Im Yours By Apuii Tlau (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

Re: Im Yours By Apuii Tlau (Completed)

Unread post by Ngaia » May 16th, 2021, 8:08 pm

Chapter - 7





"Tunge a..?" Afakin a tih sap ah chuan ka hawi à hau a,Isaac te lam min mit mei zauh chuan ka hawi phei ve leh hram! Mahse ka thil hmuh avang chuan ka tawt nghal vek in ka hria.Zosangpuia pawh chuan min lo la en reng a,ka hmu tih a hriat vang nge pawh ka hre lo chu hmeichhia in a chelhna chu ka hmuh loh hlau niawm fe hian a kut leh lam chuan an dawm hnan zauh a! Ka en thei lo...Ka hawi let thuai a,ka mit a phe deuh vek! Ka tah hlau lutuk chu kun in a ruk chuan thawk ka la kawk kawk a! Engvang a hetiang a awm hi nge ka nih.Ka lo duh ve hman em ni? Zosangpui leh!










"Kimtei ani in ka hria,Kan Sociology HOD Fanu kha, thak ve deuh mai !" Ngaihsak'n a rawn tih chuan ka dak chhuak nghal zawk a.Midang ho chuan kan hre ve vak lo ani mai thei,hre hmel pawh kan pu vak lo,kei tak phei chuan ka hmuh vawikhatna aniang.









"Engtin nge i hriat?A tawih reuh saw" Hma'an alo tih chuan "Lerha!" Afakin alo ti thuai bawk!








"Ka cousin Fela nen khan an ck ve zuai tawh alawm" atih chuan ka lo thaw hak.A hawi her en reng reng pawh sawn a nasa ve thawkhat viau ang tih a hriat,a che zia inla class tak te saw.Ninawm!!









Ka hnunga pen ri khup khup rawn awm chu tu ke pen ri nge ka hai hauh lo,ka lung phu ran zia chu! Ka thiante ho pawh chu an ngawi ve thiap bawk.Thil thleng tur kan nghak ni mai hian ka hria.Mahse,min rawn kal pel fua in kan piah deuha dawhkan awl ah chuan an thu a,waitress in an order ala nghal vek bawk.Zosangpui an duat hmel fe a,nuih suk suk paha a thil tur a order kep vek te chuan ka lung a ti chhia.Ka awmdan pawh ka hre thiam lo,mahse sawnu saw a duat ve ka phal lo ani mai in ka hria!










"Hruai kan haw mai dawn ami..?" ka bula thu Awiteiin a rawn tih sap chuan ka harh chhuak zawk a.Zosangpuia te che vel chu ka lo melh ngur chu niin.Rang zet chuan Awiteii lam chu ka hawi a.Mak tih hmel zet leh nuam tih loh hmel zetin min lo en bawk.








"Dessert in chah tawh kha,ei phawt ila kan kal dawn nia!" nui lui ngial chung chuan kan ti a.A hmelah chuan nuam ati chiah bik lo tih ka hria.Mahse keimah vang mai mai a,an intih buai ve chiam ka duh lo.









Mipa ho chuan fiamthu an rawn thawh leh a,an nui leh ta dar dar.Rochhuma chung chang bawk ani an sawi leh ni.Afaki lahin a tin uai uai reng bawk sia.Mahse an nuih dar dar lai pawh chuan ka nui ve hleithei tlat lo,ka mit te pawh hi ka thunun zo tawh lo aniang,Zosangpuia te ka mit sir ru reng a,duh lo hle mahila ka hriat loh kar in ka lo melh leh thin.











Ka awm ve tih hre reng chung pawn akut ala vawn sak ham ham zui.Duh hmel zeta a en reng te chu ka hua.Engtin nge khatiang khawpa ka chunga a chet hnu ah midang a kawp leh mai theih ni! Mipa ho mizia zawk em ni..?Mahse...









"En tawh suh!" ti sup ri ka hriat rual a,ka sahuat lai ber a Marcus an a hmai hmanga a rawn nul chuan ka lo chiau that a.Ani erawh a rawn nui suk thung.Ka tal deuh lahin ka ngawngah a hmai a phum lui deuh tlat nen a za bawk si chu ka nui chhuak hak a,duhtawk tur a tiin ka chiau chul bawk.Kan thiante lah chu eng ber nge ka hre lo an lo nui hak hak hlawm bawk,tumaw ber chu an ti tum leh bur tawh mai thei ani.Kan nuih ho pawh hian pakhat tal hi ahnu lawk ah ati tau ngei ngei a,an thlem leh duam duam zel bawk.A tawp a tawp ah Lalduhzuala pawn min kal san ve thei hram.Ka thlan a tla deuh phung thei hial,mawl ve thei sia,ani pawh a nui ve sawng mai.Kan chum hram kha!









Zosangpuia te chu ka hma chiah hmuh rem zeta an thut vang chuan ka melh zawk a.Ka thawk a phui nghal ni mai in ka hria! Chiang zet leh rum zetin min lo melh ngur a.Khanu kut kha vuan tawh lo in tuiin na glass no alo hum run bawk.A mitmeng mawlh chu a rum mai piah lamah a sen vek ni mai hian ka hria,mipa dang laka min hauh nat zia ka hriat chhuah rual chuan nuam ti lo lutukin ka hawi à deuh hau a. Mit khap kar leka thil thleng avang chuan ka au chhuak teuh kher mai.Ka mangan lutuk chuan pan nghal mai ka tum a,mahse khanu bawk khan Zosangpuia Glass hun keh chu a buaipui nghal sawk sawk ka hmuh chuan ka insum hman hram.Nula dang aneih reng laiin kei!










En duh tawh lo chuan ka hnuai lam ka bih deuh hram hram a,midang ho pawh chuan Zosangpuia lam ngaihven lo in an la ti ti zui mawlh mawlh bawk.Rei lo te ah dessert alo thlenga phur zetin an lo ban nghal zat zat a.Marcus erawh in min melh leh run run zel!










Ka phone a rawn rik chuan awmsep deuh dawrh khawp in ka phu zawk a,ka thiante chaun mak tih hmel zetin min lo en bawk,ka tha tih lan tir nan kan nuih lui ngial a.Ka phone screen a hming lang avang chuan ka thaw hak a,an thutna lam ka va hawi chuan an lo awm tawh hauh lo!Ka la ngem tih ka ngaihtuah fe hnu chuan zawi muangin ka bengah ka dah ve ta hram a.







"Rawn chhuak nghal rawh!" A awrawl tawp in a rawn au ni mai hian ka hria.A thinrim tak zet tih a thaw lak dan ah ka hre bawk.
"Lalhruaizel i rawh chhuak nghal lo anih chuan kha mihring pa kha mi zawng zawng hmuh lai hian ka sawi sa hreh hauh lo ania!" a aw chu ring vak tawh lo mahse a hlauhawm zual sawt in ka hria.Ka kal lo anih chuan a thil tih tur sawi kha ati hreh hauh dawn lo tih ka inhriat chian tluk in ka hre chiang bawk.






"Umm" ka ti sap a,tawngkam dang ka hman chuan ka thiante ka ti hlauthawng mai mai ang tih ka hlau bawk.Thaw hawng chung chuan a hmet tawp a.Ka kuttang te chu a khur deuh ti tih ve hial mai.










"Ka ...ka kal angai" ka tih chuan phawk zetin min rawn melh hlawm a.




"Khawiah chuan maw..? kan haw tep hi? " Awiteii chuan alo ti vat a






"Nia ...ngatinge a?Thil thleng a awm ami?" Hriat'n alo tih ve sup chuan lu ka thin na na a.






"Kal rawh!" rawn ti sup tu chu ka melh vat a.Hmel danglam teh chiam pu lo hian min lo en ve bawk.Marcus berin a tih chuan midang chuan engmah an sawi zui tawh lem lo bawk.Ka bag chu lain ka ding a,mangtha hlawmin ka chhuak phei nghal bawk.








Pawn ka thlen chuan ka hawi kual nghal a,mahse ka hmu mai lo.Motor signal light lo phe zeuh zeuh lam chu ka en vata,Isaac-a chuan min lo en run anih chu.A thinrim tak zet tih chu a hmel chang bal ah chuan a chiang thaw khat viau bawk.Huphurh zet chuan ka pan phei a.Min sawisak duh mai te ka ring rum rum hial.Car chhungah chuan ka lut vat a.Min lo en nghal run bawk.









"Seat belt kha hreng rawh!" rawn tih hmuk pah chuan motor chu a start a,rang zetin ka hreng nghal ka zo fel chiah tih chuan tlan khalh hlau ang hrim in ani a tlan chhuah ni.A khalh chak lutuk chu thinphu dep dep in ka lo thu tawm tlat a.seat belt chu nghet zetin ka chelh bawk.A hmelthim run chuan a hmalam chu a en runa a khat tawk a a stearing chum leh dawt thin te chuan min ti phu zawk zawk thei hial.










"Chhuk rawh!"kan in kawt kan thlen rual rual chuan ati chang bal a.Rang zet chuan ka chhuk nghal a,car pawh dah fel lo chuan lo chhuk ve nghal in in lam panin kal nghal hlawk hlawk bawk.Thin phu dep dep chuan ka zui phei a.Taka engtin nge maw a rawn kalpui nu kha atih tak ni!









Kawngka inkalh bam chu a lo hawng rak rak a,a hawn zawh chuan lutin light a on nghal thuai bawk.Ka luh ve chuan chhuat ah chuan alo tei kual vut vut a.Ka pen luh rual chuan min rawn melh nghal hrawk bawk.A mitmeng thim tak chuan ka tha an ti khur ve thei hial.








"Lalhruaizel i pasal ka nih hi i hria em?" a rawn ti hrawk chuan in ti pachang lui chuan ka lo melh ve hram hram a.Ka aw te chu a khur dawn in ka hria.Aw thian hmasa kharh chuan ka bu nghat a.Thaw hawk in a sam a tuai chho pawk a.Kan sofa hun hnung lam a tlawh tak chiam ah chuan hlau zet leh khur ru der der in ka lo melh ve tlawk tlawk!










"Khapa kha ka thah i duh em?" a thil tih lai chawl chuan min rawn en vut a.A mitmeng chu rapthlak tak ani.Engthil mah tih hreh a nei dawn lo tih a hriat ngawih ngawih bawk.Mittui tling piau chuan ka lu ka thing nawk nawk a.Ka aw ka a chhang tur chuan a ri chhuak thei angem tih pawh ka hre lo.










"Mipa dang hnaih suh tih ka sawi chiang viau ani lawm ni....ka nupui" a aw chu a dam leh vek tawh.Nilo a nui sawng te nen chuan rapthlak lam akal zawi muanga min rawn pan chhet chhet chuan ka lo tawlh hnung ve hret hret a.Mahse kawngka bul bangah chuan min rawn hnaih chilh ta ran mai.










"Ka nuipui i nih hi!" tih hrawk pah chuan ka nghawngah a rawn rek nghal chawt a.Bang rin chhan chuan min rek bet der.A kut chu lak sawn tum chuan ka bei ve tang tanga mahse sai nawr sawn tum an vel ka ni.A mitmeng sen rum chuan hnai zetah min rawn en a.Ka hlau lutuk chu ka tap chhuak lo chauh.Ramhuai chiah chiah ani.Ka mittui ka dang zo ngang lo,thawk harsa bawk nen ka biangah chuan alum thla pap a.











Vawi lehkhata ka nghawng atanga a kut alak sawn rual chuan chhuatah chuan ka tlu thla hnawk a,tap pur chung chuan ka khuh bawrh bawrh.Hetiang khawp amihring mitmeng rapthlak hi ka la hmu ngai lo.Ka hrawk na vek chu dawm chung chuan ka khuh reng a.







"Bawihte!" mangang zeta ti sup ri avang chuan mittui tling piau chuan ka hawi chhuak a.Zosangpuia chuan a kut chu lek in a en vung vung a,min rawn en leh in a kut bawk a en leh a,chutah mangan hmel zetin min rawn en a.A mitmeng chu naupang a thil tih sual an man ang mai ani. Hrehawm tih hmel zet hian chuan a thaw hak a.Ka mittui rawn luang thla leh a hmuh phei chuan ka bulah a rawn thu thla hnawk ni mai hian ka hria.








•••••Ka mu daih dawn, ngaihtuah zawm mai ru😁😂😘😘😘❤••••



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 16th, 2021, 8:09 pm

Chapter - 8





"Ka ....ka...ka tum ani lo, ka inthunun zo lo....Bawihte.." ti bah nuai in min rawn ban a tum chu duh lo in ka lo tawlh deuh hrat a.A chet dan kha! Min tih nat hreh miah lo tu bulah hian awm ka duh lo.A hlauhawm ni e....A hlauhawm tak zet.Ka tawlh hnun rual chuan mitmeng buai nakin min rawn en a,thawk la hak in a sam a tuai leh puat bawk.









"Ka haw duh!" ka aw chu a khur lek lek a.Heta a bula ka awm reng chuan min la tina nawn leh lo ang tih pawh ka sawi thei lo.A kianga awm hi tunah chuan ka duh lo.A mitmeng rapthlak tak te kha manganna in rawn thlak tawh mahse ka mit thla ah ala cham a,ka tha ala khur thei hial.










"Aih aih aih...I haw dawn lo, ka ...ka nupui i nih kha" rawn tih bah nuai chuan min rawn hnaih a, hlauthawng zeta lo tawlh sawn ka tum chu min rawn chelh bet nghal hmiah a.Kut min thlak leh mai ang tih ka hlau lutuk chu tal chhuah tum chuan ka bei nghal.Nghet zeta min vuan in min din pui nawlh.










"Ka duh lo! Min thlah rawh.....ka haw duh..." ka rak chiam chiam a,ka thlabar tak zet.Nghet zeta min vuan in a room lam pan chuan min kal pui a.Tal nasa viau mahila a kal a thulh phah lo a,ka tal chhuah phah hek lo.Ka tap pur tawh a,a room kawngka chu a dar a nek hawngin min luhpui nghal a.A khum a min nghah thlak dawt rual chuan remchangah la in tawlh sawn ka tum nghal! Mahse ka kawngah min lo vuan hman run anih chu.













"Ka duh lo...Ka haw duh ka tih chu, i hlauhawm si!" tap pur a ti chung chuan ka tal leh nawk a.Mahse min vuan nghet lutuk tlat.A hmui lum ham ham chuan ka lu ah a rawn nawr vang vang a.Ka tal chau zo tawh chet pawh ka che tha peih tawh lo!










"Khawiah mah i kal ka rem ti lo, ka bulah chauh i awm dawn" a rawn tih chuan ka insut hlap hlap a.Ani ang mi nunrawng lutuk bulah hian ka awm duh tawh lo.Nichin pawn min tihnat a hreh hauh lo anih kha.Nakinah chuan ka nunna chen hian ala la duh ang....ka ngaihtuah na vang chuan ka taksa chu a khur dawt dawt a.










"Hahdam rawh...Shhh...a tha vek dawn....ka tihpalh anih kha, ka tina tawh miah lo ang che....hahdam rawh le...ka tihpalh anih kha bawihte tap tawh suh le" A aw dam thlup chuan ka rilru a ti no zual a, ka tah insum lutuk chu ka awm leh ka hrawk a tawt vek thei hial.A hmui chuan ka lu chu a rawn nawr leh vang vang thin a.











"Min rek a chuan min thah i tum..." ka tih bah deuh nuai lai chuan a rawn thawhawk a.Ka lo kimki nghal chawih bawk.








"I bulah ka awm duh tawh lo...." ka tih leh chuang nghet zetin min kuah bet run a.Tal tur tak ngial pawn tha ka nei tawh lo.Ka hrawk a rehna chu a sa deuh han ham bawk.









Rei fe chu tawng lo in min kuah char char a,ka taksa te hi an tan tung a ka hahdam thei lo,thinrim leh thutin min rek leh ta se ka dam khaw chhuak leh kher angem!Ka taksa te chu an tang zual nghal vek a, min kuah hlun tupa chuan a lo hrethiam aniang chu a hmui lum ham ham a,ka lu rawn nawr vang vang in min kuah nghet sauh sauh bawk.











"I taksa hi tu mipa mah in an khawih ve ka phal lo!" a rawn tih thum sup chuan ka phu zawk a.A phun nghal hluk bawk! A nupui ka nih vanga min hauhna lutuk nge a thik thu vang a hetiang a a chet.Thik thu chu ani lul lovang, a hminga a nupui ve hian a hmingthatna ka tih bawrh ban a phal lo te pawh ani mahna.










"Inthen...in ...inthen mai ang" ka ti bah nak chuan a rawn rum nghut a.Ka tawm leh nghal chawih bawk.







"Van a arsi i chhiar kim theih hunah chauh ka then ang che!" a rawn tih sup chuan ka lo thawhak a.Tun ang hunah a fiamthu thawh chuan min ti nui thei mai ani lo ka tah lam lam a ti chhuak.











"Inthlah dul la ....thil sawi duh ka nei ania" a rawn tih leh sup chuan ka lo thaw leh halh a.A hmai lum vung vung in ka sam kara ka nghawng a rawn nawr chuan ka lo tawm nghal chawih bawk.









"Nupui hual ka nei thin a.." a thu sawi avang chuan mak ti zeta hawi buai nak in ka hawi let thuai a,mit meng dul deuh hian nui lui zetin min lo then khum bawk.







"Khawnge..?" ka inthunun hman lo,ka lung phu zaih zaih te chu hlauhna vang ani tawh mawlh lo.Ka zawhna vang chuan rawn nui ri hak in chiang zet hian min rawn en a.A hmelah chuan nui hmel lang mahse a mitmeng erawh chu a tak ran thung.Chu mitmeng vang chuan ka taksa inthlahdul tan pawh chu ka tang leh nghal deuh bawk a.









"Kan inneih hma zan in a bialpa hlui nen an tawm lai ka phawk a!" sawi deuh puat angin lang mahse a tawng a tawp lam chang lam hret ah chuan natna ni awm tak ka la hre tel thei bawk.Nupui hual alo nei tawh reng a,chu erawh a duh tak,a hmangaih tak ani ve thung ngei ang,mahse a rinawm loh san.Hei vang hi emni a thil hauh pek anat bik em em?










"Chuvang em chuan ami,i thil midang khawihpui i ngaihtheih miah loh!" inthlahrung zeta ka tih ve sap chuan min en in a nui leh suk a.Mahse a nui hmelah chuan lungngaihna ka hmu thung.









"Ka ril a tam!" kan thusawi a rawn thlak ta daih a.Ni tak e,hotel ah khan engmah a ei ve hman lo tak.Chuan..hmeichhia!









"I rawn kalpuinu kha i ei pui hman nange?" ka taksa inthlah dul deuh leh a kalpui hmeichhia ka ngaihtuahna chuan keimahah lungawilohna mak tak min siam a.Ka ngaihtuah zawng te hian ka tawt deuh tun mai!








Mahse ka thusawi chu ngaipawimawh hmel pawh a pu lo.Nui sawng chung chuan ka ngawngah a rawn nul leh thuak a,ka lo rak that thung.Nui hawk in min pawng kang nawlh a,ka chiau leh that a mahse ngaipawimawh hauh loin choka lam min pan pui nul nul.










"Eitur min siam rawh!" gas stove bula min dah thlak rual chuan ati sup a.mit zim san in min melh reng bawk,ka pawha chhang lo chuan ka bu nghat a,nui sak in ka lu ah a rawn fawp zauh.A thil tih hote pawh in ka chungah nghawng a neih nasat sawt zia hi,ka taksa pumin a sa chhuak ve thei hial.






Pi zami eirawngbawl sa ka tih lum ang che ka tih in a duh bau lo zui.Hahthlak! Noodle ka lei sa bawm ka hawng a,spicy vek thak a ngam lo ropui si....Lalpa le! Jajangmyeon noodle pack khat alo la awm hlauh.Tui chhung so in ka chhum sak nghal a.Gas lam ka vil reng lai chuan ka kawngah rawn zen in hnunglam atang chuan min rawn kuah hlun a.Ka tang deuh run nghal bawk.










"Mipa dang tumah i in khawih tir tawh dawn lo tiraw..?" a aw chhuak chu a ngen ngawl tak zet a,a natna te chu alang tel thei hial ani.Ka hmeichhe lung no chuan aih tih in a chhang thei ta hauh lo.Lu ka buk nghauh chuan lawm hmel zetin a thaw nghal huai a.Ka chhip ah a fawp leh vang vang bawk.







••••••••••••



Zing ka harh chuan nizan a mut dan ngai renga mu in alo la mutui hle a.Ka taksa a deh hian ka hlauhna ala reh fel chiah lo bawk nen ka awm thei ngang lo a.Nimin ah a kiangah ka mu ang tih ka lo tiam bawk nen ka mu ta ngei a.Mahse min kuah emaw ka duh lo, a ni lah a khawih ka duh lo chu hrehawm a ti bawk si nen ka kut tal tiin ka kut leh lam a vuan a,leh lam kham bawk in ka lam hawi in a rawn saisir a. Zing ni chhuak te nen chuan an mawi tak zet !












"I harhna rei tawh em?" rawn ti sup tu chu ka en nghal vat a.Sam thur deuh siau leh mitmeng hnim rai in min lo melh ve bawk.Ka kut ala vawn reng chu hmu leh thuai in a nui suk a,a fawp leh ta vang vang.A chet dan hian vawi sang tam ka lungphu ri a siam hial.









Rawn thu chhuak in khum a ka mu lai chu min rawn melh vang vang a,nilo min melh tawh lo ka nghawng lampang ani a melh tawh zawk ni.Pawi tih hmel fel leh pik hmel zet a thaw chhuak hawk in ka nghawng chu a rawn chul nghal riak a,ka lo tawm nghal chawih bawk,nghawng khawih hi ka ti thei vak lo! "Ka tum reng vang anilo asin" inthiam loh hmel zeta a tih hap chuan ka lo melh let kal a.A hmelah chuan ati tak zet tih a hriat bawk.









"Imm...tho ang, kan tlai palh ang" ti sap in ka thu chhuak ve nghal a.Min en leh vang vang phawt.








"Ka...ka inthunun hman ngang lo ani,i duh duh dan in min khawih ve rawh,i rilru dam nan chuan engmah pawi tih ka nei lo..,Bawihte Please!" a rawn tih sup chuan ka en vat a.Ka khawngaih ve tak zet,bumna hma chhawn tawh ani a,a fimkhur in hauh pawh pe na awm ania lawm.Nui lui sak in a biangah chuan ka fawp zauh a,engvang nge ka hre lo rilru thlamuang deuh a aawm ve ka duh ani ber mai.A rawn hawi buai deuh nak chu nui leh sak in a room atang chuan ka chhuak ta nghal a.








••••••••
••••••••《Zawmna》




Isaac Zosangpuia (Pov)







Ni thum a liam leh tawh,kha kan nupa inkar fel loh atang khan.Mahse mak tak mai in a hma aiin kan in pawh tawh zawk a, dik taka sawi chuan min huat reng na kha a reh ve tan chuan ka hria.A bak erawh kan inkarah engmah ala awm lo thung,amah hauh ka pe na em em a,chu chu hrethiam takin ka hmuh laiin mipa a hnaih tawh ngai lo, mahse kan inkar erawh inngaihzawnna emaw in duh na lam kan sawi ri ngawi tawh lo thung, thiantha tak angin bul kan tan ni mai hian ka hria. A chang erawh hi chuan chimawm eltiang ani!












"Sir, Cindy nu kha tukin zing dar 5 vel bawr khan an in chhak step ah khan thi chhawnga chhar ani a,tunmai khan report kan dawn chiah ani" ka room a rawn luh paha Inspector Ramsanga thusawi avang chuan ka ding chhuak nghal zawk a.









"A na viau em? Tu thil tih nge hria ani em..?" tih nghut pah chuan ka dawh kan a ka phone leh luhkhum vel chu ka ban nghal vut a kawngka lam panin ka kal nghal bawk.










"Sir,hre rih lo,a bazar kal tur ani awm e,a lu ah hliamna tak neiin , tunah chuan ala harh chhuak lo!" ka hnunga min rawn zui pah chuan ati mawlh mawlh a,a tawp a athusawi avang chuan ka dung dat a.Thawhawk in constable pakhat chu motor ka lak tir nghal bawk.











"Kha case kan open leh vang kha em ni niang..? Tualthahna tak tak tihna em ni Cindy thihna kha!" Ngaihtuah buai hmel zeta a tih leh chuan ka lo bu nghut ringawt.Tu phiangsen chu ni rawh se ka man chhuak khawp ang!







"Damdawiin lamah chho phawt mai ang,min lo zui la" ti hmuk pah chuan bolero rawn dingah chuan ka lut zui hmak a,Ramsanga pawh a rawn lui ve mai bawk.Nula pawisawi lo tak thah ani a, amaha inti hlum anga lan tir anih hnu ah anu in case rawn open leh in ama inti hlum anih loh thu a rawn sawi a,case a kal tan leh chiah tihin a case file tu ber thichhawngin a awm leh nghal a, hethil ti tu phiangsen hi chu tupawh ni se ka chhuah hauh lo ang.








Damdawiin chhungah chuan lutin a awmna an sawi lamah chuan kan phei vata, O.R room kawtah chuan an lo thu laih a.Kan pan nghal vut bawk.A pasal lo thu kawm chal chu hmu vat in a hma ah tak chuan ka va ding nghal hmuk a.








"Pu chawi, kan be lawk thei che em..?" ka tih nghut chuan alo dak chhuak vat a,a mit atang chuan amangang ve tak zet aniin ka hria.Pa lian tak chu ani lo na a,a te chhe hauh chuang lo, a taksa pwh a inphut mawi tawk phian,an la upa lutuk lo bawk a a awm ve reng bwk.








"Sir, ka nupui an zai mek a,thih suala a awm lai hian ka kalsan thei rih lo,nakinah kan inbe mai dawn nia" a rawn ti ve sup a.A dik ve reng mai.OR kawt velah chuan min an awm ve thup a,an thenawm khawveng leh an chhung leh khat te anih ka ring.
Haw mai ta bik lo chuan kan nghah pui ve ta reng a,darkar dawn lai kan awm ve hnu chuan doctor chu a rawn chhuak ta hram a.








"Doctor engnge a an..?" Pu chawia chuan alo ti thuai a,doctor pawh chuan thawhak in
" Kan zai hlawhtling chuan ka hria a,mahse alo harh chhuah hun tur hriat ani tlat lo, step alum na lamah khan a nerve a sawh chhe bawk a, ke a kal a thei tawh kher lo ang" Doctor thu sawi avang chuan ka lo thaw ve hawk a.Ka chhung lam chu thinrim luat avang in a phu zawk zawk bawk. He thil ti tu hi chuan ka kut thak a tuar ngei ang.









"Doctor a fal in ka be thei che em?" ka tih nghut chuan min rawn en vat a.Cindy pa pawh an lo hnem nghal liai liai bawk.





"Thei e,ka cabin lamah phei ila!" tih sup pah chuan min rawn en a,ka buk nghat chuan kal hmasa in kan zui thuai bawk.









"Thiapa hetah eng nge i rawn tih a?" corridor a kan phei lai chuan nurse pahnih nena rawn in zui phei pah chuan Ramnnghaka chu kan hmalam atang chuan alo phei a.








"Case kal lai ah hian in doctor hian min pui thei dawn a hei kan rawn zui anih hi" ka tih sup chuan a bu ve nghat a.







"Dr.Dinsang ka thianpa nih hi aw...Lo inkawm ula kei chu ward fan ka la ngai a,ka phei mai ang, chuan ka nu in chawhmeh rawn la kawi rawh ati" a tih chuan ka bu leh nghat a,anu hian nupui ka neih hma atang tawh khan fapa ang chiah in min ngai a, a pasal a sun ve tawh bawk.Ramnghaka leh a u hmeichhiah chiah fa an nei a.Ti hian ka chawhmeh tur hi min pe min pe zel a,hnial pawh a hnial theih loh.









•••••



"Dam khaw chhuahna chance a nei em?" a cabina kan thut luh rual chuan ka ti nghal tawng a.







"Nei e, mahse unconcious in awm theihna chance a ngah bawk...Diktak chuan a lumna kha a thui aniang a insawhna em mai" atih ve sup chuan ka lo rum nghat a.Tu thil tih teh hrep nge mawni.








"Enkawlna tha ber pe ula,a harh chhuah a pawimawh ania min lo vil ngun sak deuh bawk dawn nia" ti sup in ka ding nghal vut a.Ramsanga pawh chuan ka chhuak chu min zui ve nghal bawk.






"Sir, engtia hma han lak chi nge mawni le?" A rawn tih sup chuan keipawn ngaihdan pawh ka nei bik hauh lo.Mahse risk lak tawp angaihna hun a awm thin.









"Va biak tum leh phawt ang,a pasal te kha!" tih pah chuan ka kal hmawk hmawk a.







"Hun min pe thei tawh em?" ka va tih leh nghut chuan min lo en haw hlawm a.A nupui an zai zo a,ICU ah a awm mek tih ka hria.Mahse a sar hu lai hi a pawimawh ve tlat.Buk nghauh pah chuan a rawn ding chhuak a,min awm vak lohna lam ah chuan kan phei nghal bawk.








"A pawi ka tih pui che a,mahse tunah rih chuan ka biak ngei a tul che ani!" ka tih sup chuan min rawn en zawk a.







"A tha e,i duh duh min zawt thei ang" a rawn tih ve sup chuan ka bu zauh a.Kan kianga Ramsanga ding chu ka mitmei zauh a,recorder phawrhin a record nghal bawk.









"I nupui in hliam lai hian khawi ah nge i awm?"






"In ah,ka tih awmzia chu exer ka la mek a,bazara thu thin anih avang hian a kal hma thei hle a,kan tho rual a,kei hi P&E office ah sawn hna chhe te ka nei ve a, chuan ka hriselna hi hman kum deuh atang khan a tha lo em em a,ei tha leh damdawi te hmangin ka in enkawl a ti hian exercise te pawh ka la ve reng ani" A ti chuan chiang zet hian ka lo en a,dawt sawi hmel a pu hauh lo chuan ka hria.









"I nupui tlu chu tunge hmu hmasa ber?"








"Kan veng tlangval pakhat Hminga zing work in ania, chuan an lo bawihsawm vat a, a hnuah min rawn phone ve chauh ani" a tih chuan a aw chu a zuai hle a.







"I fanu Cindy kha postmortem i rem ti lo tih ka lo hria a" ngaihtuah zui loh hmel fe tukverh lama hawi chhuak paha ka tih chuan a rawn thaw hak a.








"Ka fanu kha a unaute dang zawng zawng ai pawh in ka hmangaihin ka duat a, khatia min kalsan phei kha chuan mipa fa nimah ila ka na tak zet, a ruang han chan sawm tir vel kha chu ka phal ngang lo ani" a tih chuan ka lo bu nghut a.











"Case hi sut leh mai ka duh,ka fanu ka chan tawh a,tunah ka nupui....ani tal hi chu ka chan thei tawh lo" lung chhiat hmel zeta a rawn tih chuan ka melh ve vat a.









"Lungngai mah ta che ka man chhuak dawn alawm" tia a dara ben sak zeuh in kan inbiakna tu ka ti tawp ta a.









"Sir,a bialpa kha thu kan zawh fiah leh dawn ami niang,kei chu ka ringhlel deuh tlat a thih zan pawh khan an inhau ani awm e" Ramsanga thil rawn sawi chuan ka beng luh mahse aw ka pawh lem lo.







"Ramsang thil pakhat ti teh" tih sup pah chuan a thil tih tur chu ka hrilh nghal a,lu bu nghauh nghauh in a kal ve mai bawk.






•••••••••





*In bang tawh em?* Dar li a ri dawn thuak tawh a,an ban tawh chu ring tho mahila ka zawt lui ta tho.






*Bang tawh....Ka inbual zo chiah* ka message chang ang hrima a rawn reply rang lutuk chu hlim ru zetin ka nui suk suk a.






*Ei chak i nei em....?*





*🦐🦐🦐🦐*






*Prawn...?*





*Imm...A fry tur in,a medium ang kha chuan korean noodle pack nen* a rawn tih duh chuan ka nui sang tawh.Thawpik deuha ka awm lai pawh hian ka bula a awm hi chuan ka zia hawk thei reng ani.







*Another one?*




*Kimchi*





*Eng nge chu chu..?* a thil rawn sawi chu ka hre hauh lo.





*Lo lei ngei ngei rawh aw....Insuk pho ka ngai bye😁😝* a rawn ti daih.Ka zawh nawn leh pawn a indeliver thei tawh lo.Buaithlak engtin nge ka zawn tak ang.
Ramnghaka hi zawt ta ila kei aiin a bo zawk mai thei ni.Lalchuta a khi!










"Ramnghak i buai em..?" amah lo zawh tur dang ka hre lo ka han be leh thawr.Zak ru viau mahila ka nupui chimawmi khan a duh tlat sia.Zahlo a ngai ani mai.







"Buai hran love, eng nge ni leh ta?" a rawn ti vur vur a.






"Kimchi tih hi engnge i hria em?" ka ti nghal thawr.Ka lei huna a hlim hmel tur ka hmu chak lutuk hian ka lei lo phal hauh lo.Engzat man pawh nise ka lei ang.








"Chutiang a awm ngai ami...? Mizo tawng pawh anih loh chu khawl lam nge thil chi zawk?" Ka hre bik hauh lo.Thlai chi emaw ni le! Pangpar chikhat hming aniang a.









"Ka hre bik lo, lei a ngai a..?" ka tih chuan a ngawi vang vang a.








"Mami kha be teh a hriat ka ring? Pangpar lam aniang a hre lutuk!" a rawn tih chuan thaw huai in ka dah daih.Min ngei leh teh ang chu.









Ramnghaka u chu ka be nghal vat a,ani pawh hi college ah lecture'r angin a thawk ve mek.





"Mam i buai em?" Call alak rual rual chuan ka ti nghal vut a.Nui hak in a buai loh thu a sawi ve mai bawk.Naupan lai atanga inkawm kan nih hlawm avang hian kan inngaina a ka u ang chiah ani ve tho bawk.









"Pangpar chi ah hian Kimchi i hria em?" ka tih chuan a rawn nui hak hak a.Hmanhmawh ve nen nen!








"Pangpar zingah chuan hre hauh lo? Tinge..?" a rawn tih chuan thaw hak in lei tura min tih thu bawk chu ka sawi leh a,a rawn nui leh hak hak bawk.









"Ramnghaka nen hian in line ah chauh in tangkai a dangah chuan naupang chiah chiah in la ni" rawn tih paha a nawi nui hak hak chu lungawilo ru zet chuan ka lo ngaithla a.A sawi dan kher kher kha!









"Kimchi an tih chu i hria nge hrelo..?" ka dah tep tawh,zawn vat vat ka ngai!a hriat loh phei chuan.







"Hria e,hria e....Eitur hming anih kha korean ho thil, in station thlang chiah ah khan frozen food dawr ah khan an zuar thin" a rawn tih chuan ka nui ve thei hram.Pangpar chu alo nilo nasa....hei vang chiah anih hi alo nuih vak vak ni!










Lawmthu hrilh in ka dah nghal a,kan station thlanglamah chuan ka inkhalh thla nghal bawk.Dawr chhung ka luh chuan nula pahnih hian an lo nghak a.Ka thil duh ka sawi chuan min rawn lak nghal vat bawk.
An thil zawrh chu ka enkual a, hmanzana min siamsak ang noodle pack chu ka hmu nghal zat,a bulah chuan a ei thin ang thak deuh kha a awm bawk.









"Khi lai mi khi ka lo la tel ang,a dum pakhat leh a sen 2 aw" ka tih chuan a thiannu chuan la in min pack sak nghal vat a.




"Kimchi hi pakhat ami i duh?" a tih chuan ka en vat a,bur khat chu ka rin aiin a te.






"Pahnih in" ka tih sup chuan an pack ve nghal mawlh mawlh bawk.








"Engzat tur nge..?" ka ti nghut chuan an han chhut leh a.




"460/- aw"








Ka inkhalh chhuah leh hnu chuan kaikuang leina tur chu ka melh kual a, bazar phei bulah chuan motor park in ka va zawng leh ta.Ani te reuh vang khan mi tam na laiah kaikuang ka zawng duk duk chu ni sia.






Vanneihthlak zetin dawr pakhatah an lo nei hlauh.Kg 2 ka la a,kg ah 400.Ka nupui ei chak anih phawt chuan lei tawk mai ang.





Kan in gate ka tlan luh chuan ka nui vur vur tawh.Kan case kal lai chu ngaihtuah zui reng mahila ka nupui bula awm ka thlahlel ve rih tlat.





● Thui tha em😂 Zaninah ka dah dawn lo...kan chawl ve lawk aw🤧🙏

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 16th, 2021, 8:09 pm

Chapter - 9






Doorbell ka hmeh rik ral ral hnu chuan ka sana ka bih zeuh a,dar 5 rik nan 15 mins ala awm,anih chuan Pi Zami a haw tawh ang.Ramnghaka te in a ka kawi vang vek in ka duh aiin ka thleng tlai.Kawngka chu a rawn ri rak a,ka nupui sam hnawng thur deuh bam ka hmu hmasa ber.Ala tum vei bar zui!







"Ka lo lut thei angem?" nui pah suk chuan ka ti a.






"Tlai si" tih sap pahin kawng min kian nghal bawk. Choka lamah kan in zui phei a,dawhkanah chuan ka thil khai bawr teuh chu ka dah a.A bih zui nghal duk duk bawk.







"Yess" a rawn tih vak chuan ka lo nui sak a.A spicy noodle ani a hmuh leh hmasak ber ni! Ni china a tum vel hmel kha chu apu ang tih pawh a rin theih tawh lo ang.








"I lo lei tak tak!" Kimchi an tih leh Kaikuang chu phawrh chhuak in a zuan pui tawr tawr anih chu.Naupang chhia lutuk! Duat pauh leh hian a fel dawn anih hmel.Hmm!









"Ka va han lawm tak! Aaa...Ka siam dawn"tih pah chuan bel dahna lam chu a pan nghal a.Kaikuang kan na tur chu rawn la chhuak in a chhuang nghal vat a.A che reng reng chu a zang khai vah a,hetiang khawpa a hlim hmel hian ka chhungril hi a sawi che dawt dawt thei nia.








"Zo!" a kaikuang sil lai chuan a hnunglam atangin a kawngah ka kuah a,a darah ka khabe nghat thla in ka maimichhinga, hahdam ka mamawh tak zet ani.









"Tel a sa nia,ka kal thei em!" ka kuah hlu hlu laia a rawn tih chuan ka meng chhuak riai riai a.Lu dah sang deuha ka en chuan thle haw in min lo en ve nghal bawk.A bianga fawp zauh in ka thlah ve thuai a.Mak tih hmel fe a min en in a hawi buai leh deuh nak a.A biang ka tuai sak leh zeuh chuan laih hmel zetin a hawi sawn daih a,gas lam apan nghal bawk.Kha naute te reuh kha a lai ve chiang ani.










"Noodle hi ka lo chhum ve dawn mi..?" a bul hnai a va kal in ka ti leh sup a.A rawn hawi nghal hraw bawk.A phu ve reuh amaw ni!








"Ah..ahhh umm..Aw tui lo chhuang la" a rawn tih bah deuh nuai chuan chimawm ka chhuah ve chak tlat.Ani pawh hian min ti buai ve fo alawm le.Ka ngaihtuahna avang chuan nui sak in ka kun hniam a,a hnung lamah a awn phei ve nghal bawk,ka chet dan in a thawng tih pawh a hmel hamhaih deuh atang chuan ka chhiar thiam ve mai.











"Thuawih chu lawmman an pe thin!" a dinna hnung lam a in nem khalh deuh paha ka tih sup chuan min melh leh nghal vat a.Ka lo nuih suk thung.A mit chhing leh vang vang in a thaw halh a.





"Engnge i duh..?Naupang chhia pa" a rawn tih chuan ka nui hak a.Amah hi a naupang chhia daih zawk reng sia.






"Khu khu" a mita melh ngur paha ka tih nghut chuan bo hmel zetin min en he haw a.Chutah nui sakin ka mit chu sawnin a awm bawr ama tawka kawh lah leh nalh zet ah chuan ka mit chu a tawp ta chat a.Ka nupui ani tih hre reng chunga ka khawih ve thei miah lo te hi mipa tan chuan inhremna ang hial ani.








A mit a ka en leh chuan ala bo hmel hle a, a awm bawrh chu ka mitmei zeuh a,a en ve vat.Chutah hrechhuak chiah ni awm hian a hawi buai deuh nak a.Mahse awih lohna in a thlak nghal vat.









"Àt viau loh tur " tih hmak paha in her a tum chu ka hnaih zual sauha, mak tih hmel zetin min rawn en nghal bawk.Tactic thar ka hre chhuak e...Mahse he naupang lakah hian a hman tlak a nge maw!








"Hnathawk hah chung chungin i thil duh lei tur in bazar hmun chep ah ka tlan kuala,i tan chauh lehnghal mahse nang teuh reuh ve hian ka thilsawi pakhat pawh tih i hreh bik em em mai sia" thinrim anga lang si lo nat ve hmel deuh chuan ka ti sup a.A mitmenga inthiamlohna lo lang chuan ka thil tih chu a fuh dawn tih ka hre thiam nghal.








"Anih,ka va inbual lawk ange,ka lo let hunah ka lo chhum pui mai dawn che nia" tih sup pah chuan in herin ka room lam ka pan nghal vat a.Mak tih hmel deuhin ala ding reng tih ka hria mahse hawi let thei ka ni rih lo.











Room chhung ka luh chuan ka uniform chu ka hlip nghal thuai a, ka kekawr chu balbawmah ka vawm phei nghal zat chutiangin ka kawr pawh,ka boxer nen ka din teu lai chuan ka room kawngka chu a rawn kik dat dat a.Ka rin aiin a hma ! nui suk chung chuan lo lut turin ka ti a,tha deuy chuan ka lo welcome nghal a,mahse hnaih erawh hlau ru ang reng deuh tur angin ka awm der.Boxer chauh ka ha tih a hmuh phei chuan en pawh min en tha ngam lo,a hawi swn nghal daih!











"Kawr emaw tal ha phawt teh!" tih pah chuan min inher san daih a,ka room bangte chu an mawi ta viau emaw ti ang mai hian a melh kual dun dun bawk.











"Ok" tih sup pah chuan ka Tshirt pawl duk chu phawrh in ka in thawlh nghal a.Alo hawi ve ta hram alawm.A lum a ti deuh nge a in zap deuh hliau hliau a.












"I sawi duh chu sawi rawh le" ka tih sup chuan a thaw hak a,zam hmel deuh in min lo en bawk.Ka lo en reng ani tih a hria chuan a maimichhing leh nghal daih a.









"Ih...i duh chu ti rawh ka pawm" a tih sap chuan ka nui ru suk a.A zam ve tak zet tih hriat tur in a khur ru der der hial in ka hria.









"Engthil chu maw ka tih dawn!" Ka la fiam chak tlat.He nau te reuh dangdai zet hi chu.Min vin leh hrep rih lo hi vanneih thlak thil a chhiar tel chi hial aniang.









"Ni..nichina i sawi kha" a tih chuan ka nui suk a.Rawn meng chhuak in ka nui a hmuh chuan min rawn melh rum hle ."Misualpa ka kal daih dawn" tih paha a inher vut tur chu a kuta man bet in ka pawt let hrawk a.Chiang fahran in kan inmelh nghal siah bawk.









"I kawr phelh rawh" ka tih nghut chuan phawk zetin min rawn en a.Mitmeia ti tur ka hrilh leh chuan a hreh hmel ngang mai.









Zawi muanga awm hla hret in a kawr chu a nghawng lamah a la chho ve ta a.Ka hma ah chuan hra ne a ding ta teu mai.He nu hi zawng a nalh thlawt alawm, a awmbawr kawh lah leh a kawng fek nalh zaih te,a vun nel thep te thleng hian, mipa ka nihna fiahna pawh thil tha hnai tih hria nge a rawn che leh ta tual tual mai.











"Phel leh rawh!" ka tih leh nghut chuan zam hmel zet leh kut khur dar dar hian a phelh leh a.Lalpa le! Mawi tak ani.Ka taksa peng tinah a tai darh nghal vek emaw tih mai turin ka mur ar ar thei nia.He nu zet hi zawng!









"Bawihte leh!" tih nghut pah chuan ka pawt hnai hrawk a.Khumlamah phei puiin ka thu thla dawt a.Ka malchungah min hmachhawn zawnga thu tur in ka siam nghal bawk.










"Ka fawp ania" ka tih nghut chuan kut khur deuh dar darin ka nghawngah a rawn kuah ve ta hram a.A maimichhing nghal daih chuan a pawm a nih ka ring ve ngawt bawk!









Zawi muang chuan kan chul kual deuh phawt a,a nalh zia mawlh hi.A vun paw nalh tak leh a hmur senno chek te hi! Ka hrawm nghal nawk ruala a rum hak ri chuan ka hnuai lam zawk a ti nung chiang hle.









A vei lam chu ka hne nghal de de a, nghet zeta ka nghawng lama tham danah a hupurh in a zam tak zet tih ka hre thei.Muang changa fawp kual in a lei ten a hmur chu ka nul kual pah ne ne bawk a.





...................









"A tui em?" tunah dar 7 a pel vel tawh ang.Chaw kan ei ve chiah a, chaw tihah a noodle te leh a kaikuang leh kim chi vel ani kan ei ni. Chutiang ka ei ve mai pawh chu mak ka inti zawk.A thil ei lai a a hmui mawm deuh hlap ka hmuh te chuan ka fawp chak tak zet.Mahse! Tha rih in fel rih viau mahse mipa angin min la en tlat lo ni mai hian ka hria.









"Tui lutuk" si hliam hliam paha a tih chuan ka lo nui suk a.A biang chu ni china kan thil tih effect nge ala tai deuh hlar mai! En pawh min en tha duh hauh lo leh nghal.









Ka phone ri ral ral avang chuan ka ipte ka dap nghal thuai a.






"Hello!" Ka ti hmuk chuan Ka bula thu nu chuan min rawn en vut bawk.Ka tawngkam hi zawng ka lungawi loh vanga ti nilo in ka hman than tawh em vang zawk ani a, ka naute pawh hian an hre tawh hle bawk.Mahse tun thlenga min be ngam lo te pawh an la awm nuk.










"Sir, case kan zo ta e, tunah station ah ilo kal thei chuan he misual Cindy that tu hi rawn hmu ve teh" Inspector Ramsang'n alo tih chuan ka thaw veng ta huai e!









"Ka lo kal ang!" tih nghut pah chuan ka phone ka off nghal a.Ka bula thunu chuan min la en ta reng bawk.










"Nangmahin i awm hreh em? Station ah ka kal angai a" phone a min ka biak ang lo deuh chuan ka ti dam dap a.Eng vang nge pawh ka hre chuang lo!









"Kal rawh...Hlauh ka nei lo,mahse lo haw har lutuk lo la" a rawn tih ve sap chuan ka by nghut a,ka plate keng chuan ka tho nghal vut bawk.






"Ka lo haw leh vat ang!" tih sap pah chuan a biang ah ka kut chuan ka nul thuak a.A mitmenga min thlak hlehna niawm tak ka hmuh zawk vang chuan ka en leh vang vanga mahse ka ngaihruatna zawk aniang chutianga awm tawh hauh lo.






..........................







Station ka thlen chuan an lo la awm ve nak nak a, indawpna room lam panin ka phei nghal bawk!Kawngka hawnga ka luh chuan dawhkan hmaa lo thu chu ka rin tawk chiah ani.Hepa ka rinhlehna hi chu a mitmeng zek zuk vang vek kha ani ber e.








"Sir" tih pah chuan a chhunga ka naute lo awm chuan min salute nghal thap a.Kan misualpa hma a chair chu pawt chhuak in ka thu ve nghal zat bawk.








"Ka ukil lo kal hma chu engmah ka sawi dawn lo,ngawi turin dikna ka nei ani" alo ti nghal lar lar a.Ka melh run chuan ala nui zui,ka hnek thluk nghal tawp loh nan ka kut chu dawhkan hnuai lama la thla in ka hum ruh hle a.









"Ni e, i nei alawm....Mahse kei chuan fiahna ka nei a tuman an chhan thei hauh lo ang che, i ukil chu eng anga thiam pawh ni rawh se he thilah kher hi chuan i fihlim thei hauh lo ang" ka ti hmuk chuan phawk zetin min en a,amitah chuan zamna tam tak a lang zut zut bawk.Dawizep mai mai lutuk!






"Chutiang evidence engmah i nei lo,nei nila zanin ah chauh min man nang" a hmela zamna thup tum chuana rawn tawng leh lar lar a.A awki kher chu ka ngaithei ta hauh lo.Ka kut phah chuan a hmaiah tak ri thlawp khawp a na a ka ben sawk chuan a thle haw mai.Mak tih leh hlauh hmel zeta min en na te chuan ka thinrim an ti so bulh bulh a,tualthat ngam khawp a huaisen chu a huaisen tlang tur ani,tuar let ngam khawp in! Hepa ve hi chu! Mi ang lo anih hi.









"I fanu ngei zanah a tui in turah mutna damdawi pawlh in a mut nghet hnuah i pawngsual ta thin a, Pa tih hming pu ve tlak ini lo.....Chuan ka sawi zel dawn em! Kei hian ka hre chiang lutuk che Zantin i nupui i hrai ruih hnu a ks in ina i hruai luh ziah te kha ka lo hmu vek thin che sin" chair nghet dawt paha ver ther zeta nui sawng paha ka tih chuan a hmai pawh a dang ve ta sawp sawp mai.Mahni fanu ngei te khawi luih duh khawp a mipa ten awm anih hi!








"Chuan i fanu chuan alo hre chhuak ta che a,a ka hup nan i dahthat alo ngai ta a, nangma fanu ngei mai pawngsual pawh tih tawh nak alaia chumi thup nana i la that leh zel hi! Pu Chawilian tuna i lu a silai ka thun nghal ami lo hi lawm thu sawi mawlh mawlh rawh,sorkar emaw tupawn nang dahtha tur che hian min dang thei daqn hauh lo ania" ka awmdan ti dang lam hauh lo chuan nghet charh chuan ka ti a.Ka ti tak tak tih hmuh tir ngei tumin a mitah tak ka en ngal bawk.









"I fanu phone kha ka kutah a awm tawh..! zawng zawng mahla, kan police leh nang ten in hmuh loh nan dah thatna tur pawh alo hre ngang anih kha! Kha phone a in inbiakna record ka ngaihthlak phei kha chuan maw ka thah nghal mai loh nan che ka insum nasa lutuk hi ka kut te hi" ti nur paha ka lek chhuak vel chu min hlauh hmel zet hian min lo en a.A fanu Cindy hlau leh thlabar reng renga a siam thin tih ka hriat chhuahni a a nghawng ka elh tliah chak zia kha nasa tak ani.











"I fanu ah pawh ila lungawi famkim lo, mi hur herh an tih chu i ni ngei ang! Khang hriselna damdawi i ei thin to tak tak te kha hnuailam khawl chaknan zawk ilo hmang bik ni awm ani! In office ah lah clerk nula senior kha i bialnu ani tih ka hre bawk!" a chanchin ka hriat hneh lutuk vang nge a kun ta ngal a.Zahna nei thei ve awmah pawh hetiang mihring hi chu ka dah tawh lo. Mahni nupui te pawh kham khawp lo!











"Sir...a tawk e....ka inpuang ange" a rawn tih takah chuan ka thaw ve hak a.Damchhung piah lam thlenga a thil tih sual rapthlak zia hi hre mawlh teh se!










"Ramsang lo buaipui zo rawh!" tih hmuk pah chuan ka dinga ka hma thu kun lap pa chu kut ka thlak leh mai loh chuan inseh ruh teu in ka chhuak nghal bawk.








Hepa vang hian zan tin ka chhuak a an in leg vel ka chian a,mutmu tuah tha hman lo lekin ka enthla bawk.A rahtha ka hmuh hian ka lawm a,Cindy pawh thlamuang takin chawl tawh teh se!







......................






In ka thlen chuan dar 12 a pel thuak tawh a,ka nupui room lama ka phei chuan tui zetin alo muhik tawh.A bulah chuan kal phei in ka pheikhawk chu ka tlawh phelh a,ka in thawlh ve nghal zat bawk!A rim no leh ni chak chak bik te hi ka vei bur tawh ti ila ka sawi sual hauh lo ang!






Ka taksa si chet khawp chuan pawt hnaiin ka kuah ta hlu hlu a,a bulah hian hahdam na mak tak ka nei bawk! Ka taksa rim tawng khawng ve bawk nen ka hriat loh karin ka lo muhil ve ta mai a.









Ka harh leh chuan dar 2 alo ri va tawh! Ka thu chhuak hlawl a,ka nupui te reuh te erawh a thla tak ngial pawh hmuh tur a awm tawh hauh lo.Tunah dar 2 a rik chuan an bang tep tawh anga ka va hruai mai loh chuan! Vawin hna ah erawh ka kal loh tur thu nizanah ka sawi lawk tawh avangin ka tho tlai viau pawh chu ka pawi ti lo khawp.Mutmu ka tuah tlem thin em atin ni!







Ka intih fai zawh chuan ka insiam zui nghal mawlh mawlh a,Shirt dum,jeans leh addidas sneaker a tawk viau ani.Ka in khalh chhuak nghal chu ani mai.Kal pah chuan ka lam tur thusawiin ka text nghal a,mahse a in deliver thei rih lo class a nei mek aniang.








An college chhak deuh gate lan theihna tho ah chuan dingin ka nghak ta vang vang a,zirlai an lo chhuak deuh dam dam thin a mahse ka nupui hmel erawh ka la hmu hauh lo.Rei tawk tak ka nghah leh hnu chuan college naupang rual khat an lo chhuak leh a, a hnunglama rawn chhuak te avang chuan ka nui sanga mahse ka nui rei lo khawp mai.










Ka motor kawngkhar hawngin ka chhuak nghal vut bawk.Mipa pakhat hian Hruaii chu hnunglam atang hian kuah in a vir pui vaka ala nui sang zui.Hruaii erawh a te chiam ringawt.Ka motor kawngkhar ka khar dawt chuan an lo in dah thla ve chiah a,an la nui dun hak hak zui.Ka kaw chhung lum pup pup chu thunun hman lek ani lo.An bul ka thlen rual chuan Hruaii pawn tupa chu ka hnek thal tawp a,a bul vela hmeichhia te an chiau nghal that bawk.









"Zosangpui!" ka hmel a hmuh ruala ka nupui aw vin zet vang chuan thinrim zet hian ka ner nak a.Hepa phiangsen nen hian an la nuih dun lai ka ti buai chu alung ni lo te pawh ani mahna.Ngei awm zeta nui ri hak pah chuan ka hnek thluk pa chu a kawr awmah pawt tho leh nawk in ka nupui hmuh lai ngei chuan chiang em em hian ka hnek thal leh thuai a.








•••••
Ka lo muthlu daih a,ka harh leh in ka type leh nghal char char.A ngaihnawm loh viau pawn min lo hrethiam rih hram mai ru🙏

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 16th, 2021, 8:09 pm

Tunlai chu mahni tawkah ka buai ve lutuk a,min lo hrethiam hram hram mai ru😞



Chapter - 10





"Eng nge i hriat a?" tih hlar paha ka hma ah tak a rawn din chuan ka ner sak a.Kan bul vela college bang leh kawng kal te tan hmuh nawm kan siam ngei bawk e.Hrep hian! Ka hnek thluk pah pawh chu midang ho chuan an lo dawm tho ve mek bawk a.








"I kianga ka sawi thin kha i theihnghilh tih sawi miah suh? " rum ul a tih hrawk pah chuan ka melh run a.Ka kawchhung sa lutuk hian inbeng dai tur in amah tho hi ka mamawh bawk si!






"Hrep tak hian!" tih hluk pah chuan ka inher hmak a.Ka motor lampan in ka phei nghal bawk. Lalhruaizeli'n ka hnek thluk pa a buaipui lai chu hmu duh lo in chak zet chuan ka tlan pel nghal vawk a.Khapa a enkawl vel tur ka mitthla hian ka thinrim lutuk hi awm ngaihna pawh ka hre lo.Ka stearing chu a khat tawk in ka chum leh chiam zel bawk.










Ka theihpa tawp chhuah chung pawn mipa dang tello in a hlim thei lo chu ani hrep sia!!!










"Lalhruaizel tunge ka nih i hriat tak tak angai anih hi!" tih hluk pah chuan ka motor chu her rem in in lam chu ka pan leh ta zawk.Zu in hrep tum kha ka nia mahse chutiang kher lo pawh chuan ka che thei ve khawp mai!









"I fanu hi hruai in khawpui lamah kan kal dawn" phone leh lam ami in a chhan rual chuan ka ti nghal hmuk a.Hetiang hian ka la be ngai lo na in ka inthunun thei ngang lo!










"A nunna tan a hlauhawm tih ka sawi ani lawm ni!" an rawn tih ve hrawk chuan ka nui lui hak a.A himna tur anih vang rengin alawm ka sawi ni,hetia bihruk pui reng lo hian kan misual ho chu that chimit vek ila chu chu venhimna dik zawk chu ani!










"A him dawn, hetia a awmna ngaia kan awmpui reng chuan ka sawi tawh angin rawn hmuh hun an la nei ang, chuvang tak chuan an khawih hma a dah that vek ka duh ani!" ka aw ka dam lem lo tak chuan ka ti leh hmuk a.A thawhawk ri pawh chu ka hre thei! A fanu hi a hmangaih zia ka hria mahse tlanchhia leh biru renga khawsak pui hi ka ning tawh! Zalen taka ka ta a siam ka duh tawh, mipa dang kianga a awm mai mai tawh loh nan!










"I thil tih tum hi hre chiang hle ang che! Thil kal sual emaw,ka fanu chungah thil engpawh thleng se ka hmelma i ni nghal ang!" a rawn tih ve nghut chuan ka dah nghal hmak! Engthil mah a thleng hauh lo ang. Zosangpuia ta hi tuma khawih ka phal hauh lo!







•••••••••••••••


Lalhruaizeli Chinzah (Pov)







Zosangpuia hnek tak Hma-a buaipui chuan kan buai nak nak a.Footpath a thutna an siam ah chuan thut puiin kan thian dang te chuan a hnar thi chu tih reh tumin an bei mek bawk.A then in tui khal leiin a hmai an lo dep bawk.Heng hi keima thiam loh vek ani.Ka inthlahrung lutuk chu Hma-a bulah ngawi rengin ka lo thu ve tawp bawk.










Isaac-a thil sawi kha! Ni e kalsan ani tawh chuvanga min hauhna em em ani tih pawh ka hria.Mahse thu a chinfel theih reng ah kut a rawn thawh nghal chiam chuan ka thin a ti rim ve khawp mai. Rawn kal hnai in khatia kut thlak miah lo khan thil awmdan min rawn zawt thei bawk.Mahse Zosangpuia kha ani miau a! Chutiang ati lul lo ang.









"Hruai inthiam loh lutuk suh, ka thiam lo ve tho ania" kan thian hauh chauh kan awm hnuah Hriata chuan a rawn ti a.A nui sawng bawk tlem chuan ka thawpik lutuk pawh a zia awm ta deuh alawm!









"Sorry...Keimah vang vek ani sia!" inthlahrung ru deuh chuan ka ti a.Nui sang chungin a pawi loh thu a sawi ve mai a, a hun taka rilru puitling tak nei thin mihring hi an lo hlu anih hi.









"Vengtu nei tha dèn dèn sia,kei chu ka hnaih duh tawh lo" uangpaha Ngaizuala'n (Hei hi ka lo ziah pawlh a,Ngaihsaka tih lai ka lo nei a, lo hrethiam mai ru Ngaizuala tur zawk aw) Hriata phena biru zuk zuk paha a tih chuan ka melh rum vak ringawt!








"Nagmah i na lo tiraw..?" Marcus'n chuan ka bula lo phei in min thlek kual pah chuan ati a.Hepa em em hi chu!









"Kei chu ka him pial alawm" ka tih chuan min rawn en leh vung vunga,ka bulah chuan rawn thu thla in min kuah ta hlu hlu a.Marcus awma bei chu a nuam lutuk, mahse Zosangpuia awma hahdamna ka hmuh thin ang kha a awm ve tlat lo.Him hliah hliah nia ka inhriat thinna te ang kha zawng mahila hmuh tur a awm lo. Khapa kha ngaihtuah rih loh ka duh tak zet.










"Hruaii te chuan hei Pasaltha a tawrh aia tuar tur anei lawm" Awitei bawk in a rawn tih fiamthu hlut ah chuan kan nui ho leh ta dar dar a.










"Pasaltha Tawnkawpawpa " Afakin uar zeta a rawn tih chuan kan nui chhuak hak hak a.Tur zetin Hma-an a melh pawh chuan Awiteii nen chuan an lo nui thler duai duai a, hmeichhia tih takah tawngkam an ngah si nuih paha an sawi chhiat pah reng avang chuan keini pawh kan lo nui hui hlawm mai! Chimawm dun sia maw!












"Kan haw mai dawn nge? Dar 4 ahnai tawh ania!" Hriatan a rawn tih chuan pawi an tih tawh loh thu an sawi sap sap a. Kan veng ho hi in hnaih te ni si hian veng hran vek ah kan awm thung.










" Hma-a tan zawng englai pawha harh leh lutukna vanga lawmman ropui a dawng bawk sia i salute teh ang u,Pasaltha Tawnkawpawpa " tihpaha ding ngil auh chuan an han salute dun ngei a.An nui leh nghal tuar tuar bawk midang ho pawh kan khi leh hui mai,Kan thiani te pahnih nuih za a kal laklawh rih tlat ani.Hmaa tak pawh a biang dawm pahin a then ve sak sak ta ringawt.












"Lo kal la ,ka thlah mai ang che!" Marcus an alo tih chuan thaw hak in ka pana.Nidang chu nise taxi ka zawng ang mahse ka ning zo zai rih ka duh dana awm ve rih ka duh.Mipa hnaih a phalloh a kan inhauh hrep hnu khan tu mipa mah a hmuh laiin ka la zui emaw kawm tawh lo a,la thiate erawh college ah kan inkawm ho vek zel tho.Khati khawp a ka bei nasa chung pawh a,keimaha rinna angat duh hauh lo chuan ka thinlung a ti na ve tak zet.Ka tana engmah ni lo hian ka thinlung a ti na thei anih chu! Ka tana engmah ni lo hi ani tak tak chiah em..?











"A tina ngai che em?" Marcus'n rum ul a min en paha atih chuan ka lu ka thing nak a.A hma vawikhat min reh tih loh kha chu kan boruak dang ta bawk nen kut kan thawh tawh ngai hauh lo.









"A tina che nih chuan a let a tuar ang" ka bianga a kut zung puia rawn nul thuak paha a tih chuan ka lo bu nghat nghat a.A farnu ang ka ni a,min ngaihtuah zia ka hria ka tan chuan mipa special tak ani.








"Lalduhzual!"







"Enge Lalhruaizel" nui suk pah chuan min rawn ti ve zat a.Min en laih tum ni awm fahran hian rawn kun hniam in ka hmai bul chet ah a rawn nui sak bawk.Hepa hma ah hi chuan ka lai hauh lo ang. Kan thiandang te an haw tawh a,keini erawh kan la ding reng.













"I hlauhawm ve hmel lutuk!" nui hak paha ka tih chuan a rawn then ve sak a.Nula tam tak hi zawng he thil vang mai mai pawh hian a zunah an uai leh hak mai thei ni.









"Kal vat teh ang....a tlai lutuk dawn" tihpah chuan bike seat chu ka beng thak thak , nui suk in a helmet vuah tha in a lawn nghal mai bawk.A hnungah a mahsi cheta lawn ve nghalin ka thu tung at a.Kuah duh mai loin a darah ka chelh at bawk.








Kan gate zawn kan thlen thleng chuan kan inbe tawh miah lo a.Ka chhuk nghal tharh bawk.







"Ka lawm e....Duhawmzual em em pa!" ka tih chuan a mit chuar deuh nangah chuan a nui tih ka hre thei,helmet la vuah tut hek ni bawk ni.A kut chu rawn vaih zauh in a tlan ta vang vang a.En vang vang in kawia apil hnu chuan thawk la hak in gate chhunglam pan chuan ka kal ta nghal a.










Gate ka luh chuan ka ding dat.Pi Zami leh a pasal kan gate keeper Pu ruata chuan luagage hi Isaaca sorkar motor lo zawk Scorpio var ah chuan an lo dah lut mawlh mawlh a.Kan inthen daw nge Isaac a hi tlan te hi a tum amaw ni le! Mahse mipa an tlan ngai pawn ka hre silo.










"Pi Zam eng nge ni teuh teuh a" Motor bul ka thlen rual chuan ka ti sap a.









"Ee..i lo thleng tawh maw,? hei in bungraw ken tur vel mawle" tih pah chuan paha a bag lian vak lo a dah luh leh chuan bo fe hian ka melh a.










"Kan zin dawn ami?"








"Va insiam rawh a hmanhmawh thlak dar kar chanve hnuah kan chhuak ang" rawn ti hmuk tu lam chu ka en vat a, eng nge mawni hi bag lian vak loh ah dah in seat hnung kawngkhar chu hawngin a dah lut nghal bawk.











"College kal lai ka nih hi ka kal ve thei lo" ka tih ve hmak chuan min rawn en vut a,nidanga a mitmeng dam leh hmuhnuam tak thin kha thli chhem bo ang hlauh hmuh tur a awm tawh hauh lo.Vawin thil thleng vang khan ala thinrim anih leh pek dawn hi!









"I kaldawn lut la va insiam rawh!" a tih leh hmuk chuan ner vak in "Ka kal dawn lo!" ti ve hlar pah chuan in chhungah chuan ka lut nghal daih a.A hma ang chiah Sakawlh ah a chang leh tawh anih hrep kha!







Ka room lamah muang changa ka intihfai hnu chuan motor tlan thawm pawh ka la hre lo.Ala kal lo nge mawni!







"I inpeih chuan kal ang!" rawn ti hmuk tu chu rang zetin ka en nghal ka room kawngka bulah dingin min lo melh run anih chu! Ka thusawi a ngaipawimawh ve leh ta hauh lo.Mai mai hian!









"Ka kal dawn lo ka tih kha" ka lo ti hlar a.Rum ul a min melh ngur tu chu ka melh let ve ar bawk.A mitmeng thim khup leh vawt raih chuan ka chhungril lam ati khur der der thei hial in ka hria.








"Aw ni e, I kal dawn khawp!" thle bak paha min melh ngur hian ati sup a,ka lampana alo pen hnaih rual chuan ka tawlh hnung ve hrat bawk.Mahse a chawlh phah hauh lo min rawn hnaih tulh tulh bawk nen ka mit chuan tlan chhiatna tur ka zwng ruai a.Ka closet lam tlan tuma ka pen chiah chu ka inring hman lo ka kang vawk hi ni mai.









"Min dah thla nghal rawh! Ka kal duh lo ka tih chu" ka tih hlar pawh chuan nghet zeta min chelh in room kawngka lam pan chuan min phei pui vawk vawk a.Rihna nei lo ang mai ka ni.Ka ke lengin tal chiam mahila min thlah phah teuh loh mai.








"Zosangpui Misualpa min dah thla nghal rawh!" kawngka puia min chhuahpui dawn chuan awrawl tawp in ka au ruai ruai a.Choka lam atangin thawm a rawn awm bawk.Mahse a kal ngai chuan la kal vawk vawk in ka thusawi chu ngai pawimawh lo vet vet tak ani.









Motor kawngka chu hawngin a theh luh hian min thleh lut ani mai.Insiam tha a kawngka hawn nghal ka tum chuan alo lock fel der tawh.Pawna Pi Zami mangan hmel taka lo chhuak chu mittui tling pam chuan ka lo melha.Lainat hmel zetin min lo melh let ve bawk.Zosangpuia chu a hau ni ngei tur ani,a melh ve khai khai bawk a mahse a thusawi chuan awmzia a nei vak lo tih chu Zosanga hmel chang zetah chuan a hriat hle bawk!










●Muttui leh vek tawh mai u😴

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 16th, 2021, 8:10 pm

Chapter - 11






Motor chhunga alo luh chuan ka lo melh khai khai a.Mahse hre lo ang hmiah in min melh let duh eih lo lehnghal! A hmel lah chu khawdur ang mai thim khup si!





"Ka kal ve duh lo ka tih kha! In ah awma tih tur ka ngah lutuk,bakah college pawh ka chawlh ngawt thei hleinem" ka lo tih hlar chuan hria ang pawn a awm duh lo! Motor chu a ti nung nghal vut vut a.Hetiang mood nena zinpui phei hi chu ka duh bau lo bawk.







"Zo..Tinge min tih luih tlat a" beidawng aw zet chuan ka ti sap a.Min rawn en ve ta hram bawk min melh vung vung hnu ah motor hma lam chu en leh in kan tlan chu ani nghal der mai.Beidawng zet chuan motor seat ngheng thla dawt in ka thu ngawi ta reng a. Amah chauh a inngaihtuah! Ka tan engnge harsa ang tih lam a ngaihtuah ve hauh lo ni mai hian ka hre tawh.











"Thla tel meuh kan cham dawn a,in college lam pawh ka be fel tawh...Exam leh test chu Online in i nei dawn" a rawn tih hmuk chuan mak ti zetin ka en a.A hmel chang deuh run avang chuan thawpik zetin ka thu tawm leh nghal chial ringawt.










"Muhil rawh kan tlan rei dawn ania" tih leh nghut pah chuan car speed chu a ti sang deuh a.Engtia rei chiah nge kan cham dawn nilo,khawnge kan kal dawn reng reng.Ka thiante tak ngial pawh engmah ka hrilh silo nen an lungawi lo leh viau ang chu!











"Khawnge kan kal dawn reng reng..?" ka zawt lo thei ngang lo.Kan khua kha ka hriat theih chin ata ka la chhuahsan khat hle a,kan khawbul vel ah te chuan zin tho mahila hmundang hla deuh ah chuan ka kal an phal ngai lo.A chhan ka zawh lahin engmah an sawi tha duh bawk silo nen ka zwt zui ta bik lo bakah kan khua kha nuam ka ti ve em.Mahse tunah erawh pasal ka neih tak vang nge ka zin ve dawn chu ania ka zam deuh ta tung in ka hria.











"Aizawl " Tawi teng tung thei si.A chhan te pawh sawi nghal vek tur ania.Ninawm a hmel lah hi tum ber bur thei si.










Kan tlan rei ta khawp mai.Tlai chaw tak ngial pawh ei lo a chhuak rum rum kan nih avang in ka riltam pawh ka pum a ri rak rak tawh.Tunah dar 9 a ri tep a,chhum boruaka zam vel chiai chiai leh thla eng no riai te chuan keimahah hahdamna mak tak min siam a,ati zual tur a K.Hminga hla ri riai riai chuan a mood ah min chen tir vawng vawng bawk.











"Ka riltam tawh!" ka tih sep chuan min rawn en vat a.Ka pum rawn ri nghal raih raih chu ka dawm nghal vat bawk.Thil hre chhuak thut ang mai hian a phun hluk a,stearing a ben leh dawt chuan mak ti fe hian ka lo en a.A motor speed a san leh nghal bawk.











"Kan hma lawkah sawn khua a awm tah chuan dawr kan zawng dawn nia" a rawn tih nghut chuan ka lo melh vata mahse vawin tlai atang khan tul tawp ah lo chuan min melh ngai lo.Tunah pawh hmalam a bih leh ngur tawh hi! Mahse tlem in min la ngaihtuah ve tih ka hriat na chuan ka awm a ti nuam deuh sawt nia.









Khaw pakhata kan luh chuan dawr in hawng kan en kual a,hotel pakhat lo la in hawng kan hmuh chuan kan pan vat a,chaw kan ei.Mahse kan inbe tam lo khawp mai tul tawp ah lo chuan a tawng tlem ta lutuk leh ka awmdan emaw ka chetdan engpawh ngaihsak hauh lo nia ka hriatna chuan mak tihna leh hrehawm ruk na ni chiah silo helhkam lian tak min neih tir a.Ka melh ruk zak zak pawh chuan vawikhat mah ka lam alo hawi lo.












Motora kan luh leh hnu pawh chuan naupang chhia zetin a rukin ka ti tau ani ber mai.Kan tlan leh hnu pawh chuan en pawh en duh lo in hnung chhawn daih chuan ka thu mu a.














Engtik laiin nge ka lo mutthluk ka hre lo.Mahse ka harh leh chuan khum dup zet leh thianghlim zetah hian ka harh hlawl a.Ka hawi kual ngial hnu chuan room ah ka awm tih ka hre mai.Mahse tu room nge?Nizan khan Zoa nen khan zin turin kan chhuak kha nia,mahse a room ti dawn ila a awm ve bawk silo.









Khum atang tho chhuak in tukverh bul ah chuan ka va phei a,parda ka pawt kau chiah chu ni eng alo lut nghal va mai,mit a vai nghal chum chum thei alawm mawle.Ka hawi kual chuan ka hmalamah chuan Aizawl ngei mai chu a in pharh duai a,kan awmna chu a view a tha tak zet.Ka vawikhatna ni bawk nen ka phur nghal surh ni mai hian ka hria.Ka khum lamah ka phei leh chuan side table a ka phone lo let ngat chu la in dar zat ka en nghal a,Dar 8 a lo ri tep tawh,Tunlai hi mut ka duh thar riau in ka hria.










Ka awmna room kawngka lam pan chuan ka phei chhet chhet a,ka chhuah chuan ka hawi deuh hu....Ka awmna chu inchung room vel aniang, corridor vel chu simple zet changkang ru tak sia chei ani a,a
hmuhnawm a tling hial ta ve ang.Step awmna lam pan chuan ka phei chhat chhat a,inhnuai lam pan tum chuan ka chhuk ve mai bawk.











WOW! He in hi nà mai lo tak ani, a hnuai vel chu hmuhnawm em em tak hi ani ringawt! A hahdam thlak a,rilru a thlamuang nghal em em bawk.Bang chu a engdal raih a,hmuh a hahdam bawk si,painting a awm pheuh pheuh bawk.An sofa hun te chu enkawl ngun hmel zetin a thianghlim sar bawk si,tukver inhawng bula ni eng lo lut parda zar thli in a rawn chhem phet leu leu te chu motor thawm beng chheng hriat tur awm bawk silo nen ka mit an ti tlai vel vek ani mai.











"Miss!" ka phu chiang lutuk chu ka vir nawk a,ka la tlu tep zui. Nula kei ai chuan a upa ang tih tur ng vel hmeltha zet hi alo ding a,a nui sang bawk.A incheina a fel fai thlap a,a zahawm ru riau bawk hian ka hria.










"Keima mi i tih..?!" Ka tih let haw chuan nui chungin a bu nghat a.Engvanga min Miss ngawt nge maw anih le!









"Hruaii ti zawk la,bakah helai hi khawilai nge Zo nilo Isaaca pawh hi khawnge..?" ka ti leh nghal zat a.Ka hawi kual pah bawk.A thla tak ngial pawh hmuh tur awm lo.










"Sir chu a chhuak lawk a,nakin deuhah alo haw ang! Chuan Soma ka nia, nangmah buaipui tu tur che" a rawn tih chuan phawk zetin ka en.Buaipui maw! Naupang pawh ka ni hleinem buaipui ka ngai reng reng lo.









"Naupang ka ni tawh hleinem...Buaipui ka ngai lo!" ka lo ti vak chuan a nui mai mai duh chauh leh nghal " A hrim hrim ah i hming avan mak reuh!" nia mak ka ti reuh mizo tawng nisi lo English ani pawn ka hre chuang bawk silo,Vai tawng ti dawn ila Mizo ani tih ka chiang bawk si.








"Umm..Mizo dik tak ka ni lo,ka nu mizo ka pa manipuri Soma Laishram ka nia mizo hming pawh ka nei deuh tho" a tih chuan mak ka ti tih chu zep rual ani lo ang! Manipuri ni mahse mizo chiah chiah a hmel chu mahse a pian erawh mizo ho ai chuan a sang fe model awm vel ani!











"Thingpui in pahin kan ti ti dawn nia,lo kal teh" tihpah chuan Thlanglam balcony ah chuan min hruai thla a, " Abdul,thingpui no hnih min lo pe teh aw" tiin a au lang lang bawk.A mizia chu ka nel chi tak mahse ka ngaih ala ngam lutuk lo thung.









Balcony ah chuan thuphah hi hniam te in dup hmel zet hi an lo dah a,kan thu nghal tharh bawk. Rei lo te ah Vaipa pakhat hian thingpui min lo pe a,Abdul a tih kha niang,an awmzia pawh hi ka hre hlawm lo e a!











"Kei hi i trainner tur ka ni ber a, i zirna mai bakah engkimah ka kut ini dawn tihna nih chu!" a rawn tih chuan ke en vat a.Eng trainning nge a sawi ve ziah hi ni.










"Eng training nge i sawi ve ziah hi..?" ka lo tih hlak chuan min lo en a,a thingpui chu dawt leh khalh in min rawn en leh a.










"I zirlai mai bakah i taksa exercise lam te engkim zir ngai ka tih zawng zawng i zir vek dawn anih ber ang chu" a rawn tih chuan nur nang hian ka melh a.Engmah zir ka peih reng reng lo.Naupan lai tanga zing kar exercise te chu khawilam mut thlang ziah thin hian ka peih teuh lo mai.











"Bakah chung zawng zawng chu nangma tan tur vek ania,a hnial theih hauh lo ang!" a rawn in tawng khalh leh nghal vat a.Ka lo thaw hak thung.









" Hnial ka duh lo bawk!" rawn ti thum dut tu avang chuan ka inher vat a.Balcony kawngka bulah chuan Isaac chu lo ding leh reng tawh abul ah chuan mipa hmelchhe lo tak Isaac aia te hlek si pian tha tak a ding ve run bawk.Ka la hmuh ngai lo nih vang nge ka en chik hle!










"Sir!" tihpah chuan Soma chu a ding nghal zata.







"Ka lo bia ang,lo va ru!" a tih nghut chuan kan no chu la in Soma pawh chu a kal nghal a,Isaac -a bula pa chuan a zui ve nghal zat bawk.










"Engnge heng hi awmzia!" a ti nghat a.Kan khua kan chhuahsan rum rum a,chumai bakah eng eng emaw min zirtir an tum a hun khawhralna mai mai.







Zawi muanga rawn pen phei pah chuan ka hmaah tak ni eng min hliah turin railing ngheng chuan a ding a.Min melh run bawk! Nimin atang tawh tum bur reng bik mai.







"Soma khan a pui ang che,ti tura a tih che tila engkim a tha vek ani mai. Chuan kei in lehkha zir ngaiah ka pui ve thung ang che, chuan zawh duh te min nei em?" a ti leh nghat a.A thle buk bawk em em hian.Pa viau mahse a bula ka awm a zam thar riau na ka nei te hi ka duh lo!








"Tute nge an nih hrim hrim a,hei hi khawilai hmun nge? Chuan engvanga hetia awm thut hi nge i nih?" ka tih chuan min melh run a min chhan tum hmel pawh apu lo.








"Soma chu i hria a,chuan nichina ka bula kal kha a unaupa Araba Laishram anih kha, chuan he in hi chu ka in, chuan Chhiahhlawh pahnih kan nei a,Abdul leh a nupui Pi Galli te,an fate chu hostelah an awm thung,chuan hetia i awm chhan chu chhan a awm hran lo mi pangngai tak nih tir tumna ani mai" a ti leh nghat chuan rum tawk in ka melh.Mi pangngai lo ang mai a chutia min tih le!











"Ber bur lian!" Hmelchhepa tih ka tum zet nangin ka duh leh chiah lo a.Ka thusawi vang nge a nur nanga mit zim sun in min en bawk.Melh hrawk in ka tho a kawngka lam ka pan nghal bawk.










Ka inrin hmaa ka kawnga a rawn man thut chuan ka tè that a.A beng bulah a rawn la nui suk zui! " I ti tau leh bur bur dawn ami!" a rawn tih chuan chhan pawh ka tum lo,tal chhuah tum chuan ka tal fat fat a."Naupang sual enkawl dan chu ka thiam asin" rawn tih sup pah chuan ka mawngah a rawn beng dawt aning chu!!!










"Hmela!" ka tih hlar chuan a kuhphah ka mawnga a dah chuan a hrawm nghal nawk a.Ka lo ip nghal chawi thung!
"Good girl!" a tih sup chuan ka lo thaw hak a.Em em hian!







" I bula ka awm changa ka danglam dan hi hre ve ta che" tih sup pah chuan min pawt hnaih hrawk a.Ka kawnga a kut pahnih a dawm pah chuan a kap zawm chu ka mawng chu min nawk tir anih chu! Ka thinphu rang lutuk chuan ka thawk thlengin a ti buai zo vek.A thil lah chu a rawn puar ul bawk si.Awmdan tur pawh ka hre lo e a!











😁Nizanah ka lo muthlu leh daih sia....Tihpalh ti reng mai ang🙏❤ Min lo hau leh luai luai mai ru🤧

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 16th, 2021, 8:10 pm

Chapter - 12







Zing chaw kan ei a mahse kan ei lai pawh chuan ka hawi chhuak mang lo tih theih ani.Zosangpuia thil tih vang vek kha.Soma leh Araba pawh chuan an ei ve nghal a.Araba chu a tawng mawh ka ti, Soma erawh hmeichhe zuan zang leh hlim thei tak ani thung,unau si in ang lo,ni leh lo an hmel chu a in ang.










"Vawin ah Soma nen Bazar ula,thawmhnaw leh i thil mamawh vel tut lei vek ang che,in atang hian a chhuah mai mai theih dawn loh ania" Isaac-an a raqn tih nghut chuan hmui ti pawrh tarh in ka en a.Engvang ngawt in nge ka chhuah mai mai theih loh ang ni? Zawt ila min chhang tha leh duh awm silo! Soma hi nakinah ka la zawt tal ang.











"I nu phone rawh angaihtuah che nia!" ka chawei kham ka thawh dawn chuan a rawn ti leh sup a.Thawhak a lu bu nghat in tui dehna lam ka pan nghal.










Midang ho chuan chaw an la ei tho bawk a tiin pawn lamah chuan ka chhuak ta daih a.Vanranda ringawt pawh marble floor vek ala ni.Tual zau tak anei a,kan piah deuh ft. 80-100 inkar velah gate lianpui a ding bawk. In chheh vel chu hawi kual pawn huan puitling tak ani tih a hriat a,thei chi hrang hrang a awm teuh mai,an tifai ngun tih hriat takin hmuh a nuam leh pek viau bawk.Gate awmna lam ni lo zawk ah chuan va hmuh inlian zet hi ala awma,mahse an sak dan en chuan garage emaw bungrua dahna vel aniang ft.36 vel a dung zawng chuan a nih ka ring.Kawng chhak lam leh thlang lam hla ve deuh ah chuan Tanky liantha zet a awm ve ve a,tui chu thal ah pawh an tla chham lo ang tih tur ang vel ani.In hrim hrim pawh hi chhawng 3 lai ani ve a,kawngan ami leh a chung chiah kan luah ani in,a hnuai zawk hi Abdula te nupa luah ani a,Soma leh Araba pawh hi Isaac in ah hian an cheng ve niawm tak ani.Mahse ka hriat thiam loh chu, heti tak hian hepa hi engtin nge a hausak theih.Apu pensioner,Apatea lah zirtirtu ani ve mai a, ani ACP ah a kaisang chiah bawk.Mak ve tak chu ni.











Ngaihtuahna ti buai duh rih lo chuan ka nu chu kal kual pah chuan ka be ta zawk a.







"Bawihte,i dam em?" phone a chhan rual rual chu hello pawh tih hma in alo ti nghal vat a.Ka nu aw rei tak hnu a ka hre leh chu ka mittui a hnai leh kuar mai, ka ngai takzet ka tih tauh san ve bawk a,mahni ka inhrem mai mai ani sia! Ka tan chuan ka pian tirh atanga engkima ka nu kha ani miau ani.










"Ka dam lutuk, nangni in dam em? " ka ti sap a, hahdam hmel zeta a thaw huai ri chuan min lo ngaihtuah zia ka hre thar leh! Ka tet lai atanga ka in tih palh hlau reng reng tu kha ala ni reng! Mahse Kapa rilru khauh zet kha a hneh ngang lo khan mittui nen min thlahliam ve anih kha!










"Kan dam e, In zinna chu eng nge a an..? Buaina in tawk em?" a rawn ti leh nghal zat a! Eng buaina nge kan tawh ngawt ang ni.








"Kan tha vek e, chuan ka pa a tha em?" a tawp lam chu zawi te hian ka ti a.Ka pa ka biak lohna phei chu thla 2 dawn ani tawh ang.In hmuh chu in hmu thin mahila ka be ngai lo tluk ani.









"In luhlul dun emai nangni pahnih hi chu, Hei ka bulah a awm ve kur alawm, a ngai che sia a be zak bawk che sia" ka nu in uang zet a alo tih chuan ka nui ve hak a
"Thu ni lo pui pui hi sawi thin suh!" tia ka pa phun bul bul pawh chu ka hre reng.Pa tih mawh leh luhlul tak ani a,ka chhun hle bawk an ti thin.Min duat hluak ngai hauh lo,mahse ka mamawh engkim a hria a ka tana tha tur emaw tha lo tur pawh thiam takin min enkawl ka ti mai.Mahse he inneihna kher hi chu! Nilo a hlim zawng in thlir tum hram hram ang!











"Nu, ngaihtuah ka ngai lo aw hahdam deuhin lo awm ru" ka tih sap a.Ka nu hi chu nu hlim thei leh zuan zang tak ani a,hmai bial lampang sar vuah kan tih ang kha,mahse a thau hauh lo ala nalh tawh hle bawk! Ka naupan lai chuan ka nu hi ka ngaisang thei lutuk a,school te hi a hruai loh chuan ka kal duh ngai lo reng reng.Kan veng mi thenkhat ten ka nu nen kan hmel in an loh thu an sawi pawn ka tap tawp tawh.Inah hawin tap chungin ka sawi a, ani lah chuan Apa hmelah i ang a,kei chu pum rua leh rilru ah min chhun dawn alawm alo ti dam diai thin.










"Fel deuh khan awmla, Isaac kha i pasal ani tawh a a duhdana awm tum hram hram ang che mi tha tak ania i tana thil tha lo tur a ti dawn miah lo ania i pasal anih angin amah ah innghat pumhlum la,amaherawh chu fimkhur tho ang che mipa te hi zawng enkawl thiam an ngai a,nupui te hi chhungkua a kan in siam tawh hnuah chuan kan pawimawh ber ani tih vawng tlat bawk ang che,chhungkaw hlimna phena mi hi hmeichhia te an ni chawk ania " a rawn ti dam dap a.Vawn reng tlak a ni ka ti ve hial mai!












"Tunge biak!" rawn ti nghut tu avang chuan ka phu hlum lo chauh.Ka inher vut a,ka hnungah chuan alo ding leh run tawh.Ka phone biak vang nge a thawm ka hre hauh lo bawk.








"Awle,nu anih phawt zanah ka lo be leh ang che!" ti pah chuan ka dah a.Ka bula ding run pa chu min melh dan ang chiah chuan mit ti zim san in ka melh ve nghal bawk.Ka awmdan vang nge a nui suk anih chu.Hetia a nuih hian apa tak zet bawk.









"Va insiam rawh le! Soma pawh a insiam tawh kha in tlai lutuk ang!" a tih sup chuan kan bazar dawn tih ka hre leh chiah van ho mai mai tak!









"Umm...phei ang" tihpah chuan inlam pan chuan ka kal nghal ani mai.





"Leh lawk" a rawn tih sup chuan ka ding dat a,inher in ka mit ko ka san ak bawk.






"Engnge min lo hawn ang..?" khi sak paha a tih chuan a thusawi chu awih lo zet hian ka melh a.Mak ve! A changin Misualpa ang vel ani thut a,a changin naupang te.









"I ho lutuk,Patling pui si" tih nang nang pah chuan ka melh deuh vak a.Nui leh suk suk in alu a thing buk buk a,ka lam panin a rawn pen phei chhet chhet a,mitkhap kar lek in ka bul a lo thleng der bawk.A kawng a kut pahniha a rawn dawm chiah chuan ka lo tang deuh ul tawh.









"Nutling pui si pawh kha naupang angin a nuar thin ve tho alawm" chimawm zet a arawn tih chuan ka in hmain a awmah ka beng ri thlawp a,a nui chhuak leh ta hawk hawk bawk.









"Kan inang lo aw...Kei chu naupang chhuak chauh ka nia nang chu val pawh ni tawh lo sì tel ngai tawh chin" ka ti leh a.Ala nui hawk hawk tho.Mai mai hian! Salah!!









"Sì ho chu tleirawl ho in engtin nge an sawi thin i hria em..?" a rawn tih sup chuan pawr zetin ngaihtuah chiang hman hauh lo chuan ka lo chhang leh vak a "An h*r overrr" ka thusawi vang chuan min melh nghal haw a, khai le! Engnge ka sawi.Awmzia awm tawh hlei lo chuan ka hmui ka hup chawt.Lalpa leh! Ka zak lutuk chu ka sa nghal pup pup thei...Engtia sawi chhuak nge ka nih pawh ka hre lo,Lalfakawmi thil sawi thin vang vek! Ninawm. Amah pawh en ngam tawh lo chuan hnuai lam ka bih ngur a!










"A dik nge dik lo i hre duh em..?" ka lu zawna rawn kun hniam paha a rawn tih chuan ka beng thlengin ka sa chhuak vek tawh ani mai.Ngam leh ngam lo chuan ka lo melh ve zak zak a.Ka lu ka thing nak bawk.Chutiang ka hre duh reng reng lo!










"Ka...ka ka lut ...ka lut dawn " tih bah nuai pah chuan ka kawng a chelhna chu ka nawr thla a, ka inher nghal vut bawk.Mahse ka pen rei hman lo ka kawngah a rawn dawm leh nghal thuai a,ka taksa si thlawp in a rawn ding nghal bawk. "Hey...Ka kal duh ania" kal chhuah tum chuan akut chu ka lo pawt ve ngat ngat a.










"A dik mai thei ania" rawn tih sup pah chuan ka beng chu a rawn seh zauh a.Ka che lai ka tawp chiang hle bawk.Rawn nui lum leh hak in ka kawr chhana ka awm bawr a rawn h*m leh chat chuan ka lo tang nghal teu a.Vawi thum vel a hmet deuh nawk nawk hnu chuan thaw hawk in ka kawngah a rawn dawm leh vut a.A thil tih mak zet avang kham tul lo puiin ka thaw a lum hak bawk.













"Min duh ve vat rawh aw,ni loh chuan zantin ti hian.." tih pah chuan a kàp puar ul chuan ka mawng a rawn d*p anih chu! Kekawr chhanah pawh nise ka la tawn ngai loh ni bawk nen ka sà chhuak vek tawh.
"Tuna i kal loh chuan tuma awm ve lohna hmuhah che ka hruai che nga.." a thusawi a sawi zawh hma hma chuan a kut min chelhna chu dahthla in inlampan chuan ka tlan vang vang.A nui hawk hawk te chuan ka thin an ti rim bawk si,zak bawk si chu awmdan tur pawh ka thiam lo.Inchhung ka lut tawh chu ding chutin kawngka ka va dak leh a,Min lo la en reng tih ka hmuh chuan chhiat khum zauh in ka kutzunglai chu ka hmuh vak a.Lu thing buk buk a a nuih lai chuan rum zeta melh in ka lut daih!











Roomah chuan ka in tihfai thuak thuak hnuah ka insiam ve mawlh mawlh a,Mom jeans dum ha in a chungah Shirt purple dal hmuh hahdam raih ka ha thung,Ka pheikhawk bun tur ka dap lai chuan kawngka ri rak in Isaac bawk a rawn lut leh.Ka hmuh duh tawh rih lo asin le! Nichin lah kha,khatianga khawlai lai a awm te chu!










"Dawhkan chunga parcel ah khan i thil tur a awm ania!" a rawn tih sup chuan ka en ve vat a,parcel lian lutuk lo intuam fel at hi alo awm ve ngat tak tak.Kawngka ngheng a ding chuan min en run a.Min tih zah hi nuan ati viau emaw ni mai mai ni!








"Khawi ami nge? " tih pah chuan ka ban a,a rit deuh nalh danah ho mai mai a awm hmel chiah lo.








"Hawng rawh!" zawhna lah hi chhang lo ve thei bawk si.A charna vel chu pawtthla hian ka hawng a.Ka thil hmuh avang chuan ka meng deuh kawk ang chu! Converse Low Purple colour nalh zet alo awm! Ka khek tung a,tu min pek nge..? Isaac lam ka hawi chu nui suk in a mit ko alo chet zeuha hepa hian min lo lei sak ve chiang mai.









"Ka duh lutuk..Ka lawm eee" tih vak pah chuan ka phawrh a ka inthawlh chhin ka tawk chiah bawk.Hausa ve viau e ti lo hian incheina to tak tak ka inbel ngai lo,kawr lum lam erawh ngaina tak ka ni! Pheikhawk hi chu to tak tak lei aiin second hand tha ve tak tak si tlawm bawk si ka thing kual a,pheikhawk ori pakhat a 3000 dawn dawn sen aiin second hand 5 vel lei ka duh daih zawk thin.Converse erawh ka neih chuan first vel hi ka lei mai thin ka duh zawng tak lo ni bawk nen colour hrang ka ngah tawh hle a mahse purple kher hi chu ka la nei lo.










"Engtia lei ve ngawt nge maw i ni leh..?" ka pheikhawk thar in thawlh mawlh mawlh pah chuan nui sang hian ka zawt a.Ka ka ka chip thei meuh lo chu ni.ka la tawk chiah zui...A hmel in in a ori tih a hriat bawk si a to ve ngawt ang.











" I duh chuan a that chu!" tih chauhin min chhang leh tawh.Pawilo tun tum chu thinrimna mood ka nei phal lo!Ka dinga darthlalang hma ah chuan kan in en vel a,ka hlim lutuk hi amak zawk!Ka bag la chuan inhnuai lam pan tum chuan ka kal nghal a,Soma ka hmuh ve chak bawk.Kawngka bula ding run pa avang chuan kawngka ka thleng tep tihah chuan ka ding leh chat a.









"Ka kal duh ania" tih nur pah chuan ka melh a.Ka awmdan ang chiah chuan a hmel a ti nur ve nang anih chu! Duhawm reuh! Het!!!








"Engnge min lo hawn ang!"






"Eng pawh.?" ka lo ti thuai a, ka mood fuh lai hi chuan engmah ui ka nei ngai hauh lo!









"Night dress sexy tawk lo lei la,nakin zana i hak tur" a sawi zawh rual rual chuan "Hey!!!" ti vak in ka sling bag ah lai chuan ka vaw pawp pawp a,a kun hniam deuh lai chuan kawngka chu hawngin ka chhuak daih bawk mak thei si.Nichina ka thusawi sual kal zel kha ka la tuar zel dawn chu nih hi.









Kawngka ka chhuah chuan Soma pawh alo ding ve reng tawh a,a chhe lo thei hi ka ti....Mipa ni ila chu ka chhuah phal miah lo ang.Araba in kan car hman tur alak thusawiin kan lo nghak a.









Kan hma a motor lo ding chu ka lo en haw a,driver seat atang Araba lo chhuak ve nghal zat bawk.Toyota Urban Cruiser BS6.Isaac ta ani tak tak em? Hepa hi a hausa lutuk mah mah ani.Curruption vang em ni? Nilo hram teh se.








"Lut ang le!" tihpah chuan Soma chu driver awmna lamah chuan phei in alut nghal vat a.Keipawh passenger side lamah chuan ka lut nghal thuai bawk.He car hi Mizorama hmankar khan alo thleng chiah a,chupawh 2 chauh tunah Isaac an alo nei der tawh lehnghal.Acp chauh nisi in!







"Soma he car hi Isaac ta nge in ta zawk?" ka zawt ta tawp.Ani hian engkim a hriat ka ring bawk.







"Miss,In ta vek ani e" nui sak paha a rawn tih chuan ka lo thawhak a.Curruption police ni tur em chu ani lo asin!








"Soma Kan garage ah khan motor engzat nge awm chiah" a motor pakhat hralh in alo lei ve pawh ani thei.Ngai khawlo nghal ringawt tur ka ni lo! Chutiang mihring anih em loh kha.








"Royal.Ef dum1,Bolero var 1,Renault Duster dum 1, Tata Hexa leh hei hi ani mai" a rawn tih chuan ka lo thaw hak a, curruption vang ani ngei ang! Hetiang em em ti duh tur chu ani lo asin.







"A hausa lutuk mah mah ani" ka lo phun chhuak ni ngei tur ani,Soma chuan min lo melh vat a.









" A sumdawnna en chuan a awm reng alawm" a tih sap chuan bo zetin ka melh nghal vat a.Ka hrilh hai hmel a hmuh vang nge a rawn sawi zawm thuai a." Sir hian ala sawi lo anih ka ring,Police hna hi chu a hna pakhat zawk chauh ania,he hna tello pawh hian a damchhung inchawmna tur chu a hlawh chhuak tawh lutuk asin."A tih chuan ka en reng a.Hna dang nei awmin kan awmdun lai khan a khawsa ngai pawn ka hre silo!







"Eng sumdawnna chiah nge a khawih a,thil tha lo lam.." ka tih lai chuan min lo pawt chat vat a.







"Chutiang ti duh tur awm mi sir hi ani hleinem tih nangpawn i hriat kha,a sumdawnna hi ala sawi lo anih chuan ka hrilh ru ang che" tih pah chuan an nui leh te te a,kei pawh bo zet chuan ka lo nui ve sak ringawt." Kum 2 kal ta khan Mizoramah an lo awm nghet ve chuah a,Khami hma khan Kolkata ah an awm thin.Tah chuan sumdawnna hi a tan ta bawk.Tunah chuan Kolkata a Toyota showroom lian ber ber 2 khu a ta an ni a, mahse Araba hian tunah chuan a enkawl sak rih thung.A hausak dawn zia hria in jounalist tam takin kawm chian tumin an rawn hnaih pawn tha takin alo hnial zel thin." ti dap dap pah chuan kan tlan chhung chuan Isaac chanchin a hriat chin zawng zawng min hrilh ani mai.Ka tana tangkai tur ka hre thar ta nual bawk.
Chuan ka rin phak bakin hepa hi alo fing ka ti bawk!











Kal dawn a phur ve ve nen,tunah chuan ning tawh tak ka ni! A te ber atanga lian ber thleng hian lei a tum ni awm ani,Kekawr buk ringawt pawh neih sa ka ngah ka ti chung pawn 5 an la la hram. Fitness lam kan ngaipawimawh dawn atih vangin ka thawmhnaw mamawh tur vel a lei nghal vek bawk,a spare tur nen ti thlap thlap ang chi kha ani bawk anih hi.












"Ka ning tawh e" ka tih pawh chuan ka phei khawk bun tur bun nuam deuh tur thlang in ala vir zak zak mai.MC ah ani bawk si To leh teh ang chu bun khat pawh! Darthlalang chhung a awm chin hi chu an to fia fia thei em ani.









"Hei hi han bun chhin lawk teh" tih pah chuan Nike sneaker senno a tlang var hi a rawn lek phei a ka lo ban vat bawk.






"Bun a nuam em han tei kual chhin teh" atih chuan kan ding chhin vel a,bun a nuam reuh phian mai." A tha reng mai" ka ti sap a.Haw vat vat ka chak tawh.







Mc kan chhuahsan chuan dar 2 a pel va tawh.Kan bill pawh asang fifia khawp mai.Chawhmeh lei kawi lawk ang atih avang chuan kan ding leh rih ,ka nin tawh em avang chuan chhuk pawh chhuk loin motorah ka lo nghal ta tawp a,Isaaca duh zawng ka hriat awm chhun vawksa rep kan chah ve phian kha!Ala rei reuh zek leh nghal.









In kan thlen chuan dar 4 a pel tawh,khawpui nen inhnaih lutuk lo tawk vel a awm kan ni bawk a a aqm ve reng.








Phur zet chuan kan thil lei khai chuan kan lut a,indah fel hma hma chuan ka room lamah ka tlan chho nghal Isaac hmuh tir ka chak tawh lutuk!











"Ka lak atang hian ila sawn hauh lo ang! A nun i tih chhiat nawn hi ka phal tawh dawn lo ka nupui ani tawh a,nang a nu ka ni rawn inti ve khan hnaih pawh rawn tum tawh suh! Naute sen pawh hnute far khat pe duh lo tu kha ini lawm ni" Room kawngka ka hawn ruala Isaaca phone bia a min hnung chhawnin a thil sawi a sawi zawh rual chuan ka tha an zawi nghal vek a,ka thil khai ka thlauh nghal rum bawk.Nu dik tak ! Enge awmzia..? Engthil nge thleng leh ta hi? Mittui tling piau leh zawhna nei hmel tak chuan Isaac chu ka en ta vang vang a.








●Naktukah ka hman hram chuan ka lo zawm mai ang! Muttui suk suk u😘

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)