SERENDIPITY BY Hmuaktei Fanai (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

Re: SERENDIPITY BY Hmuaktei Fanai (Completed)

Unread post by Ngaia » February 28th, 2021, 1:27 pm

SERENDIPITY









CHAPTER-13








Ka nghawnga hmer ngawt ngawt hian alamah min hnuk hnai zui dawrha, ka ding nghet lutuk lo nen a taksa ka ngheng zui rawk rawk mai.





"Ka hawsan avang che khan ka reh hlen turah ilo ngai anih chuan iti sual chhiava ang" pawisak neih loh hmel zet leh ngeng ngula atih hluk rualin ka nghawng hnunglama akut awm chu pawhthlak tum hian ka ban a mahse ahmer nghet lutuk tlat.




"Min thlah rawh" sehchilh rana ti chung hian rum lutukin ka hma a mipa ding muk run chu ka melh chho ve haw. Min hawsana alo kir leha aduh duha min rawn thunun kual atum hi ka ngai thei bau lo.




"Khapa khan hetah enge arawn tih fo?" Nem lem lo tak hian ati chang bawng mai chu ka taksa chetin ka nghawng ahmerna pawhthlak ka tum ve ngat ngat thung.





"Nu i ni tawh tih hi i hre lo tlat" ka bengbulah ngeiawm zet a arawn tih leh hmuk rualin akephah chungah ka rahsak nghal ngheka arum nghut duh chauh lehnghal. Hetiang hian kan khawsa kual reng dawn tih hria ila chuan hepa hi ka hnaih miah lo tur. Amah chauh lo achhungte chenin ka tan buaina anni fai vek tawh. Hun reilote chhungin ka hahpui ngawih ngawih tawh chu anih ber hi.




"Min thlah rawh" ka taksa chet leh dawrh hian ka ti ram hmak chu ka hmai bulah arawn nui ro leh hawk. Tunah tak hichuan hepa hi ka haw hluah hluah lutuk ringawt. Theih nise helai hmuna sawisak hrep mai chaknain min tur ut ut bawk.




"Ka ta nimai tur i nih hi inhre reng rawh, i hrethiam em? Helai hmunah ka awm lo anih pawhin ka ta i ni dawn tho" ka lo che ve sek chu ngaih theih loh hmel zet hian arum nghuta ka nghawng ahmerna ka vawnhnanna kut chu phihthla hlawkin ka hnunglama herhbet chungin a taksa chi cheta min pawthnai leh hrawk chu ka ban na nghal ut ut vangin ka ang nghal zawk. Mi dimna chhete mah nei lo hian aherhna tha ape na tulh tulh chu ka taksa pumin ka sa pup vek tawh. Mahse hmeichhe no zet anga hmel siam danglam vel ka tum bau lo thung.




"Mipa dang belh i tum anihchuan inneih arem hma chu vawi za chuang pawh ka ru nawn mai ang che chu chu vawng reng rawh" ti hlukin ka ban aherhna athlaha a taksa aṭanga kat zui dawrhin ka mit ka chhing ta ngawt. Kan inlen hleih em vang nge keia ban mai mai chu aherh hneh lutuk a ni tawp mai, nain atur nghal ut ut chu ka ṭah achhuak hlur tawh zawk.





Ka ban bul dawm chung hian ka ding ngil a, ka hma a mipa inkuangkuah chunga ding khawng luah mai chu huatna nen ka melh let nghal rawm rawm.





"Enteh" ka ban rawn na leh zawk vangin ka ṭhen leh sawk




"I duh duh huna i pana i hawsan leh vel tura hmeichhe lawi lo ang chauhin a mi min hmuh" pawr hluai ka tum viau a chu ka naute nupa inchhungah an awm a bakah khawlai vak velin min rawn paltlang zeuh zeuh vangin ka insum leh ta zawk.





"Chutiangin ka sawi lo" ti hlukin min melh ngur reng. A bak sawi zawm tum lo hian a hmui achip zui hmuk bawk.




"Kan hun lo hman dun tawh chu engpawh nise keihian kan inkara engmah thleng turin ka duh tawh lo ka hah ka hah hluah hluah tawh" tiin ka ban na lo lamin ka kawr awm ka ṭham zui tawk.





"Keiin zalentir che tumna ka nei lo" thawk kala nghal halh. Mi tihmawh lutuk hi ka khawngthlu tawp chak lutuk.





"I thunun kual turin i nupui ka ni lo" ram hmak hian kati let ve fak.





"Ka nupui nimai tur i nihna angin khapa nen inhnaih lutuka in awm kha ka en liam mai mai dawn lo tih vawng ang che" ngen hmel lutuk hian a khabe atuai zauha akut lehlam akekawr ipah azen lut nghal hmuk bawk.




"Ka mipa hnaih turah nang hian thuneihna pakhat mah i nei lo" hriam hrak hian kati let ve hmak.





"Takzet!" Ti hlukin a mitko asan zui uk.




"Ka tan engmah i nih loh angin engtikah mah i ni ngai lovang" kha fak hian ka ti zui leh a, tur khuia min melhtu chu hmeichhe luhlul leh tihmawh zet ang mai hian ka melh let ve reng bawk. Ka tan hian Zodintluanga hi a pawimawh tih hrechiang bertu ka ni chung hian kan inmil thei thlawt lo hian ka sawi tur ngai pawimawh lohna athlen kati mai. Mahse engpawh hi sawi ila a engah mah athawk chuang bawk silo hian min ti thinrim leh lawi si.





"Kan hria ang chu!" Chu zawng chu chhanna ka dawn chhun anihchu. Min ngai pawimawh lo lutuk leh aduh dan dana min nawr kal atum lutukte a nupui pawh ni hawt si lova ka mipa hnaih tura inrawlh atum lutuk tehi ka haw lutuk.





"I hmuh phak loah kan awm angai anih chu" ti hrakin ka inher hmak a, mahse ka pen hman lo hnunglam aṭangin min rawn pawmkang nghal nawlh chu ka meng kawk thei.




"Eng thil nge i tih?" hamhaih zet hian ka ti ruai.





"Min dahthla rawh" ka thusawi ngai pawimawh lo zetin a motor hunna lam min panpui leh ringawt tawh.




"Zodintluang min dahthla rawh" ti tuarhin a kawr nghawngah ka ṭham a ka ke ka leng zui nghek bawk. Hepa hian engtia min tih nge atum hi ka hrethiam lo. Min ruk atum leh loh hram ka beisei. Vawihnih ngawt inruk mualpho chu ka duh tawh lo hulhual.





"I ngawi thei em?" Min melh map lo hian ati nek!





"Min dahthla rawh" a motor hunna athleng phei der tawh. Akut lehlam hian hnunglam kawngkhar a hawng a min nawr lut nghal rawk rawkin amah pawh arawn ṭhulut ve nghal zat.





"Engtia min tih nge i tum?" A ban bul hrawl zetah ka chuma chhuah tuma ka leng awrh awrh rual hian na zetin kawngka akhar zui dawp.





"Ṭhu hle hle rawh" ti nekin min melh zui hrawk chu ka kut hum ruh nghekin a keah ka tlawh nghal sawk. Ka awmdan pakhatte mah ngai pawimawh lo hian mit chhingin seat hnunglam angheng zui dawt chu ka ngei takzet.




Chhuah tumin kawngka hawnna ka vuana ka sawi zui nawk nawk mahse alo lock vek anih hmel kawngka chu chet pawh ache eih lo.




"Zodin......." ka lam zo hman lo ka ngaihtuahna vir zawk vangin ka nui sak.





"Tetea khan min duh thu min hrilh asin, chuan nang ang lo takin inngaihtuahna hun min siamsak bawk a" seat nghenga hmalam melh chung hian ka inkuangkuah ve hmak.





"Chuan nang aia ka thlan zawk chhan tur pawh a ni chuan mualphoin min siam ve ngai dawn lo tih ka hria" ka sawi zawh rualin ka tukhum samah ṭham chung hian min kuai dak awrh anihchu! Engtik laiin nge min rawn hnaih hman pawh ka hre lo. Engvanga kha thil kha sawi ngawt nge ka nih pawh ka hre der lo. Tih el ve hrim hrim ka duh vang ni berin ka hria.




"Keiaiin khapa kha i thlang zawk ang maw" insehruh ṭawlh ṭawlh hian min au khum ṭhawt ka phu nghal chiam!





"Ka thlang zawk anih hmel" ti hlakin ka sam aṭhamna ka pawhthlak sak a. Ka tukhum lam lulei na nghal ut ut chu ka ṭhen zui nak. A kut ahrawl bawka akut thawh ho te te pawh ka tan chuan tawrhtham tak a ni zel.




"Khapa kianga hun hman kha han tum teh"





"Enge ka thei lo em ni? Ka theih lohna ka hre lo" uar zeta ka tihkhum rualin ka ṭhutna lam kawngka ka ngheng zui rawk rawk.





"Han sawi nawn leh teh" ka chal achal hmang hian kawngkaah min nawr bet hian ati zui hrawk.




"Sawi nawn leh rawh" ka dara vuan tel hian ahmer zui ngawt ngawt.





"Nang ang mipa mualphona chauh min thlentu ai chuan ka tan hian alet tam takin athlanawm zawk" mit chhing chung hian ka ti ve ṭhat bawk a. Mahse athawk lak na sawt lutuk chuan min ti hlau leh hnuhnawh.





"Khapa kha ka theihnghilhtir thei khawp ang che" ka khabeah akut hrawl zet chuan arawn hmer a. Inrinna hman pawh awm miah lo hian ka hmuiah na zet hian arawn fawp nghal chawt.





A chhipsama ṭham ka tum tih ahria a ni chek ang chu ka kut tawn tawn ka lek rualin ka luchungah a arawn nem bet nghal vek.





Ka ke leng ka tum chu a bawp lehlam hlang kangin ka malah arawn ṭhingṭhit hnan hmiah chu na ka tih lutuk vangin ka mittui ahnam nghal sawk thei.





Ka hmui afawhna athlah rualin ka hmui hnuailam arawn seh a ka ka chhung al nghal puat bawk a.





"Min thlah rawh" ti nghekin ka kut chet leh ka tuma mahse avuan nghet lutuk.





Ka thawk lak nat lutuk vanga ka awm insep kang dawrh dawrh chu melh ngur hian ka kawrawmah akut azen lut nghal hmiah a, dimna tel miah lo hian ka bra chhanah ka hnute aṭham zui tawk rualin ka ip nghal chawih.




Ka chal a chal hmangin a nawrbet tlat a. Ka kut leh ka ke ka chet thei bawk silo a ni hian tawp mai atum lo tih hriat zet hian ka bra anawr tawm chho tawka a kut hlanga ka hnute aṭham rualin thawk kala nghal kawk.





"Kha zan ang chiah khan mumal nei lova siam theitu che chu kei chauh hi ka ni" ngeiawm leh hmuhsitna lang tel hian aner zui nawk.




"Ka ni kumkhua bawk ang" ati chang bawl, ka awm chhunga akut achet leh a, ka kawrawm ari nghal ṭhawt tawh!




"Min thlah rawh" thinrimna ai mah chuan hlauhnain min tuam hneh tawh zawk. Ka ṭah chhuak ut ut chu ka insum lo anih chuan min ṭim nek mai ang tih hlauhnain ka khat vek tawh bawk.





"Kha zan pawh khan min mamawh viau a ni lawm ni" a thusawi kha zet vang chuan mit ka chhing zui nghal sawk. Engvangin nge kum li liam ta a zankhat lek kan hmandun kha tunah hian arawn sawi chhuah leh kher. Min deusawh nan maw?





"Ti suh!" ka kekawr chhungah akut azen luh rualin ka au khum nghal tuarh!




"Tunah min hlau leh hnuhnawh a" a nui tel hawk chu a ni anga tha ngah ve hi ni ta ila ka hnekthlu tawp duh ang.





"Khapa khan kan fapa lo pianchhuah chhan hi ahria em!?" anui tel hawk, a nui ri chu arapawm lutuk. Ka kekawr chhunga akut awm reng chu achet miah lo chungin hlauhnain min ṭham kual vek tawh.





"Eng ang hmeichhia nge ilo nih tawh tih hi ahre tel em nge keimah chauh hi ahretu awm chhun!?" Zodintluanga thusawi chuan vur tuia leih ang mai hian hmet hik nghal vek. Ka thisen luang lai tehi an chawl nghal duk vek hian ka hria. A ṭawngkam hmantin khan ka taksa chhunglam hi hmanraw tel lovin a chhun sawk sawk nimai hian ka hria.





Emgtin nge hetiang ṭawngkam hi min hman khum theih zawk? Chuan min hmusit nana ahmang leh chung hian hmeichhia chak lo zawk ka nihna chu tunah hman ṭangkai atum mek bawk anihchu!





Nge a ni hian ka natna tur achhak chhuah theih hun hi alo chang reng tawh zawk. Ka taksa chhunga che thei zawng zawng hi a thusawi vang hian an phu zui dawt dawt hlawm nimai hian ka hria.





"A hria em!" ti leh hrawkin akut achet a thawk ka hip let nghal kawk. Chunglama ka kut achelhbeh athlah rualin hum ruh ngheka lekkangin abekah ka theihtawp a nain ka beng zui nghal ṭhuai chu arum nghut.




"Tetea'n khatiang ṭawngkam khan nuthlawi ka ni chung hian min ṭawng khum ve ngai lo" ka duh ang pawn ka ṭawng ring thei lo zawk. Thinrimna leh hlauhna inpawlh nuai vangin ka khabe a inkhawng zui dar dar mai.





"Khapa hming kha lam sek suh" ti ṭhawt hian a inla hrang hlawk a, tim daia kawngka nghenga ka ṭhu chu mitmeng rapawm zetin min melh zui ngur.





Ka mal a ṭhingṭhit hnanna abawp hrawl zet a chetsawn hrut rualin ka ang nghal zawk! A na lutuk tih piahlam hi a ni. Ka kut lek khur dar darin ka mal ka dawma thawk kala zui halh.





"Nakzanah palai an rawn kal ang hnarna a awm tur a ni lo" ti hrawkin a ṭhurem vut a. Ka mal na lutuk vangin ka mittui tling piau chu atlak hlauin ka khap nghal fak fak.





"Chhuak rawh" kawngka hawnna ka dap zui rawk rawk. Ka dap fuh rualin ka hawnga ka chhuak zui nghal vat bawk. Mahse ka mal lehlam na lutuk chu ka rap ṭha ngam ta der lo.





"Naktuk bawiha check up kha ka hnenah rawn kalpui tawh ang che" ka hnung maia arawn tih leh rualin ka inher zawk a, ka mal na lutuk vangin ka ke ka rap ṭha ngam lo nen ka inchhep sual ka tlu tur chu ka kawngah nghet zet hian arawn dawm zui vat.





"Hrep hian" ti hlukin akut ka vai per nawlh chu aphun nghal hluk.





"Lut tawh rawh" ti hmukin a inher a motor hmalam kawngka pawt hawngin aṭhu lut nghal vut. A tlan chhuah hnu thleng pawn che chang lo hian atlan liam takna lam ka thlir zui reng.





Min ṭawngkhum dan zawng zawngte a chet thawhdan zawng zawngte khan min ṭhawngin min ti na em em vek. Min lo hmuhsit zia ka hriatchhuah phah ta bawk a. Hepa hian hmeichhe zahawmna nei loah min chhuah nita ber hian ka hria.




Ka mal na tur ut ut ka dawm a, vanvadaka thawk ka lak leh halh halh rualin ka bekah mittui arawn lumthla nghal pap. Nat lutuk vangin ka nui tel hak bawk.





Ka mittui luang chu thinrim ṭun hian ka hru tawk a, bai suih suih chung hian in chhunglam ka pan ve ta chauh.





"Ka mu nghal mai ang aw"ṭhutkhawmna lama ka naute nupa tv en chu ka hrilh sep. An kiangah ka ṭhu leh anih chuan ka awmdan hi an hre vek dawn chu chu thleng turin ka duh lo.





"Û ngati nge i ke" kan pindan ka thleng ṭep tawhin ka ding dat. Thawk la vakin ka inher leh riai riai a.





"Ka rawn inchhuih pek mawle" nui lui ngial hian kati thei ṭawk.




"I ṭha em?" Aw tih nan ka bu zui nghat nghat chu min melh deuh run vangin ka nuih leh sak.




Min ngaihsak zui hmel vak tawh loh vangin kan pindan chhungah ka penlut a kawngka ka khar hnuin ka ngheng zui a. Ka awm dawm meuh hian duhthawh lutukin boruak ka hip lut nghal kawk. Zodintluanga'n ka hnute aṭhamna chu atur tel ut ut.




Ka kawr leh bra haklai hlim chhoin ka hnute kual vel chu ka en a alo sen ṭuak thei anihchu. Khatiang em em khan ka chunga chet duhna rilru apu thei ang tih ka ring pha lo. Ka haw hlawm tawp bawk.





Khum lam panin ka kekawr ka hlip a ka mal aṭhingṭhitna duk kual ruih ka hmuh rualin ka meng kawk thei. A ni ang bawp hrawl lutuk khan kei hmeichhe derdep lutuk mal hi dimna tel map lovin aṭhingṭhit hnan hmiah ania, aruh techena an khawlo vek lo hi ka vannei letling zawk.



"""""""""""""""



Kan nufain hospital lam kan pana, Zodintluanga hmuh hreh viau mahila ka fapa tan anih miau avangin dr dangah ka hruai ngawt thei silo. Chuti chungin apa anga enkawl ṭha theitu tur an awm dawn lo tih hi ka hre tel tho bawk.




Dr. Seni erawh kan inkar boruak anih nuaih tawh vangin pan zui chiah ka dah tawh lem lo. Kan inhmu zui lo anih lawn vuina tur ka nei hran chuang lo. Mahse khati chen ka fapa duhsak taka min enkawlsakna vang erawh chuan achungah pawh ka fapa vang chauhin ka lawm tho.





"Mama, papa kan hmu dawn em?" Zodintluanga cabin lam kan pan pah hian hnuailam aṭanga a min rawn melh chho ve kiau hian arawn ti lang lang a.




"Imm" ka nui tel sang bawk chu phur zet hian ka kaihna kut then lauh lauh hian corridor ah akhek phei raih raih chu ka khap leh hnuhnawh. Ka mal la na ṭung chuan pen atih har deuh vangin ka kal muang lutuk min vau ve khui khui chu ka nuih leh tawp ṭhin.




In lam aṭanga puak chhuah nghal ka tum kha inla tlangval fahran khan aduh lo ve ngei kha ka nuih tawp. Tunlai chho a ahrisel ve viau avang hian athil ei atui a amah pawh aharh ṭha viau chu chuan hlimna nasa tak min thlen bawk. Fa te na hmuh hi thil nuam a ni lo chuvang chuan kan neih ang tawk tawkah check up pawh ka hmaih ngai lo. Eitur nise ka khuahkhirh em em bawk. Achang chuan a hrethiam lo viau ṭhin a chu mahse a upat deuh hunah chuan ala man thiam vek dawn tih ka hriat vangin aduh ang ang ka pe ngawt thei lo.




Zodintluanga cabin hma adingin thawk kala vak phawta, nizan vang kha nge ka lut hreh tlat pek anihchu. Nidang angin kan boruak awm se hrehna chhan tur ka neih dawn loh tehlul nen.




"Mama, lut ang" hnuailam aṭang hian ka fapain ka kutah arawn pawt dat dat a, nuisang hian ka buk khum zauh.





Kawngka kik ka tum rualin anem hawng rawka khek raih chunga atlanlut chu ka um zui nghal vat.




"Papa" ti chul hian apa ṭhutna lam apan phei khat khat chu kawngka bul aṭang hian ka melh mawl tawp.




Zodintluanga aṭhutna aṭanga rawn ding chhuakin afapa pawmkang nawlh hian anuih suk. Ka dinna lam rawn hawiin min rawn nuih tel suk chu nizan thil thleng vang khan ka nuih let ve thei der lo lehnghal. Ka taksa aṭang ru deuh ṭung mai.




"Helamah rawn phei la" tiin a dawhkan hma a chair inhung chu amelh zauh.





Engmah sawi lovin ka bai phei deuh suih suih chu min melh reng chung hian thawk ala zui hawk mai. Ngai pawimawh duh miah lo hian ka ṭhutthlak rualin sirlam ka hawi ta daih.





Bawihtea pawm chung hian ka epah an rawn ṭhuthla ve a, a aw athian zui khurh khurh chu ka uksak lem lo.





"Ala na viau ami?" Chhan tumna ka nei lo.





"Rose" arawn tih leh sup takah chuan an pafa ṭhutna lam ka hawi ta chauh. Ahmela inthiam lohna lang chhuak zut zut chu ka hmu rang ngang. Nizana athinrimna zawng zawng kha a ni chuan amut bo vek thei a ni mai thei mahse keichuan ka thei velo. Nizan ang diak diak khan ahmel ka hmuh leh rual hian ka thinrimna kha arawn inchhem alh ṭha leh hi a ni ber.





"Bawiha lo ṭhu rawh aw" ti supin a fapa a chair a ṭhuttir hian ka ṭhutna lam arawn pan a.





"Kalo en ang" ti dam thlup a ka mal arawn vawn rualin melh rawm rawm chung hian akut ka vaiper nghal nawlh chu thawk ala hawk mai.





"Rose"





"Hmanhmawh rawh haw vat kan ngai" ti hmak hian ka bawp na ti chung chung hian ka khawkherha ka inkuangkuah zui nghal hmak. Zodintluanga rawn ding chhuak leh ruai ruai pawh chu ngaihven tumna ka nei tawh lo hrim hrim.




A ṭhutna lamah alet leha aṭhutthlak hma chiahin a cabin kawngkhar arawn inhawng veleh chiah a ka hawilet ve nghal vat. A û nupui rawn penlut chiah ka hmu nghal zat bawk.





"Aw in awm tih ka hre lo aa" nuisang hian ati dam diai a, inthlahrun hmel zeta kawngka bula ading chu ka nuih zui sang.





"I hmuh ang hian en tur ka nei" Zodintluanga pui hian alo ti hmuk chu alam hawilet leh hian ka melh zui nghek.





"Oh! Ka tihpalh lutuk e ka rawn kal ṭha leh dawn nia" ti sep hian a inher a mahse chhuak ta mai lo hian arawn inher let leh chu kalo la melh reng vangin anui leh sang.





"Rose an pafa in en chhung khan canteen lamah kan lova inkawm dawn em ni?"





"A ṭul lo" Zodintluanga bawkin a fapa buaipui chung hian ati teh hmuk anihchu. A û nupui hi huatna anei emaw ka ti rum rum tawh. Kei min biakna chu nise nizan vang khan kala hrethiam thei mahse a û nupui lakah takngial pawh anelawm loh lutuk hi mak kati zawk.





"Aw pawi lo" a inthlahrung hmel lutuk chu hrehawm ka tih vangin ka ding chhuak nghal vat a, Zodintluanga rawn hawi zui dawrh chu melh map lo hian a û nupui dinna lam ka pan nghal vat.





"Lalzemawi hetah rawn ṭhu rawh" ding mar vut hian arawn ti bawng mai. Mahse a thusawi hi pakhatte mah bengkhawn tumna ka nei lo. A check zawh hunah ka fapa chu ka hruai leh mai ang. Apa bula awm anih tel bawk vangin hlauhthawnna tur ka hre lo bawk.





"Kal ila" ti sapin kawngka ka hawnga ka chhuak zui nalh chu hawi tawn zak zak hian arawn pen chhuak ve ta hram.






"Kan Dintluanga chu ava lawm loh hmel hmek hmuk ve" nui var hian arawn ti ve ta chiah.





"Hre bik lo" kalo ti let ve mai.





Eng emaw sawi phei niap niap hian canteen lam man pan a, aṭawng duh zek nen ka nel nghal thuai. A hma a kan inhmuh ang thil kha anih tawh lem loh vangin alakah pawh ka ingawng ve deuhin ka hria. Hmeichhe sual tak a ni lo turah ka dah ve tawp bawk.





Chhun vanglai tak ala nih lih vangin canteen pawh aruak ang reng viau. Tlema akillai deuha kan ṭhulut a, boruak lum pik nghal churh chu ka hah nghal vek thei. Ka hma a tui an hun chu no a thli chhuakin ka in nghal pap. Khawlum hi ka ti thei lo min ti â ruai hian ka hre ṭhin.





"Rose" a ṭhutna lam la melh mai lo hian ka kutin ka hmai ka zap a.





"Rose" ka hming arawn lam nawn takah chuan aṭhutna lam ka melh zui vat a, ahmel lo thu tak ta fu mai chuan ka ngaih ati ṭha lo nghal ngawt pek a.





"Zaninah palai rawn kal an tum tih ka lo hria a" nui hak hian ati a.





"Nia" kalo ti tawi tak thung.





"Rose" angawi zui leh dat a. Keiin enge a sawi duh tih kalo ngaichang kar thung.





"Dintluanga hi nei suh!" ati tawl mai! Ka meng nghal awk thei! Engvangin nge a û nupui hian Dintluanga hi nei lo turin min lo duh ve ngawt chhan hi ka hrethiam lo.





"Dintluanga nen kan inkar hi i hre lo tiraw!" A hmel dam dap mai inthlak danglam vekin chiang zeta min melh chung hian arawn ti fak chu ka khuh zui nghal bawrh bawrh.




Eng thil nge hemi te pahnih inkarah hian awm?





Eng buaina chiah hi nge ka hmachhawn leh dawn?









KA HMANHMAWH LUTUK A APHUAILUAI NUAI ANIHCHUAN MIN RAWN HAU HREP MAI RU AW🙈



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » February 28th, 2021, 1:27 pm

SERENDIPITY









CHAPTER-14








"Pasal ka neih hma hian kum thum ngawt kan inzui tawh tih hi i hre tawh em?" An inzui ṭhin tih hi ka vawikhat hriatna. Zodintluanga hian ka bulah engmah a sawi ngai lo. A mimal nun pakhatmah min share ngai lo hrim hrim zawk.




"I hre lo tih ka hre mai" ka meng buai lutuk chu ahrethiam a ni ngei ang nui sak hian arawn ti leh zat a.




"A hrilh che hi ka ring lo reng a ni" nuisang mai hian arawn sawi zawm leh mai thei anihchu. Pasal nei tawh anih vang hian amah a inphawrh mualpho thi hi ahre lo emawni zawk. Chuan athil sawi duhdan hi mak kati lutuk tlat.




"Kan inneihna hi pawm lo tura engvanga min hrilh nge i nih?" Melh let ngar hian ka ti chang fak. Pasal anei reng chung hian anau zawk pawh beh tlat ala tum cheu hi amak a ni tawp. Hetianga awm leh tur si chu engvanga pasal nei nge anih Pathian hma a mahni thutiam pawh zah zo lo turin a hun liam tawha mipa chenin ham khawm vek atum anih hmel.




"Ka ta ala ni, chuan a ni reng dawn bawk" ka meng zui kawk kawk! Zak map lovin min sawi khum miah miah thei hi mihring ani ve takzet em?




"Rose, hmeichhe fing tak i ni tih ka hria Dintluanga tel lo pawh hian i fapa tan hmalam hun hmandan tur i huphurh dawn lo tih ka hmuhtirh phat aṭang che khan ka hre thei chuvang chuan Dintluanga hi i nei lo mai thei angem" ngenna ai mah chuan thupek hi a ang zawk mah a aw rik chhuah dan chu achang fal mai. A hmel erawh mak zawk khawpin a dam dap thung.




A û nupui thusawi maltin chuan min chhun sawk sawk nimai hian ka hria. Dr. Seni tenen kan inkarah buaina tham fe a awm chung hian a û nupui leh zel arawn inbarh lut leh anih chuan engtin nge ka tawrh zawh ang. Mahni lo maha rilru buai sa nen buaina arawn belh chhah leh ta zel chu ania.




"I inrawlh buai loh hram ka beisei, chuan ka ring bawk che aw" a ti leh hliai chu ka melh reng ringawt. Sawi ve tur reng ka hre miah lo. Sawi tur ka hre lo mai pawh ni loin a û nupuiin hetiang min hrilh hi mak ka tiin ka hamhaih lutuk hi a ni ber.




Pasal nei reng siin Zodintluanga ala hauh bur chhan hi ka hrethiam thei lo. Pasal nei tawh mai pawh niloin Zodintluanga û ngei a pasal ala ni zui. Hemi te chhungkaw khawsak hi abuaikual nuai ni ber hian ka hria.




A nuin a fapa angin a en lo tih chu ahma khan ka hre tawh. Chuan apain inneih aphal loh vangin hospital lam thlengin a kal aphal lo zui a. Chutah a û nupui arawn che chhuak leh a ka ngaihtuahna an tibuai nuai nuai vek.




Mahse tunah palai an rawn len dawn thu a sawi a, apain phalna ape tih chu asawi ngai miah lova hriat theih a ni ahna athawh chhunzawm leh danah. Mahse a û nupui arawn inrawlh leh nghal vat hi amak a ni tawp. An nulat tlangval lai chuan an inkarah eng emaw alo awm pawh a ni maithei mahse pasal nei tawh a ni chung hian ala rawn hauhna ngam em em hi engdan nge pawh ka hre tawh bik lo. Mahse keihian heihi ka chiang eng buaina pawh hmachhawn huamin Zodintluanga hi ka vuan tlat dawn. Ka fapa fahrah hlawm tawpa aṭhan chhoh hi apa ala dam ve reng lai hian ka phal dawn bik reng reng lo.





Nu leh pa kar lova ṭhan chhoh hrehawm zia hrechiang berte zing ami ka nih vang hian ka fapain khang hrehawmna kan unauin kan dai ang zawng zawng kha arawn dai ve ka phal ngai lovang.




Kan eitur chah nula pakhat hian arawn daha mahse ei chakna pakhatmah ka nei tawh lo. Ei ai chuan henu lak aṭanga kal hran vat vat hi ka chak hlur tawh zawk.





"Rose, kan inmil riau mai"





"Engvangin?" Ka ti nghal haw. Kan inmil riau a hriatna pakhatmah ka nei ve lo. Kan inmil lo hle zawk chu anih hi.





"Dintluanga chelhtu ve ve nih kan tumna hi mawle, mahse nang chu hmeichhe fing tak i nia bakah in inhriatchianna ala rei loh vangin i tal hrang thei vat dawn tih ka hria alawm" nuisanga ala rawn ti thei chu pasal nei tawh siah chuan azak lo hi ka ti ber awm e. Keimahah inchan ta ila pawmlai nei chung hian mahni hmasial zetin ka hun liam tawha ka ta ni ṭhin ka chelh zui kher angem tih ka ngaihtuah a, ka ti theiin ka ring lo. Ka fel bik riau vang ni loin pasal nei tawh tana thil mawi a ni lo tlat atin ni.





" Dintluanga hian min kalsan theih loh ang bawkin keipawh hian pasal ka neih hnu hian ka theih bik loh zia ka hre tulh tulh bawk" arawn ti zui zat zat chu ka thil eilai hakin ka khuh zui bawrh bawrh mai. Pasal pawmlai nei chung hian hetiang em em hian zahna atlachham thei ang tih ka hre miah lo, a mak a ni tawp mai. Dintluanga û ka khawngaih nghal ringawt bawk. A nupuiin athinlungah mipa dang anei reng tih hi ahria angem.





"I ṭha em?" Ti var hian arawn ding chhuak chu ka ṭhat thu a chhangin ka zap ṭhu a. Ka awm chumin ka khuh zui bawrh bawrh chu ka hma a tui min rawn nawr hnaihsak chu banin ka in nghal khawlh khawlh. Ka khuhna vang nge ka hrawk ahnawk nghal ṭuak thei.




Ka hma ei tur chu ei bar tawh lo hian ka chawk kual vel ta mai mai. Ei chakna pakhatmah ka nei tawh lo hrim hrim bawk. Tunah tak hichuan ka fapa kalsana henu ka zui hi inchhir tawh tak ka ni. Eng aiah nge an pafa kiangah khan kalo awm mai loh.





"I ei duh zawng a ni meuh na nge?" min melh ha hian arawn ti a. A hmelah athil sawi tak zawng zawng vanga danglam kha hmuh tur awm miah lo hian ala nuisang thei.





"Ka puar tawh anih hmel"ti tawi takin tihluihna tak tak nen kalo ṭhen khum ve sak bawk. Danglamna alantir lo anihchuan keipawh ka inthunun ve hle tur a ni tih ka hre tel tho bawk a mahse ka awm anuam thei tawh lo.





"Ngawi rengin Dintluanga lak aṭang hian kal bo tawp mai rawh u" arawn ti leh phei chu ka sa nghal pup thei. Dawhkan chunga ka kut chu ka malchunga sawnthlain ka hum ngawt ngawt tawh. Hetiang em em a mi hmai zahna pawh nei lo han nih tawp mai chu ka rap lek lek zawk. Kan inkar buai ta se zahpah aneih loh tur zia ka ngaihruat thiam mai. Hetiang hmeichhia hi chu hnaih loh hi ahim ber. Chuan engtikah mah thinlung tak hian ka pawh thei ngai dawn lo tih kan vawihnih inhmuhna aṭang hian ka chiang ta hle bawk.




A û nupui chauh hi dem ber tur a ni em tih ka hrethiam lo. Hetianga ngampa tur hian Zodintluanga hi engtiangin nge a û nupui lakah hian alo chet ṭhin ang. Ka ngaihtuahna zet chuan ka luak ati chhuak nghal ut ut thei.




"Rose, ka pasal hi ṭhen a......."





"I va rei ve" Zodintluanga kan table sirlama arawn inbengkhalh run ka hmuh rualin ka phu zui chiam. Alo luhlai reng reng ka hre miah lo thei anihchu. A doctor coat fual var hak nen chuan ataksa chu a inmil thlup hian ka hre thar pek a. Chuan min rawn hnaih leh hrut rualin arimtui hman pa hrak leh rimtui bik ngawih ngawih chu ka hip lut vang vang mai. Tun ang hunah ka rilru lo senna zet chu!




"Kan rawn chhuak dawn chiah" ti hap hian ka ner khum zeuh chu zun nei ngawih ngawih hian akiai suk. A nui hmel mawlh mai hian min tidik lo leh hu tawh, insangmar nghek chung hian ka kekawrah ka kut ka tat zui tawk.




"Sawi zawm la" ti lehin a û nupui ṭhutna lam ka melh a, a mitmeng pha nghal dui mai chuan ka nuih atiza tlat pek. Zodintluanga rawn lan hma zawng chuan min insawi theih khum char char, mahse arawn lang ta chenga ui ar la patling rual thinrima an hual chep ang mai hian a kimki leh duk lawi si.




"Ngai tawh lo mai rawh se" arawn ti niah niah. Awihawm loh zawk khawp hian ahmel adanglam vek thei. A thusawi ṭhenkhat kha rin chi anni em tih pawh ngaihtuah tham fe. Thu hi nge rin zawk tur tihah rilru ka siamfel mai thei tlat lo.




"Enge inlo sawi a?" kan pahnih ṭhu dun min melh tawn zauh chung hian arawn ti ve sup chu a û nupui melh lehin ka ṭhensak.




"In nulat tlangval laite kan lo sawi mawle" ka ti zet chu a û nupui chu amengkual nghal ruai ruai tawh. A hmelah chuan ka sawi zawm zel ahlauh zia alang chhuak zut zut nimai hian ka hria. Zodintluanga lam ka hawi leha ngai pawimawh hmel apu ve miah lo chu mak kati zawk. Nge a û nupui nen an inkarah awm alo awm miah lo zawk tihpawh ka hrethiam hrep tawh lo.




Pakhat ahmel alang pha dui a pakhat lah chu a eng teh ualah athawk lo tih hriat zet hian a awmdan a pangngai reng thung si.




"Kan hrilh ve dawn em ni?" Ngeiawm zet hian ka zawt let ve ta kher.




"Ngai lo mai rawh se" ti nawi niai hian za lo fahranin arawn nui tel hak hak bawk. Hmeichhe pahnih titi chu a uksak viau lo anih hmel a banreka asana bun chu bih vutin min rawn melh lehnghal zat.





"Let ang" arawn ti zui vut.




"Bawihtea" nem lem lo tak hian ka ti hlak.




"A muhil" awlsamte hian min chhang zawm zat.




"Amahin i rawn kalsan amaw?" Ka ti nghal vak chu canteen chhunga midang ṭhu hoin kan pathum awmna lam an rawn hawi nghal haw haw mai. Ka insum hman pek lo midang karah hian insum hman lo hian kalo ri leh hluai ṭhin.





"No...nurse pakhatin a awmpui" ding mar vut hian akut lehlamin akekawr ipte azen nghal hmuk.





"I ei puar tawh chuan let ang" tihleh dawhkan chunga ka bag dah ban arual nghal a, ahrui nen man khawm nawlhin akhai zui nghal zat.




"I rawn let ve nghal dawn em?" a û nupui lamah athle zauh.




"Aaa...aw" nawi niai a arawn tih zawm zat chu ka nuih hak. Zodintluanga rawn lam hma zawng kha chuan zam lo tak mai khan eng eng emaw min hrilh par par anihkha, tunah lem alei an la daih amaw tih tur khawpin ṭawng harsa ati leh si mahse athil sawi zawng zawng erawh kha chuan zep thu acheng lo ka awm ati nuam lo thlawt.




"Lo chhuak rawh" ti sup hian ka sir a chair awm chu ka chhuah theihna turin a nawr hnung hlek a, ka pen chhuah rualin nghet zetin ka kutah arawn vuan zui zat chu ka kut pawhthlak ka tuma ahmer nghet nghal vek. A û nupui dinna lam ka melha Zodintluanga'n ka kut avawnna lama amit fu ngar hian thawk ala zui hak mai.




"Min thlah rawh" sehchilh ran hian ka ti zawi sep a, a lu rawn kun hniama thing nghut hian anui suk.





A û nupui thilsawi zawng zawng hi ka hlimpui reng reng lo, tunah rih chuan amah leh achhumgte hnaivai hrim hrim pawh hmuh ka chak lo vek.





Canteen aṭangin kan pathumin kan inzui chhuak a, Zodintluanga min pen chakpui lutuk chu ka lawm lo ṭep. Nizanah ka malah na asiam a tunah hre lo ang hmak a min tiatpui pawh kual dawr dawr mai chu ka ngai reuh zek mai.




"Ka kal chak thei lo" ti hlakin min kaihna kut ka phih deuh sawk chu arawn hawilet nghal vut a, chal ti chuar tup hian min melh zui ngur.




"Ka mal a na" ka tih fak takah chuan ahrechhuak uar uar a ni chek ang chu amitah inthiam lohna ka hmu nghal.





"Sorry" ti supin ka kawngah akut arawn rawlh lut a min penpui mai atum chu ka ding ta tlat thung.





"Dik lo a awm em?" Hriatthiam loh hmel deuha min rawn zawt chu ahmel aṭanga ka mit lasawnin ka kawng avawnna lam ka melh leh a thawk la hakin muangchang hian akutah ka vuana ka phihthla nghal sawk. Bangbo zeta min melhna chu ngai pawimawh duh loin hmalam panin ka kal nghal hlak hlak. An pahnihin min rawn zui ve zel tih hriat zetin ka hnung maiah an pen thawm arawn ri ve zel.





A û nupui thusawi zawng zawng kha Zodintluanga bulah hian hrilh chi a ni em tih pawh ka hre lo. Lo hrilh ta pawh ni ila anin alo pha miah lo anihchuan ka na dawn lutuk tih ka hria. Ngawihbopui mai chuan ka pik churh churh dawn tih ka hre tel tho bawk nen ka pik churh nimai hian ka hria.




Cabin chhungah kan inzui lut a, nurse pakhat leh a û anlo ṭhu vang mai. Bawihtea cabin chhunga an khum hunah tui zet hian amuhil thaw sak sak mai chu ka hmu zui nghal zat bawk.





"In pathumin maw?" Zodintluanga û in hriatthiam loh hmel deuha arawn ti sup chu kalo buk khum nghat. Nurse chu kan inzui luh hnuin achhuak zui nghal vat thung.





"Ka rawn hmu dawn che a hetah ilo awm daih a" ka rei leh! A pasal hmuh atum thu pawh asawilang tawp silo. Chuan canteen kan pan hma pawh khan hetah arawn kal hmasa anihkha. Nupui ṭha ber angin a pasal chu ahmin thiam hliau hliau viau ang chu. Hmeichhia hi chu kan lo va tenawm tak em. Min hmangaiha min duh hluam hluamtu pawh kan bum zaih zaih thei chu ania.





"Thil i ei tawh em?" Ti dam hliai hian a pasal bulah aṭhuthla a an sirah keini kan la ding ta reng.





"Tah hian ṭhu rawh" ti supin khum bula chair chu arawn hungrema ka ṭhuthla dawhkana kut ka nghah rualin ka ṭhuthla a, ka kut lalet turin dawhkan chunga coffee no khat piau chu ka vaithla tel palh, a û nupui kekawrah abawfai nghal vek.




"Nang hi" ti ṭhat hian a ding chhuak zawka a kekawr thawl lam mah hak chu athing zui nawk nawk.




"Mimawl" zawi taka atih hriam hrak chu kan bula mipa pahnih chuan an hriat loh hmel. Puih tuma ka ṭhutna ka thawhsan ruala ka kut ka lekkang chu arawn vai tel sawk anihchu. Ka kut lalet zui hmakin ka ṭhutna ngaiah ka ṭhulet nghal vang vang. Ka puih aduh loh chuan puih zui tumna ka nei lo. Ka tihluih pawh nilo chu inthiam lohna tur awmin ka hre lo bawka. Tihpalh liau liauah pawh mawl min tih hrim hrim avang khan ka lawm lo hle bawk.





"Baby" ati nghal hlak a, an pain abuaipui mai loh vangin alungawi chiam lo anih hmel. Zodintluanga lahin ngaih pawimawh hmel vak lo hian a chair hnunglam angheng zui ur ur bawk. Tu mah mahin a phul hlut angin an ngaihven tawk lo chu ahmel in sehruh ṭeuh aṭang chuan alawm lo ngawih ngawih tih alang vek bawk.





"Coffee mai anihkha" a pasalin arawn tisam et mai chu bomb ni ngat se apuak pawp duh mai lawng maw tih tur khawpin a meng pawng thei.





"Ka balh vek hi" ati zui hlar a. An pain a kekawr athlek kual sak vut vut chu aṭhu tau nghawng mai.




"I haw veleh i inthlak dawn nia" ti sup hian annu chu khabe tuai zauh hian melh leh.





"Ka awm ati nuam lo vek" ram hmak hian ati zui leh hram. A pasal lakah chuan apangchang thiam dawn khawp hian kalo hre pek a.





"Tihpalh anihkha" Zodintluanga'n ti hluk hian arawn ṭhu chhuak deuh a, a û nupui nen aṭhutna lam kan melh rual dawrh. Dawhkana akiu nghatin achal atuai zui zauh chu a û nupui chuan amelh nghal rawm rawm mai. An lo lak thutakpui chiam silo chu a ni lo inla no ve laklawh chuan athinrimpui khawp ang.




"Ka awm ati nuam lo, haw ang" ti hmakin aṭhut hmun aṭangin ading chhuak nghal leh zawt chu Zodintluanga'n arawn melh ve vut. Dawhkan chunga abag lian vak lo dah chu akutṭang sei zet hian aṭham zui bawrha aṭhutna sirlama nek sawn rawk rawk hian kawngka lam apan nghal nal nal.




"Ka va thlem mai loh chuan" Zodintluanga û in nui vur vur hian arawn ti a, an nu kal tau nghawng ngawng chu azui nghal vut bawk.





Zodintluanga aṭhutna hmun aṭanga adin vut rualin ka ding ve nghal vat a, bawihtea mutna lam pana ka pen tur chiah ka dara hmerin ka ṭhutna ngaiah min nawr ṭhu lehnghal zat chu ka melh kawk.





"I lungawi loh chhan ka hre thei angem" ti zawi ruih hian ka ṭhut mekna chair ban tawn tawnah arawn inbengkhalh nghal run. Chair bana ka kut dah chu lathla vatin ka malchungah ka hum kawp nghal vek.





"Engmah a awm lo" ti hmak hian khabe poh vah hian ka melh leh chho haw chu amitko alo san uk mai.





"Takzet!"





"Kalsawn rawh" ti fak hian akiu zawnah ka dawma ka nem zui dawrh. Aban a che eih lo.





"I lungawi hunah" ti dam dup hian ala nui suk thei cheu chu a û nupui thil sawi zawng zawng nen ka lungawi lo ngawih ngawih tawh.





"I lungawi loh chhan i sawi loh chuan ka chingfel thei dawn lo ania" zawi sup mai hian ati a. Keiin kalsawntir ngei tumin abanah ka nawr reng thung.





"Nizan vang kha anihchuan ka tihpalh" min rawn awmhnaih thut hian ka chalah achalin arawn nawr chu ka awmchhung ami hi thunun ngaihna awm lo khawpin a phu rang nghal zaih zaih. Kan taksa hnaih taka a awm apiang hian boruak hip tur tlachham ang mai hian ka awm ṭhin. Chu chu duh lo eng ang mahila kan taksa a inhnaih tawh chuan athleng ziah.





"Mipa dang bula i awma ka thinrimna hi thikthu vang a ni tih i hmu thiam lo nge i hmu duh lo zawk" thawk alak hawk rualin ka hmai alum zui pup thei.





"I laka ka thikthu chhiat chhan hi engvang nge i hria em?" Ka ngawi reng. Chhan ka tum loh vang pawh ni loin azawhna hi chhan ngaihna ka hriat loh vang a ni ber. Zaninah palai an rawn kal tur thu min hrilh a, min neih ngei atum ruh viau bawk avang hian mipa dang hnaiha ka awm amawi loh vanga khatianga che chhuakah khan ka puh ber.





"Ka duh vang che!" ati sup. Ka marphu tehi aphu rang nghal dawt dawt nimai hian ka hria. Zodintluanga hian min duh thu sawi anihchu! Chu chu awih tur a ni em tih ka hrethiam lo.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » February 28th, 2021, 1:27 pm

SERENDIPITY









CHAPTER-15









"Ka duh che!" atih nawn sup rualin akawr banah ka hum nghal ṭung. Rem lo zeta ṭhuchung hian ka ṭhut mekna chair chu ka ngheng awrh mai. Ka awmchhunga ka la nung ve tih chhinchiahna phu dawt dawt ri chu ahrechiang viau bawk ang. Zodintluanga hian keihi a fapa vang chauha min neih tum ang khan ka ngai ngar ngar ṭhin, min duh thu asawi hma zawng khan chu chu ka ngaihdan a ni bawk. A thusawi hi awih tura ni em tih ka hre lo chungin keimahah danglamna athlen tlat si.



"Rose!"zawi ril ruih hian ka chal la nawr rengin ka hming alam nawn sup a. A kut lehlamin ka tukhum sam karah arawn zenlut zat.



"Keihian kaltir che ka tum lo, kan inneihna kan puitlin hma chu min hnar bo tum mah la ka um zui reng dawn che" ka taksa hi lungawi lohna vang nilo mak tih vangin alum pup pup tawh. Dawt hlawm hlak asawi ring chiah siloin ka hlauthawng tel tlat bawk si. A thilsawite engtianga lo dawnsawn tur nge tih ka hriat loh vangin sawi tur reng ka hre ve lo.



Mamawii khan Zodintluanga'n akalsan theih loh ang bawkin a kalsan theih loh thu min hrilh anihkha. Heti chung hian amahah hian rinna ka nghat thei dawn em ni? Ka ngaihtuahna abuai kual mup chung hian han ngaihtuah filawra ngaihtuah chhuah tur em em a awm chuang bawk silo.



"Ka kianga i awm hunah chauh ngaihngam takin ka awm thei chauh ang!" tih sup pah hian a inla hranga, ka hma a rawn ṭhuthla hian akut lehlamin ka biangah arawn dawm zui zat chu abanreka vuan let ve ṭung hian mit ka chhing zui leh ta ngawt. A aw ril ruih mai tehian ahmel awmdan tur min rin hriattir vek vang nge amit taka melh turin ka zam vek tawh anihchu.




"Khawngaihin i mit meng rawh" ka hmui akutzungpuiin arawn tuaikual zauh phei chuan ka khur ti tih der ringawt bawk a. Ka inthunun zawh loh hlauin ka ṭang ru ṭeuh bawk si nen ka awmdan chu thinrimna vang nisi lo hian ka hah ru ṭun mai, mahse athusawi zawng zawng hian ka chhunglam ahahdamtir em em tlat lawi si.




"Rose min chhang rawh" ka chalah bawk ahmuia arawn nawr rualin ka meng nghal siar siar a, inla hrang vutin zun nei ngawih ngawih hian min nuih suk.




"Min duh let turin i thinlung kha thu ka pe thei lo mahse hei erawh ka chiang hetah" ka thukhum lam adawmna lathlain ka awmah akut arawn nghat a. A kut anghahna chin chu alum pup mai bakah ahma zawng aiin ka thinphu chu arangin aring zawk bawk hian ka hria.



"Hetah hian hmun laili ber changtu kala ni ang" ti hrawihin thawk ala zui hawk. Ngawi rengin ahmel lang dam dup mai chu ka thlir ngawih ngawih ringawt. Eng emaw tal chu sawi ve ka duh chungin ka lei hi phuarbeh ang mai hian ache thei lo. Naupangchhia ka ni tawh lova, fa pawm tawh nutling kum 27 ka ni tawh chung hian ka hma a mipa hian min tizam thei chu a ni si.



Mamawii thusawi zawng zawng kha ka hriattirh kha chuan ka thin arim viau anihkha mahse Zodintluanga hmel thu tak lutuk phena min ngaihsakna lang chhuak hian anawtreh titih nghal der mai. Hetiang em em a mipa ka luanliampui hi ka nuna vawikhat ka tawnna a ni. Ka tleirawl chhuah hlim chuan ngaihzawng nei ngai lo pawh ka ni bik lo, kum li kalta a ani nen kan intawn aṭang hian tun thleng hian amah nilo mipa dang hi inzawmna neihpui turin kala hnaih leh lo hrim hrim.



"Eng emaw tal sawi rawh" ngenngawl zeta atih thum sup rualin adarah ka vuan de de a, beisei nei zet hian min melh run tawh bawk.




"Keipawn ka duh che!" mit chhing chunga ka tih sep rualin ka hmuiah arawn fawp zauh a, thawk la hawkin ka biang tawn tawnah akut hrawl zetin adawm vang vang bawk.




Zodintluanga hi ka duh chu chu phat theih a ni lo. Ka sawi lan ngam loh vanga upbet ka ni a, mahse amah zawkin min duhthu asawi hnu a duh reng chung si a sawilan loh chu thil atthlak ber a ni hial ang. Ka duh, ka hmangaih em tih chu ka hre lo mahse keihian he mipa hi ka vuan tlat dawn.




"Ka theihtawp intan ka chhuah ang!" mit ka men leh rualin ahmel hlimna lang chhuak zut zut phena lang dam dup lawi si chu ka hmuhhmaih lo chiang kher mai. Mamawii thusawi tekha zawhfiah chu kala duh fan mahse tun hi hunṭha ber ni a ka hriat loh vangin tun atan chuan sawi tumna ka nei rih lo.




"Zun i ngah zia hi i hria em?"




"I hmel tel lovin" atih zawm leh sup chu ka melh nghal rawm rawm.




"Hmelchhia min ti maw!?" Rum lutuka melh rawm rawm chung hian ka ti bak nghal hlar. Ka hmelṭha lo pawh a ni mai thei mahse enge asawilan kher.




"Anih hmel!" nui sukin ka mit taka melh chung hian asawi thei zawk anih chu.



"Anih keipawn ka duh leh lo che" ram hmak atiin ka biang adawmna ka vaiper nawlh chu anui chhuak nghal hawk hawk.




"I thinrim hian i biang asen vek zel" ka bianga arawn tawk zauh chu ka lo ner khum nang nang.




"Ka fiam che aw, ka mitah nang aia ṭha an awm lo" nuihzat hmel zet hian atih zawm zut a. Mahse kala melh thip hlar tho. A fiamthu a ni tih hre tho mahila ka lawm chuang der lo.




"I hmel aṭha ber" ka hnara piai zauhin min rawn awm hnaih hrawk a, meng kawkin hnunglama ka eu zui dawrh chu ka tukhuma rawn dawmin ka ang ziau tawh chu ahmuiin arawn kharchilh zui hmiah. Ngenngawl lutuka min fawh tak hnu phei chuan anghawnga kuahlet ran hian ka chhang veleh ta nge nge.




Rum nghutin min chawikang nawlha, keiin tlak hlau zetin ka bawp a kawngah ka khawkherh tlat bawk. Dawhkan chunga min nghatthlain ka heh hnuailam arawn seh zauh chu ka ṭe ṭhat a arawn fawh zawm leh zat bawk.




A kawnga ka kherhna ka bawp ka phelh rualin a kut lehlam hian ka malteah arawn hmer zauh a, za ti lutukin ka bawp ka leng awrh a ka ṭe zui ṭhat chu ka hmuiah a kutzungchalin arawn nawr zauh. Bawihtea mutna lam amelh zui vut chu ka hawilet ve riai riai. Ka fapa lam reng kalo hrechang tawh lo ka inthiam lo nghal der. Hepa hian min ti â zo vek tawh ni ber hian ka hria. Min tawh hlek tawh hichuan ka danglam zung zung zel.



"A harh lo" bawihtea mutna lam hawi reng hian arawn ti sup a, abenga ka pawt zauh chu chal tichuar tupa min rawn melh vangin ka lei ka chhuah khum zauh. Kiai sukin ka hmuiah bawk arawn fawp leha mahse kawngka lama thawm a awm rualin adarah ka nem nghal dat.



"Hrep hian!" Ti hlukin atawp nan ti ang hrim hian na zetin min rawn fawp a, ka mal sir tawn tawna innemkhalh run hian kawngka a kik thawm rawn ri leh chu lut turin a hrilh zui hluk.



Cabin kawngka rawn inhawnga Dr. Seni rawn penlut zal zal ka hmuh rualin Zodintluanga dara nem datin ka meng awk mai.



"Ka rawn tibuai cheu ava nih hmel ve" za lo tih hriat ngawih ngawih hian aṭhen zui sak chu Zodintluanga pawh inla hrang vutin Dr. Seni dinna lam ahawi ve nghal thuai.



"Anih hmel" a kekawr ip zen chung hian ati hmuk a, keipawh dawhkan chung aṭangin ka chhukthla ve vat bawk. Dr. Seni a ni tho chungin kan lo awmdan vang khan nuam lo chu ka ti ve reng. A hnathawhna hmunah pawh in mamawh ngawih ngawih ber ang ziazangin min hmu thei tlat, chu chu midang hmuh atana thil mawi ber chu a ni lo chiang bawk.



"Enge i duh" Zodintluanga kawr hnungah ka pawt nghal dat. A aw ngaihthlak anawm loh vangin kalo inthlahrung em em ringawt a. Kha chen lo inzui tawh biak chak loh hmel lutuka alo chhang bun hmuk hmuk mai chu ka tan pawh thil nuam a ni miah lo. Mahse hepa pui hian chu chu ahre der silo.




"Ka banna ka thehluta"



"Ka rawn hmu lawk ang che kati ania, inbuai hmel" a darsan ak hian angawi leh dat.



"Chhunzawm ru ka kal ange, chuan vawiin hi ka last day a ni bawk aw" a coat fual ipte zen chung hian chang faka rawn tiin a inhera kawngka nam hawng rawk hian achhuak zui nghal daih chu thawk la hawk hian ka thlir zui ta reng. Min ṭawngkhumna ṭawngkam na tak tak kha ka theihnghilh lo chungin Dr. Seni lakah hichuan ka inthiam thei ngaiin ka ring tawh lo. Zodintluanga nen an inkar buai chhan hi keimah vang a ni tih ka hriatchian vang tepawh animahna.




Dr. Seni kalchhuah hnu aṭangin Zodintluanga hmel chu nelawm loh khawp hian arum vek thei. Chu chuan ka awm ati nuam lo viau bawk.



Engmah dang sawi zui lo hian bawihtea chanchin vel asawi zung zunga, Dr. Seni damdawi chawh ho athlak zui vek bawk. Mahse dik lo lam engmah asawi tawh loh vangin lungngaih viau chhan tur a awm tawh lo chu ka thawveng huai thung, mahse nichin lawka min duh thu min hrilhtu mipa kha a ni tawh lo amaw tih tur khawpa ahmel lang chang vek chuan min hnawh nghal ṭun thei.



Bawihtea mutna lam ngawi renga panin ka pawmtho a, Zodintluanga ṭhutna lam bawk ka melh leh zauh. Biak chakawm loh khawp hian hmalam melh ding ngur ngur hian akut humin dawhkan chungah anghat run.



Thawk la hakin bawihtea ka pua a Zodintluanga ṭhutna lam bawk ka pan zui leh.



"Dik lo a awm em?" Nuam lo ka tih em avangin ka zawt ta chawt. Dr. Seni vang kha a ni tih sawi lo hram se tihna rilru pu hian ka hma a mipa dingin min chhan hun ka chang ran bawk.




"Awm lo" min melh map lo hian ati hmuk.




"Ka thlah hman lo ang che u, zanah ka rawn kal ang" min la melh talo cheu chu ka chhunglam aṭang hian nuam lo tihna hian min rawn fan zui riai riai a, ka tawt deuh up up bawk.


""""""""""''''


Palai an haw hnu lawkin ka naute nupa mu turin an inzui lut a, kan inneih ni tur nen lam an vawikhat rawn lennaah an sawi fel nghal vek. Thla thar ni5 a man inhlan an tih vangin inbuatdaih ve ṭan chu kan ngai nghal dawn der mai. Tlailamah ka nau hnena ka sawi khan hnialna aneih loh vang leh bawihtea nen mipa pangngai taka uapna hnuaia awm tura min duhsak thu kha asawi ve nuah nuah kha ania. Keipawn tlang taka kaltir vek kha pawi tihna ka nei hran lo.



Zodintluanga ala rawn lan loh vangin kamtu nei ṭun ang mai hian ka awm anuam mawlh lo. A phone call ka chang ngar renga, alo kal mai ringin bet lo zet hian ṭhutkhawmna lamah ka ṭhu ngar bawk. Zana alo kal tur thu kha vawiin khan min hrilh chiang viau chung siin tun thlenga ala rawn lang silo chuan min ti zuai raih mai.




Arawn lang leh dawn lo anih tal pawn min rawn hrilh thei reng si engmah sawi lova areh vung vung mai chuan hlauhthawnna tam tak hun reilote chhung hian min siam ṭan der chu ania. Nge keihian pawhbeh ka tum mah mah zawk tih thlengin ka ngaihtuah kual dap tawh.




Ka phone hum arawn rik ral ral rualin ka phu nghal chiam! Thin phu dep depin ka phone ka lekkanga Zodintluanga hming lo lang va va ka hmuh takah chuan thawk kala zui ham ham mai. Ka awm nuam lo ṭeuh kha chhemdarh vek ang maiin akiang vek bawk anihchu.




"Immm" ka benga nawrbetin ka ti zui sep a, lehlama aṭanga arawn thaw hawk ri chuan min ti hahdam zual hle bawk.




"Sorry" tih zawng hi arawn sawi anihchu.




"Enge awmzia?" Sorry atih vang khan ka kut kalo hum ruh leh hmanhmawh tawh.




"Emergency a awm thut a, kala haw lo" aw zuai raih maia arawn tih leh chiah takah chuan ka inthlah dul nghal vek. Sorry kha thumal khan engtiang taka hlauthawngin nge min siam tih pawh hi ahrethiam lovang.




"I chau em?" A aw aṭang khan achauh hmel lutuk tlat.




"I aw ka hria a ka chauh areh vek tawh" a nui tel suk leh thawk ala zui suai suai chu ka hre thei, chuan nuam ka ti veng veng bawk a. Sawi mai tur hre lo hian ka ngawi zui rauh rauh.




"Naktuk kan chawl dawn"




"Chuan" ka lo tih zawm sep.




"Ka û te nupain tuirial kal an sawi a, i peih em?"




"Ka hre lo" a û nupui kianga hun hman kha ka chak zawk zawk lo chungin chhuahvah ve chu ka chak takzet.




"Keichuan kal ka chak, sangha fuan lai ania chung chu hmuh ve ka chak a" dam dup hian arawn tileh mai.




"Sangha fuan chu kala hmu ve miah lo"




"Kal chu i duh em?"




"Duh amaw mahse bawiha hi" kati tawi tak. Ka chhuak anihchuan min ngen dawn tih ka chiang, bakah atel lovin hmun hla takah kala kal ngai loh vangin amah ber hi ka ngaihtuah bawk.




"A pitei khan a awm hman mai chuan, kan zan haw dawn leh dawn loh kan hre si lova hruai chu a chi viau loh" chutak chu ka buaina ber. A hriselna aṭhat viau loh vang hian mi nau te anga chhuahpui ve lawp lawp theih a ni si lo.




"Zingah ka rawn hrilh leh ang che" ka ti sep a, ka kutṭang ka seh zui niap niap. Ṭhutthlenga ka awmdan duhdah zet ka hmuh rualin ka nui zui hak. Kalo ṭhingṭhi ung reng. Engtik laiin nge ka awmdan ka siamrem pawh ka hre miah lo chu ania.




"Enge i nuih?"





"Engmah a ni lo" rang taka ka chhang nghal vat chun anui ri suk ka hre leh hram pek.




"Anihchuan haw turin kan inbuatsaih ve tawh ange aw, zingah kan inbe leh dawn nia. Muttui le" atih sup hnuin ka mangṭha let ve a phone dahin ka nui nghal var var. Min rawn belo nise tun ang hian ka nui miah lovang tih ka hria mahse a aw ka hriat hnu chuan thlem pawh ngai lovin ka dam leh huai lawi si. Ka awmdan pawh hi hriatthiam ahar ta ngawt mai. Tetea'n min duh thu asawi hnu pawh khan hetiang hian ka awm ve miah lo. Zodintluanga lakah hian kalo intulut bur tawh tihchu achiang takzet.



"""""""""""""



Zingah tukṭhuan eilaiin ka naute nupa hnenah tuirial kal chu ka sawi chhina rin loh lutukin anlo phal viau mai. Mahse bawihtea akal theih veloh tur thu ka sawilai erawh chuan ka inthlahrung khawp mai. Hmingtei lah chuan dawr kal loin inah alo awmpui tur thu asawi diam mai sia. A lawmawm viau chungin inthlahrun chu a na duh ngei mai. Nghafuan vel kha hmuh ka chak ve mai bakah ka chhuahvah lohna arei tawh em bawk avangin ka naute nupa pawn an rem ti ve thlap ni hian ka hria.




"Mama ka kal ve duh" ka rinsa angin ṭap purin ka inthlak chu ka hnung zelah min zui kual dat dat.




"Bawihte, hmun hla deuhah mama khan thil tih lawk tur ka nei a" a dinna hma a ṭhu hniam hian mittui abianga luang rang ve niai chu ka chulsak nghal thuak.



"Sangha tui eng neuh neuh kha i ei duh tiraw" dam diai hian ka ti a ka nuih zui seih bawk.




"Ei duh" men puai hian ati ṭiau chu ka lainat viau a chu ka nuih atiza tlat pek.




"Chu chu mama hian ramhnuaiah khan kava la ṭeuh dawn ania" a lungdam nan ka ti a, tunlaiah nghafuan hi khawtinin an humhalh ṭhin tih ka hre tho chungin hetia ka hrilh mai loh chuan.




"Mama, parrot pawh" a mit nuai chat chat hian arawn ti reuh chu ka nui ta tawp. Thil vang deuh deuh hi a duhzawng hi a ni tlat zel.




"Lutuk ka hawn vek dawn chuan....."




"Bawihte, Tlingtlingi'n cycle thar anei ania aw" pindan kawngka bula ding chungin Hmingtein arawn ti var chu a hawi phawk nghal hra mai.




"Mama, bye ka kal" ka vawnna pawtthla hlawk hian Hmingtei dinna lam pan ve hlak hlak chu hnunglam aṭanga melh reng hian ka nuih tawp.




Kawngka bula Hmingtei ding chu hnawk tih hmel zet hian anemsawn ve thuak a, Hmingtei pawh anui zui hak hak.




"Ka va en pui ange, tluang deuhin kal ula inlo haw vat dawn nia" Hmingtei pawh pindan kawngka rawn nem kharin a chhuak zui ve nghal.




Ka thawmhnaw la hak fel loh ka inthawlh zui malh malh. Dintluanga khan dar9 chho vel bawr a min rawn lam atum thu asawi a tunah 8:30 apel der tawh. Kan nufa inthlem kual vel kha hun aduh rei phian nen ka che reng reng ka hmanhmawh tawh lutuk.




Kan insiam peih zat rualin kan kawta motor ding thi duk ri chu ka hre nghal zat. Khuma ka bag dah banin pindan ka chhuahsan nghal vat a, choka lama tlan lut leh rawk rawkin eitur ka pack ho dawhkan chunga ka khungfel vek tawh chu ka ṭham nghal pawrh.



Kawngka ka hawna ka penchhuah hnuin Zodintluanga pawh a motor aṭangin arawn pen chhuak ve chiah. A hnathawhna hmuna smart thlup ṭhin mipa kha vawiin zet chu a thuamhnaw hak vang nge alang rawlthar ve vek mai hian ka hria.




A dinna lam ka pan hlak hlak chu a motor hmalam nghenga min lo melh deuh ngur vang nge ka laia ka zam lehmghal vek tawh. Hahthlak zawk hian! Hepa hmaah hichuan pangngai tih ni hi ka nei thei ngai pawn ka ring lo. A mitmeng dam dup a min melh paha a nuih suk phei hichuan ka tiril thleng hian akhur dar dar ni hian ka hre ṭhin. Pangngai taka hmachhawn hi ngaiah kala nei thei lo.




"Bawiha chu" A motor bul ka thlen rualin ka kuta ka thilkhai ran ban vut hian ati zui sup.



"Saw Tlingtlingi cycle thar alawm aa" kan in bul chiaha in awm chu ka kawk zauh a, bu nghut hian ka kawhna lam chu athlir ve vung vung.



"A awm thei em ang chu maw"




"Thei ve mai ang"




"Nihchuan lut la" tiin ka luhna tur kawngka min hawnsakah ka ṭhulut nghal tharh.




Tlingtlingi te in lam thlek leh ngial hian kawngka arawn nem khara, a ngaihtuah viau anih hmel. Mahse kal dawna ruaia va hmuh leh kha chu min ngen mai ka hlauh ve tho vangin hmuh ka tum ta lo law law.




Hmalama aṭanga motor kalhualin arawn ṭhulut ve a. Glass down in Tlingtlingi te in lam ka thlir vauh vauh. Ka fapa hi hetianga hmun hla pan tur hian kala kalsan ngai loh vang nge ka awm anuam lo ru ṭun mai. Ṭhulh leh mai te ka duh rum rum a chu thil tih chi a ni tawh der si lo.




Motor a tih nuna a tlanchhuah hnu thleng pawn kan ṭhenawmte in lam ngawt kala thlir reng.




"Hey, i ngaithla ṭhin maw?" Dintluanga ṭhutna lam hawi hian kati nghal hliai, bu nghut hian akiai ve suk. Post Malone hla 'Circle'. He hla hi nalh kati bang thei lo. Motor a chuang chunga ngaihthlak phei chu nuam tak a ni tawp.




"Best drive song" steering hum run hian a kut zungṭang atlir dat dat chu ka nuih hak hak. Tupawh hian ngaihthlak nuam anti anih hmel. Post Malone ka atchilh zual lai ka mitthla let zut zut mai. Zankhat phei kha chu ka mumangah kan inngaizawng tawh anihkha, zinga ka harh hnu khan thil thleng ngai lo tur a ni tih hre reng chung khan reitak chhung chu mak deuhin live ah pawh kala hmuh loh kha ka ngai veng veng thei.




"I û te nupa chauh em ni kal dawn?" Dintluanga ṭhutna lama inher rem sauh sauh hian kati zui hliai.




"Seni te unau an tel ang" hmalam melh ding ngar hian arawn ti a, ka awm anuam lo zual nghal vek thei. A û nupui Seni ala tel cheu. Tukin khan Seni atel ve dawn tih hre ngat ila ka ṭhulh leh hmak duh ang. Dintluanga nen an inkar thil avang leh nimin maiah banna athehluh thu asawi vang khan an inhmu zui tawh lo turah kalo ngai ringawta, mahse reirak lo inkawp tawh chu han in pal liam mai mai harsa anla tive tura ka ngaihna chuan min ti tawt leh vek tawh.




Hmalam hawia inher remin thawk kala zui hak a.




"Lawm lohna i nei em ni?" Dintluanga'n a rawn ti nghut. Hmalam chauh melh ding ngarin ka lu ka thing ringawt. Ka lawm lo a nuam lo kati tel bawk mahse boruak tichhe tura tihlan erawh ka tum chuang lo.




Ngaizelah midang hoin min lo nghak ṭhap tawh. Kan thlen phei rualin a û in kan rei thu alo sawi nuah nuah mai.



Seni te unau a û car-ah an chuang tela keini erawh kan pahnih chauhin kan chuang thung. Mahse nuam kati zawk. Seni emaw Mamawii bula kawngtluana hun hman kha ka chak hlawl lo. Tipawh hian ahmun kan thlen huna ka tawn tur ngaihtuah kual reng rengin ka tawt vekin ka hria.


"""""""""""""""


Tlema ka ruih deuh vang nge luak chhuak bur hian Turial chu ka chuang thleng ve hram.



"I ṭha em?" Seat a ka ṭhu zawi ngiai chu Dintluanga'n ka ṭhutna lam rawn pawt hawnga min dinchilh run hian arawn ti sup.




"Immm ka ṭha" alam hawiin seat a ka bek nghat chung hian kati ti sepa ka nuih zui seih.




"I lo chhuah peih chuan" ka hmaia ka sam hnawk niai chu arawn huikianga ka biangah adawm zui vang vang.




"I ṭha takzet em?" Ka bu zui nghat chu hahdam hmel fe hian thawk ala zui suai suai.




"Kalo chhuk ang" ka ṭhu mar nghal a, motor chhung aṭangin kan hmalama luilian lutuk mai chu ka thlek kual thuak bawk. Keimahni chauh lo pawh hnathawka riahchilh an awm anih hmel an ding ve fer fur hlawm mai. Mahse tam erawh anni lo thung.




Ka chhukna turin atawlhsawn hrut a, kripawh ka chhuak zui ve vat. A û teho erawh luibulah anlo fing far hlawm mai.




Riahbuk niawm tak hmun rem deuh laiah an sa a, chung ho chu nghafuan veng annih ka ring deuh ngawt bawka.




"Ka pu sangha hi engtin nge in tih dawn?" Dintluanga'n ati sup.Silpaulin a sangha an chhun vum thur chu anlo buaipui sap sap hlawm mai.




"Sumsuih khaw in tinah 1kg in kan sem vek ang" pa la ṭhalai tak pakhat hian arawn ti chuar chuar a,ka meng awk thei. Sumsuih khua kha chu midumkham kan pelh dawn khan a intar chu ka hmu ngei a, khang in kan tlan pelh tak zawng zawng kha an sem vek dawn chu a niawm sia anti ṭha kati kher mai. Chhungtinin chawhmeh in ang ṭeuh anawm tur zia chu ka ngaihruat thiam mai.




"Kgawilam aṭangin nge in rawn kal a?" Patling bawk chuan arawn zawt leta, Aizawl aṭanga nghafuan hmuh tuma kal kan nih thu Zodintluanga'n ahrilh nghal sup.



"Luidung sanghate in ei ngai em?"




"Ei ngai ee" rang lutuk a ka chhang chu Zodintluanga alo nui hawk. A dinna lam ka melh a mitko arawn san uk rualin lei kalo chhuahkhum nghal vak.



"In fel bawka heng hi inhawn ve theih beisei ang aw" arawn ti chiah phei chu ka phur takzet. Bawihtea hnenah ka hawnsak tur thu ka hrilh a chuan tunah athlawnin min pe ve dawn bawk ania lawmawm tak hi a ni tawp. Ka eichak aimah chuan ka fapa tan ka phur ni ber hian ka hria.




"Saw lam saw ka en dawn" Dintluanga panhnai hian kati sep a.




"Kal ila"




"No, sangha kha hmuhnawm iti tih ka hre mai lo en rawh" kati sap. Ka banbula chul thuak hian a nui suk a, ka kalsan zui nghal mai.



Thil mak deuh chu kan thlen aṭangin Seni emaw Mamawii zawk pawh min tihbuai tum hmel an pu miah lo. Chumai pawh ni lovin ka hnaihah an awm lo hrim hrim zawk. Zodintluanga hian Seni phei chu avau lawk emawni ka ti hial zawk. Mamawii erawh athu min hrilh ahnenah ka thlen ve loh vangin Seni anga min ṭawngkhum bawng bawng turah adah lo anih ka ring.




Mahniin Luidung ka zawhthla zel a, ka vawikhat hmuhna vek anni nen nuam kati kher mai.




Mautlawn seipui an tuna bula ding dat hian ka hma a tui thim mup mai chu ka hawlh chhin chak tlat pek.



Mau tlawn intung chu humin ranin ka hawlh lut burh chu athuk hmel takzet, ka hawlh luh zel theih vang nge ka hlau deuh chuan mau chu kala chhuaka a awmna ngaia dah let lehin midang awmna fim tum hian hmalamah ka pen zet tawh chu Mamawii aw ri ka hriat vangin chhaklam ka melh nghal dawrh. Engtik laiin nge helai hmun hi arawn thlen ve ka lo hre miah lo.




"Rose" ahawikual zawk a, midang hmuh tur an awm lo tih ahriat rualin aṭhen sak. Keiin enge asawi tum tih kalo ngaichang ngar thung.



"Ka thusawi i zawm lova" ka dinna lamah arawn penthla a, a mitmeng sen rum leh thip hlar mai ka hmuh rualin kan boruak adik dawn lo tih ka hrethiam nghal. Inthiarfihlimsan vat ka duh ber bawk.




"Dintluanga hi ka ta a ni thei lo anibchuan tu ta mah a ni thei bik lo" ka pen zet tawh chu athusawi vangin ka ding dat. Nimin lamah khan midang zinga awm ve kan nih vang khan kan chhanglet mumal lo anihkha mahse tunah hichuan kan hnaivaiah tumah an awm loh avangin ka ip chiamna tur ka hre ta bik lo.




"Pasal nei reng chunga i rilru puthmang tenawm zia hi i hria em?" Kati chang nghal fak chu a nui ro hak.




"Chu chu ka nihdan reng, ka pawisa hran lo" Ka meng awk thei ahmelah a pawisak loh zia chu alang tel vek.




"Dintluanga hnenah heng thil hi ka thlen i duh loh chuan min vau hi bansan rawh" ka ti hmak. Luilam hnaih zawka ding ka nih vangin inchheh suala tlak palh mai ka hlauh vangin ka inher rem hret chu ka inrin hmain atha tawp tih hriat ngawih ngawih hian ka darah arawn nem dawrha tuichhung thim mupah chuan ka tlalut nghal bawrh.




Tuichen ka thiam reng reng lo! Ka ban ka vai chhuaka mahse tui ṭhahnem tak ka lem zui bawrh bawrh mai!




"Min pui rawh!" ka inhai chhuak dawna mahse tuichhung lam aṭanga min pawt tlattu awm ang hrim hian ka chhuak hlei thei reng reng lo.




"Min pui......"ka thawk lak a mumal tawh lo, ka inhai chhuak thei bawk silo mangang lutuk chu ka awmdan ber pawh ka hrethiam tawh lo.



Tuiin min lenthla zela Mamawii dinna ka hlat tulh tulh tihchu ka hria mahse min chhantu au turin ka aw ka chhuah thei tawh lo.




Tui ka lem hnem tawh lutuk chu ka taksa chhung kiltin hi tuiin ahnawhkhat vek nimai hian ka hria. Mangang lutuk hian inhai chhuah ka tum leh chung pawhin ka thei tawh lo. Tui chhung thim dum mup maiah ka taksa apil vek rualin ka thaw chhuak thei mumal tawh lo.










A sei ṭha ve tho inti em??? Naktuk zan hi kan awl ang nge kan dah ang lo sawi ula aw...

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » February 28th, 2021, 1:27 pm

SERENDIPITY









CHAPTER-16









*DINTLUANGA'S POV*


"In ril aṭam hlawm em?" Seni nauin ṭawng lang lang na lam chu sangha an sawngbawl mek ka melhna aṭanga mit la sawnin ka melh nghal vut. Ka dinna hmun arawn pan hlak hlak ka hmu zui nghal zat a. Biakdika leh midang hoin ka dinna hmunah min rawn fin ve vat bawk.



Kan thlenna ala rei lo chungin kawng thui tham ve takah motor kan chuanga tukṭhuan kan ei bak engmah thildang eina hman a awm lo nen pum chu aruak ve lek lek ta mai.



"Eitur kan keng nual ania" Mamawiin arawn ti zat chu ngai pawimawh lo zetin Rose kalna hmun lam kha ka thlek kual a. Nuam ati viau nge darkar dawn athang tawh ala rawn let miah lo bawk. Ngaihṭhat lohna pawh ka la nei viau chuang lo. A hmela phurna kha ka hmuhhmaih loh vangin chau hnepa atal hunah arawn let ve mai ka ring bawk.




"Khawnge Rose?" Biakdika'n arawn ti zauh chu ka hmeichhe hming alam ve vang ngawtin ka lawm lo ringawt bawk a. An dinna lam melh map lo hian ka ner nawk.




"Ka ril aṭam tawh, motor dahna lamah let ang u" Mamawii ṭawng lawng lawng chu midang pawn an pawmtlang a ni chek ang chu kan inhunna lamah an inzui ta diah diah.



"Din, engmah i ei dawn lo em ni?" Seni bawkin an kalsawn hnua rawn hawiletin arawn ti lang lang.



"Lo va ei ru" melh map lo hian ka ti tawi tuk. Rose lo kir hun nghah ka duh vangin an zinga ei tumna ka nei lo. A tel lova lo ṭhut puar leu kha ka duh chiah lo bawk a.



"Ka pu henghi khua a awm ten in inchan vek thei dawn em ni?" Ka hma patling kawng dawm meuh ding chu ka zawt zui sup.




"Heihi chu kan daih vek lovang, nihnih emaw nithum semah kan la hmang zel ang chu" a kuhva eina ka sen sung hian min rawn chhanga anui zui huah huah chu kalo nuih ve suk thung. Khawchhunga athlawna sangha sem hi he khua lo khawdangin anla tih awm ka hre miah lo. Anti ṭha kati viau mai.




"Anih helai lui lianah hian an fuan em?" ka ti zui zat chu anuih azat hmel lek lek viau lehnghal.



"Luiteah chauh an fuan ṭhin" nui suk suk a arawn ti chu keipawh kalo nui ve suk. Tette aṭanga thingtlang a awm ṭhang lo leh ramchhuak vak ngai lo tan chuan abo theih viau mai.



Sangha an chhep khawm dul mai bulah chuan ka ṭhuthla a, ka kekawr ip a ka phone ah la chhuakin ka click zui mial mial. Luidunga sangha tam tham kala hmuh loh vangin kawl ve reng rengah ka duh.




"Khua hi a haw dawn anih hmel hle mai" nichina patling bawk khan arawn ti chuar chuar a, hawi chhuak vutin ka hawi kual ve thuak. Kan kal lama nisa vur kha alo dul ruih tawh tih ka hre ve chiah. Chhumin ni ahliah tup tup a, khua chu alang dul ruih mai.




"Ṭhal ruah sur hichu in lama fanaute an ngaihtuahawm ṭhin mang e" sangha chinglet mawlh mawlh pah hian pathau hang lam mah hian ati tham chhuk mai. A hmel en aiin a aw amak zek mai, a palen vanga aw thum chhur awm tak hmeichhe aw tepawh apawl lek lek hian ka hre mai.




Thli arawn thawt vuk vuk takah chuan ka ding chhuak vut a, ka bana ka sana bun chu ka thlek nghal vut, athang rei ta khawp mai.




Rose panna lampanin ka inhera akalna hnu lamah amah ngaihven turin ka kal nghal mawp mawp.



Tui dum chhah mup awmna hi ka thlengthla a, Rose hmel hmuh tur a awm ta hauh lo, kawnglah nise atawp amaw tih turin asir velah hnim an ṭo chhah mup mai. Mihring daidarna hnuhma hmuh tur a awm miah lo. Ka dinna hmun ka thlek kual thuak a hmuh tur a awm chuang hauh lo.




"Khawnge maw akal reuh ni?" Ti supin thawk kala hawk. Ka kekawr ip a ka phone ah chu phawrh vutin ka call a mahse switch off ati ta tlat. A phone kha ahum ve renga ka hriat vangin switch off inti tlat mai chu mak ka ti ta deuh.




Alo let tawh beiseiin motor kan hunna lam ka pan chho leh mawp mawp a, ahmun ka chhuah chhoh hnu pawhin kan kalpui dang tebak hmuh tur an awm lo.




"Rose ka hmu lo" Biakdika kiangah ka ti chang bawng.




"Amahin a kalhrang em ni?" Min rawn melh zauh hian ati sup a, chal ti chuar tupin kalo buk khum nghut.




"Arawn let ve mai ang" ati sam leh et mai chu ka lung a awi lo lek lek mai.




"Lo let ahun tawh" ka sana bawk bih leh vut hian ka ti hluk. A kalna hmuna ka zui zel lo kha ka inthiam lo ta viau lehnghal. Kal hrantir miah lo tur ka ni asin le. A hmun la kal ngai lohna hmunah lehnghal engvanga kal hrantir ngawt nge maw ka nih le.




Midangin ngaihsak hmel an put veloh vangin a panna lam ni a ka hriat bawk ka panthla leh a mahse ahmel hmuh tur avang kher mai.



"Khawiah nge maw i awm le?" Rit zeta thawk la hawkin ka ti sup. Ral lehlam ramhnuai ka hmuh theih chin ang zawngah pawh mihring hmuh tur pakhat mah an awm lo.




"Zawn mai ṭhain ka hria" kan motor dahna hmun bawk ka thlen chhoh leh rualin Biakdika lo ding ul bulah chuan kati hmuk a.




"I la hmu lo maw?" A phone bihlai lathlain min rawn melh ve ta hram.




"Hmu lo" ti hlukin ka phone bawk ka phawrh leh a ka call zui leh zat, mahse ka chhanna dawn chhun chu switch off tih zawng.



"Hrep hian!" Ka phone chu ka vawm bawrh lo chauh tawh. Ka ngaihtuahna ati buai mup tawh.



"Ruah sur hma hian kan zawn angai" hmanhmawh zetin ka ti a, Biakdika alo bu ve nghut nghut bawk.




"Din, Rose chu sangha nunglai en turin ka kal dawn atihkha alo let ve mai ang" Mamawii ṭhutna lam ka melh vut a.



"Khawilam nge apan?" Ka ti chang nghal bawng. A phone abih hmasa leh te te chu aṭhutna aṭanga phihthawh nawk mai ka chak hlur tawh.




"Khawilamah nge akal ka tihchu?" Ka dawhtheihna apan ta bawk nen aṭhutna bul ka thlen rualin ka ti zui nek a, min en nghal dawrh chu kalo melh ngur thung. Midang an rawn hawi ta sap sap chu ka ngai pawimawh lo Rose kalna lam chauh ka hre duh.




"A kalna lam ka hre lo alawm, a kalna tur asawi chiah kha ka hria" nawi niai a arawn ti chu ka melh nat deuh vang nge hlauthawng hmel apu hian ka hria.




"Takzet?"




"Aw ka hre lo tak tak" ti sepin aṭhutna hmun aṭangin arawn penthla a apasal dinna lam apan nal nal chu hnunglam aṭangin ka thlir zui ta reng.




Chhum dum vanlamah arawn invial tup tup a, nichin aia thli a na zui ta bawk nen ka ngaihtuah hlur tawh. Khawilam nge apan a khawilam aṭanga zawn hmasak tur nge tih pawh ka hre der lo.




Sangha an buaipuina lam ka hawia mahse khua adur tak viau vang nge anlo insaseng vek tawh.



Ka motor hnunglam hawngin jacket kala chhuak a, ka inthawlh zui mawlh mawlh.




"Ka zawng dawn" ti hlurin luite awmna lam ni a ka hriat ramhnuai lampanin ka pen mawp mawp a, hnunglama midang ho min kohna chu hre reng chungin chhan tumna ka nei lo. Tunah hian Rose hmuh duhna chiahin chhunglam aṭangin min tur ut ut tawh.



Ramhnuaia lutin chhaklam ka hawikual ngial a, kalna lam ber tur ka hre lo a ni. Ka zawn hma hauhin ka hriat ngai loh ramah hian ka beidawng nghal der bawk.



Ka hmalam zel panin kalpahin ka call ngat ngat reng mahse switch off tih chauh lo chu chhanna pakhatte mah dawn tur a awm lo.



Luilian lote ka pawh hlawla luidung chu chho zawngin ka zawh chho nghal zar zar. Ka hmuh chak leh ka kal chhan ber sangha fuan inbawhthuah tup tup mai pawh ka hmu chho zel chungin thlir chakna pakhat mah ka nei tawh lo. Rose hmuh ka duh a chu zawng chu.



Khawpui ri zui dur durin ṭek nen arawn beia, thli athaw tel vuk vuk a ruah mal hraw pui pui rawn tlain rei vak lo hunah vanlam aṭangin arawn baw zui hawk. A hmel reng reng hmuh tur awm bawk si lo nen ka ngaihtuahna abuai mup vek tawh. Keimah indemnain ka khat hneh viau tawh bawk. Hmeichhia engvanga tlat hrantir ngawt nge maw ka nih le?



Thinglian tak hnuailam panin ka ding ren rawn a, kalna lam tur ka hre tawh lo. Khawilam nge pan ila ṭha ang tih takngial pawh ka hre lo. Helai ram hi bel viau ni ila chuan ka zawng zung zung thei ni tur mahse ka vawikhat thlenna ve tho anih vangin tihngaihna ka hre tam talo kher mai.



Thinkung bul lam hnaia ding ngurin tuah min nana huh thuak mai chu ka beng ṭhawt ṭhawt a, reilote chhunga ka huh hneh viau nen awmzia a awm tam lo kher mai.



Ka kekawr ip a ka phone-ah ri zui dar dar chu hmanhmawh zetin ka phawrh nghal vut. Biakdika hming alang va va.




"A phone an hmu, khawiah nge i awm rawn let rawh i bo ve mai ang" ruah sur kar aṭang chuan a aw hriatchian ahar viau chungin 'a phone an hmu' tih lai chuan ka beng averh nghal zak. A phone chauh an hmu anih chuan amah khawiah nge a awm ang?



Ka zawng zel ang nge ka let ang. Ka ngaihtuahna abuai kual mup tawh. Helai ram hrechiang deuh zawk min hruai tur pawh an awm ngei bawk anga, let ṭha zawka ka hriat vangin ka kalna lama ka zawh chhoh luidungah bawk ka letthla leh mawp mawp tawp.




Kan motor dinna ka chuanchhuah leh pawhin midang hmuh tur an awm chuang lo chu ka bangbo ta viau.




"Dintluanga" Biakdika aw ka hriatna lam ka hawi vut a, an riahbuk tur an sakna lam aṭangin min rawn hui zauh zauh chu ka pan phei leh ta tawp bawk.




"Helai ram hrechiang ho tunah an vak darh mek, nang chu hetah awm rawh" ka thlen phei ruala alo ti tawng mai chu ka lawm lo viau.




"I bo ve mai ang" ati nawn leh sup. Seni ṭhutna lam ka melh a, kilkhatah alo ṭhu tawm hlan chu ka pan phei vut.




"Engtin nge i tih?" Aṭhutna hmun aṭanga ka phih tho nghal lawp chu aṭe ṭhat a ka ner zui nawk. Henu hian akuthmawr pawha akhawih anih chuan emaw hliam pakhat pawh asiam anihchuan arin phak bakin ka che ang.




"Enge i hriata min thlah rawh" min melh phar awn awn hian abanbul ka hmerna phelh tumin akutin apawt ve chat chat.




"Ka dawhtheih lai hian engtin nge itih sawi vat mai rawh!" Ti nekin ka kut lehlamin adarah ka hmer zui hmiah chu a mittui atling nghal pam anihchu.




"E...e...eng...engtin mah ka tilo!" Bah nawk nawk a arawn tih vangin ka nui ro nghal hawk.




"Thlah teh, i ngaihtuahna afim lo anihkha" Biakdika'n arawn ti zut chu ka kutin ka vai zui thuak.




"A taksaah hliam pakhat lek pawh ka hmu anihchuan" a hmai bul chetah ka ti rum ul.



"Engtin mah ka tilo min thlah rawh" ti ṭiau hian ka kut arawn vawn hnan a, ka thlah rualin bang anek zui rawk rawk. Chunglam hawiin ka sam huh vek tawh chu ka tuai zui puata thawk kala hawk. Mamawii, Seni nau min hlauh hmel zetin an kimki dek tawh bawk.



"Khawiah nge a phone chu" Biakdika hmaah ka kut ka lek chhuak a, rum ul hian ka melh zui hrawk bawk.




Hnunglama mutna tura an kham kan lam chu ban zauhin Rose phone ngei mai chu ka kutah arawn hmehbel a, a screen keh ve nuai mai chu hum khawm vekin ka mit ka chhing zui ta ngawt.




Rush sur bur bur leh khawpui, ṭek nen a inrawn tluk tluk a, chhuah ngaihna awm lo tur khawpa nain thli athaw vuk vuk bawk.




Ka mitmengin Rose phone ka kuta ka hum chu ka melh zui reng. Tunah hian ka zawn beiseiin khawi hmunah emaw hlau thlabarin alo tawm reng angem? Ahlauh vanga ka hming lamin aṭap angem? Ka puakdarh lo chauh tawh.




"Ka zawng dawn" ti nghutin Rose phone hum chunga pen chhuah ka tum a, kawngka ka thlen hmain zawngtu ho raincoat leh chempui nen an rawn lut zui ta tliar tliar a. An rawn luhpui mai beiseiin kalo melh ngur ngur hlawm. Patling sawm zet huh zawr hneh taka an rawn luhfai kelh hnuin an hmuh zawh loh thu an sawi tawl mai! Mahse ka beidaawng ve thiang lo. Ka nupui nimai tur hian khawiah emaw ka hruai hun nghakin a awm reng hi ka bur.




"Ruah han hma chu li thuk lam kan zawng thei rih silo" patling sa ṭha nelh nawlh hian a raincoat hlip mawlh mawlhin arawn ti sup.



Keimah inthiam lohna hlirin min man vang nge ka pik churh churh mai. Ka inthiam lo. Ni lo ka inthiam lo mai pawh ni lovin ka thiam loh liau liau a ni. Ka kal hrantir avang khan ka thiam lo hulhual.


"""""""""""""""


Mizo dana ni sarih ngawt kan zawn hnu pawhin Rose hmuh ni kan nei lo. Tuiah tla nise aruang arawn lang chhuak tawh tur a ni chungin aruang emaw pawh hmuh tur pakhatmah a awm lo.




Mutmu ka tuah mang lova, chaw ka ei thei hek lo. Rose awmna hriat duhna chiahin engtik lai pawn min luah tut tut reng. Ka hna ngaihsak chu sawi loh ka fapa takngial pawh ka ngaihsak hlei thei lo chu a ni ber e.




Khawiah emaw tal ka hmuh beiseiin Tuirial chu keimah te chauha pana midang riak ve te kianga zan hun ka hman chang lah atam. Inah ka awm mumal lo a ni ber zawk. A naute nupain ka let leh apianga beiseina nen a min lo thlir ṭhinna chu beidawn rawknaah ka chantir vek zel.




'Beidawng ve tawh mai rawh' chu chu ka chhungte ka aṭanga ka hriat tam ber a ni, mahse ka hmu mai lawng maw tiin tuirial lam bawk ka pan leh nge nge ṭhin, beidawn ngawih ngawihna chauh ka hawn ziah bawk. Engtianga tam nge Aizawl leh tuirial hi ka kartawn ang tih pawh ka hre seng tawh lo.




"Papa, mama bulah min hruai rawh!" ka fapa ngenna tluka tih hlawhtlinsak duh hi ka nei lo mahse apa hian tihsak theih neih ka chak chungin a nu ka venhimsak thei lo anih hi.




Ka fapa ka ṭhutna kianga mittui luang zung zunga anu hnena kal ngen chu thinlung na zet hian ka thlir mawl tawp. A nu hi a ni chauh hian a mamawh lo keipawh hian ka kianga awm turin ka mamawh. Ka ngai a, a nui hmelte, thinrim ṭeu hlara min an khum ve pang pang te a engkim mai hmuh keipawh hian ka chak. Mahse ka beidawng tawh, tihngaihna hlawl ka hre tawh lo.



Rose bo aṭangin kan inlamah anaute nupa phalna thlapin bawiha ka hruai haw a, mahse apa ber hian ka ngaihsak mumal leh thei chuang si lo anih hi. Mipa tlaw tak ka ni! Keimah indemna hlirin engtik lai pawn ka khat reng. A kalna apianga zui tur ka ni tih inhre reng chunga ka tlat faltir vang chauha bo a ni tih ka hria. Engtikah mah ka inthiam thei ngaiin ka ring lo.




"Bawiha" ka fapa chu ka ban vut a, pawm nawlhin ka kuah khawm nghal vek. Ka awma hmai phum chunga ka fapa anu ngaia inhnit ri hlarh hlarh mai chu thlem ngaihna ka hre lo. Ka ṭhut mekna sofa hnunglam a tukhum nghatin mit ka chhing a Rose hmel ngawtin ka ngaihtuahna aluhchilh rualin pik churh hian thawk kala zui hawk.




"Rose" a hming ka lam sup a, mahse min chhangtu tur ber chu a awmna chin ka hre thei der bawk silo chuan min ti â lo chauh tawh.




"Papa, mama hi alo haw tawh dawn lo ami, sangha tui eng sep sep leh parrot min hawn dawn lo a mi" ṭap ṭiau a min betu ka fapa chu ka melh a, a nu angaihna amita lang chhuak zut zut ka hmuh tel rualin ka mittui ahnam ve sawk mai.



Hmeichhia vanga mittui far khat pawh la seng lo mipa hi ka nupui nimai tur vangin atla ve ta hial mai!




"Muhil la mama chu alo haw ṭep tawh ang" ka awma ka fapa bei chu ka kuah ṭha sauh a, a hnungzang te ve takah ka chul zui hauh hauh bawk. Thuawih taka a mittui hru ve neuhin neuhin amit achhinga. A chala ka hmui ka nawr tawk rualin ṭap zo hlim tih hriat zetin athaw ve hak bawk.




"Rose khawnge maw i awm le?" Ka phun chhuak sup a, ka mittui ka bekah aluang! Mamawii vangin emaw Seni vang pawhin ka mittui far khat pawh kala seng chhin lo mahse ka nuipui nimai tur Lalzemawii vangin ka mittui atla chu anih si hi!




"I laka beidawng tur hian min duh em!?" Chhanna hriat tur awm lovin areh tlawk tlawk mai si. Bei ava dawng duh em!


"""""""""""


"Zodintluanga mumal taka i awm chu ahun viau tawh lo maw" ka whiskey in mekna glass no thingkual ralh ralhin ka hma mai ka pa hmel sen ṭawn a ding chu ka nuih hawk.



"Ka mumal lo ami? Ka mumal viau asin" sam zeta ti supin ka pa thinrim meng tur khui mai chu ka nuih leh hawk.



Ni e ka mumal lo ka mumal miah lo. Vawiin hi kan inneih ni tura kan ruat ni kha a ni a harhfima hmachhawn ka thei lo. Ka thinlung na leh mahni indemna hian enge ṭha a ṭha lo tih hrethiam lo tur khawpin min sawp chau zo tawh.



Doctor ka ni a zu ṭhat loh zia hrechiang berte zing a chhiar tel theih ka ni chung hian Lalzemaawii teh hrep vang hian inhnem nana ka hman ber a ni tawh. Ka ruihlai chuan ka â but a mumalin engmah ka hre ngai lo chu chu reilote chhunga ka thlakhleh ber a ni bawk. Mahse ruih areh meuh chuan khang hriatrengna khan ahma aia nasain min ṭhing zawm zat ṭhin.



"Nangmah vanga kan hospital doctor tha ber kan chan hnuin heti hian i tal zui a" ka pa aw khur tel ru hlukah chuan ahmel en lo mahila a thinrim zia chu hriat hmaih theih a ni lo.



Keimah vangin Seni'n kan hospital achhuahsan a, kei hnathawk hlei thei lovin ka tal zui leh ta bawk nen ka pa rilru tur chu ka hrethiam mahse ka tana a harsat zia hi min hriatpui turin ka duh tel bawk.



"Inthing harh ang che" ti hrawkin ka pindan achhuahsan a, kawngka khar zui bur chu thawk kal zui hawk.



Ka no dawmlaia whiskey awm zawng chu thawkkhat pawpin ka thlit belh zui leh zat.



Glass no chawiin ka ding chhuak a, ka pai deuh dat chu sofa ban ka dawm zui vat. Dingmar leh vutin khum sira Rose thlalak lian zet mai ka tarna lam chu ka pan a, ahma takah ka ding zui hmiah.




"Lo haw i tum tawh miah lo em ni?" Ka hma hmeichhe thlalak lian zet chu melh ngur hian kati sup.




"I fapa, keipawh min ngai lo maw?"




"Kan tel loin i awm thei hle mai" ka glass no chawikangin ka hmuia chuktuahin ka tem hlak a. Ka hmalama hmeichhe nuisang mai chu ka melh leh nghal ngur.



"Lalzemawi, ka ngai che!"




"Ka ngai che!" vanvadakin thawk kala hawk.




"I awmna min hrilh rawh ka rawn hruai ang che!" Ka tih sup ruala ka mittui far fap mai chu ka nui ro leh hawk. He hmeichhia vang hian ka mittui atla zing ta viau mai. Hmeichhe pakhat mai vangin mumal nei thei lek loin ka talbuai ta vek chu ania. Thinrimna leh natna ka kawchhunga inpawlh nuk mai chuan min ti puak darh lo chauh tawh.




"Lalzemawi" ka kut lehlam hum ruh ngurin ka hmui hnuailam ka pet fun a.




"Ka hmangaih che!" He hmeichhia hi ka hmangaih chu chu phat theih a ni lo. Hetiang khawpa talbuaia min siamtu hi ka hmangaih vang anihloh chuan engdang vang nge ni chuang ang.



"Ka tel loin i hlim viau em ni? Ka hmaah takngial pawh inlan duh lova i bo vang vang" thinrimnain chhunglam aṭangin min rawn nawra thawk lak asak nghal ṭalh.




"Ka zawhna chhang lovin nui tawh suh"thlalaka a nui hmel ringawt pawh chuan min ti thinur hlur tawh.



"Nui tawh suh" ti ṭhawtin ka glass no ken chu achhunga zu awm chawpin bang vawm nan ka hmang zui bawrh a akeh darh nghal vek bawk.



"Khawiah nge i awm?" Ti zawi ruihin chhuatah ka ṭhingṭhi thla rawpa, ka hmai thinrimna leh natna vanga sa vur chu ka hup zui thawk.







After 2yrs......



*ROSE POV*



"Nu, ka bek sam ṭo theih miah lohna hi ka ning" ti hlak hlakin ka samin ka hui hliah a, he thil vang hian ka lung a awi thei thlawt lo. Ka accident na vang anih thu min hrilh chiam ṭhin mahse ka hmuh apiang hian ka thin hi arim hlur tho ṭhin.



"Bawihte i nalh loh phah chuang lo" darthlalang a ka nu hmel rawn lang chu kalo ner khum nang nang.



Kum hnih liam ta khan accident ka tawh thu min hrilh ṭhin. Chuan kumhnih hmalama thil thleng pakhatmah hriat ka nei tawh lo bawk. Ka nu hian phaiah hnathawkin ka awm char ṭhin tih thu asawi a chumi hmuna accident tawk zui ta chu ka nih hmel.


Hospital a ka harhchhuah tirh chuan ka nu leh pa leh ka û chu sawi loh tunge ka nih pawh ka hre lo anihkha. Mahse ka nu leh pain engkim fiah taka min hrilh hnuin ka thisen zawm pui te na na na chu ka ngaina nghal vek.



A khat tawka ka luna ṭhin tih mai loh hichu insawiselna ka nei ngai lo mahse ka lu ana achhuah chang hichuan a puakkeh vek dawn amaw tih tur khawp hian chhunglam aṭangin min tur ṭhin. Hun kal tawh hriat tuma ka ngaihtuahna ka sen apiangin ka na azual ziah ṭhin.




"Hmanhmawh la sumo arawn tlanchho dawn tawh ang i û pawh a inpeih tawh ania" ka hnunga beng thak thak a arawn tih leh tak hluai avangin ka hmui ka tih pawrh khum ta vak.




Vawiin hi check up a ka kallehna tur a ni a, thlatin kal ziah ka ngaih ṭhin avang hian achang chuan ka ning ṭhin. Hrisel taka mahni duh ang anga tal chak ve phei chuan ka lu hi ka haw ngawih ngawih zel.




Darthlalang hma ka sam khuih mial mial chu ka zantin mumangin min rawn luhchilha ka awmchhung ami aphu rang nghal zaih zaih mai.




Zantin mipa naupang duhawm zet leh mipa pakhat hi ka manglamah ka hmu ṭhin. An hmel erawh ka hmu tel ngai lo. Ka ṭhan harh apiangin thlantuiin min bual huh zuih zel ṭhin. Ka mumang lamah hian hmuh loh zan pawh hi ka nei ngai lo. Atir chuan nuam lo ka ti ru viau a chu mahse arei tak hnu hian zing ka harh rual apiangin chumi te pahnih ngaihna chuan min chenchilh veng veng zel.



Ka phone rawn riah ka phu chiam chu ka awm dawmin thawk kala zui ham ham.



Ka phone banin ka phone ka lekkang a, Lalsangzuala lek chu niin.




"I rawn chho tawh ami?" Ka benga ka nawrbeh rual chuan kalo ti nghal hlar.



"Aw" nui hawk hawk hian arawn ti a.




"Min theihnghilh leh ange"




"Pusanga te inkawtah khan lo awm rawh u" atihrualin phone adah zui hmak chu ka ner nghal nak. Ka in check up tur hnuhnung berin min theihnghilh vangin kan buai hrep tawh. Tun ṭum chu ka doctor in a hospital thawhna asawn vangin ka û in min kalpui dawn a mahni te chauha kal aichuan ka phur ve ta deuh. Bakah tunlai ka luna ka dawi zin avang hian ka nuin min ngaihtuah vanga ka û min hruai tur a ti a ni bawk a.




"Hruaizel" ka û min kohna ka hriat rualin ka khuma bag lain ka pindan ka chhuahsan zui nghal zat.




"Khu alo athleng" ti supin tukverh lam apana a charger tukverh bula inkhai banin kawngka lam apan zui zat chu ahnungah ka zui ve nghal dat dat.




"Nu kan kal" ka nu pawh arawn chhuak zui ve vat. Ka pa erawh hnathawkin achhuak tawh thung.




"Tunlai chu i hrisel aniang i hmel achhe tlat" Sumo kan ṭhutluh ruala rawn ti tu chu ka melh no lo teh e.




"Lalsangzual" ka tih ṭhat rualin driver seat aṭanga ka ṭhutna lam rawn melh chho haw hian anui hawk hawk chu ka û pawh alo nui ve suk mai.




"Fimkhur ula, in thlen veleh min rawn phone ang che u" ka nu thusawi chu ngaithla liam puatin lu ka buk khum zauh.



"Tlan vat mai teh ti hlar hian" ka bengah earphone ka fuaha glass down in pawnlam ka thlir zui vauh vauh.



A nui hawk hawk reng chu ka earphone vuah chung pawn kala hre pha tho. Ka thimrimna tur tawka mi fiam hi athiam ve sia. Keilah hian huat thu hi ka pe chhe ve thei bawk nen.



""""""""""""""""


Kawngtluan hian hla maksak pui pui hi azai pheitir dup dup renga, ka ninzia chu. Mahse ka sawisel ngam chuang der lo. Ahla duh zawng hichu aṭhing hi ka ti ngawih ngawih. Ka lung hi an len lo khawp a.



Nidang chuan check up a ka kal apiangin motor hi ka rui chhe thei em em zel a mahse tun ṭum chu ka rui lo hi thil mak tak a ni. Ka chuan nawm ve deuh vang nge ka z*ng ve hawk hian ka hria. Chet vel pawh anawm phah deuhin ka ring.



Ngaizelah kan unauin kan chhuk a, ar chaw bag kan lei hmasa zuai a, hawlama load mai turin kan hmelhriatte dawrteah kan daha taxi lain hospital lam kan pan ta chauh.




"Û" ka û phone khawih mual mual chu ka ko sep a.




"Umm" min melh miah lo hian ati sup.




"Doctor in enge alo sawi i rin?" Thawk kala zui hak. Hun kal tawh hre miah lova hun hman hrehawm zia hi tuman min hriatthiampui ka ring lo. Chumai bakah ka lu ka sawhna hian nghawng aṭha lo zawnga alo neih hman hi ka hlau. Thlatin ka ṭhat thu sawi mahse tunhnaia ka lu na chhuak zing lutuk hi ka hlauthawng tel bawk a.




"I dam var var tawh alo ti ang" a phone a kekawr ip a nawr lut chung hian arawn ti sup a, hmuh nuam zet hian min nuih suk bawk. A bankara ka kut rawlh lutin ka kuah a adara lu nghat chungin mit ka chhing zui vang vang.




"Kan thleng aw" ka û aw ri vangin ka meng chhuak siar siar a reilote chhung khan kalo chhing sek hman a ni ngei ang.



Taxi aṭangin kan inzui chhuak a, helai hospital hi chu kan vawikhat panna. Ka doctor kher kha kan duh vangin athawhna asawn chung pawn kan um zui zel chu anih hi.



Hospital chhunglam panin kan i zui dun a, ka dang ro huam huam chuan ka awm ati nuam lo. Ka ril aṭam deuh bawk hian ka hria ka pum ari rawk rawk mai. Tukin lamah chaw ka ei tlem nen kawnglakah engmah ka ei bawk si lo ka pum aruak vek.




"Û" lawkin ei tui ka lei lawk dawn, tahsawn lo ṭhu mai rawh" hospital luhna zaupui bula ṭhutna awm chu ka kawk va va a, bu nghut hian rei lo turin min chah sup bawk.




Canteen awmna lam ka melh kual a, awlsam te chuan ka hmu ve mai bawk a.




Tui lei sawk sawkin pawisa ka pek hnuin ka.chhuahsan vat a. Ka tui lei chu herh hawng rawk rawkin ka hmuiah ka chuktuaha ka lem zui khawlh khawlh, ka harh deuh huai hian ka hre bawk a.




Kalna en miah loin ka bag ah tui bottle thun chung hian ka û ṭhutna lam ka pan a, mipa naupang pakhat rawn tlai phei chu ka hmaah tak hnunglama kut inbengkhalh hian aṭhu hnawk.




"Awi bawihte ka tihpalh i ṭha em?" Ti ruai hian ahmaah ka ṭhu thla a akuta vuanin kaihthawh mai ka tum chu mit khap lek lova min en chunga min kohna chuan min ti hamhaih letling.




"Engmaw!?"




"Mama" ti ṭungin arawn ding chhuak a ka nghawngah nghet lutukin akuah zui hmiah chu tihngaihna hre miah lo hian ka meng zui kawk. Kuah let loh hian ka kut ka phar deuh uak nen ka awmdan chu alai takzet. Mahse engvangin nge mama tiin min koh? He naupang hi ka hriat ngai pawh a ni si lo.




"Bawiha" ti sepin nawr hlat ka tum chu alo ṭang ṭung mai. A nu ahlauh anih ringin thlem ka tum ngial chung pawn min kuahna athlah duh ta reng reng lo chu mak tak a ni.




"Min thlah phawt la"




"Aih mama, i bulah min hruai ve tawh rawh" ati zui ṭiau chu tihngaihna hre lo zet hian thawk ka la hak.




Ka nghawng a kuahna pawh phelhsakin a bianga mittui luang chu nui var varin ka tuai hulsak a a ni thung chuan ka kalsan mai hlauh hmel zet hian ka kawr haklai banah achelh ṭung mai. A nu nen kan in ang viau a ni chek ang chu.




"Bawiha" mipa aw ka hriat rualin ka hawi chhuak a. Kan awmna aṭanga hla vak loah doctor smart thlup mai ding chu ka hmu zui nghal zat.




Ka ṭhutna aṭanga ding chhuakin chu doctor dinna lam chu ka melh a!





"Rose!" mitmeng hriatthiam har zeta min melh run chung hian arawn phun chhuak sup.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » February 28th, 2021, 1:27 pm

SERENDIPITY









CHAPTER-17








"Mama!" Ka kut nghet zeta vuantu naupang chu melhin kan hmalama mipa ding melh tur chuan ka hawi chhuak leh a. A hmela natna leh lawmna inpawlh nuk lang chhuak zut zut chung hian min rawn pan zel. Hemi te pahnih vang hian ka hawi â zo vek tawh chu anih ber hi.




Keiin ka hre miah lo chung hian pakhatin anu angah min ngaia pakhatin Rose tiin min ko bawk. Tunge Rose chu anih tih takngial pawh keihian ka hre lo. Nilo! Ka hre lo mai pawh ni loin ka bo hu zawk chu anih hi. An pahnih hian ka vawikhat hmuhna an ni, ka hriat ngai anni lo takzet.




"Rose!" Chu hming bawk chuan ka hma taka arawn din rualin min ko leh sup tawh. Engtianga lo dawnsawn tur nge tih takngial pawh ka hre lo. Min hai ni turah ka ngai a mahse ka hma taka arawn din hnu pawhin hepa hian keimah aṭangin amit ala sawn miah lo lo chu mak ka tiin nuam lo kati tawh viau mai. A hmel awmdan a hamhaihna leh lawmna inpawlh tel nuk mai techu sawifiah dan ka thiam lo, hmuh ahrehawm kalo ti ngawih ngawih zawk . A awmdan mak lutuk vang nge chhan ngaihna reng ka hre lo bawk.






"Nangmah i ni tiraw?" Hmel landan buai nuk a thawk la hawkin arawn ti leh hrawih a, a mitah chuan min hmuh avanga hlimna ka hmu zut zut. A kut lek chhuak vutin ka biangah arawn dawn nghal vang vang chu keiin ka melh awn awn thung. Khawiah nge awm vak se min tih. Chhungkua ka neia an bulah lo awmna tur ka nei lo. Thil awmzia hi ka hrethiam lo. Ka hming chu Lalhruaizeli a ni a mahse Rose ti a koh ka ni tlat si!




"Nangmah i ni!" mitchhing chunga thawk la vang vangin ati a, a rawn men leh ruala nui sukin min kuah nghal thlawp chu meng kawkin ka eu zui dawrh!




"I lo haw tawh!" arawn phun chhuak sup a hahdam huai ang mai hian thawk ala zui suai suai. Pakhatin ka kutah avuana pakhatin min kuah bet tlat nen awmdan tur thlawt ka hre lo.




"Min thlah rawh" min kuah ngheh lutuk vangin ka ti chhuak thei ṭawk. Thawk atisak nghal vek thei zawk. Min hai nasa hle ni tura ngaiin lungawi loh viau nan pawh hman ka tum hran lo mahse nuam kati chuang lo. Veivak apiang mit kemahniah afu ngur hlawm nen.




Min thlah ruala talhran nghal hlak ka tum chu ka bula mipa naupang dingin ka kut alo vuan ṭung mai bawk nen a buaithlak takzet.




"Khawiah nge i awm?"




"Ka pu min hai........"




"Ka hrechiang che!" Ka sawi zawh hmain min rawn tihkhalh nghal hluk.




Ka sam chhawl leng thliin achhem len dar dar mai chu ka bengah arawn zep a, thuk ruih a min melh chung hian thawk ala zui leh vang vang. Ahmelah mak tihna lang chhuak aia nasain keihian kan awmdan nikual nuai hi mak kati zawk ang.



"Khawiah nge i awm?" A aw chu natna nen a inpawlh nuk tih hriat ngawih ngawih hian arik chhuahdan amak lutuk. Ka dinna lama min din hnaih hrutin ka kawngah akut arawn zen lut a, ataksa ngheng rawka min hnuhhnaih rualin ka meng zui kawk. Ka hmelhriat nisi loin min hnaih mah mah vangin ka thin arim ru ṭun tawh zawk. Kan kiang hnaia kal telahin mittla lo chauh min thlir dauh dauh vang nge nuam lo tihna leh zahna hlirin min fan vek tawh bawk.



"I kut hi lasawn rawh" pangngai taka sawi ka tum viau a chu ka lawm loh vangin ka aw chu achang lam hret a ni.



Ka hnunglama akut chu vawn hnanin phihthlak ka tuma mahse min kuah nghet sauh mai anihchu!




"Min thlah rawh!" Sehchilh rana ti chung hian ka tal ta nghek a, min thlah rualin a taksa hlat turin ka tawlh hnung zui dawrh.




"Rose!" Min rawn ban leh atum chu ka kut ka hmalamah ka vai nghal thuak. Ka hmelhriat ni loin public hmuna min sawngbawl kual vel hi ka ngai thei der lo.




"Rose ka ni lo!" chang fak a ti chung hian mipa naupang min kaihna ka pawtthla a, ka hma a mipa ding chu rum lutukin ka melh zui ngar bawk.




"Rose ka ni lo!" Ka tih nawn leh hlak rualin hrilhhai hmel zet hian min melh tlawk tlawk tawh. Natna thuk leh nasa takin a bawm ang mai hian a mitmeng chu azuai raih. Mahse engtin nge keiin chung zawng zawng chu ka chhiarthiam ka hrebik lo. Ka hmelhriat pawh nilo ka vawikhat hmuhna chauh lehnghal mitmenga natna ka hmuhsak thei chu mak ka inti. Nge a ni hian ka hriatthiam theih turin athup lo viau zawk.




"Rose!" Ka mitah tak min melh chung hian arawn ti leh sup a, chhan tuma ka ang ziau tawh chu ka û aw ri vangin ka ngawi leh ta zawk.




Ka hmaa mipa ding keimah aṭanga mit la sawn miah lo tu chu melh kanin ahnunglama ka û rawn pen phei mawp mawp chu ka melh a.




"I hmelhriatte em ni?" Kan pathuma kan lo dinna hmun arawn thlen phei rual hian arawn ti sup. Ka kuta vuantu mipa naupang amelh a, keimah min rawn melh leh chiah rualin lu kalo thing zui nawk nawk.




"Hruaizel" ka û bawkin ati hmuk. Ṭawngka ni lo a zawhna chhan hi ahuat ber tih ka hre reng chung hian ka sim hlei thei lo.




"Aih ka hre ngai lo" ka sawi zawh ruala ka hma mipa ding hmela beidawnna niawm tak chu hmuh nuam ka tih chiah loh vangin ka kun ta daih. Ngati nge mitmeng hriatthiam har leh chhunglam ti tawt vek thei tura min melh reng chhan pawh hi ka hrethiam lo. Min hai satliah ni se min hmuh chian vek hnuin hetianga a awm hi ka ring tawh lo. Min hrechiang taktu keiin ka hriat tawh siloh a ni mai angem? Chung ngaihtuah chhuak tur pawh chuan rilru sen ngaihna ka hre lo, ka hriatchin hi atlem lutuk atawi tuk vek.




"Anihchuan kal ang" ka banrekah arawn vuan a, ka hma a mipa erawh chechang lek lo hian ading khawng luah reng. A mitah tak pawh ka melh ngam tawh lo, chhungril natna apai kha amitah ka hmuh miau avangin hmuh nuam kati lovin min ti tawt ve vek.





"Mama, min hruai ve rawh" pen ka tum zet tawh chu ṭap ṭiau hian ka malah akuah bet tlat avangin pen ngaihna a awm lo. Mipa naupang ṭap chu melhthla leh hian thawk kala hak.




Ka û dinna lam melh lehin ka lu ka thing ta ngawt. Ka hmelhriat pawh nilo hian anu anga min ngaiin min ngen tlat si. Keini unau lan tuma kal kan ni si, helaia kan hun khawhral zawng zawng nen ka rilru ahmanhmawh lutuk tawh mahse tihngaihna mai ka hre tlat lo. Kan kianga ding pa hian thlem tumna pakhat mah nei lo hian keini pahnih chu min melh ngawt ngawt.




"Ka pu, i fapa hi i thlem thei angem?" Ka tih sep rual hian pik churh mai thawk chhuah vek tum ang hrim hian thawk ala zui hawk. Mahse ala che chang chuang lo.




"Û" ka û ka melh a tihngaihna ahriat bik loh hmel. Naupang lawm lo chi anih vang hrim hrim pawh hian thlem ngaihna ahre dawn lo tih hrechiang bertu ka ni chungin ka û lo chu pun tur ka hre mai silo.




"Bawiha khawiah nge i nu a awm?" Ka mal avawnna pawtthlain ka ṭhu hniama abianga mittui luang ve ngiai chu ka tuai hulsak thuak.




"Mama min hre tawh lo ami?" Lungchhe vankai hian a inhnit zui leh hlawp hlawp chu ka bei ati dawng. Keihian hre tur leh hre lo tur pawhin kala hmu ngai silo.




"Bang rawh le....i nu chu i bulah alo kal vat mai ang" ti dam diaiin ahnungah ka chul hauh hauha. Lainatawm tawpkhawk hian aṭap zui hliam hliam chu hrehawm ka tih mai bakah ka chhunglam hi akhawih che theiin ka hria.




"Bawiha" ka ding mar vata. Doctor hmeichhe hmelṭha zet rawn pen phei hlak hlak chu ka hmu nghal zat. Anu a ni ngei ang chuan arawn thlem anga buaina a awm lo animai.




"Rose!" Henu leh zel pawh hian Rose tiin min ko leh tawh. Ka hmel ahmu chiah chu mak tih lutuk vangin ameng awn awn bawk. Ngati nge Rose min tih vek. Keihian chu an sawi nu chu ka ang viau tihna em ni. Mahse chhan tumna ka nei lo.




"Bawiha lo kal rawh" ahmel awmdan siamṭha vatin doctor mipa chechang lova min melh ngurtu chu amelh zauh a, naupang bula ṭhuthlain apawmkang nghal nawlh a, mahse min rawn ban ṭung chunga aṭap hlarh hlarh mai chuan ka awm ati nuam thlawt lo.




"Û kal ang" ka û bana vuan chung hian ka ti sep a, pen mai ka tum tawh chu ka ban chelh hmiahtu avang chuan ka hawilet leh.




"Rose!" Chu hming teivet pawh chu. Hemi te kiangah hian ka nihloh thu hi vawi engzah a tam hi nge ka sawi ngai dawn zozai.




"Rose ka nilo tih hi vawi engzah atam nge ka sawi dawn. Chunu chu tunge anih tih takngial pawh ka hre lo" tih khum ta nghekin ka û ka vawn lohna lam ka kut ka hum ruh ṭung tawh. 'Rose, Rose' kha hming ringawt khan min ko vek hlawm a hming ka nei ve reng chung hian min hai chiang hle anih dawn hi.





"Min hre lo em ni?" beidawn hmel lutuk a ati hrawih chu ka ban avawnna thingthla nawkin ka û kawrbanah ka pawta hmalam pana pen ka tum chu ka banrekah bawk arawn chelh zui leh hmiah. Hawilet dawrhin ka banrek achelhna ka melh a ahmel melh tura ka hawichhuak leh chiah tihin thinrimna nen anui ro hawk chu ka hmu nghal siah. Nichin lawka natna paitu mipa kha chu abo hlak amaw tih tur khawpin ahmel alang rumin luhlulna ahmelah alang chhuak bawk.




"Ka kaltir thei lo che" ati nghal hrawk mai chu ka meng awk thei. Engvangin nge min kaltir theih loh ve ngawt nachhan.




"Ka kaltir nawn tawh dawn lo che" ti leh hrawkin ka banrek chu ahmer zui ngawt ngawt a, a na lam mah a ni bawk.




"Ka pu, ka nau ban hi thlah la aṭhain ka hria" ka û in arawn ti ve ta hluk. Mipa ṭawng mawh tak a ni a, aṭul tawpah lo chuan aṭawng mai mai ngai lo amaw tih tur khawpa mipa ngawi thei a ni chung hian ahmel lang danglam ve vekah chuan hepa chetzia hian adawhtheihna limit apelhtir ve niin ka hria.



"Û"nuam lo tihnain min fan a, helai hmuna kan ding bial tup mai chu tu ate pawhin hmuhnawm thlirin min thlir vek tawh.




"Thlah rawh" ka û in khauh fura ati chung pawn he mipa luhlul zet hian ka banrek aṭangin akutṭang khat pawh achetsawntir hauh lo.




"Ka mitah hian en rawh!" Lehlama mipa ding chuan arawn ti hrawk a.




"Lalzemawi ka mitah hian en rawh" atih fiak ṭhawt ruala ka û hmel rum ul a rawn penhnai chu a awmah ka lo nam nghal dat. Helai hmunah hian mi tan hmuhnawm kan siam ni ta berin ka hria.




Ka sir lehlama mipa ding melh tur chuan ka inher rema. A mitah tak ka melh rualin ka awmchhung ami hi aphu rang nghal zaih zaih. A mitah lunglenna, natna, thinrimna leh beidawnna a inlan chhawk zut zut nimai hian ka hria.




"Ka pu, Rose ka nilo!" Ti chang fakin ka banrek avawnna ka kut lehlama pawh phelh tumin ka kut ka lekhnai a mahse ka pawh phelh ngai lovin amah zawkin khawih thiang loh akhawih ta emaw tih tur hian arawn thlah zui ta hlawk chu ka hamhaih letling zawk. A mitmeng mawlh mai chu rei pawh ka en ngam lo , ka awmdan hi ka hrethiam bik lo ka na ve vek hian ka hria.



"Û" kal ang ti sapin ka û pawh nghak chuang lo hian hospital chhunglam pan turin ka pen zui nghal hlak hlak a. Ka hnung maia pen thawn arawn hnaih ve zel avangin ka û khan min rawn zui ve nghal tih chu hawilet kher lo pawn ka hre thei.




"Mama min hruai ve rawh" ṭap chunga naupang rak ṭung mai chuan ka awm chhunga che thei hi danglamin asiam zui nghal.




"Mama i bulah ka kal ve duh!" Thui pawh ka thlen hmain ka hawilet leh ta ngawt. Anu kuahna aṭanga tal thlak tum hian min rawn ban ṭawk ṭawk a, aṭap nasa lutuk bawk nen ka mittui ati hnai ve vek. Rei pawh en thei lovin ka hawilet leh zat. Ka chhunglam aṭang hian kim lo riau leh nuam lo tihnain min fan nghal rawih rawih mai chu ka hrethiam lo.




"Dik lo a awm em?" Ka û in ati sup chu lu ka thing zui nawk nawk a.




"Aih awm lo" min la melh zui ngur avangin ka ti leh hap. Ka û bulah chuan dik lo awm lo angin ka sawi pawh a ni mai thei mahse ka dik hlawl silo. Kha naupang leh Rose ti a min kotu doctor tekha, an mahni ka hre silo chungin ngati nge khatiang kha athlen si. Keihian ka hun kal tawhah an pahnih khan ka theihnghilh a ni thei mai angem? Ka hrethiam lo takzet.



Hospital chhungah kan unauin kan inzui lut a, ka û in min kalsanin kan hmuh tur doctor cabin awmna lam azawt sup chu muanchang hian a dinna lam ka pan phei ve zel.




Khami te pafa mawlh kha ngaihtuah ngial ka tum pawhin ka hriatna hi ṭawn phui vek ang mai hian atawp tlat bawk si. Mahse ka rilru anuam lo em em si chu anih hi.




Ka tan enge an nih?




Ka tana mi pawimawh tak ka theihnghih tak anni zawk nge? Mahse ka chhungte hian engmah ka hriat turin an sawi ngai silo. Min hai angin ka ngai a mahse khati khawpa chianga min hmu chung pawhin min hai hmel mawlh an pu silo. Ka chungah hian enge thleng?



Ka thawk arawn rang a, ka thinphu rang zaih zaih mai chu ka kawrawm ka ṭham zui tawk. Ka lu na nghal ut ut chu ka kut lehlama ka bek dawm chung hian lehlamin bang ka dawm a. Ka thluak ache ka ti mai ka sawifiah thiamdan berin. Mit ka chhing zui chawt chawt.




Ka lu um hi chhunglam aṭanga tawnpuah an tum amaw tih tur khawpin min tur. Ka mit ka meng leha ka hmalam chu ka hmu phir nuai tawh. Ka hawi â ruai tawh bawk. Ka ngaihtuahna chu disc hlui zet tawh play ṭhaṭhum theih tawh loh ang mai hian arawn tang kual nawk nawk ni hian ka hria. Ka hmaah hian projector a kah chhuah ang mai hian ka ngaihtuahnaah thil arawn inlan nuai nuai a, Mumala hriatchhuah theih tur ni siloin mahse an tawp leh zel.



Ka kaihza tha thlep hnawkah bang nghengin ka ṭhuthla a ka lu na lutuk vangin ka biangah mittui aluang zung zung tih chu ka hria.



Mit ka chhin leh sawk rualin naupangin 'Mama' ti a min kohna chu ka bengah athangkhawk rum rum! Min ko tu chu tunge tih hre turin ahmel takngial pawh ka hre thei lo! Ka awm vel huh niai mai chu ka thlan chhuak a ni tih ka hria mahse hru turin ka bek ka dawmna hi ka thlah ngam tawh lo.



"Û" mangang zet hian ka û ka ko zui ruai a, bang ngheng chung hian ka ka a leng lo khawpa chhunglam aṭanga min rawn tawntu boruak chu ka thaw chhuak kawk kawk.




"Û" ka aw achhuak hlei thei tawh lo.




"Hruaizel" ka û aw ri fua chu ka hre chang chang. Ka awmna lamah tlan thawm arawn ri nghal hlawk hlawk bawk.




"Rose!" kut lum thur thurin ka biangah arawn dawm a.



"Rose!" Aw khur ru hluk a chu hming alam mawlh mawlh chu ahla tual tual a, ka nghilh dup rualin ka chhehvel eng leh ka hmuh phir ruai mai chu athim zui hmuk!











Hei zawng hi zanin atan chuan dah hrih mai ang u aw....nakzan aṭang chuan thui deuh hlekin kan tum ve tawh dawn nia min lo hrethiam leh hram mai ru aw.....

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » February 28th, 2021, 1:28 pm

SERENDIPITY









CHAPTER-18









*DINTLUANGA'S POV*



Ka hmalama Dr. Mala cabin kawngkhar chu kik buai lovin ka hawng nghal tawp a. Hmel rum ul a ka penlut chu mak tih hmel zetin a chair aṭangin arawn ding chhuak zui vut.



"Senior"



"I patient Lalhruaizeli saw khawi khua aṭanga lo kal nge anih ka hre duh" a dawhkan hma a ding khawng luah hian ka ti nghal hmuk. Ka aw ka thluaithlum kual hman lo.



"Senior"



"Engkim a chanchin i hriat ang ang min hrilh fai kelh rawh" ti hmukin adawhkanah ka inbengkhalh nghal run bawk.



"Sumsuih" ati sup a, chu khaw hming chu.



"Sumsuih" ka lam nawn ve sup. Kumhnih kal ta a Tuirial kan kal ṭum khan a sawi khua hi kan paltlang tih ka ngaihtuahnaah arawn lut nghal zat. Kan zawn ṭum pawh khan he khua aṭang hian patling rual an rawn thawk chhuak bawk anihkha. He khuaah hian tun thlenga hun ahmang anih chuan tuna a chenna chhungkua tehian engvangin nge tun thlengin an chhungkaw zing a mi a ni lo tih hi an zep tlat.



Khang hunlai khan mibo zawn vangin anni ang khaw techuan khawpumin an hre chhuak vek ang. Tun thlenga an enkawl hi ka lawm viau chungin ngati nge Rose an chhartirh hian keini achhungte lam hi min rawn biak pawh loh min biak pawhna tur kan hnutchhiah vek. Khaw mipui techenin an khaw mi leh sa a ni lo tih hi an hre ṭhum dawn chung hian engvanga zep tlat hi nge annih ka hrethiam thei lo.




"Engtik aṭangin nge i enkawl ṭan tawh?" A mit taka melh ngur hian ka ti nghut. Engkim hi tunah hian hriatfai kelh ka duh.



Hospital chhunga an penluh hnu a a awmdan kha alu lamah fel hlel a awm tih ka hria. Kan inhmuhtirha min hriat loh vang khan ka lawm lova, min hre lo luia ka hriat vang khan ka thinrim tel bawk mahse Dr. Mala sawi hmangah erawh ahriatna ahlauh vang ani tih ka hriat hnu erawhin ka dam huai thung. A hriatna bo ta hi ka lawm e ka tihna lam ni lovin min hre reng chunga min hre lo ang hmaka a awm tura ka ngaih vang zawka hahdam lo mai chauh ka ni.



"Kumhnih zet chu kan in enkawl ve tawh" ban chup mai hian ati a, keiin ka melh ngur ngur reng chu nuam ati chiah lo nge athaw dep dep nimai hian ka hria. Nge a ni hian zep ṭhenpui alo nei ve zawk.



"A hriatna hi neih let leh harsa tur a ni em?"



"Senior, ka thawhna hmasa a an rawn luhpui lai khan nikhua engmah a hre lova" a ngawi dat a, sawizawm zel turin ka mitmei thung.



"A luruh khi hi nasa chu anilo. A dam nan phei chuan thla tam a awh lo bawk a chulamah chuan harsatna anei tawh lo. Thla tin check up a arawn kal hichuan a lu na tih mai loh hichu buaina dang a nei lo. Hriatna hlauh a ni tih a inhria a, a hunkal tawh a ngaihtuah nasat apiangin a na hi azual ṭhin. Kumhnih tal tawp ka enkawl a, vawitam ka enkawlna pawh ka thlak kual tawh mahse ahriatna lamah hian hmasawnna ala awm thei lo. A nei let leh thei angem tih hi ka chiang thei bik lo mahse ka theihtawp chu ka chhuah zel ang" ati ta duah. Ka dinna hnunglama chair-ah ka ṭhuthla a ka sam tuai puatin thawk kala hawk.




"Senior ka patient nen hian in in laichinna ka zawt thei che angem?" A rawn tih zawm zat a, ka luhtirha barakhaih hlim hlawl ang hmel erawh a pu tawh lem lo. Mahse azawhna hi chhan tumna ka nei chuang lo. Kha accident atawh chhan kha tihpalh thil nilo tase tu emawin Rose doctor a ni tih hria a a chanchin eng emaw bawh zui tum an awm leh awm loh ka thlithlai ngaiin ka hre ta bawk.



"Ka lawm e, ka kal ange" ti supin ka ding chhuak vut a, cabin kawngka lam ka pan zui nul nul.



Rose awmna cabin chhungah ka penlut a, amutna mawnglama dingchungin a hmel chu ka thlir vang vang. Engtikah nge a hriatna hi aneih let leh ang, chumi hun chu engtianga rei nge ka nghah la ngai ang? Tun dinhmunah hian min hriat loh avangin min haw tlat mai se nuam ka ti dawn hauh lo mahse chumi avang chuan ka hnaih loh phah thei dawn der lo tih ka chiang fu si.



A mutna lam panhnai hrutin khum mawnglama thir inkham chu ka hum a pik zet hian thawk kala hawlh hawlh reng. Amah enkawltu chhungkua tehian khawiah nge an hmuh tih hi hriat ka duh. Tui thiam techenin ataksa tui chhungah takngial pawh an hmu lo.



Khami ni khan ruah asur nasat em avangin zawn a harsa anihkha. Zawng hmu lova kalo tawpsan erawh keimah hi ka indema ka inthiam lo hlur tawh. Tlemte tal khan ṭan han khawh leh deuh ni ila chuan keihian ka hmu mai tur. Ngai a awh thei tawh lo anih phei chuan ka inthiam thei ngaiin ka ring lo. Mahse alo enkawltute chhungkaw chungah erawh ka Rose an lo venhim avangin lawmthu sawisen loh ka ba thung.



"Rose!" abiang lum ve hiam chu ka kutin ka khuap a, anihna hmalam engmah hre lo hmeichhe muhil thaw sak sak mai chuan ka thawk ati sak ṭalh mai.



"I chungah enge thleng?" Thawk kala leh hawk. Keihian ka hmeichhe hmangaih pawh ka venghim thei lo a,mipa azawnga nep ber chu kalo nih ngei hi. A chunga thil thleng takngial pawh hreloin engtin nge ka beidawnsan theih zawk. Ka laktlak loh takzet a ni.




Seni leh Mamawii ka ngaihtuahnaah an rawn lut a mahse thil thlen ni a an awmdan ngaihtuah letin hetiang ti duh turin ka ruat silo. Seni nau chu a ni dawn lo tih ngaihtuahna sen kher ngai lovin ka hre sa. Biakdika a ni theiin ka hre si lo.



"Rose" khum sira chair awmah ka ṭhuthla dawt a. A hmel ka hmu leh thei ka lawm rualin a taksa a harsatna anei erawhin lungawina famkim min thlen mawlh silo.




"I mit meng tawh la" a chala kut nghat chung hian ka ti sup. A mah hmu lova ka hun hmanral tak zawng zawng ka ngaihtuah leta mumal ka nei thei hauh lo anihkha. Tunah ka hmaah arawn inlan leha ahma zawng aia mumal lo tur natmain min amah ka hnaih theih miah lohna turin min dang tlat si.




"I tan theih tawp ka chhuah ang" mit ka chhing vang vang.




"Engkim hre vek la i chunga thil thleng zawng zawng hi min hrilh thei la ni tur" ka ti chhuak hrawih. A botirha a mangan tur zia leh ahlauh tur zia ka chhut ngat phei chuan ka thawk lak ati sak ṭalh mai.



Ka ṭhutna hmun aṭangin ka ding chhuak a, akut hum vang vanga kunhniamin ahmuiah ka fawp zauh. A hmui fawh nuam em em mai kha ala ngai reng. Kawngka lama thawm arawn awm takah chuan inla hrangin ka ding mar nghal vut mahse akut erawh ka thlah phah chuang der lo.



"Nangmaw?" A û arawn penluta ahnungah anu ni a inchhalin arawn zuilut nghal zat bawk.




"Doctor alo harh tawh em ni?" A fanu bulah arawn ṭhuthla nghal a, ka chhan ngai lovin ala harh lo tihchu arawn hmu chawpchilh ve mai.



"Doctor ka fanu chungah hian thil ṭha lo athleng lovang tiraw" beisei nei zeta min rawn melhtu chu kalo nuih suk.



"Ka thlentir ngai lovang" ti supin Rose kut ka vawn chu ka thlah a, ka kekawr ip zenin ka ding khawng luah. Boruak azia deuh hunah a chhungte hian engkim min hrilh vek turin ka duh ang. Engtianga inchhar nge annih tih zawng zawng nen hriatfai kelh ka duh bawk anga.



A û dinna lam ka melha khum mawnglam thirkham vuana ding ngul chungin Rose chu amelh ve reng. Ka lawm lo ringawt bawka. Unau diktak anni lo tih ka chian viau vang tepawh animahna.



A û tak a ni lo tih ka chian em avangin an kalsawn dawn pawh khan ka lawm lo, thinrim ṭunin min en turin kati anihkha. Ka mitah tak en chunga Rose anih loh thu min hrilh lai khan ka na, ka na takzet. Mahse keihian ka Rose kha ka bel hneh lutuk. A hmel danglam vekin ka hnenah rawn inlan mahse keihian ka hre thei dawn tho tih hi ka hming ka chian tluk zetin ka chiang.



Awmdan tur hre lo hial tur khawpin ka hmuh leh hmasak ber ṭum khan ka thik, chuti chungin a hlauh tur ang zawnga che chhuak lo tura ka insum nasat zia erawh a hre kher lovang. Ka beidawnsan thei lo, ka kianga ngaihngam taka alo let leh hma chu ka hlata awmtir ka tum tawh lo bur bawk.



"Ka kalsan phawt ang che u, buaina awm chuan min rawn be dawn nia" a nu zawk alo bu nghut nghut. A û dinna lam panhnai hrutin adarah ka beng thuk thuk chu min nuih suk. 'Nula angin en ngai suh ang che' tih mai ka chak hlur achu ka insum leh ta zawk.




Zanhnih ngawt hospital hi Rose vanga ka chhuahsan tawh loh avangin ka chau thawngkhawng ve tawh. Zanin chauh chu mut hahdam vang vang ka mamawh tih ka hre bawk.



Cabin aṭangin ka pen chhuak a. Ka fapa Rose nau te nupain an riah pui thung chu biak ka tum viau a chu zan reilam anih tawh avangin ka ṭhulh leh ta zawk. Ka phone ka phawrh zet tawh pawh chu ka kekawr ipah ka thunlut leh nghal bawk a.


""""""""""""""

Ka pindan ka penluh ruala ka u nupui lo ṭhu leh ran tawh chu ngaihsak tumna nei lo hian washroom lam ka pansan nghal vut. Zandangah pawh hetah ka pindanah ngei hian min lo nghak ziah. Chhungkaw mualpho ka hlauh vangin ka sawi chhuak ngai lem lo mahse vawikhat mah ka khawih ngai lo.




Rose bo hnu rei vak loah ama hrisel lohna chhuanlamin inpui lamah an rawn insuan lut a, Biakdika abuai theih em vangin hrisel lo chunga mahni a hun hman hrehawm atih thu chu asawi ve tak kha. Keihian ka awihsak lem lo thung. Hmeichhe hrisel ṭha tak a ni tih ka hrechiang miau.



Ka û kianga min kalsan hnu ngat phei kha chuan let leh tumna kha ka nei tawh bau lo. Ka nunah Rose arawn lut zui ta bawk nen ka engah teh vak athawk tawh lo tihna anih ber chu.



Rose alo haw tawha, tun aṭang chuan a hriselna atan theihtawp chhuah hi ka thupui ber a ni tawp tawh. Hmeichhe dang laka inham buai hman ka nih loh ang bawkin khang kumhnih chhung emaw tunhnuah pawh tumna ka nei chuang lo. Biakdika erawh a nupui khawsak dan zahpuiawm zet hre hauh lova a awm hi ka khawngaih ta zawk.




"Zanhnih ngawt ilo haw tawh lo" towel veng chunga ka pen chhuak chu saruak deuh thawthang hian athawmhnaw alo hlip vek hman anih chu. Khumah khuhtu nei hlek lova ataksa awm chu zahpui ahnekin alo nui var var thei.



"Din" arawn ti sap a, a mitmeng aṭang chuan ruih anei tih ka chiang viau bawk. Zandangah hetiang teh hrep hian a khawsa ngai lo. Ka haw hnuin ka pindan aṭangin tihluihna hman ngai lovin a chhuak ve mai zel.



Min kohna uksak map lovin closet lam ka pan a, shirt var la chhuakin ka inthawlh zui mual mual. Hnuailam erawh boxer ka hak vangin thildang hak belh ka tum hran tawh lo.



"In nupa pindan lam pan la aṭhain ka hria" khum mawnga ka din rualin lawm lo zet hian ka ti hluk a, ka thusawi ngai pawimawh lo zeta a mit chetkual ralh ralhtu chu ka melh ngur thung.



"Ka chau mut ka mamawh" ka ti zui leh hluk chu khum mawnglamah arawn tawlhthla ka hma takah arawn ṭhingṭhi zui hmiah.



"Din, i hnenah rawn let leh ka duh" ka awma akutṭang vah kualtir ruai chung hian ati sap. A ruih vang nge mumal lo zet hian ameng phi chiai a a heh hnuailam seh zauh hian ka boxer chhung zenluh mai atum chu akut ka phih nghal sawk.



"Chhuak rawh" ti hrawkin adara chelh chungin leiah ka nghatthla nghal dawt. Mim rawn melh thip hlartu chu ka melh let ve ngur. Hmeichhe zah hre lo hi engvanga phawrh mualpho mai lo nge ka nih pawh hi ka hre hrep tawh lo ve.



Biakdiaka hian ka naupan tet aṭangin ka ngaih hlut apiang min laksak ṭhin. Biakdika thil tih ai mah chuan anu thil tih a ni zawk ang chu. Ka pa laka ka dawn tur zawng zawng hi ka lak aṭang hian anu hian min chhuhsak thiam mah mah. Biakdika phei chuan min en hranna anei lo chungin anu vang hian ka ngaina thei der lo mahse alakah ngaehngawl ka tleirawl lai ang khan ka chhuah tawh em bik lo.



"Din" min din hnaih dat rualin vanvadakin thawk kala hawlh. A luhlul hle mai. Mahse ka mizia ahriatchian avang hian min nawrlui chiam lo se aṭha zawkin ka ring.



Khum lu lampanin a thawmhnaw hlih ho chu ka lakanga, a dinna lam bawk pan lehin ahmaah ka lek va.



"Chhuak rawh" ka ti zui leh hmuk. Chauh nen a ni nena boruak neih chiam hi ka chak miah lo. Luhlul chhuah lovin ka pindan hi chhuahsan sela atan aṭha animai.



"Min hnar thei ngai dawn lo tih hi ka hria alawm" meng si sap hian ka boxer chhanah ka m*****a arawn ṭham a, thawk kala zui hrawih chu a nui hak.



"Chhuak rang rawh" a khabe ahmer chung hian ahmai bul chetah ka tih khum khur khur. Biakdika lam min pansan hnu hian let leh tumna emaw ka hmeichhia anga sawngbawl leh chu ka tum lo bur. Mi nupui it duh tur khawpa mipa h*r ka ni lo tlat. Tunah chuan Rose ka nei tawh chu chu ka tan atawk viau bawk.



"Min thlah teh ana ania" a nghawng hnunglam ka hmer leh rualin arawn ti kha fak a, keiin kalo nuih hawk thung.



"Ṭha taka ka sawi lai hian ka pindan aṭang hian inthiar fihlim mai rawh" ka dawhtheihna limit pel ṭhak a min nawr zui anihchuan keihian tih hreh ka nei hauh lovang. An nupa inkar chhiatna thleng tur phei chuan ka hreh lo nasa. Hetiang hmeichhia kan chhungkua a kawl reng hi ṭul ka ti hran lo bawk.



A khabe leh anghawng ka hmerna thlahin khum lampana ka kal pel vut tawh chu luhlul zetin hnunglam aṭangin min rawn kuah leh thlawp a. Mitchhingin thawk kala hawlh hawlh. Ka rin aiin aluhlul rei zek.



A kut pawh phelhsakin abanrekah ka chelh a, chhuata a thawmhnaw dah ram chu melhin ka nuih suk. Khuma ka phone dah ka lakkang zui zat bawk.



"Hetah ka pindana zan hun i hman tur thu hi i pasal ka hrilh lo techuan a nupui ber awm lo chu ahawihai lutuk anga sin" ka phone ka hmet zui mual mual chu hlauhthawn hmel zetin arawn phihthla khumah a theh phei nghal nawk.



"Ti suh"



"Kala dawh viau lai che hian chhuak mai rawh" ka aw ki ahniam fahran lo chungin min bawrbuai reng vanga ka lawm loh zia chu ka hmel aṭang pawhin a hrethiam viauin ka ring. Ka chauha mut ka mamawh mai bakah Rose lo hmeichhe dang khawih tumna ka nei hauh lo.



"Ka tawpsan dawn lo che" ti tan tanin chhuata athuamhnaw tla achhar a, kawngka lam apan zui nal nal. Hmeichhe pakhat chu a ni ve chiang a ni.



Khuma ṭhuthla dawtin ka hmai ka tuai zui puat a ka pik churh mai chu ka ka hmanga thawk kian duak mai ka chak hluah hluah. Engtikah nge alo harh chhuah ang? Chumi hunah chuan min hre tawh angem? Min hre loin min haw zui tlat ta se engtin nge keihian hma ka lak ang? Zawhna chhan sen lohin ka thluak bur aluah khat ngut ngut.



Khami ni ni khawhrelo a a awm aṭang khan mut mu pawh ka tuah ṭha meuh tawh lo. Ka fapa takngial pawh ka buaipui hman lo. Hospital lamah ka riah chilh deuh tawp anihkha. Ka taksa hi achau ve tak zet tawh.



Khumah avang zawngin ka muthla dawt a, thawk kala zui hawk.



"Rose" ka phun sup. A bo ni aṭanga ka hmuh leh ni hian vei ngut ngut loh ni hi ka nei lo. Ka hna a insawrbing thei lova min siam chang lah atam. Ka hmu kumkhua tawh dawn lo emaw ka tih hnuin ka hmuh turin arawn inlan a, min hre miah lo hian khang hun chhung zawnga ka natna kha abelhchhah bawk.



Mit chhingin ka chal ka dawm zui vang vang. Ka sirlam a ka phone awm rawn ri chu la mai lo hian ka melh zui ngur.


Muang ruih a tho chhuakin ka phone ka lakkang nghal vut a. Ka phone screen a no hlang zauh rawn lang va va chu reject ka tum zet tawh a chu Rose nu kha anih mai ka rin vangin muangchangin ka bemgah ka nawr bet nghal zat a, lehlam aṭanga ṭawng thawm ka hriat loh avangin ka hmet thim zui hmiah.



Ka mutthla leh dawt a mitchhinga muthilh ngial ka tum ruh hle chungin ka mut achhuak thei tawh der lo lehnghal. Ka tho chhuak leh ta nge nge.



Ka closet lampanin jacket leh kekawr kala chhuaka intawlh mawlh mawlhin hospital lam pan tumin ka pindan ka chhuahsan zui leh ta nghal.



*ROSE POV*



"Ka nu Hruaizeli hi a chanchin kan hrilh tawh aṭhain ka hria" ka û aw ri fuk mai chu chiang lo ruai hian ka hre thei.



"Ka phal lo" ka nuin ati chang fak a, ka û thaw hawk ri pawh ka hre thei.



Ka mitmeng ka meng riai riai a, eng ka hmuh thut vanga ka mit vai riai mai chu ka mit ka chhing zui leh ta hmiah. Thawk kala zui ham ham bawk.



Ka awmdan ka hriat theih hnuhnun ber chu ka lu na lutuk vanga ka talbuai nuai kha. Tuna ka awmna hmun pawh hi ka hre chuang lo. Keihi kan inah ka awm leh tawh zawk anih ka ring tawh, achhan pawh ka nu aw ri ka hre thei tlat a.



Ka mit ka men leh chuan men anuam ta deuh. Ka lu erawh arit luk thung.



Mu chungin ka hmuh theih chin zawng ka melh kual a, mahse hospital-ah kala awm tih ka hriat rualin thaw halh halh hian chil ka lem zui dawk. Engtia rei nge hetah hian engmah hre lova ka mut.



Ka lu ka kan dat rualin cabin chhunga couch lian lo te an dah chunga ka nu ṭhu ka hmu nghal zat. Ka nu hmaah ka û min hnungchhawn zawngin a ding ngul bawk a.



"Kha doctor khan Hruaizeli hi ahria tih i hria em, kan thup reng thei dawn lo. Buaina nasa zawk athlen hmain achhungte tak tak kiangah kan dah mai tawh ṭhain ka hria" zawl dawh hmel zeta ka nu ahrilh mual mual chu enge a awmzia ka hrethiam lo. Keihian tuna ka chhungte lo hi tute nge chhungte dang ka neih? Tumah chutiang hriat ka nei lo.



"Ka rem ti lo" ka nuin zawi chang fak hian achhanglet zui nghal zat chu mak tih lutuk vangin ka meng kawk kawk tawh. Tute nge ka chhung te tak tak chu? Keihian engmah ka hrethiam lo.



Tuna min enkawla hmangaihna zawng zawng min petute hi ka chhungte anni lo maw? Chu chu engtin nge anih theih zawk?




"Ka nu ka nau kha i kaltir tawh ṭhain ka hria, amah i kaltir theih loh vanga hmeichhe pakhatin alo tawrh ve reng hi thil ṭha a ni lo" bung vut a ka û in ati hluk chu ka kut ka hum ruh ṭung tawh. An thusawi hi pakhatte mah ka hrethiam lo. Ka ngaihtuahna abuai kual vek tawh.



"I sawi lo angah ka ngai ange" ti hmakin ka nu arawn ding chhuak nghal zat chu ka û zawk beidawn hmel zet hian thawk ala zui hawk.



"Boruak dawng turin ka chhuak dawn" ti nghutin cabin kawngka lam apan vut chu ka mit ka chhing zui ta ngawt. Eng thil chiah nge ka chungah thleng? Hmangaih taka min enkawltu tehi ka chhungte tak tak an nih loh chuan tute nge ka chhung te nita ang?



Ngati nge ka û khan ka chanchin min hrilh ṭha atih thu ka nu kiangah khan a sawi chhuah ka ngaihtuah ngial pawh hian ngaihtuah chhuah tur ka hre thei chuang lo. Ka mitmeng lehin thawk kala hawk a. Cabin chhunga ka nu veikual sek chu ka melh zui ngar.


"Nu tui ka duh" ka dang ro huam huam mai ka tihnawng hmasa phawt lo anih ngat chuan akang thei mai dawn amaw tih tur khawpin ka ka chhung a sa vek tawh.



"Bawihte" ka mutna lam rawn pan sawk sawkin khumah arawn ṭhuthla dat chu za vak lo hian kalo nuih sak. Ka kut arawn vuana ahmer zui vang vang. Engtik laiin nge hospital hi arawn thlen tih takngial pawh ka hre lo. Engtianga rei nge ni khaw hre lova ka awm tih pawh ka hre chuang lo.



"A....awle" ti sapin ka kut avawnna thlahin khum sira tui awmna lam ni ngei tur chu a ban nghal rawk rawk. Rei tak tui awm lohna hmunah khung beh tui hmu thut ang mai hian ka khawchhungah ka luhthlaktir nghal khawlh khawlh. Ka harh deuh sawng sawng hian ka hre bawk a.



"Nu" ka nu ṭhutna lam hawi hian kati lawi rat. Ka aw a chhuak ṭha hlei thei tlat lo. Ka nu hmel chu chik zetin ka melha mahse engmah danglam hmuh ka nei lo, ka harhchhuah leh tak avanga ahmela lawmna lang chhuak zut zut tih chauh lo chu.



"Bawihte" mittui tlingpama min melh chung hian ka kutah a hmer zui leh vang vang a. A mit achhin rualin abiangah a mittui aluang nghal zawih bawk.



"Ngati nge i ṭah?" Ka ti sep a, a mittui luang chu hru thuakin arawn meng chhuak a. Min nuih zui var var. Ka nu mitmengah hian min hmangaihna chauh lo chu thildang engmah ka chhiar thei lo.



"Ka lawm lutuk vang alawm" ka banbulah arawn tuai zui hauh hauh.



"Doctor kan ko ange aw" ti hapin khum aṭangin atho chhuak a, cabin kawngka anem tawlh a apen chhuak zui nghal.



Thawk la hawkin cabin kawngka lam ka melh a, ka ngaihtuahna hi abuai takzet a ni. Engtin nge ka hun kal tawh hi ka hriat chhuah leh theih ang. Hriat chhuah tuma ka beih apiangin namen lova ka lu chhunga na insiam avang hian ngaihtuah let loh tawp kha ṭhain ka hre ṭhin. Ka chhungte hi ka chhungte tak tak anga ka hriatlai kha chuan mahse ka û in ka chhungte tak tak tih ka nu hnenah a sawilang anihkha. Ka nu pawn apha miah lo chungin a sawipui ṭha duh lo kha ania. Ka ngaihtuahna buai zet leh engmah hriatchhuah tur awm si lova ka hriatna mang ruai mai chuan ka thin ati ur takzet.




Doctor leh nurse pakhat ka nu telin an rawn inzui lut a, nui hmel pawh hmu lovin an pathum chuan ka melh ding ngar.



"Enge i an le?" Doctor-in hriat nuam zet hian arawn ti sup a. Ka ṭhat thuin ka chhang tawi tak. Han sawi zui chiam tur ka hre der lo.



"In ngaihtuah ngut ngut loh tur aw, i ṭha chho veleh zel mai ang rilru tihah viau lo la" Doctor bawkin ati leh a min melh deuh vang vang chu za vak lo hian kalo nuih tawi tak, nurse in eng eng emaw min check kualsak chu ka dawh mawl ve tawp bawk a.



Min chhuahsan hnu thleng pawhin ka û ala rawn let leh miah lo. Ka nu erawh ka khuma ṭhu chungin eng eng emaw asawi siam siam thung. Mahse athusawi alawi ka hre der lo. Ka ngaihtuahna chu nichin lawka ka ûnem an sawi takah chauh khan atang tlat tawh.




"Nu" zawh ka tum zet a chu ka ngawi leh dat.




"Sawi la" mitmeng nunnem zeta min melh chung hian arawn ti sap a. A hmelah eng emaw tal alantir leh tir loh hmuh tumin ka en chik hle chungin engmah danglam kala hmu ta lo fo chu nichina an thusawi kha ka hresual emaw ka ti hial tawh zawk. Nge ka nu hian engmah lanchhuahtir lo turin a inthup viau zawk.



"Na i nei em ni?" Ka phu zawk chu ameng awk mai.



"Aih....aih...nei lo ka ṭha" ka ti tawi tak thung.



"Engtianga rei nge hetah ka mut tawh"



"Nihnih ngawt mawle, i û in chanchin min rawn hrilh hnuin in kal ni la la la khan ka rawn thleng ve nghal" thawk ala zui hap bawk.




"Nu ka lawm e" ka kut arawn vuana atuai zui hauh hauh.




"Bawihte mu la aṭhain ka hria, i chau lutuk ang" ti sapin ka samah arawn chul a kalo bu nghat thung. Ni e, mu ila khang ka thil hriat zawng zawmg tekha reilote chhung pawh ka mut bopui vek theih chuan ka thawl huai ang tih ka hria.




Ka nuin ka û ko turin min chhuahsana. Muthilh ngial ka tum chung pawn ka harh tulh tulh tawh. Hetiang dinhmunah hichuan chhing khatmah ka chhing thei dawn lo tih ka chiang vek tawh bawk.



Ka mutna sira ka phone dah chu ka ban a, ka hmet eng zui pap. Zinglam dar thum alo hnai thuak tawh chu niin. Ka lukham sira ka phone dahin ka puan sinlai pawt ṭhain mit ka chhing zui nghal hmiah.




Eng emaw min chenchilh tlattu awm renga ka hriat vangin ka mitmeng lehin cabin chhung ka melh kual thuak a, ka nu tepawh anlo la let lo anih hmel.



Khum aṭangin ka tho chhuak a, kelawnga chhuat vawt ka rap chiah tihin cabin kawngka a rawn in nawr hawng ve chiah bawk.



"Nangmaw!?" Doctor rawn penlut chu kalo melh nghal nghek.



"Rose i harh tawh!" Ka dinna lam rawn pan phei mawp mawpin ataksaah min kuah bet nghal thlawp chu ka meng zui kawk!



"Hei min thlah rawh" tiin ka tal zui nghek a, min thlah ahnekin ka tukhumah a dawm zui hmiah.



"Min thlah rawh ka tih chu" uar zet hian ka ti nghek. Ka bekah ahmui a rawn nawr tawkin ka dara vuan chung hian min nawr hla hleka. Keiin rum theihpatawpa ka melh chung pawhin min hmuh hmasak ber ni a a mitmeng ang bawk khan min melh leh reng tawh.



"Tunge i nih?" ka ti nghal ṭhat. Ka insum thei tawh lo. Tunge anih pawh ka hriat loh mipa hian min hnaih lutuk ang hrima a che vel hi ka ngai thei lo ni berin ka hria. A hma a thil thleng kha chu lawm lo viau mahila kala hrethiam thei mahse vawihnih ngawt hi chu hriatthiam ahar ṭalh tawh. Mahse a hmel landan erawhin ka chhungril a khawih tho si hi ka hrethiam lo.



"I pasal nimai tur" ati sup a. Mitmeng thuk ruiha min melhna techuan min ti thinrim hlur tawh.



"Eng....eng...engmaw!?" A thusawi kha hre lo ka nilo, kan indinhnaih viau avangin ka hrechiang lutuk mah mah mahse min ṭhawng em a tin ni. Ka mitmeng leh hmel chena danglam vek chu a ni pawh hian ahmu chiang viau ang.



"Li kir tawh rawh!" Ka hmai bul chetah arawn ti leh sup chu ka nghilh dup nimai hian ka hria. Sawi tur ber ka hre lo. Ka û thusawi kha adik vek tihna em ni? Keihian ka chhungte diktak nilo kiangah hun kalo hmang reng zawk tihna am? Chung chhanna chu ka mamawh mahse engmah ka hre chhuak thei lo.



"Lalzemawi lokir tawh rawh!" Beiseina mitmenga min melhtu doctor chu thinrimna nen ka melh let veta thung. Ka ngaihtuahna zawng zawng a chawkbuai vek tawh.



"Kha hming kha ka hriatah lam tawh suh tunge anih ka hre lo" ti tuarhin ka beng hup chung hian lu ka thing zui nawk nawk. He hming neitu ang hrima ka hma a alam reng hi ka duh lo. Ka hun kal tawh hriat chaknain min fana ka hre thei chuang bawk silo nen he hming hian min ti puakkeh lo chauh tawh.



"Min ngaithla rawh" ka dara vuan chung hian akut lehlamin ka beng hupna arawn pawtthla a, ka hmai bul cheta rawn kunhniamin ka bek tawn tawna dawm chung hian thawk ala hawlh.


"Min thlah rawh" a banrek tawn tawna dawmin uar zeta ka tihkhum leh nghek rualin ka hmui arawn kharchilh zui hmiah!

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)