Im Yours By Apuii Tlau (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

Re: Im Yours By Apuii Tlau (Completed)

Unread post by Ngaia » May 16th, 2021, 8:10 pm

Chapter - 13






"Eng...Eng nge...i sawi kha..?" ka aw khur nasa lutuk chu ka control thei hauh lo.Mak tih hmel zetin min en a,ka lang thut chu a beisei hauh lo tih a hriat reng bawk.








"Bawihte!" tih nghut paha min rawn pan pawh chuan lo kal sawn turin tha ka nei lo,a thusawi in min thawnzia chu ka taksa zawi nghal vek chuan a lan tir chiang hle ang.Ka ruak nghal vek ni mai hian ka hria.










Min rawn kuah khawm nghal vek a,ka taksa zawi lutuk chuan ka lo ngheng nghal rawk bawk."Isaac,eng nge awmzia.?kei te chuan nu ka nei reng alawm,ka nu dik tak!" ka ti nghal tiau a.A thu lo sawi kha dawt nise ka ti tak zet!









"Mai mai chuan!" tih hluk pah chuan min pawm nawlh in khum lam min pan phui nghal a,hnial tur tak ngial pawn tha ka nei lo.Khumah chuan thu thla dawtin a mal chungah chuan min kuah khawm nghal vek bawk.









"Isaac eng nge awmzia maw..?" tih pah chuan ka insut hraih hraih a.Thaw hawk a min kuah hlu hlu pah chuan ka lu chu a hmui chuan a nawr leh vang vang bawk.Sawi tum ang pawn a awm lo.











Kawngka chu an rawn kik karh karh chuan lut tur chuan a sawm vat a,Soma te unau an rawn lang nghal bawk.Ka lo awmdan avang chuan an hamhaih hle tih pawh a hriat.









"Miss! Tinge? Na a nei em ni?" Soma chuan ti vut in min rawn pan nghal thuai a,ka la tap khur char char bawk.









"Nei lo! Soma, an lo hnai ania! inring rengin awm ula, tunkar chu naktukah bazar lawk se kan mamawh tur nen tumah tul tawpah lo chuan chhuak tawh rih suh ang che u...Chuan Hruaii pa te lam kha bia ula,tul tawpah lo chuan min rawn phone suh se,fimkhur turin chah bawk ula" Isaac an atih nghut nghut chuan an reh duak mai.











"Tun atang chuan Soma ka awmloh pawn hruaii hi vil chawt ang che! Ara hna khawih tur ho online in ti vek mai rawh he lai hmun ah hian awm rih ang che!" engvanga chutiang thusawi vak vak nge maw anih chiah le.Chuan ka nu angin tunge a sawi kha! Kei chuan nu fel leh hmeltha zet ka nei sa reng alawm,tumah dang ka nu an ni lo ang!











"Kal phawt ru,Soma Arsa buh hawp kha lo siam la Hruaii duh zawng tak ania, Ara gate leh huan hungna vel hi Abdul nen khan enfiah vek ula,camera vel check vek bawk ang che" a tih chuan an chhuak nghal thuai a.Thaw leh halh halhin ka lu ah a rawn fawp leh vang vang bawk.










"Eng nge i thusawi awmzia kha sawi tawh rawh!" tham chhal chuan ka lo ti a.Nilo se tiin ka tawngtai mawlh mawlh bawk.







.
"Hre tur ini rih lo asin!" a tih nghut chuan ka lo ip nghal chawih.A dik tihna em ni?ni ta se ka nu khi ka nu dim tak anilo dawn asin! Chutiang ka duh lo!!!!











"Ipa hi sumdawng ani tih chu i hriat kha!" ti chuan an tan hmasa te te a.Ka hlauthawng lutuk chuan sawi tir leh loh mai te ka duh rum rum mahse ka hriat ve ngei angai bawk si.Sawi hreh hmel zeta thawk anla te chuan zamna na men lo min siam sak nghal bawk.











"Phai ah bungrua la in a kal thin a, chutih lai chuan kum 36 vel bawr aniang chuan ka pa dik tak leh ipa hi best friend an ni bawk.Chung hunlai chuan ipa leh tuna i nu hi an la innei lo a,ka nu leh pa erawh innei tawh in kum 11 mi vel ka ni tawh.Chung lai chuan I pa that hunlai ani bawk nen ngaizawng tu pawh a ngah thei hle a,mahse nupui erawh ala nei duh hauh lo thung.Bungrua la a,Kolkata a alo kal thin tak hnu chuan tlangval hawi veng va ve tak ta chu Vai hmeichhia hel tu pawh a ngah viau ani awm e! Mahse engkim buaina in tanna chu chu chiah chu ani thung. I nu hming chu Arita Goenka,Harsh Goenka Kolkata a sumdawng lian mahse a ruka smugling leh Gunda pawl liantak nei tu fanu tlum ber ani.Hmeichhe hlauhawm tak ani.Apa Harsh Goenka thih hnuah an sumdawnna zawng zawng ama kut ah vek a awm tawh a,Kolkata kan awmlaia kan case lian ber pawh he thil hi ani.Mahse chhui chhuah chu thil na mai ani hauh lo,case ka kuta a awm lai khan ka naute 3 ngawt ka hmuh lai reng in an that bawk" a tawp lam chu a chang tha kher mai. Chutiang mihring chu maw ka nu min hringtunu chu!










"I pa nen hian bar ah an in hmu fo thin ani awm e,chumi hnu chuan zan khat chu an rui duh hle a,ti chuan an che sual a nang ilo awm ta bawk.I nu hi ka sawi tawh ang khan hmeichhe hlauhawm tak ni mahse nang apai che tih a hriat khan tih tlak mai che kha a duh a,mahse ipa khan engtin tin emaw alo hria a, i nu hnenah chuan ti tla lo tur leh enkawl a duh thu a sawi ta a.Ipa khan hmeichhia angaihsak lo ka tih tawh kha mahse fa chu awt ve tak ani.I nu chuan rei tak a inngaihtuah hnuah a pawm ve ta hram a,mahse buaina 1 an la nei chu chu I pu Harsh Goenka kha ani, i nu kha a rai tih hria se zawng a hriat ni la la in nang chu a paih bo nghal ang che tih leh ipa nunna a tan pawh a pawi thei a! i nu khan kha kha hria in zin khawthawng tura in sawiin an in chu a chhuahsan ta a,ipa sawi leh danah kha tih hunlai kha i nu mihring ani tih ka hmuh ve na awm chhun aniang,a ti hial! Tual em chu an kut chuan that lo mahse an naute erawh chuan an kawng dal tu te an dah bo hmak hmak zel thung.Tichuan inrem siamna an nei ta a, ipa in kum 18 inih thleng a enkawl che nge chumi hnuah aman a kawl ve tawh thung ang che tiin, ipa chuan pawm lo thei ani tlat lo,nang mah kal tlangin a vau tlat sia. Ti chuan hun akala ilo piang ta ngei a, a hnute far khat pawh hnek tir duh lo che in ipian zan zan in a kal bo nghal,Nang lah i tap reng bawk nen ipa mangang in min rawn pan ta tawp a,zanlaia naute nena ipa kan kawngka bula lo ding khan ka pa tak ngial pawh a ti ham haih,ka nu in a buaipui vat che a,ipa in ka pa thil awmzia a hrilh ve ta bawk.Harsh-a hlauhawm zia ka pa khan a hre chiang em em a, ti chuan pawn pawh chhuak lo a,thlakhat vel dawn kan ina in awmhnu ah Mizoramah in haw ta ani.Ti chuan ka pa kha police ve tho ania, Goenka case a chhuilai hian ka nu nen accident in an boral bawk! Mahse accident ti in sawi mahsela kei chuan Goenka te thil tih tho anih ka ring nghet bur thung.A hunlaia Case OC kha pawisa in anlo tham tih Police hna ka chelh hnua ka chhui in ka hre chhuak leh bawk, Chuan i nu rawn in lar na chhan chu i hre tawh mai em?" ti nghut pah chuan min rawn melh a,ka lo bu nghauh! Chutiang hmeichhe rapthlak tak chu ka nu an tih chu ani si a.Ka pa mangang reng reng a dah tu chu!











"Engtin nge kan tih ang..? Chunu bulah chuan ka kal duhlo, chuan nu pawh tuna ka nu chiah hi neih ka duh!" mangang aw lek lek chuan ka ti tiau a.Ka ngaihtuah kual pawn nichina Isaac a thil sawi hmangah khan tih luihna pawn min hruai duh ang tih ka hre bawk! Chutiang mi hlauhawm bula awm ka duh hauh lo..











"Ka awm hi! Ka venghim ang che, hahdam tum rawh i pasal ka ni tih hi hre reng la,tuman ka lak atang an la bo miah lo ang che!" a rawn tih sup chuan ka thlamuang ve ta deuh.Mahse Isaac an engkim a hriat danah hian tihluihna hmanga ka pa in min neih tir chhan tur awm ang pawh ka hre thiam ta kuar mai.










"Min neih chhan pawh hi ani tiraw?" ka ti sap a,min duh vang ni hauh lo a min nei ve mai mai ani tih ka hriat na chuan ka chhungril ati hnual nghal raih bawk.A hma kha chuan min duh vanga min nei lui emaw ka tia mahse ka ngaihtuahna lo dik loh zia ka hre ta,ka tan vek engkim an lo tia kei lah a sual zawng char char in ka lo awm bawk.










" Ni ve tho e!" a tih phei chuan ka kawchhung hi a vilh ngawt ngawt ni mai hian ka hria.Khang hun reilo te chhung khan hepa hi ka duh hman ni e..Ka lo duh takzet hman ani tih chu ka hre chiang khawp mai.










"Mahse i pa khan min inneih luih tir lo mahse ka nei tho ang che" a tih sup rual chuan mit hnawm chap chung chuan ka melh chho vat a.Nui suk pah in ka chalah a lo fawp zauh thung.











"Thil pakhat leh chu maw, Ka duh che a ka nupui ini bawk a chuan ka bialnu thar ini dawn mek bawk" a rawn tih chuan mak ti zet leh ner nang in ka en chho a.Nui sangin ka mittui tlakna hnawm chap chu a rawn tuai hul thuak thuak bawk.










"Ka nu khan min lo hruai tak tak dawn tih engtin nge in hriat?" kan thusawi thlak chuan ka ti vat a.Ni e...Min lo hruai tak tak lo mai thei asin,mahse tunah chuan ati tak tak tih alanga engtin an lo hriat theih ni.










"Kum tin i birthday ah Box senduk i dawng ziah tiraw..." a rawn tih chuan mak ti zetin ka en a.Engtin nge a hriat? chutiang gift ka dawng tih chu ka chhungte tak ngial pawh ka la hrilh ngai silo.Ka birthday zingtin kum 7 ka nih atanga intan ani a,naupang ka nih lai chuan ka rualpui te zawng zawng aiin ka rilru a puitling zawk a.Kum 5 ka nih in english in ka biak theih tawh, ziak leh chhiar pawh thiam tawh tak ka ni.Ka kum 7 birthday zing ah ka inbul lawk a ka thiannu te in atanga ka leng haw hi Nula pakhatin min lo tiding in ka hming te,ka kum te min zawt a, ka birthday anih thu te ka sawi ve bawk.Chutah chuan Nula chuan a bag atangin bawm sen duk nalh zet hi a phawrh chhuak a chu chu min pe ta a,tuma bula sawi lo tur in min hrilh bawk.Chuta tang chuan ka birthday apiang in gift bawm senduk chu ka dawng ta ziah a.Phone ka neih hma chuan ka chhuak an chang emaw tih tur hian ka chhuak an hmuh ve leh min pe in an kal nghal nal nal zel,phone ka neig hnu ah erawh ka no. an neih dan pawh ka hre lo min lo call in an box dahna min hrilh a,ka naupan lai atanga ka lak tha anih avang pawh chuan hlauthawng hauh lo in ka la ve mai zel.










"Dawng thin e..Engtin nge i hriat zawk a..? ka nu leh pa tak ngial pawn an hre lo asin" ka ti sap chuan a bu nghat a.






"Tu hnen atang nge i hria em?" a tih sap chuan ka naupanlaia ka dawn tan dan vel chu ka hrilh a,kha nula hmelthai min pek anih kha ka ring bawk.Mahse a hmel kha chu vawikhat chiah ka hmuh vang nge ka hre tawh hauh lo,a hmeltha tih chiah ka hria!








"I nu hnen atang anih kha!" phawk zetin ka meng nghal.Ka nu maw!!







"Ka nu maw?" ring fe chuan ka ti vak a.Alu a bu nghut nghut bawk.Pik zetin ka thaw chhuak nghak hawk a.Ka nunah alo lut reng tawh mahse ka lo hre hauh lo!










"I Birthday dawn khan ipa lo phone in nang enkawl che a duh ve tawh thu leh hruai tur che in a tia,mahse ipa chuan an ni ang bula i khawsa tur kha pa anih angin a rem ti thei ngang lo a,chuan inneihna te kha kan buatsaih te rum rum anih kha, chuan ipa lo phone lehin pasal a neih thu an lo hrilh a,a thinrim takzet tih an sawi bawk ti chuan nangmah lo hruai tur che in an lo kal dawn thu a rawn sawi bawk"a tih leh chuan ka tang tung ani mai.An ni ang bula kal ka duh teuh lo!











"Hahdam tum tawh teh le! Nakinah a tul danin kan la sawi zawm dawn nia,tunah chuan zanriah zu ei phawt ang le" tih pah chuan min fawp zauh a, "Va in tifai la ka lo nghak ang che" a tih chuan zawi muang a dingin bathroom lam ka pan a.










Arita chu ka nu anih chuan tuna ka nu hi engtin nge niang! Khang hun chhung khan min enkawl in ka nu ani lo tih tak ngial pawh a thawi pawn a sawi ri ngai hauh lo chet zia tak ngial pawn alan tir ngai hek lo.Engtin nge a fa tak pawh nilo mizo dik tak ni bawk silo hi hmangaih taka min lo chawi sei len theih bik le! Ka nu ka tana a lo hlut zia ka hre thar zel ani ber e.Mahse ka nu tak nilo tur chuan ka phal silo!












Chaw chu ka lem hlei thei lo,ka ngaihtuahna buai lutuk chuan min hnawh tung ni mai hian ka hria.Ka ipik zual ngawih ngawih ani ber e.









"Chaw ei tawh lo khan Arsa buh hawp hlang hi ei zawk rawh" tih pah chuan Isaac bowl hranah a suak nghal a chhem dai leh te te in min rawn pe nghal bawk.








"Ka lawm " ei chak lo viau mahila hnial ka hreh em avang chuana hming lek chuan tlem kan hawp a.ka ei hlei thei lo ani ber mai e.Ka kham ta thuai a,min ngaihtuah hmel takin min rawn en nghal thap a.Ka puar thu hrilh chuan tui dehna lam ka pan nghal a,ka intih fai zawh chuan ka boruak hip pik lutuk tih reh tum chuan balcony lamah ka chhuak phei a.Kawngka ka hawn chiah chuan a vawt ta var mai.Thli thaw heuh heuh nen ka pik lutuk te chu tih reh tum chuan thawk kan la ham ham a,ka thaw chhuak leh thin.Chutianga rei fe ka din hnu chuan kawngka hawng ri chu ka hria a,mahse tunge ka chian em vang chuan ka hawi let duh lo,Aizawl eng uar chu inkuangkuah than chuan ka thlir vang vang a.







A taksa lum ham ham in min deh rual chuan puan in min rawn tuam khawm nghal vek a.Ka lo nui sak rual chuan "A vawt i ti palh ang" a rawn ti nghal sup bawk.








"Kei chu lum ka ti tawh" ngheng deuh nghal chial paha ka tih chuan a rawn nui nghawr dat a.Keipawh ka nui ve ta tho.A bula ka awm anih phawt chuan ka him dawn ani tih ka hriatna hian hahdamna min pe a,ka thla amuang em em ta bawk.










"Ka lum ve chuan eng nge thleng ang i hria em?" rawn tih sup pah chuan ka beng chu a rawn seh zauh a.An chimawm zia hi chu!







"Aw kawlum te,puan te hi kan sin thei tawh lo tihna ni mai a" tih pah chuan ka melh let chho haw a.Chimawm zeta mit ko a rawn kan ak chuan mit ti hniam khai khai in ka melh leh a.Engnge maw ahriat reuh le!










"Mipa taksa lum chuan tui vawt aiin hmeichhia an mamawh zawk thin ania!" a rawn tih rual chuan phawk zeta en in tal chhuah ka tum nghal a,ka tum hre lawk ang hrim in ka kawngah nghet zetin alo dawm fel leh der tawh.











"Min thlah teh a lum si" ka ti vak a.Nui suk suk in min rawn melh a."Eng nge..?" ka lo ti vak bawk.







"Mu mu tih a hun!" naupang chhia zeta a rawn tawng ve chu mak ti zetin ka en nghal a.Che mak thei !








"Naupang chhia ka ni lo!" inthing harh vati ka lo ti bawk..







"Ka naute i ni tho!" tihpah chuan min pawm nawlh a.Ka te tung bawk! Nui hawk hawk in in chhung lamah mi luh pui a.Soma te unau i phawk zetin min lo en bawk.










"Kan mu dawn a,in duh hun hun ah mu ve mai ru!" tih nghut pah chuan stepah chuan min chhoh pui lawp lawp a.Midang bulah hi chuan tawng bul hmek hmuk thei si,an ngei thei ngawt ang!











Khuma min dah thlak rual chuan ka bulah chuan a rawn let thla ve nghal tap a.Ka kal sawn hlau ang hrim chuan ka banah a chelh nghal tui bawk.











"Hetah i mu ve dawn ami!" melh tawk paha ka tih let haw chuan hnar tum dat in min rawn melh a.A hmel naupang chhia tak chu a duhawm letling phian!








"Pasal chu nupui bulah mu turin dikna a nei alawm" tih paha side table a remote chu banin a hmet khap a,room chu a thim nghal ruih a,parda pawh automatic in a rawn in pawt phui bawk.Dim light an chhit bak eng a awm tawh lo.









"I bula ka mut chak tawh zia hi!" tih sup pah chuan a insiam rem a ,chumi hnuah min rawn pawt hrawk in a sir zawng chuan inkuah chial in kan mu ta bawk.Ka dang lo...nilo dang turin ka phal tawh lo ani mah e!










"Min duh ve tih ka hria, ka bialnu!" a rawn tih sup chuan ngei zeti ka kiu chuan ka nghawk sawk a.A rawn nui lum hak bawk.Ka taksa a ti tim ur ur thei hial ani.Ka ni deuh hui mai.










"Ka nupui" tih sup pah chuan ka hmuiah a rawn fawp zauh a.Ka nuih hak ruali a nui ve suk bawk.








"Ka fawh rei che chuan ka duh belh in ka tawo mai thei dawn silo a" tih nui nui pah chuan ka kawrah zen lutin ka dul a chul hauh hauh a.A taksa engkim in min deh na lai chu a sa pup pup thei hial a,nuam tihna mak deuh ka nei bawk.








A chul rei tulh tulh a a chul sang tulh tulh hi ni mai.Ka dan deuh lahin ka beng a rawn seh za zel bawk nen buaithlak reuh lutuk.Vawi lehkhatah ka bra chhangah chuan ka hn*te chu a rawn hrawm deuh nawk a.Ka lo thaw hak bawk.A kut phah hrawl si,a nà tep zel ani.Bra chhungah zen lut leh in a hmur chu a tuai kual vel a,ka sa vek tawh.Nuam ka ti phian bawk si.








"Bawihte,a hnawk e phelh daih ang!" a rawn tih sup chuan "Aih " ka lo ti vut a,a hnar a tum dat bawk.







"Sual si" ti nghut pah chuan ka bra chhungah chuan ak phute chu a hrawm nawk nawk a,ka ngawhah a hmuin a rawn nul pah zei zei bawk.A zei dan chu pui tak ani mai.Ka thaw a rang a,a awmdan a mumal lo bawk phurna mak tak ka nei a,dan pawh tum lo in ka dawh hle hle tawp.Naupang ti tau inhri thla te pawh a ang .










"Bawihte!" ngen ngawl zeta alo tih leh chuan ka nui hak a.Em em a! Val senior pui si hi!










"Zanin chauh" ka tih rual rual chuan min rawn dap in a phel nghal vut a,a ruka AIH a tih sup pawh chu ka hrereng. Anih leh tak tak pawh ka ring.Hepa bulah hi chuan.





•••••••••••••••••••••••







Ka harh chuan room ah chuan ni eng alo lut leh nguai tawh a.Khum bul dawhkan a ka phone chu ka ban vat bawk.Dar 7 leh tlem,ka sir ah chuan theh thla in ka sam ka tawn nghal mawlh mawlh a.Isaac erawh a tho leh daih tawh anih hmel.










Ka sam ka tawn zo chiah chu ka phone pawh a rawn ri ve nghal zat a.Lo call tu no. erawh Private ani thung.Lak loh ka tum zet nangin a ring tak rengah chuan ka ban ve ta hram a.






"Hello" a reh vang vang a,vawi thum vel ka hello hnu ah pawh min chhang tu an awm loh avang chuan phun nuah nuah chungin dah ka tum a.Dah ka tum lai tak chuan a rawn tawng leh lawi sia.








"Hello, baby keimah i nu ka ni e!" aw tliang ral leh nalh zeta rawn sawi tu avang chuan ka khawng nghal lah mai.Ka....ka..ka nu.Arita Goenka maw!








.....................




●Muthlukna thlarau ka ngah bik lutuk hi hrehawm e😤



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 16th, 2021, 8:10 pm

Chapter - 14






Tawng mai na chang pawh hre lo chuan ka thut ngai chuan ka thu reng a,ka hamhaih vel vek ani mai.A awki atang khan nu zahawm tak ni mai awm ani.







"Ka naute,min la hre lo em ni? keimah nangmah hringtunu i nu ka ni e!" a awki ah chuan a inrin tawk zia leh nu na mai ani lo ang tih chu ka hre nghal thuai bawk.






"Nu..Nu pakhak chauh ka nei,ka pa bulah a awm mek bawk" ka aw chu control tum viau mahila a khur lek lek tho.Ka tang tunga ka awmdan pawh ka hre thiam lo, ani hi ka nu ani lo ka nu chu Lalrinsangi chauh!








"Manshi...Oh Tunge i hmingah an sak kha, Lalhruaizeli ni zawk tak e, ka fanu i ni! Ka ta chauh! Kei lo nu dang tumah i nei lo!" a aw khauh zet leh hriam hraih chuan nu thil ti thei tak, mi nà mai anih loh ka zia ka hre thar a, hetiang mi anih chuan min la hruai bo theih ngei ka ring bawk.Ka ngaihtuahna avang chuan ka taksa te chu an khur ti tih tawh.









"Ka..ka nu i ni lo,ini ngai bawk lo ang!!" tihpah chuan ka dah hmak a.Ka khur nasa lutuk chu awmngaihna pawh ka hre lo! Khatiang khawpa huaisar anih phei chuan min la zawng hmu vat anga! Tih luihna hman pawh ka hreh hauh lo ang le! Lalpa engtin nge ka tih tak ang.










* Ipa, mi nep lutuk vanga pasal nei lui i ni tih ka hria, tuman an tinat che ka phal tawh lo ang,ka kiangah awm la ka veng him ang che! Mahse min hnial anih chuan tih luihna hman ka hreh dawn hauh lo ania,ka fanu i nih kha! * Ka message dawn avang chuan insum hman lek lo in ka phone chu bang vawm nan ka hmang nghal! An ni bula awm ka duh lo!!!! Mangang zet chuan ka au chiam a, duh lo mahila min hruai lui dawn tih ka hriat na chuan ka thluak a ti buai ani ber.










Kawngka an rawn hawn thuai rual a,mangan hmel zeta Isaac-a hmel ka hmuh chuan khum atang chuan ka tho rawk rawk a,min lo pan phei mek chu tlanin ka lo kuah bet rawk rawk bawk! Nghet zeta min kuah let pah chuan ka hnung a chul nghal hauh hauh a.Thawm dang rawn ri rak rak ah chuan midang an rawn lut ve tih ka hre nghal.Mahse zah pawh ka dawn thei lo,ka mittui a tla zawih zawih a,anni bula ka kal duh lo lutuk chu ka mangang ani ber,Isaac bula ka awm tlat hi ngai, ani hi chuan min venghim thei dawn tih ka hre chiang em ani.











"Tap suh le bawihte,ka awm tawh hi...Tinge hetia i awm?" tih pah chuan ka lu ah chuan a hmui chuan a rawn nawr vang vang a."Ara room hi enkual teh u!" a tih hluk chuan a awma ka hmai phum chung chuan ka lu ka thing na na a.










"I tha chiah em? Na i nei ami?" a tih leh pawh chuan la kuah bet tlat chung chuan ka lu ka thing a.Thawk la hawk pah chuan min pawm kang nawlh a,ka hnial hauh lo bawk.








"Soma tui vawt intur zu lak lawk teh..Chuan Ara Abdul nen khan pipe chu lo zu siam rawh u!" tih nghut pah chuan khumah chuan min thut thlak pui dawt a.An thawmah chuan an chhuak tih ka hre thei.Ka taksa la khur ru der der chu nghet zet chuan min kuah a.Ka nu ka nu tak ani loh tih ka hre fel ve chiah a,ka rilru na pawh ka tawrh zawh loh laiin ka nu tak chu hnam dang anih mai bakah misual pawl hotunu ani leh zel a,chumai ni lo in a kiangah min hruai ala tum zui!!!











"Ka veng him tlat dawn che lawm! Hlau lo la tinge hetia i awm sawi rawh le....I kiangah ka awm tawh hi..." tih dam thluam pah chuan ka lu ah a hmui chuan a rawn nawr leh vang vang a. A kiangah ka him ang tih ka hriatna chuan thlamuanna min pe tel a,ka taksa tang tung pawh chu zawimuang chuan thlah dul tum in thawk ka la hap in ka thaw chhuak leh ham ham phawt a.










"Min...min lo bia a!" harsa ti zet chuan ka ti hap a.Bo hmel fe a min rawn thlek chuan "Amah khan!" ka ti leh sap a.Han koh mai dan tur ka hre lo tlat ani.A hming pum teh lawla ka koh chuan ni chiah in ka hre silo!








"Tunge amah chu le!" a rawn tih sup chuan ka lo thaw leh hak a.










"Tih luihna hmang pawn min hruai a tum thu a sawi a!" rilru i pik zeta ka tih chuan a hmel a chang nghal run a.A thinrim tak zet tih a mitmeng ah chuan a lang chiang nghal nalh bawk.










"Tuman ka lak atang an lak bo che ka phal hauh lo ang" tih nghet charh pah chuan min kuah hlu hlu a,a awm ngheng hnai tal tal pah chuan lung zing deuh chuan hahdam tumin thawk ka la bawk.Soma tui sik kenga a rawn luh pawh chuan min la pawm reng a,min ngaihtuah hmel zeta min melh chuan ka lo nuih lui sak ringawt.Chaw ei an peih tawh thu sawiin a chhuk nghal thuai a.











Inhnuai a kan chhuk ve chuan dawhkan an lo kil thap tawh...Thap ti ila,Soma te unau an ni mai ang chu.Abdul te hi chu an inlama in bawl hran hi an duh zawk thin ani awm e.Araba hi tawng tam lo tak ni mahse mipa fel tak,mahni in enkawl zo deuh ani a,mizia ah a unaunu nen in ang lo viau mahse an rilru a tluang in an fel dun em em thung.










Dawhkan kila kan thut thlak chuan ka thaw deuh hlial a.Ka nui thei ta deuh bawk.Nichina ka ipik lutuk kha chu Isaac hian min chhawk ka ti mai,a thusawiah ka innghat a min kalsan ve dawn loh avang hian engpawh lo thleng se hlauh tur ka nei lo! Amah ah hian ka innghah ngam a ngai tak zet bawk.







"Miss,Lungngai miah suh aw..,ka chak teh mai ania ka venghim tlat ang che!" Soma in a rawn tih hliai chuan nui hak in ka lu ka bu nghauh nghauh a,Isaac pawh alo nui bawk.









"Kei..Keipawh!" Araba tawng zawi te avang chuan kan en thap a.A hmel erawh danglam awm hauh lo mahse a aw ah kha chuan a thusawi kha a zam ve deuh tih ka hre thei.Hepa hi rorum hmel viau mahse Isaac ang chiah thinlung tha tak nei ani.







"Ara ka lawm e!" ka ti sap chuan a lu a bu nghut a.Chaw chu kan ei zawm ta nghal.Kaikuang lian chi tihah medium ang chi kha kan hmeh a,a kawr kheh sa vekin Isaac an ka thlenga a rawn dah nghauh nghauh chu Soma chuan a lo nuih pat pat a.Keipawh ka nui tho,hepa hi chuan a duat theihna apiangah hian zak hauh lo leh midang mitmei veng hauh lo a,a duh ati mai thin hian min ti hlim viau thin,mahse a thinrim erawh chuan BEAST ani nghal mai.










Chaw ei kham chuan thleng kan seng fel a,Soma inrem ati lo chung ka pui lui bawk.Isaac chuan Ara chu a tir aniang motorin a tlan chhuak a,ani erawhin Pu Abdula nen inchhunga tui kan lakluhna ber pipe a chhiat avangin an siam mek thung.











Thleng vel kan buaipui zawh rual chuan ka phone ka paih avanga keh deuh nuai chhe chuang silo chu a rawn ri ral ral a,ka ban vat a hming rawn lang ka hmuh rual chuan ka biak khat zia ka hre thar a,balcony lam pan chuan ka phei pui nghal bawk.









"Hello" rang zet chuan la in ka ti nghal sap a.Isaac bula ka awm hi chuan midang hi ka lo hrechang leh tawh ngai silo, ka inthlahrung ve det bawk.








"Hmelhriat satliah chauh kan ni tawh ami!" a rawn ti nghal hmuk a.Ka bo deuh hle.









"Chutiang ani lo,ka thiantha ber inih kha!" ka ti vat a.Engvanga chutianga rawn ti tawng nge ani tih ka hrethiam chiah lo bawk.










"Chuti maw!" nui lui hak paha a rawn tih chuan rilru pik sa nen ka thinrim nghal deuh ti tih bawk.Tun ang hunah hi chuan min hnem tu ber ni tura ka ngaih chuan tham lo takin min bia chu ani sia.








"Aw...ka thiantha ber ini,midang ho zawng zawng pawh!" ka ti hap a.











"Thin tih i belh dawn lo em ni! I tan hian hlutna kan la nei ve em? Hun harsa i tawh apiangin i kiangah kan awm reng thin,Mahse tunah pasal hausa tak i neih ta a,chuan min mamawh ve ta lo a!" ngeiawm zeta a rawn tih leh chuan ka insum theihna in a tlin tawh ngang lo.












"LALDUHZUAL!!" Ka au nghal tuar ani mai.Engvanga hetianga rawn che ringawt hi nge anih.Ka thinrim bawk si,rilru na bawk si chu tawng pawh ka tawng tha thei tawh lo.Phone chu ka reject ta hmak ringawt.Ka chhungkua an la nia sin,hetiang rilru kawi hi engtin nge a put theih.









Rei lo te ah ka phone a rawn ri leh nghal a,hming lang ka hmuh rual rual chuan ka la nghal thuai a.








"Engnge lalduhzuala khan a hriat a!" ka ti nghal hlar chu a rawn chek tlak tlak a.Ngai thei lo zet chuan "Lungtiawi!" ka ti nghal hrawk chu a ai pawr in min rawn ko ve nghal zat.









"Thil awmzia sawi vat mai teh!" ka sam tuai chho puat chuan ka ti nghal hlar a.A rawn rum ve deuh nghat thung....Ve reuh hian tet tet nen!










"Tunah khawnge in lo zin bo vel a,engmah sawi lo leh nghalin"a rawn tih ve hlar chuan ka inthlahrung leh si.Va be tur ka ni tih ka hria mahse ka lo mangnghilh daih,ka nu chanchin hre bawk nen engdangah mah ka rilru ka pe thei meuh lo ani.









"Kan tum lawk pawh ani lo,Isaac hna pawimawhah zin a ngai thut a,a nupui ka nih angin kal ve tur a beisei ka nia" dawt var ka sawi ta ngawt, thudik ka sawi chuan sawi tur a tam dawn lutuk mai bakah min ngaihtuah leh nasa dawn si an nun ka tih khaih lak vek ka hlauh pui ani ber.Chubakah ka chin hriat nan an lo biak phei chuan buaina lian zawk an tawk ve thei tlat ani.Ka sawi zawh ruala a rawn thawhak chuan rilru buaina deuh nei a ang ka ti.












"I ti tak tak em?" a rawn tih hlial chuan inthlahrung ru deuh chuan ka lo aw sap a.










"Hruai i theihnghilh sak thei hi amak ka ti, chumai nilo in ila zinsan zui" a rawn tih chua hrethiam lo zetin kalo zawt let thuai a.A thaw vei halh halh chuan min ti bangbo zual.









"Marcus nu thihcham!" a rawn tih rual rual chuan ka meng kawk calendar ka en vat a, 26 OCT engtin nge ka theihnghilh theih! Pawi ti zet chuan awmdan mai tur pawh hre lo in ka sam ka tuai chho leh puat a.









"Sorry lutukkk...Marcus kha in awm ho chuan ka lo bia ang...Ka hre lo engtin nge ka theihnghilh theih tih pawh..." mumal lo zet chuan ka ti thla rawk rawk a.Marcus hian kum 8 anihin anu a chan tawh a,a tuarna em em bawk,kan inkawm hnu atang hian a nu thihcham apiangin thlanmualah zanlaiah te kalin a tap thin tih ka hria a,chuta tang chuan anu thih cham athlen dawn apiang in ka awmpui chawt thin bawk.Atan ka awm reng ang tih ka tiam bawk a,mahse thutiam chu a awl alawm hlen lam erawh hi zawng harsa tak ava ni em!









"A awm lo,alo biak zawh che khan bike in atlan chhuak nghal daih!" a rawn tih rual chuan ka lo thaw hak a.Buaina siam suh aw tih chu ka rilru in ka sawi nghal mawlh mawlh bawk.










"A hrim hrim in tunah khawnge in awm reng reng ? Tinge in sin tur thu chu i sawi miah lo a,kan ngaihtuah hman lutuk che lawm kan inhmuh tawp dan tiang kha nia" a rawn tih leh hlak hlak chuan .Ka maimichhing ta tawp!











"Tunge..?" tih sup paha ka kawnga rawn dawm paha ka nghawng rawn nul thuak tu avang chuan ka ip nghal chawi a! Ka beng bula rawn tawng mai anih avang chuan Awiteii chuan a hre ngei ang le!











"Lalhruaizel i pasal det dut ami a,khapa det dut kha lo hrolh teh thik thu chhe si,em em lutuk Thangzawra ai pawn ilak hi chuan a zawr zawk ka ring,min lo cho ang che ka thianpa te lo khawih vela,ka hmuh leh hun chuan ka sawp hrep ang,mahse ka hneh loh vaih chuan i bialpa hlui nen in inkiss lai tal hi ka hmuh ang! " a tawp lama a thu rawn sawi vang chuan ka ner nanga,Isaac erawh alo rum nghal hruih! Hepa hi a awih emaw ni le! Ex tihtur a si pawh nei lo hian tunge maw ka kiss ang ni!











"Dah rawh! " a rawn tih tak nghut ah phei chuan ka ner zui nanga, Lungtiawii lo nui rah rah ka hriat phei chuan a ti lui tih ka hre thiam nghal.Henu han fin chalak thiam em em ziah hi.










"Tu chu maw ilo kiss vel a!" A rawn tih nghut chuan ka lo nui hul hak a.Tih der an nawm dawn zia hi buaithlak hian!







"Nangmah"






"Lalhruaizel!"






"Enge Zosangpui nangmah bak tumah ka la fawp awkawng lo, ex pawh ka la nei lo,kan inthen hunah nangmah hi ka ex hmasa ber tur chu i ni" ti ve hlar pah chuan ka phone chu ka hmet zui leh nghal a.Marcus biak vat ka ngai.








"Tihpalh" tih sup paha min rawn kuah hlu hlu tu chu ka ngaidam leh nghal der tawh.Min duh vang nilo se khatiang khawp khan a thik thu a pe chhe dawn lo tih ka hriatna hian ka chhungrilah lawmna a siam bawk.










"Umm...Marcus ka biak angai a,anu thihcham vawiin ania ka lo theihnghilh palh daih a!" inthlahrung deuh taka ka tih chuan ka lu ah fawp zauh in,inbual turin room lam apan ta nghal a.









Rei ngial a ring hnu pawh chuan a chhang thei lo, nge a chhang duh lo pawh ka hre zo zai tawh lo.A tawp nan tiin vawikhat ka call leh ta hram a,vawi 4 a ringna velah an rawn chhang ta chauh.Tawng tuma ka ang zuau tawh chu an thu rawn sawi avang chuan ka thlu thelh hial ani!




"Marcus!!"











●●● KAR LEH MAI AH KHIAN INTERNAL EXAM KAN NEI DAWN A,LEHKHA ZIR ANGAI VE TAWH LUTUK A,STORY HI KA CHAWL LAWK MAI DAWN AW...,A THEIH CHUAN HUN AWL KA NEIH CHHUN CHHUNAH KA LO TYPE KHAWL ANGA A TAM HUNAH KA LO DAH THIN DAWN NIA....MIN LO HRETHIAM LAWK MAI RAWH U🤧 IN FEL KHA🥰🥰🥰🥰🥰●●





●● Chuan chuan...Comment Noti hi FB ho hian an lo off daih zel a, ka hmuh hma theih nan in duh chuan link ka rawn dahah khan lo comment mai ru...Duh loh chuan ngai chuang lo a😄●●

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 16th, 2021, 8:11 pm

Chapter - 15









"Lalpa leh!! Aaa tha em?? engtin nge awm?!" Mangang zet chuan ka ti bah nak a,ka dinna bul railing chu nghet zetin ka vuan nghal bawk.






"I thianpa aniang maw...hei ala harh lo a,damdawiin kan han pan pui ange,khawngaihin a chhungte lo hrilh bawk la" nutling tih hriat takin alo tih chuan ka à hui a chhan ngaihna pawh ka hre lo.









"Ka pi...aamaah kha a harh em?? engtin chiah nge a awm? " thlabar deuh chuan ka ti tiau a.Ka ngaihtuah em ani.A thinrim khaw hmu lo in chak zetin bike a khalh leh ani ngei aniang chu chu accident in kawng bulah an hmu a an lo buaipui ani awm e.Keimah vang vek ani! A kianga awm tur ka nih laiin....Shitt









"Amah tak hi chu ala harh lo na in, a khem ve deuh nual a,ruh tliak chu a nei lem lo in ka hria! hei damdawi lam panin kan chhuak dawn a,lo kal ve vat ru aw!" ti leh zung zung in a dah ta a.Tih mai tur pawh hre lo chuan ka ding vang vang a.Marcus an min mamawh!






Flashback



"Tap tawh suh..." pik hmel zeta thaw chhuak hawk paha ti sup chuan ka khup pilh phung chu a chhem leh delh delh a.







"Tah loh ka duh ve tho! ka mittui tla zel lawm..." inhnit chho hraih hraih chung chuan ka ti tiau a. A nà thip bawk si! Amah vang vek hi!








"Awle,awle....dam dam " tih hauh hauh pah chuan a chhem leh delh delh a.Ka ngei tulh tulh bawk.








"Nge i khalh thiam loh te chuan min phurh a, ka chuang ngam lo ka tih mawlh mawlh kha!" tap tuau chung chuan ka ti hlak hlak a.Ka mittui lah chu dan sen pawh ni lo.Hetiang tak a na tur hian ka la inhliam ngai miah lo bawk.Ka khup pilh duai mai bakah ka ban a pilh pheng phung a.Ani a bike a min phur tupa ber lah chu ala him pial zu.Chung ka ngaihtuah phei chuan ka rilru ati no zual a, ka chuang ngam lo tih tih pawn ka thiam ti chungin min phur lui vel a.Ka ngaihtuahna vang chuan ka mittui a tla nasa sauh in ka hria...








"Tihpalh lutukk...U mama'n min chuan pui chuan ka khalh thiam reng alawm" ala ti nui nui zui.Ka chum nghal pawp a, ka ngei ngawih ngawih! A u te chuan a chelh pui zela engtin nge a thiam loh tehreng ang ni.








"Lalduhzual anu bulah ka sawi vek dawn" ka tih hlar chuan a hmelah chuan nuam ati bik lo tih ka hria.Mahse nge min phurh a tum luih tlat.Min la accident pui zui.










"Tihpalh ka tih tawh kha,khawi haw daih ang, Ka pua ang che aw bike hi chu kan kalsan daih dawn nia" Tih nui nui pah chuan min puak tum chuan athu rem nghal a.Keipawn rang zetin ka lo lawn ve nghal mai bawk.Mahni in ka kal peih teuh lo...Ka khup leh ka ban te hi ana ropui!!










"Ih..I nu bulah chuan sawi lo la, ka tihpalh pawh ka tih vek kha aw..." a rawn tih chuan ka chum dawt.Tihpalh tih ngai lo tur khan atir atangin awm se chuan engmah hi a thleng lo mai tur.







"Ih..min hau dawn sin, tap ve ila min duh ami" a rawn tih bai bai chuan ka tah nuih teuh kher mai.Tunah class-ix ka ni ve tawh a,ani class-x. Hetiang mai mai hi ala ni sia!









"Anu te chuan mi a hau na ngai lo i tap lo hrim hrim ang!" Bawl deuh tum ti tih pah chuan kan ti a.Hetiang ani tih ka vawikhat hriatna ani bawk.Midang bulah sawi ila an awih miah lo ang...Ngawi suk suka kha ani miau a😅....Awmzia chu ngawi reng in kan thusawi ah alo nui ve suk suk zel tihna 😂








Mahse alo la fing ve lutuk...Ka mal a rawn tham deuh vak chuan ka te thawt a,nà tak ani.Thlah leh nghal mahse ala thip vaqt vawt tho."Min bawl te i tum ve alaw!" a rawn tih chuan hnunglamah chuan awn deuh pah hian ka melh nghek a.Ka thinrim lung puam laklawh chuan a nghawngah ka seh ve vak bawk.Tè deuh thawt in min thing nghal nawk nawk.Deuh chiam chiam hian.Mahse ka tla lo hram.









"I mawl mi!!!,anà lutuk" tih bui bui pah chuan min rawn melh chho ve vak a.Ka lo melh ve vak bawk.







"Nangpawn min hmer vak tho!" ka lo ti ve hlar a.







"I nu bulah i sawi leh dawn ami!" nge maw anu pawh chu a hlauh em em ni.A fel fel nen.A hau tak tak awm tawp silo a








"Dawn dawn...Nangpawh i nu bulah sawi ve rawh!" ka ti ve pang pang a.A mitmeng duai nghal ruih leh nuam lo tihna lang nghal avang chuan tlem chuan ka inthlahrung ru leh deuh si.









"Kei chu nu ka nei ve tawh lo a,kum 6 ka nih in a boral tawh!" a rawn tih chuan ka meng nghal kawk a.A awmdan engkim chuan ati mai mai hauh lo ani tih ka hre thei bawk.Nu a alo buai em em na chhan pawh kha ani ngei ang...Ka van mawl tak.Mahse tunkum atanga inkawm chauh kan nia,an inah ka la leng miah lo bawk nen ka hre lo chu a awm lo hran lo.








A hnung atang chuan tal thla in ka lam hawi tur chuan ka kuai her nghal a.Ka khup chu thip ru viau mahse tawrh ve rih ka ngai tlat.A nui lui suk a,a mittui erawh adang thei bik vak lo aniang a tling ve pam mai.Mipa hi an tah tawh chuan an na ve hle/tawp khawk ani tawh thin an ti thin a,Marcus pawh chu anu chu tunge anih hre ve hman lo mahila a hmangaih tak zet tih ka hre thei nghal bawk.A natna leh a ruka a tuar thin hrehawm tam tak ka lo hre chauh hi ka inthiam hauh lo bawk.








"Lo kal teh!" tih sap pah chuan ka kuai kun a,ka kuah ta vang vang a.Ani pawh chuan nghet zet chuan min kuah let ve bawk.A taksa tang tung leh min kuah na nghet tak chuan tap lo tura a insum nasat zia ka hre thei.







"Tihpalh aw...Ka lo hre lo a,,,I duh chuan tap rawh" tih sap sap pah chuan a hnungah chuan ka chul hliau hliau a.Rei lo te hnu a ka dar huh deuh chap ka hriat rual chuan ka khawngaih lutuk chu ka tap ve thei mai dawn hetiang khawp hian anu kha alo hmangaih anih chuan vawikhat tal hmuh sak ve ka chak.Chu mai nilo nu nei lo a a thang lian ve tur ka hriat hian ka lainat bawk.A na zawng ah nilo mahse thil ropui deuh kan chunga thlen ve hunah te,buaina leh mangan na kan tawh changa kan kianga awm tura kan mamawh ber chu nu an ni tlat ani.Nu nihna hian ken tel a ngah a,a zahawm in a ropui bawk,khawvela zirtirtu tha ber leh mi ropui tak siam chhuak thei tu chu nu hi an ni fo asin.










"Vawin hi a thih cham ania!" a rawn tih sap chuan ka lo ip deuh chai a.Ka inchhir! a rilru tawt ruk lai lai in ka lo hau vak vak a, engtin nge min la dawh theih em em zawk ni.









"Tihpalh aw...Ka lo hre miah lo a...Tun atang chuan i kiangah ka awm reng tawh ang" ka tih sap chuan in la hrang hlek in min melh kal a.Ka melh let ve bawk.








"I ti tak tak em?" awih lo hmel deuha a tih chuan ka lo bu nghat a.Nui lui deuh sak pah chuan min rawn kuah tha leh ngat a.A nuih luih sak lai a,a mittui far kauh kha ka hmuh hmaih hauh lo bawk.








"Tumah ka kiangah an awm ngai lo,mahse nang chuan i sawi tawh kha...Min kalsan ve hauh suh aw" a rawn tih sup sup chuan ka lo aw thuai a.Pa ala nei a u mipa anei bawk tinge an va ngaihtuah awm lo em em ve tih ka ngaihtuah nghal bawk.Hetiang khawpa chhunglam hliam chunga alo nun dan thin ka ngaihtuah kual chuan keimah tak pawh ka tawt deuh tun mai! Kan chhungril natna tuma hnena sawi chhuahna tur neih ve loh hrehawm dan tur chu! A taksa thleng thlenga a tuar hran lo chu Pathian hnenah lawmthu ka sawi rilru nghal mawlh mawlh bawk a.









Chuta tang chuan ka unaupa, thian chauh ni tawh lo in alo ni ta bawk.Ka nu lahin a duat bawk a,ka pa erawh buai nilenga ala ni reng.Kar tawpah erawh a zia deuh.Marcus pawh Apa leh au sumdawnna lamah an buai a,marcus chu pawisa pe in a awm awm in an awm tir deuh tawp ani mai.Kan ina lo awm deuh chang pawh a nei zeuh zeuh.Kan thiandang te kan awm lo laia an nu leh pa ten an lo call te hian a melh ve vang vang zel a,beisei hmel zeta a phone a hum reng chang lah a awm,mahse kan awm ho lai hian a chhungten vawi1 an lo call bak ka la hre lo, chutiang hunah chuan a rilru lak pen sak tumin thildang ka sawi pui nghal lar lar zel.








Marcus hi a pawnlam landan leh a chhungril hi chu in per san tak ani.




End of flashback






Rang zeta in herin room inchhungah chuan ka lut a,room lam pan chuan ka tlan chho nghal dawr dawr bawk.Roomah chuan lutin hmanhmawh zet chuan ka wardrobe lam panin ka kal nghal a.Ka thawmhnaw hmuh hmasak sak chu ka inbel nghal mawlh mawl bawk.Ka mangang hmanhmawh ru bawk si chu ka che phelh rum a, wardobe hnuaia zing bag lian lo te chu banin ka thawmhnaw mamawh tur chu ka thun sawk sawk a.








"Enge i tih?" rawn tih supna lam chu ka hawi dawrh a, towel veng hlunin bathroom kawngka bulah sam la far deuh tluk tluk in alo ding renga,min melh run bawk.









"Ihhh...Marcus mar..cus" tih bah nuai pah chuan ka purse chu ka zawng kuala ka la hmu mai lo zui,khawiah teh hrep nge maw a awm ni!!!!!!










"Bawihte leh!" tih hluk ri ka hriat hnu lawk chuan min kuai her deuh sak a.Ka dar pahniha dawm chung chuan min melh run,mahse chutiang lam ngaihtuah hman ka ni lo,ka purse zawng chuan ka la hawikual hram a.








"Min en teh...Min en rawh " tihpaha min thing nawk in ka khabe a a kut pakhata dawmin min kuai dak a.Ka hawi sawn loh nan min chelh nghet hle a..Ana tep hial ani.A mit ah chuan ka melh ve ta kal a, ka rilru pawh a fim tan bawk,ka tah lai ka lo hre miah lo.Ka biang huh chap chu dawm in a tuai hul nghal thuak a.











"Tinge tah?? Tunge hau che?? an lo phone leh tawh zawk che mi?" chang lam lek lek a atih chuan ka insut nghal hraih a.Min ngaihtuah em em tute bulah hi chuan rilru no alo awl ve bawk em ani.










"Tap lo teh Bawihte...ka thlem thiam lo che nia" phili zeta a rawn tih chuan mawl ti zel hian mittui kar atang ka en a.Chutiang te han sawi!







"Min thlem suh!" tihpah chuan ka insut hraih hraih a.








"Ohh!" tih nghut pah chuan min kuah khawm ta vek a.Hei chiah hi tunah chuan ka mamawh.A tha vek ang tiin min hnem sela chu chu ka duh ber ani bawk.








"Tinge i tah sawi tawh la?" a rawn tih sup chuan insum tum zetin ka ka hmang chuan thawk kan la te te a.








"Marcus kha a accident a,ala harh lo..abulah ka kal angai,min hruai rawh aw" ka ti nghal tiau a.Marcus mal zia ka hria a,amah chauh in ka kalsan thei lo.Min mamawh lai hian ka awm ve ngei angai ka tan a awm reng thin miau a ka bat ani ve tlat bawk.









"A theih loh!" tih nghut tu avang chuan phawk zetin ka en nghal a.A hmel chu dam thlup mahse a aw khauh tak kha ati mai mai lo tih ka hria...Mahse ka kal ngei angai,Marcus ka tello in engtin nge a awm ang!






"Ka uang lo ania, Isaac ka kal ngei ngei angai, Marcus an kei lo enkawl tu an awm lo....a bulah ka awm angai,a mal lutuk" ka tih chuan min melh runa, ka en let ve leh kal bawk.Tunah chuan Marcus bula kal ngei ngei ka ngai tlat,engpawh tawk dawn mahila ka kal angai tho tho.









"Keipawn nangmah lo midang ka nei bik hleinem! ka chan thei lo che " zawi ruiha a rawn tih sup chuan ka chhungril a fan chhuak ti ila ka uar hauh lo ang.A mit meng tak ngul pawh chu a duai ve raih a.A tlawm hmel tak zet bawk!








"Khawngaihin nang lo tumah ka nei tawh lo" a rawn tih leh ruih chuan ka lungphu an phu rang nghal dawt dawt a.Kuaha kal ka duh lo tih hrilh thei ila ka duh tak zet mahse ka kal ngei angai tlat.Marcus hi ka tan a pawimawh lutukk...Ani hi chu ala dam tha tih ka hre tala Marcus erawh thi chhawngin mikhual karah a let ve reng tlat ani.




●●●●

Awiii🤧 Ngaihtuahna mang zo,ngaihnawm loh chiang tih ka hria 🙏🙏🙏...nimin piah tang khan ka damlo ve deuh leh nghal a,khawsik deuh ser ser hi ka nei a, nimin pawn khawsik chungin ka exama hrehawm lutuk.....ka type thui thei ngang lo ani...Hrethiam hram ru..kan zawm leh mai dawn nia🤧🥺

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 16th, 2021, 8:11 pm

Chapter - 16






"Pawi ka ti...Mahse Marcus-a'n min mamawh, Isaac khawngaihin" ka tih let ve sap a,ka khawngaih ve tho bawk si chuan a mit ah pawh ka melh ngam lo.Min kuahna kut la thlain a kawng a dawm a.Chunglam melh in thawk ala halh halh bawk.Tim daia ka en chuan min lo melh leh run tawha, a mitmengah chuan thinrimna emaw alang chuang lo,mahse zuam awm erawh ani dawn hauh lo thung.








"Vawikhat chauh ka zawt leh ang che, ani chu midang in an buaipui thei,ka naute pawh ka tir thei chuan in thiandangte pawh chuan i la kal dawn tho em? Ani nge kei??" a rawn tih hmuk chuan ka melh kawk a.A hmel tak ngula min en reng avang chuan pik zetin thawk ka la vak bawk.Engtin nge ka hrilhfiah ang.Midang chu an awm alawm mahse ka hriat chian angin tuman an hrechiang ve lo a,midang bulah a tawng tlem bawk, engtin nge chutiang chunga tha taka an enkawl ka rin theih ang.Ka sawifiah thiam lo mahse min mamawh ber lai ani a,buaina/harsatna ka tawhin ka kiangah a awm reng thin tunah chuan a kiangah ka awm ve angai tak zet.









"Isaac ka kal angai, khawngaihin" ka tih sap chuan min melh vang vanga bu nghutin a chhuak nghal vut bawk.A hmelchang zet khan a duh ang chhanna a hmuh loh avanga a thinrim zia ka hria...min ti pik zual bawk. Ka lukham hnuaia lo lang dek dek ka purse ka va hmuh chuan thaw hawk in ka va la vata,ka bag siam sa khai chuan ka chhuk thla ve nghal bawk.










"Miss..." inhnuai ka thlen thlak rual chuan Soma chuan min lo pan vata." I tan a him lo ania, kal lo mai rawh!" a rawn tih chuan ka lu ka lo thing nak nak a.Pik hmel zetin a rawn thaw chhuak ve nghal halh bawk.








"Soma ka tha em em ang, chuan ka kalna tur motor hi.." ka tih chuan a thaw leh halh a.A mitmengah chuan a ngaih angam ngang lo ani tih alang bawk.







"Ara in a hruai dawn che...alo thleng chiah a..pawnah a nghak che" a tih sap chuan harsa ti zet chuan kan nuih luih ngial a.Anj erawh in min melh reng ringawt.Min ngaihtuah zia ati lang nasa bawk.








Ka bag khai chu min laksak in pawn lam apan a keipawn ka zui ve nghal mai bawk.Kawngka kan chhuah dawn chiah chuan Isaac rawn lut tur nen kan intawk chiah a, Soma erawh a kal tlang thung.Min melh eih lo a min kal pelh a tum chuan a banah ka vuan chawt a,ading ve dat bawk.Mahse min la melh duh chuang lo.Tinge a hriat thiam theih miah lo le!








"Min thlah dawn lo mi?" tih sap pah chuan ka melh chho kiau a.







"Mangtha le..Hlim mawlh ang che u!" min melh hauh lo a, atih nghut chuan mak ti zet hian ka melha. Engvanga tianga tawng kher kha nge anih.










"Isaac hriat thiam tum ve la..." ka tih hap chuan min rawn melh ve ta hram a.A mitmengah chuan ka thusawi khan awmzia anei dawn hauh lo tih ka hre nghal bawk.








"Kei aiin mipa dang i thlanga chu chu hrethiam tur che leh tha tak thlah tur che in min beisei a...hah!" ngei awmzeta tih pah chuan min melh deuh run a.Hei chu sakawlh ani leh tawh. "Nangma himna pawh ngaihtuah hmasa lo in i pan nghal ruak ruak dawn bawk a...chu chu mi kei nang lo at chilh ve lek lek tu leh i himna atana theih tawp chhuaha vengtu che a hminga i pasal hnenah hian ami hrethiam tura i duh!" a thu sawi chuan ka taksa chhung a vilh ngut ngut a,hrehawm ka ti ve tho asin mahse Marcus chan ta ila engtin nge ka tih chuan ang....Ka rilru na lutuk chu ka mittui afar fap a,min hawi san nghal hmak in inchhungah a lut nghal bawk.









Duhthlanna tur thil awm thin hi ka hua..chuan min hringtunu kha ka haw zual bawk.Amah vang vek..Heng zawng zawng hi amah vang vek,rawn in lan lo nise tlan chhe chunga nun angai lo anga, kan khua ah awm in Marcus pawn accident a tawk hauh lo ang.Amah vang vek ani.









>>>>>>>>>>>>>


Kan khaw lampan chuan Ara nen chuan kan tlan ta vang vang a, Ara tawng tlem chi lo ni bawk nen kan inbe mang lo.Tuk verh ah dak in ka bianga mittui hul thei lo chu ka chhem tir vang vang a,ka thil tawn ho te ka ngaihtuah kual phei hi chuan ka lung a chhe zual bawk, tinge hetiang reng reng a ral muang lo a min siam tur hi chuan min lo hrin loh tawp tur ania!










"Ka nun infiam nan a hmang dawn ani tih hria ila chuan min hrin hma khan duhthlang thei ila pian loh ka thlang daih zawk " ka mittui luang hru thuak thuak chuan ka ti sap a.A chanchin ka hriat ve hma hauh atanga venhim ka ni a,hmeichhe hlauhawm tak chu ani chiang alawm.











"Chuti chu sir pawn nupui dang a nei dawn tihna ni maw i pian loh chuan" Ara an arawn tih ve sup chuan "A teuh lo" ka lo ti nghal hlar a.Ka en chuan front mirror atang in mak tih hmel zetin min rawn melh zawk zawk bawk.Ka inthiam lo leh deuh mahse ka hmui ka control hman ngang lo ani.










"Mahse i pian loh chuan midang aneih mai lohin a leng tar dawn asin" atih ve nuah nuah chuan ka en zawk a.A sawi duh loh hmel lutuk hepa ngel ngul reuh hian!










"Midang atang ka piang mai dawn alawm...Ara kawng sir rem lai ah ding lawk teh,hmai ka phih lawk duh" ka ti a.Kawng sir rem laiah chuan a ding ve mai bawk.Tui bottle chu la chhuak in ka hmai chu ka phih ta a.Ka veng deuh hawk in ka hria.Ka mit erawh a kham viau thung.









Ka phone ka en chuan vawikhat mah chanchin zawtin Isaac an min lo la be hauh lo! Kan inbiak dan khatiang kha ania,a thinrim rih viau pawn a awm tho e.Ka let leh hunah engkim ka siam tha tawh mai ang.









"Ara i pu in alo bia che em?" ka ti sap a.car chhung ah lut in ka thu thluang nghal duai a.Ka chau ve tak zet.Rilru hahna tur hlir!









"Aw be lo ti rawh ati" a thusawi avang chuan ka meng vata,enge a sawi awmzia ve zat zat kha.A rawn bia tihna maw ni.Ka en chuan alo ner deug nang a." kal tawh ang kan tlai lutuk ang!" tih vut pah chuan motor chu tinungin a tlan leh ngal vang vang bawk.Zawh zui duh lo tih hriat takin music a play nghal daih zui.Huiham!










Khua kan luh chuan dar 5 ari thuak tawh a kan chhuah khan dar 11 pelh vel ania,nidang ai chuan kan thleng hma khawp mai.Kan inah pawh peng lo in damdawiin lam kan pan nghal a.Ka nu leh pa te chanchin engmah ka la hrilh lo a,min ngaihtuah dawn lutuk tlat,mahse Isaac hian alo hrilh anih thung chuan thu hran.Ka thiante erawh Awiteii ka hrilh a,Hriata nen an rintlak ber a,midang erawh kan hrilh ta rih lo.A tul tak leh nakinah ni tawh mai.Ap leh au lah Sumdawnna thila an zinlai alo ni bawk nen,Marcus hi chu a mal ve thlawt alawm,mahse ka awm tawh a,a kiangah ka ding zel ang.











Damdawiin kan thlen chuan Ara car park chhung pawh nghak loin ka luh san nghal a,Awiteii bia in an awmna ka zawt bawk,a rawn sawi chuan chu lam pan chuan ka kal leh nghal vang vang a.







Room kawt ka thlen chuan thawk kan la hmasa te te a, ka lut ta chauh. Room chhunga engmah hre lo tih hriat taka lu tuam bura lo mu ka hmuh chuan ka meng nghal puau a.Keimah vang vek!










"Marcus!" tih sap pah chuan ka pan nghal ruak a.A kut veilam chu an lo tuam bur bawk.A kut an tuam loh lam chu ka hum nghal vang vanga.









"Ka lo thleng tawh...Thinrim tawh lo la,lo harh tawh rawh le!" ka ti sap sap a.Mahse a mit ala meng thei hauh lo.A hmai khem deuh nuai te chuan ka engkim chu min chhun sawk sawk ni mai hian ka hria.Mahni inthiam lohna nasa tak in ka khat a.Lo tilo ila,,ila ila tih ringawt ani ka ngaihtuah ni.









"Awite tinge ala harh loh a" tiin ka dara min lo chelh tu chu mittui tling pam chuan ka lo melh chho nghal a.Hriata kan dinna bulah alo ding fel ve chiah bawk.










"Na chhawkna in ala hneh deuh vang anih kha,ngaihtuah awm lutuk ani tawh lo tih dictor ten an sawi alawm, a lu ruh a sawh khi deuh a,a ban ruh a auh bawk a, ani deuh mai" a rawn tih sap chuan ka taksa tang tung te pawh chuan an zalh ve leh ta deuh.Ka chan mai ang tih ka hlauhna khan min uai rit em bawk ani.










"Tu nen nge in lo kal hrim hrim a? In zin emaw tih a?" Hriatan alo tih ve haw chuan, ka nui lui sak ringawt.









Marcus khum bulah chuan thu in thil thlen dan kimchang chu min hrilh a.Ka rin ang ngeiin a thinrim khaw hmu lo in chak zeta bike khalh in alo accident ngei a, kan khua mite nupa zin haw in an lo hmu a,an lo buaipui ta ani awm e.An lakah lawmthu sawi kan ba nasa kher mai! Ka lo thlen hma chiaha an hawsan thu sawiin naktuk lamah an lo kal leh dawn ani awm e. Lawmthu sawi kan ngai ve tak zet ani.








Rei lote ah kawngka rawn hawngin Ara a rawn lut a,polythene dumin thil a rawn khai puar luah bawk.







"Thianpa tunge inih a? " Hriata'n ding hluai chunga alo tih chuan lo in rawlh vat in ka lo hrilhfiah nghal vat a.







"Miss, in dinner tur!" atih sup chuan polythene chu ka lo ban vata...Tiang tihna chang te alo hria a,kei in engmah ka lo ngaihtuah miah lo bawk nen ka thiani te pahnih pawh hi an tam ve tawh ang.








Polythene chu kengin dawkan lamah ka keng phei a,a chhungah chuan alluminium foil plate hmang hian thil alo in pack hrang diat diat a,a chungah a hming ain ziak thlap thlap bawk.Ara chu lawmthu hrilh sap in ka ko phei hlawm a, Rice plate 4, Arsa fry leh soup, bai, antam hang,bottle in a tui alo awm bawk chi hmarcha nen... ka thiante chuan an ei nghal mawlh mawlh a,Ara pawn eng vak mah an la ei lo nge ni an ei tui hmel hlawm khawp mai.Kei erawh ei loh ai ah ka ei ve hlek chauh ani. Ka chhungril tawt ru lutuk hian ka engtih mah hi a tui thei tak tak tlat lo ani pakhat bawk.







● Ka mu ta mai😅😈😈😈😈



A ngaihnawm loh tih ka hria😬 Mahse ka dam tha lo nen ka chau lutuk a,ka type tha mumal hman vak lo a, ngaihtuahna a vai ruai mai😔

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 16th, 2021, 8:11 pm

Chapter - 17







Dar 7 a pel hlek a, Marcus bulah chuan thu in Awiteii nen kan ti ti melh melh a, Ara leh Hriata te erawh kan piah deuh sofa inhung pakhatah chuan an thu ngawi dun run thung.Hriata'n phone ah games a khel a, Ara erawh in a phone ah thil a chhu ve mual mual ni mai hian ka hria.









"Marcus zai tu Doctor chu maw a palian rap...I pasal ang vel hi niang mahse a ngo zawk doctor-a kha chhe lo bon" Lungtiawii thu sawi avang chuan ka melh nghek a.A mit ko min la san khum auh auh zui chimawm thiam nasa sia.







"Amah kha maw...a happy vak lo chi ve tho aniang mahse biak anuam thlup thlup tawp, a zahawm khup mai hian ka hria,, enteh love at first sight an tih ang hi ka tawng aniang a" nui chhuak deuh ka hup deuh tat tat chunga atih chuan a hnungah ka chum nghal dawt a.A la nui hawr hawr tho.Henu hian khawia love at first sight mah a tawng lovang.A rei berah kar khat chhung vel bak a star leh chuang lo dawn chiang, a story chhiar te nen a tehkhin anga a duhthusam lohna tam tak a hmu leh bawk anga...Ka ban leh tawh tih ani leh thuai bawk ang.











"Ngawi hle hle rawh! Marcus hi lo en la phone kan hmang lawk ange?" tih pah chuan ka tho chhuak a, Ara in min rawn melh nghal thuai pawh chu ka hmu nghal, balcony tereuhte awmah chuan ka chhuak a, thlithaw in ka hmai a rawn chhem heuh heuh chuan ka ngaihtuahna pawh an fim leh tan ta khawp mai.Isaac chu ka bia ngem? Ka ngam angem? Na tak ka siam hnu lawkah tha taka biak leh ka tum hi ka sual viau em? mahse nangpawn han ngaihtuah ve la, ani chu a dam alawm, a him a amah a inveng thiam bawk palh awm mahse a mah inveng turin a chak tawk tlat alawm. Marcus ve hi chu amah a inveng thiam lo a, buaipui ala ngai em em bawk...Chhungkua amah ngaihsak a chhawmdawl thei tu tumah anei lo bawk.Ani chu ka thian ani a, ka thlah thlam thei bawk silo, Isaac hi chuan min hrethiam tur zawk ania sin.









Ka huaisenna zawng zawng sawm khawm in a no. chu ka dial ta ngawt a, rei fe aring hnu pawh chuan ala thei lo.Ka tinawn leh a,ala la thei chuang nge ala duh lo zawk mahse biak ngei ka duh.Soma chu ka call ta zawk a, a in ring ral ral a, alo la thuai bawk.








"Miss, i tha em? inthleng tluang maw?" alo ti var a.Kan thlen tluan thu leh Isaac ka biak theih loh thu te chu ka hrilh a.







"Hna a thawk anih ka va ring e!" a rawn tih sap chuan phone chu min pek sak lawk turin ka ti ta tawp a, ani lo a ama phone a ka call chuan a chhang leh dawn hauh lo tih ka chiang bawk.








"Mahse Miss, ih sir hi a mood a fuh vak lo asin....." a tih deuh nang nang chuan ngen lui in ka dil ve tlat a.A tawpah a remti ta hram bawk.









Kawngka a kik dat dat ri chu phone atang chuan ka hre ve kar a,rei lo te ah hawng thawm a rawn awm bawk.









"Enge ni Soma!" a rawn tih hmuk chuan phone atang pawn ka lo tim uai thei.Soma phei chuan Isaac a zahthiam nasa si!







"Ih..sir ih.." A tih bah niai pawh chu ka hre reng a,"Soma !" a rawn tih hrawk chuan keimah tak pawh phone kal tlangin ka phu zawk mai.Hepa em em hi chuh!










"Miss..Miss in a be du....duh che a, a call tlang thei lo che niang" atih bah niai chuan thawk ka lo la ham ham a.A reh nghal vang vang bawk.









"Ka phone ah rawn call rawh se! I kal thei!" a tih hmuk chuan ka lo ip chawih.Ka call zing zing nen la duh tawp silo!








Kawngka inkhar thawm ka hria a, Soma thaw deuh hliai chu ka hre bawk.A sawi ang tak tak in a mood chu a chhe hle a nih dawn kha.








"Awii...zun ka cheh tep alawm! a hmelrum zia chu hmu ve la chuan Miss i hlau ve tho ang..awiii ahh...ka thluak in ti buai Miss va call rawh ka dah nia" tih pah chuan ka chhan let na nghak hauh lo in a dah nghal a.









Thawk la deuh hap in Isaac chu ka call ve leh nghal ta mai bawk.Hepa em em hi chu! a in ring rei tawh nen ava han la har tak.Min tih buai hi ava han thiam tak em...a tawp a tawp ah chuan ala ve ta hram alawm.









"Hello!" a reh nghal vang vang avang chuan ka ti sap a.Chhanna erawh ka dawng lo chiang, ka hello vak vak hnu chuan thaw lak halh thawm ka hre ve ta hram a.








"Engnge i duh?" a rawn tih hmuk chuan ka buai chhe leh nghal der.A hma a sawi tur ngah em em kha sawi mai tur pawh ka hre leh tawh lo.








"Lalhruaizel, engmah sawi tur i neih loh chuan ka dah dawn ania!" a rawn tih leh nghut chuan ka harh deuh zawk ni mai hian ka hria.







"Dah suh, dah suh! ka..ka sawi dawn" ka tih bah nak chuan alo rum leh nghut a, phone kal tlang pawn ka tim sung sung thei.








"Sawi rawh!" atih nghut rual chuan thawk kan la leh te te a.Engchiah nge ka sawi ang? Engtin nge bul ka tan ang ka hre lo.










" Ka call i chhang thei lo a, ih...i tha em? " ka ti sap chuan a rawn rum dat a.Ka thusawi ho zia hria in ka lu ka chum dat ringawt bawk.







"Isaac, tha takin kan sawi fel thei, ka kalna chhan hi min hriatthiam pui ve la, kei chuan engpawh lo tawk ila pawi ka ti lo..."








"Chuan keiin ka lo ti thung sia, ka mawl tiraw mahni inhmangaihna chang pawh hre lo ka lo hmangaih chu nia, min hmangaih let hauh lo tu" a rawn ti hap chuan pik zetin thawk ka thaw chhuak hawk a.Engchiah nge a sawi kha!








"Isaac, min hmangaih lo...duhna nih kha, chuan keipawn ka duh che mahse chumi vang ngawt chuan ka thianpa hi ka kalsan ringawt thei hleinem, hriatthiam tum ve la....mahse khawi hmuhah pawh kal mahila ka lo kir leh zel dawn tih hre reng rawh" ka ti ve hap a....









"Min kalsan apiang in ilo kir leh hun nghak in hrehawm takin ka lo awm zel dawn tihna mi? Na takin min kalsan anga chuan i lo kir leh anga ka lo pawm leh thlap ang che maw....hah!" a rawn tih ve hrawk chuan a thil ngaikawi kual nasa lutuk chuan min ti pik zual tulh tulh bawk.








"Isaac ka chau tak zet...Hriatthiam tum in vawikhat tal ngaihtuah chiang ve ta che! i duhna ringawt kha dah lian ber suh!" ka tih ve hrak chuan a rawn rum leh nghat a.









"Keipawh ka chau tawh!" rawn tih ve hrawk pah chuan thil a ri deuh dawt a.Line chu a in cut nghal daih bawk.






Tinge engmah hi a dik theih loh! Ka ning tawh....Hmaichhan ah lo chuan kan buaina hi a fel tawh hauh lo ang tih ka chiang hle bawk.










"Hruai,Marcus alo harh ania!" tia min rawn au tu chu a aw ah chuan aphur hle tih a hriat.Inchhung lamah chuan tlan lutin ka va pan nghal chawt a, lo meng siar siar in a mit a khap deuh fak fak bawk.








"Marcus...i harh tiraw? i tha em? Na i nei em?" ka lo ti nghal zung zunga, ka lawm lutuk chu ka mittui a tling ve pam thei hial.










"Hruaizel!" tham chhal a atih sup chuan ka lo bu nghat nghat a.Awiteii pawh a lo harh chu alawm ngang mai.Hriata'n doctor ava ko nghal bawk.








"Tui" atih sup chuan Awitei bawk chuan ban vatin stro chuan tlem tlemin kan in tir a, doctor kan la rawn loh avangin kan la intir tam lo thung.








Rei vak lohah doctor alo lut a.Ka phu zawk! ani erawh chuan hre sa awm ang hrim in min nuih suk a.Marcus chu a check nghal zung zung bawk.









"A tha rih viau e...nurse jection pe la mu leh rih rawh se, naktuk zingah chuan a harh deuh tawh ang, hahdam phawt rawh se" Dr.Ramnghaka chuan ati sup a.Nurse chuan jection na tur a buaipui nghal vat vat a, a jection nghal thuai bawk.









"Nangmah i dam hrim hrim maw?" tihpaha min rawn en chuan lo nuih sakin ka lo bu nghat nghat a.Isaac nen kan inneih khan thiana a hman kha ania, kan inneih lai khan a sam leh hmuihmul vel zuah buk lai ani bawk tunah fai venga han hmuh chuan a thar sar a, hmelchhe zawk zawk chu lo ni bik hauh lo.Mahse Isaac ala tluk chuang lo! Hah! Engthil nge maw kan ngaihtuah vel hi!










"Ara i lo chho ve a!" tihpah chuan Ara lamah phei in an va in chibai a.In hre sa tih taka Ara nen pawh nui suk suk in an inbe ve thei mai.







"Dr. kha i hria mi?? amah saw nia ka sawi kha" ka beng bula rawn ti ru sar sar tu chu ka en a.Henu em em hi! Inneihni in ka best ah ka hmanga chuti chung chuan alo hre tawh lo ania.Ni tak...Inneihni tih loh kha chu Ramnghaka zawk hi a buai theih em avangin alo kal hman lo tak e.Anu hi Hnute cancer niin an enkawl mek a, an buai ve thei fu bawk.Kei erawh in ina alo kal ve zeuh zeuh thin avangin ka hre tawh hle thung.










"Nakinah!" tih hlak paha Marcus ka en chuan alo muhil leh der tawh.









"Hruaii ka office ah lo phei ula electric kettle saw rawn la rawh u, hei tlangval te an awm hi thingpui lum te an duh ang" atih chuan ka lo ner nang a.Tlangval! athianpa hian hria se chuan a hnek pawp ngei ang.Awiteii chu mit mei in zui turin ka ti a, a lu ala thing nawk nawk zui, ahnung atanga ka nam deuh lawp chuan rum zeta min rawn melh in tì zet chuan a zui ve ta nghal a.










°°°°°°°°°°°°°°°°°°°°°




"Hruai blanket i delh vek ania" tih paha min rawn sawi nar nar tu avang chuan ka harh riai riai a, awiteii chuan blanket ka delh chu alo pawt ve tang tang bawk.Kan insiam rem nghal vat a, dar zat ka en a 5:30 a.m parda kan zar phui vek a, light pakhat chauh kan on nen room chu a en deuh nghiai a, Awiteii pawh alo muhil fel leh der tawh, keini pahnih chhuatah mu in Sofa ah Ara amu bawk a, Hriata erawh nizan lamah a haw thung.











Mu tawh lo in tho chhuak in ka inphih fai sawk sawk a.Bathroom atanga ka chhuah phei chuan Marcus khum lam ka va en a, alo che dat dat ka hmuh chuan a harh ani tih ka hrethiam nghal.Pan phei in ka va en vat a, nizan lam ai chuan alo meng fiah tawh bawk.









"I harh a, i tha em? Na i nei em?" ka tih sap chuan min nuih sak a.A mitmeng chuan a tha tih min hrilh bawk.






"Mamawh emaw duh i nei em?" ka ti leh sap a.








"Aih...In lo haw tawh tihna nge? " a tih ve sup chuan a aw chu ala tham deuh.Ka lu ka thin nak chuan hriatthiam loh hmel deuh in min lo melh bawk.








"Ka lo haw a, an la buai a ani chu!" ka ti sap chuan ka kutah a kutna lo lam chuan alo dawm vat a, ka melh vat bawk.








"Engkim min hrilh thei tih i hriat kha" ati sup chuan ka en renga, a mitmenga atih tak zia pawh ka hre bawk.Ti chuan Isaac nen kan awmdan vel te atir atang chuan ka hrilh chho ta melh melh a, kan zinna thil te mahse ka nu chungchang erawh ka sawi tello thung.Amah vanga Isaaca phallo chung ka lo haw tih chu nui deuh mittui tla deuh chuan ka sawi a, sawi liam puat tum mahila Isaac a mitmeng ka mitthla let hian ka ti mah mah em tih ka ngaihtuah let hial bawk.Ka sawi zawh chuan ka thaw hap a.Marcus pawh chuan min la melh char char bawk.










"Isaac chu i duh ami?" rei fe hnu a a rawn tih sup chuan ka ngaihtuaha Isaac kianga ka awmdan vel kha chu duhna ani chiang alawm.Ka lu ka bu nghat chuan Marcus chu a thaw hawk a.Ka en vat bawk.










"Dik tak chuan i duhthlanna ah kha chuan ka dem hauh lo che..Thian chu thian kan mangan nia awm reng tur an ni,i dik na chen a awm e...Mahse maw mipa rilru ah chuan thian mipa hi an bialnu emaw an nupui te'n nei se kan lawm zawk zawk hauh lo ang.Kan va in lak strict emaw kan hauh bur vang ani hran lo, mahse palh emaw venthawn a awm ve thei tlat alawm, Nu leh pa nih hnu ah pawh hian tam tak chu tiang vanga dai sual palh, pawi thleng ta te pawh a awm a, chhungkua thleng a nghawng tawh anih avangin a pawi thin hle bawk. Chuan ka sawi tum ber zawk chu min kawm suh ka ti lo,mahse I pasal i zah thiam tur ani, i dah pawimawh ang amah ahmasa ber anga, a dawtah keini, mahsela amaha rinna i nghahngam loh hun alo thlen erawh chuan i kiangah kan ding zel ang.Ngaihtuah la, Hmeichhe thian nei ve ta se chunu dam loh hlek avang chuan kalsan ta vang vang che sela i lawm bik kher lovang, i pasal a hming ringawt pawh ni rawh se i pasal anih ve miau avangin a thu i rawn hmasa thin anga chu chu anih dan tur ani ve bawk, engkimah in rawn tawn ula inrin tawnna leh inngaihsakna hi a pawimawh tak zet" a thusawi lai chu ka en renga Lalduhzual hian heng te hi khawi atanga a hriat bik nge mawni.A thusawi laia a mitmenga natna nge ka hre lo lo lang zauh zauh a, thawk la leh hap paha sawi thin ni mahse a thusawi chu dik ka ti in keimahah insiam thatna lai tur ka hmu ta bawk.Ani ang hi thianah ka lo nei lo ang tih ka hlau takzet.









"Lo kal teh" tih sup paha min hui chuan alu bulah chuan ka han kun chho a, ka lu ah chuan lo kuai in ka chalah chuan a hmui chuan a si vang vang a.A thil tih than tak anih avangin ngaih loh lamah ka ngai chuang lo.Ka en leh chuan mittui tling ve pam chuan nui sak in min lo en a." I unaupa min nih tira, i duh ang ngei in ka ni reng bawk ang" atih sup chuan ka nui ve sak a.Ani pawh a nui tho.










Thingpui ka lum lai chuan Ara pawh a rawn tho chhuak a, Awiteii tho tur rizai tlawh hlim leh Ara an Awiteii mutna pelh tura phei chu in tlawh buai in Ara chu Awiteii bawh zawng chuan a tlu thla ta mai.Ka au thawt a, Lalpa! an hmui ala in si chat zui.An hamhaih nge an che lo reng a.










" Ka first kiss!!" tihpaha Lungtiawii au thawt ah chuan ka la phu chiam zui.Ara chu nam sawn lawp in ava chum vak vak a.Ara hmel inthiam loh lutuk kha a khawngaihthlak letling.Lungtiawii chu tho lawkin bathroom lamah a tlan lut nghal a.Ara pawh rawn tho chhuak in inthiam loh hmel zet chuan min rawn melh bawk.









"A pawi lo...5 Mins hnuah chuan a tha leh vek tawh ang" ka tih sap chuan thaw deuh huai hmel hi pu, car lamah inthlakna la tur chuan a chhuk ta nghal bawk.5mins awii...A damchhung pawn khanu kha chuan a hre reng ang! Dawt pawilo chi hi chu sawi zauh zauh tul hun a awm thin.









Ka phone alo rik ral ral chuan ka ban vat a, Phone screena hming lo lang ka hmuh chian chuan ban vatin ka la nghal bawk.








"Aw Soma.." ka tih chuan an ri deuh rawk rawk a, Abdula a au ri pawh chu ka hre bawk." Soma.." ka tih leh vat a.Buaina an tawk nge? eng nge awmzia?.










"Miss...Ih..Sir hi a tanky check kha hei a tla sual a, A taksa dang chu a sawhna lutuk lo chuan ka hria mahse hei a dar hi a sawhna deuh a, na chhawkna in ka jection tawp, doctor ka call tawh a an lo thleng vat ang ka lo hrilh ve che,lawk aw...Awi a khuasik in ka hria Abdul blanket lo lak belh la Pi Nibuta puan fai leh tui lum lo la rawh" a tawng chu a inpawlh nuai a, an che zia ka hriat chin chuan min ti thlamuang hauh lo! Isaac chu engtin chiah nge a awm ang?










😪Awiii....ka buai zo, assignment vawiin a submit ngei ngei tur nizanah an rawn dah a, nizanah khan ka type hman hlawl lo ani🤧

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 16th, 2021, 8:11 pm

Chapter - 18





Phone pawh chu a tawp nghal daih a.Engthil nge thleng kha! Isaac a dam lo, a tha lo viau angem? Ka haw ngai.








"Enge a?" Marcus'n a mutna atanga min rawn melh chho paha atih sup chuan mangang zetin ka en a.








"Isaac Tanky tang a tla a, a insawhna viau ani awm e...Mar..marcus ka haw angai" atih ruai chuan hrethiam takin alo bu nghat a.








"Hlauthawng lutuk lo la, Ara lo chho se rem inruat fel dawn nia, A tha em em ang" ti chuan min hnem ve a.Hepa han fel zia em em mai hi.











Rei lote ah Ara a rawn luta a hmel atang chuan a hre tawh tih ka hrethiam nghal bawk.Awiteii erawh in alo melh duh eih lo, Ara chuan Awiteii melh zuk zuk pah hian a rawn phei a.









"Miss kan haw angai" a rawn tih sup chuan chuan ka lo bu nghat a.








"Engtin nge niang,tunah kan chhuak nghal dawn nge?" tiin amah chu ka han ngai changa.










"Awle,dawrah kan inhnawh puar anga kan kal mai dawn nia!" arawn tih sup chuan ka bag la chuan ka insiam fel nghal mawlh mawlh a.









"Marcus!" tih sap paha ka va en chuan alo bu nghat a.Pan hnaiin a chalah chuan ka hmuiin ka nawr vang vang bawk.






~~~~~~~~~~~~~~~~


Isaac Zosangpuii (POV)






Keimah ni lo in kha a thianpa thlangtu kha ngaihtuahin ka mu thei lo! Zan a rei tulh tulha ka harh tulh tulh ni mai hian ka hria.Keimaha tlawm intihna chuan min tina em em bawk.








Khatiang khawpa atana ka inpumpek chung pawh khan a thiante dinhmun ai pawn ka dinhmun chu ala hniam zawk ania.







Dik taka sawi chuan a zunah khan ka uai ve thlawt alawm.Mipa hian heti khawp hian hmeichhia a veiin alo àt chilh theih tih ka hrethiam ta bawk.







Ka bula a awm lai in tumah dang ka ngaihtuah thei lo a,ka hmuh phak loh china a awm leh a nasa zual sawt emaw tih mai turin kawng engkim ah ka hre chhuak zel bawk a.Amah nen tia suangtuahna ka neih tam tawh zia hi.Mahse ani chuan vawi leh khat ah a ti chhe leh vek.







BOOM☄








Min ring ve miah lo leh ka laka inngah ngam miah lo hi ka thiam loh zawk em ni? Comment lamah min lo hrilh teh u...Ka la dah pawimawh tawk lo nge? A phut sang lutuk a ka tlin ve lo zawk.Mahse ka theih tawp chu ka chhuah asin.










Ka phone a rawn rik chuan zawi muang chuan ka bana tumah biak chakna mood ah ka cheng lo hle bawk.







"Sawi rawh!" ka tih hmuk chuan lehlama mi chu a rawn nui hawk hawk a.









"Nupui ten an riah chhuahsan dek dek a,mood fuh lo nghal em em ringawt!" tih pah chuan ala nui hawk hawk a.Ka bulah chuan awm se ka hnek pawp tawh ang.Mai mai chuan!









"Ramnghak!" ka tih leh hmuk chuan min rawn chhawn ve vata,mahse a awki ah chuan a nuih ala za hle tih a hriat.Taka engtin nge ka bulah Hruaii awm lo tih a hriat?








"Hruaii ka bulah a awm lo tih engtin nge i hriat?" ka tih hmuk chuan a rawn nui leh hak hak a.Ka thin a rim hlur tawh zawk.








"Ka thawhna Hospital-ah alawm tunah an awm mek" a rawn tih chuan ka thaw hawk a.Ni e,ngaihtuah a ngai hauh lo ka tello in a hlim lutuk mahse a tello in ka hlim ve lo.









"Anih chu!" a ti nghut chuan a rawn nui suk a.








"In inhau ami? Nge a lung iti awi lo leh tawh!" thu tak fe a a rawn tih ve takah chuan thawk kan la hmasa te te a.Ni e, insawi thawl ve ang hmiang.Ka thiantha ber ania ka ring tawk bawk. Ti chuan ka hrilh ve ta pauh a, mipa tih takah thu han thluai thlum vak ka thiam lo,anih danin ka sawi ta pat a.









"Min ring ve hlawl lo ni mai hian ka hria! Keimah ah a innghat pum hlun ngam hlawl lo te hian awmdan tur pawh min ti thiam tawh lo!" ka ti nghut nghut chuan a ngawi reng a.Ka thusawi chhung zawng khan tawng hauh lo in alo ngaithla char char bawk.










"I la hria em? Kolkata kan awm lai khan kan hostel ah intih buaina a thlen tum khan?" rei fe angawih hnu a a rawn tih chuan ka bangbo hle a,mahse aw ka pawh ta tho ka la hre miau a." Ka lo phone che khan zanlai a pel tawh tiraw? Dar 1 chho vel aniang mahse nang chuan zan rei pawh sawi loin min rawn hruai nghal kha,Thianpa" a rawn tih leh sup a.Chung hun lai chuan kum 22 mi vel kan ni Ramnghaka hian Kolkata ah MBBS zir turin a rawn awm a, kan inah awm rawh kan tih ngial pawn Hostel a thlan zawk tlat avangin hostelah a awm bawk.Mahse an senior most te kha ruihtheihthil duh ve tak an ni a,an ruih tawh chuan an nasa hle thin bawk, Ramnghaka sawi zan ah pawh hian an junior zinga mi an rui phurin an lo ti duh dah leh deuh aniang an chhang let ve ta a, chuta tang chuan buaina chhuak chho in Hostel a kang bawk.Ramnghaka erawh ka hruai chhuak thei hlauh a, kha mi tum khan Junior zinga mi 3 lai ICU ah dah lutin 7 an inhliam bawk, An senior te pawh kha damdawiin pan pui an awm ve nual bawk.Khazan khan kal lo ila chuan ka thianoa pawh hi ka chan mai thei hial ani.











"Thiapa ka nupui chungchang kan sawi dawn emaw tiha nunhlui lamah bawk ami kan let leh dawn!" ka lo tih chuan a rawn nui leh suk a.









"I thianpa nunna atan zanlai a chhuah pawh pawi itih loh chuan Hruaii lakah chuan a tih loh bik i beisei ami!" a rawn tih sup chuan ka thaw hawk a.







"Kan inang lo!"








"Nilo in danglam lo, an ni chu mipa thian ani a chuzawng chu heti zawng hian ngaihtuah ve la,mipa emaw hmeichhia pawh nise a rilru leh thinlungah chuan a thian ani, a tawn hma che a alo kawm tawh thian nihna bak engmah la chuan kai pui hauh lo lakah hi chuan thik thu pe chhe suh, duh nise in intawn hma khan an innfaizawng daih tawh ang chu! Duh leh zual phei se chuan in inneih zan pawn a inruk bo tir thei reng mahse engmah thleng lo, i kiangah ala awm reng ni lawm ni.Thianpa mipa anihna ringawt kha ve hmu lian suh! A thiantha ber anihna pawmpui la, a hlimna chauh nilo in a mamawh hriat pui la chu chuan inpawhna thuk zawk a siam ngei ang che u" a rawn tih leh chuan sawi mai tur ka haih chham ve tlat.He pathlawi pa hian alo va ngaihtuah chikim bik ve le.









A thusawi tam tak chu dikna chen a awm e, mahse Hruaii pawh ka la thiam bik ta chuang lo. Mahse a nui hmel hmu chakin ani mit chhinga ka suangtuah leh tawh ni.Ka hun a intan tawh bawk a,ka ta tuma laka chan ka tum tawh lo bawk.






~~~~~~~~~~


Zing ka tho chu ka rit deuh bur mai ka mu tha lo em bawk ani.Lalhruaizeli vang bawkin,a tello a mut hi nuam pawh ka ti tawh lo, a taksa lum ve thar thar a dek a mutthilh leh ka chak tawh tak zet.









"Soma!" ti a au pah chuan stepah chuan ka chhuk thla a,balcony lam tangin yoga ati zo aniang thla tla hluam in alo chhuak phei bawk.









"Sir,min mamawh ami?" tiin a tui bottle keng chung chuan min rawn pana.








"Va in ti fai la chuan Hruaii call ang che!" ka tih nghut chuan meng awkin min rawn en a.Mak ti pawh nise a awm ve reng kan awmdan zawng zawng hre tu kha ani miau a.









"Eng.... eng nge ka sawi anga?" a rawn tih bah nak chuan ka nui suk a.A ti hreh dawn tih hre mahila atih angai tho tho.Ani lo ti tur an awm tlat lo ani.










Hruaii phone a abe zo chu ka lo melh vata
"Engtin nge tih?" ka tih chuan an lo haw nghal dawn thu a sawi a, ka nui nghal sak bawk.









"Abdul...arsa soup tui tawk siam tur ka mamawh dawn ania, ipi lo haw dawn,a thinrim nasa dawn si" nui suk suka ti pah chuan Choka lam ka pan phei a,Soma in mak tih hmel zeta min melh pawh chu ka hmu lo der ve hmiah bawk.











Abdul nen chuan broiler kan vulh lai pakhat chu man in kan talh a, alian tha bawk a a thau kher mai.A hmul ka pawh fai pui zawh chuan pawn lama rawh turin a keng chhuak ta a. Ka kut ka sil lai chuan Soma phone kengin a rawn lut hlawl bawk.











"Miss in alo phone a abe lawk duh che! i harh ka lo tia?" inthiam loh hmel zeta a rawn tih chuan nui suk in a phone chu ka ban vata, common room lamah ka phei pui nghal bawk.










"Hello!" nidang aia zawi leh chau ve hmel deuh tur chuan dul zet chuan kan ti ve sap a.








"Hey...i tha em? tinge i fimkhur loh em em a! Isaac enge i an tawh hrim hrim" a rawn ti hlawk hlawk a.A aw ah chuan a hlauthawng ve hle tih ka hrethei bawk tlem chuan nuam ka ti lo ve det.










"Ka zia tawh lutuk" ka tih sup chuan a rawn thaw ve leh hliai a a thil tih than sim theih loh zinga mi ani ka ti lo thei lo.









"Kan lo haw mek ania, i khawsik chu ala awm hrim hrim em? Doctor in pan nge alo kal? I dar te chu engtin chiah nge a awm?" Nu tling afapa inhliam buaipui tur ang mai chuan a rawn ti mawlh mawlh a.Min ngaihtuah ve tak zet tih ka hriatna chuan khawvela ka lo cheng lo hi lawmthu sawia tawngtai hial ka duh ta ve ang.











"Bawihte, doctor ka mamawh lo! Ka kianga i awm phawt chuan ka damdawi tha ber inia" nui vei suk paha ka tih chuan a vui hmel tur ka ngaihtuah paha ka nuih aza zual sawt bawk.










"Naupang chhia thei si! Ka lo thlen hunah chuan ka enkawl dam vat vat che nga ka sawisa leh hrep ang che!" a rawn tih vei pang pang chuan a hriat hlau zet chuan ka nui ta hawk hawk a.












Kan inbiakna kan tih tawp hnu pawh chuan mahni chuan ka nui var var reng a.Vawiin hi a average a lak in ka la nuih hnem ber ni ani ta hial ve ang,ka nu leh pa awm loh atangin.











Pawnah chhuak in Abdula thil rawh chu ka va en pui a alo zo chiah bawk.A lu,a ke, a kawchhung then khat chu la chhuak in a sil mawlh mawlh a Hiuoa a siam leh dawn ani ngei ang, mizo in kan hriat dan tur chuan Sachek kan tih ang deuh hi ani mai.A tui thei hle bawk.










Adang chu inchhungah keng lutin a awm ti vel chu la hrangin adang la bang zawng chu pi Nibu'n Chikken curry ah alo siam bawk, Ara khan an lo chhuah pawn thil an ei mumal loh thu a rawn sawia alo thlen chuan an ei duh ngei ka ring bawk.












Ka phone lo ri dawhkan ami chu la turin ka phei vata, caller Id ah chuan UNKNOWN tih alo inziak kulh bawk.Ka pick ve nghal mai a,mahse a rawn tawngtu aw ka hriat rual chuan ka inseh ruh nghal talh talh bawk.










"Isaac tunge ka nih i hria em? Hah! I nupui lem lem nu ka nih hi" ti chuan anui har har a.Engvanga min lo call ve ringawt nge anig he mihring nu hian.









"Ka makpa lem lem pa i hun azo tawh e, tun atang chuan ka hma ah rawn in lan tawh suh ang che, ka fanu hi ka ta chauh ani ve tawh ang" atih chuan ka ner nang a.Mahse thil hriat chhuah zawk ka neih avang chuan ka khawng nghal ah! bawk.











"Tunah ka thil ngaihtuah hi i ti tih sawi miah suh! anih loh chuan that tur che in ka rawn kal ang!" ka tih hrawk chuan a rawn nui har har a.Ka tawt nghal tun thung.











"Ka zo fel chiaha ka lo bia che nih hi, hei ka bula hi amuttui khawp mai. Ka lak atang hian tuman inla sawn thei tawh hauh lo ang.Kan lam hawia ke rawn pen apiang chu an nunna in a tuar ngei ang...nag ngei pawh kha!" a rawn tih ngheh charh chuan ka lo thaw hawk a.Line chu a in cut nghal bawk.










Rang zetin Ara ka call a ala la lawk thei lo zui.A hnu deuh chuan a rawn pick ve hram a ka thaw huai mai.








"Ara Hruaii ka be duh phone kha pe teh!" ka tih sup chuan a reh vang vang a.











"Sir, Beih kan tawk a,amah Arita ngei alo kal...Miss chu a hruai ka ke dinglam ka hmang thei lo, ka awmah an vit bawk mahse ka tuar thei Sir, miss kha chhan rawh! Hruai thlak nghal an tum ania" aw khur deuh hlak hlaka a rawn tih chuan thinrim zet chuan ka au tuar a, dinning chair chu ka tlawh thlu nghal tawp bawk.








Ka thawmah Soma leh Abdul te an rawn tlan khawm vat a, thil thlen dan ka hrilh chuan Soma pawh chu a mangang hmel hle a.Ramnghaka phone nghal in Ara hnu rawn chhui a lo buaipui turin ka hrilh nghal a,keini erawh Lengpui lam pan in kan tlan thla nghal.











Ka thinrim lutuk chu engmah ka ngaihtuah thei lo,ka bing chuk chuk ani ber mai, ka hriat zawng chu ka that vek dawn tih chauh ani.Ni e, ka nupui khan hliam chhe te pawh a tuar anih ngat chuan an nunna pakhat te mah ka zuah hauh lo ang.











"Sir,Kolkata an thlenpui hman chuan Miss chu kan chan tluk ani tawh ang.An lalram ah khuan tih theih kan nei tlem si a" Soma in harsa tih hmel fe a a rawn tih chuan ka lo thaw hawk a.Ka speed ka san zual sauh bawk.Ka nupui mangang in min koh lai tur ka ngaihtuah phei chuan ka rilru ana zawk hial thei.









😇Muttui suk suk vek u....Chuan comment lamah tan rawn la thar ula chuan keipawh phur tharin thui tawkkkk ka type thei tawh mai thei ni😅😘😘😘😘

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)