NICE TO MEET YOU by Apuii Tlau (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

Re: NICE TO MEET YOU by Apuii Tlau (Completed)

Unread post by Ngaia » March 7th, 2021, 2:14 pm

Chapter ~ 7

"Remruatzel a na nia" ka aw pawh a khur lek lek,ka mittui lo hnai uar uar chu ka duh lo tak zet bawk,mahse ka dar chu a thlawn dawn amaw tih tur khawp in ana.Chutia ka sawi takah chuan tlem chuan an ti thawl deuh a,a hmel erawh ala rum tha hle.

"Kha mihring khan engvangin nge a khawih che! i eng nge anih a?" a hma ang in a aw chu ring tawh lo mahse pal zam mai mai theih erawh ani hauh lo.

"Ka u....ka naupan lai atanga ka u ang chiah a ka en anih kha!" tia ka chhanna avang chuan amah ah danglamna pakhat mah a awm lo emaw tih tur khawp in min la melh ngur a,ngatinge hepa hi tiang hian a awm le?A thik zawk em ni? Hah ni lul lo vang!

"Khapa'n a melh dan che hrethiam lo tur a mawl ka ni bik lo ania,Hah! Hruaisangpui nang pawh hian ilo duh ve reng ani zawk lo maw! a khawih che pawn nuam i tih hmel khawp kha!" Ngeiawm zet chuan tiin ten hmel zet chuan min melh bawk a,hetiang khawp hian min ring chhia ania ka awih thei lo zawk.

"Min thlah rawh!"

"Engmaw!"

"Ka kal dawn! Min thlah rawh!" ka tih hrawk takah chuan min melh rum tha leh tawh hle.Mahse ka va han hlau bik awm chai lo,a duh duh a puh kual tur ka ni lo bawk.

"Chuan in sawifiah pawh i tum dawn lo a maw! Engtia rei chiah nge min lo bum tawh ka hre lo mahse ka pawisa hrep lo! ka lak atang hian kal bo chu in beisei duh suh" a tir lam ngei awm viau angin lang mahse a tawp lam erawh a seh chilh deuh rap thung.

"Insawifiah a tulna ka hre lo thutlukna chu kha i rilru mawl ve lo khan i siam vek tawh ani lawm ni chuan kei chu bum hmang ka lo ni ta hial a! Nangnen a in hnaih leh pawh hi ka duh lo, i duh duh a puh kual theih nih ka duh tawh hek lo" ka lo ti ve hrawk a,min melh ngur a zam map lo chuan ka melh ve nghek a,a hmelah chuan tlem chuan a in thlah dul deuh tawh tih ka hria,rei fe min melh ngur ngur hnu chuan a nui ta suk anih chu! He mihringpa hi! a à ta amaw tih melh in ka melh bawk.ka dara a chelhna chu thlah in ka kawngah a kut pahnih chu rawn rawlh lutin a suih zawm nghal a kei erawh a chet dan duh lo lutuk chuan ka lo tal nghek a,mahse min thlah chu khawilam min lo nuih suk suk ringawt anih chu! hepa ka ngei zia chu pui tak ani! A awma ka chum leh dawt dawt phei chuan dak chhuak meuhin ala nui ta hawk hawk zui.Ka ngei lutuk chuan ka melh rum hrep ringawt tih theih dang ka nei bawk silo chuan ka thin a ti rim hlur bawk.

Thaw hawk a rawn kun hniam in min rawn fawh a tum chuan duh lo in ka lo thle sawn thuai a,ka biangah chuan rawn nul thuak in ka beng a rawn seh leh zeuh,danglam ka duh lo ! mahse ka taksa te hian min phatsan zo tawh hi ani ber hian ka hria ka thinrim ve na te kha a reh duak anih chu.

Ka beng bulah chuan a rawn phun sup a,a thil sawi erawh chuan ka mittui a ko chhuak tep ani, hmeichhe chak tak ka ni thin asin mahse hepa ka tawn atang hian ka rilru ano zia ka hre thara,hote te ah pawh ti hian ka tap leh tep chu ania, a hmate kha chuan mittui a neilo ami tih hial tur khawpin ka inthunun thei kha ani si a,mahse he athusawi ho te "Dawt i sawi ngai lo! ka duatnu" ka awmdan pawh hi ka hrethiam tawh lo.Tah vak ka chak ni ber hian ka hria!

"Ngatinge min rin theih miah lo a!" ka tah aw tiau chu ka duh lo tak zet mahse hepa min duatna awri ringawt pawh hian min ti pangchang zo vek tawh ni ber hian ka hria.

"Shhh.." tih pah chuan a awm lum thur thur ah chuan min pawm bet nghal hlu hlu a,ka lu ah a khabe a rawn nghat nghal bawk a,nghet zet chuan ka lo kuah let thuai bawk,huat duh viau mahila min kalsan tura ka ngaihtuah hian ka hlauh dan chu pui tak ani. Engtiang a thuk chiah in nge hepa hi ka lo duh tawh?Nge nia thil dang zawk? Ka hrethiam tawh bik lo ka awmdan pawh hi.

"Mipa dang bula i nuih emaw i tah pawh ka phal lo chu chu hre reng rawh! Kha pa in a khawih che kha ka phal hleinem amah emaw tu mipa dang mahin an khawi ve che ka phallo tihna a nih chu! keima ta chauh i ni tih hre reng ang che!" thupe aw zet leh dam thlup si chuan a ti sup a.

"I sual sìììì" ka lo tih tak hlar ah chuan a nui ngawr dat a,nghet leh zual chuan a awm lum nuam takah chuan min kuah bet ta hlu hlu a.Ka sam karah chuan ka nghawng chu a rawn nul thuak thuak bawk.A chunga ka thinrim viau pawh hian ka huatna leh ka thlakhlehna a inzat reng hian ka hre thin.Ka tan hian a danglam takzet a, atan hian engchiah nge ka nih ve ang.

Hotela kir a phal tawh miau loh avang in ,ka nu te bula chhuan lam siam in khawlai dung ah kan leng chhuak ta vel mai mai a.Kan hmelhriat ten min lo hmuh kan hlauh avangin kawng sir a lukhum leh mask chu leiin kan in bel nghal bawk.Min si chetin a awm renga, kawng a kut inkai riai a kal te chu nuam dangdai ve tak ani.

Dar 10 rik dawnah kan inkawt thleng min lo thlah a,ka luh dawn chuan min thlakhleh hmel zeta min lo enna chu hai der chi rual ani lo.A chezia ho te te hian amah thlakhlehna nasa tak min pe ka ti lo thei lo.Amah ah hian min hip bet tlat tawh ni mai hian ka hria.

Ka in her rual deuh thaw chuan ka hnunglam atang chuan ka kawngah min rawn kuah leh chawt a,ka darah a khabe rawn nghatin a thaw nghak ham ham bawk.A thawk zawnga boruak lum ham ham thin chuan ka nghawng ur in min ti mur chiai chiai thei hial.

"Hey...A tlai tawh nia" tih pah chuan a luah chuan ka han tuai zeuh a,min kuah nghet sauh thung.

"Reilo te chiah aw" a ti sap a,ka nghawng a rawn nawr deuh chàk chàk chuan ka nui deuh hak a,naupang chhia reuh lutuk,nu te kal bo tur ngeng tlat te pawh a ang.

"Hey...Ngatinge" ka nghawng a rawn nawr leh chuan ka lo ti vat a.

"Ka hnim che" a thusawi avang chuan ka nui leh hak hak a.

"I rimtui lutuk" a rawn ti leh ta sup bawk.

......
Inchhung ka luh chuan ka nu chu alo la menga,sitting room ah lo thu in Tv alo en, min lo nghak tih ka hrethiam mai,kan unau kan haw kim hma hi chuan ti hian min lo nghak zela min ngaihtuah thin lutuk hian ninawm lam aiin kan tan a inpekna leh a hlut zia ka hre thar leh thin.

"Nu,min lo nghak alaw" ka ti thuai a

"Nia..i va tlai ve,i u pawh a chho chiah anih kha eng nge i kalna chu" alo ti thuai a! Ni tak Mawipuii dam loh thu ka sawi tak! Eng tin nge niang ka nu te bulah a vawikhat nan dawt ka sawi chu ani sia nuam lo ka ti tak zet bawk.

"Nia ...ih...ih...an thenawm te ui khan alo seh a,ngaihtuah awm erawh ani hran lo" ka aw a khur lo chu ka lawm tak zet.Chik zeta min en lo chu ka lawm leh zual min en chiang nise ka dawt sawi aman nghal dawn tih pawh ka hre nghal!

Mangtha vat in ka room lam pan chuan ka chho nghal nal nal.Ka mutna ah te keimah ah inthiam lohna ka nei tun mai.Jethro Good night wish thawnin ka mu ta vat zawk a.

Zingah a ngai te bawkin chaw kan ei laiin ka thiante pahnih pawh an lo thleng leh der tawh,a hma chi ve hrim hrim hi an ni bawk a.

"Mawipui,Ui sehna chu ala na em?Nizana Ody lo haw lah khan ngaihtuah awm i ni lo atia i tha zel maw?" ka nuin chaw ei kham paha a tih chuan ka lo hawi tang hru mai.Ka hlauthawng lutuk chu ka thiante lam ka va hawi vata.An lo hawi buai nak chu ka va hmu thuai min rawn melh a keiin thaw dep dep in ka lo melh thung.

"Ahh..aw...aw na vak tawh lo,hei atha tawh lutuk" Serbie chuan harh chhuak thut niawm hian bah nak chuan alo ti a,a thusawi paha min lo en chuan ka lo hawisawn nghal daih,ka nu pawh hi! Chi loh lutuk!!!

"Mawipuii engtin nge a seh theih che a" Ka u chuan chaw bar mawlh mawlh pah chuan sitting room lama thu te chu ahan be ve leh kher a! Inrawlh hun lo berrrr....

"Ihh...nia a kawlh ve lutuk a" Mawipuii pawh chuan a rawn ti bah nak ka va en chuan min lo melh no lo teh e...Insawifiah ngei ka ngai dawn! Buaithlak..

...............

"Nizan chu khawiah maw i kal?" Pawn kan chhuah rual rual chuan Mawipuii chuan a lo ti nghal vata,Serbie ka en chuan alu alo bu nghut nghut ringawt.

"Ihhh....nia ih maw....." tiin ka thluk vak phawt a

"Sawi vat mai teh" Mawizuali chuan alo ti deuh vak a

"Ka sawi dawn" a aia pawr fe chuan ka lo tih ve hlur chuan min melh rum teh e!

"Chuti sawi rawh" Serbie chua alo ti ve leh thuai a....

"Kawnglai anih hi,nakinah college ah ka hrilh ang che u" tih pah chuan ka bike ah chuan lawn thuai in ka helmet chu ka khum nghal thuaia

"Heyy..." Mawizuali'n alo tih hlar pawh chuan ka bike chu start in "Min lo um mai ru" tih leh tlan ka rual.Engtin nge ka insawi fiah ang ka hre lo! Ka thluak ah hian engmah zu lut thei miah lo a! Ka ning dawt ka sawi leh mai dawn amaw ni.....buaithlak!

College kan thlen chuan an lo awm leh nak nak tawh a,ka han hawi kual deuh chuan kan dept building luh chhohna bula lo thu chuan ka mit ala nghal chat ani pawn min rawn hmu ve thuai a,nidang ang bawk in a chhe lo leh tak zet bawk.Addidas shirt dum leh kekawr buang dak nalh tak hnuaiah sneaker dum a incheina chu simple viau mahse a chhe lo tho.Ka lam hawiin mit a rawn siai zauh a, a tih ang chiah ka tih ve chuan nui sakin a thiante titi chu a zawm nghal zat bawk.

"Kha kha eng nge awmzia?" ka bul lawk a awri lo chhuak avang chuan ka phu nghek,thla chu nei ila hmuh tur ka awm tawh lo ang! Ka hawi phei chuan Ka thiante pahnih chuan mak tih hmel zetin min lo en! A awmzia chu tuna kan awmdan kha min lo hmu hman tihna ami?

........................

Ka la dam sam meuh lo a,tawi viau mahse min lo hrethiam hram mai rawh u.Dam ver vawr hunah thui tawkin kan la ti leh dawn nia.🤧



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » March 7th, 2021, 2:14 pm

Chapter ~ 8

"Hey... Engnge in tih a?" Chhan ngaihna hre lo zeta ka thiante pahnih ka en ngawt ngawt lai chuan Tetei chu a rawn lang hlawl mai,ka lawm zia chu pui tak ani ringaw. Ani hi apu te thingtlang lama awm an dam loh avangin an han zin chho a an lo haw tawh anih hmel.Chuan tunah a hun takah alo thleng ka tilo thei lo,ka tan chuan zalenna dar nen a awri chu tunah kher kha chuan a danglam lo khawp mai.Alam chu kan hawi phei vata nui sang chuan min lo pan phei ve bawk.

"Engtik nge ilo haw a?Ngatinge engmah min lo hrilh miah loh?" Serbie chuan alo ti thuai a,Tetei chuan lei chhuah zeuh in tim deuh dai in "Sorry" ati sap a.Pakhat lah chuan alo kuah nawk nawk bawk.Ka thla ka ti muang ve ringawt a,Mahse Mawipuii mitmeng ka hmuh chuan ka beiseina neih te chu an ral riai riai hian ka hria a mitmeng chuan a zawhna ka chhan hma chuan a beidawng dawn lo tih ka hre mai.Ani hi zawng kan naupan lai atang tawh in kan zingah chuan a puitling ber thin a,min ngaihtuah em em thin bawk.A chang chuan min naute chei hian ka hre tlat zel ka naupan ber vang pawh ani mahna.

"Class tan ala hun chuang lo building hnung lampang ah sawn phei lawk ang u" a tih pah chuan min rawn en deuh kher a,a phei nghal thuai bawk.A hnungah chuan kan zui phei ve nghal zat bawk a, zam lo ang takin langmah ila ka zam zia chu pui tak ani,kal pah chuan Tetei chuan min rawn melh zeuh zeuh a,ka lo nuih sak zel thung ngaihthat loh hmel taka nui lui ve sak in ka darah a rawn chelh a.

Building hnung kan thlen chuan thutna an siam ah chuan kan thu thap a,Mawipuii mit erawhin min kalsan meuh lo.

"Ngati maw nizan chu i chhuah? Dawt ial sawi zui! Ody thil tha lo te hi...?" ti in ngaihthat loh hmel tak leh rum deuh ul a min en chuan ka thaw nghal huai mai,Nichina Jethro nen kan awmdan kha min zawt dawn amaw ka ti hman alawm?Thaw huai chuan ka en a,ka nuih sak phei chuan a ngaihthat loh hmel tulh tulh in ka hria.Thaw huai mahila chhuanlam siam tur ka la hre chuang lo.Sual viau thin mahila ruih theih thil kher hi chu ka tilo ve chiang emai.

"Nia...Ih ih.." ka tih bah nak lai chuan...

"Kan inah alo kal alawm" Tete thu rawn sawi avang chuan mak ti viau mahila ka thaw huai thung.Min rawn enin ala nui sak reuh anih chu! Henu hi vawin chu chhanchhuaktu angel niawma mawi ani,ka fawp nawk nawk dawn zawk amaw ni.

"Eng nge arawn tih ? Dawt! rawn kal se dawt sawi kher eng nge angaihna?" Mawipuii chuan ringhlel deuha alo tih chuan
"Zanah ka nuin chhuah mai mai a phal loh zia i hriat kha"ka lo tih khauh takah chuan tlem chuan a hmel pawh a dam leh ta deuh.

"A tawk!sawi reng lo ang u,class tan ahun dawn nia kal ang u" tih pah chuan Serbie chu tho nalh in Mawipuii pawh chuan a zui nghal thuai a,kan kal phei pah chuan Tetei bulah chuan zawi sap in lawmthu ka hrilh a,alo nui sak ringawt "Thil tha lo ti miah suh ang che!" a tih ve sap chuan,a nghawngah khuah kun thla in a sam chu ka tuai thur sak vak a"Odelia aninawm!" alo ti ve hlar.Ka lo nui hak hak thung a chunga ka lawmna hi a sang em ani.

.......

"Kha lai akil ami kha engzia i ziah mawlh mawlh a!" Kan English lecturer thin chhe ve deuh in atih chuan ka phone a message lo lut ka hawng tur chiah pawh chu tawp chat in ka hawi chhuak vat a.Miss in a lo koh pa lah chu Jethro lek chu lo niin.

"Khawmaw i thil ziah kha,kan vaia en tur hian rawn ti lang teh!" Miss in a tih chuan a lehkha bu chu a rawn lek chhuak a,kan inhlat vak lo bawk a,a thil ziah chu ka hmu chiang ve viau in ka hria mitmeng ringawt mahse tap mai tur tih hriat taka mittui tling pam hi ani.A keu rual chuan class pawh an thum hak mai.Ka hmuh dan chuan lem ziak thiam tak anilo ka ti phal hauh lo ang nilo proffesional te ang mai in a nalh in a ril raih ni mai hian ka hmu.

"Khai aw,nalh viau mahse kha kha hemi subj kan zirah hian a tel ka va hre lo ve!" Miss chuan a ti deuh hak a.Nula senior sual tak hi chu ani.

"Miss i mitmeng hi a mawi em alawm!" atih chuan class pawh a thum leh hak mai.Kan miss nula senior i pawh a lai ve deuh amaw ni hah! hepa pawh hi henu mitmeng hi mawi alo ti vel amaw?A thil siam leh senior-i mitmeng hi chu lei leh van ang vel ani!

"Aw ani maw! ka va lawm ve mahse class ah chuan khatiang kha chu tih tawh loh tur thu tawh rawh" a hma a athinrim hmel tehreng nen fak nuam ti over chi ani tih hriat reng reng.Hmelchhe dun lutuk! Ninawm Jethro hnaih tu apiang hian ka awm an ti nuam lo zo vek zel hi ka hrethiam lo!ka thik ani ngei ang, nia ka thik chiang ani! Ka phone a message hawn tak loh chu ka khawih ruk san ta daih a.

*He mitmeng hi ka theihnghilh leh tawh ngai lo ang* Tih leh tuna kan hmuh zawh tak a thil siam thlalak kha Laljethro chuan min rawn thawn anih chu!

"Senior-i mitmeng chu i va duhawm ve ! I duh leh va bem rawh!" ka ti lo chauh ani.

Mahse engtin mah chuan ka chhang ta lo a,off hmak in ka bag ah ka khung nghal daih.

..............

Class kan ban chuan Jethro an min lo nghak rawh a tih tlat avang in ka thiante ho min lo va kalsan turin ka ti ta ngawt pek a.Tunlai ka awmdan chu an ngaih ati tha vak lo tih pawh ka hria mahse min zawt zui ta bik lo.Ka pha leh dawn sa tih an hriat vang te pawh ani mahna.Gate pawnah chuan ka bike bula dingin ka nghak ta ngat ngat a, Volleyball team ho an in hmu khawm lawk dawn a,mahse rei ka ti tawh tak zet.

"Naupangte, Engnge i la tih a?" chutia ka bike bula ka ding reng lai chuan an rawn ti thut a.Ka phu vak lo chauh! Tunge anih pawh ka hre nghal amah lo in naupang tiin min ko ngai hek lo!

"Motor lo tlan zat ka chhiar mai mai" ka tih chuan a rawn nui chhuak huk a,at thlak tih hmel zeta min tlek pahin lu thing buk buk in a nui suk suk pah bawk.

"Naupang ti awm tawk lek ani" a rawn tih leh chuan ka ngei teh e!Ka melh rum vak chuan lo kal hnai in ka hnarah a la rawn piai vak zui "Ana nia" ka lo tih hlar phei chuan dak meuh in anui ta hawk hawk a.A hmel hi chu a chhe lo ve chiang alawm mahse Jethro tha ka la ti zawk tho tho!🤭

"Tak tak in! Eng nge i rawn tih zawk a?" tiin kan zawt tha leh hnuhnawh a.

"Sawi lai lawkah sawn ka kal a" tih pah a ka lu a rawn tuai thur kher chu ka lo teu leh nghal hlar a,hepa lah hi nui reng mai!

Chutia kan inbiak mawlh mawlh lai chuan chak fe hian bike in min rawn tlan pel fua a,kawng a kawi tur chu ka hmu hman fua bawk.Jethro bike ngei ani tih ka hre nghal!Min lo nghak rawh ati ve a,ning chung chungin darkar dawn fe keimah chauh in ka nghak char char a,chumi hnuah biak pawh min be lo in min hawsan leh daih bawk sia!Ka ngei dan chu pui tak ani.

Thinrim ru tun chuan U Zodina nen chuan kan in chhawm haw ta hnak hnak a.In kan thlen pawh chuan ka mood chu ala fuh thei chuang lo!Ka lo nghah ve char char hnuah min tlansan daih kha ka na ve thlawt.Ka han ngaihtuah ngial chuan rindan ka nei thiam ta chauh khatiang a a awm chhan ah khan.

U zodina nen kan awmdun alo hmuh khan a thinrim leh ringawt aniang! Vawi engzat nge ka sawi dawn min zawt chiang hmasa turin? thinrimin min la kal san daih zui! ka ngaihtuah chian pauh leh ka thin a rim zual zel ni mai hian ka hria.Ka va han be hmasa awm lo tak! Min ring tih sawi mahse hetiang mai mai pawh ahmu leh thei silo anih chuan ka tan thawk ngaihna a awm nang!Ho te te ah kan in bak kaih reng anga,a tawpah inthen chauh kan hmabak tih chiang takin ka hre bawk.

Mahse "Inthen" hethu mal hi kei leh Jethro in kar hmeh rem a tana ka ngaihtuah ringawt pawh hian ka awm chhung hi ana veng veng thei hial.He mihring pa hi ka tan ka eng chiah nge anih tawh pawh ka hrethiam tawh teh nuai lo!

Zanah pawh min rawn be lo! ka va han be awm bik lo chiang tak! Amah thiam loh zawk ania duh leh a tawp thleng kan ti ani mai ang chu! Mahse "A tawp " tih thumal pawh hian min tina.

Lehkha zir tum eng ang teh mahila ka zir thei hauh lo ka lehkha bu inchhawp te chu a en ngawih ngawih a mahse eng nge in ziak tih reng ka hmu lo!Jethro chauh ka rilru ah zu awm tlata.Ka ngai.Ni e ka ngai tak zet! A message hmuh tur awm miah lo te hian min ti thinrim tuna va biak hmasak erawh tlawm ah ka la ve bawk si!

Zan khatah hian Darkar emaw minute eng zat nge awm ka hre lo mahse zanin hi chuan nuai tam tak ang hiala tam ani in ka hria.Ka khumah chuan mu ve mahila ka mai mitchhing chiah hian ka mitthla ami hian min ti harh tulh tulh a,ka men ruala a hmel emaw a engmah hmuh tur awm lo hian min ti na zual a,ka ngai lutuk hi ka tap lo chauh ni ber hian ka hria.Hetiang hi ka ni ngai lo asin.Mahse ka nuna alo lan atang chiah hian kei hi Odelia mi luhlul leh ngeng tak kha ka la nih chiah em tih pawh ka chiang ngam tawh lo.

Ka phone a rawn rik chuan ka phu zawk a,a screen a hming lo lang vang erawh chuan ka ngai zual sawtin ka hria mahni in thunun hman lo lek chuan ka lo pick up nghal thuai a," Suala! " ka lo ti nghak tiau bawk,ka inthunun thei meuh lo ani.A thaw hawk ri chu ka hria.

"Sorry" a rawn tih phei chuan ka hnuk a ulh ti tih der.Ka huatna aiin ka thlakhlelh na hi nasa zawk hial in ka hria.

"Aih! I sual si! Vaw....Vawin ah pawh... !" ka lo tih tiau rual chuan a phun hluk a!Mahse a sawi erawh ka hre thei lo.

"Bawihte...ka tihpalh,tap tawh lo la! pawnah ka awm a lo chhuak la!" a rawn tih chuan ka meng kawk thei hial! Tunah dar 2 a.m a pel thuak tawh.

......................

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » March 7th, 2021, 2:15 pm

Chapter ~ 9

Ka khum atang chuan ka tho chhuak vata,ka wardrobe chu hawngin ka kawrlum hmuh hmasak sak chu in bel tawp in thawm neih hlau si,hmanhmawh si in ka chhuak ta them them a.Kan gate ka thlen chuan kan hawi let leh a,tuman ka thawm an hre lo aniang a reh ngaiin ala reh reng danah.

Gate pawn ka chhuah chuan ka hawi kual ngial a mahse tumah ka hmu lo,min tih der chiang lutuk hepa hi! Ka ngai bawk si ngei bawk si chu awmdan tur pawh ka thiam tawh lo ka rin loh taka ka biang rawn lum thla pap ah chuan zep rual loh in ka tap.

Kan tleirawl chhuah atanga tun hi ka hriat a china ka tah vawi hnihna ani a chhan pawh mipakhat mi thuhmun vang ve ve.Hetiang taka na hian min siam thei an awm ang tih ka ring ngai lo. Ka awrawl chhuah lo tur chu ka insum tang tanga,gate bulah chuan thu hnawkin tah ka insum lutuk te chu ka tha a khur thei hial ka hrawk pawh ana vek tawh!Ka khup tawmin a chungah ka lu ka nghat a,ka inkuah khawm vek bawk.Insum tum taka ka thaw lak te chuan ka taksa ati khur nasa zual zel bawk si!

Hetiang taka chak lo nih ka duh lo....Mah...mahse ka nih zia ka hre chiang tulh tulh bawk si.Ngatinge hote te ah pawh hian buaina kan neih bik reng le! Khuanu ruat an tih ang hi kan nih ve lo anih ka ring.Ngetinge khuanu pawh hian kan duh ber te nen hian rem min tihsak ve mai loh! In tawng turin min ruata mahse awmdun tur erawh chuan a ruat tel leh silo,anih si chuan eng nge kan tawn kha a tangkaina.Min tina tur atan emaw theihnghilh leh ngai tawh loh tur hriat reng nan zawk em ni?...

"God!" tih hluk ri ka hriat rual chuan taksa lum thur thurin min rawn pawn khawm nghal vek.A rim atangin tunge ani tih ka hrechiang em em bawk.Nghet zeta min kuah pahin ka luah arawn fawp nghal vang vang a!Inthunun hman lek lo in ka in sut ta hraih mai! Nghet leh zualin min pawm bet nghal a,tal chhuah tum chu thil theih loh tluk hial ani ang.Jethro hi a rualpui athian te zawng zawng zingah alang sar nalh a,a sangin a pian atha bik em em bawk,mizo hmeichhia ah chuan a sang tha pangai ve pawl tak ka ni a,chuti chung chuan ani khabe hi ka pel miah lo thung.Nghet zeta min kuah pah chuan ka lu ah chuan a khat tawkin a hmui in arawn nawr reng bawk.Kei erawh awrawl chhuah hlau takin ka insum ngat ngat thung.Min ngaih nep ka hlau ani,hmeichhe nep tak nih hi ka duh miah lo .Ka awmdan avang chuan Ka taksa ana vek thei hial.

"Bawihte , tap rawh a pawilo, keima thiam loh anih kha...." ka awmdan hrethiam taka a rawn tih dam thlup phei chuan ka rilru pangchang a chhuak ka tilo thei lo,ka insut ta hlap hlapa,min kuah nghet zual sawt thung.

"Sorry" tih chu a khat tawk in a sawi renga,engtin mah chhan lo in ka la tap reng,insum tum viau mahila ka mittui a hul thei ngang lo!

Rei ngial ka tah hnu chuan,in sut hlap hlap chunga a awm atanga dak chho chuan "Nangmah vang vek!Misualpa ....haw rawh haw daih rawh!" ka ti tiau a,mahse haw dawn tak tak ta se ka phal chiah em pawh ka hre chuang lo!Ka rilru no lai nen thinrim bawk si,naupang chhia zeta ka tawng pawh chu ka hrechang tawh lo.

A awma min kuah leh thlawp in " ka tihpalh anih kha! mahse midang bula i awm ka phal loh zia i hriat kha abikin khapa kha i hnaih ka phallo, eng ang pawn nang chuan ngai mah la khapa'n duh hmel deuha a en che khan ka thik thin,nang pawh i hlim hmel thei em anih kha khapa kiangah khan" a rawn ti hluk chuan

"Ka duh ve chuang lo ka tih ka tih kha chubakah ani te chu ka u ang chiah alawm" ka mittui tla nuai pah chuan pawr fe chuan ka lo ti ve a..

Ka nghawnga a hmuia rawn nawk pah chuan "Vawin ah pawh alo nghah vel che kha!" a ti nghuta,ka lo thaw hak thung"Mahse engthil pawh thleng mahse van khi van anih chhung leh ni khi thla ah a chan hma loh chuan min kalsan emaw ka kalsan ngai dawn chuang lo che" ati leh sup sup a...

"Vawinah pawh min kalsan daih kha aw!" ka lo ti leh tiau a,a thusawi khan min hneh a,min kalsan ka phal bik hauh lo, chu chu ka chiang em em bawk...ka thusawi avang chuan a rum nghut a,"A tawpna a niang! a thleng tawh ngai lo ang" alo ti leh nghuta a tawng zawnga ka nghawng lum leh hak hak thin chuan min ti ip leh chawi thin.A thusawi ah chuan a ti mai mai lo tih a awka rik danah chuan ka chiang em em bawk.Keipawn zanina min biak loh ringawt pawha ka ngaih hman zia te kha ka hre chhuak a,a tello chuan ka awm thei tawh meuh lo.A luah chuan ka lo chula .Kan gate ngheng khan kan la thu renga mahse kei chu a mal chungah ka thu tawh thung.Kan in hi kan thenawm te nen hian a inhlat deuh hleka ,ava fal deuh nalh tihna nih chu,zan a rei tawh bawk nen vei vak an awm meuh tawh lo.

"Ka ngai che!" kun hniamin ka nghawnga a lu phum tlat tu beng bulah chuan ka zu phun sep a.Mak tih hmel takin a rawn hawi chhuak nghal bawk! Ni e ....amak tihna chu a awm reng ka ngaihthu emaw hi ka la sawi hmasa ngai tlat lo!

"Sawi leh rawh!" a ti nghuta,ka mitah min en kal bawk.Kun hniamin a biang leh lamah ka kut pakhatin ka dawma, ka dawm lohna lam ka hmui a nul thuak in "Remruatzel...Ka ngai lutuk che" ka tih sap takah chuan ka kawnga a chelhna kut pakhat chu rawn la chho in ka biang leh lamah chuan dawm in tlem in min awm hlat tir hret a,chiang fahranin min en bawk,chumi hnuah chuan thaw hawkin "Keipawh,ka duatnu" tih pah chuan a hmui chuan ka hmui a rawn khar chilh ta hmak a, ril raih leh zun nei zet tur nisi dam dap si chuan min fawp ta vawng vawng a.

"Hepa hian akalsan dawn tawh lo che! A sawi kha,i kiangah a awm reng tawh dawn" ka thinlung atanga ri lo chhuak chuan ka mittui a ti hnam sawk thei "Nia min kalsan tawh dawn lo" min fawh reng lai chuan ka insut leh hraih a.In la hrang thuaiin hriat thiam loh hmel zet chuan a mit ti zim sanin min melha.

"Je....hei hian min kalsan dawn tawh lo tiraw" tih paha a awm ka kawh chuan thaw huai hmel pu hian a lu alo bu nghat nghat a,"Chuan heipawh hi ka ta vek tiraw heipawh hi ...chuan hei pawh hi" ti ruai chuan a mit,a beng,a hnar,a hmui te leh a kutphah hlai tak te chu ka hum ve tai bawk,uluk fahrana min lo en tu chuan min en reng paha bu nghat in"Bawihte ...a vai khan i ta vek anih kha" a rawn tih sap chuan,ka tah nuih hawk a,a kut chu la kangin ka hmui chuan ka si ta vang vang a.
"Chuan nangpawh ka ta vek i ni" arawn tih ve chuan ka lo bu nghat nghat a.

"Min ring tawh rawh aw....Tumah ta ka ni lo nangma ta chauh" tih sap pah chuan a biang chu ka kut chuan ka han nul thuak a,ka kut chu maimichhing chung chuan a bianga chuan a rawn nul let nà nà chuan ka lo nui hak, naupang chhia dun thin viau mahila kan induhna erawh chu fiamthu mai mai ani hauh lo.

"Heng hi ka ta vek an ni tawh" naupang chhia zeta tih pah chuan ka hmai vel chu a rawn fawp kual dun duna,ka lo nui hak hak thung "Chuan hei pawh" tih paha ka awm a rawn zen luha ka hn*te a tham rual chuan ka nui tawp hmak.Min rawn en in tifuh intih hmel zetin a la nui sawng zui.Hetiang hian kan awm dun fo,mipa leh hmeichhia induh ni ta fam chu athiang chin a awm ve bawk alawm!mahse vawikhat mah a tawp min thlenpui atum ngai hauh lo!Hei hian amah ah min ngheh tira ka ring em em bawk a chang chuan keimah zawk hian rilru fim put loh chang ka nei zawk thin mahse min tih luih phah emaw hun remchangah ala chuang lo,min kuah in titi dang min sawipui daih zel.

Inchhung ka luh leh chuan zing dar 3 a pel duai tawh.Engdang mah ti khawtlai tawh lo chuan ka mu te nghal vat.Rilru hahdam taka mu ka ni bawk a ka muhil rang ngang mai.

....................

Zingah ka tho chu ka lu a rit bur mai,college kal ngai bawk si!Bathroomah lutin ka intifai sawk sawk a.Inhnuaia in peih sa vela ka chhuk chuan ka chhungte pawh an lo tho vek tawh anih hmel.Ka pa in common room lamah news alo en a,ka nu erawh choka lamah a awm aniang ka u pawh inpeih sa thlapin ka pa bulah phone alo khawih mial mial.

"Nu!" step tawp ka thlen chiah chuan ka ti hnual deuh riai a,ka intih pangchang ve dan ani thung! Inchhung leh ka college life hi chu Van ah pawh a sang ber lai leh lei ah pawh a thuk ber lai aniang tih tur ang vel ani.

"I lo tho tawh maw" tih paha choka atanga arawn chhuah chuan ka awmdan chuan a ngaih ati tha lo aniang min rawn en chiang leh nghal vata "Ngati nge?I dam lo mi!" tihpah chuan ka chal a rawn dek nghal bawk.Ka pa leh ka u pawh an rawn hawi nghal!

"Aih! mahse ka lu a rit bur mai,nizan ka mutha lo lutuka" zawi deuha ka nu kuah paha ka tih chuan "I lu chu ana viau em?Nui a damdawi eitur te ngaihtuah sak thuai teh!A dam loh ka phal miah lo ani,bawihte hetah lo phei la,mama nu damdawi chu va la thuai teh" ka pa chuan alo ti thuai a.

Ka pa bulah chuan pheiin a mal chungah chuan ka bawk thla nghal a.Ka lu chu na viau chu nilo mahse ka mut kham lo bawk nen ka zawi ngawih ngawih vek ani.Ka pa chuan ka lu ah alo chul nghal hliau hliau a.

"Bawihte Lemon juice emaw milk lam pawh i induh em?ka lo lak dawn che mi?"ka u chuan ka bula lo kal hnaih pah chuan a rawn ti ve nghal thuai a.Hetiang khawpa chhungte min hmangaihtu min pek avang hian ka va han lawm tak em Lalpa! Ka u chu ka duh lo thu chuan ka chhang a.Rei lo te ah ka nu pawh lo letin eng damdawi emaw hi min rawn pe a,tho chhuak vatin ka lo ei ve mai a.God! a khak zia chu pui tak ani!

"College pawh vawin chu chawl mai rawh se! Mambawih i nau lo awmpui bawk la,vawin chu pawimawh a awm pawn inlamah i thawk mai dawn nia" ka pa chuan a ti charh charh a.Awmpui kher ka ngai lovang ti sateh mah ila ka chhungte hian min ngaihtuah vet vet em! Ka nu leh pa hi chu an hna ah hian chawl mai mai thei an ni tlat lo bawk nen ka u tal tiin an awm tir ve ta ngawt! Ka u lah chuan pawi alo ti lo nasa mai bawk sia.

Ka thiante ka u in call in ka kal theih loh tur thu a hrilh nghal bawk.Kal loh ve leh ringawt an lo tum aniang ka u in a zilh hrep hnu ah chuan an kal ve ta niang an rawn lang lo emai.Ka u hi chu an hlau ve chiang em!Tawngtlem tak ni mahse a duh lohna ah chuan kan in an na ka ti lo thei lo luhlul ber of the year kan ni ve ve thei ang! A hmeltha tak hi ka nu a chhun vang ani tih ka hria a mahse kei chuan tha ve viau mahila(😜)ka nu an na ka nei tlem hle thung.

Chawhma chhung zawng ka mu ta char char a,ka u erawh ka khuma ka bula thu mu in movie a en char char thung.A khat tawka ka chal a rawn tawk leh thin chu ka mang hriat ruai ruai bawk.Dar 1 rik dawn tep ah min rawn kai tho a.Zing atang engmah ka la ei loh avangin thil eitur tala min kai tho turin ka nu'n alo call ani awm e.A te ber tih takah min ngaihtuah leh lutuk thin hi ka awm anuam lo rum rum zel.

Thil kan ei zawh chuan room lamah kan chho leh a,mu leh tur chuan min ti mahse ka mut achhuak tawh lo ka luna pawh a zia ta bawk nen.Ka phone ka khum bula awm reng ka hmuh chuan ka la vat a.Tukin zing atang ka la khawih miah lo.

Whatsapp a ka lut chiah chu message alo tam ngang mai chutah pawh Jethro tang atam ber.
*Ngati nge i lo kal loh*
*khawnge i awm*
*I tha em?*
*Ka message i hmuh vel leh min lo call back nghal ang che*
*I dam lo ami,Mawipuiin atia*
*I eng nge na*
*Min lo be thuai teh,ka ngaihtuah che nia*
*ka lo kal mai dawn mi*
*Min lo call ang che aw*

Dar zat ka en thuai dar 1:15p.m, class an nei mek ang tunah chuan,Ka call rih lo mai ang.

A message ka seen chu a hmu aniang min lo call nghal,ka khumah chuan ka lawn nghal vata,ka u erawh an room ah a phei lawk thung.
"Hello"

"Engtin nge i awm a?I na viau ami?" A aw a min ngaihtuah zia chu ka hre thei mahse tunah chuan class ah a awm tur ani sia engtin nge min lo call theih.

"Ka tha tawh lutuk!Ka lu ana deuh a ani mai,mahse tunah chuan class a awm tur ini sia!" ti chuan ka zawt let nghal thuai a,ka tha tih ka sawi laia a thawhuai ka hriat khan min lo ngaihtuah tak zet ani tih ka hrethiam nghal.

"Nia...ka ngaihtuah lutuk che lawm khatianga i awm leh dawn anih chuan min lo hrilh tawh rawh aw min tih buai hneh ziah hi i hria em" thinrim ni miah silo chuan a rawn ti deuh nghut a.

"Sorry tak zet! Ka phone pawh ka la khawih hman lo reng reng alawm ka tho deuh chiah a" ka tih chuan,a nui sak lai tur ka ngaihtuah a ka hlim leh veng veng mai.

"Class chuuuu?" min la chhan miah loh avang chuan ka ti leh kher a

"Tu nen nge in awm?" teh daih chuan,

"Ngatan nge i tih?" ka ti let sap a,ka lukham pakhat zawk chu la in ka kuah nghal hlu hlu pah bawk.

"In inkawt ah ka awm a!" a rawn tih thum sap chuan ka thin chu a phu nghal zaih zaih mai!

"I ti tak tak em?" awih chiah lo awih lo ngam chiah bawk silo chuan ka ti nghat a.

"Ka duatnu,i tello chuan college a nuam lo alawm" a rawn tih tak ah chuan a awm ngei ani tih ka hre nghal.Fiamthu a thawh lo tih a aw atang ka hre bawk.

"Ka duatnu,Lo chhuak lawk la!" arawn tih leh sup ah chuan,ka khum atang rang zeta tho in inhnuai lam ka pan thla nghal!

"Ody...khawnge i kal dawn?" ka u a room atang alo chhuak chuan min rawn hmu hman ani ngei ang,ka ding chawt a,ka hawi buai deuh nak bawk.

"Ih..pawnah sawn kan kal lawk,ka lo lut leh vat ang!" tih pah chuan ka tlan chhuak nghal a,min au zui pawh chu ka chhang ta lo.

Kan tuala kan awmpui pakhat pangpar bul vel lo ti fai in hmanhnawh deuh a ka chhuak chu mak tih hmel deuh in min lo en tih pawh ka hre reng mahse ka ngaihtuah hman meuh lo.Kan gate chu ka hawng rawk rawk a.kan hawi kual nghal bawk a,kan gate thlang lam panga bike bula lei chhir neuh neuh paha lo ding reng ka hmuh chuan ka ngaih zia ka hre thar, a tello chuan hun rei lo te pawh hi kum tam tak ang hial ani!Ngati nge ka ngaih em em reng chhan pawh hi ka hre thiam tawh lo.

"Je.." ka koh ri chu hria in a rawn hawi chhuak nghal vut a,a lampan chu tlan thla nghal in a awm ah chuan ka kuah nghal chawta, ani pawh chuan nghet zetin min lo kuah let ve nghal bawk.Ka luah chuan a hmui a rawn nawr nghal vang vang a.

"Ka ngaih hman zia che i hria em?" a rawn tih sup chuan nui hak in a awma ka hmai nawr chak chak pah chuan "Keipawh" ka ti sap a.

Ka chhipa rawn fawp leh vang vang pah chuan" Vawikhatmah damlo tawh suh!" atih nghut chuan ka lo nui chhuak hak,kan dam leh dam loh ah thu kan nei tawp silo.

"Ka duatnu,min nuih ami!" a rawn tih nghut chuan dak chhoh pah a a mita en pah chuan "Tlem in " ner deuh nang paha mit siai zeuh a ka tih chuan.Ani pawh a nui ve ta hak a,ka hnara rawn piai zauh pah chuan"Chimawmte" a ti sap a,"i chimawm fe" ka lo tih leh takah phei chuan ka sam alo tuai thur vak a,ka lo teu nghal hlar a hmuh chuan a nui leh ta hak hak ,keipawn a nui lai hmeltha zet leh pa zet en chuan ka lo nuih pui ve ta ngawt bawk.

"Odelia!" aw lo chhuahna lam ka hawi chiah chu ka nu a car kawngkhar bula lo ding nen chuan kan mit a intawng ta chat mai!Tun ang hunah ka nu hi helai a awm tur ani lo!Ka bula Jethro ding nen chuan min melh tawn zak zak a,ka nu mitmeng ka hmuh tawha a nelawm loh ber tum ani hial ang!


....................

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » March 7th, 2021, 2:15 pm

Chapter ~ 10


Ka nu chuan kan pahnih chuan min en dun vang vang a,amitmeng chu la hmu ngailo tan phei chuan hlauhawm tak tur hi ani ringawt,kei ngei pawh ka nu mitmeng vawt tak vang chuan ka khur lo chauh.Tawng tuma ka ang hma zuau tih ah chuan "Rawn lut teh u!" tih hmuk pah chuan gate chu hawngin alut nghal hmak bawk.Tihngaihna hre lo zeta Jethro ka en chuan min lo en thla ve chiah a,nui lui sakin hahdam tura min tih paha ka chal a fawh vawng vawng chuan tlem chuan ka zia deuh chuan ka hria.Mahse kan hmabak hi a la ko takzet!

Inchhung kan luh chuan kan ti dak hi ani mai,hetiang khawpa ka nu ka hmuh hreh hi ala awm lo,ka pa tal awm ve se mahse ka pa pawh awm se hetiang tho hian a awm a ngem?Ka rilru buai zia chu pui tak ani.

Ka nu chu common room a single chair lian zet kan dahah chuan alo thu a,kan lut dun chu min lo melh reng avang chuan ka tim leh deuh dawn a mahse ka hnunga ding pa in ka dar a rawn chelh chuan ka phu zawka rawn hmer deuh salhin "a tha vek mai ang" rawn ti mahse ka zamna a bo phah chuang lo.

Ahma tak sofa ah chuan kan thu thla a,amit chuan min kalsan thei meuh lo.Ka nu hi ka sawi tawh em ka hre lo mahse ka sawi leh ang midang zawng zawng ka sawi awmzia chu ka unau dangte zawng zawng aia a fanu bik ka ni,ka naupan tet ka sawi awmzia chu ka hriat theih tirh atangin ka engkim hi ama min pek ani deuh vek ti ila ka sawi sual lovang ka pa hi chuan min hmangaih em em a,ka nu in min buaipui vek thin vang hi ani mahna ka chungah chuan a inrawlh vak ngai lo.Ka unaute lah hian thik en ah pawh min en chuang lo.Engkimah a hnung zui turin min duha a tha ber ber min pe thin bawk.Ka zaha,a duh loh zawngin ka awm ngai hek lo,ka cousin te nen kan intih buai apiang in ka kiangah a ding tlat thin a,mahse kan pahnih a kan awm hunah erawh ka tihdik loh sawiin min hrem thin.Engtiang pawn min hauin min hrem mahse min hmangaihzia ka hria a ka haw ngai hek lo.

"Odelia" ka nu aw ka hriat rual rual chuan ka ngaihtuahna ram atang chuan ka harh chhuak zawk a,ka nu chu ka melh nghal vat bawk chiang zeta min lo en ka hmuh chuan hnuai lam ka en leh nghal vat thung.

"Tu maw i thianpa chu?" tih nghut pah chuan Jethro chu a ke ler atang chuan an melh kual dan dan a.Ka lo ip zawk.Hetiang anga chiang hian mi in min en ve se ka insualpui duh mai ka ring.

"Ihh...ih..Jethro ania,kan college ami" atir lam bah deuh nuai mahse atawp lam erawh ka sawi pangai fu.Ka nu chuan alu alo bu nghat nghat a,Jethro lam chu an hawi ve nghala,chiang zeta a en chuan Jethro chu ka lo hlauhthawn pui nghal em em ringawt a,mahse amah ka en chuan a hmelah zam hmel emaw hlau hmel hmuh tur a awm hauh lo tih ka hmuh chuan tlem chuan ka awmdan pawh ka zia ta deuh.

"Tu chiah maw inih le? nangmah in han sawi ve ta che!" ka nu chu a aw dam viau mahse a hlauhawmna a ti zual ting nimai hian ka hria.Hetiang em em a ka nu hma a ka zam pawh hi ka la hre ngai lo!

"Nia..ahh..Odelia-i thianpa Jethro Remruatzela ka ni e" Jethro pawh chuan alo ti ve mai a,ka nu chu an bu deuh nghat nghat a!

"History subj em ni ilak ve?" ka nu chuan ati leh nghat a,a tawng dan leh hawi her chu thenkhat tan chuan zama khurhna tham ani hial ang.

"Aw ni e"

"Eng line lam zawh tuma la nge i nih reng reng a?" ka nu in atih leh chuan alutuk deuh mah mah a ka lo hriat avang chuan "Nu!" ka lo ti deuh nghat a.Mahse min pawisa chuang lo tih hriat tak hian Jethro chu ala melh kalh a.

"Ka pa duhthusam leh keipawn ka tuina zawng tak Professor line lam"Alo ti ve sup a ,ka nu chu a bu leh nghat nghat a,ngam ni ngat ila chuan Jethro hi ka chhuahpui hmak tawh ang.

"Chuan i chhungte lam hi?" ka nu in a tih chiah chuan ka insum hman meuh lo awka ring fe chuan "Nu! A tawk tawh " lo tih hluai pah chuan ka thutna tang chuan ka ding nghal nalh a,Jethro ka venthawn vang ani pakhat, kum naupang te a nu leh pa chan ani a,hetiang sawi chhuah hi atan a nawm loh dan tur ka hre ve bawk,a natna tih belh chhah ka duh lo!


"Odelia thu rawh!" ka nu in a rawh tih fak chuan ka en deuh haw "Mahse nu..."ka tih dek dek chuan "thu rawh!" atih leh tak hmukah chuan tih theih ka nei lo lutuk chuan min ti na! Jethro ka en chuan min lo en reng tawh a,nui lui sakin a bu nghat a,keipawh zawi muang chuan abulah chuan ka thu thla leh ta hram a.

"Ka pi..ahh engtin nge ka koh ang che?" an ti leh te te a.

"Pi Zonun emaw Nu Zonun i duh duh dan ani mai" alo ti tha ve leh lawi a,chutah Jethro chuan thawk lak deuh hak pah hian tiang hian a sawi ta a.

"Jethro Remruatzela ka ni ka tih tawh kha, Rosangkima leh Lalrinsangi te fapa neih chhun ka nia ,ahh mahse an ni chuan kum 10 mi ka nih in min boral san tawh thung tunah hian ka pa nu leh pa ka pi leh pu te enkawlna hnuai ah ka awm mek ani" an ti dap dap a,ka nu ka en chuan thil ngaihtuah muk hmel zet hian a en ngai a en deuh vang vang hnuah thaw hak in a rawn hawi chhuak leh a.A awmdan ngeng zet hi ani ka chhun ngawih nghawih thin an lo tih chu! Ngeitu ka nghah pawh kha a awm lo hran lo tih ka hre ve chiah!

"Anih tak chu,ka tawrhpui hle mai che" ti ve mahse a hmel erawh adanglam teh chiam chuang lo a hming a amawia sawi ve mai ani tih chu tupawn an hria ang,"Chuan kan thupui ah lut ila...Odelia-i nen hian inlo inkawp em ni? oh! nilo inlo inkawp a,chuan ka sawi duhtak chu tawp ang che u! A theih loh!" a tih tak hmuk chuan ka lo thaw hawk,hei chu a thleng dawn tih ka hriatna a rei tawh chuvanga zep duh tlat ni reng pawh ka ni

"Kan thei lo ang" kan ngawih vang vang hnu chuan Jethro chu rawn tawng leh hmasa ber atang in a rawn ti deuh hmuk a.

"Inthei tur ani!" ka nu chuan alo ti leh nghat thung.

"Ka pi,nilo Nu zonun Odelia hi ka kalsan thei lo chuan ani pawn khawngaihin min hrethiam ang che!" Jethro chuan ka nu awka ang lo tak chuan dam dap chuan ati a mahse a thusawi nghet charh ah chuan ati ngei ngei dawn tih pawh a hriat.

"Hruaisang!" ka nuin a rawn tih tak nghutah chuan nek luih chi a ni rih lo tih ja hrethiam vat.Tunah hian kan nek lui tlat anih chuan a tawp dan tur pawh ka hrechiang viau chuvang chuan hetianga tih hian kan tan hlawkna pakhat mah a awm lo.

"Je...kal tawh mai la a tha in ka hria" ka tih chuan min rawn en nghal vuta kal tawh se ka duh zia leh nek luih zel a theih rih loh tih a hria aniang chu min en leh reng hnu chuan bu nghat in a ding chhuak ta thuai a,thlah duh viau mahila ka nu mitmei ven ngai nen ka thlah ta lo mai.

"Lehkha chhiarna pindanah lo kal teh!" tih fak pah chuan ka nu chuan lehkha chhiarna pindan lam apan nghal vata,ka thaw leh hak phawt a,chiang taka ka hriat chu kan inhau buai ngei dawn tih hi ani.Mi hmuh lai ka tih awmzia chu kan awmpuite hmuh lai pawh nise min hau ngai lo ahranin room ah min ko thin hei chu ka naupan lai atanga a tihdan than ani.

Lehkha chhirna pindana ka luh chiah chuan tukverh bula min hnung chhawn zawnga lo dingin kawngka kalh tur chuan min rawn ti nghal sup a,ka kalh ve nghal mai.

"Chuan" ka nu chuan a rawn ti nghal nghut a,rawn inher in chiang zet hian min rawn en bawk.

"Nu ka kalsan thei lo!" ka lo ti nghal tlawng a,ka nu hmel erawh a rum zual sawt ni mai hian ka hria.Nia ka kalsan thei tawh lo miau ani.

"Chuti nih chuan kan thutiam te kha engtin nge ni ta ang?" a rawn tih leh fak chuan ka lo thaw hak a.Hethil vang chiah hian alawm ka nun a buai tak em em ni.

"Ka la ti thei em em tho ang " inring tawk tak chuan ka lo ti nghat a,hetianga ka lan loh chuan ka nu hi a thinrim zual sawt dawn tlat mi chak lo ka nih a phal ngai lo miau a.

"Hetiang thil atan chuan ala hun lo tih i hriat kha! tunlai i dinhmun pawh hi ka hre lo emaw ti suh, i tla hniam Odelia i grade a tla hniam!" a tawp lam chu alam chiang fak fak khawp mai.

"Nu..." sawi leh mai tur pawh hre lo chuan kan ti thla rawk a.Engtin nge ka awm zel dawn pawh ka hre lo ka thutiam puitlin tur chuan Jethro kalsan ka ngai tih ka hre chiang bawk si kalsan ka duh silo mahse ka thutiam ka bawh pelh thei bawk silo!

"Lo inngaihtuah chiang la , i chhanna a zirin engpawh thleng thei ani tih hria ang che, a tawp ber atan Odelia ka fanu i ni.Ka fate thatna atan engmah pawisak ka nei vak lo!" tih deuh sak sak pawh chuan min rawn kal pelin a chhuak ta nghal a.

Thaw hawk in sofa ah chuan ka thu thla nghal hnawk,ka nu thusawi kha ati mai mai lo tih ka chiang a,vau na ani nghal bawk.Hetiang hi thleng thei ani tih hre reng chung a ka tih luih tlat avang hian mahni natna ka insiam mai ani.Mahse kan hun hman liam ta te kha ka tana thil hlu ber an la ni tho.Jethro ka tawng hi ka inchhir tur anilo.

He thutiam teh hrep pawh hi! Ka nu kum 52na pian cham kan lawm hian kum 16 ka tling awrh choh a.Ka nu min hmangaih em em tu tan chuan a duhthusam ngei mai thutiam chu kei afanu hian present angin ka siam ta ani.Khami ni khan ka present avanga alawm zia erawh sawi loh a fiah chi zawk pawh ani mai thei sawi in a fiah zo lo ang.

A duhthusam chu tuna a thawhna Hospital hi ka pu (ka nu pa) ta ani a,tunah hian ka pute an a enkawl mek bawk mahse a fate ah enkawl thei tur tumah an awm loh avang leh ka nu te unau lah pahnih chiah an lo ni bawk nen,he Hospital hi ka nu chuan enkawl turin min duh ta a,chu chu tih puitlin sak ka intiam bawk.

College tuna ka kalna hi ka nu tih tak zeta ka dil vangin a phal hram a.Mahse he college ka chhuah vel leh ka nu duhthusam ngei mai Doctor zir turin Imperial medical College,London ah ka kal a ngai dawn thung.Ka subj lakah erawh Cl xii thleng scince ka la a,tunah hi chuan History ka thiante lak ang ka la ve mai a chhan pawh ka tan atangkai vak dawn chuan loh vang ani pakhat.Ka nu laka ka thutiam hi ka sut leh thei tawh bawk silo ka nu lah hian ka zirna tibuai thei engthil pawh ka naupan lai atanga dah bo nghal zel anih avang hian Jethro lakah pawh dimna a nei dawn lo tih ka chiang em em bawk si.He thutiam leh hi ka putea te lama buaina neuh neuh a awm avangin sawi chhuah a rem bawk silo!

Ka hun tawn khirh zet avanga ka lo in ngaibtuah ngut ngut lai chuan ka phone lo ri thut avang chuan ka phu nghek a.Ka lak kan chuan Jethro ani tih ka hmu nghal thuai a,eng nge ka sawi tak ang.

"Hello" ka chhan ruala a thaw huai kha ka hriat hmaih hauh lo.

"Bawihte , i tha em?hei in ka thleng chiah a" arawn ti sup a.Ka ngai a ka thlahlel zual zel hi tih reh dan a awm thei angem le?

"Ka tha lawm, nang zawk?" zangkhai thei ang ber tur chuan kan ti let ve vat a,mahse ka hah ka hah hluah hluah

"Aw..ka tha lawm, i nu rilru chu ka hriat thiam puia dawhthei deuh ila kan hneh thei mai ang " a rawn tih let sup chuan ka lo thaw hak a.Eng vanga tah chhuak em em nge ka nih pawh ka hre lo! ka nu rilru hi kan hneh thei ngai dawn lo kum tam fe kan nghah a ngai dawn tih chu ka hre chiang nasa mai si

"Je....kalsan ta che ila engtin nge i awm ang?" ka aw a zawi hle a, atawp lam a zuih ral ti tih bawk.Chhanna nghak a ka awm reng hnu pawh chuan ala reh vang vang si chuan ka ngaih lam a ti tha ta chiah lo.

..............

Lo dah hram ka tum sia ka hma thei vak lo a,ka khuh reh thei lo bawk nen khuh bawrh bawrh chunga ka type ania, angaihnawm vak lo aw,mistake a awm nual mai thei min hre thiam dawn nia.

👇👇 a hnuaia ads khu click theuh ang u aw, khawngaihin 💚

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » March 7th, 2021, 2:15 pm

Chapter - 11

"Ka sawi thin kha Odelia engvang mah in min kalsan ka phal ngai dawn lo,keipawn ka kalsan dawn lo che!" a awki hniam deuh ruih leh ril ruih mahse tak em em si chuan min ti nem zo a,ka mit ka chhin rual chiah in ka biang a lum thla nghal pap bawk.Engtin nge niang? Keipawn kalsan ka duh lo! Mahse....Mahse a ngaitlat bawk si.Tih theih ka nei lo lutuk chuan min ti na nawn leh a,ka hreawm ti lutuk pawh chu thawk pawh ka thaw tha thei lo hial a.Tha tak chuan kan in mangtha thei hram a,mahse ka thinlung tawt lutuk hian ka taksa pum min ti na thei hial in ka hria.


Room atang chuan chhuakin ka room lamah ka chho a,engmah ka ngaihtuah thei lo.Ka rilru tawt lutuk tih reh tumin ka tih thin dan ang bawk in bathroom ah ka lut a,Instrumental music ka mawi tih em em mai chu play in shower hnuai ah chuan ka ding vang vang a, zawi muang a shower chu on in ka ngaihtuahna chu nidang ang bawk chuan sawr bing kan tum leh a,tlem chuan ka ngaihtuah thei ta deuh chuan ka hria.Mahse kawng tha ber nia ka hriat hian kan pahnih hian rei lo te chhung chu min ti na ang.

Khawngaihin tuar thei turin min ti chak hram ang che.

..............
Jethro Remruatzela


Khawvela ka hmangaih ber nu in kan inkawp a phallo, engtin nge niang?Thlah turin min ti maw kei Jethro Remruatzela ka nih chhung chuan ka kalsan hauh lo ang le! ka beidawng dawn hek lo min pawm ngei theih nan ka theih tawp ka chhuah ngei ang.

Mipa ni ve ta fam tan chuan hetiang kan han tawng ta mai chu a tlawm thlak tak zet ka thian te hian hria se min nuih ang nge min khawngaih in min hnem ang? He inzawmna hi engthil pawn tih chhiat tum mahse ka phal ngai lo ang.Ka lak atangin tuman ka ta min lak sak ka rem ti hauh lo.

Vawin thil thleng ka hmuh chinah Odelia in anu a zah zia ka hre thar a,anu lakah chuan ani kha chu nep te hi ani ringawt.Anu in min duh lo kha awm lo ka ti hram lo kei nu leh pa nei lo chhuan tur tumah nei ve lo te hi chu anni ang mi hausa lutuk chhungkaw tan chuan ka hniam deuh ani.Mahse mipa ka ni a,ka hmangaiha ka veng him thei bawk, ka theih tawp ka chhuah phawt chuan midang angin nei ten tun lo mahila harsa chuan ka siam bik lo ang tih ka chiang ve bawk.Eng vanga kalsan thei miah lo nge ka nih chhan chu ka chiang ta viau chuan ka in hria...Nia, ka hmangaih.
Midangin an sawiselna lai hi ka hre lo ani lo,ka hmangaihna hian sawisel min phal sak lova a famkim lohna lai pawh keimah nen kan famkimna anih viau avangin ka tan chuan sawisel bo leh famkim ani tho tho.

A tuk class kan kal pawh chuan a awmdan ah danglam a awm em tih hriat tumin ka chik a mahse engmah danglam awm ang ka hmu lo thung.Mi thenkhat hi chuan mi awm mai mai te hi engvanga lo sawisel ringawt thin nge an nih ka hrethiam lo.An kal dan ringawt a lo buai te,an thawmhnaw an awmdan an che zia chena uluk mang khenga lo en thinnte hi mize pakhat nge an nun in a ken tel thil zawk pawh ka hrethiam lo , hei tak hi Odelia hian a ngaithei lo zual a,vawin pawh buaina an siam leh tak kha.Mahse in rawlh ka tum hran lo naupang chhia ani tawh lo dik leh dik lo thliar hrang thiam a ni tawh a eng ang pawn sawi mahila dik nia a hriat lam a ti ngei ngei dawn tih kei aia hrechiang an tam lovang.

Kar khat aliama Odelia nu pawn engtin mah chet a rawn la lo, nu tawh khirh zet ani tih ka hria a engvanga ngawi reng nge ka hriat loh a vang chuan ka ngaihlam a tha lo lek lek nghe nghe.Odelia i lah a awmdan a pangai reng te chuan min ti awm nuam lo tep zel zawk ani.

"Hey...ka thusawi kha i ngaithla miah lo!" rawn ti tu lam chu ka en vata,alo tum bur mai.Ka ngaihtuahna ka lo kawm tui lutuk avang in a sawi ka hre lo chuan a thin a ti rim leh fu tawh aniang.Mahse thildangdai deuh ka hriat chhuah chu maw a thinrim hian a duhawm ka ti tlat tawh a biang hi a in ham puar ve vak zela hei hi alawm awmna chhan ber ani in ka hria,ani lah hian hre tak ang maw! Nui var var chunga ka en chuan a tum lian zual sawt a,lawmawm ti zetin a bianga kan piai sak chu a teu hlar mai.

"A nà nia" a rawn ti pawr hlar a.Ve reuh hian hlir hler reuh a,ka nui a hmuh phei chuan a thin a rim zual sawt ni ngei tur ani " Suala " tih pah chuan ka sam ah a rawn kek mai anih kha!

Tunah hian Saturday chawhnu lam ani a, tuma hriat lohin kan leng ve ngei a, Khawpawn lama building lian tha ve pangai tak an sak mekah chuan min kal pui a,chhawng thum ani a,mahse chhawng hnih bak an la sa zo lo,chhawng hnuai zawk kawngka chu hawngin kan lut a,bungrua vel la awm vak lo mahse an sa zo deuh thaw tawh tih chu a hriat reng.A sawi dan chuan a pa lei ani awm e.Thlanglam bathlar ah chuan chhuk in thut phah sei pakhat hi alo awm ve ngata,tah chuan thu in ka ti ti a,mahse thildang ka lo ngaihtuah san ta daih kha nia.

"Hei...Odelia leh!" tih pah chuan a chet dan naupang chhia zet avang chuan min kek chung chuan kan nui leh hak a,a thin arim leh sawt ni ngei tur ani,ka sama chelh na chu ti nghet sauh in min hnuk hniam a,a nà tawh reuh zek leh nghal.

"Hei...min thlah vat teh anih loh chuan ka chet dan tur hi i duh miah lo mai thei ania" la nui deuh var var chung chuan kan ti a, ani lah chuan a run ngang aniang min la thlah duh hauh lo.

"Suala..nangmah anih kha ka thu...." ka thil tih avang chuan a thusawi chu a tawp chiang hle.Min thlah duh miau loh avang chuan ka hma a hn*te nalh tak a shirt pan te chhan a lo pawng ve rial chu kawr chhanah chuan ka hm*um ta hmiah a.A rawn thaw hawk pawh chu ka hre reng.

"Jethro eng...engthil nge mw i tih le!,tho teh" tih pah chuan ka darah chuan thei leh thei loin a rawn nem ve tawk tawk a,a hn*te hmura seh zeuh pah chuan nui vur vur chung chuan ka tho chhuak ta nghal a.A hmel ka en chuan a lo sen deuh ap ap reuh anih chu duhawm ka tih zia hi hria se a ai nasa hian a sen theih ka ring.

"Hmela!" ka nui vur vur a hmuh chuan a rawn ti leh hlar a,ka banah a chum nghak pawp bawk mahse na tham erawh ani hram lo.Ka nui hmel chu a run leh ngang aniang .

"I tum bur bur chuan i biangpuar te kha ka seh chak teh mai ania" ka tih phei chuan min melh rum ngang mai.

"Ka thusawi i ngai thla lo ni kha" pawr fe chuan a rawn ti a,inkuang kuah hmak in min in her san hmak reuh leh nghal.Kha hmeichhe vawt lutuk kha hetiang khawp a duhawm hi ani ang tih tu in nge ring thei ang.A sual lo ka ti lo,a chimawma a kawlh bawk, a ngeng em em thin bawk a mahse heng zawng zawng hi a chapo vangah an ngai ani mai thei mahse henu hi a chapo lo a inveng mai zawk ani.Tuma hma ah tlawm a duh ngai lo tih kan hre theuh a mahse fair lo tak in ati tih erawh sawi tur a awm ngai hauh lo.

Hnung lam atang chuan a kawngah chuan dawmin ka pawm kang thuta a tal ve phat reuh anih chu ka nui hawk a,mahse ka thlah chuan lo ka mal chuangah chuan a sir zawng chuan nghat in a kawngah chuan nghet zet in ka chelh leh nghal a,tal viau mahse a tal chhuak zo dawn lo tih a inhria niang chua zawi zawi chuan a inthlah dul thei ta hram a.

"Sorry...nichin vang khan sorry lutuk,ka lo ngaithla tawh ang " ka tih sap chuan a thaw hak a mahse a tawng duh chuang lo ve ngil ngel reuh hian a.Luhlul ngil ngel reuh thei ania.

A kawnga chelh reng chung chuan a awmah chuan ka hmai chuan ka nawr leh a,"Min ngaidam dawn lo ami?" a awma hmai la phum tlat chung chuan ka ti leh sap a,a lungphu ran zia ka hria , engvang nge pawh ka hre chiang khawp amah ang chiah hian keipawh a kianga ka awm chuan ka awm ve thin tlat alawm.

"College i chhuah hunah engtin nge i awm ang?" a rawn tih tak sapah chuan a awma ka hmai phum tlat chung chuan ka nui suk a,"Ka dream ti puitling tur hian ka theih chhung chu lehkha ka zir a ngai alawm" ka ti sup chuan a rawn thaw leh hak a..

"Heii....tian awm reng lo teh..ka ..ka thaw tha thei lo ania" arawn tih bah nuai chuan a awmdan tur chu ka hrethiam mai! nui suk chuan a awm chu fawp zauh in ka dak chhuak nghal a,min lo melh ve nghal kiau bawk.

"I hmeltha lutuk!" ka inring hman lo ka ka tang a chhuak ta phawng mai!Mahse tunah tak hi chuan awihawm loh khawp in a hmeltha ka ti,nidang zawng zawng aiin ka hmu duhawm hial bawk.A laih vanga a biang sen tek te nen chuan ka duh zual vek,insum hman lo lekin a biang chu kan seh sak leh nè nè nghal zat a.A lo nui ta hak hak mai.Hetianga awrawl chhuah meuha a nuih hian nuam ka tiin kan famkim zual hliah hliah hian ka hre thin.Midang bulah hetiang khawp a anuih pawh hi ka la hmu hauh lo bawk.

"Hei...a zà nia...duhtawk teh!" a ngawngah ka nul thlak zei zei chuan a rawn ti ta chula,nui hak hakin ka darah a rawn nawr ve tawng tawng bawk.Nui nghawr dat chung chuan a sam karah chuan ka hmai chu ka phum ta hle hle a.Zep miah loh chuan tuna kan awmdan khan ka awmdan/ka hnuailam a ti danglam pha tlat, ka mal chunga thu nu lah chuan a hre lo aniang.


"Khawiah maw rei lo te chhung awmdawn ta ila engtin nge i awm ang?" a rawn tih sap chuan mak ka ti deuh,hetiang thil hi engmah a hma in min zawt ngai tlat lo.Mahse a zin dawn pawh ani thei ve tlat.

"I bulah ka lo kal ve mai ang" ngaihsam zeta ka tih chuan alo thaw leh hak a,ka rin aiin a thu tak hmel riau.mahse ka la uk sak vak duh chuang lo.

"I hriat lohna hmun ah ni ta se...midang ka awm loh chhung in i...." a rawn tih leh rual a ka dak chhuak chuan a tawng chu a ti tawp chat a.Chiang fe chuan kan en vang vang phawt a,engtia chutiang thu te sawi nge maw anih reng reng ni!

"Min kalsan ka phal ngai lo ang! chuan nangmah lo tum mah ka duh bawk hek lo" ka tih nghut chuan ka rin loh deuh in a mittui a rawn tling nghal pam a.Engvanga hetianga awm hi nge anih.Ka chhanna vang kha nge?

"Hey...shhh..ngatinge tah i tum mai alaw" ka tih chuan a rawn thaw hawk a,a maimitchhin rual chuan abiangah amittui a rawn luang chhuak nghal ngiai ngiai a,ka lo thaw hak a,a biang chu dawn vatin a mittui chu ka lo hui kiang vat a

"Ngatinge i tah?" Ka lo tih sap chuan a biang ka dawm na chu rawn chelh hnanin a la kang a a hmui chuan an si leh vang vang a! A awmdan hian ka ngaih a ti tha hlawl lo.

"Ka lawm vang anih kha! " a rawn tih sap chuan bo deuh chuan ka lo en a,ka hmela ka ngaih tha chiah lo chu hrethiam ni awm tak hian a nui hak a" Ngaihthat lohna tur engmah a awm lo" an ti hmasa leh te te a,ka kut bawk chu maimichhing chuan an fawp leh vang vanga , a thusawi khan ka ngaihthat lohna chu engmah a tih kian phah chuang lo."Dik tak chuan khawi hmunah pawh lo awm hrang mahila min kalsan dawn lo tih ka hriat hian ka lawm em alawm" a rawn tih tak sap ah chuan thaw hawk in a chalah chuan ka fawp ta vang vang a.

"Khawi hmunah mah kalsan che ka tum lo mahse kan awm hran rih te pawh ala ngai mai thei a chutih hunah pawh ka taksa hi chu hrang mahse a chhunga mite hi chuan i awmna hmun a piangah an awm ve zel ang tih hria la chuan i hriat leh zel atan engpawh thleng se ka kalsan ngai lo ang che!" ka tih leh sup chuan nghet zet chuan ka nghawngah min rawn kuah a,keipawh chuan a kawngah chuan ka lo kuah ve nghal thuai a,a hnungah chuan thlamuan tir tum tak chuan ka chul pah reng bawk a.Hetiang hlauhthawnna aneih hi ka duh lo,ka kalsan dawn lo tih hi hria se ka duh ka kalsan ngai dawn silo a.

.................

Sunday alo in her chhuak a,nidang ang bawkin inkhawm turin ka insiam leh a,ka insiam lai chuan ka phone a message lo thleng chu ka han en nghal vat a.
"Zanah nimina kan kalna ah khan lo kal rawh aw!" tih te hi,ka mak tihna chu thup tum teh mahila ka thup thei hauh lo tur ani tlat.Vawikhat mah hetiang hian chhuah dunpui ah min la sawi ngai lo.Ka ngai a tha lo leh tlat tawh .Buaina eng emaw a tawk ani thei mai angem?

"I tha em?" engdanga chhang lo chuan ka va ti tlawng a,a chhan pawh a nu in a chungah thil tih a neih anih ka ring nghal em em ringawt vang ani.

"Tha lutuk e...thil pek duh che ka nei a,lo kal ngei ngei ang che" a rawn ti ve leh mai a,Aw tiin chhanh mahila ka ngaih a la ngam chiah chuang lo.

Chhunah chuan ka nutei te chhung an rawn leng phei a,fa pahnih an nei ve tawh bawk nen kan ri ve laih laih mai.Zan hun ka ngaihtuah apiang chuan min kam deuh run a ka awmdan teh ngawt pawh chu ka hrethiam teh hrep lo.

"Mampui i nuam sam meuh lo ami?" ka awmdan chu ka nutei chuan alo chik ngang aniang min zawt ta chat a,ka tha chu ti ve mai mahila a ngaih a that hmel teh chiam loh na ka neih chuan sawi tur chuan min han ti leh a,na ka neih loh thu leh kan zirlai lampang vang mai mai ka tih takah chuan a awih ve ta niang thuthe pui pui leh lehkha bu rawn tur te min hrilh nual a,pawisa lam ka mamawh pawn hrilh turin min ti mahse la mamawh tawk ka pi leh pu ten min la tum sak theih miau avangin va tih buai ka tum hran lo.

....................

Zanah chuan dar 7 velah Odelia in rawn sawi lam pan chuan ka in khalh chhuak ta nghal a,ka zu thlen chuan kawtah a bike a lo awm vang tawh varanda light chu an lo on va bawk a.Inchhung chu an luah tawh anih hmel viau mahse nimin lawk kha chuan ala ruak huai bawk si.

Kawngka chu kan kik a,min chhan mai loh avang chuan kawngka chu kan nem chhina alo in hawng thei hlauh mai,engkhaw sawi lo chuan kan lut ve nghal thuai a,inchhung chu alo fai duak tawh nimin ai chuan light chu 2 a lo in chhi a,thut phah sei pahnih alo in hung luau tawh bawk .Mahse ka hmuh duh ber Odelia ka la hmu lo.Room lamah chuan eng a awm avang chuan a awm anih chu ringin ka pan phei ve nghal vat a,kawngka chu hawngin kan lut nghal thawr a,mahse ka thil hmuh chuan ka pen lai leh ka lungphu chen chuan a ti chawl nghal dup ni mai hian ka hria.

......................

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » March 7th, 2021, 2:15 pm

Chapter - 12

Room chhung chu alo fel fai thlap a,khum pakhat lo awmna kiang ah chuan sofa lian zet pakhat lo hungin tah ngei chuan Odelia-i
chu ngaihtuah muk hmel fe hian a lo thu a.Ka mit la chat tu leh ka awmdan ti danglam tu erawh chu akiang a zu bur lo awm ve leh a kuta zu no chu ani.Hmeichhe zu in hi ka ngaithei lo mai ani lo ka haw tlat zel a.Odelia hian zu a in ngai ka hre hek lo bawk mahse engvanga zanin ah hian zu nen lo awm dun hi nge anih?

Ka thawm a hre miah lo tih a awmdan ah chuan ka hre thei a,pan hnai vutin ngaihtuah miah lo a a zu no ami in leh a tum chiah chu a kut atang chuan ka phih thla lawp a.Mak tih hmel zeta a rawn dak chhuak chuan min rawn en nghal vat a, keimah ka ni tih a hriat rual chuan mitmeng si sap amin melh in an nuih sak phei chuan ka thin a rim zual sawt.Hetianga mi awm tha duh lo te ang mai mai a a awm hi ka duh lo.Ka thinrim insum tum tak chuan thawk kan la vang vang phawt chumi hnu chuan a bulah chuan thu thla in a no ka laksak chu side table lian vak lo lo awmah chuan ka dah chawrh bawk a.Ka lungawi lohna chu hre lo ang hmiah in a bula ka thut thlak rual rual chuan ka bula lo tawh hnaiin min ngheng nghal der der a.A awmdan hi a mak takzet a hmain tiang hian a awm ngai lo.

"Engthil nge thleng min hrilh rawh?" ka insum thei tawh lo chuan ka ti deuh khawl a,a chhungten a chungah keimah vangin harsatna an thlen sak em ni? tih chu ka ngaihtuahna luah khat tu ber ani.Chutiang chu lo nita se,ka tlan bopui mai dawn em ni.Ka thaw leh hawk a, tunlai a awmdan hi a hma a ang pha tawh lo tih chu chik tak a en tu tan chuan hriat hmaih theih ani hauh lo.Thil lian tham tak vei anei a ang ni berin ka hria.

"Sawi rawh le?" ka tih leh nghut chuan,a rawn dak chhuak ve ta a.Chiang fe chuan min han en hmasa leh te te a,a mitmeng de sar sar te kha an bo leh vek tawh.

"Je...ka...ka hmangaih che" ti chhuak hlial chuan a thaw deuh hak a,hnuai lam a en nghal daih bawk.A thusawi chu ka tum loh lam lutuk anih vang nge ka bo deuh hù mai.Mahse inthing harh thuai in a biangah chuan ka dawn vata.Ka lam hawi tur chuan ka kuai her nghal bawk.

"Sawi leh rawh!" ka aw chu ka thunun hman lo ka hlim lutuk tih a hriat hlau a ka thunun tum lutuk na lamah ka ti deuh nghut mai.

Zam hmel deuh chuan min rawn en leh a,maimichhing leh vang vang in,a rawn thaw leh hliai a,a awmdan chu chik fe in kei in ka lo en thung,a engkim hi ka hmu mawi em em vek a,ka ngaihtuahna zawng zawng hi a nei mai nilo zawlaidi min tat ta emaw tih mai theih tur khawpin amah ah hian ka inpumpek vek hi ani mai.Ka hmuh ngung leh ka thlahlel zual tulh tulh mai bawk .

"Ka hmangaih che" a rawn tih leh sap takah chuan ka melh ta vawng vawng ringawt.Kan inkar hi induhna mai ani tawh lo tunah chuan hmangaihna a tel tawh a kan famkim zual hliah hliah ni mai hian ka hria.

"Keipawn ka hmangaih che" ka ti let sup chuan min rawn melh vata , a mit a mittui tling pam pawh chu ka hmuh hmaih hauh lo.Room chhung light eng ten an han chhun de set set mai te chuan he ka nula duhawm tak duhawmna hi a tih belh chhah ni mai hian ka hria.

Kan inpawm vawng vawnga,ka thlakhleh tluk zeta min thlahlel ve tih ka hriatna hian min ti lawm a, darkar tin mai hian a laka ka luanliamna hi a ti zual zel bawk.

"Thil pakhat ka dil ang che aw..." a rawn ti sap chuan nem hla deuh in a hmel en thei tur chuan ka kuai dak a,chiang zetin min lo melh ve kiau bawk,

"I duh duh min dil rawh,ka pe vek ang che mahse nangmah kalsan tur che chuan min ti suh ! a thleng ngai dawn lo" amah en kal chuan ka ti a,a hnar a kan piai sak zeuh chu a run leh ngang tawh.

"I duh chu sawi rawh le" ti sup chuan a kut chu la kangin ka hmui chuan ka nawr si leh vang vang phawt a,ka chet dan chu uluk zetin min lo thlir reng tih pawh ka hria. A ngawih vang vang hnu chuan thawk a rawn la leh vang vang phawt a,engtak chu sawi reuh dawn ni maw?


A thil rawn sawi avang chuan awih lo lutuk in ka melh vat,mahse a hmelah erawh a tih tak zia ka hmu thung.Tuna a thu sawi kha ka hre sual em?Hre sual lo ta ila engvanga tiang thil chu min dil nge anih.

"Sawi nawn leh teh!" ka ti deuh nghut a

"Je...ka sawi Kha i hrechiang tih ka hria mahse i duh chuan ka sawi nawn leh ang 'I ta ah min siam rawh' i ta pumhlum nih ka duh" a hmelah zam hmel lang lo mahse a kuttang khur ru der der chu ka hmuhhmaih hauh lo.

"Engvanga tiang thil chu duh nge i nih?" He hmeichhia hian engvanga tiang thil duh nge ani tih ka hriat angai.Dik taka sawi chuan mipa ka nia kan hmeichhia duh ber ten kan lakah inpek pumhlun an duh a min sawm anih chuan hnial chu har tak ani mahse tun hi chu adang aduh vang reng nge nawrh luih vang ka hre lo.Tih luihna vanga neih lah ka duh hek lo,amah duhthlanna ngei in alawm tunah pawh ka kiangah a awm ni.

"I ta chauh nih ka duh, tumah kan inkara an tlak zeh ka phallo" a chhanna chuan min ti hrilh hai lek lek.

"Ody...ka ta i nia lawm,chuan keipawh" tihpaha kuah ka tum chuan alo tal deuh phat a, zanin a awmdan leh a chet zia hi a mak tak zet.

"Aih...Je, khawngaihin" men deuh pur chunga arawn tih chuan ka thaw hak.Keipawn ka duh alawm ka ta a siam tluka chak ka nei bik reng reng lo mahse Nupa kan la ni tlat lo.

"Keipawn ka ta a siam che tluk a duh ka nei bik hauh lo ,mahse Odelia Nupa kan la ni lo chuan Pathian .." ka tih lai mek chuan ka hmui chu a hmui nel thep chuan a rawn khar chilh hmak a,min fawh dan chu a ngeng ngawl hle a,ka chhang let ve mai bawk.Kan inkar a in hip tawnna mak tak awm hi kei ngei pawh hian ka hrethiam pha bik lo.

Nidang ang lo takin a thil duh tih puitlin ngei a tum tih hriat takin min fawp duhthawh in a chetzia ah pawh a ti lang nasa.A thutna atanga tho in ka mal chungah min hma chhawn zawng chuan a rawn thu ta chat a,min fawp pah reng chunga a m*wng a tih chet chiah chuan ka thaw hawk mai.Ka hriatna thenkhat chuan thil dik ani lo tih min hrilh mahse thenkhat erawh chuan a duhna tih puitlin sak turin min nawr ve bawk.

Ka awmdan chu a hrethiam ani chek ang chu a che uar sawt a,ka tan pawh insum reng chu thil har ani ta.Tleirawl tha za rual lek kan lo ni bawk nen ka hnuai lam che tual tual pawh chu ka hai hauh lo.A kawr chu a bra chawp chuan ka nawr tawm chho deuh hrawk a,a hn*te khuhtu nei lo a hmur lo sen vam ham chu ka hmuam nghal chat a,ka hmuam loh chuan ka kut leh lamin ka hrawm bawk,ka chunga thu nu chuan ka samah alo tham deuh salh a.Ka en chhoh chuan mit meng phelh phungin min lo en ve kar bawk.

Ti chuan khum lamah chuan pawm phei in a duh ang ngei chuan ka ta ah ka siam ta a.Nula thianghlim, a tana a hmasa ber ka nih ang chiahin ka tan pawh a hmasa ber ani, a tawp ber ka nih tir ngei bawk ang.

Thlan tla hluama a chunga ka bawh thlak rual chiah chuan nghet zet in min lo pawm nghal a."Ka ti na che em?" ka tih sup chuan min chhang mai lo.A hnu deuh ah chuan a rawn in hnit ta hraih a,ka in beng kang vat bawk ,chik zet chuan kan en a, na ka tuar tir em ni?

"I tha em? ka...ka tina che mi, ka thiam...."ka tih bah nak lai chuan min lo pawt chat vat a,ka hmui a rawn nul thuak chuan " Ka lawm e aw" a rawn ti tham tiak a,khumah chuan let thla tawpin ka dar kham thei tur chuan ka chungah ka pawt kai nghal a.Ka kawngah chuan ani pawn nghat takin min kuah ve nghal chial bawk.

"Ka hmangaih che" a rawn ti leh sap a,tuna ka hlimna hian engtia rei tak daih ang maw.Ka hmeichhia ,ka ta ...ka ta pumhlun ani tawh."Keipawn ka hmangaih che,Muhil tawh rawh le" ka tih let ve sap chuan min kherh nghet sauh sauh pah chuan insiam rem in reilo te hnuah chuan a rawn thaw ta sak sak a.

Ka pite hnen ah dawt sawi in riah chhuahna tur chhuan lam ka siam a,ani pawn ati tho.Ti chuan chu zan duhawm tak chu kalsan turin kan chhing ta vang vanga.

...............

"Tho tawh rawh le" tia ka bianga hmui lum ham ham a rawn si tu avang chuan maimichhing reng chung chuan ka nui suk a, ka men rual chuan ka hmai bul chet ah min si lek lek hian min lo en kar a.Nui sukin a hmui no nalh zet ah chuan kan fawp nghal vang vang mai chu hnuailam pawn alo hre rang teh e.

In kan chhuah san hma chuan darthlalangah chuan an in en vang vanga, a hnunglam tang chuan a kawngah zen lutin a darah chuan ka khabe ka nghat nghal bawk a.Ngatinge ka ngaih em em le?Ka bulah a awm reng tih hre mahila ka ngai em em reng tho a,nidang zawng aiin ka thlahleh zual em em bawk.

"Je....thla kan la la dun miah lo" min rawn chhoh en ha pah chuan a rawn ti a.

"I duh mi?" tih pah chuan ka phone ka phawrh chhuak nghal mai bawk.Ka kut atang alo la nghal vat a.Chi hrang hrang chuan min lak pui a, duh uluk reuh bawk sia.

A tawp bera kan lak chu I.G ah chuan a post ta nghal,mahse ka hmel alang lo pawi ka ti hran lo,a post ve hrim hrim pawh khan kawplai anei tih hria in mipa dang in an hnaih loh phah mahna.



* ♡♡♡ *
Tih te hi caption ah a hmang bawk.

........................

College ka thleng a,ka tlai viau ania mahse Odelia-i bike ka la hmu hauh lo,class lampan chuan ka chho nghal thuai a.Class room ka thlen chuan Ruatsanga chuan min lo au leh lauh lauh a,a bul ka thlen chuan min lo fiam leh nghal bawrh bawrh.

Kan hawi kual ngial a,mahse Odelia i hmel ka hmu hauh lo.A thiante pahnih erawh an lo thu vang tawh.

"Nge i hawi i hawi vel a, chikz thar i nei ami!" Lalruatsang'n ka hawina lam a hawi ve vual vual paha chimawm fe a a rawn tih chuan alu ah ka nawr nghal vak a.

Hepa han nghal dan em em hi ka hawi na lama tlar hnung lam a sir deuh bera thu Emma-i hnen ah chuan "Emma hepa hian a vei teh mai che nia" tih lung lung paha min rawn kawk chu ka ngei zia chu pui tak ani,class room chu nilo se ka keuh dawt tawh ang.Ka thinrimna hre thiam duh lo chuan an la nui sawng zui.Emma -i lah a lai chhe der bawk si.Midang ho lahin min chhaih nghal sup sup bawk si.Lalruatsanga ka ngei ber tum ani hial ang.

Lecturer te an rawn lut a,class kan tan nghal mawlh mawlh Ody alo thlen mai ring chuan kawngka lam ka en ka en a mahse lo thlen tih hun anei lo.

Ka call a chhang thei bawk silo,ka ngaih a tha lo lek lek tawh,chawhnu lamah ka insum zo thlawt lo chuan ka thianpa kalsanin Odelia thiante pahnih bulah chuan zawt chiang turin ka phei ta tawp a.An ni tal hi chuan an hriat mai ka ring.Min lo hrilh theihnghilh leh palh anih te chu ka ring a.

"Mawipui vawin hi Odelia-i a rawn kal dawn lo mi" ka va ti thut chu an rawn hawi hru a,mak ti hmel an pu bawk.A awm lo hran lo kan inbe ngai lo tluk ani a,chu mai bakah an thiannu nen phei chuan in mil lo deuh angin min hria tih ka hria kan inhau lai chauh an hmu thin bawk nen.

"Kan hre bik lo,kan call in a la thei bawk silo a" Alo ti tha ve mai a,mahse a thiante pawh a hrilh lo chuan min ti ngaihngam lo leh zual.

"Ngatan nge i tih reng reng a" Serbie chuan alo ti ve vat a.

"Ka lehkha bu ka hman tira,ka duh hmanhmawh deuh sia ,a chhungte emaw chin chang min zawh sak thei mai angem?" kan ti leh nghut a.Ka aw pawh ka thunun hman lo chinchang sawi lo a a awm lo thut hian min ti buai em ani.

"Aw..awle a ù kan call ange?" tih pah chuan a phone la chhuak in a call ta nghal a,reilo te hnuah chuan..

"Aw..U Emy i buai em?" an ti nghal vata,lehlam chhanna ngaithla chuan an ngawi leh vang vang a

"Aw..ih..Ody hi ngatinge alo kal loh a,call a chhang thei silo a,engmah a rawn sawi bawk silo!" vui aw deuh chuan an ti nui nui a,lehlam thusawi chu ngaithla leh vang vang in "Maw!" a rawn tih tuar chuan Serbie nen chuan kan phu zawk a.

"Da...Dar engzat khan!" aw khur deuh hlak hlak chuan an ti a.Ngaithla leh vang vang in an thaw hawk a."Awle ka hria e" ti chuan an inbiakna chu an ti tawp ve ta nghal.

Serbie lam chu hawi in a kuah nghal thlawp a "Hey..Ngatinge Ody chu a tha em?A damlo mi?" Serbie chuan alo ti nghal vat a.A kuahna atanga rawn din that leh pah chuan zawi te hian "A kal tawh!" atih sap a.

"Khawi ah chuan maw?" ka lo ti hrawk rual chuan min rawn melh nghal vat a,eng nge a sawi awmzia kha ?khawiah chuan maw a kal ang?

"Ih..Tukin zing dar 10:30 a.m vel khan Mizoram a chhuah san, a kalna ka hre bik lo, mahse a kal dawn tih chu a hmain a sawi tawh a ,mahse tunah a kal leh thut sia tumah mangtha pawh min mangtha lo!" tih pah chuan a in sut nghal hlap hlap a.

"Engtik nge alo kir dawn?" Inthunun tum tak chuan ka ti nghut a.

"Kan hre lo, Engtik nge alo kir theih dawn kan hriat loh vang hi ania min thlah lo a akal kan lungawi loh,Engtik hunah pawh alo kir thei mahse alo ber ah kum 10 hnuah ani chauh ang"

Chu thu a sawi chuan ka taksa zawng zawng a ti sa pup pup thei chuan engtin maw 'Kum 10 hnuah chauh maw' ka thin rim leh rilru na lutuk chu awmdan tur ber pawh ka hre lo,thaw hawk chunga dawhkan ka chum dawt rual chuan hmeichhe ho an rawn te that a.Dawhkan chu ka tlawh zui leh nghal char char bawk.

................

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)