EPIC LOVE BY Rosy Jefleen Venixx (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

Re: EPIC LOVE BY Rosy Jefleen Venixx (Completed)

Unread post by Ngaia » May 16th, 2021, 3:06 pm

✨EPIC LOVE ✨

CHAPTER SEVEN


------------------------




ONE WEEK LATER





"Aih nilo, principal khawngaih in naktuk atangin rawn kal tan tawh ka duh, karkhat lai ka chawl tawh a, ka hahdam tawh lutuk alawm" kan school principal lah hian pasal ka neih avang hian min duhsak emaw ni, la chawl rih turin min ti char char a, inah awm mai mai thei ka ni lo, tihtur emem pawh a awm chuang lo, maid pakhat a langin a rawn kal ziah tho a, zing eirawngbawl bak tih tur ka nei lo, bakah inah ka awm reng chuan lalmuanzuala sulhnu ka hmu reng a, ka hne lutuk, pawn lamah chhuah ah boruak dang hip ka mahmawh

"A nih i ti tlat chuan le, i chhungte pawh an hmaizahawm alawm le" muanzuala te chhungkaw mo chu ni lo ila, rawn kal tawh rawh a ti chhen awm sia..

"Khalam ah kha chuan buaina a awm lo sir, naktuk atangin ka lo kal ang"

"Awle a nih kan inhmu dawn nia"

"Ka lawm e sir" phone ka dah nghal a, in ah awm ngar2 ai chuan hnathawk ila a nuam zawk ang, bakah muanzuala pawh a hun tam zawk pawnah a hmang a, a nin a duh² a tih laiin kei inthlahrung reng² in ka khawsa a..a fair hlawl lo..

Zanriah ei hun velah muanzuala office kal pawh a rawn haw a, min neih avangin a rawn haw hma thin nge, a mizia ve hrim² chaw ei hun ah hi chuan a rawn thleng hman ziah a, a office bang a lengkawi ngai lo tih a hriat, a nih lo pawn a pa a hlauh avangin a rawn haw hma ve mai mai zawk

"Tunlai in buai em bawiha" a nu hi chuan a duat hiam hiam mawle, engtik lai pawh hian nui sang hian a be reng a, ka awm tirh atang tawhin ka nu hian awka vin a la hman awm ka la hre lo, engtik lai pawh hian a hlim reng emaw tih mai tur a ni

"Buai em em love" a chhungte lakah hi chuan perfect a ni ringawt, ka lakah erawh monster, rapthlak hian..

"Inthlak la, zanriah kan ei dawn nia, Zorin bawihi, inpa hi han inthlak pui ta che" awi ka va hne tak, aih tih chi lah a ni silo, tel ve reng ngai hi ka ning

Ngawireng chuan room lam ah kan inzui chho a, a inthlak chhung zawng veranda ah dingin phone ka khawih char² a, ka nghak tih a hriat vang nge a inthlak rei em em lehnghal, nidangah a inthlak ran theih nen nen, ngawireng hian a chimawm thei em em a, ka huat tawk lek lek ah khawsak a thiam si, ka ning lutuk ringawt

"Ka chhuk dawn, hmanmawh rawh" tih leh chhuah ka rual a, kan inneih atangin karkhat lai chu a ni ve ta reng a, room khatah khawsa dun mahila khum khat ah erawh kan mu dun hauh lo, khumah mut kan inchhuh thin a, a hman bik sia, chaw eikham velah room a pan ding nghal zel a, thlengsil ngai ve hek lo, a lo mu than zel Lehnghal, sofa ah ka mut chang lah a tam..mipa ve si hmeichhe care na chang pawh a hre lo..

Awka vin ah han inhau chang awm thin mahse, rei erawh kan inhau ngai lova, ngawireng hian ngeiawm deuh deuh hian a awm mai zel thin a, keilah thinchhe ve tak ka lo ni bawk nen, ka inmil thei hlawl lo..

A pa hi a hlau tih ka hriat atang khan ka vau deuh reng mai a, a pa hmingah thil ka sawi chuan a zawm lo ngam ngai lo, tha khep khep tak a ni..

Mahse a let erawh a awm ngei ngei thin, kut thlawn ba duh lo an tih chu amah ngei hi a ni ang

Zanriah kan kil thap lai chuan ka huaisenna zawng zawng sawmkhawmin "ka nu, ka pa, naktuk atangin school ka kal tan leh tawh dawn a, khawngaihin min phalsak turin ka ngen che u" ka sawi zawng ringawt pawn ka khur lek lek alawm, he chhungkua ah hian ka la tlangnel tawk lo tih a chiang hle..

"A ngai lo" muanzuala lam chu ka en vat a, hepa hi chu ka buaina rallian a ni ringawt.. rum theih ang ber chuan ka melh a, en pawh min la en duh lo zui

Han hnial dawn ila chhungte an awm ve bawk si, ka dinhmun hahthlak zia hi chu

"Ngati maw..enge maw tal ka tih ve loh chuan a khawhar thlak lutuk alawm" zaidam hmel tak chuan ka ti a, insum ngai reng lo se chuan a au in ka au tawh ngei ang..

"Inah pawh tihtur a tam alawm..engmah tih ngai loh chuan khua a har duh alawm" zawnga hi, ka fian ken chu ka hum nghet sauh a, ka insum thei lo anga, fian hian ka vawm pawp ang tih ka hlau

Dawhkan hnuai atang chuan a ngal ah ka va pet chawrh a, ka pa zawk a rawn au that, muanzuala nilo in ka pa zawk ka kick tihna mile..hit lo thei e..

"Ngati nge ka pa, na i nei ami" muana chuan a rawn ti a..

Ka inthiam lo, zak bawk si, ka pa lam pawh ka hawi ngam lo hrim²..

"Aaa..eng a ni lo e, i tawrh ai ka tuar a nih hmel khawp mai" ka pa in a tih chuan ka kun lap tawh, Ka nu leh muanzuala erawh an hrilhai hmel viau

"Eng ka tawrh ai maw" a va han kawlo tak, thil hrethiam lo lutuk, nge ni a, min tih zak nan sawi chhuah tir a tum hrim hrim zawk..

"Awle..Bawihi i duh ang ngei chuan hna chu i thawk dawn nia" ka pa in a rawn tih chuan ka hlim lutuk hi au chhuah nghek ka duh

"Mahse ka pa"

"A tawk, muanzual, i nupui hian hna a thawk duh a nih chuan a thawk tur a ni, naktuk atangin a kal lam leh haw lam hruai ang che" ka pa in a tih chuan muanzuala chuan min melhrum nang mai, ka sawi lai te khan min hnial zawt zawt lovin lo pawm ve hle hle tur a nia, tunah erawh a chawh dawn khawp

Mahse a hruai erawh ka duh chuang lo. Tlansan duh mah naklaiin kan la kal dun reng te chuan ka nileng mood a chhe palh ang..

"I fiamthu a mi ka pa, engtin nge a hna kal tur ka hruai reng theih anga, hna kal ka ngai ve tho alawm" vin zet chuan a ti a..tun ang hunah hi chuan ngawih kar hi a finthlak ber, ka chhan beisei deuhah min rawn melh pawhin ka en duh lo lui ve ngat, min pui duh loh man a hmu a ni mai

"I nupui hi mahni chuahah chhuak tur leh haw turin i duh a mi"

"Taxi te pawhin a kal theih reng alawm" a rilru chhiatzia hi, taxi ah inkal tir bik, a ni nitinin car manto zet ah a chuang a, taxi fare min tumsak dawn te a nih ngawt loh chuan bus in ka kal ang, pawisa ka ui

"I va ti mak ve, i nupui hi taxi ah thlahliam i tum a maw..i nu nen kan ingaihzawnlai chuan a tan nitin ka awm a sin, ka hna ka chhuanlam ve ngai lo" wow..ka pa hi a lo romantic thin awm, mipa diktak a nih hi. Ka ngaisang thar riau mai a, ka nu tan chuan angel a ni ringawt dawn alawm, hetiang tur hi a ni mipa chu perfect tawp, a fapa hian tlem talin chhun ve se chuan a zia deuh tur..

"Mahse.."

"A tawk, min hnial reng suh" thinrim tih hriat zetin muanzuala chu a tho nulh a, duh leh thinrim mai mai rawh se, tih Theih vak a nei chuang lo...nuam dawn e, naktuk atang chuan zalen deuhin hun ka hmang thei tawh ang..

MUANZUALA P.O.V

Ka va han hne zozai tak em..tih theih lah ka nei der silo..

Henu pawh hi awm ve hle hle mai tur hi a nia, ka hna a ti tam sawt lehnghal, ka ning ka ning lutuk ringawt..hetiang reng chuan rei kan khawsa ho theih lo ang, engthil emaw tak ka tih ngei a ngai dawn a nih hi

Ka then ngawt theih bawk silo, amah zawkin min then se chuan a tha mai tur, min then rawh han ti ngawt dawn ila a chhan a awm ve a ngai awm si a, Rintluanga hnenah sawi ila, ngaizawng der se tha ngawt ang..

Ka nupui neih ni atang khan zing ah lah hian ka harh hma thei em em mai a, engvanga harh hma ve ngawt nge ka nih? Mahni ah mu thang ka ni a, hetia ka room ah midang an lo awm ve avang hian ngai neih har ka la ti pawh a ni mai thei ni

Zorini erawh a la mutui hle a, hetia en mai hi chuan hmeichhe tha tak leh tihnat awlsam tak hmel a pu a, a harh lai hmel leh a muhil lai hmel chu in ang lo ve tak a ni

A chanchin tlangpui ka chhui a, hmeichhe awmherh tak leh khawlai lawm mi chu a ni hauh lo, nungchang tha tak leh hawiawm tak ani, mahse ka lakah erawh a nasa thei piap piap khawp mai, ka huat aia nasa in min lo haw zawk pawh a ni mai thei a ni

Ka rilru hi a dik lo zawk nge, a chang chuan khawngaihna rilru ka pu lek lek thin a, chhan leh vang awm lo hian runluih te ka chak thin, a thinrim ka hmuh chak vang erawh a ni hauh lo, nitin zantin lo inhmuh reng takah chuan zawi zawiin ngainat a lo awl tial tial a, a rilru tihnat ka chak thei teh lul nen, tunah erawh ka ti na viau angem le? Tiin ka inngaihtuah nawn leh thin, ka duh ka sawi a, demna thu ka sawi mawlh mawlh lai pawhin ka inchhir a, hetiang hian vawikhat mah ka la awm ngai lo reng².

Ka thinlung hian khawngaih viau mahse ka rilru chapona hian chu² a ngai thei der bawk silo, rilru hah leh ingaihtuah rengah ka mut chang lah a tam

Tul tawp khawk lo ah chuan min be ngai lo a, ka duhdan thin kha a nia, mahse tunah erawh chu thil chu ka ngaithei der lo, han biak hmasak dawn lahin sawi tur reng ka hre bawk silo..a lakah sual ka chhuahlui char² a, tunah phei chuan a mah aiin min haw leh zual tawh

A hna kal tur ka pa in thlah turin min ti a, ka tawngkam leh chezia in phat mahse, mak tak maiin chhungril ah hlim veng vengna ka nei a, ka thlah hlau niawm takah hamnmawh thei ang berah kan room a chhuahsan te chuan ka nui chhuak huk,

Umzui ve nghalin nelawm lo tak chuan "rawn chuang rawh ka office kawng tho a nia, kawnglakah i chhuk dawn nia" a mah pawh en lovin driver seat ah chuan ka lut a..a rawn chuang lo ang tih ka hlauh maizia chu, ka nu a rawn chhuak hlauh a, ka lawmzia mai chu, engsawi lem lovin ka nu hmuh lai chuan a rawn lut a, ka nu nen in bye2 lawp lawp chungin kan tlan chhuak nghal a

An school thleng thlah ka chak a, mahse ka thlah ngam bawk silo, bakah a ngawikar a, biak hmasak ka hreh ve bawk si, hmeichhe sawiduh zawng lah ka hre bawk silo

Rosei nen khan inkawm tam mahila, a ni kha chu a danglam a, hmeichhe thenkhat anga titi luam chi a ni ve lo bawk nen, a ni lo Hmeichhe dang han kawm lah ka nei bawk silo, ka sawiduh zawng te lah hi he hmeichhia hian a ngaithla peih dawn lo tih ka hrechiang ropui si a..

"Tah khan ding rawh, ka chhuk dawn" kawng pengthuam kan thlen chuan car chu ti dingin a chhuk nghal a, ka chhungte lakah chuan a nui sang a, hlim hmel zetin a awm a, ka bulah erawh a tum bur reng a, a duh loh chung ka hruai lui emaw tih mai tur a ni

"Dar 3 ah ka rawn hruai ang che" ka tawngka chhuak lah hi a nem hran bawk silo, bakah sawi tur ka hre bawk silo, ka rilru ah rawn lang hmasa apiang ka sawi mai zel..min chhang lem lovin ngawireng in a kal nul nul a, rawn hawi let se, min rawn nuih se, nih loh pawn "nihman nuam" tih tal ten min thlah ve se, ti mahila ka duhthusam mai chuah a ni si, a tir atangin engkim a kal dik lo tawh a, a rilru ti na leh zual turin keiin ka lo ti buai chhen bawk nen, a rilru ah min huatna bak a awm ka ring lo..

Aaa..ka ning, ka ning lutuk, a hma anga awm leh kha ka duh, a hma te kha chuan ngaihtuahna chhete mah ka nei lova, engkim kha a awlsam em em vek a sin le..tunah ka awmdan hi ka haw takzet, hetiang rilru hi pu thei ka ni lo, thildang ka rilru lak penna tur ka ngaihtuah vat a ngai ani, a nih lo chuan he hmeichhia a rilru ah min huatna bak pailo hi ka hmangaih ang tih ka hlau, ka hlau ngawih².. hmangaih theih ka nilo, ka neihchhan hi ka hrereng tur a ni"

Thaw chhuak hakin engine ka ti nung a, chak theih ang ber chuan ka tlanchhuak nghal a..

Cont



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 16th, 2021, 3:06 pm

✨ EPIC LOVE✨

CHAPTER EIGHT


-----------------------



MUANZUALA P.O.V




Hnalam ah ka buai deuh avang leh ka thiante ho nen tlai lam tawhah no kan dawm ho leh avangin inlam ka pan meuh chuan zan dar 7 a pel duai tawh a, nidanga ka haw hun nen ngaihtuah chuan tlai tawh tak a ni

Ruah a rawn sur thut avangin duh ang pawn a tlan chak thei lova, tunah ang hunah traffic a jam ang tih reng ka hre lo

Nilengin ka office kawngkhar ka pel lova, ka rilru leh ngaihtuahna ah zorini, ka nupui hlir a lang a, engvanga ka ngaihtuahna luah ve ngawt nge a nih tih ka hrethiam lo kher mai

Amah ka ngaihtuah reng loh nan ka hna lamah ka insawr bing lui ngat ngat a, thil awlsam tak erawh chu a ni hauh lo

Tunlai phei chu Rose hian min rawn be nasa a, thiantha anga ka ngaih avangin ka be chhe lem ngai lo, amaherawh chu thian tih piahlam deuhah min rawn biak a ching tan riau a, ka office thleng² ah rawn kal a ching tan a, chu erawh ka duh lo thil tak a ni, ka office ah hian ka nu taknghial pawh a rawn kal tha ngai lo, hmeichhia mipa office ah kal du du hi ka hmu thei lo a ni ber mai

A rilru a hah taktak nge ni anga, a chhuanlam mai mai tih lah ka hre silova, lo inhauh ngawt lah thildik a ni ber bawk silo

Engemaw changah ka taksa rawn khawih a ching tan lehnghal a, engemaw tak ka tih lo chuan ka insum thei lo anga..duh aia nasa in ka hau ang tih ka hlau, nupui nei lai ka ni a, ka nupui hi ka duh emaw duh lo emaw pasal ka nihna angin ka rinawm tlat tur a ni,

Mahse engvanga a ni berkher ngaihtuah chhuak thut nge ka nih le..aaa, ka a thei mai dawnin ka hria..

Motor horn ri tuar tuar ah chuan ka harhchhuak thut a, chak tak chuan ka tlanchhuak nghal

In ka thlen meuh chuan tlai tawh tak a ni, ruah lah chuan banzai reng a rel bawk silo, lungawi lohna a nei emaw tih mai turin a baw hawk hawk bawk si, ber thla kan chuangkai tep tawh vang nge, khua lah a vawt reuh em em lehnghal

Inchhung ka luh rual rual chuan chhuanlam tur ka ngaihtuah nghal,

Tlangval puitling tawh, nupui hial nei tawh tanah chhungte bulah chhuanlam ngaihtuah reng ngai hi chu a khamawm ve det tawh a ni, ka nu thupek chu nilo se, ka room ah ka tlang nghal ang

"Ka lo haw tawh e" sitting room ka thlen rual rual chuan ka ti a, ka nu leh pate chuan tv an lo en a

"I va tlai em em ve"

"Nia ka nu, vawiin chu hna kan nghah lutuk, naktuk ah tih aiin ka rawn ti zo law law lawm le" pangai Theih ang ber chuan ka ti a

"Umm..a nihchu mawle..in nu nen a mi in rawn haw" ka nu zawhna vang chuan ka phu deuh zawk lehnghal

"Maw..a la haw lo a maw" mak tihna in ka khat nghal, school te chu dar 3 ah an bang daih tawh si a, ka secretary in a chhui vek tawh a, in thlen lo a hun tawh lo reng²..

"La haw nang, i bulah a awm lo a mi"

"Awm nang"

"Han phone la, khawiah emaw a kal kawi ve lawk pawh a niangchu, i va hruai dawn nia" ka pa in a tih chuan ka bu nghauh ringawt, hnial pawh ni ila, awmzia a awm dawn lo, thinrim tun in ka hruai leh tho awm sia

Ka room ah ka luh rual rualin ka phone ka phawrh nghal a, nikhat lek a chhuak ve dek dek a, a haw tlai nghal chu a nia, enge maw a hriat hrep ni..hah tawh sa naklaiin hna min siam leh ta ngawt e..ka va ngei reuh tak..

Call ka tum zet na in, a phone number ka nei reng reng lo,..

Ka chhungte hnenah lah ka nei loh thu sawi ngam a ni bawk silo, ka secretary lah tun ang hunah tihbuai ka hreh ve bawk si, bakah mahni nupui number pawh nei lo chu min hmu mak ngawt ang

Ka va ning tak em..ruah lah chu a sur nasa ropui si a, mut hahdam ka chak tawh tehlul nen, inthlak lovin ka tlanchhuak lehnghal a, a kalna awm ang tur ka hre bawk silo

A thian kawmte ka hre ve bawk silo, ka pawngpaw tlan vak vak ringawt a

A nu leh pate inlamah a kal a ni mai thei, chumi lampan chuan ka tlan nghal a

Hrim² in a tlai dawn te chuan min rawn hrilh ve tur a nia, a nih loh pawn ka chhungte tu emaw tal hrilh hriat ve tur a lawm, tiangte chuan kan inzawng seng nang..

Karhnih awr chuah kan la innei a, a mizia a mak tulh tulh lehnghal, hmeichhe fawr ching a lo nih vaih chuan aw, ka chhuah hauh lo ang mawle..

Ka ingaihtuah chhungin an inkawt ah ka ding der tawh, tun ang hunah min beisei awm silova, bakah lo awm lo ta se, an hnenah enge ka sawi ang le..mahni nupui awmna pawh hrelo pasal min lo tih phei chuan ka zak ngawt ang

Nihliap ka ken loh avangin ruah ka do phei tawp a, a hlat vak loh tehreng nen ka huh hman vek tho

Kawngkhar chu ka kik mawlh mawlh a, zorinpuii nu ngei chuan min lo hawnin min hmuh chuan a phu deuh zawk nghe²..mak a ti pawh a ni mai thei, bakah engmah ka hrilh lawk bawk silova

"Ehe.. muanzual nang maw..enge ni ta? Lo lut rawh" kawngkhar chu rawn hawng zau in kawng min kian nghal a, inchhung ah lutin kawngkhar bulah chuan ka ding a..

"Englo a nia, ka pi ka rawn kal chhan chu ka nupui a rawn kal mial em le, ka phone tlang theih miah lova" mawl min ti ru ngawtin ka ring, bakah nupa inpawh lo tak kan ni tih a hrethiam hrim hrim ang, chuti nilo se chuan a awmna hmun ka zawt awm tawp silova

"Kal miah lo, enge thil thleng a awm a mi, mambawihi chu a rawn la haw lo a mi" a mitmeng ah dawt a sawi lozia ka hmu thei, bakah hlauthawng hma tak a ni ngei dawn a nih hi, i fanu awmna ka hre lo, ti ila chuan a tah hawm hawm theih ka ring, a rilru nawm zawk nan dawt ka sawi pah ringawt lehnghal

"Nilo e..chutiang a ni lo, keimah zawk hi ka rawn haw chiah a, ka be tlang thei silo nen, a lo len palh tak in ka tia, rawn lam kawi ka tum a, hetah a awm lo chuan inah a awm ang" nui sen sen chung chuan ka ti a, a ni pawh a hahdam leh hmel khawp mai

Awm khawmuang lem lo chuan ka chhuak lehnghal a, khawiah teh hrep chuan nge maw a kal chu le..ka hmuh hun ah ka hau nasa ngawt ang, amah vanga ka buaina zozai hi ka hne lutuk ringawt

Car ah lutin ka tlanchhuak lehnghal a, ka rilru a vak thui kher mai

Misual in an kidnap aniang tiin ka ngaihtuah a, mahse chu em chu thleng lo turah ngai ila, nge ni a, a nih hi min nei peih tawh lovin a tlanbo zawk ni ang? Mahse chutiang mi ah ka hmu bawk silo, a tet tehreng nen min van tibuai reuh tak em..

Ka phone chu rawn ring in rangtak chuan Motor ka ti ding nghal, number ka hriat ngai lo hnen atangin a nih..thinphu dep dep chung chuan ka la a

"Hello"

"Hello.. muanzuala a mi ka biak" hmeichhe pakhat hian a rawn ti a

"Aw ni e..keimah ka ni e, enge ni ta" ka rilru chuan thil tha lo lam hlir a ngaihtuah tawh

"Zorini thiannu sarahi ka nia, zorin hian a phone a ti bo daih a, kan inah a awm aw..chaw a lo ei dawn a, lo ngaihtuah suh" hrep chuan a..phone a ti bo a nih pawhin midang phone hmang se..hma takah min rawn hrilh theih reng si a, bakah engtin nge sawi lawk miah lovin chaw ei a tum ngawt, zinglam ah te a chhuah hma in ka chhungte hnenah sawi tur a nia, ngaihtuah em em in an awm a, a ni a thiante inah thlamuang deuhin a lo awm reng a, ka va kal anga, ka va rek chhuak dawn emaw nile..

"Khawiah nge in² a awm" ka aw chhuak pawh a nelawm hran tawh lo, thinrimna hlirin ka khat a ni deuh ber mai, mangang em em in ka zawng a, chuah pawh sawi lovin ka ngaihtuah em em a, amah vangin zanthim hnuaiah ruah sur pawh pawisa lovin ka tlan kual a, ani erawh kan ngaihtuah lo emaw tih tur khawpin a lo awm mai mai amaw..a va han chak dawn lo rua em?? Pawn ka chhuah tir tawh dawn lo zawk emaw ni le..

A address a rawn sawi zawh rual rual chuan phone off in ka tlanchhuak nghal a, kawngtluan in engtin nge ka tih ang, tih hlir ka ngaihtuah, ka hauh dan tur te leh a rilru tihnat nan ah ka tawng dan tur thlengin ka in ngaihtuah a, mahse mak deuh mai chu hetia ka bul hnaiah a awm lo hi chuan ka ngeiin ka haw thei em em a, tihnat hliah hliah ka chak a, ka bulah a awm erawh in chung zawng zawng chu phiahfai ang maiin abo leh vek thin a, a hmel ka hmuh chiah hian tawng tur ka hre lawk lo thin, a chang chuan ka sawi tur hrelo hian ka hau hrep hrep ringawt zel a, ka inthiam lo thei lutuk..



ZORINPUII P.O.V

School ka thlen rual rualin thawhpuite chuan min lawmpui thu min hrilh chamchi a, vannei min tihzia te leh min awh thu te, ning hle mahila, lawm hmel put hram hram a ngai si, kalna piangah thu ngai hlir, a ninawm dawn tlat...

Nileng ah ka buai vang nge, hun a kal chak riau mai, dar 3 a lo ri der tawh a, haw tur chuan kan insiam mawlh mawlh a..

Thawhpui dangte chuan car an neih avangin an haw thei mai zel a, min thlah haw theih tho na in, in thlen thuai thuai chakna pakhat mah ka nei lo..

Muangchang chuan ka kal a, office ban hunlai a ni bawk a, traffic a tawt hle a motor horn ri tuar tuar nen a thawpik thlak khawp mai..

Tu emaw in ka hnunglam ah min rawn ko chuan ka hawi let vat a

"Elly, nang maw"

"I lo dam tha em?" Elly ka hmuh chuan ka ngaihzia ka hrechhuak chiah, ka kuah nghal thlawp a, an chhungkaw thil avangin min zinsan a,..

"Khawiah nge i kal a"

"Ka hna kha ka zawm tawh a" kawngsir ah thutna an siam ah chuan thu in kan titi siam siam a, reitak kan inhmu tawh lo bawk a, sawi tur kan nghah dun hle

"Company pakhat president nupui ni ve si, tinge ke a i kal a"

"Sawi pawh ka sawi peih lo e" nin hmel zet chuan ka ti a

"In² kar a la tha chuang na nge"

"Engtikah mah a tha ngai lo" tunlai chu muanzuala mizia a inthlak deuh hlek a, mahse elly bulah erawh ka sawi duh lo, a ngaikawi palh ang

"Enteh..thiannu, hetiang sawi hi a nuam viau lo na chungin, in nupa inkar hi siamthat tum ru"

"Engtin nge ka siam that anga..kan inbiak ve hlek chuan kan inhau nghal a ni mai" ner sang chuan ka ti a

"Pakhat zawk² in dawhtheihna in neih a ngai a nih chu" amipa zawk pawhin ngawih a chhuh ngai lo a nia..

"A ninawm sawi reng suh, ka nun hi ka ning lutuk, ti reng² ah khawsak reng hi chu"

"Ni dawn reng a sin, i duh emaw duh loh emaw pasal i nei tawh a, huatna rilru i pai reng chuan nangmah bakin hreawm i tuar dawn lo, bakah sawi tawp mai ila, in pa lah hi a chhe zawk zawk bawk silo, nula thalai pawn an la duh a nia, hetianga i awm reng chuan ngaihzawng a la neihsan che nga, i hreawm tihna a zual ting dawn nia" elly thusawi chu ka ngaihtuah neuh neuh a, a sawi dik lo hran chuang lo, huatna nen ah hun ka hmang reng a nih chuan keimah bak hreawm ti tur an awm lo, mahse ka chapona in biak hmasak emaw nelawm takah ka awm tur hi a duh bawk silo, a mah zawk in bul rawn tan sela chuan a la zia mawle..a ti dawn bik bawk silo..

"Ni e..i sawi ang chuan insiam that ka lo tum ange..kan kal tawh ange..a tlai zel si a, remchang ah min rawn tlawh dawn nia aw"

"Tehreng mai, hlim deuhin awm rawh aw" kan inkuah leh tete phawt a, taxi lo tlan chu pharin ka lut nghal a..

In lam ka pan lai mekin ka thiannu akimi in nau a neih dawn thu leh a chhungte an awm loh avangin a mah tanpui turin min rawn ti a,

Ka rilru hmanmawh nen, Ka chhungte engmah ka hrilh hman lova, taxi chuan kan inlam nilo vin akimi te inlam pan chuan ka tlan tir nghal a..

Inchhung ka luh rual rualin akimi chu na tih hmel takin thuthleng ban a lo vuan tang² a, nau neih hun hnaiah te khawiah nge a chhungte pawh hi an bo zawh vek le..

Akimi chu kai chhuakin damdawiin hnai ber chu ka pan pui a, a nau neih hun hma in nau a hring dawn a nih hmel, darkar khat lai a vei tawh a, a chau tawh a ni ngei ang, nikhua a hre lo nghal a

Doctor ten zai mai a that thu leh a chhungte ka nih leh nih loh min zawt a, ka nih lo thu in ka chhang a..

A chhungte phone tumah ka phone ka dap chuan ka hmu zolo, ka thlauh bo emaw taxi chhungah khan ka theihngilh a ni ngei ang

Number han call mai tur lah ka hre bawk silo, rangtak chuan hospital atang chuan tlanchhuakin akimi te inlam pan chuan ka tlan a, a nu a lo awm hlauh a, thil awmzia ka sawi zawh chuan damdawiin lam pan chuan kan tlan lehnghal a,

Khua a thim tan a, ka chhungte lakah ka inthiam lo hle a, ka vawikhat chhuah ve na ah ka tlai nghal der chu a nia, muanzuala atan phei chuan min tawngkhum theihna chances a ni leh dawn a..

Ruah lah chu a sur chur chur a, tihngaihna dang awm chuang lo le, damdawiin ah chuan ka awm ve char² a, akimi pawh tluang takin an zai hlawhtling thei a, naute duhawm deuh mai a nei a, ka lawmpui takzet, engtik ah emaw muanzuala nen fa kan la neihdun ve awm si a, nge ni a, fa neih lovin kan awm kumkhua zawk ang..

Zan dar 8 a ri tawh a, ka chhungte engmah ka hrilh bawk silo, an mangang in min lo zawng ta se, engtin nge ka tih ang?

Haw ka tum lahin akimi chhungten an inlam ah haw tur leh zanriah ei turin min ti a, ka hnial taknghial pawn ka thusawi an ngaihthlak duh loh avangin hreh tak chung chuan akimi te inlam pan chuan kan haw leh a..

Rilru thlamuang pawn chaw ka ei lo, ka za chung maiin ka hria, ka chhungte hnenah chuan thil awmzia ka sawi anga, min hrethiam em em ang, mi rilru zau tak an ni alawm..mahse muanzuala mawlh hi, engvanga tun atakah hlau ta em em nge maw ka nih le?? A tawngkam chhe taktak te chu nitin ka tuar ziah tho a, mahni in inhnem chawp mahila awmzia a awm lo kher mai

Elly a rawn lang hlawl a, ka lawmzia mai chu, a hmel ka hmuh hian ka thlamuang sawtin ka hria

Thil awmzia ka hrilh hriat hnu chuan muanzuala number a neih thu leh call a tum thu a sawi a, call suh han ti ngawt dawn lahin akimi chhungte ka hmaizah bwk si, ka pasal nen kan inkar a that loh thu hi an hriat ve kher a ngai lo

Elly in call lai te chuan ka kawr tlang ka lo hmer vang vang a, engvanga zam thar em em nge maw ka nih le? A ni pawh a rawn haw tlai ve thin tho a, engtin mah kan ti ngai bik lo

Elly in kan awmna address a hrilh hnu chuan phone off in "a rawn kal mek" a ti a, ka nui suk ringawt

Doorbell rik apiangin muanzuala emaw tiin ka hawi phei nghal vat a, ka awm hi a nuam thei lo reng reng, min hauh hunah chhandan tur te ka ngaihtuah a, ka bo tial tial bawk si, ingaih lo hle mahila, nitin inhauh reng chu ka peih bik lo..bakah a thin a chhe angreng si a, akimi te chhungkua hma ah hian min rawn hauh hnek ang tih ka hlau

Doorbell a rawn rik leh pawh chuan ka ngaihsak peih tawh lo, zawi hniang chuan sofa ah chuan ka thu der der a, thil engkim a nih tur a ni zo vek tawh a, hetia ingaihtuah hah vak vak hi awmzia a awm lo, ka inti hreawm mai mai zawk

"Kan nu ka rawn hruai dawn a" tawngri ka hriat avang chuan kawngka lam chu ka hawi phei vat a

Muanzuala nen chuan kan inmelh kar a.ka hrethiam lo a mit mengah sawn thinrim hmel pawh ka hmu lova, lawm hmel pawh ka hmu chuang lo

Ruah a do tih hriat takin a sam atang chuan tui a rawn far keuh keuh a, tukin zingah a hak thawmhnaw chu lo la inbelin, a rawn haw hnuah min zawng nghal a nih lo pawhin a haw tlai ve a ni mai thei..

Mi awm lai ah inhauh chu a duh bik lo pawh a ni mai thei, zaidam hmel takin a la nui suk zui, ka ngaih a ti tha tehchiam lo, hlauhawm deuhin awm se awmdan mi ti hre zawk ang, hetia mipa fel ber ang ziazangah a awm chuan ka ngaihtuahna a ti buai vek zel..

"Kan haw nghal mai dawn a mi" aih tih chi lah a ni silo, bu nghauh pah chuan ka kal a

"Anih, kan kal mai ange..lo inenkawl tha ru aw"

"I chungah kan lawm takzet a nia, awm lo la chuan naute kan neih theih awm silo, engtikah emaw in nupa khan zanriah rawn ei ang che u aw" akimi nu chuan a ti a

"Tehreng mai, a nih muttui ule" Pawn ka chhuak chiah tihah ka hlauthawng nghal, muanzuala lah chuan engmah sawi lovin car ah a lut nghal daih a, zan a rei tawh a, motor veivak hmuh tur a tlem tawh hle a, ke a haw nan lah a hla angreng sia, hepa nen ah motor khatah chuan dun leh hi ka peih tawh lo a sin le, engtin emaw hian ka awm ziah, a uap thei bik lutuk..

Kan tlan chhung zawng chuan a ngawikar a, biak hmasak dawn in sawi tur ka hre bawk silo, min hau in, min ankhum se chuan tihdan te a la awm zawk a, hetia a ngawihkar hian ka awm a ti nuam lo telh telh zawk..

"Ihh...i haw na a la rei bik lo a mi" ka ti tawp a, min rawn en a, a hawi let leh nghal, inla ngeng reuh lutuk mai

"Rei love" hmalam melh ran chung chuan a ti a,..a thinrim a nih te chuan ti lang law law mai se, hetia awm tlat lo hian

A changa a rawn khur leh beuh beuh thin chu ka khawngaih angreng, mawl em mai, ruah sur tih a hre ve reng a, nihliap ken ve mai tur alawm, mahse keimah vanga ruahdo a ni awm sia, aaa..ka thluak a na, ka ngaihtuah duh tawh lo..

Kan inkawt kan thlen rual rualin ka chhuk nghal a, lawmthu sawi ka tum deuh uk a, ka thulh leh ta zawk, min lo hruai tur pawn ka ti chuang hleinem...

Kawngkhar hma ah chuan ka ding vang vang a, tinge maw ka luh hreh deuh thut chu le?? Enge ka sawi ang? Zawhna hlir min lo zawt dawn sia, muanzuala motor dah tha pawh chu a va han rei em em ve mawle..riah nghal a tum zawk a mi..

Muangchang chuan ka tawlh hnung hret hret a, tu emaw ka la su zawk zui

"Thil tihsual i nei a mi" muanzuala hmel ah chuan min nuihzatna ka hmu

"Teuh lo" pawr tak chuan ka ti a, a nuih erawh a zat hmel viau..

"Lut ta che" tifuh inti zet chuan a ti a, thawk la hawkin "tehreng" kawngka chu ka hawng nghal rawk a, a nui ri ka la hre thei, tunlai chu a mood a tha thei hle mai, engemaw thil hlimawm a tawng bik te pawh a niang..

Inchhung ka luh rual rual chuan ka nu chuan min rawn kuah nghal thlawp a..

"I tha em?? Na i nei lo tiraw" engemaw a hriat le, misual in min man pawh a ni lova

"Ka nu, ka tha lawm, ka tihpalh lutuk, ka phone ka ti bo a" inthiam lo tak chuan ka ti a

"A pawi lo, him takin i rawn haw theih a, ka lawm lutuk, i rilte a tam em" ka lo beisei aia thil a kal that daih zawk chu le..tinge maw ka vanneih theih em em le..

"Tam love, ka thiante inah zanriah ka rawn ei tawh a"

"A nihchu mawle..han inthlak la, muana khan zanriah a la ei lova, i siam sak dawn nia aw, a mangang nasa ropui si a" ka nu thusawi chu ka hriatsual emaw ka ti hman tep, keimah vangin a lo mangang ve amaw, a va awiawm lo zawk ve, mahse ka nu hi chuan dawt a sawi dawn lo nasa si a, ka inthiam lo nasa tulh²..

"Awle..ka han inthlak lawk ange" room lam pan chuan ka tlanchho nghal a

Kan pindan ah ngei pawh inthlahrung taka ka luh an ngaih chu le..

Muangchang chuan kawngkhar ka hawng a, thawm dim takin ka khar leh a, muanzuala bathroom a lut lai ka hmu hman hram..hepa hian min pehel deuh tlata ka hriat chu le, nidang chu nise min vin leh thur² anga, a mizia a thlak reng a, awmdan min ti thiam lo vek

A inbual zawhah a hak tur ka zawnsak nghal a, hetiang thil te hi engvanga ti ta mai nge ka nih pawh ka inhre lo

T-shirts leh Jogger pants chu khumah chuan ka dah a, a lo chhuah leh hma in pindan chhuahsan daih ka duh, nih loh chuan a mah ngaihtuah ang deuha min ngai palh ang


Nitin mai hian ka danglam tial tial a, engvanga danglam ta em em nge ka nih ka hre bawk silo

A hma angin muanzuala huatna ka nei tawh lova, a ni pawn a hma ang em em chuan min haw tawh lo vin ka hria, a nih loh pawn min lo la haw viau mai thei..

Kan inbe khat hle a, tul tawpkhawk lo ah chuan kan inbe zen zen ngai lo, biak hmasak chu ka duh lutuk alawm, ka tum a, biak ka tum apiangin phone a hman loh leh thildang a ti daih zel a, a hna thenkhat inlamah a rawn hawn thin avangin tih buai ka duh bawk silo

Ka chhungte leh a chhungte bulah chuan pasal tha ber a ni ringawt, a chhungte hma ah chuan min ngaihsakin min duat hmel thei em em a, a hma te khan ka ningin, lemchan ngai reng kha ka haw em em a, tunah erawh lemchan ngai reng se ka ti ngawt mai

A zing office kal tur thlah te ka chak a, a lo haw velah lo be hmasa ber tu nih te ka chak, mahse ka chapona hian chu² a ti theih bawk silo, vawitam ka in hau a, tlawm ka tum a, ka hlawhchham thak thung

Muanzuala lahin ka awm ve tih pawh hre lo ang maiin min kalsan in, min chhuahsan tawp tawp zel a, room khatah awmdun mahila kan inkar erawh hla veng veng tak a ni..

Elly, sawi ang khan ngaizawngtu leh duhtu a nghah dawn si a, kei a hminga a nupui mai chuah ka ni si, chutah karah kan inkarah huatna bak a awm lova, a lungdumtu a tawng ngei awm si a, ka ngaihtuah na ringawt pawn min ti na thei chu a ni si a, zanin chu engpawh nise tlawm zawkah tangin kan inkar hi ka siam tha ngei² ang


Phur sarin kan room chu ka ti fai sar sar a, bed cover te thlakin, a romantic thei dan tur ang berin room light te chu ka siam a, room spray chu kap chem chemin a rawn luh rual rual ah Pangpar rim a hip vawng² tur ka ngaihtuah zawng ringawt pawn ka hlim..

Duhtawk ah room ka chei zawh hnu chuan bathroom ah lutin ka inbual a, engvanga nui ver ver ringawt ta nge ka nih le?? Kan inneih hlim te kha chuan thinrimna leh huatna in min bawm a, muanzuala hmel ka hmu reng te kha ka ning ngawih² a, en pawh ka en tha peih lo kha a nia, tunah lem hmuh reng ka chak a, en duh loh laiah a hmel hmuh tur a awm reng a, en duh velah hmuh tur in a awm leh bawk silo, hepa hian ka ngaihtuahna zawng zawngte hi a hre vek emaw ka ti hial a ni

Ka lakah a inla hrang em em a, min vin tur pawhin min be hman meuh lo chu a ni tawh a, inhauh pui leh te pawh ka chak a sin le, hetia thawk leh khat ah a mizia a inthlak thutna chhan hi ka hre lova, awm lo ang maiin min ngai a, ka lakah sual chhuah tlat thin, ka chhiatna ringawt zawng thin kha a ni a, tun ah erawh hmelhriat ngai pawh a ang ta lo zawk, nge ni a, ngaihzawng a neih zawk emaw nile? Nilo..a ni thei lo, a nei thei lovang, ka a thei mai dawn in ka hria

Mite ngaihah chuan nupa kan ni a, kan inneihna pawh thla hial a liam tawh a, nupa inhmeh tak in ni" tia mi thenkhatin min tih te hian ka hlim thei lutuk, nuam ka ti ngawih ngawih, hetiang takah ka lo danglam theihna chhan hi enge ka hre lo, ka hriat awmchhun chu ka pasal hi ka ngaizawng a ni..pawm duh lo viau mahila ka inbum thei silo, a rukin ka pasal ka ngaizawng chu a ni sia, miten hria se zawng mak tih luat avangin an tluk tawp theih ka ring

Zanin hian ka thinlung ah thu awm hi ka hrilh tawp mai dawn emaw nile?? Mahse min lo nuihzat in min lo la haw viau ta se, ka intimualpho der dawn a, tinge..tase..tih hlir ka ngaihtuah tak mai..


Zanriah ei hun ah pawh a rawn la thleng lova, nidangah chuan zanriah ei hmanin a lo haw ziah si a, ka ngaihtuah na atthlak tak ngaihzawng a nei a niang, tih chu ka ring deuh ta rum rum mai, a chhungte bulah hian engmah ka sawi thei bawk silo, mahni ah hreawm tuar ngawt ngawt zawng chaw ei pawh a tui thei lo e..

Kan eina vel ka tihfel zawh hnu pawn a rawn la haw thei lo, ka lo phur tehreng nen, ka rilru ah hlauhthawnna bak a awm tawh lo

Ka pa lah hian engmah a sawi bawk silo, nidangah lem phone rawh, a rawn haw tlai dawn a mi' a ti sek a, tunah takah a ngawi tlat hi ka ngei ru riau...

Rilru kim lo zan chuan room lam ka pan a, hengte hi engvanga chei ngawt nge ka nih? A ngaihzawng thar nen rawn haw ta se, nuam an ti zual theih nana chei sak anga ka ingaih tlat pek chu le, ka thil ngaihtuah apiangin min ti na a, muanpui nen kan ingaihzawn lai pawh khan hetiang em em ah hlauhthawnna leh rilru hahna ka nei ngai lo

Rilru nuam lo tak chuan ka vei sek a, tukverh lam chu ka thlek leh zauh thin, engvanga rawn haw tlai em em nge a nih ang? Hna lamah an buai thut nge, nula dang nen nuam an chen zawk..nilo chu thil chu thleng lul suh se..

Ka phone sana chu ka en chhen a, zan dar 8 a pel tawh a, phone tawp lah ka inthlahrung ve bawk si, dial ka tum a, ka thulh leh a, hetiang hi a lo ni maw duh deuh nei ah an awmdan thin chu, ka thiante ho kha ka lo hrethiam ngai lova, tunah chuan an awmdan tur zawng zawng ka feel thiam vek tawh..

Ka huaisenna zawng zawng sawmkhawmin ka phone ta ringawt a, a hminga nupui mai chuah pawh ni ila, phone te mai mai chu engamah a ngai bik em nang

A in ring chhung ringawt pawh chatuan tlukah rei a ni

A rawn pickup chuan "he..hello muanzual" engvanga zam em em ngawt nge ka nih..

"Muanzuala chu a buai rih" hmeichhia hian min rawn chhang a, a secretary ti dawn ila, a secretary te chu mipa a ni bawk si, a nih chuan henu a phone lo chhansak ve ngawttu hi tunge ni ang? Tun ang zan tlai ah tawh lehnghal, ka ngaihtuah na diklo bawk a rawn chhuak a, ka thinzawn hi a rawn tawt up up mai, boruak tlachham tur ang hian ka awm

Ka tah mai loh nan thawk chu ka la hawk a, insum aw tak hian "khawi ah nge a awm? Tunge i nih" ka ti tawp a, engvangin nge ka hlauh reng bik ang, engang pawn min lo hua pwh nise..dan angin kei hi a nupui ka ni a, ka pasal awmna ka zawh chu thil sual pawh a ni chuang lo..he hmeichhia ka pasal phone lo chhang ve ngawt tu zawk hi dem hlawh tu tur zawk a ni

"Muanzuala nen chuan kan laklawh a, nakinah i rawn call leh dawn nia" ka chhanna pawh nghak lovin a off hmak, tu nge a nih ang le?? Engvanga zam map lova min be thei nge a nih?? A ngaihzawng chu a ni em lo ang chu maw..hmeichhe kawp kual duh mi ah chuan ka ngai bawk silo, nge ka lo rindan lo zawk tak hian a lo khawsa thin zawk, nitin min chhuahsan a, tunge a hmuh a? Enge a ti thin lah ka hre bawk silo..

Lalmuanzual, ka hua che, ka haw lutuk che, engvangin nge ka lo duh ve ngawt che le..ka duh tur che a ni lo, a hma ang khan huat leh che ka duh, min puih rawh, hetianga na takah awm ai chuan nang huat kha ka thlang zawk' ka tap chhuak hawk a, ka rilru a na lutuk, min phatsan tur anga ka ngaih ringawt pawn ka na em em mai chu a ni sia, engvanga vanduai em em bik nge maw ka nih le?? Engthil hi nge ka lo tihsual bik em em..

Cont


A thuizia hi..ka kut a kham lutuk🥺ngaihnawm lo pawn lo dream ngaihnawm chawp tawp mai rawh u aw..💜

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 16th, 2021, 3:06 pm

✨ EPIC LOVE ✨

CHAPTER NINE

--------------


MUANZUALA P.O.V


Tunlai chu ka hna ah ka buai thei lutuk a, ka chhungte ho bulah pawh ka awm tam meuh thei tawh lo...

Kan company finance lam a tla deuh a, stock market lamah kan chhe bawk si, engemaw tal ka tih lo chuan kan tlachhia a ni mai

Zan ah lah ka mu tha bawk silo, a hunah engmah ka ei ngai bawk silo, taksa a chau in ngaihtuah tur a tam si a, inchhung ah phei chuan tawngtam lo tak ka ni, ka nupui pawhin mak ti taka min en leh vawng vawng thin pawh chu ka hre lo der hmak a

Tunlai phei chu ka chik tha thei lo zawk a, a awmdan a danglam tial tial lehnghal..

Min hnaih a chak tlat hian ka hre thin a, min en leh vawng vawng thin tih pawh ka hria, nge ka ngaihtuahna kal dik lo zawk, min hua tih ka hria a, a bul hnaiah ka awm phei chuan min ning ngawih ngawih thin tih ka hria, keichuan huatna pakhat mah ka nei tawh lo, ka inhrethiam lo, engtik atang khan nge ka lo nem em em tak..

Biak ka tum deuh uk thin a, mahse ka chapona hian a ti thei bik silo, room khatah khawsa dun mahila, awm lo ang hmakin ka en a, min bia te a nih ngawt loh chuan biak tumna ka nei lo..

In aiin office lamah ka hun tam zawk ka hmang a, ngaihtuah tur a tam bawk nen, thian pawh ka kawm tha hman meuh tawh lo

Tlem tlemin kan sumdawnna pawn hma a sawn ve leh zel a, zantam ka mut loh pahna chuan rah tha a chhuah a ni ngei ang, tunah chuan ka company pwn a dinhmun ngai a rawn awh leh tan tawh a, tunah chuan thlamuang deuhin ka mu thei tawh ang

Karkhat lai ka in met fai tawh lova, ka khabe hmul pawh a rawn to siar siar tawh, darthlalang ah ka in en chuan ka nui ringawt..patling taktak te pawh ka ang alawm le..ka mu tam lo tih hriat takin ka mithnuai chu a val kalh a, ka sam lah chu tute huan emaw tih mai tur a ni, a puk luih tawh lehnghal..

Haw tura ka insiam lai takin ka thiante ho an rawn lang hlawl a, kan inhmu khat tawh hlawm bawk nen, kan inhmuh hlawm chu kan au teng tung a, hmeichhe ho tih awm tak a ni

"Enge in rawn tih dawn a"

"Enge kan rawn tih vak ang, kan inhmu khat em a, i la dam nge damlo kan rawn en che" Rintluanga in a tih chuan ka then suk ringawt

"Zanin chu no dawm ang u" Ruatdika in a tih chuan ka rilru ah inlam hlir a awm,..

"Aaa..zan dangah ti ang u, zanin chu haw hma ka duh" ka tih chuan min en dun kar ringawt, ka damlo emaw tiin Rintluanga chuan ka chal a rawn khawih a, thaw hakin "amak, ka tha" ning zetin a kut ka vai thlak sak a..enge maw an hriat chu le..

"I va danglam ta ve, i nupui nen in² kar a tha tawh a mi" Ruatdika in a tih chuan ka ngawi reng ringawt, kan inkar a tha leh tha lo pawh ka hrethiam lo, kan inbe ngai lova, be tur pawn kan inhmu khat lutuk..

"Chutiang lam a ni lo" engvanga ka thiante ho bulah hian ka nupui chanchin sawi nuam lo tihna ka nei tlat le..nidangah te chuan ka huatzia leh ka ngeizia ninawm khawpin ka sawi thin kha a ni sia, enge maw ka chungah hian thleng hrep chu le??

"Nih chuan thu teh, hei in tur kan rawn keng laklawh tawh" tihpahin sofa ah chuan min nem thu nghal a, tih ngaihna dang awm hek lo le, ka taksa a chau ve deuh bawk nen, no chu la in ka in ve nghal a..

"Aaa..ka duhtawk mai teh ang, haw vat ka duh, inbual te ka duh" chhuanlam engemaw siamin haw san mai ka tum a, zanin hi enge maw an hriat hrep ni, min haw tir phal reng reng silo..

No 3 ka in meuh chuan kai tawh tak ka ni, thil ka ei tha ngai silova, ka taksa chau nen no thum ah ka chatthla thei mai dawnin ka hria..

Men pawh ka mengtha hlei tawh lo, Rintluanga leh Ruatdika te chu ka hmu phe riai tawh, vawi leh khatah a rawn thim mupin ka hria

Ka harh leh meuh chuan ka office longchair ah ka lo mu map tawh a, sana ka en chuan dar 8 a pel va tawh, ka pa a thinrim tawh ngawt angle..

Ka lu lah chu an na em em a, ka bing mup mupin ka hria, ka hawikual a, Rintluanga leh Ruata lah hmuh tur an awm tawh bawk silo, ngawirengin min hawsan a mile..an va chak lo dawn tak..

Bathroom chu an rawn ri kalh a, rangtak chuan ka hawi phei nghal,

Bathroom atang chuan Rosei a rawn chhuak nawlh a, mak ka tih maizia chu

"Hetah tinge i awm a, khawiah nge Ruatdika leh Rintluanga kha" vin zet chuan ka ti a, engvanga thinrim ringawt nge ka nih??

"Ti vak vak nge a, ka rawn kal ve a, i lo rui lutuk a, haw pui thei pawh i ni hleinem, i harh hun ka nghak ringawt a nih hi" a tih chuan ka inthiam lo leh deuh, mahse ngati nge ka rin theih miah lo chu le, ka mitthla ah ka nupui hmel a rawn lang ve chhen bawk nen, phatsan anga ka ingaih tlat chu le..

"Ka tihpalh, haw ang" ka car chabi leh bag chu la in ka chhuak nghal a

"Muanzual..min thlah lo te chuan, car ka rawn keng hleinem" ve leh zel chuan aw..henu hi ngati nge ka nin tak em em le..ka thian chu ni tho mahse, thian angin min en ve lo tih ka hria a, a bulah awm tam lo hi ka duh, bakah nupui nei lai ka ni a, mi tu emaw in zanrei lamah min hmuh dun phei chuan naktuk zing chanchinbu phek hmasa berah kan lang ang

Ka chahthlak daih avangin enge thil thleng ka hre ve miau lo a, han hauh vak dawn lahin thiamlo na a nei chuang bawk silo, tui lo zet chuan an in thleng chuan ka thlah a

"I lo lut ve duh em? Ka chhungte an zin vek a" he a mizia vang hian lawm ka hnaih that peih lo, hunrem chang a zawng reng a..nula dang ngaihtuah chuan chhelo tak a ni..duhtu pawh a nghah tih ka hria, mahse keichu mipa tamtak in an duh rawn hmeichhia hi engtik ah mah ka duh ngai lo ang, luck lutuk chuan rinawm loh a awl, mi tamtak hnenah a lo rinawm duah thei

"A tlai tawh, nidangah le..mangtha" min chhan hma in ka in turn a, ka tlan nghal nal nal

In ka thlen meuh chuan dar 10 a lo hnai tawh a, ka chhungte lakah ka inthiam lo kher mai..

An mu vek tawh a nih hmel, a reh thuap a, kan room lam pan chuan ka chho a..

Room ka luh rual rualin zorini ka zawng ru nghal,..

A mu bawk silo, bathroom ah a awm a niang tiin bathroom lam ka en chuan a thim thuap bawk si, bathroom ah lut se chuan light eng tlem tal a hriat thin a..a nih chuan khawiah nge maw a awm daih le??

Henu hi a chhuak a rawn la haw lo zawk amile..tinge maw zawn ngai ah a awm ziah chu le..chuah nen inzawn reng chu a ninawm dawn tlat..

Ka phone phawrhin call ka tum chu dar 8 vel khan min lo call tih ka hmu a, ka pickup awm ka hre silova, sec 30 vel an inbia tih phone atangin a lang bawk si, nih chuan tu in nge ka phone lo chhang ang, Ruatdika leh Rintluanga chu nise a la zia anga, mahse kan awm ho lai kha chuan rui chhia kha ka la ni silo, nilo..Rose nen khan an inbia tihna a mile..enge a lo sawi ang le..min ngai dik lo dawn a ni maw..nilo.. chutiang a ni lo ang, tinge maw ka buai tak chiam chiam mai chu le..engpawh lo sawi se, ka buaina tur a ni lo..aaa ka a thei mai dawn

Tinge maw room pawh hi a thim em em mai chu le.. light ka on chu kan room sofa ah Pangpar lo awm nuai chu mak ti zetin ka en tlawk tlawk

Heng pangpar hi khawiah tanga lo awm ngawt nge..in ti bal khawpah infiam tu tur naupang kan awm bawk silo, zorini a infiam ti dawn ila, hetianga infiam rual a ni bawk silo

Ka hawikual a, room chu a danglam riauin ka hria..ka hnar ka len a, thil rimtui em em ka hre lehnghal..

Khum bulah wine no pahnih ka hmuh chuan ka ngaihdan ka thlak nghal, zorini hian kan pahnih tan room a lo chei a, min hnaih a duh a ni ngei ang..phur takin heng ho hi a lo chei awm si a, ka haw hun nghakhleh takin a lo thlir awm si a, keilah engmah hre lovin ka lo rui daih a,..

Inthiam lohna hlirin ka khat tawh..

Khawiah nge maw a awm daih le..ka phone chu la chhuakin a number ah ka dial nghal a..a la ring quik zui..

Ka ti nawn leh a, a la tawh dawn lo emaw ka tih hnu ah mipa aw hian "Hello" a rawn ti a, thinrimna in ka khat nghal..

"Tunge i nih, khawiah nge ka nupui" vinzet chuan ka ti a..

"Aaa..sir hei i nupui hi kan bar ah a chatthla a, khawngaih in i lo hruai theih angem..kan inkhar duh tawh si a" a rawn tih chuan ka thaw hak..mipa dang min neihsan emaw tiin ka lo thinrim hman em em a, ka zak hnuhnawh khawp mai

Mahse engvanga midang min neihsan pawh chu hlau ta em em nge ka nih le?? Tinge ka danglam tak em em..ka nupui hi ka duh tihna a mile..aaa, a ni thei lo ang, ka haw tawh lo tih chu ka hria a, mahse ka duh em tih chu ka la chiang chuang lo..

Inthlak pawh inthlak lovin ka tlan chhuak lehnghal a, zu in hi sim vat a ngai dawn a nih hi, hetia kan pahnih ah zu kan in fo te chuan kan fate phei chuan an heh ngawt ang..arghhhh.. ngaihtuah pawh ka ngaihtuah peih lo, duh aiin thil ka suangtuah nasa thei tawh mahmah..

Cont

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 16th, 2021, 3:07 pm

✨EPIC LOVE✨

CHAPTER TEN


-------------


"Zorin...hey...harh teh" tu emaw hian hla tak atang hian min ko hian ka hria, men ka tum a, ka meng thei der bawk silo

In atanga thinrim deuhah ka chhuah khan ka ipik lutuk a, awm ngaihna reng ka hre lo

Hetiang hian ka la awm ngai lo reng reng, nidangah ka rilru hah leh ka lungngaih chang chuan ka bulah elly a awm thin a, min hnem in, min ti hlim thin a, tunah erawh elly a ni emaw, tupawh nise thiante bulah awm chakna ka nei lo, mahni chuah ah awm ka duh

Ngawireng in ka kal char char a, hlauhna chang pawh ka hre tawh lo, ka rilru a mang vekin ka hria

Muanzuala phone lo chhangtu kha tunge ni ang? A bialnu a ni thei mai angem? Mahse kan inneih tirh vel khan bialnu a nei awm in ka hre bawk silo, nei nise chuan hriat loh a hun tawh silo, nge ni a, a lo inzep char char zawk

Tinge tunah chuah ka hriat chuah..tinge a hma khan ka lo hriat vat lo, khang hunlai khan lo hre tawh chu ni ila, ti em em hian na ka ti lo tur

Ngati nge ka vanduai thei bik em em..hlim hi ka phu ve lo zawk em ni? Tinge ka hringnun hi a buaithlak bik em em le..

Ka ingaihtuah poh leh ka lungngaihna a zual ting, tah chhuak si, ka tap chhuak thei bawk silo, tap hrep thei ila chuan ka thawl hawk ka ring

Motor horn ri tuar tuar ah chuan ka harhchhuak zawk, ka ngaihtuahna ka lo kawm nasa lutuk a, kawngsir ah ka kal emaw ka tia, motor kalh tupa lah chu a thinrim hmel em em a, rangtak chuan kawngsir lamah ka tlan vat..

Ka hma zawnah bar inhawng chu ka en vang vang a, he hmun hi a ni, muanzuala nen ah inhre miah lova zu kan in dun hrep na kha..kha zan, kha mi ni kha engtikah mah ka theihngilh theih tawh pawh ka ring lo

Zu intum ah chhuak pawh ka ni chiah lo na in, a hmun ka thleng ta rau rau, rilru hah chhawk nan tlem lem sek chu a pawina awm lo tura ngai ang..

Bar chhungah lutin wine ka lam a..

Zu lam hi ka in theih meuh lo thin a, muanzuala nen kan in zan pawh khan ka in tur kha en miah lova ka in vang mai mai ania, khatia ka ruih hrep ni..a rim chu thuhran, a lem hian ka lem tha thei lo, ka luak a chhuak ngawih ngawih zel

Mahse zanin chu tlem in ve ka tum ruh em avangin tuisik pawlh vak chungin ka in ve thei hram a, ka duh aiin a la dal lo mahmah..

Ka in dawn apiangin ka rilru ah muanzuala leh a bialnu awmdun tur angin ka ngaihtuah zel a, min ti na takzet..

Hriat loh karin bottle khat ka lo in zo tep lehnghal..

Thawh tuma ka in bengkang tur chu ka tho thei reng reng lo, ka lu hai mai zia chu..chhuat hi a rawn hnai tial tialin ka hria..

Kalsawn ka tum lahin keimah hi a letling zawngin ka awm emaw ka ti hial, ka luak lah chu an chhuak em em khawp a

Ka thu leh a, in tiharh ka tum a, ka thei der lo, muangchang hian a rawn thim tial tialin ka hria..

Ka hriat leh hmasak ber chu tu emaw in ka hmingin min ko a ni, tunge a ni tih en duh mahila ka meng thei lo reng reng, men ka tum a, fiah lo riai chuan ka hmu a, ka chhing lehnghal zel

Tha chak zet hian min pawm kang ni ber hian ka hria, boruak ah ka awm ta daih zawk emaw ni..

A rim lah chu awi..ka tuiral mai dawnin ka hria..

Thil chak lutuk ah chuang ang mai ka ni, ka thlawk ta daih zawk emaw ni...ka harh chhuah ah ka men leh meuh chuan khumah ka lo mu der tawh

Mahse tinge ka bulah hian muanzuala hi a lo mut ve ngawt..nilo..eng thil nge thleng le? Ka kawr te hi, nizan ah ka hak kha a ni reng reng lo..chuan barah khan ka awm a, mahse engtin nge inah ka awm daih thei.. engtin nge hepa nen khum khatah kan lo mutdun daih theih le..engthil nge thleng hrep le.. nizan thil engmah ka hre chhuak thei bawk silo..ka lu lah chu puak keh mai tur hian a awm..ka a dawn in ka hria..

Muanzuala rawn inzi mar tan tan ka hmuh chuan rangtak in ka inlukhup nghal..enge thil thleng ka hre bawk silo, chet pawh ka che ngam lo,..


MUANZUALA P.O.V


Zorini inlukhup daih chu ka en reng a, ka nuih a za bawk si, ka nuih chuan hreawm a ti zual ka hlau bawk si..

Nizan bar ah ka va hruai khan rui chhe tak a ni, bar nghaktu lahin "i bialnu hian bottle khat a mahin a inzo vek a..khar kan duh tawh sia..haw a la tum lo hmel bawk sia..ka rilru a lo hah hman lutuk a" a tih chuan ka nuih a za deuh reuh bawk si, ka khawngaih angreng tho bawk si..a inna bill man chu pe in tips ka pe tel bawk a..

Zorin chatthla chu ka sawi nawk nawk a, a rawn meng der der a, a nui suk suk a, a muhil leh nghal zel a..

Enge maw a hriat reuh ni? Tinge mahni pawh in control zo lo khawpa zu a in..

Keilah ka rui a la reh tha bik chiah bawk silo, mahi pawh in enkawl a hahthlak tehreng nen, kei aia rui zawk buaipui a la ngai zui

Bar an inkhar duh tawh bawk si, a tho thei bawk silo, ka tih ngaihna hre lovin ka pawm tho ringawt a..

Naute fel deuh ang maiin ka awm ah a rawn la bei than zui..

Zawi tete hian a phun sep sep a..a chang lahin "rimtui lutuk" a ti mai in ka hria..

Car ah ka dah luh dawnin min la luak khum zui..ka in ring hman lo, lei ah ka thlauh tawp a..a chatthla zui emaw ni..a harh eih lo reng reng

Ka kawr awm ah tak min luak khum a..mahni lo mahah tenchhiat nak laiin tui chu la in ka intleuh a..ka la uak tuar tuar zui..

Ka kalsan daih dawn emaw ni le..

Nupui zu heh deuh nei chu chi lo viau ang..naktuk ah ka zilh hrep ang..

Carah hlang lutin inlam pan chuan ka tlan a

Ka chhungte an lo mu vek tawh chu tih chi khawp mai...

Room lam pan chuan ka pawm chho a..

Sofa ah chuan nghatin ka dah ang ang chuan a mu nghal tawp a..

Bathroom ah lutin ka intleuh nghal a..ka pian hnulam ah hmeichhe zurui ka buaipui awmchhun a ni hial ang

A luahna lam ah a kawr a ber vek bawk si..thlaksak ngawt ila a harh hunah engtin nge min tih ang??

Ti ringawt chuan ka mut tir theih bawk silo....

A kawr hak tur chu la chhuakin muangchang chuan ka thut tir a, ka zam deuh tlat lehnghal..

Maimitchhing chungin a kawr ka phelh a, meng pawh ni ila a hre awm twp silo..mahse nakinah min hauh hunah pawh insawi thiam nan mit chhin a tha ber

Engtin tin emaw in ka hak zawh tir thei hram a..khum lamah sawnin ka mut that tir a..

Ka kalsawn tur chu ka kutah rawn vuanin "min kalsan suh" a rawn ti a

A tawngvai emaw tiin min vawnna kut chu phelhsak ka tum a, a aia nghet leh zuala rawn manin "kal suh, khawngaihin ka bula hian mu ve rawh" tihpahin min rawn kuah nghal thlawp a..ka hamhaih em avangin chet lawk na chang pawh ka hre lo..

"Zorin"

"Umm"

"I rui a nih kha..mu tha rawh le" zaidam tak chuan ka ti a..

"Umm..ka bulah mu rawh, ka bulah" tihpah in min kuah nghet sauh a..naupang titau ang chiah chiah a ni..men pawh meng tha thei lovin min melh ser ser a..eng ka ti zo ta nge ni..hmeichhe zurui em it tur chuan ka hmu zo lo bik pawh a ni lo a sin le..

"Aaa..a chi lo..min hau leh ang" nge maw chutiang te ka sawi ngawt le..ka lai ve tihna mile..naaa..zei lo thei ngei mai

"Mawh..mu ang" tah a tum ngawt a mile..

"Hey..i tap ringawt ange, zan a rei tawh si..

"A nih chuan ka bulah hian mu rawh aw"

Aaaa.. inngaihtuah buai vak lo teh ang..a harh chian hunah pawh a mah min sawm tho a nia..ka ti lui pawh a ni chuang lo

"Awle..tha lawm..mu rawh le" tihpahin a sir ah chuan ka mu ve nghal a..min thlahlel niawm takin min khan nghal vat a, a awmdan teh thut hian min ti hamhaih thei lutuk..

Ka kawngah min rawn kuah chat leh nghal a..a mipa zawk ka kimki chawi chawiin ka hria..

Tim deuh chung chuan ka kuah let ve a..ka taksa a lo chau ve bawk nen mutchhuakin min rawn zem a..manglam ah ka lut thla rial rial a..

-------

Awmdan tur ka hre lo, ka che reng reng hi ka lai zo vek in ka hria..

Nizan khan engthil tak nge thleng ang le..

Engtin nge ka bulah khan a lo mut ve ngawt theih..luhlul in chimawm thin viau mahse, hmeichhe duh lo chung khawih luih emaw tih buai ching mi chu a ni silo..nilo kei hian ka bulah mu turin ka ngen em ni..nizan khan rilru na deuhin ka chhuak kha a nia, chuan zu kha ka in a, a hnu lam engmah ka hre tawh bawk silo..awi ka ning e, a zahthlak bawk si, engmah lah chu ka zawt ngam der bawk silo..tinge maw zu kha ka lo in reng reng chu le..min ti a thei mai dawn..

Bathroom ah chuan ka inkek chiam a, engmah a sawt tawh bawk silo, tinge inthlahrung deuhah ka awm tak mai, thil tihsual ka nei pawh a ni silo..

"Zorin..hmanmawh teh, ka lut ve duh nia" bathroom kawngkhar rawn ben rik pah chuan muanzuala chu a rawn au lung lung a..

"Ka rawn chhuak tep" tinge maw a hmel hmuh ka hreh tlat mai chu le..ka awmdan hi a hreawm thlawt..

Bathroom ah awm reng thei lah a ni silo.. muangchang chuan ka hawng a, kawngka zawn ah tak a lo la ding kiau zui..

"Ka..min ti phu alawm" chik zet chuan min en a, en pawh ka en tha ngam lo, ka kalsawn vat a, enge maw a hriat reuh ni

Inthlak vatin inhnuai lamah ka chhuk thla vat a, a theih chhung chu hel tang tang ka duh, tum lo deuhin nizan thil te kha a rawn sawi chhuah ka hlau, engmah ka hre bawk silo, dawt nge thudik a ni dawn tih ka hriat dawn lo avangin ka zak dawn lutuk..chuvang chuan a hnaih ah awm lo hram hram ila, ka him a ni mai

Ka nu chuan rawng a lo bawl malh malh a, nu harhvang tak a ni a, zing lah a tho hma thei si, monu zawk ka tho tlai ziah chu a ni sia, a zahthlak ve det a ni

"Morning u" ka pa chanchinbu chhiar pawh rawn hawi chhuakin "morning le..i muttui em?" Damdiai hian a rawn ti a, hetianga nupa ingaih leh inkawm tam hi ka hmu ngai meuh lo..an felin biak an nuam em em lehnghal, an fapa hian tlem talin chhun ve se chuan hei ai hian hma ka sawn hrim hrim tawh ang..

"Umm.. muttui lutuk, nu ka lo pui ang che" tih leh ka nu rawngbawl chu ka pui mawlh mawlh a, tih tur em em pawh a awm hran tawh lo..

Muanzuala pawh office kal turin a rawn chhuk thla a..ka en thuak a, ka hawilet lehnghal, tinge maw ka hmu hmelthat tak em em chu le..ka la rui zawk emaw nile.

"Morning u, tukin chu breakfast pawh ka ei hman lo ang, meeting neih vat kan ngai sia"

"Ani maw..i thlen velah engemaw tal ei ang che aw..chaw nghei mai mai lo tur" ka nu chuan a ti a..

"Umm ka hria e, ka kal dawn"

"Lawkin..bawihi saw inpa sawn nectie awrh pawh a la thiam meuh lo a nih saw..va siam that sak la..pawn thleng va thlah ta che" ka nu in a tih chuan ka khuh nghal thawt..ka hnial ngam bawk silo, hreh tak chung chuan a lam chu ka pan a, kan pahnih chuah chuan ni ila, a la zia deuh a, a nu leh pate an awm ve kiau bawk sia, ka lai zo vek..

A mah pawh en lem lovin a nectie awrh lai chu ka siam tha malh malh a, a rawn khuh deuh thut avang chuan ka la phu zawk zui..

"Min reh hlum i tum a mi" tihpahin a hrawk a tuai nghal vut vut a, duh aiin ka lo rek mah mah a ni mai thei...

"Ka..ka tihpalh" bah deuh nuai chuan ka ti a, ka aw te hi a khur vekin ka hria..

"I zawh tawh chuan ka kal thei tawh em nu-i" min nuihzat hmel deuh hian a rawn ti a, ka ngei deuh reuh bawk si, ka lawm deuh bawk si, nidangah lem a tawng hlek pawn ka thinrim thin kha a nia, tukin chu a mood a fuh ve deuh a ni mai thei..

Kawngkhar bul thleng chuan ka thlah ve a,..nupa taktak kan ang ve lutuk..engtik ah emaw nui chungin kan la inthlah ve ngei ang..

Muanzuala a kal chiah chuan engtin emaw tak hian ruak huai hian ka inhria, a awm khan boruak a uap ngawih ngawih a..thawk ka harsat em em lehnghal..heti khawp hian ka lo vei reng tawh chu a ni sia..ka rilru ang hi a pu ve angem le..tih hi ka inzawt nawn fo thin..


MUANZUALA P.O.V



Ka tlan Chhung zawng chuan ka nui vur vur a, lawm loha nui chu mi a an tih tak kha mawle...

Ka a pawh a ni mai thei, ka hre bik lo, nizan atang khan ka nupui nen kan inkar hi a tha sawt ka ti dawn nge..hma ka sawn ka ti zawk dawn..

Min hmuh a hreh dan em em te kha..ka hmu lo der tawp zel a..

A awmdan atang hian min duh tlatin ka hria, mahse ka chiang ngam chuang lo..

Ka nectie awr min siamsak lai te khan uluk takin ka en kar a, a ni erawh chuan en pawh min en lo, min huat avanga min en duh lo chu a ni lo, ka hrethiam lo, amah hrim hrim kha a che buai a, a lai deuh tlatin ka hria..

Enge a ngaihtuahna awm ka hre lova..mahse a thil tih laiah a rilru a pe tawk lo, duh aiin ka nectie a rawn pawt chip a, ka khuh thawt pah zui..a inthiam lo hmel te mawlh chu, nilenga a hmel thlir reng te chu ka chak a,. Mahse tunah kan buaina ni ta bera lang chu kan chapona hi a ni..

Kan chapona hi awm lo se chuan nupa inkawprem tak kan ni tawh ngeiin ka ring..mahse engtik ni ah emaw chuan a ni nen hian hlim takin kan la awmdun ngei ang tih hi ka ring tlat a ni..




Hun a kal a, ka nupui nen ah kan inkar pawh a hma ngawt ai chuan a zia tawh a, kan inkar ah hian engthil emaw ni sawifiah thiam silo hi a awm a, inbe lem chuang silo hian chezia hian kan inbia a ang ber..

Chhungte bulah erawh nupa hlim tak angin kan han tawng bawrh bawrh a, kan room kan thlen leh meuh chuan kan ka a in thui ping emaw tih mai tur a ni thin..

In khat ah khawsa nana chu inbiak loh ngawt theih a nilo va, kan inbiak chang lah hian ka dang a awk thut thut emaw tih mai tur a ni..

Office lam pawh ka la tluang ve zel a, harsatna tawk thin mahila, engtin tin emaw in chinfel dan tur ka hmu ve leh mai zel bawk a..

Takah zanin hian ka nupui chhungte nen zanriah kan kilho dawn tak, zanriah kan kil vawihnihna tur a ni a, a hmasa te kha chuan ka kal peih lo lutuk a, ka inkhawngaih hial a nih kha..tunah erawh sana a vir muang ka ti riau mai, heti em em ah ka danglamna chhan hi ka hre bawk silo,zorini hmel hmuh hlan ngawt ka ngaihtuah a, thei chu nise nitin zantin ah thlir mai ka duh..

Office ban a hun chuan hmanmawh takin ka tlan chhuak nghal a, staff te mak tih khawpin ka tlan a, tunlai phei chu ka mood a tha si a, ka nui leh vur vur thin a, ka hnathawk te pawn mak tihah an sawi a ni a, mak tih lohna chi pawh a nilo, ka nupui neih hlim te kha chuan indona hmunah awm ang mai khan ka tum bur a, ka thinchhe em em bawk sia, tunah lem a inthlak thlawk a..keipawh ni ila, mak ka ti viau ang..

Tinge maw tunah tak traffic a jam tak mai chu le.zorini pawh hi a bang ve tawh angem? A tlang nghal dawn thu kha chu min hrilh ve ngei a..

Ka nu te inah ka kal hmasak berna ni khan engmah ka keng lova, thinrim chungah kal ka ni bawk a, engmah ken tulna ka hre lo kha ania, ka ngaihtuah let hian ka zak thar riau mai..kawng lakah engemaw tal lei phei ve ila a tha ang.. zorini pawh a lawm khawpin ka ring..

Naaa..ngati nge, a ni lawmna siamsak pawh chu ka chak tak em em mai..enge keimah ah hian diklo awm..henu hi ka duh tan tihna emaw nile..nge ni a, ka ngainat vang mai mai zawk..aaa..engpawh chu nise kei hi ka danglam tawh a nih hi,...

Zorini te inkawt ka thlen chuan ka ding vang vang a, ka lut thut dawn nge..ka kik kher dawn..nge ni a, ka thlen thu hi phone in ka hrilh zawk dawn..ka rilru a va buai tak..

A hming chuan thla 3 dawn lai kan innei ve tawh a, kawngka kik kher lova lut theih tawh tur chu ka ni ve tawh a sin le..

Ka lu thak lo pui chu ka hiat neuh neuh a, heng pangpar lian lutuk te hi tu tana lei ber nge ka nih pawh ka inhre lo..

Aaa..engpawh nise kik tawp mai teh ang, ka kik dawn chiah tihah ka nu(zorini nu) in kawng a lo hawng a, ka hamhaih lutuk chuan ka nuih vur vur ringawt, ka at hmel ngawtin ka ring

"Ehe..i lo thleng der elaw, tiraw lo lut ta che" luhna tur min ken rualin ngawireng chuan ka lut nghal a..

"Ihh..a lo thleng tawh lo a mi" ka dang a rawn awk leh tan dawnin ka hria, tinge ka zam apiang hian ka dang a awk bik ziah le

"Tu maw"

"Kan nu hi mawle" ka tawngkam te lah hi a nem hran silova, engtik lai pawha thinrim reng te hi ka ang in ka hria..

"E..thleng tawh e.. tiraw lo lut phei ta che, i rawn hma viau pawh ka beisei hleinem" a beisei aia ka thlen hma vanga lawm nge a nih a, thil dang vang zawk, hlim tih hriat zet hian a khi vur vur a

Living room lamah chuan kan inzui phei a, zorini chu a pa bulah hlim em em hian a lo nui vur vur a, a nui mawi takzet, min aikaih tlat in ka hria,,tawng mai na chang pawh hre lovin ka en vawng vawng a, heti tak hian a chhungte a lo ngai ang tih rinna pakhat mah ka nei lo, ka lo ti hreawm viau thin zawk emaw nile..

A pa zawk chuan "makpa duhtak..kha i lo thleng ve thei maw" tihpahin min rawn kuah nghal thlawp a, min ngaina tih hriat chu a nuam khawp mai, keilah chuan kha leh chen kha ka lo ngei ve em em ringawt zel a, ka zak tulh tulh dawnin ka hria..

"Nia..kan bang hma a, kha i ta tur" tih leh ka pangpar khai bawr luih chu ka pe a..mipa leh mipa pangpar han inpek chu a nuam chiah lo, ka lo sawi lahlawh tawh bawk si a, nui vur vur chung chuan a la ve mai bawk a..

"Khai a..mipa hnen atanga pangpar ka dawn hmasak berna leh tawpna ber tur a ni anga" ka zak lutuk hi khuk ral daih ka chak, an vai chuan za em em hian an nui vek a, tih ngaihna awm tawh hek lo, za vak lo chuan ka nui ve leh mai bawk a..

"Nia.. dangdai deuha awm te pawh hi a tha ve lawm" an nu chuan a rawn ti a..sawi tur reng ka hre tawh lo..

Zorini lam ka hawi chuan mitmeng nungsar hian min lo melh kiau a, a hmelah chuan a hlim takzet tih ka hmu thei, chu velleh ka thinlung hi lawmna in a khat nghal a, ka nupui lawmna ka lo siamsak reng tihna emaw nile?? Rei pawh ka en tha ngam lo, ka hawisawn vat a, ka tukhum ka hiat ka hiat mai..a mipa zawk ka lai reng mai dawn chu a nih hi..

Zanriah kan kil lai te chuan an chhungkua chuan an titi bawrh bawrh a, reitak inhmu lo ang maiin an ingai em em a, sawi ve tur pawh ka hre lo, ngawireng chuan an titi chu ka ngaithla a..

Zorini a tawng apiang chuan uluk tak hian ka lo ngaithla kiau a, a chhungte bulah a hlim dan emem hi ka thik lek lek zawk a ni..ka bulah khan hreawm a lo ti viau thin emaw nile...

Kan haw dawn meuh chuan a tlai tawh khawp mai.. kawngkhar ah inthlah chhung pawh reitak a ni..

"A nih mangtha muttui u..remchangah rawn kal leh ang che u aw" a nu in a tih chuan "ni e..ka nu, kan rawn tlawh leh vat ang che u" ka lo ti vat a..

Motor ah kan tlan liam thleng chuan min bye bye a..

"I lo kal avangin ka lawm e" kan pahnih chuaha kan awm leh meuh chuan boruak pawh a danglam leh vek tawk..

"Engmah a nih loh kha" amah pawh en lem lo chuan ka ti a, hetia lawmthu min hrilh reng te chuan ka tan pawn a nuam lo, ka sual hmel bik lutuk..

An inah sawi tur a hriat tehreng nen, tinge maw a ngawih tlat le..sawi tur engmah ka hre bik bawk silo, tite chuan kawng a thui duh dawn lutuk..

"Aaa..i hna chu enge a an? Nuam i ti bawk em" a tawng hmasa zawkah ka tan mai a ngai dawn a nih hi..

"Tehreng mai..nuam lutuk "ka nuisuk a, zawh leh tur ka ngaihtuah ngial pawn ka hre tawh lo..a ni lah hmalam en in a thu kar ringawt a..

In kan thlen meuh chuan ngawireng in a chhuak a, min nghah ve awm tal a nia, a driver emaw min ti emaw nile..

Motor ka dahthat hnu chuan inchhungah lutin room lam ka pan ding nghal a..

Balcony ah phone lo hmangin a phun sep sep a, tun ang hunah tutak bia ang maw..bialpa te hi a lo nei reng zawk emaw ni chu aw..aaa, a ni thei lo, a nei thei lo ang, ka remti lo bur. A thei loh hi a ni tawp

"I inbual dawn nge, i mu nghal dawn" min rawn biak thut vang nge ka phu zawk Lehnghal..

"Aaa..intleuh chu ka duh" kan room boruak hi a va lum ta ve.. tukverh a tam tehreng nen

Bakah henu hian enge a hriat a..tinge a mood a that em em a, nichin mai kha chuan a thinrim emaw tih mai turin a tum bur sia, tunah lem min be hmasa zawkah tangin min la ngaihsak hmel em em Lehnghal, ka ngaih a tha lo riau mai, tu nge a biak kha ni ang aw..ka secretary hnenah a phone details hi ka dil zawk dawn emaw ni..nilo..a awm ang lo lutuk

"I tha maw" mak tih hmel tak hian min en kar a, ka ngaihtuahna ka lo kawm nasa deuh a ni ngei ang, lu buk zauh pahin "kan intleuh lawk ange" tih leh bathroom luh ka rual nghal a, engvanga zam thar ta riau nge ka nih le..ka damlo chu a ni silova..



ZORINI P.O.V






Ka nu leh pa ten zanriah ei tura min rawn sawm chuan ka hlim hle a..

Keimah chuah min sawm dawn emaw tia, Muamzuala nen kal turin min ti a, engtin nge ka sawm tak ang..a hma pawn ka sawm tawh a, engamah ngai lovin a awm a, ka pa in kal tura a tih vang chuahah rawn kal ve kha a nia

Chutah lah ka chhungte hmaah min ti zah zia kha, hawihawmna pakhat na a lan tir lova, a hmingah thilpek tal pawh ken ve tur kha a nia, kan inneihna hi a lem mai mah nise, khawvel hriatah chuan nupa kan ni a, kei min lo hua a nih pawhin ka chhungte lakah tih lan kher kha a tul lo a sin le..

Ka nu leh pate hmelah zawhna lo lang kha chhan dan tur pakhat mah ka hre lo.. chhang theih pawh ni ila, chhan ka chak kher lo ang

Ka chhungte pawh hi an ti mak reng reng, a khawsak duhdan te kha an hmu ve reng si a, engtin nge tha deuh deuh hian an biak a, an nuih reng peih zawk le..

Ka nu leh pate hnenah chhuanlam siamin a kal theih dawn lo thu ka sawi pawhin "anih chuan inhman dun hunah in rawn kal mai dawn nia" an ti tlat a, engvanga an fanu hi ngai lo lutuk nge maw an nih le, ka thin a rim lek lek zawk..

Engpawh nise muanzuala chu a kal duh ring lo mahila, a hming talin sawm chhin ila..

Sana ka en chuan office ban a hun tep a, tunlai chu a hun ah a rawn thleng ngai bawk silo, a hna lamah buaina a neih tih chu ka hria a, mahse duh aiin a tlai mahmah thin, a pa lah hian phone rawh a lo ti ve chhen bwk nen, a chang phei chuan ka phone hreh lutuk hi phone ka hmang der tawp mai..

Zanriah kan ei lai chuan a rawn haw ve nulh mai, nidangah a rawn hun chu ni chiah lo mahse, nidang ai chuan a hma lutuk, a piangthar thut emaw nile...

Engemaw a sawi zawh hnu chuan room lam panin a chho nghal a.. engtin pawn lo khawsa se, a chhungte lah hian an en tawp zel a, an duat sual vek tawh a nih hi, nungchang mawi pawh a hre tawh lo..

Ka lo duh ru ve deuh tawh bawk nen, hetia awm lo ang maia min ngaih chang te hian ka thin a lo rim lek lek thin..engmah lah chu ka sawi ngam der bawk silo..huihamm...mahni pasal te star hmasa ber tu ka ni hial anga..miin hria se chuan mak min ti viau ang mawle..

Ka nu in "han chho rawh, ka lo tifel ang" a tih chuan hnial buai lem lovin room lam ka pan nghal a..

Room ka luh rual rualin ka tha te hi a khur velin ka hria, hetianga ka awm reng chuan ka at theih ka ring...

Muanzuala chu thatchhe zet hian inthlak lem lovin sofa ah a lo thu than a..a chau a ni ngei ang, vanlam hawiin a mit a chhing daih a, a muhil zawk emaw nile..

Dimte ah kalin a bag leh a kawr chung dah chu la in a awmna hmunah ka dah a.. ngawireng chuan ka en vang vang a, a sam kir chep te, a hmui sen no chek te chu hmeichhe hmui atan ka it lutuk..

Zan a mu tlem tih hriat takin a hmel a pawr chep a, a inziah lohna a rei deuh tawh a ni ngei ang, a biang velah chuan hmul a to siar siar a, ka pasal hi ka lo en chik ngai miah lova, a lo hmeltha takzet a ni..elly sawi ang khan duhtu tamtak an awm ngei dawn si a, kan inkar heti a nih reng phei chuan midang lakah ka chan vat ang, engemaw tal ka tih ngei a ngai dawn a nih hi...

"Ka hmeltha viau a mi" a rawn tawng thut avang chuan ka phu zawk Lehnghal, a muhil emaw tia, ka zak lutuk ringawt..

"A teuh lo" rangtak chuan ka ti a, za vak lo hian a nui suk a, muangchanga rawn mengin min rawn en a, a mit hnuailam var kiau te chu inhmeh ka ti lutuk, tunah a lan dan phei hi chu pa ka ti hliah hliah.. ngawireng in kan inen ringawt a,..tawng duh viau mahila, ka tawngthei der bawk silo

"Min ngaizawng deuh a mi"

"Enga.." pawr zet chuan ka ti a, a ni erawh a nuih a zat hmel viau thung

"I hmel kha, lung tha lo te i nei ange" a va chimawm mai mai tak, a mah tawkah tha chu a inti ve tawk a nih dawn hi..

"Hah.. engvang ngawt chuan maw" engamah ngai lo anga awm ka duh a, mahse a huhang na tak hian min ti zam lutuk

"Engmah mawle..ka va inbual ange"

"Lawk, englo thil sawi duh ka nei a"

"Enge ni..sawi la"

"Naktuk tlai ah ka nu leh paten zanriah ei turin kan pahnih hian min sawm a, i rawn tel hman angem..i hman loh pawn a pawi lo" a mah en kar chuan ka ti a, a peih lo thu a sawi ang tih mawlh ka hlau..

"Awle..kan kal dawn nia" nilo..ka hresual a mile..engtin nge awlsam tea a aw tak mai..engthil nge thleng le..ka awi lo lutuk, ka hresual aniang, a hmel chu ka en leh vawng vawng a, a thutak hmel viau bawk sia..

"Ihh..i ti taktak a mi a..i hman lo chuan a pawi lo ka tih kha" engvanga ringhlel em em nge maw ka nih le..ka lawm lutuk a, ka awi phal lo zawk nge..ka awmdan tehnuai hi ka hrethiam lo..

"Kan kal dawn nia..a tha em? Ka va intleuh lawk ange" ka darah rawn ben thek thek pah chuan a ti a, chet lawkna chang pawh ka hre lo..

Lalpa hepa chungah hian engthil nge maw i tih le? Tinge maw a ni tel hian a danglam tial tial a..ka ngaih a ti tha lo vek pawh, ka rilru dik loh vang nge, a awmdan apiang hian min duh emaw ka ti vel vek tawh, duh neih lo hahthlak zia hi..ka a thei mai dawnin ka hria..

Ka mut dawnah pawh thildang reng ka ngaihtuah thei tawh lo

Ka rilru leh thinlung zawng zawngin ah a vei leh duh ber chu tunah sofa ah mu mek saw a ni

Ka bulah awm reng mahse..ka duhzia ka ti lang ngam bawk silo,..

A rukin ka pasal ngei chu ka dream boy a ni ta ringawt lehnghal..a mah sawn hria se chuan min hmusit zual ngawtin ka ring..

Tuk dang aiin ka harh hma a, ka tho te reng reng chu ka z*ng vah mai, vawiin chu ka mood a tha takzet..

Parda chu hlipin nizung rawn lut te chu a mawi thar riau mai.. boruak fresh tak chu ka hip vawng vawng a, engvanga hlim em em ringawt nge ka nih pawh ka inhre lo..

Muanzuala lam chu ka en a, a ni lo angin a muttui phian thung, a tan chuan sofa hi chu a te mahmah a ni, khup tawm deuh chiain a mu a, mipa naupang cute deuh a ang..

A puan chu sin that tirin ka thlir leh vawng vawng phawt a, a muthil lai chuah hi chiang taka ka en Theih ve na hun a ni


Dar 10 dawn ah a rawn tho a, office kal a tum lo emaw nile..

"I hna ah i kal dawn lo a mi" ka huaisenna zawng zawng sawm khawmin ka bia a..

"Dawn e.. vawiin chu kan tlai ve deuh hlek ange" engvanga nem taktak ah min be ta mai nge a nih..a nih pawh hi keimah ang thoin a mood a tha ve zawk emaw nile..aa.. engpawh chu nise vawiin ni hi a nuam dawn tih ka chiang..

A hna kal rualin min thlah ve nghal a, hna banah ka tlang nghal dawn thu leh a theih chuan rawn hma Turin ka chhah a, a lo kal ve tur ringawt pawh hi lawm tur ka nih laiin rawn hma turin ka la ti zui..

A ni lah in min hnial miah lovin a aw ve leh mai bawk a, thil mak ropui lutuk a thleng chiang mai..nge ni a, a pa hian alo vau leh tawh zawk emaw nile..tinge maw a mizia a danglam tak em em le..

Ka ning..a sual a chhuah lahin ka sawisel a, a fel a chhuah lahin ka sawisel leh tho a, keimah hi ka dik zan lo a niang..

Zingkar atangin ka mood a tha bawk a, school ah pawh ka khi leh vur vur thin, thawhpui te pawn min fiam, min fiam mai..

Ban dawn tepah ka phone a rawn ri a, number ka hriat ngai lo a la ni zui

Tutak niang maw tiin phone chu ka pick a..

"Hello"

"Hello..zorin"

"Aw..tunge aw"

"Keimah..min theihngilh der elaw" a rawn tih chuan ka khawng awt thei..nilo engtin nge a aw atang te khan ka hriat lo theih zawk le..thla 3 meuh a awmna hmun pawh ka hre lova..a number lah a thlak daih bawk si..a mah vangin zantam ka mut lo pah lehnghal..mahse tinge min rawn biak deuh thut nge..

"Muanpui" ka phun sep ringawt

"Aw..keimah..zorin, enge i lo an" nilo..nilo..tige a, ka lungphu hi a va rang ve..lawm avanga phu erawh a ni hauh lo.

"Tinge min rawn biak a"

"I ti mak ve e..min va ngai love" a rawn tih te chuan ka hlauthawng nghal ringawt nia, ka mitthla ah muanzuala a rawn lang nghal..

"Aaa.. muanpui ka hamhaih deuh thut a, min ngaidam rawh" bah deuh nuai chuan ka ti a..

"A ni khawp ang..ka thiamlo zawk a ni e..i hman chuan i school banah kan inhmu lawk dawn a mi" nilo..hepa hian engtin nge school ah ka awm tih a hriat..min enthla zawk a mile..ka hawikual nghal a, tumah lah chu ka hmu der bawk silo..

"Aa..ihhn..englo..ka hre lo, ka buai mai thei" tinge maw ka hmuh hreh deuh tak thut mai le aw..vawikhat inhmuh pui chuah tur ania, a pawi em bik nang..

"A rei dawn hleinem..i hman loh chuan a pawi chuang lo" tlem chuan ka inthiam lo ve deuh tho mai..keimah vangin a kal bo a, nun hreawm takin ka siam a, a rilru ka tihnat sak bawk a, vawikhat hmuh te mai mai chu thil tihsual pawh a ni chuang lo ang

"Awle..a nih tlaiah kan inhmu dawn nia"

"Awle..ka lawm lutuk e..ka rawn lam ang che"

"Awle" phone a hmet thi nghal a, ka ngaihtuah chhunzawm nghal char².. engvanga min hmu chu duh teh thut nge a nih le..

Thil thalo a thleng em lo ang chu..Tuna takah muanpuia lo lang thut chu a fuh chiah em ka hre lo, muanzuala lakah feeling ka nei tawh bawk si, ka rilru hi a phir nuaiin ka hria..

Cont

Tawi ti lo hram ru aw..word 4000 a chuang daih ania😅

Ngaihnawm deuhah ziah ve te hi ka chak lutuk a..ka thiam thlawt bawk silova..min ngaidam mai teh u😁

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 16th, 2021, 3:07 pm

✨ EPIC LOVE ✨


CHAPTER ELEVEN


----------------


"Hey.. lalmuanzual thiana..zanin chu in nu nen rawn kal ve ula"

"Khawiah chuan maw"

"Hmela nang hi i theihngilh a ni maw" phone atang chuan Rintluanga chu a rawn au chiam mai a, enge maw a hriat chu le..

"Enge..sawi la, au vak vak suh, ka beng a na"

"Zanin hi ka nu leh pate Aniversary a nia, kan huanah party kan siam dawn ka tih mawlh mawlh kha, engtin nge i theihngilh theih zawk a" lungawi lo hmel tak chuan a rawn ti a, ni tak e, ka hrechhuak leh si, buaina neuh neuh ka neih avang khan ka lo theihngilh daih a, mahse engtin nge zorini kal ve turin ka sawm theih ang..ka rilru a buai deuh nuai mai

"Aaa..thiana..englo a nia" ka sawi zawh hma hma chuan Rintluanga chuan "chhuanlam ka ngaithla peih lo, innu nen lo kal ang che u, dar 8 tan hun aw" ka chhanna pawh nghak lovin a hangup nghal a..engmah lah hi an hre ve der bawk silo, ka nupui nen kan inpawh vak lo tih hi hria se chuan mak a ti viau mai thei a ni..

Hna tul ang ang ka tih zawh meuh chuan dar 5 a lo ri tawh a, tunlai chu market lamah kan chhe leh viau a, rim taka thawh leh ka ngai a ni, company pakhat tunlai hian a rawn invawr lar hle bawk a, min tihchhe pah dawn tlat, hei aia sanga ka awm a ngai a ni

Office atang chhuakin inlam panin ka inkalh haw mek a.. zorini chu sawm chhin ve reng reng ila, a lo peih hlauh chuan a lawmawm hle ang

Traffic signal rawn sen avang chuan ka ding a..ka sir lam ka melh chuan ka tum loh deuhin zorini leh mipakhat car pakhat ah an chhangdun chu ka hmu a, ka hmusual emaw tiin ka mit ka khap fak fak a, amah ngei a ni chiang si, sawpa saw tunge maw a nih le..an in huat lo hmel ropui si a, a thawhpui ti dawn ila, a thawhpui te zawng² ka hre vek bawk si a, nge ni a, henu hian ka hriat lo hian ngaihzawng a lo nei thin zawk..

Signal a rawn inthlak chuan an tlan nghal a, chet lawkna chang pawh ka hre lo, horn ri tuar tuar ri ka hriat chuan harhchhuak thut in ka tlanchhuak ve nghal a

Ka rilru ah engdang mah ka ngaihtuah thei lo..

In ka thlen atangin darkar khat lai a liam tawh a, zorini a rawn la haw lo te chuan ka thin a tirim takzet..

Engvanga thinrim ah rilru hah ve ngawt nge maw ka nih le?? Keimah ngeiin mimal nunah buai loh tur tiin ka hrilh a, keimah bawk ka hah leh si.. engvanga kha dan kha lo siam ta kher kher nge maw ka nih hrep chu le..

Room ah chuan ka vei chhen a, khua a thim tawh a, a hna atangin a bang daih tawh si a, in rawn thlen a hun tawh a sin le..khapa nen khan an lengkual zawk emaw ni..

Rawn haw teh se..a chak lo khawp ang, engtin emaw takin vau leh a ngai dawn a nih hi..nge ni a, ka va zawng zawk dawn emaw nile aw..

'Aaa..nilo..nilo..lalmuanzual chutiang tih a ngai lo, ngaihtuah tawh suh' keimah chuan ka inbe mawlh mawlh a, awmzia a awm lo kher mai, engpawh chu nise rawn haw phawt se la..enge a chhuanlam te pawh hriat a chakawm alawm mawle..duh aiin ka lo nem mahmah a niang, a hma ang khan ka tiretheih leh zawk dawn emaw nile..

ZORINI P.O.V


school ban velah chuan gate ah Muanpuia chu a lo awm reng tawh a, thla 3 dawn lai kan inhmu tawh lova, a hmel pawh a lo danglam tawh hle mai..

A hma aiin a hmeltha zual Lehnghal..mahse muanzuala erawh a la tluk lo..

'het..tinge tun anga te chutiang te I ngaihtuah theih zawk" kan inhau ru mawlh mawlh a..

"I lo thlenna a rei tawh em" pangai taka ka tawngthei chu ka lawm kher mai

"Rei love..ka thleng ve deuh chiah..i lo tha em" aw tih nan ka bu ringawt..

A hma ang khan innel taka inbiak chu a harsa deuh tawh a ni..sawifiah thiam silo hian engtin emaw tak hian keimah ah nuam lo tihna a awm

"Kal ila" a tih chuan ngawireng in car ah ka lut a..khawiah nge min hruai a tum pawh hre lovin ka lut ve ta ngawt chu nia..

Kan tlanrei deuh tawh avangin kan kalna hmun tur ka zawt a, "kan thleng har tawh lo ang" tih bakin min chhang lo..awm nuam vak lo chung chuan ka ngawi kar a..

Dar 5 a ri tawh a, muanzuala office kal pawh a bang tawh anga..ka haw tlai phei chuan ka chungah a lawm loh ngawt ang, tunlai phei chu kan inkar a tha chho tan a, inhmu thiam lohna tur thil engmah ka duh lo

Phone tuma ka phone ka lak chhuah chuan ka battery a lo low daih a, pawi lutuk, muanpuia phone hmansak lah ka dil hreh bawk si..

Motor a din thut avang chuan ka harhchhuak thut a..ka hawikual nghal hru bawk

"Kan thleng e" a tih chuan bangbo takin car atang chhuakin ka hawikual nghal a..kan awmna hmun hi ka hre lo reng reng, Alzawl ah kan la awm em ang chu

"Khawi hmun nge a..ka van kal ngai love" ka zawhna vang chuan a nui suk a, nuihzathlak ka sawi awm ka hre silo, ka lawmlo tep a ni

"Nia..he hmun hi chu i kal ka la ring lo, tiraw lut ila" a tih chuan kan hma zawnah in pakhat lam chu a pan a..sak zawh hlim a nih duh hmel..a sak dan te lah chu a dangdai nalh reuh phian a..

A awmna hmun lah hi a fianrial reuh em em a, thenawm an nei hla viau in ka ring..a hmun hi chu a nuam ka tih chi mawle..mahse muanpuia nen nilo vin muanzuala nen kal dun ta zawk ila chuan hei ai hian a nalhin a nuam zawk mai thei a ni..

Ngati nge maw muanzuala pawh chu ka ngaihtuah chhuah ve ziah le..hepa hian zawllai di min tat emaw nile..tinge maw ka ngaihtuah chhuah ve ziah

Inchhung ka luh chuan ka ang phiau ringawt..pawnlam landan aiin a mawiin a changkang zawk..

Engkim chu thing hmanga siam a ni a, inchung chhona kailawn te reuhte a awm a..a zau hran lo na in, chen nan chuan duhthusam a ni..

Choka leh sitting room chu inkalpawh theih maiin an siam a, a design tu hi tupawh nise kan thil ngainat zawng a in ang kher mai..

Mahse engvanga he hmun ah min hruai ngawt nge maw a nih le.. inbiak ringawt nan chuan a hla mahmah a ni..

"Lo thu la.. coffee leh thingpui i duh ang" chair min pawh chuuah sak ah chuan ka thu thla nghal a

"Engmah a ngai lo, khawngaih in i sawi duh chu sawi vat la, ka let leh vat loh chuan ka pasal a thinrim palh ang" ka tih chuan min nuihzat hmel viau, a mizia a lo danglam ta lutuk hi ka hlau lek lek..

"I hlim bawk em" a rawn tih chuan chhan mai dan tur ka hre lo..

"Zorin..i hlim em" ka bula rawn thut thlak pah chuan a ti a..ka awm a nuam lo telh telh lehnghal

"Tinge ka hlim loh ang, ka hlim alawm" tihpah chuan ka nui suk a.. ngawireng chuan min en kar a..hre lo ang hmakin ka awm thung

"A that hlauh chu, mahse i hmel ah chuan i hlim vak lo hmel ka tia" enge maw a hriat reuh le..tinge tawngkam mei nei deuh deuhah a tawng tak chiam chu le..

"Aaa..muanpui ka kal a ngai tawh in ka hria, a tlai tawh si a" ka haw vat loh chuan hepa pui reuh hian zawhna mak sak taktak min zawt leh palh ang

"Awle.. tehreng mai..e chuan taka..tun kar tawp hian ka company ah party ka siam a, sumdawnna lam pang thil a nia..inpa nen rawn kal ve ang che u aw..vip in ni dawn lehnghal"

"Maw..ka..ka company a.. company i nei amaw" ka mak tihzia ka hmelah a lang chhuak a ni ngei ang, min nui suk lehnghal

"Nei e..a tawp ah chuan keimah pualin company ka nei ve tawh asin, tunah chuan ka hausa tawh a, pawisa lamah buaina engmah ka nei tawh lova, mi tu emaw tan makpa hausa tak ka ni ve thei tawh a sin" a thusawi dan atang chuan ka pa a tih chhan a ni tih ka hria, sum vanga pasal neih anga min lo ngai taktak a nih dawn hi..mahse engtin nge thla 3 lek chhungin company a neih hman le..misual pawlah a lut zawk emaw nile..zawhna tamtak ka nei a, mahse engmah ka zawt ngam bawk silo

"Ka lawmpui che"

"Ka lawm e..rawn kal ngei ngei ang che u.. sawmna card pawh inpa te office ah ka lo thawn ang" a tih chuan chhang tawh lem lo chuan ka chhuak nghal..

Ka ngaihtuahna hi a buai nuai mai, muanpuia hmel ka en khan ka hriat thin muanpuia kha ka hmu lo, mi hrang hlak a ni, enge a tum niang le..a hmel atang kha chuan min huat hmel lem lohna in Engemaw tak ruahhmanna a nei a ang ka ti..ka fimkhur viau a ngai dawn a nih hi..ka pa a huat hmel angreng si a, phuba lak te hi a rawn tum emaw ni zawk le..aaa..ka a thei mai dawn in ka hria, thil ka ngaihtuah nasa mahmah a ni.. muanpuia te chu mi thatak a nia lawm le..keimah hi ka dik lo aniang, tunah chuan muanpuia duhna pawh ka nei tawh lova..ka lo danglam ta lutuk hi ka lo hmu danglam ve ta zawk pawh a niang..

Motor hmuh tur lah a awm mai mai bawk silo..kan lo van han tlan hla awm hman emem..

Taxi lo tlan ka hmuh chuan phar ding vatin ka lut nghal a..

Dar 7 a ri tep tawh a, muanzuala pawh inah a awm tawh ngei awm si a, engtin nge chhuanlam ka siam tak ang aw..a chhungte ai mah chuan a mah hi ka huhphur ber..

In ka thlen meuh chuan dar 7 leh chanve a pel tawh a..kawngka ka hawng lawk ngam lo lehnghal..

Hmanzan ah lah ka haw tlai tawh bawk si, tinge maw hna ka kal ve hian ka tlai bik ziah mai le.. muanzuala chhungte hian a ruk tak chuan mak min ti tawh ngawtin ka ring..an fel em a, engtin mah min ti lo zawk a, an fapa erawh hi chu ka chungah a lawm lo khawp angle..

Kan inhnaih ve dawn chuah a, hetiang thil a thlen ngai hi ka huhphur lutuk..

Thil ka tisual pawh ni der lo, nge ka hlauh ve ngawt ang..

Thawk chu kan la hrawk a.. kawngka chu hawngin ka lut nghal a..

Kawngka zawnah muanzuala a lo din thut avang chuan ka phu zawk Lehnghal..

"Min ti phu alawm" vin deuh hrawk chuan ka ti a, a hmel ah lah chuan a thinrim hmel em em lehnghal..nge maw a hriat chu le..

"Tun hi haw hun a nia mi" tihpahin a sana a bih kher a..ka va ngei mai mai tak, nidanga pawh a haw tlai fo a, engtin mah ka ti bik ngai der silo..

"Aaa..nia..englo a nia..kan thawhpui pakhat in in a sa thar a, ka va hmuhpui lawk a" ka kawr hmawr chu ka hmer nghal vawng vawng, dawt ka sawi awlsam ta lutuk te hi ka inthiam lo ngawih²

"Taktak maw"

"Aw" tihpah chuan ka bu nghauh a..min en kar bawk si, awmdan min ti thiam lo dawn

"I thawhpui tu ber kha nge" tinge maw a chik viau chu le..nidangah min zawt ngai pawh nisi lo..engvanga ka mimal nunah lo buai ve ngawt nge a nih le..

"Aaa..i hre ve kher lo ang" tihpah chuan ka kalsawn nghal a..min rawn zui tih ka hre nghal..

Tinge maw ka zam em em chu le..eng chu nge ka hlauh em em pawh ka hre lo..room ka luh rual rualin bathroom ah ka lut nghal..theih nise zankhua ah he bathroom ah awm mai hi ka duh.. muanzuala lah kha a lungawi hmel vak bawk silo..ngati vawiin ni ber ah muanpuia kha ka tawn chu le..ka a thei mai dawnin ka hria..

Cont

Episode 12 ka rawn dah leh nghal ang...

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 16th, 2021, 3:07 pm

✨ EPIC LOVE✨

CHAPTER TWELVE


------------




"Hey...zorinpui, bathroom ah khan inkhung reng i tum a mi..rawn chhuak tawh rawh" muanzuala in bathroom kawngkhar a rawn ben rik pawp pawp takah chuan chhuak lo thei ka ni lo, muangchang chuan ka hawng dem dem a, kut kuangkuah thanin min lo la melh kar zui, enge maw a hriat reuh ni..

Thil ka tisual pawh ni silo, tinge maw ka inthlahrun rikngawt le..

Sawi mai tur lah ka hre bawk silo, ngawireng chuan kan inen ringawt a..

"Aaa..ihh englo a nia, ihh ka thian pakhat nen kan inhmu a, sana ka lo en lova" nge maw ka insawifiah ngawt le..

Awih lo hmel zetin min la en kar zui bawk a..

"Taktak maw.." a mitko san euh euh pah chuan a ti a, tinge maw a inlak hlauhawm ve ngawt le..a hlauhawm loh tehreng nen

"Ni e.." za vak lova nui pah chuan ka ti a, a kiai suk ringawt

"Aaa..kan inthlak lawk ange" thawmhnaw bawm lam chu panin hakthlak ka la nghal a, bathroom ah ka lut leh nghal

Engthil nge maw ka chungah thleng ta le..tinge maw a lum emem ringawt le..

MUANZUALA P.O.V



Hah..engthil nge a hriat a, tinge thil tihsual ang maia inthlahrung dekah a awm tak mai a..

A rawn haw atangin bathroom ah a la awm char² lehnghal.. enge maw a tih em em chu le..

Hau hrep ka tum tehreng nen, a hmel ka hmuh chiah khan a bo duak lehnghal, a mitmeng ah a inthlahrung hmel ka hmuh vang khan em ni..

Aaaa...ka a thei mai dawnin ka hria..kan pahnih chungah hian engthil nge maw thleng hrep chu le..

Ngawireng chuan ka vei chhen a, tih tur pawh ka hre lo, tinge maw a rawn chhuah har em em mai chu le..

Ka phone a rawn rik thut avang chuan ka la phu zawk zui..

Tunge min call tu pawh en lem lo chuan ka la a

"Hello"

"Hey.. tinge a, ngati nge in rawn la thlen lova"

"Rintluang..nang elaw"

"Ni ang chu..i tha maw?" Min ngaihtuah hmel tak chuan a rawn ti a

"Aw tha e..ka tihpalh lutuk, ka chau deuh a, ka lo theihngilh daih a ni" thupha chu ka chawi nghal mawlh mawlh a, zorini vang vek, rawn haw tlai viau lo se chuan Rintluanga nu leh pate Aniversary ah kan kal ve tur a nia..

"Thiana..i va nawm lo hmel ve..i tha takzet maw"

"Aw..aaa ka chau deuh a, chuvang mai mai, ngaihtuah awm ka nilo ve" za vak lo chuan ka nui a..

"A nih chu mawle..aaa i duh chuan chawl hahdam rawh, zandangah kan party tha leh mai dawn nia" Rintluanga hi chuan mi hriatthiamna a nghah mawle..kei ang thian laktlak lo deuh a nei hi chu pawi ka tihpui khawp mai


MORNING



ZORINI P.O.V




Nizungin ka hmai a rawn chhun set set ah chuan ka harh a..

Sana ka en chuan zing dar 8 a lo pel va tawh

Khai a..kei hi thawh ka hai a ni maw' hmanmawh tak chuan ka tho chhuak nghal a..

Engtin nge tianga rei ka mut theih zawk le..ka mo tan tirh atangin zing ka la tho tlai ziah lehnghal,. A zahthlak ve det tawh

Ka inphih zawh hnu chuan inhnuai ah ka tlan thlan nghal a.

A hrim hrimin Lalmuanzuala pwh hian min kaithawh ve awm tak a nia, hepa rilru han chhiat dan em em hi chu aw..

Nizan ah inla ham strik viau lo se chuan khatiang chen chen bathroom vawt lutuk ah ka awm a ngai lo tur..

Ka hritlang pah vek dawnin ka hria..

Choka ka thlen chuan ka thil hmuh avang chuan ka au chhuak lo chuah..

Ka nu hmuh ka inbeisei tehreng nen, muanzuala zawkin eirawng a lo bawl a maw..

Ka mitvai emaw tiin ka mit ka nuai a, ka mitvai chu a nisi lo...a tho a emaw nile..nge ni a, a damlo zawk

Khawiah nge ka nu leh pate pawh hi an awm reng reng le..inchhung lah hi a reh thuap bawk si

Ngawireng chuan muanzuala che vel chu ka en reng ringawt a..

A chetvel dan atang chuan zei tak a ni..

Amah a palian si a, kan choka hi a lian viau emaw ka tia, tinge maw ka hmuh tet em em le..

A apron hren lah chu atan chuan a te mah mah emaw tih mai tur a ni..

A mood a tha deuh emaw nile..a la faifuk rat rat zui, kan inchhungah hian Engthil mak nge thleng ta ngai le..nilo..kei hi mumang nen ka tho a ni ngei anga..mu tha leh ila a reh mai ka ring

"Morning..khatah ding reng lo khan lo thu la, breakfast ei ang" ehe.. engtin nge ka awm tih a hriat le..min hnungchawn daih bawk sia, hepa hian a tukhum ah mit a nei zawk emaw nile..

Engmah sawi lem lo chuan chair chu pawt chhuakin ka thu a..

"Coffe nge tea" nui sang chuan a rawn ti a, chhan mai nachang pawh ka hre lo, ngawireng chuan ka en kar ringawt

A rawn khuh karh karh ri ah chuan harhchhuak in"coffee" ka ti vat a,

Aw lalpa ka a thei mai dawn..hepa chungah hian engthil mak nge i tih le..ka ngaih te pawh a tha lo rum rum zawk

Coffee min rawn pek hnu chuan min hnungchhawn leh nghalin engemaw hi a siam a..a rimtui em em lehnghal, ka ril a ti tram takzet..

A hnungzang ringawt hmuh thei mahila, ka hlim ru em em lawi si..

A ni nen hian nupa taktak ni ila, zingtin hetiang hian a chevel han hmuh reng thei ila, khawvelah hmeichhe hlim ber ka ni mai tur..mahse nilo..duhthu ka sam vak vak tur a nilo..kan inkar ah hian mahse bak a awm thei dawn lo..

"Ihh..khawiah nge ka nu leh pate hi, an la tho lo a mi"

"Tho tawh e..kan chhungkua ah tumah tho tlai kan awm ngai lo..nang tih lo chu" rwn hawi pheiin a khi suk a, a va han ngeiawm thiam mai mai tak..mahse a sawi dik lo hran chuang lo..

"A nih..khawiah nge an awm a"

"Tunah hi chuan thlawhna chhungah an thut mek ka ring" ka lam rawn hawiin a coffee chu a in kalh a..

"Maw..thlawhna ah mahse khawiah nge an kal dawn a" zawhna hlirin ka khat

"Tho hma la chuan i hre ve mai tur hi a nia" rum tak chuan ka melh nghal, nizanah inti hlauhawm kual vel lo se chuan ka mu hma anga..thawh ka hai lo mai tur..

"Sawi ve mai la"

"Ka pa inchekup hun a nia..karkhat vel an cham ang" ni tak e..thla khat danah an kal thin tak e..engtin nge maw ka theihngilh theih zawk le..ka inthiam lo ru hle, an kal dawn ah te kawngkhar thleng te pawh thlah ve awm tak ka nia..mak min ti ru ngawtin ka ring

Mahse duh aiin an chamrei dawn mahmah..engtin karkhat lai hepa nen chuahah awmdun tura min kalsan theih zawk..

Nikhat chu swilo.. minutes 5 pawh kan ingaih theih silo..

"Tinge chutiang te chu min kaitho ve mai loh a.." dem awka lek lek chuan ka ti a..ka thin a tirim mai dwnin ka hria

"I mulai kha inen theih la ka ti ngawt mai..Pathian pawh lo chhuk se i harh theihin ka ring lo" a lu thing nawk nawk pah chuan a ti a, thil lah hi a sawi uar thiam ropui si a..

"Mahse..lungngai lutuk suh, naute neih vat kan duh a, kan thawkrim lutuk ka tia, an hrethiam a nih kha" a tih chuan ka coffee inlai ka phuh thawt..

Ka khuh nghal bawrh² a, ka hnungah rawn ben thek thek pahin "keipawh ka lawm e" tihpahin a kal nghal nal nal..

Ka va han ngei mai mai tak, engtin nge chutiang te ah a chhungte bulah a sawi theih zawk..awi ka zak lutuk ringawt..


Muanzuala p.o.v






room ka luh thleng in ka la nui..a mak tih hmel mawlh kha ka nuih a za bang lo..

Zingkar hma takah ka harh a, nizan ah lah kan inhel zak zak bawk si, kan room hi hei ai hian lo lian se phei chuan ka hah ngawtin ka ring

A innei tu zawk lah sofa te lutukah ka mu ziah a, mut pawh ka mutui thei nek lo..khum ka lei mai dawn emaw nile..lei ngat ila chuan ka nu in zawhna chhansen loh min zawt awm si a..

Zorini mulai chu ka thlir vang vang a, a duhawm takzet..

Thiante leh thawhpui thenkhat ten a hmelthat zia an lo sawi kha ka hmuthiam ve chuah in ka hria..an lo sawidik ani, ka nupui hi a hmeltha takzet..a duhawm bawk si

Mahse tunge khapa kha ni ang le..zorin in dawt min hrilh pahna leh min hel na chhan kha..

Enge an inkarah hian awm angle..a ngaihzawng chu a ni em lo ang chu maw..

Nilo..enge maw ka ngaihtuah vak vak chu le.. ngaihzawng min neihsan duh khawpah nunrawng chu a ni lo ang..kei pawn ka nei chuang bik silo..

Inphih harhin inhnuai lamah ka chhuk a..

Ka nu leh pa lo inpack mawlh mawlh chu ka pui ve nghal a

"Nu..karkhat lek cham tur si, in va inkeng hnem em em ve"

"Karkhat aia rei pawh kan cham thut thei, zin tak rau rau ah han teikual vel pawh a chakawm ve lawm" ka nu in a tih chuan ka nui suk

"Ni tho mai..inah i awm chawt zel a, i tan khaw fanna chance a ni mai, pa lo kal ve lo chu a pawi lo ang maw"

"Pawi love..helamah lo awm rawh..i hnalam lo buaipui la..bakah in nu nen pawn hunthawl inneih ve pah deuh dawn lawm" ka pa thusawi vang chuan ka lai nghal em em ringwt

Kan nupa inkar hi tupawn tha vek tura hian an ngai a, khum khatah kan la mudun miah lo tih hria se zawng mak an ti khawp angle..

"Awle..nih tluang takin aw" car awmna thleng chuan ka thlah a..

An tlanliam thleng chuan ka en zui vawng vawng a..

An awm lo tur chu lehlam kawng tak chuan a tha phian..zorini nen hun kan hmangdun tam thei deuh anga..kan inkar hla lutuk pawh hi a zia pah deuh mahna..

Dar 7 a rik pawhin a rawn la tho chhuak lo, han kaitho dawn ngawt ila, a mood a dik lo leh te kha a niang a.. hmeichhe mood dik lo phei chu siamchawp pathian ai pawn biak an har lehnghal..

Rawng han bawl ngawt dawn ila, lo tho chhuak thut se..mak a ti awm sia, bakah rawngbawl ka thiam tih a hriat chuan min bawl tir a tum char char ang tih ka hlau bawk si..

Inchhung ah chuan ka veitawn sek a..dar 8 a ri taknghial dawn..tiangte chuan office ka tlai mai dawn lawm le..

A neitu mah ni ila..a hun dik thlapah office thlen ka duh..henu ka nghak a nih chuan chaw eilo in ka kal mai duh hmel..

Engpawh nise..rawng ka bawl a ngai nih hi..

Siam awlsam deuh deuh chu fridge atang lakchhuakin ka siam nghal mawlh mawlh a..

Ka pian tirh ata choka ah hian ka eitur taknghial pawh ka la siam chhin lo a sin le..

Nupui mutduh lutuk neih chu tih ngai lo pawh tih a tul ta a, lawm tur nge lawm loh tur pawh ka hre chuang lo...

Ngawireng chuan ka siam mawlh mawlh a..bel thla atang chuan zorini in min en reng tih ka hmu thei..

A landan atang chuan mak a tih hmel viau bawk..mak ti lo chi pawh a nilo, hetiang hian ka awm ngai lo tlat a..

Ngawireng ah a din reng tak ah chuan bia in thu turin ka ti a, ngawireng chuan a thu ve mai bawk a..

Engvanga ka mood pawh hi inthlak ve thut thut ta mai nge a nih le..henu hian power a nei zawk emaw nile..a lakah hian ka thinrim tha thei tawh meuh lo chu a nia...

Ka nu leh pate awmna min zawt leh ka chhandan chuan a barakaih viau a nih hmel..

A coffee inlai a phuh thawt lehnghal..nui ver ver chungin a hnungah ka beng thek thek a..

Engvanga nuam ti ta viau nge maw ka nih le aw..ka a dawn in ka hria..

Bathroom ah lutin ka inbual nghal a..engpawh nise ka inbum reng tawh tur a nilo..ka thinlung in ah a duh zawng hlir in ka khawsa tawh ang..ka nu leh pate rwn haw hma ngeiin kan inkar zau lutuk pawh hi ka siamtha tawh ngei ang..

Inthlak in office turin ka chhuak nghal a..

Motorah ka lut chiah tihah phone phawrin zorini ka text nghal a..

"Rawn tlai tawh suh ang che" tih ka thawn nghal a..

Chhuah pah pawh khan a sawi theih reng sia, ka chungah hian enge maw thleng ta le..ka inhrethiam tawh hnek love..

"I thu lo" khanglang chuan le...ka thu nge thu lo chu a hre chiang khawp ang damn it..ka stearing chu ka hnek chawrh a..ka kut a na nghal vawng vawng..


"Sir meeting neih a hun tawh a nia" office ka thlen rual rualin ka secretary chuan min hrilh nghal a..

Tunah chuan ka sumdawnna pawhin ngai a awh chho leh tan tawh a, rilru hah lutuk pawh a zia chho tan..

Mahse inthladah thei ka ni chuang lo, tunlai hian SIAKENG FINANCIAL Company te hian hma an rwn sawn riau mai a, market lamah min hnuk hniam mai bakah stock prize an ti chhe vek a, kum tamtak ka thawhrimna engmah lo mai ah an rawn chantir tep alawm le..

Company te tak ni thin kha engtia rawn invawr thut nge an nih ka hre lo, chhui chian deuh hlek chu an ngai dawn a nih hi..hetianga ka en liam mai mai chuan kei leh ka company te hi min ti chhe thei mai dawn tlat..

Meeting kan zawh hnu chuan ka office lamah ka let leh nghal a..tunlai chu keimah ah hian enge diklo pawh ka hre lo, hna reng reng ka ngaihtuah tha thei meuh lo..

"Hey...thiana i awm maw" Rintluanga leh Ruatdika an rawn lut hlawl, hemi te pahnih han hman dun dan em em hi chu, company pakhat ah hotu chu an ni ve sia, an hman bik dan em em hi, ka thik lek lek tawh

"Teh hlawl che u chuan, tinge office ah in awm lo a"

"Aaa.. office hna hi ka thawh chi a ni lo" Rintluanga in a tih chuan ka nui hak, a ni te chuan football khelh leh party, bakah hikings a hrat hle bawk a, engtin nge office a kal peih zawk le..a fakawm ve hrim hrim

"Idea tha deuh mai ka nei a, nihna takah chuan Ruatdika idea zawk a nia"

"Ni maw..enge" Ruatdika lam chu ka hawi vat a..min la nuih vur vur zui

"Workout ila" awi va ho thei tak, thil tha deuh a sawi dawn emaw tia

"A ho em mai a..chutiang ka hman lo"

"Naaa..tikhan ti lo la, hunthawl i mahmawh alawm, han in en teh i hmelchhiat tawhzia hi, i dum sawt lutuk" Ruatdika'n min tih chuan ka nui hawk, thinrim thei chi pawh a ni lo..

"Ka thei lo, ka hman lo alawm, ka chhungte an zin vek a, ka nupui nen chuah kan awm" bakah ka nupui nen a hun hman tam ka chak a, ka zin bo daih te chuan a, a chi dawn lo lutuk

"E..a tha hlei hlei a nihchu, in nu rawn hruai la, ramhnuaiah kan lam dawn nia" Rintluanga in a tih chuan ka nui nasa hle, mahse lehlam ah ngaihtuah chuan zorini nen pawn kan inpawh thei deuh mahna, a tih chi phian mai thei ani

Inah awm ngawt ai chuan nihnih khat lek zinbo chu a pawi em lo ang chu, bakah inah kan awm lo chuan khapa pawh kha a hmu thei lo ang, ka tan pawn ka ngaihsak zia tihlan na tha a ni mai thei a sin le..

Mahse..lo duh lo ta se engtin nge ka tih ang,..ka awm lo hlanin an lo inhmu vel awm si a, nilo..a ni thei lo, a thei lo reng reng..

"Hey..i tha maw..ngati nge i hmel kha"

"Maw..enge ka hmel chu"

"I at hmel lutuk" Rintluanga in a tih chuan ka thaw hrawk

"Chuan..lo kal ve rawh aw"

"Nikhat chuah ami"

"Khai a..i duh phawt chuan kum tluan pawn kan awm mai ang chu" Ruatdika in a tih chuan ka ner suk

"Nikhat chuah aw..chuan kan haw lehnghal ang" ka tih chuan an bu nghauh..ka thiante hi chuan min zahthiam a, ka thusawi apiang a tha emaw tha lo emaw min pawmpui thlap thin..

"Anih chuan naktuk zingah kan kal dawn nia, chuan innu pawh chu rawn hruai theihngilh lo la"

"Awle tehreng" a ni ber ka theihngilh te chuan a..a ho duh awm em mai

Ka office atanga an chhuah hnu chuan ka ingaihtuah nghal char char a, plan tha deuh ka siam a ngai a ni..

Ka ti hlau dawn emaw nile aw..chuan min rawn hnaih theih anga..aaa..nilo a atthlak lutuk..pa takin ka awm tur a ni

Takah haw hma ila tha ang..an bang hma angem aw..an school kawtah ka va nghak mai teh ang

Car chabi la in ka chhuak nghal a..ka secretary hnenah ka haw hma dawn thu ka hrilh pah a..

Car ah lutin zorini te school lampan in ka tlanchhuak nghal a..

Gate zawnah chuan dingin ka ingaihtuah buai hle a..

Ka nghah thu ka hrilh dawn nge..hrilh lovin ka nghak zawk dawn

Nge ni a, an office ah sawn ka va lut thut zawk dawn, tinge maw ka ingaihtuah buai tak chiam chiam chu le..a hma ang kha chu nise awlsam deuhin ka lut pawp thei tur hi a nia, tunah erawh engkim hi a danglam vek tawh a nih hi

Darkar thum lai car chhungah ka thu te hi thilmak lutuk a ni, hetiang hian tumah ka la nghak ngai lo reng reng

A tawp atawp ah chuan an rawn bang ve ta hram e, a thawhpui thenkhat te nen an rawn kal a, a nui hmel te saw a tha hliah hliah bik, midang zingah pawh a langsar vah bik a, hmeichhia ah chuan hleitling tak a ni, ka lo chik ngai lova, a mawina ka hmu telh telh in ka hria

Car atang chuan chhuakin min rawn hmu thut chu a hrilhai a ni ve ngei ang, a meng phar nasa em mai..

Ngawireng chuan ka lo nuih vur vur a, mak ti hle mahse a insiam tha vat a..

"Hi..in bang chiah elaw..ka lo thleng fuh hle mai"

"Ehe...nang hi muanzuala i ni tiraw" a thawhpui pakhat chuan min rawn chibai nghal chawt a..

"Aw ni e..ka hmu che a ka lawm" nui sang chuan ka ti a

"Keini deuh, zorin pasal i nei vannei bik hle mai, a hmeltha si" an tih chuan zorini chu a then suk a, a lawm vak lo zawk emaw nile.. pasal hmeltha deuh a nei a, vannei a inti hle tur ani sin..

"I hman tawh chuan kan kal dawn em ni..duhtak" nui sang chuan ka ti a, zorini erawh a la ngawi char²..mak a ti hle a nih lo pawhin min ngei viau a niang

"Ni e..kal ru, in2 hmeh lutuk" a thiante chuan an rawn ti sap sap a..car kawngkhar chu ka hawnsak nghal vat a, ngawireng chuan a thu lut ve mai bawk a..

Ngawireng chuan ka tlanchhuak nghal a, a la tawng duh miah lo lehnghal..a mipa zawk ka hawihai tep tawh..nuamlo tihna te ka nei ta rum rum mai

"Aa..ka tihpalh, hrilh lawk lo che a, ka rawn hruai thut vang che in" thupha chu kan chawi lawp lawp a, melh taknghial pawh min la melh duh lo zui, hrep tak.a..ka thinrim tep tawh

"Zorinpui.. enge maw tal sawi la, i thinrim a nih te chuan min ankhum mai la, hetia i ngawih reng te chuan awmdan tur min ti hre hleinem" keimah leh keimah ka inbia hi a ni ringawt..

A tawk e, ka chapona zawng zawng dahtha in bul tan ka tum ve em em a, ka tan hmasa tawh awm bik lo, a duh chen chen thinrim mai mai teh se..tih theih vak a awm chuang lo

In kan thlen rual rualin ngawireng in a chhuk thla nghal hmak a..car pawh dah tha lovin ka chhuak ve nghal a..

Inchhung a luh rual rualin a kutah chelhin ka lam hawiin ka pawt her zawk a, a in ring lo a ni ngei ang, a la tlu tep zui...

"Enge maw i hriat le..min thlah vat teh" a tih chuan a aia nasa in ka chelh nghet sauh

"Teuh lo..kan inbiak phawt a ngai"

"Inbiak na chhan tur kan nei lo"

"Kan nei"

"Engmah ka sawi peih hleinem"

"Keiin ka peih sia lawm, i ngaihthlak mai a ngai dawn a ni"

"A nih hnu min thlah phawt rawh, ka chau a nia" a tih chuan ka thlah ve mai bawk a, inchung lamah tlan chho nghalin room kawngkhar a khar rik dup danah a thin ka ti rim hle a niang

Hmeichhe pakhat vang mai maiin hetiang hian ka awm ta chu a nia, duh leh hmangaih ka la nei ngai lova, tunah ka thinlung in a duh ve tan a, mahse ka duh tih lan dan pakhat mah ka thiam silo, ka ngaihsak a nih tih tal te hi ka mitmeng atang te hian a hrethiam lo em ni..min zir chiang se, tlem talin min han chik se chuan engkim a hrethiam mai tur hi ania..

Kei ang em em a zei lo hi an awm ve angem le..ka thiante hnen atanga thurawn han lak lah ka hreh ve bawk si, mahni chuaha fight atan chuan a lo harsa mahmah a ni..mahse ka beidawng mai mai lo ang, engang pawn harsa dawn mahse ka ti thei ang, engtikah emaw chuan ka ta diktak ah ka siam ngei ngei dawn a ni..


"Hey..zorin naktuk zing ah ka zin thawveng dawn a, lo kal ve ta che"

"Khawiah nge i zin dawn"

"Aaa..zin tih takah hikings vel ti mai mai ila..nangpawn boruak thiang han dawn vel i chak lo a mi" ka huaisenna zawng zawng sawmkhawmin ka hrilh a, han sawm mawi dan vak lah ka thiam der silo, lo kal se ka duh bawk si, tinge maw ka zei lo bik em em mai chu le..ka pa ka chhun chiang lutuk ringawt..

"Chak hran lo, nangmah in kal mai rawh" hmeli mai mai chu a..han sawm chiam lah ka chapona hian a tlin bik bawk silo, ka va ngei mai mai tak

"A tha nihchu..keimah in ka kal mai ang" room atang chuan chhuakin thawk chu kan la hawk a, a mah ber a kal loh te chuan enge ka va tih ve ngawt ang, hiking tih vel ka tui hnek love..

ZORINI P.O.V



Tun hnai Muanzuala khawsak dan hian min ti hlim thei khawp mai, ka beisei lo deuhah chet a ching bawk si, kan school ah min rawn hruai thut ni te khan ka hlimzia kha au chhuah mai ka duh a, mahse ka induhtawkna hian chu chu a thlen tir thei bawk silo

Min tihlim tum niawm takah fiamthu a han sawi ve te hian a nuihzathlakna pakhat mah a awm lo na in, a mah hian a tum em a, a fiamthu ai mahin a mah hi nuihpui tham zawk a ni..

Hiking na ah kalpui turin min sawm tih ka hria,a han zei lo dan em em hi, a chapo ve tho bawk sia, kan chapo dun em a, kan chak zawng leh duh zawng pawh hi kan ti tha thei meuh lo chu a ni..

Vawikhat tal min han sawm nawn leh se chuan ka aw mai tur hi a nia, a ni pui reuh lah hian min sawm nawn a tum hmel bawk silo, a vawikhat sawina ah lo aw lah ka duh bawk silo, ka ning e, tinge maw ka chapo em em mai chu le..kan inkar hi siamthat ve ve kan chak tih a hriat reng a, pakhat in a tum vel leh ka inkharkhip leh lawi ang bawk si, ka englai hi nge diklo awm le..inentir mai te ka duh rum rum tawh..

Room atang chuan chhuakin inhnuai lam ka pan a, sitting room ah Muanzuala chuan phone a lo hmang a

Tunge a biak ang aw..a nui vur vur ang lehnghal..

"Kan nu a kal ve peih silova, nangmah nen kan kal dun mai lo te chuan, midang hmuh ah ka riang bik lutuk ang" a tih chuan ka mitsulh tep..hrep a, hepa hian bialnu a nei chiang lutuk, chuan Hiking pui a tum a maw..nilo..a theih lo, an kaldun thei lo hrim²..

Mahse enge ka tih chuan ang..ka kal duh leh si ka va ti duh bik silo..enge maw tal ngaihtuah chhuak vat teh zorin" ka lu chu ka chum deuh bep bep a..

Aw idea tha deuh chu ka nei, rangtak chuan ka phone pawrh chhuakin muanzuala hriat tur tawk lek chuan ka be lui vak vak a choka lamah ka phei nghal a..

"Nia..i hman hlauh chuan kan hawi thawveng dawn ami, naktuk lamah, khawilai ramhnuai velah kan tei kual mai mai anga" nui huah huah chung chuan ka ti a, ka hnung lawkah muanzuala a awm tih ka hrereng..hre lo ang tak chuan ka be chhunzawm mawlh mawlh a..

"Maw.. kal duhna i nei maw..khawi hmun nge, e aw..awi a nuam ngawt ang kan kal dawn nia"

"Um..ka lawm e, naktuk ah kan inhmu dawn nia" phone ka dahthlak rual rual chuan muanzuala chuan min pawt her sawk, enge maw a hriat a, tunlai hi mi pawh a hrat viau chu le..

"Tu nen maw, khawiah maw kal in tum a, keiin ka sawm che a, i duh lova, midang nenah kal dun chu i duh leh si a" lungawi lo hmel tak chuan a ti a, a thinrim hmel takzet, a la thutak viau emaw nile..

A mah thiamlo hmasak ani reng sia, nge midang nen ah kal an tum kher kher ni...

Ka thiannu mariai ka phone mawl tawp a, a hrilhai zia kha, engmah ka sawipui lwk bawk silo..elly a zinbo lai tak a ni bawk nen, a ni lo chu thian dang han biak mai tur ka hre lo a ni..

Pawi lo, a tlachawpin ka ngaihtuah tawh mai ang chu.. muanzuala tal a ngaih a tha lo a..tlem chuan a zia deuh tho tho..

"khawi hmun ah nge in kal dawn a"

"Aa..ihh.. Romantic park ah"

"Wow.. Romantic lamah maw..ropui hle mai" ngeiawm fahran chuan a ti a.. engvanga he hming berkher hi sawi chhuak nge maw ka nih le..hmeichhe pahnih romantic park ah enge kan tih chuan ang..aaa..pawi thei, ka at vang vek, ngaihtuah chiang lo hian thil ka sawi vak vak zel a.. muanzuala pawhin mipa ka kalpui dawn emaw a ti a ni hrim hrim..

MUANZUALA P.O.V


"Khanglang chuan le" ka car ke chu ka chuih hrep a, a la chang tha em em zui..

Romantic park ah maw..tunge a kalpui tur chu,..mipa nen lo chuan chu hmun ah chuan an kal lo tawp ang..ka va ngei mai mai tak

Nilo..an pahnih chuah chuan an kal thei lo, ka kal ve ngei a ngai ang

Car ti nungin Rintluanga apartment lam ka pan nghal, ka mood a dik lo sa bawk nen, min ti thinrim tu awm se ka hnek hrep duh..

Inchhung ka luh rual rualin zu ka in nghal..thinrim tak ka ni, ka puakkeh mai dawn in ka hria..

"Hey..tinge a..in nu nen in2 hau a mi, i va thinrim hmel ve" Rintluanga chuan a rawn ti a, chhan pawh ka chhang peih lo..ka tawng chuan ka insum theih lo ka hlau..hmeichhe pakhat vang mai mai a, ti em em ah ka thinrim mai chu le

"Hey..nangni pahnih kha in thil khelh lai kha dah tha in min ngaihsak deuh thei em" An pahnih ah chess khel lai chu ka au a, min la ngaihsak miah lo zui, ka awm ve tih pawh an hre tawh lo zawk

"Hey.."vin taka ka tih chuan an rawn hawi rual nghal

"Enge i hriat a..nupa dangte pawh an inhau fo a, nangmah ang em em khan an la na ngai lo" Ruatdika in a rawn tih chuan ka hnek chak lutuk ringawt..

"Ngawi mai teh, ka fiamthu peih lo a nia" ka thinrim zia hi an hmu lo nge..min runluih zawk ni

"Enge i harsatna chu" Rintluanga in a tih chuan, ka thaw deuh hrawk..khawiah pawh kal ila, ka hahdam pah chuang silo..

"Hiking na hmun tur kha thlak ang u" ka tih chuan "maw..khawiah" an rawn ti rual a.

"Ihh..englo..Romantic park ah kal ang u" ka tih chuan min en tlawk tlawk..nia mak an tih pawn ka hrethiam tho, mipa rual romantic palce ah kal daih chu, a mak ve em bawk a ni

"I dam lo a mi a" Rintluanga in a tih chuan ka thaw hawk..enge maw mak an tih viau chu le..hmeichhia chuah kal Theih tih thu a awm pawh ni hlei lo..

"Ti teh u, thiante u, khatin mak tih hmel deuh khan min en lo ula" nui sang chuan ka ti a, an mit an khap fuk fuk ringawt..

"Ngawiteh..nang leh innu tan chuan hmun duhthusam lutuk mai a ni dawn a..mahse enge Rintluanga nen hian enge kan tih ve tak ang" Ruatdika in a tih chuan ka nuih a za deuh thut, mahse ka nui duh miah lo, a sawi pawh hi a ni ve thei tho, aa ni leh lo..kan dinhmun a in ang vek dawn..bakah keipawn ka zui ru dawn a nia, engthil atthlak nge maw ka tih tak mai le..

"Kal ang u aw" ka tih chuan an ngawikar mai

"Thian a..Hiking ti turin lawm kan kal dawn a.. Romantic date nei tur ni lovin, in nu nen chuah kal mai rawh u" Ruatdika in a tih chuan ka thinrim ngawih2..tinge maw min hriatthiam miah lo chu le..

"Thian tha ka lo nei lo tawp che u a nih hi, in kal duh loh chuan kan kal lo anga ni mai" thinrim taka au chung chuan ka ti a, zorini vang vek, ka thiante pahnih chungah ka tuan tak chiam chiam hi..

"Awle.. inbengdai teh..in duh na hmun ah chuan kan kal dawn nia, a tha em" Rintluanga in a tih chuan ka thaw deuh huai..ka thiante hian min lo van han hmangaih tak em..

"Ka lawm e"

"Anih kan kal dawn rau rau chuan partner tur hruai ve ila Rintluang" Ruatdika in a tih chuan rangzet in "a theih lo" ka lo ti nghal vat a..

Mak tih hmel takin min en kar zui..

"Ngatimaw.. nangpawh innu nen in ni dwn tho a, romantic takah in awmdun lai thlir tir reng min tum a mi"

"Chutiang lam pawh a ni lo, Ruatdik..englo a nia diktak chuan kan nu nen kan ni dawn lova" zawisap chuan ka ti a

"Maw..enge awmzia, innu nen in nih dawn lo chuan tu nen ah kal nge i tum a"

"Aa..ihh..kan nu chu a thiante ho nen an chhuak ve dawn a, kan pathum hian kan ni mai, tumah partner nei lovin a tha dawn fu lo maw" nui sang chuan ka ti a.. zawhna min zawt tawh lo hram se ka ti ngawt mai..

"Awle..thudik sawi teh" Rintluanga in a tih chuan ka chil ka lem kalh mai..

"Eng thudik maw ka sawi ang"

"Ngawiteh ka ngaihtuah dan hi a dik em aw, in nu in i bulah kal a peih lova, a thiante ho nen Romantic hmunah kal an tum a, chuan nangin umzui i duh a, chuvang chuan hmundang i rawn rawt ta a..ka sawi hi a dik ngei ka beisei" tifuh inti zetin Ruatdika chuan a rawn ti a, sawi tur reng ka hre lo, hemi te pahnih fing lutuk hi chu a buaithlak lek lek a ni, za vak lo chung chuan ka nui vel mai mai a..

"I lo thluak reuh mange"Rintluanga in a tih chuan ka lu thak lo pui ka hiat neuh neuh..

"Awle..thudik in hre tho bawk a..min puih a ngai a ni" tlawm ah lak theih chi pawh a ni tawh lo, an puihna hi la ila, ka hlawhtling hma zwwk in ka ring

"Awle..tha lawm..kan kal dawn nia" a tih chuan ka lawm veng veng mai, ka rilru hahna chanve lai chu min chhwk der mai..tunah chuan ka thiante puihna zarah ka tih tur pawh confi takin ka tih theih pah ngei dawn a nih hi..

Cont


A boring ka hlauh luatah a story hi ka kal tir pawp pawp mai a..a ho in tih pwn sawi hreh reng reng suh u aw..🤣🤣🤣

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)