YOU MAKE ME CRAZIER By Izzy Ralte (completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

YOU MAKE ME CRAZIER By Izzy Ralte (completed)

Unread post by Ngaia » May 9th, 2021, 6:11 pm

faog6sne.jpg
faog6sne.jpg (13.29 KiB) Viewed 10012 times
You make me crazier💘
CHP-1
.by Izzy ralte🌸


Malsawmpuii (MS-i) POV

Vawiin hi school tharah ka ni hmasa ber tur anih avangin huphurh takte in ka huphur a chhan chu hmelhriat pakhatmah ka la neih lo vang ani.


nizan lamah ka mamawh tur vel ka dah chhuah sa vek tawh avangin., Insiam nghal zung zung in inhnuai lamah ka chhuk thla a.

"Nu ka kal dawn ka tlai ka hlau first day te ni sia thlai ka duh lo".tihpah in hmanhmawh deuhin kan quarter chu ka chhuah Sana


"Awle tha deuh khan aw" tihpah in anu chuan kawt thleng min lo tha ve bawk a., apa driver Dev nen chuan ka'n school thar lam panini Kan tlan chhuak nghal a., ka huphurh lutuk hi țah vak ka chak.

Ka hming chu Malsawmpuii ni in tunah hian class10 ka zir mek a u mipa pa1 Bsc. Zirlai ka nei bawk.


apa hi kan unit ah adjutant niin chhungkua omthei ve pangai kan ni,


apa hna avang hian ram hrang2 ah kan insawn a ngai a tuna kan omna Bangalore pawh hi apa an post na anih avangin kar hmasa lok khan kan in sawn ani.

Hmeichhe harvang ve tak leh nû zem lo ka ni a.,zirna lamah leh sports vel pawh ka tithei ve phian chuvang chuan kan insawn dawn pawh khan kan school hmasa a teacher ho pawh Kan min ui ve hle


Vairama seilian ka nih avangin mizo thian ti a sawi tur ka nei lo hle mizorama ka cousin te ho an ni leh tawp mai.
.
.
.
School gate kan thlen chuan school nopang an lo tam tawh kher mai.



Army Public School ,Bangalore tih inziahna gate lam pan chuan ka kal ve ta hnak hnak a.


Mumbai a kan school hmasa ai khan a lian in a changkang daih ,school campus pawh a lian tha hle.


hma lampan chuan ka kal ve zel a, kan class tur tak ka hriat loh avangin kal pahin mi lo ding ho chu ka zawt kual leh rih a, Achhan pawh army school ah hi chuan nopang kan tamin section pawh A-F Lai a om a, lut thar tur tan phei chuan class zawn ringawt pawh beih ve fe angai thin.



min la en duh hlawm em2 mai leh nghal , a tawp a tawp ah chuan class pakhat 10C zawn chu ka thleng ta a, nui ver2 chungin ka lut a..

class chhungah chuan an lo awm deuh thap tawh

ka lut chiah chu class chhung chu a reh nghal thup , keihi ka tlai chu ani em lo mo le ka kal hma ve viauin ka hre sia.



seat ruak en Kuala ka ding reng lai chuan tlar hnung ber dawttu a hmeichhia min lo hui zeuh tu ka hmuh chuan ka pan nghal vata.


"Hi new student I niang mo.? Nikita ka nia " tihpah in a bula thu tur chuan min ti zui nghal zat a, "aw ni e,ka hming chu Malsawmpuii ani MS tiin min ko thei ang ka lawm e " tih pah in a bul ah chuan ka thu thla ve nghal vat a,


ka hawichhuak chiah chu class nopang ho in min lo en thap avangin ka lai ve det.

Teacher a lo lut a introduction te min neih zo tir hnuin class kan tan nghal a.


Ka huphurh ang aiin a nuam phian teacher te pawh an fel si,lunch break ah chuan nikita in a thian dangte Anisha , Monica , harshita , mansi...etc ho nen min inhmelhriat tira kawm an nuam phian.



Kan schoolah hian vai pangai ang tak hi chu an tlem a Nepali leh north-east kan tam hle nikita pawh hi assam ami chuan midang ho chu Manipur leh nagaland te Nepal mi te an ni hlawm .



Lunch ei Turin canteen ah Kan inzui phei a.,a Hmun a nuamin a zau tha bawka order te Kan siam zui nghal a eitur pawh an nei tui phian..


Lunch kan ei zawh chuan ka thian tharte chuan school campus te min fan puia nuam tak ani


football ground lamah inkhel an om avangin phur tak chungin en tum chuan kan kal a, ummm ground pawh a zau nuam khawp mai.


"Awiii Eric a tel ve nih saw a chhiat loh dan saw" tih pahin nikita chu a țe chul a. " anih saw Eric hi chu a chhelo e ,school girls ho pawn an star rawn hi a awm hliah2 sports a thei si specially football leh basketball "Anisha chuan a rawn ti ve vat a,


an hawina lampang ka en ve vat chu ka lama ball lo thlawk chu ka hmu hmasa ber ani reilote hnuah ka lu a rawn per pawp a, mawngsawh dawpin ka la tlu zui..!!


"awiii Ms I tha em..?" Tih pahin ka thiante chuan min kaitho vat ."aw ka tha engmah anih loh kha" tihpah in insum zetin ka nuih luih a.ka thinrim dan chu pui tak ani

ka zak hle bawk school nopang hoin min en țhup bawk si. hawi pawh ka hawichhuak ngamlo dawn amawn le,first daya thleng atan chuan a nuam viau duh lo.

Ka lu dawm vawng2 pah chuan ka hawichhuak ve hram a,

ka'n lam pan chuan mipa sang zet mai hi alo kal a. a chhiat loh dan chu.!
Mahse a meng rum mah mah mahse a pâ sawt zawkin ka hria., fit 5'5 vel ka ni a hmeichhe te zawk zawk ka nilo achu alakah chuan țe tak hi ka ni ringawt alo berah fit6 chu a tling hrim hrim.


kan chheh vela hmeichhe om ho phun sep sep thawmah chuan ka inthing harh vat.ka thilngaihtuah atthlak zia hria in ka mit ka chhing sawk.


Ka hawichhuah leh a min lo melh run tu avang chuan ka ip chawih thei.ka lungphu lah chu awihawm loh khawpa rangin a per tu che pawh kha Eric tho kha ania" Mansi arawn tih leh chuan ka thinrim thar leh ani ringawt polite lo lutuk mai ball in min pet pera engmah sawi lovin akal leh daih a,


Ala hre dawn khawp alom, Ka ngaihtuahna hria ninawm tak Chuan Harshita chuan "eric te chu amizia ve reng2 alom a tawng tlemin a nel om loh ve hrim2,alo luh tir atang ta tawh amah star tuten biak an tum pawn nelawm loh theih dan bera alo chhan loh le a kalsan daih zel" alo tih chuan ka nui ringawt . Huh mihausa fapa duatsual dik tak chu anih ve dawn kha.!


"Mahse keichuan ka la duh tho" Anisha bawk chuan a rawn ti leh. Ka â thei tak ngial dawn a ka hriat avagin,"class tan a hun tawh dawn let leh tawh ang u"kati ta daih a.




Class ah pawh chuan maktak maiin kha Eric ringawt kha ka lo ngaihtuah leh veng2 zel mizo chu om ve nual mah ila mizo anih chu ka ring lo nghal bur,

Nikita khan Dheradun atanga rawn posting ani atih a angin Nepali anih ka ring hmiah .!


a chhiat lo dan leh a Mitmeng nalh dan te kha,a sang tha si,, ugggh ka thil ngaihtuah mai2 chu.! " Malsawmpuii ball in a perna lamah che I thluak I tikhawlo ami,I lehkha zir chiah ngaihtuah rawh" tiin mahni chu ka inhau mawlh2 a. Atthlak hian a..


Class kan ban chuan gate pawnah apa driver dev chuan min lo nghak reng tawh


min hmuh velah chuan school chanchin velte min lo zawt a tha tak chuan ka lo chhang ve mai bawk a eric Chungchang erawh ka sawi lang lo .


dev hi chu afel a apa driver te zingah ka ngaihnat omchhun ani bawk,


gate Kan tlan pel dawn țepah chuan bike ngheng chungin Eric an min lo en reng tih ka hmuh chuan ka melhrum hrepa ala nui ang suk duh chauh leh nghal ka van ngei mai2 tak.!!!



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 9th, 2021, 6:11 pm

YOU MAKE ME CRAZIER
CHP-2💘
By Izzy Ralte🌸




Eric POV


Ka hmaa car tlan liam chu ka thlirin ka nui suk.


Achhunga hmeichhia mawlh khan ka ngaihtuahna a luah, a tet2 nen mi te chu a rawn melh rum ve reuh a, ka ngaihtuah zawngpawn ka nui nghek lo chauh ,Duhawm reuh lutuk.

Vai ho karah chuan tê chhe lutuk lo mahse ,ka tan erawh a lian vak lo hle.


.


Vawiin a ball ka pet per kha ka tum reng vang ani biklo,ground sir a anlo din lai tak ani bawk nen,Ricky pass ka tumna lamah, tum lo deuhin ka pet per ta kha ania.

Ngaihdam erawh dil ngaia ka hriat loh vangin ka kalsan ta kha ania, ka tih luih ani miau lova,lo ni pawh nise ka dil ka ring chuanglo.

Vawiin lama hmeichhe lo lut thar an sawi pawh kha ,amah kha ani ka ring nghet hmiah.

A tir chuan engah mah ka ngai lova mahse a hmel ka hmuh chiah khan engtin amo tak hian ka awm ,

Belhchian chakna in ka khat ani ber .huh! Atthlak hian "I â tawh anih hi Eric "


Ka hming chu Eric Malsawmhlua ani a.
helai hmunah hian thla tlemte kal ta khan dheradun atangin kan insawn a, a chhan pawh ka pa an transfer vang ani .

Ni e, ka pa hi tunah hian indian air force ah air commodore ni lai mek ania, ka sawi tam lo mai ang in hriat tho ka ring kha lam chu .


Unau pianpui ka nei lova, chuan tunah hian class11 science (PCM)ka zir mek bawk.


PCM ka lak na chhan pawh ka pa in a hnungzui tura min duh vangin leh IAF line hrim2 ah kal tura min duh vang ani,

Ka rilru achhak țha a mahse lehkha zir ka taima lo hle tih ka sawi tel hram ang.😜


Sports lam ka tui em2 bawk a, tunah hian kan school ah football leh basketball team captain ka ni mek bawk, Sports ka tui em avangin ka subject bik te-Physics,Chemistry leh Maths period tih loh chu playground ah ka tap chawt zel.




Hmeichhia hi ka nun ah an lenglo mai pawh nilovin ka ngaihsak lo ve hrim2 ka nu tih loh chu.


Mahse mipa fa nita na na chu hmeichhia ka kawp ve nual tawh a, ngaihzawng nghet tia sawi tur erawh ka la neilo, Sual ve viau mah ila sex lamah erawh ka la fihlim tih ka sawi tel hram ang.




Ka bike duat lai nen chuan kan quarter lam panin ka inkhalh haw a.
.
.


In ka thlen chuan khawvel a ka hmeichhe hmangaih ber ka nu chuan vawiin ka ni hman dan te min lo zawt a,


Ka nu leh pa te tih loh ah chuan midang bulah nelawm takin ka awm ngailo, angaia ka hriat loh vang ani pakhat.


Ka ni hmandan tlangpui te hrilh in ka room lam pansan nghal a,inthlak vat2 ka duh.
.
.

Ka inbual na ah pawh kha hmeichhe tetakte meng rum deuh kha ka mitthla ah alo lang leh thin."Nang nen hian eng ngemaw tak chu kan la ni ngei ang" tiin ka phun sep .





Malsawmpuii POV🌼


In ka thlen chuan Mama pawh alo thleng fel ve der tawh.


Inthlak ka duh thu sawiin room lam ka pansan nghal zat.


Ka duhtawka faia ka inbual zawh hnuah, apa alo la haw loh avangin ka homework te ka ti leh te2 a.


Ka zawh fel meuh chuan a hma tawh lo hle, ka țhutna ațang chuan ka inzimar țalh2, apa pawh alo haw tawh ngei ang,

Ka ngaihtuah lai tak chuan chaw eiturin min lo ko ve chiah bawk.

Nui hak chungin ka chhungten min lo nghahna lam chu ka pan vat.
.

.
"Bawihte vawiin I first day chu engge a an.,? Thian tharte I siam em.?" Tiin zanriah kan ei lai in anu in min zawh chuan,

"Aw nuam ani mai thian pawh ka nei thar teuh" tiin phur tawk in ka lo chhang vat,


" ka thianpa Fapa pawh alut ve tak asin" apa in alo tih chuan ka ngaihsak lemlo.


Thil pakhat ka hre chhuak thut " Pa kan school ah sawn maw....Ui sual hmel deuh a awm asin,ka ngainat zawng ani miahlo" ei loh hmel zeta ka ner kual vel chu, an nui nasa ngang mai.



Ka ui sual sawi (Eric) chu hre ve se chuan an nui Liam mai mai lovang, kapa fanu duat kha ka ni miauah.!
vawiina doggy'an (Eric nick name aw😂) ball min pet per dan te kha.


" anih chuan bawihte ui sual chu hnaih loh hram I tum awn nia " anu chuan dam deuha alo tih chuan ka bu Liam ve mai.
.
.

Chaw kan ei fel hnu chuan reilote chhungkuain inkawmna hunte kan nei leh te2 phawt a. Hei chu kan tette atanga kan tih țhan ani, achhan pawh apa hian chhungkaw inkawm tam leh Inpawh taka awm hi a duh vang ani.


Achhan kan zawh chang chuan "keini chu kan tet lai chuan kan chhungkua kan inpawh lo em2 a, Achhan pawh kan chhungkaw khaikhawm tur ber I pu khan a chhungkua aiin Kohhran leh a hna a belh tam vang ani, khatiang taka chhungkaw inpawhlo kha keichuan ka duh ve lova a tha ka ti bawk heklo" tiin min chhang thin.


Kan ni hman dan te leh eng2 emaw sawia kan titi zawh chuan mu turin mahni room țheuh kan inpansan ta a.


Tlai lamah ka homework vel ka tihzawh vek tawh avangin Mumbai a ka thiante nen Kan group siamah kan bengchheng leh hrep a,ka ngai hlawm takzet.
.
.


Mutura ka inpeih meuh chuan dar1 alo ri der tawh, thawh ka hai loh hram ka beisei.


Mut hi chu ka duh ve ani.khum ka deh rual2 in mut chhuak in min rawn zem nghal chiai chiai a tichuan zawi zawi in ka UTOPIA ah ka lut ta riai riai a...💤💤💤
.
.
.
.


Zingah chuan angai te bawkin anu in min lo kaitho leh tawh!


" momma 5more minutes" rum țuah2 pah chuan ka ti a" a huntawh lo school I tlai dawn, tho vat rawh baby" tihpaha min sawi leh takah chuan tum bur chungin ka tho chhuak ve ta nge2 a.
.
.
.

Ka Insiam zawh vek hnuah breakfast ei turin ka chhuak ve hram,ka mood erawh a țha lemlo , achhan pawh mut ka kham loh vang ani.




Kitchen lutin apa leh mama chu morning wish pahin an biangah ka fawp leh te2 a ,a hnuah an bulah chuan zawi zetin ka thu thla ve nghal .


"mut kham lo te kan awm ah!.." Nuihza insum zeta mama'n min lo chhaih chuan ka tum hmuk,mut ka duh ziah hrechiang tu ani miauah.



Vairam awm țhang chuan in hriat tho ka ring a chu...Zing dar 7 velah chaw ei lovin breakfast kan ei a,chuan zing chaw chu chhun dar2,3 velah kan ei chauh zel ,


Mama leh kei erawh schoolah lunch kan ei mai țhin avangin zinglamah chuan apa leh anu chauh an ni țhin.

zanriah lam chu kan chhungkaw kimin dar8,9 velah kan kil ho chauh țhin.

Amak inti deuh maithei a,mahse vairam kan awmna arei tawh vang nge keini chuan kan addat (zawngchhang/ngaia neih)tawh.

.
.




"Vawiin chu nidang ai kan tlai" ti nuah2 pahin car kawngkhar ka hawn a.

"mut I duh em alom" tiin dev an min lo chhaih nghal zat . Ka țhu tum hmuk chu za zeta min nuih pahin a tlanchhuak nghal vat.
.
.


School kan thlen chuan car atanga chhuk in gate lam panin ka kal nghal a ,thui pawh ka kal hmain mipa khat lerh hmel fahran hian min lo ko ding a, engahmah hmain ka melh rum nghek.


Tunge anih ka hre lova, ahmel erawh a chhe hranlo, asang hle bawk, mahse ka hriat zawng chu a hmel hi ka ngaihnat zawng anilo tih ani.


" kya mai aapka naam jaan sakta hu? If u don't mind" (pawi I tih loh chuan I hmung min hrilh thei em?) tih paha min siai khum chuan ,kei ka mood dik zanlo nen ngeiawm deuha țhen khumin "what if I do mind.?"tihpahin ka kalsan hmak, leh ringawt zel hlawm hian a..!

.
.

Class ka thleng chuan ka thian thar te pawh an lo awm Kim țhap tawh,ka mood chhia pawh a reh nghal vek,,


Reilo te hnuah dar a rawn ri a ,assembly nei turin assembly ground ah kan inzui chhuak nghal vat.


Kan schoolah hian class1-12 kan awm a ,chu mai piah lamah ka sawi tawh angin section A-F class tinah kan awm bawk avangin ground pawh a full tha thin hle ,


Mahse senior section bik class 9-12 chu a hranin hall ah assembly kan nei mai zel.



Karleh atangin annual sports kan nei dawn tih principal in a puan chuan kan thawm a ring tha duh ngang mai.





Sports lam hi chu ka ti thei ve phian volleyball,athletic, football a... atam mai.


House wise a kan in tihsiak dawn avangin house captain ho pawh assembly zawhah meeting nei turin an stayback tir nghal a.



Kan Doggy-a pawh a awm ve kur mai,a ngeng hmel si, a tukhumah sawn Ben pawm ka chak.



Ka ngaihtuah na avang chuan ka nui chhuak hak chu Nikita chuan mithmul min lo san vat.

Lu thin vut pahin class lam ka pan San daih,che thing thei lutuk mai..



Eric POV


Ka nghak rei tawh si alo la thleng thei bawk silo ka beidawng rum2 tawh.


Mahse a tawp a tawp ah chuan alo thleng ve thei hram e,Car atanga tetaktei lo chhuak chu ka lo thlir reng a ,ala tum bur zui a,


Nuih ati za ngei mai a te si,,kan omna bul hnai alo thlen dawn chuan ka thianpa hmeichhe mi ve tak Ayush chu ka mitmei zeuh a,ani pawn hrethiam vatin tetaktei lam pan chuan a kal nghal vat,,


Kei erawh in ka Dinna ngaia ding chungin ka lo thlir reng thung ,engtin tak inti ang maw..!




Reilo te hnuah Ayush chu alo let a.
"Abee yaarrr!!!" Alu thaklo pui hiat pah hian a rawn ti nuah2.

"Kya hua.?" hriat chak hmel zetin ka lo zawt.


" abee bro!! a tet ang aiin a tawrhhleh awm hmel phian,a hming ka zawh pawn min hrilh duh țhak lo" a rawn tih chuan ka nuih aza ru viau, Achhan pawh Ayush hi a chhelova, a luckin duh tu pawh a nei tam ve hle.



" min la melh rum hrep leh nghala atet tet nen" a rawn tih leh takah chuan inen chungin kan nui ringawt.


.
.
.
.


Assembly a zo a, principal leh sports teacher hoin House Captain hovin meeting kan neih zawh meuh chuan period khat a zo der tawh.,ka attendance pawh Ricky khan min lo pek sak turah ngai ang.
.

Principal in class a let tura min tih chuan, Kan kal vat, class ka thlen hmain washroom ah ka lut leh te te a, ka classmate te pawh an lo awm nual.
.

2nd period a ințan tawh dawn vangin class lam panin kan inzui chhuak a "keichu class 10 ami lo lutthar Ms-i kha chhelo ka ti"Gagan'an a rawn tih chuan ka beng a verh zar mai a hming chu MS-i maw ni a.!

"MS-i maw a hming chu.?" Tiin Ayush pawh chuan alo zawt ve vat.

" aw ni e Malsawmpuii ania., ka bialnu te nen section Khatah an om" tiin gagan chuan alo chhang let vat.

Kei erawh ngaihsak anga lan ka duh loh avangin class ah ka luh San daih .mahse a hming leh mizo ani tih ka hriat chuan engtin amo tak hian ka phur sawt

"Bialnu I neih lerh suh" Ayush an a tih ri chu ka hre hman hram huh.!


.




🌼🌼A ngaihnawm loh pawn min lo comment sak leh țheuh dawn nia aw ,chuan misualpa/misualnu kan awm tir duh angem?🤣🌼🌼

( ads a awm chuan min lo click sak hram2 țhin dawn nia💖..ka lawm e 😘)

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 9th, 2021, 6:11 pm

YOU MAKE ME CRAZIER
CHP-3💘
By izzy ralte🌸



Malsawmpuii POV


7th period Ss ani a ma'am in history min zirtir lai chuan an muthlu nasa ngang mai, ka thiante pawh an bang chuang lo history hi chu a ninawm ve em atin ni.


Ka tui ka thian ten an inzawh vek avangin ka thermo water bottle keng Chung chuan cooler ah tui dawh turin ka chhuak a,,


"Class bunk hi a thalo ania" hindi awphawi nalh zet a rawn ti thum dut tu avang chuan ka phu nasa lutuk chu ka thlawk lo chauh.,â leh lutuk mai,lungphuchawla min thihtir atum amawni..


Ka thin zawn dawm vang2 pahin ka hnunglam ah chuan ka inher a,Doggy a lek chu ni in,


Ka melh rum hrep "hmela mai2 chu leh.!" A nui suk, ka thusawi kha hrethiam se chuan a nui miah lovang mawle.😏



"anih chuan class va attend rawh" tih pahin ka tui dawh chu ka chhunzawm lehnghal daih..min biak leh pawn ka hre lo der ngar2. A lakah polite chhuah a Tulna ka hre bik love kan senior mah nise.



Ka tui dawh zo class lam panna kal mai ka tum chu ka ban rekah min vawn beh chawt avangin ka ding dat.



Ka ban a vawnna chu ka en a , ka mur sung2 in ka hria ,mahse engtinmah awm lo ang maiin a MIT ah tak melh pah chuan " eng nge nita senior " ka'n ti deuh kher chu a ner sawk " nimin a I chunga thil thleng avang khan ka tihpalh " huh.! Tuna ngaihdam Indil chauh te chu a.!





Ka sualthiam a chhuak ka ti dawn nge ka hrelo amah en pah chuan "not every apology can be exchange for forgiveness" tih pahin min vawn behna chu thingthla in ka kalsan daih....



A hrilh hai ve hle aniag min dang pawh a tum tawh lo,kei erawh thawveng zetin class lampanin ka kal nghal nal nal....mai mai sala hmm...😌

.
.
.
.
.


Ni a Liam ve zela, schoolah pawh ka tlang nel tawh viau.



Kha mi ni atang khan Doggy pawh ka hmu leh khat viau, ka la hmu leh lo ang tluk ani mah zawk ,



Vawiin atangin sports kan tan tawh dawn a,, mipa football a awm dawn vangin ka thiante pawh an phur hlawm hle,kei erawh nuam ka ti chiah lo.


Achhan pawh kan thian zingah keimah chiah green house ka awm vangin.,midang ho chu red house ah an awm vek thung.



Nikita lah chuan ., "awii Msi nangchu i vannei bik e , Eric nen in house a inang a" phur zet hian a rawn ti a, keilah a hma ai zawngin ka huphurh zual,house khatah maww.,chupawh Eric nen..!!!!

.
.

Ka thiante ho kal Liam hnu chuan keipawh Kan house ho thutna lamah chuan ka kal ve vat a, vanneihthlak takin kan class monitor ka biak tlangnel ve ber Sunil chu ka hmu hlauh, ka thaw huai mai.


Ani pawn min hmu ve chiah chu phur tih hriat takin a bula țhutna awl chu min kawhhmuh zeuh ,


Nui ver2 chungin alam chu ka pan nghal vat,hmeichhe ho lah chuan min en duh leh tawh teh e. Min melh hrek2 ka ti zawk dawn nge....




Mahse engahmah ka ngai duh lo luih tlat,,Sunil hi Nepali ani a, Kan class mipaah chuan min be tlangnel ve ber tu ani,


A hmel pawh a chhelo hle a,hmeichhe ho lakah pawh a tla na phian,, mahse ngaihzawng a neih awm ka hre miahlo,a tawng duhin a bula awm pawh anuam hle.


Nikita te ho bula ka awmtam avangin kan inkawm tam lutuk lo a,,mahse mifel tak ani tih ka hria, kan inkawm chhunah hian zirlai Ka thiam loh te hi min hrilhfiah zung2 zel.
.



Kan titi char2 a,Fiamthu a duh bawka nuamlo ka tihnate pawh an bo vek.



Game pawh hrechanglo lekin kan lo titi char2 a,,chutia kan titi lai chuan kan hma lam atanga aw rawn thian tu an awm avang chuan sunil nen chuan kan hawichhuak duh vat.


Chutah kan hmalamah chuan Doggy alo ding reng chu niin.!


Kar khat țha zet zawt kan inhmu lo a,a hmel erawh a that ngaihin ala tha reng.



Jersey 19 a dum nalhzet a sir avara țial thla leh ball booth var a bun a,sana G-shock a dum lawk țha zet abun bawk, a chhelo thlawt ani.😍



Ka ngaihtuah na teh hrep avang chuan lu thing ngutin a hmel ka en chuan kan mit a intawng Chiang asin, ahhh... min melh rum mah2..



Tunah hian eye-contact vanga thih theih chu ni se doggy min melhna mitmeng no fahranlo avang hian ka thi ngun viau ang le.!! Haha



Ka tum loh lutuk in ka nuichhuak hak chu sunil pawh alo hawi vat "what's wrong..?" Ngaihna hrelo deuh hian a rawn ti a" engmah anilo" tihpahin ka hawisawn daih, ka zak chem2 mai.






"Sunil va inthlak vat rawh game kan tan tawh dawn ania" tiin Nelawmna tel miah lo leh thupe aw zet hian sunil chu a bia a,mahse a mit erawh keimah ah ala fu reng thung tih ka mitsir in ka hmu reng.


"Mahse captai keite chu football ah ka tel ve dawn hleinem" sunil chuan tha takin alo chhang ve vat.



"Ricky alo kal dawn loh avangin a ai I khel dawn" tiin sunil chhan ve hmain a kal daih anichu.!!!how rude....!







Eric POV



Sports a hnaih tawh avangin team meeting leh neuh neuh avangin ka buai char2 a.


Malsawmpuii pawh ka la hmu leh lo, a thinrim ve viauah ka ngai,,ka ti ang ti pawh ka la ngaihtuah ngai miah lovin ngaihdamte ka dil ve kha nia , engahmah ala ngailo zui amawni.


Min tawngkhum dante lah kha,, Mizo ka ni tih a hrelo ani ngei ang leh..!

Midang chu nise ka chhuah hauh lovang,tumah hian zahlo takin min la țawngkhum ngailo.


Mahse midang nilovin Malsawmpuii kha ani miaua chuvanga dawh hram2 ka ni .huh..! ka a zo tawh ani ngei ang.
.
.
.
.

Ground kan thlen chuan naupang pawh an lo tam tawh hle , an phe suau2 ani ber, blue house nen ahmasa lamah kan intum dawn avangin kan team member pawh kan Kim tawh hle,


Mahse ricky hi ngati nge tun thleng thlenga ala rawn lan loh.!ka sawi hmaih pakhat chu ricky hi mizo ve tho ani..


"Ricky chuan alo kal thei dawn loh thu a sawi anih chu, nimin kan practice naah khan a inhliam deuh a" gagan chuan a rawn ti vat.

Hrep tak hian a..!
Tunah game kan tan tawh dawn a,alo kal theih loh tur thu a sawi ve chauh a.,â leh lutuk mai vaiho tih awmtawk tete hi a tia.




" Tihdan ka hria ,Eric class 10 ami Sunil sawn a khel ve thin a, hun a tlem tawh sia kan tel ve mai dawn ami?" Inthlahrun hmel deuha kan team ami pakhat Akash an a rawn ti chuan a hawina lam chu ka hawi ve nghal vat.


Engge ka thil hmuh hi!!! Malsawmpuii,,,chupawh mipa nen inhnaih zeta țhu chungin a nui anih chu!! Ka thil hmuh avang chuan Ka kawchhung hi a so bulh2 mai in ka hria, achhan erawh ka hre Derlo.!





Ka bula a awm ve lemin sawtianga nuih chu sawi loh Mihring nui ngailo ang maiin a tum hmuk loh leh rum deuh2 in min melh a.



Engtik Laiin nge an bul ka thlen hman pawh ka hre nek love,, ka awmve ti hrelo lekin ala țawng siam siam zui. Hrep tak hian a.!!.
.


Ka aw a hre chiah chu thlahrang hmu ang maiin a rawn meng phawk a,chungte chuan ka thinrimna ati zual.



Ka insum theihna ka hlauh hmain rei pawh awm lovin ka kalsan leh nghal vat, anih loh chuan ka rilrua awm ang hian chet ka la duh mai dawna ka hriat vang ani.


Inkhelh kan țan a, blue house ho chuan min hneh lo kher mai 5-2 in kan chak, hmeichhe au thawm pawh an țha ngang mai.
.
.

Kan house awmna lamah kan kir leh a, hmeichhe ho lah chuan an tui bottle nen min um zui char2 leh nghal.

Engah mah ngai duh lovin ka hma lampanin ka kal zui ngat2. Hah an ti damlo kher mai..!








Ka type hnem bawka a tawi lutuk rawn ti tawh reng2 suh ang che u🤣🤣🤣

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 9th, 2021, 6:11 pm

YOU MAKE ME CRAZIER
Chp-4💘
By izzy ralte🌸



Msi pov




Football an țana ,ka țhut hmun atangin ka lo țang ve ngang mai, ka hriat loh Karin Doggy ka lo en leh veng2 zel.


Vaiho zingah pawh a lang sar bik hle,,an sawi ang takin a khel hnehsawhin ,Amah deuh vekin goal a thun, Sunil pawh in a tithei ve phian, mahse a tlu ngun mah2 deuh ani.
.
.

Game a zoa kan house chu chiang takin 5-2 in kan chak, nuam ve tak ani.


Football hi chu a hmuhnawm ve chiang ani, Mipa ho khelh ngat phei hi chu, next intum turte pawh an nghahhlehawm takzet. A chhan pawh nikita te house leh yellow house te an intum dawn vang ani.




Kan house football team ho pawh kan țhutna lampanin thlan hluamin an rawn chho sap2 ,ni a sa bawk nen an chau ve ngawt ang le.




Ka mit ka len kual vela,ka mi zawn ruk tak ka hmuh fuh chuan, Ner sawk chungin ka hawisawn hmak.

Ni e Doggy ngei ani, hmeichhe hovin tui bottle nena an umzui lai ka hmuh khan ,ka zeplo, thawk hreawm khawpin ka kawchhung hi a tawt, achhan tur ang ka hre derlo.


Ka tui bottle chu lain ka in kawlh2, ka hrethiam tawh biklo, Doggy hi haw viau mah ila,ka hmuh loh hlek chuan amah bawk ka zawng ka zawng leh tho si.


Lalpa min duh tir lo hram rawh,,,hnam dang ngaizawnga ka hnam phatsan ka duhlo....!

Tun ațang chuan amah hlat thei ang berah awm ka tum tawh tur ani ringawt.



Ka tui bottle rawn phih tut tu avang chuan ka tum reng vang pawh nilovin ka țe chhuak țhat,ka hlauhthawn hman zia kha, ka ngaihtuahna ah ka lo Cheng thuk lutuk atin ni.



Ka hawichhuak chu doggy'an ka tui bottle keng chungin min lo dinchilh run chu niin engtik laiin nge MAW alo thlen hman ni.?


Ka ngaihtuahna atanga inthing harhin ka tui bottle chu ka ban vat a, rawn che hrutin ka bulah rawn țhut thlak pah chuan ka tui chu a in nghal kawlh2 anih chu!!!

Mi pawh dil hmasa lovin ka tui min insak ringawt chu a zaklo hle mai.


Kan bul vela hmeichhe ho lah chuan mak tih hmel takin min la en zui.


Ka thinrim leh ringawt tawh. A hrim2 in tinge hlat ka tum apiang hian alo Lan leh ziah zel le.??


"Ka bottle anih kha" ka ti chang fak "ka hria lom" ngaihsam hmel zeta ti chung chuan ka bottle chu min pe let a.


Ka tui zawng2 a inzo vek ka hmuh chuan ka melhrum nghek, ala nui suh duh chauh leh nghal.


" a neitu hriatpuina tel lova thil tih hi a inzah loh thlak iti ve lo maw?" Rum taka melh chung chuan ka ti chang fak.


" sorry, mahse I mithmuh lai ngeiin ani e ka lak" inring tawk taka a rawn tih leh chuan chhan ngaihna reng ka hre tawh bawk silo chu ka thinrim hlur mai.


"Khang hmeichhe ho tui kha in ve mai awm" mizo țawngin ka phun sep

"Kya bol rahi ho?" (Eng maw I sawi?) A rawn tih chuan pawr fein "Tumhe Jane ki jarurat nahi hai" (I hriat ve zel angai bawk lo) ka tih chuan a nui suk.


A nuih zawnga a biang sum lo lang kha ka hmu chiang lutuk, a inhmeh em2 mai leh ngal,


Han nui tam deuh phei se chuan vaiho chu sawi loh kei ngei pawh hi ka tuiral thei ngei ang.




Ka ngaihtuahna mai2 chuh....! Ka hawisawn hmak, ala nui ri suk leh nghal, ka biang a sa hat2 mai,,hrep a..!



Game an țan leh tawh avangin inkhel chu ka en renga ka bula țhu ve kur tu avangin ka duhangin ka en tui thei lo ,a mi uap ana mai sia ka lungphu thlengin a pangai thei der lo hrep tak hian..!


A lam ka hawi chuan min lo melh leh run tawh ," I țhutna ah I la let dawn lo ami?" Thut țhat pah chuan ka'n ti thawr ah "hetah hian ka țhu thei alom" alo ti sam et a,ka va han ngei mai2 tak .


Khawiah nge maw sunil pawh hi a awm deih ni a rawn la let leh miah lo lehnghal, " sports Roomah a awm" ka hawi kual lai chuan ka ngaihtuahna hria ni awm tak hian a rawn ti chang fak ,, a âw lah chu a hma ang bawk khan a nelawm loh leh tawh, thinrim deuh te pawh a ang e a.



Ka zun a chhuah em avang leh tui dawh pah nghal ka duh avangin washroom lam panin ka kalsan ta deih a, ka thaw huai mai ami uap na lutuk karah khan engtin nge ka lo țhut char2 theih zawk ni.


Washroom ka hman zo a , tui dawh leh nghalin ground lam panin ka let leh a.


Sports room zawn ka thlen chuan Sunil ala awm ringin in ka lut ve hmiah, dik taka sawi chuan ground lamah khan let leh ka hreh takzet a chhanpawh doggy a awm ve kur vang ani.


Room ka lut chu Sunil chu chhuat ah alo țhu run,

"I tha em?" Tiin ka pan nghal vat , ani pawn min hmuh chuan nelawmdeuhin min lo nuih vat "aw ka țha ani ami, tlem in ka inhliam deuha" tihpahin a khupchu a melh zeuh , a melhna lam chu ka melh ve vat.



"Lalpa leh! Sunil I thisen a chhuak nasa lutuk ania ,Nurse roomah ka hruai ang che" tih pahin chhuatah chuan ka țhu thla ve nghal vat , diktaka sawi chuan ka hlauthawng lutuk a thisen a chhuak nasa si tih ber tur pawh ka hrelo ana viau ang.


" hey,, ka țha ania engmah ani loh hi a dam leh vat mai ang ,hahdam rawh" tihpahin ka kut chu alo Chelh vat,a hmel ka en chuan min lo nuih suk a, nâ ti hmel pawh Apu ve lo.


Vawilehkhata room kawngkhar chu arawn intheh hawng țhuai a,ka inring bawk silo chu Sunil chu ka bawh nghal rawk2 ani ber mai, a țhen suk ka hmuh chuan ka inperh tho nghal vat ,a khupna kha ka lo delh reng chu niin.


"Ka tihpalh lutuk ana viau em..?"
"Nâ love ka tha" țhen sak chung hian a rawn ti.


Tu mihring in nge mawni kha tiang fako anâ a kawngkhar rawn hawng ni, ka ngaihtuah na avang chuan ka hawichhuak vat.


Doggy chu mit sen ram hian alo ding renga, tuna Alan dan saw a hlauhawm takzet,


A beka thisenzam lang pawng țawlh2 khawpin alo inhum ruh a. Tun ang taka a thinrim hmel dur saw ka la hmu ngailo,


Tualthat mai duh tur hmel pu chunghian Sunil chu a melh char2, a hlauhawm takzet.



Sunil amelhna atanga mit la sawnin ka mit a tak min rawn en leh chuan ka lo Ip chawih ,min rawn hnek thal top ang tih ka hlau,


Tawng tumin ka ang zuai tawh, inher vutin engmah sawi lovin a chhuak leh nghal daih anih chu.


Keimah ah hian inthiam lohna nasa tak a awm, eng nge a chhan ka hrethiam tawh biklo.


Ngati nge a thinrim rikngawt le,,mahse thil maktak mai chu min rawn en khan a mit ah khan na tuar hmel niawm tak ka hmu, mahse eng nge a chhan ni ta ang? ,ka hmuhsual pawh ani maithei.



"A zialo hle mai" Sunil tawng ri vang chuan inthing harhin ka pan vat.



Eric pov


Ka hmaa hmeichhe țhu lam pan chuan ka kal zel .


A tui in lai ka chuh thut chu alo inring bik lo nge a țe that a,kei ka nui suk lawmawm reuh lutuk mai.

Ka nui hmel a hmuhchuan a tih dan ngaite bawkin min melh rum leh tawh! Min melh thal top a tum em lo'ng chu...haha

A tui bottle rawn ban leh a tum chuan abulah țhu thla ve nghal in a tui chu ka inzawh sak vek.Ka rin aiin ka tui alo hal daih,


Mizo țawnga a phun ri sep chu hria in ka nui suk,,engmah hrelo angin hindi in ka zawt luih leh ngat.


Mizo ka ni tih a hre lova, hrilh hriat kher ka tum lo bawk, Han chheih kual vel hi a nuam riau, a hriat hunah erawh chuan min ngei ve viau ang.


Mahse a awm tho midang ho pawn nepali amaw min ti vek miau,


.
.
Kan House hmeichhia hovin min hmuh chuan an meng phar nasa mai.


Mak ti awm reng pawh an ni, an niin tui bottle keng chunga min umzui laiin malsawmpuii ta ka insak leh daih a.mahse eng teh ualah mah ka ngailo,ka ińduh ka ti pawh ni hleilo.
.
.
.
.

Ka bula a awm hian hlim hmel a pu thiam thlawt lo, Haider sakin ka be luih hram2 a ,ka tih ngaipawh ni miah lovin a bula ka awm chuan ka nui ngun viau bawk.

A tawp a tawp ah chuan chhuanlam siamin washroom min pan san ta nge2 a.
.
.
.

Ka sana chu ka bih deuh chhena inkhel pawh ka en tui tawh nek love, ka thil ngaihtuah chuah avang chuan ka sa zak.
Ka ngaihtuahna ang hi thleng lo hram rawh se...


Minute5 dang ka nghah leh hnuah pawha a rawn la let loh avangin ,ka tho thuta sports room lam chu ka pan ding nghal chat.


Room kawngkhar chu alo inkhar phui loh avangin ka bih chhin a, ka thil hmuh chu (h) f**k!!!


Malsawmpuii leh Kha Sunil phiangsen kha inhma tawna țhu chungin induat hmel takin kut an lo inchelh sak vel anih chu huh!


Ka kawchhung so bulh2 chu bengdaih pawh ka tum buai peih tawh lo,kawngkhar chu na takin ka tlawh hawng pawp.


Malsawmpuii lah chuan kan hmela chu ala bawh ang deuh2 a.,chutah Insiam tha vatin ka lam an lo hawi chu ,


Min hmuh an inbeisei lo tih hriat takin phawk fahran hian min melh a, ka thinrim lutuk hi ka bengdai vat lo anih chuan ka pa meuh pawn min hum thei lo ngei ang leh!!


Min biak tuma a ang zuai tawh chu ka chhuahsan hmak..! Sala Bhenc***d.



A ngaihnawm loh pawn min lo hrethiam dawn nia ,,Vawiin nilengin naupang tuition ka pe a,,ka duh angin ka edit hmanlo ,spelling mistake pawh a awm țeuh ka ring🤧🤧(ads te kha min lo click sak leh țheuh ula aw💖)

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 9th, 2021, 6:12 pm

YOU MAKE ME CRAZIER
CHP-5 💘
By izzy ralte🌸






Eric POV


Ka bike Dahna atang chuan chak mangkhen in ka tlan chhuak a ,ka kawchhung tih daih tum chuan boruak a tam thei ang ber ka hip lut kawk,awmzia erawh a awm lo hle.


In ka thlen chuan ka nu min biakna pawh chhang lovin Ka pa bar ami Royal stag um khat chu lain ka room ka pan nghal vat,mahni chauha awm ka mamawh, anih loh chuan thisen chuah ka hreh hauh lovang.



Ka bag chu ka khumah theh thla țhuai in ka whisky ken chu tui pawh pawlh lovin ka dawt nghal kawlh2,ka hrawkah a sa thla huam2 mai,,


In țhang viau mah ila,ka dose a san loh em avangin hetianga row lutuk hi chuan ka la in ngailo, Malsawmpuii vang vek hrep hian.!!


Um chanve vel ka in chuan ka khaw hmuh a phe vek tawh. Ka inbang zawng chu a bur chawpin bang den dan ka hmang leh a,bathroom ah inbual turin ka lut zui nghal.


Shower hnuaia ding chungin darthlalanga ka hmel lo lang chu ka en vang2 ,ka nui suk.


Hetianga ka awm chhan hi Malsawmpuii vang vek ani, ni e kei hian ka duh mai pawh ni tawh lovin ka vei chho tan mek chu ani der tawh.



"Hrep che hian Malsawmpuii!" Ka kut atana thisen rawn dir chhuak chu en in ka nui suk.



Bathrobe nen khuma ka mut thlak hnawk chu chianglo ruaiin ka hria,,a hnu leh chu engmah hriat ka nei tawhlo.
.
.
.
.
Ka harh leh chuan khua alo thim vek tawh, Sana ka en chuan zan dar12 alo ri der tawh, khua chu thim lo chi ani tawh lo reng ani.



Ka kut ka en chuan alo intuam var luk, ka nu hi chu a fel ani,


Ka lu na chu haider thei rual anih loh avangin ka khumbul dawhkana first aids box chu laiin saridon mum 2 chu ei in ka mu thla leh nghal zat,




Tunah chuan tha reng ka nei lo,Vawiin thil thleng ngaihtuah zui duh lovin ka chhing leh nghala, reilote hnuah ka muhil zui leh nghal.

.
.
.
.
.




Malsawmpuii pov



In ka thlen chuan chaw ka ei peih dawn loh thu sawiin ka roomah ka lut tlang nghal ,


Thlan rim nen ka ban chuap avangin inbual turin inthlak pawh inthlak buai lovin bathrobe nen bathroom ah ka lut nghal a.

.
.


Vawiin nisa lutuk hnuaiah kan awm vang nge ka lu na ngut2 chu a reh thei derlo, damdawiin eiin ka khuma chuan ka muthla nghala,



Ka maimitchhing chiah chu vawiin thil thleng ho ka mitthlaah a rawn lang nghal zawt2,



Ngaihtuah zui ka duh tawh lo asin le...lu nat nen phei chuan a inremlo takzet.



"Doggy khan thil atthlak tak atih loh hram ka beisei"..ka chhungrilah hian inthiam lohna lian tak ka nei, a chhan hriat si loh hian.


Vawiin min rawn hmuhdan te kha, engangin nge a ngaih ang le, ka hriatthiam si loh hian ,ka chhungril atangin insawi fiah duhna in ka khat.,



"Kâ zo takngial dawn" ngaihtuah zui duh tawh loin ka muhil nghal daih, tunah tak hi chuan mut baka mamawh ka neilo.
.
.
.
.


Dinner ka ei loh avangin ka riltamin zing dar5 velah min tiharh a, lu rit bur chungin ka tho chhuak hram.



ka tho hma viau amaw ka tia, kitchen ka luh chuan anu pawh alo tho leh der tawh.


"Good morning baby I tho nuam maw?"Zangkhai vah hian alo ti.


"Morning momma" tihpahin ahnung ah muangchanga beiin a kawngah chuan ka kut ka suih bet a, A nui nghing dawt.


"I nuamsam vakna nge baby?" Min ngaihtuah hmel tak hian min lo zawt vat.


"Umm niminah khan nisa hnuaiah kan awm rei deuh aniang bakah ground kha a khu lutuk a" a hnunga la bei reng chung chuan ka chhang a.


" anih chuan school kal lo mai la, in sports lai ani tho va" rawn inher pah chuan ka pang vel chu a rawn dek kuala,



Khawsik ka nei lo tih a hriat chuan hahdam huai hmel a pu.


" I soup siam ka ei anga ka dam vek mai ang" ka tih chuan ka pum ari nghal rawk2.


Za zeta nui pahin"Awle lo nghak lok rawh ka lo siam nghal ang che" tiin a che nghal zat. Keipawh ka nui hak.

.

Breakfast ka ei zo chu apa te pawh an lo tho chiah, mak ti hmel taka min en chuan nui hakin, Insiam turin ka room ka pan san nghal a.


Ka tho hma kha an mak tih tawk chu a tling ve viau ang.

.
.

Nuamsamlo hle mah ila vawiinah athletics kan tih dawn avangin kal ngei2 ka ngai, a chhan pawh kan house hmeichhe ai awih in 400 metre race ah ka tel dawn miau.



Mak ve deuh chu 400 metre race hi ti thei viau e tilo hian,100 leh 200 metre race ah hian ka lang ngailo reng2.
.
.
.
.

School kan thlen chuan a hma zawk2 tawhlo bawk nen washroom ah inthlak turin ka lut nghal zat.



Ka inthlak fel hnu chuan hmanhmawh zetin washroom atangin ka chhuak nghal vat.


Corridor phei vel pawh a reh țhuap tawh, ka tlai viau anih ka ring hmiah, hmanhmawh takin ground lam pan chuan ka kal hlawk2.



Corridor ka chhuahsan dawn chiah, ground ka thleng țep tawh tihah chuan, ka hnunglam atangin bantha chak zetin min hnuk let dawrhin bangah chuan min nem bet rawk.




Ka hawichhuak chu doggy'an min lo melh chhuk run mai,,tal chhuah ka tum chu min man behna ati nghet zual sauh, eng nge MAW a hriat le..?



Hawichhuakin amit ah tak ka melh chuan, rawn che hrutin ka darah muangchang a lu a rawn nghat leh chuan ka che lai chu ka tawp chat.


Ka nghawng zawnah chuan hahdam hmel takin a rawn thaw lum ham2 , kan inawm hnaih em avangin a lungphu dup2 pawh ka hre thei vek,,kei ngei pawh hi ka lungphu a pangngai lo takzet.


A rim pa zet chu ka hip lut vang2, rimtui tak ani ringawt, nilo CCTV camera kha!!!


Kan school hmuntin deuh thaw ah hian cctv camera an dah vek,,mipa ho phei chu washroom ah nen lam an dah.


Schoola kan che tla zawng2 hi Principal room computerah a inrecord vek, ka thil ngaihtuah chhuah avang chuan,


A awmah chuan ka kutin ka nem dat, anih pawh muangchanga inla hrangin ka mit ah tak min en chung hian"Mipa dang tumah hnaih tawh suh ang che" tiin a nui ro halh.


Mahse a mitmeng erawh a thutak hle thung,,chhantumin ka ang zuai tawh tihah chuan ,a kalsawn daih anih chu..!


Tun lawka a rawn chet dan khan min țhawng takzet, a rui ti dawn ila , ani thei bawk silo.




A kal Liam chu ngawi rengin ka thlir zui vawng2,,a kut dinglam a tuam var luk chu ka hmu ve chiah bawk,,ngaihtuahna ati thui duh ngang mai..




Ground lam atanga whistle a rawn rik takah chuan inthing harhin ,ka tlan chhuak vat.

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 9th, 2021, 6:12 pm

YOU MAKE ME CRAZIER
CHP-6💘
By izzy ralte🌸




Malsawmpuii POV



Sports kan tan leh hnu thleng pawh chuan Doggy chu ka hmuh leh tawh lo hrim2.A țha em ang chu MAW...

.
.
.
.

In ka thlen chuan chau tak ka ni, ka infit lo viau amaw ka tia, 400 meter race ah khan pakhatna ka ni leh hram.



Ka taksa a rawl em avangin ka inbual zawhah anu in bawnghnutea kesar pawlh min pek chu in in ka mu nghal daih,,naktuk school ka kal peih pawh ka ringlo.
.
.
.
.
.
Ka harh leh chuan khua alo tlai tawh hle,chaw ei a hun vel tawh avangin,dining room lam ka pan a,,ka taksa erawh rawl tak ani.


"I lo tho chhuak peih ani maw,,eng nge I an tawh?" Apa in alo tih chuan nuih ver2 in mama nen an inkarah chuan ka țhu thla vat.


" ka rawl lutuk" ka tih chuan an nui vek.
"Zing thawh hmat I mamawh tihna nih kha" mama chuan alo ti vat, ka van ngei mai2 tak.



Anuin chaw ei a siam zawh chuan chhung inkhawmte neiin kan ei nghal a.

"Tun kar tawpah hian ka țhianpa Moses te nupa in an ina chaw eiah min sawma" chaw kan ei mawlh2 lai chuan apa in alo ti a.

"Rintei te nen pawh kan inhmuh loh na a rei tawh teh ania". Anu chuan phur hmel takin alo ti vat.

"Nia, min sawm ngun tawh angreng sia ka hnar duh ta lo mai anih kha" apa chuan alo ti zat.


"Nie kan tum dawn nia dam chuan, phone velah inbe reng țhin mah ila, inhmuh loh na te a rei tawh sia,, heta an awm ve tih pawh hmanni kan inbiak țum khan min hrilh a."


"Nia kan thlen hma deuh khan an lo transfer ve a, atih zia tak2 ani, Moses nen phei chuan kan line inang lo mahse ,trainingna atang deih tawh kan inkawm a, mifel tak ani".


"An fapa kha bawiha te nen hian an inrual vel angem?"

"Bawiha leh baby te inkar vel aniang"


An țawng char2 lai chuan mama nen kan lo ngawi reng,, tunge an sawiate pawh ka hre ve love a.

.
.
.
.


Ka khuma mu in Nikkita group siamah kan țhian hovin kan rak char2 a,,School ka kal loh chung chang te min zawtin kan ri hluai hlawma.

"Vawiin chu Mipa ho basketball a awma, in house leh kan house an intuma kan house kan chak asinn" Nikkita message chu ka chhiar a.


"Eric kha a kutna lo se chuan,kan house mipa ho khan an hneh teuhlo,bakah Ricky pawh kha a inhliam a." Anisha chuan a rawn ti vat.


Hmanni ah khan a kut tuam kha chu ka hmu tawh a,ana viau amawn le..??


"Tu emaw lo kal loh vang aniang an chak loh" Harshita'in nghal fe a arawn tih chuan lei chhuah vak lai emoji ka thawn tlar dual.
.
.
.
.
.
.
.
.
Tlai dar5 velah Dev alo kal a,kan chhungkua in chaw ei tur chuan kan chhuak ta a. Kan chhungkua tihah Mama chu project tih tur a ngah em avangin, kan3 chauhin kan kal dawn.


A hmun kan thleng chu,ka hawi kual vela, anuam takzet.

Airforce ho quarter lamah hian vawikhatmah ka la kal ngailo, a hmun a zauin a nuam takzet, quarter chhungpawh a zau tha hle.


Inchhungah Kan luta, nu pakhat la valai deuh hian min lo chhawn a,a ngainatawm takzet.


"Inlo thleng thei MAW?, lo țhu ula juice vawt deuh kan in dawn nia" nui sen2 hian a ti a.a ngainat awm takzet.



"Puitei chu iva lo lian tawh ve, APS ah ve tho ami iluh?" Ngainatawm deuh hian min lo bia a,ka hriat ngai pawh ka hrelo.

"Aw nie class10 ka zir mek a"

"Ka fapa pawh a lut ve tak asin" ati nghal vat.

"Khawnge sawmtea chu Rinte?,kan inhmuh loh na te pawh a rei tawh sia, a lian tawh viaulo maw,thlalakah kha chuan hmu tho mah ila." Anu chuan alo zawt ve bawka.



"Aw,,a thianpa in chaw alo ei ve dawna,Ava lam anih kha,,lian tawh tak ani apa ai pawn a lian tawh zawk,, Mosa pawh alo thleng țep ang".


"Andrew (mama hming aw) alo tel ve dawnlo mi?" Ati zui nghal zat.



"Aw,nia project a ngah deuha, a lehpekah chuan alo kal thei tawh ang".

.
.


Nuho hi chuan sawi tur hi an hrethei ania, an inhmuh khawm tawh hi chuan an ri hluai zel.



"Puite kan compound vel hi I duh chuan lo va fangla, I nu nen hian eirawng kan lo bawl ange" nuRinte'in alo tih chuan ,ka hnial loh zawng tak ani.




Nui ver2 in ka chhuak nghala, a hmun a nuamin zautak ani,an pangpar khawi vel chu ka en kual dan2 a,a nalh hlawm takzet.



Pangpar hi ngaina lutuklo mah ila, an khawi en hi chuan hmuhnawm ka ti takzet.
.
.

Rose senno chek chu kun hniamin ka hnim vang2, " a rimtui takzet".




"Eng nge hetah hian I tih" ka phu nasa lutuk.




Ka hawi let chu ka meng kawk Doggy leh bawk, tinge ka kalna lam apiangah hian alo lan ve ziah mai le.


Civil dress nen ka vawikhat hmuhna,a chhelo leh hle tawh.



NuRintei sawi kha ka hrechhuak zawk, afapa țhianpa,chaw lo eive tur kha anih ngei dawn hi,,ka van vanduai thei tak em.



"Ka duh2 ka ti ang, ipa in pawh anilo" melh hrep pah chuan ka ti chang fak,



Nui sukin a kal daih anih chu..!, min ti hamhaih lek2 dawn alom le,.
.



.
Inchhungah chuan ka luta ,Doggy kha hmu tur pawh a awm leh tawh lo.



Inchung ațanga mipakat lo chhuk tha chu ka en reng,hepa hi anih dawn hi an fapa chu.



Min hmuh chuan min en deuh vang2 a chutah"Zanin chu chaw ei kan nei dawn elaw?" Nui suka Choka lam pan pah chuan a ti zui zat,ala thawven hmel em2 zui.


"Aw anih hi,a nuam dawn teh ania" nu Rintei chuan alo ti vat.
.
.
.
.


Pa Moses alo then chuan chaw eite siamin kan kil nghala.



"Khawng Andrew hi,inlo hruai velo mi?" Chaw kan kil ho laiin,Pa Moses chuan arawn ti thum dut.


"Aw,,college lam project tih tur a ngah deuh va " apa chuan alo chhang vat.


Kei erawh min biak bak chu ngawi rengin chaw ka bar mawlh2, ka chaw ei a tuilo viau thung, Achhan pawh Doggy ka hmaa țhu in min melh ngur vang ani.


"Sawmte mambawihite nen school khata in lut sia, ilo ngaih ven deuh dawn nia aw,,ani lo Luhna ala reilo bawk nen." Apa in atih chuan ,a țul ka tilo hle.


"Awle Pate...".rawn ti tu avang chuan ka chaw ei lai chu ,a hmaiah phuh țhawtin ka khuh zui bawrh2. Lalpa leh..!!!



"I tha em?" Tih pahin Nu Rintei chuan tui min lo pe vat, ka van Zak tak,mahse....!

Tunah kha Doggy kha mizo țawngin a tawng anih chu....! Ka hriat sual ni lul rawh se. Eng nge awmzia apa kan Sawmte tih ten a au bawi sia.


Alam ka hawi chu a hmai hru fai pahin min lo melh leh run tawh,


Ka makti hmel a hmuh chuan a nui suk zui ,a thinrim ka rin tehreng nen...!




"In inhre tawh hrim2 em,,school khatah te in lut ho sia..?" Pa Moses chuan alo ti vat.



"Aw"
"Teuhlo mai..!"ka duh ai ka tawng ring.



"Ah,,ka sawi awmzia chu kan inhriatna ala rei vaklo" ka ti leh hnuhnawh a, Doggy thianpa chu alo nui suk.




" Atha alom In pa3 in Ricky te nen hian in inkawm țhin anga,harsatna In neih pawn inpui tlang ula, hei Ricky pawh hi kan fapa ang thoa kan en ania, school velah mamawh I neih pawn tibuai hreh lola"




Pa moses an alo tih chuan ka insang mar vak,,țha tak chuan ka chhang a, Mahse ka la â chhui in ka hria Doggy hi mizo ani tih ka hriat hian.




Mahse Ricky atih hming chu hriatna ka nei tawh,,,aww ni tak Nikkita khan min hrilh tak kha MAW, mizo ani tih pawh ka hre derlo kha ania.bakah tunhi ka vawikhat hmuhna ve tho ania.

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)