HMANGAIH HMASA BER By Irene H muankimi (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

Re: HMANGAIH HMASA BER By Irene H muankimi (Completed)

Unread post by Ngaia » May 9th, 2021, 6:20 pm

Chapter 7 (last chapter)


"Palai ka lo tir dawn"

"Ai,chutiangin I ti thei lo" ka lo ti nghal vat.

"Kan fiah dawn em ni?" Tih pahin a phone chu a hmet nghal mawlh mawlh.

"Eng nge I tih kha" a phone va ch$ ka tum chuan ka ban phaklohah ban lo phar in aban leh lam chuan min man bet nghal bawk.

"Bawihte palai te 'aw' tia in lo chhawn loh anih chuan heng thlalak te hian engtiang a nasa in nge I chhungkua a nghawng dawna engtiang ang a nasa in nge I mualpho ang tih ka sawilawk thei hauh lo".
...............

MALSAWMSANGA POV


" Ka rawn haw hunah kan inneih dawn amaw ka tia Naute" ka phone screen a Nautei nui lai chu ka be mawlh mawlh a." Hlim ang che aw Naute mahse heihi hre rawh ka mit hmuhah rawn in lan miah suh ang che anih loh chuan kei hian ka that palh mai ang che"

Nautei ka ngaihtuahna atanga paih chhuah tumin nasa leh zualin hna ka thawk a,mahse awmzia a awm vak lo.Tun atang chuan hmangaih neih leh ka duh tawh lo a,ka nei leh tawh ngailo bawk ang.

Ka hmangaih mahse ka tana par vul ve lo tur kha chan ka hlauh luatah ka nihna theihnghilh thak khawpin kha leh chen kha ke ka pena mahse atawpa ka chan chu phatsanna leh natna bak a ni lo.
..................

LALRUATKIMI (Nautei) POV


Biakin dar ri tlang tlang chu ka room atang ka ngaithla reng.'Vawiin hi I biak buka ka lawiluhna ni hnuhnung ber tur a ni' tiin banga ka tar Isua khraws a an khenbeh lai chu ka en a.

Pastor fanu ka nih avang hian mi tamtak chuan ka rinna te chu midang aia chak bik tura ngaih chang an nei thin mahse alo nih bik loh zia chu keimah atang hian a hriat theih awm e.

Ka chunga thil thlengte sawi chhuak turin huaisenna ka nei lo a,ka manganna ka thlen theih awmchhun ka Pathian chu ka au ve thin mahse chhanna ka dawng ngailo.Chuvang pawh chu a ni mahna tunah chuan ka beidawnga ka beiseina neih awmchhun chu Malsawmsanga chauh a ni.

"Car ti ding rawh" ka au tuar avang chuan driver pawn break a rap nghal vat.Car atang chuan chhukin Malsawmsanga ka hmuhna lam pan chuan ka mo kawr var leh pheikhawk sangte nen chuan ka tlan nghal vat.

"Malsawmsang" ka aw chu hriain ka lam a rawn hawi nghal vat.Coat suit dum nen a in thuam zaiha chuan a hmeltha in a chhelo takzet.

"Eng vang nge Ilo haw tih pawh min hrilh loh a chuan ka phone call I chhang duh bawk lo a ?" ka dinna atang chuan hnuk ulh tun hian ka ti lang lang.Kan in karah chuan pen sawm vel chiah a awm mahse a tua mah mah chu in panhnaih kan tumlo kan dinna hmun atang chuan kan in en reng.

"Sawi fiah ngailo in nang hian achhan chu kha I hre Chiang ber alawm" ka thawmhnaw en kual pahin min tih khum hmak.

"Ai,I..ka sawifiah thei vawikhat chauh inbia ila ka hrilh vek ang che " rang zeta ka lo tih chuan elhsen taka min rawn en in min khik khum sak a.


"Bumtu leh phatsantu hi biak leh na chhan tur ka nei tawh lo" tia min tawng khum sak saktu Malsawmsanga chu hrilhhai takin ka en reng.Kei hian ka bumlo a ka phatsan heklo.Ni e,atan chuan ka tlingzo tawh lo tih chu ka hria mahse ka beidawnna kara beiseina eng ka la neih ve chhun kha chu min hmangaih tu Malsawmsanga chuan ka thusawi min ngaihthlak sakin min lo pawm leh thei beiseina kha ania mahse chu chu tuna Malsawmsanga awmdan thlir hi chuan beisei bo mai a nih zia a Chiang ta hle mai.

"Malsawmsang"

"Keipawn kawppui thar ka nei a,nangpawh I mipa hmangaih tak nen chuan hlim takin nun in hmang dawn nia" a rawn tih chuan hlim vang pawh nilo in ka nui suk a,ka biang a rawn lum thla nghal pup bawk.

"Chuan itan chuan bum hmang leh phatsantu maw ka lo nih tak a"

"Ka chhan kher ngailo in nangmah khan I hria alawm" deusawh zet hian min rawn chhang leh.Ani hi maw ka lo beisei ve chu,ka insawi fiahna pawh ngaithla duh lo tu vang hian maw hei leh chen hreawm tuara amah ka lo nghah.

"Nia ka hria,Malsawmsang chu chu I thuthlukna a nih chuan a tha alawm tihtheih dang ka neilo a nih chu" ka mittui te chu tuai hulin atawp nan tiin Ka mipa hmangaih em em chu ka nuih sak.

"Thudik,I...thudik I hriat hunah I tan awmzia te ka la nei ve anih chuan min ngaidam dawn nia aw,I tan atawp thlenga ka awm loh avangin" tiin ka sira motor kawngpuiah chuan ka tlan lut nghal.

Mahse truck rawn tlanin min su tawh dawn emaw ka tih lai chuan ka leng nghal dawr,ka chal atanga thi rawn chhuak chu dawmin mi pui tlan khawmna lam chu ka va en a,kawnglaka Malsawmsanga thisen nena lo mu reng chu fiahlo ruai hian ka hmu a,ahnuah a rawn thim nghal vek.

Ka harh leh chuan Damdawiin khumah ka lo mu reng tawh.Ka bulah ka U alo thu reng bawk.

"Tui" ka tawng pawh chu ka hre thei chang chang a ni.

"Aw,mate ilo har tawh amaw" ti chungin ka tuiin tur chu min pe nghal vat."Ka nu te pawh an awm renga Ramsanga'n thil ei turin nichin khan a hruai chhuak lawk a nih kha" ka nu te zawnga ka cabin chhung ka en kuallai chuan alo ti leh nghal vat.

Ka u nena kan in biak lai chuan kawngkhar a rawn ri a,ka nu leh pa chuan URamsanga te pathum chu an rawn lut vek.

"Mambawih ilo harh ta maw?" tiin ka nu chuan min rawn kuah nghal vata mahse ka pa chu ka chungah a thinrim hle a nih ngei ang nilo se tiang sawn min melhlo ang.

"Pa ka tihpalh" ka nu nen kan in thlah veleh hnuailam bihin ka ti nghal sup.

"Ka fanu I ni em?"

"Pa.."

"Ka fanu I nih takzet chuan Hringnunah hian I beidawng thiang lo.Mipa pakhat avang maiin ka fanu hian a siamtu PATHIAN chu a theihnghilh thei a maw" titu ka pa chu mittui tling pamin ka en a.Sawitur ka hrelo takzet engkim hi ka thiamloh vek a ni.

"Khawnge Lalruatkimi chu" thinrim zeta rawn ti lutin Umapuii chuan ka hmaiah a rawn beng ri nghal sawk.Ka pa leh URamsanga'n an man beh hnu pawn min rawn khawih leh tumin ala tal bat bat mai.

"Nang,nangnu vang khan ka nau nun hi a chhe vek asin" tap chunga a rawn tih takah chuan accident kha ka hre chhuak zawk.

"Eng nge awmzia,khawnge Malsawmsanga" ka ti nghal chul a.

"Tun atang chuan ka nau hmuh theihah rawn in lan ngai tawh suh ang che" tiin Umapuii chuan cabin chu a chhuahsan nghal.

"Pa Umapuii khan eng nge a sawi Malsawmsanga chu a tha em engtin nge a awm" kha tia truck in min sut dawn khan Malsawmsanga'n min lo nam sawnin ani chu a in saseng hmanlo hi a lo ni a

"Englo ania..I.."

"Pa sawi rawh Malsawmsanga chu a tha tiraw,hliamna a tuarlo tiraw" a tawng chhuah mai theih loh avang chuan ka lo ti leh vat.

"Sawmtea chu,englo ania Doctor te sawi dan chuan ke in a kal leh thei tawh ngai dawnlo an ti a ni." Zuai raiha titu ka pa chu a thusawi thlak leh tura beiseina nen ka en tlawk tlawk.

"Ai,ai...a theih loh he tiangin a thleng thei lo,khawnge Pa Pathian pawh hi a awm tak,a awm takzet a nih chuan heng harsatna zawng zawngte hi kan tuar miahlo ang" tiin atawp atawpah chuan insum zo lo in ka tap chhuak ta a.

Ti nge harsatna te hi a mal mala kan tawrh mai loh le,ti nge vawilehkhata avaia kan tawrh thin.

"Pa Malsawmsanga bulah chuan ka kal duh" tlema ka ziaawm deuh hnu chuan ka ti a.

"Tumah Sawmtea chuan a hmu duh rihlo, Doctor te takngial pawh a room ah chuan luh tir a phallo" ka u in alo ti nghal vat.

"Chu tilam chu dahtha ila,hei min han hrilh teh engvanga nau I pai thu kha kan laka zep nge I nih" ka nu chu ka en nghal vat,naupai maw kei hian nau ka pai amaw.

"Eng nge I sawi awmzia" ka pa pawn ka nu chu alo zawt let vat.

"Ni e, Pa a Mambawihi hian nau apai a,mahse kha tia a tluk sual khan naute chu a chhiat leh ta anih kha" nau ka paia chuan chu chu ka hriat hma hauh in ka chhiat leh nghala maw.Lalpa engzata tam nge vanduaina,harsatna te hi ka chungah thlen tir ila tum a.

"Lalruatkim,engtiangin nge ka enkawl che,naupai chungin Pathian bum ilo tum amaw" tiin ka pa chuan min au khum ta nghek.

"Pa, atawk thil awmzia te pawh hre ve hmasa phawt ila chutah hauh a ngaih chuan in hau chauh dawn nia" ka pa bengdaih tum taka tiin ka u chuan a rawn ti leh.

"Le,mate han sawi teh naute hi Zira fa anih vang ami inneih pawh kha in hmanhmawh em em? Sawmtea nen in in kawp reng amaw kan tia eng tik atang nge in lo inkawp reng renga" tiin min zawt leh nghal zat.

"Kan in kawplo" ka lo ti nghal vat.

"Mahse Naute hi..."

"Zira fa chu ania mahse kan inkawp ngailo". tap lek lekin ka lo ti leh.

"Nih chuan engtin nge Naute hi I pai theih" ka nu chuan rilru hah zetin alo ti nghal hluai.

"Ka duh theilo,mate nanghi...a ni theilo mate" tiin ka u chuan min rawn kuaha,keipawh ka tap leh nghal der.

"Ani khan ka duhlo chung min sual lui a ni" ka tih leh chuan keini nufa thum chu inkuahin kan tap ho ta tawp.

"Zirsangliana mai mai chu,Ramsang Police han phone nghal teh" thinrim aw khur ngawt ngawta rawn ti tu chu ka pa a ni.

"Ai, Pa ti suh"

"Hlau mah ta che ka fanu ipa ka la awm hi,I chunga hetiang thil ti tu hi hremna a hmuh ngei theih nan ka theihtawp ka chhuah dawn alawm" a awma min kuah beh pah chuan a ti char char a.

"Nilo pa,ka thlalak a kawla ka chunga thil thlengte ka sawi chhuak a nih chuan chung chu social media a athehdarh tur thu min hrilh a ni."

"Ka rei, mihring hi kan lo va in thup thei in kan van lo in hrechianglo ngai em". Ka nu pawn a rawn ti ta tawp.

"Pa report lo mai rawh.Keichu ka beidawng tawha,Zira duhdan angin ka awm a nga chuvang chuan keimah avang chuan mualpho ve kher suh u."

"Nilo e,ka fanu heihi hre rawh khawvel-a kan awm chhung leh mihring kan nih chhung chu kan beidawngin kan mualpho thei vek a.Mahse chuvang chuan PATHIAN hi kan ringhlel tur a nilo."
A rawn ti dam leh dap.

"Mahse Pa heng harsatna/vanduaina te hi vawikhata hmachhawn atan chuan an tam em a,ka hmachhawn ngamlo a ni." ka rilru tak tak a ni ka sawi ni.Hmeichhe chak leh huaisen ka nilo ka tih tawh kha,heng harsatna te hmachhawn tur hian ka in ringtawk thlawtlo a ni.

"E,hlau mah ta che,I kiangah ka awm reng dawn alawm Shakespeare-a khan engtin nge a sawi kha 'Vanduaina hi a mal mala thleng lo vin,a rual rualin a lo thleng thin' a tih kha hre reng la.Chung harsatna zawng zawngte chu Pathian chakna ringin I hmachhawn dawn alawm" tia ka pa thusawi chu Room chhunga awm zawng zawngte chuan kan ngaithla thap a.

"Oprah Winfrey-i chanchin te kha han ngaihtuah teh,vawi engzata tam nge pawngsual a tawh a,eng harsatna te nge a paltlanga alo hlawtlin tak ni,nang chu ani ai chuan I dinhmun a tha zawka,chuvang chuan I beidawng thianglo a,ilo beidawng a nih pawhin tho chhuak leh tut in ka duh che." Ka pa chu tunah chuan ka nuih ve thei ta.

"Chubakah I hmeichhe ngaihsan em em Helen Keller-i pawn 'Nun hi harsatna hmachhawn ngamna a nih loh chuan engmah lo mai a ni' a tih kha,kan vaiin I kiangah kan awm reng ang" rawn ti ve tu ka u chu ka lo kuah vat.Hetiang hian atir khan ka chhungte lo hrilh nghal vek ilang chuan tuna kan chunga vanduaina te hi alo thlenglo mai tur.

"Le tho rawh,nangman I beih loh chuan heng harsatna te hi tuman an beihsak dawn lo che.Hlaua tlan chhe turin ka fanu hi ka duh lo." Ka pa in a rawn tih chuan keimahah beiseina thar ka neia,ahma zawng aiin ka chak zawk sawt nimai hian ka in hria.
...............

"Harsat manganna karahte,
I dil thin atanpuina leh
awmpuina;
Mahse tanpuitu reng an awm
silo,
Beidawng khawhar leh malin I
awm maw?

A kalsan ta che a ni si lo,
A theihnghilh ta che a ni lo,
I tana rinawm reng thin lal
Isua'n;
A rel sual ngailo I kawng tur
chu..."

Pensy B Lalthangliani sak.C Lalnunpuia phuah chu khuma mu chungin ka sak pui rat rat a.Tunah chuan thil engkim puan zarin a awm tawh a,ka pa ten Police te nen ruahmanna siamin Zira chu an man ta a,ka thlalak a kawl ho zawng zawng pawh tunah chuan tihchhiat vek a ni tawh.

Pawngsual ka nih thu chu thup tum viau mahila,hre tawk an lo awm tho avangin chungho chu huaisen taka hmachhawn turin leh miten ka hnunglama min sawi dan mawilo tak tak te chu ka pa in min fuihna thu tha tak tak min pek hmangte chuan hmachhawn dan ka zir ve zela mahse achang chuan a har ve thin khawp mai.

Chuan tun thlengin Malsawmsanga'n min la hmu duh lo a,hmu chu chak viau mahila hmu tur pawn ka la in rintawk vak loh avangin hmuh ka la tum lui lo hrim hrim.

Ka chunga thil thlengte ka ngaihtuah hian ka hla duh em em mai "Ka ring zel ang che" tih hla Lauren Daigle' phuah mizo tawnga an leh lin tak hi aropui ka tihna a zual leh sawta.Kei chuan he hla hi sak phu ve loh ah te ka in ngai ta hial a ni.A chhan pawh kei chuan ka rinna chak tawk viaua ka ngaih kha harsatna ka han tawh meuh chuan PATHIAN meuh pawh ka ringhlel rum rum a nih kha.

Ka pa sawi kha a dik chiah a ni. Khang ka naupan tet atanga buaina neuh neuh ka neiha an hnena puihna ka dil thin te kha harsatna/buaina alo ni reng reng lo.Kan nuna Pathian in harsatna/buaina leh vanduaina kan tawh tura a ruat hi chu lian tham tak a ni a,chuan tuna ka tawn pawh hi a aite chhinna chauh a ni a hei aia lian zawk harsatna paltlang tur ka la neih dawn chauh avangin "Ka ring zel ang che " tih hla sa thei tur khawpa Pathiana rinna nghet neih hi ka duh a ni.

"Kha va lungleng awm ve?"URamsanga chuan nui vur vurin min lo en reng.

"Khawnge ka u,alo kal ve dawn lo ami" ka ei tur alo ken a rem fel lai chuan ka lo zawt vat.

"Naute insiam lai ania,in a awm hahdam turin ka hrilh a nih kha.Ti nge I u nilo a kei min hmu chu I lawm vak lo em ni" chimawm zet hian a rawn ti leh.Tun ah hian naute an pai ve meka,an hlim khawp mai.

"Chutiang pawn ka tih loh kha" ka tih chuan min nuih suk suk mai.

"Taka kha I bialpa,
u kawlh deuh kha nichin khan a haw chiah asin a awm loh lai hian kan va kal dawn ami" ka thil ei laia a rawn tih su su chuan ka nui chhuak hawk.

"Ti nge,I nuih vak ka duhsak ve em em che a" ti tau deuh reuh tau tak tak Chuanglo hian a rawn ti a.

"UMapuii chu kawlh iva ti awm ve" ka tih chuan a ner sawk mai.

"Ti rap,ka nau duati kha a chhungte kan awmlaiin a rawn beng vel a" a tih phei chuan ka nui nasa tawh lutuk.

"A nih chuan va kal ila,I hlauh ber UMapuii a awm loh chuan"

"Ka hlau kher lo"
................

"Mahse min lo hmu duhlo ta se" Malsawmsanga Cabin pawnah chuan ka ding leh riha,ka lut mai ngamlo.Keimah vangin nasa takin a hliam tawha chutah keimah vangbawkin alo suangtuah thin Footballer nih chu a thei tawh dawn bawk silo.

"Hlausuh,I hmangaih a nih chuan kal tir leh tawh ngailo turin I hmangaih chu va chelh rawh" a rawn ti ve ngei khawi atanga a hriat nge maw ni.

Kawngka chu ka luh hma chiah hian chhunglam atang a rawn in hawnga,Malsawmsanga nu nen kan in melh ta ran mai.Ani pawh hian min haw ngawt ang afapa neih chun chu keimah vangin a kal leh thei tawh ngai dawn silo a.

"E,Ruatpui nang elaw lo lut rawh Mama pawh tun lawk khan alo muhil chiah a,I rawn tlai hret a ni" tiin ka rin loh ang deuhin min lo be siam siam a.

Cabin chhungah chuan lutin Malsawmsanga khuma tui taka lo muhil sak sak chu a bula thu in ka thlir renga.Ka mittui a rawn hnam nghal der.

"Vala keini chu pawn lamah boruak tha kan va dawng dawn em ni" tiin URamsanga leh Malsawmsanga nu chu cabin atang chuan an in nawr chhuak a.

"Malsawmsang ka hmangaih che" tiin a hmuiah chuan ka zuk fawp zeuh.

"Ka mawl tiraw,he thu hi nangin min hmangaih lai khan lo hrilh daih tawh tur che ka nia,mahse tunah min huatlai leh mangrama I chen lai chauhin ka hrilh ngam che a" ka mittui chu hru zeuhin akut chu ka vawn saka.

"Thu dik hrilh che kha ka chak lutuk a,mahse min be duh bawk silo.I hrelo a nih kha kei hian ka phatsan lo che a chuan ka bum bawk lo che asin.Hman atang khan kei chuan ka hmangaih daih tawh che a,mahse huaisenna ka neih ve loh avangin nangang khan ka ti lang ve ngamlo a ni." A kut chu ka vawp leh vang vang.

"Malsawmsang ngen ngam tur che chu ka nilo a,mahse min ngaidam thei mai lo ami chuan min la hmangaih a nih chuan kan pahnih hian hlim takin kan awm dun ve tawh ang a" tiin kan awmdan tur suangtuahin ka nui sak a.

"Malsawmsang ka hmangaih che a,ka hmangaih reng bawk ang che" alo harh leh hmaa let leh ka duh avang chuan thawh chhuah ka tuma.

"Naute" tia ka kut rawn chelh tu chu ka en nghal vat.

"A..I ka tihpalh ka kal leh dawn chiah" bah nuaiin ka lo chhang ta tawp.

"Ai,kal suh ka kiangah hian awm reng rawh"

"Ma...maw.."

"Naute kha thu kha han sawi leh teh"

"Eng,eng chu maw ka sawi leh ang" ngaihna hrelo zeta ka zawh chuan a rawn nui suk.

"Min hmangaih thu kha" ka nui suk,sawi tura min duh chuan ka sawi a nga ni mai lawm,tun atang chuan he thu hi nitinin,darkar tinin, minute tin leh second tin hian ka hrilh reng zel tawh ang.

"Ka hmangaih che Malsawmsang,ka hmangaih lutuk che" tiin a hmuiah chuan ka zuk fawp vang vang.

"Ka lawm e,kei Rualbanloh nimai tur hi min la hmangaiha thil dang zawng aia min thlan avang hian" ril ruih hian min rawn melh a.

"Chutiangin sawi suh tlinglo zawk kan sawi dawn a nih chuan nang nilo in kei hi ka ni tih chu kan Chiang ve ve." In thiamloh zet hian ka lo ti let leh vat.
..............

Damdawiin atanga kan chhuahna pawh thlakhat lai alo liam leh ta.Malsawmsanga pawn ka chhuah ruala chhuah ve nghal a duh avangin inlamah in enkawlna an kalpui a.UMapuii pawn min la ngaina vaklo mahse awmnuamlo tur khawpa hreawm chuan a awm tawh ngailo.

Nitin Malsawmsanga nen chuan hun kan hmang duna, kan hlim thei khawp mai mahse TV ah inkhel kan en dun changa ahmel a hnualna lo lang chhuak thin chu hmuh hreawm ka ti takzet.

Ka theih ang angin exercise te pawh ka lak pui ve thin.College pawh ka chhunzawm tawhlo.Nitin chuan Malsawmsanga nen khang kan hun hman dun loh te ai kha tiin hlim taka hun hman kan tum thin a ni.

"Naute va haw tawh rawh" ti tu chu tum bar in ka melh a,tun lai chu haw turin min tur sek reng mai.

"Tun lai chu min hne thar thut a ni maw haw turin min ti reng zela,naktuk atang chuan ka lo kal tawh miahlo ang"

"Chu ti lam pawh a ni lo,ka ti buai thei lutuk che a ka in thlahrung alawm" a tih pawh chuan ka awi chiah lo.

"Atha alawm,ka haw dawn mangtha" tiin ka bag chu la in kawngka puiah ka chhuak nghal.Pawnah chuan khanu bawk kha ka hmu leh tawh.

Hmani deuh atang khan henu hi Malsawmsanga te ina akal hi ka hmu zia.Chuan alo kal ni hian Malsawmsanga'n haw hma turin min hrilh ziah bawk.

'Malsawmsang min phatsan I tum vaih' ti a in hrosa chungin kan in chhungah chuan ka luta.

"Ngati vak vak thin nge a"ka nu in min lo nuih vur vur mai.

"Nu,Malsawmsanga hian min iai I ring em?" Ka nu bula va kal pah chuan ka ti a.

"Nga ti maw"

"I, hmeichhe thianghlimna nei tawhlo ka ni sia".

"Mambawih chutiangin an ngaihtuah ngailo,Sawmtea hi mipa tha tak a ni a chuan a hmangaih hle bawk che a tuna I ngaihdan kha chu paih bo daih rawh" tiin ka nu chuan min lo kuah nghal zat.
...............

"Naute tah sawn" a kawhna khelmual hnaih deuhah chuan a wheel chair chu ka nawr phei saka.A thiante chuan Malsawmsanga an lo hmuh chuan an lo fiam nghal hlut hlawm a.

Inkhel chu an tana, Malsawmsanga avang hian inkhel pawh ka en ngun ta malh malh khawp mai.Atawpah chuan kan tan te lam chu an chak ta.Mualpui Rajiv's Gandhi Stadium-ah chuan mipui thawm chu ring tha duh tak a ni.

"Lo kal rawh leh thiana" tia a thian ten rawn hruaiin field ah chuan thla te an la a.Field sir atang chuan hlim tak hian Malsawmsanga chu ka lo thlir renga.

"Miss helamah hian lo kal ta che" tia min be tu chu ka zuia, field lai Malsawmsanga te bul ka thlen dawn chuan " tah hian lo ding lawk rawh aw" a tih chuan ka hrethiam lo takzet.

Chu ta ring tak mai hian 'Perfect' hla an rawn play a.Tun maia inkhelhna a chak zo chiah Malsawmsanga thian te chuan lehkha a,hawrawp mal mala in ziak in 'will you marry me' tih hi an rawn lek chhuak far a.

Malsawmsanga chu harsa tih hmel tak hian a wheel chair atanga rawn ding chhuakin ka lam panin a rawn kal ta mai,heihi ka awi theilo.Ka ka chu hup in ka mittui lo luang tur chu dan kir hram hram ka tum ve takna a,dan zawhloha lo luang chhuak tawk a awm tho.

"Naute khawngaihin ka nupui ni rawh" tiin a thingthi tur chu kha hmeichhia tlai tin Malsawmsanga te in a kal thin leh Peka a thianpa ve ber chuan an lo pui a.

"Naute,ka nupui chu I ni duh a ngem" tiin zungbun mawitak mai rawn lek chhuakin min rawn nuih suk.

"A..aw,aw ka nei ang che Malsawmsang kei hian ka nei ang che " ka kuah nghal chung chung.Ka hlim lutuk hi tunah rih hi chuan vanrama awm ang mai niin ka in ngai.


AFTER 5 YEARS


Ka fapa kum 5 mi leh ka pasal hmeltha em em te, kan in tualzawla infiam te chu thingpui sa vervawr in pahin ka thut hmun atang chuan ka thlir renga.Thla leh mai hian kan fa pahnihna tur ka nei leh tawh dawn bawk.

Tunah chuan kan nunhlui te theihnghilhin hmalam kan pana chhungkaw duhawm tak kan din tawh a ni.Ka pa pawh Pastor atang pensawn tawh in kan upa ber te nen tunah chuan an cheng ho tawh a ni.

Chung zawng zawng aia ka hlimna thlentu ber chu maw he ka pasal ka hmangaih em em Malsawmsanga avang hi a ni.Ani chuan ka tlin lohna lai hmuh kan in a hmangaihna a min tuam hlawm hi a ni.

"Anu apa hian maw 'i nu hi ka hmangaih hmasa ber' atia, nangma pawh a ni em" ti tu ka fapa chu ka nuih suk.

"Aw,I pa hi ka hmangaih hmasa ber a ni" ka ti a,Malsawmsanga chuan min rawn nuih sukin ka chalah a rawn fawp a.

"Ka hmangaih che"


.............THE END...............


Thiam lo taka ka ziah ka thawnthu ngaihnawm loh leh beitham tak a tir atanga atawp thleng min lo chiar saka like leh comments min pe tu te zawng zawng kha in chungah thinlung takin lawmthu ka sawi e.

*** KAN WEBSITE A FAKNA LAM THIL MILEM LANG THIN I LO HMEH ZEUH HIAN KAN WRITER TE HLAWH KAN TUMSAK ZEL TIH KAN HRE THEUH DAWN NIA, KAN LAWM E***

Website story link ho awlsam zawka in zawn hmuh zung zung theih nan STORY FB group siam a ni a. Whatsapp group pawh siam a ni e. Complete tawh ho zawng zawng leh story kallai kan dah vek avangin avangin in lo join theuh dawn nia..
Group link : https://www.facebook.com/groups/991354610918230/



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)