Im Yours By Apuii Tlau (Completed)

[Ngaia]

Chapter ~ 1







"Lalhruaizel ding nghal rawh!" rawn ti hrawk tu lam chu ka hawi phei vat a.Inbual zo tih hriat fe in kekawr bul bak in bel anei lo,a sam la hnawm chhap te nen chuan a sexy ve lutuk...Mahse sawpa saw ka hmelma chatuan tur anih saw.Kawngka bul atanga thip fe a min melhna chu ngai pawimawh duh loin ka nui sak a.Ka hma gate pawna min lo nghak tute lam chu panin ka thlen rualin ka lawn nghal vat bawk.Hawi letin ban ka vai khum zeuh a.A kut hum ruh leh in seh ruh nasa tak chu ngaipawimawh hauh loin kan tlan san nghal.







"Sakawlh sexy a chuan i lo kal a rem ti ve alaw" kan awmna tur hmun kan thlen rual a kan thiannu ve tho Afaki'n alo tih chuan midang ho chu an lo nui hak a,keipawh ka nui ve tho.Nia kan hre vek sakawlhaa khan hetiang a ka kal ve a phal hauh lo tih chu!







"Ka ngai pawimawh ngai ami!" ner nak a tih pah chuan alai deuh ber thim deuh chhalh lai nisi a ka thianpa bik bik bulah chuan ka thu thla nghal zat bawk.Ngen hmel zeta min rawn en in a nui suk a,ka lo ner vak thung.






"A rawn zawng che nge?Lock up a riah ka peih miah lo ania" Lalhma-a chuan min rawn melh ralh paha a rawn tih chuan ka ngei tawk alo tling em em! Sakawlha khan min zawng lul lovang.






"Ngawi mai mai teh! Ka mood thlak i tum te anih loh chuan" ka lo ti ve hlakah chuan nui thaw a min en in ala bu nghut nghut zui! Em em hian.






"Nutling party na a kal hi an tam lo asin" Lalhriatkima thusawi kher avang chuan ka kut in ka tin nghal hlial a.Hlauh hmel zetin a lo awn der nghal vak bawk.Midang ho lah chu an lo la nui hawk hawk zui! Nge maw min kah reng bik ni!






Dawhkana savawm chu la in ka in nghal khawlh khawlh a,ka taksa tawt lutuk te hi han thawl ve tawh teh se!






"Nupui fel tak i va ni dawn em?" lo ti leh tu chu rum zetin ka en a.Chhan tuma ka an ziau laia min lo chhan khalh tu avang chuan ka nui sak!






"Ngaizual a tawk rih!" a rawn tih nghut chuan midang pawh chu an ngawi ve mai! Nui sak paha beer chu la in ka thutna nghen chhan chu ka ngheng dawt a,ka bula thupa chuan ka beer um ken lohna lam chu alo vuan thuai bawk.Nui sakin a dar ngheng rem tura insiam remin ka thut hnaih a,ka maimichhing ta vang vang a.Hahdam ka mamawh tak zet.







Lalhruaizeli Chinzah ka nia,kum 19 na chauh hmang mek in college kal lai mai ka la ni.Mahse thla liam ta lawk khan pasal ka nei ,ka duh vang leh hmangaih vang ani hauh lo,kan inneih hma hian ralkhat atang vawi 2 ka hmu a a hmunah vawi1 chu chauh chu.Mahse chhungte hian e, ka hriat hauh lo a thu thlukna lo siam in ti hian kan khaw Sp thar Isaac Zosangpuia Kum ah pawh 33 nen hian min inneih luih tir ta a.Ka pawm hlawl lo thung mahse ka pa, pa luhlul ve tak hi ka hneh ngang bawk silo,hepa kianga puihna ka va dil lah khan ngeiawm zetin min lo hnar a min neih ngei a duh thu ala sawi bawk.Hah! min nei ta chenga,a duhthusam ram chu ka thlen tir ngai hauh lo ang.







"I muhil ami!" ka beng bula rawn thaw lum leh hak hak thin avang chuan ka meng diar diar a,hnai fe ah Ka thianpa em em Marcus-a hmel ka hmuh chuan ka nui sak a.Thutphahah khan amah nghengin ka lo la muhil chu niin.Party bengchheng tak hnuaiah pawh ka lo muhil chu ani sia.Ka ngaihtuahna hria niawm takin min rawn nuih suk leh nghal.Midang bula a ngawih chawi teh reng nen ka kiangah hi chuan mihrang hlak hi ani ringawt.Mahse hei hi ka ngainat chhan ber erawh ani lawi si.






"Tho rawh le,Zing dar hnih ari dawn ania haw a hun tawh viau ani" a rawn ti leh sup chuan ka thu ngil ve nghal at a.Kan thiandang te pawh an chau tawh aniang an awm hmunah kawi sawi zet zetin an lo mu thle lawp lawp.Lam tual lamah pawh lam an la awm bawk.







Kan thian ho hi 7 kan ni a, Kei,Marcus-a,Lalhmaa,Hriatkima,Ngaizuala,Afaki,
Awiteii.High school atang in chhar kan ni a,Marcusa te thian ho mipa ho hi chu keini hmeichhe lam aiin kum khatin an sang zawk thung.Mahse kan mizia kan duh zawng engkim hi a inmil hlawm em em a,tun thlengin kan la inkawm chho ta zel anih hi. Chhungkaw lamah harsa lua kan awm lo a, mi hausa fa duat pawh nilo duat vak loh vanga sual te pawh kan ni nuk mai.Kan awmkhawm tawh hi chuan kan thawm a tha thei khawp a, min tih deuh tlat hlawm te an awm thin, chutianga mi awm tha hle hle lai tibuai chi erawh kan ni lo thung.







"Hriatkim,Afaki te saw ve hruai rawh...haw a hun" Marcus an atih leh nghut rual chuan a enna lam chu ka en ve vata, Lalhmaa leh Afaki chu an lo la su nghawng nghawng anih chu,em em hian! Hriatkima pawh chuan ava hruai vata.Kan inzui chhuak ta thliah thliah a.






"Hriata car i keng bawk a,Lalhmaa leh Afaki kha phur mai la,Chuan Awite Ngaizuala bulah nang in veng a inang bawk a,Keiin Hruaii...Le! Haw vat tawh ang u" ati nghal mawlh mawlha, hepa hi kan zingah chuan hetiang hunah hi chuan a hruaitu ber nih hi a tlin ber zel.







Kan in lampan chuan kan tlan chhuak ta nghal a,nghet takin a kawngah chuan ka dawma.He in ah hian haw loh theih dan kawng awm se chuan ka ti duh vek ang mahse ! Mahse a awm tlat ani.







"I muhil leh hman tawh ami!" Bike din dat hnu pawha ka la chhuk mai loh avang chuan nuih za aw fe chuan a rawn ti a.Ner nang in ka chhuk nghal thak a.Gate lam chu hawi in luh ka duh loh zia chu pui tak ani.







"Ka lo lut ve dawn ami?" rawn ti sup tu chu awih lo zetin ka melh vak.Hepa hi a rawn lut anih phei chuan buaina lian zawk ka tawk mai thei ani.Isaac nen an in mil loh zia chu nasa tak hi ani ringawt! Ka ngaihtuah na hria ni awm takin alo nuih suk chuan a ban bulah ka beng thlawp a,ala dawn ngawih ngawih zui. Khatiang nàt loh zia ka hre chiang lutuk,a ngal ah hian ka chhuih leh zawt dawn zawk amaw ni!






"Ka lut dawn bye" thaw hak in ka in her nghal a.Ka hnunglama thawm ri ràk avang chuan in her ka tum chiah chu ka hnunglam atang min rawn pawm nghal chawt a.Ka hamhaih ve deuh mahse a rim atang tunge tih ka hriat chian na hian min ti thlamuang nghal thuai bawk.





"Muttui aw!" ka tawng ve hma hauh chuan min thlah leh in a in her a,bike ah chuan lawnin a tlan nghal vang vang bawk.A chet dan avang chuan ka nui hak a.Mahse gate chhunga kawngka lam ka hmuh leh chuan ka nui tawp nghal chat.He in hi ka in ka ti ve thei hauh lo.






Inchhung chu alo thim deuh riai a,choka light eng dim deuh bak eng hmuh tur a awm lo.Thawm dim tak chuan kan nupa room tura an tih bul chiaha ka room lam pan chuan ka kal chhat chhat a.







"2:35 a.m " rawn ti thum chhak tu avang chuan ka phu zawk a.Ka kawngka hawnna vuan tawh chu thlahin ka awm ka dawm vang vang a,thaw hakin aw lo chhuahna lam chu ka hawi nghal bawk.






Tukverh atanga thla eng chu parda chhanah chuan alo eng lut riai riai a,tukverh bula single chair lian zeta thu palian tak pawh chu ka hmu nghal riai bawk.Beer chauh ka in bawk nen ka rui chhe hauh lo.Chair banah a kiu nghat in a khabe a khawih a,a bawp leh lam a khup lehlam chunga hlang te nen chuan a zahawm khep khup hle.Mahse hepa lakah hi chuan zam ka tum hauh lo.Ka thei angem ka hre lo bawk.






"Chuan!" ka lo tih sak chu a run hle aniang a rum nghut a,a mit meng a ti zim nghal nur bawk.






"Khapa nen khan maw in chhuah vel a! Huh" Tih pah chuan thu ngil in min melh run a,a awmdan avang chuan ka lungphu nasa lutuk thin chu thup tum in thaw ka la hak a,light awmna lamah chuan pheiin ka va on ringawt bawk.







"Ka nun ania ... ka thu thu tupawh ka hmu thiang!" ka lo ti ve hlak a.






"Ka nupui i nih kha!" ti nghut pah chuan a rawn ding vut a, A taksa lian zet leh a hmelrum tak te chuan zamna nasa tak min pe a.Tih lan loh hram hram erawh ka la tum ve ran.





"Ka rem tihna tel hauh lo a i nupui nita hi min thunun tum hauh suh!" ka lo ti ve hmak a.Thaw hawk in a sam a tuai chho pawk a.






"Lalhruaizel min tih thinrim hi tum reng suh! Va mu rawh zanin chu ka hrethiam ang che,mahse a thleng leh nih chuan..." atih nghut nghut lai chuan ka lo in rawlh leh vat.Hepa thununna hnuaiah hian ka awm chatuan awm lo emai!






"Aw..a thleng zel ang, lo insiam rem tum ve mai rawh!" ngeiawm zet chuan ka lo ti leh hlak a.Mitmeng rum ul in min rawn melh nghal bawk.





Zawi muang a ka lam pana alo pen hnaih chuan thaw dep dep in ka lo nghak tawp a,mahni in thunun tum takin ka kut ka hum nghet sauh sauh bawk.Ka darah chuan rawn dawm in a hmer nghal salh a.Patling kuttlak na an sawi hi alo dik ngei anih hi! Ka dar a hmerna na lutuk avang chuan ka ang ziau a,ka ner zui zat bawk.Rum ul in min la melh char char avang chuan awmdan mai tur pawh ka hre lo.Min ti hamhaih ni ber hian ka hria.






"Ka nupui i nih!" Muang leh nghet churh chuan a rawn ti fak fak a."Chu chuan i lakah thuneihna sang tak min pe bawk,mu phawt la naktukah engkim kan sawi tha ang" ti leh nghut pah chuan min thlah vut a.Ka pai nghal nawk bawk.Rawn hawi let tawh hauh lo in room ah chuan alut bo nghak hmak a,kawngka a rawn khar rik thuai chuan ka la phu chiam zui!






Ka ngaihtuahna fim tan chuan a awmdan kha ka ngei thar hnuhnawh leh a,rum zet chuan a kawngka lam chu ka melh ngawt ngawt ringawt.Mahse awmzia reng a nei tawh chuang lo,thawk la vak in ka room lamah chuan ka lut ve a, Zosangpuia kawngka khar ri aia na fe tur chuan kan khar ve thuai a.Thil thla ri rawk in a zui nghal bawk!





Shittt!!!


_______________________

[Ngaia]

Chapter - 2






Ka zing tho chu ka lu ana deuh ngut ngut mai.Dar zat ka en chuan dar 8 alo ri deuh thuak tawh.Ka khum bul pawhdawh a, nà chhawkna chu lain tui bottle chu ka ban nghal bawk a.Harsa lem lo tak chuan ka dawlh ve mai.Eirawngbawl ka ngai hran lo bawk a,bathroom lamah chuan phak chial chuan ka phei leh ta hnak hnak a.







Tui sà ver vawr hian ka chauhna te hi a ti hahdam vek thei hian ka hria,nuam tak ani.
Zosangpuia nen hian kan khuaah hian kan inneih a, amah hi fahrah,nilo anu ala dama mahse apa thih hnu lawkah pasal dang a um san nghal ani awm e,apu enkawlna hnuai a seilian chho ania,an khawsak pawh a harsa hran lo , Apu pawh hi Police officer pension tho ania,Aizawl lamah a patea te chhungkua nen an khawsa mek bawk.Pa lian leh zahawm khup mai ania,mahse kawm anuam in a fel hle,a tupa erawh hi zawng damchhung pawh a ka kawm duh loh tur mihring ani thung.






He inneihna tei vet pawh hi!






Ka room atang college kal inpeih at a ka chhuah phei chuan sitting room turverh bula thingpui no chawi a pawn lam hawia lo ding run pa avang chuan ka ding chawt a! Dar eng zat nge? ka sona chu ka bih vata dar 9 a pel hlek.Hetiang hunah inah a awm tawh ngai hauh lo.Kar thum chauh la innei mahila ka hre ve chiang em! Eng a hria chu ni maw! A awm ve run tih ka hriatna hian thlamuang pawn min awm tir leh thei dawn lo anih hi!






Choka lampan chuan melh pawh melh tawh lo chuan ka phei nghal a.Ka thawm hria in alo hawi phei tih pawh ka mit sir in ka hmu reng.







Choka ka luh chuan intifai leh eirawng bawl tura a chhawr Pi zami chuan gas vel chu a lo hru hliau hliau a.Ka thawm hria in a rawn hawi vat bawk.






"I tho nuam maw? Breakfast i ei nghal dawn nge?" alo ti nghal vara, nu sual tak chu ani lo chiang alawm.






"Thingpui hang leh cake ka lo ei mai ang" tih ve sap pah chuan chair chu pawt chhuak in ka thu thla nghal zata.Ka thil duh zawng hi a inthlak reng ka ti mai.Ka ei tam ngai lo a,duh viau mahila ka ei chhun erawh a tlem thei khawp mai.





Rei lo te ah a rawn chhawp nghal vata, ka ei ve nghal mawlh mawlh bawk.Ka thil ei lai a choka lama ke pen thawm rawn awm chuan ka chhungril thleng hian min ti zam leh der tawh.Engtin nge ka lo awm ang? tih te mai mai ani ka ngaihtuahna luah ni.Mahse engvanga chutiang ngaihtuah ringawt nge ka nih pawh ka hre tawh bik lo e a.He mihringpa hi duh lo viau mahila a hù hang na lutuk hian min ti buai pha tho.Ka bula a awm tawh hi chuan ka boruak hip te hi a tlem ta sawt emaw tih tur hian ka uap churh zel.






Choka a rawn pen luh chiah chuan ka lo tang deuh nghal ul a.A kalna lam ka mit sir pah reng bawk.Sil hmunah chuan a thingpui in na no chu dahin a kut a ti huh zawk a,kut hrukna a piah maia an khaiah chuan a hru nghal zat bawk.






"Pi Zam, Duati kha i va en lawk dawn amaw ni? Chaw pawh kan la pe lo in ka hria" atih thum sup chuan ka lo ner nang.Kan in hnungah mai ah hian chil chhak phak lek ah in te reuhte a sa a,tah chuan a Ui duat em em mai Duati tih ngata a koh Golden retriever rai lai a dah a a naute neih a hun tep tawh tih pawh an sawi bawk.Mahse ka ngaihsak zawng ani ve vak lo.Ui chu ka lawm ve lutuk mahse ka chhaih ve thiam lo,min zuan uai uai a,a chang leh min seh nge min liah an tum pawh ka hre lo,min hnim zawk pawh ani thei hetiang vela an tih hian ka rap tlat zel anih chu! Ka ral khat duh ve mai mai ani.


Pi zami a chhuah hnu lawk chuan ka thutna sir chiah ah chuan a rawn thu thla ve hmuk a.Hepa lian bik lutuk hi chu ka ngei deuh tlat, amah avang hian ka inhmu te vek tawh 5'4 lai chu ka ni ve asin le!




Ka bula rawn thu thla pah chu melh pawh melh duh lo chuan ka thingpui in lai chu ka inzawm mial mial a.Min melh run tih hre mahila ka melh ve ngam thlawt lo.Ngei viau mahila a chang hi chuan ka ngam ngang lo ani e.





A kut chu kuangkuahin a khup lehlam chungah a ke leh lam a dah kai chho a.A meng zim sun bawk nen,ka thingpui in lai pawh min theihnghilh tir lo chauh ani.




"Engnge?" min melh run chu ka tuar thei tawh ngang lo, ka buai zawh hma tak takin inthunun tum tak chuan kan ti pawr hlar ringawt a.Alo la rum nghut zui.Ramsa emaw hi a inti amaw ni. Ni tak! Sakawlh anih hi Sakawlh.





"Zingah khatiang kha i ei ziah em?" a ti nghut chuan ka lo melh vak.Zawhna ho lutuk.Chutiang lek sawi tur chuan emaw ni alo thut ve kur ni.



"Ni se..Enge?" ka lo ti leh hlak a.Hepa hi ka hua! Amah avang hian ka tleirawl nun zalen taka hmang ve thei tur kha vawi lehkhatah min tih chhiat sak vek a, midang tan chuan a ho ani mai thei mahse ka tan chuan a hlu tak zet.Thil thar tam tak tawng turin college kan kal thin a, kan hriat ngai loh tam tak kan tawng ngei mahse hepa vang hian ka tan chuan theih bik, nilo bik chauh tih thumal hi ka nunah a beh phah ta bawk.





Midang te zalen taka an duh duh a inchei in an leng kual a, tlai tak tak an haw a,an nu leh pa te thlazar hnuaiah nun an chen thin.Mahse kei chu! Ka ngaihtuah zawng ringawt pawh hian ka mittui a tla thei dawn tak ngial in ka hria.





Duh duh dana inchei ve ka duh vang emaw, tlai tak tak haw ka duh ve vang chauh a sawi ka ni lo,ka sawi chhan ber zawk chu zalenna neih ve ka duh.Zalen na neih ka chakna chuan tan in a tang ang maiin min ngaihtuah tira ni e ka awmdan hi a chang chuan jail nen a danglam hlawl lo.Kan inneih atangin nizan kha ka vawikhat chhuahna ani bawk! Mahse min la hau zui.Midang te ang thei lo a min siam tu hi ka haw ta ber bawk chutih rualin ka pa vengkhat pa hausa tia an sawi thin,a fanu naupang te pasal min neih tir ringawt pawh hi ka haw bawk.





"A tlem lutuk " ti nghut ri ah chuan ka ngaihtuahna buai tak atanga harh chhuak zawkin ka bula thu ngur pa chu ka melh zawk a.






"Min awmtir ve mai mai teh u!" ka ti hliai a.Tunah pawh ka ei leh inah leh zel thuneih a tum nia.Ka hua....Ka engkim hi ka ta vek, an duh duh a tih kawi reng nih hi ka ning!






"Chaw pangngai i ei tawh ang!" ka thu sawi ngai pawimawh hauh lo a a rawn tih leh nghut chuan ka dawhtheihna in a tlin ta ngang lo.






Ding chhuak in a thusawi ka hre duh tawh lo chu ka au chiam a,ka no ken pawh ka paih keh nghal thuai bawk.






"Duhtawk rawh!" ti hrawk a rawn ding chhuak nghal zawk tu chu melh in insum karna tel hauh lo chuan ka au khum ta chiam.






"Ka kham lutuk....Ngatinge min awmtir ve mai mai theih loh, bungrua pawh ka ni lo, mihring nunna nei ve tho ka nih hi, ka taksa, ka rilru, ka engkim hi ka thunun ve thei in lo inrawlh sek angai lo, in nunah khan buai ve mai ta che u" Mittui tla pur chuan ka au khum tuar tuar a.Ka thinlung natna te zawng zawng kha an lo inlar zut zut bawk.Kan inneihni tuk zing thleng khan min neih tir lo hram turin ka tap hial anih kha! Maicham hma ah lah ka rilru na lutuk kha ka aw a chhuak mai thei lo bawk, intih hlum hial thlengin ka ngaihtuah hman kha.






"Aih" tih vut paha min rawn pawm bet nghal chawt tu chu duh loin ka lo sual leh ve nghal thuai a.A ai nghet leh zualin min pawm beh leh nghal ni mai hian ka hria.Rei tawk fang thei leh thei lo a ka sual let hnu chuan ka tha te an kiam zo a,ka rilru natna bawk chu hre chhuak leh in ka tap khur ta ngat ngat a.





"Ka hua che u! Nangpawh ka hua , Ka pa pawh ka hua,ka nu pawh ka hua....Ka haw vek che u....In awm ve lohna hmuna kal bo daih ka duh" tap hlap hlap chung chuan ka la ti ve tang tang a.Ka khaw hmuh a thim deuh chhal a,ka awm tawt lutuk leh ka hrawk in hnawh tut tut vang chuan ka taksa pawh ka thunun thei tawh meuh lo.Vawi leh khatah ka zawi hnawk ni mai hian ka hria.Ka muhil nge engmah hriat ka nei tawh lo.






Tawng bul bul ni mai hian ka hria,a reh a a ri thum leh bul bul thin.Ka lu rih deuh bur avang chuan ka chet mai pawh ka peih lo.Tlem chuan kan meng deuh siar siar a,ka khum bula Ramnghaka Leh Isaac a lo ding chu ka hmu nghal mahse ka lam lo hawi lo in an sai sir thung.Ramnghaki Isaac a best niin doctor ani bawk.Ka maimichhing leh vang vanga hahdam tum tak chuan thaw ka la bawk.An tawng pawh chu ka hre thei ta.Ni chin kha chuan ka lu rit nen ka ngaihtuah peih hauh lo.



"Ka lawm e...A rawn harh vat turah ngai ang!" Isaac-a chuan a ti deuh nghut a.Tawngkam te lah hi inti pa nan hian ati lui thin zawk emaw ni,hmek hmuk mai! Mahse amah en hi chuan a inhmeh leh viau bawk si.





"Kal kal ange...A rawn harh vat ang, chaw tha lam a mamawh tam tih kha hria la,a mamawh ang vitamin leh protein te,thei te kha ei tir tum hram hram ang che" Ramnghaka chuan tih dap dap pahin a darah a beng thuak a room kawngka lam panin a hawng a a chhuak nghal chu ani mai.




Isaac chuan kawngka lam en pah chuan thawk an la deuh hak a.A rawn in her rual chuan rang zetin ka lo mai michhing nghal.Ka meng tih kha a hmu hman lo in ka hria,ka taksa sa deuh pup pup avang chuan min en reng ani tih ka hre nghal.Ka thaw dep dep ani mai engtin nge ka awm ang ka meng mai dawng nge? Nichin khan ka tah khum chiam tak! Hrep hian....A thleng tawh hauh lo ang,ka hmelhma hma ah hian ka tap leh tawh hauh lo ang.




"I harh tih ka hria nia,Tho la thil rawn ei rawh" a rawn ti leh nghut tawh.Hmelchhe pa hi! Ka va han meng awm chai lo tak.




"Amak thin Hruaizel...." a rawn tih leh nghut rual chuan a phone alo ri ve chiah sawi pawh sawi chhun zawm lo chuan thaw hakin a chhang nghal a.




"Aw!" Hmek hmuk liana hi a.A biak nih te hi a hrehawm ngawt ang.Hlauhawm ru si, hmel rum ul zel bawk si.Ngaihtuah chhunzawm duh lo chuan saisir in bang lam hawi chuan ka in let nghal daih a.





"Ka lo phei ang,lo kal la kal tir suh ang che u" ati leh hmuk a.A dah nghal bawk.Ka hnung zang chu an za leh iai iai tawh,nge maw min en reng zel le!





"Ka kal angai ania,tho la thil tlem tal lo ei ang che!" a ti leh hmuk a.Vanlalthupekliana tiin a hming hi thlak se a tha ang.





"Dam lo suh ang che!" tih hmuk pah chuan a inher a kawngka hawngin a chhuak nghal.Min ngaihtuah niawm tak a an tawng vel chu le! Ka dam lo vak zawk dawn amaw ni.Sitting room lama Pi zami nen an inbe thawm pawh chu ka ngaithla ta kar a.Ka thil ei loh pawh chu a va hlau ve.Min hrai ruih a tum zawk amaw ni.Chutiang em em a sual tur ah chuan ngai lo phawt ang!




Ka khum bula sona ka en chuan dar 11 alo pel duai tawh.College chu kal tawh lo mai ang. Chaw hma lam bak class ka nei lo bawk a.Kal pawh ni ila ka nang hman tawh dawn lo hrim hrim.Mahse he in ka tana jail nena danglamna awm lo ah hian ka awm nileng hauh lo ang.




Rei lo te hnuah chuan ka room kawngka chu an rawn kik leh karh karh a.Lo lut tura aw ka pawh chuan Pi zami a rawn lang nghal zat bawk.Tray hian eitur ni ngei chu a rawn keng lut bawk a.




"Mahruai, thil tlem tal han ei teh, i dam lo tak tak palh ang" tih pah chuan khum bula dawhkan ah chuan a dah nghal zat a.




"Pi Zam ka ril pawh a tam lo,nakinah ka ei mai ang" ka lo ti nang nang thung.




"A theih loh i cher tawh lutuk in en ta che, chu bakah Isaac a khan ei tir ngei ngei tur che in min tia, a ngaihtuah lutuk che nia" ngun fe a min en paha a tih chuan ka lo nui hak a.Kha mihring khan min ngaihtuah amaw! Hah ! A hre sual mai mai anih dawn hi.Lem chang thiam lutuk mai.Min bum ve hauh lo ang.Nakinah chuan hepa hi ka la ti chhe vek anga hlim takin ka nun hi ka la hmang ve mahna.





Chhan tuma ka tawng tur chiah chu ka phone ri ral ral chuan min ti tawp leh a.Ka khum mawnglam a ka bag an dah chu banin ka phone chu ka phawrh nghal a.*Awiteii*





*Min lo ngai leh hman tawh mi* Uang zet chuan ka ti nghal. A ner leh nasa khawp ang.Ka ngaihtuahna ho zet avang chuan ka nui a. Ani hi chu kan thian zingah a danglam deuh bera, a finga,a smart bawk a,mahse min nel hma zawk zawk ani hauh lo.A mi ngainat te hnena tawng duh fiamthu ngaina leh zau tak ni mahse a hmel hriat loh te lakah erawh,a ni hauh lo,thian siam mai a thiam lo a, an biak erawhin a fel hle thin thung.





*Ngawi mai mai teh,Ngatinge i rawn kal loh,Buaina awm ania* Pawr fe chuan a rawn ti nghal a.Eng buaina tak chu nei leh ang maw.




*Enge ni leh ta? Thawh ka hai alawm* ka tih chuan Pi Zami chuan alu alo thing na na a.Ka nuih suk thung.Ka awmdan ho te pawh kha sawi ila chuan an rawn tlan khawm leh vek duh ang.Min ngaihtuah hlawm lutuk tlat a.





*Mipa ho leh Muansanga te thian ho an in phek sual leh tawh mawle! Tunah Principal room ah an awm mek* a rawn tih chuan ka meng phawk vak.Eng nge lo thleng leh hman hi!





*Ngatinge? ni leh lo,Mipa ho an tha em?An na viau em* Khum atanga tho chhuak nghak chuan ka ti var a.Engvang a lo insual nge maw an nih le! Buaithlak lutuk.Naupang chhia ang mai!





*An sawi dan chuan..*




*Enge an sawi dan chu...* a sawi zawh hma hma chuan ka lo ti hlak a.Ka ngaihtuah tak zet.An ni chauh hi ka chhungte ang an ni tawh.Ka neih chhun tak meuh meuh te,ka tan an hlu em em bawk.Ka nu leh pa te chu, kha kan inneih ni atang khan ka be leh tawh lo hrim hrim,Min lo phone thin mahse ka la duh ngai lo.Isaac-a erawh an rawn be fo tih ka hria.Kei erawh chuan biak ve tumna ka nei tawh hauh lo thung.





*Ih..*




*Ih ti lo kha sawi vat rawh Vanlallungtiawi* ka lo ti leh vaka,thinrim vang lam ani lo,ka mangan au ani ber.





*Muansanga khan a star thu che leh a hisap thin thu che a thiante nen khan an lo sawi ho a,Marcus-a khan alo hre fuh ani awm e...Chuan an insual ti mahila Marcusa thin thawkin a sawisa ani zawk mah* a rawn tih chuan ka thaw a sak talh mai.Marcus-a kher hriat laia an lo sawi chu an ti sual chiang hle ani.Lalduhzuala hian ka chanchin mawilo zawnga an sawi hi a tuar thei hauh silo a.Ka unaupa ang hiala ka en pa hian tupawn lo sawi se khatiang khan a en liam mai mai hauh lo ang tih ka chiang hle bawk.





*Marcus chu a tha em* ti pah chuan kal tur chuan ka insiam sawk sawk a.




*Ka hre lo,mahse maw Marcus kha a awmdan hmu ve la chuan* zawi sapa a rawn tih chuan ka lo beng khawn leh zual a.Ka bag lain chhuah nghal ka tum chu Pi Zami chuan min lo dang thuai mahse ka kal ngei ngei a ngai tih ka hmelah a lang chiang em aniang chu, nuam tih lo hmel zet chuan a awm sawn ve mai a.Kawngka lam ka pan nghal thuai bawk.






*Engtin nge Marcus chu* A rawn sawi leh mai loh avang chuan ka ti leh nghat a.Kawngka hawngin ka chhuak nghal bawk.





*A rapthlak ani deuh ber, Sakawlh ril tam a ang! an chelh bet tha thei hleinem,ka hlau lutuk kha ka khur ru der der alawm* a rawn tih chuan ka ding dat.*Marcus thinrim hmel kha a rapthlak lutuk ani tawp mai* a rawn tih leh chuan ka lo thaw hak.A inhliam nat loh hram ka beisei!





_____________________________



In comment kha ka chhiar vek ania...Ka lawm em em bawk,chuan lo comment leh theuh ula, anih loh chuan zankhat danah ka dah mai thei ni....Tak tak in ka regu a nga comment ah lo regu ve ula...In fel kha



Chuan Zomuanpuii kha a changtunu i ni ve tho aw..🥰

[Ngaia]

Chapter - 3



Gate pawn ka chhuah chuan Taxi ka hmuh hmasak ber chu ka phar vata,a ding ve mai bawk,Passenger pakhat alo nei sa a.Ka kalna tur te ka sawi chuan an kalna lam tho tur alo nia tih zia em em tak ani.




Ka phone chu ka en leh vut thin a,Message in an chanchin ka zawt reng bawk.Marcus hi chuan thin butut hi a nei ve hrim hrim a,hei tak hi amah ah chuan ka duh lohna lai ani ve thung a dang ah chuan Mr.Perfect ani tawp mai.Mipa fel tak ani a,a chhelo a,a sang a,a fu ke engkim a dik thlap bawk chuan an lo hausa ve zel bawk nen nula thenkhat rilru ti buai pha hi chu ani ve chiang em,mahse ka hriat chinah hmeichhia ngaihzawng a neih awm pawh ka la hre lo.Hetiang khawpa mipa tha hi chuan a hmuh dawn nasat nen.





*Principal in a warning ringawt,an lo chhuak chiah a,Marcus chu a inhliamna vak lo ti ila a khem ve deuh nual tho,Muansanga ban ruh a pelh bawk a* Afaki thil rawn sawi avang chuan ka hahdam phah hauh lo.Keimah vangin mipa pakhat ban ruh a pelh ania.Mahse an thil sawi kha sawi lo tawp tur erawh an ni.An tih nawn tawh lo hram beisei ang.




*Ka lo kal mek,khawnge in awm..?* ka ti let nghal thuai a.



*College piah a cafe ah khan* tiin min rawn chhang nghal zat bawk.




Kan college Principal mi hausa tlawn reng reng a nung hian engtin mah a tih kha ka ring lo reng bawk a.Marcus te ang nilo tlema awprawp ve deuh nise chuan a hnawt chhuak nghal lo ang tih a hriat miah loh.Mihringte hi kan mak hi ka tia,kan neih sa ah hian kan lungawi thiam tlat lo thin hi,duh belh na leh ropui duhna te vang mai mai hian keimahni a dikna leh huaisenna kan hralh zel zawng anih hi, Sum hi chu a pawimawh takzet alawm mahse a zawng zawng erawh in ani hauh lo.





College bul kan thlen chuan ka chhuk vata,ka taxi fare te pe in cafe lam ka pan nghal.Dawr chhung ka luh chuan ka hawi kual nghal thuak a.Ka zawn ber te pawh ka hmu nghal zat bawk.Dawr sir kil lamah an lo thu bial leh thap tawh.Ka pan nghal vat a.




"Mi mawlpa leh!" Marcus hmel pilh deuh nuai ka hmuh chuan ding chawtin ka ti nghal hap a.Ka tawng hria in an rawn hawi nghal thup bawk.Lalduhzuala lah alo la nui sawng zui.





"Ding reng lo khan hetah lo kal teh" ti sup in a ban chuan min lo hui nghal a.Rang zetin ka pan nghal bawk.A bula thutna awlah chuan thu thla nghal zatin a hmai vel chu ka en chiang leh nghal thuak thuak a.An insual mai mai hauh lo,a pilh nasat danah hian an thapui tak tak hmangin an inbei chiam ani ngei ang.




"I mawl emai,an duh duh in lo sawi se an thu lawm, hetianga intih buai kher angai hleinem" keimah avanga thleng nia ka hriatna chuan min inthlahrun tir a,a hmai hliam te ka hmuh phei hi chuan....





"A tawk! I chungchang anih phawt chuan khatiang khan ka ti zel dawn, ni lo ka that duh tawh ang" Rum ul a arawn tih leh chuan ka lo thaw hak a.Ka tih ngaihna hre lo lutuk chuan a nghawngah kuai in ka kuah bet ta ringawt amah pawh chuan nghet zetin min lo pawm ve vut bawk a.Ka tan mai mai heti khawpa a chet hi angai miah lo asin.Ka tan a inhuamna thuk lutuk vang chuan ka mittui a tla tep hial ani.






"Lalrimtui" tia a rawn phun sup chuan ka lo nui hak a.Chutih rual in a hmai chuan ka nghawng vel a rawn nul thuak thuak a,a za ka ti lutuk chu ka lo chiau tung a.




"Lalduhzual a tawk...A za nia" ka kuahna chu phelhin a darah ka nem a,ani erawhin min kuah nghet sauh in a rawn uar sauh thung.A za lutuk chu ka tal dawn a ka tal tha thei bawk silo min vuan nghet bawk si."Marcus" ka ti leh ruai a,a za lutuk chu a hrehawm zawk hial.Rawn nui lum hak in a awm sawn ve ta hram a.Ka nui nasa lutuk chu ka mittui te tla hial,midang ho lah an lo ner nasa bawk si.






"Lalhma-a ner ve hmel, chhiat zia kha" Afakin a rawn tih lar lar chuan kan nui hak hak a.Lalhma erawhin alo duh lo nasa a hma aia nasa mah chuan an ner khum a.Afaki alo biru der thung.Kan thawm a tha teh e.




"Zawng lu ruh lo,chhe zet a ang!" Ngaizual'n alo tih chuan an in chai leh ta piap piap mai.Zahthlak thin!





"Ana viau em?" Marcus'n in tur aban tur chiah chu a kut pil deuh hrup ka hmuh chuan lo ban thuai in ka ti sap a.Lu a lo thing buk buk thung.Mahse ka awih hauh lo hetiang a pilh nasa te chu a thip ve tal ang.





"Chhem la a dam ang" a rawn tih sup chuan ka en hà a.A mit chuan ti chhem turin min signal nghal zeuhbawk.Nui hak in zawi te chu ka chem sak ta delh delh a.





"Intenawm lutuk..." Afaki'n alo tih hlak chuan ka nui hak a,Marcus lah chuan nghal zerin mit ala siai zauh zui...Pakhat lah meng rum zual sawt,min ei loh hmel zeta a ner chu midang ho in kan lo nuih pui hak hak a.






"Heta awm tur i ni lo!" Rawn ti hmuk tu avang chuan ka nui lai ka tawp chiang teh e.Ka thiante chuan ka hnung chhawn lam kawngka awmna lam chu an en nghal vut bawk.Ka lungphu chu a in thum run tlut tlut a,ka boruak hip te chu an kam duat ni mai awm hian thawk a sak nghal talh mai.





Zawi muanga hnunglam hawi a ka in her chuan ka mi hmuh avang chuan ka that phah hauh lo.A uniform famkim a in bel ngat phei hi chuan a hmel rum zawng zawng te nen hian tlan bo vang vang ka chak thin.Min la melh ngur zui.Hepa hi kan college bulah hian engnge a rawn tih ve.Cafe ah lah kan college naupang ho kan tam si,Sakawlha vang hian min la en duh em em zui.Hei tak hi ka duh lo,kan inneihna hi tuman an hriat ka duh lo a,ka college chhuah hma chu mahse hepa hian a sawi loh hram beisei phawt ang.





"Eng nge hetah i tih?" a rawn ti leh hmuk a.Ka bul lawk a thu Marcus pawh chu a melh vut bawk,mahse ani erawh in ngaihven ve awm hauh lo in a thil in lai a in zui mawlh mawlh thung.




"College kan kal" ka ti nghat chuan a hmel chu naupang a duh ang chhanna pe lo ang mai hian a nur nang a.A duhawm ve reuh lutuk. Het! Chutiang ngaihtuah loh tur.Hmelma Hmelma! Ka rilru chuan ka ti mawlh mawlh a.




"Class i la nei em?" a ti leh nghut a,ka thiante ho chu an lo ngawi diak a, hepa hmek hmuk hi chu a hlauhawm em bawk ani.Hmeichhe ho lah hian an la en duh em em zui.




"Neilo" ka ti nghat a.Mi dang hmuha in phawrh mualpho tura inhnial vel ka peih lo.Kan bula a din ringawt pawn min en duh hlawm tawh ania.He mihring hmek hmuk pa vang vek hi.




"Ok,min rawn zui rawh" a rawn ti leh sup a.Ka bula ka thiante awm chu a melh kual zauh bawk.Engvang ngawt in nge ka zui ang.A bula awm duh lo in kal chhuahna tur ka zawng ve tawk tawk a.





"Thil pawimawh tih tur kan lo nei tawh a,a rawn zui theih che ka ring lo" Marcus chuan rawn ti nghat in ka bulah chuan a rawn ding nghal a.Ka kut ah chuan a rawn vuan pah kher bawk.Chu erawh thil tha ber ani a nge maw? Isaac a chuan min melh ngur hnu in zawimuang chuan Marcus an ka kut a chelhna chu a rawn en a,a melh vang vang hnu chuan a kut chu a kerkawr ipte a thun hmak in a rawn rum nghut anih chu.A hmel chang zual sawt pawh chu hai theih ani hauh lo.






"Sakawlh" tia Afaki phun ru sap pawh chu ka hre ru nghal zat bawk. Ni e a hmel hi min ei zo duh hmel a pu tak tak in ka hria.





"Tlangval in thil tih tum chu in sut mai a ngaih hmel, Bawihi hian min zui angai tlat" a thu rawn sawi avang chuan ka meng nghak hra a.Awitei in a tui in lai pawh a rawn khuh chhuak thawt a,Afaki'n a lo buai pui nghal bawk.Zosangpuia min koh dan avang chuan rum zetin ka en a, ti fuh intih hmel zetin a mit ko alo la san auh zui.Ka ngei lutuk hi tui lak lawk a theh thawt mai te ka duh.





A kut leh lam chu rawn la chhuak in,a khabe hmul to deuh siar siar chu a kut zungpui chuan a tuai deuh hauh hauh a.Chutah chiang zeta min rawn en leh in ka bengbul hnai ah chuan a rawn kun hniam nghal ruai bawk.






"Ka nupui i ni tih hi tih lan ka hreh dawn miah lo ania" ka beng bula a rawn ti sup chuan ka melh nghal hraw a.Chiang fe in min rawn en let a,a mitmengah chuan ati duh tak tak ang tih alang chiang hle bawk.Ka huatna te hi a vawrtawp a thleng tawh emaw ka tia mahse ka la haw zual zel thei bawk si.





"I thianpa hi a hmel hmuh tlak loh a ka siam hma hian a kut kha thlah rawh" ka bengbula a rawn tih leh nghut chuan rang zetin Marcus kut chu ka thlah nghal a.A hmel chang run chung chuan rawn nui suk in ka kut leh lam chu a vuan nghal zat a.





"Kan kal mai ang...Nakinah inla inkawm leh zawk dawn nia" ka thiante lam hawi chuan ati leh sup a.A hmel erawh a nel awm hran loh viau.Marcus a en chuan ngeiawm zetin a nuih suk anih chu Marcus a tih dan kher chu ka ngei pui lutuk chu vuak chawrh chawrh ka chak mahse ka la thei silo.






Marcus chuan kan kal tur chu min en reng ringawt,engmah a sawi lo a,a hmel erawh a rum hle.Hepa vang vek hi,keimah vangin a in tina a enkawl pawh ka enkawl thei silo.
Ka chhung ril pil lutuk hi a hrehawm tak zet tawh.





"Lut rawh!" A bolero kawngkhar hawn pah chuan ati leh nghut a.Marcus a tih dan kher kha ka lung ala dam thei lo,ka thinrim leh ka natpui lutuk chu ka tap thei hial dawn in ka hria.





"I duh ang in ka nei tawh che a,tinge min awm tir ve tawh mai mai loh a,engvanga min tina reng inih" ka ti ta thlawt a.Ni e,ka nei tawh a a lungawi ve thei tawh mai lo ami.Tinge?ka neih chhun tak meuh meuh te hlat zawnga min awm tir tlat a tum.





"Lut phawt rawh! In ah kan inbe dawn nia" a rawn ti ve sup chuan ka tap mai tur chu duh loin thawk ka la zui hap hap a.Hetah chuan kan mualpho ve ve thei tih ka hriatna chuan min ti tim ve deuh bawk nen motor chhungah chuan ka lut ve ta hram a.





Motor kal huala a rawn luh ve chuan motor chu a che luih thei nia.A awmlo hran lo,a palian ve em ani,mizo te zingah chuan alang sar vah tih thei tur ang chi kha ani.





Motor chu tinungin kan tlan ta nghal a.Motor chhung boruak te chu a uap ta churh mai hian ka hria,chuan ka lum deuh pup pup bawk.Ka tih ngaihna hre lo chuan glass chu down in thlithaw chu ka inchhem tir ta hauh hauh a.




"Hey!" ti vak a ka hawi phei chuan kawng chauh en ang mai chuan min melh duh hauh lo anih chu.Boruak uap lutuk tih reh nana ka glass down chu a rawn up daih anih chu! Hepa sual dan em em hi!




"Ti thla leh nghal rawh!" ka ti vak chuan min rawn melh zawk a,a hawisawn leh nghal daih.Ka chum vak mai dawn zawk amaw ni.
"Ti thla rawhhhh" ka au leh chiam a.





"Aih...boruak chhia a tam lutuk i dam lo ang!" min ngaihtuah awm ang zia zang chuan a rawn ti leh hmuk anih chu! In la ngeng si,ka melh rumna ve lah chuan min rawn la nuih suk duh chauh leh nghal.A nui hmel lah hi he khawvel thil awm zinga vang ber pawl ani hial ang.A hmel rum tak erawh hi chuan zun a nei ve ani chek ang chu ka ngaihtuahna ah a cham bang zing emai.




"A lum alawm" ka ngaihtuahna ti lang hauh lo chuan ka lo ti leh hlar a.Min rawn melh leh zawk a , motor a ac chu a on nghal vut bawk.





Ka van ngei mai mai tak.Alam pawh hawi duh lo chuan ka in her san hmaka seat ah chuan ke hlang in ka mu awn deuh ti tih a.A nui suk ri chu ka hre vuai bawk.Hmela mai mai chu le!




_______________________


Lo chhiar chho ve tauh tauh ru aw...Chuan Ads click kha in theih hram chuan lo ti ula...in fel kha🥰 Chuan comment 1 tal hnut chhiah leh keuh ula

[Ngaia]

Chapter - 4


(A tawi🥺)



Thil che deuh dawt chuan min ti harh riai riai a,mi vai riai a ka men chuan motor chhungah ka la awm tih ka hre nghal.Inthing harh in ka thu ngila in kan lo thleng reng tawh.Engtin nge hahdam taka hepa bulah hian ka mu thilh theih zawk.





"Chhuk rawh le" a rawn tih ve sup chuan ka en vata nichina thinrim hmel ang kha chu a pu tawh hran lo mahse ala rum tho.A hmeldam tak phenah hian sakawlh ala awm tho tho.Rapthlak thei si!






Ner sawk chung chuan ka chhuk ve nghal mai a.A motor hun rem pawh chu nghak lovin inchhungah ka lut daih, Pi Zami ka hmuh mai loh avang chuan ka room ah ka lut tlang nghal daih a.Ka bag chu khumah theh tla nawlhin ka pheihkhawk bun ka hlip nghal mawlh mawlh bawk,ka hlih zawh a shoe rack a ka dah lai takin ka room kawngka a rawn in hawng ve chiah a,en lo mahila a pen thawm atangin tunge ani tih ka hre nghal,khep khup a.Engtin tak min rawn ti leh dawn ni maw.






"Inbiak kan ngai ania, rawn thu teh" ka khum piah deuh lawk a,ka couch hunah chuan a thu thla nghal dawt a,ka couch mipahnih thutna leng vel chu a te ta riau hian ka hre nghal.A rawng leh Sakawlha hmel phei hi chu inrem lo tak ani.






"Ka be peih lo che...Ka mu duh ania chhuak teh" ka ti nghat a.Rum nghutin min rawn melh nghal hrawk bawk.Ni china a hmel tlema dam ve deuh kha chu a bo leh vang vang tawh.Pathian hian a va han duhsak bik awm hi ka tia....A duh duh hi ati thei ni mai hian ka hria,kei ngei pawh min nei lui hmiah ania.He inneihna tei vet pawh hi!






"Chhuak lo tur i nia sin" a rawn tih leh nghut chuan ka lo nui hak a.A duh duh a min control a tum hi ka haw ngawih ngawih! Mipa ve ve chu ni ila kan insual reng ka ring.He a mizia ngeng leh chapo tak hi ka engmah hian amil hlawl lo!





"Kha lam chu ka thu thu" ka ti ve sak a.Min melh nghal khui khui mai! A mit meng zun nei tak hian ka chhungril hi engtin emaw tak hian min fan thin.Tunah pawh ka heh a hil leh deuh rap tawh hi.





"A thleng tawh tur anilo, sawi nawn ngai tawh suh se.Anih loh chuan i zirna hi inlam atang pawhin i ti thei reng ania....Nih loh pawn India ram chhungah hian post awl a tam teh ania,ka nupui" a thu rawn sawi avanga ka thinrim zia chu ka mitmengah pawh a hmuh thiam ka ring mahse he sakawlh hian min la nuih tel hram anih chu! Nilo kha chu in hmusitna lam rawng a kai.Ka huatna hian tur nei se chuan khawvel mipui chanve tal thih theihna khawpa nasa chu anih tawh ka ring.







"I ti hauh lo ang" seh chilh ve nak a ka tih chuan min nuih suk duh chauh....Ka bul lawka ka pillow tar mawi ang deuha dawhkan chunga ka dah chuan ka vawm nghal pawp a.Ala fuh lo zui! Salah!!!! A thinrim ka rin nen nui suk chungin a mit ko min rawn la san khum zui,kei in ka lo ngei tum hrang bawk.






"I hmelchhe lutuk!" ka inrin hma hauh a ka ka atang thu rawn chhuak avang chuan a rawn nui chhuak ta hawk anih chu.Rang zetin ka kutin ka hmui ka hup thung.Ani lah chu ala nui sawng a,he khawvela vang ber mai a nui hmel pawh a mitmeng rum tak te phen ami chu alo lang ve leh ta lawm.







"Lo kal teh" a kut a min hui paha a rawn tih chuan rum zetin ka lo melh a.Ka va han pan awm hlei lo.Chhuak vat vat se tih nak alaia ! Ka room te lah hi alum pup pup in ka hria.




"I lo kal loh chuan...ka rawn pawm phei hreh hauh lo che" a rawn tih leh nghut chuan ka lo ner nang a.Mahse a hmelah a ti mai mai loh tih ka hmu zawm nghal zat bawk.Va han chhe mai mai tak.A chet deuh hrut rual chuan ka pan phei nghal thuai,a pawm phei nih ka duh teuh lo...Nilo min khawih lo zawk se ka duh,ka huat vang pawh ani tho nangin min khawih hian ka awm thiam lo,ni leh lo engtin nge ka awm pawh ka sawi thiam lo,ka ni deuh tung zel! Hahthlak hian.






"Good girl" a thutna hma zawnah tak inkuang kuah fel at a ka din rual chuan alo ti sup a,a thutna couch nghen chhan chu nghengin a nui pah suk bawk! Tinge hepa hi....Ka ngei tura awm hi a thiam em em mai le.





"Enge ? Sawi vat la chhuak teh" ka lo ti leh hlar a.Mitmeng zim sun hian min rawn en nghal bawk.Chutah rawn thu rem tha in ka inrin hma in min pawt dawrh a,amal chungah ka thu fel der.




"Engnge i hriat a!" ti hlar chuan thawh chhuah tum chuan ka tal fat fat a,min chelh nghet ve tung bawk nen ka ngei lutuk chuan a dar ah ka chum ta ngawt bawk.Mahse he taksa hrawl lutuk hi zawng ka chum ve te lek lek kha chu sisen seh ai pawn nà ati lo zawk ang tih a hmelah a lang reng! Ninawm...





"Min thlah teh..." ka ti leh vak a,naupang nuar ang mai chuan ka ke che thei chin chu ka leng vak bawk.A hmel ka en chuan nuihzat hmel zet leh à min tih hmel zetin min lo en a,a awm ah kan ben rik thlawrh kha! Na ti hmel pawh ala pu chuang lo!!!!






"Tal tawh suh...ka thusawi zawng zawng kha zawm tum bawk la,i tan a tha tur vek ania ka sawi ni" a rawn tih dam ve thluam chuan ngei zetin ka melh.A taksa ka deh a ka taksa mur ar ar thin te,a rimtui hman rim ka hriat changa ka taksa za deuh chiai chiai thin te hi ka hua,tunah phei chuan pangtilum angah si...Ka taksa awm dan pawh hi ka hrethiam tawh lo!






"Ka tan a tha tur chu ka hre ve reng, tih luihna hmanga min neitu hi ka ring chhe te lo che,mahse i duh dan anga ka awm leh dawn lo anih chuan min tilui leh tho ang tiraw...Min rawn der ang khan vawikhat mah thu sawi tawh suh, thupek bak ilak atangin ka dawng ngai lo" ka ti ve sak sak a.Min melh run a heng amitmeng te hian ka thinglung hi engtin nge an thunun theih tlat le.







"I zawm angai tlat ani,chuan .... i thiante abikin mipa ho kha in khawih tir tawh hauh suh, a nih loh chuan ka hmuhna hmun hmun che u khawlai pawh nise kut ka thawh hreh hauh dawn lo ania" a rawn tih ve nghut chuan ka melh nghal hrawk a.Ni china a nui hmel te kha chu abo leh vek tawh.A mood han inthlak chak em em zia hi.




"Chutiang thleng thlenga ka zawm na chhan tur ka hre lo" ka lo ti ve sak a.Nin hmel zet hian a thaw hak a,min la vuan tung reng tho.




"Ka nupui " tih sup paha a chet dan chuan ka ham haih lutuk vang nge pawh ka hre lo ka dawh tawp ringawt.A hmui chhah tap chuan ka hmui chu duhthawh zet hian a fawp a.Dan na chang ka hre lo,nilo ka chhung ril hian nuam tihna thlarau mak zet ka nei. Ka hmui hnuai a seh tel zauh chuan ka an deuh zauh a,chu chu rem changah la in ka kà chhungah a lei a rawn hawl lut nghal bawk.






Hetiang khawp hian inkiss hi alo nuam ang tih rin ngaihna reng ka hre lo.Ka insum thei tawh ngang lo,ka thiam dan dan chuan a tih dan zai zirin ka fawp let ve ta nghal a.A rawn thaw deuh hawk bawk mahse min fawh zawm leh nghak mial mial.





Ka bul velah engnge awm ka hre tawh lo,tunah tak hi chuan kan thil tih lai hian ka ngaihtuahna zawng zawng aluah khat a,hei chauh hi ka ngaihtuah thei.Ka rilru fim te an kiang zo ta bawk.




A rawn che leh vut a,couch ah chuan ka mu fel der,min rawn bawh nghal bawk a,kan hmui erawh ala inthlah thei hauh lo.Ka zei hran hauh lo mahse nuam ti tak ka ni.Ka taksa mur ar ar te pawh chu ka hre thiam tan ta bawk.






Min fawh dan thlak in zawi muang chuan min fawp ta delh delh a,a nawmna adang chuang lo.Ka hmui hnuai chu a seh nèr nèr a apet leh fan fan thin.Chuthil chuan ka taksa chhung a ti zà vek thei bawk.Ka awmdan hi hetiang hian vawikhatmah ka la awm ngai hauh lo.






"I engkim hi ka ta ala ni vek ang!" ka beng bula thawk lum ham ham paha a rawn tih sup chuan vuak chawrh ang mai hian ka harh nghal kawk.A darah chuan ka nam nghal vak a,nui suk paha ka nghawng a rawn fawh leh zeuh chuan ka lo ip nghal chawih.Tho kangin a uniform chuar chu a pawt mar thuak thuak a.





"Lo muhil rawh...nakinah eitur an rawn pe ang che" tih sup pah chuan min nuih leh sak a.A hmela min nuihzatna lang chuan ka mawl zia min hriat nawn tir a.Khatianga awlsama in tu lut tur kha ka ni lo asin.A thleng leh tawh ngai lo ang.








Ka phone ri ral ral avang chuan phak chual in ka menga ka lu kham chu dap rak rak in ka ban fuh ve mai bawk.Dar zat ka en chuan 9:30 pm alo ri vel deuh chiah min lo call tu pawh Awiteii.Henu hi zawng thu pawimawh vak a sawi leh pawh ka ring lo.Tiang hunah hian a chang chang in min lo calk thin a,a changin a hnuk a rawn ulh thul,a tah na chhan lah ho thei ropui si.





"Hruai,i mu tawh em?" a rawn ti nghal zat reng bawk.Zosangpuia vang khan ka thinrim in ka mu tau a.Chaw min rawn pek pawn ka harh duh lo der tlat,lem ka channa lamah ka lo muhil tlang daih anih hmel pek hi.






"Min kai tho chiah" ka lo tih sap chuan a rawn nui leh uar uar engtak a nuih chhan ni leh ang maw.A rawn tap leh tep tawh ang chu!






"Hruai teh maw,ho ti mahla lo ngaithla leh tho rawh aw" a rawn ti leh hmasa te te a.Mizo class a sawi tur a hriat loh theih teh lul nen hetiang hunah hi chuan tel in ang mai hian sawi tur a hre leh em em bawk sia.Mak ve thei tak chu ani.





"Sawi vat mai teh" ka lo ti nghat a




"Ka sawi dawn reng!...Ih en teh maw tinge ka vei bik em em le! Suangtuahna mai ni mahse ka ngaihtuahna zawng zawng a luah khat tlat bawk si.." a rawn tih leh sap chuan ka lo nui mai mai.A story chhiar thin hian a ngaihtuahna hi a su hneh ve em! A ruih a piang lahin Lawmzuala nita in ka hria a zawng thul kan buai nasa thei teh ania.






"A tak an ni lo tih hre reng chungin ka vei em em tho a,boruak awmdan a zir hian ka ngaihtuahna a luah zual a,a che zia tur mitthla chung in hmalam ka pana mahse engkawng pawh zawh mahila tawn tur reng a awm lo, theih loh a awm lo tih sawi tute hi maw vuak hrep ka chak thin, a chhan pawh Lawmzuala a awm ve thei lo, amah ngaihtuah chung in ka hma ka sial a mahse ropuina emaw chawimawina ka dawn ve theih chhun pawn a lo tel ve thei chuang silo, tinge suangtuahna mai anih! Tinge...mihring ang a apian ve theih loh, suangtuahna mai ni tur chuan a tha mah mah ani" tih sawi paha a tah leh faih faih chuan ka lo thaw hak a.Mi nung awm lo ngaiin a tap chu ani si a,a ruih apianga a awmdan ania buaithlak ve tak chu ni!







"Mipa dang te hi ngaihtuah tam la,kawm la i zia mai ang awm lo ngai in an tap an tap ngai lo" ka tih chuan a rawn tap ring zual sawt.A room ah a inkalh khum leh tlat awm sia a chhungte pawh hian hetiang hunah hi chuan an dah mai mai tawh,a inti na ngai chuang lo bawk a.






"Awm lo mahse ka ngai tho alawm" tap hliam hliam chung chuan a rawn ti pawr hlar a.Em em reuh hian! "Mipa dang ho tumah ka hnaih thei lo tuman Lawmzuala an ang lo alawm" arawn tih leh hlap hlap chuan ka lo ner vak.







"Vanlallungtiawi mu rawh!" ka ti hlar a,mi rilru buai ve lai lai a,piang lo ngaia alo tah vei hliam hliam ni.








"I sual si!!" rawn tih vak pah chuan a dah tau khanglang anih chu! Henu em em hi,kan zingah a kum ala nau ber a ala naupang chhia ber bawk mahse lehkha a thiam thei ber thung.Mahse Lehkha aiin Lawmzuala ka thiam zawk ati der thin a,anih tak tak pawh ka ring a àt pui hi ani ber .








*Lo ngaihtuah zawm mai ru...Ka rilru hian rilru pawh anei lo! zanin chu ka type thei hlawl lo naktuk zanah ka lo zawm mai ang.Min lo hrethiam hram mai ru aw....In fel em kha🥺❤❤*

[Ngaia]

Chapter - 5






Isaac Zosangpuia (POV)




Kawmchar hnunglamah chuan chhuak pheiin thingkung mal ding kianga thuna ka siamah chuan ka thu a,ka meizial chu phawrh in ka tan kai ta nghal a.Hip vang vang a hetia khuk chhuah tir talh talh hi nuam ka ti ve hrim hrim.





"Isaac bawiha,ka phei mai dawn asin" Pi zami rawn tawng ri avang chuan ka hnunglam chu ka hawi vat a,ka lam panin alo phei a,alo thleng chawp chilh nghal ani mai.






"Aw,Hruai'n chaw ei tawh em..?" ka ti sup a,tunah tlai dar nga ari tep a,ka chhuahsan leh lawk khan eitur ala eilo tih hria in lo pe turin ka hrilh bawk.








"Ei lo" a tih sap chuan ka lo rum nghut a.A taksa tana tha thil eina chang pawh hre lo tura mawl em em chu ani bik lo in ka hria sin."Isaac, a taksa sawn ei tha a mamawh tak zet,a dam lo thei mai dawn tunah chuan ala muhil rih a,thil ei tha se a theih anga tam mut a mamawh bawk in ka hria rilru hah reng renga awm chu taksa hi a heh ania" min melh zauh paha arawn ti ve sap.Ani pawh hian kan inkar hi chu a hre ve vek sawi zawm mai kan ni tih pawh.Mahse chuvang chuan angaihnep phah lo a,a lainat a a theih pa tawpa tha a enkawl atum bawk.A ti ve mek reng bawk a.







"Thlah i ngai dawn em..?" a thusawi chu ngaihtuah zui duh rihlo in ka lo pawt chat vat a.Angaih loh tur thu sawi in min en leh vang vang a chumi hnuah zawi muanga in her in min kalsan a.








He hmeichhia hi engtin nge maw ka tih dawn le! Nupui atan khan lo nei lui lo ila tuna a nun dan ang hian ala nung reng angem? Kan inneih hnu a tanga a taksa tla dawk ta te hi keimah vangah ka in ngai a nuam ka ti hauh lo.Tlangvala pumpa ni mai lo hna tha tak nei leh hmelchhe lo tak,mizo pa ah pawh pa lian pawl tak ka ni ve a,ka duh duh thing thei tur khawp in ka tha ve tawk bawk mahse chung zawng zawng zingah min duh lo a,min haw ngawih ngawih tu ka nei lui ta mai si a. Kha thil kha engvanga lo pawm mai nge ka nih tih hre lo mahila inchhir erawh ka tum hauh l.He hmeichhia hi eng ang mi pawh nise ka lak atang hian tuman min chhuhsak hauh lo ang.









Isaac-a ka ni a,ka nunah hian hmeichhia hian hmun an chang thuk ngai hauh lo kum2 kl ta atang kha chuan mahse henu vang hian ka taksa leh thinlung vawt tak te che tuar hrehawm ka ti ve ta viau a,amaha ka chhungril ti che tu khan ka tam lumna tur anei tih vawikhat ka hmuh ni khan ka hre nghal bawk.Ka hmuh hmasak ber erawh kha chuan class - xii zirlai mai chauh ala ni a,an khua ah ka thawh dawn khan endik hmasa turin ka han chhoh tum kha ani nghe nghe.Tun thleng hian ka hmuh hmasak ber nia a in chei dan leh a awmdan engkim kha ka rilru hian a theihnghilh tawh hauh lo.






A sam sei ngil nalh zet mai kha sang takah a tawn vah a,a chal sam nen phei kha chuan naupang cute zet ani mai,a sam nithlar a sen buang deuh leh a vun no sar te kha in rem tak ani.A thiante hmeichhe pahnih a kalpui zingah khan asang ber a alang nalh fal nalh bawk.An han inhnial deuh a a tum deuh bar te kha a inhmeh bik hliah hliah a,mawi taka anui hmel hmu ang mai ka ni.A zun zam hi a sei hle aniang ka ngaihtuahna a chhuahsan thei lo a,ka kal hlatsan thui pauh leh ka vei zual sauh zel thung ani mai.









Tunah hian kum 33 mi ka ni a,ani erawh kum 19 chauh kan inthlau ti viau mahila midang ta mai ni tur chuan ka phal hauh lo.Henu ka tawn hma hian nupui hual ka nei tawh a,ka duh em em,ka hmangaihna zawng zawng mai bakah ka sum leh pai chenin ka vur a,kehthei dawm tak meuh meuh in ani ka duat ni,mahse kan inneih hma man hlan zanin a uire lai ngei ka man ta kha ania! Hrep hian,min uire san na pa pawh abialpa hlui nupui neihsan pa kawplai la nei reng lakah leh nghal,khazan khan kut ka thlak hauh lo,ngaihdam min la dil ngam zui bawk ka ngawi reng a , a bialpa hlui lah chuan min hmusit hmel fahranin min la melh zui.Ka ngawihna erawh hi chuan rah tha a chhuah hauh lo thung ang.








Kan inneihna ka thulh nghal a,ka chhungten a chhan min zawt nasa viau mahse engmah ka sawi hauh lo.Muanpuii pawn engmah a sawi lo,a tawng chhuak anih chuan amah bak thiamlo ani dwn lo tih hre tu ani ve tho a.Kar khat aliam leh meuh chuan kha hmel min hmusit ve khanglang tu hmelah chuan manganna in bu a khuar ve ta lawm.Ni e,BDO hial ni mahse a eirukna te chuan chanchin bu leh bengtin a khah zo ta .Zosangpuia hi duh duh a tàwng ngam tur ka ni hauh lo.Muanpuii erawh engtin mah ka ti ta lo,haw hle mahila ka hmangaih ve hman miau avangin engtin mah ka ti zui ta lo.Kan inkar atawp a,midang chuan a chhan ni awm te mak puipui an phuah chhuak a,mizo ho ve lah hi kan rindan hi a tak anih ring chhawng leh in kan thutak khuk pui chiam zel a,ka hriat loh thilah hi chuan inrawlh vak lo ila,a beng lo dawh tu zawk ah tang thiam ila a tawk reng ani mai.









Kan inneih chhan erawh thil lian tham tak ni mahse henu ka nei tur kha ka hlim ru em asin.








Zantin ka mangphan leh ka suangtuahna nei vek tu a taksa,a hmui nel thep te.A hmui zun nei tak ka fawhna ka hmui chu ka tawk zauh a,kha thil te pawh khan ka hmui bul vun a ti chuar thei nia.







Ka meizial ken lai chu hip leh tawk in ka paih thla nghal a rap hrual nawk in inchhunglam panin ka phei ta nghal a.A rooma va kal chu duh viau mahila ka taksa a kianga insumna thla chham zet hi ka control leh thei hauh dawn silo a,ka tina mai ang tih ka hlauhna ve chuan ka room lam zawk chu min pan tir ve thei ta hram.








Kan case thar chinfel tur file ka hawn chu ka keu nghal thuak a,hetiang case hi chu a harsa ve talh ang le.Nula Cindy Vanrammawii chu amah roomah ngei inawk hluma hmuh ani a, a thih atanga kar khatna ah anu chuan amah in ti na tur chi ani lo thah ngei ani a rawn tih tak tlat avang ani.Nula chu kan han ti tak na a,kum 20 mi chauh ama nunna hial ti tawp ngai khawpa thil pawimawh awm chu keipawn hriat ka chak hle a,nunna hlut zia chu ka nu leh pa ka chan ni khan ka hre fiah bawk.Cindy tan adikna chu ka hmu ngei ang.







Kan case zawh tak file te nau ho chu ka en lawr leh dan dan a,chutiang chuan rei fe chu ka bur ta ngar ngar a.Ka zawh fel hnu a dar zat ka en chuan zan dar 10 alo ri dawn ruai tawh.








Tho chhuak in choka lamah ka phei a,Pi zami Arsa buh hawp asiam chu ti lumin ka hawp deuh hap a,tui tak ani.Bowl ah suak chhuak in Ka nuipui te reuhte i room lam pan chuan ka phei ta nghala.Kawngka pawh kik lo chuan ka hawng nghal tawng a,ala mut thilh ka rin teh lul nen phone khawih in khum lu nghengin a thu meng kar anih chu.







"Engnge..?" min hmuh rual rual chuan alo ti leh nghal tawng a.A tawngkam te hi hmeichhia si no lo ve thei bawk si.Chhan pawh chhang lo chuan kal phei in a khum ah chuan ka thu thla nghal hmiah a,side table ah chuan ka tray ken chu ka nghat nghal bawk.






"I phone kha lo la teh!" ka ti deuh hmuk a.Dam lo thei reng ani chung hian a phone khawih in alo la meng kur chu nia.







"Ka phal bawk lo" a rawn ti nghal vat a.Ka melh nghal run thung.Min melh let ve kal a,a mitmeng lian tha kiu kiau deuh chu a nalh hle bawk.






"Vat"




"Ka thil anih hi, i duh te chuan nang pawn i neih ve reng kha!" a rawn ti leh vak a.Ka rum nghut,tawngkam vin chiam chiam hi ka ngaina hauh lo mahse henu hi chu ka en liam thei hle thung.A tawng zawng a ,a hmui chhah deuh tep che ve tal tal chu analh hle a,fawh nawm zia hre tawh tu tan chuan insum chu thil har tak ani.






"Min pe dawn nge ka rawn la dawn" ka tih leh nghut rual chuan naupang chhia zetin a hnungah a thuru ngei anih chu.A chet dan avang chuan ka nui hak a,a chet dan naupang chhia zet chu a hria ani ve mahna a rawn nui ve sak a.A hmui a nuih zawnga che kal raih chuan ka awm chhung a ti tawt leh ta kher mai.Ka nupui ani a ka fawh chu a thiang ve bawk alawm.






A inrin hma hauh chuan ka hmui chuan a hmui chu ka si ta nghal runa,ka hmui chet zawm nghal in ka keih ta buan buan a,a rawn thaw lum hak te chuan phurna namen lo min siam nghal bawk.Ka fawp uar zel a,min chhang let ve phei se chuan ka inthunun zo lo hial ang.Tawngkam mai chuan he a hmui in ka taksa nasa taka a thlak danglam theih zia chu ka sawifiah thei hauh lo.







"Min chhang let ve rawh" chawl deuh dat in ka ti sup a,ka fawh zawm leh nghal bawk.Zawi te leh tim deuh dai a a hmui a rawn tih chet ve chuan ka lo rum deuh nghat a.A kà chhungah ka lei chu hawl lut in ka ti che kual nghal a,zei fahran a ka chet leh hnu chuan a thiam ang tawk chuan min lo chhang let ve ta a.A chet zia ah chuan mipa ala fawp tam hauh lo ang tih ka chiang hle bawk.A zei lohna lai tak hian phurna min siam telh deuh deuh thung.Mahse ka inthunun theih laia kan tawp vat lo anih chuan aduh loh thleng thleng in ka nawr lui ve thei tlat.A rilru ka hliam thei lo.Duhthawh zeta kan infawh lai chuan dam deuh zawk hian zawi muangin ka fawp ta delh delh a,a rawn thaw lum leh hap thin te chuan ka taksa ati lum mai nilo in ati sa hat hat thei hial ani.Vawileh khata fawp leh tawk pah chuan ka inla hrang nghal zat a,ui hmel fe a meng phelh phanga min rawn en chuan ka lo rum nghut a.Bawh nghal lo tur chu ka insum nasat viau angai hial ani.








"Hmm..Thil ei phawt la i ei zawhah i duh chuan kan chhun zawm leh dawn nia" nui suk chunga a hmui sir huh hliam ka kutzungpuia ka va tuai sak zauh chuan a maimichhing hmak a,a lu a thing nghal vak vak bawk.Naupang te nupuiah ka nei a,nuar ala ching zui...Chhangchhe pa kan ni tan nghal ngawt chu ani bawk sia.A hmu loh lai chuan kan inkiss laia ka lak a phone chu ka ak nghal hmak a.Side table a tray chu chawin ka malchungah ka nghat nghal bawk.







"Ei phawt teh le!" dam deuha ka tawng ve sup pawh chu mak ka inti.Mahse he hmeichhia hi chu duatna nen naupang chhia ang maia enkawl anih loh chuan hma kan sawn thei dawn hauh lo.






Min rawn en zawk a,ka lo melh reng vang nge ka tray lam chu a hawi thla ve vut a,a chil lem ru dak pawh chu ka hre reng!
"Ei thuai rawh,a daih chuan a tui dawn miah lo ania...Bawihte" ka tih sup chaun min rawn melh leh hrak a.Keiin nuam ti zet in ka lo en thung ka koh duat ve hian a thin a rim ziah a,mahse a tum hmel hi a hmeltha reuh ka ti tlat bawk si,chubakah kan inneina kan zep a tuman ka nupui tih an hre lo, nula emaw tia mipa dang hnaih thei renga a awm hian ka rilru a tidam meuh lo...Chuvanga ka ta anih zia entir nan a ko duh tlat pawh chu ka ni.







"Khati khan min ko tawh suh!" ti vei nghat pah chuan bowl chu rawn la kangin a chawk dai a,a so sa a keng lut ka nih vangin ala khu ve veng veng bawk.A hmui nalh zet chuan chhem delh delh in a hawp nghal thuai a.A nui hmel avang chuan ka lo nui ve nghal tawp,a lungawih lohna hre chang tawh lo lek chuan nui sang chuan a hawp nghal mial mial a,ka awm ve tih pawh hre hmel pawh a pu tawh lo.A riltam takzet aniang rei lo te ah a ei fai ta leng a,ka lo nui suk.





A plate ruak chu ui hmel zet hian a en reng a,a hnuah min rawn en ve leh a,a hmel chuan naupang khawngaihthlak zet a ang ber.A duh leh tih a hmelah chuan alang renga mahse ka zawt duh lo lui ve ngat! Ka mit ko ka lo chet ralh chuan a ner nang a.A chimawm a chhuah leh loh hram ka beisei!






"Ka duh leh!" deuh tlawng zel mai a,a plate ruak chu ka lamah alo lek phei ngat bawk a,a hmel chu ati lui nge pawh ka hre lo khawngaihthlak awm reuh tak ani.Hetiang khawp a apang chang lai hi a duhawm anih chuan pangchang reng thei tur khawp a nasa duat pawi ka ti hauh lo.







"Ka pasal ti tel la" ka ti sup chuan a rawn meng kawk a,luhlul chhuah a tum leh ani ngei ang alu thing vak pahin aner leh nasa tawh mai.






"Chuti keimah in ka va ei zo mai ang,Pi zami khan hmar cha rawt tui deuh a siam tel tak kha mawle" amah pawh melh duh lo chuan tray leh plate ruak chu kengin ka ding chhuak nghal nalh a.Ka rin lawk ang ngei in ka ban bulah a rawn man nghal chat bawk.Hmeichhia ka hriat zingah hmarcha la duh ber ani hial ang,thil thak tak tak a ei nasa thei hle tih pawh ka hria,a pum ka ngaihtuah pui deuh thin avangin inlamah hi chuan alangah hmarcha vel ka dah tir ngai hauh lo.Zanin erawh hmanrua tha ber ani thung anih hi.Ka ngaihtuahna ho te avang bawk chuan ka nui leh ta!







"Ka duh vee..." dak vaha a rawn tih nang nang chuan nui chhuak lo turin ka insum nasa hle.Naupang nuar chiah chiah,thinrim deuh bawk si ti lang ngam chiah lo te pawh a ang!






"I duh ve...Mahse tih tur hmasa i nei " ka lo tih khauh chuan min melh rawm a,ka mit ko ka kan euh chuan thaw hap in hnuai lam a melh ta daih."Ka kal dawn asin" ti sup pah chuan ka inher nghal hmak a.








"Ka duh ve....ka ...ka ...ka pasal" a rawn tih deuh salh chuan ka hawi let vat a.Alo maimichhing thung,a tir lam kha ring viau mahse a tawp lam erawh a zuih ral lo chauh! Mahse hma kan sawn tho alawm,ka lawm tawk em em tho!







Side table a tray vel dah vut pah chuan ka hnaih vat a,ala maimichhing reng thung nuih sak in a khelah chuan vuan in ka chawi kang nawlh a,a rawn khek nghal that bawk.Tlak hlau zet chuan ka ngawngah a ban chu suih in ka kawngah a kherh nghal chial bawk a.A taksa ka deh riangawt pawh hian mipa ka nih zia ka hre nawn awn awn thin.






"Min dah thla teh! ka kal ve thei reng " a rawn tih hlar chuan nui sak in ka pen ngai chuan ka pen zawm mawlh mawlh a,sual a chhuah zui ta bik lo bawk.Choka kan luh chuan dinning table chungah chuan ka nghat thla nghal a





"Ti khan lo thu rawh" tal thlak a tum rual chuan ka ti nghal nghut bawk.Plate kan kal san bawk nen a fai sa dang chu la in fian te pakhat ka la nghal bawk a.





Arsa buhhawp chu hawp pak pak in hmar cha plate te a hma ding chunga ka ken sak chu a rawn tem nghal zel bawk.A si leh hlap hlap thin te chu ka lo nuih suk thin a,thip fe mai hian min rawn melh nghal ram zel!





"Ka pum a puar vek thei alawm le" tih nang nang paha dawhkan chunga ke then leuh leuh a thu a pum zut dalh dalh nu chu a eina plate sil pah chuan ka nuih pui leh suk suk thin a.Zanin hi ruih a nei nge pawh ka hre lo , zan dang zawng aiin a fel phian.Naktuk ah erawh zawhte kawlh zetah a chan tawh loh hram beisei ang.








..................







College kal tura a insiam chu ka nghak ngar a,a rei tawh tak zet.Kawngka ah ka kal tawh nge kal lo tih en turin a rawn dak zeuh zeuh pawh chu ka hmu ru reng mahse ka sawi duh lem lo.Ka ruala kal chu thih hrehin a hreh ni ber hian ka hria.Kalsan mai tura min hrilh pawn ka la nghak lui ngar chu ani sia.Mipa dang nen college an kal rual leh palh nilo an kal rual ka phal tawh lo tlat ani.Kha a thianpa tei let lah kha!







"Chawhnu thleng pawn ka nghak peih che nia," ka ti nghut chuan kawngka a lo dak de de nu pawh chu a che dawt a.Ka hmu tih hrethiam vat in rawn ding ngil in inrin tawk hmel fahran chuan a rawn pen chhuak ve nghal bawk.









"Kha kha i ha chhuak dawn lo tih sawi teh" ka bula a lo thlen rual chuan ka lo ti nghal hmuk a,mak tih hmel zeta min en pahin a inthlek nghal vut bawk.A kekawr tight zet chuan a pian nalh tak chu a ti lang chiang hle a,a mawng bawr phei chu a vawng deuh lah hi ani mai.Mipa thisen ti lum nghal thei khawp a mawi hi chu ani ve chiang ani.Chuan hetianga mipa dangin an hmuh ve ka phal hauh lo bawk!








"Dawn chiang e...A that em hi!" ti ve salh pah chuan min rawn melh nghal vat a.Ka lu ka lo thing nawk! Hetiang aha anih chuan college ka thlen pui hmain thil dang a thleng hmasa zawk ngei ang!







"Aih! Va thlak rawh!" ka tih hmuk chuan mak tih hmel zetin min rawn en a,ka lo melh ve run bawk.A hmel ah chuan a lungawi hauh lo tih alang chiang hle a,a thawmhnaw chu thlak a tum hauh lo bawk.






"Tha taka ka sawi lai hian bawihte ka thu zawm rawh! anih loh chuan ..." tih pah chuan a kawngah ka kut pahnih chu ka zen lut nghal thuai a,a hnung lamah a eu nghal vak bawk "He hi.." tih pah chuan mawng vawng lah chu ka hrawm nghal tawk a! A rawn ip nghal chawi bawk.









"I thlak dawn em..?" tihpah chuan amawng chu chuk kual in ka hrawm leh nghak nawk a.A rawn thaw chhuak nghal hak bawk.A lu a rawn buk chiam chuan nui sukin ka thlah nghal vut a.Thawk an la leh hmasa te te te chuan ka nun chu an ti par vul mek ni mai hian ka hria.









"Ngaihtuahna hmulpa!" tih vak paha tlan nghal chu a banah chelh tum mahila a tlan vang vang tawh.A room kawngka a luh dawn chuan naupang chhia zetin lei min rawn chhuah khum chiam bawk! Ka nuih hawk phei chuan a mit rawn ti kalh lui leh vak in room lamah a pil bo nghal hmak a.
A chetzia la naupang chhia zet avang chuan mahni in ka nui ta suk suk mai anih hi.





•••• Naktuk zan khu vawin zan ani tep tawh•••

[Ngaia]

Chapter - 6







College a ka thlah tur chu a duh lo hle aniang car seat ah pawh ala thu tum bur a,min melh duh thak lo leh nghal,tawng pawh a tawng chuang lo ngil ngel reuh hian.
Engthil tak ngaihtuah ni maw a hmui hnuai lam a rawn ti pawrh leh vak thin a,a chang leh a lu a thing vak thul naupang ang mai.







"Dar engzat ah nge in ban ang..?" ka ti deuh sup chuan min rawn melh ve vata,ka lo en ve chiah bawk nen a hawi sawn rang teh e.A zak reuh emaw ni!






"Ngatan nge i tih?" zawhna chu zawhna bawkin chhanna a siam a,hetiang hi ka ngaina hauh lo bawk!





"In ban hun tur ka zawt che" ka tih deuh nghut chuan min rawn melh ve vat a.A mitmeng ringawt pawh hian zun anei ang tih tur ang velin ani a mawi ni.








" 2:20 pm ah kei chu ka zo ang" a rawn ti ve sap chuan ka lo bu nghut a.Ka awmdan chu angei leh tawh nge ner sak in a hawisawn leh hmak tawh.







"Ka lo lam ang che...Min lo nghak dawn nia!" ka tih leh sup chuan phawk zetin min rawn en nghal.






"Ka duh tawh teuh lo mai!" Chiam chiam zela motor ah kan pahnih chauhin kan awm,naupang a duh lo pek luih ang mai!







"Ka zawt lo che Bawihte....Ka sawi mai ani,min lo nghak ang che!" a thusawi ngaipawimawh hauh lo a ka tawng chuan a sa leh tawh ngang aniang a hawi tau nghak sawk.Be leh vaih ila chuan min rawn zuan duh mai tawh ka ring.








"Kha tah ding suh....khutah khuan!" an college kawta ka ding tur chu a rawn au chiam a,a thu tlum nghak vek bawk.A zirlai a buai thei ang tih ringin kan inneihna pawh kan puang zar lo a,hetia a awm chhan pawh hi ka dem lutuk bik lo mahse a pasal nilo in a kawp lai ang tal in ka la lang tho ang.Vawin chu a thu zawm phawt mai ang!








Ka din rual rual chuan a chhuk nghal vut a,kan dinna bul vel chu a hawi kual nghal vat vat a,min an hmu ang tih chu hlau ve lutuk.Ka rilru hi ka hrethiam ta hauh lo tih buai ka chak tlat anih chu! Hah naute hmeltha leh!








Ka phone chu phawrh in a no. chu ka dial nghal a,college lam pan tur a a chho mek chu a ding nghal chat tih side glass atangin ka hmu bawk.Rawn hawi let in min rawn en ve chiah a,tum deuh bur hian ala ve leh mai bawk.Ka rin loh lam deuh hian a che leh thin! A sual a chhuah leh ka ring deuh kha nia.







"Enge ni leh tawh!" a rawn ti nghal hmak a.Ka rum nghut a,a rawn thaw hak bawk.





"Goodbye kiss" ka ngaihtuahna lang hmasa ber chu ka sawi sup a.Darthlalang atang chuan a meng rum deuh ul pawh chu ka en reng.





"I thaw ve ka dah dawn...."






"I dah rual rual in ka lo chhuak anga,mi zawng zawng hmuh ah ka kiss ang che" ka ti ve hmuk chuan a meng deuh kawk a,a lu thing nak in a insiam tha nghal thuai bawk.





"I ti hauh lo ang? Ka kal dawn" tih leh vut paha a rawn hawi chuan ka lo la melh run a,ka motor kawngka chu tlem in ka hawng deuh zuau tihah chuan a rawn pawr leh ta khawp mai.








Thinrim deuh chuan a phone chu off deuh sawk in a rawn phei nghal vut a,nui sawngin ka lo en thung.





"Mim ti buai reng lo hian hna ah kal vat mai teh!" ka motor bul arawn thlenrual rual chuan a rawn ti hlar a,ka mitko san ak in ka bul vel chu ka signal zauh a,a hawi vut a,dawr te awm bula lo ding ten an rawn en ani tih a hriat rual chuan tim deuh hian a khup zal zal a.Reuh hian!








"Hna ka tlai dawn ania!" ka tih hmuk chuan min rawn en leh vat a,a bo hmel fu in ka hria.Ka hmui ka tuai zeuh chuan a hreh ngang tih a hmelah a lang nghal bawk.






"Min min hmu ang kal vat vat mai teh..Sakaw....ahh...kal...Kal vat vat rawh" a rawn tih deuh nuai chuan nur nangin ka lo en a,ka meng hniam deuh khui bawk.







"Thil pakhat min tiam dawn chuan ka kal ang!" ka tih chuan min rawn en nghal dawrh a,a lu a bu nghal chiam bawk.Hah! Kiss chu duh lo ve tak ani,mahse tuna ka thil sawi tur pawh hi a duh kher ange maw.







"Zaninah ka bulah i mu ang!" ka ti suk chuan a meng buai nghal vek thei hial a,a hmel awm dan mawlh chu a inthlak nasa,"Nih loh chuan min fawp rawh!" ka lo tih leh khauh phei chuan a hreh bawk si chu ka khawngaih ve hman tep ani.Mahse mahni hmasial thiam apiang te hi an vannnei ani mai! Hreh hmel zeta alu a buk tak nghauh nghauh ah chuan ka hlim ruk zia ti lang lo lur in ka insum nasa mai,a biangah ka kuta ka han nul thuak chuan lo ber sak in a kal nghal nal nal.Ka ngaipawimawh thei rih tlat lo,ka thinlung hian zanin chauh ani a a vei leh tawh ni!











Kan station ka thlen chuan min chibai sap sap a,ka office ah lut tlang nghal in ka thutna ah ka thu nghal hmuk a.Office lam leh mimal nun chu dah hran duh viau thin mahila ka thei ta hauh lo,ka ngaihtuahna ah ka nupui nghal deuh bak kha a awm thei lo.Buaithlak thinn!!








"Cindy Vanrammawii case a OC kha lo luh tir rawh" ka peon hnena ka tih nghut chuan min salute zeuh in rang zet chuan a chhuak nghal nal nal a.Office ah hi chuan order hlir a thil kan kal tir lo anih chuan buaina ho te te kan tawk reng thei ve tlat.







Kawngka an rawn kik karh karh takah chuan lut tur chuan ka ti nghut a,








"Sir,min hmu duh ami..?Cindy case a officer in charge chu ka nia" Inspector Ramsanga'n a rawn tih vut chuan thu tur chuan zai zir in ka lo hrilh nghal thuai a.










"Cindy case kha ka open leh dawn a,chip chiar takin investigation in neih dan han sawi teh le!" ka ti leh nghut a.An report thenkhat chu chhiar tawh mahila a sawi a an sawi ngei hi ka hre duh tlat.










"Cindy kha May ni 16 zan khan ama room ngeia in awk hlum ani tiin case kha kan close a,chuan hei ti hian kan sawi ange,Cindy kha kha mi zan khan a thiannu birthday ah kal in dar 9 p.m velah a haw leh thu dawn ania,mahse in erawh kha chu 11 p.m rik dawnah a thleng niin a nu chuan a sawi,a hriat dan pawh alo haw kha a rui deuh nge ni,inchung a pan tur kha step bula an hun mawi zinga pakhat a ti tla a chutah chuan anu chu lo harh in dar zat en vat in a fanu chu haw tlai ti hle mahse a ngaihven tak loh thu a sawi a,bazara dawr nghak ve mai anih avangin a chau viau ani awm e.Apa thung erawh chu a harh lo...Tikhan zingah alo thawh tak mai loh avang khan a room ah an han kal a,kawngka a kalh tlat nen chhang tu awm thei bawk lo nen chuan an mangan tan ta viau ani awm a,kawngka ti chhia a an luh chuan Cindy taksa chuan lumna reng nei tawh lo hian alo inkhai zuar mai ani awm a.Cindy,an veng mi te pawh ka zawh khan nula fel tak ,zuan zang tak ni bawk kohhran ah lah in hmang em em khati mai a ama nunna an la ta kha mak an tih thu bak an sawi tam lo khawp." Ramsanga'n a tih chuan ka lo bu nghut nghut a.








"Murder case a nih theihna lai tur thil pakhat tal hmuh chhuah in nei em?" ka ti nghut chuan ngaihtuah ni awm fe hian an hawi deuh vang vang a.











"An postmortem talo kha chu nia,mahse kei chuan a nghawng hruiin a veh dan kha inawk hluma thi chu ang ka ti lo ni,an reh hlum hnu ah emaw an khai anih kha ka ring bera, Apa pawh kha ka sawi pui a,mahse a fanu taksa han postmortem tir kha a phal ngang lo ani" atih chuan ka melh vat a.Kawng chu a awm ngei dawn niin alang.Nunna hlu tak an siam theih nilo leh an nunna hmang ngei pawh a an thleng theih loh laksak tute hi ka haw tak zet!










"A taksa emaw ah hliam hmuh tur eng emaw a awm mial em?" ka tih sup chuan "Ahh...chhe te,alang vak lo a hmui sir kha a pem deuh in ka hria chubak pem aneih awm ka hre lo" a tih chuan a chhuah theih thu hrilh in a thusawi ho chu ka ngaihtuah chiang a.Cindy khan bialpa a nei ve ngei bawk.Ani kha han ringhlel dawn ringawt ila kha zanah khan apu damlo a riah pui niawm in an ziak lut ve tlat bawk sia.A thiante lah inan tuar thiam lo ve hle tih anu khan a swi bawk si.Hetiang taka mihring nun rawng hi tu teh hrep nge maw anih le!









Nileng chuan file hrang hrang khawih chuan ka buai nilenga,ka naute ho pawh rukru an man nge an ri leh deuh rum rum zel.Ka phone rawn ti tlang chu ka melh deuh zawk a,message rawn thawn tu hming lang zuai avang chuan ka ban nghal vut bawk.Banga sana in tar ka en chuan Dar 2:30 pm alo ri duai tawh.Hrep hian! Ka nupui lam ka ngai tak e.Mai mai hian a!











"Ka thiante nen kan dine out dawn ania" tih te mai hi.A thiante nen anih chuan mipa te pawh kha an tel leh ngei anga.Chuan kha a thianpa ngeng zet pa pawh kha.Hrep hian Lalhruaizel leh!








"A tul lo! Rawn haw rawh" mipa dang bulah ka awm tir hauh lo ang.Mipa ka ni ani ka nupui ani bawk,mipa dang bulah ka awm tir phal hauh lo.








"Ka thu thu!"







Thu a zawm dawn hauh lo,call pangngai chuan ka call nghak hmak a.A rawn la rang ve viau mai.






"Ninawm! Eng nge ka kal dawn tho tho" a rawn ti nghal lar lar a.Ka lo rum nghut chuan a ngawi ve chawt bawk.










"Kal suh ang che! Rawn haw rawh tunah !" ka tih hmuk chuan a thaw hak pawh ka hre zawm nghal."Lalhruai rawn hman hmawh teh" tia a thiante rawn au vuai vuai pawh chu ka hre nghal vek bawk.









"Ka kal angai tawh ania,bye!"







"Lalhruaizel kal hauh suh! I hria em? I kal vaih chuan ka zawng hmu leh dawn tho tho che, i thiante pawn an tuar vek ang!" vau ti tih paha ka tih leh hrawk chuan thawhak in dah nghal daih.Hrep hian! ka dawhkan chu ka chum nghal bur a.








'Tupawn i taksa an dek anih vaih chuan ka that vek ang ' ti ngur ngur pah chuan ka ding vut a.Tawt tunin hmanhmawh fe in ka chhuak nghal bawk!









●●●●●●●●●●




Lalhruaizeli (POV)








"Tunge i biak vel a!" ka thiante bul ka thlen phei rual chuan an lo ti vat a.Sawi tum lem lo chuan ka lu ka thing nak ringawt.Min zawt tu ber Lalawii pawh a hmui a tih pawrh leh vak hi.








"Kan kal dawn mi!" Hriatkima'n a rawn ti chuan kan kalna tur theuhah chuan kan lawn nghal sap sap a.Ngaizualan Afaki a phura, Hriata'n Awiteii,Hma-a amahin,kei leh Marcus.Bike a kan tlan lai chuan Isaac-a thilsawi kha ka ngaihtuah a,a tih tak tak loh hram beisei ang!









Ngei viau mahila amaha eng ber hian nge min hip tlat a,ka duh ang pawn a hma ah ka awm thei lo.A mitmeng khan zun anei tih an lo sawi thin a,ni zanah khan ka hmu thiam ve ta chauh bawk.Mahse nem mai erawh ka la duh hauh lo.Ka chapo ve na hian ala ngaingam lo,tlawm duh ngai hauh lo kha ka ni thin si a.










Khawpawn lam deuh ah chuan hotel lian vak lo mahse changkang zet si a awm thar tih an sawi a,chu lam pan chuan kan kal nghal bawk.A hmun kan thleng chu kan chiau teng tung ani mai.Kan chhuak ho khat bawk a,chu hotel kan hmu chu alo ropui em asin.Gate an erawh anla peih fel chiah lo nangin an zo tep anih hmel a,tual zawl zau tak neiin parking tihnan pawh a tha na ngiang mai.An lo bul tanna a rei tawh nge,a hmun vel a fel fai thlap a,pangpar leh thinbuk nalh zet zet a awm far bawk nen hmuhnawm tham a tling ve ang.Tual zawl piah deuh ah chuan hotel chu a ding deuh luah a,a hmun an thlang fuh bawk a,chhawng 3 vel lek ni mahse a vang zawngin an tawlh nasa bawk a,alian tha ngang mai.








A chhung kan luh chuan awm an lo awm ve nual a,mahse tlai lam reh lai vel anih vang nge an tam lem vak lo.Hnathawk te chuan min lo chhawn vat in eng ang nge kan duh min lo zawt a.








Marcus chuan kan duh dan a sawi sup sup a,waitress chuan melh zeuh zeuh pahin a bu ve nghat nghat a,a mitmengah chuan q hma mipa chu tha a ti hle tih a hriat ngawih ngawih.







Dawhkan kan duhna pawh angai ang bawkin a kil lam kan thlang leh chat a,a chhung an chei dan simple zet ni si mahse pui ru zet si chu a hahdam thlak tak zet he hotel neitu hi chu a hausa khawp ang le!








"In order ka lo la thei angem?" Waitress nu bawk kha lo kal leh in a rawn ti sap a.Marcus a melh leh zak zak thin chu Awiteii chuan alo hmu ve tho aniang min lo signal zeuh zeuh mai.









Hma-a ber chuan order chu a siam zung zung a,mipa ho hian tinge maw uisa hi an lawm em em mai le! A duh ve lo hmeichhe ho tan bawngsa lam an lam ve bawk a,an thil chah ho pawh a turu leh hlawm teh e! Mahse sumah hi chuan kan phang lo hlawm em bawk ani.











"Sakawlha i kalna tur i hrilh em..?" henu zip ziap lah hi ngaihtuah loh hram hram tum pawh hian lo sawi chhuak hman ziah.










"Lungtiawi ngawi mai mai teh!" tihpaha ka nam bu lap chu a teu leh hlar mai.Ve lutuk reuh hian.Kan thian dang te pawh an lo nui hak hak a.Em em a,ka thluak a ka vei ngut ngut pawh ka hah pui vek tawh lai a,a ri a rawn la sawi chhuah zel ni!









"Keipawh lak luh ve mai ani ka duh tawh ni!" Ngaihsaka'n thutak zeta a rawn tih chuan kan en thap a.Afaki ngei tawk tling leh awm ani," Lak luh tur nei tha ang mai hian iak iak ve suh!" alo ti ve zat chu a melh rum teh a.Mipa ho an lo khi suk suk hlawm bawk. An ni pahnih hi zawng awmdun a inngeih thei hauh lo awmhrana in ngai leh viau si kan tih ang kha ania.Vawikhat pawh Afaki apu te khua a a zin kha alo va call sek ani awm e,lo haw tur ten alo va vau thul! nun hi chu ti kim ve tak anni.









"Taka Mamawii khan Marcus-a min lo biak rawh ati" Hma-an a rawn tih chuan kan nui hak a,Marcus ka en chuan an thusawi hre hmel pawh apu lo,min melh ngur ringawt! Ka mit ka chet zauh chuan lu thing buk in anui suk a.A zuna uai hi chu aharsa lo khawp ang hmeichhe ho tan hi chuan.Hmeichhe ho tih ah kei pawh ni tho mahila ka tan chuan unaupa ani tlat.











"Chuan Mamawii chu..?" ka tih chuan a lu a thing bak a,hepa em em hi chu! Ngaihzawng te hi nei ve se bung thar te hi kai ve tawh se tha tur ania,mahse kei pawh ngaihzawng nei tawh ang hrim a,ka la nei bik tawp silo a!











"Rochhuma,Afaki star tu deuh kha vawin ah kan hnungah a thu a" Hriatkima'n nui thaw a a rawn tih chuan eng thil nge ka hmu hman lo Afaki chuan a vawm nghal chawrh anih chu.A dak awrh chu Hma-an a nuih char char bawk.









"Thinchhe tir ter si,an thu ka ti mai alawm" Hriatan atih leh chuan a melh rum nasa si,duh lo hi kan pe na hlawm sia maw!







"I sawi leh chuan i lei kha ka ei ang!" Afaki tawngkam avang chuan kan nui tawp vek phawk zetin kan en! Keini ai mah mah chuan a lo meng zau leh nghal in ka hria,alu beng thek thek in a inhau nghal ringawt.Khatiang tawng kam mak kha a hmang mai sia,khawi atanga a hriat nge maw ni!








"Khatiang tawngkam mak kha khawi atanga i hriat nge!" Ngaihsakan alo tih chuan "ka movie en ah ania, honour lam ka ngaina tih in hriat kha" ati chuan Awiteiin a chum vak ringawt.










"Rochhuma,chuan a bem leh dawn che nge mawni..?" Marcus an Afaki fiam ve paha alo tih chuan Afaki a thinrim ngang mai,duh lo pui in chhaih luih tlat hi zawng na ve tak hi ania.







"Lalduhzual ngawi mai mai teh!" A tih chuan mipa ho chu in signal in an nui thaw hlawm a.Awiteii pawh a nui ru char char.Rochhuma! tu phuahsak nge ni ang le? Va han ho mai mai tak ka thil ngaihtuah pawh chu!






Eitur an lo dah chuan a rim tui hlawm si ,riltam a tizual nasa ngang mai.Dar 6 rikdawn vel ani tawh a,mi pawh an lo kal ve sap sap tawh bawk.An thil siam mawlh hi a rim chauh a tui hauh lo ,a tak pawh tui tak ani! Ka ei hnem ve lutuk chu ka thiante pawn min fiam nak nak a,mahse ka ei let deuh vek an ei ve tho sia!










"Thak lutuk, Thak lutuk🥵" Marcus hmel chu khawngaihthlak! Rang zet chuan tui vawt chu thli chhuak in ka lo pe vat a,ban vat in a in zo nghal vek.A thaw ham ham a,a ka chu ala sa hle aniang a àng ziau ziau mai!A kawr chung a phelh bawk,abula thu Hriatan alo zap bawk.Nge maw,bowl hranga ka dah chhuah hmarcha ka telh belhna bai kher a lo hawp ni! À thei lutuk.










"Hmarcha ka pawlh belh teuh na nih kha!" tih pah chuan tui chu ka thlih leh a,a in leh khawlh khawlh bawk.A hmai vel chu a thlan tiam tiam thei nia.










"Lalhruaizel i call tih sawi miah suh!" Awiteiin ka hming pum lawl a min rawn kohna avang chuan ka melh vak a.Eng chung chang nge maw alo sawi ve ni!








"Eng chu maw...Lungi!" ka tih chuan min melh hrawk a. "Kawngka saw en rawh!" Afakin alo tih leh chuan ka hnunglam kawngka lam chu ning fe hian ka hawi phei a.Ka mi hmuh avang chuan thla nei ila chuan ka thlawk vang vang tawh ang!







Zosangpui leh! Min rawn hmu ve chiah anig hmel,a hmel chu rum sa bawk si,a chang run ni mai hian ka hria.A mit ti hniam khui in lung awi loh hmel fe hian min melh a.Ka zam ta lutuk chu ka inhaw hlur mai! Ni china min vau na kha!







● Chawhma class kan kal leh thut sia,ka lo dah hma thei lo a,sorry lutuk●●●