SERENDIPITY BY Hmuaktei Fanai (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

Re: SERENDIPITY BY Hmuaktei Fanai (Completed)

Unread post by Ngaia » February 28th, 2021, 1:25 pm

SERENDIPITY








CHAPTER-7







Ding mar vutin ahmui atuai zauh amahse akutah zungbun kha ka hmu miah lo. Kan nufa dinna lam arawn hawia amitah keimah min huatna lang chhuak zut zut chu ka hmuh hmaih lo kher mai. Ka fapa hmalama ka puakbeh chu ka kuah ngawt ngawt tawh.





"Papa" phur lutuk hian a fapain ako ṭung a, a nui suk ringawt anihchu! A mize mak lutuk hi hriatthiam chi pawh a ni hian ka hre lo.




"Papa, min hmu turin i lo kal miah lo"ka puakna aṭanga tal thlak atum chu ka kuahbet ta tlat.





"Papa bulah ka kal duh ka tia mama in min hau" apa bula min hek ve reuh zet zet chu ka ngei lutuk tlat.





"Papa" a thuswi chhung zawng khan vawikhat pawh apain achhanlet loh vang a ni mahna hriatthiam loh hmel zet hian ako nghal riai.




"Sorry ka rawn hmu vat ang che" ti supin kan nufa dinna lamah a kekawr ip zen ngur hian arawn pen phei a. Ka insehruh nghal nghek. Ka bulhnaia awm apianga boruak pan ṭhin hi engtik lai pawn angai reng. Thawk lak harsa ka tiin ka zam tel ziah bawk a.




"Mama a na" ti tham ṭiaktu ka fapa hmel ka hmu chiah chu ka khawngaih leh hnuhnawh, ka kuah nghet em avangin hrehawm atih hmel ngawih ngawih lutuk.




"Sorry" ti sap hian ka nuih seih.




"Hmeichhe tenawm" ti hlukin Dintluanga'n min kal pel vut chu ka insangmar ṭeuh. Chuan a thusawi awmzia kha ka hrethiam lo. Engvanga khatiang ṭawngkam kha min hman khum nge anih ka hre der lo. A bo hian ka bo hu zawk.




A duh duhin min ṭawngkhumin achetziain mualpho takin min siam reng ang maw?




A teuh lo! Zahawmna nei ve tho mihring ka nih hi! A duh duha achin phar turin a nupui pawh ka nilo!




Insehruh nghekin Dr. Seni dawhkan lam kan pan a, ahmaah ka ṭhuthla zui nghal thak.





"Enge in an le?" Nidang tho a hriat nuamin alo ti nghal luam. Doctor dam lo te enkawltu a ni a mimal nun ahna lamah akaihluh kha ka ring lo reng a ni. Mimal nun leh hna kalhrantir thiam lo doctor chu nise ka ngainep viau mai thei. Mahse hmeichhe fing tak a nih atilang chiang hle mai.





"A ṭha lutuk e, tunlai a hrisel ve viau mai" ka ti sap a, a khat tawkin ka kawchhunga min hnawh tlattu chu tihkian tumin thawk kala leh hap ṭhin.





"A lawmawm lutuk, ahmel hmuh pawh anuam alawm" ati zui var chu ka nuih seih ringawt.





"Thla leh khi PFTs test kan neih hun tur kha ania, in theihnghilh lo ang chu maw" ka lu ka bu zui nghat a. Nuin rilru hah chunga nau a paia fate lo pianchhuah hnua an hriselna anghawng theih dan chu ka fapaah hian ka hmu chiang ta kher mai.





"Khawi maw hetah kalo eng ang aw" naupang tana hriat nuam tur zet hian ati var a mahse ka fapain apan duh ta tlat lo. A lu thing nar narin ka kawrawmah apawt zui tlat.





Ka malchunga ṭhu chungin arawn en kual a. Mahse thuawih tak chuan alo dawh ve leh lawi si. Achang hichuan a mizia hi hriatthiam ahar ve deuh ṭhin a ni. A duh tawh lohna lam lah hi naupamg viau e tilo chuan a pe na ve thei ṭang ṭang ania.





"Hlauhthawn lutuk tur a awm hran lo aw akum atam ve tial tial anga aṭha chho ve mai ang, chuan vitamins hi inlei belh dawn nia" vitamins hming aziakthla malh malh chu ka thlir reng. Dr. Seni zungṭangah pawh zungbun hmuh tur a awm chuang lo.





"Anih kan kal ange, kan lawm e" ti sepin ka fapa ka paw ṭha a ka ding chhuak nghal vat. Kan boruak tawnin azir lo nen kan tih tur ber azawh tawh chuan ṭhut tlat nuam ka ti tawh lo. Bakah ahma a ka pawh sarh ang khan ka pawh thei tawh lo bawk a. Chu chu keima thiam loh tepawh ani mahna ka hrethiam tawh bik lo.





"Rose" kawngka hawnga penchhuah ka tum zet tawh chu Dr. Seni min kohna avangin ka hawi let leh a. Mitko san ak hian ka nuih seih.





"Hmanni a ka chetdan avang khan pawi kati lutuk aw" nui var var a arawn ti sap chu mak tih lutuk vangin ka meng awk thei. Athiam lo zawk chu keimah ka ni reng sia amah zawkin ngaidam min dil hlauh anihchu. Mi inkar ṭhalaia khi siamtu ka nih vanga ka inthiam loh tehlul nen. Mahse ngaihdam min dil duh anih chuan ka pawm vek tho mai.





"A pawi hleinem" ka ti ve sep ringawt. Abak sawibelh chiam tur ka hre lo.






"Kan inneihna pawh kan kaltlang phah dawna i chungah hian ka lawm tak tak" kawngka herhna ka hum ngawt ngawt tawh. Hmel lang dam raih si hian akam chhuak ngaihthlak anuam ta miah lo. Tukin khan Hmingtein min hrilh tawh min ṭhawng em em anihkha. Tunah pawh min ṭhawndan ala ngai reng chungin chetbuai mai ka hlauh lutuk vangin ka inthunun hram hram bawk.





"Ka lawmpui che, kan kal phawt ang" pangngai thei ang ber hian ka sawi chhuak thei hram. Dr. Seni mitah tak melh chungin ka nuih var a. Kawngka herh hawng rawpin ka pen chhuak nghal nal nal. Kha cabin chhunga ka tawm rei lutuk chuan ka thaw achham thei mai ang. Corridor ah hmanhmawh zetin ka pen phei hlawk hlawk a. Ka ṭang deuh ṭung nen ka awm anuam lo takzet.





Zodintluanga hi tawng leh lo ni ila hetiang tak hi ka hmachhawn lo tur. Tunah chuan khang zan kan hmandun thleng khan ka inchhir fai vek tawh. Arawn lan leh hnuin keima nun chauh nilo kan chhungkua thlengin athlak danglam hlawk hlawk chu ania. Haw ngam tur ka ni chiah em tih inhre lo chungin ka haw tho si.





Hospital kawt ka chhuah thlen rualin ka taksa ṭang nasa lutuk thlah dulin boruak ka hip lut nghek a muangchang hian ka thaw chhuak leh suai suai. Kan rilru chawt buaitu zawng zawng tehi boruak awlsam taka kan thawk chhuah ang hian vawileh khatah kiang duak thei se ka ti kher mai. Mahse kiang duak tur chuan hun a duh zek si nen tun hun reilote chhung pawh hian ka hah hluah hluah.





Bawihtea puakpuan hmalama ka suih bawk chu ṭham tawkin hmalam panin ka kal ta chauh.





"Bawihte i ril aṭam em?"





"Bawihte"





"Vanlala" min chhan mai loh vangin a muhil anih ringin harsa zet hian hnunglam ka thlek a, a muhil thaw sak sak chu ka nuih zui seih.





Motor an hun ṭhatna ka kalpel phei zel a, taxi han phar mai tur awm lo nen gate lian zet inhawng huau bulah hian ka ding ta reng. Taxi lo tlan chhuak apiang an khat nghal em em zel nen tihngaihna hre lo zet hian ka hawi ka hawi ringawt. Tunah Tetea min hruai turin bia ila chu alo kal ang tih ka hre tho mahse school kal hunchhunga lova tihbuai chi niin ka hre chiah bik si lo. Ka sam hmalam rawn tla chu ka hui chho puatin tihngaihna hre lo zet hian thawk kala zui hap.





Kan dinna hmun aṭanga scorpio var fai hlarh rawn tlan phei chu gate bula ka din vangin ka dal deuh dawn ni a hriain hnunglamah ka tawlh deuh dat a chumi rual chuan ka phone ka phawrh nghal zat.





Gate aṭanga tlan chhuak mai lo hian ka dinna hmaah arawn ding dawt chu hriatthiam loh hmel deuh hian ka melh haw a, horn arawn rik ṭhat rualin ka phu zui nghek lehnghal. A tu tak chu nimaw. Glass a up vek avangin tunge tih ka hmuh theih loh mai bakah lova thlek kual chiam kha mawiin ka hre chiah silo.





Driver seat lam arawn inhawnga Zodintluanga rawn penchhuak vut chu mak ti lutuk leh mit khap lek loin kalo melh reng.





"Enge?" Ni sa min hliah zawnga ka hmaa arawn din thim khup rualin kalo ti bak nghal hlar.





"Ka thlah dawn che u" ati sup chu ka ner nghal nawk. Azak lo hi ka van ti ngawih ngawih tak. Mihringin zahna antih ang hi atlachham ka ti khawp mai.





"I zak lo" kati deuh thawr chu anui hawk. Nuih tur ka sawi pawh ni tawp silo.





"Check up leh aṭang chuan Dr. Seni ni lovin keimahah rawn kal tawh ang che" thupe zeta ati hmuk chu chhutthluk tawp ka chak zawk. Aduh duha atihkual turin a nupui emaw abialnu pawh ka nilo. Khati khawpa mualpho a min chhuah hnuin zahna nei map lova ka hma a ala rawn inlan thei hi a huaisen kati zawk dawn nge.





"I thu lo ber" ka ti nghek chu mit khap lek lova min nelh chhuk ngur vang nge ka zam leh ringawt tawh. Hahthlak zawk hian!





"Ka fapa ania thu ka nei ve chuan ka hria"





"I fapa a ni lo keima fapa chauh anih hi" ka tih khum leh tawn tawn chu hmuhnawm thlir hian min thlir nimaiin ka hria.






"Nangmah chauhin i siam thei lo tih chu kan hre ve ve" nuih insum zet a rawn tih rualin apheikhawk bunlai fai zet chungah ka rahsak sawk. Na ti hmel pawh pu chuang lo hian a awmdan angai reng thei anihchu.





"Min tihbuai hi sim la chuan kan ṭha tlang animai" ka tihkhum leh ngheka pen mai ka tum chu ka bamreka hmer chawtin ṭanna hman eih pawh awm lo hian a motor hunna lamah min kai phei dawr dawr anihchu! Ka fapa tih harh ka hlauh vangin ka tal zui chiam ngam si lo, a ni lahin min dimna pakhatmah anei chuang der lo nen chhuih zui ṭawk mai ka chak zia chu pui tak a ni.





"Lut rawh" a kawngka hawn sa lamah a thle buk a, luhlul chhuah ngarin ka inkuangkuah fel nghal thak chu hahthlak min tih hmel zet hian athaw hawk.





"Inbiak kan ngai ania" ati hmuk.






"Sawi tur ka nei lo" keiin kalo ti ram hmak thung. Hepa kiangah hian sawi tur emaw tih tur pakhatmah ka nei lo tak tak reng bawk. Min tihmualpho nasat zia hi hriain ka hmuh phak lovah awm bo vang vang se chu chu ka duh ber.





"Keiman ka nei thung" kawngkhar vuan reng chunga ka hmai bul cheta rawn kun hniam hian ati sup a. Ka thawk ka ip nghal tlat.





"Lut rawh" ati leh hmuk chu ka phone arawn rik vangin ka ngaihsak zui ta lo. Ka phone hum reng chu ka lekkanga Tetea hming lo lang va va ka hmuh rualin ka nui nghal hak. Ka hma a mipa ding care miah lovin ka pick nghal zat bawk. Min phuar hlawma min hlang lut nawlhte anih loh chuan a motor a chuanluh tumna pakhatmah ka nei lo.





"Aw Tete" zangkhai zet hian ka ti lang langa. Zodintluanga ka melh chho tel haw bawk. Mit zin suna min melh rengna chu ngai pawimawh duh loin ahlat zawngin ka tawlh deuh dat bawk.






"Khawiah nge in awm" lehlam aṭangin arawn ti zui vut. Min rawn biak lai hi remchanga lak ka duh min hruai turin. Zodintlauanga bula awm lohna tur anih phawt chuan tupawh ka zui vek duh ang.






"Bawihtea check up in kan kal a"





"Aw chu chu ka hria hruai tur cheuin ka rawn kal, ka rawn thleng chiah khawiah nge in awm" tawlhsawn leh deuhin gate lam ka hawia Tetea car rawn tlanlut ka hmuh rualin ka ban ka vai zui lauh lauh a ka phone ka dah zui vat bawk.





Tunah tak hian Tetea chungah ka lawm ngawih ngawih. He misual nena kan inhmachhawn rei angaih loh phaha ka thawveng huai bawk.





Zodintluanga motor lian zet bulah arawn inhung ve a, arawn chhuak tur ka mitmeia khapin pan mai ka tum mahse enge thleng hi.





Ka banrekah achelh tlat anihchu!





"Enge i hriat a" ti fakin ka ban ka vai pawpa mahse ahmer nghet lutuk tlat.





"Min thlah rawh"





"Sawi dun tur kan nei" luhlul hmel lutuk hian ati zui hluk chu chal ti chuar tapin ngeiawm lutuk hian ka hmui ka tihsawih khum nghek.





"Keiin ka nei lo. Ka nei lo satliah mai pawh ni lovin i hmel hmuh hi ka kham ngawih ngawih tih hria ang che" ti rap rapin ka kut ka phih leh nawk a ala thlah ta chuang lo chu beidawng zet hian thawk kala hap.





"Enteh mualphona min thlen zawng zawng kha tawk iti ve lo ami. Enge ka lak aṭang hian ila duh cheu a, ding chhuak tur awm thei tawh lo khawpa mualpho turin min la duh cheu a mi misualpa" ka zaidamnain atlin ta bik lo. Kan awmna hmun pawh hrechang lek loin ka tihkhum ta phiar phiar. Hospital chhuahsan tur kan thawm hre pha chuan min rawn en haw haw tawk an awm tho chungin zahah ka la thei tawh bik lo. Hmeichhia duh duha chingphar thei amaw a intihna hi ka run lutuk. Chutiang hmeichhia ka nih loh zia chu hmuhtir ka duh bawk.





Ka banrek avawnna athlah riai riai a Tetea dinna lam thinrim ṭunin ka pansan nghal nal nal. Ka mize dam lam chauh ahmuh vang hian min zuam niin ka hria. Chutianga hmeichhe dam dem dem ka nih bik loh zia hi a hmu tam ve tulh tulh tawh bawk ang. A duh duh danin talkual se keihian pawi tihna pakhatmah ka nei lo. Kan nufa a hlimna kan neih chhung chu engmah dang ka mamawh belh hek lo.




*Dintluanga's pov*




"Mahni taksa pawh hlut lo mo hi ka kawl thei lo" ka nuhrawn thusawi ka bengah ari nawn tluk tluk mai. Rose chanchin hi ahriatna lam ka ngaihven lo. Nu vak zau leh thil chik tak anih vangin rei tak hre lo a awm kha ka ring hran lo mahse ahre hma leh lutuk tlat hi engtia ahriat nge tih ka chhut thiam der lo.





Ka fapa leh a nu midang motora chuang chunga an tlanliam chu ka thlir zui reng. Tukina ka khawsak dan kha keipawn ṭha ka ti bik lo mahse enge min mawlh ka hre hrep lo Rose hmel ka hmuh khan kha thil tih chakna khan min fan tlat atin ni.





Kan awm dun hnu khan engtin nge akhawsak zui ka hriat loh mai bakah ka ngaihven hran lo. Hmeichhe thianghlim a ni tih ka hre reng chung khan keiin avawikhatna ka tawng fuh palhah ka ngai mai. Mahse hmuh leh mai kha chu ka beisei ru reng tih phat theih a ni lo, chumi avang chuan kum liam ta zawng zawng khan ka duh tihna pawh a ni hek lo.





Ka fapa nen ka hma a an rawn inlan leh meuh chuan thildang zawng zawng aiin an nufa hi an buk arit lawrlak.





Ka û in adah let leh hnu khan palai lentir turin ka pa pawh ka nawr ngei mahse ka nuhrawn verther zet hian eng thu nge alo fah ni palai ka sawi rik apiangin ka pa nen kan inkar abuai zo vek zel.





Ngaihsak loh zui hmak kha ka tum a ni lo. Khami zing aṭang khan Seni nen kan inkar pawh pawhchah vek a ni bawk a. Ka û nupui vanga ka rilru na hnemtu a ka kawp chu a ni ngei mai. Kan hospital doctor ṭha pawl a ni a, hmeiche hmelchhe lo tak leh smart tak a ni bawk. Ka û nupui vanga mumal ka neih loh laia ka kianga awm ber anih vangin keipawn ka ngaina thuai mahse ka thinlung tak ka pelo tih Rose te nufa an rawn inlan hnu hian ka hrefiah ta chauh.





Mipa laktlak loh zet ang maiin kan in lama ka hruai hnuin ka reh san a, achhan pawh ka pa phalna ka lak theih mai ka beisei vang a ni. Mahse tun thlengin lungtum ang maiin ka pain athuthlukna sawh sawn a tum meuh lo. Mahse ka fapa ka kianga ṭhanglian tura ka duh ang bawkin kawng ka zawng zel dawn tho. Kei anga pahrawn emaw nuhrawn hrawn turin ka phal lo bur bawk.





Khawsikin min ṭham deuh ur ur vanga hospital aṭanga haw hma ka ni a kan boruak tehnuai nen ka chauh ati zul hle bawk.





Rose te in lam pan ka tum zet achu ka lu anawm loh vangin in lam ka pan zui leh ta zawk. Nidangah ṭha taka engkim ka sawipui theih ka beisei bawk. Fapa hi nei lo ni ta ila henu hi ka um zui kher angem tih ka hre lo. Sawi hmaih theih miah loh chu a taksa nalh zet leh ahmel zun nei tak khan kan inhmuh hmasak ber zan pawh khan abula awm nuam min tih tir anihkha. Tunhnu thleng pawn chu chu ala ngai reng mahse duhnaah ka chhal ngawt thei lo. Ka duh chiah em tih chu hunin ala hril zel ang chu.





Karah fa a awm tawh vangin mipa kawplai anei em tih ka ngai pawimawh lo ka fapa hi fahrah dinhmun rahtir loh ka duh a ni tawp mai.





In ka thlenin alo reh ṭhiap mai. Choka lama kan nula thawm chiah hriat tur a awm. Ka pa erawh hospital lamah ala awm tih ka hre tho a mahse ka nuhrawn kalna ka hre hauh lo thung, ka ngaihsak lo bawka.





Ka pindan ka luh rualin ka thawmhnaw hak ka hlip veka nachhawkna sang lote hmawmin khumah ka bawk thla nghal dawt. Ka mu phawt anih loh chuan ka khawsik hian min hmet chau ve thei tlat.



"""""""""""



Ka m****** zei zeta sawngbawltu chu tunge anih ka hre der lo. Zep thu acheng lo tisa chaknain min fan chhuak vek chu ka thaw chhuak leh hrawih ṭhin.





Ka ngaihtuahna a fim tial tial a mit ka men rualin ka hmalama senin pawisak nei lo tih hriat zet a ka m****** a hmuam p*** p*** ka hmuh rualin ka inbeng tho nghal zawt.





"Engthil nge itih?" A chhip sama ṭhamin ka kuai dak awrh a. Zam map lova mitmeng hur zeta min melh chung hian a hmui akutin a nul kual zauh chu ka ner nawk.






"I duh ka pe dawn che" a mit chetkual ralhin ati tham ṭiak rualin akutin a h**** zawm mawlh mawlh chu ka thaw kawk kawk mai.





"Duh tawk rawh" ti hrawkin a zak tawn tawna dawm chungin khum aṭangin ka hlangthla nghal nawlh chu min melh thip zui hlar.






Ka taksa pangngai tir tumin thawk kala leh hrawk a, mahse ka m****** la khawngluah chu thunun harsa khawpin a na ṭul thei thung. Mahse henu laka inhnamhnawih hi ka tum tawh bau lo. Kan inzui lai khan nupa inkar chauh thleng tur zawng zawng hi dai loh kan nei lo mahse tunah chuan danglam turi keimah ka intiam tawh tlat. Hmeichhe dang khawih tumna ka nei tawh lo.






"Baby arei dawn lo i zo vat mai ang" ka taksa abel hneh bawka ka inthunun tum inhumruh kual vel chu ahrethiam ngang mai. Mahse khawih tumna ka la nei lo fan.






"Chhuak rawh" ka ti hrawk chu a nui hak.





"Kha hmeichhia i zankhat hmanpui avang mai khan i kianga awm reng hi min thlauhthla thei amaw" a rawn ti let ve ṭhat chu ngaihsak zui lovin khum aṭangin ka tho nawlh a ka boxer haklai siamṭhain washroom lam ka pan nghal vut.






"Ka rawn chhuah leh hmain lo chhuak fel ang che" ti hmukin ka luhbosan zui hmiah.





"Zodintluang" ti tuarh chunga thil tla keh ri rawp pawh chu ka haider lui hmiah. Ka chetdan hi a fair lo tih ka hria, Seni tan anatdan tur pawh ka hria mahse fa ka nei tawh ka mawhphurhna ka hlen angai. Atirin fa ka nei tih hria ila Seni lakah hian ka inhnamhnawih ngai lovang tih hi ka chiang.


""""""""""""



Inhnuai lamah ka chhuka ka pa leh anupui pawh ṭhutkhawmna lamah inkhel enin anlo ṭhu dun leh ran tawh.





Ka pum ruak deuh hlek vangin choka lam ka pana ka lut tur chiah ka pa min kohna vangin ka hawi let vut.





"Helamah rawn phei phawt teh" dam dup hian arawn ti a. Engmah sawi zui lovin an nupa ṭhutna lam ka pan ve mai.






"Seni te in lamah palai len ṭhain kan hre tawh a" ka nuhrawnin arawn ti zat zat chu an ṭhutna lam melh run hian ka ner nawk.





"Enge i ngaihdan?" Min rawn anga lang thiam zet hian ati zui leh zat.





"Kan inkar atawp fel tawh tih ka sawi chiang viau mai" ka ti ve ta nghut chu ka pain min melh ta ngur.






"A theih loh"






"Keiin ka duh miau silo"






"Khanu kha he inah hian i rawn hruai luh ka rem ti lo tih hi vawi engzah nge ka sawilan ngai dawn. Nge chetziain ka lantir dawn zawk" aṭhutna hmun aṭanga ding khawng luhin arawn ti chhur chhur a. Keiin a thusawi hi zawm ka tum bau lo thung.






"Ka lalut thei lo anihchuan keimah hian ka pan hreh hauh lo" ti chhum hmukin ka ding chhuak ve vut. Apantu zawk nih ka hreh hauh lo, ka ti ngei dawn bawk.





"I pan anih ngai chuan hospital emaw he in thleng hian i rawn rah leh hi ka rem ti lo ang" ka pain ati hrawk mai chu ka kut ka hum ruh viau. Ka fapa fahrah anga ṭhanlentir aichuan min tuithlar rawh se pawi tihna ka nei lo. Ka pang adam chhung chu keihian ngheiin ka siam dawn lo tih ka chiang bawk. Ka thisen ka fapa hi ka thlauhthla dawn lo hulhual.






"Ka chhuah angai anihchu" ti chhum hnukin ṭhutkhawmna lam aṭangin ka pindan lam ka lan chho zawt zawt.





Ka nuhrawnin min koh zui lawm lawmna pawh chu ka bengkhawn zui lo.





Ka thawmhnaw tlem azawng khai chhuakin pawnlam ka pana khua athim chhulh tawh. Ka thuthlukna siamah hian inchhir hauh lo turin ka infuih mawlh mawlh bawk.





Ka motor garage a kala dah luh loh chu pan phei mawp mawpin hmalam seat ka hawnga ka thawmhnaw khaichhuah hnunglamah ka thehlut nawlh.





Ṭhulut zuiin kan inlam hlat zawnga inkhalh chhuakin Rose te in lam ka pan a. Min lo lawm dawn em tihchu ka hre hauh lo chungin pan hmasak ber ka duh tlat si. Buaina zawng zawng chinfel veka chhungkua nih ka duh tih ka hrilh chuan ka chunga a thinrimna pawh areh zui ve mai chuan ka ring. Mahse eng ang mizia nge anih ka hriatchian miau loh avang erawh chu ka huphurh ru tho si.



""""""""""""



Rose te in kawtah motor ka ti ding dawt a chhuk mai lo hian ka ṭhu leh vang vang phawt. Mipain luhkhung tumin ka pan chu ania. A ni tehian an in a ka chen phal tlat lo se awmna tur ka ngaihtuah angai dawn bawk a. Ka awmdan chu anaupangchhiatthlak viau hian ka hre leh lawi si mahse ka pan fel vek tawh.





Motor aṭanga chhuk vutin duhthawh zeta boruak ka hip luh hnuin an in lam ka pan ta chauh.





Ka hma a kawngka chu ka kik dat dat a chhanna ka hmu mai lo.





Kik nawn leh chiah tuma ka kut ka lek uaih tawh chu ka mi hmuh duh ngei maiin arawn hawn tak avangin ka thaw nghal hawk.





"Enge i rawn tih leh dawn?" Min melh ling ve hlar hian ati bul hmak mai. Helai hmuna min hmu chu mal time hmel a pu hran lo. Pehhel chiam ka tum bik chuang lo bawk.





"In bulah ka rawn cheng dawn" ka ti sup. A meng bial nghal kawk kawk chu ahnara piai zauhin ka nuih suk.



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » February 28th, 2021, 1:25 pm

SERENDIPITY








CHAPTER-8








Ahma a helai hmun arawn thlen hmasak ang tho khan min ṭhawng leh dawt tawh! Ka meng bial deuh kawk chu a nui suk suk ringawt zawk thei te chu ka beng pawp chak. Keihian awlsam taka kalo pawm mai aring amaw. Hmeichhe awlsam tak engtik hunah pawh thlem lungawi zung zung theih turin min ngai zawk nge.




Nilo! Hmeichhe awlsam tak angin min ngai tih ahriat vek min rawn pan leh danah! Mahse engtianga luhlul nge ka nih hi a hre lo thung!




Khati khawpa mualpho a min siam hnu khan ka hmuh theiha arawn inlan ngam leh ringawt pawh hi huaisenna nopui hlan hial mai ka nap zawk. Azak lo hi kati ngawih ngawih!




"Haw rawh" ti ram hmarhin kawngka pawh khar ka tum chu hnuailamah akein adang zui tlat anihchu. Ka nau te nupa chaw ei chhuak tura an kal an la rawn haw lo hlauh zawka chuti ni lo se ka nau athinrim leh dawn lutuk tih ka hria. Ka nau chang nilo keipawh tunah tak hichuan ka lung a awi chuang miah lo.




"Rose" a mitmeng adanglam nghal vek. Thuk ruiha min melhna chu ka engah mah thawhtir loh tum sateh mahila awmzia a awm lo chiang kher mai rapthlak khawpin ka chhunglam ati danglam thei chu ka inhaw hluah hluah zawk.




"Hetah hian tih tur pakhat mah i nei lo" ka ti zui leh hmak. Min tihbuai reng hi engvanga nuam ti viau nge anih pawh hi ka hre hrep lo ve.





"In bula chen ka duh" takngula min melh chung hian ati sup a, thawk kala hap. Zodintluanga rawn lan achin kan boruak hi hahthlak kati hluah hluah. Engtia chinfel chi nge anih pawh hi ka hre tawh hlawl lo.




"Atheih lo" ka ti tawl mai. A theih loh mai pawh ni lovin ka duh bau lo. In anei ve reng aduh chuan an inah awm mai rawh se. Keini nufa min pawh phar kual reng hi sim se tichuan tupawh kan ṭha tlang animai.




"Rose" ngenna khat mitmenga min melh reng chuan kei hi ka nem mai ang tih ka hlau a ni.




"Hmeichhe tenawm kianga chen i duh maw?" Ngeiawm zeta ti hlak hian ka nui zui kher. Ni e, Dr. Seni cabin-ah khan min kal pelh dawn khan
'HMEICHHE TENAWM' tih ṭawngkam min hman khum anihkha. A thaw thei tawh phawtin hmeichhe lawi lo zet anga min hmuh tehi ka kham hluah hluah tawh.




Kha zan kha ka nu vang chauha ti ka ni tih ka inhre chungin hetiang em em a avuakletna hi ka dawng dawn tih hria ila Nuhruaii kha ka zui ngai lovang. Pawisa ka va hlawh chhuak leh ta chuang lo chungin hmeichhe hurherh zet dinhmunah ka ding ta pang mai chu ania.





"God! I lo in ngaihbel a, ka sawifiah dawn em ni?"





"Insawifiahna ngaihthlak chhan tur ka nei lo" ti hmakin ka ban ka vai zui thuak. Mahse kha ṭawngkam kha ka inngaihbel mai pawh niloin ka bul hnaia asawi anih vangin keimah min tihchhana asawi ni turah ka ngai hmiah anihkha. Kei lo tunge sawi chhan aneih chuan ang. Min sawichhan lo pawh nise huat hmel zetin min melh zui anihkha keihian ka theihnghilh reng reng hleinem.




"Rose" tham ṭuak hian arawn ti a thawk la zui hapin ka melh nghal hrak.




"En teh, min khawngaih miah lo em ni?" kati chhuak ṭhat. Ka pawr ta hlut mai chu a hriatthiam loh zia ka hmu chiang ngang bawk.




"I duh duha i chin phar theih tur hmeichhe hmuhin min hmu ami" hrawk phiar tawn tawn hian ka ti leh nghek! Ka awrawl aring thawkhat bawka ka hrawk athip nghal hlar thei.




"I huaisen hle mai" sehchilh ran hian ka ti rap rap a ngeiawm zetin ka nui tel kher bawk.




"Chutiang hmeichhia angah chuan ka ngai lo che tih i hre lo em ni" mitmeng dul ruiha min melh chung hian a ti sup chu benchawrh ka chak lutuk.





"Min ngai lo chungin i duh anga anga awmkual turin min thunun i tum si chu anih hi tiraw" ka sam hmalam tla niai chu hui chho papin thawk kala zui hap.




"Ka hah tawh, khawngaihin mualpho belhna tur chu min thlen tawh lo hram rawh ka ngen ngawih ngawih che" kati zuai ta raih chu na zet hian thawk ala ve hawlh thung. Ka thusawi aman thiamah ka ngai nghal hmiah bawk.




"Rose ka fapa bula awm ka duh mai chauh a ni"




Ni e, a fapa bula awm aduh ka hrethiam mahse tunah chuan kan mualphopui nasa tawh lutuk, abul aṭang bawka thleng nawn leh turin ka duh tawh lo. Ka tlin tawh thlawt lo anih hi.




"Tunah chuan i fapa hi i hmuh hlek pawh ka phal tawh ngai dawn lo" khauh far hian ka ti hlak a. Kan hmuh theiha a inlan chhung hichuan tu sawi sep mai pawh hi a awm reng tawh dawn tih ka hria chuvang chuan kan tana ṭha ber chu Zodintluanga hlat a awm hi.




"Buaina ka thlen ngai lovang che u tih ka tiam e" a darsan uk hian ati zawi ruih mahse lu ka thin khum nar nar thung.





"Haw rawh"





"Rose ka dam lo" naupangchhia zet hian arawn ti zat anihchu.





"Chuvang chuan haw rawh" ti hmaka kawngka pawh khar mai ka tum chu akuta lo dangin min si lo chauh hian arawn ding zui hmiah. Kan awmna hmun temperature hi asang nghal vekin ka hria. A taksa lumna chenin ka feel nghal vek thei chu ka inzahpui zawk.





"I mak kati eemai" ka dara achal arawn nghat dat chu mak zawk khawpin ka danglam hneh leh lawi si. Ka thinphu rang zaih zaih chu ahriat ka hlau a ni ber. Ka kut ka humruh nghal vek bawk. Bei hi ati dawng thlawt. A luhlul ngawih ngawih lutuk hi tihngaihna a awm hlawl lo.





"Ka dam lo ka tih chu" mipa naupang pangchang zet hi tunah tak hichuan a ang ber. Naupang dam lo nuin angaihsak si loh titau ngaihsakna dawn duh hi ka tehkhin. Mahse ka nem mai mai dawn hauh lo. Dr. Seni cabin a afawp lai ka mitthla let tel phei chuan mipa tha neih ve a phih nawk mai ka chak hluah hluah zawk.




"Khawngaihin kal tawh rawh, mangṭha le" a awma nawr datin kati leh sapa, atawlh deuh hrut rualin kawngka ka pawt khar pawpa chhunglamah ka kalh zui nghal hmiah bawk. Kawngka nghenga thawk la zui ham hamin chunglam ka melh a tunah tak hian ka pangngai lo hluah hluah bawk.




Ka fapa hian pa nei se hlim takin abulah ṭhanglian se tih aia duh dang hi ka nei kher lovang mahse tunah chuan heng boruak hi ka chauhpui tawh lutuk, adang dawn leh ka huphurh tawh a ni ber e.





In a min dah leh hnua thawm an rawn neih loh aṭang khan a nu leh pain min pawm lo tih chu hrilhhriat kher ngai lovin ka hre thei. Chuan vawiin lam thleng pawn Dr. Seni ngei pawn an inneihna an kaltlangpui dawn thu min hrilh anihkha chutiang kara hmeichhe lawi lo zet ang lo tlak zeh leh chu ka huaisenna hian a ngam tawh hlawl lo.




Zodintluanga kan in lamah arawn lang leh tih hi Dr. Seni emaw achhungte pawn hria se min en liam mai hian ka ring lo. Ka hriat ngai loh chhungkua va chhawhbuai hi kei hmeichhiaah pawh engmah neih nei lo hian ka tum ani lo chungin hun reilote chhungin ka chawk buai vek hman tho a. Kum khua huat rawn nih ai chuan Zodintluanga hnaih loh hlawm tawp hi ka thlang zawk. Keimah a feelings awm hi ka hmu reng lo anihchuan areh zui ve mai ang.





"Mama" ka fapa aw ring lutuk ka hriat rualin ka phu zawk thei.




Hawi â hu hian ka hma a ka fapa ding chu ka melh a anin mak tih hmel deuh tehian min melh thung.




"Mama, ka ko che a i hre miah lo" ati ve chat chat reuh chu ka nuih hak. Min kohna kalo hre miah lo thei ania keihi ka dik lo takzet a ni.




"Sorry" ti sepin adinna bulah ka ṭhuthla asamah ka tuai zui hauh hauh.




"Mama apitei alo haw dawn tawh em?"




"Imm haw ṭep tawh ang" ti sapin azak tawn tawna chelhin ka pawmkang nawlh a pindan lam ka panpui ta daih.




Kan ngaihsak zui lo anihchuan a haw veleh mai chu ka ring tho a chu ka naute nupain kawt vela achetla an rawn hmu hman ang tih erawh ka hlau viau. Ka nau nen tun thlengin kan boruak adik lo zui phah viau nen chhungkua anuam lo ngawih ngawih a belhchhah leh hi thil chakawm zawk zawk a ni tawh lo bawk.





"Mama"





"Imm"





"Papa bulah ka awm duh e" ka malchunga rawn bawk kaiin min melh zui kiau.





"Sawi tawh suh" kalo tih khum hmak chu ahriatthiam loh hmel lutuk. Ana zawnga ṭawngkam ngaihthlak nuam lo hi ka fapa ka hman khum ngai loh ang bawkin ka duh lo mahse apa chanchin sawi fo reng hi ka duh lo. Chu chu chiang takin hria se ka duh.





"Mama, tinge!?" amen zui puai puai chu ka pawmṭha a, min nawrlui lo tura ka duh vangin ka melh zui nghal hrak. Naupang mah nise ka mitmeng aṭanga sawi zui chiam ka chak loh zia hi hrethiam se ka duh tel bawk a.





"Papa, kha hetah a awm tawh lo. Hmun hla deuhah akal tawh" ka thusawi chu hrethiamin sawi zawm tawh lo se ka ti ngawih ngawih. Ka fapa nen pawh nise apa chanchin inhrilh nawn fo hi ka duh lo.





"Khawiah nge akal?" Ati zui ṭiau chu chhang tawh lovin khumah ka dintir a apuakpuan banin ka paw nghal nawlh.





"Mut ahun tawh aw, zingah i tho thei lo ang"





"Mahse, mama" luhlul zet hian ati fan reuh chu ka ngei lek lek.





"Vanlal thuawih tur" ka tih deuh hrak takah chuan thuawih deuh chuan abeiṭha ve mai bawka. Apa chanchin asawi hi thinrimna chhan tur a awm lo tih hre reng chungin ka thinrim tho chu anih si hi. A hahthlak takzet!





Bawihtea paw ur chung hian pindan ka chhuahsana kawngka sawi dat ka hriat rualin ka melh phei nghal vat. Zodintluanga tho anih ringin hawn tumna nei miah lovin choka lam ka pan tlang ta daih.





"Urose!" Hmingtei min ko lang lang riah ka lehhawi leh vat. Ka ring sual! Zodintluanga a ni dawn amaw tiin ka hawng duh lova ka naute nupa lek an lo ni sia.




Kawngkharpui lam ka pan phei hlak hlaka, chunglam ka kalhna ka pawhthlak rualin pawnlam aṭanginnan rawn pawt hawnga ka naute nupa an rawn pen lut nghal zat. Tlaidang zawng aiin ka nau hmel pawh hmuh nuam kati ve ta deuh. Hmingtei erawh mak tak maiin engtik laipawn ka lamah aṭang reng. Dr. Seni hi a cousin a ni a sawichhiatna lam achhakchhuak ngai lo chungin ka nau nen kan boruak apik churh lai pawha min hnemtu ber a ni bawk. Pathian hian ka nau tan aimah chuan ka laizawn ni tura min pek nimai hian ka hre ṭhin. Ka fapa chenin min hmangaih lutuk tlat. Tunlai mo ṭhenkhat ang lo takin a pasala chhungte ti darhtu a ni lo tih hi kan sawi tel hram ange.




"Bawihtea chu a muhil tawh ami?" Hmingtein ṭhutkhawmna lam pan chung hian arawn ti a.




"Ka paw deuh chauh" bawihtea rawn thlek dek dekin a nui hak mai.




"A muhil tawh anih hi abeidan hi kan siamṭha ange" tihpah hian arawn siamṭha nghal rawk rawk mai. Ka nau erawh alo ṭhufel der tawh thung.




"In va puar em?" Ka nau melhin ka zawt zui sap chu a bu nghut mahse ahmelah nidanga hmuh hrehawm khawpa thim khup ang kha hmuh tur a awm tawh lo thung. Chu ringawt pawh chuan hahdamna min thlen huai huai mai.




"Nangni in ei thei zawk em kan kalsan ta daih che u sia" Hmingtein thupha chawi ti tih hian arawn tih zawm zat chu nuih let varin lu kalo thin khum nar nar. Ka nufa chauha kan awm loh pawh hian hmeichhe chawheh tak ti a sawi tur ka ni lem lo.




"Û" ka nau aw ka hriat rualin ka meng awk thei! Kan boruak anawm loh hnua min koh lehna hmasa ber. Ka hmelah ka nui chu lang lo mahse ka chhungril erawh hahdam huai hian a nui ver ver thung.




"Imm" pangngai thei ang berin ka ti a asawi tum ngaichangin amitah tak ka melh kiau bawk.




"Udintluanga motor saw kawtah sawn a inhunga amah lah a motor ngheng meuhin a ding ngur reng bawk sia" Hmingtein arawn tih khalh vat a ka nau pawh abu nghut. Ka thin aphu leh zaih zaih tawh achhan pawh ka nau nen kan boruak adang leh hlak ang tih ka hlauh vang a ni ber! Ka naute rawn haw hma a akalbo hman loh ka hlau em em chungin an rawn hmu zui ta tho chu ania. Tu luhlul thei thei tih show na hmun hi a ni ringawt. Keiin luhtir ka tum bau silo.





"Inah hian arawn kal em ni" Hmingtei bawkin hawikual vat vat hian arawn tih zawm leh zat.




"Kal lo" kati tawi tak thung. Heta cheng ve tura arawn kal thu leh inchhung luh ka phal loh thu hi sawilan kher ka tum hran lo. Mahse kan in kawta a inchhawphnawk reng erawh ka lawm loin ka awm ati nuam lo tel ṭun mai.




"Useni khan an inneih dawn thu kha min hrilh sia amah ber lah chu hetah a awm tlat bawk si...eeh Urose" mitko san zauh zauh a arawn ti hlut chu ka ner nasa mai.




"Engmah a awm lo" ti vakin ka melh nghek! Ka nau ka venthawn tel vang nge ka awmdan hi anuam lo hu thei anih chu.





"Buaina a awm loh ka beisei ania" tiin ka nau ding chhuak vut chu ka melh chho haw!




"Khawiah nge i kal dawn?"




"Ka va en chiang ang chu" ati sam et.




"Angai teuh lo" ka ti nghal ṭhat chu ka hmui ka pet nghal vak. Duh aia ka awki asan vangin ka inthiam lo ringawt bawk.





"Angai lo chiah maw?" Mit zim suna min melh chung hian ati leh hram.




"Teuh lo, aih ngai lo hrim hrim" ka chhang rang lutuk chu an nupa hian mak min tih hmel lutuk tawh. Ka lu ka thing zui nawk nawk nen.




"A duh duhnaah awm rawh se, bawihtea hi ka va mutpui tawh ange" ṭhutthlenga inbengkhalhin ka ding vata thildang an sawi zawm leh hmain pindan lam ka pan zui nal nal.




"Enge maw atih le?" Hmingtein a ti zui nang nang pawh chu ka hre kar mahse ngaihsak tumna ka nei chuang lo. A duh chen chen chu ding rawh se. A duh leh a motor lian zetah pawh sawn cheng se buaina tur ka nei lo. Kalo ngaihven hawrh hawrh aṭul loh ang bawkin min tih hrehawm man chu ahmu ve tur reng a ni.




Bawihtea khumah ka muthlaktira blanket ka sinfeltir vek hnuin khuma ka ṭhuthla ve dat. Eng chen nge helai hmuna awm hi a tum le. Zing thleng ading anihchuan ka tan hian anuam lo zual viau ngei ang. Chu chu sawi ngai lova chiangsa a ni bawk. Ka nau nen kan inkar achhiat leh mawlh hi ka thil hlauh ber a ni.




Nu leh pa nei tawh lo kan ni a, he khawvela ka neihchhun leh ka inghahna awm chhun chu ka nau chauh hi a ni tawh. Ka nuin a boral dawn ni thlenga in hmangaih leh inngaihsak taka awm tura min chah kha hepa vang hian kan puitlin lo mai ang tih hlauhna ka nei tel tawh. Ka nau hi atih tawh loh lamah chuan nawr luih theih miah loh anih ve tho avang hian ka vengthawng ve tho bawk si nen.




Khum aṭanga ding chhuakin pik zet hian thawk kala a. Ka kut lehlama ka kiu dawm kanga ka kutṭang seh niap niap hian kan pindan chhung zimteah ka veitawn sek. Zodintluanga hian nasa takin min tibuai a ni tawp mai!




"Papa" bawihtea lam ka hawi nghal vat. Muhil renga men pui chung hian apa hming ala lam fan chu lainat viau mahila tih theih ka nei chuang lo.




Khum lampanin ka slipper bunlai ka phelha bawihtea kiangah ka inthawlh zui ve vat.




A awma ka kut nghatin ka beng deuh dat dat a, ka pangtilum zawnga che sat sata min rawn hnaih ṭawk ṭawk chu nuih seihin ka kuah khawm veka Zodintluanga zingah alo awm tawh loh beiseina nen mit ka chhing zui ta siai siai.



"""""""""""""


Kan nufa tukverh aṭanga ni zung lutin min rawn chhuna, ka chala ka ban nghat hian ka inkhuh ṭha sauh sauh.




Bawihtea mutna lam ka dapa mahse ka bulah a mu tawh lo. Nui hakin bangkil lam hawi hian ka inlet zui thak. Zingtin ka fapa hi kei aiin atho hma ziah zel, a zingtin dan anih vang hian keimah a zinglam mut chu ngaiah ka nei tawh. Achang phei hichuan ka naute nu pa pawh an thawh hma hian ka phone kengin pindan alo chhuahsan daih zel. Ring zeta ṭhutkhawmna lama rhymes a en hi ka man hriat ruai ruai zel. Naupang hichuan zing mutrei hi an thei meuh lo chu a ni ber. Amaha a awm nin fe hnu hian ka mu min rawn tibuai ziah zel bawk. Mahse tukin chu ahun ngaiah thawm ala rawn nei miah lo.




Ka mitmengin ka hmai ka tuai puat a phak chual hian ka ṭhu chhuak ve thei hram. Mut hichu alo nuam bawk atin ni thawh hi ka hre bar lo. Ka naute nupa pawh hian ngaiah an nei tawh tih hriat reng reng min kaitho ngai lo.




Ka blanket sinlai thehhlimin ka tho chhuak a khum chingfel mai lo hian pindan ka chhuahsan zui nghal vat.




Mahse enge ṭhutkhawmna lama ka thil hmuh hi!




Zodintluanga puanlum zangkhai lampang sin hian ṭhutthleng hnunglam tlang nghengin mitchhing chung hian aṭhu reng! Ka meng bial kawk kawk thei hial mai! Chuan bawihtean sir zawnga ngheng ar ar chungin phone alo khal mial mial bawk!





Eng hunin nge kan inchhung hi arawn rah ka hre der lo. Ka thinrim vangin zingkar aṭang hian ka sa pup pup thei anihchu!





"Lalremruat!"





"Lalremruat!" Ka ti zui leh tuarh chu thingpui no dawm chungin ka nau choka lam aṭangin arawn pen chhuak vut. Zodintluanga mitmeng sen ruma rawn mengin min melh zui ngur chu ahmaah tak ka din chilh hmiah. Ka fapain apa malchunga mu reng chung hian min melh chho haw bawk.




"Engtin nge he mihring hi alo luh theih?" Ka hma mipa ṭhu ngul chu kawkin ka nau dinna lam thip hlar hian ka melh hrawk.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » February 28th, 2021, 1:26 pm

SERENDIPITY









CHAPTER-9








"Engvanga in chhunga hruai lut nge i nih?" Ka ti leh tuarh. Ka fapa ka melha ka thinrim lutuk vangin min hlau nge min melh zak zak chungin apa malchungah alawn a apa awmah a hmai aphum zui daih. Ni e, min hlau ang hetiang em em a thinrimna hi ahriat turin kala lantir ngai miau lo. Zodintluanga erawhin mitmeng dul ruih hian ka thinrim in rak kual vel chu min melh reng bawk.




"Ka û a dam lo alawm chuan...." ka ban ka vai zui thuak. Ahma zawngin hepa vang hian ka lakah ahel tlat a, tuna taka alam aṭang leh hi hriatthiam pawh tum viau mahila ka hrethiam thei ngai lovang.




"Dr anih hi ngaihsak angai lo chuan in anei bawk" sehchilh ran hian ka ti rap rap.




"Û helai thleng arawn kal tawha lo ngaihven loh chu anun rawn thlak iti velo maw" a thingpui no tlang ahmuia nawr bet chung hian arawn ti sam et anihchu! Eng hi nge ka chhung tehian an hriat pawh hi ka hre hrep lo ve. Ahma zawnga amah vanga min thinrim khumtu hi tunah athlavang hauh zawngin a awm leh tlat tawh ania.




"Nunrawn thlakna pakhatmah ka hmu ve lo" ka ti zui leh hlak a. Zodintluanga ṭhutna lam hawi lehin ka melh zui rawm rawm bawk.




"Hetah aduh phawt chuan acheng ve thei ang!" Ta deuh deuh chuan!





"Engmaw!?" Ka kawchhung sa pup pup hi ka ṭap lo chauh tawh. Hetah achen ve theih thu ka nauin a sawi anihchu! Hepa hian engtiang taka thiamin nge ka nau hi alo thlem hman ni!




"Hetah kan kiangah acheng ve thei ang tih ka sawi anihchu!" Ati zui hmuk chu ka melh tlawk tlawk!




"Enge i hriat a!?" Abak sawi tur thlawt ka hre lo! Engkim hi amak vel vek a ni tawp mai!





"Û" a thingpui in no ṭhutkhawmna sir deuha dawhkan tetakte kan dah chungah a hungthla a thu tak zet hian min melh zui bawk.




"Kan mualpho ta sa sa mualpho belhna tur chuang a awm tawh lo chuvang chuan hetah pa nih duha arawn kal anihchuan in nufa tan engah nge kalo pawm mai loh ang. Bawihtea hian pa a mamawh tih chu midang zawng aia hrechiangtu i nihkha. In nufa athlazar hnuaia in awm theih tluk aṭha a awm lo, ni lawm ni" ati zui ta duah. Mitchhingin awm sep dawrh khawpin thawk kala zui hak!




Bawihtea hian pa a mamawh tih hre lo ka ni lo chumi avang ngawt chuan hepa hi ka lo pawm ngawt ang tihna pawh a ni chuang lo. Ka ngaihtuahna hi Zodintluanga hian atibuai kual vel vek.




"Û pa tel lova fa pawm chu mi nawlpui hmuhdan chu i hriat vek kha! Mi zawng zawng rilru put hmang athuhmun vek thei lo. Khawngaih tawk che an awmna karah a chhe zawnga sawi che chu atam zawk anni reng dawn!" thu tak zetin ati tel ta duah.




Ka nau hian asawi dik vek! Min khawngaihtu tlemte an awmna karah hian min deusawhtu chu atam zawk engtik aipawn an awm reng. Ka haidera ka haider zel bawk, mahse kati leh hram ang tunah rih chuan Zodintluanga hi awlsam takin kan nufa kianga awm tur hian ka pawm thei hrih lo. Amah vanga ka mualphona hria chuan min dem thei bikin ka ring lo, tlawm tawpkhawkin min siam miau a.




"Chumi vang ngawt chuan keihian kalo pawm nghal thlapin i ring em ni?" Luhlul chhuah ngialin ka ti hlak.




"I pawm leh pawm loh chu i thu a ni tawh mahse heta chen aduh anihchuan keiin lo hnial ka tum hran lo" a thingpui no lakangin choka lam a pan zui daih chu ngawi reng hian ka melh mawl tawp. Mipa a ni a mipa bawkin akianga arilrua awm te aphawrh anihchuan ka nau hian alo hrethiam vek ang tih ka ring thiam ta mai, hmeichhia pawn kan hmeichhiatpuite harsatna kan hrethiam ṭhin ang hian.




Ka hmai hup zui thakin ka ngaihtuahna buai kual nuai thawk chhuah tum ang hrimin thawk kala zui hak hak!




"Haw rawh" rum lutuka Zodintluanga ṭhutna lam melh nghekin ka ti leh hmak tho. Ka nau chuan apawm keiin ka pawm lo thung!




"Rose!" ti ṭuak hian aheh hil ro rup mai chu aliak hnawm zauh.




"Ka chetdan amawi lo tih ka hria chumi vang chuan itan aharsa ang mahse ka theih tawp ka chhuah dawn tih hi hria la ka duh" bawihtea kuah khawm vek chung hian ati sup. A hmel lang zuai ruih chu ka khawngaih ka pha lo, amitmeng a sen rum nen mahse khawngaih anga lan ka tum lo bur.




"Hrethiam ni la ka tana harsa zual tur hian i khawsa zui reng lovang" ka ti let ve tlat. A ni chiah reng harsatna zawng zawng hi ahre vek teuh lo! Mipa chuan vengchhungah mualphona pawh tawk mahse rei an sawi zui peih ngai lo. 'Mipa ania lawm' tihah atawp mai ṭhin. Hmeichhia erawh a ni ve hauh lo hma lam hun thlengin anghawng vek tawh ṭhin. Khawihmunah pawh kal ila ahria apiangte sawi sep leh nuih kan hlawh zel. Chu chu kan mizo nundan a ni bawk. Miin eng harsatna vanga mualpho nge anih tihlam chhutpui ahneka kawktu nih kan duh zawk tlat zel.




Miin an mualphona phenah hian engtiang taka harsatna thuk nge apai tih hi kan sawisel hma hian ka chhutsak fo hi aṭha. Chutiang kan ti thei lo anihchuan kan chawbar khat pawh len phah lohna turah hian kan chilper hi ui viau tur. Tu mihring mah hi famkim kan awm lo chuvang tak chuan mi buaina nuih sawh emaw deutu nih zut hi sim aṭha viau mai.




"Bawiha, i putea te bulah lo va kal rawh le" ti supin afapa amalchunga tawm tlat chu ahlang thla a. A nu hi min hlau deuh nge ka phone hum ran hian min hel deuh zawnga choka lam a pan ve khat khat chu ka haw reuh zek a.




A puan sinlai ṭhuthlenga hnutchhiah tawpin ka hmaah tak arawn ding zui vut!




God! Temperature hi asang leh zo vek tawh! Min hnaih tawh phawt chuan ka mumal dawn lo titih zel mai hi thunun dan thiam loh hun hi athleng dawn tih hi ka chiang rang ngang tawh!





"Kan chhungkuain hmalam hun pangmgai takin kan thlir thei angem?" Ti nghuta min ban atum chu ka tawlh hla dat thung.




"Rose, ka nghak thei che. I rilru damna tura insiamrem zel ka duh a!" Takzet chuan! Hepa hi achiang hlawl lo nge a huaisen mah mah zawk!




"Kan hmuh phak lovah awm la tichuan ka dam animai" chang fak hian kala ti fan.




"Chu chu ka theiin ka ring lo" luhlul zetin ati zui hluk mai.





"Engvang maw?" Ka kut kuangkuah fel at hian ngeiawm zetin mitko ka san khum zauh. Mitchhingin thawk ala hawk a ahmui hnuai a seh zauh chu chil kalo lem dawk! Eng ka hria chu nimaw.




"Pa ka ni tawh. Ka fapa thlauhthlain khawiah mah ka kal thei lo" nghet churh mai hian arawn ti a, sawi tur min ti haihchham vek tawh.




Kalo beisei dan chuan keihi chhete tal pawha min ngaihsakna lantir aduh ve tel turah ka ngai! Mahse.....a fapa vang chauh. A hmeichhe duh loh bulah afapa vanga inpumpek atum chu afakawm letling khawp mai.





"Ka ning che!" Ram hmak ati hlar hian pindan lam ka pansan ta daih.





Ka thawmhnaw haklai ka thlaka, kan khum chu thinrim ṭun hian ka thlep fel nawk nawk bawk!




Zodintluanga hian haw atum tlat si loh chuan in khatah kan cheng ho dawn ania. Ka ngaihtuah zawng ringawt pawh hian ka pik churh hian ka hria. Mahse hei erawh ka chiang atum ang ngawt chuan min tikual bik dawn hauh lo tih hi.


"""""'''"""""""


Tukṭhuan eikhamin ka nau school kalin a chhuak a, Hmingtei pawh dawr lamah akal chhuak ve nghal.




In lamah keini nufa leh Zodintluanga kan awm thunga. Dawr kal ve tum ngial mahila Hmingtein inla zei zet hian inchhungkuain in lo nghak ru ati zat zat reuh anihkha. A sawilai khan ahmuia khawn fawk ka chak zia kha.




Zondintluanga leh bawihtea ṭhutkhawmna lamah an awma kei chaw ei kham inchinfel zawh hnua pindan ka lut kala chhuak leh ta miah lo. Helai pindan zimtea tawm hi ning viau mahila kha mihringpa hmel hmu reng thei a awm kha ka chak bau si lo. A hahthlak zawk!




"Mama" ka hawi chhuak nghal vat. An pafain pindan kawngkaah inpawm ul hian anlo ding reng.




"Enge?" Ka aw chhuak nem lo lutuk chu Zodintluanga'n a mitmengin min rawn khap vat a ka hmui hnuai ka seh ta ringawt. Naupang kianga awmdan uluk angaih zia hrechiangtu ka ni reng chung hian kalo insum hman lo leh ṭhin.





"Hetah i awm zel a" ati ve bai bai chu ka ngei reuh lutuk. Apa arawn lan ve achinah hian mi hi ahlat tlat hian ka hre pek anihchu.




"Eee...insuk tur a awm tak e" ti hliaiin ka ding zawt a. Closet lampanin thuamhnaw bal pawh ni hlei lo lakthlak rem ho chu tam vak lo ka pawm chhuak a.




"Ding sawn rawh" ti hlakin Zodintluanga kawngka bula afapa pawm chunga ading chu ka nek deuh sawk. Hepa hi hospital lama kal atum lo zawk nge. Inah atal hrut hrut ringawt a.





"Mama te nen kan insu ang" a fapa hnar a piai zauh hian ati zuk. Bawihtea phur zet hian a kut abeng thak thak mai. Ngaihsak zui lovin ka thuamhnaw pawm ho chu bathroom lam ka pan pui nghal daih.




"A naaa.....!!" ka ti zui tuarh chu Zodintluanga bathroom kawngka bul arawn thleng rang lutuk tlat!




"Khawimaw?" Ka banrek ka vawn lam arawn ban vuta keiin ka pe duh der lo.




"A na lai kha ka en dawn" ti nghuta rawn ban leh atum chu ka melh ling leh hlar tawh.




"Tihian ka insu thei lo tih i hria ang chu tiraw" khabe poh vaha melh chho chung hian ka ti hmak chu a meng ve kawk mai!




Ka ban hi a na reng reng lo. Ka duh zawk tak chu engtiang chiaha ka tih hrehawmna hi nge atawrh theih tih en ka duh vang a ni! Chuan thuamhnaw ka pawm chhuah ho hi kut ngal ngatin ka suktir vek dawn bawk!




Ka ngaihtuahna zet chu!





Lehlam hawi hian ka ṭhen vak. Ka sam hmalama tlain ka hmai ahliah vek zui nen ka hmel awmdan chu a hmu thei lo tawp ang.





"I tih tur i hria em!?" Ka aw thian kharh kharh hian bathroom kawngka bula mipa ding khawng luh chu ka melh leh vak.




"I insu dawn!" Mitko a san uk rualin ka ti zui hmak chu a awihawm loh zawk khawpin ahmel adanglam thei.




"What!?" A ti hluk chu zam map lo hian ka melh ngar.





"Heng ho hi su rawh, ka ban ana tih i hriat ka ring" chang faka ati chumg hian ka banrek ka dawm beh reng chu ka lekkang zui zat.




"Kalo en ang"




"Angai chai lo!"





Insuk hreh hmel lutuka min melhna chuan ka nuih ati za. Ka chhunglam chu a nui tlawrh tlawrh nangin pawnlamah ka tilang lo thung. Heibak tih hreawm dan tur ṭha zawk ka hriat miau loh vangin hetia ka tih mai loh chuan.





"Rose" ati zawi ruih mai. Hreh hmel lutuk hian machinne chunga ka thauamhnaw dah vum thur chu amelh zauh a min rawn en leh rualin thawk ala hawk. Dr mi ngaihsan rawn hian athauamhnaw takngial pawh asu ngai dawn lo tih ka hria. A room takngial pawh atifai ngai lo zawk ang chu. Chung ti tur chuan anni ang chhung neinung lutuk hichuan nula an kawl vek ang mahse helai hmunah hichuan a insu dawn a ni tawp mai!




"Awm sawn rawh" ti hlarin kawngka bula ading chu ka melh ngheka atawlhsawn hrut hnuin bathroom ka chhuahsan a. Ka hmui hnuailam pet fan hian ka mit ka chhing ta ngawt. Ka nuih aza ve thlawt.




"Hey machine a nuai ka duh lo" ka hawilet leh machine chhunga thuamhnaw dahluh atum ka hmuh rualin khawng deuh tak hian kati leh ṭhah.





"Kutin maw" a hamhaih hmel chu rapthlak zawk khawpin a lainatawm. A kutah ka thawmhnaw ṭhenkat akenga lehlamah surf bawm ahum run bawk. Machine amelha kei min rawn melh leh zauh chu za lo tih hriat ngawih ngawih hian aṭhen zui suk bawk. A hreh lutuk tih chu ka hmu thiam ngang mai.





"Aw kutin su fai kelh rawh"





"Ok fine!" Ti supin aṭhuhniam ruai ruai a chawtawlha tui chhung pawp pawp hian surf bur ahawnga abur chhunga awm zawng abunfai nghal vek anihchu. Mahse inrawlh ka tum chuang lo. Athiam ang angin ti ve rawh se.




A ni ang palian lutuk chevel chuan kan bathroom zim ve techu aluahkhat hneh ngang mai bawk si nen ka insum zo lo ṭhelh mai.




Thawmhnaw chawhtawlha achiah luh vek hnuin min rawn melh leh zauh a, a thil suk tur lamah kalo thle zauh thung chu athaw leh hawk.




"Fai deuhin su ang che" ti hlakin ka pen sawn zui ta daih. Thuamhnaw bal anih lem loh vangin aduh duhin lo nuai kual ve tawh mai rawh se. Mahse a surf hman nat lutuk vang erawh kha chuan atleuhfai zo lovang tih ka hlau tel tho bawk.





"Fai deuhin tleuh bawk ang che, sawr zawnga ala phawn theih vaih chuan i chak lovang" letleh ngatin ka va ti zui leh hram bawk a. Keipawh hi ka duhnaah chuan ka ngeiawm thiam ve zek mai.





"Ka hria" nuai ve chawt chawt chung hian arawn ti hmuk chu ka ṭhen sak. A phawn nasat mai zia chu pui tak a ni tawp.




"Bawihte" ṭhuthlenga ka fapa lo muhil bam mai chu ka pan a. A mutui ngang mai. A awm zawn a ka phone apawmbeh chunga rhymes in play reng chu lakthlaksakin ka hmet tawp a ka nuih seih. A tlangval ve tawh takzet awih miah lovin alo muhil ve chu ania.




Pawm tho nawlhin pindanah ka luhpuia, khuma mutthlain blanketin ka khuhṭha nghal vek bawk.




Pindan chhuahsan mai lo hian ka fapa bulah ka ṭhu a. A biang tai tek chu ka tawk zauh. A pa hi rawn lang lo ni se keihi chu ka ṭha mai ang tih ka hria. Ka fapa pawh akum atam anga apa ahmuh chak thu asawilan ziah pawh azia ve mai ang tih ka hre tel tho bawk. Mahse apa arawn inlan achin kan boruak hi ahahthlak kual vel ta vek chu ania. A pik zawnga ngaihtuah chuan rilru mumal lo lek khawpa ngaihtuah tura pui hi atam lutuk.




Tunah kan bula cheng turin arawn lut hlawl a, achhungte lamin min pawm lo tlat anih chuan keini nufa hi min chhuahsan leh mai angem tih chenin ka ngaihtuahna avak kual nasa. Chhungkaw pangngai anga nun hman ho hi hreh zawk zawk ka ni bik hran lo. Chhungte pawm loh chunga bulṭan hi kan buai mai ka hlau tel bawk. Bakah kalo mualphopui tawhna te nen ka inven ve angai tel cheu bawk a. Ka ngaihtuahna hi abuai takzet a ni.





"Ka zo tawh" Zodintluanga aw ka hriat rualin ka hawi chhuak vat a. Pindan kawngka bulah a thawmhnaw huh deuh phung hian alo ding run reng. Heti taka huh tur hian engti fakauin nge maw asuk bik le.




"Lo va chhuak rawh" ti sepin bawihtea lam ka hawisan chu kawngka pawnlam aṭangin a inkhar zui nghal khap. Chhuah ka tum lo zet a chu ka ngaihtuahna vir zawk vangin ka ding khawng nghal at.




Enge ka tihtir leh dawn tih hi lo thlir rawh se!




"Khawiah nge i thuamhnaw suk chu"





"Ka zar tawh" a shirt haklai hlip thawkin chhuatah adahthla zui nghal daih chu ka hnungchhawn ta ringawt.




"Engvangin nge i inhlip ve ngawt?" aw ki sang lai hu hian kati ṭhat, ka awmdan adik lo leh nghal der chu ka inhaw thlawt.




"A huh" a ti nghut.




"Aw anihchuan khawi min lo pe rawh" ti nawi niaiin amah pawh en lo hian ka kut ka lek chhuak a, ka kut arawn hum zui zat chu ka phu zuk!





"I kawr kha chhura" ti hlarin ka inhera rum zeta ka melhna chu ngai pawimawh lo tih hriat zet hian a kiai suk anihchu. Zep lova sawi tawp chuan a taksa lang thei chin zawng hi chu analh thlawt. Mipa hmelṭha ṭha vur ti a sawi tur ni miah si lovin mi hipna anei tel bawk. A khaikhawmna chu hmeichhe hip thei tak tur pian leh hmel anei tih hi a ni ngei ang.




"Khawi" akut ka vaithla nghal lawp. Ka kunhniam a chhuata akawr adah tawp chu banin ka ding mar lehnghal vat.




"Chhuat nawh angai ang aw"




"Keimah hian maw" meng awk hian ati leh pek. Atum loh deuh deuhin ka ṭhawng dawt dawt chu anih hi.




"Aw, nang lo biak ka nei em ni?"





"I ti mah mah lo maw" ti nghutin lawm loh hmel fe hian min melh ngur.





"I nawh dawn loh chuan haw rawh"





Awi leh! Ka ṭawngkam hman duhdan chu naupangchhia ni nghal lo chuan!





"Ka nawt dawn lo tih ka sawi lo" ati leh bur bur lawi si. A hmelah chuan a huphurh zia ka hmuthiam rang lutuk mahse a nawtfai vek dawn tho tho!





Chhanglet tawh lovin bathroom lam bawk ka pana, a shirt huh hluam machine chhunga vawmlutin chhuat nawhna sukfai sa vek chu chiah huh deuh hlekin ka khai chhuak tel nghal a.




"Kha nawt vat vat rawh." Ngawi rengin chhuat nawhna ka khai chu arawn ban zui ve mai bawk a. Min hnial hrep tawh kha ka ring ania mahse ka rin aiin thu a awih daih mai.





"Fai takin nawt...." kawngka kik thawm a awm vangin sawi zawm lovin nawt turin ka mitmei a kawngka lam ka pan zui vat.





"Nangni maw?" Kawngka ka hawn ruala Dr. Seni leh Zodintluanga nu hmel ka hmu zat chu ka meng deuh awk thei. Tun ang hunah enge hetah an rawn tih dawn?




Zodintluanga a awm tak e, amah hmu tur lo chuan anlo lang tawp nang.




"Kan lo lut thei angem?" ngeiawm lam maha min ṭhen khumsak chung hian Zodintluanga nuin arawn ti a. A mitmeng verther hmel zet chu ka ngaina lo nghal tawp bawk.




"I doctor khawilai chu kan rawn hmu lawk ang chu!" Dr. Senior ṭawng duhdan chu angeiawm kher mai. Nidanga doctor nunnem hmel deuh ka hmuh ṭhin kha ahmelah hmuh tur pakhatmah a awm lo. A awm lo mai pawh ni lovin min huatna mitmeng ka hmachhawn chu anih si hi. Engmah sawi lovin an luhna turin ka ding sawn nghal vat.





"Zodintluang eng thil nge i tih kha?" Ka hnung mai a ding chunga Dr.Seni'n a tih ṭhat rualin kawngka pawt kharin ka hawilet ve vat a. Zodintluanga'n a chhuat nawhna hum run reng chu chhuatah athehthla zui nghal hmakin hmeichhe pathum ding tlang ṭhap chu min melh ding ngur hian ading khawng nghal luah.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » February 28th, 2021, 1:26 pm

SERENDIPITY









CHAPTER-10









"Enge in rawn tih dawn?" Ti hmukin a kekawr ip a zen tel nghal hmuk. Dr. Seni leh a nu hnungah ngawi rengin kei ka ding thung. Helai thleng thleng a nu meuhin arawn um zui hichu thil awm lo pawh a ni hran chuang miah lo a chu mahse ka rin ai hmain arawn lang hi nuam lo chu ka ti ve tho. Bakah keiin ka thlem emaw anti tihlah Dr. Seni ṭawngkam hman duhdanah khan achiang reng bawk si.




Innei mai tawh tura chhungten an pawmpui vek tawh inkarah ka duh vang ni miah lovin ka tal awka. Chumai pawh ni lovin an chhungte lam thlenga ka tibuai tel vek mai chu nuam hi ka ti hlawl lo. Ka zak em em bawk.




"I pa lungawi loh zual hma hian rawn haw rawh" a nuin ati ram hmarh mai.





"Ka tum lo" A hmel alang rum lehnghal vek tawh. A aw chhuak pawh angaithlatu tan chuan beng ahah lek lek thei tih tur khawpin a changlam mah a ni bawk. Mahni nute ṭawngkhum nan chuan a mah mah kati viau mai.




"I û chunga awm i tum ngar ngarna chu he hmeichhe satliah hian a vawṭhiat vek tihna em ni?" kha fak a tiin runthlak zet hian a nui tel kher. Nu leh fa indawr dan tur a ni hian ka hre lo anu ṭawng duh dan hi, mak kati lutuk. Kei leh ka nu inkar anga dam a ni miah lo.




"Kan ṭhu phawt dawn em ni?" Hnunglama rawn thle zauhin a mitmeng fiah leh lian zet hian Zodintluanga nuin min rawn melh hrak.





"Aa...aw...ṭhu ru" ti nawi niaiin ka kut hmalamah ka suiha ka hmer kawp nghal nghek. Anu hi ka hmel ngainat zawng a ni lo. An in a ka hmuh hmasak ber ṭum pawh khan ka ngaina tawh lo. Mim hua tihchu ka sawi dawt thei lo nangin ka ngainat zawng a ni lo ve tawp.





Ṭhutkhawmna lam panin an ṭhuthla a, kei ka dinna ngaiah mikhual zawk ang maiin kala ding ngar chu Zodintluanga'n min rawn melh zawk a. Ṭhutkhawmna lama kal turin min mitmei zui nghal zat bawk.





Thaw hapin ṭhutkhawmna lam ka pan a, a dinna bul ka thlen phei rualin ka kut alo ban vat chu rang takin ka pe vat. Dr. Seni hmel nelawm loh zual lutuk chu ka hmu rang kher bawk.





"Inlo kal chhan chu?" Dintluanga'n ti hmukin min ṭhutthlakpuia amalchungah ka kut nghet zetin a hum bo nghal vek. Lo ṭan tumna ka nei hran lo. Tunah chuan Dr. Seni aia athlan zawk ka nih miau tawh avangin inthlahrung viau mahila a thuthlukna hi keiina ka duh duh a ka va siamremsak theih ni hek lo.




"Lo haw rawh" pehhel miah loin anu zawkin arawn ti leh thawr mai.




"Ka tum hran lo" rul tawk lek hian alo ti sam et.




"Luhlul loh ava ṭha ve mawle"amitmeng lian leh nem lo takin kan pahniha min melh ngarin anu bawkin arawn ti let ve hmak.




"Ka rilru ka siamfel tawh" ti hmukin kan hmalama hmeichhe pahnih ṭhu chu a melh ngur reng. Hetiang mipa luhlul lutuk hi a rilru an hnehsak chuang hian ka ring lo.





"I nu i ang sawt dawn riau mai!" a nu bawkin kha faka arawn tih rualin a malchunga ka kut ahumna chu a na lam lek lek a ni.





'I nu i ang sawt dawn riau mai!' chu chu eng a sawi tumna nge ka hrethiam der lo. Tuna ka hma a ṭhu hi a nu tak tak a ni lo zawk tihna nge. Ka hrethiam ta hauh lo mai.





"Ka nu chanchin lam ri hlek suh" Dintluanga'n ati zui hluk. Buaina nasa zawk achhuah mai hlauhna nen ka thaw dep dep thei. Dintluanga ṭhutna lam ka hawi chu alo insehruh fun tawh. Hmeichhe laka thinrim chiam aduh loh vangin a inthunun ve hle tihchu ka kut ahum natdan aṭang hian ka hrethiam bawk. Dr. Seni erawh arawn thlen tirha a ṭawng bak kha ala ṭawng leh ta miah lo mahse ami melhna ahriam hrak thung. Chu chuan a lungawi bik chiam loh zia chu atilang chiang ve thawkhat tho bawk.




"Bawiha" leh lawi si chuan mahse a kamchhuak a nem hle amitmeng erawh chuan khakna hlir alanchhuahtir thung.




"Bawiha" Dintluanga'n lam nawn ve supin ngeiawm lam lek lek hian a ṭhen zui suk. Hemi te nufa inkar hi eng chiaha ṭha lo nge anih hi ka hrethiam ta kuarh kuarh. Pakhatin a fapa khei ranin ṭawng nuam ati a pakhat zawk lahin alo ngai thei bau lo. Engtin nge in khatah an chendun theih reng tihlam kalo ngaihtuah daih tawh.





"Luhlul inchhuah renga Seni nen in inkar i chhuchat zui anihchuan i chunga thleng tur chu i hriatthiam mai ka ring" a bawp khawkherha mit chetkual ralh hian ati chang fak chu mit khap lo lekin keiin kalo melh thung. Tarlam ahnaih tawh chungin nu khawsak nuam tih takah nula tam tak aiin ala nalh ang tih hi ka chiang. A make up, a thuamhnaw inbel leh tlereuh zawng zawng nen nula ang chauh chu ala nih hi maw!




"Hetianga ka awm hi chu i lawm zawk viau lo maw?I fapa duat zet hlum loh choh tan" Tham lo zetin Dintluanga'n a chhang let ve chu a mitmeng adanglam zawk a chu reilote hnuah arawn nui hak thung.




"Ka fapa hetianga a awm hi hmuh nuam ka tiin i ring em ni?"




"Helai hmuna kan inphawrh mualpho hma hian chhuak vat mai teh u. Ka thuthlukna hi sawhsawn ka tum lo" nghet churhin ati ta hrawk chu anu hmel hmuh anuam ta chiah lo kher mai.




"Zodintluanga nang fa chuang mai mai hian mi zahna hi i thlachham hle mai" a awki ala sang chuang lo chungin alawm lo hle tih chu ahmel leh mitmengin a lantir vek. Chuan 'fa chuang' tih ṭawngkam hi nuten fate chunga an hman duh turah ka ngai ngai lo. Tuna anu hi anuhrawn pawh lo ni ta tehreng se a ṭawng duhdan aṭang hian a nasa kati ve thlawt.





Zodintluanga lam ka hawi a, a bek ruh pawng chhuak ṭawlh ṭawlh leh meng thim khup mai chu a insum thei tawh dawn lo emaw ka ti hman hial mai.




"Lo haw ka tum lo" ti hrawkin khap lek lo amitmeng rumin ahma a hmeichhe pahnih ṭhu chu amelh ngur reng. A mitmeng vang rinngawt pawh hian kei ni ila ka khur chhe vek tawh ang mahse hmeichhe nasa tawh vek vek hichuan hlauh hi anlo nei lo khawp anih dawn hi. Hmeichhe chunga kut lek duh mipa chu ni ngat se helai hmunah hian apawtsawm vek duh ang tih tur khawpin ka kut ahumna tha aṭang nasa lutuk.




"I thuthlukna chu kan zahsak ang che. I inchhir lo turah ngai ang aw" thinrim ri bung bung ni lo mahila kan boruak in ep ru ut mai chuan awm ati nuam thlawt lo. Keimah vanga chhungkua an mumal lo tih hriat phei chu anuam lo leh zual.




"Inchhir ngai lovang" kamthlawn ba duh lo ve ve chu an inchhawn zat zat reng zawng anih hi. Mahse Dintluanga hi demna ka nei lem lo a mawhphurhna hlen atumna hi ka lawm em em rualin achhungkua lak aṭanga tal hran tumna rilru anei erawh nuam kati lo. Tupawn nuam an tiin ka ring lo bawk.




"Helai in chheteah hian i hlim ang maw?" A ṭawng duhdan hi amak kati thlawt, min hmusit hlawm tawp tih sawilang fak lo mahse achiang kawlh kawlh viau. A kam chhuak reng reng chhungril a fan ngut ngut thei.





"He inah hian ka hlim ang tih ka chiang"





"Seni i kal teh ang" A ding chhuak zui a. Dr. Seni mitmenga huatna lang chhuak zut zut chu keimahah afu reng tih ka hriat vangin ka ip zui chawih chawih. Mahni inthiam lohna neihsa nen phei chuan pangngai taka indawr ṭhin kha tunah kan in ep tlat tawh dawn si. Huat neih emaw hawtu neih hi ka duh ngai lo mahse Zodintluanga vangin hun reilote chhungin chung zawng zawng chu ka tan hel ngaihna awm miah lovin athleng fai vek.




Mahse ka rilru ka siamfel ve ta thung. A chhungte kalsana kei leh ka fapa tana rawn inpumpek mipa hi eng aiah nge kalo vawn mai loh ang. A ni ang mipa ṭha hi ka tawng leh ngei dawn em tih pawh hriat ni si lo, hetiang kan thleng ta sa sa hmeichhe zakthei lo ang zeta vawnlet ka thlang tawh.




Dr.Seni banah vuanin a kaitho a, penpui atum zet tawh chu Dr. Seni a pensawn ve ta hauh lo chu arawn hawilet leh hnuhnawh.




"Zodintluang hetiang mipa hi i nih kalo ring pha lo" thinrimna lam ai mah chuan natna a awah alang tam zawk. A nuam hlawl lo. Keimah ka inthiam lohna azual tulh tulh mai bawk si nen.




"Ka na chu chu ka sawichhuah loh pawn i hmuthiam tih ka hria" angawi zui leh dat a.





"I damchhungin harsatna tawpchin nei lovin a um zui theih nan che kalo dilpui ang che. Chu chu thleng dik ngei bawk rawh se!" chang fak a arawn ti chu ka meng nghal awk. Dintluanga erawh engah mah ngai lo tih hriat zetin aṭhu ngawi ngur reng thung. Na taka min siamtu hi awm ta se hetiang hian ka awm ve tho ang tih ka hria.





"Chuan nang taksa hmanga mipa vehthlem ṭhin kha mi chhungkua i tihbuai man hi ila tel ang!" ka nghing nghal dawt thei! Hetiang em em a hmeichhe huai sar hi Dr. Seni kha a ni talo amaw ka ti hial.




"Kei emaw mipa dang emaw hnenah a taksa vawikhat pawh ala hralh lo" Zodintluanga'n Dr. Seni te pahnih dingdun pan mai atum chu akawr hnunglamah ka pawt ber nghal vat a thawk la hrawihin arawn ṭhuthla leh dawt. Buaina liantham zawk kan inchhungah hian chhuak turin ka duh lo. Ka nu khan buaina achhuah chang pawha ngawi zawka ṭan theihna hi mi puitling zia tiin min hrilh fo ṭhin. Khang athusawi zawng zawng kha tun hi aṭangkai hun a ni tih ka hria mahse ngawih chu ava har si em.




"Chumi vanga fapa nei inni tih hi ka hre lo turah in ngai em ni?" Dr. Seni'n arawn ti ṭhat. A khabe a inkhawng zui dat dat. Engtin nge kum li kal ta thil thleng zawng zawng hi ahriat theih? Ka hrethiam lo takzet. Nuhruaii hi hmeichhe ṭawng mai mai chi a ni lo tih ka hria mahse hetiang teh nuaih kan dinhmun anih hnu hian Dr. Seni hian min chhui tih chiang takin alang vek. Heng zawng zawng ahriatna pawh tudang anni thei lo mahse Nuhruaii hian awlsam takin a sawi chhuak thei dawn em ni.





Zodintluanga nu erawh ka nei lo ang hmakin Dr. Seni ṭawng chhung zawng ahmui achip tlat thung. Pakhatin aduhthala afapa aṭawngkhum hnuin pakhat zawkin kei min ṭawng khum leh zat chu ania. Kan in a ni chungin kala ngawi thei lutuk hi mak ka inti hial zawk.





"Hmeichhe mawl tak engmah hre lova talkual mai mai chu ka ni bik lo" ati leh ṭhat chu mit ka chhing ta ngawt.





"I û nupui vanga.....!"





"Ngawi rawh!" Zodintluanga'n ati zui ṭhawt chu meng kawkin a kat zui dawrh thei! Ka bula mipa ding mek hi a dawhtheihna apan viau tawh tih ka hria. An tana chuan helai hmun hi ngawi renga chhuahsan afinthlak ber bawk ang.





"Kal ang" nuin arawn ti ta hlauh. Dr. Seni erawh apuak mai ang tih hlauhawm khawpin ahmel zawmg zawng asen vek. Zodintluanga nuin rum lutuka min rawn melh leh hrakin ṭhutkhawmna lam aṭangin an inzui chhuak nghal nal nal.




Zodintluanga'n ka kut avawnna thlahin a khup chunga kiu nghata hmai tuai zui puat hian na lutukin thawk ala zui hawk. A rilru tur hi ka hriatthiampui vek kher lo mai thei mahse ahrehawm viau ang tih erawh ka hre thung.




"I ṭha em?" Inthlahrung dek hian ka ti sep a. Min chhang miah lova a ding chhuak vut chu ka melh chho deuh haw mai.




"Chhuat ka nawt dawn" ti hmukin chhuatlaia chhuatnawhna akalsan ang anga awm chu ban vutin a nawt nghal chawt chawt. Nawt suh nawt rawh tih sawina hun pawh ka nei miah lo.




"I ṭha em?" A nawh hmabak chiah ading hian ka zawt nawn leh ngat.





"A pawimawh lo" ti nghutin ka din lohna lam a chhuatnawhna sawnin a nawr lehnghal thawr chu ka melh mawl tawp. Hetianga a awm hian nuam kati miah lo.




"Khawi nawt tawh suh" abanreka chelh chungin laksak ka tum chu ka kut aphihthla nghal sawk. Ka chungah athinrim ringawt anih hmel.




"Hey, i thinrim ami?"




"Ngati nge engmah i sawi duh miah loh" engmah asawi duh silo chu ka tan anuam lo tulh tulh tawh.




"Zodintluang" a hmazawna dingin ka ko zui leh hram.





"Chhuat nawt turin min ti a ni lawm ni, enge i buaina!" ka hmai bul chetah arawn au ṭhawt ringawt anih chu! Hamhaih lutukin ka hma mipa ding chu ka melh reng ringawt. Engvangin nge ka chungah a thinrim ve ringawt. Keipawh hian na taka ṭawngkhumna chu ka dawng ve ngei mahse alakah ka thinrimna hrikthlak ka tum lo.




"Khawiah nge i kal dawn?" A chhuatnawhna kenlai chhuata thehthla bawlin kawngka lam apan zui mawp mawp chu ahnung a zui chung hian ka ti vat a mahse chhanna dawn chu khawilam kawngka hawng ṭhuai hian achhuak zui hmak. Kawngka bula dingin kawta ading leh dawt chu ka thlir a vanvadak meuh hian pik hmel zeta thawk ala hawk chu ka khawngaih ang reng.





"Ka rawn let leh ang" min melh map lo hian a motor hunna lam apan zui mawp mawp chu ngawi reng hian ka thlir reng ringawt kawngka pawt hawngin aṭhulut a akhar ri zui dawp chu in chhung aṭang pawh hian aring ngang mai. A nu meuh amah hmu tura alo kal vang khan a rilru adanglam deuh ni turah ka ngai. Ka fapa nena min kalsan lo tura thlem tumna ka nei lo. A duh anih phawt chuan achhungte kiangah akir leh thei keini nufa chu kan ṭha em em bawk ang tih hi ka chiang.


"""""""""""""


Eirawngbawl chung hian dar zat ka melh sek tawh. Zodintluanga chhuak lo la kir lo chuan min kam ṭeuh mai bawk si nen eirawngbawl lamah rilru pawh ka pe hlei thei lo.




"Mama, papa alo haw har tawh eee" ṭhutkhawmna lam aṭangin ka fapain arawn ti ve bai bai chu ka thaw hak. Apa lo haw har thu pawh hi vawi engzah nge a sawi chhuah tawh ang. Engtikah nge alo haw dawn tih nen lam vawitam min zawt tawh bawk. Reitak anla inhrawn lo chung pawh hian angai em em chu a ni sia.




"Alo haw ṭep tawh"





"Engtikah?" Phur zeta arawn ti zui lauh chu ka khawngaih zawk.




"Chaw ei dawnah" tiin kalo chhang sap a, keipawh hian engtikah nge arawn haw dawn ka hre hauh silo. Ka fapa awm nawm nan maia chhanglet chauh ka ni.





Kawngkharpui arawn ri raka, choka lam aṭangin ka pen chhuak rang ngang mai. Ka fapa ni se a phone enlai dah meuhin alo ṭhu chhuak ve vat bawk.




"Papa"ti sepin kawngkhar lam beisei nei zet hian athlir a mahse Tetea hmel zawk arawn lan tak hlawl avangin amutna ngaia muthla hnakin kawngka hnungchhawn zawngin a mu reuh hmak anihchu.




Keipawh hian ka tum loh zawk ka hmuh vang nge ka hnual ve rawih tho hian ka hria. Beisei nei zetin alo haw hun kan lo changa mahse beisei loh deuhin Tetea lek alo ni si chu ka lung a awi lo lam mah tawh. A kalna tur chin sawi miah lovin darkar tam chu akal chhuak tawh. Achang leh in lamah a haw anga helai hmuna rawn kir tumna anei tawh dawn lo aniang tih ten ka ngaihtuah kual thul. Mipa rilru nghet lutukin chutiang zeng zunga rilru aput ring ngam chiah silo chungin kalsan nih ka hlau chu anih tawh ber hi.





"Nangmaw?" Lo biak loh aiah tak tak phur lo zet hian kati ve ngial.




"Tu emaw beisei dang i nei ava ang ve" nui suk hian arawn ti a. Ka hmelah kalo tilang viau nge ni.




"Beisei nei nang" ka ti vak ringawt chu anuih azat hmel viau lehnghal. Beisei chu ka nei tih phat theih a ni lo mahse sawichhuah zet zet kher ka tum hran lo.





"I va rawn bang hma bik ve" ṭhutkhawmna lamah bawihtea mutna bula aṭhutthlak hnuin ka ti hliai a. Ka nau alo la haw loh vangin ka zawt satliah mai mai.




"Ban hun pangngai, ka rawn kal kawi nual tawh zawk" bawihtea chhaih mai atum alo chhawn duh miah lo chu hriatthiam loh hmel deuhin min rawn en a kalo nuih hak.




"A mood achhe ve anihkha" ka ti leh tawp. A pa vangin a mood a danglam ve miau a thlem tumna ka nei hran lo.





"Muanpui" a kohna pawh chhawn duh der lo hian cheloin bangkil lam ahawi ngat ngat reuh anihchu. A rilru hichu alian ve thlawt a ni.





"Remruata hi"





"A class naupang ṭhenkhat stay back ho ahrual anihkha" a rawn haw har dawn thu sawilang tel lo mahse thimah bak in arawn thleng leh dawn chuang lo tih chu ka hrethiam nghal vek. Nidangah pawh hetiang anih tawh chuan arawn thim ho fo mai.





"Thingpui in la"




"In lo ang, ka rawn kawi zawk. Zan lamah ka rawn leng dawn nia" tiin atho chhuak vut a, a kekawr ip te adap zui rak rak. Kan in hi a haw kawng lam anih vang hian school ban hnuin arawn lut kawi fo mahse rei tak aṭhu ngai lem lo. Zan lam erawh buaina viau a awm loh chuan arawn lang deuh ziah thung. Mahse tlangval pangngai tak anih vangin kei nuthlawi fa pawm tawh hi zanrei thleng thleng min lenchilh ngai lem lo.





"Zawn i nei em ni?"





"Rose, Dintluanga arawn lut tih ka lo hria a" min rawn melhin ati ta chiah. Alo hria hi mak kati hran lo. Kan chhungkaw mi leh sa ang maia ngaiin ka nau hian thu lawmawm leh lungchhiatthlak kan tawn apiang athlen vena ber a ni tlat a.





"Nia" ka ti tawi tak. Abak han sawi zui chiam tur ka hre lo. Ani pawh anui tawi tuk mai.




"Muanpui enge ka rawn hawn hi" zangkhai zet hian ati zui ta daih. Chocolate a kekawr ipte aṭanga a phawrh alek kual vel chu kalo melh rum nghal ngang mai. Chocolate pek fo hi achin ṭhin avang hian keipawh hian ka khak zauh zauh mahse asim thei der lo. Nge naupang lawm dang hi leisak tur a hre thlawt lo zawk. Thil thlum ei nasat hi ha atlo loh ṭhin avang hian ka rem ti chiam lo. A thlum lam hi pelo tawp chu ka ni lo mahse chintawk neih tir ka duh mai chauh. Chocolate pek achin avang hian ka chhuahpui reng reng pawh hian ngen takah hian anei zo vek tawh.




"Hei le" ka melhna ngai pawimawh lo zetin an lo inpe fel der tawh.




Kawngka rawn inhawng ri rawkah ka hawi zui dawrh a, Zodintluanga mitmeng sen rumin arawn pen lut vut chu ahmel hriam leh thim deuh khup nen hmuh anuam lo kher mai. Ka fianpui kenlai dahin ka pan zui vat chu min melh eih lo. Ṭhutkhawmna lama Tetea leh a fapa inpawm ahmuh rualin a hmel alang thim leh zual vek bawk.




"I ṭha em?" Dam dap hian ka ti a.





"Ṭha!" A ti hmuk. A mood ala fu chiam lo a ngaiin biak zawm tumna ka nei tawh lo.




Ṭhutkhawmna lam apan chu ahnungah ka zui ve a. Ṭhutthlenga aṭhutthlak rualin a inkuah khawm vek. A hmel hmu chiang thei turin ahmaah ka dinga amitmeng lang rum vek phena zuai raih leh aheh hil ṭhiap aṭangin akhua asik leh tawh tih ka hrethiam mai.





"I khua asik" a pang ka dek chu rum nghutin ka kut alo vai per nawlh nia. Engvanga ka chunga thinrim ve ngawt nge anih tih ka hrethiam der lo.




"Ka ṭha" ti leh hmukin a sweat shirt hak lai hmalam bal kai athing zui nawk nawk. A fapain alo ngaihsak miah lo chu alawm loh hmel fu bawk a. A hmel ren run hi tu naupang mahin an thlahlel lo reng ang chu.




"Pute, mama hian min hau" lawm lo zet a min melh rum ve kham kham hian bawihte'n ati reuh anihchu, ka ngei reuh lutuk. Ka hau pawh ni tawp silo, apa haw har thu ka chhandan vanga lawm lo a ni tih ka hre mai. Zualkona tur ahriat hichuan mi hi ahek ve zat zat reuh zel.





"Ngati nge ka fapa duat hi alo hauh. Mama chu kan hau ve dawn em ni?" Tetea'n min rawn melh tur kual vel chu ka ner khum nang nang thung. Alo zualko ve zat zat a Tetea lah hian naupang lawmna tawka lo chhan der vel lah hi athiam si.




"Fapa duat" Zodintluanga'n ti nawn ve sup hian aner zui nawk.





"Dintluang inhmuh ava khat ve" Tetea'n arawn be hmasa ta hlauh. Pakhat lah hian akal a dil emaw tih tur khawpa mitmeng nelawm lohin amelh thei nia.





"Tunah pawh min hmuh hi" ati hluk chu a kephahah ka chhirsak data mahse ngai pawimawh hmel apu lo mai pawh ni loin min rawn melh eih lo.





"I damṭha chiah maw?"





"I hmuh ang hian ka dam ṭha" ati leh hmuk chu kalo ip chawih tawh. Hepa hian eng hi nge ahriat ni. Miin ṭha takin an bia a mi pangngai lo ang hrimin achhang hmuk hmuk ringawt a.





"Ka va haw tawh ange aw" bawihtea amalchunga aṭanga hlangthla nawlh hian a ti vut chu an ṭhutna lam ka hawi nghal vat. Bawihtea'n chhuat arah rualin apa ṭhutna lam arawn melh a apain akuta alo hui zauh takah chuan apan veleh mai bawk a.





"Khawia kal nge i tum?" Tetea zui ve mai ka tum chu a fapa pawm chung hian ka kawr hnungah achelh tlat anihchu.





"Ka thlah lawk dawn" ka kawr hnung achelhna chu rem lo zet hian ka dawm hnana, pawhthlak mai ka tum tih hria ang hrim hian a kutkhing khat lek pawn min hnuk let dawr dawr thei anihchu.




"Amah pawn a haw thei" a fapa melh ngur hian ati leh hluk tawh.




"Anih chaw eitui u aw" pangngai takin Tetea'n arawn ti a kawngka lam apan zui chu ka melh reng ringawt. Hepa khawsak zia hi amak thlawt.





"Aw eitui le, zanah ilo leng dawn nia" ka ti zui lang lang. Kawngka apen chhuak zet tawh chu rawn hawiletin anui suk a a kut vai zauhin kawngka akhar phui nghal dawp.





"Min thlah rawh" ka taksa ka cheta ngawi ngul hian min thlah ve mai bawk.




"Khawiah nge i kal dawn?" Choka lam pan ka tum zet tawh chu ding meuh hian ka hawilet leh. Ahmel lang thim khup kha awm tawh lovin alang zuai ruih chu ka lainat ang reng viau mai.




"Ka lu anuam lo" ṭhutthleng hnunglam tlanga lu nghat chung hian beisei nei zetin min rawn melh a, an pafa ṭhutna lam ka pan zui leh vat.





"Khawiah nge i kal?" apang ka kutin asik rualin mitchhingin thawk ala zui ham ham. A thawin ka kut a ur phak chin chu alum pup thei.





"Ka vak kual" mitmeng dul ruih a min melh chung hian ati supa aheh hil rup mai chu aliak hnawm zauh bawk.





"Bawihte chhuk teh" apa malchung aṭangin ka pawmthla a, Tetea chocolate pek hmuam ṭun chung hian apa nen kan ep a ṭhutna kan hunah alawnkai a bangkil lam hawi hian phone a bih leh ngar tawh.




"Ding teh" ti sapin akutah ka vuana, a rawn din meuh chuan kan taksa inhnaih leh lutuk chu ka dik lo nghal pang mai. Aw thian kharh kharh hian ka din hlat hret chu zawi hmel zet hian a nui suk.




Kan pindan lamah ka kai lut a, thuawih tak chuan min zui ve zel bawk a. Patlingpui tawh pawh hi an han nawmsam loh meuh chuan anlo pangchan ve theih zia ka nau aṭanga ka hriat vek tawh vangin ngaihsak loh hlawm tawp ka thei bik lo. Duatna ngaihsakna kan dam loh phei hichuan kan chhungte lak aṭang hian kan phut zual ṭhin.





"Mu la nachhawkna ka rawn lak ang che" ti dam dapin khumah ka nem ṭhu a, inher a pen mai ka tum chu ka kawngah akut tawn tawnin a chelh zui hmiah!





"Eng thil...?" Ka sawi zo hman lo abawp leh bawp inkara ding turin min pawt hnai a. Ka hnunglama akut hrawl zet suih betin ka dul zawnah ahmai sa vung vungin anawr nghal tawk chu ka ip zui chawih!





"Ka chau!" angawi data thawk ala zui hawk! A thawk lak zawngin ka dul kual vel a lum pup mai bakah ka sawithiam lo min zem er er tlattu a awm!





"Ka fapa leh nangma tan chak taka ka awm theih nan reilote chiah" ti zawi supin min kuahna ati nghet zual sauh!

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » February 28th, 2021, 1:26 pm

SERENDIPITY



Edit loh aw chhiardan lo thiam mai ru😊





CHAPTER-11









"Damdawi chu ei phawt la" ti sepin adara vuanin nawr hlat hret ka tuma mahse mipa naupangin anu pangchang zeta akuah tlat ang mai hian min thlah duh der lo.




"I taksa hnaiha ka awm hian ka hahdam" ti supin thawk ala leh hawk a, ka dul bawr vel sa pup chuan ka awm ati nuam lo leh ringawt tawh.




"I haw amaw ka ti hman a"




"Ka hawsan che u i ring em ni?" Min melh turin arawn dak chhuak a, a mitmeng sen rum leh zuai ruih mai chu ka lainat hluah hlauh.




"Ka hre lo" ti sepin ka hmui ka seh zauh. Haw duhna rilru apu anihchuan keihi ka na viau dawn tih ka hria. A chhungte nen inremin awm se tih chu ka duhdan a ni mahse kan hnen aṭang hian akalbo ka phal chuang bawk silo. Mahni hmasial zeta chelh duh zawknain min luahkhat hneh em em bawk.





"Ka kalsan ngai dawn lo che u" zawi supa atih rualin insum hman lo leka kunhniamin ahmuiah ka fawp nghal tawp. Zah lam ka ngaihtuah hman tawh lo. Ka hma a mipa ṭhu hian athusawi hi tipuitlingin min kalsan ngai dawn lo tih a mitmeng aṭangin ka chhiar thei. Keipawn ka vuan tlat dawn, tu thusawi mah ngai pawimawh lovin kan chhungkaw hmalam hun tur chauh thlir ka duh.




"Ka mawhphurhna in ni" hetiang em em a mipa rilru nghet hi a ni ang tih ngaihna ka hre lo. Kalo ngaihdan chuan inhmu leh pawh ni ila inhre ngai lo ang hmaka kan awm ka ringa. Kan intawndanin azir loh em avang khan bawihtea hi a fapa ni chungin apawm duh kha ka ring ngai lo mahse kan inhmuhtirh phat aṭangin min la um zui zel chu ania. Min mualphopui ngamtu mipa baka ṭha hi kan nufa tan chuan an awm leh thei tawh ngai lovang. Ka nauin pawm lohna anei tawh chuan loh avangin engkim keini lam aṭang chuan afel vekah ka ngai mahse achhungte lam ka ngaihtuah chuan ka inthlahrung viau thung.




"Mipa fel ber kha zan khan ka tawng ang tih ka ring pha miah lo" nui hakin a chhipsamah ka tuaisak zauh chu alo nui ve suk.




Ka kut kala sawn tur chu phal lo ang hrim hian ka banrekah achelha achhipah anghat zui leh zat.




"Ka hmeichhe hmuh tawh azawnga zun nei ber ka tawng thung che a" a heh liak zauh hian ati leh sup chu chhungrilah hlimna sawithiam theih loh hian min fan vek. A che hrut a amalchungah ka ṭhu fel der.




"Eng thil nge......?" Ka sawi zo hman lo ka hmui hnuailam seh zauhin a rawn thaw lum nghal hak a. Ka mur zui ar ar thei.




Ka kawngah nghet zetin a kut phah asuih bet a, keiin anghawngah ka kuah let ta thung.




"I tan mipa fel ber ka ni thei lo pawh a ni mai thei mahse theih tawp chhuah ka duha" ka chalah achal sa vurin arawn nawr a. A khua asik vang nge a taksa lum pup pup in min ur nasa lutuk.




"Damdawi...." ka hmuia rawn kharchilh zui hmiahin min fawp zui ngawng ngawng. Atir te chu ka hamhaih ve ṭepna mahse ka thiam ang tawka ka chhanlet ve rualin a hmui achet uar sauh.




A kut lehlama ka kawng chelhin lehlam hian ka khabeah a dawm a. Min fawhna chuan mumang rama cheng ang mai hian min inngaihtir thei. Hetiang em em a fawh nuam a ni tih hi kha zan khan ka hre miah lo.




"Mama" pindan kawngka ri dat datah ka phu zuk. Inlak hran ka tum a mahse min kuah nghet sauh anihchu!




"Khawi maw ka va ngaihven ang" ti sepin ka inher rem a mahse amalchung aṭanga ka thawhhmain a kut tawn tawna ka kuta chelh chung hian ka dul zawnah akuah khawm vek. Ka darah akhabe nghat zui datin thawk ala zui suai suai chu rem lo hu hian ka thlek a min lo nuih suk.




"Bawiha lo lut rawh" a fapa pindan pawnlama thawm nei reng chu a ko zui nghal vut.




"Min thlah phawt rawh, a nuar mai ang"




"No, amahin lo lut rawh se"




Bawihtea arawn penluta, a pain min pawm ahmuh rualin lai zet hian ahmui ahup chawt anihchu. Khum lam arawn hnaih ngam der lo mai chu ka inthlahrung zawk.




"Min thlah phawt rawh" tiin a nakah ka nghawk deuh sawk a arum nghut ringawt.




"Lokal rawh" apa bawkin akoh takah chuan lai chhe lutuk hian khum lam arawn pan ve ta chauh.




"Lo mu ru aw" Dintluanga'n afapa aban chu remchang a lain ka ding chhuak zawta min rawn pawhbeh tuma akut rawn phar chhuak chu kalo bensak thlawrh.




"Mama hi a induh asin, ka khawih pawh aduh leh tawh lo" a fapa chawikang nawlhin mitmeng chimawm zet hian min rawn melh kher chu ka ner khum ta vak.




"Damdawi ka rawn la ang" an pafa a an inchhaih rak ṭung tawh hnu hichuan tu mah mah hian ka thusawi an bengkhawn tawh ngai lo. An pafa che vel thlirin ka nui zui hak hak. Hmuh an nuam ka ti takzet bawk.




Min ngaihven tel ve tawh loh vangin pindan aṭangin ka pen chhuak a, Hmingtei pawh alo haw der tawh chu niin. Ṭhutkhawmna lamah alo ṭhu dar dar tawh.




"I lo thleng tawh maw?" chiau au hman lova ka tawm bo reng chu ka inthlahrung ru viau mai.




"Aw lo thleng chiah" zangkhai vaha ti chung hian a slipper inchhawp chu abun zui nghal a.




"Chuan Remruata hi" min rawn melh chho deuh ha bawk.




"Ala rawn haw ve lo"





"Stay back ho abuaipui leh a ni ngei ang" a nui tel hak. A rawn haw tlai hichuan achhan hi kan bel hneh tawh viau mai, engvang nge ti a inzawh hran pawh hi angai tawh ṭhin lo.




"Thingpui ka rawn siam ang che, bawihtea pa saw nachhawkna ka pe lawk anga"





"Ka rawn haw hmain ka in tawh min siam duh lo mai rawh, kan pa lo thlen hmain kalo inbual fel zawk ang" tiin a ding chhuak a an pindan lam apan chu choka lam ka pansan zui ve zat.




Nachhawkna leh tui kengin kan pindan lam bawk ka pan leh a, khuma inkuahchiala mu pahnih vang hian ka hlim veng veng.




Rhymes anlo endun ngei chu anih hmel. Apa alo hrilhfiah ve ngial chu ka nuih hak a an rawn hawi rang ngang mai.




"Mama, lo mu rawh" bawihtea'n ati nghal ṭung mai.




"Tlai chaw eitur siam ka ngai alawm" dam diai a ti sapin khum lam ka pan a, Dintluanga arawn ṭhu chhuak nghal vut chu tui leh nachhawkna ka pe nghal vat.




"Ka dawlh thei lo!" inthlahrun hmel zeta min en hian arawn ti sup.





"Engmaw!?" Ka meng awk thei!





"Hei....hei...hei i dawlh thei lo maw?" A mak kati lutuk, damdawi mum lian lote ka ken chu ka melha Dintluanga ka melh leh ṭhin. Heite hi a ni patling pui hian adawlh theih loh thu asawi chu mak kati thlawt.




"Thei lo" ati hmuk chu ka chek tlak tlak.





"I thei lo takzet a" ka ti zui leh hram. Ka awih thei hlawl lo.





"Ka ei dawn lo" ti hmukin a muthla leh dawt anihchu. Mipa naupang ang maia nungchang naupangchhia zet hi khawia aṭanga aneih nge mawni. Fapa pahnih enkawl ang vel nimai hian ka inhria.




"Hey i mak thei bur bur lutuk, tho rawh" min hnungchhawn zawnga amu ngut reng chu khuma ṭhuthlain ahnungah ka chul hauh hauh a, a fapa lahin apa titau chu hriatthiam loh hmel zet hian a melh ngal ve reuh bawk a.





"Papa, damdawi ei i ngam lo ami? I dawih lutuk" ati ve niah niah chu insum hman lo lek hian ka nui chhuak hak. A fapa takngial pawn mak ati anihchu. Chuta karah ala titau bur bur zui bawk a.





"Lee...ka tisawm ang aw" naupang ang maiin kan inthlem ta hial chu ania. Ahnunga beng dat datin ka thawhsana pindan ka penchhuah rualin ka nuih za lutuk insum thei lo choka lamah ka tlan lut nghal vat.




"Ngati nge?" Hmingtein alo ti zui ve vat. A inbual zo der anih hmel.




Ka kut lehlam ka phara, lehlama dawhkan tlang dawmin ka nui khur ngat ngat. Hmingtein mit tla lo leka min melhna chuan ka nuih ati za tulh tulh. Ka nuih nasat lutuk nalamah ka hrawk ahnawk vek thei.





"Enteh, he damdawi hi" ka aw thian kharh kharh a ka pum dawmin ka nui leh phawt chu Hmingtein ka ṭawng chhuah hun changin min melh ngar reng.




"He damdawi mumte hi adawlh thei lo anihchu" ka mittui tla hru mawlh mawlh hian ka ti hap chu Hmingtei pawh aṭhen ve sak.




"A awm lo hran hleinem damdawi ei harsat tlat hi awm ve ania" ti zat zatin eirawngbawl a chhumzawm mial mial.





"Lo va hahdam rawh heihi ka rawt sawm anga ka rawn bawl zawm ang" ka nuihna vanga ka pumna deuh chu dawm tel hian fiante pahnih ka la chhuak a dawhkan chungah ka rawt dip nghal vek. Kan chhungkua hi tumah damdawi ei harsat kan awm loh vang hian ka hrethiam lo fu a chu Hmingtein arawn sawi kuak takah chuan ahmuh laia mak ti lutuka ka meng phar kual vel kha ka inthiam lo leh hnuhnawh. Amah lah khan nuam lo atih hmel ngial mai sia.




Tui ka dah sa tawh tho vangin fiante a ka damdawi rawt sawm vek sa chu pindan lam ka panpui leh a, ka luh hnu thleng pawn bangkil lam hawi hian alo la mu reng.





"Kha hei lem ahar tawh lovang" ahnunglam aṭhuthlain dam dap hian ka ti a mahse arawn ngaihsak miah lo.





"Vat...rawn ei rawh" a chhipsam buklaia tuaisak zauh hian kati leh sap. Ala che eih chuang lo anihchu.





"Zodintluang" ahnungah ka benga rum nghut a tum burin arawn ṭhu chhuak ve hram.




"Ei rawh" ka fian kenlai melh zauhin amah ka melh leh a. Khum bula tui ka hun chu ban vutin ka damdawi kenlai arawn pawtthla zui nghal hlawk. Melh run run hian a ner zui nawk chu ka ngei lutuk. A ei theih loh vangin ka tihsawm sak ve hram hram a lawm nachang pawh ahre der lo.




Tui bottle ami chu in pawp pawpin fiantea damdawi awm zawng dak deuh hian akaah achhung a. Khum sira dahthla leh vekin amuthla leh nghal dawt chu thawk kala hap. Damsam loh hichuan duattu kan mamawh ṭhin tih ka hriat vangin hriatthiamna chin chu ka nei ta tho.




Zanriah kil tur takngial pawha arawn tho chhuak peih miah lo chuan ka awm ati nuam lo. Akhat tawkin ka va en a muhil ni si lo hian amit achhing tlat bawk nen.




Chaw tlem tal ei tura tih pawn atihluih theih der bawk silo. Apang dehin adai duk tawh si, a awmdan chu ka hrethiam lo takzet tawh. Vawiin vang khan arilru abuai turah ka ngai viau a chu biakin ṭha takin min chhang zel tho bawk si.



""""""''''''''''''''

"Ka phone call i pick thei lova" Tetea'n ka bula rawn ṭhuthla hian ati sup a. Hriatthiam loh hmel deuhin kalo melh haw. Ka phone awmna pawh ka hre reng reng lo.




"I lo call lai ka hre miah lo"





"A pawimawh tawh lo" ṭhen suk hian ati ṭha veleh mai.




"Khawiah nge?" In chhung dung amelh kual danah bawihtea azawng tih ka hrethiam mai. Zandanga alo len hichuan lo bawh nuai hmasa ber tuah aṭang ziah ania mahse zanin zet chu apa a awm vang nge pindan pawh chaw ei chhungte bak a chhuahsan duh bik der lo.




"Bawihtea chu apa bulah a mu" zangkhai vah hian kalo ti a. Kan nufa pindan lam hawi vutin za lo zet hian aṭhen zui suk.





"An va mu hma ve" ati ṭha veleh mai.





"Apa nuam lo amutpui mawle" Hmingtei thingpui rawn chawi chu kalo ban zui vat. Ka nau erawh test paper check in a inkeu buai hle thung. Puih aduh ngai loh vang hian tihpui enah pawh ka en tawh lo. School naupang an ngah vang hian test paper check pawh a hautak ngial mai.




"Mama, papa in lokal rawh ati" ka thingpui in tur bawihtea'n pindan kawngkhar bul aṭanga arawn tih lang lang rualin adinna lam ka hawi zui vat. Tetea'n alama kal turin akutin ahui zauha mahse alu alo thin khum nar nar reuh anihchu. Nidanga lo bawh uan uan ṭhin kha apa a awm tak chinah chuan a induh ve ngal zel.





"Ka va lut lawk ang" ti sapin ka tho chhuak nghal vat a.





"I khua asik leh tawh ami?" pindan chhunga penlutin kati dam diai.




"Sik lo" alo ti hmuk lawi si. Eng hi nge maw ahriata alawm loh theih viau chhan hi ka hrethiam lo.





"Na i nei ami?" Achalah ka kut ka nghata adai duk bawk si.




"Nei lo" ti hmukin ka kut avai per nghal nawlh anihchu!





"Dik lo a awm em ni?" pindan ka luh aṭangin melh khat pawh min la melh eih lo. Ka chunga lawm lo chung hian min koh luhtir tho si. A awmdan hi amak teh thlawt emai. Hriatthiam pawh tum viau mahila angaihna a awm hlawl lo.




"Anih ka chhuak ania" min la chhang duh chuang lo chu thawk la hapin ka chhuahsan leh ta tawp. Biakin min chhang ṭha duh bawk si lo abuaithlak emai.




Ṭhuthmun ka remfel leh chiah tihin angai te bawkin min rawn ko leh tawh.





"Enge duh leh mamawh i nei ami?" Nem lem lo tak hian ka ti hlar. Engmah sawi ṭha duh si lovin min rawn ko buai reng hi Tetea lakah inthlahrun a na tawh.




"Kan dam loh hi min ngaihsak ta che" tur khui a min melh chung hian alo ti hlur anihchu.





"Ka ngaihsak che, mipa naupang ang zetin i tum bur reng ringawt a" ti let hlarin khum bulah ka ding khawng lah thung. Tlai aṭang tawhin kan la inbuaipui char char. Chungah chuan lawm ahnekin min la chhuahchhal deuh zui ania.




"Ngaihsak lo" aṭawng hmuk hmuk reng ringawt a. Ka theihtawp chuan ka ngaihsak mahse amah hian lawm lohna tur ngawt azawng reng hi ka hah vek tawh.




"Papa khan a putea bula mama ṭhu kha ka lawm lo ati" bawihtea'n arawn tih takah chuan alawm loh chhan ka hrethiam ta chiah.




"Engvanga lawm lo nge i nih sawi teh?"tiin khumah ka ṭhuthla nghal dat . Khum lu lamah lukham dah thuah urin anghenga ka biakna ngai pawimawh lo zetin phone akhawih zui daih.




"Mama, putea khan alo phone a papa khan chhan aphal lova" a fapain apuan zo ta vek chu lawm loh hmel fe hian amelh khui mai.




Tetea'n phone ka chhan theih loh thu asawia hemi te pafa hi anlo inkhap vang anih ngei hi. An ti awm ang lo lutuk. Thil pawimawh deuhte ni phei se chuan ka lawm lo viau ang.




"Nang tehi" ti hlukin a fapa chalah apen zui anihchu. A chetdan hi ava han naupang chhia ber mai tak em.




"Papa i sual si" ti ve bai bai hian khum aṭanga chhuk tauin pindan achhuahsan ve hmak reuh chu ka melh reng ringawt.




"Khawi ka phone chu" Zodintluanga melh rawm hian alamah ka kut ka phar a. Ka kutphah chungah akut arawn dah.





"Rawn la rawh" ti hlarin akut ka vaithla nghal lawp.




"Tunah" chang fak a ka ti leh chu ka ṭhutna lama rawn awn hian ka hmuiah afawp zauha rang zet hian a inla hrang nghal vut. Ka meng nghal kawk chu min nuih suk.




"Eng thil...." min rawn fawp nawn leh zauh chu at hmel zet hian ka melh mawl tawp. Engti kawng zawng pawh hian min tihbuai vek hi chu athiam takzet anih hi. A lungawi lo emaw inla zei zetin ache emaw kei kalo buai vek zel bawk a.





Ka hmui tawk tawk de dein Zodintluanga lam ka melh leha a mitko san uk hian aheh hnuailam aseh zauh chu a awmah ka beng zui nghal dawp. A nuih azat hmel viau lehnghal.





"Khawi ka phone" ti nghekin ka melh zui rawm. Ka awmdan aman thiam a ni chek ang chu nui suk suk hian ka kutah ka phone arawn hmehbel veta hram.





"Nangmahin awm rawh" ti hlarin ka chhuahsan ta daih, a nui hawk hawk ri chu pindan pawn lam aṭang pawhin a chiang ngang mai. Tetea lo leng pawh kawm hlei thei lovin min ko buai a. A chetdan hote vangin ka mumal lo zui leh vek bawk a, min ti â vek lo chauh tawh.


"""""""""""""""""

Karhnih dawn lai chu kan awm ho leh tawh. A chhungte lamin an rawn hmu ngai lova a ni pawn haw lam asawi chuang lo. Hospital lam pawh akal ngai chuang lo chu mak kati zui viau. Zawh hreh deuhin ka zawt zui ta hram kha ania mahse chawlh alak thuin min chhang thung.




A fapa nen an in awm thei viau mai. An pahnih chauha in awm pawh an nei zauh zauh tawh. Kei ka chhuah an phal niin Hmingtei dawr nghak ka pui bawk a. Kan chhungkaw boruak anuamin adam em em mai bawk nen rilru hah buai tlawk tlawkna tur a awm meuh lo.




Tetea rawn lan khat achin chu Zodintluanga titau bur bur pawh hmuh tur a awm meuh lo. Mahse Tetea rawn lankhat chuan nuam kati chuang miah lo. Û anga kan lo en ve ngawih ngawih a reh zui hmak hi nuam lo tak a ni. Kan chungah lungawi lohna aneih awm ka hre silo.





Ṭhutkhawmna lama ka phone ri chur chur chu ka kuthuh hru hul nawk nawkin ka pan vat a, lakang nalhin no hlang chauh min call tu lo lang va va chu ka melh ha. Tutak chu nimaw.




"Hello"





"Rose a ni em aw??" Lehlam aṭang hian hmeichhe aw dam dap hian arawn ti diai mai. A aw aṭangin tunge anih kala hre thei chuang miah lo.





"Aw ni ee..." zangkhai vah hian kalo chhang a.





"Dintluanga û nupui ka nia" arawn tih rualin asawi tum chu ka man thiam nghal vek. Anu leh pain an fapa hi in lama haw turin an duh tawh tih hai theih a ni lo.





"Aw" tawi tak hian kati zui leh hram.





"Kan inhmu thei angem?" Hmeichhe pangngai tak chu a ni ngei ang. Anu ang bawrh bawrhin phone kaltlang mah nise arawn ri buan buan hauh lo.





Ka hmuh theih thu ka hrilh hnuin kan inhmuhna hmun tur arawn sawi a. Chawhma lama inhmuh aduh thu asawi tel bawk chu kalo pawm veleh mai. Inhmuh kalo remchan vanga lawmthu min hrilh luam hnuin kan inbiakna kan ti tawp ta chauh.





"Vawiin chu chhuah ka ngai dawn aa..."pindana penlutin ka ti niah niah.





"Tunge i hmuh dawn?" Khumlama an inchhaih rak ṭung tawp chawtin Dintluanga'n min melh nghal hu.





"Sawithiang loh" ti hapin ka thuamhnaw dahna lam ka pan zui zat chu ka hnung lawkah a pen riin azui nghal zat.





"Tunge hmuh i tum?" ka closet rawn nam kharin ka awm zawnah min kuah nghal chawt.





"Ka sawi duh angem aw" rem lo zeta hawilet hian kati sap a, aner nawk chu ka nuih hak.





"Ka ṭhiannu ka hmu lawk dawn"





"Hmeichhia a ni takzet em" ati nghal nghut anihchu. Tetea athikna atihlan pawh hian thinrim bung bung angin lang lo mahse atitau rei thei tawp. A thikthu apekchhiat tawh hichuan a puitlinna zia zawng zawng hian a kalsan vek nimaiin ka hria, achetdan anaupangchhia thei lutuk.





"Anih lohin ka ṭhianpa ka ti ang chu" chal ti chuar tap hian ka hmalam a mipa rawn ding nghal khup chu ka melh ha.





"Inah kan lo awm dawn tihna maw?"






"Nih mai loh chuan" ka dar kan ak hian kati sam et.





"Fine" ti hmukin khum lam apan daih chu en zui rengin ka nuih hak. Khapui ati tauhna hi aho thei ania. Mipa naupang ang maiin patlingpui hi ka dawm hi a ni ringawt.





"Ka rawn haw har lovang"





"Bawihte" ka kohna hre lo ang hmakin a ni pawh hi a awm thei reuh anih chu. Apa a lungawi loh hichuan a fapa hian alo pui nghal vat zel hi ka ngei ṭhin zawk.





"In hahthlak si ka tlanbosan daih ang che u" ti hlar hian ka inthlakna tur pawmin bathroom lam ka pansan ta daih.



"""""""""""""""""



Zodintluanga û nupui nen inhmuh kan tumna hmun ka thlen rualin ka phone phawrhin call mai ka tum a, mahse rrstaurant killama ban arawn vai lauh lauh ka hmuh takah chuan ka phone ka bag chhunga nawr lut lehin aṭhutna lam nuisang hian ka pan zui nghal a.





"Ka rawn tlai deuha min hrethiam dawn nia" tlema ka tlai deuh vangin anuam lo ve det. In lama naupang pahnih tau ka thlem kual leh vang vek kha ania.




"A pawi hleinem keipawh ka thlenna ala rei lo" nuisang hian arawn ti dam diai mai. A hmel aṭhat mai bakah a aw chenin ngaihthlak anuam khawp mai. Nupui ṭha tak a ni ngei ang. Mahse ala upa zawk zawkin ka ring bik lo. Pasal ṭha tak anei bawka amah pawh achangkang lah mai, an chhungkaw lam khawsak dan chu ka va hre miah chuang lo chungin khawsa thei lo zawk zawk chu annih bik ka ring lo.





"A dam ṭha em?"





"Aw dam ṭha..." kati let ve vat a. Aṭhutna hma a glass no ami tui lem hlekin min rawn melh chung hian anui leh sanga keipawn kalo nuih let ve var.





"Lo haw tawh se kan duh a" chu chu min rawn biaktirha hriat ka in beisei sa kha a ni reng a ni.





"Rose rawn hawtir tawh ta che" angawi zui leh data, asawi leh mai tur ngaichangin amitah tak ka melh kiau thung.





"Ka nu leh pa tarlam anni tawh a keinin kan fin thei si lova Dintluanga tal a awm loh chuan a khuaahar ve a" pangngai tak hian ati zui leh mai.





Ni e, a sawi hi adik. Upat lam tawha fate tumah kawl loh chu ahrehawm viauin ka ring. Mahse Dintluanga hian haw aduh leh duh loh vawikhat mah kala zawt miah lo. Lo duh lo tase keiin nawr luih ka tum lo aduh anih erawh chuan dan tumna ka nei chuang lo. Ama thu thuah a innghat.





"Rose, karah fa a awma tih fahrah chu thil ṭha tak a ni lem lo chungin rawn haw phawt sela in lam aṭangin ama hoin ro hran anla rawn rel leh zawk anga" dam dap hian ati zui mial mial a.





"A thu thu animai" ka ti sap. Aduh loh tlat chuan ka tilui thei bik lo. Mahse karhnih lai min rawn fin hnu hichuan ahaw chak mai angem tih mgaihtuahna chu ka nei fo mai. Amah tak phei hichuan haw leh lam hi ka hriatah ala sawi miah lo ania.





"Rose, ka pa hian in aṭanga ahnawtchhuak mai pawh ni lovin hospital lam thleng pawn kal arem tilo tih hi i hria em" pangngai taka sawi tum mahse ahmelah hrehawm atih ve zia chu ka hmuhsak thei, chhungkua annih tawh miau avangin engpawh thleng se anghawng tlang vek dawn tih chu sawi ngai lova chiang saah ka ngai bawk.





"Eng maw?" Ka ti nghal haw. A pain chutiang thleng thleng chuan anawr ang tih ring pha lo. Ka ring pha lo mai pawh ni lovin min hrilh miah lo zawk.





"A hrilh lo che tih ka hre mai" a dik min hrilh lo mai pawh niloin chawlh alak thu asawi zawk anihkha.





"A tel lo chuan abuaithlak ang tih chu i hriatthiam ka ring" ka hma a tui no chu banin tui awm zawng ka in zo nghal vek. Engvangin nge ka kiangah tal pawh engmah asawi miah lo. Keini nufa vang mai mai a chutiang thleng thlenga pa leh fa an innghirngho chu ka duh reng reng lo.





"Rose i sawi anihchuan arawn haw ang tih hi ka chiang" ngenngawl zet hian ati leh thlawt chu ka malchunga ka bag dah ka hum ta nghek. Ka rilru tibuai ber tu zawk chu anu leh pain min pawm lo tih hi hrilh ngai lovin ka hria. Chuvang chuan apain hospital lam thleng pawhin rah leh aphal tawh lo bawk a. A haw anihchuan keini nen kan inkar chu tawp saah ka ngai nghet hmak chu chu ka phal chiah em tih ka hrethiam lo. Mahse mi chhungkaw inkara khikna siamtu nihchu nuam ka ti bik si lo.





Mumal lo zetin in lam ka pan a. A û nupui thusawi zawng zawng kha asawilai ang vekin ka bengah ari nawn tluk tluk bawk. Engtin nge ka tih ang tih ka hrethiam lo a ni. Keini nufa min rawn ngaihsak tawh lo hlawm tawp tur chuan ka phal bik silo. Eng ti zawng pawn ka ngaihtuahna abuai kual vel vek.





In chhung ka penluh hma chiahin thawk ka la nghek. Nui lui ngiala kawngka pawh hawn ka tum chu chhunglam aṭangin arawn innam hawng ve chiah. Mahse Dr. Seni rawn pen chhuak tur chiah nen kan inmelh nghal siah mai. Tun ang hunah hospital a awm lovin hetah enge arawn tih tih ka ngaihtuah nghal zat. An rawn kal hnuhnun ber ṭum khan huatna nen kan in an chhuahsan anihkha hetah ahmel hmuh nawn leh hi ka beisei tawh lo hulhual bawk.





"I lo chhuak daih a" nem diai a rawn ti tu chu za vak lo hian ka nuih sak.





"Nia" tawi tak hian ka ti rimgawt chu anei sawk mai.





"Ka rawn hmu lawk a" kan pindan lamah athle zauh chu ka kut ka hum ruh nghal nghek. Dr. Seni hian min ṭawngkhum viau mahse alakah thinrimna ka lantir let ve ngai lo. Chutiang dinhmunah chuan ding ngam tur pawh ka nilo tih ka inhria mahse ka awm loh hlana helai hmun arawn thleng erawh ka lawm lo hlawm tawp.





"Haw atum hnaih thu asawi a" nuisang si kha fak hian arawn tih zawm zat chu ka nghilh nghal dupin ka hria. Haw aduh tawh tihna maw. Lehlamah hawtir turin min ngen a hetah Dr. Seni hnenah haw aduh thu alo hrilh bawk. Ka awmdan adik lo nghulh hian ka hria.





"I phone" pindan aṭanga Zodintluanga rawn penchhuakin Dr. Seni phone arawn lek va va a, kawngka bula kan indin chilh ran min hmuh rualin a meng ve kawk thei.




"I lo haw tawh a" ti sup hian min nuih suk mahse ka nuih let ve thei der lo.





"Kha" Dr. Seni phone pein ka vawn tura akut rawn phar chhuah chu melh ngarin ka nui hak. A hmel en turin ka hawi chhuak leh a ka hmel awmdan chang fak chu ahriatthiam loh hmel takzet.





"Haw rawh!" ti hlakin Dr. Seni dara nek zui dawrhin ka penlut a, kawngka lam ri rawk rawk ka hriat rualin ka hawilet leh ren rawn a. Dr. Seni tlu tur anlo indawm ding chiah chu ka hmu leh nghal zat.





"Helai hmunah hian i hmel rawn lan tawh suh!" kawngka lama let lehin Dr. Seni mit taka melh ngal hian kati ta ṭhat. Engvanga pawr ta hluai nge ka nih pawh ka inhrethiam tawh hrep lo ve.





"Rose" Zodintluanga'n arawn ti sup a.





"Nang pawh i hmel ka hmu peih lo!" ka ti zui ta tuarh. Ka mittui hnai nghal ringawt chu tlak tir ka tum bau lo chungin luan chhuah chak lutuk hian ka mitah an tlingkhat nghal vek.











Nakzan aṭang chuan buaina a awm te anih hran loh chuan kan regu thei tawh viau ang aw😊chuan comment lamte kha rawn inthlahrung lo ta ula te ka rawn ti deuh duah anihchu ka zak lo sia🙈🤭

👇👇 a hnuaia ads khu click theuh ang u aw, khawngaihin 💚

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » February 28th, 2021, 1:26 pm

SERENDIPITY









CHAPTER-12









"Haw nghal rawh"melh chho haw hian ka tih khum leh tuarh a, ahamhaih hmel chuan ka thin atirim zual takzet bawk.




"Ka thusawi i hrethiam em?" Ka ti zui leh nghek chu Dr. Seni alo nui hak anihchu!




"Hetianga mipa ṭha hi i hnar thei ania" achek zui tlak tlak chu rum theihtawp hian ka melh nghal ngar. Henu hian helai hmunah hian eng ti turin nge alo kal tih pawh hi ka hre hrep lo ve.




"Nge achhungte lamin nang ang hmeichhe hniam lutuk an pawm theih loh vang hian i thin arim zawk" mit chhing sawkin ka kut ka hum ruh ngat ngat tawh. Doctor fel tak ang khan ka hre ṭhin mahse chhungril takah chuan alo ṭhat famkim bik loh zia ka hmu chiang ta kher mai. Mihring tumah famkim chu kan awm hauh lo, mi zawng zawng lawmna pawh kan siam thei hek lo mahse chuti chung chuan kan in ngeiah zahpah nei miah lova min ṭawngkhum thei hi amak a ni tawp.




"Tuna Dintluanga fapa anga i puh pawh hi ka ringhlel rum rum tawh" kha faka arawn tih leh rualin abiangah ka beng nghal sawk a, aṭe zui ṭhat lehnghal. Zodintluanga rum ri nghut chu ka ngai pawimawh chhete lo.




"Ka fapa chungchang hi i ka bawlhhlawh khan lam hlek suh" ahmai bul chetah thinrimna avanga khabe inkhawng dat dat hian ka aukhum zui tuarh a.




"A tawk" ti hlukin Zodintluanga bawkin ka dara hmer chung hian min nawr hla nghal dawrh.




"Din" ti ṭiau hian a inhnit ri nghal hraih chu ka nuih hak. Ka benna kha a na viau ang mahse a inlak pangchan leh hnuhnawhna vel hian min ti thinur zual.





"Khawimaw ka lo en ang" ti sup hian Dr. Seni sam hnawk niai huikiangin abianga adawmsak ngat phei chuan thikna leh thinrimna inpawlh kual vel vangin za lo zet hian ka nui chhuak ra hak. Ka bengna ve thawkhat bawka abiang pawh asen ṭul thei. Mahse achawh kati, alei veng lova aduh duh asawi vangah ka ngai hmiah. Inthiam lohna chhete pawh ka nei lo hrim hrim.





"Ka hmu hne che u" ti leh ṭhatin ka inhera kan nufa pindan lam ka pansan zet tawh chu ka hawilet leha Zodintluanga'n adara vuan chunga pawnlam a panpui ka hmu nghal zat.





Engtin nge keini lovin khanu kha angaihsak zawk theih. Kgatiang khan min ṭawngkhum lo nise kut ka thawh hauh lovang tih ka chiang. Dr. Seni khan khatianga che chhuak tur khan min nawr chep tlat atin ni.




Inhum ruh ngat ngat hian pindanah ka lut a, ka bag ah lai khumah ka vawm hlawmthla nghal tawp bawk. Ka sam tuai chho papin chunglam melh hian thawk kala zui hap.





"Bawihte" ka fapa ka kova mahse hnunglam aṭanga thawm ka hriat rualin ka inher zui leh vat. Ka fapa ni turah ka ngaia mahse Zodintluanga zawk lek chu niin.




"Enge?" Pawr hlar hian ka ti nghal ṭhah chu thawk ala zui hawlh mai. Tak ngula min melh chung hian min rawn pana kei ka dinna ngaiah ka ding zui ngar.




"Kut thawh fo hi aṭha lo ania" ati sup chu abul aṭang bawk hian ka thin arim ṭha leh nghal vekin ka hria.




"A phu ve reng" ti hmakin ka hawisawn daih.




"Mahse insum theih hi aṭha ber ania" ala rawn ti fan chu ka sa nghal pup thei.




"Khang ṭawngkam min hman khum chung khan keihian kalo dawh hleuh hleuh ang maw, mi thianghlim tupawh ngaidam thei tur khawpa ṭha ka ni bik lo" ka ti zui tuarh. Ka melh nghal rawm rawm bawk. Engvangin nge khanu mize chhe lutuk vang khan ka insum bik tehlul ang.




"Ka hria, ati mah mah tihchu mahse..." ka ban ka vai nghal thuak. Min thiam lohna ringawt a sawichhuah chhen chuan ka puak darh vek mai ang.





"I ṭan hlum lo choh hmeichhe kiangah chuan engvangin nge i kal mai loh" ka nui tel hak a.





"Hetah engvangin nge ila awm cheu. Chuan hetah kan pindan chhungah ngei i hruai lut bawk a"




"Kha kha...."





"Enge helai hmunah hian nuam inlo tawl tih sawi i tum em ni" ngen hmel lutuka khabe poh vah hian Zodintluanga ding khawng reng chu ka melh hrak.




"Chutiang engmah athleng lo" ati hmuk chu ka ner nawk.




"Engvangin nge helai hmun aṭang hian a phone kha i rawn ken chhuah si" uar lutuk hian ka tih khum ta nghek. In ka thlen hma aṭanga ka boruak tawn pik lutuk bawk nen dam dem demin ka ṭawng thei thlawt lo a ni ber. Chuta karah kan pindan chhung ngei aṭangin Zodintluanga hian khanu phone kha arawn keng chhuak leh kher nen ka puak pawp pawp chu anih ber hi.





"Rose" a ti sup a.





"Aw eng sawifiahna nge ka ngaihthlak dawn" a ka a ang zuau tawh chu kalo tihkhalh leh nghal hmiah. Ka aw rawl aring bawk nen ka hrawk athip hlur tawh. Mipa ka vin nasat vang hian nasa chu ka inti ve tho mahse ka insum thei lo chu anih hi.





"Pangngai takin kan sawi dun thei angem" dam dup hian arawn ti leh. A thinrim let ve duh miah lo techuan min ti thinur ngawih ngawih zawk anihchu. Hetiang teh hrepa thinrimna nasa hi kala tawn awm pawh hi ka hre lo. Kalo ṭawng thei hle tih ka inhriat chhuah phah hial mai.




"Sawi ta reng che" din hnaih hret hian a awmah ka beng nghal thlawrh. Ka kut ka la let leh tur rawn vuan betin a awmah anam bet a, a awm chhung athin phu dup dup chu ka feel rang ngang mai.




"Ka mutlaiin arawn luttlang, i ngaih ang kha engmah athleng lo, lova chhuak tura ka hrilh hnuin achhuak zui veleh mai alawm" ka mitah melh chung hian ati zawi sup.




"Chuan bawiha pawh hnawk intih vangin in tirbo hial ami?" uar zet hian ka ti nghek chu a awma ka kut anem beh ahmer zui tawk. Ahmel lang rum nghal ṭawlh ṭawlh chu ka tim leh hnuhnawh mahse ka sawi zo vek tawh si.





"Hetiang chuan i hrethiam dawn hauh lo" ti hlukin ka kut apaihthla a min melh ngur hian a kekawr ip azen nghal hmuk.





"Hriatthiam ka mamawh lo" ka tih leh zat rual hian arum nghut mai.





"En teh, hmeichhe mawl tak kan lo ni hi min nuihzat zawk viau lo maw?" hmaizang thal haw hian ka melh chho kham kham. Engkim anih tur ang ang ni law law se tih hi ka duh ber tawh.





"Dr. Seni'n in inneihna in kaltlangpui dawn atih hnuin hmeichhe easy ber ang ziazangin heta cheng turin kalo pawm che. Vawikhat pawh mi natna tur hian ke kala pen ngai lo chungin zankhat...zankhat chiah ka dai sual vangin hetiang dinhmun hi kan thlenga, i nu ngeiin hetah min rawn kal chilhin min hmusitna achhak chhuak phiar phiar chung pawn ka rilru ka ti paukhauh tlat mahse heng ṭawngkhumna zawng zawng hi dawng reng turin enge ka tihsual bik. Nang hi kan nufa nunah rawn inlan lo nila chuan engkim hi a pangngaiin akal vek mai tur nangmah vang vek anih hi i hria em" hrawk phiar tawn tawn hian ka au khum ta tuarh tuarh. Ka sawihnem bawka thawk kala zui halh halh mai. Tun hnu hian kan hlata awm turin ka phal lo mahse buaina hmachhawn chhoh zel ai chuan mahni kawng hi zawh mai ṭhain ka hre tawh zawk.




Mumal lo nuaiin hmalam hun hi kan hmachhawn zui ang tih hlauhnain min fan vek tawh bawk.




"Rose" zawi ruih hian ka hming alam sup chu ka ner nawk. Tun hunrei lote chhung hian ka hah ngawih ngawih tawh lutuk.





"Haw rawh, i thusawi engmah ka ngaithla peih lo" ahmel pawh en duh lo hian uar zetin ka tih khum leh nghek.





"Ka kal chuan i ṭha takzet ang maw?"





"Ka ṭha ang, chuvang chuan kan kawng ve ve hi zawh tawh zawk ang" luhlul zet hian ka ti tlat a. Ka thinlung tak chuan kal lo tura tih ka duh mahse ka rilru hi abuai ve tawh em a ni. Lehlam aṭangin hawtir turin min nawr reng bawk si hi ka hahpui ve tawh em atin ni.





"A ṭha alawm" ti hmukin a inhera pindan achhuahsan daih chu ka thlir mawl tawp. Khumah ka ṭhuthla a ka sam hui chho leh pap hian ka biang ka dawm a asa hut hut tih ka hre ve chiah. Ka ṭawng nasa bawka a awm ve tho mai. Khatiang em em a nasa khan tu mipa mah hi ka ṭawng khum ngai lo, Zodintluanga lakah hian ka thikthu ka pe chhe viau tih chu sawi kher lo mahila ka chetdan zawng zawng khan alantir fai vek. Hetiang em em hian hmeichhe dang lakah ka hauh bur ang tih hi ka hrebik lo.




Rei vak lohah a motor tlan chhuak thawm ka hria a pik churh hian thawk kala zui hak. Ka hnen aṭangin keimah hian ka hnawt kiang ang velah ka ngai tawh mahse ka dinhmun hi akhirhkhan ve em asin. Lehlamah achhungte lam aṭangin nawrna ka dawnga lehlamah Dr. Seni alo inhamtang ve reng nen alaia nawr chep tlata awm chu ka pik ngawih ngawih.




"Mama" ka fapa aw ka hriat rual deuh thawin pindan kawngka arawn innem hawnga ka fapa rawn ṭumlut tharh chu tihluihna tak tak nen ka nuih lui ngial. Ka fapa fing ve em em hian ka lungawi leh awi loh hichu ahriatthiam ve em ṭhin avang hian fimkhur ka ngai viau tih ka hria.





"Papa kha akal daih a" ka hma ading chungin lungawi loh hmel zet hian ati ve niah niah mai.





"Mama"





"Immm"





"Khawiah nge a kal dawn?"





"Achhuak lawk dawn anihkha" ti sapin ka pawm kang nghal nawlh. Abek vela thlan awm ve dap chu ka kuta chulsak pah hian ka chhem zui hauh hauh bawk.





"Khawiah nge i kal?"





"Tlingtlingi te inah papa ka lensan daih alawm" a ti niap niap a. Khum aṭanga dingin bawiha zawk khumah ka ṭhutthla a ahmaah ka ṭhu zui nghal zat.





"Bawihte in a i awm laiin dr kha alo kal em?" Ka zawhna ngai pawimawh lo lutuk a ka chhipsam alo khawih mial mial chu akut pawhthlaksakin adul hmaah ka nem khawma ka melh zui ngar.





"Mama-in ka bia che, dr kha alo kal em" ka ti nawn leh ngat.





"Noooo....ka leng alawm" fan raiha atih ve hlak takah chuan ka nuih zui seih. Mahse ka awm anawm phah chuang miah lo. Bawihtea a awm lo anih phei chuan kan pindan chhungah enge thleng tih lah ahriat theih loh. Zodintluanga thusawi kha ka rin tawk lo ni ber hian ka hria. Rin chu duh viau mahila thinrimna akal tluan laklawh tawh chuan engkim mai lo lem duak duak hi ahar ve deuh bawk nen.




"Mama, papa chu amuhil a chuan ka leng daih alawm" khuma ka bag dah chu pha leh pha lo hian a ban a ka nawr hnaihsak nghal rualin apawt hawng rawk rawk a phone bawk ala chhuak lehnghal zat.




"I ril aṭam em?" Ti sapin aban bulah ka tuai zui hauh hauh.




"Aih papa-in min eitir tawh" ti niah niah hian ka phone a hmet zui mawlh mawlh chu ka nuih leh hak.





"I mut achhuak em?





"Mama zawhna i nghah lutuk" ti hlar hian aban ka dawmna apawtthla a khumah amuthla nghal tawp chu thawk kala zui hap.




"Ok, engmah ka zawt tawh lo ang che" tiin ka tho chhuak a ka closet lam ka pan zui ta daih.




"Mama, alo haw dawn tawh em?" A chhuak chauha alo haw dawn tawh leh tawh loh min zawt nghal ngawt anihchu. Ka thuamhnaw ka phawrh fel a chhan tumna pawh ka nei lem lo.




"Mama" uar zet hian arawn ti vak chu ka melh nghal awk.




"Ka hre lo, i pa chanchin min zawt tawh suh" ti hlarin pindan aṭangin intih fai tumin ka chhuahsan ta daih.




"I sual si" arawn ti ve tan tan chu ka hre pha tho a chu ka ngaihven zawm tawh lem lo. A nu hi ka pik hluah hluah tih a hre lo a ni. Achang chuan ka fapa anga engmah la hrethiam lo, rilru hah nachang pawh la hre lo mahni tal tal a tal tawp nun kha neih veleh ka chak ṭhin.




Ka naute nupa an rawn haw hnu pawhin Zodintluanga arawn let leh tawh lo hrim hrim. Hmeichhia zawkin haw turin ka hrilha arilru asiam fel vek tawhah ka ngai zui hmiah mahse chuti chung chuan arawn haw leh thut mai kala beisei fan chu ania.




"Û bawihtea pa hi" zanriah kan kil zawh hnu ṭhutkhawmna lama kan ṭhu tlang chu ka nauin min zawt ta chat. Zanriah kan killai thleng khan an nupa hian min zawh an chak tih ka hre reng chung khan hun ka siam duh lo anihkha.




"A haw" kati tawi tak. Abak sawi zui chiam tumna ka nei lo.





"A haw maw?" Mak tih hmel deuha min rawn melh haw chu Hmingtein ka awmdan hrethiamin arawn khap zui vat a, engmah sawi zui tawh lovin pindanah ka luhsan ta daih. Bawihtea lah tlailam aṭanga apa ngena anuar kha tlai chaw pawh ei lovin a inṭap muhil ringawt tawh bawk.




"Papa"muhil reng chung hian apa arawn lam ri chu ka lainat lutuk mahse keihian kan kiang aṭangin ka hnawt bo vek tawh si.




"Û" kan pindan kawngka kik paha ka nsu min auhna chu ka chhang nghal vat.




"Utetea arawn kala lo chhuak ta che" dam dup hian arawn ti a ka chhuah tur thuin ka chhang zui vat. Ka fapa chala fawp zauhin ka ding chhuak a. Pindan kawngka bula thawk la hawkin ka pen chhuak zui ta chauh. Inlengte lo kawm loh ngawt thil tih chi a ni lo chungin ka phur lo takzet.





"I va tawm hma ve" nui suk hian abula ka ṭhutthlak rualin ati sup a. Ka nui tawi tak mai.




"Khawnge an awm a?" A hawikual leh vut vut tawh.




"Amu tawh" ka ti satliah mai Zodintluanga a haw tawh thu hi sasilan kher ka tum hran lo. Nakinah ala hre chhawm ve mai ang.




"An va mu hma ve" ṭha tak chuan ati veleh mai. Zodintluanga rawn awm chhung zawng pawh khan Tetea hi chu arawn lang reng tho mahse tlangval polite tak anih angin len chin erawh ahre viau lawi.




"Nia" tawi tak hian ka chhangleta, ka hmelah biak zawm chiam chi ka nilo tih ahmuthiam a ni teh chek ang chu ka naute nupa ṭhutna lam hawiin titi dang an vawrh zui ta hlauh chu ka thaw huai zawk.




Darkar hnih dawn aṭhuthnuin ahaw tur pawnlamah kan inzui chhuak a. A kal mai dawna amaw ka tihlaiin sawi duh neih hmel deuh hian ading zui ta reng. Akal hmaa luhsan chi ni bik hek lo. Mahse ka rilru tak chuan zanin chauh hi chu mahni a awm fal ka chak hluah hkuah tawh.




"Rose" ka dinna lam hawi zawnga iher rem hian arawn ti sup.




"Dintluanga ahaw tawh tih kalo hria a" atih zawm leh zat. Engtin nge ahriat tih zawh ka tum zet a chu ka nauin ahrilh dawn tih ka hriatchhuah leh vangin ka zawt let talo.




"Nia" tawi taka ti sep hian ka ṭhen sak.





"Kal tawh rawh" tiin inher ka tum chu Tetea thusawi chuan min pawt ding chiang hle mai.




"Rose ka duh che"




"Engmaw?" A thusawi kha hre lo ka nilo mak ka tih vanga zawt leh mai chauh ka ni.




"Ka duh che" ati nawn leh sup chu tih ngaihna hre lo zet hian thawk ka la halh.




"Iti thei lovang" ka heh hnuailam seh zauh hian ka ti sep a.




"Tlangval ka ni a nangpawh pasal pawmlai nei lo i ni bawk engvangin nge ka duh theih lovang che" min rawn din hnaih rualin ka tawlh hnung nghal dat.




"Tete, min hriat chian em hi chutiang chuan min en lo zawk rawh"





"Engvangin maw? Dintluanga vang khan maw? Hun min siam rawh" ngen ngawl zeta arawn tih leh rualin lu ka thin khum nar nar a, min din hnaih leh rualin ka darah aman zui hmiah chu ka melh chho kiau. Kan unau tana awm reng ṭhin leh kan mangan laia kan tluk luhna ber mipa ṭha tawpkhawk a ni tih hi tu hrilh ngai lovin ka chiangsa mahse kei ang nilo nula ṭha tak aphu ngawih ngawih. Ka dinhmun leh ka paltlang tak ngaihtuah phei chuan atan hian ka insit ngawih ngawih zawk. Chuan Zodintluanga ka ngaihtuahna aṭang hian ka paih chhuak thei ngai dawn lo tih ka hriatna hian mipa dang bel turin min dang tlat tawh.





"Tete" sawi zawm tuma ka ang ziau tawh chu Tetea dinna hnunglama Zodintluanga motor rawn ding thi duk vangin ka tawp leh chawt.




Tetea pawh a hawilet ve chiah rualin kawngka arawn innem hawnga Zodintluanga rawn pen chhuak vut chuan kan pahniha lo ding dun chu rum ul a min melh ngur chung hian kawngka akhar zui dawp.




"Ka kal phawt ang, lo inngaihtuah rawh aw" hmuh nuam zeta nui suk a, a car hunna lam apan chu ka thlir zui reng. Zodintluanga'n a motor nghenga ding ngul chung hian min melh ding ngur mai chu nuam kati hlawl lo. Kan kawt hi azau hran lo chuvang chuan inhlat lutuk kan nih loh vangin amitmeng thim khup pawh ka hmuchiang hle bawk. Vawiinah kan in achhuahsan tawha lo kir leh atum nge. A duh duha tal luh nana rawn hman atum anih ngai chuan ka lungawi dawn hauh lo.




Thawk la hapin Zodintluanga hnungchhawn zawngin ka inher a, pen mai ka tum tawh chu kha faka athil rawn sawi vangin ka zui nghal chawt a ka kut ka hum ruh nghek bawk.




"Nikhat em pawh aliam hmain mipa dang ilo nei hman em ni" ngeiawm lutuka arawn tih leh hluk rualin ka shirt haklai tlang ka ṭham nghal tawk.




"Kha zan ang bawk khan itana awm reng ṭhin mipa lakah khan ilo intulut hman a" ati zui hrawk chu ka inher nghal nawkin rum theihpatawpin ka hma mipa pawisak neih loh hmel zeta ding chu ka melh let ngar.




"Ka kalsan vang mai che u khan zalen taah ilo inngai a ni ngei ang maw" mitmeng thim zual lutuka min melh hian ati hrawka, chhang mai lova ka ding khawng reng chu ka dinna lam arawn pan zui nghal mawp mawp.




"Keihian nang hi mipa dang kianga kal turin ka zalentir che i ring em ni?" ka hmai bul chetah arawn nui ro hawk a, ka nghawng hnunglamah akut hrawl zeta a chelh rualin mit ka chhing zui ta ngawt.

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)