29th APRIL BY PAPUII SAILO (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

29th APRIL BY PAPUII SAILO (Completed)

Unread post by Ngaia » May 23rd, 2021, 4:02 pm

dl9mtulm.jpg
29th April
CHAPTER -1





" I thiannu chu eng vang a vit maw inih? "


" Ka thiannu a nilo "


" I eng a pawh chu lo ni se Vanlalruati kha eng vang a vit nge i nih? Sawi vat rawh! " A hma zawna dawhkan beng ri thlawp pahin Cindy chuan a ti vin leh thawt a, a hma a thu hmeichhia chu a phu nghal zuk bawk.



" Ka... Keima vih a ni lo, kei.. Kei chuan ka tanpui ringawt alawm " A rawn ti bah niai a, a sawi zawh rualin a in sut ri nghal hraih. " Ka vih a ni lo tak tak, tanpui ka tum a... "



" Tanpui i tum anih chuan ngati nge police i phone vat loh,emaw ambulance pawh i ko thei reng " Cindy chuan a ti khauh leh far a, ani hi chu kan hmeichhe police zingah chuan a rum deuh ber a, mi dawp tu ber a ni. Mahse kan hma a thu mek hmeichhia erawh hi nizan zan khua in a la dawp chhuak theilo thung.




Nimin tlai thim thet thet tawhah Lunglei veng pakhatah hmeichhe pakhat vih anih thu report kan dawng a, a rang thei ang berin thil thlenna hmun lam panin kan inkhalh chhuak nghal a,a hmun kan thlen chuan hliam tuar erawh Civil Hopital lam an pan pui tawh avangin kan va hmu hman lo thung. A vittu erawh an veng YMA President inah an dah a, thil thlenna hmun ni a an sawi na lai kan en fel phawt a,evidence atan a tangkai tur ber a vihna chemte ni awm tak thisen awm niai karah a lo let bal a,forensic lam a thawn turin kan buatsaih nghal bawk.Chu mi hnuah Y.M.A President te in lam panin kan chho a.





Mipa rui deuh phel phual ka hmuh ka inrin laiin he hmeichhia a pawnlam lan danah chuan pawi sawiloh hmel tak hi a melh ngai melh ngawt ngawt chungin a lo thu khàr a, min barakhaih chiang hle anih kha! .Tunge mak ti lo teh lul ang ni?Mizoram a thleng ve thei ngailo tur a kan lo dah thin in vihna, tualthah tumna pawh a tih theih ang chu,chutiang thil chu a thleng a ni a, khaw en lai leh nghalin chuta karah thil ti sual tu ni a an puh chu hmeichhia a ni leh nghal. A hmel en chuan kum 25 bawr vel bak ala nilo ang. Engvang a hetiang thil hi ti nge a nih?





Anmahni zuk hmu hmasa bertu in a sawi dan chuan Hliam tuar Vanlalruati hi lei charah a let reng a, Zothanpuii hian chemte thisen kai nuai chu a lo hum bawk ni awmin a sawi a,chu velah au vakin midang ho a ko a,lo tlan khawmin Zothanpuii chu mipui kut a tuar hmain Y. M.A president te inah hian an luhpui a ni awm e.





Ram dang chauh a thleng tur a kan ruat kan Mizoram ngeiah a thleng chuan mipui a barakhaih hle a, an thinrim hle bawk.Kar lo vah an rawn pungkhawm a, vengchhung mipui an kim deuh thaw ang tih theih tur a ni. Thil sual titu hmuh phutin an au rual a,In bang tile pawh an ti keh nual nghe nghe. Mahse Dânin thiamloh a la chan tir miau loh avangin thil ti sualtu mah ni se,kan venhim angai a, kan tihtur a ni bawk.





Mipui thinrim in hro sa karah harsa takin motor kan hruai thleng hram a, station lam panin kan inkhalh chhuak zui nghal bawk. Kan station kan pan kawngah pawh a ngawi reng a, front seat-ah ka thu a, a hnungah Cindy leh Mapuii'n an thutpui thung. Report kan dawn tirh khan a vittu eng mi nge anih tih lam an rawn sawi tel loh avang khan mipa hlang kan kal a, kan India ram Dân pawikhawihtu hmeichhia chu hmeichhe police chiahin a man theih si avangin kan han phone leh kha ania, kar lovah an rawn thleng thla ve nghal bawk.





Station kan thlen chhoh meuh chuan dar 7 a ri tawh, an Y.M.A hruaitu te sawi dan kha chuan pawikhawihtu Zothanpuii hi an veng mi leh sa a ni a, victim erawh kha chu veng dang a ni a, chuan tunah Zothanpuii pa hi hmanni lawkah a hnathawh na ah a chêt sual avangin Damdawiin lamah a awm mek a, a fanu chauh hi enkawl tu a nei bawk.A pa a ngaihtuah miah lo nge ni hetiang thil hi a tih theih?.Mi pangngai tan chuan pâ te natna khum a an mut reng lai a, tual lo thah tum chu thil theih loh tluk a ni.





Cindy a awm tho tiin zan thum tha chu damdawi tawlh ru thin kan buaipui avangin ka tlai var deuh thaw tawh a, mut ka mamawh ve viau. Ka naute ho pawn min hrethiam tho bawk nen ka quarter lam panin ka inkhalh hawng ta kha nia.Mahni chauh a quarter ruak huai leh reh ruih a haw chu tu tan pawh thil nuam a ni lo. Mahse, a tulna in min nang miau sia le!





Zing hma takah station lamah ka inkhalh thla a,min lo wish nghal sap sap bawk. Indawpna room lamah ka tlang nghal a, Cindy'n " A tih anih loh thu bak thu dang engmah a sawi lo Sir, mahse hun a duh rei tawhlo ang "a lo ti var a, mahse ka thlen atanga darkar khat a liam pawn a ti anih loh thu chiah ala sawi tho.




"Victim chu enge a chanchin? " Ka office a Sangpuia rawn lut chu ka lo zawt nghal vat a, nizan khan midang pahnih nen Damdawiin lamah an chho kha a nia,




" Vanneih thlak takin chemte khan a pawi tur lai a zuk thleng lo chiah chiah a, chuan nizan khan operation an nei zui a, vawiin chawhnu lamah hi chuan a harhchhuah a beiseiawm thu Doctor khan a sawi bawk. " A ti dap dap a, chawhnu lamah chuan victim evidence la turin Civil hospital lamah kan chhoh ngei a ngaih hmel.




" Nih forensic test result engtikah nge a chhuah theih ang? "




" Kha mi pawh kha chhunah chuan result a hriat theih ang Sir "




" Anih chuan Zothanpuii pa chu... "




" Sir, ani pawh a tha rih e, Zothanpuii thiannu te chhungkua in an awmpui a, mahse a fanu chungchang engmah ala hre lo " Ka sawi zawh hma chuan a rawn ti zung zung a, ka nui nghal suk. Sangpuia hi chuan a hna a tlin a,a zàm a tha bawk nen ka naute ho ah chuan ka kawp tam ber pawl a ni reng bawk.




"Chuan, Sir hei hi victim Vanlalruati profile " Tih pahin file pakhat min pe a ka ban nghal vat.




Vanlalruati, Lunglei pa hausa an sawi apianga a hming lang thin Pu Kaphlira fanu neihchhun, Lungleiah pawh hian veng hrang hrangah dawr an nei thluah .Chuan thil mak tak chu tunah hian a unaupa Samuel Zothanpuia leh amah vittu a an puh Zothanpuii hi an inkawp mek chu ni!. A bial pa nau chu eng vang a vih tum nge a nih? Zawhna tam tak a awm a,Vanlalruati evidence kan lak hunah leh forensic test result a chhuah hunah engkim a chiang ang.





" Sir, Victim Vanlalruati unaupa a lokal a, kan mi hren lai Zothanpuii saw a hmuh duh thu a sawi a " Constable chuan a rawn ti a, ka chhuah tur thu ka hrilh a, a kal ve leh nghal mai.





Ka office atangin Sangpuia nen kan inzui chhuak a,kawngka dinglam sir a mipa lo ding run ka hmuh rual chuan ka ner nghal sawk. Samuel Zothanpuia ! huhh eng vang a hre nghal lo nge ka nih? Mahse kan Mizoram zim te ah hian hming inang tam tak a awm ve miau a tin ni. Chu bakah he mihring nen kan inhriat lai kha chuan Aizawlah a awm thin tlat. Ani pawn min hmuh a ring bik vaklo nge a meng deuh awk a,a mit a huatna rawn lang nghal erawh ka dem hran lo kum hnih liam ta khan a bialnu a kawp lai ngei kha nupuiah ka nei miau alawm le!





" Tihsak theih che ka nei em? " A bul ka thlen rualin ka ti nghal sup a, ani pawh a insiam tha nghal vat,mifing chin a ni a, hna leh mimal thil a thliar hrang thiam a ni ngei ang.




" A theih chuan in mi hren lai Zothanpuii saw hmuh ka duh a " Sehchilh deuh nak chung chuan a ti a



" Ka hriat sual loh chuan Victim unaupa i ni a, chuvangin a rem chiah ka ringlo, i farnu chung a tiang thil ti tu hi i hmuh chuan i thinthawk thut i insum zo lo ang tih a hlauhawm tlat "




" Chutiang a thleng hauhlo ang tih ka tiam a che. Thil zawh duh ka nei mai chauh a ni. Police station a buaina thlen duh khawpin ka â biklo a nia, nang i awm ve bawk ang a, buaina engmah a awmlo ang. " A thusawiah a chian hmel viau.





Tun a ka nupui ni mek Terini nen hian Aizawl ka awm lai khan zan khat party naah kan chesual dun a, chutih lai chuan tun a ka hma a ding mek Samuel-a nen hian an inkawp lai a ni bawk. Kan chetsual khan a hmasa ber ka nilo tih ka hria, a bialpa nen hian an chesual ve ngei pawn ka ring bawk. Mahse mak tak maiin kan chetsual hnu thla khat hnuaah a rai thu sawiin keimah min rawn puh ta daih a, ka lo inhnamhnawih ve ting tang bawk nen min puh miau si chuan ka lo pha thei bik lo nen tlanchhe lo in mawhphurhna ka la nghal hmiah bawk.




Ka chhungte beng a thleng vat a, palai an kal nghal chuk chuk bawk, induhna awm miahlo in zan khat kan chetsual dun avangin nupaah kan insiam a, Terini leh Samuel-a hi sawi hat kai khawp a, inkawp an lo ni ve a, an inkawp hria apiangin an inneih ringlo an awmlo, chutih lai a kei nen kan inneih daih si khan an veng lamin Terini an sawi duh viau. Samuela hian a tuar tih pawh a hnuah ka hre leh vek. Tu mipa in nge kan hmangaih ber te'n midang an nei chu tuar lo bik ang, chumai a ni lo a zahthlakin a tlawm thlak tel bawk.




Induhna tello a innei ni mah ila, ka nupui hming a put tawh miau avangin a bialpa hlui nen a an inzawmna ka chhut chah tir a, ka thu awihin a zawm tha viau bawk. Samuela pawh a hmu chhunzawm lo, mahse vanduai thlak takin naute thla thum a tlinin a chhiat a, naute vanga innei chu kan ni na meuh mai, then erawh ka tum phah chuanglo, ka nupui a ni tawh a, hmeichhe sual a ni lo bawk nen tun thlengin kan la innei zui bawk. Nupa kan ni a, nupa nun pawh kan hmang ve fo bawk, fa erawh kan la nei chuanglo.




Nikum khan Lunglei lamah hian min transfer a, Terini Aizawl college pakhatah a thawk bawk nen kan buai dun ve ve a, kan awmdun tamlo khawp. Ka chhungte lak atangin a chanchin chhe lam ka dawng ngailo a, mahse kan awmdun tam loh vang nge ka duh em tih pawh tun thlengin ka la hre lo. Mahse a lakah pasalin a nupui lak a a tihtur ang zawng zawng ka hlenchhuak vek thung.





❀ ZOTHANPUII POV ❀




" Min ring rawh, ka tih a nilo tak tak ka tih chu " He thu hi vawi engzat nge ka sawi tawh, mahse ka hmaa hmeichhe tawhkhirh lutuk hian min ring duh miahlo thung. Thil dang sawi tur ka hre bawk silo nen ka rilru a buai tak zet tawh !




" Mit ngei a hmu tu che an awm chung pawn i la pha a maw ! " Tih pah chuan ka biangah a rawn beng sawk a,ka mittui a hnam sawk a, a benna lai chu a thip nghal vawng vawng.




" Ka tih a nilo tak tak, min ring hram rawh " Ka sawi zawh rualin ka mal chunga ka kutah chuan ka mittui a far thla nghal fap, kawngka lam a ri rak a, min dawptu nu pawh a hawi nghal vut, kei erawh ka kun chhal a, ka chung a thil thleng hi ka hrethiam lo tak zet. Ka mang lamah tak ngial pawh ka man ngai loh thil rapthlak tak a ni, tualthah tumah puh mek ka ni. " Ka tih a ni lo " Tih bak insawifiah vak ngaihna ka hre bawk silo, Police ho lahin ka tih anih ringin nizan atangin min dawp ngat ngat leh nghal. Mangchhe rapthlak tak ang mai a ni.




" Mampui " Ti ri ah chuan ka hawichhuak vat a, Samu-a hmel ka hmuh rualin ka tah nuih nghal hawk, ka thaw veng nghal huai bawk a ni hi chuan ka tih a nilo tih a ring ngei ang tih ka chiang.




"Cindy, lo va hahdam rawh keiman ka lo awmpui ang " Tisup tu chu ka melh nghal vat a, min lo melh ve run bawk. A mitmeng zim lam mah chuan min melh ngur a, thil tisualtu melhin min melh a, a hmel rum lutuk zawng zawng nen hian a hlauhawm hluah hluah.Nichina min dawptu hmeichhia chu a chhuak nghal vat bawk.




" Inkhawih loh tur " A ti khauh fur rualin Samu-a'n ka biang a khawih tumna kut chu a la let nghal ruai ruai .




" Samu min ring ti raw? Ruati chunga khatiang thil titu kha ka ni lo tak tak ania" Beisei nei takin ka melh a, mahse a hmelah min ring em tih ka hre theilo. A mitchhingin a kutin a hmai a tuai nghal puak a, a thaw leh hluai thin.




Phuahchawp anih angin, awm ang lo lai te poh a awm ang chhiar dan inlo thiam mai dawn nia😘



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 23rd, 2021, 4:02 pm

29th April
By Papuii Sailo


CHAPTER - 2




Hei hi chhiar hmasa phawt ru🧐


Ningani zan khan lo dah ka tum a, mahse zingkar atangin zan dar 10 vel thleng kha ka buai char char a, phone takngial pawh ka khawih tha hmanlo🤧ka chau ve bawk nen Zirtawp zanah ani mai ka tia,mahse zingkar atangin current kan neilo leh char char a😭 Tukinah khan kan nei ve chiah a, ka duhloh vanga rawn dahlo ka ni miahlo ania, diktak chuan Sunday hi chu awl ka tum a, mahse ka inthlahrung sia ka reh nghal daih bawk nen ka rawn dah hram🤧🤧


Angaihnawm loh viauna in a sei tha 😂
Chhiar nuam u💞💞💞




" Engtin nge hetiang hi ka nau chungah i tih theih? " Thawk la hawlh chung a a rawn ti chuan ka bing vek, khawvel vir lai hi a chawl ta a maw tih turin ka bul vel chu a reh thuap a, ka hma a thu chu mittui tling pamin ka melh ran bawk. Ani hi chuan min rin ka lo beisei ve kha ania, mahse chung ka beiseina tlem te neih ve chhun chu tun a a tawngkam tlemte khan a rawn chhem bo vek.





" Samu " Ka ti tham tiak a, ka biangah ka mittui a luang thla nghal pap bawk. Ka tih a ni lo tih hrechiang ber tur a ni a sin!





"Nang pawn ka tih anih i ring maw? " Sawitur ber ka hre lo, ka kawchhung hi kut hmang a duh tawk a tham kual nawk nawk ang hian ana ngut ngut a, mahni inkhawngaihna in min rawn luh chilh tup tup bawk. Ka rin dan kha chuan ka tih anih a rin loh thu leh thu dik chhui chhuak tur a police ho a ngen ka lo ring kha nia ! Mahse chutiang ka lo beisei chu ka mawl zia ka hrechhuak. Tun a hliam tuar hi a thisen zawmpui a nau ngei a ni a, Ruati nen kan inmil vaklo tih hrechiang tu pawh amah Samuela tho hi a ni. Chutiang anih chuan atan chuan anau vittu ang a min rin chu a har lo khawp ang.





" Ka nau i haw viau anih pawn hetia tih kher hi a tul em ni? Zothanpui " A hmelah a rilru buai ve tho zia a lang chhuak vek,mahse a tawngkam chhuakah a nau kha ka vih ani tih a ring nghet hmiah tih alang reng a, insawifiah eng ang mah ila min ring chuanglo ang.





" Zothanpui min chhang rawh engvanga ka nau chunga hetiang thil ti nge i nih? "Ka ngawih reng avang chuan a rawn ti vin thawt a, min rawn hnaih chilh nghal ruakin ka kawr awmah a rawn tham a, ka hamhaih bawk nen engtin mah ka inveng hman lo. Hlauhlawpin ka melh reng a, hetiang a che thut hian min thawng tak zet bawk. Ka hriat thin Samuela kha a ni tawh lo! Ka hriat Samuela kha chuan min duatin engtik lai pawn min ngaihsak a ka lam atang reng thin bawk.





Vawi leh khatah hnung lam atang hian police awm ve pa khan a rawn pawt let dawrh a,kei erawh a chetdanin min thawng lutuk bawk nen ka tha a khur ru hial.





" Helai kan luh hma khan enge i sawi kha i theihnghilh em ni? " Police awm ve pa khan a ti chang hrawk a,an lo luh hma in enge an sawi ka hre lo na'ng in Samuela chetdanah a lawm loh zia chu a aw ah chuan a lang chhuak thei. Rum ri nghut chungin a inher a, vawikhat pawh min rawn en leh tawh lohin kan awmna room atang chuan Samu-a chu a chhuak a, ka tap chhuak nghal hawk.





Midang zawng zawngin min kawh rawn luai luai lai pawh a ka thlavang hauh tlat thin tu khan min ring miah lo! Chu chuan min ti na tak zet. A farnu nen kan inmillo tih chu ka pawm thlap, a unaupa tan khan kei hi min îai miau a, vawitam kalsan tur a min ti in kei ang mi rethei leh hnuaihnung, mi dawr a inhlawh ve mai mai tan hian a unaupa kha a sang lutuk tiin hnuaichhiah takin min ankhum fo thin. Thenkhat ngaihdan pawh chu chu ani.Mi dawr a inhlawh chawp ve maiin mi hausa fa ka ngaizawng kha keiman ka thlem angin leh a lakah ka inphal rai angin thil hrechiang ber ang a sawi tawk an awm fo.Mahse anih loh zia hre tu chu kei leh ka thiantha ber Dingpuii kan ni.





Ruati leh a nu lah ka dawr thawhnaah pawh rawn kalin min rawn tawngkhum chang lah a tam,min hmuh changin min hnuaichhiah zia an tilang ngei ngei thin.A nu leh a farnu in min duh lohna an tilang hreh lo va, mihring pangngai ve mai tan chuan ngaih khatah ngaih a har chang a tam,mi hausa fa nilo mah ila chapo na ka nei ve tho bawk.Inthen mai a that zawk thu ka hrilh fo va, mahse inthen ka sawi changin ngaithla duh lo vin thildang a sawi char char a, a hriatloh der hmiah thin avangin tun thleng a la inthen lo kan ni.





Anu leh a farnu te nen buaina kan neih chang pawh a ka thlavang hauh thin tu Samuela kha tunah hian ka ngai tak zet, a dar hlai hlup a min kuah bet chungin ka tih anih a rin loh thu leh engkim a tha leh vek mai ang tih thu sawi turin ka duh ngawih ngawih.Chu erawh tuna a chet danah kha chuan a thlen ka ringlo hul hual. Mahse chuti chung pawh chuan ka thinlung hian a la beisei ru fan tho





Ka kawr awm tham tâwkin ka tap rawng rawng a, ka bulah tunge awm tih ka ngaihtuah buai peihlo, ka chhunglam natna te hi tah thawl hawk ka chak ber. Kut lum hlai hlupin ka hnung a chul heuh heuh rual chuan ka zuau sawt a, ka tap uar sauh,ka tah nasat avangin ka thawk a buai a, ka tap chhuak hlei theilo. Ka âng deuh hlawi hlawi a, ka thin zawnah hian min hnawh a, ana thip vin tak bawk, ka kut in ka awm ka chum vak vak a, awmzia a awm chuanglo. Hetiang chiah hian ka nu thih khan ka awm tawh.




"Min en teh" Dam thlup a tiin alam hawi zawngin min kuai her a, ka biangah a kut phah hlai hlup pahnihin a dawm a, chu chuan ka sawithiam chiah loh thlamuanna min pe,mahse boruak ka duh angin ka hip theilo a, ka thawk a sak talh.





" Min en la, ka rualin thawk la rawh le, ka tih ang zelin ilo ti dawn nia " Boruak a hip lut a muang changin a thawchhuak leh a, amah en chungin a tih ang chuan ka ti ve zel a, tlem tlem chuan ka thawk lak a dik tan.





♠︎ Lalhmahruaia Pov ♠︎



" Sir, a vih anih tak tak i ring em? " Sangpuia chuan a rawn tichhuak hlawl. Vanlalruati a harh tawh thu an sawi avangin a statment la turin kan pahnihin Civil Hospital lam kan pan mek a,motor tam hun lai a ni bawk nen kan station leh Hospital a inhlat lo viau na chu kan tawlh chak mawh khawp.Bolero-in kan chho a,motor dang ti kiangin duh chuan hma deuhah kan thleng chho thei, mahse keini aia tul zawk an lo awm thei a, kan victim lah a tlanbo dawn chuanglo bawk nen ka hmanhmawh em em hranpa lo.




"Apa Damdawi Inah a awm mek a, amah chauh enkawltu tur a nei lehnghal, bakah tun thleng a inpuanna tur ala neih loh danah hian... "



" Sangpui, mihring hian hmai hnih kan nei theuh a, kan hmai hnihna erawh midang hriatah kan phawrh ngailo, a nilawm ni? Chuvangin mi hi kan hmuh dan leh an lan danah hian teh ngawt loh tur ania,ani pawh hian a hmai hnihna ala thukru lo ang tih tu nge sawi thei? Victim nen hian an inbakkaih fo tih kha theihnghilh lo bawk la " A sawi zawh hma chuan ka lo tihkhalh a, a bu vei nghut nghut.




Dinhmun derthawng tak anih tawh loh avangin cabin lamah an dah lut nghal tih Sangpuia'n a sawi avangin an awmna cabin lam kan pan nghal a, pu Kaphlira'n min lo chiau au vat a, Samuela pawh room thlang lam tukverh bulah a thil ngaihtuah muk hmel zetin a ding run bawk. Kan lut chu hria ang pawn a awmlo. A rilru a buai ngawt ta ve ang! A bialnu pawikhawihtuah puh a ni a, hliam tuar lah a nau.





Anu in Ruati mu chu a ko a,a muhil lo nge a rawn meng nghal siar siar a, a lu a lo siam rem sak vat bawk. Sangpuia ka signal nghal zauh a, ziak maithei turin a inring nghal thlap.





" A la na em? " Ka tih chuan a then sak ringawt.





" Niminah khan Zothanpuii te vengah khan eng ti tur a kal nge i nih? " Ka ti nghal hmuk, ka tawngka chhuak hi thunun ve viau a ka inhriat pawh hian a bul leh hmuk thin.




" Ngaihdam dil turin " A rawn ti sap



" A chhan i sawi chiang thei a ngem? "




" Hmanniah a dawr thawhnaah kan inhau a, ilo hre tawh tho chuan ka ring a, Mama nen hian an inkawp a, mahse kan khawsak insanhleih lutuk vang hi ni ber ang chu ka duhpui lo va.. Kalsan turin ka hrilh fo bawk. Chumi ni pawh chuan kalsan turin ka hrilh leh a... "




"Muang changin sawi rawh, kan nghak thei che ania " Tawng a harsat hmel em avang chuan ka lo ti leh a, thawk ala zui nghal ham ham phawt.



" Mahse ani khan kalsan a tumloh thu a lo sawi ve bawk nen kan thu a inhmu lo chho a,ka thinrim insum zo lo in kut ka thlak a, ani pawh khan tuiin min theh ve tho, chuan a chunga ka chet dan avanga ka la inchhir tur thu sawiin dawr atangin a chhuak a, chuan kan inhauhna kha engtin tin a maw Mama hian alo hria a,ngaihdam dil turin min tia, mahse a tir chuan ka tum chuanglo, a hmeichhe hmangaih ka pawmpui loh chuan ka u nih a duh loh thu a sawi avangin niminah khan ngaihdam dil tur chuan ka kal a "




" Anih chuan nimin thil thlen dan chu i la hre thei em? "



"Ummm,,Dawrah a kalloh avangin amah ka phone a hmuh ka duh thu ka hrilh a,Damdawi In atanga a haw dawn chiah thu a sawi a,an veng lam ka pan a,an In ka thlen dawn tep khan hnunglam atang hian ka hmui hi a hup bet a, chuan min vit zui a, a bak engmah ka chiang tawhlo, mahse Thanpuii hmel hi chu ka mit ka chhin hma khan ka hmu tih chu ka la hria "




" Zothanpuii ani tih i chiang chiah maw? "


" Ka chiang alawm "



"Ok, a lawm awm e, ilo dam tha vat dawn nia " Tih pah chuan ka thutna atangin ka tho nghal vut.




" Ka pu, ka fanu hetianga ti tu hi a phu tawk hremna pe ngei ang che " Ruati nu chuan a rawn ti hluai a, tawngka a chhang lo in ka bu nghut ringawt. Cabin kan chhuahsan a, Zothanpuii pa tlawh kawi ka duh avangin a awmna ward lam kan pan thla nghal.




Zothanpuii khan Vanlalruati nen a an inhauh chung chang kha chu vawiin a Samuela chhuah hnu khan min hrilh, Ruati'n an chhungkaw dinhmun hmusit takin a sawi khum tih te nen.Tuiin a theh ve thu te,a inchhir tur thu a sawikhum pawh kha zep awm miahlo in min hrilh vek bawk. Atir kha chuan ama vih anih ka ringlo hman zet kha nia, mahse an inhauh a a thusawi khum nen Zothanpuii hian a vit lo tak zet em tih ka chiang tawh lo.






Ward chhung kan luh chuan police form kan ha bawk nen damlo dang awm ve chuan min enduh hlawm hle a,Zothanpuii pa ni a Sangpuia'n a sawi lam chu ka pan phei zel a, khumah chuan a lo thu mu a,hmeichhe pakhat Zothanpuii rual vel tur hi a khum bulah a lo thu bawk.





" Ka pu, ka fanu chu engtin nge a awm? He thil hi a tih a ni thei lo ang, Ran tak ngial chungah pawh zah ngai thin em em hian a mihring pui chu a ti na duh lul lo ang, khawngaih takin thu dik min chhui chhuah sak hram rawh " An bul ka thlen rualin a lo ti nghal mawlh mawlh a, hmeichhia khan lainat hmel lutukin a lo en ngawih ngawih bawk.




" Nangmah enge i an? " Ka tum aiin ka aw a chang lam hret.




"Kei chu ka tha, khawngaih takin ka fanu dik zia min chhuichhuah sak hram rawh " A hmelah pawh a rilru nat zia a hriat theih, a lo berah kum 50 bawr chu a ni tawh ang,a vun chu nisa do thang tih hriat takin a vun a uk deuh khuih a, mistiri a ni a, mi In sa leh furniture vel siamin a inhlawh thin a,In a sak naah a lu a hai thut a,lîangah a awm lai tak a ni bawk si nen a tla na viau a, a nak ruh a sawh khi a ni awm e.





" Ani ang hmeichhe nunnem lutuk hian hetiang thil a ti thei lovang, nilo a tih a ni lo tih ka hria... " Sawi zo thei lo in a khuh zui kharh kharh a, hmeichhia kha rawn che vatin " Pa, mu hahdam rawh le, I khuh nasat chuan i chau zual leh ang" A ti dam diai a, khumah chuan a mut that tir a, thil dang tih tur kan la nei bawk nen kan chhuahsan zui nghal a.


*



"Kut ze dang chu a awm miahlo a maw?"




" Awmlo, Zothanpuii kut ze thla chiah alang, a thil tih ngei anih hmel " Doctor, Ruati vihna chemte enchiang tu chuan a rawn ti let a.




"Awle " Ti nghutin ka phone ka off a, ka ak zui nghal hmiah. Finfiahna awm thei zawng zawngin Zothanpuii kawk vek a, midang hming ri eih a awmlo bawk.




" Khawnge min hruai dawn ? " A kut a hand cuff an bun tir rualin a ti ruai a, a aw ah a mangan zia a lang a, a hawi kual ruai bawk.





" Jail-ah kan phur thla dawn che, chutah chuan i awm rih ang a, karleh lamah i Court bawk ang " Cindy chuan handcuff lock mial mial pahin a ti sap a,





"Mah... Mahse ka tih a nilo tak tak, min ring rawh u, engkim ka sawi vek tawh kha, khawngaih takin min chhuah hram rawh u , ka pa in min mamawh tawh lutuk ,min ngai tawh bawk ang, keilo enkawltu a nei hlei nem" A rawn ti tiau a, a insut ri nghal feih.





Cindy ho in jail lamah an inphur thla a, kei erawh DC te nen meeting kan neih dawn avangin DC office lamah driver nen inkhalh chho a, Damdawiin In lamah kan awm rei deuh bawk nen tum dang ang lo takin a tlai pawl ka ni.




Darkar 3 vel zet kan meeting hnuin kan zo thei hram a,station lamah chhuk thla leh phawtin tihfel ngai ang ka tifel a, ka quarter lam panin ka inkhalh chho leh nghal a. Hna tul vel a kan chhuak anih loh hi chuan keimah hian Bolero pakhat tawp hi ka kawl a, office hour-ah tih loh hi chuan driver tibuai lo vin keimah hian ka khalh mai zel.





Inchhung reh ruaiah keimahin ka lut a,eirawngbawl tih vel hi chu ka hautak lem loh avang hian keimah hian ka ti ve mai a, mahse a tihfai lam pang hi chu kar khatah vawi hnih vel lokal thin a awm thung.





Ka intihfai zawh vek hnuin eirawng ka bawl a,mipa ni mah ila upa ber ka nih avang hian rawngbawl tih vel hi chu kan tleirawl chhuah atangin ka thiam vek tawh ti ila ka nu leh pa in min tih luih tir vang a ni zawk mah,awmpui an la duh ngailo va, hna an thawk ve ve thin bawk nen tlai lamah eirawng ka bawl zauh zauh.A hun lai kha chuan hreawmin lang mah se tun hnuah hian a tangkai zia ka hrechhuak a, zahah ka la lemlo bawk.




" Ka lo zin thut maithei ania " Phone ka khawih rualin Terini message lo awm chu ka hmu nghal a, kan buai a ta langin phone pawh nilengin call ka hman zeuh zeuh bak ka khawihlo. Ka call let nghal vat a, rei vaklo a in ring hnuin a la nghal mai.




" Eng ti turin nge i lokal dawn? " Ka ti nghal sup. Induh tak a innei kan ni lo nen tawngkam thlum tak a inbiak hi kan nei ngailo.





" College chawlh a ni dawn a, ka nu hian va zin phei rawh min tia, mahse ka hre rih lo " A rawn ti tha ve mai.




" I hman dawn chuan i thu thu a ni mai. " Ka ti a, eng eng a maw kan sawi hnuah kan inbiakna kan titawp a, a kum tel kan innei tawh a, hmeichhe sual a nilo a, ka chhungte pawn an ngaina vek bawk. Mahse tun thleng a alakah feelings danglam ka la nei miahlo hi thil mak ve tak chu a ni, chuti chung chuan kan la innei ve reng tho chu ania.




Kum 33 ka ni tawh a, hmeichhia ka kawp hnem ve viau tawh bawk. Mahse tumah han vei zui leh ka lungphu tidang lam khawp ka la tawnglo. Nilo vawiin khan ka tawng... Zothanpuii hnaih tak a ka awm lai khan ka thin hi a phut dan pangngai aiin a nasa, vawiin khan engvanga hnem tum a a hnunga ka kut nghat ve ngawt nge ka nih ka hre lo,hmeichhe tap lai hi khawvel a ka thil hmuh theih loh ber anih avang pawh a ni mahna. A tahna nasat avanga athawk lak a buai vek khan mak tak maiin ka lo hah ve vek. A chhan erawh ka hre der chuang lo.




*________COURT________*



Vawiin hi Zothanpuii Court ni a ni a,anmahni in Lawyer rawihna tur sum an neih loh avangin sawrkarin a tum sak a,Samuela te lam erawhin Lungleia lawyer tha ber an ruai thung.




An inkhing a, hnehna chan tumin an bei ve ve a, Zothanpuii pawn a theihtawpin insawichhuah a tum a, mahse a thusawi ve apiang lehlam lawyer-in a khing thla a, a hmaa Ruati a lo tawngkhum dan te leh evidence hrang hrang atangin amah vih ni thei ngeiin a lang bawk si. Keipawn midang an awm miallo maw tiin theihtawpin ka keimahin ka chhui leh vek a, mahse han rinhlelh tur dang an awmlo. Eng ti hawizawng pawn Zothanpuii ah hian a tawp vek.





Finfiahna awmthei leh thuhretu te statement zawng zawng nen Zothanpuii-ah a tawp vek avangin Court-in thiamloh a chan tir a, tualthah tum thubuaiah kum 10 lungin tang tur a tih a ni.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 23rd, 2021, 4:02 pm

29th April
By Papuii Sailo



CHAPTER - 3





" Khawilai nge in lo thlen tawh? "



" Serkawn kan lo lut chiah "



"Ok,Bazar veng inrawn thlen hunah min lo call leh la Counter-ah ka lo nghak ang che " Ka ti leh a, a bulah midang an awm ve bawk nen kan inbiakna kan titawp zui nghal. Kum khat chuang hret chu Lungleiah hian ka awm tawh, mahse hna nei ve tho anih avang hian ka hna join ni leh nikum kum laihawl a a rawn kal zawk bak a la rawn kallo. Tunah pawh amah chuan helamah hmelhriat a neih em em loh avang hian rawn kal a hreh ru viau tih ka hria, mahse ka nu in a kal tur a nawr chilh deuh tlat vangin a rawn kal mai mai tih sawilo mah se ka hria.




Zothanpuii convict anih atangin kar hnih a liam tawh, a chanchin jail warders ho ka zawt zeuh thin a, a luh tirh atangin amahin a tal tam a, midang pawh tul fê ah lo chuan a be ngailo. Warders thenkhat phei chuan " A nungchang a tha em mai ! Tiang reng anih chuan a tan hun a pum kher ka ringlo " An ti zauh nghe nghe.



"Sir, Kan be lawk duh che a, i buai loh chuan ? " Cindy'n ka office kawngkhar atangin an rawn ti a, lo lut turin ka hrilh nghal vat.



"Sawi la, enge ni ta? Ka pui thei che em? " Ka hma a a thut rualin ka ti nghal sup.



" Zothanpuii chungchang kha ania, ka ngaihtuah chiang a a Vanlalruati kha ama vih nilo tlat a hriatna ka nei "



"Cindy, nangmah ngeiin i dawp a, evidence awm ang angin amah an kawk vek bawk a. A vih ngei ani tih a chiang mai lawm ni? Inhmuthiam lo sa an ni a, Vanlalruati'n a hnuaichhiah zia a tilang fo a.... Min lo hrethiam lawk " Terini call a rawn luh avangin ka pick a, Venglai an rawn luh tep thu a rawn sawi a. Counter-a ka lo nghah tur thu ka hrilh nawn leh sup.





" Ka nupui a rawn thleng tep a, ka hmuah angai tlat " Tih pahin ka thutna atangin ka tho kang a, Cindy chu tawng tum hian a ang ziau a, mahse chelh khawmuan chi ka niin a hrelo nge a bu ta nghat zawk.




Kan station chhak chiahah hian Aizawl - Lunglei sumo counter a awm avangin ke in ka chho a, Driver nen an rawn kal thei reng na in "kawng a thui sia driver nen chauh chuan a reh dawn e mai ka peihlo, Sumo-in kal ila a nuam zawk ang " A tih avanga Sumo a rawn kal a ni a, amah duhthlanna a nia hnial ka tum hranpa lo.





Minute 10 vel Counter kawt a ka din hnu in Terini te an rawn thleng a, dan pangngaiin a chhelo leh viau, hmeichhe te zawk zawk a ni hranlo a, Mizo nulaah chuan a lian pawl a ni pha, a hmelchhe lo a, a pian a inphut mawi tawk a, kan model thenkhat hian an tluklo tih ka sawi ngam sak. A nu hnap a,mipa tam tak duhthusam amahah a awmkim vek chung hian alakah hian ka danglam ngailo ho keipawn mak ka ti.




Station-ah kan chhuk leh phawt a, thenkhatin min lo fiam nghal nak nak a,nupui ka neih hmelthat thu an sawi uar hle hlawm bawk.A rawn zin khat ka tih tawh kha ka thawhpuiteah pawh hian chiang tak a hria an awmlo , ralkhat atang vekin an hre hlawm.





" I lo lut ve dawn em? " Ka office-a ka luh dawn chuan Terini bulah ka ti sup a,




" Hauh nghal bur suh, nangmahin va lut rawh kan pu nupui chu kan hrechiang ve chak alawm " S.I Pu Kima'n a lo tih chuan an lo tui hnih zui tliar tliar a, Terini ka va signal chuan a lo bu nghut a, ka luh san a. Hmeichhe fel tak a ni a, rual pawl a thiam bawk a, a tlangnel ve nghal viau. Ka office atanga ka chhuah chuan an lo hlim tlang dar dar viau. Engthu nge an lo sawi chu ka hre lo, Terini fel an tih zia ha hipin an lo sawi bawk.




Quarter awmna hi Station atangin ke pawn minute 10 kal pawh a tlinglo. Motor phei chuan minute 3 velah kan thleng thin.Terini Air bag ka khai a, kan inzui chhuak a, min chhaih zui tawk lah bo lo. Kan Station a awm ho hi chu a hmei a pa in kan inpawh tlang a, na deuh deuhin han infiam thin mah ila huat en ah tuman an en ngailo. Ka awmtirh khan an infiam na thei lutuk kha mak ka ti a, thinrim a maw tih mai tur a, han invin deuh khur khur kha an ching a, mahse Sangpuia'n a hnuah an tih dan than a nih thu a sawi ta hlauh a, ka insiamrem chho ve mai.






"Chaw chiah mi i ei thin a? " Eirawng a bawl turin fridge a hawng a, a duh ang a hmu lo nge maw ni?




" Ni bik nang, ka siam teuh zel. Ka siam zo tawh anih kha " Nui suk suk chung a ka tih chuan a ner nang nang a.




" A awm awm kha siam phawt la, naktuk zingah Bazarah chawhmeh leiin kan kal dawn nia " Ka ti leh chuan a bu ve nghat nghat a, eirawng a bawl zui nghal rak rak. Hun rei tak hnuaah keimah chauh nilo in chaw ka ei ve leh a, nidang aiin a dan a dang riau. A rawngbawl a tui bawk nen ka eihnem viau bawk.






"Hruai, min nei hi i inchhir thin em? Min neih chhan ber naute lah ka pai puitling ta silo a " Mutnaah chuan a ti sap sap a, thil hlui ngaihtuah ni awm takin ceiling a melh ran bawk. A bulah tawlh pheiin a nghawngah ka ban ka rawlh lut a, ka taksa thlawp zaihin ka ban lehlamin ka kuah bet zui nghal hmiah.





" A chang chuan maw i nun tihnawktu ang maiin ka inhre thin.Min duhlo tih ka hria,zan khat kan chetsual avangin ka pasal inih angai ta si a, Nau ka chhiat khan then daih che ka duh rum rum a, mahse inthen ila ka dinhmun tur leh mi min sawizui dan tur ka ngaihtuah a, i hre ve tho ang, kan society-ah chuan nuthlawi kan hmuh hniam thin zia pawh, chuvang chuan ka ngam ta ngang lo a "






" Naute vangin kan innei tih chu ka hria,i lakah feeling ka nei miahlo tih chu ka pha biklo, mahse then leh mai mai tur che in nupui atan ka neilo che tih hria la ka duh "





" Ngaihzawng nei mah la ka dem miahlo ang che " Zawi sap a rawn tih leh chuan ka nui chhuak hawk hawk a, mak ti deuhin ka awm zawn atangin min melh chho kalh a





" Chutiang ang a hmeichhe mamawh huam huam ka ni bik lo ania, nupui tha tak ka nei che a, ka duhtawk viau asin " Ka rilru dik tak ka sawi, nupui nei reng chung a ngaihzawng neih hi ka ngaihtuah ngailo,ka duhlo bawk.Terini hi hmeichhe sual a nilo ka tih tawh kha, kan chhungkua a tu a te zingah a tla tlum em em vek a, tuman a chanchin chhe lam a sawi tur an hrelo vek. A lakah rilru danglam ka pu theilo tih mai loh chu keipawn sawisel na lai tur ka hre lo. Chuvanga heti chen nei pawh ka ni reng a ni, engtik ni ah emaw chuan ka la hmangaih ve mahna.





" Indanna i ei thin em? "Kan thiltih zawh chiah avangin a thlan deuh chap a, a hmai a tai hlar bawk nen a duhawm viau.He thil hi ka zawh tum fo thin a ni, kum hnih kan innei tawh a, nupa nun kan hmang fo bawk. Mahse tun thlengin ala railo hi mak ka ti ru thin.




" Nau ka chhiat kum kha chuan ka ei a, mahse naute kan neih chuan ka lakah i rilru put hmang a danglam ve phah ka beisei avangin ka eizui ta lo a, mahse ka rai chuang miahlo. Ka rai thei tawhlo aniang " A rawn ti ro halh.Han hnem dan tur chiam ka hre lo, keipawn ka Terini ka en dan a danglam ka rin avanga fa neih pawh duh ka ni,ka kum pawn a phu viau tawh bawk nen,fa u ber ka ni a,mahse ka nau chiahin fa min neih khalh tawh thung,chunglamin rem ala ti lo pawh a ni mahna.






*


" Hei amah a lokal mai alawm, zawt rawh u " Station chhung ka luh rualin Zaia'n a lo ti vat a, enge an sawi ka hriat ve miau loh avangin ka hawi â deuh ho thung.





"Sir, tukinah Bazar lamah in nupa in in va intheh de re em ni? " Pakhat chuan a rawn ti nalh a, mai mai thin hlawm hian a!




"Kan intheh de re kher lo, chawhmeh leiin kan bazar " Nui hawk hawk chungin ka ti ve mai a, an ri nghal chul mai. Nidangah pawh ka kal fo a, Terini a tel tak avang arawn sawi phawn hluah.




" Hmeichhe thenkhat status i luah nasa leh pek aw ! I nupui neih an hre hlawm lo nge caption an bei lungkuai viau ania " Nui hawk hawk chungin Zaia'n a rawn ti leh chu kan vaiin kan nui ta vek.





Pang a dam chuan ni a liam zung zung a, Terini pawh Aizawl lama a pheina a rei leh tawh a, ka parawl leh ruk ruk tawh. A awm ve kha chuan titi dun hlut lo mah ila,mahni a awm ai thlawt chuan a zia zawk. Thil ruk,insual tih vel bak case lian tham em em a awm vak loh avangin lehlamah chuan kan hahdam phian.





Thil pakhat erawh tunlai hian insual rawn an intihhmuh emaw tih mai turin veng hrang hrang atangin report a rawn lut leh nawlh nawlh thin. A bikin Sunday tlaiah, rawlthar hawk lak rual tê tê a huho in an leng a, an nam ve phêt thin bawk nen,a huho in an intibuai a, hmanrua thawh tawk an awm ziah lehnghal. Hmanniah pawh chutiang vang chuan rawlthar pakhat thi chhawngin a awm phah. Ka ngaihdan chuan mipa dik tak chuan a tumpui chu a thiante nen nilo in amah chauhin hmanraw tello in kuttum nen chauh pawn a hmachhawn ngam tur a ni a,hmanraw thawh chu dawihzep hna a ni ka ti ve tlat. Kan insual hrat ve thin lai pawn inngam na na na chu pakhat leh pakhat bakin kan ti ngailo. Tunlai thangthar te erawh khawthlang lam film kan enin an rilru ah thil tha lo a tuh tel ka ti mai. Khawthlang film thenkhatah hian insual rawn leh hmanraw thawh vel hi an uar êm a, chu chu tleirawl tha zat hun lai chuan tih chak ve na te a lo awm a, an tih ve khan pâ ta riau a inhriatna an nei ni ta berin ka hria.






Mipa chu mipa a ni a, inlak pa leh vak angai tawh hranpa lo, chutiangin hmeichhia pawh inlak no kual vel vak a ngailo. Hmeichhia anih na ang khan a nu sa reng.






" Sir, Zothanpuii case hi chhui that leh ka duh " Cindy chu ka en vat a, inrintawk hmel lutukin min lo melh let ve kàlh, a hmaa ka bula a sawi thawi thuak bak kha a sawi chhunzawm leh tawh loh avangin a bansan daih tawh ah ka ngai kha ania.





" Eng vang nge tih ka hre thei angem? " Ka ti nghut





" A chhan chu rinhlelh tur dang ka hmuh vang a ni, chuvangin case hi tihnun leh ka duh, Zothanpuii hi a thil tih ni lo a hrem a ni mek hi ka hmutheilo a ni. " Inringtawk tak chuan a ti leh a, ka beng a verh ta riau thung.





" A tih a nilo tih chu i chiang meuh maw ? "




" Yes sir "





" Cindy, keipawn a tih anih ka rinloh vang khan ka theihtawpin ka chhui ve, mahse finfiahna awm thei ang zawng zawngin amah an kawk vek "





" Anih engkim kha ruahmanna fel fai tak nen a tih a ni tih sawi ila i awih ang em? "





" Pehhel kuallo in engkim sawi rawh " Ka ti hmuk a,





"Tunah chuan engmah ka la chiang ngamlo a, mahse hun rei a ni tawh lovang " A ti leh lawi si.





" Anih engvang a puih duh nge i nih? "





" Sir, chungte chu nang pawn i hria ang chu ! Police te hi mipui rawngbawl tur leh misual te man tur kan ni a, mifel, mi dik te tan tir tur nilo in. Hetia thil tisual tu zalen tak a a len laia a tisual lo tu zawk jail a lut hi a dikhlel iti ve lo maw? Kei chuan dikna ka duh a, chuvang chauh chu a ni "





" Anih tunge i rinhlelh chu ka hre thei em? " Nui suk chung chuan ka ti leh a, hetiang em em a a inringtawk anih chuan enge maw chu a hria a ni ngei ang.



Cindy'n a mi rinhlelh a sawi chu ka ngaihtuah zui neuh neuh a, mak ka ti hle bawk. Engtin nge a rinhlelh theih zawk, mahse a tih a ni ngei ang em? A hmel inrintawkna hlir a khatah kha chuan a ringhlel mai ni lo in a dik zia finfiahna chauh a mamawh tawh ni berin ka hre thung.





Ka phone ri in min tiharh a,tun ang hunah tunge ni ang, khua pawh ala var êm lo ania,rawn call tu en mang hleilo in ka chhang a, ka thu hriat avang erawhin thawh phan awmlo lekin khumah ka thu ngil nghal zawt.




" Engtik khan nge ? "




" Nichin deuh lawk khan a ni. Keipawh Damdawi In lam panin ka inkhalh chho mek " Cindy chuan a rawn ti a, khum atangin ka thochhuak nghal a, ka kal ve tur thu hrilhin phone ka off zui nghal.



Zothanpuii pa a thi !




Damdawi In lamah an la awm reng a, Thanpuii thiannu Dingpuii te chhungkua khan an chhawmdawl deuh tawp. A zia viau tawh khan ka hria ania, tunah eng a ti teh thut nge ni ang? Cindy lah khan a boral thu bak engmah a rawn sawi bawk silo. Ka insiam sawk sawk a, muangchanna chi ni a ka hriat loh avangin thawmhnaw ka hmuh hmasak sak ka inbel nghal tawp.





Zothanpuii ka rilruah a lo lan avangin motor ka start tawh chu ka phone phawrhin Cindy ka phone leh phawt a,




" Cindy, Zothanpuii'na hre tawh em? "Phone a lak rualin ka tinghal tawng.




" La hriat ka ringlo Sir, hei Damdawi In ka thleng chiah e, ilo chho tawh em?" A rawn ti let zat a.




" Damdawi Inah khan tikhan thil tul lo buaipui la, jail lamah ka inkhalh thla dawn "




"Ok, Sir chanchin kimchang ka rawn hrilh thuai ang che "




Zothanpuii case chhui that leh a duhthu min hrilh khan ka inngaihtuah nasa viau a, a fiahna neih tawh chin min hrilh a, mahse a la famkim loh thu nen lam, keipawn ka puih tur thu ka sawi ta nghe nghe. Kan theih ang angin kan chhui zui a, mahse kan rinhlelh ber kan la awh fuh theih loh avangin case pawh kan la hawng leh chuanglo. Engkim kan chhuichhuah vek hnu a hawn leh kan duh dan anih ve ve vang a ni.




Sazaikawn lam panin ka inkhalh chhuak a,tunah zing dar li bawr chauh a ni a, motor tawh tur awmlo bawk nen ka speed a sang tha viau. A neihchhun liau liau a pa boral thu midang kâ atanga a hriat chuan engtin nge a dawnsawn ang ka hre lo, keiman ka hrilh nen a danglam vakna awm dawnlo mahse kei chuan ka hnem ngei dawn tih ka hriat vang te pawh a nimahna, zing khaw var hma hma jail ka pan chuk chuk.




Kar lovah ka thleng thla thuai a, khawchhung pawh ala reh thiap. Jail lam panin ka tlan chho leh a, duty-in min lo hmuh chuan min rawn pan nghal vat a, engdang mah sawiloin Zothanpuii te awmna lama min hruai turin ka tinghal tawng a, sawibuailoin min hruai ve mai bawk.





A muhil chung pawn a hmeltha tak kha a bo chuanglo.A mu nghet lo tih hriat takin a kut a phu leh zuk zuk thin. Ka thu hrilh tur hi engtin nge a dawnsawn ang ka hre lo,mahse a hriat ngei a tul bawk si.A taksaah ka zu sawi det det a, a rawn meng siar siarin kei min hmu chu a meng deuh kawk. Kan bul vel chu a hawi nghal ruai a, midang chu tui takin an la mu.





"Min lo zui rawh le " A kutah chelhin ka kaitho a, engmah sawilo vin min zui ve mai. An mutna room kan chhuahsan rual chiahin duty kha a rawn lang ve nghal a, a chahbi hum lai chu min rawn pe nghal vat. Midang kan tih phawklek a hlauhawm avangin jail superintendent office chahbi la turin ka tir kha ania.






Office kawngka ka hawng a, ka bul a mi pawh tha takin ka tih dan danin a awm ve zel. Chhunglamah kawngka ka kalh leh thlap a, sofa lo inhungah chuan ka nem thu a, a hmaah a kut vuan chungin ka thu tung nghal run bawk.





A hmel ka en a, ka awmdan hian a thawng tih ka hrethei. Ka thu hrilh tur phei hi chuan a thawng khawp ang. A thidang zui hial mai thei bawk. A hrilhtu tur kei ngei pawh hian ka hreh tak zet. Tu mihringin nge hetiang thu hi ka dinhmun angah hian sawi nuam ti bik ang, midang ang a tulna avanga hmunkhata awm theilo an nilo lehnghal.






Ka tlin tawh ngang rihlo min ngaidam mai ru😪 next-ah changtunu hi kan chhuah tir nghal dawn em? Nge la tul rihlo e in ti?😂

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 23rd, 2021, 4:03 pm

29th April
By Papuii Sailo



Chapter - 4




" Tinge? hetiang hian i awm a,min hrem dawn mi? Mahse engmah tihsual ka nei hlei nem" A rawn tichhuak hliai chu ka thaw chhuak nghal hawk. A kut ka humna ka tinghet zual sauh.



" Nichin mai khan i pa a boral a " Ka ti zawi ta sap.



" Dawt " A rawn ti tham tiak a, mahse a mitah mittui a tling nghal pam thung.
"Dawt min hrilh reng reng suh" A rawn ti leh hlak a, a thutna a thu chho ve in nghet deuhin ka taksaah ka kuah bet nghal hlun. Talchhuah tumin a tal aih aih a, ka kuahna ka tinghet sauh thung.




" A pawi ka ti lutuk " Hei bak sawi tur ka hre lo,




" Nang hian dawt i sawi tiraw? Ni leh lo hei hi ka mumang mai a ni. Mangchhia mai a nih hi, Zothanpui he mumang rapthlak tak atang hian i harhchhuah a ngai ania " Ka taksa atangin a in la hrangin amah leh amah chu a biangah a inbeng vak vak a, a tal buai vek a ni mai. Amah a intihnat ka hlauh avangin ka taksaah ka kuah bet leh vak a, a tap chhuak zui nghal hawm hawm.




"He mumang rapthlak lutuk ata hi harh chhuah ka duh, a fanu min ngai em em thintu ka pa khan kir leh ngai tawhlo turin min kalsan lul lo ang, khawngaih takin... Ka ngen a che khawngaih takin he mangchhe rapthlak lutuk a ta hi min kai harh hram rawh.. Mawh khawngaih takin " Ka kawr awmah thamin ka mitah beiseina mitmeng nen min en chungin tap tiau chung chuan a rawn ti a, ka thin chhung hi a na nghal rawih rawih.



" Zothanpui "



" Ngati nge ka harh theih miah loh " Chhuak lutukin a rawn tap hlawp hlawp a, kuah bet lehin a chhipah ka fawp nghal vawng vawng.Thil thleng mek hi a mumang mai ni turin a duh tih hriat tak a, atap rawng rawng ri chuan min titawt ve vek thei hial. Ka awmah beichial chungin naupang ang maiin a tap hlap hlap a, a chhungkaw neih chhun apa in a boral san a ni a,a dawm hlum lo lehnghal,a nat dan tur chu amah chauh hian a hria ang.Tawngka a hnem chi anih loh avangin ka awmah nghet zetin ka kuah bet a, a khat tawkin a chhipah ka fawp leh ringawt thin.





Vawi leh khatah a taksa chu a rawn tang tawlh tawlh a, a khawng zui titih nghal der. A tap chhuak tawhlo va, a mitah erawh mittui a luang zung zung thung.A taksa a mar khawng at a, a kut nghet zet a humin a ke phah a mar at bawk. Tiang chuan a tha dawnlo tawp mai.



Ka awmdan siam remin ka tho kang a, amah chu sofa-ah chuan ka mut a, a kut leh ke hmawr chu ka hmet nghal nawk nawk.Tha hrui ka ngah ve hle chung pawn a kut hum nghet lutuk chu ka hmet zàl hlei thei der lo. Ka phone lah a lo ri ve sek bawk nen ka kekawr ipte atangin ka phawrh a, Cindy a lo ni a. Ka pick up a speaker ka on zui nghal




" Sawi rawh "



" An veng kan thleng thla chiah a, Zothanpuii chu i hrilh tawh em? "



" Hrilh tawh, Cindy,lo chhuk ve turin ka duh che " Hmeichhia a ni a, ani chuan a hnem thiam deuh ka beisei vang a ni pakhat..



" Awle, ka lo thleng thla har lovang " A ti vat a, hmanhmawh tur a hrilh ka phone ka off zui nghal.




A kut chu ka hmeh reng lai chuan a taksa chu a rawn zawi thut a, a hmai bulah ka awm hnai nghal ruak bawk. A thaw leh a mar ka check nghal vat a, alan dan chuan a thi dang a nih hmel.




Kawngkhar lock na hawng sawk sawkin duty bulah ka kal a, thut thil awmthei reng anih avang hian doctor duty hi an awm ve reng a,jail bul quarter pakhatah hian an riak mai thin.Hmanhmawh thei ang ber a doctor ko turin ka hrilh a,Kei erawh room lamah ka lut leh nghal, ka che reng reng chu ka hmanhmawh a ni ber,Zothanpuii hi engtin mah a awm tur a nilo.




Rei vaklo ah doctor leh duty an rawn lut a, doctor chuan a check zui a, hlauhthawn awm anih loh thu leh thu thinthawng a hriat vang anih thu a sawi a, damdawi enge mawni hian a jection a, darkar chanve vel hnuaah a rawn harhchhuah tur thu a sawi a, SP meuhin jail tang pakhat zing karah ka awm falpui chu mak a ti tih ka hria, mahse insawifiah kher a tulna ka hre lo.




" Ka va han lainat tak "Sofa a mu Zothanpuii eng ngawih ngawih chungin Cindy chuan a rawn tichhuak sup a, kan inhrawn rei ve tawh viau na in hetiang hmel pu hian Cindy hi ka la hmu ngailo, police khauh tak kha nilo in hmeichhe rilru no tak anih duh hmel.




Doctor leh duty an chhuak tawh a,kan pahnihin Zothanpuii kan awmpui mek. khua pawh a var tawh, Jail superintendent ka phone a thil awmzia ka hrilh tawh avangin a office hi chu kan hmang theih rih bawk.




" Eng ber maw a boral chhan ? "



" Lungphu chawl, Thanpuii thiannu Dingpuii khan a riah pui a, mahse ani pawh kha a thawng lutuk nge a tap tawp hlei theilo a, kim changin ka la hre chuanglo, Mahni ngeiin kan dawm hlum chung pawhin nu leh pa chan chu a na ngaih ngawih ania, ani phei hi chuan dawm hlum chu sawiloh a ruang dai tak ngial pawh a kil thei awm silo a, ka khawngaih e mai ! " A insut ri nghal deuh hraih.




Chu tak chu Zothanpuii ka khawngaih leh zualna a ni, duh ngawih ngawih mah se,a pa ruang hi a kil thei dawnlo. Anat dan tur ka ngaihtuah phaklo. A vanduai lutuk hi ka natpui vawng vawng.




" Anih kan misual chu ? "



" Ka rek chhuak tep tawh, amah vang a Zothanpuii tawrhna nasa lutuk vang hrim hrim pawh hian hremna na tak hmu tlak a ni " Ni e, a hmawr kan bawk twp tawh, Zothanpuii hi a zalen thei tep tawh tihna. Mahse a chhuah hunah a pa a awm dawn silo !



" Pa... Min kalsan suh... Min hruai ve rawh " Tah aw tuau a rawn ti tu avang chuan ka hawi phei vat a, a biangah mittui a luang ngiai ngiai a, a maimitchhing tlat thung. A mumang lamah a hmu anih hmel. Ka en reng lai chuan rawn meng kawkin a rawn thuchhuak nghal hluai a, ka pan nghal vat bawk.




" Ka pa kha bulah min hruai hram rawh " A bul ka thlen rualin a ti nghal tiau a, ka kuah beh hmain ka nghawngah min rawn kuah hmasa a, ka darah beiin a tap zui leh nghal hlawp hlawp.




" Pawi ka ti, hruai che chu ka duh lutuk. Mahse Dân kalh a ni. Chuvangin ka theilo "




" Aih, ka pa bulah ka kal duh alawm, thil ka tisual reng renglo a, helai a ka awmna chhan tur pawh hi a awmlo. Mawh... Khawngaih takin min hruai hram rawh, ani pawn min lo ngai tawh lutuk ang , nikhat lek pawh ka hmel hmu lo in a awm thei ngai lo a, min hmulo rei tawh lutuk min ngai tawh viau ang... " Naupangin a nu bula tap chunga thil duh em em neih a dil ang mai hian, a ngen tak meuhin min ngen a ni ber.




" Thanpui, tuar hram hram rawh. I zalen tep tawh ania " A lu a chul hliau hliau pahin Cindy chuan a ti dam diai a, a mit a sen ve ram bawk.





" Nangmah ni vang vek hi, inthiam loh vek a ni. Police nep tak in ni, Ruati kha ka vih a nilo ka ti mawlh mawlh a, mahse thu dik chhui chhuah intum lo a, inthil hmuh chin leh inhriat chin atangin thu tlukna insiam ringawt a, thu dik chhui chhuah pawh in tum lo, nangmahni vang vekin ka thiltih sual nimiah lo vangin jail ka lut a, ka pa nen kan awm hran a ngaih phah a, tunah lah..... Kir leh tawhlo turin min kalsan a, a ruang tak ngial pawh hmuh min phalsak silo. Ani kha ka chhungkaw neihchhun a ni sin, a tello te chuan engtin nge ka awm ve tak ang...Min thih tir ve nghal law law rawh u... Ka pa tello in khawvelah hian ka awm duh hlei nem... " A tir lam a sawi rin ang aiin a tawp lam chu a sawi hlei thei tawhlo, a biangah a mittui a luang zung zung chu hruk buai pawh a tum tawh lo.





Nilengin jail lamah ka awmzui a, Cindy erawh Zothanpuii pa vuina lama tel turin a chho a, Zothanpuii lah a harh chuan a tap zel a, a tap khawng titih dawn zel bawk nen. Mutduhna in a khat tawkin kan jection ta ringawt bawk.




Thudik chhui chhuah duhna in min tur ta tut tut bawk a,thil sual titu a kan rinhlelh ber hi han kal chilh rawp a, jail-ah hian tawih ral tur a, han reh chhuah nawk ka chak hle bawk. Mahse chu erawh thil tha ber a nilo, finfiahna tha kan mamawh a, finfiahna kan neihloh chuan Dânin a awih dawn miah lo.





Zothanpuii tawrhna zawng zawng hi hmeichhe pakhat la naupang ve tak tawrh a tan chuan a hlei hluak/hleihluak (ziah zawm tur nge zawmloh tur, cmt lamah a hre zawk ten min hrilh theih chuan ka lawm ngawt ang )mah mah a ni.Pathian zarah Nu leh pa ka la sùn ve lo na in, Zothanpuii'n apa a sùn na hi ka pa sùn ve ang maiin ka in hre thung. Ani tan phei hi chuan ana ngawih ngawih zual bik ta ve ang, apa nen chauh an ni a, a fanu he ti hi a ni a, a ruang hlawmtu tur a chhungte dang a neilo a, anmahni inah ruang chu a lut tih chu ka hria, a thiannu Dingpuii te chhungkuain nu leh pa chan an chang bawk. Mahse chhungkaw hran an ni a, inhrang nei an ni bawk. Anmahni lam an tul ve hunah Zothanpuii te inlamah an awm reng thei dawn lo.




Nitin Cindy nen Jail lamah kan inchhuk chhawk deuh ta ziah a, amaha tlat fal tir chi a ni miau lo. Duty te bulah pawh vil ngun deuh bik turin ka hrilh nghe nghe, mal lutuk a a inhriat avangin intihhlum ve mai a lo tumlo ang tih a sawi theih loh.




Kan thawhpui thenkhat chuan chutia jail tang kan ngaihven ta chiam chu an sawi sep sep thin tih pawh kan hria, mahse kan tihchhanah kan chiang a, thudik tak alan hunah enge an sawi leh ang?



*


" Hruai, ka rai ! " Phone atang a Terini rawn ti lang lang chu ka nuih pui suk, a aw ri ah chuan a mah ngei pawh a thawng tih a hriat.




" Thla hmasa kha ka period lo a, mahse a hun a insawn dawn hian ka awl ve thin bawk nen, engah vak ka ngailo a, mahse tun thla hi a tawp leh tawh dawn mai sia ka la period lo bawk nen inring ngam chiahlo chungin ka intest a, a lo positive a " A ti zui leh sep sep a, lawmlo tawp chu ka nilo a, mahse ka lawm em em hran pawn ka hre chuanglo.




"Ka nu te'n an hre tawh em? " Ka ti let sup




"Aih, tunah khan ka intest zo chiah a, result ka hriat rualin ka rawn hrilh nghal che , amak tiraw ?" A rawn ti leh hliai chu ka nui chhuak ta hawk. A aw chhuak reng reng a zangkhai vah.





" Call pawimawh a lo lut a, nakinah ka lo call tha ang che aw "



" Awle " A rawn tizuai raih chu ka inthiamloh leh hnuhnawh, lawm deuhin min rawn hrilh ve a, keilahin ka lo sawi ve chiam bawk silo, dik tak chuan han phur hlut dan tur ka hriat loh vang a ni zawk mah.




" Indim la aw, ka lo call leh ngei ngei ang che " Ka tih chuan a rawn nui ri ve hak.




" Aw, Cindy sawi rawh " Cindy call lo lut ka chhan rualin ka ti nghal nghut.




" Thudik chu a lang chhuak tawh e, station-ah kan lut deuh chiah " A rawn ti var a, ka chhuk thlak nghal tur thu sawiin phone ka dah a, ka insiam zui nghal.




Station ka thlen rualin Cindy te awmna room lamah ka lut tlang nghal a, zan dar 9 hnu lama ka zuk lang chu night duty ho in mak min lo ti hlawm viau.





" I suahsual luat vanga pawisawilo in a tuar nasat zia hi i hria em? " A hmai bul chet a kunin ka ti chang hrawk a, a ip nghal chawih vang chuan ka nui rum nghal hawk. Engtin nge hetiang khawp a dawihzep si hian tual thah a tum theih.





" Ka kut ngei hian ka that zawk dawn che maw ni le! " Ka aw a chang tha beng bawng viau. Zothanpuii tuar nasat zia ka ngaihtuah phei chuan pawh sawm nghal vek ani ka duh ni?




" Le! I thian tha ber thah i tum chhan chu han sawi fai kelh teh le ! " Cindy chuan a rawn ti hlak a, Sylvia-i chu a insehruh nghal tawlh tawlh. Ani hi tette atanga Vanlalruati nen a inkawp chawt an ni. Chutiang khawp a kawp nasat a thiannu chu thah a tum a nia.





" Min hmusit a, a chhiahhlawh ang mai a min ngai thintu hi thiantha ber ti a chhal tlak a ni nek lo ve " A rawn ti pawr ve hlar chu Cindy'n a beng hawi nghal sawk.




" Tha takin pehhel lo in sawi mai rawh "




" Kha hmeichhe rapthlak,tha ber a inngai midang hnuaichhiah em em thintu khan ka bialpa alo mutpui thin anih chu! An awmdun lai ngei ka phawk chung pawn khanu phiangsen khan thamlo takin min tawngkhum a, tunge lawm bik ang? Dah bo ka chak na hi a rei tawh, mahse jail tan ka duh chuang lo. Mampuii nen an inhauh ni khan ka awm ve a, an intawng khum dan zawng zawng pawh ka hre vek. Khami ni a ngaihdam a dil tum thu lam pawh kha min hrilh vek, ka lakah thil rapthlak tak a tichungin ngaihdam dil chu sawiloh min insawitheih khum a.A unaupa bialnu erawh thil ho te vangin ngaihdam a dil leh dawn thung si, khami ni khan ka zui ru a, baaammm.... Mampuii ka aiah a tal awk a,kei chu tuman min ringhlel lo.Mahse vanduai thlak takin thi tur a ka duh kha damchhuak hlauh a,amaherawh chu ser ka hnutchhiah hrim hrim pawh kha ka lawm tho " A sawi zawh rualin a hrawkah ka rek nghal chawt a, ka kut phih thlak tumin a kut a chet ve sateh na chu min hnehlo lutuk thung.





"Sir, inbeng dai rawh. A thih chuan keimahni zawk kan buai dawn ania " Cindy'n a rawn tih vang chauhin ka rehna ka thlah a, ka phih zui deuh dawrh bawk. Hetiang mihring pawh nilo hi dim a tulna ka hre lo, Vanlalruati rapthlak a tih thu te chu a sawi a, amah zawk hi nih hi rapthlak dik tak chu.Ka rehna lai tuai hauh hauh chungin a khuh zui nghal barh barh.





" Mahse, engtin nge ka tih ani tih in hriat theih ? " A rawn ti leh haw a,keipawhin hei tak hi chu ka la hre biklo Cindy hian amah daih hi engtin nge a rinhleh theih zawk.





" Damdawi In a i kal ve tum a, in inhnial na kha ka hria maw le, thinrim takin i thiannu kha i bialpa be tawhlo turin i hrilh anih kha.Mahse a tir chuan ka ringhlel chuang lo che, tihpalh thil thu tak meuh meuhin ka rin lut ve nawlh che a, ka lo tifuh ta phian anih hi! " Nui deuh sawng chungin Cindy chuan a ti tha ve mai.






" Langlo tur a thuhruk engmah a awmlo an tih fo thin kha maw ! Nangmah vangin pawisawilo-in nasa takin a tawrh phah a, ka thu chu ni se hreawm thei ang berin jail-ah damchhung hun i hmang ang.Ka thu a nilo erawh i vannei mahse a thlen dik ngei theih nan ka lo tawngtai thung ang, ka fel iti em? Itan ka tawngtai dawn anih chu ! " A tawngkam ngeiawm lutuk chu a dawngsawngtu tan chuan inhnuaichhiahna dik tak ani.






Court-a thubuai hawn leh dilna kan thehlut a, Sylvia inpuanna kan record kha kan ngaihthlak tir vek bawk a, thubuai pawh a hawng leh nghal a. Damchhung lungin tang turin tih a ni a, Zothanpuii pawh Court-in ngaihdan hial a dil a, Sylvia-i te lamin zangnadawmna sum an pe teuh dawn bawk. Chu erawhin A pa a koh let sak thei tawhlo a, a pawi tur a pawi vek tawh thung si.






Ka mit a thip lutuk a, dah loh ka tum zet tawh ania,mahse ka hmangaih zia che u hi ka rawn dah leh hram mawle 😂 chuvangin coment lamah inhmu ang u aw🤭 ads in la click loh chuan min lo click sak bawk u la🤗😘

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 23rd, 2021, 4:03 pm

29th April
By Papuii Sailo



Chapter -5




❀ Dingpuii Pov ❀



" Pa... Ngati nge... I tello te chuan engtin nge ka awm ang, i fanu hi min ngaihtuah lo mi? Ngati nge keimah chauh a he khawvel nunrawng lutuk hi hmachhawn turin min kalsan theih.... " Apa thlan chungah chuan a aw rawl tawpin a tap rawng rawng a,a tah nasat lutuk tawh avangin a aw a chhang vek tawh, a nat dan tur hi eng nen mah tehkhin chi a ni lo. A nu a chan tawh a, tunah a pa ani leh a, a ruang tawk ngial pawh a hmu bawk silo.





"T, hawng tawh ang, umm... Hawng ila i mu hahdam dawn nia " Apa thlan a thu sawp niaiin a awm zawn a tham tawk tawk chu ka zuk kuah thlawp a, kei tak ngial pawh hian a na ka tiin ka tuar thiamlo em em a, ani a fa hrin ngei tan phei hi chuan a taksa bung thenkhat sahthlak hlawk ang hial a ni ta ve ang.





"Lokal rawh hawng ang le. Ti hi chuan nangma tan a tha dawnlo ania " Tap lo turin ka insum tang tang, ka tahpui ve anih phei chuan a zuau zual sawt ang a, mal ngawih ngawihin a in hre bawk ang. Chu thil chu thleng turin ka duhlo a ni. Tunah pawh hian a tap nasa lutuk hi a aw pawh a chhuak tha thei tawhlo a,a taksain a tuar mai ang. Kei tal hi chu chak tak a ka awm angai.





"D, ka pa tello te chuan engtin nge ka awm ang, ka nu min laksak tawh a, ngati nge ka pa lehzel.Mawh... Hetiang hi nga ti nge ka chungah a thlen bik. " A rawn ti tham tuak a, ka darah ka kuah bei thlawpin ka tah chhiah ve loh nan ka heh ka pet fan fan.





" T...Mampui ...." A tap thawm a reh tak avang chuan ka dar a bei chu remlo deuhin ka zuk thlek a, a taksa a zawi ngiai a, a mit a chhing chial bawk. Thawhpui mai ka tum a, kan awmdan a remlo bawk nen min bawhbet ti tih a,kan intiat deuh reng a, a zawi vek bawk si nen ka thawhpui mai theilo.




Ka phone phawrh tumin ka bag ka dap a, kan taksa inkarah Mampuii'n a delh beh tlat avangin zipper pawh ka hawng hlei theilo.




" Shitt, hrep tak hianin" Ti hluk ri ka hriat rualin kan bulah S.P Hmahruaia a rawn lang hlawl a, engmah hre lo tih hriat tak a min bawh bet titih tu Mampuii chu eng khaw sawi set set lo in a rawn pawm kang nghal lawp a, a kalpui nghal daih. A rawn lang thut bawk si leh a chet dan chuan min ti hamhaih vek, hetah enge a rawn tih ve ni? Mampuii a pawm daih leh nghal.





" Min rawn zui dawn em? " A rawn tih leh nghut chuan ka harhchhuak zawk a, ka thutna atangin ka ding nghal hluai a,ner deuh nawng chungin min lo melh ngur anih chu!





A lam pana ka pen rualin a kal leh nghal a, Mampuii a pawmna chuan a pen a ti bahlah eih lo. Step-ah te chuan a pen chho pawk pawk a, A pen zau bawk nen, vawikhatah pali te a pen kan a, a hnungah thaw hlawi hlawi chungin ka zui ve dat dat.





" Kawngkhar kha lo hawng rawh, chuan lut nghal la, i mal chungah a lu kan nghat dawn nia "a bolero hunna kan thlen rualin a ti zung zung a, keipawh chuan kawngkhar pawt hawngin ka thu lut nghal zat.





Kan veng thlanmual leh kan In hi ke a kal chuan a inhlat hranlo, mahse motor chuan a kawng a kual ve deuh thung. Kan kawmchhak lampang inthumna velah Mampuii te hi an awm bawk. Kan in awmna ka hrilh rualin a tlanchhuak nghal a, front mirror atang chuan hnunglam chu a rawn en leh zeuh thin a, chumi rual chiah chuan pik hmel deuh hian a thaw chhuak leh hawk thin bawk.






Kan kawtah motor a tih thih duk rualin a thutna lam kawngkhar a hawngin a chhuak nghal vut a, a hnung kawngkhar chu rawn hawng lehin Mapuii chu a rawn pawm leh nghal a, inchhung lamah a kal zui leh nghal. Kei erawh a awmdan vang hian ka la pangngai hlei theilo.





" Vawiin angah chuan thlanah kalpui nghal lo tur inia sin " Khum a mu melh ngur chung a a ti chhuak hrawk chu,a aw bul hmuk bawk nen ka ip nghal chawih.





" Ka hria lawm, haw tlangpui nghal ka tum a, mahse, amah khan min ngen nasa lutuk bawk nen ka hnial hneh nganglo a ni " Tim deuh tak chuan ka tichhuak hap a, a rum ri nghal nghut.





" Rawn kallo phei ila chuan, hrep hianin.... " A thu tha reng chu a ding chhuak hluai a, thaw chhuak hrawk chungin a hmai a tuai nghal puat a, room chhung zimteah chuan a vei tawn sek bawk nen boruak a ti pik zual vek nimaiin ka hria.





Vawiin court zawh khan kan Inah haw tlangpui nghal ka tum kha ania, mahse apa thlan kal duh khan ngen tak meuhin min ngen a.Ka tan chuan hnial a harsa tak zet. Thlan kan thlen khan chawhnu dar 2 vel ania, tunah khua a thim thet thet tawh.





Ka nu leh ka pa an lo hawng a, Pu Hmaa pawh a let leh tawh, Mampuii erawh dar sarih velah pawh ala harhlo. Ka room-ah kan mut a,ka nu nen a bulah thuin kan awmpui reng bawk.





A taksa khal ve talh thin kha hmuh tur a awm tawhlo , a cherin a dawl dang em em a, chaw a ei ngai miahlo em mawni tih tur a ni. Jail-ah thla thum chiah a awm hman a, mahse hmuh theih khawpin a rawn cher chhuak thung. Mut mu a hmu ngailo nge a mit hnuai a valh kalh a, kan inhmuh hnuhnun ber kha chuan hetiang em em hi a nilo,apa thi a tuar hle tih a hriat a ni.





Pa Muana Damdawi In lamah ka awmpui chawt avang khan Court ni pawh khan ka kal ve lo a, ka nu leh pa leh U Mapuia an kal kha ania. Jail a luh hnu khan vawikhat chu ka zuk hmu ve a, a tih anih loh thu sawiin min lo tahkhum chiam a, ka khawngaih lutuk khan ka tlawh nawn leh duh ta lo bawk. Pa Muana a boral zui ta bawk nen, kan chhungkua pawh kan buai chho nak nak viau. Têtte atanga inkawm chho kan nih avang hian kan chhungte pawh an inpawh a, mihrang ang nilo in unau ang maiin an in en a, engkimah kan inban tawn vek thin.





Case ngaihtuah nawn a nih dawn thu min rawn hrilh khan kan chhungkua min thawng a, mak kan tih rualin kan lawm hle bawk. Ka nu nen phei chuan kan tap chhuak hawk nghe nghe. Ka pa leh U Mapuia pawh sawi chiamlo mah se an hmelah an lawm zia a hmuh theih hial. U Mapuia a hna a chawlh theih loh avangin ka nu leh pa nen court kan pan a, thutlukna a chhuah hnu khan ka hruai haw turin ka kutah an dah a,an hnaah an let leh ta kha a nia.






" I harh em? " A chet deuh hrat avang chuan a hmai bulah ka awm hniam a, rawn meng diar diarin a mit a khap zui nghal fak fak. Ka thaw nghal huai thung. Khum sir a tui bottle a ka tui dah chu no ah thli chhuakin ka intir a, dang hnawn tham lek bak a in lo.




" Mu hahdam rih la, nakinah kan intifai ang a, chaw kan ei dawn nia " Zangkhai vahin ka ti a,





"D, engmah ka eichaklo " A rawn ti tham chhel chu ka ner nghal nawng. Engmah a eiloh chuan a damlo thei mai ang.






❀ Zothanpuii Pov ❀




" Ka nghak ve reng che a, i thiannu hi riltam a min thihtir i tum tihna mi? Ka riltam theih zia i hriat kha " Ti nai nai tu chu nidang chu ni se ka nuih leh chiam chiam tawh ang, mahse tunah chuan chutiang mood -ah ka cheng hlawllo.





" Ni e, Mampui chaw i eiloh chuan i chau lutuk ang, intih chak i mamawh ania " Nu Amawii chuan a lo ti ve bawk a, chaw ka mamawh tawh zia chu keipawn ka hria, ka pa thih atang khan engmah ka ei mumal tawhlo, eiloh an phalloh avang khan ka dawh ve hram hram a, mahse tih tham ka ei ngailo ka kâah hian engmah a tui hlawllo.




" Ka rawn lut tawp mai asin ! A pawi viau em? "Rawn titu avang chuan ka meng deuh kawk a,kawngka hnung chhawn zawngin ka mu a ka inher chuanglo. Ka hmaa thu Dingpuii pawh chu a meng deuh kawk tho.





" Ehe! Pu Hmaa chu i rawn kal leh ani maw! Lokal rawh lo thu rawh, vawiin-ah kan fate i lo buaipui tih te kan hria a, kan lawm lutuk ania, hei hetah hian lo thu rawh " Nu Amawii chuan a lo ti hlut a, Dingpuii bula thutna chu a lo kawhhmuh sawk sawk bawk.




" I harhna a rei tawh em? " A thut thlak rualin a tisup a, mit tizim sunin min en a, mahse ka chhan hmain Dingpuiin a lo chhang vat a, chaw ka eiduh loh thu nen lam a sawi nghal vek anih chu! Ka hma a palian pui thu khur chu a ner nghal sawk bawk.




" A ei dawn alawm, Dingpui zuk siam sak rawh. " Titu chu ka melh nghal vat a, min lo melh ve run bawk. Hrim hrimin enge hetah a rawn tih? Engvang a rawn kal ve ngawt nge anih? Chuan Nu Amawii thil sawi kha enge awmzia , ani hian tlaiah chuan engtin nge min tanpui? Ka pa thlan a ka tah vak kha ka hria a, chuan nichin lawkah ka harh tih nen a bak engmah ka hre lo.




" T,I ei dawn maw? " Dingpuii'n lah chuan a rawn ti ang he haw zui. Tho harh peih ila chuan ka kuk fawk duh ang.




Ka ei dawnlo tih sawi tum a, ka ang ziau tawh chu a rawn tawng leh avangin ka tawp leh chawt. " Zuk siam rawh, tlem tal a ei ngei ngei angai, a ei ngei bawk ang " A ti nghet leh charh.He pa hian helai hmun hi Police Station a maw a ti mi, tinge a duh duh a thu pek a siam ve ngawt a.





"A tha lawm, ka zuk siam a nge, nu lokal rawh chhuk ang " Ti leh Nu Amawii kaihthawh ve a rual a, ka mitmeng a kallo tur a ka ngenna chu a hre lo der hmak a, an inzui chhuak nghal daih. Room a reh nghal tlawk tlawk a, ka hma a thu run pa chu ka ngei lutuk , chal chuar tap chungin min melh run bawk si nen. Ka puan sin laiin ka inkhuh nghal hmak.





Ka chhuah theihnan a thudik zawng chhuaktu a ni tih chu ka hria, ka pa vanga ka nat ngawih ngawih lai khan ka bulah a awm deuh char char tih theih tur a ni bawk. Mahse khami avang ngawt khan a thusawi a piang ka um e tur tihna a ni chuanglo. Hetiang a ka awmchhan hi amah vang hi niin ka hre tel bawk. A chhan pawh ka tih anih loh thu tap teuh chung a sawiin, min chhuah tur a ka ngen lawm lawm lai khan min awih sak duh lo a, thla tlemte ral hnuah thu dik a chhui chhuak leh tho si. Tiang leh tur te chu a tirah khan chhui nghal law law se, ka pa ka chanlo ni mai tur. Ka pa, he khawvel a ka chhungkaw neih chhun liau liau ni tawh kha, keimah ngeiin ka enkawl ang a, tun thlengin a la dam ni mai tur. Samuela te unau leh ka hma a thu khùr pa vang vek hi a ni.






" Lo tho rawh le, chaw ei i ngai ania " Ka che eihlo,ka sawi tawh kha keipawn ka mamawh zia chu ka hailo, mahse tunah rih chuan engmah ka ei chak lo tak tak a ni.





" Ka kaihthawh kher che i phut anih hmel " Tih leh ka puan sin lai hlim a rual a, min chawi kang deuhin ka lukham kham lai khum lu ah a tung a, min nghen tir nghal hmiah bawk.






" Ka ei peihlo ka tih chu " Ka aw zawi lutuk chi keipawn ka hre chang chang, mahse a hre tho tih ka hria,





" Tikhan lo awmpui lawk mai rawh aw, ka zuk intifai ve lawk ang " Dingpuii chuan a ti lang lang a, a lu a buk nghut rualin a chhuak zui nghal daih.




" Ang rawh le ! " Ti supin fian a chaw a suah chu min rawn barh tumin ka kâ zawnah tak a rawh dah a, ka chip hmak thung.






Naktuk zing thawh hma ngei2 ka ngai a,ka mengrei ngamlo,dahloh ai tak meuh2 🤧ka type tlai bawk si nen. A tawi bawng turh🤣next-ah link ngaiah hian ka rawn zawm leh ang🥰🥰




* ZAWMNA 🦋🦋*




♠︎ Lalhmahruaia pov ♠︎



" Ka ei peih lo ka tih chu ! " A rawn ti tham chhelh a, ka kut erawh dahsawn ka tum chuanglo. A eitam thei dawnlo tih chu ka hria, mahse tlem te tal chu a ei ngei ngei tur hi a ni ringawt mai a ni.




" Ka kut a kham ania " Ka tichhuak sup chu nin hmel deuh hian a thaw chhuak nghal hliai. Ka fian ken chu ka ti che zeuh a, rum lutukin min rawn melh nghal rawm a, ka nui suk thung. " Ang rawh le... Ka naute duat " Zawi sapin ka ti leh a, a hmui pet sawi zauhin a meng kual nghal ralh. A hmel en ringawt pawh hian a ei chak loh zia a hriat theih.




" I lawm tawh em? Ka ei peih tawh lo. Inhnuaiah dahthla la nangpawh i haw nghal daih dawn nia " A chaw hmuam thial niap niap chungin a rawn ti tan tan a.




" Fian khat lek i ei pawn i aw a rin phah sawt ania, adang ei belh leh phei la chu keipawn ka hneh tawh miahlo ang che " Ka thusawi naupang chhia lutuk avang chuan kei ngei pawh hi ka nuih a za.




" Lee... Ang leh rawh le, chaw ei tur neilo tam tak an awm laiin nang erawh ei luih tir pawn i ei tha duhlo ania.....sawi sual ka nei mi ? " A rawn tah chhuah hawk avang chuan ka ti zawm zat a, a inhnit zui leh nghal hlawp hlawp avangin ka plate ken lai chu khum sir dawhkanah ka dah a,amah chu ka kuah bet zui nghal hmiah.





" I hria em? Ka pa pawn chaw ka ei duh loh chang chuan kha thu kha min hrilh ve ziah zel. " A duhtawk a tap ta maw tihchuan a rawn phun sap a, ka awm zawnah chuan a la inhnit feih feih tho.




" I tawrh ang ka la tawrh ve miau loh avangin a nat dan tur ka hriatthiam pui lo che. Mahse ti zawng hian ngaihtuah rawh,kal tawh chu kal tawh an ni a, la ngai viau mah ila a bul a awm tawh tur a Pathianin a duh miau chuan keini a siam mihring te hian kan phalloh theih leh kan dan theih a ni silo a.A rorel tih danglam theih lah kan nei hek lo. Mahse maw ! Thil mak deuh chu a hunlai hian hreawm viau mah se, kan hma hunah thil ropui tak min chhawp sak thin avang hian natna min lo pe reng thin zawk, engkim hi ama remruat anih tih ring la, i tan a tha tur zawk zelin a rel thin tih hria la, i pa pawn amah sún a lungchhe tak a tap reng tur hian a duh miahlo ang che. "





" Tinge tiang hian i awm a?, tinge min ngaihtuah deuh ang hian i awm? " Ka awm zawn atanga min rawn melh chho ralh chung chuan a ti a.




" Tur lui tu che an awmloh chuan i chau chhe der mai ang a sin, chuvang chuan chaw ei leh tawh rawh le... " Thleng chu la kang lehin fian chuan ka suak leh a, a kâ zawnah ka dah leh nghal a, " Ang leh rawh le "




"Ninawm, engmah ka ei peih lo. Nang pawh haw tawh rawh. " Ti hmakin a mu thla a, blanket-in a inkhuh zui nghal hlun. Engtik laiin nge maw a mood a lo chhiat leh hman ni.





*


MZP in Zirlai te tan career guidance Saikuti Hall-ah a buatsaih a, chutah chuan thusawi ve tur a min tih angin ka kal ve a. College lam leh Higher zirlai tam tak an rawn kal khawm nual bawk.Thalai tam tak an nih tum kawng zawh tur a puitu tha tak anih avangin tha ka ti viau, a khat tawk hian kan neih reng a tul in ka hria.




Stage-ah kan thu a, hnunglam atang a chhuahna kawngkhar bula usher ding chu Thanpuii ni zanin ka han hmu a, mahse an awmna lam a thim deuh mup nen a hmel ka han hmuchiang theilo thung. Pianah erawh a ang viau.





A chhuahni a ka kal bak kha chu hna lamah kan buai char char avangin ka hmu leh tawh lo a, kar khat a liam leh tep tawh bawk.Khami ni khan midang nen kan inbiak laiin a lo bo daih a, amah ka ngaihtuah bawk si nen an in lamah ka inkhalh thla a, a lo inkalh thiap bawk si nen khan ka mangang hman tak zet bawk. Kha hmeichhia ka hmelhriat tha leh ka chhungkhat pawh ni lovang khan ka mangang ve em em ringawt kha ka innuihsawh leh thul. Mahse a dinhmun ka hrechiang a, thiamloh chan tir anih na ata zalen tawh mah se an In a thlen hunah a mal tawh zia a inhre chhuak dawn tih ka hriat vang pawh a ni mahna,ka ngaihtuah ru em em tho va, apa thlanah a kal anih ringin an veng thlanmualah ka tlang thla ta kha ania.





Cindy'n a tlawhpawh zeuh zeuh a,a thiannu te Inah a la awm ve thu leh a chhuah tirh ai thlawt chuan a zia deuh tawh tih thu min hrilh khan ka lo thaw veng ve huai ringawt. Amah hmuin be lo mah ila ka ngaihtuah bang chuang lo, enge a chhan ka hre tawh bik lo,ka kut ngei a chaw ka barh hmasak ber a ni bawk.






Programme a zo a, hruaitu dang te nen kan inbiak kawi leh hnuin Station lamah chhoh nghal ka rilruk avangin function hall ka chhuahsan a, mihring an tam bawk nen an phu mur mur a, thla min lo lakruk sak pawl lah bo lo, Mahse heng hi chu ngaih khatah ka nei tawh. Kan station hi Venglai-ah a awm a, Lunglei-ah chuan veng lun lai a ni bawk nen, college student tam zawk hian kan station an paltlang bawk. Station kawt a ka din lai anih phei hi chuan thla min lak ruk sak fo tih ka hria, a sawm a min sawm chawt pawh an awm bawk. Social media lamah ni se ka active lo hle chung hian hmeichhe lamin min follow nasa viau.





Ka hma zawna hmeichhe hawi vual vual ka hmuh chuan nui sukin ka pan ding nghal, nichina ka hmuh kha ka ring suallo tih ka chiang ta chiah bawk. A ban a a sana bun lai en in a ner leh sak thin chu hmuhnawm ti lutukin ka en pah reng a, a bul vel a amah thlir vawng vawngtu mipa thenkhat te chu hmu awm pawn a awmlo.





" Hey " Ka va ti sup chu a phu nasa lutuk chu a khawngaih thlak zawk, a awm a dawmin maimitchhing chungin thawk ala zui nghal vang vang.




" Min lo nghak rei em? Min lo be kawi leh alawm, aahh.. Pu Hmaa chu ! " Kan bul a rawn thlen rualin a rawn ti sawk sawk a, min hmuh rualin mak ti hmel a pu nghal bawk.




" In haw tawh dawn em ni? "




" Ahh... Ih... Aw kan tum dan chu ania " A rawn ti bah leh niai a, Thanpuii erawh a ding ngawi reng.




" Lokal rawh u, ka thlah haw ang che u " Engvang a sawi ve ringawt nge ka nih pawh ka in hre teh hrep lo ve a.





" Maw...Nangman maw?Naa...Ka tih awmzia chu min thlah dawn maw?Mahse..."




" Min thlah tluk zetin kan lawm lutuk e, ngailo mai rawh se, lokal rawh D kal vat ang " Rawn titu avang chuan ka ner sawk a, melh pawh min melh eih lo. Enge ka rual a haw chu a duhlo nachhan ? Nge ni a mipa anmahni hruai haw tu turin a nghak mek zawk? Haah... Mipa dang bulah nilo in ka bulah a hawng ang.





" Hey.... Enge itih? Khawi min lo pe rawh ? " Ti sehchilh nak tu chu ka nuih suk, a bag ken lai ka laksak miau alawm le!




" Hei hi i duh chuan ka rualin in haw angai ang, inngaihtuahla, ground-ah ka lo zuk chhuk a nge " Tih leh kal ka rual nghal a, a thiannu thil sawi ri chu a bengchheng bawk nen enge a sawi tih tak ka hre zui tawhlo. Kan tawng pawh kha midang ho kha chuan an hre kher lovang, mahni rak rakin an rak hlawm a, a ri mur mur a, kan tawng ring hranlo bawk.






Ground-ah chhuk thlain ka bolero hunna lam ka pan vat a, minute 3 pawh tlinglo-ah an rawn inzui chhuak ve nghal. Ka motor hunna a biru lo bawk nen min rawn hmu nghal mai a, driver seat atangin tum bar chung a Zothanpuii rawn phei chu ka lo nuihpui suk suk thung.





Nula vantlang pawl a ni a,a nu hnêp sa tho na in sam sei hniang chuan a ti lang hmeichhia bik leh zual. Kan inhmuh tan tirh lai a a vun sen no chek leh a taksa khal ru ve tak kha chaw a ei that loh vang nge a cherin a dang bei reuh a, mahse chuti chung pawh chuan a hmeltha tak erawh a bo chuanglo.





" Kan In awmna kha i hre tawh tiraw ? " Dingpuii chuan a ti vat a, bu nghutin ka tlanchhuak zui nghal.





" In usher teh daih a ?" An ngawih reng avang chuan ka ti a, darthlalang atangin ka han en chho a, Zothanpuii chu a thutna lam darthlanglang nghengin a mit a chhing chial a, a damlo a ni hial zawk lo maw a ni hi ?





" Nia, Min sawm a, keimah chauhin ka kal peih silo a Mampuii hi ka sawilut tel a, an lo remti ve mai bawk sia "a ti sam leh et reuh a.




" Ka zun a chhuak lutuk tawh " Inchhung kan luh rualin Dingpuii'n a ti hlut a, bathroom lam panin a tlan phei nghal that that. Keini pahnih erawh sitting room lamah kan inzui phei a, ka thut thlak lohna lamah chauh hmel deuh hian a thu thla nghal hnak.




" I damlo mi? I va chauh hmel ve "




" Dam tha, khawi ka bag kha min pe la haw tawh rawh " A ti hlak. Nge maw haw tur a min duh em em zel ni?





" Duh lo ta ila "





" Min pe vat vat rawh, ka lu ana, mut hahdam ka duh ania "




" I lu anat te chuan Hall-a kal ve lo khan mut hahdam daih tur che lawm " Ka ti nghut chu a thaw nghal hak.





" Nangmah a nilawm ni, ' i pa in amah sún a tap reng turin a duhlo ang che ' ti tu kha, In a ka awm te chuan ka ngaihtuah a, tumlo mah ila ka tap zel a, chuvangin hmalam pan ka tum mek anih hi "a rawn ti bak hlar a. Kei erawh ka nui suk thung, ka thil hrilh avangin hmalam pan alo tum ve reuh anih chu!





" Chuan, ka thu chu i zawm ta a ! " Amah melh ngur chungin ka ti leh sup a, ner nang chungin a heh a pet nghal zauh.




Min chhan tum a a ka rawn ang ziau chu ka phone ri avangin a tawp leh chut a, ka phone ri chu hunlo ti lutukin ka rum nghal nghut. Ka kekawr ipte atangin ka phawrh chhuak a, ka nu...





" Aw.. Nu enge ni? Ka buai deuh hlek a, i hmanhmawh theih chuan " Ka tih zawm zat, ka hma a thu chu ka melh ding ngar a, ani erawhin min melh duh thak lo.





" Terini hi..! Englo ania... "




" Terini chu engtin maw? A tha em? " Ka thu ngil nghal auh.





" Hello.... Nu ila awm em? " A rawn tawng leh lawk siloh avang chuan ka ti nawn leh a, lehlamah chuan an inbia nge tawngri ka hre thei.




" Bawiha nakinah ka lo be tha leh ang che " Tih leh ka chhan ve hma in phone a off zui nghal daih.





Ka nu awah kha chuan a mangan hmel deuhin ka hria, engthil nge thleng teh hrep, ka nu chu ka call nawn leh a phone ala thei tawhlo. Chutiang bawkin ka chhungte dang pawh.





" Thil thleng a awm a mi? " Tim dai a titu chu ka en vat a, min lo melh ve ran bawk.





" Ka hre lo " Ka ti hap, ka hre bik miau hek lo. Terini chungah chuan enge thleng ang, tukin a kan inbiak pawh khan a tha hle si a.




" I hahdam loh hmel em a, thil tha lo a thleng a maw ka tilawm " A tih leh chuan ka nui tawi tak ringawt.




" Ka va haw phawt ange , lo in enkawl tha zui la, hmalam pan hi a sual miahlo ania, hmalam i pan a, i lu súnna a reh avang khan i pa i theihnghilh tihna ani chuang lo. " Ka ti sup sup a, a hmui tisawi zauhin a bu ve nghut nghut bawk.

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 23rd, 2021, 4:03 pm

29th April
By Papuii Sailo



Chapter - 6




Dingpuii te in atangin ka inkhalh chhuak a, motor khalh chung pawh chuan ka chhungte ho chu biak ka tum char char a, angai te in an la la thei chuanglo. AmahTerini phone-ah phei chuan a tlang pawh a tlang thei tawhlo. Ka nu rawn tawngdanah kha chuan thil tha lam a nilo tih chu a hriat, ani hi a tlu sual a ni mai angem? Nilo chutiang a thleng theilo. Pik lutukin steering chu ka chum ri nghal pawp a. Ka phone a rawn ri zui zat chu rang lutukin motor hmalam a mi chu ka ban nghal.




" Aw.. U.. Engthil teh hrep nge thleng, tinge tuman phone in lak theih phiangsen loh " U Nunthari a tawng hma hma chuan ka tichhuak nghal hrawk. Ka U ka biakdan tur a nilo tih ka hria, mahse ka insum hman thlawtlo a ni.




" Mama, inbengdai teh a tha vek tawh, kan buai deuh nuai nen phone ngaihtuah hman pawn kan khawsa hmanlo alawm "




" Enge buaina chu sawi ta si che mawle.. " Ka tih leh hluk rualin a chek tlak tlak ri ka hre zui nghal.





" Lalhmahruai thinchhe viau zel suh, dawhtheihna te hi nei ve thin teh. Ka sawi zawh hun te nghak ve phawt ta che " A rawn ti bak ve hlar a.




" Anih Terini chu... " Ka ti zawi ta sup.




" Thi suk a nei tih chu i hriat kha, chhunah khan thingpui in turin a rawn chhuk thla silo a, ko turin in room-ah ka han chho a, a thi a lo put a, khami vang khan nikhaw hrelo in a lo awm a.Ka nu nen chauh inah kan awm bawk nen driver a awm bawk silo a, kan buai hman alawm " A rawn tih chuan steering chu ka hum nghet viau tawh. Nau a chhiat nawn leh tihna a ni thei a ngem?





" Nau erawh a chhiat loh thu doctor-in a sawi a, tunah Damdawi Inah kan la awm mek " Ka rilru a awm hria ni awm tak chuan a rawn ti a, ka thaw chhuak nghal huai.





"Amah a harh tawh em? " Ka tih chuan a harh tawh thu a sawi a. "Khawi ka lo bia ang " Ka tih chuan min fiam zui zat.




" A ngaihtuah deuh che niang a be duh che " Nui har har chung a a ti ri chu ka hriat phak avangin ka ner nghal sak. U Nunthari hi chuan Terini laka ka rilru put hmang a hre ve vek, engkim ka hrilhna thin ber a ni bawk.




"Ummm " A rawn ti sap a, ka rum ri nghal nghut.




" I indim lo mi? " Ka tum aiin ka aw a chang lam hret. " Hruai... "




" Terin, indim tawh ang che, ka fa anat dawn ai chuan i hna pawh kha chawlhsan mah la pawi ka tilo.Ka nupui ini a ka mawhphurhna i ni, hna thawklo mah la ka chawm thei lutuk che. Ka fa kha hrisel tak a a rawn pianchhuah ka duh ber, chu chu hre reng rawh " Ka tawngkam a nel awm loh viau. A rawn tawng leh hma in ka phone ka off zui nghal hmiah bawk.




Eng thil teh hrep nge ka hriat pawh ka hre tawh bik lo, a thil tawnin a thawngin, a hlauthawng ve ang a hnemtu tur ka nih laiin khatiang khan ka tawngkhum a, mahse ka rilru a kalsual nge ka fa hi pai puitlin tumna a neilo ang tlat a hriatna ka nei. A hmasa pawh engmah insawiselna a neilo a, kan theihtawpin kan ngaihsak em em vek bawk. Mahse ka hna kal hlanin a nau chhiat thu ka nu in min rawn hrilh a, duh vaklo a nei nimah ila tu mihringin nge mahni fa ngei chan chu nuam ti a, hlim a lawm ngai.





Station lamah kal tawhlo in quarter lamah ka tlang chho a, gym kal turin ka insiam nghal. Tunah chuan ka rilru tawt lutuk hi ka paih then angai. Venglai gym hi ka quarter atanga hnai ber anih avang hian ka inziak lut ve a, mahse ka buai thin bawk nen ka kal zeuh zeuh chauh a ni. Aizawl lamah erawh Inah insawizawina tur hmun zau vaklo ka nei a, tah chuan exercise ka la mai thin.





" Hotupa chu i rawn lang ve teh mial elo? " Min hmuh rualin Chama'n a lo ti nghal hlut a, a nei tupa a ni a, kan inkawm thei phian bawk.



"Nia mawle, ka lokal khat lutuk a dul a kiar tan dawn tlat,paih thawl a ngai" Ka tih chuan a nui hawk hawk a.




" Sawrkar zem zente chu a dul kiar apiang an lal hmel bik an tih kha maw ! " Fiamthu ti tak deuh a, a tih chuan ka nui ve ta hak. " Tikhan lo tan hmiah hmiah rawh, kan nula ho saw ka va ngaihven ve lawk a nge " Nui hui chung chuan a ti leh zat a, ka piah deuh a hmeichhe awmna lam chu a pan zui a.





" Hetah ka hmuh hlawl che chu " Ka bul mai atang a rawn titu chu Samuela a ni. Chhan tum lemlo in ka dumb bell chawi lai chu ka tih chhunzawm mawlh mawlh a.




" I zarah Mampuii a zalen leh a lawmthu hrilh che ka duh a " A thu rawn sawi avang chuan ka dumb bell ken lai chu dahthla in ka dinchilh nghal run a. " Hnaih leh lo tum tawhlo la, chu chu i lawmthu sawinaah ka ngaihsak ang che " Ka ti chang fak.





" Ka bialnu ala ni reng a, then tumna ka nei lo bawk. Zaninah ngaihdam ka dil ang a, ani pawn min ngaihdam ngei ka ring, a chhan chu min hmangaih miau a " Chapo tak chuan a ti a,a hmaiah tak hnek lo turin ka insum tang tang thung. Kut ka thlak anih chuan keimah hi ka mualpho dawn miau.





" Samuel Zothanpuia mi mawl tak kha ila ni reng anih hi, tu hmeichhiain nge a mamawh ngawih ngawih lai a ringlo tu leh hawisantu a bialpa chu ngaidam duh ang. A bikin Zothanpuii, hmeichhe lunglian lutuk phei chuan a ti lo tawp ang " Nui lui sak chung chuan ka tihkhum a, a insehruh na lamah a bek ruh a pawng zui nghal tawlh tawlh.




"Wow wow... Kan officer-a hian nupui nei reng chungin hmeichhe dang a ngaih melh ava nih hmel ve ! " Sawi fuh inti lutukin a nui zui nghal hak.





" A hmasa zawk ka neih sak tawh che a, tun ami pawh hi ka ta ani lehlo ang tih tunge sawi thei ?" A dar a ben sak thuk thuk chungin ka ti sak chu a meng buai deuh nak.





" I nupui chu a khawngaihthlak hle mai "




" Chung zawng ilo buai ve angai hauh lo Bawiha, i tihtur zawng chu Zothanpuii hi lo hnaih tawh lo la a nimai. " Ti leh hmukin ka kalsan a.





Zothanpuii hi ka duh em chu ka hre lo, mahse kha mihring amah ring miahlo tu nen khan in hnimhnai leh turin ka duh der lo.A hnaihlohna tur anih chuan ka hmeichhia angin hre mah se pawi ka ti miahlo bawk.Zaninah ngaihdam dil a tum thu a sawi tiraw kha'h ? Huhh... A thleng a ngem kan hria ang chu.





Ka intifai zo chiah tihin ka nu in min lo phone avangin kan in be leh rih a, Terini chu anau Atlani'n ' zanin chu Damdawi Inah awm rih se , keiman ka lo buaipui mai ang' atih avangin Damdawi In a a riah tur thu a rawn sawi a, Atlani hi Doctor ani a, a tho thang a tha bawk nen. A bula awm a nuam a, keipawh min ngaina der thiam ve viau. Ka lungawilo in a hria nge Terini erawhin min rawn phone lo a, biak ka tum hran bik lem lo bawk.





Chaw ka eikhamin tihtur hran a awm lemlo bawk nen Station lamah ka tei thla a, ka tih ngai loh thil anih avangin an lo phul hlut hlawm.Hna khawih laklawh lai ka neilo bawk nen ka awl lai tak anih vang chauh a kal ka ni. Inah lah biak tur an awm bawk silo. Thenawm te inah leng ang ti dawn ila, quarter hi a fal deuh nalh avang hian thenawm ti a sawi tur chuang pawh an awm hran lo.





" Sir, hei lo tel ve rawh kan inchawi dawn " Sangpuia'n nui suk suk chung a a tih chuan ka lu ka thing zauh, card an khel leh dawn anih hmel. Awl deuh hi chuan an indawl ziah zel.





" Enge in inchawi dawn a ! " Ka ti ta zawk a, duty eiturin a chaklo zawkin âr ke lei tur anih thu a sawi chuan ka nuih a za ru hle.





" Zanin chu keiman ka lo show mai dawn che u mi ni ang ? " Ka tih chuan an phur hlawm ngang mai. " Sangpui, min lo zui la kan zuk lei dawn em ni? " Ka tih zawm zat a,





" Tiang anih dawn chuan zan tin rawn tei thla ziah la a tha ang " Siama'n a rawn tih fiamthu chuan an nui dar dar hlawm a.





Kan station thlang lawkah hian zan tir atang hian sumo leh leng vak thenkhat rinchhan hian street food an zuar thin a, thenkhat chuan chawhmeh chi deuh lam bai tih te an zuar bawk a. Hotel a thleng ho hian an dawr fo bawk. A thar lam thin bawk nen a tui dan a dangdai bik riau zel. Chulam pan chuan Sangpuia nen kan inzui thla a, hnai te anih avangin ke in kan chhuk thla mai.





" Sir, enteh saw saw Zothanpuii ava ang ve " Ar ke a zuartunu in a kang kan nghahlai chuan Sangpuia chuan a rawn ti sup a, a hawina lam ka hawi ve vat bawk.Ka va hmuh rual erawhin ka insehruh teuh thung. Zothanpuii chu enge mawni kangin a buai hmel hle a,a hmuhnawm phian mahse a bulah Samuela teh hrep kha lo dingin Zothanpuii thil kan sa chu polythene-ah lo khungin customer ho chu a lo pe zel anih chu ! Zothanpuii lah chuan ngaimawh awmin a awm der lo leh nghal.





" Sangpui, lo han chho rawh. Nakinah ka lo chho ve ang, ka rawn peng tawh kherlo mai thei bawk. " Ka ti hmuk a, a mitmengah chuan ka awmdan teh thut chu mak a ti tih ka hria, mahse engmah sawilo in a bu nghat a, a kal zui nghal nal nal.





Zothanpuii te pahnih chu ka en a, ka kut ka hum ruh nghal vak, engtin nge khati khawp a hreawm a tawrh nachhan mihring saw a hnaih leh theih. A hmelah chuan engmah thleng lo ang maiin a awm ni maiin ka hria, chutih rualin tlai lam a Samuela'n ngaihdam a dil dawn tih a sawi kha ka hrechhuak nghal, Hrep che hianin Zothanpui ! I ngaidam chu ni lul suh se !





An lam panin ka phei a, anni erawh chuan an hmaah ding an awm avangin min hmu lo anih hmel. An lam ka pan chhung zawngin Zothanpuii lak atangin ka mit ka la sawn map lo. A thil kan sa chu suak chhuakin tel a ti thli thlawr a, Samuela polythene keuah chuan ava dah lut thin a, chumi zawng a an taksa innawk vel avang te chuan ka thisen hi a lum bulh bulh thei.






An hmaa ding te an kalsawn rualin ka va ding ve vat a, min hmu thut chu mak a ti deuh nge meng deuh awk. Ka then lui sak thung. Ka kut humruh tlat chu ka kekawr ipteah zen lutin an hmaah chuan ka ding khawng luah a, Samuela erawhin ' ka sawi reng kha ' ti niawm fahranin min lo nuih sak, min hretu awm ve nual nilo se chu a thal tawp tawh ang.





" Pu Hmaa chu, duh i nei ve mi ? " Zothanpuii chuan a rawn ti bah nak a, ka ner nghal sawk,Pu Hmaa.... Huhh! Pu min ti nih chu ! Zet che hianin leh Zothanpui !






" Ka call ila theilo a " Ka tih chuan a ka hau chu ka nuih suk, kei hian call chu sawiloh a number pawh ka nei reng reng lo.




" Khawi i phone ? " Ti lehin a hma zawnah ka kut ka lekchhuak a, ka â ta amaw tih melh hian min melh kawk thung.A bula ding ve reng pa awmdan avang erawhin nuam ka ti zual sauh.





"Bawihte Ka dawhtheilo tih i hriat kha, khawi i phone chu le.. " Ka tih leh sup chuan a indap ve rak rak a, a phone chu rawn phawrhin min pe ve mai reuh anih chu! A lock loh avangin ka hawng vat a, check kual ni awm takin ka lang na in ka phone ka call daih thung.





❀ Zothanpuii Pov ❀




Nu Amawii thiannu Nu Tlanpuii Mizo fed kawt vel a street food zuar thinin 'Zanin chu min lo pui teh u Dingpuii nen,ka nau te an awm silo a,hlawh ka pe ang che u' atih tlat avangin kan zuichhuak ve a, a hmun kan thlen takah chuan a nuam reuh phian, Rodingpuii a phur ber berah atang a, kan kal dawna a peih vak loh teh lul nen. Ka tih ngailoh ni mah se, ei rek rek siam ka lo thiam sa bawk nen a nuam ka ti riau, a tir erawh kha chuan hlawh min pek tur thu a sawi avang a zui ka ni pakhat, Dingpuii te chhung hi an felin an chhungkaw zing a mi ang maiin min ngai a, min enhranna an neilo. Mahse chumi vang ngawt a an bul a awm reng ka tum chuang lo. Ka awmhran ve hunah pawisa ka neih loh chuan tiin tun atang a inkhawl tan beuh beuh hi ka ngai. An chhungkaw bulah erawh ka la sawi lang miahlo thung, an phal dawnlo tih chu ka hre sa tho na in,kan In a keimah a awm chu ka tum dan tho a ni.





" Nu Tlanpui maida hi a zo daih ania " Ka tih chuan a rawn en nghal vat a, a chak zui nghal tlak tlak.




" Ken tur a ka dahchhuah loh zawk an lo khung anih hi, ava buaithlak thin tak, engtin nge ni ang aw ! " A ti vang vang a,





" D, scooty khian zu kalpui lawk mai la, inrei tawp nang, keiman ka lo buaipui thei mai ang " Ka ti vat a, " I indaih dawn mi? A kan nen, pack sak nen i va buai awm ve " Min ngaihtuah hmel deuh chuan a ti hliai a.





" Kal vat mai teh u Rodingpui, chef bawn lutuk ka nih hi, tiang mai mai te chu ka hnehsawh lutuk " Ka ban phar meuh a ka ti chu min nuih dun hawk hawk. " Mahse... "




" Amak thin,min ngaihtuah suh ka tha alawm " Ka ti chu ngaihthat loh hmel deuh hian min en leh a, a chhan pawh ka hria, mi ho hian min en chung a an phun leh sep sep thin vang a ni. Vawiin pawh khan Hall-ah khan ka tawng a, mahse hei hi chu ka tawn ve tur rengah ka ngai. Ka chanchin khan Ram pum a dengchhuak a, ka thlalak pawh a darh hneh hle bawk. Thu dik hre leh vek tawh mahse, insawisep peih hnam, kan tana tangkailo tur pawh titi tui ber a nei thin kha kan ni miau a. Hreawm chu ka ti ve tho, mahse ka tih anih loh na na na chuan heng te hi chu hrelo derin mênah thlak a ngai ve bawk ang chu. Nakinah chuan min sawi reng peih tawh nang.




Naktuk zan hi kan commitee dawn a, ka hmanlo mai thei ania aw❤

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)