HMANGAIH HMASA BER By Irene H muankimi (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

HMANGAIH HMASA BER By Irene H muankimi (Completed)

Unread post by Ngaia » May 9th, 2021, 6:18 pm

PROLOGUE

"Ka fanu I nih takzet chuan Hringnunah hian I beidawng thianglo.Mipa pakhat avang maiin ka fanu hian a siamtu PATHIAN chu a theihnghilh thei amaw" ti tu ka pa chu mittui tling pamin ka en reng a " Ka fanu heihi hre rawh khawvel-a kan awm chhung leh mihring kan nih chhung chu kan beidawngin kan mualpho thei vek a.Mahse chuvang chuan PATHIAN hi kan ringhlel tur tihna a nilo.Le tho rawh nangman I beih loh chuan heng harsatna te hi tu man an beih sak dawn lo che.Hlaua tlanchhe tur in ka fanu hi ka duh lo"


ywac6di1.jpg
HMANGAIH HMASA BER

By Irene H muankim


....."Harsatna tlang cho rual lo
La bo dawn lo mahla
Ka kawng daltu luipui lian
Min hruai kai dawn lovin
Ka manganna au rawl
pawh
Min chhang dawn lo mahla
Ka ring che Aw Lalpa ka
ring zel ang che".....


Ka room thar tur a ka bungrua vel rem fel pa chuan ka hla duh em em mai Hlimpuii sak chu ka sak pui rat rat a.Ka pa hi Pastor a nih avangin kum 5 dan zelah kan awmna kan sawn thin .

Chuvang chuan midangte anga hmun khata awm reng a chhenna hmun nghet neih ka chak thei lutuk.Mahse tun tum kan insawn chu a hma ang lo deuh in ka phur em em a kan Quater luah tur a la thar that avang leh compound a neih that vang pawh hi a ni mai thei.

A building pawh chhawng khat chauh niin kan chhungkaw tan chuan a chhung zau dan pawh a tawk fu.Kan chhungkua hi panga kan ni a,u mipa pakhat leh hmeichhe pakhat ka nei a.

Kan upa ber Lalremruata hian nupui neiin tunah hian a hna vangin Mumbai lamah an cheng mek a.Kei,ka nu leh pa chuan ka u chiah Lalremsangi te nen tunah hian kan khawsa ho mek a ni.

E ! ka hming chu Lalruatkimi a ni a,ka chhungte leh mipakhat tih chauh lo chuan 'Ruati/Ruatkim'tiin min ko thin.Tun ah hian kum 19 ka niin B.A. 3sem ka zir mek bawk.Hmeichhe lian tia sawi tur ka nilo a chuan Zai hi nuam ka tiin Biakin ah pawh ka zai ve fo bawk.


"Kha i in rem zo tawh dawn em ni" ka u in ka room tur rawn en kual pa a a rawn tih chuan nui ver ver in ka lu ka bu zeuh.

"A nih chuan pawnah parcel dang min lo thiar pui ve teh a,khawthim hma a kan thiar luh kim hman loh chuan a tha lo ang" Parcel kan la lak luh bak zawng la tur chuan pawn lamah ka u chu ka zui ve nghal vat.

"Naute" nilo,chu aw chu 'naute' he hming a min ko thintu chu amah chauh kha a ni.Muang changin aw lo chhuahna lam chu ka hawi a.

A aw ka hriat ringawt pawh a ka lung phut dan ti danglam theitu hmel ka hmu chiah chu maw khawvel kal lai te hi an ding ta emaw tih tur in ka mit hian ka hmaa ding mipa hmeltha tak tih loh chu a hmu lo a,ka bengah hian tun mai a min ko ri bak kha thawm dang hriat tur a awm hek lo

A inkhel zo chiah a ni ngei ang, Jersey hring duk ha in mawza var leh ball-boot dum a sen a tial hi bunin a kutah ball a keng bawk.a thlan tui huh a vanga a Jersey hak a taksa a bet te,a sam hnawm chep leh a hmai tlang vela thlan tui lo luangte chu a hmel pa tak leh mitmeng pa takte nen chuan a va han inhmeh ngawih ngawih tak.

"I lo dam em?" zawh leh hrilh tur ka ngah lutuk a vanga sawi hmasak ber tur hrelo a ka ngawih reng lai chuan amah zawkin a rawn tih leh chuan ka lu bawk ka lo buk khum leh zeuh.

"Kum thum hnuah pawh i la danglam lo a nih hi" a kut a a hnar tuai zeuhin hnuai lam en pah hian a rawn nui suk.

"Aw,kha thian thar ilo siam nghal der em ni?" Ka u in a rawn tih chuan ka mumang lam atang a har chhuak thut ang mai hian rang takin Malsawmsanga ni e,Malsawmsanga ka mipa star leh duh hmasak ber ka melhna mit chuan ka u ka bul a lo ding chu ka en nghal vat

"Lalremsangi, Ruatkimi u hi ka nia" Malsawmsanga chuan ka u kut chu lo vuanin a hming leh kan in opposite chiah chu an in a nih thu a sawi ve nghal a.Kei chuan kan in opposite chiah a in ropui tak ding chu chik takin ka lo en thung

An hausak kha chu ka ring tho a,mahse tiang em em saw chu an nih ka ring miah lo.Kawng a rawn tlan tlang zawk tur tan pawn an in chu en let vawng vawng theih tur khawpa ropui leh nalh a ni.A pawn lam pawh hetiang a nih chuan a chhung ropui tur zia phei chu ka ngaihtuah ngam lo zawk.

Reilote ka u nen an in biak leh hnu chuan min mangtha in an in lamah chuan a let leh a,keini pawh Parcel hnuhnung ber chawiin in chhungah kan lut ve nghal.Zan inkhawm kan ngaih dawn avangin thil pawh dah fel tawh lo in inkhawm turin kan insiam nghal.

Malsawmsanga nen hian Shillong a kan awm laiin kan intawng a,mahse kum khat chauh kan in hre hman tih in Mizoram-ah Class 10 kan exam zawhin a haw a chu ta tang chuan ka hmu leh tawh ngailo.

Kum khat chauh mah nise kha hun kha kan pahnih tan a in ngaihnat nan chuan a tawk em em a ni.A tirah naupang chhe inhuatna in bul kan tan a mahse a tawpah chuan induh na in kan khar leh ta si.Ka thinlung a hmun pawimawh ber chang turin kumkhat chauh a mamawh a,mahse ka thinlung atanga chhuah tir leh nan hian kum eng zat tak ngai ang maw?

Kum 3 liam ta khan amah lo kha chu tleirawl star an tih ang pawh kha ka nei ngailo,a lak a ka rilru put ang te kha chu mihring zawng zawng in an neih theih vek tiin a reh ve mai kha ka ring ania mahse hei tunah pawh ala reh loh zia chu amah lo chu engmah ka ngaihtuahna ah hian an awm lo reng reng.
..................

"Kan Pastor fanu te zawk kha I ni em?" College gate bul a ka lo din reng lai chuan mipa pakhat hmel fel vak mai,a hmel pawh chhia tia sawi tur nilo hian min rawn bia a.

Ka lu ka lo buk zeuh chuan min rawn nuih suk,'aw'leh 'ai' chhanna pek turah he tia ka lu buk zeuh ka chin thin hi ka pa chuan 'amawi lo,sim tum rawh' ti ve thin mahse ka la sim thei lo chu a nih hi.

"Ka tihpalh,ka van hre ve lo che" tawng tam lo leh mi han biang biak vak ka thiam loh avang hian hmelhriat pawh ka nei tlem a,mahse ka pa avang hian Kohhranah na na hi chuan ka tlangnel leh vat zel.

"Zirsangkima ka nia,I duh chuan 'zir-a' tiin min ko mai dawn ania" a kut chu ka lo vuan ve vat .

Zir-a nen chuan kan Sem leh section nen lam alo in an vek avang chuan class ah pawh abul ah ka thu ve zel a,atawng duh in nuihna tur fiamthu a hre hnem bawk a,ka nui reng mai.

"A van hmeltha tak,awi!kei chu ka duh e" ka hma a hmeichhe thu ten tukverh lam en a,an tih chuan eng nge a nih hriat tum in ka zuk hawi thla ve a.

Malsawmsanga chuan a bike hi alo park tha mek a,tunah chuan ka lungphu bawk ani pangngai leh ta lo chu.Ti nge he pa hian a taksa pawh duhtawk lo a ka lungphu leh zel a rawn control thin.

Ka en reng lai chuan hmeichhe pakhat hian va panin a biangah ava fawh sak zeuh, Malsawmsanga pawn nuih sukin a kawngah a lo kuah a,an pahnih chuan college building lam chu an rawn pan dun nghal.

"I tha em?"

"Maw, a..aw,aw eng nge " Zir-an ka dara rawn khawi pah a arawn tih chuan phu zawkin ka tih bah ta nuai mai.

"Eng ni lo e,I tha chiah maw? I hmel kha phung hmu zohlim I ang lutuk ka bia che a I hre thei bawk silo"nui chung a arawn tih chuan ka nui ve sup. Malsawmsang ka lungphu chauh amaw I control ka lo tia mahse ka taksa leh ka ngaihtuahna zawng zawng nen ilo control vek zawk a nih hi.

"Tihpalh,thil dang ka lo ngaihtuah daih a"

Malsawmsanga chu kan college hmeichhe star rawn a ni a.A hausain a hmeltha a, Football a thiamna leh piannalh na te hian hmeichhe mit ala leh zual keipawh ka bang bik lo,heng hmeichhe ho ai pawh hian a zunah ka uai nasa zawkin ka ring.

Mahse keimaha chapona leh in duh tawkna hian chung chu tih lan a rem ti lo mai chauh a ni.Kan thutiam ringa ka lo vawng ve tang tang chu a thlawn mai a nih hi.
...............

Hun a kal a,karkhat lai alo liam leh ta.Zira avangin college pawh nuam ka ti sawt khawp mai.Malsawmsanga chu ka pehhel zel avangin nikhat ah vawikhat vel bak ka hmu lo ang tluk a ni.Ka hmuh apiang lah hian kha a bialnu Florence-i nen khan an lo awm dun ve hman ziah leh nghal.

"Engtia rei nge min pehhel I tum dawn" Zira alo kal loh avangin keimah chauhin nilengin ka awm a,hepa pawh hi vawiin ah vawikhatmah ka la hmu lo a ti nge tun atak a a rawn in lan thut.

"Malsawmsang ka..."

"Ka hming chu ila hre ve a" nelawm loh deuh in ka tawng lai chuan a rawn ti leh nghal sup.

"Lo kal rawh ka thlah ang che"a tih zawh rual in,a bike hunna lam ka va en a a thian te leh Florence-i te chuan min lo en thap.

"Lo va kal ru,nakinah ka rawn zawm ve ang che u" ka ngaihtuahna hria ni awm takin a thian te lam hawi chuan a ti leh nghal a.

"Mahse,min phur dawn kha ka lo.."

"Peka bike ah Chuang Mai rawh" dawh thei lo tih hriat takin alo tih khal leh vat.Chutia Malsawmsanga'n a tih takah chuan Florence-i chuan min melh hlum a tum ta emaw tih mai turin ngawi reng a ka lo ding chu min rawn melh in,a bul chiah bike ah chuan tum bar hian a Chuang a.

"Naute,lo kal la" a hmel chu ka en a,a upa ve deuh tawh tih lohah chuan hmana Malsawmsanga tho kha ala ni,mahse thu min intiampui tu Malsawmsanga kha chu a awm tawh lo,nge ni a kha kan thu tiam pawh kha dawn alo ni zawk.


Chu chu a dik ngei ang, Malsawmsanga nen kha chuan kan inhua in kan intibuai fo va,dawt thu inhrilh in kan intihder fo a nih kha "ka duh lo" tia kal mai ka tum a,mahse ka kutah rawn vuanin a bike awm na lam ah min kai phei nghal dawr dawr.

"Lo chuang rawh" a bike ti nung in min rawn melh leh,ka hawi kual a, college student hmuh tur pawh an awm tawh lo,exam hnaih tawh a insawt ka nih avangin office ah Teachers te nen ka internal mark siam dan tur chungchanga kan inbiak avangin khua lah chu a tlai ruih tawh bawk si.

"Taxi hmuh tur pawh avang ngawt ang,ilo chuan loh chuan ka tlansan mai dawn che ania" chimawm chhuah a Malsawmsanga'n arawn tih leh chuan rum tawk a melh in a bike chu chuan tum in ka hnaih deuh a.

Mahse maw kei ang hmeichhe bawp tawi nei tan chuan awlsam tak a han chuan mai na chi a ni reng reng lo.Ka ngaihtuahna hria ni awm takin Malsawmsanga chu alo nui suk,chu chuan ka thinrimna a chawk tho leh zual sawt bawk si.

"Nui bawk suh,I bike ah pawh hian ka chuang dawn bawk lo,a tawn tawn nen" bike ke chu petin ka kal nal nal,chu ta a rawn nui ri ka hriat leh phei chuan thinrim tak hi ka ni ringawt.Ti nge min phur a duh te chuan awlsam tak a ka lawn thei na tur Scooty emaw tlem a hniam deuh hlek te a khalh mai loh sual leh lutuk mai.Min tih zah a duh vang mai mai a nih hi 'zak miah suh' tiin keim a ka phun mawl mawl lai chuan ka kang nghal dawr.

"Eng thil,Malsawmsang eng nge I tih"rihna nei lo ang mai a min pawm in a bike ah chuan min thut tir a.

"Kan buaina chu ka bike nilo in I bawp tawi tak te vang a nih kha."

"Malsawmsang" rawn nui suk in a Helmet khum chu min rawn khum tir leh nghal zat.

Kan tlan chhuah dawn a 'min rawn kuah rawh' a ti in,ka duh lo vel a kan han tlan chhuak chiah chu maw Glu in kan in char ta emaw tih tur khawm in ka kuah nghet.


Kan gate bul a ka chhuk tur te chu ka tlu lo chauh,ka hlau lutuk kha ka tha a zawi hman vek.Ka Helmet khum chu pek pah in eng mah sawi loh aia lawmthu chu lawm vak lem lo in kan hrilh ve ngei a.

"Leng turin min sawm dawn na nge" a bike chunga thu in a Helmet ka pek chu a pawm a.

"Dawn lo" rang deuh a ka lo chhan vang nge arawn nui leh tawh,ti nge min nuih reng mai le.

"Naktuk ka rawn sawm ang che,min lo nghak la" Helmet khum that paha a rawn tih chuan "Ai,lo kal suh ka nghak dawn lo che" ka sawi lai laiin a tlan ta mai" Malsawmsang lo kal suh ang che" a tlan liam na lam en in ka au leh vak,a hre dawn pawh nilo,ka van mawl tak em.

"Eng nge kha tia min en chunga I nuih leh put put thin" ka u choka a lo awm bul a va thut ve pah chuan ka ti nghal,in ka luh atang khan min en in a nui leh ang put puta min ti confi lo zo vek.

"Kha pa kha a ni tiraw?" leh ringawt thin a.

"Tu maw?"

"Aw kha I first love kha, vawiin a lo thlah tu che kha a nilawm ni hmani ah pawh in lo inbia a,chuan a inkhel bang rawn haw hi I chang thin tih ka hre bawk" ka rei ka u chuan min van lo chik awm ve reilo te chhung in min puan fai vek alawm.

"Tu inkhel bang maw Mambawihi'n alo chan thin" ka nu pangpar tui pe zo choka a lo lut chuan arawn tih zawm ve nghal zat.

"Then awm tlang val saw maw nu, Matei'n a first love asawi ve ziah thin kha alawm" ka u lah chuan alo ti nghal zung zung,kei lah ka zak lutuk chu ka thut na hmunah ngawi rengin ka lo thu.

Ka u chuan vawiin a Malsawmsanga'n min thlah thu chu ka nu a hrilh nghal bawk.ka nu pawn Malsawmsanga chu a hmuh ve chak thu alo sawi reng a.Zanriah ei thlengin Malsawmsanga chu kan chhungkaw titi ber hi a ni ringawt

Ka pa phei chuan "Mambawih I thianpa chu nakin ah leng tur in lo sawm rawh aw,I nu nen kan lo hmu ve a nge" a tih phah hial.

"I va chauh hmel ve" abul a ka thut thlak rual rualin Zira'n tui in tur min lo pe nghal.

"Nia" ti bak in ka chhang thei lo,tui chu ka innghal khawl khawl a ka dang ro lutuk pawh a zia ta deuh.

"Tlai lo tawk chiah a kal dan I thiam hle mai" arawn tih chuan ka nui leh nghal der hepa bulah hi chuan ka thau chak ngawt in ka ring.

Class pawh kan la tan nghal mawp mawp a,3rd period kan awl avangin thil ei tur in Zira nen chuan kan kal a,college canteen a kan awm lai in Malsawmsanga leh Florence-i bawk an rawn in zui lut leh tawh,ti nge ka hmuh fuh theih em em mai le.

"Kal ila" ei man apek zawh a Zira'n atih chuan nui suk in ka lu ka lo bu zeuh.

"In bia ang" ka kalna dal a ding Malsawmsanga chu ka en a,a bulah a ban vuanin Florence-i a ding ve bawk.Chu chuan keimah ah thikna apiang tir nasa takzet.

Vawiin ka tlai na chhan pawh kei amah atchil tu mimawl hian nimin khan 'lo kal suh ka nghak dawn lo che' ti mah ila ahun alo thlen chuan college tlai tep khawp in ka lo la nghak ta tho a nih kha,eng tiang chiah in nge Malsawmsanga hian min lo dawi at tawh ang le.

"Class lak kan ngai a, khawngaihin I ding sawn thei a ngem" Malsawmsanga mitah tak en chung in ka ti a.Eng ang pawn lo thik mahila tih lan erawh ka tum reng reng lo.

"An hmanhmawh anih kha Mala keini pawh kal ila" inti no vel tak a Florence-in a rawn tih chuan keh thluk tawp mai ania ka nap.

Pastor fanu ka nih avang hian mifel tak ni tur ah mi thenkhat chuan min dah ve thin mahse khawvel thlir dan a thil sual angah hian fihlim mah ila ka huat zawngte leh ka mi ngainat loh te tan chuan sual ve tak hi ka nia.Ka chhungte pawn min hauh ngun ber na a ni bawk.

"Zir kal ang" Zira ban a chel chung in ka tih leh hmak,kal kan tum chuan eng tik laiin nge a chet hman pawh ka hre lo Malsawmsanga chuan ka banah min chelh in min lo kal pui leh dawr dawr tawh.

"Eng thil nge I hriat a" Room pakhata min luh puiin a hmalamah min theh vir lawm in,dawhkan lo hnai ber chu ka nek nghal rawk rawk.

"Chu chiah chu eng thil nge I tih hi" ka aia awki sak in min au khum ta nghet.

"Eng thil nge ka tih,nangmah zawk a nih kha buaina rawn siam min mawhpuh tum suh"a hma ah ding in ka ti let leh sak,he tianga atih mai mai tur pawh ka ni lo.

Chu tah ka rin loh deuh in a rawn nui suk,min rawn din hnaih deuh in ka kawngah a kut pakhatin min kuah a,a lamah min hnuk hnai leh in a kut lehlam chuan ka sam ka hmai zar tu te chu ka bengah a zep tha a.

"Naute I hre lo der thei lo ang,thu min tiam ngei kha"cool ruih a a rawn tih leh meuh chuan ka zawi vek tawh in ka hria.

Lawk in tunah khan thu tiam a ti em kha,ala hre ve reng amaw mahse ti nge keimah zawk min zawh amah ani reng sia ngaihzawng nei.

....... (Flashback).......

"Naute,ka duh che tih I hria a chuan kei pawn I awm dan atang min duh tih ka hre vek tawh " science experiments kan tih laiin Malsawmsanga'n arawn ti chhuak phawng.

"Tinge chu chu tunah kher I rawn sawi" ka duh tih a hriat te chuan amah khan hria se sawi chhuah kher a ngaih loh loh nen ka zak lutuk.

"Aw,ka bialnu ni tur in ka sawm che tihna a nih chu" arawn tih chuan ka nui lo thei lo,a tawngkam hman zingah khan sawmna tawngkam hriat tur a awm tawp silo " nui suh ka thian te hian min lo tih pui an ti chhen a,ka thin a rim tlat" a ve ngei chuan.

"Tu I thiante maw" amah pawh en lem lo chuan ka ti leh a.

"Ka sawi peih lo,ka bialnu chu ni mai la ka duat ngawt ang che" ka bula thu hi Malsawmsanga kha a ni tak zet em tih ka ngaihtuah,kan in hriat tir te kha chuan a Jersey-a colour ka tih kai a vangin min haw em em kha ania,ka lak a phuba lak dan ringawt ngaihtuah thin tu khan tunah hian a bialnu ni turin min sawm chu ania.

"Ka hrilh vek tawh che kha Class10 ka pass hma chu ngaihzawng ka nei dawn lo reng reng" ni e hei hi ka thil tum pakhat a ni mahse 10 ka pass hma in Malsawmsanga ka tawng ta sia ka bawh chhe hman tep ani.

"Anih chuan 10 kan pass hunah I bialpa ka ni hmasa ber thei" ati chuan nui ver ver in ka lu ka buk khum zeuh.

Tichuan kutzungte suih zawm in thu kan in tiam ta a.Ngaihzawng kan neih hunah kan pahnih chuan in ngaizawng hmasa ber tur in kan in tiam ta a.
.......(End of Flashback).......

College ban chuan a bike in kan haw rual leh a,mahse nimin ai chuan a tlan muang ta deuh.

"Naute" gate ka hawng tur chu ka hawi let leh vat.A bike a tanga rawn chhukin ka chalah a rawn fawp zeuh in " tunah chuan ka bialnu I ni tak tak tawh a,mipa dang kha melh tawh suh ang che" a rawn ti a.

"Ve a che, Florence-i kha buaipui tawh lo la a ni mai" ka tih chuan a awm ah min kuah bet in.

"Ani te kha chu I thutiam te ila vawng reng em tih hriat nan ka hmang tangkai mai mai a nih kha mahse nang te reuh hian I mizia lo ang deuh in min pan hmasa duh silo a,ti hian ka rawn pan leh ta che a nih hi"a tih chuan keipawn nghet tak in ka lo kuah ve nghal.



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 9th, 2021, 6:19 pm

MALSAWMSANGA POV

"Tunlai chu mahnia nuih leh vur vur I ching riau mai" titu ka nu chu nuih sukin ka lo kuah nghal vat.

"Nu I fapa hian maw Lasi naute ka tawnga" hlim taka ka tih chuan ka nu chuan min kuah let ve pah hian ka hnungah a rawn beng thek thek a.

"Anih chuan chu Lasi naute chu a chanchin min han hrilh ve la" atih chuan ka nu Wheel chair chu bathlar lamah ka nawr chhuak nghal a,pawnah chuan thli thaw dawn pahin Nautei chanchin chu ka hrilh ta a.

Ka pa kha engvanga haw lo nge tih min zawh chuan Nautei vang chauh hi a ni ang.A chhan chu ka duhlo chung Shillong ah khan lehkha min zirtir lo se chuan Nautei hi ka tawng tawp lo ang.Ka duhthusam ber chu Footballer niha India team tana khelha Ram tana thil eng emaw tih ve kha a ni.

Mahse ka pa khan keimahah duhthusam dang lo nei ve in,chu a duhthusam kawng chu ka zawh theih nan kawng min lo sial sak ta a ni.

Atirah chuan Nautei hi ka haw em em a,a chhan pawh Zinedine Zidane a Jersey Ori ka neih awmchhunah khan rawng min tih kai sak a.Kei naupangah pawh sual leh chimawm ve tak khan kha hmeichhe tetakte kha chhuah mai mai ka tum lo a,phuba lak dan tur ringawt ka ngaihtuah ta a ni.

Hmeichhe zaidam leh nunnem,tawng tam lo tak tia mi ten an sawi thin kha ka han hriat chian tak tak chuan chung mite lo sawi chu amize let thawk a ni tih ka hre ve chiah.Nge ni a,ani pawh khan min huat em avangin a mize chhe lai zawng zawng min lo hmu tir zawk pawh ka hre lo e a .

Vawikhat kan insual hnu atang Nautei nen chuan thianah kan in siam ta a,zawi zawiin ka ngaina a chuan atawpah in duhna ah Kan in huatna chu kan chantir a.Mahse pawlsawm a pass hma chu ngaihzawng neih atum loh avangin 10 kan pass huna ka ngaihzawng hmasa ber ni turin Nautei chu ka hual ta ringawt a ni.

Mahse vanduaithlak takin Board Exam results nghaka Mizoram lama ka haw hnu rei vakloah kan chhungkua in chhiat kan tawk a.Ka nu leh pa chuan Car accident tawkin ahmunah ka pa chu aboral nghala chuan tun thlengin ka nu pawn Wheel chair nen a hrinnun a hman phah ta bawk.

Tlema kan chhungkaw dinhmunin ziaawm lam apan hnuin ka nu chuan Mizorama ka zirna zawm turin min ti a,mahse pawi ka ti lem lo achhan chu ka tuina ber leh nuam ka tih ber football lamah kal an phal tak vang a ni.

Nautei ka duhna kha naupangchhe induhna mai mai ah ngaiin a reh ve vat ka ringa mahse ka lo ring sual let der a ni.Chuan heihi tlai khaw hnuah ka hre chhuak chauh a.Nautei ka duhna kha duhna satliah mai nilo in Hmangaihna alo ni reng tih hi.Ka thu thlukna siamah inchhir viau thin mahila ka suangtuahna lo puitling ve mek chuan tlemin min hnem ve deuh.

Nautei ka hmangaih em avang chuan kha kan thutiam kha a puitling thei dawn em tih pawh hrelo in ka thinlungah hian ka vawng renga,Nautei ka hmuh hma kha chuan a puitlin pawh ka ring ngai Chuanglo mahse rinloh deuha Nautei ka hmuh leh takah chuan kei valrianga hian Beiseina thar neiin he ka hmangaih hi chan leh ka tum tawh lo a ni.
................

LALRUATKIMI (Nautei) POV


"Kal ila" sitting room lam a ka pa nena lo in bia chu ka nuih suk.

"Anih Pa Chhuan Nautei a hman tawh bawk sia kan kal phawt mai ang" in la polite taka ka pa abiak vel chuan ka nuih alo za tlat,hetianga awm hi a in hmeh thlawtlo.

"In kalna ah te khan va fimkhur ula" tiin ka pa chuan kan kawngka thleng min rawn thlah ve bawk.

"A hun ta"

"Eng chu.." ka ti hman tawk ka hmuiah rawn fawp zeuhin min nuih suka ka kut chu a kut lian tak chuan vuanin a hum bo nghal vek.

"Ti tawh reng reng suh,ka pa ten min lo hmu palh ta se" tiin ka hawikual ruaia min hmu tu an awm lo hlauh a nia nge,nilo se keihi zah vangin ka thi thei ngei ngei ang.

"Hawi kual vak vak suh tuman min hmulo" a tih chuan ka nui ve suk.

"Anih ka pa nen khan eng nge in lo sawia" ka tih chuan a Bike a thu kai chung in min rawn melh zeuha,keiin min chhan hun nghakin ka lo en reng thung.

"A lehpekah chuan pawnah hian ka lo nghak tawh ang che"

"Engvang,ka chhungte chu I ngaina vak lo em ni" ngaihtha vaklo chuan ka zawt let vat,achhan chu ka pa hian kan unau kawppui tur reng reng hian Kohhrana in hmanglo chu a duh ngailo.Malsawmsanga pawh hi Ruihhlo ah fihlimin fel viau mahse Kohhranah kher kher hi chuan engtikah mah ka pa mit a tling zo ngailo ang.

"Chuti lam pawh a ni lo,ka duh aia tam Pathian thu ka bengah hian a lut" tiin a bengte chu a han nuai vel a.

"Hei chimawm viau zel suh.Pathian thute chu hriat tam tluk a awmlo kan ngaithla liam mai mai amaw kan tih pawh hian kan nunah tlem tal kan lo seng lut ngei ngei thin a.Kan nun kai hruai tur hian Pathian thu tluka tha a awm lo" ka ti ta duah.

"A ho em mai" a rawn tih leh phei chuan ka thinrim tun tawh in ka hria,engvanga Pathian hnaih hi harsa ti em em nge maw a nih le.

"Ka chhungten ka kawppui tur atan Kohhrana in hmang tak an duh tih I hria em?" Zuai ruiha ka tih chuan lungawilo deuh hian min rawn melha.

"Lo Chuang rawh" a Bike ka lama a rawn tih awn deuh chuan rang takin ka lo Chuang ve nghal vat." I chhungte'n kan inkawp an phallo a nih chuan ka ru mai ang che" rawn ti leh in chak tawkin a tlan chhuak nghal.

College kan thlen pawh chuan min be lo in min kalsan nghal nal nal,keimah zawkhi thinrim tur zawk amaw ka in tia,amah zawk a thinrim leh daiha a buaithlak thei e,va um in a banah chuan ka vuan ding nghal bawk.


"Malsawmsang kei chuan dankhatna ngeia pasal neih ka duha chuan neih ngei pawh ka tum mahse chung chu I thei ve dawnlo a nih chuan mipa dang tun atang hian ka zawng mai ang chuan kan inkar chu kan kal thui hma hian ti tawp mai ang" tiin college building lam chu ka pansan nghal.

Hmeichhe chak tak ka ni lo,ka pa ang hian Thlarau bo chhanchhuak turin ka in ringtawk ve lo a,chuvang chuan Malsawmsanga pawh hi a rilru ka thlak tir theih ka ringlo a ni.Ka thutiam chu ka hlen tawha kha karkhat kan in kawp chhung khan kan in hau ngailo chuan PATHIAN pawh kan sawi chhuak ngai heklo mahse vawiin khan a vawikhat nan avawikhat nan tak meuh meuh kan in karah Pathian kan sawi langa kan rilru a in hmu lo nghal der a nia.

.......................


Ti zawnghi ni rih phawt mai rawh se,ka type sa vawihnih lai ka tih bo avangin hmanhmawh tawkin ka lo type a achhan pawh zantin ka lo dah ang comments lamah ka tih avang khan lo dah ngei kha ka duh sia.hawrawp diklo atam mai thei a min lo hrethiam mai rawh u aw.nak zanah thui tawkin lo dah ka tum dawn nia.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 9th, 2021, 6:19 pm

Chapter-3



Class room a ngawi renga ka lo thut lai chuan vung zeta rawn kalin ka bul thutna awlah chuan Malsawmsanga chu a rawn thu nghal chat.


In be loa kan thut reng lai chuan kan thutna sira hmeichhe rawn thu ve chuan Malsawmsanga chu rawn bia in a number te chu pek atum ta mai,kei mithikthu chhia leh thinchhe bawk si hian ka lo ngaithei thak lo.


Malsawmsanga chu pawt deuh sawkin a kil lamah ka thut tir a,chunu nena an in karah chuan ka thu deuh hmak.


"I va zaklo ve" ka bula hmeichhia in thamlo zeta min rawn tih chuan alam ka hawi nghal vat.

"Tuna beisei nei taka I biak kha maw ka bialpa ania,ka thil neih midangin tlangnel taka min tawm hi ka phal hleinem" ka ti ta fak.A chang hi chuan Pastor fanu tur hi ka ni chiah em tih ka in zawt ve fo.


Chutia ka tawngkhum takah chuan thinrim taka phun bul bulin a thu sawn hmak.Kan college hmeichhe ho zawng zawng hian Malsawmsanga nena kan in kawp tak chin atang hian min hmelma en vek hrim hrim hian ka hre bawk.A bikin sawng Florence-i te thian ho sawn.


Nichin lawkah kal tir mai turin thuthlukna ka siam zo chiaha tunah lah mi hnenah ka bialpa tiin ka chhal leh nghal bawk sia.Malsawmsanga ka en chuan min ngaihsak awm ang pawn a awmlo dawhkan bawhin a mit a chhing daih.Leuluau mai.


Class lak chhung zawng pawn min be lo,an class a awmlo a engvanga kan class a rawn awm nge a nih pawh ka hrelo min biak a tum chuang bawk silo.Keimah zawk hian ka thiamlo hetia awm hi ka thusawi kha ko lo ti mah mah em ni le?


"Vawiin chu College banah lo kal ka tum dawn nia" Zira'n kan hma thutna awl awma lo thut thlak paha a rawn tih chuan lo nuih sen senin ka lu ka buk khum zeuh.


"Ka bialnu hi mi nazawng khawih ka phal hleinem" Zira'n a tih ziah dana ka chhip rawn tuai tuma a kut rawn lek chhuah lo vei per sakin Malsawmsanga chuan rum tak hian a rawn ti nghal hluk.


A muhil amaw tih lai laiin engtik in nge alo harh hman ni.A kut khingkhat chuan ka darah min rawn kuah nghal chat bawk.


"Mala inla thu viau suh Ruatkimi nen chuan thian alawm kan nih" Zira chuan ti ve bawk mahse Malsawmsanga hmel atang chuan Zira chu a ngaithei vaklo tih a hriat reng.

"Nia,Zira nen chuan thian inkawmngaih tak chauh alawm kan nih " tih paha min kuahna lak thlak ka tum chuan ka thei thaklo he pa tha ngah dan em em hi.

"Kal ang" tiin class room atang chuan min kai chhuak nghal nal nal.Keiin a hnungah ka ban a vawn tlat avangin thaw lawp lawpin ka zui thunga.


"A ni kha maw,kei aia I thlan tur dankhatna a I neih tur chu" college building hnung thingbuk hnuaia min din pui paha a rawn tih chiam chuan hlauh vangin ka lungphu chu a phu nghal dup dup maiin ka hria.


"Malsawmsang" ka ngawi leh dat,Eng nge sawi ka tum pawh ka hrelo tuna Malsawmsanga hi ka ngaina lo takzet.A sualthiamin chimawm viau thin mahse tuna a hmel ang hi chu a pu ngailo tunah chuan midang daih a ang takzet.


"Naute heihi hre rawh keilo mipa dang I thlan apiang chu I thlan ni la la in ka that ka that nghal ang" a tih leh ngat phei chuan ka tha a khur hial thei " I Chiang tiraw naute" a kut khinghniaa ka biang dawm chunga a rawn tih sup chuan hlauthawng takin ka lu chu thei leh theilo in ka bu zeuh.


Chu veleh "ka naute fel" tiin duhthaw zetin ka hmuiah arawn fawp nghal buan buan chhan en ah pawh ka en lo,ka lo dawh mawl tawpa mahse "naute min chhang rawh" tia min fawhna dam deuh zawka a rawn thlak takah chuan ka lo chhang let ve vat.


Kan in kar chu boruak chhia awm lo ang maiin tunah chuan atha leh vek tawh,thlifim dawngin thingbuk hnuai thutna awmah chuan kan thu duna,anuam takzet.


"Vawiin chuan eng nge ka hriatloha tih in tum" a rawn tih chuan eng a sawi tumna nge ka hre hauh lo.


" Eng nge I sawi chu " ka lo ti hu a,a ka atang boruak a rawn thaw chhuak hak bawk,chuta ahmel ka hmuh chiah chuan a thil sawi tum ka hre chhuak nghal.


"Zir-a thil sawi kha I sawi anih chuan engvak a ni lo,hla min zir pui dawna chu mi mai mai chu mawle" ka tih pawh chuan ala ngawi reng "a reng rengah ti nge kha tia Zira kha I tih kher a" a ngawih tak rengah chuan ka ti leh hram.


"Ka ngei vang" a ti duh hlek chauh.


"Thikthu chhe pa,ka bialnu te kha itia I bialnu ka ni chu Ivan in chhuang awm ve" tia ka fiam chuan ka zakah min rawn dek vak a nih chu,za ka ti bawk si chu ka tal vaka anih lah a ri chhuak meuhin a nui nghal hawk hawk.


"Keipawh tu emaw kha chuan mi hnenah ka bialpa tiin min sawi ve tho in ka hria" nui ver ver pa a mit hmul min kan khum ak ak hian a rawn ti leh,hepa han sual thiam zia hi chu kha tih lai khan hre awm anglo deuh a awmin min be duh miah silo a,tunah lah min tihzah nan a rawn sawi chhuak leh tho sia.Ava han ngeiawm tak.
.......................

"Haw tawh rawh" ka tih lawm lawm chung pawn a haw duh tlatlo.Kan in a lo luh tum tawh lo tu khan tunah kan in a chhuahsan duhlo leh thunga hepa han mak zia hi chu aw.He tia a haw duhloh chhan pawh Zira alo kal dawn vang ania mahse hei Zira pawh eng nge a hriat ni,tun thlengin a rawn la kallo phone in min rawn be bawk silo a.Buaina chu atawk em lo ang chu maw?


"Mambawih, Sawmtea nen khan lo phei ula chaw ei kan peih tawh ania" ka nu chuan choka atang min rawn au lang lang a.


"Tho rawh I haw dawn loh chuan chaw va ei ang" ka thutna atanga ding chhuakin ka ti nghal var a.A chhan chu maw ka ril hi tam namen loh in atam tawh tlat a ni.Kan Malsawmsanga lah chuan alu min lo la thin khum zui.


"Malsawmsang lo tho mai mai teh,ka ril hi atam tawh teh mai ania" a banah chuan pawh thawh tumin ka pawt ve takna a chet pawh a che eih lo.


"Naute min ngaihtuah suh ka ril ala tam lo a,nangmah khan va ei teuh rawh" tiin ka vawnna kut chu min phel sak nghal.Riltam leh thinchhia ka fawm kawp bawk sia maw, Malsawmsanga chu engmah sawi leh tawh lo in choka lam ka pansan nghal nal nal.


"Aw! ti nge nangmah chauh khawnge Sawmtea"ka nu chuan min hmuh velleh min lo zawt nghal chat.

"Ka ei peihlo,ka ril a tam lo atia" tih zawngin ka chhang ka kut chu tui dehna ah ka sil a,ka thutna thinah chuan tum burin ka thu nghal hmak.

"I la a ve mai sia maw,va sawm tha leh teh"


"Dik chiah Mate a zakve te pawh a ni thei a,va sawm leh rawh" ka nu thu sawi chu ka u in a rawn tuihnih nghal zat.


"Ril tam lo leh ei peih lo na na te chu eng tin nge ka tih vak ang" ngaihsam zeta tiin ka pa tawngtai hun chu ka nghaka ka nu leh ka u chu an la phun sep sep tho.


Ka pa ding chu atawngtai tura ngaiin ka mit chhin ka tum a mahse sitting room lam panin min kalsan daih.Ka pa kan lo nghah lai chuan Malsawmsanga leh ka pa chu chokaah an rawn in zui lut a,kutte a sil zawhah Malsawmsanga chuan ka bul thutna awlah thutna a rawn rem ve nghal.


"Sawmte kan inah chuan zah leh inthlahrun kha angailo reng reng kha hengte hi ei teuh rawh" tiin ka nu chuan Malsawmsanga thlengah chuan chawhmeh tui tha tha zu han suah sak bik a.


"Lalanu chu I fanu duat ka awm ve reng laiin ti nge midang thlengah chawhmeh I suah sak zel a" ka tih chuan Malsawmsanga chu a rawn khuh nghal khek khek,chaw a hmuam tam lutuk a a hak a ni ngei ngei ang.Tuiin tur ka pe nghal vat.

"Amak thin kha ka fanu duat nang pawh ei teuh rawh" tih pah hian Alu kanro chu ka thlengah min rawn suah ve nghal,ka nu hi chu a fel ania keima nu bik bik kha a ni miau a.

"Mambawihi chu kan duat leh mah maha Sawmte I hrethiam hram hram dawn ania aw" ka pa in a chaw bar mawlh mawlh pa in a rawn ti nghal vat.

"Dik chiah a mawl mawl nen eng tin nge I duh theih" ka u in ka pa tawng zawh rual chiaha a rawn tih chuan mengrum takhi ka ni ringawt.Malsawmsanga a nuih suk tih ka hriat leh phei chuan ka zak lutuk hi ka u chu ka melh vak ringawt.


"Nautei hi ka tan chuan hmeichhe dang ang a ni lo a,che naupang chhia in tawngkam duh tui lo viau thin mahse ka tan chuan a tha ber a chuan a tha ber kumkhua ang" tia Malsawmsanga'n ka chhungte hma a arilru a sawi chhuah chu mak tiin ka en renga,tuna a sawi zawng zawng kha dawt a ni em chu ka hrelo mahse mi ten dawn pawh lo ti se kei chuan dawn atan chuan ka phal hauh lo ang le.


"I chaw hmuam a chhuak dawn" ka u in a rawn tih chuan ka ang phuau in Malsawmsanga ka lo en tih ka hre ve chiah.Thu dangah pakai zelin kan titi chhun zawm zela tunah chuan Malsawmsanga pawn nuam a tih ve hmel tawh takzet.
...............

"Naktuk chu lo kal ve mai la" naktuk hian football club an picnic dawna kal ve turin min sawma,mahse tih tur ruahman lawk ka neih tawh avangin ka hnial a ni.


"Ka hmanlo,tih tur pawimawh tawk ka lo nei tawh a" ni hawi chi chip mial mial pah chuan ka phone chu loudspeaker ah ka dah a.

"A nih chuan I thil tih tur tal chu min hrilh ve la" a aw atang chuan a lungawi vaklo tih ka hre thei.ka nui suk a ka tello hian nikhat pawh a awm theilo a nih hi.Nichin lawkah kan in atang a haw chiaha tunah phone hmangin min be nghal ania,mahse keipawh hian reilo te ka hmuh loh pawn ka ngai nghal tho.

"Sawi chiloh,thuruk ania"


"Mate lo kalla chhung inkhawm kan hmang dawn" ka room a rawn dah zeuh pah hian ka u chuan a rawn ti a.

"I kal a hun a mi" ka u tawng ri alo hre pha a ni ngei ang.

"Um,ka dah phawt mai ang" kan in mangtha hnuah phone chu kan dah ta a, sitting room lam chu ka pan nghal vat.

Kan chhungkua hian tih dan bik kan nei a,zantin kan mut hma in Chhunginkhawm kan hmang ngei ngei thin a,chaw kan ei dawn apiangin tawngtaina kan in hman chhawk thin bawk.

"Hei Mambawihi pawh ngaihzawng nei rualte ilo ni ve tawha ahma a ka sawi fo thin I u te pawh ngaihzawng an neih tan tirha ka hrilh fo thin ka hrilh ve dawn che a" ka pa chu ka en kar a,hetiang hian a ti ziah thin a fate hi eng kawng pawh lo zawh ila thurawn tha tak tak min pek tur ka pa hian engtik lai mahin a haihchham ngailo.

"Keini in nu leh pa te chuan in kawppui tur atan chuan mipuitling tak, Kohhran leh khawtlang tana hnawksak lo Pathian tihmi tak kan duh pui che u a,chutiang chu zawng ngei turin kan duh bawk che u" a tih lai chuan Malsawmsanga ka ngaihtuahna ah a rawn lang nghal mi feltak chu a nia lawm mahse Pathian tih mi tihah chuan ka rilru hi a hnual nghal der.Chan ka hlauh em avangin kha ni kan in hauhni bak kha tilampang hi ka la sawipui leh lo hrim hrim,sawi pawh ka duh tawh hek lo.

Ka muthmunah te chuan ka inngaihtuah neuh neuh a, Malsawmsanga hi ka tan mipa tha ber a ni a ngem tih te,lo inkawp chho zel ta ila,anun siam tha leh theilo ta si ila ka pa hian ka neih a phal a ngem le? Ka u te chuan ka nu leh pa duhthusam tak Kohhrana Rawngbawl tu tha kawppui an neia mahse kei ve hi.
.....................

"U Ramsang kan zo thawkhat chuan ka hria" kan room chei enfel pah chuan ka han ti a.

"A tha tak tak maw,I u duhzawngte kha alo ni lo palh a nge,engkim kha uluk takin ennawn leh vek rawh" zamna leh phurna aw in pawlh nuai hian min lo chhang let vat.

U Ramsanga hi ka u bialpa ania chuan vawiin hi ka u Birthday a nih bawk a chuan tunah hian inneih puia sawm a duh avangin ka u chu ka nu leh pa in an hruai chhuaka kei leh U Ramsanga'n ka u room kan lo chei thung a ni.A tirah Kan pangpar duh zawng kan hmuh mai loh avangin Bazar-ah kan zawng kual hrep a chuvang chuan ka hah tawh takzet a ni.

U Ramsanga hi Doctor niin Shillong lamah an chhungkua in an awm a,mifel tak an ni bawk,tunah hian ka u in Mizoram-ah a awm tih pawh a hrelo kan surprise dawn a ni.

"Mate ilo hah em? hei ka pa te hian I nau in eirawng a bawl dawn hmanhmawh a ngailo an ti tlata" inchhung a rawn luh rual in ka u chuan a rawn ti nghal bawrh bawrh.

"Hah lo e,I Birthday te a ni sia ka Rawngbawl ngei ei tur in ka duh che lawm" ka ti ve ngei,khawilama Rawngbawl U Ramsanga'n zanin chu Hotel-a zanriah kan eina tur a book fel vek tawh ka u bum nana kan chhuanlam siam mai mai a ni.


"In hah awmsia in tifai ula chaw kan ei dawn nia" pangngai tak chuan ka ti zela.

"Nia,ei vat vat te ang u Ramsanga pawh biak ka duh vawiin hi eng nge a hriat min lo la be miah lo" tia phun bul bulin a room lam chu a pan hnak hnak a.A hnungah ka nu leh pa te nen chuan nui vur vur in ka u chu kan en zui a.


Rei vaklo hnuah ka u chu mak tih vangin a rawn au ta vak,nui chungin ka u room lam chu kan pan dial a,ka u chuan min rawn en in "Mate heng zawng zawng hi" a hmelah chuan a lawm tih mimawl ber pawn an hre thei ang."ka lawm e" tiin min rawn khuah a.


"Present dang leh I wardrobe saw va hawng teh" ka tih chuan mak tih hmel taka min en in wardrobe lam chu a pan a,a hawn chiah chuan ahma aia ringin a rawn au leh.

"Lalpa eng thil nge Ramsang" tiin a kuah nghal chung chung bawk ka u hlim dan tur hi ka hriat pui, Mizorama kan let hnuah tun hi an vawikhat in hmuh leh na chauh a ni.

U Ramsanga'n ka u inneihpuia a sawm lai te leh ka u in 'aw' tia a chhan lai te chuan Malsawmsanga hian keihi nupui tur atan engtikah nge min sawm ve ang tih ka lo ngaihtuah a,tiang hun chu lo thleng ve ngei se ka duh takzet.
..................

MALSAWMSANGA POV


"Nautei leh mipa pakhat Bike a rawn in phur ka hmuh chuan ka ngaihtuahna te hi an mang vek maiin ka hria,kan thian ho in nghahkhawmna bul lawk a,pangpar an zawrna dawrah chuan inkuah a nui chungin an lut dun a,an hlim dun zia chu a hmu tu te zawng zawng hian an hre vek ang.

'Tih tur ka nei' a tih kha mipa dang date tur alo neih vang lek a nih dawn hi,kei lah chuan ka lo ring ve em em a.'Naute ka sawilo em ni keilo mipa dang an awm tur a ni lo' tiin.Picnic naah pawh chuan ka kallo.Nautei te chu dawr atanga an rawn chhuahin ka zuia in lam panin an tlan let leh a,inchhung an luh hnuhah pawn lamah vawikhat mah an rawn chhuak leh tawh lo.


Pawnah chuan ka nghak renga,tlai thim thet thet tawhah a chhungte zawng zawng an rawn haw ve chiah.Ngawi teh nileng khan an pahnih chauhin inchhungah khan an awm tihna maw.Naute ka thil ngaihtuah hi thlen tir lo hram ang che.

"Zan mut dawna nautei'n min rawn phone a tum pawn phone chu ka chhang duh lo tlat a,a chhan chu maw in sum zo lo in ka ngaihtuahna a thilsual awm hi ka tihpuitlin mai ka hlau a ni".

College kal tur pawn ka sawm lo a, Florence-i nautei'n a thik tih ka hriat avangin ka sawm thung.College kan thlen chuan Nautei ka hmu nghal chat,ka Bike hunna thinah lo dingin kei leh Florence-i Bike a in phur chu min lo en reng.

"In biak ka duh" nem lem lo taka ti tu chu chimawm zeta nuih in Florence-i chu a kawngah ka kuah a.Nautei hmela mak tihna leh thikna hmel lo lang chuan min ti lungawi tlat.


"Duat kal ila" no taka Florence-i'n a rawn tih leh ngat phei chuan Nautei hmel chu hmuhnawm tak a ni,mahse ka lu ka buk khum rual chia a Nautei mit menga rilru natna rawn lang chhuak erawh hmuhnawm ka ti thei ta hauh lo,nichin lawka thinrimna hmel kha tunah chuan rilru natna in a rawn luahkhata chu chu kei hian hmuh har ka ti tak zet.

" Malsawmsang" tia Nautei phun sup ri chu amah Nautei kan kalsan dawn chuan ka bengah hian a ri ring ngei mai.Ka rilru thlaka Nautei chu kuaha ka hmangaih zia thu va hrilh chu ka chak takzet mahse ka ti tur a nilo.


Nilengin Nautei chu ka pehhel ti ila,a hmuh theihah Florence-i ka awm pui a min biak a tumin ka be duh lo lui ti ila a dik zawkin ka ring.Mahse college ban chuan ka hliama acid min phul sak leh ang mai a na in.Nautei chu Inrinni a amah Bike a phurtu khan a College bang chu a rawn lam leh tlat.

Eng tia thui nge an kal tawh a,engtia rei nge kei hi min lo bum tawh ang le,min duh ve viau amaw ka tih lai khan mipa dang kawp alo nei reng si a.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 9th, 2021, 6:19 pm

Chapter 4


LALRUATKIMI (Nautei) POV


Tun nithum chhung khan eng nge Malsawmsanga chungah thleng pawh ka hrelo ka phone call a lak duh loh mai bakah college ah min be duh lo a, Florence-i nen an rawn inzui leh bawk.Hetianga a awm chhan tur ka ngaihtuahin a chhan awmang ka hre bawk silo.


"Mate thenawmpa nen sawn in in hau em ni" sitting room a ka phone en paha ka lo thut lai chuan ka u in a rawn ti a.

Vawiin atan tunah khan avawisawmna ni turin ka phone call chu Malsawmsanga'n a chhang leh ta lo."ka hrelo ti nge"ka u chu ka en nghal vat.


"Alo leng ngailo em a,chubakah nimin kawna puanthan ka en lai khan hmeichhe dang nen ka hmu a" ka u hian ti hian inah awmin puan alo thui ve thin a Pathian zarah dawrtu pawh a hmu thei fu.


"U,thil tihsual ka neih pawh ka hre silo a mahse ka phone call pawh I Birthday tlai atang khan a chhang duh tawh lo." A ni renga ka u Birthday kha Inrinni a ni a,an picnic ve tho avangin chhunlamah ka be duh lo a,Zan mut dawna ka biak dawn in ka phone call a la duh lo a,atukah nen chuan nimin leh tun darkar thleng pawh hian min la be duh lo tluang zel chu a nih hi.

"Chhan awmlo in hetiangin a awm ringawt lo ang,han in ngaihtuah Chiang teh ka hmuh theih chinah Sawmtea hi mifel tak niin ka hria a,nangmah hi a thiamlo hmasa zawng inia nga I hrelo mai mai aniang"


Ka u berin chutia a tih takah chuan ka thil tihsual tur awmang ka han ngaihtuah leh a mahse ka hre chuanglo.Nge ni a an picnic na a kal ve tur a min sawmna ka pawm loh vang zawk mahse chu chu thinrima hetianga awm phah nan chuan a beitham mah mah ka ti bawk si.


Engpawh chu nise college kal phawt ila,Malsawmsanga chu eng pawh tih ngai dawn mahse ka be ngei ngei tawh ang nimin ang mai mai khan ka enliam tawh lo tawp ang.Min hne a min then a duh anih chuan ka pawm mai tur a ni kal duh na na chu engvangin nge ka lo chelh bik ang,mahse ka ngaihtuahna ang hian awlsam takin ka kal tir thei a ngem ka hrelo.

"Ka in ngaihtuah tha leh dawn a nia,tunah chuan ka tlai dawn ka kal phawt mai ang" 1st period ka awl avangin ka kal tlai deuh bawk hrim hrim a.

"Awle" pawn lama Car ri a hriat chuan kawngka lam a hawi phei a "e! chu Ramsanga pawh alo thleng alawm in thlah tir nghal daih rawh" a ti leh nghal zung zung.Ka u tak hi chu URamsanga hi a duh duhna a tirh kual tur amaw hi atia a rawn len ve tum te hian a tir nasa thei ania aw,eng tin nge U Ramsanga hian a duh em em thei zawk pawh hi ka hrelo e a.


"Leh ngawt zela che,a haw thla leh tep tawha a ngai che a a rawn rim ve dawn em em che a,lo tirh tirh te kha tum miah suh" ka tihpawh chuan engah vak a ngaih hmel loh.

"E! kha ka nau duat chu Class Ila kal na nge" kawngka a kan in tawh chuan aw z*ng vah hian a rawn ti nghal.Lo nuih in ka lu ka buk khum leh zeuh.


"I duat bawka va thlah nghal lawh lawh teh, motor chan chawp ngailo in" ka u tak hi chu aw,a tawng rang bawk si.

"A ngailo niminah lah min lo lam tawh bawk a ka ti buai lutuk ang che,u I a thei lutuk" ka lo ti ve nghal vat.

"Ka Boss in chutia a tihtakah chuan lo kal la ka va thlah ang che" hei lah hi ka u thu thu hian a awma inkawp awm reng pawh an ni.

URamsanga chuan min thlah lui ta tho a,kan kal dawn chuan ka u lahin ei tur ala chah nasa em em zui.An in neih hunah Shillong lama awm daih an tum sia ka u ka ngai lutuk tur ka ngaihtuah hian ka lung a leng lawkin ka tah a chhuak nghal tun maiin ka hria.


"Anih ka lawm lutuk aw,ka u hi in tirh kual tir vak vak zel suh in in neih hunah I ngamlo lutuk palh ang" kan college kan thlen chuan ka ti a.

"Hmangaih ber te chuan engpawh lo sawi se eitur tui ber ang maiin kan lem nghal duak duak mai chu a nih ber hi" a ti duh hlek chauh."Chubakah I u hi chu ka hlau ve hrim hrim a" uang taka a rawn tih leh chuan chhuk mailo in car chhungah chuan kan han nui dun leh riha.


Malsawmsanga'n min be duh bawk silo Zira chu lo awmlo se ka khua a har thei ngawt ang,ka bulah awmin fiamthu a thawh renga Malsawmsanga avanga ka ngaihtuahna kal bing lutuk tur pawh a ti ziaawm ve deuh.


"Lo Chuang rawh" kan hma taka a Bike nena rawn dingin Malsawmsanga chuan Zira nen chuan mitmeng thim khup hian min en a.

"Mal..."

"Naute ka dawhtheihna hi apan viau ania" ka tawng lai lai chuan a rawn ti leh hluk.

"En teh Mala...."

"Naute" Zira lo tawng ve leh tur pawh chu chutia Malsawmsanga a rawn au vak takah chuan a ngawi leh rih a.

"Kal suh" Bike a chuan ka tum lai chuan Zira'n ka bana rawn vuanin a rawn ti sup.

"Zir,a tha vek min ngaihtuah suh" tia nuih suk paha ka tih takah chuan ngaihtha zanlo tih hriat tak hian ka ban chu muang changin a thlah riai riai a.Malsawmsanga pawh a Bike a ka chuan fel rual chiahin a tlan chhuak nghal.


"He tah eng nge kan tih dawn" an inah min hruai a nih chu,a ngawi ngul reng bawk sia.In chhungah chuan min kai lut zela an Sitting room ah hian a nu wheel chair ah alo thu a.

"Mama kha khawilama I thiannu nge ava hmeltha ve" chu tia inkai chunga kan lut min lo hmuh rual rual chuan a lo ti nghal vat.

"Nu nupui ka lo ru a" ngaihsam zetin a ti ta mai.

"Maw,eng nge awmzia" a nu pawn kei ang tho in tuna Malsawmsanga thil sawi chu mak a ti tih a hmelah ka hmu thei.

"Nu nakinah engkim ka la hrilhfiah vek ang che" tiin a Room lamah min kal pui leh nghal nal nal.

"Hei mawla,ka haw duh" a room kan luh rual rual chuan ka au khum nghek.

Kawngkhar chu lock-in chabi a ang daiha,towel la in bathroom ah min luh san daih.

Ti ngaihna awm heklo a room chu ka en Kuala a felfai thlarh mai.A postter tar atam zawk chu Footballer an ni a,mahse an hming pawh ka hre Chuanglo.Infiamna lam hi ka ngaihsak ve vaklo a Malsawmsanga avang hian inkhelh hi chu ka en ve zeuh zeuh thin.

A rawn chhuah leh chuan a khumah tum bur hian ka lo thu a,towel chauh venga a rawn chhuak ka hmuh chuan rang taka hawisawn in ka mit ka chhing nghal,chu chuan a nui a tiza a ni chek ang chu a rawn nui ri suk mai.

"Malsawmsang ti nge tiang hian I awm tlat a" amah pawh en lo in ka ti nghal vat.Min chhanglo a in thlak pawh a ni mahna.

"Lo hawi teh" ka bulah a rawn thu tih hriat takin khum chu a hniam nghal sut a.Ka mit pawh la meng Chuanglo in ka lu chu ka thing vaka,a nui ri hawk hawk mai.

"Thawmhnaw va ha phawt rawh" ka ti leh nghal vat.

"Mengla ka hak leh hak loh chu I hmu mai dawn alawm" chimawm zeta a rawn tih chuan muang changin ka menga tawnzau var leh Boxer dum alo in bel tawh.


Min lo nuih ver ver tu chu rum tawka melhin "misualpa min haw tir rawh" tia au khumin a awmah chuan ka chum sak a,hetianga in ruka pasal neih hi ka duh lo reng reng.Chubakah ka chunga a thil tih avang khan ngaihdam mai mai ka tum lo bawk.

Chutia ka chum lai chuan ka ban rawn man thutin khumah chuan min bawhbet nghal,kan mit leh mit in tawngin khawdang hawisan kan tum tawh lo.Kan in melh renga thawklehkhatah boruak a rawn lum thut nge a vawt thut zawk pawh ka hrelo ka taksa chu zam avangin asa pup pup a,zam vang bawkin ka tiril thlengin a khur nghal bawk,ka chil chu ka dangro lutuk tih reh nan ka han lem nghal khawl a.

Malsawmsanga pawh kei ang tho in a taksaah danglam a awmtih ka hre thei,muang changin ka hmui melh reng chung chuan a rawn kun hniam zela,ka lo maimit chhing tawp.

"A na lutuk" ka phone a rawn rik thut avang chuan inring hmanlo in ka che phuta a chal leh ka chal a in tauh ri nghal bawp mai."I lu ava chang ve" a chal tuai vat vat pah hian a rawn ti leh hram.

"Aw u" Malsawmsanga pawh chhanglo in ka ti nghal a.

"Mate hei Ramsanga tleirawl hawklak ho in an lo sawisa a ni awma ka nu te nen Damdawiin lamah kan awm aw" tiin ka u chuan an chanchin chu min rawn hrilh nghal mawlh mawlh.

"Ka haw a ngai" phone ka biak zawh rual rual chuan khum atang tho in ka in siam tha nghal sawk sawk a."Malsawmsang ka sawi chu I hria em ka haw angai" chelo a khuma alo thut reng avang chuan ka be leh.

Ngawi rengin mi en a,Eng nge a ngaihtuah tih ka hre theilo "a tha e,khawnge chabi " ka rilru chi ai nen ka thinrim tunin ka hria.


"Ai Naute min kalsan suh" chabi ka dil avanga ka kut lek chhuah lo vawn pah chuan a rawn ti ta nge nge.

"Hriatthiam tum teh URamsanga tunah Damdawiin-ah thichhawngin a awm meka ka kal ve vat a ngai alawm" ka tih chuan ka kut chu a peih thla nghal sawk.


"Ramsanga chu chu maw ahming, eng nge ani khan ka neih loh neih a nei bik a,I kallo ang ka tih chuan I kal dawn lo a ni mai" tiin lehlam hawi zawngin a thu hmiah.


"Maw,URamsanga I hria maw...." mak ka ti engtin nge ani hian U Ramsanga alo hriat theih an la in hmu bawk silo mahse a sawi dan atang kha chuan hresa a ang bawk si."eng tin nge URamsanga chu I hriat" tia ka zawh leh pawh chuan min chhang tawh lo.


"Ka duh theilo" ka ngaihtuahna a thil lo lut zawk avang chuan ka ti chhuak hluai a "Malsawmsang min en teh" tiin ahmaah ka va ding.Muangchang hian a rawn hawi chhuak a.


"I tih a ni em?" Min chhanglo in min en reng "sawi rawh URamsanga hi nangma.."


"Aw,ka tih a nih kha" tiin ka tawnglai chuan a rawn ti chhuak a " ka sawilo em ni,keilo mipa dang I thlan chuan ka that ang tiin " rawn ding chhuakin a ti leh.


"Ai,a ni lo Malsawmsang.." ka sam ka hmai zar tu hui kiang pah chuan ka ti a,eng tin nge hetiang hi a thlen thei.

"Min en teh" ka kalsawn tur chu ka bahah a rawn vuan a " Naute min en rawh ka tih chu" ka lo tal ve deuh avang chuan ka luah a kut khinghniha rawn chelhin a au leh nghek.

"Ka ta chauh,ka chauh I ni" ti mawlh mawlh pahin ka chal leh achal chu a in sik tir a,"I kal dawn lo" eng eng emaw sawiin a phun bul bula a thil sawi ber pawh ka hre theilo.

"Tunah Damdawiin-ah min hruai rawh" tih chu ka tawng chhuah leh hmasak ber a ni.

"Ai,ka nupui I ni dawn khawiah mah I kal dawn lo"

"Ka duhlo min kal tir rawh" hlauh vanga aw khur chung hian ka ti a.Eng nge ka hlauh ka hre chiahlo mahse tualthah hrelo tu Malsawmsanga bula awm hi ka hlau deuh tlat a ni.

"A theih lo" tiin khuma min bawh thluin ka duhlo chung min khawih a tum ta mai.

"Nilo,Mal... Malsawmsang ti suh" kan insual hi a ni ber tawh.Tun ami hi ka hriat thin Malsawmsanga kha chu a ni theilo.

"Mama eng nge thleng,in va tawng ring ve" tia pawnlam atanga rawn tawng ri ka hriat chuan ka lawm takzet mahse Malsawmsanga chuan tawp a tum chuanglo.

"Mi...min..min pui ru" tiin ka thei anga ringin ka au a.

"Lalmalsawm lo hawng teh" tiin midang pawh an rawn au zel a,mahse awmzia a awmlo.

"Khawngaihin Malsawmsang" beidawng zeta ka tih chuan ka mitah tak min rawn enin a che lai chu a tawp nghal chat.

"Naute..."

"Khawngaihin" mittui luang zawih zawih in ka ti leh hram.Chutah a tha a thlah dul deuh tih hria in ka nam sawn a,kawngka lam chu ka pan nghal vat.

"Hmanhmawh rawh" tia pawnlama an tawng thawm pawh chu ka hre thei mahse an lo lut thei silo.

"Khawngaihin min pui ru" tiin kawngkhar chu ka chum a,khumlam ka va hawi leh chuan Malsawmsanga chu che miahlo in khumah a thu a,alu dawmin hnuailam alo bih ngur bawk.


"Eng nge thleng" kawngka chu rawn in hawngin Malsawmsanga nu leh au ni awm tak leh an awmpui te chu an rawn lut nghal.

"Ka rei mama eng thil nge I tih" a nu in ka awmdan a hmuh rual rual chuan afapa chu a zawt nghal.Mahse Malsawmsanga ber lah chuan kan awm ve tih pawh hrelo ang maiin a nu leh u biakna te pawh chu chhangna chang a hrelo.

An chhungkua hi Malsawmsanga sawi dan chuan pali an ni a,mahse a pa chu car accident ah aboral thu min hrilh tawh a avangin room a lo lut ve hmeichhe smart tak chu a u anih ka ring nghal hmiah.

"Ruatkim ka nau thil tih tum kha a dik chu ka tilo mahse apawi tur ber a thleng Chuanglo a chuvang chuan tuna thil thleng kha min zep sak thei a ngem?" Dam dapa rawn titu U Mapuii(Malsawmsanga u) chu ka en a.Ni e,a tih tur awm reng a ti ani anau neih chhun venghim tur in he hmeichhia kei ka ni in ti a, mahni lu zo vehvawh hian in phahhniam takin a nau tan min ngen mek a ni.

"Thil thlengin ala nghawng lutuk che a nih kha" tiin ka chhan mai loh avang chuan rawn ti leh in min kuah a,tunah chuan an sitting room ah kan thu a Malsawmsanga chu a room ah ala awm char char.

"Naute" tiri ka hriat rual rual in ka hlauhthawnna chu angai ngaiin a rawn let leh nghal vak a,Umapuii chu nghet takin ka kuah nghal chuk chuk bawk.

"Malsawmsang ka fapa tia sawi che pawh hi ka zak takzet,engtin nge Ruatkimi hmuhah pawh ila rawn in lan ngam zawk" a nu chuan ka thlavang hau tak hian afapa chu alo vin nghal hluk hluk a.

"Naute" ka thutna bul chhuatah chuan a rawn thu a " ka tihpalh " inthiamlo tih hriat tak hian a rawn ti sup,mahse tawng turin chakna ka nei tawh lo.ka mittui hul tawh chu Malsawmsanga ngaihdam min dilna tawngkam khat lek avangte leh a hmela inthiamlo na te avang chuan a rawn luang leh a.
.............

"U min lo va chhuahsan lawk " Malsawmsanga'n a tih leh chuan Umapuii en chuan ka lu ka thing nar nar a.Kan inah an unauin min hruai haw a,ka chhungte zawng zawng Damdawiin lama an awm avangin ka lawm letling phian achhan chu ka chunga thil thleng hi ka hrilh dawn nge dawnlo tihah rilru ka la siam lo a ni.

"Mahse mam..."

"A reilo ang" a u tawnglai a alo tih hluk chuan Umapuii pawh chuan min chhuahsan ta a.

"Naute" ka hma a rawn thu in ka kut chu a rawn hum bo vek a."ka thil tih kha a diklo tih ka hria mahse chan che ka hlauh em vang ania, khawngaihin hei vang nilo engvang pawh nise min kalsan suh aw chuan ka tihpalh" tiin ka chala rawn fawp vang vangin khumah chuan min muttir in puan min sin tir a ka room chu a chhuahsan nghal.
................

MALSAWMSANGA POV


A room ka chhuahsan rual chiaha Nautei tap ri chu a room kawngkhar nghenin ka ngaithla a,mahse hnem tur in tih theih ka nei silo.Ka thil tih kha a diklo tih ka hria mahse kha tih lai kha chuan Nautei'n min kalsan ka hlauh em avangin eng thil nge ka tih pawh kha ka hre tawh lo,ka hriat chhuah meuh chuan ka lo tlai thelh tawh alo ni.

Min kalsan lo tur a ka duh em avangin keimah ngeiin min kalsan theihna tur in kawng tha tak ka kawhhmuh ta zawk a.Khapa nena car chunga an nui dun ka hmuh khan ka in sum theihna ka hlauha ka thiante pahnih sawmin kawng lakah kan lo ti dinga kan khawi rawn kha a ni a,mahse Nautei'n chu chu a hriatin min kalsan a tum leh si a.Kha bak chu kawng dang Nautei chelh nan ka hre thlawt lo a ni.

"Mam haw ila" tia ka u in min rawn biak pawh chuan chhan mai nachang pawh ka hrelo,room chhunga hmeichhe tap saw ka hmeichhe hmangaih a ni a chuan tunah sawn keimah vanga tap a ni bawk,kei mi laktlak loh hian ka ti na takzet a ni.

"A tha leh vek mai ang" min kuah chunga ka u in a rawn tih chuan ka mittui a rawn hman ve ta.

"Ai,u engkim ka ti chhe vek zawk a ni Nautei hi ka hmangaih lutuk asin mahse keimah,keimah ngei hian..." sawi zawm thei lo in ka u kuah chung chuan ka hmeichhe hmangaih tah rual chuan ka tap ve ta a.


Ka u chu ka ngen tlat avangin Nautei nu leh pa te an lo haw hma Nautei chu an inah kan lo awmpui a,an rawn thlen chuan ka u in Nautei chu a nawmsam vaklo vanga mu hma angin chhuanlam chu a siam ta ringawt.An fanu chunga ka chet dan hi hria se Nautei nu leh pa pawh hian an fanu hnaiha ka awm leh pawh hi an phal kher pawh ka ringlo.
.................

LALRUATKIMI (Nautei) POV


Kha thil thlen atang khan nithum aliam leh tawh,pawn ka chhuak ngailo a,ka chunga thil thleng pawh tuma hnenah ka sawilo a ka chhungte pawn boruak in thlakthleng dawn vanga hritlang kaiah min ngaih avang in zawhna min zawt em em lo.


Chubakah URamsanga hian ka chhungte rilru a la pek ve hrim hrim bawk a.Tunah chuan URamsanga pawh alo harh chhuak tawha mahse amah khawihtu a hriat miau loh avangin police lam pawn tih theih an nei vaklo.Vawikhatmah ka la hmu ve lo a hmu pawh ka in thlahrung keimah vanga hetianga awm a nih mai bakah amah khawihtu hre reng chungin ka zep bawk si a.


"U,ka chhuak peihlo e.." ka u in Damdawiin a kalpuia min sawmna chu ka hnial hreh deuh avangin ka in siam a.

"Inah I tawm rei tawh lutuk,chubakah vawikhatmah Ramsanga ila tlawh velo" tiin min hruai luih tal chu a tum a.

"Kha tukin lam chu iva tlangval awm ve" cabin chhung kan luh chuan ka u chuan a ti lut nghal a.URamsanga leh amah awmpuitu anutei chu kan lam lo hawiin an rawn nui nghal var var.


"Hei 'Remi,Remi 'alo ti chhen tawh mai" tiin anutei chuan URamsanga chu a fiam nghal zeuh a,an nui leh dar dar.Kei chu ka inthiamloh em avangin kawngka bulah dingin nuih pawh ka lo nui tha ve ngamlo.


"Aw! Ruatkim ilo kal ve alaw I fa fel ve,ding renglo khan he tah hian lo thu rawh" URamsanga nutei'n a tih chuan zawi muangin an lam chu ka pana URamsanga ka en chuan min lo en in min nuih suk.

Reivaklo kan thut hnu in URamsanga nutei chu a haw a,ka u chuan va thlah pahin thil kan lei lawk a tih avangin a zui chhuak ve nghal a,ahma a sawi tur hre em em thin khan tunah chuan sawi tur ka hre ta hauh lo.

"Minlo van kan duhlo ve" kan ngawih dun reng hnuah chuan amah zawkin a rawn ti ta nghe nghe a.

"Ka tihpalh" ka ti ringawt a bak sawi tur ka hrelo, Malsawmsanga venhim ka duh na lamah thil sawilo loh tur ka sawi ang tih ka hlau ber niin ka hria.

"Eng vang ngawt chuan min sawisa tu pawh ini hleinem" nui suka a rawn tih chuan ka thin phu rang lutuk chu ka kutin ka awm ka dawm nghal vat.

"Maw...a..aw nia tiraw" bah deuh nawk chuan ka lo chhang.

" Min khawihtu te kha I hria em?" A rawn tih takah chuan ka hlau thawng tawh takzet.

"A..maw..I..I hria em ni" ti nge ka tawng reng reng chu a ni tak nuai mai le, Malsawmsanga an hriat chhuah ka hlauh vang a ni ngei ang le.URamsanga'n a lu a rawn buk tak nghut chuan ka tap chhuak tawp.

"Min ngaidamrawh ka thiam loh vek a ni, Malsawmsanga'n thiam lohna a neilo khawngaihin Police hnenah chuan report lo hram rawh" zah pawh dawn lo in URamsanga chu ka ngen ta tawp.

Malsawmsanga thiamloh a nihzia leh ka chunga a thil tih hre reng chung pawh hian hremna ahmuh a Police ho in an man chu ka la phal thei Chuanglo."Khawngaihin URamsang tun chauh hi..." Ka sawi zawm theilo ka tap a,ka hlau takzet Malsawmsanga thil tih an hriat chu ka hlau takzet a ni.

"Ruatkim ka thih phah tep tih I hria em" thutak zeta URamsanga'n min zawhna chu chhan dan tur ka hrelo,ni e Malsawmsanga avangin a thi tep a chuan keipawn ka thianghlimna ka hlauh tep bawk mahse,ni e 'mahse' ti hi ala awm tlat a ni.

"Lo thi ta ila,Ruatkim thil ti sual tu hi ila hum dawn tho em ni?"

"Ai,chutiang chuan tisuh URamsang khawngaihin" ni e heti khawp hian Malsawmsanga hi ka lo hmangaih ang tih ka ring ngailo,ka chunga athil tih vang tal pawh khan huat ka duh mahse amah ka huat duhna ai chuan ka hmangaihna hi a nasa zawk tlat a ni.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 9th, 2021, 6:19 pm

Chapter 5


URamsanga chuan thil tisualtu kha alo hre renga,achhan pawh Malsawmsanga'n ka hming chhal meuha thah a tum thu alo hrilh vang ania.Police hnena a report loh chhan chu ka ngaihdan leh eng nge chutianga Malsawmsanga'n a khawihngawt chhan hriat alo duh vang lek chauh hi alo ni.

"Ruatkim,Remi nau I nih vang pawh nilo in,ka nau tak tak anga ka hmangaih vang zawk che in heihi hrilh che ka duh,tuna I mipa kawp lai hi kawp chhunzawmlo hram la ka duh takzet"

"URamsang.."

"Hmangaihna hi atchilh thei a ni a,kan chhia leh tha hriatna hmang thei lo khawpa hmangaihna kan atchilh chinah chuan hmangaihna hian min ti chhe vek thin." Ka kut rawn vawn pah hian " ani khan a hmangaih takzet che pawh a ni thei mahse I pa nihna te ngaihtuah la ani kha chu I tan athat ka ringlo" dam dap hian a rawn ti leh.

Damdawiin atanga kan haw hnu pawn URamsanga thil sawi chu ka ngaihtuah renga a dik ka ti viau.Malsawmsanga hi duh in lo hmangaih viau mahila ka tan a ruat a ni lo a nia nge.

URamsanga sawi ang khan hmangaihna hi mawiin duhawm viau mahse kan nun ti chhe tu a ni ve thei tlat.Malsawmsanga'n keimah vanga tualthah hial a duhna te chu keima thiam loh a ni a,chuvang chuan ka kal tir a ngai atan hian ka tha tawk lo a ni.
................

"Nu ka kal ania"

"Kha bawnghnute hi in leh phawt rawh" tiin ka nu chuan Choka atang bawnghnute no a rawn keng chhuak a.Tunah hian kan exam mek a,ka nu hian ka eitur pawh a duh uluk thei khawp mai.

"URamsanga chu naktukah a haw tawh dawn tak tak em ni"ka u a room atanga lo chhuak chu ka zawt nghal vat.Karkhat lai alo liam leh ta reng mai khang thil thleng duhawm loh tak tak hnu ah khan.

"Um,chuan nu tlaiah hetah chaw rawn ei turin ka sawm ania aw" a ti nghal zat.URamsanga vawiin ah Damdawiin atang a chhuak dawn a chuan ka u nen pawh an in neih tep tawh.Palai hmel pawh vawikhat chu kan hmu tawh a,an sawi dan kha chuan URamsanga dam fel veleh a in neih an tiin ka hria,mahse palai lo kal leh hunah thu Chiang chu a awm chauh ang.

"Ruatkim"

"E!Umapui nang elaw " Car chhung atanga min lo au tu Umapuii ka hmu chuan ka ti nghal vat.

"Lo chuangla in college peng thleng ka kal dawn alawm" atih avang chuan a car-ah chuan ka Chuang lut a.

"I exam te chu I ti tha em" motor khalh pah chuan min be siam siam a.

"Um,ti tha a ni mai" ka lu buk khum ngut ngut pah chuan a zawhna te chu ka chhang ve zel a.

"I.. Ruatkim zak theilo leh mahni hmasial takah pawh min ngai mahla pawi ka tilo mahse khawngaih takin ka nau hi ngaidam hram ta che" inthlahrung taka Umapuii'n a rawn tih chuan alam ka va hawi a,min rawn en zawkin hma lam a en leh.

"Ka ngaidam,nilo Malsawmsanga hi eng tikah mah ka haw ngailo" ni e,he thil hi a dik huat ka duh ber lai pawn Malsawmsanga hi ka haw theilo a,ka ngai em em zawk a ni.

"Anih chuan ti nge I biak duh chuan silo,ka nau hian a tisual tih chu ka hria mahse a hmangaih takzet che asin"a hmel atang leh a thusawi atang chuan a nau a hmangaih zia a lang chhuak hialnin ka hria.

"Ka theilo,pawi ka ti lutuk" eng nge ka sawi tum chiah pawh ka hrelo,Malsawmsanga chuan vawitam min biak a tum thin mahse keimah zawk hian pehhel dan kawng ka dap char char zawk thin.

"I sawi awmzia chu ka nau hi hmu leh I duh tawhlo tih na maw"

"I...Umapui.."

"Enteh Ruatkim ka nau hi a thil tih avang khan a inchhir takzet a,hetia ilo biak duhlo a kalsan ilo tum leh zel chuan a dam chhuak zo lo ang" College gate bulah chuan a car chu ti dingin ka kut chu a kut khing hnih in a rawn hum nghal chat.

"Ka ngen che a ni.Tun atanga hun reilo teah hian India team-ah luh theihna chance a nei dawna mahse tuna a awmdan angah hi chuan a lut thei dawn lo sa a,then I duh a nih pawn chumi thlen hma chu ka nau hi pui hram rawh"
...........

Ka paper-ah khan eng nge ka ziah pawh ka hrelo,ka ngaihtuahna ah hian Malsawmsanga chauh a awm.Ka hmu ngailo a ka hmuh ve chhunah athian te kianga a awmlai a ni tlangpui mahse ka hnaih ngailo.

"Naute"Zir-a nghah paha pawna thutna an siama ka lo thut lai chuan Malsawmsanga ka hmu hlawl,mahse ka tum loh dan deuhin ka hmu.A cher in a dang em em a,Zan mu ngailo ang maiin a mit khur te chu a thukin a mit pawh a sen rum mai.

"Malsawmsang"

"Hetah ilo awm a,kal ila" Zira'n ka tawngrual chiaha ka bula lo din paha a tih chuan ka ngawi leh.

"Um,kal ila" tiin Malsawmsanga chu melh leh zeuhin Zira nen chuan kan kalsawn ta a.
...............

"Ta khan lo thu rawh chaw ei pawh an peih tep tawh ang" tia ka pa tawng leh aruala kan inchhunga rawn lut ve ka hmu chuan ka nui tawp nghal riai riai.

"E, Sawmte lo thu rawh tunlai chu ilo leng khat lutuk a,matei hian lunglenga famta Lalzova a zui lo chauh alawm mawle" ka u lah chuan thawveng zetin alo ti leh nghal bawrh bawrh.Malsawmsanga pawh in thlahrun hmel takin a kiai ve suk mai.

"E,hei ila hrelo tak ang a,kan pa tur a nih hi.Ilo leng tha duhlo lutuka I hmu hmanlo tep a ni.Naktuk hian Shillong lamah min haw san leh mai tawh dawn a" ka u in a tih leh chuan Malsawmsanga hmela mak tihna lo lang chhuak chu ka hmuhmaihlo nasa.

Ahma khan URamsanga nen min hmuh dun avang maiin URamsanga nen thu chiang pawh hre hmasa lo in min ringhlel a, URamsanga kut a thlak phah hial bawk ania mahse thu dik a hriat meuh chuan a thleng tur ang zawng zawng a thleng vek tawh si.

Hei vanghi ania inngaihzawnna ah chuan inrintawnna a awm a tul na chhan, Malsawmsanga pawn amaha thuthlukna siam mai lo khan thil awmzia min zawt hmasa chu nise heng thil hi a thleng miahlo tur.

Chaw te chu kan ei a,URamsanga pawn tha takin Malsawmsanga chu abia a,mahse Malsawmsanga hmela inthiamlo na nasa lutuk rawn lang chhuak nasa lutuk chuan kei ka awm a ti nuam theilo,hetianga inthlahrung dek leh inthiamloh hmel taka a awm hi hmuh ka duh lo a ni.

Chaw ei kham chuan haw a duh nghal mai avangin,ka u chuan pawn thleng thlah turin min ti a,ka kal ve mai bawk.Ruah pawh sur a tum leh a ni ngei ang chhum te pawh an in let leh but but tawh.


"Naute ka tihpalh thudik..."

"Atawk kha thil kha sawi tawh suh" ka ban lo phar chhuakin ka lo ti nghal vat.

"Mahse Naute..."

"Malsawmsang,nang hian min rinna pakhatmah I neilo a chuan tual I that tep a chuan keipawh" tawng mai thei lo in,ka ngawi leh dat." Tun atang chuan nang leh kei hian inzawmna kan nei tawhlo" tiin kan chunga thil thleng sawi chhuak lo chuan in lam chu ka pan san nghal.

"Ka hmangaih che" ka ding nghal chawt "Naute ka hmangaih che,ka hmangaih lutuk che ka thinlung zawng zawngin" tiin a rawn au nawn leh ka bianga mittui lo luang chu tuai hul zeuhin.

"Malsawmsang nang leh kei chu kan khawvel a hrang lutuk" hawi let Chuanglo in ka ti ve leh.

"Ai,nang leh keihi awmdun tura ruat kan ni,ka beidawng dawnlo ka hmangaih tawh che a,ka hmangaih reng bawk ang che" pen leh ka tum laiin a rawn ti leh nghal zat.

Inchhung ka luh chuan ka chhungten min lo en thap,engmah sawilo in ka room-ah lut tlang nghalin kawngka ka lock a,ka lo up beh ka natna te chu ka mittui in rawn luan chhuah puiin ka tap chhuak ta hawm hawm a.

Malsawmsanga'n min hmangaih thu asawi a mahse ka chhang let thei silo,Malsawmsang lo in tawnglo tawp ila tha tur.Ka dil ngei ang khuanu hnenah piannawn leh na a awm a nih ngai chuan nang leh kei hi kan awmdun theih nan.


Ka tap muhil a ni ngei ang ka khumah mu loin,nizana ka thut dan ngai ngai in chhuatah thuin khum ka lo la bawh reng,mut pangngaia ka mut loh vang nge ni,ka taksa chu a kham thum a chutah ka pik luk mai.


"Nizan thil thleng kha I sawi fiah dawn em" ka room ah rawn lut in ka u chuan a rawn ti sa sa.

"I hriat ang kha nimai" ka hmaia cream hnawi pah in ka lo ti hmuk.

"Mate khatia tilo khan han sawi tha teh" ka khumah thu in min en kar.

"Kan in then,chu zawk chu" ka ban pharin ka ti hluai,he thu hi sawi nawn a hriat nawn leh fo pawh ka duhlo,ka na a chuan ka a thei mai dawn in ka hria ka kalsan dawn laia Malsawmsanga hmel ka mitthla a awm rengte hian ka thawk an ti pik tun thei.

"Ramsanga vang em ni?" Zuai raiha ka u in alo tih chuan ka en nghal vat.

"Maw,..ai ni lo... eng tin,I hria a maw" ka ti kaw kalh ta nuai.

"Nizan a haw dawn khan a sawi zuai a,'i naute in hmuhthiam loh chhan hi ka niin ka hria' a tia, chuan ka zawta min hrilh vek" min lainat hmel taka min rawn en chuan ka tap leh mai dawnin ka hria.

"A tawk sawi tawh lo ang,ti khan awmdun thei kan nih loh zia chu a Chiang" chunglam melh zeuh in ka dressing table felfai sa vek chu rem that tur awm ang maiin ka thil dah te chu ka sawn kual ta vel a.

"Mahse mate...."

"U khawngaihin" ka lo ti nghal hluk.

"Awle,sawi I duh loh chuan ka sawi tawh lo ang,lo phei vat la chaw ei ka peih tawh ania" ti hna hna in ka room atang chuan a chhuak zui ve nghal.

"Malsawmsang eng tin nge maw ka tih dawn che le.." in chung en in ka mit atanga mittui rawn luang chhuang chu hru tawkin ka thawk ka hip let vang vanga boruak rit tak thawk chhuah tum ang maia na in ka thaw chhuak leh hawk bawk.

Ka chhungte chuan nizan chungchang engmah an sawi zui leh tawhlo,mahse ka pa chuan chaw kan ei laiin ti hian a rawn ti a.

"Mihring kan nih chhung chuan ngaihzawng te chu kan neiin kan then tur a ni a,mahse kan kawppui tur te hi hmeichhe tan chuan thlan uluk a ngai bik hle pasal tlak tur nilo chu kawp reng reng loh tur,tuman an ngaihzawng hmasa ber nupui pasalah an nei ngailo tih hria in mambawihi pawh tawrh dan tawk I thiam dawn ania" tiin ka pa chuan min hnem ve ngei.

Mahse a thusawi chu dik ka tiin ka pawm vek.Mipa chuan eng anga tam ngaihzawng pawh lo nei se nupui an neih hnuah an sawi vak ngailo mahse hmeichhia chu a ni ve lo,ho teah mualpho na tawk thei reng kan ni a,an nulat laia ngaihzawng nghah deuh te phei chu mi hian an hmu nikhua lo nghal em em zel a ni.

Nitinin Zira ka kawm loh chuan,ka room-ah ka tawm deuh chawta, college kan chawlh lai alo ni bawk nen tih tur a vang thei lutuk hi Malsawmsanga bawk ka lo ngaihtuah leh thin.

Ka u te pawh thlalehah in neih turin palai te nen thu kan rem a,ka ngai dawn takzet.

"Awi ka duh theilo" ka u Zira nen kan bazar puia kan riltam eitur eia Restuarant a kan chawlh laiin Malsawmsanga'n Zira chu inrinna hman pawh awmlo in a rawn hnek nghal sawk a.Zira pawn kut thlawn ba duh bik heklo alo hnek let ve nghal a,dawr chhungah an insual chu a ni ta ber.

"Mate eng thil emaw tal ti rawh,a nih loh chuan Zira saw a that thei mai ang" ka u in bathroom atanga a rawn chhuah rual rualin kil khata hlauh avanga ka lo ding khawng reng min rawn sawi harh pah chuan ati a.

Har chhuak thutin Malsawmsanga'n Zira thut beta a hnek mawlh mawlh na lam chu ka pan phei a.

"Duh tawk rawh" tia ka au pawha awmzia a awm chuan siloh avangin Malsawmsanga chu va manbeh ka tuma mahse keimah zawk chu min lo vei per lawm mai.
..................

MALSAWMSANGA POV


"Awi,Mate I tha em" tia au ri ka hriat chuan kan Zawngsena ka hnek na atang chuan ka hawi chhuak a,chhuata Nautei'n mittui tling piau a min lo en chu ka va hmu hmasa ber.

"Naute" tia pan ka tum chuan a u chuan mi lo dang nghal vat.

"Lo kal hlek suh,nangmah avang hian ka nau hian a tuar tam tawk tawh,ka nau bul vela ka hmu leh che a nih chuan police ka man tir tawh ang che" tiin min vo nghal bawk.

Nautei ka en leh chuan kan Zirkebala chuan ka sawisakna avanga thi kai nuai chung hian Nautei chu alo kuah a,zuk khawih leh mai ka duhna chuan min tur ut ut a,mahse Nautei mitmenga min hlauhna ka hmuh chuan ka in bengdaih a ngai tih ka hria.

"Naute"

"Lo kal suh,Malsawmsang ka..ka hlau che" min hlauh vanga aw chhuak tha theilo hian amah ka pan dawn chuan a rawn ti a.Ka ding chawt,eng nge tunah khan a sawi Nautei'n min hlau amaw mahse min hlau turin ka duhlo,ka hmangaih lutuk tih hi hria se ka duh mai chauh a ni.

Nautei berin abula awm tura min duhtak silohah chuan Restuarant chu ka thiante nen kan chhuahsan nghal,khang ni liamta chhung kha ka tan hian hremhmun nen danglamna a awmlo,ka mawlvang leh Nautei ka duh em avangin ka thikna kha ka lo dah lian lutuka Nautei nen kan in kar ka tihchhiat phah vek a.Siam tha leh tura hmalak dan lah ka thiam silo,eng tin nge maw ka tih dawn ni.

"Thianpa khatiang Pastor fanu ai chuan Florence-i hi kawp mai mai la in in hmeh zawk" rawn ti tu Mawizuala chu ka rek nghal chawt.

"Eng maw I sawi kha" ka rekna bawka a ang nghal hlawi hlawi mai.

"Malsawm atawk thiante kha tiangin an ti ngailo" Peka'n ka dar a rawn vawn paha a tih takah chuan ka thlah ta hram.

Chuan engvanga Zirkebala kha khawih ve ringawt nge ka nih tih i hre duh tiraw a chhan chu maw,nichin lawk khan min rawn phone a,Nautei nen an in date mek thu leh an awmna hmun thlenga va kala finfiah tura min tih vangin ania,kha hmunah khan ka kal chuan alo dik reng bawka Nautei chu kha Zirkebala bulah khan thuin an lo nui dun vel a.Chuvang chauha khatia che kha ka ni.

......................
Advertisement I click zeuh khan nang leh kei atan hlawkna a ni tih hria in nikatah vawikhat tal I click thin dawn a nia.Chuan lo comments leh vek ula in comment na ngaihnawm tak tak ka chhiar hian phurna te ka lo nei ve a maw😘😘😘❤️

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 9th, 2021, 6:20 pm

Chapter 6


LALRUATKIMI (Nautei) POV


Ni te chu an liama mahse Malsawmsanga ka ngaihna leh lunglenna te chuan min liam san ve silo.Karleh mai hian ka u te pawh an in neih tawh dawn a,kan chhungkua pawh kan buai map map hle,URamsanga te an lo fel hlauha kan khua tila,ka pi leh pu te khua-ah an in neih dawn a ni.

Keini pawh karleh maia in neih tur an nih avangin naktuk hian keini pawh ka pi te khaw lam pan chuan kan chhuak ang,tunah nilaini ania,karleh Monday hi an in neih ni tur a ni.

"Mate Zira nen hian in in kawp ami?" Ka u khumah kan riak duna ka u thil rawn sawi avang chuan ka nui chiam a."In ni lo maw" ka nui lai mak tih hmel deuh hian min rawn en a.

"Ni nang" la nui reng pah chuan ka chhang.

"Avan mak,keipawn in in kawp turah ka lo ngai char char" ala ti ta deuh deuh."I ninawm nui tawh lo teh" ka bana rawn chum deuh tawk pah hian a ti deuh hmuk.

"Awle,awle ka nui tawh lo mahse engvanga chutiang ngaihdan te chu nei nge maw I nih le" nuih insum tak hian ka ti a.

"Ngati vak mah in in zui nasa ve em a" a tih takah chuan awm ka tih pui leh deuh tho.Malsawmsanga'n a rawn khawih ngawt atang khan Malsawmsanga hi ka la hmu leh miahlo ti ila vawihnih khat chu ka hmu tawh mahse a thiante nen an ni tlangpui.

Chuan thian neilo nana chu Kohhran lam leh college lamah Zira nen chuan kan in kawp deuh chawta,afel a min ti hlim hle bawk mahse ka ngaihzawng tur angin ka en thei lo.A chhan chu maw ka thinlung hian a hmangaih hmasa ber hi a theihnghilh ngai dawn lo a,chuan a hmangaih reng bawk ang.

"Zir-a te chu ka thian,ka thian tha tak alawm min ti nui a,khawharin min awmtir ngailo" ka lo ti nghal var,ni e Malsawmsanga avanga ka lungleng lutuk tur min hnem tu ber a ni.Chubakah ani pawn chuti zawngin min en lo hrim hrim.

"Mipa leh hmeichhia hi thian a nih tak tak theihloh,pakhat zawk zawkin rilru dang an pu zel"

"Naute, Lalruatkim..." Tia au lawng lawng ri ka hriat chuan ka u thil sawi pawh hre changlo in ka mu lai chu ka thu chhuak nghal zawk.

"Naute lo chhuak rawh" tia a rawn au leh chiah chuan Malsawmsanga ani tih ka chiang tawh lutuk,ka u chu ka en nghal vata ani pawn min lo melh reng tawh.Tlai atang khan ruah hmi a tla seng seng bawk nen chhuah nghal mai ka tum a.

"Nilo,mate kal suh ahma pawn a chet dan I hriat vek kha" hlauthawk taka ka u in alo tih chuan ka ding uai tawh chu ka thu leh a.

"Lalruatkim ka hmangaih che,ka hmangaih lutuk che tinge chu chu I hriat duh miahlo a" tia a rawn au leh chuan room atang chuan ka tlan chhuak a,ka nu leh pa pawh Sitting room ah chuan an lo awm reng tawh.

"Pa..." ka rilru buai lutuk chuan ka pa ka mangan changa min thlamuantu ber chu ka pan ta ringawt.Zep theih awm heklo ka pa te hian URamsanga sawisa tu chu Malsawmsanga hi a ni tih an hre vek tawha,chubakah Zira a khawih tih thlengin heivang hian ahnena ka let leh pawh hi an rem ti vaklo.

"I nu bulah lo awm rawh ka va bia a nge" tiin ka pa chuan min kuahna chu a thlaha kawngka puilam chu pan in pawnah a chhuak nghal.In chhungah chuan kan nufa ho in kan thu thap a,ka pa chu kan lo nghak a ni.

"Ai,Nautei ka hmuh hma chu ka kal dawnlo.Naute lo chhuak rawh" tia Malsawmsanga au ri chu beng hup mahila ka la hrechiang em em tho.

Ahnu deuhah chuan thenawm khawvengte rawn kal khawmin Malsawmsanga chu an in lamah hruai an tum a " Nautei kha ka hmangaih lutuk,Naute lo chhuakte vawikhat chauh vawikhat chauh ka hmu che a nga.. chu chauh chu khawngaihin...ka hmangaihi ka hmu duh ka tih chu" ti vel a Malsawmsanga au ri chu ka ngaithla renga ka mittui lah a luang tawp theilo.


Atawpah ka insum theilo chu ka tlan chhuak ta nghe nghe,mahse ka pa chuan ka tlan thui hma in min lo danga,kan gate an pelh dawna Malsawmsanga rawn hawi let leh chuan min hmu tih hriat takin min rawn nuih suk.

"Pa, Malsawmsanga saw..." Ka pa chu ka mittui leh ruahtui inpawlh nuaiin ka en chho a.

"I kal tir hi atha zawk a ni" tiin muang changin inchhungah chuan min luhpuia,inchhung kan luh hma zawngte chuan Malsawmsanga an kal liampuina kan gate chu ka en let reng a.Inchhung kan luh chuan lainat taka min enin ka nu leh ka u chuan min lo kuah nghal vat.
...............

Atuk zingah chuan zin turin kan bungrua vel chu kan motor ah kan in thiar lut a." E! kha Ruatpui khawilama kal nge in tuma" ka hnunglam atanga an rawn tih chuan ka hawi let vat,Malsawmsanga nu alo ni.

"Hei ka pi te khua-ah ka u te hian inneih na hman an tum alawm mawle,nangzawng eng nge I tih a " tiin ka lo chhanglet vat.

"Hei Mama ka thlah zo chhiah a nih hi,nichin mai khan a ni pawh a u nen Airport lam panin an kal"

"A nih chu...maw.." tunah khan eng nge a sawi Airport maw eng nge thil awmzia." Tunah khan Airport I ti em" ka ti tha leh.

"Aw ti e,mama kha Indian football team ah a khel tawh dawn alawm" hlim hmel pu taka a rawn tih chuan ka lo nuih ve sak.

"Ava lawmawm ve,eng tik nge alo let leh ang"

"A..I..Ruatpui alo let hun tur ka hre mailo"

"Eng nge I sawi awmzia"

"Ka lo sawi ve tur chu a awm em ka hrelo a,mahse in in kar boruak vel vang hi ania,I tello a ke pen dan a thiam hma chu khulamah kan Hotel lo vil ve pahin a awm tawh dawn alawm" ka thu hriat avang chuan ka ngaihtuahna hi amang vekin ka hria.

"Ka thiamloh vek.."


"Nilo e,a thil tihsual kha ngaihdam theih a nilo alawm"alo ti leh nghal vat mahse.

"Ai,Malsawmsang ikal theilo" Eng nge ka tih pawh ka hriat hma in kan gate pawn lamah tlan chhuakin taxi lo tlan hmasa ber hnenah Airport lamah min hruai turin ka ti a.

Kawnglaka kan tlan lai te chuan driver chu ka tur leh sek thin.Ka vanneih a siamin Traffic jam ah ka tanglo hlauh a Airport pawh chu kan thleng ve mai.

"Nula I chuanman" hmanhmaw nak alaia mahse pawisa ka nei reng renglo.

"Ka pu,pawisa ka neilo,tah hian min lo nghak la ka rawn let leh vat ang aw" ka tih pawn driver chuan a duh thaklo.

Tihngaihna awm tawh heklo ka hmanhmawh bawk sia,rang tawkin driver inrin loh lai chuan airport chhungah ka tlan lut vat.Ka hawi kuala mahse Malsawmsanga hmel awm reng reng ka hmulo.

"Nula,hetiangin tisuh anih loh chuan police hnenah ka report mai ang che" ka taxi chuanna driver pa thau ve tak chuan thaw hluam hluama ka bula lo din pah hian a rawn ti leh.

"Ka pu akal, min kalsan tawh" athusawi nena inmil lo lutukin tap chung hian ka lo ti let daih a.

"Nula enteh,I buaina chu ka hrelo mahse taxi fare min pe la ka kal leh vat a ngai a nia"

"Malsawmsang ka tihpalh" hawikual ruaiin ka mit atanga mittui lo luang chhuak pawh chu hruk ka tum tawh lo.

"He tiang hi chuan police hnenah kal mai ang" tiin driver pa chuan min kaih a tuma mahse ka lo tan ve tlat avang chuan kan bul vel ami te mit kan la ngang mai.

"Naute" Rangtangin aw lo chhuahna lam chu ka hawi nghal vat.

"Malsawmsang.."

"Eng thil nge thleng,Nautei kha thlah nghal rawh" tiin taxi driver pa in min vawnna kut chu a rawn vai thla nghal pawp.

"Enteh vala he nula hian fare min pek tur neilo in ka taxi hi a hmang a..."

"Kha kha a tawk em" tiin taxi driver pa chu pawisa in a vawm a,taxi driver pa pawn ka fare zat chu la in a bak zawng chu pek let leh a tuma mahse Malsawmsanga'n 'nei vek rawh' alo tih avangin lungawi takin a kal ve mai bawk.

"Naute I tha em" tiin ka dara a kut khinghniha rawn chelhin ka taksa chu a thlek kual a.

"I kal tawh amaw ka tia..." Tap pur hian ka hma mipa ding chu mittui kar atang thei leh theilo hian ka en reng.

"Naute"

"Malsawmsang min kalsan amaw ka tia,ka..ka zawng che a,ka au bawk che a mahse I awm bawk silo min kalsan tak tak amaw ka tia lawm"

"sh*t.." a awmah chuan nghet takin min kuah bet nghal thlawp "ka tihpalh,ka tih tah che avangin,min au a ka lo chhanlo avang che pawh in chuan min zawnga I hmu tura ka lo awmloh avang pawh in min ngaihdam dawn nia" titu Malsawmsanga chu mi dangin min en leh en loh pawh pawisa lo in nghettaka kuahin ka tah khum ta nghet.

"Le bang tawh rawh,ka naute hi he ti em em hian alo tah belh ang tih rin ngaihna ka hrelo reng reng" nui chunga rawn tiin ka mittui te chu min hruk fai sak a.

"Khawiah mah I kal dawnlo tiraw" pangchang zetin ka ti nghal vat.

"Naute,ka kal ngei angai tih I hriat kha" ka kut chu a kut lian leh pangtilum nghah tak chuan a hum bo vek.

"Mahse i tello in engtin nge ka awm ang" hlauthawng zeta tiin a mitah tak chuan ka en a " ka tihpalh tun atang chuan I thu angin ka awmzel tawh ang mahse min kalsan suh"

"Naute reilo te chauh a ni mai" ka biang rawn dawm paha min melh chhukrun tu aia hmeltha hi an awm leh tawh kherin ka ringlo.

"Ka ringlo che I nu in.."

"Adik ahma kha chuan lo let leh kha ka duh tawh lo a,mahse tunah chuan lo let leh chhan tur tha deuh ka nei tawh che alawm" min nuih sukin ka hnar chu a piai zeuh a.

"Mam kan kal a huna" Umapuii'n arawn tih takah chuan ka hlauthawng leh sawt.

"Mal..." Ka hmui chu ahmuiin a rawn khar chilh nghal hmak. Thawchham dawn lek leka kan in fawh hnu chuan ka chal leh a chal chu tisi in a rawn kun hniam a.

"Naute ka lo let leh hun chuan ka nupui ni ang che aw" ril ruia tiin ka hmui chu a kut zungpui hian a khawih zeuh a.

"Malsawmsang lo let leh vat ang che"

"Ka hmangaih che Naute,ka hmangaih lutuk che" ka hmuia rawn fawp leh zeuhin a u awmna lamah chuan min kalsan a, airport ah chuan Malsawmsanga kal liamna thlir chung chuan ka awm ta reng.

Ahnuah ka u leh Zira rawn kal in min hruai haw a.Keimah avangin kan zin tur pawh kan tlai phaha,kawng lakah pawh kan chawl manglo,ka pi te khua hi ahlat tham deuh avangin kawnglak ah Zan riah a ngai a ni.
................

Ka u te inneinna pawh chu tluang takin kan zo a,hlim pawh kan hlim tlang khawp mai.Abikin ka u te inneih vang ngawr ngawr nilo in Malsawmsanga avangin ka hlim leh zual.Kan upa ber pawh an chhungkua in an rawn kala cham rei deuh turin ti mahila,a chawlh rei theih loh thu leh tuna ahna a zawh chuan Mizoram lamah kan kianga khawsa tura rawn chho an tum thu a sawi avangin ka u te rualin an ni pawh an haw leh nghal dawn a ni.

"U ka ngai dawn che e" tunah chuan ka pi te khua atang kan haw leh tawh a chuan vawiin hian ka u te pawn Shillong lam an pan tawh dawn a ni.

"Ka nau duat chu atap mai dawn em ni" tia URamsanga'n min rawn fiam chuan kan chhungte chu an nui nghal dar dar.

"Nangmah chauh khan haw la,ka u I ngaih hun apiangin ilo zin leh thin a nga" ka tih chuan min rawn nuih sukin ka lu ah a rawn tuai a.

"Chu tiang chuan ti duh viau mahila I u hian min zui haw ve tal a tuma" a fiamthu duhna hian adamlo enkawl te ngaihnat a hlaw tir nghal thuai thin.Ka u in hetiang anga mipa tha a tawng hi ka lawmpui takzet.
..................

"I u a awm tawh bawk silo,I lung a leng awm" phone atang Malsawmsanga chuan a rawn ti.

"Nia,chuvang chuan lo haw vat vat rawh" a rawn nuih rik suk chuan a hmel awmdan tur ka lo suangtuah nghal zat.

"Tun kar hi zo se kar leh velah chuan ka lo haw thei tawh ang" a tih zawh ruala boruak a thaw chhuak hawk ri chu ka hre chiang ngang mai.

"Ava la rei dawn ve" thla khat a tling mai dawn kan in hmuh lohna hi.Ti hian phone hmangin in be lo ilang chuan ka u sawi dan thin ang takin lunglenga famta Lalzova kha ka zui thei maiin ka ring.Malsawmsanga a awm bawk silo chutah ka u alo awmlo leh zel bawk sia ka lung hi a leng takzet.

Zir-a ani leh deuh tawp mai,ka nu leh pa tihloha ka kawp.Malsawmsanga lah chuan ala haw em em zui ral atang pawn ka kawm tih a hriat chuan min rawn hau vak zel.Chuvang chuan Zira nen kan in kawm thin thu hi ka hrilh tawh ngailo.Ka thian neih chhun ania,anin a thik vang mai khan ka kawmlo ngawt theilo a chuan engvanga Zira hi haw em em nge a nih pawh ka hrelo.Mipa fel tak a ni a Pathian lah ala tih em em zui.

Ka chhungte pawn an ngaina a,ani pawn a hriat chian hunah chuan ala ngainat vat ka ring.Chuan Malsawmsanga nen kan inkawp leh hi ka chhungte hnen atang dodalna ka tawng em em lo na chu ka pa in ka duhthlanna a Chiang turin min fuih fo a ni.
..............

"Mambawih, mambawih" tia ka nu in min au vak vak takah chuan ka bathrobe hak lai nen ka room atang ka tlan chhuak nghal.

"Aw eng nge a nu"

"Hei Zira alo lenga mahse PiSangi damlo kan turin ka kal a ngai tawh sia" tiin a bag ah tur a siam mawlh mawlh.

"E Zir ti khan lo thu rawh ka inthlak a nga thingpui ta kan in dawn nia" tiin Zira kan Sofaa thu chu ka bia a " nu ilo haw har dawn em,Rawngbawl hma in lo haw la,kawnah chawhmeh bai tur vel lo en kawi la" tiin ka nu chu ka chaha,ka room lam ka pan nghal.

Zai rat rata ka inthlak na tur thawmhnaw ka dah chhuah lai chuan ka room kawngka lock ri ka hria a ka hawi let chuan Zira chu ka room ah alo awm reng tawh.

"Zi...Zir eng nge I tih kha" ka rilrua hlauhna lo awm nghal avang chuan ka tiril a khur nghal der.Min chhanglo a min nuih sakin ka lamah chuan a rawn kal hnai zel a,kei ka hnunglamah ka lo tawlh ve zel thung.

"Zir..eng nge thil awmzia min chhuahsan rawh" bang ka nghen takah chuan min rawn nangching vat.

"Heng I taksa mawitak te suangtuah hian zan engzat nge mahni leh mahni ka in khalh I hria em?" Tiin ka nghawng vel te chu a rawn nul nghal thuak thuak.

"Tenawmpa" tia ka tha tawpa ka nam vak takah chuan alo in ringlo bawk nen chhuatah chuan a thal nghal thuai a,chu chu remchangah la in ka room kawngka lam pan chuan ka tlan nghal vata mahse ka thlen thui hma in ka khumah chuan min rawn bawh thlu tawp a,ka thei tawkin ka lo sual let ve bawk.

"Tang tanglo mai teh" tih paha ka hmaia a rawn ben nilo hnek ti ila a dik zawk mah ang chumi avang chuan ka beng a kiu nghal vawng vawnga ka lu a hai nghal bur thei.

"Eng vang in nge I tih,thian kan nih kha Zira" ka mittui te nen ka khawhmuh pawh a phe ruai tawh.

"Thian a,nilo e kei hian thian angin ka en ngailo che ka hmangaihna che kha min hmuh sak duhlo in kha Malsawmsanga kha I thlang vel amaw tunah chuan ka ta,ka hmeichhiaah ka siam dawn che" tiin ka bathrobe hak chu min phelh sak nghal vek.


Ka au theih loh nan ka hmui chu khuma ka kawr hak tur ka dah hmang chuan min hnawhsak a,ka banlah chunglamah min man beh sak bawk.Ka rilru chuan min pui tu tur ka au a,Pathian ka au bawk mahse chhanna ka dawnglo.Tunah chuan pawngsual ka ni tawh.

Malsawmsang min ngaidam rawh aw,atawp thleng beihlet tura chakna ka neih loh avangin,pa engtin nge ka tih tak ang,I fanu hi min pui rawh,ka mittui ka bianga luang nguai nguai chu min rawn fawh saka ka ten lutuk hi ka luak lo chauh.

"Bawihte tunah chuan ka ta chauh I ni tawh" rawn ti leh in ka hmuiah a rawn fawp leh mahse keichu che tur ka awmlo,ka chakna zawng zawngte chuan min tlansan veka he misualpa kutah hian aduh tawka a khawih turin min kalsan ta nimai hian ka hria.


A duhtawk a ngah hnu chuan inha tha in keipawh chu thawmhnaw min hak tir ve vek a," he thil hi I sawi chhuak a nih chuan heng I thlalak te hi social media ah ka thehdarh ang tih I hre dawn nia" tia min vau in ka room chu a chhuahsan nghal.

Ka phone screen a hming rawn lang chu ka en a,ka mittui ka dang senglo,atawp a a rawn ri nawn leh thin mahse chhang turin huaisenna ka neilo.'Lalpa eng kawng nge ka zawh leh dawn,ti nge harsatna hian min kiansan theih loh' ka nu lo haw pawn ka room chu ka chhuahsan lo,ka nawmsam loh thu sawiin tlai chaw thlengin ka nghei a.Chumi karah Malsawmsanga'n min rawn phone ve reng bawk.
..............

"Ti nge phone iva la theilo ve" phone a lak rual rual chuan a rawn ti nghal hluk.

"Lo haw rawh" thil dang sawilo in ka ti nghal tawp,tunah hian ka kianga awm turin ka mamawh a,ka chunga thil thleng hre chunga min kalsan loh tur thu min hrilh turin ka duh.

"Min va ngai tawh awm ve,mahse Naute I..eng lo ania, thu lawmawm loh hrilh tur che ka nei a" a rawn tih chuan ka chunga thil thleng a hria a nga min then a duh anianga tih ka ngaihtuah nghal.

"Hei,naute ila awm em?" Ka ngawih reng avang chuan a rawn ti lang lang.

"Malsawmsang nang hian..."

"Aw, Naute ka u in Hotel lamah buaina a nei deuha chu chu he tilam atang ka lo chinfel sak a ngai dawn a" a tih chuan phone ka off nghal vat.

"Malsawmsang ilo haw hunah chuan I tlai lutuk tawh dawn " tiin kan college building chung berah chuan ka dinga hnuailama mihring kal te chu ka en a,keipawh an ni ang khuan hlim taka nun ve ka la duh asin.

"Eng thil nge I tih kha" Zira ka lam pana lo kal chu rum tak hian ka lo melh a.

"Tunah chuan dam chakna ka nei tawhlo,I thilsual tih avang hian hlim takin I nun I hmang biklo ang" tiin ka din dan ka siam rem nghal zat.

"Ti ta che,I duh chuan I nunna chu la rawh mahse I nunna I lak rual rual in hek I thlalak duhawm tak tak te hian khawvel a deng chhuak nghal ang."
....................

A ngaihnawmlo ti ru,ka nuamsam lo lutuk a he story hi tih tawp vat ka duh sia ka cut duai mai😁

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)