LOVE IS THE MAIN INGREDIENT BY Ęlèøš Vanchhawng (Completed)

[Ngaia]

Ste-a chu kuah in a sam chu ka chul sak pah heuh heuh a, a fel em em a, a tap vak ngai lo tluk ani .





A hnu lawkah u mala pawh a rawn mu ve nghal a, a taksa dai raih leh rimtui zet chuan min ti harh kawk ni maiin ka hria.




Min rawn kuah a, ka dul chu rawn zen rak rakin , ka pum chu a chul kual heuh heuh a, emgtik laiin nge ka lo mutthilh ka hrelo, zinga ka harh chuan an pafa in an lo in awm leh tawh a.





"Good Morning Ama"


" Good morning ule" ka nuih pah sang a, in ei puar hmasak phawta aizawl lam pana haw kan tum ani.





Kan in eipuar zo a, ste a eitur siamna tur pawh kan keng thlap bawk a, Car ah chuan ka lut a, ka malchungah Ste a a sh leh at at tawh mai, a infit viau ani.




Kan tlan chhuak a kawng lakah chaw eia chawlh bak kan neilo bawk a, chawhma Dar 11 ah kan thleng der mai, inchhung kan lut chiah a ka nu in Ste-a a lo ban nghal vat a, naupang lawm chi an ni bawk a, an khua a har tih a hriat hle.






U mala erawh a in tifai zuai zuai a, Office lamah buaipui tur a awm avagin a chhuak leh nghal a.





"Bawihi, in chau viau lo maw, Mama lah chu a chhuak leh nghal mai bawk si a,"



"Chau lutuk lo e, Hna pawimawh tihfel tur a nei lawk a, a rawn haw leh nghal dawn in ka hria"



"A that hlauh chu, han in tifai rawh ka note-a hi chu ngaihtuah lo la"




"Awle, kalkawngah a rawn mu nasa bawk a, a mu a chhuak lawk pawhin ka ringlo" kan room lam panin ka chho nghal a.






Ka inbual a, kan thawmhnaw te chu kan su leh a, Sarah-i ka ko a, inchungah thawmhnaw min zarsak lawk turin ka ti a, kan room ka lo tifel thung.




Kan room hi midang tihfel tir ka duh ngailo a chhan chu keiman kan thil dahna engkim hriat thlep thlap ka duh vang ani.






Ka phone chu la in Sangte-i chu ka call a, "Sangte, hei kan lo thleng tawh e aw, vawiinah chuan ka rawn kal hman ka ring tlatlo, lo buaipui leh mai rawh aw"




"Awle tehreng mai"





Chawhma hun chu in tihfelna hun atan ka hmang a, awm mai mai te hian zawi a awl a, chuvangin ka awm mai mai duh vaklo.





Chawhnu lamah Ste -a ka timu a, khumah ka mut a, Dawrah kal ka duh leh deuh thut avangin Sarah-i chu ka ko a, Ste a lo en tur leh a lo harh huna a ghil pek tur vel ka tihfel sak hnuin ka nu leh pa chu ka hrilh leh a.








Ka reiloh tur thu leh Dawr thil va buaipui lawk turin ka kal dawn thu ka hrilh a, an lo remti ve bawk a.
Ka nu leh ka pa hi chu ka pasal nu leh oa pawh nilo in ka nu leh ka pa diktak te ai pawh hian an tha takzet ani.





An dinhmunah hian ding ta ila, kei ang hi chu mo atan ka duh tawp lovang, mahse mi tha tawpkhawk an nihna leh Pathain tih mi an nihna an nunah a lo lang a ka tan chuan Vantirkoh an ni ringawt .





Pawnah chuan ka chhuak a, le a kal mai ka tum naiin Taxi ruak rawn tlan remchang ka hmuh avangin ka chuang leh ta zawk a, kan dawr hi a hla em em hranlo mahse ke a kal ralah chuan thui ve deuh ani..





Dawr ka thleng a, an lo buai nak nak hle mai. Kan awmloh chhunga an thil hralh te chu ka en fel a, Ka rilru a nawm vakloh avangin kan item la.neih te nen chuan ka en mil nghal zung zung a.





"Sangte lo kal teh"


"Aw enge ni ta u zualte"



"He mi Coat hi Pahnih haralh angin in ziak si a, mahse Stock hi 23 kan nei a, tunah hian tinge a kim loh le".





"Engzag nge tunah hian awm kan chhiar tha chhin aw"
A chhiar tha a, "a nih hi eng nga tinge 20 chauh a awm le?"





"Ka zin ni khan tunge counter ah thu "

"I zin ni khan maw(a ngaihtuah vang vang a) kimkim-i a thu a"



" Aw a nih chu tihteh a dang hi check zel phawt teh ang,"



Hoodies kan neih ho rawng chi hran hran inang lo vek te chu ka han enkual leh a, hei pawh hi Pakhat in a kim lehlo.
A limlo chu ka chhinchhiah khauh khauh a, register a hralh zat inziak leh A khai a awm hi a in ang theilo .





Ka duh aiin ka awm rei dawn nia ka hriat avangin naktuk lama en fel leh turin ka ti a .

Dawra thawk ho chu ka ko khawm a, Sangtei, Jenny-i leh kim kimi te an ni.



"Over Coat saw heta hralh zag in ziah leh a awm zat saw belhin a kim tlat lo, tihsual nei in awm em?"
Tuman ka tihsual ani tih an tum loh avang chuan ka thinrim lek lek a, mahse tihsual nei thei vek kan ni a..






Register chu ka keu leh a, " Lunglei kan kal ni khan Coat hi pahnih in hralh a, A dum leh a dark brown chuan tunah hian a kimlo chu Grey ani.
Hralh sual emaw ziak lo ni a inhria chuan sawi rawh u le, Rs 2800/- man a ni a , tisual in awm a nih chuan a pawi lo ania".






"Awle, sawi tur in neilo tlang a nih chuan a tha e tihsual kan nei a nih dawn hi, dawr hi khar tawh mai ang u aw, tihfel ngai te lo tifel ula in haw nghal thei ang"






An che nghal sang sang a, zawhna ka zawh lai khan chik takin ka en vek a, nuam lo an tih hmel em em vek a, ka ringhlel mai mai em ni zawk le aw ka ti rimum rum mai.






Dawr thil tihfel tur vel an tihfel zawh chuan an haw nghal dial a, kei erawh ka la awm thung. U mala chu phone in a haw theih hun tur ka zawt a, a rawn haw hman tep thu a sawi chuan dawra ka awm thu ka lo hrilh ve vat a.





Dawr chhunga Cctv kan dah chu check tumin ka han en a, kan zin ni 12 april 2020 chu playback in a ni a kan customer neih te leh an thil hralh leh en kual vel te chu ngun takin ka en zel a.




Hemi ni hi chuan eng mah thil thleng leh lak vel a awmlo a nih dawn hi ka ti a, a tuk a mi en leh ka tum chu Counter chung lam deuha kan dah chu ka en leh lawk a.




Jenny in kal lama an bag rawn ah puar ta viau chuan ka mit a la hle, zing a rawn thlen tirh chu ka en leh a, a inang lo hle ani..




Mahse ka la chiang mai ngamlo, jenny hian Bag leh racksack ab a hrat em em a, th dang a dah pawh a ni thei tho .







A tuk ka en leh ah chuan sangtei a kal hmasa ber a ni chuan a phone leng vel chauh bag a rawn ak a. Kimkimi chuan bag a ak lemlo , jenny i chuan tote bag a rawn ak leh a, a thep viau bawk .





Kawngkhara a lut tir chiah chu pause in ka phone chu ka la chhuak a, ka capture nghal vat a, tlai lam an haw tur chu ka en leh a, a hmasa berah kkm kimi, chu mi zawhah sangtei, a bag chu a hna ang bawkin a puar leh hle mai, zinga a rawn ah ai kha chuan a puar leh daih mai.







Eng tin nge a tih ang aw, amah hi nih theihna chance a nei a,mahse ka ringhlel ringawt anga, a lo ni leh silo ang tih erawh ka hlau viau.






U mala a rawn thleng a, "bawihi o va buai awm ve"



"Buai lutuk lo e, thawmhnaw kimlo a awm a, kan en lawk mawle "


"A nih vhu ava zialo ve ".


"U mal, lo en ve lawk teh" ka phone a sangtei dawr lut lam bag ah leh a haw tur bag ah in thlau dan chu ka hmuh ve a.





"A inang lo ve em a nih hi" a khabe hmul tuai nauh nauh pah chuan a ti a, "mahse bawihi ringhlel ngawt rih lo la, en liam mai ami angin awm chhin phawt rawh, a mamawh viau pawh a ni ve thei a, a nih loh pawhin a lo awt ve viau thei bawk."





"Ni e, a dik ve reng mai, a nih chuan kan haw dawn em ni, heihi min lo kalh sak lawk mai la, ka lo nem bet ang," tiin ka en a, a nui suk a a ti ve leh nghal mai bawk a.






In la panin kan tlan a, Vawiin a an hna chungchang te chu ka zawt a, hriat nei ve vaklo mah ila, min hrilh fiah peih lutuk tho





Ni thum lai a liam leh ta, jenny i chuan a bag ah ngai bawk hia rawn ak leh a, a hawlamah pawh chuti bawk a hma aiin a puar leh a, bnathawk damgte hrilh hriat ka duhlo a, a chhan pawh jenny i chu a zah ve ka hlauh vang ani.




Sangtei sawr ka khar tir a, keiin car in jenny ka um zui thung eng atan chiah nge dawr atanga a thkl lak te kha a tih dawn tih ka hre duh ani.





Ka umzui zel a, n in awmna a sawi atanga hla vaklo ah chuan Mipa samg ve deuh hlek leh tunlai tleirawl ah chuan a chhelo pawl a ni va ang tihtur nen chuan an in kuah nghal a.





Ka zui zel a a hnj deuhah Waiting set-ah chuan thu in Jenny chuan bag atang chuan ka pheikhawk zawrh lai ngei maj Vans Ori, Var chu a rawn phawrh ta a.





Mak ka ti hle ani ringawt, mahse ka lainat ru viau bawk an nui duh a, an hlim dun hmel hle ani va kal a thil awmzia chiang taka zawh fiah ka duh viau nangin naktuk lamah ka zawt zawk mak ang tiin ka khek a.






Taxi chuan inah mjn thlah a in ka thlen chuan Ste a pawhin a chaw a lo ei mek a,ka fapa chu ka au chiah chua a lo khek ve nasa ngei mai.



End of Chapter -7
Heti zawng hi a ni leh rih mai aw

Ads kha click leh ila

[Ngaia]

Inchhunga ka luh rualin Ka nu leh ste--a chuan minlo nuih nhhal var var a, Ste-a hi hruai ka duh viau thin naiin in lamah Sarah-i nau awm tura kan lak leh awmpui dang te an awm tho a ka hruai ta lo mai, ka khua erawh a har ve lek lek zel.






"Ste, Vawiin ilo fel em?"

A ban chu a vai ve bat bat a, ka pawm a hnute ka pe nghal a, a chum ve viau tawh a a khin tha khawp bawk.





"Nu , in buai phah viau em?"


"Buai phah love, chhunah Sarahi'n a paw muhil a a harh lai chiah kan chang ve ani ber"





"A rit ve tawh sia, awm te hi a hahthlak ve tawh riau a"

" Nia , tunlai tak hi a chum zualin ka hria"



Ka nui dun hak hak a, ste-a roomah chhoh pui ka tum chiah a u mala a rawn thleng ve nghal a, a chauh hmel hle bawk.




Pathianin ka mipa duhthusam min pek avang hian ka lawm takzet a, Ruitheih thil tilo pasal a neih ka duh avangin kan intawn hman pawhin ka tawngtai nasa thei viau, tunah a chhanna ka hmuh chu u mala ngei hi alo ni.





"Bawihi, i thlenna a rei tawh em?"


"Rei love, ka thleng deuh chiah ani"


"I va chauh hmel ve, intifai phawt ila chaw kan ei dawn nia"



Ste chu pawmin room lam pan chuan a pen pui pawk pawk a, an hnungah chuan ka zui ve nghal zat bawk, an inchhiah nui har har reng a, A pa hian a lawm thian viau bawk.






"Papa, i inbualna tur ka siam zo ania"


"Awle"




A inbual chhungin ste a ka lo thlak a, u mala thawmhnaw hak tur lak chhuah sakin khumah chuan ka dah a.





"Ste, lo che suh le, i nghawngah hian powder ka hnawih dawn ania"




A tal bat bat reng a, a in let leh thin, ka nuih a ti za viau. U mala bathroom atanga a rawn chhuah hnu lawlah ka lut ve nghal a, an pafa hlim thawm chu ka tan chuan ngaihthlak a van nuam tak em.





Eng harsatna pawh ka chungah lo thleng thin mahse Ka chhungkua te hian ka harsatna leh lungngaihna zawng zawng te min hriat reng tir lova hlim taka ka nuih theihna chu ka fapa leh ka pasal bul ngei hi ani.







Ka thla a muang a, khawvela pasal tha ber leh fapa duhawm ber ka nei hi ka inchhuang ani, tu tan pawh fate tluka hlu an awm lo a, Pasal te tluka inngaihna tlak an awm heklo.






Mahse mi thenkhat erawh chuan Pasal inngahna tlak miahloh an nei ang lawi a, ka khawngaih thin. Mahse to zawng hian ka ngaihtuah a, Hmangaihna hian mi hi a lo dawi a thei dawn khawpin ka hre thin.






Kan hmangaih em em te chu eng ang mi pawh ni se an bula kan hlim phawt chuan ka pawm mai thin. Mahse an han innei a, an hmangaihna kha a chuai ta riai riai emaw tihtur ani fo mai.






Hmeichhe tan chuan min hmangaihtu an hlu ber an ti a, a ni chiah ang, hmeichhe tamtakin hmangaih tak tak an nei a, an fa an han pai sak teh thawr a, an hmangaih avagin an zahawmna an hlan a, mahse a mipa in a hmangaih ve miau loh avangin a kalsan leh ami thin.






Chuvang chuan. Hmeichhe tan chuan min hmangaih tu kan nih ang ang a min pawm tu leh hmeichhia kan nih anga min zah thiamtu hi kan tan an lo hlu ber mai.







Bathroom atanga ka chhuak chu an lo in pawm muhil ka hmuh chuan ka nuih suk a.

"I va rei reuh ve" zawi sup hian a rawn ti a ka nuih suk a, kawr ala ha lova Boxer erawh a ha thung.




"Nia fai tawk...in ka inbual alawm" ka nui pah hak a.


Dressing table a ka phone dah chu ban vatin "lo che suh aw" tih leh ka phone Camera a tin ka rual a.





Nau khawih a zei lutuk lova mahse a fapa erawh kei ai mahin a khawih tam zawk a bual lo tihmai loh chu.





Ka click malh malh a, an lam chu ka pan a," khawi ka lo mut ang " tiin zawi muang chuan ka chawi sawn a.






"A harh ange aw"

Ka lu bu nghatin khumah chuan zawi muangin ka mut thla a, khum a dek chiah tihah a tal tiah tiah a, a awmah chuan zawi te a beng thek thekin a sam u malan puan alo sin tir nghal thuai bawk a.





Rei lo te ah a mu tha ve leh mai bawk a, a tetlai atangin a mut pawhin ka paw reng ngailo a, a chham chu ka awm reng hman dawnlo a midangin a awm a ngaih hun pawhin a harsa dawnlo a ka hriat vang ani.






Nu nih ringawt hi chu a har lo a, mahse nu tha tak ni hi a har ani, fa te enkawl dan thiam angai a, duat chu duat tur ania, mahse duat uchuak erawh chuan naupang hi an sual duh khawp mai.




"Chhuk ila, chaw ei pawh a hun tawh alawm," u mala a fapa muhil hmuhnawm ti taka a thlek vang vang chu ka nghawk salh a.




Ka kal a min rawn zui ve mai bawk a,
"Khawi maw i sam hi"


"Engtin ka sam chu"


"Ka lo hnim lawk".


"Ava ho tak"


"Heihi lawm rimtui ka tih chu"

"Nia a rimtui a ka sam pawhin a ngaih riau Modicare Shampoo kha ania, herbal ania"




"I sam pawh a tle siau mai, chuan asei tawh hle bawk anih hi" a sawm hmawr zawn chu a kut a rawn khawih zauhin a nui hak a.






"Eng chen nge ni tawh a"


"A sei riau tawh, i kawng a thleng tep"


"A ni maw? Ka cut mai dawn em ni?"


"A ngailo, ti hian i inhmeh alawm"





Ka nu te bul kan thlen tak avang chuan kan ngawi ta rih a, thu khawmuang lovin chaw ei siam turin chola lam ka pan vat a.



Kan awmpui pahnihin min siampui nhhal zung zung bawk, an chawhmeh siam chu bowl-ah ka suak chhuak a.





"Heihi a tuihmel hle mai tu siam nge a?"


"Nu Mawii (ka nu) siam a nih kha a uluk khawp mai"

Arsa can kawi vegetable chi hramv hrang a pawl chu ka suak pah mawlh mawlh a.





An siam chhunzawm lai chuan thlai hlang eitur brocoli leh tomato chu bowl hranah ka lo zai pah mawlh mawlh bawk a.



Brocoli hi ka thlai duhber ania, carrot te nen can phei chuan tui ka ti zual phawk hlek sela.




End of chapter 8


Heti zawng hi a ni leh mai a ngaihnawm i ti a nih chuan a link hi minlo share sak ve dawn nia.



Ads click hi ngaipawimawh ang aw

[Ngaia]

Ka chan zo a ka nu te chu ka ko phei a chaw ei dawhkanah kil hnuah ka pa tawngtaiin chaw chu hlim takin kan ei a.




Ka naupan lai khan hetiang a chaw ei te kha kan nei ve ngai miahlo a, ka tawmg ngam ngailo ani tawp mai.




Chaw te kan han ei zo a, chaw ei na hmun kan tihfel zawh chuan thutkhawmna pindan lamah ka nu leh ka pa te nen kan ti ti a, Dawr lam thil thleng tam zawk hi chu ka hrilh duh thinlo kei ani hian an lo buai zawk thin a.






Inchung lamah chho in ste a ka ngaihven san ta a,. A rawn harh a min hmuh rualin ursun lutuk hian a tap ta a, min rawn ban bawk a, ka lainat lutuk a mumangah engtin emaw minlo hmu ve em ni ang aw?





"Ka note, engtin mah i awm dawnlo, ka tlangvalte hi tunge lo hau aw, an va sual ve ama in bah bah a ti ve ang aw"
Min en a a inhnit hlawk hlawk reuh a, a bianga mittui luang chu ka kutin ka lo tuai sak a. Hetiang hian a la tap ngailo, a pian tirh atang a tah nasat ber a ni hial ang.







A tap bang chiah tihah a pa a rawn lang ve leh bawk, "ama tinge ka tlangvalte-a chu a tah a" a rawn tuai nghal thuak a.




"A mumang a thalo aniang, " ka ti mai a, ni e naute te chuan engmah sawi thei heklo le. ..




"Papa, enteh lawk Dawr lama ka buaina kha Jenny-i alo.nia a zialo asin aw, vawiin a Vans a hawn chu a thianpa a pe a, an hlim dun ka hmuh khan nuam ka lo ti daih zawk asin. Mahse naktuk lamah vhiang zawkin ka zawt tho ang"







"A nih chu zialo hle mai, ni e, naktuk lamah chuan chiang zawkin zawt la a theih hram chuan ngaihdam a tha mahse a ti zui zel a nih erawh chuan a chi lovang." U mala chuan a ti a dik ka ti viau mai.





Ste-a mut hun hi siamrem a ngai tan a, tlai lamah a mu a zan a dar 9 velah a mu leh thin a duhai chuan zan lan hi a mengrei thin hlek a a mut hun ting hi siam fel ila a tha mak ang.





Ste a zan dar 9 ah pawh ala nui ar ar a, "papa chhiah tawh suh mut tir rawh ti kha chuan a muhil lovang."


"A nih chuan tah hian lo mu rawh" a hma zawn ste a mut na lai chu a beng thlup.thlup a .



Ste a tlakdal kan vuah na lamah chuan ste a chu muttir in a laiah chuan ka mu a.
Ka hnjnga tang chuan a fapa chu a rawn chaih a rawn chhaih tho a , Ste-a ka lamah pawt hnai hret in hnute chu ka.hnek.tir pah a a hnu lawkah a muhil ve leh mai bawk a.






Dawr ka thleng a, vawiin chu ste a leh Sarah-i ka hruai a in awm hi an hne ve thin lutuk a chuvang ani.






Ka office lamah lutin Jenny-i chu ka ko lut nghal bawk a.

"Jenny thil zawh duh che ka nei a"

"Aw u Zualte. Eng lam nge?" Hlautawng lo anga lan tum teh mahse a hlauhthawn zia a aw ah a lang.


" I thiltih kha kei aiin i hrechiang zawk a, a man zat ang pawisa dil che ka tpumlo mahse thudik min hrilh thung ang che"


"I hrethiam tiraw?" Ka en kar a, ka nep.lutuk a inlak rum tan ka ngai in ka inhria.



"Awle "



"Khang thil i tihchhan kha chiang takin min han hrilh teh?"


" U zualte ka tihpalh" a mittui a parawl.kang a, ka lainat lutuk mahse thudik hriat ka duh ani.



"I mittui chu tla pawh ni sela thudik sawi turin ka duh che "

"Ka tihpalh lutuk, hmuhsit nih ka duhlo vangin ka ti ani" a mittui chu a luang ghla nghal.zawih zawih a.



"Ka thiante khan min kawm duhloh phah ka hlau em a chuvang ani, ka bialpa ne. Pawh hlim taka awm.dun reng ka duh a chuvang ania, khawngaih takin min mgaidam rawh"







"Nang ngaihdan lo tur che hian mi fel famkim ka nilo mahse ti nawn leh tawhlo tur che in ka duh che ani. Chuan heihi ka hrilh ang che. Khawvel thil zawng zawng hi chu fal vek tur ani hi, i neih hlut ber i chan hun a awm dawn chu mi ah vhuan khawvel thil tw hian hlutna an neih loh zia leh khawvelah hian emgmah neih ka neihloh zia i hre mai ang."







A chhuah hnu pawh chuan ka ngaihtuahna a vak thui lutuk, tunlai thalaite ah hian tiang hi an tam khawp ang le, chhunte neih hmanga khawsa lian midangte hnuai en tlat thin te hi an tam em em a.






Reithei zawk te dawmkangtu nih ai chuan hmusit tu nih an thlang zawk zel thin si, tun lai thalai te nun tluak khawngaihthlak ka hrelo.





Ste a an lo dah luh takah chuan ka lo pawm ve mai a, room ka chhuahsan pui nghal a, engtiang pawha miliam leh hosa pawh ni mah ila, chapo na nena hun kam hman chhung chuan mihosa thing zet kan ni mai ang. Chutiang nilova Sum.nei tenn tawn tih an hriat chung pawha mi rethei zawk leh neilo zawk te kawmhlim thiam leh ngaihven thiam a, tawiawm thiamte nun erawh chuan ngaihsan a hlawh hle thung.








"Sangte lo kal lawk teh?" Thawmhnaw lo thleng thar tur a awm nual kha lo ngaihven rawh aw a dahna tur te kha lo tahman sa bawk ula." Sangtei chu ko in ka hrilh thuai a, Sarah i pawh chuan a lo pui ve bawk a nuam a ti phian lehnghal.





Ban a hun leh dawn reng mai kan dawr hi dawr dang aiin kan khar hma a, keini vhaw einhma thang kan ni si a, chu bakah tlai lamah hi chuan customer an awm vaklo zawk ani.






"Ste, Papa call ila kan lo nghak dawn nia aw" ste a chu en in ka nuih sak a, nuam a ti ve thei lutuk hi a lawmawm tawp.





"Papa, in bang tep tawh em?"


"Aw tlangvalte kan bang chiah e minlo nghak ru aw" phone ka dah a ka in pack fel a sangtei dawr khar tirin u mala kan lo nghak a .



End of chapter -9

[Ngaia]

Rei vaklo ah a rawn thleng a, car-ah kan luh hnuah vawiin lama jenny ka titi pui dan te chu ka hrilh zung zung a.





Ani pawh chuan tha deuhin alo ngaithla ve mai a, engkim ka hrilh vek a engkim min hrilh thin bawk a kan nun chu nuam tak ani.




"Ka tlangvalte-a kha vawiin a enjoy em aw"

Ste-a pawh chuan a pa zawhna hria ni awm tak hian a nuih let ver ver a, a bianga rawn piai sak pah hian a nuih let var var a.





In kan thleng a, ka intihfai hnuah ka nu eirawngbawl ka pui a, ka phone rawn ri chu ka phawrh a, ka pa call alo ni a. Pawn lamah chhuakin ka pick a.




"Bawihi, in dam em? "



" Aw pa kan dam tha e, in dam tha zawk em "


" Bawihi khawngaihin engkikah emaw helamah hian in rawn phei lawk thei angem?"



" Engtikah nge ni ang?"


"Ka hre lo in remchan hun hunah a ni mai"



"Awle U mala ka lo hrilh dawn nia"



"Aw bawihi ka dah phawt ang aw"




Ka pa in min rawn be thut chu ngaih thatlohna ka nei a, ka pa hi chu ka thlahthlam theilo ka pa ani.




Inchhungah ka lut a ka nu rmeirawng ka bawl pui leh nghal a, hringnun hi chu hlim chhung a reilo a hlim tum viau mah ila a hlim reng theihloh.





Inchung lamah Ste-a leh a pa an in awm thung a, in lamah hi chuan a hna hi a khawih vaklo a, keipawh inchhung chet tamtak ah ka nu ka pui thei a, a zia viau ani.





Chaw ei kan siam a, chaw ei dawhkan kan kil thap a, ka pa chuan tawngtaina hmangin chaw te chu kan ei a.





Chaw kan ei chhungin sarahin stea alo awm a chaw kan eikham a U mala'n alo awm ve thung a, chaw ei na hmun vel ka tihfel laiin ste a tap thawm ka hriat avang chaun ka kut silin inchung lam chu ka.pan vat a.





Step-ah ka tlan chho a room ka lut chiah chu a pa mangang hmel ka hmu thuai.

"Eng nga tinge e papa"



" A kekawr thlakna tur ka laksak chhungin a lo inlet a, khum agangin a tla alawm le"



A hnung te chu a lo tuai sak a, ka nuih a za hnuhnawh viau amah pawh hi a tap lo chauh ani hi maw..ka pawm sak a, hnute hnek tirin. A bang ve leh mai bawk a.






Ka pa thil min hrilh chu hrilh chhawgin hna lama n buai leh buai loh ge chu ka zawt a, a chang chuan ngaihven ngai miahlo leh hmuh phak miahlohah hian awm se ka ti a mahse a ni thei ngawt silo.




" Vawiin Tuesday chauh ala nia Friday velah kal kan tum dawn nia sunday cham turin "




"Awle ka pa pawh ka lo hrilh dawn nia "




U mala hian kan inneih hnuin ka pa hi vawi hnih vel chaih an la inhmu a mahse an in nel em em a ka pa phei chuan a ngaina lutuk.






Nitin dawr kal ngailo hian dawr enkawl tu tur tawp hi rawih mai ka duh a, a chhan chu in lamah awm tam a ka fapa enkawl.tam ka duh a hei pawh hi u mala ka la sawipui ang dawra kal loh tawp chu a theih dawnloh a mahse a theih ang a tam ina awm a ste a enkawl.hi ka duh ani.





Inhnuaiah kan in pawm thla a, ka pa leh ka nu u mala sitting roomah an lo thu kawm ral a eng emaw ni tak chu rel an nei ani.





Ka thu thla ve nghal a, ste a pawhin hnute a hne a, a lo ngawi ve kar a.
Inkhel an en chu anlo sawi zawm malh mawlh a.





Mu turin inchung lamah kan chho a, u mala fel ve na deuh chu ste a mut hma pui a ngai chung pawhin a lo mu ve thlap zel a, mut dawna an inchhaih vak thin erawh mut a chhuah tawh chuan an in lawm.harh leh vek zel.



End of chapter 10

Heti zawng hi a ni leh mai e.


Ads click la .
Next chu ngaihnawm viau turah ngai ang a tawp tep tawh

[Ngaia]

Ste a chu a muhil barh barh a, a laiah hian kan mut tir vak ngailo a mahse zanin chu a a pa in a laiah muttir rawh a ti deuh tlat a ka muttir ve ta mai.







A pa nen hian inchaih an peih lutuk a a muhil lawk thei thinlo a, tunah chuan a thaw sek sek tawh mai, a biang no chek te hi nu leh pa tan chuan hmuhnawm tham a tling tlat ani.





Dar 10 vel dawn chu kan ti ti a, kan muhil thawi lawk lo, Nupa nun erawh hman kan thulh lova mahse ste a hi nau harhvang ve tak anih avangin thawm dim a ngai thin viau.





Ka lo muhil a, zing ka harh chuan a la hma viau , ste -a a awm tawhlo a apa in a thawhpui a nih ngei ka ring bawk. Thawh tum em em lo chuan khumah chuan ka meng reng a, ka mig ka khap leh hlup hlup zel.






Ka muhil leh sek a nih dawn hi u mala'n min ko ri ah chuan ka harh a, ka hmaah Cake leh candle chuan juice nen. Enge awmzia ni ngai.





Ka inbeng tho vat a, "Happy Birthday" a phun sup a, Ka Piancham ka theihnghilh chiamg hle mai, min surprise chiang hle bawk .



"Happy Birthday ka hmangaih che" ka chalah chuan a fawp vang vang a, ka thu tha phawt a.




"Ka lo theihnghilh daih asin ka birthday ani tih" ka nui chhuak hak a. Dawhkana tui bottle chu banin ka in khawlh khawlh a,.






"Le chhem hlum rawh le"
Min nuih sak a, ka tawlh hnai a candle chu ka chhem.hlum a,





"Ka zai sak ang che " leh deuh kher a, ka lu ka lo bu ngat a, 'You are my sunshine my only sunshine tih lai chu a rawn sa a, ni a chhuak chiah bawk a romantic hlaih hliah lutuk.






"Ka lawm e ka pasal ka hmangaih em em" ka kuah a, ka lawm takzet kum tin ka piancham a thleihnghilh ngailo tun kum zet chu a che romantic takzet.






Couch chu ni lo chhuahna lamah chuan a her a, a juice rawn lak chhoh chu dawm dunin ni pawh chuan a enjoy ve hle a ni ang a chhuak chak khawp mai.






Inhnuai lamah chhukin Cake chu kan zai a, zing kar atangin juive leh cake nen chaw pawh kan eigheih hmel loh, ka nu ka pa leh midang te hlim thawm te hi ngaihthlak a nuam takzet .






Chaw ei khamah Ste a leh a pa room lamah an in pawm chho a, ka nu leh ka pa room lamah an lut nghal bawk a. Midangin hmun an ti fel a kei erawh pangpar tui pe in ka buai viau.







Inchhung lama ka luh leh chuan thutkhawmna lamah ka pa leh ka nu couple T-shirt U mala leh Ste a pawh dress inang vek lukhum parh nen enge an hriat ni.






Ka lut chiah a an lo dinh thap a, ka lam an rawn hawi rual thap chu an Shirt hak hmaa ka lem sketch nalh em em ka hmuh chuan ka hmui ka hup tawp, Kan awmpuite an rawn lang ve leh a an ni pawhin anlo ha ve leh thap mai.





"Enge awmzia Nu!?"


"Roomah han chho la hanninthlak la lo chhuk leh thuai rawh " ka pa chuan nui sak sak pah hian a lo ti a.





"Ti khan office i kal dawn ami?"
U mala en pah chuan ka ti a, a lut chuan zaizirin inchung lama chho tur chuanmin ti a ihe lovin ka chho ve nghal mai.







Kan khumah chuan ka kawr hak tur a hmaa ka lem awm tho chu a lo awm ve a, a var ani a a nalh khawp mai . Kelawr dum nen vans Var alo awm bawk.





Ka han induang chhin a, ka inhmeh hle ani, ka dressing table chungah chuan box hi alo awm a, ka hawng a ste a leh papa lukhum ang tho alo awm ve leh an va che cute tak em.






Inhnuai lam pan chuan ka chhuk a, ka nu te ho an lo ri laih laih a, sarah-i leh midang pahnih chuan bag lian vaklo hi an keng a pawn lamah an chhuak a.






"Heihi nilenga ka hak tur em ni?" Ka nu te en ha pah chuan ka ti a, a ngaihna ka hrelo viau dawra hak kha chu ka zak ve deuh ka lem.chuanna ngei a ni bawk si.





Thingpui hang te an in a, ste a cute zia chu ka sawi chhuak thiamlo, Naute ka hmuh tawhab chuan ala cute ber mai.





"Le ama kha a hman em aw?"
U mala chuan ding hluai pah hian a rawm ti a,

"Aw hman mai e, vawiin chu kal.hma deuh mah ila.a pawilo" tih pah hian ste a ka ban nghal zat a, ka sam ka kawng thleng tep chu phiarin lukhum ka khum bawk a.





Ste a pawm chung chuan pawn lamah chhuakin Carah chuan kan lut nghal a, ka nu leh ka pa pawh an rawn lut ve a, ka lo meng kawk.





"Nu enge in lo toh ve dawn?"
An nuih suk ringawt ka ngaih an ti tha veklo.




" Mama, Remsanga'n Car pakhat saw a khalh dawn tiraw?"




"Aw dawn e ka pa"



"A nih chuan kan kal thei a ni mai lawm kal ila"
Ka nu chuan rawn tiin u mala chua tlanchhuak zui nghal zat a, u ka pa vhuan phone hmangin ' a lam phei theih chuan a zia chu' a tih zawng ka hria.






Ka dawr kan thleng a a ding dawn emaw ka tia ding ta lo chuan a tlang tlang a, khaw pawn lam a pan zel a, "emge kan tih dawn? Min ti rilru nuamlo ania"
Ner nang chung chuan ka ti a.






"Kan Picnic dawn mawle" u mala chuan minlo.en zawk pah hian a ti a, hemi te thil.rel chu sawi that ve mai tur ania.






"Awi min ti mangang lutuk.ringawt sawi that ve mai tur cheu ania"

Ka nu leh ka pa pawh a hnung agangin an lo nui huah huah a, keipawh thinrim rei thei ta biklo.le ka nui ve leh ta nge nge a.






Ainawn Park kan thleng a, ka nu leh ka pa an chhuk nalh a, kan hnungah ka pa car a rawn ding zawm.ve nghal zat.





A hnung agang chuan Sangtei te an lo tel ve chu niin sarah i te an chuang tel bawk a, ka hmuh chiah chu min lo vai nghal lauh lauh.






Park chhung kan han lut a, a nawm dan a dang reuh hle mai, thingkung ding te chu a mawi em.em.reuh a.





U mala lah chuan Ste-a pawm chungin min kalsan daih bawk si, sangtei chuan min rawn zawm vatin lawmpuina min hlan liam liam a





"Kar hmasa khan u mala'n min hrilh tawh alawm, ka surprise dawn a ti sia kan sawi ngam silo a" a nui tuh tuh a.





"Tui cheng hle ila ni mai, awi emteh saw" kan hma lam chu a kawk nghal vah a ka hawi phei chuan ste a leh apa chu pool-ah an lo lut mek a.





"Awi nilo"
Ka tlan phei nghal, ste a ka ngaihtuah zawk mah a damlo amg tih ka hlau ani.






"Papa, ste-a a damlo ange" kekawr bul dum ve ve an ha a, tawnzau var an ha ve ve bawk a, glass nen awi hemi te pafa hian min ti a mai dawn ka fapa thla.nga minlek lah chuan a sunglass chu vai thlak a tum bik miahlo leh ngjal.






"Ama kha chu tuichen kawr pawh a keng ve silo a ti hian kan tucheng lai hi minlo en char char mai rawh se" ste a chu a pawm a, a pool chhungah chuan a kal kual pui a, ste a chuan a ke hian tui a dek chang chang chauh a hlim em em lehnghal.






"Ka nu leh ka pa pawh kekawr nul nen an rawn chhuak ve pool te lamah chuan an lut a, an nui leh dar dar thin. Vawiin ni hiannkei chuah hlim ka nilo mi tamtak an hlim ani.





"Sarah Ste-a nu kha a bag kha lo pe rawh le" u mala chuan tui chhung atang chuan a rawn ti a.




Sarah-i chu rawn kalin paper bag vhu minlonpe nghal a, "ama va inthlak rawh le". Nui suk chung hian u mala bawk chuan a rawn ti leh a. Ka han en a, kekawr bul leh tawnzau var tho.






Ka pasal ruahmanna vek ani tih ka chiang khawp mai T-shirt design nalh zet kha chu a laptopah khan ka hmu tawh a ka bengkhawn vaklo mai mai zawk a.






Ka paper bag chu khaiin wash room lamah inthlak turin ka phei a , Bra leh underwear thlengin a awm thlap chuan chapal pawh. Ka pasal ngaihtuah kim dan em em hi chu amak hial ani.






Ka chhuak a, poolah chuan ka lut ve nghal a, ste a chu varak lem lian deuh chuan theihna ah chuan a pa chuan alo chuan tir a, nilo a zak hnuai chin zawng chu tuiah a awm.






Ka lut a , ste a lah chuan a hluah hmel.loh em em lehnghal tui pawh a vawt lo alum pup mai.




A nipple chu a hmuah tah a, sunglass te nen Rinsanga kan thenawm pa Photographer ni bawk chuan a camer a a rawn phawrh a.





U mala chuan sarah-i chu au lehin sunglass pakhat chu a rawn pe leh a min rawn bun ti a ste a chuanna chu hnuk pheiin ghla la tur chuan min pawt phei nghal a.





Ka hlim lutuk chu kannui lo theilo tuuah chuan kan han cheng tak tak a. U mala pawh a nui ri leh hawk hawk zel.





Kan hlim tlang bawk a ste a pawh alo nui ve leh ar ar thin a ka pawm a a pa kan han theh a tui per velina. Hmai a fuh palh chuan a phu leh zawk zel a, a lawmawm takzet.






End of Chapter - 11


A ngaihnawm.tham ang tiraw ?


Ads click leh hram rawh aw.

[Ngaia]

Papa,kan chhuak tawh mai ang kan damlo palh ang," ti in pool pawnlam chu kan pan a, ste a pawh a mut a chhuak tan a niang a mit khap pawh a dul tawh riau.







Kan chhuak a, ka thawmhnaw ngai bawk chu inbel leh in ste a pawh ka thlak nghal a, a damloh ka hlauh deuh avang chuan ka paw lum vat bawk..






Vawiin chu rin loh dan deuha thil thleng a ni bawk nen ka hlim viau ani, kan hnathawk te leh kan chhungkua pawh kan hlim ka pa leh ka nu pawh pool sirah thu in Phone an en dun an nui dun leh hak hak zel.






Vawiin ka piancham keimah chauh nilo mi tamtak hlimna ka pasal in a thlen thei hi ka lawm a ka chhuang takzet.




Chhunah chuan thutkhawmna lamah kan phei a a hnu lawkah Cake lian deuh tak an rawn chawi lut a heipawh ka rin phak bak ani, chhawng hnih a ni a mahse a lian tha lutuk ringawt.






'Shalley Bakes' te hnen ami ni rengin an rawn deliver thlap bawk. Dawhkan ah chuan cake chu dah in thla an han la tliar tliar a Ste-a a mutthilh tawh avang erawh chuan an thawm an dim hlawm viau.





Ka pasal chu rawn ding hluai in an ngawi deuh thap a. " Vawiin ka nupui Lalbiakzuali Birthday lawmnan kut beng hrim hrim ang aw" Sarah i chu ste a pawnah va paw rih tura signal in ka nui sak sak a.





"Naktuk lamah Lunglei pana kan kal a ngaih dawn avangin vawiin chu enjoy em em tur a ni ringawt mai" a ti leh a, ni dawn tak lunglei kal kha ka mangnghilh daih mai. .







Ka pa in tawngtaina a hmang a, tawngtaina a hman zawhah cake zaina te neiin Sangtei leh jenny chuan juice an awn sem bawk a.






Cake chu Red Velvet cake niin Blue berry flavour a la ni zui ka cake duhber ani.




Cake vel kan zai zawh chuan pawn lamah chhuakin ka phone chu ka phawrh a, ka pa chu call in naktuka kan kal tur thu te ka hrilh chuan a phur hmel.khawp mai.







Ste a karleh hian thla 6. A tling ve tawh dawn a, mahse hritlang vel a kai kan hlauh avangin kan chhuahpui duh lem vaklo.





Chawhnu lam dar thum pelh hlekah kan haw a in kan thlen chuan dar li a ri tep, ei rawng bawl tite lamin eirawng an bawl sap sap a, Arsa leh bawngsa siam tur kan lei haw nghal bawk a. Kei erawh in sa ka ei ngai lemloh avangin sa a thlak tur ka ei duh ve zawng Paneer ka lei hnawk a.









Arsa ka duh ang taka siam ka duh avangin ka siam tura lo dah tirin ka hrilh hlawm a, alu lo vel sa sela siam theih maiin lo awm se ka siam nghal zung zung mai ang .







Inchung lam panin kan chho a, roomah kan lut chiah tihah " U mal ka lawm lutuk e aw" ka nui nghal sen sen a mit zim sui hian min en a






"I lawm tak tak chuan ka hnung hi min hmeh sak lawk la"
Inla no thei vel.sia aw.





Khumah chuan bawk thlanin a kan lian leh sei zet chu a phar ngal zuar a.





A siarah chuan thu thla in a hnung chu a hmeh sak a, massage oil chu ka kutah bunin ka thiam ang tawk chuan kan sawngbawl.





.ka thawh leh meuh chuan alo muhil daih tawh, vawiin chu a chau ve ani mahna ka kaitho lo mai ang.




Ka inthlak a, polajo leh top chu ha in inhnuai lam chu ka pan a, Ka nu in ste a awm tho bawk a, eirawng bawl.tur chuan choka lam ka pan nghal a.







Dawhkanah chuan alu vel sa leh bahkhawr sil sa, purunsen chan sa leh purun var te, ka mamawh tura ka sawi ang hi chu an lo dah sa siam a.







Arsa chu ka kang zo a , ka nu pangpar te tui pek sak lehin tual vel chu ka phiat gai leh a. Thli a thawt phei hi chuan kan in kawta senhri kung hi a bnah a tla nasa ve thei si a, phiah loh hlek chuan a hnawk tawp thuai mai zel.






Inchhungah lutin ka kut te ka silfai a, ka pa in chaw ei siam tawh tura min tih chuan chaw hmeh vel chu ak suak nghal sawk sawk bawk a.






Ka muhil ka harah a, zing dar 6 leh tlem a lo ni tawh ka tho a, rin loh deuhin Ste-a alo la muhil ve sak sak mai. A nipple chu ala hmuam tah reng a, a nui leh suk suk zel.



"Kan tlangval te hi a mumang ah ama a hmu a ni maw?" A biangah nul thuak pah chuan ka ti a, a muhil tui bawk a a thaw sak sak mai.





"Apa alawm a hmuh" ka hnung lam atang chuan a rawn ti leh a" ka in beng tho a troli suitcase chu la chhuakin kan thawmhnaw ken tir chu ka siam nghal zung zung a.






Thawmhnaw ken tur ka siam zawh chuan bathroom lamah lutin ka hmai ka phih leh a ka ha ka nawt nghal vek bawk.





"Chaw ei khamah muang marin kan chhuak dawn nia hmanhmawh suh aw" khum atang chuan a rawn ti leh a.





Ka dresing table a darthlalang atang chuan ste a tal tiah tiah chu ka hmu a, ka hmui chu ka kut zungchala chuktuahin u mala chu ka signal vat a.




End of Chapter 12

Ads click kha aw