BITTERSWEET REVENGE By Maveni Hmar (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

BITTERSWEET REVENGE By Maveni Hmar (Completed)

Unread post by Ngaia » April 25th, 2021, 8:15 pm

p09bsss9.jpg
CHAPTER : 1

Luke's POV


Phur leh mak ti bawk si chuan , ka phone chu ka hum nghet sauh sauh a , " Eng tin maw i tih a? " ka ti hluai a. Ka phur lutuk chu ka aw ki alo ring deuh nge ni min kal peltu thenkhat chuan min lo nuih thaw hlawm a .

" Min transfer a , thla thar atang chuan Aizawl lamah ka rawn awm ve tawh dawn anih chu ! " ka U chuan a rawn ti nawn leh a.

" Ka va han lawm tak! I rawn thlen zan la la in ka Zampuii chu ka va rim pui nghal ang che. A thlalak aiin a tak ah a hmelthat zawk zia i hre dawn a lawm. " ka ti vei phar phar a.

Ka U chu a nui hawk a, " I duh in i hmangaih hneh ve ngawt mai ti raw? Ka la rawn hmuhpui em em ang che. A hmel pawh a tha in a fel hmel khawp kha. " a ti a. " Miriami hnenah pawh chanchin engmah ka la hrilh ve lova ka'n hrilh ve lawk ang e aw. Ka dah phawt mai ang. " a tih zawm leh nghal zat a.

A dah hma chuan, " Nimin piah pawh khan U Miriami chu ka hmu a sin. " Ka ti leh hram pek a, " Anih phawt... Bye! " tiin phone chu ka dah khalh ta a.

Aizawl a piang leh seilian ka ni a, kum 11 mi vel ka nih hian ka pa hna chu Champhai lamah an sawn avang in kan pem, a boruak a tha in ka nu hriselna in a ngeih avang chuan in leh lo te nei in kan in bengbel ta a. College ka luh ve atang chuan Aizawl lamah zir chhunzawm in ka pianna leh seilen ve na kan chhungkaw in lian pui chu keimah in ka luah ta a. Ka U in min rawn fin theih chuan a nawm phah sawt ang chu.

Unau hi pahnih chiah kan ni a, ka U hi kei aiin kum 8 ngawt in upa zawk mah se kawng engkimah ka U leh thian tha nih hi a fawm a kan in pawh in kan in ngaina em em ani. Tunah hian PWD hnuai ah JE ani a, Aizawl ah a rawn awm chuan amah pawh in nuam a ti zawk ngei ang _ a thian tha zawng zawng deuh thaw chu Aizawl ah an awm vek sia. Mahse Champhai nula eng emaw zat chu lungleng in an tap ngei ang tih ka chiang ani. Ka U ani na vang vang in amah aia mipa hmeltha hi mizo zingah ka la hmu lo reng reng ani. Basketball player anihna ang in a dung a sang in a pian a tha bawk a, star tu lah a ngah. A hmelthat ang bawk in a lerh ve zek a ngaihzawng chu a nei kual duah tawh na in tumah hi a la thu tak ngai lo, atan chuan nula chu infiamna chi khat ang chauh an ni. A game thiam ber pawh a ni hial ang chu!

College atanga ka chhuak chu ka thianpa Nghaka chuan min lo hui zauh a. Hrethiam tak chuan ka nui sak a, ka bike ah chuan lawn in kan thian zaho kan in hmuh khawmna thin hmun lam pan chuan Nghaka bike chu ka um ta nghal a. Ka va thlen chuan kan thian dang te chu an lo kim thap tawh a, "In va rei bik ve a kan lo nghak rei tawh lutuk che u. " an lo ti nghal a.

Ka bike chu hung fel in an lo thut khawmna chu ka pan a. Eng dang nghak khawtlai tawh lo in ruih hlo No 4 chuan kan in chiu ta mawlh mawlh hlawm a. Ruih hlo in ka thisen a luh rual rual chuan ka nuam tan leh ta chiai chiai nghal mai a. Dam raih leh thawveng halh a van thengreng a thlawk kual delh delh hi ka in chan ber a. Ka thiante ho an rik chel chul kar ah chuan phaitual hnim chung ah mu zangthal duai in van sang tak a chhum kal delh delh chu ka thlir vang vang a.

" Luke, i va ngawi veng veng ve , a khik vak na che nge? "

" Aih, ka tha lutuk. "

Ka bula lo mut ve pah in JC_a chuan, " Enge i ngaihtuah veng veng a? " a ti a.

" Kum 21 ka tling ve tawh a nupui neih pawh ka hun ve tawh mai dawn in ka hria. Ka hmeichhe hmangaih chu nupui ah neih ka duh sia he ruih hlo hi ka sim san hmak dawn che u. Min la ngai ngawt ang. " ka ti a.

An vai chuan an nui ta hawk hawk hlawm a. Lawma chuan " I sim theih chuan ka pa thla khat hlawh ka bet e. "a ti lung lung a.

" Ka va sim thei awm chiang e aw. Sim thei tawh ngai lo tur a kan dah addicted hneh sawh lutuk tawh Ringa pawn a sim theih chuan ka theih loh bik chhan tur ka hre lo. " cho fe hian ka ti a.

" Ringa i ti em ni? "

" Aw, ti e. "

" A chanchin i la hre ve na nge? '

" Eng a chanchin maw? "

" Kar hmasa khan bike accident in a boral kha! "


" Ringa a thi maw!?? "

" Thi e. Mi sawi dan chuan HIV+ vang in kham ah a tlan liam lui an tih kha. A positive tih kha chu ka hriatna a rei tawh a. "

" HIV+ maw? Ringa maw? "

Ka hrawk ah hnawhtu awm avang chuan ka thaw tha hlei thei lova harsa tak chuan ka thaw hrawih hrawih a. Ka kawchhung chu a let but but a, thlanfim hian min bual nghal pup pup a. Ringa kha HIV + anih chuan kei pawh ka positive theihna chance a sang viau ang. Vawi tam tak hriau in hman tawm in kan lo inchiu dun tawh miau a. Ka awm reng a nuam thei tawh lo, ka damdawi rui te chu ka harhfim nghal kawk kawk in ka hria a. Thiante bula awm pawh chu nuam ka ti thei tawh lo. Chhuanlam eng emaw siam in ka thiante chu ka haw san ta a.

In lam pan ta lo chuan ICTC lam ka pan ding nghal a. Zam tak chung in office chhungah ka pen lut a. Hawihhawm tak in ka thil duh min zawh chuan ka thisen test ka duh thu ka hrilh ta a. Ka lo positive hlauh pawn min hriat chian loh nan hming lem leh phone number phuahchawp ka xiak lui ngat a. Ka test hnu reilote ah result chu a chhuak mai a. Result hre tur a doctor ka hmachhawn lai te chuan ka tawngtai ru mawlh mawlh a. Doctor in HIV+ ka nih thu min hrilh chuan ka nghing lawih a ka mit nghal sulh bawk a.

" HIV+ ni mahla AIDS vei i la ni lo tih in hria la , damdawi i ei that phei chuan i damchhung in AIDS vei lo in i awm thei dawn ani. " tiin eng eng emaw hi min hrilh mawlh mawlh a .

A thu sawi tawp lam phei chu engmah ka hre mumal tawh lo reng reng a. Ka bing chuk chuk a, ka sa pup pup a ka alh chhuak lo chauh hi a ni ber a. Ka ding chhuak hluai a, " Ka pi, tunah rih chuan i thu sawi kha pakhat mah ka beng ah a lut lo. Mahni a awm fal ka mamawh rih tlat. Naktukah ka rawn hmu leh ang che. " tih leh tlanchhuah chu ka rual a.

In ka thlen chuan tumah ven thawn tur awm hek lo aw rawl chhuah meuh in ka tap ta hawm hawm a. Awm ngaihna pawh hre lo in chhuat dungah chuan ka vei tawn chhen a. HIV+ ka nih si chuan ka hmeichhe hmangaih ber Zampuii pawh ka nei thei dawn ta lo tihna a nih chu. Ka nei anih ngat chuan he ka natna hrik pai hi ka kai ve dawn tihna a ni dawn a. Ka sual man leh ka thil thalo tih man chu sualna neilo hmeichhia, ka nun a ka hmangaih ber hian a tuar ve ka rem ti lo ani. Zampuii nupui ah ka nei anga ka ruih hlo tih te sim in hlim tak in ka nun ka hmang anga tia ka lo suangtuah te chu a thlawnA vek a lo ni ta.

Tunah chuan ka hma lam hun ka lo suangtuah ve thin zawng zawng chu a chhe ta vek a, beidawnna luikawr thim chhah mup chu zawh in ka hma lam ah chuan beiseina meisi de ve ve pawh hmuh tur a awm tawh lo. Thim hian min bawh mup mup ani mai a. Enge ka tan dam ve reng hi sawtna awm le? Ka dam ve reng chuan ka chhungte pawh enge maw palh ah he natna hi ka lo kai ru ve thei tlat ani. Chutiang bawk in ka thian tha te leh ka hmeichhe hmangaih pawh. Ka sual man ka tuh rah chu keimah ngei in ka tuar tur ani _ midang in an tuar ve tur ani lo.

He ka natna hrik pai hi ka hmeichhe hmangaih ber hnen ah ka kaichhawn hma ngei in ka then fel tur ani. Zampuii chu ka call a, min chhang ta lo chuan message min rawn thawn zawk a.

" Last period kan nei mek.. Ka zo tep. "

Message a thenna thu thawn mai ka tum zuau na in college hran a kal kan nih vang in duh ang pawn kan in hmuh tam theih loh nen kumkhua a tan ka then fel dawn a nih chuan a tawp nan, a tawp ber nan vawi khat chiah tal chu kha a hmeltha tak kha hmuh leh ka duh vang zawk in, " In college thlang ah ka lo nghak ang che. " tiin message ka thawn let ta zawk a.

" Awle, boss. "

Ka mitthla ah chuan Zampuii, nu te lam, ngo ving veng, mitmeng bial fiah kak mai leh pian leh mizia nu hnep mai chu lo lang in ka lo hmangaih nasat zia chu ka in hre thar uarh uarh a. He ka nun hi a bul atang in _ a bul ret atang in tan that leh ka va han chak em. Min hmangaih em em tu engtik lai pawh a ka tan awm reng chhungkua ka nei a, hmeichhe hmeltha leh pian fuh tak min hmangaih leh ka hmangaih ka nei a, sum leh pai ah lah ka buai ngai hek lo. Chuti chung chuan hlimna dang beisei in ruih hlo lam ah ka lo tlan a... Ka chawh! Ka chawh tlawk tlawk, tuar zia reng ka lo ni. Ka nun hi tan tha leh thei ni ila chuan ruihhlo hi mel tam tak a hla ah ka hel char char ngei ang.

Zampuii hmu tur chuan an college lam pan in ka in khalh chhuak nghal a. Rei pawh ka nghah hma in ka lam pan chuan a sam dum, a mawi tawk chauh a kir phe siau siau chuan a rawn tlan a, a ha var rual siau lang chuan a nui ver ver a . A hmeltha lutuk chu ka mit ka la sawn thei lo, kuah chawt a fawh vawng vawng tluk a thil chak ka nei lo. Mahse chu chu ka tih loh tawp tur thil a ni si. Ka bul a lo thlen chuan ka ban rek ah vuan in thawk a la ham ham a.

" Min nghak rei tawh em, Luke? "

" Ka thleng ve deuh chiah. "

A mit meng mawi tak chuan ngaihthatloh hmel tak chuan min en hau a, " Thil dik lo a awm em ni? I awm dan a va mak ve. " a ti ha a.

Ka in haw lutuk chu anchhia ka in lawh ru mawlh mawlh a. Theih patawp a in sum in ka in sang mar a, " Zampui, in then ang. " ka ti ta tawl mai a.

A mitmeng fiah kak chu meng zau kawk in min melh phawk hra a, "Eng tin maw i tih? " a ti ha a.


" Hmeichhe dang hmangaih ka nei a, a ni chu nupui a neih ka tum ani. Khawngaih in min theihnghilh rawh. "


" Luke, kan in hmangaih dun em kha. I nupui ni tur in min tiam tawh kha.. I fiamthu ani tih min hrilh hram teh. " tiin a biangah chuan mittui a luang ngiai ngiai a.

A mittui chu hruk hul sak a nghet taka kuah vawng vawng chak chuan ka kut chu a za et et mai ani. " Ka fiamthu hauh lo. Chu hmeichhia chuan nang in min pek theih loh a nulat thianghlimna chu min pe in tunah hian ka fa thla hnih mi a pai mek ani. " harsa ti tak chuan ka ti thei hram a.

" Dawt i sawi. Ka hre chiang tawk che. "

" Ka daw lo. "

" Luke, ka hmangaih che a, ka then thei lo che ani. Khawngaih in fiamthu thawh kual hi bansan hram teh. "

"Mangtha tur che in ka rawn kal ani. " tiin ka bike ah chuan ka lawn san a. Ani chuan ka kawr ban ah chuan min pawt fan fan a, mittui tla zawih zawih hian " Luke.., khawngaih in... " a kut chu ka thing thla nawk a hawi let tawh hauh lo chuan ka tlansan ta nal nal a.

Mittui vanga khaw hmuh phe ruai chuan in chu ka in khalh thleng thei hram a. Sofa ah ka thu hnawk a, ka thinlung chu chemte a vih tlang zawt... nilo.. vih tlang chu a la na lo mah mah.... chemte a zai thler vek a, acid tui leih leh ang vel hi ani. Ka phone ah chuan Zampuii messages leh voice messages te a lo lut zawt zawt a ka chhiar ngam thlawt lo. Min rawn call pawh ka pick up ngam hek lo. Mi dawihzep leh bawlhhlawh ber chu ka va ni em!Kei mi bawlhhlawh hi i hmangaihna dawng tlak ka ni lo. Lalpa, hei chiah hi ka dil a che _Zampuii min hmangaihna hi lak kir sak la min huatna thinlung pe in min huat tir ngawih ngawih rawh.

Ka thu hle hle thei lo, ka ding a ka vei kual leh thul, ka thaw leh hawlh hawlh thin. Ka rilru hah lutuk chu ka u hnenah engkim hrilh vek tha in ka hre ta a. Ka u number chu ka dial ta a.

" Hello Luke? "

Sawi tan ngaihna pawh ka hre lo, ka u aw dam duai ka hriat chuan ka puak keh vek ani mai a, ka in hnip ta hlawp hlawp a.

" Luke... Luke.. Eng thil nge thleng min hrilh teh. ''

" Ka U.... " HIV+ ka nih thu chu ka hrilh thei thlawt lo, a rilru na lutuk tur chu ka ngaingam hlawl lo ani.

" Luke, Zampuii'n a then che em ni? "

" Aw... " tiin dawt chiang bal chu ka sawi ta ngawt a. HIV+ ka nih thu hrilh ai chuan chu thu chu sawi awlsam ka ti zawk miau mai si.

" Hmangaih ve lo tu che chuan i hmangaihna leh i mittui kha a phu hlawl lo. Theihnghilh la ani aia tha hmeichhia chu i tawng leh thuai ang. ''

Ka dam ve reng chuan hnawksak leh ka mi hmangaih te tan natna thlentu mai ka ni dawn a ni. He ka nun bawlhhlawh leh tenawm hi ka ti tawp tur ani. Dam hi thlakhlelhna reng ka nei tawh lo. "A dik a lawm. " ka ti mawl tawp a.

" I rilru kha lo ti na tawh suh aw. Ka rawn chhuk anga engkim a tha vek mai ang. "

Ka u nen kan in biak zawh hnu chuan video in thla ka in lak a, " Vawiin hian ICTC ah ka thisen ka test a, HIV+ ka lo ni reng tih ka in hre chhuak a _ ka ruihhlo tih man ka tuh rah ka seng ta anih hi. Nun hi a bul atang a tan that leh theih ni se tiin inchhir tlawk tlawk mahila awmzia a awm silo. Nu, pa... Ka U , ka hmangaih lutuk che u. In tan zahna leh tuarna thlen tu mai ka lo ni ta anih hi. In bula awm hi chak teh mahila he ka natna hrik pai hi ka kai darh ang che u tih ka hlau si. In beisei ang ka ni pha lo hi min ngaidam mawlh rawh u aw. Ka hmangaih vek che u.

Zampui, ka nuna ai pawn ka hmangaih che ani. Vawiin a thenna thu ka hrilh lai che a i mittui tla zawih zawih te kha hmuh hrehawm ka ti tak zet ani. Ka natna kai lak a i him nan ka nunna hi ka lak a ngai ani. I kiangah ka awm ve reng chuan ka kai ve ngei dawn si che a. Dam reng chunga thih ai chuan thih hlen law law ka thlang ta ani. Ka thawk tawp thleng pawh in i hming ka lam fan ang. Mangtha dam tak in aw ka hmangaih che. Hmangaih tlak loh hi min theihnghilh hram ang che aw. "tiin ka record zawh chuan ka phone chu switch off in ka khum hnuai drawer ah ka kalh hnan ta hmak a.

££££££££££££££££££££££

Miriam's POV :

Ka phone a rawn rik chuan ka en vat a, Devin ani tih ka hriat chuan ka nui sak a. Devin hi naupan tet atanga ka thian tha ani a, mahse kei chuan thian tha satliah aia nasa in ka en ani. Champhai a an pem hnu pawn Aizawl lamah high school leh college chu a la kal tho a eng tik lai pawh hian kan in zui chawt thin a. A hmeltha in a palian si a nula lah hian an hel nasa thin hle mai a, chung nula te chu thik eng ang mah ila ka ti lang ngam tlat ngai lo. A chhan chu a ni chuan thian tha ang chauh in min en thin si a. PWD ah hna a neih tak chin ah chuan an khua ah a thawh vang in kan in hmu tam thei ta lo a mahse phone call chuan kan la in be ta reng ani. Darkar reilo te kal ta khan Aizawl lama a rawn in transfer tur thu min hrilh khan min ti phur em em ani.

" Enge ni ta, Devin? "

" Kan in ah khan lo va kal la Luke kha lo va thli thlai teh. A bialnu nen an in then a, a tuar em em mai a. Eng thil tha lo emaw tih duhna rilru a lo pu ang tih ka hlau ani. Ka call leh a phone a switch off tlat mai si a ka ngaih a ti tha lo riau mai. "a rawn ti a.


" Awle, i tan chuan eng pawh ka ti thei a lawm. Mahse i rilru kha ti hrehawm lutuk suh. Naupang chhia a ni tawh lova i ngaih ang em em a rilru no chu a ni lo ang. " ka ti a .

Ka in siam sawk sawk a, Devin_a te in lam pan chuan ka scooty chuan ka tlan ta nghal a. Ka thlen chuan door bell chu ka hmet a min chhangtu an awm silo. Vawi tam ka hmeh hnu pawh in chhanna ka dawng lo. Ka rilru ah chuan ngaihthatlohna a lo lut nghal a. Devin chu ka call nghal a, " Devin, door bell ka hmeh pawn min chhang miah lo. " ka ti a.

Eng thil pawh tawk se cool raih thei reng Devin ka hriat thin kha a lo chi-ai ve thei ani tih tunah ka hre ve ta chiah ani. " Miriam, police call nghal rawh _ tunah! " a ti tuarh a. " Kei ni pawh kan rawn tlan thla ve nghal ang. Lalpa, ka nau chungah khan eng thil tha lo mah thlen tir suh aw. " tiin a rum kawk a.

Police lam ka call ta nghal a, an kawngkhar chu ti chhia in kan lut a, Devin hlauhthawn ang ngei in Luke chu fan ah a lo in khai reng tawh a, chhan tlak a awm tawh lo. He thu lungchhiat thlak lutuk hi Devin hnen a hrilh chu ka huphurh tak zet ani. Mahse ka tih ngei a ngai si.

" Hello, Devin... "

" Ka nau chu a tha em? Khawi maw amah min lo biak tir teh. "

" Devin, pawi ka ti khawp mai... "

" Engvang in maw pawi i tih? " a rawn ti tuarh a.

" Luke chu mihring a tling zo ta lo."

" Aw... Ka Pathian! " tiin a rum kawk a. " Luke thisen hi a thlawn in a luang ral lo ang. Ka nau nunna la tu he dawithiam pitar hian a tuar ve ngei ang. Ka nunna chhal in chhia ka chham e _ Luke, i phuba chu ka rawn la mawlh ang." a ti chang khawl a.

A aw vawt tak phen a huatna leh tumruhna in phum ru chuan min tu mur sung sung thei hial ani. Devin hi ka hre chiang a a thu sawi hi a ti ngei bawk ang tih ka chiang ani. Eng ang chiahnin nge phuba chu a lak dawn ka hre lo na in Luke rilru ti keh chhe vek tu hmeichhia chu ka ni ang tih ka hlau in a chan chu awt lo tak ka ni.
^^^^^^^^^^^^^^^^^^^^^^^^^^^^^^^^^^^^

Zampuii's POV

In ka thlen chuan pindan ah lut tlang nghal in khumah chuan ka bawk thlawp a lukham ah hmai phum in ka tap ta hlawp hlawp a. Ka thinlung chu a puakkeh chhe vek ani. Luke hi ka hmangaih em em a pasal a neih hial pawh ka tum ani. Nizan mai ah pawh min hmangaih zia leh inneih vat a duh thu min la hrilh a ni si a. Enga ti nge heti teh thut a min then leh mai ni ang le? Ka hrethiam pha thlawt lo ani.

Ka mittui chu hru hul in ka in pet ruh fan fan a, ka phone chu la in Luke chu ka call a a pick duh bawk silo voice message ka thawn ta ngawt a. " Luke, i awm dan hi ka hrethiam thei thlawt lo ani. Khawngaih in lo let leh rawh. Ka hmangaih che a sin. I lo che sual palh anih pawn ka ngaidam vek ang che. He tia inthen leh mai tur chuan ka lo hmangaih thuk hman tawh lutuk che ani. " tiin ka thawn a.

Ka message chu a ngaithla lova min chhang hek lo. " Nang hmangaih tur che in min zirtir a, i tel lova nun dan min zirtir tel silo. Khawngaih tak in lo let leh la i tel lova nun dan min zirtir thiam phawt la min kal san chauh dawn nia. " tiin ka thawn leh a.

Min la chhang lo cheu a, ka call nawn leh a min la chhang chuang lo. Ka rilru na chuan ka thisen zam nen lam min fan chhuak in min tur ut ut mai a. He ti teh thut a inthen chu hriatthiam a har in min thawng em ani. " Chu hmeichhia chuan nang in min pek ve theih loh a nulat thianghlimna chu min pe a, tunah hian ka fa thla hnih mi a pai mek ani. " chu thu chu ka beng ah a ri nawn tluk tluk a. Ka na lutuk chu awm ngaihna pawh ka hre lo, ka thinlung chhungril kil khawr ber thleng chuan a na ngawih ngawih mai ani.

Luke nen hian thla riat chhung chu kan lo in zui ve tawh a. A hmeltha sar vang mai kha ka ta ni lova midang ta ni mai tur atan chuan ka phal hlawl lo ani. A tawp ber nan tiin voce message chu ka thawn leh ta a. " Luke, min hmangaih tawh lo in min then mahla kei chuan ka hmangaih reng che ani. Ka hmangaih ber che min ti tu ngei hian hmelma in min tih nat theih ai nasa in min ti na anih hi. I fa paitu hmeichhia chu nei la hlim tak in awm kumkhua ang che u. Kei min tih nat ang hian tumah ti na tawh lo hram ang che. " tiin.

Nimin mai pawh khan engmah kan karah boruak danglam a awm hauh si lo a. Thenna thu min hrilh lai pawh khan ka mit ah tak min melh ngam lo a nih kha. Ka nu office bang a lo haw pawh chuan ka room ah ka tawm reng a, lo chiau au emaw rawngbawl tur emaw pawn chakna reng ka nei lo. Ka zawi in ka na ngawih ngawih a, lukham kuah in ka mu kawm ngal a.

Ka nu chuan ka room kawngkhar chu a rawn kik dat dat a, " Zampui, i awm ti raw? I tha em? " a rawn ti a.

" Aw. " ti chauh in ka chhang a.

Ka nu ngaihthalo chu a rawn lut a, ka tahna ka mit bui luk leh sen ram mai a hmuh chuan a meng buai nak a. Ka khumah thu in min rawn kuah a, " Eng thil nge thlengna? Eng rilru natna nge i neih? " a ti chul a.

Ka nu kuah in ka tap ta hlawp hlawp a, a ni chuan ka hnung ah min chul hliau hliau in, " I theih phawt chuan tap rawh. Kan tap thawl ve hawk thei a nia. " a ti malh malh a.

Ka nu sawi ang chuan duh tawk ka tah hnu chuan tlem chuan ka thawl ve hawk hian ka hria a. " Nu, ka rilru hi a na lutuk ani. Luke khan min then a... Hmeichhe dang hmangaih a nei a, chu nu chuan a fa thla hnih mi a pai mek bawk ani. " tiin ka hrilh ta vek a.

Min hrethiam tak hian min kuah nghet sauh a. " I na ngawt ang tih ka hriatthiam pui che ani. Lo innei hman ni ta ula emaw lo laklawh ta ula then leh si ta che sela tun ai hian i dinhmun chu a chhe zawk ngei ang. Mahse thil a pawi tak tak hma a in inthen hman hi a tha zawk daih ani. Min hmangaih lova min kal san tu te hian kan mittui hi an phu lo a, hriat zui reng lah an phu hek lo. I rilru ti paukhauh la theihnghilh tum in theih tawp i chhuah dawn nia. " tiin min fuih mawlh mawlh a.

" Nu, eng tin nge he tiang rilru natna hi i tuar chhuah theih zawk a? Nangmah anga tuarchhel nih ve theih hi ka duh ani. "

Ka sam chu a chul hliau hliau a " Ti khan lo mu hahdam la ka va in thlak anga rawng ka lo bawl ang e aw. " tiin a chhuak ta a.

Ka nu hian kum 17 mi lek anih lai in min pai a, mahse an retheih em avang in ka pa chhungte chuan an duh lova kei pawh chu ' kan fa ani lo' tiin min thlauhthla hmak a, ka pa pawh chu nupui an neih tir ta nghal a. Ka nu chuan retheih vanga hnawl nih chu na a ti in kei min neih hnu chuan tumruh tak in lehkha a zir zawm leh a sawrkar hna sang tak thawk thei khawp in a in hlang kai ta ani. Tunah chuan pangngai tak in kan khawsa ve thei tawh a. Hmana lo hnawltu ka pa chhungte pawh chuan an rawn be tha thar in kei chu an tunu ah min han pawm thar leh a ka nu chuan a lo in chhut ngen sak lui ve sak tawh a ni. Ka nu hian ka pa kha ala hmangaih reng ani tih ka hre chiang hle _ tun thleng hian mipa dang reng reng ngaihsak lo in min tulpui thak ani.

Khawvela a mipa hmangaih ber pawh hmangaih lo ang hmak a ka nu pawh a awm theih chuan ka hmangaih ber che ti chung a he ti khawp a min ti na duh tu hi ka theihnghilh thei tur ani tiin ka in fuih ru mawlh mawlh a. Ka phone a Luke thlalak zawng zawng chu ka delete ta vek a. Ka phone memory a a thlalak ka delete ang hian tun atang chuan ka thluak memory atang hian ka delete ve tawh tur ani. A pawi ta ber zawk chu phone memory anga ka thluak siam ani lo hi ani.

💚💚💚💚💚💚💚💚💚💚

HMUN AWL :


Tunlai chu ka thluakah hian maw Olivia Rodrigo hla sak 'Dejavu' hlir hi a ri chuah chuah mai . Zing thawh hlim atanga mut dawn thleng hian ka fanute pahnih hian an play char char miau mai si a .



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » April 25th, 2021, 8:15 pm

CHAPTER : 2

Devin's P.O.V

Luke _a ruang chu Champhai lamah kan la chho a, a tana kan tih theih hnuhnung ber chu a thlan thuk tak a laih chu ani ta mai si a. Ka nu leh pa lah in tuar tak te in an tuar a ka hnem thiam loh mai bak ah han in hnem tur ber pawh kan awm chuang lo ani.

A ruang chu ka han en thin a, a thih hnuah pawh a la hmetha vang mai si a, mitthi hmel aiin tui taka muhil hmel pu mah zawk hian ka hria a. Mahni nunna lak duh phah hial khawp a thinlung natna thuk siam sak tu Zampuii lakah phuba ka lak lohna chhan tur reng ka hre lo. Nie, ka nau natna tawrh ang chiah hi tawrh tir ve in a na tuar lai chu kut kuangkuah a nui chung in ka thlir ngei ang. "Luke, i phuba la lo hian i u hi a awm lovang. Pathian hming chhal in ka sawi e _ i phuba chu ka rawn la khawp ang. " ka ti ru tlawk tlawk a.

Thinlung kehchhia a ka nu tap reng leh ka pa rilru na lutuk tap chhuak lo tur a insum hmelte chuan ka thisen zam tin hi phuba la tur in a tur tluk tluk mai a. Ka nau phuba hi ka lak hma chuan ka dam thei ngai lo ang. Ka nu lah pa tuar hmel leh ka nau ruang dai vawt vek tawh chu hmuh hrehawm ka ti in min ti na a,ka thawk a pik phui mup mai a. Awm ngaihna reng ka hre tawh lo ka in thiarfihlim vat loh chuan ka mualpho mai dawn ni in ka hria a, ka bula thu Miriam_i hnenah chuan, " Miriam, ka nu leh pa hi lo ngaihven deuh teh aw. Hawi thawven lawk ka mamawh in ka hria. " ka ti ta ringawt a.

" Kal pui i ngai em? "

" Aih, ka tha. Mahni a awm fal lawk ka mamawh mai chauh ani. "

" Mavala tal hian rawn zui ve che sela. "

Aizawl atanga min rawn zuitu ka college kal pui ka thian tha tak tak te chu ka nuih sak a. "Ka'n chhuak thawveng lawk ang e. '' tiin mipui tam tak ka nau ruang min thlah pui tur zai dup dup chu chhuahsan in ka roomah chuan ka lut ta a. Mahni a awm fal chuan ka rilru na chu chhawk lemlo mah se ka thawpik lutuk leh ngaihtuahna bing mup mup chu a ti zia awm khawp mai.

Chair ah chuan ka thu hnawk a, ka mit chu ka chhing vang vang a. "U, a hming chu Zampuii ania, a hmeltha in a nalh teh mai a nia. Ka hmangaih nasat ang bawk in ani pawn min hmangaih ani. Hmu ve la chuan nang pawn tha i ti ve ngawt ang. A thlalak ka rawn thawn ang che nga mahse a thlalak ai in a tak ah ala tha zawk cheu tih ka hrilh lawk ang che. " tia Luke_an a hrilh kha a beng ah a rawn ri nawn awn awn a.

Ni e, he khawvel a i hmeichhe hmangaih ber mai chuan i nunna chu a laksak ta che anih hi. Luke, i tan hian hmangaihna hi a lo va nunrawng si em! Engah nge hmeichhia he ti zo zai zingah Zampuii ber kher i lo thlan le? A pawi ani. Hun hi her let leh thei ni ila chuan Zampuii i tawn loh nan theihtawp chhuah in ka dang char char ang che. He anchhe dawng hmeichhia Delili ang mai a nunrawng hian a phu tawk hremna chu a la hmu ve mawlh ang. Mi te chuan hmangaihna hi an hlim pui a , an nuihpui ani zawk a . Ka nauva tan chuan lungngaihna , natna ,tahna leh thihna a lo chang ta zawk anih hi .

Aizawl lama ka hna zawm a hun chuan Luke_a suna lungleng khawhar a an awm lai a ka nu leh pa kal san chu ka hreh ngang mai. Kan awmpui Burma nula tawng tlem tak chuan an lunglen khawhar chu a hnem dawn lo hulhual. Ka Nutei fanu a pasal sual lutuk vanga sum chhuaha a fate pathum nen lo kir leh chu ka nu leh pa bula awm tur in kan ti thlu ta a. Ani pawn nuta te nupui, mo hrawn ai chuan ka nu leh pa bula awm chu a lo duh zawk daih a, a tha ang reng phian a. U Mami lah tawng duh leh harhvang tak anih mai bak a, a fate pathum harh zet zet nen chuan ka nu keh pa chu lungleng hman pawn an siam lo ang tih ka hriat chian avang chuan ngaihtha tak in ka awm theih phah a.

U Mami fate chu mipa hlir niin a harh rual leh hlei rual tih tak ah an nung tha vat vat hlawm khawp mai . Ka nu leh pa lah ngaih tak te in an ngai a , an in au , an in um in an in hau deuh reng mai ani . Aizawl lam ah ka chhuk dawn tih an hriat rual rual chuan ka haw leh huna ka thil hawn sak tur chi hrang hrang hawn sen rual loh tur chu min chah kur nghal dup mai a . Nuih hi an ti za in nun an ti hlim khawp mai .

Ka chhuk hma ni chuan Luke_a thlan ka va tlawh a. A thlan chungah thu in thlanmual theng thaw nuam tak chu ka thlir kual vel a. " Luke, thian i ngah bawk a i khua a har em lovang chu ti raw? Kei ni chu kan khua a har em em a sin _ nangmah vang hian. Aizawl lamah ka chhuk thlak a hun tawh a, ka awm loh hlan in ka nu leh pa te saw lo enkawl tha ang che aw. " tiin ka rilru chuan Luke thlarau chu ka be mawlh mawlh a.

Thlifim rawn thaw heuh heuh in ka sam chu a rawn chhem che thei hial a. Ka ding zawk a, " Luke, nangmah i ni em? Nangmah i ni ti raw? Ka tawng hi i hre vek ani ti raw? " tiin ka au vak vak a.

Kan naupan lai hian vai film pakhat kan en dun a, a changtupa chu a thih hnu in amah ah bawk a rawn piang nawn leh a. Kan rilru a hneh dun em em mai a. " Kei chu lo piangnawn leh thei ila chuan sava ah ka piang nawn anga van sang tak ah ka thlawk kual anga a nuam ngawt ang. " ka ti fiam chul a.

Luke chu a ngawi ran a, " Kei chu ka thih hun ah chuan thli ah ka chang duh. Ka ngei deuh deuh te chu thlipui na tawk ah chang in ka chhem thin ang a, ka ngaih deuh deuh te bulah chuan na lo te in ka thaw thin dawn ani. " a ti a.

Kan naupan lai hun ka ngaihtuah chhuah chuan ka hnuk a ulh tlat mai a, tun mai a thlifim min rawn chhemtu pawh kha Luke a ni thei tak tak mai lo maw? Luke, Luke, i lo kir leh thei tawh thlawt lo em ni?

Ka phone chu phawrh in Luke min rawn thawn Zampuii thlalak chu uluk tak in ka en vang vang a. He hmeichhia hi khawi hmunah pawh hmu ila ka hai hauh lo ang tih ka chiang ani. " He hmeichhia hi i thlan chungah ngei bawkkhup a nhaihdam dil tur in ka rawn hruai ang. Thinlung keh chhia a a siam ang chiah che hian a thinlung hi ka hmet keh sawm vek ang _ he ka kut phah ngei hian. " ka ti mawlh mawlh a.

Aizawl ka thlen thlak chuan thian tha ten min lo hmuak nual hlawm a. Hotel ah zanriah tuihnai tak kan ei khawm in kan hlim tlang hlawm phian a. Phone in in be pawp reng hlawm mahila college kan zawh atang kha chuan kan la in hmu khawm leh miah lo a, sawi tur kan ngah hlawm in kan ri laih laih hlawm a.

In tur lam lah duhthusam in a tam bawk a kan ri deuh laih laih hlawm a . Mavala kai deuh tawh chu a phur zual in a ri lung lung reng mai a . " I rawn chhuk chu Champhai nula eng zat tak mittui tla ang maw ? " a ti lung lung a .


Ka nui mai a , " Mittui tla tur khawp in tumah ka siam lo . " ka ti sam et a .Ka kai ve tan deuh nge ni Miriami chuan min rawn nghawk zauh a , "Eng nge ni , ka naute?" tia lo fiam in ka nuih hawk hawk a.

" I rui ange aw , duh tawk rawh." a ti chang fak a .

Tlana lah pek chuan , " I im ta tu nghal ringawt elaw, Miriam ?" tiin a lo la fiam zui a .


" In tih ta tu lam ani lo . A zin chau nen a taksa hian zu hi a zo lo deuh in ka hria . Rui hnep khawp a a in chuan in lamah buaipui zuitu a neih ve loh hi . In belh tir tawh suh u." a ti a .


" Min ngaihtuah suh. Ka in enkawl thei a lawm . Naupangchhia buaipui ngai ang ah chuan min chhuah lo hram teh ." ka ti champ hle a .


Zinnia-i chuan " Hawh u karaoke ah kal ang u ..Devina welcome-na hla kan au tial pui dawn nia u." tiin phur tak chuan a rawt sarh sarh a . Midang ho lah an lo phur phian a . Karaoke ah kal in zai leh lam in hun hlimawm tak kan hmang a , nuam ka la ti phian zui leh nghal a .



Zan tlai tawh takah kan in lian tak leh reh ruih mai ah chuan ka pen lut a, a khawhar thlak in thlanmual ang mai a reh leh khawhar thlak ni hian ka hria a. Mahni mai chuan a reh mah mah ani. Sofa ah chuan thatchhe zawrkawi zet hian ka thu hnawk a ,Luke kha tunah hian ka bulah lo awm ve se ka ti tak zet ani. He in lian leh reh ruih mai ah hian rilru na tawp khawk khan mahni mai in a awm kha a ni si a. Kha tih lai khan a rilru na hnem tur in a bulah lo awm ve thei ni ila thil engkim hi a danglam vek tur hi a ni a. Zampuii ka huatna chuan min rawn tuam nawn thar leh in min ti na ngut ngut mai a ni.


Damien's POV

Ka khum bula Zampuii nen kan thlalak dun ka tar chu ka thlir vang vang a. Luke-an a then vanga a rilru na chu hnem in ka lam a hip tur a tan lakna hun tha tak chu ani. Mahse he hmeichhe hmeltha lutuk hian a thian tha ber ah min chhiar hmak a, ka hmangaih em em ani tih a hrethiam hlawl lo chu a buaithlakna lai ber chu ani. Chhan let loh hmangaihna, hmangaihna khingbai chu hei ngei hi ani.

Pawl kua kan zir kum atang khan Zampuii hi ka hmangaih tawh a. A hmelthat em avang chuan ka phu hlawl lo nia hria in ka hmangaih thu pawh hrilh ngam lovin a lakah that ka chhuah a, ka duh zia chu chet zia kawng engkim ah ka ti lang fo thin. Ani lah chuan thian tha ang bak in min en der mai si lo. A thuruk engkim min hrilh in min ring em em a, a mipa hmeltha tih te ka bulah a sawi siam siam changte chuan ka lo na vawng vawng thin ani.

Pawl sawmpahnih kan han passed chhuak a, ka pa chuan amah ang bawk a doctor ni tur in min duh a. Mahse Zampuii hmel hmu lova awm chu ka zuam thlawt loh avang in ka zir ta lo kha ani a. Luke nen an in ngaizawng tih ka hriat a ka rilru nat zia leh van san zia kha Pathian chauh in min hriatthiam pui ang. Tunah Luke nen an inthen tih ka hriat khan ka lo hlim veng veng mai a, mahse a rilru na hmel ngui riai mai chu hmuh hrehawm ka ti em em si a, ka hnem zo ngang bawk si lo.

Thian tha ber ang ah min en si a, ka hmangaih thu hi lo hrilh ta ila kan in thian thatna chu a chhiat phah in min huat phah emaw ani dawn si a. A mi huat nih a, a bula awm theih loh ai chuan he ti hian a thian tha nih a, nitin a hmel hmu pha leh a aw hre thei a ka awm ringawt pawh hi ka thlang zawk daih ani. Ka tana Pathian ruat anih tak zet chuan eng tik ni ah emaw chuan ka hmangaih zia hi hrethiam in ka lam a la rawn hawi ve mahna. Chu chiah chu ka in nghahna awmchhun niin bang lovin Pathian hnen ah ka ta nih tir tur in ka tawngtai thin ani.

Kan in zui ngun lutuk hi kan thiante leh chhungte pawn kan inngaizawng emaw ti in min fiam zauh zauh thin a. A tak nilo mah se min dem fiam chang a nuam ka tih thin zia kha.... Ka lo hlim ru veng veng mai thin a ni. An mi dem fiamna te chu a tak chang thei se ka ti ngawih ngawih thin ani.

Khumah bawk in ka laptop a a thlalak te chu ka en ngawih ngawih hlawm a, ka en ning thei hlawl lo ani ber mai. A vun ngo paw veu leh a mitmeng dum fiah kak mai leh a hmui phir thai sexy zet mai te chuan a hmelthatna a ti zual vel vek mai ani. A mah a nu lian lem lo na in a pian hi a fuh in a dik thlap mai a. A engkim mai hi a nalh in a fuh vel vek a, min hip bet hneh hle ani ti ila a fiah ber zawk ang.

Ka phone a rawn ri ral ral a, ka phone screen ah chuan ' World💜' tih a rawn lang kalh a. Zampuii ani tih ka hriat chuan ka nui var var a, ka lungphu chu rang tak in a phu nghal zaih zaih a. " Hi! My World! " ka ti z*ng vah a.

A rawn nui hak hak a, " Hi! My Universe! "a rawn ti halh a.

Chu chu a phone a min save dan ani. " I tha em? I zia deuh em? " ngaihtuah tak chuan ka ti a.

" Ka tha a lawm. Awmlo ngen a tap rual ka nih tawh loh hi. " tiin a nui har har a. " Enge i tih dawn? I hman chuan bazar ila.. Chawhmeh leh kawr thar lei ka duh a. " a rawn ti a.

Ka nui hak a, " I tan chuan eng tik lai pawn ka hman tih i hriat chian vang anih kha " ka ti deuh ngat a. " Lo in siam peih la, ka rawn tlan nghal. " tiin rang tak in ka in perh tho nghal at a, ka in siam nghal zung zung a.

Ka landan chu a tha tawk em tih fiah nan darthlalang hma ah chuan ding in ka in thlek zawk a. Ka lan dan ah chuan ka lungawi tawk ani. Han en mai chuan Zampuii tan pawh han iai chhan tur ka awm bik lo a sin le mahse mahni inrintawkna ka tlachham lutuk leh amah ka duhna nasa lutuk hian min pawt hniam in ka insit phah vek ni a hriat chang hi ka ngah mai. Feet 6 hi inchis khat in ka tling lo a, ka hnar ngul sang vah leh ka mitmeng uk khak mai te chu hmeichhe tam tak min duh chhan a ni ve thin in ka lo in chhuan ve na a ni thin. Mahse Zampuii bulah chuan chu ka lo in chhuanna te chu engmah ni lovin ka tlawm ta ngawih ngawih zawng anih hi.

Ka car chabi chu la in ka tlan chhuak nghal a. Kar lo ah an in chu ka thleng ta nghal a, inrinni anih vang in a nu pawh in ah a lo awm ve a, min lo hmu chu hlim tak in min lo nuih var var a, "Damien, i rawn thleng der tawh elaw.. Zampuii pawh a in peih tep ang. Nang hi i awm lo ang tih ka hlau thin. I bula Zampuii a awm hi chuan ka thla a ngam churh mai a nia. " a ti a.

" Ka nu Hruai, min fak mah mah. " ka ti liam puat a. Tlangnel tak in fridge chu hawng in coke bur khat chu la chhuak in ka in nghal zat a.

" Nang hi awmlo la chuan tuna a rilru natna hi a tuar chhuak zo kher in ka ring lo. Kan nufa tan hian i hlu tak tak ani. "

" Kha tia min fak vak khan nuam ka ti lo, min ti lang mihrang hu in ka hria. " ka tih chuan ka nu Hruaii chu a nui ta hawk hawk a.

Zampuii chu inchung steps atang chuan a rawn chhuk thla a, a sam dum hlap leh ngil tle siau chu a thlah hnap a, t_shirt leh kekawr bul ha in holam tak in inchei mah se a inhmeh in a nalh pui em em zel mai a ni. " Min lo nghak rei tawh em, Damien? " tiin a ha var rual siau lang chuan a nui ver ver a. Awi... He nu hi chu ka va han duh hneh tak em!

" Rei lo _ coke bur khat ka in zo hman tep"

" Nih chuan kal ang. "tiin ka banah min rawn kai a, a kut nel thep in min rawn tawh chuan ka mur uaih a, ka lungphu chuan mu leh mal a nei leh ta lo. " Nu, kan kal a nia aw... Kan rei lo ang. " a ti zui a. Bazar lam pan chuan kan in khalh chhuak ta a.


Kum tam in hre tawh pawh ni ila a bulah hi chuan ka tal buai in ka inthunun theilo tep zel anih hi . Kan in hriatna a rei tawh teh reng nen ka lungphu hian ngaiah a la nei thei lo cheu thin hi chu mak ka ti thin .

Bazar ah chuan kut in kai rial in kan kal a _ mi tam tak kar ah chuan ka hloh palh ang tih hlauh vang in ka kai lui tlat ani mah zawk. A thil mamawh leh lei duh zawng te chu ka en pui ve zel a.

A duh leh mamawh te kan lei zawh chuan car ah kan dah fel a restaurant ah chuan thingpui i tur in kan in zui lut ta a.

£££££££££££££££££££££

HMUN AWL :

Next chapter atang chuan boring awm lovin a rawn ngaihnawm vung tawh hle ang 🤣🤣





.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » April 25th, 2021, 8:15 pm

CHAPTER : 3

DEVIN's P. O.V :

Naktuk hi ka thianpa Chhana birthday a ni a , ei leh in tur leh thil dang mamawh vel lam khawm in vawiin chu kan nileng hi ani ber mai a . Office chawlh te alo ni bawk nen ka thianpa pui tur in hun thawl ka nei thei chu ka lawm in vanneih thlak ang reng phian . Chhana hi naupan tet atang a ka kawm thin leh Miriami tih loh ah chuan ka pawh leh ngainat ber ani ve a. " Ka piancham ringawt kan lawm dawn emaw ilo ti ang e aw...Aizawl a ilo kir leh nen kan lawm kawp dawn a nih hi aw . " tiin a nui huah huah a.

" Anih chuan i senso zat ve tal hi tum ve tur in min beisei tihna em ni ?"

" Hnai lo mai. I rawn kir leh hi ka lawm zia ka tih lan nan ti ka ni."

" I bialnu ka neih sak che ang a ka rawn let leh hi pawi i ti hle tur ania."

" Tum chhin la .." tiin a nui huk a .

Mamawh kan lam ngah hnu chuan restaurant ah cold drink in in kan chawl muang a . Nula leh tlangval kut in kai rial a rawn nui lut hawk hawk ka hmuh chuan ka en chiang thuai a . Chu nu hmel ka hmuh chuan ka khawng nghal lah mai a, ka thinlung chu huatna in a so but but mai a . Va tlan phei a va reh bet a , thin(g) nawk nawk mai chu ka chak et et mai a . Luke-a thihna pawh thla a la liam awrh chauh ani sia , hlim tak in tlangval dang nen vantlang hma ah kut in kai in tu mitmei mah venglo in a chhuak vel maw ? Hmeichhe lepchiah leh zahna tlachham zet chu a lo ni ngei e .Rilru rit luk in chu hmeichhia zahna hrelo tak chu ka melh ta tlawk tlawk a.

Chhana chuan min rawn nghawk zauh a, " Saw nula saw hmeltha i ti hle ani maw ? Ka in hmelhriat tir dawn che em ni?" a ti a.

Lu ka lo thing mai a ," I hmelhriat tha viau em ni ?" ka ti sup a .

" Hmelhriat tha lutuk hran love..ka nau Matei nen hian an in kawm ve thin a . A hmeltha in a pian pawh a fuh reuh khawp mai ."

" I birthday lawmna ah sawm ve ngei ngei ang che ."

" Matei ka lo biak tir dawn nia . I lerh hi ila sim chuang lo anih hi ti raw ...hmeichhe hmeltha leh nalh deuh hi chu en liam harsa i ti tlat zel."

Ka nui hawk a, " Hmeltha hi chu an hmuh nawm in mit an ti tlai em a lawm." ka ti mai a.

" I lawm fal ta bik anih mai chu a ."

Ni e , ka pha lo - ka lerh in hmeichhia han kawp lawr mai te hi ka awlsam hle thin . Mahse , hmangaihna vanga kha ti khawp a Luke thinlung keh chhia a a awm a , mahni nunna hial a lak tak atang kha chuan mi rilru tih nat pawi zia leh nghawng a neih nasat zia ka hrechhuak thar a . Ka hmangaih tak tak anih loh chuan hmeichhia hi ka ngaizawng mai mai tawh lo ang tiin ka intiam hial ani. Mahse chu ka intiamna ah chuan saw hmeichhe leplerh saw chu a tel ve lo chiang bal . Ka nau thinlung a tih keh sawm sak vek ang khan saw a thinlung saw siam that leh rual loh in ka ti keh sawm vek dawn ani. Amah vang a Luke tawrhna kha a tem ve ngei tur ani. Luke phuba ka lak hma loh chuan ka chawl mai mai dawn lo.


ZAMPUII :

Matei chuan min rawn call ve teh mial a , kan in kawm tam lutuk lovin kan in be khat ang reng sia mak ka ti lek lek hial ani . " Hey , Zampui, naktuk hi ka u Chhana birthday ani a rawn tel ve rawh aw." a rawn ti tawp a .

" Ka hman ka va ring chiah lo e aw..."


" Hman tum hram teh - khawngaih in . Ei leh in vel kha ka kut ah a dah bawk sia min pui tur in ka thiante tumah an hman si lova nang tal chu hman ram teh ...ka sawm ngam awm chhun i ni bawk sia." tiin min rawn ngen a .


Chuti chung chung a la hnial talh chu mawi in ka hre chiah si lova ka lo rem ti ve ta mai bawk a .

" Awi...Zampui ,ka lawm lutuk ! Rawn kal ngei ngei rawh aw ."

"Dar eng zat ah nge ka lo kal ang ?"

" Dar 8:00 ah ani mai."

" Umm...awle."

A tuk zan chuan Matei U birthday lawmna a kal tur a ka in siam mek lai chuan Damien chuan min rawn call a , "Ka thianpa nen kan rawn leng dawn a , thingpui tui tawk lo lum la a hmeh tur kan rawn keng ang ." a rawn tina .

" Birthday lawmna a kal tur in ka in siam mek . Naktuk ah rawn kal zawk mai rawh u ."

" I va lerh reuh tak e aw.." Damien chuan a ti zauh a.

" Ka lerh ngai em ni ?"

" Mipa hmeltha te kha i va melh kual vak vak ka hlau mai zawk ani ."

"Ka melh teuh lo mai . Ka dah dawn , ka kal a hun dawn . Bye !"

" Bye ! Hun hman nuam le ! "

Matei te in ka thlen chuan mi an lo thahnem tawh in music ri nen an lo ri laih laih tawh a . Matei chuan gate bulah min lo hmuak a , hlim hmel tak in min lo nuih sang a ," Zampui, i lo kal thei chu ka van lawm tak . Hawh lut nghal ang ." tiin ka ban ah min kai a . Ka hmel hriat ngai loh hlir kiangah chuan nuam lo ka tiin haw leh daih mai ka duh rum rum a
Matei phone chu a rawn ri a , " Zampui, ti khan lo awm lawk rawh aw. A bengchheng em mai pawnah ka va chhang lawk ang e, ka rei lo ang ." tiin min la kal san zui a .

Tlangval pakhat zu rim nam huam hian min rawn pan hnai a , nui vun vun chung hian ," Hi , Lasi nula hmeltha , min lam pui ve la ." a ti a.

" Ka lam ve ngai lova."

Ka banrek ah chuan rawn man chawt in lam pui tur chuan min hnuh luih hi a tum ta mai a , kei lah in tan ka lo khawh ve tlat a, " Min thlah nghal rawh." tiin a mi vawnna chu phelh tum in ka bei chat chat a .

" Kei chu ni ila nula kha ka thlah nghal ang ." chu mipa aw nelawm fahran loh rawn chhuahna lam chu ka hawi vat a . Tlangval sang em em leh hmeltha lutuk mai hian meng vawt raih hian min lo melh a . A mit leh ka mit chu a in tawh chiah chuan ka tek deuh chhawk hian ka hria a .

Zu rui pa chuan , " Lo in rawlh lo la a tha zawk ang . Kal mai teh." a ti khu khu a .

" I hmeichhe pawh mek kha ka nupui hual a nia."

Chu zurui pa chu inthiamloh hmel tak in a nguk deuh hruih a , " Ka tih palh der anih chu...sava thlawk lai emaw ka lo ti a ." tiin zu rui chu a kal sawn ta nulh a .

Ka lawm lutuk chu ka thaw huai a . Hlim tak a nui var var in chu pa sang leh hmeltha tak chu ka melh chho a , "Kha zurui pa laka min chhan a vang khan ka lawm hle mai...ka lawm tak tak ani ." ka ti mawlh mawlh a .

Chu pa chuan mit meng vawt raih mai leh nelawmloh theih tawp chuan min rawn melh chhuk run a , " I tlangval hruai in a veng him zo lo che em ni ? Nge zu rui zuam tham lek a hniam ah i awm ?" a ti chang fak a .

A mi tawng khum duh dan chu mak ka ti in min ti hrilhhai letling zawk hial a , "Ah - tumah ka hruai lo . Matei ei siam pui tur a lo kal ka nia ." aw lawi deuh rat hian ka ti a .

" Ei siam pui tur i nih chuan choka lam saw i awmna tur hmun ni awm tak ani chung in mipa mit lak tum in i in pho lang phawt ani maw ? Hmeichhe then khat hi chuan an buaina tawh te hi an cho chhuah leh an phu ve reng ani thin ." tiin a hmui nalh zet chu a pet sawi a , a in hmeh in a lang sexy kher leh nghal a .

Min tawng khum duh dan chu ka ngei lutuk a , a hmai a ben chawrh hi ka chak et et mai a . Rum fahran hian ka melh let kha kha a , ka lam pan a Matei rawn kal ka hmuh chuan ka thaw huai a , "Awle ,ka awmna tur hmun dik tak choka chu ka va pan ang e ." ka ti deuh ngat a .

Chupa mitmeng dum nalh zet a nelawm lohna leh huatna chu thawk leh khat ah a bo nghal vek a , phur hmel tak hian a meng de ta sawr sawr a, " Ka tih palh ! Lam pui ah sawm che ila i thinrim viau ang em ?" awka nelawm leh ngaihno bei zet hian a ti a .

" Nichin mai kha chuan lam pui tlak loh khawp a tui tang lo ah min chhuah in ka hria."

" Nalh lutuk hian a nui ta var var a ," Lalnu Cleopatra ang mai a hmeichhe hmeltha ka hmu che a ka buai vel vek ni ber in ka hria . Khawngaih in lalnu hmeltha , chhiahhlawh Antony hi i lam pui duh em ?" tiin a meng de sawr sawr a .

A tawngkam leh awki chuan ka nuih a ti za ta tlat pek a , za em em hian ka nui ta hawk hawk a . Chu tih lai chuan Matei chuan ka bul a rawn thleng a, " Pawi ka ti lutuk ,Zampui. Nuam lo i lo ti em ? Tih tur tul dang ka nei leh a duh aiin ka rei ta deuh ani. U Devin nen chuan in lo in hmelhriat hman ani maw ?" a rawn ti nghal zung zung a .

" Hmel....hriat ......chiah lo.."

" Chuti anih chuan , Zampui , hei Devin-a...Devin , ani hi Zampuii ania.." tiin min han in hmelhriat tir a . " Ka u khan ei siam tur khan mi dang a lo ruat leh sia kan awl leh thei hlauh anih chu ." tiin min melh tawn zak zak a ,"Nuam deuh in hun in hmang dawn nia. Devin, Zampuii hi i kut ah ka dah ania." tih leh kal sawn chu a rual ta nghal a .

He mipa sang tak bulah hian mahni mai a awm chu ka duh lo ani . " Mate ,kal..." tia auh din leh mai ka tum lai chuan " Kal tir rawh. " Devin chuan a lo ti hmuk a .

Ka en chho hau a, a mit meng chu a in thlak danglam vek a , eng nge a ngaihtuah chu hre lo mahila a hma a mit meng nen kha chuan dang lam tak ani. He pa hian a mood a zir in a mitmeng hi duh duh in a thlak danglam thin ani ngei ang . A mitmeng de sawr sawr kha bo in a thim muk ruih mai a ,tuipui thuk tak hnuai thim leh vawt tak nelawmlo lutuk leh tlawhpawh hlauhawm tak hi ka chan ber a .

DEVIN :

Matei a kal sawn hnu chuan Zampuii chu ka en vang vang a , a hmel chu a tha fuh ngang mai . Eng tin nge Pathian hian he ti khawp a hmeichhe hmeltha rinawmlo , leplerh leh nunrawng hi a lo siam theih zawk le ? Eng vang in nge zu rui in a tih buai lai khan ka lo va chhan ? Duh tawk in pawt phar sela kut kuangkuah chung a lo thlir veng veng tur ka ni a sin . A ni ang hmeichhe leplerh hian ka puihna kha a phu thlawt lo a sin mawle.

"I thil ngaihtuah a zir in i mit hi a in thlak danglam thin em ni ? "

Ka harh chhuak zawk a , he hmeichhia ka nau thattu lak ah hian phuba ka la duh a nih chuan amah ka hnaih in ka hre chiang hmasa phawt tur ani . A mit ah tak chuan melh in ka nuih var var a ," A danglam em ni ?" nelawm tak hian ka ti sap a .

" Eng nge i ngaihtuah chu ka hre lo . Mahse i mit meng kha a in thlak danglam daih a lawm ."

" Nang ang hmeichhe hmeltha bulah chuan ka buai ta vek anih hi . I hmeltha lutuk a ka hamhaih vek a lawm." tiin ka nui hawk a . He nu thinlung hi ka hneh a ngai ani. Ka hnenah a thinlung min pek hunah chuan artui heng hmehkeh ang mai a awlsam in ka lo hmet keh sawm sak vek dawn ani . " Ka lalnu hmeltha Cleopatra hian a chhiahhlawh Mark Antony hi a lam pui duh ang em.? " tiin nalh thei ang ber chuan ka han nuih var var a .

Meng zau kawk in a thaw halh a ," Awle. " tiin a kut chu min pe a, lam tual ah chuan kai chhuak in kan lam dun ta a . A perfume rim no nghial mai chuan min rawn zem chiai chiai a , a perfume rim leh a hmel no ser mai chu inhmeh hliah hliah hian ka hria a . Amah a nu te in ka dar pawh a chen loh vang chuan kan han awm dun chu a lang te leh zual in naupang te tak te humhim ngai hliah hliah hmuh hian ka hmu ta tlat pek a . Mahse a hmelthatna leh pawi sawilo ang mai a a lanna te a pumraw tetna te hi ka in hneh tir tur ani lo. Luke phuba lak hmabak ka la ni tlat. Music ri a reh hnu pawh chuan ka la thlah mai duh lova , " Dangro tih hnawn nan in tur i duh em ?" ka ti sap a .


A mit meng lian kel kawl leh fim fiah kak chuan min rawn melh chho ha a ," A awm chuan thei tui ka lo in ang e." tiin a nui sei a .


A in tur in ser tui ka va lak chu melh vang vang in tur pawlh duhna thinlung hi ka pu hman ut ut a . Ka lu chu thing nawk in a bulah chuan phei in ka va pe ta zawk a.
Thei tui lak pah chuan ," Ka lawm e ." a ti sep a .


" Ni dang ah ka hmu leh thei che ang em ,Zampui ?"

Min rawn melh chho ha a ,a hmel en mai chuan pawi sawilo hmel hi a pu hliah hliah mai a ni . " Min hmuh leh i duh tihna em ni ? " a ti a.


" I phal phawt chuan -- engtik lai pawn. "


" Ohhh!! "


" I phal lo tihna em ni? "


" Phal teh reng mai ."


" Ka lawm e . Hei ka phone number ania , min be ve duh i nih chuan i tan ka awm reng eng tik hunah pawh ." tiin lehkha them chu ka pe a .


Lehkha chu la in a nui ar ar a ," I in la zei vel em mai a ." tiin min chum taih a .


" Ouchhh!!" tiin ka pum chu dawm in ka kun ta reng a .


Hlauthawng tih hriat tak hian min rawn kuah a , " Devin , i na tak tak lo ti raw ? Awi..ka tihpalh lutuk ! I eng lai nge na ? " a ti chul a .


" He lai tak hi a na ..." tiin ka lung zawn chu ka khawih a .


" Kha lai pawh kha ka chum miah loh kha aw. "


" Min chum lo , mahse he thinlung hi i hliam ani." tiin ka nui var var a .


A biang chu a sen deuh tan tan a , " Min ti lai dawn ." a ti sep a . Kha tiang khawp a lerh leh rilru chhia kha pawi sawilo leh innocent lutuk in eng tin nge a awm thiam zawk le ? Lem a chang thiam lutuk chu award pek hial a phu in ka hria . A mizia lo la hre hauh lo ni ta ila chuan min bum hneh ve ngawt ang . He ti khawp a in thup thiam leh lemchan thiam hi ka ngaisang letling pawh nilo ka ngaisang linglet hial ani .

A sana chu a bih zauh a "Haw mai ka duh tawh. " a ti sep a .


" A la hma lutuk..la haw bik lo ang ."


" Ka nu hnenah dar 10:30 thleng chiah permit ka la a ."


" A nih chuan ka va thlah ang che ." ka ti vat a . A thiannu nen an in mangtha fel zawh chuan ka va thlah ta a . Ka bulah chuan naupang thuawih tak ang mai hian a thu fel than a . He hmeiche te tak te hi ka nau hmangaih leh a thih chhan ngei kha ani si a , ka car chu kawng sir ah tlan liam pui mai ka duh hman rum rum a . Mahse chu hremna chu atan a nep dawn lutuk ,na thei ang ber tuar tir a phu hliah hliah ani .


Min lo melh reng hi ni tur ani ,a thaw halh a ," Devin, i mit meng kha a dang lam leh vek tawh ..eng nge i ngaihtuah a ? " a ti a.


Ka dar ka san ak a , " Ka bul ah min si deuh chet in Cleopatra tluka hmeltha ka bulah a awm reng chung hian eng thil dang nge ka ngaihtuah theih teh reng an ni . Ka ngaihtuahna zawng zawng hi i nei vek ani." ka ti a .

"Ka va awih em em lo tak ."

" I awih loh leh ka thinlung hi zai darh chhin la ...tah chuan nang mah chiah i awm tih i finfiah thei ang. "

Min rawn nghawk deuh salh a ," Min chhaih buai hi i chak ve ngawt mai. Ding rawh ...kan thleng ta e." tiin a nui ar ar a.

A mit ah tak melh lui ngat in , " Anih...mangtha phawt mai aw." ka ti a .


" I rawn lut ve dawn lo em ni ?"


" Lut lo mai ang , a tlai tawh ang reng sia . Muttui...i mumang ram ah tal chuan a changtupa nih ka duh dawn a nia." ka ti deuh ngat a .


Zah hmel tak hian a sen ap ap a , nalh lutuk hian min melh in a nui seih a , chu tah "Mangtha le ." a ti sap a ,in chhungah chuan a tlan lut ta a . In chhung a luh thleng chuan ka thlir zui reng a ,a luh hnu chuan in lam pan in ka in khalh haw ta a . Ka room ah pawh lut lo in Luke room ah ka lut tlang nghal a , a khum ah chuan ka thu hnawk a ."Luke , i phuba ka lak theihna kawng chu step khatna ka rap tan ta e. I hmeichhe hmangaih i nunna hial lak tir tu che nen khan in hmu in kan in hmelhriat tawh a sin. I thinlung atih keh sawm vek ang khan a thinlung saw ka tih keh sak ve dawn ani." tiin ka rum kawk kawk a .


Kha hmeichhia kha he khawvel ah lo piang ve lo ta se emaw Luke nen lo in tawng lo ta se chuan Luke kha a la dam ngei awm si a...Luke , hmangaihna hi i tan chuan hmelma lian ber chu a lo ni chiang a ni ti raw...Zampuii ilo tawng kher kher hi a pawi ani..

🧚🧚🧚🧚🧚🧚🧚🧚🧚🧚

Chhiar nuam vek ule...

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » April 25th, 2021, 8:16 pm

CHAPTER : 4

ZAMPUII :


In chhung ka luh chuan ka nu chuan min lo la nghak reng a , min hmuh chuan a thaw huai a , " I lo haw ta maw ? I hmang nuam em ?" tiin min lo zawt nghal a .


" Nuam a ni ve mai . Nu, ka mu nghal dawn a nia aw." tiin ka nu min chhanna pawh nghak lo in ka pindan chu ka pan nghal a . Ka thawmhnaw te thlak in ka in tih fai hnu chuan ka mu ta nghal a . " In ka thleng chiah..ka mu nghal dawn . Mangtha aw." tiin Damien chu ka text a .


" Hun hlimawm tak i hman ka beisei."


" Nuam tak ani. Khawvel ka mipa hmuh tawh a zawng a hmeltha ber ka tawng a sin. Hmu ve la chuan maw hmeltha i ti ve tho ang . A hming chu Devin a ni." tiin ka in bun ruak nghal a .


" Devil a ??!"

" Devin ."

" A hming atang ngawt pawh chuan a hmelthat hmel loh em mai a ! "

"A hmeltha reng e aw . A mitmeng a mawi turu buru bawk ."

" I mipa vawi khat hmuhna a i rawn atchilh haw hle ani maw ?"


"Atchilh hran lo . Mahse a hmeltha ."


" I mumang ah i hmu dawn nia ...Mangtha mai."

." Mangtha le ." ti a ka text hnu chuan Devin -an a phone number min pek kha ka hre chhuak zawk a . Ka bag atang chuan lehkha them chu va phawrh in ka phone ah chuan ka save ta a . "Mangtha , Devin." tiin ka va text ta hram a .


Min chhang dawn tawh lo anih hi ti a muthilh ka lo tum mek lai chuan Devin hnen atang in call a rawn kal a ."Hello..." ka ti sap a .


" Ka mut hilh hma a i aw ka hriat loh chuan kimlo ta riau hian ka in hria a , ka rawn call ta mai che ani. Mangtha aw ,ka Lalnu hmeltha. Muttui siai siai le." aw zangkhai leh ngaihawm tak hian a rawn ti a .


A hmeltha tak chu ka mitthla ah lo lang in ka nui sak a , "Muttui le , Devlin." ka ti halh a.

" Devin zawk mawle."


" Ok..Devin , good night."


" Na _nite ! Mumang siamtu ni la i mumang ah ka rawn in lar nasa ngawt ang mawle."


Ka nui ta hawk a , " Ka mumang a rawn in lar tur hian mang siamtu i nih kher a ngai hlei nem . Ka suangtuahna vak vel hian mumang ram thleng in i hnenah min hruai mai thei a sin." zak hauh lo hian ka ti a .


Mawi zet hian a nui ri hak a , "Love At First Sight hi i rin zawng ani em ?" tiin min zawt a .


" Umm...ka hre lo le ."

" Kei chu ka lo ring ngai hauh lova mahse nang ka hmuh atang che khan LAFS hi a lo awm ngei ani tih ka finfiah ta ani ." awka ril leh thinlung fan raih hian a ti a .


Min rawn hmu phak lo mah se ka zak chu ka sen tan tan a , " Devin , i ti mah mah ani." ka ti lawi rat a .


Sexy zet chuan a han thaw halh a , a thaw ri chuan min ti mur er er thei hial ani. " Thil dang engmah ngaihtuah leh ngaihsak hman lek lovin ka siam che nga i rilru zawng zawng ka neih vek hma loh chuan ka zar buai char char dawn che ani ." tiin mawi tak hian a nui ri hak a .


Tunah pawh hian eng mah ka ngaihsak thei lova amah ringawt ka rilru ah a awm tawh ani reng si a , min la zar buai anih ngat phei chuan ka aa vek thei hial ang chu ..A pawi lo ! Ka mipa hmeltha tih em em vanga at chu pawi tihna ka nei tawh lo . A pian nalh zaih mai leh kha a hmeltha tak khan min hip bet hneh nghal hle anih si hi.


Luke vang in rilru na theih tawp in ka lo awm tawh a , ngaihzawng dang han neih leh pawh ka zuam lova mahse he pa hian ka thinlung natna zawng zawng te kha min chhawk in hlimna min thlen ka beisei tlat ani .A hmeltha in a nalh em em mai si a hmeichhia tu pawh in an duh vek dawn si a , nula nalh hmeltha leh lian zeh zuah pawh a hmu khawp ang . Mahse enga ti nge kei ang nula te reuhte hi min duh tlat mai le ? Hei hi em ni ang khuanu samsuih an lo tih thin chu ? " Devin , mu tawh mai ang ...mangtha phawt aw.'" ka sawi tur hre lo lutuk chuan ka ti ta ngawt a .


" Mi dang tumah be tawh suh ang che aw. I muthilh hma a i ngaihtuahna rilru luah hnuhnungtu ber nih ka duh ania."


" Mmm...awle ."

" Anih mangtha , Cleopatra."


" Mangtha le ,Mark Antony !'


******************************

DAMIEN :

Ka muhil thei lo chu khumah chuan ka let kual chhen a . " Khawvel mipa ka hmuh tawh a zawnga hmeltha ka tih ber ka tawng a sin . Hmu ve la chuan hmeltha i ti ve ngawt ang ." Chu thu chuan ka rilru a luah ngut ngut reng a ,thil dang reng reng ka ngaihtuah thei lo . Ka thinlung chu a na ril ngaih ngaih hle ani .


Pathian hian mihring zingah hian duhsak bik hi chu a lo nei ani . Mite chuan an hmangaih ber te an neih theih lai in kum tam tak ka lo hmangaih tawh hi enga ti nge midang bulah a hlan zel mai le ? Lalpa , ka tana i ruat anih si loh chuan Zampuii hi enga ti nge heti em em a nasa a min hmangaih tir si ni ? Ka ta tur anih si loh chuan engah nge ka rilru hi i tih danglam mai loh ? Tarzan chuan Jane a nei a , Romeo chuan Juliet a nei a kei ka tan Zampuii hi i ruat lo anih chuan tu nge i ruat ve le ? Nichin mai a i hmelhriat thar Devin chuan i rilru a neih sak nghal che maw ?? Ka thik lo...ka thik lo che . Mahse hei erawh hria la ka duh ...baby ,i love you first ! Min hmangaih let lo mahse ka theih ang ang in ka hmangaih anga Pathian hian ka tan hian kawng dang a lo ruat reng pawh a ni thei a sin . Chu a kawng dang min ruat sak chu ka la hre chhuak lo mai chauh a la ni mahna .


" Mi mawlnu , ka nunna ai pawn ka hmangaih zawk che ani tih hi hrethiam ve ta che . Midang lak ah hmangaihna zawng lovin i bul hnai mai ah hmangaihna dik a hmangaihtu che a awm tih hrethiam tur hian eng tin nge i mit hi tih var a ngaih dawn le ? " tiin Zampuii thlalak chu ka be mawlh mawlh a . Ka mut a chhuak thei thlawt si lova ka tho a cigarette chu ka tan a ka han hip leh vang vang a .

******************************

ZAMPUII :

Devin ka tawn atang in ka nun hi a danglam vek ti ila dawt ka sawi chuang lo ang . Luke vanga ka rilru natna te chu lak kian a awm in amah ka ngaihtuah thinna thinlung chu Devin hlir in a khat ta zawk ani . Eng tik lai pawn in hmu reng lo mahila kan in hmuh loh kar chuan kan in text loh leh kan in call a , hriat loh chhung in ka thinlung chu ka lo pe fel thlap hman tawh ani .


Kan in ah tak chuan a rawn la leng lova hotel leh restaurant ah te zanriah ei in kan in hmu thin a .Min duat in min ngaihsak em em a ,a bulah chuan lalfanu hi ka ni ringawt ani . Min hmangaih leh duh thu hi tawngkam khat mah in min la hrilh lo na in min hmangaih hliah hliah ni a rinna min neih tir thei khawp in min care thiam in a chet zia ah a lan tir thiam ani .


" Tun kar chhung chu hna tul vang in zin ka ngai a ,ka hmu thei dawn lo che a . Ka awm loh chhung hian min lo ngai hle ringawt mai teh." tiin.min rawn text a .

Kar tluan a a hmel hmu lova awm chu ka huphurh ngang mai . Min lo ngai miah suh pawh ti se ka ngai em em tho dawn tih ka hria . Eng tik lai pawn Damien hi ka tan awm reng lo se chuan ka lungleng thei ngawt ang. Ka tan a Damien hlut dan hi mak tak ani , ka thian tha ber leh ka thuruk engkim ka hrilh ngamna awm chhun ani a . Pasal pawh lo nei ila ka thian hmeichia te ni lovin Damien hi mo thian ah ka hmang hrim hrim ang .


Damien nen hian class IX kan nih kum a in hre tan kan ni a . A hmeltha in amah a changkang bawk a kan sikul hmeichia zawng zawng chuan an star vek a -- kei pawn ka star ve thin a ni. Kha tih lai a ka thian kawm ngeih ber Felfeli chuan a duh hlum loh chauh avang in a ruk a ka star chu a ruk bawk in ka ban leh ta a . Felfeli chu titihh pui tum in ka bei ngial a ka hlawhchham chiang hle na in thian tha ah kan in siam phah ta zawk ani . A ni ang thian tha ka nei hi vannei ka in ti in kawng engkim ah a rin tlak bawk si . A lerh lo in hmeichhia reng reng a ngaihsak lova hmeichhe hmeltha deuh hlek ka kawhhmuh te hian sawisel lai tur hi alo hre hman zel thin a.


" Hmeichhe hmeltha tak tak pawh i hnawl zel a , nang hi hmeichhia ni lovin mipa i duh zawk ani lo maw ? I lo gay ru reng em ni ? " tiin ka fiam a .


Dar chhin ak in a nui mai a "Ka tana Pathian ruat chu a hun tak ah Pathian chuan min pe mai ang ." ti chauh i min chhang a .

" I rilru hian piansualna a nei a ni ang..i gay lo tak tak maw ?" tiin ka nui awr awr a.


" 100% straight...he electric ban ai pawh hian ka straight zawk ang chu mawle." tiin kan nui dun hawk hawk a .

Damien anga tlangval fel leh hmeltha rilru tha bawk si pasal atan neitu chu an vannei ngawt ang . Pasal leh Ngaihzawng atan a duhthusam chu amah ah hian a kim vek ani . A hmangaih te tawng ve in ngaihzawng te nei ve se ka ti thin hle a chu chu ka hrilh leh a ngai pawimawh lo nasa mai thin a .


Chu mi tlai kan college bang chu dan pangngai in Damien chuan min lo nghak a , a bike chuan kan in phur haw leh ta a . Kan college piah lawk kawng kam ah chuan Damien leh nula nalh zet mai lo ding dun ka hmuh chuan ka puak keh lo chauh hi ani ber a. Thikna chuan min tuam nghal hlup hlup mai a . A hna vanga zin bo tur a in sawi ,call pawh min call hman lo khawp a buai khan nula dang alo awmpui reng tihna em ni a? "Damien , ding lawk teh...ding lawk teh.." thinrim tak chuan ka ti chul a .


Damien chuan a bike chu a ti ding a , " Eng thil nge ni ta ? " a ti deuh hu a .


" Saw lai hmeichhe chhelo zet nen a ding dun tlangval sang tak saw i hmu em ? Devin anih saw ! Tun kar chhung chu a zin bo dawn vang in min hmu hman dawn lo niin a in sawi a..." rilru na tak chuan ka ti a .


Damien chu a rum nghat a , a hmel chu a ruh talh talh a,"Saw saw maw i Devil chu ? I tan mi tha ni thei tur ah ka ngai lo. Chance i neih lai hian then hmak la a that ka ring ." a ti ram hmak a .


A tawng dan vel chu mak ka tih deuh avang chuan ka melh deuh ha a , " Mahse ,ka hmangaih hman tawh ani." ka ti sap a .


" Anih leh ka va kal anga hmeichhe dang a awmpui vang sawn ka va hnek thal tawp dawn em ni ?" nelawm loh tak chuan a ti a .


" Aih...keimah ka va kal ang.."


Ka ban rekah man in min pawt ding chawt a , " Va pan suh. I in dah hniam mai mai zawk ang. ." a ti nghut a .

" Damien..."

" Saw Devil sawn i hmangaih hi a phu hlawl lo ani. Natna bak a thlen tawp lo ang che ."

******************************

DEVIN :

Zampuii rilru ka hneh tan ani tih ka hriat chuan ka lawm hle a . Ka phuba lakna kawng ah pen khat zel in hma ka sawn tih ka hriatna chuan min ti phur hle a . Ngaihven em em ang in nitin zan tin call leh text in ka zar buai a ,kar khat ah vawi hnih emaw vawi thum emaw tal ka chhuah pui thin bawk a. Min ngaih leh zual nan leh a rilru ka hneh leh zual theih nan zin bo tur anga chhuanlam siam in ka hmu duh lo lui ngat a .Call pawh ka call ngai lova mut dawn ah 'mangtha.' tih te mai hi ka thawn chauh thina a.


Zirtawpni chawhnu lam chuan ka thiannu Miriami chu sawm in an college bul lawk kawngpui kam ah chuan kan lo nghak dun a . Dik tak chuan ka reh san hnu ah hmeichhe dang nen min hmuh dun chuan ka laka a rilru pek chin ka chian theih ka in rin vang ani. A thik viau anih chuan a rilru chu ka hneh hle tawh tihna ani ang.


Miriami chu ka thian tha leh chanchin engkim hre tu awm chhun ani bawk a min puih a hnial lem lo na in ," Devin ,i thil tih hi atthlak ka ti tak zet ani. Enteh , Luke tawrhna kha ka hriatthiam pui in ka tawrh pui tak zet a . Phuba i lak hian Luke kha a ko kir leh dawn lova i hlim phah sawt hek lo ang. Phuba chu Pathian in ala rawn la em em ang." tiin min hnial hram a .

Ka lu ka thin san mai a ," Ka nau nunna chu a ko kir hauh lo ang --ka hria .Mahse a thlarau hi hahdam taka chawlh tir ka duh vanga phuba lak hi duh ka ni zawk .Pathian chuan ,' Phuba reng reng la suh u. Keiman ka la ang.' chu a ti teh meuh mai . Tual thattu leh mi sual kan tih hrang hrang kan tih te hi van atanga tek tla in a rawn den thal tawp tawp i hre tawh em ? Phuba chu kei nin kan lak loh a Pathian lak atan kan khek chhung chuan khua kan tlai mai thin ." ka ti a .

" He i phuba lak tumna hian tawrhna bak a a thlen lo ang che tih ka hlau khawp mai. Mei hmang a infiam thin mi chu mei in a kang thin si a ." hlim lo tak chuan a ti a .

Chhan tum a ka an zuau lai chuan Zampuii chu mipa pakhat hian bike a phur in min rawn tlan pel a kan piah mai ah chuan ding in chupa chuan a banrek ah a la kai zui leh nghal a . Chupa chu hman a bazar a kut kai rial a a kalpui kha ani tih ka hriat chuan ka thinrim chu a so nghal bulh bulh mai a . He hmeichhe lepchiah hian mipa pakhat ngaihzawn hi a thiam ve lo anih dawn hi . Amah tih nat chakna chuan ka thinlung chu a sahal nghal huam huam a . Thinrim meng dur khup chuan ka va pan ta nghal a .


" Kar khat ka zin chhung lek pawn midang min lo kawp san hman ani maw ? " nelawmna pakhat mah tel.lo chuan ka ti vawt raih a .


Zampuii chuan min rawn melh phawk deuh hra a . A hmel chu a tha fuh ver vawr ani , mahse a chhungril nun chu a bawlhhlawh thung si . A mipa awmpui chuan huatna a khat mit meng chuan min rawn melh a , mit meng hian min ti hlum thei ni se chuan tuna ka dinna hmunah hian thih sual in ka chalchang mek ngei ang . " Zampui, i bula awm tur in min duh em ?" a ti vawt raih a .


" Khawngaih in ...Damien ,min lo va kalsan zawk rawh ." Zampuiin a tih chuan a bike chu ti nung in a tlan sawn ta nghal a .


Thinrim seh chilh rap rap hian" I bialpa ani em ?" ka ti hriam hrak a .


" Ka best friend Damien anih kha ."


" Best friend a! Ha ! A melh dan che kha thian tha melh chu a ni lo chiang bal ka ti ngam sak !."


"I hre sual anih chu ."


" Mipa ka ni a , mipa rilru put hmang chu ka hria ."


" Devin ,khawngaih in..."


A nghawng ah chuan va reh a thin nawk nawk mai chu ka chak ani . Eng tin nge pawi sawi miah lo ang mai a mitmeng tlang taka min la melh ngam zawk le ? Lem chan thiam uchuak chu a lo ni ngei e. Thinrim taka au khum piap piap mai hi ka duh a ,mahse ka phuba lakna a hlawhchham phah ka hlauh bawk si avang chuan harsa ti tak in ka thinrim chu ka thunun thei ta hram a . Thawk ka han la ham ham a , " Ka tihpalh lutuk..i bialpa emaw tiin ka lo thik hman lutuk a ka aa zo vek anih kha ." ka ti a .


Ka kut chu a rawn dawm chawt a a mitmeng fiah kak chuan min rawn melh chho ha a , " Eng tik in nge i lo thlen ? Kha nu kha tu nge ? Dawt min hrilh in kha nu bulah khan hun i hmang ral chu ani em lo maw ?" a ti a .


" Darkar hnih liam ta khan ka rawn thleng ani ."


" Kha nu kha i hruai ve nge ?"

Ka nui sak a ," Hruai love . Ka thawhpui Miriami anih kha . I thik anih chuan thik buai duh suh . Kan in kar ah engmah a awm lo - kan hna tih chauh lo chu ." ka ti ta a .


A thaw ta huai a , " I bialnu emaw ka lo ti hman a ." a ti sep a .

A biangah chuan ka piai sak zauh a , " I thik deuh ani maw , ka lalnu ? " ka ti a .


" Ummmm."


" Ka pian tirh atang in nang ang reng reng a ka rilru luah hnehtu hmeichhia hi ka la tawng ngai lo ani . Ka thinlung , ka ngaihtuahna ,ka thluak leh rilru ah hian eng tik lai pawn i awm reng a ,hmeichhe dang reng reng ngaihtuahna hun pawh ka nei lo anih hi . Ka ngaihtuahna zawng zawng hi nangmah ah in sawrbing in eng tin nge i thinlung kha ka neih sak theih ang che tih bak ka ngaihtuah thei lo anih hi." tiin ka nui hak a .


" Min neih sak daih tawh a lawm ."

" I thinlung ...i ngaihtuahna ..i rilru..i thlarau nen lam ka duh ani ." kun hniam in a beng bulah chuan ka ti sa sa a . Ka rilru chuan ," Zawm that leh theih rual loh in ka lo ti keh sawm vek ang ." ka tih zawm zat a .


Mitmeng de sar sar a min melh in min nuih ta ver ver a , " Chung zawng zawng chu i duh anih chuan ka pe vek ang che ." a ti ta a .

" Kar leh saturday khian thiante nen in tih hlimna neih kan tum a ,i tel ve thei ang ti raw ? "

" A...tumah hmelhriat ka nei dawn si lova a nuam awm lo e.."

" Kei min hriat chuan a tawk lo em ni ? "


" Mahse...."


" Ka thiante chu ka hmelhriat tir ang che nga in in hre.chiang mai dawn lawm. Kal ve tur in lo in ruahman ang che aw -- khawngaih in."


" Ummm...awle."


" Chu ti mai tur chu ani ."


" Khawi hmunah nge in picnic dawn a ?"


" Sairang khaw dai ah khuan kan thianpa in Picnic spot a siam thar a ,chumi lawm.pah chuan a hawnna ang reng kan nei dawn anih hmel ." ka ti a .

🧚🧚🧚🧚🧚🧚🧚🧚🧚🧚🧚🧚🧚

HMUN AWL :

💞An dai chin i dai a , an tawn ang i tawng tawh anih ngawt loh chuan mi tumah hi lo teh ve chhen suh. Engkim hi chhan leh vang nei a awm leh thleng ani a sin .💞

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » April 25th, 2021, 8:16 pm

CHAPTER : 5
ZAMPUII :


Ka nu leh Devin hi an la in hmelhriat si loh avang in a bula picnic tura kal chu a phal dawn lo tih ka hriat chian em avang in Damien te nen picnic tur ang in ka in sawi daih a . Damien hi chu a ring tawk a , a tel ve dawn phawt chuan khawi hmunah pawh ka kal a phal ang tih tur hi ani . Damien chu call in thil engkim chu ka hrilh fiah vek a .


" Kal lo la i tan a that zawk ka va ring ve ..." Damien chuan a rawn ti halh a .

" Kal tur in ka lo in sawi vek tawh sia thulh leh ting tang chu a chi dawn loh em mai." ka ti a .

" I thu thu le...I nu bulah chuan kal ho tur ang in ka lo in sawi mai ang."


" Ka lawm lutuk ,Damien !" ka ti chul a .


Ka in siam mawlh mawlh lai chuan ka phone a rawn ri a , phur tak in ka chhang thuai a . " Hi , Devin ! " ka ti vat a .


" Baby, in gate pawn ah ka nghak reng tawh che nia aw."


"Awle, ka rawn kal nghal ani mai." tiin ka in siam zung zung a . Ka in siam zawh chuan , " Nu ,ka kal a nia aw. Damien -an min nghahna a rei tawh lutuk " tih leh tlan chhuah chu ka rual a . Min lo nghak rengtu Devin car ah chuan ka lut nghal a , "Ka rei i ti em ?" tiin ka nuih ver ver a .


Chik zet hian min lo en a ,"Wow !" tiin a han thaw halh a ." I nalh hle main,Cleopatra. I hmeltha tak zet ani. " a ti hluai a .


Lai ang reng tak chuan ,ka nui sak a ," Ka lawm e." ka ti sap a .

" Thiante ho pawh an liam vek tawh a, um ve nghal ang aw. " a tih chuan ka lu ka lo bu nghat a . " Zai ngaithla ang aw. Eng hla nge i duh han thlang la ." a tih zawm zat a .


" Ed Sheeran hla....eng pawh.!"

" I duh ve hle ani maw ?"


" Lutuk ! Eng tik lai pawh in ka ngaithla peih ."

A nui hak a , a play ve mai bawk a .Ed Sheeran hla chuan picnic spot chu kan in awi thleng ta zak a . A thiante ho pawh an lo awm kim vek tawh in an lo ri laih laih tawh hlawm a . Min han hmelhriat tir hlawm tak na in ka zam in ka lai ru deuh bawk nen an hmel leh hming pawh ka hre mumal hlawm lo . Kei aia upa vek an nih vang in min nau en in min be sawm peih bawk a ,rin ai tak chuan ka tlangnel ta phian a .



Ei leh in tur lah a hnianghnar in a duh in an ei a ,a duh in an ei bawk a . A then tui an chen lai in a then music rem in an lo lam nghawng nghawng bawk a . Mipa leh hmeichhia tang kawp in pool chhunga ball kan beng kha nuam ka ti ber mai ani. A hmei a pa in zu an in hlawm vek a vang chuan nuamlo ka ti ang reng hle a. " Devin, motor khalh tur ila ni sia...khawngaih in zu chu in lo hram teh. " tiin ka ngen a .


Mitmeng de sar chuan min rawn melh a , " Kham ah ka tlan liam pui che i hlau em ni ? Ka tlan liam pui hauh lo ang che ...i thih mai ka la phal hlei nem, ka lalnu hmeltha Cleopatra." a ti a.


" I rui tawh mah mah niin a lang."


" I hmelthatna bak hi engmah ruih ka nei lo." tiin a zu no chu ka hmui bulah rawn lek kang in ," Kha in ve rawh..." tiin min siai sak a .

" Ka in ngai lo."


Min rawn tulh a tum takah chuan ka lo vai sawn a , a zu no chu ka vai baw ta vek a . A meng de sawr sawr chu reh in a meng vawt ta raih a . " A tha vek e !" ti nghut in a kal sawn ta hmak a .


Nuamlo ti em em hian ka melh vang vang a . Devin thianpa Tlana chuan ," A ti tau a nih kha va thlem rawh. Naupangchhia leh lutuk mai." alo ti zauh a.


Chutih lai chuan khua a rawn dur mup mup a ruah a rawn tla ta phuar phuar a , hmun hul lam pan chuan kan in saseng ta dawr dawr hlawm a . Devin chu ka va melh thin a ruah sur tur khaw dur khup nen chuan an inhmeh hi ka ti kher mai a . Zu ka in duh loh vang a thinrim nge a zu ka ben buak sak vang zawk ni ang ? Thinrim chhan tur ka hre lo duh aiin a rui ta mah mah niin a lang. Tim deuh dai hian ka va pan hnai a, "Devin, Khawngaih in ti khan awm teh suh...a nuam lo ania." ka ti a.


Melh pawh min melh lo chuan ," In siam rawh ..haw ang." a ti deuh hmuk a .


Kan thiante ho pawh chu haw tur in an in singsa mar mar hlawm a. Ka thawmhnaw ilo vel chu ka khung fel nghal mawlh mawlh a . A car chhunga kan thut luh hnu chuan ," Devin, thinrim tawh suh..khawngaih in." zawite hian ka ti a.


Car chu ti nung in a tlan ta nghal a ," Tlem in ka kai deuh ani." a ti hul hak a . " " I ngaihzawng hmasa ber ka ni lo tih ka in hria a i nunhlui thik tur pawn dikna ka neilo ani mai thei . Mahse i ngaihzawng hlui Liam..tih emaw ni L a in tan chu ani. Kha pa nen khan in chanchin mi sawi ka hria a ka thik lo thei lo ani." tiin a meng thim ruih mai a.


Ka thaw hawk a.." Luke maw ?? khawngaih in a chanchin sawi ka duh lo..." ka ti halh a.

" Eng vang in maw ?"


" Ani kha ka tawng kha ka nun a ka thil tih sual lian ber leh theihnghilh hlen hmak ka duh chu ani. " ka ti chhuak ta a.


" I nun a i thil tih sual lian ber maw ?? Luke chu maw ?" tiin a car chu a ti ding chawt a min rek mai duh hmel pu hian min melh a . " I nun ah hian mipa eng zat nge i tawn tawh a i mipa eng zatna nge ka nih ?" a ti chher chhuai a.


A hmel leh a awki chuan min ti hlau em a ka tawlh sawn deuh dawrh a ," Dev, khawngaih in ti khan awm lo teh ...min ti hlau ania.." ka ti a.


" Min hlau maw ? I tan hlauhawm ka ni maw ? Ka car atang hian chhuak nghal rawh." a ti ta tuarh a.


Mak ti zet chuan ka melh ta reng a ,he mipa hmeltha tak hi a rui ani. " Devin, uang lo teh. Ruah a sur nasa in Rangvamual kan thleng chauh ani si a . Eng tin nge ka haw ang ?" rilru na tak chuan ka ti a .


" Eng tin nge i haw dan tur ah ka buai lo. Ka car atang hian chhuak nghal rawh --TUNAH!"


Ka mittui chu a rawn tling nghal pam a , ka mipa hmangaih hian he ti hian nunrawng tak in min ti thei dawn em ni ? Ka rilru chu a na ngawih ngawih a . Mipa thlan hi ka thiam lo ani ange min ti na tu tur hlir hi ka fawmkhawm mai . " I rui anih kha ..kal ang." ka ti hram a.


Car kawngkhar chu hawng in min nam chhuak ta nawk nawk a ." Ka bula awm duhlo in min hlau ani lawm ni ? Bialpa tam tak i nei a chung ho chu in hruai tir mai rawh." a ti a, kawngkhar chu khar ri thuai in a tlan ta daih a.


Beidawng leh rilru na em em in ka thlir zui vawng vawng a. Min duat a min ngaihsak em em thin tu Devin kha ani thei lo ang. Ruah sur chuan min nan zawr nghal vek a ,vawt tiin ka khur hlak hlak a. Ka mittui chu ka biangah a luang nguah nguah a, ruah sur vang chuan ka mittui a tla tih a hriat loh mai pawh a . Waiting sheet ka hmuh hmasak ber ah chuan ka thu hnawk a . Khua a thim dawn ruai tawh ani mai bawk sia ka beidawng lutuk chuan Damien chu ka call ta ngawt a.


" Hello..my love ,my darling ! Picnic chu i hmang nuam bawk maw ? I rawn hawna a rei tawh em ?" a rawn ti deuh teh duah a .


Damien aw ka hriat chuan ka lungchhe zual sauh a ,engmah sawi thei lo chuan ka in sut ta hlawp hlawp a .


" Oh..shiit! Eng nga ti nge i tah ? I chungah eng nge thleng ? Kha Devil khan eng tin nge a tih che ? " a rawn ti nghal mawlh mawlh a.


" Kan in hau a...min kalsan..a vawt lutuk..."


" Khawiah nge i awm ? Ka rawn hruai nghal ang che ."


" RV ah..."


" Lo kal sawn hauh suh aw . Ka rawn tlan nghal ania."


Damien lo nghah pah chuan vawt tiin ka in kuah khawr tat tat a , ani hi ka thian ani lo ang tih ka van hlau tak . Ka mangan ber lai pawn min hnem a min thlamuan tur in ka bulah a awm reng ani. Devin chu a inchhir anga min rawn hruai tur in a rawn let leh ka ring a , rawn let leh ta se ka lo tih tauh khum thei ang em ? Ka theih pawh ka in ring chiah lo ..ka duh hneh em ani .


Damien a rawn thlen chuan ka bulah a car chu rawn din tir in " Rawn lut nghal rawh ." a ti a . Ka luh rual rual chuan towel hian ka sam huh hnuang chu min hruk hul sak nghal mawlh mawlh a , " I in tih hul vat loh chuan i damlo mai ang." tiin a jacket chu min hak tir nghal a .

££££££££££££££££££££££

DEVIN 'S POV


Ka pindan dungah chuan ka vei ngut ngut reng a . Kha tia Zampuii ka kal san ta kha khawngaihna chhete mah ka nei lo. Ka hremna kha a la nep lutuk mah mah ani Luke tuarna nen khaikhin phei chuan . Ka la hrem nep lutuk . Kha aia nasa a hrem tur chuan ka tih lungawi leh phawt a ngai tih ka hria . Mahni thiam in chantir nan tiin a la awm chu ringlo mahila ka kalsanna hmunah khan ka zuk tlan let leh a , ka rin ang ngei in a hmel hmuh tur reng a awm tawh lo.


In ka thlen leh hnu chuan thatchhiat hmel zet hian chair ah chuan ka thu duai a , cigarette chu ka hip vang vang a . Zampuii chu ka call ta a .


" Hello ? "


Aw ka thian tte te a , " Zampui , min ngaidam thei em ? Vawiin khan ka lo rui deuh ani..In ka thlen hnu khan ka inchhir in ka in thiam thei ngang lova ka rawn hruai tur che in ka rawn tlan let leh a ilo awm tawh bawk silova. Him tak in in i thleng thei em ? Nangmah i tha maw ?" ngaihtuah hmel tak chuan ka ti mawlh mawlh a .


" .Devin ,min ti na tak zet ani."


Ka then sak a , " Kha aia na khan ka la siam dawn che a lawm. " ka ti rilru a . A ri chuan " Ka tihpalh tak tak ani . Min ngaidam thei em ? Mawh...khawngaih in .."


A thaw hak a . " Zu i rui tawh lo ang tih min tiam phawt la." a ti a.


" Ka tiam a che . Zu hi ka rui tawh hauh lo ang. Tunah te hian i bulah awm a kuah hle hle che ka chak ani. "


" Awle,a tha a lawm. I ruih tawh dawn loh chuan ka ngaidam ang che ."


" Ka lawm e , Cleopatra. I hmelthat ang bawk in i rilru pawh a tha ani ." tiin ka ner sawk a . " Ka ngai em em che ani tih kha ka hrilh tawh che em?" ka tih zawm zat a .


" Aih...hrilh lo..."


" Ka ngai lutuk che _ ka thinlung zawng zawng in ."


" Kei pawn ka ngai che ,Devin."


" Darkar tin leh minute tin hian ka rilru i luah reng ani . Eng tik lai mai pawh hian ka rilru i luah ngut ngut a _ min ring rawh nang ang reng reng a hmeichhia ka vei hi an la awm ngai lo." ka ti a. Nia,dawt ka sawi lo reng bawk ani. Eng tik lai pawh hian amah ka tih nat theih dan tur ngaihtuah in ka rilru hi a luah reng ani.


" Ka hmangaih che ,Devin."

££££££££££££££££££££££


DAMIEN :

Thinrim tak chuan ka kut chu ka hum ruh ngawt ngawt a . Kha Devil kha ka hua in khawih hrep mai hi ka chak ber a . Nimin mai ah a rawn lang a kum tam ka lo hmangaih tawh hmeichhe thinlung chu a ruk sak a ,a tih nat sak leh nghal zui bawk a. Zampuii lah in a atchilh lo chauh niin a lang mai sia. He pa hi mi tha a ni lo tih ka thinlung hian chiang tak in min hrilh ani.

" Ka hmangaih che ,Devin." tia Zampuii tawng ka hriat chuan ka khawng nghal at mai a ,ka rilru chu a na vawng vawng mai a . Kan Devil chuan a thlem lungawi leh tawh tih ka hrwthiam nghal mai a . " Kha pa nilo khan kei hi i hmangaih tur chu ka ni a sin ." tia au chhuah tuarh mai hi ka chak a . Harsa ti tak chuan ka nui lui sak a , " I mut hma in tuilum chi al in ngei ngei ang che . Mangtha ." ka ti sap a ,ka chhuahsan ta a.

In ka thlen chuan ka room ah lut tlang in ka khum ah chuan ka let nghal tawp a ,ka rilru na lutuk ti ziaawm tur a zu in ve mai duhna ka nei hial a . Ka thinlung chu sawi thiam rual loh in ana ani. Dear Cupid, Zampuii nen hian i thal fang khan min kap dun teh khawngaih in....


Min hmangaih let ve lo tu hmangaih nat zia hi ka hre chiang em em a ,theih nise chuan ka hmangaihna hi lak let a hlim tak a awm ve te pawh ka duh a sin . Kan duh duh chu kan va hmangaih tawp thei silo...mi ten hmangaihna hi hlimna leh lawmna an tih lai in ka tan erawh chuan hmangaihna hi natna leh tawrhna ani thung si.

Ka nu chuan ka room ah min rawn zui chho ve nghal hi a lo ni a , kawngkhar rawn kik dat dat in ," Bawiha , ka rawn lut lawk aw." a rawn ti a , lut tur a ka auh chuan a rawn lut nghal a . " I tha em ? I hmel lan dan kha a dik lo tlat . Na i nei em ni ?" tiin min rawn zawt nghal a . Ka nu hian Mupui ang a mit fim leh tha a nei tih ka sawi tawh em kha ? A mit hi a fing in mi hi a chik thei hle a , lawyer ni awm reng pawh ani.


Ka lo nui lui sak a ," Ka tha lutuk. Ruah sur hian ka rilru hi a nan zawp a ka nguai mai mai ani." ka ti a.


" Rilru nawm lohna i nei emaw titi pui tur i mamawh anih chuan ka awm reng ania aw. Eng tik lai pawn ka ngaithla thei reng che ania." tiin ka sam chu a rawn chul a . " Rilru nawm lohna kan neih te hian in share tawn ila in puih tawn dan te hi a awm ngai ." a ti leh a .


" Ka hria a lawm ,nu. Min ngaihtuah suh ,ka tha ka tih kha ."


" I tha tak meuh maw ?"


" Umm..teh reng mai."

." Min mamawhna i nei anih chuan i koh phak ah ka awm reng a nia aw."

Ka nui lui hawk hawk a ," Ka hre reng a lawm. Ka tha tak tak ania." ka tih chuan min mangtha a a chhuak ta a.
s hnu chuan ka thaw huai a , ka mut hma a ka tih ziah thin ang in Pathian hnen ah tawngtai in Zampuii chu l pe tur in ka dil leh ta a.

££££££££££££££££££££££

ZAMPUII :

Ruah in ka pindan tukverh a rawn theh that that a, tukverh darthlalang a ruah tui luang zaih zaih chu hmuhnawm ti tak in ka thlir veng veng a . Ka rilru chu ruak huai leh kim lo riau hian ka in hria a . Devin bulah awm ila chuan ka zia sawt ang tih ka hria ani. Ka lung a leng veng veng a, Devin chu ka ngai ngawih ngawih mai a .


Ka phone chu la in ka text ta ringawt a . " Ka rilru ah i awm reng mai...ka ngai lutuk che hi ka a dawn in ka hria." tiin .


" Ka ngai zawk fe che ."


" A let tam fe in.."

" Chhunah thil ei dun tur in ka rawn hruai ang che ..i duh ang em ?"


" Duh e...mahse ka hritlang deuh a...ka hritlang i kai ve loh nan fimkhur a ngai ang aw🤣"


" Pawi ka ti lo. I natna zawng zawng nen khan ka duh vek che ."


" Em em a che a !"


" Ani a lawm..ka tan hi i pawimawh lutuk ringawt."


" Ka hmangaih che ,Devin. Ka duh che ,Devin. Ka atchilh che ,Devin."


" I sawi zawng zawng let hnih zel in💘"

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » April 25th, 2021, 8:16 pm

CHAPTER : 6


MIRIAM :

Rawngbawl pah chuan ka nun kal phung chu ka chhut neuh neuh a . Devin hi hman hman atanga ka lo duh tawh kha ani a , ka duhna thinlung nen pawh ka awm ve thei naw naw chu a ni a . Mahse hetia khaw khat leh office khat ah kan han awm hnu hi chuan nitin mai kan in hmu a ka duhna reh tan mek kha lo nung thar leh in ka vei leh ngut ngut tawh mai a nih hi.


Dawhkan a kiu nghat a khabe dawm meuh in ka in ngaihtuah veng veng lai chuan Devin chuan ka darah a rawn beng thuk a ," I ngaihtuahna kha cheng za in ka lo lei ang ." tiin a rawn nui hawk hawk a . Ka lo in ngaihtuah muk lutuk a a lo luh lai pawh ka lo hre reng reng lo a .

"Eng tik in nge i lo luh a?"


" Ka rawn lut lai pawh hre lo khawp in i rilru ilo kawm ril ania ...eng fakau nge i ngaihtuah a ?" tiin ka bulah chuan a rawn thu ve nghal a .


" Coffee nge thingpui ?"


" Thingpui."

Thingpui chu ka siam sak ve nghal a , pek pah chuan ,"Chaw i lo ei ve nghal dawn em ? " ka ti a .


" Ei lo mai ang. Nang hi tun lai i zia hi a cool thei lutuk a ..hmangaihna ah i tla lut ka ti ngam sak. A dik em ?"


"Kan in hre chiang dun bawk a dawt ka hrilh lo mai ang che ."

" Hmangaihna a tlak luh chuan hlim zawk tur i ni lo em ni ? Nge one side love zawk?"

Za lo tak hian ka nui a , " Aw. " ka ti tawi tak a .

" I hmangaih thu chu hrilh mai la..ani pawn a duh em em ang che."


" Ka ngam teuh lo mai. Min hnar ngei ang tih ka chiang ani." ka ti ngui raih a .


" A hnar hauh lo ang che. Nang ang nula hmeltha leh fel hnartu che chu mi mawl tak ani ngei ang . A lo hnar che anih chuan i hmangaih chu a phu thlawt lo tihna a ni mai." tiin thingpui chu a in khalh a .


Nie, mi mawl tak i ni ,Devin. Ka hmangaih hi i phu hlawl lo chung pawh hian ka la hmangaih cheu si che anih hi. Ka hmangaih che a ,nang hi ka mipa hmangaih chu i ni a sin,mi mawlpa.. A hmeltha tak chu melh vang vang in ka khap sak sak a . Pawi lo...ka hmangaih ani tih ka hrilh vanga hnawl nih ai chuan ka thian tha anga ka hmuh phak a a awm hi ala tha fe zawk ani.


" I lum tui khawp mai." tiin a nui suk a .


" Anih...Zampuii nen enge in chanchin ni zel ?" rilru na tak thup tum chung chuan ka han ti a .


" A tha vek e..a rilru ka tih keh chhiat vek nan hun tam a ngai tawh lo ang ." tiin nunrawn hmel.zet hian a kiai suk a .


" Ka hmeichhiat pui rilru ti na tur a heti khawp a i han ralpui phiar mai hi chu demna chin che ka nei lo thei lo ani ." ka ti a .


" Luke kha amah vanga thi ani tih i hre reng tawh lo a ang khawp mai ,Miriam. Rilru na tawp khawk a Luke tap thawm kha ka bengah a la thangkhawk reng a sin." meng vawt raih a min melh chung chuan a ti a .


Phuba lak hi a tum nghet em mai a a rilru ka sawh sawn tir thei ngang lo ani. Zampuii chungchang a sawi peih danah hian he hmeichhia hi a vei ani tih ka hria a ,eng tik hunah emaw chuan ala hmangaih em em ang tih ka chiang ani. He a phuba lak tumna hian eng rah tha mah a chhuah ka ring lo ani.


Chutih lai chuan ka nu bazar chu lo haw in Devin a hmuh chuan a rawn phul nghal hlut a . Ka nu hian Devin hi a ngaina in makpa ah pawh a awt em em reng ani. " Devin, haw lo la chaw ei ve nghal ang che ." a ti nghal zung zung a .


Devin lah in a fiam dan tawk a thiam thei sia ," Vaipaden tui tawk i siam dawn phawt chuan ei mahila pawi ka ti bak hlei nem." tiin a nuih hak hak a .


" I ei chak phawt chuan ka siam em em ang. "


A nui hawk hawk a , " Vaipaden hmeh dawn chuan chaw ei ah engtik lai pawn sawm theih reng ka ni ." a ti a .


" Hmarcha thak i ngainat vang hi a ni chiang ang ...i thak har mai ." tia ka lo fiam chuan a nuih a za em em mai a .


" Kei anga hmeltha , kei anga lerh lo hi i hmu tam lo hle ang aw ." tiin min fiam let zui a .


" I hmelthat hi chu i hre ve ngawt mai mawle ."


" Ka hriat loh nak ah ! Nula ho in min hrilh ngun em a lawm ."

Ka hmui chu lo ner khum in ka chek tlak tlak a , " A lo ni maw , Partinlawr !" ka ti deuh ngat a .

" A tir chuan ka hmeltha tih ka hre biklo . Mahse nula ho in min hrilh tak fo ah chuan ka hmeltha hle anih hi ka ti ta a . "


" Awi..Awiii..Ramhmachhuan leh ! Mihring over hrilhfiahna chu i nih hi ! "

" Eng nge..dawt ka sawi hleinem . Hmeichhe pakhat phei chuan ' Mipa tan he.ti khawp a chhiat loh hi dan in a phal em ni ?' tiin min hrilh a sin . Ka ti tak tak." a mitko chu san ak ak in a meng de sawr a .


" A ni hlawm vel tak ang !" ka ti nghat a . Ni e, hmeichhe lakah chuan fakna a dawng hnem ngawt ang _ fak tlak khawp a hmeltha leh paa ani si a .

Ka nu chuan , " Ka makpa hual hi hmeichhe dang in chutia an fak luai luai ka phal hlei nem ." tia a rawn fiam tak zauh chuan chimawm zet a min melh in a nui thaw a .


Ka alu vel lai pum lian ker kawrh tak chuan a hmeltha nui sawng ah chuan va vawm chawrh tak hi ka nap a .



########№###########


ZAMPUII :

Devin nen chhunah thil ei dun kan tuma ka phur tawh teh reng nen ka zing tho chu kan thenawmnu ka nu thian ni bawk chuan min lo nghak ran tawh a . Min hmuh ve leh min lo nuih tlawn var var a ."Zampui, vawiin chu ka monu in nau a nei dawn a ,damdawiin lam ah va awmpui a ngai dawn sia...vawiin chauh chu ka ai min kal sak mai ta che." a lo ti nghal a.


Nu Hriati hi English Medium pakhat ah zirtirtu hna thawk mek ani a . Vawiin hun hman dan tur lo duan sa nen ka peihlo uluk tawp ani. Ka nu lah in pawm sak mai tur in min lo nawr chhen nen phurlo zet hian ka aw ta mai a. Devim hnenah chuan vawiin ah ka hmuh theih loh tur thu leh a chhan te ka hrilh hnu chuan ani pawh in a lo hrethiam phian a .


" A pawi lo, vawiin chauh hun kan nei dawn hlei nem..naktuk ah pawh kan la in hmu thei tho ang chu ." tiin min rawn text let a .

" Nia ti raw..naktuk ah kan chhuak dun mai dawn nia."


" Ka naute khan naupang dang i va zirtir ve leh chhawng dawn chu ania.."


" Ka pumrua tet vang hian ka naupang tawh kher lo ania." ka ti deuh ngat a .

" I hmel hmu lo hian nileng ka awm thei dawn em ni ? Tlai i ban hunah ka rawn lam ang che ."


" Oh..a ngai kher lo a sin ."


" Mipa dang i chhuahpuilo tih ka chuan nan rawn lam ngeii che ka duh."

A message chuan min ti nui sak a . " Ka thinlung kawltu i nih kha mipa dang ka ngaihtuah loh zia chu i hre chiang ber ang chu ."


Chaw ei kham chuan school ah chuan ka va kal ta ngei a sikul naupang an fel piah lamah zirtirtu pawh an fel in min be bawrh bawrh hlawm a ,rin ai tak chuan ka tlangnel ta phian a . MAHSE...min thlauhthlatu ka pa nupui chu a lo thawk ve anih chu! Chu chuan min ti khawr deuh tut in ka awm a ti nuam thei ngang lo. Ka be lova ani pawn min be hek lo .
Ka Ni te ho hi chu khawiah emaw hian kan in tawk leh zauh thin a , kan in hmuh changte hian min be tha thei in an in ah chaw ei tur te hian min sawm chul thin a. Kha ti khawp a ka nu rilru na a siam a fahrah a min siamtu te an ni tih hi ka rilru in a hriat reng tlat avang in a rul tawk lek in ka chhang a ,an mi sawmna te chu ka lo hnar thin . Ka pa tak hi chu kan in hmuh changte hian min be ngailo na in min melh zauh a nuamlo tih hmel tak in a hawi sawn leh thin a , ka kal pelh hnute hian a ruk in min thlir zui vawng vawng thin tih ka hmu ru ziah ani. Ka pa ani a vawi khat tal chu biak ve chhin a ,ka nu hi a rilru ah ala awm ve thin em tih zawh hi ka chak zek zek thin a mahse ka nu tawrhna ka ngaihtuah let leh hian ka lo nat pui a ka biak loh phah leh thin .

Ka pa hmel ah khan min be chak si be ngam si lo leh in thiamlohna a langsar hle thin hian ka hria a , a chang chuan ka khawngaih ve deuh thin.


Ni leng in ka pa nupui nen chuan in be hauh lo in sikul khatah kan han awm dun chu a nuam em em hran lo hle . Ani chu ka dem in ka hua pawh ani lo ka be chaklo ve hrim hrim ani . Vawiin ni ang reng a ni rei ka tih leh sikul ban ka nghahhlelh pawh ka la hre lo .




££££££££££££££££££££££

DEVIN :

Ni leng in ka rilru ah Zampuii chu a awm char char a , a aw ri ,a nui hmel leh a kal dan thleng chuan ka suangtuah mitthla ah a cham reng a . Ka sam chu tuai thur in ," Hrep tak a! Devin, tawp rawh!" tiin ka rum nghut a. He hmeichhia hian ka ngaihtuahna luah reng hi a phu lo. Hremna ka pek vat a ngai ani .

Ka rilru chuan ka hrem let dan tur suangtuah in ruahmanna chi hrang hrang chu ka han duang chhin vel a . Ka ruahmanna ah chuan Luke pawh a lawm ve hle turah ka dah ngawt pek a .


Chhunah chuan Miriami nen kan office canteen ah kan chawl dun a . " I hmangaih nen chuan hmasawnna in nei ta em ?" ka tih chuan lu a thing mai a . " I duh thu ila hrilh lo em ni ?" ka tih zawm zat a .


" Hrilh lo...hrilh loh kum khua ka thlang zawk ." tiin a lu a thing nak a .

" I dawihzep hle mai . I duh thu i hrilh loh chuan eng tin nge i duh ani tih a hriat ang. I ngawih reng vang khan i chance hlu tak kha i hloh phah thei a sin ." thu tak deuh fe chuan ka han ti a .

Chow satui leih ei mial mial pah chuan ," Kei aia duh leh vei zawk hmeichhe dang a nei a lawm. A chang chuan ngawih hian natna tam tak min pumpelh tir thei a nia." ngaihsam hmel tak hian a ti a .


Ka dar chu ka san ak a ," I tih dan dan le ...kei chu mi duh ka nei anih chuan ka hrilh hreh hauh lo ang . Min lo duh let ve anih leh ka vannei , min lo hnar anih leh ngai ka awh tihna ani mai a ." tiin ka nui hak a .

" Mipa leh hmeichhe dinhmun hi in ang lo tak ania aw, Devin."


" Hmeichhia pawh i ni ve chiah em ni ? Ka thian mipa ho nen ka en dan a dang miah lo che a nia . Nang pawn i thiannu ang tho in min en thu i sawi tawh kha ." ka han tih chuan tap mai tur hmel hi a pu a , a hmel lan dan chu rang taka in thlak leh in a nui ta har har a .

" Nang pawn hmeichhe en in min en lo a nia ..ani pawn chutiang deuh tho chuan min en ve tho ka ring . Ka thiante zing a mi ani ve tho sia." beidawn hmel tak hian a ti a.

" A tha e...a tha e. Puar tak khan ei la ani mai . I dam lai lu sun ral nan che tuna i ei leh in man hi chu ka lo tum ang e." ka ti ta a.

Nui har har chung hian ,"Hey ,Pi Than , Devin hian ka ei leh in man a tum dawn bawk a ei tur i neih to ber ber chi thum min rawn chhawp teh aw." tiin canteen neitu chu a au lang lang a .


Pi Thani chuan nui hak hak chung hian " Teh reng mai." tiin a lo chhang thuai a .


" I duh zat zat i ei in i in thei ang " ka ti a ," Pi Than , ka hming in ilo ziak vek mai dawn nia aw." ka ti zui hram a .


Miriami chuan , " Min khilai hi chu i ba ve hrim hrim ani . " a ti ham ham a .

Kei chuan " Ei leh in hi chu i ngaina ve thlawt ani ti raw...i thau thei hauh lo hi i vanneihna chu ani. Eng ang pawn ei nasa la i nalh zaih reng tho mai anih hi ." ka ti a.


A sen deuh ap ap a ," Kha ti khan min ti suh ka zak ve tep ania . " a ti a .


" Nang leh kei a in karah enge zah tur awm a ? Naupan tet atang a in kawm leh lo in hre thang tawh kan ni a . In zah tawn tit tet tur chuan kan in hre chiang mah mah ani." tiin a hmui a a thil ei bang nawi kai chu romol in ka va hruk fai sak zauh a .

Min rawn melh vang vang a ,"Ti khan min ti teh suh..mipa en in min en la nuam ka ti zawk ang _ hmeichhia ang nilo in." a ti vin hlar a .

Kei lah chuan za tak hian ka lo nuih khum mai a . "Awle ,sir.!" ka ti halh a .

Tlai ah chuan hma tak in ka bang a Miriami pawh nghak khawtlai lo chuan Zampuii thawhna sikul lam pan chuan ka in khalh chhuak ta a . Ka va thlen chuan an sikul piah mai ah ka lo nghak a . Sikul naupang an ban hnu pawh chuan a rawn la chhuak mai ta lo a . Eng vanga he hmeichhia hi lo nghak ngawt nge maw ka nih le tia ngaihtuah in let leh mai ka duh rum rum a . Eng ah nge ka rilru ah a awm char char mai le ?


A rawn chhuak ka hmuh chuan ka thaw huai a , "Cleopatra , chhiahhlawh Mark Antony chuan a lo nghak reng a che ." tiin ka lo au zauh a .


Min hmu chu a ding chawt a , chutah a nui seih a , ka car ah chuan rawn lut in , " Min rawn nghak tak tak e law ?" a ti a .


" Mipa in ti tura a in tiam tawh chu a ti hlawhtling thin ." tih pah in a biang chu ka lo tawk zauh a .


A biang chu a sen deuh ap ap a , a lang tha zual sauh a . " Ka ril a tam tawh lutuk . Eng emaw ei teh ang ." tiin a pum chu a zut nauh nauh a . Kaw ruak tih hriat tak hian a pum chu a ri raih raih a .


" Chhunah engmah i ei lo em ni ?"


" An thil siam kha over in purunvar an telh a , ka ei thei thlawt lo a lawm ."


" Riltam viau tawh tur chu i nih chu . " tiin kan chawlhna thin dawr lam chu ka pan pui ta a . Kan thil ei duh zawng te kan lam chuan a tam tawh ngang ni tur ani engmah pawh sawi lo chuan a ei nghal mawlh mawlh a . Ka melh vang vang a ka nuih ta suk a .


A thil ei lai chu tawp chawt in min rawn melh ha a , " Ka thil ei lai kha tia min melh reng chuan ka lai chhe vek dawn in ka hria ." a ti hlak a .


" I tam hmel lutuk a , tui ti hmel taka i thil ei kha hmuh a nuam em lawm." ka ti a .


" Ka tam chhawl lo chauh ani ."


" Chhunah khan ei tur i duh thu min rawn hrilh ni la chuan ka rawn pe vang vang mai tur che a nia ."


" Awiii...i ti zahthlak e a !"


" Lalnu hmeltha Cleopatra tan chuan chhiahhlawh Mark Antony hian eng pawh tih a huam a sin ."


A nui seih a , a biang chu a sen deuh tan tan a ." Ka lawm e ." a ti sap a , a thil ei lai chu a chhunzawm leh malh malh a .

🧚🧚🧚🧚🧚🧚🧚🧚🧚🧚🧚🧚🧚🧚🧚


HMUN AWL :


A tawi in ti leh pek awm😂 Ziah sei hi a har thin ani...ka tum ve nasa thin ..ka tlin leh ta pek lo...min hau mai r'u 😂 Kei paw'n sei ka ti bik lo ...a leh pekah chuan a sei deuh theih beisei leh phawt mai ang aw...beisei chu a thiang a lawm🤣


He thawnthu tawp hunah hian ' NGHILH HAR DI' rawn dah leh ka rawn tum ang a , khawngaih in min lo chhiar sak leh theuh dawn nia aw .

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)