SERENDIPITY BY Hmuaktei Fanai (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

Re: SERENDIPITY BY Hmuaktei Fanai (Completed)

Unread post by Ngaia » February 28th, 2021, 1:28 pm

SERENDIPITY









CHAPTER-19








Ka kawnga rawn chelh zui hmiahin ka kut ka hnunglamah aman kawp a. Min thlah tumna nei lovin ahmui achet uar sauh!



Chaw rei tak chhung nghei tawhin ahmaah a duhtawk ei tur hmu a ei buan buan hi a awmdan nen hian ka tehkhin ber min thlah tumna a nei lo. Min fawhna hi nuam tihna pakhatmah ka neih loh angin ka thin ati rim hlur zawk. Min vuan bet hneh kual vek nen ka tan chet ngaihna a awm lo. Ka thawk achham lo chauh tawh bawk.



A hmui alaksawn dat lai remchanga lain ka tal nghek a,ka kut aman behna phihthla hlawkin a awmah ka nem zui dawt a alo inring lawk bik chiah lo nge ache ve dawt mai.



Ka hmui sa ham ham chu tawk de dein ka hma a mipa ding tak ngul reng chu ka melh leh rawm rawm.



"I duh duha i fawh theih tur hmeichhia angin min ngai em ni?" Ka thinrim lutuk vang nge ka aw ka chhuah hlei thei lo.



"Rose"



"Kha hming phiangsen kha ka beng hriatah lam ri tawh suh. Tunge anih ka hre lo tih hi vawi engzah atam nge ka sawi ngai dawn. Chunu chu i mamawh viau anihchuan helai hmuna awm lo hian amah hmu tur chuan kal zawk ta che" ka thusawi tir lam chu zawi viau mahse atawp lam erawh ka au khum hi a ni ber. Ka thinrim vanga ka taksa ṭang nasa lutuk chu ka pum hian ka na vek nimaiin ka hria. Ka tawt up up hi ka puak keh lo chauh tawh bawk.



Ka nu leh ka û thusawi zawng zawng nen ngaihtuah tel phei kha chuan ka â lo chauh.



"Hetah i awm a ka rawn pan che"



"Engmaw i sawi?" Beidawn hmel zeta min melh zuai ruih tu chu melh ngar hian ka zawt let haw.



"Nang i awm chhung chuan tu hmeichhia nge ka um zui a i rin" a hmel landan a inthlak nghal hlawk. Pawisak neih loh hmel zet hian akhabe atuai zauh chu vawm pawp mai hi ka chak hluah hlauh.



"Enteh ka pu"



"I pu ka ni sek lo" arawn ti vin ṭhawt chu ka beisei loh lutuk vangin ka phu zui chiam.



"I pu rualin min hmu em ni?" Min rawn pan hnai hrut chu khumlamah ka tawlh dat dat thung.



"Rawn kal hnai tawh suh" bah nuaia ti chung hian ka kut ka lek chhuak a, ka thusawi chu hria ang pawhin a awm lo hrim hrim. Hria anga awm ahnekin min rawn panhnai hnai tulh tulh thung. Khumin min lo dan takah phei chuan ka tan chet zui ngaihna a awm tawh lo.



"Kalsawn rawh" ti hlarin khum si chet hian ka ding zum reng. Engvanga ka thinrimna bo veka zam leh lawi ka nih pawh ka hre hrep lo ve.



"Engkim i hriatchhuah vek angai" thupe aw zet hian arawn ti a. Keiin khap lek lovin ka hma a mipa ding chu ka melh reng thung.



"Kumhnih chhung kha atawk iti lo em ni? Min hre lo anih pawhin min ring rawh" pik hmel zet hian thawk ala zui hawk a, chunglam melh hian a sam atuai zui puat.



Min rawn melh leh ruala a mitmeng chuan ka min chhun sawk nimai hian ka hria. He mitmeng, he hmel, he taksa hi ka hriatthiam theih si loh hian keimahah hnathawh anei.



"Heng thil thlen chhan hi ka thiam loh vek, khami ni khan i kianga awm tlat tur kha ka ni a" min rawn din hnaih leh hrut rualin khumah ka ṭhuthla nghal hnawk a, akut rawn lek chhuakin ka biang arawn khuap a. Khap tumna pawh nei lovin kalo melh mawl tawp.



A thusawi hi pakhatmah ka hrethiam lo chungin hriat zel chaknain min fan tlat tawh.



"Enge ka chungah thleng?" melh chho khiau hian ka ti sep a.




"Ka hre lo" mit chhing chung hian alu athing nghut.



"Mahse keihi min hria a ni lawm ni?"




"Ka hria che pawh nimai lovin" angawi leh data mit rawn mengin min nuih suk. Mahse ahmel mawlh hian ka taksa chhung hi aṭham khawng vek ni hian ka hria, ka sawithiam lo ka awmdan hi amak vel vek tawh.



"Ka nupui i nih hun tur kha ka nghakhlel ṭhin" thawk alak hawk rualin ka hmaibulah arawn kunhniama ka kut khuma ka nghah chu ka hum ruh ṭung tawh.



"Lalzemawii hi ka hmangaih tih i hria em? Ka hnenah lokirtir tawh rawh. Lalhruaizeli ang ni loin Lalzemawii angin. Ka ngai tawh!" Ka chalah achal arawn nghat dat a, a mit achhin rualin ka biangah mittui arawn far nghal fap. Hepa hi aṭap tihna em ni?



"I tap ami?" Tim dai hian ka zawt sap a. Nui hawk hian alu athing leh mai. Mahse achal sa vur leh ka dar ahmerna ṭang ṭawlh ṭawlhah a pangngai lo tih ka hre thei thung.



"Anih, keihian nang hi ka hmangaih ṭhin che em ni?"



"Ka hre lo" ati zawi sup a. Ka hmangaih ṭhin em tih ahriat loh chuan engtin nge athusawi tekha ka rin theih ang. Mahse ka pasal nimai tur angin a insawi tlat bawk si.



"Tunge ka nih?"



"Ngati nge tiang hian ka awm si?"



"Tute nge ka chhungte?"



"Lalzemawii" chu hming chu arawn lam leh sup a. Harsa zet hian thawk ala zui hrawih bawk.



'Lalzemawii"ti nawn ve sapin a akawrbanah ka vuana. Kha hming ka lam rual khan eng emaw tak hian chhunglam aṭang hian min fan a ka ṭah achhuak nghal vek bawk.



"Chhungte ka nei lo em ni?"



"I nei, kei ka awma i chhungte leh kan fapa a awm bawk" ka dar avawnna thlahin ka biangah arawn khuap a. A lu chet hrutin ka hmai bul chetah ka hmel hmu thei tur hian arawn insiamrem zui nghal zat.



"Kei....keihian....keihian fapa ka nei maw?" He hospital kan pan hmasak ber ni a mipa naupang ṭap ṭunga mama ti a min kotu kha ka mitthlaah arawn luta thawk ka la zui hak. Kha kha ka fapa chu a ni tihna em ni? Enga tinge engmah hi ka hriatchhuah theih loh. Ka chungah hian eng chiah nge thleng? Chung zawhna chu vawitam inzawt nawn ṭhin mahila achhanna pakhatte mah ngaihtuah chhuah tur ka hre silo.



"Kan pahniha kan fapa"




A thusawi hi awih tur a ni em tih takngial pawh ka hre tawh lo. Ka chhungte ka kianga awm tehian engmah an sawi ngai miah si lo mahse hepa hian min hmuhtirh phat aṭangin min hriatchian hmel em em lawi si. Engmah hi ka hrethiam tawh lo.



"Khawngaihin kal tawh rawh, mut hahdam ka mamawh" ka ding chhuak chu arawn ding mar ve vut. Min rawn ban leh atum chu ka kut ka kuangkuah zui hmak avangin akut ala let leh ruai ruai.




"Khawngaihin kal tawh rawh" ahmel pawh en duh tawh lo hian kawngka lam ka melh ding ngar.



"I duh apiang min zawt rawh"




"Zawh duh che ka nei tawh lo, kawngka awmna lam i hriat kha" khumah ka lawn a, adin lohna lam a inherin ka inkhuh zui hmak. Ka awmchhung phu rang dawt dawt chu ka kawrchhana dawmin ka heh hnuailam ka pet fan.



"Naktukah kan inhmu dawn nia, muttui le" zawi supin arawn ti a, kawngka lam pana apen thawm chu ka hre nghal zat bawk. Helai hmun kan thlen aṭanga buaina chingchivet lutuk min luhchilhtu mahse sukiang vek tura engmah ka hriatchhuah theih si loh zawng zawng hian min kiansan vek tawh se la hahdam vang vang aia chak dang ka nei lo.


""""""""""""""


"Nu boruak dawng turin ka chhuak dawn" ka nu washroom lama awm chu ka au lang langa. A phal thuin awlsam techuan min rawn chhang ve mai. Ka pa amah chauh awmtir reng ka nuin ṭha atih loh vangin tukin lamah ka û in min hawsana ka ngai nghal veng veng hian ka hria.



Ka û nen hian kan inzui kual nasat vang hian reilote pawh ahmel ka hmuh loh chuan ka ngai ngawih ngawih zel.



Hospital chhuahsanin canteen lam ka pan hmasa leh phawt. Tui ka ken chhuah loh vangin ka lei mai loh chuan. Nizan aṭang khan akhat tawk hian ka dang ro huam huam remgin angaihna pawh ka hre tawh lo. Tui ka in lo anih phei chuan ka ka chhung hi asa vek zel anihchu amak zawk.



Tui bottle pakhat lain aman pekna lam ka pana, ka thuamhnaw haklai ka dap chu pawisa reng reng ka ak chhuak hauh lo tih ka hre ve chiah. Ka hmalama nu thau lam ṭhu chu ka melh a ka nuih tawi tak ringawt. Anin ka pawisa pek hun tur chang ang hrimin mit khap lek loin min melh bawk a. Keihi ka â vek tak tak tawh anih hi.




"Ka pi ka dah leh mai ang" ti sep a ka inher chu kha doctor hmeichhia hmelṭha zet ka hmuh kha ka dinna lampana arawn kal ka hmu nghal zat.



"Rose, i ṭha maw?" Ka hma taka dingin min rawn nuih var a, keiin phawk zetin kalo melh thung. Rose chu kalo ni ngei dawn anih hi tih ka ngaihtuah zui nghal zat bawk. Rose ti a min ko anihchuan tuna atan chunu chu hre lo mahila amah ang tal chuan ka chhawn ve thei ang chu.



"Ka ṭha alawm" ti sepin ka nuih let ve var.



"Buaina i nei em ni?" A coat ipte zen hian arawn ti zat a, za lo zeta nuih tawi tak hian ka tui bottle ken chu ka lekkang nghal vat.



"Pawisa anei lo anihkha" hnunglam aṭanga rawn ti tunu lam chu ka hawi zui dawrh. Min melh lem lo hian a kuhva ei tur alo siam mawlh mawlh thung.



"Nia kalo keng chhuak lo pek a" ti varin ka nui leh ta ringawt. Ka hma a doctor hmeichhe ding pawh anui ve tho.



"Kalo peksak ange" tiin a purse arawn phawrh chu ka dinna hmun aṭangin ka tawlhsawn hreta a ni pawisa pe turin arawn ding hnai ve thung.



"Rose, awh Hruaizeli zawk tiraw i hming kha" canteen kan chhuah rualin zangkhai zet hian arawn ti zat. Nichin khan ka hming pangngai zawk kha ahre lo turah kalo dah fel vek tawh kha ania.



"A pawi lo, i duh zawk zawkin min ko thei ang chu. Ka hming ve ve alawm" ka ti.zet chu a meng nghal kawk kawk.



"Dik lo a awm em ni?" Ti sapin ka hma a doctor chu ka nuih sak.



"I hre tawh maw?" Ka lu ka bu nghat. Engmah kala hre lo tih hi hriattir kher ṭulin ka hre lo.



"Aw anihchu ka lawmpui che, ka kal phawt ang aw"



"Ka lawm e" a pen zet tawh chu ading leh dat a, ka tui bottle ken ka lek zauh chu anui hak ringawt.



"Anih phawt" tiin hospital chhunglam apan nal nal chu hnunglam aṭangin ka thlir zui reng. Ka hriatna neih let leh aia chak hi tunah tak hichuan ka nei tawh kherin ka ring lo. Engkim hriatchhuah fai veka hahdam taka awm ka chak. Engvanga hetianga awm hi nge ka nih tih tepawh.



Hospital kawt zau duai sirlam hmun reh deuh laia ṭhutna awm chu ka pan a. Thlifim thaw heuh heuhin ka sam achhem len dar dar chu ka hui leh zauh bawk.



"Fimkhu ta che?" Hmeichhe thinrim aw fiak ṭhat ka hriat rualin ding meuh hian ka sirlam ka melh melh zui dawrh. Taxi hmalam si lo chauhin ka ding tih ka hmu ve chiah rualin ka thin aphu zui dup dup.



Ka hawikuala midang pawn mawl tih hmel zetin min lo thlir fur hlawm tih ka hmu chawpchilh nghal zat.



"I mit adel em ni?" hmeichhe aw ri chang fak lo chhuahna lam hawiin ka inher a. Hmeichhe pakhat taxi aṭangin araawn pen chhuak nghal zat.



"Rose!" Chu hming bawk lam chung chuan hmuh thiang loh a hmu ta emaw tih tur khawp hian ameng kawk kawk a. Ka hma a hmeichhe mak ti lutuk hawi â veka ding chu hrethiam lo zet hian ka melh let haw thung.



"Hetah.....nang....engtin!"




"Engtin nge....engtin nge hetah i awm theih?" bah nuai hian arawn ti chhuak nawk nawk. Henu hi tunge anih ka hriat loh ang bawkin min hmuh avanga ahmel chena danglam phah vek chu ka hrethiam lo hulhual.



"Min hria em ni?" Bangbo zet hian ka zawt let a. A hmel chu chik zetin ka melh ngar bawk.



"Eng...eng...eng maw?" Ka mit vai deuh ruai chu ka lu thing nawkin ka bekah ka dawm deuh vang vang a.



"Min hria" thawk kala hak.



"Min hria em ni?" Abanrekah ka vuan zui nghal chawt. Ka lu na leh mit rawn vai nghal riai chu tihreh tum hian thawk kala leh hak a mit ka chhing ta ngawt.



"Aih....aih ka hai che a ni ngei ang" a banrek ka vawnna arawn pawhthlak rualin ka pai nghal dat.



"Ka lu" ka bek tawn tawna dawmin mit ka meng leha ka khawhmuh afiah lo nghal ruai mai chu ka mangang.



"Ka lu" ka sawi zo thei lo ka thawk arawn ranga leichara ṭhingṭhi thla rawpin mit ka chhing zui ngawt ngawt tawh.



"Nu" ka theihtawpa ṭawng rin ka tum chung pawn ka aw achhuak hlei thei tawh lo.



"Min pui ru" ka ti ṭiau a, ka biangah mittui abaw nghal zawih.



Mipa hlim nui khek ri raih raih hian ka lu arawn luahkhat mup mup a!'Mama' ti a min kotu chu ahmel ka hmu thei. Ka fapa, ka fapa ngei a ni.



"I ṭha em?" Ka darah vuantu an awm tih chu ka hria mahse ka lu na lutuk vangin ka meng ngam tawh lo. Ka lu hi a puakdarh vek mai dawn amaw tih tur khawpin chhunglam aṭang hian atur ut ut tawh.



"In nufa hian ka ru dawn che u!" Ka hun kal tawh ka hriatchhuah theih loh ho chu darthlalang hma a ka hmel chiang zeta ka hmu thei ang mai hian ka hmaah arawn inlan nghal zut zut.



"Nu ka lu" ka thawksak lutuk thaw chhuak hlei thei lo chu thaw chham hian ka thi dawn takngialin ka hria.



"Ka duh che!" Zodintluanga hmel ka ngaihtuahna a rawn inlana ka hriat theih rualin ka chhehvel chu athim zui mup a, hmun reh deuh tuma tihbuai theih lohna hmuna chawl ta vang vang ang mai hian areh zui duk.

"""""""""""""""""""



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » February 28th, 2021, 1:28 pm

SERENDIPITY









CHAPTER-20











Ka dinna hma a tui thuk hmel zet dum thim khup ka thlir vauh vauh laia min kotu an awm avangin ka inher zawk a.



"Rose" Mamawii hmel ka hmu nghal zat.



"Ka thusawi i zawm duh lova"



"Dintluanga hi ka ta a ni thei dawn lo anihchuan tu ta mah a ni thei bik lovang" ka hma a hmeichhe pawisak neih loh hmel zeta ding chu rapthlak tih lutuk vangin ka melh zui kawk kawk.



"Dintluanga hnenah heng thil hi ka thlen i duh loh chuan min vau hi bansan rawh"



Inrinna hman awm miah lovin kan dinna hnunglama tui thuk hmel zetah chuan min nemthla nghal bawrh! Min pui turin ka ngena mahse min puih tumna nei lek lo hian min thlir reng. Ka ban ka vaia mahse chhunglama min pawt lut zeltu awm ang hrim hian chhunglamah ka lut tial tial a, tui ka hak zui bawrh bawrh tawh. Ka theihtawpa inhai chhuah ka tum chung pawhin ka thei tawh lo.



"Min pui ru!" Ti tuarhin ka mutna hmun aṭangin ka ṭhu chhuak nghal zawt a ka thaw zui hlawp hlawp. Ka awmna hmun ka en kuala tui chhungah nilo ka cabin-ah ka awm tih ka hriat chawpchilh rualin mit ka chhing zui vang vang.



"Bawihte i ṭha em?" Ka nu ka bula rawn ṭhuthlain ka kutah arawn vuan a. Awm sep dawrh dawrh hian thawk kala a, ka awmkual vel huh niai mai chu ka thlan a ni tih ka hre thei. Ka sam ka hmai leh chal dep vela awm pawh ahnawng chuap thei.



"Khawiah nge a awm?" Mittui tlingpam hian ka hma ṭhu ka nu ti a ka koh ṭhin ngei chu ka zawt a.



"Bawihte enge i sawi awmzia?" Hamhmaih hmel zeta arawn tih let rualin ka puan sinlai ka theh hlim a khum aṭangin ka tho chhuak nghal zawt.




"Khawia kal nge i tum?" Cabin kawngka lam pana ka pen phei hlak hlak chu ka nuin ka banrekah arawn hmer nghal chawt.



"Nu abulah ka kal dawn" ka ti zui ṭiau. Ka biangah mittui alumthla nghal pap bawk.



"Nu Zodinuanga bulah ka kal dawn!" Mittui tlingpam hian ka hmaa mak tih hmel zeta min entu ka nu hnenah chuan ka ti sap.



"Ka hre tawh" thawk kala zui hak bawk.



"Enge i sawi awmzia?" Ka banrek avawnna phihthla hlawkin cabin kawngka ka nawrtawlh zawt a ka pen chhuak zui nghal zat. Hnunglama ka nu min auh lawm lawmna pawh chhawn lovin Zodintluanga cabin awmna lampanin ka pen nghal hlawk.



"Zodintluang" corridor-ah ahming ka kohna ri chu akhawk rum rum thei. Ka awmna hmun thliar hrang thei lo tur khawpin ka ngaihna leh hmuh ka chaknain min nawr miau a, ka insum thei tawh lo. Ka mittui tlingpam chuan ka khaw hmuh ati phe a lawm lo zet hian ka hru zui tawk mahse angaite bawkin ka mitah an tling khat lehnghal vek.



"Zodintluang" a cabin kawngka nem hawngin ka au zui tuarha mahse a cabin ruak hung mai chuan min ti hnual rawih. Hetiang em em hian ka ngaiin ka thlahlel ang tih ka ring pha lo. Khang kumhnih tal tawp kha amah leh ka fapa hre loin hun kalo hmang liam tawh a, tunah hian kal hran tumna ka nei tawh lo.



"Khawiah nge i awm?" Ti ṭiauin kawngka vawnna ka thlah a ka hmai hup thawkin ka ṭap khur zui dar dar.



"Bawihte" ka hnung mai aṭanga ka nu aw ka hriat rualin muangchanga ka hmai hupna lathlain ka inher let riai riai a.



"Nu khawiah nge a awm?"



"Abulah min hruai rawh"




"Bawihte" ka nu hamhaih hmel lang buai nak mai chu rei pawh en duh loin ka bianga mittui luang hru tawkin kawngka aṭangin ka pen chhuak a. Corridor thim ruih mai chu zawh phei hlak hlakin hospital pawnah ka pen chhuak a, ahmel hmuh tumin ka hawikual zui ruai chungin khawlaia in tiharh ṭhu pheuh pheuh bak hmuh tur an awm lo.



"Khawiah nge i awm?" Ti ṭiauin leicharah ka ṭhuthla nghal hnawk. Ka ngai, ka ngai takzet. Zanin la la hian ahmel ka hmu lo anihchuan ka â vek mai ang.



"Bawihte lut ang" ka nu bawk a ni. Min rawn zui ve zel tih pawh ka hre lo mahse chhan tumna ka nei lo. Tum pawh ni ila ka taksa chhunga thil hlawm lian zet ang maia min hnawh ultu a awm avang hian mumalin ka ṭawng chhuak hlei thei dawn lo tih ka hria. Tuna ka duh zawng chu ahmel hmuh chauh abak duh dang ka nei lo.



"Nu" ka lei hi phuarbeh ang mai hian ache hlei thei lo. Ka ṭah nasat vang pawh a ni mai thei.



"A.....bulah...min hruai rawh" ka awm ka ṭham zui tawk. Chhunglama min hnawh tlattu hian ka thawklak thlengin ati har vek tawh.



"Tu bulah nge?" Ka hma a rawn ṭhuthlain ka biangah arawn dawma mit kalo chhing zui sawk.



Awm sep dawrha thawk la lehin ka mit ka menga, ka hmaa ka nu min lainatna nena min melhtu chu ka melh let ngar.



"Chhunglamah lut phawt ang aw" min kaihthawh tuma ading chu abanrekah ka vuan bet tlat.



"Nu phone" ka vawnna lehlam lathlain ka kut ka dawh a,ka hmaa rawn ṭhuthla veleh hian thawk ala zui ve hap chu phone min pek hun tur ka nghak reng thung.



A kawrhak lai ipte dap rak rak hian a phone arawn lek chhuaka min pek hun pawh nghak thei lovin akut aṭangin ka pawtthla nghal tawp bawk.



"Tunge i biak dawn?" Ka nu zawhna pawh ngaihsak lovin phone chu ka hmet eng a. Ka kut khur nasa lutuk nen ka duh angin no pawh ka hmet hlei thei lo.



Phone ka bengbula ka lakang tur chiah motor headlight in min rawn chhun khalh avangin mit vai ram ram hian ka kutin ka inhliah a. Horn arawn pek rualin ka phu zui chiam.



Ka phone kenlai ka benga nawrbetin lehlama ring hun tur chu ngaichang chung hian ka ding chhuaka ka nuin ka banah arawn chelh zui nghal vat. Zodintluanga motor ngei a ni tih hre lo tur khawpa mit chhia ka nih loh vanga ka phone kenlai ngaihsak zui lo mai chauh ka ni. Hetah ala awm reng chungin ngati nge min hmu tura arawn kal loh. Ka ṭah achhuak lehnghal ut ut tawh bawk a.



Keimah ka ni tih ahriat vang a ni ngei ang a motor kawngka arawn innem hawnga.



"Nangni maw?" A rawn penchhuah vut ruala arawn ti nghal zat chu kalo nuih hak. A phone ka call vanga ri chhuak chu a kekawr ipte aṭangin a phawrh zui zat bawk a.



"Ngati nge pawnah in awm?" ti sup a ṭhutluh leh mai atum chu muangchang hian ka pan phei a. Nikhaw hre lo ka tluk leh kha ahre ve tawh lo a nih hmel ngaihsam hmel zeta min kalsan leh mai atum danah. Mahse keihian tunah hian ka ṭhawng dawt dawn chu a ni sia.



"Ngati nge min hmu turin i rawn kal loh?" Phone a benga a nawrbeh rualin ka ti nghal nghek a, ka dinna lam arawn melh nghal vut.



"Tunah hei min hmu alawm" a motor kawngka anem khara, a kekawr haklai ip zen chung hian min melh ngur chungin ading khawng luah.



"Aih tunah chauh lo pawh, ahma zawng pawh khan engvangin nge min hmu turin i rawn kal loh. Ka awmna hre turin min zawng miah lo bawk a" kati leh nghek! Min zawng ang tih chu ka hming ka hriatchian tlukin ka chiang. Hemi hospital a ka luh hnu pawh hian vawitam min hmu turin arawn kal ziah bawk. Keiin ka hre miau lo, atam zawk chu Rose min tih tlat ṭhin avang khan ka thinrim phah ṭhin bawk a. Mahse ka awmdan hi ka hrethiam tawh bik lo engkim ka hriat vek tawh hnu pawh hian thinrimnain chawpchilhin min luahkhat nghal ut ut. Ka harh leh ruala ka bula ka hmu loh vang tepawh kha a ni mai thei bawk. Mahse keihian ka hnar hneh thei em tih ka hriat avangin thinrim tur ka ni em tih hre lo chungin ka thin arim tho si.



"Rose!" mitmeng danglam vekin ka hming ngei arawn lam tham ṭuak a, nui hakin ka lu ka bu nghat.



"Min hre tawh!" Awih loh hmel pu chungin ahmela lawmna lang tel si chu hmuhhmaih theih a ni lo.



"Keimah Rose!" Ka ti sap a, a dinna lam muangchangin ka pan phei a. A ṭhawng ve bawk a ni ngei ang hmel lang buai nak hian min melh reng.



"Keimah!" A dinna hmun ka thlen rualin lawi rat hian ka ti zui leh sep a ka phone kenlai chu lathlain ka kawrhaklai ipteah ka nawr lut nghal riai riai. Ka kut ka lekchhuah chu arawn vuan chawta. Awih loh hmel apu tel tho si chu ka kut lehlam lek chhuak lehin ahmaiah ka chul kual nghal riak riak.




"Rose" ka buk leh nghat rualin min hnukhnai dawrha nghet zetin min kuah khawm nghal vek. Ka hming ringawt pawh hi he hospital ka penluh aṭang hian vawi engzah nge alam ang tih pawh hi ka hre seng tawh lo. Kan rilrua langlian ber thil chu kan ka aṭang hian a chhuak tam ber ṭhin tih ka hriat miau avangin engtianga tam pawh lam mahse ka ngaithla kham theiin ka ring lo.



"Ka ngai che" ti tham chhelin a kawngah ka kuah let ve vat a, a awm lum vung vunga hmai ka nawr rual chiahin ka chhungril hian a hahdamna hmun a thleng tih ahria a ni mahna thawk kala zui ham ham a. Ka mittui bawk chu dan theih a ni leh tawh lo. Hei rawh natna vang ni lovin lawmna vang a ni tih ka chiang thung.



"Rose" ti hrawihin ka bekah ahmui lum thur thurin a nawr zui vang vang a. Ka hming alamna aw thuk ruih leh a taksa lumna ka feel tehian ka rilru no kai chhuakin a kawr hnunglam ṭham ngawt ngawt hian ka inhnit chhuak nghal hlawp hlawp.



"Min hmu lova haw i tum a?" Nutlingpui fa nei tawh pawh ni ila hepa kiangah hichuan ka rilru hi naupang chumchiap ang lek hian a no nghal vek zel nimaiin ka hria.



"Ka tihpalh"




"Ka venhim zawh loh che avangin" a ṭawng zawnga ataksa ṭang ṭawlh ṭawlh mai chuan hrehawm atih zia sawilang kher lo mahse min hriatfiahtir nghal vek. Keihian a ni hi demna tur ka hre lo. Kan nufa tan aṭha lutuk mah mah dem tur zawk leh buaina engkim chhuahchhan leh ka fapa hlata ka awm chhan chu a û nupui vang zawk kha a ni.



"Kan fapa lak aṭanga i awm hran angaih vang pawhin" ti zui hrawihin thawk ala hawk a, a ka aṭanga boruak lum chhuak chuan ka chhip a ur lum hak thei.



"Aih nghet deuhin min kuah rawh" ka dara dawm chunga min nawr hlat hret atum chu a hmunglam la ṭham ṭung chung hian ka ti nghal ruai.



Ka dar avawnna thlahin ka hnunglamah kut arawn suihbet leha, a awm khauh ṭungah chuan hahdam zet hian ka bei hle hle thung.



"Ka tihpalh, tun aṭang chuan ka hmuh phaka awm reng turin ka duh che" a ṭawng zawngin a awm zawn aṭang hian min ngawr dar dar thei. A thinphu dup dup ri pawh chiang takin ka hre thei bawk a. He taksa tluka hahdamna min pe theitu hi ka nei leh tawh ngaiin ka ring lo. A taksa khauh leh nghet churha min kuah khawm vek tawh hichuan ka him bik ngawih ngawih hian ka hre tawh.



"Bawihte" ka nu min auhna ka hriat rualin alo la ding ve reng tih ka hre chhuak veleh chauh. Dintluanga ka kuahna ka thlaha a ni pawn hnunglama a kut suihbeh reng chu arawn phelh thawl ve chiah bawk.



Ka nu dinna lam ka hawia. A hmelah enge a ngaihtuah tih ka hrethiam lo chungin a inthiam lo hmel chu ka hmu rang ngang. Ka nu nen pawh hian sawidun tur chu kan ngah ang. Engtianga min enkawl nge annih tih tepawh ka hriat ve aṭul bawk anga. Ka bo hnu aṭanga an bula ka awm leh dan zawng zawng tepawh a ni ang chu. Mahse zanin atan chuan Dintluanga hnenah engkim ka hrilh hmasak phawt angai. Mamawii'n ka laka chet alak dan zawng zawngte engkim ka hrilh vek angai.




"Nu" ka nu tak tak a ni lo tih ka hre tawh chungin kumhnih ngawt ka nu anga kalo neih tawh anih vangin ka kohdan ka thlak ngawt thei tawh lo. Tuna engkim ka hriat vek tawh hnu pawh hian ka nu angin kala ngai reng tho. A ni pawhin a fanu ang takin min la en reng tih chu a mitmenga keimah min hmangaihna lang chhuak aṭang hian hai theih a ni lo.



"Kalo va lut ange" kan awmdan ahriatthiam vangin inthiarfihlim ṭha turah angai a ni ngei ang. Hospital chhunglam pana akal nal nal chu ka melh zui reng.



"Lut ang" Dintluanga ka melh nghal vat.



"Khawiah?" A motor lamah a thle buk. Min kuahna phelhin ka kutah arawn hum a. Ka ṭhutna lam tur min panpui nghal zat.



"Lut rawh le" ti supin ka luhna turin kawngka apawt hawng zui nghal zat. Ka ṭhulut a dimte hian arawn nem khar leh a. A motor chhung thlek kualin thawk kala zui ham ham. A ṭhutna hmalam glass a ka hming lian lote inziak ka hmuh rualin ka nui nghal hak. Kumhnih kal ta khan he thil hi ka hmuh awm ka hre miah lo. Ka awm loh hnua atih a ni ngei ang.



"Enge i en?" A rawn ṭhutluh hnuin ati sup a, ka hming inziahna lam chu ka kawk zauh chu a nui suk mai.



"Min ngai viau a mi?"



"I rin phakbakin" ti tawi tuk hian motor a ti nunga.



"Let leh lawk ang aw" ti sup hian steering herh kual mawp mawpin parking lamah atawlh let leh zal zal chu ngawi reng hian ahmel ngawt kalo melh thung.



"Khawiah nge i kal dawn?" A in hunfel hnua chhuah leh mai atum chu a kawrban hmawr lamah ka vuan nghal chawt a ka melh deuh ha bawk.



"Kan insawn dawn" ti tawi tukin kawngka anam hawnga a kawrban ka vawnna ka thlah rualin a pen chhuak nghal vut. Ka ṭhutna lam pana motor hmalam akal hual parking chhung eng dul ruih hnuiah chuan ka hmu thei.



"Lo chhuak rawh le" ka ṭhutna lam arawn pawt hawnga, kan awmdan tur hre lo zet hian ka chhuk veleh ta tawp. Khawia min insawnpui chu a tum ni maw.



"Khawiah" ka sawi zo hman lo hnunglam kawngka hawngin lut turin min hrilh nghal sup. A sawi angin ka lut veleh tawp bawk a.



A rawn ṭhulut ve a, ka lam hawia rawn insiamremin min chawikang nawlh chu rang ṭung hian adarah ka ham ṭang mai.



A malchungah amah hmachhawn zawngin min nghatthla a, engtia min tih nge atum tih ka ngaichang a ni ber mai. A awmdan hi amak kual vel vek.



" Na ila nei em?" ka chhipah a kutphah hlai zet rawn nghatin thawk ala zui hawk.



"Nei lo" lu ka thing zui nar nar thung.



"A ṭha na a awm loh chuan" ati ve leh mai.



"Rose" seat hnunglam ngheng zui dawt hian min melh ngur reng.



"Engkim min hrilh rawh" A sawitum hi ka man thiam nghal vek. A thusawi hmangah hian keimaha chesual tawp ka nih aring bik lo tih ka hre thei mai.



A dar ka vawnna ka kut lathlain ka inkarah ka hum ruh nghal nghek.



Mitchhing vang vangin Tuirial kan kal ni kha ka chhuilet a. Kan kal dawna phur em em si mahse atawp ka khardan chenin ka ngaihtuah kim dap hman vek.



"Min hrilh rawh enge i chungah thleng?" Min rawn awmhnaih nghal hrut tih ka hria.



"Rose"




Mamawii'n tuia min nemthlak dan leh mangang lutuka inhai chhuah ka tumdan zawng zawngte, tui thuk leh dum thim khup maiin ka ngaihtuahna kiltin a rawn chim rualin thawk la hakin ka meng chhuak nghal kawk.







Awi asei thei thlawt lo ka mut hi achhuak em em lutuk aa😔


Chuanin nakzan chu ka awl ve lawk dawn ania aw chhan chu ka mit hi zankhat tal ka chawlh hahdamtir veloh chuan. Arim ve lutuk hi maw a na ṭun thei, ka tarmit power ka mil chiah tawh lo nen. Tuesday-ah ka rawn zawm leh dawn nia💗💗💜

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » February 28th, 2021, 1:28 pm

SERENDIPITY










CHAPTER-21








"Engkim min hrilh vek turin ka duh che" a kut lehlam ka biang dawm nan ahmanga, a kut lehlam erawh ka kawngah a awm thung. A mitmeng fiah taka min melh chung hian hahdam turin a hmui phunin min hrilh zauh bawk.


Ka tawhsual tawh dan zawng zawng kha kumhnih lai ral tawh mahse ka hriatna ka neih let leh hnu hian nimin maia thleng ang maiin ka feel a, ka taksa pum hi hlauhna vangin aṭang mar vek bawk.



"Rose" arawn tih leh sup takah chuan pik zet hian thawk kala hak.


Ka tana sawi mai ahar dan hi min hriatthiampui se min nawr lo se ka tih rualin nikhaw hre lova ka tluk hmaa ka hmeichhe hmuh kha Mamawii a ni tih ka chian em avangin helai hmunah ka awm tih ahriat chuan chet arawn lak leh mai hlauhna ka nei tel tho bawk. Tunah hian engkim Dintluanga hi ka hrilhfai kelh anih loh chuan dik lo taka thu avaivir anih chuan keihian tih ngaihna dang ka hre dawn lo tih ka chiang. Chuan tuna ka rin tur awm chhun leh ka thusawi engkim ring tur chu Dintluanga chauh hi a ni tih ka hre tel tho bawk a.



"Ka nghak thei che, zankhua hun kan nei" ti supin hmuh hahdam zet hian a kiai suk a, ka kawng achelhna kut rawn sawn chho hretin ka nghawng hnunglama vuanin a awmah min kuai bei a. Hahdam zet hian thawk kala zui ham ham.


He taksa a ka hahchawlh ang hian tu taksaah mah hahchawlhna ka hmuh leh tawh pawh ka ring lo. A taksa khauh ṭha zeta min kuahkhawm vek tawh hichuan engkim laka aṭanga him turah ka inngai nghal vek bawk. Chutiang bawkin a ang chhungah hian eng buaina lak aṭang pawha hnehtu ka nih dawn zia ka chiang bawk.



"Bawihtea adam ṭha em?"



"Hmuh ka duh" a awma ka kut lehlam nghat dat hian ka ti sep a. Ka fapa ka ngai nghal veng veng. Ka tel lova kumhnih tal tawp hun alo hmandan turte ka ngaihtuaha, naupang azawnga hriselna pan leh nu ngaih pena thei zet khan min ngaih tur zia leh ka tel lova na alo tuar ṭhin dan turte, ka tel lova zan hun ahmante, athawh hlima ṭap kuanga min zawng turte a ka ngaihtuah kual leh lek phei chuan ka thawk lak chenin asak leh vek mai bakah ka mittui atling leh pam tawh.



"A dam ṭha" ti supin ka samah arawn chul a, thawk ka lak hak rualin ka mittui bawk ka biangah aluang leh tawh.



"Tunah ka hmu thei angem?" Ka ti nghal ṭiau chu a seat nghenlai aṭanga rawn kang deuh hrutin ka bianga adawmna thlahin min kuah khawm nghal vek a. Ka insut ri nghal hraih.



"Naktukah rawn hruai ka tum ang aw" dam dupin ati a, inla hrang deuh hlekin ka kut lehlama ka ka hup chung hian ka bu nghat. Zan tlai tawhah helai hmuna hruai chi a ni tawh lo tih ka hria. Keiin hospital chhuahsana pan mai ka taksa buaina neih nen phei hi chuan Dintluanga hian min rem tihsak dawn lo tih ka hre tel tho bawka.



"Rose, Mamawii thil tih a ni em?" Ka meng nghal kawk. Ka mak ti hmel chu a hrethiam a ni mahna ataksa ka ṭhutbeh mek chu aṭang nghal ṭawlh ṭawlh thei.



"Ka hriat vek angai"



"Min hrilh vek rawh" mit ka chhing zui leh ta ngawt. Sawi ṭan mai ngaihna ka hre lo.



"Hahdam rawh" ka chala fawp vang vanga, a inlak hran rualin ka bengkawm vel chu akutin atuai zui hauh hauh bawk.



"Ih,khami ni khan" ka ngawi leh dat a, sawichhuah mai ka harsat takzet. Ka chunga thil thleng zawng zawng khan engkim ka hriat leh vek hnu hian nasa takin min luhchilh zui nghal avangin ka awmdan ber pawh hi ka sawithiam lo ka mangang vek nimaiin ka hria.



"Thawk la rawh le, i bulah ka awm hi" ka awmdan chu a hrethiam a ni chek ang chu, min hnem tum tak hian ati zawi supa. Ka ban bulah atuai zui hauh hauh bawk.



"Mamawii khan" ka ṭap thei mai dawnin ka hria. Ka tan sawichhuah hi a har takzet. Midang thil tawn chu ni se ka hrilh vek thei ang mahse ka chunga thleng ngei anih vangin pangngai taka sawi ahar takzet.



"Tuiah min nemthla, min chhan turin ka ngena mahse engmah ti loin min thlir liam tawp" ka sawi zawh rualin ka ṭap chhuak nghal hawk a, Dintluanga pawh athaw chhuak hrawk mai. Ka lungphu tehi atawp deuh duk hian ka hria. Khami ni a thil thleng kha athlen ang ang khan tunah pawh hian kala manganpui mai bakah ka taksa pum hi a sa chhuak vek bawk. Tui chhunga thawchhama ka talbuai vel lai ang mai khan ka thawk te thlengin ati harsa leh vek tawh bawk.



A taksa a min kuah khawm leh vek rualin anghawngah nghet zetin ka kuah let a, ka inhnit ri nghal hlawp hlawp.Rum chhuak leh hrawihin ka hnungah achul zui hauh hauh.



"Hrep hian!" Ati zui hluk a, a taksa ṭang ṭawlh ṭawlhah chuan a thinrim zia sawilang kher lo mahse ka hre thei. A taksa ṭang nasa lutuk leh athawk lak rit churh mai hi ka thil tihsual vang chu nise ka awm ati nuam hauh lovang mahse ka chunga thil thleng vanga athinrim lanchhuahna tih ka hriatna erawhin hahdamna min pe thung. Amahah rinna ka nghah phawt chuan engkim hi a chingfel vek dawn tih hi ka chiang bawk. Chutiang khawpa mipa rintlak chu a ni tih ka hriat vang tepawh a nimahna ka hahdam em em ni.



"Ka ring sual lo" ngaihthlak nuam lo fahran hian ati chhum hmuk a.



"I hria maw?" Ka kuahna phelh thawlin amitah ka melh vat a. Mahse amit chhingin thawk ala hawlh hawlh thung. A bek pawng ṭawlh ṭawlh chu ka kutṭangin ka tawk de de a, akut rawn lek ve vutin abiangah ka kut sawnthlain a dawm bet nghal hmiah. A biang sa vurte ahmel thinrim tih hriat ngawih ngawiha in sehruh fun mai techu ka thlavang ahauhna vang vek a ni tih ka hria.



A bu nghuta mitmeng arawn meng veleh nghal vat.



"I hriatna i neihlet leh hma chu engmah ka ti thei lo, finfiahna ka nei lo bawk a" angawi leh dat a, keimah min melh kanin hmalam ding ngur hian amelh zui a.



"Ka zawng nasa che" seat hnung bawk ngheng leh dawtin thawk ala zui hawk. A hmel en thei turin ka ṭhu chhuak deuh a, mitchhing chung hian seat tlangah a tukhum anghat vang vang thung.



"Ka hmu ngai tawh dawn lo che emaw kati hman tawh bawk a" za lo tih hriat zet hian a nui tel hawk a, ka kut tawn tawn hian arawn bana hum khawm vekin a awmah anawr bet zui vang vang mai rualin arawn meng leh a, a mitmeng hmuh hahdam lo zet chu ka thil tihsual vang nise hlau a khurh zawih zawihna tham niin ka hria.



"Kunhnih chhung i bo a" angawi leh dat mahse keimah aṭangin mit ala sawn miah lo.



"Khang hunchhung khan khingbai zetin hun ka hmang ṭhin" takngula min melh chung hian ati hrawih. A mitmeng aṭanga hian ka awm loh chhung zawng hrehawm atihzia chu sawilang kim thlap lo mahse ka chhiar thei.



"I lo kir leh a, min hre hauh lovin i pu dinhmun ka luah nghal ringawt bawk a" a nui nghal hawk a. Keipawh ka nui ve tho. Kan inhmuh hmasak ber ni pawh khan ka pu tiin ka ko anihkha. Ka pu rual a ni lo tih ka hre tho chung khan doctor anih vang tepawh animahna ka pu ti a ka koh ni.



"Pu tih thumal i ka aṭanga ka hriat ni a ka tih chak kha i hre duh em?"



"Enge?" Melh khiau hian kalo ti let ve vat.



"Phelh ruah vek che a hremna pek che ka chak" ti thuk ruih hian min rawn awm hnaih nghal rawk a, hnunglamah kalo eu eu dawrh chu ka hnungah akutphah hlai leh lum vung vungin arawn dawm zui vat.



"Ka chhuk dawn" ti nawk nawkin a taksa a aṭanga inlak hran ka tuma mahse ka khel tawn tawnah nghet zeta chelh zui hmiahin mitmeng danglam vekin min melh nghal ngur. Ka awm ati nuam lo zo vek bawk. Ka awmchhung ami hi a che rang nghal dawt dawt thei.



"Kumhnih chhung i taksa khawih thei lova awm hrehawm zia kha i hria em" mitmeng thuk ruiha min melh run reng hian min rawn awm hnaiha. Ka sam hmalama awm hnawk deuh niai chu ka bemga zepin ka hmaibul chetah arawn thaw lum nghal hawk.



"Ka ngai che" zawi supa ti ṭuak hian ahmuiin ka hmuiah arawn tawk de de a, ṭang ṭung hian ka ṭhu khawng auh ringawt. Keipawh hian khang kum khan ka hriatna kha nei vek ni ila min ngaiha min thlakhleh ang tho hian ka ngaiin ka thlahlel ve ang tih ka chiang.



"Din....." ka sawi zawh hmain ka hmui arawn kharchilh zui hmiah. Ka khel bawr aṭanga akut sawn chhoin ka biangah arawn khuap a, kumhnih chhunga ka taksa a khawih theih lohna zawng zawng tun la la a tlingtlak vek tum ang mai hian uar zetin min fawp ngawng ngawng.



"Kan ti thei lo!" a kut lehlam achet tur chiah chu inla hrang hlawkin ka vawnbehsak nghal vat. Mitmeng buai ru nak hian min rawn melh nghal vut chu kalo nuih hak. Ka taksa ala chak ṭhat tawk loh vangin hetiang hi kan ti thei lo.



A malchung aṭanga chhukin amah si chetin ka ṭhuthla a, ka che vel chu min melh zui rengin thawk ala leh hrawk ṭhin.



Abana kuahin adarah lu ka nghat a mitchhing chialin thawk kala zui ham ham. Ka ṭhut mek seat hnunglam anghen dawt rualin ka che deuh awk thei. A ban ka kuahna kut chu rawn dawm telin thawk ala ve suai suai bawk.



"I cabin sawn ang aw" thum zawi sup hian kan ngawih vang vang huin arawn ti a. Ka meng deuh awk.



"Ti maw?" A hmel hmu thei tura ṭhukang hlek hian ka melh nghal ha. A ni erawh mit alo chhing leh daih tawh thung.




"Min ring em?"



"Ka sawi chu zawm phawt rawh" amit rawn mengin a nui tel suk a lu ka bu nghat.



Garage aṭangin kan pahnihin kan inzui chhuak a, ka cabin lam min panpui nghal zat. Cabin kan thlen hma zawng ka taksa si cheta kalin ka kutah nghet zetin ahum reng bawk.



"Inlo let tawh a" cabin chhung kan penluh hnuin couch a ka nu ṭhu mek chu arawn ding vat a. Kan pahnih chuan min melh tawn zak zak reng.



"Nu ka ṭha" athaw nghal huai mai. Min rawn panin ka kutah arawn vuan a kalo nuih nghal var var. Ka nu ka thisen zawmpui nilo mahse min hmangaih tih ka hria. Khachen hmangaihna leh duatna nen min lo enkawl tawh avang pawh khan ka lawm. An lak aṭanga talhran tumna pawh ka nei chuang lo. Ka nu leh pa tan fanu ka la ni renga ka û tan pawh farnu kala ni reng tho.



"Nu engkim kala hrilh vek ang che, mahse ka cabin kan sawn angai ang aw" ka ti zui leh sep.




"Insawn maw?"




"Tunah hian maw?" Mak ati ve deuh a ni ngei ang. Tun ang huna insawn chhuah sawi chu, keipawh ni ila mak kati ve tho ang. Ka insawn chhan tur ka hrebik lo chungin Dintluanga'n ti tura min duh chu thuawih taka zawm vek ka duh miau a mak pawh kati viau hran lo. Chhan ṭha tak a awmin ka ring tlat bawk.



*DINTLUANGA'S POV*



"Seni min puih ka ngai" ka hma a arawn ṭhuthlak rualin kalo ti nghal tawng. A ni lo rin ngam tur ka nei tlat lo.



"Eng thil nge?" a chal ti chuar tap hian arawn ti sap chu kalo nuih suk thung.



"Rose cabin ka sawn a" ka dawhkan hmaa ka pen dah chu lakangin dawhkan tlang ka khawng kauh.



"Zodintluang sawi vat mai teh" arawn ti nghal hlar. Hman ata tawh tun thlengin dawh theihna hi atlachham em em reng zel anih hi.



Rose ka pansan vang khan reitak chu kan inkar pawh achhe ngei. Kan hospital pawh kum chanve dawn chu achhuahsan anihkha. Mahse hmeichhe rilru chhia anih loh vangin kan inhmuh loh vang vang hnuah erawh ngai a awh ve mai. Tunah pasal hual ṭha tak kei anga kalsan mai mai lo tur anei tawh bawk. Ka lawmpui viau tih hi kan sawi tel hram ange.



"Rose cabin-ah sawn amah angin zanin chu hun lo hmang la ka duh"



"Engvang?" a chair hnung ngheng ar ar chung hian min melh ve kham kham chu ka nuih leh suk. Achhan erawh hrilh hriat vek ka tum hrih lo.




"Ka sawi ang chuan iti thei angem?" ka ṭhutna aṭanga ding chhuakin aṭhutna lam ka pana, ka lam hawi zawngin a ṭhut mekna chair arawn inherpui ve nghal zat.



"Emergency te awm thut ta se"




"Chu chu kalo buaipui ang" ti supin dawhkan tlanga ṭhu chung hian ka kut ka kuangkuah zui hmuk chu mak tih hmel zet hian min thlek ha mai.



"Anih eng emaw ka dil thei che angem?" Thawk ala hak a.



"Sawi la" ka dar kan uk hian ka ti liam puat.




"Zankhat ka kiangah hun i hmang thei angem?" A chair nen arawn tawlh hnai a, mit arawn siai ve reuh anih chu. Keiin chal ti chuar tup hian amah ngawt ka melh ngur thung.



"Rose tana itih ṭhin tehi ka tana ti tur nila ka ti ngawt mai" asam hmalam tla chu achhiplamah ahui liama, a heh hnuailam apet tel zauh.



"Zankhat hun hman dun chu ka lawmman tur angin ka dil che anih chu"




"Lalnunpui" ka ti nghal hluk chu min nuih hak duh chauh lehnghal. Pasal hual nei chung hian engtin nge heng thil hi min dil theih tih pawh hi ka hrethiam hrep lo ve.



"I duh dawn nange?" A ṭhutna hmun aṭanga arawn dinchhuah rualin keipawh ding mar ve vutin ka kekawr ip ka zen nghal hmuk.



"Anih ka pui lo mai ang che" tihleh inher arual nghal.



"Lo nghak rawh" abanreka vawn chawt hian ka ti bung vut. Rose vang anih chuan ka tih angai mahse kan inkarah erawh sex lam hawi athleng ngai tawh dawn lo tih hi ka chiang.




"I rem ti tihna maw" a miko arawn kan ak ak a, hreh hmel zeta ka buk nghut rualin abanrek ka chelhna rawn vawnhnanin a nui nghal hak hak reuh anihchu. Henu tereuh hian enge a hriat ni. Thu tak lutukin zankhat abula hmang turin min sawma tunah fiamthu ang lekin achhuah leh tihna em ni.



"Awi Zodintluang" ala nui khur dar dar reng. Hriatthiam loh hmel zetin ka melh takngul thung.




"I hreh hmel kha" ka darah arawn vuan a, ala nui ta cheu. Ka ding khawng luah thung. Ka bangbo hmel chuan anuih atiza tulh tulh emaw tih tur hian adul tel vang vang lehnghal.



"Ka fiam che anihkha" atih zat rualin thawk la hawk hian ka nui veta suk. Henu tereuh hian min han dawikual vel chu ania, ka rilru kalo siamfel vek hman tawh lehnghal. Takzet hian!



"Nui tawh suh" ti hlukin ka dar avawnna ka phihthla a, anuih vanga amitui tla hru mial mial hian nuih insum zeta min rawn melhtu chu ka ner khum suk.



"Enge i tih tur chu ka hre lo mahse ka pui ang che eng kawngah pawh. Hmeichhe sual tak ka ni lo tih i hriat kha" pangngai zawka arawn tih leh takah chuan ka thaw huai huai mai.



Ka duhdan ka hrilhfiah kelh hnuin ka cabin achhuahsan a, ka chair lam bawk panin ka ṭhuthla leh nghal dawt. Zanin hian Mamawii hian a thil tih avang hian eng dinhmunah nge adin dawn tih hi ahrethiam phal lo zawk ang. A rilru kal sualin pawi akhawih nasat zia leh tu hmeichhia nge akhawih tih hi ahre lo, keipui sahauh anga hmeichhe pakhat hauh burtu hian enge atih theih tih hi ahre bawk ang. Arah chu atel dawn chiang viau. Hmana mipa atana awm ṭhin Zodintluanga kha ka nih tawh loh zia hi zanin la la hian hre mawlh teh se.



Garage aṭangin ka motor la chhuak lehin in lam ka pan leh ta chauh.




Rose naute nupa engkim hrilh nghal vut vut chu ṭha a ka hriat hrih chiah loh vangin engkim ka chinfel vek hunah hrilh chauh ka rilruk ta zawk. Ka fapa an hnena ala awm reng erawh ka inthlahrung ru fu mai. Hospital lama ka buai deuh ṭhin avangin dah zauh zauh chang ka ngah. Kan in lamah ka nuhrawnin alawm chiam loh vangin kalsan ka ngaih angam theih loh vanga ka buai changa dah phei mai ka ni ṭhin. Tunah erawh anu arawn haw tawh a chhungkuain tal hran ngai lovin kan awm khawm thei tawh bawk ang.



In ka thlen hnuin garage-ah pawh inhunglut lovin inchhunglam ka pan nghal mawp mawp. Inchhung erawh an mu vek tawh tih hriat zetin alo reh duk tawh. Pawi kati hran lo. Mamawii erawh ka pindanah alo awm leh dawn tih ka chiang thung mahse zanin erawh abeisei loh thlipuiin anuai thung ang. A pasal nen pindana khata mu dun reng ṭhin a pasal arawn chhuahsan ziah theih chhan pawh hi ka hre tel vek bawk ang.



Pindan ka penluh rualin kawngka bula switch awm chu ka hmet a pindan chhung chu a eng nghal uarh. Mamawii pawh adan ngai bawkin ka pindan chhunga couch hunah a mut thawmhnaw pan zet nen alo ṭhu leh ngar tawh. Zandang ang nise ka lawm lo leh viau mai thei mahse zanin erawh an nupa pindan aṭanga phihchhuah ngai lova alo awm hi ka lawm zawk viau thung.



"I lo haw tawh a" dan ngaite bawkin a mitmeng chu a si leh sap tawh. Chhang lovin aṭhutna lam ka pan phei mawp mawp a, a epah ka ṭhuthla ve nghak dawt.



"Din" a wine inna glass no dahthla a min rawn pan mai atum chu ka kut ka vai nghal thuak.




"Ṭhu rawh" chang bawnga ka tih hluk vangin aṭhutna ngaiah aṭhuthla leh riai riai.



Ka ṭhut mekna couch hnunglam chu ngheng ur urin ka bawp lehlam chungah ka kut ka nghat a lehlam erawh couch bana nghatin ka hma a hmeichhe huaisar zet chu ka melh ngur bawk. A chetdan hi a huaisen kati dawn nge atna chikhat vangah ka puh zawk dawn. Hetiang ang hmeichhia hichuan chin hrep hi an phu hliah hliah.



Glass no ah wine chu athli ri kar kar a ka in tura min rawn pek chu ka ban nghal vut.



"In rawh" a no ken zawk chetkual ralh ralh hian ati sap a, inlak itawm tum taka abawp akhawkherh rualin aheh hnuailam apet zauh chu ka engah mah athawk lo chiang hle. Eng dinhmunah nge adin dawn tih hi hre lawk ngat se ka haw hma khan ka zawn hmuh theih lohna hmunah abo vang vang duh hial zawk mai thei.



"Din" dar ka kan uk a, eng emaw sawi tuma a ang ziau tawh chu a ṭhutna sirlama a phone dah arawn rik avangin a melhthla nghal vat. Keiin chik em emin a chezia reng reng ka melh ngur ngur thung. Kan inchhungah he hmeichhia hi ka vehkual ngaiin a awm renga, a mize diktak hre lovin Biakdika leh ka nuhrawn leh ka pain an hmangaih hluam hluam bawk a.



A phone lekkangin ameng zui awk chu ka nuih suk. A thil in tur min pek chu ka hma a glass table lian lo teah ka dahthla leh a. A phone melhin min rawn melh leh a. Chhang rawh tih nan ka lu ka thle zui buk chu.




"Kan chhang lawk ange" ruih hmel em em si kha a aw chhuak chu a pangngai fu mai.




"Tah khan chhang rawh" din mai atum rualin ka ti nghal hluk. Ṭhuthla leh riai riai hian a aw athian zui kharh kharh a ṭhu rem leh ren rawnin abeng bulah a nawr bet nghal zat.



Lehlam abiak erawh tunge ka hriat loh ang bawkin aṭawng pawh ka hre thei chuang lo.



"Kaltlangpui rawh, chingfel ang che" min melh zak zak hian ati sep a. Keiin chik em emin ka melh ngur nen nuam ati chiah lo nge ache deuh sek hian ka hria.



"Aa ka ṭhianpa ania nupui ruk atum a" za vak lova nui chung hian arawn ti nghal zat chu ka lo nuih suk. A mitmeng pha nghal dui hi ka hrethiam lo turah adah amawni reuh le. Kei aia henu hrechiang hi chu an awm tawh kher lovang. Rose tawhsual tawh chhan pawh kha a mizia danglam vang bawka ringhlel ka nihkha. Inpui lama rawn insawn luh aduh nghal vat dan leh zantin deuh thaw ka pindana alo awm vang hian. Rose awm loh hnu a ka rilru hneh tuma achetlak dan zawng zawng tehian ringhlel lo thei lovin min siam miau.




"Biakdika"




"A muhil tawh" min chhang rang mah mah.




"A muhil nghet a" ka bek dawm chung hian mit ti zim sunin ka melh reng.



"Nghet chiang ang"



"Takzet"



"Aw damdawi....." a thil sawi tawp.lam erawh sawi zo lovin afan raih mai. Sawi sual intih hmel fe hian ahmui ahup zui zat chu kalo nuih suk thung. A pasal chu helai hmun arawn thlen theih nan damdawiin ahrai ṭhin tih ka hre ta phawt.




"Rose alo haw tawh!" Ka ti nghal tawl.




"Aaa ka hmu tawh" sehchilh zet hian ati nawi nak a.



"Engtikin?"




"Din" arawn ti sep.



"Engtikin?" Ka tih zawm nghal hluk.



"Chhunlamah khan" bet tak chuan aṭhu thei tawh lo chu a ni ber e, ache sek tawh. Mahse hetah hian kan la indawp dawn chauh thung.



"A hre lo ang che, a hriatna ahlauh" hahdam hmel zeta thawk ala huai huai chu ka hmuhhmaih lo chiang teh e.



"Nia, min hre awmin a awm lo, ka lainat ang reng. Mahse engtin nge alo let leh theih?"



"Chu chu kan la hre zel ang chu achetsual dan tepawh" dar kan uk hian sam zetin kati sup.



"Ka khawngaih khawp mai" a ka chuan a khawngaih thu asawi chhuak mahse amitmengah erawh khawmgaihna tak tak pakhatte mah alantir loh zia chu ka hmuchiang takzet.



"Tuia nemthlatu hming erawh atheihnghilh lo anih hmel" ka tih hluk rualin a meng phar nghal awk.



"Tu...tu...tunge?" Mak tih hmel deuha min en chung hian anui lui ngial, bet lo zet hian ahawikual sek tawh bawk. Zanin zet zawng helai hmuna alo awm fuh atih loh ṭum ber a ni ta ve ang.



"Ka hre lo" ti hmukin ka ding mar vut a, aṭhutna lam ka pan phei ruai ruai chu mawnghawlh ang mai hian ading ter at.



"Ka let tawh aṭhain ka hria" ti nawi niai hian kawngka lam apan a, ka dang lo mahse ka zui zel tho.



Kawngka hawnga penchhuah mai atum chu akawrhak hnunglama ṭham bawrhin ka pindan chhungah ka phih lut dawrh a aṭe zui ṭhat chu ahmuiah ka hup nghal hmiah. Kawngka ka nem khar zui dawt bawk. Min hel tuma ka sirlama tawlh pit mai atum chu ka kut lehlam banga beng khalh runin ka dang nghal hmiah.



"Ka pindana min lo nghah chhan kan ti hlawhtling ang chu" ṭhen suk pahin mit kati zim sun. A hmai bul.chetah ka bih hnai nghal hmiah bawk.



"Di...di...din...." a aw khur ru dar dar chu ka hrechiang viau chungin lainatna pakhatmah ka nei lo. Misual chuan an sual man an tel tur a ni tawp mai. Kei ngei pawh ni ila ka tihsual man chu ka tel mai ang. Dangtu nei lova zalen taka hun an hman reng techuan atuartu tan a fair nang.



"Tuia nemthlatu kha i ni,adik em!?" a hmai bul chetah ka au khum nghal ṭhawt a, a meng phar nghal kawk chu ka nuih ro hawk.



"Keimah....keimah ka...ka ni lo....Seni kha alawm" nawi niai a ti chung hian nuih luih ngial atuma mahse athei ngang lo anih hmel.



"Midang hnuh luh chu tum buai duh suh" zawi khauh tak si a ti chhuak hrawkin ka kut lehlam lek chhuak vutin a nghawngah ka rek nghal chawt. A taksa a khur dar dar tih pawh ka hrechiang viau bawk.



"I...i...sawi...awmzia ka hre lo" ka rek na thawkhat bawk aniang chu a aw pawh achhuak hlei thei lo. Nui ro hawkin lu ka thin khum a, ka banrekah akut tawn tawna dawmin ka kut pawhthlak ve ngial atumna erawh a hlawhchham chiang ang. A chal vela thlanfim bawl chhuak ṭak ṭak pawh hmuhhmaih theih a ni lo.



"Ka....ka....tih a ni....lo" a taksa a khur nasa tawh viau. A hmel lang dang var puap mai chu ka rehna vang a ni tih ka hre chungin thlah tumna ka nei lo. Rose in atuar let kha henu hian tuar ve se ka duh. Chu aia na pawh chu aphu.



"I laka ka dawhtheih viau lai hian engkim sawi mai rawh" khauh fur hian ka ti ṭhawt a, a phu zui dawrh. Ka dawhtheihna pan tial tial hi hrethiam se min nawr let lo se atan aṭha animai. Kutthlak mai ka hreh loh zia hrethiam tura ka duh vangin rum ulin ka melh khui tawh bawk.



"Lallianmawi" ti ṭhawtin ka rehbehna tha ka pe na zuala, hmel dang puap hian ameng kawk kawk tawh. Ka ban pawhthlak tumin aphih chat chat reng bawk a.



"Min...ti na ania" mittui tlingpam hian ati ṭiau a.



"Rose i tihnat ang em i chungah ka la thlentir hleinem!" Ti hrawkin a lu chung bang chu ka chum nghal dawt.



"Lallian...." ka kekawr ip a ka phone rawn ri chu ka phun nghal hluk. Ka rehna thlahin ka phone ah lai chu ka phawrh nghal vut a. Seni hming lang vang mai chu ka hmu nghal zat.



Ka phone ka chhan hma a Lallianmawii pindan aṭanga atlanchhuah vangin chhuatah ka phone ka thehthla nghal bawl.



"Nu, min pui rawh!" Ati nghal tuarh tuarh chu ṭhen suk hian pindan kawngka in hawngsaah chuan ka pen chhuak ve nghal vut.



Inhnuailama a au tuarh tuarh reng chu kailawnah ka penthla ve nghal mawp mawp. Ka pa leh nuhrawn an pindan aṭanga rawn penchhuak chu a pan a ka nuhrawn akuah zui chawih chawih.



"Nu....." a inhnit nghal hlawp hlawp.




"Min pawngsual atum!" ka pen zet tawh chu ka ding nghal dawt. A kawrhak lai ban apawhthler chawp tih chiang em em mai chu ka nuhrawnin a pawhkhawm sak a.



"Zodintluang" ka pa aw rawl ring fiak ṭhawt chu inchhungah akhawk rum rum thei. Kan nula apindan aṭangin arawn tlanchhuak ve nghal bawk a. An pali a andin tlar ṭhamna lam ka pan phei zel.



Ka thlengphei rual deuh thawin ka pa kuttum ka dawng nghal siah a, ka pai deuh dawt bawk.



Ding mar vutin ka hmui ka tuai a, ka bekah bawk ari leh nghal sawk mai. Lu thing nghutin ka bek ka dawm a. Ka hma a Lallianmawii hmeichhe thianghlim leh tihnat awl em em ang mai a lemchang ṭap hlarh hlarh reng chu ka melh chhuk ngur thung.



"Nu, ka hlau" a mittui luang zawih zawih chu ka nuhrawnin ahruksak mial mial a, ka nui ro nghal hawk.



"Hlimte police phone rawh"ka pain khauh fur a atih rualin ka kut ka hum ruh ngur.








Ka rawn dah hma ve viau avanga hian lo comment vek ru aw🙊💜💗

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » February 28th, 2021, 1:29 pm

SERENDIPITY









CHAPTER-22(LAST)








"Hlimte" ka pa bawkin insehruh fun hian ati leh a. Ka pa min hnekna ka bek chu dawmin lu ka thing nghut nghut. Ka hriat theih chin ata ka pa kut ka tawrh vawikhatna a ni hial ang. Kutthlak ngai khawpa fapa sual ka ni ngai lo mahse he Lallianmawii teh hrep vang hian kutthlak ngaiah min ruat chu a nia.



"Nu, ka hlau!" Ti dar dar hian lemchanna mitmenga min rawn melh chu ka nui hul hak. A lemchanna hi ka thinrimpui pawn ka hre lo. A awihawm loh lutuk vang hian ka hamhaih zawk mahin ka hria.


"I kiangah kan awm hi" ka nuhrawnin abanbulah atuaisak hauh hauh chu ka ṭhen khum suk. Ka nuhrawn lah chuan a fapa chan ṭhat nan heng thil thleng alawm zawk amaw tih tur hian amitmeng ade sawr sawr zawk anih chu. A monu hi lo sual tehreng pawh ni ila angai pawimawh vak dawn lo tihlah ahmelah hian a lang chiang thawkhat viau bawk.


"Nu, vawikhat mai pawh ni lo, vawithum" a insut hlarh hlarh reng. Engtin nge a mittui pawh atih tlak der thiam ka hre hrep lo ve!



"Vawithum lai min khawih luih atum!" Ka nuhrawn mamawh ngawih ngawih ang mai hian anek zui chawih chawih. A thusawi chu awih lo zet hian ka nui chhuak hawk hawk mai. Ka pa dinna lam ka melh vut a, kut min thlak leh chak tih ahmel sen rum leh akut hum ruh ngur danah ka hre thei.



"Lallianmawi leh!" Vanvadak hian ka sam ka tuai puata rit zetin thawk ka la zui hawk. A inchhanhim tumna dawt hian eng ram ropui nge athlentir theih chu kan la hria ang.



"Han sawi zel teh" chhum hmuk hian ka ti hluk a, ka nuhrawn nen an din dunna lam ka pan hrut chu ka pain ka awma anem bawrh vangin ka ding dawt.



"Hlimte ka thusawi i hria anihchuan ti rang rawh" ka mitah tak melh runin hriam hrek hrawk hian ati a. Kei erawh man ka ni dawn lo tih ka hriat chian lutuk vang nge timna chhete mah ka nei tlat lo.



"Aw...aw... ka pu" kan nulain ti nawi niai hian a ka nu leh pa mut pindan lam apan zui a. Lallianmawii ka melh leh hrawk rualin a mitmeng pha dui chu ka hmu nghal zat. Police an lamrik meuh chuan an man tur zawk achiang tepawh a ni mahna ataksa akhur che deuh dat dat bawk.



Ka awma ka pa kut awm chu vai per nawlhin ka nuhrawn angchhunga him ni a inhria hmeichhe tenawm zet chu ka phih nghal bawrh a, a ṭe chul tawh.



"Zodintluang" ka pa aw rawl ring ṭha zet ka hriat rualin Lallianmawii nghawng hnunglama chelh hmiahin ka pa dinna lam ka melh a. A kutthawh leh mai atum tih ka hriat vangin ka ban kalo vai khalh nghal thuak.



"Lemchanna chu han lantir zel teh" vawt ruiha ti hrawkin akhabeah ka hmer nghal chawt.



"Di...din" ka hming pawh alam hlei thei tawh lo chu a ni ber e. Ka nuhrawn lah chuan a monu duat thlavang hauh chu sawi loh hmuhnawm thlir hian min thlir zawk.



"Thlah rawh" ka pain akut arawn lekchhuah chu ka vuanbet tel nghal hmiah.



"Ka thusawi hi ngaithla rawh u" kati fiak nghal ṭhawt a. Ka aw rawl ring lutuk vanga ka nuhrawn kat deuh dawrh chu ka nuih hawk.



"Rose thah tumtu hi he in monu duat hi a ni tih in hriat loh avangin athlavang hauh zawng chuan che chhuak hlek suh u" hriam hrek hrawk hian ka ti chang nghal bawl. Ka pa mitmeng inthlak danglam dawrh erawh ka hmuhhmaih lo chiang ngang bawk a.



"Eng thil nge thleng?" Biakdika arawn lan rualin a lemchanna mittui bawk abiangah aluang leh zawih zawih tawh.


"Baby" ti ṭiau hian akhabe ka hmerna pawhthlak atuma keiin thlah tum lo zrt hian ka hmer nghet sauh thung.



Dak deuh ar a apasal melh chung hian hmel sen vekin a inhnit ri nghal hlawp hlawp. Khawngaihna pakhatmah ka neih loh ang bawkin thlah tumna ka nei chuang lo.



"Zoa thlah teh" Biakdika'n arawn ti a.



"Lo inrawlh suh" ka ti chang bawng thung.



"I nupui tenawm zia hi i hmuh hunah chiah thuthlukna chu siam chauh rawh" ka nuhrawn leh ka pa inrawlh tumna nei tawh lo hian an dinna ngaiah an ding renga. Kan nula pawh ka pa phone hum ran chungin ka pate pindan aṭangin arawn pen chhuak ve hlak hlak a.



"Ka pindanah ka phone han la rawh" ka pa phone apek rualin ka ti nghal hrawk. Ka melh rum em vangin hawi zak zak hian inchunglamah atlan chho nghal tlak tlak a.



"Police chu phone ta che, zanin hian an lock up a khung tur misual chu an hmu mawlh ang" ka pa lamah kalu ka thle buk. Lallianmawii thaw hraih hraih chu ka melh leh nghal vut.



"I muhil nghet vak lo nge?" Biakdika lam hawi vut hian ka ti a, a kekawrbul haklai ipte zen rak rak hian damddawi mum lian lote arawn phawrh a.



"Zanhnih chu ka eisak tawh lo" ati zawi sup. A nupuiin ahrai ṭhin avang leh ka pindan lamah zantin hun ahman ṭhin chu hrilh chawp kher ngai lovin ahmelah alang nghal vek.



"Chhantlakah ila ngai em!" Ti chang bawngin ka nui hul hawk.



"Baby ka hrilhfiah thei che" ṭawng harsa tih hmel zet hian ati chhuak nawk nawk a, a khabe ka hmerna ka thlah rualin a pasal kiangah atlan phei nghal rawk chu inher ruai ruaiin ka melh zui ve zel.



"Min ngaithla rawh" ti ṭiau hian Biakdika kawrawmah a vuan a, Biakdika kehchhe hmel chu hmuh nuam ka ti hauh lo chungin he hmeichhe nihna tenawm zet kan hrechiang lo lutuk erawh kan zavai thiam lohah ka puh ta ber.



"Ka sum vanga min nei i ni tih hre reng chungin keihian ka hmangaih che asin" Biakdika'n pik hmel zetin ati hrawih a, Lallianmawii'n a kawrawm avawn beh ṭung chu aphihthla nghal nawlh.



Kei min kalsan chhan achiang ta viau mai. Ka nuhrawnin ka pa athunun a keiin ka pa ro ka khawm theih loh arin vang tih asawi ngai lovin ka hmutlang ta vek bawk. Phiangsen hian!



Kan nulain tim daia ka phone arawn lek chu ban vutin ka hmet eng pap a, Seni miscalled lo intlar dul chu hmet zauhin a ka call let nghal a, speaker ka on zui zat bawk.



"Din, nurse kan man. Rose anga min ngaih vanga adamdawi arawn thawh chhuahpui nen. Police lamin anla tawh" lehlam aṭangin fiah fak hian arawn ti nghal mial mial.



"Din engmah tih ka nei lo min ring rawh!" A hrawk phiar tawn tawna min ngenna chu ka engah mah hian athawk pha lo chiang khawp mai. Misual chuan asual man atel tur a ni tawp mai.



"I ti ṭha e" ti hmukin ka phone ka hmet hlum a. Ka banreka chelh chunga khawngaihna min diltu hmeichhe tenawm zet chu lu ka thin khum nghut. Atawp thleng rat pawhin ala pha duh cheu mai hi ka rilrem zawng a ni hauh tawh lo bawk.



"Lemchanna dang leh bawk maw!"ti vawt ruihin ka banrek avawnna ka phihthla nawlh a, chhuatah athuthla nghal hnawk chu ka melh chhuk ngur. Ka pa emaw ka nuhrawn pawh thil thleng mek hian aṭhawng ve tepawh a ni chek ang chu ṭawng tumna emaw athlavang hauh tumna pawh an nei tawh lo.



"Ngawi hmak rawh" chhuatah ka ṭhuthla ve nghal hmuk a, ahmel lang var puap leh amit achet kual ralh ralh danah helai hmun aṭanga putchhuah tumna azawng tih ka hria. Hremna hmu loin kei hian chhuahtir ka tum hauh lo thung.



"Rose chunga i thil tih man kha hmu mawlh ang che" Rose hmel pawisawi lo zet ka mitthla a, ka hma a hmeichhe ṭhu niai chu ka thisen rawn lum pup pup thunun lo leka kutthlak chaknain min tur ut ut tawh.



"Rose chungah eng thil nge atih?" Biakdika hmel pawh bang chuang bik loin a nupui chetdan chuan aṭhawng bawk a ni ngei ang chu asen ṭawn ṭawn tawh bawk.



"Thah atum" tlang takin ka sawi chang nghal bawng.



"I thusawi awmzia pakhatmah ka hrethiam lo" mittui luang zung zung chung hian ala ti cheu!



"I mittui hi khek rawh, hrehawm tawp i tuar hun atan!" ti hrawkin a chhipsamah ka ṭham dak awrh a, arak zui ṭhat chu ka melh ngur reng.



"Police chu phone rawh u"ti vawt ruihin ka hma hmeichhe mangang tih ngaihna hre si lo beidawn hmel zet chu ka ṭhen khum suk. He khawvelah hian sual hi athup hlen theih tak tak loh lanchhuah hun a awm zel ṭhin.



"Police keimah hian ka phone ang" Biakdika'nati nghal hluk. Lallianmawii chu a hawi nghal dawrh dawrh hi a ni ber. Biakdika'n police abiak lai pawh chuan engmah atih sual loh sawiin zahngaihna ala ngen mahse tuman kan ngaihsak tawh lo.




*ROSE POV*



"Nu engtin nge in kiangah ka awm dan?" Engkim hriat vek ka duh tawh. Ka chhungte kiangah ka let tawh dawn tih ka hre chung hian hmangaih taka min lo enkawltute chhungkua erawh kalsan har ka ti viau ang. Kumhnih ngawt an fa angin min en mai bakah keipawn ka chhungkua ang tak takin ka en a ka hmangaih bawk.



"Bawihte" amitmeng hnual nghal raih mai chuan ka chhunglam hi ati tawt vek.



"Bawihte" ka kutah arawn vuan a, mitchhing chungin a hmer vang vang.



"Nu min hrilh rawh" ka ti sep, rawn meng chhuakin min nuih var mahse ahmel erawh hmuh ahrehawm ngawih ngawih. Kan nuih vang ngawt hian kan hlim tihna a ni ngawt lo tih hi ka nu hmelah hian ka hmuchiang viau bawk.



"Lalhriatpuii kha kan fanu kan duat leh hmangaih em em a ni" ngawi dat hian thawk ala zui hak. Sawi harsa atih hmel takzet bawk. Mahse keiin engkim hriat vek duhin ka melh reng thung. Keimah min enkawl dan zawng zawng hi hriat ka phu ve chuan ka hre bawk.



"Phaiah hnathawkin a awm ṭhin, mahse" mit achhing sawk a arawn men leh rualin amita mittui tlingpam mai chu ka hmuhhmaih loh nasa. A fanu a hmangaihna leh ngaihna chu amitmengah alang chhuak zut zut mai bawk.



"A thi tawh!" Ka meng nghal kawk. A biangah a mittui abaw nghal zawih. A fanu a ngaihna mitmeng chuan min hnawh ul nimai hian ka hria hrehawm ka ti takzet.



"Inhmel, in mizia danglamna pakhatmah innei lo tih i hria em, chuvang chuan Lalhruaizeli tih i hming kan hriat loh avangin koh nan che ka hmang ta a, kan fanu hming erawh kan puttir theih loh chhan che chu i hriatthiam mai ka ring" awm sep dawrh dawrh a thawk la chung hian min rawn ban a, ka biang achul kual nghal ruai ruai chu mittui tlingpamin kalo melh reng thung.A mitmenga a fanu angaihna leh lunglenna langchhuak zut zut mai chu mimawl ber pawhin an hmuhhmaih theiin ka ring lo. Keimaha a khawngaihna leh lainat awm zawng zawng hi a phawk chhuak vek maiin ka hria.



"Tuirialah i pa nen balu lain kan riak a, i bo thu pawh kha kan hria. I pa leh i u ngei pawh nangmah zawng khan an thawk chhuak ve bawk asin kan chhar hma zawng che erawh nangmah i ni tih kan hre lo" a insut ri hraih a, a banbula ka chul hauh hauh chu min nuih leh sak sak. Ahmelah anuih vanga hlim a ni lo tih erawh ka hre thei thung, a thusawi karlaka thawk lak hun a insiamna animah zawk ang.



"Keimah hian lungkara i mu reng kha ka hmu che a, mahse ilo awmna lai erawh bih fe loh chuan hmuh ahar em em thunga. I thi tawh tura ngaiin khawih hmasa lo chein i pa ka pun vat a, mibo an zawn luai luai kha nangmah i ni tih kan hre nghal mai bawk che a. I hmel ka hmuh rual erawhin ka fanu aiawh tura Pathian min peka ngai chein ka hum ta tlat thung che. I pa erawhin thil dik ni khan ahre lo mahse keiman thinrimna nen ka vau beh tlat avang khan engmah asawi chhuak ta bik lo. I û pawh chuti tho" a sawi zawh rualin thawk ala kawk kawk a, a inthiam thlawt lo tih chu ka hriatsak thei. Min vawnna kut khur deuh dar dar techuan min lainat zualtir sauh. A sawi zel tur ngaichangin ka melh kiau a.



"I bo aṭanga nikhat ral hnu chiahin kan chhar che, nangmah zawng pawh khanglaiah khan an insulpel suau suau reng, aruk thei ang berin kan hawn che a, kan enkawl zui ta bawk che. Khua ami zawng zawngin nang hi mibo kha i ni tih an hre miah lo. Ka nau fanu kan enkawl angin khawtlang pum kha chuan an hre vek bawk. Bawihte ka tihpalh a ni i chhungte leh i hmangaih te kiang aṭanga pawthrangtu che chu keihi ka ni" a awmah a chum dawt a, a insut ri hraih hraih reng. A heh khur dar dar mai chu apet fan tawh. A hmela hrehawm atihzia chu keihian ka hmuhhmaih chhete lo.



"Nu ka lawm e. Min hmangaiha min tuam hlawm avangin" ka biangah mittui arawn lumthla pap.



"Min enkawl lo ni ula keihian vawiin ni hi ka thleng thei kher angem tih pawh ka hre lo. Ka pa, ka û ka hmangaih vek che u" ti ṭiauin ka hma hrehawm ti leh inthlahrung deka min melhtu ka nu chu ka kuah nghal thlawp. Keihian engtikah mah ka haw thei ngai lovang. Huat ahnekin min enkawlna zawng zawngah lawmthu sawi ka ba zawk.



Kawngka lam ri rawkah mittui hru sawk sawkin ka nu kuahna aṭangin ka inla hranga, ka nu pawh pangngai tumin thawk ala zui kawk kawk reng.



"Mama!" Ka fapa min au ṭung chunga rawn tlanlut ka hmuh rualin ka ṭhutna hmun aṭangin ka ding chhuak nghal zawk. Dintluanga leh ka naute nupain an rawn zui lut nghal a, hamhaih leh lawm bawk si hian ka hmui ka hup ta chawt.



"Mama!" Ka bul arawn thlen hma chiah hian ati zuai riai a, lai tih hriat zeta min pan ngam lo tu ka fapa hmangaih leh ka ngaih em em chu ka hui zauh a.



Chhuata ṭhuhniamin min rawn pan mek tu ka fapa chu ka kuahbet nghal thlawp.



"Bawihte!" Ka mittui ka dang zo lo ka biangah alumthla leh pap tawh. Ka tel lova kha chen hrehawm alo tuar tur zawng zawngte chhutletna nen ka thawk atisak vek.



"Ka fapa" ti ṭiauin abekah ka fawp nghal vang vang.



"Mama" ka kuahna aṭanga inla hrang hlekin akut teve tak chuan ka bianga dawmin ka mittui ahru ve reuh anihchu.



"Ka bulah i awm reng tawh dawn tiraw" ka bu nghat a, ka nghawnga kuah chungin a awm te takte lum ve thar thara bei turin min kuah ve ngial chu ka nui hak. Ka fapa awma beichungin akawngah ka kut ka suihbeta ka sama achul ve hliau hliau leh a awmchhung chhunga athinphu ve dat dat chuan ka fapa ka ngaihzia min hriatchhuahtir rawih rawih mai.



"Û" ka fapa chawikang nalhin ka dingchhuak a, ka naute nupa dinna lam kan pan zui zat. Zanin ang em em a ka hlim hi ka hre leh tawh ngai lovang. Ka chhungkua ka hmangaihte ka kiangah an awm vek. Ka thinlung anuia ka mit aṭangin hlimna avangin mittui achhuak bawk.



"Ka lawm e"Dintluanga dinna lam hawiin ka ti ṭiau. A lu thing nghutin hmuh nuam zetin alo kiai suk. A ni hi awm lo se heng buaina zawng zawng ata hi ka chhuak thei kher angem ka hre lo. Keimaha ahlutna hi tumahin an thlak theiin ka ring tawh lo.


""""""""""""""""


"Mama" mit meng mang hlei lo hian ka nui seih. Kan zingtin dan bawka bulṭan nawmzia hi tuman an hrethiam ngai lovang. Ka hmangaihte kianga hun hman leh aia hahdam hi ka hre lo, eng kawng zawng pawhin ka chawl veng veng nimai hian ka hria.



"Lalzemawi" ti hluk ri ka hriat rualin ka meng nghal zawk. Thawh phan pawh nei maih lovin rang fahranin ka ṭhu chhuaka Tetea hmel rum ul chu cabim chhung lian vak loah chuan ka hmachhawn nghal siah mai.



"Tunah keihian ilo let leh tih ka hre ve chiah a" lawm loh hmel zetin arawn ti leh hluk a, ka fapain inti tatu deuh taka ka nghawnga kuah ṭung reng chu ka kuah let ve vat.



"I thi tawh emaw kan tih vek hnuin ilo let leh a" ati ro hawk. A hmela lungawi lohna lang chhuak chuan ka inthlahrunna arawn nawr chhuak tup tup hian ka hria.



"Ka tihpalh" nui seih hian kati tawi tak. Ka unaupa ang maia ka ngaih hi kalo thrihnghilh hmin ṭhak avangin ka inthiam lo takzet chungin engkim ka hriat vek hnu hi ala rei loh lulai em avangin keimah te ka inthiam chawp leh thul.



"Engtin chiah nge i awm" ka kuta rawn vuan chawt chung hian arawn ti sup a.



"Sawi tur atam lutuk. Khalam kha chu nakin lamah aw" ti sapin ka nuih var var.



"Papa" bawihtea'n apa akohna ri ka hriat rualin ka hawi chhuaka cabin kawngka bula Zodintluanga meng thim khup chu ka hmu hmasa ber. Tetea'n ka kut avawnnaah ngawt a mitmeng thim muk run afu tih ka hmuh chawpchilh rualin za lo lutuk a nui tawi takin ka kut ka pawt let dawn a, Tetea lahin luhlul chhuah zet hian alo humbet ve tlat chu a ṭhutna lam hawi hian ka melh hrak a, Zodintluanga afiam tih hriat zetin mit min rawn siai khum zauh.



"Papa min pawm" a fapain aban ṭung chu rum ul a min melh chung hian khumlam arawn pana,a fapa pawm nawlhin engmah sawi zui lovin cabin achhuahsan hmak thei anihchu. Amak thei ber bur ngawt mai.



"Thikthu kan va pe chhe hlawm ve mawle" nui hawk hawkin Tetea'n ka kut avawnna athlah a.



"Atih tam chi lovang" kalo tih nghal hmak. A thikthu chhiatzia chu ahma pawn ka hmu fo tawh chungin ka laka mipa dang vanga athinrim hi nuam tih riauna ka nei tlat pek. Keimah chiah min en in min duh tih ka hriat thar phah zel bawk a.



"Ka kal phawt ang, tlailamah kalo lang leh dawn nia" tiin atho vut a. Kawngka bul athleng zet tawh chu arawn hawilet leh ren rawn a zawhna mitmengin kalo melh ha thung.



"Ei chakte i nei em?" nui sukin arawn ti sup chu lu kalo thin khum ringawt.



"Ok, ni hman nuam le" ti dam thlupin cabin aṭangin apen chhuak chu ka nui nghal var var.



Ka puan sinlai theh hlimin khum aṭangin ka chhuk a. Ka nu ka ngaihtuah chhuak nghal zat nizan khan in lama riak turin ka naute nupa azui haw ta kha ania. A riah ngai lohna hmunah amu thei ngut ange maw. Buaina anei lo turah ka dah ve tawp.



Washroom lam pan ka tum zet tawh chu lukham bula ka phone dah ri ral ral chu ka ban hmasa leh ta ngawt. Ka lekkang a Zodintluanga hming lang vang ka hmuh rualin ka nui chhuak nghal hak. Nichin lawkah lawm lo zetin cabin achhuahsana tunah hei min rawn be hmasatu zawkah aṭang leh ta tho.



"Rooftop-ah rawn chho rawh" ti hmukin ka chhan ve hmain phone a off zui hmuk anihchu. Ka phone hmalam alek hian ka melh zui nghek.



Ka inphihfai zet hnuin kawrlum zangkhai lam in thawlhin rooftop lam ka pan ta chauh.



"Kan ṭha maw?" Dr. Seni hlim nuisanga rawn kal phei chuan arawn ti lang langa. Ka bul arawn thlen rualin ading dat a min nuih zui var var.



"I lo let leha ka lawmpui che aw" ka dara beng thak thakin min kalpel nghal zat chu hawilet meuhin corridor a apen phei lah lah chu ka thlir zui reng. Zodintluanga vanga kan paltlang tak buaina zawmg zawng ka ngaihtuah phei chuan Dr. Seni lakah hian ka inthiam thei ngai pawhin ka ring lo. Mahse hmeichhe ṭha tak anihzia ka hriat phah ta tho mai.



Rooftop ka thlen chhoh hnuin ka hawikual ngial a an pafa hmel reng reng hmuh tur a awm lo.



Thlifim thaw heuh heuh leh hospital a ni tih hriat loh zeta boruak thawveng chuan min chhem dai sawng sawng hian ka hria.



"Bawihte"



"Dintluang" chhanna ka dawn loh vangin chhuk leh mai tumin ka inher a ka pen zet tawh chu Zodintluanga aw thuk ruihin ka hming arawn lam avangin ka inher let leh vat.



A fapa kai chungin ka dinna lampanin an rawn pen phei a, thlifimin a doctor coat fual var fai zet mai achhem phet hlap hlap leh a mitmeng thuk ruih te khawdang hawi lek lovin kalo melh ngar reng.



"Rose" ka hma adingin ka hming alam nawn leh sup a, ka hma a mipa ding chu ka melh chho kiau mai. Hetiang taka hmel thutak hian enge tih atum ka hrethiam miah lo.



"Mama thil tur kha phawrh rawh le" ka fapain a kekawr ipte azen ve chat chat chu ka melh thla leh dawrh.



Zungbun bawm arawn phawrh rualin ka meng nghal kawk kawk.



Zodintluanga dinna lam ka melh leh a muang ruih hian ka hmaah aṭhingṭhit thlak ruai ruai rualin enge tih atum ka hre ve chiah. Nichin lawka thlem ngai ang hiala chhuak tau bur bur kha ahmelah engmah langchhuak lovin ka hmaah aṭhingṭhi mek anihchu.



"Rose min nei rawh!" thum zawi supa arawn tih meuh chuan ka thin aphu rang nghal zaih zaih.



"Mama, papa nen hian min nei rawh" siver zungbun rawn lek va va hian bawihtea'n arawn ti ve ṭung a, ka hmui hup chawtin ka ka nui hak.



"Rose" a mitmeng thuk ruihah chuan ka chhanna anghak tih ka hria. Chhan mai ka duh rualin achetdan hian min ṭhawng deuh bawk nen engmah ka sawi chhuak mai thei lo.



"He khawvelah hian nang leh ka fapa tih chauh lo chu mamawh dang ka nei lo. Ka hmangaih che Lalzemawi" ati muang ruih a, hmeichhe tam tak chuan mipa dang anga hmeichhe rilru hneh thiam lo leh thu thlum tak tak thiam lo angah pawh an ngai mai thei mahse kei erawh chuan athusawi maltin hi khawizu ai pawhin ka dawnsawn dan chu athlum zawk hial ang. A mize hrawmhraw leh achanga naupang chhia ve em em ngaihtuah phei chuan hei aia ṭha hi ka a awm tawh lo hulhual ang tih ka chiang.



"Hmeichhe dang tana ka ṭhingṭhit leh hun tur chu kan fanu pheikhawk hrui ka suihsak hun chiah a ni tawh ang" a mitmeng mawlh mai hian ka thisen luanglai tehi ati chawl duk vek nimai hian ka hria. Ka awmdan ber pawh hi ka sawithiam lo.



"Mama ka ke akham tawh a" bawihtea'n arawn ti bai bai takah chuan ka lu ka bu ta nghat.



"Ka nei ang che" kati sep a, a fapa kuta zungbun lain arawn ding chhuak ruai ruai a, ka kut ka pek zat rualin zungbun arawn nawr lut a.



"Ka hmangaih che" ti supin ka biangah arawn dawm a.



"Ka hmangaih che Zodintluang" ka kuah nghal thlawp. Ka fapa khek raih raih a kutbeng thak thak chu min kuahna thlah datin achawikang nawlh a.



"Ka hmangaih che u" a fapa beka nawr tawkin min pawt hnai a, a kut lehlamin ka kawngah akuah zui zat rualin ka hmuiah afawp zui nghal vang vang.




Zodintluanga kiangah hian ka hahdam, engtiklai mahin min phatsan ngai dawn lo tih ka hriat vangin athlazar hnuaia awm tluka thlakhlelh dang hi ka nei kher tawh lovang.



Hun kal ta a zankhat lek ka hun hmanpui mai, hmuh zui leh pawh ka inrin tawh loh kha chunglam khian ka tana alo duan lawk alo ni reng si. Ka khawvel danglam vekna tur ruahman lawkna awm lova ka mipa tawn vang hian hlimna chhiarsen lohin min hmuak ta thung si.







A TAWP TA EEE......!!!!!






Ka story chhiatute ka chungah inva ṭha tehlul em...


Ka story min hlutsaka min chhiarsak ṭhintute inchungah hian ka va lawm tak. Comments, like ka phu lo min pe ṭhin. In comments te chhiar anuam leh zel ṭhin tehi ka va vannei tehlul em. In zavai chungah thinlung takin ka lawm takzet. Ka hla ngaihthlakin azir deuh bawk nge ka hnuk a ulh ṭun mai. Lawmthu sawidan ka thiam lo ka lawm lutuk takzet tih bak. Hmalam hun zelah pawh min fuih zel turin ka phut tlat che u aw....







LOVE YOU ALL...
*** KAN WEBSITE A FAKNA LAM THIL MILEM LANG THIN I LO HMEH ZEUH HIAN KAN WRITER TE HLAWH KAN TUMSAK ZEL TIH KAN HRE THEUH DAWN NIA, KAN LAWM E***

Website story link ho awlsam zawka in zawn hmuh zung zung theih nan STORY FB group siam a ni a. Whatsapp group pawh siam a ni e. Complete tawh ho zawng zawng leh story kallai kan dah vek avangin avangin in lo join theuh dawn nia..
Group link : https://www.facebook.com/groups/991354610918230/

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)