NICE TO MEET YOU by Apuii Tlau (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

NICE TO MEET YOU by Apuii Tlau (Completed)

Unread post by Ngaia » March 7th, 2021, 2:13 pm

Mi hausa fanu duatsual Odelia Hruaisangpuii leh Jethro Remruatzela te inkara hmangaihna lo piandan mak tak mai chu! Lo chhiar ve rawh le....
jgxgegos.jpg
Chapter-1



"I hlau em?" ka bula nula ramhnuai thawm awmna lama hawi kual nghal hruk hruk zel hnenah chuan ka ti sup a

Min rawn en chho vat a,a lu chu a thing na na a mahse a mitmeng ah chuan a hlau tih a hriat reng mai, a ban a chuan va man in min si chet a thu tur chuan ka pawt phei nghal hrut bawk "Hey!!" a pawr leh hlar tawh
"Ti khan min nghen la mu hle hle rawh...khawvar hunah kan kalna tur ala hla ania" ka ti ve nghut a,min rawn melh chho hraw pah chuan ka lak atang chuan a tal hrang nghal a,mahse a rei lo khawp mai chingpirinu hram a hriat rual rual chuan a bawh in min rawh bawh nghal rawk rawk hi a ni ringawt

"Deh kha i duh lo amaw ka tia" Ngei awm rawng kai lek lek chuan ka lo tih khum deuh nghat a,a meng alh tha leh tawh khawp mai,Mahse engah mah ngai duh lo chuan ka pawt tho lawp a,Thu mu deuh lung ngheng ka nih vang chuan min nghen theih tura in siam rem in ka kut leh lam chuan a dar ah ka kuah a,ka awm ah chuan a bei ta chat mai,mahse engmah sawi buai erawh anei ta lo , ahnu deuh chuan kan kal na velah kan chau tawh bawk nen kan muhil ve ta niang..

Kei hi Jethro(ze-thraw)Remruatzela ka nia,tunah hian kum 21 mi niin 5'9 a sang ka ni,vun sen lam ka pawl maha,ka taksa pawh a inphut mawi ve tawk viau a,ka hmel erawh min en tu a zir ani mai...Gov't D...... College Mizoramah tunah hian 4rd sem ka zir mek a,kan Chhungkua hi 3 kan ni a,ka nu leh pa te hian kum 10 mi ka nihin a rualin accident in min boral san a ,ka pi leh pu te enkawlna hnuai a sei lian ka ni, hausa tia sawi tur kan ni lo a mahse rethei bak berh erawh kan ni chuang lo,Ka pi hi Forest officer pension ania,ka pu erawh Huan neia eizawng thin ani thung, Pi leh pu ka tih vang hian tar chhia erawh an la ni lo ,ka pu hi kum 70+ bawr vel ani a ka pi erawh 65 chho vel ania,an kum ngaihtuahin an la tha lai hle a,Pathian zarah an la hrisel tha khawp mai.

Tunah hian he ramhnuai a kan awmna chhan chu maw ,he ka kalpuinu College Black queen tia lar, hmeichhe vawt leh kawlh em em , rilru lian bawk si, mi hausa fanu duat sual chiang ber te zing a hming chung ber a in ziak thei ngat tur Odelia Hruaisangpuii vang vek hi mawle....

Kan class chawlh lai in kan sir Zomuana leh miss Msi ten kan department History ho hawi zau nan leh kan mizo thil hlui vel chhui chianna nei tur in chhim lama tlang pakhat ah tour ang deuh reuh min neih pui a,kal kawng a hlat tham deuh avang chuan two wheeler ,car etc. ken an phal lo a,mahse kan Odelia a thianten Ody an tih hian thuawih hi thih hlauhin a hlau aniang a tih mai tur hi ani, R15 v3 Grey leh yellow colour in pawlh a rawn hawl chhuak mauh mai le ...Sir te nen pawh an in hnial deuh a mahse kan Black Queen hi chu tumah hian an thunun thei tak tak chuang lo,Apa hian kan college tan fund a chhung lut hnem em bawk ani...Tih ngaihna awm tawh hek lo an ken tir ta a,mahse kei hian ka tuar phah ta chu nih hi .... sir Zomuana chuan mipa nen an kal dun loh chu a duh lo a accident leh intih palh vel awm thei ania tiin kei chu a ruala kal tur chuan min thlang ta ani...

Ka sawi theih nghilh pakhat kan miss msi hi ka nutei ani ka nu chhang chiah niin a fapa ang chiah a min enkawl thin ania ka nu leh pa boral lai vel pawh khan amah hian min enkawl ber a,tha taka ka seilenna chhan pakhat ani ve ani... Odelia bula ka kal tur pawh hi ama min thlan ania achhan pawh mipa dang hi chuan henu hi an ngai thei lo pawh ani hran lo mahse laidek zara tawng hi a ching em em a chuvang chuan kei,mahni inthunun ve thei tak, tawng tam lo hi mi thlang anih pawh ka ring mahse maw ka peih vak bik lo...

Zep loh chuan henu tluka chhe lo hi chu kan college ah hian an awm meuh lo ani,a sam ngil mawi tak sen buang thang te,a mitmeng vawt tak phen a dum nalh tak te,a hnar ngul nalh tak leh a hmui hnuai phir sexy tawk leka senno chek te hi tawrh har tak ani chumi chawi nung tura a pian dik leh fen zaih te mawlh hi a famkimna ani,asan zawng ah lah 5'4-5 vel chu ani hrim hrim, kei ngei pawh hian ka hmuh hmasak ber te chuan ka thlir ve vawng vawng asin mahse henu hi zawng amah aia hniam ho mipa a tawng khum danah khan kei chuan a ruka tha ka lo tih ve na chu thai bo a tha zawkin ka hre ta ani...

Kan incheina teh hrep chu a inang teuh viau leh nghal,Bomber jacket hring duk hnuai ah tee var kekawr tight tha zet dum leh Timberland boot dum kei erawh T.shirt var chungah denim jacket dum kelawr dum leh Timberland dum tho ani,mipa ka nih vang nge ka hre lo rawng dum ngaina tak ka ni....

A bike lampana ka phei chu alo ner sak ka hmu reng,mi zawng zawng hi a tham lo vek emaw tih tur hi ani...A bike chu ka khal hmasa a , khalh a nuamin a z*ng khai phian leh nghal kan khalh chhung hian kan in be mang lo..."ka riltam ania" tih bak a tawng lo a kei tawng duh bik vak ni hek lo dawr lo awm rem changah ka din pui ve hmiah bawk.

Thingpui dawr kawng bula mi lian lem lo tak hi ani nghe nghe a...buaina a siam ka hlau hnu hnawh hle bawk, Thingpui leh chhang an neih zing ami a duh zawnga ka rin ka chah a, Aizawl te ang ni ve hek lo le
Alu chop, long , samosa, chhangpuar etc.. ho vel bak an nei lo...

Ei tur plate a an rawn chhawp chu a en vang vang a,a ner deuh sak a chhang pakhat chu la in a en deuh vung vung na, la hmu ngai lo ang mai ani "A ei tlak ang maw?"

Henu tak hi chu! A hmuh lai chuan pakhat chu la in ka en nghal hmak a, min en a a ner leh nang a, ka ei a hmuh hnu chuan a ei ve mai a mahse a tim deuh tih chu ka hria ka rilru a thil lo lut chiah erawh Mihausa fanu duat sual! tih ani

"A tui em?" min rawn en vat a,phu zawk hmel a pu deuh in ka hria,thingpui chu an lem leh te te a

"A ei tlak mai hi" a tih salh chuan ka lo ner sawk thung

"Ei vat rawh min kalsan thui hmain kal vat kan ngaih kha" ka tih hmuk chuan min rawn en zawk a, a meng rum deuh bawk a sam tlem a thur deuh nen phei chuan thinrim lam aiin sexy lam a kal zawk mah! No... henu hi ngaihtuah vak thei ka ni lo.

Engmah chu a sawi chuang lo a ei ve leh mai bawk a mahse a hman hmawh phah eih lo thung ngèng ngil ngel reuh lutuk ! ka phone a rawn rik chuan min rawn en zawk a mahse a hawisawn leh vat ka phone chu ka en vat *Muanpuii* tih screen ah chuan a rawn lang va va a ka pick nghal thuai

"Hello"

"Je..khawilai nge in rawn thlen tawh? hei sir hian kan hnungah in awm silo a a ngaihtuah deuh che u a" a rawn ti nghal thuai a,

"Kan chawl lawk a hei, kan lo zawm thuai ang che u, kan ngaihtuah awm lo aw,khawnge in thlen tawh?" ka ti let sup a,ka hma a thingpui in mek chu ka melh vung vung bawk,mahse a thingpui in lai bak ngaihtuah awm pawn a awm lo

"Haulawngah zun ram kan thiar zawk a hei , intluang em? a hrehawm em? "

"Muanpui kan ngaihtuah awm loh ania" ka sawi zawh rual chuan ka hma mi chuan a thingpui in lai a hak ta barh barh mai,ka hanky chu phawrhin ka pe nghal vat a, alo la ve mai bawk a khuh zawm reng a mittui a tling kiau reuh bawk, a cute ! ka ngaihtuahna tei vet pawh hi a!

"Je..i hre thei em? hello!!??"

"Aw .. aw hre thei e..eng maw i sawi?" ka lo ngaihtuah miah tawh lo phone ka hmang tih pawh

"Kan lo nghak dawn che u nge?"

"Aih .. lo tlan ru kan rawn um pha thuai ang che u"

"Ok..bye "
"Bye"

Kan inbiak zawh a ka hawi chhuak chu ka hma mi chuan min lo meuh kiau reuh a, mipa pui pawh ka phu zawk tep ani

"Eng nge? i ei zo mi?"

"Zo kal ang" ti hmuk in a tho a achhuak nal nal ... a mood lah hi !! Hmeichhe ho zawng zawng hi ani nge henu chauh hi thinchhe lutuk!!!

Muanpuii, Zomuanpuii higher atang kan kal dun tawh a, thian kan ni ti ila min duh thu a sawi tawh mahse thian nih ka duh zawk avang in tha deuhin ka hrilh a, a hmelchhe hran lo a pian pawh a nalh *tu pawh angah tih ka hria mahse ka tan chuan thian ai sangin ka en thei lo ani..a tir kha chuan ka tum ve lawm mahse ka hlawh chham ka thian ni reng tur a ka duh mihring zawk ani...kan thian dun inkar hi a tha em em a then khat chuan inngaizawng tawh emaw te min ti mahse kan ni lo amah pawh hian tunah ngaihzawng anei mahse a ruk ang chi angai,a chhan pawh a 2nd cousin a ni tlat, anu u fapa! min ring tawk a ka buaipui nasa hle bawk an inthup nan min hmang ani ber anih chu..

Pawn ka chhuah chuan bike bulah a lo ding vang tawh a mood pawh a chhiat hmel khawp mai a bul ka thlen chuan ka kut ka phar a,eng nge tih melh hian min rawn melh hrawk a, a thinrima ang fu a hmel awm dan ah chuan "Chabi" ka tih sup chuan a thaw hak a,a ngei awm tep ani a che zia hi..

"Ka khalh thei"

"Keipawn ka thei"

"Mahse i khalh ah ka chuang duh tawh hleinem "

"I chuan a ngaih leh hmel tho"

"Ka bike anih hi chuan a khalh tur pawh keimah chauh"

"Min hnial reng suh min rawn pe mai mai teh" ka tih deuh nghut chuan

"Ka boss pawh ini lo khawilai kawm kar atang bera lo chhuak nge pawh ka hriat loh inih hi, ka ring ngam chhe te lo che" mipa induh tawkna pawh hniam sak tumtlat anih hi ka hrethiam lo

"I hre tawh dawn alawm,min rawn pe la" ka ti ve hmuk a

"Ok...han khalh ta che ! i vawikhat khalhna a nih loh hram ka beisei hetiang hi chu i neih phak pawh ani silo a"mei nei zet a tawng thiam tak ani hai der sak hram hram tum chuan ka kut ka hum ruh a, eng ang hmeichhia chiah nge maw anih le!

Chabi chu laksak hmak in ka lawn a,a rawn thu ve nghal chat a ka dar ah a vuan chat kan tlan chhuah chuan ka brake deuh thut a ka kawngah a rawn kuah ta chat mai,ka nui sak chimawm hi amah chauh hian thiam emaw a inti ani ngei ang.

Kan tlan ve ta vang vang a,ka speed a hniam lem lo bawk bike khalh te chu ka hneh sawh ve em! Ka pa nau ka patea hian Hsslc ka pass lawm nan khan KTM rc 200 min present a amah hi ka pa ai awh tu tak tak ani a,fapa a neih loh vang nge keipawh min duat em em a,amah hi IFS niin kan bulah an khawsa lo thung ani...

Tlawng kan thleng thla a,ka kawnga rawn hmer salh tu avang chuan kawng sir rem laiah chuan ka ding thuai bawk a chhuk thla vat a,a bag hai rak rak in professional camera arawn lek chhuak vah a

"Kan rei hman lo ania" ka lo ti hmuk a min rawn en a ner sak chung hian
"Ka thu thu" tih pah chuan lei lam chu apan phei ta nghal a, henu hi chu! thuai nawk nawk ka chak dan chu pui tak ani.

Chawlh takah chuan tiin ka kekawr ip te ami cigrette chu phawrh in la tan nghal a,meizial hi ka zuh ve zeuh zeuh ringawt a ka regu hran lo...meizial khu chu hip vang vang in muang chang chuan kan thaw chhuak nghal suai suai a nuam ka tih ve zawng tak ani tlat hetia tih hi...ka hawi kual vel chuan bazar ve deuh an lo siam ah chuan pitar cher lam chak vak tawh lo tur hi a kil berah a lo thu ve a, a thil zawrh tur niawm then khat chu alo buai pui ve mawlh mawlh bawk...ka pi ka hre chhuak zawk hetiang hian awm ve ta se!

Pitar awmna lamah chuan ka phei vat a, athil lo thut pui pawh a tam tham chuang lo
"Ka pi heng hi i zawrh ami?" ka tih sup chuan alo hawi chhuak thuai a

" Aw ni e..vala i lei ve duh ami?" lawm hmel tak hian alo ti thuai a,Nu taima tak chu ani ngei ang a kut pawh ala fai hman meuh lo anih hmel...keimahah lainatna nasa tak alo piang nghal a, rethei tak ni mahse rim takin an thawk a mahse an hlawk na hmuh erawh an dam khaw chhuah na tur tawk tawk ania, sorkarin an tan plan hrang hrang a siam a an in tun nun nan mahse a mi chaklo zawk te anihna hre reng chung hian a fing zawk ten tanpui aiin an chan ai tak nghial pawh an garage a hun mawi lei nan te, an kaw chhung kua hnawh khah nan te , an ropui zual nan te kan laksak zel mai sia, chuti chungin a hmusit sit ah an la tang zel bawk si...

"Ka pi Maian leh hei hi eng nge?" tiin a thil fun chu ka kawk vah a

"Pelh rah anih kha " alo ti thuai a

"Maian hi pahnih leh pelh hi pathum chiah ami ineih tawh a?" tiin ka zawt vat a

"Hei pakhat ka la siam mek a, adang chu ka nei tawh lo" phur tak chuan alo ti a

"Awle ka lo la vek mai ang aw, Eng zat tur nge le?" tih sup pah chuan ka waller ka phawrh nghal a

"Ka va lawm dawn ve Vala, avai chuan 140 man ania mahse 120 in ka lo pe mai ang che" alo ti let vat a alawm hmel hle bawk

"Ka va lawm dawn ve ka pi " tih pah chuan 120 chu ka pe nghal a" chuan ka pi ka lawm thu sawi nan hei hian thil tui deuh ilo lei dawn nia" tih pah chuan 500 tlang chu ka pe nghal a,mak tih hmel tak hian min rawn en a," Valte aw...a ngai lo asin" arawn ti vang vang a..

"Ka lawm thu sawina ah min lo pawm sak mai rawh, min tlawm bawk sia ka lawm lutuk aw" tih pah chuan polythene a mi chu ka khai kang zauh a"ka kal ange aw"ka ti nghal a

"Valte lalpan malsawmna tam tak in vur mawlh che rawh se" hnuk ulh deuh chuan a rawn ti a, bu nghat nghat chung chuan bike lam chu ka pan nghal a, Kan black queen pawh alo ding reng tawh

"Hmanhmawh ngai ti tu ber ve chu" bike bul ka thlen vel leh ngeiawm fahran a nui suk chung chuan alo ti sak a,mi pawh a en chuang lo a camera a thlalak ngawt a en bawk

Chhang buailo chuan bike ah ka lawn a,ka tih nun chuan a rawn thu ve thuai bawk kan bawr ta deuh kan thil lei te nen chuan...

Pukpui khaw chhung luh hma deuh a restaurant ah chuan kan thiante chu an lo dinga a then Bus ah an lut tawh bawk
kawt ah bike chu kan park ve thuai a

Kan thian dang te chuan min lo fiam nak nak a, kan Black-i pawh a meng rum nghal ul mai mak thei bik ania...

"Jethro lo kal teh" Miss msi chuan dawr chhung atang chuan a rawn ti lar lar a,a hma chuan mampui tih hlirin min ko thin mahse college kan rah hnu hi chuan kan miss ania ka hmingin min ko ta thung mahse in lamah chuan min la mampuia tho thin.Midang ho chuan min rawn en deuh a min hau dawn amaw an ti aniang ka nutei tih hi ka thianpa Rka bakin a hre lo tlat.

"Hei le Sente" dawr chhung lam choka lam deuha min luhpui pah chuan ati lang lang a

"Khai aw..Mampui min la hria em ?khawimaw i va lian tawh ve! ekhai!! ipa te lam i kal lutuk hi chu ! hmuh loh karin ilo puitling ta der mai anih hi" tih hlut pah chuan min lo chibai a,ka hriat hnu chu a ang mahse ka hre chiang chiah thei lo,ka hawia deuh chu Nutei chuan min lo hmu aniang

"I pute Hruaia nupui anih kha,i pite sentei" alo ti thuai a, aw ka hre ve leh deuh si..mahse kan inhmuh lohna a rei tawh em bawk ani..

"Ka lo hre tawh lo che a,pite, kan inhmuh lohna arei tawh lutuk a," ka ti ve sup a,a tawng duhin a fel em em a,kan chawlhna dawr neitute hi an lo nia kan thil ei man pawh a haft theuh an lak sak a,ka pi leh pu tlawh chho ngei ngei turin min chah bawk a,kawng bul lawk a awm anih thu leh a awmna leh a in rawngte min hrilh nghal bawk a, a bula awm nuam khawp mai nu thaupui vei nei lo zet ang kha ani maiin ka hria.

Pawn ka chhuah chuan Bus chu an lo kal leh chiah tawh washroom ka hman lai vel khan aniang.
Kan bike hunna lamah chuan ka phei vata theitui leh rawmawl a kutah a keng a a lum ati nge a thlan a hru a hru mai.

"An chhuahna a rei tawh em?" ka hre tho a mahse biak loh tawp aiah ka be lui hram

"Rei lo,kal ang,ka lo khalh dawn nge" tih pah chuan a thei tui in na bur chu bawlhlawh bawm ah a vawm lut nghal a

"Ngai rih lo peng lawk duhna ka nei a,kan peng lawk dawn ania" ka ti ve sup a

"Hmm" tih bak chhanna dawn ka nei lo,ka bulah hian a tawng duh vak lo nge mawni te ka ti midang hian an sawisel nasat sat nen chuti vak anih pawh ka hre chiah tawh lo mahse zia erawh a thup te pawh ani thei tho bawk..

Kan tlan leh ta vang vang a,Pukpui khawchhung kan lut a,kan tlan zel a helipad peng awm na chhak deuh a in pawl lian tha pangai ve tak chu anih ka ringa ka ding nghal chat bawk. kawngka lu ka en vat a
Rosiamthanga. anih ngei dawn hi ka chhuk vat a
"i lo lut ve duh em?"

"Tute in nge?" zawhna chhanna pawh zawhna bawk dangdai thei sia.

"Kan chhungte,lo lut ve lawk rawh" tih pah chuan ka kal nghal akawngka ka kik lai chuan ka bulah alo ding ve chian "lo lut rawh u" nula aw hian a rawn ti a,ka hawng ve vat,ka pi leh pu hi ti ila ka nu nu leh pa te chu an boral tawh a chumi hnuah ka nute unau pasal neih thlenga chhawm dawl tute an ni a,kan inpawh viau thin a mahse ka nu te boral tak hnu khan Aizawl lamah kan awm ta daih bawk nen a inpawh theih vak ta lo ani, ka putea hi chuan phone in min rawn be zeuh zeuh a mahse ka pi leh pu tak hi chu ka hmuh hnu hnun ber pawh ka nu leh pa thih kum a kan zin kha ani deuh ber khaw hmun lo hi chu a buaithlak ve em bawk ani.

"Tute nge in nih le? lo thu rawh u" common room ve deuh reuh ah chuan ka pi chuan leh kha bu alo chhiar a kan thawm hria in min lo chhawn vat alo ni,ka bula kal nu lah chuan min rawn en deuh haw bawk,mahse ka hmu lo der ve hmak ka pi bul rem laiah chuan ka thu thla vat a

"Eng nge in duh ve a?" choka ni awm tak atanga Nula ti ila kan in rual vel mai thei kei aiin a upa mai thei bawk tur vel hian lo chhuah phei pah hian alo ti bawk a.

"Nia,hei ka pi te hi rawn tlawh kawi lawk ka tuma "ti pah chuan ka pi lem chu hawi in "Pi min la hre thei em?" kan tih zawm leh zat bawk a

"Vala ka va hre mai lo che ve aw...,kan lo upa ve ta a,kan khawhmuh te hi a fiah vak tawh lo a, kan hriatna te hi a tawi tawh em ani" min en pah chuan ati sap a

"Nia kan inhmuh lohna a rei tawh em ani, i tupa ka nia Lalrinsangi fapa Jethro Remruatzela kha " nui var var pah chuan kan ti ve vat a

"Ekhai aw le!!! Mampui nangmah maw? Ilo va lian tawh ve, Mampui aw ka tupa duatte leh!" tih pah chuan min rawn kuah deuh ti tih chuan a insut ta hlap hlap mai, tih vak ngaihna ka hre chiah lo ka lo dawm ve tawp a

"Aw mampui! ka tupa i pi hian ka ngai thei lutuk che lawm! ka tupa aw..... ka naute i dam tha em?khawi teh kan en chiang teh ang che " mittui la tling pam chuan min han thlek kual vela "Ka tupa ngei i ni e, i nu hmel i chhun hle mai ipa pian lamah i chhun hmel viau bawk si..aw mampui" tih pah chuan an in sut leh hraih hraih a, ka piaha thunu chuan a ngaihna a hriat loh hmel hle bawk

"Pi, ka lo kal vat thei lo a,a pawi khawp mai hei college prog ah helam ah kan lo kala kan lo tlawh kual lawk che u a nih hi," ka ti ve sup a

"Je...nangmah maw! min la hria em?" ti pah chuan nula chuan min rawn chibai vat a, a hmel chu ka hre deuh mahse han sawi mai turin ka hre tlat bawk silo

"I u Eliana ely kha min la hria em?" atih chuan ka hre chhuak ve chiah ka u kum 2 in kei aiin a upa a,ka naupan lai chuan helamah ka pa hna vangin kan awm lai ani bawk a U ely hian min duat thin lutuk mah mah ani.Engtin nge ka lo theihnghilh theih ni.

Ka pu alo leng chhuak hlauh mai a, tlawnga ka thil lei te kha kan pe nghal daiha kan tan tih ngaihna vak a awm lo ani,Odelia in bathroom a hman lai chuan ka pi chuan ka bialnu emaw atia min han chhaih vel a,Pan cake an lo kang a ka duh theih zia hria in Ely in tapper ware ah min pack sak nual mai,an in kan chhuahsan chuan dar 2 ari thuak tawh,haw lamah peng kawi ngei ngei tura in thlah in ka pi chuan min vai liam ta ani.

Kan kalna tur hi lunglei a tanga khawthlang lam ania Sir zomuana kha chuan dar 4 velah kan thleng ang kha atia kan tlan ta vang vang ani kawng erawh a tha lem lo khawp mai.

Bus hmu pha chuan kan tlan ta zel a, dar li vel bawr ah chuan kawng peng pakhat bul ah hian an lo ding khawm a athen in kan bungrua ho an lo load bawk kan kalna tur peng kan thleng ani ngei ang kan zingah chuan sir Zomuana chauh hi kal ala awm.

Kan in load zawh chuan Bus chu a tlan let leh nghal a,kan haw ni turah chauh alo let tawh dawn ani.Kan Odelia i bike pawh chu engtin tin emaw chuan kan hung fel thei hram bawk.

Kan kal tan tur chu kan bawr hlawm teh e,kan ei leh in tur vel stock vek angai bawk sia mipa ho phei chu kan bawr luk mai...

Kan awmna hmun tur kan thlen chuan kan hah hlawm khawp aniang a then an thu sawp niai a,athen an let tual bawk,Dar 5 apel hlek tawh a mahse tlai chhia erawh ala ni lo, Nipui lai hi chuan.

"Le..kan tlai tak tak hma hian kan riahna tur vel i buai pui vat teh ang u ... mipa 15 leh hmeichhia 12 kan nia chuti nih chuan.....Ngursangzual!!! thu tha rawh zek zuk mai" an ti vin hluk mai chu kan phu chiang hlawm na ngiang aniang kan meng hraw hlawm mai.. "Sorry...Attention... please" a tih zawm nghal zat bawk a,Sir Zomuana hi mi sual chu ani miah lo mahse a duh loh zawngah chuan thinchhe ve tak ani

"Lalruatpuia, Ramfela leh Venkimi, Sangmawii leh Ahh...Muansanga kha zanriah ei tur vel lo buaipui ula ..chuan kan tent ken hi pakhat ah mi 6 leng tur ania kha chu nakinah miss in ala siam rem che u anga" an ti leh te te a, kan tih tur theuh chu min hrilh ta char char a a sawi zawh chuan kan tih tur theuh ti tur chuan kan kal darh ta sap sap a...

Keini,ka thianpa ve ber Ruatsanga te ho nen chuan tent pakhat kan buaipui ve dawn ani.Kan han tih tak nak nak ah chuan kan zo dawn ve ta mai khua pawh a thim ruai tawh tent pawh panga lai kan sa zo a. Kan awmna lai hi hmu zawl ve deuh lai ber ani a tent sakna lai tur bik siam thlap niin a chhak deuh thinglung lian ve tak hma ah hian eirawngbawlna tur vel awlsam nana siam a awm bawk rin ai tak chuan a nuam viau bawk..

Emergency light solar hmang kan ken theuh chu kan han ti eng thliah thliah a, rawngbawl lam an la peih chiah loh avang in chaw erawh kan la ei lo thung...khua pawh a thim chiang ta khawp mai .. kan awmna atanga hla vak lo ah tui lakna a awm a hmeichhe ho pawh inti fai turin an phei sap sap mai...

Dar 7 rik dawn a ruai ah chaw kan ei thei ve chauh a hah nen chaw ei a tui khawp mai...Kan eikham kan intih fel hnu chuan meichhem in kan ai khawm lai a,ka thianpa duhtak pawh a nui ta var var mai, a chhan pawh maw a guitar lo ken hi e fuh cher cher tak ani ... An zai pui ta thup thup bawk nula in an hnaih phei chuan ani nula mi ve tak tan phei nuam awm hem hem tak ani ringawt mai...

Rei fe kan thut hnu chuan intih harh pah a zial zu tur chuan kan piah deuh a thing lianpui lam chu ka pan phei ta a, thing chu helin a hnung lamah chuan ka phei a, ka thil hmuh avang chuan ka phu ve zawk mahse ka en chiang hnu chuan mihring ani tih ka hre thuai a phone a khawih ni ngei tur ani a eng chuan a hmel a chhun deuh a chuan tudang nilo in amah pawh Odelia i tho bawk.

Ka pan phei ve mai a,ka thawm hria in a rawn hawi phawk ngei mai min hmuh chuan thaw huai hmel a pu

"Eng nge hetah i tih?" ka cigrette la chhuakin ka tan kai nghal bawk a, kan pak khu hluai a a nuam thin

" Ka duh duh" tawi ve tek tawk thei

"Eng vang a lo phei nge i nih?" kan ngawih reng hnu chuan a rawn ti ve nghut a "Hetah chance rawn neih in tum loh hram ka beisei" a tih zawm leh nghal zat bawk kei erawh ka nui suk tu nena chance nei tura min ngai ve ngawt chu nge maw nih le

"Kan nei mek chu anih hi" fiam pah chuan kan ti ve salh a,chimawm zet in ka mit ko ka san ak bawk

"Tenawm" min en na atanga hawisawn vut pah chuan a ti nghat a

"Tak takin mi nghah i nei zawk ani lo maw"

"Teuh lo mai" min chhang rang mah mah chu amak ka ti ani pawh ani tho aniang min rawn en nghal zawk a "Rawn daw rawn daw lo khan kal vat mai teh" hawisawn vut chuan ati leh hlak a
" Ka thu thu" ni chin a a awki ang chiah chuan kan ti ve a,ka meizial chu paihin mint chu ka hmawm zeuh a,

A tawng leh tur chiah chu whistle ri rawn ati tawp a,ka lo nui suk rum deuh hian min melh hrawk a, teh ngawt hian ka lo thle buk thung rawn ding chhuak in min rawn kal pel tur chu thing zung a rap sual chu a tlu thelh a van neih thlak takin a dul ah ka lo dawm hman chiah chiah keimah zawk pawh ka tlu thelh ani

A rawn ding mar nghal thuai a, duh aiin kan in hnaih mah mah nge? a tawk chauh pawh ka hrethiam lo "ka ..ka..ka lawm ...ka lawm e" atawng bah ve nak mai,in herin a pen sawn nghal

Mahse harh chhuak thut ni awm hian um zui thuaiin ka pawt let hrawk a "Eng.." ati hman chauh chu a hmui ka khar chilh hmak thung,a meng kawk tih pawh ka hria chhan pawh min chhang let lo a tal hek lo a dawh tawp ngeng ngawl tak chuan ka fawp lui tlat a , rei fe ka fawh hnu chuan a hmui hnuai lam chu ka pet kau a zawi muang chuan ka thlah a ka thlah chiah tih chuan ka tukhumah dawm in min kuai kun tha leh a min fawp va ta thung ka ham haih ngei mahse a rei lo duhthawh tak chuan kan in keih buan buan a,ka tukhum lamah a kut pahnihin a dawm a,kei in a kawng ah ka chelh thung engtia rei nge kan in fawh ka hre lo last warning wistle a rik chuan kan inthlah ta hram a,ka inthlah dawn a akawng ka hmer salh chuan phu zawkin in ka hmui hnuai zawk a rawn seh thut a,ka rum nghut a, alum nghal pep bawk hmu lo mahila athi tih ka hre mai

Kan inthlah hnu chuan rang mang kheng a in her in a kal phei nghal hmawk hmawk a,ka hmui ka tuai puak a, akal liam chu thlir in ka nui suk ringawt an tent a alut tur chu a rawn hawi let zauh a an awmna lai eng ni bawk ka awmna lai thim atang chuan ka hmu chiang thei teh meuh mai ,rei pawh rawn hawi lo in alut nghal a mahse ahawisawn hma a a nui sak kha ka hmu hman tho.

Engvanga fawp ngawt nge ka nih ka in hre lo mahse ka hriat tak erawh chu Odelia hi ka duh ani, Kawl hrawngin chapo viau in tawngkam thlah dah thin hle mahse ka duh tlat ani.


..............

Ka story hmasa ber tur ania tih dik lo lai leh tihsual palh lai awm thei ani a ,in mi hriatthiamna ka dil nghal e.Chuan ngaihnawm in tih hram ka beisei



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » March 7th, 2021, 2:13 pm

Chapter ~ 2



"Khawnge i kal?" Kan tent tur a ka lut chiah chu ka thianpa ve ber Ruatsanga chuan alo ti vat a ,"ka buff lawk a"en pawh en lo a,ka mutna siam ve nghal pah chuan ka ti sap a..A awih aniang min zawt zui ta lem lo,awih loh tur pawn dawt ka sawi pawh ni hlei lo ...

Ka mu ta hlun a,ka bula ka thian dangte mu pawh an chau ve deuh aniang rei lo te ah an rawn hnar ta kuk kuk a,a then boruak hip tam loh hlau ang mai in an thaw suk suk bawk,Tent chung melh chuan ka suangtuahna ka kawm melh melh a,zanin a kha Odelia-i nen kan inkiss lai ka ngaihtuah a,ahmui no leh sen chek leh nel thep mi hip em em mai te kha!,ka dik dawn lo tawp ka thaw hawk a,tih tur ka hre lo ka mut chhuak bawk silo chuan ka phone ka ban thuai ringawt a.

Whatsapp ah ka lut ve mial a,biak tur a zeng ka nei pawh nilo chuan status vel ka en kual neuh neuh a,Odelia pawn 3mins ah status alo up ve teh mial , kan dept bik hi kan inpawh em em a,Phone no.pawh kan in nei deuh vek

*NICE TO MEET YOU" tu tak chu ti ve ang maw, chat ah ka lut a,alo la online kalh mai ,engvanga be chak em em nge ka nih le ka duh viau zawk em ni?

*Mu tawh rawh* rei fe ka nghah hnuah a seen ve chauh, biak anei em ni? Mipa nge hmeichhia ni ang? Mipa dang be ta se?ka ngaihtuah zawng pawn ka lum pup mai in ka hria,henu chapo leh thu duh tak hi ka duh tihna em ni! Nilo ...nilo

*ka thu thu* ka nghah rei ve ve nen,duhaiin a tawi

*Naktuk thawh hma kan ngaih kha *

*ka hria*

*muttui* ka la muhil thei chuang lo, bem ta ila min duh angem? a sual bawk sia min lo hau hrep mai ang a tih ngaihtuah chuan ka nui vur vur, mìn min lo hmu se mi à tia sawi tlak ka ni ngei ang,

* Ka ril a tam* ka mit ka chhin rual chiah in ka msg tone rawn ri leh chu ka en vat a, ka sana ka en Dar 11 apel tawh , kan chaw kha kan ei zo vek bawk in ka hria

*Ngatinge? Chaw kha i ei ve lo mi?* sawi tur dang ka hre hlawl lo

*Hmm... ei mang lo...lei chhung lam thlai hi elergy ka nei a*chuti nih chuan Alu kan kha kan chaw hmeh pui ve ber ani sia,adang kha chutia ei tlak vak a awm lo!, thil ka hre chhuak zawk

*Lo chhuak rawh*

*???*

*I riltam kha?*

*Ok* a in ngaihtuah deuh aniang min chhang har phian

Ka thiante tih harh hlau tak chuan ka tho them them a,ka phone flash light chu on in ka bag chu ka zawng mutna kil lamah alo awm hlauh bawk, ka dap rak rak a ka hmu ta ka thawm ah tumah an harh lo bawk, thawm dim tak chuan ka chhuak ta them them a..

Mei pui kan chhem chu alo la ling va va mai,abula thutna kan siam ah chuan ka thu nghal a,rei lo te ah thawm arawn awm a,ke pen thawm awmna lam ka hawi vat, ka mi nghah ngei mai chu alo phei ta zan zan mai,ka bul alo thlen dawn chuan atim leh deuh hlek a, ka bul lawk ah chuan a rawn thu ta a, ka taperware ken chu ka pe vat a ,a ngaihna hre lo deuh chuan min lo en thuai bawk

" Pan cake a awm a, i ei duh chuan" ka ti sup a,

"Pan cake maw?" aw ti nan ka lu ka lo bu nghut nghut a,phur tak chuan ala nghal a,hmeichhe chapo leh induh tak ani tih a hriat ta meuh lo, chu ai mah chuan duhawm tak ani, a hawng thuai a anui ta var var mai

"Yessss.... Pan cake " a ti hliai a kei ka lo nui huk thung , a naupang chhia bawk sia mahse thatna zawng zawng nei tu niawma mawi ani tel tho bawk.

Thir thleng pakhat ka ken chhoh chu mei ling chungah chuan dahin thleng asat chuan Pancake chu a chungah ka dah thuai a, a lum deuh chuan kan let leh a, pakhat lah chuan ei alo chak nasa tawh mai si.

" Ei tawh la" ka ti sup a,lu buk nghat pah chuan a ei ve mai,

A thil ei lai chu fiah vak lo hian ka hmu thei a,light kan chhi lo nen duh ang in a fiah chiah lo a,mahse a hmui ti che kual ve chu ka hmu riai riai a, nichin thil thleng ka ngaihtuah in kiss lo tur chuan ka in sum a ngai hle

Pahnih a ei zawh chuan min rawn en a,
"I ei ve duh em?"a ti sap a

"Duh lo mai" ka lo ti sup a

"Kei pawh ka puar tawh,tui kha ka lo in ang chu" tih pah chuan ka tui bottle ken chu a rawn kawk va a,ka pe ve nghal mai bawk.

Kan piah deuha kan ei rawngbawlna bungrua kan dahna ah chuan va kalin no. a rawn la phei nghal a, no. ah thli chhuak in a in ta khalh khalh a, zanin hian ngati nge ka hmuh sexy em em le! a payjama in bel ho te te leh a sam thli chhem zawng a thur deuh seng te thleng hian ka mit ala em em vek.

Ka lam hawi a ,mit ko a rawn san ak chuan ka lo en reng tih ka hre chiah "Ka in ve duh" ka ti sup,zah zel mai mai ah.

A hnu deuh chuan a no ken chu ka hmui bul ah chuan a rawn la kanga,ka en vat a
a mitmeng thla eng hnuai a paw phat ah chuan in turin min duh tih alang a, a no chelhna kut chu zawi muanga chelh chhan in a mita en reng chung chuan ka in ta a,min melh ve reng , ka in zo nghal thuai a

No chu theh thla in ka lama chuan ka hnuk hnai deuh hrawk a, a hmui leh ka hmui pawh an inzawm nghal chial mai,kan duhthawh dun tak zet,ka dar ah chuan akut suih zawmin min lo chelh nghal thuai a,fawp reng chung chuan a kawngah ka kut pahniha chelh in ka chawi deuh thut a,a nui hak a,keipawh ka nui ve suk tho ,min hma chhawn zawng chuan ka mal chung ah ka nghat a,kan in fawp zawm leh mial mial bawk kei chuan ka hriat chian tak em em chu he hmui hi ka kham thei ngai lovang..

Ka kut chu chetin zawi muangin a kawr chhung lamah chuan ka zen chho zel a,a bra chhana a hnute ka tham chiah chuan a thaw hawk mai,ka fawp zawm leh nghal hmiah a, ka kut chu zawi muanga ti che leh in a bra chu nawr tawmin ka hum ta chat mai a thaw leh hawk a,zawi muang chuan a hnute hmur chu ka hrual ne ne a,kan la infawp reng, a rawn thaw leh hak thin...

Aw thian kharh kharh ri kan hriat chuan kan tawp chat mai,ka darah a hmai a phum nghal vat a,keiina sam karah thawk ka la kawk kawk thung tuna kan thil tihin effect aneih nasat zia chu ka hnuai lam puar luah chuan a ti chiang khawp ang le.

Thawm awmna lam chu ka va hawi thuai a, kan class a à ve tak Zawma lek chu lo niin
"Beisei nangmahni alaw...ka va è lawk anga min lo nghak ang che " tih pah chuan kan piah deuh a Toilet sawrkar saksa awm lam pan chuan kalin, ahnu deuh a a luh hma chu kan la che ngam lo alut chiah chu kan thaw huai mai

Tu te nge kan nih a hrelo hlauh a azia hlauh e" A kal tawh " ka tih sap hnu chuan alo dak chhuak thuai a,ka mal chung atang chuan atho thuai a,keipawh ka ding ve vat
"A zia lo hle mai" ka mitah pawh en lo chuan a ti sap a, henu hi a zak ve thei tih ka hre ve chiah

"Alo chhuah hmain ti fel ila kal vat ang" tih pah chuan Tanky awmna lamah chuan kut sil tur chuan a phei nghal a,Chumi hnu ah a ngailo a ti chung an tent bul thleng ka thlah ve nghal a, a lut tur chu rawn hawi leh in "ka lawm e" a ti ve sap a.Lu bu nghut in
"Lut rawh le" ka ti chuan,nui saka in her in a lut ve ta nghal a.

Henu hi ka rin aiin a sual lo nge mawni,amah ka hnaih hian ka danglam a mahse khawilai ber hi nge danglam lai tak ka hre chuang lo,engvanga min hip ta em em nge a nih ka hre hek lo.kum 1 leh a chanve chhung kan kal ho ve tawh, mahse tun tum kan zin bak hi kan inbiak ngai ka hre lo, mahse inzawmna nei tur hian inhriatchian kher angaih loh zia ka hriat phah,he inzawmna hi engtia rei nge niang, zanin hian a liampui mai angem?

Ka zing tho chu ka mood a fuh ngei mai,dar zat ka en vat a 6:07 a.m pawn lamah pawh thawm alo awm nak nak tawh,ka thiante erawh 2 chauh anlo la tho, ka phone ka ban thuai a,*Morning* chute chu ka thawn ka bialnu ani lo a,mahse ka ta ni tur erawh chuan ka duh thung..

Ka tawnzau chungah chuan Tommy summer hoodie maroon colour pan leh deh nuam zet chu ka in thawlh a,ka boxer chungah jokey pant dum chu hain Chapal bun leh tawp chuan ka han tho chhuak ve a, a chanve vel bawr an lo tho tawh. Hmeichhia pawh an tho hma hlawm fu Sir Zomuana ho chuan eirawng an lo bawl tan der a, Mipa ho ar puahna lamah chuan ka phei ve vat a,an lo ti ti laih laih a,Thingpui min lo pe ve vat bawk...Midang pawh an lo tho chhuak sap sap hlawm a... Reife hnuah chuan Sir Zomuana leh Miss Msi te chuan kan kalna chin tur en tur chuan an va kal hmasa ta a,

Kan tho kim ta bawk a ka ri chel chul mai,Odelia i pawh a thiante nen, tihah thian hi kawm deuh bik anei a,Mawipuii leh Serbie an pathum chuan purun an chan ve nak nak a ,engthil emaw sawiin an nui leh hak thin ka duh aiin ka mit mei zing thin ....

"Lalbeisei nizan kha ka sawi dawn ania min lo nghak rawh tih tih a min lo mut san man ah" Zawman beiseia bathroom atanga alo chhuak chung chuan au lung lungin ati ta mai,rang mangkheng in Odelia lam ka hawi vat a,mitmeng buai nak in min lo en ve chiah,ka luthing in hahdam tur chuan ka mitmeng in ka hrilh a, thaw chhuak halhin abu ta nghat a

"Lalzawmlian rawn daw rawn daw lo mai teh" Beiseia chuan Alu kan chawk mawlh mawlh pah chuan ati a

"Ka daw thlawt lo nizan ka inthiar turin khalai kan mei chhemna bula inthu ka hmu reng che u" ala ti fan a,Beiseia nia arinna chhan nia ka ngaih chu amah chauh hian kan class ah ngaihzawng a nei chu pawh Muanpuii thiannu ve ber Thansangi ani,kan class a couple chu an ni chauh an nih avang hian han rin tur dang hre lo hmu fiah lo chuan apuh ta ah ka ngai hmiah..

"I hmusual aniang ka mut hnu ah ka tho lo hrim hrim Muansanga pawh hi zawt rawh amah aiin ka muhil hma daih zawk "

"Nia Zawma Beiseia te chu ka mut hma in a muhil fel der tawh , athawh leh awm pawh ka hre lo ,ka mut theih loh vangin games ka khel char char alawm dar 12 pelh thleng chu" tiin Beiseia chu Muansanga chuan alo chhan vat a

"Anih tute nge niang nga?? Inngaizawng dang an awm pawh nilo" a ti bui bui a

"Ehe... in ngaizawng dang in awm ami? Rawn inpuang vat ru ka hriat chhuah hma hian" Hriatsanga phawk ve zet thin chuan a rawn ti lung lung a

"Nia a hmuh chian viau phei chuan tute nge?" abialpa tia kan fiam thin a chatuan thurualpui Ngura pawn a rawn thlawp leh thlap tawh

"Tumah kan awm lo ang awm ila kan hria ang chu..thlà te hi ani zawk lo maw?" Serbie in arawn tih chuan an phawk hra mai in ka hria ,

"Chutiang sawi sawi lo khan inthil tih lai theuh ti ru, kha a then chu aliam tep kha " kan cr. Bz'an arawn tih chuan engmah sawi tawh lo chuan an mahni chan pual theuh ti leh in ti ti dang an vawrh leh ta a...

Chaw ei kan peih deuh thuak tih in kan teacher te pahnih pawh an rawn thleng hlawl a,chaw ei kan buat saih ta nghal.

Chaw kan ei lai chuan Kei,Ruatsanga leh Muanpuii te pahnih nen chuan kan thu ho thap a,Odelia i te pawh kan piah deuh hlek ah an thu ve...A chaw ei ka thlek leh zauh thin mahse vawikhat mah min rawn en duh der lo,ka thin a rim deuh ringawt leh nghal ka bialnu pawh la ni tawp si lo


Mahse bialnu! nia ka bialnu a nilo mahse ka ta tur tho ani,"Hawi vung vung lo khan ei teh" Muanpuii chuan min fiam pah deuh chuan arawn ti a,midang pawh chawei pahin an lo nui suk suk mai...

"I puar em?" kut silna bula a awm lai chuan tho ve vatin ka va pan nghal a,a thiante erawh anla ei mawlh mawlh thung, min melh zawk a "Mmm" tih pah chuan kal tum chuan a in her nghal a,rang zet chuan a kut ah ka chelh vata , a rawn hawi vut a, a mitmeng a vawt leh tawh khawp mai

"Min min hmu ange! min thlah rawh" seh chilh deuh nak chuan a rawn ti a,keipawn ka thlah ve vat mai,zingkar a mood kha a bo chiang hle tih ka hre ta mahse eng vang nge

"I thinrim mi?" min melh rum teh e!

"Hah! Teuh lo ! Engvangin nge a rim ngawt ang..ilo buaina tur pawh a awm lo" tih pah chuan an Tent lamah chuan a phei nghal nal nal a.

Hetiang reng hi ami? amizia an lo sawi thin hi,a changin tihnat phal loh khawpa duhawm ania, a changin keite kawlh ang mai.Hah!

.....................

A ngaihnawm loh viau chuan lo sawi ru aw...ka vawi khatna ka tih tawh kha..ka inring tawk lo lutuk a....

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » March 7th, 2021, 2:13 pm

Chapter ~ 3



Kan camp atang chuan chaw ei kham chuan kan chhuak nghal mai a, mizo khaw hlui awmna lai vel te chu min kawh hmuh zela, Lunga thil lem inker te,thlan hlui tak tak te, bung kung lian tak tak leh an thawnthu an hriat ang ang te an sawi pah zel bawk a,mizo te hun tawn maksak tak tak te pawh an sawi kat nuk mai..

Tlai dar 4 rik dawn chuan kan camp lam pan chuan kan kal leh ta a, ni lengin Odelia in min be duh lo mood maksak pui pui hi anei reuhin ka hria, a mengrum ni leng ani ber e, a thiante bulah erawh tha takin a awm chuan ka hria...hah! ka lo va chik awm thin tak!!

"Ahh!!" Hrui lei kàn dawn chuan Odelia chu arawn tre thawt a,kan hawi nghal vut a,leiah alo thu hnawk a ka pan nghal vat a...

"Ngati? Ana em?" a ke a dawm reng ka hmuh chuan thu hniam in ka buaipui nghal vat a ,a ulh deuh ani mai thei ani

"Ka tha" tih leh din chu a rual a,a bai saih saih bawk,a thian ten an lo dawm nghal vat a,

"Hruaisang ana viau em? anat viau chuan in puak tir mai la,a nuam zawk lo maw?" Sir zomuana chuan a lo ti charh charh a,ani hi zawng tupawh hi an mizo hming dik tak hian a ko vek kher zel

"Na lutuk lo sir, Mawipuii te nen kan kal thei mai ang" henu hi eng nge maw a hriat zo zai tawh ni,min en duh miah lo a,min be duh hek lo, ka chungah a thinrim tak tak ani ngei ang mahse a chhan ka hre lo,ka fawh vang kha chu anilo tih ka chiang mai bawk si....

Midang ho chuan lei chu an kan hmasa zela Ka thianpa nen chuan a tawp berah Odelia te hnung chu kan dawl a,a bai salh salh a, akal thei meuh lo chu ani,a chawl leh vang vang zel ...

"Odelia i kal thei lo anih kha ,ka lo paw mai ang che" ka ti ta nghut a,hrehawm ti taka a awm hi ka duh meuh lo chu ni!

"I puihna ka mamawh lo" Rum zeta min melh pah chuan a ti hlar a,a thiante pawh an hawi phawk hru mai

"Luhlul viau thin suh! i chapo na kha dah tha ve teh!" ka duh aiin ka aw a chang hret ani, thaw hakin a dak deuh vah a,lei lai tak ah kan awma, kan hnuaiah lui aluang dul dul bawk mahse nipui lai tih tak ah tam fu erawh ani lo a,mahse a khauh tha viau chuan ka hria,lui lian tak ani hrim hrim bawk a...

"Ka chapo maw?!! hah!! Nang ang mihring puihna ka mamawh hrep loh vang ani zawk lo maw !!" ka kut ka hum ruh ngar ngar khawp mai ngatinge henu mizia hi a dang lam reng mai le,chuan engtin maw kei ang mihring?

"Hah!! kei ang mihring maw!! alo nih vel dawn chu, ngaihtuah phu pawh i ni nek loh hi" ka ti leh nghut a,a tir lam ngeiawm viau mahse a tawp lam erawh ka sehchilh deuh nak mai, ka thin a rim lutuk hi sawi ngaihnapawh ka hre hrep lo ve!!!

"Nanga ngaihtuah pawh ka ngai nek lo ve" tih hlar pah a ache sawn tur chiah chu pai deuh nawk in a awn duai a,a banah chuan ka lo pawt let nawk a,mahse duh aiin ka lo pawt na deuh nge min rawn bawh let ti tih a ka tan in siam rem theih ani tawh si lo nen loh theih loh in hrui lei atang chuan kan tla thla ta chu ani der mai,kan thiante au dual pawh chu tui kan tlak luh hma chuan ka hre nghal bawk ...

Kan pil ta bawr mai, tui chu rin aiin alo khauh deih leh nghal ! Nghet takin Odelia chu ka kuah bet a,chet ngaihna awm bawk silo chu min len thla ta nghal mai,kan vir nawk nawk a,tui hak loh hram tum chuan thei leh thei lo chuan kan in hai kang hram hram pah bawk a,kan tlakna kha ft 30 dawna sang ani a,thiante chuan min rawn chhan tum viau mahse an thei rih dawn lo tih chu ka hre nghal bawk...

Tui luang khauh lai bik lo awm kan thlen thlak chuan kan vir nawk a, lung zum lo awm ah chuan ka dar vei lam ka tauh bawk nen duh anga in hai kuak pawh a har, min len thla tak zelah chuan tui luang pawh zawl lai deuh kan thlenga,pum lo lang ka hmuh chuan alam pan chuan kan in hai kaw phei nghal a,a chungah kan lawn chiah tih chuan lawm avangin ka thaw ta hak hak mai

"Engtin nge kan awm dawn" hah vanga la thaw deuh halh halh chung chuan a rawn ti a, hmeichhe chapo tak kha abo leh ta vek mai henu mizia hi ka hrethiam teh nek lo e!

"Vau kam lamah kai kan tum dawn nia" ka ti deuh hmuk a,min chhang chuang lo in abu ve nghat bawk,khaw awm dan en chuan vanduaina thuah hnih ani ringawt ruah a sur dawn tih lah a chiang nasa mai si,a rang lama vau kam lam pana,tawm hulna kan zawn angai ani, heti hi chuan kan thiante pawn min rawn zawng nghal thei mai lovang ,hmanhmawh angai tlat!

Kan vannei asiam in mau sei tha zen zawn kan hmu fuh hlauh a,vaukam lamah kan in kar phei thei ta hram,Vau kam kan thleng pawh lu ahai muai muai thei ani,ka dar lah chu a tur deuh ut ut mai leh nghal buaithlak hian!

Ka rucksack ah lai chu la thla in ka hai rawk rawk a,ka pu chem lian vak lo ka ken chu ka la chhuak a,Kan mamawh tur dang enge la awm ka en kual a ,mahse tangkai thei eng vak mah a awm chuang pawn ka hre lo...kawng inhai kaw chawpin ngaw lam kan pan nghal mawp mawp a,khaw thim hma ngei a riah buk tur hmuh kan ngai tlat ani,ka dar tur ut ut avang pawh chuan ka ban veilam pawh ka hmang tha thei meuh lo,ka bula mi pawh a ngawi thei rih khawp mai....

Kan kal ve fe hnu chuan kawng sah sa tereuh te hi kan pawh ve hlawl a chumi zui chuan kan kal ta zel a,kan kal deuh fe hnu chuan kan kalna chhak lawk a puk deuh reuh mahse a pawn lamah mau leh changel hnah hmanga hul hliap an zar deuh bawk chu kan hmu ta,lian erawh ani lem lo in ka hria, mahse zanin chu kan awm theih mai ring chuan kan pan chho ta nghal a,a kawt pawh a zawl vak lo mahse a nuam tawk khawp chuan ka hria puk nimahse thuk erawh ani lo a,lui kal thin te chawlhna thin anih ka ring nghal,Chutiang lo tan helai hmun angah tih tur a awm tlat lo ani,puk ban thlang lamah chuan meichhemna hmun tih hriat takin lungthu pathum alo in tung thap bawk a... bel dum ve tak pakhat alo awm ve ngat a,YMA no pathum nen chu chauh chu an thil dah aniang ni leh lo bangkil sir deuhah chuan patling kawr tih hriat tak sipai form ang chi pakhat alo awm bawk... meichhem lum vat ka duh kan hnawm bawk nen dam loh palh a hlauh awm tlat ani...

Thingtuah tur kan zawng khawm nghal vat vat a,ka let phei thuai bawk mei ka lo zu thin ka lawm ber tum ani ve hial ang lighter ka lo la ak tlat mahse a hman tlak ange maw...thingte chu ka tuah thiam ang ang chuan kan siam rem ve a, ka awmna bul lawk a siliper chhia chu lain kan hal a ka thingtuah lak kai nan chuan ka hmang ta nghal a, heihi ka puin huan kan kal tum a min zir tir ani, mau ro te chu kan tuah belh a a alh tha duh ta khawp mai...

"I kawr kha hem ro la , chuan ka kawr pawh hi lo hem ro nghal la,khalai jacket kha a hak theih rih ang a" tih pah chuan an kawr theih nghilh nge mawni chu kan khai kanga a lo la tha fu leh nghal kan thin that that hnu chuan Odelia lamah chuan kan lek phei nghala alo ban ve mai bawk...ka kawr chung zawk chu ka phelh a "min lo tih ro ve la, chumi chhungin khaw thim tak tak hma hian tui in tur leh ei tur vel a awm em tih ka va thli thlai ange" ka ti sup a,a hawi kual deuh hrek hrek phawt a chumi hnuah muang chang a min rawn en leh in alu abu nghat takah chuan inher in ka pu chem keng chuan ka chhuak ta nghal...

Mau awmna lam pan chuan ka phei ta a,ka rin ang ngei in mau awmna hmun thlang lawkah chuan lui te hi alo luang ve hlauh mai le,mau pum pangai tak chu tuk in tui thawl tur chu ka siam nghal a,pum thum chu buar hruai chuan tawn khawm in hmun hnih lai tawn khawm ka nei a,tui ka dawh zawh hnu chuan kan hawi kual deuh ngial a chaw a rin theih tur chi eitur eng mah ka hmu tlat lo kal tuma ka inher chiah tih chuan thla zap hlap hlap thawm ka hriat chuan ka hawi kual nghal thuai a,ka tui lakna chhak lawk lam ania ka hriat chuan ka pan chho vat a,ngun taka kan hawi kual hnu chuan Vahrik nge Ramar ni ang ka hre chiang lo hi a ke tliakin mau hmun bulah chuan alo chal chang tep hi alo nia vanduai vannei ka ni nge pawh ka hre lo rang tak chuan ka va man thuai a,a chal chang ti tih nghal der bawk...

Hmanhmawh tak chuan puk lam chu ka pan thuai a, khua pawh athim ta chhelh bawk ruah a sur dawn tih hriat takin a hma hruaitu khawpuite pawh an ri leh dum dum tawh puk ka thlen a,Odelia in min lo hmuh chuan thaw huai hmel apu in ka hria ka tui lak chu bang rin chhan chuan kan tung nghal a,"Zanin chu kan tla mai ang tui thianghlim anih hi chuan hei kan zanriah tur" tih pah chuan ka sa chhar chu kan khai kang zauh a,

"I thah ami?" phawk hra chuan arawn ti a, tawngkam lah hi a duh maksak thei phian leh nghal

"Ka vuak hlum anih kha" ka tih chuan a ner sak min ring chiah lo aniang"Thing hian zanin min daih lo ang kan la leh lawk ange" tih pah chuan ka chhuak nghal a,thim tham deuh tan tawh hnuaiah chuan atheih ang tawk a chaka fawm ka ni bawk a ka zo har teh chiam lo puk lam pawh ka pan ta thuai a...

Ka kawr chung (kamis)zawk chu alo hem ro hmasa chu niin min lo pe thuai a ,ka ban ve mai bawk ka shirt hak hnawm deuh hnuk chu hlipin alawng chuan kan ha a,a chah lam chi lo ni hlauh bawk nen a vawt ka ti lutuk ta bik lo e...mei chhawm pah chuan a kawr chu a hem pah ve zel bawka keiin kan sa chu ka lo puah vat vat a,hem hmin nge a duh chhum ka zawh chuan 'i duh dan dan'atih takah chuan ka hem ta mai chhum chuan arim a duh loh ka hlauh vang pakhat ani bawk...Mizia ngeiawm tak anei chung pawh hian ka la duh em em chu nia mak ve ngawt mai!

"Signal lah hi a awm thei bawk silo" A thawmhnaw hem pah a,a phone eng bih zauh zauh pah chuan alo ti bui bui a

"Tui kan tlak hnu khan ka phone athi hmak tawh ,a nung thei lo" ka lo ti ve thuai bawk a,a thaw hak hak thin hi alawm awm reuh bawk sia tunah pawh atih leh hak reuh tawh hi...mai mai chuan le! hetiang thil vang ringawt pawh hian min ti nui tawh chu ani sia !

Sa ka hem lai chuan a phone flashlight chu on in alo chhun kual vel a, ahnu deuh ah chuan tawlh hlek in bang kil lai chuan ava dap rak rak ni mai hian ka hria sarang tereuh te a,chi ni awm tak awm chu arawn khai chhuak ta nawlh mai "Buk nei tute dah hi anianga " tih pah chuan arawn keng phei a
"Niang kan hmang dawn nia" ka lo ti ve thuai a,kan zanriah kan ei zawh meuh chuan dar 7 ari thuak tawh ruah pawh a sur tawh a, tam nilo mahse zuam awm erawh ani hauh lo thli a tel deuh tlat mai bawk sia..

Tih tur awm bawk silo tawng kan tum lo dun mai sia,mei ka chhawm sek a,ani pawn a phone chu a thai a thai ringawt ni mai hian ka hria
"Battery ila ngah ami" atawp a tawpah tawng hmasa ah ka tang leh ta

"Power bank ka pai a, tent ah khan ka charge thina, tunah chuan ala tam ang reng" tha deuh chuan min chhang ve mai bawk a

"Ummm..."

Kan ngawi leh vang vang a, sawi tur hi chu kan van duh chiang alawm vawin a atawng dan ka ngaihtuah let a ka tawt leh hmuk tawh!

Kan mei chhem eng ve teng teng hnuai ah chuan puk bang ngheng chuan ka thu a,pawn lamah lah ruah ala sur bawk , ka sir lawk ah min dek lo chiah in Odelia i pawh athu ve kar a,
"Muthilh tum ila naktuk zingah ruah a ban hman chuan kan kal nghal a ngaih hmel sia" ka tih sup hnu chuan kan mei chhem alh ve teng teng chu thing ka tuah belh nghal a,puk bang chu ngheng in ka thu mu a, ani pawh ka bag ken chu kham tir in ka kiang lawkah a thu mu ve bawk a, sipai jacket lo awm kha sin in amu tawm ve kuk bawk..

Ka muthil lai chu ka harh hlawl a,khua erawh ala var lo,ruah alo bang tawh a,kan meichhem pawh alo thi tawh,Odelia lam ka hawi chuan a phone lo ti eng in alo meng kiau a , a hmelah chuan a hlau anih duh hmel khawp mai,tho chhuak in mei chu ka va chhem nung leh a, mut leh mai chu tum in ka phei leh nghal bawk

"I hlau em?" ka bula nula ramhnuai thawm awmna lama hawi kual nghal hruk hruk zel hnenah chuan ka ti ta sup a

Min rawn en chho vat a,a lu chu a thing na na a mahse a mitmeng ah chuan a hlau tih a hriat reng mai, a ban a chuan va man in min si chet a thu tur chuan a pawt phei nghal hrut bawk "Hey!!" a pawr leh hlar tawh
"Ti khan min nghen la mu hle hle rawh...khawvar hunah kan kalna tur ala hla ania" ka ti ve nghut a,min rawn melh chho hraw pah chuan ka lak atang chuan a tal hrang nghal a,mahse a rei lo khawp mai chingpirinu hram a hriat rual rual chuan a bawh in min rawh bawh nghal rawk rawk hi a ni ringawt

"Deh kha i duh lo amaw ka tia" Ngei awm rawng kai lek lek chuan ka lo tih khum deuh nghat a,a meng alh tha leh tawh khawp mai,Mahse engah mah ngai duh lo chuan ka pawt tho lawp a,Thu mu deuh lung ngheng ka nih vang chuan min nghen theih tura in siam rem in ka kut leh lam na lo lam chuan a dar ah ka kuah a,ka awm ah chuan a bei ta chat mai,mahse engmah sawi buai erawh anei ta lo , ahnu deuh chuan kan kal na velah kan chau tawh bawk nen kan muhil ve ta niang..

"hey!! tho teh!" tia min rawn sawi nawk nawk hnu chuan ka harh hlawl a,khua pawh alo eng ut tawh , a vawt ve vur mai,thawh chhuah mai kan tum chu ka dar tur ut ut tu avang chuan ka thu leh hnawk a,ka rin aiin ana daih tawh leh nghal ,nizan khan a zia mai ka ring kha nia

"Hey....i tha em?Ngatinge?" min lo melh ve kiau tu chuan ka che zia chu alo hmuh hmaih lo ve chiang aniang

"Engmah ani lo,ka dar hi a kham deuh mawle" thaw hawk chung chuan ka ti a,ngaihthat loh hmel deuh chuan min rawn en hnu chuan thaw hak in ka kawr chu a rawn keu nghal ! a rawn khawih chiah chu ka rum hawk!

"Lalpa leh! A pilh mai bakah a ruh lam ani tel aniang ...ana viau em?" a mitmengah chuan min ngaihtuah ve hle anih hmel

"Ka tha mai ang" tih pah chuan ka mit ka chhing vang vang a, ka thaw deuh halh halh bawk , na lo tih chi chu ani miah lo !

"Ka bag kha min lo lak teh" hre chhuak zawk chuan ka tia, hman atang tawh ka pi hian ka bag chhungah hian ipte peng siam hi a chinga tah chuan ka intih nalh palh emaw vela ka hman tur first aid a dah thin...God! alo awm hlauh e...nachhawkna mum hnih chu ka ei nghal a,ka hma mi chuan min lo melh chiang ngang mai!

"Kei ang mihring hi min ngaihtuah ami a!" nimina khatianga a awmna chhan kha thil dang vang nge min huat tak tak vang ka hre duh ani!

"Kha...kha...kha kha ka sawi tum ani lo ania" ati bah ve nak a

"Nia, kei ang mihring hi chuan ngaihtuah vak kan ngai lo ania" ngeiawm lam lek lek chu ka ti let ve sak a, aner nang mai.

"Khatia ka sawina chhan che chu ..nang....nang hian ka thin i ti rim alawm" a tir lam bah deuh nak mahse a tawp lam erawh a pawr hlar mai!

"Kei hian maw" bo hmel deuh a ka tih chuan a ner nasa mai!

"Aw nang khan....Bialnu i neih lai reng in engtin nge min fawh ngam!" a rawn ti leh hlar a,a thinrim hle aniang a biang asen vek

"Bialnu" ka tih ve sup chuan
"Aw...Zomuanpuii kha mawle in in zui rei ve tawh ani lawm ni" ngei awm rawng kai lek lek chuan a rawn ti leh a, a hmel ka en chu ka nui chhuak ta hawk...henu hi a thik chiang lutuk

"Chuan i thik tihna mi?" ka tih pah chuan ka mit ko chu ka san uk a,a meng phawk nasamai,ka nuih leh sak a

"Thik teuh lo mai!!! mahse ka induh tawkna a khawih che ve" alo ti pawr leh khawp

A kut chelh mai ka tum chu alo la sawn thuai a,ka dar chu chelh in ka ner sawk a,min rawn hnaih leh nghal rual chuan a kut chu ka lo chelh vat ,lak sawn atum chuan ka hum nghet zual sawt a

"Ka mit ah en rawh le" ka tih sup chuan,a kut pawh chhuah tumin tan ala la ve ngar ngar mai,min en duh thak lo leh nghal!
"Min en hma chu ka thlah dawn lo che" ka tih tlat takah chuan min rawn en ta hraw mai,a mengrum ve lutuk mahse naute duhawm deuh a ang zawk mah!

"Muanpuii....KA BIALNU ANI LO" chiang fek fawka ka tih takah chuan a mengphawk ve deuh a mahse a insiam tha leh vat

"Dawt sawi lo mai teh,midang pawn an sawi vek "

"No...dawt ka sawi lo, ka bialnu ani lo ka thian chauh "

"Anih chuan tinge i kaih vel si!"

"Ka lo kai tih pawh ka hre hleinem, chuan bialnu tur chu hual ka nei a" ka tih chuan min rawn melh phawk hra ,ka mit ko ka lo san ak chuan hrethiam ni awm tak hian a hawisawn nghal daih!ka nui leh hak hak a
.................


"Jethro ka hah tawh lutuk" kun hniamin a khupah a kut pahnihin a in nem khalh in a thaw halh halh a,kan kal thui tawh ang reng sia chho vek ani bawk nen a hahthlak ve ang reng fu!! Khua lo hnawm deuh nen thosi an tam ang reng sia a ninawm bawk

"Kal leh deuh ila khi lai chhak deuha thing kung bulah khian kan chawl dawn nia" tih pah chuan pan hnaiin a chalah ka fawp zauh a, ka ban na lam ka awrh avangin duh angin kan kal chak thei bawk silo kawng lo chhe ve nen..

Thing kung bul kan thlen chuan kan thu nghal hnawk mai,kan thaw hlawi hlawi thei alawm mawle!

"Kan thiante pawn min lo zawn ka ring a kan inhmu tep tawh mai thei ani" ka tih chuan lo nghah tawh mai a duh thu asawi a,mahse ka la chian ngam loh avang chuan kan theih chen chen kal leh rih a that thu ka sawi thung.

"Jethro..kan inkar hi.." arawn tih niah niah chuan alam ka hawi vat a mahse min en lo in hmun dang alo melh daih

"Ngatinge?" ka ti nghut a

"Ihh..kan zep rih thei angem?" inthlahrung aw lek lek a,a tih chuan ka meng zim sana,lo hrethiam ni awm tak hian

"Ih...ka la inpeih lo deuh ani,mi hriat tur chuan" ati niah niah a

"Mipa dang an awm ani lo maw" ka tih nghut chuan a rawn meng phawk vak

"Teuh lo mai! A hmasa ber lawm inih" a ka a hup nghal chawi a,phawk leh zualin min rawn en,tunah khan a hmasa ber ka nih thu asawi ! God!

"Lo kal teh" ka tih chuan a che lawk duh lo a,"Vat" tih leh nghut paha ka mal chung ka ben thek thek chuan min rawn en vat a,ka buk nghut chuan tim daiin min hma chhawn zawng chuan a rawn thu a.A bek sam karah ka kut na lo lam chu zen lut in ka pawt hnai salh a , a hmui nalh leh lum ther ther ah chuan ka hmui chu ka si ta chat a,dam zet chuan ka fawp mial mial a , a tirah chuan tim deuh mahse ka fawh tak zelah chuan in thlah dul hret hret in min rawn chhang ve ta mawlh mawlh a..

Kan inthlah chuan thaw duh hak hak paha ka en chhoh chuan biang sen deuh ap ap chung chuan a lo nui ve sen sen a...Kan chhak deuh a thawm ri sun sun kan hriat chuan in thlah vat in ka in siam tha thuai a reilo te ah kan sir leh mipa then khat ho an rawn lang hlawl mai...min hmu chu min rawn pan nghal ruak ruak mai..

.......................

Tunah chuan trip pawh kan zo tawh a, kan haw dawnin bike a ka chuan theih tawh loh avangin bus a ka chuan a ngai a,Odelia in chuan ve duh mahse min rinhlelh kan hlauh avangin a chuang ve ta lo Mawipuii nen an in phur ta a,an kal hma in muanpuii hnaih loh turin min chah ve ngei! thik thu chhe reuh lutuk...

Lunglei kan thlenin Miss Msi'n ka dar entir vat a duh avangin kan la cham a,midang erawh an haw tlang thung damdawiin ah xray te neiin a ruh alo pelh deuh alo nia, min dressing sak nghalin an tuam nghal a,ka ban pawh ka awrh rih angaih hmel...

Hotela riah mai kan tum laiin Nutein ka putea te chanchin vel ahan hrilh ve in hotela riah chu anlo phal lo nasa mai, min lam turin putea a rawn chhuk nghal thuai a.

Pukpui a awm pawh chu alo pawilo khawp mai ka cousin te ho nen kan in hmelhriat phah a,a zia phian ka pu in min lawm nan tiin zanah ar leiin kan ur a,an in chung zawlah niin a boruak pawh a nuam khawp mai...kan chhungte hrang hrang lo leng khawm in min hmu chu an phul ve hlut a, Dam lohna vang nimahse hun nuam tak ka tawn theih phaha ka lawm tho..kan tam ang reng sia kan ri nuai nuai mai..kan cousin ho ringawt pawh 10 chuang lai kan ni...

A tukah chuan chawhnu lamah chhuah ka duh zawk avangin nutei pawn pawi ati hran lo chubakah Pa remruata (nutei pasal)an min lo lam dawn a,alo thlen hma vak a rinawm lo hrim hrim bawk.

..........................

Chawhnu lam dar 4 velah kan chhuak ta chauh kha ania ,Aizawl kan luh chuan dar 11 a ri dawn hnai tawh.Ka pi ten kawtah min lo hmuak a,ka piin min hmuh vel leh min ngaihtuah zia ka hre thar alo mangang leh fu aniang a tap lo chauh ani.Nutei te rawn peng zawk in rei pawh awm loin an haw leh nghal a,intifai zuai zuai in keipawh ka pi leh pu mangtha in ka mu ta nghal.

Ka phone chu banin ka on a,vawinah ka la khawih mumal lo reng reng tih ka hre chhuak...Ka on chiah chu message alo lut ve zut zut mai..

*In lo chhuak hma dawn nge dawn lo?" Muanpuii

*Ka lo hmuak lo mai ang che, kan buai leh thut sia,naktukah ka lo sawm phei mai ang che* Ruatsanga ve thung

*I lo haw tawh em?* *Mine*

A tawp ber ami chu ka chhang nghal thuai a*kan lo thleng chiah * tih te ka thiante pahnih pawh ka reply a,mahse an seen lo ve ve an mu tawh niang...

*I chau em* mins 1 pawh la ral hmain min rawn reply nghal ...ka nui suk a,text tawh loin ka call ta zawk

*Chau tho mahse ka ngai zawk che * Call a chhan rual rual chuan ka ti nghal a,alo nui hak hak thung

*I dar chu enge a an?*

*Ka tha tawh viau chuan ka ngai che ka tih kha min la chhang lo " ka ti nghut a, a reh deuh vang vang hnu chuan

*Keipawh* a rawn tih sap takah chuan ka thaw huai mai henu te hian min ngai ve anih chu!

*Naktuk college i kal dawn em?* ka sawi belh leh hlau awm fahran chuan a rawn tih zawm nghal vat a.

*Yup..ka tum chu nia,min lo lam kawi la* fiam zauh pah chuan ka ti sap a

*Heyyyy... kan sawi fel tawh kha college ah chuan nilo*

*Ok...ok ka hria eeee,mahse mipa dang hnaih miah suh ang che anih loh chuan i hriat kha*

*Hah...Jethro min hre chiang nange khawilam mipa mah va hnaih suh min hmuh pawn an tlan chhia ang chu* nui hak hak chuan a rawn ti a,nia henu hi chu black queen ani tih ka lo theihnghilh ani e,vawt tak phenah hian hmeichhe hot tak ani tih hi tunge ring thiam ang ni.

*Mahse nang pawn hria la Jethro kawp nih ka duh lo,dawtsawi hmang leh mi rinawmlo te hi khawvela ka mi huat ber te an ni,chutianga i awm anih chuan kei aia nasa an awm lo ang* a rawn tih chuan a fiamthu lo tih a awka rik dan atang pawn a hriat theih.

*Keipawh chu chu mahse a tawp rat thleng pawn i kut erawh ka thlah ngai lovang tih hria ang che* ka ti ve sup a,mahse ka ti bik mai mai lo,ka thinlung zawng zawng a tiam ka ni.

Kan inzawmna hi mak tak ani tih keipawn ka hria! Mahse tihpalh thil thu tia sawi atan chuan ka phal hauh lo thung! Inzawmna awlsam tak hian engtia rei chiah nge a daih ang,he kan induh tawnna hian engtia thui nge min kal thlenpui theih ang? Naktuk ni chhuak hian eng thil nge a rawn her chhuahpui dawn?



.......................

Zanin chu a thui khawp in ka hria, chuan min lo comment sak tute chungah ka lawm em em a,zanin pawh lo comment leh ula, in reaction lo hriat hian anuam ve a😅 Dam chuan naktuk zanah exam zawh lawm nan chapter 2 dah kan tum dawn nia.Tih dik loh ka neih pawn min lo hau bawrh bawrh mai rawh u😄

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » March 7th, 2021, 2:14 pm

Chapter ~ 4


Kan tualah chuan ka ding vang vanga ka sona ka en sek tawh bawk,Lalruatsanga han hmanhmawh thiam loh zia hi! darkar chanve dawn ka nghak tawh ka lo lam ang che ati ve khang lang bawk si...ka pi ten vawi chu chawl turin min ti viau mahse ina mahni chauh a awm kha ka peih loh avang leh ka dar pawh a zia awm fu avang in ka kal lui ta kha nia..

Ka din vang vang hnu chuan a rawn thleng ve thei hram e.
"Hmela hmanhmawh te hi zir rawh" ka lo ti hmuk a,alo la nui sawng zui...

College kan thlen chuan Odelia bike pawh alo awm vang tawh,ka mood a fuh nghal em em ringawt.
"Nge i khik vur vur,mi à chiah chiah" Lalruatsanga'n min rawn kal pel paha atih chuan ka run ngang mai.Alo la then thaw zui...

Class kan luh chuan an lo awm leh thup tawh kan lecturer erawh alo la lut lo thung,ka melh kual thuak a,a hnung ber kila lo thu a thiante thil sawi ngaithla tih hriat taka lu buk zauh zauh paha lo nui sang ka hmuh chuan ka buai zo lo chauh in ka hria..

Min rawn en zawk a,rawn nui deuh sakin a hawi sawn leh nghal kha pawh kha a tawk lutuk tunah chuan a bula awm vat vat ka duh ani...

"Ruatsang..ka damdawi ka ei theihnghilh khulai dawr ah khuan ka zu kal lawk ang" Kan thutna pawha thut thlak hma chuan ka ti leh rih a,kal pui ka ngaih leh ngaih loh min zawh chuan a ngaih loh thu hrilh vat in ka chhuak nghal.

*Rawn chhuak rawh* tih chu types in ka thawn nghal a,a seen nghal thuai bawk.

*Class kan tan tep hi*

*Library ah ka lo nghak ang che*

*Mawl viau lo teh! class,nangpawh*

*Rawn hmanhmawh rawh* tih chauh chu types in ka thawn a,ka phone off in ka kal nghal vut bawk.

Library chhungah chuan an lo tam vak lo, lut in chhawng hnihna bang thlang lampang mi kal vak ngai lohna lamah chuan ka lo nghak ta a.

*Khawnge i awm?* ka nghak rei lo khawp mai,ka awmna lai chu ka hrilh ve nghal.

A rawn thleng chu a rawn meng rum nghal teh e,mahse ka duatnu hi vawin chu chhe lo tak hi ani ringawt,min hip tak zet...

Tawng tuma a an zuau lai chuan,a kut ah lo vuan vat in lehkha bu dahna chhuar hnung lam, a kil a thut phah an dahna lai chu ka pan phei pui nghal vat a.

"Eng nge maw i hriat le?" a rawn tih chuan ka en vat a,a hmui a kun hniam deuha fawh zauh pah chuan "ka ngai tawh lutuk che" ka tih sap takah chuan,a meng deuh awk a,
"Hmelchhesia" tihsap pah chuan a ner deuh nak a,mahse alai thup a tumna mai zawk ani tih ka hrethiam tho.

Single chair awmah chuan thu thla in ka mal chunga thu tur chuan ka pawt hnai nghal a,thla ngam lo deuh chuan a rawn thu ve mai,zawi tè tè in kan titi a kan nuia kan infawp pah bawk duh aiin hun a kal chak,Kan thianten min rawn phone chuan kan kal chhuak ve thei ta hram.A kal hmasa a a hnu fe a ka zui! fimkhur ve tak kan ni.

Class kan neih leh nghal avangin 3rd floor lamah ka chho nghal a,Ruatsanga bul ka thlen lah chuan ka awmna min lo la zawt chik em em zui.Hmeichhia nghal loh!

Class kan la zo a,Muanpuii te nen Canteen lampan chuan kan in zui thla ta hnak hnak hlawm a,canteen kan luh dawn chuan canteen chhunga an lo ding deuh luai luai chu kan hmu vat a,midang awm ve ho chuan an lo en thup bawk engtak chu ni ang maw? kan tih lai tak chuan
"Hmeli leh! Ngaidam min dil dawn lo maw?hetia min tih man hi chu ila hre khawp ang ! in hausakna hi chhuang viau lo mai teh!" Hmeichhe awrawl niin a pawr hle,

Thil a ri leh thlawp a,kan va kal hnai ve vat,ka thil hmuh chu!

Hah! ka awih thei lo Hruaisangpuii chuan a hma a kan dept ami tho Dinmawii chu dir zur zur thei khawp in tui in alo theh anih chu,pakhat lah chu a thinrim hmel ngang mai,Odelia-i erawh a awmdan a ngeng ngawih ngawih ka ti mai.

"Nang hian ka chhungte chungchang sawi theihna pakhat mah ka pe miah lo, Min han report la eng nge thleng lo en ila" tih pah chuan a awmah chuan kawkin a nem deuh sawk a.

"Hah! I pa pa zahawm ber anga lang chhunglam nun chhe si , eiruk sum mai maia hausa hi ka hlau chai lo" Pawr hlar in Dinmawii chuan alo ti let a, atha dawn tawp lo,in rawlh vat angai tih chu ka hre thiam mai a.

"Hmeli engmaw i sawi!" tih pah a Odelia'in pan a tum chu a banah chuan ka hnuk let hrawk a,an inkarah ka ding nghak hmak bawk"Min thlah nghal rawh" ti pawr hlarin a rawn hawi chho in min rawn en chiah chu tlem chuan a tim deuh nge ka ngaihruatna pawh ka hre lo mahse a reilo em ani chuan a meng rum tha leh hle tawh.

"A tawk viau e!"

"Maw! hah! I lo buai ve na tur pakhat mah a awm lo, thlawk bo mai teh" tih hlar pah chuan a kut ka chelhna chu phelh a tum ve tang tang bawk.

"Eng nge thil awmzia? Sawi teh u!?" ka ti hmuk a, Odelia-i pawh ka la chelh reng a tal pah reng bawk

"Dinmawii te nen ka thil ei lai in tuiin a rawn theh ringawt anih kha" Dinmawii thiannu ni ngei tur chuan a rawn ti pawr ve hlar a" Ngaidam dil tura a tih in tui in a leih nawn leh anih kha" a rawn tih zawm leh a.

"Lalngaihsak " Mawipuii leh Serbie Odelia-i thiante pahnih chuan an rawn ti rual thawt!

"Eng nge beng ngawng kan awm lo!" Hlar hlar hlawm hian.

"Ngaihdam dil phawt rawh!" Odelia en chunga ka tih chuan , a rawn meng kawka
"Teuh lo!!!" Ring fe chuan a rawn ti pawr hlar a,midang mit chu kan chungah a fu vek tawh.Hetiang mi hi ani lo tih ka hria,chuvang tak chuan zawi zawi a midangin an ngaihdan an thlak theih nan ngaihdam dil hmasa tura ti pawh ka ni .Mahse!

"Sawtiang mi tenawm leh tawp ho saw ngaihdam ka dil ngai lo ang!" ngeng ngal chuan a rawn tih zawm leh!

"I dil dawn lo maw!" ti hmukin ka melh ngur a,cho zetin min rawn en ve bawk.

"Jethro Ody thiam..." "Mawizual!" Odelia chuan alo ti pawr hlar a,nichin darkar tam liam hma a ka bula awm hmeichhia kha hmuh tur pakhat mah a awm lo.Chutak chu ka thin ti rim zual tu ani.

Ka chelhna chu ka tih thawl deuh takah chuan ka kut chu thing thla hnawk in rum zeta min melh hnu in" Hetiang mihring lakah hian ngaihdam ka dil ngai lo ang! Chuan Ramdinmawi he thil hi ka theihnghilh tawh ngai lo bawk ang! ka chhungte vang pawn" tih paha inher ngat in ngeng zet chuan a chhuak ta a.

Serbie chu rawn thaw hawk in " In ngam phawt chuan Tetei chanchin hi a chhe zawngin mi bul ah lo sawi leh nà teh u! Odelia-i mai nilo in kan vaiin min hmachhawn tawh ang!" ti hmak in rum zet chuan min melh kualin an chhuak ta a.

Tetei Ody thiannu dept dang ami hmeichhe zak zum tak,fel tak nisi mahse an hausa ve lo thung! An sawi hmang chuan Dinmawii te thiam loh ani tih a chiang leh zual bawk.

Odelia-i hi ka hriat tirh a ta kut ala thawhawm an sawi ngailo ngeng zet leh tawngkam hmanga che chhuak thin ani tih ka hria.Chuan tunah kut a thawha, a thinrim ve hle aniang ! Midang pawh chuan mak an tiin a then an mitmengah zam hmel alang bawk.Um zui duh viau mahila ka thei bawk silo tih dan tur pawh ka hre tawh nek lo!

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » March 7th, 2021, 2:14 pm

Chapter ~ 5



Kha thil thlen atang khan kar khat dawn aliam tawh Odelia in vawi khat mah ka call emaw ka text pawh min reply duh lo....College ah biak ka tum pawm min hmu lo der hmak hmak bawk.

Dinmawii te pawh kha thil thlen atang khan dem an hlawhin min an en dang a dang em em a nuam pawh an ti bik lo tih ka hria.

Kha mi tuk khan kan college ah Odelia nu arawn kala ami zia leh chezia ka hmuh chinah Odelia nen in ang tak anni.Hmelah erawh inchhunna an nei awm pawn ka hre lo.

Principal rawn hmu turin a rawn kal hi ania.Nimin thil thleng vang teh hrep khan! Principal in Dinmawii te ko nghal in last warning an pe nghal bawk a thleng leh anih chuan hnawh chhuah nghal ani ang tih ani!

Dinmawii nu leh pa te erawh in engmah sawisel loin ngaihdam an dil ta zawk an ti!An sawi ka hriat ve danah Odelia nu hmaah tumah an ding ngam ngailo!

Odelia te chhungkua hi ka la sawi lo tak,tlem a zawng kan sawi ange! Apa hi Mizorama law firm lian ber leh chang tlung ber nei tu ani a, Anu hi Hospital pakhatah Director hna a chelh mek bawka, An upa ber mipa niin nupui anei tawh a MCS Officer ani bawk, au chiah hmeichhia ni thungin Apa hnuaiah firmah a thawk ve mek bawk an chhungkua hi thlah tute atanga hausa Mizoramin a hmel hriat tha tak kan tih ang chi kha an ni,Odelia hi an unau ah hian upat lam fa alo ni bawk nen,an duat bik em em tih an sawi thin,au chiah nen hian kum 9 lai in an in thlau!

.................................................
Odelia Hruaisangpuii
..........

Ka hlim ve dawn chauh asin! mahse keimah nilo in an ni a rinna khan min ti na a, min huatna a mitmenga ka hmuh khan ka natna a belh bawk.Jethro nen pawh kar khat dawn lai kan inbe tawh lo.Zantin min lo call a text a dah ziah bawk mahse ka chhang ngai lo.Nge kei aiin an ni kha arin vel ni!

Ramdinmawiin ka thiannu khatiang taka nasa a ka hriat lai renga a sawi kha ka insum hman lo in tuiin ka theh kha ania,chumi hnuah kna chhungkua ah ala pakai zui! ka pa chanchin khatiang a sawi thei tur khan hriat pakhat mah anei lo.
Ka pa, pa azawnga tha ber hi khatianga a sawi ka phal reng reng lo.

Kha mi tlai pawh khan ka rilru na leh thinrim lutuk khan chaw ka ei peih ngang lo a,ka room ah ka tawm char char kha nia,mahse ka nu! nu a zawnga tha ber mai,pawnlam landanah mi khirh leh dawhthei lo ang tak ni mahse thinlung tha tak nei hian mi tu tu te maw kà tang alo hre leh hi ania!

Roomah min rawn kal chilh in min rawn hnem nghal ka thiannu avanga na viau emaw min tia nia ka na lawm mahse Jethro vanga ka natna hi ana nasa zawk!A tukah ka phal lo chuang ka nu'in kan principal a hmu leh nghal! kei chuan keimaha zawi muanga tih nat ve ka duh zawk ania mahse amah alo chet takah chuan tun chauh chu ka ngawi ang mahse a dawt leh a awm anih vaih chuan a tawp rat thlengin ka hmet mit ang.

................

"Mawipuii Ngura'n a bem a" ka beng bulah chuan Serbie chuan a rawn ti ru sar sar a,ka nui hak ani pawh a nui ve tho,chaw hma chhung zawng Mawizuali lo tum bur na chhan ka hre ta mai.

"Lalmawizual" min rawn en vat a, chimawm zetin ka mit ko ka lo san ak ak a hmuh chuan "Enge!" a rawn ti pawr hlar, henu hi a chang chuan kei ai hian a thin chhia hian ka hre thin.

"Ngurpuia chu!" mit siai sak paha kan ti chiah chu "Zoremsiam!" tih leh Serbie(Zoremsiami) hnungah an beng nghal thlawp a

"Ana!! ka ruh a khi nghal in ka hria" Serbie chuan uang zetin a lo ti ve hluai bawk.

"Dak thei viau mah ta che! Hruaisangpui min han chhaih leh na teh i chak lo ang" a ti pawr hlar a.Ngura hi kan dept ami tho, thau lam deuh hang ve deuh hi ania,higher kan kal atang kan kal ho a,Mawipuii hi an dem thina, ani lah chuan alo star reuh tak tak chu niin biak pawh a be ngai miah lo henu hian a haw em em ringawt! Ngura lah hi mawl muk ang chi kha ani bawk sia ! a thianten an bawl anga a rawn be ve ringawt aniang!

"Engtin nge i chhan?"

"ka duh muk muk che a ti" ka zawhna chu Serbie chuan alo chhang nghal thuai a, kan nui dun leh hak a

"Zoremsiam ngawi hle hle rawh! I duh bik ami?" hlir hler hian.

"Engtin chiah maw i chhan a?" kan ti tha leh a.

"Kha! ka be reng reng lo henu hian nizanah ka phone a khawi char char alawm , a rawn riak a, aman a chhang vek" tih pah chuan a phone chu min pe a,Serbie alo nui thaw

A phone chu la in chat chu kan en nghal thuai a
*Mawipui, ka duh lutuk che a, min duh ve em? in ngaizawng ila?" Ngura, teh tlawng zel a!

Serbie reply na ka en chu ka nui hawk, ani pawh, kan nui dun hak hak a,Mawipuii erawh a mood ala fuh thei lo aniang nakinah a zia ve mai ang!

A reply dan mawlh hi
*Apa ten chaw heh deuh bialpa neih an phal lo a,kan cooker ate lutuk a* ka la nui dir char char thei.

Class kan lak hnu chuan Ngura lah chu a rawn hawi phei deuh reng bawk si,Serbie nen a rukin kan lo nui char char,pakhati lah in min lo sik vak zel bawk si.

Ka nui zo ka hawi chhuak chiah chu ka thil hmuh avang chuan ka tum hmuk.ka nuih zatna pakhat mah a awm tawh lo! Hah!
Remruatzela leh Zomuanpuii te chu an inkarah fanghmir pawh aleng dawn ami tih tur khawp in an inhnaih anih chu an la nui sang zui! Khatianga ka chunga a chet hrep hnuah ala nui thei nia! Ka mood an ti dik lo vek

"Mawipuii Ngura'n a bem che law! Engtin nge i chhan dawn" Class atanga lecturer chhuah veleh chuan Hriatsanga chuan a rawn ti lung lunga,ka thiannu zah hmel tak leh thinrim hmel bawk si ka hmuh chuan ka mood fuh lo sa nen ka lo chhan khalh thuai.

"Nangni ang bula tal tur khawpin ka thiannu hi a nun a hniam hran lo ania" ka duhna ah hi chuan ngeiawm tak ka ni,ka chapo an ti thin a mahse kei chuan ka chapo na ka hre hran lo ka sum ka inchhuanpui ka hre hek lo bawk,dik nia ka hriat lamah a tawp thlengin ka tang thin mai chauh ani.An mahni in en hmasa lo a,midang nihna en a , an tana hlawkna awm hauh silo a an chanchin lo sawi vak thin ho, lei chak zet zet neite hi ka huat zawng tak an ni.

"Hringnun hi in elna in hma chhawn ang che, in erna nilo in.Mahni nun ah pawh kan buai ania,famkim lo kan nisi a, chutih laia midang nuna lo va inrawlh phet te hi thatchhiat vang mai mai ani,mahni nun siam tha peih silo in an lan mawi nan midang that lohna te hian inhliah khuh an tuma hetiang mihring te hi an nunah entawn tlak a awm ngailo tih hria ang che" he thu hi thil hrethiam rual ka nih atanga ka nu min hrilh tam ber ani,zawm hram ka tum bawk thin.

"Hah! in nun chu alo va sang awm bik ve a!" Ngei awm zet chuan a rawn ti ve kher a! Ka mood vang hi niang ka thin a tawt tun bawk nen ka insualpui theih mai ka ring!Ka chhan dawn lai tak chuan Serbie in min lo chhan khalh hlauh.

"Sang bik hran lo e, kan zingah chuan in erna te, dawt leh mahni hmasialna te kan nei ve lo tlat,a pawimawh ber chu midang kan endawng ve ngailo dik ni a kan hriat kan ti ani mai! Midang an hnung lam atanga nuih emaw dawizep zia takin kan bei ve ngai lo bawk!" ngei awm fe chuan a rawn ti salh a.

"In va inchhuang awm ve a chu! in lo fel ber anih chu" Ngaihsaki hmania ka intih buaipui Dinmawii thiannu chuan alo ti ve salh a,Dinmawii erawh class alo kal lo aniang a hmel ka hmu lo!

"Nangni nun ai thlawt chuan kan nun pawh hi a let in kan duh zawk" Mawipuii a rawn ti ve nghal hrawk

"Duhtawk rawh u!" Ngaihsaki tawng leh tur chiah chu chu awki chang tak chuan a ti tawp hmak "Hruaisang nangni kha khatia mi chhaih kual vel emaw kher angai lo, nangmahni in inti mualpho mai mai ani! Dept khat kan nia ,kum 1 chuang kan la awm ho dawn hetia in nghir ngho reng hi a tullo ! inngeih tlang tak in awm tum zawk ang u! Nangni pawh kha" tiin mit zim san chuan min rawn melh runa,Muanpuiin a kut alo chelh run ani tih ka hmuh chuan ka ner nawk!

"Kal ang u!" ti hmak in chhan pawh chhang lo chuan class room atang chuan ka chhuak hmak a, ka thiante pawn min rawn zui ve vat ani tih an pen thawmah ka hre nghal bawk.

Thui pawh ka kal hma chuan kut pakhat hian ka banah manin min kuai her lawp a,ka tlu thelh leh nghal!

"Engthil nge maw i hriat le!?" ti hrawk a ka hawi chhuah chuan Jethro chuan min lo melh runa,ka thiante pahnih pawh an ham haih viau aniang min lo melh ve reng ringawt

"Min thlah vat rawh!" tih pawr hlar in ka kut a vawnna chu ka thing vaka, Mahse zu han thlah duh miah lo a,min chelh nghet zual sawtin ka hria

"Mawipui in thiannu hi kan be lawk ange?" tih hmukin min en runa

"Teuh lo" ka lo ti pawr leh hlar thung

"Inbiak kan ngai " ati hmuk a,ka lak atang a mit ala la sawn eih lo bawk.

"Ka duh bawk lo" ring zeta ka tih leh chuan

"Engnge in hriat a?" Serbie chuan hamhaih hmel zetin alo ti bawk

"Kan han in be lawk ange,lo ngaihtuah suh u" a tih chuan ka lo melh rum vak,ka va han zui awm lo ber tak! ka rilru hria niawm hrim hian "Min rawn zui loh chuan kan inngaizawng tih hi ka sawi chhuak ang" ka beng bulah chuan a rawn ti sap a,ka melh nghal vut chu ti fuh in tih hmel zet hian min lo melh in a kiai suk leh nghal! Ka va han ngei ber tak!


Class room ruak pakhatah chuan min luh puiin kawngkhar chu a khalh nghala , min rawn en run bawk!

Ding chunga in kuang kuah than hian melh ve hrawk in "Eng nge sawi vat rawh?" ka ti pawr hlar a.

"Ngatinge ka message ila chhan duh loh! " a rawn ti hmuk anih chu!

" Ka be duh lo che ani mai alawm!" ka lo ti leh hlar a

"Hmani thil thleng vang khan anih chuan ka tihpalh ka tih kha" alo ti leh hluai

"Hah! Min rinna chhete mah i nei lo ani lawm ni, min ring miah lo tu hi kei chuan ka be duh tawh hleinem" ka ti leh hlak a

"Ka ring lo che tih ka sawi lo" a ti hmuk duh chauh ani chu!

"I sawi lo mahse i lan tir thung! ni lawmni" ngeiawm fe chuan ka lo ti leh a, a ka atang chuan a thaw chhuak hawk a,min melh leh run bawk.

"Tha tur nia ka hriat ka sawi mai chauh ani, chuan ka ring lo lo che, mahse buaina a punlun hma a tih tawp ka tum mai zawk ani," A tih leh nghut chuan ka en reng ringawt, dawt sawi hmel emaw zam hmel ka zawng te pawh ani mahna mahse thlaler a tui zawn ang vel ani.

"Keipawn dik nia ka hriat ka ti mai chauh ani" tlawm zawk nih ka duh ngai lo,mahse ka tlawm mek chuan ka hria.

"Chuan kan tha tawh em?" kan ngawi deuh vang vang hnu chuan a rawn ti leh a

Ka hrethiam in ka ngaidam tawh mahse Zomuanpuii nen an awmdan ka ngaihtuah hian ka thin a rim a ,la hrem ve ka la duh tlat.A thian chauh anih thu vawi tam sawi mahse keilo hmeichhe dang a hnaih hian ka awm a nuam thei ngai chuang lo.

"Ka la ngaidam lo che! Chuan ka kal dawn class kan la nei" ka sona en zawk chuan kawngka lam chu ka pan nghal vut a,

A bul ka thlen chuan rawn che deuh hrut in hnunglam atang chuan min rawn kuah nghal hmak a,nghet takin ka kawngah a chelh bawk, ka darah a khabe nghat in a thaw chhuak nghal ham ham a, ka tim deuh uai uai thei hial.

"Min thlah teh,Class ka la nei ka tih chu" tal deuh laih laih paha ka tih chuan,ka ngawngah a hmui a rawn nawr tawk chuan ka tim nghal chawih a.

"Min ngaidam thuai thuai rawh aw! Ka duatnu ka ngai tawh che nia" a rawn ti thum chhak a ,a tawng zawnga ka ngawng lum hak hak thin te chuan min ti mur ar ar thei hial in ka hria!



..........................

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » March 7th, 2021, 2:14 pm

Chapter ~ 6

Ka thiante bula ka let leh chuan engthil nge thleng tih min lo zawt nghal thuai a,"thil pawimawh ani hran lo,nichin thil thleng vang te kha ania" ka ti liam puat a,ngaihthat loh hmel deuh a min enna chu ka hai der ve hmiah a,min zawt zui ta bik chuang lo bawk.

Zana min lo text na chuan ka nuih a ti za ngei mai "Min ngaidam dawn tawh em?I aw ka hrechak ania" hepa hian min thlahleh ve tak tak nge niang?A awmdan ah hi chuan lem chang tur chuan ka ruat phal silo.Kan intawn dan leh awmdan te ka ngaihtuah kir hian a awlsam mah mah hian ka hre thin.Thil awmsam taka kan neih chu awlsam takin kan chan leh thin an tih hi dik lo hram se ka van ti em!

Kan inbiak emaw kan awm dunin thu thlum tak tak min fah ngai lo a, a chanchin sawiin a uang hluah ngai lo bawk , mahse chet zia in min thlakhlehna leh min ngaihsakna ati lang thina, hei tak hian thu mai mai aiin alamah min hip zawk hian ka hre thin.

Ka kianga a awm hian ka zam thin zia hi hria se min nuih ang nge min hau ang? mahse ka tum fe pawn a hmel ka hmuh te hian ka lungphu te hi an pangai lo zo a,ka duh vang reng nilo hian ka lo in seh ruh leh tun thin, mahsela min kuah a, ka taksa a deh ringawt pawh hian mak takin ka awm anuam huai thei tlat bawk si,hetiang hi inngaizawng te awm dan thin emaw ni le?

*Zanin ah kan thian hlui te nen reunion kan nei dawn a* tiin min rawn text a.Ka duh lehna em em bawk chu a kalna chin, a tih tur, ho te te pawh min hrilh thlap thin hian min ngaipawimawh zia a ti lang a,chu tak chu ho viau mahse kei ka lo lawm em em thung.Ka ngaidam che ti tawl lo mahila ka chetzia atang in ka ngaidam tawh tih a hria aniang chu kan tha ve leh mai tawh.

*Immm...tha lawm,keini pawh family thil pawimawh a awm a* tiin ka reply vat a,ka ngaihtuah chian hian reunion a nih chuan hmeichhia te pawh an awm anga a bialnu hlui te pawh an awm ngei ang,hmelchhe zawk zawk ani bawk silo nen eng thil nge thleng ang?ka ngaihtuahna chu duh lo in ka lu ka thing vak vak a.

*Zanah ka hman vel leh ka lo bia ang che*

*Imm* tih chauh chuan ka reply.Ka thil ngaihtuah kha ka zawt chak sia mahse tlawmah ka la ve deuh bawk si!

*Zawh duh min nei em?* Hepa hi ka thluak te hi alo hack ani lo maw,ka ngaihtuahna te hi hre thei leh lutuk mai.

*In tam dawn em?* Ka sawi dawt hreh bawk si chuan kan ti kual hmasa leh te te phawt a,ngatinge hetia ka awm tak pawh ka hre lo, midang bula a awm tur ka ngaihtuah te hian ka phallo hlur a, ka kiangah awm reng se tih rilru hi ka pu leh thut zel.Ka lo duh lutuk tawh zawk ani ngei ang!

*Tam vak lo ang, reunion tih ah kan thian ho deuh bik rih ania 10 dawn chu kan ni ve ang*

*Mipa vek ami in nih* ka insum thei lo chuan kan ti leh hram a

*Ka duatnu leh! hmeichhia chu 2 an tel ve ang mahse ka thiante vek an ni ka tih tawh kha,thian chauh* Hepa hian min va han hrechiang tak ka personal data zawng zawng ka thluak ami hi a copy zawk emaw ni!

*Remruatzel! Hmeichhe lam ka zawt bawk lo che aw!!* ka ngaihtuahna lo pui chuan ka va ti leh a.

*Hruaisangpui ka ngai che* ka thil sawi nen inrem lo zet chuan a rawn ti daih anih chu!

*Daw suh! In reunion tur phur lutuk awm ngaihna hre lo vel mai mai anih kha!* ka lo ti let khauh a.

*Hruaisangpui kan inhmuh hunah i chak lo ang😡😡*

*🤔🤔🤔* Bo hmel zet chuan ka lo chhaih zauh chu a run ngang aniang a rawn call tawp.Vawi khat ka ring ral tir thak hnuah a rawn tih nawn leh chuan muang chang hian ka pick ve chauh a

*Hello*

*Hruaisang ka hmuh leh hun hunah che chuan i chimawm man ka pe khawp ang che,i hmui no leh sexy tak khan a tuar dawn tih lo hre rawh i thluak te reuh te buai nak leh hai chhulh thei khawp a rei ka fawh hunah che,i hmui hnuai lam seh ner ner in i awm lamah ka zut chho anga i hn*te nalh zet kha ka kuta a hmur hrual nè nè in boruak kham lo a ilo thawk hak hak hnuah zawi muangin ka ka hmangin ka hmuam leh anga ka hming lama i thawk hak hak laiin zawi muangin i k*p lam ...*

*Remruatzel!!* ka awmdan pawh ka hrethiam lo ka za vek ni mai hian ka hria ,phur rukna mak tak ka nei bawk.Ka lu chu ka thing leh nawk nawk a, hetiang hian awm ka duh lo.

*Ka duatnu min fiam tawh suh anih loh chuan khatiang khan ka che duh tak tak mai dawn ania, chuan ka ngai che bye aw* tiin ka chhanna pawh nghak loin a dah hmak.Nichina a thil sawi avang khan kei erawh ka la normal thei lo,ka thawk te hi a sak vek mai hian ka hria,awm dan tur min ti bo vek a,ka à ruai ani ringawt.

Kum 10 mi ka niha kan driver fapa in min sual a tum atang khan mipa hi vawikhat mah hnaih leh ka duh tawh ngai lo,inzawmna phei chu ka duh lo hul hual a ka inla hrang em em bawk,kha tih hun lai vel kha chuan ka chhungte hi ka neih chhun ka engkima engkim anni,ka chak lohna ah min dawm kang char char thin bawk.

Mahse kum 10 dang aliam a Jethro ka tawnga ka hmuhna hmasak ber chu naupang ke bai kawng kàn pui tuma alo pui lai ania tun thlengin kha ni kha ka la theihnghilh ngai lo.Khata a thla ka lak sak pawh tun thleng hian ka wardrobe ah a frame ngat in ka la dah tha nghe nghe.

A eng ber in nge min hip ka hre thiam lo a,mahse ka tan mipa an awm dawn anih chuan ani chauh kha ka suangtuahna leh ka rilru a lo lut hmasa ber ani ziah thin.Min deh a,min khawih te hian ka zam zia leh ka lungphu normal loh zia kei chauh in ka hria, min fawh hmasak ber phei kha chuan ka suangtuahna chauh nilo turin ka dil hial anih kha.

Family dinout neih ka u in a tih tlat avangin Sailo Hotel lam pan tur chuan kan chhuak ta a,ka pa'n motor a khalh a ,ka u passenger seat ah a thu bawk, kei erawh a hnungah ka nu ngheng chial in ka thu awm diai thung.Rei lo te ah kan thleng thuai a,motor atang chuan kan chhuak nghal sap sap a.A chhung kan lut chiah tih in
"Pate" rawn ti thawp sat tu lam chu kan hawi nghal thuai!,hepa hi Mizoramah a awm tih ka hre lo reng reng.

"Zodina chu! Mizoram lamah ilo haw chho alaw" ka pa chuan ti hluai in alo kal phei chu alo chibai thuai a.
"Nia,khu lam chu alum si ka ning tawh hetah ka awm duh tawh ka ti tlata" nui vur vurin Zodina chuan alo ti ve bawk.

"Anih tak chu! mahni ram nge nge hi zawng ngaihte hi ana ania" ka nu chuan alo ti ve zat a,min han chibai kual leh.
"Naupangte ilo lian tawh hle mai,i la tap bui bui thin em?" tih pah chuan ka sam alo tuai thur kher chu ka lo teu leh hlar tawh midang ho lah chu an lo la nui hawk hawk zui!

Zodinsanga hi kan upa ber u muansanga thianpa nau ania,kan naupan lai chuan kan inah a u rual in alo leng ve thin a,min vel ziah leh nghal .....mahse a hnuah midang in min tih buai erawh chuan keimah vangin a insual phah fo thin a, chuvang te pawh chu niang min vel ngun viau mahse ka haw ngai hauh lo thung.kei aiin kum 2 in a upa a,College kal in Delhi lamah min awm bo san ta a, chumi hnuah tun hi ka hmuh lehna hmasa ber ani.Chuan tuna kan awmna Sailo Hotel hi an ta ani bawk.

Kan bula zanriah ei ve nghal turin ka pa in a sawm tlat avangin min rawn kil pui ve ta a,khu lama a awmna chanchin te thil ho deuh deuh chaw ei pahin a sawi a,kan nuih pui leh hak hak thin.
"Pate Ody pawh hmuh loh karin alo nula uai tawh a,bialpa te hi anei tawh lo maw" inla puitling thu dawn fe leh fiamthu ti tih deuha atih chuan ka lo ngèi ngei mai.

"Nang angin ka lerh lo bawk!" ka lo ti hlar chu ka lua rawn tuai leh zauh pah chuan
"I taksa chiah alian i rilru chu kg1 naupang rilru chiah chiah " atih chuan ka melh vaka,engah mah ngai lo tih hriat tak hian kan naupan laia ka thinrim apianga atih ziah dana a beng an tih chet zeuh zeuh chuan ka nui chhuak ta hak hak a,hethil kher hi chu Zodina ti famkim tu ani ve chiang alawm,ka nui a hmuh takah phei chuan ti fuh inti zetin amit pahnih min la siai khum zui kei chang nilo in ka chhungte pawh an nui ta dar dar mai.

Kan nuih hak hak lai chuan thil arawn ri deuh rawk a,ri lo chhuahna lam chu la nui var var chung chuan ka hawi phei vat a Mahse! ka thil hmuh avang chuan ka nui tawp riai riai thung.

Jethro chu a thiante ho chuan mak tih hmel takin an en ve hau bawk , a chhan pawh a thutna hnawl rawkin alo ding chhuak hluai hi alo nia! A mitmeng a sen veka, min lo melh ngur bawk a thiante bulah chuan eng emaw hi sawi zawk in min rawn en leh a,Zorina, ka bulah in hnaih takin kan thu tih ka hriat meuh chuan ka thaw hawk a, Jethro mitmeng chutiang khawpa nelawm loh lai ka la hmu ngai lo,tawngkam na taka ka hauh lai pawh khan hetiang hian a awm ngai lo bawk, a hlauhawm tak zet.Rum zeta min melh pah chuan hotel atang chuan a chhuak ta hmak anih chu!

Engtin nge ka tih ang? Ka thutna atang chuan ka tho hliai a,ka chhungte chuan mak tih hmel takin min lo en nghal hru bawk
"Ihh...Washroom ah ka va kal lawk ange!" tih pah chuan ka bag chu lain ka kal nghal vuta ka u thil rawn sawi pawh ka chhang hman tawh lo.

Hotel kawtah chuan dingin ka hawi kual nghal ruai a,khawiah nge alo kal hman ni ka hmu tawh lo.Beidawng zeta luh tuma ka inher chiah chuan tu emaw hian min rawn kuai her lawp in ka kutah chelh in min hnuk nghal dawt dawt a"Heyy!!!" ti pawr hlar paha ka hawi chho chu Jethro lek chu lo niin hotel hnuai garage lamah chuan min chhuk pui hlawk hlawk a,a thim chin lai deuh akil lam eng rawn zam luh riai riai na laiah chuan min phei pui in motor ngheng dawt thei tur khawp chuan min nam si chawrh a,ka ner sawk.

"Ani kha tunge?!!" ti hrawk in ka darah chuan nghet zetin a chelh bawk, ka dar a chelna chu na tak ani ringawt!

"Ana nia" thei leh thei lo chuan ka ti hlar a,a mitmeng chu eng zam riai riai lo lut hnuaiah chuan ala sen vek tih ka hmu thei, a hlauhawm, nia, a hlauhawm tak zet ani.

"Khapa kha tunge ka tih chu??!!!!!!" A aia ring chuan a rawn ti leh hrawk a,ka dar na bawk nen ka awmdan hrehawm zia chu pui tak ani.

....................
Ka dam sam meuh lo a,ka khua lo sik deuh bawk nen a tawi viau tih ka hria a,min lo hre thiam hram mai ru aw....Dam deuh hunah thui deuh in kan ti leh dawn nia.

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)