HIM AND I By Sangpuii (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

Re: HIM AND I By Sangpuii (Completed)

Unread post by Ngaia » February 28th, 2021, 9:55 pm

Hy everything💋
A tawp note-kha uluk ru aw..!!








CHAPTER-19



"Ben,kan in hmu lawk thei ang em?" Call-ka pick up-rual chuan bawihi chuan a lo ti nghal vat.




Ka remti rang kher mai,ka hmu chak a,ka ngai bawk! Hnem a mamawh zual lai a ni ve bawk nen keipawh in hmuh ka duh takzet.






Ka hruai a duh loh avangin Rinawma te hotel-a inhmu tur chuan kan in thiam ta ringawt bawk. A mizia chu dang deuh a ka hriat avang chuan hreawm ka ti hle,kei hi chu awm lo ila rilru na tak hian a awm ngai hauh lovang mawle.






Hmanhmawh zetin ka insiam nghal.



Hmeichhe ho hnaih hrim hrim hi ka chak ngai lo,a zak thei lo zual te hi chuan min bawh huam huam zawk ka ti lo thei lo,min zui kual char char peih tawk lah bo lo! Kum tam tak chhung hmeichhia te a rilru ka pek duh loh chhan chu hmeichhe pakhat vang tho ani! Bawihi,tun a ka bialnu ngei hi! A naupan lai ata a zûn ah ka uai em em a,naupang chhia a la ni a,keiin amah a rilru ka pek tan tirh kha chuan! A upa deuh deuh a,a tha telh telh bawk,mizoram a ka awm tam loh avang hian min lo hre tawh lo reng bawk a nih kha,keiin a ke rek ah khuavang a nei tih thleng a ka hriat laiin!




Ka ngaihtuahna avang chuan ka thaw hawk. He hmeichhia,ka peng pakhat hi engvang mah a chan ka duh lo!







Bike-lachhuak in kan in hmuh na tur lam pan chuan ka dawk chhuak nghal vat.







Hotel-a ka luh dawn chuan Cindy-nen kan in tawk hlawl! Mak tak maiin pangngai takin min be ve..






A thil tih ka zawh chuan Rinawma a hmuh tur thu a sawi a,kan lut rual ve mai bawk.







Manager-chuan Rinawma chu dinning area-ah a awm thu a sawi chuan ka phei pui nghal vat,bawihi pawh a lo awm tawh maithei asin.










Dinning area-ah chuan kan lam hawi zawng a bawihi thu chu ka hmu hmasa ber,a mit a sen deuh ram a,nasa tak a tap hi a ang ber. Chu chuan ka in thiam lohna a tizual takzet! Chiang zetin Cindy-nen chuan min en kar bawk,mahse nidang ang lo takin a hmel a in thlak danglam hauh lo. Chu chuan ka ngaih a ti tha lo hle bawk.





Cindy-in ka ban rawn kaih a tum chuan ka lo vai sawn hmak! Ka luh pui avang ringawt leh pangngai tak a ka biak avang ringawt hian hrethiam a,ka ngaidam ta tihna a nilo,ka pa chungchang ah a lo inrawlh ve a nih ngat phei chuan ka ngaidam hauh lovang!







Bawihi thutna lam chu panin Cindy-chu ka kalsan hmak.







"I thlenna a rei tawh em?" A bul a thut pah chuan ka ti a,ka nuih suk bawk.






"Ka ngai tawh che..." tih sup pahin min lo kuah nghal vat,mahse a che reng reng chu a zawi takzet!







"Keipawn ka ngai che..."







" .........kei hi mahni hma sial tak ka ni tiraw?" A thusawi avang chuan ka tang nghal tung tawh. Engthil nge a sawi hi?






"A teuh lo,hmasial na i nei miah lo.." a chhip a fawh vang vang pah chuan ka ti a,a tah nuih hak bawk.







"Sawi duh ka nei a..." a ti tham tuak! A aw ah chuan natna ni awm tak a ri chhuak tel hlak bawk!





"Mmm sawi la.." ka lo ti ve vat.


A ni pawh a in la hrang nghal vat.











"Inthen ang,kei chu hmeichhe naupang,tleirawl chhuak hlim mai chauh ka ni a,zalenna ngaina mi,ngaihzawng aia thian ngai hlu chi leh hlim reng tur ka ni a,chutih rualin i bul a ka awm chuan natna bak engmah dawn ka nei ngai lo. I tan leh ka tan pawh heihi thil tha zawk a nih ka ring.." harsa tih hmel zetin a ti chhuak hawk! Kei erawh min schock-a ni tawp ami!






"Bakah nichin lawk ah pawh I nupui tur nen a nih kha In lokal,in inhmeh lutuk.." a thusawi tawp lam chu a ri chang chang chauh ani!




Mahse,eng nge zawi dik loh a neih? Ka nupui tur chungchang kha chu eng pawh nise,ka hnen ah chuan a hlim ngai lo,natna bak engmah pek ka nei ngai lo! Chuvang chuan ka hmangaih vangin ka kalsan a ngai!




Ka chhan ve hman chuan pawn ah a tlan chhuak daih! Kei pawh in ka umzuai ve vat! Kawngkhar ka thlen hma chuan Cindy-nen kan intawk leh.





"Babe..." min lo au leh tung tawh!

Nichin khan a pangngai viau emaw ka tia!





"Lo ngawi hmak rawh,nang kha..." tih pahin ka tlan chhuah san hmak.









"Bawih.. bawihi.. ding lawk teh..."



Hmanhmawh zet a kal hmawk hmawk hmeichhia chu ka va pawt ding dawr(h)! Ka beisei loh deuh maiin a ding ve mai,a mittui a tla hauh lo bawk,lawm zawk tur ka ni! Mahse,ka lawm miah lo. Tap vak vak se,a mittui tla zawih zawih se,amah chelh bet turin min ti se ka lawm daih zawk in ka ring hial!







"I duh ang chuan ni rawh se..." ka thusawi avang chuan min melh dawr(h)!...



"Bawih,min en rawh... Ka sawi chu I hria tiraw? I duh ang ngei chuan ni rawh se,hlim takin awm ang che" ka ti vat.









"Mahse,ka tello in i awm thei dawn mi?" A rawn ti let vat! Ni e,a tello in ka awm thei kher ang em? Ka tum tal dawn alawm!






"Ka tum dawn alawm,nang pawh in i theih te chuan ka thei em em ang" tih sup pahin amah hlat zawng chuan ke ka pen hmawk hmawk!








Ani erawh chu chesawn lo tih hriat zetin a thla chu a la ding reng!



Hnem a mamawh ber lai a ka kalsan hi thil dik ber a ni em ka hre lo,mahse a tan,khawvel a hlimna zawng zawng a neih theih nan hian ka kalsan hi a tul tlat si ani!
















🥂💔











Ka nu leh pa ka haw takzet! Cindy-pawh engvang a that lo nge ka nih ka hrethiam lo!







"Mama,zan in chu min rawn hmu dawn ta em?" Dam thlup a ka pa in a rawn tih chuan ngeiawm zetin ka nui hak! Ani hmuh hi a tulna pawh a awm tawh hrep love..





"No.."




Phone-ka dah nghal hmak! Ka biak chhan tur in min kalsan tawh,ani biak kha ka ba hrep love.




____________TE EXTRANO___________











LALRINAWMI'S P.O.V






"Mate,kan tuina subject-kan zir tak tak chuang silo,kan line-ah kal ve ve tawh mai ang.." beidawng zet a matei'n a tih chuan Jacob-nen chuan in en in kan nui hawk hawk. College canteen-ah thu in cold drinks- kan in mial mial a,a chang leh matei'n min beng leh chawrh zel! Awm ve dang te chuan min en duh ngang mai,a bik in hmeichhe ho in. Mahse,a mak ka ti lem lo! A chhan chu kan bul a thu pa lellawl hian a hmeichhe hipna tactic-a apply-leh a;a in la cool-leh chiam tawh! Ben chawrh hi ka chak thin,matei nen kan pathum chauh a kan awm chang lah in mi kut a thlak pawp loh leh min nam chawrh chawrh zel kha a nisia!











"Rin,tunlai chu ka u awmdan hi a tha lo takzet" Jacob-a thusawi avang chuan kan titi pawh a tawp chawt,ka thin a phu rang chiam bawk..







Kan inthen atangin kar thum vel lai a liam tawh,ka ngai ve thin takzet! Mahse,anu khan a sawi dik! A fapa hi ka phu lo a,kei chu napang zakthei lo ka ni a,benjamin-chuan hmeichhe fel leh kum thu ah pawh a tawk chiah a phu tih te,cindy-nen an inhmeh zawk thu te pawh khami ni,kan inthen ni khan a sawi chiam bawk a nih kha!





A tan a a that zawk nan ka kaltir a ngaih thu a sawi bawk a,ni e,a tan a tha tur engkim duhtu ka nih avangin ka kaltir mai a ngai ta a nih kha!



Kar thum chhung khan ka mu thei lo a,chaw ka ei tha lo hle bawk. Ka ze zawi ta lutuk chu umapuia leh uropuia pawhin min ngaihtuah phah takzet! Mahse,engmah ka sawi duh ngai lo. Keimah avang a an rilru a hah ka duh lo.





Kan ngawih deuh vang vang lai chuan Jacob-a chuan a aw a rawn thian kharh kharh a.



"Rin,min hrethiam la,huat ah la lo la. In inthen atang khan mumal deuh hian a khawsa lo hrim hrim. A business-kha chu a buaipui thei a,chu chauh pawh chuan min tilawm. Ka nu a be duh lova,ka pa in ah pawh a awm duh lo bur! Ih.. englo a nia..."





Jacob-a thusawi mal tin chuan min deng dawt dawt,a mak ka ti takzet! Nupui nei tur a ni tawh a,nu leh pate lak a titau rual pawh a ni tawh lo! A pa pawh dem viau mah ila a fapa a hmangaih leh ngaihtuah vang hrim hrim a a thil tih chu a ni chuan a hrethiam tur ania,chung zawng zawng ai chuan sawi a hreh em em hi ka hre chak tawh takzet!






"Englo a nia.. Rin..."





"Sawi vat ta che mawle?Rohluzual...." dawhthei lo zet a matei'n Jacob-a a ben pawp tak ah chuan serious-viau e ti lo chuan ka nui leh hak.







"Ka u chuan bialnu a nei a...." Ka nui lai a tawo chiang kher mai! Matei'n ka kut a lo hum vang vang bawk!





"......sawi ka hreh takzet a mahse i cher ta lutuk te,engkim avang hian ka khawngaih che a......." eng eng emaw chu a sawi belh teuh! Mahse,engmah ka hriat chhunzawm lo! Ka tah nuih hak a,a bak zawng chu a thim mup a nimai.












".......ka taksa a chau lutuk a,kan jection-leh ang a,a zia mai ang.." tu emaw in a tih ri ah chuan ka meng deuh riai riai. Ka awmna hmun chu a var vek a,a en(g) em avang chuan thi in,vanram ah ka awm emaw ka ti hial! Mahse,vanram ah awm ila jection-tih an sawi awm silo!








"Harh chhuak vat teh..." Jacob-a aw ani,ka meng leh deuh a,ka awmna ka hre chiah! Damdawiin ah ka lo awm reng,engtin nge ka hre lo! Cabin-ni awm tak ah ka awm a,ka men chian rual a ka thil hmuh avang chuan ka thin hi duhtawk tham nawk nawk ang mai hian a na nghat vawng vawng.




Cabin-sir kil deuh ah chuan hmeichhe pakhat hmeltha zet mai hi Benjamin-a dar ah a lu nghat in a lo muthlu a,benjamin-chuan duat tih hriat zet hian a kut a hum sak chu a chul leh heuh heuh thin! Ka muttui chu a luang nghal zawih zawih,hru tur in tha ka nei lo! Kan inthen atang khan ka tap thei lo! Kan inthen ni ah ngei pawh khan ka tap miah lo a nih kha,amah ka duh loh vang ni lovin ka ta a nih leh theih nan eng kawng emaw ni tal a awm leh ka run vang ani! Mahse,tunah chuan a ni tawh lo. Ka ta a ni tawh dawn lo!









Doctor-lo luh lai leh a tawng thawm pawh ka hre ve va va,mahse men chakna ka nei lo,ka chau takzet!







"Kan damlo hi a mittui a luang a nih hi! Engtiang fa ko a na in nge maw insiam le.." min chiu pah a ti nui nui tu doctor-chu ka rilru chuan ka nuih sen sen. Ni e,engtiang fa ko a na in nge min siam a,min siam belh zel a la tum le!





Mipa rum nghut thawm ka hria a,min chiu na damdawiin hna a thawk nge ka muhil leh siai siai a..











"Thiannu,i vannei bik ngawt mai. Ka hmangaih ber I nei bik sia..." ka khum bul a hmeichhe thu melh zauh pah chuan ka ti a,a ni erawh chuan min en reng thung.








"Kan miluhlul pa hian maw naupangchhia ang mai a khawsak chang a ngah teh mai a nia aw,a tih tauh na a ho thei lutuk,mahse,a chal ah fawp zauh la a titau tawh lo mai ang. Chuan,hugo boss perfeum-a bur a dum pawl rawng ang kha lei ve rawh aw. A duh ber a nia,rim in ang te in nei ve ang a...." kan nunhlui ngaihtuah a nuih hak pah chuan ka ti a,ani chuan engmah a la sawi chuang lo.









"......... Chuan,keimah ang hian dawihzep ve suh aw. Ka dawih zep vangin ka mipa hmangaih ber ka chan a,huaisenna tlem tal lo neiin lo chelh tlat ni ila,a kalbo miah lovang! Min huat phah suh aw,ka hma ka sial tiraw? Lo chelh tlat ta ila ka ta a ni reng mai tur a nia! Chuan,khawngaih in tina ngai suh aw,a hlimna ka duh ber a,a nat ka phal miah lo a nia. Mi luhlul leh thu duh lutuk mah nise a rilru a no teh mai a nia aw......." eng nge ka sawi pawh ka hre tawh lo,a hma ang bawk khan a thim leh mup tawh.












"Bawihi... khawngaih in harh tawh hram teh......" ti sup tupa aw avang chuan ka harh chhuak zawk.





Nge ni a,reality-atang in ka mumangah ka let zawk?





Ka meng deuh riai riai a,fiah lo zetin benjamin-ka hmu! A bulah hmeichhia bawk kha a thu a!




"Ka mumang ah lehzel pawh In lo thudun a nimaw? Thiannu,hlimna zawng zawng pe rawh aw..." tiin ka phun sep.




"Bawihi...." nuihza insum zet a benjamin-an a tih chuan ka harh chhuak zawk! Ka phun chhuak zep a,min nuih a,nilo! Ka mumang a nilo tihna,ka maimitchhing der leh tawp!





Ka mumang a nilo chuan, ka zak hle bawk!






"Bawihi,muhil der tawh lo la,kan hmu vek tawh tho che a nia..." hepa zet chu(h)!




Muangchang in ka meng zal zal a,an pahnih chauh in an awm emaw tih laiin ka hmai zawn ah Jacob-a rawn kun hniam thut a,ka phu chiang lutuk chuan a hnar ka tauh dat,ani pawh a mittui a tling pam thei! A na ve reng ani!








"Rohluzual,kha tin ti ziah suh.." matei aw ani! A thutna lam ka hawi a,min lo nuih sak! Ka kut ka hmer vawng vawng. Ka nu leh pate pawhin min lo nuih ve var var! Kei hi entia rei nge hetia ka mut tawh le!












"...... Kan damlo tawngvai peih deuh,tap leh tawp zel chu check-pah in ka lo belchiang ve ang chu..." doctor-in rawn luh pah a a tih chuan ka phu zawk! Kei hi... khang thil kha.. nilo... ka zak lutuk chu ka in lu khuh tawp!







"Doctor,nakinah i lokal leh mai thei em? Kan damlo hi a zak rih em mai"


Benjamin-a aw ani,an vai mai chuan an nui hawk bawk! Keh hrep ka chak zia chu pui tak ani!






______________________________________










BENJAMIN LALLAWMSANGA'S P.O.V







"U,a duh takzet che tih ka chiang,i bialnu emaw min ti hial a nia"




Min en ha pah a ka cousin-ka patea fanu in a tih chuan ka nui suk! Ni e,he hmeichhia hian min duh! Nilo,min hmangaih!








"A ti ve bawk ang chu, bialnu a nei ka ti miau alawm" Jacob-an a tih chuan kan nui hawk hawk!





"Damdawiin a dah ngai khawp in a awm a nia,i sawi thiam viau a ni ngei ang" amah melh zauh pah a ka tih chuan min rawn ban in min hnek fiam nghal chiam! He mihring em em hi! Ka nau chu nilo se matei damdawiin a dah ngai khawp a a siam avang hian ka that deuh thaw ang! Mahse,ka tel ve tho,a natna ah ka tel ve,mahse tun bak hi a na tawh hauh lovang.







#FLASHBACK




"Mama,i awmdan hi a tha lo hle mai" rui chung a ka haw chu ka pa chuan a lo ti chak chak,huh.. ka nun hetiang khawp a tichhe tu te hian min bei ber emaw tih tur khawp in min zilh leh a,eng hi nge maw an duh le!









"Oh! Ka pa,ka lak atang hian eng thil dang nge I la duh fo a?" Ban phar hluai pah in a ti a,ka nuhrawn pawh a rawn chhuak ve vat,min ngaihtuah hmel takzet.








"Mama,tha te te in thil i sawi teh ang..." a tawn ti dam thlup! Kei erawh ka nui suk.





"Pa,tha te te a thip sawi hun a ni tawh lo,hun tha a liam daih tawh. Chumi rual chuan in fapa kha a thi tawh,Benjamin Lallawmsanga kha a thi tawh.." ka ti nghek!






"Mama,tha deuhin sawi ila..." ka nuhrawn chuan a rawn ti dam leh thluam,ka kut ah a chul hauh hauh bawk,nuhrawn a zawng a fel ber a ni ta ve ang! Kum 25 dawn min enkawl na ah hian sawisel tur ka nei chhin ngai lo.






"Nu,engkim kha I thuhnuai a awm nise nang hian ka hmeichhe hmangaih miah loh ka neih hi i phal bik miah lovang tiraw? " ka nu dar a ka lu nghah dat pah chuan ka ti halh,ka mittui a tla!! Kum 25 chuang hnuah ka mittui a vawikhat tlak lehna a ni hial ang! Ka beidawng takzet!





"Nu,min hringtu tak tak ni zawk la tiraw? Chuan,ka pa leh ka nu ten ka chung a an tih ang hi i ti ve miah lo nimai tur,chuan,tiang hian ka tawrh a ngai lovang a,ka hmeichhe hmangaih ber nen kan inthen a ngai lo tur.." ka nu awm a ka hmai phum pah chuan ka thaw hawk! Ka chau tawh! Ka chau takzet tawh.









"Nu,ka beidawng tawh..." ka aw chu a ri chang chang chauh ani!







"Mama,a pawi em mai. I hmeichhe hmangaih nei thei lo khawp in maw an lo dan chep che a?" Ka nu chuan a ti leh halh! Hmeichhe rilru no tih tak ah a in sut fiah.







"Duhtak,chu thip chu ka hrethiam ve hauh lo mai" huh... tunah hian a hrethiam lo ve chauh maw? Thu thlukna a siam vek tawh hnuah hian?








"Pa,mahni in thiam loh vang maiin in chutiang sawi duh suh" ngeiawm lek lek chuan ka ti halh!









"Mama,engmah ka hre ve lo! I nu in Cindy-nupui a neih i duh thu a sawi a,i thlan a nih miau te chuan tiin ka lo remti mai ani"




Ka pa thusawi chu ka ringhlel miah lo! Ka pa hian ka chungchang ah ka duh thu a tel a nih loh chuan thutawp a siam ngai lo!






"Mama, I hmeichhe hmangaih ber nen chuan hlim takin awm ang cheu..." ka biang a fawh zauh pah chuan ka nu chuan a ti a,kei erawh hlim lutuk avangin ka mumal lo takzet!







Ka room-ah chho in jacob-ka call-nghal vat..





"Aw u..." a rawn ti nghal var.







"Mazuali rawn sawm la,in ah lokal rawh u,tih tur kan nei.." ka ti nghal vat,ka phur tawh takzet! Ka hmeichhe hmangaih hi ka nei let em em ang!



"U,tu mazuali?" Rohluzuala zet!





"Patea fanu Lalduhzuali!"








#END OF FLASHBACK #














"Min lo va chhuahsan lawk teh u a,tih tur kan nei tlat"



Bawihi in lukhuh en reng pah chuan ka ti a,midang ho pawh chu nui ruh ruh chung chuan an chhuak dial!







Ka ipte atangin zungbun chu lachhuakin khum bulah chuan ka thingthi a,a in khuhna a la hawng chuang lo!






"Bawihi..."




"Bawihi.."


Min chhang duh lo,a la luhlul tluang zel a ni e.





"Bawih..." ka ti leh hak.





"Min kalsa..."





"Min nei duh ang em?"

A in khuhna a a hawn rual a a thusawi leh ka thusawi inmil lo lutuk avang chuan a ka hau mai!







"Min fiam miah suh..."




"Fiamthu thawh hmel ka pu ami?"




A mak a tih zia a hmel ah a la lang reng.






"Mahse,i pa,i nu leh a..... midang dang te, i bialnu te pawh kha" rilru nat hmel zet a a tih chuan ka nuih hak. Min melh rum hle bawk.






"An ni zawng zawng kha chu ka tifel vek tawh,khawngaihin min nei duh ang em?"





Ka ti leh vat.





"Ka khup a na tawh a nia" ka thusawi avang chuan a nui chhuak hak hak,a tah nuih a ni zawk mah!








"Aw.... ka nei duh che" a rawn ti ve hak! Lawm zet a zungbun bun tir in ka kuah vak..




Ka beng bul ah chuan zawi te in" I khup chu na lo se,neih che ka duh hauh lovang che" nghal zet chuan a rawn ti sep a.







_____________________________________





Ka phur thut chuan zanin la la hian LAST CHAPTER-tur ka lo dah ang..



Ads click-kha aw😘



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » February 28th, 2021, 9:55 pm

CHAPTER-20
(LAST CHAPTER)










LALRINAWMI'S P.O.V





(Two years later)




"Mama mama..."



Kan fanu Laldintluangi tawng thiam thar chu kan hlimpui dar dar hle. Benjamin-erawh a lungawi thei lo!



"Papa emaw daddy tih tal,a nih loh pawh in PA tih tal a thiam hmasa tur a ni a,mahse mamma tih a thiam hmasa ber a,i zirtir char char bik.." a ti deuh tlat!




"Zirtir avang a thiam theih ni dawn ta sela chuan "Cindy" tih ka zirtir ang" tia ka chhan chuan min kuah hlu hlu a nih loh chuan min chawi kang nawlh nawlh zel,a chang leh a titau thul! Tih ngaihna a awm thlawt lo!







A buisiness-a kal tluang em em a,zan rei thleng thleng a buai chang lah a ngah,chuti chung pawh chuan a nupui fanau te min thlak hlelh zawk avangin in ah a hna te pawh a rawn hawn thlap thlap zel,kan fanu nen pawh hun an hman dun hnem theih fe zawk thin avangin keipawh ka lawm hle..








"Mamma.."



"Baby,a nu tih buai loh tur"




Aw ri thum dup avang chuan ka meng siar siar a,ka fanu chuan ka hmai a rawn beng thak thak chu niin!




Kan fanu,a mak a mak a harh nen chuan an pafa in ka bulah lo mu in an lo in chhaih ve ngei chu niin!







"Bawih,vawiin kha ka nu kan tlawh a ngaih kha aw" Benjamin-an a tih chuan ka thaw hak. Ka phur lo takzet! Tun thleng in min la lawm lova,kan fanu pian hnu ah a zia deuh ka ring thin a mahse a nilo,amah kan tlawh chang chuan thawk hi a harsa talh zel!








"I huphurh viau chuan kan kal lo thei tho bawk a nia..." ka hnung lam atang a min kuah pah chuan a ti a,ka dar ah a khabe a rawn nghat ve vat.







"Ka huphurh em em pawh a nilo,mahse nuam hi ka ti thin lo ani. Min lawm loh zia i hriat kha" ka ti ve vat.







"Ka hria alawm. Cindy-khan a lo ti kual nasa thin lutuk a,a buaithlak thin takzet! Mahse,i lamah ka tang tih hre reng rawh" ka chhip a fawh vang vang pah chuan a ti a.





Cindy! He nu zet hi chu a chang chuan khin let hi ka chak zek zek zel! Kan inneih ni ah pawh lokal ve in ka mo thuam hak lai kha a rawn rap thler kher a nih kha! Ka hnung ah a kal ve zel a,vawi leh khat ah ka kawr hmawr a lace-lai kha a rap thler hmawk a,ngeiawm zetin min nuih bawk a,huizzz a zia lo tih bak sawi theih ka nei der chuang silo.






"Bawihtei lo va hruai la,ka rawn kal nghal ang.." benjamin-an a tih chuan ka bu nghut! Ka pa(Benjamin-a pa) hian a duat em em a,a ngaih pawh an in ngai takzet.







"Pa,bawihtei chu ka lo la ang a,ka nu kan va tlawh ang e.." a room-a luh pah chuan ka ti a,ka thil hmuh avang chuan ka nui hawk thei.





Ka pa chuan bawihtei chu thlan tla phungin a lo infiam pui chu niin.




"A ni dawn tak e,rawn haw har suh u aw. Bawihtei a ngaihawm thei em mai" a ti ve hluai.




Kan haw har l9h tur thu sawiin in hnuai ah ka chhuk nghal vat.





Car-bulah dingin Benjamin-chu kan lo nghak a,a rawn chhuah pah chuan min melh leh vung vung thin. Kei lah chu tleirawl ang maiin ka lo lai takzet!










"Ka khawvel i ni,ka hmangaih che.." ka biang a fawh zauh pah chuan a ti a,bawihtei en pah chuan," ka lalfanu,nang pawh ka hmangaih che" a ti leh a..




Min kuah vawng vawng a!





He ka pasal duh tak hi ka nei lovang tih ka hlau takzet! Nei lo ta ila,khawvel a ka inchhir ber tur leh ka chân nasat ber tur a ni ang. Tunah chuan min thlah tum pawh nise ka chelh tlat ang a,khawvel piah lam thleng pawhin ka vuan tlat tawh ang!!











_______________________________







Ka thawnthu ziah ropui lem lo tak a tir atang a a tawp thleng a min chhiar sak avangin ka lawm e❤





A leh pek ah COMPLICATED nen kan inhmu leh dawn nia❤


👇👇A hnuaia ads khu min lo click sa ve hrawm dawn nia, khawngaihin 💚💚

*** KAN WEBSITE A FAKNA LAM THIL MILEM LANG THIN I LO HMEH ZEUH HIAN KAN WRITER TE HLAWH KAN TUMSAK ZEL TIH KAN HRE THEUH DAWN NIA, KAN LAWM E***

Website story link ho awlsam zawka in zawn hmuh zung zung theih nan STORY FB group siam a ni a. Whatsapp group pawh siam a ni e. Complete tawh ho zawng zawng leh story kallai kan dah vek avangin avangin in lo join theuh dawn nia..
Group link : https://www.facebook.com/groups/991354610918230/

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)