NICE TO MEET YOU by Apuii Tlau (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

Re: NICE TO MEET YOU by Apuii Tlau (Completed)

Unread post by Ngaia » March 7th, 2021, 2:15 pm

Chapter - 13

He thil hi a thleng tak tak thei lo ang,ka duh lo nilo ka rem ti lo! Hei vang hi em ni nizan te khan a awmdan a danglam em em? Kei lahin engmah hre lo in ka lo awm ve mai mai sia! Ti chuan heti hian a tello a awm turin min kalsan tihna em ni!

"Nilo, Ka rem ti lo!!!" tia awrawl chhuah meuh chuan kan awmna room khawk rum rum chuan ka au chhuak tuar a,ka thinrim lutuk insum zo lo chuan ka hma dawhkan chu ka tlawh leh chiam bawk! Ka hnunglama nghet taka min rawn chelh beh chiah chuan kan bula nula dang awm ve te lo te chul chu ka hre hmasa ber!

"Min thlah rawh u!" tihpah chuan ka tal nghal phat a,ka hawi chhuak chuan kan kianga awm ve thenkhatin mak tih hmel tak a min lo en te,a then thlabar hmel em em te chu ka hmu zut zut a,mahse ngatan mah ka ti hrep lo!

"Min thlah nghal rawh u!" tih pah chuan ka tal leh hrawk a,ka tan chuan tal chhuah chu a theih meuh lo ani,mi panga velin min vuan fur bawk si.Engkim mai hian ka thin a ti rim vek.An hmel zawng zawng te nen hian ka haw vek!

"Thianpa leh! Tinge a? Thlah tawh rawh u" Lalruatsanga khawi atang emaw a rawn lang ve hlawl a,ka lo melh run ringawt.Mak a tih zia a hmelah ka hmu thei bawk.Min chelh tu ten min thlah rual chuan ka kut an hnung khirh kham tun chu ka ban ka thing nawk a.Ka chhuak nghal vang vang bawk.


"Engnge thil thleng kha awmzia? I tha lo ania Jethro?" Ka bike dahna bul thleng chu min rawn la um tang tang a,keiin a thusawi ngai pawimawh hauh lo in ka helmet khum in ka bike ka ti nung nghal a.

"Enge i hriat a!" ka bana rawn hmer chawt pah chuan ring zet chuan a rawn ti ve hrawk a!A kut chu thing thla nawlh in ka tlan chhuak nghal vang vang thung.


Min bum lo ani tiraw?Khawiah mah min kalsan lo tiraw? Dawt ani tih min hrilh hram teh! Chak zeta ka bike tlanna lam ka hriat meuh chuan ka lo thleng trep tawh.

Odelia i te in kawtah chuan ka bike chu ti ding dawtin ka chhuk nghal a!An doorbell chu ka hmeh hrep hnu chuan an rawng hawng ve te hram e.Ka chhanna zawn hi khawngaihin a dik tih min hrilh lo hram teh u!

An in enkawltu niawm tak chuan kawngka chu a rawn hawng a,nutling kum 50 pel chho vel aniang.
"Odelia-i a awm em!?" ka ti nghal hrawk a,ka aw ka thunun hman ngang lo ani.A hmel chu a buai nghal nak a,tlema in thunun tum deuh hlek chuan "Odelia-i hi a awm em?" ka ti leh nghut a.

"Jethro ami i nih?" tia aw rawn chhuahna lam kailawn hmawr lam chu kan hawi chho nghal vata, hai thei miah loh tur Ody nu nena in ang em em mai nula hmelchhe lem lo tak hian alo ti a,Ody u kha ani tih ka hre nghal bawk.

"Aw...Khawnge amah a awm?" ka ti chang nghal bawl a.Hetianga infiam hi ka duh lo min kalsan thei ani lo!

Kai lawn atang chuan a rawn pen thla zan zan a,common room lam thut phaha thu tur chuan min mit mei nghal zauh a,amah pawh a thu nghak bawk.Tuna ka awmdan nen hi chuan ka thu hle hle thei lo.Ka ding reng a hmuh vang chuan "I rawn thu lo anih chuan ka sawi dawn lo ania" a rawn ti ve hlak a.A mit chu a sen vek a,a tap ani mai thei ani!Hah!..Chutiang ngaihtuah thei ka ni hrep lo!.Ka kut phaha ka hmai tuai pawk pah a thaw la hak chuan ka thu thla ve ta hram a.

"A awmna min hrilh rawh?" ka ti nghal khawl a!Min rawn melh zawk in a thaw nghal hlial a.A nau nen hian an che zia alo in ang teh hrep leh nghal!

"Ka hre bik lo!" a rawn ti rual chuan awih lo fe in ka melh nghal! A nau,a chenpui ania a awmna chu a hrechiang khawp ang!

"Dawtsawi tum duh suh! Min hrilh vat mai rawh!" ka thinrim lutuk chu ka inthunun thei tawh meuh lo.

"Ka hre lo takzet! Ka nau ania hre tur ka ni tih ka hria mahse ka hre tlat lo,a kal tur pawh tukin zingah ka hre ve chauh asin!" insut deuh hlap chuan a rawn ti a.A hmel leh a awmdan uluk fe a ka en chuan dawt a sawi lo tih ka hrethiam mai.Mahse tu emaw tal chuan an hre tur ani.

"Engtin? Tu emaw tal chuan in hria ang?" Ka aw pawh ah pawh ka mangan zia ka thup thei meuh lo.Ka à ruai ni mai hian ka hria.

"Ka nu in engmah min hrilh duh lo alawm?Ody lahin a sawi duh bawk silo,Ka tan chuan naute mai ala nia sin mal taka awm tura kal tir ka la phal loh zia kha! Mah..ma...mahse ka nu...ka nu chu tuman kan dang thei lo!" ti pah chuan a insut hlap hlap a.Inhnem tur bik kan awm lo,ka thawpik zia leh ka mangan zia hi ka à thei tak ngial dawn in ka hria.


Odelia te in ka chhuahsan hnu chuan pan mai tur pawh ka hre tawh lo.Anu kha a awmna zawt ta ila apasal tak ngial pawh hrilh duh lo tu chuan kei phei chu!Ody min hruaina in lampan chuan ka kal ta nghal a.

"Je...Rose pot chhungah hian chahbi ka dah ania,he hmun hi kan tan a hlu teh mai ania" tia zinga min hrilh tu kha tunah chuan khawnge a awm tak ngial pawh ka hre tawh si lo a!

Kawngka chu ka hawng a,a chhungah lo awm tlat tur te chuan kan ngaihtuahna peng thenkhat te chuan an hria a,mahse a rehri bak ngaihthlak tur a awm chuang lo.Sofa lo awmah chuan ka thu thla hnawk a.

Kan hawi kual ngial pawh chuan a reh ngawih ngawih a.Ka taksa peng pakhat ka chan ang mai hian ka kim lo a,ka ngaihtuahna zawng zawng a luah khat a,ka na zual tulh tulh ni mai hian ka hria.A aw ri kil tin atang chuan min rawn hriat nawn tir awn awn a.Ka nat dan chu thihna ai pawh hian a hrehawm ka ring hial.

"Je..kalsan ta che ila engtin nge i awm ang?"

"Ka tello in awm ngai ta la?"

"Khawi ah pawh awm la min theihnghilh ngai suh aw!"

"I tello a awm chu boruak tello a nun tum ang vel aniang" a tawngkam tin chuan ka vilh ngut ngut ni mai hian ka hria!

Zan khat lek ka biak loh pawh a mangang a min tah khum tu kha tunah chuan ka biak theih leh khawih theih lohna hmunah a awm tawh si a.A tah in tunge thlem ta ang? Min ngaih hun in engtin nge a tih ang?Harsatna a tawh in a kiangah ka awm tawh dawn silo a engtin nge a awm tak ang,lo dam lo ta se tunge en kawl ang, manganh taka min koh hunah tu in nge hnem ta ang?

"GOD!!" Ka duatnu khawi ah nge maw i awm le? Remruatzela hian a ngai leh tawh che nia! Min kalsan tak tak lo tiraw? I lo haw leh vat ang tiraw? I tello chuan ka à thei mai ang! Min ngai ve lo mi?

Engtia rei nge tah chuan ka thut ka hre lo!Kum tamtak hnuah a vawi khatnan ka natna te min tawmpui tu atan ka biang ah mittui alo luang thla a! Ka neih chhun tak meuh meuh ani tawh asin ani kha chu!

In chhuahsan tuma kawngka lam ka pan lai chuan ka hawi let leh zauh a, tukin zinga kan awmna room kawngka chuan ka mit ala chat a,chhuak mai ta lo chuan ka va pan leh ngat a! Room chhung ka hmuh chiah chuan awihawm loh tur khawpin ka ngai thar vawng vawng a,ka mitthla a a hmel lo lang nghal chuan ka natna a belh nawn leh ta mai ani.

"Ka hmangaih che" ka beng bulah chuan a awri ngei mai chuan a rawn ti sap a,ka hawi kual nghal mahse tumah ka hmu lo!Ka duatnu !

...............

Khum chunga lehkha sen chuan ka mi ala ngei mai,ka pan nghal vata ,ka keu dawn chuan ka kut a khur ti tih thei hial.

*Ka duatpa ,Min lo ngai suh aw....Min zawng lo la, i hmalam hun chiah ngaihtuah rawh aw, ka tih nat che vangin min hrethiam rawh....Khawngaihin kei misual tak mahni hmasial tak vang hian lo dam lo miah suh aw....Ka hmangaih lutuk che,Ody*

A dang engmah a awm tawh lo,a kalna tak ngial pawh a ziak lang lo chuan ka thin ati rim a! Min ti buai zo leh vek tawh.A tello a ka awm theih loh zia hi a hre lo zawk emaw ni le!
...............

"Hey...mu rei pa thawh a hun tawh dawn ania" tih paha ka hmai lo chul heuh heuh tu ka hriat rual chuan ka meng riai riai a,nui sen sen a min lo en tu ka hmuh rual chuan ka nui ve suk a,kuah ngheh sauh pah chuan a nghawngah ka hmai ka phum vang vang bawk.

"Ka ngai lutuk che! Min lo kalsan daih a mahse ka mumang mai mai ani tiraw tunah chuan hei ka bulah i awm tawh bawk sia" tih pah chuan kan kuah nghet sauh sauh a!Min kalsan mai ka hlau ani! Ka mumang kha thleng dik lul suh se

"Keipawn ka ngai lutuk che! " a rawn ti ve sap a.Nui suk in ka kuahna pawh ka la phelh thawl phal meuh lo.

"Je...khua a var dawn tawh, thawh a hun tawh ania" a rawn tih sap chuan
"Tho ila" ti sap chuan ka inbeng kanga , a mitmeng ka hmuh chiah chuan ka ngaih a tha lo,mangan hmel a pu tlat.

"Ngatinge?" ti sup chuan a biangah chuan ka dawm vat a,
"Ka kal a ngai tawh Je" a rawn ti tiau chuan ka mumanga min lo kalsan kha ka hre chhuak zawk a, nghet zeta kuah pah chuan
"Aih..Aih khawih ah mah ka kal tir dawn lo che" ka ti nghal vut a.

"Ka tihpalh aw...Je ka kal angai,Ka hmangaig che" tih sap pah chuan a ral ta riai riai chu mangang zet chuan awrawl chhuah meuh chuak ka au nghal tuar tuar a!

Ka harh chhuak nghal hlawl a,room chhungah khan ka lo la awm reng a,khumah khan ka lo mu chu niin ka kuta lehkha ka ken chuan ka mumang mai ani tih ka hre thiam nghal a! ka biang ka khawih chu alo huh deuh chhap bawk!

Ka duatnu i tello chuan ka à thei mai dawn ka tih kha! khawi ah nge maw i awm le!

Room atanga ka chhuah chiah chuan kawngka chu tu emaw hian alo kik kauh kauh a,he ina kal tur awm ang tumah ka hre lo! Ody chhungte an ni thei angem?Kawngka ka va hawn chuan ka tum loh lutuk ka hmuh avang chuan ka hawi buai nak a.A lo nui sang thung.

...............

Ka rilru amang ka type thei hlawl lo🤧Min lo hethiam leh hram mai ru🙏



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » March 7th, 2021, 2:16 pm

Chapter -14

"Tunge i nih?" ka hma a hmeichhia ka rualpui awm vel lo ding reng hnen ah chuan ka ti hmuk a.

"Ahhh...Jethro i ni em?" ka zawhna pawh chhang chuang lo chuan alo ti daih a.Ka melh deuh reng hnu chuan ka lu ka bu ta nghat a.

"Ahh..aw i thil tur kan lo keng a" tih pah chuan a hnunga car awmna lamah chuan a phei nghal a.Car hnung chu hawngin Guiter tih hriat tak la in tuam fel et hi alo nia.Ka bo tulh tulh mai hetah ka awm tih tuman an hre bawk silo.An ti sual aniang ti dawn ila ka hming ngei a sawi bawk si.

"In hre sual ani lo maw hetiang thil hi ka order tlat lo!" ka bul alo thlen rual rual chuan ka lo ti rum ul a.Ka mood fuh lo nen tupawh mai hi ka hne vek ani ber e.

"Jethro Remruatzela i ni lo mi?" a lehkha bu te rawn lek chhuak a en mual mual pah chuan a rawn ti let haw a.Ka hming ngei ani bawk si tu hnen atang in nge ni ta ang.

"Ka ni e...mahse tu hnen atang in nge min hrilh thei angem?" lehkha bu bawk chu ngun zet chuan an bih leh vat a.Nui sanga rawn dak chhuak pah a ahming rawn sawi avang chuan ka thaw hawk a.

"Tah hian i hming i sign a ngai a?" nui sang chuan a rawn la ti cheu a.Ka nuih lo a tawngkam tha pawn ka be hek lo mahse a nui sang reng tho a,a hnathawh a tlin hmel in nula fel tak ani ngei ang! Chutiang ngaihtuah hman pawh ka ni hrep lo.Ka hming ka sign zawh hnu chuan min mangtha in a kal ve nghal mai a.Ka mangtha let chuang lo chung ai chuan ka bula thil awm hian ka mit ala zawk tlat.


In ka thlen chuan ka pi chuan min lo ngaihtuah leh hman tawh zia ka hre nghal,ka thianpa pawh ka chanchin zawt in alo kal ani awm e.Ka chhungte pangai taka ka chhang thei chu ka lawm , anih loh chuan keimah vangin an buai leh chuk dawn sia.

................

Bathroom atanga ka chhuah chuan khum kianga ka Guiter dah chuan ka mit ala leh chat.

(Flashback)

"Jethro i zai thiam ka ring tlat" chiang fe a min melh tu chu ka nuih suk a,a samah chuan ka tuai leh vak.A sa leh teh e!

"Remruatzel!" a pawr hlir hler thei sia,amah aiin kum 1 in ka upa tih hi a hre lo amawni

"Eng nge ka duatnu?"

"Min zai sak la!" in la baby deuh a ahmel siam chunga atih chuan ka nui chhuak lo chauh naute a ang reuh lutuk.

"Eng nge ka hlawh ang,a half pek nghal ka duh ania" ka tih chuan nur nang hian min en a,ka mit ko ka san ak chuan a thaw leh hliai reuh a.

"Eng nge i duh?"

"Kei chu i naute ka nia" mit siai sak a ka tih chuan min melh deuh run a

"Chuan?!"

"Naute chaw!" min rawn en phawk vak a, aner nghal nang nang bawk.

"Naute chaw ka siam thiam hleinem!" a rawn tih hliai chuan min ko san ak in ka lo en a,enge? tih melh in min rawn melh ve rawm rawm bawk.A hn*te melh zeuh paha ka mit ka san ak chu a hrethiam ni ngei tur ani,mak tih hmel deuh hian min ena,chu mi hnuah nui hak in a thle bak a.Ka lu ka lo bu nghauh nghauh a hmuh phei chuan a nui chhuak hial.Hlim tak tak tih hriat a awrawl chhuah meuh a a nui ka hmuh hian keimah pawh hi mak takin ka lo nui ve nghal ringawt zel!

"Mipa ho hi tinge hn*te in lawm em em a?" arawn tih chuan "I phal dawn lo ami?" ka lo ti nghut thung chu nuih in sum zetin min rawn en a "Naupang chhia" atih sap pawh chu ka hre reng,a lu a buk nghat nghat chuan ka lo nui nghal ver ver thung.

"Eng hla nge ka sak ang?" ka tih chuan ka mal chunga alu rawn nghat pah chuan "K.hminga hla te hi kei chu ka duh thei rap ! i hriat pakhat sa mai rawh" a rawn tih chuan ka inang ka rilru chuan ka lo ti hmanhmawh.

K.hminga hla Siar lalnu chu ka saksa ta a,ngun fe mai chuan hnuai lam atang chuan min lo melh ve kiau a bawk.

"I van thiam Guiter nen zai phei la chuan K.hminga ai pawn ka duh ang che" ka zai zawh rual rual chuan a rawn ti nghal,a thusawi avang chuan ka rum nghut a,sawi sual in ti zetin maimingchhing in a lei a chhuah nghal vak ringawt.

Pawm kang nawlh in ka mal chungah min hma chhawn zawngin ka hlang nghal a,alo khek deuh raih avang chuan ka nui nghal hawk hawk bawk.

"Ka lawm man ka duh tawh!" ka mal chunga thu at nu hnenah chuan ka ti nghal sup a

"Naupang chhia..." atih lai mek chu ngaipawimawh lo zetin a shirt chhungah chuan ka lu ka thun nghal hmiah "Hey..!" tia a rawn chiau chul pawh chu ka ngai ven duh lo.

(End of Flashback)

....................

Thla dawn a liam tawh,ani erawh a reh vang vang phone tala min rawn biak mai ringin ka bulah ka phone ka dah reng zel a.Ka mizia tam tak tun thla chhung hian ka hlauh tih an sawi nasa a,a chhan erawh tuman an hre lo,ka thianpa ber pawh chuan min zawt chik thin hle a mahse engmah ka sawi lo.

Class lak lai te hian amah lo chu ka ngaihtuah thei meuh lo a,A dam angem? tih tal pawh hriat ka duh tak zet.Engdang mah ka ngaihtuah that theih loh avang chuan kan lecturer te khak pawh ka tawh phah zeuh zeuh a,mahse ka engah mah a thawk thei chuang lo.

Zanah ka mu thei lo a,zu in ruk chang ka nei ta fo bawk.A changin ka ngai lutuk hian ka laptop a a video tawi te te ka lak sak te chu ka en leh ngawt ngawt zel a,ka play nawn tlut tlut a ka lo chahthlak san chang lah a awm.A bawi ah ka tang hi ani ringawt!

Ka chhungte an mangang a, ka nun dan avang chuan ka pi leh pu ten ka patea te an be ta hial a.Ka nutei mangang in engvanga hetianga awm hi nge ka ni tih min zawt sa teh mahse ka sawi thei tlat lo.Ka ngawih reng na chuan an rilru a tina zual sawt tih pawh ka hria mahse amah kha ka ngai em ani! Tudang mah ka mamawh lo!


Engmah ka ei thei lo bawk nen zu ah ka tuan a ka taksa chak lo tawngkhawng ni khaw hre lo in ka awm phah ta hial a,damdawiin hial ka thlen phah ta.Mahse heng damdawi zawng zawng ai hian maw amah kha lo kir se ka dam hma zawk ang! Ka ngai a,a kianga awm ka thlahlel lutuk na hian mangram thleng min chiah hnan a,mipa meuh pawh hi hmangaihna hian min sawt chau thei hle mai!

..............

"Hetiang hian awm reng mah ta che,mi chak tak inih kha Je, nangmah tina tu che hi min tawrh tir ve turin chakna i mamawh ania, khawngaihin hetiang hian awm tawh suh" Tia ka hnena sawitu,ka mumang mai mai ni mahse ka tan chuan thu pawimawh tak ani si.

He mang ka neih hnu atang hian keimah Remruatzela kha ka ni leh ta. Zu ka thlah ka ti thei lo in zeuh zeuh chang ka la nei.Mahse hmasawn tumin ka theih tawp ka chhuah thung. Ka awmdan rawn pangai leh ta chuan ka chhungte a ti lawm em em a! Min lo hmangaih zia ka hre thar hle bawk!

Zan mut erawh ka thei meuh lo,Ody chu ngai viau mahila ka insum angai a kan hmalam hun atan ka theih tawp ka chhuah a ngai tak meuh meuh bawk.Engtik ni ah emaw chuan tuman min pawt then thei tawh hauh lo ang.

Engtin tin emaw final year exam kan nei ve ta mai a,ka lo che buai deuh nen duh ang pawn ka exam tha thei meuh lo, Mahse ka rin loh deuh in result chhuak ah First ka lo la pha ve hlauh.

Khatia ka chet buai hnu khan ka mizia tam tak ka thlak a,midang hi nel takin ka be thei tawh lo a chhan pawh ka hre chuang lo mahse an chungah rilru chhia erawh ka pu lo thung ka ngawi chawi zual sawt ani ber mai!Ka thianpa erawh thian nih tlin takin ka chhiat ber lai pawn ka kiangah a awm tlat a a chungah hian ka lawm tak meuh meuh bawk.

Ka patea remruatna in an bulah (Delhi)college kal turin ka awm ve dawn a, ka pi leh pu ka ngaihtuah viau nangin a fanu upa ber UJenet-i (kei aiin kum 7 laiin a upa) helam ah hnathawh tur a hmuh avangin alo chho dawn thung.Ka pi leh pu chuan min ui viau mahse zirna khu lam a tha zawk tih an hriat avangin min pawm pui em em bawk.

...................

After Six month

Delhi ah tunah chuan ka awm der tawh a,Master zir turin D.U lamah ka tling bawk a,Class pawh kan tan der tawh.Mizoram lam ka ngai viau na a,chu zawng zawng ai chuan Ody ka ngaihna hi ala nasa zawk fana,hrilh hai taka min siama min kalsan hnu ah pawh biak pawh min rawn be ngai miah lo tu ka la beisei fan hi ka mawl vang em ni?


Ka patea te in ah ka awm ve a,ka nutei hi nu te lam ngo ving veng harh vang tak leh fel tak ani bawk a,ka tlangnel nghal em em bawk.Ka patea fate lah chuan U mipa nei ngai lo tih takah min nel em em a,min bawr buai reng hi ani mai,kawng tam takah ka rilru an la penga mahnia awma in ngaihtuah khawharna hun an ti tlem a a zia ve tho mai.Mahse maw thil pakhat chauh buaina ka la nei!

Zanah ka mu hil thei lo!

Sleeping pills tello in ka muhil thei lo,amah kha ka theihnghilh thei lo a,ka maimitchhin rual in a tak aiin a chiang zawk zel bawk si.Ka ngai a hmalam pan san hi a har tak zet!

"Au mampui satel thar ka nei ania,lo en rawh" ka room kawngka rawn hawng rawp pah chuan ka patea fanu naupang ber Lidya i chuan ti lang lang in ka kut ah a rawn chelh nghal chat a.Ani hi tunah kum 12 ani tawh mahse a rilru erawh ala naupang chhia lutuk tlat.Naupang ber lo ni bawk nen duat tawpa an enkawl kha ani ve miau bawk si a.A nu a chhun vang nge ka hre lo an unau ah phei chuan a hmeltha chung chuang bik a tih theih ang. Midang pawh an hmel chhe chuang bik lo mahse Lidya that dan reuh erawh hi chu a dang zar thung.

Common room lamah chuan min kai phei dawr dawr a,common room laia an table dah chungah chuan glass bawm lian vak lo chhungah hian a satel ni ngei tur chu alo awm a.Thlai hring nge mawni chu alo ei mek bawk.

"A tha i ti em?" glass chhung bih dak dak pah chuan a rawn ti a.Ka nui chhuak hak rual chuan min rawn en vat bawk,toys ang mai in alawm a sawi le!

"Ly a tha lutuk...tunge lei reng reng che a" ka tih chuan choka atanga nutei lo chhuak chuan " Vawin a school bang in a hmu fuh a,a ngeng leh tlat anih kha, naupang chhia pawh ani tawh lo khawilaiah nuar tum vak vak zel" a rawn tih bawrh bawrh chuan ka lo nui suk suk a.Lydia lahin anu chu ner nang in alo en thung engmah lah chu a sawi chuang hlei lo.

"Lydia! Ka zawhte hmui hmul hi ilo cheh sak leh tawh alaw!" pawr zeta ti chunga in chung atang lo tlan thla hlawk hlawk tu chu ka lo nuih hak a.Anau chimawm zia hi a hrechiang ve em bawk ani! A puh nghal chat dan ah.

"Au mampui min lo chhan rawh aw" tih pah chuan pakhat lah chu ka hnungah chuan abiru nghal vat a. Nutei ka en chuan Lidya chu hahthlak tih hmel zeta en in a thaw hak a.

.............

ODELIA HRUAISANGPUII (Pov)

...........

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » March 7th, 2021, 2:16 pm

Chapter ~ 15

Odelia Hruaisangpuii (Pov)

"Nu! ka à thei tak ngial dawn , Ka ngai lutuk hi nu ka àt pui thei mai dawn" inhnit hlawp hlawp chung chuan ka nu chu call in ka bia a, ani lo hi chu tumah ka be thei tlat lo.Jethro ka ngai lutuk hi ka buai zo vek tawh!

"Nu! " min chhan mai loh avang chuan la in hnit hlap hlap chung chuan ka ti leh tawk tawk a, mahse ala reh vang vang tho.

"Ody...I nu tan kha pawh kha i tuar thei lo ang maw! " ka nu in a rawn tih sap chuan mangan zet chuan ka tap hlawp hlawp hi ani mai.Ka phone pawh ka hang up nghal a.Ka khumah ka bawk nghal thlawp bawk.

"Ngatinge kei kher!" tia in zawt chuan ka tap khur nghal char char bawk.

Vawin hi ka kal bo atanga kar khatna chiah ani,U.K ah Mbbs zirtur a ka intiam angin ka kal ta a,tun thut thut a ka kalna chhan pawh semester lak lawh lo lai anih vang leh zir zawh vat vat a kir leh thuai ka duh vang ani.Mahse!

A tello kha chuan maw ka à thei mai dawn in ka hria,zantin ka mangram ah alo in lan ziah a,ka tah pui ziah bawk.Amah lo tudang mah ka ngaihtuah thei lo a, tahpui lo in ni ka vui ngai hek lo.

Ka pa nau ka ni te chhungkaw bulah London lamah ka awm hrilh a,ka awmdan hian an ni pawh a ti mangang tih ka hria engmah ka ei thei bawk silo nen.

Ni thar a rawn in her chhuah a piang hian kan in tawn hun a hnai sauh zel tih hre mah ila ka tan chuan ni khat pawh hi kum a vei hman hial hian ka hre thin.

A aw ringawt pawh ka hre chak lutuk hi ka tah pui nawn leh thin a,a hlimthla nen chauh hi chuan hlimna tur ka hmu mawlh lo.Hmeichhe naupang ang mai in ho te te ah amah hre chhuak a ka tap zel te,a kianga awm hun tur la hla lutuk te hian min ti na a,ka taksa chu londonah awm mahse ka suangtuahna leh ka rilru zawng zawng erawh kha pa ka engkim ka hlan pa hnenah chauh khan a awm si.

Ka kal tur thu kha hrilh tur ka ni tih ka hria lawm mahse ka thei ngang lo,a bul hnaia ka awm loh ringawt pawha mangang thin pa khan ka kal hi a phal dawn silo a,a tan natna bak ka thlen dawn bawk silo.Na takin ka siam a,mangang takin min zawng bawk anga engtiang chiah in nge a awm ang?

A mah hi ka àt chilh ni ber hian ka hria! A dam angem? Min theihnghilh mai angem? zawhna chi hrang hrang nei mahila chhanna min pe tu pakhat mah awm lo hian ka natna a ti zual zel bawk si.

.........

Thla pawh a ral ve ta teuh mai , ka zirlai pawh kan zirtan ta mawlh mawlh.A harsat zia hi tunge min hriat thiam pui ang? Ngaihtuahna hmun dang daih a awm chunga thil zir tluka thiam har hi a awm lo ang? Zantin a thlalak ringawt kuah in ka mu thin a,hei chauh pawh hi ka tan chuan a hlu tak zet!

"Mi chak tak i nih kha,a dang engmah ka phut tawh lo ang,he thil hi i tih zawhah chuan ka dang tawh lo ang che i duh apiang ti thei turin zalenna ka pe tawh ang che!" Ka nu bia a ka tah vak atanga kar dawn aliam hnuah voice mail min rawn thawn chuan ka lung ati chhe thar a,ka tah pui leh ta!

Hetiang anih chuan kum 6 chhung in engkim ka zo thei ang! "Khawihngaihin Je..Min lo theihnghilh suh aw!" tiin zantin pathian hneh ah dil in ka tawngtai ziah ta bawk.

.......

Thla hnih hnuah chuan ka ni te in atang ka insawn chhuak ta a,a chhan pawh kan institution nen kan in hlat em ani.Kan college bul hnai lawkah appartment pangai tak luah tur ka hmu bawk a,ta awm chu ka duh ta zawk bawk.

Nitin class kan kal a,thian han tih tur kawm bik tumah ka la nei lo a,mahse hmelhriat erawh ka nei ve nual tawh.Mipa tumah hnaih loh hram ka duh bawk.

Tunlai ka awmdan pawh hi ka hrethiam lo,ka chau em em reng a,class ah muthluk chang ka nei nual bawk.Ka taksa hi a kham tun ni mai hian ka hria Jethro ka ngaih a zual em em a,mi zinga ka awm changa ka hriat chhuah te hian ka tap lo chauh zel.

Ka appartment bul lawkah hian Spanish nula pahnih inluah an awm ve a,zanah hian an rawn leng ve zeuh zeuh thin rin ai takin an fel a an zau em em bawk.Josefina hi kei aiin kum 3 in a upa a,Silvia erawh kum 2 in.

An ti ti dan atangin reilo te ah Josefina chu pasal a nei dawn ani awm e, Silvia chu amah chauh anih tawh dawn avang chuan appartment te zawk luah a tum thu a sawi a,an tawng duh in an hawihhawm bawk nen,Silvia chu a duh chuan ka appartment a lut ve turin ka sawm ta tawp.Mahni chauh chuan ka khawhar bawk nen ka rilru lo la peng tu tal ka mamawh ve tlat.A tir chuan mak ati hle a,mahse ka ti tak tak tih a hriat chuan a pawm ve nghal mai bawk a,mahse appartment luah man erawh in 50% ati tlat thung ka hnial ta bik lo.Amah hi chu zirlai nilo in hna a nei tawh thung.


Thla a liam a,Silvia i pawh a rawn awm ve tawh.Mahse ka awm dan hi ka hrethiam lo,khawsik ser ser in min tham reng a,zing karah pum nuam lo ka nei ziah bawk.Ka mut chhuak reng te hi ka hrethiam lo in entir ka ngai dawn aniang.

Tunkin pawh ka luak chhuak lutuk in min ti harh a, bathroom pawh ka la chhuahsan thei meuh lo!

"Dy...i awmdan hi a dik miah lo,bialpa i nei em?" bathroom a rawn lut chuan ka hnung beng dat dat hian a rawn ti a.Nge maw a sawi awmzia teh hrep hi ni! Tunlai hi ka thinchhe em em bawk Silvia tih loh kan college ami te, mipui ka hmuh te hi an hmel zawng zawng hi ka haw vek mai hian ka hria.

"Nei e...Mahse Mizoramah a awm daiha" bathroom a thu sawp niai chuan thaw lak hak hak pah chuan ka ti sap a.Ka mit te hi an kham thum mai hian ka hria.

"In mudun tawh em?" a rawn tih phawng chuan ka lo melh vak.

"Mudun mai mai...no!" room lamah chuan ka tlan lut nghal calendar ka en chuan khami kan mutdun hnu khan ka la period leh miah lo!

"Lalpa leh!" ka hmui ka hup vat a,ka mittui ka biangah an luang thla nghal pap bawk.Thudik nise ka tih na chu van chen hial ani ang.

"A dik tiraw..i rai?" Silvia in a rawn tih chuan ka pum ka zut nghal vat ringawt.Tah hian khawvela ka hmangaih ber fa a awm tihna mi?

"Ka..ka hre lo Silvia" aw khur ru dar dar chuan Silvia en pah chuan ka ti a " Mahse rai ka duh" ka tih zawm leh nghal zat bawk.

"Aw..awle Doctor kan hmu dawn nia vawinah ,ka kal pui ang che" a rawn tih chuan ka lawm zia chu pui tak ani.Ani chauh hi tunah chuan ka neih chhun ani tawh.

Je..Kan naute tur..Kan pahnih ta tur! ka nui chhuak hak a.Ka phur zia chu pui tak ani.Mahse he thuthlukna hi ka siam thung! Naute ka lo pai anih chuan tuman an hre tur ani lo,Ka nu emaw ka pa ka unaunu te pawn! Anih loh chuan engthil nge thleng ang tih ka hre tlat lo!

.........

Silvia chu lo awm rei tawh ani bawk a,pan tur a hre khawp mai hmeichhe doctor hmeltha tak leh a rilru a tha ani tih a hmel awm dan atanga chhiar nghal theih hnenah min hruai a.A thusawi mal tin chuan ka lungphu hi ati tawp thuap mai hian ka hria.

"Miss Ody naute thla hnih leh kar3 a upa i pai mek ani" chu thu chuan ka mittui bawk a ko chhuak leh nghal a! Insum hman lo in Silvia i ka kuah thlawp bawk.

Doctor chuan vaitamin lam eitur min hrilh teuh a,ka taksa chak lo zia te sawi in naute tan chuan rilru hrilsel a pawimawh thu te sawiin ei leh in tur pawh in uluk turin min hrilh ngung hle a,lawmthu sawi mawlh mawlh in kan chhuahsan ta!

Jethro ka kalsan atanga ka hlim ber tum ala ni hial ang ! In kan thlen chuan ka khek nghal raih a,ka hlim tak zet bawk.Jethro an a hriat hlan ka nghakhlel a mahse tuna ka hrilh thei silo chuan min ti hnual leh vek.Mahse kan naute lo piang tur tan hian chak tak a ka awm angai tawh.

Silvia chu kei ai mahin a phur emaw tih tur hi ani,tlai a bazar phei chu thlai hring leh thei tam mang kheng a rawn lei a,engtin nge maw a rawn khawi haw theih reng reng ni.

..........

Class pawh ka la kal reng zirtur a tam thei si ka chau thei bawk nen ka ning hluah hluah, Silvia i hi a awm lo ang tih ka hlau ka tan chuan ka chhungkaw neih chhun tak meuh meuh ani.Zan rei tak tak thleng lehkha ka zir a,ka mut thluk san chang in ka lehkha bu vel min lo san fel sak a,khum lamah min kuah phei in min mut fel tir thlap thin.Alarm min set sak ziah a,zingkar ka thawhtheih lo zia hria in min tanpui nasa a,ka ti buai lutuk te hi a chang chuan ka inthlahrung lek lek thin.Jethro nen kan chung chang ka hrilh vek a,min khawngaih ve em em a,tuar hram hram turin min fuih mawlh mawlh thin bawk.

Kan college nuam ka tih ve na em em chu mi pangngai thah kal tih takah an puitling hlawm em em a,mi chanchin ah an buai vak lo a,hnunglam atangin mi an chhaih in an ti nawm nah ve ngai lo bawk.Ka pum puar chunga ka kal pawh chu min hmuhsit aiin duhsak na min hlan liam liam hlawm a,ka hriat loh te thleng in, ka lawm tawk em em bawk.

Silvia han phur zia chu naute hming tur an phuah lawk vel a,hmeichhia nih chuan Jacinta Mipa anih chuan Joel api leh pu te hming chawiin a sa ve hmiah ka lo nuih pui hak hak thin thung.

...............

After 6 month


"Dy...tang rawh! a chhuak tep ania!" tiin ka kut vuan chung chuan Silvia chuan min au ruai ruai a,ka chau tawh takzet,ka thlan in min bual huh vek bawk a,ka taksa ka kumkuruh zawng zawng hi a kau vek ni mai hian ka hria,a nat dan chu pui tak ani.Ka theih pa tawp chuan kan sang leh a! ka awrawl pawh ka chhuah thei tawh lo!

"Dy..Dy alo lang ania...Dy naute alo chhuak!" Silvia in a tih chul chuan khumah chuan ka thaw kawk kawk,ka naute tap ri raih raih ka hriat chuan ka mittui a hnam sawk a,Jethro ka ngaih zia chu puitak ani! Ka naute tap ri chuan ka na zawng zawng te hi a tidam vek ni mai hian ka hria!

"Silvia eng mi nge?" zawi te chuan ka ti sap a,ka kianga puan var thiang hlim zeta tuam naute tap ngak ngak rawh ken phei pah chuan "Joel!" rawn ti sap in ka bulah chuan a rawn dah hnai a,a hmeltha tak zet! Ka mittui chu khap per sak in "Je..Fapa kan nei ania" ka rilru chuan ka ti vawng vawng a!

••••••••••••••••••

A ngaihnawm loh em? Nak tuk zan atang chuan a boring lutuk tawh lo turah ngai ang😁

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » March 7th, 2021, 2:16 pm

Chapter ~ 16

"Mamà chu!" A vawi 5 na atana tih leh nui nui tu avang chuan mit chhing reng chung chuan ka nui sak,a dawhtheihna in a tlin leh tawh lo aniang a ri sat sat a,chiang takin khumah alo lawn ani tih ka hre thei.Maimichhing reng chung chuan a thil tih tum chu ka ngai chang ve kar a.Ka chungah rawn thu kaiin ka biang chu a theih pa tawpa na in a rawn piai ve reuh anih chu,nui chhuak hak in a kut chu ka vawn hnan chat a.A hmel ka hmu chiah chu ka nui chhuak hak a hmel chu a nur ve nasa reuh lutuk.

"Mamà chu morning ah pawh i tho duh lo a! Tìa(Silvia) pawn a ti" a ti ve bai bai a, nui hak in a kut ka chelh chu ka seh der sak chuan a kut chu lak let a tum ve nasa,lehthal in ka dèk der tak vak vak ah chuan tal nak nak in a nui ve ta hak hak a
"Mamà" tiin a chiau ve chul bawk,kei in ka lo nuih hak hak bawk.Bengchheng ve tak kan ni.

Tunah chuan London kan awmna pawh kum 6 vel ani tawh a,ka fapa pawh kum 5 lai ani ve tawh.Ka zirlai ka zo tawh a,mahse intern helamah thla 6 chhung neih leh tur ani a,chumi avanga la cham kan ni bawk mahse chu pawh a zo tep tawh kar leh lamah chuan kan ram ngei ah kan haw thei tawh dawn.Jethro a ngaihtuah loh lai ka nei ngai lo a,hmeichhe dang alo nei tawh angem?nge nupui hial pawh alo nei tawh zawk ang? Ngaihtuahna a kal thui thin khawp mai.Midang ta ni tur chuan ka phallo a,a kianga awmlo chung pawh hian ka la hauh hlur thei tho.Kum tam tak liam tawh mahse ka hmangaihna erawh ala ngai reng!

Ka fapa ka hmuh hian ka hre chhuak lo thei lo,an duh zawng leh an chet zia a in ang em em a,hmelah chuan keima u Mapuia a chhun viau thung in ka hria,Jethro pawh chiang fe a en chuan a ang tho bawk.Naupang fing leh harh ve tak ni mahse a hmel hriat loh te lakah erawh zakzum tak ani a,biak tawng a har zia chu pui tak ani.A chang erawh hi chuan a tawngkam hman leh a awmdan te hi a puitling ve reuh riau zel thung.

"Mamà, Tìa in thil min lei a,a tha teh mai ania" Mitmeng de sar sar a min en pah chuan a ti ve var a.Silvia hian Tìa a intih tir deuh tlat a,an mahni tawng a Nute tihna a ni awm e.Tìa hi chu a ngaina bawk a,a duh duh danin a control thei bawk a chang phei hi chuan kei ai hian a thu a awih zawk amaw tih mai tur hi ani.

Silvia chungah hian ka lawm em em a,Ka zirlai ka zir chhung hian min tanpui nasa em em a ani hi chu awm lo se he degree pawh hi ka nei thei hauh lo ang.Naute enkawl paha lehkha zir chu buaithlak ve tak ani.Mahse ani hian a tam zawkah min awl hneh em em a.Kan exam lai phei hi chuan a chang chawt zel Joela enkawl hi chu.Silvia hi chuan Online job eng ber nge ka hre lo a thawk a,ina nau awm pah hian a ti mai thin a,a zia phian zel a chang chuan ka inthlahrung thei em em a,mahse a fapa ang thlap a en in in thlahrun a ngaih lo thu a sawi cham chi thin.

Tak a! Silvia hi ka la sawi lo mai thei Tiktoker ani ve a,Spanish leh British thlah pawlh ani bawk nen a sangin a pian a nalh bawk a,a hmel lah a ngaihno bei tawk lek in a eng a,a sam dum hlap te leh a mimeng hring te nen hi chuan hmeltha ve vawt vawt tak ani.A san zawng pawh hi 5'7 chho vel anih ka ring.Tiktok ah kher hi chuan a lar ve bawk nen ka fapa lah hi a tih pui ve ziah a,a theh lar phian leh nghal.An video then khata an lawm em avanga thil pek rawn thawn tawk lah an awm reng bawk.Thuam hnaw leh toys chu Silvia vang hrim hrim pawh hian ngah tawh rem rem tak ani.

"Mamà chu...." ti leh bui bui tu avang chuan ka inthing harh vat a,alo nur leh nang tawh.Apa ka hre chhuak lo thei lo thin.

"Ok..lo rawh le,i thil thar chu zu en ila" tih pah chuan khuma mu pa nur nang chu ka pawm tho lawp a,a khek ve leh raih raih tawh.Duhawmliana hi ani ringawt!

Inhnuai kan thlen thlak chuan ka pawmna atang chuan a tal thla vat a,sofa chunga paper bag chu la vat in a chhung chu a hai rak rak a.Thawnhnaw a rawn khai chhuak nawlh.Nui sak in ka pan hnai a,a thawmhnaw ken chu la in ka kai pharh a,ka awih thei lo! An thil lei chu le! Ka nui ta hak.

Laker jersey a hak tawk tur tawk lek tur black and yellow colour a hnungah Kuzma tih ala in ziak zui! Silvia hian Kuz hi a at chilh tak e! Ka fapa pawh hi an inkhel a en pui ve ziah bawk.

"Mawi fu lo maw!" Kitchen atanga rawn chhuak pah chuan Silvia chuan nui sawng hian a rawn ti a.Ka lo nui ve hak ringawt! A chang chuan Joel tan a inseng nasa lutuk hi ka inthlahrunga, ti tawh lo tur a ka hrilh lah in i fapa bik ani lo kan fapa a ti ve tlat bawk sia, a chang chuan ka inthlahrung thiñ.Mahse amah lah hian ngatan mah a ngai chuang lo.A toys leh a thawmhnaw pawh a ma leisak hi a tam zawk hial ang.Hetiang khawpa ka fapa min hmangaihpui hi ka lawm em em a,awm lo se chuan kan nufa chauh hi chuan kan baih vai ve khawp ang.A chungah hian bat tam tak kan nei ani.

Taka tuman ka fa neih hi an la hre lo! Ka chhungte pawh,Mizoram kan haw hunah ani ve tawh mai.

.........

"Mr.Jo Bean kha thai thai lo khan ei rawh le!" ka tih chuan a rawn dak chhuak vat a,a nur nang nang a,'min lo chhan rawh' tih melh a a Tìa a va en pawh chu ka hmu reng ! Phakar reuh ania

"Mr.Jo i ei vek loh chuan vawin ah Tìa rual in mall ah i kal ve miah lo ang!" ka ti chuan khawngaihthla la zetin min rawn en nghal, Jethro ang mai Bean ei duh lo,tih luih zel ngai! Apa a chhun leh lutuk hi ka thik trep zel,mahse Apa ka ngai lutuk tur erawh min hnem ve tak zet thin! Ani hi a awmlo ang tih mawlh ka hlau ka rohlu ber ani tawh si a.

"Dy..." A tawng zawh hma hma chuan ka lo melh vak, Joela a chhan leh dawn tih ka hre nghal tun tum chu ni tawh lo! Thlai hring hi a hrisel ei tam a tha bawk naupang thanglai tan chuan!

Nur nang chuan a fork chuan a hawlh a muang changin an thial leh chep chep a,an insiam chhe der vel thul,hepa duhawm zia hi chu,ala tum bur tho.

........

Nilengin Damdawiin lamah intern tiin kan buai a,vawin hi kan last day ani.Ka intern tihpui te nen chuan kan han in chibai nak nak a,Doctor leh nurse ten min rawn thlah hlawm bawk,kan innel tawh hlawm bawk a ka ngai ve viau ang , chubak ah mittui nen thi leh thau pawlh a ka thawhna hmun kha ani ve miau bawk sia.

In ka thlen chuan khua a thim tep tawh,kawngka ka hawn dawna ka fapa nui hak hak thawm ka hriat chuan ka khi ve suk a,kawngka ka nem hawng nghal vat bawk.

"Mr. ka lo haw ania" ti chuan ka au nghal lang lang a,kitchen lam atanga thutphah in nawr tawlh thawm leh ka lama tlan thawm a rawn awm nghal bawk . Ka fapa hmel ka hmu chuan,Lalpa leh!

"Mamà " ti tung chuan min rawn pawm chawt a,ka lo pawm kang nghal vat bawk.

"Tìa,i tih sak ami?" tiin Silvia nui vur vur a rawn pen phei chu ka lo zawt vat,a lu a buk nghat chuan ka melh rum vak.

"Dy...Ti khan a duhawm zual alawm,Kuz nen an inang zual sawt bawk" a rawn tih chuan ka melh rum zual sawt,ala nui thaw zui.Henu tak hi chu! ka fapa sam chu ka chul a,vawin ah an lo tikir chu niin.A pangai kha a tha reng hetia tih danglam kher hi a ngai lo asin! mahse tih theih dang awm tawh bawk silo.Saloon an khar vek tawh dawn si.Ka thaw hak a,kan en chiang leh! Inhmeh lo zawk zawk chu ani chuang lo! pawi tawh lo mai teh se.

"Mizoram chu ilo kal ve dawn em?" Silvia chu ka en nghal kar a

"Mamà ,Papà bulah kan haw tawh dawn tiraw?" ka pawm mek pa chuan phur tih hriat zet chuan a rawn ti ve a! A chanchin ka hriat lohna a rei tawh nupui lo nei tawh ta se ka fapa hi eng nge ka hrilh tak ang.Apa chanchin lah hi a ngaihvan ropui si.

"Imm..i fel chuan" ka chhanna avang chuan khek raih in a lu abu nghat nghat a.Ka sam a khawi leh neuh neuh tawh.

"Rawn kal dawn e,Pasal ka zawng ve dawn" tia rawn sawi tu avang chuan ka nui nghal var var.Silvia hian kan chen dun chhung khan mizo tawng ka zir ve duh a tih avang in ka zir tir a,a thiam ve fu tawh tlem a thluk hi ala dik lo thin tih mai loh chu.

"Mr. ka ril a tam tawh ania,engnge kan ei ang?" ka tih chuan

"Pancake" a rawn ti nghal var ,hei chu min chhun ve na pancake duh bur.Ka pai lai pawh khan ka ei ber kha ani ve bawk chaw pangai ka ei vak thei lo bawk nen.

"Intifai la, chuan khawi le!" tih pah chuan Joel chu a rawn la nghal vat a " Ka superhombre nen hian dinner kan lo chhawp dawn alawm" tih pah chuan an dek nui leh hak hak a.Ka fapa hi chuan min ti hlim ve chiang alawm.Mahse Jethro ka ngai tak zet che.

.............

8:15 a.m (Heathrow International Airport)

Vawin hi kan haw ni tur ani,kan vaiin,ka fapa lah chu a phur phian leh nghal.

"Ka prince hmeltha hi a ril atam em?" Tìa in Joel chu a be reng bawk.An inchei na leh chu ala in ang deuh leh nghal.Highnek var chungah denim jacket ban thlep in an ha ve ve a,kekawr dum leh sneaker var,Tìa hian a àt chilh thaw thang hi ani ringawt,keipawh ka ni tho!

An inchhaih nu hawr hawr lai chu ka en renga,Delhi pan tur Information an rawn puan takah chuan Teminal lam pan chuan kan kal ta nghal a.

Hui ham! Thlawhna chhungah leh zel pawh,Air hostess te nen chuan an han selfie leh vel,Ka fapa lah an lawm hlawm bawk sia.Ani haw phur lutuk mood fuh lai lo ni ve bawk nen an nui hak hak reng mai!

.............

After 2 days

11:30 a.m (Lengpui Airport)

Ka fapa chu ka thleng tawh ti hria in thlawhna tum rual rual chuan a rawn harh nghal.A phur lutuk hi nuih a za zawk.

Mahse ka thil huphurh ber thlen hun chiah ani thung! Ka chhungten min rawn hruai ngei dawn a,ka fapa hi engtin nge an ngaih ang?An lo pawm lo mai angem? tih chu ka buaina ani.Ka hlauthawng ru em em bawk.

Thlawhna tang chuan ka fapa chu ka pawm chhuak a,inla puitling fe in ke a kal a ngen ve tlat avang chuan a kut ah chelh in ka kal pui a,Tìa in kan trolley alo nawr thung.

Airport chhung hall zau zetah chuan mi an tam ngei mai! ka hawi kual nghal a,ka chhungte ka hmu mai lo.

"Ody" tia aw rawn chhuahna lam chu ka hawi vat! Ka u Emily chu ka lampan chuan a rawn tlan phei a.Min rawn kuah nghal chawt.A tap khur nghak der der bawk.Nghet zet chuan Joela ka kaih lohna lam chuan ka lo kuah let ve nghal bawk a.Ka u in ka kalsan dawn a mittui tla chunga kallo tura min ngen lai vel te kha ka hre thar uar uar mai.

"Ka naute,ka ngai lutuk che" a rawn ti sap a,tah insum takin thawk ala pah ta bawk.
"Keipawh ka ngai lutuk che u" ka lo ti ve sap a.

"Ka naute kha ka ngai ve tho ania" rawn ti thum sap tu chu ka en vat.

"Pa" ka u in min kuahna chu phel in ka pa chuan min rawn pawm ve chawt a,min kuah ngheh dan leh a hmui lum ham ham in ka lu a sik vang vang danah chuan min lo ngai ve tak zet tih ka hre thei.

"Nu!" A hnung ber ka nu ding chu ka melh zauh a.Min rawn kuah ve nghal chawt bawk.

"I ti thei ta e" tiin ka beng bulah a rawn phun pah sap bawk a.

Min kuahna chu phelh in ngun fe chuan ka hmel te chu a en chiang nghal a.A mitmengah chuan min ngaih ve zia leh min hmangaih zia ka hmu thar leh bawk!

"Naute heihi!" mak tih hmel taka ka u in ka kuta ka fapa ka kaih a kawh chuan ka harh chhuak zawk.Ka fapa chu ka phen ah chuan a tawm tlata,a rawn dak dek dek bawk.Nidang chu nise ka nuih pui leh hak hak ngei ang.

"Imm...Nia..U ka...ka fapa anih hi!" ka tih chuan ka chhungte chu thlarau hmu ang mai an dang nghal sawp sawp ni mai hian ka hria.A awm lo hran lo.

"Maw! ahh...ka..ahh.."ka u chuan sawi tur hre mai lo hian a rawn ti bah niai a.

"Kum eng zat nge?" ka nu chuan ngaihtuah muk hmel fe hian a rawn ti a.Ka fapa chu a melh zauh zauh bawk.

"Kum 6 tun kumah a pum dawn" ka tih sap chuan a hmel landan chu tlem chuan a zia ta deuh in ka hria.

"Chuan hei Silvia ka thiannu" ka tih zawm nghal sap a,an han in chibai nak nak a,mahse ka fapa chu an melh an melh leh thin.

"Tunge a hming?" ka u chuan a rawn ti ta sap a.

"Joel Ramnunpuia" ka ti sapa

"Hey...Prince i Atei tur ka nia,inchibai ila" Ka u in ka fapa bula kun hniam chunga atih chuan ka fapa chuan min rawn en vat a,ka lo buk nghat a hmuh chuan ka u a bula kun hniam biangah chuan a fawp ta zauh anih chu!Ka lo meng kawk,Tìa ka en chuan alo nui vur vur anih chu,a zir tir leh bak ani lo ang!

Ka u lah chuan a lawm ngang mai,a nuih pui nghal hak hak a,ka nu leh pa pawh anlo nui suk tih ka han hmu.

"Car awmna lamah phei phawt ang u" ka pa in a tih chuan ka phei ta dam dam a ka u in ka fapa a pawm nghal chat bawk Joela lah chuan alo duh ve mai bawk.

Kan kal phei paha ka thil hmuh avang chuan ka hawi sawn tawh chu ka hawi let leh nghal zawk,mahse ka hmu tawh lo ka hmu sual zawk nge mawni?Mahse Jethro a ang tak zet.

............

Jethro Remruatzela

Ka U jenet-i te nufa thlah turin Lengpui Airport ah ka kal a,Manipur lamah an kal leh tawh dawn.An pa hnathawhna lamah.

Airport chhunga kan awm reng lai chuan ka lung rawn phu nghal dawt dawt avang chuan ka ding khawng lah a.Hetiang hian kum 6 chhung khan ka lungphu ti rang thei hi engmah ka tawng ngai lo,hei chu amah avang chauh khan a phu rang thin.

Ka hawi kual nghal vat a,mahse mipui an tam lutuk,ka hnunglam leh hma lam en chuan ka hawi kuak vut vut a.

"Ngatinge?" Jenet in a rawn tih chuan ka en vat,maktih hmel zet chuan min lo en!

"Amah kha !" ti ringawta chhang chuan ka hawi nasa zual sauh a"Lawk aw" tih pah chuan ka hmeichhe hmuhnu ang tak lamah chuan ka tlan phei nghal vat!

A bul ka thlen rual ruak chuan ka kuai her nghal hrawk a,mak tih hmel zeta min lo en tu ka hmuh chuan ka hnual nghal rawih.

Nula chu ngaihdam ka dil nghal thuai a! ka hawi kual leh nghal vut vut bawk."A awm alawm tah hian,ka hnaih takah a awm" tih chu ka taksa peng tin hian min hrilh ni mai hian ka hria.

Ka zawng kual ngial a mahse engmah hmuh ka nei lo.Ka hre sual zawk nge? Mahse ka taksa peng tin te hian ani kha chu an hai mawlh lo ang!A lo kir tawh em ni?

...................

Lo dah hma ka tum teh reng nen Api damdawiin ah an dah lut thut sia ka hman ham ngang lo.🙏🙏

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » March 7th, 2021, 2:16 pm

Chapter ~ 16

Jethro Remruatzela (Pov)

Ka u te kal liam hnu chuan muang changin ka motor chuan ka in khalh haw ve ta a.Nichina ka thil tawn khan min mawlh reng mai!mahse thil theih ani mawlh silo.Lo kir tawh se chuan min rawn be em em ang! Ni leh lo min rawn be lo mai thei bawk.Nà taka min kalsan hnuah min rawn biak pawh duh pawh ka ring lo mahse kei chuan khang kum chhung khan a laka ka beiseina a bo lo a,tun thleng in alo kir hun pawh ka la nghak chu nia!Mahse Pasal anei tawh ngem? he zawhna hian ka chhungril hi a ti na thar leh thin.

Haw kawngah chuan hla ka play pah riai riai a,Aizawl khawpui ka lut tep tihah chuan ka hla duh em em mai a rawn ri ta.Chu hla ka hriat chiah chuan nunhlui min ngaihthar tir em avang chuan kawng sir rem laiah dingin ka ngaithla ta vang vang a.He hla hi Ody ka hmuh hmasak ber atang khan ka duh zual em em a,a tan ber hian ka ngaithla thin.

🎵 Thlun beh anga dingin,
Ngunthluin ka thlir a
A tang nem phèn ,a thinlungah sawn
Pasaltha anga hmingthang ve in
A thinlung ram,latu ni thei ila
Neitu niin, hawntu ni thei ila

A chang hnihna ka hriat phei chuan ka nui ringawt,ani thei lutuk em asin

🎵 I mawina in min sal,
Min bual à,ka tui ral,
Tawnmang lova lasi nula,
Ka hnùnah i chàm
Min zawl, min lèm,
Min vèl , min zem,
Min dàwi vài zo ta,
Nang ngai a kùr,
Saltàng, mitàng ka ni,

He mihring, nà taka min siam a,min kalsan tu ngei mai kha ngaiin ka la kùr ruai chu ani si a,mahse eng ang pawn min tina se ka ngaidam thei ka kianga la awm turin ka la mamawh a,a tello chuan he Jethro hi ka ruak em ani.


..............

In ka thlen chuan ka room lamah ka chho vat a,tunah hian MZU Professor ni turin ka la inzir mek a,chumi pah chuan mi ai kalin college pakhat ah lecture hna ka thawk mek.Vawin erawh day off alo ni bawk a,ti khan ka farnu te ka zu thlah kha nia.

Ka khumah chuan mu in chunglam ka melh vang vang a,vawin a he ka thinlung in min hriat tir kha thil tak tak nge ka suangtuanna mai mai zawk.Ka à tak tak tawh dawn aniang!

Ka khum bula frame chu la in ka en vang vang a,hemi kan lak ni kha chuan kan hlim ve em asin.

"Ka duatnu,ka ngai lutuk che..." zawi te chuan ka ti sap a,a nui hmel a engkim ka thlahlel lutuk hi ka buai nuai zel.

Ka ngaih zia chu pui tak ani.Amah avang hian ani lawm ni kei mipa inti ve tak biangah mittui aluan ve na chhan.Mi ropui tak hi chu ani chiang alawm.A nui hmel ringawt pawh hi ka hmu lohna rei tawh zia hi,a aw mawi tak khan engtik ah nge min hmangaihthu a sawi leh ang! Thla mai chauh maw ka la chan zel dawn.A tak,amah kha ka duh ve tawh asin!

"Ka duatnu.....Lo haw tawh rawh"

............

Odelia Hruaisangpuii (Pov)

In kan thlenga,ka nu leh pa te room ah kan awmkhawm ta thap mai.Ka fapa erawh a Tìa nen mu hahdam turin an kal thung.

"Tu fa nge le?" ka pa chuan dam thlup chuan a rawn ti a,ka nu leh ka u pawn min en kar mai.

"Nu....amah kha?" ka ngawih vang vang hnu chuan dak chhuak a ka nu en chuan ka ti sap a.A lo thaw hak bawk!

"Tu chu maw?" ka u chuan alo ti vat bawk.

"Jethro a hming chu,ahh...Jethro Remruatzela........." ti chuan kan in tawn dan chanchin te engkim mai chu a bul atang chuan ka hrilh ta char char.Ka u chuan min khawngaih hmel takin ka sawi zawh rual chuan min en vang vang a,ka kut a rawn hum vang vang bawk.

"Chuan engtin nge in awm dawn?" kan ngawih reng hnu chuan ka pa chuan alo ti leh sap a.An awmdanah ka nu an haw hran lo tih ka hria nia huatna chhan tur a awm tlat lo,a fanu hmakhua ngai a a hmalakna ani ve mai! Mahse ka nu mitmenga nuam tih loh na chu ka hmuh hmaih lo!

"Ka hre lo" ka ti sap a,nia ka hre lo tak tak nupui emaw ngaihzawng pawh a nei em ka hre lo,a neih phei chuan min inkar ti chhe tu nih ka duh hauh lo!

"Hriat tir ve chu a phu alawm apa ani ve tlat a,i inpeih hun hunah ani mai" ka pa chuan ati leh nghut nghut a.

"Ka tupa chu engmaw a hming i tih kha?" ka pa chuan a rawn ti leh nghal vut a.

"Joel Ramnunpuia,kum 5 a pum tawh a, April 6 ah a piang" ka lo ti ve vat a,ka pa chu abu nghut nghut bawk.

"Ka nau in fa min neih khalh ania,ka van senior tawh tak" ka u chuan fiamthu titak deuh tho sia a rawn tih chuan kan nui hak hlawm.Ani ve tawh tak ang,kum 30 a chuang duai ve tawh ang ,ka pa ang mai ania hna at chilh bur ang chi kha.

"Chuan in lo haw lawm nan dinner kan buatsaih dawn nia,kan tupa thar lawm nan pawh a ngai alawm" ka nu in a rawn tih chuan ka en vat alo nui sang thung.Ka lawm lutuk chu ka hnuk a ulh thleh ani.

.......

Ka fapa tui taka mu chu ka en vang vanga, Apa hian alo pawm duh angem? Ka rilru chu a buai ve nuai mai! Lo pawm duh lo ta se! Lalpa chutiang chu thlen tir lo hram rawh aw....

"Mamà" ti paha che sat sat tu avang chuan ka harh vat a,ka meng chuang lo,ka kawr chu a hlim leh sat sat bawk a,reilo te ah ka hnute a rawn hmuam nghal chat bawk.Hepa em em hi chu,kum 5 a chuang tawh hnute a lawm ala reh thei lo.

"Mr." tih paha ka en chuan ka hnute la hne reng chung chuan inthlahrung hmel takin min rawn melh chho ve kiau a.Ka lo nui hak,Duhawmliana! ka nui hmel a hmuh chuan a thla amuang sawt aniang chu a nui ve hak hak a,ka hnute erawh ala hum tai tho.Duhthawh reuh sia maw!

"Superhombre hi a tho tawh em aw!" tih paha ka room kawngka rawn in hawng ri rak a hriat rual rual chuan rizai chuan ka hnute la hum reng chuan a inkhu tha sauh sauh reuh anih chu! A tho hma thin avang hian khu lama kan awmlai atang tawh khan Tìa hian a rawn la vat zel,thawh ka hre lo bawk nen,,ni leh lo kan mengrei thei em a ka tho thei ngai lo ani zawk!

Tìa in mak tih hmel zeta min rawn en chuan,ka lo nui hak a hmui phunin a thil tih ka hrilh chuan a nui ve hak tho.
"Ehe! Mamà Prince chu ala muhil suk suk alaw....a muttui rih sia pancake lo zu ei san mai ang" Tìa in a ti ri a hriat rual rual chuan a rawn tho chhuak nghal! Kan nui dun hak ringawt,hepa hi chuan pancake a àt chilh ve chiang alawm!

Inhnuai kan thlen thlak rual rual in ka u in alo la vat ka pa lahin a zui kual ve dun dun bawk,ka nu lah in a thil tih lai ti pah tho si in a thlek deuh sek bawk.Ka fapa lah a tlangnel nasa mai sia,Tìa nen pawh kan nuih ringawt.

"Bawihte,thla thar lam atangin Hospitalah chuan hna i rawn tan dawn em niang?" tia ka nu in chawei laia a sawi chuan ka lo bu nghat a.Kar 2 chhung vel ka awl ang nga chuti chhung chu ka fapa nen hun kan hmang dun ve thei tihna ni mai.

"Silvia inthlahrung suh kan fanu ve tho i nia,Ody ilo enkawlna zawng zawngah pawh lawm thu kan sawi seng lo ang!" ka pa chuan ati charh charh a.Silvia hi anu in a thihsan tawh a apa in nupui dang nei in fa pawh an nei nual a,a nupui leh Silvia hi an inmil theih loh avangin Silvia zawk hi a chuang ta ani.Amah in hai kaw chawp in tun hun pawh hi thleng thei ani.Ka chhuang tak zet bawk.

"Dik chiah Silvia inthlahrun na tur a awm lo ania, i duh chuan nu pa tih pawn min ko ve thei reng ania,kan fanu ve tho i ni tawh" ka nu chuan alo ti ve vat bawk a,Silvia hlim zia chu a mitmeng dè sar sar atang chuan ka hre thei,a hnuk a ulh deuh tep bawk!

.........................

"Mamà ka ke a kham tawh" ka kut rawn sawi che det det tu chu ka en vat! Aizawl ka hmuh lohna a rei tawh em avangin Bazar velah kal kual mai mai turin chawhnu lamah chhuak ka ni a,hepa pui hian min ngen ve tlat anih chu! Silvia erawh mu hahdam a duh thu a sawi a,ka chhungte erawh hna hna hna......!

"Mr.Jo ka pawm ang che aw!" tia ka thut hniam chuan ka nghawngah alo kuah nghal tai a,nui sak in ka dinpui nghal thak bawk.

"Mamà Choclate!" a rawn tih rual rual chuan ka lo chhang nghal vat
"Mr. Choclate chu a theih loh"

"Mamà mahse nizanah khan maw ka mumangah khan tam tawk ka lo ei a"tih paha a kut an phar kual vel chu kal pah chuan ka nuih pui hak hak a.
"Chuan mamà mumang chu a thlen dik thin kha!" an phakar reuh zia hi,a ha tan a that loh avangin Choclate ei ka phallo a mahse Tìa hi tlawnin alo ei zeuh zeuh thung.

"Mr..a theih rih loh"

"Mamà chu...."a nur nghal nang bawk,ka lo nui leh hak a hmuh rual chuan ka sam a pawt a pawt ve reuh anih chu!Ve reuh hian a!


"Hruaisangpui!" rawn ti thawt tu avang chuan ka thusawi lai chu ka tawp chawt! Ka lungphu ran zia chu vai khuang chu nep te ani! He aw neitu thlahlel em em hian ani lawm kum tam tak ka lo tawrh kha!

Zawi muangin ka hnung chhawn mek lam chu ka hawi phei riai riai a.God! kum tam tak hnuah pawh ala hmeltha reng.Mak tihna leh awih lohna mitmenga khatin kawng àn leh lam ami chuan min en vung vung a! A mita natna rawn lang zawk chu ka hmuh hmaih lo chiang khawp mai ka mittui a hnam ve sawk bawk!

A lu thingin a mit a chhing vang vang a,a rawn meng chhuak leh a,ka la awm reng tih a hriat chuan lawmna hmel ka hmu tawh thung! Hemi pa hian min la hmangaih ve tak zet ani tih ka hmu nghal bawk.

Vawi leh khatah kawng pui chu kan tumin a rawn kal nghal a,keimah chauh min en reng a mitmenga hlimna nasa tak leh awih theih lohna in pawlh pawh chu ka hmu thiam khawp mai.

Horn ri tuar avang chuan ka hawi sawn vat a.Nilo! nilo nilo nilo!!!!!! Keimah chauh min en a kawng rawn kan mek pa chu a leng nghal dawrh a,car brake a ri tuar bawk.

"Je!!!!!!"

.....................

Mipui an rawn pung nghal tual tual a,ka fapa pawm chung chuan ka tlan phei ve nghal mi karah chuan ka inrawlh ve nawk nawk a.

Lalpa leh!

Ka tha a khur nghal der der thei hial,ka thu thla nghal thuai a,
"Lawk aw nula lo hnaih vak lo teh" A bul hnai a patling ni awm tak chuan alo ti thuai a.

"Doctor ka ni e!" ka lo ti vat a,ka mittui a tla nghal ti tih der bawk.Hetiang tur ani lo! Kan intawng ve chauh asin!Ka fapa lah chuan ka nghawngah alo kuah bet ve tai a.Mahse a tap lo,Ni e naupang chak tak kha ani tlat.Patling lo awm khan ka fapa chu a rawn pawm sawn vata ka lo thlah ve mai bawk.

A lu atang thisen a chhuak nghal tiam tiam a,a ban a kawi deuh bawk,adang erawh a pilh vel mai mai niin ka hria!

He khawvela ka hmangaih ber ka hma a engmah hre lo tih hriat taka mitchhing tlat chu ka en reng!Khur ru der der chuan a marphu ka dek dè dè a,Aw Lalpa!

Ala phu ve tawk tawk,hmanhmawh takin Ambulance lo tlan ah chuan kan in seng lut thuai thuai a,Ambulance ah chuan ka lut vata ka fapa pawm tu pawh alo lut ve vat bawk.

...........

Damdawiin kan thlen chuan an lo buaipui nghal sawk sawk a,E.R lamah an nawr lut nghal bawk.Hlauthawng tak chuan ka lo vei tawn sek a,ka mittui tei vet lah a tla reng bawk ka fapa pawh ka thlamuan thei meuh lo.Khawi atang nge ka hre lo ka nu a rawn lang hlawl!

"Chanchin ka lo hria,Bawihte a tha leh vat mai ang" tih pah chuan min rawn kuah in ka hnunga chul nghal hauh hauh a! Mahse ka hlauthawng zual tulh tulh thung,ka nu chuan ka fapa chu a pawm vat a!

Rei lote ah Silvia leh ka Pa, ka u an rawn thleng ve nghal bawk! Ka u chuan min hnem tum takin min kuah vang vang a! Mahse maw ka that phah lo saw room chhunga mihring saw ka hmuh hma loh chuan ka tha ngai lo ang!

Ka mittui tla reng mahse ka awrawl erawh ka chhuah hauh lo! Min rawn panlaia a hmela hlimna lo lang te,engkim mai kha chiang em em in ka hmu leh vek! Ka awm hi a tawt vek ni mai hian ka hria!

Doctor rawn chhuak chu ka pan hnai nghal ruak ruak a! " A tha em? Engtin nge a awm?"

Doctorin thawk la hak pah a "Beiseina a chau khawp mai!" a tih sap takah chuan ka kaih za tha a zawi hnawk a,ka thu thla hnawk!Ka chhungten min lo dawm vat bawk!

Mahse,mahse Engmaw a sawi kha!
"Beiseina a chau" a awmzia chu kei Doctor lo zir chhuak ve hian ka hre chiang khawp mai!

"Nilo nu...khawngaihin" tiin ka tap khur ta ngat ngat a! Ka phal lo,heti mai chuan ani tur anilo.Khang kan thil tawrh zawng zawng te kha a thlawn mai ang maw!

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » March 7th, 2021, 2:17 pm

Chapter - 18

"Emergency surgery kan neih nghal angai ang,a kawchhungah thi put a awm a chumai bakah a lu ruh a khi bawk,a ban ruh dinglam a tliak bawk " Doctor in ati charh charh lai chuan ka lo inhum ruh nghek a,ka u leh ka nuin min dawm tlat bawk.

"Chuti nih chuan eng nge inla nghah surgery chu nei ta che u!" ka nu chuan ati vat a,

"Maam" Doctor chu rilru buai hmel zet chuan a thaw hak a,sawi hreh nei hmel apu bawk "Nia..ah sawi tawp mai ila, tunah hian kan surgion senior te an awm lo,Dr.Sanga hi a tha ber a mahse anupui dam lohna vangin phai lamah an kal daih rih a,Dr.John lah Lawngtlai lamah a zin an ti bawk sia,Dr.Nute-i lah nau neih chawlh alak lai alo ni bawk sia" atih chuan ka pa meuh pawh a thaw hawk mai!

"Tumaw tal an awm lo mi?" ka u chuan a rawn ti ve hrawk a.Kei erawh ka rilru ala buai mah mah ani!

"Awm a,mahse tuman conduct ngam an awm lo....A nat dan hi a serious em ani" Doctor bawk chuan ati hnual raih a....

Hetiang hian maw ka thlir liam dawn....Phal tak ni awm hrim hian ka hmangaih ber ka tel lohna khawvelah ka kal tir mai ang maw.A teuh lo mai!

"Keiman ka zai ang" tipaha ka ding chhuak chu maktih hmel zetin min rawn en nghal.

"A theih loh!"ka nu chuan alo ti nghal hrawk,a ngaihtuah ka hria, ka tih theih loh ringin dam chhunga inthiam loha ka awm a hlau tih ka hria mahse inthiam lohna tur thil engmah ka thlen tir dawn lo.

"Nu,ka ti ngei tur ani,kei leh kan fapa tan hian ka tih ngei angai!" tihpah chuan ka fapa Tìa malchunga lo muhil mek chu ka en zauh a.Ka nu chu alo thaw hak.Mahse min dan erawh a tum tawh lo luhlul ve ve kha kan ni miau a.

"Dr.Maruat ka fanu hian a zai dawn anih chuan i support na kan mamawh dawn ania" ka pa chuan alo ti ve sup bawk a,min ngaihtuah hmel zet chuan min en vang vang bawk.Ka inchhir dawn lo,ka kal tir dawn lo kan tan a dam hi ala pawimawh lutuk ringawt....Je ka theih tawp ka chhuah dawn ania aw,Lalpa min pui lul teh!

..............

Surgery nei tura corridor lam ka pan phei chuan O.R kawtah chuan min an lo awm nual tawh.Ka fapa erawh Tìa leh ka u in an haw pui tawh thung.

"Doctor nangmah in em ni zai dawn?" ka va thlen phei rual rual chuan Patling pakhat hian alo ti nghal sap a.Ka lo bu nghut!

"I zai tur patea hi ka nia,khawngaihin i theih tawp min chhuahsak rawh aw...." ka dara rawn vuan pah chuan ati leh sap a,pa fel tak ani ngei ang a mitmenga thlaphanna chu ka hmuh hmaih hauh lo bawk.Thuhphah ah chuan nutling pakhat hi alo tap bawk a,a bulah nula pakhat hmeltha zet hian alo kuah bawk.

"Ka pu ka theih tawp tak meuh meuh ka chhuah ang tih ka tiam a che! A dam em em ang!" ka ti ve sap a,hetiang khawpa hmangaihtu a nei hian min ti hlim a,ka tap mai dawn hial in ka hria.

"Odelia i ni em?" rawn titu lam chu ka hawi vata,Kan miss hlui Miss msi alo ni.Je khan a nutei ani tih min hrilh tawh tak.

"Miss ka nia lawm..chuan Jethro hi ka chhan him ngei ang tih ka tiam thei lo che u a mahse ka theih tawp...ni leh lo ka theihna sang ber ka chhuah ngei ang" tih sap pah chuan ka nu leh pa chu melh leh zeuh in O.R ah chuan ka lut ta nghal a.

...............

Mahse maw! A va han har dawn tak em! I hmangaih ber i hma ngei ah thi chhawng in awm ta se i tuar thei kher angem?

Room dai leh reh raih ah chuan ka pen lut a,light engtak hnuai khuma ka hmangaihpa,kan awmdun theih nan a kum ruk chhung ka kal bosan,min hmangaiha ka tan engkim tih huam in min lo hmuah dan chuan ka thinlung ati na thara,ka theih meuh a ngem tih ka inzawt nawn hial ani.

A kiang ka thlen chuan ka insang mar nasat vang nge ka thlan fim a chhuak thei hial tawh! Mahse ka tan leh ka fapa tan ka thei ngei tur ani,ka awm ve lohna khawvela min kalsan turin ka la phal hauh silo a.

"Nurse a blood pleasure eng nge a dinhmun le?" ka ti sap a,ka aw a khur lek lek tep ani.Mahse Ody ka inthunun a ngai!

"A 120/90 a pangai rih viau Doctor tunah chuan"

"Awle,tunah kan tan ang,Nurse thisen kan mamawh tur khai tur a awm em,blood group A positive"

"Awm e,Doctor Blood group A 2 leh O 1 kan kawl mek,kan mamawh chuan blood bank lamah tlem ala awm bawk ang"

"Tan ang u le,Scalpel!"

Hepa hi ka chhanhim ngei angai! A tello in khawvel hmachhawn nawn leh ka duh tawh lo.Ka engkim innghahna ani a,heti mai chuan ka chan hauh lo ang.

A kawchhung thi put lai chu ka hmu fuh ta hlauh a,hmanhmawh tak leh fim khur takin kan thui zui nghal! Kan thui fuh thei chuan ka hria,ka thaw huai mai.Mahse!

Vawilehkhatah a khawl chu a rawn ri ta vat vat mai le!

"Doctor a bp atla hniam"

"Maw!"

"A lungphu ti function lo tu a awm aniang,hmanhmawh in CPR " Doctor Maruata chuan tih deuh hrawk pahin khumah chuan alawn nghal a awmah chuan a nem nghal thawk tir tumin a kà ah boruak a dah lut pah bawk.

Ka taksa khur nasa lutuk avang chuan ka scissors ken lai chu ka thlauh nghal bawl bawk,Nurse pakhat chuan min lo dawm nghal vat a,nilo se chuan ka kaihza tha zawi hnawk avang chuan ka tlu tawh ngei ang!

Doctor chuan a theihpa tawp chuan nem mahse khawl erawh ala ri vat vat a,a beidawng ta niang thaw hawk a inthlah dul in beidawn hmel zetin min rawn melh ta ngawt ngawt ringawt!

Nilo! Nilo! Hetiang chuan ni lul lo!

Enge ka tih ka hriat hmain khum chunga Dr.Maruata chu nawr thla in keimah chu thu fel der in a awmah chuan ka nam ta vak vak a,a kà ah boruak dah luh ka tum reng bawk.Ka mittui tla bawk nen ka thlanfim nen.....Tap zawih zawih chung chuan kal tir loh tumin ka theih tawp tak meuh meuh chuan ka nem a! Mahse chhanna ngai reng khawl ri vat vat bak hriat tur a awm lo.

"REMRUATZEL! MIN KALSAN KA LA PHALLO ! ti tuar pah chuan a awmah chuan nà fe chuan ka chum ta chawrh ringawt a!

Mahse!

"Doctor alo kir e...I ti thei " tia nurse rawn au chul avang chuan ka hawi chhuak vat,khawl lam ka en chuan ri vat vat kha lo tawp tawh in a lung ala phu ngei tih hriat nan rin awm te chu an che kual nak nak a!
Nurse chuan oxygen mask alo vuah sak thuai bawk.

Chhuatah chuan ka let thla tawp a,min rawn buaipui nghal laih laih bawk.

"Lalpa ka lawm e,ka lawm tak zet!" ka rilru chuan ka ti mawlh mawlh a.

A banruh tliak chu an buaipui nghal bawk a,alu ruh erawh a khi nasa lo a a hlauhawm hran lo in an hria ,a kak lai an thui sak nghal bawk!

............

O.R atanga ka chhuak chiah chu ka zawi ngawih ngawih a rilru hahna leh ka mangan na hian min ti chauh tawh tak zet.Chumai bakah Jethro ka hlauh hman teuh zia ka ngaihtuah phei chuan!

"Eng nge a an Doctor?" A patea khan min hmuh vel leh a lo ti leh vata,midang pawh chuan ka chhan hun nghak in min lo melh thap bawk.

"Kan zai hlawhtling chuan kan hria a,mahse engtikah nge a harh ang tih kan sawi thei lo!" Dr.Maruata chu ka bula rawn dingin a rawn chhang nghal vat a,ni e tawng tur tak ngial pawn ka zawi lutuk mah mah.

"Aw...Kan va han lawm tehreng em,Kan lawm takzet Doctor!" tihpah chuan min han chibai ve ve a,midang pawh chuan an lo thlawp tliar tliat bawk.

"Ka pu hei Dr.Odelia chungah lawmthu sawi zawk rawh u,amah hi awm lo se chuan mihringah kan in chan tawh lo ang,kan beidawn hnu pawha beidawn lova a beih tlat avanga dam ani e" Dr.Maruat an a rawn tih leh sup chuan tul ka ti hran hauh lo.

"Ekhai aw...kan va han lawm teh lul em,Odelia" Miss msi chuan ka kut rawn hum vang vang in a rawn ti leh sap a.Mahse lawmthu sawi ngai ka ti hauh lo ka hmangaih ber chhanhim hi ka tih tur ve reng ani ah ka ngai tlat!

"Miss,lawmthu sawi angai lo ania,nakinah engkim ka la hrilh fiah ang che u" tih sap pah chuan ka nu chu ka en a" Rei lote hahchawlh lawkna tur ka mamawh" ka tih zawm sap a.Bu nghat in a office lamah min hruai nghal bawk.

Je..erawh a ngaihtuah awm tawh hran lo in ka hria a,thil thleng a awm chuan min rawn ko nghal vat turin nurse te ka chah bawk.

..............

Kar 3 dawn lai damdawiin ah a awm tawh a,mahse ala harh chhuak hauh lo thung!
A chhungte pawh an mangang lek lek tawh,kei pawh ka ni tho mahse hei chu thil nihdan pangai ani tih ka hriat na chuan tlem in min thlamuan.Mi thenkhat chu hetianga nikhaw hre lo a awm rih deuh te hi an awm thin tih ka hria a,hlauhawm erawh a awm hran lo an damdawi hman emaw an taksa chak tawk loh vang ani ber bawk chumi anih loh chuan thil dik lo a awm tawh tihna ani thung.

Harh chhuak tur chuan duh viau mahila he thil ah kher hi chuan Dr. ten tih theih engmah kan nei tawh lo.

Khang kar liamta chhung khan inah ka haw ngai meuh lo a,ka nuin ka inthlakna tur pawh alo keng mai thin.Ka nu office chu ka luah ve deuh tawp hi ani mai.He damdawiin neitu kan lo nih ka lawm ve ber tum ani hial ang.

Ka fapa nen erawh phone ah kan inbiak bakah hetah alo kal zeuh zeuh tih loh chu kan inhmu khat khawp mahse ka tello pawh hian a tlei thei rih viau.Zan a amut dawnah erawh min be loin min mutsan ngai lo thung.

"Mamà engtik nge ilo haw dawn?" phone atang chuan a rawn ti leh lang langa,haw chu duh viau mahila Jethro hi tun ang dinhmun ah hi chuan ka kalsan thei meuh lo.

"Mr. Papà dam vel leh kan lo haw dawn alawm!" a hma khan ka bula lo kal a ngen nasa lutuk kha a Papà dam loh thu leh enkawl ka ngaihthu vel Tìa in thiam takin alo hrilh fiah a,naupang fing tak ani bawk a a hrethiam ropui mai mahse a Papà hmuh ve tawh a chak thu a sawi reng a,mahse Je hi ICU a ala awm tlat avangin a duhna zawng la hmuh theih ani lo thung.Je chhungte tumah in ka inzawmna an la hre lo a,chu chu ka duh dan ani bawk! A harh vel leh fapa a nei tih hi hre hmasa ber turin ka duh tlat ani.

"Mamà ka ngai tawh che e..." a rawn ti ve sap chuan ka nui sak a,a awm ve reng ka fapa hi kei tak pawh hian ka ngai takzet.

"Keipawn ka ngai che lawm...ka lo haw thei tep tawh ang" ka ti let sap a.

"Mamà Papà dam vel leh lo haw tawh rawh aw" Apa hi ala hmuh miah loh avang hian han ngaih emaw han phul pui chiam hi a ti ve tlat lo a chang changa a sawi chhuak ve zeuh zeuh tih mai loh chu!

"Awle...Lo haw thuai thuai ang"

"Mamà Tìa in hà nawh tur atia bye aw"

"Bye le" Fapa rangkachak


.................


Zanah chuan Je ngaihven in ICU lam pan chuan ka kal vat a,kawngka bul atang chuan ka thlir reng! Ka bul lawkah a farnu te pahnih an awm a,a chhungah erawh a Pu leh a patea an lut thung.

Engtia rei nge min la hrem dawn! Ka duatpa a rei tawh ania! Khang kum tam tak pawh tih tawh nak alai in ngati nge min la mutthilh san tlat a! Lo tho tawh la,kan nghak reng che ania.I fapa pawh i hmu chak ve lo mi!

Ka dar a min rawn khawih tu avang chuan ka phu zawk,ka en chuan a farnu upa zawk kha alo nia.

"Ody i ni tiraw!" a rawn tih sap chuan ka lu ka lo bu ve mai bawk.ka bul chet ah chuan a rawn ding a.

"A ngai thin lutuk che sin!" a rawn tih chuan ka hawi phawk hra mai,henu hian kan chanchin a hria mi?Chuan min lo ngai ve thin tak tak em?

"A ruih apiang in i hming lam reng chungin a chat thla ziah bawk" a rawn tih leh phei chuan ka phawk nasa zual,hepa hian zu a in ngai lo, mahse eng nge a sawi kha!

"Zu a inngai hauh lo!" ka tih deuh salh chuan nui sak in alu alo thing na na a.

"Hmangaihna hian mihring hi alo buala thei tak meuh meuh ani hi"

"Engnge awmzia?" ka bo hu mai chuan zu a inchhan chu keimah vang em ni! Nilo nilul suh se!

"Ti hian min hrilh a,i ngaithlak duh chuan"a rawn tih chuan ka lo bu nghat a,ICU a mureng pa chu ka melh zeuh bawk.

"I kalbo ni khan nilengin a zawng che asin........"a sawi chhung chu ka lo inseh ruh a,ka tah mai loh nan ka hmui ka pet fan fan bawk.A tawp kharna erawh chuan ka insum theihna zawng zawng a ti kehchhe vek! ka kawr bana ka hmui hupin ka tap ta zawih zawih bawk
"I kalsan atang khan zanah mutthilhna damdawi tello in a mu thei tawh ngai lo,a chang in zu a in bawk,nangmah kha suangtuahna ramah chenpui che in a ruih chilh thin che ani ber,i thlalak a kuah reng zela ,I video hote te pawh zankhua ten e en char char thin,a nuihpui a,a tah pui bawk......Vawikhat phei chu a mumangah a hmu che niang a rawn au chhuak ruai a,hetih lai hian buai zeuh zeuh a chin avang hian a roomah ka riah ve thin lai ania,i dam loh thu sawi in zan lai lai ah zawng tur che a chhuah a tum a,ka pa ten an dang hneh hlauha a tukah khan phychiatrist an pan pui nghal hial asin...Khata tang khan tlem in a zia ve ta deuh zawk ani"!

Engkim mai chuan min tina a,hetiang khawp hian min lo hmangaih ang tih rin ngaihna ka hre hauh lo bawk.Ka kalsan laia a awmdan tur ka ngaihtuah ringawt pawh chuan ka awm tawt leh na lutuk hi ka tluk pui hial thei dawn in ka hria!

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)