlut tih hi hria se min lainat zawk hle tur hi ania. Nizan khan ka fapa tel lo pawh khan haw leh nal nal ila ṭha mai tur tih ngaihtuahna te ka nei thar leh rum rum. Mahse ka fapa ka laklet aphal tawh loh khan ka chebuai vek tho dawn si. Ka â vek takngial dawn.





Inhnuai lamah kan inzuithla dat dat a. Ka kut ahumna chuan tlemin min ti ziaawm deuh hian ka hria.





Ṭhutkhawmna lam kan pan phei zel a, a nu leh pa la valai ve tak leh nupa niawm tak lo ṭhu ka hmu nghal zat. Ka zam tulh tulha hrehawm tihnain min fan tel rawih rawih bawk.





A chhungte fina kan ṭhuthla tur chiah kawngkharpui arawn inpawt hawng rawp a, Dr. Seni rawn penlut hlawk hlawk chu ahnungah a nu niawm takin arawn zui tel bawk.





Kan pathuma kan din tlanna lam thinrim tih hriat lutuk leh mit sen rum hian arawn pan phei nawk nawk. Ka hma taka dingin ka hmaiah abeng zui ṭhuai a ka hawi dawrh thei! Puitling ho ṭhu ve reng pawh tumah inrawlh tumna nei lo hian min thlir ṭhap. Kan pathum inkara buaina chhuak anih angin kan pathum vekin kan chinfel tura an dah tepawh animahna.





"Engtin nge i theih zawk?" Sehchilh rap rap hian arawn ti a, ka biang dawm chungin Dr. Seni chu ka melh let ve kiau. A mitmeng aṭang hian athinrimma hi beng daih chi a ni lo tih ka hmuthiam. A chetdan hian min ṭhawng lova mak pawh kati hek lo achhan pawh ka tawn tur renga ka dah vang a ni.





"Hmeichhe zak thei lo an sawi hi chu ka hre fo tawh mahse nang ang hi kala hmu lo" khabe in khawng dawt dawt a ti hlak hlakin min ben tuma kut alek rualin min ka chhing ta ngawt. Mahse min beng miah lo.





Mit ka menga Dr. Seni banrekah Dintluanga'n alo chelh run reng.





"Din" ti tiauin abiangah amittui aluang nghal pap a. Zah lutuk leh hrehawm tih luat vangin thih daih mai ka chak rum rum!

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » February 28th, 2021, 1:25 pm

SERENDIPITY



Edit loh aw khawngaihin chhiardan min lo thiamsak leh hram aniang chu...





CHAPTER-6








"Kut thawh fo loh tur" thinrim ni si lo hian Dintluanga'n ati hmuk. Dr. Seni alo dan kha ka beisei lo, dan ahneka min enliam zawk kha ka ring ania mahse ka ring dik lo hulhual anih hi. Ka fapa lah chuan anuin ben ka dawn avanga hlau tih hriat ngawih ngawih hian apa nghawngah kuah bet tlat chung hian a hmai athukru vek bawk.




"Engtin nge hetiang hian min tih theih zawk" mittui tlingpam leh ahmela thinrimna khat hian ati chang rap rap. Dr. Seni'n na atihdan tur chu ka chhutpui thiam kilhkelh lo mai thei mahse ka chunga thleng ve ni tase keipawh hian ka enliam mai mai theiin ka ring bik lo. Heng thil thleng tur ka dawn lawk vek vanga in kan thlen hnu thleng pawha min dah let leh tura nawr ngawih ngawih kha ka nia. Mahse a ni ang pa luhlul lutuk hian ka thusawi pakhatmah ngaithla loin tun hun thleng tur hian min nawrlui tlat si.




Tunge nupui hual neih zana hmeichhe dang la lut leh awm ang. Ka ngaihtuah ngial pawh hian tumah hriat ka nei lo. Mak tihna lam aichuan Dintluanga thuthlukna hi rapthlak lamah akal mah zawk. Keini nufa hian Dr. Seni nen an inkar hi engtikah mah kan thu ngawt chuan kan tibuai ngai lovang tih hi ka chiang. Ka fapa enkawlna tur chenin phut engmah ka nei hek lo. Keihi ka dam ṭek ṭek chhung chu ka fapa chawmna tur hi ka huphurh reng reng lo. Mi anga khawsak nuam nilo mahila ka fapa chawm hi ka ti thei tih ka chiang bawk mahse tunah chuan engkim abuai zo vek tawh.




Hmeichhe zah hre lo leh nungchang mawi pawh hre lo ang maiin mi pahnih inkarah tum loh lutukin ka inbarh luta. An chhungkua thlengin buaina ka thlena hrehawm ka tihdan hi tuman min chhut thiampui pawn ka ring lo. Hrehawm kati a ka zak ngawih ngawih bawk.





"Ka mualpho dan tur hi i chhut ve em" beidawn hmel zeta ti zuai raihin ahmai ahup thak a, kan hma a ṭhuthla nuai hian aṭap khur nghal dar dar mai. Awm ngaihna reng ka tan a awm lo. Ka zahna leh hrehawm tihna hian van achen hialin ka ring. Ka tan engmah sawi ngamna chi anih loh mai bakah ka thiam loh zia ka hmuh tel bawk avanga hian sawi ngam tur dinhmunah pawh ka ding chuang lo.





Ṭhutkhawmna lama puitling dang ṭhu ve ho chu ka melh kual a, an mit chu keini pathum ngawtah a fu ngar hlawm. Hetiang dinhmunah hichuan Dintluanga nu leh pa hian min pawm chuang hian ka ring lo bawk. Ka pik lutuk chu thawk kala leh hap ṭhin mahse awmzia a awm tam lo kher mai.





"Bawihte" a nuin arawn kaidinga ṭhutna lam apanpui chu ka thlir mawl tawp. Dintluanga leh keini nu fa ṭhutkhawmna lai takah kan ding a, Dr. Seni nu mitmeng rapthlak lutuk ka melh fuh phei chuan ka ip zui chawih mai.





"Ṭhu phawt teh u" Dintluanga pain arawn ti fuk a. Ka kuta rawn chelh hian kan hnunglam ṭhutna ruak lam min panpui dat a, inthlahrung zet hian ka ṭhu tim dai mai. Ka malchungah ka fapa arawn nghat nghal zata. A mal tawn tawna kiu nghat chung hian ahmai atuai puta apate ṭhutna lam amelh ve ta chauh. A hmel awmdan aṭangin arilru abuai ve tho tih ka hmuthiam chungin amah hi ka dem ber zawk. Ngaihtuahna fim pawh hmang miah lova aduh duh akal tlangpui vangah ka puh vek rualin keipawh hian a aia nasa khan lo hnialin lo dang bawk ila ni tur kha ania.




"A mualphothlak hle mai" apa pawn ati thlawt. Ni e, a mualphothlak satliah mai pawh a ni lo. Khawihmunah pawh sawi kan kai vek tawh dawn. Chuta puh rawn ber tur chu keimah ka ni dawn tih ka hmuthiam vek bawk.





"I û hian Zemawii te nufa chu va dah leh phawt rawh se"





"Thui tak thlira engkim kan ngaihtuah ṭhat leh angai ang" nghet churh hian ati zui a. Patling tak a ni tih hriat ngawih ngawih hian akam chhuak a nghet churh vek. Ahmelah erawh a rilru abuai ve tho tih ka hmuthiam thung. Mahse a aw ka chhuakah alang chhuak eih lo.




"Ka pa ka fapa hi pa tel lova ṭhanlentir ka phal hauh lo" Dintluanga bawkin apa melh ngur hian arawn ti ve hmuk.





"Ka hria, kan ngaihtuah ang" apain arawn ti let ve zat a. Kei erawh midang ang bawkin ka ṭhu ngawi chawrh chawrh thung.





"Haw leh ngawt tura rawn hruai haw ka ni lo bawk" apa melh runa ati hluk chu ka ip chawih. Helai hmunah hian ka la mikhual tih hria a nuam ka tih theihna tur tal pawn apa hi chhanglet lo se ka tih zia chu pui tak a ni. Dr. Seni nu mitmeng thip lutuk keimaha afu zui ngar nen helai hmuna ral daih aia chak ka nei lo.





"Zodintluanga" apain arawn ti hrawk a. Ka kawrhak lai tlang ka ṭham tawk tawh.





"In ngaihtuahna hun techu kan nei ve bawk ang chu. Alo thleng ang anga pal liam bawrh bawrh hi nakin hun atan aṭha ngai lo" dam dup hian Dintluanga pain ati leh lawi si. Pa inthunun thei tak chu a ni ngei ang.





"I khawsak dan zahpui awm zia hi i hria ang chu maw" anuin arawn tuihnih ve zat chu ngaih theih loh hmel zet hian anr nawk.





"Ka mawhphurhna hlen ka tumna hi keichuan zahpuiawmin ka hre hauh lo" ati let hmuk duh chauh anih chu.





"Zodintluang i nu anih hi" a pa bawkin a ti hrawk a. Ava nuam lo ngawih ngawih tak em.





"Ka nu" deusawhna lam mah langa nui chung hian alam nawn ve sup.





"Biakdik va thlah rawh" Dintluanga pa bawkin arawn ti chhum hmuk.





"Keiman" Dintluanga'n arawn ti zui hluk chu apa mitmeng rum lutuk ka hmuh zui zat vangin Dintluanga kawrbanah ka ṭham a. Kan nufa lam arawn hawi rualin ka lu kalo thin khum nar nar.





"Tunah hian ilo inrawlh angai rih lo"





"Ka fapa leh a nu chungchang anih hi"





"Lo ngawi rawh ka ti che em" apa thinrim aṭhutna hmun aṭangin ading khawng nghal awt chu ka khur ru deuh dar dar tawh hian ka hria.





"Ka pa, zanin a palai an leng lo anihchuan ka luhkhung ang" awi hepa hi engtia tih chi nge ka hre tawh hlawl lo.




"Kha he thil hi ka mamawh hrep lo ve" Dr. Seni'n mit sen ruma kan ṭhutna rawn panin Dintluanga bulah zungbun arawn thehthla nawlha, min melh leh nghekin a inher a.





"Nu kal ang" anu kuta vuan chung hian kawngkharpui lam apanpui nal nal chu Dintluanga nuin azui ve nghal vat. Midang erawh engmah sawi loin an ṭhu ngawi tlawk tlawk. Kan boruak vanga hamhaih lutuk nalamah engmah sawi tur an hre lo tepawh animahna.





"Papa" ka fapain apa lam hawi hian ati tim dek a. Puitling hmela lawm lohna chu ahrethiam ve animahna.




"Hmu tur chein ka rawn kal vat ang" ti sup hian a fapa samah a tuai zauha naupang tana hmuh nuam lutuk tur hian anuih suk bawk. Nizanah kan inhruai chauh chungin apa chu alo nel hman hle mai tih ka ngaihtuah rauh rauh mai. Ka fapa hi mi nawlpui bula ngampa sarh chi a ni ngai lo chungin apa chu alo thlahlel ve hle tih ka hriatchian phah hle bawk.





"Kal ang ule" Dintluanga û in arawn tih takah chu ka fapa pawm chungin ka ding chhuak vat a.





"Aih mama, papa bulah ka awm duh tawh" a men nghal puai puai chu ka ngei letling zawk lutuk. Tun ang boruakah hian ahun lo ber.





"Thuawih rawh" melh hrak hian ka ti faka. Aṭap titih nghal der chu ka awma pawm khawm vekin Dintluanga û kawngkharpui lam pan chu ka zui ve a. Dintluanga'n ka hnungah min rawn zui ve zat bawk.





"Papa bulah ka awm duh" pawn kan thlen rualin uar lutuk hian aṭap zui nghek.





"Thuawih la ka rawn hruai leh vat dawn che aw" ka fapa ka bawm beh mek kuta vuan chung hian a rawn ti dam dup a. A samah atuai zui hauh hauh bawk.





"Tak tak em?" Ati zui ṭiau.





"Tak tak, mama nen ka rawn hruai dawn che u" a pain atih takah chuan mittui la tlingpam hian a nui ver ver.





A û motor rawn lakchhuah lam kan pana kan nufa ṭhutna turin kawngka apawt hawng zui zat.





"Lut ru" ti supin kawngka lamah athke buk. Kan ṭhutluh dawn meuh chuan ka bawihtea bawk aṭap leh tawh mahse engmah sawi lovin ka ṭhutluhpuia. Ka fapa thlem tuma rawn din hnaih atum rualin kawngka ka pawt khar nghal dawp chu glass chhana adarsan uk chu ka hmu hman tho. Amah vangin chhungkaw hnih ngawt boruak ka ti chhe veka, hetiang techuan engtin nge khaweng ka hmuh reng ngam tawh ang. Nizan khan ka fapa chauh kha riak turin hruai tir ila keiin zui lo ni ila tihte ka ngaihtuah kual leha mahse engkim athlenfel vek tawh hnua chung ngaihtuahna neih chu asawt lo khawp lehnghal.





Tun ang laiah phei chuan mi chanchin ṭha lam aiin chhe lam hi kan sawi chak zawng anih vang hian ka mualpho dawn lutuk tih ka hmutlang nghal vek. Tunah pawh hian kan vengchhung zawng zawng deuh thawin kan chanchin hi an hriat fel vek tawh ka ring. Thil danglam deuh hlek hi chu athup rei theih ngai loh. Sawi chhuah chak zek zek lei vawrh thiam deuh deuh hi anlo hnai thuai zel.





Kan ṭhutluh hnuin a û hnenah kan veng awmna lam ka sawia abu ve nghut nghut mai.





Glass rawn inkik ri kauh kauh lam ka hawia. Ka fapain apa alo bye bye lauh lauh ka hmu nghal zat bawk.





"Lo hawng teh" hmui phuna arawn ti pawh chu hre lo der hmalam ka hawisan hmak. Tunah hian achunga ka lawm loh zia hi hria se biak pawh min be ngam kherin ka ring lo. Ka zaha hrehawm ka tihzia chu pui tak a ni tawp. Chuta karah ani nen takngial pawh hian chiang taka inhriatna kan la nei lo cheu nen. Ka chungah hian zahngai sela min tibuai zawng ringawtin khawsa lo se tih hi ka duh dan a ni ber tawh.





"Kal ang aw" naupang tana hriat nuam tur hian Dintluanga û in phur hmel zeta arawn tih rualin ka fapa pawn apa lam ngaihtuah tawh miah lo hian kut abeng thak thak a alu abu zui nghat nghat chu ka thaw hak. Engmah hrethiam rual ala nilo chungin a rilru buai ve lo lutuk chu keihian ka ngei lek lek zawk hialin ka hria.





"Ka nau chu ka ngaisang zawk hle mai" Ubiakdika'n arawn ti vut chu hrethiam lo deuh hian aṭhutna lam ka hawi vat.





"Ka sawi awmzia i va hrethiam awm lo ve" nui suk hian atih zawm leh zat. A sawi dik ngaihsan tlaka achet dan engmah hmuh ka nei ve lo. Hmeichhe pahnih min ti thangtlawm hle a chu zawng chu.





"Fa anei tih ahmain ahre lo tih ka hre mai" a ngawi leh dat a.





"Atir aṭangin hria ni se nupui neih hi atum ka ring lo" ngaihtuahna sen hmel zet leh hmalam melh chung hian ati zui sup.





"A nupui hual neih zanin fa anei tih hriain a nupui hual thlauhthla meuhin a mawhphurhna hlen tumin nangni nufa arawn hruai haw che u hi ati ṭha ka ti" chulam zawng chuan a û talin alo ngai chu ka thawveng huai. Mahse lehlam zawnga ngaihtuah chuan achet phung erawh mi la tih ngai loh leh mak tiha thihdanna tham atling thung si.





Kha zana thil thleng kha nizan aṭanga tukin thleng hian ka inchhir ṭum ber athlen vawikhatna a ni hial ang. Ṭum dangah nuam ka ti e ka tihna ni lovin hetiang boruak hi kan paltlang dawn tih ka hre tlat lo. Ka thil tih vang khan ka nu nunna pawhseia a awm loh mai bakah pawisa pawh ka laksak leh chuang lo anihkha. Nuhruaiin a ka a ang anih phei chuan ka chan chhiat leh zual tur zia ka hmuchiang tulh tulh tawh bawk.





Kan vengchhung kan tlan luh hnuin kan in awmna lam ka hrilh chiam hnuin kan inkawt kan thleng veta hram.





"Ka rawn zui lut ang che u"





Kan nufa chhuk min nghaka, chumi hnuin kawngpui sir lamah a motor a park ta chauh. Nghah pawh nghak lem lo hian inchhung lam kan pana mahse kan luhfel hmain min la rawn um pha leh hman ta tho.





Inchhung kan pen luh rualin ka nau inchhungdunga thinrim tih hriat lutuka veikual thuak thuak chu a ding chawt. A hmela hlauthawnna leh thinrimna inpawlh nuk chuan ka nau mah ni se ka awm ati nuam loin ka inthiam lo takzet bawk.




"Ka tihpalh" ti sepin ka naute ṭhut lohna lamah ka fapa ka ṭhutthlakpuia ka bulah Ubiakdika arawn ṭhuthla ve nghal zat.





Ubiakdika'n ngaihdam dilin pawi an tih thu a sawi luam a. Rei pawh ṭhu loin min chhuahsan zui leh ta vat.





"Û enge thil thleng hi a awmzia?" Ka naute nupa hian engmah hi an hrethiam dawn lo lutuk tih ka hria. Ka fapa pa hi an kiangah vawikhat mah ka lam ri ngai lo mahse arawn lan achinah boruak ṭha lo kan nei zui ta rum rum hi hrehawm anti ve viau ang tih pawh ka hria.





"Ka tihpalh" abak dang sawi tur hlawl ka hre lo. An nupa lakah hian ka inthlahrung lutuk a ni tawp. Abikin Hmingtei chungah hian. Dr. Seni hi a cousin anih tih ka hriat avangin a û lam chu sawi ngai lova ṭan tur sa a ni tih ka hrechiang viau bawk.




"Tihpalh tih sawi ringawt lo hian chiang deuh zawkin thil awmdan hi kan hre thei angem" ati chang ta hrawk chu ka meng awk. Ka nau hian vawikhat mah hetiang aw ki hi min la hman khum lo. Mahse ka cho chhuah liau liau a ngaiin ka dem lo, ka ti mualpho ve em atin ni.




"Bawihte keini chu dawrah eitur lova lei ang aw" Hmingtein zangkhai vaha ti chung hian bawihtea ka hnen aṭangin arawn la hrang nawlh a. Kan unau a thil sawina hun min pek aduh vang a ni tih hre tho mahila ka nau thinrim hmel mahni a hmachhawn hi nuam ka ti hlawl lo.





"Ka û i ni a ka zah em em che" pik hmel zet hian chunglam melhin thawk ala hak.




"Ka tupa hi apa chanchin pawh i hriatah ka nupui chenin kan lam ri ngai lo mahse hmeichhe nikhua lo zet anga mi pasal nimai tur hnena i inpumpek hi chu ka hrethiam thei ngai lovang" ati leh hrawk a. Ka kut ka hum ngawt ngawt tawh. Ka nau hian sawi dik loh pakhat mah anei lo. Keihi engkima dik lo fai vek chu ka ni. Mawhpuh tur dang pakhat mah an awm lo. Nupui nei mai tawh tur a ni tih ka hre reng chung khan lo ṭang na deuh ni ila khatiang thil kha athleng ngai lo tur.





"Ka tihpalh ka thiam loh a ni" mittui tlingpama ka nau melh chung hian ka ti sep.





"Tihpalh tihpalh tih ringawt sawi lo khan engvanga mi inngaizawng ṭha lai inkara inrawlh nge i nih hi sawi mai rawh" dawhtheihna tlakchham hmel lutukin arawn ti ṭhawt a! Ka phu zawk thei.





"Engkim min hrilh fai kelh rawh" insehruh fun hian ati chang rap rap chu ka heh hnuailam ka pet fan fan tawh. Ka mittui mawlh hi ka dan zawh loh ka hlau.





"Bawihtea i pailaia hmeichhe lawi lo ti a an sawina zawng zawng che kha nang hian adik zia i nem nghet ta vek." Ka mittui ka biangah lumthla nghal pap. Ka nau thinrim hian hetiang thleng thleng hian a û hi min ṭawngkhum ka ring pha lo. Mahse hmaichhanah ngei ka rilru hrehawmna tur dawn miah lovin min ṭawngkhum ta piap piap chu a ni si.





"Mipa i mamawh anihchuan nupui nei mai tur nilo tlangval an tam" ala ti zui fan.





"Bawihtea pa anih hi" mittui luang zawih zawihin kati ṭhat.





"Kei hian tihbuai hi ka duh bikin i ring em ni. Hrehawm kati in ka zak ve tho asin" ka ṭhutna aṭanga ding chhuak hian ka ti zui tuarh.





"Chutih ahnu engvanga zui ṭalh nge i nih" ala ti fan chu ka kut hum ruh veka mittui luang zawih zawih hian ka nau thinrim hmel sen vek chu ka melh ngawt ngawt. Engtin nge ahriatthiam theih turin ka sawifiah ang.





"Ka thiam loh a ni" ka sawi chhuak thei hram. Ka mittui hru tawkin kan nufa pindan lam ka pansan ta daih. Thinrima kan intawng reng anihchuan kha zana thil thleng kha ka sawifai kelh mai ang tih ka hlau a ni. Ka sawichhuah rualin ka nau akehchhe vek dawn tih ka hmuhthiam tel bawk avanga tlawm hmasa ka ni bawk.



""""""""""""""



Kar arala Dintluanga te lam aṭangin eng thawm mah an rawn nei zui lo. Chumai pawh ni loin amah chenin an reh zui vek. Enge ka beisei chiah pawh ka hrebik lo mahse eng emaw tal an rawn sawi ka beisei zawk nge.





Ka nundan amumal lo em em a. Ka nau nen tak phei chuan kan inbe ngai lo tluk a ni. Vengchhung mi sawi duh ber chu ka chanchin a ni tih ka hriat avangin ṭul tawpah lo chuan khawlai pawh ka chhuak ngai lo. Hmingtein dawr anghak a keini nufa chu inah kan tawm ngawt ngawt tawp. Chhuahna tur kan neih loh chu thuhran chhuah chakna ka nei lo.





"Urose, Useni tekha an inneihna an kaltlangpui dawn anih hmel" ka thleng sil sa rem fel mai ka tum chu chhuatah ka thlauh darh nghal vek!





"Ee...eng...engmaw?"ding khawng lah hian ka ti bah niai. A thusawi kha hre lo ka ni lo. Nilo ka hrechiang lutuk mah mah mahse min ṭhawn em vangin ka in thunun hman tlat lo. Hei vang anih dawn hi eng thawm mah an rawn neih zui miah loh chhan. Lawmpuina thinlung put ka duha mahse ka thei ta der lo. Dintluanga hi ka duh chiah em tih min zawt se, chhan ngaihna ka hre dawn talo bawk. Keihian duh angin inngai lo mahila keimahah nghawng chu anei ta tho chu anih si hi.





"I ṭha em?" Ka thleng thlauh darh chhar tuma ka ṭhuhniam chu ka bula rawn ṭhuthla vein ati zui nghal zat.





"Aw ka ṭha ka ṭha lutuk" ti nawi nakin hnuailam melh ngar hian ka khap fak fak.




"Kal tawh rawh, i tlai ang" ti sepin ka chhuata thleng tla darh vek chu ka chherchhuan zung zung a. Chik lutuka min melhtu chu tihluihna tak takin kalo nuih ta ngawt.




Hmingtei dawr nghak tura a chhuahfel hnuin ka nau pawh min be miah lovin school kal turin achhuak zui ve a. Min biak loh hian hrehawm ti viau mahila be hmasatu nih ka hreh tlat bawk si.





Ka thleng thlauh ho silfai ṭha leh vekin ka zawh hnuin kan nufa pindan lam ka pan ta chauh.




Vawiin hi bawihtea check up ni tur a ni a Dr. Seni hmuh ka hreh zia chu pui tak a ni. Dr. Seni mai bakah Dintluanga pawh. Kan kalna tura thawk ve ve annih avang hian hmuhfuh palh ka hlau a ni ber.





Ka fapa khuma phone en a lo mu ngat chu nuih sakin ka tung tho nawlha. A phone enlai daha min let ve ha chu ka nuih var var. Dintluanga te in lam aṭanga kan haw hnu khan apa alam zing viau. Zan lamah apa hnena kal ngena anawrh chang lah atam mahse kan la inthlem ve thei zel chu ania. Naupang na na na chu kar khat meuh aral chuan arilruah adah reng ta bik lo nge nizan lam pawh buaina kan nei ta miah lo.





"Le insiam tawh ang aw. Dr hmuh kan ngai tawh a" ka ti dam diai.





"Mama min chiu leh dawn em?" A huphurh ve hmel luutuk chu ka khawngaih zawk.





"No, vawiin chuan angai tawh lo aw"





"Yes" a phone kenlai khuma thehthlain azuang lauh lauh reuh chu ka melh reng ringawt. Naupang anga rilru thianghlim leh vei nei lo nih hunlai kha alo nuam ta berin ka hria. Khang hun kha kohkir leh theih ni se tuna boruak pik lutuk kara khawsak aichuan kala thlang fan mai. Fapa nei tawh ka nih vangin ka pachan hram hram ngai si hian min ti chau zual ṭhin.




""""""""""""""""



Taxi-in hospital lam kan pana. Pawnlama insul pel tawk pawh an lo awm leh nuk tawh. Engtik lai pawha hmun lun leh reh lo ber chu hospital hi chu a ni ve chiang a ni. Nitinin natna chi hrang hrang vangin hospital lam kan pan zut zut a. Natna hriat ngai loh leh awm thei tura kan ngaih loh pawh achhuak thar zel bawk a. Mahse kan doctor tehi anlo fakawm veleh zel bawk. Kan dam huai huaina tur ṭawngkama min thlah theih zel mai bakah tute pawh enkawl nan an theih tawp an chhuah ṭhin bawk a. Doctor ten milian leh mite an thliar ve ngai lo, tute pawh ang khata veka min en vektu awmchhun chu hospital lama thawkte chauh hi anni hialin ka ring.





Dr. Seni cabin lam kan nufain kan pana , Dintluanga mawlh hmuh hlauin ka tim dui mai bawk si nen ka awmdan chu ahahthlak takzet.





Doctor danga insawn daih ka duh rual rualin ka fapa tan Dr. Seni tluka enkawl ṭhatu an awmin ka hre chuang silo. Nutling fa nei ve ut tawh mahni rilru dik lohna hmachhuan vuta fate doctor hial hmumawhtu nu nih amawi ka ti chiam chuang bik si lo.





Dr. Seni cabin hma adingin thawk kala ham ham a, infuih mawlh mawlhin kawngka ka kik ta chauh. Ka fapa lah thuawih em emin ka hnungah abei hle hle bawk a.





Chhunglam aṭanga lut tura min hrilh rualin kawngka hawngin ka penluta. Ka hmuh hlauh ber chu ka va hmu hmasa ber leh lawi si. Chu zawng aichuan anlo awmdan zawk chuan min ti hrehawm zual! Chhan awm loin ka awm chhung ami ache zui dawt thei!






Dr. Seni kawngka hawi lo lam zawnga ṭhuin Dintluanga'n a ṭhutna chair ban tawn tawna innemkalh run hian kan nufa penlut chu min melh ngur chu hrehawm ti zet hian ka aw ka thian kharha mahse an awmdan siamṭhat tumna an nei miah lo.





"Aaa...pawnah kan lo nghak ang che u" ti nawi nak a inher ka tum chu Dr. Seni zawkin angaih loh thu a rawn sawi sap a. Ka awmdan nuam lo leh lai lutuk chu hmalam melhin ka khap zui fak fak.





"Lo ṭhu ru" nui var hian arawn ti zui a amitmengah min deusawhna lang chhuak chu ka hmu chiang ngang bawk. Ka kut hum nghekin ka inher leh hret a, Dintluanga'n Dr. Seni hmuia afawp zeuh ka hmuh rualin ka khawng vek lo chauh! Hetah kan hmuh lai rengin engtin nge atih theih? Ka thinphu rang zaih zaih chu ka dawm ta ngawt!





Keihian ka thik tihna em ni?





Chu zawhna chhanna chu ka thik lutuk hi ka puak keh lo chauh!

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)