LAST By Thëlmā X Ivy (COMPLETED)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

Re: LAST By Thëlmā X Ivy (COMPLETED)

Unread post by Ngaia » May 9th, 2021, 6:06 pm

LAST


BY :Thëlmā



Chapter - 7



Thian ho in tlai lam chaw eitur kan siam a, kei ka ke na bawk nen a sir ah ka lo thu mai mai



Thu chungin an tihtur hrilhin ka lo kawk kual , an thin arim tawk si , ang hlawk hlawk chungin an tizel bawk si , ka nuih ngat ngat, chu hlei hlei chuan an thin a tirim, mahse an rilru tak tak ani lo tih ka hria a ka haw hranlo




Ka zun chhuah em vangin zun tumin bathroom lam ah kal ka tum , chair atang chhuk ka tum chiah chu ka chesual ta, ka let thla tawp , ka thum awk in ka hria



Ka thiante lah min kaitho thei pawh awm tawhlo, min kawk chungin pum dawm meuhin an nui



Keilah ka tho mai thei silo , ka nuih aza ve deuh tho bawk si, ana bawk si



Rinfela rawn kitchen rawn lut ve chuan min rawn hmuh rualin min rawn pawm tho nghal, Rinfela thiante min hmu pawhin min nuih vek



Kei ve chu nui thei pawh ka nilo , ka zun a chhuak tawh si , ka zun a put ka hlau



Room ah min hruai lut a , khumah min thut tir



" lo va chhuak teh kan zung lawk" en pawh en tha ngamlo chuan ka ti , ka zak ve bawk si




" ka lo zun pui ang che, nangmah pawhin i kal that theihloh kha" Rinfela hmel ka en lah chuan athusawi chu a fiamthu hmel bawk silo



" ka duhlo, mahni in ka zung thei reng"



" lokal mai mai teh" tih leh min kuah thawh nghal a rual



Bathroom lampanin min kalpui, min zunpui a tum tak tak amaw ni le



Kawngka a hawng a, min luhtir hnu ah "pawnah hian ka lo nghak mai ang che" a ti ve hram



Hmanhmawh zetin kawngkhar ka kalh nghal , muangchang lo in ka zung , mahse achhuak tawh bawk a ka zung rei tho




" i taksa chhungah tui zawng zawng kha i zung chhuak a maw ka ti lawm" Rinfela chuan ka chhuah rualin a lo ti nghal, ka melh chiam ringawt



Room atang chhuakin kan thiante awmna lam kan pan leh, min hmuh leh pawh chuan min la nuih tut tut , chhe the thaw hlawm tak tak anni


Zanriah kan ei a , kawppui theuhin kan thu , Immanuela leh Thelmai chiah an la inngaizawng lo, Mahse Immanuela hian bem atum , remruatna tha zet kan nei bawk



Kan chawhmeh hmeh chu a tui takzet, mahse ka hnaih ami bak ka eilo, ka ban vel peihlo



Arsa kan chu suah ve ka tum , mahse a ti tha mai ka hmu silo, ka hawlhkual dun dun inthlahrung ve si , engmah suaklo in ka lalet leh tawp



Mahse Rinfelan min rawn suah leh thlap tho , a hmel en aiin min chu a ngaihsak ve thiam viau



Zanlamah chuan movie en in kan thu thap , Thelmai erawh a bo leh daih , kan remruatna zawng zawng a khawbo zo ang tih ka hlau hlawm ngang mai




Immanuela lah a zam si, athiante hi kan thian ho ang mai, an fiamchhen lehnghal



Mut dawn trep ah Thelmai pawh inchhungah a rawn lut, kan in mitmei nghal zak zak



"Engtinnge kan mut ang" bul ka tan nghal



" keichu room hran a awm theih chuan mahni a mut ka duh a, eng a mut kha chu mutthilh a har lutuk a" Thelmai chuan a rawn ti chiah reng, a fuh chho dawn



" Gracie leh Feli kha mu tlang bawk se , keileh sangsangi , abak mipa ho kha chu in mu tlang vek dawn ania" Rinfela chu kan enthap



Tuna a sawikha kan ruahmanna ah a tello hrim hrim , a bula mut kha a remchangah la in a rawn ruat ve ringawt



" keipawh Thelmai ka ngaihtuah , ka lo riahpui ang " Immanuela chu kan en leh thap , Thelmai kan en leh chuan a Immanuela alo melh rum nasa mai



Hepa â lutuk hi kan remruatna atichhe zo vek mai dawnin ka hria , ka va signal zeuh , alo hrelo der tlat zui




" mipa zawng kan mu tlang anga , chuan Thelma in room hran a hmang a , abak hmeichhe ho chu in mu tlang mai dawn ania" Rinfela chuan alo ti hlauh


Chuti chuan kan mu fel thei hram , ruahhmanna pawh kan hlawhtlin theih zawk ka ring



Dar 11 vel chuan room kan chhuahsan tham tham hlawm, Thelmai mut hun ala nilo bawk a aroom lam kan pan



Kawngka bulah ka ding thap , Thelmai room pawh chu athim leh thap tawh , henu hi engah amu peih tlatlo



Kan dindeuh rawn rawn hnu chuan tap ri kan hre ta mai , kan ngaihthlak chian pawh chuan ka la hre zel



Immanuelan kawngka a hawng a light awnin kan lut dial , mahse Thelmai chu alo muhil daih tawh , muhil chungin alo mangtah chu niin



Kaithawh kan tum lah in a tho hleitheilo , a meng tha theilo ani mah zawk



" heihi a ei ani maw " tih leh Gracie chuan damdawi kawr hi a rawn keng lang va va mai



A mu theilo in damdawiin a ei leh tawh vang anih hi tunah pawh aharh hleihtheih derloh ni


" Damdawi ei chung pawhin engmah hrelo in amu thei chuanglo ania , a khawngaih thlak ngawt mai" Feli chuan a rawn ti



A damdawi ei in a taksa a khawih pawi dawnlo bawk nen mu turin kan chhuahsan leh , mahse Immanuela erawh chuan a riahpui ta tho



A hmel kha ka khawngaih takzet , ka thiannu tan pawh hian ka duhpui , Immanuela hian a hmangaihin hialin ka hria



Kawngka kan chhuak chiah tih ah " kan remruatna a hlawhtling silo a kan pahnih in ti hlawhtling mai ang o" Rinfela chu ka kuk nghal tawlh



Kan thiante lah chuan an lo pawm nang mai , room ah ka duhlo chung min pu lut



Khumah kan mutlang , mahse Rinfela erawh min sual zawngin a awmlo thung



A kut lehlam min kham tir a , lehlamin min kuah thung



Ka mut a chhuak tawh bawk si nen ka muhil zui nghal daih



Ka chawl rei tawh em vangin in mi hriatthiamna ka dil tak meuh meuh ani , min lo chhiarsak leh treuh dawn ania , zanin pawh sei takin ka rawn ti theilo a min hrethiam leh hram mai teh u , ka buaiin ka chau ve ang reng bawk si , next ah thui tawkin kan tum tawh dawn ania o , hmangaih vek che u ♡♡



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 9th, 2021, 6:06 pm

LAST



By : Thelma



Chapter 8



Rinfela muhil lai chu ka en reng, lawmloh hian ka lo nui leh thin, zahthlak zawk



"Min en ning thei thlawtlo animaw" Rinfelan nui chung a arawn tih chuan rang zet in ka mu tha nghal, puan a inkhuh ka rual nghal bawk



Ani pawh chu nui hawk hawk chungin a rawn inkhuh ve a min rawn kuah nghal bawk



Zingkar karah kan hlim khawp mai , hetiang hian thawhhlim a hmuh tur awm reng se zawng tukchhiat ka nei pawhin ka inringlo



Phun ri ser ser kan hriat rual chuan Rinfelan min lo mitmei zeuh , thawm dim deuh a kawngka lam pan chu kan rual nghal


Kawngka kan hawng chu kan thiante , Thelmai te room zawn a an awm chu ka hmuzui zat



Thelmai te room atang chuan inhau ri a rawn chhuak bawk, Immanuela nen an inhau pek aniang chu


An bulah chuan kalin kawngka chu kan va hawng , Thelmai'n Immanuela lamah lukham alo thlawh phei chiah


Pakhat lah chuan awlsam zet hian alo manbet bawk, chulah Thelmai thinrim tizual tu , zingkar karah kan ri nuaih nuaih mai



A tawp a tawp ah chuan kan bengdai thei hram , zing kar kar ah kan buai ata langin eirawng pawh atlai atlai in kan bawl tha leh



Chhunah chuan anuam thei ang berin kan hmang teuh in ka hria


Tlai lama haw tur kan ni bawk a duhtawk in kan chen ani ber



******



In ka thlen vel chuan ka mu zawi hnawk thei, engmah pawh ka ti peih leh chuanglo



Ka ke vel la damsam lo nen ka thianten an bula awm turin min ti mahse mahni a inluah hrang ve ta na chuan ka hnial fithla thak



Midang tihbuai reng pawh ka inthlahrung ve ani pakhat bawk



Zan dar 7 velah ka Pi ten min lo call , an pahnih a Aizawl rawn chhuk an tum thu leh ka pa bulah kan khawsak tur thu an sawi



Ka pa chanchin hi engmah an sawi ngailoh vangin tun teh thut a ka pa bula awm a ti chu ka hrethiamlo hle , a chhan ka zawh lahin an lokal hunah min hrilh chian tur thu an sawi ringawt bawk si



Ka pi te nen a kan inbiak zawh rual chuan Rinfela call alo lut ve nghal chiah bawk



A rawn kal tur thu a rawn sawi , ka lo remti ve mai bawk , mahse vawin lam kan chhuahna nen chuan a chauh viau ka ring




Reilo te ah kawngkhar kik ri ka hre nghal , ka va hawn chuan Rinfela alo ni , rin ai takin a rawn thleng hma fu



"Te, ka pi leh pu an lozin leh dawn a " kan thuttlan lai chuan ka ti


" i ngai awm ropui sia i van lawm dawn ve " min phur pui hmel zet in a rawn ti ve



" mahse ka pa bulah kan awm tur thu an sawi a, ahma zawngin ka pa chanchin min hrilh ngai silo a, tun ataka ka pa bula awm anti chu amak em alawm" tiin ka hrilh


Mahse kan chhungkaw chanchin , nu leh pa nei tawhlo ka ni tih hre ve lo kha ka hrilh hian awmzia anei teh chiam pawh ka ring chuanglo



" Pa i nei thar anga , miin Pa ti a an koh(heihi a dik em ka hrelo o, a dikloh chuan min lo hrilh mai dawn ania) thin ang khan Pa tia koh tur i nei ve tawh dawn asin" a rawn ti ve leh bawk



" nia mahse , tinge nula lai ka ni tawh a , ka nautet lai khan min ngaihsakloh , ahma kha chuan maw nu leh pa hi ka awt ve thei lutuk , khawvelah hian vanduai bik em em in ka inhria a , miin an natna te , an lungawi loh na te leh an duhzawng te an nu leh pa bula an sawi theih laia nu , pa ti a koh tur ka nei ve lo kha na ka ti thin , hringnun hi fair lo ka ti em em a , nu leh pa mamawh miahlo ka nih bikloh lai a nu leh pa pek ka ni ve lo kha ka vui thin "



" Pathian in i tana tha tur zawk a aruat ani thei asin , hringnun chhel taka i hman a, beidawng lo a chak tak a i awm theihnan aruat pawh ani thei asin " Rinfela chuan thawp sut hian alo ti ve leh



" mite chu nu emaw pa emaw tal te an nei a kei chuan nu pawh , pa pawh ka neilo , keimah ang a fahrah hi mi tamtak an awm awm si a , a then phei chuan chhungte sawi tur pawh an lo neilo thei a , mahse keichu maw hmangaih taka min enkawl tu tur ka pi leh ka pu ka la nei tala , ka vannei tiro " nui deuh hak pah hian ka ti



" kha kha lawm hmeichhe tha tak rilru tur chu , harsa chung chung pawh a atha lai ngaihtuah a a eng zawng a thil thlir kha" Rinfela bawk ani



" ka pi khan hun harsa ber ka tawh lai pawhin ka vanneih zia hi theihnghilh lo turin min ti thin , engmah neih neilo nia ka inhriat lai pawhin Engkim tithei Pathian erawh ka tan a awm reng a ka neihchhun ani tih ka hriat reng min duh pui thin , Engkimah Pathian ring tlat turin min ti thin , mahse a chang hi chuan rinna chhan tur hi ka hmulo niin ka hre thin , mahse khang hunah khan Amah rin reng tur kha alo ni reng zawk a , ka chung a thil thlengah khan lawmlo viau mah ila ahnu a ka tana tha tur zawk alo ni reng a


Pathian rin hi a finthlak ber a , innghahna tlak ber ni bawkin ka hria " ka sawi zawh rual chuan ka thawl huai in ka hria



" naktuk chu hna kal ang o " thil dang ka sawi zawm pui daih



" kallo ang i chau ang , mu hahdam zawk rawh" Rinfelan alo ti



" ngailo , hmeichhe chak tak chu tiang mai mai ah an chau tur anilo " ka lo ti vah , a nui suk ringawt



Thingpui ka lum saka , no lian ve zet ah ka pe , a inzawh chuan a puar puk in ania ka rin ni



Dar 10 rik tep chuan ani pawh a chau ve deuh nen a haw zui mai



*********


Zingah chuan thawh ka hai , ka pi ten min lo bia a , ka bungruah ho pawh tlem tlem a lo siamfel turin min rawn ti bawk



Hmanhmawh zetin hna kal turin ka insiam a , hmanhmawh tawkin ka tlanchhuak leh chawn chawn



Bus stand ka thlen rualin Rinfela a zawnah alo ding chiah, bike ala khalh zui



Chuang tur a min tih chuan uluk fe hian ka chuang , midang an tam ve bawk si nen chetsual leh ka hlau zek zek


Vanneih thlak deuhin buaina awm miahlo chuan kan inphur chhuak thei hram



Damdawiin kan thlen thleng pawh chuan ka bulah zel alokal ve a , mite chuan min en hrek hrek mai in ka hria



A then lah chu min hmuh ruala thiante hrilhru nghal sur sur hmuh tur pawh an awm ve bawk , hei chu ngai a neih hram ka tum thin , Mizo te kan inlak changkan ve theihna chu mirel hi ni ringawt , kan changkanna erawh thing viau thung



Rinfela room lam kan pan daih , nihna takah chuan kan la chau dun ani ber , hna thawk tur chuan kal ve teh mah ila kan zawi ani




" Bawihi haw leh lawk ka ngai dawn a" Rinfela chuan reideuh hlek tawh ka thut hnu chuan a rawn ti , ka lo hawi phawk hru , khatiang khan min ko ngai bawk silo




" tinge " sei deuh a chhan dan tur ka hrelo ve em bawk ani



" ka hre la hrechiang biklo , thu pawimawh sawitur a awm ni awm ani"



" ole ole, tluang deuhin haw la aw"


"Lutuk" tih leh ka hmui a rawn fawh zeuh , chumi lai tak chuan kawngka a rawn inhawng , kan hawi rang dun lutuk ringawt



Vanneih thlak zetin Gracie lo ni lek , ala then ang thaw zui leh nghal , kan thian dang te bulah min fiam nan a hmang leh pek ang chu


" nang pawh i chau sia haw a mut hahdam i mamawh ania" Rinfela chuan ala ti leh hram



" ka lo hruai haw ang , chawlh ka la nei ve alawm " alo chhang rang nang mai



Rinfelan bike ka keng bawk si nen Gracie nen kan leng bawk silo a , amah a haw tir in kan pahnih in kan haw dun tawp




Lalgracie pawh motor keng bawk silo , bus in kan haw dun leh tawp



Bus lah chu kan tawt em em zui , vuanlo pawhin kan ding thei, sir ami ten min veng vek hi nimai



Gracie phei chu vai pakhat in alo en nasa deuh aniang "enge maw mi hisap ami " ati leh hman tral pek , kha vai lah khan mizo tawng alo thiam ve suih suih nge " kapi nangmah chu insak tur inilo , hisap ngailo" alo tilet ve bawk , kan bul hnaia ding ve ho zawng zawng nen kan nui vek


Kan bawn thei riap riap ,ka chhuk hnu thlengin " inlak chhiatloh ve nen vaiin min dah zero alawm le , a re re ah , insak tur chiah an hisap ngai pawh nilo , a â emai " ala ti tak ang tang tang , a lungawi thei nganglo aniang



Ka chawl rei angreng sia ka inthlahrung khawp mai , zanin atang chuan regu deuh a dah kan tum anga , min lo chhiar sakin min lo comment sak leh treuh dawn ania

♡♡♡♡♡♡♡♡♡♡♡♡

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 9th, 2021, 6:07 pm

LAST


BY: Thelma



Chapter -9




In kan thlen hnu a ka awmdan tur vel Gracie ka hrilh chuan ani pawh indan aduh thu leh ka awmna hi a ruak dawn tho chuan awm a duh thu asawi


Ka bungrua pawh leichhawn mai a duh thu a sawi tel bawk


Mahse ka thian ani a, ka tan engmah uilo tu tan hian ka thilneih ah amamawh zawng a awm chuan ui ka duh bikloh vangin lei erawh ka duhlo , a pek a pek ngei ka duh


Ka mamawh tur anga ka ngaih zawng zawng min insiam pui leh vek , a bak zawng erawh chu a luah luh huna ahman nghal turin khawih danglam lemlo in ka dah thung



A nau mipa, an inpui luah tur ber a hna avangin thingtlang lamah a awm angai si , a unau dang ten pasal an nei tawh si a, anau enkawl turin anu a awm angai bawk si nen amah ani luah angai ani


Tinge anu in hmeichhia zawk a awmpui mailoh a amipa zawk a awmpui inti maithei


Gracie nau mipa hi a hrisel lo em em a , thawhah nei thin anih avangin anu hian a awmpui zawk angai ani , tin Gracie chu a upa zawk anihna angin a puitling a , ngaihtuah ngailo zawk anih vang hrim hrim zawk ani bawk




Pawnlam atangin eitur kan chah a , tlai lamah pawh chuan eirawng pawh bawllo in kan ring nghal mai



Rinfela erawh in min rawn la be leh ta miahlo a , abuai anih ringin ka va be buai duh biklo



Ka pi leh pu te bia in ka insiam fel dan leh Gracie awmdan tur vel ka hrilh chuan ka thuthlukna chu tha an lo ve viau bawk



Zanah riah nghal atum avangin kan tihtur hre tawhlo chu thutthlengah chuan thu in phone kan khawih a , Rinfela min rawn biak hun kan chang reng


Mahse e nih chu areh hmak thung, ngai deuh anga va biak hmasak awr awr kha tlawmah ka la ve bawk si , be ta lo chuan phone chu ka thai kual vel mai mai



Thianho group ah Thelmai message a rawn thleng a , kan en chuan *hotel regency bulah ka awm min lo hruai teh u* tih zawng hi a rawn sawi , Feli ahna avanga Selling lamah a zin lai ani bawk si , kei leh Grace in kan hruai tur thu ka sawi nghal vat



Zanlam anih tawh avangin bus avang tawh a , Grace in car a keng bawk silo nen kalna tur a buaithlak ang reng viau



Hreh deuh chungin Rinfela ka va bia a , abuai thu in min chhang a , ka chhan let ve hma in a off daih , ka ngei takzet



Reife taxi kan chan hnu chuan pakhat chu kan hmu ve hram , hotel regency lam panin kan kal nghal vat , taxi a kan chuan chhung chuan Rinfela min chhan dan ringawt kha ka rilru ah a awm



Hotel kawt kan thlen chuan Lalthelmai pawh chu kan hmu mailo , kan call chuan a chhung a awm thu alo sa sawi chauh



Hotel chhung lam pan chuan kan kal a , kawngka kan lut tur chiah chu Rinfela leh hmeichhe pakhat hi kan tawk , ahmeichhe chu akuah bawk , chu hmeichhia lah chu ala ruih hmel em em zui



Rinfela nen chuan kan mit chu a intawng chat mai , anih pawh a meng kawk , mahse hmu lo ang maiin ka kalpel hmak



Thelmai step a lochhuk mek chu kan lo nghak a , kan bul alo thlen velah pawnlam panin kan kal lehnghal



Kawt kan thlen chuan Rinfela te chu kan umpha leh tho , hmeichhe rui a hruai bawk a an kal chak theilo pawh ani ang



" Bae " Rinfela chuan kan kalpel tur chu min lo au , mahse ka hrelo lui tlat , enge maw ka hriat ni kei aia angaihpawimawh hmeichhia hi ka thik tlat



Taxi awmna lam kan pan a , kan lut zui daih



" tinge i chhan loh a " Thelmai ni



" a buai alawm , ka biak phei chuan a buai zual ang " ka lo ti deuh hmak , anihna takah chuan ka thin arim ve , khang te chu min hrilh that ve mai tur ania



Inlam pawh pan ta lo chuan Thelmai te in lam kan pan vek , ani hi a cousin Emily nen chiah an awm a , kan duh hunah kan fin mai thin



In kan thlen hnu chuan alo tlai ve hman duai , Emily awmloh lai alo ni lehzel nen Thelmain intur a dahthat a rawn la chhuak a , kan inleh


Heitiang hian kan in reng ngailo , Thelmai in a kawl nachhan chu a thi neih mumal lo atan akawl ve reng thin a , rilru nat changin kan va sual ve zeuh thin



An ni pahnih phei chuan an in manglo, ahming tak meuh meuh chauh ani , min thutpui vel mai mai ani mahzawk



******



Ka harh leh meuh chuan dar 11 alo ni tawh , keimah chiahin ka la muzui , nizan khan ka chahthlak thlengin ka in anih ka ring



Tho chhuakin ka thiante ka zawng a , tumah lah chu ka hmu lo


Ka call a , "i mutui lutuk a kan kaitho duhlo che nih kha , tikhan hna kallo mai rawh , ka kalsan tawh tho che sia" Gracie chuan a rawn ti



Huizz...ave leh thawr thin hian , a duh duh in chawlh min pe ve hmaih chu ania , Rinfela chu asa tha ve ngawt ang , hna angaipawimawh ve thin sia



Inbualfai a, Thelmai chu bia in a thawmhnaw ka hak tur thu kanva sawi, a duh duh ha turin min lo tiliam puat



Thelmai kawr ka ha a, hna lam ah chuan ka kal ve hram, ka thaw erawh nizan lam ka thil in vangin a rimtui teh chiamlo



Damdawiin ka thlen chuan chaw eilo a kal ka ni bawk nen ka ril atam phian , chhun thil ei hun chu ani tawh tho bawk


Canteen lam ah ka kal a , ka luh raulin ka thiante ho thukhawm thap chu ka hmu , min lo ko nghal vat



Midang zawng chu an kawppui te nen an awm thap a , Rinfela chu nizana hmeichhia bawk nen khan an thu tlang


A hrim hrim thu in ka thiante hi engvang a an hna kallo a heta rawn awm vek nge annih ka hrelo , Vanlalfeli pawh hi Selling lamah a zin ang chu tih laia hetah Stephena bulah a thu kuk bawk si



An lampan chuan ka kal a, thutna pawh chu ka leng tawh chuanglo , an lo tawlh rem sauh sauh



Mahse tawt deuha thil ei ahrehawm mai bakah Rinfela hi ka hmu chak teh chiamlo bawk si nen " helai hi a awl reng alawm , in puar theilo ang ka lo thut chuan , kan tawt dawn emai " tih leh an bul chiah thutthlengah chuan ka thu daih



Min en haw hlawm mai , nidangah chuan ka lenglo chung pawh ka inpawm tir hram zel kha ania




Thil eitur pawh hre ta chuanglo chuan a thu vel mai mai , ka luh hma a ka riltam tehreng nen Rinfela leh hmeichhe dang ka hmu a ka ril tam areh vek



Thingpui no khat zawng ka in ta ringawt , ka thiante pawhin min lo be char char bawk , chuan Rinfela thutpui nu pawh a hming chu Remruatfeli alo ni, an sawi hmang chuan Rinfela nau niawm ani bawk , a hmingah pawh fel a tel ve ve



Mahse a hmeichhe mitmeng atang saw chuan a unaupa pawh a anglo



Thingpui in pah a ka hawikual vel chuan damdawiin kawt a ka pu ang deuh kalchu ka hmu


Mahse mi an tam emai tiin ka hmusualah ka puh deuh hmiah


Mahse ka enchiang a ang ka tih bawk si , tho thut in pawn lam chu ka pan vat , ka pu ang deuh ka tih kha mipui lamah alokal bo hman aniang pawn ka chhuah chuan ka hmu tawh re re lo



Ka hawikuala , damdawiin gate lam ka hawi chiah chu ka pi nen an chhuak tur chiah hi ka hmu


Chuan ka hmuhsual ni miahlo in nichin ami kha ka pu ani tak tak bawk , engvangin nge Aizawl ah an awm tih ka hriatloh , an lo zin thu tinge ka hriat veloh



Canteen ah chuan lutin dawhkan a ka bag dah chu ka la a , hmanhmawh zetin ka chhuak leh , ka thiante min biakna pawh ka chhang hmanlo



Ka ke na kha a dam tawh viau a ka hriat laiin hmanhmawh deuh a han hman atan tak tak chuan duh angin alo la damchiang derlo leh nghal , chu chuan min ti muang zo vek



Gate ka va thlen ve meuh chuan an bo vek tawh , hmuh tur an awm tawh maihlo



Harhchhuak thutin ka call nghal a , ka pu chuan alo la vat



" khawnge in awm" ka ti teh deuh thawr



" i inluah na lam kan pan mek , hei Aizawl kan lo chhuk a " ka pu chuan dam dap hian alo ti



" tinge engmah in sawiloh a" lungawilo lek lek chuan ka ti leh



" i buai thin si a , tihbuai belh che kan duhlo alawm" ka pu thusawi chu ka ngaihtuah chiang a , a awm ka tih rualin ka lungawi chiah chuanglo



Kan inbiakna kan tih tawp hnu chuan canteen lam pawh ka pan tawhlo , damdawiin hnung a thut hahdam na an siam lam chu ka pan daih , tunah tak hi chuan tu chungah mah ka lung hi a awi rihlo , chuvang chuan ka thiante bulah pawh awm ka duh rihlo ani



Thutna awm ah chuan thu in ka mit ka chhing pah vang vang , tlem chuan ka zia deuhin ka hria



Tunah chuan Rinfelan min ngaihtuah miahlo pawh hi lungawi har ka ti bawk



Chutia mahni te a ka thut mai mai lai chuan hmeichhe te that ri hi ka hria


Uluk zawkin ka ngaithla a , mahse engmah a ri zui bawk silo , ka hawikual chuan damdawiin sir bawlhhloh kan dahkhawmna bul kawm a mi pakhat in hmeichhe pakhat alo sawisa lai hi ka va hmu



Ka va pan hnai ngai vat , mipa chuan hmeichhia chu zai alo tum , ka va dang hman hram



Mahse chupa chuan tawpzui atumlo re re , kan inchai chu ani ber


Mipa zawk anihna leh hriamhrai keng anihna vang chuan ka hlau ve deuh



Ani pawh chu ka lo suallet ve zel a vang chuan a duh angin a che thei biklo


Min vih atum a , ka lo indan na lamah ka kut zawk chem hmawr in a tai thler , thisen a rawn chhuak nasa ngang mai


Mahse vanneih thlak zet chu pa chu nichhin a ahmeichhe sawisak nu khan alu ah lungin a rawn chu ta pawp mai, ka tlu nghal thlawr



Chu nu chuan a dap nghal ruai a , chupa kawr ipte atang chuan phone hi a rawn phawrh chhuak , mi a phone a , rei lo te tak tak ah kawrdum vek ha mi 3 hi an lokal a , lei a let reng mipa chu an rawn la daih



" tinge a " ka lo ti deuh haw



" misual ania , tikhan an man dawn anih kha , kha i kut chu ava thi nasa ve " tih leh ka lut rawn lak chu a rual



" a kak thui zek lehnghala " a ti nghal deuh sup



Ka rinloh lutuk in a kekawr ipte atang chuan chemte tereuh te hi a rawn phawrh , min that tum ah ngaiin ka khur nghal der



" ka tina dawnlo che " ka hlau tih a hria aniang , a kawrchung hak chu a zai tet a , ka kut chu a tuam nghal mawlh mawlh , a zei phian lehnghal , a tithang hle anih ka ring


.
"Mahlimi ka nia, ka nunna min chhan sak avangin ka lawm lutuk" ka kut khawih mawlh mawlh pah chuan a rawn ti , rim aiin a nelawm phian



"Sangsangi ka nia" ka hming ka lo hrilh ve vat


" ka hria che lawm, fimkhur hle rawh o, buaina ila tawk maithei a , chumi hunah chuan nangmah pui thei tur ka awm ania" tih leh card tereuh te min pe a,a kal zui daih , ka hamhaih bawk si nen engmah pawh ka zawt chiang hmanlo , amah lah kha engtik laiin nge abo hman pawh ka hrelo



Ka kut phah chu thi a reh loh mai bakah thui angai dawn tih ka hriatchian em avangin damdawiin chhung lam bawk chu ka pan leh


Damdawiin kawt ka thlen chuan ka thiante an lo awm thap , enge maw an lah tih reng ni



"Khawnge i kal daih a kan ngaihtuah che lawm" Gracie chuan a rawn ti nghal



" tinge i kut chu" tih leh Thelmai chuan ka kut chu rawn lakkan arual nghal


" ka inti palh mai mai mawle" an rilru nawm nan chuan ka ti



" khawi thui ang " tih leh damdawiin chhungah min hruailuh an rual


Kahhihna a awm remchanglo nen kahhihna pawh tello chuan Gracie chuan min thui sak ta mai nih hi


Ana lutuk hi damlai in hremhmun ka ah ka awm ang hial in ka inngai thei



' tinge a" Rinfelan min rawn hmuh rualin a rawn ti ve bawk , Thelmai kan inkar atha vaklo tih hriain min lo chhan sak vat



" tinge na ava tih hmel ve kahhihna in hmanglo ami" ka kut rawn khawih nghal chu a rual



" a awm hleihnem" Gracie chuan a ti liampuat



Rinfela chu a tho thurh a enge a tih dawn pawh hriat zui lo in akal daih , thil thalo athleng lo turah ngai ang

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 9th, 2021, 6:07 pm

LAST


BY: Thëlmā



Chapter 10



Ka pu chuan doorbell chu a hmet a, reilote ah nula, la upa lutuk lo tih hriat deuh hian a rawn hawng



"Ka nu nangmah ni law, rin aiin in lo thleng hma" Dr Rinengi chu ka en reng tawp, enge thil awmzia hi



"Rin aiin kan inpeih hma a" ka pi chuan alo ti zung zung



"Lo lut phawt ula, in chau awm si" tih leh inchhung lamah chuan luh kan rual


Thutkhawmna lam kan pan a Dr Rinengi chuan "Fate u , hei i pi leh pu leh in unau nu te annnih hi , hrilh lawk tawh che u kha" a ti nghal zung zung



Thut khawmna lam ka en chuan khawvel ka pian tirh atang mak ka la tih ber mai chu ka hmu



Lalrinfela ani , Lalpa ani nen hian unau kan ni maw , tinge Dr Rinengi ka hmuh rual khan ka hriatthiam nghalloh



Ka pi leh pu te chu an rawn chibai a, an kuah bawk , keipawh Rinfela nau Remruatfeli chuan min rawn kuah ve bawk, ahlim hmel em em zui



Rinfela nen erawh chuan ngawi rengin kan in chibai tawp, kan hmel atang chuan kan hun tawn hian min thawng dun takzet tih ahriat , ani pawh engmah a hre lawk biklo ani ngei ang



Kan thu thap a , Dr Rinengi, huizzz...tunah chuan ka nu ni tawh , ka nu chuan in hmelhriattir na te min neih tir , mahse keimah ah chuan tumah mithar an awmlo , ka chhungkaw thar annih na hi thil thar chu ani mai




Ka room turah Ruatfeli (Remruatfeli) chuan min hruai



Unaunu neih ve achak thin thu te a sawi siam siam a, nuam atih zia te a sawi bawk , ahma Rinfela bula ka hmuh ai ngawt kha chuan a lo ngainatawm reuh



"Lo inbual fai la, chumi chhung chuan i thawmhnaw hi ka lo remfel ang " tih leh closet lam apan nghal daih


Kei pawh chuan zui in ka thawmhnaw hak mai tur chu ka la a, Bathroom ah ka lut zui mai bawk



Rin aiin ka room tur ringawt pawh a zau phian , an hosa bawk nen a awm ve tho



A hma khan nu leh pa neih ka chak thin hle kha ania , tunah kan nei ta cheng a ka hlim awm pawh ka hrelo , ka nun ti hrehawm zawk tur mai niin ka hria




Hei vang hi ani mai lo maw le Rinfela a sual miahlo chung ka pu ten inngaihzawn an remtih miahloh ni



Rei fe ka inbual hnu chuan ka chhuak ve chiah , darkar chuang ka inbual hial ka ring



Chhun thil eihun ani a , Ruatfeli nen chuan in hnuai ah kan chhuk thla



" tihian chhawngthum hi kan luah a , a hnuaiber ah hi chuan kan nula te room a awm a , a chungah hian ka nu leh pa te room leh ka pi leh pu te room tur hi ania , chuan a chung berah hian ka unau thumin kan awm dawn a " Ruatfeli chuan min hrilh pah char char , ka rilru tawt zia hi a hrethiam ve dawn der bawk silo



Chhun thil kan ei a , kan thil ei pah chuan " zaninah i pa zin a rawn haw bawk anga , mate inthiante sawm la chaw lo eiturin " ka nu chuan a rawn ti siam siam , nu sual tak zawng chu anilo mawle



" keipawh Hriati ka sawm ve dawn " Ruatfelin phur zetin alo ti bawk



Thil kan ei mawlh mawlh a , chutih lai chuan Rinfela ka va melh zeuh , min lo en run chu niin , rang zetin ka melh sawn nghal



Thingpui no chu zahzel ah ka la a , a lo sa bawk si nen ka te tawt , ka inbual zawh khan ks kut na lai hi ka lo tuam derlo , thui ani bawk nen no sa ka deh khan asa lutuk lo ni in



Engtik laiin nge Rinfela ka bul a rawn thlen hman ka hrelo , ka kut chu a rawn khawih vat bawk



" oiii...tinge i kut chu , inlo thlen tirh khan ka hmu miahlo a , ana viau ang , Boiha va tuam sak nghalla " ka nu chuan ka kut rawn en pah chuan a ti nghal zung zung



Kan pahnih chuan kan tho a , thutkhawmna lam kan pan a , thutthleng ah min thut tir in ani chuan inchung lamah min chhoh san daih



Reilo te ah ka kut tuamna tur vel kengin alo kal leh a , ka kut vel chu ngawi rengin min khawih sak



" engkim i hre sa mi " zawhna ka zawt ta nge nge



" hresa hmel ka put loh hi , mahse nang ai chuanin min thawnglo deuh zawk a ang" min en lemlo chuan a rawn ti



Sawi tur dang hre heklo chu kan ngawi dun leh ta reng



Ka nu in kan thil ei lai kan la eiduh leh duhlo min rawn zawt lawng lawng bawk , kan duh tawhloh thu in ka chhang



Phone chu kawihin kan thianho group ah thil nihdan te chu ka va saawi a , kei ai mah zawkin mak an ti maw tih mai tur an ni , chuan chaw eitur chuan lokal ngei ngei an tum bawk




Ka nu te pawh thil an ei zawh chuan kan thutna lamah an lo pan a , keichu tho nalh in kan thil eina vel ka va sengfel ve


Kan nula ten awm mai mai turin min lo ti ve nghal , an fel hmel takzet , mahse intih fel vang pawh ni lemlo in ka theih ang ang chu tih ve ka duh thin , bakah mahni a awm thang ka ni bawk nen peihlo na vak ka nei lo



Ka nu in ka kut ana bawk nen thu mai mai turin min lo ti bawk , mahse ka pi in min hrechiang bawk a tih tir mai mai turin alo hrilh nghal vat




Chawhnu lam chu tih tur a awm tawhlo takzet , naupang ho zawngin phone ka kawih a , ka nu leh ka pi an ti ti thung , ka pu erawh kan inthlang mai s huan an siam ah alo kal leh daih tawh thung



Games ka khelh ve vak ngailoh avangin khawih tur ber pawh hrelo chuan ka phone chu ka hmet kual vel mai mai



Ka rilru ah thil lolut thut a awm , chu chu story ani , Thelmai hian a chhiar nasa thei em em a , keipawh min hrilh ve chiam thin


Ka tih tur hrelo story chhiar tur ka enkual a , Zero tih Remruati haylor ziah chu ka chhiar ve chhin



Chapter 3 lai chu ka chhiar tawh , angaihnawn em em mai lehnghal



Doorbell a rawn ri leh tlang tlang a , kan nula te an awm bawk si nen tuman kan ngaihsak lo



"Nute in lo dam maw " ka hawi rang kher mai , he mihring ber kher hi hmuh ka inringlo hrim hrim



" dam e lo thu ula" ka nu in a tih takah chuan keini ho pawh kan mu chu kan tho dial



" in awm hahdam lai kan rawn tibuai chu ni ringawt alawm , ava inthlahrun awm ve " Malsawmi chuan inti fel fahran hian a rawn ti leh




" an tihtur hrelo an mu vel mai mai anih kha" ka nu chuan alo ti ve mai , kei erawh tuna ka ngaihtuah chu henu hi engvang a jail chhung a awmlo nge anih tih hi ani , jail a awm chu sawiloh Rinfela bulah a thut leh awr awr tawh hi



" bawihte , i u zuali te kha thingpui min lo pe se lo va hrilh lawk la" ka nu in a tih chuan " ka va hrilh ang" tih leh thawh nghal ka rual



"Ka la puarlo e spicy min siam la ka naute" Rinfela chuan ka dara min kuah pah chuan a rawn ti , engtik laiin nge alo thawh ve hman ni , a tawng ring ang reng si, ka nu te pawhin an hre vek ang chu , mahse anau ka ni tawh tho



Rinfelan a sawi rin em vang chuan midang ho chu mawihnai ah an duh ve leh veloh la zawt , Ruatfeli chiahin a duh



Kitchen ah chuan lutin ka nula te chu thingpui lum turin ka hrilh a , keiin kan eitur ka siam thung



Ka siam chhung zawngin Rinfela ka bulah alo ding ve char char



Ka siam zawh a Bawihtei (Ruatfeli kha bawihtei kan ti tawh mai dawn ania ) chu kan au a, kan einghal mawlh mawlh




Rinfela chuan thak ati bawk aniang a hmui bul zawng zawng a sen vek , a hmai pawh a thlan thei hialin ka hria , kei leh Bawihtei erawh hmarcha ei ei nasa tih hriat , Rinfela ang em em chuan thak kan tilo




"Bawiha , zemabawk ah chuan min lo kalpui lawk la"Malsawmi thil rawn sawi vang chuan ka thil ei lai ka hak thawt


Ka khuh bawrh bawrh pawhin a nuam theilo , ka dangchhung ah hian asa ka ti mai , bathroom lam panin ka kal nghal



Rinfelan ka hnung ah alo beng bawk , hepa hi engtik lai in nge min zui ka hre hman thinlo


A zia deuh chuan tawng pawh ka tawng tha peihlo, ka aw te hi a chhang vekin ka hria



HuiZz...ka hne lutuk ka vawin nun hi , thil mak hlir mai a thleng a , ka thiante lah rawn lang har hlawm bawk si

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 9th, 2021, 6:07 pm

LAST


BY : Thēlmā



Chapter - 11




" Hmeli enge thil awizia hi " ka thiante chuan inchhung luh pah chuan an rawn ti nghal nawk nawk




" ka sawi ang kha nimai , nangni ang bawkin ka buai ve" ka lo ti mawl deuh tawp



Min en deuh tlawk tlawk tawp , min beidawn pui ve ani mahna



Thutkhawmna lam kan pan a , Rinfela leh Malsawmi leh Bawihtei chiah an awm , ka nu leh ka pi erawh an bazar thung




Kan thianho chuan kan thu ve a , ka thiante chuan Malsawmi chu an melh no teh chiamlo



Atir atang kan intawn dan a diklo a , engtik takah chuan inngeih hlawm ang maw



Malsawmi chu a tawng zat zat a , midang erawh kan ngawi kar thung , ka sawipui peihlo ani mah zawk




Ka thianten ka room en an duh avangin inchung ah kan chho dial hlawm




" Rinfelan engtinnge atih ,mate inthen in tum em" Gracie chuan a rawn ti nghal



Ni e , a zawhna hi a awm reng , unau inngaihzawn reng awm suh




" unau kan nih chuan inkawp reng a remlo ang" ka ti deuh sap



" Rinfela hi enge angaihdan ni ve ang le , a then duh dawn che mi" Thelmai ve thung ani



" Then duh ang , thisen a inzawm na kan nei miau a inkawp thei kan nilo , khawvel awm chhung hian kan tan a rem ve dawn chuanglo a , kan thlen thui tak tak hma a tawp mai hi tha ka ti"




" khuanu ruat in nih chuan tunah hetiang ni mah ula nakinah in la innei tho ang" Feli chuan a rawn ti khauh , Thelmain a lo pen ri nghal fawk



" khuanu ruat tih lam anih rih loh hi , pa hmun annia , engtik ah mah khuanu ruat an nilo ang" Vin zet hian a rawn ti nghal



Mahse Felin a haw lemlo, a thinchhia a, tikhan mi vin vak vak mahse a thinlung chhung hian mi a haw tak tak ngailo a , a hun taka min fuihtu ber ani leh thin





" chhuk teh ang u , a rapthlak emai" Gracie in a rawn tih tak ah chuan inhnuai ah kan chhuk dial



Rinfela thiante an lo kim vek , Malsawmi pawh alo la haw ta chuanglo



Ka thiante chu an bialpa te nen an thu tlang a , Thelmai leh Immanuela pawh in melh rum deuh chungin an thu tlang bawk




"Bawihte , thingpui lum ila " Ruatfeli en pah chuan ka ti , a phone khawih lai chu dahin min rawn zui nghal bawk




" U , enteh Malsawmi hi ka ning e , a zaktheilo si , chaw eive a tum a mile " Bawihtei chuan a rawn ti sa sa , a hmel ka en lah chuan a ner nung bawk si




" ning lahlo e , inleng te an ning ngailo , Rinfela tan pawh Malsawmi a awm khan anuam thei a " ka lo ti



" Nuamlo ang , Malsawmi alokal chuan anui lai pawh a tum hmak thei , a awm chhungin a nui tawh ngailo " Bawihtei chuan nui pah tawt tawt hian a rawn ti , rin ai te hian he nau pawh hi a chhur reuh , mahse a bula awm anuam thung




Thingpui chawi chungin kan thiante awmna lam kan pan , ka kut la na bawk nen kei aimah in Bawihtein a keng hnem zawk




" Kei leh Bawiha hi chuan thingpui kan in ve ngailo , nidang i lum leh hunah pawh i hre tawh dawn ania" Malsawmi chuan min lo ti ve khanglang


A in ang maiin kei aiin thu aneih hmel zawk , hei vang hi nih hi Bawihtei pawhin a lo mil miahloh



" kan lum kep ve ngawt lo che " amah enkar chung chuan ka ti let ve sak , ka zah vak peihlo




"Naute ka duhve asin " Rinfela chu ka melh kawk , hepa hi mi tirh achak ve hrim hrim



" mahni naute kutna pawh duat nachang hrelo" unau ang a en hram hram ka duh tawh



" anih ka siam ang , mahse min kalpui rawh" tih leh a rawn tho a , kitchen lam ah kan lut phei leh nghal



Kan nula Mawii hnenah chuan thingpui siam turin a hrilh nghal , heng a ti tur si te chu min hruai angai tawp silo a




" Fel , engtinnge niang" beidawn hmel fe hian ka ti , ka rilru a kap nasa ve em bawk ani



" tih vak ngaihna a awmlo , ka bialnu cute deuh kha ila ni tho" ka beng bulah kan nula hriat thamlo hian a rawn ti



A hmel ka en lah in angaih asam hmel si , ka rilru hi tihah takzet , unau kan ni tih a hre vek si




Kan nula in thingpui a siam zawh vek tawh ah a in peih lehloh thu a sawi leh , a chet dan ngeiawm lutuk vang chuan a melh rum vak , ala nui suk duh chauh leh nghal




Ka nu te bazar an lo thleng a , kei leh Rinfela chuan eirawng kan bawl pui nghal daih



Malsawmi pawh chu a awm ve reng takah ka nu chuan chaw ei turin a ti ve nghal , alo hniallo nasa



Bawngsa leh sangha an rawn lei avangin ka chawhmeh tur ka buaipui daih keichuan



Alu ka bai a , Rinfelan uluk zetin min lo en , ka thiamve zawng a ni bawk a inti thiam deuhin a siamdan ka hrilh chiam




Malsawmi lah in ka nu a pui a , Rinfela a rawn au sek , ani lah akal peih bawk silo , an hneawm tak tak



Ka nu chuan a thil siamlai chu dahin a kut a silfai mawp mawp , chumi zawh chuan kitchen a chhuahsan zui daih




Reilo te ah mipa pakhat nen an rawn lut , patling zet ani , ahhh....ka pa ani thei mai em



" Naute i pa nih hi" ka nu thusawi vang chuan ngawi rengin ka ding , engmah sawi ve a tih ve tur ka hrelo



Ka pa chuan min rawn pan a min rawn kuah , " i nu nen in inang hle mai" harsa tih hmel zet hian a rawn ti



Ka nu thlalak takngial pawh ka la hmulo , ka pa pawh chuti tho , tihian ka vawikhat hmuhna ani mai




"Pa , enge min lo hawn" Bawihtein kitchen a rawn lut pah chuan a rawn ti nghal lawng lawng



" thil tha deuh ka lo hawn chu lawm" min kuahna phelh pah chuan alo ti



Kan bulah lokalin ka pa chu a rawn kuah ve bawk , an hmel a inang tak zet , keichuan ka pa hi ka chhun ve vaklo aniang , kan hmui chung a khuavang kan neih chiah inan na kan nei ka hria




" Bawiha i nau te i lo duat em , a upa ber si hian i fiam chiam thin a " ka pa chuan Rinfela en pahin ati , anghal ve viau aniang




" ka duat lutuk" tih leh min rawn put nawlh a rual , ka rak chiam , hepa hi a â takzet




Zanin chu asei vaklo o , ka buai ve lutuk a min lo hrethiak hram teh u o ,a story chhung a in ngaihdan te kha lo swi ve ula o

Dahloh aiah ka rawn dah hram min lo hrethiam hram dawn ania atawi in lo tih deuh pawhin♡♡♡♡♡♡♡♡♡♡♡♡♡

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 9th, 2021, 6:07 pm

LAST


BY :Thëlmā




Chapter 12




"Naute , chhel taka i awm angai dawn ania , Bawiha lah hi a lung alian bawk sia , kan khapbet thei angem kan hrelo , nangchu ani aiin thil i hrethiam zawkin i puitling zawk a , i kut ah kan innghat tawp ani , kan chhungkaw mualpho leh pho loh chu i kut ah hian thui tak a awm ania" ka pa thusawi mal tin chuan thawk min harsat tir




" Pa tinge chhungkua angin kan awm kher , kan inhriat ngailoh lai khan kan inkawp thei reng sia , unau kan ni tih kan inhriat loh kha" ka mittui chu a hnam ve sawk mai




"Naute Pathian hi kan bum theih ani hleihnem, engkim hre tu ani si a"



" Pa anih chuan tinge Rinfela ka hriat hma khan in bula awm tur a min hruai mai loh , khan kum chhung zawng khan nu leh pa ka mamawh ve asin , tunah ka nun ah midang ka seng lut mek laiin in lolang leh si , ka lak atang la hrang turin"



" i nu leh pa hi ka fello em ani "




" tinge maw ka lo pian ve re re le"




"Khatiang zawng khan ngai lo la , engkim hi Pathian ruat vek alawm"




" Pa , Pathian pawh hi a ruat mak ka ti , tinge unau leh zel hmeichhia leh mipa angin min in hmelhriat tir le"




" in tana tha tur zawk pawh ani thei sin" ka pa chuan ala ti fam




" a thatna ka hrelo , nun hlim ngailo tur a min siamtu mai ani"



" Lalnunsang , Pathian hi mawhchhiat ngai suh , kan tan atha tur vekin ro arel thin , ring mai rawh" ka pa aw chu a vin ta thak mai



" Rinna chhan tur ka hre velo" ka pa te room chu ka chhuahsan zui nghal



Ka room ah lutin khumah ka bawkthlawp a ka tap nghal zawih zawih



Ka khawvel nun ippik lutuk hi ka hne takzet , tinge vanduaina hian min kiansan ve theih loh




Tet lai atangin mal takin nun ka hmanga , nu leh pa ti a koh tur ka nei ngailo , school a nu leh pa te hruai an ngaih nikhua ah pawh ka pi leh pu bak hruai tur ka nei ve ngailo , miin ka nu leh pa chanchin min zawhin sawi tur ka hre ngailo a min nuihzat fo thin , sawn aniang, fahrah in atang a an lak aniang, chu chu mite min sawi dan ani tih hre reng chung in chhel tak in nun ka hmang a , mite min hmusit na leh hmuhhniamna kha hrelo ka ni biklo



Hrehawm tak a nun ka hmang chung khan vawikhat mah ka vui ngailo, ka damloh chang a nu min buaipui tur ka neih loh pawhin tap ru fo mah ila ka vui ngailo , ka pi te min ngaihtuah hmel hmuh reng hrehawm ka tih vang a thawveng leh hlim zet ang a ka nuihluih lah atam



Khang mal ngawih ngawih a hun ka hman na te kha ka patlang a, hlimna tak ka nei ve tawh dawn aniang tiin hringnun ka hmang a, ka nun ah mi pawimawh ka senglut chiah a , mahse ka lak atang a hla tak a lakbo sak ka ni leh dawn ta



Ka mawmawh thin em em leh ka awh thin em em nu leh pa ka neih laiin ka mipa ka chan angai thung si , tinge mite angin ka duhzawng te ka neih ve theih miahloh le



*******



Thil rit zet min delh tu awm avang chuan ka harh kawk mai



Ka en chuan Rinfela ban lek alo nih , engtinnge ka room ah a rawn luh re re ni



"Hey tho teh, enge i rawn tih , ka pa ten an hmu che nga sin"Rinfela chu ka beng nghal nawk nawk



"Mu mai mai teh" ka ban rawn manbeh a rual nghal


" Bawihtei pawh" ka la ti leh hram


" ka pi te bulah a mu, chuan kawngka ka kalh , a tawk tawh em" hepa hmek hmuk hi chu o



Ngawi rengin ka mu ta reng, Rinfela erawh a thaw ri sak sak




"Bei i van ti dawng tak" mahni in ka phun sap



"Khua ala var lo muhil leh rawh" Rinfela chuan min rawn ti , a muhil amaw tia



" aihhh....Fel engkim hi sawifel ang , tawp tawh ang , tun hi tawpna ni tawh rawh se"



" Tawplo ang, ka hmangaih hi ka chan dawnlo che" Rinfela thusawi chuan ka thin ati phu dup dup mai



Kan inngaihzawn atang vawikhat min hmangaih thu a sawi na



" mahse Pa thuhmun kan nih hi, kan pahnih chu engtik ah mah a rem tawh dawnlo" ka la tifan



" ole, i duh angin le, muhil leh rawh , naktuk atang chuan ka unau nu ini tawh ang" Rinfela chuan a rawn ti ve ta



Min kuah a , ka mittui a rawn tla , hetiang hian kan pahnih thawnthu hi a tawp ka ring ngailo




Rem ve ngailo turin khuanu hian min intawn tir si , kan rel leh kan ruat ve theih ani silo




Ka inngaihtuah lungpuam pauh leh ka tah achhuak zual , ka insut leh hlawp hlawp thin , Rinfela erawh in nghet takin min kuah thung




************



RINFELA (POV)



Sangsangi muhil bam chu ka thlir reng , a tahna amit a bui lak bawk



Ani chuan huaisen takin nun hman atum si, kan pahnih inkar hi a rem ve ngai dawnlo tih kan hre ve ve si




Mahse kan chhungkaw zahawm nan ka hmangaih hi ka kiansan ve thei angem ka hrelo




Sangsangi tuar lai hmel ka hmuh fo phei chuan a harsa ang



Mahse ama duhdan ani miau sia, keipawh zawm ve ka tum ang



Dar 8 arik tawh vangin ka tho chhuak a, inhnuai lamah ka chhuk, Sangsangi erawh ka kaitho lemlo


Nizan kha atap tlaivar deuh thak tih ka hria , chuvanga va riahpui pawh ka ni




" i mutui maw " ka pi chuam min hmuh rualin alo ti


"Mutui lutuk e , in mutui zawk em"


" mutui lutuk" ka pi chuan hlim zet hian a rawn ti


Tv en pahin kan pahin ka thu a , chaw eihun kan nghak ani ber



Dar 9 rik dawn tawh a Sangsangi pawh phak zetin inhnuai ah arawn chhuk ve


Ka pi in a muttui leh tuiloh alo zawt , nui sang chungin a muttui thu in a lo chhang



A pi bulah chuan zawi deuhin a thu thla ve , ka pi chu a kuah a , a awmah a bei hle hle bawk , a mit bui lak nen a khawngaih thlak takzet




" pi , nu , reilo te zin lawk ka duh a , karkhat vel " zawi zet hianba rawn ti



" i pa ka lo sawipui ang ,hawi khawthawn te i mamawh ve bawk ang" ka nu chuan alo ti vat



Khawvel a nu tha ber hi ani ve in ka hria, ahrin ni miahloh a fanu ang tak tak in a enkawl angai si, chutah a fapa hmangaih ani tih ala hre reng bawk si


♡♡♡♡♡♡♡♡♡♡♡♡

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)