*SUS AMORES* BY Hluhlui Chhangte (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

Re: *SUS AMORES* BY Hluhlui Chhangte (Completed)

Unread post by Ngaia » May 16th, 2021, 4:13 pm

*SUS AMORES*
(THEIR LOVES)

By :Hluhlui chhangte

Chapter-19

*MALSAWMTLUANGI P.O.V*

"Hospital ah I kal dawn lo em ni?" Hruaizela en pah chuan ka ti a ,"Dawn e ,ka naute te hi ka ngai che u a !"mithmul min san zeuh chuan a han ti a ka lo nui ringawt.

Nidangah pawh ka naute te ho tih tawngkam hi a hmang fo thin a ka khap ngai lem lo ,ani chauh hi ani khan hun harsa ka tawh laia ka kiang a awm chhun ,ka nau neih lai pawn ani hian min vengin min awmpui chawta ,kan mamawh engkim a buaipui vek bawk .

Ka naute tih tawngkam a hman apiang hian Zonunkima ka mitthlaah a rawn lang ziah a, ka naute duat tiin min kau thin a nih kha ,vawitam theihnghilh tum in ka bei thin ;mahse, ka hlawhchham ziah thung.

"Mommy bawiha a harhin ka hria"Hruaizela chuan a rawn ti a room-ah ka phei nghal vat .Bawiha chu khuma mu chung hian a lo tap ngaih ngaih reuh a ,ka pawm kang nghal vat a ,ka awmah bei tirin ka awi pah bawk ."Tlangval an tap ngailo"ka hnung lam atang hian Hruaizela chuan a rawn tidut dut a ,bawiha lu a chul nghal zeuh bawk .

Ani hi lo tawng hmasa in lo hmangaih ila tih chang ka ngah ,nu tan chuan a fate hmangaih pui thei tu ,mipa rintlak tak bawk hi ani kan fate pa atan pawh kan duh thin ;mahse, ka thinlung hian hming pakhat chauh a la lam reng thung si 'ZONUNKIM'nang chauh I la ni fan .

"Bawiha a tap bang tawh bawk a , damdawiin lam ah ka phei ang e "tiin bawiha leh bawiha a fawh zeuh a ,"Mommy hi lo tibuai lutuk su aw"tiin a hrilh leh thlap bawk ,min rawn nuih seihin a chhuak nghal a .

Hruaizela hian min duh tih ka hria ,a tilang fo bawk ,keipawn duh ve ngei tumin ka bei thin , chu thil a tum pauh leh Zonunkima ,ka fate pa ngei,natna min thlen tu, a fate ngei pawh duhlo tu bawk khan a hriat hauh si loh hian a lamah min hip tlat lawi si .

Kha ni damdawiin a ka harhchhuah ni khan Hruaizela hmel hi ka hmu hmasa ber a , doctor form hain min lo en reng bawk .Mangang zetin ka pum ka khawih nghal a , ka naute a that thu sawiin hlauhthawn tur a awm loh thu leh hahdam turin min hrilh nghal a nih kha .

Zonunkima hmel hmuh tumin ka zawng ruai a hmuh tur a awm hauhlo thung ,thil awmzia ka hrelo a ,ka mangang a ,ka thlabar bawk . Kha ni atang khan Hruaizela nen hian inhria in kan inpawh tan a , nitin ward a fang pah hian min rawn tlawh ziah bawk .

"Bawiha ,I daddy nen in in ang tak zet a sin"tiin ka fapa nausen ka hnute hne dek dek chunga maimitchhing diar diar chu ka en a , a hmeltha tak zet ,a sam tlemte rawn to ve awm chhun ah chuan duat tak hian ka chul hliau hliau a .

Ka la sawiloh takin ,damdawiin atanga ka harh chhuah khan Delhi ah ka lo awm daiha ,Hruaizela sawi dan chuan enkawlna tha zawk ka dawn a ngaih vangin Delhi min panpui tawp niin a sawi .An damdawiin ah min hruaia buaipui ngai zawng zawng a lo tifel vek bawk .

Ani hi kan nufa tan chuan min chhanchhuak tu a ni a , nunthar min pe tuk zet a ni bawk .Ka naupai chhung zawngin an hospital ah nurse niin ka thawk ve bawk a , nau ka neih hun atan tiin ka in khawl ve tang tang bawk .

Nau pai lai ,an pasal ten in check up tura an rawn hruai ka hmuh te khan ka na vâwng vâwng thin , ka it in Zonunkima ka ngaih a zuah sauh thin bawk .Kha tih hun lai khan ka thinlung hi a rum vâwng vâwng thin a sin,ka fa lo piang tur tan chhel taka ka awm a ngai tih hre thin mah ila ka chhe zo lo thin .

Mizoramah let ka tum chang apiangin Zonunkima nun dan , hmeichhe kawp thar a neih thu te ka hre leh thin ,kha khan min tina a sin ,ka na lutuk !,keichu min theihnghilh tawh tih a chiang reng .A nunah hian ka leng ve lo , entin nge thla hnih em pawh a ral hmaa midang a pawm leh mai theih?,keichuan khan a bo hun chhung zawng zawng pawh khan ka lo nghak reng a sin ,Zonunkim ka hua che ;mahse, ka hmangai ber thung che .


Kha ni atang khan thuthluk na siamin kei leh ka fa lo piang tur tan chiah ka nung tawh ang tiin , nitin hun a kal a thla pawh a liam ve zel ,Zonunkima chanchin hriat h ka duh ngailo;amaherawhchu , loh theih loh hian ka hmaah an rawn inlar zut zut ni ber hian ka hria , a kawplai nen an infawh lai te , an inenlai te ,a dang tam tak pawh hmuh tur leh hriat tur a awm reng thin

Ka hmuhin ka mittui ka dang zo ngailo,ka fa lo piang tur pa kha a ni tih ka hria ka mipa hmangaih em em a ni bawk .Hmeichhe dang a pawn lai hmuh kha hmangaih tu thinlung atang chuan hmuh hrehawm ber a va ni tehul em .

Ka fa te lo len hunah khawnge a pa tih min zawt tase engtin nge ka chhan ang?,a pa chuan hmeichhe dang nupui ah neiin chhungkua a ding tawh thu te ,keini chu min hriat ve ngai hauh loh thu te hi emni ka hrilh dawn?,pawisawilo ka fa hian tinge chung chu a tawn bik a ngaih?,tinge?!,chhungkaw hlim tak neih a nun hlim tak hman a phu ve a sin .

.
.
.
.
.
After 2 years .

"Vawin chu naupang mamawh leiin kan chhuak lawk dawn mi niang?"Hruaizela chuan a rawn ti a ,ani hi hun awl a neih phawt chuan kan apartment lamah hian a awm nasa zawk ,an apartment lam chu riah nan chauh a hmang deuh ber .

"Nia ,inchhungkhur mamawh lei ngai thenkhat ka nei bawk a "ka lo ti ve vat ,chaw te eiin ka fate ka thlak leh sawk sawk a ,ani pawn a theih na apiang ah min lo pui ve bawk .Naupang thil lei turin mall ah kan kal a Hruaizela'n bawiha a pawm a keiin bawihi ka pawm ve thung .

A dan pangngaiin mi pawh an tha hnem leh tawp fu, Hruaizela chuan bawihi ka pawm lohna lam chu a rawn kaia , naupang thil ho awm na lam bik chu min pan pui nghal vat a .

Hruaizela hi mipa hleitling tawk tak niin a hmel a chhe hran lova ,a palian bawk nen min en duh hlawm lutuk tlat .Mahse ,Zonunkima a la lian zawk hretin ka ring cheu ,eng thil nge mawh ka ngaihtuah chu le ,Zonunkima leh Hruaizela hi engvanga khaikhin ngawt nge maw ka nih chu le !?

"In fate chu an hmeltha hle mai"bawiha te thil tur kan en lai chuan nu pakhat hian a rawn ti hlawl a ,"Kan lawm lutuk"Hruaizela chuan nui sang hian a lo chhang let vat bawk . Hruaizela hi ka pasal emaw an ti a ni ngei ang ,ka dem hranlo , an mi hmuh dan turah chuan kan ang ve dawn em a .

Kan thil mamawh zualpui kan lei hnu zawh chuan apartment lam kan pan leh nghal vat a ,bawiha te pawh an chau deuh a ni ngei ang an muhil nghal mai .

"Mommy hi ka hmu reng chung che pawn ka ngai che" kan thil lei ka dah fel mawlh mawlh lai chuan Hruaizela hian a rawn ti thawp sat a ,hnunglam atang min rawn kuah nghal bawk .

"Keipawn ka ngai che "ka ti a a awm ka ngheng nghal ar ar bawk .Ka beng bula rawn thaw lum ham ham chung hian ,"Min nei tawh mai la"a rawn ti a ,ka lo nui ringawt thung .

Khan kum 2 kal ta chhung khan min nawr lui ngailo a , dawhthei takin min nghak char char bawk .Zonunkima pawh a ni telin ka theihnghilh ve hret hret a ,ka thinlung atang ka paih chhuak chu ka tilo ,ka fate tan hmalam ka pan ve mai chauh a ni .

Ka nunhluia ka tan reng chuan ka fate ,ka hmangaih em em ,ka neihchhun te hi engtin nge hmahun eng tak pein ka siam sak theih teh lul ang ?!, anni vang chauh a he khawvela hlim a nui thei chauh ka ni si a .

"Mommy min ngaihsak miah lo"naupang chhia zet hian Hruaizela hian a rawn tithum deuh nang nang a ,"Ka naute lian chi hian ka ngaihtuah na I luah reng a chuvang a lawm"nuih tlawm pah hian ka ti a ,a rawn nui ve leh nghal mai bawk .

"Thil zawh duh che ka nei a ?"mithmul san zeuh chung hian ka ti a ,ni e ,he thil hi ka zawh duhna a rei tawh lutuk tlat ,"Eng thik nge sawi la?" tih pah hian ka hmui ah a rawn fawh zeuh a .

"Kum 2 liam ta khan keihi engtin nge min hmuh , khawih ah nge min hmuh hmasak ber ?" ka ti chuan a rawn thaw chhuak vak phawt a ,"Civil Hospital damdawiin hnunglam ah khan thisen nen a inpawlh nuai hian I lo awm a " a rawn ti a min rawn en nghal vat bawk .

Tinge tah chuan ka awm daih le ?!,ka hrethiam tawh hauhlo mai ,Rinchhana khan min kap a Zonunkiman .......Nilo!,nilo!,hun kal tawh a ni ,tunah chuan engkim a tha tawh , hun kal tawh chu hun kal tawh ni rawh se , MALSAWMTLUANG I fate chauh ngaihtuah tawh rawh tiin mahni ka intipaukhauh lui a .

"Mommy, ngaihtuah suh khawngaihin ,kan fate leh keimah chauh min ngaihtuah rawh"ka hmel diklo deuh chu Hruaizela chuan hriain a rawn ti vat a ,kan chal leh chal a insik tir nghal zat bawk .

"I hria tiraw ka thusawi"a rawn ti leh a ,ka lu ka lo bu ringawt thung,"Hun kal tawh chu siam that theih a nilo ,kan hun kal tawh a kan chen reng hian eng rah tha mah a chhuah ngailo bawk ,hmalam pan thiam apiangin a nunah hlim na an hmu let hma a ,a nun pawn ngai a awh leh thuai mai thin " a rawn ti dap dap a , a awmah nghet takin min kuah nei nghal bawk .


Ani ang mipa hi lo tawng hmasa ni ila khan ka rilru natna zawng zawng te ,ka nun vandui bik riau a ka inhriatna te kha ka nei ngai awm silova .Ani ang mitha ,rilru tluang lutuk hi phu in ka inhre lo a sin .

"Hruaizela ,ka phu hlawl lo che "ka tichhuak sap a,"Mommy" tiin thawk a la vang vang phawt a ,"Mihring ve tho ka nih hi , in phu bik leh inphu lo bik a awm theih loh ,chutiang chu lo awm tase he mihring inkara in duh na lo awm thin hian hmasial takin he khawvel ngaiha mi hausa ,an thinlung rethei em em lawi si te chauh hi ka nunah a rawn tel tir dawn a sin ,chutiang nilova an dinhmun ngaihtuah a an thinlung,an rilru ngaihtuah na hausa em em ,mi tha tam tak te hi kal kalin ,kan phulo niin he induhna hian a ngai ang maw!, nilo e ,he induhna hian a hma a sial lo a sin , tu karah pawh lo pianga lo awm thei vek a ni .Mi hausa zawng zawng hi an rilru puthmang a diklo vek e ka tilo ,chutiang bawkin mi harsa ve te te pawh an fel vek e ka ti thei bik chuang lo ;mahse, he induhna hi kan rilru atanga lo chhuak a lo awm a ni a , mi hause emaw hausa lo em pawh rilru in ang ,Siamtu (Pathian)in ang nei a he khawvela lo piang chhuak kan nih avangin tumah inphu lo bik a awm theih loh , midang kan duh theihna hian thliar bik leh hlei bik a nei theilo "a rawn ti leh dap dap a ,ngawi rengin ka lo ngaithla tawp thung ,sawi ve tur reng ka hre hauhlo .


"Mommy hi I lo muhil em ni ?"nuih za aw deuh hian ka ngawi reng a ,ka chet tak bawk siloh ah chuan a rawn ti a .

"Muhil lo e ?"ka lo titawp .

"Ka thusawi kha hre reng ang che?"tiin min kuah nghet zual sauh a ,keipawn ka lo kuah tha ve nghat sawt sawt bawk .

"I duh chuan khumah ka mutpui ang che hmiang"a rawn ti a ,ka lu a rawn chul heuh heuh bawk .

"Ngailo ,nangmah kha I mu duh zawk em ,I chawlh ve theih chhung hian lo chawl hahdam zawk la " ka tinghal vat a .

"Ka hahdam a lawm ,I bula ka awm hian ka hahdam ber " a rawn ti thawp leh sat a .

"Hna rawn zawm vat ka duh tawh ngawt mai " ka ti a ,hetia kan awm reng hi chuan a lakah ka inthlahrung zual lutuk dawn tlat .

"Ngailo, bawiha te unau hi kalsan chi pawh an la nih loh hi " a rawn ti nghak vat a ,ka rin dan chiah a ni .

"Hetia awm reng hi ka duh lo nuam ka tilo, I lakah pawh a inthlahrung awm tawh em mai " ka ti a ,ka rilru dik tak ka sawi bawk .Harsatna ka tawh apiangin a ni hian min pui ziah a , nuam lo tih na chen ka nei tlat tawh .

"I inthlahrung chuan min nei vat a ngai tihna a ni mai "nui deuh chung hian a rawn ti a .Ka lo nuih ve tawp ,inneih a sawi apiang hian ka chhang ngailo ,keimah ah hian mawlh tu nei ni maiin ka inhre thin a 'Zonunkima' hmel a rawn lang zawk zel bawk .

Cont.........
######Like leh comment leh click ka rawn dil e ####



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 16th, 2021, 4:13 pm

*SUS AMORES*
(THEIR LOVES)

By :Hluhlui chhangte

Chapter-20

After 5 years

*MATTHEW .ZONUNKIMA P.O.V*

"Matt, vawin chauh aw , khawngaih in "Catherine chuan niawm khawp in chhuahpuiah min sawm leh ta .

"Ka hmanlo ka ti ni lawm ni "ka thin chu a rim hauhlo ,ka hlim tihna pawh a ni chuang lo.Chutia kan inbiak lai chuan ka pa in min rawn call a , inpui lama rawn kal tura min duh thu sawiin a dah leh nghal mai a .

"Matt, nang hian min ngaih pawimawhna chhete mah I neilo tiraw?!,ka ngenna chhete pawh min tih hlawhtlin sak thei lova "Catherine chuan a rawn ti a , a mitah ka en chuan a mittui a lo tling teuh hman tawh , hmeichhe ho mittui ngahzia hi chu aw .

"Ok,kan chhuak dawn nia " ka tive ta a , a hnu chuan a rawn nui nghal sen sen ,ka pa te in lama kal tho ka ngaih vang chauh tih erawh sawi ka tum hranlo .

Ani hian khang kum liamta chhung khan min duhna tilangin ka lakah tlaktlum tum viau mah se keimahah awmzia pakhat mah a awm thei hauhlo , mitmei chhe te mah ka hmuh ngai lova ,a lakah beisei awmin ka awm ngai hello .

Nitin in ka naute duati ka ngaihna a zual tulh tulh renga khan kum nga chhung khan theihnghilh lai ka nei ngailo .Eng lai pawn ka zawng reng a ,ani leh kan fate khan he ka lung la phu ve tawk tawk hi an luahkhat a , eng tikah emaw ka hmuh leh ngei ka rin vang chauha la dam ve chauh ka ni bawk.

Naute duati chauh ka tana hmeichhe awm chhun a nih zia hriaiin Catherine pawh hian min duhna a tilang ngai meuh tawhlo ,thian anga awmin kan inkawm thei tawh phiana , a chang hi chuan min duh hmel zet hian min en leh thin tih ka hria ,ka dem hranlo mahni duh ber nena thian anga awm ngai tlat chu thil harsa a ni ang tih hi , chung a mitmenga min la beisei reng na lo lang chang pawhin ka hrelo der hmak zel .

Bazar lamah kan chhuaka eng eng emaw a lei nuala , restaurant changkang zet an hawn tharah chuan kan chawl dun nghal a ,kan thil chah a rawn thlen chuan kan ei deuh nghal mawp mawp a , Catherine chuan tui ban a tumna lamah theitu tibua in ka kekawrah a rawn buaka , ngaihdam min dil nghal mawlh mawlh bawk a pawi loh thu sawiin washroom a ka kal lawk tur thu ka hrilh a ka kal nghal mai a .


Ka kut te silin ka kekawr chu ka tifai deuh thuak thuak a ,"Bawiha, daddy ka kau dawn " hmeichhe naupang aw ka hriat chuan ka haw phawk nghal hra a ,ka bul velah tumah an awm silova ,"A ngailo min lo nghak rawh " mipa naupang aw a ni ve thung ta , eng eng emaw sawiin an nui dun nghal hak hak reuh a , an thusawi chu ngawirengin ka ngaithla a ka lo khi ve suk suk ringawt .

Kawngkhar dang atang chuan mipa naupang leh hmeichhe naupang hi an rawn chhuak a ,ka lo en kar ringawt .Min hmuh chuan ngawi rengin min en a ,an hmel chu a tha ngei mai ,ngun leh zual a ka en chuan keimahah hian eng emaw tak diklo a rawn awm ringawt .


"Bawiha"hmeichhe naupang ,hmeltha zet ,mitmu liam lam fiah zet neitu chuan a bula mipa naupang chu a banah a chelh nghal vat a ,a hmei chuan naute duati te pawh a ang reuh lutuk .A hmeltha tak zet , a chum reuh em em a ,a mithmul a er san bawk .

"In hmeltha hle mai , he tah lo kal teh u , min hlau suh u " nelhawm zeta nui chuan ka ti a , chu ve leh an rawn nui ve sang reuh a , inkai chungin ka bulah an lo kal a , an intiat reuh hle mai ;mahse, a mipa zawk hi tlemin a sang deuh zawk .

"In hming min hrilh thei ang em ?" tiin an biang ka piai sak a a mipa zawk chuan ,"Bawiha tiin mommy chuan min kau thin "nui sen sen chung hian a rawn ti a , a hmel hian atthlak takin ka naupang lai ang ka lo ti e ngawt pek .

"Keichu maw bawihi ,mommy chuan maw min duat lutuk "tiin hmeichhe naupang chu a nui ve leh sen sen a , "Unau in ti raw ?" ka tih chuan ,"Phir kan nia ,keimah ka upa zawk " mipa zawk chuan a rawn tivat a ,"Ka upa ve tho "hmeichhe naupang chuan a lo tinghal vat ,"Mommy in I upa zawk a tih kha , ka upa zawk a sin " bawiha chuan a rawn ti leh vat a .

"Daddy in inrual a ti kha ,upa zawk a awm theih loh , keimah ka upa zawk " hmeichhe naupang chuan a rawn ti leh a ,a thusawi chuan awmzia pawh a awm hauhlo , naupang à mai an la ni a ,upa zawk nih duhin an inhnial chu a ni sia .


"Inhnial tawh su le "ka tih chuan an ngawi ve mai a , "Uncle, mipa chu kan upa thin tiraw?" bawiha chuan min rawn zawt leh nghal vat tho , ka nuih a za ru ngei mai ,mipa nih vanga upa zawk tura inngaih tlat chu aw , tuzawk nge piang hmasa tih lah ka hre ve der silo a .

"Uncle ,a nilo tiraw?" bawihi chuan a rawn tive nghal vat ,an pahnih chuan min en kiau mai bawk si a ,engtin nge ka chhan ang , tun hmain ka la hmu ngai silova ka hmelhriat pawh an ni hek lo , a tu zawk hi nge piang hmasa ang aw !?.


"Bawiha ,bawihi " mipa pakhat hian washroom pawn lam atang chuan a rawn ti a , a rawn lut nghal zat bawk ,"Daddy " tiin an tlan phei nghal vat , chupa chuan an pahnih chuan a lo kuah a ,"Khawiah mah inthuin kal thin loh tur ka ti ni lawm ni ,mommy nen khan kan hlauhthawng lutuk a " tiin bawiha leh bawihi chu a hrilh nghal zat a .

"Daddy sorry "an ti rual nghal , an duhawm takzet .Ka fate pawh kha phir anni , ka naute duat kan fate kha bawiha leh bawihi ang rual hi an ni ve tawh ngei ang tiraw?!, saw tianga ka kuah ve theih hun tur ka nghakhlel tak zet ka rilru a ti chungin bawiha leh bawihi te an pa in lungchim taka a kuah ngawih ngawih lai chu ka lo en reng ringawt a .


"Uncle bye bye " ti lauh luah in washroom an chhuah san a , bawiha chu inla pa zetin a mahin a kal leh vek vek tawh bawihi erawh a pa in a pawm thung .Keipawn eng tik niah emaw chuan ka fate kha tisawn ka la pawm ve ngei ang .Mahse kei hian mipa nge hmeichhia annih tih takngial pawh ka hre silo , awwwww.....ka naute duat , tinge ka kiang ah ,ka bulah I rawn let mai loh ?, bawihi ka ngai lutuk che , ka fate kha ka hmu ve chak tak zet zet a sin , ka hmangaih ,bawihi , ka naute ka lo nghak reng ang che u .


*MALSAWMTLUANGI P.O.V*


Mahni ram ngei Mizorama haw leh chu a nuam tak zet , thlakhat lai kan awm ve tawh a kan inpui lam pan nghal mai lovin hotelah kan awm hrih a , Hruaizela pawh hotel a awm ve tum viau mahse a pu hriselna lam a tlak hniam zel avangin inlamah a awm ta zawk a ,nitin min hmu turin a rawn kal ziah tho


"Bawiha, bawihi tho tawh ru le " tiin ka fate khuma mu meng kar chu ka en a , bawihi chuan ka bianga rawn fawpin ka hnute a rawn khawih a , bawiha erawh inla pa zetin ka biangah pawh a fawp duh loh .

Bawihi hi chu hnute khawih a la ching ve deuh a , bawiha nen chuan hmani restaurant a mipa pakhat lian deuh anhmu thu ringawt an sawi leh tawh , ka ngaihtuah naah chuan ZONUNKIMA a rawn lang nghal zat , ani pawh kha mipa hleitling leh taksa inphut mawi tawk tak a ni a , a chhelo in a pianphung en a manhla tak zet a nih kha .


In pa pawh tuna insawi ang chiaha pa lian leh hmeltha zet a nia sin , a pawnlam lan dan chu nelawm loh viau mahse mi hipna ngah tak leh ngainat awl zet a ni thung tiin ka fate tawng ve barh barh chu ka thlir reng a , Zonunkima hi a tet laiin bawiha ang chiah hian a inla pa ve thin e maw ni le!?, nge mipa naupang hrim hrim hi inla pa leh ngeng ngalh an ni ve thin hrim hrim zawk .


Ka fate pawh school an kal a hun ve ta reng mai ,vawin hian nursery an kal ve tan tawh dawn a ,an phur lutuk tlat .Tuna an school hi Mizorama school tha ber a ni a , discipline pawh an ngai pawimawh hle .

"School ah tha deuha awm tur a ni a , tumah tih buai loh tur "tiin ka fate chu in atang ka hrilh mawlh mawlh a ,"Mommy ,daddy chu a lo thleng har e "bawiha chuan a ti nuah nuah reng a , a hnu deuh chuan Hruaizela pawh a rawn thleng ve hram .

Daddy an tih hian ka rilru ah Zonunkima a rawn lang hmasa ziah , ka faten an pa ngei nilo daddy an tih hian ka lo na zawk thin . Hruaizela hi an pa tak a nih loh thu pawh ka hrilh tawh a , a hnu chuan pa an duh ve zia an sawi reng a Hruaizela hi Daddy tiin an kau tawp mai a ni .

School ah kan thlah hnu chuan hotel lamah kan let leh a ,ani pawh a pu te in lamah a let leh nghal vat .Ka fate awm loh lai chuhin kan mamawh tur leiin bazarah ka chhuak a , dawr a ka inlam khawm lai chuan ",Pu Matthew nang e law ?" dawr nei tumi ni awm tak hian a tih ri ka hria a ,ka hawi phei nghal vat .


A ni theilo ,amah a ni ZONUNKIMA ,ka mipa hmangaih awmchhun ngei kha ,tunah chuan a hmel pawh a hma ai chuan a lang upa ve ta deuh, a hmelthat ngaiin a la hmeltha reng thung .Tlemin a cher deuh a , a taksa erawh a la nalh em em tho .A police uniform chu kum 5 kal taa ka hmuh thin dah chiahin a inhmeh ngaiin a la inhmeh reng , khaw dang ka hawisan thei tawh loh , a tawng zawng a a hmui che te chu hmuhnawm titakin ka thlir reng ringawt .


Ka phone a rawn rik thut chuan harhchhuah zawkin ka hmel a hmuh theih lohna tur lam ka hawisawn vat , min hmu ni ngei tur a ni ke pen thawm ka hre nghal zat ,nilo!ani hian keihi min hmu tur a nilo .Zonunkim kalsawn rawh ,khawngaihin kal rawh , ka lung chu a rawn phu nghal dup dup mai .


"Pu Matthew , he lam zawk hi a nia "tiin tu emaw chuan a rawn hrilh nghal vat a ,"Ka lo kal " a tithum bul a ,a pensawn thawm ka hre nghal zat ,ka thaw nghal huai thei , ka fate miss a ni a an ban a hun tawh thu vel a rawn sawi chuan ka kal vat tur thu ka hrilh vat bawk .

A aw pa tak ka hriat loh na chen pawh a rei ta a , ka kawchhung hi a fan nghal ngawih ngawih bawk , ZONUNKIM I lo dantha tih ka hriat ringawt pawh hian ka lawm a ni ka ti rilru mawlh mawlh a ,ani chuan min hre chang tawh dawnlo tih hre mah ila ka la theihnghilh thei tlat lo .


Hmana ka hmangaih na mit tawh emaw ka tih kha a rawn ti alh zo leh ta , nang chuan chhungkaw dinin fa te I nei tawh ngei awm si a , hmalam panin I hlimna thlang mah la ka la hmangaih reng tho ang che .

School ah kalin ka fate ka lam a , midang chu an pasal te nen kalin hlim takin an nui ho a ,kei erawh keimah chauhin ka fate nen kan ni thung . Hrehawm ti eng ang mah ila ka fate tan nu tha tak ,tuarchhel tak ka nih a ngai tia mahni infuih mawlh mawlhin ka fate hmaah a hlim thei ang berin ka nui lui sang a .


Zonunkim, kan fate hi kum 5 lai an ni tawh a sin , tunah chuan school pawh an kal ve tawh bawk .Kha thlalak kum 5 kal taa ka rawn thawn che kha I hmu a nih chuan ka la dam tih leh fa I neih thu hi I hre ngei ang .I ngaihtuah naah I fate hi an awm ve thin em ?,an hmel te hi I hmu ve chak thin em ?,nge ni ang a fa dang ,chhungkaw thar dinin ka fate hi I hre ve tawhlo hrim hrim zawk ?!


"Mommy , daddy tak tak hi a lo haw har tawh e?"bawihi chuan a rawn ti a , engtin nge ka chhan tak ang , ka fate hnenah hian an pa tak tak chu an dam chhung pawn a rawn haw ngai loh tur thuin em ni he an zawhna hi ka chhan ang .


"Daddy chu kan fel viau a rawn haw dawn "bawiha chuan a rawn ti ta reuh a , "Tak tak a mi mommy ?"bawihi chuan min en hau chung hian a rawn ti a ka lu ka lo buk khum zeuh chu ve leh a nui sen sen a bawiha nen an infiam nghal chul a .

*MATTHEW.ZONUNKIMA P.O.V*

Hmani dawr chhunga mi kha ka naute duati a ang tak zet zet ;mahse, Mizoramah awm nise ka hriat awm tak .

Vawin ni zet zawng school ah kal kan ngai dawn a ka phur lo teh e , ka pain min tih luih tlat vangin school lam a function hman naa min sawmna pawh ka lo pawm ve hram .

"Dude , min awm rei pui loh hram ka beisei "Max chuan a rawn ti a , ka hmui ka lo tisawi zeuh chung in,"Awm rei lovang " ka tive tawp .

Keimah chauhin naupang zi nuai nuai karah ka awm peih teuhlo ,chuvangin ka thiante pathum hi ka sawm lui ve tlat .Min hnial an hre viau nangin ka tiluih miau avangin phur fahran lo chuan an remti ve hram .

School kan thlen chuan nursery te a pawl hniam chin hi an lo bang mek a ,"Uncle "tia rawn au thawm awmin ka bulah ka bawp leh lam leh lam vuantu an awm nghal zat .

"Bawiha ,bawihi "tiin ka bawp vuan ve tai chunga hlim taka rawn dak chho ha te pahnih chu ka lo nuih sap .

"Wowwww.....uncle maw ?!" Max chuan a rawn ti a ,a nui nghal sawng bawk .

"Max lo ngawi rawh "tiin ka melh deuh khui khui a ,"In lo dam tha maw?"tiin an biangah ka piau zeuh a ,keihi eng nge maw ka hriat chu le ,naupang ka ngainat ngai loh nen he mite pahnih bulah hi chuan ka tum loh deuhin ka awm ve ziah.

"Dam ,mommy bulah ka sawi ziah che "bawihi chuan nui sen sen chung hian a rawn ti a ,a hmel ka hmuh hian ka naute duatiin ti hrechhuak thin ,hlim taka a nui ver ver lai hmu tlukah ka inngai tlat thin .


An hmaa thingthiin ka en tawn zak zak a ,"Nangmah ang a lian deuh nih ve ka duh e " ka uniform hma khawih neih neih chung hian bawiha chuan a rawn tideuh a , tinge maw bawiha hian ka naupang lai a ang ka tih em em chu le .

"I la ni ve dawn a lawm ,I mommi leh daddy thu I awih chuan I la ni em em ang "ka ti a a sam ka naupang lai ang chiah a half - cut chu ka chul sak zeuh bawk .


"Ka daddy tak tak I hria mi "bawihi chuan a rawn ti leh reuh a ,ngaihna hre lo zetin Max te lam chu ka han hawia ngawi rengin min lo en reng ringawt .

"Uncle thuruk ka hrilh ang che aw , mommy in maw daddy tak tak chu kan fel viau chuan a rawn haw thuai dawn a ti a , mahse thuruk a nia ,tumah hrilh suh aw ,nang chu I lian bawk sia ka hrilh ve che a "tiin bawiha chu a rawn phun sar sar a ,a tawng erawh a ring tha hle, min hrilh ruk tum tak siin a tawng zawi leh der silo .


"Khawiah nge in daddy tak tak chu a awm a ?" a thusawi mak ka tih em vang chuan ka zawt vat a ,"A zin a " bawihi chuan a rawn ti a .

Bawihi kut tetak te chum tha zet chuan ka hmai rawn khawihin ka mithmul te a rawn khawih kual dun dun a ,mak tak maiin keimah ka fate min khawih ang tlata hriatna ka nei .Naupang bangin min khawih ve fo a tuna ka awm ang hian ka awm ngai lo .

"Uncle ,I lian e "bawihi chuan nui hek hek chung hian a rawn ti a , ka nui ve tawp .

"Uncle bye bye "tiin ka rin loh deuh chuan ka biang leh lam leh lam ah an fawp a an tlan nghal daih .An tlanna lam ka va hawi phei chuan mawtawr hi a lo ding reng tawh a anmahni lam tu tur a nih ngei ka ring .

Ka biang an fawhna vang nge ka hlim thar riau leh nghal ,"Mipa naupang ka hmuh khan Matt I tet lai ka hre chhuak "Martin chuan bawiha te lam lai thlir reng chung hian a rawn ti a .

"A sam meh dan te thleng khan I naupang lai chiah chiah "Michael pawh chuan a rawn ti ,ka dem hranlo ,ka naupang lai hre tu an ni a ,kei ngei pawh hian bawihan ka naupang lai a ang tlat mai hi mak ka ti a ni .


"Nang hi sawn I lo thlak reng te a nilo maw ?"Max chuan a rawn ti a ,"Tu lakah chuan nge maw sawn ka thlak ngawt ang le?"ka lo tivat ,sawi awihawm lo thei lutuk.

Cont.........
.

#######comment leh like leh click ka rawn dil e ######🖤🖤🖤🖤🖤🖤

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 16th, 2021, 4:13 pm

*SUS AMORES*

By :Hluhlui chhangte

Chapter-21

*MATTHEW.ZONUNKIMA P.O.V*

Ka mitthlaah mak tak maiin bawiha leh bawihi hmel duhawm zet kha a rawn lang leh thin , hmuh leh ka chak tawh tak zet.An pa dik tak awmna min zawhna kha chuan tlemin min thawng ve deuh anni ang naupang duhawm leh pawisawilo kha chu tuin nge kalsan duh teh lul ang .


Ka fate khan keihi min hre ve a ngem?, ka naute duati khan an pa ka nih thu te hi a hrilh ve thin a ngem le?, nge ni anga pasal dang neiin ka fate ,ka thisen ngei te chuan hriat pawh min hre ve hauhlo zawk .Nilo, chuthil chu a thleng thei hauh lovang , ka naute duat chutiang thil chu I tingai dawnlo tih ka hria lawm .A dik tiraw?!, chutiang thil chu ka chungah hian I thlen tir lul lovang tiraw naute?.


Kum nga kal taa thlalak ,ka nautei leh kan fate thlalak ka dawn ngei mai a kha lachhuakin ka en ngawih ngawih a ,"Ka hmangaih lutuk che u , ka fate u ,in daddy ka nia ,tunah chuan inlian tawh ngawt ang tiraw ?, keihi min hre ve em ?!"rilru na fe chuan ka tichhuak mawlh mawlh a ,keimah atanga lo awm ,lo insiam, ka thisen ka fate ngei chuan min hre ve ngai hauhlo tur anga ka indah chhin apiang hian ka thawk a buai vek zel , a awm chhun hi a na vâwng vâwng thin a sin .



Ka fate an ni a sin , ka naute duat ,ka nghak rei tawh lutuk che u .Khawnge in awm?, he ka rilru leh taksa zawng zawng hi nangmahni ngaiin a chau zo tawh , khawngaihin ka bulah ka kiangah lo kir tawh rawh rawh u , bawihi khawngaihin .



"Matt, ka lo lut dawn "Catherine aw ka hriat chuan rang takin ka thlalak ken lai chu ka thukru nghal vat a , rawn lutin a nui leh sang tawh a .

"Eng nge I lo tih a "tiin ka khumah a rawn thu thla ve nghal a , engvak mah ka tih loh thuin ka lo chhang tha ve leh mai bawk .

"Ka u te inneih thil vel tihfel ngai a la awm a , chhuak lawk ila " a rawn tih chuan a u hmeichhia in pasal a nei dawn tih ka hrechhuak leh chauh .A hma pawn min hrilh hre tawh nangin ka lo theihnghilh leh hmanhmawh ,ka naute duati te chauh ka ngaihtuah vang a ni .


"Ok"tiin inthlak lawk ka duh thu hrilhin inhnuaiah anin min lo nghak dawn a ka intifai a ka inthlak nghal zung zung .

"Khawilamah nge ni ang"ka tih chuan mokawr zawrhna lamah kal a ngaih thu sawiin kan pan ding nghal mai a ,dawr neitu chu a thiannu a lo ni a an ti ti nghal barh barh a .

"Cath , mokawr thleng thar a awm a , I inhmeh ngawt ang ha chhin rawh "a thiannu chuan Catherine chu a lo ti tlat a , a duh loh thu sawiin a lo hnial ve tang tang bawk .

A hnu deuh chuan inthlahrung hmel zet hian Catherine chuan a mit mengin min rawn rawn der a , lu ka lo buk khum be mai .Tih tur em em ka nei chuanglo bawk a ,ha chhin mah se a pawi na tur ka hre hranlo .

A hnu deuh chuan mokawr var thianghlim zet ha chung hian a rawn chhuak a , a mawiin a inhmeh ngei mai .Mit lasawn lek lovin ka lo en char char , ka ngaihtuah naah erawh ka naute duatin ha tase tih ringawt a awm thung .


"Wowwww,,,,,Cath I inhmeh lutuk "a thiannu chuan a tihlui a ,Cath pawh min rawn enin a nui sen sen mai ,keipawn ka lo nuih ve mai bawk .

"In pahnih hian ding dun ru thla ka lo lak ang che u "a thiannu chuan a rawn ti leh tlat tawh , hahthlak hian a ,ka ning tan lek lek tawh chu a ni .Ngawi rengin kan ding dun a thla pawh ka lakpui ve mai ,Cath hi thian ang chiahin ka en ka tih tawh kha , ani pawn chutiang chuan min en ve ka ring .Min duh na erawh a la reh fel lo tih e ka chiang thung .



*MALSAWMTLUANGI P.O.V*


Mizoram kan awm na pawh a rei ve tawh a , Hruaizela puin that lam a pan ve zel tawh bawk .Inneih a tih reng erawh ka tan hnial reng a harsa lam mah , ani hian min duhzia ka hria , kei erawhin ka duh em pawh ka hrelo ; mahse, ka tan mi pawimawh tak a ni tih erawh ka chiang .Ka mangan laia min tanpui thin tu , thlamuan ka ngaih laia min thlamuan thin tu a ni miau a .




Ka nu leh pa te in lamah pawh ka tlawh tawh a min hmuh tir chuan an tap zawih zawih chutiang bawkin keipawh.An fanu kum tam tam an hmuh tawh loh ,thi tawh emaw an tih ngei a kha an hmu leh a an lawmin an mittui an dang thei thlawt lo a ni .


Duati ka nau pawh kha lo lian ve tawh tak zet , bawiha leh bawihi an hmuh phei kha chuan an kuah ngawih ngawih a ,Zonunkima nen a kan fa tih an ring thiam nghal mai bawk .Zonunkima changchin engmah ka hriat duh loh thu ka sawi nghal a ,anni pawn engmah an sawi lang biklo .


Kan in ah kan la let lova , ka fate nen inhrang kan luah thung.Ka nu leh pate chuan inlama awm phei turin min duh viau a ;mahse, kan inluah thar hi thla nga zet luah man ka lo pek tawh avangin chhuahsan leh mai atan ka ui bawk nen kan la awm hrilh tur thu leh a hnu a haw leh ngei intiamin thuthlukna kan siam fel ta a .



Kimtei ,ka thiantha ber nen pawh kan inbe pawh tawh a , min rawn hau nghal char char .Kan inluah awmna ka hrilh hnu phei kha chuan a rawn riak deuh reng mai .Zonunkima bulah ka awmna hrilh hre lo turin ka nu leh pa te ,Kimtei te ho pawh ka hrilh vek a , a tir chuan min hnial a ,ka tih luih tlat vangin an hrilh loh tur thu an sawi ve leh nghal mai a .


Kimtei leh Max te pawh an la inkawp tluang tih ka hria a ,ka kawmpui bawk .Ka fate a ngaina em em a ,eng eng emaw a rawn leisak nel nual bawk .
.
.
.
.


Kimtei chhuah lawk a ngaih thu a sawi avangin ka chhuah pui a , ka fate erawh a pi leh pu te in lamah an lo awm hrih thung .

"Hruaizela hian a duh chiang che "Kimtei chuan a rawn ti a ,"Ummm...duh a lawm "ka lo tive mai bawk .


"I duh ve em ni ?" tiin min rawn zawt leh nghal zat ,"Ka hre bik lo , Kimte ka hrethiam lo tak zet "ka rilru dik tak a ni ,ka duh em ka hre lo miau a .


Chutia kan ti ti dun mawlh mawlh lai chuan Zonunkima leh Catherinei te mokawr zawrhna chhunga an awmlai ka va hmu fuh a , Catherine chuan mokawr a ha bawk .Zonunkima nen an innuih sang bawk a ,an hlim hmel tak zet .Kei erawh ka chhungril a na vâwng vâwng thung , Catherine chuan mokawr chu a inhmeh tak zet ,Zonunkima pawn khaw dang reng hawisawn loin a en char char .


Kimtei hnenah chuan in lama haw ka raat nghal chuk chuk ringawt .A ni pawn min haw pui ve nghal mai .


Zonunkim tinge ?,tinge?mawh?, ka rilru hi I tih nat nawn fo mai le ?!, ka hmangaih che sin .Midang nena inhlim lai hmu tur chauh hian em ni ka rawn kir leh ?,ka na tawk tawh a sin .He ka thinlung à lutuk hian a la beisei fo che ,ka fate pa I ni a ,ka nunna I ni bawk .



Min tina fo thin mahla ka thlah theilo che ;mahse, nang chuan I hlimna tur I pan tawh tih ka hria .Chuti chung pawh chuan mahni hmasial takin kei leh ka fate bula awm a kan innghahna , kan engkim , kei leh ka fate nun min kaihruai tu tur ni tur che in ka la nghak fan che .


*MATTHEW .ZONUNKIMA P.O.V*


"Bawiha , inneihna ah kal kan ngaih kha , theihnghilh lo la "ka pa chuan ka chhuak tep tawh chu min rawn hrilh lauh lauh.

"Ka lo haw leh nghal ang "tiin ka chhuak nghal .Tuna innei tur te hi ka hriat zawng pawh anni lo , an inneih sawmna card chu ka pa hmingin kan dawn ngei , en pawh ka la en hran chuang lo .


Inneih thil pek tur pawh keima lei vek tho a nia ;mahse, a innei tur a te hi ka hre miahlo .Inneih a awm dawn tih chauh ka hria .

Inah let leh tawhin ka insiam ve malh malh a , awm rei pawh ka tum hran chuanglo , va inlan ve zawk chauh ka tum .



Biakin lam panin ka inkhal chhuak tawh a ,a hmun ka thlen chuan mi pawh an lo tam ngei mai .Inneih inkhawm an lo tan tawh a ,tu te nge innei te hriat ve hrim hrim tumin pulpit lam ka va hawi a .



Nilo!,a ni theilo ,ka thil hmuh avang chuan rang takin biakin chhungah ka tlan lut nghal ,mipa zawk chuan hmeichhia zawk chu zungbun bun tir a lo tum mek a ,ring tak a au in ,"KA NAUTE DUAT "ka tivak a ,leiah chuan ka thingthi nghal bawk .


Ka naute lam ka va hawi chuan mak tih hmel zet hian min rawn en a ,kei mipa ,kum 30 ral kai tawh hian ka mittui ka dang theilo .Ka nautei en reng chung chuan ka mittui a rawn chhuak ve ta ngiai ngiai a .Mipa ka nia intipaukhauh tur pawh ka ni ;mahse, ka thei hlawl silo.


Mi zawng zawng mit chu keimah leh ka nautei chhungah a fu nghal thup a ,"KA HMANGAIH CHE SIN " ka aw pawh ka thunun thei tawhlo ,kei hian mualpho huamin ka nautei chu ka en reng a ,ka mittui pawh ka dang thei chuang lo .


Ka na ,ka na ngawih ngawih , kum kha leh chet ka lo nghah , mi à ang maia ka zawng thinnchu tunah a vawikhat na atan ka hmu a , chu erawh a pasal neitur lai chauh a ni thung .


Ka theilo ,ka naute , midang ta ni turin ka phallo che , kum kha leh chen kha khawhar takin nangmah ngai reng reng in hun ka lo hmang ral tawh a .Hlim taka kan inhmuh leh ngei ringin ka tuar hram hram thin ;mahse, khang ka tawrh na tein a hrin chhuah chu hei hi maw?!,I pasal neih hun tur hmu tur hian maw kha leh chen kha ka lo nghah che ?!.



Nautei ka enna ka mit ka lasawn theilo , ani pawn min en rengin a mittui a luang chhuak nghal zawih zawih a ,"KA NAUTE "ka ti lawi rat a ,chu ve leh ka lama rawn kalin lei ah a thu niai a min rawn kuah nghal chat bawk .


Nghet taka lo kuah letin a hnungzangah ka chul heuh heuh a ,ani erawh a rawn tap nghal hawm hawm thung.Keipawn ka mittui ka dang theilo , a rawn luang chhuak reng a ,ka nautei erawh aw rawl chhuah meuhin a rawn tap nghal hawm hawm thung .



A kal bo hlau takin ka kuah nghet zual sauh sauh a , ka nautei taksa ,ka thlakhleh em em thin ka kuah ngawih ngawih ."KA HMANGAIH CHE "a beng bulah chuan ka ti a ,ani erawh engmah sawi loin a tap zawih zawih reng thung .


A thenin chutia ka awm chu min khawngaih hmel tak hian an mittui an hre zeuh zeuh a , a then erawh mak tizetin min en haw thung .

Midang an awm leh awm loh ka pawisa tawh lo ,he thil vang hian eng ang pawn hmingchhia in lo mualpho dawn mah ila ka naute ka kianga a awm dawn phawt chuan pawi tihna ka neilo .



Chutia nautei tap zawih zawih reng lai chuan ,"Uncle , mommy "tiin naupang pahnih hian min rawn au a , ka mi hmuh te vang chuan mak ka tideuh an tap ve hlap hlap bawk .



Naupang pahnih lam ka han hawi chhuah chuan bawiha leh bawihi hi an lo ni ,an tap zawih zawih mai bawk si a , nautei chuan min kuahna thlahin bawiha leh bawihi lam chu a han hawi a ,a ban a phar nghal zat bawk .


Chu ve leh naupang pahnih pawh chuan an rawn kuah nghal zat a ,an tap nghal hawm hawm a .An pathum inkuah chuanga mittui tla reng chu ka lamah pawt hnaiin ka kuah khawm a ,bawiha leh bawihi chu ka nautei nen kan inkarah an awm kak bawk .


An pathum chuan nghet takin ka kuah khawm a , bawiha leh bawihi pawh an la tap ve faih faih mai .Ka nautei tah vak vang hi a ni ngei ang , bawiha te lo tah ve chhan hi .



Cont....

#####Like leh comment leh click ka rawn dil e ###🖤🖤🖤🖤🖤🖤🖤🖤

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 16th, 2021, 4:14 pm

*SUS AMORES*

By:Hluhlui chhangte

CHAPTER-22


*MALSAWMTLUANGI P.O.V*

Nu ka ni tawh a ka fate hmahun tur ka ngaihtuah a ngai , chuvang chauh a Hruaizela nen a inneih pawh remti ka ni .

Beisei awmlo ZONUNKIMA lo nghah reng hian awmzia a neiin ka hre tawhlo , ani pawn a nunah midang seng lutin inneih hial tumin mokawr pawh an endun a nih kha ,keihian engvang teh lulin nge kei leh ka fate min hmangaih em em tu hi ka thlan mai lovang , engvangin nge ka inngah tir reng bik ang .


Inneih pawh ka rem tih ang ngeiin kan inneih ni a thleng thuai a ,mite chu an duh tak pasalah neiin an hlim thin ,keierawh ka chhungril takin ka hlim thei silo.

Mahni hma ka sial pawh inlo ti maithei ;mahse, tunu in nge mahni fate hmakhua ngaia thil tilo ngai awm bik?,keipawn ka fate ka hmangaih em em te tan ka nunpum hlan ka tum mai chauh a ni .

Pulpit hmaah chuan Hruaizela'n min lo nghak ran tawh a ,keipawn ka pan ve zel bawk . Hruaizela nun a zawi muang a ka lut mek zel ang hian ka chhungril nun erawh a thi mek zel thung , ka fate tan chauh a ni .Keichuan hma hun eng tak tia sawi tur neiin ka inhre tawhlo ;mahni hmangaih pawh nei theilo hian ka neihchhun ka rila rah te tan ka nung tawh dawn a ni .


Hruaizela'n zungbun min buntir dawn lai tak chuan ,"KA NAUTE DUAT "ring taka rawn titu aw ka hria , tunge a nih reng hrilh chawp ka ngailo .ZONUNKIMA ngei a ni , zungbun min bun tir tumna ka kut chu lasawn vatin Zonunkima, leia thingthu chunga mittui luang ngiag ngaig chu ka en ngawih ngawih a .

Ka hmangaih tak mittui tlaa a awm hmuh chu a hrehawm tak zet, ka mitah tak min rawn en a ,a mita a rilru natzia ka hmuh chuan ka inthiam lo nghal ngawih ngawih .Mipa ah pawh rorum ve tawk tak , mittui a nei ve lo emaw tih tur khawpa a taplai hmuh tur awm ngailo a kha ,tunah a mittui a tla chu a ni si a .Eng thil nge maw ka tih tak mai hi le ?!,ka hmangaih tak chu kalsan hlen ka tum mek chu a ni si a !.



Ka insum thei tawhlo chuan va kuah chawtin ka tap nghal hawm hawm a ,Zonunkima tello hian ka awm theilo,ka nun hian awmzia a awm heklo .Zonunkima hi ka hmangaih ,ka engkim , ka hring nun chu a ni .

Chutia rei tawk fang ka fate nen min kuah khawma kan tah hnu chuan ka pain in lamah haw phawt a rawt a , biakin chhungah chuan ka nu leh pa te leh Zonunkima nu leh pa te ni ngei tur te ,Max te thian ho leh Kimtei te chauh an lo awm tawh .


Bawiha leh bawihi chu ka nu leh pa ten an bulah an hruai vata , Zonunkima chuan ka kuta vuan tlatin mawtawr hnunga thuin in lam ka pan ve ta hlawm a .


In kan thleng chuan bawiha te unau chu an lo murtir diam tawh a , thut khawmna lamah kan thu khawm nghal dial bawk .

Ka pa chu rawn ding chhuak hmasa berin ,"He tia inneihna ber thulh a nih takah chuan miin kan chanchin an sawi duh dawn hle a ni tih kha hre phawt ila , a hmasain mambawihi leh bawiha(MATTHEW) pawn miten eng thu pawh lo sawi se la huaisen taka hma chhawn a intipaukhauh hle turin ka chah duh che u a , engthil pawh lo tiin lo sawi se la thil kal tawh chu kal tawh a ni,siamthat theih a ni tawh lo tih kha in hre reng dawn nia "a rawn ti dap dap a .


A hming chuan midang pawn eng eng emaw an sawi leh teuh a Hruaizela chanchin an sawi chuan ka inthiam lo ngei mai , kha tia Zonunkima lam ka pan lai khan thinrim takin biakin a chhuahsan ni awm tak a ni.



A hnu chuan bawiha leh bawihi mutna lamah anmahni endik turin ka luh San hlawm a Zonunkima'n min rawn zui vat bawk .Tui tak in anlo la thaw sek sek , "Ka naute "tiin hnunglam atang chuan Zonunkima chuan min rawn kuah thurh a .


"Ka ngai lutuk che ,I hria em " rawn ti thawp satin khum la a tui taka muhil bam te pahnih chu a en leh a ,"Ka fate "tiin a rawn phunchhuak sap a .


"Ummmm..."tiin ka lu ka bu nghauh nghauh ,"An hmeltha tak zet , bawihi hian a chhun hle bawk che a "tiin min rawn fawh zeuh a .

"Zawhna tam tak ka nei ;mahse, tunah chuan tihian awm hrih ang "tiin min kuah nghet zual sual a ,keipawh hian zawhna tam tak ka nei ngei a lawm .
.
.
.
.
.
Inneih kan thulh atang kar khat lai a liam leh tawh , Hruaizela lakah ka inthiam lo tak zet , biak tumin ka call thin a mah se vawikhat mah a la ngailo thung .An in a kal ka ngam bawk silo , an chhungkaw lakah ka inthlahrung em a tin ni .

Ka nu leh pa ten Zonunkima pawh kan in lama rawn kan hrih lo turin an ti a , boruak zia awm hun nghak turin min ti a ni .Miten engtin nge ka chhanchin an sawi ka hria ,'pasal neih nia min dang pansan' min tih na pawh ka hria ;mahse, ka intipaukhauh lui tlat a chung thu mak tak tak, thil thlen dan dik tak nisilo an thu bel zawng zawng pawh ka hriat hmaih lo nasa , ka nunah erawh chung thu chu min tuchhe ,min tichaklo tu tur atan seng luh ka tum hauhlo thung .



Ka hria ,kha ni khan Hruaizela chhungte leh ka chhungte kha zak tak leh hmingchhe tawpin ka siam tih ka hria ,ka hmangaih ka thlah zalen tawh emaw ka tih ngei mittui tla ka hmuh khan ka indang zo biklo a ka pan lo theilo a ni .

Midang zahna leh hrehawm tihna aichuan Hruaizela , pulpit hmaa hamhaih leh hawihai lutuk mawlh lakah khan ka tithiam theilo .Englai pawha min tanpui thin tu ,ka mangan a min thlamuan thin tu , ka fate pawh min hmangaih pui theitu, mi tha tawp kha keiin ka hma sial takin a mit hmuh lai ngeiin mipa dang ka pan a , atan a tlawmthlak tur zia te ka ngaihtuah chang phei chuan hun kal tawh hi thleng nawn tir leh a kha inneihna kha thlen tir loh tawp ka duh ngawih ngawih thin .


"Mommy"ka fate aw ka hriat chuan an lam ka pan nghal vat a .

An hmaah kun hniamin an biang ve ve ah ka fawh sak a ,"Mommy ,daddy hi a lo kal dawn lo em ni ?" bawihi chuan a ti a , daddy a tih hi Hruaizela a ni ,Zonunkima hi an pa dik tak a ni tih kan la hrilh lo , hmaichhanah ngei Zonunkima nen hrilh kan duh a mahse tunah chuan hun remchang a la awm mai thei bawk silo a .


"Daddy chu a buai a "tiin an uniform ka thlak pah mawlh mawlh a ,"Mommy vawinah maw 'D' tih ziah kan zir a "bawiha chuan a ti thawmhnaw inbel lo in a tlan teu teu bawk .

"Ka ta nih kha khawih suh aw , Eric ,I tan pawh nih loh kha , mommy " bawihi chuan a tinghal tiau a ,bawiha lah chuan bawihi barbie ban te a lo thlon leh pheng phung tawh .


"Bawiha , tih khan barbie thiat thin suh, I nau ta nih kha , i nau duat ta che , mipa chuan mahni naute an duat thiam thin "tiin ka fapa thil thiat darh hnenah ka ti vat a .


*MATTHEW.ZONUNKIMA P.O.V*

Ka naute duati te inlam panin ka inkhalh chhuak a ,ka ngai tawh tak zet chutiang bawkin ka fate pahnih pawh .Thla khat dawn lai kan in hmu tawh lova , kuah ngawih ngawih ka chak tawh tak zet .

In ka thlen chuan room lamah an nufaa an awm thu an sawi avangin an room lam ka pan ve nghal mai a , kawngkha chu a inhawng deuh a chutah ka nautei leh ka fate pahnih duhawm zet zet chu hlim takin an lo infiam ho a lut ta mai lo chuan ka thlir reng a , an nuih rual te chuan ka lo nui ve leh deuh suk suk thin .


Anmahni ka lo en reng lai chu ka nautein min lo hmuin kan inmelh ta ran a ,nuih deuh sak a mit siai sukin room chhungah ka lut ve nghal a ,"Uncle"tiin naupangin min lo au chul bawk 'uncle' maw !?,,,,hmmmmmmmm.


"Min lo ngai em ?"tiin an biang ve ve ah ka fawh sak a , nautei ka melh zeuh bawk , ani lah chuan min ei loh hmel fahran hian a hmui a lo la tipawrh vak zui..

"Ngai lutuk ,mommy bulah pawh kan sawi thin a , mommy chuan I buai a ti tlat a "ka fapa min chhun em em tu chuan a rawn ti nghal a .

"Buai lo e , mommy khan a tive mai mai a nih kha "tiin a samah ka chul sak a ,"Chocolate hi in ta tur"tiin an tana ka dairy milk lei chu ka pe a ,lawm hmel zet hian an nui nghal sen sen bawk .

"Mahse ,mommy in ei a phallo a "bawihi chuan a nu melh zeuh chuan a han ti a ,"Mommy tun tum chauh te chu phal mai la "ka nautei kawng dawn meuha kan pafa ho min lo thlir deuh deuh tu chu ka han dil a , naupang pahnih pawh chuan phal ngei se tih hmel zetin an melh ve ran bawk .


"A tha lawm tun tum chauh "tiin a fate pahninh chu a melh tawn zak zak a ,ka fate hlim taka an kheh ri hriat chu a nuam ngei mai .

Nautei lam pan chuan ka kal a ,min lo en reng ringawt ,"Kan tha em ?"tiin a kawngah ka kuah a chu ve leh ka awm a rawn beng taihin min nam sawn a tum nghal a ,"Naupang an awm hi "tiin a fate lam en a tum vat a , chhuata naupang pahnih , thil dang ngaihtuah lo tih hriat zet a toys khalh a hmuh chuan a thaw deuh huai a .

"Ka ngai che "tia awm hnaihin a chalah ka tauh deuh det a , "Keipawn ka ngai lutuk che " a rawn ti ve nghal a .

"Uncle ,uncle , heihi min lo siam that sak khawngaih takin "ka nautei fawh ka tum ka kun lai tak chuan ka fapa chuan a rawn ti lauh lauh a ,ka rum deuh nghut ringawt nautei erawh a nuih deuh suk suk mai .

Ka fapa mahnise min rawn au hunlo lutuk vang chuan ka ngei thelh a ni .A toys chhia chu ka siam that sak a , nautei hnenah chuan ,"Hrilh tawh ila a tha ang "ka ti a ani pawn min pawmpui tih hriat zetin a lu a lo bu nghut a .

"Bawiha ,bawihi , hetah hian lo kal teh ula "tiin ka fate chu ka au a ,khumah lamah lawmin an thu fel ve kak reuh a , nautei chuan ,"Thil te te kan hrilh dawn che u a , tha deuhin lo ngaithla ru aw "an ti hmasa te te a , ka fate pawh an ngawi khiau mai .


"Hmana daddy zing kha a lo haw tawh a "tiin ka nautei chuan a sawi tan a ,naupang ho pawhin phur zet hian ,"Khawiah nge a awm a , ka hmu chak tawh e ?","Mommy , a lo haw tawh tak tak a mi ?"te an ti thul ,ka rin aiin an thu hriat turin a thawng vak dawnin a lang lo chu ka lawm phian .

"Uncle hi Daddy tak tak kha a nia ;mahse, in hre lova , uncle in lo tia , daddy tak tak kha a nia , a lo haw tawh a "tiin ka nautei chuan min lo en a ,keipawn ka en ve reng .

"Tak tak a mi , uncle , daddy tak tak maw I nih a ?"bawiha chuan a rawn ti a ,"Ni e , in daddy tak tak ka nih hi , in tet lai khan hna thawkin ka zin a , tunah inbulah ka lo let leh tawh a "tiin bawiha leh bawihi chu ka melh tawn zak zak a .


"Daddy "tiin bawiha chuan min lo ban vat a chu ve leh bawihi pawn ,"A pa "tiin min lo ban ve leh nghal zat a .

An pahnih chuan ka pawn a ,an chal ah ve ve ka dawh sak bawk ,"Daddy nang chu Hulk(Pa lian deuh ,hring vel kha )I ang e , I lian bik e "bawiha chuan a rawn ti a ,ka nautei a lo nuih deuh hak thung , chu ve leh bawihi pawh a nuih leh a ka fapa nen in enin kan nui ve ta nge nge .


"Nangpawh keimah ang chiah a lian I la ni dawn a lawm "ka ti a ,"Nangpawh keimah angin I tet ve thin mi ?" bawihi bawk chuan a rawn ti leh a ,"Te ve thin e , tunah chuan i la naupang a , i tlangval hunah keimah ang chiaha lian I la ni dawn a lawm "ka ti a .



Khumah chuan ka dah a ,khun dupah chuan an pahnih in an zuang thauh thauh bawk ."Kha in sweet tur "tiin khumah sweet chu ka theh thla zung zung a anlo la ve nghal sawk sawk bawk .


Ka namah chuan ka nautei hian a rawn pisi hlawk a , zawi deuh tak hian ,"Zonunkim , I fate ha tih nget vek I tum a mi a ?"seh chilh deuh nawk chuan a rawn ti a .



"Tumlo , an duh ka ring a ka rawn ken sak "ka lo titha ve mai ,ka nak a piaina rawn tina zualin ,"An thik duh apiang pek loh tur "a rawn ti a ,ka lo nuih suk ringawt .



"Sweet hi chu in ei hrih lo ang, in ha a na ang "tiin an sweet kenlai chu a laksak leh hrih , ka fate chuan an uihmel ngang mai , an hmel ka hmuh chuan ka lainat bawk si chuan ,"Naute "tiin dawhkan sang , naupang ho ban phak loh tur chin a sweet dah mek chu ka va hnaih chilh nghal a , ka taksa rihna hmanga delh bet deuh ti tih chuan ka kun hniam a , fawh tum ang deuh a ka kun chuan a lo maimitchhing fel der tawh nuih sakin a hnunga sweet chu a then a zar ka la ru hram a , fawp ta lo chuan a beng bula kun hniamin ,"I fate hmuh laia fawh I duh chuan ka pawi ti hauhlo a nia "tiin ka nui deuh suk a .




Inla hrang vatin ka fate khuma lo thu khiau chu anmahni fiam pahin ka bawh thlu nghal a ,an lo te chel chul mai .Khumah mut that puiin puan ka sin pui a ,anni pawh ka sir ve ve ah fel deuhin an mu ve mai bawk .

Puan hnuaiah chuan a ruk thei ang berin ka sweet lak ruk chu an kutah a zat ve ve in ka pe ru tham tham a , "ZONUNKIM "nautei chuan a lo tithat a ,kan pafa sweet inpe ru lai pawh tawp chawtin ka nautei lam kan hawi thap .



"Eng nge ka naute "engthil mah tilo ang tak chuan ka tizang vah, min en run run chung hian ,"Ngai leh lo "a ti tha ve leh mai bawk a .Inhnuai kam panin a chhuk thla nghal a .



"Kha thukru ru , mommy in a hmuh chuan kan pathum hian min chhuangso duh ang "tiin ka fate chu sweet ka pein ka hrilh nghal mawlh mawlh a .



"Daddy I tha ber "tiin ka biangah an lo fawh zeuh bawk , ka nuih leh deuh suk a ,ka hlim a ni ka fate hian ka rin thiam phak bakin ka nunah hlimna min thlen nasa daih .


Ka chet dan ka ngaihtuah chuan ka nuih te pawh a za zawk , police officer , case harsa tak tak pawh lo chingfel tawh hian ka fate chu sweet ka pe ru a nia .Fate hmangaihna hi a lo na dawn a nih hi , thil ho te ah pawh an duh ang tihsak loh chu hrehawm tak a ni .Fa nei tawh ten fa enkawl a harsat zia an sawi hi ka hrethiam ve tanin ka inhria , tunah chuan keimah MATTHEW.ZONUNKIMA hi pa ka nih tawh ,ka fate eitur pek ruk fo erawh tha ka tibik chiahlo .

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 16th, 2021, 4:14 pm

*SUS AMORES *


By :Hluhlui chhangte


Chapter -23 (LAST CHAPTER)


*MATTHEW.ZONUNKIMA P.O.V*


Hruaizela te inkawt a mawtawr ka tih din chuan ka nautei thaw ri hak thawm ka hre nghal .A huphur ve hle tih pawh a lang reng , a kut ah va vuain ,"Hahdam rawh "ka tisap. .



Mawtawr atanga chhuakin Hruaizela te inah chuan kan lut a , "Nangni maw "Hruaizela chhuah tum ni awm tak nen a intawk chuan a rawn ti a ,a hmel erawh a lang pangai fu.


"Inbe lawk ang Hruaizela"nautei chuan Hruaizela en kar pah chuan a ti a ,"Engmah sawi dun tur kan neilo "a lo tive nghal vat .


"I nei emaw nei lo emaw mipa I nihna ang a a hmeichhia zawkin thusawi tur a neih chuan ngaihthlaksak chu I tih ve tur reng a ni "ka lo tive vat a ,ka kutah nautein a rawn chelh vat bawk .


Rawn thaw chhuak hawkin ,"A tha lawm , min lo zui rawh "inthlanglam veranda lam chu a pan nghal a ,nautei chuan min rawn en a zui tura hrilhin ani pawh a kal ve nghal a .



He thil hi nautei ka ngaihtuah em vang chauha ti ka ni , engkim Hruaizela nenba an chungchang min hrilh vek a ka awih sak vek bawk .Biakinah khan Hruaizela chunga thleng ang kha ka chungah thleng ve ta se keipawh hi tuna Hruaizela'n ka nautei a biak duh loh ang chiah hian ka tive ngei ang .Nilo!,keichuan an pahnih in ka that duh hial zawk ang mawle .



Amah hi huatna ka nei hranlo ,ka hmangaih em em nunna chhanhim tu a ni a tunah hian amah vang chauha ka nautei leh kan fate kianga awm leh thei hi ka ni bawk , a ruk tak chuan a chhungah ka lawm a ni .


Darkar chance hnuah an rawn inzui chhuak a , nautei hmela hlimna lo lang atang chuan an sawifel thei tih a lang reng ,keipawn ka kawmpui bawk .

"Ka naute "tiin ka lo ban vat a , Hruaizela chu rawn nui deuh sakin ,"I tihnat chuan ka that ang che , tun chiah I kianga let lehna hun ka pe ang "tiin min melh ran a , lo melh ve sakin ,"Tun chiah niloin he tun chiah hian ka dam chhung hun a daih ang "tiin nuih sakin nautei ka chhuahpui nghal a .



"Matt, I thinrim em ?"nautei chuan a rawn ti ti dak a ,"Ka naute ,thinrim chhan tur ka nei hleinem"tiin a chalah ka fawp vang vang a ..
.
.
.
.
.
AFTER 3 YEARS
.
.

Bawiha leh bawihi chu an mutha nge tha lo enin an room ah kaut a tui takin an lo thaw sek sek tawh mai ,kum 8 lai anni ve tawh a an fel ve tawh lutuk tlat .


Kan nupa room ah ka lut nghal a , ka nautei leh kan fapa ,phir te nau , Nelson.Malsawmkima kum 2 leh tih chauh chu an lo in aw darh darh a , "A mu duh nange a ?"tiin nautei puak lai Nelson chu a hnunglam a tang ka bik deuh dek dek a , min lo en khiau mai leh nghal .



"Aw , tunlai chu duattea(Nelson) hi a sual deuh tlat a"a ti a ,an inawihna a rei tawh nen tinge maw a mut duh reng reng loh chu aw .

"Khawi keiman ka lo awi ang "ka fapa ,a nu mitmeng ang taka mengfiah zet mai chu puak tumin nautei puakpuan ka phelh pui vat a .Duattea pawn min lo duh lo hran biklo, ani hi chuan a chang hian a nu ai mah hian min ngai ni te hian ka hre thin .


Ka thiam ang tawk chuan ka awi ve a ,kar loh a muhil nghal ang leh lawi bawk si ,Duattea mut that tirin keini pawh kan mu ve nghal a .


Zingah thoin ka fa u zawk te ka va en a ,an lo tho leh daih tawh , vanneih thlak takin an hriselna a tha em em ,an harhvang hle bawk .


Kan room lamah ka intifai a ,khumah chuan Duattea , a mitmeng chauha a nu chhunna nei , a dang zawng ka tetlai ang em em mai chu a bawkkhum zawng hian a lo mu meng leh kiau tawh mai a.Tunlai te hi a sual a chhuak a , a nu ngen loin keimah min ngen a ching thar a , a chang chuan a buaithlak deuh lam mah a ni thin .



Bawiha leh bawihi chu school lamah driver in a thlah a ,keipawh office kal mai ka tum chu Duattea'n min ngen tlat pek a , a tap nasa bawk nen office kal lo mai ka tum a ka nautein kal turin min tur lut tlat thung .


Fate'n tap chunga min ngen hmuh chu hna thawh pawh a phur awmlo teh e , ka fate leh ka nautei hi ka chakna an nih rualin ka chakloh na pawh an ni ,ka hmangaih ngawih ngawih bawk .


*MALSAWMTLUANGI P.O.V*


"Duatte , tlangval an tap ngailo tap tawh suh le , bang tawh le "tiin ka fap , a pa ngena tap hliam hliam chu ka thlem mawlh mawlh a .

"Papa"a tihliam hliam reuh a , hmuh nuam zawk zawk a ni hauhlo .

"Tap tawhlo la , papa bulah chhunah kan kal dawn nia "ti chungin ka thlem ve ngar ngar a , a tah bang meuh chuan ka zawi ber tawh .

"Mate, zanin kha in theihnghilh lo tiraw?"tiin phone call hmangin Kimtei chu ka fapa tlei lai chuhin ka bia a .Ani pawh inbiak laiin a fapa Richard , Duattea nen a kum inrual chiah chu 'kha kha khawih suh','i pa in a hau ang che','tisuh' tih velin a hrilh pah reng bawk a .


Ani hi Max nen an in neih a ,fa pakhat chiah an la nei bawk ,"Theihnghilh love ,kan lo kal hma dawn nia "tiin kan inbiakna kan titawp thuaia .


A hnu chuan eng eng emaw tiin ka che ve leh a ,Duattea mut hun a nih chuan a mu leh duh tawh tlat lo 'papa'a ti deuh tiau reng mai .Zanin a kan chaw eikhawm na mitur mamawh tlem lei ngai a awm a chu mi lei pah chuan Zonunkima te office ah pen pah ka tum a ,Duattea chu ka thlak nghal sawk sawk a , driver awm lai a ni bawk nen Station lam kan pan nghal thuai a .



Station kan thlen chuan min lo be ding ve nak nak hlawm a , Duattea chu an han chhaih chhawn vel pawn a nui hlei theilo .A papa bulah hruai vat a ngai a ni, a la muhil lo sual bawk nen ,tunlai a sual chhuah hun lai ni bawk nen Duattea buaipui hi a khir thin riau mai .


"Papa kan rawn lut dawn a nia "tiin ka fapa pawn chuan ka lut nghal a ,"Ka naute duat , duatte lo kal ru "tithum dut chung hian a file enlai dahin kan lam a rawn pan nghal vat a ,kan bula lo thlen chuan ,"Papa"tih pah hian Duattea'n a pa a lo ban nghal vat a ,a pa pawh chuan lo pawm ve nghalin Duattea chu a pa awmah a bei than reuh a ,Matt chuan duat tak hian a fapa chu a samah a lo chulsak heuh heuh bawk.




Duattea a pawm lohna lam chuan min rawn hui zeuh a va awm hnaiin a awm lum nuam takah chuan min kuah nghal vang vang a ,a nuam ngei mai .Ani ang pasal ka nei hi ka lawm takzet ,ka chhipah a rawn fawh nghal vang vang a .


"Thu ang, I ke a kham lutuk palh ang "a rawn ti a ,min kuahna ata awm hrang thutin thutna lam chu ka pan nghal a ,ka bulah chiah min si chetin a rawn thu ve nghal zat .


"Duatte ,mommy bulah I kal duh em ?"tiin a Duattea chu a zawt a ,ani lah chuan ,"Papa "tih chauhin a chhang .

"Papa hi min ngai viau a mi a ka fapa?"tiin a fapa ,a awma bei kak chu a fawp zeuh a 'Aw'tih nan a lu a bu ve nghut nghut reuh a .


"Naute,Michael leh Martin chu I hrilh tawh em?"

"La hrilh lo ,babe nangman lo hrilh mai la "nuih tlawm deuh chung chuan ka ti a 'Aw'tih nan a lu a bu nghut a .Hetia a lu a bu nghut thin hi a lawm a fate pathum hian an chhun fuh leh zual em em na chu .



"Duattea kha a mut a hun tawh sia ,a mu duh tlat lova , nangmah a ngem zel che sia "tiin Duattea chu ka en zeuh a .

"Kan haw dawn nia "a fapa lu a chul chung hian a rawn ti a .

"Hna khawih lak lawh I nei lo emni?"


"Ka nunah nangni aia pawimawh an awmlo "ti ril ruihin a ban leh lamin min rawn kuah a .

In kan thlen chuan Duattea mutchhuak pawh a ham bai bai tawh mai ,puak ka tum lahin a duh reuh silova ,Matt chuan a uniform ha chungin a fapa duattea chu a awi mu leh te te phawt a ,inbual zawha a hak tur lak chhuah sakin kitchen lam ka pansan ta a .


Nu Roi ,eirawng min bawlsak thin tu chu puiin eng eng emaw kan sian dun a keima tawkah chuan buai ka intih ve lai ber a ni hial ang ,Duattea'n a sual a chhuah te nih loh chuan .


"Mate,kan rawn thleng "sitting room atang chuan Kimteii chu a rawn au lang lang a ,ka thil tih lai kalsan chuan an lam ka va pan nghal vat a .


"Tluangte ,khawnge Matt hi a awm a ?" tiin Max chuan min rawn zawt thuai a .

"Duattea a awi mu a "ka tih chuan za zet hian a rawn nui chhuak hawk hawk a .

"Max nuih reng reng suh,I tluk loh bik Zia chu .Mate ,keichu Matt hi fel ka ti em mai ,chutiang tih nachangte a hria a ,kan pa ve hi chuan zahah a la tlat a ,inla pa leh lutuk mai "ti thlakin Max chu a melh nghal ram ram a ka nuih a za kher mai .


Zanriah ei hma in Richard leh Duattea chu kan hria puar hmasa a , phir te unau erawh ka nu leh pa te in lamah chaw eiin a awm thung .Duattea'n a sual chhuah lehin a mu duh reng reng lo mai a Richard zawk chu phir te unau room ah an mut tira .


A pate Martin leh Michael ten pawn ve an han tum a a lo duh lo nasa ngang mai "Papa"a tinghal zel a ,a mittui a tling teuh zel bawk nen Matt chuan ,"Pawm lo mai rawh u , ka fapa duatte hian a hlau che u nih hi "a la ti zui.


Kimteiin Richard a murtir na lamah a phone a theihnghilh avangin room lamah a chho leh a chutah a rawn rak nghal chiam chiam a,hmanhmawh zetin kan vai chuan kan tlan chho ve nghal a .

Room-a kan luh chuan Kimtei chu leiah a thu sawp niai a ,mipa pakhat a dum veka inthuam,a pian hmang leh piang phung pawh chhe lem lo tak ,lian ve tawh tak hian silaiin Richard chu a lo tin reng a ,Martin leh Michael pawh chuan an silai la chhuakin an tin ve nghal zat bawk .


Richard ban rek atang chuan thisen hi a rawn chhuak zawih zawih a , a mit a chhing tlat bawk si.Max thinrim thaw ri hrawih hrawih chuan a fapa duh dah taka pawm chunga silai a tinran tu ,thisen chhuah nasat avanga nikhaw hrelo hiala siamtu chu thah ngei a tum tih a lang reng .Martin leh Michael te chuan an silaia tin ran chung chuan Richard pawm tu lam an va pan them them a .




"Rawn kal hnaih tawh su "a rawn titeng chhuai a silai riin a zui nghal ,Richard pawmtu Khan naupang khawngaihthlak chu a thlauh tawp a ,chu ve leh Max chuan Richard chu pawmin ka lam a rawn pan nghal vat a , ambulance kan call tawh bawk .An lo thlen hmain ka thiam ang tawkin ka lo buaipui bawk .



*MATTHEW .P.O.V*



Naupang pawisawilo chunga rawngtaka cheti,Max ka unaupa fa ngei thisen chhuah ngamtu chu lock-up ah kan dah nghal a ,Richard pawh damdawiin pan pui nghal niin a nunna pawh a chhanhman a ,a dinhmun erawh a tha viau lo .


Kha zan teh hrep khan kei leh Max in silai kan kawl lova ,chupawh ka nautein kan fate hmaa chelek fo a phalloh vangin a ni .Max erawh engvanga pailo nge a nih kha hre hauhlo .


"Matt "tiin Max chuan min signal zeuh a ka hrethiam a ni tih lantir nan ka lu ka bu zeuh bawk .Kan mimawlpa kha a inpuang tawh a ,ani khan Richard ,Max a fapa niloin Duattea ,ka fapa ngei mai chu a ni that a lo tum zawk ni .


Mahse kha ni khan Duattea kha a mut duh tlat loh avangin Richard room a muhil zawk kha Duattea emaw tiin thah a lo tum a ni .Tunge a tir tu a hrelo , a hming leh hmel engmah a hrelo ,a hriat chhun chu phir te room ah khan tlaiah Duattea muttir thin a ni tih chauh leh thah ngei tur tih kha a ni.


He thil titu leh kum 8 kal taa ka naute duati hospital atanga ru chhuak tu kha thu hmun an ni ngei ang , an hnu a fel faiin chhuizawm harsa tak a ni ,a theihloh tihna erawh a ni hauhlo .



"Daddy"bawiha chuan min rawn au lauh lauh a ,"Bawia khawnge mommy hi a awm. ?"ka ti nghal a .


"Room ah a niang "tiin a thil en lai a en leh nghal daih a .

Kan nupa room ah chuan ka lut a khumah Duattea a lo mutpui a ,min rawn hmuh chuan bengchheng lo turin min hrilh nghal vat bawk .


An bulah chuan muthla vein ka naute duati chu ka kuah vang vang a ,a hmuiah fawp zeuhin ,"KA HMANGAIH CHE "ka ti a a sam ah hmai ka phum nghal daih bawk .


"KEIPAWN KA HMANGAIH LUTUK CHE "tiin ka lu a rawn khawih a , kan chunga chhiatna duh tu hi tupawh nise ka chhungkua , ka fate leh ka nautei hi tuma tih nat mah ka phal ngai lovang ,ka venghim tlat dawn a ni .


#####THE DND#####


##########*SUS AMORES* CHU A TAWP KAN THLENG LEH TA RENG MAI , A TIR ATANGA A TAWP THLENG A MIN LO CHHIAR SAK THIN TUTE CHUNGAH LAWM THU KA SAWI TAK MEUH MEUH A NI E 🌼💜🌿......STORY DANG NEN INHMUH LEH THEUH KAN TUM DAWN NIA ####A TAWP NA NI BAWKA COMMENT MIN LO PEK SAK THEUH DAWN NIA 🌼🌼🌼💜💜🌿🌿🌿🌿


#####A tawp hma inti em?,....eng nge tih zawm leh in duh nge duh lo ?,in thu thu a ni e #####

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 16th, 2021, 4:14 pm

*SUS AMORES*

By:Hluhlui chhangte


Chapter-24


*MATTHEW.ZONUNKIMA P.O.V*


"I tithei ang maw?" tiin Max chu ka melh zeuh a , hetiang em em a a thinrim hi ka la hrengailo ;mahse, a fapa ngei chunga rawng taka kut thawh ngam an awm avanga thinrim a ni tih ka hria ka dem hranlo ,a awm hialh hliah zawk .


"Thei "tiin kan hma lam kawngkhar awm chu a pang ding nghal a , zui ta mai lo chuan thawk ka la vang vang a .

"Matt, kan zui dawn lo em ni ?" Michael aw atang pawh chuan Max a ngaihtuah a ni ve ngei ang , "Tah lo awm ila a that zawk ka ring " tiin ka chhang a .

Max hi nghal ve hle thin mah se a thinrim hian khua hmulo in a hnu leh dawn lova chet a chin thin a , buaina che te te pawh kan tawh phah fo .


Kha pa , Richard chunga rawng taka chet thawh tu kha station atang a hruai chhuakin helai hmun , kan thian ho chauhin a kan hriat, kan tana hnawksak te kan thenfai thin na hmun , kan dawp a kan nghaisak thin a hmun ah ngei hian kan hruai a , officer ka nih vang ngawtin ka duh dan danin ka naute ho hmuhah thil ka ti thei biklo ;mahse, sum hian thil tam tak a tithei thung .



Ani , kan chhungkua, ka thiantha ,ka unaute chunga chet thawh ngam , kan pawisawi hlau miahlo tu hi a thil tihsual manah jail chauh maw ka tan tir ang ?!, chu thil chu engtikah mah ka tihauh lovang , hremna chu keini hian kan duh ang ngeiin kan pe zawk ang.

Mipa na tuar au thawm kan hriat chuan Max te awmna lam kan pan nghal a , mi kan dawp na thin , thim deuh mup eng chhe te chauh awmna hmun kan thlen chuan chair a kan phuar beh pa taksa atang chuan thisen a rawnuang chhuak zawih zawih a ,a rawn chik deuh bawk .


Max kan en chuan thisen hi a lo kai nuai tawh a chente hriam tak a hum ran bawk , a hmai te ,a awm te ,a kut te chu thisen in a khat a ni ber .


"Max hi lo va hruai chhuak rawh u "tiin Max ngawi renga ding mel zeuh pah chuan Michael leh Martin te bulah chuan ka ti a .

Anni pawn an hruaichhuak ve nghal mai a , chair a thu pa ka en chuan a thi tawh tih a chiang reng , a kutah chente a bur ve ve a , a lung ah tak chhemte hmanga vih niin , vawi khat mai nilo vawi tam tam vih tih a hriat ngawih ngawih bawk .


Ruang pawh chu dah tha lem lovin ka chhuak ve nghal a , Max pawh a lang pangngai tawh viau e . A thawmhnaw engkim a lo thlak vek tawh a , thisen kai pakhat te mah hmuh tur a awmlo bawk .

"Eng thil mah sawi a neilo , a hmaa a sawi chin bak kha chu ,dik em?"tiin Max chu ka zawt a ,a lo a lo bu nghut thung .Ka phone rawn riin ka naute duati a nih vangin ka pick nghal thuai a .

"Ka naute , eng nge ni ta ?"

"Papa , I lo haw dawn tawh em ?"

"Lo haw tep , thil thleng a awm em ni a?"

"Awm hran lo e , zanin tlaia ka nu leh pa te inah zanriah kil kan ngaih kha I la theihnghilh em lo ang chu tiraw?"a rawn tih chuan ka hrechhuak ve leh chauh .

"Theihnghilh lo e ,ka rawn haw thuai ang "theihnghilh awmlo deuh chuan ka ti a .

"Awle, ka hmangaih che "

"Keipawn ka hmangaih che "tiin kan inbiakna kan titawp a .

"In lamah haw ka ngai a , thil thleng a awm chuan min rawn hrilh vat dawn nia "Max te ho hnenah a tiin in lam lam panin ka inkhalh chhuak nghal a.


Ka fate thil tur eng eng emaw leiin dawrah ka peng kawi leh a, an inkawp kim a thil ka lei zawhin inlam kan pan leh nghal a .

"Daddy lo haw e ,daddy lo haw e "in chhung ka luh rual chuan ka fanu neih chhun bawihi chu a au nghal chiam chiam a , bawiha pawh ka lam panin a rawn tlang nghal vat a .Bawiha leh bawihi chu ka lo kuah hle hle a , kitchen atang chuan duatte pawh a rawn tlan ve det det reuh a ,a hnungah ka naute duatin a rawn zui bawk .


"Kha ule , inthil tur " ka fate bianga fawp pah chuan ka pe a , duatte pawh ka bul a rawn thlen chuan lo pawm vatin ka lo chhaih fiam nghal a , a rak ve chul mai .


"Duattea hi inbulah lo awmpui ve hrih rawh u aw "tiin phir te unau chu ka hril a , an lo awmpui ve mai bawk .Ka naute duati nen chuan room lamah kan inzui chho a , room ah lutin ka fawp nghal vang vang a .

"Ka ngai lutuk che "tiin ka fawp nawn leh a , nupa niin chhungkua din tawh mah ila , a hlatah reilo te ka awm pawn ka ngai nghal ngawih ngawih zel .

"Keipawn ka ngai lutuk che "a rawn ti ve a ,ka kuah nghal hle hle a .

"Ka fate nu I ni hi ka lawm , he khawvela nu tha ber leh nupui tha ber I nih hi "ka tih chuan a rawn nui deuh suk a ,"Papa tha ber hi ka pasal I nih vang chauh a lawm "a rawn ti a anui leh suk a .


Rei tawk fang kan inluah hnu chuan ,"Kal chhuah kan ngaih sia , inthlak tawh mai la "tiin awmhran a tum a ,ka kuah nghet zual sauh thung .

"Ka nu leh pate in lamah chuan zanriah chu kan eilo mai dawn mi ?" tuna kan awm dan anga awm reng ka duh vang chuan ka tifiam a , ka rin dan chiahin min rawn chhang bawk ,"I ti awm ang lo em mai , chutiangin ruahmanna siam tawh sa an thulh ngawt ngailo , I chauh deuh chuan naupang ho ka va kal pui a nga ,lo mu hah dam la " a rawn ti a .


"Ka tello pawn kal chu I duh tak zet a maw ?!"fiam ka chak tlat pek , ka thinrim der nghal zat bawk .


"Kha tiang zawng khan ngailo la , I chauh ka rin vang chauh a nia "a rawn ti a , ka kuahna ka thlah hmak bawk .


"Papa, I thinrim a mi "a rawn ti a ka la chhang chuanglo .

"Papa, thinrim suh , chuti kan kallo mai dawnn nia "a rawn tinghal chul a ,a mah enin mithmul ka san zeuh a , ka toder tih hrethiamin ,"ZONUNKIM "a rawn tinghal vak a , ka lo nuih sak thung .


*MALSAWMTLUANGI P.O.V"


Ka nu leh pa te (Matt nu leh pa te zawk ) inlama zanriah kan kil zawh tawh hnu ,thut khawmna lama kan awm lai chuan rin loh deuhin Matt cousin pakhat ,hmeichhe sam ngil sei tak nei , hmel pawh chhe lemlo tak hi a a rawn lang hlawl a .

"Nu , pa "tiin ka nu leh pa te chu a rawn au nghal chul a ,ka nu leh pa te pawn hlim tamin an lo kuah ve mai bawk .

Matt pawh rawn kuahin ,"K ngai che "tih pah hian a biangah a fawp nghal zeuh a ,Matt lah chu a lo nui mai mai leh nghal .

Keierawh ka thin a sa zak thung ,"Heihi ka nupui Tluangtei a nih hi "tiin min in hmel heist tir a ,"Ka naute duat , Ahruaii a nih hi ,ka cousin"Matt bawk bawk chuan a rawn ti leh bawk .

"Nupui, Matt nang hian nupui I nei tawh maw ?!"mak tih hmel zet in Ahruaii chuan a ti deuh hu a .

"Aw , nei tawh , hei kan fate "tiin naupang ho chu a inhmel hriat tir leh nghal a .

Mak tih hmel zet hian Ahruaii chuan kei leh ka fate chu min entawn chhen a , a awmdan hi ka lo millo ve ngawt leh nghal .

"Tluangte chinai , inineih ka lo hre ve miah lova"tiin Ahruaii chu pangngai deuh zawk hian a rawn ti a , a nui deuh sang bawk .A mitmeng erawh chuan thil dang daih a sawi thung .

"Nia , ka hmu lo deuh che in ka hre reng a ni "tiin tha deuh chuan ka lo chinai ve mai bawk a .Ka nu leh pa pawh room lamah an inzui lut nghal a .

"Matt , min ngai ve lo mi " tiin ka pasal malchungah chuan a thu nghal a , ka pasal lah chuan ,"Ngai ve thin e , I awmna lam te a nuam maw ?"tiin a mal chung atanga a chhuk tir ka rin teh reng nen chutiang thil chu a ti hauh lo .Ka la sawi loh takin Ahruaii hi a la upa hranlo ,kei aipawn kum 2 /1 velin a naupang zawk mai thei ;mahse, a awm dan hi ka tih theih zawng a ni hauhlo thung .



Naupang ho lah chu engmah hrethiam loin an inti tak reng bawk si , kei leh ka fate pathum chu kan thu khawm a , Matt leh Ahruaii erawh kan opposite chiah ah an thu thung .

Ka pasalin min ngaihsakna nei lo a a awm chu mak ka ti , ka thinrim a ka lungawilo tak zet .A fate hmai eng pawh a za zawilo zawk emaw ni , saw tiang a hmeichhe dang a cousin pawh nise han pawm deuh tlat te chu a .


"Matt , I fate hian an chhunlo che e "inthlahrung hmel tak ,zak map silo hian Ahruaii chuan a rawn ti a , ka sa zak mai ,"Maw?!"ka ti nghak vak a .


"Ahruai, I la hmuh tam loh vang mai a nih kha , min chhun lutuk zawk , ka naute duat au vako la , naupang I tihlauthawng lutuk palh ang "Zonunkima chuan a rawn ti nghal a , a aw kaah chuan min dem deuh te pawh a ang zawk .Ka awih theilo,ZONUNKIMA hian hetiang mizia a nei tih hi , haaaaaaaa....



"Keichuan in inang vaklo ka timai chauh a lawm , I fate a nilo pawh ka ti lo a nia Matt , Tluangte tihpalh aw "tiin Ahruaii chu a inhnit nghal faih faih a , hrep taka ,tunah khan eng nge tah chhan tur awm ?.

Zonunkima lah chuan a awmah a la kuah bet ang deuh deuh a , eng nge maw an hriat chu le ?!,kan awm ve tih hi an hrelo hial zawk em maw ni ?!, Ahruaii chu min enin a rawn nui deuh sak a , tunah khan min ti el tih ka chiang , ka pasal a melh dan zawng zawng pawh kha ka hmuh hmai lo .Cousin inti siin an lo inkawp ve reng thin zawk em ni ?!.


"Ahruai ,tap tawh suh , tuman an demlo che a nia "tiin Zonunkima chuan a la thlem ang deuh deuh leh nghal a .Ka thik, ka thik ngawih ngawih , a cousin dang te pawh tisawn tumah a nia in thik ngai khawpin a awm pui ngailo mahse Ahruaii hi chu a dang lutuk tlat .


"Tui ka va la ang "tiin Zonunkima chuan melh pawh min melh eih lovin Ahruaii a pawmna atang a thut thlak tirin tui la turin a kal nghal a .

Ahruaii chuan min rawn nuih sawng in ,"Tluangte , Matt nen hian inthen ru "a rawn ti a min nuih deuh sak bawk .


"Eng nga?!"mak ka tih zia chu ka thup thei hlawlo .

"Matt hi ka ta chauh a nih hi , I mit ngei pawn I hmu a ni lawm ni , min ngaihsak zia chu "tiin a mithmul min san khum zeuh a , ka thinrim lutuk chu ka puak keh lo chiah , ka fate an awm vang mai a tilang lo ka ni thung .


"Eng ang pawn Matt hi lo ta chei mahla , kei leh ka fate ta chauh a ni tih theihnghilh suh "mitmeng ling hlar chuan ka ti a .

A thinrim chu a thutna atang a rawn ding chhuak a , Duattea ka pawm chu thut that tirin a hmaah tak ka va ding ve nghal a , ani pawh a zam loh chuan eng vangin nge maw ka zam bik ang le ?.


"Then vat la a ni mai , I fate nen hian hmun hla taka kal bo ru "tawng rin vak hlau si, thinrim fe chung hian a rawn ti a .

"Ka pasal , ka duhtaka ka neih ,ka hmangaih hi eng tikah mah ka then lovang , keichu a nupui, a fate nu ka ni, nang erawh a cousin "tiin ngeiawm fe chuan ka nuih sak a .


Thinrim fe hian min melh ran a , kan bula awm side table bulah chuan thing thiin a chal a tauh nghal chawrh chawrh a , a aw nghal chiam chiam bawk .

"Engthil atthlak nge maw I tih le"tiin dan ka tum a ,a chal tauh tur chu dan tumin a luah ka vuan bet a ,"Tluangte tihpalh "tiin a au chel chul bawk .

"Malsawmtluang , engthil nge maw I tih phiangsen chu le ?" Zonunkima chuan a rawn tihrawih a , min nam sawn dawrh bawk .

Ahruaii chal atang chuan thi a rawn chhuak nghal zawih zawih a ,Zonunkima chuan a kuah nghal vat bawk .Zonunkima chuan min rawn en a ,a mitmengah chuan eng thil nge a ngaihtuah tih pawh ka hretheilo.

A awmdan chu mak ka ti ,awih har ka ti bawk ,ani hi ka pasal Zonunkima ngei kha a ni si a ,engtin nge sawtiang sawn a awm theih zawk .


"Malsawmtluang , eng vanga tinge I nih ?"a rawn tihrawih a ,tunah khan ani khan min vin a maw ?!.

"Engthil mah ka tilo "ka tive that bawk .

"Ka mit ngeiin ka rawn hmu che a ,phat I la tum cheu a maw ?!"a rawn ti leh a ,min rinna pakhat mah a neilo tihna em ni ?,a nupui thusawi hi dawr nge thu tak tih tal pawh fiah a t lo a maw Zonunkim , I lo mak khawp mai .


"Engmah tih sual ka neilo Zonunkim, min rinna chhete mah I neilo em ni ?"rilru na fe chuan ka ti a , Duattea chuan a hlau ni ngei tur a ni ,min rawn ban ve chhen bawk a .


Zonunkima chu a ngawi renga min en reng ringawt , ka pasal mah nise ka haw takzet , Duattea chu ka puaa bawiha leh bawihi chuan min lo en ve kar bawk ,an ban ve ve ah chelhin ka dinpui nghal a .


"Khawng kal in tum"Zonunkima bawk chuan a rawn ti a .

"Lo buai suh , mahni nupui te pawh ring lo tu hi kei leh ka fate hian kan mamawh lo che " tive salh in kawngkhar lam kan pan nghal a .


"Malsawmtluang , din rawh "tiin Zonunkima chuan min rawn au a , hre lo der hmakin ka fate chu ka kal luih pui zel a .


"Khawiah mah in kal lovang "tiin min rawn pawt ding a , "Min thlah rawh , engmah hrechiang lovin min ring chhe nghal ngawt a , thil awmzia hriattum hmasa hauh loin thiam loh min chan tir bawka , eng ang pasal nge maw I lo nih chu le , Ahruaii natna I hmu thei a ,I nupui natna I hmu leh thiam silo "tiin ka fate ka kal luih pui nghal a .


Min dang a rawn tum leh a , Ahruaii chuan Zonunkima chu a rawn chelh bet nghal vat a , rilru na fe in in chu kan chhuah san a .



Ka fate nen chuan kea kalin ka nu leh pa te in kan pan nghal a , kawng lakah chuan ka miitui a tla leh thin .Engvanga min ring chhe em em nge maw a nih chu le ?, Ka pasal ka inngahahna a nia sin .



Mawtawr rawn tlan a awm chuan ka lo phar vat a chuan ve ka dil ta tawp a , ka nu leh pa te in pawh kan thleng ve thei ta hram bawk .

"Mambawih , eng nge zan zanah ino tih dawn a ?"ka nu chuan min hmu thut chu mak tih hmel fe hian a rawn ti a .


"Nu ",ka ti tiau a , min en reng hnu chuan inchhung lamah min luh pui vat a .

Ka pa pawh a lo la meng a , duati erawh a mu tawh thung .Ka nu chuan bawiha leh bawihi chu ka room ni thin ah khan a muttir a , Duattea pawh an khum lamah a mut tir nghal bawk .


"Mambawih eng nge thil awmzia , in pain a hnawtchhuak che u tihna em ni ?"ka pa chuan a rawn ti a , ka nu leh pa te chu thil awmdan engkim ka hrilh ta vek a , ka nu chuan min khawngaih zet hian ,"Matthew chuan a va tomak ve a "a rawn ti a .



Ka pa pawh a hmel ah chuan a lawm bik hauhlo tih a lang reng , engmah phei chu a sawi hranlo ."Hetah in awm hrih dawn nia , in let ka phal tawh hrih lo "ka nu chuan a rawn tivat a .

Cont...


#########The end kan ti tak nangin ,ka rawn chhunzawn leh , a chhang chu comments lamah kan hriat theuh ka ring 🌸🌸🌸💙💙💞💞❣️💞########

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)