EPIC LOVE BY Rosy Jefleen Venixx (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

EPIC LOVE BY Rosy Jefleen Venixx (Completed)

Unread post by Ngaia » May 16th, 2021, 3:05 pm

2yiol6oj.jpg
✨ EPIC LOVE ✨



CHAPTER ONE


-----------------------


PROLOGUE:

"Lo ngaithla teh, nangnen hian a hming chuahin nupa kan ni a, kan inkarah engthil mah a awm lo tih kan hre ve ve, chuvang chuan harsatna inthlen lo ve ve ang aw" ka pasal nilo, a hming maiah ka pasal hnenah chuan ka sawi a, hetiang hi ka lo suangtuah thin dan a ni lo, ka pasal neihzan chuan a hlim theih ang berin ka awm ang tiin ka lo dream thin a, kan hmahun kan lo van hre lo tak em..hmangaih miah lo nenah damchhung hun hmang tur hian ka chak tawk angem..??

"I thu ang zelin le" rizai leh lukham chu la in, kan room sofa ah chuan a mu hmak a, ka duhdan ngeiin a awm a, mahse engvanga thinrim tho si nge ka nih, engtianga awm turin nge ka beisei fo le..ka hah takzet a ni..

------------------

Ka hming chu Zorinpuii ani a, nula invawng tak leh kirh em em mai ka ni a, nula senior emaw min ti fo thin, nula senior tur chuan ka la upa bik em em lo a nia..march thla khan kum 23 ka pum ve tawh a..ka rualpuite ngaihtuah chuan ka thilduh zawng leh ngainat zawngte hi a puitling fal thei lutuk a, heivang hian nula senior emaw min ti a niang..

Alzawl ah piang leh seilian ka ni a, ka nu leh pa fa neihchhun ka ni a, ka pa sawi dan chuan ka nu hi a hriselna a that tawk loh avangin doctor nen fa neih tawh rih lo turin an ti a, a chhul a chak tawk lova, inenkawl tha turin an ti a ni awm e..

Ka nu tan chuan a fa hmasa ber leh hnuhnung bertu ka lo ni a, keh thei dawmin min dawm a ni deuh ber..

Ka pi leh pute pawhin min la dampui a, kan chhungkua tan chuan fa neihchhun leh tu neihchhun ka lo ni ta a..min duatin ka sawi apiang chu min tihsak vek mai an tum thin..

Ka pa chuan ka sual pah a hlau thin hle a, mahse mihring hi in duatsual hi chu a awm thin tho na in, a zawng zawng hi chuan a lo ni lo tih keimah atang hian a chiang, sual duh ila chuan sualna chances a tam lutuk, mahse kawngsual dai tumna pakhat mah ka nei lo..

Tin thian kawm ai chuan mahni ah awmah lehkhabu chhiar nuam ti mi ka ni a, thiante nenah movie en, park kal tih te hi ka life ah hian a tel ve lo a niang, nge ni a, ka thatchhe zwk le..

A chang chuan ka chhungte hian pawn chhuak turin min nawrlui thin a, titau chunga ka chhuah hi a tam zawk hial ang..ka tleirawl chhuah thleng khan khawlai ka lawm lo a, tunah pawh ka la lawm chuang lo, mahse mihring nih chhung chuan inkhung reng thei ani silo, hna te kan lo thawkin peih lo viau mahila nitin ah chhuah a lo ngai ta si a, ka tan chuan school chawlh bak in ah awm theih na hun ka nei tawh lo, school chawlh ka nghahhlel theih zia hi..

Sawrkar school ah ka pa ai ka kal a, kan chhungkua hi mi hausa kan nilova, rethei lutuk tia sawi tur pawh kan ni chuang lo, a vantlang pawl kan ni a, ka pa hian ka pian hma tang tawhin Jl high school a thawk tawh a, ka pa hlawh ngawr² hi kan ei bel ber a ni..

Ka nu chuan a hma in sumdawnna dawr lian ve tak a hawng thin a, mahse a hriselna lam a chhiat tak avangin a chawlhsan a, in ah a awm tawp tawh a, mahse awm mai mai a duh lo avangin thuthmun ah la a phiar loh leh pangpar a khawi thin a, an nalh theiin rilru an ti thawveng veng² zel...

Ngaihzawng hi ka la nei tam lova..chhiar tham pawh ka la nei lovang, pakhat ah rinawm bur chi ka ni a, min then hmasa te a nih ngawt lo chuan keimah lamah chuan then tumna engmah ka nei lo, min lo kawp a, thihna ten min then te a nih ngawt lo chuan, inhauh chang apiang ah inthen ang tih ve chi ka ni lova, kan inhauh chuan a ngawi zawkah ka tang mai thin..

Tunah hian ka thawhpui zomuanpuia nen kan inzui mek a, kum 1 lai chu kan lo inzui ve ta reng mai, min duh ve hle chuan ka hria a, keipawn ka duh lutuk..

Kan inah pawh vawitam a rawn lenglut thin a, ka chhungte pawn an be chhe lem ngai lova, zomuana pawh a tlangnel sawt viau tawh..

Ka pa hi mi tawngtam mi a nih lo avang hian a hrelo tan chuan nel a har a, mahse an hriatchian hnu chuan a felzia an sawi thin, ka nu erawh titi thiam tak leh rualpawl thiam tak a ni a, mi hlim thei tak, engtik lai pawhah nui hmel pu reng a ni a, a bulah awm a thlamuanthlak thei lutuk, kei nen chuan in anglo ve tak kan ni..

Nikhat chu zomuana chuan inneihpui ah min sawm a, a tir chuan ka hamhaih lutuk a, pasal nei tur chuan ka la inpeih lo deuhin ka inhria a, bakah ka chhungte tan pawn thil ka la tihsak hnem tawk lova, min enkawlna zozai te hi rulhlet ve phawt te ka duh a, an tan chuan an fa neihchhun ka ni a, ka chhuahsan daih chuan an khua a har dawn lutuk a, bakah ka hun tam zawk kha ramdang ah lehkhazir nan ka hmang a, ka chhungte nen kum 1 danah te kan inhmu thin a, min ngai thei em em a, tunah lem ka zirna zo in ka chhungte bulah kum 1 dawn chuah ka la awm a, pasal ka neihsan daih chuan an khua a har dawn em mai..

Zomuana min sawmna chu zahawm viau mahse, engtin tin emawin ka la hnar hram hram thei a, a ni pawn min hrethiam hle thin a, ka ngaihdan min ngaipawimawh sak thin em em a, chubakah min care thiamin ka hlim loh hi a hlau em em thin a, kei aia kum 3 ngawtah a upat vang nge, a bulah chuan ka hahdam thei hle a, hei vang hian ka duh zual leh sawt thin, ka hmangaih leh hmangaih loh min zawh chuan hei erawh chhandan tur ka la hre lo, a ni chuan vawitam min hmangaih thu min hrilh thin a, ka duh tih chu ka inhria a, mahse ka hmangaih em tih erawh ka chiang thei hauh lo thung, mak ka in ti a, hetiang rilru muana chungah ka pu hi ka inthiamlo takzet, mahse dawt hrilh ai chuan ka hmangaih hun tur ka innghak tawp a ni ber mai..engtik ah emaw chuan ka la hmangaih ngei ang tih hi ka ring takzet..

Tlai khat ka hna bang ka haw chu ka chuah deuh avangin thu khawmuang lovin ka room lam ka pan a, tui vawt chuan ka inbual a, tlem chuan ka zia deuhin ka hria..

Tunlai chu ka rilru hi chhan leh vang awm lo hian a hah em em ringawt zel a, engmah ka nunah tlakchham ka neiin ka inhre bawk silo..

Chhungkaw lamah nise nu leh pa tha tak min hmangaih em em tu ka nei a, ka nihna ang anga min hmangaih em em tu zomuana ka nei bawk a, pi leh pu tha tak ka la nei cheu zui, a nih chuan eng vangah kim lo riau anga inhre tlat nge ka nih le..

Tukverh chu hawngin ka ding vang vang a, ruah a sur zawh chiah avangin khua chu a vawt deuh sar a, thlifim rawn thaw heuh heuh chuan ka sam chu a chhem phe hlep hlep a, arsi de set set chu ka thlir vang vang a, chhan leh vang awm lo hian ka lung a rawn leng em em ringawt..

Ka mit ka chhing vang vang a, zomuana chu ka suangtuahna in ka hmu a, a ni nenah kan hun hman thinte chu ka ngaihtuah neuh neuh a, kan intawn dante chu ka ngaihtuah let nauh nauh a, hetiang khawpah mipa fel leh tha hi ka phu em ni le, tiin ka ngaihtuah nawn fo thin..

Ka nu in min rawn auh tak ah chuan tukverh kharin inhnuai lamah chuan ka chhuk thla nghal a..

Chaw ei tur chuan min lo nghak a, ka pa in tawngtai na a nei a, ka rilru hi a mang vekin ka hria, engmah ka ngaihtuah thei lova, ka awmdan hi a hreawm ngawih², depression ka nei emaw te ka ti rum rum tawh..

"Bawihi' ka pa min auhna chu ka la phu zawk Lehnghal, ka inthiam lo kher mai

"Aw pa enge ni"

"Thil hrilh duh che ka nei a"

"Umm..sawi la"

"Bawihi enteh i nu nen hian kan hmangaih em em che tih hi i hria tiraw" ka pa thil sawi dan chuan ka awm a ti nuam lo takzet, thil tha lo deuh a thleng emaw ni chu le

"Pa, min ti hlau a nia" ka rilru hi a no a, ho te ah pawh nise ka tah a chhuak nghal em em zel a, thil tha lo deuh a sawi ang tih ka hlau khawp mai

Ka pa chu nui deuh sukin"khatin hlauthawng duh suh, thu lawmawm deuh hrilh che ka duh a, sawi tan dan tur ber ka hre lo zawk a nih hi" a tih chuan ka thaw deuh huai mai,..

"Ani maw..eng thu lawmawm nge ni a" nui sang chuan ka ti a..

Ka nu nen chuan an in en zeuh a, chutah ka pa chuan "bawihi ka thianpa fapa nen inneih ula kan ti a, mi fel deuh leh hmeltha deuh mai a nia, ka thianpa chuan nang hi a monu ah a awt lutuk che a" engthu nge ka hriat tak hi!!nilo..ani thei lo ka mitthla ah zomuana a rawn lang nghal,..ka chaw pawh ei zo lovin ka tho nghal a, ka tah a chhuak takzet..

Sitting room lamah chuan pheiin sofa lo awm hnai berah chuan ka thu thla hnawk a, sawi mai tur pawh ka hre lo, zomuana ka khanwgaih lutuk hi ka tah chhuak..hei leh chen min nghak a, min neih a duh thu vawitam min hrilh tawh a, kei erawh chuan ka chhungte chhuanlam in ka lo hnar zel a, ka chhungte pawn kan induh zia an hre ve vek a, chuti chung chuan engtin nge midang nei turah min ti theih le??

Ka nu chu ka bulah rawn thu thla ve nghalin ka kut chu a rawn hmer vang vang a..ka tah chhuah loh nan ka insum tang tang

"Bawihi titeh, rilru ti hreawm nan chuan hmang lo hram rawh aw..muana nena in² kar pawh kan hre vek na chungin nakinah i hlim zawk nan hetiang thu kan hrilh che a ngai hi pawi kan ti takzet a ni" a rawn tih chuan ka tap chhuak hawk, ka insum theih tawh lo, engtin nge zomuana chungchang kha khatin awlsam te ah a sawi mai thei le..misual tak chhuahin a chhuah alawm

"Ka nu engtin nge chutiang thilte i sawi theih zawk a" mittui tling piau chung chuan ka ti a

Min chhang dawn chiah tihah ka pa zawk rawn tawngin

"Bawihi min hrethiam rawh, i rilru tihnat hi kan duh lo, mahse muana hi chu i tan a tha lo a ni" ka pa pawh hian enge maw a hriat le..zantin hlim takah a titi pui thin ngei kha engtin nge awlsam tein a sawi theih zawk le..

"Min hrethiam rawh u, ka nei thei lo ang"

"Zorinpui" ka pa in min rawn auh chuan ka phu zawk, vawikhat mah ka pa hian awka vinin min la au ngai lo, bakah ka hming hian min ko ngai lo hrim hrim

"Pa" ka rilru na lutuk chu ka phunsep..

"Bawihi, i pa nen hian kan hmangaih em em che a, i tana tha lo tur engmah kan sawi hleinem" tinge ka nu pawh hian ka pa lam a tan tak mai le..enge an chungah hian thleng thut le..

"Mahse ka mihriat ngai lo, a piang ve tih pawh ka hriat loh chu ka nei ngawt thei lo ang, nangni pawn engtin nge min rawn miah loin thuthlukna in lo siam ve ngawt..a fair lo lutuk" ka rilru na lutuk hi tap pawh ka tap tha thei lo..ka a thei mai dawnin ka hria, engtin nge zomuana ka phatsan theih ang, a rilru na hmel tur te ka ngaihtuah a, ka tah a chhuak tulh tulh lehnghal

"A tawk..thu tam ka sawi peih tawh lo, ka fanu i ni a, i tana tha lo tur engmah ka sawi lo, ka thianpa fapa nen chuan karleh zirtawp ah in² nei dawn a, hei leh chen i nu nen i duh apiang kan tihsak che a, i kal duhna piang ah sawisel lovin kan kal tir che a, heital hi chu i pa hi min tihsak ve dawn lawm ni"

"Aih.. khanwgaihin pasal neih ka duh lo" ka pa chu hlau hle mahila, ka la hnial hram hram a, a rilru thlak se ka ti ngawt mai

"Bawihi chutin an ti ngai lo, tunah ni lo mahse nakinah chuan pasal i la neih tho a la ngai dawn alawm" damdiai chuan ka nu chuan a rawn ti a

"Mahse nu, tunge a nih tih pawh ka hriat lo chu engtin nge ka neih theih ang..a hming takngial pawh ka hre bawk silo" ka bei hi a dawng ngawih²..theih nise thlawhbo daih mai ka duh

"Muanzuala, a hming chu lalmuanzuala" ka pa in a rawn ti a

"Bawihi, mifel lutuk mai a ni a sin, tlangval hmeltha deuh mai a nia, nu leh pa thuawih deuh mai a ni bawk a, a zaidam in i tan pawn pasal tha tak leh inghahna tlak tak a ni ngei ang tih hi ka chiang a ni" ka nu chuan a rawn ti a, ka rilru tur hi min hriatthiampui thlawt lo a nih hi..a hmel a tha emaw tha lo emaw mipa mahni thu pawhah ding ngam lo, nu leh pa thusawi apiang akawi a ngila zawm thin mipa hi khawvelah ka mihuat ber an ni ang..

"Mahse.." ka sawi hma chuan ka pa chuan "a tawk, mahni hmasial tak i ni, nangmah lam chuah I dawn a, muanzuala pawn sawisel miah lovin a aw nghal thlap a sin, a tan a hreawm ve i ring lo a mi, tunge i nih, i piang ve tih pawh a hre bik lo, mahse chuti chung chuan a pa ngenna chu a aw asin, nang ve chu, min hnial hram hram a" ka pa thinrim ka hmuh vawikhat na,, hreawm ka tiin awmdan tur pawh min ti hre lo, engvanga chupa chu nei tura min duh em em nge maw an nih le..eng ang pawn lo inkawmgaih mahse, vawikhat mah la in hmu lo inneih tir ngawt thu a awm lo, engthil emaw ka hriat lo a awm a ni ngei ang..ka pa hian an lakah leiba a nei zawk emaw nile..mahse chutiang ah mi pawisa puk tur khawp chuan kan harsa bawk silo, ka ngaihtuah thui poh leh ka buai telh telh

"Ingaihtuah hah vak vak lo la..i tanah tha tur a nih hi, Naktukah muanpuia bia la, engkim hrilhin titawp vek ang che..kar leh ah inneihna hmun tur Lunglei lamah kan kal tawh dawn a nia" ka pa hmel ah chuan warning na ka hmu tel nghal..

Hnial pawh ni ila, awmzia a awm dawn chuang lo, ka hah thlawn mai mai dawn

Rilru na em em in ka khum ah chuan ka bawk thlap a, aw rawl chhuah meuhin ka tap a..

Ka thinrim a, a vawikhat nan ka pa chungah chuan ka thinrim em em a, tihtheih ka neih lo em avangin ka inhaw ngawih ngawih bawk, muanpuia na hmel tur ka ngaihtuah te hian hreawm ka ti ngawih²..

"Lalmuanzual, Hremhmun ah kal rawh, ka hua che, nang leh ipa kha ka hua, nang ang mipa kha ka hua che" tiin ka au vak vak a, awmzia a awm lo kher mai..aw lalpa ka hringnun hi engtia her danglam nge i tum le.. khawngaih takin min hrilh hram teh, ka a thei mai dawn..

'muanpui,..min ngaidam rawh aw, kei ang hmeichhe nep lutuk i lo tawng hi min ngaidam rawh aw.."keimah chuan ka phun sep sep a, ka tahna lamah ka chau zova, khumah chuan khum tawm vekin ka mu a, ngaihtuah ber tur pawh ka hre lo, ka en ngai chu ka en tlawk tlawk a..muhil thei ila, zingah chuan heng zawng² hi ka mumang vek lo nise ka ti ngawt mai..

Cont..

He story hi bts story in ka ziak tawh a, chhiar tawh in lo awm mai thei a, a nuihzathlak em avangin mizo in ka rawn edit tha leh a, khawngaihin min lo chhiarsak leh hlawm dawn nia aw...


Engpawh nise..ngaihnawm i tihzawng a nih chuan min lo comments sak la, ngaihnawm i tih lo pawhin min lo comments sak hram ang che aw...

Chuan ads click mawlh kha aw..ka lawm ngawt ang..



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 16th, 2021, 3:05 pm

✨ EPIC LOVE✨

CHAPTER TWO

----------------


MUANZUALA P.O.V




"Engmaw in sawi kha, tu chu maw ka nupui turah in hual chu" ka nu leh pa chu an rawn hawi nghal thawt a, nidang aiin office ka bang hma a, choka ah ka nu leh pate thusawi avang chuan minute khat lai chu ngawireng in kawngkhar bulah ka ding tawh..

"E.. bawiha, i lo thlenna rei tawh em? Lo thu teh khai, i rilte a tam em" nidang ang tho in ka nu chuan min lo be leh nghal mawlh mawlh a, nitin ah a tihdan than a ni a, nuam ka tiin ka hahdam pah sawt thin, engang pawn hna thawk chau mahila, nute aw ri kan hriat meuh chuan hah zawng zawng pawh a reh vek thin..

"Rei em em love..nu tunah in thil sawi kha enge awmzia" an pahnih hmel ah chuan inthiam lohna ka hmu a, ka hrethiam lo kher mai..

Ka pa zawk chu rawn tawngin "awle..bawiha, nakinah muangchang in kan hrilh ang che kan ti na in, i lo hriat tak si ah chuan thil awmzia chu kan hrilh law law ang che' a tih chuan uluk tak chuan ka lo en kar a, ka pa mi inring tawk lutuk thin, mahni lu zo vah, thin kha engvanga inthlahrung takah awm thut nge maw a nih le..

"Sawi vat vat teh u" dawhtheihna hi ka tlakchham ber thil a ni..

"Awle..a nih, kar leh zirtawpni khian nupui i nei dawn, ka thianpa fanu nen" a tih chuan a fiamthu emaw tiin ka nui hak..

"Ka pa fiamthu i thawh a mi" nui sang chuan ka ti a..hetiang hian ka pa hian min fiam fo thin a, ngai ah ka nei tawh..

"Aih..ka fiamthu lo" a tih chuan ka nuilai pawh ka tawp hmak..awih chiah silo, awi deuh reuh si in ka awm, ka pa hmel ah lah chuan fiamthu thawh hmel reng ka hmu bawk silo..

"Ka pa i fiamthu tiraw" ka la ti hram, a fiamthu mai mai nise ka ti ngawt mai..mahse a hmel ah a tih takzia a lang kiau bawk si, hlauthawnna leh thinrimna in min tuam nghal..

"Engtin nge chutiang thilte min rawn hmasa lova in tih theih" ka duh aiin ka awki pawh a sang, ka nu leh pate hi awka vin hian ka la be ngai lova, hreawm ka ti lutuk, mahse ka thinrimna hi ka up bet thei ngang lo a ni

"Inbengdai teh bawiha" ka nu in a rawn tih chuan thawk chu ka la hak.. engtin nge nupui ka neih theih ang, ka nei thei lo hrim hrim..a theih lo hulhual..

"Ka nei dawn lo, ka hriat ngai loh hmeichhia phei chu ka nei lo khawp ang"

"A theih lo, kan sawi fel vek tawh, i duh emaw duh lo emaw i nei dawn tho²" ka pa thu hi ka hnial ngai lova, min hringtu a nih miau avangin ka zah a, mahse tun erawh chu ka hnial ngei ngei a ngai tlat, ka dam chhung ah inchhir tak leh hreawm takah ka awm loh nan ka tih a ngai a ni..

"Ka nei dawn chuang lo, ka hriat ngai lo Hmeichhia, a hming taknghial pawh ka hriat lo lek phei chu ka nei lo hulhual ang" vin zet chuan ka ti a, insum tum viau mahila, ka rilru tawt lutuk hi ka thup thei nang lo a ni..

"A tawk lalmuanzual, hei hi ka thupek a ni, nupui i nei dawn khawp" ka pa in vin takah a rawn tih chuan ka en tlawk tlawk, engvanga thinrim ve ngawt nge a nih? Keimah zawk hi lawm thinrim ah ang zawk tur, hei hi chu a fair hlawl lo

"Ka pa ka naupanlai atang tawhin vawikhat te mah i thu ka la awih lo ngai lova, hnial reng che pawh hi nuam ka ti hek lo, mahse tun tum erawh ka hnial che a ngai a ni, nupui neih tumna ka la nei lova, nupui ka nei dawn a nih chuan ka duh leh ka hmangaih ngei ka nei dawn a ni" zaidam tak chuan ka ti a, ka pa thinlung hi thlak theih ila ka ti ngawt mai..

"Nilo e..i upa tawh a, hetia i thiante ho nen ah lengkual vel mai mai tawh lo hian puitling takah khawsak a hun tawh, i hmalam hun a tan pawn nupui neih hi a tha a ni, thildang sawi reng lovin nupui neih turin inpuahchah ang che" ka pa in a tih chuan ka kut chu ka hum nghet sauh..

"Nei duh lo ta ila" tunah tak hi chuan ka pa hian min beng dawn mahse pawi tihna ka nei lo, nupui ka neih dawn lo na a nih phawt chuan engkim tih ka huam..

" I nei duh lo a nih chuan company atang sawn bang ang che" hah min vau tihna em ni?? Ka bang ngam lo a ring a nih chuan a tihsual khawp ang..

"Awle.. tehreng mai" nupui ka neih dawn lohna a nih phawt chuan vawi 10 chuang ban pawh ngai dawn se, ka bang hreh reng reng lo

"A tha e.. company atangin bang la.. company ah i share zawng² leh company ngei pawh hi pakhat mah i chang lo ang, ka unaupa fapa, i U Duhkima hmingin ka dah vek ang, chu² ka ti ngei bawk ang" choka atang chuan chhuakin an room lam chu a pan nghal a..

Engtin nge khatin awlsam te ah company min laksak a tum theih zawk..he company hi a mah din ni mahse..hah taka ka tha ka senna..zan tam mu lova ka thawhrimna a ni a sin, a tlukchhiat dawn lai pawhah theihtawp chhuahah ka bei tang tangna..ka nun chanve dawn thaw chu he company ah hian ka hmang a, tunah lem.. hmeichhe pakhat vang mai main ka unaupa(cousin) hnenah hlan a tum a maw..a thei lo, engtikah mah chu thil chu ka thlen tir hauh lo ang..i duh ang ngei chuan nupui chu ka nei khawp ang, khawvel ah nupui vanduai ber a ni bawk ang..

"A tha e..ka nu, nupui chu ka lo nei ange... company erawh ka hmingin in dah tur a ni, ka pa chu lo hrilh ang che" dawhkan ah ka bag dah chu lain ka room lam pan chuan ka chho a..

Ka hming chu Lalmuanzuala a ni a, muana tih te pawn min ko mai thin..

Unau pahnih chuah kan ni a, a upa zawk ka ni, ka nau hi hmeichhia niin lalrindiki a ni a, tunah hian MZU ah a kal mek a ni..

Kan chhungkaw khawsak a harsa lova, ka pa hian kawngsir atanga inzuar tanin tlereuh chi hrang² a zuar thin a, lo hlawhtling chho zelin tunah chuan rampum ah company lar ber neitu a lo ni ta reng mai..ka pa thawhrimna zarah mi tamtakin hna an neiin chhungkua an inchawm a, ka pa hi mi rilru tha tak mai a ni a, mi khawngaihna ah khat a ni bawk..

Tanpuina mahmawh an awm phawt chuan a hawisan ngai lova, sum leh paiah nise a mahmawh hnenah pek a ui ngai lo, chutiang khawpah mi tha chuan engtin nge ingaihtuah nawn hauh lovin company min chhuhsak a tum le..

Kum 18 ka tlin atangin ka pa in sumdawn min zirtir tawh a, ka zirlai lamah ka tihchhiat ka hlauh avangin duh ang pawn ka zir tha hman lo thin..

Hun a liam a, keipawh ka zirlai te zo vin, ka nih chak tak advocate hna chu ka chelh a, mahse rei pawh ka la thawk lo tihah ka pa a hriselna a chhiat avangin a ai awhin company ah hotu ber nihna ka chelh a, share holder te zingah min duh lo pawl lah an la awm zui,

Ka pa ang lo takin sumdawn hi ka tui lova, thiam pawh ka thiam hek lo, mahse hetiang kan dinhmun a nih tak si ah chuan ka duh emaw duh lo emaw ka pa ai ka awh a ngai si a, theihtawp chhuahin ka inzir chawp ve leh zel a, kum 1 a liam leh meuh chuan ka thawh tur chi a ni anga tih tur khawpin ka hna ah hma ka sawn a, ka lawm rilru khawp mai..

Company chu reilo te chhungin khawvel huapa larin ka ti thanglian a, ka pa pawh ka chungah a lawm hle..

Tunah hian kum 28 na ka hmang chho mek a, nupui neih chu ka hun ve tawh tho nain, neih chakna rilru erawh ka la pu hauh lo..

Bakah nupui ka neih dawn chuan ka duhthusam ngei a ni tur a ni, a hming pawh ka hriat lo, a hmel taknghial pawh ka la hmuh loh hmeichhia ngat phei chu neih chakawm lo tak a ni, mahse ka neih lo a nih erawh chuan kum tamtak ka lo thawhrimna chu ka unaupa in a chang dawn a, chu thil chu engtikah mah ka thlen tir ngai lo ang, ka dam chhung chuan tuman ka company hi min chhuhpui theih lo ang, ka tan chuan a hlu lutuk..

Ka rilru tawt lutuk chu awm ngaihna ka hre lo, ka room ah chuan ka kal kual sek a, enge tih hmasak ber tur pawh ka hre lo.. engvanga vanduai em em nge maw ka nih bik le..

Chunu pawh chu tutak niang maw? Engang hmeichhia nge a nih? Engtin nge a hmel vawikhat pawh la hmu ngai miah lo chu pasal atan a pawm theih mai zawk le..nge ni a, hmeichhia sum chuah atchilh mi a lo ni zawk, sum vang nilo se chuan hetiang thil hi a thleng hauh lo ang, a tha lawm a duh ang ngawt chuan a awm lo khawp ang, a dam chhung ah a hriat reng tur inneihna hreawm ber a hmachhawn anga..min nei turah a lo aw hi a damchhung zawngin a inchhir tawh ang, kei hian a nun hi Hremhmun ah ka chhuahsak ang..

Khumah ka jacket thehthlak tawh chu chhar lehin ka chhuak nghal a, hetianga ka awm reng chuan ka a thei mai dawn in ka hria, awm thawven ka mahmawh a ni..



Bawiha, khawiah nge i kal leh dawn, zanriah ei a hun tawh a sin" ka nu min biakna pawh chhang lovin kawngkhar lam ka pan ding nghal

Engtin nge tun ang hun ah te thlamuang deuhah zanriah ka ei theih ang ni,

Motor ka lo la dah tha hman lo chu a tihzia hle mai, carah lut nghalin chak thei ang ber chuan ka tlanchhuak nghal a..

Traffic signal pawh ka ngaihtuah buai peih lo, ding lovin chak thei ang berin ka tlan chhunzawm nghal a..tunah tak hi chuan accident pawh tawk ila pawi ka ti lo khawp mai

Rintluanga te inlam pan chuan ka tlan zel a, Rintluanga chhungte hi rampawn lamah an awm a, apa sumdawnna thenkhat enkawlin helamah a mah in a khawsa a, an in a lian bawk a, zantin kan party reng mai a ni..

Rintluanga te in ka thlen chuan kik buai lem lovin ka lut tlang nghal a,..

Sitting room ah chuan an lo awm a

"Khai a..i haw deuh chiah maw tia, i rawn kal leh nghal a, min ngai deuh a mi" Ruatdika'n a rawn tih chuan chhan pawh ka chhang buai peih lo, zu awmna lam chu pan nghalin ka in nghal pawp a, ka thinzawn hi a sa pup pup mai..

"Thiana, i tha maw? I rilru a va buai hmel ve" ka hnungah min rawn ben thek thek pah chuan Thianpa Rintluanga chuan a ti a..



"Tha lo, ka tha lo lutuk" amah pawh en lem lo chuan ka ti a

"Enge thleng a"

"Nupui ka nei dawn" ka sawi zawng ringawt pawn ka luak a chhuak, zu chu thli chhuak leh nghalin ka tlak leh nghal pawp..

"Enga..wow a va mak teh thut ve" Ruatdika'n a rawn tih chuan ka ner sang, keipawh hian mak ka ti a sin..

"Engtikah, tunge" Rintluanga'n a tih chuan inherin "ka hre bik lo"

"Maw.. engtin nge i hriat loh theih" a hmel chu zawhna hlirin a khat, chhanna pakhat mah ka nei bik lo

Sofa ah chuan thatchhe zetin ka thu a, zu no ka dawm ran bawk a..

"Han sawi chiang teh, engtin nge mahni nupui tur te i hriat loh theih zawk" ka bulah rawn thu thla ve nghalin Rintluanga chuan min en kar a..

"Ka pa in ka nupui tur a lo thlang a" nersang chuan ka ti a, nupui tih tawngkam ringawt pawh chu ka haw lutuk

"Mahse.. engvangin, ka tih awmzia chu ti deuh thut nge a i pa chu" keipawh hian chu chhanna chu ka nei bik hauh lo, engvanga ka nupui tur lo buaipui thut nge a nih, enge a chhan? Zawhna hlirin ka khat ve tho

"A nih tunge a hming" Ruatdika in a rawn tih chuan ka nui suk, a hming ka hre reng reng lo..hrep hian??

"Ka hre lo"

"Enga" Ruatdika pawh a khi suk, mawl min tih hmel viau bawk

"Thiana..nang hi drama i rawn en a mi" Rintluang'an a tih chuan ka nui suk, drama ni se ka ti ngawt mai, bansan vang vang ka duh

"Ka fiamthu lo a nia, kar leh zirtawpni ah a nia, in lo kal ngei a ngai ang"

"I ti taktak a mi a" Ruatdika'n a tih chuan ka bu nghauh

"A mak e..i nupui tur hming pawh i hre lo a nia, thiana i khawngaihthlak awm dawn mange" nui sukin Rintluanga'n chuan a ti a

Kei nilo in chu hmeichhia chu a khawngaihthlak awm zawk dawn, hreawm a ti ngawt ang, hreawm theih ang berin ka siam dawn si a..

"Lo kal ula ni mai"

"I pa chu a ti mak viau na chungin, nupui neih chu i mahmawh tawh reng²" Rintluanga'n a rawn tih chuan ka melhrum nghal vat

"Keichu Rose-i nen in² neih dawn emaw ka tia, a rilru a na dawn hle mai a" Ruatdikan a rawn tih chuan ka nui suk, ka bialnu a nilova, lo nat ngawtna chhan tur a nei lo, a mah chuan min duh tih ka hria, a chezia engkim ah a ti lang a, college kan kal ho vangin kan inkawm ho a, ngaihzawng en in ka en ngai lo hrim²..chhiat chu a chhelo, a itawm tawk lekin a khal mawi em em bawk a, a hmel pawh a chhe hran lova, mahse ka duh chi erawh a ni hauh lo, mipa in kan tih apiang a ti ve vek thei a, heivang pawh hian ni mai thei, ka ngaihzawn ve theih lo.. bakah a khawsak a sang si a, ka chawm zo lo palh ang

"Nat ngawtna chhan tur a awm hleinem, a ni pawh in lo hrilh ve dawn nia"

"Keichuan ka hrilh duh lo, min tah khum vak palh ang, Rintluanga thiannu a nia, Rintluang hian hrilh rawh se"

"Ka thian bik pawh a ni lo kha, a hriat hunah hre ve mai rawh se"

"Engpawh nise..kawngdang ka nei silova..nupui neih duh rih lo viau mahila, ka pa vangin ka nei dawn si a, tih tur ber pawh ka hre lo, ka thinrim em em ringawt a ni mai" thaw chhuak hak chuan ka ti a, ka tawt lutuk hi sawisak hrep tur awm se, ka zia deuh mai thei a ni

"I neih chhan tur chu ka hre lo na in, chunu pawh chu a lo chhelo zek mai thei a sin" nui ver ver chung Ruatdika chuan a ti a, hepa thawveng thin lutuk hi chu ka haw tep zel..thil a ngai awlsam thei bawk si, amah anga thawveng deuhah awm ve ka chak

"Dik chiah, a lo hmeltha zek mai thei sin, tunge hria, a zunah i lo uai mai thei a sin" Rintluanga pawh hian enge maw a hriat chu le..tun ang hunah chutiang sawi a hun lo lutuk, min thinrimpui tu tur zawk an nia

"Hah..eng ang hmel pawh lo nise..ka haw nghal, ka haw so bawrh²" ramhmak chuan ka ti a..

"Aaa..ka ning, min hnem lo dun em mai, ka kal dawn, karleh ah chuan rawn kal ang che u, puia leh midangte pawh lo hrilh ang che u, in rawn inlan lo vaih chuan in hre viau ang" an chhanna pawh nghak lovin ka chhuak nghal a..

Ka car chu ti nungin vung zetin ka tlanchhuak nghal a..zan a rei tawh bawk a, motor tlan an awm tawh mang lova, speed sang ber chuan ka tlan a, nuam hem hem tak a ni


Cont

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 16th, 2021, 3:05 pm

✨ EPIC LOVE ✨

CHAPTER THREE

--------------







ZORINPUII P.O.V






"Engmaw i sawi, han sawi nawn leh teh" muanpuia rilru na lutuk chu hmuh a hreawm takzet..

"Pasal ka nei dawn" leilam chu ka bih ngar², ka inthiam lo lutuk hi a hmel pawh ka en ngam lo

"Mahse..ngati nge, engvang nge kan induh tawn viau a ni lawm ni" min sawi nawk nawk pah chuan a ti a, hetianga muanpuia rilru na ah awm hi ka hmuh vawikhat na a ni, hetiang thu ka hrilh hi hreawm ka ti lutuk, inneihpui ah min sawm lai te khan lo aw tha hle hle mai tur hi a nia, lo innei hman ila chuan tun dinhmun hi kan thleng awm silo, ka thiamlo vek a ni

"Muanpui, a pawi ka ti, min ngaidam rawh" inhnit feih feih chung chuan ka ti a, muangchang chuan min vawnna chu a thlah rial rial a..a hmel chu a buai nak a, rei pawh ka en ngam lo, hreawm ka ti lutuk..

"Tunge..chupa chu tunge" zawisap chuan a ti a..

"Tunge a nih pawh ka hrechiang bik lo, engang mi nge a nih pawh ka hre lo, engmah ka hre lo" ka a thei mai dawnin ka hria, ka mittui lah hi a rawn tla ve chhen bawk nen, hruk buai vel pawh ka tum lo

"I hriatchian loh chu pasal atan i neih dawn a maw, engtin nge i theih zawk" min bia awm ang pawn a awm lo, a mah chuan a phun sep sep a..

"Muanpui"

"Engtikah nge inneih, tunge chupa hming chu, khawi mi nge" vin zet chuan a rawn ti a, awka vin hian vawikhat mah min la be ngai lova, min ti hlau lek lek zawk

"Muanpui" ka phun sep a

"Tunge a hming"

"Muanzuala"

"Lalmuanzuala khiangte, khiangte Jewellery industry neitupa kha maw, mi hausa tak a nia lawm, i pa chuan thil tha a hre hle mai" a tawngdan chu ka pa a elhsen takzet, hnial duh hle mahila, tun ah erawh chu² thil tha ber a ni lo, a tuartu zawk a ni a, engpawh sawi se ka chhang buai lo ang tiin ka rilru ka siam a..

"I hriat zawng a mi" ka zawhna mai mai chu, a va hun lo tak..

"Tupawn an hria ang chu, i hrelo chu a mak hle mai" min tihdan te chu hrelo der angin min ngai a ni ngei ang, ka hre lo taktak si a..

"Engpawh nise muanpui, ka pa thu chu ka hnial theih silova, hetah hian kan tawp mai a ngai ani" ka huaisenna zawng zawng sawmkhawmin ka sawi a..

"Min ngaidam ang che, ni leh lo, min ngaidam suh, khawngaih takin min hua la, anchhia tinreng min lawh la, min theihngilh hram hram la, hmalam pan ang che, kei ang hmeichhia mai mai i lo tawn avang hian pawi ka ti a, i hma hun ah hmeichhe tha tak nangmah phatsan ve ngai lo tu tur tawng mawlh ang che" ka sawi zawng ringawt pawn ka hnuk a ulh, hetiang a ni dawn tih hre lawk ila chuan muanpuia nunah hian ka lut lo mai tur, hreawmna ka thlen lo anga, vawiin ni ang hi kan tawng lo mai tur, a ngawih reng avangin ka awm a nuam lo telh telh a, min hua se, min hau hrep se, min beng hrep se, ka awm a nuam zawk ang

Ngawireng chuan kalsawn ka tum chu min rawn man thut a, a mitmeng ah chuan tawrhna nasa tak ka hmu thei,

"Chu zawng chu maw..kan inkar tawpna tur chu, a theih lo..ka pawm ve lo, a theih lo, min kalsan tur a ni lo, kan inthen ngai lo ang tiin kan intiam a ni lawm ni, min kalsan suh, ka kal tir dawn chuang lo che" min kuahbet nghal thlawp a, ka tap chhuak hawk, tiang khawp hian min thlahlel a, nu leh pa a nei tawh lova, mahni ah inenkawl chho a ni a, chhungte tumah belh tur a nei hek lo, chutah karah keiin a hliamah chi ka phulh sak a, hreawm ka ti ngawih ngawih..theih nise a kiangah awm reng hi ka duh a sin..

"Muanpui, ka tihpalh, ka thiamlo a ni, mahse ka pa thu chu ka hnial thei lo" tah insum tak chuan ka ti a

"Aih..a theih lo, ka duh lo, sawi tawh suh, nang hi ka ta i ni a, i ni reng bawk ang, tu lakah mah ka chan dawn lo che" tihpahin min rawn fawh a tum chu ka lo thlesawn a, min vawn luih tlat avangin ka beng a, ka inthiam lo lehnghal

"Muan"zawisap chuan ka ti a

"Ka..ka tihpalh..ihh"

A rawn nui suk a, a awmdan inthlak thut thut hian awm a ti nuam lo takzet

"A pawi reng reng lo, ben hi ka phu alawm" min bia pawh a ang lo

"Nilo..i phu lo, ka tihpalh takzet"

"Shhh..a pawi lo ka tih chu" tihpah in a awmah min pawm a, duat takin ka hnungah a chul hiau hiau a, ka tah a ti chhuak lutuk, hnem tu tur zawk ka nih laiin hnem ngai zawkah ka tang a,..

"Ka hmangaih lutuk che zorin" ka chhipah chuan a fawp vang vang a

"Tirawh..i tlandun daih ang hmiang" a rawn tih chuan ka en vat a, a mitah chuan a fiamthu lo zia ka hmu..

"Nilo..ka theih lo"

"Engvangin maw..ka hmangaih che a, nangpawn min hmangaih a ni lawm ni" min sawi nawk pah chuan a ti a

"Muanpui..ka theih lo, ka pa rilru ka ti na dawn a sin"

"Anih keive hi, ka rilru natna te hi i hmu ve lo em ni"

"Muanpui..hetiang hian awm suh khawngaih in"

"I pa hnenah chuan thingthi leh bawkkhup pawhin ka ngen mai ang, mahse khawngaih in pasal min neihsan lul suh, i tello chuan zorin ka thi thei mai ang" beidawng aw zet chuan a ti a, awmdan tur pawh ka hre lo, hreawm ka van ti tak em..

"Muanpui, a thim zawng hlirin thlir mah ta che, kei aia tha i la tawng leh dawn alawm"

"Midang ka duh lo, nanglo chu"

"Muanpui" ka tum lo deuhin ka vin palh..

"Heng zawng zawng hi sum vang tiraw"

"Engtin a.."

"Ka hausak ve loh avangin ka tling lo tiraw" eng ngaihtuahna nge maw a neih le..engtin nge sum duh deuh ah min chhuah theih zawk

"Muanpui..chutiang mi ka nia mi, engtin nge sum duh em em ah min chhuah tak mai"

"Ani lo a mi, muanzuala chu a hausak em avangin i pa mit a tlung nghal a, kei ve erawh chu ka theihtawp ah ka beih pawn i chhungte rilru ka hneh ve thei lova..a chhan chu sum leh pai chhuan tur engmah ka neih lo vang a ni"

"Muanpui.. khatin engtin nge i ngaihtuah theih zawk a..ka chhungte hian sum vang chuahin pasal neih tir min tum ni angin i ngai a mi" ka thin a rim lek lek, engtin nge sum chuah um tu angah min ngaih theih

"Ani lo vem ni, i hriat ngai pawh nilo chu engvangin nge an neih tir ngawt ang che, a hausak vang chuahin neih tir che an tum a nih chu, engmah hi i hrethiam lo nge, i hrethiam lo der zawk, nge ni a, nangpawh hian a sum i duh avangin i lo remti zawk" ka inring hman lo, ka beng nghal sawk, ka kut a rawn thip vang vang..

Ka thinrim em avangin tawng pawh ka tawng chhuak tha thei lo, ka tha zawng zawng hi a khur vek a, awmdan tur pawh ka hre lo

"Vawihnih, vawihnih min benna a ni ta, i rilru ka hrechiang tawh e"

"A pawi ka ti, mahse i ngaihdan anga sum duh ka ni lova, ka pa pawh a ni hek lo, nang leh kei hi chu intawng tura ruat kan ni lo aniang e.."

"Nilo..kan ni, zorin, nei lul suh aw, khawngaih in hun reilo te chuah a ni ang, min nghak la, sum tamtak ka thawkchhuak anga, i hming chawiin company ka din ngei ngei ang, chumi hma chu pasal min neihsan thei lo ang" a ngaihtuah na a buai nuai tawh a, keimah vang a ni tih chu hre tho mahila, a ngaihdan ah chuan sum chuah duh angin min ngai reng tawh ang..

"Nilo.. muanpui khanwgaih in min kaltir rawh" tihpahin taxi awmna lamah chuan ka tlan phei a, ka kalsan a la ngai dawn tho a, a bulah ka awm reng chuan a rilru ka tihnat sak hnem mai mai..

Taxi ah chuan lutin muangchang chuan a tlan chhuak a, muanpui chu rilru nat hmel takin lei lam a bih ngur² a, chutah rawn harhchhuak ni awm takin min rawn umzui a, min au vak vak a, ka tah lo nan ka inseh ru tang²..

Hawikir lo turin ka infuih mawlh mawlh a, ka hlawhchham chiang kher mai, hnunglam chu hawiin ka tap chhuak hawk a, muanpui chuan min rawn la umzui zel a, motor tih dinah a hnen pan mai ka duh..

"Muanpui..ka tihpalh aw..engtikah mah min ngaidam ngai suh, khawngaih in min hua ang che" ka rilru chuan ka phun sep sep a, muanpuia ka hmuh theih tak lo ah chuan thu tha in ka tap chhuak hawk a, Taxi driver pawh chu ka zah zo tawh lo, ka natna hi a hreawm em a, ka up bet thei lo a ni..

"Lalmuanzual, heng zawng zawng hi nangmah vang vek a ni, nangmh vangin mipahnih lai rilru na in ka awm a, engtikah mah ka ngaidam ngai lo ang che, hlim takin ka awm tir bik hauh lo ang che"..




"Zorin, elly ka nia, ka lo lut aw"

Khumah a vang zawngin ka mu a, naktuk ah pasal ka nei tawh dawn a, ka huhphur lutuk hi thi daih mai te ka duh

Elly ka thian tha em em, naupanlai atang tawha ka kawm thin a nia, a ni hi awm lo se chuan thil atthlak taktak ka ti tawh ngei ang..

"Mate..hetiang hian awm reng suh, i nu in engmah a ei duh lo a ti che a, hetianga i awm reng chuan i taksa khan a chhiatpui dawn nia" ka sam a chul hiau hiau a, thawk chu ka la hak

Ka ril te chu a tam lutuk, ei in lampang chu ka tihtheih ve zawng tak a ni a, chaw nghei te hi ka thei lo lutuk, mahse tun tum erawh riltam hle mahila, rilru a beidawng lutuk a, ei chakna pakhat mah ka nei lo, ka nunah thu ka neih lo zia ka hre thar a, ka chhungte hian engvanga hetiang thil hi ti nge an nih tih ka la ngaihtuah char²

"Ti teh..han tho harh teh, naktuk ah pasal i nei tawh dawn a, tikha chuan mo hmelchhe deuh i ni mai ang" mo hmelchhe deuh nih chu pawi tihna pakhat mah ka nei lo, theih phei se chuan ka haklai nenah neih mai ka duh, ka hriat ngailo mi hnenah lan that chakna pakhat mah ka nei lo..

"Elle..ka rilru hi ana ngawih²..awmdan tur pawh ka hre lo, ka mitthla ah muanpuia a rawn lang zel si" thaw chhuak hak chuan ka ti a, engmah tih theih ka nei lo hi ka na ngawih²..tap hawk hawk thei ila a zia mai thei, mahse ka tap chhuak thei bawk silo, ka awm zawn hi a tawt up up mai

"Thiannu, ka hrethiam che lawm, a hreawm dan tur pawh ka feel pui thei che, mahse i pa in a ngaihdan a thlak dawn lo tih kei aiin i hrechiang zawk a, chuvang chuan hetianga mahni inti hreawm lo hian hmalam pan tum la"

"Elly, sawi ngawt a, hmalam pan hi a har a sin, i chungah a thleng ve lova, a hreawmzia i hrechiang lo ang, ka damchhung zawngin mahni inkhawngaihna in ka khat tawh anga, engtikah mah hmalam ka pan theih ka ring lo a ni"

"Came on, a thim zawng hlirin thlir lo la, tuman hma hun kan sawi lawk theih hleinem, a hunlai in na in hreawm ti viau mahla, nakinah i hlim berna tur pawh a lo ni thei a sin"

"Nia..i sawi ang chuan ni thei se chuan a zia khawp ang"

"Kan nunah hian lungngaihna te tawk thin mahila, siamtu khian hlimna kawngkhar a dah ngei² thin a nia, i lungngaih hi a phal reng dawn lova, a chang chuan hlimna kan neih theih nan kan tawrh hmasak te pawh a ngai thin a nia, chak takin awm la, hmalam pan tum tlat ang che aw"

"Awm lo lang chuan a van hreawm zual dawn em" elly chu ka kuah thlawp a, hetiang khawpah thian rinawm leh tha hi chu an awm tawh mai mai lo ang, ka lungngaih apiangin ka bulah a awm ziah a, ka engkim ka hrilh ngamna, buaina ka neih apianga min solve pui ziahtu thian tha ka nei hi ka lawm takzet..

"Tiraw..inphihfai la, leng chhuak ang hmiang"

"Khawiah maw..ka peih lo"

"Club ah kal ila, i nulat tawpna ber tur a nih hi"

"Hey..khatin sawi kher suh aw..pasal neih dawn mahila, ka thu² in ka awm dawn tho tho"

"Nangtak hi chu aw, a nih va insiam rawh"

"Awle" bathroom ah lutin ka inphih harh a, elly sawi ang khan hmalam ka pan a ngai a ni, engtikah mah ka pa hian a ngaihdan a thlak dawn chuang lova, hetia mahni ka lo intihreawm vak vak hian awmzia a awm lo, bakah inah ka awm chuan ngaihtuahna mak deuh² ka nei a, chhuak harh ila ka zia deuh mai thei a ni

Ruah a sur zawh chiah avangin khua a vawt reuh hle a, awm hmun dress ah kal tawp duh mahila elly lakah ka inthlahrung angreng bawk si a, keichu ka awlsam a, ka thatchhiat vang nge pawh ka hre lo, inchei lam hi ka tui vak lova, simple deuhah awm hi nuam ka ti a, makeup pawh nei theuh chung si hian ka hmang khat khawp mai..a then phei chu an la thar tha hlawm lutuk..

Ka closet hawngin croptop dum chu la chhuakin ka ha a, Jeans chu inthawlh leh tawpin vans chu ka bun a, ka sam chu ka chul mam thuak thuak a, ka hman chu a ni der..

"Kal ila" ka tih chuan elly chuan chik zetin min en kar a..ngaih te pawh a ti tha lo rum rum

"Enge dik lo a awm a mi" tihpahin darthlalang ah chuan ka in en a

"I hmel kha, khati te kha chuan miin ka hau hrep che emaw an ti palh anga sin" a tih chuan ka ner suk, ka tahna lamah ka hnar a sen hlur a, chubakah ka mit a bui lek lek a, ka hmuite lah chu thlasik laiah hmui rep ang mai, a ro thuap bawk a..

"A ho em mai a, a reh vat mai ang, kal vat vat zawk ang" ka tih chuan min pawt herin chair ah min thut tir nghal a

"Zanin chu i nalh a ngai" a tih chuan ka nui suk

"A ho"

"Ho lo bawk" tihpahin ka hmai chu min chei mawlh mawlh a, beauty lam a zir bawk a, makeup lam khawih chu hnehsawh ve tak a ni, ka pasal neih ni ah pawh min chei a tum leh nghal

Min chei zawh meuh chuan ka thaw huai mai, darthlalang ah ka inen chuan ka ang hau ringawt, keimah ka ang tawh pawn ka hre lo, natural deuh siin a nalh em em bawk sia, mahse duh aiin ka hmui hi a sen mah mah

Tireh ka tum chuan min dangin "kal ang, a tlai zel" tihpahin min pawt chhuak nghal a, hetianga hmui sen deuhte chuan ka chhuak tha ngam teuh lo mai, thisen dawt zo hlim ka ang, a ruk chuan ka liak zeuh²..

Casino an hawn tharna hmunah min hruai a, mi an tamin an phu siau siau a, mifate lo hmanzia em em hi, sum an khawhral vel mai mai sia, a thawhchhuah harzia an hre awm silo, bakah hetiang hmunah kal hi ka tim tlat zel, mi awmtha duh lo kal khawmna ah ka ngai, engtin nge tiang hmunte hi elly hian a hriat zawk le..henu pawh hi a mizia lo awm deuh deuh hian a khawsa a, nakinah ka la hau ang, tunah rih chuan rilru tih thawven ka mahmawh, mahse hetiang ri mup mup karah hi chuan ka theih pawh ka ring lo..

Elly chuan bar lam pan chuan min hruai a, thutna awl ah chuan ka thu ve mai bawk a..


"Enge kan in ang"

"Engmah"

"Kan kal ta sa sa, enge maw tal in ve ila"

"Anih chuan orange juice ka lo in ang"

"Umm..keichu vodka kan in teh ang" bar nghaktu hnenah chuan a order nghal a..

Elly chuan vodka mai ni lovin beer a in tel leh a, henu hian enge maw a hriat chu le..zu lam chi reng² a in ngai lo emaw ka tia, nge ni a, kei ang tho in rilru hahna a lo nei ru ve reng zawk, kei aiin kum 2 in a upa a, buaina a neih pawhin min hrilh ngai lo, hlim theih ang berin a awm ziah a, amahah tawrh vek zel duh mi a ni

"Elly..in vak vak tawh suh, i rui ange aw" beer a in lai chu ka laksak a

"Lungngai suh, ka rui dawn hleinem"

"Chupawh nise"

"Awle..nih tiraw va lam ve ila"

"Teuh lo, ka lam thiam lo tih i hriat reng kha"

"Ni tak..lam i thiam lo tih ka theihngilh a" nui vak vak chung chuan a ti a, henu hi a rui tan deuhin ka hria, rui theih a ni lo a sin le..min hruai haw leh tu tur a ni sia..

"Helai thut reng hi a ninawm..ka va lam teh ang"

"Umm..va kal rawh"

"Lo kalsawn suh aw" ka chhanna pawh nghak lovin lam tual lam ah a tlan nghal, mipui zingah chuan a zuang awr awr a, ka nui suk, saw ti sawn lam thiam a in ti ve sia..

Nui ver ver chungin ka hmaah in tur chu la in ka in kalh a, ka thin a sa thla nghal veng veng, orange juice hi a kha ti reng ka hre lo, ka lei hmawrah a rawn hiar veng veng a, a taste lah chu a tui phian zui, apple rim te pawh a nam lek lek alawm le..

Ka inbang chu ka tlak leh nghal pawp a, ka ner sawk ringawt..tui ru viau mahse ka khawchhung a alh dawnin ka hria..

"Hey..nangkha engvangin nge ka zu i in ve rikngawt a, i duh te chuan lam ve mai ta che" ka sir atang chuan tu emaw hian a rawn ti a, ka thil in vang kha nge ni a, ka lu a rawn rit tan riau lehnghal, muangchang chuan ka hwiphei a, ka hmu phe deuh nawk lehnghal

"Ka hmaah a awm a, engtin nge i zu a ni ve ngawt a, bakah heite chu zu a ni lo, juice a nih hi" tihpahin ka no chu ka lek kang a, ka la irhfiak zui..

Chupa chu nui sukin a dang a order lehnghal a,
Dawhkanah ka kiu nghatin ka biang ka dawm vang vang a, ka irhfiak reng a, chubakah ka meng tha hlei thei lo reng², ka thil inkha juice a ni lo amile..

Chupa lah chu a in thei em em lehnghal a, a thli chhuak a, a in zo nghal zel a, no 3 a in na ah chuan a chawl dat a, nin hmel zet hian a thaw chhuak ham ham a, ka ngaih belh deuh nge rilru hahna a nei duh hmel riau mai, ka rilru a hah vang pawh a ni mai thei, mi zawng zawng rilru hah deuhin ka hmu vek a niang..

Ka lam rawn hawiin a ner suk a, a hmel ah chuan min lawm hmel tehchiam lo, nin hmel zetin a thaw chhuak hak a,.zu chu thli chhuak lehin a in leh nghal a, mipa zu heh ve tak chu a niang, a hmelthat reuh tehreng nen..zu a heh kher mai, tiang chuan nupui tur pawh a hmu zo lo ang..


MUANZUALA P.O.V




Naktuk zirtawp, hrep tak hian?? Ka nunah zirtawp ka huhphur ni ber a ni ang..

Nupui ka nei dawn tih ka hriat ni atang khan nunphung pangngai pawn ka awm thei lo, ka thin te a chhe sawt hle a, office lamah lah hna lo tam bawk nen..staff ho ka vin hrep hrep zel a, mahse a hnu lawkah ka inchhir lehnghal zel

Inah pawh haw duh lovin hotelah emaw ka office hnunglamah room ka siam a, tah chuan ka awm mai zel, inah ka haw chuan thu ngai hlir an sawi a, ka beng hi a thi theih dawnin ka hria..

Ka thiante ho pawh ka hmu peih rih lo, Ruatdika phei chu a thawveng si a, rilru hah lai phei chuan a bulah awm tam chi a ni lo, thinrim palh a awl lutuk..

Ka nu in min phone sek a, ka la ngai lo, a thusawi tur ka hre vek, "lo haw tawh rawh" tihbak a sawi leh chuang lo ang

Mut pawh ka mu thei lo, ka ingaihtuahfim a, ka thin a rim telh telh zel

Zan dar 8 a ri tawh a, nidangah chuan inah ka awm lo leh ka thiante ho nen games te khelin kan intihlim thin a, tunah erawh keimah in ka vei char²..tu chungah thinrim tur ber nge pawh ka hre lo, engkim hian ka thin an ti rim vek maiin ka hria..

Ka kawrchung chu la in office atang chuan ka chhuak a, car la chhuakin kal tumna pawh nei lem lovin ka tlanchhuak a..

Thuife ka tlan hnu chuan casino lo inhawng chu ka hmu a, motor chu kawngsir lamah parkin ka lut ve rawih a, harhfim ah rilru hman vak vak ai chuan chatthla daih ila. Ka hahdam zawk ang..

Whisky chu ka lam a, lak ka tum lai tak chuan hmeichhe pakhat hian min lak kalh daih a, a la in daih zui, hrep a..zak thei lo lutuk mai

"Hey..nangkha engvangin nge ka zu i in ve ringawt" ka tih chuan muangchangin a rawn hawi phei a, men pawh a meng tha thei lo a nia, a inthiam lo dawn emaw tih nak laiin min la vin let hrep zui a, hmeichhe ho lo rapthlak zia hi..

Chhang buai lem lovin a dang ka order lehnghal a, zanin chiah hun ka nei tawh. Naktuk ah chuan nupui ka nei tawh dawn..

No thum lai ka in tawh a, ka kai thei der hek lo, ka inbelh zel a, ka harhfim tulh tulh emaw tih mai tur a ni..

Ka sirah thu nula chu a meng pelh phung tawh a.. hmeichhe zurui ka ngei theih nen², henu hi chu ka hmu tha lutuk, a irhfiak leh thut thut thin chu a lawmawm reuh lutuk, min rawn nuihsuk a, ka nui let ve nghal.. hmeichhe zurui ka hmuh that awm chhun a ni hial ang..

"Nilo²..naktukah nupui ka nei tawh dawn, hmeichhe dang melh theih ka ni lo, aaa..engthil nge maw ka sawi hrep le..ka duh² danin ka awm thei, ngati nge tianga ka awm bik, a fair lo lutuk..

Whisky chu thli chhuakin ka in leh nghal a, ka in hnem tawh tehreng nen ka rilru erawh a la fim kur si, naktuk ah tho theih miah lova in hrep ka duh a sin le..

Chunu lah chu tunge a nih pawh ka hre silo, eng ang hmel nge, eng mizia nge, a chanchin engmah ka hre bawk silo..

Ka hriatchian loh nupui ah han neih tawp mai chu, tih theih engmah ka nei bawk silo

A hmel tal a that beisei ila, hmelchhe deuh a lo nih phei chuan nung reng chungin ka thi a ni ringawt ang..

Ngati nge maw ka ruih theih miah lo chu le, eng zu nge maw ka in le..

"Hey, zu hehpa duhtawk ve em em ta che" ka sir ah thu nula chuan arawn ti a, mahni lo mahah rilru hah nak nak laiah chutiang te ah min han koh chu le, ka vawi khat ben pawh a dawl awm silo..

"Ngawireng khan thu la, min rawn ti buai suh" ramhmak chuan ka ti a, a ni erawh a ner sang thung, a thutna chair chu ka bul teah rawn pawt hnaiin a rawn thu tha sauh sauh a, enge maw a hriat reuh chu le..a lum tehreng nen min si chatin a la thu zui, a hmel lan dan aiin a zak thei lo zek lehnghal..

"Hey..tawlh phei rawh" tihpahin a bek ah ka nem a, a in ring lo nge, a tla tep zui, ka kawrbanah a rawn tham a, min la ham tel zuiin ka hria, a kuttin hriam reuh zia chu..

"Hey..i va mawl ve, ka tlak tep kha" vin zet chuan a rawn ti a, mood off nen henu hi ka hnek duh mai dawnin ka hria

"Zawk zamah che chuan a.. nangmah a nih kha mawl chu" a tawngkam ang chiah chuan ka ti a

Min la melhrum nasa em em zui bawk a,

"Mawl min ti re re suh aw hmela" tihpahin ka ban puamah a rawn beng a, a kut thlak a la na phian zui..rilru hah lai² in, henu berkher hi tinge maw ka tawn le..ngati nge ka vanduai bik em em chu le..

"Hey.. nangnu hi ka lawm tehchiam lo che nia, min kalsan rawh" tihpah chuan ka thutna ka sawn phei nghal a, min rawn hnaih lehnghal tho

"Enteh..thian a, thil i la kawi a nih kha kei hian.."a sawi zawh hmain, a la irhfiak zui, a awm chu a chum taih taih a, a chezia chu chik zetin ka lo en kar a, a cute lutuk ringawt..

Ka bottle a ruah tak ah chuan a dang ka order lehnghal a, zanin nana chu insum hauh lovin ka in dawn, naktuk zingah tho theih lo tur khawpa tam ka in dawn..

Ka no ah chuan ka thli chhuak a, ka taksa a lo zawi tan ve deuh nen ka thli baw nuai zui, ka thlit zawh rual rualin ka bulah thu hmeichhia chuan a rawn la nghal a, ngawireng chuan a tlak nghal vek a, engtin nge hmeichhia ve si ti em em ah zu a in theih zawk le..a hmel atang lah chuan tui a tih hmel chiah bawk silo..

Bakah a pakhar reuh mange, a thlawn ah ka zu leisa in char² a tum reuh a mile..a tet tehreng nen a thluak a tha phian a, hau pawh ni ila, min vin let hrep awm si a, ngawireng chuan ka thli chhuak lehnghal a..

Rawn ban leh a tum chu a kut lo vaikian sak nghalin "hey..i duh leh lei ve mai rawh, pakhar lutuk"

"Ngawiteh thiana, ka pakhar vang pawh a ni chiah lo, ka rilru hi a hah em a, ka a thei mai dawn" tihpah chuan a hmai a hup a, a in hrut ri zuah zuah a, hmeichhe rui pawh nin tawh naklaiah tap phei chu ka ti thei lo lehzual..

"Hey..i tap a mi" a lu ah ka nem a, a la bu liam tep zui, thut pawh a thu nghet theih lo a nia, heti chung hian a la inbelh zel chu a nia

Rawn thaw chhuak hakin "ka rilru a hah, a hah lutuk" tihpahin a sam chu a kek nawk nawk a, min ti hlau lek lek

"Chiam chiam che chuan enge maw i rak vak vak a"

"Naktukah pasal ka nei dawn, ka peih lo" tihpahin dawhkanah a lu chu a tauh a tauh a..

"A ni maw..keipawn naktukah nupui ka nei dawn" rawn hawi chhuak nghalin "taktak maw, mahse i van hlim bik hmel silo ve"

"Engtin nge ka hlim ang, hriat pawh ka hre hleinem" ka no chu la kangin ka in leh nghal thlawp a...rilru ah vei run nei chung chuan ruih a har em mai

"Umm..pawi ve" tihpahin a bu lawp lawp a, a la irhfiak reng bawk si, a hneawm...

"Tui kha in teh, i hneawm" a mah pawh en lem lo chuan ka ti a

"Tui ka duh lo, zu ka duh, zanin te chu ka nulat tawp zan tur a nih hi, ka duh emaw duh lo emaw pasal ka nei dawn, ka hua" a thilsawi awmzia hi ka hre nek love, a tawng ban chuap chuap bawk si, a bengchheng bawk nen a thusawi pawh ka hre kim thei lo

"Ka nupui tur chu eng ang mi tak ni ang maw"

"Hmelchhe deuh aniang,"

"Ngawi chipchap rawh"

"Ka ngawi chipchap thei hleinem"

"Nangpawh i pasal tur chu a hmelchhe ngawt ang, i hmelchhe ropui sia"

"Engtin maw min tih a, ka hmelchhia maw" pawr tawk chuan a rawn ti a, hmelchhia tih chu a duh bik chiah lo aniang

"Aw i hmelchhia"

"I hmelchhe fe zawk, mipa zawng² zingah i chhe ber, zu i heh bawk si" khanglang chuan a, tuman hmelchhia min la ti ngai lo reng reng, bakah zu pawh ka heh bawk lo, henu hi a rui tih hre mahila ka thin a tirim deuh tan riau mai

"Hey..tawngtheinu saw tah i thutna ah va thu leh rawh" tihpahin ka nem deuh sawk sawk a, engamah ngai lo niawm takin a bu nghauh² zui

"Tikhan min ti suh, ka thin a rim a nia aw..ka thinrim chuan pui tak ka ni, hreawm i ti vawng vawng mai ang" ka nuih te pawh a ti za e a..a tet tehreng nen a thinrim a hlauhawm awm lo em mai a..ka dar pawh chen lo tur hian min la vau zawk zui a..

"I ninawm..ka ning che, ka zu in pawh i ti nuam lo, i tawngthei si" a thinrim ka rin teh lul nen ngawireng in hmalam a en kar a, a awmdan inthlak thut thut hian ka awm a ti nuam lo vek tawh

Rilru nat hmel deuh hian a mittui a rawn far/luang a, engvanga tap ringawt nge ka hrethiam lo hle, ka thusawi vanga tap chu a ni awm silo, hnem duh viau mahila ka thiam bawk silo,

"Hey..ngati nge i tah ngawt a" min chhan lawk loh avang chuan a darah chuan ka vuan a, rawn thaw chhuak hakin chhuak em em hian a rawn tap ta bawrh bawrh a, ka hrilhai lutuk ringawt..awmdan tur pawh mi ti hre hleinem le

"Ngati nge a..helai hmunah te i tah ngawt a" ka tawngkam lah hi a nem tehchiam silo, hmeichhe tap thlem hi khawvel ah ka peih lo ber thil a ni ang

A tap nasa telh telh a, ka tihngaihna hre lo chuan ka lamah pawt hnaiin ka kuah ta ngawt a, engvanga a tap hmu thei lo ve ngawt nge ka nih le, a ni pawh tang buai loin ka tih ang ang chuan a awm tawp a, ka awm zawn chu a huh dupin ka hria

Muangchang chuan a hnungah ka beng thek thek a, tawngkam ka thiam silova, ti hian ka hnem ve a ni mai, hmanah ka bialnu ve pawh a tah chhung zawng ka thutpui ringawt tawh, hnem tumna pawh ka nei lo, hnemdan pawh ka thiam hek lo, ngawireng ah lo thut tawp bak thiam ka nei lo

A duhtawk ah a tah zawh hnu chuan inla hrangin a mittui a hrufai sawk sawk a, ngawireng chuan ka en reng ringawt, min hau in min vin hrep chu nise a la zia, sawi tur ka la hre tal a, mahse tunah a mood ah hi chuan sawi tur reng ka hre lo

"Ngati nge i tah ngawt a, miin ka vel che emaw an ti dawn a sin" ka tawngkam lah hi a nem hran bawk silo, lo ngaithlatu tan chuan a ngeiawm mai thei a ni

"Engmah" tih ngawtin min chhang, engmah lovah a tah ngawt thei lo

"Sawi tha mai mai teh, kha i hmelah pawh i rilru a na tih ka hmu thei reng alawm le" ka la ti hram, a sawi duh lo a nih te chuan tinge maw ka zawh lui tang tang chu le, hre chak viau ah te min lo ngai reu reu palh ang

"Ka pasal tur hi ka ngei alawm..ka haw lutuk, theih nise vuak thluk pawp mai ka duh, engtin nge awlsam teah inneih te a duh ngawt, mipa pawh a nilo, chhungte tih ang anga awm mimawl, thluak thawl a ni chiang lutuk" a sawi zawng ringawt pawn chupa chu a huat hmel ngawih ngawih..

"I tah chhan a ho em mai a, khatiang vang maimai ah lo tah nep lutuk" ner suk pah chuan ka ti a..a ni erawh a lawm hmel tehchiam lo

"Ka dinhmun ah hian ding ve la chuan e..khatin i sawi mai mai lo ang" min melhrum kur kur pah chuan a rawn ti a

"Ee.. khati zawng kha chuan min ti reng² suh aw..keipawh hian nang ang tho in nupui ka nei dawn..ka ning ve tho, ka sawi ka sawi bik lo hi, ka ngei ve tho" vin zet chuan ka ti a, ka hmel hriat ngai pawh nilo hnenah hian engvanga ka thinrimna te leh ka huatzia ka sawi mai le..ka thiante bulah pawh ka la sawi lo a nia, tunge a nih tih pawh ka hriat lo hnenah hian engvanga hahdam riau nge maw ka nih hrep chu le..tunge maw a nih chiah chu le..kan dinhmun lah chu a in ang phian zui bawk a..tupawh nise keimah anga duh lo chung nei luih ngai an lo awm ve tih hriat chuan tlem chuan min ti hahdam deuh..

Ka thil in lah chu a rawn thawk tan deuh emaw ni..ka lu a hai muap muap a, ka khaw hmuh a fiah lo tial tial lehnghal, men lui ka tum a, ka hlawhchham chiang hle..ka bulah mi lah chu a chatthla hmak tawh bawk si, intiharh ka tum lahin ka thei der silo, a thim tial tialin ka hria..

Cont

Zanin chu a ngaihnawm lo khawp ang...ka ngaihtuah tha theih thlawt lo..a ni nei nuai mai thei a ni..chhiardan lo thiam mai teh u aw😬😅

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 16th, 2021, 3:05 pm

✨EPIC LOVE✨

CHAPTER FOUR

----------------







"Hey... Bawiha..lalmuanzual" tu emaw in min rawn sawi harh nawk nawk a..

"Hey..tho rawh"

"Umm"

"Tho nghal rawh"

"Dar engzat nge" zawisap chuan ka ti a

"Dar 5"

"A la hma em mai, office kal hun pawh a la ni lo" meng mang lo chuan ka ti a

"Mawla..vawiin hi i nupui neih ni tur a nih hi, tho vat rawh tih tur a tam a nia" ka in perh tho nghal, ka mood a off nghal rawih², ngati nge kar hi a va kal chak em em ve mawle..

"Ka nu, nu kan thulh theih nang lo a mi" indawm kun ran pah chuan ka ti a..

"A theih lo tih kan hriat kha, titeh inphih harh la, inbuatsaih rawh" min chhuahsan nghal a, kei erawh ka la che chang peih lo, ka thin a rim hlur a, tih hmasak ber tur pawh ka hre lo, nizanah ka zu in vang nge ka lu lah chu an na em em khawp a, muangchanga tho in bathroom lam chu ka pan a..

Tui vawt ver vawrah ka inphuh sar sar takah chuan ka harh deuh kawk in ka hria, ka nu lah chuan min rawn tur deuh sek bawk a, ka phur loh zia hi hria se chuan min khawngaih ngawtin ka ring..

Tlai pawh ni ila pawi ka ti lo hrim², ka hak turah an order thawmhnaw chu muangchang chuan ka ha a, in uluk tehchiam angai pawn ka hre lo, darthlalang hmaah chuan dingin ka tie chu ka suih mawlh mawlh a, ka sam lah chu chhim leh hmar hawi zawngin an tlu siau a, siam pawh ka siam tha peih lo, zing hmai te kha ka lo phih duh a ni, tho phang hmel nen va inlan ila a fuh daih zawkin ka ring..

Ka room kawngka chu a rawn ri leh dawt dawt a, ka nu bak a ni leh tawp lo ang, a phur em em ringawt a, ka tah a ti chhuak zawk e a

"Ka hman tep, min rawn tur sek suh u" vin zet chuan ka ti a..

Kawngkhar ri rekah chuan ka hawiphei a, ka thiante ho chu nui sangin an rawn lut a

"Khai a..i va innmeh ve a suit chu" Ruatdik an a rawn tih chuan ka ner sak, inhmeh pawh ka inti nek lo e a..

"Khawimaw..kan lo en chiang teh ang che, i u hi nupui min neih kalh dawn chu a ni sia" kan thian zinga chuan a upa ber a..u anga kan en ber puia in a rawn tih chuan ka nui suk

"Ka ai awhin nei mai ta che"

"Nilo e..keichu nakinah" kha maw..an ni pawn nupui neih an la peih bik lo a nia, keiphei chuan ka peih lo lehzual

"Khawimaw..i hmel chu le" min thlek vang vang pah chuan Rintluanga chuan a ti a

"Enge ka hmel chu"

"Duh loh rai te pawh i ang alawm, i chhe phek phuk lutuk" a rawn tih chuan ka melh kur kur a

"A pawi lo tawp chu, hei aia chhe lehzualah kal ka duh" tum bar chuan ka ti a

"Ngati maw..mopa ber i hmelchhiat te chuan miin mak an ti lutuk palh ang, bakah i nupui tur pawhin a hlau ang che" ka melhrum nghal vat, min hlau se a tha ngawt ang, theih ngat se chuan hnathawh thawmhnaw nenah kal ka duh, a ni tan mai mai ka insiam vakna chhan tur ka hre lo

"I ninawm, mood off naklai ah"

"Khawiah nge honeymoon in hman dawn a, plan te i nei em" Ruatdika in a rawn tih chuan ka nui hak, chutiang ka ngaihtuah thleng lo hrim²..

"A teuh lo mai"

"Mak awm ve"

"Nia"

"Anih After party tal a awm ang chu tiraw" hepa hian eng nge a hriat chu le..

"I ninawm..lo phur viau suh"

"Ngahnge ka phur lo ang, i nupui neih ni a nih hi, tun bak nupui i nei tawh nang"nui sang chuan Ruatdika chuan a ti a, a hlim ang hian hlim ve thei ila ka ti ngawt mai, tlem talin ka hahdam deuh tur

"In hman tawh em? Kal a hun, rawn hruaichhuak ru" ka nu in a rawn tih chuan ka thaw hak, hun hi ding char² thei se aw

Inneih na hmun tur kan thlen chuan mi an lo awm teuh a, heti zat zat an lo kal pawh hi a mak zawk, tumah lah chuan thudik an hre der silo, hlim em em in an nui var var hlawm a, ka thin an ti rim lutuk ringawt..

Inneih tan hma in minutes tlem a la awm a, dressing roomah kan thu a, ka thiante ho tawng mawlh mawlh pawh chu ka ngaihsak thei lo, ka thluak hi a bing mup mup in ka hria, bakah nizan ka zu in vak khan ka lu a ti na lutuk, hma takah min la kaitho zui bawk a,

"Khawi maw zu min han pe teh u"

"Engtin a..a hun lo lutuk ringawt"

"Min han pe mai teh u" vin deuh thatah ka tih chuan an ngawi thap a, ka inthiam lo leh hnuhnawh

"Tun ang ah te khawiah nge awm se i tih a" Rintluanga in a tih chuan ka thaw deuh hrawk

"A hun lo viau na chu, tlem ka pai alawm" tihpahin upuia chuan a rawn phawrh a, ka lo nui suk,

"Tha lutuk, khawi" tihpahin ka in nghal kawlh kawlh, a tak tha lutuk, ka thin zawn hi a rawn sa thla pup pup in ka hria

"A sial chi a nih kha, i rui ange aw..a hun lo viau ang" upuia a'n a tih chuan ner sangin ka in chhunzawm lehnghal, ruih ka duh avangin lawm ka in, he inneihna atthlak lutuk hi harhfim chuan ka peih teuh lo mai..

"Inneih tan a hun e, mopa rawn chhuak tawh rawh le" pawnlam atang chuan an rawn ti a, peih lo tak chuan ka tho a, ka lu a rawn hai deuh bawk nen ka pai deuh chut a, rangtak chuan Rintluanga chuan min rawn chelh nghal vat a..

"Inneihni ah zu in awmchhun i nih hial ka ring" lawm loh hmel tak chuan a ti a, chhan pawh ka chhang buai peih lo, ka dinhmun ah hian ding se, ka awm ang tho hian a awm ve tho ang..

Inneih hall lam pan chuan kan kal a, ka thil in khan hna arawn thawk tan bawk nen, ka kal te reng² chu ka z*ng deuh hawkin ka hria..

Ka tluk an hlauh luatah Rintluanga leh Ruatdika chuan min veng deuh chawt bawk a, maicham thleng chuan min hruai a,

An kalsawn dawnah Rintluanga chuan ka bengbul setah "i rui chhiat vaih chuan ka hnek ang che" a rawn ti ru sar sar a, ka nuih a za tlat pek chu, han nuih vak na chi lah a ni silo..aw tih nan ka bu nghauh a..

Mipui lam chu ka en a, an lo thu kim tawh hlawm viau, ka chhungte ho pawh tlar hmasa berah an lo thu a, min la nuih ang ver vur zui a, ka pa ka en chuan ka melhrum nghal vat..

Ka nupui tur nu leh pate ni awm tak pawh an lo thu kiau a, an hmelah chuan hlimna bak ka hmu lo, ngaihsan hmel deuh hian min la en kar zui bawk a, an ngaih ang ngawt chu ka ni lo ang chu aw..an hlim rei hauh lo ang, karkhat a liam meuh chuan an fanu duatlai chu an hruai haw leh duh mai ang..ka ngaihtuah na vang chuan ka nui suk a, an mahni ka nuih emaw tiin hlim em em in min la nuih let zui..

Ngati nge maw inneih pawh chu an va tan har em em ve le..zawh vat vat ah bar ah kal ka duh, a boring si, ka nektie awrh te hi phelh thuai thuai ka duh, a lum lutuk ringawt..

Pastor lah chuan min la en chik em em zui bawk a, ka ngaihte pawh a ti tha lo lek lek alawm..

Ngati nge monu tur pawh chu a va rei em em ve mawle..inchei vak pawh a ngai a mile..inneihna fake lutuk tih hriat ngawih² ah sum sen vak vak, a tan te chuan hekna pakhat mah a awm lo, keimah ni tum vek a ni tak e..a tan chuan a lucky day a ni ringawt

Ka thil in lah khan hna a rawn thawk tan ve bawk nen, din pawh ka ding ngil tha thei tawh meuh lo, insum tum viau mahila, pastor lamah chuan ka bu deuh rawk a..ka ding tha nghal vat, ka khawhmuh te hi a fiah lo tanin ka hria

Ka thiante lam ka hawi chuan hlauhthawn hmel tak hian min lo en kar hlawm a, ka nuih vur vur ringawt

Ka pa lam ka en chuan min lo melhrum ngang mai, nuam ka tih maizia chu, ka rilru tur min dawn pui lova, keipawn ka dawn buai peih bik lo

Pastor chuan ka kawr hma ah rawn pawt zeuhin a lam chu ka hawi nghal a

"Tlangval, tun ang hunah te zu an in ngai ami" a tih chuan ka nuih vur vur ringawt..

"Mi tih lo danah awm te hi a tha ve alawm" ka chhanna chuan a ti lawm hmel tehchiam lo, a lo lawm kher pawh a ngai lo, ka duh chu he hmeichhia ka nupui tur leh ka pa tih mualpho ka duh ber..

"Monu a rawn lut e" an tih chuan monu lam chu kan hawi nghal thap a..

Inthlahrung hmel tak hian a rawn lut a, muangchang ah a rawn hawi chho chuan ka phu deuh zawk, enge thil awmzia hi, nizan lawkah bar ah zu kan indun a, chuan tunah ka nupui tur a lo ni reng amaw..

Ngawiteh..mimawl thluak thawl, chhungte tih ang anga awm a tih kha keimah ka ni tih em ni..salaaa, min vuakthluk a duh thu a sawi bawk, engtin nge henu berkher hi a nih theih le..a tawngthei rapthlak ropui si a, zu a heh bawk si, ngati nge ka vanduai double em em le.. hrep tak hian??

A ni pawn min hmuh chu mak a tih hmel viau bawk, mak tih awm reng pawh a ni, khati khawp khan ka zu inlai min tibuai a, a la tap hrep zui bawk a, a la hre ve reng te a nih chuan a zak ve khawp ang..

Aaa..a zah pawh ka ring hnek love, a thinchhe ropui si, a tawngthei si, rum theih ang ber chuan min la melh kur kur zui a, thil ka tihsual emaw te ka ti rum rum..

Ka bul a rawn thlen chuan mitmeng hriatthiam har tak hian min melh a, keipawn mak ka la ti lutuk, han tawng na hun lah a ni bawk silo, kan rilru in chhiar tawn theih ngat ni ila chuan kan inhnial nasa ngawtin ka ring..

ZORINPUII P.O.V

Phur lo tak chuan ka tho a, vawiin ni hi ka tan chuan ni vanduai tak a ni

Ka chhungte ho lah hlim tih hriat ngawih ngawih hian an nui sang reng hlwm a, ka pa phei chu midang aiin a hlim fal emaw tih mai tur a ni

Min chei tu tur a rawn thlen chuan ka roomah lam ah lutin min chei nghal mawlh mawlh a..

Professional a ni bawk a, a kut hnu a mawi kher mai, duh ber te nen inneih dawn ila chuan ka inhmu hmeltha ngawt ang mawle.

Mo kawr chu min hak tir nghal a, mawi min tih thu leh ka vanneihzia min hrilh chamchi a, chhan pawh ka chhang peih lo, nui der ngai ziah hi ka kham takzet..

Kan inpeih meuh chuan inneih hun a lo ni tep tawh a, hall lam pan chuan min hruai a..

Kan tan hma chuan waiting roomah chuan Elly nen kan awm a..

Ka hlim lohzia hrechiang tu ber a ni a, a theih ang ang chuan min hnem a, hriat pawh ka hre tha thum lo, ka en ngai ka en tlawk tlawk ringawt

Inneih a hun chuan wedding room lampan chuan kan kal a..ka zam ve lutuk tho, mipui tamtak an lo awm anga..hlim hmel put reng a ngai awm si a, ka peih lo kher mai..

Kawngkhar an hawn chuan muangchang chuan ka lut a, mipui mit chu ka lamah a rawn fu thap a, a zam awm ve lutuk..

Thawk chu ka la hak a, muangchang chuan ka hawi chhuak a..

Engthil nge ka hmuh hi, saw pa saw tunge..

A ni theih lo, sawpa te chu nizan lawkah zu kan indun a, engtin nge ka pasal a nih daih theih..

Nilo..a ni thei lo, ngati nge ka lo hriat vat loh le.. internet atangin a thlalak ka hmu tawh a, hre tur ka nia sin..

Lo hria ni ila chuan ka bulah bottle awm khan ka vaw hrep tur hi a nia

Bakah engtin nge sawtiang mihring saw ka pasal tur atan an thlan theih..

Ka pa phei kha chuan tlangval fel tak leh zahawm tak khan a sawi si a..a hriat loh vanga sawi nge a nih a, ka rilru hneh nan a sawi zawk

Zu a heh bawk si, pasal zu heh deuh chu tu hmeichhia mahin an duh bikin ka ring lo..chubakah a la tawngthei em em zui bawk a, mipa smart tak te kha an ti vel a, khawilamah smart, a hmel te saw a zu in vanga bui chup tih hriat reng reng..a sam te em em saw han khuih mam ve tal awm a nia..a tho chiah a rawn kal zawk emaw nile..

Mak a tih hmel em em lehnghal..a mah aiin mak ka ti daih zawk ang

Maicham hma ah chuan dingin kan in en vang vang a, zawhna kan nghah dun viauin ka ring

Ka hmuh hmasak ber khan muanpuia theihngilh in mipa ka hmuh hmelthat awmchhun a ni..mahse tunah erawh a teuh lo, thinrimna in ka khat nghal, a bulah te khan ka tap in ka hria, ka zak hnuhnawh leh angreng viau mai..a lo la hriat reng phei chuan min tih el nan a la hmang lo ang tih pawh a sawi theih lo

Aaa..a hmang ngam awm lo em mai..a mah ka huat thu bak ka sawi lova..mipa mahni tawkah inla tha leh chapo em em hian chu thil chu a ngai theih derin ka ring lo..

Mahse a ni pawn min duh lo thu a sawi chiang viau a nih kha..chumi awmzia chu ka lo rin ang kha a lo ni lo tihna..kei ang tho in a rilru ah min huatna bak a awm lo ang..

Internet atangin a chanchin tlem azawng chu ka chhiar tawh a, mipa hmeltha tak leh luck tak angin an ziak a, an ti dik mai thei, a luck ngaihtuah in hmeichhe lamah erawh hmingchhiatna a nei hauh lo thung a, thil mak ve tak chu a ni

In hua leh inhua kan innei dawn chu a ni sia, kan future tur chu engpawh nise a hlimawm dawn lo tih a hriatsa..

Mahse chu² pawi tihna ka nei lo, min hua se keipawn hua ila, hma hun chu ka sawi lawk theih lo na in, engtikah emaw ka duh ber nen kan la innei leh mai thei a sin..

Inneih thu tiam kan chham lai te chuan kan inmelh no dun lo kher mai, thinrim deuhin kan chham zo ve hram a, ngam ngat ila chuan ka nem thlu thuai ang mawle..

Tun ang hunah te zu a la in ngam a nia, em em a, heti emema zu duh hi engtin nge ka pasal a nih theih, kan la rethei ngawt dawn a nih hi..

Inneih kan zo a, ka thaw deuh huai mai, heng mokawr rit lutuk te hi phelh vat vat ka duh tawh, thenrual tha te leh chhungte ho chuan min rawn chibai ang lawp lawp a, ka hnezia mai chu..ka kut te hi a kham vek tawh, nuih der reng a ngai bawk si, ka biang a rawl dawn khawp

An mahni hotel ah kan innei bawk a, an inseng em em lo ang, bakah lo inseng theuh pawh nise an rethei pah chuang lo awm em mai, mi hausa sum hmanna hrelo an nih hi

Pawnah chuan car nalh zet hian min lo hmuak a, inah min hruai haw se ka ti ngawt mai, hepa nenah honeymoon hman te a ngai ang tih ka hlau, ka theih chin apianga inthiarfihlim san ka duh..a hmel hian ka luak a ti chhuak..

"Honeymoon in hmanna turah in kal nghal dawn nge, after party ah in lo kal zawk dawn" tlangval pakhat hian a rawn ti a, a hmeltha phian lehnghal, muanzuala thianpa ni awm tak a ni

Chhan duh viau mahila, muanzuala chhan atan ka dah a, kan chhungte ho lah chuan min la en thap zui bawk a..

"Nia..englo a nia, ihh.. honeymoon chu remchang dangah a ni mai, hna lamah ka buai a" muanzuala in a tih chuan a ruk chuan ka lo thaw deuh huai mai,.

"Hna te chu nidangah a thawh theih alawm..i nupui neihni a nih hi, hna lam ngaihtuah suh" muanzuala pa pu liansanga chuan a rawn ti a, ka ngei reuh lutuk..

"A pawimawh lutuk a.. remchang ah kan kal mai dawn lawm tiraw" tihpah chuan min rawn melh deuh kher a, a mitmengah chuan min ei zawh vek duh hmel khawp mai..

"Aw..nia nidangah a kal theih alawm"nui sang chuan ka ti a

"A nih chuan after party tal chu in lo kal hman ang tiraw" muanzuala thianpa chuan a rawn ti leh a

"A thu² ni mai" tihpahin muanzuala chu ka melh a, a duh leh a mah hi chu kal se, ka kal ve peih lo, haw vat vat a, mut hahdam ka chak ber tawh

"Tehreng, kan lo kal ang, ni lawm ni" tihpahin min rawn kuah kher a, ngei hle mahila, ngei lo anga lan a ngai bawk si, ka hne takzet a ni, lemchan reng rengah han khawsa tur chuan ka tlin em ang chu..

Carah chuan lutin kan tlan chhuak nghal a..nihreawm ber a ni hial ang..

Cont

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 16th, 2021, 3:05 pm

✨EPIC LOVE✨


CHAPTER FIVE


---------------






"Tunge i nih? Heng zawng² hi i hre lawk vek tiraw"Muanzuala in a tih chuan ka en kar a, hre lawk lovin a rawn kal thut bik emaw ni chu le..

"I hre thut a, i rawn kal tihna mi" ngeiawm zet chuan ka ti a

"Chu² ka sawi tum a ni lo, nang hian tunge ka nih i lo hresa vek a, chuti chung chuan min nei a maw" a thinrim hmel khawp mai, ka bum anga a in ngai emaw ni chu le..keimah zawk hi lawm thinrim tur zawk

"Tunge i nih hi ka hre lawk bik reng2 lo, hre ngat ila chuan ka nei lo Chiang khawp ang che" amah en kar chung chuan ka ti a, hepa lakah hian ka tlawm awm bik lo em mai

"Hmeichhe nasa tak i nih hi, i lo tenawm hle mai" salaaa..eng anga nge maw a ingaih bik le, tenawm te min han tih, keipawh hian ka ten lutuk ringawt, hetiang zu heh ropui si

"Enge ka tenawmna" vin zet chuan ka ti a

"Nizan lawkah bar ah zu kan in dun a, min hre reng siin min hre lo der a, tunah lah engmah thleng lo ang maiin i thu leh kiau a, mi hlauhawm tak chu i nih hi" zawk zamah chuan a..kha zan khan tunge a nih tih hre ngat ila chuan ka that duh hial ang chu le..ngei mahnak laiin, a sawi pawh hi a dik tho na chungin, kha hmun kha a thim a, bakah zu kan in ve ve a, a ni pawn min hre lo a nih te chuan engtin nge ka hriat bik ang..

"Hria che ni ila, i bulah khan ka in hauh lo ang mawle" awih lo hmel zet chuan a nui hak a, ka ngei lutuk ringawt

"Chu² ka awih in i ring a mi" min nuih sawh hmel zet hian a rawn ti a

"I duh leh awi la, i duh leh awi suh, buaina ka nei lo, nangpawn min hre tho in min thutpui ve tho a ni lawm ni"

"Nang i ni tih lo hre ngat ila chuan ka thehchhuak rang ang che, hmeichhia ve si, zu in theih lutuk, i la tawngthei em em zui bawk a" awi awi, eng mihring nge ni ngai, mipa ve si heti em em ah tawngthei hi ka vawikhat hriatna..induhtawkna te pawh a nei lo a mile..thil hlui sawi chhuah ching mipa hi ka huat zawng tak, muanpuia nen chuan in ang lo tak an ni, hei hi ka hringnun tur chu a ni sia, lalpa min pui lul teh??

"Mipa zawk pawh i tawngthei alawm le..bakah kei ai fe in zu i heh, hei tunah pawh i in a ni lawm ni, zu tellova awm thei lo i nih kha"

"Ka neih peih lo lutuk che vang chuaha in ka ni, zu heh min ti reng² suh"

"I chhuanlam a nih chu"

"Ngawi hmak rawh" vin zet hian a rawn ti a, hetiang mai mai ah min vin tur hian ka pa in ka chhuahsan lo

"Kan thleng tawh" Driver in a rawn tih chuan..

"Sawi vat ta che" tihpahin ka chhuak nghal a, inneih ni atangin kan ingaih lo nghal em em chu a ni sia, hmabak a la thui ngei mai, hepa lakah hian ka tlawm mai mai lo tawp ang..

"Khawi hmun ah nge ka awm a, hei hi tu in nge"

"Ka in a nih hi"

"Ngati nge in in² ah min hruai a, kan in ah ka haw duh" vin zet chuan ka ti a

"I thinchhe si, tu hmeichhia in nge pasal neih hnuah mahni inah haw ngai, i lo mawl hle mai" gate hawngin a kal nal nal a, ka thin a ti rim lutuk hi ka bulah brik bung hian a tukhum ah va vawm chawt mai ka duh,

Ka hma zawnah in lian tak chu ka thlek vang vang a, ka huhphur lutuk hi ka thaw chhuak hak

An hausa bawk a, an in leh a vel chu a nalh takzet, kawtzwl zau tak an nei a, pangpar an ngaina tih hriat takin a vul chuk a, a mawi reuh lutuk, rilru hahna pawh tlem chuan a chhawk in ka hria..

Gate ah chuan zawimuang in ka lut a, lalmuanzuala lah kha a kal nul nul a, mawl lutuk, ka tan chuan an in ka vawikhat kalna a nia, bakah kan inneih ni a nia, a mah chuaha a luh nal nal te chuan a chhungten zawhna an nghah awm, nge ni a, a chhungten engavak mah an ngai lo zawk, eng ang mizia nge an neih ang le..tu² nge cheng ang, muanzuala bak chutin hriat ka nei silo, unau engzat chiah nge an nih tih te, an ngainat zawng ka nih lo phei chuan a hreawm zual ngawt ang..

Kawngkhar hi ka kik dawn nge, ka lut tlang tawp zawk dawn le, lalmuanzuala mai mai chu mi nghah ve awm a nia, eng ang pawn min lo hua pwh nise tlem tal chuan a polite ve tura ka ngai a, ka tihsual khawp mai, mahni chuah ingaihtuah ching a nih hi..

Door bell hmeh ka tum lai tak chuan kawngkhar chu a rawn in hawng thut a, ka la phu zawk zui, ka zah zelah ka nui vur vur ringawt..

Nu upa lam deuh hmel hmuh nuam zet hian min lo nuih let vur vur a, an awmpui pawh a ni mai thei..awmpui an nei chu tihzia khawp mai, rawngbawl tura thawh hma ka ngai dawn lo a nih hi

"Lo lut rawh zorin, i thiante ho pawh chu rawn luh tir mai tur che lawm" a thusawi awmzia chu ka hre lo lutuk,

"Enge awmzia" ka mawl hmel ngawtin ka ring..

"I pasalin a thiante a hmu a, a ding khawmuang a ti che lawm" hah dawtsawi a lo van han thiam em em ve mawle..ngwirengin min luhsan nal nal tih ka hrilh dawn emaw nile..

"E..kha² maw..an kal Lehnghal a" nui sen sen chung chuan ka ti a, lalmuanzuala zarah dawt ka sawi ve zel a ngai hi ka ning lutuk

"Helam ah lo kal rawh, i ril a tram em" an choka chu a pui lutuk ringawt, kan in ah kan choka ai thlawt chuan a nuam daih zawk, furniture te leh bungraw ho lah man to hmel taktak tih hriat reng reng..

"Lo thu rawh, in tur ka lo lak ang che"

"Ka lawm e" ka hawi kual vel a, in nalh tak leh lian tak a ni, a pawn lam aiin a chhung phei chu lian tak a ni..

Awmpui pakhat chuah an nei si a, a hah theih ngawtin ka ring, engkim mai chu a faiin uluk taka enkawl tih a hriat hliah hliah..

"Kha aw, i chau em" min nuih sen sen chung chuan a ti a, ka nu min ti ngai lutuk,..

"Chau em em love"

"I in ang chiahin ngai ang che aw" nu fel tak chu a ni, a aw chhuak reng reng lah a nem thlap a, a nui reng bawk a, a bulah awm a hahdamthlak takzet.. muanzuala nu hi khawiah nge maw a awm daih le, eng ang mizia nge a nih ang aw..

"Aaaa, ka pi thil ka lo zawt che" inthlahrung tak chuan ka ti a

"Umm.. engthil nge ni?"

"He in ah hian tu² nge cheng a, chuan eng ang mizia nge maw an nih hlawm le..i thawhna a rei tawh awm tho sia, i hre chiang hlawm viau lo maw"

"Hrechiang hlawm tehreng mai, chhungkaw pali an ni a, muanzuala hi upa zawk a nia, farnu pakhat a nei bawk a, muanzuala pa chu mi kirh zet mai a ni a, mahse a rilru erawh a chhe hauh lo, a thu a duh ve lutuk thin tih lo ah chuan sawiselna a awm lo, pa thatak a ni..

"A nihchu mawle..pa zahawm tak a ni dawn chu, a nih ka pi nang engtik ah tangin nge i thawh a, i thawk rei tawh turah ka ngai hmiah mai a, nangmah chuah in he in lianpui hi i enkawl tawp mai tihna mi" ka zawhna chu atthlak viau mahse ka hre chak bawk si, a mah chuah a nih phei chuan a hah theih ngawt ang..

"Aw..ni mai zorin kei hi". A sawi zawh hma in muanzuala chu a rawn au phei lung lung a

"Nu khawinge i awm, ka chhuak lawk dawn a nia" choka ah a rawn lut nghal a, min hmuh chu a lawm hmel tehchiam lo, rum theih ang ber chuan ka lo melh nghal kur kur a

"Nu..ka chhuak lawk dawn" enga..tunah khan nu a ti a maw..a nu a ni maw, mahse awmpui emaw ka tia, awi leh ka va che thing tak, ka zak lutuk hi ka sen tawn tawn theih in ka ring, a zia lo hle mai

"Ihh..i nu maw" awih lo hmel zet chuan ka ti a

"Ni ang chu, tu anga nge i lo ngaih a" vin zet chuan a rawn ti a..

"Nu, kan awmpui nula kha rawn kal tir duh tawh suh aw" a ti zawm nghal vat a,

"Engvangin maw"

"Aw..hei monu i nei tawh a, a nin inchhung a enkawl tawh dawn alawm, bakah awmpui neih chu pawisa a hek mai mai" hmela mai mai chu le..he inah hian awmpui turin ka lut reng reng lo, bakah awmpui tello in engtin nge he in lian lutuk hi keimah chuah in ka enkawl theih ang..a awm ang lo lutuk..

"A tih chi dawn em ni, mi pakhat kut chuah tan chuan a hahthlak lutuk anga sin"

"Hahthlak lo ang, tlem tete in a thawk mai dawn lawm, bakah hengte chu mo tih tur a lawm, ni lawm ni ka nupui duhtak" min nuihsawh hmel tak chuan a rawn ti a, ka ngei lutuk hi chhut thluk tawp mai ka duh, hetiang ememah rilru chhia pu theih mihring hi ka la hmu ngai lo reng²..

Chhan pawh ka chhang peih lo, ka tum deuh hmuk a..

"Office ah kal lawk ka ngai a, dar 7 ah ka rawn lam leh ang che, i lo inpeih thuai dawn nia"

"Khawiah kal turin maw"

"After party"

"Ka chau deuh a, nangmahin va kal mai ta che" ka chau taktak, kan inneih zo chuah a, boruak a uap lutuk a, ka chau, inbual fai a, mut hahdam ka chak veng veng tawh..

"A theih lo, i kal ngei ngei a ngai, zawhna chhanna ka pe peih reng reng hleinem, lo insiam thuai la ni mai" ka chhanna pawh nghak lovin a chhuak nghal nul nul a, awmdan mawi pakhat mah a hre lo, a nu a chhun lo chiang hle mai

"A tawngkam vang khan i rilru ti na suh aw..bawiha hi chu a ri bawrh bawrh zel a, a chhungril erawh a tha a nia, hrethiam hram hram rawh aw" ka nu chuan a ti a, a mah ang hian a fapa hi nuih sen sen ve se chuan a ngainatawm ang

"A ho lutuk, keipawh eng ka ni bik lo, chuan ka tihpalh lutuk aw ka nu, ka lo hai che a" ka inthiam lo takzet, awmpui emaw ka tia, bakah a inchei dan atang reng reng hian mi chapo tak chu a ni lo tih a chiang, mi hausa nupui ve si, tlereuh a ngaina lo nge a inbel lo ve hrim hrim, hre ngai lo tan chuan awmpui emaw tih a awl dawn a nih hi

"A ho em mai, ka hrethiam lutuk che, huanah pangpar ka lo khawi tha a, ka lo la insil fai silo nen, min hai pawh a awm alawm, engamah ngai suh" min nuih vur vur chung chuan a ti a, keipawh ka hahdam huai mai, a rilru chanve tal hi a fapa hian pu theih se chuan ka hahdam leh zual sawt ang...

"I bungrua ho pawh an rawn dah vek tawh a, han chho la, hahchawl rawh" a tih chuan ka tho nghal vat a, inbual ka chak tawh lutuk..kal mai ka tum chu ka ding leh rih a, ka room awmna ka hre reng reng lo..

Ka ngaihtuahna chu hre awm ni takin "inchung dinglam ah kawngkhar pahnihna aw" nui sen sen chung chuan a ti a, ka lo ngaih anga misual tak chu a ni lo, kan inhmu ve chuah na in ka ngaina em em nghal a, chhungkaw nu ber pawh hetiang a nih chuan midang pawh an tha em em ang, ka lo huhphur ruk em em pawh a zia deuh e..

Intifai tur chuan room lam chu ka pan a, muanzual a'n min rawn hruai hma in tlem tal mut ka duh, tiang chuan ka tlu theih mai dawn

Room ka lut chu ka ang phiau ringawt, mipa room atan chuan a nalh mahmah a ni, a zau tha em em bawk si, kan in ah ka sitting room tiat vel a ni..an hausa bawk a, engkim mai chu a perfect hliah hliah

Khum lah chu a lian tha in a dup hmel em em a, balcony lah duhthusam in a zau tha a, khaw hawi pawh nuam tak a ni..

Tukverh bul ah chuan sofa nalh zet mai hi a in hung a, a man a to leh ngawt ang chu..

Mipa room chu a dum lam a ni tlangpui emaw ka tia, hepa room ve lah hi a fresh em em thung a, mi invawng tak a ni nge ni a, nupui a neih dawn avangin an chei tha vek zawk, engapawh chu nise room nuam tak chu a ni, muanzuala awm lo ngat phei se chuan duhthusam room a ni mai..

Closet lian zet mai chu ka hawng a, ka thawmhnaw ho chu an lo inrem tha thap a, engtik khan nge an lo tih vek hlawm le..

Muanzuala nen closet kan intrawm erawh a tullo ka ti hle mai, kei ai pawn thawmhnaw a nghah zawk a nia, nitin a hran hran ha pawh nise kumkhat chhungin a ha seng hauh lo ang mawle..

A thawmhnaw inkhai ho chu sir lamah ka hnawl a, a thawmhnaw pakhat pawh hian ka thawmhnaw ho hi an si tur a ni lo, a ha tur rilru a chhe si a, ka thawmhnaw an tlo lo palh ang..

Ka hak tur chu la chhuakin bathroom lam ka pan nghal a, a bathroom pawh duhthusam ah nuam a ni, mihring theuh theuh kan inthlau bik lutuk hi ka thinrim tlat.. khawvel kan inhman nawm hleih bik lutuk..

Bathtub ah chuan ka in chiah vang vang a, a lum nuam takzet..

Ka lo muthlu a ni ngei ang, ka harh meuh chuan a lo tlai ruih tawh, rang tak chuan tho in ka in tleuh nghal sawk sawk a, bathrobe chu ha in ka chhuak a..

Muanzuala khumah lo thu than ka hmuh chuan ka phu zawk.

"Min ti phu alawm"

"I va rei em em ve, i riak nghal dawn emaw ka ti hman a" a thusawi duh dan hi chu a ngeiawm ve thei ngawt mai

Chhang buai lem lo chuan dressing table chu ka pan a, cream chu la in ka inhnawih nghal mawlh mawlh a..

"Enteh" darthlalang atang chuan ka en zauh a, min lo en reng avang chuan ka hawisawn lehnghal

"Hey" min rawn tih leh chuan thaw hakin a lam chu ka hawi a

"Enge i sawi duh..chuan hming ka nei a, ka hming in min ko rawh" ramhmak chuan ka ti a, a ni erawh a then suk ringawt..

"A nih zorin, inbiak kan ngai"

"Kan inbe reng lo ami" amah pawh en lem lo chuan ka ti a

A ngaihdan a nih lo hmel khawp mai

"Kan pahnih ah kan zawm ngei² tur dan tlem ka siam a, kan sawidun lawk dawn em ni ang" hah engdan tak ni ang maw, nupa inkarah dan siam ngai chu ka vawikhat hriatna..

"Sawi la" ka la en duh lo ngar²..nin hmel zet chuan a necktie awrh chu a pawt a, a chezia chu darthlang atang chuan ka en zauh a, duh viau ila chuan a awmdan saw pa ka ti ngawt ang.. tunah a lan dan phei saw chu a pa hliah hliah..

Cont

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 16th, 2021, 3:06 pm

✨ EPIC LOVE✨

CHAPTER SIX


------------------





"Dan a..eng dan maw" a lam hawi chuan ka inher vat a..

"Ho te mawle..kan pahnih ah kan that tlan nan, sawi duh i nei a nih chuan i ngaihdan i lo ziak ve dawn nia, i chhiar zawhah i hming i sign nghal bawk dawn nia" a lehkha ken chu min rawn pe in a chhuak lehnghal a

Thaw hakin paper chu ka en a, hetiang hi chu ka beisei lo lam daih a ni..

Khumah thu in a lehkha min pek chu ka chhiar thla thuak thuak a..

Dan 5 lek nisi, kirh em em vek lawi si..

'Zan dar 11 aia tlai ah haw loh tur' ka ner suk, a mah pawn a zawm theih awm bik tawp silo..

'zan ah chhuah phal lo' hmela mai mai chu 11 aia tlai ah haw lo tur ti zo chiah si, chhuah phal lo a ti leh a, a chiang zan lo nge, a sual a chhuah ve hrim²..ka va han zawm awm lo tak, a mah pawn a tlin loh tur thil tihtir min tum a..

'mimal nunah inrawlh lo tur, ngaihzawng neih pawn midang hriat lova neih tur" umm..hei chu ka pawm e

'midang mithmuh ah chuan nupa ingaih tak anga lan tur, kan that tlan zawk nan' hei chu a harsa ang, nitin lemchan reng tur chuan ka tlin rei lo tawp ang

"Zing hma takah tho in, eirawng i bawl vek tur a ni a, ka chhungte mithmuh ah chuan nupui tha tak angin i lang tur a ni a, inchhung enkawl i mawhphurna a ni ang" zawng hmelchhepa mai mai chu, kan pahnih tan dan a siam emaw ka tia, keimah tan chuah ah a lo siam a nih hi, zingkar atangin min ti hreawm dan tur ringawt a ngaihtuah amaw...

Ka thinrim lutuk chuan lehkha chu ka pawt thler vek a, pakhar lutuk, mahni hmasial, inchhungah min khungbeh dan tur ngawt a ngaihtuah a, ani erawh pawnlam ah duh² hunah a chhuak thei bik anga..fair lo lutuk mai..

Muanzuala lo lut chu rum theih ang ber chuan ka lo melh kar a..ka ngei lutuk hi a sam kir chep chuap ah sawn pawh nawk nawk mai ka duh



"I lo chhiar em" chhan pawh ka chhang peih lo, ka lehkha pawtthler chu chharin a kiai suk a

"Dan panga lek pawh zawm harsa i ti amaw" min dem hmel deuh chuan a ti a, ka alh theih mai dawnin ka hria..

"Mahni hmasial lutuk, i rilru chhiat dan em em hi,. Hetiang chuan malsawmna i dawng ngai lo ang" vin zet chuan ka ti a..min pawisak lo hmel deuhah a thle zeuh te sawn ka thin a ti rim zual sauh..

"Zawm i tum lo ve hrim hrim a nih kha..i lo mak hle mai" min enkar chung chuan a ti a..ka nui hak thung

"Nangmah pawn i zawm theih lo tur dan i siam amaw"

"Ka zawm theih avang in lawm ka ziah"

"Chuti zingkar hma takah tho ve ang che, nilengin inchhungah che ve ang che, zan ah chhuak bik suh ang che, chu² ka dan siam ve a nih chu, i zawm thei ang tiraw" a mah enkar chung chuan ka ti a,..min en reng avangin ka tim deuh thut, ka lai tep lehnghal hun lo lutuk..

"Kha chu hmeichhe hna, keichuan pawn lamah hna ka thawk dawn, kan damkhaw chhuahna turin" kher kher chuan le..hna nei lo awm mai mai turah min ngai bik emaw nile..keipawn hna ka nei ve tho, a ni pawisa ring ah khawsak hi ka duh reng reng lo..keimah in ka inchawm theih ve reng

"Keipawn hna ka nei a, ka thawh a ngai, min dan emaw te kha i tum ange..i tum thlawn mai mai ang"

"A nih chuan thawk rawh" ka nui sak, tifuh ka intitakzet

"Mahse..tlai dar 3 chuan in i thleng tawh tur a ni,.zing thawh hma leh inchhung enkawl chu i kut ah a la awm tho, hna thawk chungah chu² i tlin vek chuan i duh ang ngeiin i hna chu i zawm theih ang" hmela mai mai chu..min ti hreawm bak a ngaihtuah lo tawp a nih hi, zingthaw hma chu a tha lutuk tho na in, ka tho hma thei lo,. thawh hma te chu ka tum sa hrim hrim a, sawi lo mahse, a hming in a nupui ka ni tawh a, mo ka ni bawk a, heng zawng² chu ka tih turah ka ruat hrim hrim a, a lo sawi ve vang hrim hrim hian ka ti duh lo, ka tih vaih chuan a thu ka awih emaw a ti anga, min thunun dan tur ngawt a ngaihtuah dawn chiangsa..a mizia hi la hre em em lo mahila, a chezia leh a tawngkam atang pawh hian a hriat theih lutuk, a thinrimna ka lakah htikthlak vek a tum a nih hi, mahse ngawi rengah lo dawh tur chuan min beisei bik suh se, keipawh ka thinrim ve tho, ka theih na piangah hnial vek ka duh..

"Hmela" ka thinrim lutuk hian sawi mai tur ka hre lo thin..a ni erawh a nui duh suk chuah a, ka huat a ho tih hria ni awm tak hian ka huat tawk lek hian awmdan a thiam bawk si, ngati nge hepa berkher hi ka lo neih le..tiang hi chuan rei ka dam pawh ka ring lo

"I thinrim chuan nagmah bak in hreawm i ti dawn lo a nia.. hlim deuhin awm rawh, kan inneih ni a nih hi" ka bulah lukham chu la in ka vawm a, a lo la man chat zui..

"Chhuak nghal rawh" a au in ka au tawh a, minutes 10 vel lek kan awmdun pawn hetiang hi kan ni a nia, darkar khat awmdun phei ila chuan a tu emaw zawk zawk hi kan na ang..

"Insiam rawh, party na ah kal kan ngai"

"I duh leh nangmahin va kal rawh, i bulah kal ai chuan ek in liahfai pawh ka thlang zawk" a thinrim dawn emaw ka tia, a thinrim duh miah lo, tinge vawiin hi a mood a va fuh em em ve le..a ni lo angin a nui reng a, duh leh hmangaih viau chu ni ila, a nui hmel ringawt pawh sawn chakna min pek ka ring, a nui mawi em em lehnghal..

Nilo, nilo..ngati nge chutiangte ka ngaihtuah tak mai..zorinpui rilru fim pu rawh' ka inthing deuh nawk a, chik zet hian min la en kar zui..ka zak ve deuh reuh..

"Minute 10 chuah hun i nei, hmanmawh ang che" thutak ran chuan a rawn ti a, a duh hun hunah a mood lah hi a thlak a, mi mak tak chu a ni, ngawireng chuan a chhuak nghal hmak a, tih theih ka nei lo lutuk leh nep ka inti lutuk hi ka thinrim ngawih²..

Peih lo tak chuan ka insiam a, inchei vak a tulna pawh ka hre lo, simple theih ang berin ka in chei a, makeup pawh hmang lovin ka chhuak nghal a...

MUANZUALA P.O.V

Nupui ka nei chu a ni der mai a, lawm tur nge lawm loh tur pawh ka hre lo, ka duh leh hmangaih em em chu nei ila, ka hlim ngawt in ka ring

Tu nge a nih tih pawh ka hriat loh ka nei ta ngawt hi ka thin a rim, ka pa lah chuan min vau bet reng bawk si, ka duh emaw duh lo emaw henu hi ka neih ngei ngei a ngai si a..

A nih chuan engthil emaw tak ka ngaihtuah a ngai a ni, nupui ka nei tih chu ka chhungte leh thenrual tha bakin an hre chuang lova, pawn lamah a chhuah lo phawt chuan tuman ka nupui tih an hre lo tawp ang

Ka lo beisei dan angin thil a kal hauh lo, a aw mai ka ring kha a nia, ka tisual der a ni, he hmeichhia hi tupawh nise mahni thu duh ve tak leh luhlul tak a ni..ka tum ang ngawt chuan ka thuhnuai ah dah chu thil harsa tak a ni dawn a nih hi, engtik lai pawh hian min cho reng bawk si

Engthil emaw tak chu ka tih leh a ngai dawn a nih hi, nge ni a, Rintluanga hian ngaizawng der sela, min lersan tihin ka pa bulah sawi la, kan inthen thei anga..aaa nilo².. chutiang em em chu a chi loh, ngei viau mahila, dik lo takah thil tih erawh ka duh lo..

Ngati nge maw a insiam rei emem mai chu le, kalsan daih duh mahila ka kalsan thei silo, ka nu leh pa lah hian min nuih vur vur reng a, engthil nge maw nuihzathlak viau le..

Ka sana chu ka bih sek a, ka nun ah hian tumah ka la nghak ngai lo, he hmeichhia tih loh hi chu,

Muangchang chuan kailawn atang chuan a rawn chhuk a, nu lian tak chu a ni lo na in, a tawk reuh khawp mai, a mah tawkah a inhmeh tur chu a thlang thiam khawp mai, tin hmeichhe dang angin a inchei vur lova, hmuh a nuam takzet, tiang tur hi a ni, hmeichhe inchei vak vak, inhnawih nasa deuh deuh hi chu ka hmu thei thlawt lo..

Ngawireng chuan ka en reng a, a lai ve deuh reuh emaw ni, a kun deuh tlat a, nichin ah lem hmeichhe rapthlak ber angin a khawsa a, tunah erawh tih nat awlsam hmel takin a awm leh si, ze engzat tak nei ang maw??

Ka bul a rawn thlen chuan tawng lawk na chang ka la hre lo zui

"Kal ang" tih leh chhuah ka rual nghal a, engvanga zam deuh thut nge maw ka nih le..ka chhungte an awm ve vang pawh a ni mai thei, chuti ni lose sawi tur hre lo in ka awm lo ang

Rwn chhuak ve nghalin motor ah a rawn lut a, ngawireng chuan ka tlanchhuak nghal

A tu mahmah tawng kan tum lo hmel, ngawireng chuan kan thu kar a, ka tim deuh tlat lehnghal

Party na hmun tur kan thlen chuan a mah pawh nghak lovin ka luhsan nghal daih a, ka nghahna chhan tur pawh ka hre chuang lo, a hmun ka hruai thleng ringawt pawh hi ka ti tha lutuk ringawt

Inchhung ka luh rual chuan an lo au rual nghal thap a, ka nui leh vur vur tawh, ka thiante ho bulah hian ka lo hlim ber mai a nih hi

"Congratulations" tihpahin min rawn kuah nghal sap sap a

Beer chu la in ka in nghal a, music ring takin kan play a, nuam tak a ni

Lamtual atang chuan thianpa Rintluanga chuan min pawt hrangin

"Khawiah nge i nupui" a rawn tih chuan "ka hre lo" tih leh lamtual lam ka pan lehnghal a, ka nupui veng tu pawh ka ni lova, a awm na leh zel ka hriat angai lo, khawi khawi ah emaw a awm ve em em ang..ka ngaihsak peih lo

Music chu rawn tawp thut avang chuan kan au that a

"Ngati nge a"

Rintluanga chu rawn pheiin thutak hmel zet hian min en kar a

"Khawiah i nupui chu, in pahnih tanah kan siam a nia, cake zei a hun tawh, i rawn hruai ve lo a mi" enge maw hepa hian a hriat le..ngati nge a ni pawh chu a ngaihtuah em em le, a ngaizawng emaw nile..

"Nia.khawiah nge a awm, a rawn kal ve lo a mi" Ruatdika pawh chuan a rawn ti ve nghal a, ka ning takzet, ka mood an ti off vek

Chhan tuma ka ang zuai tawh tih ah

"Hetah hi ka awm e" sirlam atang chuan zorinpuii chuan a rawn ti a..

"Khawiah nge i awm daih a" vin zet chuan ka ti a

"A kil lamah ka lo thu alawm, ka tihpalh lutuk" a thinrim duh miah lo chu a mak khawp mai, midang an awm vang pawh a ni mai thei, chuti nilo se chuan min vin let hrim hrim ang

"In lawm tawh em? Kan party chhunzawm thei tawh angem" ka beer kenlai chu ka in leh nghal a, beer ringawt hi chuan min hneh lo, a dang in ka ngai a nih hi

"Theih lo, in ineih cake zei a hun, helam ah lo kal ru" Rintluanga in a tih chuan ka thaw deuh hak, ka va ning zozai tawh tak em..tunah chuan zalen tak pawhin ka awm thei tawh lo,,,

Cake lian zet chu an rawn nawr a, ka thiante ho pawh hi an ti ve mahmah, henu ka duh lo zia an hre ve vek a, chuti chung chuan hetiang tiat tiat cake pawisa hek hekin an siam tir a, pawisa lamah buai lo hlawm mahse henu tan hi chuan ka ui ngawih ngawih..

Hnial duh viau mahila, ka hnial hneh hlawm dawn chuang lo, chu ai chuan zo fel vat vat ila a tha zawk ang

Chemte chu la in cake chu cut ka tum a, ka zai hman tep tihah Rintluanga chuan

"Ngawiteh thian a..i hmanmawh mahmah, i nupui nen alawm in zai dawn" nui ver ver chung chuan a rawn ti a, hepa hian min ti thinrim a tum emaw nile, rum theih ang ber chuan ka melh a..engamah a la ngai duh lo zui

"Zorin, Chemte kha vuan ve la.. Muanzuala nen hian zai dun rawh ule" a tih chuan ka nersang..

Zorini chuan inthlahrun hmel tak chuan a rawn vuan a, kan zai dawn tep tih ah

"Ngawi lawk" upuia in a rawn tih chuan ka thaw deuh hak, engemaw an hriat hlawm chu le

"Enge ni leh ta pek a" ning zet chuan ka ti a

"In din dan kha..in² hlat lutuk, inhnaih deuhin ding ta che u" a va ho mai mai tak, feet 3 danah pawh ding ila kan la zai dun thei tho ang

"A ho mai mai"

"Ho lo, zorin, inpa si chet khan ding rawh le" Rintluanga in a rawn tih chuan thu awih ber ziazangin a rawn hnai a, duh aiin min rawn hnaih mahmah tawh...

"Kan kuah law law zawk dawn a mi" tihel deuh chuan ka ti a..

"A tha ngawt ang, a hnungah khan ding la, kuah chungin zai dun teh u, thla ka lo la ang"lalruatdik, hmela maimai chu ka ti taktak lo tih a hrereng si a, ka thin an ti rim dawn tlat

Han hnial dawn lahin midang tamtak an awm ve tho bawk si a, hreh tak chung chuan zorini hnungah chuan ka ding a, chemte a vawnna kut chu vawn hnan in kan inneih cake chu kan zai dun a..

Ka mood off lutuk hi zai sawk sawk mai ka duh, ni loh pawn a cake chawp hian rah hrual hrep ka chak

Thinrim hle mahila, midang tamtak an awm ve avangin hlim hmel zetin ka nui vur vur a, zorini pawh hlim tih hriat zetin a nui vur vur a, a ti der mai mai nge a hlim taktak tih pawh a hriat lo..

Cake kan zai zawh hnu chuan eng eng emaw tiin kan awm neuh neuh a, kan party dawn chuah emaw tih laiin haw a lo hun leh der tawh a, party ka la kham bawk silo, awm duh hle mahila ka thianten min haw tir phet an tum bawk si, henu vang vek, haw pui rawh, a chau lutuk palh ang dei dei' an tia..awm lo se chuan zankhua pawn kan party thei awm si a..

Party na hmun atang chhuakin inlam kan pan a, in kan thlen meuh chuan 12 a lo ri va tawh, duh aiin zan a tawi mah mah a ni..

Hmuh peih lo nak laiin room kan la intawm zui, heti reng ah kan awm a nih chuan room hran ah kan awm a la ngai ngei ang

Bathroom ah lutin ka intleuh nghal a, ka zia deuh hawkin ka hria

Inbual zo tawh mahila, ka runlui chak vang hrim² in reitawk ka awm a, darkar chanve dawn lai chu bathroom ah thu in ML ka khel a, a thinrim tawh ngawt ang chu..

Muangchang chuan bathroom atang chuan chhuakin ka lu chu ka hru mawlh mawlh a..ka mitsir chuan ka en zauh a, thinrim tih hriat tak hian min enkar a, ka nui suk, a thinrim hian nuam ka ti, ka sual thiam ve ngawt mai..

Nilo..ka la sual lo mahmah zawk..hengte chu bul tanna chuah a nih hi, min lo nei turah a lo aw hi a inchhir ngawih ngawih dawn alawm

Ngawireng chuan bathroom ah a lut a, ka hakthlak tur chu la in ka ha mawlh mawlh a, mu tur chuan khumah ka lawn a, ka mu fel awr chuah tihah rawn chhuak ve nghalin

"Hei khum ah khan mu suh" ka inkhuhna chu hlip in ka thu tung nghal a

"Engvang ngawtin maw..hei hi ka khum a nih hi"

"I khum chu a ni ngei mai, mahse tunah chuan i khum bik a ni tawh lo" a va han zak thei lo tak, ka khum ah lehzel pawh thu neih a tum amaw..

"Ka khum a nih hi, keimah khum, i duh leh khum dang lei ve mai rawh" puan luh ka inkuh nghal a..

"Awle..a tha lawm, i pa hnenah ka zuk sawi ange" tih leh chhuah a tum chu au ding lehnghalin "awle..a nih khum ah mu rawh, sawi a ngai lo" ka ngei lutuk hi ben hawi sawk sawk ka duh, ka pa hmangin min vau dawn a nih chuan eng thil emaw tak ka tih a ngai a dawn a nih hi, a chak lohna lai ka zawn hmuh ve vat a ngai dawn a ni

Khum sir lamah chuan tawlh pheiin ka in lukhuh lehnghal a, ka bulah a mu ve tur ringawt pawh hian ka thin a tirim, ka sual ka chhuah lui anga, hreawm deuhin ka mut tir zawk dawn emaw nile..

"Hey" a rawn tih leh chuan ning zeta tho in "enge i hriat a, zanlai a ni tawh hi, ka chau a nia, mu rawh" vin zet chuan ka ti a

"Khum ah khan mu ve suh" a va han zam lo ham ham tak, ka khum ah mut ve ka phal vang ringawt pawh hian lawm ngawih² tur a ni sin le..lawmna chang lah a hre bawk silo

"Eng maw han sawi tha leh teh" thinrim zet chuan ka ti a

"Lo ngaithla teh, nangnen hian a hming chuahin nupa kan ni a, kan inkarah engthil mah a awm lo tih kan hre ve ve, chuvang chuan harsatna inthlen lo ve ve ang aw" a tih chuan ka ner suk, nia a sawi dik kan inkarah engmah a awm lova,..mahse ka khum ka ken ngawtna chhan tur a awm lo, a duh leh chhuatah mu se, a duh²na ah mu se, pawi tihna ka nei lo, keiin ka lo tawrh ngawtna chhan tur ka hre lo a ni

Hnial duh ila chuan zankhua pawn kan inhnial thei ang, vawiin thil thleng ho hian min ti chau em a, hreh hle mahila a tlawm zawkah ka tang mai ang, mahse zanin chuah a ni ang, zan dangah chuan ka khum ka kian tawh lo ang..

"I thu ang zelin le" rizai leh lukham chu la in sofa ah chuan ka mu a, ka hnial miah lo avang chuan mak tih hmel deuhin min la en zui vawng vawng zui, a hrilhai ve khawp ang chu...

Zanin atan chuan hnial tur pawn chakna ka nei lo, ni tamtak ka mu tha tawh lova, zu ka in deuh reng bawk nen ka chau lutuk, naktuk atang chuan muanzuala taktak a hmu twh ang..

Cont

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)