MO NEITU MALSAWMKIMA BY 27 SENORIA (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

Re: MO NEITU MALSAWMKIMA BY 27 SENORIA (Completed)

Unread post by Ngaia » April 11th, 2021, 2:08 pm

Chapter - 7

Msa chuan thlir zui vauh vauhin Sawmtei kal liam mai tur chu a liam thleng rak athlir a.. A liam ta maw tihah chuan boruak chu hip lut kawkin a hmeichhe tawn thinlung nem tak mai chu a ngaihtuah zawm lo theilo, midang ni lova Sawmtei kher alo tawng chu a thinlung tak pawn a lawm ru hle a, hmeichhe dang chuan Sawmtei anga an ngaihdam mai hi a ringlo viau ani.. In herin Remremi chu a nuih sak a, remremi pawh chuan lo nuih let ve nghalin Msa chuan "kal ang hmiang i chungah pawh hian lawmthu sawi senloh ka ba ani, min ngaidam a min lo la nghah reng avang hian ka lawm lutuk bawihte ka hmangaih lutuk che ania aw" Ti sapin a kuah ta hnu hnu a. Anni pawh in lam pan chuan an chhuak ta nghal a..





Sawmtei chu a ngawi reng mai a, Mapuia pawn a awmdan tur hrethiam takin han biak vel luam chu atum biklo.. Ngawive ve in an tlan mawp mawp mai a. In an thlen chuan Sawmtei chu chhuak nghal mai lovin thaw deuh sapin "mapui ka haw a ngai tawh ani, zanin ah ka sawi lang anga ka lamah tang rawh aw, khawngaih takin "a tih chuan Mapuia chuan steering vuan pah reng si chuan athlek zeuhva Sawmtei awmdan tur chu a hreawm hmel a ti ngawih ngawih bawk. A natna tura dan beh reng leh nawr luih aduh ta bik bawk silo nen a pawm ta thlap mai ani. " Lungngai suh i lamah ka tang zel ang" Tiin a kut thlan dap chu a hum sak a.. Mapuia vek chuan "Sawmte Msa chungah hian feeling i nei tiraw? " A tih chuan a mittui kar atang meng chuak vutin Sawmtei chu aphawk hra nghal a, azawhna dawn chu a beisei loh lam anih vang ani..






Msa laka feeling a neih pawh ain hrelo mahse mipa eng emaw tak chu ani tih ahria ataksa ngei pawn a tawng tawha , adawng sawng tawh bawk, chuan Remremi a hmangaihzia ahmuh khan a lo lunghnur ve ngawt anih kha..! A ngawih tak reng avang chuan Mapuia chu rawn tawng lehin "kal ila, chhan kher angailo" Tia kawngkhar hawn atum chu sawmtei chuan a dang vat nghal a. "Nilo rilru mumal lo zeta awm hi ka kham tawh, nia min zawh takah chuan ka hrelo.. Ka chiang ngamlo Mipa ka duh theih tur anga ka enna ka hre lova mahse.... Ana hmel leh a mitmenga thuk taka min en khan keimah hi ka ni deuh hulha ka in dang seng lo thin hial a... Mahse ka duh tihna ani em ka hrelo, ka ngaihtuah ngai lem lova, mahse kan in hmachhawn apiangin ka zam em em lawi si. Ih.. Ka hre tawh biklo... Ka...."a chawl dat a Mapuia chu rawn in zep lut nghalin "I hlau, ataka thleng turin i duha mahse a remlo tih i hriatna in a hneh zel che a, i pawh ngamlo" A rawn tih chuan Sawmtei chu hmalam thlir pah chuan a khi suk a..





Alu abu ta ngauh ngauh va, a ngaihtuahna chiah arawn sawi chhuak thei chu mak ati ve hle ni tur ani, mapuia chu a melh deuh vung vung a "engtin nge i hriat chat theih zawk, i awm ve tawh ami? " A ti chuai raih a, Mapuia chuan a zawhna chu "aw nangmah hi alawm" Tia chhan achak ru hle a, mahse a ngam ngang bawk silo.. Chutah rawn khi ver verin "awm ve chuang nang, ka rin dan ania, " A tih chuan Sawmtei chu ner sakin akhi zui ver ver a.. In chhungah chuan an lut dun ta nghal a.. In chhung an luh chuan rinloh deuhvin Msa nu leh pa chu sitting room sofa chungah chuan an lo thu dun a.. Sawmtei hmel an hmuh chuan nuamlo tih hmel deuh hian an hmel chu ain thlak thei hial a. Sawmtei pawh chu ani ve tho bawk a.. Mapuia chuan chu chu hrethiam vatin msa nu leh pa te bulah chuan "pa in lo kal ani maw, in va lo leng khat em em ve a"tiin an bulah chuan Sawmtei chua thutthlak pui nghal a..





Msa pa chuan " Nia hei lo lan reng chu kan duh a mahse aa sawi leh sawi hnu kan tan hian rawn lan reng hi a nuam lo ve lutuk a, vawin tlai chu i pa hian chaw ei ah min rawn sawm a,hreh tak chungin kan rawn kal ve anihhi.."a tih chuan Mapuia pa pawh chu arawn thu thla ve nghal a. "Sawmte vawin lam boruak te enge a an i tha maw? " A tih chuan Sawmtei chu bu ve supin "imm atha vek e, pa naktuk hian chhoh ka tum tawh a, min hnial lo hram la aw" A tih chuan Mapuia tihloh an vai mai chuan an phawk em em vek mai a. Mapuia chu rawn tawng ve nghalin "ni e pa kan chelh reng pawhhi a diklo,khi lamah anu a damtha bawk silo nen naktukah keimah nen kan chho tlang ang" A rawn ti ve nghal a, Chutah chiah chuan Sawmtei pawh a meng deuh zawk a, achhan chu Mapuia'n a hma khan a kal ve tur thu asawi tel tlatlo ani.. Mahse engmah chua sawi ta lem lova, Msa pa chu rawn khuh deuh khurhin "sawmte chutiang tut tut tur em ni, kanin ah te ilo la leng ve leh phawt anga " A rawn tih chuan Sawmtei chu anui suka"ai angailo ... P.. a. "A ti deuh supa han koh dan mai pawh a hrethiam chiah lo ani.





Mapuia nu chuan Sawmtei tan anawm loh hlauvin " Sawmte in chungah thawmhnaw ka zara han seng lawk mai ta che"a rawn tih chuan sawmtei chu hlim ru taksi chuan a tlan chho nghal a.. Thawmhnaw thenkhat tam lutuk lem lo in zar kar atanga ni tla mai tur rawn in kah sen phut mai chu a thlir deuh run run a, vawina athil tih avanga in chhir tawhlo turin a in hrilhru malh malh a.. Tlaini tla chu engkim tlakliam tir vek aduh a, boruak thiang kak chu hip lutin naktuk maia ahawsan tur chu khawpui mawi tak chu a thlir vauh vauh mai ani,chutah ahnunga thawm arawn rik takah chuan in siam tha vatin a hawi let vata Msa chu a rawn lang nghal zat bawk, Sawmtei chu alo in sangmar leh tun tawh a,alam pana mipa rawn phei chuan boruak rit tak arawn keng tel tih in hre map lovin arawn pan ding ngar ngar mai bawk si...





Lo tlan chhiat lah thil tih chi ani bawk si lo nen Msa rawn thlen hun chu alo nghak ta tawp a, akaiza tha sai khur nasa lutuk erawh dan beh dan a hrelo lam ani.. Msa chuan Sawmtei thawmhnaw thenkhat pawm tat mai chu a bul seta rawn din chilhin Sawmtei zam ruk zia chu rawn finfiah tum zia zanga melh kurin a hawisawn eih lo.. Sawmtei zawk chu thle sawn vatina tawlh dat a.. Tawng mai tumin a ang zuaia mahse enge a sawi ang a sawi tur hre lo lutuk chu angawi leh ta tawp a.Msa zawk chu rawn tawng chhuakin "i haw dawn maw?!! " A rawn ti deuh hmuka, à aw rí chu ngaihsual duh tan chuan ngaihsual tham fé ani ngei bawk.






Sawmtei chuan chhang lovin alu abuk khum tawp a, Msa mitmeng phe deuh vuai chu ahmu tel hram a, "" Engtin nge ilo chhohva"tiin a hnunglam step lam chu melh arual a.. Mahse an in chunghi pawnlam atang pawha a kal theih tih ahriat chhuah chuan chu zawhna a zawt chu a atthlak a tiru viau bawk.. Msa chu àw lawi zeta rawn tawng lehin "ti nge haw kher, keimah vang leh bawk tiraw? " A tih deuh salh chuan Sawmtei chuan rang zeta alu thingin "ai ka haw chak tawh alawm,nangmah vang anilo" Tiin a thawmhnaw seng chu achhunzawm nghal a.. Msa chuan rawn zui zelin "mahse rin ahar ... Min chhuah zalena ka hmuh phak lohvah kal i tum leh a" A tih chuan Sawmtei chu atawp dawt a..





Hepa tawngkam mak thei lutuk hian ati buai ani ber tawh.. "Chu chu i duh dan zawk ani lo ami? Ka zalen tir tawh che hi keipawh hian zalenna chu ka duh ve tho asin" A tih deuh sap chuan Msa chu ain thiamlo leh hnu hnawh em em a. Mahse Sawmtei kalbo mai tur chu ama vanga ngaiin nuamloa tih em vang ani. Chutah pangai taka rawn tawng chhuakin "Sawmte englo... Ikal anih pawn ka rilru hlatah chuan i awm ngai lovang,kallo tur che in ka dang ngam lo che" A tih chuan Sawmtei chu a dek zak thei.. A thinlung nilo arilru talin alo la hreve reng tur chu alawm ruk rual rualin athinlung chan erawh a iai bik hauhlo. "Keipawh hian duh mah ila engtikah mah ka theihnghilh tawh dawn chuang lo che.. Mahse ti hian engkim tawp vek mai se, harsatna kan in siam lo tawn ve ve ang" Tia asawi zo chiah chu Ruatpuia Video-call a dawng zat a..






Ni tam tak hnu a Ruatpuia call adawng leh chu a lawm ru in a thinlung chu akhi vur vur nghal a.Mahse Msa a awm ve kur avangin apickup hreh deuh tlat bawk si chu a phone chu a hmer ngawt ngawt mai a.. Chutah Msa chu awm sawn datin "la rawh hetah ka lo awm ang kan la sawi zo lo" Tiin Phone hnunglam Ruatpuia'n a hmuh theihlohna lam turah chuana ding ta run a, Sawmtei chezia engkim chu alo thlir reng a, Sawmtei pawh chuan zah buai duh lovin leh a zahloh theihna chhuahin a pickup nghal a.. Phone chhanah ni mahse Ruatpuia chu ala hmeltha renga , angaite bawkin sawmtei chu angaihtuah zia leh a thil tawn alo hriat ve tawh avanga a tuarpui zia chu atilang chhuak hial thei a..






Sawmtei pawh chuan be let ve siam siam in a changin an nui leh hak thin a. Anin be tui bawk a, Sawmtei chuan Msa chu a awm ve tih pawh alo hre leh tawhlo.. Ruatpuia chuan "i cher hle mai kha i biangpawh a kí vek anih kha" Tiin phone chhanah chuan arawn bih hnai a, an thusawi engkim lo hretu Msa chuan alo ning ru viau a, achhan hre si lo hian Sawmtei Lalruatpuia vanga ahlim hmel chu hmuh hreawm a lo tiru ve em em a, ain sum hram hram ani.. Chutah Ruatpuia vek chuan "a pawilo cher mahla ka thinlung luttlang thei khawpa mawina ila nei reng alawm" A rawn ti chiah chu Msa in sum peih tawhlo leh a bula hmeichhia in a awm ve tih pawh hre lova abialpa nge athianpa pawh tih hriat theihloh a be reng chu a ning hle ni tur ani..





Sawmtei thu tung at mai chu a bula thut thlak ve pahin hnai set sawtah chuan a melh kur ta nghal a, chutah aphone kenna lam Lalruatpuia'n mak tih hmel deuhva alo en rengna lam en pah zeuhvin vawi leh khatah Sawmtei tukhuma vuanin a hmui chu a vawi hnihna atan a fawp leh ta zat a, ala danglam loh zia ahre chhuak nghal vawng vawng bawk.. Chuta karah Sawmtei chu a phawk em avangin a kuta phone akenna chu a dahsawn thei silo lungchim taka Msa'n a fawp chu Ruatpuia chuan alo hmu ve reng chu niin a thinrim lutuk chu a off ta nghal hmak a.. Msa chuan a off tih ahriat veleh in la hrang ve nghalin Sawmtei mitmeng phawk leh a tih hrilhhai zia ahmuh chuan a thil tih awmloh zia leh mawiloh zia chu a hre chawp chilh nghal a, mahse lak let theih ani tawh silo, Diktak chuan khatia atih thutna chhan kha a In hre biklo ani.





Bah nuai chuan Msa chuan "ka tihpalh lutuk ih.. Ka..... ka.. Ka kal phawt ang" Tiiin a tlan thla ta nghal a. Sawmtei chu chet mai na chhang pawh hrelo chuan a awm tawp a, athluak ni mup mup chu a hrethiam tawh biklo.. A thinrim miah lova alungawi em em chuang bawk silo, alaklawh tawk lekin a awm ani. Second reilo te hnuah chuan in thing harh vatin a seng vata a tlan thla ve ta nghal a.. A roomah chuan lut tlang nghalin thutkhawmna a Msa lo thu deuh ngur chu amitsir chuan ahmu hman hram pek a.. Ataksa chu aphu uih nghal thei... Arooma alut chu kawngkhar kalh nghalin a thawmhnaw ken ho chu khum chungah chuan abawhthlak pui ta nghal a.





A lai thar em em te chu amak a in ti hial a, va chhuah phei pawh a hreh hian ahreh em em mai ani.Chutah kawngkhar chu rawn kiktu an awm a, rangtakin tu nge anih pawh zawt hmasa lo chuan ahawng nghal vata a, Mapuia chuan a lo melh kar thung.. "Ee nang maw lo lut rawh" Tiin kawngkhar chu ahawng zau nghal a.. Chutah mapuai chu rawn lut pahin "kawngkhar i kalh vawi khatna aniin ka hria" A rawn ti lut ham ham a, akalh chhan engmah lah ahre bawk silo.. Sawmtei chuan nuih sun sunin "aaa nia ka kalh mai mai , pawimawh i nei em" A tih chuan Mapuia chu a ner suk a. "Nei lem lo, in chungah i awm rei sia i nau nen kan lo inbia a naktuk kaldan chung chang vel ka hrilh tawh aw, in hna thawh ka puih zawh hunah che nangmah nen bawk kan let leh ang, ilo zin let leh dawn tihna anih chu min hnial tum lo la i nu pawn a pawm vek tawh" A tih chuan Mapuia chuan ti fuh in ti takin sawmtei samah chuan a chul sak a,






Sawmtei chu lo thle sawn vatin "" Naa motor ka rui nasa thina sin, zin veivah hi ka hlau tawh"tia aner suk suk chuan Mapuia chu rum ngutin "ka hria i nau khan min hrilh vek i ruih nasat theih zia pawh ka hria alawm mahse pathian zarah motor ruih avangin i thi em lovang i bulah ka awm dawn alawm" A tih leh chuan Sawmtei chu ner suka khi leh vur vurin "naktuk zingah kan chhuah angai dawn ania aw, itho thei dawn ami,? " A tih chuan Mapuia chu in ngaihtuah hmel ang deuhva ngawi vung vungin "thei turah ngai tawp ang ka zin leh chak tawh in khua kha ka ngai riau , hei nula inah te min lenpui rawh aw nupui nei rual ka nih tawh hi" Tia Sawmtei a hrilh ruk sur sur chuan Sawmtei chu rawn nui ver verin abu lauh lauh nghala .






Mapuia pawh chuan nui ve sukin "a nih chuan chhuak phei tawh ila eirawng ka lo bawl pui ang che, kan tam deuh dawn sia" Tih leh a chhanna pawh nghak lo chuan Sawmtei chu akai chhuak ta nghal a.In fiam phei pahin choka ah chuan Mapuia chuan a nghawng atang chuan a pawt lut rawk rawk a, Anu chuan lo hau vatin "awi bawiha chiam chiam thina che, itina ange? "Tiin fianpui chuan a tin uai uai a, Sawmtei nuihza in sum hmanlo chu anui ri hawk hawk nghal a.. A pum dawm meuhva anuih takah chuan anu pawh chu afianpui ken nen chuan arawn nuiri ve hawk hawk nghal a.. " Nu i den e mai aw, khamia mapuia i tuk vaih chuan a pawng vek dawn asin"tiin Sawmtei chu arawn tawng chhuak a, apum dawm meuh chuan anui khek ta chiam mai ani.





Mapuia pawh chu insum thei lovin Sawmtei nuih za lutuk awmdan avang chuan a nuive ta nghal a.An thawmah chuan Msa chu rawn lang pheive in Sawmtei nuihza lutuk pum dawm ngawng ngawng chu a hmu hmasa ber a, Sawmtei pawh chuan rawn en ve chiahin anui tawp ta riai riai a anu chu rawn tawng chhuakin "Sawmte a lu hi lo zai ta che, chuan Kan hman ang ani mai, a dang siam tur vak a awm lo"a tihchuan sawmtei chu che vutin a lu zai tur chu ala a, ngawirengin a zai ta mial miala, chutah amah hnaih takah chuan Msa chu rawn thu thla in Sawmtei zai tur a lu pakhat chu a khalh niap niap a..





Mapuia pawh chu Sawmtei bula rawn thu thla ve nghalin Sawmtei thil zai chu arawn pui ve nghal zat a.. Chutah mapuia chuan " Naktuk chu ka phur ru tawh hle mai, lungngai suh aw i ruih palh chuan min ngheng anga i muhil char char mai dawn nai"A tih chuan Msa chu a rum deuh ngut a, sawmtei chuan khik khum sukin "imm chu chu angai ngei ngei dawn buaithlak leh em em chu maw motor ka chuan hian ka taksa hian aduh miah lova ka vung thin a, mahse ana em em ngailo ka ke hi avung thin" A tih leh chuan Mapuia chu abu ngauh ngauh a, "i ruilo turah ngai phawt ang aw, ee Sawmte Ruatpuia khan a rawn be tawh che em, anikha... arawn in lar thar leh khawp mai i chanchin min zawt hian zantin deuh thaw kan in be thin a, angai viau che in ka hria" A tih leh chuan Sawmtei chu a ip deuh chawi a,






A chhan pawh abul maia awm Msa vang chu ani nichin maia thil thleng te chu a ngaihtuah chhuak lo theilo,chutah bah nak hian "aa ni maw.. Nichin khan min lo Vidcall a, " A tih chuan Mapuia chu bu vatin Msa ngawi renga thu run chu a en a"thiana engtik nge mo lawm kan tum dawn le ? "Tia phur àw fahrana azawh chuan Msa pawh rawn nui ve sukin " A tlai tawh lo turah chuan ka ngai, "a tisap a, aàw ri chu Sawmtei bengah chuan ari ring viau mai a, mahse engtin mah alan chhuah tir lo. Chawei te an hman hnu chuan chhung inkhawm na te neiin Msa pa chuan tawngtaina hun ahmang a, chhungkaw pahnih in kara huatna piang mai tur inzawmna asiam zawk avangte chuan lawmthu sawiin a tap ta zawih zawih mai ani.





Zanriah te an eI hnu chuan Sawmtei chu Msa nu leh pa Chuan kawmin Naktuk maia a haw dawn avanga an la ui zia thu te chu an hrilh a.. Msa erawh remremi nen thil pawimawh tak tih tur an neih avangin Chaw ei kham rual deuh thaw khan ahaw ta nghal kha ania.. Reitawk fang Msa nu te an len hnu chuan tin zai an rel ve ta nghal a. Sawmtei pawh zing kar hma taka thawh angaih dawn avangin muturin a room lamah alut tlang a.. Reilo te anau nen an in biak hnu chuan mut mai tuma amaimit ching chiah chu a phone chua rawn ri ral ral a, a en chuan Ruatpuia alo ni.. Nuamlo tiru tak leh in thlahrung takin apickup a Ruatpuia chuan tap àw tuau hian "ka hmangaih che Sawmte, lo haw tawh rawh"A eawn tih chuan Sawmtei thin chu a phu dut dut nghal a, amipa duhruk leh beisei ber ka atanga a hria chu a mak a ti ani.





A hamhaih in chhan dan mai pawh ahrelo Ruatpuia in hnit leh faih faih thin chuan a thin chu a ti tawt vek thei a zawite a" Ka hmangaih lutuk che innei ang" A rawn tih phei chuan Sawmtei chu a tho kang nghal zat a, athin phu chu dawm beh ngaihna reng ahrelo.. "Ruatpui, englo.. " A ti lawi rut a, sawitur pawh a hre chuanglo Ruatpuia chuan "engkim ka hre tawh a, mahse ka hmangaih lutuk che i duh vang ani hleinem ka pawm vek ang Msa fa pawh nise ka fa angin ka enkawl ang khawngaihin min ti beidawng lo hram rawh" A rawn tih chuan atawp lam lawi rut chu ngaihthlak ahreawm lam hret aani.. Sawmtei pawh chu hlimna diktak chuan a rawn nangching nghal a.. "Aw'han tih mai lah a zak ve tho si, aheh petin a in hum ruh a chhang turin aka a ang zuai zuai a mahse a sawi mai ngam bik tlatlo..






Ruatpuia chu rawn tawng lehin " Ka tan ilo haw ngei ang tiraw, ka ngaih zia che hi ka sawi thiamlo eng mah hre lovin ka lo awm a, mahse engkim ka hriat hnu pawh hian ka la hmangaih reng che ka nupui ni rawh innei ang"a rawn ti leh a. Ain sut ri hrak nghal bawk.. Chutah sawmtei chuan "ruatpui ZU i in em ni? " A ti sap a, mak ati ve em bawk ani Ruatpuia'n chutiang arawn sawi chhuak pur pur chu amak tih tham a ni bawk si.. Ruatpuia chuan tím tih hriat takin "imm a vawi khat nan ka in a, mahse ka in tawh lovang, ka bula i awm reng dawn chuan" A rawn tih chuan Sawmtei chu khi vur vurin a in pet fan fan a, chhang mai turin a ang zuai zuai a, akut a phar kual bawk a, mahse ahrawkah hian a tang bet tlat bawk si, azam ve hle a, sawi chhuah mai a ngam biklo ani..





Chutah zawi te a tawng chhuakin "imm ka lo haw dawn alawm naktukah " A tih chuan Ruatpuia chu lawm avanga rawn nuiri hakin "ka lawm e sawmte ka lo nghak reng ang che, chuan khawngaih takin Msa kha lo hruai suh aw" A tih chuan sawmtei chu atum deuh hmuk a. Engtinnge Msa chu a hruai theih ngawt ang.. "Awle ka rawn hruai lovang lungngai suh" A tih chuan Ruatpuia chu z*ng hawkin boruak ahip lut a.. "Awle mu tawh rawh ka dah aw, " Tiin a cut ta nghal a. Sawmtei pawh a thu hriat zawh tak avanga khi vur vur leh rilru hlim takin rizai chu ahmer khawm a.. Mut chakna reng anei tawh derlo.. Mahse mut angai bawksi chu a in siam rem a, a mu thla ve leh mai a. Chutah aphone messege tone chu rawn ri ral ralin Ruatpuia anih ngei beisei paha a open rualin Ruatpuia alo nilo chu a hnual ruih nghal thei a.





A messege atanga en chuan Msa ngei ani tih ahrethei nghal vek. *ka Fa kha kalpui lo hram teh Sawmte"tih te mai chu ani, Chuthu ziak tawi tak si fiah em em lawisi avang chuan Sawmtei chu a in ngaihtuah leh ta ngauh ngauh va,he hmunah hian awm rengna chhan tur aneiha in hre lo va, an khawlam chuan apawt na zawk mah lam ani,ahriat loh laiin alo muhil ni ngei tur ani zing khaw eng set seta anu in arawn auh harh chuan aharh ve thei chauva, rangtaka che sawk sawkin Mapuia pawh inpeih at in alo awm reng tawh zawk a.. Anu chuan "kha heihi Sawmte in tan kan tih theih ve tawk" Tiin anu chuan pawisa chu ahlan a,Sawmtei chuan hnial nasa hle mahse anu in atihluih nasat em avang chuan hreh tak chungin ala ta hram a...





Sumo-ah chuan Mapuia nen chuangin an khawlam khawbung lam pan chuan an tlan chhuak ta nghal a.Rin ang ngei ngein Sawmtei pawh arui leh nasa malh malh khawp mai a luak awl lova, aluak loh karin amuhil thul, Mapuia chuan a thiam ang tawk in abuaipui reng bawk a. KM 230 vel zet sumo a an chhuan hnu chuan Khawbung khua chu zandar 6 velah chuan an thleng thei ta hram a.. Sawmtei chu in thing harhin amah lo hmuak tu a nau leh anu te an in bul ami Pi sangi chu anuih let suk a.. Ruatpuia pawh kil khatah lo ding ranin sawmtei aruih avanga hmel phak chiap leh sam hnawk niai chu hmuhnawm ti takin a en reng a.





Sawmtei pawh chuan hmuve tho mahse motor a chuanna vanga ahah mai bakah rui tan phei chuan hahdam baka chakawm a awm lo thin chuvangin biak pawh abe lo hrim hrim zawk a. Anin rei tak chhung alo awmbo san tawhah ngei chuan a lut leha, a thla a ngam sawng sawngin a hria, thlutthlengah chuan bawk thla hnawpin Mapuia chu ala tawng eih lova a zak anih te pawh Sawmtei chuan aring ru hial a.. A chauh em avang chuan tuman tih buai an tum lo, chutih karin Msa te chhungkua pawh in kawm khawmin Sawmtei chungchang an titi laih laih a, chutihlai tak chuan apa chuan "bawiha ngun takin ka lo ngaihtuah a, Sawmtei hi nula fel leh rilru tha tak ani a, in pahniha in sawi zawm dan tehi a awm lo ang maw" A tih chuan msa chu a meng kawk a.





Apa thusawi awm lo ti lutuk chu a thaw deuh hak hak a. Apa bawk chuan "Bawiha ngaihtuah chiang rawh i fa lo la piang mai tur a pawm a, i kawppui anih chuan nangmah leh ama tan pawh a tha dawn lutuk asin, chuanin mualpho tam lo ve ve ang tih ka hria,Remremi pawh tha deuhin hrilh ila a hrethiam mai ang" A ti leh a, Msa rilru chu aphir ta chiah reng ani. "Pan ngawt se engtin nge a hmangaih Remremi a awm theih ang amah ngei pawhhi awmthei lo tur mihring ani chutah a pa chu chhang letin " Pa chutiang ka duhlo, mahse a lo hring anih chuan ka hming ka pe ngei ang, mahse nupui, kumkhuaa ka hmangaih loh kawp chu ka theilo, "tiin a ding a, akalsawn ta nghal a.





Chutah anu chu lo tawng chhuakin " Avan buaithlak tak em, engtinnge maw kan hrilhfiah dawn le"a tih chuan Pa ber chuan "aa mipa puitling ani tawha nawr pawh angailo, aduhthlanna ni rawh se" A tih chuan Nu te na na na chu arilru hah tawngkhawng bawk si nen a fapa bulah chuan "bawiha i tana tha ber tur anihhi, lo in ngaihtuah chiang rawh aw, nupuia i neih loh chuan i hming i pek ngawt kha alo remti lo mai thei a,i pe ngawt theilo maithei bawk ania" An ti leh a mahse ala hnial tho, "nu ka duhlo , achunga ka thil tih avanga min tawrh tir a duh pawn ka pawm vek, mahse nupuiin erawh ka en theilo, hmangaih dang ka nei tawh, khawngaih takin pathian vang pawhin min hrethiam hram rawh u" A tih chuan anu chu arum ngut a, "in tana tha ber tur zawk asin le" Ti salhin an nupa room lamah chuan phei arual a.





Msa pawh ding ve nghalin "ka mu ve ange, " Tiin apa chu a melh zeuhva a roomah chuan alut ta nghal a. Tumloh zetin Sawmtei chu amitthla a , asuangtuah na ah a rawn lang zat mai chu tih ngaihna vak ahre biklo,mahse a pawi ati hran tawh lo tichuan Sawmtei suangtuah paha mu ve nghalin zan hun chu a hmang liam a, zing khawvar chuan ni eng mawi tak rawn kai chhuakin Ni thar duhawm tak chu a rawn hmuh tir leh a.. Msa pawh chu tho phei tuah tuahin thutkhawmna a remremi ahmu thut chu a ding dat a, Remremi chuan lo nuih ver verin "vawin chu chhuak harh ila ka tia" Tiina rawn pan hnai a.msa pawh chuan lo bu ve vatin "nia apawi lovang" Tih leh a hmangaih em em nu lu ah fawpin in phih harh turin a kal tlang nghal a.


I click rual dial dial ang aw🙏👇👇



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » April 11th, 2021, 2:08 pm

Chapter - 8

Tukthuan ei zawh chuan Msa te pahnih pawh vak harh tur chuan an chhuak zui ta nghal a. Reitak chhung lo awmdun tawhlo chu an in thlahlel dun em em a,tumah reng chu an zah zo tawhlo kut in suih riala in kaiin an in thlah khat khawp mai... Chaw hnu lamah chuan Msa dawrah chuan chawl lutin a thawk te ho chuan an lo lawm leh thiam khawp mai, an hotupa reitak reh vung vung tawh rawn lang leh chu an lawm tlang tih an hmelah chuan alang chhuak thei a, Msa chuan Remremi hnenah chuan" Hetah ka awm angai dawn sia, i awm ve reng peih angem? "A tih chuan Remremi pawh chuan hnial lem lovin leh a thlakhlelh em avang chuan a awm ve tur thu in achhang zui ta nghal a.





Receptionah chuan thu dunin Msa chuan remremi kut chu akhalh sak niap niap a.. Thil dang dang sawi kai zelin inneihna tur pawh an sawi lang ta hial a.Mahse Remremi chu a rilru a zawhna awm run leh chiang tawh lo riaua an inkar ahriatna chuan akiansan mai thei silo.. An pahniha an sawifel theih mai arin avangin Msa chu a melh a.. Boruak hipin zamru ve taksi chuan "Msa inneih i duh tak tak em? Ka tih awmzia chu ngun deuhin ngaihtuah la kan inneih hi a dik angem? " A tih sap chuan Msa chuan amelh deuh zawk a, anui hmel chu achuai raih raih mai ani. Remremi vek chuan a kut Msa'n avawn reng khalh niap niap pah si chuan "" Kan tihdik iring em, tuna kan in hmangaihna hi nakin kan tar hun thlengin ala ngai reng thei angem.. Keichuan nanglo chu hmangaih ka nei lova, mahse nang mah... "A chawl dat a, Msa chu melh vang vangin a sawitum tak chu hria se a duh ngawih ngawih bawk..





" Mes, itello chuan ka awm theilo tih chu i hria tiraw, mahse tunah hi chuan keimah aia mamawh tu zawk che an awm si a, ani lakah chuan keichu mi chak tak ka la ni.. Hetiang rilru ka pu thei hi pathian ruat pawh ani mai thei"a tih leh sap chuan a kut chu la sawnin a kheuh niap niap a.Khur miah lo leh pangai taka a sawi chhuak thei chu a lawm ru em em bawk, a rilru ah Sawmtei hlir mai a awm reng a, adinhmun luahlan angah ain ngai tlat ani, hmeichhe nem leh rilru no tak mai a chanvo laksak turah a in dah a, angam nganglo ani.. Ani ai chuan Sawmtei tumah neilo alam tanga chhawmdawl tu a mamawh lai tak ani a, chumi atan chuan a naute pa ngei Msa....a hmangaih em em pa bakhi an tling zo dawn lo, Msa pawh ngawi rengin a thu run a, chutiang bawkin Remremi pawh chu sawi leh em em tur pawh hrelo chuan a ngawi ve ta reng a..




Chutah Msa chu àw lai zeta rawn tawngin "ka hmangaih silo alawm" A rawn ti sap a, asawi hmangah chuan Sawmtei tih ahrethiam nghal vek a lo chhang let nghalin "a mamawh si che alawm nangpawn i mamawh" A ti leh sap a, chutianga chhan let chu atan aharsat zia in hriatthiam pui ngei ka ring. Msa chu rawn tawng leh nghalin "keipawn ka mamawh ve che asin, nangmah avang hian nun thar ka neih phaha nang anga min dawh peih leh ka nihna anga min pawma min thlahthlam ve ngailo tu hi an awm ngailo,ka mamawh zia che hi i hrethiam lo ami" A di deuh hluai a, atawplam chu a àw ah lungawi lohna alang deuh zawk hial a.. Sawmteia huat vang pawh anilo, ahmangaih nu thusawi chuan a ti hnual em ani.chutia an ngawih run run lai chuan Msa chu Mapuia chuan arawn call a, A phone screena mapuia hming ahmuh rual chuan pickup nghal vutin "in tluang em, in tha maw? Ati nghal a.




Mapuia chuan ham buai buain " Imm tluang e, zan dar 6 velah kan thlenga hei vawin chu hahdam ni atan kan hmanga, Sawmtei pawh a chau viau ang arui nasa sia, enge itih a? "A rawn ti let zawm nghal a. Msa chu a thaw deuh hluai a" A nih chu hei dawrah ka awm, Remremi nen"tiin a nuih sak a, Mapuia chu chauh hmel deuha thawk la hakin "aw anih chu chanchin ka lo hrilh che nizan khan ka rawn call back peih tawh hlawllo che a, ka chau ve lutuk a" A tih chuan Msa chuan hrethiam takin "a pawiloh chu" A ti let ve mai a. Lehlamah thawm chu a ri rak rak a, Mapuia aw chuan "Sawmte i chau viau em,thingpui kha in ve rawh" A ti ri chu Msa chuan chiang zetin a ngaithla a.. Mapuia chuan Msa chu rawn be lehin "thiana ka dah phawt ange aw, in bual harhte ka duh.. Zanah kan in be dawn nia, hei Ruatpuia alo kal a, anih phawt" Tih leh cut arual a.




Msa rilru chu a che deuh lawih nghal a, Ruatpuia Sawmtei duh em em tu kha ani tih a hre ru ve kar bawk si ani.. A phone kheuh neuh neuhva a suangtuah zawm lai chuan Remremi chu abag ak tha in kal mai atum a..chu veleh Msa chuan "ka lo thlah ang che, " Tih leh din a rual ve nghal a, "ai angailo keiman ka haw thei alawm, in buai sia" A tih deuh nar nar chuan Msa chuan hnial vatin "heng ai chuan i pawimawh zawk alawm" Tiin a chhuah pui ta nghal a. Remremi pawh chuan hnial duh ta lemlo chuan ain thlah hawn tir ve mai a, mahse a rilru a kam tu awmreng an sawifel theilo chuan a awm ati nuam thei lo, kawngtluan chuan angaihtuah ngat ngat a,sawi leh mai achak bawksi mahse angam chiah bawk silo nen rilru nuam lo em em chuan an in chu an thleng a, Msa chuan ngawi renga zui lutin Remremi chu in chhung thleng a thlah a,thu zui lovin a dawr lamah chuan a tlan let leh ta nghal a.





Sawmtei te lam pawh nimin lama an motor chuan avanga hahdamin Mapuia leh Ruatpuia te nen an pathum chuan an in kawm ho va, Ruatpuia chu tawng lovin a ngawi reng a, azak ru ve em ani, rui chunga Sawmtei ava be mai leh.. A thu va sawi te kha a zak em em a, amhsea lo sawi chhuak hrim hrim chu a lawm ru tho bawk si... Ngawirengin a thu reng a, Mapuia leh Sawmtei chu titi in mapuia chuan "ka in bual lawk aw, inbual ka tumna arei tawh sia, lo in kawm rawh u, Ruatpui lo la awm ve reng la aw" Tiin a kalsawn ta nghal a, Batrooma aluh rual chuan chu in chu thawm chhuah lohna rún ang chiahin areh thiap nghal a. Dawhkan khata thu dun si, inkhawih pha reng si chuan tawng tur pawh an hre lova, anin melh hrek hrek duh chauh ani..




Sawmtei chuan an boruak uap churh mai chu ti kian beisei pahin a ding hluai a""thingpui in leh ang aw"tiin a chhan hman hma chuan a thli chhuak fel leh diam tawh a, Ruatpuia hma athingpui no a hun chuan Ruatpuia chu a huaisenna zawng zawng nen rawn hawi chhuakin Sawmtei hmel chua rawn en ngam ve tawk a.. Mahse a reilo.. A hawi sawn leh nghal vat a. "Sawmte ka thusawi kha min chhang tawh la,rui chunga ka rawn bia che kha chu apawi ka ti lutuk mahse ... Aaa... I chhanna hriat ka duh" A tih sup chuan Sawmtei pawh chu zamru ve taka a thingpui no dawm pah chuan Ruatpuia mitmeng thuk tak chu a melh kiau va, "Ruatpui ka zawhna hi min chhang phawt la chuan ka chhang ang che aw? " A tih chuan Ruatpuia chu bu salhin a thutdan chu a siam rem a.




Chutah Sawmtei chuan "engtin nge hetiang ang ka nih hnu hian min la duh theih a,englo.. Ih... Ka dinhmun atang hi chuan arinhlelh awm lutuk a, khawngaihtakin diktakin min chhang rawh aw" A tih chuan Ruatpuia pawh chuan mahni in ringtawk ang taka lan tumin ain sangmar a, "nia i ngaihdan tur chu ka hria alawm,ka thusawi tur pawhhi i ringlo maithei ani.. Kan naupan lai atang tawh khan keichuan ka duh daih tawh che, tun hnai maia duh che ka ni lova, naupangte kan nih laia kan in kawm thin laite, ka zirna avanga ka awmbo lai zawng zawng pawh khan nanglo chu hmeichhe dang ka ngaihsak ngailo,ka thinlungah nangmah bak i awm ngai lova,hmeichhe dang chu tam mahse ka tan chuan nang tluk tu an awm thei tawh lovang" A ti a, achawl dat a, chutah sawmtei chuan thil hrechhuakin Mapuia'n ruatpuia chu aluck viau a, mahse hmeichhia angaihsak ngailoa tih lai vel chua hrechhuak uar uar nghal a, amah avanga lo ngaihsak ngailo ani tih a hre leh zel chu a ringlo phal bawk silo, rinmai a har a ti ru ve bawk si a lawm ru viau bawk si chu a thinlung chu a khi ver ver mai a.




Ruatpuia chuan Sawmtei kut dawhkan chunga mi chu vuanin "min ring rawh i rilru chu ka hre ngailo mahse kei erawh chuan kan naupan lai atang tawh khan ka ta ni nghet turin ka lo hauh daih tawh che a, mahse nang erawh chuan ka awm ve tih pawh hrelo ang leh min ngaihsakna chhete mah i neih ngailoh avang khan ka pawh ngam ngai lo che a, chuvanga i thian ang leh hmelhriat pangai anga awm mai chauh ka ni, a harsa ve lutuk asin... Ka hmeichhe duh em em lakah hmelhriat ngailoh angin ka leng a, ka biak loh chuan min biak nachang pawh i hre ngai silo" A ti deuh salh a, alungawi chiahlo tih chua àw ah chuan alang thei a.. Sawmtei chu nuiri hakin "chutiang ang khawp chuan maw ilo awm thin, rin ahar hle mai" A ti zawi raih a,





Ruatpuia chu rawn bu vatin "nia rin chu aharsa viau ang,i tana engmah ka nih ngailoh lai khan ka tan chuan ka kmangaih ber leh ka thinlung neitu ini a, nangmah avangin pawl 11 ka nih khan ka fail phah hial asin" A rawn ti leh phei chuan Sawmtei chu phawk fe hian ameng a.. Alo hriat dan kha chuan adamloh nasat em avangin a exam theilo ni khan an sawi si a... 'A hriat thiamloh em avang chuan "i damlo emaw ka tia" A ti deuh nar nar a, Ruatpuia chu rawn khi sakin "a dik alawm ka damloh chhan pawh nangmah vang ania, chuan ka fail chhan chu nangmah vang anih chu.. Ka ngaih em avang che leh a kuma kum tel ka hmuh loh avang che khan ka ngai lutuk che a,helai ka thian ka kawmve thin Lawma hnen atangin Mipa nen in in hnim hnai thin tih ka hre leh zel a,Lalrinkima nen sawn... Kha thu ka hriat khan ka na vek a, lehkhazir ka thulh a chaw ka ei ngailo bawk a,zanah ka muhil ngai heklo.." A tih chuan sawmtei chu alo chek tlak tlak a, aner sang bawk.





Chutiang khawpa amipa duhruk em em maiin alo ngaihtuah thin zia ahriat chuan a lawm em em a, asawi Lalrinkima kha... Khapa khan a bem reng thin a, zantin deuh thaw a len chilh thin mahse a beisei tur angina awm ngai lova, mipa nghal ve chi alo nih avangin in ngaizawng angin a thiante bulah te a lo sawi chiam a, khata tanga in haw reng kha ani reng ani. An naupan hunlai te a ngaihtuah let chuan a lunglen thlak atiin ,thil tamtak alo kalpel ve tawh zia ahriat te chuan a mak a ti ve viau a.Ruatpuia chu rawn thaw hluaiin "khang hunlai kha a chang chuan ka ngai thin, tun ang em em hian ka na ngai si lova" A tih lai mek mek chuan Mapuia inbual zo alu hru mawlh mawlh paha rawn chhuak chuan Sawmtei te boruak chu a rawn ti danglam hneh khawp mai.




Thil tisual tí dak ang mai hian an awm a, mapuia engmah hrethiam lo chuan melh tawnin "thil diklo in lo ti ani maw? " A la ti ham ham zui, Sawmtei lai leh tih ngaihna hrelo chu a ding vut a.. "I thawmhnaw suk tur a awm chuan ka lo su ang" A ti a, Mapuia pawh chuan ahnial ta lem lova Sawmtei batrooma a awm lai chuan Mapuia chuan Ruatpuia chu nghawk zeuhvin "enge thlenga Sawmtei kha a lai e mai" A tih chuan Ruatpuia chuan batroom kawngkhar lam melh vung vung pahin " I ngaihang engmah a thlenglo" Tia ding vutin haw mai atum chu Mapuia chuan dang vatin "" Eee.. Eee. Eee khati mailo khan male.. In lan dan khan a hril vek alawm, sawi kher angai lo khami avanga haw nghal tum pawh kha a tul lovang, thu teh sawi tur ka neive ania"a ti thla ve nghal a. Ruatpuia chu apawt thu zawm nghal zat bawk.




Mapuia chuan zep lem hleilo chuan "Ka nau hi i duh ani tiraw, ee ani lehlo i duh lutuk zawk ka hre vek alawm in thusawi thenkhat kha.. Zahvak angailo, ka nau tan hian mipa in nghahna tlak ka duhpui ve alawm lungngai suh ka tihpui em em ang che, Sawmtei chuan u ang tak takin min en ve a," A tih chuan Ruatpuia pawh chu a haw tur rilru paih bo chuan a rilru chu Mapuia thusawi lamah chuan a dah ta nghal a. "" Anih Mapui Sawmtei hian min duh ve i ring tak tak em pasal tur ang ni ta se? "A tih chuan Mapuia chuan sawifuh iti ru zetin a khik khum vur vur a.. " Imm a awmdan kha i hmu thiamlo ami, Sawmtei pawh hian a duh che tih ka hrethiam nghal vek alawm mahse a sawi ngamlo a niang, amahhi mi inthlahrung chi ani bawk sia"a tih chuan Sawmtei chuan an thusawi chu alo hrevek tih leh alo ngaithla reng tih a hre der silo,





Mapuia bawk chuan "Ruatpui Sawmtei tan hian i tha tawk tihhi ka hria a, Sawmtei pawh hian a hnial che ka ringlo.. Keimah zawk hian rin ngam che ka duh khawp mai, ka nau hi rilru na a i siam loh nan leh engtikah mah i kalsan loh nan hian ka ring ngam ang che ngem ka hrelo, ka awmpui reng thei dawn si lova"a tih chuan Sawmtei pawh chuan chu thil chua chhanna hriat alo chak khawp mai.. Chik leh zuala banga abeng nghatin Ruatpuia tawng tur chu angai chang kar a.. Ruatpuia chu muk fe a rawn tawng chhuakin "" A chunga thil thleng zawng zawng leh Msa fa apai tih hre reng chung pawh hian ka hmangaihna hi ala nep phah chuanglo asin, Mahse keichuan Msa hi ka hau ani, Sawmtei hi a duh tih pawh ka hre bawk, hlauh ka tumlo bur Msa lakah hian.. Ka neih theih dawn loh chuan Msa'n a neih ka phal ngai lovang ani ai chuan ka dah nuam thei lo mai thei mahse hmangaihna ka ngah daih zawk tih ka chiang"tia mahni in ringtawk àw em em a atih chuan Sawmtei chu a lungphu zawna akut nghatin alo thaw hak hak a.Ruatpuia'n a hmangaih zia ahriat chianna chuan a ti tuiral vek ani..





Engti kawng maha Ruatpuia chu hnar a tum lova, a nupui niha kumkhua a a bula khawsak a duh ani.. In siam tha in an thusawi hrelo ang tak chuan achhuak phei a, Mapuia leh Ruatpuia inbe lai chu an tawp dat a. . Ruatpuia chuan lo nuih let ver verin "i zo tawh maw anih chuan Mapui ka phei phawt ang hei eirawng bawl pawh ahun tawh sia" Tiin a ding vut a, Sawmtei chuan la leng se a ti ru a, mahse achelh ngam chuanglo.. Mapuia chu ding ve nghalin "nia alo tlai ve tawh anihhi lo kal rawh pawn thleng ka lo thlah ang che" Tiin an in zui chhuak nghala, Ruatpuia haw liam hnu rei lote ah chuan Mahlimi leh anu lo feh pawh an rawn haw ve nghala, Insing sa fel a an in tihfel hnu chuan zanriah ei hun te anih tawh avangin Chaw eiin an chhungkaw member tlemte chuan hlim takin dawhkan chu an kil khawm a, zanah chuan angaite bawkin Ruatpuia chu alo lang leh tawh a, Mahlimi chuan a u chu signal nghal zeuhvin "U ruatpui hetah lo thu rawh lehkha zir ka ngai" Tiin a u bul atang chuan a kalsawn nghal a.




Ruatpuia pawh chuan zak buai duh lovin a thu thla ve mai a, an hriat deuh nial nual tawh tih an awm danah ahriat vang te pawh ani ngei ang. An pahnih chuan titi siap siapin thutthleng lehlamah chuan Mahlimi leh Mapuia chu game khelin an lo tui dun ve khawp mai.. Chhungkaw nu Ber erawh a hna thawk a chauh deuh avangin a mu tawh a, chung zawnglai pali te chu an mahni tawkah theuh chuan an hlim ve hlawm mawlh mawlh khawp mai. Chutiang ang boruak anih lai chuan Msa pawh in ngaihtuah neuh neuhin chu zan reh tak hnuaiah chuan amah chauvin a awm a, Vawin lama Remremi awmdan leha thusawi thenkhat te a ngaihtuah kir a, dik tihna chin chu aneive zeuh thin a, Mahse Remremi ahmangaihna nasat em avang chuan ngaihtuah zawm lova, Remremi neih zawk chu a thlang nghet ta a, mahse chutiang ngawtin afa lo piang tur a thlahthlam mai thei silo, afa lo piang mai tur a hming pek aduhsi chuan anu sawi ang deuh khan nupa nih lohna karah chuan a harsa dawn bawk si..




Bakah Sawmtei chuan alo pawm kher angem tih thleng chuan angaihtuah let a, afa hi hmuh leh ahming pek ngei aduh a, tih fahrah aduh loh chuan Sawmtei neih mai chu angai dawn si a, Sawmtei nei tura ain suangtuah thin chuan pawm pum hlum mai chu aharsa ati a, mahse thil engkim mai chuan nei lo theilo turin an nawr bawk si, ahmangaih Remremi ngei pawn a nawr deuh anih kha.. Heti em em a thu khirhkhan leh thu thlukna harsa .. Mahse duhthlan ngai bawksi atawng ta mai chu a hreawm ati a, mahse abul berah chuan amah vang bawk ani bawk si.. A in hauin khang hunlai kha nawh reh vek mai chu achak ngawih ngawih a. Chutia a in ngaituah muk lai chuan Remremi chuana rawn call a, Msa chuan a sawi tur ahriat sa deuh avangin pick-up mai chu a hreh ru deuhva mahse lak loh em em chu thil tihchi ani bawk silo apickup ve mai a..




"Hello, Mes i van la har ve a, i buai viau em? " Tia àw pangai taka arawn tih chuan msa chuan "im buai lo ve, " A lo ti ve mai a.. Remremi chu ngawi vang vangin boruak rit luk mai chu a hip lut hak a "mes enge i thu thlukna chu kei chuan engpawh thlang la ka dem reng reng lo che ania aw, Ka sawi ang khan Sawmtei hian tunah tak chuan keimah ai mah hian a mamawh zawk che a,mamawh tu che an awm reng laiin ka vuan reng ngam bik lo che..mamawh lo ang tak che in awm mahse a puma i fa lo piang mai tur a vang pawh hian mipa dang ai mahin i puihna amamawh dawn ania,"a tih chuan Msa chu thaw hakin "Bawihi ka chau viau ania khalam kha chu ka ka sawi peih hrih lo ka in ngaihtauh mek alawm" A tih deuh hluai chuan Remremi chuan "engtia rei nge hun i hman ang nikhat, thlakhat, kumkhat maw?, engteh Mes kan thatna tura rorel thin tu Pathian rawn pahin thuthlukna diktak i neih theih ngei ka beisei pui ache, ka hmangaih che ania" A tih chuan Msa pawh chuan nui ri sapin "keipawn ka hmangaih ber che, khawvela hmeichhe awm zawng zawngah hian" A tih chuan Sawmtei chu nuiri er erin "kan in neih theih ngei ka beisei, inu leh pate duh dan i zawt tawh em" A tih chuan Msa chu angawi dawt nghal a, anu leh pate chuan sawmtei nei mai tura an sawirik tawh chu Remremi hrilh kher atum lo, arilru anat phah ahlau ani.




"Ai ka la sawi puilo hrim hrim" A ti thla rawk a, remremi chu nui hakin "imm a pawiloh chu an duhdan zawm kha itih tur aw, nu leh pate chu kan lei pathiante an nia, itana tha tur ber an ngaihtuah dawn tih i hrethiam ang tiraw? " A rawn tih chuan Msa chu a ruk tak chuan ahnual rawih rawih thei a, Anu leh pa duh danin akal anih chuan a hmangaih a chhan mai dawn si, chu thil chu angam lo ani.. Remremi chuan zangkhai vah hian "a tlai tan tawh sia in mangtha tawh mai ila nge i ngaihdan " Tia Msa ngaihdan arawn zawh Chuan Msa pawh chuan lo pawm vat nghal in "tui deuhin mu la i mumangah min lo hmu ngei ngei rawh aw, ka hmangaih che muttui le" Tiin acut zui ta nghal a.. Abuai ta map mai le..ral lehlamah a hmangaih a nun kawng hruaitu a awm a, lehlamah a fa lo piang mai tur leh hmeichhia amah mamawh em em tu a awm ve bawk si,!! Tunge athlan tak ang, khawilam kawng hi nge azawh anga khawi lam kawnghi nge dik ang?




Msa chu abuai ta map mai a, angaihtuahna mu mallo leh nuamlo zet chu tih reh dan lah ahre der mai silo, phur fahran lova mutura in ting tuahin a khumah chuan a in thawlh lut a, Sawmtei biak duhna rilru a rawn lan thut avangin leh a biak chakve deuh tho avang chuan aphone chu phawrhin messege chuan "hye" Tih te mai chu a thawn a, chhanna erawha beisei lo, arin ang ngeiin a in Received hnufe ah pawh chhanna a dawng lova, zanin atan chuana dawn leh pawh ain ring tawhlo.
Minute tamtak hnua a messege tur a type leh lai chuan Sawmtei hnen atang chuan "tu nge" Tih mai chu reply na adawng nawlh a, athu ziak tawite mahse chiang em em lawi si , khang hun chhunga an lo in biak thin na pawh anumber alo la save miahlo tih a hriatna chuan a ti hnual salh thei a, mahse apangai leh vat tho..




Sawmtei'n a hriatloh avang chuan insawi nawn kher chu a tum buai lova "keimah" Tih tawpa reply letin a phone chu a dah deuh hmak a,lungni vaklo chuan amuhil ta nghal a. Sawmtei phone hmangtu Ruatpuia chuan chu Messege chu a en leh thin Sawmtei thiante zinga mi annih aring tawp.. Chutah Sawmtei chu thingpui sen nena rawn letin a phone lo en tu Ruatpuia chu anuih ver ver a. Ruatpuia chuan a phone chu pe ve maiin "i messege dawn ka lo ply a, en chhin teh tu nge a? " A tih chuan Sawmtei chuan aphone chu melh kurin a chal ati chuar niai a. "Aa ka van hre mai love, ahming ka save si lova" A tih chuan Ruatpuia pawh chuan zawt leh tawh lemlo chuan thingpui sen hang chu a lem deuh khawlh khawlh a.. Mapuia leh Mahlimi pawh an mutna tur ve ve alut tawhin an thawm areh dun vang vang khawp mai.




Ruatpuia chuan Sawmtei kut chu khalh niap niapin "naktukah Aizawla ka chhuh lawk angai dawn a, hna chung changah, enge ka lo hawn ang che" A tih chuan Sawmtei chu laih avangin a sa leh hat hat tawh.. lawi zeta chhangin "engmah angailo dam deuhin lo haw tumla ani mai" A tih chuan Ruatpuia chuan "iti tak tak em? Dam taka ka lo haw chu i duh tak tak amaw"? Atih deuh salh chuan sawmtei chuan chhang lovin abu vat a.. Ruatpuia pawh chu haw ve nghalin Sawmtei chu lo in enkawl tha turin achah ngun viau bawk, atlan liam hnu chuan Sawmtei pawh inchhunga lut ve nghalin a muhil zawm ve ta mai a. Zing khawvar chuan Msa tan ni that arawn chhuah a, chutiang bawkin Sawmtei te chhungkaw tan pawh nithar mawi tak ani ve bawk a.. Msa nu chuan eirawng bawlin a pasal leh a fapa tan a buai ve nak nak khawp mai. Tukthuan an ei lai chuan a nu leh pa chu an ngawi reng a, Msa chuan mak atiru viau bawk, nidang zawnga titi thu vawrh thin kha an ngawih kur avang chuan mak tih loh rual anilo, mahse achhan tur ang chu ahre thiam tho an thusawi an duhdan a kalh avang khan ani ngei ang..





Mahse chutianga an chhungkaw boruak ipik deuh churh chu a hreawm atih em avangin Msa chu tawng hmsa berah atang a "pa ti hian awmlo teh u a nuamlo ania" A tih chuan apa chu rawn meng chhuakin a fapa mitmenga hreawm tihna chu ahmu chawpchilh nghal a.Apa chuan chhang letve nghalin "" I duhthlanna kan pawmpui che a i lawm zawklo ami,Remremi nena in neih kha i duh zawk sia" A rawn tih deuh hmuk chuan Msa chu a khawih dat a, apa thusawi duh dan chuan a hnuk a ti ulh hial ani.. Chaw pawh eitui tawh lo chuan athai athai a, apa vek chuan "zaninah palai kan tir dawn a, ilo hrilh dawn nia" Tiin apa chu a ding hluai a.. A kalsawn ta nghal a. Chu veleh anu pawh chu ding ve nghalin Msa chuan mittui tling puau a melh chhovin a tah mai loh nan chuan ain sum a..





Anu chuan "I duhthlanna avang hian nakin hunah min dem nan hmang suh ang che, " Tiin a kalsawn ve ta nghal a, Msa chu ahnual vek a, ahlimna ni tur emaw atih chu natna siam sak tu an ni a, Remremi neih chak avanga hlimna leh phur rukna a lo neih zawng zawng kha a in khar hnan vek nghal a,a hnual rawk rawk vek mai ani. Ngawi rengin phurlo tak pahsi chuan a che ruai ruai a, in achhuahsan dawna anu leh pa in an thlah thin na pawh dawng lovin rilru na tak pahsi chuan achhuak a, abike la chhuakin fullface chu akhum a, avawi khat nan anu leh paten amittui an tih tlakna ani bawk a mipa tlangval puilai chu amittui a tla zung zung mai ani..chak takin pawisak pawh neilo chuan atlan vung em em mai a, arilru na hnem nan a bike chu ahmang fua fua mai ani..





A dawr athleng tep tihah chuan bike pakhat rawn tlanchak ve pangai tak nen chuan in tai fua in Msa chuan ken atum lutuk na lamah Taxi dinglai chu a va su phei chawrh a, ataksa chu leng lawpin kawngpuiah tak mai chuan a thla ri dawp a,nikhaw hre lovin a awm zui ta nghal a.. Anbul vela mi te leh a bike in tai pui ngei pa pawh chuan rawn buaipui nghal vatin Msa chu hospital lama tlanpui an rual a... A thisen achuah nasat em avang chuan athih mai te pawh an hlau vek mai ani.. Traffic zam karah hospital chu an thleng ve thei hram a, Msa chu Operation rooma nawr lut nghalin Doctor te chuan an theih ang tawkin an buaipui nghala.





Chutiang ang buaina Msa chunga athlen lai chuan Sawmte te chhungkua pawh lo-ah fehin sawhthing an ling tan a, kangvar ala nih avangin akhu em em a, hmai adum nguau duh viau bawk.. Tuthlawhte vekin an tuh a, nuam an ti tlang khawp mai.. Rinai tak Mapuia pawh chuan hnathawh chu a zei em em mai vek a, tih thiam loh em em leh harsat em em anei miahlo mai ani. Chaw hma chawlh an neih lai chuan Mahlimi chuan thingpui sen hang leh kurtai tui hmel zet chu a rawn pe hlawm a. Thlam an la neihloh avangin silpaulin zar tawpin a hnuaiah an awm a.. A lawnga nisa do ai chuana zia awm khawp mai.
Mapuia chuan Cfl-a hla play in azaipui leh thin a, achangin mahlimi chuan alo puive thin bawk.. A nuam an ti tlang em em vek a.. Tlailam alo nih chuan haw tura in siamin in lam pan chuan an in zui hlawm a, mipa tih takah ahnung berah kalin a dawtah Sawmtei a kal ve thung a..




Pengan thlen chhoh chiah chuan reilo te chawl datin Mapuia chu Msa pa chuan arawn call ta nghal a. Lo pickup nghalin thil awmzia alo zawt nghal a. Msa pa chuan "mapui i thianpa hi thi chhawngin alet reng mai, " Tiin tukina a accident dan kimchang chu a rawn hrilh vek a, mapuia phawk lutuk leh Msa dinhmun chhiat zia ahriat chuan a mangang em em a, a awmna atang chuan tih vak ngaihna awm bawk silo nen rilru hah em em in a thianpa dam leh nan rilru tawngtaina nen abei ta tawp mai a. In an thlen rual deuh thaw chuan mahlimi chu in tifai hmasa ber tura lut tlang nghalin Mapuia chuan Msa chetsual chungchang chu Sawmtei te hnenah chuan a sawi nghal a.




Sawmtei chu a khawih zawk thei a, adinhmun an la hriat chianloh em avang leh thi thei mai dinhmuna adin avang chuan a tu te mai pawh chu an buai vek ani. Mapuia ber chuan hreawm ati ber ni hial hian alang a.. A thianpa ve ber in harsatna a tawh laia abula a awm theilo chu ain ngeiru viau ani.Zan riahte an ei zawh chuan Aizawl lam nena in be deuh sek an nih avang chuan Mapuia phone chu a awl hmanlo hi ani tawp mai, ani pawn mi dang dang abe kual a, athianpa tana tawngtaipui turin a sawm nghal zel bawk. Sawmtei pawh chu awm nuamin a awm biklo,, ahmangaih miahlo pa ni mahse a rilru kil khat té lo luahtu chu ani tlat bawk si..





Tih ngaihna vak awm si lo chu Mapuia call be rí mai mai lo ngaithla leh lo chik ru tak si chuan hun chu ahmang a, tuitaka muthilh erawh atu mai pawh chuan an theilo tlang vek mai ani.A muthilh theih hlawlh loh avangin thu kangin Msa tan chuan avawi khat nan atawngtai sak ve a.... "Lalpa, Malsawmkima tan hian khawngaih ka dilsak ka in ring ngai lo.. Mahse tunah hian ka rawn dilsak ani, khawngaihin damna pe hram rawh aw,ala naupang lutuk hetiang mai hian tawp tir suh aw, huntha pe hram rawh" A ti chhuak sap a,rilru nuam zan lo chuan amuthla ve ta nghal a.. Zingah chuan Mapuia phone be thawm hlau thawng àw tak chuan a ti harh a, zingdar 4 vel ani..a àwri pawh a chiang khawp mai, tho chhuak mai lo vin a ngaithla deuh kar a.




Mapuia chuan àw lawi zet chuan "doctor te beidawng pawh nise pathian kan nei alawm" A tiri te "a thi theilo, thil tamtak tihtur ala nei asin" Tia a sawi ri sup te.. "Keipawh ka rawn haw ang" A tiri te chu a hre vuai vuai a, chu veleh Sawmtei pawh chuan va pawh vatin Mapuia thutthleng a thu kun reng lam chu a pan nghal a, "mapui enge chanchin Msa chu atha lo em ni? " A tih chuan Mapuia chu rawn bu nghalin Sawmtei chu a rawn en chhova" sawmte ka haw mai angai, ka thianpa in min mamawh ani,a kal thut thei bawk si a,min hrethiam dawn nia"a tih chuan Sawmtei rilru pawh chu ahah ve viau nain tih ngaihna vak ahre biklo.. "Apawilo in thlahrun angailo ania, hei ala hma sia in siam vatla i haw nghal thei ang chu sumo chhuh thlak ni tho alawm ka chan pui ang che" A tih chuan mapuia chu che phutin a siam sawk sawk a, thawmhnaw leh eng ilo vel a ken tam loh avangin a in siam reilo khawp mai.. "Ka hman e khawnge kan chan dawn"? Atih chuan sawmtei chuan " Sawtah an penna turah, Tuipui kawng lamah an peng thla thin a"tiin an chhuak phei ta nghal a..





Minute 15 vel an nghah hnu chuan VAPHAI Sumo chu rawn tlanin Sawmtei chuan alo biaksak a, adriver chuan hrethiam takin alo chuan tir ve mai a.. Mapuia nen chuan in vai liamin an tlan liam thleng chuan a thlir ta reng a.

__________________________________________________Msa pawh a timur thenkhat ten hna an thawh tawh loh avangin a thluak hnathawh leh a thisen kal thenkhat chu an chawl a, doctorte pawh chu an beidawng tawh takzet ani.. Mahse an mahni ai maha thil ti thei nunna la thei a,pe thei bawk tu Pathian rin chhanin Operation chu tih tawp mai an tum bik lova.. A lu a sawhnà lutuk ber chu ani Doctor te rilru ti hahtu pawh, Mahse pathian chuan mangang taka Msa chhungte leh a thianten an tawngtai sakna chu tih thlawn tir alo tumlo nasa mai a, van neihna ah pawh vanneihna leh chhawngin Msa chu a pangai leh thei ta ani..




A thluak hnatawh leh athisen kal te pawh chuan ngai an awh leh vek tawh a, Anu leh pa te mai nilo a enkawl tu doctor leh nurse te pawh chu lawm avangin an biangah mittui a luang hial a.Chu thu lawmawm tak mai a chhungten an hriat chuan an lawm ve hle a, Doctor chuan Msa nu leh pa bulah chuan "ti hian adinhmun hi kan en thla deuh anga a pangai thei tawh turah chuan kan beisei a rawn harh veleh a dinhmun kan hrechiang thei chauh vang" Tiin akalsawn ta nghal a, Anu hlim leh lawm lutuk chu tap zawih zawihin a pasal chu a kuah a.. A fapa thi tawh mai tur rawn tha chhuak leh chu a lawm em em mai ani. Zandar 7 veleh chuan Msa chu rawn harhin a awmna hmun chu ahai thelh a, mahse a accident avang ani tih chu ahrezawm ve ta nghal a, ataksa chu a kham thum mai a, chetmai chu a harsat ani..




Chutah kawngkharah chuan Mapuia chu rawn lut hlawlin a thianpa Msa lo meng fiah kak mai a hmuh chuan pan vutin a bia a.. "Thiana ilo harh ani maw, nate i nei em? Tiin azawt nghal mawlh mawlh a. Anu leh pa leh Remremi te pawh an rawn lang nghal vek a.. Msa chuan a lu bu sapin " Ka tha e"a ti chuai raiha , ataksa chaklo zia chu a hriat nghal vek theih... Mapuia chu nui sukin "a tihzia e keipawh ka rawn haw tawp alawm , minti mangang khawp mai" A tih chuan Msa chu arawn khi deuh suk a.. Tawng erawh ala harsat deuh avangin a ngawi ta tawp maia.. Mapuia chuan chu chanchin lawmawm chu Sawmtei te pawh hrilhve nghalin ngaihtuah awm anihloh zia leh pathian avanga a damthat zia chu ahrilh a, Sawmtei pawh chu thinlung takin a thaw veng hluai a,Msa damloh avanga boruak rit luk mai chu a kiang sawt nghal thei.





Msa chu ani tel mai chuan a dam tawlh tawlh a.. Karh hnih a awm leh hnu chuan vawi khat chu Remremi leh a nu chuan an rawn tlawh a, Remremi hmela eng emaw lang deuh ruau chu a lo hmu thiam nghal vat a.. Anu chuan "Ms hei i tha chak hle mai a,heti hi chuan i chhuak vat thei tawh ang tiraw" A tih chuan Msa chu bu supin "nia rinai tak ka taksa pawh adam chaka alawmawm khawp mai" Tiin a chhang letve nghal a.. Remremi tawng tur chiah chu Msa pa rawn lut chuan ati tawp dat a.. Msa chuan alo ui ru viau bawk.. Msa pa chu rawn nui lut vur vurin "Remrem in lo kal ani maw, inva fel thin ve " A tih chuan Remremi chuan "nia ka lo kal leh tawp mai" A tih deuh tat chuan Msa pa chu anuih suk a, Msa pawh ani tho..




Chutah Msa pa chuan Remremi te nufa chu hriatthiamna dilin a fapa chu biak fal lawk aduhthu a sawi a, Remremi te nufa pawh chuan hrethiam takin an chhuahsan ve ta nghal a. Msa chuan zawt nghal vutin "pa enge chuti em em a pawimawh chu? " A tih chuan apa chuan melh deuh vung vungin a thaw deuh hluai a.. Khuh deuh khurh khurh a thu tha deuh sutin "Bawiha hei i taksa pawh pathian zarah a zia awm tawh a, helai atanga i chhuah hnua i awmdan tur hi i ngaihtuah fel tawh em? "A tih chuan Msa chuan asawitur chu a man leh nghal vek a, chhan a hreh leh viau bawk apa vek chuan " I duhdan dan kha keini chuan kan pawm dawn a, mahse ka sawi fo thin thil reng renghi nakin hun lam thlenga ngaihtuah hmasak phawt thin tur.. Tuna hlimna mai hi a tawk lo ania, "a tih leh chuan Msa chu ngawi rengin a kun deuh run a..





Accident atang leh a vawiin ni thlenga a rilru-ah Sawmtei alo ngaihtuah ngai miahloh thin tih te chu apa chu hrilh aduh a, mahsea tul ati vaklo ani ngei ang, angawih pui ta mai a.. Apa chuan " I rilru siam nghet la kan duh ani, hun hi aliam zel ania, "a tih chuan Msa chu thaw hawkin harsa tih hmel em em chuan " In thu thu ani mai"a rawn ti zawi rat a,a sawi zawih em avang chuan apa chuan zawt nawn lehin "engtin maw itih bawiha? " A tih chuan Msa chuan boruak hip luta apa chu en in "" In thu ka awi lohna vangin hetiang hi ka ni tawh a, avawi hnihna chu in thu ang zelin ka awm ang,ka pa ini a ka tana tha ber tur nia i hriatah chuan min hruai rawh, ka that phah ve mial mahna.. "A tih chuan apa chuan chiang zeta en in a bu nghauh ngauhva.. " A tha e, Remremi chu tha deuhin lo sawipui la, nula fel tak ani a ahrethiam em em ang,Bawiha he thil avang hian min huat phah pawh ni la nakin hunah chuan i tan vek anihzia ila hrethiam mai ang"a tih chuan Msa chu abu salh a.. "Ka beisei reng ang" Tiin a puan sin lai chuan ain lukhup ta nghal daih a.Apa pawh chuan a thu thlukna ber ahriat tawh avang chuan engmah sawi belh tawh lo chuan a chhuahsan ve ta nghal a.


Le click vek ang aw👇👇Headmaster in min hau nasa thei khawp mai zialo thin tak ani.. 😌

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » April 11th, 2021, 2:08 pm

Chapter -9




Apa a chhuah hnu chuan Msa chu in ngaihtuah rauh rauhin, ahun lo awm zel dan tur chu a kuta ain nghah loh zia leh anu leh pate tih ang anga a awm kual tawh tur zia a ngaihtuah chuan abeidawng takzet a, beidawnna chuan taksa chakna a ei chhe leh zek mai si tih chu kan hriat tlan tawh kha.. Remremi chu rawn lut leh nghalin Msa lo mu kawm deuh ngul lam chu apan hnai a.. A sirah chuan thu thla in "Mes i tha em? Enge thlenga? " A tih chuan Msa chuan Remremi ani tih hria in alehhawi vata, Remremi chu kuah nghal thlawpin nghet tak chuan avuan chawt a, thlahleh mai tumlo ang takin a kuah nghet sauh bawk.. Remremi pawh chuan engmah sawi zawm tawhlo chuan akuah let ve nghal a.





Msa chuan a thusawi tur in tingtuah in a thaw hak a.. "Remrem ka hmangaihzia che hi i hria tiraw" A tih chuan Remremi chu a rum ngut a... Msa bawk chuan "ka sualna avanga kan in hmangaihna ka hlan angai hia pawi ka ti lutuk, min ngaidam hram rawh aw" A tih leh chuan Remremi chu a tal data , Mahse Msa chuan ahmel landan a en ngam dawn lo tih a hriat avangin a thlah duh lova akuah nghet sauh zawk a. Remremi chuan sawi mai tur ahrelo a thusawi thin a taka atawng ta chiah mai chu sawi ngawt ai chuan a mi den pawh ana ni ngei tur ani, ahnuk a ulh thelh a.. A mittui chu a dang ru fan fan mai a. Msa bawk chuan "sawi hi chu a awlsama, Sawi mai hi chu a awlsam ani tiraw... Nangmah ai pawh hian ka nep zawk" A tih leh sap chuan Remremi chuan ahnunga ben thak thak pah chuan a thaw hluai a "Mes kan kaltlang pui angai tih i hria tiraw, chak takin kan awm angai dawn ania" A tih chuan amah ngei pawn chak taka a tuar theih chu ain ring chiah biklo..




Msa chuan zawi leh fiah em em si chuan "he kawng kher hi eng vangin kan tawn a ngaih? Atih chuan Remremi pawh in sum zo tawh lovina rawn rí chhuak hak a, Tap àw lawi tak chuan " Ka lo sawive thin a, mahse a tak ngei ka hmachhawn chuan ka hneh zo leh ngang lo ani, Mes ka hmangaih lutuk che asin.. Engtin nge i tellovin ka awm theih ang? "A ti chuai raiha , kumkhuaa ahmagaih a chan hlen tawh tur chu hmangahtu thinlung atang thlir chuan pawm mai leh kaltir mai chua harsa ve hle tih chu kan hriat tlan kha. Msa chu in la hrang datin Remremi chalah chuan a tauh dat a, ahmai bul setah chuan " Ka theilo, ka theilo"a ti lawi sap a..





Remremi chu rawn in hnit ri faihin "mahse engmah kan ti danglam thei tawhlo" A tih chuan Msa chu in la hrang vutin a ngaihtuah na seng takin a ngawi deuh vung vung a. "Remrem min hrethiam dawn nia, i ngaihdam na ka phut ngamlo mahse ka nu leh pa thu ka hnial theilo.. An hlimna a nih dawn chuan engpawh ka ti mai ang, he thil ka tih avanga an hlimna ka siamsak thei dawn anih chuan ka kaltlang pui dawn ani.. Nep min ti ru mai thei mahse nu leh pa thu ka awi avanga nep nih ka hlawh dawn anih chuan a pawi ka tilo, ka hmangaih loh vang che rawh anilo tih min hriatsak rawh aw, i sawi ang thin chiah khan nu leh pa chuan kan tana tha tur an ngaihtuah turah ngai ila,ka zawh sual anih pawn keimah ngei hian mawhphurhna chu ka la ang" Tiin thutak run chuan Remremi chu a melh a.




Remremi pawh chuan hnial duh viau siin a ngam bawk silo, a hma atang tawha lo sawi tawh tu anih zia chu a in hre chiang viau na in Msa chan mai chu a ngam chiah bawk silo ani. Remremi chuan a theih tawpa in sang marin a then khum sak a"nia iti dik lutuk, ka hrethiam alawm ipa te hian min duhloh vang anilova,nakin hun thleng an ngaihtuah vang zawk ani tih ka hre ve alawm..amm...ih... Engpawh nise ka thian ini duh angem? "Tiin a mit sen ram kar atang chuan anui sak a, akut chu a vawn theih turin alek kang va bawk.. Msa chuan akut ai mah chuan Remremi hmel chu a en vung vung a.. Remremi chuan "ka thian ila nih duh em Mes" A ti lawi sap a,a mittui akhap per sak bawk.





Msa chu a khum atanga tho chhuakin Remremi chu pan atum a, mahse Remremi chu lo tawlh hnung datin Msa chu thuk fe chuan a melh ran a. "" Tun atang hian kan zir chhoh tan atha in ka hria, ka tan hian aharsa ve lutuk ania"a ti zawi sap a. Chuveleh Msa pawh chu in siam tha vata ding ngilin a bu nghal a.. "A tha alawm" Tia achhanna chuan Remremi tan tawng leh tur a awm tawh mai silo. Remremi chu lai zeta dingin sawi leh nai tur pawh ahre tawh silo chuan Msa chu nui sakin "anih aw, in inneihna turah min sawm ve la" Tih leh a mittui hru thuaka tlan chhuah arual a, Msa chuan umzui mai nachang pawh ahrelo. a kalliamna lam kawngkhar ngheh hmel tak chu thlir rengin a mitsulh a.. A hmangaih chu a kal tawh tih hre mahse alo let leh nghal mai alo ring kha ania, mahse Remremi chu a hmel a rawn lang nawn tawh eihlo.. Areh hian areh tlawk tlawk mai ani.






Chutia athut ngawih reng lai chuan anu leh Mapuia chu an rawn in fiam lut bawk bawk a, anhlimna chu lo tawmpui theih achak ru viau bawk. Mapuia chuan athianpa hlim der hmel chu alo hailo nasa mai a, mahse Anu a awmve avangin zawh erawh atum lo.. Tih hlim tum ru takin Mapuia chuan "Thiana chhuah vat i chak tawh viau lo maw? I rawn chhuah veleh chaw kan ei khawm ang chu tiraw" A tih deuh hluai chuan msa pawh rawn then ve sukin abu liam tawp a.. Mapuia vek chuan "mi ngaih kan nei ani maw? " Tia anuih vur vur chuan Msa chuan a melh deuh zawk a, ahmel chang rúnah chuan Mapuia nui lai chu achawl dawt thei hial a.. Msa chuan "" Mut hahdam ka duh, kaltawh rawh u"a tih chuan Anu chu atho vat nghal a. "Tirawh mapui chhuak ila, nge ila awm deuh dawn" A tih chuan Mapuia chuan nuih sukin"rei lote ka awm lawk anga ka haw tlang nghal mai ang"a tih chuan Anu(msa nu) chu achhuak zui ve ta mai a.





Msa chuan nin hmel taka Mapuia chu melh zeuhvin a mut thlak san a, ain lukhuh san ta nghal hmak bawk. Mapuia chu mipa ngeng ve chi lo ni bawk nen kal chhuah mai chu alo tum bik hauhlo. "Thiana engkim min hrilh rawh" A tih chuan Msa chu angawi reng a, chhan chakna mood ah pawh achenglo ani. Mapuia chuan thawk la hakin Msa darah chuan a beng thak a. "Rawn tho teh sawi tha ang" A tih chuan Msa pawh chu ner sunga rawn thoin a hmai chu anuai thuak a, van vadakin boruak khat mup mai amah hual tu , mahse atana rit em em si chu a hip lut a, athaw chhuak leh hawk nghala. "" Nupui ka nei dawn Thiana" A tih deuh hmuk chuan mapuia chu rawn phul hlutin "a va tihzia ve, chutah chuan hlim lohna tur a awm em ni? Engtikah nge inneih chu? " Tiin chanchin engmah hrelo chuan azawt let leh nghal a.






Msa chuan buaithlak tih hmel deuhva thawk khum sulhin "Remremi anilo, Sawmtei nen zawk ka chhungte duh dan ania"a tih chuan Mapuia chu ding chuak hluaiin a phawk nghal hraw a.. " Engtin a?!! "A ti ri thawt nghal. Msa chu khum atanga tho thla in a vei tawn a.. " Sawmtei hi ka nei dawn ani,ka fa ka ti fahrah theilo"a tih chuan Mapuia chuan rawn pan hnai nghal rawk rawk in "" Chutiang ani theilo, enge thil awmzia? "A rawn tih chuan Msa chuan apa duhdan leh Remremi nen pawh an sawifel tawh thu thlenga ahrilh fiah chuan Mapuia chu a khawih dawt thei a. Achhan pawh Sawmtei leh Ruatpuia vang ani.






Anin duhtawn zia leh an inneih ngei a duhpui vang te, Sawmtei chuan Ruatpuia bak mipa dang a hnaih thei dawnlo tiha hriatchianna chuan ati mangang ani. Msa chu rawn tawng chhuak lehin "Thiana Sawmtei chu nangman lo hrilh mai rawh tunah chuan tumah ka be chaklo" A tih chuan Mapuia chu abu sat a, mahse rawn chhan letve leh nghalin "enteh thiana he thil hi chu a chi dawn ami? Englo Sawmtei zawk hi ania a nei duh dawn che ami.. Tunah chuan.. " Tiin a chawl dawt a, Ruatpuia hming sawi rik mai chu nuam ati chiah bawk silo. Msa chu lu thing vutin a hmai atuai nawk nawk a. "Ka hrelo alo pawmlo anih chuan ka tan pawh a tha daih zawk ang, mahse nangpawh khan nei turin min duh ani lawmni? " Tiin a zawt ta khurh mai a, a àw pawh achang fak thei.






Mapuia chuan "aw ka duhpui thin che mahse tunah chuan ani tawhlo" A tih chuan Msa chuan makti taka melh deuh kurin a chhan azawt nghala. "A chhan chu tunah chuan Sawmtei hian hlimna anei tan chauhva a hlimna i tih chhiat hi ka duh hleinem... I hria em ? a u ka nih anga ka sawi theih ve aniin ka hria, Ruatpuia nen khan an in duh tawn a, innei ngeise ka duh bawk chuan an lamah ka tang reng bawk ang" A tih chuan Msa chu a dek deuh zawk a. Ruatpuia hming rawn ri chu a bengah achiang ru viau bawk. Engah mah ngailo ang takin a kiai suk a"a pawi tawp loh chu innei mai se, "a tih chuan Mapuia chu rum ngut in " Ni reng e, mahse chumi tur atan chuan i pawimawh hmasa ber alawm i pa chu a rilru thlak turin hmin rawh.. Ee lawk.. Keimah zawk hian le"tiin a phone chu a pawrh chhuak a, Msa chuan apa acall dawn emaw tiin a lo ngaichang ru ve a, mahse Mapuia chuan Msa pa ni lovin Sawmtei zawk chu a call ta zawk a.





Lehlam atanga hmeichhe àw nem takin "hello umapui i dam em? " A rawn tih rual chuan Msa chu a che phat a, aphawk hraw nghal vek mai ani.. Mapuia chuan Msa chu bengchheng lo tura signal in a chhang let ve nghal a "aw Sawmte ka tha e, ibuai loh chuan thil sawipui che ka duh a" A ti hmasa te te a, Msa chu alo tang ru viau bawk. Sawmtei chuan "im sawi la ka buailo" A rawn tih takah chuan Mapuia chuan Msa melh zuk pahin "" Enteh Sawmte ka lo sawi tawh thin Msa neih chungchang kha ania"a tih chuan Sawmtei chuan "kan sawi tawh dawnlo emaw ka tia" A rawn ti vat nghal a. Mapuia bawk chuan "nilo kan sawi angai tlat tunah ngei hian, atha em? Tun hun chauh ngaihtuah lovin nakin hun thleng ngaihtuah tel rawh ka tih che kha i hria ang tiraw? I naute hma hun thleng ? " A tih chuan Sawmtei chuan "imm" Tih te mai chuan arawn chhang let a..






Chutah mapuia chuan "kha zawhna chhanna kha tun thleng hian ka la dawng miahlo tih ka hria.. Nichin khan Msa pa thusawi ka hria a, Msa nena inneih tir cheu hi an duh dan chua ni,chuan Thiana pawn a pawm fel vek tawh" A tih tak tawpah chuan Msa pawh a lo tang ru nasa khawp mai. Chutiang bawkin Sawmtei pawh chu a phawk nghal em em a, chhan mai nachang pawh a hre lo.. Mapuia chuan zawt lehin "sawmte i zahawmna leh nakin hun lama i naute .. Aa..ka sawi awmzia chu Msa nena in fa kha lo seilianin lo puItling se Ruatpuia khan khatiang reng khan ala hmangaih dun reng thei ang cheu ngem? Min han chhang teh"A tih chuan Sawmtei chu a ngawi reng mai a, athinlungah Ruatpuia bak an leng zolo ani..




" U mapui ka sawi duhlo Msa chungchang chu min sawi pui lo teh, athil tih avang khan zalenna chu ka pe ngeia mahse amah ka neih lehna tur in anilo, anipawn hmangaih a neia keipawn ka nei, i hre vek a khawngaihin hmangaih te nena in then hrang tur chuan min ti tawh suh u ka tuar thei tawh lovang"a tih lawi sap chuan Msa pawh chuan alo thlawp ru viau nghal.. Anin karah in hriat chianna pawh a awm lova, Chulai kara pum khata in siam kha thil tih chi anilo hrim hrim ani, tih chu Msa ngaihdan diktak ani. Sawmtei vek chu insut ri sapin "ka na ve asin, ka natna pawh a reh hma hma hetiang ang thu ka hre leh hi chu a dik biklo, naute lem ka nilo U mapui khawngaihin khatiang thu rawn sawi tur kha chuan min lo be tawh suh huat che ka duhlo ania" A tih rual chuan acut ta nghal a.





Mapuia leh Msa chu ngawi ren runin an in melh tawna tawng hmasak chu an in ngai chang tawn ni tur ani an landanah chuan Msa zawk chu rawn tawng chhuak vutin "a ngaihdan diktak ka hre tawh a, kapa te pawn min ti luithei tawh lovang chu bakah ani pawn hmangaih dang anei tawh a, lalruatpuia ani em? Tiin Mapuia chu azawtfiah nghal a, Ruatpuia hming alam rik lai chuan a hnual deuh rúi hian ahriat, a àw a chul ruih thei ani. Mapuia chuan bu ve nghalin a phone chu a bih ngur ngur a chutah " Engpawh nise ka kal phawt ang in hmangaih ve ve in neih tawn ngei ka duhsak ache u"ti lehin athianpa darah chuan abeng thak a, achhuak zuita nghal a. Msa pawh chuan tih ngaihna vak a hriat loh avangin a khumah lawn kaiIn a rilru chu a vah kual tir ta ringawt mai a.





Sawmtei pawh chu nguai ngialin a thu hriat avang chuan a awm a, a nau school kal bawk nen a nu lo ah afeh bawk si in hnemna tur tumah aneilo chu alunga chhia a, tah mai theih ani bawk silo, mal ain tiin a in khawngaih thar ta em em a, Msa angaihdam avanga Pasal a nei duh tura an ring ringawt lai te chu a la na em em mai ani.a in ngaihtuah lungpuam lai chuan Anau school bang chu arawn lut hlawl a, athian thenkhat te a rawn hruai haw ve bawk. An rawn ri lut laih laih a, an thawm a ring tha viau bawk. Thutthleng kil khatah chuan an thawm bengchheng tak hrelo ang hmak chuan Sawmtei chu a thu ngawi daih a, ankhua mi zawng zawng deuh thaw chuana chanchin an hriat tawh avangin anau mahlimi thiante chuan an melh hrek hrek a, ankhawngaih ru ve viau bawk.






Mahlimi chuan a u chu lam pan in abulah chuan athu thla nghal a. "U vawin chu kan rawn bang hma a i khua te alo har viau em? a tih chuan a u sawmtei chuan alu thin khumin anau hmel hlim tak chu anuih sak a. " Har em em love, bawihte vawin tlai chu eirawng bawl mai ta che mut hahdam ka duh tlat ka lu hi a na ut ut reng mai a"a tih chuan Mahlimi chuan hrehiam takin "tehreng mai va hahdam rawh keini pawn thawm kan lo dim deuh tawh ang"Ti pahin a u chu aroomah chuan anawrlut tlang nghal a. A pawi ber mai chu Sawmtei hi rai No haw chi alo ni ve zel hi ani, a Nau pai avangin ataksa hi achakloh phah em em a, chaw a ei thei lova a cher deuh rawk rawk mai ani. Thil tuina engmah apawh loha avangin eitur tha tha a chhungte leh a thian ten an rawn ken pawh ei lovin azuzi san leh mai thin a.





A eive te lah a luak chhuak leh mai zel si ani. Mahse a naute tan chuan chaklo taka awm erawh atum lo bur ve thung a, chawte ei luiin a ei chak miahlo nau paite tana tha tur chu a ei lui reng ve zel tho. A khumah chuan zawi em em a mu thla in aluna leh pum nuam lo ruah ruah chu a tuar ru fan fan a, athen deuh sak sak bawk. "Lalpa tinge kei kher hi ka nih a? Malsawmkima hi ti nge ka tawn kher? " A tiri sap a, alo tap muhil ni ngei tur ani a harh rual chuan zan alo ni daih tawh a, anau mahlimi lehkha zir thawm chiah thawm hriat tur a awm.. A mumang chu angaihtuah zawm nghal niap niap a. .. *a pum chhunga anaute khan alo au anih kha... 'Anu papa nen hian in hmeltha e, keipawh hi papa ang chiah hi ka la ni ve ang tiraw? "Tiin Msa thlalak ngei kha alo en reng anih kha, Msa ang tak naute apawm khan alo nuih ver ver a, Malsawmkima chiah chiah hi ani tawp mai'* A rilru ah chuan a mumang chuan ro an rel leh tawh a, thildang ngaihtuah mai ati harsa ani.




Ngaihtuah zawm loh tuma chhuak pheiin anu chuan Bible chu alo chhiar malh malh a, " Bawihte ilo harh tawh amaw, a zia deuh em i lu na te chu? "Tiin anu chuan arawn pan hnai nghal a. Sawmtei pawh chuan lo then khum sakin " Ka tha tawh lutuk e, ka muhil theia ka zia kawk thei alawm"tiin chaw ei tur chuan dawhkan lam chua pan ta nghal a. A chaw ei lai chuan an veng pathlawi Masanga chu rawn lut hlawlin zu thing rim arawn anam lut hum hum a. Sawmtei chaw ei lai chu ati tawp chiang khawp mai tho vutin theng silna ah chuan aluak nghal tuar tuar a, anu chuan rawn buaipui vatin ahnungah chuan arawn chum sak a, mahlimi pawh chu a u uak thawm hriain a rawn tlan chhuak ve nghal a. Chulai karah Pathlawi minghal pa chu din pawh ding ngil tha thei lovin thutthleng chungah chuan a bawkthla zul a..





Sawmtei chalah chuan anu chuan adawm sak a, Mahlimi chuan tui a lo pe ve bawk a, aluak tur ang ang aluak chhuah hnu chuan Sawmtei chu a zawi hnawk theia.. A chau em em a, achaw ei ve chhun pawh aluak chhuak leh nghal vek bawk si, zawi em em chuan thutthlengah chuan athu thla a, anu chuan ngaihtuah hmel takin "bawihte na lai te i nei em ?" tiin a samah achul sak hliau hliau va.. Mahlimi pawh chuan a u chu a hnungah chul sak ve rengin a ngaihtuah zia pawh ahmelah chuan alang chhuak hial a," U i mu hahdam leh duh em? "Tiin Masanga mu pharh duai chu a melh hrawk a..





Sawmtei chuan alu thing vatin " Ai ka tha alawm a rim kha ana deuh va"tiin Masanga lam chu a kawk zeuh va,Mahlimi chuan thinrim in seh ruh tun chunga Masanga lam pan chuan ahnungah a beng ri dawt a, Masanga chu thap chuapa rawn tho kangin a rawn meng deuh núr a,mahlimi chuan thinrim in sum takin "va haw rawh mut kan duh ania, " Tiin a pawt tho nghal a, Masanga pawh chuan chhang lem hleilo chuan a pai chhuak nuap nuap a, "thing lutuk mai, u thil dang ei chak i nei em? " Tiin Mahlimi chu a u bulah chuan a thu thla a, Sawmtei erawh chuan a pum nuamlo lutuk leh a mumang ngaihtuah niap niap pah chuan a nau zawhna pawh chu chhan mai nachang a hre lova, a ngawi ngul lai chuan Anu chuan "bawihte i tha chiah maw? Na i nei em ni.? " A tih chuan Sawmtei chuan alu thingin a nu leh anau chu a bulah chuan athut tir a..






Chhun lama Mapuia thu rawn sawi ho a rilru a khat liam reng mai chu a sawi chuak ta ani. "Nu,Msa hi nei turin min duh em? Ka hun lo kal zel turah hian a tello hian ka awm theih i ring em? " A tih chuan Mahlimi leh anu chu an in melh deuh zawk a. Sawmtei vek chuan "U mapuia khan a rawn sawia , Msa chhungte pawn an duh thu a rawn sawi a," A tih chuan anu chu a ngawi ta reng mai a, sawi mai tur avan hle ani. "U mahse u Msa'n a duh dawn ami? Anu ten duh mahse ? " A tih chuan Sawmtei chu alu thingin a ner sak a. ""Imm a duh alawm" A tih zawi sup chuan Mahlimi chu a 'awi'ri rawih a. "Tak tak maw, mahse tinge? Eng vangin maw,engtin nge a duh mai theih a? " A ti hluai nghal a.






Sawmtei chu alu thing nar narin anu chu amelh reng a.eng emaw tal sawive se a duh viau ani. Anu thil thui tak ngaihtuah hmeltak chung chuan arawn tawng chhuak a "bawihte ka hrethiam bik hauhlo ania, nangmah i pawimawh ber i duhthlanna kha ani mai, tuman an tilui dawn lo che a chuvang chuan nangma ngaihdan zawk kha anie ka duh chu.. Mahse vawin hun chauh hi thlir lo la aw, I tar kun hun thlenga i rin ngam tur i tlan thiam ngei ka beisei pui che ania, Ruatpuia pawh hi atha lutuk a, mahsea thisen kai miahlo hi a pian hma chu sawilo law law ila rawn piangin rawn seilian ve zel sela a hmangaih ang tluk che hian ala hmangaih reng thei ang che angem? Mipa chu mizia thup thiam tak hi an nia, " Tiin sawmtei kut chu a hmer sak a..





Chutah lo tawng leh sapin "chuan maw bawihte tu pawhhi kan nih mai ka ring ka thisen kai maihlo fa enkawl chu hmangaih ve viau pawn lang thin mah ila eng emaw hi alo awm leh thin.. Kan thisen kai fa leh fa lo nihna hi a kar azau deuh thina ania aw, ka duhdan min zawt dawn anih chuan keichuan hetiang thleng thlenga in kal tawh hnu ah leh a fa ngei ipai tawh hnu a in suihzawm chu a tha ka ti khawp mai nangmahni tan ve ve pawh in mualphona tur a phuhruk deuh dawn a, chuti lova a hrang ve ve a in kal anih chuan karah fa alo awm tawh phei chuan a harsa dawn ania, chu chu keipawn ka duh dan ani, i naute pa ngeihi i in tunnun nan chuan atha ber ang, "a tih chuan Sawmtei chu a tawp chiang tawh khawp mai.





Alo rin ruk dan Ruatpuia nena an duhpui zawk alo rin laia Msa zawk nen a ni chu mak atiru viau bawk.. Mahlimi pawh chu rawn tawng chhuakin " Ni e u keipawh hi ni ila ka nuate pa ka mualpho dawn pawha ka mualpho pui theih ngei tur hi ka thlang ang, I naute hi ngaihtuah ber la, U ruatpuia hi ka duhlo tihna ni lovin lo in neiin naute hi lo piang ta se amah mai nilo nangpawh hian nuamlo tihna chin leh a thisen kai anih loh avanga in kiltawih rukna chin i la nei ngei ngei dawn, ka nei lovang ti mah la chu chu a chiangsa miau ani. Keipawn u Msa i neih mai chu amah pawn a pawm tawha keipawn ka duhpui che i tan atha ber ang, rilru dam taka i pawm theih hunah chuan ila i in chhir miah lovang"a ti ve sap a..





Sawmtei erawh angawi reng mai ani. Arilru buai phir lutuk chu a thaw leh deuh hawlh hawlh thin a, anu chu lo tawng lehin "bawihte kan nawrlui lo che ania aw kan duh dan kan sawi mai ania, inau sawi kha adik chiah tih hria la, athisen kai ni miahlo a pawm tur chu Ruatpuia ai mah hian nangmah zawk hian hreawm iti dawn, mi in thlahrung chi ini bawk si. Pawm ve mai rawh " A tih pawh chuan a thu ngawi reng a.. Mahlimi leh anu chu in en tawn deuh sekin an beidawn hmel khawp mai. Reitawkfang an ngawih deuh thiap hnu chuan Sawmtei chu rawn ding chhuak hluaiin a lu hai deuh chu adawm vat a. Anu chu melh mer pah hian "" A tha e nu, ka dinhmun atang hi chuan engthu mah fim takin ka ngaihtuah thei lova ka in nghahna te pahnihin ni a, min duhpui chuan ka hnial lovang che u, ka thatna tur anih hram erawh ka beisei"tiin a room lama luh arual nghal zat a.





Mahlimi chu thaw chhuak hakin anu bulah chuan "nu kan tidik dawn em ni? A u hi ka lainat emai a hmangaih leh zel a chhan angai sia mahse maw U msa hi hetiang ang mihring hi anih ka ringlo mipa tha tak chua nihve ka ring, khangthil thleng kha chu tihpalh vangte pawh ani theia, mahse mipa sual leh thalo chu anih ka ringlo" A tih chuan anu chu bu lauh lauh pah hian "ni e, pathian kutah engkim dah ila atha vek mai ang, pathian hian a thum hnihna atan kan tihsual nawn leh chu aphal ka ring tawhlo" A tih chuan mu turin an room lam ve ve chu an pan ve ta nghal a.


Imm hei zawnghi aw zanin atan chuan Monday zanah lo dah leh ka tum anga mahse ka theih loh chuan in hauh awi loh😁👇👇👇

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » April 11th, 2021, 2:09 pm

Chapter-10

Zing khua alo vara sirva zai mawi tak tak te leh vartian lawm bawhar khuang chiar ri nak nak kara lentu kawl eng paw chiai mai leng vel chuan Khawbung khaw chhung chu nithar duhawm leh nidanga an la hmuh ngai reng rengloh ni eng mawi tak chu a hmuh tir leh a.. Zingzin ar khuan hma hauhva a hun lo awm zel tur lo ngaihtuah thúk em em tu Sawmtei pawh chuan Ar khuang chiah chiah thawm a hriat chuan khua avar tawh ani tih hriain a tho tuah tuah a, anu leh anau thawm reh diakah chuan an la harhlo tih a hria a, thawm dim takin pawnah chuan a chhuak tham tham a.




zing boruak thiang kak mai leh thlasik ni hauh si lova boruak vawt deuh ruih mai chuan a ti harh chiang uar a,van lam athlir a, van boruak zau kuk mai leh a khat tawka chhum in zar pharh iar te chu a tlir vuah vuah a,a nunphung hun in thlak thleng tawh tur te,he khawvela amipa ngainat duhlo ber bula a hun ahmang tawh mai tura ain ngaihtuah chuan a huphurh em em a, mahse anu leh anauin an fuihna tawngkam Ruatpuia hi a duh danin nei tlang se, a naute alo pian hunah engtin nge Ruatpuia laka ngaih ngam tak leh engmah thlenglo ang maia afa anga apawm tir mai theih tehlul ang' chu thil chu alo ngaihtuah ngai lova,thleng lo turin a duh bawk. Ruatpuia tana afa ni miahlo a pawm tur leh mawhphurhna alak tir tur a ngaihtuah chian chuan Ruatpuia tan chuan a diklo a tiin hreawm ati a, mahse a then phal mai bawk silo ani ,rei tak alo nghah tawh a nei mai tawh tura lo suangtuah ruk ngei chu chan leh mai turin a ngaingam ngang silo ani.





Athaw chhuak hawk a. "Engtin nge ni ang " A ti zawi salh a,"engtin nge ka awm tak ang le... Naute.. i pa tur atan hian Ruatpuia hi i pawm mai theilo ami"a ti leh sap a, mahse chhang tu reng aneilo, areh tlawk tlawk a, khua avar chiang tawlh tawlh bawk.. In chhungah a lut a, eirawng te bawlin a rilru hreawmna chu theihnghilh hlen daih aduh ani.a phone ah hla aplay a, arilru chuan lo zawm ve zelin a nu leh anau pawh chuan athawm hria chuan arawn tho chhuak ve a,Sawmtei chuan zangkhai vah chuan "Nu thingpui ka siam ania,in ru aw vawin chu ka feh ve thei tawh ang" A tih chuan anau mahlimi chu ham biai biai pah hian a rawn then sak a"U i dam tha tawh ami? Lo lam hna te chu ngaihtuah lutuk suh dam that hi han chuh phawt mai ila atha"a tih ve nuap nuap chuan Anu pawh chuan alo pawmpui vat a.. "Ni e mate min ngaihtuah lutuk duhsuh,keimah pawn ka thawk thei alawm kan lo azim bawk sia kan hneh dawn lutuk" A lo ti ve leh bawk a.





Sawmtei chuan chhan let leh atum lai tak chuan a phone chu arawn in ring ri ral ral a, Aizawl lama apa (Mapuia pa)alo ni. A pick vat nghal a. Apa chuan an dam that leh that loh te amah Sawmtei chu a in enkawl that leh that loh te thleng chuan arawn zawta , Sawmtei pawh chuan tha taka lo chhang letin Anu nen pawh chuan ain biak tir nghe nghe a, Mahlimi nen pawh an lo in hriat tawh avangin hlim takin an in bia, chutah Mapuia pa chuan Sawmtei hnenah chuan "Sawmte, Msa a te hnen atangin palai kan hmu a, insuihzawm an duhthu leh nangmah rawn be tur chein khawngaih min rawn dil a, kan rawn hrilh nghal che anihhi, kan duhdan chu i hriat tawh kha,mahse keini thu ngawtin kan lo pawm mai thei silo, hetah an lo kal a Msa pa leh an palaia kal tur te an duhdan chuan Msa nen hian innei ngei ula an duh khawp mai" A tih chuan Sawmtei chu a thutna atangin akalsawn dat a.





Apa vek chuan "i rilru lo siam nghet la Palai turin pu Sawma te nen kan rawn kal dawn a, keichu ipa angin ka rawn kal dawn a, min hmai zah angai miahlo ania aw, insuihzawm ngei hi keipawh hian ka duh ani, hetiang kan thleng tawh a, pumkhat innih chuan kawng tamtakah in in phuhruk thei dawn ania" A rawn ti leh a.. Sawmtei chuan chhan mai nachang pawh ahrelo.. Angawi deuh run run a, chutah Anu chuan rawn be supin " loudspeaker-ah dah la"a rawn ti sur sur a.. Sawmtei pawh chuan zamru tak chuan adah ve nghal a. Mapuia pa chuan "Sawmte, a hreawm iti maithei a,min lainat lo pawh iti ru maithei mahse ngun takin i nu nen hian kan ngaihtuah a,Msa hi anaupan tet atanga kan bula seilian ve ani a, ka hrechiang viau asin, i chunga khatiang ati mai thei te kha amak ka la tireng zep miahlo chuan.. Mahse khawvel ani miau a, mihring ve mai ani a,a rilru no lai taka sual a hneh loh naah ngaih sak hram tum rawh, heihi chiang takin ka tiam ngam che Msa hi inei anh chuan i in chhir ngai lovang a tir kum hnih thum chu ahreawm maithei mahse mipa rintlak leh ngial nghet tak ani a, ka chhuang ve viau asin"a rawn tih chuan Sawmtei mawng chu aza zar thei a, Anu leh Mahlimi pawh chu an lo tangru nasa viau bawk.





Sawmtei in achhan mai loh avang chuan Anu zawk chu atawng vat a "chutiang anih chuan atha alawm keini pawn tha kan ti ve a, nizanah pawh kan lo sawi nasa khawp mai, matei ber hi a inrin hun kan nghak ani, nawr luih kan duhlo ani" A tih chuan Mapuia pa chuan a hrethiam viau nghala "awle a dika lawm nupui pasal inneihna kawngah hi chuan in nawrluih lohhi afuh ber mi pahnih hian inpawm tlang se rilru dam takin kan sawirem tlang tawh mai ang" A tih chuan Sawmtei chu tawng chhuak ve in a in hmer ruh ngur ngur a, "awle pa keiai tawn hriat lo ngah tawh te inni a engkimah keimah aia puitling vek ini bawk nangni in tha in tih apiang chu ka tan chuan atha vek ang, ka pawm vek e, Msa chu ka nei ngei ang" A ti ve ta a, Chutah mahlimi leh anu chu hlima nur khi vur vurin an lo in kuah chhawn chhawn a, chutiang bawkin Mapuia pa pawh chu arawn phul hlut nghal a..




A nupui leh stephena te unau chu au va koh vak vakin Sawmtei'n a remtih thu chu a tlangau pui ta chiam mai a. Sawmtei pawh chu then vel sakin chutianga an hlim chu a hlimpui ve mai a, Stephena chuan hlim aw tak hian "O Sawmte lo haw tawh rawh ka ngai tawh che ania, " A rawn ti hluai a, Sawmtei pawh chu nuiri hakin "naua ka lo zin leh vat dawn alawm" A tih chuan Stephena chu anui vur vur nghal a,chhawngkaw pahnih chu an ri hlut a, an lawmna chuan van atawng lo chauh ani, Mahse Sawmtei tan erawh a zangkhai vak phah chuang derlo. Tihlan loh mai chu athiam tawk ani,chhun lamah chuan a nu in awm tura atih tlat avangin nuamlo ti takin inah chuan ain khung a, awm mai mai aiah tiin thawmhnaw bal thenkhat te chu a su mai mai a,chutih lai chuan Ruatpuia chu rawn lang thutin Sawmtei bathrooma awm ri rak rak lam chu a pan hnai vat a, "Sawmte "a tih chuan Sawmtei chu huh hnianga rawn hawi vutin Ruatpuia ahmu thut chu ameng deuh zawk a..




Rang taka ding chhuakin anuih sak a" Engtikah nge ilo thlen a"a tih chuan Ruatpuia chu anui vur vur a, "nizan dar 12 velah khan ka lo thleng a, rawn thawn thut che ka duh avangin ka rawn hrilh hmasa duhlo che a" A tih chuan Sawmtei chu asa vel hat a, anuisen sen mai a.. "Hei ka lo in su laklawh lutuk a, irawn tluang em? " Tiin thingpui chu alum sak nghal a, Ruatpuia pawh chu dawhkan kilin athu thla a.. "Imm tluang ani mai, ka ngai lutuk che a, ka cham thei tawh lo ani" A tih chuan Sawmtei chu anui mai a, Msa nen an chungchang vel chu a hre zawm tawhlo chiang khawp mai. An titi dun a, Ruatpuia chuan Sawmtei kut chu a khalh sak niap niap bawk..




Chutah Ruatpuia chuan thi (silver)rawng leh a to tih hriat taka Silvera luan bawk chu arawn lek chhuak a, "ka lo hawn che a, iduh zawng ka hre si lova" A tih chuan Sawmtei chuan nui ver verin "angailo asin, engmah min lo hawnsuh ka tih che kha"a tih chuan Ruatpuia chu arum deuh nghut a, " Keiman ka duh alawm ka lo awrh tir ang che"tih leh din chhuah arual a, a awrh tirnghal a. Sawmtei chuan a hmangaih pa hnen atanga athi dawn chu khalh niap niapin a nui ver ver reng a.. Ruatpuia chuan hnaih leh zual sauhvin "sawmte engtik nge ka tan hian i hman theih ang pumkhata in siam hi ka duh tawh viau ania" A tih chuan Sawmtei chu a hlimna atang chuan a zawl riah riah mai a, engtinnge a hrilh theih tehlul ang tih mawlh mai chu a ngaihtuah ani.





Ruatpuia bawk chuan "tinge min nei duhlo ami Sawmte , ka tilui lo ang che a rilru min hlan ve theilo tur hi a kum tel nghah chu ka ngam tawhlo" A ti lawi sap a, Sawmtei chu akun reng ringawt mai ani. "Khawngaih takin Sawmte ka hmangaihna che hi infiam nan min hman sak lo hram rawh" A tih chuan Sawmtei chu hreawmna leh natna zawng zawng pai ang maia rawn meng chhuak ve hramin Ruatpuia chu a melh a.. "Ruatpui keipawn ka hmangaih che alawm, mahse khuanu hian kan in zawm hi aremti lo ani ngei ang, rilru mumal pawh pu thei lovin min awm tir a, tun hun nilo nakin hun thleng ka ngaihtuah hian ka ti hreawm theilo che, chuvangin hetah hian tawp mai ang imm... Msa hi ka nei dawn ani" A tih chuana ding chhuak hluai a, hnungchhawn nghalin amittui chu ahru ru nghal mawlh mawlh maia.





In humruh tuna Ruatpuia ngawi ngul lam a en chuan zawi sap hian "Ruatpui tunhi atawpna ni rawhse aw , ka tan pawh a awlsam biklo ania, Mahse ka tilo theilo ani," A ti lawi rat a... Ruatpuia chu rawn thaw hakin a rawn ding hluaia.. "Sawmte min lo hmangaih ngai ve reng reng em, nge ka thinlunghi in fiam nan ilo hmang zawk "a tihchuan Sawmtei chu aip deuh chawi a, chutianga a rilru a awm thei chu amah vang ani tih a hriatchian em avang chuan a zak em em ani." Eng vang nge a tawpah hetiang hi ka chan ziah bik le.. Ka naupan lai atang tawhin i lakah hi chuan ka tlatlum ngailo hrim hrim tiraw, ka rilru anat hlauvin min lo kawm nel mai aniin ka hre ta,ka haw lo che mahse min tina takzet ani.. I hlimna tura i duhthlanna kawngah chuan kal ta che,dang tur che ka ni hleinem.. "Tiin a chawl dat a,





Thawk la leh kawkin "ka thutiam ah ngei ka tawlhthlu anihhi, ka neih loh che chuan tuman an nei lovang che ka lo ti a, mahse Pathianin ka chan che alo phallo ani ngei ang, i hlimna turah chuan i kal ngei dawn nia, kalo tihbuai thinna ah che min ngaidam mawlh teh" Tiin ngawi rengin achhuak ta zal zal a. Sawmtei chu a zawi thla hnawk a, athu hriat tin te mai chu abengah chuan a ri nawn tluk tluk a, atahin a sawt silo, awmdan tur pawh hrelo chuan a vei tawn chhen mai ani.. Rilru khingbai em em a a thut ngawih kar lai chuan a phone chu a rawn ri ral ral a.. A en chuan number lawng chauh anih avangin pickup duh lovin a silent ta daih a, mahse a rawn tih leh tho avangin a pawimawh turah angaia apickup ve mai a..





A àw lawi zet leh dik chiah lo chu ahriatloh hram beiseina nen "Hello tu nge aw? 'A ti sapa,lehlam aw chu ngawi deuh vung vungin " Keimah"a rawn ti vawt ruiha, Msa àw ani tih a lo hrethiam nghal vat bawk.. A meng kang deuh zawk a, Msa chuan fiah em em chuan "i tha em? Arawn tih chuan Sawmtei chu a thaw halh a.. A àw chu pangai taka achhuah theih nan athian kharha . '" Ka tha , eng vangin nge min lo call a" A tih chuan Msa chu angawi deuh ngul a. Chutahin thla hrun hmel tak si chuam a rawn chhang let a.. "I àw adiklo em a ka zawt mai mai che, ibuai em ka rawn tibuai che em? " A rawn tih leh chuan Sawmtei chu rum ngut ringawt a. "Enge i sawi duh" A tih chuan Msa chu a in thlahrung tawh viau ani.




Zawite chuan "awle anih leh eng vangin nge min neih i duh? " A tih halh a,chu zawhna avang chuan Sawmtei chu za lo zeta then sukin a chil a lem khalh a, "nangle.keipawh eng vanga min neih duh nge inih, tinge kan hmangaih.. " A tawp dat a,a chhan erawh atah mai dawn avang ani. Msa pawh a ngawi reng a, asawi tur chu angaihruat thiam mai biklo nan, hmangaih* chungchang ani tih erawh ahai lo nasa mai.. A ngaichang reng a, Sawmtei lah heh pet fan fanin a mittui a dangru fan fan a.. Chutah tap àw tuau leh insum fan fan pah chuan ""Min hmangaih loh kha? " A ti lawi rat a.. Msa pawn chhan mai na chang ahrelo..




Engmah arilru-ah a awm lova , eng thilmah thuk takin angaihtuah theilo.Sawmtei chu atap ani tih ahria a, hnem pawh aduh mahse a thei lova, angamlo ani. Second reilo te an ngawih leh hnu chuan Msa chu tawng chhuakin "Sawmte,mi zawng zawng tan hian hlimna hi alo pe vek lo anih dawnhi tiraw kan pathian hian.. Mahse keichu ka hlim lutuk asin, achhan chu maw kan fa lo piang tur nena kan in then hranglo tur hi ka ngaihtuah apiang hian ka lawm thar leh mai thin.. Chuti lova ka thinlung lam ngawt ka ngaihtuah chuan ka lungawi thei bik hauhlo, mahse kei chuan kan naute kha ka kut ngeiah hian piangse ka duh ani""a tih chuan Sawmtei chuan rang zetin apum chua dawm vat a.. Engmah angaihtuah lem lo..





Msa vek chuan "in enkawl tha rawh aw, keichu min hua pawh ni la, apawilo mahse pawisawi lo kan naute vang tal khan min hmelma en lo hram rawh aw"* a tih chuan Sawmtei chu arum hrat a. "" Ka buai deuhva ka dah dawn aw"a tih lawi rat chuan Msa chu rawn tawng vatin "lawkin Sawmte in enkawl tha viau rawh aw" A rawn tih chuan Sawmtei chu a tawp dat a,chhang tawh lemlo chuan a phone chu acut zui ta ani.Ni a ral det det a,Ruatpuia pawh a reh hian areh tlawk tlawk mai ani... Msa leh Sawmtei pawh an in be tawh ngai lova,kha mi ni an in biak hnu hnun ber zan atang khan an reh hmak mai ani.. Palai an rawn thlen dawn avangin mahlimi chu thlai hring leh thil dang dang lei turin achuak a, Sawmtei erawh in lamah ache ve thunga..





Apum pawh a puar ve iai tawh a, mahse ala lang nasa lutuk lo, dulkiar ang deuh mai mai hian alang che che a,a in hmeh reuh zek bawk.. Zandar 6 velah chuan Msa ten an palai atana pu Sawma te an rawn tirh chu an rawn thleng ve thei a.. Sawmtei te inah chuan tlang lut nghalin Mapuia pa pawh a rawn tel nghe nghe a. sawmtei te nufa thum chuan lo chhawn vatin lawm takin an lo thleng a.. An hahdam deuh maw tih hnuah pu Sawma chu ding chhuakin thiam tak chuan thupha chawi na atanga tanin Sawmtei chu mo atana an duh zia leh fanu ang tak taka an en tur zia te Msa pa te ngei pawn hlawhcham lo hram tura an duhzia te chu thiam takin a sawi a, atawngkam thiam zia chu chu pui tak ani.





Chutah Pu sawma chuan Sawmtei hnenah chuan "sawmte, kan fapa thil tihsual kha chu engmah hian athleng thei tawh dawn lova, mahse heihi ka tiam duh che lungngaihna i tawh ka phal ngai lovang... Chuvangin i ka atang ngeia i remtihna tawngkam hi hriat kan duh ani, kan rawn thlen hma khan hei ipa (mapuia pa)hian alo sawi nial nual tawh a, mahse kan ngaih angam zawk nan leh rilru hahdam taka kan haw leh theih nan i tawng ka ngei hriat kan duh ani" A tih chuan Sawmtei chu anau chuan a vuan dat a.. Sawmtei pawh chu zam taka rawn hawi chhuakin alu abu salh a.. ""Ka pawm vek e, Msa chu ka nei ang" A rawn tih chuan pu Sawma chu a thaw deuh hluaia chutiang bawkin a chhungte leh Mapuia pa ngei pawh chu an ni.. Tichuan inneihni tur vel te chu rel thluk nghal law law arem em avang chuan an rel zawm nghal a.. Aizawl atang Khawbung kar tawn reng chu a hahthlak em vang ani.




Sawmtei Nu chu rawn ding chhuakin "hei ka fanu in hnenah ka kaltir dawn si a, chuvangin thlaleh ni 4 khi nise ka duh ani apa piancham ni ani bawka, apa thlarau pawh a hlim ngei ang" A rawn tih chuan Mapuia pa pawh chu rawn ding vutin "nie kha nu berin aduh dan arawn sawi tawha , keipawh hian ka dil duh cheu ani ni 4 chu ni thei ngei se ka duh ani" A rawn ti ve leh a. Pu sawma bawk chu rawn ding chhuak nghalin "a tha e a va lawmawm dawn em hei tun thla hi ni 21 ani tawh a, in buatsaih char char angai dawn tihna anih chu, he thu lawmawm hi Msa'n ahriat chuan alawm viau ang" Tiin anui khi vur vur nghal a. Sawmtei chuan arilru chuan "awi awm loh lutuk emai" Alo ti ru vawng vawng ve bawk a..




Titi thulengah lut kaiin Khawbung khaw chanchin te an sawi kai zela an in khawm thei phian bawk. Pu sawma chu lehkha thiam leh mite biangbiak thiam tak mifing val ngat anih avangin Sawmtei pawh chu abe nui thei ta hial a,Sawmtei lah mi tawng duh mi ani kan tih tawh kha ama tawkin a tawng leh siam siam tawh , pu sawma chu kawm a nuamin a rilru azau ati em em bawk. Zandar 9:30 velah chuan Pu Sawma te chu a Causin te in lam pan chuan an chhuak ta a, Mapuia pa erawh Sawmtei te inah chuana riak ve mai a.. Pu Sawma te an haw hnu chuan Sawmtei chu Apa chuan biain thu tamtak asawipui a,a naute lo piang mai tur tana puitling taka a awm angaihzia te leh rilru hah miah lova awm a ngaihzia chu a chah mawlh mawlh a, mu turin an in mangtha zawm ve nghal bawk.





A tukah chuan Pu sawma te chu an haw thla leh nghal a, mapuia pa erawhin a la cham pui ve thung, lo lamah te puiin a thiam ang ang chuan an hna chua khawihpui ve thin a, an tangkai pui viau bawk.. Chhun ni ralin Man in hlan zan atana an lo ruahmanna pawh alo thleng leh dawn ta mai a, Mipa lam atanga rawn kal nual tur an awm dawn avangin Mahlimi pawh school chawl in In lamah a che a, Anu leh mapuia pa chuan an thiam na ang angah an pui bawm ve bawk. Manin hlan zawh tukah Aizawl lama in hruai thlak tur anih tawh dawn avangin tu mai pawh chu an buai cheng tawh mai a, hmeichhe lam unaute pawh an in au khawm chak viau bawk.. Sawmtei chu engmah atih ve an phal lova, kohhran lama ahna thawhpui leh YMA lama athawhpuite chuan an buaipui hnehin kawng engkimah an phuhruk hneh viau bawk.





Msa te chu zandar 6 leh tlemah chuan rawn thlengin chu khaw boruak arawn hip leh chu ain ring ngailo kha ania, mahse tuman hma hun kan hriat lohzia ti fiah tu ani ve bawk.. Lo chibai liam liamin hmeichhe lam tan chuan an vawi khat hmuhna tur ani a, an rinai tak an hmuh that zel avang chuan an phur hlawm viau bawk. Msa pawh chuan tha tak taka chang ve zelin an hmelhriat tir apiang chu a chibai kual zela, hmel hlim tak apu reng bawk.. Chutah Sawmtei te inchhung a rawn luh chuan mi an tamin a awm deuh zawng zawng chuan an lo chibai nawk nawk a. Chutiang karah chuan Sawmtei leh a thiante chu roomah awmin Sawmtei chu an chei vel luam a.. A thian zinga pakhat chu rawn tlan lut thutin "lo kal vat ru Msa saw ahmeltha lutuk"a rawn tih chuan Sawmtei tihloh hmeichhe awm zawng zawg chu thlawk chhuak nghalin a reh nghal thiap a.





Msa hmuh chu an chak hle ni tur ani.. Nakin deuhah chuan mahlimi chuan rawn kohvin lo chhuak turin a hrilh a.. Sawmtei pawh chuan boruak hip luta thaw deuh kawkin a chhuak phei ve ta nghal a.. Thutkhawmna a Msa a hmuh rual chuan a ka ho thei.. A bal paw in a samte chu aleivuta phul ang velhi ani, mahse a hairstyle mawina chu a thupbo chuang der silo.. Msa pawh chuan rawn melh zeuhvin a tawnglai chua tawp data , chutah amit chu la thla riai riaiin sawmtei pum zawnah tak chuan atawp data , tlema apum puar ve tan ahmuh chuan a khi deuh suk thei nia male!!
Msa chu rawn ding chhuakin Sawmtei lam chu arawn pan hnai a... Zawi sap hian"" Aa i tha maw"tih leh akut chu vawn theih turin a phar chhuak a, Sawmtei pawh chuan lo vuan let vatin duhloh chi anih lohzia ahre chianga, amualphona siam aduhlo ani.






Bakah an thiante chuan an din hual deuh tup bawk nen an then thaw hlawm bawk si chuan Sawmtei pawh chu pangai takin a awmtir hram hram a.An hmuha in ngeihlo taka lan aduh biklo "Iva paw ve ti em em nge a" Tiin Msa lu leh jacket hnunglam vel chu athlek a.. A chhang dawn chiah tihah Mapuia pawh rawn lang nghal vatin "hei ka nau nibawk ka thian nibawk tur te ilo va in phum rei thei ve a, eheu i pum chu. " Rawn ti hluaiin Sawmtei chu arawn kai sawn nghal nawk nawk a.. Chutah Sawmtei beng bulah chuan zawite hian "ka fel iti em,? A bula awm kha nuamlo itih ka ring deuhva" A tih ruk sur sur chuan Msa lam chu a hawi vuai a, Msa'n alo en reng avang erawh chuan ahawilet vat nghal a."u mapui ti em em nge in va paw em em ve a? "A tih chuan mapuia chu chek tlak tlak nghalin " Aa ngaihna a awm lo, in khaw kawng siam hi e akhu mah mah ani, apawt loh theihloh, mahse kan phur tlang hlawma kawng khu mai mai chu kan tuar tlang mai"a tih chuan Sawmtei pawh chu anui ve suk a..





"I over e mai a, i chau viau em? " A tih leh chuan Mapuia chu ham vuai vuaiin "imm chau ve e, athui zia i hriat kha" A ti a, man hlan tan ahun avangin Sawmtei leh Msa chu an thu dun a, an bulah mo neitu thian tur leh monu thiantur an thu ve bawk.. Msa leh Sawmtei chu an sem kual tir a, thingpui thlum leh chhang te an in hlui hnu chuan innei an la nihloh avangin Msa te tan Sawmtei te ina riah ngawt chi ani silo, an khaw VCP chuan lo mikhualin an riak ta ani. Zingah chuan hma takah Aizawl lam pan turin an tho sap sap a, Mahlimi leh Sawmtei pawh an phar kual nasa viau bawk.. Tukthuan ei lovin dar 6 velah chuan an chhuak a, Lungdara ei mai tura an tih vang ani.. Car pakhatah Sawmtei leh Msa chu an chuan dun tir a, a driver tihloh chu midang chuangve an awm lo..





Sawmtei lah motor rui thin alo ni bawk nen, abula a mi nelloh ber mai a awm ve runna chuan ati zam viau bawk.. Lungdar an thlen thleng chuan a la ruilo tluang ve zela , mahse chaw an han ei a, kawngtha chinah an han tlan chak chiah chuan a pum ati no nghulh mai a, a uak ta tuar tuar mai ani.. Msa chuan mapuia hnen atangin motor a ruih nasat theihzia a hria a, ataksa a vun hial thin thu leh a rawl vek avanga hmeh angaih thin thu a sawi chu alo la hre reng a, Sawmtei chu hnaih hrutin a hnungah chuan achul sak a.. Tui bottle chu banin ain turin a hawnsak te te a.. Sawmtei pawh chuan nelloh lam angaihtuah thei tawhlo, amotor rui hreawm ti lutuk chu awm ngaihna reng ahrelo..




Reilo te muhil thin mahse a rawn harh rualin a luak leh tuar tuar thin a, Msa rilru tihah ber tu chu a luak nasat lutuk avanga apum ruak vek tur leh an naute tana apawi a hlauh em avang chuan an inkara bang in ding úr pel chuan Sawmtei chu a buaipui a, achangin a pumah adawm sak thul a changin a darah amuttir a, mahse rui awmdan chu in hriatthiam mai ka ring. Serchhip an thlen a, chawlh an rawt avangin rei lo te an chawl a, mahse Sawmtei chu amuttui em avang chuan Msa chuan akaitho duh ta lova, ngawi rengin adar ngheng chial tu chu a thlir reng ringawt mai ani.Mahlimi leh mapuia chu an rawn kal hnai a, mahse Msa'n bengchheng lo tura alo signal avangin an kalsawn lehta nghal a..




Chutah Sawmtei chu rawn che hrutin Msa pumah chuan a rawn kuah chial a, chutianga arawn che hrut chu Msa thawk ati rang khawp mai, athaw tha ngamlo hial ani. Sawmtei erawh amuttui ngaiin ala mutui a, athaw ri sek sek,a thla amuang tih ahriatna chuan Msa chu ati khi suk thei a.. Chutah Sawmtei chu rawn tawng ri sapin "" Nu ka taksa hi akham lutuk min lo hmet teh"tih leh Msa kut chu la in a mal chungah chuan adah a, Msa chu atimin, tih lawk nachang pawh ahrelo.. Mahse Sawmtei a rawn rum deuh ngher ngher chuan a hmeh sak biap niap nghal a.. Kal an tih leh avang chuan an tlan chhuak leh nghal a, chutah Sawmtei chu rawn mu thla in Msa mal chungah chuan a rawn muhil sek sek lehnghal a. Msa pawh chuan chutia amuhil thei chu alo lawm ru ve em em ani.





Aizawlan thlen chuan dar 7 vellai alo ni tawh a, Mipa lam pawhin an lo hmuak tha khawp mai.. Sawmtei pawh a mutna avanga sam hnawk niai chuan a chhuak harha , Mapuia te in ah an lo hmuah avangin a lut tlang ve nghal mai a. Zan arei tawh em avang chuan an in then darh sang sang hlawm a, anaktuk tuk a in nei mai tur an nih tawh avangin leh an haw kawnga an chauh em avang chuan Msa pawh chu an in lamah haw in a muhil nghal bawrh bawrh mai ani. Chutiang bawkin Sawmtei pawh a chauh em avang chuan Stephena nen pawh inkawm rei peih lovin amuhil zawmve ta nghal a..




👰🤵
Inneihni a rawn in her chhuah chuan nidang zawng aiin ni eng te chu an amawi bik hian ahriat a, Monu cheia chiar niak niak thawm pawh atha ngang mai. Chutiang bawkin moneitu lam pawh an phur tlang tawh hlawm viau a, Msa chu an chei ve mawlh mawlh bawk. Sawmtei chu a dul a lan ve deuh tawh avangin a kawr hak tur chu a thiante chuan tlema puk deuh leh changkang ru em em mai tur hmel hmai chei vak ngailo tura lantir thei tu tur chu an thlan sak a, chu kawr mawi zet mai chu sawmtei pawh chuan a thlir duah duah mai ani. Dar sawma hunserh tan tur anih avangin dar 9:30 ah chuam Dawrpui biakin lam panin an in khalh chhuak a.. Biakin chhungah chuan Msa chuan lo nghak ran tawhin Sawmtei pawh chu alut ve ta nghal a.

FB_IMG_1608203955395.jpg


Msa chuan Sawmtei ahmu chu a meng deuh zawk a, athawmhnaw hak zawng zawng nen chuan an mawi vel vek hian ahre mai ani.. Hunserh tanin thu tiam chhamna an nei a, Pastorin malsawmin pumkhat an nihna nemnghet nan Zungbun chuan a suih zawm a, hming sign na in a zawm leh nghal bawk a.. Hunserh azawh chuan thlalakna hun te an nei a, rinai tak mipui an tam avangin Sawmtei pawh a zam ru viau mai a. Mahse zam anga lan erawh atum miahlo thung. Chhungte an neih deuh thluah avang leh thlalakpui duh an awm nuk avangin hun an awh rei phian a.. Chuti chuan inneih programme chu an hmang zo ve thei ta ani. Msa te in lam pana an chuan dun lai chuan Certificate a thu inziak chu sawmtei chuan a en a.. "Mo Neitu Malsawmkim" Tih chuang kuau chu ahmu hmasa ber a, thudang chhiar leh turin amit ala sawn thei tawhlo.





Msa te in an thlen chuan lawichal chuan hma ahruai a, chutiang zelin Sawmte te pawh chu an lut zui ta nghal a.. Msa te in lamah pawh lawmpuina pek programme hnuhnung chuan a zawm a,an hlim tlang viau bawk.. A thenin akhat tawkin Msa te nupa chu an fiam leh thin a, Sawmtei pawh tumloh deuhva a nuih thut chang atam viau bawk.. An boruak ri niai niai chuan an hlim zia a entir a, Sawmtei nu pawh abang biklo, ahmelah a lawm hle tih a hriat a, Msa chhungte phei chu sawi loha leng an ni.Msa leh Sawmtei pawh thu tlang an nih avangin in biak loh reng chu a theih bik si lova, akhat tawkin an in be leh zeuh thin a, nupain hmeh tak anni tih chu mi zawng zawng sawidan leh hmuhdan vek ani.





Chutah Mapuia chuan an lawmpuina thenkhat chu lo dahfel zung zungin Msa chu akheuh zeuhva Msa chuan en vat nghalin Mapuia chuan "hei enteh" Tih leh Ciatation pakhata thu inziak "Mo Neitu Malsawmkima" Tih chiang em ema in ziak chua hmuh tir a, Msa pawh chuana dangdai atiin a mawi a tiru viau bawk, Malsawmkima tih tawp lova, chutianga an ziak chu a mawi danglam ve hrim hrim ani.Nui vur vurin Citation Mapuia ken chu a en chiang a, Khawbung Branch YMA ho hlan ani nghe nghe.. "A mawi hle mai" A ti chuak hluai a, akhi vur vur mai ani.


I click rual leh dial dial ang aw👇

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » April 11th, 2021, 2:09 pm

Chapter-11🌸🌸


Programme a zo va,tlai lamah chuan ruai tui hnai tak mipa lam chuan an buatsaih bawka, tlai leh puar takin an ei hlawm a, Sawmtei erawh a hah deuh em avang chuan Msa room an nupa room ni tawh turah chuan hahdam turin alut thung a,a rin ai mipa room atan chuana zau a tiin a thianghlim ati em em a, ding rengin ahawi kual vual vual a, chutah kawngkhar chu arawn ri rak a, Msa emaw ani tiin alo in sangruh tún a, alehhawi chuan Ruatpuia nen chuan chiang em em maiin an in hmachhawn a, Ruatpuia mitmeng sen rum leh landanah chuan a harh fim zanlo tih chu a lang chiang em em bawk.





Sawmtei chuan biak mai ahan tuma mahse a tawng chhuak mai theilo, enge asawi chuan ang.. Engpawh sawise Ruatpuia tan chuan hliama chi pul ang vel ani vek dawn si ani.. Chutia an in melh tawn ngar ngar lai chuan Ruatpuia chu a rawn tawng chhuak a, "" Khawvela monu leh nupui nalh ber ini hial ang, i mawi takzet ani.. Mahse... "Tiin angawi dat a,hnuai lam abih san ta daih a, Sawmtei pawh chuan chhang let chuanglo chuan a ngaichang reng a, engtia Ruatpuia chu lo lang thut nge anih tih chu angaihtuah a, a chhan pawh an khua an chhuahsan khan a rawn kalve loh vang te pawh ani ngei ang.





Sawmtei chuan boruak hip lut deuh kawka Ruatpuia chu en in " Ruatpui hetah engtin nge ilo kal theih a? "A tih chuan Ruatpuia chu a rawn hawi chhuak a, amittui tling piau kar atang chuan in sut ri hrawkin " Nimin khan ka lo kal alawm, ka in dang theilo ani, "a tih let chuan Sawmtei chu a thaw deuh halh a.. Sawileh mai tur ahriat loh em vang ani. Ruatpuia chuan muang changa rawn pan hnai pahin muang fan raih chuan " Ka rawn tihbuai che chuan ka tihpalh lutuk, Sawmte a tawp nan tak tak ka kuah thei ang che angem? "A ti zawi ruih a, aàw ah chuan a ngen ngawl zia a lang chhuak bawk. Sawmtei chuan achhang mai lova, hnial pawh atum chuanglo, mahse mi nupui anih tawh naah chuan atim ru deuh tlat bawk si..





Amaherawhchu hmangaih ber te chu engmah hian a ti danglam lo ni ngei tur ani.. Ruatpuia chuan a rawn kuah chial a, Sawmtei chu lo tan atum lo, second 10 vel a kuah hnu chuan Ruatpuia pawh chu in la hrangin engmah sawilo chuan achhuak zuita nghal a. Kawngkhar ahawn chiaha Msa lo ding kur erawh chuan Sawmtei leh Ruatpuia chu a ti tim deuh zawk a.. Mahse Msa chuan Sawmtei zawk chu a melh deuh ngur avangin Ruatpuia chu akalsawn ve ta mai a. A kalsawn hnu chuan Msa pawh chu lut tlang vutin Sawmtei hmaah chuan ading ran a. Sawmtei pawh chuan zam lo ang taka lo lan tumin a lo melh let kiau bawk. Msa chu zawi sapa rawn tawng chhuakin "" I hmangaih nen ka then hrang che a, min ngaidam dawn nia,"a rawn tih chuan Samwtei chu phawk zetin ameng zua deuh kawk nghal a.





Msa bawk chuan "" I duh chuan nitin pawh i hmu thei ang, ka dang lo che ania, kan naute avanga in zawm mai kan ni a, inthlahrun leh min zah angailo ania aw, zanin chu sofa ah hian ka mu mai ang, nang khumah hian mu la, apawi iti em"a tih chuan Sawmtei chu alu thingin Msa hnenah chuan "" Remremi alo kal ve em? "A ti let sap a, Msa chu ameng deuh zak bawk.then saka Sawmtei chu hnaih hratin "" Hmeichhe à ani lova anatna thlenna turah akallo anih ngei dawn hi, enga ting e min zawh a? "A tih chuan Sawmtei chuan chhan let dan tur mai chu a baihvai leh ta viau a, aàng zuai zuai mai ani.. Chutih lai chuan a thiana tana ahman Lawmtei leh Mapuia chu an rawn lang zat a, Sawmteite lo awm reng an hmuh chuan lai zetin an then khum thaw ringawt a..





Mapuia zawk chu tawng chhuak hmasa in "" In thlak kan tum a,coat nena awm reng chu a ipik e mai dress pangai deuha in thlak kan tum a, hei chaw hlui kilho pawh an tin tan tawh ,kan monu hmeltha te an lam an lam mai che ania, zan lamah hun thlawl chu in nghah lutuk alawm, tiraw Lawmte'"a tih chuan Lawmtei chu alo bu vat a, Mapuia chu rawn tawng zawm lehin "" A reng rengin nangni pahnih hi in ngailo leh in thlahlel miahlo angin in awm a, inthinglung erawh a in pumkhat chiang viauin ka hria"a tih chuan Sawmtei chu alaiin a sa leh vek tawh Lawmtei pawh chu rawn tawng vatin "nia, monu leh moneitu lo in khung bo daih chu a chi vakloh aw zan lamah in khek dawn nia hun tam tawk kan pe thiamve tho cheu lawm" Tia arawn nuih ar ar chuan Swmtei pawh chu lai zetin a nui suka Msa pawh chu a chelai ve dat tih a hawi kual dan leh a lu thaklo pui ahiah leh thina vang chuan a hriat em em bawk.





Lawmtei vek chu rawn tawng chhuak lehin "sawm, inthlak ve ila, nuam iti zawk ang" Tia Sawmtei lam arawn pan hnai chuan Msa chu lo awmsawn vatin Mapuia ding sawi em em chu akai chhuak ve nghal a.. Mapuia chuan "hey fimkhur rawh min hnuk tlu ange" A tih chuan msa chuan thlah ve vutin a thaw hak a.. Mapuia chu khi vur vura Msa melh zeuh zeuh pah chuan "eee sawtah khan thil thleng a awm ani maw.. I zam tih i hmelah alang chhuak vek ania, enge thleng reng reng a" Tia a hnaih hrut hrut chuan Msa chuan lo melh let hrawkin "" I ho mai mai, Ruatpuia ka hmu a, alo kal ve asin"a tih chuan mapuia nuilai pawh chu a reh tial tial a, Msa bawk chuan "ilo hmu ve em? " A tih chuan Mapuia chu ner suka alu thingin a hawikual vual a.. "I hmu sual ani lo maw" Tia Mapuia'n a zawh chuan Msa chu rum deuh nghuta ner súngin "ka chiang tawk khawp mai" A ti hmuk a, Sawmtei nen a hmuh tlan thu erawh sawi a tum lem lo..





Mapuia chuan rawn chhang let ve nghalin "alo kal ve te pawh ani ang,lo kal rawh in thlak ve ang" Tiin room hranah chuan an lut tlang ta nghal a. Zan lamah pawh inleng neuh neuh an neih avangin han mutsan ngawt lah thil ni thei ani silo, present hawnna te neiin hlim takin hun an hmanga, Sawmtei pawh a nui ve sen sen thin a, Chutiang bawkin Msa pawh chu a rawn nuiri ve hak hak thin.. Zandar 11 pelh hnu deuhah chuan an haw darh ve tan a, Inleng an haw darh hnu chuan thawm chu areh hian a reh thiap tawh a, chu in lian ve pangai takah chuan mi pali chauh an awm tawh mai si ani. Sawmtei chu khumah thuin a phone chu akhalh niap niap a,angaihtuahna erawh batrooma Msa in bual thawmin aluah khat veng thungsi, aphone en pawh atui thei lova, khuma mu tur anih avangin in siam remin a muthla nghal a.





Msa rawn chhuah hma ngeia muthilh hman chu aduh ani. Msa pawh chu rei tawk fang a in bual hnu chuan thawm dim tak pahsi chuan achhuak phei a, a room chhunga rawn awm ve tawh nula... a hmasial vang ni hauh si lova akhum luahlan tu lam chu thlir vung vungin Sawmtei chu a en reng a. Alo muhil chu a lawm ruk rualin lo la men puise tih erawh a rilru peng khat chuan achak ru ve zuk tho. Rilru dam takin a thawmhnaw hak tur chu la chhuakin ain bel a. Sofa-ah chuan amu thla ve ta nghal a. Room chhung light abikin khum chung light chu Sawmtei chuan a off vek avangin a hmel chiang takin alang thei lova, bathlar lam dim light chiah chu chu room enna pe tu chu a ni.





A kut lian tak mai luhkhamin vawin lama an inneihna vel chu asuangtuah kir a, mokawr nalh em em mai nena Sawmtei rawn lan lai te, hmaikawr lem(makeup) vuah hranpa pawh ngai lova , amawina bo phah chuang silo lai te chu a mitthla kir let a.. Khum lam tui taka Sawmtei muthilhna lam chu a thlek leh zeuh zeuh thin bawk,vwin ni anga a hmuh that kha a hre ngailo.. Zanlai 12:30 velah chuan muttumin ain her a, a phone-ah messege a rawn lut zat bawk.. Enge maw angaihtuah ni turni a open chuan Ruatpuia hnen atangin alo ni reng a, atho kang zawk thei.. *in in pawnah ka awm, biak che ka duh*tih mai te chu alo ni reng a, Msa chu che phutin tukverh lamah chuan a phei a, parda phen atanga kawngpui lam a melh thlak chuan Ruatpuia ni ngeitur an in panna stepa thu kun reng chu azu hmu thei a, chhuahloh maite a duh rum rum a, mahsea sawitur chua hriat ve duh avangin thawm dim takin a chhuak phei ta nghal ani.





Pawnah chuan Ruatpuia chu kun ngur hian alo awm a. Msa chuan a dara khawih sakin "Ruatpui enge ni? '" Tiin amelh thla reng a, Ruatpuia pawh chu in siam tha vatin a ding chhuak ve nghal a, Msa chuan Ruatpuia landan atang chuan Sawmtei aneihsak avanga anatzia a hmuh thiampui ru viau bawk a, nuamlo ti takin Ruatpuia tawng tur chu angaichang renga Ruatpuia chu muang fan raih hian "" Ka hmangaih hi i kutah hian ka pe mai theilo che, inin kar tih chhiat erawh ka tum lo, hetah hian eng vanga rawn kal nge ka nih pawh ka hrelo, keimah ka in ti mualpho tih pawh ka hria mahse.. Ka in sum theilo ani, zu hmangin hmachhawn ka tuma mahse ka harh tawlh tawlh mai si ani"a tih chuan Msa chu nuamlo ti takin angawi reng a.




Engmah sawive tur reng ahrelo ani. Ruatpuia bawk chuan "iti na anih chuan i hnen atang hian ka laksak nghal ang che, ka nunna ani a, tina ngaisuh ang che ilo hriat atan Sawmtei hi rilru tha leh mite pawisawi hlau tak .. Miten engtiang pawhin sawi thin mahse a dawh mawl tawp thin... À lutuk.. A hmangaihte tan erawh in pe zo leh em em thung si ani" A tih chuan Msa chu bu salhin Ruatpuia chu kal mai tawh turin leh Sawmtei chu lo ngaituah lo turin a hrilh zawm nghal a Ruatpuia pawh chuan rawn chhang letve nghalin "" Tina miah suh aw, hmeichhe chak tak angin lang mahse arilru chu tui anga nem ani... "Tiin a rawn ding chhuak a, dinpawh a ding tha theilo a eu deuh awk awk a.





Msa chuan lo pui bawm ve pah chuan " Lungngai suh engtikah mah amittui ka ti tla ngai lovang anga, ka kaltir leh tawh ngai lovang" Tiin mah ni in ringtawk tak chuan Ruatpuia chu a en ralh a,tawng zawm lehin "zanin chu hetah riak ta che, naktukah harhfimin i kal zawk anga" A tih chuan Ruatpuia chu kiai sukin a lu athing a.. Kalsawn datin Msa te in chu athlir vuah vuah a,.. Ngawirengin a bike lamah chuan akal pai chharh chharh ta nghal a. Atlan liam thleng chuan Msa chuan en zui rengin kawng a kual tihah chuan inchhungah alut ve chuah nghal a.. An rooma aluh rual chuan Sawmtei puan lo sin tha lo lutuk lam chu dim zeta pan hnaiin a sin that tir a,Ruatpuia'n a hmangaih em em nachan chu hre vuai te'n a in hria..sofa-ah chuan mutthla ve nghalin a muhil zawmve ta mai a.






Zing boruak mawi leh thiang kuk mai chuan a mutna atanga kai harhin a khum lam chu a melh phei vut a, alo ruak kung tawh mai a, a awmzia chu Sawmtei chu a tho daih tawh ani.. Msa pawh chu mawng hawlh ang chiah a zuang tho vutin a zing hmai leh kam pawh thuah lo chuan phak chiapin a tlan chhuak a,.. Choka dawhkan kila Sawmtei lo thu reng ahmuh chuan thawk ala deuh halh a, a awmlo tur ang maia angaihna rilru chu a bo ve telh telh nghal a.. Aruk te a let leh mai atum lai chuan Sawmtei chuan arawn hmu ta hlauh mai a, Msa chu ache lai ta phat mai.. Nuisukin Sawmtei awmna lam chu apan phei ve ta nghala.






Thutthleng chu pawt chhuak rí rawta thut atum chu Sawmtei chuan bengchheng lo turin a rawn bengdai vat nghal a..Msa pawh chuan lo hrethiam ve nghalin thawm dim tak chuan a thu thla zal zal a, a bana sana a en chuan zing dar 5:45 chiah chiah alo ni reng maia, an pahnih chauhva an awm avangin an boruak chu an tum miah silo chuan a tang ru viau a, tih kian ve ve tumin beiru fat fat mahse an theilo dun ve ve lawi si a.. Chutah Msa zawk chuan "i mu thei maw ? Zan khatna hi mut an harsat thin a? " A tih chuan Sawmtei chu a chil lemri khalhin a bu salh a, an tawngzui tawhlo chiang khawp mai. An thut ngawih reng lai chuan chungkaw Nu ber chu rawn tho chuakin Msa leh Sawmtei lo awmdun a hmuh chuan a rilru chu akhi vur vur nghal a, hetianga in ngeih reng hian awm se tih chu a duhdan leh a tawngtaina hla ani..






Pan hnaiin Sawmtei sir ah chuan athu thla ve ta nghal a, chu veleh Sawmtei chuan a thingpui siam chu lo thlit nghalin a nu chu ape a. Chumi pah chuan "nu i mu tui em? " A ti a, anu chuan nuih vur vur pah chuan "aw tui khawp mai ka monu ini tawha kan lawm ani" A tih chuan sawmtei pawh chu then sakin Msa tan chuan a thlit chhuah sak ve nghal a. Anu chuan "Bawihi, nizan in mu thei zawk em ? Mama hi ahnar nasa thei sia i hlau lo maw? " Tia anuih vur vur chuan Sawmtei pawh chu rawn nuiri ve hakin Msa nuih insum tak chu a en phei a Msa chuan lo tawng khalh vatin "ka hnar ngailo" A ti deuh rat a, Anu chu arawn tawng leh a, "" Vawin lam chu ipa nen mapuia te in lamah kan kalsan ang cheu inlennte kan nei anih chuan tha takin lo chhawn mai ru aw"tiin a thingpui chu a lem deuh khawlh khawlh a.





Tukthuan an ei laite chuan chhungkaw pa ber chuan infuih tharna atan hmangin Msa chu a zilh a, chutiang bawkin Sawmtei leh anupui pawh chu hmangaihna thu a zilhin a hrilh leh ta bawk a. Chhun ah chuan Msa leh Sawmtei chauh chu an awm leh ran tawh a, an boruak pawh a ngaite bawkin atàng leh hak tawh....Mahse inleng thenkhat an rawn awm ve avang erawh chuan an pangai viau thung.. Sawmtei pawh rinai tak a tlei phian a, anu leh Mahlimi te pawh an la awm ve reng avang chuan a thla angam em em mai ani... Tlema adul puar ve iar tawh chuan chet a ti nuam vak lo nachungin chet ti harsa lutuk erawh ani hranlo bawk.





An inlengte thingpui siamsak tura a ding chhuak chu aluhai a thu thla leh hnawk a.. Msa chuan rang zeta rawn pan hnai in a rawn buaipui nghal a.. "Sawmte i tha em i enge na" A tih chuan Sawmtei chu then sak sak pahin "ka tha e.. ka lu ahai deuh mai ania" Tia Msa taksa mi uapna lutuk atanga awm sawn a tum chuan Msa chu che thutin Sawmtei chu a pawm kang nawlh mai a! Sawmtei chu a thawngin a ti hrilhhai viau ani, mahse an inleng ten an en deuh thiap avang erawhin pawh duhlo taka lan a ngam lo ani. Msa nghawngah kuahin an room an thlen thleng chuan a la thla ngam tawh lova, Msa chuan muang changa khumah chuan nghat thla riai riai in tui chu ain tir te te leh phawt a.. Khum chhuatah chuan thu hniamin Sawmtei pum chu a deh sak a, hrethiam lo mahse a nat arin thu-ah achul sak ta hliau hliau mai ani..






A rilru ah enge awm ang tih tuman kan hrelo Sawmtei tan phei chuan a chetdan maksak zet chu pangai taka dawnsawn har tak ani.. Engmah sawi lovin adul chul kual tu chu a en reng a, ahmela hlauhthawnna maktak lang chhuak chu a derloh zia a lang bawk. Msa chu rawn tawng chhuakin "a zia deuh em enge i lu na te chu" Tih leh a chal chu a dehsak nghal a. Sawmtei chuan chhan mai nachang pawh ahrelo ani.bah niai chuan "aa.. Aw... K.. a.. k.. atha e, kal tawh la inleng ho kha" Tia pawnlam a thlek zeuh chuan Msa chu arum deuh dut a, athaw deuh halh bawk. "I pawimawh hmasa zawk alawm, " A tih takah chuan Sawmtei pawh chu ngawi renga thuin Msa'n a taksa adehna tin thek mur deuh chuai chuai chu atuar lui ngat ngat mai ani. Rei tawk fang an in buaipui hnu chuan an chhuak phei lehta a..





Anin leng thekhat lo haw tawh leh lo lut thar tawk pawh an awm nuk tho. Sawmtei kalsawn tur chu Msa chuan ti ding datin a beng bulah chuan "in dim rawh aw tih kher angailo an mahni hian ti mai se" A tih deuh nur nur chuan Sawmtei chuan melh deuh hrawkin "ka ti thei ang" Ati deuh sap a, Msa pawh chuan Sawmtei chu a kalna apianga thlir zuiin luhaia a tluk leh mai ahlau ru viau mai ani. Rilru nuam zan lova Sawmtei athlir vung vung lai chuan an thenawm Pu Hmingliana chuan adarah rawn khawihin a nuih suk a.. Kum 50 val chauh anih avangin ala thalai viau nge nge bawk. Msa chuan lo be hmasa in "ilo kal ve ani maw pa hming, lo thu rawh " Tiin a tawlh sawn deuh va, Sawmtei leh nu ho inkawma nui bawk bawk lam chu a melh leh zeuh bawk a.





Pu hmingliana chuan nui vur vur pahin "" Khawbungah saw tiang nula an lo awm ve thei ang tih reng ka lo ring ngai lova, i thlang thiam hle mai a"tiin a nuirí deuh hawk hawk a.. Msa pawh athen ve suk tho.. Pu hmingliana tho chuan "" Han koh teh, ka in terview chhin ve reng reng duh"tia fiamthu ti tak deuhva atih chuan Msa chuan nui sukin "i van ho tak" Tiin Sawmtei lam pan atum chu pu hmingliana chuan a dang vat nghal a. "Heta tang hian han au ve reng reng teh" A tih chuan Msa chuan Sawmtei lam en pheiin "Sawmte, Sawmte lo kal lawk teh" A tih chuan Sawmtei pawh chuan a kawm nu ho bulah chuan a kal lawk tur thua chhangin nu ho lah chuan "in pa lah saw... Kan ru dawn che pawh nilo a bula i awm loh chuan a thla angam ngang lo anih saw, arawn hawi ngun danah" Tiin an fiam zui bawk a.






Sawmtei chuan Msa te lam rawn pan pheiin Msa bulah chuan athu thla ve mai a.. Msa chuan pu hmingliana nena in hmelhriat tirin Sawmtei kut chu a vawn sak a.. Sawmtei pawh chuan lo tana lo duhloh kual vel ahunlo tih hria in a lo vuan let ve a.. Pu hmingliana chu khi vur vur pah chuan "" Khaia kan nupui neihlaite pawh min ti ngai alawm le.. I pi Nutei(a nupui) kha chu la dam se nuam atih dawn nen aw.. Sawmte unau engzat nge in nih kha?, chuan engtin tak nge Kan naua hi ilo neih ve duh hrim hrim a"a tih chuan Msa chu alo ip deuh sak nghal a.. Sawmtei chhandan tur chu ngaihthlak a chak rualin a zam tlat lawisi a.. Sawmtei chuan Pu Hmingliana chu nuih ver ver pahin "" Nau pakhat ka neia hmeichhia tho ania, nakinah an rawn phei dawn a ka lo hmelhriat tir dawn che ania,.. Chuan Msa ka neih chhan chu.. "A ngawi veng veng a, Msa pawh chu alo ngawi ve kar tho.






Sawmtei chuan " Ka neih chhan hi tamtak a awm thei ngei anga.. Mahse abul berah chuan amah anga mipa rilru ngil leh tha hi an awm ka hrelo.... He amizia takhi ani keingei pawhin ka do hneh loh leh engtikah mah danglam lo se ka tih ber chu... "Tiin Msa chu a nuih sak a. Msa chuan lo en ve karin a thusawi chuan a rilru a khawih ve chiang ani!! Pu hmingliana pawh chu arawn nui chhuak hak a."" Chutiangin arilru te alo tha viau ani maw kan naua chu"tia Msa a melh deuh rul chuan Msa chu lai zetin alo then sak a.. Sawmtei chuan alu bu salhin "imm i rinai nasa ani ang, keipawh hi tun thleng hian min thawng reng ania" A tih chuan Msa chuan thuk ruiha Sawmtei chu melh vung vungin a kut avawnsak na lam chu athek thla a.. Zawi te hian "" A der ni mahse ka lawm e"a ti zawi sap a.





Thildang dang sawiin an titi luam a.. Sawmtei nu leh anau Mahlimi te pawh chu Mapuia te rual chuan an rawn lang ve leh a.. Naktuk lama an haw san tawh dawn avang erawh chuan Sawmtei chu a lungngai ru ve viau a.. Chelh reng duh mahse mi nupui ani tawh a, chu bakah mi ina awmreng chu a inthlahrun awm em ani, anfel leh an thilphal zual apiangin a nuamlo duh tawlh tawlh mai si a.An haw dawn avangin Msa pa chuan chaw eiah an duhlo chung a sawmlui a.. Ni a liam a, zanriah eitura an in singsak rík laih laih hnu chuan chhung inkhawmna te neiin Msa pa chuan hun ahmang a, Sawmtei nu bulah chuan an fanu an monu nita Sawmtei chu rawn ngaihtuah miah lo turin leh he inneihna hi an pawm avanga lawmthu sawi pah chuan tawngtaina hun a hmang zui a.. Rilru dam leh hlim takin chaw an kil ho ta ani..





Angaite bawkin Mahlimi te unau leh Mapuia te unau chu an inkawm rí leh barh barh a, zanriah an ei zawh hnu thleng pawh chuan haw mai lovin an titi a... Msa erawh vawi khat te pawh a tawng rilo, an titi chu alo ngaithla liam ve mai a.. Stephen a chuan A u Sawmtei te nupa chu a fiam leh zeuh zeuh thin a, tawnga duhin fiamthu a thawh thiam em avang chuan an hlimpui ber ani. Msa ngawi ngul chu Stephena bawk chuan be tawng lehin Msa pawh chu aphul leh hlut tawh a.Rei tawk fang an inkawm ho hnu chuan an haw darh sang sang a, Sawmtei hmelah chuan anu leh anau ala thlakhleh zia a lang reng a, dang turin huaisenna a nei bawk silo.. An tlan liam thleng chuan athlir zui vawng vawng a..






Naktukah pawh athlah thei dawn silo lai chuan ati mangang ru viau ani. Msa chuan a hnunglam atanga rawn biain "lut ila, " A rawn tih chuan a ngaihtuahna ram atang chuan harh chhuak thutin a hnunga ding Msa chu a melh zeuhva.. Ngawi rengin an lut dunta nghal a. Zan arei ve tawh avangin A nuleh pa te nen chuan an in mangtha a, Msa zui chuan an nupa roomah chuan anlut tlang ve ta nghal a.Ngawi rengin khum lam chu apan a, Msa chuan achezia chu en rengin a lunglen khawhar dan tur leh a nau leh anu te hlat taka a awm tawh tur chu alainat ru viau bawk. Sawmtei hmel chu a dur deuh khup a, han biak pawh mai pawh a huphurh awm lam ani.. Msa pawh chu ngawi rengin a mutna ngaiah chuan amutthla ve mai a.. In be zawm lo chuan an muhil hlen ta ani.






Vartianah chuan Sawmtei chuan Msa chu rawn sawi harh nghalin Msa pawh chu phak chiap chuan a rawn meng phi chiap a, Sawmtei hmela hlauhthawnna lang ahmuh chuan thawhphan pawh neilo in a in perh tho nghal at a "tinge i tha maw? " A tih deuh hluai chuan Sawmtei chuang bengchheng lo tura tiin a hmui chu huhbeh sak a rual nghal a.zawi te a tawng chhuakin "" Kawng kharah ka nu a awm "a tih chuan Msa chuan an room kawngkhar lam chu melh deuh zukin Anu aw chuan " Bawiha lo tho lawk mai teh"a rawn ti nghal a. Chu veleh Msa chu che vutin a mutna sofa chung ami chu Sawmtei mutna khum hnuaiah chuan a nawr lut nghal a. Sawmtei chu mutura hrilh supin kawngkhar lam chu apan ta nghal a.





Anu chuan nuamlo tihhmel deuhva lo en in "" A zialo hle mai hei khua pawh ala var chiang lova, ka rawn phone che a i silent nge ila thei bawk silo ka rawn kaitho tawp che anihhi.. Tlangnuama ipa causin ipa Muantea nupui kha Strock in a boral thut a, hei keini pawh kan kal nghal dawn ania, Sawmtei adam tha silo nen nangni chu in ah lo awm mai rawh u in duh chuan chhun lamah in rawn kal mai dawn nia aw, Sawmtei chu amuhil tha thei em? "Tiin a thlek deuh vat a. Msa chuan lo chhang let vatin "" A va zialo ve, nia va kal nghal rawh u chutiangin ka hre lutuk lova, mahse Sawmtei ka lo zawt anga rawn chhuah phei a ngam chuan chhun lamah kan rawn kal ve ang"tiin tha tak chuan achhang let a.. Anu pawh chu kalsawn ve nghalin "" Sawmtei kha lo vil deuh chawt rawh aw eng hna mah thawhtir suh ang che"ala rawn ti leh hram pek a.. Akal sawn ta nghal ani.






Anu akal tih a hriat chuan Sawmtei pawh chu rawn tho chhuak nghalin an awmdan lai zet leh anu an bum avanga nuamlo tihna nen chuan a meng phi siap a.. Zawite chuan ""an kal nghal dawn ami? " Tiin sawi tur ahriat loh lutuk avang chuan azawt ta tawp a. Msa pawh chu a hmai tuai thuaka sofa athu thla in "imm anih kha, la mu rawh hei khua pawh ala var chianglo, " Tiin thihna thu ahriat avanga ngui deuh niap chian batroomah chuan in phih harh law law turin alut tlang ta nghal a. Chubakah mu leh duh pawh nise a mut bu zawng zawng khum hnuaiah a hnawh lut vek tawh a, khami va lak chhuah leh tih vel kha a peih tawhlo ani.. Arem chan em avang chuan in bual nghal law law in rei tawk fang ain tifai a. A chhuah phei chuan tui taka Sawmtei lo mu kawm chial chu a en hmasak leh ber ani..





Maktak mai chu a rooma alut emaw batroom toilet atanga achhuak emaw anih pawh hian a rooma lo zawm ve tawh tu Sawmtei a nupui ngei mai chu a en hmasa ber ziah a, thildang hmuh kanin a lo en leh vuah vuah thin hi ani... Thutkhawmna lama chhuak pheiin a patea nupui thihna chungchang vel chu angaihtuah a, mihring nun lo ho lutuk leh upat leh naupan vang pawh ni lova, thihna chuan tupawh athliar lohzia a chiang em em a, heivang ngeihi ani thihna nunrawng an lo tih nachhan tiin angaihtuah a. Rei lo te hnu ah Sawmtei pawh chu arawn tho chhuak ve a.. Chumi rual chuan zing chanchinbu (Vanglaini) pawh a rawn thleng ve chiah bawk.. Sawmtei chuan eirawng bawlin a chet thanna ala nilo bawk nen an bungraw dahna leh engkim mai chu atan chuan thil thar vek ani.






Mahse in thukru talo nana na chu a hmu ve zel maia.. Chaw achhuang a, antui bai tur maian zikno chu a hik pah bawk a.. Chutah kawngkhar pawh chu arawnri rang rang a, hawn tuma adin lai chuan Msa chuan alo hawn sak hman tawh niin , anbialtu Pastor alo ni a.. Pastor nen chuan choka lama rawn in zui lutin Sawmtei chu arawn chibai a, anmahni inneih tir tu ani tih Sawmtei pawh chuan alo hre leh vat a.. Chawei ve nghal turin an sawm a, mahse ahnial deuh tlat avangin minute rei lote hnu ah chuan a haw lehta daih a.. Sawmtei chuan a bai ven pah chuan a chawhmeh kan tur chu a chan pah niap niap a. Msa chuan tihpui a han tum deuh uk uk thin a, mahse han tih mai tur a awm thin bawk silo chuana ti lai em em a, anupui chethla lai chu a en ringawt mai ani.






In be mumal lo zet chuan tukthuan chu an kil dun ve a, tihtur an neih loh avang leh apatea nupui thihna lama kal an duhve tho avang chuan Sawmtei pawh chuan Msa chu arawn a, Msa pawh chuan alo remtih avang chuan tlangnuam lam panin an chhuak ve nghal ani. Kawng tluan mai chuan an ngawi dun a.. Tlangnuam an thlen chuan khawhar ina kal tur te pawh an awm ve nuk a, Inchhunga an len tawhloh avangin pawnah chuan an thu duna, hmelhriat vak an neihloh avangin an ngawi dun thei khawp mai.. Nakin deuhah chuan A nu leh pa chu an rawn chhuak a, anu chuan rawn hmu vatin arawn pan hnai a, "sawmte in lo kal ve ani maw, lo kal kher angai lo asin i dam that loh kha" A ti vat nghal a. Sawmtei chuan nuih ver ver a hnial vatin "ka tha alawm nu, min ngaihtuah suh bakah hei Msa hian min awmpui char chara, " Tia Msa anuih sak chuan Msa chuan mak ti tak pahin amitko chu alo san euh nghal a.






Chutah Msa chu rawn tawng chhuakin ""nu kan awmrei vak lovang nangni lo awm ula keini in ah kan va awm ang" a tih chuan anu chuan Sawmtei chuan melh deuh zawkin a nu lam chu a en nghal a.. Anu pawh chuan "ni e bawiha lo va phei tawh mai rawh u Sawmte in dim rawh aw, zankan riak maitheia kan rawn hrilh leh dawn cheu nia" A tih chuan anu te chu an kalsawn nghal a, Sawmtei te pawh kalsawn an tum deuh chiah tihah chua Msa thian hlui nithin Rinnunga chu arawn lang zat a, Msa chuan rang em em hian Sawmtei kawngah chuan vuanin amah si chet chuan a kuah bet ta nghal a. Sawmtei chuan mak tih leh awmzia man lo tak chuan a melh kiau va, Rinnunga chuan rawn din chialh nghalin "i dam maw? Iva lo danglam tawh ve" Tiin chibai tumin akut arawn phar chhuak nghal a.





Msa pawh chuan lo chibai ve nghalin "ka dam tha khawp mai, ilo la dam ve reng zawk alaw" Tiin a zawtlet deuh hmuka Sawmtei chuan a en duh viau bawk.. Rinnunga chuan Sawmtei lam chu a rawn melh a, chu veleh Msa chuan kuah nghet leh sauh pahin "kan kal angai tawh a, anih phawt aw" Tih leh Sawmtei chu kalpui nghalin Rinnunga chuan Sawmtei chu ít hmel takin athlir zui vawng vawng nghal a.. An car parkna an thlen chuan a thlah thei chauh ani.. Ataksa in sangmar deuh tun chu Sawmtei chuan a hre ve kara, mahse engmah a sawi lemlo, ngawirengin carah chuan athu lut a, Msa pawh chu engmah sawilo chuanin a thu lutve nghala an in lam pan chuan an tlan chhuak nghal a.



Zirtawp zanah kan in hmu leh dawnnia aw☺☺😍


👇👇clickk

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » April 11th, 2021, 2:09 pm

Chapter-12🌸



Msa chuan ngawireng chuan car steering chu vuanin hmalam amelh deuh kúr a, eng vanga lungawi lo nge anih pawh a in hrelo, Rinnunga'n Sawmtei amelh dan vangah khan ani berin a hria a, chu bak puhmawh tur ahre der lo.A bul maia thu Sawmtei ngawih theih em avang pawh chuan alungni lo lek lek tep ani, boruak hipin a thaw deuh kawk a, Sawmtei pawh chuan a rawn melh ve zeuh zeuh bawk, Msa hmel hmai in thlak thut leh a awm dan chuan a pangai loh zia a hriatthiam tir thuai a, biak hmasak a ngamlo bur bawk. Traffic jama an tan lai chuan Sawmtei chu a thlek vut a, Sawmtei pawh chuan rawn en ve atum lai tak ani bawk nen an mit chu ain kap fuh chat chat khawp mai..





Rangzetin an hawisawn ve ve a, Msa chuan dam ruih hian "" Hreawm iti em? In sawiselna te i nei em? "A tih chuan Sawmtei pawh chuan pangai ang taka lan tumin a lu athing a, " Ka tha e"a ti let ve salh a, inbe zui tawh lem hleilo chuan an in chu an thleng ve ta mai a, car atanga an chhuah chiah chuan Remremi chu rawn lang nawlhin Msa bulah chuan hlauthawng taka rawn tap hliam hliamin "Mes, ih.. Min hrethiam rawh rawn inlan chu ka duh biklo mahse ka beidawng em ani, ih ka pa kha phaiah inzai turin kalpui angai dawn a, " Tiin a heh pet fan fan chuan a mittui tla tur chu adang ru fan fan a.. Tah aw tuau arawn tawng chhuak lehin Msa hmaah chuan akut asuih a"khawngaih in Mes pawisa min puk tir thei angem ka pa hi ka chan theilo.. Khawngaih takin "tiin atapri hlap hlap nghal a.





Sawmtei chuan alo khawngaih ru viau na in tihlan chhuah dan leh hnem dan mai tur a hre lo.. Msa chuan kuah betin tap tawh lo turin ahrilh mawlh mawlh a.. Inchungah chuan an in zui lut ta hlawm a. Thutkhawmna-ah chuan thut thlak pui nghalin Sawmtei chu atui in tur la turin akalsawn vat nghal a.. Remremi chu tah belh ve chi alo ni ve bawk si nen a tap tawp mai thei lova.. Msa kut vuanin a kalsawn aphallo bur a, kum tamtak alungngaih leh tah changa lo hnem ber tu bula ahreawm na athlen leh thei chu a lawm em ani.Sawmtei chu glass a tui rawn chawi pheiin Remremi chu arawn pe a.. Kalsawn atum chu Msa chuan abanah vuanin a lu athin khuam a, kalsawn lo tura aduh zia ahmelah alang chhuak hial bawk.





Mahse Sawmtei tan chuan chu thil chu lo pawm mai aharsa ani, Remremi awmve lai renga msa bula lo awm ve reng chu nuam lo atih dawn em avang chuan a kut chu la thla in a kalsawn lui ta tho va.. Msa chuan ui hmel taka en zuiin Remremi bulah chuan "lo awm lawk rawh Sawmtei saw thil sawipui tur ka nei" Tih leh Remremi chhanna pawh nghaklo chuan a ding vut a,Sawmtei kalna lamah chuan a liam phei ta nghal a.. Sawmtei chuan tlailam eirawng bawl tan tumin alo in buatsaih a.. Msa ahmu thut erawh a phu chiang viau bawk. Hamhaih tak chuan "enge i rawn tih Remremi kha.. " Ti nar nar pahin Msa hnunglam chu a melh phei a. Chuveleh Msa chu rawn tawlh hnai deuh thutin Sawmtei chu chiang fek fawk hian amelh a.. zawisi fiah si chuan "" Lo awm ve rawh, keimah chauh chuan ka duhlo"tia a bana avawn sak rual chuan Sawmtei chu lo tang nghal vatin Msa bulah chuan "ai a chi loh, nangni chu... In pahniha in sawi rem mai theih anih kha" Tiin a tang a, dawhkan kil a pawt bet tàn bawk.





Msa bawk chuan rum deuh nghutin "" Mahse awmve turin ka duh si che alawm... I ngaihdan tur chu ka hria, chuvang tak reng chuan ka chakna ni turin ka duh che, khawngaihin Sawmte tun chiah hi""tiin Sawmtei kut chu a hmer nghet zual sauh va, Sawmtei rilru chu a bing mup mup nghal a.. A sawmna line tak angaihtuah chian chuan a awm a ti a, mahse angam chiah bawk silo, chu hun Sawmtei rilru buailai in rinloh lai tak chu Msa chuan chuh vatin a pawt deuh thuta, Sawmteilo in ringlo leh a dawhkan vawnna pawh alo vawn ngheh loh em avang chuan Msa chu su deuh pawpin a bawh phei deuh rawk rawk a.. Msa erawh chu in ringsa alo nih avangin Sawmtei chu alo vuan ding dat a, tunah chuan an in hnaih tawh viau ani..






Msa chuan Sawmtei kawngah a vawn sak a, Sawmtei pawh chuan Msa dar tawnah a vawn sak ve bawk , an taksa pawh rei tak lo in nek tawn tawh ang maiin a in hnaih viau bawk.. hun chu a ding mai hian ahriat a, ngawirengin an in en deuh vung vung mai ani.. Mahse Sawmtei chu harchhuak deuh thutin Msa chu anem sawn dat a.. A aw thian deuh kharhin "aaa. In leng kan neih kha" Tih leh Remremi thuthna lam pana kalsawn arual nghal a, Msa pawh chuan in thing deuh vutin zui a rual ve nghal a. Remremi chuan a hmangaih pa leh anupui nita Sawmtei rawn in zui leh thutthleng pakhata thu dun ahmuh chuan aruk tak chuan ana em em a, mahse pawn lamah erawh ala nuilui hram thung nuamlo tih hmel deuhva tui chu lemri leh khalhin Sawmtei chu zah hmel takin a en a, a bialpa hlui rawn beisei leh anga angaihloh hram abeisei ru viau bawk..





Chutah Msa chu rawn tawng chhuakin "" Remrem eng zat nge in mamawh dawn a,?"tia a zawh chuan Remremi pawh chu rilru dang pu vatin Msa hnenah chuan "" A tlem berah nuai 2 tal angai dawn a"a rawn ti zawi sap a, Sawmtei chuan Msa chu phawk zetin arawn en nghal bawk. Msa hmela Remremi a khawngaihna hmel lang chhuak chu nidanga ala hmuh ngai reng renglo zawl dawhna ani tih pawh ahria, ahreawm alo tiru ve em em mai ani. Msa chuan Sawmtei chu rawn nuih sak pahin "" Ka pe dawn ania aw,?"tia aràwn der chuan Sawmtei chu lai zetin ameng deuh zawk a, Remremia va melh a, a hmelah nui hmel lang mahse amitmenga Msa tana hmangaihna ala ngah zia leh a natzia ahmu thiam nghal vek bawk. Msa chuan a kut chu vuanin a sik ru dat a. Chu veleh Sawmtei pawh chu lai zeta then deuh thaw in ", a aw pe rawh" A rawn ti lawi sap a...





Msa chuan a Ac a dah luh sakin Remremi kalliam thleng chuan Sawmtei kut chu a la thlah mai lova, a phone arawn rik chuan a thlah ve thei ta hram a, chuve leh sawmtei chu kalsawn nghalin choka lamah a bur leh ta chawt mai a... Nakín deuhah chuan Msa chu rawn lutin "kanu te siam kep an ngailo an riak nghal dawn bawk aw, ka han in tifai ange""tiin a kalsawn nghal a.. Zanriah an ei lai chuan ngawih reng aiah tiin Msa bawk chuan tawng hmasak achuh leh a.. "" Naktuk atangin hna ah ka kal tan leh dawn a"a tih chuan Sawmtei chuan chhang lovin a ei ngai chuan a ei mial mial a.. Mahse Msa thusawi chu ahrechiang vek lawi si.. Msa bawk chuan "" Ilo kal ve duh angem? "Tia chhan ngei ngei ngaia azawh takah chuan Sawmtei pawh ngawi reng thei ni bik heklo.. Chil lemri khalhin " Ai, in hi anuam ka ti zawk"a ti sap a.. A khamsan ta nghal bawk.. "" I kham hunah ka lo tifai vek ang"tiin sitting room lamah chuan a phei sawn ta nghal a.





Msa pawh chu a eitui tawh loh avang chuan ding zawm ve nghalin thawm dim thei ang ber chuan a seng fel zal zal a, dawhkan atihfai zawha thleng sil tura Apron a hren lai chuan Sawmtei chu a rawn lut thut a, aphu nasa lutuk chuan thleng leh bowl chu a tikeh deuh chuai mai ani.. Sawmtei chu até ri deuh thawt a.. Msa chuan lai zet leh nuamlo tih hmel deuhvin "" Pawi lutuk ilo lut thut sia, "tia bowl keh a kut lawnga chhar mai atum lai chuan Sawmtei chu rawn tlan phei vatin Msa kut chu arawn vuan bet a.. ""Kut lawngin tisuh..Ka lo tifai mai ang, lo dah rawh ka rawn sil ang a dang itih chiat leh hma in"tiin hmunphiah leh dustplate chu la in a phiat khawm ta nghal a. Msa chu a che lai vek a, sil tumna pawh anei tawh chuanglo Sawmtei che lai chu a en reng ringawt mai a, Sawmtei chuan chhuat atih fai zawh chuan Msa chu melh kiauvin "ka lo sil ang" A ti sap a,Msa pawh chuan lo kiansawn nghalin "a awle, ithiam zawk ang" A ti lai rut a, mahse kalsawn hlen mai lovin abulah chuan a lo ding ve run a, Sawmtei tan chuan pangai taka sil ahar lam hret ani.





Msa lam hawia in her datin "" Apron kha"tiin akut phuan tak chuan a kawk a, Msa chuan a Apron hren lai chu la thla nghalin a pe a. Akut a huh em avang chuan a hnung lama suih tur chu suih sakin a thleng sil lai chu alo en kar a.. Sawmtein atih fel zawh chuan a Apron chu phelh mai a han tuma mahse alo in suih nghet vek hi alo ni, aphelh theihloh avang chuan tih ngaihna vak awm silo nen Msa chu a melh deuh suk a..zamru deuh takin "ih hei hi a in suih nghet lutuk a" Tiin a hnunglama Apron hrui chu a khawih a, Msa chuan "lo kal rawh" Tiin a kuai her a, aphelhsak ta nghal a. Sawmtei chuan "ka lawm e, roomah ka han in bual lawk ang aw" Tih leh room lam pana tlan a rual a.Msa pawh chu naktuk lama hna atan dawn avangin a kaltawp ber ni atanga vawin ni thlenga a sum chet kual dan te en endikin diklo laite a siam tha a, bungrua rawn thleng tawh leh la tang mek te chu a enfiah mawlh mawlh bawk..





Arilru sawrbing mup mup lai chuan Sawmtei chu in bual zo hlim far sarin T-shirt var leh pants over siza dum chu arawn ha chhuak a, asam chu towel in atuam deuh luk bawk. A hmai afai veng a, a nghawng leh a ban lang chhin laite chu a fresh em em mai bawk. Msa chuan alo en khiau va, asumdawnna in arilru a tih buai ai mahin Sawmtei taksa thianghlim leh fai sar mai chuan a rilru chu a ti tawp up up a, rek beh ang tluk zetin thlawk lak aharsat ru em em bawk. A laptop chu en ve tho mahse a thluak erawh chuan Sawmtei lam hlir chu a en thung a, athluak chu a in su bulh bulh mai ani.. Arilru lam nen zawng zawng a buai mup mup a vang chuan a hna khawih chu aning ru viau a, han dahfel mai atum uk a, mahse Sawmtei nen a an awmdun chuan engmah sawitur an hre leh dawn silo lai chu a tawn duh loh em avang chuan akhawih lui ta zel a..





Sawmtei pawh chu a sam hru mawlh mawlhin khuma thu Msa chu a en leh zuk zuk thin a, arilru zawng zawnga ahna akhawih zia ahmuh chuan tha atiru in a hnaa atuizia a hriat phah bawk. Chutia Msa chungchang alo suangtuah lai chuan Anau mahlimi chuan arawn call a,Sawmtei pawh chu bathlar lama chhuak pheiin a nau nen chuan reitawk fang chanchin te an in zawt tawn a, anin ngai dun viau ani. Anu nen pawh in bia in hun chu a kal deuh hawk hawk mai a.. A nakinah chuan Mahlimi chuan a àw pangai aia zawi deuh sup chuan "U in nupa inkar eng a an? Ka ngaihtuah lutuk che a, U msa khan engtin nge atih thin che? Asual viau em, zep miah lovin min hrilh rawh rilru iti hah lutuk ania" A tih chuan Sawmtei chu hawiletin Msa khum chunga laptop bih ngur ngur chu a nuih sak a.





"" Engkim a pangai vek mate... A mizia hian min thawng zel anihhi"a tih chuan Mahlimi chu arawn té ri deuh nung nung a.. "" Awi avan romantic tak em! Ka sawi kha U msa kha mipa sual chu anilo vang, athiante sawi ka hriatdan phei chuan mi rilru nghet leh hmangaihte tana in pe lutuk, engkim tihsak thin mi ani an ti asin, i awi em? Keichu awina chin ka nei"a ti leh hluai a, Sawmtei chu athen sak bawk, awi awmloh khawpin a nau zawhna avang chuan a lai a, chhanna chu pek mai a ngam tlat lo.. Lawizet chuan "chutiang thil ho mai maiah i rilru hmang suh lehkha kha zir tha hle la, officer niin min chawm i tun kha.. Bakah maw mate heihi hre reng la ka duh Msa nen kan in karah hian hmangaihna hi a awm ve lova, a awm ve theih pawh ka ringlo i hriat vek kha... Ka puma naute vang chauh hian ani hetianga min zawm khawm tu chu a bak engmah a awm lo ania" A tih lawi rat chuan Mahlimi pawh atawp dat a.. anin kar chungthu hre vek tan chuan mipa leh hmeichhe inkara in hmangaihna ang kha beisei ngam chi anilo tih chu a chiang viau mai ani.





Mahlimi chuan thil dangah pakai puiin Sawmtei pawh apul hlut a, call conference te neiin Stephena te nen pawh an in be ho liam liam a, nuaman ti tlang viau ani.. Darkar khat lawih mai an in biak hnu chuan Msa chu Sawmtei bulah chuan rawn kal pheiin "" Mu tawh ila zan a rei tawh asin"arawn tih chuan Sawmtei tawnglai chu a tawp dawta , stephena leh Mahlimi pawh chu sava vuak hlum ang diak an ni.. Sawmtei chuan lai zeta khi sukin "awle ka lo kal nghal ang" A ti a, a naute biak tuma a àng leh chiah chu Msa vek chuan "" tunah lo kal la"a ti deuh tlat a, Sawmtei pawh chuan mi pahnihin min ngaithla reng ani tih chu ahai biklo nasa mai a, mangtha na thu sawiin a phone chu a cut zui ta nghal a. In chhungah chuan lutin Bathlar luhna turverh chu Msa chuan akalh a, ngawirengin khum lam chu a pan ta hna hna mai ani.. Sawmtei chuan hrilhhai takin Msa khuma awm deuh reng leh a mutna tur hai taka ache chu a en reng a.. Msa pawn aman chak viau bawk..






Chu vanga rawn tawng chhuakin "" Zanin chu ka lo mu ve thei angem ka kawng hi ana lutuk a, sofaa mut leh chu ka ngam lo ani.. I duh chuan lukham hian kan dang mai dawn nia"tia aner deuh sang chuan Sawmtei pawh chuan hnial vak ngaihna leh tumna pawh anei chuanglo bakah an in karah lukham a awm dawn tho avang chuan a remti ve mai a. Msa chu nui ver ver nghalin "ka lawm e, ka mutui viau ang" Tiin lukham chu a la khawm a, anin karah chuan a tiang ding ur mai a. Mahse an tum ang ngawt chu alo nilo nasa khawp mai. Lukham chu in tiang ding úr mahse khum khata mudun an ni tho va, anin karah fit tlemte bak a awm loh avangin an chil lem ri pawh a ring tha dun khawp mai. An meng kar a, muthilh tum chu tui chhunga thawk tum ang vel ani, aharsa lam mah mah a, in be ngam lo va an awm reng lai chuan Sawmtei in her tur chuan lukham in tiang ur mai chu a ti tla a, dantuma aban na lamah chuan Msa chu a delh deuh rawk rawk a..
Rang em em a che sawn leh nghalin Msa hnungchhawn zawnga in lu khuhin a mu kawm nghal a.. azam lutuk chu awm ngaihna pawh ahrelo, ain hawng ngam tawhlo ani. Msa pawh chuan a rawn be zui lova, mahse lukham chu siam tha lehin Muthilh tum chuan a Maimit chhing zui ta nghal a.





☀☀☀☀
Sirva zaitin mawi chiar nak nak chuan lenkawla turni rawn chhuak chu lawm taka lo chhawn vatin an thiam ang tawka mawi chuan hla an sak sak a... Tlangtin leh ruam tin thingtin te pawh chuan lo zawm ve in chakna pe tu lenkawl eng mawi chu an fak a.. Chu ni eng chu lo sang zelin "Msa te in pawh a rawn thleng ve a, an turverh chhan atanga nizung eng mawi leh rimtui tak rawn nam lut chem chem chuan Sawmtei ai mah chuan Msa chu arawn kai tho hmasa zawk tlat mai. Msa chu nizungin akah avanga ner súngin thawh kan mai atum chu thil rit tak chuan alo delh deuh run hi alo ni..a mit nuai a a en chian chuan Sawmtei chuan alo delh chial a, hnai set sawtah chuan arawn mu a,a thaw ri sek sek bawk., akut pakhat erawh Msa kawr chhung (a pum) ah anghat thung.. Msa chu a meng phar deuh awk a,chhuat lai vela lukham thenkhat let deuh niai chu a hmu nghal zat bawk..chu zawng ai chuan Sawmtei mutdan leh a rawn hnaih dan chuan ati tim ani.





Thawhsan deuh thut se aharh mai dawn si, ala hma em avanga amu tuilai tih harh aduh silo nen thawhphan zawi pawh neilo chuan thawk ala hak a,duhai a harhfim leh mah mah ani ..a ke laksawn ahan tum leh a, Sawmtei ke chuan alo delh deuh chial bawk anih chu male!! Hmeichhe muchhia tia sawitur ni silo,mahse awmdan phung pangai ni bawk silo chuan a awmtir tlat bawk si ani. chutah muang changin Sawmtei'n a kut a dahna a kawr chhunga mi chu zawi te a lakchhuah tumin a zen lut a.. Sawmtei kut avawn rual chuan Sawmtei chu rawn che deuh hratin ain her ta daih a, Msa pawh a thaw deuh hluai nghal rang em em a tho chhuakin Sawmtei chu puan asin that tir a.. Inphih faiin choka lamah eirawng bawl turin alut ta nghal a. Zing thingpui in tur a siam lai chuan an kawngkhar lam chu arawn ri rak rak a.. ngaihven tura a pen chiah chu a causin Rinawma chu thaw deuh hlawp hlawpin arawn lut hlawl a.. Ain thuam danah chuan morning work nei zo hlim ani tih a lo hre nghal a.





Msa chuan a dara nek sakin "" Rukru tur emaw ka ti che a"tia thingpui thlit sak atum chu Rinawma chuan hnial vatin "ka duhlo mai, kala hahdam lova ka dul akiar palh ang... Iva tho hma ve nanglo ang mai" Tia Msa arawn melh deuh zak chuan Msa chu anui sak a. "Nia a ngai tlat tawh" A tih chuan Rinawma chu khi vur vura Msa te room lam melh zeuhvin "" Nang hi nupui ilo nei vat lovang tih a hlauhawm hle mai, kan u chuan Msa thar hlak a siam chhuak sia"a tih deuh sur sur chuan Msa chu nui vur vurin a thingpui in lai chu a in zawm a. Rinawma pawh awmrei lo chuan a haw zui ta nghal a, Sawmtei pawh sam hnawk niaia tho chhuakin Msa lo awm tawhlo leh lukham chhuata let deuh nuai mai ahmuh chuan eng emaw angaihtuah tir zuk a, mahse thleng nise a hreve tur tho ani si? Alu thingin a in phih fai a, achhuak phei ta nghal a. Choka aluh dawn chuan thil rimtui tak mai chuan ahnar chu averh zar nghal a, Msa'n eitur alo peih diam tawh tih a hriat chuan mak ti takin Msa chu a thlek reng ringawt mai a..





Chutah muang chang fan raih hian "i siam vek maw!! Ati deuh sap a.. Msa chuan àw tih nan rum deuh ngutin Sawmtei hmel mawlh mai chu a en kiau va.. " I duh hunah chaw kan ei dawn nia aw"* a tih chuan Sawmtei chu bu salhin a thuthla nghala, Msa pawh chu in tifai tura kalsawn nghalin in peihsa diam chuan a rawn let leh a.. Arim chu mipa pa tak rim ngei ani.. Hip reng chakawm khawpa rimtui leh vei zui tlak khawpa zun nei ngawih ngawih ani bawk. Msa chu rawn thu thla nghakin "ei nghal mai ang aw, ka tlai tep a" Tiin a bar nghal mawlh mawlha , Sawmtei pawh chu ngawi reng chuan a ei ve ta mial mial mai ani. Tukthuan an ei kham rual chuan Msa chu hmanhmawh deuhva chhuak nghalin A bike chuan a dawr lamah a tlan liam ta vun vun mai a.. Sawmtei chuan kawngkhar chu chhunglam atang kalhin an chaw eina vel chu a singsa fel a..





Tih tur a hriat loh em avangin in su turin a in buatsaih ta ringawt mai a. Msa thawmhnaw thenkhat pawh suk sakve nghalin uluk em em chuan a su bik a, a zawh hnu chuan in chhung kawm kil lai leh ceiling chu tifai kualin a taksa chu a thla hnawk thei a. A chau ve viau ani. Chhunlai velah chuan a nu leh pate chu hah hmel taka rawn lutin Sawmtei chuan alo buaipui vat nghal a. A bikin anu zawk chu a dawldang em em mai ani. Sawmtei chuan ngaihtuah takin "" Nu iva damsam loh hmel ve mu hahdam phawt rawh aw" A tih chuan an rooma hruailutin a mut thlak tir a, athil tih chu chhunzawmin apa pawh chu mu hahdam ve turin alut tlang ve ta nghal a.





Chutia inchhung tifaia a vir buai lai chuan Msa thiante chu an rawn ri lut nawk nawk a.. Sawmtei chuan rang taka pan vatin "Msa a awm lova" A lo ti vat nghal a, mipa pathum sang tha veng vawng tak leh hmeichhia pahnih hi an lo ni.. Atu te mah chu a hre lova, an zinga mipa pakhat hang deuh ber chuan rawn chhang vatin "" Aw kan hria alawm nangmah zawk ania kan hmuh chak che thiana chu kan hrilh sa lo, phaia a college kal pui te kan nia, hei arualin nangmah hmuh chakin kan rawn haw anihhi"tiin a kut chu a rawn phar chhuak a, Sawmtei pawh chuan lo vuan ve nghal vatin "ani maw.. Heeehee, lo thu rawh u enge in in duh ang" A ti vat a, a zakru viau ani, an landanah mai pawh mi hausa fa leh mi neinung chezia a ni tlat bawk si, ani thingtlang nula tan chuan an khawsak phung chu man thiam rual chi anilo..





Hmeichhe pakhat a sam cut tawi vek chuan rawn chhang vatin "" A ngailo ve.. Lo thu ve zawk rawh inkawm ang u" Tiin a pawt thu nghal a, chunu bawk chuan "loren-i ka nia, chuan heihi denya, Lawma, kimkima leh sangtei te aw" Tiin nui sen senin a in hmelhriat tir nghal a. Sawmtei pawh chuan alo chhinchiah ru kar a, arin ai daihin an in ngaitlawm em em a, an hausakna an chapo puilo te chu a ngaisang em em bawk.. Sangtei chuan "" U sawmte engtikah emaw in khua ah zin ang u aw, thingtlanghi ka kal chak thei lutuk a, an ram ngaw hring dup ang chi te leh kha ih... tui luang ang chi te kha a takah ka hmu chak"a rawn tih chuan a thiante dang pawh chuan an lo phur nasa viau a, kaldan tur leh khawchhak lam ram nawm dan tur te chu an sawi kai ta zela, Sawmtei pawh chuan lo sawi phur sak ve zelin Kimkima chuan "in pa lo haw hunah kan la rawn leng anga in zin hmasak ber dawnah kan rawn kal ve ang aw, apawi angem? " A tih chuan Sawmtei chu a nui sen sen a"ai pawilo lutuk, kan kal ho vek dawn nia"a tih chuan an phur lutuk a, anza cheng tawh mai ani.





A bikin hmeichhe pahnih chu a zual kai bikah an tanga, an in dress dan tur leh an thawmhnaw ken tur te thleng chuan an sawi dun a, hmeichhia chu kan heti tlat zel ania.! Dar 3 velah chuan an haw rual leh dam dam a, an awmdan maiah pawh chuan an in kawm ngeih hlawm viau tih chu an hriat ngawih ngawih.. Sawmtei pawh chuan zanriah lam buatsaih in a phone ah chuan hla a play leh a, akhat tawkin a zawm leh zeuh thin bawk.. Tlaini atla deuh uar tawh a, chung leng sava chiar nuah nuah pawh an in lamah an in seng lut ve tawh tih hriat takin an thawm ri mawitak hriattur a vang raih tawh mai a.. Lenkawla ni eng phut mai chu zan lalnu chuan a rawn luahlan tan a.. Khawvel enna chu a rawn hliah ruah ruah tan ta ani.





Msa pawh chu nidang zawng aia haw tlaiin dawr lamah an buai em avang chuan a tlai viau mai a, ina thlen chuan dar 7:45 vel lai ani daih tawh a.. A chhungte ruala chaw kil hmanlo khawpa a haw tlai vawi khatna a ni hial ang, chuvang chuan ain thlahrung ru viau bawk, abikin Sawmtei lakah chuan nuamlo atiru em em ani. In tifaia chaw ei nghal mai atum lai chuan Anu chuan a hnungah arawn beng ri thlawrh a, Msa chuan mak tih hmel deuhva melh chho haw in "tinge nu, kan buai lutuk a" Tiin a lo tawng khalh nghal a. Anu chuan rum deuh nghutin "" Sawmtei khan chaw ala eilo alo nghak reng che a, eitura kan tih pawn a duh si lova, alo nghak lui tlat che a, han sawm rawh heti em em rawn haw tlai tur ani ngailo Bawiha"a tih chuan Msa pawh chu tho ve vatin an room lamah chuan a tlan chho nghal a.. Khuma lehkhabu lo chhiar melh melh tu lam chu pan hnaiin Sawmtei pawh chuan alo haw tawh tih ahmuh avanga nuam deuh huaiin alo en ve kar a..





Msa chu thu thla pahin "" Chaw ilo la eilo tih kanu in min hrilh a, ei ila" Atih chuan chuan Sawmtei pawh chu aril atam ve tawh em avang chuan abu ve mai a, anin zui chhuak ta nghal a. Anu chuan alo nuih dun ver ver a, Sawmtei chuan anu nui hmel ahmuh chuan alai thar tlat peka chutia Msa nen in hnaih taka kalduna in ngeih awm taka an lan avang te chuan a zam ve dat thei a.. Chaw an ei lai pawh chuan anu chu alo awmve reng a, nu tawgduh tih takah a rí bawrh bawrh mai ani.. Chutiang chuan zan hun chu an hmang liam ve thei ta ani.




☀☀☀☀
Zing ni chhuak chuan kawlkil kil kawm ber pawh enna arawn pe leha zan lalnu lalna ram chu a rawn laksak lehta vek mai ani.. Chhungkaw nu ber pawh zing inkhawm kal turin achhuak fel der tawh a.. Apasal fanute chu an la hnar tui malh malh hlawm viau bawk. Atawngtai rawn haw lamah chuan an in bul ami Pi lawmkimi nen chuan an rawn in zui dun a, pi lawmkimi lah hmeichhe ni dip dep leh tawng fuk fuk thin mi ani a, adang achak em em bawk. Duhtawkin Msa leh a nupui chungchang chu a sawi a, nidanglo ang takin fakna àw ka alang chhuak ve hial ani.. Msa nu chuan tawng phur pui duh lovin a um e kual vel mai mai a.. Inchhung aluh chuan anpa leh Sawmtei chu an lo inkawm a, Lal Isua kan tana anunna ahlanna ropui zia chu lo sawiin nu ber pawh chuan arawn zawm ve a. Sawmtei lah hetiang chanchin lo tui em em leh, christian tha tak pathian tih mi anih avangin a tawng phul bawrh bawrh mai ani.





Eirawng bawl pahin an titi zel a, Msa pawh pawr niaia a rawn thawh chhuah chuan asam delh sual a chhip zawna pir vuah mai chu Sawmtei chuan alo hmu vat a, a tawnglai tawp dawtin mak ti takin a en kar a, Msa pawh chuan atawnglai a tih tawp avanga en ve nghalin a mit a san khum zeuh va, Sawmtei chuan nuihza in sum ru takin a lu athin khum a"engmah i muttui em? "A tih chuan Msa pawh bu lauh lauhin a thuthla ve nghal a. Apa chuan rawn nui dut dutin "" Bawiha i sam i delh sual anih kha apir vu mai*a rawn tih chuan Sawmtei pawh rawn nui ri hakin a nui khur chur chur mai a, Msa chu tho vuta choka darthlalanga in en in a ner suk a, siam rem mai atum a arawn pir leh turh thin bawk si chu Sawmtei nuihza lutuk chu nuiring ngam silo a in dawm ngawih ngawh mai a.. Msa landan nen chuan anuih an tiza vel vek ani.





In sum atum lahin aza tawlh tawlh mai si a, anuih nasat em avang chuan a nu leh pa leh Msa ngei pawh chu an nui ta tawp mai ani.. Msa chuan "" Ka van mu chhe awm em em ve,a awm tho mai sofa ban kha a remlo em ani" A tih chuan Sawmtei chu a ip deuh chawi a, chutiang bawkin Msa pawh chu a meng deuh zawk nghal a.. A nu leh pate nui lai pawh chu tawp dawtin Anu chu arawn tawng chhuak nghala "" Bawiha tinge.. Sofa-ah i mu em ni? "Tiin Sawmtei nen chuan amelh tawn zak zak a. Sawmtei chu a khur chhe thei hial ani, Msa chu lawi zeta rawn tawng chhuakin "aaa Nu chutiang anilo nizan kha chu sofa a ka thu kha ka lo muhil tlang daih a, " A tih chuan Sawmtei chuan awi hramse alo ti viau bawk.. Hawi pawh ahawi chhuak ngam tha tawh lo..





Pa ber chu rawn tawng chhuakin "" Engpawh nise chaw ei tawh ang u"a rawn tih ruih chuan tumah chu an tawng zawm tawh lova mahse boruak chu ani up tho.. Ngawi rengin an ei khawm a, Paber muk hmel em em chuan tawng ngamna ape lo vek ni tur ani a tu te pawh chu an ngawih thiap a, an kham veleh chuan Msa chu kalsawn vatin hna a kal turin a in siam a, Sawmtei erawh chuan thleng sengfaiin Msa hna kal tur rawn chhuak phei chu alo ngaithla ru kar a.. Pa berin "bawiha rei lote in be lawk ang" Tia rooma an luh leh chuan Sawmtei chuan lehhawi vatin enge an sawi ang, ? Tih ngawt mai chu angaihtuah run a, athleng silah pawh chuan a rilru a dah thei mai lo.. Reive tawk tak an in biak hnu chuan Msa chu a rawn chhuak a, Sawmtei lam rawn melhin a kal chhuak ta nghal a.






Sawmtei pawh chu rilru nuam zan lo chuan room lam pan atum a, apa nena an in tawh chuan zah avangina kun sap a.. Apa chuan a dara rawn khawihin "bawihi ka dem lo che ania, engkim bawiha'n min hrilh a, demna che ka nei reng reng lo.. Mahse maw i thatna avanga bawiha nun i siam that ang chiah hian in nupa inkar pawhhi i siam tha thei ngei ang, in kharkhipna kar atang hian hlimna achhar chhuah theih reng ania, i pawh ngam anih phawt chuan..pathian ruat in nihhi " Tiin a kalsawn ta daiha , Sawmtei erawh kalsawn mai lovin ngawi rengin ngaihtuahna mumal pawh siam theilo chuan a awm a,a ni hman dan tur chu a boruak a in thlak chiang khawp mai. Rilru bing mup mup in hun chu ahmang a, anu lah kawm tur awm lovin achhuak daih bawk si nen khawhar leh rilru nuam zan lo chuan ni chu a awm tlawk tlawk mai ani.


Monday zanah dam chuan kan i hmu leh vek dawn nia aw, chumi hma chu Lalpan lo venghim cheu rawh se🙏😇


Chuan ads hi kartawp anih manah hmet vek ila👇👇


Story a thlawna chhiar tur kan ziahsak thin che u avangin story chhiar manah Ads khu i lo click ve thin dawn nia, i tan hekna a awm lo a, a ziaktu tan erawh ziah hah man top up hlawhna a lo ni ve a, i lo click ve ziah tawh dawn nia

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)