HIM AND I By Sangpuii (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

Re: HIM AND I By Sangpuii (Completed)

Unread post by Ngaia » February 28th, 2021, 9:54 pm

Chapter number-hi ka fav. number-a nia😘





CHAPTER-13





LALRINAWMI'S P.O.V

"Mate,I dam tha leh thei hi ka va han lawm tak em! Mahse,kha I thil tih avang khan ka la lungawi lo reng a nia aw" khum a thu mek matei en pah chuan ka ti hap.


Thla tam tak liam ta a Benjamin-a awmdan avang a ka rilru na lutuk kha matei bulah ka tap vak a nih kha! A ni lah chuan min ngaihtuah lutuk avang khan zanah pawh mu lovin min lo tah pui char char a; chumi avang chuan a thaw hah a lo chhuak chu niin!




Ka hriat tirh chuan ka inthiam lo takzet. Keimah avang in Mizoram chhuahsan khawp a in enkawl a ngaih phah a! Umapuia pawhin a hriat avang in a nuam lo ka tizual hle. Video clip-chungchang a hriat tirh chuan awih lo zetin a nui hak a nih kha!




"Ka hmangaih che tih chu ka pha lo. Matei nen ka hmangaih ve ve cheu! Mahse helam hawi zawng hian ka en ngai miah lo thung che" a ti sup! Keipawn ka ring thlap bawk.


Amah avangin Benjamin-nen kan inthen ang a a ngaih tlat avangin ani pawh a inthiam lo hle! Mahse;kei chuan inzawmna mumal lo chu a nih dan tur diktak ah a dah niin ka ngai hmiah bawk.





Umapuia sawi dan chuan Cindy-khan amah focus-bik a video-lak a neih chu a sawi ngei a engtin tin emaw a lo edit-te pawh a ni mah na;mahse eng thu chiang mah hre lovin min haw em em ringawt kha a nia,huh... min lo duh tak tak lo te pawh a ni mahna!





Mahse,kei chuan ka ngai thin takzet! Kan thlalak dun te ka en nawn a,a kawrlum ka kawl ha chung te'n ka mu a,ka tuar ve takzet. Ka ngaihzawng hmasa ber a nih vang te pawh a ni ngei ang.




Hun hian natna te chu a tidam a,a liampui mai thin an ti a. Mahse,a rei telh telh a,ka ngai zual tulh tulh thung.






"Ka sawi I ngaithla miah lo" ka biang a ben thek thek pah in matei chuan a ti sep,ka phu zuk lehnghal!





"Maw?" Ka ti hû. Min la nuih hak hak lehnghal!








"Umapuia pawn ah awm tawh a,kal ila" a ti sep. Mizoram-a haw kan tum ve ngei chu nia! Ka huphuruh zia lah chu pui tak ani.



Cindy-leh Benjamin-a awmdun tur vel ka mitthla a,ka awm chhung hi a na nghut nghut thei;mahse rei ka biru thei dawn chuang lo tih erawh ka chiang viau thung! Chuvang chuan ka nat lutuk loh nan ka hmachhawn ngei a ngai ani.







"Girls! Kal ang u le" kan pahnih a min kuah khawm vek pah chuan umapuia chuan a ti a,kan nui hak hak thung.










Kan flight-chuanna vawi hnih kan thlak hnuah Lengpui airport-kan thleng thei hram! Mahni ram ngei han rah leh chu a nawm dan a dang ngei mai. Mahse ka rilru ah chuan thil dang a lang daih! Benjamin..!! Min ngai ve dawn miah lo tih hre mah ila amah ngaihtuah loh ka thei lo ani!










Kan in thleng min thlah a,matei chuan an in a riak turin min duh viau mah sela ka chhungte ka hmaizah chu thuhran ka khum ngei a mut ka chak ve tawh em avang chuan ka hnial ta hram a,lungawi loh a tum zet na in ka dinhmun hrethiam in min hrethiam ve leh mai.








"Mate" Uropuia ani.

Inchhung ka luh rual rual in min lo kuah nghal chuk chuk! A naupang zawk ka nih avang hian min duat takzet! Kei lah ka pangchang nangiang mai bawk a.





Ka chhungte thil ka hawn chu phawrh in ka pe nghal malh malh hlawm a,uropuia hnenah ka thil hawn ka pe chiah mai chu tlangval ve tawh uai(h) ve chu lawm avang in a zuang tawr(h) tawr(h) a nih chu!






"Mate,he thil hi ka zawnna a rei tawh zia I hria em? Min lo hawn avangin ka lawm lutuk a nia aw" ka jacket-hawn lek vu vu pah chuan a ti hlak hlak a,ka nuih vak vak ringawt! Hetiang jacket-ang deuh hi Benjamin-a tan pawh ka leisak a nih kha. Mahse,a ha awm ta silo a..








"Mate,kan lo ngai hman lutuk che asin" ka nu leh pa te chuan min kuah chuk chuk pah chuan an ti a,keipawhin an biang a fawh zauh pahin ka ngaih thu ka hrikh ve sep bawk.







Ka room-ah chho vin ka inbual nghal sar,ka harh kawk in ka hria!





Thla 6 chhung meuh college online-in matei nen kan kal a,law college-a kal tum kha ka nia,matei pawh Delhi ah zir a tum bawk a,mahse thulh ve ve in hetah,mizoram ah kan lut ve ve ta tawp ani.












Zanriah pawh ei lo chuan ka mu nghal avt! Ka chau ve takzet ani. Ka phone-chu khawih in matei nen kan text- zauh zauh bawk. Status-a ka luh chuan pakhat chuan ka mit a la takzet,hmeichhe kut ang zet a ni a,chu chu Benjamin-a status-ani.




Nidang ah kha chuan a status-ka en sak duh ngai miah lo a nih kha! Hei erawh hi chu ka en lo thei lo. A hming-ka hmeh zauh a lolang avang chuan ka meng kawk! Keimah ka ni! Hemi thla kan lak ni hi ka la hre reng! A pi in ah khan kalin picinc-te nau kan nei a;kan pahnih chauh in kan kal bawk.





In hnung lam a phul hmun zau zet ah chuan pher phah in eitur kan keng teuh bawk! Ka mut chhuak lutuk kha ka mu thlu char char a,naupang ni pawh la vui zo lo min ti a,kei lah chuan min duh tho tiin ka lo chhang hmiah bawk a nih kha! A mal ah lu nghat in ka muhil zui nghal daih bawk! Khami lai khan a lo la hman a ni ngei ang. Caption-ah chuan "I'm never gonna lose you for fake pple and the fake reason they set up" tih a hmang ! Thudik a hre tawh tihna emaw nile!





A status-pakhat zawk ah chuan "Welcome back to my life,babe" tih a hmang bawk! Tu nge a babe-chu niang le? A hmasa zawk kha min sawi chhan a nih chuan a pahnihna pawh ka tan a ni mai ang a,ka ti hial!










"Kan lodge-ah lokal rawh,kan haw lawm ang u"
Umapuia msg-ka hmuh chuan phur zetin ka insiam nghal! Benjamin-a kawrlum ka kawl chu ha in Hugo Boss-ka hmang vei thlap! Amah a awm dawn chuang lova;ka zah nachhan tur ka hre lo bawk! Matei call-ka tum zet nain a hmun ah kan in hmuh dawn tho avangin call-lo chuan ka kal ta zawk a..




Uropuia'n min thlah tum zet mahse mahni a ka kal tur thu ka sawi tlat avangin an remti hram,ka lung a lian tih hrechiang tu te an ni miau a!




Lodge-ka thlen chuan Umapuia chu pawn ah a bike-ngheng in a lo ding a;ka thlen rual chuan min lo nuih suk!





"U,khawnge matei" ka ti sep.




"A lokal ve dawn lova,ka mut a chhuak a ti tlat a" min en lem lova a tih chuan matei ka lo call-phawt lo kha ka inchhir ngei mai.






"Lut ila" Umapuia'n a tih chuan ka bu zauh!




Kawngka ah kan lut fel dawn chiah tiah umapuia chu ka beng bul zawnah rawn kun hniam deuhin a nui suk!





"Tha deuhin in be ru aw" tih leh kawngkhar khar a,lock-a rual nghal!



A sawi awmzia ka hriat loh avang chuan ka ding ngawi reng.






"Mrs. Hugo..." ka hnunglam atang a rawn ti thum dut tu avang chuan ka phu dawr(h)!



_________________________________________






A va tawi leh pek tak! Ka mut a chhuak lutuk a,min hrethiam mai teh u aw!




Ads click-kha,khawngaihin❤



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » February 28th, 2021, 9:54 pm

Vawiin chu kan exam-a😅 Zing ah khan kan exam-dawn tih keipawn ka hre chiah,a hit-lo tak tak🤣
A tam sia,dar 10 vel a kan tan kha dar 3 rik dawn ah ka zo ve chiah;chu pawh question 4 ka chhang lo🤣 rawngbawl a lo ngai leh a,buai tak ka ni buai tak🤣🤣

☝️ Ka lo in report👆












CHAPTER-14



"Mrs. Hugo" a ti nawn leh sup! Ka thin phu rang nghal em em ringawt chu a rik zawng te chuan a na vek nimai in ka hria.







Ka hnung lam ka hawi nghal vat. Benjamin-nen kan in hmachhawn nghal zat bawk. A hmel ka hmu chiah chu ka thlakhleh zia ka hre chhuak uar uar thei bawk! A rim pa zet chu a va ngai reng! Hmeichhe perfeum-hmang lovin a perfeum-min pek hlir kha ka hmang thin. Thla hmasa khan min pek kha a zo takngial dawn a ka hriat avangin a dang ka chah a;chumi hlir chu ka hmang thin. A sam chu a buk ve deuh luih,a mitmeng pa hrek,tawrh har zet chuan min en reng bawk. Kei erawh chuan chhan ka tum miah lo thung.





Ka ngaidam thei lo ani. Tunah hian a pawn lam landan ah chuan min thlak hlelh hmel takzet,mahse a chhung lam ah sawn engthil nge a pai ka hre lo;min sawisak mai pawh huphurh loh hmel zet a min en lai hlir kha ka mitthla ah a lang nghal zat. Khang rilru te kha a ruk takin a lo la pai maithei asin!







"Bawihi" tih pah a min rawn pan hnaih a tum chuan ka kut ka lo vai vak.



"Aih.. aih.. tah khan ding rawh. Ka hnaih a awm atan pawh ka duh miah lo che" ka ti hak,a thaw nghal hawk.




"Ka tihpalh..." a ti leh sup;kei erawh ka nui sak thung.







"Engvang chuan? Engmah tih sual i nei hleinem tiraw? Dawt I haw takzet tih ka hrethiam alawm! Dawt sawi hmang mihring ka nih hi,bum hmang. Ngaihdam min dil chhan tur i nei hleinem" ka ti let ve hmak! A rum nghal hawk bawk!






"Engkim kha.. engkim avang khan ka tihpalh. Ring tur che ka ni asin.." tih pah chuan min pan leh a rual.




Keimah chuan ka tawlh hnung vat.




"Ni e;min ring tur I nia sin. Ka thusawi ngaithla a,i mi puhna te kha dawt nge thudik tih fiah phawt tur i ni reng asin" ka mittui tling pam chu ka khap let fak fak. Hepa hma a tah hi ka duh teuh lo mai!








"Engkim siam that leh ka tum ang,khawngaih hraitthiam tum hram rawh" ngenngawl zet chuan a ti a.





Ni e;a ni pawh hi a dik lo vek bik lo. Bum in kan awm a;nilo bum in a awm a,chu chu ka hrethiam thei. Mahse keimah min ring lo lutuk leh video clip-ho tê avang a khati khawp a min ring chhia a,min ten a,min ngaih dik lo lutuk avang khan ngaihdam chakna ka nei hlawl lo,ka tan a a nat zia a ngaihtuah lo reng reng! Cindy.. ni e,kha hmeichhia,min tham lo em em tu nu ngei mai hmang khan min tina a nih kha! Huh.. Ka ngaihdam a phu hlawl lo.






"Ka kal rawh ang e" tih leh in her ka rual a,ka in rin hma in ka kut a rawn kai dawr(h)! Rum zet a melh pah chuan ka an khum nghek!






"Engthil nge maw I hriat le? Min thlah la,min kalsan teh"





A aia na in min pawt leh dawr(h)! A awm ah ka bei chat! Ka tal dawn tih hre sa ang hrim in ka ban pahnih chu nghet zetin a kai a,nghet zetin min kuah bet tlat bawk. A lung phu ri dup dup ka hriat tak ah chuan ka inthlah dul ve tan a,ka lo thlak hlelh zia ka hre thei.






"Ka ngaih zia che hi I hria em? Bum a ka awm lai pawh khan ka ngai takzet che" tih sup pah chuan ka chal ah a hmui lum ther ther chuan a rawn nul a,ka lo tâl aih aih thung.







"Kan rim a in ang bawk a" tih pahin ka rim chu duhthawh zetin a hnim leh hak a.




Ka khur ru dar dar tawh. A biang chuan ka biang a rawn nul a,min kuahna chu thlah dul deuhin naute duat tak a kan kuah ang mai hian min kuah a,ka chhip ah a fawp leh vawng vawng thin. A chet dan engkim chuan ka tah a tichhuak takzet! Thla ruk liam ta kha a rilru ah dawt dah lian zawk lovin,a thusawi te kha vawikhat tal ngaithla ve ni se chuan ka hel tlat bik lovang! Mahse,tunah rih chuan ngaihdam duhna thinlung chhete mah ka nei hauh lo thung!







"Ka kal ang e" tih leh tal chhuah ka rual a,a in ring bik vak lo nge ka tal chhuak chu min man hman lo ve tlat.





Pawn ka thlen rualin ka hnung ah a rawn awm leh hman der tawh. Min pawt leh thut ang tih ka hlauh avang chuan chak zetin ka kal a.









"Ka thlah ang che" ka hma a rawn din vut pah chuan a ti a.





"A ngai lo. Umapuia emaw Uropuia ka be mai ang" ka ti chuan a thawk hawk!





"Khawngaihin min hnial lo teh. Engmah ka sawi belh tawh rih lovang,zanin atan chuan" ti chhuak sup a mitmeng a natna lang chhuak hial khawp chuan min melh a. Luhlul chhuah a,ka u te tihbuai ai chuan min thlah chu ka remti tawp mai,mahse min biakna erawh ka hre lo der tawp zel.








"Min thlah avangin ka lawm e" tih leh a bike-atang a chhuk ka rual a,min chhan let lem loh avangin inchhung ka luh hma chuan ka leh hawi zawk. Min lo en char char chu niin! A hmel ah chuan natna,inchhirna leh hahdam ruk na inlan chhawk char char chu ka hmu thei.







"Nu,ka mu nghal aw"
Sitting room-a ka chhungte tv-en chu hrilh in ka room-lam ka pan san daih. Ka mut chhuak lutuk avang chuan ka khum ka bawh zawi nghal ngawt ngawt! Ka mut a chhuak takzet.







"Ka fapa hian nang aia hmeichhe tha hi a phu,nang ang hmeichhia,naupang tê ni chung a mahni aia kum tam tak a upa pawh ngaizawng duh tu,hmeichhe zakthei lo lutuk hian ka fapa hi i phu thlawt lo! Hnaih tawh suh ang che"



Ka hma a hmeichhe ding te pahnih chu ka en tawp! Hmeichhe pakhat zawk,min elsen hmel zet a nui sawng a min en tu chu Cindy-a ni tih ka hria! Pakhat zawk erawh chu tunge a nih ka hre mai lo. A fapa pawh tunge a nih ka hre lo bawk.






"Min hrethiam la,min hai a ni ngei ang. I fapa ka hre miah lo" zawi sap a ka tih chuan Cindy-chuan min nuih sak. Hri hre hian a!!






"Rini,a ni hi...."






"Mate.. mate... tho teh" ka mumang,rilru hahna ram tia ka vuah atang chuan ka u chuan min la chhuak in min kai chhuak ka ti lo thei lo! A thusawi tur kha ka hre chak takzet asin le..!!






"Mate,college-kal i ngai a nia" a tih leh takah chuan ka harh kawk thei! Mizoram ah college-ka vawikhat kalna tur ni mahse matei nen a kal tur kan ni a,ka huphurh viau lo thung.


Kawr ban tluan chungah t-shirt var lian lam deuh hain mom jeans-ka ha a,mawza var chungah converse-var ka bun leh tawp. Bag te fel tak akin darthlalang ah ka in en leh hram. Ka sam sei hniang thin ka ka dar chen velin ka tan a,chal hmasam ka nei bawk nen ka lang naupangchhia viau! Hugo boss-bawk chu ka in kap leh hlek! Rim dang leh bur design-dang dang awm ve mahse Benjamin-a min pek mipa hman chi deuh a bur a dumpawl rawng ang chiah hi ka hmang duh thung!


"Mate,ka rawn phei dawn nia aw" bawnghnute leh chhang thawp in zauh pah chuan matei chu bia in ka au lung lung a..




"Beng ngawng kan awm ami? I va au ring lung lung ve" matei chuan a rawn ti let ve lung lung tho. A au ring ve tho sia!




"Aw.. nih ka dah,ka rawn chhuak nghal" tih leh phone-dah ka rual nghal. A lawm lo leh mai mai ang chu!







Ka duat em em ka bike-chu garage-atang la chhuak in ka tlan chhuak nghal vat. Matei pawhin kawngpui ah min lo nghak reng tawh bawk.









"Ka rei lo,ka rei lo" a bul ka thlen rual a min melh dan atangin a sawi tur ka hre sa vek.






Bike-a rawn chuan pah chuan a phun hlak hlak. Em em zel hian a,ka tlansan daih zawk dawn mawni le..






: )

( :

^_^






College-kan thlen chuan mi an lo tam tawh hle. Lut thar tur kan nih vang nge min en duh hlawm ngang mai. Principal chamber-ah kal tlang nghalin kan in report-nghal. Hmeichhia a ni a,ka hmuh tawh hnu ang riau a hriatna ka nei,mahse ka hre chhuak zo hauh lo thung.






"Jacob-a rawn ko lawk mai ta che" coffee-rawn dah tu peon-hnen ah chuan principal-chuan a ti zauh a,peon-pawh chuan a lu bu nghut in hmanhmawh zetin a tlan chhuak nghal a.









"Jacob-hi zirlai tha tak a ni a,pui tur cheu in ka hrilh dawn nia. Ani pawh in a hreh hauh lovang. Mipa tawngtlem tak a ni a,mahse nel luih hram hram in tum dawn nia" a tih chuan nui var var chungin kan lu kan bu nghauh. A hmel landan a nelawm loh teh lul nen a fel takzet.




Chutih lai chuan chamber-kawngkhar pawh a rawn in hawng ve nghal vat.





"Can I help you?" Rawn ti thum dut tupa hmel chu hmu ka chak em avangin ka in her nghal vat.


Luh pawh dil hmasa lovin a rawn lut tlang hmiah! Manner-a hre lo ve hle mai,ka lo ti rilru nauh nauh. Engtin nge hetiang mihring hi ZIRLAI THA TAK tia a sawi theih zawk le!



Principal-sawi ang tak tak khan a hmel ah nelawmna pakhat mah a awm lo. Umapuia nen an in chen tawk vel maithei bawk. Matei nen in her meuh a kan en chu min rawn melh zawk,kan thu tha rang dun ngei mai.








"Hei new commers-an nia;i lo buaipui deuh mai dawn ami? 1st year-zirlai tur chauh an ni sia" a lo ti nghal zung zung a;Jacob-a chu a nui suk. A nuih zawng chuan a mit vun a chuar nghal tup a,a hnai bulah khuavang te tak te a nei bawk. A mitmeng a mawi ngang bawk,mahse duh ai chuan a rum mah mah.






"Ok. Min lo zui ru" a ti bung nghut.


Principal-hnen ah chuan lawmthu hrilh in Jacob-chu kan um dat dat. Room-kan kal pelh apiang chu eng ang a bengchheng pawh nise an reh nghal thap zel bawk,a mak ka ti ang reng viau. Eng class-nge tiin dak meuhin ka en phei zel. 3rd year economics-tih in tar na room-ka en chuan Cindy-min meng ling hlar nen kan in melh nghal siah! Chumi rual deuh thaw chuan ka hma a kal chu ka su pawp. Mawng sawh dawt in ka rlu dawn emaw ka tih laiin ban tha chak zet hian min lo chelh vat!



Lawm zet a min chelh tu ka en chuan rak tahtin ka tawlh dawr(h) thei! Matei chuan min ngaihtuah hmel zetin min lo au ve chiah bawk.




Engtin nge hetah a awm theih? Nilo.. eng nge a tih?



"Ugg.. uh... ka lawm e" mit khap lek lova min en tu Benjamin-a hnen ah chaun ti vatin min chelhna atang chuan ka tal chhuak nghal vat. Room-ami te leh lehlam ami te pawh in min lo en vek hlawm avangin ka zak talzet!





"Benja,eng nge I lo tih dawn a?" No zet a Cindy-in a tih chuan matei chuan a kut a hum ruh vak. Kei erawh chuan in bengdai turin ka lo mitmei vat. Benjamin-pawh chuan a chhang lem lo. Cindy-pawh chuan nuam a ti chiah lo nge rum zet a min melh pahin amah ai a rum leh chhawng a min melh tu a thian te bul ah chuan a va thu leh daih. Melh rum avang a ral theih ni se a bo a bang awm lovin ka ral vek tawh ang.






"I tha em?" Jacob-chuan rawn ti sup in ka kut sen deuh tan chu a rawn vuan a,rum nghut thawm in a zui nghal. Tunge a nih ka hria mahse,hetia a thik tur a awm hi a nuam ka ti zek zek.




"Tha e,kawng ka en loh lutuk vang a nih kha" tiin ka nui sak. Ami pawh a nui ve suo bawk.






"Jacob" thum dut a Benjamin-an a tih chuan ka phu nghek. Jacob-a hi a hre ve lehzel maw?







"Khai a,u... Engtik khan nge I lokal a?"


Jacob-chuan a ti hluai. Matei nen erawh lan meng phawk kher mai!




Benjamin-hi Jacob-a u maw? Engtin? Ka hrethiam lo takzet.





"Ka rawn thlenna a rei tawh,hmeichhe naupang kawng en nachang hre miah lo pakhat ka rawn vil hman" nuih za insum zetin a ti sup! Jacob-lah chu a ri meuh in a la nui chhuak hawk hawk zui! Ka huat dan chu pui tak ani.



"U,ani ni hi...."




"Chami leh Rini te an nih hi" a nau in min in hmelhriat tir a tum lai tak chuan a lo sawi khalh hmiah! Hepa zet!




"In lo in hre reng elaw?" Jacob-chuan a ti ha.






"Hre tehreng mai. Chami hi mi luhlul a nia,Rini erawh hi chu khawvel a hmeichhe hlutna ngah ber"


HLUTNA NGAH BER tih thu avang chuan ka thin a phu dut dut. Hmeichhe hlutna ngah ber min ti a nih chu!

Matei ka en a,ani erawh a nui tawp! Benjamin-hian luhlul a ti em bawk ani.






"Ka nu a awm em?" Benjamin-chuan a rawn ti leh sup.



"Awm e;a chhuak tep tawh ang"



"Ok"


Benjamin-chu a in her vut. Ka nu a tih chu principal-hi a nih chuan,tunge an in a a nu saw ni ta ang? Ka hrethiam lo hle! Anu leh apa an inthen te pawh a ni thei a,bakah ka lo ngaihtuah vak nachhan tur a awm lo.






"Tak a Jacob,a hnung ber ah kal teh a. Kawng en tha lo an awm leh takin" in her meuh a a thu rawn sawi avang chuan ka va hnek chawrh lo chauh tawh,ka huat na a tizual takzet!




Jacob-chuan nuih hawk hawk pah chuan a lu a bu nghut. Unau a zawng a ka pawi sawi rual thiam ber an ni hial ang.








"Principal oh.. I nu khan tawngtlem leh nelawm lo tiin a sawi che a,a opposite-hlawk i ni" class-pan a kan kal pah chuan ka ti hlak.




Ani erawh chu a nui huk thung.




"Chu.. min lo ngaina hman tihna a nimaw?" A rawn ti leh hram. Ka chhuih nghek dawn mawni.






"Tak tak ah,nelawm lo leh tawngtlem tih te chu ka hmeichhe hipna tactic-alawm. A tak ah chuan a opposite-hlawk hi ka ni tak tak. Ka biangsum lang meuh a ka nuih phei chuan hmeichhia ka hip takzet tih ka hre ve vek alawm" a rawn ti zet chu kan awmna ngaihtuah tawh lem lo chuan matei nen kan han nui dun tak tak a,jacob-a tih ngaihna hre lo chu a arawn nui ve tawp.







"I lerh hle mai" ka nuih nasat avang a ka mittui tling pam hruk zauh pah chuan ka ti a,thla ruk chhung leh a tun thleng hian khati khawp a nasa khan ka la nui lo..





"Lerh e;mahse ka luck-lutuk tho" a ti zet chu chhan tin ah pawh kan tun tawh lo.





Kan room-tur kan thlen chuan tlar hma berah kan thu nghal vat. A sir deuh ah Jacob-a chu a thu a,a hmeichhe hina tactic-a apply-leh ani ngei a lang cool-leh ruih tawh.









"Mate,ka zun a chhuak e" matei hrilh ruk sar sar pah chuan ka ti a.


Min kalpui tur thu a sawi a,Jacob-a bulah chuan washroom-kan hman lawk tur thu hrilhin kan chhuak a.





Washroom-pawn ah chuan matei'n min lo nghak a,washroom-ka hmang zo ka chhuak dawn chiah tih ah hmeichhe lo lut te tawng thawm ka hriag avang chuan ka ngaithla leh te te.








"...... Aih.. Benjamin-te hi chu a ti lui thei awm lo em mai a,a bialnu hlui kha a duh em mai;eng ang a thu mawih pawh nise he thil ah kher hi chuan a awih dawn lo tih ka sawi ngam...." hmeichhe pakhat chuan a ti a. A thiannu ni ngei tur chu a nui hak!









"Nia;a bialnu hlui avang khan thla 2 dawn chu mumal lo deuhin a awm alawm. A cher vek a, keipawn mit ngeiin ka hmu alawm,heti khawp mipa chhel leh tha hrui ngah hmel khati khawp a chau a siam thei tu hmeichhia kha chu a ropui hle a niang....." ti sap in an nui har har a. Kei erawh ka nghing lawih thei.






Min haw ngawih ngawih in hun a hmang emaw ka tih lai khan keimah vangin mumal lo zetin a lo awm ve chu a ni sia..






Hmanhmawh zet a tlan chhuak in matei chu ka ko nghal vat. Ani pawh chuan min rawn um ve nghal.





Matei'n thaw hah a nei toh hrechhuak in ka ding leh rih... Jacob-nen kan in tawk a,Benjamin-a haw leh haw loh ka zawt nghal.





A tlan chhuak chiah tih a sawi chuan um nghal ut ut mai ka duh,mahse thil ni thei nilo a ka hriat avangin room-ah kan bag-kan va la a. Jacob-chu mangtha in kan haw nghal.







Rinawma te hotel-ah chuan matei nen lan chawl a,Benjamin-biak ka tum thu te ka hrilh hnu chuan ani pawh chuan min lo pawmpui thlap! Washroom-a ka thil hriat te pawh ka hrilh a,a thaw ve hak..!










"In bia ula ka duh na a rei tawh lutuk a,i duh thu ngei a thuthlukna i siam hi ka lawm tawp..." matei'n a tih chuan ka lo nuih sak..






"A nih mate... eng nge an tih luih theih lohna tur chu ni ta ang..." matei chuan a ti sap!



________________________________


A sei deuh tawh ti rawh u? 🤭🙃


Ads click-kha aw😘

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » February 28th, 2021, 9:54 pm

CHAPTER-15





BENJAMIN LALLAWMSANGA'S P.O.V


Ka hnung chhawn tak te lam thlir tur chuan ka hawi let leh. Ka hnen a a awm chang a a hlim lo hmel kha a bo tawh. Ka tello in a hlim tih ka hria,kei chuan natna bak engmah ka pe ngai lo. Ka thlahlel takzet mahse ka thup hram hram a ngai a,ngai viau mah ila ka lan tir a rem lo!



Ani sawn hlim a phu takzet,mahse ka hnen a a awm chuan a hlim ve ngai lo. Chuvang chuan eng ang pawh in harsa dawn se ka kaltir ang!


Ka kaltir avang a khawvel a hlimna zawng zawng a neih dawn phawt chuan ka hlimna,amah chu ka kaltir mai ang.


A tawp nan tiin a nui hmel mawi zet chu ka thlir leh a,a thusawi lo ngaihthlak sakin chhe te tal pawh in lo ring ni ila,tunah hian a thiante bulah ni lovin ka bulah ngei hian hlim takin a nui ngei ang!







Thaw hakin ka nu chamber-lam pan chuan ka kal ta nghal a.


A ni hi ka pianna nu tak tak zawk ani,ka pa nen kum naupang tê niin an innei a,rilru la naupang chhia ve ve ta chu an intithiamlo fo bawk. A hnu ah an inmil theih tak thlawt loh avangin an in tha then niin ka nu chuan a sawi. An inthen hnuah lehkha te a zir tha leh a,chutih lai chuan kei hi min lo pai ta bawk. Kum li ka tlin hnuah ka pa hnen ah ka khawsa tan a, ka nu pawhin pasal dang neiin college principal-hial a ni ta bawk a. An rilru a puitlin hnu ah thian tha tak angin an inkawm leh. Jacob-hi ka nu leh ka pahrawn te fa a ni a,kan kum a inthlau tam lo hle bawk. Unau dang a neih loh avangin min u en hle a,keipawh in ka ngaina ve hle.









"Mama,i lokal a?" Cabin-ka luh rual chuan ka nu chuan a lo ti hluai. Min ngai ve thin takzet niin a lang.






"Nia,sawi tur I neih thu kha I sawi a" tih sup pah chuan chamber-chhung a sofa-an dah ah chuan ka thu nghal vat.







"Englo a nia;I nupui tur chungchang kha a nia" a ti sep,kei erawh ka rum nghut. He thil chungchang hi ka sawi peih lo tih ka hrilh tawh vawitam,mahse a la ti lui ngar ngar bawk!






"Nu.."





"Engtik ah emaw chuan nupui chu I la neih tho a ngai dawn alawm;bakah hei nupui neih hun tawh tak chu i ni ve tawh. I kum a tlem tawh lo tih hria la;tun a i nupui tur a ka hual lawk hi I nei a nih chuan I vanneih tur zia I hre lo ami" a rawn ti dam thluam. Oh.. Cindy-min neih tir a tum tak kha! Henu hrep pawh hi zah hre lo lutuk mai. Amah avang tak meuh meuh in ka hmangaih ka chân a,min neih theih nan ka nu a lo tlawn buai vel bawk a,huh.. hrep tak chuan a.







"Ka nupui tur chu keiman ka thlang mai ang,nang in a i lo hual lawk vel kha a ngai miah lo. Mipa mahni duh thlang thei rual ka nih tawh hi.."





Ka thusawi avang a lungawi lo tih hriat zetin min melh ram a,eng ah mah ka ngai duh bik lo. A duh duh a a tih kual tur mihring ka ni miah lo.





"I pa ka sawi pui ang a,i nei tho ang" a ti hlak hlak. Kei erawh ka nui suk.




Min nawr lui chiah se eng nge ka tih theih ka hriattir ve mai ang!







Engmah pawh sawi lo chuan ka nu chamber-chu ka chhuahsan hmak. Chamber-pawn ah chuan Jacob-nen kan in tawk a;min kuah thuak thuak. Hepa nen hian nu leh pa in ang kar atang a piang ni ta pawh ni ila tunah ka hmangaih a ka ngaihtuah ai pawh a a nasat chuan(g) ka ring lo.





"Jacob,inneih chungchang vel hi..." ka ti sup.





"Ka hrilh lovang,lungngai suh" min siai zauh pah chuan ka unaupa chuan a ti sup.




"Ka lawm e,ka kal mai ang. In enkawl tha ang che" tih pah chuan ka kuah leh thuak.





Cindy-in min pan mek tih ka hmuh chuan ka bike-ah chuang nghal vutin ka dawk chhuak nghal zak. Henu ka huat dan hi chu pui tak ani!





•~•


^_^





In ka thlen chuan engi chauh a lo awm,ka nu chu school-ah a la awm a ni ngei ang,ka pa pawh a lo la haw lo. Ka room-ah lut tlang nghalin ka inbual nghak sawk sawk.







Tunah te hian eng nge a tih ve ang le;min ngai ve ang em le! Tih te ka ngaihtuah a,mahse keimah bawk ka in hau leh mawlh mawlh. Khati khawp a tinatu kha keimah ka ni tih ka lo theihnghilh leh thin,nilo... ka haider leh thin.






"Rini'n a zawng che a.." Jacob-a message-ka hmuh chuan a der ni miah lovin ka nui ve suk. Min lo zawng ve a nih chu!



Chutih rual chuan Rinawma hnen atangin thlalak ka dawng ve zat. Ka download-a ka en chuan Rini ngei ani. Chami nen an titi a,a nui deuh sei(h) bawk.




"Eng nge an lo tih a?" Call-a pick up-rual chuan ka ti nghal zat.




"Ka hre mai bik lo,thil an lo ei a nih hmel.." nuih ri(k) huk pah chuan a ti a,keipawh ja ni tho.






"I duh chuan an thusawi ka ngaihthlak ruk sak thei che..." Rinawma'n nghak zet a a rawn tih chuan phone-chu ka melh nghek.






"I at chhuah hlek suh..." ka ti hluk. Hepa hian a ti leh duh tak tak mai ang.








"Ok..." phone-a dah nghal hmak;hepa zet.










"Zanin dinner-kha,rawn tlai suh aw.."
Cindy message-ka hmuh chuan ka ner sak.






An in a dinner-ei tur in a nu in min sawm tak a nih kha;he mite nupa leh ka nu hian eng thil nge maw an ngaihtuah ni!







Peih lo zet a ka insiam lai chuan ka message tone-a ri leh..


Cindy-a nih ring in ning zetin ka en a..









"Kan inhmu thei ang em?"

Rini message-ani! Ka hmu sual emaw tiin mit ka khap fak fak mahse a tak ngei ani sia..




Thla ruk hnu a hlim zet a ka nuih lehna hmasa ber a ni ngei ang.






___________________________


Hei ka rawn dah zuai😁


Ka hman chuan zan ah chapter-dang rawn dah leh ka tum ang😘


Ads click-kha aw❤

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » February 28th, 2021, 9:55 pm

Ka nau in homework-a ti a,tunah(8:30pm) ka type-hman ve chiah😅

THA VE LEH MAI ANG🤣





CHAPTER-16









Hmanhmawh zetin ka insiam sawk sawk,an in bul a cafe-te ah inhmu mai turin kan ti a,ka che reng reng chu a zâng vah ni maiin ka hria. A thusawi tur engmah ka hre lo,mahse min hmuh a duh vang hrim hrim pawhin ka lawm takzet.







Garage-ka pan lai chuan ka phone-a rawn ri ral ral. Screen-a Cindy-hming a lo lan chuan ka ner nak.




"Babe,i hman tep em? Lo sawm che ka tum a.." a rawn ti no duai.

Henu ang em em a hmeichhe zakthei lo hi an awm leh pawh ka ring tawh lo;midangte bumtu a ni a,chiang kek kawk a ka hnawl tawh hnu ah pawh tiang hian a la che zawm zat tho!







"Babe..."






"Min rawn sawm a ngai lovang;thil pawimawh deuh tih tur ka nei. Tui deuhin in ei dawn nia.."



Phone-ka dah hma a a au nghek thawm chu ka hre hman,kei erawh ka nui suk thung!



Hetiang mihring toxic-lutuk te hi hlat ah hian awm ila kan him a nimai.





Bike-chu lachhuak in ka dawk chhuak nghal zawk! Ka thlakhlelh ngawih ngawih mihring pan a kal ka ni bawk nen,ka phur ang reng viau.











"I thlenna a rei tawh em?" Ka hma a hmeichhe rawn ding chu ka en nghal zawk;a nui seih a,a hmeltha takzet.





Jumper-leh smart pants-chuah a ha,mawza bunin crocs-a bun leh tawp. Inchei simple-hle mahse ka mit ah chuan a thawh dan a dang zar zel thung!







"La rei love.." dawt! Dawt chiang lutuk ka sawi,darkar chanve dawn ka nghak hman!





Ka ep chiah a thutthleng ah chuan a thu a,menu-a en mial mial. A hmel a zam rukna lang te chu ka hmu chiang hle,a ngawih dauh dauh bawk. Thinrim zetin min an khum tawn tawn se,chutiang chuan a lan dan pawh hmuh a nuam zawk ang. Tunah saw chuan naupang in pawisa an tibo a,an chhungte an hrilh ngam silo ang chiah chiah in a awm.




A naupanna lang chhuak avang chuan a upa zawk ka tawng hmasak a ngai tih ka hrethiam. Mahse,thil awl ai a ni bik lo,hmeichhe dang nilo... midang hril hrim pawh han biak hmasak vel hi ka tih chi a ni miah lo,mahse bawihi chungchang a nih tawh chuan kan chin than leh mize millo tak tak a chet a ngai fo!








"Chami chu a dam tawh em?" Aw then kharh kharh pah chuan ka ti a.



A dam thu leh tha tak a a in enkawl chhunzawm zel thu a sawi ve luam bawk.







"Bawihi,min ngai thin em?" Zawi te tak tak in ka ti sup,a ngawi reng. Keipawh in a hmel ka en ngam bik lo,ka tihsual avang a tuar tu a ni a,ka tan pawh a nuam lo takzet.






Tap insut hruih ri ka hriat chuan ka hawi chhuak nghal vat. Bawihi chuan a mittui kar atangin min lo melh kar a nih chu! A mit ah chuan lunglenna leh min thlakhlelhna ka hmuh sak thei.








"Ka thusawi vang a nih chuan min ngaidam rawh.." tih sup pah chuan a kut dawhkan chung a a dah chu ka huk sak vat,ani pawhin a la sawn lem lo.











"Ka thusawi te kha min ngaihthlak sak duh lova;ka hmuh lai ngeiin min ngainep em em tu cindy-kha min duat hmel zet a min en ang khan i en a. Chhe te pawh in min ring lova...." a ti chhuak hawk! Rilru nat hmel zet hian a tap chhuak nghal hlawp hlawp bawk. A bulah chuan ka thu phei a,ka awm ah bei tir in a hnung ka chul hauh hauh.








"Mim tina takzet tih i hria em? Engtin nge I sawi kha RINAWM LO min ti a tiraw?" A thusawi avang chuan ka tang nghak teuh;a la na takzet a nih hmel.





"Bawihi.."







"Lo ngawi rawh.." ka tawng ve tur min khap nghal hlak. Vin erawh a vin lo thung.








".......ka thusawi ngaithla duh lova I tawng char char rah kan seng mek a nih hi! Ka ngaih thin zia che kha I hria em? I kawrlum ka kawl ha chung khan ka muhil thin asin! I awmdan mumal lo zet nâ ka tih khan matei ka hrilh a,ani pawhin min khawngaih vangin a thaw hah chhuak khawp in min lo tahpui a,tun thlengin enkawl a la ngaih phah bawk a,I sual ropui si;misual pa..."



Ka awm ah a hmai a phum a;a tap nasa bawk a a thaw leh hak thin.


Kei erawh inchhirna leh hlimna pawlh nawk nawk in ka nui suk! Tihnat kha ka duhdan ani bik lo,mahse bum a ka awm miau avangin ka tina takzet thung!










"Ka ngai thin takzet che.." a rawn ti sep,nghet zetin ka kuah let vak bawk. Sawi tur ka hre ve tawh lo,ka ngai a ka thlahlel takzet tih a hrethiam ve ni ngei tur ani,ani pawh in min kuah nghet ve sauh.






Kan dawhkan kan kalsan dawn a a ri meuh in a nui leh kerh kerh tawh. Chamluhluli'n keimah nen engkim sawidun tur a a hrilh thu a sawi chuan ka nui hawk hawk,luhlul in chimawm viau mahse thatna lai chu a nei ve a nih dawn hi.







"Bill-kan pe lawk ang e aw...." ka tih chuan a lo bu zauh,pawn a min nghah tur thu a sawi chuan ka bike chabi-ka pe nghak vat,bike-lo va dah rem rawh se.







"Ka pu,hmeichhia kha i bialnu ami?" Tiin pawisa ka pek tur nu chuan min lo zawt zauh,nuih suk pah chuan ka lu ka bu nghut. Ni e,ka BIALNU a ani leh tawh tlat alawm.







"Hmanni deuh khan tlai lam ah hian sawlai dawhkan ah sawn amah in a thu thin a.." tih pahin lehkha ka zirtir na thin dawhkan chu a kawk zauh.



".........ear phone-a hla ngaithla in a chang chuan a mittui a hru leh zauh thin. A chang leh a nui sak a,a chang leh a lo muthlu daih zel a. A tir chuan ngaihzawng then emaw thil dang vang a tap ah ka ngai thin a,mahse hei ka hrethiam mai,a ngaih vang che a nih dawn chu..."




A tih chuan ka nui ro hak. Kan hun kal tawh ngaihtuah in tikhan a lo awm ve thin ngei a ni awm sia,ka thin chu a rawn phu rang sawt! A van lainat awm tak.






Bill-ka pek fel hnu a pawn ka chhuak chu ka thil hmuh avang chuan ka ding dat. Cindy-leh bawihi chu an lo in din chilh reng a nih chu!




Cindy-chuan eng nge a sawi ka hre lo,ahse bawihi thung chuan "....nise ka hnen ah a awm lovang" tih te,".......mahni inrintawkna tlem tal nei ta che" a sawi leh zauh thin.




An bul ka thlen hma deuh chuan aw ka thian kharh.





"Engthil nge thleng?" Ka ti hmak.








"Engmah a nilo. Ka pasal neih ni a lokal ve turin ka lo sawm a nih hi.. " nuih hat har pahin Cindy-chuan a ti hak.




Bawihi erawh a nui tawh hauh lo,mahse thinrim pawh a pu chuang lo.






Cindy-kalsan chuan bawihi chu ka thlah ta a..


________________________________




A tawi em? A vawihnih na a ni tho min hrethiam mai ru aw,ka mut a chhuak lutuk😴




Ads click-kha aw😘

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » February 28th, 2021, 9:55 pm

A tawi dawn tih ka sawi lawk aw...


Ka hritlang ka pik lutuk a;ka khua a sik dawn emaw ka ti hman a,dar 8:30pm hnu lam ah ka type-tan chauh a😅

Min hrethiam mai ru aw😉





CHAPTER-17













LALRINAWMI'S P.O.V



"Thla leh ah Benja-nen kan innei dawn a,lokal ve rawh aw. A pa pawn rem a ti tawh a..." ka hma a hmeichhe ding chu ka melh zawk.







Ka â vek nimai in ka hria. Benjamin-an a pa thu a awih zia leh a thu hnial a hreh zia hrechiang tu ka ni,apa in rem a ti a nih chuan kei hi min kalsan hial maithei bawk! Thil thleng thei ka ngaihtuah nasat poh leh ka na takzet!





"Dawt sawi i awlsam tih chu ka hria a,hetiang em em hi chu ka beisei lova.." nuih luih hak pah chuan ka ti a. Ngeiawm zetin a rawn nui hak.





"A nih chuan heihi ngaithla la a that dawn chu.." tih hmak pah chuan a phone-a phawrh zauh.





"............nih chuan Mama leh Cindy-chu innei se nimai alawm,a rang lam in ni rawh se..." Benjamin-a pa aw ngei ani! Ka awm chhung hi tham nawk nawk ang maiin a rawn na zawk. He nu,ka hma a ding ngei avang hian hun khati zat kha in haw dun takin hun kan hmang a,tunah amah vang bawkin ka chan leh dawn a nia! A na takzet.. He nu hi tinge kei aia vannei a a pian kher le! Nilo,kei te chu Benjamin-a hmangaih ber alawm ka nih,a ni aiin ka vannei,mahse he khawvel mihring te hian an duhsak zawk mai chuah ani!










"Bawih,eng nge thleng a. Nichin atang khan engmah sawi lovin I la ding ngawi char char a..." min ngaihtuah hmel zet a rawn ti sup tu chu ka en chuan ka mittui a tling nghal puau..!! Kan in kalkawng a a tlan chhung zawng khan nghet zetin ka kuah char char a nih kha.






"Ka ngai che..." amah kuah thlawp pah chuan ka ti a,ka tap nghal hlawp hlawp bawk. Kan hlim dun chhung a rei lo lutuk,nichin lawk khan kan in kar a khi awm kan siam tha zo chiah a,tun ah lêm ka ta a ni thei tawh dawn lo tih ka hre leh nghal zat. Ka tah nasat avangin ka thaw hlawp hlawp.






"Tihian nghet deuh hian ka kuah che ang a,min kalsan lovang che aw! Ih... tihian.. khawngaih in... min... min hmangaih tiraw?" Ka insum thei tawh thlawt lo. Nghet lehzual in ka kuah a,hrethiam lo tih hriat zetin min chhuk melh run tih ka hre thei.
Mahse,ani pawh in nghet zetin min kuah leh ve tho,ka chhip ah a fawp vang vang bawk.






"Bawihi..." min ngaihtuahna leh hriatthiam lohna a aw a lang chhuak avang chuan ka tah nuih hak! A nupui neih dawn hnai ah pawh keimah zawk min hmangaih tih a la lantir fan a!






"Ih... englo.. nupui.. nupui i nei dawn tih ka lo hria a.." tah insum zet chuan ka ti a,ka hmui ka pet zauh bawk,ani erawh a thaw hawk!








"Shhh... Engmah sawi suh;nupui ka nei dawn a nih chuan nangmah chauh i ni ang.." a ti sup!






"Mahse,I pa pawh in a remti tawh tih ka hria alawm! I pa thu hnial i hreh zia hrechiang tu ka ni! Benjamin,kan hlim dun chhung hi a rei lo thin bik em mai tiraw?" Tah hlawp hlawp pah chuan ka ti leh! He mihring,ka hma a ding pa hi ka thlahlel asin! Amah rinchhan in ke ka pwn leh dawn chiah a,ka chan leh nghal ringawt dawn a.. ha..




Ka vanneihna te hian ani nen a awm dun hi a keng tel miah lo ami?







"Khawngaihin tap tawh suh... Aw.. min ring la,engkim ka siam tha leh vek ang!" A ti leh sup.




Ring tur ka ni,apa hi inrawlh ve kher lo se chuan ka ring takzet ang;mahse...




Amah en pah chuan mittui kar ah ka nuih sak. Ka la thlahlel asin!






"Muttui aw..." a biang a fawh zauh pah chuan ka ti a,ka kalsan nghal zat bawk. Engmah sawi belh ka duh tawh loh avang a inthiar fihlim ka ni zawk mah..






"Bawihi..." ka hawi let leh zawk..






"Min ring rawh.." a ti thawp suk,ka nuih sak bawk.








Ka room-ah chuan tlan chho nghal in ka in kalh hnan nghal hmak,uropuia'n min rawn um chho tih ka hria! Ka chhungte'n tap chung a ka lut min hmuh khan min ngaihtuah hmel zetin min biak an tum luam a nih kha! Mahse,tumah ka be chak hlawl lo.








"Mate,naktukah I lo leng hman ang em?" Tah insum zetin ka ti hak;a natna a chhuah leh ka hlau takzet,mahse ani lo chu tumah midang rin ka nei lo a,hrilh duh ka nei lo bawk!





"Hman e;awle... mate,i tha em?" A rawn ti leh nghal zat.






I tha em? chu thu ringawt pawh chuan ka hnuk a ti ulh a,ka tah a tichhuak takzet!





"Aw tha e"




Ka rilru erawh chuan ka that loh zia ka au pui chiam! Ni e,ka tha hlawl lo!








"



_________________________________

Ads click-kha aw😍💋

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » February 28th, 2021, 9:55 pm

Nimin kha ka hritlang chu thuhran,kan hnatlang a,ka mut in dar 11:30pm a ri hnai tawh a,ka lo dah ta lo mai,min hrethiam ru aw..💋




CHAPTER-18





BENJAMIN LALLAWMSANGA'S P.O.V


"Nu,i thil tih avang hian ka lawm lo hle tih hre rawh.." ka hma a thu ka nu chu ka melh rum ul mai. Ka lawm lo takzet! Ka nuhraqn zawk pawh khan hetiang thil hi chu a ti teuh lo mai.





"Engthil nge ka tih? Nupui nei tur chu nangmah alawm.." ha.. he mihring hi ka nu a ni thei lo!




"Chuvang chuan alawm ka lawm loh. Nupui neih hi ka remti ngai miah lo,nei pawh ni ila ka duhzawng a nih tur thu chiang takin ka sawi bawk! I thil tih dan avang erawh hi chuan ka lawm lo takzet! Min tilui ngai lovang tih hre bawk ang che..." ka nu melh zauh pah chuan ka ti leh,a hmel ah chuan a lawm loh zia a lang reng bawk. Mahse,ka pawisa miah lo..



Ka nupui neih tur chungchang ah inrawlh turin ka sawm em? Sawm lo! Ka sawm hauh lo!






"Ka kal ang e,ka sawi erawh hre reng ang che..." tih sup pahin ka nu chu ka melh nghek.










Kawngkhar ka pel fel dawn chiah tih ah ka nu thusawi avang chuan ka ding dat.






".........kha hmeichhe tleirawl vang kha ani tih ka hria a nia aw,ka duh dan ang a I awm lo a nih chuan kha hmeichhia kha ka tichhe vek ang.." ka nu thusawi chu awih lo zetin ka melh tawp! Ka nui hak bawk. Cindy-bawk a in rawlh leh khawp ang,ka nu hian bawihi a hriat theih dan kawng a awm lo hrim hrim!











"I ngam chuan i lo tibuai dawn nia; eng ang takin nge I fapa hi ka sual thiam i hre mai ang.." nuih sak pahin ka ti a,a hmel chu a sen hlar tawh!




"I pa pawhin a remti tawh tih hria la,nupui nei turin lo in buatsaih tawp ang che" a ti leh hak!






"Oh.. khami chungchang kha! Ka pa ka be ngei ang. Nang hi i inrawlh tih ka hria" ka ti sak,a hmai sen nasa lutuk chuan ka ngaih a ti tha lo zawk!



Ka kalsan hmak!




Kei leh bawihi inkar ah hian tupawh in rawlh se,nuam sa takin ka dah hauh lovang!







🥂








Nizan khan ka kalsan hlau vin min kuah a,nasa takin a tap bawk a nih kha. Kha thil kha keimah vang ani! Keimah vang hian a na nawn leh thin,hlim phu ber a ni ti chung siin hlimna aiin natna ka pe hnem zawk! Hrep hian a..








Nileng in ka hna ah ka buai a,university-chawlh san in keimah in bussiness-ka kalpui ve tawh a,buai ve tak ka ni. Rin ai takin a kal tluang bawk nen,thil dang engmah ka ti hman lo. Bawihi pawh ka be hman lo!







"Pa,zan in ah kan inbe thei ang em?"




Phone-a pick up-rual chuan a ti nghal hluk.




"Naktuk chu zin chhuah ka ngai a,zan ah ka lo let leh nghal ang. Naktuk tuk leh ah ni rawh se...." a rawn ti let vat.






"Awle,ka pa.."


Phone-ka dah nghal vat! Ka nu leh Cindy-thil tum hi engti kawng zawng pawn ka hrechhuak khawp ang!








___________________________



A tawi tiru?😅🤧


Ka awm hi a la nuam thei chiah lo a,a ngaihnawm loh ngawt ang🤧 Engmah pawh ka ngaihtuah thei lo🤧 Naktukah babie te an lut dawn sia,lunglen dawn nen🤧





Min hrethiam hram ru aw💋


Ads click-kha🙃

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)