Im Yours By Apuii Tlau (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

Re: Im Yours By Apuii Tlau (Completed)

Unread post by Ngaia » May 16th, 2021, 8:13 pm

Chapter - 25









A tuka a nu leh pa rawn kal hnen a thil awmzia ka sawi meuh chuan anu tap ri chu hriat hrehawm tak ani.A fanu chu a melh vawng vawng a, Hruaii lah engmah tih theih nei silo hrehawm a ti hmel chu ka lainat letling zawk.








A bula kan awm in Marcus chung chang kan sawi ngai lo, atan chuan thil pangngai ala nih tlat loh avangin a chhungril lamah eng ang chiaha nghawng thei nge anih kan hriat loh avang chuan tuman kan lam ri tawh lo.Mahse kha tlangval kha chu ka hre reng tawh ang.










"I riltam em?" tih sup pah chuan khum kam san a thu mu nu biangah chuan ka kut chuan ka nul thuak a,nui sen sen paha a lu alo buk nghat nghat chuan a duh zawng ka zawt vat a.Mahse chu chuan min ti na leh nghal! Inthiam lo zeta ka en chuan nui lui sak in a kut chuan pen a thil ziak ang hian ati che a.Pen leh paper amamawh tih hria in ka melh kual vata mahse a awm hauh lo.









Ka phone chu la in ka pe a, note ah chuan lutin a chhu ve nghal zat bawk.



"Chicken cup noodle 2, Rice " tih a ziah chu nui suk in ka en a, amah chu en leh in a alu ah ka fawp leh zauh bawk.








"A dang duh ila nei em? eng pawh? " asam a benga zeh sak paha ka tih chuan ngaihtuah awm tak chuan an ngawi ve vang vang a, rei lo te hnu a alu a rawn thin nak nak chuan ka lo nui suk suk a.










"Chicken noodle chu i duh viau ami..?Spicy i duh tel em..?" ka tih sup chuan alu a thing leh na na a, a duh hle khan ka hre sia,mahse pawilo a thak bawk nen a pum tan a tha em em lo tlat.









"Ok...Soma kan bia anga maw,driver alo tir mai ang" ka tih sup chuan a nui leh var var a, phone chu la in Soma pawh ka call nghal bawk.







"Hello"







"Soma, driver kha lo tir la, dawrah Chicken cup noodle lo lei se bawm 5 chuan Rice kha inah a awm chuan tupper ware khan lo ken tir bawk rawh a awm loh pawn lo lei mai rawh se, Apple kha lo ken tel tir bawk la tuilumna nen khan!" ka tih sup chuan nui hak in a rawn tirh nghal tur thu a sawi a, ka dah nghal vat bawk.











Nin hmel zeta khuma chunglam melh a lo thu mu ran chu nui suk a pan phei in ka thawm ah alo hawi vat bawk a,ka phone ka pek rual rual chuan alo ban nghal vut bawk.








Ka pheikhawk chu thlawh phelh in abulah chuan ka mu nghal than a, min ngaihven hauh lo in phone chu a khawih malh malh a,zanlam ka mut tlem deuh vang nge ka mut a chhuak ta muai muai bawk.A kawngah chuan nghet zeta vuanin a awmah chuan ka lu ka nghat a,ka bawp in ka khawkherh deuh bawk.Mahse angaipawimawh hran lo,ka sam ah chuan lo tuai zauh in ka lu a rawn fawp leh vang vang a, ti hi chuan ka famkim hial hian ka hre thin.











Ka harh leh meuh chuan tlai lam dar 3 dawn alo ri ruai tawh a,ka bula mu ka en chuan alo muhil ve reng bawk,phone kawi sawi zeta alo ken te nen chuan a duhawm letling zawk.A mut dan sawi leh rem lo zet chu siam tha in ka thawh chhuahsan a bathroom lamah lutin ka inphih fai nghal mawlh mawlh bawk.










Damdawiin kan chhuahsan hnu ah atana that zawk ka rin avangin Aizawl lama ka in ah chuan a chhuk pui leh ta zawk a,anu leh pa kal ve tur a ka tih chuan duh ve hle mahse an in leh lo buaipui ngai ve bawk nen kar tawp lama tlawh ziah turin ka sawmna chu an hnial ta zawk.










Kan kal dawn zanah chuan a thiante chuan an rawn thlah a, ka nupui pawn tha tak chuan alo welcome ve bawk mahse a hma ang kha chuan a nel tawh vak hmel loh nge ka hre sual mai mai pawh ka hre lo.










"A rem chuan kar tawp lamah kan lo kal thin ang, chuan amah hi a exam tho dawn nge?" ti chuan an thianpa pakhat a hma a ka lo hnek tawh pa in atih chuan ka lu ka lo thing nak a." Nakinah a dam deuh hunah duh leh ama duh dan dan in a ti tawh mai ang, tunah chuan han dam fel phawt teh se" ka ti sup a an lo bu ve nghat nghat bawk.Sitting room ah thu in KFC leh Drink lam kan ei paha , hmeichhe ho in beer duh lo in pepsi an in ve ngei chu an mipa ho chuan an nuih ru tut tut bawk mipa ho pawn Beer bak an in chuang hran lo bawk.










Ka naute te reuh i pawh chu ka thutna sofa ah chuan a ke hlang meuh in ka awm ah a bei deuh hle hle a min kuah pah deuh hlan bawk, a thiante pawh chu ngatan mah ati tawh lem lo aniang midang ho lahin chhaih en ah an la en lo nge an fiam bik em lo bawk.









Vawilehkhata a rawn ding deuh hluai avang chuan kan melh nghal thap a,chutah nuam lo tih hmel zeta chuana kun leh deuh, chutah inthiam loh niawm tak hian athiante chu an hawisawn leh nghal vat bawk.










"Duh i nei ami?" akut a vawn paha ka tih chuan a bu nghat a, ka mitko ka san ak chuan choka bathroom lam chu a kawk a, nui sak in ka thla a, a kal ve nghal mai bawk.Rei lo te hnua alo let chuan ka bulah pawh thu tawh lo in ka mal chungah chuan naupang ang mai hian a sir zawng chuan a rawn thu deuh hlun a, ka ngawnga dawm in ka darah a bei nghal than bawk, a kawngah chuan ka lo dawm let vat a.










"Soma a wings leh pepsi kha min lo ban lawk la, Engmah ala ei ve lo!" ka tih nghut chuan hrethiam thuai in alo ban vat a, hruaii a pek chuan mak tih hmel zet hian alo en a, min rawn en leh in lu ka buk zauh chuan min kuahna thlah in ala ve mai bawk.








Soma a thutna lama alet leh hnu pawh chuan a la keng reng a, pepsi nen chuan.







"Ei la!" min rawn en nghal haw a, la ei ngai lo ang mai a a awm chuan ka ngaih ati tha ta chiah lo." I ei duh lo mi" ka ti nawn leh sup a.Lu thing pah chuan hreh hmel zet chuan a ei ve ta hram a, KFC kan lei apiang hian a wings lo chu a ei ngai lo, chuvanga lak sak ka ni reng bawk.









A thial rik rap rap chuan " a tui em?" ka lo ti sup a, bu nghat nghat in a nui sen sen a, Pepsi chu a in nghal zat bawk.A awmdan chu ka hrethiam chiah lo doctor te rawn leh angai dawn ani.Kan thil tih thin tam zawk hi hriat loh a nei nual a, an natna sawi ka hriat ve danah kha chuan tiang hi chu a tel hauh lo.









"Hruai, Naktukah in kal lamin lo peng kawi ula, vawin lamah dil ah an kala dil sangha kan kawl nual mai, inkeng thla ve dawn nia" Awiteii an tih nu in a rawn tih chuan ka nupui chuan a en haw a.











"Tehreng mai...Mahse in in awmna ka hre ve lo, Zo'n ahria em!" Pepsi a ken lai min pe in ka phone a bana ti hian type in Awiteii chu a hmuh nghal zat bawk.Mak ti deuh tak chuan kan en thap a, mahse ani erawh engmah a hre lo tak tak nge min nuih sen sen duh chauh.










" Kan in i hre lo maw..?" A thiannu in mak tih hmel zeta a rawn tih that leh ngat chuan rawn dak chhuak in a melh ve ran a.










"Aw...Veng tir lamah mi..Kan in hnaih em..?" nui sang paha a ziah a hmuh leh chuan chuan nuih luih ve a har kher mai.Tinge ka nupui hi! Engthil chiah nge a chungah hian thleng...tih der ni dawn se, a ni thei bawk silo!











Ngaihtuah chhuak thut in ka nupui chu ka melh vat a, " Bawihte, heng ho hi han enkual lawk teh!" tih pah chuan sitting room a a thiante awm chu ka kawk kual a,"Tun lo hi i hmu tawh em..?" ka thusawi avang nge a thiante ho chu an lo meng phawk hra hlawm a, ka nupui chu kan melh ta thap bawk.












"Hmeichhe ho hi chu ka hmu tawh mahse mipa ho hi ka la hmu ve lo aniang...."fih paha min en chhoh chuan awmdan thiam a har kher mai.Tawng mai tur hre lo chuan ka nui tawi tak ringawt a.Damdawiin ah khan mipa ho hi an rawn lang ve hman meuh lo a, Marcus-a te inlamah an buai bawk si avang leh college lam nen.











"Sir!" Mak tih hmel zeta Soma in alo tih pawh chuan engtin mah ka chhang lo.A thiante dang pawh chu an rilru buai hmel kher mai.










"Han en tha leh teh..? i hre miah lo maw?" Awiteii rawn tawng chhuak in atih chuan a melh ve vat a, mipa ho an melh kual dan dan hnu a alu thing na na chuan thaw a ti pik leh ta churh mai.An rilru a dam bik hauh lo tih chu an mita lainatna leh manganna lo lang chuan a lan tir chiang alawm.










Awiteii chuan rilru nat hmel zet chuan a thiante hming chu alo hrilh a, kan hmeichhe ho chu maw tap mai tur hmel an pu ni ber hian ka hria.










"A dam leh thei angem? Tinge hetia awm a?" Tap deuh tuau paha Awiteii bawkin a rawn tih leh chuan ka nupui rilru a buai belh leh hlau zet chuan ka lo kuah khawm nghal vek a.Soma chuan Ka pepsi ken lai chu lo la vat in dawhkan ah chuan a dah vat a.









"Awite...Hruaii tan a tha lo ania, ti hian awm lo teh!" tih sap paha Afakin alo kuah vat chuan an mipa ho pawh chuan an thutna lamah phei in an lo hnem nghal vat a.Awiteii hi chu a thiantha ve ber ani miau a, a thiannu hetianga a awm hi hmuh harsa ati te pawh aniang nge!











Min lo keuh zauh tu chu ka en thla nghal vat a, mak tih hmel zeta a thiante awmdan min kawh hmuh chuan " An ngai dawn lutuk che a, an buai anih saw!" ka tih sap chuan alu a bu vei nghat a.Ka kuah behna tang chuan tal deuh in kei pawn ka lo thlah dul vat a.Phone ah chuan eng emaw a type zui mial mial bawk.








"Ka lo haw leh vat dawn alawm, thil tha deuh ka lo hawn ang che u...dam deuh in lo awm ula,kan inhmu leh vat dawn nia!" tih a type chu ka hmai bulah a rawn lek kang va va a, ka ban sak chuan a thiante chu pe tur ang deuh chuan a kawk zauh zauh bawk chu hrethiam in Soma chu ka pe vat a anin a bula thu te chu a hmuh nghal vat bawk.









An awmdan ah chuan an na tak zet ani tih a hriat reng a,an thiannu in a hriat loh mai bakah a chetzia naupang chhia tak chu kei tak ngial pawn mak ka ti, eng chiah nge a chungah hian thleng pawh ka hrethiam hauh lo.











Rawn kan phei in an rawn kuah diat diat hlawm a, ka la pawm miau avang chuan a rem lutuk lem lo.








"Dam deuh in lo haw rawh aw, ka ngai tawh lutuk che nia" Awiteii rawn kuah paha atih sap chuan kuah let ve in an in pawm deuh vang vang a.An thutna lama an thut hnu pawh a an mittui hru ru leh fap fap thin te chu thlir an nuam lem lo.










"Ka mut a chhuak tawh eee" tih type a min rawn hmuh leh tu chu ka nuih sak a, a hmel inla naute zet nen chuan duat hi a chak awm hliah hliah thin.









"A mut a chhuak deuh tawh a,ka han mut lawk nge lo awm ru!" tih sup paha ka pawm din chuan ka nghawngah alo kuah ve vat a, nui sanga midang a bye bye lauh lauh te chuan nui lui in an lo bye let ve bawk.
Naupang kum 5-6 vel awm angin a che a,mahse ka nupui ani tih a hrethiam leh tho bawk sia,a engber hi nge dik lo ni ta ang.
















•Zanin chu chawlh zan ni mahse hmatawk ah lo dah ka tum tawh dawn nia....Ni lengin kan buai a, chauh chuan maw muttui alo awl bawk sia😞



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 16th, 2021, 8:13 pm

Chapter - 26







Room kan luh hnu chuan bathroom lamah hruai phei in a ha ka nawh tir a, a hmai phih leh in eng emaw chu a inhnawih ve bawk.









Khuma ka pawm phei leh chuan blanket chuan a in khuh ve than a.







"Lo mu la kan thiante kha ka zu thlah ve lawk ange!" tih sup pah chuan a lu ah ka fawp zauh a,ka kal tur ka bana a rawn dawm leh thut avang chuan ka melh thla nghal vat bawk.Nui sanga min lo hui chuan ka kun ve mai a,ka nghawng a lo kuah vat paha duhthawh reuh taka ka hmui a alo fawh ve tan tan chuan ka fawp let ve nghal thuai a.Ka taksa dang pawh chuan an ngaih em em nu chu an lo hre rang khawp mai.









"Tinge..?" ka fawh let ve hnu lawka a inlak hran nghal vat avang chuan meng phelh deuh ruai chuan ka en a, ani pawh chu a meng dà va ve ralh bawk.Nui sak paha kawngka lam a kawh zauh zauh chuan ka hre chhuak leh chiah,ka thiante thlah ka la ngai tak! Huiham!









"Chimawmnu!" ka la duh khawp lo tih a hria aniang min nuih ru rah rah lai chuan ka ti deuh sup a, pawt hnai in ka fawh leh deuh nawk nawk hnu chuan dam zetin tawp ka khar leh a, nui pahin a nur nang chu ka chhuah san zui ta bawk. Ka taksa danglam leh ka mitmeng paw deuh ruau chu an lo hriatthiam loh hram beisei phawt ang.Lalhruaizeli vang vek! Hnuailam lah chu!









Inhnuai ka thlen thlak chuan an lo thu kun lao hlawm a,an awmdan tur chu ka hriat thiam pui hauh lo nangin a hreawm hle ang tih chu ka hrethiam ve.









"Tinge khatia a awm a..? Tinge min hriat loh!" Afaki an tih in a rawn tih chuan ka thutna ngai ah chuan thu thla in ka hmai ka tuai thla pawk a.








"Ka hrethiam bik lo! Doctor te sawi dan chuan Speech disorders chauh anei an ti sia! Mahse....Keipawn ka hre tawh bik lo! Aizawl lamah pawh checkup leh hrim hrim angai ani!" ka tih sup chuan an lo bu nghat nghat a.










"Marcus kan chan tawh! mahse ani leh zel hi chu chan kan duh lo ania!" Awiteii bawkin tap deuh tuau paha a rawn tih chuan ka lo bu nghut a.A thiannu chuan kuah in an inhnem nghal mawlh mawlh bawk.An mipa ho mitmeng ah pawh chuan an nà ve hle tih a hai theih bik hauh lo.












Rei pawh an awm hma chuan haw zai an rel ta thuai a, Soma nen chuan an motor dahna thleng chuan kan va thlah chhuak ve bawk.










"Ahh..U Isaac...!" rawn tih bah deuh nawk nawk tu lam chu ka hawi vat a, Hriata an tih kha ani in ka hria,ka buk deuh nghat chuan ka bulah chuan a rawn kal phei ve vat a
"Ih..ka sawi duh chu Hruaii hi lo enkawl tha rawh aw, ala naupang chhia in ala luhlul ve viau thin a mahse lo dawh hram hram ang che a rilru hi a thianghlim teh mai ania, alaka thinrimna emaw harsatna vel i neih chuan min lo hrilh la aw a theih chuan a unaupa te kan ni a, a dik lohna lai ah chuan a insiam that theih nan puih che kan hnial lo ania, amah tina tur in engthil mah ti lo hram ang che i ti anih chuan kei hian ka thihchilh hreh dawn lo che nia ka sawi awmzia min hriat thiam sak tiraw....Marcus a awm tawh lo a,ani leh zel hi chu anat kan phal tawh lo,....khaw...khawngaihin lo enkawl tha rawh aw!" vauna ni hauh lo inngaithlawm leh zawl dawh zeta a rawn tih chuan a darah ka lo beng thak thak a.Ka nupui hi a vannei tak zet , hetiang khawpa hmangaihtu thian alo nei hi ka lawm hle bawk.













"Tehreng mai! nangni pawh ka naute in ni tawh a,tha deuh in lehkha zir ula induh hun apiangah inlo kal thin dawn nia, harsatna inneih chuan intan ka awm reng ang...ka nupui chu lo ngaihtuah reng reng suh u a pasal ka awm a atan ka tih theih apiang ka ti zel dawn alawm!" ka ti ve nghut nghut chuan min rawn pawm deuh chawt a.Lawmthu min hrilh zui sup a.











Midang ho pawh chuan min rawn chibai in an thiam ang tawk chuan lawmthu min hrilh ve a,ka lawm lutuk nangin a ngai ka ti hran lo khawp mai ka nupui ani tawh a a enkawl tu tur pawh keimah ka tih tur ve reng ani miau a.













An tlan liam hnu chuan Soma hnen ah chuan Doctor tha tak lo ngaihven tur a tiin room lam pan chuan ka chho ta nghal a.Khuma mu lo thaw sek sek ka hmuh chuan ka engkim mai hi a dam ta hluah hlauh tih tur ang mai ani.











Pan pheiin alu ah chuan ka fawp zauh a, a bulah chuan tih harh hlau zetin ka inthlawh ve nghal bawk.Zawimuanga ka ban ka kham tir chuan zi deuh talh talh in a rawn meng deuh riai a, min hmuh chuan ka lamah lo tawlh hnai salh salh in min kuah nghal sat sat a,ka awm ah chuan a hmui a rawn nawr zeuh in a bei nghal hle hle bawk.










Engtik ah nge ka hming ngeiin min kauh leh theih ang le! Ka hmangaih che tih thu kha a aw ngaihno bei zeta a sawi kha engtik ah nge ka hriat leh ang..? Kan fate'n an kauh hunah? God!









Tinge hlimna lam kawng kan pan ve bek bek lai pawh a harsatna bawk in min tlak buak leh thin.A dam nan chuan engpawh ka ti ang...ni e,engpawh!















Zing dar 5 velah Aizawl lampan in kan chhuak ta a,anu leh pa te thlawh kawi pheiin Awiteii te in ah pawh chuan ka pen pui ngei bawk.Dil sangha hi thian thiam hauh lo hian a ei ve duh bawk sia buaipui hi ala ngai ve thin ania.











Bollero hnungah chuan kan pahnih chauh a kan chuan vang chuan a ke a hlang deuh dawr dawr a, dinglam tukverh bula ka thu chu min ngheng pah chial bawk.











"I rui ange?" ka tih lah chuan a awm tha duh der bawk silo.Soma pawh a front seat atangin alo nui ve suk suk mai.












Darkar fe kan tlan leh hnu chuan Kan in gate chu kan thleng leh ta luau luau a.Dar 11 a ri deuh thuak tawh bawk.Ka bula thu nu erawh a muhil fel der.Naupang ang mai!











Inchhungah chuan pawm lutin room lamah ka luh chhohpui nghal a,khuma ka mut hnu lawkin Abdula chuan kan thawmhnaw vel a rawn keng lut ve mai bawk.








Ka chauh deuh avang chuan bathroom lamah intifai turin ka phei vat a.Thlasik chho tan nen tuilum a inbual chu a nuam ngei mai, taksa na them thum te pawh a zia hawk mai alawm.









Rei vak lo hnuah chuan ka zo thuai a, towel chu vengin ka chhuak nghal bawk.Khum a tui zeta la mu nu chu enin ka nui sak a,mangchhe ve thei reuh bawk sia maw...









Closet lampanin ka phei a, Cargo bul hringduk chu ha in a chungah Tshirt nghawng nei a var a pawl dal a in rin phei deuh chu la in ka ha nghal bawk.Ka sam chu hru nawk nawk in balbawmah chuan towel chu ka vawm lut pawp a, khumlam pan chuan ka phei nghal bawk.











Engtiang pawh hian awm se ka duhna a tlem phah lo a,ka hmangaihna a nep phah hek lo a famkim lohna hian keimah ah lainatna leh hmangaihna a ti pung a ka thlahlelin ka ngai zual em em reng mai hian ka hria.Tuman an endawng emaw an hmuhsit ka phallo a, natna a tawrh changa a awmdan ka ngaihtuah hian ani ai a ka danglamna ka chunga thleng ani lo ani tih chauh ani hrehawm ang chiah hian ka lo hrehawm ve thin tlat alawm.












A nghawng a ka hmui a ka nul thuak chuan a tal deuh zawk a,Mahse a harh chuang lo chimawm zeta anghawnga ka fawh leh sek sek chuan zi talh talh pah chuan ka lu ah a rawn nem a, mahse awmsawn duh bik lo chuan ka la ti lui zel tho.











A harh tawh niang tal deuh nawk nawk paha ka dara a rawn beng taih taih chuan nui suka fawp leh tawk pah chuan ka dak chhuak ta hram a, thaw deuh hliai pah a biang sen deuh ten a min lo en chuan nui sangin a hmui ah ka fawp leh zauh a.











" I tho har lutuk a, ka ngai tawh che lawm!" ka tih sup chuan awihloh hmel zet hian aner nang nang a.Ka nuih suk suk ringawt.Ka kaihthawhna chhan ber chu appointment chawhnu atan Soma in alo sia avangin Damdawiin lama kan kal angai tlat ani.











"Sleeping beauty tho tawh rawh le, inbual lawk la chhuah kan ngai ania" ka tih sup chuan zawhna nei tih hriat takin amitko a rawn san vei ak a.Chu ringawt pawh chuan ati lang duhawm reuh phian bawk.










"Bazar lawk ila chuan damdawiin ah kal lawk kan ngai bawk a" ka tih sup chuan abu ve mai a.Kal sawn mai tuma ka inher chu lukham nge mawni chuan min rawn vawm deuh dat a,ka hawi let chuan a ban pahnih ka lamah alo phar va va bawk.Hrethiam lo zeta ka en chuan aban chu a rawn ti che dat dat a, ka hrethian ve leh chiah bawk.Naute lian chi anih reuh tak hi.









Ka pawm thawh nawlh rual chuan ka biangah arawn fawp zauh a, chu ngawt pawh chu ka tan chuan a hlu em asin.Ka awma zawi ngiala beinu chu bathroom lampan chuan ka phei pui leh ta a.












A inbual zawh chuan inhnawh puar zawk zawk in tumah hruai lem lo chuan khawpui lamah kan kal ta bawk.










Thai leh eng sa sa emaw kan lei zawh hnu chuan damdawiin lam ka panpui leh ta a, ka hmuh lo kara a hmel ngui ru thin tak chu hriat loh der ahar kher mai.Nia...a hlim ve riau in atuar thiam riau in ka hria a mahse alo ni bik hauh lo... tunge tawng thei lo thut hlim viau ngai.












Mizorama doctor thiam ve ber mai Dr.Lalchamliana thawhna hospital chu kan thleng ta thuai a, a room lamah kan chho ve nghal thuai bawk.A room bula nurse lo awmte hnenah chuan ka insawi zung zung a, min lo nghah reng tawh thusawiin keini pawh kan lut ve nghal bawk.











Patling hmelchhe lem lo tak,mizo paah chuan a pangngai fu ang tih tur vel chuan min lo chhawn vat a.Amah Dr.Chama chu alo ni ngei bawk.








Kan harsatna vel te chu ka sawi nghal zung zung a,ka nupui erawh earphone vuah tirin ka bulah ka thut tir thung.Ka sawi tur te hi Marcus telna te a awm nual avanga a buai leh mai hlaua ti ka ni bawk.










"Speech Impairment a nei anih chuan ana tawk hle tihna nia, ka sawi hmasak ber duh chu hmangaihtaka enkawl an mamawh ber a hlimna tur thil ti tam la amah block tu lian tak pawh hi a kiang thuai ang.Chuan a hriatna a hlauh then tih kha chu ka hrethiam mai bik lo khawp mai, test thenkhat te kan tia nga naktuk lamah MRI ti turin lo kal leh ula tah chuan kan chiang thei dawn chauh ani, mahse a awmdan en hi chuan ka rindan hi a dik zawk mai thei ani!" a tawp lam chu min bia pawh ni tawh lo amah leh amah in hrilh ang maia a tih chuan ka lo melh run a.












"Enge i rin dan chu..?" ka tih nghut chuan ka nupui chu a en leh vang vang phawt a, chutah nui lui pah chuan min rawn en ve leh bawk.










" A taksa lam ni loin a rilru chhungril aniang, ka rindan chuan awm lo tura a duh zawng zawng emaw kha a theihnghilh vek anu mai thei a ngaihtuahna kha a tak emaw tiin a ring zawk anih ber chu....keini ang Doctor hi nilo hian a dang deuh inpan angai mai thei ani...mahse ka rindan pawh chu a dim angemnka hre bik lo a, naktum test ah kan chiang mai ang!" chu thusawi tu doctor chu ka melh tlawk tlawk a, tuna a thusawi ka hriatthiam dan ber chu ka nupui hi rilru kim zan lo ani tih lampang ni berin ka hria.Chu chuan nasa takin ka chhungril a ti na nghal vang vang bawk.











😁Muttui leh vek u




Surprise ka duatte😘😘😘 I phone kha charge la mu tawh rawh le💙💙

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 16th, 2021, 8:13 pm

Chapter - 27






Inlam pana kan inkhalh haw lai te chuan rilru ava kal thui em. A dam leh angem? engkim hi ka siam tha leh thei angem..? Lalpa min han pui lul teh!








In kan thlen chuan motor atanga kan thil lei vel ka khai chhuah lai chuan ka bulah alo ding ve reng a,lo lut hmasa tura ka tih pawh chuan a duh bik thak lo.Polythene lian pahnih chu khai in kan lut ta a.Choka lam atangin Abdula nupui alo chhuak ve chiah bawk.








"Pi Nibu lo hah chawl tawh rawh u, eirawng pawh kan lo inbawl dawn nia, Abdula pawh ko la ngaihtuah kan ngai tawh rih lo e!" ka tih nghal vut chuan min hnial a tum deuh zuau a mahse ka ti mai mai lo tih a hriat chuan a ngawi leh ta zawk.









"Sangha hi Abdula'n a duh kha ka lo lei kepa khai thla ve nghal mai rawh!" ka tih zawm nghal zat chuan min han hnial ve deuh na a, kan inpe lui ve ta tho.An ni nupa hi he huan ka lei tirh atanga rinawm taka min enkawl sak char char tute an ni a, an chungah pawh hian ka lawm hle thin bawk.Mahse mi fak leh ti luam chi ka nih loh vang hian kan innel lutuk lo nangin kan inhaw hauh lo bawk.









"I thawmhnaw han thlak la, eirawng kan bawl dawn nia " tihpah chuan Choka dawhkan ah chuan kan thil lei chu ka nghat a " Chuan hei pawh min lo ken chhoh" tihpah chuan ka Tshirt hak leh pheikhawk chu phelh in ka pe nghal a, nur nanga min lo en pah chuan peih loh hmel zeta ban in zawimuanga in chung lam pana chho chhatt chhat chu khawngaihna rilru nen chuan ka melh deuh vawng vawng bawk.







Engtin nge hetiang hian a awm theih! Keimah vang vek ani ni mai hian ka hria, bei let lo khan tlanchhiatna lo zawng zawk ila a thianpa pawh ala dam anga chuan ka nupui pawh rilru dam tak in kan awm ho mai tur hi nia.Mahse! Mahse ka ti hian kawng ro a va su tlem si em?








Ngaihtuah zawm duh tawh lo chuan thawk la pap in ka hmai ka tuai thuak a, tui dehna a kal in ka kut leh ka hmai ka phih zawh chuan towel fai kan dah ve reng thin chu pawhdawh atang chuan la chhuak in ka inhru hul nghal thuai bawk.







Kan thil lei te chu ka phawrh nghal vat vat a, Kaikuang kan lei chu en in ka nui tawp.Bazar ah hei vang ringawt hian a tum bur a chupawh kan lei tum hmasa zawk an lo lei khalh vang mai in kan zawn leh fe hnu ah kan hmu leh hram bawk.








Tui dehna ah chuan la phei in chawhtawlh ah chuan ka dah a tui chuan ka chiah nghal bawk.Kan thlai lei dang kan mamawh tur tih loh chu frige ah ka dah lut nghal mawlh mawlh a, Cup noodle leh korean ho thil siam tho cup bawm ang a an dah nen chuan bawm 10 chuang daih ani, chung ho pawh chu chhuar ah chuan ka rem lut nghal bawk.











Arsa kan lei ka chan mawlh mawlh lai chuan ka hnunglama pen thawm chu ka hria a, mahse ka hawi let lo, thawm dim ve a tum viau tih erawh ka hria.








Vawilehkhata ka zaka a rawn dek thut avang chuan ka phu nghal zawk a, ka eu nghal zak bawk.Ani erawh ka awmdan chu alawm ani chek ang chu a nui hek hek a, naupang infiam hah ang mai in a sen deuh tan tan bawk.A nui hmel hmuhnawm.ti zeta ka en lai chuan thawk la hap hap pah chuan nui sangin min rawn en a, a duhawm zia sawi dawn ila ka tawngkam thiamna in a sawifiah zawh theih ve pawh ka ring lo.










"I hmeltha lutuk,ka naute!" tih sup pah chuan a bianga ka piai zauh a, nuisanga min melh in ka darah chuan a kut pahnih chu rawn bang liam in ka hmui ah a rawn fawp ta zauh a, ka lawm e atih ve na pawh ani ta ve ang.










"Engtia siam nge i duh le? kan chhum leh dawn mi..?" tih sup pah chuan arsa ti ka chan chu ka kawk a, en ve vut pah chuan min rawn melh leh vat a, a lu a thing ve na na chuan mak ka ti deuh, arsa chhum kha a duh ber emaw ka tia! " Chuti kan kang dawn ami..?"








Alu a buk tak nghauh nghauh chuan a hmuiah ka fawp zauh a, min uai behna pawh chu thlah in ka bulah chuan a ding ve ta ran bawk.Tshirt lian zet rawng pawl a hma zawhte lem awm chu a hà a, kekawr bul a malte thleng nilo a kawr chuan a hliah khuh vek thei ani tih theih tur an vel a ha bawk.A sam bawk tawm deuh tawp te nen phei chuan hmuh nuam lo chu ani hauh lo.










Min rawn nghawk deuh zawk chuan ka lo melh reng tih ka hre thuai a, nui suk pah chuan ka piai leh zauh a, arsa chu ka chan chhun zwm nghal mai bawk.








Ani pawh chuan tomato leh purun te, leh thlai dang te chu salad tur chuan alo chan ve mawlh mawlh bawk a, hetiang natna nei chung pawh a hlim hmel min la hmuh hram hram thin hian eng rilru chiah nge a put hi ka hre chak tak zet.










Chaw ei kan peih meuh chuan Soma pawh room atangin a rawn chhuak ve ta hram a.Tih tur ala awm lutuk lo bawk nen tunlai chu a chawlh ve der der zel.









Kan chaw ei tur a en chuan mak tih hmek zetin min rawn en nghal a, ka nui hmel a hmuh vang nge phur zelin a thu thla ve nghal bawk.Ka nupui tereuhtei duh dan angin Cup noodle 2 theuh leh Arsa fry, salad leh juice chu dinner atan kan ring dawn ani awm e.









"Tui dawn lutuk!" tih pah chuan arsa chu ban in a ei nghak a, ka nupui pawn alo nuih leh var var tawh.Soma hi chu a hun mila insiam rem zung zung thin anih avang hian ka ring em em a, ka kianga dah deuh chawt ka ni bawk.Midang te erawh kan darh leh tawh rih a, mahse Target an awm erawh chuan koh mai theih in an awm reng thung.









"A tui em?" a noodle ei zo chu ka lo ti vat a, a hmui a kai chu tissue chuan ka lo hruk sak nghal vut bawk.Min nuih sen sen pah chuan abu nghat nghat a.A duh zawng tihsak tluk a nuam tih ka nei lo tih tur hial khawp in ka chhungril hi a hlim ve thin.Kan eina tih fel Soma in a chuh ve tlat avang in a sengpui ve zawr zawr a, kei erawh in balcony lamah meizu pahin ka awm thung.










Meizu paha ka din lai chuan ka phone ah chu alo ri ral ral a.Ka meizuk chu fawp leh kak kak paha thaw chhuak leh ham ham pah chuan ka phone chu ka ban ve nghal zat bawk.








"Hello!"







"Mr.Isaac, Dr.Hayad ka ni e, i nupui chung changa i email min rawn thawn kha ka lo hmu a, chuvanga rawn bia che chu ka ni" ti a aw thum lam deuha rawn sawi tu aw chu la hre ngai hauh lo mahila, a insawi hmangah chuan ka nupui awmdan vanga thu min rawn anga ka va Email pa Dr.Hayad Jolim French pa chal, Mumbai lama inbengbela awm mek ani tih ka ring thiam ve nghal mai bawk.










"Ka lawm hle mai,Dr.Hayad....ka mamawh tak zet che ni, ka nupui tan hian!" ka ti nghal sup a.Ni e, han thluai thlum dan vak ka hre ve lo, anihna taka sawi hian a awlsam zawk bawk.








"I email min rawn thawn kha ka lo chhiar a, a pawi ka tihpui khawp mai che, mahse mangang lo la,a hmasa berah chuan i nupui khan eng natna mah a vei lo, damdawia inenkawl ngai ani hek lo, mahse chumi avang chuan dam tha pangngai ani tihna ani hauh lo thung" a rawn tih nghut nghut chuan mak ti zet chuan ka zawt chiang nghal vat a. " Mental problem chi khat niin amah leh amah kha a inhlauh ani, a thil tawn khan amahah nasa takin a shock a, chu a rilru mangan na chuan duhthu tam taka a sam kual a chu chuan heng hi a thlen tir vek ani, a hriatna pawh rei lo te hnu ah alo tha leh vat ang mahse tawng thei tur erawh kha chuan a beih let angai ve dawn a, a hneh thei ngei bawk ang! Hlim takin siam la, hlauthawng emaw, ti mangan zawngin che suh ang che zalen takin awm tir la rilru hahdam kha a pawimawh tak zet engmah a hriatna bo tawh lam sawi pui lo la, amah kha hriat chhuah tir tawp ang che, anih loh chuan negative shock thleng in thihna hial pawh a thlen thei ani" a rawn tih thum dup chuan ka lo thaw hrawk a, chutiang thlen tir lo tur chuan ka theih tawp ka chhuah ngei ang.











"Ka lawm e, Dr. ka lawm tak zet!" kei ang lo tak chuan ka ti ve sup sup a, chak tak awm tur a min fuih leh hnu in phone kan dah ta bawk.Ka lawmna leh hlauhthawnna chu a inzat vel mai thei ani, mahse ka nupui tan hian damna ka thlen thei ngei ang.










Aw thian kharh lo chhuahna lam chu ka hawi vata kawngka ngheng chuan kawisawi zeta dingin min lo melh phei ve ralh bawk.









Ka meizial chu nawr hlumin dustbin ah chuan ka vawm lut nghal a, a bul ka va thlen rual chuan chimawm zetin a hmui alo hup ngei anih chu!Nuih suk pah chuan pawm kang lawp in inchunglamah chuan ka tlan chhohpui ti tih a, a rit lutuk lo na in khatia tlan pui kha nuam tih hmel zeta a te ve raih avang khan room thleng chu ka tlanpui ti tih a,room kan lut chu khumah chuan dahthlak pawh nilo kan let thla dun tual ani mai.











"Ka hah lutuk" nui sanga ka biang a lo chul chho riak riak chuan ti sup in ka lo nui suk a.A nuih ve seih phei hi chuan an khua a vengsang nula nui mawi zet an tih thin, mahse rilru kim zan lo, mawl ve phawng phawng deuh Pari an tih ai pawh khan a nui mawi daih zawk.










A tho a, khum bula remote chu la in parda chu a khar a, AC a on nghal bawk, rei lo te hnu ah chuan ka hahdam tawh khawp mai.








"Lo kal teh!" tih pah in ka bula min en renga mu chu ka pawt hnai a, lo insiam rem ve vatin kan inkuah te hle hle bawk.









Ka awma chul riak riak tu chu ka en a, naupang ang mai in ka awm chu a en vung vung mai si, che leh thutin khum lu lama phone chu a han la a, sawi duh a nei aniang thil a type leh niap niap a, ngawi reng in ka lo nghak ve mai bawk.









A thil sawi avang chuan ka meng deuh awk a, ka en lah chuan thu tak lo hmel a pu hlawl silo, amitmenga a tih tak zia hre tur in kan cheng dun rei ve tawh bawk.









"Mama nih ka duh tawh!" tih te hi alo inziak a mahse chu chuan thil thui tak erawh a kawk si hetiang dinhmuna a din lai hian chutiang thlen tir ka duh hauh lo.Dam phawt se a hriat lai ngei a chhungkaw din dun te chu ka duh alawm.









"Ka naute....i la dam tha lo a, damtha phawt la naute tam tawk kan nei dawn nia!" ka tih chuan min melh kiau chungin alu a thing nak nak a.Tinge maw a luhlul em em thin le!










"Zo...naute nei ila ka dam vat ang, mawwwww...nangmah nen alawm, kan pahnih ta tur ang kha, nangpawh Papa i ni tawh dawn alawm" tiha type min hmuh leh chuan ka thaw hap a, ngun em em hian ngen ngawl zetin min lo melh ve kiau a.Henu em em hi chu!









"Bawihte!" ka tih sup lai chuan ka chungah alo lawn fel der tawh ngaih la zeta min nuih sak pah chuan ka hmui ah a rawn fawp ve nghal tan tan a, amah ang lo takin a thil duh hriat tak in a duham thiam ngang ngang khawp mai.Nem sawn deuh ka tum lah in min kuai bet run a, mahse maw he mipa thinlung hi a duh ber lakah chuan lung ang ngawt in a sak reng theih bik hleinem, ani hi ni nise kei chu vur ang lek ka ni. Amah aia duhthawh fe a ka chhan let rual chuan min tih phur tum ve niawm tak chuan min chul deuh ruak a, a thil tum ani emaw nilo emaw a hlawhtling hle thung.










Ka kut la a a awm zawnah a dah rual chuan insum hman lek lo in ka tham nawk a, a phu deuh zawk bawk.










Ni e....nula thianghlim anihna ti lang turin kan awmphah vara thisen dal kai riai chuan ka thinling ava ti hlim si em! Mipa thianghlim ka ni tawh hauh lo, ka nupui pawh hi nilo mahse pawi ka ti hauh lo ang mahse nula thianghlim ngei mai ka damchhung hun kawp tura ka lo neihna hian ka vanneih zia min hriat tir a, hlimna mak takin ka chhungril a fan vang vang bawk.











Zing erawh nidang ang bawk in dar 8 pelhah kai tho tur in room lam pan in ka pen chho chhet chhet a, room kawngka ka hawn rual a, khum atanga zi mar ar ar paha lo thu chhuak ka hmuh chuan ka ding chat a, a ham deuh bai bai te chu an nung bik sar hian ka hria.









"Morning le!" ka tih thum dat rual a a phut chiam avang chuan ka phun hluk a.A awm a dawm nghal vang vang chu ka pan phei nghal vut bawk." I chau em?" a hmui a fawh sak zeuh paha ka tih chuan lai tih hriat tak hian nui deuh pat pat pah hian ka mit ah pawh a en duh lo a, min la beng chawrh ringawt zui.












"Chaw ei ila, sleeping beauty!" tih sup paha ka pawm thawh nawlh chuan tal vut pahin chhuk atum nghal a kuah nghet sauh pahin bathroom lam ka pan pui nghal bawk.Bath tub a tui sa ka dah chu alo dai tawk chiah tawh a, zawi muang chuan ka nghat thla zui bawk.














Thla dawn aliam meuh chuan zai zir deuh ruai chuan kan inbe thiam mai tawh a, a thiante pawh kar tawp ah lo kal ziah in weekend an rawn hman ziah hi ani ber.An thiannu an rawn ngaipawhmawh em em chu kei ka lo lawm leh chhawng, hetiang khawp a ngaihsak tu thian anei hi chu ka lawm tak zet.












Kar tawp lam zirtawp tlai ani a, a thiante mai bakah a nu leh pa te an lo chhuk tel dawn avangin eirawn kan bawl ho laih laih a, Abdula chuan Kelsa chu pawnah a siam ve mawlh mawlh a keini lamin bai leh Arsa bel kan la buaipui thung.








"Bawihte, ka phone room ah a awm daih min han lak lawk mai la" tih sup pah chuan ka melh a, tunah kher ka tih chhan pawh Dar 2 a ri dawn tawh a, Ara in report rawn pek a tum thu a sawi vang ani pakhat.









Ka nupui pawh chu bu nghat in a inher a a chho ve nghal mai bwk.Arsa ka chan zawh hnu pawh a alo chhuk lawk loh avang chuan mak ka ti deuh a,a hmu lo anih ring chuan kut sil vatin room lam pan chuan ka chho ve nghal bawk.











Room kawngkhar ka hawng chiah chu ka thil hmuh chuan min ti ding chawt a, ka nupui pawh chuan mangan hmel zetin min rawn en bawk.A hnar atanga thisen far zawih zawih in fiah lo riai a meng chung chuan alo ding renga, chet sawn mai nachang pawh ka hre lo, a taksa awm deuh ruai ka hmuh chuan harh chhuak zawk in ka pan phei nghal vut a, chhuat a atluk hma chiah in ka chelh hman hram bawk.Ani erawg engmah hre tawh lo tih hriat tak in dang var lam chuan ka malchungah a mu zawi nghiai a! Lalpa engthil nge ni leh ta le!

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 16th, 2021, 8:13 pm

Chapter - 28








Ring zet chuan Abdula leh Soma au pha chuan ka nupui pawn chung chuan ka tlan tla ti tih a.A taksa zawi nghiai te chuan min ti mangang hle bawk, Soma choka lam atanga lo tlan chhuak in Abdula pawh kawngka tang a rawn lut hlawl a, ka nupui taksa zawi nghiai leh thisen kai deuh nei nuai ka pawm an hmuh chuan an meng ve kawk mai.










"Tinge a?" tih vut pahin Soma chuan min rawn hnaih chilh nghal ruak a.








"Motor la chhuak ru, damdawiin kan pan nghal angai!" tih hmuk hrawk pah chuan pawn lam pan chuan ka kal phei pui nghal hlawk hlawk a.Soma pawh chuan hmahmawh zet chuan chahbi la in min rawn tlan pel a, garage atanga motor la chhuak turin a kal nghal vat bawk.











Ka hma taka motor a rawn tih din chuan ka nupui chu dah lut vat in keipawh ka lut nghal a, Abdula chu kan mikhualte an lo thlen chuan chinchang lo hrilh mai tura hrilh in kan tlan chhuak nghal zat bawk.













"Tinge khatia awm..?" Soma in car khalh mawlh mawlh paha a rawn tih chuan ka nupui chu nghet zeta pawm in ka ko deuh mawlh mawlh a.Soma min biakna pawh chu ka hriat loh thu chauh in ka chhang.Ni e, ka hre lo miau alawm, room ka luh khan a hnar a thisen chhuak in min lo melh tawp anih kha! Shitt!!










"Soma tlan chak rawh!" tih hmuk pah chuan Soma chu ka melh zawk a, ani pawh chuan min hrethiam takin a speed a san nghal bawk.Damdawiin thlen vat kan mamawh!










Rei lote hnu ah chuan damdawiin chu kan thleng vat a, rangzeta pawm chhuak in ka tlan luhpui ani thaw thang mai.Nurse pakhat chuan min lo buaipui nghal vata, Room pakhat ah min luhpuiin doctor ako vat a, khumah chuan ka nupui chu min mutir in ka awm ve a theih loh thu an sawi chuan sawi sak ka chak kher mai.Ka innawr deuh a, mahse Soma in min lo kaih sawn pah chuan hrethiam tur leh ka nupui tan zawk a tha tur ani tih min hrilh nghal mawlh mawlh a, tawt ru tun chuan ka chhuak ve ta hram bawk.











Room chhung ah lah chuan an awm rei hrep leh nghal.Darkar chanve dawn ani hial tawh ang.Ka phone ah lo ri ral ral chu ka la chhuak ve nghal vat a.Hruaii thiannu Awiteii lek kha, khang thla liam ta chhung khan kar tawp an rawn hmang deuh ziah tih theih ani a, kan in nel ve deuh tawh bawk mahse chutia han inkawm bawrh erawh kan ni lo chiang! Ka nupui bulah lo ka phul ve hlut pawh ka hre ngai manglo!








"Hello!"





"U Isaac kan lo thlenga, engtin nge Hruaii chu awm..? A tha em..? khawi damdawiin ah nge in awm..?" a aw ah chuan a mangang der tih a hriat khawp mai.Kei lah chuan han sawi thlamuan ve vak na tur ka thiam ve hauh lo.








"A tha tep ang! Lo kal rih lo mai ru, Doctor in an en mek a, an lo chhuah ah kan lo bia ang che u, anu leh pa kha lo hrilh bawk la!" ka ti hmuk a. Ka ngaihtuahna buai bawk nen ka aw ka chhuak ka thunun hlei thei hauh lo! Hrep hian a!









"Aw..Awle awle, min lo hrilh vat ru kan lo ngai chang reng ania" a rawn tih tham tiak chuan dam deuh zawk chuan kan hrilh tyr thu sawiin ka dah ta nghal bawk.










Eng em em nge an tih teh hrep ni! A rei tawh lutukk...ka nupui kha atha em tih tal ani ka hriat duh! Darkar dawn an awm tling tawh ka ngaih a tha tawh hauh lo bawk.Ka nupui a tha tih tal an rawn sawi thei lo ami..! Hrep hian!!!







Ka thuna atanga ka ding chiah tih chuan kawngka a rawn inhawng ve chiah a, nichina nurse nu kha lo dak in kan luh theih thu min hrilh rual chuan ka pan nghal vut bawk.







Room chhung kan luh rual a khuma dang bai a lo mu, Drip an lo khai sak mek chu pan vut in a kuh vawt ther ah chuan ka hum nghal vang vang a.










"Thianpa i nupui em ni" Rawn ti tu lam chu zawi muanga hawiin Dr. ka nupui enkawltu hmeichhia chuan min lo melh ran a, ka buk nghat chuan a la nui vei sak zui.










"Patient hming hi min hrilh thei em..?" a rawn tih leh chuan " Lalhruaizeli Chinzah" tiin a kut la vuan reng chung chuan ka lo ti hmuk a.Engvanga la harh miah lo nge anih..?








"Nang..? A pasal i nih chuan..?" A rawn tih leh chuan "Isaac Zosangpuia! Engvanga ka nupui hi la harh lo nge anih..?" ka tih zui hmuk chuan mi pawh en hlei lo chuan paper ah chuan thil a zial mawlh mawlh a.









"Pu Isaac ka thil hrilh tur che hi a pawimawh a lo ngaithla chiang ang che!" a thil ziahna chu dahthla in nurse chu a pe a, a tarmit chu nawr chho in chiang zet hian min rawn en ta bawk.Ala upa hauh lo tih a hmel ah chuan alang!










"Sawi rawh!"









"Ok...tunah hian i nupui hi....nilo i nupui hian" tihpah chuan hnuailam melh chuan an meng khup deuh a, ka lungphu tin phut rual chuan ka rilru chu a tawngtai ve mawlh mawlh hial ani.









"Pu Isaac...I nupui hian i fa kar thum mi a pai mek ani e!" tihpaha rawn dak chhuak a min rawn nuih ver ver chuan a thusawi chu ka tum loh lam anih vang nge sawi mai tur pawh ka hre lo, ka bo deuh hu! ani mai.









"Maw!" Soma in a rawn tih chiam chuan ka harh zawk a! Tunah khan ka nupui hi a rai ati! Keima fa...ka ta! kan chhungkua!










"Doctor i ti tak tak em..?" tih vut paha ka din ngil rual chuan nui sangin alo bu nghat nghat a! GOD!! Kan fa tur,tereuhte kha ka nupui hian a pai mek anih chu!









"Ka van lawm tak !" Soma in a rawn tih chiam chuan an lo nui hak hak a! Ka nupui bulah chuan kun vatin a chalah chuan ka fawp vang vang a.Ka hlim tak zet ! Mahse tinge ka nupui kha a hnar atang thisen a chhuah kher! Doctor chu en leh vatin ka zawt nghal thuai a










"A taksa chau leh mu tlem deuh ani mai thei! tun atang chuan rilru hahdam mai bakah a taksa hahdam se, nau ala tet deuh avang in fimkhur pawh ala ngai viau ang, rilru hah in siam miah lo bawk ula, vitamin awm tamna thlai leh thei lam ei tam bawk rawh se naute hmeltha tawk neih in duh chuan!" Uang deuh taka a tawp lama arawn tih chuan thaw huai in ka nui ve sup a.Ka chhungril hlim ngawih ngawih hi ka sawifiah thiam lo mahse ka za ve cheng hian ka hria, phurna lam mah aniang!










"Damdawi ka ziah ho hi lei ula, thlatin in check up in inlo kal dawn nia, Naute nu kha duat hle bawk ula a taksa a chak tawk lo viau ania rih chawi lam la ti miah lo bawk se a tha bawk!" a rawn tih leh chuan bu nghat nghat in lawmthu ka hrilh a, ani lah chuan nuisang in Ka nupui chu duat viau turin min ti let a, vawikhat kan inhmuhna chauh ni mahse a fel in Dr. tha tak ani ang tih a hriat reng bawk.












Alo harh hunah, Drip zo se kan chhuah theih mai tur thu sawi in min chhuahsan ta a.Hlim zet chuan ka nupui bulah chuan thu thla in akut chu hum in ka chal ah chuan ka hmui chuan ka nawr leh vang vang bawk.










"Nu Rinsangi te kan hrilh nghal teh ang!" tia Soma in phur zeta Hruaii nute call a tum chu ka lobdang vata, hmauchhan ngei a hrilh ka duh zawk vang ani.Tunah phei chuan Hruaii thiante an awm ve vek dawn a, a tihzia phian ani.









"Kan tha tih hrilh la...kan lo haw theih mai tur thu nen an lo mangang lutuk ang" tia hrilh in ani pawh chuan a call ve nghal zat bawk.









Rei fe hnuah chuan ka nupuite-i pawh chu arawn che deuh sat sat a, a rawn meng ve ta chiai bawk.Na nei hmel apu lo va muhil harh a àng daih zawk.A hmel chu la dang deuh mahse a nuih leh chiah chuan a lo hmelthat zia hi ka hre thar leh vawng vawng mai.









A hmui an tih chet ve zauh zauh chuan hrethiam vatin tui chu ka lo pe vat a,a rawn thu chhuak ve mai bawk, a tui in zawh chuan kan awmna room chu mak tih hmel zeta melh in a hawi kual a, min rawn en leh in zawhna nei hmel a put chuan a awmdan leh damdawiin a kan hruai dan chu ka hrilh nghal zung zung a, naute erawh ka la hrilh lawk duh lo.










"I dam vek amaw, i taksa a chau deuh ani awm e, zanah pawh i meng rei thei tawh dawn lo ania" tih sup pah chuan ka en a, min lo nuih tlawn var var chu ka hrethiam khawp mai.Zanah hian games ka khel e ati ve a, alo meng leh vak zel ka mut hnu hian ka thang harh a ka hmuh lah hian rang zeta dah in min kuahin a mu leh then a, han hau deuh dawn ila ka tim deuh tlat zel bawk sia,ni e ani lakah hi chuan ka engkim hi an sang vek ani mai.Dawhtheihna te, hmangaihna te, ngaihna, thikthu chhiatna etc engkim a engkim hi ani tawp mai.









"Mamà kha i ni duh tawh tiraw!" ka tih sup chuan a bu vei nghat nghat a.










"Kei chu Pà ka ni tawh dawn a" ka tih sup chuan mak tih hmel zetin min en nghal a.Nui sang paha a pum ka va dawm chuan mak tih hmel zeta a pum ka dawmna en thla vut pah chuan a melh vang vanga bo hmel zeta min rawn en leh chuan " Nangmah leh keimah ang deuh tur tereuhte kha tah hian a awm a, duat angai dawn sia zanah pawh mengrei awih tawh loh " ka tih sup chuan a meng deuh awk a, ka kut ka dahna chu khur deuh dar dar a rawn vawn chhan in mittui tling deuh puau chuan a hum vang vang a, a nui hmel chuan ka thinglung hi a nghawr dat thei hial ani.Heti khawpa a hlimna mitmeng hi ka la hmu hauh lo.










A hmui tawng tum ang taka a tih chet zauh zauh chuan ka lo en vat a.Hlim zeta min melh pah chuan " K..khh....kan....tà !" a rawn tih chhuah tak sap chuan a biangah ka dawm nghal vata....Tunah khan ka nupui hi a tawng...ka hresual hauh lo!










"Bawihte...i..i tawng, sawi leh teh, i tawng tiraw!" ka ti nghal ruai a, Soma pawh chu kan thawmah a rawn hnai nghal thuai bawk.Ka nupui chuan a kut chuan a pum chu a dawm leh vang vanga , a mit chu chhing leh vang vang in, thawk la leh te te chuan a nui leh sak a.Zawi muanga a rawn meng chhuak mitmeng chu nalh tak ani, hlimna leh lawmna hmangaihna alang dam ruih a, Harsa tih hmel zet chuan mitchhing deuh chang chang pah chuan " Kaan....naa..nau...te...teee" a rawn tih hap chuan lawm zeta au chhuak hawk pah chuan a taksa chu ka kuah khawm nghal vek a, Lalpa eng malsawmna tha nge min pek hi!











"Ka lawm e...ka lawm takzet...Bawihte" tih mawlh mawlh pah chuan alu ah chuan ka fawp vang vanga.Hetiang khawp hian ka hlimna hian a vawr tawp a thleng ang tih ka hre ngai lo! Kan dam ta!












Kan haw kawngah te chuan ka kuah char char ani mai, min ngheng vei dar dar pah chuan a hlim zia chu harsa ti zet chuan a sawi ve pah a.A khat tawk chuan ka hmui chuan alu ah ka nawr leh vang vang thin bawk.Hetiang khawp a hlimna nasa a rual min pe hi Pathian chungah pawh ka lawm em asin! Kan fa tur hian kan tan malsawmna a rawn thlen nghal der chu ania.....











Gate kan tlan luh chuan Soma chuan phyr zet chuan horn chu an hmet vak mai a, motor kawta a dinrual chuan an lo chhuak kim deuh der tawh.








Car atanga kan chhuah rual rual chuan Ka pi (Hruaii nu) chuan a fanu alo kuah vat a, midang pawn an lo hnaih chilh nghal vat bawk.








"I tha tak tak em? Min ti hlauthawng hman alawm..? Tinge hetia i awm reng mai le..? Pa à phai lamah te hian inkal mai ang u!" mangan ru zeta a fanu ngaihtuah zeta a tih chuan ka lo nui suk a.Hetiang khawp a nu tha enkawlna hnuaia ka nupui a thang lian thei hi ka lawm tak zet.Mahni fa ni lo kan hmangaih ber leh midang fa hmangaih taka enkawl har tur zia chu hrethiam lo mahila a harsa ve ang tih hrethiam lo tur khawp chuan ka mawl bik lo.













"Ni e....Phai lamah hmunpui lam ipan mai zawk teh ang u!" Apa chuan a fanu ngaihtuah ve zet chuan alo ti ve thuai bawk a, a thiante pawh chu an ngaih a tha vak bik lo nge pawm zet chuan an lo bu nghut nghut hlawm bawk.











"Nu...ka...ka tha tawh lawm.."









"Mahse...khatiang...maw tunah kha i tawng! Bawihte i tawng tiraw, awii ka hre sual lo, Pa à a tawng tiraw" A ti nghal ruai a, apa te leh a thiante chuan mak tih hmel zet chuan an melh thap bawk.









"Ka..ka dam tawh alawm!" atih leh sap chuan anu chu mittui tla chung chuan a kuah nghal ruai a, Apa mitmenga hlimna mitmeng pawh kha hmuhhmaih atan chuan a uih awm hle bawk.A thiante pawh chuan mittui tling pam chuan an lo kuah ve ruai a.










Chutia pawna awm reng chu tiin inchhunglamah chuan kan luhpui ta zawk a.Sitting room ah chuan thu kual thap in an hmel ah chuan buaina lam chu a awm lo tih a hriat khawp mai!








"Thil sawi duh ka la nei a!" a tih leh sap chuan an en nghal thap a.Hlauthawng hmel an pu deuh lek lek in ka hria.Ka nupui kut chu chelh in ka fawp zauh a, min rawn en ve in min nuih sak bawk.










"Sawi la, eng harsatna mah i nei tawh lo tiraw" anu in alo tih nghal vat chuan alu alo thinh na na a. " Nu Pa thla 8 hnu ah chuan Pi leh Pu in ni ve tawh dawn ania!" a tih tak sap ah chuan an mitmeng chu a danglam teh chiam lo.Mahse a rei lo ngaihtuah chiang niawm tak a an han inmelh deuh he haw hnu chuan an meng deuh kawk a.










"Maw!!! Pi leh pu..? Bawihte..i.., i rai maw..?" anu in a rawn tih leh chuan ahmel ah chuan a mak tihna leh phurna mitmeng in pawlh chu alang sar hle ani.Ka nupui a bu nghat rual chuan a pasal en in an in nuih hak hak a, an mitmenga lawmna leh lungawina lo lang chuan an fate pawh min ti hlim leh zual bawk.










"Chuti...keini hi nutei kan ni tawh dawn tihna tiraw!" Awiteii leh Afaki in an rawn tih nghal ruai chuan " Awwww" alo ti var a, hlim zeta an han inkuah deuh chang chang te chu thlir an hahthlak mawlh lo.An mipa te lah an lo nui ve sung hlawm bawk, chu in, kan in chu hlimna in a khah ta vek mai emaw tih tur khawp hial in ani nui ri a thang ni!

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 16th, 2021, 8:14 pm

Chapter - 29





Zan riah kan han ei te chu tum dang ang lo tak in kan phul ve hlut hlawm a, tupawh mai chuan kan phur zia kan thup thei lo ani ber ang.






"Enge i duh..?" Chawhmeh melh kual deuh haw haw nu bulah chuan thu thla in ka ti vut a, min lo melh vat in anui sang bawk.Min kuai kunin ka beng ah chuan min rawn hrilh ru sar sar a.A thil duh a sawi chuan ka melh vat a, min tlawn duh an inla duhawm kual vel ka hmuh chuan ka hmin leh deuh ti tih der lehnghal! Mai mai thin hian.








"I ti tak tak ami?" ka tih sup chuan alo bu nghat nghat a.Tinge maw noodle ah hian a buai em em mai le, a tui viau pawh ka hre silo, a hang si naute tan a tha lo thei angem..?









"Chaw pangngai a tha zawk, naute tan pawh" ka tih chiah chuan a hnar tum vei datin a hawisawn deuh hmak anih chu! Khai le, ti hian fa kan nei ve tawh dawn chu nia, ani lah ala naupang chhia nasa sia maw.Buaithlak thin!









"Bawihte..." ka tih leh nghut pawh chuan min en duh tawh lo "Engnge ni a..?" Anu in dawhkan rawn kil thlak paha atih chuan,ka lo melh vat a.Midang ho pawn dawhkan an rawn kil sap sap bawk.









"Chaw aiin noodle a ei duh zawk a" ka tih chuan , anu pawn alo rem ti lo nasa mai
"Tun atanga ei leh in uluk angai, i taksa a hrisel tha vak rih bawk lo nen, noodle mai mai chu puarna pawh ani lo a hang nasa si, chaw kha ei rawh, nang leh naute tan a tha ber" alo tih chuan a tap tep in ka hria, nuam lo tih hmel deuh chuan chaw chu a ei ve mai bawk a.Midang pawh chuan an ngaihsak zui tawh em em lo.









Chaw tui tih loh hmel zeta a thai vel mai mai chu ka khawngaih leh tlat pek.Huiham!









"Chaw i thleng ami kha ei zo la, chuan zanah an mut hun ah noodle chu kan ei dawn nia!" a beng bula ka zuk tih sup chuan min rawn melh nghal thuai a, 'I ti tak tak em?' tih melh hian min melh ni ber hian ka hria.Ka lo bu nghut chuan lawm hmel zet hian anui ta var var a, tun chauh chu ei mahse a pawi lo tur ah ngai ang....









Chaw kan ei kham zawh meuh chuan zan dar 8 a pel va va tawh.Sitting room lam ah chuan titi ho in kan thu leh thap a, naute chungchang ringawt ani an khel leh tawh ni.








"Naute in neih hunah chuan kei chu heilai tluka enkawlna hmuh tha hi a awm lo ang ka ti" Awiteiin alo tih chuan bawihi nute pawh chuan pawm takin an lo bu ve nghat nghat a.Keipawn ka ring Aizawl khawpawn deuh ah awm mahila motor kan neia dawr pawh a kal ve zung zung theih tho a, bakah kan awmna lai vel bawr hi motor thawm beng chheng in a chim lutuk lohna anih avang in ka duh pakhat bawk.Tui lah keimahni in a khuah kan nei bawk.










"Nia tha ngawt ang...Naute infiamna tur pipu te awm leh phei se, an inbualna tur tuikhuah nalh tawk te...an inkhual te lemna in tur te" Afaki'n alo tih ve hlut chuan ngaihtuahna chang ka hre hauh lo tih ka hre chhuak.A lo pian chhuah hma ngei hian ka siam ngei ang.










"Naktuk ah zu bazar ang u...a thawmhnaw tur te" an tih leh hluai chuan bawihi nu leh pa te chu an lo nui hak hak a.









"Motor in chuang chau ang mu tawh ru!" rawn ti hap tu chu an rawn melh thap a.Nichin atang tawh khan an thusawi ngai pawimawh ang pawn a awm tawh lo nin hmel zeta lo thaw leh hliai in a thu tum deuh bar tawh reng ani.











"Nia...Amah hi a chau deuh tawh a, in mut hma a mut a hreh ve deuh anih hi" ka bula thu nu chu ka lo zawm vata nih loh zawngin a haw ta emaw te an ti palh ang.










"E anih tak chu, nia keipawh ka chau tawh i mu tawh mai ang u, kan room hman ngai ah khan ami kan mut mai ang" Bawihi pa in a rawn tih ve chuan ka lo bu nghat a.










"Midang hi chu, inchungah bed room 1 chuang ala awm a, tah chuan mipa ho kha mu se, Soma room ah hmeichhe ho, a pawi em Soma" ka tih sup chuan alu alo thing na na a.Soma room bulah hian Ara room pawh a awm reng mahse a awm silo nen lo hman ringawt kha a tha bik chiah in ka hre lo ani.










An awmna tur lam pan chuan an kal sap sap a,phur hmel zeta ka bana chelha nui sang tu ka hmuh chuan tum bur chu har tak ani.







"Chho ang le!" tih sup pah chuan ka pawm nawlh a, nui hak hak pah chuan ka nghawngah alo in vuan tang ve nghal vat bawk.










Room chhung kan luh chuan ka dahthla vat a, a ei chak tawh thu leh an mu har lutuk anin thu a sawi barh barh chu ka nuih tawp.A rawp ve ngang anih dawn hi.









"An muhil tawh hrim hrim ang" darkar chanve vel aliam hnu chuan a rawn ti leh vut a, data vel ka check a, ani erawh ka bulah phone khawih in sofa ah atal reng thung.










"Awle...ka zu la nga electric kettle sawn tui lo lum la aw" tih vut pah chuan tho chhuak in nuisanga lo ding ve nu chu fawp zauh chuan choka lam pan chuan ka chhuk ta nghal a.









Chhuar ka en chuan alo la awm ngei e, bawm hnih chu dah chhuak in a seh hmeh tur dang chu kan en kual leh a, salad leh Arsa fry nen chuan ka in keng chho ta luk mai.








Room ka lu rual rual chuan min lo ban cheng a, tui ala so lo deuh alo ti var bawk, Air fryer ka rooma ka chhawp ah chuan Arsa chu dah in ka ti lum nghal bawk a, a phur lutuk za cheng chu mak tak mai ani reuh bawk.









"A so ania" phur zeta air fryer ka on ruala alo tih chuan ka pan vata , keimah chuan ka tih sak leh nghal vek bawk.










"A ei theih tawh em..?" a vawi 6 nan alo tih chuan ka nuih tawp, tiang em em hian a ei chak ngai pawh ka hre lo e a.A duhtawk a ngaihthlak tur a aw kan hriat leh meuh chuan thinlung chhungril ber thleng hian a nui var var tawh ani mai.









"Ala sa deuh, lawk aw" tiin arsa chu ka va phawrh a, sofa hma a dawhkan ah chuan hung in ani pawh alo insiam rem ve nghal zat a.Cup noodle ka chhawp sak meuh chuan alum ve ham ham nangin a sa tawh lo hle, ka duhdan ani bawk.











Tui tih hmel zeta an ei pang pang ka hmuh chuan tha viau lo mahse ka hlim pui em em tho.







"Ka lawm e" tih sap paha ka malchunga lo thu at nu chu ka lo nuih suk a.Ka biang pahniha dawm in ka hmui ah a rawn fawp zauh bawk.An inlak hran leh vut chuan ka melh haw a, hrethiam ni awm taka an nui var var te chu chimawm ru tak ani.










Pawm lawp in khum lam ka pan pui a, alo te chul chu ka nuih hak a khumah chuan nghat thla dawtin a chungah ka bawk ve nghal bawk.









"Isaac...hey a lum si kal teh!" atih chuan nui suk in a nghawngah chuan ka seh sak zauh a, a sa huat lai anih vang te pawh niang a te chul mai, kei in nui hawk hawk a ka en chu a duh lo leh ngang tawh bawk.A tawp ah pawh ti tau bar in khum kil lamah a mu tawm ak a, buaithlak reuh thin ania.












"Mamà ka princess tur hi ka kuah duh ania" tih sup pah chuan a hnunglam atang chuan ka va kuah khawm vek a, alo dawh ve hle hle mai bawk tih chu khawilam a teu leh hlar mai.










" Mipa pawh ani thei aw...Princess pawh ani ngawt lo" alo tih hlar chuan nui suk in
" Daddy girl tur alawm, ka hre thei" ka tih chuan awih loh hmel zeta ner nawng chuan min rawn leh hawi a, lo nuih suk in ka lo fawp zauh a, kuah hlan hlan chung chuan ka mit ka chhin san ta bawk.











••••••••••••••••••••







Nidang ang bawk in ka naute leh a te leh zuali te pawn thawh an hre lo leh khawp mai, mahse pawi pawh ka ti hran chuang lo, tui taka an mu lai thlir tluk a nuam a awm tlat lo.








Khum mawnglamah chuan tawlh thla hret hret in blanket chu ka hlim a, zawi muanga ka nupui kawr chu hlim leh in a dul ka naute te chi zawk awmna chu ka fawp zauh a, hemi chhungah hian Zosangpuia leh Lalhruaizeli fa tur a awm mek chu ani sia.










"Keima fanu bik bik tur te lo chhuak vat vat rawh aw....Daddy tur ka nia maw, lo chhuak vat vat la chuan Mamà leh Daddy nen hian kan play vak vak dawn alawm" tih sup pah chuan fawp leh zauh in a pum chungah chuan ka lu nghat in chhunglam thawm chu ngaihthla turin ka beng ka dawh ran a, naute ka fa ni bawk ka nupui chhun em em tu tur chu ka hmu chak tawh tak zet ani.











"Enge tih a?" tham chhal a rawn ti tu avang chuan nui suk in ka hawi chhuak a, a pum chu khuh tha in khum lu lamah chuan ka tawlh chho nghal bawk.









"Morning" tih sup pah chuan alu ah ka fawp zauh a, zawhna nei hmel zeta min la melh reng takah chuan " Daddy hian ka princess tur khu morning wish ka pe lawm" ka tih leh sup chuan min melh deuh ran ran a.










"Princess pawh ani lo mai thei ka tih kha....tia i tih reng chuan a Prince alo nih chuan a TT daih ange aw" fiamthu ti tih pah deuha alo tih chuan ka rum nghut a.Zosangpuia fa hi an tuai emaw an patil lul lovang.









" A sawi pawh sawi tawh suh...tho ang!" tih hmuk pah chuan ka thuchhuak nghal a, ani erawh a lo nui hak hak thung.Zingkar atang a nui ri hriat chu a nuam ka ti.










"Anih Daddy princess hian Daddy pawm a chak ania, bathroom thleng" a rawn tih chuan nui suk in ka en a,in la naute thei sia nakinah a fate ala thik loh hram beisei ang.Ka lama kut lo phar hliai chu kun in a kawngah ka dawm vut a, ka nghawng a a kut rawn suih vat in ka kawngah a bawp pahnih chuan min kherh ve nghal zat bawk.









Inhnuai lam a kan chhuk thlak chuan hmeichhe ho leh bawihi nu leh pa te chu an lo tho tawh a, tlangval ho erawh an la mu nih hmel.






"In mutui thei maw..?" anu in alo tih var chuan a aw nghal thuai a, thingpui alo pek chu a ban nghal thuai a, min rawn melh pah deuh ralh bawk.Zingkarah thingpui aiin tuilum in hmasa turin ka ti fo a, mahse zu han thei mauh lo reuh a. Amaherawh chu a thingpui in pawh chu ti hi chuan kan phal leh ta dawn chu ani leh si a.Vai cake dawhkan a an lo chhawp chu ban vat in thingpui nen chuan a hmeh nghal talh talh a, chaw pawh a ei thei leh dawn lo e ti hi chuan, thuh hma hma a thingpui in anih avang chuan ala ding renga chu chu pawm vut in chair ah chuan ka thut thlak tir nghal vut a min lo melh zawk in midang mit mei aveng tih hriat tak chuan an hawi kual nghal thuai a, mahse tuman min lo ngaihsak loh lai tak alo ni hlauh.










"Enteh nizanah hei hi ka hmu a, ka chah nghal daih naute tan..." tihpaha Afaki'n ka naute thu thil a en tir chuan ka lo nui tawp suk a,eng eng emaw sawi a an ti ti belh luam lai chuan tho in sitting room lamah chuan ka thu phei ve ta daih a, Bawihi pa chuan uluk zet hian Chanchin thar chu alo ngai thla a, biak pawh be lem lo chuan a bulah chuan ka thu ve ta reng a.









Ka phone chu phawrh in, nu naupai enkawl dan vel awmna lehkhabu chu internet ah chuan lei tur ka zawng kuala, pa4 vel chu ka chah nghal bawk.Mahni hriatna tlem te hi chuan ka enkawl thiam rei ka ring tlat lo ani.








Mipa ho an lo thawh ve hnu lawkah chaw kan ei a, ka bula thu nu bawk in ka salad suah sak a tomato a thlang dan dan lai ka hmuh chuan ka melh khai a, ka melh tih a hria nge alo hawi chhuak nen chuan kan in melh chiang khawp mai.Ka mitko ka lo san khum ak chuan khawngaihthla la tur zet hian min melh a, mahse a theih rih tlat loh tun tum chu a hriselna atan thlai hel lam pawh a ei tam angai ka mitmeia ei tura ka tih chuan peih loh hmel zet chuan tomato chu salad zingah chuan dah let leh hna hna in a ei ve hlek hlek a, a thial paha a ner deuh nang nang thin chu a hmuhnawm lam mah tur ani.













Saturday ani bawk nen Ngaizuala leh hmeichhe pahnih te bazar tur in an chhuak a,bawihi nu leh pa te pawh chhungte tlawh kual turin an kal bawk.Mipa pahnih dang te erawh huan mawnglama dil ah Abdula ho in an kal thung.










"Ti nge mamawh i nei ami?" ka malchunga lu nghat a mu dar dar nu a thawh chuan ka ti vut a,lu thing na na chung chuan a ding chhuak ta bawk.








"Chet vak vak kha naute tan a tha lo an tih kha...lo mu leh mai mai rawh!" ka tih sup chuan ner nang in min en a.A ti tau leh ringawt dawn amaw ni.










"Chet tih ah hah zawnga hnathawh a sawina nih kha....bakah hna min thawhsan renga i bula awm a nuam lo emai, biak pawh hre thei lo!" alo tih ve hmak chuan ka kuta ka lehkha ken lai chuan dawhkan ah chuan ka dahthla a, ka rilru ka lo pe lutuk deuh nge min bia tih a sawi a ka hre ve chiah.










"Sorry, ka lo insawrbing lutuk a!" ka tih sup chuan ngei hmel tak hian min melh a, a banah chuan kai in ka malchungah chuan ka pawt thu a, tang deuh al in alo thu tha ve mai bawk.









"Ka tihpalh aw...chuan naute pawh!" ka tih sup chuan ka awmah a beng dawt a, nui vur vur aka en chuan rum zetin min lo en.










"Naute tireng suh....min ngaihtuah ve lo, naute chauh i ngaihtuah, Suala" a rawn tih ve pang pang chuan ka nui chhuak hak a.Tak tak in....A fa a thik tihna maw!! Lalhruaizel leh!









"God! Bawihte mahni fate an thik ngai lo!" nui sang paha ka tih chuan rum zetin min la en ta tho.








"I duat bik em alawm....min duat ve lo, naute in a duh ka tih chauh in anih kha thil pawh min tih sak zel!" a rawn tih leh chuan ka nui leh hak hak a, a run ngang aniang ka mal chung atang chuan thawh tum in a bei nghal a, mahse a theih hauh lo ang.Ka chelh beh deuh tlat avang chuan rum tak mai hian min rawn melh leh vak a.










"Naute ka duat bik lo, ka duat ve ve chu u...Mamà pawh" a mita ching zeta lo en let paha ka tih chuan a che lai pawh a tawm ve ta hram a. "Naute chu ala te a duat a ngai alawm, mahse nang pawh ka duat tho che ka la duat ber ang che" ka tih leh chuan lai hmel zet hian ka awmah a rawn beng dat ta ringawt a " Naute thik tawh lo tur Mamà" ka tih leh phei chuan ka ngawngah kuah in ka awmah a hmai a phum ta daiha....a che zia engkim chu lawm zet in ka nui pui hak hak thung..










● In ni ve em chu ka hre lo...mahse nimin tlai atangin current thim in signal kan la nei lo reng reng a, tunah pawh hotspot ka rawn hmang ringawt😁 Ka baterry tlem bawk nen, Current rawn awm that ve leh thui deuh kan dah mai dawn nia💙💙 comment lamah lo tang ula chuan idea tha deuh deuh inneih te chuan lo sawi ve zel teh u😂💙💙💙

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 16th, 2021, 8:14 pm

Chapter - 30



Lalhruaizeli Chinzah (Pov)






Tunlai chu ka lu ala na deuh ut ut zela, mahse hrehawm lutuk leh buaina min thlen zawng erawh ani tawh lo.Eng emaw lai atang khan kan nupa inkar pawh a tha ta em em a.








Ka tawng theih loh hnu lawk atang khan ani ber in ka hria, mahse engvanga khatia awm kha nge ka nih ka hre mai thei tlat lo! Mahse pawilo khalam chu ngaihtuah angai tawh lo ka dam tawh a, chuan tunah kan fa hmasa ber tur thla 5 mi ka pai mek bawk a, ka pasal in min duat in min ngaihsak em em bawk a, chu aia hlu chu a awm chuang lo.









*Airport atang kan lo chhuak chiah....ka hmu chak tawh lutuk che u* Ka phone a message rawn lut chu nui var var in ka en a.Nimin piah ah loh theih loh vangin Kolkata ah a chhuk angai a, hreh zetin min kal san zan 2 a riah hnu ah vawiin ah an zo a, chawhnu ah tihian a rawn haw leh nghal, i chau lutuk ang hahdam ve phawt rawh ti ve teh mahila a sawt tehchiam lo chu ni hi!











*Fimkhur ula...tluang deuh in lo thleng rawh u aw* tih chuan ka reply ve vat a, signal awm lohna hmun ah an awm nge a seen tawh lo.








Ka pum puar ve ak tawh chu darthlalang hma ah chuan ka en vang vang a, kan in entir chang pawh khan naupai dang thla 5 ve ho te nen ai khan a lian bik riau thin a, amak ve ngawt mai, mipa ni dawn niang ka tih lah in Isaac an hmeichhia lawm....ati tlat zel bawk si, a tang na thei si hnial chi vak pawh ani ngai lo he lam kawng ah hi chuan.Mipa han ni na se...a nui tawi tak ang le.










Inhnuai ka chhuk thlak chuan rei lote atana nula kan lak Thiangtei chuan chhuat alo nawt mawlh mawlh a, ka nu leh pa te tukin zingah kan khaw lamah an chho a, Isaac awm loh lai lo awm thla zawk in dawr lam ngaihtuah ngai nen an chho ve leh nghal mai bawk.








Kan thiante ho kan khawlam ami te hi an lo zin ve zauh zauh reng bawk a, kan lun ve thin khawp mai.Soma erawh Ara Isaac-a sumdawnna enkawl tu kha puih angaih vang in Kolkata lamah a awm thla ve thung rih bawk.








"Thiangte...gate bulah ka lo awm dawn ania, I pu te an lo haw chho mek a!" ka tih ve sap chuan rawn hawi vat in nui pat pat chuan min han chhaih ve ngei a.Ka va lai awm hleilo ti mahila ka nui ru var var tho.A college kalna tur tuak mek ani a, naupang fel leh zuan zang tak ani naupang ti ve khanglanh ila kei aiin kum 2 chauh in a nau...Mahse min pi en deuh tlat anih chu!











Gate bulah chuan thutna tereuh te an siam ah chuan thu in thlanglam ni tla tur eng sen phut chu ka thlir reng a, ka nun chu ka ngaihtuah neuh neuh bawk nutling ta riau ten ka inhria a, nia...nau ka pai hnu hian tlem chuan ka puitling ve ta deuh chuan ka hria, ka pasal in kawng engkimah ka hnung a dawl thiam a, chu chuan kei mihring nual luhlul leh khirh em em pawh hi zawimuang in min hneh a, ka lungawi loh chang pawn min dawh a min dawh zel thin bawk, amah atang hian thil tam tak ka zir a, a pawnlam landan ang ngawt hi ani hauh lo tih te hmangaihna leh khawngaihna ngah tak ani tih te ka hriat belh zel a, a nun khawhar ruk zia ka hre leh a, pu kha chu anei alawm patea te pawh a nei ve mahse tuman an ngaihsak tha meuh lo tih leh an mamawh bak ah lo chuan an rawn be ngai hauh lo tih te chung ah pawh chuan dawhthei tak in engkim alo tih sak leh a, ka pasal hi ka chhuang tak zet bawk.









Ka bul lawk bike horn rawn ri thut chuan min ti phu chiang tak zet! Ka hawi chhuah chuan bike dum tle zarh chunga mipa chuang chuan min lo melh run a, tunge maw ni ve ngawt ni!








"Enge ni a..?" ka lo tih deuh nghat chuan min melh pah hian an thle deuh bak a, tleirawl ngeng zet anih dawn hi.A incheina en chuan a pangngai ve hmel viau tho.Hetah kan inah daih daih eng nge maw rawn tih a tum ve ni.Isaac thianpa ti dawn ila ala naupang hmel sia, ka ring vak bawk silo.








"I lo hmeltha zual hle mai!" a rawn tih ruih chuan ka melh haw a.Min hre ngai ang tak chuan a tawng bawk sia, kei in ka hre ve hauh bawk silo.Min melh deuh vawng vawng te chuan ka awm ati nuam lo.








"Min..min hria mi a..? Tunge maw i nih le?" ka lo tih leh nghat chuan nui suk in alu a thing nak nak a.A hmel chu ka hriat hnu ang viau mahse ka hre chhuak thei chiah silo, khawlai vela ka hmu tawh pawh ani mahna.








"Ka hria che a, mahse nang chuan min hre tawh lo anih hmel, mahse pawi lo min la hre dawn chauh...kha hei hi i ta tur" tih pah chuan a bag atang chuan paper tuam vek bawm ni chiah lo, lehkhabu vel emaw ani ang tih tur hi min rawn pe a, ka bo deuh hu nangin ka ban ve mai bawk.A bike chu a her rem mawlh mawlh pah bawk a.











"Ka kal...kan la inhmu leh ngei anga......lo dam lo lo la, min hre ve vat ang che!" tih sup pah chuan a helmet chu a khum mawlh mawlh a, a tlan nghal daih bawk.Enge a sawi awmzia pawh kha ka hre mai mai lo e a.A kal leh daih bawk sia, a thil min pek chu ka enkual vela, eng publishing company atang emaw a an lo thawn ani tih ka hmuh chuan lehkhabu ani tih chu ka hrethiam nghal a.Hawng pawh tum rihlo chuan ka keng tel ve ta reng bawk.












Ka hma a, car lo tlan phei vang vang chu nui var var in ka lo en reng a, ka bula an lo din rual chuan a hnung kawngka chu rawn inhawng in ka pasal em em a pawh chu alo chhuak nghal vut bawk.








"Tinge pawn ah ilo din char char a!" tih nghut pah chuan min kuah nghal hlu hlu a, rei lo te ni mahse a rim chen hian ka ngai vek! Nghet zeta lo kuah let pah chuan a rim chu ka hip vang vang a.Hahdamna an sawi ang tak tak hi ka nei ani hial ta ve ang, ka zang hawk a, ka hlim hliah hliah bawk.







"Ka lo hmuak ve duh che lawm" ka tih sap chuan min nam hla hlek in min melh deuh vang vang a.A mitmeng rum tak thin hi ka tan chuan a dam thlup a, a mawiin a ril em em bawk.Hetiang mipa hi ka tawng lo ang tih hlau a kur ta ruai pawh ka ni ve tawh ngei ang.









"Duhawm viau suh!" tih hluk pah chuan min pawm kang deuh nawlh a, ka au hman zuau chu bui hak chung in car ah min luhpui nghal bawk.Kan gate hi kan in atang chho ve hlek ngai anih vang te pawh aniang nge.









"Nge min lo hawn?" ka tih chuan nui sawngin ka hnar ah a rawn piai vak a, ngaithei lo zetin ka lo teu hlar bawk.Mipa cool tak kha ka bulah hi chuan ani ngai ta hauh lo!








"Thil tha deuh" tih cool ruih pah chuan ka pum chu a dawm vang vang a, maimichhing chunga a nui leh suk suk chu ho tih hmel zetin ka en bawk.







"Apa alo ngai tawh viau anih hi" a mitmenga hlimna lang chu hmuhhmaih harsa tak ani.Bakah naute tawng tak ngial pawh nilo ka pum chhunga la awm hian a ngai lul lo ang.Ngai thei se chuan keimah hian ka hre hmasa awm e....Che maksak thei si










"Ngai che aniang a muttui thei emai" ka tih vei sawng chuan rum nghut in ka dar chu a seh zauh a, ka teu nghal hlar bawk.












Inchung kan luh chuan a bag lian vak lo nen chuan inchung lamah kan chho nghal a.A hmel zuai ru tak leh meng sen deuh ramah chuan a chau ve hle ani tih ka ring thiam nghal mai bawk.






Room kan lut chu a bag ken chu a dah thla a, ka thil dawn pawh chu kawngka bul dawhkan pawhdawh ah chuan ka dah ve nghal a, chu mi hnu chuan min kai in khum lam min pan pui nghal a, engmah sawi lo chuan ka zui ve nghal mai bawk.Khum ah chuan min nam thu in ka mal chungah chuan rawn bawk in ka pum zawn ah chuan a hmai a phum deuh kak a, ka kawngah chuan a rawn kuah deuh ti tih bawk. A chau ta viau pawh ani ta ve ang, alu ah chuan chul in room ac chu ka on nghal bawk a.









"I chau viau ami? inbual hmasa la chuan kan mu dawn nia!" ka tih sap chuan a rawn che deuh dat a, anui ve ni mai hian ka hria.








"Chau lutuk tawh lo, mahse ka naute te 2 hi ka ngai tawh a" ka puma a thaw lum ham ham chu ka hriat hmaih lo kher mai, ka mur deuh chiai leh tawh bawk.A chang hi chuan ka hrethiam bik lo a bulah hian ka la lai leh tut zel.









"Enge min lo hawn ka tih kha..?" naupang chhia zeta ka tih leh nang chuan a rawn che leh dat dat a.Nge mawni le tunge thil thar neih duh lo bik ang.










"A changtupa!" rawn thu chhuak paha a tih sup chuan mak ti zet in ka en a, chutiang eng thil nge ni ngai, ka bo hmel a hmuh vang nge a nui leh suk suk a " Keimah ka tihna nih kha " a rawn tih leh sup chuan, a ban bulah chuan ka beng deuh pawp a. Sawi that ve mai awm!









"Thil te te min lo hawn lo mi..?" min hawn lo tak tak aniang, a chezia ah engmah a tih lang leh siloh avang chuan a inbual zawh rual rual chuan ka lo zawt vat a.A inthlak lai chu lo hawi zawk in min nuih suk a, a inthlak zawm leh mial mial bawk.










"Engthil te te maw.." inthlak mawlh mawlh paha nuih za aw fe a a rawn tih chuan khuma thu chung chuan ka lo melh duh tawh hauh lo.Em em hian....mite chu an zin ten thil tha deuh deuh an inhawn a, tha deuh pawh ka beisei chuang lo mahse min lo hawn ve anih hrim hrim chuan ka lawm lutuk.....lei thei lo pawh nilo a, engmah min lo hawn lo chuan ka naupan chhiatna a kai tho leh tlat tawh.












"Ngatinge i tum bur bur a, kan naute hi tum sa in a rawn piang mai tur asin" Lo phei in ka bianga dawm paha a rawn tih chuan ka lo melh deuh chiam a.








"I chhia!" tih hmuk pah chuan min chelhna chu ka pawt thla hmak a.Nui hawk hawk chung chuan min pawn kang deuh nawlh a,ka lo tal bik lo, ka rit ve tawh ne naute tan a tha lo palh ang.










"Maimichhing rawh!" a tih sup chuan min deuh ran pah chuan ak chhing ve mai a.Ka hmuia a rawn fawh zauh chuan ka meng nghal vat a, a mitmei a mit chhing tur a min tih leh chuan nur nang chuan ka chhing veleh mai bawk.Min pen sawn pui vut in kawngka a hawng a, engnge maw kan tih dawn ni ka tih lai chuan inhnuai lamah min chhuk thlak pui tih chu ka hre thei riai ruai a,step tawp kan thleng aniang a ding deuh dat a.










"La meng suh aw" rawn tih sup pah chuan zawi muang hian chhuat ah min nghat thla a, ka la maimichhing ve ta reng bawk.Hmela hi ho deuh anih chuan ka chum awk ang.Ninamw tunlai hi ka thinchhe zual thut thut zel, insum a ngai!










Zawi muang chuan min pen pui hret a, kan ding leh vat bawk.






"Meng rawh le" a rawn tih sap chuan thawk la hap chuan muang chang chuan ka meng diar diar a, ka hma pu Abdula lo nui sawng ka hmuh chuan ngei zetin Isaac chu ka melh nghal a.Pu Abdula nui hmel mai mai hmu turin maw min lo maimichhin tir vel mai mai.











"Suallian bur !" ka tih vak chuan nui hawk in a nui dir deuh ngat ngat a, mai mai hian! Min la nuih zui " Misualpa " ka tih leh hlar chuan khuh deuh khar in in sum tum zet chuan an thaw deuh hawk hawk a.Chutah nui sawnga min rawn melh in ka ding lamah chuan a thle bak a, ka melh ve nghal vat bawk.







Ka thilhmuh avang chuan ka ang pam a, present box tam tham zet lo awm chhawng dul bul ah, Teddy bear, naupang toy chi hrang hrang alo awm dul bawk.Mak ti zeta ka en lai chuan "Kan lalfanu ta tur a ka lo hawn anih saw" a tih chuan lawm deuh tho mahila min ngaihtuah ve miah lo nia ka hriat na chuan ka lung a ti awi kim hauh lo.








"Imm" tih chauh a chhang chuan va en emaw, va khawih pawh ka tum chuang lo.Va khawih a va enkual chu ka chak lutuk alawm, mahse a fanu chauh nilo in a nu pawh ka la awm ve tho tih hi hriat tir angai.







"I duh vak lo mi? Tinge va en ta che" a rawn tih sup chuan ka bu nghat a, inchunglam pana chhoh san daih ka tum chiah chu min lo vuan bet deuh chawt a.Ka en chuan a mit ti zim sun hian hriat thiam loh hmel zetin min lo en a, engmah ka sawi duh bik lo.







"I lungawi lo!" a rawn tih sup pawh chuan ka chhang tawh lo.Tuman mahni fate an thik ngai lo tih chu ka hria lawm, ka fa nia a tan chuan a tha ber ka duh fo mahse apa hian min ngaihsak ta lo lutuk a ka hriatna chuan alak a ka pangchan zia hre thar in ka mittui a hnai kuar thei hial.Ka mood inthlak chak lutuk te hi ka haw ta hlur mai.









"Tih dik loh ka neih chuan ka tihpalh,lo kal teh!" tih sup pah chuan min pawt hnai in min kuah vang vang a, ka tap thei tak ngial dawn, hmangaihte lakah hian tiang khawp hian a no theih tih hi hepa hian min hriat tir chiang khawp mai, a fanu hi duat lo in ngaihsak lo ta se ka haw hlur awmsia mahse kei min ngaihsak lo deuh pawh ka haw tho bawk sia, ka awmdan pawh hi!









"Pawn ah sawn chhuak lawk ang le!" a tih sup chuan min pawt kal nghal chu ani mai.Engmah sawi lo chuan kun deuh chhal chuan ka zui ve mai a, pawn kan chhuak a din dat chuan a hnung ah chuan ka intauh deuh dat a.








"Saw saw enge an...." a tih sup chuan dak chho in ka en a, kawt lam alo melh deuh zauh chuan ka hawi ve mai a,mahse.Ka thil hmuh chu.....BIKE.....Ni e bike, KTM ngat, Enge awmzia..? min lo hawn tihna mi?








"Ka ta tur ami?" phur zeta ka tih chuan nui sak in ak lu ah alo tuai zeuh a






"Aw...mahse naute neih hma chu khalh ka la phal lo ania" a rawn tih chuan ka au raih a.Bike keima pual in maw! Awiii ka van lawm ber tak! Apa kha lei ka dil nasa thei asin aw, a phal ngai bawk silo mahse......Tlai khaw hnuah ka pasal bera hian! Awiiiii









Kuah chang chang chuan lawmthu ka sawi mawlh mawlh a, ani erawh in tul ati hran lo hle.











Ni a ral ve zel a, ka nau neih hun a hnai a, ka pasal lah a phur tulh tulh mai si.Engkim a lei lawk ka ti mai, kan naute hian neih loh ramah pawh neih loh a nei lo ang tih tur ang vel ani.








Ka nau neih dawn karin ka nute an lo chhuk thla a, kan thiante an awm thap bawk.Isaac an kawng engkimah min buaipui a keima chet a phal lo tluk ani.Kan thiante lah fiamthu duh ve tih tak ah 'chaw te kha in barh law law ru' an lo ti ve hlut thin bawk.










Hospital ah awm lut tawh in naktuk mai hi nau ka vei hun ani tawh bawk.Isaac leh ka nu in min riahpui a, midang erawh inlamah an lo awm thap thung.Zinglam pang ani tawh mah ah chuan ka pumna riai riai chuan min ti harh a,a reh mai dawn emaw ka ti chu a nasa tulh tulh zawk ni mai hian ka hria ka thlanfim pawh a tla der tawh.Ka bula ka nu mu chu thei leh thei lo hian ka sawi dat dat a, a rawn harh nghal mai bawk.Ka awmdan chu a hrethiam ani chek ang chu Isaac sofa mu chu kai tho vat in doctor ko tur chuan a tir nghal a, ani pawh engmah sawi lo chuan a tlan chhuak ve nghal vut bawk.









Ka pumna lutuk chu a hrehawm tak zet, ka nu chuan min rawn vuan a a kut te chu ka lo hmer ngawt ngawt ani ber mai.Min hnem mawlh mawlh a, rei lo te ah doctor duty ho an rawn thleng a, nau neihna room lama lut tur chuan min buaipui nghal mawlh mawlh a, ka pasal in mangan hmel zet a mi lo melh ngawt ngawt chuan a awm nghenga tah vak ka chak tak zet.









A mitmeng buai nak chuan min ngaihtuah zia ka hrethiam nghal vat a, mahse tih theih kan nei ve hauh silo a.









Nau neihna room ah chuan kan rak chul hi ka ti mai.Nurse ten min fuih mawlh mawlh a, doctor te an rawn au bawk.A hrehawm ka pik takzet, a na lutuk chu awm ngaihna pawh ka hre lo.Ka taksa lah chuan tha ka nei tlem tawh nasa bawk si, ka na nen hah nen, hetiang teh hrep hi!








"Alu lo lang ania, han sang leh vak teh" a rawn tih chuan ka tha neih zawng zawng chuan kan sang leh vak a, ka thlan nen mittui nen!








Naute tap ngaih ngaih ka hriat chuan zawi hnawk in khumah chuan ka muthla dawt a, ka mitmeng a vai vek a, naute tap ri.....ni e fa kan nei ta! Tawrhna a zawnga na ber leh lawmawm ber ani.








"Fanu i nei e.." nurse in naute ka bula a rawn pawm chu mit vai riai chuan ka lo en a, a hmeltha tak zet tih chu ka hria, mahse ka belchiang hman meuh lo.Ka mit a vai ram ram a, ka taksa an zawi ngawih ngawih a, mi au chiam chiam chu ka hre rei ruai bawk.Mahse a rei lo.....Shhhhhh







A thim ta vek mai!






● Vantirhkoh a thim lawk a, muttui u💙 Naktuk zanah tawp kan khar dawn nia, zanin ah tih ka tum a mahse duh aiin a thui dawn tlat

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)