HIM AND I By Sangpuii (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

HIM AND I By Sangpuii (Completed)

Unread post by Ngaia » February 28th, 2021, 9:39 pm

#Age gap love

"Ka tello in I hlim chiah ang maw?"
Tap tiau in ka ti a,a thaw nghal hrawk..

"Ka tum dawn alawm,nang pawh in I theih chuan ka thei em em ang"tih sup pahin min hnungchhawn a,min hlat zawngin ke a pen nghal..

In duh tawn tak si,rem lohna awm zel hi in hre ve tawh em? Mahse,rem ngang lo ang a a lan tlat lai pawh in engmah hian thinlung inhmuh tawn sak leh inzawm tlat te a then hrang thei lo ani..!!

An ni pahnih hi eng nge an an ang??

An thawnthu tawp dan chu an hlim pui ang em...?!!

Chhiar tui vek ule😊

lg7jujlr.jpg
CHAPTER-1







"Rin...,saw ka crush"


School-ban a kan tih ziah ang in matei nen ice cream-kan ei kawi leh a,dawr kawt a kan din lai chuan a crush-a hmu a ni chek ang chu min rawn hrilh ru leh sur sur tawh...


"Khawi maw?" Tih pahin ka hawi vual vual.

"Saw... Ta saw,tikhan hawi vual vual zel suh,miin mi â lo emaw an ti ang che" henu teh hrep zel hi chu aw...



A melh zeuh na lam chu ka en a,thla hmasa lawk atang a a duh ve em em pa chu a vawikhat na atan ka hmu ve chiah...



"Mate,a chhiat loh reuh saw" ka ti ve luam..



"Kha zawng kha maw...?? Sawi belh leh rawh" Ringawt zel a..


"Sawi belh tur ka nei tawh lo,kal ang,kan tlai dawn lutuk"



Hmanhmawh zetin in lam pan chuan kan kal hlawk hlawk,an in pênna kan thlen chuan min pên san ve nghal..



Rei vak lo ah keipawh in ka thleng ve nghal. A ngai tê bawkin tumah an awm lo leh tawh..





Lalrinawmi ka ni a,kan unau ah a naupang zawk ka ni. Serchhip khua niin kan khaw higher-ah cl-xii-ka zir ve mek bawk.. Ka nu hming chu Lalhmingsangi niin kan dawr a enkawl tawp a,kan dawr hi thawmhnaw zawrhna niin a lian ve tawh hle bawk. Ka pa hming chu Lalhruaizela niin ani erawh bank manager-ani. Ka unaupa neih chhun Hmangaihropuia chuan university-a kal dêr tawh. Unau piang hmun ve si ah chuan kan mizia a inang lo takzet... Mahse,min duat em em tho..






"Mate,lo chhuk la,zanriah kan ei tawh dawn"


Ka room-a lehkha-ka zir lai chuan ka nu in min rawn ko a,hmanhmawh lem lo takin ka chhuk thla hnek hnek..





"Kan rawn haw khan min lo hmuak lova"
Dawhkan ka kil ve chiah tih ah ka pa in min lo be nghak sawk sawk..



"Nia,u tei khan rawng a bawl tho a,lehkha ka lo zir daih a" ka ti ve vat.

Utei chu kan awmpui niin lângin a lokal thin. Kan innel em em a,kei aiin upa daih mahse ka inkawmchang erawh chuan kei aiin a ât hmel zawk..




Chaw kan ei mial mial lai chuan tu emaw hian kawngkhar a rawn sawi ri nawk nawk,ka phu chiang kher mai. Kawngkhar lam chu kan hawi rual deuh thup.




Ka rin ang ngeiin Lalruatfela,ka cousin-zawng zawng zing a nghal ber chu nui ruh ruh chungin a rawn lut,ka lo melh rum em avang chuan mit min siai zauh. Ka fian hian ka va khawng pawp dawn mawni..



Kan thenawm lawk ah an awm a,kan in ah hian a rawn chuang kai ve reng zel,kan in ngaina a,han inhau nasa thei hle bawk..



"Awi...Lalruatfel,mi mawlpa,rawn lut tha ve hle hle mai ta che" ka lo ti hmanhmawh..



"Ka hming pum in min ko ziah suh aw,Lalrinawm.. Hmelchhenu"



He mihring hi chu aw... Hmeltha min tih thu Uropuia bulah a sawi ziah a,ka hriatah lah hmelchhenu tih hlirin min ko ziah sia..








"Ruatfel,khati vut vut khan rawn ti tawh suh,rilru I ti nuam lo hman alawm" ka pa in a tih chuan a lu thak lo pui chu a hiat neuh neuh..



"Tihpalh,pute" a ti a,hmui phunin I chawh ka lo tih chuan a haw ngang mai..





Chaw ei kham ah chuan thleng sil zung zungin matei te in ah lehkha zir tur in ka phei nghal vat.


Matei hi a hming tak chu Thanchamliani a ni a,balu-tiin bawihi leh rinzuali chuan an ko thin a,kei erawh chuan duat zetin mate tiin ka ko thin...






"Mate,ka lo thleng"


Pawn atang chuan ring zetin ka ko a,a rawn tlan chhuak rang ngang mai.



"Awi,mate... A nawm zia chu maw,ka crush-khan min lo bia" zuang tawr tawr pah chuan a ti a...





"Lawk... lawk... inchhungah lut phawt ang"



"Aw..Vat la" tih leh min kaih luh a rual nghal..




Sitting room-ah chuan tlangval pathum hi an lo thu deuh khup a,an lian hlawm bawk sia,a zam awm lek lek. Pakhat chu matei û,umapuia a ni a,pahnih dang erawh chu ka hriat ngai mi an nilo.. An zing a pakhat chuan min hnung chhawn a,umapuia chu chhiat khum zauhin kan tlan chho nghal daih,a nui hawk hawk ri chu ka hre thei...







"Awi... In ka thlen khan maw,phone-ka check-kha ka crush message-kha a lo awm a nih chu,ka phu zuk alawm.."

Room-kan luh rual chuan a ti nghal zung zung..






"Mmm..chuan"



Ka ti ha..!!





"Chuan eng nge ni vak? Kan inbe zel dawn"


Uang zet a a tih chuan ka lo nuih hak hak..




"Aw,a nih lehkha zir ang,hei zir tur ka rawn keng teuh mai"





Ka thusawi avang chuan a ner nang a,ka bulah rawn thu in a lehkhabu a phawrh ve mial mial...




Kan zir dawn tan chauh tih ah a room-kawngkhar chu an rawn kik a,ka phu dawrh lo chauh,Ruatfela vang vek,tiang hian ka phu dawr(h) zel..







"Mate,Rin"

Umapuia chuan a rawn ti thum dup..


Kawngkhar chu va hawngin ka nuih nghal ver ver..


Umapuia hian kan naupan têt atang matei nen hian min duat em em a,class-1 kan kal lai chuan cl-vi a kal daih tawh,kan pawl ami tu mipa mahin min hau ngam lo,umapuia'n min chhan theih em avangin..
Tun thlengin min la duat a,keini pawhin kan ngaina em em...




"Hei,thil tih lawk tur kan nei a,tikhan lo awm lawk mai rawh u aw.."


Nuih suk pah chuan a ti a..!!





"U mapui,ka lokal ve.." nghal zet a ka tih chuan ka lu a tuai vut..




"Naupang kalna chi a nilo,tikhan lo awm ru aw.." tih pahin a kal nghal vut..







"Mate,umapuia hian bialnu a la nei lo ami a?" Lehkhabu melh vung vung pah chuan ka ti a..




"Mmm,nei lo,a ngaihsak hman lo"


Phone-bih dauh dauh pah chuan a ti a..







"Nia,mahse a senior-tawh ropui si,nupui neih a hun tawh"

Ka thusawi min thlawp zet chuan matei chu a bu zauh..


"A hrim hrim in mate,eng nge I crush-hming? Min la hrilh miah lo"



Amah melh deuh pah chuan ka ti a..


"E..nia,ka la sawi lo tak. Chhinga a nia,a fel lutuk"

Matei chuan a lo tih zawm zat.


"Lawk lawk..Ka hria,mawi mawii,sen veng ami,dawr nei te kha,khanu sawi thin kha a ni chiang lutuk" phur zet a ka tih chuan nuih ver ver pahin a lu a bu zauh zauh..



"Ni chiang e,bawihi phei chuan awmpuipa tiin a sawi thin kha,kha kha"



Chhinga kan sawi chhuah tak ah chuan lehkha zir a lang leh ta hauh lo,kan titi leh char char a,a chang leh mipa ka ngaihsak lo lutuk min hau thul,a chang leh kan class-a mi,cl-x kan nih atang a tun thleng a min duh char char tu Rohlua chu min sawi pui thul..!! A ngaihna ka hre lo lutuk chu ka nui tawp.




"Mate,umapuia star-tu ka hria asin"


Hmui tih pawrh zauh pah a matei'n min hrilh chuan ka lo phûr ngang mai,hriat belh chak zetin ka thut hnaih sawt sawt.



"Kha..nichin a kan chhoh dawn a lo thu te kha i hria em? Ubena leh Urema te an nia,ubena chu I hre lo ami? Kha..Kan district college principal-fapa kha.." a tih chuan ka lo phûr hluai..


Benjamin Lallawmsanga te chu lar vet vet tak ani. Unau pahnih chauh an ni a,apa college principal-a ni a,a nu lah kan school principal-a ni a,an hausa(k) chu thuhran,amah a chhelo bawk nen tleirawl leh nula te ah chuan a tla na ngang mai. Amah pawh hi tlangval senior-chu la ni chiah lo mahse umapuia te nen an inrual avangin a upa ve thawkhat tawh. Umapuia pawh keini aiin kum 6 vel in a upa a,senior-lam chu an pan tan tawh ang..


Urema te pawh awm thei ve tak chu an ni. Apa lecturer-a ni a,anu chu florist-kan tih mai,pangpar zuar thin ang hi a ni a,a hlawhtlin pui ngang mai,an in pawh a vul chûk a,a mawi takzet..





"Ubena nau kha a nia,umapuia duh tu chu.."




Ka phur lutuk chu tih ngaihna awm lo,engi(benjamin-a nau) chu hmeichhe nû zêm mai,fel si tia hriat lar a ni a,a hmeltha takzet bawk.



An sawi dan chuan an unau hian mizoram ah an awm mang ngai lo an ti a,engi chu nikum hmasa vel ah khan lo haw in benjamin-erawh a lo haw na a la rei lo hle..



"Mate,ka haw dawn,a tlai tawh em mai"


Lehkha kan chhiar inkar a kan titi zeuh zeuh chhung chuan a lo tlai ve deuh tawh bawk nen,hmanhmawh zetin ka insiam nghal,kawngkhar thleng min rawn thlah a,hmanhmawh zetin kan in lam pan chuan ka kal hlawk hlawk,scooty-ka keng lo chu ka inchhir takzet..!!





Kawngpui ah chuan motor-tlan an tam hran loh avangin hmanhmawh viau e tilo chuan ka kal muang charh charh hle.




Kawng thlang lamah chuan mipa keimah ni ang rual,pali panga vel zet tur hian zu lo in in an lo ri deuh hluai a,kei lah naupan têt atang a chhantu nei thang tih tak ah in la huai zetin ka pel vâwk vâwk a..

An chhak ka thlen chuan min lo au chiam..

"Eheu... A va chhelo ve"

"Kalpui te I ngai em?"




Min lo chhaih dan chu haw viau mah ila mahni chauh ka nih avang chuan chak zetin ka kal a,a tlan in ka tlan a ni zawk mah...



Chutih lai chuan tu emaw hian ka bag-hrui chu pawtin min ti ding chawt. Khur dar dar in ka en a,min chhaih tu te zing ami pakhat chuan min lo um zui chu niin..!!






"Kalsawn vat teh"

Tih pah chuan ka dar bag-a pawh na chu lak thlak ka tum ngat ngat,a ni lahin a vuan nghet telh telh bawk si..






Chutih lai chuan a thiante pawh chu an rawn thleng chawp chilh nghal mai bawk,panga lai an nih avang chuan la hlau a,ka tah a chhuak takzet. Ka phone-lah ka bag-ah ka lo khung daih bawk si,ka tah chhuak insum lutuk chu ka lu thlengin a na vek tawh...







"Hmeichhe pakhat lek mipa panga vel in a lo chhaih buai chu a gentlemen-loh thlak hle mai" ti sup tu chu ka en dawr(h)..!!



A awmna a thim deuh avang chuan tunge a nih ka hre mai thei lo,mi pakhat chuan a flashlight on-a a chhun chiah chu ka phu dawr(h).. Uben-a ani..!!




"In kalsawn dawn lo ami?" A ti leh sup.. A palian si,kei chu ni ila ka hlau ngawt ang,mahse anni chu a tam zawk an nih vang nge ni inla ngeng zetin an la ding ve tlat bawk...




An zing a pakhat phun sep ri chu ka hre thei..!!



"Benjamin Lallawmsanga a nih saw,kalsawn ila kan tan a tha zawk ang"



Chu thu an hria chu an vai mai chuan an chiai hmel takzet..




"Rin"



Umapuia aw ani,phur zetin ka hawi chhuak a,urema nen uben-a lam pan chuan an rawn kal mek chu niin,piah deuh ah chuan an bike-ding khup chu ka hmu ve chiah..


Engtin nge a ri ka hriat miah loh theih..!!







Rawlthar panga te pawh chuan an hlauh hmel takzet..An palian hlawm bawk ah,an meng rum ul bawk nen hlauh loh chi an nilo reng ani.




"Umapui" ti tuau in an awmna lam pan chuan ka tlan phei nghal a,umapuia chuan min lo nuih suk..




"Rin,I tha em?"



A zawhna avang chuan ka rilru no chhuak in ka mittui a luang nghal zung zung.. Umapuia chu ka kuah rawk rawk hi a ni tawp mai..





"Ih..Ka hlau lutuk a,in lokal avangin ka lawm lutuk aw" in hnit hlawp hlawp chuan ka ti a,ka sam a lo chûl pah chuan "tah sawn kan awm reng tawh zawk mawle,hei,benjamin-hian puih I ngaih a rin thu a sawi a" a tih chuan uben-a lam chu ka en a,min lo melh ve run bawk..




Chutah umapuia awm hrang deuhin uben-a bulah chuan min nawr phei a,ani erawh chu rawlthar panga te lam pan chuan a phei daih..



"Ka nau hetia in lo tih avang hian police-kutah pawh ka dah thei cheu mahse tun tum chu ka ngaidam phawt ang cheu. Tu hmeichhia mah hetiang hian In ti tawh tur a nilo bawk.." a ti hrawk..



Rawlthar te hlauthawng lutuk chu hmanhmawh zetin an tlan darh nghal vek..





Kei erawh chu ka bul a ding pa avang chuan ka lo zam ve em em ringawt. A rim pa zet chu duhthawh zet hian ka hîp kawk a,a mi uapna na zet avang chuan ka khur ti tih..


"Rin,tikhan nangmah in i haw ngam tawh ang em?"

Kan bul a lo thlen chuan umapuia chuan a ti sup,ka lo ner nang thung..



"Amah a a haw a tullo,keiman ka thlah kawi mai ang"



Uben-a ani.. A aw chu thum dup,tawngkam bungrua a ngah lo takzet tih a hriat mai..!!



"Ok,an in kawt ah ngei drop-ang che"



Umapuia chuan a tih tak ah chuan thuaqih zetin uben-a chu ka zui ve dat dat. An bike-awmna kan thlen chuan Umapuia leh urema chu mangtha zauhin kan tlan liam nghal a..






Kan in pawh kan thleng har lem lo..
Kan in kawt ah chuan a bike-chu tiding dawt in ka zuang thla nghal tharh..A nui suk thawm chu ka hre thei...




"Ka lawm e aw,min thlah avangin..
Muttui"

Lai zet a tih pah chuan kawngkhar lam pan chuan ka pen dat dat..



"Zanah mahni in chhuak tawh ngai suh ang che,cl-xii lai i zir tawh,puitling deuhin awm ve rawh"



Ka pen a tawp chawt.. A lam pan chuan ka in her a,min lo en ve kur.. Lu buk zauh pah chuan ka nuih sen sen..



Ani pawh tlan chhuak ve nghalin keipawh in ah ka lut ve nghal vat..



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » February 28th, 2021, 9:41 pm

Chapter-2



"Mate,enteh... Engi khan umapuia a bem a nih chu"

Science maam-in self study-min neih tir a,ka chhiar mial mial laiin-matei'n a rawn ti thut,ka phu zuk thei..



"U mapuia'n engtin nge a chhan?" A chhanna hriat chak zetin ka melh vat,ani lah chuan ka thil hriat chak lutuk a hriat bik avangin intithei zetin min melh a,a nui sak,kei lah ka phur tawh nasa mai..




"Science class-zawh ah ka hrilh ang che"

Henu zet hi chu aw..!!


"Thanchamlian..!! Min hrilh dawn em?" Dawhkan ben pawp pah chuan ka vin nghek..Ka inchhir nghal.. Midang ho chu an lo hawi thap..


"Rini leh Chami kha,hetah lokal teh u"
Science maam-in a tih chuan rum zet a matei melh pah chuan ka kal vat,ani lah chuan min nuih tut tut pahin min rawn zui ve nghal..


"Eng thil nge thleng a?"



"Ih..maam,ka question-hriatthiam loh a hre bik a,min hrilh duh lo alawm"
Chawp leh chilh a dawt ka sawi thei chu keipawh in mak ka inti.. Mahse,maam-hmel a lungawi lohna lo lang reh tial tial leh nuihza(t) hmel a inthlak avang chuan dawt ka sawi chu ka inchhir lo chiang hle..



"Chami,I zirna ah tang viau mah la i thiantha ber tal hi chu hrilh ve la,a khawngaihthlak"

Nuih insum zet a maam-in a tih chuan matei nen chuan kan nui hak hak,kan thusawi tak tak te chu hria se tiang hian a awm teuh lo..!!




Kan thutna a kan let leh a,Rohlua-chuan a mit a lo kan ak,lu thing vak in kan thutna ah chuan ka thu ve vat..



"Sawi teh,ka hre chak teh mai a nia"


Matei chu ka hrilh ru sur sur,ka insum thei lo leh ang tih ka hlau lutuk.!


"Ka hrilh dawn che alawm mawle,lo ngawi la" a rawn ti leh hlak,a thinchhiat dan em em hi,keimah ang mai..


"Ih..Mak ti lutuk suh aw,englo a nia,u mapuia chuan.. a... a hnawl.."


"Eng a?" Ring vetin ka ti leh vak,min beng nghal pawp..

Science maam-in kan lam a lo hawi nghal zat..

"Maam,hei ka hrilhfiah reng a,a hre thei lo lutuk a" nuih tlawn deuh ti tih in matei chuan a ti a,maam-nuih a za ngang mai,a ri meuhin a nui chhuak hak hak..!!



"Ngaithla chiang rawh,u mapuia chuan a hnawl lo,mawl lutuk mai,ka sawi zawh hun nghak ta che" matei chuan a ti char(h) char(h)..!!


"A ni maw?"
Matei chu ka en ha a,a lu a lo bu nghat. Ka phur lutuk takzet,val senior-an bialnu a nei ve ta..


"Haw pahin chocolate-lei ang aw,ka pe dawn chiang lutuk" uar zet a ka tih chuan matei pawh a nui ve ver ver..!!



Ngaihzawng neih te hi chu thil mak leh ropui lua nilo mahse u mapuia chungchang bik ah hi chuan a ropui thlawt, a ngaihzawng neih kan hriat tawp ber chu kum thum liam ta ami daih kha a ni tawh tlat..!!


School gate-kan pel chiah chu phur zetin kan school-bul a dawr ah chuan kan tlan lut nghal. Diary milk- lian ve zet,250 man ang chi chu matei nen pakhat ve ve kan lei a,hmanhmawh zetin an in lam kan pan nghal..






"Lawk,lawk.. Ka hah lutuk,ding lawk teh"


Kan tlan chak lutuk a,matei chu a hah ngang a niang,chawlh a rawt tawp..


"E...taka mate,awmpuipa nen khan eng nge in chanchin?"

Amah melh zauh pah chuan ka ti a,min melh no lo teh e...

"Awmpuipa pawh a ni bawk lo,Chhinga asin" a ti vin vak..!!
"Ok... Ka tihpalh,bawihi leh rinzuali te vang vek" ka ti sep..


"Kan tha,ti ila,kan la ni chiah lo,mahse min duh ve tih ka hria,min bem har tawh lutuk a ka ngaih a tha lo;ka chân ai chuan keiman ka bem pawp ang" teh duah a,henu zet hi chu aw..





"Aw.. I bem dawn nia,kal phawt teh ang"

Matei chu ka kai dawr dawr..

An in kan lut chu ka beisei loh deuhin urema leh ubena an lo thu ve reng,ubena bulah chuan hmeichhe chhe lo zet,no chêk mai hi a lo thu ve a,duh ai chuan thawmhnaw a ha sexy-mah mah bawk..

Kan lut thut chu an ni pawh in min beisei vak lo a niang,mak an tih hmel reng,ubena chuan min lo en run..!! Ka hmai a sa nghal pup pup..


U mapuia tih loh mipa ah chuan urema nen sawn ka tap lai hmu hmasa ber tu an ni a,an sawi chhuah ka hlau takzet..!!



"Uben,khawnge u mapuia?" Matei chuan a ti zâng vah..


"Room-ah"

Teh hmuk chuan a,a zawttu chu ni ila ka kuk pawp duh ang..


"Mate,lokal rawh,han chho ve mai ang"


Matei'n a tih chuan phur zetin ka lu ka bu zauh..


"A ngai lo,a lo chhuk ve mai ang" Ubena aw ani..!! A rik dan lah chu a chang tha tawlh tawlh hle bawk..




"A... ni tho mai,ka inthlak peih rih lo,lokal rawh tah thu ang" tih leh min kaih a rual a,ubena te ep chiah ah min thut pui ve nghal vat..!!



Sawi tur mai ka hriat loh avangin ka ngawi rauh rauh a,ka kun tlat bawk. Matei chu mi nel hma tih takah urema nen phei chuan an in kuk pawp pawp lo chauh tawh.. An thusawi chu ka lo nuih liam pui mai mai.

"Benja.."


Hmeichhe aw no zetin benjamin-a koh chuan ka lo ner sak..Hmeichhe tawng ka hriat tawh ah chuan a la no ber mai awm e,tum loh zetin chunu hmel en tur chuan ka dak chhuak a,ubena nen chuan kan mit a intawng nghal siah..!!



Ka zam ru em em ringawt,ka awmdan hi ka hrethiam lo takzet..!!



"Benja,ka ril a tam tawh e,e... khi mapuia pawh a lo chhuk alawm" aw no zeti tawng chu ngaithla in step-lam ka lo en vat..



U mapuia chu chhelo fahran hian a rawn chhuk a,ka ngaihbel nge ni a che vel reng reng hi a zangkhai vah mai.. Bialnu neih tak vang mai a ti rilru neuh neuh chungin matei chu ka mitmei a,kan pan phei nghal vat..















"U mapui,kha I bialnu neih present" tih leh chocolate-pek chu ka rual a,a nuih za bawk si,zak bawk si,nuam ti bawk si hmel landan inthlak zut zut reng chu ka nuih vak vak.. Matei pawhin a pe ve a,a meng kawk..



A naute pahnih nghal zia a hriat belh thu a sawi sap..



"Hei chu almond-a tel a nih hi,kha ben,ei rawh,i tui tih deuh almond-kha tah hian awm ve"

Naupangchhia zet a a tih chuan ka lo nui hak hak,ka pek zawk lehnghal..


Chocolate-chu ubena a pe zat,ani lah in a ei ve mai bawk.. Mipa in la cool-zet chocolate-ei hi inhmeh lo ka ka ti em ani..






"A tui hi" a ti sup.. Urema pek ve a tum chuan ani lah chuan a lo duh lo deuh bur,tlat zel mai a..




"Tui ang chu,ka naute duat min pek alawm" u mapuia chuan a lo ti nghal vat. Ubena erawh chuan min melh run,ker kur hian a,min melh apiang hian ka zam em em mai lehnghal..




"Naaaa.. Naute ka nih tawh loh hi"

Melh zawk pah chuan ka ti a,an nui hawk hawk hlawm..



"Tak a u mapui,i perfeum-ami le rimtui deuh hi le,a pa hrak a,zûn a nei tawp" uar zet a ka tih chuan an vai mai chuan an nui tawp,uben-a pawh a nui ve suk..



"Nilo ang,rim pa hrak leh zûn nei chu benjamin-hian a in kap thin" rim pa hrak leh zûn nei tih a sawi tel kher chu ka haw ngei mai..


"Uben,ka lo hnim chhin che" awih loh hmel lutuk in min en tawp,kei lah ka thutak zi..


"Uben a..." urema chuan a lo ti vak..


"Aw,tinge?"



"A..nakinah i la hre chhawm ve mai ang" U mapuia nen a nuih hawk hawk pah chuan an ti a,kei leh matei erawh kan in en tawp,awmzia ka hre thlawt lo..



Uben-a bulah chuan phei rawk rawk in ka va hnim hmiah.. Min lo dang em lo mahse a nuih a zat hmel takzet..



"A nih chiah hi"ka ti rilru a,ka ngaihtuahna hria ni awm fahran in nui sukin min lo melh ve zauh bawk..


"Hugo boss" a ti sup..


"Maw?"


"Hugo boss-ami a nia,i duh ve ami?" A ti leh kher.. A rim a pa tih ka sawi ka sawi a,hmeichhe hman chi va ni suh..




"Mate,a rim kha hnim zawh vek i tum ami? Lokal rawh,min inthlak pui la,ka thlah ang che" matei chuan a rawn ti sawk sawk.. Inthlahrung zetin ka thutna ah ka let leh nghal..


Ka thil hmuh avang chuan ka ngaihtuahna ata ka harh chiang lutuk..



Lal inla no zeti chuan min keh bawrh bawrh chak hmel zetin nui sawng in min melh a nih chu...!! Ka rap lutuk chu tih ngaihna awm lo zawk..



Matei chu a i thlak sawk sawk a,kan chhuak ve nghal..

Kawngkhar atang a kan chhuak tur chu ka hawi leh zauh,ka tek sawk nimaiin ka hria..

Ubena chuan ngun zet hian min lo en reng chu niin.. Ka khur ru thei hial mawle,a melh nat zia leh a hmelthat zia chu..!!





In ka thlen rualin ka insil nghal sawk sawk,matei a let leh tawh. Homework-kan ngah deuh hlek avangin ka ti zung zung...



Uropuia a lo haw chuan a room-ah ka zui lut nghal..


"U.."

"Aw mate"


"Ih..Hugo boss-atang perfeum-chah ta ila,a lo thleng har ang em"

A khum a mut ar ar pah chuan ka ti a..


"Har ve deuh maithei,helam ah agent-an awm pawn ka hre lo"
A ti sup..


Ka ngawih vang vang avang chuan ka lam lo hawiin a mit ko a kan ak..


"Ah..engmah a nilo,ka room-ah ka phei aw"

Tih leh chhuah san ka rual,min en vung vung tih pawh ka hre reng..



Zanriah pawh ei duh lovin homework-ka ti tlang,mahse ka rilru ah a lut hlawl lo,eng in nge min mawlh ka hre lo,tum loh deuhin uben-a leh a rim pa hrak ringawt kha ka ngaihtuahna ah a lang zel..










BENJAMIN LALLAWMSANGA'S P.O.V






Mapuia nui ri hawk avang chuan ka dak chhuak ve nghal...
A enna lam ka va melh ve zauh,Chami leh a thiannu,Rini step-a an tlan chho mek chu ka hmu(h) zawm zat..!!


Rema chuan Mapuia chu melh zauh in"Eng nge?" A ti hluk.. Vawiin hi tinge maw a mood-a chhiat viau le..



"Matei te thiandun nghal zia hi In hria em? Nang I la hria em?" Tih pahin min melh zauh..



"Eng?" Ka ti hu..


"Thil hre rei lo thei lutuk mai,kha matei kum 6 mi a nih lai a hepa damlo kan kan tur min lo zui tlat kha,an pahnih khan" a ti chiah chu ka hrechiang lutuk a,ka nui deuh hak..





Kum 11 vel liam ta khan Chami te thian dun hian Rema damlo kan kan tur kha min ngen tlat a,Rini phei chuan ka puak a la ngen zui..


Mizoram a ka lo haw vawikhat na a nih avangin mapuia leh rema chauh hi ka hria a,ka kawm ngeih nghal em em ringawt,hemi ni hian rema khua a sik avangin a len tum kan ni bawk,anni pahnih hian min rawn zui lui ngat..!! An mut a chhuak hma si,Mapuia'n Chami a pua a,keiin Rini.. Thil hlui ka hriat chhuah avang chuan ka nui suk..!!


An naupan lai khan Rini hi cute-ka ti a,hmeltha ka tih em avangin a infiam lai te hi ka thlir leh veng veng zel...



A thang tha reuh mai mai lehnghal..



University-mizoram ah ka kal tawh dawn avangin Mapuia leh Rema te nen kan buaipui a,engi'n mapuia a lo duh leh zel bawk nen kan ni nek nek a,mapuia te nen pawh kan in pawh in kan inkawm nasa zual hle..






"Benja,lunch-ei turin chhuak ila"

Rema nen Mapuia te in a kan leng chu Cindy-chuan min rawn zui ve a,henu hi Mizoram ka haw hmasak ber atang a min hêl chat tawh...




Chutih lai chuan Chami te thian dun an lo lut thut,an hmel ah chuan mak tihna a lang..


An rawn luh tirh atangin ka lo melh ru reng,a hah vang nge ni a thaw leh deuh hak thin,a biang a sen têk a,an school form-a inhmeh zêk.. Class-xii a zo ve tep tawh..




Chami'n Mapuia awmna min zawh chuan bul hmuk in ka chhang,ngai ah ka nei tawh a,Rini erawh chuan min ei loh hmel takzet,kei erawh chuan ka lo nuih deuh suk..

Chho(h) a rawt chuan a lo chhuk vat dawn thu hrilh in ka lo dang ringawt,a hmel hmuh ka kham lo ani..


Kan opposite-chiah sofa-ah thu in a kun ngul..

Cindy-in a ril tam thu a sawi chuan a lo dak chhuak ha..


Mapuia lo chhuk hnuah perfeum-rim avang ringawt in min rawn hnim ta mai,keimah ang lo takin ka zam ru takzet..!!





A kut nem thapin ka kut a hruk thuak a,keimah a a thawh dan a dang lutuk tih a hre hauh silo..!!





"Mam,naktuk tuk leh Rini birthday-a nia,eng nge ka pek ang? "


Engi'n ka room-lo luh pah a a tih chuan ka lo ner sak,engtin nge keiin ka hriat tehlul ang..


"I pek ve kher a ngai ami?" Ka ti sup..



"Aw... ka bialpa naute duat a nih saw,mark-tih that te ka duh ve alawm" a tih chuan ka nui hawk hawk. A nau tak tak pawh ni hlei lo lak a mark score-a tum em em chuan ka nuih a tiza takzet..!!





"Hugo Boss"


Ka ti sup..!!



"Maw?" A lo ti ha a,ka rilru ka sawi chhuak a ni ngei ang..




"Engmah a nilo,Chami zawt la"ka tih chuan hriatchhuah nei ang maiin a au that..


"Awi..engtin nge ka hriatchhuah loh theih? Mam,khawvel unaupa ah i tha ber" tih pah in ka biang a rawn nul zauh..!!


Rang em em a a tlan chhuak chu ka nuih hawk hawk..







University-chu ka rin aiin a nuam,mahse a boruak ni deuh nghulh chu ka ning lek lek..

Cindy-in khawi lai ah pawh min zui reng a,kan in ngaizawng ang a sawi tawk lah bo lo..!!


Kei erawh ka ngawi tlat thung,engmah ka sawi loh avang chuan Cindy-pawh chuan nuam a ti thei ngang maj,tu hmeichhia mahin min hnaih ngam loh tur khawpin min hauh bur..!!




"Ben,min rawn sawm phei mai ta che,ka bike-a chhia"

Shower-ka nei zo phone-ka check-a,Mapuia message-ka hmuh rual chuan ka insiam nghal mawlh mawlh..






Cotton jeans-dum leh jumper-dum ha in vans-ka bun leh tawp,inchei teh chiam ka peih thin lo..



Rei lote ah an in ka thleng phei nghal,an inchhung ah la lut a,ka mi hmuh avang chuan ka ding dat..



Rini chuan kawrfual a khup chen ban sin te ,a eng rawng hain a chhung ah t-shirt-var a ha a,bag-lian vak lo ak in a sam a phiar a,keimah ah tho in vans-a bun ve,a lang duhawm zual takzet..!!






"Mrs. Hugo,eng nge In tih dawn a?" Ka tawng a hriat thut vang nge ni a phu deuh zawk..



"Mrs. Hugo-ka ni love" a rawn ti vak.. Ka nui suk..



"Anih rinawm?" Ka ti leh ngat..



"Ka birthday-lawmna tur thil vel kan buaipui dawn a,matei nen kan bazaar-dawn. E..!! Lokal ve ngei ngei rawh aw"




A ti deuh duah,a va han tawngthei em em tak..!!



"Ka lo tum ang" ka thusawi chu a awih lo tih hriat zetin min melh leh ha...


"Ka lokal ang" ka ti tha leh ngat,chutah nuih ver ver pahin a lu a bu nghat..



Chami pawh step-ah chuan a rawn tlan thla dat dat,Rini inchei ang chiah in a rawn inchei ve..



"A nih,Uben,kan kal ang aw"a tih chuan ka ner suk..!!

"Min u tawh suh,ka duh lo,ka upat hmel em mai"ka tih chuan mak a tih hmel takzet..!!



"Benja" Chami'n a tih chuan ka melh nghek..


"Nang ka tilo che aw,Thanchamlian" ka ti hmuk,a hmel a pe chhe ngang mai..

"A nih ube..ah... Benjamin-kan kal ang aw,Umapuia pawh a hman tep tawh ang,ngaihzawng a neih a chin hi a inchei rei zual a" Rini chuan a ti sup..!!



Mapuia rawn chhuk chuan a hriat hman leh chiah avangin an ri leh nghal lawng lawng..



"Eng maw I sawi kha,Rinawm?" Lungawi loh hmel zet a Mapuia'n a tih chuan ka lo nui hawk hawk..



"Engmah"
Tih pahin Chami nen chuan an tlan chhuak nghal..


Naupangchhia hian..!!



Keini pawh university-lam panin kan chhuak ve nghal zat..










LAlRINAWMI P.O.V







Chawhma chhung kan vak a,a chauh thlak takzet..!!

Kan in kan thlen chuan matei chuan cake-min siam sak nghal,ama siam ngei a duh avang a haw hma kan ni reng bawk..!!

Bawihi leh rinzuali te ka call-a,balloon-min ham pui turin ka sawm a,an rawn thlen vat tur thu an sawi bawk..!!


"Mate,utpi kan sawm mai dawn mi?" Matei'n cake-siam a tum chuan ka va ti dek dek..!!




Utpi chu online-atang a kan hmelhriat a ni a,a hmeltha reuh zêk,cake-a siam mawi thiamin a tui thei takzet..!!




"Aih,ka duh lo,ka siam thiam alawm" a tih tlat avangin kan sawm leh lo..



Ka lo khawih pui apiang in kan tihsual avangin matei thin chuan a tuar lehpek lo a niang chu..


"Lalrinawm,lo va thu mai teh" ti thlawt..!!


Sitting room-lam ah chuan balloon-tar tur vel ka buaipui a,anu leh ap te pawn an lo haw hma tur thu min hrilh diam,lo haw mahse room-ah an inkhung leh dawn tho avangin an lo haw hma in awmzia a nei lem lo,heihi an kum tin tihdan ani,ka thiante nen a hun kan hman theih nan an lo i khung daih zel..!! Uropuia lah nimin zingah Bangalore-ah thil pawimawh em em tih tur a neih avangin a zin thut a,a inthiam loh thu leh thil tha tak min lo hawn tur thu sawiin zingah min lo call-diam tawh bawk..





Bawihi leh rinzuali te an lo thlen hnu chuan thil tar tur vel kan tar tan a,matei pawn cake-a siam zo diam tawh bawk..



A tlai ve telh telh a,keini pali chuan zanriah pawh kan ei lo tawp,ka room-ah kan thawmhnaw thlak turin kan chho dial a,jumper-dum hain smart pants type-ka ha a,vans-ka bun tawp,chutiang chiah chuan matei pawh a inthuam ve bawk a..




Rinzuali te erawh chuan jumper-ai ah t-shirt-an ha tawp a,kan kekawr hak type-erawh a in ang reng,vans-an bun ve bawk..


Kan Insiam zawh hnu chuan inhnuai lamah kan chhuk thla a,ka classmates-te an lo thleng khawm tawh a,kan in pawh a bengchheng takzet..



Theitui leh ei tur neuh neuh kan chhawp sa vek avangin a duh duh in an ban mai,umami pawh awm ve rih turin ka ti a,mahse min hnial lui tlat a,ka tilui ta bik lo..

Mahse eitur ka hawn tir teuh..







Benjamin-khan a lokal tur thu a sawi avangin kawngkhar lam ka melh chhen,mahse a lo lang thei bawk silo..!!




Chhinga pawh ka sawm ve a,matei nen an inkawm char char a,matei pawh a nui leh ver ver zel..Hmuh a nuam takzet..!!




Cake-zai hma hretin Umapuia leh engi bakah urema te an lo thleng a,gift-min lo ken theuh,ka lawm takzet bawk..!!

Benjamin-erawh a lolang ve ta chuang lo..



Engi hmelthat zia chu,a nui ver ver bawk nen,tha tak ani tawp mai..





Ka birthday-lawmna a zo a,matei pawh chhingan a thlah a,bawihi leh rinzuali paqh an haw nghal..



Ka present-dawn ho chu ka hawng a,matei min pek ka hawn chuan ka phu deuh zawk..


T-shirt-dum a ni a,a hmaah heroft-mawi em em a a nui lai a lo chuang kalh bawk..!! Heroft merch-ti ila a dik ber,ka lawm dan chu pui tak ani..!!


Ka han ha chhin vel a,ka inhmeh si,ka lam vak vak..!!



Umapuia min pek ka en ve leh a,jumper-eng,tak tha zet mai hi a nia,mawza eng,tak tha zet te,chocolate-te,pawisa nen a lo dah teuh a,ka au vak tep,nuam tak ani..!!



Chutih lai chuan ka phone-a ri thut,ka phu zuk thei..!!



Unknown number-a ni a,pick up-ka tum lo zet a chu ka pick up-hram..!!


"Hello"

"Mrs. Hugo" ka phu zuk thei..!! Benjamin-ani chiang lutuk,ani bak in tikhan min ko ngai lo..!!


"Mmmm" a ti leh tawp..





"Pawn ah lo chhuak lawk teh" tih leh hang up-a rual nghal,phone-chu ka melh hrep..!!



Tun ang khaw vawt ah ka chhuak chak lo takzet,mahse a lo din reng chuan a vawt sia.. Ka thil ngaihtuah avang chuan hmanhmawh zetin inhnuai lam ah ka tlan thla nghal..!!



Kawngkhar ka pel chiah ka hawi kual nghal,tumah ka hmu silo,min fiam mai mai a nih ringin luh ka tum a,mahse min ko tu an awm avang chuan ka ding dat..





"Happy birthday"



Ka hawi let leh a,kan garage-ah chuan benjamin-chuan a bike-nghengin min lo en reng a nih chu.. Ka zam takzet..!!

.


Min lo pan phei a,ka thawk te hi a tawp mai dawnin ka hria,ka khur dar dar. Khua chu vawt viau e tilo chuan kei erawh chu ka sa pup pup mai. Hepa boruak ken tel keimah a lang chhuak ka ti mai..!!





Ka hma ah tak a rawn ding vut..




"I lokal tur thu I sawi sia" ka ti sap..



"Ka lokal alawm,mahse ka lo luh ve kha chuan ka thil pek tur che hi keimah ngeiin ka pe thei dawn silo che a,tihian ka lo nghak tawp che"


A thusawi chu mak ka tih mai bakah a naupang chhiat thlak ka ti,amah kher in min pek a chak tlat te..!!



A jumper-hak lian zet ipte atang chuan thi sin zet hi a rawn phawrh a,ka hmai zawn ah tak a rawn khai..




Ka hnung lamah kalin amah ngeiin min awrh tir a,a kut in ka nghawng a deh chuan ka phu zuk thei,a hit lutuk..!!




"Silver-a nia,I ngaina an tia" a ti sup..

Ka ngaina takzet,he thi phei hi chu ka ngina zual..




"Ka lawm e aw"



"Lawk,a la zo lo" tih leh a bike-lam pan a rual.. Thil eng emaw hi paper bag-ah khaiin a rawn phei leh..




"Kha" a ti a,tim deuh dûiin ka ban a,ka en chuan ka nui hak..!!


Hugo Boss-ami perfeum-min pe a nih chu..!! Ama hman ang chiah chiah kha..










"I awt sia,ka hman lai ka pe mai che,chah dawn chuan a lo thleng har dawn lutuk a" a tih chuan ka lawm lutuk chu kuah rawk rawk mai ka duh..!!





"Ka lawm lutuk aw" ka ti leh sep,a bu nghut..





Sawi tur dang ka hriat tawh miau loh avangin ka ngawi rauh rauh...!!




"Ih..i kut kha,a hit lutuk a,tilum tur tal pawn haw tawh mai la"

Minute 10 vel zet engmah sawi lova lan din hnu chuan ka ti tawp,min en in a nui leh suk zel sia,ka zam em ani..





"Tihian a nimai,a lum har lovang" tih leh ka kut rawn vawn a rual nghal zat..




______________










KA TLAI DEUH A,TIHPALH LUTUK..


KA KUT KHAM ZIA HI😂

CHUAN,ADS CLICK-KHA THEIHNGHILH LO ULA AW❤

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » February 28th, 2021, 9:41 pm

CHAPTER-3




Ka khur nasa lutuk chu ani pawn a hriat ka ring hial..!!


"Kei aiin vawt I tih hmel fe a nih kha"

Kha.. A hre tak tak,vawt ka tih vang ni lovin ka kut a hum bet(h) tlat vang hi a ni reng sia.


"Ngawi mai teh,vawt pawh ka tilo,haw tawh rawh,chuan,present-avang hian ka lawm lutuk" tih pah chuan ka kut chu lak sawn ka tum a,mahse a hum nghet lutuk,ka thei thlawt lo..



"A mak e,ka kut hi thlah la" thawm siam rin hlau zet si chuan ka ti vin that..



"Rim in ang te kan nam tawh vel ang a"
A thusawi avang chuan ka nui hak..!! A harhfim lo zawk emaw nile..!! Kan thusawi a inmil thlawt lo chu thuhran a tawngkam a naupang chhia takzet..





"Uhh.. Haw tawh la,ka mut a chhuak tawh e" ka ti sep..!!



A tawp nan ti ang hrim in ka kut chu nghet zetin a hum leh a,a hmer vawng vawng bawk.. Rei lote hnuah a thlah nghal vat,hmanhmawh zetin ka in her a. Mahse,a thusawi avang chuan ka ding dat..


"Maw?" Hawi let pah chuan ka ti ha..




"I naupan lai khan ka puak thu che ka sawi a nih chu" a ti hluk. Ka awih lo ve e..



"Dawt" ka ti ve hmak.


"I duh chuan Mapuia i zawt thei ang chuan.." tih leh min pan hnaih a rual a,kei ka tawlh hnung vat..



"Ka seh dawn lo che" tih pahin min pawt hnaih leh sauh..



"I mut hunah min ngaihtuah reng ang che aw" tih sup pah chuan min kuah a.


"Chuan hei pawh hi" tih pah chuan ka chal ah a rawn fawp leh zauh,a hmui thleng in a hit vek..!!



Ka hamhaih lutuk chu ka ding reng,ani erawh chu a nui suk..



"Min ngai viau mah la,I mut a chhuak tawh sia,kal tawh rawh le" a tih chuan ka harhchhuak zuk.


"Ma..mangtha,muttui" tih pahin inchhungah chuan ka tlan lut nghal..




Ka room-ah ka lut a,present-ho chu ka hawng leh dan dan,mahse eng eng te nge an nih pawh ka hre lo,ka en liam vel mai mai niin ka hria,ka nghawng a thi chu ka khawih leh zuk thin,a tak chu a ni ngei sia,a nih chuan min kuah leh ka kut a a kaih te,ka chal a a fawh te pawh kha a dik vek tihna,ka biang sa pup pup chu tih reh tumin ka hmai ka phih tawp.. Present-ho chu dah tha in ka mu nghal hmak..



Whatsaap-ah ka lut a,matei message 20+ a lo awm leh tawh,eng tak sawi ang maw ti rilru chungin ka open-a,Chhinga nen a an chanchin a ni deuh ber mai.

Aman a bem ngai lovin Chhingan a bem thu te,an nih nghal thu te,aa.. A tam lutuk,ka lawmpui thu ka thawn a,phone-ka off-nghal hmak..



Ka muhil dawn siar siar tih ah message tone-a rik avangin ka meng leh zawk,matei a nih ka ring.. Mahse,private number-atang a ni daih..



"Ka thleng chiah aw,min lo ngaihtuah reng ang che,muttui"


Benjamin-a nih ka ring ve tawp,nichin a min lo call-na kha ka save-lo tih ka hrechhuak chiah..



"Muttui" tih thawn let in a number-ka save nghal,muthilh ka tum leh chuan ka thei thlawt lo,ka mitthla ah benjamin-hlir a lang a,ka naupan lai a sawi kha hrechhuak thutin umapuia ka call-nghal zat...






"Mmm..mate"
Call-a pick up-rual chuan mutchhuak aw zetin a rawn ti thum dut..


"Ih maw,umapui,ka naupan laiin benja..oh..uben-an min pua ami?" Ka tih chuan a nui hawk hawk..



"Chumi mai mai min zawt tur chuan maw min lo call-a?" Tlat zel mai a,ka hriat chak tawh tehlul nen..


"Aw... U..sawi vat teh" ka tih chuan a nui leh hawk hawk..



"Aw..pua e,rema khua a sik a,kan tur a kal kan tum kha Matei nen min ngen tlat a,in lokal ve a,rema te inah khan in muhil leh sia benjamin-an a pua che a,keiin matei" ka hrechhuak nghal uar uar thei.. Khapa kha benjamin-hi maw??




"Aw...u ka hrechhuak... naaa...Kha kha benj..oh..uben-a hi maw?" Ka ti vak..



"Aw,ni e.." ka ti thum dup..



"Huihamm...!! Aw,u ka lawm e aw,muttui"


"Aw..mate,muttui le"




Call-a hang up-hnu chuan ka ngaihtuah leh neuh neuh.. Khapa kha benjamin-hi a nih chuan,ka tetlai zawng khan ka ngaina em em kha a nia..



A mak hle mai..!!



Thil ka ngaihtuah neuh neuh laiin ka lo muhil daih..







Ni zungin ka hmai a rawn chhun a,loh theih loh in ka harh nghal zawk,rang zet a tho in morning routine-ka tih nghal char char..




School-kal ka nin tawh zia hi,a chang leh ka chhungte bulah class-xii ka pass-hnuah school-ka bang mai ang ka ti thin a,min nuih vak zel,ka thutak ve tehlul nen..!!





"Ka chhungte u,ka kal a nia aw" scooty-chu khalh chhuakin matei sawm tur chuan ka tlan chhuak nghal,exam-a hnai tawh bawk a,class-kal loh chi a ni bawk silo..

_____________________



A tawi lutuk a ka inthlahrung takzet..!!

Vawiin chu ka buai nileng a,tun pawh hun thawl ka neih laiin ka rawn dah zawk,min hrethiam dawn nia😔


Naktukah a theih chuan sei mang kheng ka rawn dah ang😊


Ads click-kha aw❤

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » February 28th, 2021, 9:41 pm

CHAPTER-4


"Mrs. Hugo,eng nge In tih a?"



Matei,bawihi leh rinzuali te nen kan tutor-te in atangin kan haw chiah,tutor-pakhat bulah tution-kan lak ho vek avangin a nuam phian..



Engtin nge benjamin-hi a lo lan teh hlawl zel ni..


"Tution-kan la a,kan haw chiah"

Ka ti hmak,ka thiante pahnih bawihi leh rinzuali lah chuan an la thlir dauh dauh lehnghal,casual-tak a a inthuam pawh hian a chhelo em em zel rêng ani..!!


Cargo-bul ha in t-shirt-dum a ha tawp a,crocs-a bun leh tawp,mahse a lang pa em em tho,a rim pawh a danglam chuang lo,hugo boss..



"Eng nge I tih ve a?" Ka ti a,min chhan tum a a an zuau lai chuan hmeichhe pakhat hian a rawn au a,ka phu zuk..



"Babe" aw lo chhuahna lam chu ka en a,oh..!! Lal inla no zet-i ni reng in,matei'n min hrilh danin cindy-a ni a,benjamin-hi mizoram-atang a a lo haw hmasak ber atang a umzui char char thu a sawi..


"Ka vel chak a nia,inla no hlei hluai si" matei'n a tih chuan ka nuih vak vak a nih kha,tunah chuan keipawn ka chak zek zek..




"Ubenjamin,saw I bialnu" matei'n a tih chuan bawihi leh rinzuali pawh chu an hawi ve vat..


Benjamin-erawh a ner sak..


Bialnu tih thumal chuan ka awm chhung chu a tina deuh zawk,a chhan erawh ka hre chuang lo.


"Babes,kan lo va kal phawt mai ang e aw" tih pahin bawihi chuan matei nen min kuah zauh..

Rinzuali nen an kal chiah tihah Cindy-pawh a rawn thleng nghal zat.




"Kan kal mai dawn mi,mate" matei melh zauh pah chuan ka ti a,a lu a lo bu nghat..




"Benja" a koh dan ang chiah a benjamin-ka koh avang a lawm lo tih hriat zetin Cindy-chuan min lo melh a,mahse ka en duh miah lo thung.



"Kan kal mai dawn oh...Cindy-nang pawh,I awm ve tih ka theihnghilh daih a" ngeiawm zet a ka tih chuan min melh no lo teh e. A chhan ka hriatthiam hauh siloh in henu hi ka mil hlawl lo.





"Ok; zanah ka lo call-ang che" a ti a,ka meng kawk. Engvang in maw ti a au khum nghek ka duh a,mahse Cindy-hmel a min huatna lang chhuak avang chuan engtin mah a chhang duh lo chuan ka nuih ver ver..



"Awle"


Matei chu ka kai a,a tlai ve deuh tawh bawk nen kan kal chak angreng viau..






"Khaa... Khanu ka huat zia kha,keh bawrh bawrh a nia ka chak ni,kawnglai ah tak hian a nia hnuh hrep ka chak ni" matei'n uar zet a a tih chuan a ngaihna hre lo zetin ka melh tawp. Tinge maw tiang em em a a huat le..!!



"Mate,tinge I huat em em a?" Ka tih chuan rum deuh el ul hian min melh a,min huat vang a nilo tih ka hriat vangin ka awm a nuam mai mai..


"Kha nu tenawm zia kha I hre ve lo ami? " a ti zauh..


"Hmanni kha ka vawikhat hmuhna chauh alawm,in in ah khan" ka tih chuan a ner nang..







"Ruatsanga bialnu hlui a nia,bawihi tih el khum thin tu nu kha" a tih chuan a sa zak..!!



Hmeichhe nasa lutuk,fake-si,Ruatsanga a kawp char char a,bawihi'n a duh tih a hriat vel leh khan a hmuh lai kher te hian a kuah a,a biang ah te a fawp thul..


A hma kha chuan bawihi pawh a rilru a na thei hle..Cindy-in min laksak a ti thin a,mahse vawikhat kha chu a rilru tih danglam in a awm thut a..




"Cindy-in min laksak ka ti thin a tiraw,mahse a lo nilo. Ka ta a ni ngai reng reng lo zawk alawm.. Mahse move on-san ka thei lo,ka tan a harsa lutuk" tiin tap meuhin min hrilh a nih kha..!!







"Awi a ni maw? Cindy-hi maw lo ni a? Tunah lem Benjamin-a hêl leh char char a"



Ka aw a lungawi lohna ri chhuak te chu ka haw hlur mai,eng nge Benjamin-a hêl avang chuan ka lo thinrim viau.







"Aa... Mate,kal phawt mai teh ang" tiin mahni in lam ve ve chu kan pan ta a..




Zanriah ei kham ah chuan ka mu hmak,a vawt thei si,rei deuh ka meng peih thlawt lo,exam-dawn pawh ni ila ka peih chuang lo..!!




Ka phone-ri avang chuan ka meng riai riai,phone-chu ban in ka chhang nghal vat.


"Umm"



"Mrs. Hugo"

Min lo be tu aw avang chuan ka phu zuk,screen-pawh en lem lovin ka lo chhang ve tawp kha a ni a...




"Aw.." ka ti bah nawk nawk. Ka hamhaih takzet..!!



"Ka tiharh che ami?" A rawn ti sup...



"Aih,ka harh chiah hrim hrim a" ka tih chuan a nui ri hawk chu ka hre thei...




"A nimaw? Ka van awih lo ve"


"A nia lawm" dawt ka sawi avang pawh a ni ang ka hmai a sa hat hat mai..


"Tution-keiman ka pe tawh ang che"

A thusawi avang chuan ka meng kawk,tution-chû pawh aman maw...??


"Mahse tinge?" Ka tih chuan a nui ri suk.



"I thiannu chimawm zet,Thanchamliani leh midang pahnih,hmuhnawm thlir a min thlir tu te nen khan engmah in zir chhuak lovang" a tih chuan a ri meuh in ka nui chhuak hak hak..!!



Matei'n chimawm tia a sawi kha hre ngat se chuan a haw dawn lutuk tih ka hre sa..!!




"Naktuk atangin in in bul a cafe-tereuhte ah khan tlai dar 4 atang a dar 5 thleng kan zir tan ang" a tih chuan a thutak takzet tih ka hre thei.




"I ti tak tak ami?" Ka tih chuan a thaw ri hawk chu ka hre thei...

"Ka tih tak tak loh tur ka sawi ngai lo,mu tawh rawh le,muttui" tih leh phone hang up-a rual nghal..

Ka phone-chu ka melh tawp,a mak ngawt mai..!!




Class-ban ah matei nen kan haw tlang leh a,tution-hmun dang a ka lak dawn avangin ka lak ah a vui takzet. Ka bul a zir ve a duh thu a sawi lah in ka phal silo,a chhan chu Benjamin-khan a remti ang em ka hre miau lo,matei lah a vui ropui si,mahse a hnu ah chuan a lungawi thei hram,ka lawm zia chu..!!





In ka thlen vel ah ka inbual nghal sawk sawk,lehkha zir tur ve si ka lan mawi loh ka hlau takzet,a chhan ka hre chuang lo,ka chet dan avang chuan ka chau nghulh thei,ka phur lutuk te chu a mak ka ti zawk..!!





"Ka awmdan hi ka hrethiam hlawl lo" ti supin room-atang chuan ka chhuak nghal vat.




Inhnuai ah chuan umami a awm a,anu pawh a lo thleng chiah. Tution-ka la dawn tih leh tlan chhuah ka rual nghal.. Kan in atang a hla lo te ah cafe-a awm a,a kawt ah chuan benjamin-a bike-pawh a lo inhung reng tawh.



"Minute 10 leh second 13-in i tlai" a bul a thutna awl a ka thut rual chuan a lo ti nghal vat. Hepa hian a lo chhiar tak tak tihna ami a??



"Ka tihpalh,ka inbual rei deuh a" inthiam lo zet a ka tih chuan nui sukin bu nghut.


"Le,eng nge in paper-hmasa ber tur?" A tih chuan mak kati takzet,kan exam-dawn tih te a hria mawni le..!!



"Kan exam-dawn tih i hria maw?" Ka ti ha..


"Exam-dawn bak ah lo chuan tution-i kal ngai lo, i naupan tet atangin"



A hrechiang lutuk chu mak ka ti takzet..


"Engtin?"


"Zawhna min zawt reng dawn nge I zir tan tawh dawn?" A ti nghut..



Rang zetin ka lehkhabu ka phawrh a,min zirtir tur lai a hre takzet,zawhna zawh tur ka ngah lutuk chu a nin hlau in ka en leh zawk thin. Mahse ning hmel a pu lova,phur hmel a pu chuang lo bawk..







"Rim in ang kan nam tawh dawn emaw ka tia" ti zauh pahin min rawn hnim. Ka phu zuk,kan bul vel ami te chuan an en duh takzet tawh kan thut tirh atang khan,tumah leh lek phei chuan an zavai tak meuh meuh in min en. Ka zam takzet..!!




"Hey,kal teh. Eng thil nge I tih hi?" Tih pah chuan nam sawn ka tum a,mahse ka thei lo,a chak lutuk bakah a nghet mah mah.


"Mawhhh,a mak e" ka tih chuan ka hmai zawnah tak a rawn nui suk,kan hmai a insi lo chauh..!!




"Nang pawn a hma khan min hnim ve tho kha aw"a hnung ah ka beng ri thlawp,an rawn hawi thap,ka zak bawk si chu a awm ah ka hmai ka phum ringawt,a la nui ri hawk zui.




"An hawi sawn vek tawh em?" Ka ti dek dek.. Dik tak chuan ka thaw ngam tawk,chu chu min en tu te vang ni lovin ka hmai ka phum na pa lungphu ri rang zet vang hi ani. Mahse,mak tak maiin ka hahdam takzet zawk..






"Hawi sawn lo,saw an mitmeng atang saw chuan naktuk ah pawh an la hawisawn lovang" a tih chuan ka awm ah bwng thlawp in ka hawi chhuak,mahse ka hmai ka phum leh chiang ngang mai..!! An lo la hawi thup chu niin..



"Ka tih reng kha" tih pah in a nui suk..!!



Darkar chanve dâwn ka hmai ka phum tawh..


"I lo dak chhuak duh tawh ami?" A ti thum dup.



"An lo la hawi em?"
Ka zawhna avang chuan a nui hawk.





"I hmai I phum rual khan an hawi sawn nghal vek"



What..?! Nih chuan tinge ka hmai ka la phum reng a...



Hmanhmawh zet a hawi chhuah ka tum chuan nghet zetin min kuah bet hmiah..



"Khawngaihin rei lote chauh" a ti sup...


Ka thinphu a rang takzet..!!


__________________________



Ka tlai em mai😅 A nuam lo😁


Ads click-kha aw..

Comment-leh like-nen😘

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » February 28th, 2021, 9:41 pm

🥀 Saved by Grace through faith🥀







Chapter-5



"Haw tawh ila,ih.. a tlai tawh sia"
Min kuah bet run tu pa chu ka melh chho dek dek,min lo en run bawk.



Darkar chanve chuang min kuah tawh,mi hmuh ah pawh a mawi lo tih ka hria,mahse ka thlahlel miau a,hetiang em em hian ka thla a la muang ngai lo.. Of course,min duat tu chhungkua ka nei tih ka hria,ka thla pawh a muang mahse an bulah aiin he mipa bulah hian ka thla a muang huai huai si ani.



"Ok,mahse naktuk atang chuan kan rim hi a in an ka beisei tawh a nia"



"A zawh hma ka hlau alawm" ka chhanna avang chuan ka hmui ka hup vat. Dik tak chuan hman chak lo pawh ka nilo,mahse a zawh hma ka hlauh avang a hmang phallo ka ni,amaherawh chu a hnen a sawi hi ka tum dan a ni miah lo,ka hmui hi a insum thei ngang lo zawk ani.



Ka chhanna avang chuan a nui hawk hawk,kei erawh chuan nuih pui tur a awm ka hre miah lo thung.




"Hmang ziah tawh ang che,kha perfeum-kha a zo thei lo" a tih chuan awih lo zetin ka melh vak; zo thei lo a nih loh zia ka hria,naupang ang chiah hian min treat-a,min naute chei thei si,min bawl a la tum zui a..!!



Dar 8pm-a ri tep tawh,cafe-pawh hi khar an la tum lo mawni le! Ka ti rilru neuh neuh..



"I ril a tam em?"



"Tam ve deuh,chuvang chu nia haw ka rawt" ka lo ti vat.



"Dinner-ei chhuak dun mai ang" a tih chuan ka melh vat,ani lah chu a thutak hmel si.


"Mahse.. ka thei ngawt lo.. bakah ka chhungte naaa.. A chi loh" ka ti vak...



"I chhungte chu I call-thei,ni lawmni?" Tih pahin ka phone-a melh zauh. A tha alawm,kan ei dun a nimai ang chu.




Dinner-ka ei chhuah dawn thu a nu ka hrilh a,a remti ve mai.


"Mahse,khawnge kan ei ang?" Ka tih chuan min chhang lovin a bike-ah a chuang nghal der.



Lo chuang rawh tih melh hian min melh a,rang takin ka chuang ve nghal vat.






A khalh chak em avang chuan ka kuah lo thei lo,bakah ka kuah hian a rim pa hrak kha ka hre thei tlat a,a nuam ka ti ani.



Tiang em em hian mipa ka la be nel ngai lo,Rohlua pawh ka hlau a nih kha min star-tih ka hriat tirh khan,bakah benjamin-phei hi chu a upa mah mah,hlau ngawih ngawih zawk tur ka nih laiin ka ngaina tlat pek,a bulah chuan ka him nimai hian ka hre thin,a chang chuan min care-hmel zet hian min en zui leh vawng vawng zel..


Umapuia ka hmuh te hian ka lo zawng tel ve leh ringawt zel,a chhan hre kher lo mah ila ka hmuh loh hi chuan ka awm a nuam lo,Cindy-bulah khan a awm ang em? Tih mai mai te ka ngaihtuah thin. Bawihi star-nei tir ang mai...


Bawihi star-nei tir ang a nih chuan keipawh hian Benjamin-hi ka star-tihna mawni le!






"Chhuk la,nge ka pawm thlak kher I beisei" ti sup ri avang chuan ka ngaihtuahna atang chuan ka harh deuh zawk. Hotel-kawt ah kan lo ding der tawh chu niin,ka ngaihtuahna avang kha engmah ka lo hre lo zawk mai mai ani..





Hotel-chhung chu a nuam takzet,matei te hi nen vawikhat kan kal tawh a,an hotel-neitupa phei chu rinzuali'n chhelo a lo ti leh hmanhmawh tawh a nih kha..




"Ka pu,VIP room-ah tho ami?"
Hotel staff-pakhat chuan Benjamin-chu rawn be sawk sawk in min buaipui nghal vat.




"Umm.."



Benjamin-chuan ka kut kaiin min kal pui nghal. Kan pahnih dinner-ei nan a VIP room-kal a ngaihna ka hre lo.



Reception-ah chuan hotel neitupa kha a lo ding a,rinzuali hrechhuak zawk in ka nui ver ver...





"Khai a.. Benjamin-helamah daih,eng nge ni ta?" A lo ti hluai,an in hriat that hmel takzet,kei erawh chuan mak ka ti hle...




"Nia hei,dinner-kan lo ei dawn" Benjamin-chuan a ti sup.





"Hei chu(h)..!! Mapuia naute duati pakhat zawk kha a nimaw?" Tih pah a min melh zauhin min nuih suk,a van hmeltha reuh tak.




"Maw.. keimah hi maw? Ka tih awmzia chu a.. engtin nge umapuia chu I hriat a?" Mak ti zet a ka tih chuan a nui hawk hawk.



"Mapuia te nen chuan kan inkawm ho char char tawh alawm. Champhai a kan hotel HEROMIO ah sawn a rawn thleng deuh ziah a,chuta tang chuan kan inkawm reng tawh mawle. Ka naute duaite tiin a nau chami nen khan in thlalak min hmuh tawh a,ka lo hauh riau na cheu in Chami khan bialpa a nei tih ka hre leh sia,nang tal chu i rem lo maw?" A rawn ti duah.


Kei erawh chuan mak ti zetin ka en ha a,ani lah chu a nui duh hauh lo lehnghal.



"Ka.. a.. Naaa" ka ti vak chu an insum thei ngang lo a niang,Benjamin-nen chuan an nui ta hawk hawk a,kei erawh ka hrilh hai in ka thin a rim takzet,ka zak bawk si chu Benjamin-min kaihna chu phelh a kalsan vang vang mai ka duh tawh,mahsw a vuan nghet si..




"Lalrinawm,tikhan fiam tawh hlek suh,a zakzum lutuk a nia,tlai ah pawh kan an en thup a chuan..."


"Ngawi mai mai teh aw,Benjamin. Nangmah vang vek a nih kha" a thusawi tur ka hriat avang chuan ka lo pawt chat vat. Rum lutuk a ka melh chuan a nuih a tizual sauh emaw tih mai tur hian a la nui suk zui. Ka ngei dun lutuk chu ka chhiat khum vak ringawt.

Lalrinawma nen phei chuan kan hming a la in ang lehnghal..!


"Kan kal mai ang,rin. Hei,I my name-i ril a tam"

Nuih hawk pah chuan a ti a,kei erawh ka tum bur tawh.


"Ok. My name-tui deuhin in ei dawn nia" a tih chuan ka lu ka bu nghut. Ka la titau tih a hriat vang nge ni a la nui suk suk lehnghal..





Min kai dawt dawr tu chu ka melh reng,engtik lai pawh hian min care-hmel zetin a awm a,ka la hriat ngai miah loh feelings-min neih tir a,amah ka ngaihdan pawh ka hrethiam tawh lo chu a nia.






"Eng nge I duh ang?"
VIP room-a kan luh rual chuan a ti a,kei erawh ka la tûm hmuk,min la nui suk zui.



"I duhzawng a la ngai reng a nih chuan sea food-ka chah dawn nia" a ti leh vat.


Ka duhzawng thelngin a hria mawle! Ka tetlai khan hepa hi ka ngaina viau emaw ni le,ti khawp a min hriatchian mai ni!!




"Engtin nge I..?" Ka sawi zo hman lo,ka bul ah a lo thu chat.



"I duhzawng hriat loh mang ka nei lo,pakhat chauh tih loh chu" a ti sup.



Min thut hnaih lutuk vang nge pawh ka hre lo,ka thin a phu leh dup dup tawh,hepa boruak keimah a lang chhuak bawk kha rawn thawk leh in ka sa leh pup pup tawh..




Kan ei tur chah pawh an rawn keng lut a,Rinawma pui roh pawh lo lut zuaiin tui tak a ei turin min rawn hrilh leh hram kha..







"Benjamin,Rinawma khan nupui a nei tawh em?" Thil kan ei mawlh mawlh lai chuan ka ti zauh.



A mit ti zim sun in min melh a,ka mit ko ka lo kan ak bawk.




"Tinge? I ngaizawng deuh ami?" A tih chuan ka fork-ken chuan ka tin uai(h)!

A hmeltha pawh a ni thei,mahse mak tak maiin min hip ve miah lo.




Benjamin-chu a ri meuh in a nui chhuak,tinge maw ka kut hi a hlei em em le..




"Tak tak ah,nei tawh e. Kum hnih liam ta khan a nei alawm,amyee a nia,Kolasib-ah an awm. Rinawma hian phir pui a nei a,ani erawh kha chuan hotel-lam vel hi a tuipui teh chiam lo,mahse a pa thu an awih a,an ti thei ve zel" a ti hak.






"God..!! Hetah hian a nimaw romantic dinner-in lo ei reng a?"



Kawngkhar lam chu ka hawi vat,Cindy-chuan min huatna thup then miah lovin min lo melh run a nih chu! A nui sak chu ka rap lek lek,sawtiang em em a min huat hmel sawn tuman min la melh ngai lo,ka tîm diai thei..





"Hetah eng nge I tih?" Ka bul a thu pa chuan a ti sup,a melh pawh a melh chhin eih lo thung.





"Ka awm loh laiin engtin chiah nge hun I hman tih ka rawn en" keimah min melh rûn pah chuan a ti a,ka kut ka hum ruh vak thung.





"Hetah tih tur I nei lo,let leh nghal rawh" Benjamin-chuan a ti sup..




"Ka chungah I lungawi lo a nih pawh in tleirawl nun thianghlim lutuk hi infiam nan hmang kher mah ta che"




Engtik ah nge ka din hman ka hre lo,ka hriat meuh chuan kawngkhar vawn ban ka vuan der tawh,ka chhuah hma chiah in tu emaw hian min pawt let dawrh..




Cindy-chuan hmai sen tawn tawn in min lo melh kawk a nih chu! Henu hian tinge min huat em em le? A tawngkam avang a thinrim tur chu keimah ka ni reng sia chubak ah kei te chuan chhan neiin ka ngei tal a.


Chumai bakah min la phih let dawrh zui,a mi vawnna pawh chu duh aiin a nghet a,a la hmer na hrep lehnghal.!


Khawih let hrep ka tum tawh laiin rum ri hawk ka hria a.








"I kut hmawr pawhin khawih suh ka ti a nilawm ni?"


Benjamin-a ni,a aw rik dan chu vin hauh silo in a hlauhawm ngawih ngawih,Cindy-erawh a nui hak!





"Kan tleirawl tenawm zetin chuan I lak ah eng dawi teh hrep nge a lo hman a?"



Tenawm ti a min sawi sek chu ka ngai thei bau lo,tawng tumin ka ang zuau tawh,ka thinrim lutuk chu ka khur der der tawh mai.





"Zahna tlachham lutuk" tiin Benjamin-chu a phun sup.



A mitmeng rum ul a Cindy-a melh te chuan keimah zawk hi ka lo ip chawih chawih thei,a hlauhawm takzet..!!





"Kal bo rawh,zahna tlachham lutuk" tih pahin Cindy-kut chu a che nghal vut,ka biang a thip nghal vawng vawng.



Ka insum thei tawh bik lo chuan mahni aia upa a nihna dah tha in ka beng let ve chawrh.


"Zakthei lo nu" tih pah chuan min ben leh a tum a,mahse a kut chu Benjamin-chuan a lo man sak hman. Engtin nge kan dinna a rawn thlen hman ka hre lo.




"Benjamin Lallawmsang,ka kut hi thlah nghak rawh" tiin Cindy-chu a au tuar tuar a,a landan chu a rapawm lek lek bakah a khawngaihthlak zawk!


"Ka hmeichhe duh ngawih ngawih kut thlak tur hian tunge ni a I inhriat?" Benjamin-chuan a ti chang bal.



Kei erawh chu ka meng kawk,ka hresual emaw ka ti hial..!!



Cindy-erawh ring zetin a nui hak hak. Ramhuai hi a ang lek lek zawk!



"I hmeichhe duh.. huh.. ni e,i hmeichhe duh ngawih ngawih kut ka thlak sak che,hetiang tleirawl chhuak hlim hlawl class-xii pawh la pass-lo naupang tê lek hi i ngaihzawn chuan tiang hian ka che reng ang chu! Bakah nang te chu ka ta alawm i nih" zam map lovin a la ti ham ham..




"Cindy Lalmuanawm,ngawi hmak la chhuak nghal rawh" rum zet chuan a ti leh,a thin a ur ve tak tak a ang takzet!




"Nangni pahnih inkar avang a kut min thlak avangin ka ngaidam che,chuvang chuan in buaina ah hian min hnuk lut tawh suh ang cheu" Cindy-melh zawk pah chuan ka ti a,a vawihnih nan kawngkhar lam ka pan leh.





"Nangmah vang vek a thleng a nih hi,tlanchhiat san tum reng reng suh"




Lalmuanawmi hian kei nen a buai hi a chak zek zek emaw ni le ka ti hial zawk..


A thusawi pawh ngaithla zo peih lo chuan ka chhuahsan hmiah,mahse ka lungphu a rang lutuk.



A hmeichhe duh ka nih thu a sawi a nih kha,Benjamin Lallawmsanga khan min duh thu a sawi;mahse a bialnu ang a an hriat lar nen kan buai nghal zat. Huh,min duh vang pawh va ni tawp suh,kha hmeichhe nasa zet lak atang a a him theih nan a a sawi bak a ni lovang e..!!




"Thil thleng ngai lo tur leh ni miah lo tur si ah chuan ka ui ber pawl ani. Min duh lo tur ang a ka dah chhin hian ka awm chhung hi a na leh zawk thin" ka hriat tham lek chuan ka phun sep sep a,reception-ka thleng phei dawn tihah min au tu an awm avang chuan ka ding leh zawk..



"My name,i puar maw?"

Rinawma a ni tih ka hre thei,aw lo chhuahna lam chu ka melh a,ka thil hmuh avang chuan ka ding leh zawk. Ka hnung lawkah a lo awm a, a bulah chuan Benjamin-chu a lo ding ve rûn a nih chu! Engtin nge helai hi a lo thlen hman ni.


Min rawn hnaihchilh zel a,Benjamin-a mit fuk na ka hre chiang telh telh. Cindy-min ben na ka biang sen tek,thip zet chu a lo melh vung vung a nih chu.





"Aw.. Ka puar lutuk,a tui takzet" Rinawma bulah chuan ka ti hluai a,a nui hawk hawk thung.




"Lawk,I biang kha,a sen vek. Tinge a?" Min ngaihtuah hmel zet a ka biang a rawn khawih chuan ka mittui a hnai kuar thei,a thip reuh em em lehnghal. Benjamin-a hmel thinrimna a inthlak leh min ngaihtuah hmel zet chu a inthla thleng mawlh mawlh.




"Engmah a nilo" ka ti sep a,ka nui lui sak bawk,a awih hmel loh takzet bawk..







"Kan kal dawn,a tlai tawh" Benjamin-an a rawn ti sup takah chuan Rinawma pawh chuan nui suk pahin lu a bu nghut a,kan chhuak zui nghal.






Haw kawng tluan in kan inbe lova,kan in kawt kan thlen rualin ka chhuk nghal vat.



"Muttui" tih pah a luh ka tum chu ka ban ah a rawn pawt thut a,ka tê that. A na lutuk,nichinah khan cindy-khan eng tiang fa ko a na in nge maw min lo hmer teh hrep ni..





"Keimah vang a nih kha,ka tihpalh"


Rawn ti sup tu chu ka melh zawk,street light-hnuai ah lehzel pawh a hmel pa hrak leh a mitmeng zûn nei zet te chu a lang chiang ngang mai.





"Ka tha alawm,I bialnu kha va ngaihven zawk rawh" ka ti sep a,ani erawh a rum hawk.



"Bialnu ka neih pawh ka lo hre lova" a ti thum bul..



"Oh.. Ka pian tirh ata ben ka tawrh hmasak ber chhan chu I bialnu vang alawm" ka ti leh hak.


"Bialnu ka neih lai ka hre miah lo,mahse,i ni duh a nih chuan ka hnial chuang lo"


Hepa hian eng thil nge maw a sawi le!


"I â a nih kha"uar zet a ka tih chuan a nui suk..




"Â e,ka â takzet,chu pawh nangmah vang vek hian"




"Keimah vang a â I nilo" zawi sep hian ka ti leh,a at chhan ka ni miah lo..




"Zanin ah khan ka hmeichhe duh i nih thu ka sawi" a ti leh hrawk,sawi ringawt mahse dawt pawh a ni thei a..




"Nia,in ben hnu lawk ah" ka tih chuan a in sang mar tawlh tawlh.



"I naupan têt atang kha nang hi ka atchilh tawh che"


A tih meuh chuan awih lo zetin ka melh tawp..!!



"Dawt" ka ti sap..


"Dawt a nih leh nih loh fiah ka hnial hauh lo"

Hepa hi a â takzet tawh a nih dawn hi, ka naupan lai atangin maw? A teuh lo lutuk!!




"Ok. I naupan lai atang ka tih kha chu ka sawi lo ni rawh se. Mahse.."


Mit ti zim sun in min en a..



"Tunah chuan i naupang tawh lova,ka bialnu I ni thei tawh bawk,tihian ka bem nghal che ni rawh se,a chhanna chu naktuk ah,muttui"


Rang zetin a dawk chhuak nghal,ka thin erawh a phu nasa lutuk..!!



Tikhan min bem a,naktuk ah ka chhan ngei ngei a ngai bawk maw? Hepa hian eng nge maw a hriat hrep le!!







_______________________________





Nizan ami ai khan a sei chiang lutuk🤣
Thiam lo tak a ka thu ziah chhuah min lo chhiar sak avangin ka lawm e❤



Ads click-mawlh kha aw😊

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » February 28th, 2021, 9:41 pm

"Cross my heart,hope to die,
To my lover,I never lie,
He said be true,I swear I'll try,
In the end it's HIM AND I"

(❤G-eazy ft Halsey❤)






CHAPTER-6




Zing ka tho hma lutuk chu ka in ringhlel rum rum mai,morning routine-ka tih zawh hnu ah hmanhmawh lem lo takin ka insiam nghal char char,naktuk atangin kan exam-tawh dawn ,class-xii ka nih chhung a ka exam-hnuhnung ber a ni tawh dawn bawk nen,phur ang reng huphurh ru tak siin ka insiam ve mial mial.







"Mate,I van tho hma ve" inhnuai ka thleng thla chiah uropuia nen kan in tawk nghal,ka phu nghek. Ring zetin ka au vak,a lo thlen lai ka hre miah lo..







"Awi... U,engtik nge I lo thlen a?" Tih pahin ka kuah chuk chuk..



"Tukin zing lamah khan ka lo thleng a,ka rawn tiharh ngam lo che mawle" ka chal a fawh zauh pah chuan a ti a.





"Thil tha deuh ka lo hawn che a nia aw" a tih chuan ka khek chul mai.



Pawn lam a melh zauh chuan ka hrethiam lo takzet,mahse min kai chhuak in eng chabi emaw hi a ban zauh.









"U...."


Ka thil hmuh avang chuan ka au ring lutuk mah mah,kawnglai a lokal te pawn min en hrek hrek hlawm mai..






"Mate,I duhzawng a ni em?"



Engtin nge ka duh loh a rin theih! Hman atang a ka lo awh tawh em em,bike man-lutuk tak mai,mawi bawk si a nia,engtin nge ka awt tih an hriat theih le!!




"U... Ka lawm lutuk lutuk lutuk" tih pah chuan ka kuah rawk rawk.



"Mahse u,school-ka tlai dawn,khawi chabi,school-kal nan kan hmang nghal ang e"


Tih pah chuan chabi chu ka ban vat.


"Mahse,pawnfen leh bike-maw" a ka ti hram.


"Lungngai suh" mit siai zauh pah a tih pah chuan ka start-nghal.







"Bye" tih pahin ka tlan nghal,ka nu rawn au lawng lawng ri pawh ka hre pha reng!












"A tawp a tawp ah chuan" school gate-pawnah bike-ka dah a,gate-ka lut tur chiah chu ka hma ah tak Benjamin-chu a lo ding nghal hmiah a nih chu!




"Ka nghak rei tawh khawp mai che" a ti leh sup.






"Eng nge kan school-ah i tih ve a? I nu i hmu dawn ami?" Ka lo ti vat.




"Ka nu hmuh ka tum lo,nangmah ka nghak che. I chhanna" a ti leh sup.


Kei erawh ka phu nghek! Ka bike-thar neih vang vekin ka lo theihnghilh hman.





"Ah.. kha kha,ih englo a nia.." ka ti bah nawk nawk.




"A chhanna?" A ti leh sup..




"Ka.. ih.. ka hrethiam lo" ka ti leh a,school-a lut tur ten min en duh si,a nuam ka tilo takzet.




"Sawi la"




"Ka hre lo"


Ka chhanna avang chuan a thaw hrawk!





"Done! Kan inngaizawng ni rawh se,lut tawh la,naktuk exam-a tan tha deuhin in puah chah ang che" tih sup pahin ka chal ah a fawp zauh. Ka zak lutuk chu ka hmai a sa pup pup! Min en duh ngang bawk nen,ka damlo mai dawn in ka hria.








Chhan pawh chhang let lo chuan ka tlan luh san hmak! Matei'n min lo pan nghal vat.




"Eng nge Benjamin-khan a sawi a?" A rawn ti nghal reng a..




"Kan inngaizawng tih a sawi" ka ti chuan a rak nghek..



"Eng maw?" Ring zet a a tih chuan a ka ka hup sak vat.




"Tawng zawi rawh,vak vak zel a che"


__________________

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)