Im Yours By Apuii Tlau (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

Re: Im Yours By Apuii Tlau (Completed)

Unread post by Ngaia » May 16th, 2021, 8:11 pm

Chapter - 19








Lengpui kan thlen rual rual chuan motor pawh park fel hman loin kan zuang thla nghal ani ber e.Hmanhmawh zetin Airport chhunglam ah kan tlan lut a,mipui an lo tam ngei mai.Khawi ah nge an hruai ang tih ber tur pawh hriat thiam har tak ani.











"Sir counter lamah va chian hmasa phawt teh ang" Soma in atih rual chuan mipui karah chuan hmanhmawh fe chaun kan tlan phei nghal a.Chutia puitling hmanhmawh tih hriat taka tlan dun chu an hmu duh ngei mai.Mahse chutianglama rilru pe thei ka ni lo,ka nupui ka chhan ngei angai.










"Miss,Kolkata lam pan tur thlawhna hi dar engzat ah nge a chhuah dawn, hnai vai deuh a awm em!" Counter kan thlen rual chuan Soma chuan ati vat a.Countera thu hmeichhia naupan hmel zet chuan min melh dun zauh zauh phawt a.










"Tunah hian a chhuak dawn chiaha pakhat hi adang chu naktukah ani tawh mai!" atih rual chuan ka thaw hawk a,bang chu ka chhuih nghal chawrh bawk."Sir!" an rawn tih rual thawt pawh chuan engah mah ka ngai thei tawh lo!










"Khawiah nge chu chu awm,an chuang fel tawh em?" ka tih hrawk chuan hlauhhmel zetin min melh ti dak a,rilru hmanhmawh tawh nen,bang chu ka chhuih leh dawt rual chuan an te that hlawm bawk.









"Sir,inbengdai rawh! Khawngaihin thlawhna chu a chhuah hma hian ding turin ti vat rawh u" Soma chuan a rawn ti nghal thuai a.Chutih lai tak chuan hnathawk ve tho mipakhat form ha hi lo kalin buaina awm em tih a rawn zawt a.Soma chuan alo hrilh nghal zung zung zel a.Kei erawh nan hman loh hlau in ka hawi kual ruai tawh.










"Sir,passenger an chuang kim vek tawh a,tunah chuan an thlawk tan tawh ang, kan tan chuan tih theih a awm lo! Kan ai sang te bia ula mahse in inbiak chhung chuan an lo thlawk fel der tawh ang!" atih rual chuan a kawr awmah chuan ka tham kang nghal nawk a.Ka nupui hi ka laka tang tuman an la bo hauh lo ang.










"Ngawi chip chawm rawh, khawilamah nge a awmna min hrilh la a tawk" ka tih khur khur chuan hlauh hmel zeta min en pah hian veilam chu a kawka a kawrawma ka thamna chu thingthla nawk in veilam pan chuan ka tlan nghal bawk.












"Min thlah nghal rawh u!" ti pah chuan min vuan bet tute zinga pakhat chu ka tlawh thal tawp a.Pakhatin min rawn hnek atum rual chuan lo thle sawn in a kuta force pe na lutuk avanga rawn awn phei chu a khabe ah ka lo hnek chho pawp a,thi nghal zawih zawih pah chuan a te tial ruai nghal.Pakhat ka bana lo la chelh ve tu reng chu ka ban thlaha min hnek ve a tum rual chuan ka tlan thut a,min rawn um ve nghal chu remchangah la in ding zawt a inher pah chuan ka kick phei pawp a.A thal chiang hle.Heng mi 3 te hian ka airfield chhuak tur kha min lo dang ve khang lang a nih kha.











"Nilo!" Darthlalang atanga ka en chuan Spicejet chu chet tual tual in a tlan ta mai.Rang zeta pawnlam pan ka tum chu ka keah ka tlawh tluk hmasak pa ber khan alo vuan a.Tlawh leh chawrh pah chuan ka tlan chhuak nghal.Mahse a liam hman....Hrep hian !!!
Ka au nghal tuar tuar a,mahse min hlat tulh tulh thung.











Engtin nge ! Lalpa ka chhan hman lo! Hrep hian! Mipa nep tak ka ni,ka nupui mangang taka min au tu pawh ka nang hman lo chu ani sia! Hrep hian! tih hluk pah chuan railing chu ka tlawh chiam chiam a, mahse engmah ka tan hlawkna a awm hauh silo.











"Sir!" tim daia rawn ti tu lam chu ka hawi vata ,Soma chu ka bul lawk ah chuan alo ding reng tawh."Thu neitute lam phone kal tlangin ka bia a,mahse an theih loh thuin min chhang tlata!" atih sup chuan thinrim zetin thawk ka la kawk a.Kha Goenka phiangsen khan a vau anih loh chuan a tham fel leh hman vek tawh ani ngei ang!












"Soma inbuatsaih ru, Naktukah Kolkata kan pan ang.Zanin ah inza vaiin rawn kim ang che u!" ka tih hmuk chuan hnial chiah min ngai lo nge bu nghat in a phone ala chhuak a, a team te a call ta nghal bawk.









Thinrim inthunun tum zet chuan motor lam ka pana! Ka ngaihtuahna te chu an nu bulh bulh mai.Ka naute kha muthilhna damdawi an pek in hna a thawh loh huna alo harh chuan mangang taka min zawngin min ko ngei anga! God!!!!










A chungah kut thawh an awm anih phawt chuan kha amah hringtunu ngei pawh kha ni rawh se ka that fai vek ang!









Motor chhunga ka luh rual chuan ka phone alo ri ve chiaha ning zet chuan ka ban nghal bawk.Caller Id ka hmuh chuan ka be chak lo kher mai!








"Hello!"









"Zosang enge ka thu hriat hi? Ka fanu abo amaw!?" a rawn tih hrawk chuan ka lo thaw hap a.Pa invawng fel leh hmelchhe lo tak zahawm tak leh pa ve tawk tak a kum ngaihtuah chuan ala tha lai hle tih tur ania,a fanu hi a hmangaih hle bawk.










"Ka tihpalh ani! Ka rawn hruai haw leh ngei ang tih ka tiam a che" ka tih nghut chuan a thaw hawk ri chu ka hria a,beidawnna lam ani hial ta ve ang.Nu Rinsangi tap thawm ka hre ta ruai ruai bawk , hrehawm ka ti zual kher mai.Ngaihngam taka min enkawl tir an ni a mahse an duh ang in ka enkawl leh thei silo.











"Tun chiah ka sawi ang! Ka fanu ka duh, hetah ka kiangah alo kir leh ngei tur ani, a tul chuan apa pawh hian ka zawng mai ang Ka fanu kha rawn hruai haw ang che" a rawn tih nghut nghut a.Pa zai dam zawk zawk ani bik lo mahse kut a thawh ngai loa,rilru chhia apu hran lo bawk.









"Engpawh thleng se ka rawn hruai haw ang! Ka nupui ania, Nu Rini pawh kha lo hrilh rawh, ka lo hruai haw em em ang" ka tih sup chuan kan inbiakna pawh chu kan ti tawp zui nghal.










Kan inlam pan chuan thinrim tun chuan kan tlan let leh a.Bungrua leh rua hmanna fel tak nen anih loh chuan khung Gunda pawl lian lutuk neitu mai bakah sumdawng politics lama tla na tak tak te lak atang khuan kan la chhuak thei hauh lo ang.Mahse a pasal ka awm a ka nunna hial hlan ngai pawh nise kan ramah hian ka hruai kir leh ngei ang.











"Sir...Abi chu Sillongah a awm a,helicopter in zanah alo thleng chho hman dawn anih chu! Mala leh Dawnga te hi Lunglei lamah an awma an lo tlan nghal bawk.El hi kan mamawh angem ka hre lo a mahse ka call tel tho alo thleng ve thuai ang!" Soma in report a pek zung zung chuan ka lo bu nghat nghat a.Ka nupui chhan chhuak tur chuan Mythic Players ho aia tha an awm hauh hleinem!










"Ara hi!" ka tih nghut chuan a zia deuh tawh thu leh a mala an vihna vangin duh angin ala che tha thei dawn silo a,tun tum chu a tello a kan tih angaih hmel thu a sawi chuan ka lo pawm ve vat a.Mahse Amah pui hian a lo hriat thawi leh chuan alo kal ve leh duh mai ang.











In kan thlen chuan Abdula te chuan chanchin min lo zawt vat a, ka chhan hmain Soma chuan alo hrilh ve vat bawk.Inchhung kan luh chuan El chu Sofa ah alo mu zar a,ani hi kan team naupang ber niin Hacker turu zet mai ani bawk.Kum20 mi chauh ani.(Heta tang hian ka lo muhil daih a😁)











"El!" ka tih hmuk chuan alo hawi chhuak vata min hmuh chuan ading nghal vat bawk.










"USoma khan min lo hrilh a, ka lo kal nghal!" atih ve sup chuan ka bu nghat a.










"Zanah dar 7 ah kan tan dawn nia, ka rooma ka awm lawk dawna min lo ti buai suh ang che u!" ka tih leh nghut chuan abu nghauh a.Thinrim ru tuna awm chu a hah thlak ani.









Room ka luh chuan ka hawi kual hmasa phawt a.'An ni kha rawn inlan lo se chu tunah hian ka bulah a awm tawh anga, a ti tau pawh ka thlem mai thei asin'.Engthil nge maw ka ngaihtuah hi ni.










Kan khum mawnglamah chuan ka thu thla dawt a, ka khup ah ka kiau nghat in ka kut phah chuan ka mai ka hup vang vang bawk."Tinge Ara chauh kha abulah ka lo kal tir?A nunna a der thawng tih hre reng chungin? Ka thiam loh vek ani! Bawihte khawnge i awm?" Khumah chuan muthla leh in ka mit chungah chuan ka ban chu ka kham phei a.










Ka phone rawn ri thut avang chuan ka harh chiang hle.Nizan ka mu tha lo nen ka lo chhing deuh hman ani ngei ang.Ka phone chu ban vatin ka en a,caller Id UNKNOWN tho.Tho chhuak pah chuan rang zet in ka pick up nghal a.








"Hello!"








"Keimah! Ka fanu hnaih ah hian rawn inlan tum buai tawh suh ang che u, anih loh chuan in zawn pawh a in hmuh theih lohna hmun tur ah ka thukru palh hlauh ange!" Rawn ti tu aw chu ka hre kher mai.Ka bulah hian awm ngat se zawng alu ah ka silai mu hian bu a khuar tawh ngei ang.










"I fanu! nia ania lawm mahse keipawh ka nupui anih kha!" ka tih ve hmuk chuan a rawn nui lui hak a.










"Force atangin Love ah maw! A tha e,mahse nanga dan theih ka ni hauh lo ang, ka kiangah a awm tawh a,engkimah ka duh dan zel in le!" a rawn ti ve chuan thinrim zet chuan ka rum nghut a.








"A tawp nan han in be ta che u!" a rawn tih chuan ka chhang tur chiah pawh chu ka ngawi leh ta zawk a rik deuh rak rak a.










"Zo!" rawn ti sap tu avang chuan thawk ka la ham ham a.Ka thin butut lutuk avang chuan insum hman lek loin kan khum chu ka tlawh nghal pawp bawk.Ka nupui hi ka hre chiang ve tawh! a mangang tawpah chauh Zo ti hian min ko thin,chuan a tap ngai hauh lo bawk,anat loh vang lam nilo in, a na lutuk kha lanchhuah tir dan a thiam lo zawk mai ani.











"Bawihte!" ka tih sup chuan a rawn inhnit deuh hraih a, mahse atap chuang lo!










"Zo...min lo hruai haw rawh! Ka haw duh ania kan inah khan!" arawn tih chuan a aw atang amangan zia ka hre thei min ti pik zual hle bawk.A thawk la ri te engkim a rim chenin ka ngai a,ka bulah awm leh turin keipawn ka duh ngawih ngawih.











"Lo hlau miah suh aw,Bawihte...ka lo kal dawn ka lo hruai dawn che engpawh thleng se ka lo hruai ngei ngei ang che! Bawihte engthil pawh tawk la,eng(light) lam zel pan ang che! I hria em? Chuan ka hmangaih che ka tih kha ka hmangaih reng ang che! Ka naute inih kha ka lo lam ngei ngei ang che!" ka tih sup sup chuan a reh deuh vang vang a.











"Ka lo nghak reng ang che! Keipawn ka hmangaih che!" a rawn tih let ve sap chuan thawk ka la kawk a.Tunah khan min hmangaih thu a sawi,nia...Min hmangaih thu! Chhan ka tum leh lai tak chuan phone chu a tawp hmak a.Thinrim zetin khum bawk chu ka tlawh leh vak bawk.










~~~~~~~~~~~~~~

Zan dar 7 a rik chuan kan meeting room ah Abdula te in luah lai lehlam chiah ah chuan kan awm kim thap tawh.Kei, Soma, El, Mala Dawnga leh Abishek! MYTHIC PLAYERS! Keini hi Private a Secrect Agent kan nia , kan hnathawh te mipui hma ah tarlan in awm lo mahse Business man leh politician te chuan min hre lo an awm lo ang.










"Sir! Goenka ho khu kan target anih chuan kan fimkhur hle angai ang! Lam tanga an ngah a,keini lo chu tumah rin loh tur!" Dawnga'n a rawn tih chuan ka lo bu nghat a.










"A hmasa berin engtiang pawn chet la ila, ka nupui himna in ngaihtuah hmasa zel tur ani, chuan a dawt lehah tumah zuah loh tur abul rat thlengin tih chhiat vek tur!" ka ti nghut nghut chuan an lo bu nghat nghat a.










"Miss chu khawiah nge an dah i rin?" Mala'n a rawn tih chuan ka ngaihtuah vata ka ngaihtuah chhuahna hmunah hian an dah nih ngat chuan thisen aluang tam viau ang le!









"RĀJATBA" ka sawi chhuah hma hauha min lo sawi khalh tu Abishek chu an melh thup a.Nia an lalram chhunga hmun him lai berah khuan an dah ngei ang.











" A va.......... ve" Dawnga'n a rawn tih sup chuan an en hrawk hlawm a, huphurhawm tih a sawi hreh chang hian atih ziah dan ani.











"In hmanraw mamawh tur khawm ula, El hian a him chin atangin kan thil tih engkim alo en fel bawk ang.A hmasa berin an inchhung camera leh light zawng zawng kan hack anga engkim ah perfect angai tih hria ang che u!" ka ti nghut chuan zam hmel an pu lo a,an hlim hmel chuang loh inpawh loh hmel deuh hian kan inpawh ru em em hlawm a.Kan tum tawh hlah pakhat mah kan nei ngai lo bawk.












Zan chu ka muhil lo chiang hle! Ka nupui ka ngaihtuah lutuk chu ka mu thei thlawt lo.Chaw an pe ngem? An sawi sa ngem? A taksa a hliam pakhat pawh ka hmu nih chuan ka sawi tawh kha ka tih tur chu ka ti ngei ang.










Dar 9: 25 ah Mizoram chhuahsan in Kolkata lam kan pana, a hu ho lo in Mala leh dawnga nen a hran vekin kan kal, Dar 12:45 pm ah midang ho an lo chhuak ve thung dawn bawk.







Kolkata kan thlen chuan a hran veka Taxi la in kan kal darh a, mahse a ruk theih ang berin kan in Kolkata mi lam kan pan vek bawk.Min chhui ru reng angem tih kan hriat loh avangin kan fimkhur hle angai.







He khawpui ah hian GUNDA ho thisen chu aluang leh ngei ang le!







😁😁😁😁😁😁 12 pelh thleng pawn ka la type ve char char a mahse ka lo muthlu ta tho a😅 Sorry vek u....Chuan lo comment vek bawk ula.



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 16th, 2021, 8:12 pm

Chapter - 20






Zan dar 9 ari tawh a, kan inhnawh puar zawhin kan awmna in(Ka in) chunglam chhawng hnihna room ah chuan chho in meeting room atana kan siam bik bungrua leh hmanraw hrang hrang kan dah na room ah chuan dawhkan kil in kan thu thap a.Hma kan lak dan tur kan sawi ho chuan thaw apik ngei mai! Kan thil tum harsat tur zia hi a taka tawng lo chuan an hrethiam kher lo ang.Kolkata khawpui chhunga pawl lian leh hlauhawm ber kan beidawn chu ani sia! Mahse Kan zam hauh lo!











"RÀJATBA - ah chuan a awm ngei anga mahse an security saw akhauh mah mah engkimah an fimkhur em em bawk a.Ka sawi lawk ang a hma anga tihsual palh awm zeuh pawh a thiang dawn lo! Pakhat te pawh a awm chuan kan nunna tan ngei pawh hian a hlauhawm dawn a, ka sawi leh ang Fimkhur tur!" Abi'n a atih nghut nghut chuan pawm takin an lo bu nghauh hlawm a.Ani hi ka awm loh changa hruai tu ber ani a, Assamese leh Manipuri thlahpawlh ani.Tuna ka hnuai a MYTHIC PLAYERS zawng zawng hi kan college kal lai atanga ka chhinchhiah ruk mi huaisen leh thiamthil nei tha tak tak mi rinawm leh dik tak vek an ni a.Ka chhuang thin tak zet bawk.








"El security lampang kha han sawi rawh le!" ati sup chuan El pawh chu alo ding ve vat a.Angai ang te in a headphone pawh a ngawngah a uai leh reng tawh.









"Ràjatba he hmun hi an family chenna hmun ber ani a, inhre tawh tho ang.An chhungkua chanchin tlem kan sawi anga.Harsh khan Fapa 3 lai anei a, ahnung zui tu erawh tumah anei lo, a fanu berin tunah anihna aluah lan a.In ah sawn Miss ru bo tu ber Arita i leh a fa lak Yash Goenka, Arita nau chiah te nupa leh an fa naupang 2 te an cheng ho mek ani.Security lamah chuan an gate leh a rem chandan a zir in an inbang hual sawn CCTV an dah vek a, Guard hi pawnlam ah 20 vel awm in inchhung lamah hian sawm vel bawk awma hriat ani, engkimah an fimkhur kan tih tawh kha kan lut tih an hre tur ani lo.An inchung zawlah hian Helipath an nei bawk a,an tan tlan chhuah chu rem tak ani" a rawn ti ve leh thuai a.Kei erawh ka hriat lawk vek tawh avangin mak pawh ka ti hran lo.











"Naktuk zan dar 10 ah kan chhuak anga, zanlai dar 1 vela che tan thei turin engkim chhunlamah kan mamawh tur zawng zawng kan ti fel hman vek tur ani.Pawisawi lo kan ti na tur ani lo a,min beih let erawh chuan kut thlak a pawi lo.An nunna erawh ka nupui in hmuh hma loh chu tuman in la tur ani lo,silai hman khap ani bawk. Thawm nei lo thei ang berin chet kan la nga! Soma leh Dawnga te kha Helipath lam bi tum nghal tur in ni, Mala leh Abi leh kei in inchhung lama kan lo buaipui anga, El in inhnung lamah car in min lo nghak ang! Darkar hnih atam ber ah kan thang chuan Police call la, ka nupui an man thu sawiin rawn lut ang che u! Zawhna nei in awm em?"Ka ti nghal hmuk a.









"Sir...Pistol kan mamawh dawn lo tihna mi?" Dawngan a rawn tih sup chuan ka lu ka lo thing a.A tul tawp awmna hmun engkim a inpeih sa vek a kal kan ngai em em tih saw hmun ah sawn a awm thei lo tlat.








"Keng ru mahse silencer in hmang tur ani, Ka nupui in hmuh hma chu tuman inhmet puak tur ani bawk lo!" ka thu sawi apiang ah chuan ka ti mai mai hauh lo tih an hrethiam khawp ang.Ka manganga ka chiai ve bawk, mahse lan chhuah tir a rem ve bawk silo.Ka chhungril tawt lutuk chu tih reh dan pakhat chauh a awm...Ka nupui kha!










----------------------------



LALHRUAIZELI CHINZAH (POV)






Ka lu rit bur chung chuan ka meng diar diar a, tukverh lian ka hmuh rual in ka meng nghal kawk a, khum atanga thu chhuak in ka hawi kual nghal bawk.Room lian leh zau zet hmeichhe room ani tih hriat ngawih ngawih senno dal riai chhungah ka lo mu reng chu ni in.Ka hawi kual a zau in nuam hle mahse rilru a thlamuan siloh chuan hlutna pakhat mah chu room chuan a nei hauh lo.









Ka thil tawn ka ngaihtuah let a, hlauhna in min tuam leh nghal bawk.Keima nu nia insawi ngei in ka hmangaihte lak atang min la hrang in heng mi raothlak tak tak ho chenna hmun ah hian min hruai lut chu ni sia.Ka chungah eng nge atih ang min hralh dawn em ni? Nge min hmang tangkai zawk dawn?.....Ka ngaihtuahna ho te vang pawh chuan hlau in ka khur der der thei.Heng mi ka hnam pui pawh nilo kiangah hian ka awm duh hauh lo.








Mahse tih theih ka nei der bawk silo, Ka tih thei zawng chu Isaac nghah chauh ani.Ka pasal ngei kha!










Kawngka a rawn ri deuh rak rak a, rawn inhawngin khawvela ka hmeichhe huat ber chu a rawn lang ta bawk.Ka huat ber ka ti hi ka ti lutuk em ti lutuk pawh min lo ti mah ula ka haw ber sia lawm, tunge mahni fate kidnap in a pasal lak atang ngei a hruai hrangin misual pawl ah a hruai luh theih.










"Breakfast atan engnge i duh ang?" a rawn tih chuan ngei zet hian ka lo melh a eng atan mah ngai lo tih hriat zet hian min melh let ve kàl in a nui sang bawk.Ka rap deuh hial zawk a rilru hi a kim zan lo ani hial ta ve ang.










"Engmah ka duh lo!" English in min be mahse ka sual ka chhuah ve tlat ang mizo tawngin ka be char char mai ang.Min nin tawpah min kal tir ve mai thei asin.









"Enge awmzia?" a rawn tih hu chuan ngeiawm zeta lo nuih let ve pah chuan ka melh let ve kal a.Kan chezia in ang ru tak thin chu kei tak pawn mak ka ti.









"Ka pasal bulah ka haw duh!" ka tih nghek chuan a hmel chapo tak kha thinrimna in a thlak ang mai in a thim nghal khui a.A mitmeng hlauhawm ru tak leh fiah zet si chu melh loh theih nilo melh ngam chiah bawk si lo chuan ka en a.Ka thusawi kha a hrethiam ve awm tawp silo








"Tawngkam vin min hman khum tawh ngai suh ang che! I nu ka nih hi i nu....tumah midang an awm lo kei chauh hi inu ka nih hi!" tihpaha ka khabe a rawn hmer chu a na ngei mai.Ka ang nghal pam a.Duh lo hle mahila ka meng phe nghal ruai bawk.
Hetiang mihring hi ka nu ani thei lovang!










"Nu pakhat chauh i neih hi hrereng ang che" tih deuh hraih pah chuan min thlah a.Ka tlu tep hial.Kei ai chuan asang daih a, ft 5' 8 dawn vel hial aniang, avun ango a,vai tha chi kan tih ang tur kha ani a hmel pawh a chhe chuang lo a kum ngaihtuah phei chuan mak tiha meng kawk tham hial aniang mahse a rilru chhia leh rapthlak zia hrechiang apiang hian an tlan bo san zel ka ring hial ani.








"Nu pakhat chauh ka nei ka naupan lai atangin chu pawh Rinsangin tunah ka pa bulah a awm mek bawk" tlawm duh bik hauh lo chuan ka ti thla ve rawk a.Lawmman ka dawng ranv khawp mai.Ka biang dinglam sa vat vat chu dawn in ka mittui ka khap per sak a. Ka nu Rinsangi khan min enkawl chhung khan kut vawikhat te mah min la thlak ngai hauh lo.Thlak a hneh in ka pa thin butut ka tih chhuah tum pawn tawngkama sawi fel hram hram turin ka pa a ngen hial bawk.Mihring hi alo va in an loh theih ve.Ka nu tak chu ani tak tak em?










"Engzat atam pawh kut min thlak mahla ka nu hming hi chu ka theihnghilh ngai lovang!Ani chauh kha ka nu a ni reng ang" en kal paha ngeiawm ru zeta nui lui sak a ka tih chuan min melh rum ngei mai.Min ei zo vek chak ang hrim in ani min en ni!










Rei fe ngawi renga min melh hnu chuan thawk la hap in min rawn en tha leh ngat a, a nui ta sak lehnghal.Nui hmel nei thei a pathianin a siam ve te hi lawm hle tur ani.Ani ang mi rapthlak lutuk hi










"Ka fanu ngei ini, min chhun tak zet!" tih sap paha ka benga ka sam akuttang nalh zeta a rawn zeh chuan ka lo beng sawn thuai a.A thinrim a hnehin min nuih sawng paha chuan ka room chu a chhuahsan ta a.Ka thaw chhuak ta ham ham bawk.










Rei lo te ah ka awmna room chu rawn kik leh lut tur a ka tih hma hma chuan a rawn inhawng a, Vai tlangval pakhat hi a rawn lut a,nui hmel pu ngai lo a ang Isaac ang mai ani.









"I lo thleng ta maw" ti sup pah chuan chik zet chuan min han thlek kual a.Ngaithei hek ka lo melh rum nghal chiam bawk.









"In inang tak zet e!" a tih leh sup chuan tu ve ziah nge maw asawi le! Kha nu kha anih loh hram beisei ang.










" Tunge i nih?" ka tih let ve thung chuan a nui suk a.Ka ngei nghal em em ringawt bawk ni leh lo he hmuna awm zawng zawng hi ka haw vek.







" I nu fapa ka ni e!" a tih sup chuan ka meng deuh awk a.Fapa a neih te chuan tinge min rawn hruai kher heng ho hian an sumdawnnan min hralh an tum tak tak amaw ni le!








"Yash!" rawn ti tu aw lo chhuah na lan kan va hawi phei chuan kawngka bulah Arita chu tray chawi hian alo ding reng a.Nichina kut min thlak tu hmel kha chu awm lo ang hmak ani leh tawh.









"Engvanga ka nun ti hrehawm em em nge i nih a? Fapa pawh i neih ve reng hi! eng vangin nge min tih nat reng a.I chanchin ka hriat hma atang tawh in buaina hlir in min tlak buak a chu pawh nangmah vang vek ani.I fanu nih pawh hi ka duh lo " ka lo ti nghal chiam a,ka bula dingpa lo rum deuh nghut pawh chu ka ngaipawimawh zo tawh hauh lo.










"Ngawi chip cham rawh...Zawhte" tih hmuk pah chuan anu lam chu ava pana ka hmusual nge he misual boss nu hmel ah hian natna niawm ang tak a lan ve ni.A fapa chuan a tray ken lai chu lak sak in table ah chuan a rawn dah deuh chawrh a.









"Thil hrechiang hmasa lo hian vawikhatmah tawng leh tawh ngai suh!" tih hmuk pah chuan min melh run a.








"Ka hrechiang lo maw! A fanh ngei mai a chhungte lak atanga la bo a, a hriat ngai lohna hmun a dah tu nu hi eng mi chiah nge anih chu ka hre chiang khawp mai. Ka chunga in thil tih zawng zawng pawh hi in duham luat vang anih hi!" ka ti ve hlak a.Yash a tih pa hmel ah chuan kut min thlak duh mai tur awm ang hmel a rawn pu a.Tlem chuan ka hlau ve ta deuh bawk.









"Engpawh chu sawi mahla ka fanu i nihna abo dawn chuang lo! A tul phawt chuan i nun thin dan zawng zawng pawh nawh reh kan hreh dawn hauh lo ania! Ngawi la awm hle hle mai rawh" Arita in a rawn tih ve rual chuan ka lo melh vak a.An duh duh chuan min han ti se ka pasal kut atang chuan an tal chhuak thei hauh lo ang.










"Hrem deuh angai anih hi! ni leng in eitur tuman an pe tur anilo, Yash kal ang!" a tih sap hnu chuan an chhuak ta a.Hah! Duh leh min pe lo se...










~~~~~~~~~~~~~~~






Zan dar 9 ri tawh ka riltam chu ka pum ari rak rak a.Engmah eitur ka nei hauh bawk silo.Kan in ah awm ila chu ei sen loh kan nei teuh awm si a.Ka chhungte ka ngaihtuah kual a, ka pasal chenin naute ang maia duata min lo enkawl leh an dawhtheih zia te ka ngaihtuah chhuak a, khatiang khawp a ka luhlul chung pawn tha taka min la dawh thei te kha.Ka chhungte ka ngaihtuahna chuan ka lung ati chhe zual ril tam vangin ka mu thei lo tih ka nu'n hria se zawng chaw min pe tur pawn a rawn kal vang vang duh hial ang.










Ka bianga mittui rawn luang ngiai ngiai chu ka kut chuan ka hru tawk a.Tap a beidawng tur ka ni lo, ka pasal alo kal dawn.Min hruai haw ngei ngei dawn chiang ani.









Ka lo chhing sek nge ka harh leh chuan room chhung chu alo thim vek a.Ka off lai awm ka hriat miau loh avangin current an nei lo emaw ani ah ka ngai ve hmiah.Thim hi ka hlau em em hran lo bawk a,ka awm ve thei mai.Mahse rilru erawh anuam bik lutuk lo.









Isaac awm se chu abulah chuan ka thla muanga khawiah pawh ka him niin ka inhre thin bawk.Ka lo ti thang hman nge mahnia ka mut hian ruak ru riau a inhriatna ka nei bawk. Ka awmdan hi ka hrethiam lo nangin ka ngai lutuk ni berin ka hria. Ka thil tih engkim ka ngaihtuahna zawng zawng ah a tel ve vek a.Ka mangan lai ber a ka ngaihtuah chhuah hmasak ber thin ani bawk.A hmel ka hmu leh chak a,a awm lum nuam taka bei leh ka chak na chu nasa tak ani.










Thil ri rum rum ka hriat avang chuan ka khum atang chuan ka thu chhuak hlawl a.Bungraw tla ri rum rum ani ngei ang.Ka awmna room ah min kalh khum tlat avang in engmah ka va hmu ve thei silo chu ka mu leh ta tawp a.Isaac bawk ani ka ngaihtuab leh nghal ni.Engtik ah nge kan inhmuh leh ang!








"Zo! min lo hruai tawh rawh!" tia ka phun chhuah sap chuan ka ngaih zia ka hriat belha ka mittui a hnai leh nghal pam bawk.Ka haw duh tawh kan inah khan.









Vawi leh khata thil vaw ri chawrh ri leh mihring rum nghut ri avang chuan ka phu chiam a.Hlauhna in min man nghal ti tih bawk.Ka awmna room thim nen tih theih engmah ka nei bawk silo.Ni china ri kha chu ka hriat thiam dan ber chuan mihring hi thing emaw eng hmanrua emaw in vaw ta se chutiang tur chu ani mai.Ka kut a khur a, blanket chu nghet zetin ka vuan nghal tung bawk.












🤧.A mood a ka cheng thei hlawl lo hi hrehawm ka ti zawk....dah thui tum pawn ngaihtuahna a tawi tuk mai! Natuk in refresh nan ka hmang anga....Monday atangin regu tawk in thui deuh dah kan tum tak tak tawh dawn nia.....Muttui vek u🤗

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 16th, 2021, 8:12 pm

Isaac Zosangpuia (POV)












(Zan dar 12:45 a.m) Chu building lian leh luh huhphurh awm khawp a bang in hungna lian pawn ah chuan Van chhung ah kan thu thap a.Zam hmel pu kan awm lo,nilo kan zam anih pawn kan hmelah eng mah kan ti lang ngai lo.Engpawh tawk dawn ila tuna ka duh ber chu ka nupui kha him dam in la chhuak ila tih chauh ani.








"Tun atanga mins 10 ah kan chhuak ang, Dawnga hmarlam gate thlang lamah in kal nghal anga, keini 3 thlanglam atangin inhnung lamah lutin inchhung kan bi tum nghal ang? Halipath ah Ka nupui ka rawn hruai chho anga, Abi te erawh kan luhna lamah inchhuak ang El in alo nghak ang che u, Helicopter hi an hman theih loh turin kan ti chhe bawk ang...." ka ti nghut nghut a.Dawnga an ban alo phar vah chuan kan melh nghal thap a.







"Helicopter kan tih chhiat chuan engtin nge kan awm anga!" Alo tih chuan mawl tih hmel zetin Mala alo chek nghal hlak a.Soma alo nui suk bawk.









"Sky diving!" ka tih sup chuan a meng deuh awk a.Kan bag ah tur ah hian a tel vek tih ala hre lo amaw ni.Mawl thin lutuk!!









"BG road ah!" El in alo tih sup chuan ka bu nghat a." Hit and Run!" ka tih sup chuan an hmelah chuan phurna a rawn lang nghal a.Kan tih lohna a rei tawh bawk a an phur pawh chu a awm lo hran lo e.











"Kal ang le!" ka tih sup chuan an lukhum dum chu an khum sap sap a.Kut kawr vuah leh mawlh mawlh pah chuan Van hnung lam atang chuan kan chhuk ta them them a.
"Tul tawp ah lo chuan Silai hmet puak hmasa tu ni loh tur! Kan thawm an hria nih chuan intih tur in hriat kha! Fimkhur ang che u" ka tih sup chuan an bu nghat nghat a.Kan pan tur lam theuh ah chuan kan inthen ta nghal bawk.










Chu bang sang pui chu mi pangngai tan chuan a zuam a zuam chi pawh ani hauh lo.Mahse kei ni erawh MYTHIC kan ni.Insiam rem in Abi zawk chu a hmasa ah tangin a rawn thlan a,ka kut chu a rah rema lo siam in a rawn rah rual chiah chuan ka vawrh chho nghal a, bang chhunglamah chuan alut nghal der bawk.Kan awmna hi CCTV in a cover phak loh chiah chiahna ani a, Mala lo tlan pawh chu Abi ang chiah chuan ka lo vawrh ve nghal a,alut fel ve der.Kei pawh chu ka piah lawk a, bawlhhlawh an dah khawmna emaw ni ring paha tlan lawn in ka zuan khum ve nghal bawk.











An kawt chu a zau kher mai, In lian tha zet zet 2 leng khawp a lian ala ni hial ang tih tur khawp a zau ani.An awmna building hrim hrim hi chu chhawng 7 ani a,a hnuai ber garage adang zawng an luah vek thung.









A thim chinah an guard dah teh hmuh theih loh tur chuan kan kal phei tham tham a.Vanneih thlak tak nge ni zan rei tawh vang an lo inthlah dul ve kher mai thutna hmuh ah chuan paruk vel bawr hi an lo thu khawm thap a, cigrette lo zu khu vat vat an awm bawk. Kan kalna hi an inhnung lam ania, mi 6 lai an inhnung lamah pawh an dah anih chuan hmalam chu a khirh ve talh ang.










Engtin tin emaw inhnung lam kawngka chu kan thleng thei hram a.Muangchang lem lo tak chuan ka bag a biometric lock an dah hawnna tura ka keng machine te reuh te chu ka la chhuak a, a hrui chu vuah in khawl chu ka on a rei lo te ah rawn ri kerh in a inhawng ta mai.Zawi te a kawngka hawng chuan kan lut tham tham a, inchhung chu a eng deuh riai a, hmuhnawm tham a tling ve hial mahse heng zawng zawng hi sumdawnna tenawm tak te mihring nunna tam tak senga an sak ani tih ka hriat na chuan ka thisen ati lum pha chiang teh e.









Ka nupui awmna tur ber pawh hriat har khawp inni a len ni. Kan tarmit chu phawrh in kan vuah ta thap a.Hei hi China lama ka thianpa'n ngaihhruina thil peka min pek ania, hriat dan awlsam ber chuan hmun thim takah pawh hmuh theihna ang kha ani mai.Bang chhung ril lam pawh a hmuh theih bawk.











2nd floor kan en chhuah meuh chuan darkar chanve dawn kan hmang a,tiang hi chuan kan hmu har ngawt ang.Insiam remin thawm nei thei lo ang ber chuan inchunglam chhona ah chuan kan chho ta tham tham a,3rd floor Mala'n a en chhungin 4rd lam keiin ka lo en anga,a chung leh ah Abi.











Ka awmna hmun chu a an room siam nawm ber lai hmun ani ve chek ang.A sum pai ang chuan he room ringawt pawh hi chhut ila nuai 50 chho daih ani mai thei ani.I awih loh chuan i thu mahse vai ho hi an hmel ringawt en loh tur an inchhung an chei dan a tawp,a ti hnek hnuk intih te hi an ni tan chuan an mawina ani ve a, an parda than ringawt pawh hi singchuang hu fe zel ani.










Room 4 awmin ka en diat diat a,mahse engmah hmuh tur a awm lo.Ka pe leh tur chiah chu inchung lama thil ri dawt avang chuan ka ding dat a, ngaihtuahna afim chiah chuan hmahmawh zet leh thawm dim zetin inchunglam panin ka tlan chho ti tih nghal a.In chhung hi a inzawm vek a,anni chuan elivator an hmanga keini erawh thawm neih a rem loh avang in step kan hmang thung.











Inchung lobby deuh reuh ka thlen chuan thlanglam tukverh bula mipakhatin tiang niawm tak lian vak lo a leia tlu alo vua hi ka hmu a,ka en chian chuan a vawtu zawk chu Abi ani tih ka hre nghal pan vatin ka va thleng phei nghal a, leia tlu pa ka en chuan nikhaw hrelo in alo awm der tawh.








"Zu alo la ina ka lo hmu lo bawk nen kan inchai deuh alawm le!" alo tih sup chuan ka bu nghat a,han singsak vak ngaihna a awm loh avang chuan thutna phenah chuan kan pawt lut ta chawt bawk.









"Mala hmuh i nei em?" zawi supa ka tih chuan a reh deuh vang vang a.










"Sir an lo kal! Nilo inchungah khian signal light an ti eng palh ania,ka rawn chho dawn kei pawh, building lam panin an lo kal mek!" ati sup sup chuan thawk ka la hawk a.Mai mai chuan!!!








"Helai room hi en zo ila kan hmuh loh chuan tih ngaihna dang a awm tawh lo,inpek emaw tlan chhiat !" ka tih nghut chuan Abi chuan ka darah a rawn beng zauh a.A tlanchhe dawn lo tih min hrilhna ah ka ngai hmiah bawk.Room awm ho chu enkual zung zung tur chuan kan inthen vat a.









"Sir,pawi lutuk! Ka ipte zipper alo dik lo a ka signal light alo chhuak a, alo in on palh bawk nen! " Dawnga'n pawi tih hmel lutuka a rawn tih chuan a, kei thaw hawk a.Kei aia pawi ti an awm hauh lo ang.









"Inpeih rawh u! " tih nghut paha room pakhat ka hawng leh tur chiah chu a inkalh deuh tlat avang chuan mak ka ti ve deuh.Ka herh leh ngat a mahse ala inkalh, room kan lut nual tawn an bedroom a luhfuh te pawh kan nei mahse engmah a inkalh ngai tlat lo.An security an ring tawk tih a hriat hle bawk.











Hnungtawlh deuh in room chhung chu tarmit nen chuan kan en tha leh ngat a, ka hawi kuala khum niawm taka mihring mu chu ka hmu ta,amah ani ngei ang tih ka thinlung hian a pawm nghal hmak bawk.









Inhnuailama thil ri rum rum avang chuan ka hawi dawrh a, Thil ri chawrh ni ka hriat rual chuan thil thleng tur ka hre nghal Mal'n lo tih khaw muan atum ani ngei ang.










Thawm dim theih ni tawh hek lo! Room kawngka chu ka tlawh chawrh a,te deuh that ri ka hriat rual chuan ka lung phu an phu nasa zual sawt a,Abi chu hui in kan tlawh leh chawrh rual chuan room kawngka inhawng chu a in vaw ri nghal chawrh a.Khum a mangan hmel zeta lo thu tawm deuh kak ka hmuh chuan ka pan nghal ruak a,ala thim bawk nen ka deh ruala a te that chuan ka phu ve zawk.Tal chiam in lukham chuan min lo vaw let a,nidang chu nise ka nuih aza viau ta ve ang!









"Bawihte!" ka tih nghut rual chuan a che a tawp chawt a.Min rawn melh chho nghal bawk.A hmel thla bar tak leh a taksa khur der der chu ka hriat hmaih loh kher mai.Pawt hnai in ka kuah a.







"Isaac...?" tham chhal a arawn tih chuan awm hrang hlek in a hmui ah chuan ka fawp zauh a.









"Hun kan nei lo kan chhuah angai tunah!" ka tih sup chuan a bu nghat a " Ka ngai hman lutuk che!" a rawn tih tham leh tiak chuan fawp leh zauh in hun kan neih loh em avang chuan ka thawh pui nghal a.Pheikhawk pum lo awm chu bun tir vat vat in kan chhuak phei nghal bawk.











"Hmanhmawh ngai alarm ari tep ang!" Abi an atih chuan bu nghut in Elevator lam chu kan pan hlawk hlawk a.Elevator kawngka a inkhar tep tihah Mala lo lut hlawl avang chuan ka thaw huai bawk.A rawn nang hman lo ang tih ngaihtuah lai tak in.








"Engzat nge??" Abi an atih sup chuan





"20 chu an chuang sa an liantha ve hlawm lutuk,an chak mahse an à " atih sup chuan ka lo thaw deuh huai.Fing deuh bum tum chu hun aduh rei aninawm hman thin.










Hruaii chuan min kuah bet deuh ngal a,ka ban dinglam a chelh deuh tung ani mai.A samah chuan chul in a chhipah chuan a tha vek dawn tih hrilh tum ang hrim chuan kan fawp vang vang a.Engkim hi ka siam tha vek thei lo anih pawh in a duhthusam tal chu siam sak ka duh ani.









Elevator kan chhuah rual chiaha inchhung zawng zawng rawn eng nghal pup ah chuan mit a vai hman chhalh a,sec 3 pawh ani hman lo tihah chuan a rawn thim leh nghal hmuk bawk.










"Sir ka dang reng thei dawn lo ania" El in a rawn tih chuan ka thaw deuh hliala."Good job buddy!" Abi an alo tih ve sup pawh chu a awm lo hran lo tunah hi chuan eng kan mamawh ber tlat lo ani.











"Tuna kan awmna room chung chiah ah hian helipath a awm a chumi kan thlen chhoh chuan kan him ang " tih sup pah chuan akut ka vawnna chu ka ti nghet sauh a.Inchunglam pan chuan kan tlan chho nghal bawk.










Inchung kan chhuah chiah chuan thli alo thaw nuam dam dam kher mai.Tlan hah lum bawk nen zia ve tak ani.







Soma chuan Hruaii chu alo kuah vata,engmah sawina hun a awm loh avang chuan a kan pahniha in tawm tur parachute chu ka siam mawlh mawlha, an inthalh hnu chuan ka lampanin alo phei nghal bawk. midang ho chu bar ah chuan an ding sang thup a, keini pawh chu engtin tin emaw kan lawn ve thei ta hram e.










Chutih lai taka silai rawn puak dawt ruala ka malpui hnung lam thip deuh zawk avang chuan ka thlep deuh zawk a.Silai chu puak leh nghal pawp in A sir deuh bera Mala ding chu a ahma a boruak ah chuan a let thla nghal tawp a,Abi leh Dawnga'n au rual thawt pah chuan an zuang thla zui ve nghal a.Silai puak leh pawp in mahse tumah a fuh lo ani ngei ang.ka ban sir erawh asa deuh ziai mai.










"Ka fanu kha min rawn pe rawh! Anih loh chuan ka that ang che!" Rawn ti vin hlar tu avang chuan za lo zet in ka nui suka. A nu kuta hlan let ai chuan a zalen theih nana ka nunna hlan pawh ka pawi ti lo daih zawk ang chu.











"A thleng ngai lo ang!" tih sak pah chuan ka inher nghal a,Soma chu a zuang nghal a keini pawh kan zuang ve nghalbawk.Vanneihna kan lamah atang nge ni silai nu pakhat mahin min fuh tawh lo a.Kan sir lama a len phei fua fua chu a nuam miah lo.










Kan tla vang vang a,ka malna nen parachute ti parhna chu ka pawt thei mai loa,ka kut an khur deuh tlat.






"Isaac lei kan thleng thei mai dawn nia! pawt rawh" Ka nupuiin mangan hmel zeta a rawn tih chuan inthing harh hram hram in ka pawt fuh ta hram a.Ka taksa erawh ka malpuia silai min fuh na chuan a hmet chau hneh kher mai ka khua asik nghal hial in ka hria.










Motor bul chu engtin tin emaw kan inpawt thleng thei hram a midang pawh lo thleng vek tawh in kan thlen rual chuan min lo buaipui nghal sawk sawk a.Kei erawh ka che tha thei tawh meuh lo.












"Isaac" ti tiau a motor a min dah luhlaia a min lo en tu chu ka nuih saka ka kuta hui in ka bulah alo thut chuan a kut chu ka lo hum vang vang bawk.Heng kut te hi ka deh lohna rei tawh zia kha.











"In ah emaw damdawi in ah pawh nise kan kal thei lo ang, a hlauhawm rih lutuk tlat.Khawpawn lama kudam ah khan kal phawt mai ang u!" Abi ang Motor khalh paha atih chuan kan pawm vek nge tuman kan chhang lo.Mala pawh kha a nak ah an lo kap fuh alo nia, Soma leh Dawnga chuan an buaipui char char a.A thi an tih reh theih hnu chuan kei chu min rawn en leh vat a.












" Zo i tha leh vat ang tiraw! tuar hram hram rawh aw..." ka bula lo ti sap sap tu chu en in ka nui lui leh sak a.Abak erawh engmah ka hre tawh lo.Nikhaw hre lo in ka awm nge pawh,a thim ta vek a.












Ka harh leh chuan mutna dup nuam lem lo takah hian ka lo mu a, ka chalah puan huh in ka nupuiin alo dep bawk.Ka harh a hmuh rual chuan alo chiau chul a,a tap lek lek hial ani.










"Dam vat vat rawh aw...kan inah haw thuai thuai ang!" a tih sap chuan aw tihnan ka lu ka ti che zauh a.A nui ta sak bawk.A kut chu la in ka pawt hnai a thei leh thei lo chuan ka kuah a.Hei hi ka ngai tawh tak zet ani.










"I hima ka lawm e, tuna tang chuan tuman ka lak atangin an la bo tawh lo ang che!" ka tih nghut chuan ka hnungah a beng thek thek a.A insut deuh hraih bawk.











"Ka bula i awm zel dawn phawt chuan khawi hmun mah ka hlau lo.Min kalsan lo la kei chu ka tha vek ani mai!" a rawn tih ve sap chuan ka theih tawp nghet chuan kuah vang vang in a luah chuan ka fawp deuh vang vang bawk a.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 16th, 2021, 8:12 pm

Chapter - 22






"Sir!" rawn ti sap tu lam chu kan hawi vata Soma alo ding ran bawk.Tuna kan awmna kudam hi Mizoram ka chhoh hma lawka ka lei ania, bungraw lian deuh te bawlblawh dah khawm nan ani deuh ber mahse engmah chei tha hman lo a,ka kalsan avangin ala tawp ve hle a, Chhawng hnih ani ve bawk. Mala kha kan piah lawkah Van hi Kudam chhunga atlan luh theih avangin an awmpui mek bawk.











"Sawi rawh Soma!" ka ti sup a, Ka nupui chu ka mutna thingphek nuam lem lo tak bulah chuan a ding ve ran bawk.









"Mala saw thisen a hlauh hnem deuh tlat a, a taksa a chau tan hle bawk, engtin nge kan awm zel ang,Sir!" a rawn tih sap chuan ka thaw hak a.Tih theih ava tlem rih em? Phone kan hman chuan kan awmna an hria ang tih a hlauhawm bawk si.Risk kan lak tawp a ngaih leh hmel khawp mai.










"Khawvar nghak ila tunah dar 4:30 ania, Risk kan lak mai angai ang, Bawihte!" tih sup pah chuan Ka bula ka nupui ding chu ka melh a,min lo melh thla nghal vat bawk.
"Mala lo va awmpui lawk ula El nen khan Soma leh midang ho nen hian thil kan han sawi ho lawk ange" ka tih sup chuan a bu ve nghat a Van lampanin a phei nghal bawk.











Reilote ah Abi leh Dawnga an lo phei a, keipawh ka mutna tang chuan thei leh thei lova tho vatin Soma chuan min lo chelh vat bawk.Ka mal silai mu luhna chu anat dan chu sawifiah a har a à deuh vek tawh ni mai hian ka hria a rit bul a,a nà sek sek bawk.










"Plan B kan apply a ngai dawn a,a hlauhawm tih ka hria mahse kan tih angai dawn, Tuman nunna kan chan tur ani lo!" ka tih nghut chuan tih theih dang kan nei tawh lo tih an hre bawk nen tuman min hnial lo.










"Sir, Mahse khawi hmunah nge ni ang?" Abi ang thawk la hap paha alo tih sup chuan keipawh ka rilru lo buai ve na tak ani.










"Hetah!" Rei fe ka ngaihtuah hnua tha ber ni hauh lo duhthlan tur dang awm silo avanga ka tih sup chuan an lo thaw ve hak hlawm a.










"Mahse Miss leh Mala hi?" Soma in alo tih ruai chuan ka lo bu nghat ringawt.Ka venghim ang tih ka tiama ka hlatah an awm ka phal lo,engpawh tawk thei an ni.









" Inchunglamah khian bihrukna tur a awm mai ang, Soma leh El in lo awmpui se!" ka tih rual rual chuan Soma chuan min lo hnial nghal vata, " Sir,hmeichhia ka nih vanga min ngai hniam bik anih chuan khawngaihin paih bo ang che, i bulah ka ding zel dawn ,MYTHIC kan nih kha!" alo tih chuan ka hrethiam lutuk mahse lo tlu palh ta ila,ka nupui leh ka thiante venghim tur khi ka mamawh miau alawm.










"Sir, El pawh a awm a enkawl thei em em ang!" ka ngaihtuahna hria ni awm taka a rawn tih leh chuan ka kut phah chuan ka hmai ka tuai pawk a, a duhthlanna ni a keia lo dan theih pawh ani lo ang.Kan bula din hi thih a chak zawk zawk vang lam ani lo a huaisenna hian hnungtawlh hmasa nih a duh lo mai zawk ani.










"A tha e...Mala te kha inchunglama hmun him laiah han dah chho ula, him tawk tak ah ani tur ani" ka tih chuan bu nghat in Van lam an pan nghal a.









Rei lote ah Mala chu Abi chuan a rawn pawm chhuak nawlh bawk.Abi hi hnamdang anih vang nge ka hre lo Palian tha thek thawk tak, vung ngo tho si, sa tha ve lam mah ania, kan intiat fu ang mahse a taksa erawh kei ai chuan a pharh tha thung.Inchung lamah chuan Mala taksa zawi ngiai chu an pawm chho a,El chu first aid kit kan ken nen chuan a zui chho ve nghal a, ka nupui pawh bag puar ve lam mah pawm chuan ka bulaha alo ding ran bawk.










"Engnge maw tih tum in nei tiraw?"a rawn ti sap chuan nui lui saka pawt hnaiin a bag chu a dinna sirah chuan ka dah sak a.A kut pahniha chelh chung chuan ka en chho a, min lo melh chhuk ve kiau bawk.










"Hmasialna emaw Rilru tha lo mi sual tak ang pawn min hmu dawn mahla ka thu hi zawm tlat ang che aw, nangmah inngaihtuah la tlan ahunah ding miah lo in tlan ang che, tumah hi ngaihtuah kan ngai lo i him phawt chuan chu chu a tawk lutuk " Ka tih sup chuan a meng deuh awk a, a lu a thing nghal nawk nawk bawk.









"Bawihte ngaithla rawh! I dam angai alawm nang chu, ka lo zawn hmuh leh thuai theih nan che lo dam la engpawh thleng se hnunglam rawn hawi kir suh ang che u, El kha ka hrilh tawh kha Van vawr zawnga silai vawihnih a rawn puah chuan in sa him nan tlan ang che u" ka tih leh sup chuan a tap tep hial a.Naupang sual leh huai bak nei ni mahse a rilru erawh a chhe hauh lo.Mi hi kan sawi thin a pawnlam lan dan ang in teh suh tih hi thenkhat chu maw diklo taka tih an duh lo vanga inhung hrang tlat te an awm a.Anmahni lam dik loh ani lo an vela mite nundan azira insiam rem thin an ni.Chutiang chiah in he ka naute pawh hi ani ve bawk.












"Isaac engthil nge maw i sawi le....? Eng ruahmanna chiah nge in neih a, engpawh chu tila ka kalsan dawn lo che!" a rawn tih ve hap chuan a kut chu la kangin ka fawp vang vanga.A bula nun hman tluk a chak leh thlakhleh ka nei lovang mahse tih theih kan nei tawh tlat lo ani.











"Inchungah chho la! Engkim a tha vek ang, a him tih ka sawi hma chu lo chhuak reng reng suh ang che" ka tih sup chuan a hmela mangan na lo lang nghal chu ka hmu hmaih lo kher mai.Mahse a tawrh chhuah ve angai! Ka tello pawha nun hman thiam a zir angai mahse ka tello a hlim taka midang nen nun an hmang ang tih chu mahni hmasial vang nge? ka phal leh bawk silo. Hmangaihna hi a chikim asin, hlimna chhiar sen rual loh kan dawn theih lai in then khat tan lungngaihna ruam thuk tak a nawr lut tu ani ve leh a.Thenkhat tan lah mahni nihna hlauh thak khawp a, inpumpekna ani bawk.A then te chuan an hlutna zawng zawng paihthla in tawrhna tin reng tuar turin an kal dun a,mahse kei chuan chu chu ka phal lo! Ka à nge ka mawl..? ani nen chuan engkimah hlimna hmu thin mahila atana hrehawmna tur chu engmah tih pui ka phal leh chuang bawk silo.











" I bulah ka awm thei mai lo ami..?" tap deuh tiau paha atih chuan ka thaw hap a,a kutah chuan pawt hnaiin ka kuah ta vang vang bawk.Ka dara bei chunga a insut hlap hlap ri te chuan ka kaw chhung tin chu a hnawh tawt kher mai. Ka bulah awtir tluk a duh ka nei hleinem,ka ngaia ka thlahlel bawk mahse atan a hlauhawm rih mah mah ani.











"I awm dawn lutuk alawm! Fate kan nei anga fanu duhawm deuh te, fapa chum deuh te....Chuan kan kawtah kan infiam ho thin dawn alawm, chumi lo thlen hma chu dawhthei deuh in lo nghak leh lawk ila, Engkim kan siamtha nga chuan Kan inah khan kan haw tawh dawn nia" I hmangaih ber bula thil thleng thei lo tura i rin beiseina ral mek nei chunga i thlir liam mek chu sawi chhuak dawn ta la i thei bik kher angem? Harsa ti zet chung chuan" Bang tawh rawh le!" ka ti sup a, ka dar atang chuan nem kang hlek in abianga mittui luang ngiai ngiai chu ka hruk fai sak a.Awmze nei hauh silo in tih hlim hram hram tumin ka nui lui pah bawk.Mahse a harsa lam mah ani.










" Chho tawh rawh le! I rei an lo ti lutuk ang, min lo ngai hman lo la!" Fiamthu deuh ti tib paha sawi mahni ila ka thinlung chuan ati tak tak.Awm lo ta thut ila keimah min ngaia a kun tlawk tlawk tur kha ka ngai ngam ngang lo ani.











"Min lo hruai vat rawh aw!" tih sap paha ka hmui ah amah zawk in a rawn fawh vang vang chuan dam leh dim tak chuan ka lo chhang let ve nghal thuai a.A tawpna nilo hram rawh se tih chu mahni hmasial takin Pathian hnen ah ka dil mawlh mawlh bawk.















Ka nupui chhoh hnu lawk chuan ka thiante 3 chu an lo chhun thla tham tham a.









"In Sana(sona) on ru le!" ka tih sup chuan an Sana a Gps botton chu an on nghal khep a.









"Darkar chanve hnu ah an lo thleng ang! Van ami bungrua va la ula Soma Jection min rawn pe rawh aw....Dawnga Van kha pawnlama Inchunglam mite chhuah awlsam nan an awmna hnuaiah va hung rem ang che" ka tih sup chuan an che nghal vat vat a.Abi ang Motor a kan bungru lo la chhuak in ,Soma in Nachhawkna sang berin min lo chiu bawk. Ka thisen zam a khawih loh avangin azia phian a ka chau chhe mai lo bawk.










"Silai inring ula, A tam thei ang ber tluk tir tum a chet tur.Inthen darh ila min hual tuma chet an lak chuan kah hreh loh tur.A chiang em?" ka tih nghut chuan an lo bu nghat hlawm a.Ka phone a rawn ri ral ral chu a hun lo hle bawk.Ka en chu Ara lek alo ni a.Ka chhang nghal thuai bawk.









"Hello!"







"Sir,Kolkata ah ka awm! Khawnge in awm Goenka te kan zui ru meka khawpawn lam panin tunah an tlan mek ania!" Ara in a rawn tih zung zung chuan ka lo thaw hak a.A tello a ral beih chu a kimlo riau a,tuna a rawn tel tur pawh chu ala dam lo nen tullo ti viau mahila a tih luih dawn tho avang in ka hnial ta lem lo bawk.











"Engzat vel nge rawn kal?" ka ti nghut a.






"20 vel anih hmel! An Miss Goenka pawh a tel ve bawk!" a rawn tih sup chuan ka lo rum nghat a.Zawngi chu ka that khawp ang.









"Atha e....Khawpawna ka kudam lei ah khan kan awm meka min lo pan mek anih chu!" ka tih chuan a lo thaw ve hak a.
"Sir a hlauhawm asin chhuak vat rawh u!" a rawn tih chuan ka nui sak ringawt.Khawi hmunah pawh awmila Kolkata kan chhuhsan thei rih dawn lo tih ka hriat na chuan beih let mai loh chu tih theih dang nei lo in min siam miau alawm le.








"Ara tu nen nge in ko kal?" ka tih tak daihah chuan "Ramnghaka nen" a rawn tih tak sup ah chuan ka lo thaw deuh kawk a.Civil mi tan chuan a hlauhawm mah mah ani.Kan mamawh ber lah ni mahse atan ala hlauhawm mah mah ani.










"Ka lo bia!" ka tih nghut chuan a pe ve mai a.








"Haw nghal rawh! Thiana intan chuan ahlauhawm mah mah ani." a pek rual rual chuan ka ti nghal tawnga,Alo nui hawk thung.








"I kianga ding zel tur i thianpa ka awm e! Lungngai miah chu Hero ka lo kal mek ania!" Fiamthi zeta a rawn tih chuan ka lo thaw hak a.Em em hian a engtiang pawn sawi mahila a rilru ka thlak thei dawn a ka hriat loh avang chuan ka awm tir ve ta tawp a.Short cut a rawn tlan in minute 10 aliam leh meuh chuan Ara te chu an rawn thleng der,mahse Motor hnunga lo chhuak ve ka hmuh rual chuan ka ding dat a,Kha Marcus-a bawk kha maw!








"Enge hepa hian arawn tih ve dawn!" ka tih nghal tawng chuan min melh ve ran a, a kum ngaihtuah in a liantha thelh thawlh hle bawk.








"Hruaii hi ka best ania, dinhmun der thawnga a din chuan a bula ding turin ka awm reng ang! Chuan tuman min dang lo bawk ang!" a rawn tih ve sak chuan ka melh run a,chiang zet leh zamna lang hauh lo a min melh let ve kal chuan a huaisen zia ka chhiar thiam ta bawk.Naupang luhlul leh huaisen tak rilru sual a pu hauh lo ang tih chu ka ringthiam nghal bawk.









"Hun a awm lo....awm hmun rem ula an lo thleng ve tep ang!" ka tih zawh rual chuan kan awmna piah la lang thei lo deuha motor tlan ri chu kan hre phak ta bawk.Hmanhmawh zeta chet sang sang pah chuan kan biru ta thap a.








Kudam pawna motor ding thi hmuk chu 5 vel lai ani hiak ang.Hlauhawm hauh lo nangin a zam awm ve duh khawp mai!

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 16th, 2021, 8:12 pm

Nizan kha maw....ka net pack alo thi daih a😂Ka lo hre silo a...Sorry vek u☆






Chapter - 23




Rei lo te ah motor in hawng thawm leh pen thawm kan hre ta nghal a,Kudam lam pan chuan an lo phei ani ngei ang.An pen thawm ah chuan an tlem lem lo tih leh an zam hauh lo tih chu a hriat nghal var var theih.Kudam kawngka lian zet mai an rawn hawng chet riai riai chuan an awmna hmun ah theuh chuan mahni hmanraw hman thiam theuh te ne chuan kan tawm im thap a.Kan thaw la ri te chu kan hre ring ta tan khawp mai.











" Ka lo thleng e! Khawi ah nge sazu dawi zep ang maia in bih ruk leh taka!" rawn tih har har pah chuan a nui deuh hak hak a.Kut thlak ka chak zia chu ka taksa tang nghal talh talh chuan ati lang chiang ve ta hle ang.










" DCP ISAAC rawn chhuak ta si che....Ka fanu kha min rawn pe la, dam in ka chhuah mai thei che u asin!" a rawn tih leh sak chuan ka awmhmun atang chuan zawi muang chuan ka chhuak phei ta chhat chhat a.Kan Hmelma nu ber i chu a naute 20 rual theh thawh palian leh dum ve zet zet te nen chuan an lo ding laih a.An hmelchhe hlawm phian leh nghal.










" Well well well ! Mr Isaac ka fanu chu min pe vat la i nunna ka zuah mai thei asin!" nui sanga alo tih sak chuan ka rum deuh nghut a, a mitmeng chu dam rih hle mahse a phena sakawlh chu ka hmuh hmaih hauh lo!










"I theih lai hian nui ta che le! I fanu hi dam a ka la thawk ve tek tek chung chuan i kiangah ka kal tir ngai lo ang!" ka tih let ve sak ruala a mitmeng mawlh kha a fanu hian a mitmeng hi alo la fuh khawp anih hi, a thinrim tih hriat tak in a mitko ti hniam khuih in a meng sen deuh ram a.Zam map lo chuan chiang fe chuan ka melh let ve khuih bawk.










"Anih chuan i awm loh angai anih chu!" Tih sak paha a naute a signal rual chuan pakhat chuan a silai a rawn lek nghal a,mahse silai rawn puak ve dar in a kuta silai chu a thlauh nghal a,a te nghal ruai bawk.









" Zawng hmelchhe Uicho Bum hmang ho! Naute u that vek ula ka fanu min rawn pe rawh u!" A naute kan hliam hmasak na chu a thin ter tek in a tuar vak lo aniang a ti zui tuar a.









Chu mi rual chiah a Silai puah nghal zat zat rual chuan ka hma mi te ho chuan an tè nghal chul a, chu chu rem changah la in an hmuh theih lohna tur ah ka biru nghal vat bawk.Mi panga vel chu an thlep hnawk a an tlu nghal chu ani mai.Mahse rem an hre ve phian nge rei lote ah gas khawi atang nge alo chhuah hriat loh hi a rawn khu ta chum chum a.Silai puak a reh a, thawm dang pawh a reh nghal duak bawk.Meikhu zing zet karah chuan inhmuh chu harsa tak ani.











Rei lote a au thawt ri ka hriat chuan thawm awmna lam nia ka hriat ah chuan ka tlan risk nghal tawp a,Abi awmna lam ani bawk.Ka va thlen phei ti mai ila, ka va hmuh theih chinah chuan Mipa 3 hian pakhat hi an lo sawisa mek a.Chupa chu tudang nilo in Abi ani ngei pawh ka ring.









Tlan phei pah chuan zuang zawk in pakhat chu ka pet thal nghal tawp a, leia ka tum rual chiah chuan a bul lawk a lo ding a thianpa chu vir kual paha inher in a malpui ah ka chemte hriam zet chuan ka thil nghal pawk bawk.Pakhat in ka tho chhuak min lo hnek a tum chu lo thle sawn pah chuan hnunglamah inher zawk in a lu chu hnunglam atang chuan ka herh nawk a, a thlep ta hnawk ani ber e.Ka nihna pakhat chu maw a tul anih phawt chuan tual that tur hian zamna pakhat mah ka nei lo!











Abi chu kai tho in a that leh that loh ka zawt vat a " Ka tha, hmelho phiangsen hian ka hnung lam atangin min rawn vaw ve phiang sen anih kha!" tih hmuk paha abula tlu reng a chhir zawt chuan ka lo nui suk a, thin bu tut hi a nei ve hrim hrim hepa hi chuan!











Meikhu lah chu ala reh mai thei silo, thil hmuh har bawk nen lu ahai ve map map duh khawp mai.Abi nen chuan inveng tawn ran in kan thiante awmna lama kan rin chu kan pan phei ta dan dan a.Silaia min lo kah pawp loh hram beisei ang.










Kan phei leh deuh chuan Soma kan va hmu ruai ruai a, mipa khat nen hian in melh ran in an lo in hma tawn bawk.Gas chuan kian lam apan ta deuh tan nen a kam sir thi ser ser leh a biang duk deuh pawh chu ka hmu nghal thuai a.Thinrim zeta ka tlan phei chuan chupa chu ka tlan thawmah chuan a rawn hawi vata mahse ka hnaih chilh tawh em avang chuan a chet hman hma hauh chuan a kaihza ah chuan ka pet chawrh a,a thingthit thlak nghal chawrh rual chuan Soma chu rawn tlan nghal in a khabe ah chuan a khup chuan an do chho siah mai a.Chu pa, Bengali palian zet pawh chu a tlu ve ta ruau mai.











"Khawnge midang?" ka tih nghal hmuk chuan a hriat bik loh thu in min lo chhang vata khawiah teh hrep chuan nge an lo kal hman ni.Kan inrin hma hauh a silai rawn puak dawt ah chuan kan hnung lam chu kan hawi nghal vata, gas tlem la awm karah chuan kan hmelma te chu an rawn chhuak ta bawk.Mahse!











Ka thiante pahnih Dawnga leh Ramnghaka thi phunga an rawn hnuh chhuah tel rual chuan ka inseh ruh nghal tunga.Kan thiante pahnih chu harh vang hmel an pu tawh hauh lo bawk!










"I game siam chu a tawp e! In silai kha dah thla rawh u.Tunah ka dawh theih lai hian ka fanu chu min rawn pe rawh Mr.Isaac anih loh chuan i thiante hi a mal te te in ka that fai vek ang chuan nangpawh tiam in" a aw tliang rala a rawn tih chuan ka lo rum nghut a.Ka va pan chilh mai ang tih hlau niawm takin Abi ang ka banah a lo vuan nghal vat bawk.











"I ngam chuan that rawh i thah rual chiah in i nunna pawh a tawp ve nghal ang tih hria ang che!" ka tih deuh hrawk chuan a rawn nui chhuak hak a.










"Nang hian min that anga maw! Hah! Nang zawk hi thi hmasa la ti nia!" tih paha ka lama silai a rawn lek chuan zam hauh lo in ka lo melh let ve ngur a.Nui zui sak paha silai an load chuan zawi muangin ka kut ka hum ruh a.Ka nupui hmel,ka thiante hlim hmel chu ka mitthla ah a rawn lang zut zut bawk.Nu leh pa tello a sei lian ka ni a, ka pu leh an ni hi ka engkim an ni.Ka nupui in min hmangaih thu a sawi lai ka ngaihtuah chhuah chuan ka nui zui suk a. A tello a pialral kai chu lungloh tui kan pi leh pu ten an sawi ang kha ka in lo anih chuan ka hmangaih tello chuan pialral ah pawh ka thi nawn leh thei hial ang!










"Thi mawlh ta che!" A rawn tih hak rual chuan ka thianpa an man beh chu a tal thut a, Arita Goenka chu va nek deuh nawk in chutih rual chiah chuan silai pawh a puak nghal a,ka dar thip phei zawk vang chuan ka che awk a,ka tlu thelh ani.









Ka thianpa min chhan tuma Arita va nek tu Ramnghaka chu a naute zinga pakhat chuan hnuk nawk in a hnek thal nghal tawp a.Ka au nghal thawt bawk.Ka thinrim lutuk chu ka taksa zawng zawng a tang nghal vek thei.Ka thianpa taksa atanga thisen chhuak leh a taksa che zui thei tur pawh awm lo khawpa sawi tute chu ka melh tlawk tlawk a.












"Min thah loh chuan ka that ang che!" tih tuar paha alam pana ka tlan rual chuan silai a puak leh dawt a.Chumi rual chiah chuan Abi ka hma ah a rawn let tawp bawk.Ka ding nghal chawt a.Abi chuan ka dawn ai silai mu dawngin a nak atanga thisen rawn chhuak chu a hup nghal vang vang a,ka buaipui nghal vat bawk.













"Wow! Ti zel teh ang! Ka thah loh che chuan min that dawn sia kan that mai ang che!" Arita Goenka in a rawn tih chuan Abi nak atanga thisen chhuak dawn pui pah chuan rum zet chuan ka melh chho a.










"Ti ta che! Min that rawh ka damchhung hi chuan sa pelh ang in ka pel tawh ang che!" ka tih let hrawk chuan alo nui lui hak a.Rapthlak leh lutuk! Hetiang khawp a hmeichhe rapthlak hi an awm thei ngai ang tih pawh ka ngaihtuah ngai lo.










Ka lam hawi chuan silai chu a rawn lek leh nghal zat a, nui sak paha a rawn thle bak te chu a ring thuai tliah hmawk ka chakna anasa zual sawt bawk.











"A tawk! A tawk!" tia rawn au tuar ri ka hriat rual chuan ka hawi let nghal vut a.Heta rawn kal tur ani lo.Ka nupui in mangan hmel zeta ka lam pana alo tlan chuan ka lo melh tlawk tlawk ringawt.










"Zo!" ti tiau paha ka bula alo din chuan ka lo melh reng ringawt.











"Ka naute lo kal rawh le! I nu bulah hian......Khang mi hnai sai lo ho kha kan that vek ange!" Arita in Hruaii en paha a rawn tih chuan Rilru na si,thinrim bawk si, manganna nen mittui tling piau chuan anu chu a melh tlawk tlawk a.












"Tun atang chuan kan awm ho reng thei tawh dawn ania, tuman ka lak atanga an lak hran che ka phal tawh ngai lo ang! Lo kal rawh le....I nu ka nih hi, kan pahnih in hlim deuh in kan awm tawh dawn nia!" Arita in a rawn tih nawn leh rual chuan ka nupui chu a te nghal chiam a, Soma leh Marcusa te chu kan bulah an rawn kal nghal vat bawk.











"I bulah ka kal duh lo....Nang ang nu neih pawh ka duh lo, min kalsan rawh! Tinge ka nun hi hremhmun ang mai ah min siam sak a, nang hi mi rapthlak tak i nih hi! Nang ang nu neih ka duh lo, i bula awm pawh ka duh lo!" a ti let tuar chuan Arita i mitmenga natna niawm tak rawn lang avang chuan ka melh ve tlawk tlawk ringawt.A fanu hian natna awm zia chu han hriat tir ve teh se!











"Mi pangngai pawh in nih loh hi, hetiang tual thah mihring nunna infiamna ang maia hmang tu te bulah hian ka awm duh teuh lo! En ta che ka pasal thah tumtu ka nu inti kiangah hian thlamuang takin ka awm duh i ring anih chuan hre rawh ka damchhung pawn i kianga awm ai chuan thih ka la thlang fan ang! Nang ang nu neih hi ka duh lo! Mahni mihring pui te chunga zahngaihna leh khawngaihna nei miah lo, nangmah vang hian mi engzatin nge an nu leh pa te chan tawh ang, an fate..? Ka nu i nihna ang chuan a tir kha chuan hmuh che ka chak ve lutuk asin!" rilru nat hmel zeta ka nupui in atih chuan ka en chho vata, hetiang rilru hi a pu tih ka hre hauh lo!











"Mahse chu thil chu maw nangmah ngei hian i ti chhe leh vek, i nundan ka hriat khan maw ka zak a, ka mihring puite hmai eng hi ka zah em em bawk, he ram hi ka kal duh miah lohna chhan te kha in hria em..? Hre lo! A chhan chu maw minhringtu nu ngei in a thah sak tak chhungte chenna ani a, tu hi nge niang..? ka inthlahrunna leh ka nu ini ka zah zia kha! mi engzat fakau innghahna nge a tih chhiat tawh ang tiin zanlai ah tah ruk chang ka ngah zia chu!......." a in sut deuh hlap hlap a.Abi a rawn khuh deuh that chuan ka dawm kang deuh vat a.Arita lam ka en chuan a silai chu alo dah thla fel der tawh a,a fanu chu khawngaihna leh hrehawm tih hmel zeta a en chuan ka lo melh let ve tlawk tlawk ringawt.












"Khawngaih takin duhtawk tawh hram rawh! Khawngaih in....." aw tham chhal a a tih zuai raih chuan ka nupui chu kuah duh viau mahila Abi buaipui ngai nen ka duh angin ka awm thei lo.











"Ka...Silai dahthla ru!" atih tak hap ah chuan anaute chuan an silai an dah thla sap sap a.Soma chu tlan phei nghal in Ramnghaka leh Dawnga chu a va phel nghal vat vat bawk."Soma Ambulance!" ka tih chuan a phone chu la chhuak in a be nghal mawlh mawlha.







Mahse!









Chutih lai taka silai vawikhat mai pawh nilo vawihnih lai puak dawt dawt avang chuan rang zet chuan ka dak chhuak nghak vat a.Arita a lo au thawt bawk.A bula tlangval hmel rum lam deuh ding chuan silai chu meng sen ruma hum chung chuan ka nupui dinna lamah alo lek reng a. Ka thinrim lutuk chuan Abi kawnga Pistol chu phawrh chhuak nghal nawk in chupa awmah chuan a mu zo thak khawp chuan ka kap nghal chiam bawk.










Mangang zet a ka nupui ka en nghal rual chuan che lo in a ding reng a,a hma ah amah kuah in Marcus alo ding reng tawh bawk.










Vawilehkhat a, Marcus chhuata a tluk thlak dawt rual chuan ka nupui chu harh chhuak thut awm ang hian " MARCUS!!" tiin a au chhuak nghal tuar a.Marcus chu a zu dawm nghal vat bawk.Marcus an a ka atanga thi a rawn khuh chhuah pui phei chuan a taksa chu a khur ve vek thei hial.











"Marcus! Marcus!" tiin a au nghal tuar tuar a, Pistol chu paih in Arita chu ka au a, an motor hmanga damdawiin pan vat turin ka au nghal tuar tuar ani ber.







An ni pawh chu che ve vut in a naute chuan ka thiante chu an rawn kaih kuah tho a, rang zetin ka nupui leh Marcus awmna lamah ka phei nghal rawk rawk bawk.Marcus chu a lu ah dawm kangin pawm thawh mai ka tum chu a taksa ka en a, tih chet chi a ni rual lo.











" Marcus...Marcus...Tuar hram hram rawh aw...Damdawiin kan kal dawn ania, min kalsan miah suh aw!" ka nupui in tap tuau a a tih ruai chuan rilru na zet in ka en a.A thianpa hi atan a pawimawh zia ka hria mahse tih theih a awmdawn lo tih hrilh chu harsa tak ani.












"Zo...Marcus hi...! "mangang zeta min rawn en chuan ka khawngaih lutuk chu ka taksa chhung a tawt up up hial mai.A tan chuan a thian mai nilo in a innghahna ni thin ani miau a.









"Marcus i tha leh mai ang! Khawngaihin.....tang hram...tang hram hram rawh aw...Marcus......!" tap deuh hlap hlap paha a tih chuan Marcus chu a rawn khuh leh that that a.Thisen bawk in ani akhuh leh ni.










"Hruaizel!" Fiah vak lo a, harsa zeta a rawn tih chuan ka nupui chu tap chungin alo bu nghat nghat a.Hetiang khawp a ka nupui mitmenga natna thuk leh manganna hi ka la hmu ngai hauh lo! Hmuh a hrehawm takzet bawk!











"A tawp....a tawp thlengin....i ...i unaupa....i unaupa ka nih hi aw...! Mahse....Mahse kan piang nawn leh anih chuan..........ka...ka bialnu....nih loh pawn....ka nupui, ka nupui tal ni ve tawh rawh aw....." ka nupui chu a tap nasa zual sawt a, Marcus chu a chau tawh tak zet tih ka hre bawk. "Tap...tap tawh suh... i mittui ka hruk hul sak thei tawh dawn lo che!...ka....ka hmangaih ber i nih kha...ka awm loh hnu pawn min...min lo hre reng....rawh aw...vawikhat chauh...vawikhat chauh min fawp thei angem!" a rawn tih leh tawk tawk chuan mipa thinlung sak ber pawh hi ka mittui tlak ve mai loh nan ka inseh ruh tun a.Hepa hian eng rilru nge a neih bik hi!












Ka nupui in tap zawih zawih chunga a chala a fawh vang vang chuan a nui suk a
"Ka ngai ngawt ang che!....Hlim taka in awm theih nan....Ka lo dil dawn nia" Min rawn melh deuh tawk tawk paha a tih chuan a darah chuan chelh in a kut leh lamah chuan nghet zet in ka vuan a.A kut arawn zawi tak hnawk rual ka nupui chu a te nghal tuar tuar a.











Ngawi renga tho in Marcus hming lam meuh a a au tuar tuar chu pawn bet vat in nghet zet in ka kuah khawm nghal vek a.A tal nawk nawk a,a te a,a tap bawk.Ka theih tawk nghet zet chuan ka kuah ta ngawt ngawt ringawt.











"LALDUHZUAL...Min kalsan bik suh, maw! Marcus i intiam kha min veng turin ka bulah i awm reng dawn kha...lo kir leh rawh! " ti chuan a au ruai ruai a.Marcus taksa nunna nei tawh lo chu Soma chuan mittui tla teu chung chuan puan chuan arawn khuh a.Chu chu ka nupui chuan duh lo in alo au tuar tuar leh bawk.










Ka kuah beh mek taksa chu vawi leh khatah a rawn zawi hnawk a, ka en chuan nikhaw hre loin alo awm fel der.Soma chu ko in rang zet chuan damdawiin lam ka panpui a, Soma leh Police lo thleng ten Marcus ruang chu an rawn phur dawn bawk!










Khatiang khawpa hmangaihtu kha! Ka mihriat tawh a zawnga mipa tha ber ani hial ang!













💥Rawn comment vek ula....tawp tawh se intih chuan a tawp tawh dawn😅.....Chuan Marcus hi theihnghilh su aw🥺 muttui vek ule💥

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 16th, 2021, 8:12 pm

Chapter - 24







Engkim mai chu a thleng duak duak ni mai hian ka hria, Arita man ani a, dan lo anga a thil tih zawng zawng ah a inpuang fai kelh bawk.A chungchang erawh court in tun thla tawp lamah ala rel dawn chauh thung!









Ni 2 aliam a, ka thiante ho nen pawn kan in tuam bur hlawm mai.Ka nupui ala pangngai thei lo a, nizan ti ila tunah dar 6 ari a zing lam mah aniang chu dar 2 vel khan an khua kan lut a, Marcus tein ah ruang lak nghal ania mahse ka nupui erawh kal ve ka phal rih lo.










Khan ni 2 chhung kha mi à ang maiin a hmang liam tawh a, a tawng ngai lo ti ila Marcus hming lam in a tap deuh tawp ani mai.Kan biak in min chhang ngai lo! Tih tham engmah a eitur a ei lo te chuan min ti nà a, a chhungril natna thuk tak hi lak then sak thei ila ka ti tak zet.











Rei lote tal mu tura ka duh avangin tang teu chungin ka mutpui thei hram a,ka kuah a mahse min kuah let emaw a tum hauh lo ka tihdan dan chuan a awm tawp ani mai.A muhil thei dawn lo tih hre chungin mutna damdawiin ka jection ta tawp a.A taksa rei lo te chhunga tla dawk te chuan ka thinlung hi a ti rum ve vawng vawng asin!










Khuma a mu tawm kak chu kuah tha sauh sauh in alu ah chuan ka fawp leh vang vang a.Innghahna kei lo tumah a nei tawh lo,atan hian ka awm reng angai, ka nupui!










Rei vak lo kan mut leh hnu chuan a rawn źi talh talh a, a rawn meng ta siar siar bawk.Nui sak pah chuan a lu ah chuan ka lo fawp leh vang vang a, mak tih hmel zeta min lo en chuan ka nuih leh sak a.









Rawn tho hluai paha khum atanga chhuk atum chuan abanah ka lo pawt vat a.Min rawn en ve vat ina tal laih laih a.







"Khawnge i kal dawn?" dam zeta ka tih sap chuan min melh vak in a men leh pual tawh.Marcus bula kal a duh tih ka hrethiam nghal vat a, nihnih chhung ka be tawng zo tawh lo bawk!











"Ok..ka hruai ang che chumi hma chuan inbual phawt la, Marcus pawn hmelchhe deuha i kal chuan alo nuih palh ang che" ka tih chuan a insut hraih a, ka awm ah chuan ka kuah bei nghal hle hle bawk.Rei fe a tah leh hnu chuan pawm tho lawp in bathroom lamah ka hruai phei a, ka quater lamah phei loin anu te inlamah kan awm a, anu te erawh zing vartian khan Marcus-a te inlamah an phei tawh thung.Ka thiante ho pawh rawn tel vek in ka quater lamah Pi zami te an awm tho avangin ka phei tir thung!










Bathroom chhungah chuan lut in shower hnuai ah chuan ka dahthla a, chhuak leh in plastic chair sang chu va lain shower hnuai ah chuan ka thut tir a ,ka tih ang anga a awm te, tawng nachang pawh hre lo a a melh ngai a melh tlawk tlawk lai pawh chuan thil ho te te sawi chuan ka be pah reng a, min chhang lo mahse ka be lui zel tho.










A sam chu bawk tawm sak in, shower column chu ka pawt a, a thawmhnaw a underware vel tello chu phelh vek in tui chuan ka phuh tir ta a, engtin mah min hnial lo leh chet mai nilo tawng na chang tak ngial pawh a hre lo chuan min vilh na hle bawk.Hetiang tur chu nilo asin!











Gel chu la in a taksa ah ka hnawih a, ka tleuh fai leh hnu chuan towel chu la in ka tuam deuh hlun a, chumi hnu ah asam chu engtin tin emaw ka suk sak leh bawk.Hmeichhe sam ka vawikhat sukna ni bawk nen ka che buai teuh thin khawp mai.











Bathroom atanga pawm chhuak in a dressing table bulah chuan ka din tir a, closet lam panin a underware leh a thawm hnaw hak tur chu la in ka oan phei leh nghal vut bawk.









A thawmhnaw chu ka thlak mawlh mawlh a,a underware vel ka thlak lai pawh chuan min hnial chuang lo.Sex lam alang lo a,amah vanga ka mangan na chu ka chhungril ah hian a inhnawh tawp tawp mai ani.








Thlasik kan chuangkai chho tan bawk nen boruak a vawt ta vur bawk a, a highneck dum chu hak tir in kawrfual dum a ban bul chy a chung ah ka hak tir leh tawp a, pheikhawk hniam bun tir in,a sam ka chhem ro sak leh a, chumi hnuah phiar sak leh in a dar dinglamah ka bat liam bawk.Mipa mahni ila ka naupan lai khan ka pa hian ka nu sam phiar sak a chin avang khan ka chak ve tlat zel a,ka pa pawh chuan min zirtir ve ta bawk."Apa lo ee" tia a thianten an chhaih fiam chang pawn " Hmangaihna ah te chuan engkim aleng vek alawm, kan theihtawk a kan induhsak na leh kan in enkawl dunna tluk a hlu hi he kan inlaichinnna nupa karah hian a awm thei hleinem" a ti thin a,naupangte mahni ila a thusawi zin tak thin anih avangin ka la hre chiang hle thung.










A bek sir lamah chuan bakkilh a chunga pearl nalh zet an dah chu la in ka kilh sak a.Thawhmai atum chu nem thu leh in ka insiam tur thu ka sawi a.A thu ve mai bawk.









Closet lamah phei vatin ka inthlak ve nghal mawlh mawlh a, Highneck grey chu ha in a chungah suit dum dak nalh zet ka ha leh a, smartshoe bun leh in ka zo der.











Marcus te in lampan a kan kal lai chuan pawnlam thlirin a dak vauh vauh a, ka biak thin pawh chuan hria ang in a awm ngai lo.









Marcus-a te in kan thlen meuh chuan dar 10 a pel ruai tawh a,mi pawh an lo tam kher mai , an hausa in thenrual an neih that mai bakah a thihdan avanga lainat tu an tam a, ral tur ringawt a hmun dang atanga rawn kal tawk tawk te pawh an awm bawk.








Inchhung kan luh pawh chuan an in chu lian viau mahse an lo khat mup a,pawnlamah an thu hmur bawk, hetiang chhiatni thatni kan tawh hian kan hnam hi ka chhuang thin!









Ruang bul kan thlen chuan thutna min lo kian sap sap a, inthlahrung ru hle mahila ka nupui kalsan mai thei ka nih loh avangin a bulah chuan ka thu ve nghal zat bawk.









A tap tawh lo, mahse Marcus a kut chu vuan in a melh leh ngawt ngawt a, a thiante hmeichhe pahnih pawh chu an tap zawih zawih a, mipa ho pawh Marcus-a pa leh a u tiam in an meng sen rum bawk.











Thlanmual a a ruang kan thlah dawn meuh chuan ka nupui a mittui a reh tawh emaw ka tih pawh chu a tap chhuak leh te hak mai.Nghet zet chuan ka pawm nghal a,mahse pawm beh hleih theih pawh ani lo!









"Marcus! Min...Min...kalsan bik suh.....Mawhhh...Lalduhzual....ka la mamawh che nia....!" tiin awrawl chhuah meuh a a tah tak hawm hawm ah chuan mittui tam tak aluang leh ta.










"Min tiam kha....Marcus...ka bulah i awm reng dawn kha, Marcus....khawihngaihin!" a tih leh hlap hlap chuan lainat zet chuan ka nupui chu ka kuah tawm nghal zat a.Nghet zeta min tham let pah chuan a tap khur ngat ngat ani mai.








"..........Lei chu lei ah,vai vut chu vai vut ah..." tia kohhran chairman in thlahna thu a sawi lai chuan kuang an dah thlakna khur chu ka melh ve tlawk tlawk a.










"Ka lawm e aw....Ka theihnghilh hauh lo ang che! I thiannu hi lo ngaihtuah miah suh ka lo enkawl tha em em ang, ka khawvel min chhanhim sak avang hian ka lawm tak zet e...khawvel dangah kan piang nawn leh anih chuan i thil tih man hi rul let leh vek thei dawn lo mahila ka hre reng ang che....Marcus Ka lawm e" ka rilru chuan ka ti mawlh mawlh a.Ka kuah beh mek taksa rawn zawi hnawk chu ka hriat hmaih lo kher mai ka en chuan nikhaw hre loin alo awm der a, rang zeta pawm kangin motor lam pan chuan ka chhoh pui a,a thiante chuan min lo zui vat bawk.











Hmeichhe pahnih chu motor a rawn chuang ve in mipa ho chu Marcus te inlamah lo awm zawk tura ka tih avang chuan an lo awm ta zawk a.Hospital lam pan chuan kan tlan chhuak nghal vut bawk.











Ni thum chhung nikhua hre hauh lo a ka nupui an mut leh meuh chuan manganna chuan a zar in min zar hliah ta mup mup mai hian ka hria.Ka pu leh Ka nupui nu leh pa te rawn in ka hna Police inspector hna chu ka bansan ta a,a chhan pawh duty ka ngai tawh miau ani.Mahse heti chung hian ka nupui hi rei lo te chhung pawh ka kalsan thei lo, heng a natna zawng zawng te hi ti dam vek thei dawn lo mahila a tam zawk tal tih dam ka la tum fan dawn alawm.











Ala harh loh chhan Doctor te sawi dan chuan a taksa chau tawng khawng vang ani a, ti hian damdawi hmangin kan enkawl tawp mai ani.Zanlamah ka riahpui a chhunah anu te leh a thiante'n class kal loh changin an lo kan ve deuh reng bawk.









A thiante ho pawh chu Marcus thihna chuan a nghawng ve hlawm ngang aniang an tla ve dak hlawm mai.








Zan lai dar 11 pelh hlek vek chuan Kolkata lama kan sumdawnna lehkha pawimawh vel chu ka en fel zo deuh chiah a.Bag ah chuan khung mawlh mawlh in kan zi mar ve leh te te a, chumi hnu chuan tho chhuak in ka nupui mutna khum lamah chuan ka phei ta a.A khat tawk a drip an khai tih mai loh chu enkawl ngaihna vak a awm chuan loh avangin tiang chuan kan awm deuh tawp ani mai.












Khuma mu hmel hmu thei china ka kal hnu chuan ka ding chawt mai! Ka nupui chuan a mutna khum atang chuan chiang zeta min lo en pah hian min lo nuih sang a, kal phei vat in a drip khai lai ka en a,alo zo der tih ka hriat chuan nurse pawh ko lo in ka phawi nghal vat a, hetiang tih te zawng ka thiam lutuk tlat.










"Bawihte! I tha em..? Na i nei em..?" tih vut paha a kut dawn a ka melh vang vang chuan min nuih ringawt a,min chhang hauh lo! A kut chu ka hmui chuan sì vang vang in a lu ah ka fawp leh a, "Zawhna ka zawh che kha..?min chhang rawh le, i mu rei lutuka min ti mangang alawm" ka tih sup chuan nu sei pah hian a lu a thing ringawt a.










"Tui in rawh aw!" ka tih chuan a hmui chu tawng tum ang deuh chuan an kau deuh a,mahse engmah a sawi lo maktih hmel zeta min en pah chuan a kut ka vawn loh lam chuan a hmui chu a khawih leh de de a, tawng tum ang taka an ang leh ziau thin leh engmah a sawi chhuah leh thin loh avang chuan ka mangang leh ta deuh.Tui chu la in ka in tir vat a, a in zawh hnu pawh chuan a àw hriat tur a awm chuang lo.












Mangang hmel zeta min rawn en chuan a lu ah fawp leh vang vang in "I tha leh vek ang" tih chuan ka hnem nghal thuai a, amh enkawl tu doctor Ramnghaka ko vat in a enfiah nghal zung zung bawk.










"Thianpa!" a rawn tih sup chuan ka melh ve nghak thuai a,ka nupui mitmei veng zet a min en chuan "A pawi lo,sawi vek rawh!" tiin ka nupui kiangah chuan ka thu thla nghal zat a,nghet zetin ka vuan bawk.










"Dik tak chuan hetiang hi doctor line ah chuan Speech disorders kan ti a, a then chuan Speech impairment an ti bawk, a awmzia tak ah chuan a thil tawn avanga nei ni ber in alang,a taksa pawn lam ai mahin Hruaii hi a chhungril lamah a thil tawn khan a nghawng nasa zawk a, chuvang ber chu ani reng bawk.Engmah harsat na dang phei chu a taksa ah a awm hran dawn lo mahse engtia rei nge a tawng theih dawn loh a sawi theih loh thung, a tana thil pawimawh tak chu hlim takin siam la,a tawrhna zawng zawng hneh let thei tur hian chu chu a mamawh ber ani, atana dam na kawng ani bawk!" Tia Ramnghaka'n a sawi chuan rilru leh thinglung ava lawm si lo em!







•Nakin zanah kan zawm dawn nia😁

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)