LAST By Thëlmā X Ivy (COMPLETED)
Posted: May 9th, 2021, 6:04 pm
*Pa hmun nuhrang nisi, unau in hmangaihna chanchin , engtinnge an hringnun an hman ve ang, thisen a inzawm an ni miau si ,mahse an inhmangaihna chu an duhthu in an titawp ngawt thei tawh silo. Hmangaihna chuan mipahnih te hringnun chu a pawt hrang dawn nge a suihnghet sauh zawk dawn le
LAST
BY : Thëlmā
Chapter - 1
"Pi ka ngai lutuk che " ka tap deuh ti tih tawh, ka hringnun ah chuan ka pi leh ka pu te hi ka neihchhunte an ni a , an tello a awm hran hi harsa ka ti
"Bawihte tha deuhin hna thawk la , nakinah i bula awm turin kan rawn la chhuk ve dawn alawm " awm dam deuh hian a rawn ti , a 'aw' hriat taknghial pawh hi a hahdam thlak tak zet
Ka pi nen kan inbiakna ka ti tawp a , khumah chuan ka mu deuh thlawrh , hna ka nei hi ka lawm em em rualin ka pi leh pu bula min awmtir theilo tu anih vang hian a chang chuan ka ning takzet thin
Bansan daih te hi ka duh rum rum thin , mahse kan dinhmun hria a chhel taka ka awm angai si
Thingtlang a piang ka ni a , ka pu hi sipai pensoin a ni a , heihi ka eibel ber ani , ka pi nen chuan ka pu thawhchhuah ringin kan khawsa ve thin
Kan 3 chiah a cheng kan ni bawk a ka pu hlawh hi ka kham tawk em em , kan khawsak hi a harsa lemlo , mahse hausa titur pawh kan ni chuanglo , mi vantlang chin ang ve deuh kan ni
Class 12 thleng kan khuaah hian school a awm a , 12 thleng hi ka pass hnu in Aizawl lamah ka zirna ka chhunzawm ta ani
Nurse ka zir ve a , tha taka ka zir chhuah hnu in damdawiin hawn tharah thawhna ka hmu hlauh mai a , ka vannei takzet
Ka pi leh ka pu in ka tan theihtawp an chhuah a , ka thawhchhuah ngei a hahdam tak a khawsak tir ve hi ka duh ani
Ka phone ri ral ral vangin ka ngaihtuahna atang ka harh zawk , Grace-i alo ni , chhang vatin " hello " ka ti nghal
" zanin kha kan night angai leh si a nih chu o, whatsapp atang ka rawn hrilh che a , i seen mai bawk silo a , chuan insiam nghal la huntam a awm tawhlo ania " a rawn ti nghal zung zung , amah hi tawngrang ve chi hrim hrim ani , chhan tum a ka tawng dawn lai takin a dah daih , a duh a sawi zawh hi chuan heti ziah hi , kan duh hi kan sawi ve hman ngailo re re , a dah daih zel
Kan thian hi pali kan ni a , kei leh Grace-i hi nurse kan ni a , Feli chu police a ni thung , Thelma-i erawh lowyer ani thung
Kan kalna hrang nuaih mahse tumah hi kan inthlah theilo , kan inkawmngaih zual sauh zawk mah ni
Ka insiam nghal malh malh a , ka insiam lai chuan pawnlam atangin kawngka a rawn inkik ri karh karh mai , Grace-i alo ni , min lo lam leh thlap , kan duty hun a inan dawn chuan scooty a neih a vangin a rualin ka kal a, a rualin ka haw leh mai thin
" kal ang lem , hmeltha nunrawnga khan min lo hau leh palh ange " ka insiam zawh vel ah chuan ka ti , Grace-i pawh alo nui ringawt , he kan hmeltha nunrawng a hi a hming dik tak Lalrinfela ani a , a hmelthat ang aiin a sual reuh a , damdawiin hi an ta anih mai bakah mizoram bikah lunglam doctor ah chuan a ber ani ve a ,a chapo ve lah a , hei vang hian damdawiin a thawk ho chuan hmeltha nunrawnga kan ti thin.
Damdawiin lan panin kan kal a , kan thlen vel chuan kan tlai lo chiah chiah , nurse room ah lutin kan inpuahchah a , kan duty na lam tur mawng phe hlawk hlawk khawp a hmanhmawhin kan pan nghal
Kan duty na hmun tur kan thlen chuan kan hmeltha nunrawnga pawh alo thu leh ran tawh
Kan duty na room kher a a awm ve chu ka ngei ru takzet , ka nelawm loh si , ka ning tlat zel
A bana sana chu a bih zeuh , mahse ka hlauthawng lemlo , kan tlai lo ve tlat
" nidangah chuan kha aia hma khan lokal intum dawn ania, in tlai trep kha , tlai ho hremna chu in hriat kha " Dr Rinfela chuan ati hram pek
" kan tlailo tal alawm " keipawh chuan ka ti ve kher , mi tlailo hauhna tur zawn chhen mai , chubakah amei , Malsawnhluin a hnunglam atang a min lo nuihna saw ka pawn zam theilo
Dr Rinfela lah chuan khap leklo in min en ngur leh nghal , ka ning ania , a en pawh hi ka en peihlo
Ngawi rengin kan thu thap hlawm a , Malsawmhlui erawh in Rinfela sam a khawih reng , Malsawmi leh Dr Rinfela te hi thlathum lai an inzui ve tawh , Rinfela tan hi chuan Malsawmi hi chu Saphihrik ani mai , Rinfela awmna apiang ah ahmel hmuh tur a awm.
" ka pi khawngaihin lokal vat ru " kan thut ngawi thap lai chuan nutling ,kan duty na ward a awm chu a rawn au ta chiam mai , hmanhmawh zetin kan tlan nghal
Kan damlo phakhat chu tisen in alo luak chu niin , Rinfela chuan " a thi hi rawn hru fai rawh" min rawn ti , mahse enga ti tehreng nge ni , ka che thei der lo , ka taksa akhur a , engmah ka ti theilo, Rinfela lah chuan min vin hrep tawh , mahse engang pawhin che sawn duh mah ila ka thei chuanglo , ka dinna atang chuan ka tlu tawp a , engmah ka hre zui tawhlo.
Ka meng riai riai a , Grace-i chuan hnai zet ah hian min lo bih kur , min ti phuzawk thei
"Engtinnge i awm ,na ila nei em" Grace-i zawhna pawh chhang ta lo chuan " damlo kha engtinnge a awm tak " tiin ka lo zawt let daih
" a thi a " a thil sawi a vang chuan ka mit ka chhing daih, inthiamloh na in ka khat , ka duty ka tih hlawhtlin loh vang chauh leh midangte buaipui ngaia ka awm vang niin ka hria
Miin damna duhin damdawiin an rawn pana , keiin an beisei na chu ka lo paihbo sak si, mitam tak tahna thlentu ka ni
" buaipui ngai chuan awmlo la kan chhan hman ang mawle , i tihsual hliahkhuh nan engmah hrelo a i tluk vangin nunna pakhat kan la ani ringawt" Malsawmi chuan a rawn ti , a chhuak zui daih lehnghal
" I tlu kha Dr Rinfelan a buaipui che a , a thik vang mai mai che anih kha , engah mah a sawi kha chu ngai duhsuh " Doctor senoir tawh Pi Sangzuali chuan a rawn ti
Midang pawh chuan ka thiamloh anih loh zia te, chetsual chang a awm ve thin alawm an lo ti liam liam bawk , mahse mahni ka indem loh nan an sawi mai mai niin ka hria, ka inthiamloh na a reh phah chuanglo
" Enteh , Dr Rinfela nen hian inan na riau in nei ka ti , in ni vah reuh mai a, chutah in khuavang neihna pawh alo inang leh chiah bawk si" Grace-i chuan ati , engtinnge kan khuavang awmna a inang tih te chu alo hriat re re ni, keipawhin tun thlengin ka la hrelo ania.
Kawngka a rawn in hawng a , Hmeltha nunrawnga leh Saphihriki te an lo lut , chiang deuhin Rinfela chu ka lo en a , ani pawhin min en ve reng , kan lam panin an lokal mek bawk
A lo hnai tleh telh a , a nghawng a khuavang awm chu ka hmu thei chiah , kan neihna alo inang tak tak.
" enge i an a " chhan pawh chhanglo chuan ka en reng
"Ala pangai lo ami" Grace-i en paha atih leh chuan Grace-i chuan min rawn sik pawp , ka harhchhuak chiang lutuk ringawt
" ahh ...tha pangai e " ka lo ti deuh nawk , Dr Rinfela lah chu a nui hawk zui , he damdawiin ka thawh atang a anui hmel ka vawikhat hmuhna chiah ani
" min rawn hmu rawh " tih pahin a chhuak zui nghal daih , hlauhthawnna hlirin ka khat , ka hna mawlh hi ka chan ang tih ka hlau
Ka pi leh pu te vang tal pawhin ka chan theilo bur, a hma khan kha aia thisen chhuak nasa , rapawm zet zet ka hmu chung khan ka buai ngai miahlo ania , tinge tunah kher kher engmah ti theilo a ka awm ni
Ka mutna atang chuan tho in Dr Rinfela chu ka zui nghal hna hna
" engmah a thlenglo ang , hlauthawnglo la " min ti hlawm te mahse ka thla hi an muan hlawm hlawllo ani ber
Dr Rinfela room ka lut a , ani pawhin thutthleng a thu chungin min lo en leh reng tawh , kei erawh in hnauilam ka bih ngur thung
" thu rawh " pangai deuh hian a rawn ti , ka thu hna hna
" vawin kha " atih leh rualin ka en nghal hru , ka hlauthawng takzet, a hmelah lah chuan enge angaihtuah ka hrethei lo , thinrim hmel apu lo a , lawm hmel pawh a pu chuanglo
" vawin thil thleng kha inzir nan hmang la , beidawn phah na nilo , hna ithiam zia midang ka atang ka lo hre fo tawh a , vawin ang kha chu thil thleng palh thei ani a, hnual phah nan hmanglo la , inthiamlo duh suh ang che , ahma a nurse tha tak kha nangmah atang ka lo beisei dawn ania " felfai thlap hian a rawn ti
" mahse khang ang khan awmlo ta ila Malsawmi pawh khan kan chhan hman ang ati , mi nunna chhan tu kan nih angaih laiin mi nunna la tu asin ka nih , kan chungah rinna an nghah laiin keiin beisei awm miahlo tur khawp a tawpna , mihring tawpna diktak ka lo siam sak asin" rilru tawt zet in ka lo ti hul hak
Diktak chuan ka inthiamloh tak tak , keimah vang chauh a thleng niin ka hria
" thihna hian mihring te hian thu kan neilo , Pathian ruat hi mihringte tih danglam theih ani bawk heklo , thil kan lo tisual anih pawhin inzir nan hman a tih sual nawn fo lawh hi a finthlak ania" ka hnunglam atang a aw lo chhuahna chu ka en , Rinfela nu alo nih , alo nuisang bawk
Sawi tur pawh hrelo chuan ka lo ngawi reng a , hmeichhe nelawm tak , mahse zuam chi ni leh miah silo, engtinmah min ti lo mahse a bulah hi chuan kan tang tun zel
Ka bulah thutna ah chuan alo thu, Rinfela chuan alokal chhan a lo zawt bawk
" Complain alo lut a , hei mahse buaipui ngai a awm tawhlo in ka hria " min en pahin a rawn ti , a nuisang reng bawk , a sawi awmzia chu ka hre mai , vawin ka awmdan kha min lo report tu an awm tihna
" nia hei kan chingfel chu ani mai, ahma angin damdawiin ah hian a thawk thei ang " Rinfela thusawi vang chuan ka lawm takzet , hna ka chan lo chu ka thawveng nghal hawk.
Rinfela room chu chhuahsan in nurse room lamah chuan ka kal nghal nal nal , nurse leh doctor lo awm ho chuan thil thleng min lo zawt nghal vat
Thil engkim athat thu ka sawi chuan " mi nunna la tu chu an ban ka ring ania, kei ni ila kan damdawiin a thawk atan pawh ka duh tawhlo ang, a re re thu ah nutei bulah pawh ka sawi sia , tinge engmah hma alak loh ni" Malsawmi chuanin a rawn ti nghal zat zat
" Malsawmhlu, i tawngkam kha fimkhur tawh ang che tun hnu ah chuan " nurse zinga senoir ber , tumah pawh hau ngailo khawp a dawhthei kan tih chuan a rawn ti ta fak mai
" bakah tualthat turin engmah pawh a tilo , tawngthei viau thin suh , lo va report chung chung pawh kha angai heklo" Grace in alo ti bawk
" engmah a tihloh vang leh buaipui ngai a a awm vang anih kha kan damlo pawh kan chhan hmanloh, lak thlakloh lutuk" Malsawmi chuan zam hleklo in alo la ti let tawn tawn
" chuti fako a inngai pawimawh anih chuan tinge i chhan mai loh , midang in kan damlo nunna kha an ngai pawimawhlo ani biklo , nang angin an ngai pawimawh vek , thihna chungah hian tu mihring mah in thu kan neilo , Sangsangi tello vangin mi an dam theilo pawh anilo , thil thlengah khan thiamloh na aneilo , khang kha i sawi leh hriat ka duh tawhlo " Rinfela awm fiak thak in a zui ta, Malsawmi phei chu a mittui a tling nghal pam mai , tawngthei viau mahse ka khawngaih lek lek , keipawh ka bialpa in khang khan min hau se ka tah hial zawk ka ring
Rinfela pawh mahni bialnu te chu midang hmuhah hauh loh tur ania , ahh...mahse hnathawh na ah chuan angkhat vekin min en tihna pawh ani ve thei tho
Mahse pakhat ah chuan Malsawmi pawh hi a tawngthei ve hrim hrim , tun hi chu thuhran nise , min dem hi awm ka ti , ka thiamloh na ania , mahse nidangah pawh a tawnghnem ber leh mi hau peih ber ani ziah hrim hrim
A bialpa pawh hian tawk ati em em tawh aniang hetian a hauh ni , mi insum thei lutuk kan nurse senoir pawhin ahauh tawh chinah chuan Rinfelan a hau hi a demawm hranlo.
Malsawmi a chhuak tau nghal a , reilote ah Rinfela nu Dr Rinengi leh mipa sang zet hi an rawn inzui lut
Chupa hmel ka hmuh chuan ka chhungril atang hian ka khur nghal der der mai....ni e , kum tamtak liam tawh mahse ngai awhzo chu a har takzet
" kan doctor thar tur Dr Duhsaka anih hi, Dee tiin kan ko mai thin o" Doctor maengi chuanin ati nghal lang lang
Midang ho chuan a lawmnan kut an beng nghal dar dar bawk , keileh Grace-i tih chauhlo chua
An chibai liam liam a , mawihnaiah a hnung ber ah ka va chibai ve , Vanneih thlak takin min lo be lo hram , mahse min en reng thung , mahse ka lo hmulo der hmiah thung
pawimawh lutuk oh
Ngaihnawm intih zawng ani dawn em ka hrelo
Khawngaihin mizo tawng thiam deuhin private in min lo bia ula , ka story ah hian ka tihdik loh laiah min lo pui hram teh u ,
Ka tidik hleithei der lo a , min lo pui hram ru o